J961

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J961</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J961&coll=lithang">see text in Tibetan script</a></table>107.185b<br><font size=+1>

rgya gar skad du/  ma hA sa mA dza sU tran nA ma ma hA sU tra~M/ bod skad du/  mdo chen po 'dus pa chen po'i mdo zhes bya ba/ dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan 'das shAkya rnams kyi ser skya'i gnas kyi nags tshal na/ dge slong lnga brgya thams cad kyang dgra bcom pa/ zag pa zad pa/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba sha stag dang thabs gcig tu bzhugs so/ /de nas bcom ldan 'das dge slong gi dge 'dun la mya ngan las 'das pa dang ldan pa'i chos kyi gtam ston par mdzad de/ de'i tshe na phyogs bcu kun gyi 'jig rten gyi khams dag nas dbang che bar grags pa dbang che bar grags pa'i lha dag lhags nas/ bcom ldan 'das dang dge slong gi dge 'dun la bsnyen </font><hr>107.186a<br><font size=+1>

bkur byed do/ /de nas tshangs ris kyi lha tshangs pa'i 'jig rten gnas pa bzhi zhig 'di snyam du sems te/ sangs rgyas bcom ldan 'das de ni shAkya rnams kyi ser skya'i gnas kyi nags tshal na/ dge slong lnga brgya thams cad kyang dgra bcom pa zag pa zad pa/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba sha stag dang thabs gcig tu bzhugs so/ /de nas bcom ldan 'das dge slong gi dge 'dun la mya ngan las 'das pa dang ldan pa'i chos kyi gtam ston par mdzad de/ de'i tshe na phyogs bcu kun gyi 'jig rten gyi khams dag nas dbang che bar grags pa dbang che bar grags pa'i lha dag lhags nas bcom ldan 'das dang / dge slong gi dge 'dun la bsnyen bkur byed kyis bdag cag kyang song la bcom ldan 'das la re re nas tshigs su bcad pas mngon par bstod par bya gor ma chag snyam mo/ /de nas tshangs ris kyi lha bzhi po dag 'di lta ste/ dper na skyes bu stobs dang ldan pas lag pa bskum pa las brkyang ba 'am/ brkyang ba las brkum pa tsam gyis tshangs pa'i 'jig rten nas mi snang bar gyur cing / bcom ldan 'das kyi spyan sngar lhags te phyogs gcig tu 'khod nas tshangs ris kyi lha gcig gis tshigs su bcad de gsol pa/ 'dus pa che la gzhol ba yi/ /lha tshogs kun nas lhags gyur pas/ /gzhan gyis mi thub dge 'dun la/ /blta ba'i slad du bdag cag mchis/ /tshangs ris kyi lha gnyis pas tshigs su bcad de gsol pa/ drang por gyur pa'i sems kyis ni/ /'di na dge slong rab brtson pa/ /kha lo ba ltar mig blangs shing / /dbang po rnams ni legs sdom bgyid/ /tshangs ris kyi lha gsum pas tshigs su bcad de gsol pa/ dbang phur 'od pa 'obs 'dra ba'i/ /phur bu rab bcom bkrir mi tshugs/ /de dag sred bral dag spyod cing / /'dren pas glang po gzhon ltar btul/ /tshangs ris kyi lha bzhi</font><hr>107.186b<br><font size=+1>

pas tshigs su bcad de gsol pa/ gang dag sangs rgyas skyabs mchi ba/ /de dag ngan 'gror mi mchi zhing / /mi lus spangs par gyur nas kyang / /lha yi lus ni thob par 'gyur/ /tshangs ris kyi lha bzhi po dag gis de skad ces gsol nas de nyid na bag bcum ste 'khod do/ /de nas bcom ldan 'das kyis lha'i 'khor thams cad la rnam par gzigs nas dge slong rnams la bka' stsal pa/ dge slong dag kye ma lha rnams kyi 'dus pa 'di ni che ba yin no/ /dge slong dag kye ma lha rnams kyi 'dus pa 'di ni shin tu che ba yin te/ de bzhin gshegs pa dgra bcom pa yang dag par rdzogs pa'i sangs rgyas gang dag 'das pa'i dus na byung bar gyur pa'i sangs rgyas bcom ldan 'das de dag la yang 'di lta ste/ dper na da ltar nga'i lha rnams kyi 'dus pa chen po 'di kho na lta bu dag 'dus par gyur to/ /de bzhin gshegs pa dgra bcom pa yang dag par rdzogs pa'i sangs rgyas gang dag ma 'ongs pa'i dus na 'byung bar 'gyur ba'i sangs rgyas bcom ldan 'das de dag la yang 'di lta ste/ dper na da ltar nga'i lha rnams kyi 'dus pa chen po 'di kho na lta bu dag 'du bar 'gyur ro/ /dge slong dag lha rnams kyi ming dag brjod par byas/ lha rnams kyi ming dag zung shig /gang dag sa la gnas pa dang / /gang dag ri khrod gnas pa rnams/ /seng ge bzhin du tha dad la/ /sems bsdus mnyam par bzhag byas shing / /kun nas 'dus par gyur pa ni/ /spu dag zing zhes byed pa yin/ /gang dag sa la gnas pa dang / /gang dag ri khrod gnas pa rnams/ /seng ge bzhin du tha dad la/ /sems bsdus mnyam par bzhag byas shing / /kun nas 'dus gyur spu zing zhes/ /byed pa bdag gis brjod par bya/ /yid byang dag cing rab dang la/ /rnyog med 'chi bdag spangs pa rnams/ /tshangs pa'i 'jig rten mthar thug pa'i/ /lha dang mi yi bar na 'khod/ /slob pa lnga brgya phrag gnyis dang / /gzhan yang brgya dang bcu dag dang / /stong phrag du ma rnams dag gi /lha rnams 'dus par gyur pa dag /mtha' nas mtha' ma mi mthong zhing / /phyogs rnams thams cad khyab gyur pa/ /</font><hr>107.187a<br><font size=+1>

sangs rgyas kyis ni de mkhyen nas/ /de bzhin gshegs pas rnam gzigs te/ /de nas ston pas bstan dga' ba'i/ /nyan thos rnams la dge slong dag /lha tshogs mngon par lhags gyur gyis/ /nges par rtogs shes bka' stsal pa/ /tshigs su bcad pas mthar chags kyis/ /de dag rnams kyi ming brjod kyis/ /rtse gcig gyur pa'i yid kyis ni/ /nga yis bshad pa mnyan par gyis/ /ser skya'i gnas kyi nags tshal gyis/ /gnod sbyin stong phrag bdun po dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /gser can stong phrag drug po kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /shar phyogs rnam rgyal tshal gyi ni/ /ri mnyam stong phrag gsum po dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par bzhugs/ /de ltar stong phrag bcu drug kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /gnod sbyin chu srin rgyal po'i khab/ /yangs pa la ni</font><hr>107.187b<br><font size=+1>

rtag gnas shing / /brgya stong phrag ni mang po yi/ /gnod sbyin bsnyen bkur byed pa dang / /gang dag de yi 'khor rnams dang / /de yang 'dus pa'i nang du 'ongs/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /kun gyi bshes gnyen lnga brgya dang / /rdzu 'phrul chen po kun gyi lha/ /gang dag de yi 'khor rnams dang / /de gnyis kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /shar phyogs mngon par skyong byed pa/ /rgyal chen grags dang ldan pa ni/ /dri za'i bdag po rgyal po ste/ /ming ni yul 'khor srung zhes bya/ /de ni nye du lhan cig tu/ /glu dang gar gyis rtag tu rtse/ /gang dag de yi 'khor rnams dang / /da yang 'dus pa'i nang du 'ongs/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /de la bu ni mang yod de/ /brgyad bcu dang ni bcu dang gcig /de dag ming 'thun grags pa ni/ /dbang po zhes bgyi stobs po che/ /lha dang lha min g.yul 'gyed par/ /kun tu gzhan gyis mi thub pa/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /lho phyogs mngon par skyong byed pa/ /rgyal chen grags dang ldan pa ni/ /grul bum bdag po rgyal po ste/ /ming ni 'phags skyes po zhes bgyi/ /de ni nye du lhan cig tu/ /glu dang gar gyis rtag tu rtse/ /gang dag de yi 'khor rnams dang / /de yang 'dus pa'i nang du 'ongs/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /de la bu ni mang yod de/ /brgyad bcu dang ni bcu dang gcig /de dag</font><hr>107.188a<br><font size=+1>

ming 'thun grags pa ni/ /dbang po zhes bgyi stobs po che/ /lha dang lha min g.yul 'gyed par/ /kun tu gzhan gyis mi thub pa/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /nub phyogs mngon par skyong byed pa/ /rgyal chen grags dang ldan pa ni/ /klu yi bdag po rgyal po ste/ /ming ni mig mi bzang zhes bgyi/ /de ni nye du lhan cig tu/ /glu dang gar gyis rtag tu rtse/ /gang dag de yi 'khor rnams dang / /de yang 'dus pa'i nang du 'ongs/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /de la bu ni mang yod de/ /brgyad bcu dang ni bcu dang gcig /de dag ming 'thun grags pa ni/ /dbang po zhes bgyi stobs po che/ /lha dang lha min g.yul 'gyed par/ /kun tu gzhan gyis mi thub pa/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /byang phyogs mngon par skyong byed pa/ /rgyal chen grags dang ldan pa ni/ /gnod sbyin bdag po rgyal po ste/ /ming ni lus ngan po zhes bya/ /de ni nye du lhan cig tu/ /glu dang gar gyis rtag tu rtse/ /gang dag de yi 'khor rnams dang / /de yang 'dus pa'i nang du 'ongs/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /de la bu ni mang yod de/ /brgyad bcu dang ni bcu dang gcig /de dag ming 'thun grags pa ni/ /dbang po zhes bgyi stobs po che/ /lha dang lha min g.yul 'gyed par/ /kun tu gzhan gyis mi thub pa/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od</font><hr>107.188b<br><font size=+1>

dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /shar phyogs na ni yul 'khor srung / /lho phyogs na ni 'phags skyes po/ /nub phyogs na ni mig mi bzang / /byang phyogs na ni lus ngan po/ /rgyal po chen po de bzhi dag /'jig rten skyong ba grags dang ldan/ /rdzu 'phrul chen po stobs po che/ /phyogs bzhi dag ni skyong bar byed/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /de dag gi ni khol po rnams/ /mchod rten mang la gnas bcas pa/ /slu byed g.yon can sgyu ma can/ /sgyu ma shes dang rnam shes dang / /ngan spong khro gnyer lhan cig tu/ /de tshe rdzu 'phrul ston cing lhags/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /gnod sbyin dang / gnod sbyin chen po dang / gnod sbyin gyi sde dpon dang / dmag dpon 'di dag kyang der kun nas lhags te 'di lta ste/ dbang po zla ba chu lha dang / /ba ra dwa dza skye dgu'i bdag /dbang ldan tsan dan 'dod gtso dang / /mgrin ngan dang ni mgul nges dang / /spobs ldan nor bu nor spyod dang / /sgra rab dang ni nye lnga dang / /ri mnyam gser can gang po dang / /seng ldeng ba dang g.yon can dang / /gnod sbyin ba skyong 'brog gnas dang / /rgyal ba khyu mchog mi'i rgyal po/ /dri za sna tshogs sde dang ni/ /lcags mdung ring dang ma ldan dang / /tshig lnga ser po yid dga' dang / /gnod sbyin ring po 'khor dang bcas/ /'bras bu gsum dang mgul gsum pa/ /'gro gnas ji snyed yod pa yin/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par</font><hr>107.189a<br><font size=+1>

lhags/ /lhan cig 'byung ba'i klu dang ni/ /'jog po dang ni yangs pa 'ang 'ongs/ /la ba dang ni mgyogs mchog dag /srung byed 'gro dang lhan cig lhags/ /klu bdag bran bzang bu dang ni/ /yul 'khor srung dang glang po che/ /'jigs byed che dang sa srung bu/ /rdzu 'phrul ldan pa'i klu yang 'ongs/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /gang zhig klu rgyal zil mnan len/ /stobs ldan mig rnon 'dab chags bya/ /de min 'dab bzang khra bo yang / /mkha' las tshal du mngon par 'ongs/ /de tshe klu rgyal mi 'jigs byin/ /ston pas 'dab bzang bde mdzad cing / /gsung 'jam brjod pa de nyid la/ /sangs rgyas skyabs su nye bar song / /gang dag de yi 'khor rnams dang / /de yang 'dus pa'i nang du 'ongs/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /lag na rdo rjes pham byas shing / /rgya mtshor rten pa'i lha min rnams/ /thams cad nor lhas skrag gyur cing / /mtsho la skyabs su 'du shes pa/ /thags bzangs ris dang rab bkra dang / /rab sim byed dang btang bzang dang / /stobs ldan bu ni brgyad po kun/ /rnam snang byed pa'i bu rnams dang / /stobs ldan sde dang sgra gcan bzang / /dpa' chen khyod kyi dus lags zhes/ /dge slong 'dus pa'i nags tshal du/ /go cha bgos te lhags pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /chu lha mo dang bu mo dang / /zla ba mo yang phyi bzhin 'ongs/ /mdza' bshes ma dang chu lha can/ /lha mo grags ldan nyid kyang 'ongs/ /sa dang chu dang rlung gi dang / /mi yi lha mo 'ang 'ongs gyur te/ /bcu tshan tshogs bcu de dag kun/ /kha dog sna tshogs</font><hr>107.189b<br><font size=+1>

ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /khyab 'jug lha dang gshol can lha/ /mtshe ma gnyis kyang lhags par gyur/ /zla la gnas pa'i lha rnams kyis/ /zla ba nyid ni mdun du bdar/ /nyi la gnas pa'i lha rnams kyis/ /nyi ma nyid kyang mdun bdar cing / /char pa 'bebs par byed pa dag /rgyu skar rnams kyis mdun bdar lags/ /thams cad bzang po rdo rje can/ /brgya byin khyer 'jig 'ongs gyur te/ /bcu tshan tshogs bcu de dag kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /lha mo tshogs can ma dang ni/ /me lce'i rtse 'dra 'chi ltas can/ /zhi ba mo dang dka' zlog ma/ /me tog gos can 'ongs gyur cing / /rgyu ba mo dang mtshan chings bzang / /'chi med rnam pa du ma dang / /gang zhig phyogs su char 'bebs pa/ /'dod lha'i dbyangs can ma yang 'ongs/ /bcu tshan tshogs bcu de dag kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /sngo bsangs sngo bsangs chen mo dang / /mi 'dra mi 'dra dam pa dang / /rtsed mos myos dang de bzhin du/ /yid 'khrug ma yang 'ongs gyur cing / /phag mo phag mo chen mo dang / /slong ma des ma lhan cig lhags/ /bcu tshan tshogs</font><hr>107.190a<br><font size=+1>

bcu de dag kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /dkar mo rgyags byed snying rje dang / /gos sngon mo yang 'ongs gyur cing / /skra dkar mo la sogs pa dang / /gos ser mo yang 'ongs par gyur/ /'phrog ma rtag tu myos pa dang / /spel ma rnam pa du ma dang / /dag pa dang ni 'od can ma/ /lha mo grags ldan rnams kyang lhags/ /bcu tshan tshogs bcu de dag kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /bde byed dga' ldan 'thab bral dang / /nag po btab pa du ma dang / /lum bi ni dang lum bi mchog /skar ma zhes bya legs smon dang / /'phrul dga' rnams dang de bzhin du/ /dbang sgyur rnams kyang lhags par gyur/ /bcu tshan tshogs bcu de dag kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /lha tshogs drug bcu de dag kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong</font><hr>107.190b<br><font size=+1>

rnams la phyag 'tshal zhing / /'dus pa'i tshal du mngon par zhugs/ /tshangs pa'i 'jig rten stong dag gi /tshangs pa chen po zhes bya ba/ /kun 'gyed gzhon nu skar rgyal de/ /so sor dbang sgyur dbang phyug bcu/ /rdzu 'phrul ldan pa de dag dang / /lhan cig 'grogs te der lhags pa/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /dbang sgyur byed pa'i 'phrog ma mo/ /kha dog gzugs mchog ldan pa yang / /bu rnams kyis ni yongs bskor cing / /de dag rnams kyi phyi bzhin 'ongs/ /gang dag de yi 'khor rnams dang / /de yang 'dus pa'i nang du 'ongs/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /dbang por bcas dang dbang ldan bcas/ /skye dgu'i bdag dang bcas pa yi/ /lha rnams de dag der lhags shing / /dge slong rnams kyang der lhags so/ /nag pos smras pa'i tshig la ltos/ /'dod chags kyis ni 'di zung la/ /bcing ba gyis dang khyed la legs/ /'di dag kun nas yongs bsdus la/ /'di dag gson por ma btang zhes/ /de na nag po sde bo che/ /sde rnams la ni skul byed cing / /khros shing rang dbang med gyur nas/ /rang yang mngon par zhugs gyur te/ /lags pas sa la brdabs nas ni/ /shin tu 'jigs pa'i sgra phyung ste/ /ji nas lha yis sprin phreng dang / /glog dang bcas pa'i char yang phab/ /sangs rgyas kyis ni de mkhyen nas/ /de bzhin gshegs pas rnam gzigs te/ /de nas ston pas bstan dga' ba'i/ /nyan thos rnams la dge slong dag /bdud sde mngon par lhags gyur gyis/ /mngon par rtogs zhes bka' stsal pa/ /brtson par byed pa de dag gis/ /sangs rgyas gsungs pa thos nas ni/ /de dag spu yang mi g.yo bas/ /de dag chags bral yin par rtogs/ /</font><hr>107.191a<br><font size=+1>

rgyal sras nyan thos de dag ni/ /slob ma rnams dang lhan cig dga'/ /de dag g.yul las rnam rgyal zhing / /'jigs bral grags dang ldan pa yin/ /bar gyi sdom ni/ bdun stong gser can ri mnyam dang / /de bzhin gnod sbyin chu srin dang / /kun gyi bshes dang rgyal po rnams/ /de bzhin khol po gnod sbyin dang / /klu dang mdab bzangs lha min dang / /chu lha mo dang khyab 'jug dang / /tshogs can ma dang sngo bsangs dang / /dkar mo bde byed dbang phyug dang / /kun bgyed gzhon dang 'phrog ma dang / /dbang bcas bdud dang dge slong ngo / /de nas gnas gtsang ma'i lha shin tu dbang che bar grags pa rnams mdo sde bstan pas yi rangs par gyur nas de'i tshe tshig 'di dag gis 'dus pa chen po'i mdo bshad do/ /bcom ldan 'das bdag cag gis kyang tshig 'di dag gis mdo sde 'di yang dag par bsnyad par bgyi zhing / yang dag par brjod par bgyi lags so/ /de la gsang sngags kyi tshig ni 'di dag lags so/ /tad+ya thA/ te dze te dza ba ti/ tsid tre tsid tra ba ti/ la te la ta ba ti/ kha me kha ma ba ti/ k+She me k+She ma ba ti/ b+ha dre b+ha dra ba ti/ ya she ya sha ba ti/ dU te dU ta ba ti/ tsa pa le tsa pa la ba ti/ kha tse kha tsa ba ti ti/ bcom ldan 'das 'di dag ni gnas gtsang ma pa rnams kyi gsang sngags kyi tshig rnams lags te/ bcom ldan 'das gang zhig mdo sde 'di dang / gsang sngags kyi tshig 'di dag rmongs pa ma mchis par 'dzin par bgyid na de ni ji srid 'tsho'i bar du 'byung po thams cad las bsrung ba bgyis par 'gyur lags so/ /'byung po thams cad kyang dga' bar 'gyur lags so/ /de la bro nad thams cad kyis mi tshugs par 'gyur lags so/ /gang du klog pa der dge bar 'gyur zhing / de dag la dgung lo bdun du bsrung ba bgyis par yang 'gyur lags so/ /ji tsam 'tshal bar 'gyur ba de tsam gyi dgung char 'bab par 'gyur/ 'chad par yang 'gyur/ dgung ser 'bab par yang 'gyur/ 'chad par yang 'gyur lags so/ /bro nad thams cad la byab par bgyis sam/ chab la bzlas brjod bgyis</font><hr>107.191b<br><font size=+1>

te stsal na/ des de'i bro nad thams cad rab tu zhi bar 'gyur lags so/ /de nas bcom ldan 'das la tshangs pas gsol pa/ bcom ldan 'das gnas gtsang ma dag ma gtogs pa gzugs na spyod pa'i lha'i ris gong ma rnams kyi rig sngags kyang 'di lags la/ gsang sngags kyi cho ga zhib mo yang 'di dag lags so/ /'di ni 'dir mdo sde yongs su 'dzin par bgyid lags so/ /tad+ya thA/ b+ha le b+ha la ma le/ dur du le/ hi me/ phub phi se/ kA tsA k+Shi ku tse sI/ ma mi nI She re tho ra Ni pa ma phi pam po Ti ste ke /ta ra ke /gu ru ga ro/ gug gu mi Ti ta re/ rak+Sha sU tra ma nu pa la ya tha/ 'di ni bdag cag gi rig sngags kyi cho ga zhib mo lags te/ gang la la zhig mdo sde 'di dang / gsang sngags kyi tshig 'di dag dum bur ma gyur par 'dzin tam/ klog par bgyid na de la mi dang mi ma lags pa dag mchi bar mi 'gyur zhing gdug pa yang mi mchi sbrul yang mi mchi/ dug kyang mi mchi la/ de'i lus la gnod pa dag gis mi tshugs par 'gyur lags so/ /'byung po thams cad kyang dga' bar 'gyur lags so/ /ji srid 'tsho'i bar du 'byung po thams cad las bsrung ba bgyis par yang 'gyur lags so/ /gang klog par bgyid pa dang / gang nyan par bgyid pa de la dgung lo bdun du srung ba bgyis par 'gyur lags so/ /chab la bzlas brjod bgyis te gtor tam 'tshal du stsal na/ de'i bro nad thams cad nye bar zhi bar 'gyur lags so/ /de nas bcom ldan 'das la 'dod pa'i bdag po thams cad kyis gsol pa/ bcom ldan 'das 'di ni bdag cag gi yul yang lags te/ mdo sde 'di yongs su gzung ba'i rig sngags ni 'di lags so/ /tad+ya thA/ lin te/ li pe/ lo pe/ li pe/ ba~M ke ka me/ kA tse kA tsa k+Shi/ ka tsa bi~M ga le/ du me du me du me/ ta Te tad tra Te/ tra trA k+Shi/ ko la/ ko li/ ki ka ko li ke /sA d+hU/ sU tra ma nu mA la ya tha/ ud grih+Na tha tse ti/ bcom ldan 'das gang zhig gsang sngags kyi tshig 'di dag dang / mdo sde legs par gsungs pa 'di dum bur ma gyur pa dang ma nyams par bzung ste/ </font><hr>107.192a<br><font size=+1>

srung bar bgyid na de ni thams cad las bsrung ba bgyis par 'gyur lags so/ /'byung po thams cad kyang dga' bar 'gyur lags so/ /ji tsam 'tshal ba de tsam gyi dgung char 'bab par yang 'gyur 'chad par yang 'gyur/ dgung ser 'babs par yang 'gyur 'chad par yang 'gyur lags so/ /'byung po dang gdon rnams las yongs su thar bar yang 'gyur lags so/ /dug 'byin par yang 'gyur lags so/ /chab la lan bdun bzlas brjod bgyis te gtor tam 'tshal du stsal na des bro nad thams cad nye bar zhi bar 'gyur lags so/ /de nas bcom ldan 'das la lha'i dbang po brgya byin gyis gsol pa/ bcom ldan 'das bdag cag gi rig sngags 'di yang de bzhin du mdo sde 'di yongs su 'dzin par bgyid cing / 'dod pa na spyod pa'i lha gong ma rnams kyis ni rjes su yi rang bar bgyis la/ 'og ma rnams kyis kyang legs par rjes su yi rang bar bgyis pa lags so/ /tad+ya thA/ bI re bI ra ba ti/ to Te to Ta ba ti/ b+ha dri b+ha dra ba ti/ go ne go na ba ti/ me g+he me g+ha ba ti/ dz+wa la ne dz+wa la na ba ti/ b+hu te b+hu ta ba ti/ kho ra te kho ra ta ba ti/ i dan sU tra ma nu graN+ha tha/ a nu pa la ya tha tse ti/ bcom ldan 'das gang zhig mdo sde 'di dang / gsang sngags kyi tshig 'di dag dum bur ma gyur par 'dzin par bgyid na/ de ji srid 'tsho'i bar du 'byung po thams cad las srung bar bgyid par 'gyur lags so/ /de la mi dang mi ma lags pa 'ga' yang 'tshe bar mi 'gyur lags so/ /gang du klog pa der ji srid 'tsho'i bar du srung ba bgyid par 'gyur lags so/ /sems can thams cad kyang dga' bar 'gyur lags so/ /de la zil gyis gnon pa 'ga' yang 'byung bar mi 'gyur lags so/ /de'i lus la bro nad rnams kyis mi tshugs par 'gyur lags so/ /sems can thams cad la phan 'dogs par yang 'gyur lags so/ /gang du klog par 'gyur ba der dgung lo bdun du bsrung ba bgyis par 'gyur ro/ /'byung po dang gdon rnams las thar bar yang 'gyur lags so/ /dug 'joms par yang 'gyur lags so/ /bro nad thams cad sel</font><hr>107.192b<br><font size=+1>

bar yang 'gyur lags so/ /skud pa 'am chab la bzlas brjod bgyis te bcings sam gtor na bro nad thams cad dang bral bar yang 'gyur lags so/ /de nas bcom ldan 'das la rgyal po chen po bzhis gsol pa/ bcom ldan 'das bdag cag rgyal po chen po bzhi'i rig sngags 'di yang mdo sde 'di yongs su 'dzin cing grub par bgyid pa lags so/ /rnam thos kyi bus gsol pa/ tad+ya thA/ ku re ku ra NI/ mo re mo ra NI/ kA tse kA tsa NI/ kri mi kri mi NI/ yul 'khor srung gis gsol pa/ pu re po re pu ra tI/ ho re ho ra NI/ pra ho ra ho ra Ni/ 'phags skyes pos gsol pa/ ke she ke sha ba ti/ ke sha ni ma ke /sha The ti The ba ti/ mi ri ti/ mig mi bzang gis gsol pa/ tsakre/ tsakri ni/ tsakra bA gi ni/ b+hi ti rirmi ni/ shi mi shi mi sham ne ti/ bcom ldan 'das gang zhig rgyal po chen po bzhis brjod pa'i rig sngags kyi cho ga zhib mo 'di bzhi dang mdo sde 'di dum bur ma gyur pa dang / ma bkol bar legs par bzung ste srung bar bgyid na de ji srid 'tsho'i bar du bsrung ba bgyis par 'gyur lags so/ /de la 'byung po thams cad dang bro nad thams cad kyang slar mi ldog par 'gyur lags so/ /gdug pas zin pa dang / dug thams cad las kyang thar bar 'gyur lags so/ /skud pa 'am chab la bzlas brjod bgyis te bcings sam/ gtor cing 'tshal du stsal na cho ga des de la 'grub par 'gyur lags so/ /de nas bcom ldan 'das la lha ma yin dang / rlung lhas gsol pa/ bcom ldan 'das bdag cag gi rig sngags 'di yang mdo sde 'di yongs su 'dzin par bgyid pa lags so/ /tad+ya thA/ ga le ga ga ga le/ ga la ga ni/ khi ni khi ni/ g+hu Shu/ g+hu Shu g+hu g+hu Shu/ kha ne kha khe ne/ kha na kha ni/ lu pe lu pi/ lu pa lu pe ti/ bcom ldan 'das gsang sngags 'di dag dang mdo sde 'di dum bur ma gyur cing ma bkol bar bzung na ji srid 'tsho'i bar du srung bar 'gyur lags so/ /de'i bro nad thams cad kyang rab tu zhi bar 'gyur lags so/ /lus la dug gis mi tshugs par yang 'gyur lags so/ /de nas bcom ldan 'das la gnas gtsang ma'i ris</font><hr>107.193a<br><font size=+1>

kyi lha rnams kyis 'di skad ces gsol to/ /btsun pa mdo sde 'di'i dgongs pa yongs su gzung ba'i slad du phyogs bcu'i 'jig rten gyi khams nas lhags pa rnams kyis rig sngags dag smras lags na/ bcom ldan 'das nyan thos kyi tshogs dang bcas pas kyang yang dag par rjes su yi rang bar mdzad cing kun tu bzung ba dang bsrung ba dang bsgrub pa dag legs par bshad du gsol/ de ltar na rigs kyi bu de dag gi sbyin par bgyi ba'i chos kyi mdo sde 'di 'bras bu dang bcas par 'gyur lags so/ /de nas bcom ldan 'das kyis bka' stsal pa/ khyed kyis gsang sngags kun tu bzung ba 'di ni grub pa yin te/ nga nyan thos kyi tshogs dang bcas pas kyang mdo sde 'di'i grub pa dang bsrung ba dang bsgrub pa dag bshad par byas/ de nyon cig dang bshad par bya'o/ /gnas gtsang ma'i ris kyi lha rnams kyis bcom ldan 'das de bzhin lags te/ bcom ldan 'das nyan thos kyi tshogs dang bcas pas mdo chen po 'di grub par bgyi ba'i slad du bsrung ba dang bsgrub pa dag bshad du gsol/ de nas bcom ldan 'das kyis mdo sde 'di grub par bya ba'i phyir bsrung ba dang bsgrub pa dag bka' stsal pa/ de la rgyun tu zhugs pa rnams kyis grub pa ni 'di yin no/ /tA la tA la/ tA na tA la/ ta to ta le ma te/ lan cig phyir 'ong ba'i rnams kyi grub pa ni 'di yin no/ /sa le sa sa li ti/ phyir mi 'ong ba rnams kyi grub pa ni 'di yin no/ /la te la te lo la ti/ dgra bcom pa rnams kyi grub pa ni 'di yin no/ /d+hu pu d+hu pu/ d+hu ru d+hu ru/ ka tsa bi ka tsi ka tsa bi ka tsa ti/ de nas bcom ldan 'das kyi grub pa ni 'di yin no/ /d+ha me d+hu me/ d+ha se d+ha se/ d+ha so d+ha se/ d+ha re d+ha d+ha re/ d+ha ro d+hid d+hi ti/ de la bsrung ba ni 'di yin no/ /tin ti ri/ tsi rak+Sha/ bi ga la k+Shi rak+Sha/ mtshams gcad pa ni 'di yin no/ /bad d+ha/ bad d+ho ti bad d+ha/ si ri mi ti bad d+ha/ g+hu She bad d+ha/ g+hu g+hu she bad d+ha/ g+hu Sha ga She ya ma bad d+ha b+hi/ bsgrub pa ni 'di yin no/ /pi khe sA d+ha ya/ tu tu le sA d+ha ye ti/ zhag gsum bsnyung ba byas pas tshes bcwa lnga'i nyin par</font><hr>107.193b<br><font size=+1>

gsang sngags kyi tshig 'di dag dang mdo sde 'dis bcom ldan 'das la mchod par byas te/ kha shar phyogs su bltas la bsrung ba lan brgya brjod par bya zhing / bzlas brjod lan brgya byas la mdud pa re re la brgya rtsa brgyad byas na bsrung ba byas pa yin zhing / lan gsum spu zing zhes byed par yang 'gyur te/ sngon gyi las kyi rnam par smin pa ni ma gtogs so/ /zla ba yar gyi ngo'i tshes bcu gnyis la bcom ldan 'das la mchod pa byas la skud pa de lag tu blangs te bzlas shing mtshams gcad par bya ste/ lan brgya rtsa brgyad brjod cing mdud pa brgya rtsa brgyad byas te mtshams gcod par byed na lan bdun spu zing zhes byed par yang 'gyur ro/ /lho phyogs nas lce spyang mos lan gsum sgra phyung ste 'dug par gyur na de nas mtshams gcad par shes par bya'o/ /des de bzhin du smyung ba byas te/ tshes bcwa lnga'i nyin par khrus byas la bcom ldan 'das la mchod pa byas te skud pa blangs la/ nyan thos kyi tshig rnams dang / bcom ldan 'das kyi cho ga zhib mos lan bdun bzlas te/ bzlas brjod lan brgya rtsa brgyad brjod cing mdud pa brgya rtsa brgyad byas la/ skud pa lag tu blangs te rig sngags thams cad lan cig bzlas brjod byas shing sgrub pa byas na char pa chen po dang rlung chen po yang 'byung ste/ mtshams kyi phyi rol du ldang zhing 'bab par 'gyur la skad cig gis 'chad par yang 'gyur te lan bdun gyi bar du yang brjod par bya'o/ /de nas lha'i bu sprin chen zhes bya ba dang sprin bzangs shes bya ba gnyis 'ongs te/ de'i rkang pa la mgo bos phyag 'tshal zhing grub pa sbyin pa dang / rjes su yi rang bar yang 'gyur ro/ /de la grub pa ni 'di dag yin te/ ku tsu ku tsa zhes bya'o/ /sprin bzangs kyi ni 'di yin te/ ka ra ka ra ka ra ra zhes bya'o/ /tshig 'di dag dang / skud pa lag tu blangs pas mdo sde dang / gsang sngags rnams bsams na gang bya bar 'dod pa de dag thams cad byed par 'gyur ro/ /bcom ldan 'das kyi mdo sde dang / rig sngags 'di dag thams cad kyis chu 'am/ skud pa la bzlas na gang byed par mi 'gyur</font><hr>107.194a<br><font size=+1>

ba de med de/ las thams cad 'grub par 'gyur ro/ /ji srid 'tsho'i bar du bdag dang gzhan dag bsrung ba'i phyir mdo sde 'di gzung bar bya'o/ /bcom ldan 'das kyis de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do/ /'byung po gang dag 'dir ni lhags gyur cing / /sa dang bar snang dag la 'khod pa rnams/ /skye dgu rnams la rtag tu byams byed cing / /nyin dang mtshan du chos kyang spyod gyur cig /mdo chen po 'dus pa chen po'i mdo zhes bya ba rdzogs s+ho// // rgya gar gyi mkhan po 'dzi na mi tra dang / pradz+nyA bar ma dang / zhu chen gyi lots+tsha ba ban de ye shes sde la sogs pas bsgyur cing zhus te gtan la phab pa/ // </font><hr>

</table>