J96

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J96</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J96&coll=lithang">see text in Tibetan script</a></table>53.1a<br><font size=+1>

(pha) @#/ ! /mdo sde sna tshogs kyi skor bzhugs so/ /[(黃) 經藏第十四部]</font><hr>53.1b<br><font size=+1>

@##/   /rgya gar skad du/  Ar+ya sA ga ra ma ti pa ri pri ts+tshA nA ma ma hA yA na sU tra/  bod skad du/  'phags pa blo gros rgya mtshos zhus pa zhes bya ba theg pa chen po'i mdo/  bam po dang po/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab/ de bzhin gshegs pa'i spyod yul rin po che bkod pa'i 'khor gyi khyams de bzhin gshegs pa'i gnas/ bsod nams chen po'i rgyan gyi tshogs bsags pa/ spyod pa chen po'i rgyu 'thun pa/ sangs rgyas kyi chos thams cad kyi rnam par smin pas mngon par grub pa/ byang chub sems dpa' chen po'-i gnas bstan pa mtha' yas pa/ de bzhin gshegs</font><hr>53.2a<br><font size=+1>

pas rnam par sprul pas byin gyis brlabs pa/ chags pa med pa'i spyod yul gyi ye shes la 'jug pa/ dga' ba rgya chen po bskyed pa/ dran pa dang / blo gros dang / rtogs pas 'jug pa/ kun nas ma smad pa/ ye shes kyis rnam par spyad pa de la ma chags par rtogs pas 'jug pa bskal par mu med par mngon par bstod pa/ yon tan gyi tshogs thams cad dpag tu med pa na bzhugs te/ bcom ldan 'das chos thams cad ni mnyam pa nyid du mngon par rdzogs par sangs rgyas/ chos kyi 'khor lo ni shin du bskor/ slob ma shin du dul ba mtha' yas pa'i tshogs ni mnga'/ chos thams cad la mnga' dbang ni brnyes/ sems can thams cad kyi bsam pa sgrub pa ni legs par mkhyen/ dbang po'i dam pa'i pha rol du phyin pa ni brnyes/ bag chags kyi mtshams sbyor ba yang dag par 'jom pa la ni mkhas/ sangs rgyas kyi mdzad pa lhun gyis grub pa ni rgyun ma chad cing / dge slong 'bum phrag drug bcu'i dge slong gi dge 'dun chen po dang thabs gcig ste/ thams cad kyang cang shes kyi sems dang ldan pa/ nyon mongs pa thams cad kyi bag chags kyi mtshams sbyor ba yang dag par 'jom pa la brtson pa/ chos kyi rgyal po de bzhin gshegs pa'i sras/ chos zab mo la gnas pa/ dmigs pa med pa'i chos kyis nges par byung ba/ spyod lam mdzes pa phun sum tshogs pa/ sbyin gnas chen por gyur pa/ de bzhin gshegs pa'i bka' la shin du zhugs pa sha stag go/ /byang chub sems dpa'i dge 'dun chen po byang chub sems dpa' sems dpa' chen po dmigs pa med pa'i byang chub sems dpa'i bzod pa rab tu thob pa/ dbang bskur ba dang ldan pa'i byang chub sems dpa'i sa la zhugs pa/ mngon par 'du byed pa med pa'i byang chub sems dpa'i mngon par shes pas rnam par rtsen pa/ byang chub sems dpa'i gzungs mi zad pa'i za ma tog rab tu thob pa/ byang chub sems dpa'i ting nge 'dzin dpa' bar</font><hr>53.2b<br><font size=+1>

'gro ba la dbang thob pa/ byang chub sems dpa'i so so yang dag par rig pa sems can thams cad tshim par byed pa rjes su thob pa/ byang chub sems dpa'i spyod pa lhun gyis grub pas nges par byung ba bkod pa'i rgyan gyi lhag pa'i bsam pa la shin du gnas pa/ tshad med grangs med/ bsam gyis mi khyab/ mtshungs pa med/ gzhal du med/ dpag tu med pa la 'di lta ste/ byang chub sems dpa' sems dpa' chen po mdzod mi zad pa zhes bya ba dang / byang chub sems dpa' sems dpa' chen po blo gros tshad med pa zhes bya ba dang / byang chub sems dpa' sems dpa' chen po spobs pa mtha' yas shes bya ba dang / byang chub sems dpa' sems dpa' chen po dmigs pa med pa'i bsam gtan pa zhes bya ba dang / byang chub sems dpa' sems dpa' chen po brtson 'grus gong na med ces bya ba dang / byang chub sems dpa' sems dpa' chen po brtson 'grus blo gros shes bya ba dang / byang chub sems dpa' sems dpa' chen po blo gros rgyun mi 'chad pa zhes bya ba dang / byang chub sems dpa' sems dpa' chen po chags pa med pa'i mi 'jigs pa brtsegs pa zhes bya ba dang / byang chub sems dpa' sems dpa' chen po don nges par brtags te blta ba zhes bya ba dang / de dag la sogs pa/ byang chub sems dpa' sems dpa' chen po/ tshad med/ grangs med/ bsam gyis mi khyab/ mtshungs pa med/ gzhal du med/ dpag tu med pa dag</font><hr>53.3a<br><font size=+1>

dang yang thabs gcig go/ /de nas bcom ldan 'das byang chub sems dpa'i spyod pa la 'jug pas nges par 'byung ba sgrib pa med pa'i sgo/ byang chub sems dpa'i lam bkod pa la dmigs pa/ stobs dang / mi 'jigs pa dang / sangs rgyas kyi chos thams cad yongs su 'grub pa'i ye shes kyi 'byung gnas/ chos thams cad la dbang bsgyur ba'i gzungs kyi phyag rgya'i sgor 'jug pa/ so so yang dag par rig pas rnam par gdon mi za ba la 'jug pa'i sgo/ mngon par shes pa chen po'i ye shes la 'bab pas 'jug pa phyir mi ldog pa'i 'khor lo phyir mi ldog pa ston pa theg pa thams cad mnyam pa nyid du yang dag par 'du ba chos kyi dbyings 'dres pa med de tshul gcig pa rab tu dbye ba la 'jug pa/ sems can thams cad kyi bsam pa dang / dbang po'i tshul la 'jug pa ston pa/ snying po dang ldan pa/ chos rnam par gdon mi za ba dang / bdud kyi dkyil 'khor thams cad rnam par 'joms pa/ tshul bzhin du chos kyi tshul la 'bab cing 'jug pa/ nyon mongs pa dang lta bar gyur pa thams cad 'dul ba/ chags pa med pa'i ye shes la 'jug pa/ kun tu bsngo ba'i thabs la mkhas pa shes pa ston pa/ sangs rgyas thams cad kyi mnyam pa nyid kyi ye shes la 'jug pa/ chags pa med pa'i byin gyis brlabs kyi sgo chos thams cad ji lta ba bzhin du rnam par gdon mi za ba ston pa/ mi rtog cing rnam par mi rtog ste/ mnyam pa nyid du 'jug pa rten cing 'brel bar 'byung ba zab mo rtogs par byed/ bsod nams dang / ye shes kyi tshob/ chen po sogs pa/ sangs rgyas kyi sku dang / gsung dang thugs mnyam pa nyid kyi rgyan dang ldan pa/ dran pa dang / blo gros dang / rtog pa dang / mos pa dang / shes rab mi zad pa mngon par sgrub pa/ nyan thos kyi theg pas 'dul ba'i phyir 'phags pa'i bden pa'i tshul la 'jug pa/ rang</font><hr>53.3b<br><font size=+1>

sangs rgyas kyi theg pas 'dul ba'i phyir lus dang sems rab tu dben par shes pa/ theg pa chen pos 'dul ba'i phyir thams cad mkhyen par dbang bskur ba rab tu thob pa/ chos thams cad la dbang sgyur ba'i tshul la 'jug pa zhes bya ba'i chos kyi rnam grangs de bzhin gshegs pa'i yon tan brjod pa'i phyir gsung ngo / /ston to/ /rab tu 'chad do/ /'dzin du 'jug go/ /klog tu 'jug go/ /shes par mdzad do/ rnam par shes par mdzad do/ /rab tu shes par mdzad do/ /rab tu 'god do/ /rnam par 'byed do/ /rnam par 'grel to/ /gsal bar mdzad do/ /yang dag par rab tu ston to/ /de nas bcom ldan 'das kyis don shin tu rnam par nges pa 'dus pa chen po'i le'u yi chos kyi rnam grangs 'di lta bu rgya cher yang dag par rab tu bstan pas thams cad dang ldan pa'i stong gsum gyi stong chen po'i 'jig rten kyi khams 'og tu sa'i steng nas bzung ba yan cad rin po che bkod pa'i 'khor gyi khyams kyi gzhi la thug pa'i bar chus yongs su gang ba'i rgya mtsho gcig ltar kun tu snang ste/ 'di lta ste dper na/ bsreg pa'i bskal pa 'das nas chags pa 'byung ba'i tshe stong gsum gyi stong chen po'i 'jig rten gyi khams 'di thams cad chus yongs su gang bar 'gyur te/ chu'i dkyil 'khor kyis yongs su 'khor ba de bzhin du/ de'i tshe stong gsum gyi stong chen po'i 'jig rten gyi khams thams cad chus yongs su gang ba'i rgya mtsho gcig lta bur gnas par kun tu snang yang stong gsum gyi stong chen po'i 'jig rten kyi khams na grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor rnams la yang sgrib pa med par kun du snang ngo / /'dzam bu'i gling rnams dang / gling bzhi pa chen po rnams dang / rgya mtsho chen po rnams dang / </font><hr>53.4a<br><font size=+1>

ri rab rnams dang / 'dod pa na spyod pa'i lha'i bu rnams la yang sngon ji ltar phyis kyang de bzhin du sgrib pa ci yang med par de kho na bzhin du kun du snang ngo / /chu'i phung po de las kyang pad ma chu ba ni bai dUr+ya/ sdong bu ni an da rnyil/ lo ma ni 'dzam bu'i chu bo'i gser/ ze ba ni dpal gyi snying po/ snying po n-i rdo'i snying po las grub pa/ mu tig gi dra bas ni khebs par byas pa/ 'dab ma bye ba khrag khrig brgya stong phrag du ma dang ni ldan pa/ tshad ni rgyang grags kyi khyon tsam yod pa bye ba khrag khrig brgya stong phrag mang po byung ste/ de dag rin po che'i bkod pa'i 'khor gyi khyams kyi gzhi las thal nas shing ta la'i srid du 'phags te/ thams cad dang ldan pa'i 'khor de yang de'i tshe pad ma la 'khod par kun tu snang ngo / /pad ma de dag las kyang 'od gang dag gis phyogs bcu'i sangs rgyas kyi zhing tshad med grangs med pa dag snang ba chen pos khyab par gyur pa'i 'od de lta bu dag byung ngo / /de nas thams cad dang ldan pa'i 'khor de ngo mtshar du gyur nas ji ltar snga ltas 'di dag kun du snang ba las na/ kye ma'o 'di ni chos bstan pa chen por 'gyur ro zhes ched du brjod pa ched du brjod do/ /de nas byang chub sems dpa' sems dpa' chen po byams pas cho 'phrul chen po de mthong nas pad ma'i stan las langs te/ bla gos phrag pa gcig tu gzar nas pus mo g.yas pa'i lha nga pad ma'i snying po la gtsug te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das gang stong gsum gyi stong chen po'i 'jig rten gyi khams 'di chab kyis yongs su gtams pa'i rgya mtsho gcig lta bur kun du gang ba dang / pad ma bye ba khrag khrig brgya stong 'di snyed cig mngon par byung ba 'di dag dang / bcom ldan 'das sngon ma mthong ma thos pa'i cho 'phrul</font><hr>53.4b<br><font size=+1>

rgya chen po 'di dag kun du gda' ba 'di dag su'i snga ltas lags/ de skad ces gsol pa dang / bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to/ /byams pa 'og gi phyogs logs su sangs rgyas kyi zhing 'di nas stong gsum gyi stong chen po'i 'jig rten gyis khams kyi rdul phra rab kyi rdul snyed kyi sangs rgyas kyi zhing 'das pa na 'jig rten gyi khams yon tan rin po che dri ma dang bral ba dpag tu med pa bkod pas brgyan pa zhes bya ba de na de bzhin gshegs pa dgra bcom pa yang dag par rdzogs pa'i sangs rgyas rgya mtsho'i mchog mnga'i blos rnam par rol pa mngon par 'phags pa'i mngon par mkhyen pa zhes bya ba bzhugs te 'tsho zhing gzhes la chos kyang ston pa yod de/ sangs rgyas kyi zhing de nas byang chub sems dpa' sems dpa' chen po blo gros rgya mtsho zhes bya ba/ byang chub sems dpa' sems dpa' chen po bgrang ba las 'das pa dag dang lhan cig tu nga la blta ba dang / phyag bya ba dang / bsnyen bkur bya ba dang / chos bstan pa 'di las gtam gyi rgyud 'ga' zhig dri ba'i phyir 'jig rten gyi khams mi mjed 'dir 'ong bar 'gyur te/ 'di ni de'i snga ltas so/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das ci lags/ byang chub sems dpa' blo gros rgya mtsho thag ring po de srid cig na mchis shing chos kyi rnam grangs 'di nyan lags sam/ bcom ldan 'das kyis bka' stsal pa/ shA ri'i bu khyod ji ltar nga'i mdun na chos kyis rnam grangs 'di nyan pa de bzhin du byang chub sems dpa' blo gros rgya mtsho yang 'jig rten gyis khams de na 'dug cing chos kyi rnam grangs 'di nyan to/ /shA ri'i bu khyod kyis ji ltar nga dang thams cad dang ldan pa'i 'khor 'di</font><hr>53.5a<br><font size=+1>

mthong ba de bzhin du/ byang chub sems dpa' blo gros rgya mtshos kyang nga dang thams cad dang ldan pa'i 'khor 'di mthong ngo / /gsol pa/ bcom ldan 'das kye ma'o ci tsam du byang chub sems dpa' sems dpa' chen po rnams kyi mngon par shes pa'i ye shes kyi stobs 'di bsam gyis mi khyab ste/ 'di ltar thag ring po de srid na mchis kyang mig gis gzugs mthong ba la sgrib pa ma mchis shing rna bas sgra thos pa la sgrib pa ma mchis pa ni ngo mtshar to/ /bcom ldan 'das byang chub sems dpa' sems dpa' chen po rnams kyi yon tan gyi che ba nyid bsam gyis mi khyab pa 'di thos nas su zhig bla na med pa yang dag par rdzogs pa'i byang chub tu sems mi bskyed/ gnas brtan shA ri'i bus bstan pa 'di bshad pa'i tshe lha'i bu nyi khri bzhi stong gis bla na med pa yang dag par rdzogs pa'i byang chub tu sems bskyed do/ /de nas byang chub sems dpa' sems dpa' chen po blo gros rgya mtsho byang chub sems dpa' sems dpa' chen po bgrang ba las 'das pa dag gis kun nas bskor te mdun du bdar nas lhan cig tu/ bcom ldan 'das rgya mtsho'i mchog mnga' ba'i blos rnam par rol pa mngon par 'phags pa'i mngon par mkhyen pa'i de bzhin gshegs pa de la gsol nas/ bcom ldan 'das des gnang ste/ sangs rgyas rnam par rol pa'i rdzu 'phrul gyi rkang pa rnams dang mngon par 'du bya ba med pa'i rdzu 'phrul dang / sems gcig gis thob pa'i dran pas mig phye ba tsam gyis 'jig rten gyi khams yon tan rin po che'i dri ma dang bral ba dpag tu med pa bkod pas brgyan pa de nas mi snang bar gyur nas/ 'jig rten gyis khams mi mjed 'dir phyin te/ rin po che bkod pa'i 'khor gyi khyams kyi gzhi las thal nas shing rta la bdun tsam du mngon par 'phags te pad ma'i snying po la 'dug par kun du snang ngo / /de las</font><hr>53.5b<br><font size=+1>

gzhan pa'i pad ma'i snying po rnams la yang byang chub sems dpa' sems dpa' chen po de dag 'khod par kun tu snang ngo / /'og gi phyogs kyi sangs rgyas kyi zhing tshad med grangs med pa dag nas kyang byang chub sems dpa' sems dpa' chen po shin tu grangs med dpag tu med pa dag chos nyan pa'i phyir byang chub sems dpa' sems dpa' chen po blo gros rgya mtsho'i phyi bzhin du 'brang bar gyur to/ /de nas phyogs bcu'i 'jig rten gyi khams nas 'dus pa'i byang chub sems dpa' sems dpa' chen po pad ma la 'khod pa dag gis rin po che bkod pa'i 'khor gyi khyams shin du rgyas pas mdzes te/ lham me/ lhan ne/ lhang nge'o/ /de na thams cad dang ldan pa'i 'khor de ngo mtshar du gyur te/ dga' ba dang / dang ba dang / rab tu dga' ba thob nas thal mo sbyar te/ byang chub sems dpa' de dag la phyag 'tshal to/ /de nas byang chub sems dpa' sems dpa' chen po blo gros rgya mtshos 'jig rten gyi khams yon tan rin po che dri ma dang bral ba dpag tu med pa bkod pas brgyan pa na yod pa'i me tog mya ngan med cing yid du 'ong ba mthong na dga' ba zhes bya ba 'dab ma bye ba khrag khrig brgya stong du ma dang ldan pa/ tshad rgyang grags kyi khyon tsam yod pa de bzhin gshegs pa la mchod par 'os pa/ byang chub sems dpa'i bsam pas rnam par dag pa sngon gyi dge ba'i rtsa bas yongs su sbyangs pa/ rnam par bkra ba/ mig tu sdug pa/ 'khor thams cad tshim par byed pa kun nas 'od ldan pa kun nas shin tu yid du 'ong ba'i dri dang ldan pa'i me tog de 'dra ba dag mchod pa'i las kyi phyir bcom ldan 'das kyi spyan sngar me tog gi char chen po mngon par phab ste/ me tog gi char des rin po che bkod pa'i 'khor gyi khams su mi bdun gyi 'phang tsams gyi me tog dgram pa bkram par gyur to/ /rab tu dben pa'i bsam gtan gyi zas zhes bya ba'i sil snyan yang</font><hr>53.6a<br><font size=+1>

bsgrags te/ sil snyan gyi sgra des thams cad dang ldan pa'i 'khor de bsam gtan la snyoms par zhugs pa bzhin du bdag bde bas tshim par shes so/ /de nas byang chub sems dpa' sems dpa' chen po blo gros rgya mtshos bcom ldan 'das la mchod pa 'di lta bu 'di byas nas/ bcom ldan 'das kyis zhabs la mgo bos phyag 'tshal te lan bdun bskor ba byas nas/ bcom ldan 'das kyis spyan sngar thal mo sbyar te 'dug nas/ bcom ldan 'das la 'di skad ces gsol to/ /bcom ldan 'das de bzhin gshegs pa rgya mtsho'i mchog mnga' ba'i blos rnam par rol pa mngon par 'phags pa'i mngon par mkhyen pa bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang bde bar reg pa la gnas sam zhes snyun gsol to/ /byang chub sems dpa' sems dpa' chen po de dag thams cad kyis kyang bcom ldan 'das kyis zhabs la mgo bos phyag 'tshal te/ lan bdun bskor ba byas nas slar rang rang gis stan la 'khod do/ /de nas stong gsum gyis stong chen po'-i tshangs pa snying rje chen po sems pa zhes bya ba mya ngan med pa'i gling bzhi pa chen po na gnas pa/ tshangs pa'i 'jig rten na 'dug pas stong gsum gyi stong chen po'i 'jig rten gyi khams chus yongs su gang ba'i rgya mtsho gcig lta bu yang mthong / pad ma rnam par bkra ba/ blta na sdug pa/ bye ba khrag khrig brgya phrag stong mngon par byung ba yang mthong / rin po che bkod pa 'khor gyis khyams byang chub sems dpa' sa gang ba yang mthong ste/ mthong nas kyang de 'di snyam du sems te/ bsreg pa'i bskal pa ni ma byung na chus 'jig pa 'di byung ste/ 'di lta bu'i cho 'phrul 'di dag kun tu snang ba 'di la rgyu ci yod/ bdag bcom ldan 'das kyis thad</font><hr>53.6b<br><font size=+1>

du song ste/ bcom ldan 'das ngo mtshar rmad du byung ba chen po 'jig rten du byung ba'i rgyu gang lags/ rkyen gang lags shes zhu'o snyam mo/ /de nas tshangs pa snying rje chen po sems dpa'/ tshangs pa 'bum phrag drug cu rtsa brgyad kyis yongs su bskor te/ mdun du bdar nas lhan cig tu tshangs pa'i 'jig rten nas mi snang bar gyur te/ rin po che bkod pa'i 'khor gyi khyams su bcom ldan 'das kyis spyan sngar steng gi bar snang la 'dug ste/ lus btud thal mo sbyar nas/ bcom ldan 'das nyid la phyag 'tshal to/ /de nas bcom ldan 'das la tshangs pa snying rje chen po sems pas 'di skad ces gsol to/ /bcom ldan 'das 'di ci lags/ gang stong gsum gyi stong chen po'i 'jig rten gyi khams 'di chab kyis yongs su gtams pa'i rgya mtsho gcig lta bur kun du gda' ba dang / pad ma bye ba khrag khrig brgya stong phrag 'di snyed cig byung ba 'di dang / de dag la yang skyes bu dam pa dag mchis pa 'di lta bu kun tu gda' yang bcom ldan 'das stong gsum gyi stong chen po'i 'jig rten gyi khams na grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor rnams la yang sgrib pa ma mchis par kun tu gda' ba dang / 'dzam bu'i gling rnams dang / gling bzhi pa chen po rnams dang / rgya mtsho rnams dang / ri rab rnams dang / 'dod pa na spyod pa'i lha'i bu rnams la yang sngon ji lta bar phyis kyang de bzhin du sgrib pa ci yang ma mchis par de kho na bzhin du kun tu gda' ba de la/ bcom ldan 'das 'di su'i byin gyi rlabs kyis gyur snyam du bdag ngo mtshar cher gyur na 'di su'i snga ltas lags/ de skad ces gsol pa dang / bcom ldan 'das kyis tshangs pa snying rje chen po sems pa la 'di skad ces bka' stsal to/ /tshangs pa 'di ni bcom ldan 'das de</font><hr>53.7a<br><font size=+1>

bzhin gshegs pa rgya mtsho mchog mnga' ba'i blos rnam par rol pa mngon par 'phags pa'i mngon par mkhyen pa'i sangs rgyas kyi zhing 'jig rten gyi khams yon tan rin po che dri ma dang bral ba dpag tu med pa bkod pas brgyan pa nas/ byang chub sems dpa' sems dpa' chen po blo gros rgya mtsho byang chub sems dpa' sems dpa' chen po bgrang ba las 'das pa dag dang lhan cig tu nga la blta ba dang / phyag bya ba dang / bsnyen bkur bya ba dang / 'dus pa chen po'i le'u chos kyi rnam grangs 'di las gtam gyi rgyud 'ga' zhig yongs su dri ba'i phyir 'jig rten gyi khams mi mjed 'dir 'ong ba yin te/ gang stong gsum gyis stong chen po'i 'jig rten gyis khams 'di chus yongs su gang bar kun tu snang ba 'di ni de'i rnam par sprul pa'i byin gyis brlabs so/ /gsol pa/ bcom ldan 'das da dung du yang 'dus pa chen po'i le'u yi chos kyi rnam grangs 'chang ngam/ bcom ldan 'das kyis bka' stsal pa/ tshangs pa de bzhin gshigs pa'i spob pa ni/ rgyun chad pa chung zad kyang med de/ gang gi tshe khyod kyis de bzhin gshegs pa cang mi gsung bar gyur pa mthong ba de'i tshe na yang / da ni phyogs bcu'i 'jig rten gyis khams nas 'dus pa'i byang chub sems dpa' rnams la chos rnam par nges pa'i gtam yang dag par rab tu ston te/ tshangs pa sangs rgyas kyi yul ni de ltar bsam gyis mi khyab bo/ /gsol pa/ bcom ldan 'das gang 'di lta bu 'di rnam par sprul pa'i byang chub sems dpa' sems dpa' chen po blo gros rgya mtsho zhes bgyi ba de gang lags/ bcom ldan 'das kyis bka' stsal pa/ tshangs pa khyod kyis pad ma dpag tshad bcu'i khyon tsam yod pa de'i dkyil na pad ma'i snying po la rin po che bkod pa'i seng ge'i khri 'phang du shing ta la bdun tsam pa srog chags bye ba phrag mang pos phyag byas pa mthong ngam/ gsol pa/ bcom ldan 'das mthong lags so/ /bcom ldan 'das kyi</font><hr>53.7b<br><font size=+1>

bka' stsal pa/ tshangs pa khyod kyis seng ge'i khri de la byang chub sems dpa' lus gser gyi kha dog tu 'dug pa/ lus mtshan dang dpe byad bzang pos legs par brgyan pa 'dug ste/ gang de bzhin gshegs pa'i sku ma gtogs par gzhan byang chub sems dpa'i lus zil gyis mnan nas 'dug pa/ byang chub sems dpa' mang pos phyag byas pa mthong ngam/ gsol pa/ bcom ldan 'das mthong lags so/ /bcom ldan 'das kyis bka' stsal pa/ tshangs pa 'di ni byang chub sems dpa' sems dpa' chen po blo gros rgya mtsho zhes bya ba ste/ 'di ni de'i rnam par sprul pa'o/ /de nas tshangs pa snying rje chen po sems pas byang chub sems dpa' sems dpa' chen po blo gros rgya mtsho la phyag 'tshal nas tshig 'di skad ces smras so/ /bcom ldan 'das sems can thams cad kyang rdzu 'phrul gyi cho 'phrul 'di lta bu dag thob par gyur cig / gang dag byang chub sems dpa' blo gros rgya mtsho'i ming thos pa'i sems can de dag ni rnyed pa legs par rnyed pa lags so/ /bcom ldan 'das bdag gis kyang skyes bu dam pa 'di'i ming thos shing gzugs kyis lus kyang mthong bas bdag gis kyang rnyed pa legs par rnyed do/ /bcom ldan 'das 'dus pa chen po'i le'u yi chos kyi rnam grangs 'di yun ji srid gcig tu 'chad/ bcom ldan 'das kyis bka' stsal pa/ tshangs pa ji srid du de bzhin gshegs pa'i sku tshe'i tshad gnas pa dang / de bzhin gshegs pa yongs su mya ngan las 'das nas kyang byang chub sems dpa' 'di dag chos kyi rnam grangs 'di 'chang ba dang / klag pa dang / yang dag par rab tu ston pa dang / rgyas par byed kyi bar du'o/ /de ci'i phyir zhe na/ tshangs pa 'das pa dang / ma 'ongs pa dang / da ltar byung ba'i sangs rgyas bcom ldan 'das rnams byang chub ni 'di</font><hr>53.8a<br><font size=+1>

'di'i nang du 'dus pa'i phyir ro/ /de nas byang chub sems dpa' sems dpa' chen po blo gros rgya mtshos 'khor thams cad rgya cher yang dag par rab tu dga' bar bya ba dang / tshangs pa snying rje chen po sems pa 'dun par bya ba dang / chos kyi rnam grangs 'di brgyan par bya ba dang / bdag nyid kyi shes rab kyi dang / spobs pa'i stobs nye bar bstan pa'i phyir pad ma dang lhan cig seng ge'i khri dang lhan cig tu steng gi bar snang la shing ta la bdun srid tsam na 'dug ste/ de'i tshe tshigs su bcad pa 'di dag smras so/ /khrag khrig sangs rgyas zhing rdul snyed kyi zhing rnams 'das pa'i 'og logs na/ /rdzogs pa'i byang chub sems dpa' gnas zhing yon tan kun ldan rab mdzes pa/ /de na 'dren pa'i bstan pa rgya mtshos blo thugs mtshungs pa med bzhugs te/ /der ni bdag gis thub pa'i chos thos gyur te thos nas de bzhin bzung / /bdag ni stobs pa bcu ldan la blta bar bgyi dang de bzhin phyag bgyi dang / /byang chub sems dpa' khyu mchog 'di rnams phan tshun dri slad 'dir mchis te/ /skyob la phyag bgyi bas ni chos rgyal mtshungs med khyod la 'dir phyag 'tshal/ /sangs rgyas mchod pa gang lags rgya chen shin tu rgyas pas mchod pa 'tshal/ /gang gis gzugs la gzugs su mi rtog tshor ba 'dus bgyis ma lags shing / /rnam par shes pa'ang tshor gsum bzhin du rtag par shin tu rnam dag ste/ /gang zhig 'dren la mtshan du ma lags skyes dang rigs su ma lags rtog /mig ldan des ni chos kyi rgyal po dri med yang dag don du mthong / /bdag gam bdag med ces pa'i mtha' de gnyi ga mi len mi 'dor te/ /nang du gyur pa zhi zhing thugs kyang zhi ste phyi rol rgyu mi mnga'/ /mi rtog rnam mi rtog cing rtog bral thub pa'i thugs ni nam mkha' 'dra/ /des ni phyogs bcu'i bde gshegs chos kyi rgyal mtshan gsal mdzad rnams la mchod/ /gang blo sbyin pa rnams</font><hr>53.8b<br><font size=+1>

la 'di ni sgyu ma len pa stong pa nyid/ /g.yo ba med pa'i yid kyis nor rnams de dag re ba med par gtong / /byang chub don du nges kyi lta bar nges min spros la gnas ma yin/ /gang blo sems can nyes pa mthar 'byin de ni sbyin bdag ser sna med/ /de ni rab tu zhi bas zhi ste ngag med yid med lus gdung med/ /gdung ba med pas bcing ba rgya chen bral te des pa dbang po zhi/ /bdag med theg par gnas nas byang chub dmigs pa med cing de mi 'dor/ /khrims gnas blo ldan khrims 'chal mthar byed 'dod pa tshul khrims dri ma med/ /chos rnams skad cig par ni rtogs par shes bya rnams la smras pa med/ /nam mkha' mtshungs pa'i yid kyis 'gro ba 'di dag sgyu ma ji bzhin mthong / /gang zhig lus ni dum bu dum bur bcad kyang yid ni khro mi 'gyur/ /gang zhig byang chub brtul zhugs gnas pa'i blo ldan mkhas de bzod pa smra/ /gang zhig chos rnams chu zla chu bur mnyam zhing sgyu ma smig rgyu 'dra/ /rtogs nas mi min srog ma yin zhing shed bu ldan pa ma yin mthong / /byang chub dang ni sems can tshogs mi dmigs kyang byang chub gzhan don brtson/ /yul 'dir gang zhig skrag pa med pa de ni brtson 'grus tha mar phyin/ /gang gis sems ni yul la chags pa med cing the tsom yod min la/ /sems can gzhan gyi sems kyi spyod pa dus gsum gyur pa'ang shes pa dang / /gang sems spyod par gyur pa gang yin de yi bdud kyis mi shes pa/ /pha rol phyin thob bsam gtan dang ni mngon par shes la blo gros gnas/ /gang zhig sangs rgyas rnams kyi gsung kun nyan cing de bzhin 'dzin byed pa/ /bskal pa dpag tu med par smras kyang spobs pa rgyun chad mi 'gyur te/ /sangs rgyas chos rtogs sems can mi ltung de ni gang du yang med pa/ /bcom ldan thub nyid mkhyen gter shes rab ldan zhing 'jig rten gsum na dpa'/ /gang zhig pha rol phyin pa'i pha rol gshegs min ma gshegs min/ /gang zhig sems can</font><hr>53.9a<br><font size=+1>

spyod pa mthar phyin mi gnas g.yo ba mi mnga' zhing / /yon tan kun mthar gang phyin yon tan rnams la rlom sems mi mnga' ba/ /thub pa'i dbang po shAkya sangs rgyas khyu mchog de la mgo bos 'thug / 'od zer rnam dag nyi mas srin bu me khyer 'od rnams zil gyis mnan/ /me lce rtse mthon bskal mtha'i me'i sa la ji snyed yod pa sreg /ri mchog ri rab kyis ni sa la yod pa'i ri kun zil gyis mnan/ /shAkya khyu mchog spu 'dis 'jig rten gsum gyi 'od gzhan zil du brlag /zhing brgya dag nas lhags pa'i byang chub sems dpa' khyu mchog ji snyed pa/ /de dag gtso bo khyod kyi mdog dang gzi brjid kyis ni tshim par gyur/ /gang dag smon lam ji ltar btab pa de ltar kun gyis 'thun par mthong / /bdag cag gang nas ma 'ongs rang gi zhing nyid na ni 'dug par shes/ /ji ltar gang gis rang rig de ltar khyod kyi gsung ni shin du 'jug /srid pa gsum na skad rnams ji snyed ci mchis de dang 'thun par 'jug /rdul gyi rdul dang mi rnams kyi ni sems kyi bsam pa bgrang nus srid/ /thub pa'i gsung dbyangs tshad med nam mkha' 'dra 'di bgrang bar nus ma lags/ /nam mkha'i mtha' dang mi rnams kyi ni mtha' ma bgrang bar mi nus te/ /'khor ba'i sngon gyi mtha' ma nyid ni rnam pa kun du bgrang mi nus/ /nam mkha'i mtha' dang 'khor ba'i mtha' ni mi yis bgrang bar nus kyang srid/ /sangs rgyas mkhyen dang ting 'dzin tshul khrims yul ni gang du'ang shes mi nus/ /gzhal yas bskal par gang gi bsngags pa brjod par sla ba ma lags pa/ /khyu mchog dpag yas chos kyi dbang phyug 'dren pa khyod la phyag 'tshal lo/ /skye bo gang dag shes dang mos pas</font><hr>53.9b<br><font size=+1>

sangs rgyas che ba rjes rtogs pa/ /de dag gis ni blo gros bsam yas rmad byung kun lhag 'dren pa mthong / /de nas byang chub sems dpa' sems dpa' chen po blo gros rgya mtshos tshigs su bcad pa 'di dag smras nas bar snang de las babs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ /de skad ces gsol pa dang / bcom ldan 'das kyis byang chub sems dpa' sems dpa' chen po blo gros rgya mtsho la 'di skad ces bka' stsal to/ /rigs kyi bu khyod de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa dris shig dang / dris pa de dang de ngas lung bstan pas khyod kyi sems rangs par bya'o/ /de skad ces bka' stsal pa dang / bcom ldan 'das la byang chub sems dpa' blo gros rgya mtshos 'di skad ces gsol to/ /bcom ldan 'das byang chub sems dpa' sems dpa' chen po rnams kyi ting nge 'dzin shin du dkar ba dri ma med pa'i phyag rgya zhes bgyi ba mchis te/ ting nge 'dzin de la rab tu gnas na byang chub sems dpa' sems dpa' chen po rnams bla na med pa yang dag par rdzogs pa'i byang chub mngon par rdzogs par 'tshang rgya zhes bdag gis thos nas/ byang chub sems dpa' sems dpa' chen po rnams kyi shin du dkar ba dri ma med pa'i phyag rgya'i ting nge 'dzin ji ltar 'thob pa dang / ci'i slad du shin du dkar ba dri ma med pa zhes bgyi ba bcom ldan 'das de bzhin gshegs pas de legs par bshad</font><hr>53.10a<br><font size=+1>

du gsol/ ting nge 'dzin de la 'jug pa'i sgor 'jug pa gang thos nas/ byang chub sems dpa' sems dpa' chen po rnams ting nge 'dzin 'di 'thob cing myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba/ bcom ldan 'das de bzhin gshegs pas legs par bshad du gsol/ de skad ces gsol pa dang / bcom ldan 'das kyis byang chub sems dpa' sems dpa' chen po blo gros rgya mtsho la 'di skad ces bka' stsal to/ /skyes bu dam pa legs so legs so/ /kye ma dri ba 'di bzang zhing dpyod pa de tshul bzhin te/ de'i phyir rigs kyi bu legs par rab tu nyon la yid la zung shig dang / byang chub sems dpa' sems dpa' chen po rnams kyis shin du dkar ba dri ma med pa'i phyag rgya'i ting nge 'dzin 'di ji ltar 'thob pa dang / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba ngas bshad par bya'o/ /bcom ldan 'das legs so zhes gsol te/ byang chub sems dpa' sems dpa' chen po blo gros rgya mtsho bcom ldan 'das kyi ltar mnyan pa dang / bcom ldan 'das kyis 'di skad ces bka' stsal to/ /blo gros rgya mtsho 'di la byang chub sems dpa' sems dpa' chen po ni dge ba'i rtsa bas bstan pa yin te/ dge ba'i bsam pa dang ldan pa/ nges pa'i phung po la rab tu gnas pa/ tshogs bsags pa/ dbang po rno ba/ dge ba'i bshes gnyen gyis yongs su zin pa/ sangs rgyas kyis byin gyis brlabs pa/ rgyu'i stobs can yin te/ de ni sangs rgyas bcom ldan 'das rnams mnyes par byed/ sti stang du byed/ bla mar byed/ rim gror byed/ mchod par byed do/ /sangs rgyas bcom ldan 'das de dag gi gzugs phun sum tshogs pa mthong zhing</font><hr>53.10b<br><font size=+1>

gsung snyan pa thos so/ /'khor phun sum tshogs pa yang mthong zhing chags pa med pa'i mkhyen pa yang thos la/ rdzu 'phrul gyi cho 'phrul lam/ kun brjod pa'i cho 'phrul lam/ rjes su bstan pa'i cho 'phrul gyis sems can 'dul ba mdzad pa yang mthong nas sems can rnams la snying rje chen po skyes te/ bla na med pa yang dag par rdzogs pa'i byang chub tu sems bskyed nas/ brtson 'grus brtsams pa yin te/ dge ba'i chos yongs su tshol ba la brtson zhing thams cad mkhyen pa'i ye shes brjed pa med pas sems yongs su dag par rnal 'byor du byed do/ /de sems yongs su dag pas ting nge 'dzin yongs su dag pa rab tu 'thob bo/ /blo gros rgya mtsho 'di lta ste/ dper na rigs 'phags pa'i nor bu rin po che nor bu mkhan mkhas pa'i lag tu son pa/ ji tsam na yongs su dag pa dang / shin du dkar ba dang / mthing bu dang bral ba dang / skyon med par gyur pa de srid du yongs su sbyangs na/ skyes bu mkhas pa nor bu rin po che la mkhas pa rnams 'du bar 'gyur ro/ /blo gros rgya mtsho de bzhin du byang chub sems dpa' rigs 'phags pas thams cad mkhyen par sems bskyed pa rin po che bskyed nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ ji tsam na mthing bu dang bral zhing rloms sems kyi mthing bu dang bral bar 'gyur ba de srid du/ byang chub sems dpa' sems dpa' chen po de dge ba'i rtsa ba yongs su sbyang ba bya ba dang / thos pa la mkhas pa yongs su sbyang ba bya bas thams cad mkhyen pa'i sems bskyed pa'i rin po che de yongs su sbyangs na phyogs bcu'i sangs rgyas bcom ldan 'das rnams 'dul zhing shin du dkar ba dri ma med pa'i phyag rgya'i ting nge 'dzin</font><hr>53.11a<br><font size=+1>

'di yang 'thob bo/ /blo gros rgya mtsho 'di lta ste dper na/ rigs 'phags pa'i nor bu rin po che de ni rin po che'i rigs dgu las shin du 'das par 'byung ste/ dgu gang zhe na/ 'di lta ste/ gser gyi rigs dang / dngul gyi rigs dang / shel gyi rigs dang / bai dUr+ya'i rigs dang / rdo'i snying po'i rigs dang / spug gi rigs dang / mu tig dmar po'i rigs dang / ke sa ra'i rigs dang / dpal gyi snying po'i rigs dang / nor bu rin po che'i rigs dgu po 'di dag las shin du 'das nas/ dri ma med cing rnam par dag pa'i 'od ces bya ba'i nor bu rin po che chen po'i rigs de las de rin thang med pa'i nor bu rin po cher 'gyur te/ de 'khor los sgyur ba'i rgyal po'i yongs su spyad par 'gyur gyi/ de ma yin pa'i sems can gzhan rnams kyi ma yin te/ nor bu rin po che de'i 'od gang yin pa des ni de ma yin pa'i nor bu rin po che gzhan rnams kyi 'od mog mog por byed do/ /blo gros rgya mtsho de bzhin du thams cad mkhyen par sems bskyed pa'i rin po che de yang rin po che'i rigs dgu las shin du 'das par byung ste/ dgu gang zhe na/ 'di lta ste/ so so'i skye bo dge ba'i rin po che'i rigs dang / dad pa'i rjes su 'brang ba'i rin po che'i rigs dang / chos kyi rjes su 'brang ba'i rin po che'i rigs dang / mtshan ma med pa la gnas pa rin po che'i rig dang / rgyun tu zhug pa rin po che'i rig dang / lan cig phyir 'ong ba rin po che'i rigs dang / phyir mi 'ong ba rin po che'i rigs dang / dgra bcom pa rin po che'i rigs dang / rang sangs rgyas rin po che'i rigs dang / rin po che'i rigs dgu po 'di dag las shin du 'das nas bcu pa sangs rgyas kyis byin gyis brlabs pa'i lhag pa'i bsam pa snying rje chen po'i rin po che'i rigs las thams cad mkhyen</font><hr>53.11b<br><font size=+1>

par sems bskyed pa de rin po che 'byung ste/ de yongs su sbyangs na nyan thos dang rang sangs rgyas thams cad zil gyis non cing / sems can thams cad kyi sems kyi rgyud rnams la yang snang bar byed do/ /blo gros rgya mtsho 'di lta ste dper na/ nor bu rin po che chen po de gang gis/ tshe sbyang bzod cing gnod pa bzod la/ phug nas kyang nyes par ma gyur na/ nor bu rin po che chen po de ni 'di ltar sems can bsod nams byas pa/ dge ba'i rtsa ba bskyed pa rnams la phan pa byed par 'gyur ro/ /blo gros rgya mtsho de bzhin du thams cad mkhyen par sems bskyed pa rin po che de yang gang gi tshe sbyang bzod cing gnod pa bzod la/ phug nas kyang nyes par ma gyur na thams cad mkhyen par sems bskyed pa rin po che skyon thams cad dang bral ba de 'di ltar sems can thams cad la phan pa byed par 'gyur ro/ /blo gros rgya mtsho de la thams cad mkhyen par sems bskyed pa rin po che de sbyang ba gang zhe na/ 'di lta ste/ sdom pa gsum gyis dge ba bcu'i las kyi lam yongs su dag pa dang / byams pa'i rjes su 'jug pas sems can thams cad la byams shing dang ba dang / snying rje'i rjes su 'jug pas sems can thams cad kyi bya ba ci yod snyam pa la brtson pa dang / dga' ba'i rjes su 'jug pas sems can thams cad chos la sbyor ba dang / btang snyoms kyi rjes su 'jug pas sems can thams cad la mi 'tshe zhing rtag tu sems drang ba dang / g.yo dang sgyu med pas phan pa'i dngos po'i bsam par gyur pa dang / dge ba'i rtsa ba thams cad brtsam pa la lhag pa'i bsam pa sbyor ba dang / cang shes kyi sems kyis dran pa dang shes bzhin dang ldan pa dang / sems shin du dul bas sems las su rung ba dang / dgang ba sla bas sbyangs pa'i yon tan yo byad bsnyungs pa'i cho ga dang ldan</font><hr>53.12a<br><font size=+1>

pa dang / gso ba sla bas 'phags pa'i rigs chog shes pa dang / bla ma dang sbyin gnas rnams la 'dud cing rab tu 'dud pa dang / nga rgyal med pas khengs pa dang rtsod pa rnam par spong ba dang / sems nges par sems pas nga rgyal las kyang nga rgyal rnam par spong ba dang / rnyog pa med pas sems gsal ba dang / bdag la mi bstod pas bdag shes pa la 'jug pa dang / gzhan la mi smod pas sems can rjes su srung ba dang / sman gyi sems kyis chos la gus pa dang / de'i don so sor myong bas chos don du gnyer ba dang / de la gzhol 'bab pas chos 'dod pa dang / nyon mongs pa med pa la gnas pas chos la dga' ba dang / chos ma yin pa rnam par spong bas chos yongs su tshol ba dang / rtag tu ngo tsha shes pas dkon mchog gsum la dad pa rgyun mi 'chad pa dang / las kyi rnam par smin pa la yid ches pas dge ba thams cad yid la byed pa'i bya ba la 'jug pa dang / drang bas spyod lam sbas pa dang / khengs pa med pas mnyen pa dang / zhi gnas yongs su tshol bas rgod pa dang bral ba dang / blo brtan pas snyom las med pa dang / rab tu mi g.yo bas sems ri dang mtshungs pa dang / rjes su chags pa dang khong khro ba dang bral bas sems sa dang mtshungs pa dang / bsam pa dag pas sems chu dang mtshungs pa dang / rlom sems med pas sems me dang mtshungs pa dang / gnas med pas sems rlung dang mtshungs pa dang / shin du dri ma med pas sems nam mkha' dang mtshungs pa dang / sangs rgyas kyi tshul 'khrugs pa med pa'i phyir rab tu 'byung ba la gzhol ba dang / lus dben pa'i phyir dgon pa la dga' ba dang / sems dben pa'i phyir chos la spyod pa dang / de byed cing yang dag par sgrub pa'i phyir tshig bden pa dang / kha 'og tu lus</font><hr>53.12b<br><font size=+1>

'khrus par byed pa'i phyir ji skad smras pa de bzhin byed pa dang / nyon mongs pas mi rdzi ba'i phyir sems dpa' ba dang / shin du nyams pa med pa'i phyir bslab pa yang dag par 'dzin pa dang / kha na ma tho ba phra rab la yang 'jigs par lta ba'i phyir tshul khrims lhod pa med pa dang / skye bar smon pa med pa'i phyir tshul khrims skyon med pa dang / gcig tu dkar po spyod pa'i phyir tshul khrims thun tshags ma yin pa dang / byang chub kyi yan lag sbyang ba'i phyir dge ba'i bshes gnyen la bsten pa dang / mig yongs su dag pa'i phyir 'od zer thogs pa med pa dang / rna ba yongs su dag pa'i phyir sgra la thogs pa med pa dang / sna yongs su dag pa'i phyir dri la thogs pa med pa dang / lce yongs su dag pa'i phyir ro la thogs pa med pa dang / lus yongs su dag pa'i phyir reg bya la thogs pa med pa dang / yid yongs su dag pa'i phyir chos la thogs pa med pa'o/ /blo gros rgya mtsho gzhan yang byang chub sems dpa' ni mi sdug pa shin tu bsgoms pa'i phyir 'dod chags kyi gdung ba dang bral ba yin/ byams pa shin du bsgoms pa'i phyir zhe sdang gi gdung ba dang bral ba yin/ rten cing 'brel par 'byung ba la shin du brtags pa'i phyir gti mug gi gdung ba dang bral ba yin/ dbang po rnams la shin du brtags pa'i phyir sgrib pa dang bral ba yin/ stobs yongs su dag pa'i phyir sgrib pa yang dag par bsal ba yin/ 'byung bar bya ba'i khams yongs su dag pa'i phyir kun nas ldang ba gsal ba yin/ yang dag par bsgrubs pa'i phyir 'dod pa dang / zhe sdang dang / gti mug dang / 'jigs pa dang / nga rgyal dang bral ba yin/ chos kyi sbyin pa la ser sna med pa yin/ zang zing gi sbyin pa la kun 'dzin pa'i sems med pa yin/ theg pa dman pa la 'dod pa med pa'i phyir byang chub kyi bsam</font><hr>53.13a<br><font size=+1>

pa yin/ dbang po sbas pa'i phyir nang nye bar zhi ba yin/ skyon shin du mthong ba'i phyir phyi rol nye bar zhi ba yin/ sdig pa thams cad mi byed pa'i phyir 'khor bas skrag pa yin/ dge ba'i rtsa ba sogs pas mi ngoms pa'i phyir yid yongs su mi skyo ba yin/ chu bo bzhi las bsgral ba'i phyir chos kyi gru chen po yang dag par sbyor ba yin/ pha rol du 'gro ba'i phyir stegs dang zam pa shin du bcas pa yin/ thang la shin du gnas pa'i phyir 'dam dang 'obs las brgal ba yin te/ blo gros rgya mtsho de ltar byang chub sems dpa' sems dpa' chen po gang gi tshe chos 'di lta bu de dag gis dag pa dang / yongs su dag pa dang / sbyin pa 'phags pa dang / tshul khrims yongs su dag pa de ni thams cad mkhyen par sems bskyed pa rin po che de sbyong ba'o/ /de nas de'i tshe bcom ldan 'das kyis tshigs su bcad pa 'di dag gsungs so/ /lus dang ngag rnams dang ni yid bsdams shing / /rnam par dag pa'i las lam bcu la slob/ /byams pas sems can kun la yang dag lta/ /'di ni thams cad mkhyen par sems sbyong yin/ snying rje ldan pas gzhan gyi bya bar brtson/ /dga' dang ldan pas chos la pha rol sbyor/ /btang snyoms ldan pas chos mchog 'tshe ba med/ /'di ni thams cad mkhyen pa'i sems sbyong yin/ /rtag tu drang zhing g.yo ni rnam par spangs/ /gzhan la phan byed sdig pa rnam par spangs/ /lhag bsam dge ba ci yod rjes su 'jug / 'di ni thams cad mkhyen pa'i sems sbyong yin/ /shes rab rab 'jug dran dang shes bzhin can/ /sems rab dul bas sems ni las su rung / /sbyangs pa'i yon tan rnams dang gso sla ba/ /'di ni thams cad mkhyen pa'i sems sbyong yin/ /'phags rig</font><hr>53.13b<br><font size=+1>

chog shes pa dang tshig mnyen dang / /bla ma rnams la rtag tu 'dud byed dang / /rtsod brdzun nga rgyal spangs dang stobs ldan dang / /brnyas dang log pa nam yang byed ma yin/ /sems ni nges sems mngon pa'i nga rgyal bral/ /rnyog pa med cing rab tu dang lags la/ /bdag shes pa la rim gyis 'jug par byed/ /gzhan la mi brnyas sems can rjes su srung / /chos la gus par dga' zhing gus dang bcas/ /bsgrims te nyon mongs rnams ni spong bar byed/ /chos don gnyer zhing chos la rton par byed/ /rtag tu chos don gzhol zhing 'bab par byed/ /chos la brtson zhing nyon mongs med pa bsgoms/ /chos min spangs shing chos rnams yongs su tshol/ /dkon mchog gsum la dad pa mi phyed ldan/ /'di ni thams cad mkhyen pa'i sems sbyong yin/ /rtag tu 'dzem dang ldan zhing nyes spyod ldog /de bzhin gshegs pa kun la ngo tshas sdom/ /khrel yod ldan zhing 'dir ni dbang po bsdams/ /'di ni thams cad mkhyen pa'i sems sbyong yin/ /rab tu sbyor bas las kyi bya bar 'jug /bag yod pas na mtha' gnyis 'dzin mi byed/ /mkhas pa sten pa'i chos rnams rjes rtogs pa/ /'di ni thams cad mkhyen pa'i sems sbyong yin/ /spyod lam gyis ni drang ba'i dngos dang ldan/ /khengs pa med pas rtag tu mnyen pa nyid/ /zhi gnas cho ga ldan pas rgod pa med/ /'di ni thams cad mkhyen pa'i sems sbyong yin/ /blo ni rab tu brtan pas nyams pa med/ /lhag mthong la ni ri rgyal ji bzhin te/ /dam bcas brtan zhing bar skabs nyams pa med/ /'di ni thams cad mkhyen pa'i sems sbyong yin/ /sdug bsngal bde bas mi g.yos sa dang mtshungs/ /bsam pa dag pas chu ltar dri ma 'khru/ /rtag tu</font><hr>53.14a<br><font size=+1>

rlom sems med pas me dang metshungs/ /gnas med rgyu bas rtag tu rlung dang 'dra/ /shin du dri ma med pas mkha' mnyam sems/ /rab tu byung bas sangs rgyas bstan pa rnyed/ /lus ni dben zhing zhi bas dgon par dga'/ /sems dben pas ni chos kyi mchog la spyod/ /dge ba bden par smra dang yang dag smra/ /ji skad smras pa de ni de bzhin byed/ /nyon mongs mi rdzi dge la dpa' bo mchog /shin du bslabs pas bslab pa yang dag 'dzin/ /de la lhod pa nam yang yod ma yin/ /kha na ma tho chung la 'ang rtag tu 'jigs/ /byang chub mchog rgyu'i tshul khrims nyams pa med/ /yon tan dkar spyod tshul khrims 'dres pa med/ /dge ba'i bshes gnyen sten cing sdig pa min/ /rdzogs pa'i byang chub sems dpa' bya phyir brtan/ /de ltar de yi mig ni dri med kyis/ /'jig rten kun la 'od zer mnyam par lta/ /mkhas pa de ni sna tshogs sgra thos nas/ /dga' med rangs pa med cing zhum pa med/ /blo ldan de ni sgra yi don rtogs shes/ /de'i rna ba de ltar rnam dag nyid/ /sna yis dri dang lce yis ro rnams dang / /lus kyis reg dang yid kyis/ chos rnams la/ /reg gnas ma khengs ma dud zhum pa med/ /de ltar de yi dbang po dag pa nyid/ /chags pas mi chags sdang bas sdang ba med/ /gti mug ma rmongs mi sdug gnas pa can/ /byams la dga' zhing rkyen gyis chos sems pa/ /'di ni thams cad mkhyen pa'i sems sbyong yin/ /sgrib pa lnga po dag gis bsgribs pa med/ /de ltar des ni dbang po lnga yang bsgoms/ /de ni gang du'ang sgrib med bcings pa'ang med/ /stobs rnams lnga po dag la rab tu gnas/ /kun nas ldang ba shes shing byung ba nyid/ /tshul bzhin ma yin spangs shing tshul bzhin gnas/ /dran pa nye bar gzhag pa bzhi la sten/ /yang dag spong dang rdzu 'phrul rkang par ldan/ /byang chub</font><hr>53.14b<br><font size=+1>

yan lag sten dang rtag tu ldan/ /brtan pa de ni yan lag brgyad la mchog / de ni 'dod dang sdang dang 'jigs mi 'gro/ /gti mug bral zhing dbang po shin tu bsdams/ /chos kyi sbyin la de ni ser sna med/ slob dpon nam yang chos 'chab mi byed de/ /zang zing med par chos ni ston par byed/ /des na de ni byang chub sems dga' 'gyur/ /de ni zang zing rnams la kun 'dzin med/ /rnam smin re med 'dod dgu gtong bar byed/ /sbyin dang snyan dang don byed don 'thun pas/ /de ni sems can brgya dag rab tu sdud/ /de'i byang chub sems ni brjed mi 'gyur/ /theg pa dman la nam yang re ba med/ /ji lta ji ltar sangs rgyas yon tan mthong / /de lta de ltar de bsam ri rab 'dra/ /nang ni rab zhi srid pa'i nyes pa mthong / /de ni gzhan gyi 'khrul la lta mi byed/ /'dus byas nyes pa dag kyang shin du mthong / /'khor bas 'jigs pas sdig pa rnams mi byed/ /legs spyod khur khyer bas ni skyo ba med/ /zhing rnams sbyong bar 'dod pa nyams pa med/ /chos rnams yongs su bzung bas zhum pa med/ /sems can thar byed rgyu la 'jigs pa med/ /chu bo bzhi po dag las bsgral ba'i phyir/ /de ni chos gru yang dag sbyor bar byed/ /lus can mya ngan 'das lam gzud pa'i phyir/ /de ni stegs dang zam pa 'cha' bar byed/ /'dam las 'das shing 'obs las brgal nas ni/ /thang la gnas shing de dag 'jigs med gnas/ /'jigs pas g.yen spyo rnams la 'jigs med ston/ /bdag nyid rgal nas de dag gzhan yang sgrol/ /gang dag chos tshul 'di dag rnam dag cing / /rdzogs pa'i byang chub sems brtan kha lo sgyur/ /de dag byang chub sems mchog rnam dag ste/ /nyon mongs dri mas</font><hr>53.15a<br><font size=+1>

gzhar yang gos mi 'gyur/ /de ste nam mkha' nyon mongs bya bar nus/ /de la rjes kyang bstan par nus srid kyi/ /rang bzhin 'od gsal rdzogs pa'i byang chub sems/ /de ni nam yang nyon mongs byar mi nus/ /thams cad mkhyen pa'i sems rin po che yongs su sbyang ba'i le'u ste dang po'o// // 'phags pa blo gros rgya mtshos zhus pa/ bam po gnyis pa/ blo gros rgya mtsho thams cad mkhyen par sems bskyed pa rin po che de'i gnod pa bzod pa ni ji lta bu/ thams cad mkhyen par sems bskyed pa rin po che de'i gnod pa ni gang zhe na/ blo gros rgya mtsho 'di la byang chub sems dpa' sems dpa' chen po thams cad mkhyen par sems bskyed pa rin po che de ltar bskyed nas/ 'phags pa ma yin pa tshul khrims 'chal pa'i sems can rnams sam/ bdud rnams sam/ bdud kyi ris kyi lha rnams sam/ bdud kyi byin gyis brlabs pa rnams sam/ bdud kyi pho nya rnams kyis gtses sam/ rnam par gtses sam/ bskyod dam/ kun du bskyod dam/ dkrugs sam/ kun du dkrugs sam/ bsdigs sam/ brdegs kyang byang chub tu bsam pa'i sems bskyed pa de las mi phyed pa dang / sems can thams cad rab tu thar bar bya ba'i snying rje chen pos brtson 'grus brtsams pa las mi phyed pa dang / dkon mchog gsum gyi rigs mi 'chad par bya bar brtson pa las mi phyed pa dang / sangs rgyas kyi chos thams cad yang dag par bsgrub pa'i dge ba'i rtsa ba la sbyor ba las mi phyed pa dang / mtshan dang dpe byad bzang po yongs su 'grub par 'gyur ba'i bsod nams kyi tshogs bsags pa las mi phyed pa dang / sangs rgyas kyi zhing yongs su sbyang ba mngon par bsgrubs pa'i</font><hr>53.15b<br><font size=+1>

brtson pa las mi phyed pa dang / lus dang srog 'dor zhing dam pa'i chos yongs su 'dzin par mngon par brtson pa las mi phyed pa dang / sems can thams cad yongs su smin par bya ba la mngon par brtson zhing bdag bde ba la mi chags pa las mi phyed pa ste/ de de ltar lhag pa'i bsam pa phun sum tshogs par gyur pas sems can thams cad kyis dpyos kyang bzod/ thing slad byas pa dang / smad pa dang / bshung ba byas kyang bzod/ sems can thams cad kyis spyos sam bsdigs sam ngan du brjod dam/ ngan du smras pa'i tshig gi lam yang bzod/ sems can thams cad kyi gnod pa yang bzod/ sems can thams cad kyi khur yang bzod/ sgrol bas kyang skyo ba med/ zhum pa med/ kun du zhum pa med/ sgyid lug pa med/ yi chad pa med kyi stobs nye bar ston par byed/ mthu skyed par byed cing brtson 'grus rtsom la rtul bas rtul bar byed de/ spro ba skyed cing rmongs pa'i sems mi 'dzin to/ /de spyos kyang slar mi gshe/ brdegs kyang slar mi rdeg / khros kyang slar mi khro/ 'khrugs kyang slar mi 'khrugs ste/ de ltar sems bgrang ba'i go cha gyon no/ /'di lta ste/ theg pa chen po 'di ni 'jig rten thams cad dang mi mthun pa'i theg pa'o/ /de ci'i phyir zhe na/ sems can de dag ni rgyun gyi rjes su 'gro ba dag go/ /bdag ni rgyun las ldog par rtsol bar 'dod pa'o/ /sems can de dag ni phan tshun mi mthun pa dag go/ /bdag ni sems can thams cad kyi mi mthun pa spang ba'i phyir go cha bgos pa'o/ /sems can de dag ni gnod sems la dpa' ba dag go/ /bdag ni bzod pa dang / nges pa yongs su tshol ba'o/ /sems can de dag ni gcig la gcig yongs su 'drid par gnas pa dag go/ /bdag ni shes rab kyis ngoms pa yongs</font><hr>53.16a<br><font size=+1>

su tshol ba'o/ /gal te sems can de dag phyogs bcu'i rab tu dbye bas rab tu phye ba ji snyed pa de dag thams cad ral gri dang / mdung thung dang mda' bo che lag na thogs te/ bdag gi phyi bzhin 'brang yang / sa phyogs gang du 'greng ngam 'dug gam 'chag gam nyal yang rung ste/ byang chub kyi sems skye bar 'gyur ba dang / sbyin pa'i sems sam/ tshul khrims kyi sems sam/ bzod pa'i sems sam/ brtson 'grus kyi sems sam/ bsam gtan gyi sems sam/ shes rab kyi sems sam/ thos pa'i dge ba'i rtsa ba'i sems skye bar 'gyur ba'i sa phyogs der da bdag lus rgya shug gi lo ma'i brgya cha tsam du gtubs sam/ rnam par gtor tam/ rnam par bcom 'am/ sems can de dag thams cad las gzhan mi byed par rgyun du gshe 'am/ sdigs sam/ smod dam/ bshung ngam/ tshig ngan pa dang ngag rtsub po smra ba de ltar gyur kyang bdag gis sems can 'ga' la yang 'khrug pa'i sems bskyed par mi bya'o/ /de ci'i phyir zhe na/ sngon gyi mtha' nas 'khor ba tshad med par byas te/ gang du bdag gis lus 'di sems can dmyal bar song ngam/ dud 'gro'i skye gnas su song ngam/ gshin rje'i 'jig rten du song ngam/ mir gyur kyang rung ste 'dod pa'i zas kyi dri mas dri ma can du gyur nas chos thos pa dang mi ldan zhing yang ba'i 'tsho ba'i spyod yul don med pas 'tsho ba can du gyur te yan lag dang / nying lag brgyar gshegs shing gtubs te phye zhing phral la bya ba rnam pa mang po byas kyang bdag gis gzhi de las bdag gis don byas kyis gzhan gyi don ma byas kyis gal te sems can de dag thams cad kyis/ phyi ma'i mthar bdag gis lus gshegs gtubs rnam par gtor</font><hr>53.16b<br><font size=+1>

rnam par bcom pa de lta bur gyur kyang bdag gis thams cad mkhyen pa yongs su mi gtong ngo / /sems can thams cad yongs su mi gtong ngo / /dge ba'i chos la 'dun pa yongs su mi gtong ngo / /de ci'i phyir zhe na/ lus gtubs pa'i lus kyi gnod pa 'di lta bu thams cad ni sems can dmyal ba'i sdug bsngal gyi/ brgya'i char yang nye bar mi 'gro ba nas rgyu'i bar du yang mi bzod do/ /bdag la ni sems can dmyal bar gnas par spro'o/ bdag gis sems can sangs rgyas kyi chos gtang bar ni mi bya'o/ /sems can thams cad rab tu thar bar bya ba la dmigs pa'i snying rje chen po mi gtong ngo / /de ci'i phyir zhe na/ de ni bcom ldan 'das kyis kyang gsungs te/ dge ba la ni bar chad mang ngo / /mi dge ba'i phyogs la ni grogs byed pa mang ngo / /dge ba'i phyogs la ni grogs byed pa nyung ngo zhes gsungs pas bdag gis mi dge ba'i phyogs kyi grogs mi bya'i dge ba'i phyogs kyi grogs bya'o/ /sems can thams cad la bzod par bya'i gnod sems su mi bya'o/ /sems can de dag la gang yod pa de ma byin na yang bdag la gang yod pa de bdag gis sbyin par bya ste/ sems can de dag la gnod sems dang khro ba dang / 'khon du 'dzin pa yod pa de dag de rnams kyis byin yang bdag la bzod pa dang des pa gang yod pa de bdag gis sbyin par bya'o/ /bdag gis bzod pa'i stobs bstan par bya'i gnod sems ni ma yin no snyam mo/ /blo gros rgya mtsho lus dang srog 'dor ba'i byang chub sems dpa' rnams la ni bla na med pa yang dag par rdzogs pa'i byang chub rnyed dka' ba ma yin no/ /gang gi gzhi las gnod sems 'byung ba'i chos de bdag gis spang bar bya'o snyam mo/ /chos de gang zhe na/ 'di lta ste lus la dga' ba dang</font><hr>53.17a<br><font size=+1>

lus la gnas pa dang / lus la chags pa ste/ lus btang na gnod sems kyang gtong ngo / /blo gros rgya mtsho de ltar bgrang ba la zhugs pa'i byang chub sems dpa' sems dpa' chen po ni sems can thams cad kyi gnod pa bzod de mi skyo mi khro'o/ /de gnod pa gsum bzod de/ gsum gang zhe na/ lus kyi gnod pa dang / ngag gi gnod pa dang / sems kyi gnod pa'o/ /blo gros rgya mtsho de la byang chub sems dpa'i lus kyi gnod pa bzod pa gang zhe na/ gang yan lag dang nying lag rnams bcad kyang chos nyid la rton te gang de'i lus gcod pa'i sems can de nyid la lta ba'o/ /blo gros rgya mtsho de la thabs la mkhas pa'i byang chub sems dpa'i lus gcod pa na pha rol du phyin pa drug bsgom pa yongs su rdzogs par 'gyur ro/ /blo gros rgya mtsho ji ltar na thabs la mkhas pa'i byang chub sems dpa'i lus gcod pa na pha rol tu phyin pa drug bsgom pa yongs su rdzogs par 'gyur zhe na/ gang lus 'dor ba dang lus yongs su gtong ba dang lus la mi lta ba 'di ni de'i sbyin pa'i pha rol du phyin pa'o/ /gang lus gcod pa na sems can thams cad la byams pas khyab par byed pa dang / tshor ba rnams kyis mi 'phrogs pa 'di ni de'i tshul khrims kyi pha rol tu phyin pa'o/ /gang lus yongs su gcod pa na gang dag de'i lus gcod pa de dag nyid rab tu thar bar bya ba'i phyir bzod cing sems kyi rma mi phyin te/ bzod pa'i stobs nye bar ston pa 'di ni de'i bzod pa'i pha rol tu phyin pa'o/ /brtson 'grus gang gis thams cad mkhyen pa nyid la 'dun pa mi 'dor zhing sems kyi stobs bskyed pa yang rab tu 'dzin la 'khor ba nyid du mtshams kyang sbyor zhing dge ba'i rtsa ba brtsam pa yang rtsom pa 'di ni de'i brtson 'grus</font><hr>53.17b<br><font size=+1>

kyi pha rol tu phyin pa'o/ /gang lus rnam par 'thor ba na thams cad mkhyen par sems bskyed pa rin po che de mi brjod cing byang chub nyid la lta ba dang / zhi ba dang rab tu zhi ba la so sor rtog pa 'di ni de'i bsam gtan gyi pha rol tu phyin pa'o/ /gang lus gcod pa na lus la rtswa dang / rtsig pa dang / shing dang / rdo dang / mig yor lta bur so sor rtog cing lus la sgyu ma'i chos nyid du 'jug pa dang / yang dag par na mi rtag pa nyid dang / yang dag par na sdug bsngal ba nyid dang / yang dag par na bdag med pa nyid dang / yang dag par na zhi ba nyid du lus la rtog pa 'di ni de'i shes rab kyi pha rol tu phyin pa 'o/ /blo gros rgya mtsho de ltar na thabs la mkhas pa'i byang chub sems dpa'i lus gcod pa na/ pha rol tu phyin pa drug bsgom pa yongs su rdzogs par 'gyur zhing theg pa chen po de las nyams par mi 'gyur te 'di ni byang chub sems dpa'i lus kyi gnod pa bzod pa'o/ /blo gros rgya mtsho de la byang chub sems dpa'i ngag gi gnod pa bzod pa gang zhe na/ gang ngan du brjod pa'i tshig thams cad dang du len pa dang / gshe ba dang bsdigs pa dang smad pa dang bshung ba dang bsdigs mo byed pa thams cad bzod pa dang / yod pa 'am/ med pas glengs pas kyang mi khro ba dang / 'khon du mi 'dzin pa dang / bag la nyal spong ba'o/ /blo gros rgya mtsho de la thabs mkhas pa'i byang chub sems dpa' sems dpa' chen po ngan du brjod pa dang / ngan du smras pa'i tshig gi lam dang / gshe ba dang bsdig pa dag pha rol las thos nas pha rol du phyin pa drug bsgom pa yongs su rdzogs par 'gyur ro/ /blo gros rgya mtsho ji ltar na thabs la mkhas pa'i byang chub sems dpa' ngan du brjod pa dang ngan du smras pa'i</font><hr>53.18a<br><font size=+1>

tshig gi lam gshe ba dang bsdigs pa dag pha rol las thos na pha rol du phyin pa drug bsgom pa yongs su rdzogs par 'gyur zhe na/ blo gros rgya mtsho 'di la byang chub sems dpa' sems dpa' chen po ngan du brjod pa dang ngan du smras pa'i tshig gi lam dang / gshe ba dang bsdigs pa dag pha rol las thos na dran pa 'di lta bu rab tu 'thob ste/ sems can 'di ni sngon nas ser sna can du gyur pa 'jungs pa ste/ ser sna'i dri mas kun nas kun du bskor ba des gang dag de'i gnod sems kyi dri ma spang ba'i phyir/ chos ston pa'i dge ba'i bshes gnyen rnams la ma bsten/ gus par ma byas bsnyen bkur ma byas pa'o/ /bdag ni gtong ba la mos shing ser sna med par bya/ dge ba'i bshes gnyen la brten par bya/ bsnyen par bya/ bsnyen bkur bya'o snyam ste/ de dag bsrung zhing gnod sems kyang spong ba 'di ni de'i sbyin pa'i pha rol du phyin pa'o/ /gzhan yang de 'di snyam du sems te/ sems can 'di ni tshul khrims 'chal pa las ma mthong ba ste/ de ni bdag la gshe zhing bsdigs pa'o/ /bdag ni tshul khrims dang brtul zhugs yang dag par blangs pa las mi nyams par bya'o/ /gnod sems med par bya'o/ /byang chub kyi sems yongs su bsrung bar bya'o/ las kyi rnam par smin pa la bsten par bya'o snyam pa 'di ni de'i tshul khrims kyi pha rol tu phyin pa'o/ /gzhan yang de 'di snyam du sems te/ sems can 'di ni zhe sdang gi shas che zhing gnod sems mang ba ste/ de ni bdag la gshe zhing bsdigs pa'o/ /bdag ni bzod pa'i stobs mang du byas te/ byams pa la gnas par bya'o snyam pa 'di ni de'i bzod pa'i pha rol du phyin pa'o/ /gzhan yang de 'di snyam</font><hr>53.18b<br><font size=+1>

du sems te/ sems can 'di ni le lo can dge ba'i chos dang bral ba ste de ni bdag la gshe zhing bsdigs pa'o/ /bdag ni brtson 'grus brtsam par bya/ dge ba'i rtsa ba yongs su brtsal ba la mi ngoms par bya ste/ sems can 'di byang chub kyi snying por sngar je 'dug par byas la phyis bdag bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam du/ de ltar go cha gyon pa 'di ni de'i brtson 'grus kyi pha rol du phyin pa'o/ /gzhan yang de 'di snyam du sems te/ sems can 'di ni brjed ngas pa shes bzhin med pa/ nyon mongs pa nges par bsams pa ste/ de ni bdag la gshe zhing bsdigs pa'o/ /bdag ni nyon mongs pa nges par bsam par bya/ dran pa dang shes bzhin can du bya/ rtse gcig tu byang chub kyi sems mi brjed par bya ste sems can ma dul ba/ ma zhi ba/ ma sbas pa/ nye bar ma nye bar 'di lta bu dag gi don du bdag gis go cha chen po bgos te 'di ltar sems nges par sems su gzhug go/ /snyam pa 'di ni de'i bsam gtan gyi pha rol tu phyin pa'o/ /gzhan yang de 'di snyam du sems te/ sems can 'di ni shes rab 'chal pa/ bdag tu smra ba/ sems can du lta bar dmigs pa'i spyod yul ba ste de ni bdag la gshe zhing bsdigs pa'o/ /bdag ni chos nyid la bsten par bya'o snyam ste 'di la gsheg ba dang khro ba su yin zhes yongs su tshol ba na gang gshe ba dang khro ba'i chos de mi dmigs so/ /de bdag dang gzhan mi dmigs par dmigs par lta ba dang bral ba 'di ni de'i shes rab kyi pha rol du phyin pa'o/ /blo gros rgya mtsho de ltar na thabs la mkhas pa'i byang chub sems dpa' ngan du brjod pa dang ngan du smras pa'i tshig gi lam dang / gshe ba dang bsdigs pa dag pha rol las thos nas pha rol du</font><hr>53.19a<br><font size=+1>

phyin pa drug bsgom pa yongs su rdzogs par 'gyur zhing theg pa chen po de las kyang mi nyams te 'di ni byang chub sems dpa'i ngag gi gnod pa bzod pa'o/ /blo gros rgya mtsho de la byang chub sems dpa'i sems kyi gnod pa bzod pa gang zhe na/ gang bdud thams cad kyis byang chub kyi sems de las phral yang mi g.yo ba dang / phas kyi rgol ba dmigs par lta ba la mngon par zhen pa thams cad kyis yang dag pa'i bsam par zhugs pa thams cad mkhyen pa sems de las mos pa bzlog kyang mi brjed pa dang / sangs rgyas kyi gzugs su 'dug kyang mi mnyam pa dang mnyam pa'i sems de las nyams par byed mi nus te bdud rdzu 'phrul chen po dag gis khyod kyi theg pa chen po yang dag par bsgrub par mi nus kyis khyod kyis gces par bya ba 'di thong shig /khyod kyis brtson 'grus 'di 'or cig /byang chub ni rnyed par dka' ba/ sangs rgyas kyi chos rnams ni rnyed par dka' ba ste 'dir 'khor ba'i sdug bsngal mang du myong bar 'gyur ro/ /gang dag mya ngan las 'das pa de dag ni bde ba yin gyis skyes bu dam pa khyod myur du mya ngan las 'das par gyis shig ces de la sems skul zhing sems dran par byed la/ blo gros rgya mtsho gal te byang chub sems dpa' sems dpa' chen po la de ltar bral bar byed de ltar mos pa zlog par byed kyang sngon gyi go cha mi 'dor zhing bsam pa rnam par 'khrugs par mi byed kyi de 'di snyam du sems te/ bdag gis nges par byang chub kyi snying po mnan par bya/ bdag gis nges par bdud dpung dang bcas par 'pham par byas te bla na med pa yang dag par rdzogs pa'i byang chub mngon par rdzogs par 'tshang rgya bar bya/ bdag gis nges par chos kyi 'khor lo rab tu bskor bar bya/ bdag gis nges par stong gsum gyi stong chen</font><hr>53.19b<br><font size=+1>

po'i 'jig rten gyi khams su chos kyi gtam chen po brjod par bya/ bdag gis sems can thams cad mgron du gnyer la chos kyi sbyin pas tshim par bya'o/ /sangs rgyas dang byang chub sems dpa' thams cad dang / bdag dang gzhan gyi sems rig pa'i lha rnams kyis byang chub tu bsam pa rig pas bdag gis/ thams cad mkhyen pa'i sems kyi gnod pa bzod par bya'o/ /sangs rgyas rnams dang lha rnams dang sems can thams cad dang bdag la slu bar mi bya'o snyam pa 'di lta bu ni/ blo gros rgya mtsho byang chub sems dpa'i sems kyi gnod pa bzod cing / theg pa chen po de las mi phyed pa ste/ blo gros rgya mtsho 'di ni thams cad mkhyen par sems bskyed pa rin po che de'i gnod pa bzod pa'o/ /bzod pa'i pha rol du phyin pa'i go cha gang yin pa de ni brtson 'grus kyi pha rol du phyin pa gong na med pa gang yin pa dang / pha rol tu phyin pa 'di gnyis yongs su rdzogs par byed pa 'di ni byang chub sems dpa'i sems kyi gnod pa bzod pa'o/ /de nas de'i tshe bcom ldan 'das kyis tshigs su bcad pa 'di dag gsungs so/ /byang chub lam las bsam pa mi phyed cing / /de ni snying rje las kyang phyed ma yin/ /bdag gis dkon mchog gsum po bsrung bar bya/ /sangs rgyas chos rnams yang dag bsgrub par bya/ /sum bcu rtsa gnyis khyad 'phags mtshan dang dpe byad bzung / /gang dag gis ni stobs bcu rnams kyis lus mdzes pa/ /de dag yongs su btsal phyir mchod sbyin bye ba byed/ /gnod pa shin du rnam mang bzod cing yon tan phyug /brgya phrag mtha' yas zhing rnams de dag bdag gis sbyang / /rin chen chos mchog 'di dag bdag gis bsrung bar bya/ /brgya phrag mtha' yas sems can de dag bdag gis dgol/ /des gnod pa bzod cing bsam pa</font><hr>53.20a<br><font size=+1>

mi phyed do/ /phyogs bcu'i sems can khams ni mtha' yas ji snyed pa/ /thams cad 'dus par gyur nas lag na mtshon thogs te/ /de dag de la 'jigs sbyin gshe zhing bsdigs byed kyang / /yon tan phyir ni bsdigs dang 'phya ba bzod par byed/ /sngon mtha'i bskal pa brgya phrag mtha' yas ji snyed par/ /de dag rgyun mi 'chad par tshig rtsub smras kyang ni/ /bdag nyid chen po de bzod mi khro gshe ba med/ /de ltar rtogs pa rnams ni gnod pa dag par 'gyur/ /sems can de dag lags na mtshon thogs lhan cig tu/ /bdag gi lus kyi yan lag dum bu dum bur gtubs/ /'on kyang bdag gi sems yid khro bar mi bya ste/ /byang chub yid la byas na gnod 'di dag par 'gyur/ /'greng ngam 'dug gam 'chag gam 'on te nyal yang rung / /gang du byang chub sems mchog 'di dag sbyin pa dang / /gdul ba'i sems dang gzhan yang dkar sems mi 'dor ba/ /der ni de'i lus dum bu dum bur rnam par 'thor/ /sems dmyal dud 'gro'i skye gnas yi dgas 'jig rten mir/ /bskal pa brgya phrag mtha' yas don med lus kyang gtubs/ /sangs rgyas ye shes mngon par 'dod pas lus 'dor zhes/ /skyes bu des ni yid kyang yang dag tshim par byed/ /mi yi sdug bsngal rgyu ni rnam pa du ma dag /mtshams med sdug bsngal brgya cher nye bar mi 'gro ba'i/ /dmyal ba rnams su bskal pa brgyar ni gnas par spro/ /rgyal ba dang ni chos dang sems can mi gtong ngo / /bdag lus mi rtag ring du mi thub sgyu ma 'dra/ /khams bzhi de dag gdug pa'i sbrul dang 'dra bar gsungs/ /bdag gis lus bar byas te dug med 'gyur bar bya/ /nyon mongs dug zhi nas ni rang byung sangs rgyas 'gyur/ /</font><hr>53.20b<br><font size=+1>

srid gsum 'jig rten 'di ni lus bde 'gyur ba'i gzhi/ /'dod pa'i zas rgyu cung zad ji snyed 'jigs pa ste/ /bdag gis lus btang 'jigs pa med par 'gyur bar bya/ /bgrang ba 'di la zhugs pa de dag gnod pa bzod/ /nag po'i phyogs la grogs ni brgya stong phrag kyang mang / /dkar po'i phyogs ni gang la'ang grogs po gcig pur 'gyur/ /bdag ni mi dge rnams dang rtsod par mi bya ste/ /sangs rgyas bzod pa gsungs pas bzod pa bdag gis grogs/ /phyogs bcu'i sangs rgyas de dag 'dir ni bdag gi dpang / /ji ltar sangs rgyas sku la sems ni mi phyed de/ /sangs rgyas dang ni bdag nyid che lha bdag gi grogs/ /gnod pa bzod par bya yi sdang bar mi bya'o/ /gnod pa bzod pa ngag yid rnam pa gsum du gsungs/ /gang bzod dpa'o de ni mi phyed bzod pa yin/ /lus kyi sdug bsngal rnam pa mtha' yas yod pa dag /gal te lus la bzod pa lus gnod dag par 'gyur/ /lus ni dum bu dum bur gtubs te rnam gtor tshe/ /thabs ldan che ba'i bdag nyid pha rol phyin rdzogs 'gyur/ /sbyin dang tshul khrims bzod dang brtson 'grus bsam gtan dang / /shes rab khyad 'phags dam pa skad cig tsam gyis 'dzin/ /lus dang lus la sred pa'i nyon mongs rnams kyang 'dor/ /sbyin dang rab tu ldan pa'i pha rol phyin par 'gyur/ /byams pas 'jig rten khyab byed tshul khrims nyams mi 'gyur/ /byang chub rjes su 'bro bas tshul khrims dag pa 'dzin/ /bzod pa'i stobs bskyed yan lag rnams dang nying lag gcod/ /de yang de yi bzod pa'i pha rol phyin la sbyor/ /brtson 'grus gces pa ma zhum bar skabs sgyid lug med/ /lus ni rnam par 'thor zhing brtson 'grus pha rol 'gro/ /byang chub sems</font><hr>53.21a<br><font size=+1>

kyi bsam pa dran pa mi 'dor zhing / /nyon mongs mun pa'i rdul rnams bsal phyir rab tu brtson/ /lus bshig nas ni bsam gtan stobs dang rnam thar 'thob/ /'dir yang rdul bral bsam gtan pha rol phyin la sbyor/ /bdag gi lus ni bdag med rmi lam glog dang 'dra/ /'di la byed pa po med tshor ba po yang med/ /lus kyi gzings pas bcings pa'i sems can bdag gis dgrol/ /shes rab 'di ni khyad 'phags pha rol phyin pa mchog /gang zhig 'di la sbyor zhing tshul bzhin chos sems la/ /lus kyi gnod pa bzod cing rab sdang mi byed de/ /mi snyan pa dang smad dang bshung ba'i tshig thos kyang / /de ni zhe sdang mi 'gyur byams ldan sems kyang dul/ /tha ba rab tu zhe sdang bor 'di sbyin pa dag /byams pa'i yid du gyur pa 'di ni tshul khrims dag /bzod pa'i stobs bskyed 'di ni bzod pa dag pa yin/ /sangs rgyas ye shes 'dod nas brtson 'grus phyir zhing skyed/ /sems dang yid rab zhi ba 'di ni bsam gtan dag /sgra skad mi rnyed 'di ni shes rab dag pa yin/ /mi'i tshig thos nas ni gang chos 'di sems pa/ /de 'dir gnod bzod dag gi skyon la chags pa med/ /bdud dang mu stegs can gyi lta gyur brgya stong gis/ /gnas 'di rnyed dkas sbyor ba 'ong brjod kyang / /mi skrag zhum pa med cing phyi phyir mthu bskyed de/ /mkhas pa de ni gnod dang sems gnod mtha' yas bzod/ /gang zhig bzod dang brtson 'grus rab gnas ri rab 'dra/ /sems can kun nang dpa' bo de 'dir gnod pa bzod/ /stobs bcu rnams kyi sbyang ba dang ni gnod shes nas/ /byang chub rjes su 'gro bas phyi nas lung ston to/ /blo gros rgya mtsho de la thams cad mkhyen par sems bskyed pa rin po che de'i 'bigs pa gang zhe na/ blo gros rgya mtsho 'di la byang</font><hr>53.21b<br><font size=+1>

chub sems dpa' sems dpa' chen po thams cad mkhyen par sems bskyed pa rin po che des rlom sems su mi byed de/ thams cad mkhyen pa'i sems de la brten par mi byed gnas par mi byed/ len par mi byed/ 'dor bar mi byed/ spros par mi byed/ rtog par mi byed/ rnam par rtog par mi byed kyi rnam par rtog par nye bar zhi ba la gnas pa yin te/ de chos zab mo rnams la blos rnam par dpyod do/ /chos zab mo de dag gang zhe na/ 'di lta ste/ rten cing 'brel par 'byung ba'i lugs su 'byung ba dang / rgyu la dmigs pa khong du chud pa dang / rtag pa ma yin pa dang / chad pa ma yin pa dang / mthar lta ba dang bral ba dang / rang bzhin gyis bdag med pa dang / bdag ngo bo nyid med pas chos thams cad/ ngo bo nyid med pa dang / gdod ma nas ma skyes pa dang / ma byung ba dang / stong pa nyid la mos pa dang / mtshan ma med pa la yid ches pa dang / smon pa med pa la som nyi med pa dang / mngon par 'du byed pa med pa la de kho na'i blo dang ldan pa dang / shin du mi rtag pa nyid dang / gzugs dbu ba dang mtshungs pa nyid dang / tshor ba chu bur dang 'dra ba nyid dang / 'du shes smig rgyu dang mtshungs te gnyis su med pa nyid dang / 'du byed rnams la chu shing dang mtshungs par so sor rtog pa dang / rnam par shes pa sgyu ma lta bu'i chos nyid dang / khams rnams g.yo ba med pa nyid dang / skye mched rnams phan tshun du shes pa med pa nyid dang / sems gnas pa med pa dang / nga rgyal yid la mi byed pa dang / lhag par byed pa lhag par mi byed pa dang / mnyam pa nyid du rtogs pa dang / tha dad du bya ba med pa dang / ro gcig pa dang / bgrod pa gcig pu'i lam la rab tu gnas pa dang / lam gyi tshogs shes pa yongs su tshol ba dang / nges pa'i don gyi don la rton pa dang / don gyi rjes su zhugs pa'i blo dang / skad thams cad</font><hr>53.22a<br><font size=+1>

la skad med par 'jug pa dang / sgra thams cad la sngon gyi mtha' dang phyi ma'i mtha' yongs su chad par shes pa dang / don dang tshig 'bru gnyis su med pa la 'jug pa shes pas don brjod du med par rtogs pa dang / sdug bsngal shes pa ngar 'dzin pa med pa dang / kun 'byung ba shes pa de shin du zad pa dang / 'gog pa shes pa sgro btags pa med pa dang / lam shes pa 'dus byas dang 'dus ma byas mnyam nyid du 'jug pa dang / lus la zhugs pa'i dran pa sngon gyi mtha' dang / phyi ma'i mthar 'pho ba med pa dang / tshor ba la zhugs pa'i dran pa skye ba dang 'jig par mi gnas pa dang / sems la zhugs pa'i dran pa dmigs pa la shin du brtags pa dang / chos la zhugs pa'i dran pa chos kyi dbyings la ma yin pa dang / yang dag par spong ba mnyam pas mnyam pa dang / rdzu 'phrul gyi rkang pa sems la dbang sgyur bar gyur pa dang / dad pa'i dbang po chags pa thams cad las shin du 'das pa dang / brtson 'grus kyi dbang po dben pas nges par byung ba dang / dran pa'i dbang po dran pa med pa dang / ting nge 'dzin gyi dbang po yid la byed pa med pa dang / shes rab kyi dbang po spros pa las shin du 'das pa dang / dad pa'i stobs gzhan gyi dring mi 'jog pa dang / brtson 'grus kyi stobs dmigs pa rtogs pa med pa dang / dran pa'i stobs nyams pa med pa dang ldan pa dang / ting nge 'dzin gyi stobs nges par sems par gyur pa dang / shes rab kyi stobs mi 'khrugs pa'i rgyu 'thun pa dang / dran pa yang dag byang chub kyi yan lag dran pa med cing brjed pa med pa dang / chos rnam par 'byed pa yang dag byang chub kyi yan lag chos thams cad mnyam pa nyid du 'jug pa dang / brtson 'grus yang dag byang chub kyi yan lag len pa med cing 'dor ba med pa dang / </font><hr>53.22b<br><font size=+1>

dga' ba yang dag byang chub kyi yan lag dba' rlabs med pa dang / rab tu sbyangs pa yang dag byang chub kyi yan lag lus dang sems la zhugs pa dang / ting nge 'dzin yang dag byang chub kyi yan lag mnyam pa nyid khong du chud pa dang / btang snyoms yang dag byang chub kyi yan lag gnyis dang bral ba dang / yang dag pa'i lta ba lta ba thams cad spong ba dang / yang dag pa'i rtog pa rtog pa dang rnam par rtog pa dang / yongs su rtog pa thams cad dang bral ba dang / yang dag pa'i ngag sgra skad thams cad mnyam pa nyid la 'jug pa dang / yang dag pa'i las kyi mtha' lus dang / sems kyi las dang bral ba dang / yang dag pa'i 'tsho ba tshol ba thams cad rgyun bcad pa dang / yang dag pa'i rtsol ba 'deg pa med cing 'jog pa med pa dang / yang dag pa'i dran pa dge ba dang mi dge ba'i rnam par rig pa la mi 'jug pa dang / yang dag pa'i ting nge 'dzin sems kyi dmigs pa mnyam pa nyid la 'jug pa dang / zhi ba zhi gnas kyi mthar song ba dang / lhag mthong lta ba rnam par dag pa dang / skye ba med pa'i don mi rtag pa'i don dang / gdod ma nas skye ba med pa'i don sdug bsngal gyi don dang / rgyu ba med pa'i don bdag med pa'i don dang / nye bar zhi ba'i don zhi ba'i don dang / dul bas sbyin pa dang / bsil ba'i dngos por gyur pa'i tshul khrims dang / zad pa'i chos dang ldan pa'i bzod pa dang / shin du rnam par phye bas rnam par 'byed pa'i brtson 'grus dang / nad nye bar zhi ba'i bsam gtan dang / yang dag pa ji lta ba bzhin du rab tu shes pa'i mtshan nyid kyi shes rab dang / sems can gdod ma nas rnam par dag pa'i byams pa dang / nam mkha' dang mtshungs pa'i snying rje dang / dga' ba med pa'i dga' ba dang / rtsod pa thams cad rgyun bcad pa'i btang</font><hr>53.23a<br><font size=+1>

snyoms dang / chos thams cad 'khor gsum yongs su dag pa dang / sngon gyi mtha' nas stong pa dang / phyi ma'i mthar dben pa dang / da ltar byung ba na bdag med pa'o/ /blo gros rgya mtsho de ltar gang chos zab mo rgyun chad pa tshig 'bru dang bral ba nam mkha' dang mtshungs pa/ 'di lta bu 'di dag rtogs pa dang khong du chud pa dang 'jug pa shes pa la dpyod pa dang / sems pa dang 'jal ba dang bgrang ba dang / nye bar rtog pa dang nan tan byed pa 'di ni thams cad mkhyen par sems bskyed pa rin po che de 'bigs pa'o/ /de ltar thams cad mkhyen par sems bskyed pa rin po che de phigs na/ chos thams cad la dbang bsgyur ba nyid lhun gyis grub pa nyid du 'thob par 'gyur ro/ /blo gros rgya mtsho 'di lta ste dper na/ zla ba dang nyi ma'i gzhal med khang lhun gyis grub par rnam par rgyu zhing 'dzam bu'i gling thams cad du/ snang bar byed kyang lha'i bu nyi ma dang zla ba 'di snyam du bdag cag 'gro 'am 'on te ldog snyam du mi sems par sems can rnams kyi bsod nams kyi 'bras bu rnam par smin pas de dag 'gro'o/ /blo gros rgya mtsho de bzhin du rab tu phigs pa'i shes pa dang ldan pa'i byang chub sems dpa' sems dpa' chen po yang lhun gyis grub par sangs rgyas kyi zhing tshad med pa dag na sems can gyi don byed kyang byang chub sems dpa' sems dpa' chen po de ni yang mngon par 'du byed pa med par bya ba de dag kun du ston to/ /blo gros rgya mtsho de la byang chub sems dpa'i 'bigs pa shes pa gang yin pa de ni/ bsam gtan gyi pha rol tu phyin pa dang / shes rab kyi pha rol du phyin par yongs su btsal bar bya'o/ /de ci'i phyir zhe na/ byang chub sems dpa' mnyam par bzhag na lhag mthong gi chos rnams mthong gi mnyam par bzhags pas ni ma yin no/ /de'i mthong ba gang yin pa de ni shes rab ste/ </font><hr>53.23b<br><font size=+1>

shes rab des mngon sum du 'gyur ro/ /gang mngon sum du 'gyur zhe na/ chos rnams kyi yang dag pa'i mtshan nyid la mngon sum du 'gyur ro/ /chos rnams kyi yang dag pa'i mtshan nyid gang zhe na/ mtshan nyid gzhi de la kun du mi spyod pa'o/ /chos rnams kyi mtshan nyid kyi gzhi gang zhe na 'di lta ste rnam par rig pa ni chos rnams kyi mtshan nyid kyi gzhi'o/ /rnam par rig pa de'i yang dag pa ji lta ba'i mtshan nyid gang yin pa de nyid ni chos rnams kyi yang dag pa'i mtshan nyid ces bya'o/ /gang gi tshe tshor ba thams cad rgyun bcad par gyur pa de'i tshe snang bar yang mi byed/ mi snang bar mi byed do/ /de la snang ba ni gang / mi snang ba ni gang zhe na/ snang ba zhes bya ba ni skye ba'o/ /mi snang ba zhes bya ba ni 'gag pa'o/ /gang gi tshe snang bar yang mi byed mi snang bar yang mi byed pa de'i tshe/ skye bar yang mi byed 'gag par yang mi byed do/ /gang gi tshe skye bar yang mi byed 'gag par yang mi byed pa de'i tshe chos nyid la gnas pa yin te chos kyi dbyings 'khrugs par mi byed/ de bzhin nyid las mi g.yo/ yang dag pa'i mtha' 'jig par mi byed do/ /de la chos kyi dbyings shes bya ba ni rten cing 'brel par 'byung ba rjes su rtogs pa'o/ /de bzhin nyid ni de kho na'i mtshan nyid khong du chud pa'o/ /yang dag pa'i mtha' ni gnyis su med pa'i yang dag par mngon par rtogs pa'o/ /blo gros rgya mtsho de ltar mngon sum du shes pa rig pa'i byang chub sems dpa' sems dpa' chen po ni shin du phigs pa shes pa zhes bya'o/ /sbyang ba dang gnod pa dang nges par 'bigs pa'i le'u 'di/ bcom ldan 'das kyis bshad pa'i tshe/ lha dang mi'i skye dgu'i srog chags khrag khrig phrag bcu gnyis kyis bla na med pa yang dag par rdzogs pa'i byang chub tu sems bskyed do/ /srog chags khri drug stong gis bzod pa rab tu thob par gyur to/ /de nas de'i tshe bcom ldan</font><hr>53.24a<br><font size=+1>

'das kyis tshigs su bcad pa 'di dag gsungs so/ /chos kun nges par rtogs pa yi/ /byang chub sems ni sgrogs par byed/ /de tshe des rtogs ye shes kyis/ /chos rnams kun la chags pa med/ /zab mo'i chos rnams khong du chud/ /mkhas pa skrag par 'gyur ba med/ /skrag med kun du 'jigs med pas/ /khyad par 'phags par 'gyur ba yin/ /rgyu la dmigs pa'i tshul gyis ni/ /brten pa'i chos rnams khong du chud/ /shes rab ldan de rjes 'thun byed/ /mtha' lta ba ni mi 'dzin to/ /rtag pa dang ni chad pa la/ /blo ni thogs pa yod ma yin/ /yang dag mtha' ni bsam yas pa'i/ /dbu ma'i mtha' ni rtogs par 'gyur/ /bdag gis mtha' yi rang bzhin gyis/ /chos rnams bdag med ngo bo nyid/ /chos kun de'i rang bzhin te/ /gdod nas ma skyes 'gag pa med/ /skyes pa med cing 'byung ba med/ /stong pa gzung med dri ma med/ /mtshan ma med cing spros pa med/ /nam mkha' dang ni mtshungs shing 'dra/ /de dag sems kyis mi smon par/ /'dod cing chags pa rnam par spangs/ /gzugs kyi rang bzhin mngon sum du/ /dbu ba lta bur rab tu shes/ /tshor ba chu bur 'dra ba ste/ /'du shes smig rgyu'i mtshan nyid do/ /'du byed chu shing snying po 'dra/ /rnam par shes pa sgyu ma 'dra/ /khams bzhi g.yo ba med pa ste/ /nam mkha' mtshungs pa'i khams yin no/ /gang dag skye mched thams cad ni/ /bems po phan tshun spyod yul lo/ /sems ni nang na ma yin te/ /phyi rol du yang mi dmigs so/ /yid la nga yi yod ma yin/ rnam par shes pa gnas pa med/ /chos rnams yid la mi byed de/ /lhag par byed pa rnam par spong / /chos rnams thams cad mnyam nyid du/ /yang dag nyid du khong du chud/ /tha dad med cing ro gcig ste/ /gcig</font><hr>53.24b<br><font size=+1>

pu bgrod lam mnyam pa nyid/ /lam gyi shes pa rab tu rtogs/ /nges pa'i don gyi don rnams mthong / /blo ni don gyi rjes su zhugs/ /skad ni skad med khong du chud/ /sgra rnams kun la sngon mtha' dang / /phyi ma'i mtha' mar yongs su gcod/ /don dang tshig 'bru rnams la mkhas/ /chos rnams gnyis su med par rtogs/ /brjod du med pa'i don la ni/ /'di nyid yang dag khong du chud/ /skye ba med par sdug bsngal shes/ /kun 'byung ba la mnyam pa'i blo/ /'gog pa shes pa zad par bstan/ /lam shes pa ni 'dus ma byas/ /lus dang tshor ba sems dang ni/ /chos la chos su rjes su rtogs/ /dran med yid la byed med pa'i/ /dran pa nye bar gzhag pa ston/ /chos kyi dbyings ni dbyings min par/ /yang dag nyid ni mnyam pas mnyam/ /spong bas spang du med pa ni/ /yang dag spong bar rab tu bstan/ sems la dbang ni thob pa yi/ /rdzu 'phrul rkang pa rab tu bstan/ /chags pa kun las rab 'das pa/ /de ni dad pa'i dbang po yin/ /chos rnams thams cad rnam dben pa/ /de ni brtson 'grus dbang po yin/ /dran pa med cing dran 'jug pa/ /de ni dran pa'i dbang po yin/ /chos rnams yid la mi byed pa/ /de ni ting 'dzin dbang po yin/ /spros las shin du rab 'das pa/ /de ni shes rab dbang po yin/ /yang dag nyid ni rtogs nas de/ /gzhan gyi dad pas 'gro ma yin/ /sems ni g.yo ba yod min pa/ /dad pa'i stobs ni 'di 'dra'o/ /yang dag shes las nyams pa med/ /dran pa'i stobs ni 'di 'dra'o/ /ting nge 'dzin gyi stobs mdzod ni/ /des par sems la dga' ba yin/ /mi rtog rnam par mi rtog pa/ /shes rab stobs ni 'di 'dra'o/ /chos rnams rtogs pa'i don du ni/ /byang chub yan</font><hr>53.25a<br><font size=+1>

lag rab tu bstan/ /mnyam ste mi mnyam med pa'i chos/ /yang dag lta ba yin zhes brjod/ /gnyis med chos la bsgom pa ni/ /skye ba med pa'i lam bsgom yin/ /skye ba med pa mi rtag don/ /'byung ba med pa sdug bsngal te/ /rgyu ba med pa bdag med don/ /zhi don nye bar zhi ba'i gnas/ /dul ba'i sems ni sbyin pa yin/ /zhi ba'i sems ni tshul khrims ldan/ /zad pa'i chos rtogs bzod pa yin/ /brtson 'grus rnam par phye bas rtogs/ /shin du zhi ba'i bsam gtan te/ /shes rab yang dag rab shes pa/ /sems can gdod nas rnam dag don/ /byams pa zhes ni brjod pa yin/ /snying rje nam mkha' 'dra ba ste/ /dga' ba spyod pa dga' ba yin/ /rtsom pa thams cad rgyun chad pa/ /btang snyoms shes ni rab tu bstan/ /'khor gsum yongs su chad par ni/ /chos rnams thams cad rab tu shes/ /chos rnams nges par 'bigs 'di ni/ /lta ba'i mdud pa gcod pa yin/ /bsam gtan shes rab gang yin pa/ /der ni nges par 'bigs pa bstan/ /tshad med pa la 'jug pa ni/ /chos shes pa zhes brjod pa yin/ /gnod pa bzod pa dang nges par 'bigs pa zhes bya ba'i le'u ste gnyis so// // de nas bcom ldan 'das kyis byang chub sems dpa' sems dpa' chen po blo gros rgya mtsho la bka' stsal pa/ blo gros rgya mtsho de ltar na gang gi tshe byang chub sems dpa' sems dpa' chen po dag pa dang yongs su dag par 'gyur te/ bsam pa bcos ma ma yin zhing sems can thams cad kyis gnod par byas kyang zhe 'gras pa med la/ shin du nges par phigs pa'i ye shes su gyur cing / shes rab rnam par gdon mi za ba thob pa de'i tshe/ </font><hr>53.25b<br><font size=+1>

shin du dkar ba dri ma med pa'i phyag rgya'i ting nge 'dzin gyi rtsa ba'i gnas la rab tu gnas pa yin no/ /de la ting nge 'dzin 'di'i rtsa ba'i gnas gang zhe na/ 'di lta ste/ sems can thams cad la zhe sdang med pa'i snying rje chen po'o/ /de sems can thams cad kyis sti stang du byas kyang khengs par mi 'gyur/ sems can thams cad kyis sti stang du ma byas kyang dud par mi 'gyur ro/ /khengs pa med pa dang dud pa med pa de ni shes pa la nges par byung bas yin gyi nga rgyal las nges par byung ba ni ma yin no/ /khengs pa med pa dang dud pa med pa de ni chos dang ldan pa yin gyi gti mug dang ldan pa ni ma yin no/ /chos thams cad shes pa las nges par byung bas ye shes sngon du 'gro ba'i lus kyi las dang ldan pa yin/ ye shes sngon du 'gro ba'i ngag gi las dang ldan pa yin/ ye shes sngon du 'gro ba'i yid kyi las dang ldan pa yin te/ de lus sam ngag gam yid kyi las gang byed kyang de dag thams cad ye shes sngon du 'gro zhing ye shes kyi rjes su 'brang ngo / /de la byang chub sems dpa'i lus kyi las ye shes sngon du 'gro ba gang zhe na/ gang gzugs kyi lus kun du bstan pas sems can rnams yongs su smin par byed 'dul bar byed do/ /spyod lam ji lta bus sems can rnams 'dul bar 'gyur ba de lta bu nyid du de'i spyod lam lhun gyis grub cing yongs su brtag pa med par kun du gnas so/ /lus kyi skyon dang / lus las chags pa dang / lus kyi 'gyur ba dang / lus kyi tshul 'chos pa dang / lus kyi 'khrugs pa dang / lus kyi yongs su rtogs pa gang yin pa de dag byang chub sems dpa' des yang dag par bcom pa yin te/ shing ta la'i mgo gcad pa bzhin du rtsa ba nas chad nas ma 'ongs pa na mi skye ba'i chos can du 'gyur ro/ /</font><hr>53.26a<br><font size=+1>

de lus yongs su dag pa yin te lus mtshan nyid kyis legs par brgyan pa dang / lag pa dang rkang pa 'jam zhing mnyen pa dang / bsod nams kyi rgyu 'thun pa'i lus shin du rnam par phye ba dang / dbang po ma tshang ba med pa dang / yan lag dang nying lag thams cad yongs su rdzogs pa yin yang gzugs kyis rgyags shing dregs pa med pa yin te/ lus che ba'i tshul dang ldan pa ma yin no/ /de chos 'dzin pa nye bar bzung nas sems can ji tsam du dman pa gzugs ma tshang ba rnams la yang 'dud do/ /rab tu 'dud do/ /de rang gis lus kyi chos nyid kyis sems can thams cad kyi lus kyi chos mnyam pa nyid du shes pa la 'jug go/ /de lus la lus kyi chos nyid shes nas chos kyi lus yin gyi zang zing gi lus ma yin no/ /de la lus kyi chos nyid gang zhe na/ gang bsam gtan gyi zas za ba yin te/ zang zing gi zas za ba ma yin te/ 'jig rten dang 'thun par sems can la snying brtse ba'i phyir zas za'i/ lus nyam chung ba'i phyir ni ma yin no/ /de chos kyi lus su gyur nas chos kyis srog 'tsho'i zang zing gis srog 'tsho ba ni ma yin no/ /de la chos kyis srog 'tsho ba gang zhe na/ gang srog gi phyir yang bya ba ma yin par mi byed pa dang / 'phags pa'i tshul las mi 'da' ba'o/ /de la 'phags pa rnams kyi tshul gang zhe na/ 'di lta ste/ chags pa med pa dang / sdang ba med pa dang / rmongs pa med pa dang / nyon mongs pa thams cad dang bral ba dang / ji ltar bslab pa bcas pa bzhin du kun du bsrung ba dang / sbed pa dang rab tu gnas pa 'di ni 'phags pa rnams kyi tshul zhes bya'o/ /de la byang chub sems dpa' ye shes sngon du 'gro ba'i lus kyi las dang ldan pas mngon par shes pa dang / rdzu 'phrul gyi</font><hr>53.26b<br><font size=+1>

stobs thams cad dang ldan pa yin te/ de lhun gyi grub par sangs rgyas kyi zhing thams cad du snang bar byed cing sangs rgyas kyi zhing de dag na sems can de dag gi/ gzugs dang mtshan dang gzi brjid dang rgyan rnams ci 'dra bar byang chub sems dpa' de'i yang lhun gyis grub cing yongs su brtags pa med par de 'dra bar gnas so/ /de 'od bkod pa'i lus dang ldan pa yin te/ de gang gi tshe lus las 'od rab tu gtong ba de'i tshe sangs rgyas kyi zhing grangs med dpag tu med pa rnams snang bas khyab par byed do/ /de'i 'od de ni bde ba skyid pa ste/ sems can dmyal ba ngan song ba'i sems can thams cad bde bar byed pa'o/ /de'i 'od de ni bde ba la reg pa byed pa ste/ nyon mongs pas gdungs pa'i sems can thams cad rab tu zhi bar byed pa'o/ /de'i 'od de ni rab tu sim par byed pa ste/ sems can rnams kyi lus dang sems dga' ba bskyed pa'o/ /de lus nyid kyi sems can rnams la sangs rgyas kyi mdzad pa byed de/ 'di ni byang chub sems dpa'i lus kyi las ye shes sngon du 'gro ba'o/ /blo gros rgya mtsho de la byang chub sems dpa'i ngag gi las ye shes sngon du 'gro ba gang zhe na/ blo gros rgya mtsho 'di la byang chub sems dpa' ni tshig 'khrul pa'i skyon thams cad spangs par ngag gi las 'byung ngo / /blo gros rgya mtsho de la tshig 'khrul pa'i skyon de dag gang zhe na/ blo gros rgya mtsho byang chub sems dpa' ni tshig 'khrul pa'i skyon drug bcu rtsa bzhi dang bral zhing rnam par spangs par ngag gi las 'byung ste/ drug bcu rtsa bzhi gang zhe na/ blo gros rgya mtsho 'di la byang chub sems dpa' ni tshig rtsub po med pa yin/ tshig rnyog pa med pa yin/ gyo mo'i sgra lta bu med pa yin/ grum pa'i sgra lta bu med pa yin/ sgra ha cang che ba ma yin/ sgra ha cang chung ba ma yin/ sgra ha cang drag</font><hr>53.27a<br><font size=+1>

po ma yin/ tshig brlang po med pa yin/ tshig dib dib po med pa yin/ tshig cal col med pa yin/ tshig tab tab po med pa yin/ khas bub pa'i tshig lta bu med pa yin/ tshig nyams pa med pa yin/ zur dbyung dgos pa'i tshig med pa yin/ tshig zhum pa med pa yin/ tshig sub sub po med pa yin/ byis pa'i tshig lta bu med pa yin/ tshig nog nog po med pa yin/ 'bar bar byed pa'i tshig med pa yin/ co 'dri ba'i tshig med pa yin/ dus mi shes pa'i tshig med pa yin/ tshod mi shes pa'i tshig med pa yin/ 'dod chags kyis rjes su chags pa'i tshig med pa yin/ zhe sdang gis zhe 'gras pa'i tshig med pa yin/ gti mug gis rmongs shing lkugs pa'i tshig med pa yin/ dman pa'i tshig med pa yin/ mi mthun pa dang bsnyas pa'i tshig med pa yin/ 'byed par byed pa'i tshig med pa yin/ g.yo dang 'dres pa'i tshig med pa yin/ nga rgyal gyis khengs pa'i tshig med pa yin/ khyad du gsod pa'i tshig med pa yin/ ngo za ring gi tshig med pa yin/ tshig mi snyan cing zher 'debs pa'i tshig med pa yin/ med pas gleng bas tshig med pa yin/ 'khrul cing gshe ba'i tshig med pa yin/ yang dag pa ma yin pa'i tshig med pa yin/ 'phral du brdzun smra ba'i tshig med pa yin/ phra ma'i tshig med pa yin/ ngag rtsub po'i tshig med pa yin/ tshig kyal pa'i tshig med pa yin/ mdza' bo dang 'byed pa'i tshig med pa yin/ ha cang rno ba'i tshig med pa yin/ ha cang mnyen pa'i tshig med pa yin/ phal pa'i tshig med pa yin/ kun du ma bsrungs pa'i tshig med pa yin/ dus las lhag par smra ba'i tshig med pa yin/ gnod sems 'bar ba'i tshig med pa yin/ 'thab pa dang rtsod pa dang 'gyed pa'i tshig med pa yin/ thob kyis 'jal ba'i tshig med pa yin/ tshig 'gyur ba med pa</font><hr>53.27b<br><font size=+1>

yin/ tshig mi brtan pa med pa yin/ mu cor smra ba'i tshigs med pa yin/ gar gyi ltad mo'i tshig lta bu med pa yin/ chos dang 'gal ba'i tshig med pa yin/ gsang 'phel ba'i tshig med pa yin/ sems can la gnod pa'i tshig med pa yin/ bdag la bstod pa'i tshig med pa yin/ bzhan la smod pa'i tshig med pa yin/ 'phya ba dang sting ba'i tshig med pa yin/ sangs rgyas dang chos dang dge 'dun la 'gal ba'i tshig med pa yin/ 'phags pa la skur pa 'debs pa'i tshig med pa yin/ ngo mi chod pa'i tshig med pa yin/ tshig 'khrul pa'i skyon thams cad dang bral ba'i tshig nyid ni tshig drug bcu rtsa bzhi pa yin te/ blo gros rgya mtsho byang chub sems dpa' ngag gi las ni tshig 'khrul pa'i skyon drug bcu rtsa bzhi po de dag dang bral zhing yongs su dag par 'byung ngo / /de'i ngag de ni phyad par lung ston pa dang / yang dag par lung ston pa dang / de kho na lung ston pa dang / bden pa rnam par dgod pa lung ston pa dang / bden pa'i rjes su 'brang ba dang / sems can thams cad kyi skad la 'jug pa dang / sems can thams cad kyi bsam pa lung ston pa dang / sems can thams cad tshim par byed pa dang / sems can thams cad kyi dbang po skul bar byed pa dang / nyon mongs pa thams cad rab tu zhi bar byed pa dang / sangs rgyas kyis byin gyis brlabs pa dang / chos dang mi 'gal ba dang / bsod nams kyi rgyu 'thun pa shin du rnam par phye ba dang / zla ba ltar dri ma med cing snyan pa dang / 'dod chags kun du skyed pa ma yin pa dang / tshar gcad nas yon tan smra ba dang / zhe sdang mi skyed pa dang / zab cing gting dpag dka' ba dang / gti mug kun du mi skyed pa dang / phyogs bcur go bar byed cing rgyas par 'gengs pa dang / tshig don med</font><hr>53.28a<br><font size=+1>

pa ma yin pa dang / thams cad kyi rjes su zhugs pa dang / mngon par 'du bya ba med pa'i mtshan nyid du 'byung ste/ blo gros rgya mtsho 'di ni byang chub sems dpa'i ngag gi las ye shes sngon du 'gro ba'o/ /blo gros rgya mtsho de la byang chub sems dpa'i yid kyi las ye shes sngon du 'gro ba gang zhe na/ blo gros rgya mtsho 'di la byang chub sems dpa' sems dpa' chen po sems kyi 'jug pa gcig gis sems can thams cad kyi spyod pa dang g.yo ba rnams rab tu shes so/ /mnyam par bzhag kyang spyod lam thams cad kun du ston cing ting nge 'dzin de las ldang ba'ang med do/ /de'i sems kyi las ni bdud thams cad kyis kyang mi shes so/ /de'i sems kyi 'jug pa ni nyan thos dang rang sangs rgyas thams cad kyis kyang mi shes so/ /byang chub sems dpa' de ni bdag la gnod par bya ba dang / gzhan la gnod par bya ba dang / gnyi ga la gnod par bya ba mi sems so/ /de'i sems dang yid dang rnam par shes pa ni chos gang la yang thogs pa med do/ /de chos thams cad rig par ye shes mthong ba skye'o/ /sems dang yid dang rnam par shes pa des rig pa med par tshor ba yang so sor myong la/ sangs rgyas kyi chos rnams yongs su ma rdzogs kyi bar du tshor ba 'gog pa mngon sum du yang mi byed de/ blo gros rgya mtsho 'di ni byang chub sems dpa'i yid kyi las ye shes sngon du 'gro ba'o/ /blo gros rgya mtsho 'di ni shin du dkar ba'i dri ma med pa'i phyag rgya'i ting nge 'dzin de'i rtsa ba'i gnas te/ 'di lta ste/ ye shes sngon du 'gro ba'i lus kyi las dang / ye shes sngon du 'gro ba'i ngag gi las dang / ye shes sngon du 'gro ba'i yid kyi las so/ /blo gros rgya mtsho gang gi tshe/ byang chub sems dpa' sems dpa' chen po ye shes sngon</font><hr>53.28b<br><font size=+1>

du 'gro ba'i lus dang ngag dang yid kyi las rnams dang / ldan par gyur pa de'i tshe shin du dkar ba'i dri ma med pa'i phyag rgya'i ting nge 'dzin 'di rab tu 'thob bo/ /blo gros rgya mtsho de la chos bcu shin du dkar ba'i phyir ting nge 'dzin 'di ni shin du dkar ba zhes bya ste/ chos bcu po de dag gang zhe na/ 'di lta ste/ bsam pa dang lhag pa'i bsam pa yongs su dag pas 'jug pa'i spyod pa shin du dkar ba yin/ pha rol du phyin pa drug yongs su dag pas byang chub sems dpa'i spyod pa shin du dkar ba yin/ dge ba'i chos thams cad yongs su dag pas dkar po rnam par mthong ba'i spyod pa shin du rnam par dag pa yin/ gtan pa med pa'i mchod sbyin byed pa yongs su dag pas mtshan dang dpe byad bzang po yongs su rdzogs par byed pa'i spyod pa shin du dkar ba yin/ ji ltar thos pa'i chos bsgrub cing gzhan la go bar byed pa la mkhas pa yongs su dag pas gzungs dang spobs pa rab tu 'thob pa'i spyod pa shin du dkar ba yin/ 'khrul pa dang / sgrib pa dang chod pa dang kun nas ldang ba thams cad dang bral ba yongs su dag pas dran pa dang / ting nge 'dzin dang / g.yeng ba med pa'i shes pa shin du dkar ba yin/ bag yod pa yongs su dag pas byang chub kyi phyogs kyi chos shes pa shin du dkar ba yin/ sems dang yid dang rnam par shes pa yongs su dag pas zhi gnas dang lhag mthong shes pa shin du dkar ba yin/ phyogs dang mi mthun pa'i phyogs dang rgyun chad pa dang chags pa las/ shin du 'das pa yongs su dag pas sa bcu gnon pa'i ye shes shin du dkar ba yin/ mi dge ba'i chos thams cad spang ba'i phyir dge ba'i chos thams cad yongs su dag pas byang chub kyi/ snying po'i rgyan gyi ye shes shin du dkar ba yin te/ blo gros rgya mtsho chos bcu po de dag shin du dkar ba'i phyir ting nge 'dzin 'di shin du</font><hr>53.29a<br><font size=+1>

dkar ba zhes bya'o// //'phags pa blo gros rgya mtshos zhus pa/ bam po gsum pa/ blo gros rgya mtsho ci'i phyir dri ma med pa'i phyag rgya zhes bya zhe na/ blo gros rgya mtsho nyi shu po 'di dag ni dri ma med pa'i phyag rgya'i sgo yin te/ de dag gis ni ting nge 'dzin 'di dri ma med pa'i phyag rgya zhes bya'o/ /nyi shu po gang zhe na/ 'di lta ste/ ngar 'dzin pa yongs su dag pas dri ma med pa'i phyag rgya dang / ngar yir 'dzin pa yongs su dag pas phyi yongs su dag pa dri ma med pa'i phyag rgya dang / lta bar song ba thams cad yongs su dag pas 'jig tshogs kyi ngo bo nyid yongs su dag pa dri ma med pa'i phyag rgya dang / gdod ma nas yongs su dag pa'i phyir sems can thams cad bdag med pa yongs su dag pa dri ma med pa'i phyag rgya dang / ro gcig pa'i phyir chos thams cad mnyam pa nyid du rtogs pa yongs su dag pa dri ma med pa'i phyag rgya dang / rnam par thar pa thams cad yongs su dag pa'i phyir stong pa nyid dang / mtshan ma med pa dang / smon pa med pa yongs su dag pa dri ma med pa'i phyag rgya dang / shin du yongs su dag pa'i phyir nam mkha' yongs su dag pa dri ma med pa'i phyag rgya dang / tha dad du bya ba med pa'i phyir sems can gyi khams dang chos kyi dbyings yongs su dag pa dri ma med pa'i phyag rgya dang / rang gi mngon par shes pa yongs su dag pa'i phyir mngon sum legs par mthong ba yongs su dag pa dri ma med pa'i phyag rgya dang / rtag du snang ba yongs su dag pa'i phyir nyi ma'i dkyil 'khor ltar rab tu gsal ba'i yongs su dag pa dri ma med pa'i phyag rgya dang / chags pa thams cad dang bral ba'i yongs su dag pa'i phyir dus gsum la chags pa med pa'i ye shes mthong ba yongs su dag pa dri ma med pa'i phyag rgya dang / rnam par shes pa dang ye shes gnas pa med pa'i phyir rnam par rig pa'i sgo yongs su</font><hr>53.29b<br><font size=+1>

dag pa dri ma med pa'i phyag rgya dang / 'dus byas kyi ngo bo nyid yongs su dag pa'i phyir 'dus ma byas yongs su dag pa dri ma med pa'i phyag rgya dang / rkyen shin du brtags pa'i phyir rten cing 'brel par 'byung ba rtogs pa yongs su pa dri ma med pa'i phyag rgya dang / yang dag par shes pa rdzi ba med pa yongs su dag pa'i phyir stobs dang mi 'jigs pa dang / sangs rgyas kyi chos kyi rjes su 'gro ba yongs su dag pa dri ma med pa'i phyag rgya dang / sngon yongs su sbyang ba byas pa yongs su dag pa'i phyir/ sangs rgyas kyi chos rtogs pa'i mtshan nyid yongs su dag pa dri ma med pa'i phyag rgya dang / sems can thams cad yongs su mi gtong ba'i phyir byams pa chen po dang snying rje chen po yongs su dag pa dri ma med pa'i phyag rgya dang / mtha' thams cad dang bral ba yongs su dag pa'i phyir/ bdud dang phyir rgol ba bcom pa yongs su dag pa dri ma med pa'i phyag rgya dang / chos rnams kyi rang bzhin yongs su dag pa'i phyir nyon mongs pa'i bag chags kyi mtshams sbyor ba thams cad yang dag par 'joms pa yongs su dag pa dri ma med pa'i phyag rgya dang / yang dag par blang pas yongs su ngag par byed pa yongs su dag pa'i phyir sems kyi skad cig gcig gis sangs rgyas kyi chos thams cad kyi sgo rtogs pa yongs su dag pa dri ma med pa'i phyag rgya ste/ blo gros rgya mtsho dri ma med pa'i phyag rgya'i sgo nyi shu po de dag gis ting nge 'dzin 'di dri ma med pa'i phyag rgya zhes bya ste/ blo gros rgya mtsho byang chub sems dpa' byang chub kyi snying po la 'dug nas ting nge 'dzin gang rab tu 'thob pa'i ting nge 'dzin 'di ni shin tu dkar ba dri ma med pa'i phyag rgya zhes bya'o/ /ting nge 'dzin 'di thob ma thag tu shugs chen po ma 'dres pa brgyad 'byung bar 'gyur te/ brgyad gang zhe na/ 'di lta ste/ stong gsum gyi stong chen po'i 'jig rten gyi khams</font><hr>53.30a<br><font size=+1>

'di thams cad rdo rjer gnas par 'gyur ba 'di ni shugs chen po ma 'dres pa 'byung ba dang po'o/ /shing ljon pa thams cad la lo ma dang / me tog dang / 'bras bu sna tshogs chags te byang chub kyi shing ga la ba de logs su 'dud cing 'dud la rab tu 'dud de mngon par rab tu 'dud par 'gyur ba dang / sems can thams cad kyang skad cig de la nyon mongs pa thams cad kyi gnod par mi 'gyur ba dang / ngan song ba'i sems can thams cad kyis byang chub kyi snying po la 'dug pa'i byang chub sems dpa' mthong ste/ mthong nas kyang bde ba thams cad kyis tshim par 'gyur ba dang / 'jig rten gyi khams thams cad du yang bar gyi 'jig rten gyi khams rnams gser gyi kha dog lta bu'i 'od kyis khyab par 'gyur ba dang / sa g.yo ba chen po 'jig rten du 'byung bar 'gyur zhing sems can gang la'ang rnam par gnod par mi 'gyur ba dang / phyogs bcu na bzhugs pa'i sangs rgyas bcom ldan 'das rnams zhal ston cing mi 'jigs pas dbugs 'byin par mdzad de/ ded dpon chen po rgyal bar gyur cig /rgyal bar gyur cig ces gsung brjod par 'gyur ba dang / sems kyi skad cig gcig la sangs rgyas kyi chos thams cad chub par 'gyur ba dang / blo gros rgya mtsho shin tu dkar ba dri ma med pa'i phyag rgya'i ting nge 'dzin thob ma thag tu shugs chen po ma 'dres pa brgyad po de dag 'byung bar 'gyur ro/ /'di ltar ting nge 'dzin 'di'i mthus 'dir yon tan gyi rgyu dpag tu med par yang kun tu snang ngo / /de nas de'i tshe bcom ldan 'das kyis tshigs su bcad pa 'di dag gsungs so/ /chos 'di dri med dag dge rang bzhin 'od gsal te/ /nam mkha' mtshungs shing mnyam la gdod nas byung ba med/ /ma skyes ma byung gnas pa med cing 'gags pa med/ /'di ni rgyal</font><hr>53.30b<br><font size=+1>

ba'i phyag rgya dri med g.yo ba med/ /de'i rtsa ba'i gnas ni dbye ba med pa'i gzungs/ /byams pa dang ni snying rje sgom pa zung du 'brel/ /des na 'gro ba kun gyis bkur kyang dga' ba med/ /sti stang ma byas yi 'chad med de mnyam pa'i blo/ /de ni mnyam pa'i chos las ye shes skyes gyur nas/ /gti mug mun pa thams cad bcom ste rmongs pa med/ /ye shes ldan pa yin gyis nga rgyal ldan pa min/ /nges bsam mnyam chos shes nas shin du rnam par dag /mkhas pa lus ngag yid kyis las ni gang byed pa/ /thams cad shes pas byas te 'gro la bde ba byed/ /de lus rnam par dag pa sems can mang pos mthong / /rgyal ba'i ye shes rdul med bla na med pa smon/ /de'i spyod lam rtag tu bsdams te 'khrul pa med/ /lhun kyis grub ste tha mar mi rtog rnam rtog med/ /lus kyi nyes pa mtha' yas ji tsam gang brjod pa/ /de dag de la chad de gdod nas skyes pa med/ /de lus mtshan gyis brgyan te shin tu rnam par phye/ /de'i rkang mthil 'jam zhing bsod nams rnams las byung / /dbang po thams cad yongs su rdzogs pas lus mdzes kyang / /mkhas pa gzugs kyis rgyags pas rlom sems byed pa med/ /dman zhing dbul bas sdug bsngal sems can mang po gang / /de dag la yang gus bcas 'dud cing rab tu 'dud/ /bdag ni chos 'dzin gyur cig snyam ste nga rgyal med/ /chos mnyan des ni byang chub dam pa thob par 'gyur/ /de yis rang gi lus kyi chos nyid shes nas ni/ /de'i sems can kun lus de ltar rtogs pas na/ /de ni chos lus rdul dang bral ba thob 'gyur te/ /zang zing lus min nyon mongs rnams las shin tu grol/ /rtag tu ting 'dzin spyod yul bsam gtan zas can 'gyur/ /gzi brjid chen po la ni zang zing lus mi srid/ /sems can don</font><hr>53.31a<br><font size=+1>

du kha zas za'i stobs phyir min/ /'chi med don du de ni chos kyis srog kyang 'tsho/ /'phags pa tshul ni rtag bsrung shin du rab tu zhi/ /'dod chags zhe sdang gti mug shin du rnam par phye/ /bslab pa sbed par gnas shing rgod med 'thun par byed/ /mkhas pa bdag gtong byed kyi sdig pa byed ma yin/ /rdzu 'phrul gyis ni bye ba phrag mang zhing song nas/ /sems can lus dang 'thun par byas te chos kyang ston/ /'gro ba'i gzugs dang mtshan dang rtags ni ci 'dra ba/ /de yi lus ni de lta bu dang mtshungs par 'gyur/ /de'i lus las shin du rnam dag 'od byung ste/ /des ni phyogs bcu mtha' yas zhing rnams khyab par byed/ /de'i 'od de bsod nams gzi ldan reg na 'jam/ /srog chags nyon mongs gdung ba thams cad zhi bar byed/ /sems dmyal rnams na sems can brgya dag sdug bsngal ba/ /de dag 'od kyis reg ma thag tu bde bar 'gyur/ /lus dang yid kyang dga' bar 'gyur ba rab tu 'thob/ /de ni sems can dmyal las rab tu thar ba'i rgyu/ /'di dag dang ni gzhan yang lus las yongs sbyangs pa/ /mtha' yas lus rnams ye shes kyis ni rnam par phye/ /mkhas pa shin du dul ba sangs rgyas mdzad pa byed/ /rdul bral rnams kyi lus kyi las 'di de 'dra'o/ /de dag tshig ni rnam dag sgra snyan yid du 'ong / /des ni lha dang lha min 'gro kun tshim par byed/ /de smra ba na 'chad pa don med mi 'gyur te/ /theg pa bdud rtsi 'dus byas min 'dir nges par 'byung / /dag las ngag gis nyes pa nges mang gang yod pa/ /de dag de yi bsod nams dag pas kun tu chad/ /skad rnams mtshungs shing sgra mtshungs gyur pas sems can rnams/ /sgra dang ngag las ji snyed kun gyis tshim par byed/ /de yi ngag ni phyad cing mnyam la yang dag min/ /yang dag lung ston bsgribs pas med cing mnyam par gzhag /tshig</font><hr>53.31b<br><font size=+1>

gang smras pa de yang de bzhin 'gyur ba ste/ /bden pa'i rjes su 'brang ba'i shes pas shin du dag /nyon mongs tha ba med cing 'dod chags rab tu zhi/ /tshar gcad yon tan smra zhing skyon las shin du grol/ /zab cing gting dpag dka' la shin du chad pa ste/ /don rnams byed cing zhing stong dag tu khyab par byed/ /rtog pa med par tshig 'di rab tu smra bar byed/ /rang gi ngang gis byung nas ji ltar thar 'gyur smra/ /rtag tu sa bzhin sems can dbang po tshim par byed/ /rnam par spyod byed tshig mchog 'dis ni shes pas byas/ /de yi yid las rtag tu bsgribs med legs par byas/ /sems kyi skad cig gcig gis 'gro ba'i sems rnams shes/ /de ni g.yeng med ting nge 'dzin las nyams pa med/ /khyu mchog de'i rgyu ba bdud kyis shes ma yin/ /de'i sems yid rnam rtog shin tu zab pa ste/ /rang rgyal rnams dang nyan thos kun gyis shes par dka'/ /bdag dang gzhan la rnam par mi 'tshe rjes chags med/ /khong khro med cing khengs pa med cing mnyam pa'i blo/ /mkhas pa de ni 'gro la rigs bzhin shes pa 'jug /tshor ba ma yin sems pa ma yin rnam rtog min/ /'chi med don du byang chub gnas su phyin bar du/ /tshor ba 'gog la bde bar rtogs pa byed ma yin/ /chos bcu de dag gang la rtag tu dag gyur pa/ /khyu mchog de la ting 'dzin 'di ni mngon du gyur/ /gang tshe 'jug pa'i spyod pa rnam par sbyangs gyur pa/ /dkar po'i lam rnams kun gyis 'phags shing yongs su dag /sa rnams ji bzhin pha rol phyin pa kun sbyangs te/ /dge ba rgya chen thams cad kyis ni mngon par 'phags/ /bsod nams 'bras bus mtshan kun shin du rnam par dag /spobs pas kyang ni gzungs rnams mthar thug med par 'gyur/ /mkhas pa rtag tu</font><hr>53.32a<br><font size=+1>

thos pa'i chos rnams sgrub par gnas/ /mkhas pa rtag tu dran la mnyam bzhag 'khrul pa med/ /de la kun nas ldang ba rnams dang 'khrul pa ni/ /phra rab mthong bar mi nus sgrib kun rnam par dag /byang chub phyogs chos rgya chen mtha' yas gang yin pa/ /thams cad de'i bag yod pa la 'du bar 'gyur/ /zhi gnas mthar gyur lhag mthong gis ni rtag tu shes/ /sa bcu po ni gnon par 'gyur zhing chags pa med/ /byang chub snying po spyad phyir shin tu rdzogs par smra/ /de ni mi dge kun spangs dgra las rgyal bar 'gyur/ /dge ba'i chos rnams kun gyis 'phags pa ri rab bzhin/ /de ni bsam yas dri med 'od 'di rab tu thob/ /ting 'dzin 'di thob mkhas de bsod nams byas nas ni/ /yongs su dag pa'i chos mchog nyi shu rab tu 'thob/ /de dag gi ni 'gro ba kun nang nyi bzhin lhang / /rgyal ba'i ye shes bla na med pa'i byang chub reg /shing gi drung du shugs brgyad bsam du med thob nas/ /de dag gis ni zhing brgya dag na 'gro don byed/ /sangs rgyas mi 'jigs byin zhing 'gro ba'i dpa' bo de/ /bdud rnams btul bar byas nas byang chub mchog la reg /rgyal ba'i phyag rgya sbyangs pa thob par gyur nas ni/ /yon tan 'di 'dra de kun bsam gyis mi khyab 'gyur/ /de lta bas na mi gang yon tan phreng 'dod pa/ /de myur byang chub sems la brtson 'grus brtan pa bskyed/ /de nas bcom ldan 'das kyis byang chub sems dpa' sems dpa' chen po blo gros rgya mtsho la bka' stsal pa/ blo gros rgya mtsho de lta bas na byang chub sems dpa' sems dpa' chen po shin tu dkar ba dri ma med pa'i phyag rgya'i ting nge 'dzin 'di thob par 'dod pas rnyog pa med pa'i sems dang / 'khrugs pa med pa'i sems kyis shin tu dkar zhing dri ma med pa'i blo dang ldan par</font><hr>53.32b<br><font size=+1>

bya'o/ /de la rnyog pa med pa'i sems de ni gang sems rang bzhin gyis 'od gsal ba la glo bur gyis nyon mongs pa rnams kyi skabs med pa dang / 'od gsal ba'i chos mi 'gyur ba nyid dang / yid la byed pa thams cad kun du mi 'byung ba dang / 'dod chags dang bral te rdul med pa dang / zhe sdang dang bral te rtog pa med pa dang / gti mug dang bral te mun pa med pa dang / dag pa dang / rnam par dag pa dang / shin tu dri ma med pa dang / rnam par grol ba las byung ba dang / rnam par grol ba ji lta bar chos thams cad kyang de bzhin te/ de bzhin nyid dang mnyam pa'i rjes su zhugs pa dang / rnam par grol ba ji lta bar chos thams cad kyang de bzhin te chos kyi dbyings dang mnyam pa'i rjes su zhugs pa dang / rnam par grol ba ji lta bar chos thams cad kyang de bzhin te/ yang dag pa'i mtha' dang mnyam pa'i rjes su zhugs pa dang / rnam par grol ba ji lta bar chos thams cad kyang de bzhin te/ stong pa nyid du mnyam pa'i rjes su zhugs shing mtshan ma med pa dang smon pa med pa dang / mngon par 'du bya ba med pa dang / ma skyes pa dang / skye ba med pa dang / 'gag pa med par mnyam pa'i rjes su zhugs pa dang / rnam par grol ba ji lta bar 'dus byas kyi chos thams cad de bzhin te/ de bzhin du 'dus ma byas kyi chos mnyam pa nyid kyis mnyam pa'i rjes su zhugs pa ste/ gang 'di la mnyam pa nyid kyi rjes su 'gro ba'i ye shes gdegs pa dang gzhag pa med pa 'di ni rnyog pa med pa'i sems shes bya'o/ /gang gi tshe chos 'di dag sems can gzhan dang / gang zag gzhan dag la ston kyang bdag dang gzhan du rnam par 'khrugs pa med pa 'di ni rnyog pa med pa'i sems so/ /gang gi tshe byang chub sems dpa' sems rnyog pa med cing 'khrugs pa med par gyur pa de'i tshe shin du dkar ba dri ma med pa'i phyag rgya'i ting nge 'dzin 'di rab tu 'thob bo/ /blo gros</font><hr>53.33a<br><font size=+1>

rgya mtshos gsol pa/ bcom ldan 'das ting nge 'dzin 'di ni zab lags so/ /bcom ldan 'das kyis bka' stsal pa/ blo gros rgya mtsho gting mi dmigs pa'i phyir ro/ /gsol pa bcom ldan 'das ting nge 'dzin 'di ni blta dka' ba lags so/ /bka' stsal pa/ gnyis dang bral ba'i phyir ro/ /gsol pa bcom ldan 'das ting nge 'dzin 'di ni rtogs par dka' ba lags so/ /bcom ldan 'das kyis bka' stsal pa/ nga rgyal gyis lhag par sems pa lhag par mi phyed pa'i phyir ro/ /gsol pa bcom ldan 'das ting nge 'dzin 'di ni rnam par 'tshal bar dka' ba lags so/ /bcom ldan 'das kyis bka' stsal pa/ rnam par shes pa dang ye shes mnyam pa nyid du rtogs pa'i phyir ro/ /gsol pa/ bcom ldan 'das ting nge 'dzin 'di ni gsal ba lags so/ /bcom ldan 'das kyis bka' stsal pa/ sgrib pa med pa'i rnam par thar pa rab tu thob pa'i phyir ro/ /gsol pa bcom ldan 'das ting nge 'dzin 'di ni shin tu phra ba lags so/ /bcom ldan 'das kyis bka' stsal pa/ dpe rnam par gzhag pa dang bral ba'i phyir ro/ /gsol pa bcom ldan 'das ting nge 'dzin 'di ni snying po lags so/ /bcom ldan 'das kyis bka' stsal pa/ rdo rje lta bu'i ye shes rab tu thob pa'i phyir ro/ /gsol pa/ bcom ldan 'das ting nge 'dzin 'di ni dbyer ma mchis pa lags so/ /bcom ldan 'das kyis bka' stsal pa/ sngon gyi mtha' dang phyi ma'i mtha' dbyer med pa'i phyir ro/ /gsol pa bcom ldan 'das ting nge 'dzin 'di ni chags pa ma mchis pa lags so/ /bcom ldan 'das kyis bka' stsal pa/ chags pa'i lam thams cad las shin du 'das pa'i phyir ro/ /gsol pa bcom ldan 'das ting nge 'dzin 'di ni snang bar gyur pa lags so/ /bcom ldan 'das kyis bka' stsal pa/ gti mug gi mun pa dang bral ba'i phyir ro/ /</font><hr>53.33b<br><font size=+1>

gsol pa/ bcom ldan 'das ting nge 'dzin 'di ni rnam par dag pa lags so/ /bcom ldan 'das kyis bka' stsal pa/ shin du kun nas nyon mongs pa med pa'i phyir ro/ /gsol pa bcom ldan 'das ting nge 'dzin 'di ni dri ma ma mchis pa lags so/ /bcom ldan 'das kyis bka' stsal pa/ 'dod chags kyi rdul dang bral ba'i phyir ro/ /gsol pa bcom ldan 'das ting nge 'dzin 'di ni rgyu ba ma mchis pa lags so/ /bcom ldan 'das kyis bka' stsal pa/ khams gsum du mi rgyu ba'i phyir ro/ /gsol pa/ bcom ldan 'das ting nge 'dzin 'di ni spros pa ma mchis pa lags so/ /bcom ldan 'das kyis bka' stsal spros pa tham cad dang bral ba'i phyir ro/ /gsol pa bcom ldan 'das ting nge 'dzin 'di ni mi g.yo ba lags so/ /bcom ldan 'das kyis bka' stsal pa/ shin du mthar thug pa'i phyir ro/ /gsol pa/ bcom ldan 'das ting nge 'dzin 'di ni thams cad kyi rjes su zhugs pa lags so/ /bcom ldan 'das kyis bka' stsal pa/ nam mkha' dang mtshungs shing mnyam pa'i phyir ro/ /blo gros rgya mtshos gsol pa/ bcom ldan 'das brtson 'grus brtsams pa ci 'dra ba zhig gis shin tu dkar ba dri ma med pa'i phyag rgya'i ting nge 'dzin 'di thob par nus/ bcom ldan 'das kyis bka' stsal pa/ blo gros gra rgya mtshos 'di lta ste/ dper na/ skyes bu la la zhig nam mkha' dang g.yul 'gyed pa 'dod par gyur na des nam mkha'i go cha nyid bgo bar bya'o/ /blo gros rgya mtsho de bzhin du shin du dkar ba dri ma med pa'i phyag rgya'i ting nge 'dzin thob par 'dod pas chos thams cad mnyam pa nyid kyi go cha nyid bgo bar bya'o/ /de ci'i phyir zhe na/ blo gros rgya mtsho 'god pa ci 'dra bar 'thob pa'ang de 'dra ba'i phyir ro/ /blo gros rgya mtsho de la rnam par shes pa ni</font><hr>53.34a<br><font size=+1>

'dus byas kyi sa bon no/ /rnam par rig pa med pa ni 'dus ma byas kyi sa bon te/ ting nge 'dzin 'di ni rnam par rig pa med pa'i sa bon no/ /ting nge 'dzin 'di ni mig gi rnam par shes pas rnam par shes par bya ba ma yin no/ /rna ba dang / sna dang / lce dang / lus dang / yid kyi rnam par shes pas rnam par shes par bya ba ma yin no/ /ting nge 'dzin 'di ni rnam par rig pas rtogs par bya ba ma yin no/ /tshor bas ma yin te/ ting nge 'dzin 'di ni tshor ba dang / rnam par rig pa med pa'i mtshan nyid do/ /chos thams cad mnyam pa nyid du rtogs pas de'i phyir yang dag par rdzogs pa'i sangs rgyas shes bya'o/ /blo gros rgya mtsho ngas ni mtshan nyid gzhan gyis kun nas nyon mongs pa mngon par rdzogs par sangs rgyas pa ma yin/ mtshan nyid gzhan gyis rnam par byang ba mngon par rdzogs par sangs rgyas pa ma yin no/ /de ci'i phyir zhe na/ kun nas nyon mongs pa'i mtshan nyid gang yin pa de nyid rnam par byang ba'i mtshan nyid de 'di lta ste/ rang bzhin gyis rnam par dag pa'i mtshan nyid do/ /rang bzhin gyis rnam par dag pa'i mtshan nyid gang yin pa de mtshan nyid med pa'o/ /mtshan nyid med pa gang yin pa de mtshan ma med pa'o/ /mtshan ma med pa gang yin pa de la so sor rnam par rig pa gang yang med do/ /blo gros rgya mtsho chos thams cad ni rnam par rig pa med cing rnam par rig par bya ba ma yin pa'o/ /chos gang rnam par rig pa med cing rnam par rig par bya ba ma yin pa de la yi ge rnams kun du mi 'byung ngo / /gang la yi ge rnams kun du mi 'byung ba de ji lta ba bzhin no/ /ji lta ba bzhin gang zhe na/ sngon gyi ji lta bar phyis de bzhin bar du yang de bzhin te/ de'i phyir chos thams cad ni dus gsum du stong pa zhes bya'o/ /ci'i phyir stong</font><hr>53.34b<br><font size=+1>

pa nyid ces bya zhe na/ de ni ma byas pa bya bar 'gyur ba ma yin pa/ bya ba ma yin pa rnam par bya ba ma yin pa ste/ de'i phyir stong pa nyid ces bya'o/ /bya ba ma yin pa gang zhe na/ 'di lta ste/ mngon par 'du bya ba med pa ste/ de ltar mi byed pas byas pa'i chos gang yang med do/ /de'i phyir de ni bya bar 'gyur ba med pa zhes bya'o/ /mngon par 'du bya ba med pa gang zhe na/ gang la lus kyis mngon par 'du bya ba med pa dang / ngag gis mngon par 'du bya ba med pa dang / yid kyis mngon par 'du bya ba med pa ste/ 'di ni mngon par 'du bya ba med pa zhes bya'o/ /mngon par 'du bya ba med pa gang yin pa de 'dus ma byas te/ de la ni skye ba med/ 'jig pa med/ gnas pa med do/ /gang la skye ba med/ 'jig pa med/ gnas pa med pa de dag gnas med pa'o/ /gang la gnas de med ce na/ mngon par 'du bya ba thams cad la gnas de med de/ de'i phyir gnas de med pa zhes bya'o/ /de la ni gzugs la song ba'i rnam par shes pa mi gnas/ tshor ba la song ba dang / 'du shes la song ba dang / 'du byed la song ba dang / rnam par shes pa la song ba'i rnam par shes pa mi gnas so/ /rnam par shes pa mi gnas pa gang yin pa de ye shes dang ldan pa'o/ /ye shes dang ldan pa gang yin pa de ye shes kyis rlom sems su mi byed pa'o/ /gang rlom sems mi byed pa de mngon par rlom sems su mi byed do/ /gang mngon par rlom sems su mi byed pa de mi rtsod do/ /gang mi rtsod pa de kun du mi 'bar ro/ /gang kun du mi 'bar ba de kun du gdung ba ma yin no/ /kun du gdung ba ma yin pa de rab tu 'bar ba ma yin no/ /gang rab tu 'bar ba ma yin pa de zhi ba'o/ /zhi ba gang yin pa de rab tu zhi ba'o/ /rab tu zhi ba gang yin pa de nye bar zhi ba'o/ /nye bar zhi ba</font><hr>53.35a<br><font size=+1>

gang yin pa de thub pa zhes bya'o/ /ston pa zhes bya'o/ /blo gros rgya mtsho chos 'di dag ni 'di ltar zab pa'o/ /'di ltar blta dka' ba'o/ /'di ltar rtogs par dka' ba'o/ /gang dag gis chos 'di dag thos nas mos par byed pa de dag thams cad phyin ci log pa dang nye ba'i nyon mongs pa dang / yongs su 'dzin pa dang / 'ching ba thams cad las rnam par grol te/ 'di dag ni 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi chos kyi mdzod 'dzin pa dag go/ /de dang de dag ni ded dpon chen po ste sems can thams cad la lam tshad med pa ston pa dag go/ /de dang de dag ni sman pa'i rgyal po ste/ nyon mongs pa gzugs can ma yin pa'i nad las rab tu thar bar byed pa dag go/ /de dang de dag ni mchod pa mchog gis de bzhin gshegs pa la mchod par byed pa dag ste/ de dag ni ring po mi thogs pa shin du dkar ba dri ma med pa'i phyag brgya'i ting nge 'dzin 'di thob par 'gyur ro/ /de dag ni theg pa chen po 'dir nges par byas pa dag go/ /de dag ni chos kyi gru chen po yang dag par sbyar ba dag go/ /de dag ni sems can tshad med pa dag 'khor ba'i chu bo chen po las sgrol bar 'gyur ba dag go/ /de dag ni yang bdud kyi yul du brjod pa ma yin pa dag go/ /skyes bu dam pa de dag ni bdud dang phyir rgol ba bcom pa dag go/ /ting nge 'dzin bstan pa'i le'u ste/ gsum pa'o// // de nas bcom ldan 'das la byang chub sems dpa' sems dpa' chen po blo gros rgya mtshos 'di skad ces gsol to/ /bcom ldan 'das ji ltar na</font><hr>53.35b<br><font size=+1>

byang chub sems dpa' bdud phyir rgol ba bcom pa lags/ bcom ldan 'das kyis bka' stsal pa/ blo gros rgya mtsho gang gi tshe/ byang chub sems dpa' sems dpa' chen po yongs su 'dzin pa thams cad don du mi gnyer ba de'i tshe bdud phyir rgol ba bcom pa yin no/ /gang gi tshe mtshan ma dang dmigs pa thams cad don du mi gnyer ba de'i tshe bdud phyir rgol ba bcom pa yin no/ /blo gros rgya mtsho bdud ni bzhi po 'di dag ste/ bzhi gang zhe na/ phung po'i bdud dang / nyon mongs pa'i bdud dang / 'chi bdag gi bdud dang / lha'i bu'i bdud de bzhi po 'di dag ni bdud do/ /de la sgyu ma'i chos su so sor rtogs pas phung po'i bdud 'joms/ /stong pa nyid nges par sems pa la so sor rtogs pas nyon mongs pa'i bdud 'jom mo/ /skye ba med pa dang 'byung ba med par so sor rtogs pas 'chi bdag gis bdud 'jom mo/ /nga rgyal gyis sgro btags pa thams cad 'gog par 'gyur ba'i lam gyis lha'i bu'i bdud 'jom mo/ /gzhan yang sdug bsngal yongs su shes pas phung po'i bdud 'jom mo/ /kun 'byung ba spong bas nyon mongs pa'i bdud 'jom mo/ /'gog pa mngon sum du byed pas 'chi bdag gi bdud 'jom mo/ /lam sgom pas lha'i bu'i bdud 'jom mo/ /gzhan yang 'du byed thams cad la sdug bsngal du so sor rtogs pas phung po'i bdud 'jom mo/ /'du byed thams cad la mi rtags par so sor rtogs pas nyon mongs pa'i bdud 'jom mo/ /chos thams cad la bdag med par so sor rtogs pas 'chi bdag gi bdud 'jom mo/ /mya ngan las 'das pa la zhi bar so sor rtogs pas lha'i bu'i bdud 'jom mo/ /blo gros rgya mtsho gzhan yang gang gi tshe byang chub sems dpa'</font><hr>53.36a<br><font size=+1>

nang gi nyon mongs pa'i dri ma spangs te byang chub kyi sems ma brjed par sbyin pa byin nas/ thams cad mkhyen pa nyid du yongs su sngo bar byed pa de'i tshe phung po'i bdud tshar gcod pa yin no/ /gang gi tshe lus la mi lta zhing lus la ma chags par sbyin pa byin nas rnam pa thams cad mkhyen pa nyid du yongs su sngo bar byed pa de'i tshe nyon mongs pa'i bdud tshar gcod pa yin no/ /gang gi tshe kye ma longs spyod 'di dag ni mi rtag pa thun mong ba ste/ de dag las bdag gis snying po blangs par 'gyur ro snyam ste sbyin pa byin nas thams cad mkhyen pa nyid du yongs su sngo bar byed pa de'i tshe 'chi bdag gi bdud tshar gcod pa yin no/ /gang gi tshe sems can thams cad la snying rje chen po bskyed nas/ sems can thams cad bsdu ba'i phyir rab tu thar bar bya ba'i blos sbyin pa byin nas thams cad mkhyen pa nyid du yongs su sngo bar byed pa de'i tshe/ lha'i bu'i bdud tshar gcod pa yin no/ /blo gros rgya mtsho gzhan yang byang chub sems dpa' srid par 'gro ba'i skye ba la mngon par 'dod pa med par tshul khrims bsrung bas phung po'i bdud tshar gcod do/ /bdag med par lta ba la gnas te tshul khrims bsrung bas nyon mongs pa'i bdud tshar gcod do/ /tshul khrims yongs su dag ste rga shi las bzla ba'i phyir tshul khrims bsrung bas 'chi bdag gi bdud tshar gcod do/ /bdag gis tshul khrims 'chal pa'i sems can rnams 'phags pa'i tshul khrims la rab tu dgod par bya'o snyam ste tshul khrims bsrung bas/ lha'i bu'i bdud tshar gcod do/ /blo gros rgya mtsho gzhan yang byang chub sems dpa' bdag mi dmigs par bzod pa bsgom pas</font><hr>53.36b<br><font size=+1>

phung po'i bdud tshar gcod do/ /sems can mi dmigs par bzod pa bsgom pas nyon mongs pa'i bdud tshar gcod do/ /'khor ba mi dmigs par bzod pa bsgom pas 'chi bdag gi bdud tshar gcod do/ /mya ngan las 'das pa mi dmigs par bzod pa bsgom pas/ lha'i bu'i bdud tshar gcod do/ /blo gros rgya mtsho gzhan yang byang chub sems dpa' lus dben par brtson 'grus rtsom pas phung po'i bdud las shin du 'da'o/ /sems dben par brtson 'grus rtsom pas nyon mongs pa'i bdud las shin du 'da'o/ /skye ba med pa dang 'byung ba med par brtson 'grus rtsom pas 'chi bdag gi bdud las shin du 'da'o/ /'khor bas yongs su mi skyo bas sems can yongs su smin par bya ba dang / dam pa'i chos yongs su gzung ba'i phyir brtson 'grus rtsom pas lha'i bu'i bdud las shin du 'da'o/ /gros rgya mtsho gzhan yang byang chub sems dpa' phung po la mi gnas par bsam gtan byed pas phung po'i bdud las shin du 'da'o/ /khams la mi gnas par bsam gtan byed pas nyon mongs pa'i bdud las shin du 'da'o/ /skye mched la mi gnas par bsam gtan byed pas 'chi bdag gis bdud las shin du 'da'o/ /bsam gtan gyi yan lag de dag byang chub tu yongs su sngo bar byed pas lha'i bu'i bdud las shin du 'da'o/ /blo gros rgya mtsho gzhan yang byang chub sems dpa' shes rab kyis phung po la mkhas par gyur pas phung po'i bdud las rgyal lo/ /shes rab kyis khams la mkhas par gyur pas nyon mongs pa'i bdud las rgyal lo/ /shes rab kyis skye mched la mkhas par gyur pas 'chi bdag gi bdud las rgyal lo/ /shes rab kyis</font><hr>53.37a<br><font size=+1>

skye mched la mkhas par gyur pas 'chi bdag gi bdud las rgyal lo/ /shes rab kyis rten cing 'brel bar 'byung ba la mkhas par gyur la yang dag pa'i mtha' yang mngon sum mi byed pas lha'i bu'i bdud las rgyal lo/ /blo gros rgya mtsho gzhan yang byang chub sems dpa' chos thams cad la stong par mos pas phung po'i bdud kyis skabs mi rnyed do/ /chos tham cad la mtshan ma med par yid ches pas nyon mongs pa'i bdud kyis skabs mi rnyed do/ /chos thams cad smon pa med par som nyi med pas 'chi bdag gi bdud kyis skabs mi rnyed do/ /chos thams cad la mngon par 'du bya ba med par the tsom med la dge ba'i rtsa ba mngon par 'du bya bas kyang mi ngoms pas lha'i bu'i bdud kyis skabs mi rnyed do/ /blo gros rgya mtsho gzhan yang gang gi tshe byang chub sems dpa' lus la lus kyi rjes su lta ba'i dran pa nye bar gzhag pa bsgom zhing / lus dang lhan cig song ba'i rnam par rtogs pas kyang rnam par mi rtog pa de'i tshe phung po'i bdud yang dag par 'jom mo/ /gang gi tshe tshor ba rnams la tshor ba'i rjes su lta ba'i dran pa nye bar gzhag pa bsgom zhing / tshor ba dang lhan cig song ba'i rnam par rtog pas kyang rnam par mi rtog pa de'i tshe nyon mongs pa'i bdud yang dag par 'jom mo/ /gang gi tshe sems la sems kyi rjes su lta ba'i dran pa nye bar gzhag pa bsgom zhing sems dang lhan cig song ba'i rnam par rtog pas kyang rnam par mi rtog pa de'i tshe 'chi bdag gi bdud yang dag par 'jom mo/ /gang gi tshe chos rnams la chos kyi rjes su lta ba'i dran pa nye bar gzhag pa bsgom zhing chos dang / lhan cig song ba'i rnam par rtog pas kyang rnam</font><hr>53.37b<br><font size=+1>

par mi rtog la byang chub kyi bsam pa yang 'khrugs par mi byed pa de'i tshe lha'i bu'i bdud yang dag par 'jom mo/ /blo gros rgya mtsho bdud kyi las 'di dag thams cad ni bdag gis kun nas ldang bas kun nas langs pa dag ste/ de la byang chub sems dpa' bdag gis kun nas ldang ba kun nas langs par mi byed do/ /bdag gang yin pa de ni bdag ma yin zhing bdag med pa ste de la chos gang gis kun nas ldang ba yang med do/ /de de ltar so sor rtogs pa'i ye shes kyis rig nas gang gi tshe sems can mi shes pa rnams kyi ched du theg pa chen po'i go cha gyon par byed pa de'i tshe bdag tu sgro 'dogs pa dang / gzhan du sgro 'dogs pa'i phyir go cha mi gyon no/ /go cha bgos nas kyang ji ltar na bdag gi go cha 'di don yod par 'gyur snyam du dpyod de/ de 'di snyam du bdag gi go cha 'di ni bdag rnam par gzhig pa'i phyir go cha bgos pa ma yin/ sems can dang / srog dang / gso ba dang / skyes bu dang / gang zag rnam par gzhig pa'i phyir bgos pa ma yin gyi sems can dag gang la rten nas bdag dang / sems can dang / srog dang / gso ba dang / skyes bu dang / gang zag tu lta ba la gnas par byed pa'i gnas pa de bdag gis spang bar bya'o snyam du sems so gnas de gang zhe na/ 'di lta ste/ phyin ci log ni gnas so/ /phung po dang / khams dang / skye mched ni gnas so/ /de 'di ltar sems phyin ci log tu gyur te mi rtag pa la rtag par 'du shes pa/ sdug bsngal ba la bde bar 'du shes pa/ bdag med pa la bdag tu 'du shes pa/ mi sdug pa la sdug par 'du shes pa rnams la 'du shes yongs su shes par bya ba'i phyir chos ston to/ de la</font><hr>53.38a<br><font size=+1>

'du shes yongs su shes pa gang zhe na/ 'di lta ste/ 'dzin pa med pa dang / mchog tu 'dzin pa med pa'o/ /gang 'dzin pa med pa de mchog tu 'dzin par mi byed do/ /gang mchog tu 'dzin par mi byed pa de kun tu rmongs pa med do/ /de kun tu rmongs pa med pas 'du shes yongs su shes so/ /gsol pa ci lags 'das pa rnams kyi'am/ ma 'ongs pa rnams kyi 'am/ da ltar byung ba rnams kyi 'am/ 'du shes gang yongs su 'tshal/ bka' stsal pa/ 'das pa rnams kyi yang ma yin/ ma 'ongs pa rnams kyi yang ma yin/ da ltar byung ba rnams kyi yang ma yin no/ /de ci'i phyir zhe na/ 'das pa'i 'du shes ni zad pa'o/ /ma 'ongs pa ni ma phyin pa'o/ /da ltar byung ba'i 'du shes rnams ni gnas pa med pa ste/ gang dus gsum du 'du shes mi dmigs pa ni 'du shes yongs su shes pa'o/ /de 'du shes yongs su shes pa dang ldan par byang chub sems dpa'i spyod pa yongs su dag pa spyod do/ /de sems can thams cad kyi spyod pa yang rab tu shes so/ /blo gros rgya mtsho byang chub sems dpa' ni ji srid du sems can thams cad kyi spyod pa rab tu mi shes pa/ da du byang chub sems dpa'i ya spyod pa yongs su dag pa la spyod pa ma yin te/ gang gi tshe sems can thams cad kyi spyod pa rab tu shes pa de'i tshe/ byang chub sems dpa'i spyod pa yongs su dag pa la spyad do/ /ji ltar de dag gi spyod pa rnams rab tu shes pa de ltar chos ston to/ /sems can spyod pa ji lta ba rnams kyi spyod pa de bzlog pa'i phyir yang nye bar ston to/ /blo gros rgya mtsho 'dod chags kyi spyod pa can la zhe sdang la sbyor ba'i bsam pa can dag kyang yod/ zhe sdang gi bsam pa</font><hr>53.38b<br><font size=+1>

can la 'dod chags la sbyor ba dag kyang yod/ zhe sdang gi bsam pa can la gti mug la sbyor ba dag kyang yod/ gti mug gi bsam pa can la zhe sdang la sbyor ba dag kyang yod/ gti mug gi bsam pa can la 'dod chags la sbyor ba dag kyang yod/ 'dod chags kyi bsam pa can la gti mug la sbyor ba dag kyang yod/ 'dod chags dang zhe sdang gi bsam pa can la gti mug la sbyor ba dag kyang yod/ zhe sdang dang gti mug gi bsam pa can la 'dod chags la sbyor ba dag kyang yod/ gti mug dang 'dod chags kyi bsam pa can la zhe sdang la sbyor ba dag kyang yod/ /blo gros rgya mtsho 'dod chags bcos ma can la zhe sdang tshar gcad par bya ba'i sems can dag kyang yod/ zhe sdang bcos ma can la 'dod chags tshar gcad par bya ba dag kyang yod/ zhe sdang bcos ma can la gti mug tshar gcad par bya ba dag kyang yod/ gti mug bcos ma can la zhe sdang tshar gcad par bya ba dag kyang yod/ gti mug bcos ma can la 'dod chags tshar gcad par bya ba dag kyang yod/ 'dod chags bcos ma can la gti mug tshar gcad par bya ba dag kyang yod/ 'dod chags dang zhe sdang bcos ma can la gti mug tshar gcad par bya ba dag kyang yod/ zhe sdang dang gti mug bcos ma can la 'dod chags tshar gcad par bya ba dag kyang yod/ gti mug dang 'dod chags bcos ma can la zhe sdang tshar gcad par bya ba dag kyang yod do/ /blo gros rgya mtsho sngar 'dod chags can la phyis zhe sdang can dang / sngar zhe sdang can la phyis 'dod chags can dang / sngar zhe sdang can la phyis gti mug can dang / sngar gti mug can la phyis zhe sdang can dang / sngar gti mug can la phyis 'dod chags can dang / sngar 'dod chags can la phyis gti mug can dang / sngar zhe sdang can la phyis gti mug can dang / sngar zhe sdang dang gti mug can la phyis 'dod</font><hr>53.39a<br><font size=+1>

chags can dang / sngar gti mug dang 'dod chags can la phyis zhe sdang can gyi sems can dag kyang yod do/ /blo gros rgya mtsho gzugs la 'dod chags can la sgra la zhe sdang can dang / sgra la 'dod chags can la gzugs la zhe sdang can dang / dri la 'dod chags can la ro la zhe sdang can dang / ro la 'dod chags can la dri la zhe sdang can dang / reg pa la 'dod chags can la chos la zhe sdang can dang chos la 'dod chags can la reg pa la zhe sdang can gyi sems can dag kyang yod do/ /blo gros rgya mtsho gzugs las dben pas 'dul bar 'gyur gyi sgra las dben pas ni ma yin pa'i sems can dag kyang yod sgra las dben pas 'dul bar 'gyur gyi gzugs las dben pas ma yin pa dag kyang yod/ dri las dben pas 'dul bar 'gyur gyi ro las dben pas ni ma yin pa dag kyang yod/ ro las dben pas 'dul bar 'gyur gyi dri las dben pas ma yin pa dag kyang yod/ reg pa las dben pas 'dul bar 'gyur gyi/ chos las dben pas ma yin pa dag kyang yod/ chos las dben pas 'dul bar 'gyur gyi reg pa las dben pas ma yin pa dag kyang yod do/ /blo gros rgya mtsho lus dben pas 'dul bar 'gyur gyi sems dben pas ma yin pa'i sems can dag kyang yod/ sems dben pas 'dul bar 'gyur gyi lus dben pas ma yin pa dag kyang yod/ lus dben pa dang sems dben pas 'dul bar 'gyur ba dag kyang yod/ lus dben pa dang sems dben pas 'dul bar 'gyur ba ma yin pa dag kyang yod do/ /blo gros rgya mtsho mi rtag pa'i sgras 'dul bar 'gyur gyi sdug bsngal dang bdag med pa dang zhi ba'i sgra rnams kyis ma yin pa'i sems can dag kyang yod/ sdug bsngal gyi sgras 'dul bar 'gyur gyi mi rtag pa dang bdag med pa dang zhi ba'i</font><hr>53.39b<br><font size=+1>

sgra rnams kyis ma yin pa dag kyang yod/ bdag med pa'i sgras 'dul bar 'gyur gyi mi rtag pa dang sdug bsngal ba dang zhi ba'i sgra rnams kyis ma yin pa dag kyang yod/ zhi ba'i sgras 'dul bar 'gyur gyi mi rtag pa dang sdug bsngal ba dang bdag med pa'i sgra rnams kyis ma yin pa dag kyang yod do/ /blo gros rgya mtsho kun bstan pa'i cho 'phrul gyis 'dul bar 'gyur gyi rjes su bstan pa'i cho 'phrul gyis ma yin pa'i sems can dag kyang yod/ rjes su bstan pa'i cho 'phrul gyis 'dul bar 'gyur gyi kun brjod pa'i cho 'phrul gyis ma yin pa'i sems can dag kyang yod/ rdzu 'phrul gyi cho 'phrul gyis 'dul bar 'gyur gyi kun brjod pa dang / rjes su bstan pa'i cho 'phrul gyis ma yin pa'i sems can dag kyang yod/ kun brjod pa'i cho 'phrul gyis rnam par grol bar 'gyur ba dang / rjes su bstan pa'i cho 'phrul gyis rnam par grol bar 'gyur ba dang / rdzu 'phrul gyi cho 'phrul gyis rnam par grol bar 'gyur ba'i sems can dag kyang yod do/ /blo gros rgya mtsho sbyor ba myur la rnam par grol ba bul ba'i sems can dag kyang yod/ sbyor ba bul la rnam par grol ba myur ba dag kyang yod/ sbyor ba yang bul la rnam par grol ba yang bul ba dag kyang yod/ sbyor ba yang myur la rnam par grol ba myur ba dag kyang yod do/ /blo gros rgya mtsho rgyu rnams kyis rnam par grol gyi rkyen rnams kyis ma yin pa'i sems can dag kyang yod/ rkyen rnams kyis rnam par grol gyi rgyu rnams kyis ma yin pa dag kyang yod/ rgyu rnams dang rkyen rnams kyis rnam par grol ba dag kyang yod/ rgyu rnams dang rkyen rnams kyis rnam par grol ba ma yin pa dag kyang yod do/ /blo gros rgya mtsho nang gi skyon mthong bas rnam par grol gyi phyi rol gyi skyon mthong bas ma yin pa'i sems can dag kyang yod do/ phyi rol gyi skyon mthong bas rnam par grol gyi nang gi skyon mthong bas</font><hr>53.40a<br><font size=+1>

ma yin pa dag kyang yod/ nang gi skyon mthong ba dang phyi rol gyi skyon mthong ba rnam par grol ba dag kyang yod/ nang gi skyon mthong ba dang phyi rol gyi skyon mthong bas ma yin pa'i rnam par grol ba ma yin pa dag kyang yod do/ /blo gros rgya mtsho sla ba'i lam gyis rnam par grol ba thob par 'gyur gyis/ dka' bar 'gyur ba'i lam gyis ma yin pa'i sems can dag kyang yodo/ /dka' ba'i lam gyis 'gyur gyi sla ba'i lam gyis ma yin pa dag kyang yod/ dka' ba dang sla bas 'gyur ba dag kyang yod/ sla ba dang dka' ba'i lam gyis rnam par grol ba thob par mi 'gyur ba dag kyang yod do/ /blo gros rgya mtsho mgur bsal ba'i sgras 'dul ba'i sems can dag kyang yod/ rab tu brtan pas 'dul ba dag kyang yod/ tshar gcad pas 'dul ba dag kyang yod/ rab tu gzungs bas 'dul ba dag kyang yod/ sdug pa'i rnam pas 'dul ba dag kyang yod/ mi sdug pa'i rnam pas 'dul ba dag kyang yod/ zhe sdang gi rnam pas 'dul ba dag kyang yod/ byams pa'i rnam pas 'dul ba dag kyang yod/ sma dbab pas 'dul ba dag kyang yod/ rten cing 'brel bar 'byung bas 'dul ba dag kyang yod/ rjes su 'thun par rgyu bas 'dul ba dag kyang yod/ spyi 'u tshugs su rgyu bas 'dul ba dag kyang yod/ snrel zhir rgyu bas 'dul ba dag kyang yod/ dran pa nye bar gzhag pa'i sgras 'dul ba dag kyang yod/ yang dag par spong ba'i sgras 'dul ba dag kyang yod/ rdzu 'phrul gyi rkang pa'i sgras 'dul ba dag kyang yod/ dbang po'i sgras 'dul ba dag kyang yod/ /stobs kyi sgras 'dul ba dag kyang yod/ byang chub kyi yan lag gi sgras 'dul ba dag kyang yod/ lam gyi sgras 'dul ba dag kyang yod/ zhi gnas kyi sgras 'dul</font><hr>53.40b<br><font size=+1>

ba dag kyang yod/ lhag mthong gis sgras 'dus pa dag kyang yod do/ /blo gras rgyo 'phags pa'i bden pa bstan pa'i sgras 'dul ba'i sems can dag kyang yod do/ /blo gros rgya mtsho de ltar na sems can gyi spyod pa bsam gyis mi khyab/ sems can gyi spyod pa bsam gyis mi khyab/ mtsho sems can gyis spyod yul bsam gyis mi khyab bo/ /de la byang chub sems dpa' shes pa 'jug pa bsam gyis mi khyab pa la zhugs nas sems can bsam gyis mi khyab pa rnams kyi spyod pa 'jug pa bsam gyis mi khyab pa la 'jug par nus so/ /blo gros rgya mtsho 'di lta ste dper na/ kun nas zhags pa zhes bya ba'i dri ba der skyes bu zhig bcug par gyur la/ skyes bu des zhags pa thams cad las 'byin pa zhes bya ba'i sngags kyi rig pa'i stobs bskyed na dra ba der bcug ma thag tu sngags kyi rigs pa'i stobs kyis zhags pa'i 'ching ba thams cad bcad nas gang dga' ba der 'gro'o/ /blo gros rgya mtsho de bzhin du thabs la mkhas pa'i byang chub sems dpa' yang sems can thams cad kyi bsam pa zhugs nas/ shes rab kyi pha rol tu phyin pa'i sngags kyis rig pa'i stobs kyis sems can de dag thams cad kyi nyon mongs pa'i 'ching ba thams cad gcod de/ sangs rgyas kyi ye shes de la ma reg kyang sangs rgyas kyi mdzad pas sems can rnams la nye bar gnas pa yin no/ /de nas bcom ldan 'das la tshe dang ldan pa sha ra dwa ti'i bus 'di skad ces gsol to/ /bcom ldan 'das ji tsam du sems can gyi spyod pa tshad ma mchis pa dang / ji tsam du sangs rgyas kyis mkhyen pa bsam gyis mi khyab pa ngo mtshar to/ /bcom ldan 'das gang gi tshe byang chub sems dpa' las dang po pas sems can gyi spyod pa tshad ma mchis pa dang / sangs rgyas kyi mkhyen pa tshad ma mchis pa 'di dag thos nas mi skrag mi</font><hr>53.41a<br><font size=+1>

mi dngang dngang bar mi 'gyur ba 'di ni bdag la shin tu ngo mtshar du gda'o/ /de skad ces gsol pa dang / bcom ldan 'das kyis tshe dang ldan pa sha ra dwa ti'i bu la 'di skad ces bka' stsal to/ /shA ra dwa ti'i bu 'di ji snyam du sems/ seng ge'i phrug gus seng ge'i sgra thos na skrag pa 'am dngang ba 'am/ kun tu dngang bar 'gyur ram/ gsol pa bcom ldan 'das de ni ma lags so/ /bcom ldan 'das kyis bka' stsal pa/ shA ra dwa ti'i bu de bzhin du byang chub sems dpa' las dang po pa yang de bzhin gshegs pa'i seng ge'i sgra thos na mi skrag mi dngang dngang bar mi 'gyur ro/ /sems can gyi spyod pa tshad med pa thos nas kyang 'jigs par mi 'gyur ro/ /shA ra dwa ti'i bu 'di lta ste dper na me'i snang ba chung ngu yang shing dang rtswa thams cad kyis mi skrag ste/ de 'di snyam du tshig par byed mi nus so snyam du mi sems so/ /sha ra dwa ti'i bu de bzhin du byang chub sems dpa' las dang po pa'i shes rab kyi snang ba chung ngu yang sems can thams cad kyi nyon mongs pa rnams kyis mi skrag ste/ de 'di snyam du bdag gis nyon mongs pa zhi bar byed mi nus so snyam du mi sems kyi/ sems can thams cad kyi nyon mongs pa de nyid la tshul bzhin du nges par brtags nas shes rab kyi rgyur 'gyur ro/ /shA ra dwa ti'i bu 'di lta ste dper na/ yongs su brtag pa nye bar bzung ste/ me dang / rtswa dang / shing dang / lo ma dang / yal ga thams cad 'thab cing rtsod pa chen po bya bar brtsams te/ nyi ma bdun na g.yul chen po 'gyed do snyam nas/ de rtswa dang shing dag gis de las gzhan pa'i rtswa thams cad bsdus te nged kyi dpung gyis shig /nged kyi grogs gyis ces byas nas de na rtswa dang shing gi phung po ri rab tsam bsdus par</font><hr>53.41b<br><font size=+1>

gyur la de nas 'ga' zhig me de'i gan du song ste 'di skad ces smras so/ /ci'i phyir khyod dpung mi sdud/ khyod rtswa dang shing 'di dag las gcig pus rgyal bar bya snyam 'am/ de nas mi des 'di skad ces smras so/ 'dir bdag gis dpung bsdu bar bya mi dgos so/ /de ci'i phyir zhe na/ rtswa dang shing phyir rgol ba de dag nyid bdag gi grogs yin te/ ji lta ji ltar 'di dag mang por gyur pa de lta de ltar bdag stobs dang rab tu ldan par 'gyur ro/ /gal te 'di dag med par gyur na bdag kyang myur du 'chi'o/ /shA ra dwa ti'i bu de bzhin du ji lta ji ltar byang chub sems dpa' sems can thams cad kyi nyon mongs pa tshad med pa dag la shes rab kyi mi tshad med pa rab tu gtong ba de lta de ltar byang chub sems dpa' shin tu stobs dang ldan par 'gyur te/ de sems can thams cad kyi nyon mongs pa de dag la tshul bzhin du nye bar brtags na shes rab kyi rgyur 'gyur ro/ /gal te byang chub sems dpa' rang gi nyon mongs pa med par bya bar 'dod cing sems can thams cad kyi nyon mongs pa rnams kyis g.yel na de myur du nyan thos kyi sa 'am rang sangs rgyas kyi sar ltung bar 'gyur ro/ /shA ra dwa ti'i bu khyod kyis rnam grangs 'dis 'di ltar rig par bya ste/ ji lta ji ltar byang chub sems dpa' sems can thams cad kyi nyon mongs pa la tshul bzhin yid la byed pas yang dag pa ji lta ba bzhin du so sor rtog pa de lta de ltar shin tu stobs dang ldan par 'gyur ste/ gal te de lta bu thos nas mi skrag na thabs la mkhas pa'i byang chub sems dpa' rig par bya'o/ /shA ra dwa ti'i bu 'di lta ste dper na sbrul gdug pa'i phru gu ni grogs mi dgos par za'o/ /shA ra dwa ti'i bu de bzhin du byang chub sems dpa' las dang po pa yang grogs mi dgos par byang chub kyi yan lag rnams yang dag par sdud de/ </font><hr>53.42a<br><font size=+1>

gcig pu gnyis su med par byang chub kyi yan lag rnams yang dag par sdud do/ /shA ra dwa ti'i bu 'di lta ste dper na/ srin bu me khyer brgya stong gis kyang nyi ma'i 'od zil gyis gnon mi nus so/ /shA ra dwa ti'i bu 'di lta ste dper na/ dug gi gnyen po nad med par byed pa chung ngus kyang dug shin du mang po zhi bar byed do/ /shA ra dwa ti'i bu de bzhin du byang chub sems dpa'i shes rab kyi nad med pa chung ngus kyang nyon mongs pa'i dug mang po shin du zhi bar byed do/ /shA ra dwa ti'i bu 'di lta ste dper na/ bar snang las ro gcig pa'i chu'i rgyun 'bab pa bab nas snod kyi bye brag gis ro bro ba tha dad du 'gyur ro/ /shA ra dwa ti'i bu de bzhin du byang chub sems dpa' yang rnam par grol ba'i ye shes ro gcig pa yang dag par bsgrub ste/ sems can gyi dbang po tha dad pa rnams la chos bstan pa tha dad pa ston to/ /shA ra dwa ti'i bu 'di lta ste dper na/ gang du 'dzam bu'i chu bo'i gser byung ba der rin po che thams cad mog mog por 'gyur ro/ /shA ra dwa ti'i bu de bzhin du gang du byang chub sems dpa' rin po che byung ba der/ nyan thos dang rang sangs rgyas thams cad mog mog por 'gyur ro/ /shA ra dwa ti'i bu 'di lta ste dper na/ gang gi tshe 'khor los sgyur ba'i rgyal po byung ba de'i tshe/ rgyal phran thams cad de la phyag 'tshal lo/ /shA ra dwa ti'i bu de bzhin du gang gi tshe chos kyi rgyal po'i bu byang chub tu sems bskyed pa de'i tshe/ lha dang mi dang / lha ma yin du bcas pa'i 'jig rten gyis phyag byas par 'gyur ro/ /shA ra dwa ti'i bu 'di lta ste dper na/ bsod nams ma byas pa'i sems can rnams la dbyig gi char mi 'bab po/ /shA ra dwa ti'i bu de bzhin du dge ba'i rtsa ba ma bskyed pa'i sems can rnams la byang chub kyi sems mi skye'o/ /'phags pa blo gros rgya</font><hr>53.42b<br><font size=+1>

mtshos zhus pa/ bam po bzhi pa/ shA ra dwa ti'i bu 'di lta ste dper na/ bu ram shing gi sa bon med par sha kha ra mi 'byung ngo / /shA ra dwa ti'i bu de bzhin du byang chub sems dpa' yang byang chub kyi sems kyi sa bon med par bla na med par yang dag par rdzogs pa'i byang chub mi 'grub bo/ /shA ra dwa ti'i bu 'di lta ste dper na/ sman gyi rgyal po 'tsho byed kyis gang sman du mi mthong ba'i gzugs su snang ba de gang yang med do/ /shA ra dwa ti'i bu de bzhin du shes rab kyi pha rol tu phyin pa la spyod pa'i byang chub sems dpas kyang gang byang chub tu mi mthong ba'i/ chos su snang ba de gang yang med do/ /shA ra dwa ti'i bu 'di lta ste dper na/ lha ma yin gyi dbang po sgra gcan gyis nyi ma dang zla ba'i gzhal med khang gi lam gyi rim pa rgyun gcod par mi nus so/ /shA ra dwa ti'i bu de bzhin du bdud thams cad kyis kyang byang chub sems dpa' brtson 'grus brtsams pa'i byang chub kyi lam kun tu bcad par mi nus so/ /shA ra dwa ti'i bu 'di lta ste dper na/ gzugs na spyod pa'i lha'i bu rnams ni nam mkha' la gzhal med khang na gnas so/ /shA ra dwa ti'i bu de bzhin du zab mo la spyod pa'i byang chub sems dpa' rnams la yang chos thams cad nam mkha' dang mtshungs pa bla na med pa yang dag par rdzogs pa'i byang chub kyang de dang 'dra ba nyid do/ /shA ra dwa ti'i bu 'di lta ste dper na/ snod du byed pa ji snyed pa de snyed du nam mkha' 'jug kyang nam mkha' ni bri ba 'am gang ba med do/ /shA ra dwa ti'i bu de bzhin du byang chub sems dpa'i yongs su bsngo ba'i stobs ji snyed pa de snyed du sangs rgyas kyi chos rnams yongs su 'dzin kyang sangs rgyas kyi chos rnams la 'bri ba 'am gang ba med do/ /shA ra dwa ti'i bu 'di lta ste dper na/ skyes bu'i stobs ji tsam pa de tsam du nam mkha' la mda' 'phangs pa 'gro yang nam mkha' la mtha' thug pa</font><hr>53.43a<br><font size=+1>

gang yang med do/ /shA ra dwa ti'i bu de bzhin du byang chub sems dpa'i dad pa'i stobs ji tsam pa de tsam du sangs rgyas kyi chos rnams la mos kyang sangs rgyas kyi chos rnams la mtha' thug pa gang yang med do/ /shA ra dwa ti'i bu 'di lta ste dper na/ rdza mkhan gyis snod du ma byas pa dag snod kyi ming mi 'thob po/ /shA ra dwa ti'i bu de bzhin du dge ba'i rtsa ba byang chub tu yongs su ma bsngos pa yang pha rol tu phyin pa'i ming mi 'thob po/ /shA ra dwa ti'i bu/ 'di lta ste dper na/ sus 'khor los sgyur ba'i rgyal po mthong ba de phyis rgyal phran thams cad la re bar mi byed do/ /shA ra dwa ti'i bu de bzhin du sus chos kyi rgyal po de bzhin gshegs pa mthong ba de phyis nyan thos dang rang sangs rgyas thams cad la re bar mi byed do/ /shA ra dwa ti'i bu 'di lta ste dper na/ ba lang gi rjes kyi chu las rin po che thams cad mi 'byung ngo / /shA ra dwa ti'i du de bzhin du nyan thos kyi tshul khrims las dkon mchog gsum po dag mi 'byung ngo / /shA ra dwa ti'i bu 'di lta ste dper na/ rgya mtsho chen po las rin po che thams cad 'byung ngo / /shA ra dwa ti'i bu de bzhin du byang chub sems dpa'i tshul khrims dang thos pa'i rgya mtsho las sangs rgyas dkon mchog dang / chos dkon mchog dang / dge 'dun dkon mchog ste dkon mchog gsum po dag 'byung ngo / /shA ra dwa ti'i bu 'di lta ste dper na/ rgyal po'i bu btsas nas ring po ma lon pa ni rgyal po zhe 'am rgyal po ma yin pa zhes kyang mi brjod do/ /shA ra dwa ti'i bu de bzhin du byang chub sems dpa' las dang po pa la yang sangs rgyas zhe 'am/ sangs rgyas ma yin pa zhes kyang mi brjod do/ /shA ra dwa ti'i bu 'di lta ste dper na/ nor bu rin po che byi dor ma byas pa la ni mngon par 'du bya bar mi 'gyur ro/ /shA ra dwa ti'i bu de bzhin du byang chub sems dpa' las dang po pa yang chos bstan pa la 'jigs pa med</font><hr>53.43b<br><font size=+1>

pa ma yin no/ /shA ra dwa ti'i bu 'di lta ste dper na/ nor bu rin po che byi dor byas te 'od gsal ba ni dga' ba yang dag par skyed pa yin no/ /shA ra dwa ti'i bu de bzhin du byang chub sems dpa' yun ring po spyad pa chos bstan pa rnams la 'jigs pa med pa yang sems can thams cad kyi dga' ba yang dag par skyed pa yin no/ /shA ra dwa ti'i bu 'di lta ste dper na/ nor bu rin po che ni chung ngu yang khyad du mi gsad do/ /de ci'i phyir zhe na/ de chung du zin kyang gnas khang ngam khyim 'am khang par bcug na de thams cad snang bar byed do/ /shA ra dwa ti'i bu de bzhin du byang chub sems dpa' las dang po pa la yang brnyas par mi bya'o/ /de ci'i phyir zhe na/ de byang chub thob nas sangs rgyas kyi 'od kyi sangs rgyas kyi zhing thams cad rgyas par 'gengs par 'gyur ba'i phyir ro/ /shA ra dwa ti'i bu 'di lta ste dper na/ nor bu rin po che gang dag rin thang med pa de dag ni yang ba yin no/ /shA ra dwa ti'i bu de bzhin du byang chub sems dpa' gang dag phyir mi ldog par 'gyur ba de dag nga rgyal med pa yin no/ /shA ra dwa ti'i bu 'di lta ste dper na/ lo thog yongs su rdzogs pa ni g.yur za'o/ /shA ra dwa ti'i bu de bzhin du dkar po'i chos yongs su rdzogs pa'i byang chub sems dpa' yang sems can thams cad la 'dud do/ /shA ra dwa ti'i bu 'di lta ste dper na/ gang sa chen po 'di tshig par byed pa'i sreg pa'i bskal pa'i me de ni gang nas kyang mi 'ong ngo / /shA ra dwa ti'i bu de bzhin du byang chub sems dpa'i ye shes kyi me gang gis bag chags kyi mtshams sbyor bar 'gyur ba'i/ nyon mongs pa rnams bsregs nas bla na med pa yang dag par rdzogs pa'i byang chub mngon par rdzogs par 'tshang rgya ba de dag gang nas kyang mi 'ong ngo / /shA ra dwa ti'i bu 'di lta ste dper na/ stong gsum gyi stong chen po'i 'jig rten gyi</font><hr>53.44a<br><font size=+1>

khams tshig pa 'am/ ma tshig pa yang rung ste nam mkha'i ngo bo nyid do/ /shA ra dwa ti'i bu de bzhin du byang chub sems dpa' byang chub mngon par rdzogs par 'tshang rgya yang rung mngon par rdzogs par 'tshang mi rgya yang rung ste chos thams cad ni byang chub kyi ngo bo nyid do/ /shA ra dwa ti'i bu byang chub sems dpa' rnams bsdu ba'i phyir de bzhin gshegs pas dpe nye bar bkod pa bstan pa 'di dag byang chub sems dpa' gang dag gis thos nas mos par 'gyur ba de dag thams cad dpe 'di lta bu grub pa nyid du 'gyur ro/ /bcom ldan 'das kyis dpe'i phreng ba bstan pa 'di bshad pa na srog chags nyi khri bzhi stong gis bla na med pa yang dag par rdzogs pa'i byang chub tu sems bskyed do/ /de nas de'i tshe bcom ldan 'das kyis tshigs su bcad pa 'di dag gsungs so/ /sangs rgyas byang chub mchog tu blta dka' ste/ /zab cing phra la dri med ci yang med/ /de bas mi gang rnam 'tshang rgya 'dod pa/ /des 'dir chos rnams la ni thogs mi bya/ /ye shes shin du dag cing bcos ma min/ /kun tu snang bar gyur cing 'od gsal te/ /dri med phyag rgya la ni rab gnas pas/ /byang chub dam pa 'di la reg par nus/ /sngon gyi mtha' 'am phyi ma'i mtha' yang rung / /sems ni dag cing rang bzhin 'od gsal lo/ /nyon mongs gang gis yid ni nyer nyon mongs/ /de dag tshul bzhin gyis ni yongs su spangs/ /'di la byed po med cing tshor po med/ /chos rnams thams cad rjes med ya ma rla/ /gang zag med cing bdag gis bdag med bstan/ /rmi lam ngo bo nyid de nam mkha' 'dra/ /'di dag lus kyi las kyis rab phye min/ /ngag gam sems kyis rnam par brtags ma yin/ /yang dag tu na byas min gzhan</font><hr>53.44b<br><font size=+1>

min te/ /de dag la ni dpe byar mi nus so/ /nam mkha' mtshungs shing dri med ngo bo nyid/ /gzugs can ma yin bstan du yod ma yin/ /mig gis shes bya ma yin rna snas min/ /lce dang lus dang yid rnams kyis kyang min/ /mtshan nyid ma yin mtshan nyid rnam par log /zhi ba gnas med zla ba'i gzugs brnyan 'dra/ /de la sems mi rgyu ste yid kyang min/ /rnam shes ma yin 'du shes sems pa min/ /de dag ye shes las dang de bzhin du/ /rnam par shes pa'i las kyis shes mi nus/ /ye shes rnams kyis chos 'di bsnyad pa gang / /sangs rgyas thugs rje 'di ni bla na med/ /sems can gang dag sngon chad byas ldan zhing / /dge ba'i bshes gnyen gyis kyang yongs su zin/ /de dag 'di 'dra'i chos 'di thos nas ni/ /dga' ba rgya chen zang zing med pa 'thob/ /'di ni ci sems ci zhig byed cig ces/ /de dag bdud kyis skyon chags mi rnyed de/ /sems dang sems kyi spyod yul mi shes na/ /bar du bdud las byed par ga la 'gyur/ /bdud bzhi 'di las shin tu 'das nas ni/ /rigs pa dang ni blo dang bsod nams dang / /tshul gyis sangs rgyas spyod yul rab gnas pa/ /byang chub spyod pa dam pa 'di la spyod/ /gang zhig sems can kun gyi spyod shes pa/ /de ni byang chub spyod mchog 'di la spyod/ /de yis spyod pa rnam mang 'di thos nas/ /de yi mtshan nyid chos kyang rab tu ston/ /'gro ba'i spyod pa 'di ni sna tshogs te/ /phan tshun dmigs par yang dag rab tu ldan/ /bdag chen de dag spyod yul de shes nas/ /phyad par nges par bstan pa lung yang ston/ /'di na sems can chags mang chags pa yod/ /de dag zhe sdang bag nyal rnam pa mang / /de dag zhe sdang nyon mos gzir bar snang / /de dag gti mug chen pos gnod par gyur/ /</font><hr>53.45a<br><font size=+1>

de ltar 'gro ba'i spyod pa sna tshogs te/ /de la 'jug pa dang ni mtshan ma dang / /rkyen dang dmigs pa'ang khong du chud byas la/ /de'i 'og tu de yi mtshan nyid bstan/ /kun nas zhags pa'i dra bar rab bcug pa/ /rig pa 'dzin pa'i skyes bu mkhas pa gsal/ /des ni zhags pa thams cad rab bcad nas/ /ji ltar 'dod pa bzhin du ma snang 'gro/ /de ltar byang chub sems dpa' dpa' mkhas pa/ /'gro ba kun la sems kyi bsam zhugs nas/ /nyon mongs de dag thams cad rab bcad de/ /sgrib pa med par 'gro ba kun la spyod/ /nyi ma'i 'od la grogs ni bya mi dgos/ /sbrul gdug la yang grogs bya dgos ma yin/ /seng ge'i sgra la grogs bya mi dgos te/ /byang chub sems dpa' la yang grogs mi dgos/ /de dag grogs med gcig pu gnyis med par/ /sangs rgyas chos mang yang dag sgrub par byed/ /brtson 'grus dang ni mthu dang stobs su ldan/ /'gro ba'i nyon mongs rnams ni rab tu 'jom/ /ji lta ji ltar mes ni rtswa rnyed pa/ /de lta de ltar de stobs phyir zhing 'phel/ /ji ltar byang chub sems dpa' nyon mongs srid/ /de lta de ltar shes rab ma rab 'phel/ /dpe bstan pa'i le'u ste/ bzhi pa'o// // de nas yang bcom ldan 'das kyis byang chub sems dpa' sems dpa' chen po blo gros rgya mtsho la bka' stsal pa/ blo gros rgya mtsho byang chub sems dpas brtson 'grus brtsams par bya'o/ /byang chub sems dpas rtag tu rtul ba brtan pa dang 'dun pa che bar bya'o/ /gces pa mi 'dor bar bya'o/ /blo gros rgya mtsho brtson 'grus brtsams pa'i byang chub sems dpa' rnams la ni bla na med pa yang dag par rdzogs pa'i byang chub rnyed par dka' ba ma yin no/ /de ci'i phyir zhe na/ blo gros rgya mtsho gang na brtson 'grus yod pa de na byang chub yod do/ /</font><hr>53.45b<br><font size=+1>

le lo can rnams la ni shin du ring zhing rnam par ring ngo / /le lo can la sbyin pa med do/ /le lo can la tshul khrims med do/ /le lo can la bzod pa med do/ /le lo can la brtson 'grus med do/ /le lo can la bsam gtan med do/ /le lo can la shes rab med do/ /le lo can la bdag gi don med do/ /le lo can la gzhan gyi don med do/ /blo gros rgya mtsho rnam grangs 'dis 'di ltar ji ltar brtson 'grus brtsams pa'i byang chub sems dpa' rnams la bla na med pa yang dag par rdzogs pa'i byang chub rnyed dka' ba ma yin pa de rig par bya'o/ /blo gros rgya mtsho sngon byung ba 'das pa'i dus na/ grangs med pa bdun par gyur pa de'i tshe de'i dus na bskal pa me tog gi 'byung gnas la shin tu rnam par bltas pa'i 'jig rten gyi khams su bcom ldan 'das brtson 'grus 'bar ba zhes bya ba'i de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das 'jig rten du byung ngo / /ci'i phyir bskal pa de me tog gi 'byung gnas shes bya zhe na/ blo gros rgya mtsho stong gsum gyi stong chen po'i 'jig rten gyi khams de tshig ste chus 'jig pa byung ba na pad ma lo ma bye ba brgya stong phrag du ma dang ldan pa/ rnam par bkra ba blta na sdug pa brgyad khri bzhi stong byung nas de dag thams cad kyis chu'i phung po de rgyas par bkang ste gnas so/ /de nas gnas gtsang ma'i ris kyis lha dag gis pad ma de dag /mthong nas tshim zhing mgu la yi rangs shing rab tu dga' ste/ dga' ba dang yid bde ba skyes nas pad ma 'di dag byung ba</font><hr>53.46a<br><font size=+1>

ji snyed pa de snyed kyi yang dag par rdzogs pa'i sangs rgyas 'jig rten du 'byung bar 'gyur te/ kye ma bskal pa me tog gi 'byung gnas 'di ni sangs rgyas bcom ldan 'das rnams kyis stong par mi 'gyur ro zhes ched du brjod pa ched du brjod do/ /de ltar na me tog gi 'byung gnas me tog gi 'byung gnas shes bskal pa de'i ming chags so/ /blo gros rgya mtsho ci'i phyir 'jig rten gyi khams de shin du rnam par bltas pa zhes bya zhe na/ ji tsam du phyogs bcu'i sangs rgyas kyi zhing rnams nas byang chub sems dpa'/ grangs med dpag tu med pa gang dag 'jig rten gyi khams de rnam par blta ba'i phyir lhag pa de dag gis 'jig rten gyi khams de la rnam par bltas ma thag tu/ dga' ba'i rnam pa zhes bya ba'i ting nge 'dzin rab tu thob ste/ bde ba thams cad kyis tshim par 'gyur ba de tsam du 'jig rten gyi khams de yongs su dag par gyur te de'i phyir 'jig rten gyi khams de shin du rnam par bltas pa zhes bya'o/ /blo gros rgya mtsho 'jig rten gyi khams de na rin po che sna bdun phrag stong gnas par gyur to/ /rin po che'i shing ljon pa dang rin po che'i khang pa brtsegs pa rnams kyis kyang kun tu gsal bar gyur to/ /'jig rten gyi khams de na bud med kyi bag med par gyur cing mngal na gnas pa med de sems can de dag thams cad kyang pad ma rnams la skyil mo dkrungs bcas te 'khod par brdzus te byung ngo / /'jig rten gyi khams de na theg pa chen po ma gtogs par theg pa gzhan rnam par gzhag pa med par gyur to/ /lha dang mi de dag kyang yongs su spyad pa dag ni dga' ldan gyi dang 'dra bar bza' ba dang btung ba yang bsams pas 'byor pa/ mngon par shes pas rnam par rtsen pa/ </font><hr>53.46b<br><font size=+1>

nam mkha' la rgyu ba dag go/ /bcom ldan 'das de bzhin gshegs pa brtson 'grus 'bar ba'i byang chub sems dpa'i dge 'dun ni byang chub sems dpa' sems dpa' chen po rab tu byung bar gyur pa'i byang chub sems dpa' bye ba phrag sum bcu rtsa drug tu gyur to/ /de na khyim pa dang rab tu byung ba tshad med pa dag kyang theg pa chen po la yang dag par zhugs par gyur pa dag go/ /blo gros rgya mtsho bcom ldan 'das de bzhin gshegs pa brtson 'grus 'bar ba de yang byang chub sems dpa' de dag la skyes bu dam pa khyod kyis brtson 'grus rtsoms shig /khyod rtag tu rtul ba brtan pa dang / 'dun pa drag por gyis shig /rtag tu gces pa ma 'dor cig ces brtson 'grus dang ldan pa'i gtam nyid rgya cher yang dag par rab tu ston to/ /blo gros rgya mtsho de'i tshe de'i dus na byang chub sems dpa' sems dpa' chen po go ca sra ba zhes bya ba byang chub sems dpa'i 'khor der 'dus par gyur pa des/ bcom ldan 'das la 'di skad ces gsol to/ /bcom ldan 'das ji ltar na byang chub sems dpa' brtson 'grus brtsams pa lags/ de bzhin gshegs pas byang chub sems dpa' rnams la gnang ba'i brtson 'grus ni gang lags/ de skad ces gsol pa dang / blo gros rgya mtsho/ bcom ldan 'das de bzhin gshegs pa brtson 'grus 'bar ba des/ byang chub sems dpa' go ca brtan pa la 'di skad ces bka' stsal to/ /rigs kyi bu byang chub sems dpa' rnams kyi dge ba'i rtsa ba chos thams cad sdud par 'gyur ba'i brtson 'grus ni bzhi po 'di lta ste/ bzhi gang zhe na/ 'di lta ste rtsom pa dang / rtul ba dang / so sor rtog pa dang / bsgrub pa ste/ rigs kyi bu brtson 'grus bzhi po 'di dag ni</font><hr>53.47a<br><font size=+1>

byang chub sems dpa' rnams kyi dge ba'i chos thams cad sdud par 'gyur ba'o/ /de la rtsom pa ni gang / rtul ba ni gang / so sor rtog pa ni gang / bsgrub pa ni gang zhe na/ rigs kyi bu rtsom pa zhes bya ba ni byang chub tu sems bskyed pa'o/ /rtul ba zhes bya ba ni dge ba'i rtsa ba thams cad yang dag par bsgrub pa'o/ /so sor rtog pa zhes bya ba ni sems can thams cad la phan pa'i dngos po'o/ /bsgrub pa zhes bya ba ni de byed pa'i chos la bzod pa'o/ /gzhan yang rtsom pa ni thos pa yongs su tshol ba'o/ /rtul ba ni thos pa ston pa'o/ /so sor rtog pa ni tshul bzhin yid la byed pa'o/ /bsgrub pa ni 'phags pa'i yang dag pa'i lta ba'o/ /gzhan yang rtsom pa ni ser sna'i sems tshar gcod pa'o/ /rtul ba ni bdog pa thams cad yongs su gtong ba'o/ /so sor rtog pa ni sems can thams cad dang thun mong du byang chub tu yongs su sngo ba'o/ /bsgrub pa ni rnam par smin pa la mi re ba'o/ /gzhan yang rtsom pa ni gtong ba chen po sgrogs pa'o/ /rtul ba ni gang slong ba po rnams la dge ba'i bshes gnyen du 'du shes pa'o/ /so sor rtog pa ni kye ma'o/ /longs spyod 'di dag mi rtag pa'o snyam pa'o/ /bsgrub pa ni byin nas 'gyod pa med pa'o/ /gzhan yang rtsom pa ni chos kyis longs spyod yongs su tshol ba'o/ /rtul ba ni 'tsho ba yongs su dag pa'o/ /so sor rtog pa ni bdag gis snying po blangs par 'gyur ro snyam pa'o/ /bsgrub pa ni sbyin pas rlom sems su mi byed pa'o/ /gzhan yang rtsom pa ni 'chal pa'i tshul khrims kyi dri ma sel ba'o/ /rtul ba ni tshul khrims dang brtul zhugs ma nyams pa'o/ /so sor rtog pa ni tshul khrims 'chal pa'i sems can yongs su smin par byed pa'o/ /bsgrub pa</font><hr>53.47b<br><font size=+1>

ni tshul khrims kyi yon tan gyis rlom sems su mi byed pa'o/ /gzhan yang rtsom pa ni lus yongs su dag pa'o/ /rtul ba ni ngag yongs su dag pa'o/ /so sor rtog pa ni sems yongs su dag pa'o/ /bsgrub pa ni chos yongs su dag pa'o/ /gzhan yang rtsom pa ni gnod sems kyi sems kyi skabs med pa'o/ /rtul ba ni bzod pa'i stobs rnams rnam par rig pa'o/ /so sor rtog pa ni bdag dang gzhan srung ba'o/ /bsgrub pa ni bzod pa'i rlom sems su mi byed pa'o/ /gzhan yang rtsom pa ni gshe ba dang sdang ba dad par byed pa'o/ /rtul ba ni gshe ba dang sdang ba dang 'dris par mi byed pa'o/ /so sor rtog pa ni nang yongs su gdung ba med par byed pa'o/ /bsgrub pa ni bdag dang gzhan mi dmigs pa'o/ /gzhan yang rtsom pa ni le lo'i dri ma sel ba'o/ /rtul ba ni brtson 'grus kyi dri ma las dben pa'o/ /so sor rtog pa ni sems can le lo can yongs su smin par byed pa'o/ /bsgrub pa ni de'i bya ba byed pa'o/ /gzhan yang rtsom pa ni bya ba yang dag par sgrub pa'o/ /rtul ba ni bya ba nyams 'og tu chud par byed pa'o/ /so sor rtog pa ni theg pa gzhan la mi re ba'o/ /bsgrub pa ni las kyi rnam par smin pa chud mi gzon pa'o/ /gzhan yang rtsom pa ni dran pa'o/ /rtul ba ni rtogs pa'o/ /so sor rtog pa ni blo gros so/ /bsgrub pa ni mos pa'o/ /gzhan yang rtsom pa ni rigs pa'o/ /rtul ba ni tshul lo/ /so sor rtog pa ni sgo'o/ /bsgrub pa ni 'byung ba'o/ /gzhan yang rtsom pa ni tshig 'bru kun chub par byed pa'o/ /rtul ba ni tshig 'bru 'dzin pa'o/ /so sor rtog pa ni tshig 'bru sel ba'o/ /bsgrub pa ni chos brjod du med par rtog pa'o/ /gzhan yang rtsom pa ni dge ba'i bshes gnyen la rten pa'o/ /rtul ba ni sdig pa'i grogs po yongs su spong ba'o/ /so sor rtog pa</font><hr>53.48a<br><font size=+1>

mdza' ba dang mi mdza' ba rnams la sems snyoms pa'o/ /bsgrub pa ni ji skad smras pa'i tshig dang mi 'gal bar byed pa'o/ /gzhan yang rtsom pa ni rab tu byung ba'i sems so/ /rtul ba ni dga' ba dang mi dga' ba la mi lta ba'o/ /so sor rtog pa ni dge ba ci zhes tshol ba'o/ /bsgrub pa ni gzhan la rag ma lus par ye shes rab tu thob pa'o/ /gzhan yang rtsom pa ni dgon pa la gnas pa'o/ /rtul ba ni 'du 'dzi la mi dga' ba'o/ /so sor rtog pa ni dben par gnas pa la dga' ba'o/ /bsgrub pa ni nyon mongs pa med par gnas pa'o/ /gzhan yang rtsom pa ni 'dod pa chung ba'o/ /rtul ba ni chog shes pa'o/ /so sor rtog pa ni dgang sla ba'o/ /bsgrub pa ni rung ba la tshod shes pa'o/ /gzhan yang rtsom pa ni lhag pa'i tshul khrims la slob pa'o/ /rtul ba ni tshul khrims mi lhod pa'o/ /so sor rtog pa ni lhag pa'i sems la slob pa'o/ /bsgrub pa ni lhag pa'i shes rab la slob pa'o/ /gzhan yang rtsom pa ni sbyin pa'i pha rol tu phyin pa dang / tshul khrims kyi pha rol tu phyin pa'o/ /rtul ba ni bzod pa'i pha rol tu phyin pa dang / brtson 'grus kyi pha rol tu phyin pa'o/ /so sor rtog pa ni bsam gtan gyi pha rol tu phyin pa dang / shes rab kyi pha rol tu phyin pa'o/ /bsgrub pa ni ye shes kyi pha rol tu phyin pa dang / thabs la mkhas pa'i pha rol tu phyin pa'o/ /gzhan yang rtsom pa ni sbyin pa'o/ /rtul ba ni snyan par smra ba'o/ /so sor rtog pa ni don byed pa'o/ /bsgrub pa ni don 'thun pa'o/ /gzhan yang rtsom pa ni byams pa chen po'o/ /rtul ba ni snying rje chen po'o/ /so sor rtog pa ni dga' ba chen po'o/ /bsgrub pa ni btang snyoms chen po'o/ /gzhan yang rtsom pa ni</font><hr>53.48b<br><font size=+1>

zhing yongs su dag par byed pa'o/ /rtul ba ni mtshan dang dpe byad bzang po yongs su rdzogs par byed pa'o/ /so sor rtog pa ni dam pa'i chos yongs su 'dzin pa'o/ /sgrub pa ni sems can yongs su smin par byed pa'o/ /gzhan yang rtsom pa ni phung po'i bdud yongs su shes pa'o/ /rtul ba ni nyon mongs pa'i bdud las shin tu 'da'o/ /so sor rtog pa ni 'chi bdag gi bdud rnam par spong ba'o/ /bsgrub pa ni lha'i bu'i bdud pham par byed pa'o/ /gzhan yang rtsom pa ni sdug bsngal yongs su shes pa'o/ /rtul ba ni kun 'byung ba spong ba'o/ /so sor rtog pa ni lam bsgom pa'o/ /bsgrub pa ni 'gog pa mngon sum du byed pa'o/ /gzhan yang rtsom pa ni lus la zhugs pa'i dran pa'o/ /rtul ba ni tshor ba la zhugs pa'i dran pa'o/ /so sor rtog pa ni sems la zhugs pa'i dran pa'o/ /bsgrub pa ni chos la zhugs pa'i dran pa'o/ /gzhan yang rtsom pa ni dad pa'o/ /rtul ba ni brtson 'grus so/ /so sor rtog pa ni dran pa dang ting nge 'dzin to/ /bsgrub pa ni shes rab bo/ /gzhan yang rtsom pa ni mi dge ba'i chos spong ba'o/ /rtul ba ni dge ba'i chos yongs su rdzogs par byed pa'o/ /so sor rtog pa ni lus dang sems las su rung bar byed pa'o/ /bsgrub pa ni mngon par 'du bya ba med pa'i rdzu 'phrul rab tu thob par byed pa'o/ /gzhan yang rtsom pa ni byang chub kyi yan lag rnams la/ /rtul ba ni lam la'o/ /so sor rtog pa ni zhi gnas dang lhag mthong la'o/ /bsgrub pa ni rig pa dang rnam par grol ba la'o/ /gzhan yang rtsom pa ni 'jug pa'i spyod pa'o/ /rtul ba ni dkar po rnam par mthong ba'i spyod pa'o/ /so sor rtog pa ni sems shin tu sbyangs pa'o/ /bsgrub pa ni phyir mi ldog pa'i ye shes so/ /blo gros rgya mtsho</font><hr>53.49a<br><font size=+1>

gzhan yang bcom ldan 'das de bzhin gshegs pa brtson 'grus 'bar ba des/ byang chub sems dpa' go cha sra ba la 'di skad ces bka' stsal to/ /rigs kyi bu brtson 'grus de ni gang lus dang sems yongs su sbyangs pa'o/ /brtson 'grus de ni gang rgyu dang lta ba dang bral ba'o/ /brtson 'grus de ni gang ming dang gzugs yongs su shes pa'o/ /brtson 'grus de ni gang ngar 'dzin pa dang / nga yir 'dzin pa 'gog pa'o/ /brtson 'grus de ni gang 'dzin pa dang / 'ching ba 'dor ba'o/ /brtson 'grus de ni gang sgrib pa rnams dang kun nas ldang ba rnams rnam par sel ba'o/ /brtson 'grus de ni gang 'gyod pa dang the tsom spong ba'o/ /brtson 'grus de ni gang mdud pa rnams dang zug ngu rnams yang dag par sel ba'o/ /brtson 'grus de ni gang dmigs pa dang / rgyun chad pa las shin tu 'da' ba'o/ /brtson 'grus de ni gang nga rgyal dang mngon pa'i nga rgyal rnam par spong ba'o/ /brtson 'grus de ni gzhi dang gnas las shin du 'da' ba'o/ /brtson 'grus de ni gang rjes su chags pa dang / khong khro spong ba'o/ /brtson 'grus de ni gang ma rig pa dang / srid pa'i sred pa rab tu sbyangs pa'o/ /brtson 'grus de ni gang chags pa dang zhe sdang kun tu mi rgyu ba'o/ /brtson 'grus de ni gang gti mug dang so sor mi rtog pa dang bral ba'o/ /brtson 'grus de ni gang nang dang phyi'i skye mched rnams yongs su shes pa'o/ /brtson 'grus de ni gang phung po dang khams rnams gdod ma nas skye ba med pa'o/ /brtson 'grus de ni gang sems zhi ba dang rab tu zhi ba dang nye bar zhi ba'o/ /brtson 'grus de ni gang rnam par bsams na chos thams cad mi dmigs pa'o/ /brtson 'grus de ni gang gnyis su med cing gnyis su dbyer med pa'o/ /brtson 'grus de ni gang chos nyid gnas par shes pa'o/ /brtson 'grus de ni gang</font><hr>53.49b<br><font size=+1>

'phro ba med cing mi 'phro ba med pa'o/ /brtson 'grus de ni gang len pa med cing 'dor ba med pa'o/ /brtson 'grus de ni gang byed pa med cing byed pa dang bral ba ma yin pa'o/ /brtson 'grus de ni gang 'deg pa med cing gzhag pa med pa'o/ /brtson 'grus de ni gang blang ba med cing dor ba med pa'o/ /brtson 'grus de ni gang la bcings pa med cing grol ba med pa'o/ /brtson 'grus de ni gang la gnod pa med pa dang / pha rol gnod pa med pa'o/ /brtson 'grus de ni gang la rgyags pa med pa dang bag med pa ma yin pa'o/ /brtson 'grus de ni gang la bya ba med cing byed pa po med pa'o/ /brtson 'grus de ni gang lta bar mi byed pa dang rnam par lta bar mi byed pa'o/ /brtson 'grus de ni gang zhi bar mi byed pa dang rab tu 'bar bar mi byed pa'o/ /brtson 'grus de ni gang bsrung bar mi byed pa dang bsrung ba dang bral ba ma yin no/ /brtson 'grus de ni gang kun tu mi 'ong ba dang 'ong ba dang bral ba ma yin pa'o/ /blo gros rgya mtsho de ltar bcom ldan 'das de bzhin gshegs pa brtson 'grus 'bar bas/ brtson 'grus dang rab tu ldan pa'i gtam 'di dag rgya cher yang dag par rab tu bshad pa na srog chags khris mi skye ba'i chos la bzod pa rab tu thob par gyur to/ /byang chub sems dpa' go ca sra bas bcom ldan 'das de las brtson 'grus bstan pa de thos nas dge ba'i chos yongs su btsal ba la mngon par brtson te/ brtson 'grus brtsams nas gnas par gyur to/ /de brtson 'grus brtsams te gces pa ma bor bar lo bye ba 'das pa dang chung ngu'i rjes su 'thun pa'i bzod pa rab tu thob bo/ /de brtson 'grus brtsams te dge ba'i chos yongs su btsal ba la mngon par brtson pas 'dug bzhin du 'chi ba'i dus byas so/ /de shi 'phos nas de bzhin gshegs pa de</font><hr>53.50a<br><font size=+1>

nyid kyi spyan sngar brdzus te skyes par gyur nas des yang de bzhin gshegs pa de las 'dus pa chen po'i le'u yi chos kyi rnam grangs 'di thos par gyur to/ /de yang chos yongs su btsal ba la mngon par brtson pas 'dug bzhin du 'chi ba'i dus byas par gyur to/ /blo gros rgya mtsho byang chub sems dpa' des rnam grangs 'dis sangs rgyas brgyad khri bzhi stong de dag mnyes par byed cing / gang dag bskal pa me tog gi 'byung gnas de la byung ba thams cad las brtson 'grus brtsams te/ dge ba'i chos yongs su btsal ba la mngon par brtson par gyur nas 'dug bzhin du 'chi ba'i dus byas par gyur to/ /blo gros rgya mtsho de'i tshe de'i dus na byang chub sems dpa' go cha sra ba zhes bya bar gyur pa de gzhan zhig yin pa snyam du khyod som nyi 'am yid gnyis za bar gyur na khyod kyis de ltar mi blta'o/ /de ci'i phyir zhe na/ blo gros rgya mtsho nga nyid de'i tshe de'i dus na byang chub sems dpa' go cha sra ba zhes bya bar gyur te/ /blo gros rgya mtsho ngas brtson 'grus 'di 'dra bas byang chub sems dpa' brgya stong phrag mang po dag phyir bsnyil to/ /blo gros rgya mtsho ngas de tsam du brtson 'grus brtsams pa de lta bu de dang tshegs de lta bus/ byang chub mngon par rdzogs par sangs rgyas pa la ltos/ gang dag le lo can dang brtson 'grus dman par gyur pa rnams la lta smos kyang ci dgos/ de dag la byang chub yod par ga la 'gyur te de dag la byang chub shin du ring zhing rnam par ring ngo / /blo gros rgya mtsho bstan pa 'di la brtson 'grus brtsams pa ni dag par 'gyur gyi le lo can ni ma yin no/ /blo gros rgya mtsho rnam grangs des na 'di ltar gang la brtson 'grus dang bag yod pa de la byang chub yod par rig par bya'o/ /bcom ldan 'das kyis brtson 'grus dang rab tu ldan</font><hr>53.50b<br><font size=+1>

pa'i sngon byung ba'i le'u 'di bshad pa na byang chub sems dpa' lnga stong gis mi skye ba'i chos la bzod pa rab tu thob par gyur to/ /lha dang mi'i skye dgu'i srog chags bdun stong gi bla na med pa yang dag par rdzogs pa'i byang chub tu sems bskyed do/ /de nas de'i tshe bcom ldan 'das kyis tshigs su bcad pa 'di dag gsungs so/ /ngas dran snga ma 'das pa'i dus na ni/ /bskal pa me tog 'byung gnas blta sdug la/ /shin du rnam bltas 'jig rten khams mchog tu/ /brtson 'grus 'bar ba'i bde bar gshegs pa byung / /bskal pa de la rgyal ba gang byung ba/ /de dag brgyad khri bzhi stong tham pa'o/ /'jig rten khams ni dga' ldan gnas 'dra ste/ /mi yi bza' dang btung ba bsams pas 'byor/ /bud med yod min mngal na gnas pa min/ /sems can thams cad brdzus te skye bar gyur/ /de dag dman pa grags par ma gyur te/ /thams cad bdag nyid che ba'i theg chen zhugs/ /shin tu rnam bltas 'jig rten khams blta'i phyir/ /byang chub sems dpa' phyogs bcu nas lhags pa/ /de dag dga' ba'i rnam pa'i ting 'dzin thob/ /sngon chad ma mthong ba yi bde ba myong / /rkang gnyis kyi ni tshogs gyur grags chen po/ /bye ba phrag ni sum bcu rtsa drug yod/ /gzhan yang lha dang mi ni mang po dag /sangs rgyas theg pa mchog la zhugs par gyur/ /yon tan ye shes rgya mtsho drang srong che/ /de ni brtson 'grus bsngags pa yang yang brjod/ /de nas brtson 'grus brtan pa mkhas pa de/ /langs nas don 'di nyid ni rgyal zhus/ /byang chub sems dpa' brtson 'grus brtsams gyur pa/ /ji tsam gyis ni brtson 'grus stobs la gnas/ /de don bcom ldan bdag la bshad du gsol/ /</font><hr>53.51a<br><font size=+1>

bdag ni de la rab tu nan tan bgyid/ /de yi bsam pa mkhyen nas chos rje des/ /brtson 'grus las brtsams yon tan rab gsung pa/ /rtsom pa dang ni de bzhin rtul ba dang / /rtag tu so sor rtog dang bsgrub pa'o/ /rtsom pa de ni byang chub sems shes bya/ /rtul ba dge ba stong dag sgrub byed pa/ /so sor rtog pa sems can phan pa'i dngos/ /bsgrub pa de byed chos la bzod pa yin/ /rtsom pa gus par byas te thos tshol ba/ /rtul ba brtan pa yang dag ston byed pa/ /so sor rtog pa 'di ni tshul bzhin brjod/ /bsgrub pa gang tshe yang dag lta skye ba/ /rtsom pa ser sna'i dri ma sel ba yin/ /rtul ba bdog pa thams cad yongs gtong ba/ /so sor rtog pa rdzogs pa'i byang chub sems/ /bsgrub pa gang tshe rnam par mi rig pa/ /rtsom pa gtong ba chen po gang bsgrubs pa/ /rtul ba song ba rnams la byams byed pa/ /so sor rtog 'di longs spyod mi rtag snyam/ /bsgrub pa byin nas gdung ba med pa yin/ /rtsom pa chos kyis longs spyod gang tshol ba/ /rtul ba de ni 'tsho ba dag pa yin/ /bdag gis snying po blangs snyam so sor rtog /bsgrub pa sbyin pa sbyin pas rlom sems med/ /rtsom pa 'chal ba'i tshul khrims dri ma sel/ /rtul ba tshul khrims brtul zhugs nyams pa med/ /tshul khrims 'chal pa'i sbyin byed so sor rtog /bsgrub pa gang tshe tshul khrims rlom sems med/ /rtsom pa dag ni yongs su dag pa ste/ /rtul ba lus ni yongs su dag pa yin/ /so sor rtog pa gang yin 'di sems dag /bsgrub pa gang yin chos rnams yongs su dag /rtsom pa gnod sems go skabs med pa yin/ /rtul ba bzod pa'i stobs ni nye bar ston/ /so sor rtog pa bdag dang gzhan srung byed/ /bsgrub pa gang tshe rlom sems gang med pa/ /rtsom pa gshe la rtag tu dad byed pa/ /</font><hr>53.51b<br><font size=+1>

rtul ba de dag thag ring spong ba ste/ /so sor rtog pa nang ni zhi ba yin/ /bsgrub pa bdag dang gzhan du dmigs pa med/ /rtsom pa le lo'i dri ma sel ba ste/ /rtul ba brtson 'grus stobs dang mthu yin no/ /le lo can dag smin byed so sor rtog /de byed chos la bzod pa bsgrub pa yin/ /rtsom pa bya ba yang dag sgrub byed pa/ /rtul ba bya ba nyams 'og chud par byed/ /theg pa gzhan la mi re so sor rtog /bsgrub pa las rnams chud mi gson pa yin/ /rtsom pa yang dag dran dang shes bzhin can/ /rtul ba chos rtogs pa la 'jug pa yin/ /blo gros kun tu ga bsrungs pa so sor rtog /bsgrub pa de la mos shing 'gyur ba med/ /rtsom pa rig pa rtul ba tshul yin te/ /so sor rtog pa de ni chos sgo yin/ /bsgrub pa de ni 'byung ba rab tu shes/ /'di dag brtson 'grus brtsams pa'i sbyor ba yin/ /rtsom pa tshig 'bru kun tu 'dzin pa te/ /rtul ba bstan pa yang dag ston par byed/ /so sor rtog pa sgra ni sel byed pa/ /bsgrub pa chos rnams brjod pa med pa nyid/ /rtsom pa dge ba'i bshes gnyen bsten pa yin/ /rtul ba sdig pa'i grogs po rnam par spong / /thos nas chos nyid la ni so sor rtog /bsgrub pa chos rnams dang ni 'gal mi byed/ /rtsom pa sangs rgyas bstan la rab tu 'byung / /rtul ba dga' ba thams cad spong ba yin/ /dge la gnas pa gang yin so sor rtog /chos rnams 'gal ba med pa bsgrub pa yin/ /rtsom pa dgon par dga' ba gang thob pa/ /rtul ba 'du 'dzi rnam par spong ba yin/ /dben par gnas par dga' ba so sor rtog /bsgrub pa gang yin nyon mongs med par gnas/ /rtsom pa 'dod pa chung zhing bka' blo bde/ /rtul ba de ni chog shes gyur pa yin/ /des par gang gyur de ni so sor rtog /bsgrub pa gang yin rung ba'i tshod</font><hr>53.52a<br><font size=+1>

shes pa/ /rtsom pa lhag pa'i tshul khrims slob ces bya/ /rtul ba'i tshul khrims lhod pa med pa yin/ /lhag pa'i sems slob 'di ni so sor rtog /lhag pa'i shes rab slob pa bsgrub pa mchog /rtsom pa sbyin dang de bzhin tshul khrims yin/ /rtul ba bzod dang de bzhin brtson 'grus so/ /so sor rtog 'di bsam gtan shes rab ste/ /bsgrub pa ye shes dang ni de bzhin thabs/ /rtsom pa'i 'jig rten zang zing chos sbyin pa/ /snyan par smra ba de ni rtul ba yin/ /don dpyod gang yin de ni so sor rtog /bsgrub pa don 'thun pa ste snying po yin/ /rtsom pa gang yin byams pa yongs su dag /rtul ba de ni snying rje ldan pa yin/ /dga' ba chos la so sor rtog pa ste/ /btang snyoms ye shes bsgrub par brjod pa yin/ /rtsom pa zhing ni rnam par sbyong ba ste/ /rtul ba mtshan rnams yongs su rdzogs par byed/ /so sor rtog pa dam chos yongs su 'dzin/ /bsgrub pa sems can yongs su smin par byed/ /rtsom pa gang yin phung po bdud sel ba/ /rtul ba nyon mongs bdud ni tshar gcod pa/ /so sor rtog pa 'chi bdag tshar gcod de/ /snying po bsgrub pa bdud kyis ci byar yod/ /rtsom pa sdug bsngal yongs su shes pa ste/ /srid pa'i gnas med 'di ni rtul ba yin/ /lam sgom gang yin de ni so sor rtog /'gog pa shes pa bsgrub par brjod pa yin/ /rtsom pa lus la dran pa bcings pa med/ /rtul ba tshor ba la ni lta ba med/ /sems la dran pa 'di ni so sor rtog /chos la dran pa bsgrub pa dam pa yin/ /rtsom pa dad pa'i stobs dang de dbang po/ /rtul ba brtson 'grus stobs dang mthu yin te/ /dran dang ting 'dzin dbang po so sor rtog /shes rab dbang po bsgrub par brjod pa yin/ /rtsom pa mi dge rnam par spong zhes brjod/ /rtul ba gang yin dge ba chud mi gson/ /lus dang sems kyang gang yin so sor rtog /bsgrub pa rdzu</font><hr>53.52b<br><font size=+1>

'phrul rnam par 'phrul zhes brjod/ /rtsom pa mkhas pa byang chub yan lag sgom/ /rtul ba gang tshe lam ni rtog pa yin/ /zhi gnas lhag mthong de ni so sor rtog /rig dang rnam grol bsgrub pa snying po yin/ /rtsom pa 'jug pa rtul ba spyod pa yin/ /so sor rtog pa sems ni rab sbyangs pa/ /mtshan ma'i spyod yul thams cad gang log pa/ /de ni bsgrub pa'i tshul du brjod pa yin/ /lus dang sems ni rab tu sbyangs pa dang / /rgyu dang lta las rab tu 'da' ba dang / /ming dang gzugs ni yongs su gang shes pa/ /de ni brtson 'grus mchog ces 'phags pas bsngags/ /nga dang nga yi zhes pa nam 'gag pa/ /de tshe bcings pa kun las rnam par grol/ /kun nas ldang med sgrib pa lnga las grol/ /mkhas pa the tsom dang ni 'gyod pa spangs/ /mdud pa rnams dang zug rngu bsal ba gang / /bsgribs pa med cing rgyun chad yod pa min/ /nga rgyal mngon pa'i nga rgyal gang tshe spangs/ /de tshe brtson 'grus stobs kyis las byas yin/ /mtshan ma thams cad sel ba gang yin dang / /spros pa thams cad 'jug pa med pa dang / /nyon mongs thams cad spong ba gang yin pa/ /brtson 'grus de ni mkhas pa rnams kyis bsngags/ /brtson 'grus 'bar bas rab tu bsngags pa'i tshe/ /brtson 'grus yon tan 'di dag thos nas ni/ /grags pa chen po stong phrag bcu kun gyis/ /mi skye'i bzod pa rab tu thob par 'gyur/ /'di thos nas ni stong phrag lnga zhig kyang / /sangs rgyas zhing 'dir bzod pa rnam par sbyangs/ /mi dang lha dang lha min mi 'am ci/ /bdud stong byang chub mchog la rab tu zhugs/ /de na gang gis brtson 'grus mchog reg pa/ /dge slong brtson 'grus brtan pa nga yin te/ /brtson 'grus brtsams nas ngas ni lus btang ste/ /'dug bzhin de tshe 'chi ba'i dus byas gyur/ /brgyad khri las ni bzhi stong lhag pa la/ /bdag gis lus ni rab tu skams par byas/ /bskal pa gcig la 'dren pa mnyes</font><hr>53.53a<br><font size=+1>

byas te/ /bdag gis byang chub sems dpa' phyir bsnyil to/ /brtson 'grus brtsams pa'i le'u ste lnga pa'o// // de nas tshangs pa chen po snying rje chen po sems pas byang chub sems dpa' sems dpa' chen po blo gros rgya mtsho la 'di skad ces smras so/ /rigs kyi bu sangs rgyas kyi chos rnams sangs rgyas kyi chos rnams shes bya ba de la sangs rgyas kyi chos rnams shes bya ba la de dag gang gi tshig bla dgas de skad ces smras pa dang byang chub sems dpa' blo gros rgya mtshos tshangs pa snying rje chen po sems pa la 'di skad ces smras so/ /tshangs pa sangs rgyas kyi chos rnams sangs rgyas kyi chos rnams shes bya ba la sangs rgyas kyi chos rnams shes bya ba de ni chos thams cad kyi tshig bla dgas so/ /de ci'i phyir zhe na/ tshangs pa de bzhin gshegs pas yongs su chad pa'i rnam pas tshad dang ldan par byang chub mngon par rdzogs par sangs rgyas pa ma yin gyi/ de bzhin gshegs pas yongs su ma chad pa'i rnam pas chos thams cad mnyam pa nyid kyi rnam pas tshad med par byang chub mngon par rdzogs par sangs rgyas so/ /tshangs pa chos thams cad mnyam pa nyid du khong du chud pa ni byang chub ste/ tshangs pa de'i phyir chos thams cad ni sangs rgyas kyi chos rnams shes bya'o/ /tshangs pa chos thams cad ci 'dra ba'i sangs rgyas kyi chos thams cad kyang de 'dra ba nyid do/ /chos thams cad kyi ngo bo nyid gang yin pa de sangs rgyas kyi chos rnams kyi ngo bo nyid do/ /chos thams cad dben pa nyid pas sangs rgyas kyi chos dben pa nyid du khong du chud par bya'o/ /chos thams cad stong pas sangs rgyas kyi chos stong pa nyid du khong du chud par bya'o/ /tshangs pa chos thams cad ni rten cing 'brel par 'byung ba dag ste rten cing 'brel par 'byung ba khong du chud pa ni byang chub bo/ /de bzhin gshegs pa chos thams cad ji ltar gzigs pa ltar sangs rgyas kyi chos de dag kyang de 'dra ba nyid do/ /tshangs pa snying rje chen po sems pas smras pa/ rigs kyi bu sangs rgyas kyi chos</font><hr>53.53b<br><font size=+1>

chos rnams khams gsum las shin tu 'das pa ma yin nam/ blo gros rgya mtshos smras pa/ tshangs pa khams gsum gyi ngo bo nyid kyis mtshan ma nyid sangs rgyas kyi chos rnams so/ /de ci'i phyir zhe na/ tshangs pa sangs rgyas kyi chos mnyam pa nyid la tha ma 'am mchog gang yang med do/ /tshangs pa 'di lta ste dper na/ nam mkha' la ni tha ma 'am mchog gang yang med do/ /tshangs pa de bzhin du sangs rgyas kyi chos de dag ni nam mkha' dang mnyam ste/ de dag la tha ma 'am mchog gang yang med do/ /tshangs pa chos thams cad kyi rang bzhin gang yin pa de ni ngo bo nyid kyis stong pa nyid de de la yang tha ma 'am mchog gang yang med do/ /tshangs pa sangs rgyas kyi chos khong du chud par 'dod pa rigs kyi bu 'am rigs kyi bu mos/ rtogs pa med pa'i tshul gyis sangs rgyas kyi chos rnams de ltar rtogs par bya'o/ /tshangs pa gzhan yang sangs rgyas kyi chos rnams ni yul na mi gnas pa/ phyogs na mi gnas pa/ ma skyes pa/ ma 'gag pa/ sngon po ma yin pa/ ser po ma yin pa/ dmar po ma yin pa/ dkar po ma yin pa/ leb rgan ma yin pa/ shel dang dngul gyi kha dog lta bu ma yin pa dag ste/ de dag ni kha dog med pa/ dbyibs med pa/ rtags med pa dag go/ /de dag ni mtshan ma med pa dag go/ /tshangs pa mtshan ma med pa'i don ni sangs rgyas kyi chos kyi chos kyi don no/ /sangs rgyas kyi chos kyi chos kyi don ni 'chi 'pho med pa'i tshig gi don no/ /'chi 'pho med pa'i tshig gi don ni zhi ba'i don no/ /zhi ba'i don ni dben pa'i don no/ /dben pa'i don ni stong pa'i don no/ /stong pa'i don ni gnas med pa'i don no/ /gnas med pa'i don ni de kho na'i don no/ /de kho na'i don ni shin tu skye ba med pa'i don no/ /skye ba med pa'i don ni 'gag pa med pa'i don no/ /</font><hr>53.54a<br><font size=+1>

'gag pa med pa'i don ni gnas med pa'i don no/ /de la 'di skad ces bya ste/ mtshan ma med pa'i don brjod 'di/ /sangs rgyas chos kyi dam pa ste/ /sangs rgyas chos don bstan pa ni/ /'chi 'pho med pa'i tshig ces bya/ /'chi 'pho med don zhi ba'i don/ /rnam par dben pa'i don du bstan/ /dben pa'i don ni stong pa'i don/ /stong pa'i don ni gnas med don/ /gnas med don ni de kho na/ /de nyid don ni de bzhin nyid/ /shin tu skye dang bral ba ni/ /'gag pa med pa'i don du bstan/ /'gag pa med do gnas med don/ /gnas pa med pa'i chos don tshig /chos dbyings ji ltar gnas pa ltar/ /chos rnams thams cad de ltar gnas/ /chos kun ji ltar gnas pa ltar/ /sangs rgyas chos rnams de ltar gnas/ /ji ltar sangs rgyas chos gnas ltar/ /slob pa'i chos rnams de ltar gnas/ /chags med chos ni mtshungs pa'i don/ /de ltar de dag gzhan med gnas/ /rang sangs rgyas kyi chos rnams kyang / /'dir ni mnyam pa ji bzhin gnas/ /de lta'i gnas la gnas pa'i chos/ /sangs rgyas chos te bla na med/ /sangs rgyas chos rnams de dag ni/ /yul dang phyogs na gnas pa med/ /skye ba dang ni 'jig pa yis/ /nam yang rab tu phye ba min/ /gang du'ang chos rnams de dag la/ /dbyibs dang kha dog rnyed mi 'gyur/ /mtshan ma med cing rtags med par/ /sangs rgyas chos rnams rab tu bstan/ /chos kun rang bzhin gang yin pa/ /sangs rgyas chos rnams de lta'i tshul/ /des na de dag mnyam par bstan/ /khyad par med de mtshan nyid med/ /sangs rgyas chos rtogs 'dod pa yis/ /chos rnams kun la blta bar bya/ /gang tshe cung zad mi dmigs pa/ /de tshe rnam par bltas pa yin/ /sangs rgyas</font><hr>53.54b<br><font size=+1>

dang ni sangs rgyas chos/ /chos rnams kun kyang thams cad du/ /byang chub snying por drang srong ches/ /de dag yang dag mnyam par rtogs/ /sangs rgyas chos gang sangs rgyas kyis/ /byang chub snying por gang bltas pa/ /sangs rgyas chos bstan de dag ni/ /rtag tu mnyam pa nyid kyis mnyam/ /mnyam ste mi mnyam med pa'i chos/ /nam mkha' lta bu dri med par/ /sangs rgyas kyis ni mkhyen par rtogs/ /des 'dir sangs rgyas yin zhes brjod/ /rten cing 'brel par gang byung ba/ /de dag gang la'ang rang bzhin med/ /gang dag ngo bo nyid med pa/ /de dag gang du'ang 'byung ba med/ /'gro ba mtha' med mnyam par ni/ /gang gis mtha' 'dir rab shes pa/ /de yi ye shes mthar son pas/ /chos rnams kun la 'jug par 'gyur/ /chos rnams gang dag 'das pa dang / /chos rnams gang dag ma 'ongs dang / /da ltar byung ba'i chos gang dag /de rnams sangs rgyas chos su 'dod/ /de ltar dus gsum rnams la yang / /sangs rgyas ye shes chags pa med/ /gang du ye ges mi chags pa/ /de dag thub pa'i chos su bstan/ /stobs ni rnams pa bcu dag dang / /mi 'jigs rnam bzhi gang dag dang / /sangs rgyas rnams kyi ma 'dres chos/ /rnams pa bcwo brgyad gang yin dang / /gzhan yang chos gang ci yod pa/ /thams cad 'dir ni 'dus par 'gyur/ /des ni chos rnams de dag kun/ /sangs rgyas chos shes brjod pa yin// //'phags pa blo gros rgya mtshos zhus pa/ bam po lnga pa/ tshangs pa snying rje chen po sems pas gzhan yang byang chub sems dpa' sems dpa' chen po blo gros rgya mtsho la 'di skad ces smras so/ /ci rigs kyi bu khyod la chos 'di dag mngon sum du gyur tam/ smras pa tshangs pa ci sangs rgyas kyi chos rnams gzugs su bgrang 'am/ smras pa de ni ma yin no/ /</font><hr>53.55a<br><font size=+1>

smras pa tshangs pa chos gang gzugs med pa bstan du med thogs pa med/ rnam par rig pa med pa de la gang yang mngon sum du 'gyur ram/ smras pa rigs kyi bu de ni ma yin no/ /smras pa tshangs pa de ltar na chos thams cad ni mngon sum ma yin pa nyid do/ /de ci'i phyir zhe na/ de la gnyis su chung zad kyang med de/ tshangs pa chos thams cad ni gnyis su med pa'o/ /de la mngon sum gang yin pa de yang de'i mtshan nyid kho na'o/ /tshangs pa mngon sum yang gzhan la/ sangs rgyas kyi chos rnams kyang gzhan pa ma yin te/ mngon sum du gang yin pa de nyid sangs rgyas kyi chos rnams so/ /sangs rgyas kyi chos gang yin pa de nyid mngon sum nyid do/ /smras pa rigs kyi bu de bzhin gshegs pa la yang sangs rgyas kyi chos rnams mngon sum ma yin nam/ smras pa tshangs pa gal te de bzhin gshegs pa 'am/ sangs rgyas kyi chos rnams kyang rung ste 'ga' zhig yang dag par yongs su grub par gyur na ni sangs rgyas kyi chos rnams kyang / de bzhin gshegs pa la mngon sum du 'gyur ro/ /smras pa rigs kyi bu sangs rgyas kyi chos gang yang med dam/ smras pa tshangs pa chos gang yongs su grub pa med pa de yod pa 'am med par khas blang du med do/ /chos gang yod pa 'am med par khas blang du med pa de'i mngon sum du 'gyur ba gang yang med do/ /smras pa 'o na da ji ltar sangs rgyas kyi chos shes bstan/ smras pa tshangs pa 'di lta ste dper na/ nam mkha' la nam mkha' zhes bstan kyang nam mkha' la yang dag par yongs su grub pa gang yang med do/ /tshangs pa de bzhin du sangs rgyas kyi chos rnams la sangs rgyas kyi chos rnams shes bstan kyang sangs rgyas kyi chos rnams la ni yang dag par yongs su grub pa gang yang med do/ /smras pa rigs kyi bu byang chub sems dpa' las dang po pas bstan pa 'di</font><hr>53.55b<br><font size=+1>

thos nas skrag par mi 'gyur gyi de sangs rgyas kyi chos rnams kyi ched du go cha gyon pa ni ngo mtshar to/ /smras pa tshangs pa sangs rgyas kyis byin gyis brlabs pa'i sems can rnams byang chub tu sems skyed de de dag sangs rgyas kyi chos zab mo thos nas skrag par mi 'gyur ro/ /tshangs pa 'dzin pa dang mngon par zhen par gyur na skrag par 'gyur gyi 'dzin pa med cing / mngon par zhen pa med na skrag par mi 'gyur ro/ /gnas dang chags par gyur na skrag par 'gyur gyi gnas med cing chags pa med na skrag par mi 'gyur ro/ /ngar 'dzin pa dang nga yir 'dzin par gyur na skrag par 'gyur gyi ngar 'dzin pa dang nga yir 'dzin pa dang bral na skrag par mi 'gyur ro/ /smras pa stobs gang dang ldan na byang chub sems dpa' sangs rgyas kyi chos zab mo dag la/ skrag par mi 'gyur ba byang chub sems dpa'i stobs gang yin/ smras pa tshangs pa byang chub sems dpa' rnams kyi stobs ni brgyad po 'di dag ste/ stobs de dag dang ldan na byang chub sems dpa' rnams sangs rgyas kyi chos zab mo dag la skrag par mi 'gyur ro/ /brgyad gang zhe na 'di lta ste/ sangs rgyas kyi chos thams cad la mos pas thogs pa med pa'i dad pa'i stobs dang / ston pa dang mtshungs pa'i blos gus pa las nges par byung ba dge ba'i bshes gnyen gyi stobs dang / 'jig rten las 'das pa'i chos yongs su rdzogs par byed pas thos pa las nges par byung ba shes rab kyi stobs dang / bsod nams tshad med pa yongs su rdzogs par byed pas/ bsod nams las nges par byung ba bsnyen bkur bya ba'i stobs dang / bdud thams cad nges par gzhom pa'i phyir tshul bzhin las nges par byung ba ye shes kyi stobs dang / chos rnams bdag med pa la dogs pa med pas byams pa chen po las nges par byung ba/ snying rje chen po'i stobs dang / byang chub kyi sems brjed pa med pas nges</font><hr>53.56a<br><font size=+1>

par sems pa las nges par byung ba'i sems kyi stobs dang / mi skye ba'i chos la bzod pa rab tu thob pas gzhan gyi dring mi 'jog pa las nges par byung ba'i bzod pa'i stobs so/ /tshangs pa brgyad po de dag ni byang chub sems dpa' rnams kyi stobs de dag dang ldan na/ byang chub sems dpa' rnams sangs rgyas kyi chos zab mo dag la skrag par mi 'gyur ro/ /de nas bcom ldan 'das kyis byang chub sems dpa' blo gros rgya mtsho la legs so zhes bya ba byin te/ blo gros rgya mtsho khyod kyis byang chub sems dpa' rnams kyi/ stobs de dag legs par bshad pa ni legs so legs so/ /stobs 'di lta bu dang ldan pa'i byang chub sems dpa' ni gang thos nas skrag par 'gyur ba'i/ sangs rgyas kyi chos de gang yang med do/ /blo gros rgya mtshos bstan pa'i sgra de dag thams cad ni 'jigs pa'o/ /byang chub kyi don dam pa gang yin pa de yang brjod par mi nus so/ /de ci'i phyir zhe na/ brjod du med pa de ni bsnyad du med pa ste/ de la ni yi ge rnams kun du mi rgyu'o/ /de la ni sems dang sems las byung ba'i chos rnams kyang kun du mi rgyu na yi ge rnams kun tu rgyu bar 'gyur ba lta smos kyang ci dgos/ 'di ltar chos zab mo yi ge med pa/ bsnyad du med pa/ brjod du med pa/ smrar med pa 'di lta bu mngon par rdzogs par sangs rgyas kyang / yi ge'i rnam par rig pas sems can gzhan dag dang gang zag gzhan rnams la ston te/ sems can bsam gyis mi khyab pa dag la sangs rgyas bcom ldan 'das rnams kyi thugs rje chen po ji snyed 'jug pa la ltos/ blo gros rgya mtsho 'di lta ste dper na/ skyes bu gang la la zhig gis nam mkha' gzugs med pa/ bstan du med pa/ thogs pa med pa/ rnam par rig pa med pa 'di</font><hr>53.56b<br><font size=+1>

la tshon sna tshogs kyis ri mo bris te rta pa dang glang po che dang shing rta dang dpung bu chung dang / bzhon pa rnams su 'dir nye bar ston tam/ lha dang klu dang gnod sbyin dang dri za'i gzugs rnams 'dir nye bar ston na/ blo gros rgya mtsho 'di la ji snyam du sems/ skyes bu de dka' ba byed pa ma yin nam/ gsol pa bcom ldan 'das dka' ba bgyid pa'o/ /bde bar gshegs pa mchog tu dka' ba bgyid pa'o/ /bcom ldan 'das kyis bka' stsal pa/ blo gros rgya mtsho sangs rgyas bcom ldan 'das gang dag brjod du med pa'i chos mngon par rdzogs par sangs rgyas nas kyang sems can gzhan dag dang gang zag gzhan rnams la brjod du med pa'i don de brjod pas rnam par rig par byed cing go bar byed pa ni de bas kyang ches dka' ba mdzad pa'o/ /gang dag sangs rgyas kyi chos zab mo 'di dag la mi skrag mi dngang dngang bar mi 'gyur ba de dag ni de bas kyang ches shin tu dka' ba byed pa'o/ /blo gros rgya mtsho gang dag sangs rgyas kyi chos zab mo 'di dag la skrag par mi 'gyur ba'i sems can de dag ni dge ba'i rtsa ba bskyed pa dang sngon gyi rgyal ba la bsnyen bkur byed pa yin no/ /blo gros rgya mtsho mdo sde zab mo 'jig rten thams cad dang / mi mthun pa 'di dag rig nas 'chang ba dang / 'dzin pa dang / gzhan dag la yang rgya cher yang dag par rab tu ston pa de dang de dag ni de bzhin gshegs pa'i chos kyi mdzod 'dzin pa dag go/ /sems can thams cad kyi dge ba'i phyogs 'dzin pa dag go/ /blo gros rgya mtsho byang chub sems dpa' gang gis sangs rgyas kyi spyan gyis gzigs pa'i sangs rgyas kyi zhing tshad med pa thams cad rin po che thams cad kyis yongs su bkang ste/ de bzhin gshegs pa la mchod pa'i las kyi phyir dbul ba phul</font><hr>53.57a<br><font size=+1>

na/ blo gros rgya mtsho 'di la ji snyam du sems/ byang chub sems dpa' de gzhi de las bsod nams mang du skyed dam/ gsol pa bcom ldan 'das mang lags so/ /bde bar gshegs pa tshad ma mchis pa lags so/ /bsod nams kyi phung po de ni ji tsam du dpe bgyi bar sla ba ma lags pa de tsam du/ bsod nams kyi phung po de tshad ma mchis par 'gyur ro/ /bcom ldan 'das kyis bka' stsal pa/ blo gros rgya mtsho khyod mos par bya'o/ /khyod kyi khong du chud par bya'o/ /gang de bzhin gshegs pa'i bstan pa kun du bsrung ba dang / dkon mchog gsum gyi rigs mi 'chad par bya ba'i phyir sems can thams cad la snying rje chen po bskyed nas mdo sde zab mo 'di lta bu 'di de bzhin gshegs pa'i ye shes sgrub par rig nas 'dzin pa dang / 'chang ba dang / kun chub par byed pa'i byang chub sems dpa' de ni de bas kyang ches bsod nams mang du skyed na gang de bzhin nyid du sgrub pa lta smos kyang ci dgos/ de ci'i phyir zhe na/ blo gros rgya mtsho zang zing gi sbyin pa de thams cad ni 'jig rten la sten pa'o/ /chos kyi sbyin pa 'di ni 'jig rten thams cad las shin tu 'da' bar 'gyur ba'o/ /blo gros rgya mtsho dam pa'i chos yongs su 'dzin pa ni/ yongs su bzung ba bzhi rab tu 'thob ste/ bzhi gang zhe na/ sangs rgyas kyis yongs su bzung ba rab tu 'thob pa dang / lhas yongs su bzung ba dang / bsod nams kyis yongs su bzung ba dang / ye shes kyis yongs su bzung ba 'thob pa'o/ /blo gros rgya mtsho sangs rgyas kyis yongs su bzung ba'i byang chub sems dpa'i khyad par du 'gyur ba bzhi ste/ bzhi gang zhe na/ de bzhin gshegs pa mthong ba dang mi 'bral bar 'gyur ba dang / de la bdud thams cad kyis glags</font><hr>53.57b<br><font size=+1>

mi rnyed par 'gyur ba dang / gzungs rab tu thob pas mi zad par 'gyur ba dang / mngon par shes pa myur te phyir mi ldog pa'i sa thob par 'gyur ba ste/ blo gros rgya mtsho sangs rgyas kyis yongs su bzung ba'i byang chub sems dpa'i khyad par du 'gyur ba bzhi po de dag go/ /blo gros rgya mtsho lhas yongs su bzung ba'i byang chub sems dpa'i rnam par dag par 'gyur ba bzhi ste/ bzhi gang zhe na/ lha rnams kyis de'i 'khor gyi dkyil 'khor rnam par sbyong ba dang / chos mnyan pa la sems rtse gcig tu bya bar 'jog pa dang / de la pha rol gyi gnod pa thams cad mi 'byung bar byed pa dang / de la sems ma dad pa thams cad kyang lha rnams kyi dbang gis dad par byed pa ste/ blo gros rgya mtsho lhas yongs su bzung ba'i byang chub sems dpa'i rnam par dag par 'gyur ba bzhi po dag go/ /blo gros rgya mtsho bsod nams kyis yongs su bzung ba'i byang chub sems dpa'i rgyan du 'gyur ba bzhi ste/ bzhi gang zhe na/ mtshan dang dpe byad bzang po yongs su rdzogs pas lus kyi rgyan dang / sems can thams cad mgu bar byed pas ngag gi rgyan dang / bya ba thams cad kun tu ston pas zhing gi rgyan dang / brgya byin dang tshangs pa dang 'jig rten skyong du skye ba rab tu thob pas skye ba'i rgyan te/ blo gros rgya mtsho bsod nams kyis yongs su bzung ba'i byang chub sems dpa'i rgyan du 'gyur ba bzhi po de dag go/ /blo gros rgya mtsho ye shes kyis yongs su bzung ba'i byang chub sems dpa'i snang ba bzhi ste/ bzhi gang zhe na/ so sor ci rigs par chos ston pas sems can gyi dbang po snang ba dang / chos kyi sman yang dag par sbyor bas nyon mongs pa'i nad thams cad snang ba dang / sangs rgyas kyi zhing gzhan du 'gro bas mngon par shes pa snang ba dang / chos thams cad yang dag pa ji lta ba bzhin du yongs su shes</font><hr>53.58a<br><font size=+1>

pas chos kyi dbyings snang ba ste/ blo gros rgya mtsho ye shes kyis yongs su bzung ba'i byang chub sems dpa'i snang bar 'gyur ba bzhi po de dag go/ /blo gros rgya mtsho de lta bas na byang chub sems dpa' sems dpa' chen po yon tan gyi phan yon 'di dag yongs su 'dzin par 'dod pas dam pa'i chos yongs su bzung ba la mngon par brtson par bya'o/ /blo gros rgya mtsho dam pa'i chos yongs su 'dzin pa la mngon par brtson pa'i byang chub sems dpa' rnams kyi yon tan gyi khyad par tshad med par 'gyur ro/ /de nas de'i tshe bcom ldan 'das kyis tshigs su bcad pa 'di dag gsungs so/ /de bzhin gshegs pa'i dam chos gang 'dzin pa/ /de dag phan yon rnam pa mang 'gyur te/ /de las phyogs tsam yongs su brjod par bya/ /dper na rgya mtsho'i chu las thigs pa bzhin/ /de bzhin gshegs pa'i dam pa'i chos 'dzin pa/ /de ni de bzhin gshegs la byas bzo yin/ /rgyal ba rnams kyis mdzod 'dzin yid brtan zhing / /phyogs bcu rnams su sangs rgyas mchod pa yin/ /sangs rgyas spyan gyis gzigs pa'i zhing mang po/ /rin chen bkang ste de bzhin gshegs la phul/ /zad pa'i dus na ji ltar chos 'dzin ltar/ /bsod nams phung po de tsam 'phel ma yin/ /'jig rten zang zing rgyal la sti stang byas/ /'jig rten byed las nam yang grol mi 'gyur/ /'jig rten 'das pa'i chos ni gang tshol ba/ /mkhas pa de ni 'jig rten chos las 'da'/ /de bzhin gshegs pa'i dam pa'i chos 'dzin pa/ /rgyal ba rnams kyis yongs su bzung bar 'gyur/ /lha dang klu dang mi 'am ci rnams dang / /bsod nams ye shes kyis ni yongs su bzung / /de bzhin gshegs pa'i dam pa'i chos 'dzin pa/ /dran ldan blo gros ldan zhing blo ldan 'gyur/ /shes rab rgya chen kun nas ye shes</font><hr>53.58b<br><font size=+1>

ldan/ /mkhas pa bag chags bcas pa'i nyon mongs spong / /de bzhin gshegs pa'i dam pa'i chos 'dzin pa/ /de la bdud kyi skyon chags rnyed mi 'gyur/ /de la 'gyod dang de bzhin dogs pa med/ /de la bcings med sgrib pa cung zad med/ /de bzhin gshegs pa'i dam pa'i chos 'dzin pa/ /zhing stong dag tu nam yang mi skye ste/ /skye ba kun tu de ni rgyal ba mthong / /mthong nas de la dad pa rab tu 'thob/ /de bzhin gshegs pa'i dam pa'i chos 'dzin pa/ /chos kyi bdag nyid chen po skye dran 'gyur/ /yang dang yang du rab tu 'byung ba 'thob/ /spyod pa yongs dag sgrub pa snying por byed/ /de bzhin gshegs pa'i dam pa'i chos 'dzin pa/ /tshul khrims thos pas 'phags pa'i chos spyod pa/ /mkhas pa mngon shes lnga la myur du reg /ma smad bsam gtan rnam par thar pa 'thob/ /de bzhin gshegs pa'i dam pa'i chos 'dzin pa/ /de ni zab chos rtogs par khong du chud/ /sangs rgyas spyod yul stong nyid the tsom med/ /sems can bdag med par yang mos par 'gyur/ /de bzhin gshegs pa'i dam pa'i chos 'dzin pa/ /de ni so so yang dag rig pa 'thob/ /'jigs med shes rab rno zhing chags med dag /de ni srog chag kun gyi the tsom gcod/ /de bzhin gshegs pa'i dam pa'i chos 'dzin pa/ /mkhas pa de ni gzungs rnams 'thob par 'gyur/ /bskal pa brgyar yang gang thos chud mi za/ /spobs dang ldan zhing chags pa med par 'gyur/ de bzhin gshegs pa'i dam pa'i chos 'dzin pa/ /de la mkhas pa rtag tu dga' bar 'gyur/ /lha dang lha min mi ci'i yid du 'ang / /de la sangs rgyas bu cig bzhin du bstod/ /de bzhin gshegs pa'i dam pa'i chos 'dzin par/ /brgya byin tshangs pa de bzhin 'jig rten skyong / /'khor los sgyur dang mi yi rgyal por 'gyur/ /bde dang yid bde byang chub de 'tshang rgya/ /de bzhin gshegs pa'i dam pa'i chos 'dzin pa/ /de lus sum bcu rtsa gnyis mtshan ldan</font><hr>53.59a<br><font size=+1>

zhing / /mkhas pa yan lag smad pa med par 'gyur/ /de la lta bas ngoms par yong mi 'gyur/ /de bzhin gshegs pa'i dam pa'i chos 'dzin pa/ /gang dag chos kyi phyag rgya 'di ston pa'i/ /dge ba'i bshes gnyen de la dkon mi 'gyur/ /chos mdzod zad mi shes pa nyan par byed/ /de bzhin gshegs pa'i dam pa'i chos 'dzin pa/ /lus dang ngag dang yid kyang rnam par dag /tshul khrims ting 'dzin shes rab rnam par dag /rnam grol ye shes shin du rnam par dag /de bzhin gshegs pa'i dam pa'i chos 'dzin pa/ /de ni byang chub sems brjed 'gyur ba med/ /pha rol phyin pa spyod dang 'gal mi 'gyur/ /dge ba brgya rnams kyis kyang rab tu bzung / /de dag rnams kyi yon tan phan yon rnams/ /bskal pa rgyun mi 'chad par rab brjod kyang / /dam chos 'dzin pa'i phan yon 'di dag ni/ /brjod pas mtha' mar phyin par mi 'gyur ro/ /sangs rgyas kyi chos bstan pa'i le'u ste drug pa'o// //de nas byang chub sems dpa' sems dpa' chen po yon tan gyi rgyal po snang ba/ zhes bya ba 'khor de nyid du 'dus par gyur te 'dug pa des/ bcom ldan 'das la 'di skad ces gsol to/ /bcom ldan 'das kyis ngas chos gang mngon par rdzogs par sangs rgyas pa de brjod du med do zhes gsungs na/ bcom ldan 'das chos brjod du ma mchis pa lags na dam pa'i chos yongs su bzung ba ji lta bu zhig lags/ bcom ldan 'das kyis bka' stsal pa/ rigs kyi bu de de bzhin no/ /ji skad smras pa bzhin te/ chos gang ngas mngon par rdzogs par sangs rgyas pa de brjod du med do/ /rigs kyi bu 'on kyang yi ge'i nges pa'i tshig gang dag gis brjod du med pa 'dus ma byas kyi chos de bsnyad pa'i yi ge'i nges pa'i tshig de dag gang len pa dang 'dzin pa dang ston pa dang / rab tu shes par byed pa dang / 'jog pa dang rnam par 'grel pa dang / rnam par 'byed pa dang gsal bar byed pa dang / yang dag par rab tu ston pa 'di ni dam pa'i chos yongs su 'dzin pa zhes bya'o/ /rigs</font><hr>53.59b<br><font size=+1>

kyi bu gzhan yang chos smra ba gang dag mdo sde 'di lta bu 'di dag 'dzin pa dang / ston pa dang / sgrub pa'i chos smra ba de dag la gang snyen pa dang / sten pa dang / bsnyen bkur byed pa dang / ldang ba dang / rim gro byed pa dang / gus par byed pa dang / zhe sa byed pa dang / sti stang byed pa dang / kun du srung ba dang / sbed pa dang / yongs su 'dzin pa dang / gos dang / zas dang / mal cha dang / na ba'i gsos sman dang / yo byad sbyin pa dang / legs so zhes bya ba sbyin pa dang / rje bo ltar kun du srung ba dang / dge ba srung ba dang / bsngags pa brjod pa dang / mi snyan pa 'chab pa 'di yang dam pa'i chos yongs su 'dzin pa'o/ /rigs kyi bu gzhan yang gang stong pa nyid la mos pa dang / mtshan ma med pa la yid ches pa dang / smon pa med pa la som nyi med pa dang / mngon par 'du bya ba med pa la de kho na nyid du nges par sems pa 'di yang dam pa'i chos yongs su 'dzin pa'o/ /rigs kyi bu gzhan yang rtsod pa med pa lhur len pa dang / chos ma yin pas rtsod pa rnams chos dang mthun pas tshar cod pa 'di yang dam pa'i chos yongs su 'dzin pa'o/ /rigs kyi bu gzhan yang zhe sdang med pa'i rgyud dang / sems can bsdu ba dang rab tu thar bar bya ba'i blo dang / zang zing med pa'i sems kyis gzhan dag la chos sbyin pa 'di yang dam pa'i chos yongs su 'dzin pa'o/ /rigs kyi bu gzhan yang lus dang srog 'dor zhing mdo sde 'di lta bu 'di dag kun du srung ba dang / sbed pa dang / sgrub par dgon pa la gnas pa 'di yang dam pa'i chos yongs su 'dzin pa'o/ /rigs kyi bu gzhan yang gang chos mnyan pa'i rgyu las byung ba 'am/ chos stan pa'i rgyu las byung bas tha na gom pa gcig 'dor ram/ tha na dbugs 'byin pa 'am rngub pa gcig kyang rung ste 'di yang dam pa'i chos yongs su 'dzin pa'o/ /rigs kyi bu gzhan yang gang chos thams cad yongs su mi 'dzin cing mi len pa 'di yang dam pa'i chos yongs su 'dzin pa zhes bya'o/ /yon tan gyi rgyal po snang ba khyod kyis rnam grangs 'dis kyang 'di ltar rig par bya'o/ /rigs kyi bu sngon byung ba 'das pa'i dus na bskal pa grangs</font><hr>53.60a<br><font size=+1>

med pa'i yang ches grangs med par gyur pa de'i tshe de'i dus na/ dga' ba 'phags pa'i bskal pa la 'jig rten gyi khams 'od rnam par dag par bcom ldan 'das ye shes chen po'i stobs bsgrags pa zhes bya ba'i de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ngo / /rigs kyi bu 'jig rten gyi khams 'od rnam par dag pa de ni bai dUr+ya las grub pa/ shin du rnam par dag pa/ phyogs bcu snang bas rgyas par 'gengs pa/ byang chub sems dpa' sems dpa' chen po mngon par shes pa chen po'i stobs kyis rnam par rtsen pa/ chos zab mo la nges par byung ba nyi tshe'i gnas su gyur pa'o/ /de'i tshe sems can de dag gi longs spyod ni lha'i bu rab 'phrul gyi dang 'dra bar gyur cing lha'i bu'i gzugs nyid kyis bcom ldan 'das de la chos nyan to/ /de na khyim pa dang rab tu byung ba tha dad du bya ba med do/ /bcom ldan 'das ye shes chen po'i stobs bsgrags pa'i de bzhin gshegs pa des rigs kyi bu dag khyed kyis lus srog dor zhing dam pa'i chos yongs su gzung ba la mngon par brtson par bya'o/ /zhes dam pa'i chos yongs su gzung ba'i gtam nyid rgya cher yang dag par rab tu ston to/ /de'i tshe de'i dus na byang chub sems dpa' sems dpa' chen po chos smra ba zhes bya ba 'khor de nyid du 'dus par gyur te 'dug go/ /de nas bcom ldan 'das ye shes chen po'i stobs bsgrags pa'i de bzhin gshegs pa de la byang chub sems dpa' sems dpa' chen po chos smra bas 'di skad ces gsol to/ /bcom ldan 'das ji ltar na byang chub sems dpa' dam pa'i chos yongs su 'dzin pa lags/ byang chub sems dpas gang</font><hr>53.60b<br><font size=+1>

yongs su gzung bar bgyi ba'i chos de gang lags/ de skad ces gsol pa dang / bcom ldan 'das ye shes chen po'i stobs bsgrags pa'i de bzhin gshegs pa des byang chub sems dpa' chos smra ba la 'di skad ces bka' stsal to/ /rigs kyi bu kye ma'o sems 'di ni yul la rab tu phyar ba ste/ gang de zlog pa dang / yongs su srung ba dang / rtse gcig tu 'gyur ba dang / dul ba dang / zhi ba dang / nye bar zhi ba dang 'dul ba 'di ni dam pa'i chos yongs su 'dzin pa zhes bya'o/ /de ci'i phyir zhe na/ mig dang / gzugs rnams dang / mig gi rnam par shes pa shes bya ba chos ma yin pa 'di ni chos ma yin pa'o/ /rna ba dang / sgra rnams dang / rna ba'i rnam par shes pa dang / sna dang / dri rnams dang / sna'i rnam par shes pa dang / lce dang / ro rnams dang / lce'i rnam par shes pa dang / lus dang / reg bya rnams dang / lus kyi rnam par shes pa dang / yid dang / chos rnams dang / yid kyi rnam par shes pa zhes bya ba chos ma yin pa 'di ni chos ma yin pa'o/ /gang mig dang gzugs stong par rig nas mig dang gzugs rnams la rnam par mi rtog cing mig gi rnam par shes pa la gnas pa med pa 'di ni dam pa'i chos yongs su 'dzin pa'o/ /gang yang dag pa'i ye shes kyis de gzhan dag la go bar byed pa la mkhas pa 'di ni dam pa'i chos yongs su 'dzin pa'o/ /de bzhin du rna ba dang / sgra dang sna dang / dri dang lce dang / ro dang lus dang / reg bya dang yid dang / chos rnam stong par rig nas yid dang chos rnams la rnam par mi rtog cing yid kyi rnam par shes pa la gnas pa med pa 'di ni dam pa'i chos yongs su 'dzin pa'o/ /de yang yang dag pa'i ye shes kyi gzhan dag la go bar byed pa la mkhas pa 'di ni dam pa'i chos yongs su 'dzin pa'o/ /rigs kyi bu gzhan yang chos gang gis chos gang byung ba'i chos de la yongs su</font><hr>53.61a<br><font size=+1>

mi 'dzin pa dang / mi len pa 'di ni dam pa'i chos yongs su 'dzin pa'o/ /lta ba gang gis log par lta ba la gnas par byed pa'i lta ba de la yongs su mi 'dzin cing mi len pa 'di ni dam pa'i chos yongs su 'dzin pa'o/ /mi shes pa gti mug gi ling tog gang gis sems yongs su dkar bar mi 'gyur ba'i mi shes pa'i gti mug gi ling tog de la gang yongs su mi 'dzin cing mi len pa 'di ni dam pa'i chos yongs su 'dzin pa zhes bya'o/ /rigs kyi bu gzhan yang gang bsgrubs nas spang bar bya ba de ni chos ma yin 'dul ba ma yin no/ /gang sgrub par yang mi bya spang bar yang mi bya ba 'di ni chos so/ /de ni 'dul ba'o bsgrubs nas spang bar bya ba'i chos gang zhe na 'dus byas kyi lam ste/ bsgrubs nas spang bar bya ba de ni chos ma yin 'dul ba ma yin no/ /sgrub par bya ba yang ma yin spang bar bya ba yang ma yin pa gang zhe na/ gang brjod du med pa dang skye ba med pa dang 'byung ba med pa ste/ de ni bsgrub par bya ba yang ma yin spang bar bya ba yang ma yin pa'o/ /gang bsgrub par bya ba yang ma yin spang bar bya ba yang ma yin pa de chos so/ /de ni 'dul ba'o ci'i phyir de chos yin de 'dul ba yin zhe na/ rang bzhin gyis ma skyes pa'i nyon mongs pa rnam skye bar mi byed pas de'i phyir de chos yin/ de 'dul ba yin zhes bya'o/ /chos dang 'dul ba gang yin pa de ni skye ba med pa 'gag pa med pa'o/ /gang skye ba med 'gag pa med pa de ni zad par mi 'gyur ro de ltar zad pa med pa dang / skye ba med pa'i chos dang 'dul ba de ni ji ltar 'byung ba med pa de ltar yongs su gzung ba med do/ /gang yongs su gzung ba med pa de dam pa'i chos yongs su 'dzin pa'o/ /rigs kyi bu de ltar bcom ldan 'das ye shes chen po'i stobs bsgrags pa'i de bzhin gshegs pa des bstan pa 'di bshad pa na byang chub sems dpa' sems dpa' chen po sum khri nyis stong gis mi skye ba'i chos la bzod pa skyes so/ /byang chub sems dpa' chos smra bas bcom ldan 'das de las bstan pa 'di thos nas tshim zhing mgu la yi rangs shing rab tu dga' ste dga' ba dang yid bde</font><hr>53.61b<br><font size=+1>

ba skyes nas/ bcom ldan 'das de la 'di skad ces gsol to/ /bcom ldan 'das ji tsam du de bzhin gshegs pas byang chub sems dpa' rnams kyi dam pa'i chos yongs su 'dzin pa 'di legs par gsungs pa ni ngo mtshar to/ /bcom ldan 'das ji ltar bdag gis bcom ldan 'das kyis gsungs pa'i don 'tshal ba ltar na bdag 'di snyam bgyid de/ bcom ldan 'das chos thams cad ni chos ma lags so/ /gang chos ma lags pa de ni chos so/ /de ci'i slad du zhe na/ bcom ldan 'das chos thams cad ni mngon par zhen pas chos ma lags so/ /gang mngon par zhen pa ma mchis pa de ni chos so/ /bcom ldan 'das chos dang chos ma lags pa gnyis kyi 'du shes dang ldan pa'i chos thams cad ni chos ma lags pa'o/ /bcom ldan 'das 'du shes yongs su shes pa dang ldan pa'i chos thams cad ni chos so/ /bcom ldan 'das don dam par bstan na chos dang chos ma lags pa mi dmigs so/ /gang la chos kyi 'du shes kyang ma mchis/ chos ma lags pa'i 'du shes kyang ma mchis pa de la chos su bgrang ba gang yang ma mchis so/ /gang la chos su bgrang ba gang yang ma mchis pa de mtha' ma lags pa'o/ /gang mtha' ma lags pa de yang dag pa'i mtha'o/ /de ci'i slad du zhe na/ nam mkha'i mtha' ni yang dag pa'i mtha' ste/ nam mkha' la ni tshar bcad pa'i mtha' gang yang ma mchis so/ /ji ltar nam mkha' la tshar bcad pa'i mtha' gang yang ma mchis pa de bzhin du chos thams cad la yang tshar gcad pa'i mtha' gang yang ma mchis te/ de'i slad du chos thams cad ni nam mkha'i zhes bgyi'o/ /bcom ldan 'das byang chub sems dpa' gang dag gis yang dag pa'i mtha' bstan pa 'di thos nas de bzhin du yang dag pa nyid du khas len pa de dag ni chos gang la yang gnyis su dbye bar khas len pa ma lags so/ /bcom ldan 'das bdag gis ni chos gang yongs su bzung bas dam pa'i chos yongs su 'dzin pa bstan pa'i chos gang yang yang dag par rjes su ma mthong ngo / /bcom ldan 'das bdag gis de ltar</font><hr>53.62a<br><font size=+1>

bstan na de bzhin gshegs pas gsungs pa smra ba dang / chos smra ba dang / chos kyi rjes su 'thun pa'i chos su lung ston pa lta lags sam/ yang dag pa'i lung bstan pas lung ston pa lta lags sam/ bcom ldan 'das des bka' stsal pa/ rigs kyi bu yang dag pa ste/ de bzhin gshegs pas gsungs pa smra ba dang / chos smra ba dang / chos kyi rjes su 'thun pa'i chos su lung ston pa yin no/ /yang dag pa'i lung bstan pas lung ston pa yin no/ /rigs kyi bu de ltar byang chub sems dpa' chos smra bas lung bstan pa 'di bshad pa na lha'i 'khor de las lha'i bu khris rjes su 'thun pa'i chos kyi bzod pa thob par gyur to/ /yon tan gyi rgyal po snang ba de'i tshe de'i dus na byang chub sems dpa' chos smra bar gyur pa zhes bya ba de gzhan zhig yin pa snyam du khyod dogs shing the tsom za 'am/ yid gnyis su gyur na de ltar mi blta'o/ /de ci'i phyir zhe na/ yon tan gyi rgyal po snang ba khyod nyid de'i tshe de'i dus na chos smra ba'i byang chub sems dpa' zhes bya bar gyur to/ /de'i phyir yon tan gyi rgyal po snang ba ngas bskal pa grangs med pa bye bar bsgrubs pa bla na med pa yang dag par rdzogs pa'i byang chub 'di khyod la gtad do/ /gzung ba dang / bcang ba dang / kun chub par bya ba dang / gzhan dag la'ang rgya cher yang dag par bstan par bya ba'i phyir 'khor 'di'i mdun du ngas khyod la bcol to/ /bcom ldan 'das kyis gsung 'di gsungs ma thag tu de nas byang chub sems dpa' bye ba phrag drug bcu stan las langs te mgrin gcig tu bcom ldan 'das bdag cag gis de bzhin gshegs pa'i byang chub 'di gzung bar bgyi'o zhes smras so/ /de skad ces gsol pa dang / bcom ldan 'das kyis byang chub sems dpa' de rnams la 'di skad ces bka' stsal to/ /rigs kyi bu dag khyed kyis chos ji lta bu zhig la gnas te ngas bskal pa grangs med pa bye bar bsgrubs pa'i byang chub 'di 'dzin par byed/ de nas byang chub sems dpa' ri dbang gi rgyal po zhes bya ba der 'dus par gyur te 'dug pa des bcom ldan</font><hr>53.62b<br><font size=+1>

'das la 'di skad ces gsol to/ /bcom ldan 'das lus dang srog la lta bas dam pa'i chos yongs su gzung bar mi nus te/ bcom ldan 'das bdag gis lus dang srog la mi lta bar bgyis la bcom ldan 'das kyi dam pa'i chos yongs su gzung bar bgyi'o/ /byang chub sems dpa' dpal brtsegs rgyal po zhes bya ba des 'di skad ces gsol to/ /bcom ldan 'das rnyed pa dang bkur sti dang tshigs su bcad pa la re bas dam pa'i chos yongs su gzung bar mi nus te/ bcom ldan 'das bdag gis rnyed pa dang bkur sti dang tshigs su bcad pa thams cad bor la 'phags pa ma lags pa dang sten pa thams cad yongs su spangs te de bzhin gshegs pa'i dam pa'i chos yongs su gzung bar bgyi'o/ /byang chub sems dpa' tog chen pos gsol pa/ bcom ldan 'das chos dang chos ma lags pa gnyis kyi 'du shes dang ldan pas dam pa'i chos yongs su gzung bar mi nus te/ bcom ldan 'das bdag gis chos thams cad gnyis dang bral ba mnyam pa nyid thob par bgyis te dam pa'i chos yongs su gzung bar bgyi'o/ /byang chub sems dpa' dpal sbas kyis gsol pa/ bcom ldan 'das nyon mongs pa rnams kyis zil gyis non pas dam pa'i chos yongs su gzung bar mi nus te/ bcom ldan 'das bdag gis 'phags pa'i shes rab dang ye shes kyis nyon mongs pa thams cad zil gyis mnan te dam pa'i chos yongs su gzung bar bgyi'o/ /byang chub sems dpa' sgron ma 'dzin gyis gsol pa/ bcom ldan 'das gti mug gi mun pa'i spyod yul gyis dam pa'i chos yongs su gzung bar mi nus te/ bcom ldan 'das bdag gis chags pa ma mchis pa'i ye shes kyi snang ba thob par bgyis la chos thams cad la gti mug gi mun pa dang bral bar bgyis te dam pa'i chos yongs su gzung bar bgyi'o/ /byang chub sems dpa' glog lhas gsol pa/ bcom ldan 'das gzhan la rag las pa'i ye shes kyis dam pa'i chos yongs su</font><hr>53.63a<br><font size=+1>

gzung bar mi nus te/ bcom ldan 'das bdag gis chos thams cad la gzhan gyi dring mi 'jog par mngon sum gyi ye shes thob par bgyis te dam pa'i chos yongs su gzung bar bgyi'o/ /byang chub sems dpa' kun tu sbas kyis gsol pa/ bcom ldan 'das dbang po phal pa dang 'khrul pa'i sems kyis dam pa'i chos yongs su gzung bar mi nus te/ bcom ldan 'das bdag gis dbang po thams cad dang sgo dang skye mched thams cad shin du sbas shing shin du brtul la dam pa'i chos yongs su gzung bar bgyi'o/ /byang chub sems dpa' 'od dri ma med pas gsol pa/ bcom ldan 'das sems can dang chos tha dad pa'i 'du shes dang ldan pas dam pa'i chos yongs su gzung bar mi nus te/ bcom ldan 'das bdag gis sems can thams cad la sems snyoms pa dang / chos thams cad la mnyam pa nyid thob par bgyis te/ dam pa'i chos yongs su gzung bar bgyi'o/ /byang chub sems dpa' khyad par du 'gro bas gsol pa/ bcom ldan 'das mnyam par ma bzhag cing g.yeng ba'i sems kyis dam pa'i chos yongs su gzung bar mi nus te/ bcom ldan 'das bdag gis mnyam par bzhag la mi g.yeng ba'i sems kyis dam pa'i chos yongs su gzung bar bgyi'o/ /byang chub sems dpa' ded dpon gyis gsol pa/ bcom ldan 'das lam shes pa'i cho ga ma 'tshal cing lam ngan par zhugs pas dam pa'i chos yongs su gzung bar mi nus te/ bcom ldan 'das bdag gis lam shes pa'i cho ga 'tshal bar bgyis la sems can rnams lam ngan pa las yang dag pa'i lam la rab tu dgod cing dam pa'i chos yongs su gzung bar bgyi'o/ /byang chub sems dpa' blo gros legs pas gsol pa/ bcom ldan 'das dogs pa'i sems the tsom du gyur pas dam pa'i chos yongs su gzung bar</font><hr>53.63b<br><font size=+1>

mi nus te/ bcom ldan 'das bdag gis dogs pa dang bral zhing the tsom thams cad spangs la dogs pa'i zug rngu thams cad bsal ba thob par bgyis te/ dam pa'i chos yongs su gzung bar bgyi'o/ /byang chub sems dpa' rnam par snang byed kyis gsol pa/ bcom ldan 'das chos la mi gnas shing sgrub pa nyams pas dam pa'i chos yongs su gzung bar mi nus te/ bcom ldan 'das bdag gis chos la gnas shing sgrub pa snying por bgyid te sems can rnams yang dag pa'i nan tan la rab tu dgod cing dam pa'i chos yongs su gzung bar bgyi'o/ /byang chub sems dpa' snang ba mthong bas gsol pa/ bcom ldan 'das shes rab 'chal pa chos kyi snang ba dang bral bas dam pa'i chos yongs su gzung bar mi nus te/ bcom ldan 'das bdag gis shes rab kyis rnam par nges pa'i ye shes la mkhas shing chos kyi snang ba dang ldan pas dam pa'i chos yongs su gzung bar bgyi'o/ /byang chub sems dpa' zhe 'gras pa med pa'i blo gros kyis gsol pa/ bcom ldan 'das zhe 'gras pa'i sems dang sems can rjes su mi srung ba'i blos dam pa'i chos yongs su gzung bar mi nus te/ bcom ldan 'das bdag gis zhe 'gras pa mi mchis pa'i sems dang sems can rjes su bsrung ba la gnas pas dam pa'i chos yongs su gzung bar bgyi'o/ /byang chub sems dpa' spyod pa rnam dag blo gros kyis gsol pa/ bcom ldan 'das sems can gyi dbang po la mi mkhas shing sems can gyi spyod pa'i cho ga ma 'tshal bas dam pa'i chos yongs su gzung bar mi nus te/ bcom ldan 'das bdag gis sems can gyi dbang po dang spyod pa shes pa la zhugs la dam pa'i chos yongs su gzung bar bgyi'o/ /byang chub sems dpa' bkod pa'i rgyal pos</font><hr>53.64a<br><font size=+1>

gsol pa/ bcom ldan 'das chos la yongs su rtog pa'i 'du shes dang ldan pas bdag dang sems can dang chos la gnas pas dam pa'i chos yongs su gzung bar mi nus te/ bcom ldan 'das bdag gis rtog pa dang rnam par rtog pa dang yongs su rtog pa thams cad dang bral zhing 'khor gsum yongs su dag la bdag dang sems can dang chos la mi gnas par bgyid cing bcom ldan 'das kyis dam pa'i chos yongs su gzung bar bgyi'o/ /byang chub sems dpa' seng ge'i tog gis gsol pa/ bcom ldan 'das 'jig rten 'di ni 'di lta ste/ chos thams cad ma skyes pa dang ma byung ba la skrag pa'o/ /bcom ldan 'das bdag gis ni chos thams cad ma skyes pa dang ma byung bar 'tshal nas skrag pa ma mchis kun tu skrag pa ma mchis shing chos gang la yang nye ba 'am ring bar mi gnas par bcom ldan 'das kyi dam pa'i chos yongs su gzung bar bgyi'o/ /byang chub sems dpa' byams pas gsol pa/ bcom ldan 'das byang chub la ring ba'i 'du shes can gyis dam pa'i chos yongs su gzung bar mi nus te/ bcom ldan 'das byang chub sems dpa' gang 'di snyam du bdag gis bla na med pa yang dag par rdzogs pa'i byang chub thob nas byang chub lus dang sems dang ldan pa yang ma yin mi ldan pa yang ma yin par mthong ngo snyam pa des de bzhin gshegs pa'i dam pa'i chos yongs su gzung bar nus so/ /byang chub sems dpa' yon tan gyi rgyal po snang bas gsol pa/ bcom ldan 'das yon tan la mi gnas shing yon tan dang bral la de bzhin gshegs pa'i yon tan don du mi gnyer bas dam pa'i chos yongs su gzung bar mi nus te/ bcom ldan 'das bdag gis yon tan thams cad dang ma bral zhing byang chub sems dpa'i yon tan yang dag pa la gnas te de bzhin gshegs pa'i yon</font><hr>53.64b<br><font size=+1>

tan yongs su btsal ba la mngon par brtson pas bcom ldan 'das kyi dam pa'i chos yongs su gzung bar bgyi'o/ /'jam dpal gzhon nur gyur pas gsol pa/ bcom ldan 'das gang 'di skad du bdag gis dam pa'i chos yongs su gzung ngo zhes de skad mchi ba'i 'jig rten de ni rnam par smra ba legs so/ /bcom ldan 'das de ci'i slad du zhe na/ bcom ldan 'das byang chub kyi snying po la bzhugs nas chos gang ma brnyes shing mngon par rdzogs par sangs ma rgyas pa de la yongs su gzung ba gang yang ma mchis so/ /bcom ldan 'das bdag gis chos thams cad yongs su mi gzung ba dang sems can thams cad yongs su 'dzin pa 'dor du stsal ba'i slad du snying rje chen po'i chos nyid 'di gzung bar bgyi/ chos gang yang 'phros par mi bgyi/ 'phros pa dang bral bar yang mi bgyi'o/ /de nas bcom ldan 'das kyis 'jam dpal gzhon nur gyur pa la legs so zhes byi ba byin te/ 'jam dpal legs so legs so/ /de de bzhin no/ /ji skad smras pa bzhin te/ ngas chos gang yang ma thob par byang chub kyi snying po la 'dug go/ /ma thob bzhin du byang chub kyi snying po las langs so/ /'jam dpal gyis gsol pa/ bcom ldan 'das byang chub kyi snying po la bzhugs sam ci nas gang 'di skad du ngas ma thob bzhin du byang chub kyi snying po las langs shes gsung / gal te bzhugs na ni byang chub la gnyis 'jug par 'gyur te/ bcom ldan 'das kyang gzhan la byang chub kyi snying po yang gzhan du 'jug par 'gyur ro/ /bcom ldan 'das byang chub ni gnyis kyis rab tu phye ba ma lags so/ /bcom ldan 'das kyis bka' stsal pa/ 'jam dpal nga byang chub kyi snying po'i ngo bo nyid kyi rjes su zhugs pa'i phyir</font><hr>53.65a<br><font size=+1>

byang chub kyi snying po la 'dug go/ /nga'i ngo bo nyid gang yin pa de byang chub kyi snying po'i ngo bo nyid de byang chub kyang de'i ngo bo nyid sems can thams cad de'i ngo bo nyid/ chos thams cad kyang de'i ngo bo nyid do/ /'jam dpal byang chub kyi snying por gang ngas mngon par rdzogs par sangs rgyas pa de ni ngo bo nyid gcig pa'o/ /ro gcig pa'o/ /mngon par rdzogs par sangs rgyas nas kyang de bzhin gshegs pas byang chub kyi snying po las rnam par grol ba'i chos gang yang ma gzigs so/ /byang chub mnyam pa nyid pas chos thams cad mnyam pa nyid du mngon par rdzogs par sangs rgyas so/ /mnyam pa nyid ni chos gang gi grangs su 'gro ba ma yin te grangs med pa grangs dang bral ba'o/ /de'i phyir de bzhin gshegs pa 'dus ma byas pa zhes bya'o/ /'jam dpal de bzhin gshegs pa ni 'dus ma byas thob pa ste/ 'dus byas thams cad las shin du 'das so/ /'jam dpal gang dag de bzhin gshegs pa'i bstan pa 'di la mos pa de dag thams cad de bzhin gshegs pa'i rnam par grol bas rnam par grol bar 'gyur ro/ /rnam par grol nas chos nyid de las 'da' bar mi 'gyur ro/ /de nas byang chub sems dpa' gang dag byang chub sems dpa' blo gros rgya mtsho dang lhan cig tu 'jig rten gyi khams mi mjed 'dir lhags pa de dag gis bstan pa 'di thos nas tshim zhing mgu la yi rangs shing rab tu dga' ste dga' ba dang yid bde ba skyes nas bdag cag sangs rgyas kyi zhing 'dir legs par lhags pa dang / bcom ldan 'das dang / 'jam dpal gzhon nur gyur pa dang / skyes bu dam pa 'di dag kyang mthong ba dang / chos zab mo bstan pa 'di yang thos pa ni bdag cag gis rnyed pa legs par rnyed do zhes ched du brjod pa ched du brjod do/ /gang du chos kyi rnam grangs 'di gnas par</font><hr>53.65b<br><font size=+1>

'gyur ba der sangs rgyas byung bar blta'o/ /gang du chos kyi rnam grangs 'di spyod par 'gyur ba der chos kyi 'khor lo rab tu bskor bar blta'o/ /de ltar byung ba 'am de bzhin gshegs pa yongs su mya ngan las 'das kyang rung ste/ gang dag chos kyi rnam grangs 'di nyan pa dang / thos nas kyang mos pa dang / 'dzin pa dang / 'chang ba dang / klog pa dang / kun chub par byed pa dang / gzhan la yang rgya cher yang dag par rab tu ston par 'gyur ba'i sems can de dag kyang rnyed pa legs par rnyed pa dag go /bcom ldan 'das kyis bka' stsal pa/ rigs kyi bu dag khyed kyis ji ltar byang chub sems dpas rnyed pa legs par rnyed pa shes sam/ de dag gis gsol pa/ bcom ldan 'das byang chub sems dpa' rnams kyi rnyed pa legs par rnyed pa ni bcu po 'di dag ste/ rnyed pa chen po bsam gyis mi khyab par 'gyur ba dag go/ /bcu gang zhe na/ 'di lta ste/ sangs rgyas 'byung ba mnyes par byed pa rab tu 'thob pa dang / mthong nas kyang lhag pa'i bsam pas de la dad pa rab tu 'thob pa dang / sems dad nas chos mnyan pa rab tu 'thob pa dang chos thos nas kyang the tsom ma mchis pa rab tu 'thob pa dang / the tsom ma mchis nas kyang rab tu 'byung ba 'thob pa dang / rab tu byung nas kyang 'tsho ba yongs su dag pa rab tu 'thob pa dang / 'tsho ba yongs su dag nas kyang chos bstan pa la mkhas pa rab tu 'thob pa dang / tshe rabs tshe rabs su byang chub kyi sems rab tu 'thob pa dang / byang chub kyi sems ma brjed nas kyang byang chub sems dpa'i sde snod kyi chos mnyan pa rab tu 'thob pa dang / byang chub sems dpa'i sde snod thos nas kyang sgrub pa rab tu 'thob pa ste/ bcom ldan 'das rnyed pa bcu po de dag ni rnyed pa chen po bsam gyis mi khyab par 'gyur ba dag go/ /de la rab tu gnas pa'i byang chub sems dpa' sems</font><hr>53.66a<br><font size=+1>

dpa' chen po dag ni rnyed pa legs par rnyed pa zhes bgyi'o/ /bcom ldan 'das kyis bka' stsal pa/ skyes bu dam pa dag khyed kyis byang chub sems dpa' sems dpa' chen po rnams kyi rnyed pa de dag legs par smras pa ni legs so legs so/ /bstan pa 'di bshad pa na srog chags sum khri drug stong gis bla na med pa yang dag par rdzogs pa'i byang chub tu sems bskyed do/ /yongs su gtad pa'i le'u ste bdun pa rdzogs te/ 'phags pa blo gros rgya mtshos zhus pa phyed gong ma'o// //bam po drug pa/ de nas bcom ldan 'das la byang chub sems dpa' blo gros rgya mtshos 'di skad ces gsol to/ /bcom ldan 'das 'di lta ste/ lha dang mi'i phun sum tshogs pa myong bar bgyi ba dang / mya ngan las 'das pa'i phun sum tshogs pa bla na med pa thob par bgyi ba'i slad du ji tsam du theg pa chen po sems can thams cad la phan par bgyid par gyur pa ni ngo mtshar to/ /bcom ldan 'das theg pa chen po sdud par 'gyur ba'i chos rnams ni gang lags/ theg pa chen po la gces spras bgyid pa'i chos rnams ni gang lags/ theg pa chen po la dka' ba bgyid pa'i chos rnams ni gang lags/ theg pa chen po ston par 'gyur ba'i chos rnams ni gang lags/ bcom ldan 'das theg pa chen po'i bar chad du 'gyur ba'i chos rnams ni gang lags/ bcom ldan 'das ci'i slad du theg pa chen po la theg pa chen po zhes bgyi/ de skad ces gsol pa dang / bcom ldan 'das kyis byang chub sems dpa' blo gros rgya mtsho la 'di skad ces bka' stsal to/ /blo gros rgya mtsho de'i phyir nyon cig dang bstan par bya'o/ /blo gros rgya mtsho theg pa chen po sdud par 'gyur ba'i chos gcig ste/ </font><hr>53.66b<br><font size=+1>

chos gcig po gang zhe na/ 'di lta ste/ byang chub kyi sems brjed pa med cing bag yod pa ste/ blo gros rgya mtsho 'di ni theg pa chen po sdud par 'gyur ba'i chos gcig go /blo gros rgya mtsho gzhan yang theg pa chen po sdud par 'gyur ba'i chos gcig ste/ chos gcig po gang zhe na/ 'di lta ste/ bya bar 'jug pa la zhugs shing rnam par smin pa la yid ches pa'o/ /gzhan yang chos gcig ste/ 'di lta ste/ bstan pa'i chos dang mi 'gal ba yang dag pa'i lta ba'o/ /gzhan yang chos gcig ste/ de sdug pa dang mi sdug pa bsal te sems can thams cad la sems mnyam pa nyid do/ /gzhan yang chos gcig ste/ thams cad bskyab pa dang ldan pa'i byams pa chen po'o/ /gzhan yang chos gcig ste/ bdag bde ba la mi chags pa'i snying rje chen po'o/ /gzhan yang chos gcig ste/ sangs rgyas kyi sku 'dod pa'i sangs rgyas rjes su dran pa'o/ /gzhan yang chos gcig ste/ chos sgrub pa'i snying por byed pa'i chos rjes su dran pa'o/ /gzhan yang chos gcig ste/ phyir mi ldog pa'i dge 'dun dang ldan pa'i dge 'dun rjes su dran pa'o/ /gzhan yang chos gcig ste/ nyon mongs pa thams cad bsal ba'i gtong ba'i rjes su dran pa'o/ /gzhan yang chos gcig ste/ byang chub kyi sems ma brjed pa'i tshul khrims rjes su dran pa'o/ /gzhan yang chos gcig ste/ rnam par dag pa'i chos dang ldan pa'i lha rjes su dran pa'o/ /gzhan yang chos gcig ste phan pa dang bde ba dang ldan pa'i phan par 'dod pa'o/ /gzhan yang chos gcig ste/ bsam pa brtan par gyur cing mos pa drag po'o/ /gzhan yang chos gcig ste/ sems can thams cad rab tu thar bar bya ba la mchog tu dga' ba'o/ /gzhan yang chos gcig</font><hr>53.67a<br><font size=+1>

ste/ chos zab mo la nges par 'byung ba'i dam pa'i chos yongs su tshol ba'o/ /gzhan yang chos gcig ste/ zang zing med pa'i sems kyis chos sbyin pa'o/ /gzhan yang chos gcig ste/ chos mnyan pa'i phyir lhag pa rnams la nad par 'du shes pa'o/ /gzhan yang chos gcig ste/ chos la sman du 'du shes pa'o/ /gzhan yang chos gcig ste/ bdag la sman par 'du shes pa'o/ /gzhan yang chos gcig ste/ dam pa'i chos yun ring du gnas pa'i phyir kun du srung ba'o/ /gzhan yang chos gcig ste/ dkon mchog gsum gyi rigs mi gcod pa'o/ /gzhan yang chos gcig ste/ mi brkam zhing ngan ngon gyis chog shes pa'o/ /gzhan yang chos gcig ste/ bdog pa thams cad yongs su gtong ba la zhum pa med pa'o/ /gzhan yang chos gcig ste/ rang gi tshul khrims kyis tshul khrims 'chal ba'i sems can yongs su smin par byed pa'o/ /gzhan yang chos gcig ste/ nyes par byed pa la gsher mi gnyer ba'i bzod pa'o/ /gzhan yang chos gcig ste/ legs pa byas pa la lan blan pa'i blo'o/ /gzhan yang chos gcig ste/ byas pa mi gzo ba la snying rje'i blo'o/ /gzhan yang chos gcig ste/ byas pa gzo ba rnams la rim gro bya ba'i blo'o/ /gzhan yang chos gcig ste/ mi shes pa rnams la nga rgyal med pa'o/ /gzhan yang chos gcig ste/ shes pa rnams kyi rjes su slob pa'o/ /gzhan yang chos gcig ste/ dge ba'i rtsa ba la lhag pa'i bsam pa'i sems mi 'dor ba'o/ /gzhan yang chos gcig ste/ mi dge ba'i sems kyi rjes su mi 'jug pa'o/ /gzhan yang chos gcig ste/ tshul 'chos pa med cing kha bsag med pas sdom pa gsum yongs su dag pa'o/ /gzhan yang chos gcig ste/ chos smra ba rnams la ston pa</font><hr>53.67b<br><font size=+1>

dang bla ma ltar phangs par rim gro byed pa'o/ /gzhan yang chos gcig ste/ 'jig rten rgyang phan pa dang ma 'dres pa legs par thos pa'i chos nyan pa'o/ /gzhan yang chos gcig ste/ dge ba'i rtsa ba yongs su sbyang ba yongs su dag nas 'khor ba na yongs su mi skyo ba'o/ /gzhan yang chos gcig ste/ de bzhin gshegs pa bzhugs pa rnams sam yongs su mya ngan las 'das pa rnams la mchod pa byed pas mi ngoms pa'o/ /gzhan yang chos gcig ste/ sems can thams cad kyis gsol ba ma btab par bshes gnyen byed pa'o/ /gzhan yang chos gcig ste/ dngos po thams cad la mi gnas shing yongs su mi 'dzin mi chags pa'o/ /gzhan yang chos gcig ste/ khyim na gnas pa'i skyon rig nas rtag par rgyun du rab tu 'byung ba la gzhol ba'o/ /gzhan yang chos gcig ste/ skyes bu dam pa'i las rnams la zhugs pa'o/ /gzhan yang chos gcig ste/ nges par byas pa la zhugs pa'i byang chub kyi lam gyi tshogs bsogs pa'o/ /gzhan yang chos gcig ste/ theg pa mtshungs par yang dag par zhugs pa rnams la zhe mi sdang ba'o/ /gzhan yang chos gcig ste/ byang chub kyi sems yang dag par 'dzin du gzhug pa la yongs su mi skyo ba'o/ /gzhan yang chos gcig ste/ gsang ba'i sngags rnams kun du srung bas rnam par 'phros par mi byed pa'o/ /gzhan yang chos gcig ste/ chos dang bzo yongs su btsal ba shes pa'o/ /gzhan yang chos gcig ste/ bden pa'i ngag la rab tu gnas pas chos mthong ba'o/ /gzhan yang chos gcig ste/ kha 'og tu lus 'khrus par byed pa'o/ /gzhan yang chos gcig ste/ 'gyod pa med pa'i sems kyis sbyin pa 'gyed pa'o/ /gzhan yang chos gcig ste/ </font><hr>53.68a<br><font size=+1>

bdud kyi las rnams rtogs nas yongs su spong ba'o/ /gzhan yang chos gcig ste/ nga rgyal dang bral ba'i ye shes kyi las so/ /gzhan yang chos gcig ste/ shes kyi khe bral bar dgon pa na gnas pa'o/ /gzhan yang chos gcig ste/ lhag pa'i nga rgyal dang bral zhing bdag la mi bstod gzhan la mi smod pa'o/ /gzhan yang chos gcig ste/ nyon mongs pa dang bral zhing 'jig rten gyi rjes su 'thun pa'o/ /gzhan yang chos gcig ste/ 'tsho ba yongs su dag ste dben pa la dga' ba'o/ /gzhan yang chos gcig ste/ tshul bzhin la brtson pas nang du yang dag 'jog pa'o/ /gzhan yang chos gcig ste/ mang du thos nas sems nges par sems pa'o/ /gzhan yang chos gcig ste/ yang dag par rab tu brtson pa'i rnal 'byor spyod pa'i sa'o/ /gzhan yang chos gcig ste/ stong pa nyid kyi spyod yul gyi chos la so sor rtog pa'o/ /gzhan yang chos gcig ste/ rnyed pa dang ma rnyed pas khengs pa med cing gdung ba med pa'o/ /gzhan yang chos gcig ste/ 'du 'dzis 'jigs shing skrag nas gcig pu dga' ba'o/ /gzhan yang chos gcig ste/ chos kyis rnyed pa gzhan dag dang kun tu 'ged pa'o/ /gzhan yang chos gcig ste/ 'phags pa'i bden pa shes pa la mkhas pa'o/ /gzhan yang chos gcig ste/ shes pa thams cad la slob dpon dpe mkhyud med pa'o/ /gzhan yang chos gcig ste/ ma bslabs pa rnams bslab pa la sbyor zhing mi brnyas pa'o/ /gzhan yang chos gcig ste/ rnyed pa dang ma rnyed pa rnams la las kyi rnam par smin pa la yid ches shing yongs su gdung ba med pa'o/ /gzhan yang chos gcig ste/ gus par byas te chos nyan pa rnams la chos ston pa'o/ /</font><hr>53.68b<br><font size=+1>

gzhan yang chos gcig ste/ sdug pa rnams la rjes su chags pa spangs nas sems can thams cad la sems mnyam pa nyid do/ /gzhan yang chos gcig ste/ chos smra ba rnams la g.yo ba med par legs so zhes bya ba sbyin pa'o/ /gzhan yang chos gcig ste/ cang shes kyi sems kyis sems can thams cad kyi khur khyer ba'o/ /gzhan yang chos gcig ste/ pha rol tu phyin pa rnams la sbyor ba yongs su tshol ba'o/ /gzhan yang chos gcig ste/ byang chub kyi lam gyi tshogs sogs pa'i brtson 'grus so/ /gzhan yang chos gcig ste/ dad pa'i rtsa ba brtan zhing mi g.yo ba'o/ /gzhan yang chos gcig ste/ yul 'khor bsod snyoms don yod par yongs su spyod pa'o/ /gzhan yang chos gcig ste/ nor bdun yang dag par 'du bas dbul ba med pa'o/ /gzhan yang chos gcig ste/ snying po blangs pa'i srog gi dbang po'o/ /gzhan yang chos gcig ste/ thabs la mkhas pas sems can yongs su smin par byed pa'o/ /gzhan yang chos gcig ste/ chos kyi mchod sbyin sbyin pas bsdu ba'i dngos po'o/ /gzhan yang chos gcig ste/ rtsod pa med la lhur len pa'i chos kyi gtam mo/ /gzhan yang chos gcig ste/ klan ka mi tshol ba'i sems kyis mnyan pa'o/ /gzhan yang chos gcig ste/ dge sbyong gi dri ma dang bral ba'i dge sbyong nyid do/ /gzhan yang chos gcig ste/ 'dre ba med par grong dang grong khyer dang grong rdal du 'jug pa'o/ /gzhan yang chos gcig ste/ rang gi 'khrul pa la so sor rtog pas sems can thams cad kun srung ba'o/ /gzhan yang chos gcig ste/ 'jig rten gyi sna tshogs la btang snyoms su byed pa'o/ /gzhan yang chos gcig ste/ dge ba'i bshes gnyen rnams la mi slu ba'o/ /gzhan yang chos gcig ste/ rang gi sems yongs su dag pas</font><hr>53.69a<br><font size=+1>

sems can thams cad kyi sems yongs su dag par shes pa'o/ /gzhan yang chos gcig ste/ bcos ma ma yin pas bsam pa dag pa'o/ /gzhan yang chos gcig ste/ khyad par du 'gro bas lhag pa'i bsam pa dag pa'o/ /gzhan yang chos gcig ste/ legs par byed pa'i las byed pas sbyor ba dag pa'o/ /gzhan yang chos gcig ste/ bsod nams yongs su dag pas mtshan yongs su dag pa'o/ /gzhan yang chos gcig ste/ shes pa yongs su dag pas nyon mongs pa yongs su dag pa'o/ /gzhan yang chos gcig ste/ sems can yongs su dag pas zhing yongs su dag pa'o/ /gzhan yang chos gcig ste/ mtshan ma med pa la so sor brtags te yongs su bsngo ba la mkhas pa'o/ /gzhan yang chos gcig ste/ rjes su 'thun pa'i chos kyi bzod pa'o/ /gzhan yang chos gcig ste/ rnam par thar pa'i sgo gsum yongs su bsgoms nas nges par gyur pa la so sor rtog pa'o/ /gzhan yang chos gcig ste/ gnas med pa la gnas pas gnas brtan pa'o/ /gzhan yang chos gcig ste/ mngon par shes pas rnam par rtsen zhing zag pa zad pa shes pa la 'jug pa'o/ /gzhan yang chos gcig ste/ zhi gnas dang lhag mthong gis yongs su sbyang ba byas pa'i rigs pa dang rnam par grol ba'o/ /gzhan yang chos gcig ste/ thabs kyis yang dag par zin pa'i shes rab sgom pa'o/ /gzhan yang chos gcig ste/ khams gsum gyi snying po thob pa byang chub kyi snying po'i rgyan no/ /gzhan yang chos gcig ste/ 'di lta ste chos thams cad mnyam pa nyid du mngon par rdzogs par khong du chud pas bla na med pa yang dag par rdzogs pa'i byang chub pa'o/ /blo gros rgya mtsho gzhan yang theg pa chen po sdud par 'gyur ba'i chos gcig ste/ chos gcig po gang zhe na/ 'di</font><hr>53.69b<br><font size=+1>

lta ste/ chos thams cad rang bzhin gyis ma skyes pa dang ma byung bar rig nas mi skye ba'i chos la bzod pa rab tu thob pa ste/ blo gros rgya mtsho 'di ni theg pa chen po sdud par 'gyur ba'i chos gcig go/ /blo gros rgya mtsho chos de dag ni theg pa chen po sdud par 'gyur ba dang / 'dzin pa dang / gnas pa thams cad 'dod par 'gyur ba dag go/ /blo gros rgya mtsho gzhan yang theg pa chen po la gces spras byed pa'i chos gnyis te/ gnyis gang zhe na/ 'di lta ste/ sangs rgyas kyi chos rnams la mos pa dang / nyan thos dang rang sangs rgyas kyi chos rnams la 'dod pa med pa ste/ blo gros rgya mtsho chos gnyis po de dag ni theg pa chen po la gces spras byed pa'o/ /blo gros rgya mtsho theg pa chen po la dga' ba byed pa'i chos gnyis te gnyis gang zhe na/ mos pas rnam par grol ba de kun du spong ba dang / rnam par grol ba de'i phyir chos ston pa ste/ blo gros rgya mtsho chos gnyis po de dag ni theg pa chen po la dga' ba byed pa'o/ /blo gros rgya mtsho theg pa chen po la gces spras byed pa'i chos gnyis te/ gnyis gang zhe na/ byang chub kyi sems las mi nyams pa dang / sems la lta ba la brtan pa'o/ /dka' ba byed pa'i chos gnyis te/ byang chub kyi sems la sgyu ma lta bur so sor rtog pa dang / sems can thams cad la bdag med par so sor rtog pa'o/ /gces spras byed pa'i chos gnyis te/ bsam pa mi 'dor ba dang / sbyor ba bcos ma ma yin pa'o/ /dka' ba byed pa'i chos gnyis te/ rtsa ba yongs su dag pa'i bsam pa dang / byed pa med cing bral ba yang ma yin par bsod nams stsogs pa'o/ /gces spras byed pa'i chos gnyis te/ dge ba'i rtsa ba rnams la sbyor ba dang / sbyor ba yang nyams 'og tu chud par byed pa'o/ /dka' ba byed pa'i chos gnyis te/ spros pa med par sbyor ba dang / sbyor ba nyams 'og tu chud par byed pas dben pa'o/ /</font><hr>53.70a<br><font size=+1>

gces spras byed pa'i chos gnyis te/ lhag pa'i bsam pas khyad par du 'gro ba dang / khyad par gyis khyad par du lhag par dmigs pa'o/ /dka' ba byed pa'i chos gnyis te/ bdag nyid nyes pa mi byed pa dang / gzhan yang nyes pa las 'byin pa'o/ /gces spras byed pa'i chos gnyis te/ bdog pa thams cad yongs su gtong ba dang / rnam par smin pa la mi re ba'o/ /dka' ba byed pa'i chos gnyis te/ mnyam pa'i sems gtong ba dang / yongs su bsngo ba la mkhas pa'o/ /gces spras byed pa'i chos gnyis te/ bslab pa ma nyams pa dang / skye bar smon pa med pa'o/ /dka' ba byed pa'i chos gnyis te/ tshul khrims 'chal pa rnams la cher snying rje ba dang / bdag la mi bstod pa'o/ /gces spras byed pa'i chos gnyis te/ bzod cing des pa dang / byang chub tu yongs su bsngo ba'o/ /dka' ba byed pa'i chos gnyis te/ rjes su chags pa 'dor ba dang / rje bo la bzod pa bsgom pa'o/ /gces spras byed pa'i chos gnyis te/ dge ba'i chos thams cad yongs su btsal bar rtsom pa'i brtson 'grus dang / dge ba'i rtsa ba la yi rang ba'o/ /dka' ba byed pa'i chos gnyis te/ lus dang sems dben pa dang / sems gnas pa yongs su thar bar byed pa'o/ /gces spras byed pa'i chos gnyis te/ bsam gtan gyi yan lag yang dag par sdud pa dang / sems las su rung ba'o/ /dka' ba byed pa'i chos gnyis te/ bsam gtan las ldog pa shes pa dang / 'dod pa'i khams la smod pa'o/ /gces spras byed pa'i chos gnyis te/ chos don du gnyer ba dang chos 'dod pa'o/ /dka' ba byed pa'i chos gnyis te chos la so sor rtog pa dang / chos nges par sems pa'o/ /gces spyas byed pa'i chos gnyis te/ dge ba'i bshes la rten pa dang / </font><hr>53.70b<br><font size=+1>

bla ma la gus par sten pa'o/ /dka' ba byed pa'i chos gnyis te gus pa dang bka' blo bde ba'o/ /gces spras byed pa'i chos gnyis te/ dus dang dus ma yin par yongs su 'dri ba dang / don myong bar byed pa'o/ /dka' ba byed pa'i chos gnyis te/ don shes pa dang / chos shes pa'o/ /gces spras byed pa'i chos gnyis te/ thos pa'i nor gyis mi ngoms pa dang / thos pa'i shes rab kyis ngoms mi myong ba'o/ /dka' ba byed pa'i chos gnyis te/ tshul bzhin chos la so sor rtog pa dang / tshul bzhin ma yin pa'i chos rnam par spong ba'o/ /gces spras byed pa'i chos gnyis te/ chos ston pa dang / chos nyan pa rnams la snying rje ba'o/ /dka' ba byed pa'i chos gnyis te/ slob dpon dpe mkhyud med pa dang / zang zing med pa'i sems kyis chos ston pa'o/ /gces spras byed pa'i chos gnyis te/ rna ba blags te nyan pa dang / thams cad du sems kyis sems pa'o/ /dka' ba byed pa'i chos gnyis te/ sgrib pa sel ba dang / byang chub kyi yan lag sgom pa'o/ /gces spras byed pa'i chos gnyis te/ mchog tu dga' ba thob pa dang / dga' ba myong ba'o/ /dka' ba byed pa'i chos gnyis te/ rung ba rnams la tshod shes pa dang / bdag shes pa la 'jug pa'o/ /gces spras byed pa'i chos gnyis te/ las kyi rnam par smin pa la yid ches pa dang / legs par bya ba'i las byed pa'o/ /dka' ba byed pa'i chos gnyis te/ las med cing rnam par smin pa med par mos pa dang / dge ba'i chos kyang ston pa'o/ /gces spras byed pa'i chos gnyis te/ tshig dben pa dang / 'phags pa'i skye bo la mi slu ba'o/ /dka' ba byed pa'i chos gnyis te/ ji skad smras pa de bzhin du byed pa dang / sangs rgyas kyi tshul mi 'khrugs par byed pa'o/ /gces spras byed</font><hr>53.71a<br><font size=+1>

pa'i chos gnyis te/ lus yongs su dag pa dang / mi dge ba rnam gsum yongs su spong ba'o/ /dka' ba byed pa'i chos gnyis te/ rus gzugs brnyan lta bu dang / rtswa dang rtsig pa dang shing lta bur so sor rtog pa'o/ /gces spras byed pa'i chos gnyis te/ ngag yongs su dag pa dang / ngag gi skyon bzhi yongs su spong ba'o/ /dka' ba byed pa'i chos gnyis te chos brjod du med par khong du chud pa dang / sgra thams cad brag cha dang mtshungs par shes pa'o/ /gces spras byed pa'i chos gnyis te/ sems yongs su dag pa dang / brnab sems dang gnod sems dang log par lta ba yongs su spong ba'o/ /dka' ba byed pa'i chos gnyis te/ nang nye bar zhi ba dang / phyi rol tu mi rgyu ba'o/ /gces spras byed pa'i chos gnyis te/ byams pa sgom pa dang / sems can thams cad la sems mnyam pa nyid do/ /dka' ba byed pa'i chos gnyis te/ nam mkha' ltar rnam par dag cing dri ma med pa'i byams pa dang / sems can thams cad yongs su bskyab pa'i phyir yongs su sngo ba'o/ /gces spras byed pa'i chos gnyis te/ snying rje chen po mi 'dor ba dang / dge ba'i rtsa ba yongs su tshol ba la yongs su mi skyo ba'o/ /dka' ba byed pa'i chos gnyis te/ skye ba med par so sor rtog pa dang / nges par gyur pa kun tu bsrung ba'o/ /gces spras byed pa'i chos gnyis te/ chos la dga' bas dga' zhing mos pa dang / mi dga' ba spong ba'o/ /dka' ba byed pa'i chos gnyis te/ mi smra ba'i brtul zhugs yongs su rdzogs par byed pa dang / brtul zhugs ma yin pa spyod pa'o/ /gces spras byed pa'i chos gnyis te/ rjes su chags pa 'dor ba dang / khong khro ba spong ba'o/ /dka' ba byed pa'i chos gnyis te/ btang snyoms sgom pa dang / sems can la lta ba yongs su spangs pa'o/ /gces</font><hr>53.71b<br><font size=+1>

spras byed pa'i chos gnyis te/ sangs rgyas rjes su dran pa sgom pa dang / dran pa de la gnas par sems bskyed pa'o/ /dka' ba byed pa'i chos gnyis te/ chos kyi sku sgom pa dang / mtshan gyi sku yang sgrub pa'o/ /gces spras byed pa'i chos gnyis te/ chos rjes su dran pa sgom pa dang / sems can rnams kyang chos la sbyor ba'o/ /dka' ba byed pa'i chos gnyis te/ 'dod chags dang bral ba'i chos nyid la so sor rtog pa dang / 'dod chags la spyod pa'i sems can rnams la cher snying rje ba'o/ /gces spras byed pa'i chos gnyis te/ byang chub sems dpa'i dge 'dun rjes su dran pa dang / phyir mi ldog pa'i dge 'dun la yang ston pa'o/ /dka' ba byed pa'i chos gnyis te/ 'dus ma byas la yang rtog pa dang / 'bras bu thob pa yang kun tu bsrung ba'o/ /gces spras byed pa'i chos gnyis te/ tshul khrims rjes su dran pa dang / byang chub kyi sems mi brjed pa'o/ /dka' ba byed pa'i chos gnyis te/ mngon par 'du byed pa med pa'i tshul khrims la so sor rtog pa dang / tshul khrims 'chal pa'i sems can sdud cing yongs su smin par byed pa'o/ /gces spras byed pa'i chos gnyis te/ gtong ba rjes su dran pa dang / 'gyod pa med par gtong ba'o/ /dka' ba byed pa'i chos gnyis te/ rang gi nyon mongs pa 'dor ba dang / sems can thams cad kyi nyon mongs pa spong ba ston pa'o/ /gces spras byed pa'i chos gnyis te/ lha rjes su dran pa dang / skye bar smon pa med pa'o/ /dka' ba byed pa'i chos gnyis te/ dran pa dang shes bzhin dang / sems g.yeng ba rnams dran pa la 'god pa'o/ /gces spras byed pa'i chos gnyis te/ bsod nams kyi tshogs dang / ye shes rnams kyi tshogs so/ /dka' ba byed pa'i chos gnyis te/ mngon par 'du byed pa med pa'i ye shes dang / bsod</font><hr>53.72a<br><font size=+1>

nams kyi tshogs ma smad pa'o/ /gces spras byed pa'i chos gnyis te/ chags pa las shin tu 'da' ba dang / chags pas zhen pa yongs su 'grel pa'o/ /dka' ba byed pa'i chos gnyis te/ 'dun pa drag pa dang / sgyu med cing g.yo med pa'o/ /gces spras byed pa'i chos gnyis te/ byas pa gzo ba dang / byas pa shes pa'o/ /dka' ba byed pa'i chos gnyis te/ 'dod pa'i 'dod chags spong ba dang / dge ba'i chos la 'dun pa mi 'dor ba'o/ /gces spras byed pa'i chos gnyis te/ sdig pa thams cad 'chags pa dang / sdig pa thams cad mi byed pa'o/ /dka' ba byed pa'i chos gnyis te/ 'gyod pa med pa dang / kun nas ldang ba med pa'o/ /gces spras byed pa'i chos gnyis te/ gzhan gyi bsod nams la rjes su yi rang ba dang / rang gi bsod nams kyis mi ngoms pa'o/ /dka' ba byed pa'i chos gnyis te/ sdig pa thams cad zad pa shes pa dang / bsod nams bsags pa zhes pa'o/ /gces spras byed pa'i chos gnyis te/ sangs rgyas thams cad la gsol ba 'debs pa dang / chos thams cad yongs su 'dzin pa'o/ /dka' ba byed pa'i chos gnyis te/ chos gyi dbyings 'dres pa med pa dang / tshig rab tu dbye ba thams cad bstan pa shes pa'o/ /gces spras byed pa'i chos gnyis te/ yongs su bsngo ba la mkhas pa dang / sems can thams cad dang thun mong du yongs su bsngo ba'o/ /dka' ba byed pa'i chos gnyis te/ mtshan ma med pa 'dres par byed pa dang / mtshan ma thams cad rnam par 'jig pa'o/ /gces spras byed pa'i chos gnyis te/ stong pa nyid la rtog pa dang / sems can la yang lta ba'o/ /dka' ba byed pa'i chos gnyis te/ shes rab kyis lta ba med pa dang / thabs kyis lta ba dang bcas pa'o/ /gces</font><hr>53.72b<br><font size=+1>

spras byed pa'i chos gnyis te/ dge ba'i rtsa ba 'dod pa dang / dge ba'i rtsa ba thams cad la sems can thams cad sbyor ba'o/ /dka' ba byed pa'i chos gnyis te/ smon pa med pa bsgom pa dang / bsams bzhin du skye ba shes pa'o/ /gces spras byed pa'i chos gnyis te/ de ma chags pa dang / mi g.yo ba'o/ /dka' ba byed pa'i chos gnyis te/ nga rgyal med pa dang / des pa'o/ /gces spras byed pa'i chos gnyis te/ dgon pa la gnas pa dang / dgon pa'i yon tan myong ba'o/ /dka' ba byed pa'i chos gnyis te/ nyon mongs pa med par gnas pa dang / sems can thams cad yongs su skyob pa'o/ /gces spras byed pa'i chos gnyis te/ 'dod pa chung ba dang / chog shes pa'o/ /dka' ba byed pa'i chos gnyis te/ rang gi nyon mongs pa tshol ba dang / sems can thams cad kyi nyon mongs pa spong ba tshol ba'o/ /gces spras byed pa'i chos gnyis te/ nges par sems pa dang / so sor rtog pa'o/ /dka' ba byed pa'i chos gnyis te/ rang gi 'khrul pa la rtog pa dang / gzhan gyi 'khrul ba la skyon du mi lta ba'o/ /gces spras byed pa'i chos gnyis te/ bdag la mi bstod pa dang / gzhan la mi smod pa'o/ /dka' ba byed pa'i chos gnyis te/ bdag la bdag med pa dang / sems can la sems can med pa'o/ /gces spras byed pa'i chos gnyis te/ rang gi byed pa dang / gzhan gyis skabs mi rnyed pa'o/ /dka' ba byed pa'i chos gnyis te/ 'khor ba las ldog pa dang / 'khor ba nas sems can yongs su thar bar byed pa'o/ /gces spras byed pa'i chos gnyis te/ pha rol tu phyin pa yongs su tshol ba dang / pha rol tu phyin pa yongs su btsal ba rnams la ji skad bstan pa bzhin du gnas pa'o/ /dka' ba byed pa'i chos gnyis te/ gzhan la rag ma las pa'i shes pa rab tu thob pa dang / </font><hr>53.73a<br><font size=+1>

gzhan dag kyang shes pa la rab tu sbyor ba'o/ /gces spras byed pa'i chos gnyis te/ 'thob pa dang bkur bsti dang tshigs su bcad pa don du mi gnyer ba dang / dam pa'i chos yongs su btsal ba don du gnyer ba'o/ /dka' ba byed pa'i chos gnyis te/ phan ma btags pa rnams la yang phan 'dogs pa dang / phan btags pa rnams la yang lhag par dga' ba med pa'o/ /gces spras byed pa'i chos gnyis te/ byams pa chen po thug pa med par byas pa dang / snying rje chen po yongs su chad pa med pa'o/ /dka' ba byed pa'i chos gnyis te/ rgal nas 'jug pa dang / ma rgal ba rnams sgrol ba'o/ /gces spras byed pa'i chos gnyis te/ sems can thams cad yon tan yang dag par 'dzin du 'jug pa dang / yon tan med pa'i sems can rnams la cher snying rje ba'o/ /dka' ba byed pa'i chos gnyis te/ slar mi byed pa rnams la yang phyir byed pa dang / phyir byed pa rnams la yang rlom sems med pa'o/ /gces spras byed pa'i chos gnyis te/ lus ma zhugs pa'i dran pa la gnas pa dang / lus yongs su dag pa la gnas pa'o/ /dka' ba byed pa'i chos gnyis te/ lus la lus kyi rjes su blta ba dang / lus dang lhan cig song ba'i rnam par rtog pas rnam par mi rtog pa'o/ /gces spras byed pa'i chos gnyis te/ tshor ba la zhugs pa'i dran pa la gnas pa dang / bde ba dang sdug bsngal gyi tshor ba gnyis kyis mi phigs pa'o/ /dka' ba byed pa'i chos gnyis te/ tshor ba rnams la tshor ba'i rjes su blta ba dang / tshor ba dang lhan cig song ba'i rnam par rtog pas rnam par mi rtog pa'o/ /gces spras byed pa'i chos gnyis te/ sems la zhugs pa'i dran pa la gnas pa dang / sems yongs su dag pa la gnas pa'o/ /dka' ba byed pa'i chos gnyis te/ </font><hr>53.73b<br><font size=+1>

sems la sems kyi rjes su blta ba dang / sems dang lhan cig song ba'i rnam par rtog pas rnam par mi rtog pa'o/ /gces spras byed pa'i chos gnyis te/ chos la zhugs pa'i dran pa la gnas pa dang / chos rab tu rnam par 'byed pa shes pa'o/ /dka' ba byed pa'i chos gnyis te/ chos rnams la chos kyi rjes su blta ba dang / chos dang lhan cig song ba'i rnam par rtog pas rnam par mi rtog pa'o/ /gces spras byed pa'i chos gnyis te/ sdig pa mi dge ba'i chos skyes pa rnams spong ba dang / dge ba'i chos ma skyes pa rnams bskyed pa'o/ /dka' ba byed pa'i chos gnyis te/ sdig pa mi dge ba'i chos ma skyes pa rnams mi bskyed pa dang / dge ba'i chos skyes pa rnams kun tu bsrung ba'o/ /gces spras byed pa'i chos gnyis te/ 'dun pa dang / brtson 'grus dang / sems dang / spyod pa'i rdzu 'phrul gyi rkang pa bsgom pa dang / rdzu 'phrul gyi 'dul ba'i sems can rnams 'dul ba'o/ /dka' ba byed pa'i chos gnyis te/ mngon par 'du byed pa med pa'i rdzu 'phrul rab tu thob pa dang / chos gyi dbyings las ma g.yos par sangs rgyas kyi zhing thams cad du 'gro ba'o/ /gces spras byed pa'i chos gnyis te/ bdag nyid dad pa las mi g.yo ba dang / ma dad pa rnams kyang dad pa la sbyor ba'o/ /dka' ba byed pa'i chos gnyis te/ sems gsal ba dang / sems mi gsal ba rnams dang bar byed pa'o/ /gces spras byed pa'i chos gnyis te/ brtson 'grus kyi dbang po skyed pa dang / dran pa'i dbang po mi g.yeng ba'o/ /dka' ba byed pa'i chos gnyis te/ shin du rnam par phye bas rnam par 'byed pa'i brtson 'grus dang / stong pa nyid kyi rnam par mngon par bsgrubs pa'i dran pa'o/ /gces spras byed pa'i chos gnyis te/ ting nge</font><hr>53.74a<br><font size=+1>

'dzin dang shes rab kyi dbang po'i tshogs yongs su tshol ba dang / tshogs yongs su tshol bas yongs su mi skyo ba'o/ /dka' ba byed pa'i chos gnyis te/ rgyu ba med pa shes pa dang / sems can yongs su smin par byed pa'i phyir yang rgyu ba'o/ /gces spras byed pa'i chos gnyis te/ nyon mongs pa thams cad la tshul bzhin gyis so sor rtog pa dang / nyon mongs pa skyes pa dang ma skyes pa rnams las 'byung ba yongs su tshol ba'o/ /dka' ba byed pa'i chos gnyis te/ nyon mongs pa med pas chos thams cad dang mi 'dre ba dang / sems can thams cad kyi nyon mongs pa spong ba'i phyir khams gsum du 'ang 'dre ba'o/ /gces spras byed pa'i chos gnyis te/ byang chub kyi yan lag bsgom pa'i brtson 'grus dang / byang chub kyi yan lag bstan pa'i phyir lhag pa'i bsam pa'o/ /dka' ba byed pa'i chos gnyis te/ zad pa shes par mi ltung ba dang / mi skye ba shes pa la bzod pa'o/ /gces spras byed pa'i chos gnyis te/ lam bgrod pa la mkhas pa dang / lam gyi bgrod pa la mkhas pa'o/ /dka' ba byed pa'i chos gnyis te/ lam gyis 'gro ba shes pa dang / lam rgyun mi 'chad par shes pa'o/ /gces spras byed pa'i chos gnyis te/ rten cing 'brel par 'byung ba'i rjes su 'thun pa dang / mthar blta ba gnyis ka yongs su spong ba'o/ /dka' ba byed pa'i chos gnyis te/ rgyu gang dang rkyen gang gis sems can rnams kun nas nyon mongs par 'gyur ba dang / rgyu gang dang rkyen gang gis rnam par dag par 'gyur ba de shes pa'o/ /gces spras byed pa'i chos gnyis te/ bdud kyi las rtogs pa dang / bdud kyi las rnam par spong ba'o/ /dka' ba byed pa'i chos gnyis te/ bdud thams cad las shin tu 'da' ba dang / bdud thams cad mi mthong ba'o/ /gces</font><hr>53.74b<br><font size=+1>

spras byed pa'i chos gnyis te/ ma smas pa rnams smas par mi byed pa dang / ma smas pa rnams la bzod cing des pa'o/ /dka' ba byed pa'i chos gnyis te/ gdod ma nas smas pa med pa dang / skad cig tu 'jig par so sor rtog pa'o/ /gces spras byed pa'i chos gnyis te/ sems dang po bskyed pa nas byang chub kyi snying po la blta ba dang / byang chub kyi snying po la bltas nas theg pa dman pa mi 'dod pa'o/ /dka' ba byed pa'i chos gnyis te/ sems dang po bskyed pa byang chub kyi snying po'i rgyu dang / rgyu las yang dag par 'byung ba'i dge ba'i sems bskyed pa rnams la mngon par zhen pa med pa'o/ /gces spras byed pa'i chos gnyis te/ 'khor ba'i rgyun byed pa'i kun du sbyor ba rnams rnam par gcod pa dang / dge ba'i rtsa ba'i rgyun byed pa'i sems bskyed pa mi 'dor ba'o/ /dka' ba byed pa'i chos gnyis te/ yul na mi gnas phyogs na mi gnas pa'i dge ba'i rtsa ba rnams byang chub tu yongs su sngo ba dang / byang chub tu yongs su bsngos pa'i sems bskyed pa rnams sgyu ma'i chos su so sor rtog pa'o/ /gces spras byed pa'i chos gnyis te/ byang chub sems can gyi kha na las par yang dag par rjes su mthong ba dang / sems can rab tu thar pa byang chub kyi kha na las par yang dag par rjes su mthong ba'o/ /dka' ba byed pa'i chos gnyis te/ byang chub mnyam pa nyid pas sems can mnyam pa nyid du so sor rtog pa dang / sems can yongs su smin par bya ba'i phyir brtson 'grus mi 'dor ba'o/ /blo gros rgya mtsho theg pa chen po la gces spras byed pa'i chos gnyis te/ gnyis gang zhe na/ dge ba'i chos thams cad bsags pa'i sems bskyed pa dang / sems can thams cad mya ngan las 'das pa'i lam la rab tu dgod pa'i phyir cher snying rje ba ste/ blo gros rgya mtsho chos</font><hr>53.75a<br><font size=+1>

de gnyis ni theg pa chen po la gces spras byed pa'o/ /blo gros rgya mtsho chos 'di gnyis ni theg pa chen po la dka' ba byed pa ste/ gnyis gang zhe na/ skye ba med pa las skye ba dang / 'byung ba med pa las 'byung ba ste/ blo gros rgya mtsho chos de gnyis ni theg pa chen po la dka' ba byed pa'o/ /blo gros rgya mtsho gzhan yang theg pa chen po ston par 'gyur ba'i chos gsum ste/ gsum gang zhe na/ 'di lta ste/ dge ba'i rtsa bas brtan nas byang chub tu sems bskyed pa dang / dge ba'i bshes gnyen gyis yongs su zin pas zhum pa med pa dang / snying rje chen po la rab tu gnas pas phyir mi ldog pa ste/ blo gros rgya mtsho chos gsum po de dag ni theg pa chen po ston par 'gyur ba'o/ /gzhan yang theg pa chen po ston par 'gyur ba'i chos gsum ste/ gsum gang zhe na/ tshogs yongs su tshol ba dang / tshogs la so sor rtog pa dang / tshogs la sems can sbyor ba ste/ gsum po de dag go/ /gzhan yang gsum ste/ gsum gang zhe na/ ser sna tshar gcod pa dang / gtong ba 'phel bar byed pa dang / byang chub tu yongs su sngo ba ste/ gsum po de dag go/ /gzhan yang gsum ste/ tshul khrims yang dag par 'dzin pa dang / tshul khrims 'chal ba'i sems can yongs su smin par byed pa dang / byang chub tu yongs su sngo ba'o/ /gzhan yang gsum ste/ khong khro ba med pa'i sems dang / sems can khros pa dad par byed pa dang / byang chub tu yongs su sngo ba'o/ /gzhan yang gsum ste/ brtson 'grus ma god pa dang / sems can le lo can rnams yongs su smin par byed pa dang / byang chub tu yongs su sngo ba'o/ /gzhan yang gsum ste/ bsam gtan skyed pa dang / bsam gtan de la ma chags pa dang / byang chub tu yongs su sngo ba'o/ /gzhan</font><hr>53.75b<br><font size=+1>

yang gsum ste/ thos pa yongs su tshol ba dang / thos pa la so sor rtog pa dang / byang chub tu yongs su sngo ba'o/ /gzhan yang gsum ste/ sems can la dmigs pa'i byams pa dang / chos la dmigs pa'i byams pa dang / dmigs pa med pa'i byams pa'o/ /gzhan yang gsum ste/ rang gis byed pa'i snying rje dang / gzhan byed du 'jug pa'i snying rje dang / mtha' gnyis bsal ba'i snying rje chen po'o/ /gzhan yang gsum ste/ bdag la phan pa'i phyir shes pa yongs su tshol ba dang / gzhan la phan pa'i phyir shes pa yongs su tshol ba dang / gnyi ga'i don yongs su rdzogs par bya ba'i phyir brtson 'grus rtsom pa'o/ /gzhan yang gsum ste/ 'das pa la zad par shes pa dang / ma 'ongs pa la ma phyin par shes pa dang / da ltar byung ba la chos gnas pa med par shes pa'o/ /gzhan yang gsum ste/ nges pa'i sems can rnams la rab tu grol ba'i byams pa dang / ma nges pa'i sems can rnams la rab tu grol ba'i byams pa dang / log pa nyid du nges pa'i sems can rnams la bskyab pa chen po'i byams pa'o/ /gzhan yang gsum ste/ 'grogs na bde bas lus las su rung ba dang / pha rol kun du bsrung bas ngag snyan pa dang / drang bas sems las su rung ba'o/ /gzhan yang gsum ste/ mi sdug pa la yang gnas la 'dod chags la spyod pa'i sems can dang 'grogs pa la yang mi smod pa dang / byams pa la yang gnas la zhe sdang la spyod pa'i sems can dang 'grogs pa la yang mi smod pa dang / rten cing 'brel par 'byung ba la yang rnam par lta la gti mug la spyod pa'i sems can dang 'grogs pa la yang mi smod pa'o/ /gzhan yang gsum ste/ legs par spyad pa'i phyir phan pa dang / chog shes pa'i phyir ran pa dang / phyis</font><hr>53.76a<br><font size=+1>

'gyod pa med pa'i phyir bzod pa'o/ /gzhan yang gsum ste/ thos pa yongs su 'dzin pa dang / tshig dang yi ge rnams 'dzin pa dang / sgra la sngon gyi mtha' dang phyi ma'i mtha' yongs su chad par shes pa'o/ /gzhan yang gsum ste/ nor bdun yang dag par 'du bas dbul ba med pa dang / chos kyi sbyin pa rnam par 'grel pas gtong ba chen po dang / zang zing kun du 'ged pas longs spyod che ba'o/ /gzhan yang gsum ste/ don dam par bden pas bden pa dang / mi slu bas yang dag pa dang / de bzhin nyid pas de kho na'o/ /gzhan yang gsum ste/ bdag ci 'dra ba zhes bdag shes pa dang / gtam ci 'dra ba zhig bya zhes sems can shes pa dang / dus su gnas pas dus shes pa'o/ /gzhan yang gsum ste/ phung po rnams la chos kyi phung po dang mnyam pa nyid dang / khams rnams la chos kyi dbyings dang mnyam pa nyid dang / skye mched rnams la grong stong pa ltar so sor rtog pa'o/ /gzhan yang gsum ste/ rgyu yis 'bras bu chud mi gzon pa dang / rkyen rnams kyis 'phel ba la mkhas pa dang / tshogs nas phan tshun yang dag par 'du ba'o/ /gzhan yang gsum ste/ sangs rgyas dang mi 'gal ba dang / chos mi spong ba dang / dge 'dun la nga rgyal med cing bla mar gus par bsnyen bkur byed pa'o/ /gzhan yang gsum ste/ 'dod chags rab tu zhi ba dang / zhe sdang dang bral ba dang / gti mug yang dag par bcom pa'o/ /gzhan yang gsum ste/ kun rdzob kyi bden pa la 'jug pa dang / mtshan nyid kyi bden pa ston pa dang / don dam pa'i bden pa la gnas pa'o/ /gzhan yang gsum ste/ sems can rnams la brnyas pa med pa dang / sbyin gnas rnams la rab tu 'dud pa dang / nyon mongs pa rnams su mi ltung ba'o/ /gzhan yang gsum ste/ 'dod pa'i khams kyis mi gos</font><hr>53.76b<br><font size=+1>

pa dang / gzugs kyi khams dang ma 'dres pa dang / gzugs med pa'i khams la de ma chags pa'o/ /gzhan yang gsum ste/ ma rnyed pa dang ma grags pa dang smad pa dang sdug bsngal rnams kyis sro shi ba med pa dang / rnyed pa dang grags pa dang bsngags pa dang bde ba rnams kyis khengs pa med pa dang / 'jig rten gyi chos brgyad dang ma 'dres pas ri ltar mi g.yo ba'o/ /gzhan yang gsum ste/ dbang po rnams shin du sbas pa dang / mdud pa rnams las shin du rnam par grol ba dang / sems shin du dul ba'o/ /gzhan yang gsum ste/ sa'i yon tan la gnas pa shes pa dang / sa'i nyes pa zlog pa shes pa dang / sa nas sar 'phar ba shes pa'o/ /gzhan yang gsum ste/ bsam pa gya nom pa la gnas pa dang / lhag pa'i bsam pa'i khyad par la gnas pa dang / sbyor ba rgyun mi 'chad par gnas pa'o/ /gzhan yang gsum ste/ ting nge 'dzin yongs su dag par bya ba'i phyir lhag pa'i tshul khrims la slob pa dang / shes rab yongs su rdzogs par bya ba'i phyir lhag pa'i sems la slob pa dang / rnam par grol ba yongs su rdzogs par bya ba'i phyir lhag pa'i shes rab la slob pa'o/ /gzhan yang gsum ste/ bde ba'i tshor ba la rjes su chags pa spong ba dang / sdug bsngal gyi tshor ba la khong khro ba spong ba dang / sdug bsngal yang med bde ba yang med pa'i tshor ba la ma rig pa spong ba'o/ /gzhan yang gsum ste/ mngon par 'du bya ba med pas rgyu las ldog pa dang / yongs su mi rtog pas nyon mongs pa las ldog pa dang / smon pa med pas khams gsum las ldog pa'o/ /gzhan yang gsum ste/ stong pa nyid kyang 'dris par byed la lta ba dang yang bral ba dang / mtshan ma med pa yang 'dris par byed la rnam par rtog pa yang nye bar zhi ba dang / smon pa med pa yang 'dris</font><hr>53.77a<br><font size=+1>

par byed la khams gsum yang 'gog pa'o/ /gzhan yang gsum ste/ mig stong pa nyid dang / gzugs dben pa dang / mig gi rnam par shes pa gnas pa med pa nyid do/ /gzhan yang gsum ste/ rna ba stong pa nyid dang / sgra dben pa nyid dang / rna ba'i rnam par shes pa gnas pa med pa'o/ /gzhan yang gsum ste/ sna stong pa nyid dang / dri dben pa nyid dang / sna'i rnam par shes pa gnas pa med pa'o/ /gzhan yang gsum ste/ lce stong pa nyid dang / ro dben pa nyid dang / lce'i rnam par shes pa gnas pa med pa'o/ /gzhan yang gsum ste/ lus stong pa nyid dang / reg bya dben pa nyid dang / lus kyi rnam par shes pa gnas pa med pa'o/ /gzhan yang gsum ste/ yid stong pa nyid dang / chos dben pa nyid dang / yid kyi rnam par shes pa gnas pa med pa'o/ /gzhan yang gsum ste/ tshul khrims sbed pa dang / ting nge 'dzin kun du srung ba dang / shes rab kyis rab tu rnam par 'byed pa shes pa'o/ /gzhan yang gsum ste/ dran pas dam pa'i chos kun du 'dzin pa dang / blo gros kyis tshul bzhin du so sor rtog pa dang / rtogs pas don gyis rnam par khong du chud pa'o/ /gzhan yang gsum ste/ nyan thos rnams la 'phags pa'i bden pa'i sgra'i rjes su zhugs pas rnam par grol ba'i tshul ston pa dang / rang sangs rgyas rnams la rten cing 'brel par 'byung ba la rtse gcig tu bya bas rnam par grol ba'i tshul ston pa dang / byang chub sems dpa' rnams la pha rol du phyin pa drug la spyod pas rnam par grol ba'i tshul ston pa'o/ /gzhan yang gsum ste/ gtong ba dang / gtong ba chen po dang / shin du gtong ba'o/ /de la gtong ba ni rin po che thams cad yongs su gtong ba'o/ /gtong ba chen po ni chung ma dang / bu dang / bu mo yongs su gtong ba'o/ /shin du gtong ba la ni lag</font><hr>53.77b<br><font size=+1>

pa dang / rkang pa dang / mgo dang / mig yongs su gtong ba'o/ /gzhan yang gsum ste/ dam pa'i chos yongs su 'dzin pa dang / chos smra ba yongs su 'dzin pa dang / theg pa chen po yongs su 'dzin pa'o/ /gzhan yang gsum ste/ 'khor ba'i rgyun mi gcod pa dang / 'khor ba'i skyon khong du chud pa dang / 'khor ba'i skyon yongs su spong ba'o/ /gzhan yang gsum te/ sgrib pa dang bral ba'i sems kyis chos nyan pa dang / kun nas ldang ba med pa'i sems kyis nang du yang dag par 'jog pa dang / 'byung ba'i sems kyis yang dag par bsgrub pa'o/ /gzhan yang gsum ste/ don la rton pa'i thos pa dang / ye shes la rton pa'i so sor rtog pa dang / chos la rton pa'i rnam par grol ba'o/ /gzhan yang gsum ste/ mang du thos pa'i dgon pa na gnas pa dang / dgon pa na gnas te tshul bzhin yid la byed pa dang / tshul bzhin yid la byed pa la rab tu brtson te/ chos thams cad rjes su rtogs pa'o/ /gzhan yang gsum ste/ mkhas pa rnams la bsnyen bkur byed pa dang / mang du thos pa rnams la 'dri ba dang / bsam gtan pa rnams kun tu bsrung ba'o/ /gzhan yang gsum ste/ zang zing med pa'i sems kyis chos sbyin pa dang / chos nyan pa rnams la byams pa nye bar bsgrub pa dang / thams cad mkhyen pa'i sems mngon du byed pa'i las so/ /gzhan yang gsum ste/ sems mnyam pa nyid pas sems can mnyam pa nyid dang / tha dad pa med pa nyid pas chos mnyam pa nyid dang / ye shes mnyam pa nyid pas sangs rgyas mnyam pa nyid do/ /gzhan yang gsum ste/ ye shes kyi dus gsum mnyam pa nyid dang / blos rnam par thar pa gsum mnyam pa nyid dang / yongs su shes pas khams gsum mnyam pa nyid do/ /gzhan yang gsum ste/ 'du byed thams cad la mi rtag pa dang sdug</font><hr>53.78a<br><font size=+1>

bsngal bar so sor rtog pa dang / chos thams cad la bdag med par so sor rtog pa dang / mya ngan las 'das pa la zhi bar rtog pa'o/ /gzhan yang gsum ste/ nyams 'og tu chud par byed pas dam bcas pa snying po nyid dang / nan tan byed pas thos pa snying po nyid dang / shes rab kyis ting nge 'dzin snying po nyid do/ /gzhan yang gsum ste/ ltung ba mi 'chab pa dang sdig pa rnam par 'byed pa dang / phyin chad sdom par byed pa'o/ /gzhan yang gsum ste/ 'gyod pa dang bral ba dang / kun nas ldang ba dang bral ba dang / the tsom dang bral ba'o/ /gzhan yang gsum ste/ dgon pa la gnas pa dang / rab tu dben pa la dga' ba dang / dge ba'i chos 'dod pa'o/ /gzhan yang gsum ste/ zab mo'i chos la bzod pa dang / chos sna tshogs ston pa dang / spobs pa kun tu 'gro ba'o/ /gzhan yang gsum ste/ thos pa rnam par nges pa'i gzungs dang / sangs rgyas kyis byin kyis brlabs pa'i spobs pa dang / lhas yongs su bzung ba'i chos kyi gtam mo/ /gzhan yang gsum ste/ sa lta bu'i sems dang po bskyed pa dang / sbyor ba thams cad nyams 'og tu chud par byed pa'i dpyod pa dang 'brel pa dang / 'du shes thams cad log pa'i phyir mi ldog pa'i sa'o/ /gzhan yang gsum ste/ sgra'i rjes su 'gro ba'i bzod pa yongs su rdzogs par byed pa dang / bsams pa las byung ba'i bzod pa 'phro ba med pa dang / mi skye ba'i chos la bzod pa thob pa'o/ /blo gros rgya mtsho gzhan yang theg pa chen po ston par 'gyur ba'i chos gsum ste/ gsum gang zhe na/ thabs dang shes rab dang rab tu ldan pa'i lam bsgom pa dang byams pa chen po dang / snying rje chen po dang rab tu ldan par sems can yongs su smin par byed pa dang / brtson 'grus dang bag yod pa dang rab tu ldan par</font><hr>53.78b<br><font size=+1>

dam pa'i chos yongs su 'dzin pa ste/ blo gros rgya mtsho chos gsum po de dag ni theg pa chen po ston par 'gyur ba'o// //'phags pa blo gros rgya mtshos zhus pa/ bam po bdun pa/ blo gros rgya mtsho gzhan yang theg pa chen po'i bar chad du 'gyur ba'i chos bzhi ste/ bzhi gang zhe na/ nyes par thos pa nyan pa ste/ 'di ltar 'jig rten rgyang phan pa'i gsang tshig yongs su tshol ba dang / pha rol du phyin pa drug dang byang chub sems dpa'i sde snod kyi chos kyi rnam grangs 'di mi nyan pa dang / bdud kyi las kun nas langs pas mngon pa'i nga rgyal byed pa dang / chos kyi sgrib pa kun nas langs nas chos spong ba ste/ blo gros rgya mtsho chos bzhi po de dag ni theg pa chen po'i bar chad du 'gyur ba'o/ /gzhan yang chos bzhi ste/ chags pa dang / zhe sdang dang / gti mug dang / nyon mongs pas rgyags nas chos kyi yon tan don du mi gnyer ba'o/ /gzhan yang chos bzhi ste/ pha rol gyi rnyed pa rnams la phrag dog byed pa dang / chos ston pa rnams la g.yos ston pa dang / gzings pa'i blos sgyus nye bar spyod pa dang / slu bas sems mi brtan pa'o/ /gzhan yang bzhi ste/ dge ba'i bshes gnyen la sdig pa'i grogs por 'du shes pa dang / sdig pa'i grogs po la dge ba'i bshes gnyen du 'du shes pa dang / chos ma yin pa la chos su 'du shes pa dang / chos la chos ma yin par 'du shes pa'o/ /gzhan yang bzhi ste/ ser sna'i dri ma can gyi sems dang / bslong ba rnams la gnod pa dang tha ba can gyi sems dang / byin nas 'gyod pa'i sems dang / thams cad mkhyen pa nyid la sems mi phyogs pa'o/ /gzhan yang bzhi ste/ 'dun pas sbyin pa dang / zhe sdang gis sbyin pa dang / gti mug gis sbyin pa dang / 'jigs pas sbyin pa'o/ /gzhan yang bzhi ste/ brjod pas</font><hr>53.79a<br><font size=+1>

sbyin pa dang / grags pas sbyin pa dang / sgras sbyin pa dang / tshigs su bcad pas sbyin pa'o/ /gzhan yang bzhi ste/ ngor blta ba'i sbyin pa dang / skabs chung zad kyi phyir sbyin pa dang / brnyas thabs su sbyin pa dang / rang gi lag nas sbyin pa ma yin pa'o/ /gzhan yang bzhi ste/ ngan pa sbyin pa dang / mi bzod pa'i sbyin pa dang / gus par ma byas pa'i sbyin pa dang / mngon pa'i nga rgyal gyis sbyin pa'o/ /gzhan yang bzhi ste/ mtshon cha sbyin pa dang / dug sbyin pa dang / rung ba ma yin pa'i sbyin pa dang / mi chog par sbyin pa'o/ /gzhan yang bzhi ste/ tshul khrims dang ldan pa rnams la zhe sdang ba dang / tshul khrims 'chal pa rnams la gnod pa dang tha ba'i sems dang ldan pa dang / bdag nyid lhod pa dang / tshul khrims dang sdom pa'i gtam la gsod pa lta bur 'du shes pa'o/ /gzhan yang bzhi ste/ ya nga ba'i rnyed pa yongs su tshol ba dang / chos kyis rnyed pa kun tu bged par mi byed pa dang / gzhan gyi 'thob pa gcod pa dang / rang gis 'thob pas chog mi shes pa'o/ /gzhan yang bzhi ste/ spyod lam gyis lus tshul 'chos pa dang / log par smra bas ngag tshul 'chos pa dang / sdig pa 'dod pas sems tshul 'chos pa dang / 'tsho ba yongs su ma dag pas thams cad du tshul 'chos pa'o/ /gzhan yang bzhi ste/ theg pa mtshungs pa la yang dag par zhugs pa rnams la zhe sdang ba dang / bdud kyi las khong du ma chud pas mngon pa'i nga rgyal can dang / de dag gi bsngags pa ma yin pa brjod pa dang / de dag gi bsngags pa dang yon tan gyis yid mi bde bar 'gyur ba'o/ /gzhan yang bzhi ste/ nga rgyal gyis khengs nas chos rnams la rim gro med pa dang / chos smra ba rnams la mi gus pa dang / pha ma dang slob dpon dang mkhan po rnams la mi 'dud</font><hr>53.79b<br><font size=+1>

pa rnams dang / lus dang sems rtsub pas rtag par rgyun du mi mthun par gnas pa'o/ /gzhan yang bzhi ste/ bdag gi yon tan brjod pa dang / gzhan gyi yon tan log par brjod pa dang / nga'o snyam pa'i nga rgyal 'bar ba dang / khro ba brtan pa'o/ /gzhan yang bzhi ste/ le lo dang / snyoms las dang / bka' blo mi bde ba dang / 'thun par mi 'dzin pa'o/ /gzhan yang bzhi ste/ ma dul ba dang / ma zhi ba dang / ma sbas pa dang / ma btul ba'o/ /gzhan yang bzhi ste/ thos pa nyung ngus grong dang grong khyer dang grong rdal du 'jug pa dang / tshul khrims kyi phung po la mi gnas par rnyed pa dang bkur sti dang tshigs su bcad pa 'dod pa pa dang / dbang po rnams kyi sgo ma bsrungs par bud med la lta ba dang / mnyam par ma bzhag pa'i sems kyis sems can gyi dbang po la 'jug pa'o/ /gzhan yang bzhi ste/ bsdu ba'i dngos po la mi brtson pa dang / sems can yongs su smin par bya ba la g.yel ba dang / chos spong gi las kun tu mi srung ba dang / chos smra ba'i gang zag rnams la gnod pa byed pa'o/ /gzhan yang bzhi ste/ gti mug gis 'dod pa che ba dang / zhe sdang gis sdig pa 'dod pa dang / 'dod chags kyis chog mi shes pa dang / chags pas ngoms mi myong ba'o/ /gzhan yang bzhi ste/ ma dad pas mi 'dun pa dang / sdig pa'i grogs po dang sten pas sdig pa la mi smod pa dang / le los dge ba'i chos yongs su 'grib pa dang / bag med pas dge ba'i rtsa ba byas pa rab tu 'jig pa'o/ /gzhan yang bzhi ste/ nang du so sor mi rtog pas ngo tsha med pa dang / sangs rgyas la mi rtog pas khrel med pa dang / mtshams med pa dang mtshungs pas byas pa mi gzo ba dang / re bas byas na mi 'jigs pa'o/ /gzhan yang bzhi ste/ gnod sems dang / khong khro ba dang / </font><hr>53.80a<br><font size=+1>

'khon du 'dzin pa dang / rnam par 'tshe ba'o/ /gzhan yang bzhi ste/ 'phags pa rnams la slu ba dang / 'phags pa ma yin pa rnams la rjes su mi srung ba dang / sbyin pa po rnams la brnyas pa dang / sbyin gnas rnams la khyad du gsod pa'o/ /gzhan yang bzhi ste/ lus kyi las yongs su ma dag pa dang / ngag gi las kun tu mi srung ba dang / sems kyi las zhum pa dang / theg pa chen po la sgyid lug pa'o/ /gzhan yang bzhi ste/ 'dum pa rnams la dbyen byed pa dang / slob dpon dang mkhan po rnams la tshig brlang ba dang / dgos pa don du gnyer ba rnams la tshig kyal pa smra ba dang / lha dang mi rnams la slu ba'o/ /gzhan yang bzhi ste/ tshul khrims kyi phung po kun du mi srung ba dang / 'jig rten pha rol la log par brjod pa dang / dge ba'i rtsa ba rnams 'jig pa dang / tshogs bsags pa rab tu 'jig pa'o/ /gzhan yang bzhi ste/ rgod pa'i 'khor dang / khengs shing 'dus pa la chags pa dang / mu cor smra bas ltung ba shin tu 'da' ba dang / chol pa'i tshig gis 'jig rten pa'i gsang tshig brjod pa'o/ /gzhan yang bzhi ste/ mi brtsom par dgon pa la gnas pa dang / khong khro ba mang la 'dre zhing gnas pa dang / dge ba'i rtsa ba ma bskyed par bsod nams dang ldan par 'du shes pa dang / byang chub sems dpa'i ming gi 'thob pas 'tsho ba'o/ /gzhan yang bzhi ste/ cang shes med pa'i sems dang / dmu rgod kyi sems dang / ma dul ba'i sems dang / sems can rnams la mi snyoms pa'i sems so/ /gzhan yang bzhi ste/ tshul khrims kyis dregs pa dang / mang du thos pas dregs pa dang / dgon pa la gnas pas dregs pa dang / sbyangs pa'i yon tan dang yo byad bsnyungs pas dregs pa'o/ /gzhan yang bzhi ste/ bdag la brnyas pa dang / chos la brnyas pa dang / dge ba'i rtsa ba</font><hr>53.80b<br><font size=+1>

chung ngu la brnyas te/ byang chub tu yongs su mi bsngo ba dang / skabs skabs su nyan thos dang rang sangs rgyas kyi theg pa pa 'dod pa'o/ /gzhan yang bzhi ste/ lus de la chags pa dang / sems de la chags pa dang / tshul khrims dang thos pa de la chags pa dang / khyad par du mi 'gro ba'o/ /gzhan yang bzhi ste/ mdza' bo'i khyim dang / slong ba ster ba'i khyim yongs su 'dzin pa dang / rnyed pa dang bkur sti yongs su btsal ba yongs su dag par bya ba'i phyir 'chal pa'i tshul khrims yongs su 'dzin pa dang / gnas yongs su 'dzin pa dang / tshul khrims dang ldan pa la zhe sdang bas ya nga ba'i bya bas bcings pa'o/ /gzhan yang bzhi ste/ bya ba mang ba dang / rnyed pa mang ba dang / smra ba mang ba dang / bshes pa mang ba'o/ /gzhan yang bzhi ste/ bdag la mngon par zhen pas bdag tu lta ba dang / sems can la mngon par zhen pas sems can du lta ba dang / bya ba ma yin pa la mngon par zhen pas chad par lta ba dang / srog de dang lus de la mngon par zhen pas rtag par lta ba'o/ /gzhan yang bzhi ste/ rtsom pa rgyun gcod pa dang / rgyun chad pas yang dag par rab tu mi 'dzin pa dang / yang dag par rab tu ma bzung bas yongs su skyo ba dang / yongs su skyo bas ldog cing 'jig pa'o/ /gzhan yang bzhi ste/ sa nas sar 'phar ba la brnyas pa dang / bsam gtan las zlog pa la mi mkhas pa dang / sems can la mi lta bar shes kyis rnam par spyod pa dang / dmigs pa can du gyur la thabs la khas 'che ba'o/ /blo gros rgya mtsho gzhan yang theg pa chen po'i bar chad du 'gyur ba'i chos bzhi ste/ bzhi gang zhe na/ chos kyi sgrib pa kun nas langs pas dman pa dang / las kyi sgrib pa kun nas langs pas dge ba'i rtsa ba rnams la mi brtson pa dang / nyon mongs pa'i sgrib pa kun</font><hr>53.81a<br><font size=+1>

nas langs pas phung po gsum gyi rjes su mi 'jug pa dang / bdud kyi las kun nas langs pas byang chub kyi sems brjed pa ste/ blo gros rgya mtsho chos bzhi po de dag ni theg pa chen po'i bar chad du 'gyur ba'o/ /bcom ldan 'das kyis theg pa chen po sdud pa 'di bshad pa na lha dang mi'i skye dgu'i srog chags bzhi khri bzhi stong gis bla na med pa yang dag par rdzogs pa'i byang chub tu sems bskyed do/ /byang chub sems dpa' nyi khri brgyad stong gis mi skye ba'i chos la bzod pa rab tu thob par gyur to/ /stong gsum gyi stong chen po'i 'jig rten gyi khams 'di yang rnam pa drug tu g.yos te/ snang ba chen pos kyang 'jig rten gyi khams gsal bar gyur to/ /steng gi bar snang la 'khod pa'i lha'i bu brgyad stong dag kyang a la la zhes ca co dang ga zha'i sgra phyung ste/ me tog dag gi char yang rab tu phab/ sil snyan dang glu dbyangs kyang byas te/ kye ma'o 'di ni chos kyi gter chen po ste/ de bzhin gshegs pas phye ba thugs rje chen po la gnas nas sems can thams cad la yang dag par rab tu bstan pa'o/ /bcom ldan 'das de la chos rin po che'i gter chen po 'di las gang gis tha na chung zad tsam zhig yongs su 'dzin pa de dag thams cad kyang ngan 'gror rnam par ltung ba'i 'jigs pa rnams las yongs su thar bar 'gyur/ rim gyis chos kyi 'khor lo rin po che bla na med pa rab tu bskor bar 'gyur ro/ /'di lta ste dper na/ bcom ldan 'das skyes bu la la zhig gis grong ngam grong khyer ram grong rdal dang ha cang yang mi ring ba zhig na gter chen po'i rin po che thams cad kyis yongs su gtams pa bas mi 'tshal ba zhig mthong ste/ skyes bu de yang phan pa'i dngos po phun sum tshogs par gyur la/ des gter chen po de mthong nas kyang grong ngam grong khyer ram grong rdal du mchis te skye bo'i tshogs phal po che la bsgo'o</font><hr>53.81b<br><font size=+1>

snyam du bsams nas skyes bu khyod tshur shog / khyed kyi nang nas su la rin po che dgos pa la ngas gter chen po zad mi shes pa de bstan par bya'o zhes bgyis pa dang / bcom ldan 'das de'i nang nas kha cig ni de la dad par gyur/ kha cig ni dad par ma gyur la/ de'i nang nas gang dag dad par gyur pa de dag gter chen po'i gan du mchis te kha cig ni stobs ci tsam pa de snyed kyi rin po che rnams 'tshal te mchis/ kha cig ni ji ltar rtogs pa de 'dra ba'i rin po che 'tshal te mchis kyang gter chen po de bas par mi 'gyur zhing 'di dag la ni stsal to/ /'di dag ni mi stsal te/ 'di dag ni 'tshal kyang rung 'di dag ni 'tshal du mi rung ngo snyam du yongs su mi rtog go/ /de ci'i slad du zhe na/ bcom ldan 'das gter chen po de rnam par mi rtog pa'i slad du'o/ /de bzhin du bcom ldan 'das kyis bskal pa bye ba khrag khrig brgya stong phrag grangs ma mchis par chos rin po che'i gter chen po bla na ma mchis pa 'di bsgrubs so/ /bsgrubs nas kyang byang chub kyi snying por mngon par rdzogs par sangs rgyas so/ /mngon par rdzogs par sangs rgyas nas kyang grong khyer bA ra Na sI drang srong lhung bar chos kyi 'khor lo rin po che chen po rab tu bskor to/ /de ltar yang bcom ldan 'das kyis 'dir 'dus pa chen po'i le'u'i chos kyi rnam grangs chos rin po che'i gter chen po bla na ma mchis pa 'di phye ste/ bcom ldan 'das kyis bsri ba mi mnga' ba'i thugs kyis sems can thams cad la thugs rje chen po'i thugs bskyed de/ phan pa'i dngos po yang dag par bskyed nas tshangs pa'i dbyangs kyis go bar mdzad pa'i gsung gis lha dang mi dang lha ma yin du bcas pa'i 'jig rten la tshur shog /chos rin po che'i gter chen po bla na med pa skye ba dang rga ba dang na ba dang 'chi ba'i mthar 'byin pa zad mi shes pa bde ba thams cad sbyin pa 'di</font><hr>53.82a<br><font size=+1>

long shig ces go bar mdzad pa de la bcom ldan 'das skyes bu gti mug can ma dad pa kha cig ni ma mos glo ba ma ches mi rtog cing dad par mi bgyid do/ /dad pa rtog pa'i rang bzhin can kha cig ni mos shing glo ba chos la rtog cing dad par bgyid de/ de dag gis de bzhin gshegs pa'i chos rin po che'i gter chen po las ci nus ci 'os su chos rin po che len cing theg pa la ji ltar mos pa bzhin du rnam par 'grol te/ kha cig ni nyan thos nyid kyi slad du/ kha cig ni rang sangs rgyas nyid kyi slad du/ kha cig ni bla na med pa yang dag par rdzogs pa'i byang chub kyi slad du zhugs kyang de bzhin gshegs pa'i chos rin po che'i gter chen po bla na ma mchis pa'i yongs su bas par mi 'gyur zhing yongs su mi rtog go/ /bcom ldan 'das de la gang gis de bzhin gshegs pa'i chos rin po che'i gter chen po 'di ltar rab tu btang ba 'di ltar rnam par phye ba 'di las tha na gang chung zad tsam yang mi 'dzin pa de dag rin po che las yongs su nyams shing rin po che las slad rol du gyur te/ yun ring por ngan song gsum po dag la dga' bar 'gyur ro/ /bcom ldan 'das gang dag chos rin po che'i gter chen po 'di las tha na tshig bzhi pa'i tshigs su bcad pa tsam 'dzin pa de dag ni 'phags pa'i nor dang ldan te dbul po ma lags na/ gang 'dus pa chen po'i le'u chos kyi rnam grangs 'di las tha na le'u gcig tsam 'dzin tam/ gnyis sam/ gsum 'am/ bzhi 'am/ lnga 'am/ bcu 'am/ nyi shu 'am/ sum bcu 'am/ bzhi bcu 'am/ lnga bcu 'am/ drug bcu 'am/ bdun bcu 'am/ mtha' dag rdzogs par 'dzin pa ltar lta smos kyang ci 'tshal te/ skyes bu dam pa de dag gi bsod nams kyi mtha' rtogs par mi nus so/ /bcom ldan 'das</font><hr>53.82b<br><font size=+1>

byang chub kyi sems dang ma bral ba/ sems can thams cad la snying rje chen pos rab tu non pa gang dag chos kyi sgo'i le'u 'di 'dzin pa dang / 'chang ba dang / klog pa dang / kun chub par bgyid pa dang / gzhan dag la yang rgya cher yang dag par rab tu ston pa de dag bla na med pa yang dag par rdzogs pa'i byang chub tu lung bstan pa dang / de dag bdud choms pa dang / de dag theg pa chen po 'di la mngon par shes pa thob par rig par bgyi'o zhes ched du rjod pa ched du rjod do/ /de nas bcom ldan 'das kyis lha'i bu de dag la legs so zhes bya ba byin te/ lha'i bu dag tshig 'di legs par smra ba legs so legs so/ /gang dag chos kyi sgo'i le'u 'di nyan pa dang / thos nas kyang mos pa dang / mos nas kyang len pa dang / 'dzin pa dang / klog pa dang / kun chub par byed pa dang / de bzhin nyid du bsgrub pa'i skyes bu dam pa de dag byang chub kyi snying po la gzhol bar blta/ de dag yon tan thams cad la gnas par blta/ de dag thams cad mkhyen pa'i gtsug du phyin pa dang / 'jig rten gnas pa long ba la shes rab kyi sgron ma byed pa dag tu blta ste/ de dag ring por mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de ci'i phyir zhe na/ 'di lta ste/ de dag theg pa chen po'i theg pa la zhon pa'i phyir ro/ /de nas de'i tshe bcom ldan 'das kyis tshigs su bcad pa 'di dag gsungs so/ /sangs rgyas theg pa chen po'i theg 'di khyad par 'phags/ /nam mkha'i dkyil dang 'dra ste 'jig rten kun las 'das/ /srid pa gsum las 'das nas byang chub snying por 'gro/ /chags pa med de chags pa kun las shin tu 'das/ /sbyin dang dul dang zhi dang tshul bzhin bsam pa yis/ /</font><hr>53.83a<br><font size=+1>

bskal pa bye bar rgya chen las byung bsags par brjod/ /tshul khrims kyis ni sdig bsal lus dang ngag dang sems/ /srid pa thams cad bor nas byang chub snying por 'gro/ /mnyam zhing rjes su mnyam sems sems can kun skabs 'byed/ /de las gzhan pa'i theg dman ji snyed mi bgyis gnon/ /gang dag rdzu 'phrul rkang gi ri rab rgyal mtshan mtho/ /theg pa chen por 'gro zhing sems can tshim par byed/ /thos dang dul bar ldan zhing bsam gtan tshul khrims ldan/ /bzod stobs rab tu thob cing shes rab dbang bskur ba/ /pha rol tshogs rnams bcom zhing bdud kyi sde spangs nas/ /chags med theg pa che dang byang chub snying por 'gro/ /byams pa'i go cha'i chos kyi dgra yis thub par dka'/ /chos dang ldan nas snying rje chen por rim gyis 'gro/ /bsam gtan rdzu 'phrul rkang dang tshad med bzhon pa ste/ /lam de mi 'dor kha lo bsgyur ba byang chub sems/ /phyogs bcu mtha' yas sems can khams rnams ji snyed pa/ /theg pa chen po 'di la bskyon pa thams cad ni/ /gnod pa med cing 'grib pa med cing gang ba med/ /bde bar gshegs kyi theg pa'i cho 'phrul 'di 'dra'o/ /dran gnas yang dag sbyor dang spong ba bzhi dag dang / /rdzu 'phrul rkang pa bzhi dang dbang po stobs rnams dang / /rgyal bas bsngags pa'i byang chub yan lag rin chen bdun/ /lam gyis 'gro bar ldan pa byang chub snying por 'gro/ /zhi gnas nyon mongs zhi zhing chos la snang bar 'gyur/ /rdul dang mun pa bsal nas srid pa gsum na mdzes/ /brgya byin dang ni tshangs pas spyi bos phyag byas te/ /legs so mtshungs med theg 'dir kun gyis bzhon par bgyi/ /pha rol phyin pa gang dag sbyin tshul bzod pa dang / /brtson 'grus bsam gtan shes rab ye shes mngon par shes/ /de bzhin thabs dang bsdu ba snying po</font><hr>53.83b<br><font size=+1>

ldan pa ste/ /bdud rnams brgya stong gis kyang gdul phyir thub pa med/ /sems can gang dag tshul ngan sdig las brtson pa dang / /byang chub sems dpa' gang dag yon tan brgyas 'phags dang / /gang dag byang chub sems kyi sems rgya cher gyur pa/ /kun kyang theg pa mchog la zhugs nas mnyam par mthong / /gang dag sna tshogs sngags dang 'jig rten don ldan dang / /gang dag dge chos yang dag 'jig rten 'das gyur pa/ /slob dang mi slob gang dag rang rgyal rnams kyi dang / /sgo der sangs rgyas theg pa che ba'i bdag nyid zhugs/ /gang dag nyon mongs rnam mang sna tshogs sems ldan dang / /sdug bsngal sems can gang dag 'dus byas 'khor gyur pa/ /de dag shin tu rab tu zhi bar byed cing 'gro/ /byang chub sems dpa' theg pa mchog la gnas nas ston/ /le lo can gyi mi gang nyam chung mthu zhan la/ /sems can sdug bsngal zad par bya phyir sems mi bskyed/ /bdag bde tshol gyi sems can don la mi brtson pa/ /de dag theg pa mchog thos nas ni sems skrag 'gyur/ /byang chub sems dpa' mkhas gsal bdag nyid chen po gang / /brtson 'grus stobs ldan rtag tu sems can don brtson la/ /snying rje che dang ldan zhing bsam pa dag gyur la/ /de dag rab tu dga' ba'i sems kyis theg mchog zhon/ /theg pa mchog rab gya nom gtso bo 'dir gnas te/ /'jig rten kun gyi spyod rnams mtha' yas ji snyed dang / /dbang po tha ma 'bring dang rab dang bsam pa rnams/ /spyod kun byang chub sems dpas skad cig tsam las shes/ /rlabs po che'i theg pa mchog 'dir gnas nas ni/ /de yi lus kyi yan lag mtshan gyis brgyan par 'gyur/ /tshig snyan</font><hr>53.84a<br><font size=+1>

yid du 'ong zhing 'jig rten kun tshim byed/ /sems yid rnam dag bsam gtan mngon shes ldan par 'gyur/ /'di las rgyal ba rnams kyi sangs rgyas tshul mi 'chad/ /'di las chos tshul gya nom tshul yang rab tu 'bar/ /'di las 'gro ba'i sbyin gnas dge 'dun 'byung bar 'gyur/ /des na sangs rgyas theg 'di 'jig rten gsum du grags/ /theg pa 'di ni stong pa'i zhing du mi 'gro ste/ /rgyal ba rnams kyi 'di ni skad cig mi snang 'gro/ /phyogs bcur song yang yongs su mi skyo 'grib pa med/ /mtshungs pa med pa'i theg pa'i cho 'phrul ci 'dra ltos/ /'jig rten kun tu bskor kyang gang zhig de 'dra 'am/ /de las lhag par 'gyur ba'i sems can de mi rnyed/ /byang chub sems dpa'i che nyid 'gro ba'i dpa' bo gcig /theg pa mchog la gnas nas bdud sde skrag par byed/ /theg pa mchog la gnas nas gzugs dang stobs mthu dang / /longs spyod dbang phyug thob cing brgya byin tshangs pa dang / /'khor los sgyur dang skyong dang gang yang srid gsum na/ /lha dang mi yi bde skyid skyid pa thams cad 'thob/ /theg pa mchog la gnas nas sems zhum brgya lam med/ /gong ba med la phangs shing phangs pa rnams kyang gtong / /byin nas zhum pa med cing mig dang mgo btang nas/ /dga' zhing byams pa'i sems su gyur te byang chub 'gro/ /theg pa mchog la gnas nas de ni skyabs 'gyur te/ /tshul khrims ldan zhing tshangs par spyod pas yongs su dag /tshul khrims brtul zhugs dka' thub kyis ni nyi zla 'gog /srid pa dang ni gzugs dang longs spyod 'dod mi 'gyur/ /mi snyan tshig rnams thos kyang mi khro 'khrugs mi 'gyur/ /lus ni rnam par gtor kyang sems can rjes su srung / /bdag lus rnyed sla chos kyi rgyal srid rnyed dka' snyam/ /theg pa mchog gnas</font><hr>53.84b<br><font size=+1>

bzod pa dag pa 'di 'dra'o/ /bskal pa brgya phrag mtha' yas ji snyed 'khor gyur pa/ /de srid du yang ngan song rnams su 'khor byed cing / /sems can bsgral ba'i phyir ni brtson 'grus stobs bskyed de/ /theg pa mchog la gnas pa'i brtson 'grus mthu 'di 'dra/ /shin tu rab zhi mnyen des bsam gtan cho ga shes/ /'gro ba rnams kyi don phyir byams pa'i bsam gtan pa/ /bsam gtan bde ba de la nam yang mi chags te/ /dran dang ldan pa 'dren pa rnams la blta bar 'dod/ /chos rnams thams cad rgyu las 'byung zhing stong par shes/ /de ni bdag dang sems can chos rnams mi dmigs te/ /lta ba yongs dag shes rab ldan zhing sems kyang dul/ /theg pa mchog gnas shes rab dag pa 'di 'dra'o/ /gang yang bden dang tshad med pa dang bsam gtan bzhi/ /mngon shes lnga dang sangs rgyas kyi ni yang dag rig /rton pa bzhi dang chos kyi sbyin pa dam pa rnams/ /thams cad sangs rgyas theg pa dam pa 'di las byung / /gang gis mi dbang sangs rgyas seng ge'i sgra sgrogs pa/ /stobs bcu'i sangs rgyas chos rnams mtha' yas gang yin dang / /smin mtshams spu dang spyi gtsug bltar ni mi mthong ba/ /theg pa mchog la gnas pas rnyed par dka' ma yin/ /gang gis 'gro ba 'dul zhing bsam pa tshim byed pa/ /rgyal ba rnams kyi cho 'phrul khyad 'phags gsum gang dang / /thub pa'i bstan pa gzhar yang don med mi 'gyur ba/ /de dag theg pa mchog la gnas pa myur du 'thob/ /'jig rten kun na skad kyi rnam pa ji snyed pa/ /thams cad stobs bcu'i gsung ni 'khrul pa med pa dang / /mnyen 'jam yid 'ong don ldan kha na ma tho med/ /tshangs dang mi ci'i dbyangs 'dra gsung rgya chen pos tshim/ /de 'dra'i sangs rgyas gsung ni mi ring thob 'gyur te/ /nam mkha'i dkyil tshad sangs</font><hr>53.85a<br><font size=+1>

rgyas zhing rnams go bar byed/ /ji snyed cig gis chos don ldan pa'i tshig thos pas/ /kun gyis nyon mongs thams cad bsal nas bde bar 'gyur/ /rdzu 'phrul stobs kyis nam mkha'i mtha' mar bgrang bar nus/ /phyogs bcu rnams kyi rgya mtsho'i chu ni tshad byar nus/ /sems gcig gis ni sems can spyod pa mtha' yas shes/ /sangs rgyas theg pa'i yon tan brjod pas zad mi 'gyur/ /le'u brgyad do// //de nas yang bcom ldan 'das kyis byang chub sems dpa' blo gros rgya mtsho la bka' stsal ba/ blo gros rgya mtsho de lta bas na byang chub sems dpas chos kyi rnam grangs 'di kun du bsrung ba dang / sba ba dang / yun ring du gnas par bya ba dang / bdag gi sems yongs su dga' bar bya ba dang sems can gzhan dag dang gang zag gzhan rnams kyi dbang po mchog dang mchog ma yin pa shes par bya ba'i phyir sgo'i tshig dang / phyag rgya'i tshig dang / rdo rje'i tshig 'di dag gzung bar bya'o/ /bzung nas kyang brtag par bya'o/ /shes rab dang rab tu ldan pa'i sbyor bas nges par bsam par bya'o/ /blo gros rgya mtsho sgo'i tshig rnams gang zhe na/ 'di lta ste/ rnam par rig pa ni chos thams cad kyi sgo'i tshig ste/ chos rnams dben pa'i don du ston to/ /a zhes bya ba ni chos thams cad kyi sgo ste/ chos rnams skye ba med pa'i don du ston to/ /pa zhes bya ba ni chos thams cad kyi sgo ste/ chos rnams don dam pa'i don du ston to/ /na zhes bya ba ni chos thams cad kyi sgo ste/ chos rnams kyi ming dang gzugs yongs su shes pa ston to/ /da zhes bya ba ni chos thams cad kyi sgo ste/ chos rnams dul ba dang zhi ba nyid du ston to/ /sa zhes bya ba ni chos thams cad kyi sgo ste/ chos rnams chags pa las shin tu 'das par ston to/ /ta zhes bya ba ni chos thams cad kyi sgo ste/ chos rnams de bzhin nyid kyi rjes su 'gro ba ston to/ /ka zhes</font><hr>53.85b<br><font size=+1>

bya ba ni chos thams cad kyi sgo ste/ chos rnams las kyi rnam par smin pa dang bral bar ston to/ /sa zhes bya ba ni chos thams cad kyi sgo ste/ chos rnams mnyam zhing khyad par med par ston to/ /ma zhes bya ba ni chos thams cad kyi sgo ste/ chos rnams kyi snying rje chen po ston to/ /ga zhes bya ba ni chos thams cad kyi sgo ste/ chos rnams kyi zab cing gting dpag dka' ba nyid ston to/ /dza zhes bya ba ni chos thams cad kyi sgo ste/ chos rnams rga shi las shin tu 'das par ston to/ /d+ha zhes bya ba ni chos thams cad kyi sgo ste/ chos rnams kyi chos kyi dbyings 'dres pa med par ston to/ /sha zhes bya ba ni chos thams cad kyi sgo ste/ chos rnams la zhi gnas yongs su rdzogs par bya bar ston to/ /kha zhes bya ba ni chos thams cad kyi sgo ste/ chos rnams nam mkha' dang mtshungs par ston to/ /k+Sha zhes bya ba ni chos thams cad kyi sgo ste/ chos rnams zad pa dang mi skye bar bya bar ston to/ /dz+nyA zhes bya ba ni chos thams cad kyi sgo ste/ chos rnams la ye shes chags pa med pa nyid ston to/ /tha zhes bya ba ni chos thams cad kyi sgo ste/ chos rnams kyi gnas dang gnas ma yin pa la mkhas pa ston to/ /ska zhes bya ba ni chos thams cad kyi sgo ste/ chos rnams kyi phung po yongs su shes pa ston to/ /tha zhes bya ba ni chos thams cad kyi sgo ste/ chos rnams mthar thug pa nyid du ston te/ lus dben pa ni chos thams cad kyi sgo ste/ chos rnams 'dod chags dang bral ba'i mthar ston to/ /sems dben pa ni chos thams cad kyi sgo ste/ chos rnams kyi zhe sdang dang gti mug 'dul ba ston to/ /nye bar zhi ba ni chos thams cad kyi sgo ste/ chos rnams chags pa med pa la rton pa nyid du ston to/ /tshul bzhin ni chos thams cad kyi sgo ste/ chos rnams kyi 'byung ba'i mtha' ston to/ /gnas pa nyid ni chos</font><hr>53.86a<br><font size=+1>

thams cad kyi sgo ste/ chos rnams kyi chos kyi dbyings gnas par ston to/ /len pa med pa ni chos thams cad kyi sgo ste/ chos thams cad kyi rnam par grol ba'i mtshan nyid du ston to/ /yongs su mi 'dzin pa ni chos thams cad kyi sgo ste/ chos rnams la 'thab pa dang rtsod pa 'dor bar ston to/ /kun nas nyon mongs pa med pa ni chos thams cad kyi sgo ste/ chos rnams rnam par dag pa'i mtshan nyid du ston to/ /rang bzhin ni chos thams cad kyi sgo ste/ chos rnams 'od gsal ba nyid du ston to/ /snang ba ni chos thams cad kyi sgo ste/ chos thams cad gsal ba nyid du ston to/ /bsgom pa ni chos thams cad kyi sgo ste/ chos rnams kyi 'brel ba ston to/ /gzhi med pa ni chos thams cad kyi sgo ste/ chos rnams 'dres pa med pa nyid du ston to/ /byang chub ni chos thams cad kyi sgo ste/ chos rnams dang mnyam pa nyid du ston to/ /mya ngan las 'das pa ni chos thams cad kyi sgo ste/ chos rnams kyi phung po thams cad so sor 'dor bar ston to/ /blo gros rgya mtsho sgo'i tshig 'di dag ni rang gi sems yongs su dag par 'gyur ro/ /sems can gzhan dag dang gang zag gzhan rnams kyi dbang po mchog dang mchog ma yin pa shes par 'gyur ba'o/ /blo gros rgya mtsho phyag rgya'i tshig de dag gang zhe na/ 'di lta ste/ blo gros rgya mtsho chos thams cad ni rnam par grol ba'i phyag rgyas btab pa ste/ gnyis su med cing gnyis yongs su dag pa'o/ /blo gros rgya mtsho chos thams cad ni mtha' dang mtha' yas pa dang mtha' med pa las rnam par grol ba'i phyag rgyas btab pa ste/ chad pa dang rtag pa yongs su dag pa'o/ /blo gros rgya mtsho chos thams cad ni zad pa dang 'dod chags dang bral ba'i phyag rgyas btab pa ste/ zad pa'i sgo zad pa'i mtha' zad pa'i mur thug pa'o/ /blo gros rgya mtsho chos thams cad ni gdeg pa med cing gzhag pa med pa'i phyag</font><hr>53.86b<br><font size=+1>

rgyas btab pa ste/ mnyam pa nyid kyi mtha' yongs su dag pa'o/ /blo gros rgya mtsho chos thams cad ni nam mkha'i phyag rgyas btab pa ste/ mig lnga'i lam las shin tu 'das pa'o/ /blo gros rgya mtsho chos thams cad ni chos kyi dbyings dang nam mkha'i dbyings kyi phyir nam mkha'i dkyil gyi phyag rgyas btab pa'o/ /blo gros rgya mtsho chos thams cad ni chos kyi dbyings su yang dag par 'du ba'i phyir 'dres pa med pa'i phyag rgyas btab pa'o/ /blo gros rgya mtsho chos thams cad ni chos 'dres pa med pa'i mtshan nyid kyi phyir chos kyi dbyings kyi phyag rgyas btab pa'o/ /blo gros rgya mtsho chos thams cad ni sngon gyi mtha' dang phyi ma'i mthar de bzhin nyid kyi phyir de bzhin nyid kyi phyag rgyas btab pa'o/ /blo gros rgya mtsho chos thams cad ni gdod ma nas shin tu yongs su dag pa'i phyir yang dag pa'i mtha'i phyag rgyas btab pa'o/ /blo gros rgya mtsho chos thams cad ni 'dus byas dang 'dus ma byas mnyam zhing mtshungs pa'i phyir stong pa nyid kyi phyag rgyas btab pa'o/ /blo gros rgya mtsho chos thams cad ni dmigs pa tha dad pa dang bral ba'i phyir mtshan ma med pa'i phyag rgyas btab pa'o/ /blo gros rgya mtsho chos thams cad ni smon lam thams cad dang bral ba'i phyir smon pa med pa'i phyag rgyas btab pa'o/ /blo gros rgya mtsho chos thams cad ni ngo bo nyid kyis ngo bo nyid med pa'i mtshan nyid kyi phyir mi rtag pa'i phyag rgyas btab pa'o/ /blo gros rgya mtsho chos thams cad ni phung po lngar yongs su bsdu ba'i mtshan nyid kyi phyir sdug bsngal gyi phyag rgyas btab pa'o/ /blo gros rgya mtsho chos thams cad ni rang bzhin gyis bdag med pa'i phyir bdag med pa'i phyag rgyas btab pa'o/ /blo gros rgya mtsho chos thams cad ni shin tu mi g.yo ba'i phyir zhi ba'i phyag rgyas btab pa'o/ /blo gros rgya mtsho chos thams cad ni don dam pa'i</font><hr>53.87a<br><font size=+1>

bden par yang dag par 'du ba'i phyir bden pa'i phyag rgyas btab pa'o/ /blo gros rgya mtsho chos thams cad ni sa bon mi gnas pa'i phyir dri ma med pa'i phyag rgyas btab pa'o/ /blo gros rgya mtsho chos thams cad ni shin tu thug pa'i phyir mi 'khrugs pa'i phyag rgyas btab pa'o/ /blo gros rgya mtsho chos thams cad ni sngon gyi mtha' dang phyi ma'i mtha' yongs su dag pa'i phyir ji lta ba bzhin gyi phyag rgyas btab pa'o/ /blo gros rgya mtsho chos thams cad ni khams gsum thams cad ro gcig pa'i phyir dus gsum mnyam pa nyid kyi phyag rgyas btab pa'o/ /blo gros rgya mtsho chos thams cad ni rang bzhin gyis 'byung ba med pa'i phyir mi 'byung ba'i phyag rgyas btab pa'o/ /blo gros rgya mtsho chos thams cad ni rang bzhin gyis skye ba med pa'i phyir 'gog pa'i phyag rgyas btab pa'o/ /blo gros rgya mtsho chos thams cad ni nga rgyal gyis lhag par byed pa lhag par mi byed pa'i phyir sgro 'dogs pa med pa'i phyag rgyas btab pa'o/ /blo gros rgya mtsho chos thams cad ni rnam par rtog pa thams cad kun tu rgyu ba med pa'i phyir spros pa med pa'i phyag rgyas btab pa'o/ /blo gros rgya mtsho chos thams cad ni gzugs med cing bstan du med pa'i phyir mtshan gyis mtshan btab pa med pa'i phyag rgyas btab pa'o/ /blo gros rgya mtsho chos thams cad ni gzhi yang dag par rab tu chad pa'i phyir gos pa med pa'i phyag rgyas btab pa'o/ /blo gros rgya mtsho chos thams cad ni gnyen po mi dmigs pa'i phyir skyon du bya ba med pa'i phyag rgyas btab pa'o/ /blo gros rgya mtsho chos thams cad ni mngon par 'du bya ba thams cad med pa'i phyir las med cing rnam par smin pa med pa'i phyag rgyas btab pa'o/ /blo gros rgya mtsho chos thams cad ni skye ba dang gnas pa dang bral ba'i phyir 'dus ma byas kyi phyag rgyas btab pa'o/ /blo gros rgya mtsho chos thams cad ni nam mkha'i</font><hr>53.87b<br><font size=+1>

dkyil dang bye brag med pa'i phyir chos thams cad mnyam pa nyid kyi phyag rgyas btab pa'o/ /blo gros rgya mtsho phyag rgya'i tshig de dag ni phyag rgya'i tshig gang dag gis 'das pa dang ma 'ongs pa dang / da ltar byung ba'i sangs rgyas bcom ldan 'das rnams kyi byang chub phyag rgyas btab pa ste/ phyag rgya'i tshig de dag gis chos kyi phung po brgyad khri bzhi stong phyag rgyas btab pa'o/ /blo gros rgya mtsho byang chub sems dpa' phyag rgya de lta bus btab na de bzhin gshegs pa'i ye shes kyi phyag rgyar yang dag par 'das te myur du mi skye ba'i chos la bzod pa rab tu 'thob pa'o/ /blo gros rgya mtsho phyag rgya'i tshig de dag ni dge ba'i rtsa ba ma bskyed pa'i sems can rnams kyi rna lam du grag par mi 'gyur ro/ /'dir bdud kyi las thams cad tshar bcad do/ /blo gros rgya mtsho chos thams cad yang dag par 'du ba mi zad pa'i za ma tog gi gzungs gang yin pa de yang phyag rgya'i tshig 'di nyid du 'du ste rjes su zhugs so/ /blo gros rgya mtsho ting nge 'dzin brgyad khri bzhi stong dang sems can gyi spyod pa la 'jug pa'i pha rol du phyin pa brgyad khri bzhi stong gang yin pa de dag kyang phyag rgya'i tshig 'di nyid du 'du ste rjes su zhugs so/ /blo gros rgya mtsho de la rdo rje'i tshig de dag gang zhe na/ 'di lta ste/ rang bzhin gyis 'dres pa med pa'i phyir 'jig tshogs ni rdo rje'i tshig ste/ rdo rje'i tshig 'di ni lta ba thams cad nges par rtogs par 'gyur ba'o/ /rig pa la 'jug pa'i phyir ma rig pa ni rdo rje'i tshig ste/ rdo rje'i tshig 'di ni lhag par dmigs pa'i dngos po yongs su shes par 'gyur ba'o/ /mngon par 'du byed pa med pa dang mnyam pa nyid kyi phyir mtshams med pa'i mtha' ni rdo rje'i tshig ste/ rdo rje'i tshig 'di ni mngon par 'du byed pa thams cad yongs su shes par 'gyur ba'o/ /'dod chags dang bral ba'i mtha'</font><hr>53.88a<br><font size=+1>

dang mnyam pa nyid kyi phyir 'dod chags kyi mtha' ni rdo rje'i tshig ste/ rdo rje'i tshig 'di ni 'dod chags dang bral bar 'gyur ba'o/ /byams pa'i mtha' dang mnyam pa nyid kyi phyir zhe sdang gi mtha' ni rdo rje'i tshig ste/ rdo rje'i tshig 'di ni zhe sdang thams cad yang dag par 'joms par 'gyur ba'o/ /shes rab kyi snang ba dang mnyam pa nyid kyi phyir gti mug gi mtha' ni rdo rje'i tshig ste/ rdo rje'i tshig 'di ni mun pa med cing snang bar 'gyur ba'o/ /sems can thams cad mnyam pa nyid la 'jug pa'i phyir sems can thams cad sems can gcig pa 'di ni rdo rje'i tshig ste/ rdo rje'i tshig 'di ni sems can thams cad kyi ngo bo nyid kyi rjes su rtogs par 'gyur ba'o/ /sems can thams cad kyi sems mnyam pa nyid la 'jug pa'i phyir sems can thams cad kyi sems rnams sems gcig pa 'di ni rdo rje'i tshig ste/ rdo rje'i tshig 'di ni sems rang bzhin gyis 'od gsal bar rjes su rtogs par 'gyur ba'o/ /de bzhin nyid mnyam pa nyid la 'jug pa'i phyir sangs rgyas thams cad sangs rgyas gcig pa 'di ni rdo rje'i tshig ste/ rdo rje'i tshig 'di ni mnyam pa nyid kyi ye shes kyi rjes su rtogs par 'gyur ba'o/ /zhing mi zad pa la 'jug pa'i phyir zhing thams cad zhing gcig pa 'di ni rdo rje'i tshig ste/ rdo rje'i tshig 'di ni nam mkha' dang mnyam pa nyid de rjes su rtogs par 'gyur ba'o/ /chos thams cad mnyam pa nyid la 'jug pa'i phyir chos thams cad gcig pa 'di ni rdo rje'i tshig ste/ rdo rje'i tshig 'di ni gnyis su med pa'i chos kyi sgo rjes su rtogs par 'gyur ba'o/ /thams cad du ye shes kyi rjes su 'gro ba la 'jug pa'i phyir chos thams cad sangs rgyas kyi chos 'di ni rdo rje'i tshig ste/ rdo rje'i tshig 'di ni rdo rje lta bu'i ting nge 'dzin rjes su rtogs par 'gyur ba'o/ /bdud kyi las rjes su rtogs pa la 'jug pa'i phyir las thams</font><hr>53.88b<br><font size=+1>

cad sangs rgyas kyi phrin las 'di ni rdo rje'i tshig ste/ rdo rje'i tshig 'di ni bdud kyi las thams cad las shin du 'da' bar 'gyur ba'o/ /skad thams cad rjes su rtogs pa la 'jug pa'i phyir tshig thams cad de bzhin gshegs pa'i gsung 'di ni rdo rje'i tshig ste/ rdo rje'i tshig 'di ni chos brjod du med par rtogs par 'gyur ba'o/ /'chi 'pho med pa la 'jug pa'i phyir chos thams cad ma skyes pa 'di ni rdo rje'i tshig ste/ rdo rje'i tshig 'di ni skye ba dang rga ba dang na ba dang 'chi ba'i lam las shin du 'da' bar 'gyur ba'o/ /'gog pa med pa la 'jug pa'i phyir chos thams cad ma byung ba 'di ni rdo rje'i tshig ste/ rdo rje'i tshig 'di ni chos thams cad skye ba med pa dang 'gag pa med par 'gyur ba'o/ /blo gros rgya mtsho rdo rje'i tshig de dag ni mi phyed pa'i tshig /snying po'i tshig /mnyam pa'i tshig /bden pa'i tshig /brtan pa'i tshig /tha dad med pa'i tshig /rjes su 'gro ba'i tshig /rgyun chad pa med pa'i tshig /zhi ba dang rab tu zhi ba dang nye bar zhi ba'i tshig /skyon du bya ba med pa'i tshig /sgro btags pa med pa'i tshig /'gro ba med pa rtogs pa la 'jug pa'i tshig /'gro ba med pa'i tshig /de kho na'i tshig /yang dag pa'i tshig /sangs rgyas dang mi 'gal ba'i tshig /chos mi spong ba'i tshig /dge 'dun yongs su sdud pa'i tshig /ji lta ba bzhin gyi tshig /'khor gsum yongs su dag pa'i tshig /dpa' ba'i tshig /tshangs pa'i tshig /g.yo ba med pa'i tshig /nam mkha' dang mnyam pa'i tshig /byang chub kyi rjes su 'gro ba'i tshig /mtshan ma med pa'i tshig /chos kyi mtshan nyid mtshan nyid med pa'i tshig /sems dang yid dang rnam par shes pa la mi gnas pa'i tshig /bdud dang phyir rgol ba bcom pa'i tshig /dag cing dri ma med la 'od gsal ba'i tshig /byang chub la rnam par lta ba'i tshig /shes rab kyi snang ba'i tshig /mun pa med cing</font><hr>53.89a<br><font size=+1>

bsal ba'i tshig /shin du skye ba med cing 'gag pa med pa'i tshig /rang gi yul yongs su dag pa'i tshig /sangs rgyas kyi yul la 'jug pa'i tshig /mi rtog cing rnam par mi rtog la yongs su mi rtog pa'i tshig /chos kyi dbyings 'dres pa med pa'i tshig /gnas med pa'i gnas la 'jug pa'i tshig rnams so/ /blo gros rgya mtsho rdo rje'i tshig de dag byang chub sems dpa' gang gis nges par rtogs pa'i don du khong du chud par byang chub kyi snying por gnas te seng ge'i khri la 'dug pa'o zhes nga smra'o/ /bcom ldan 'das kyis sgo'i tshig dang phyag rgya'i tshig dang rdo rje'i tshig 'di dag bshad pa na byang chub sems dpa' brgya stong gis chos thams cad kyi phyag rgya'i sgo la 'jug pa'i gzungs thob par gyur to/ /sems can thams cad kyi bsam pa mnyam pa nyid la 'jug pa zhes bya ba'i ting nge 'dzin kyang thob bo/ /de nas phyogs bcu'i 'jig rten gyi khams nas 'das pa'i byang chub sems dpa' sems dpa' chen po de dag gis bstan pa 'di thos nas tshig zhing mgu ste yi rangs nas mngon par shes pa'i rdzu 'phrul gyi stobs kyis sangs rgyas kyi zhing gang dang gang nas lhags pa de dag 'di lta ste/ bcom ldan 'das la mchod pa dang chos kyi rnam grangs 'di yang yun ring du gnas par bya ba'i phyir sangs rgyas kyi zhing de dag na me tog dang spos dang phreng ba dang byug pa ci 'dra ba yod pa de 'dra ba'i me tog dang spos dang phreng ba dang byug pa dag gi char chen po mngon par phab bo/ /de dag gis bcom ldan 'das la mchod pa byas nas sgra skad dang nga ro gcig gis bcom ldan 'das la mngon par bstod pa/ gzugs kyi mtshan nyid mtshan gzhi med gzigs pa/ /mtshan nyid gcig gis mtshan gzhi bral ston pa/ /mtshan kun mtshan gzhi ma mchis mtshan gzhi mnyam/ /yang dag mtshan gnas khyod la phyag 'tshal lo/ /</font><hr>53.89b<br><font size=+1>

sems can kun gyi skad dang sgra la zhugs/ /skad la zhugs pa'i ye shes de la 'ang zhugs/ /sgra skad dbyangs rnams kun las rnam par grol/ /sems grol mnyam pa'i sems la phyag 'tshal lo/ /sems kyi rgyu ba rgya chen ci mchis pa/ /sgyu ma'i sems dang mnyam nyid thugs su chud/ /rab tu mi rgyu rgyu mnyam rgyu mi mnga'/ /mkha' 'dra'i thugs dang ldan la phyag 'tshal lo/ /mchis dang ma mchis mtha' dang mtha' ma lags/ /chos dang chos min yongs rtog rnam rtog mnyam/ /sems dang yid rnams thams cad nye bar zhi/ /sems su yid 'bar khyod la phyag 'tshal lo/ /rgyu dang rkyen dang bya ba rnams kyang mkhyen/ /rgyu las 'byung bar rim pa 'ang gsung bar mdzad/ /rgyu dang rkyen ni rnam grol mtha' yas te/ /yang dag mtha' dang mnyam par rab tu mkhyen/ /'di ni thams cad mnyam pa'i gzugs su zhugs/ /bde gshegs sku ni sku ma lags par mthong / /khyod kyi thugs ni rnam rtog mi 'gyur bar/ /khyod ni rgya chen gzugs ston gzugs ma mchis/ /phyogs na rgyal ba'i zhing rnams ji snyed pa/ /zhing rnams thams cad zhing 'dir rab zhugs kyang / /zhing 'dir rnam par 'phel ba ma mchis la/ /de nas ma g.yos 'phos pa 'ang mchis ma lags/ /sems kun sems ma mchis pas mnyam pa'i sems/ /sems ni sgyu mar 'gyur dang rtog ma mchis/ /byang chub sems ni mnyam nyid thugs su chud/ /des na sangs rgyas mnyam pa'i chos la gnas/ /chos dbyings mnyam pa'i dbyings la rab tu zhugs/ /chos rnams thams cad dngos por 'jug ma mchis/ /dngos dang dngos med chags bral chags mnyam pa/ /'gro ba'i don mdzad khyod la phyag 'tshal lo/ /gdugs dang dgung zla dog sar lhung yang gda'/ /bser ma zhags pas bzung du rung yang gda'/ /</font><hr>53.90a<br><font size=+1>

ri rgyal kha yi dbugs kyis gtor du rung / /rgyal ba'i gsung ni log par gsung mi mnga'/ /yang dag kho na gsung can yongs su dag /thugs dag nam mkha' 'dra ba'i thugs mnga' ba/ /'jig rten chos dang rnyed dang sred pa bsal/ /pad ma lta bur srid gsum chags mi mnga'/ /bsngags pa'i phreng ba gsan kyang dgyes mi 'gyur/ /smad pa gsan kyang zhe sdang yong mi mnga'/ /ri rab lta bur yongs su rtog las grol/ /'gro la bde stsal khyod la phyag 'tshal lo/ /de nas byang chub sems dpa' sems dpa' chen po de dag gis bcom ldan 'das la tshigs su bcad pa de dag gis mngon par bstod nas/ bcom ldan 'das la 'di skad ces gsol to/ /bcom ldan 'das sangs rgyas byung ba ni rin po che byung ba'o/ /bcom ldan 'das byung ba ni bden pa byung ba'o/ /dran pa byung ba'o/ /blo gros byung ba'o/ /rtogs pa byung ba'o/ ngo tsha shes pa byung ba'o/ /mos pa byung ba'o/ /sbyin pa byung ba'o/ /tshul khrims byung ba'o/ /bzod pa byung ba'o/ /brtson 'grus byung ba'o/ /bsam gtan byung ba'o/ /shes rab byung ba'o/ /bcom ldan 'das sangs rgyas byung ba ni byams pa byung ba'o/ /snying rje byung ba'o/ /dga' ba byung ba'o/ /btang snyoms byung ba'o/ /don byung ba'o/ /bde ba byung ba'o/ /chos byung ba'o/ /bcom ldan 'das sangs rgyas byung ba ni yang dag par dga' bar 'gyur ba'i chos byung ba'o/ /dran pa nye bar gzhag pa byung ba'o/ /yang dag par spong ba byung ba'o/ /rdzu 'phrul gyi rkang pa byung ba'o/ /dbang po byung ba'o/ /stobs byung ba'o/ /byang chub kyi yan lag byung ba'o/ /lam byung ba'o/ /zhi gnas byung ba'o/ /lhag mthong byung ba'o/ /mngon par shes pa byung ba'o/ /rig pa byung ba'o/ /rnam par grol ba byung ba'o/ /bcom ldan 'das sangs rgyas byung ba ni mi dge ba'i chos</font><hr>53.90b<br><font size=+1>

thams cad spong ba dang dge ba'i chos thams cad byung ba'o/ /de nas byang chub sems dpa' sems dpa' chen po shes rab brtsegs shes bya ba 'khor de nyid du 'dus par gyur te 'dug pa des bcom ldan 'das la 'di skad ces gsol to/ /bcom ldan 'das kyis gsung ba'i don ji ltar bdag gis 'tshal ba ltar na bdag 'di snyam bgyid de/ bcom ldan 'das 'di ltar sangs rgyas byung ba ni 'jigs tshogs la lta ba byung ba'o/ /bcom ldan 'das sangs rgyas byung ba ni ma rig pa dang srid pa dang sred pa byung ba'o/ /bcom ldan 'das sangs rgyas byung ba ni 'dod chags dang zhe sdang dang gti mug byung ba'o/ /bcom ldan 'das sangs rgyas byung ba ni phyin ci log bzhi byung ba'o/ /bcom ldan 'das sangs rgyas byung ba ni sgrib pa lnga byung ba'o/ /bcom ldan 'das sangs rgyas byung ba ni skye mched drug byung ba'o/ /bcom ldan 'das sangs rgyas byung ba ni rnam par shes pa'i gnas bdun byung ba'o/ /log pa nyid brgyad byung ba'o/ /gnod pa'i dngos po dgu byung ba'o/ /bcom ldan 'das sangs rgyas byung ba ni mi dge ba bcu'i las kyi lam byung ba'o/ /de ci'i slad du zhe na/ bcom ldan 'das sdig pa mi dge ba'i chos de dag spang ba'i slad du sangs rgyas byung ba lags kyi bcom ldan 'das sangs rgyas byung ba gnyen pos rab tu phye ba ni ma lags te/ bcom ldan 'das sangs rgyas byung ba ni gnyen po ma mchis pa gnyen po dang bral ba'o/ /bcom ldan 'das sangs rgyas byung ba ni rjes su mchi bar 'tshal ba'i byang chub sems dpa' rjes su 'gro ba ma mchis pa'i tshul gyis de ltar sangs rgyas byung ba'i rjes su mchi bar bgyi'o/ /bcom ldan 'das kyis bka' stsal pa/ rigs kyi bu de de bzhin no/ /ji skad smras pa bzhin te/ rjes su 'gro ba med pa'i tshul gyis sangs rgyas byung ba'i rjes su 'gro bar bya ste/ sangs rgyas</font><hr>53.91a<br><font size=+1>

byung ba la ji lta ba bzhin du chos thams cad byung ba'i rjes su 'gro bar bya'o/ /de nas bcom ldan 'das la byang chub sems dpa' blo gros rgya mtshos 'di skad ces gsol to/ /bcom ldan 'das las dang po pa'i byang chub sems dpa' rnams kyis ni sangs rgyas 'byung ba 'di lta bu 'di ma 'tshal na/ bcom ldan 'das de dag la sangs rgyas 'byung ba lta mchis sam/ bcom ldan 'das kyis bka' stsal pa/ blo gros rgya mtsho ji ltar sems yongs su dag pa bzhin du de dag la yang sangs rgyas 'byung ngo / /de ci'i phyir zhe na/ blo gros rgya mtsho byang chub sems dpa' ni bzhi po 'di dag ste/ bzhi gang zhe na/ 'di lta ste/ sems dang po bskyed pa'i byang chub sems dpa' dang / spyod pa la zhugs pa dang / phyir mi ldog pa dang / skye ba gcig gis thogs pa'i byang chub sems dpa' ste/ blo gros rgya mtsho byang chub sems dpa' bzhi po de dag go/ /blo gros rgya mtsho de la sems dang po bskyed pa'i byang chub sems dpa' gang yin pa des ni de bzhin gshegs pa la gzugs dang mtshan du mthong ngo / /spyod pa la zhugs pa'i byang chub sems dpa' gang yin pa des ni de bzhin gshegs pa la yon tan yongs su grub par mthong ngo / /phyir myi ldog pa'i byang chub sems dpa' gang yin pa des ni de bzhin gshegs pa la chos kyi skus rab tu phye bar mthong ngo / /blo gros rgya mtsho skye ba gcig gis thogs pa'i byang chub sems dpa' gang yin pa des ni de bzhin gshegs pa la gzugs dang mtshan dang yon tan yongs su grub pa dang skye ba dang rigs dang rus dang / chos nyid du khas mi len to/ /de ci'i phyir zhe na/ de'i mig ni shes rab kyis rnam par lta ba'o/ /shes rab la gnas pa'o/ /shes rab tu yang dag par 'du ba'o/ /shes rab kyang rgyu ba med pa spros pa med pa ste/ de ni</font><hr>53.91b<br><font size=+1>

mthong ba yang ma yin mi mthong ba yang ma yin no/ /de ci'i phyir zhe na/ mthong ba dang mi mthong ba de gnyi ga yang mtha' ste/ mthong ba dang ma mthong ba'i mtha' gnyis dang bral ba ni sangs rgyas mthong ba'o/ /gang sangs rgyas mthong ba de bdag mthong ba ste/ bdag mthong ba rnam par dag pas sangs rgyas mthong ba rnam par dag /sangs rgyas mthong ba rnam par dag pas chos thams cad mthong ba rnam par dag par khong du chud par bya'o/ /gang mthong ba rnam par dag pa de la ye shes mthong ba 'di ni sangs rgyas mthong ba zhes bya'o/ /blo gros rgya mtsho ngas kyang de bzhin gshegs pa mar me mdzad de ltar mthong ste/ mthong ma thag tu ngas thob pa med pa dang mi dmigs pa'i tshul gyis mi skye ba'i chos la bzod pa thob bo/ /bzod pa thob ma thag tu nga sa las shing tA la bdun tsam du 'phags te/ nga nam mkha'i dkyil de la gnas nas thams cad mkhyen pa'i ye shes kyi 'byor pa la rnam par brtags/ lta bar gyur pa thams cad yang dag par chad/ rtog pa dang rnam par rtog pa dang yongs su rtog pa thams cad las shind tu 'das shing rnam par shes pa yul thams cad la mi gnas te ting nge 'dzin drug khri mngon sum du gyur nas/ bcom ldan 'das de bzhin gshegs pa mar me mdzad des nga la bram ze'i khye'u khyod ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas shAg kya thub pa zhes bya bar 'gyur ro zhes lung bstan to/ /lung bstan pa'i bstan pa de yang nga'i rna ba'i dbang po la grag par yang ma gyur/ nga ye shes gzhan du rig par yang ma gyur/ nga kun tu rmongs par yang ma gyur/ dmigs par lta ba la gnas pa yang med/ nga sangs rgyas la sangs rgyas su 'du shes pa yang med/ bdag la bdag tu 'du shes pa yang med/ lung</font><hr>53.92a<br><font size=+1>

bstan pa'i bstan pa la yang lung bstan pa'i bstan par 'du shes pa yang med par gyur to/ /blo gros rgya mtsho 'di ni byang chub sems dpa'i 'khor gsum yongs su dag pa'i lung bstan pa ste/ gang la sangs rgyas su 'du shes pa yang med pa dang bdag tu 'du shes pa med pa dang lung bstan pa'i bstan par 'du shes pa med pa 'di ni 'khor gsum yongs su dag pa zhes bya'o/ /blo gros rgya mtsho gzhan yang 'khor gsum yongs su dag pa gang zhe na/ gang la bdag tu 'dzin pa med pa dang / sems can du 'dzin pa med pa dang / chos su 'dzin pa med pa'o/ /gzhan yang 'khor gsum yongs su dag pa ni gang la ming du 'dzin pa med pa dang / gzugs su 'dzin pa med pa dang / dmigs par 'dzin pa med pa'o/ /gzhan yang 'khor gsum yongs su dag pa ni 'das pa la zad par shes pa dang / ma 'ongs pa la ma phyin par shes pa dang / da ltar byung ba la gnas pa med par shes pa'o/ /gzhan yang 'khor gsum yongs su dag pa ni lus la gzugs brnyan lta bur shes pa dang / ngag la brag cha lta bur shes pa dang / sems la sgyu ma lta bur shes pa'o/ /gzhan yang 'khor gsum yongs su dag pa ni/ phung po rnams la chos kyi phung po dang mnyam pa nyid dang / khams rnams la chos kyi dbyings dang mnyam pa nyid dang / skye mched rnams la grong stong lta bur sor sor rtog pa'o/ /gzhan yang 'khor gsum yongs su dag pa ni stong pa nyid la mos pa dang / mtshan ma med pa la yid ches pa dang / smon pa med pa la som nyi med pa ste/ blo gros rgya mtsho 'khor gsum yongs su dag pa 'di ni chos thams cad yongs su dag par 'gyur ba'o/ /blo gros rgya mtsho de lta bas na byang chub sems dpas 'khor gsum yongs su dag pa'i ye shes la mkhas par bya'o// //</font><hr>53.92b<br><font size=+1>

'phags pa blo gros rgya mtshos zhus pa/ bam po brgyad pa/ de nas bcom ldan 'das la byang chub sems dpa' blo gros rgya mtshos 'di skad ces gsol to/ /bcom ldan 'das ji tsam du slar mi ldog pa'i byang chub sems dpa' chos zab mo 'tshal ba dang ldan pa ni ngo mtshar to/ /bcom ldan 'das chos 'tshal ba 'di lta bu dang ldan pa'i byang chub sems dpa'i yongs su bsngo ba la mkhas pa ci 'dra lags/ de skad ces gsol pa dang / bcom ldan 'das kyis byang chub sems dpa' blo gros rgya mtsho la 'di skad ces bka' stsal to/ /blo gros rgya mtsho sa 'di la gnas pa'i byang chub sems dpa' rnams sngon gyi shugs kyis bya ba byed de/ de dag gang gi tshe mnyam par ma bzhag par gnas pa de'i tshe na yang sngon 'phangs pa'i yongs su bsngo ba 'di brgya lam na yang chud za bar mi 'gyur ro/ /blo gros rgya mtsho de'i phyir skyes bu mkhas pa kha cig dpe bstan pas bshad pa'i don shes par 'gyur bas khyod la dpe bya'o/ /blo gros rgya mtsho 'di lta ste dper na/ gang gi tshe bu ram shing gi zhing ngam/ 'bras sA lu'i zhing ngam/ rgun 'brum gyi zhing rnang sgal byas par gyur pa de la mi zhig gis rnang thams cad la yur ba ci rigs par btod nas/ rka nas chu phab ste yal bar bor nas nyal ba dang / de nas mi de nyal yang yur ba ji lta btod pa bzhin du chu 'bab ste/ de la mi de brtson par bya mi dgos shing bsgrim mi dgos par rnang thams cad chus gang bar 'gyur ro/ /blo gros rgya mtsho de bzhin du byang chub sems dpa' mnyam par ma bzhag kyang dge ba'i rtsa ba de dag sems can thams cad kyi rgyud rnams la yongs su sngo bar byed de thabs kyis dngos po ji lta ba bzhin du dge ba'i rtsa ba de dag sangs rgyas kyi chos thams cad kyi phyir yongs su sngo'o/ /de bsam pa shin</font><hr>53.93a<br><font size=+1>

du yongs su dag cing tshul khrims kyi phung po kun du bsrungs pa'i phyir mnyam par bzhag par gnas kyang dge ba'i rtsa ba de dag sangs rgyas kyi chos thams cad kyi phyir yongs su sngo zhing / sngon gyi smon lam legs par btab pa'i phyir sems can thams cad kyi rgyud rnams rlan par byed do/ /blo gros rgya mtsho khyod kyis rnam grangs 'dis kyang ji ltar byang chub sems dpa' mnyam par bzhag pa las langs kyang rung ste/ dge ba'i rtsa ba rnams sngon shin du 'phangs pa dang / sems las su rung ba dang / dran pa mi g.yeng ba dang / theg pa dman pa dang bral ba dang / theg pa chen por smon lam btab pa'i phyir dge ba'i rtsa ba rnams brgya lam na yang thams cad mkhyen par yongs su mi sngo mi srid par 'di ltar rig par bya'o/ /blo gros rgya mtsho 'di lta ste dper na/ ri sul chen po zhig na shing zhig skyes par gyur la de mi zhig gis rtsa ba nas bcad par brtsams nas de chod ma thag tu gang du yo ba dang / gang du phyogs pa der 'gyel lo/ /blo gros rgya mtsho de bzhin du byang chub sems dpa' yang yun ring po nas thams cad mkhyen pa nyid la gzhol/ thams cad mkhyen pa nyid la 'bab pas dge ba'i rtsa ba thams cad bsogs te bsags nas kyang thams cad mkhyen pa nyid du yongs su sngo bar byed/ sems can thams cad yongs su bskyab pa'i phyir yongs su sngo bar byed/ dkon mchog gsum gyi rigs mi bcad par bya ba'i phyir yongs su sngo bar byed/ lus kyi rgyan dang mtshan dang dpe byad bzang po yongs su rdzogs par bya ba'i phyir yongs su sngo bar byed/ tshig gi rgyan dang chos bstan pa don yod par bya ba'i phyir yongs su sngo bar byed/ sems kyi rgyan dang sangs rgyas rjes su dran pa'i ting nge 'dzin las mi g.yeng bar bya ba'i phyir yongs su sngo bar byed de bsgrim pa med cing lhun gyis grub par dge ba'i rtsa ba thams cad thams</font><hr>53.93b<br><font size=+1>

cad mkhyen pa nyid du yongs su sngo'o/ /sngon thabs la mkhas pas yongs su bsngos pa des theg pa gzhan du mi ltung zhing mnyam par bzhag kyang rung langs kyang rung ste/ brgya lam na yang byang chub kyi phyogs kyi chos rnams bsgom pa yongs su rdzogs par mi 'gyur mi srid do/ /blo gros rgya mtsho 'di lta ste dper na/ dge slong 'gog pa la snyoms par 'jug pa'i tshe 'gaN DI'i sgra la gnas par byas te snyoms par zhugs na 'gaN DI'i sgra de de'i 'gog pa la yang mi gnas ma 'brel mod kyi 'gaN DI'i sgra des 'gog pa las ldang ngo / /blo gros rgya mtsho de bzhin du byang chub sems dpa' yang sems can thams cad rab tu thar bar bya ba'i phyir snying rje chen po la gnas par bya ste/ bdag gis sems can thams cad yongs su bskyab par bya/ yongs su dgrol bar bya'o zhes byang chub kyi rnam pas mngon par bsgrub pa'i byams pas sems can thams cad khyab par byas nas zab pa/ zab mor snang ba sems dang yid dang rnam par shes pa mi rgyu ba'i ting nge 'dzin la snyoms par zhugs kyang de sngon sems can rab tu thar bar bya ba'i snying rje chen po la gnas pa de dang ldan pas nyan thos kyi sar mi ltung rang sangs rgyas kyi sar mi ltung ste/ dran pa dang shes bzhin gyis ting nge 'dzin de las langs nas yang byang chub kyi phyogs kyi chos rnams yang dag par bsgrub cing sems can rnams kyang yongs su smin par byed do/ /blo gros rgya mtsho 'di ltar zhi ba'i ting nge 'dzin la snyoms par zhugs kyang nyan thos kyi rnam par grol ba 'am/ rang sangs rgyas kyi rnam par grol bar mi ltung ba byang chub sems dpa' rnams kyi yongs su sbyong ba byed pa'i khyad par la ltos/ blo gros rgya mtsho 'di lta ste/ dper na/ mi gnyis shig yod pa la de la mi gcig ni bdag rdo rje'i go cha bgos nas me 'bar ba'i nang du mchongs/ mi gcig shos ni bdag rtswa dang sog ma'i go cha bgos nas me 'bar</font><hr>53.94a<br><font size=+1>

ba'i nang du mchongs na/ blo gros rgya mtsho 'di ji snyam du sems/ mi de gnyis las gang tshig par 'gyur/ gang tshig par mi 'gyur/ gsol pa/ bcom ldan 'das mi gang rdo rje'i go cha 'tshal nas zhugs 'bar ba'i nang du mchongs pa de ni rdo rje'i go cha des yongs su bsrungs pas zhugs kyi nang du mchis kyang mi 'tshig go/ /bcom ldan 'das mi gang rtswa dang sog ma'i go cha 'tshal nas zhugs 'bar ba'i nang du mchongs pa de ni der mchongs ma thag tu tshig par 'gyur ro/ /de ci'i slad du zhe na/ bcom ldan 'das ran dang sog ma ni 'tshig pa'i bdag nyid lags te/ zhugs kyis 'tshig pa srung mi bzod do/ /bcom ldan 'das kyis bka' stsal pa/ blo gros rgya mtsho ji ltar rdo rje'i go cha bgos pa'i mi de me'i nang du song yang mi 'tshig pa de bzhin du byang chub sems dpa' byams pa chen po dang / snying rje'i go cha dang / lhag pa'i bsam pa sra ba'i rdo rje'i go cha bgos nas sems can rab tu thar par bya bar dmigs pa la gnas te/ chos thams cad la stong pa nyid dang / mtshan ma med pa dang / smon pa med pa dang / mngon par 'du mi byed pa dang / ma skyes pa dang / ma byung bar rtogs pa yang btang la zhi ba'i ting nge 'dzin de la yang snyoms par 'jug cing nyan thos dang rang sangs rgyas kyi nges par gyur pa la yang mi 'jug 'bras bu 'thob par yang mi byed par ting nge 'dzin de yang myong zhing zil gyis mnan cing yang ma nyams ma snang bar ldang ngo / /langs nas kyang sangs rgyas kyi zhing yongs su sbyong / sangs rgyas kyi ye shes yongs su rdzogs par byed do/ /blo gros rgya mtsho ji ltar rtswa dang sog ma'i go cha bgos pa'i mi de mchongs ma thag tu mes tshig par 'gyur ba de bzhin du blo gros rgya mtsho nyan thos kyi theg pa pa'i gang zag 'khor bas 'jigs skrag pa srid pa la kun du 'bar bar blta ste/ sems can rnams yal bar bor nas</font><hr>53.94b<br><font size=+1>

snying rje chen po dang bral te zhi ba zhi ba'i ting nge 'dzin la reg nas gnas ma yin zhing go skabs med de/ gang brgyad pa la 'bras bu ma thob par ldang ba de ni gnas med do/ /de ci'i phyir zhe na/ nyan thos ni bsod nams dang ye shes kyi tshogs ma bsags pa'i phyir ro/ /byang chub sems dpa' ni bsod nams dang ye shes kyi tshogs tshad med pa bsags pa ste de ni sangs rgyas kyi chos thams cad yongs su ma rdzogs kyi bar du bar skabs su yang dag pa'i mtha' mngon sum du mi byed do/ /blo gros rgya mtsho de lta bas na byang chub sems dpas stong pa nyid dang / mtshan ma med pa dang / smon pa med pa dang / mngon par 'du bya ba med pa dang / ma skyes pa dang / ma byung ba'i chos thams cad la me 'bar ba lta bu'i 'du shes bskyed la chos de dag la yang so sor brtag par bya/ chos de dag shes pa la yang rnam par dpyod par bya zhing yang dag pa'i mtha' yang mngon sum du mi bya'o/ /blo gros rgya mtsho de lta bas na byang chub sems dpa' yongs su bsngo ba la mkhas par bya'o/ /blo gros rgya mtsho yongs su bsngo ba la mkhas pa'i byang chub sems dpa' ni chos zab mo rnams la yang spyod la bar skabs su yang yang dag pa'i mtha' mngon sum du mi byed do/ /blo gros rgya mtsho yongs su bsngo ba zhes bya ba ci la bya zhe na/ 'di lta ste/ theg pa chen po de nyid la sems gzhol ba dang 'dun pa dang mngon par phyogs pa dang yongs su phyogs te theg pa gzhan du ma yin pa'o/ /de'i phyir yongs su bsngo ba zhes bya'o/ /blo gros rgya mtsho 'di lta ste dper na/ rdza mkhan gyis 'jim pa'i gong bu 'khor lo'i steng du gzhag kyang ma bskor na snod kyi ming mi 'thob ste/ 'jim pa'i gong bu nyid kyi grangs su 'gro'o/ /gang gi tshe bskor bar gyur pa de'i tshe snod kyi ming 'thob bo/ /blo gros rgya mtsho de bzhin du byang chub sems dpas dge ba'i rtsa ba shin du</font><hr>53.95a<br><font size=+1>

mang po bsags pa yang thams cad mkhyen pa nyid du yongs su ma bsngos na pha rol du phyin pa'i ming mi thob kyi gang gi tshe thams cad mkhyen pa nyid du yongs su bsngos par gyur pa de'i tshe pha rol du phyin pa'i ming 'thob bo/ /blo gros rgya mtsho 'di lta ste dper na/ gser dul ma'i gar bu yongs su ma bsgyur na rgyan gyi ming mi 'thob ste gser gyi gar bu nyid kyi grangs su 'gro'o/ /de nyid yongs su bsgyur na rgyan gyi ming 'thob bo/ /blo gros rgya mtsho de bzhin du byang chub sems dpa'i dge ba'i rtsa ba yang yongs su ma bsngos na pha rol du phyin pa'i ming mi 'thob kyi de nyid yongs su bsngos na pha rol du phyin pa'i ming 'thob bo/ /blo gros rgya mtsho de lta bas na byang chub sems dpas rtag par rgyun du 'dres pa med pa'i yid kyis dge ba'i rtsa ba bsags pa rnams thams cad mkhyen pa nyid du yongs su bsngo bar bya'o/ /thams cad mkhyen pa nyid du yongs su bsngos pa'i byang chub sems dpa' ni chos zab mo rnams la yang spyod la bar skabs su yang dag pa'i mtha' mngon sum du mi byed do/ /yongs su bsngo ba'i le'u zhes bya ste dgu pa'o// // de nas bcom ldan 'das la byang chub sems dpa' blo gros rgya mtshos 'di skad ces gsol to/ /bcom ldan 'das byang chub sems dpa' gang 'khrul pa 'di snyed cig bsrung yang 'khrul par mi 'gyur ba ni bgyi dka' ba bgyid pa'o/ /bcom ldan 'das de lta lags kyis kyang byang chub sems dpas thams cad du yongs su bsngo ba la mkhas pa dang / thabs la mkhas pa 'tshal bar bgyi'o/ /de ci'i slad du zhe na/ bcom ldan 'das thabs kyis ni byang chub sems dpa' bsam gtan dang rnam par thar pa dang ting nge 'dzin dang snyoms par 'jug pa la snyoms par zhugs kyang bsam gtan dang / rnam par thar pa dang / ting nge 'dzin dang snyoms par 'jug pa</font><hr>53.95b<br><font size=+1>

rnams kyis 'khrugs par mi 'gyur te/ thabs mkhas pa des bgyi ba thams cad kyang ston la bgyi bar ltung bar yang mi 'gyur/ chos mnyam pa nyid la yang gnas la sems can log pa nyid du mchis pa rnams la yang dag pa nyid kyi nges par gyur pa'i slad du chos kyang ston cing bsam pa yongs su ma rdzogs kyi bar du bdag nges par gyur pa der yang mi ltung ngo / /de skad ces gsol pa dang / bcom ldan 'das kyis byang chub sems dpa' blo gros rgya mtsho la 'di skad ces bka' stsal to/ /blo gros rgya mtsho de de bzhin no/ /ji skad du smras pa bzhin te/ byang chub sems dpas thams cad du thabs la mkhas pa 'dod par bya'o/ /de ci'i phyir zhe na/ blo gros rgya mtsho thabs la mkhas pa'i byang chub sems dpa' la byang chub yod kyi thabs la mi mkhas pa la ni byang chub med do/ /blo gros rgya mtsho 'di lta ste/ dper na/ snod gcig gi nang du tshon sna gsum ste/ sna gcig ni kha dog sngon po/ sna gcig ni kha dog dmar po/ sna gcig ni gser gyi kha dog lta bu ser po blugs la tshon gyi snod gcig pu der ras kha bsgyur ba gsum ste/ gcig ni ras shog po yug ser por kha bsgyur ba/ gcig ni ras phran yug dmar por kha bsgyur ba/ gcig ni ras bcos bu rin thang med pa ser po gser gyi kha dog lta bur kha bsgyur ba zung gcig bcug la/ de dag snod gcig gi nang du bcug ste bstsubs na ji ltar kha bsgyur ba'i bye brag bzhin du tshon 'dzin te/ gang tshon sngon pos kha bsgyur ba de ni kha dog sngon por 'gyur/ gang tshon dmar pos kha bsgyur ba de ni kha dog dmar por 'gyur/ gang tshon ser po gser lta bus kha bsgyur ba de ni kha dog ser po gser lta bur 'gyur yang snod de la ni rnam par rtog par 'gyur ba gang yang med do/ /blo gros rgya mtsho de bzhin du stong pa nyid dang mtshan ma med pa dang smon pa med pa'i snod gcig la gang zag gsum ste/ gcig ni nyan thos kyi theg pa pa/ gcig ni</font><hr>53.96a<br><font size=+1>

rang sangs rgyas kyi theg pa pa/ gcig ni theg pa chen po la yang dag par zhugs pa btsud la de dag tshud pa dang / gang gis ci 'dra ba'i bsam pa dang sems kyi tshon bsags pa de 'dra bar de ye shes tshon yongs su 'dzin kyang stong pa nyid dang mtshan ma med pa dang smon pa med pa'i snod la ni rnam par rtog pa gang yang med do/ /de la ras shog po'i yug lta bur ni nyan thos kyi theg pa par blta'o/ /ras phran gyi yug lta bur ni rang sangs rgyas kyi theg pa par blta'o/ /rin thang med pa'i ras bcos bu'i zung lta bur ni theg pa chen po la yang dag par zhugs par blta'o/ /blo gros rgya mtsho chos rnams ni snying po med pa/ byed pa po med pa/ bdag med pa/ sems can med pa/ srog med pa/ gang zag med pa/ bdag po med pa ste/ 'di ltar ji ltar 'dod pa de ltar rnam par sgrub ste rnam par bsgrubs kyang sems pa ma yin/ rab tu rtogs pa ma yin pa la ltos/ blo gros rgya mtsho chos rnam par bsgrub pa 'di la mos pa'i byang chub sems dpa' ni chos gang la yang yongs su skyo ba mi bskyed do/ /de de ltar ye shes mthong ba shin du rnam par dag pa yin te/ 'dir gang la yang phan pa 'am gnod pa mi byed do/ /de ltar chos rnams kyi chos nyid yang dag pa ji lta ba bzhin du rab tu shes pa ni snying rje chen po'i go cha de yang mi 'dor ro/ /blo gros rgya mtsho 'di lta ste dper na/ nor bu rin po che bai dUr+ya rin thang med pa/ shin du byang ba/ shin du rnam par dag pa/ shin du dri ma med pa rdzab kyi nang du bcug nas lo stong lon la de lo stong 'das nas rdzab de nas phyung ste bkrus shing yongs su sbyangs te/ byi dor byas na shin du dag cing shin du yongs su dag la shin du byang nas de nyid dag pa dri ma med pa'i nor bu rin po che'i rang bzhin mi 'dor ro/ /blo gros rgya</font><hr>53.96b<br><font size=+1>

mtsho de bzhin du byang chub sems dpa' yang sems can thams cad kyi sems rang bzhin gyis 'od gsal bar rab tu shes la de yang blo bur gyi nye ba'i nyon mongs pas nyon mongs pa can du byas par mthong ngo / /de la byang chub sems dpa' 'di snyam du sems te/ nyon mongs pa 'di dag ni sems can rnams kyi sems rang bzhin gyis 'od gsal ba la zhugs pa med kyi nyon mongs pa de dag ni yang dag pa ma yin pa kun brtags pa las byung du zad pas bdag gis sems can de dag gi blo bur gyi nyon mongs pa spang ba'i phyir chos bstan nus so snyam nas de zhum pa'i sems mi skyed kyi de de bas kyang shas cher sems can thams cad rab tu thar bar bya ba'i sems bskyed pa bskyed do/ /de yang 'di snyam du sems te/ nyon mongs pa de dag la ni stobs dang mthu cung zad kyang med de/ nyon mongs pa de dag ni stobs med pa nyam chung ba dag go/ /de dag ni yang dag pa la cung zad kyang mi gnas kyi nyon mongs pa de dag ni yang dag pa ma yin pa kun brtags pa dag ste/ de dag la yang dag pa ji lta ba bzhin du tshul bzhin yid la byed pas brtags na 'khrugs par mi 'gyur bas bdag gis de dag la ci nas kyang 'dre bar mi 'gyur ba de lta de ltar brtag par bya'o/ /nyon mongs pa rnams dang mi 'dre ba ni legs pa yin gyi 'dre ba ni ma yin no/ /gal te bdag nyon mongs pa rnams dang 'dre bar gyur na nyon mongs pa'i bcing bas bcing pa'i sems can rnams kyi nyon mongs pa'i bcings ba spang ba'i phyir ji ltar chos bstan gyis bdag nyon mongs pa rnams dang mi 'dre bar byas la nyon mongs pa'i bcing ba spang ba'i phyir sems can rnams la chos bstan par bya'o/ /bdag sems can yongs su smin par byed pa'i phyir gang dag 'khor ba'i rgyun byed la dge ba'i rtsa ba</font><hr>53.97a<br><font size=+1>

dang mtshungs par ldan pa'i nyon mongs pa de dag dang ni 'dre bar bya'o snyam mo/ /'khor ba'i rgyun byed la dge ba'i rtsa ba dang mtshungs par ldan pa'i nyon mongs pa de dag gang zhe na/ 'di lta ste/ bsod nams kyi tshogs yongs su btsal bar mi ngoms pa dang / bsams bzhin du srid par skye ba yongs su 'dzin pa dang / sangs rgyas dang phrad par smon pa dang / sems can yongs su smin par bya ba la yongs su mi skyo ba dang / dam pa'i chos yongs su 'dzin pa la brtson pa dang / sems can gyi bya ba ci yod snyam pa la spro ba dang / chos 'dod pa'i bag la nyal mi 'dor ba dang / pha rol tu phyin pa la sbyor ba rnams yongs su mi gtong ba'o/ /blo gros rgya mtsho de dag ni dge ba'i rtsa ba dang mtshungs par ldan pa'i nyon mongs pa rnams te/ byang chub sems dpa' ni de dag gis 'dre yang nyon mongs pa'i skyon rnams kyis mi gos so/ /blo gros rgya mtshos gsol pa/ bcom ldan 'das dge ba'i rtsa ba lags na ci'i slad du nyon mongs pa rnams shes bgyi/ bcom ldan 'das kyis bka' stsal pa/ blo gros rgya mtsho 'di ltar nyon mongs pa de lta bu de dag gis byang chub sems dpa' khams gsum dang 'dre zhing khams gsum pa ni nyon mongs pa las byung ba yin yang de la byang chub sems dpa' ni thabs la mkhas pa dang / dge ba'i rtsa ba'i stobs bskyed pas bsams bzhin du khams gsum dang 'dre'o/ /de'i phyir dge ba'i rtsa ba dang mtshungs par ldan pa'i nyon mongs pa zhes bya ste/ khams gsum du 'dre bas de skad bya yi/ sems nye bar nyon mongs pas ni ma yin no/ /blo gros rgya mtsho 'di lta ste dper na/ tshong dpon nam khyim bdag cig la bu sdug pa phangs pa yid du 'ong ba lta ba dang 'thun pa gcig pu zhig yod par gyur la/ </font><hr>53.97b<br><font size=+1>

khye'u de yang byis par gyur pas gar byed bzhin du khron pa btsog pa zhig tu lhung ba dang / de nas khye'u de'i ma dang / mdza' bshes dang / nye du dag gis khye'u de khron pa btsog par lhung bar mthong la/ mthong nas kyang sgra cher phyung ste mya ngan byed cing smre sngags 'don gyi khron pa btsog pa der zhugs te bu gcig pa de mi 'byin la/ de nas khye'u de'i pha 'ongs te des bu gcig pa khron pa btsog par lhung ba de mthong la mthong nas kyang bu gcig pa de la bsam pa thag pa nas byams shing rjes su chags pas mi smod par myur du skyen par la gor du khron pa btsog pa der zhugs te/ bu gcig pa phyung ba 'di lta bu 'di ni blo gros rgya mtsho ji tsam du don shes par bya ba'i phyir dper byas pa yin no/ /'dir don du lta ba gang zhe na/ blo gros rgya mtsho khron pa btsog pa zhes bya ba ni khams gsum gyi tshig bla dgas so/ /bu gcig pa zhes bya ba ni sems can thams cad kyi tshig bla dgas te de dag la byang chub sems dpa' bu gcig pa ltar 'du shes so/ /ma dang mdza' bshes dang nye du zhes bya ba de ni nyan thos dang rang sangs rgyas kyi theg pa pa'i gang zag rnams kyi tshig bla dgas te/ de dag ni 'khor bar lhung ba'i sems can rnams mthong na mya ngan byed cing smre sngags 'don gyi 'byin ni mi nus so/ /tshong dpon nam khyim bdag ces bya ba de ni byang chub sems dpa'i tshig bla dgas te/ de ni sems dag cing dri ma med de dri ma dang bral la 'dus ma byas kyi chos mngon sum du gyur kyang sems can yongs su smin par bya ba'i phyir bsams bzhin du khams gsum du mtshams sbyor ro/ /blo gros rgya mtsho 'di ni byang chub sems dpa' rnams kyi snying rje chen po ste/ gang nyon mongs pa'i bcing ba thams cad las shin du yongs su grol yang thabs mkhas pas srid par skye ba nye bar len la shes rab kyis yongs su</font><hr>53.98a<br><font size=+1>

zin pas rang gi nyon mongs pa rnams kyis kyang gnod pa med cing nyon mongs pa'i bcings ba thams cad spang ba'i phyir sems can rnams la chos kyang ston to/ /byang chub sems dpa' blo gros rgya mtshos gsol pa/ bcom ldan 'das byang chub sems dpa' sems dri ma ma mchis shing dri ma dang bral te/ de dag kyang 'khor ba la mi smod cing chos zab mo la ji lta ba bzhin du rtogs pas kyang 'dus ma byas su mi ltung zhing 'bras bu yang thob par mi bgyid pa ni bgyi dka' ba bgyid pa'o/ /bcom ldan 'das kyis bka' stsal pa/ blo gros rgya mtsho 'di ni byang chub sems dpa' rnams kyi yan lag gnyis dang rab tu ldan pa'i lam ste/ 'di ltar shes rab kyi pha rol du phyin pa dang thabs la mkhas pa'o/ /blo gros rgya mtsho gang gi tshe byang chub sems dpa' sems dri ma med cing dri ma dang bral te dag par gyur pa 'di ni de'i shes rab kyi pha rol du phyin pa'o/ /blo gros rgya mtsho gang gi tshe byang chub sems dpa' 'khor ba la mi smod cing sems can yongs su smin par bya ba'i phyir skye bar yang 'dzin pa 'di ni de'i thabs la mkhas pa'o/ /blo gros rgya mtsho gzhan yang gang gi tshe byang chub sems dpa' 'du byed thams cad la stong pa nyid dang / mtshan ma med pa dang / smon pa med pa dang / mngon par 'du byed pa med pa dang / ma skyes pa dang ma byung bar so sor rtog pa 'di ni de'i shes rab kyi pha rol du phyin pa'o/ /gang gi tshe snying rjen chen po sngon du btang ba'i sems kyis 'dus ma byas su mi ltung zhing 'bras bu thob par yang mi byed pa 'di ni de'i thabs la mkhas pa'o/ /blo gros rgya mtsho gzhan yang gang gi tshe byang chub sems dpa' dus gsum mnyam pa nyid kyi phyir tha dad du bya ba'i chos gang yang mi mthong ste/ chos kyi dbyings kyi mnyam pa nyid gang</font><hr>53.98b<br><font size=+1>

yin pa de sems can gyi khams kyi mnyam pa sems can gyi khams kyi mnyam pa gang yin pa de mya ngan las 'das pa'i dbyings kyi mnyam pa mya ngan las 'das pa'i dbyings kyi mnyam pa gang yin pa de chos kyi dbyings kyi mnyam pa ste/ chos kyi dbyings la 'jug pas mnyam pa nyid la 'jug pa 'di ni de'i shes rab kyi pha rol du phyin pa'o/ /gang gi tshe sems can gyi khams gcig tu rab tu shes shing mya ngan las 'das pa'i dbyings kyang mngon sum du mi byed la/ sems can gyi khams la lta bas chos kyi dbyings la mi lta bar yang mi 'gyur ba 'di ni de'i thabs la mkhas pa'o/ /rigs kyi bu gzhan yang sbyin pa dag pa ni shes rab bo/ /yongs su bsngo ba dag pa ni thabs so/ /tshul khrims dang bzod pa dang brtson 'grus dang bsam gtan dag pa ni shes rab bo/ /yongs su bsngo ba dag pa ni thabs so/ /mdor bsdu na dge ba'i rtsa ba thams cad dag pa ni shes rab bo/ /yongs su bsngo ba dag pa ni thabs so/ /blo gros rgya mtshos gsol pa/ bcom ldan 'das byang chub sems dpa'i dge ba'i rtsa ba yongs su dag pa ni gang lags/ yongs su bsngo ba dag pa ni gang lags/ shes rab dag pa ni gang lags/ thabs dag pa ni gang lags/ bcom ldan 'das kyis bka' stsal pa/ blo gros rgya mtsho dge ba'i rtsa ba dag pa ni gang bdag dang / sems can dang / srog dang / gso ba dang / skyes bu dang / gang zag tu lta ba dang bral bar dge ba'i rtsa ba de dag sogs pa'o/ /yongs su bsngo ba dag pa ni gang stong pa nyid dang mtshan ma med pa dang smon pa med pa yongs su 'dris par dge ba'i rtsa ba de dag byang chub tu yongs su bsngo ba'o/ /shes rab dag pa ni gang sems can thams cad kyi dbang po mchog dang mchog ma yin pa shes pa'i ye</font><hr>53.99a<br><font size=+1>

shes so/ /thabs dag pa ni gang sems can thams cad la so so ci rigs par chos ston pa la mkhas pa'o/ /blo gros rgya mtsho gzhan yang dge ba'i rtsa ba dag pa ni gang srid par 'gro ba'i skye ba thams cad la mi gnas par dge ba'i rtsa ba de dag thams cad sogs pa'o/ /yongs su bsngo ba dag pa ni gang theg pa thams cad la yang dag par gzhol bas nyan thos dang rang sangs rgyas thams cad kyi yid la byed pa dang bral bar dge ba'i rtsa ba de dag theg pa chen por yongs su bsngo ba'o/ /shes rab dag pa ni gang bag chags kyi mtshams sbyor bar gyur pa'i nyon mongs pa thams cad yang dag par 'jom pa'o/ /thabs dag pa ni sems can gang dag yongs su smin par byed pa de dag don 'thun pas theg pa chen po yang dag par 'dzin du 'jug pa'o/ /gzhan yang dge ba'i rtsa ba dag pa ni 'di lta ste/ longs spyod mi zad pa dang lag na rin po che'o/ /yongs su bsngo ba dag pa ni gang sems can thams cad dang / slob pa dang / mi slob pa dang / rang sangs rgyas thams cad dang / byang chub sems dpa' thams cad dang / sangs rgyas thams cad kyi dge ba'i rtsa ba rnams yongs su bsngo ba des yongs su 'dzin cing yang dag par 'jug pa'o/ /shes rab dag pa ni gang gzungs kyi phyag rgyas btab nas sangs rgyas thams cad kyis gsungs pa kun du 'dzin cing chud mi za bar byed pa'o/ /thabs dag pa ni gang spobs pa rgyun mi 'chad pa dang / spobs pa chags pa med pa dang / chos bstan pa don yod pas legs par bshad pas sems can thams cad yang dag par tshim par byed pa'o/ /blo gros rgya mtsho gzhan yang dge ba'i rtsa ba dag pa ni gang tshe rabs tshe rabs dag tu byang chub kyi sems mi brjed pa'o/ /yongs su bsngo ba dag pa ni gang byang chub kyi sems ma brjed par dge ba'i rtsa ba byed</font><hr>53.99b<br><font size=+1>

thams cad thams cad mkhyen pa nyid du yongs su bsngo ba'o/ /shes rab dag pa ni gang mi gnas pa'i dge ba'i rtsa ba de byang chub kyi sems su shes pa'o/ /thabs dag pa ni byang chub kyi sems mnyam pa nyid pha rol khong du chud par bya ba'i phyir yang dag par 'dzin du 'jug pa'o/ /de nas bcom ldan 'das la byang chub sems dpa' blo gros rgya mtshos 'di skad ces gsol to/ /bcom ldan 'das kyis gsungs pa'i don ji ltar bdag gis 'tshal ba ltar na/ bcom ldan 'das bdag 'di snyam bgyid de/ byang chub sems dpa' thabs la mkhas pa dang shes rab kyi pha rol du phyin pa yongs su dag pa rnams kyi byang chub ni kun du 'gro ba ste/ bcom ldan 'das de dag gi byang chub ma lags pa'i chos gang yang ma mchis so/ /de ci'i slad du zhe na/ bcom ldan 'das chos thams cad mnyam pa nyid du rtogs pa ni byang chub bo/ /bcom ldan 'das de lta bas na byang chub sems dpas byang chub la ring ba'i 'du shes mi bgyi'o/ /yul drug po dag gi nang nas chos gang de la snang bar 'gyur ba de nyid yang dag pa ji lta ba bzhin du rtogs pa ni byang chub bo/ /bcom ldan 'das de ltar mos pa'i byang chub sems dpa' ni thabs la mkhas pa dag pa dang / shes rab kyi pha rol du phyin pa dag pa thob par 'gyur ro/ /de nas bcom ldan 'das kyis byang chub sems dpa' blo gros rgya mtsho la legs so zhes bya ba byin te/ blo gros rgya mtsho legs so legs so/ /de de bzhin no/ /ji skad smras pa bzhin te/ yul drug po dag gi nang nas chos gang byang chub sems dpa' thabs la mkhas pa dang / shes rab kyi pha rol du phyin pa yongs su dag pa rnams la snang bar 'gyur ba de nyid yang dag pa ji lta ba bzhin du rtogs pa ni byang chub ste/ blo gros rgya mtsho khyod kyis rnam grangs 'dis kyang de ltar rig par bya'o/ /blo gros</font><hr>53.100a<br><font size=+1>

rgya mtsho sngon byung ba 'das pa'i dus na bskal pa grangs med pa'i yang ches grangs med pa shin du rgyas pa tshad med pa/ bsam gyis mi khyab pa mtshungs pa med par gyur pa de'i tshe de'i dus na skar mdog gi bskal pa la shin du sprul pa'i 'jig rten gyi khams su bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od zer snang ba mtha' yas shes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ngo / /ci'i phyir de bzhin gshegs pa de 'od zer snang ba mtha' yas shes bya zhe na/ bcom ldan 'das de thams cad mkhyen pa ma thob cing byang chub sems dpar gyur bzhin du byang chub kyi snying po la 'dug nas lus las 'od 'di lta bu phyung ste/ 'od rab tu phyung ba des phyogs bcu'i sangs rgyas kyi zhing tshad med grangs med bgrang ba las shin du 'das pa dag snang ba chen pos gsal bar gyur to/ /sangs rgyas kyi zhing de dag na byang chub sems dpa' gang dag phyir mi ldog pa dang / skye ba gcig gis thogs pa 'khod pa de dag gis byang chub sems dpa' byang chub kyi snying po la 'dug pa de mthong ngo / /mthong nas kyang byang chub sems dpa' de ga la ba de logs su me tog dag gtor to/ /gtor ba dang / sangs rgyas kyi mthus 'ongs nas byang chub sems dpa' de'i lus la bab bo/ /me tog de dag gis 'jig rten gyi khams shin du sprul pa der mi bdun gyi 'phang tsam gyi me tog bkram pa gcig pu gnas par gyur to/ /'jig rten gyi khams de na dbang che ba dbang che bar grags pa'i lha gang dag dang / byang chub sems dpa' gang dag 'khod pa de dag gis 'od de mthong nas gang 'di lta bu rnam par dag pa'i 'od byung ba las na kye ma</font><hr>53.100b<br><font size=+1>

'di ni de bzhin gshegs pa'i 'od zer snang ba mtha' yas su 'gyur ro zhes ched du brjod pa ched du brjod de/ de ltar de bzhin gshegs pa de'i mtshan 'od zer snang ba mtha' yas/ 'od zer snang ba mtha' yas shes bya bar gyur to/ /ci'i phyir 'jig rten gyi khams de shin du sprul pa zhes bya zhe na/ 'jig rten gyi khams de na 'khod pa'i mi de dag gi longs spyod dang yongs su spyad pa ni gzhan 'phrul dbang byed kyi lha'i bu rnams kyi longs spyod dang yongs su spyad pa ci 'dra ba de 'dra bar gyur pas de'i phyir 'jig rten gyi khams de shin du sprul pa zhes bya'o/ /ci'i phyir bskal pa de skar mdog ces bya zhe na/ blo gros rgya mtsho bskal pa khri 'das nas bskal pa de la sangs rgyas byung bar gyur te/ de bzhin gshegs pa skar ma la dga' ba zhes bya ba byung ngo / /gang gi 'og tu bcom ldan 'das de bzhin gshegs pa 'od zer snang ba mtha' yas des byang chub thob pa'i de bzhin gshegs pa de'i mtshan gyis bskal pa de skar mdog ces bya'o/ /blo gros rgya mtsho bskal pa de la de bzhin gshegs pa bye ba phrag bcu bzhi byung ngo / /blo gros rgya mtsho 'jig rten gyi khams shin du sprul pa de ni 'byor pa rgyas pa zhi ba lo legs pa lha dang mis gang ba/ yangs shing tha gru che bar gyur te/ gling bye ba brgya stong phrag dgu bcu rtsa drug yod do/ /gling re re'i tshad kyang dpag tshad brgya stong phrag brgyad cu rtsa bzhi yod do/ /dpag tshad brgya stong phrag brgyad cu rtsa bzhi re re la yang grong khyer brgyad khri bzhi stong bzhi stong yod par gyur to/ /grong khyer re re yang grong dang tshong 'dus dang ri 'or gyi grong brgyad khri bzhi stong bzhi stong gis kun nas bskor bar gyur to/ /grong khyer de dag thams cad na yang srog chags bye ba khrag khrig brgya stong phrag bcu bcu yod par gyur to/ /grong dang tshong 'dus dang ri 'or gyi grong de dag thams cad na yang</font><hr>53.101a<br><font size=+1>

mi'i skye dgu'i srog chags bye ba phrag brgyad brgyad gnas par gyur to/ /dbang che ba dbang che bar grags pa'i mi rnams lta smos kyang ci dgos te/ de ltar 'jig rten gyi khams de rgyas par gyur to/ /'jig rten gyi khams de ni gser dang dngul dang shel dang bai dUr+ya dang rin po che sna bzhi las grub par gyur to/ /de na bza' ba dang btung ba dang gos dang rgyan dang yongs su spyad pa dag bsams pa tsam gyis 'byor to/ /lha dang mi de dag kyang nga yir 'dzin pa med cing yongs su 'dzin pa med par gyur to/ /bcom ldan 'das de bzhin gshegs pa 'od zer snang ba mtha' yas de'i tshe'i tshad ni bar gyi bskal pa bcu thub par gyur to/ /de'i nyan thos kyi dge 'dun chen po ni nyan thos bye ba brgya stong phrag sum bcu rtsa drug yod do/ /byang chub sems dpa'i 'dus pa chen po ni byang chub sems dpa' bye ba brgya phrag bcu gnyis yod do/ /rgyal po'i pho brang grong khyer shin du rnam par dag pa zhes bya ba ni bcom ldan 'das de'i skye ba'i sar gyur to/ /bcom ldan 'das de de nas mngon par byung nas bcom ldan 'das de grong khyer chen po dga' ba 'byung ba zhes bya bar gnas te zhugs so/ /blo gros rgya mtsho de'i tshe de'i dus na grong khyer chen po dga' ba 'byung ba der 'khor los sgyur ba'i rgyal po yul shin du rnam par dag pa zhes bya ba stong gsum gyi stong chen po'i 'jig rten gyi khams kyi dbang phyug rin po che sna bdun dang ldan pa zhig byung ngo / /de'i rin po che sna bdun ni 'di lta ste/ 'di ltar 'khor lo rin po che dang / glang po rin po che dang / rta rin po che dang / bud med rin po che dang / nor bu rin po che dang / khyim bdag rin po che dang / blon po rin po che dang bdun no/ /rgyal po yul shin du rnam par dag pa de yang bla na med pa yang dag par rdzogs pa'i byang chub la yang dag par zhugs par gyur te/ </font><hr>53.101b<br><font size=+1>

lhag pa'i bsam pa phun sum tshogs pas sems can thams cad la sems zhe 'gras pa med pa'o/ /rgyal po yul shin du rnam par dag pa de'i btsun mo'i 'khor gyi bud med ni bye ba phrag bzhi yod de/ gzugs bzang ba mdzes pa blta na sdug pa lha'i bu mo'i gzugs dang 'dra ba bla na med pa yang dag par rdzogs pa'i byang chub la yang dag par zhugs pa sha stag go/ /de la bu stong yod de/ dpa' ba/ rtul phod pa/ yan lag bzang po mchog gi gzugs dang ldan pa/ pha rol gyi sde rab tu 'jom pa/ sred med kyi bu'i stobs kyi shugs phyed bdog pa/ skyes bu chen po'i mtshan nyi shu rtsa brgyad kyis yan lag rnam par spras pa/ bla na med pa yang dag par rdzogs pa'i byang chub la yang dag par zhugs pa sha stag go/ /de la bu mo brgyad 'bum yod de/ gzugs bzang ba mdzes pa blta na sdug pa lha'i bu mo'i gzugs 'dra ba/ bla na med pa yang dag par rdzogs pa'i byang chub la yang dag par zhugs pa sha stag go/ /blo gros rgya mtsho rgyal po yul shin du rnam par dag pas bcom ldan 'das de bzhin gshegs pa 'od zer snang ba mtha' yas de 'khor dang bcas pa la bar gyi bskal pa gnyis kyi bar du rung ba kha na ma tho ba med pa dge sbyong dang 'thun pa yid du 'ong ba'i gos dang / zas dang / mal cha dang / na ba'i gsos sman dang yo byad rnams kyis spyan drangs par gyur to/ /rgyal po des bcom ldan 'das de la mchod pa'i las kyi phyir 'khor gyi khyams yangs shing tha gru che ba/ chu zheng dpag tshad lnga 'bum yod pa/ sa phyogs nor bu rin po che bai dUr+yas spras pa/ rin po che sna bdun gyi phyi ras bskor ba/ tsan dan dmar po dang / tsan dan sbrul gyi snying po gshibs te sbyar ba sna tshogs blta na sdug pa/ lha'i gzhal med khang 'dra bar byas so/ /gzhan yang dge slong gi dge 'dun gyis yongs</font><hr>53.102a<br><font size=+1>

su spyad pa'i khang pa brtsegs pa sa ya byas so/ /blo gros rgya mtsho de ltar rgyal po yun shin du rnam par dag pa las gang gzhan mi byed par rgyun du tshangs par spyad pa yang dag par blangs/ bslab pa'i gnas lnga yongs su bzung ste/ btsun mo'i 'khor dang bcas rang gi skye bo dang bcas g.yog 'khor dang bcas pas bar gyi bskal pa gnyis su bcom ldan 'das de la bsnyen bkur byas nas bar gyi bskal pa de gnyis 'das pa dang / bcom ldan 'das de bzhin gshegs pa 'od zer snang ba mtha' yas de ga la ba der song ste phyin nas bcom ldan 'das de'i zhabs la mgo bos phyag 'tshal te lan bdun bskor ba byas nas phyogs gcig tu 'dug go/ /phyogs gcig tu 'dug nas kyang rgyal po yul shin du rnam par dag pas bcom ldan 'das de bzhin gshegs pa 'od zer snang ba mtha' yas de la 'di skad ces gsol to/ /bcom ldan 'das ji ltar na byang chub sems dpa' theg pa chen po la gzhan gyi dring mi 'jog pa rnams lags/ bcom ldan 'das ji ltar na byang chub sems dpa' khyad par du mchi bas de la gang ma chags pa rnams lags/ bcom ldan 'das ji ltar na byang chub sems dpa' blo mi g.yo mi 'gyur zhing shin du brtan pa rnams lags/ bcom ldan 'das ji ltar na byang chub sems dpa' thabs dang shes rab yongs su dag pa rnams lags/ bcom ldan 'das ji ltar na byang chub sems dpa' rgyang ring du lta la rtsa ba yang ma chad pa rnams lags/ bcom ldan 'das ji ltar na byang chub sems dpa' yul yang 'byor la bag mchis pa yang mi 'dor ba rnams lags/ bcom ldan 'das ji ltar na byang chub sems dpa' don zab mo'i tshul la mi skrag pa rnams lags/ bcom ldan 'das ji ltar na byang chub sems dpa' la byang chub sems</font><hr>53.102b<br><font size=+1>

dpa' yang dag pa rnams shes bgyi/ de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od zer snang ba mtha' yas des rgyal po yul shin du rnam par dag pa la 'di skad ces bka' stsal to/ /rgyal po chen po de'i phyir legs par rab tu nyon la yid la zung shig dang bshad do/ /rgyal po chen po byang chub sems dpa' sems dpa' chen po chos bzhi dang ldan na theg pa chen po la gzhan gyi dring mi 'jog pa rnams yin no/ /bzhi gang zhe na/ mos pa las nges par byung ba'i dad pa 'phags pa 'jig rten las 'das pa dang / phyir mi ldog pa'i brtson 'grus 'bar bas sems can yongs su smin par bya ba la brtson pa dang / shin du rnam par brtags pa'i blos mngon par shes pa'i ye shes kyis rnam par rtsen pa dang / so so yang dag par shes pa dang ldan pa'i shes rab kyis chos nges par rtogs pa'i mtshan nyid de/ rgyal po chen po byang chub sems dpa' sems dpa' chen po chos bzhi po de dag dang ldan na theg pa chen po la gzhan gyi dring mi 'jog pa rnams yin no/ /rgyal po chen po byang chub sems dpa' sems dpa' chen po chos bzhi dang ldan na khyad par du 'gro bas de la ma chags pa rnams yin no/ /bzhi gang zhe na/ sems las su rung bas bsam gtan las ldog pa la mkhas pa rnams yin/ gzhan la bde ba rab tu sbyin pas bdag bde ba la mi chags pa rnams yin/ snying rje chen po la rab tu gnas shing byams pa chen po la gnas pa rnams yin/ gong nas gong ma'i khyad par 'dod pas rgya chen po la mos pa rnams yin te/ rgyal po chen po byang chub sems dpa' sems dpa' chen po chos bzhi po de dag dang ldan na/ khyad par du 'gro bas de la ma chags pa rnams yin no/ /rgyal po chen po byang chub</font><hr>53.103a<br><font size=+1>

sems dpa' sems dpa' chen po chos bzhi dang ldan na blo mi g.yo mi 'gyur zhing shin du brtan pa rnams yin no/ /bzhi gang zhe na/ sgyu dang g.yo med pa'i bsam pa dang / bsam pa yongs su dag pa'i sbyor ba dang / sbyor ba las mi ldog pa'i lhag pa'i bsam pa dang / lhag pa'i bsam pa ma bor bar bsgrub pa ste/ rgyal po chen po byang chub sems dpa' sems dpa' chen po chos bzhi po de dag dang ldan na blo mi g.yo mi 'gyur zhing shin du brtan pa rnams yin no/ /rgyal po chen po byang chub sems dpa' sems dpa' chen po chos bzhi dang ldan na thabs dang shes rab yongs su dag pa rnams yin no/ /bzhi gang zhe na/ sems can thams cad la bdag med par yang mthong la bsdu ba'i dngos po bzhis sems can rnams kyang yongs su smin par byed pa dang / chos thams cad brjod du med par yang rab tu shes la yi ge dang nges pa'i tshig gis sems can rnams la chos kyang ston cing dam pa'i chos kyang yongs su 'dzin pa dang / sangs rgyas thams cad chos kyi skus rab tu phye bar yang mos la mtshan dang dpe byad bzang po yongs su bsgrub pa'i phyir brtson 'grus kyang nyams par mi byed pa dang / sangs rgyas kyi zhing thams cad la nam mkha'i ngo bo nyid du yang rtog la sangs rgyas kyi zhing yongs su dag par bya ba'i phyir rtsol ba'i rgyun kyang mi gcod pa ste/ rgyal po chen po byang chub sems dpa' sems dpa' chen po chos bzhi po de dag dang ldan na thabs dang shes rab yongs su dag pa rnams yin no/ /rgyal po chen po byang chub sems dpa' sems dpa' chen po chos bzhi po 'di dag dang ldan na rgyang ring du yang lta la/ rtsa ba yang ma chad pa rnams yin no/ /bzhi gang zhe na/ byang chub kyi snying po la yang lta la byang chub kyi sems</font><hr>53.103b<br><font size=+1>

kyang mi 'dor ba rnams yin/ sangs rgyas kyi ye shes la yang lta la rang gi shes pas kyang zhum pa med pa rnams yin/ chos kyi 'khor lo rab tu skor ba la yang lta la ji ltar thos pa'i chos bstan pas kyang yongs su mi skyo ba rnams yin/ yongs su mya ngan las 'das pa chen po la yang lta la tshe dang / 'chi 'pho dang / skye ba la yang mi smod pa rnams yin te/ rgyal po chen po byang chub sems dpa' sems dpa' chen po chos bzhi po de dag dang ldan na rgyang ring du yang lta zhing rtsa ba yang ma chad pa rnams yin no/ /rgyal po chen po byang chub sems dpa' sems dpa' chen po chos bzhi dang ldan na yul yang 'byor la bag yod pa yang mi 'dor ba rnams yin no/ /bzhi gang zhe na/ mi yongs su smin par bya ba'i phyir 'khor los sgyur ba'i rgyal por yang gyur la 'du byed la mi rtag par so sor rtog pas yul 'byor kyang bag med par mi 'gyur ba rnams yin/ lha yongs su smin par bya ba'i phyir lha rnams kyi dbang po brgya byin du yang 'gyur la 'du byed la sdug bsngal bar so sor rtog pas yul 'byor kyang bag med par mi 'gyur ba rnams yin/ bdud kyi ris kyi lha yongs su smin par bya ba'i phyir bdud nyid du yang nye bar ston la chos la bdag med par so sor rtog pas yul 'byor kyang bag med par mi 'gyur ba rnams yin/ tshangs ris kyi lha yongs su smin par bya ba'i phyir tshangs pa dbang bsgyur du yang gyur la mya ngan las 'das pa la zhi bar rtog pas yul 'byor kyang bag med par mi 'gyur ba rnams yin te/ rgyal po chen po byang chub sems dpa' sems dpa' chen po chos bzhi po de dag dang ldan na yul yang 'byor la bag yod pa yang mi 'dor ba rnams yin no/ /rgyal po chen po byang chub sems dpa' sems dpa' chen po chos bzhi dang ldan na don zab mo'i tshul la mi skrag pa rnams yin no/ /bzhi gang zhe na/ yang dag pa'i</font><hr>53.104a<br><font size=+1>

dge ba'i bshes gnyen gang dag phyi rol du mi byed par rgyun du sangs rgyas kyi byang chub zab mo 'di yang dag par rab tu ston pa la sten pa dang / mdo sde zab mo tshul 'di lta bu de dag mnyan pa'i phyir dpag tshad brgyar yang 'gro ba dang / ji ltar thos pa'i chos rnams kyi don la tshul bzhin du dpyod pa dang / don la rton pa yin gyi tshig 'bru la rton pa ma yin pa ste/ rgyal po chen po byang chub sems dpa' sems dpa' chen po chos bzhi po de dag dang ldan na don zab mo'i tshul la mi skrag pa rnams yin no/ /rgyal po chen po byang chub sems dpa' sems dpa' chen po chos bzhi dang ldan na byang chub sems dpa' yang dag pa rnams shes bya'o/ /bzhi gang zhe na/ pha rol du phyin pa thams cad yongs su tshol ba la brtson pa'i brtson 'grus dang / sems can thams cad la yongs su smin par bya ba la brtson pa'i snying rje chen po dang / sangs rgyas kyi chos thams cad yongs su rdzogs par byed pa la brtson pa'i stobs kyis rnam par gnon pa dang / 'khor ba dpag tu med pa yongs su 'dzin pa la yongs su mi skyo bar brtson pas bsod nams dang ye shes kyi tshogs sogs pa ste/ rgyal po chen po byang chub sems dpa' sems dpa' chen po chos bzhi po de dag dang ldan na/ byang chub sems dpa' yang dag pa rnams shes bya'o/ /blo gros rgya mtsho de ltar na bcom ldan 'das de bzhin gshegs pa 'od zer snang ba mtha' yas des bzhi pa bsgrub pa bstan pa 'di bshad pa na/ srog chags bye ba khrag khrig phrag bcus bla na med pa yang dag par rdzogs pa'i byang chub tu sems bskyed do/ /dge slong bye ba phrag brgyad len pa med pas zag pa rnams las sems rnam par grol lo/ /rgyal bu gzhon nu de dag dang / rgyal po'i bu mo rnams dang / rgyal po'i btsun mo'i 'khor ni chung ngu'i rjes su 'thun pa'i chos la</font><hr>53.104b<br><font size=+1>

bzod pa skyes so/ /rgyal po chen po yul shin du rnam par dag pa ni rno ba'i rjes su 'thun pa'i chos la bzod pa skyes so/ /de nas rgyal po yul shin du rnam par dag pa tshim zhing mgu la yi rangs shing rab tu dga' ste dga' ba dang yid bde ba skyes nas rgyal srid thams cad bcom ldan 'das de la yongs su spyad pa'i phyir phul lo// //'phags pa blo gros rgya mtshos zhus pa/ bam po dgu pa/ blo gros rgya mtsho de nas bcom ldan 'das de bzhin gshegs pa 'od zer snang ba mtha' yas des rgyal po yul shin du rnam par dag pa la 'di skad ces bka' stsal to/ /rgyal po chen po khyod kyis yongs su spyad pa'i phyir rgyal srid thams cad de bzhin gshegs pa la phul zin na/ rgyal po chen po khyod dad pas legs par gsungs pa'i chos 'dul ba la khyim nas khyim med par rab tu byung shig /de ci'i phyir zhe na/ rgyal po chen po legs par gsungs pa'i chos 'dul ba la rab tu byung ba ni don che ba phan yon che ba rgya che ba'o/ /rgyal po chen po rab tu byung bar gtogs pa'i byang chub sems dpa'i 'thob pa chen po ni nyi shu po 'di dag ste/ thams cad mkhyen pa bla na med pa'i 'thob pa yongs su rdzogs par 'gyur ba dag go/ /nyi shu po gang zhe na/ 'di lta ste/ rgyal srid dang longs spyod dang g.yog 'khor dang dbang phyug 'dor bas nga yi ba med cing yongs su 'dzin pa med pa 'thob pa dang / khyim nas 'byung ba la gzhol bas nyon mongs pa las byung ba thob pa dang / ngur smrig 'dzin pas rnyog pa med pa'i sems 'thob pa dang / 'phags pa'i rigs chog shes pas dgang sla ba dang / gso sla ba 'thob pa dang / sbyangs pa'i yon tan yo byad bsnyungs pa yang dag par len pas 'dod pa che ba dang sdig pa 'dod pa spong ba 'thob pa dang / tshul khrims kyi phung po yongs su dag pas lha</font><hr>53.105a<br><font size=+1>

dang mir skye ba 'thob pa dang / byang chub kyi sems mi 'dor bas pha rol du phyin pa drug 'thob pa dang / dgon pa dben pa na gnas pas 'du 'dzi dang mi 'dre ba 'thob pa dang / gnod pa med pas chos sems pa'i bde ba 'thob pa dang / bsam gtan gyi yan lag yang dag par sgrub pas sems las su rung ba 'thob pa dang / thos pa yongs su tshol bas shes rab chen po 'thob pa dang / nga rgyal med pas ye shes chen po 'thob pa dang / don nyung zhing byed pa nyung bas chos rab tu rnam par 'byed pa 'thob pa dang / sems can thams cad la sems mnyam pa nyid pas byams pa chen po 'thob pa dang / sems can thams cad rab tu thar bar byed pa'i sems kyis snying rje chen po 'thob pa dang / lus dang srog la mi lta bas dam pa'i chos yongs su 'dzin pa 'thob pa dang / sems rab tu sbyangs pas mngon par shes pa chen po 'thob pa dang / sangs rgyas rjes su dran pas sangs rgyas mthong ba 'thob pa dang / tshul bzhin gyis chos la so sor rtog pas mi skye ba'i chos la bzod pa thob pa 'thob pa dang / yon tan thams cad yang dag par 'dzin pa'i spyod pas myur du thams cad mkhyen pa rab tu 'thob pa ste/ rgyal po chen po rab tu byung bar gtogs pa'i byang chub sems dpa' la 'thob pa chen po nyi shu po 'di dag rnyed par dka' bar mi 'gyur ro/ /rgyal po chen po de lta bas na/ khyod legs par gsungs pa'i chos 'dul ba la rab tu byung shig /blo gros rgya mtsho de nas bcom ldan 'das des rgyal po yul shin du rnam par dag pa rab tu 'byung ba yang dag par 'dzin du bcug pas rgyal srid thams cad spangs/ rgyal srid kyi dpal yang spangs te khyim na gnas pas yid byung bas skra dang kha spu bregs te gos ngur smrig bgos nas bcom ldan 'das de'i bstan pa la dad pas khyim nas khyim</font><hr>53.105b<br><font size=+1>

med par rab tu byung ngo / /de rab tu byung bar rig nas rgyal po'i btsun mo'i 'khor kyang rab tu byung ngo / /de dag rab tu byung bar rig nas rgyal bu gzhon nu rnams kyang rab tu byung ngo / /de dag rab tu byung bar rig nas rgyal po'i bu mo gzhon nu ma rnams kyang rab tu byung ngo / /de dag rab tu byung bar rig nas rgyal po'i yul na gnas pa'i srog chags bye ba khrag khrig brgya stong phrag dgu bcu rtsa dgu yang rab tu byung ngo / /de ltar de dag rab tu byung nas dge ba'i rtsa ba'i chos tshol ba la yongs su brtson pa'i brtson 'grus brtsams te gnas so/ /blo gros rgya mtsho sems can bsod nams byas pa thams cad kyi gnas su gyur pas ji tsam du bcom ldan 'das de'i gsung rab mdzes par gyur pa la ltos/ blo gros rgya mtsho de nas rgyal po chen po yul shin du rnam par dag pa de ltar rab tu byung nas bcom ldan 'das de bzhin gshegs pa 'od zer snang ba mtha' yas de ga la ba der song ste phyin nas bcom ldan 'das de la 'di skad ces gsol to/ /bcom ldan 'das bdag gang la sgrub pa snying por bgyid par gnas shing don mchis par yul 'khor gyi bsod snyoms yongs su 'tshal bar 'gyur ba'i gdams ngag dang rjes su bstan pa bdag la stsal du gsol/ de skad ces gsol pa dang / bcom ldan 'das des dge slong yul shin du rnam par dag pa la 'di skad ces bka' stsal to/ /dge slong khyod kyi ming ni yul shin du rnam par dag pa zhes bya'o/ /khyod song la rang gi yul rnam par dag par bya ba'i phyir brtson par gyis shig /rang gi yul la tshul bzhin gyis so sor rtogs shig /ci nas kyang yul drug po dag gi nang nas chos gang khyod la snang bar 'gyur ba de nyid yang dag pa ji lta ba bzhin du yang dag par rdzogs pa khong du chud pas byang chub mthong bar 'gyur ba de ltar so sor rtogs shig /byang chub</font><hr>53.106a<br><font size=+1>

la ring ba'i 'du shes ma byed cig /nye ba'i 'du shes kyang ma byed cig /blo gros rgya mtsho de nas bcom ldan 'das des dge slong yul shin du rnam par dag pa la gdams ngag 'dis gdams pa dang gcig pu dben par rtun cing shes bzhin dang ldan la bag yod par gnas te rang gi yul la yang dag pa ji lta ba bzhin du so sor rtogaso/ /de'i tshul bzhin gyis so sor rtog pa gang zhe na/ 'di lta ste/ mig gi yul ni stong pa nyid kyi yul lo/ /stong pa nyid kyi yul ni sems can thams cad kyi yul lo/ /sems can thams cad kyang stong pa nyid kyi yul te sangs rgyas kyi yul lo/ /rna ba'i yul ni stong pa nyid kyi yul lo/ /stong pa nyid kyi yul ni sems can thams cad kyi yul lo/ /sems can thams cad kyang stong pa nyid kyi yul te/ sangs rgyas kyi yul lo/ /de bzhin du sna dang / lce dang / lus dang / yid kyi yul ni stong pa nyid kyi yul lo/ /stong pa nyid kyi yul ni sems can thams cad kyi yul lo/ /sems can thams cad kyang stong pa nyid kyi yul te/ sangs rgyas kyi yul lo/ /mig gi yul ni mtshan ma med pa'i yul lo/ /mtshan ma med pa'i yul ni sems can thams cad kyi yul lo/ /sems can thams cad kyang mtshan ma med pa'i yul te sangs rgyas kyi yul lo/ /yid kyi bar gyi yul ni mtshan ma med pa'i yul lo/ /mtshan ma med pa'i yul ni sems can thams cad kyi yul lo/ /sems can thams cad kyang mtshan ma med pa'i yul te sangs rgyas kyi yul lo/ /de bzhin du mig gi yul ni smon pa med pa'i yul lo/ /mngon par 'du bya ba med pa'i yul lo/ /ma skyes pa dang ma byung ba'i yul lo/ /ma byung ba'i yul ni sems can thams cad kyi yul lo/ /sems can thams cad kyang ma byung ba'i yul</font><hr>53.106b<br><font size=+1>

te sangs rgyas kyi yul lo/ /de bzhin du yid kyi bar gyi yul dang sbyar ro/ /blo gros rgya mtsho de ltar dge slong yul shin du rnam par dag pa yul la 'jug pa 'dis lus dang sems las su rung ste 'dun pa dang brtson 'grus dang sems dang dpyod pa'i rdzu 'phrul gyi rkang pa bsgoms pas ring po ma thogs par mngon par shes pa lnga bskyed par gyur to/ /bag yod pa'i spyod pa des kyang don dang nges par byung ba'i tshig thams cad sdud pa zhes bya ba'i gzungs rab tu thob po/ /blo gros rgya mtsho de'i tshe de'i dus na gang 'khor los sgyur ba'i rgyal srid 'byor pa spangs te bcom ldan 'das de'i bstan pa la rab tu byung nas yul shin du rnam par dag pa zhes bya ba'i dge slong du gyur pa de gzhan zhig yin pa snyam du khyod dogs shing yid gnyis su gyur tam the tsom za na khyod kyis de ltar mi blta'o/ /de ci'i phyir zhe na/ blo gros rgya mtsho khyod nyid de'i tshe de'i dus na dge slong yul shin du rnam par dag pa zhes bya bar gyur to/ /blo gros rgya mtsho de'i tshe de'i dus na gang dag /dge slong rab tu byung ba de'i rjes su rab tu byung ba'i srog chags bye ba khrag khrig brgya stong mang por gyur pa de dag gzhan dag cig yin pa snyam du khyod sems na/ de de ltar mi blta ste/ chos mnyan pa'i phyir gang dag khyod kyi phyi bzhin 'brang ba'i byang chub sems dpa' 'di dag go/ /bcom ldan 'das kyis sngon byung ba'i le'u 'di bshad pa na srog chags khri brgyad stong gis bla na med pa yang dag par rdzogs pa'i byang chub tu sems bskyed do/ /byang chub sems dpa' brgyad stong gis mi skye ba'i chos la bzod pa thob par gyur to/ /sngon byung ba'i le'u zhes bya ste bcu pa'o// // de nas bcom ldan 'das kyis byang chub sems dpa' blo gros rgya mtsho la bka' stsal pa/ blo gros rgya mtsho de lta bas na bla na med</font><hr>53.107a<br><font size=+1>

pa yang dag par rdzogs pa'i byang chub myur du mngon par rdzogs par 'tshang rgya bar 'dod pa'i byang chub sems dpa' sems dpa' chen pos skyes bu dam pa khyod kyi rjes su bslab par bya ste/ byang chub sems dpas tshig tu bos shing tshig lhur blang bar mi bya'i byang chub sems dpas ji skad smras pa de bzhin du bya'o/ /ji ltar na byang chub sems dpa' ji skad smras pa de bzhin byed pa yin zhe na/ blo gros rgya mtsho sangs rgyas su 'gyur bar bya'o zhes bya ba'i tshig 'di ni brjod par sla'i/ dge ba byang chub kyi phyogs kyi chos rnams bsgrub pa ni dka' snyam pa'o/ /blo gros rgya mtsho byang chub sems dpa' gang la las chos kyi sbyin pas sems can thams cad 'gron du gnyer te/ kho bos sems can khyed chos kyi sbyin pas tshim par bya'o zhes byas la mang du thos pa dang / de las gzhan pa dge ba byang chub kyi phyogs kyi chos rnams la yang brtson par mi byed na de sems can de dag la slu ba yin te/ de ji skad smras pa de bzhin byed pa ma yin no/ /blo gros rgya mtsho gang gi tshe byang chub kyi phyogs kyi chos kyi sbyin pas sems can thams cad 'gron du gnyer te kho bos sems can khyod chos kyi sbyin pas tshim par bya'o zhes byas la mang du thos pa dang / de las gzhan dge ba byang chub kyi phyogs kyi chos rnams la yang brtson par byed pa 'di ni byang chub sems dpas ji skad smras pa de bzhin byed pa yin no/ /blo gros rgya mtsho 'di lta ste dper na/ rgyal po 'am rgyal po'i blon pos grong khyer gyi skye bo thams cad la sang zan sbyin no zhes 'gron du bos la yal bar bor te/ bza' ba dang btung ba ma sbyar na des skye bo'i tshogs de thams cad bslus pa yin te/ de dag kyang bza' ba dang / btung ba'i zas ma thob pas 'phya zhing slar 'ong ba de bzhin du/ blo gros rgya mtsho byang chub sems dpas</font><hr>53.107b<br><font size=+1>

ma rgal ba bsgral ba dang / ma grol ba dgrol ba dang / dbugs ma phyin pa dbugs dbyung ba dang / yongs su mya ngan las ma 'das pa yongs su mya ngan las bzla ba'i phyir sems can thams cad dbugs phyung la mang du thos pa dang / de las gzhan pa'i dge ba byang chub kyi phyogs kyi chos rnams la yang brtson par mi byed na/ byang chub sems dpa' de ni ji skad smras pa de bzhin byed pa ma yin te/ lha dang bcas pa'i 'jig rten la slu ba yin no/ /de lta bu de sngon sangs rgyas mthong ba'i lha rnams kyis mthong na 'phya zhing gzhogs 'phyas byed la rnam par smod de/ gang dag mchod sbyin bya bar dam bcas pa nyams 'og tu chud par byed pa'i mchod sbyin gyi bdag po byed pa de dag ni dkon no/ /de bas kyang gang dag mchod sbyin chen po de brtsams nas bla na med pa'i theg pa chen po la yongs su skyo bar mi 'gyur ba dag ni ches dkon no/ /blo gros rgya mtsho byang chub sems dpas gang gis lha dang mi dang lha ma yin du bcas pa'i 'jig rten la slu bar 'gyur ba'i tshig brjod par mi bya'o/ /blo gros rgya mtsho gzhan yang la la zhig gis byang chub sems dpa' gang la chos kyi don bya bar gsol ba btab la/ de la byang chub sems dpa' kho bos khyed kyi chos kyi don 'di yongs su thob par bya'o zhes tshig smras par gyur na/ byang chub sems dpas de la lus ni yongs su btang bar bya'i sems can slu bar ni mi bya'o/ /blo gros rgya mtsho khyod kyis rnam grangs 'dis kyang 'di ltar rig par bya'o/ /blo gros rgya mtsho sngon byung ba'i 'das pa'i dus na bskal pa grangs med pa'i yang ches grangs med dpag tu med par gyur pa de'i tshe de'i dus na/ seng ge'i rgyal po dar dkar lta bu'i ral pa can yan lag ma smad pa zhes bya ba sems can thams cad la byams pa'i rjes su zhugs pa rtsa ba dang lo ma dang me tog dang 'bras bu la mos pa zhig ri'i phug bgrod</font><hr>53.108a<br><font size=+1>

dka' ba zhig na gnas so/ /ri phug bgrod dka' ba de na spre'u pho mo gnyis shig kyang gnas so/ /de nas dus gzhan zhig na spre'u mo de la bu 'brangs nas de las phru gu gnyis byung ngo / /de nas spre'u de dang spre'u mo des phru gu de gnyis ri dgas kyi rgyal po seng ge la btams te spyod yul du dong ngo / /de nas bya rgod kyi rgyal po spu gri ba zhes bya ba steng gi bar snang las babs te spre'u phru gu de gnyis blangs nas steng gi bar snang la gnas par gyur pa dang / ri dgas kyi rgyal po seng ges bya rgod kyi rgyal po spu gri bas spre'u phru gu de gnyis khyer ba mthong ngo / /mthong nas kyang tshigs su bcad de smras pa/ bya rgod rgyal po khyod la bdag gsol ba/ /bdag gi spre'u phru gu de gnyis khyed kyis thong / /bdag ni de dag 'jigs med bya phyir gnas/ /skyabs su dong ba ma bsad khyed kyis thong / /de nas bya rgod kyi rgyal pos ri dgas kyi rgyal po seng ge de la tshigs su bcad de smras pa/ ri dgas rgyal po gal te khyod ni bdag 'dor na/ /de ltar na ni 'di gnyis mi gsad gtang bar bya/ /kho bos 'di gnyis zos nas kho bo mkha' la gnas/ /khyod ni khros par gyur kyang bdag la ci byar yod/ /ri dgas kyi rgyal pos yang smras pa/ bdag ni btang gis yongs su bza' bar gyis/ /bdag gi spre'u phru gu gnyis ni btang bar gsol/ /byang chub zhugs pa dam bcas srung bar byed/ /mkhas pa dag ni brdzun du smra ba med/ /bdag brdzun 'gyur du 'ong ste lhag bsam pas/ /de nas drang srong chen po lus 'dor te/ /de nas lhag pa'i bsam pas dgar gyur nas/ /sems can rnams kyi tshad du lus gtong ngo / /de nas bya rgod kyi rgyal po des rmad du byung ba de mthong nas nam mkha' la gnas te ched du rjod de ched du brjod pa/ gang dag gzhan phyir rang gi lus 'dor ba/ /</font><hr>53.108b<br><font size=+1>

de dag 'tsho ba'i 'jig rten 'dir bder 'tsho/ /kho bos spre'u phrug 'di gnyis btang bar bya/ /khyod kyang 'tsho zhing ring du chos spyod cig /blo gros rgya mtsho de'i tshe de'i dus na ri dgas kyi rgyal po seng ger gyur pa de gzhan zhig yin pa snyam du khyod sems na de ltar mi blta'o/ /de ci'i phyir zhe na/ blo gros rgya mtsho nga nyid de'i tshe de'i dus na ri dgas kyi rgyal po seng ger gyur to/ /'od srung chen po ni spre'ur gyur to/ /ser skya bzang mo ni spre'u mor gyur to/ /sgra gcan zin dang kun dga' bo ni spre'u phrug tu gyur to/ /dge slong phreng ba bzang po ni de'i tshe de'i dus na bya rgod kyi rgyal po spu gri ba zhes bya bar gyur to/ /blo gros rgya mtsho de ltar na byang chub sems dpa' rnams kyis lus ni yongs su gtang bar bya'i skyabs su dong ba rnams ni yongs su gtang bar mi bya ste ji skad smras pa de bzhin du bsgrub par bya'o/ /de la ji skad smras pa de bzhin byed pa gang zhe na/ blo gros rgya mtsho byang chub sems dpa' sbyin pa smra ba ni ji skad smra ba ste/ gang gi tshe bdog pa thams cad yongs su gtong bar snang ba 'di ni de'i de bzhin byed pa'o/ /de ltar na ji skad smras pa de bzhin byed pa yin no/ /byang chub sems dpa' tshul khrims smra ba ni ji skad smra ba ste/ gang gi tshe tshul khrims dang bslab pa dang sbyangs pa'i yon tan thams cad yang dag par 'dzin cing spyod par kun tu snang ba 'di ni de'i de bzhin byed pa'o/ /byang chub sems dpa' bzod pa smra ba ni ji skad smra ba ste/ gang gi tshe gnod sems dang tha ba dang zhe sdang spong bar snang ba 'di ni de'i de bzhin byed pa'o/ /byang chub sems dpa' brtson 'grus smra ba ni ji skad smra ba ste/ gang gi tshe dge ba'i chos thams cad yongs su tshol ba la brtson 'grus snang ba 'di ni de'i de bzhin byed pa'o/ /byang chub sems dpa' bsam gtan smra ba ni ji skad smra ba ste/ gang</font><hr>53.109a<br><font size=+1>

gi tshe bsam gtan dang rnam par thar pa dang ting nge 'dzin dang snyoms par 'jug pa rnams la snang ba 'di ni de'i de bzhin byed pa'o/ /de bzhin du byang chub sems dpa' shes rab smra ba ni ji skad smra ba ste/ gang gi tshe rab tu dbye ba'i spobs pa rnam par nges pa'i ye shes la mkhas par snang ba nyid ni de'i de bzhin byed pa'o/ /de bzhin du mi dge ba'i chos thams cad kyi bar dag spong bar smra ba dang / dge ba'i chos thams cad yongs su rdzogs par bya ba smra ba ni byang chub sems dpa' ji skad smra ba ste/ gang gi tshe mi dge ba'i chos thams cad spong ba dang dge ba'i chos thams cad yongs su tshol ba la brtson par snang ba 'di ni de'i de bzhin byed pa'o/ /gzhan yang bsam pa ni ji skad smra ba'o/ /g.yo med cing sgyu med pa ni de bzhin byed pa'o/ /sbyor ba ni ji skad smra ba'o/ /sbyor ba nyams 'og tu chud par byed pa ni de bzhin byed pa'o/ /rtsom pa ni ji skad smra ba'o/ /rtsom pa la zhum pa med pa ni de bzhin byed pa'o/ /lhag pa'i bsam pa ni ji skad smra ba'o/ /de la ma chags par khyad par du 'gro ba ni de bzhin byed pa'o/ /dam bcas pa ni ji skad smra ba'o/ /dam bcas pa nyams 'og tu chud par byed pa ni de bzhin byed pa'o/ /thos pa kun tu 'dzin pa ni ji skad smra ba'o/ /thos pa sgrub pa ni de bzhin byed pa'o/ /tshig gis yang dag par blangs pa ni ji skad smra ba'o/ /lus dang sems zhum pa med pa ni de bzhin byed pa'o/ /nga rgyal med pa ni ji skad smra ba'o/ /ye shes yongs su rdzogs par byed pa ni de bzhin byed pa'o/ /bslab pa yang dag par blangs pa ni ji skad smra ba'o/ /bslab pa ma nyams pa ni de bzhin byed pa'o/ /sems dang po bskyed pa ni ji skad smra ba'o/ /byang chub sems dpa'i spyod pa ni de bzhin byed pa'o/ /mi skye ba'i chos la bzod pa ni ji skad smra ba'o/ /phyir mi ldog pa'i</font><hr>53.109b<br><font size=+1>

sa ni de bzhin byed pa'o/ /skye ba gcig gis thogs pa ni ji skad smra ba'o/ /byang chub kyi snying por 'dug pa ni de bzhin byed pa'o/ /yang dag par blangs pa brtan pa ni ji skad smra ba'o/ /thams cad mkhyen pa nyid mngon par rdzogs par byang chub pa ni de bzhin byed pa'o/ /chos kyi 'khor lo rab tu bskor ba ni ji skad smra ba'o/ /dkon mchog gsum gyi rigs mi 'chad par byed pa ni de bzhin byed pa'o/ /blo gros rgya mtsho byang chub sems dpa' sems dpa' chen po de lta bu ni ji skad smras pa de bzhin byed pa yin no/ /bcom ldan 'das kyis ji skad smras pa de bzhin byed pa bstan pa 'di bshad pa na/ byang chub sems dpa' lnga stong gis mi skye ba'i chos la bzod pa rab tu thob par gyur to/ /de nas bcom ldan 'das la byang chub sems dpa' sems dpa' chen po pad ma bkod pas 'di skad ces gsol to/ /bcom ldan 'das ji tsam du de bzhin gshegs pas ji skad smras pa de bzhin bgyid pas sangs rgyas kyi chos 'di thams cad bstan pa ni ngo mtshar to/ /bcom ldan 'das 'di lta ste/ de bzhin gshegs pa'i gsung bsgrub pa 'di yang ji skad smras pa de bzhin bgyid pa lags so/ /bcom ldan 'das kyis bka' stsal pa/ rigs kyi bu khyod bsgrub pa shes sam/ gsol pa/ bcom ldan 'das 'tshal to/ /bcom ldan 'das kyis bka' stsal pa/ rigs kyi bu khyod bsgrub pa las rtsoms la spobs par gyis shig /gsol pa/ bcom ldan 'das bsgrub pa zhes bgyi ba ni gang / chos thams cad mnyam pa nyid kyis mnyam pa nyid du 'tshal nas yang dag pa nyid kyi nges par gyur pa la 'jug pa shes pa la mkhas kyang mngon sum du yang mi bgyid pa 'di ni byang chub sems dpa'i bsgrub pa yang dag pa'o/ /bcom ldan 'das la byang chub sems dpa' ri dbang rgyal pos 'di skad ces</font><hr>53.110a<br><font size=+1>

gsol to/ /bcom ldan 'das bdag kyang bsgrub pa las brtsams te spobs lags so/ /bcom ldan 'das kyis bka' stsal pa/ rigs kyi bu khyod spobs par gyis shig /gsol pa/ bcom ldan 'das sgrub pa ni bsgrub pa ma mchis pa'o/ /de ci'i slad du zhe na/ bcom ldan 'das byang chub sems dpa' gang gis chos thams cad ma dmigs te/ gang bsgrub pa dang / gang la sgrub pa'i chos de yang dag par rjes su mi mthong ba 'di ni de'i sgrub pa yang dag pa lags so/ /byang chub sems dpa' yon tan gyi rgyal po snang bas gsol pa/ bcom ldan 'das gang la sems kyi rjes su 'brang ba'i rnam par shes pa 'jug pa de la sgrub pa ga la mchis/ bcom ldan 'das byang chub sems dpa' gang chos thams cad la rnam par shes pa mi gnas pa de chos gang la yang mi gnas pa lags so/ /gang chos thams cad la yang mi gnas pa de nyid de'i bsgrub pa yang dag pa lags so/ /byang chub sems dpa' lhun po'i sgron me'i rgyal pos gsol pa/ bcom ldan 'das lta ba ma mchis pa ni sgrub pa lags te/ lta ba dang bcas pa la sgrub pa ma mchis so/ /bcom ldan 'das byang chub sems dpa' gang chos thams cad gdeg pa ma mchis pa dang / gzhag pa ma mchis pas chos gang la mi lta ba 'di n-i de'i sgrub pa yang dag pa lags so/ /byang chub sems dpa' nyi ma'i snying pos gsol pa/ bcom ldan 'das gnas pa ni g.yo ba lags te/ mi gnas pa la g.yo ba ma mchis so/ /bcom ldan 'das byang chub sems dpa' gang gnas par mi bgyid pa de ni mi g.yo'o/ /gang mi g.yo ba de chos thams cad kyis mi 'khrugs te/ 'di ni de'i sgrub pa yang dag pa lags so/ /byang chub sems dpa' dpa' bos gsol pa/ bcom ldan 'das 'jig rten ni</font><hr>53.110b<br><font size=+1>

sems kyis spyod do/ /bcom ldan 'das 'jig rten ni sems kyis rgyug go/ /rjes su rgyug go/ /bcom ldan 'das byang chub sems dpa' gang sems nan thams cad sems ma mchis par gyur pa de ni mi sems mi rtog ste/ 'di ni de'i sgrub pa yang dag pa lags so/ /byang chub sems dpa' mthong dgas gsol pa/ bcom ldan 'das tshor ba thams cad ni de bzhin gshegs pas sdug bsngal du gsungs te/ bcom ldan 'das byang chub sems dpa' gang tshor ba thams cad kyi rgyun bkum nas tshor ba ma mchis shing len pa ma mchis kyang tshor ba 'gog pa la yang rig par mi bgyid la snying rje chen pos sems can thams cad kyang yongs su mi gtong ba 'di ni de'i sgrub pa yang dag pa lags so/ /byang chub sems dpa' glang chen spos kyi bal glang gis gsol pa/ bcom ldan 'das byis pa so so'i skye bo dag ni phung po lnga la lta bas glags par gyur pas khur gyis non pa lags/ bcom ldan 'das byang chub sems dpa' gang phung po lnga yongs su 'tshal ba dang ldan te khur myur du 'dor ba de byis pa so so'i skye bo phung po lnga la lta bas glags par gyur pas khur gyis non pa rnams kyi khur spang ba'i phyir chos ston kyang chos thams cad ma skyes shing mngon par grub pa ma mchis pas chos gang la yang yang dag pa'i 'du shes su mi 'gyur ba 'di ni de'i sgrub pa yang dag pa lags so/ /byang chub sems dpa' 'gro ba 'dzin kyis gsol pa/ bcom ldan 'das yang dag par sbyor ba'i sgrub pa lags kyi ya nga ba'i sbyor ba ma lags te/ bcom ldan 'das byang chub sems dpas yang dag pa'i sbyor ba la brtson par bgyi'o/ /de la yang dag pa'i sbyor ba gang zhe na/ 'di lta ste/ nam mkha' dang mnyam pa nyid pas gang chos thams cad mnyam pa nyid du 'tshal ba 'di ni de'i</font><hr>53.111a<br><font size=+1>

sgrub pa yang dag pa lags so/ /byang chub sems dpa' blo gros brtan pas gsol pa/ bcom ldan 'das byang chub sems dpa' gang thabs dang shes rab kyi ye shes kyis ma skyes pa las kyang skye/ ma byung ba las kyang 'byung yang skye ba dang 'jig pa dang gnas pa la mi gnas pa 'di ni de'i sgrub pa yang dag pa lags so/ /byang chub sems dpa' dpal brtsegs rgyal pos gsol pa/ bcom ldan 'das byang chub sems dpa' gang sems can thams cad rang bzhin gyis yongs su mya ngan las 'das par yang mthong la snying rje chen po'i go cha de yang mi 'dor zhing rtsol ba yang don mchis par mthong ba 'di ni de'i sgrub pa yang dag pa lags so/ /byang chub sems dpa' 'od zer thogs pa med pas gsol pa/ bcom ldan 'das rgyu ba'i gnas ji tsam pa de tsam du bdud kyi las so/ /ci tsam du bdud kyi las lags pa de tsam du sgrub pa ma mchis te/ bcom ldan 'das rgyu ba ma mchis pa'i gnas la gnas pa la ni bdud kyis glags mi rnyed de/ bdud kyi lam las shin tu 'das pa'i byang chub sems dpa' ni bsgrub pa yang dag pa la gnas pa zhes bgyi'o/ /byang chub sems dpa' brtson 'grus 'bar gyis gsol pa/ bcom ldan 'das gang dag chos 'ga' zhig yongs su 'grub par 'tshal ba de dag gi 'bad pa don ma mchis pa lags so/ /bcom ldan 'das chos thams cad yongs su grub pa ma mchis par yang 'dir 'tshal la 'tshal ba gang lags pas kyang rlom sems su mi bgyid pa 'di ni de'i sgrub pa yang dag pa lags so/ /byang chub sems dpa' ngan spong gis gsol pa/ bcom ldan 'das gang dag 'gyur ba dang rnam par rtog pa la spyod pa de dag la sgrub pa ga la mchis/ bcom ldan 'das 'gyur ba ma mchis pa dang</font><hr>53.111b<br><font size=+1>

rtog pa ma mchis pa ni sgrub pa ste/ gang 'gyur ba ma mchis pa dang rnam par rtog pa ma mchis pa ni sems can gyi sems kyi rang bzhin lags so/ /sems kyi rang bzhin yongs su 'tshal ba dang ldan pa ni sgrub pa yang dag pa la gnas pa zhes bgyi'o/ /byang chub sems dpa' bsam pa legs par sems kyis gsol pa/ bcom ldan 'das byang chub sems dpas ni sems can thams cad kyi sems kyi rjes su 'jug par bgyi ste/ gang 'dir sems can thams cad kyi sems rnams kyang sems ma lags par sems 'tshal ba la 'jug pa 'di ni de'i sgrub pa yang dag pa lags so/ /byang chub sems dpa' zhi ba'i blo gros kyis gsol pa/ bcom ldan 'das nye bar zhi ba ni sgrub pa lags te/ ma zhi ba la ni sgrub pa ma mchis so/ /bcom ldan 'das byang chub sems dpa' gang sems kyi dmigs pa thams cad las zhi ba dang rab tu zhi ba dang / nye bar zhi ba de rtog pa dang spong bar mi bgyid de rtog pa dang spong ba dang bral ba mnyam pa nyid du rtogs pa 'di ni de'i sgrub pa yang dag pa lags so/ /byang chub sems dpa' ded dpon bzang pos gsol pa/ bcom ldan 'das byang chub sems dpa' dge ba'i rtsa bas brtan pa ni sgrub pa thob par bgyid pa lags te/ dge ba'i rtsa bas ma brtan pa ni ma lags so/ /bcom ldan 'das byang chub sems dpa' gang bsod nams kyi tshogs kyis kyang brtan ye shes kyi tshogs kyis kyang brtan te/ bsod nams mnyam pa nyid pas ye shes mnyam pa nyid ye shes mnyam pa nyid pas bsod nams mnyam pa nyid/ bsod nams dang ye shes mnyam pa nyid pas byang chub mnyam pa nyid/ byang chub mnyam pa nyid pas chos thams cad mnyam pa nyid du khong du chud pa 'di ni de'i sgrub pa yang dag pa lags so/ /</font><hr>53.112a<br><font size=+1>

byang chub sems dpa' dus dpog rgyal pos gsol pa/ bcom ldan 'das chos thams cad dbyer ma mchis pa ni sgrub pa lags te/ bcom ldan 'das byang chub sems dpa' gang chos thams cad chos kyi dbyings su yang dag par 'du bar 'tshal nas chos gang yang 'byed par yang mi bgyid/ sbyor bar yang mi bgyid pa 'di ni de'i sgrub pa yang dag pa lags so/ /byang chub sems dpa' don legs sems kyis gsol pa/ bcom ldan 'das don la rton pa lags kyi tshig 'bru la ma lags te/ bcom ldan 'das byang chub sems dpa' gang don gyi rjes su zhugs pa'i blos chos kyi phung po brgyad khri bzhi stong kun du 'dzin pa dang ston par bgyid kyang yang dag pa'i don brjod du ma mchis pa de las kyang mi g.yo ba 'di ni de'i sgrub pa yang dag pa lags so/ /byang chub sems dpa' blo gros rnam par dag pas gsol pa/ bcom ldan 'das lhag pa'i bsam pa ni sgrub pa lags te/ bcom ldan 'das byang chub sems dpa' gang lhag pa'i bsam pa la zhugs pa de ni skad dang tshig dang brjod pa lhur len pa ma lags kyi de ni yang dag pa'i sgrub pa tshol ba lags te/ ji ltar 'gro ba dang 'ong ba yang dag par rjes su mi mthong ba de ltar tshol ba 'di ni de'i sgrub pa yang dag pa lags so/ /byang chub sems dpa' shin tu dri ma med sems pas gsol pa/ bcom ldan 'das 'di lta ste dper na/ gos dri ma can bkru bar bgyi'i dri ma ma mchis pa ni ma lags so/ /bcom ldan 'das de bzhin du sems yongs su ma dag pa ni yang dag pa ji lta ba bzhin du so sor rtog pas yongs su sbyang bar bgyi'o/ /bcom ldan 'das byang chub sems dpa' gang gi sems dang yid la nyon mongs pa dang / nye ba'i nyon mongs pa thams cad mi 'jug pa</font><hr>53.112b<br><font size=+1>

de dag pa'o/ /dag pa gang lags pa de sgrub pa yang dag pa la gnas pa zhes bgyi'o/ /byang chub sems dpa' blo gros rgya mtshos gsol pa/ bcom ldan 'das byang chub sems dpa' dge ba'i bshes gnyen gyis yongs su zin pa 'di ni tshegs chung ngus sgrub pa yang dag pa 'phags pa thob par 'gyur ro/ /de ci'i slad du zhe na/ bcom ldan 'das byang chub sems dpa' gang dag la gnas shing bdud kyi lcags kyu las mi 'da' ba de dag thams cad ni sdig pa'i grogs pos yongs su zin pa lags so/ /gang dag bdud kyi lcags kyu las shin tu 'da' ba de dag thams cad ni dge ba'i bshes gnyen gyis yongs su zin pa lags so/ /bcom ldan 'das de lta bas na byang chub sems dpa' bdud kyi lcags kyu las shin tu 'da' bar 'tshal bas dge ba'i bshes gnyen rnams la bsnyen par bgyi/ bsten par bgyi/ bsnyen po/ bkur bgyi'o/ /dge ba'i bshes gnyen gyis yongs su zin pa'i byang chub sems dpa' ni tshegs chung ngus sgrub pa yang dag par 'phags pa thob par 'gyur ro/ /de nas bcom ldan 'das kyis byang chub sems dpa' blo gros rgya mtsho la 'di skad ces bka' stsal to/ /blo gros rgya mtsho khyod kyis bdud kyi lcags kyu rnams shes sam/ gsol pa/ bcom ldan 'das bdag gis bdud kyi lcags kyu rnams 'tshal to/ /bcom ldan 'das kyis bka' stsal pa/ blo gros rgya mtsho gang thos pas byang chub sems dpa' rnams shin tu 'da' bar 'gyur zhing bdud dang phyir rgol ba choms te myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur bar khyod bdud kyi lcags kyu bstan pa la rtsoms te spobs par gyis shig /blo gros rgya mtshos gsol pa/ bcom ldan 'das 'di lta ste/ sangs rgyas</font><hr>53.113a<br><font size=+1>

kyi mthus bdag gis bdud kyi lcags kyu bshad par bgyi'o/ /bdud kyi lcags kyu rnams gang zhe na/ bcom ldan 'das bdud kyi lcags kyu ni bcu gnyis po 'di dag ste/ bcu gnyis gang zhe na/ bcom ldan 'das 'di la byang chub sems dpa' sbyin pa'i pha rol tu phyin pa la spyod pa ni mi phangs pa'i dngos po yongs su btang ba'i sems 'jug gi phangs pa'i dngos pa yongs su btang ba'i sems mi 'jug pa dang / sems can gang dag de la dgar bar gyur pa de dag la ni sbyin par bgyid sems can gang dag dga' bar ma gyur pa de dag la ni sbyin par mi bgyid cing des dngos po tha dad du bgyid sems can tha dad du bgyid na/ bcom ldan 'das 'di ni byang chub sems dpa'i sbyin pa dang rab tu ldan pa'i bdud kyi lcags kyu ste dang po'o/ /bcom ldan 'das gzhan yang byang chub sems dpa' tshul khrims dang ldan zhing dag ba'i chos can du gyur te/ so sor thar pa'i sdom pas bsdams/ cho ga dang spyod yul phun sum tshogs/ kha na ma tho ba phra rab la yang 'jigs par lta/ 'tsho ba yongs su dag /bslab pa'i gnas yang dag par blangs pa rnams la slob ste/ de tshul khrims dang ldan pa'i dge slong dang bram ze la bsnyen cing sten la bsnyen bkur bgyid de tshul khrims 'chal pa'i sems can rnams la khro ba dang sdang ba dang zhe 'gras par bgyid cing tshul khrims de nyid kyis bdag la bstod de gzhan la smod na/ bcom ldan 'das 'di ni byang chub sems dpa'i tshul khrims dang ldan pa'i bdud kyi lcags kyu ste gnyis pa'o/ /bcom ldan 'das gzhan yang byang chub sems dpa' bzod pa sgrub ste/ lus kyis kyang bzod ngag gis kyang bzod na/ de sems can stobs dang</font><hr>53.113b<br><font size=+1>

ldan pa rnams la ni bzod/ sems can nyam chung ba rnams la ni mi bzod pa sems can stobs dang ldan pa rnams la ni bzod pa'i stobs nye bar ston/ sems can nyam chung ba rnams la ni gnod sems kyi sems kyi stobs nye bar ston te/ de re shig ni bzod re shig ni mi bzod/ kha cig la ni bzod/ kha cig la ni mi bzod la de gang gi tshe bzod pa de'i tshe bzod pas rgyags te rlom sems su bgyid/ gang gi tshe mi bzod pa de'i tshe ni myur du so sor mi 'chags na/ bcom ldan 'das 'di ni byang chub sems dpa'i bzod pa dang rab tu ldan pa'i bdud kyi lcags kyu ste gsum pa'o/ /bcom ldan 'das gzhan yang byang chub sems dpa' brtson 'grus brtsams par gyur la/ de brtson 'grus brtsams par gnas kyang nyan thos dang rang sangs rgyas kyi theg pa la sems can rnams yongs su smin par bgyid kyi theg pa chen po la sems can yongs su smin par mi bgyid/ nyan thos dang rang sangs rgyas kyi gtam rgyun tu ston gyi theg pa chen po'i gtam 'chab par bgyid/ 'jig rten pa'i bgyi ba la zhal ta bgyid par brtson gyi 'jig rten las 'das pa'i chos yongs su mi tshol/ de bzhin gshegs pa la mchod pas dga' ba thob ste/ 'di lta ste/ me tog dang / spos dang / phreng ba dang / bdug pa dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis de bzhin gshegs pa rnams la mchod par bgyid de de la gzhol/ de la 'bab/ de la bab par gyur kyang thos pa yongs su btsal ba dang / thos pa bstan pa dang / thos pa la so sor brtag pa dang / thos pa bsgrub par brtson</font><hr>53.114a<br><font size=+1>

'grus mi rtsom na bcom ldan 'das 'di ni byang chub sems dpa'i brtson 'grus dang rab tu ldan pa'i bdud kyi lcags kyu ste bzhi pa'o/ /bcom ldan 'das gzhan yang byang chub sems dpa' bsam gtan bzhi skyed/ gzugs ma mchis pa'i snyoms par 'jug pa bzhi skyed cing sgrub ste/ de dag la rgyun du mang du gnas par gyur la/ de zhi ba'i snyoms par 'jug pa de dag la gnas shing / sems can yongs su smin par bgyid pa la smod/ chos bstan pa la smod/ sems can dang 'dra ba la smod/ bsod nams kyi 'du byed rnams la smod cing mi g.yo ba'i 'du byed kyi ro myong bar bgyid cing / gcig pur dga' bas dga' ba thob ste/ 'bad pa chung ngur gnas par gyur nas/ bsam gtan las ldog par yongs su mi tshol gyi/ 'dod pa'i khams dang / gzugs kyi khams la bsad par 'du shes shing gzugs ma mchis pa'i khams kyi ro myong bar bgyid la/ de lus dman pas gzugs ma mchis pa'i khams rnams su skye bar bgyid cing lha tshe rings po rnams dang / skal ba mnyam par skye ste/ de der skye nas kyang gang sangs rgyas mang po sangs rgyas brgya phrag mang po sangs rgyas stong phrag mang po mnyes par mi bgyid pa de'i gnas mchis so/ /sangs rgyas mthong ba dang / chos mnyan pa dang dge 'dun la bsnyen bkur bgyid pa dang bral bar 'gyur/ sems can yongs su smin par bgyid pa dang / dam pa'i chos yongs su gzung ba dang / bsod nams kyi tshogs bsags pa dang bral bar 'gyur/ de'i dbang po rnams blun zhing rtul ba'i rang bzhin can du 'gyur/ de nas shi 'phos nas gang dang gang du skyes pa de dang der yang rtul ba'i rgyud can du 'gyur zhing</font><hr>53.114b<br><font size=+1>

rmugs pa dang gnyid che bar 'gyur ba 'di ni/ bcom ldan 'das byang chub sems dpa'i bsam gtan dang rab tu ldan pa'i bdud kyi lcags kyu ste lnga pa'o/ /bcom ldan 'das gzhan yang byang chub sems dpa' shes rab dang ldan par gyur te rkyen shin tu mthong ba'i slad du rgyu yongs su shes pa dang ldan par gyur/ rgyu ma mchis pa dang rgyu dang bral ba dang / mngon par 'du bgyi ba ma mchis par gyur te/ bsod nams kyi 'du byed rnams la smod thabs dang bral sbyin pa'i pha rol tu phyin pa la brtson par mi bgyid/ tshul khrims dang / bzod pa dang / brtson 'grus dang / bsam gtan gyi pha rol tu phyin pa rnams la brtson par ma bgyid la/ de 'di snyam du sems te/ shes rab kyi pha rol tu phyin pa ni mchog shes rab kyi pha rol tu phyin pa ni khyad par du 'phags pa ste/ de las gzhan pa'i pha rol tu phyin pa rnams ni dman pa'o snyam na de'i dbang po yongs su ma smin pa btang snyoms su ltung ba ste/ bsdu ba'i dngos po bzhis sems can rnams mi sdud cing spros pa ma mchis pa/ mngon par 'du bgyi ba ma mchis pa de nyid kyi ro myang bar bgyid pa 'di ni bcom ldan 'das byang chub sems dpa'i shes rab dang rab tu ldan pa'i bdud kyi lcags kyu ste drug pa'o/ /bcom ldan 'das gzhan yang byang chub sems dpa' dgon pa par gyur te/ bas mtha'i gnas mal la mngon par dga' zhing 'dod pa chung la chog shes te/ rab tu dben cing khyim pa dang rab tu byung ba rnams dang mi 'dre ste/ de don nyung ba dang bgyi ba nyung bas bde bar gnas te g.yo ba ma mchis kyang mang du thos pa yongs su btsal ba dang / sems can yongs su smin par bgyi ba dang / chos</font><hr>53.115a<br><font size=+1>

mnyan pa la brtson par mi gnas/ chos kyi 'bel ba'i bka' mchid dang don rnam par nges pa'i bka' mchid bgyi ba la rgyun dgum par sems te/ yongs su 'dri ba'i rang bzhin can ma lags/ dge ba'i ci zhes tshol ba la mi brtson/ de dgon pa la gnas pa dang gcig pur dga' bas nyon mongs pa rnams kun tu mi rgyu ba ste/ de kun nas ldang ba gnon pa tsam gyis dga' ba thob cing bag la nyal yang dag par gzhom pa'i slad du lam sgom par mi bgyid/ de de na bdag gi don dang gzhan gyi don gyi slad du brtson par mi 'gyur ba 'di dag ni/ bcom ldan 'das byang chub sems dpa'i dgon pa la gnas pa dang rab tu ldan pa'i bdud kyi lcags kyu ste bdun pa'o/ /bcom ldan 'das gzhan yang byang chub sems dpa' mang du thos par gyur te/ chos kyi gtam can ni tshig mnyan par 'os pa/ tshig bzung bar 'os pa/ snyan pa sna tshogs kyi gtam can dang spobs pa phun sum tshogs par gyur kyang de zang zing gi slad du chos ston te/ zang zing ma mchis pa'i sems kyis ma lags/ gang las de'i gos dang / zas dang / mal cha dang / na ba'i gsos sman dang / yo byad rnams mchi bar 'gyur ba de dag la chos ston gyi sems can gang dag dad pa dang ldan zhing dang ba mang ba/ legs par bshad pa'i don 'tshal bar nus shing stobs dang ldan pa zang zing gis de rjes su 'dzin par mi bgyid pa de dag la chos mi ston pa dang / gang dag de la bged par bgyid pa dman pa/ dman par gyur pa/ gti mug gi rang bzhin can/ chos rgya chen po'i snod du ma gyur pa de dag la chos ston pa dang / de zang</font><hr>53.115b<br><font size=+1>

zing gis sbags pa'i rgyud des gang dag chos bstan par bgyi ba ma lags pa/ snod du ma gyur pa de dag la chos ston cing gang dag bstan par bgyi ba de dag la mi ston pa 'di ni bcom ldan 'das byang chub sems dpa'i chos bstan pa dang rab tu ldan pa'i bdud kyi lcags kyu ste brgyad pa'o/ /bcom ldan 'das gzhan yang byang chub sems dpa' 'jig rten rgyang pan pa yongs su tshol te/ de gzhan dag la zab mo'i bka' mchid rgyun bkum nas 'jig rten rgyang pan pa'i bka' mchid sna tshogs ston te/ de 'jig rten rgyang pan pa'i bka' mchid ston pas 'jig rten dga' zhing mngon par dga' ba'i tshig dang / lan gyi tshig la mkhas pas sems can rnams dga' bar 'gyur te/ de la legs so legs so zhes bgyi ba yang stsol bar 'gyur la/ des kyang byang chub sems dpa' yi rangs par 'gyur ba dang / lha'i bu gang dag sngon sangs rgyas mthong ba/ chos zab mo la mos pa/ chos mnyan pa'i phyir der 'dus par gyur pa de dag sdug bsngal zhing yid mi bde ste/ yi ma rangs nas gang 'jig rten gyi dga' bas mngon par dga' ba'i sems can de dag la zab mo'i gtam gyi rgyun bcad de 'jig rten rgyang pan pa'i gtam sna tshogs ston pa'i rigs kyi bu 'di ni dam pa'i chos nub par byed pa yin gyi/ dam pa'i chos yongs su 'dzin pa ma yin no/ /de ci'i phyir zhe na/ don zab mo'i phyir sangs rgyas bcom ldan 'das rnams 'byung gi/ 'jig rten rgyang pan pa'i gtam sna tshogs kyi phyir ma yin no/ /zhes mchi zhing 'khor de nas mchi bar 'gyur ba de lta bu'i tshig smra'o/ /</font><hr>53.116a<br><font size=+1>

bcom ldan 'das de lta bas na byang chub sems dpa' gang 'jig rten rgyang pan pa'i bka' mchid sna tshogs bgyid gyi zab mo'i bka' mchid 'chab pa de ni sangs rgyas 'byung ba nub par bgyi ba'i slad du zhugs pa lags te/ bcom ldan 'das 'di ni byang chub sems dpa'i bka' mchid zab mo 'chab cing 'jig rten rgyang pan pa dang rab tu ldan pa'i bdud kyi lcags kyu ste dgu pa'o/ /bcom ldan 'das gzhan yang byang chub sems dpa' dge ba'i bshes gnyen ltar bcos pa sdig pa'i grogs po gang dag de la bsdu ba'i dngos po rnams las 'dun pa zlog pa dang / sems can yongs su smin par bgyid pa las 'dun pa zlog pa dang / dam pa'i chos yongs su bzung ba las 'dun pa zlog pa dang / bsod nams kyi tshogs las 'dun pa zlog pa dang / rab tu dben pa la sbyor ba dang / don nyung zhing bgyid pa nyung ba dang sbyor ba dang / nyan thos dang / rang sangs rgyas dang ldan pa'i bka' mchid de la rgyun tu mang du ston pa dang / theg pa chen po dang ldan pa'i bka' mchid de la mi ston pa dag la bsnyen cing bsten te bsnyen bkur bgyid pa dang / gang gi tshe byang chub sems dpa' dben par gnas pas theg pa chen po las ldang ba de'i tshe byang chub sems dpas gdon mi za bar zhal ta byed par bya'o zhes byang chub sems dpa' zhal ta bgyid pa'i dri ma la sbyor la/ gang gi tshe byang chub sems dpa' zhal ta bgyid pa'i dri ma la sbyor ba de'i tshe/ dben pa la sbyor zhing mtshan ma dang bcas pa dang rgyu dang bcas pa'i bzod pa'i sa nye bar ston gyi byang chub sems dpa'i las yang dag pa yang dag phul gang lags pa de dag de la mi ston to/ /byang chub</font><hr>53.116b<br><font size=+1>

sems dpa'i las yang dag pa yang dag phul de dag gang lags she na/ bcom ldan 'das bcu po 'di dag ni byang chub sems dpa'i las yang dag pa yang dag phul lags so/ /bcu po de dag gang zhe na/ 'di lta ste/ dad pa'i rtsa ba la rab tu gnas te/ dge ba'i bshes gnyen rnams la bsnyen cing bsten te bsnyen bkur bgyid pa dang / mgo dang gos la zhugs 'bar ba bzhin du dge ba'i chos ci zhes yongs su tshol ba dang / dge ba'i chos la 'dun pa la gnas te yang dag pa'i brtson pa mi 'dor ba dang / bag mchis par las bgyid pa chud mi gzon pa dang / bdag bde ba la mi chags par rtag par rgyun tu sems can yongs su smin par bgyid pa dang / lus dang srog la mi lta bar dam pa'i chos yongs su 'dzin pa dang / mtshan dang dpe byad bzang po dang sangs rgyas kyi zhing yongs su sbyang ba'i slad du bsod nams kyi tshogs yongs su tshol bas mi ngoms pa dang / gzungs dang spobs pa rab tu thob par bgyi ba'i slad du ye shes kyi tshogs yongs su tshol ba dang / so so'i skye bo thams cad kyi sas mi gos par bgyi ba'i slad du shes rab kyi pha rol tu phyin pa sgom pa dang / nyan thos dang rang sangs rgyas thams cad kyi sa las shin tu bzla ba'i slad du thabs la mkhas pa yongs su tshol ba ste/ bcom ldan 'das bcu po de dag ni byang chub sems dpa'i las yang dag pa yang dag phul lags te/ gang dag la byang chub sems dpas bslab par bgyi ba de dag de la ma ston pa dang / de la 'di skad du byang chub ni byang chub sems dpa' brtson 'grus brtsams pa yin gyi le lo can gyi ma yin no/ /gal te khyod bskal pa brgyad dam bcus bla na med pa yang dag par rdzogs pa'i byang chub mngon par rdzogs par sangs ma rgyas na phyis khyod bla na med pa yang dag par rdzogs pa'i byang chub mngon par rdzogs par</font><hr>53.117a<br><font size=+1>

'tshang rgya bar mi nus so zhes mchi la/ bcom ldan 'das de la byang chub sems dpa' gang sgyid lug nas 'bras bu thob par bgyid pa'i gnas mchis na/ bcom ldan 'das 'di ni byang chub sems dpa' dge ba'i bshes gnyen ltar bcos pa'i bdud kyi lcags kyu ste bcu pa'o/ /bcom ldan 'das gzhan yang byang chub sems dpa' nga rgyal gyis khengs shing nga rgyal gyis rengs par gyur te/ de nga rgyal des bla ma rnams dang / sbyin gnas rnams dang / pha ma dang / slob dpon dang / mkhan po rnams dang / de las gzhan pa bla ma lta bu'i gang zag rnams la kun du 'dud pa dang / 'dud pa dang / rab tu 'dud par mi bgyid cing de la ma gus par gyur pa dang / gang dag byang chub sems dpa'i spyod pa rnams la mkhas pa/ khyad par thob pa/ gzungs dang spobs pa phun sum tshogs pa/ byang chub sems dpa'i bgyi ba thams cad tshar phyin pa de dag gi gan du mi mchi/ mi bsnyen/ mi bsten/ bsnyen bkur mi bgyid/ yongs su mi 'dri/ yongs su 'drir mi stsol cing de ma thos pa'i chos nyan par mi bgyid/ thos pa'i chos rnams kyang yongs su dkar bar mi bgyid/ de las gzhan pa'i byang chub sems dpa'i theg pa pa'i gang zag gang dag bdud kyi lcags kyus zin pa/ chos ngan pa la spyod pa de dag la dga' ba rnyed pa dang / de dag kyang de bzhin du de'i rjes su 'jug par gyur pa dang / de dman pa la sten cing / khyad par dang bral bas 'di lta ste zhan pa'i 'gro ba/ blun pa/ 'on pa/ lkug pa'i 'gro ba/ 'gro ba dman pa nyid du mchi bar 'gyur ro/ /bcom ldan 'das 'di lta ste dper na/ skyes bu la la zhig gis gram pa'i sa phyogs su shing tsam pa ka bskrun la chab stsol bar mi bgyid kyi/ gang nas chab mchi bar mthong ba'i phyogs der yang gor ma dang gyo mo dag gis bkum na/ bcom ldan 'das de ltar na zhugs shing tsam pa ka chab dang bral ba de la yal ga dang lo ma dang yal ga phre'u ma chags pa rnams kyang</font><hr>53.117b<br><font size=+1>

chags par mi 'gyur/ yal ga dang lo ma dang yal ga phre'u chags pa rnams kyang skams te dog sa la lhung bar 'gyur ro/ /bcom ldan 'das de bzhin du byang chub sems dpa' gang byang chub kyi sems bskyed la nga rgyal gyis khengs shing nga rgyal gyis rengs par gyur na/ de dge ba'i bshes gnyen dang chos mnyan pa dang bral te/ ma thos pa'i chos rnams kyang mi nyan/ thos pa'i chos rnams kyang yongs su dkar bar mi bgyid do/ /bcom ldan 'das 'di lta ste dper na/ gang gi tshe rgya mtsho chen po mchis par gyur pa de'i tshe gzhol ba'i phyogs na mchis par 'gyur ro/ /de gzhol ba'i slad du chu klung thams cad dang chab mig dang / 'bab chu thams cad tshegs chung ngus der 'bab bo/ /bcom ldan 'das de bzhin du byang chub sems dpa' nga rgyal ma mchis pa bla ma dang / sbyin gnas la gus pa yang tshegs chung ngus chos zab mo'i sgo rnams rna ba'i dbang po la grags par 'gyur ro/ /de dran pa la yang gnas par 'gyur ro/ /bcom ldan 'das de lta bas na byang chub sems dpa' nga rgyal gyis khengs nga rgyal gyis rengs par gyur te/ bla ma dang sbyin gnas rnams la kun du mi 'dud cing 'dud par mi bgyid la rab tu mi 'dud na/ bcom ldan 'das kye ma'o byang chub sems dpa' 'di ni bdud kyi lcags kyus zin par rig par bgyi ste/ bcom ldan 'das 'di ni byang chub sems dpa'i nga rgyal dang rab tu ldan pa'i bdud kyi lcags kyu ste bcu gcig pa'o/ /bcom ldan 'das gzhan yang byang chub sems dpa' gzugs bzang zhing mdzes la phyug cing nor che ba dang / longs spyod che ba nor mang la mdzod dang bang ba mang po phun sum tshogs par gyur te gzugs dang / longs spyod dang / rus dang / rigs dang / g.yog 'khor dang / </font><hr>53.118a<br><font size=+1>

bsod nams kyi tshogs kyis brtan par gyur/ ye shes kyi tshogs yongs su btsal ba la mngon par brtson zhing de gzugs dang longs spyod dang / g.yog 'khor dang / dbang phyug gi stobs kyis rgyag shing bag ma mchis par gyur te/ byang chub sems dpa' gang dag rab tu byung bar gtogs pa khyim gyi gnas nas mngon par byung ba/ ye shes kyi tshogs yongs su tshol ba la brtson pa/ gdugs dang bser mes sha dang khrag skams pa/ rke ba/ nyam chung ba/ lus rtswas yog pa/ mgo dang gos la zhugs 'bar ba bzhin du gdugs mtshan du brtson 'grus brtsams pa/ dge ba'i chos yongs su tshol ba la rtag tu brtson pa dang ldan pa de dag la rke zhing nyam chung la mdog ngan cing mi sdug par rig nas brnyas par bya'o snyam du sems shing / de dag las legs par bshad pa nyan par mi 'tshal gyi de de bas shas cher dman zhing ches rmugs par 'gyur ba 'di ni/ bcom ldan 'das byang chub sems dpa'i rgyags pa dang bag ma mchis pa dang rab tu ldan pa'i bdud kyi lcags kyu ste bcu gnyis pa'o/ /bcom ldan 'das bcu gnyis po de dag ni/ byang chub sems dpa' rnams kyi bdud kyi lcags kyu ste/ byang chub sems dpa' de dag las shin du ma 'das na tha na rjes su 'thun pa'i bzod pa yang mi 'thob na/ bla na med pa yang dag par rdzogs pa'i byang chub mngon par rdzogs par 'tshang rgya ba lta smos kyang ci 'tshal te de ni gnas ma mchis so/ /bcom ldan 'das de lta bas na/ byang chub sems dpa' bla na med pa yang dag par rdzogs pa'i byang chub mngon par rdzogs par 'tshang gya bar 'tshal bas bdud kyi lcags kyu 'di dag las shin du 'da' bar bgyi'o// //'phags pa blo gros rgya mtshos zhus pa/ bam po bcu pa/ de nas bcom ldan 'das kyis byang chub sems dpa' blo gros</font><hr>53.118b<br><font size=+1>

rgya mtsho la legs so zhes bya ba byin te/ blo gros rgya mtsho khyod kyis byang chub sems dpa' rnams kyi bdud kyi lcags kyu 'di dag legs par bshad pa legs so legs so/ /blo gros rgya mtsho de'i phyir legs par rab tu nyon la yid la zung shig dang byang chub sems dpa' dag gang la gnas na bdud kyi lcags kyu thams cad las shin du 'da' bar 'gyur ba bdud kyi lcags kyu rab tu gcod pa'i chos kyi sgo khyod la bshad do/ /blo gros rgya mtsho bdud kyi lcags kyu rab tu gcod pa'i chos kyi sgo de dag gang zhe na/ blo gros rgya mtsho bcu po 'di dag ni bdud kyi lcags kyu rab tu gcod pa'i chos kyi sgo yin no/ /bcu gang zhe na/ 'di lta ste/ blo gros rgya mtsho chos thams cad ni stong pa nyid kyi rang bzhin pas stong pa nyid kyi rnam par zhugs kyang bdag nyid skyabs byed pas/ sems can thams cad la cher byams pa 'di ni bdud kyi lcags kyu rab tu gcod pa'i chos kyi sgo dang po'o/ /blo gros rgya mtsho chos thams cad ni mtshan ma med pa'i rang bzhin pas mtshan ma med pa'i rnam par zhugs kyang yongs su thar bar byed pas/ sems can thams cad la cher snying rje ba 'di ni bdud kyi lcags kyu rab tu gcod pa'i chos kyi sgo gnyis pa'o/ /blo gros rgya mtsho chos thams cad ni smon pa med pa'i rang bzhin pas smon pa med pa'i rnam par zhugs kyang sems can thams cad yongs su smin par bya ba'i phyir bsam bzhin du skye ba 'di ni bdud kyi lcags kyu rab tu gcod pa'i chos kyi sgo gsum pa'o/ /blo gros rgya mtsho chos thams cad ni 'dod chags dang bral ba'i rang bzhin pas 'dod chags dang bral ba'i rnam par zhugs kyang 'dod chags la spyod pa'i sems can yongs su smin par byed pa 'di ni bdud kyi lcags kyu rab tu gcod pa'i chos kyi sgo bzhi pa'o/ /blo gros rgya mtsho chos thams cad ni zhe sdang dang bral ba'i rang bzhin pas zhe sdang dang bral ba'i rnam par zhugs kyang zhe sdang la</font><hr>53.119a<br><font size=+1>

spyod pa'i sems can yongs su smin par byed pa 'di ni bdud kyi lcags kyu rab tu gcod pa'i chos kyi sgo lnga pa'o/ /blo gros rgya mtsho chos thams cad ni gti mug dang bral ba'i rang bzhin pas gti mug dang bral ba'i rnam par zhugs kyang gti mug la spyod pa'i sems can yongs su smin par byed pa 'di ni bdud kyi lcags kyu rab tu gcod pa'i chos kyi sgo drug pa'o/ /blo gros rgya mtsho chos thams cad ni kun nas nyon mongs pa med pa'i rang bzhin pas kun nas nyon mongs pa med pa'i rnam par zhugs kyang kun nas nyon mongs pa can gyi sems can yongs su smin par byed pa 'di ni/ bdud kyi lcags kyu rab tu gcod pa'i chos kyi sgo bdun pa'o/ /blo gros rgya mtsho chos thams cad ni skye ba med cing 'byung ba med pa'i rang bzhin pas skye ba med cing 'byung ba med pa'i rnam par zhugs kyang / skye ba dang / rga ba dang / na ba dang / 'chi ba spong ba'i phyir sems can rnams la chos ston pa 'di ni bdud kyis lcags kyu rab tu gcod pa'i chos kyi sgo brgyad pa'o/ /blo gros rgya mtsho chos thams cad ni ngang mnyam zhing bye brag med pa'i rang bzhin pas ngang mnyam zhing bye brag med pa'i rnam par zhugs kyang theg pa chen po'i bsam pa yongs su mi 'dor bar sems can rnams la theg pa gsum rnam par dgod pa'i ston pa 'di ni bdud kyi lcags kyu rab tu gcod pa'i chos kyi sgo dgu pa'o/ /blo gros rgya mtsho gzhan yang byang chub sems dpa' sems dang yid dang rnam par shes pa 'ang mi gnas la/ byang chub kyi sems kyang mi brjed/ rtsom pa thams cad dang yang bral la sems can thams cad rab tu thar bar bya ba'i rtsom pa yang mi 'dor/ spyod pa thams cad las kyang shin du 'das la byang chub sems dpa'i spyod pa las kyang mi ldog pa 'di ni/ blo gros rgya mtsho byang chub sems dpa'i bdud kyi lcags kyu rab tu gcod pa'i chos kyi sgo bcu pa'o/ /blo gros rgya mtsho bcu po 'di dag ni bdud kyi lcags</font><hr>53.119b<br><font size=+1>

kyu rab tu gcod pa'i chos kyi sgo ste byang chub sems dpa' de dag la rab tu sbyor na bdud kyi lcags kyu thams cad las shin du 'das par 'gyur ro/ /bdud kyi lcags kyu rab tu gcod pa'i chos kyi rnam grangs 'di bshad pa na/ bdud kyi gnas thams cad mog mog por gyur te rnam pa drug du g.yos so/ /'di lta ste/ dper na/ byang chub kyi snying po la 'dug pa'i byang chub sems dpa'i mdzod spu nas 'od rab tu phyung bas bdud kyi gnas thams cad mog mog por gyur pa de bzhin du de'i tshe bdud kyi gnas thams cad mog mog por gyur to/ /de nas bdud sdig can gyis ltas chen po 'di mthong nas ring zhing myur ba la gor du dpung gis tshogs yan lag bzhi pa bsdus te/ bkod pa ci 'dra bas byang chub kyi snying po la 'dug pa'i byang chub sems dpa'i gan du 'gro ba'i bkod pa de 'dra ba'i dpag tshad sum bcu rtsa drug tshun chad bdud kyi sdes bkang nas bcom ldan 'das kyi 'khor gyi dkyil 'khor gyi khyams ga la ba der dong ba dang / sangs rgyas kyi mthus der de bsgribs par gyur te/ 'ongs kyang de bzhin gshegs pa dang / gang dag phyir mi ldog pa'i byang chub sems dpa' rnams dang / 'khor de las sems can gang dag 'dul bar gyur pa rnams dang / gang dag srid par kun du sbyor ba spangs pa'i dgra bcom pa lta ba phun sum tshogs pa'i gang zag rnams ma gtogs par gang gis kyang de ma mthong ngo / /de nas bcom ldan 'das kyis byang chub sems dpa' blo gros rgya mtsho la bka' stsal pa/ blo gros rgya mtsho khyod kyis bdud sdig can bkod pa ji lta bu dang ldan pas 'ong ba mthong ngam/ gsol pa bcom ldan 'das mthong lags so/ /bcom ldan 'das kyis bka' stsal pa/ blo gros rgya mtsho bdud sdig can 'di ni chos kyi rnam grangs 'di la bar chad bya ba'i phyir 'ongs na 'di ci zhig bya/ gsol pa bcom ldan 'das deng 'di bde ba thams cad kyis rgyan pa'i 'jig rten gyi khams su 'phang bar bgyi'o/ /</font><hr>53.120a<br><font size=+1>

de nas tshe dang ldan pa shA ra dwa ti'i bu/ byang chub sems dpa' blo gros rgya mtsho la 'di skad ces smras so/ /rigs kyi bu bde ba thams cad kyis brgyan pa'i 'jig rten gyi khams de ni ga la yod/ de na chos ston pa'i de bzhin gshegs pa'i mtshan ni ci zhig bya/ blo gros rgya mtsho smras pa/ btsun pa shA ra dwa ti'i bu shar phyogs logs su sangs rgyas kyi zhing 'di nas gang gA'i klung bcu gnyis kyi bye ma snyed kyi sangs rgyas kyi zhing 'das pa na bde ba thams cad kyis brgyan pa zhes bya ba'i 'jig rten gyi khams yod de/ de na de bzhin gshegs pa dgra bcom pa yang dag par rdzogs pa'i sangs rgyas bdud rab tu 'joms pa zhes bya ba chos ston to/ /ci'i phyir 'jig rten gyi khams bde ba thams cad kyis brgyan pa zhes bya zhe na/ btsun pa shA ra dwa ti'i bu bde ba thams cad kyis brgyan pa'i 'jig rten gyi khams de na bde ba'i rgyu dang / yon tan gyi rgyu dang / bkod pa'i rgyu bskal par brjod kyang zad par mi nus te/ de'i phyir 'jig rten gyi khams de bde ba thams cad kyis brgyan pa zhes bya'o/ /gang gi tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bdud rab tu 'joms pa des byang chub thob pa de'i tshe des byang chub kyi snying po la 'dug ste/ thams cad mkhyen pa nyid ma thob par lus las bdud kun tu skul ba zhes bya ba'i 'od zer byung nas 'od zer des bskul bas 'jig rten gyi khams de na bdud thams cad bye ba phrag brgyar 'khod pa'i bdud re re zhing yang g.yog 'khor bye ba brgya phrag bcu yod pa/ de dag thams cad byang chub kyi snying po ga la ba der song ste phyin nas byang chub sems dpa' la bar chad bya bar brtsams pa dang / byang chub sems dpa' la bar chad byed mi nus te/ de dag ngo mtshar du gyur nas bcom ldan 'das de'i zhabs gnyis la gtugs so/ /des kyang ji lta ji ltar de dag bsam pa thag pa nas bla na med pa yang dag par rdzogs pa'i byang chub tu sems bskyed par</font><hr>53.120b<br><font size=+1>

'gyur ba de lta de ltar bdud de dag la chos bstan nas bcom ldan 'das de phyis byang chub thob ste/ de'i phyir de bzhin gshegs pa de bdud rab tu 'joms pa zhes bya'o/ /de byang chub thob pa'i mchog gi phrugs dang / bzang po'i phrugs kyang bdud las btul ba'i byang chub sems dpa' rnams so/ /rim gro ba yang bdud las btul ba'i byang chub sems dpa' rnams so/ /bcom ldan 'das de bzhin gshegs pa bdud rab tu 'jom pa de ni byang chub sems dpa'i gtam 'ba' zhig yang dag par rab tu ston te/ de na theg pa gzhan gyi ming yang med do/ /btsun pa shA ra dwa ti'i bu bde ba thams cad kyis brgyan pa'i 'jig rten gyi khams de ni de 'dra ste/ der 'phangs na phyis bdud kyi las byed par mi 'gyur gyi/ bdud las btul ba'i byang chub sems dpa' de dag dang lhan cig tu byang chub tu sems bskyed nas/ byang chub kyi phyogs kyi chos rnams yongs su rdzogs par 'gyur ro/ /de nas bdud sdig can dngangs skrag 'jigs te/ spu zing zhes byed nas/ 'khor de nas 'gro bar 'dod na 'gro ma nus te mi snang bar ma gyur na/ de de bas kyang cher dngangs shing skrag ste/ bcom ldan 'das kyi zhabs gnyis la gtugs nas 'di skad ces gsol to/ /byang chub sems dpa' blo gros rgya mtshos 'jig rten gyi khams der 'phang bar mi 'gyur bar bcom ldan 'das bdag la bskyab tu gsol/ bde bar gshegs pa bdag la bskyab tu gsol/ bcom ldan 'das kyis bka' stsal pa/ sdig can ma 'jigs shig /skyes bu dam pa 'di lta bu 'di dag ni sems can la rnam par 'tshe ba'i phyir gnas pa ma yin no/ /sdig can khyod byang chub sems dpa' blo gros rgya mtsho 'di la bzod pa gsol cig dang / 'di nyid khyod la skyob par 'gyur ro/ /de nas bdud sdig can gyis thal mo sbyar te/ byang chub sems dpa' blo gros rgya mtsho la phyag 'tshal nas 'di skad ces smras so/ /skyes bu dam pa khyod bdag la bzod pa mdzad du gsol/ </font><hr>53.121a<br><font size=+1>

bdag bde ba thams cad kyis brgyan pa'i 'jig rten gyi khams der mi 'phang bar gsol/ ji ltar gang na skyes bu dam pa khyod lta bu chos ston par gyur pa'i 'khor der bar chad bgyi ba'i slad du lan 'ga' yang mchi bar mi 'gyur ba de ltar bgyi'o/ /blo gros rgya mtshos smras pa/ sdig can kho bo lta bu dag la bzod pa gsol mi dgos so/ /byang chub sems dpa' rnams ni sems can thams cad la shin tu bzod pa nyid do/ /sdig can khyod bde ba thams cad kyis brgyan pa'i 'jig rten gyi khams der song la/ 'jig rten gyi khams kyi bkod pa de dang / bcom ldan 'das de bzhin gshegs pa bdud rab tu 'jom pa de la ltos shig dang khyod la 'tshe bar mi 'gyur ro/ /de nas byang chub sems dpa' blo gros rgya mtshos lag pa g.yas pa gser gyi kha dog can brkyang nas/ bdud sdig can gyi spyi bor bzhag nas/ bden pa dang bden pa'i tshig gang gis byang chub sems dpa' rnams la chos kyi ser sna dang / slob dpon chos kyi dpe mkhyud med pa'i bden pa dang bden pa'i tshig des bdag gis rdzu 'phrul rka gyi rkang pa ci 'dra bar bdud sdig can gyi yang de dang 'dra bar gyur cig ces de lta bu'i bden pa'i byin gyi brlabs byas so/ /byang chub sems dpa' blo gros rgya mtshos tshig de skad ces smras ma thag tu/ de nas bdud sdig can rdzu 'phrul gyi stobs mchog dang ldan par gyur te/ des stong gsum gyi stong chen po'i 'jig rten gyi khams 'di rnam pa drug tu g.yos par byas nas sangs rgyas kyi zhing 'di nas mi snang bar gyur te/ 'di ltar byang chub sems dpa' blo gros rgya mtsho'i byin gyi brlabs kyis skad cig thang cig yud tsam de la bde ba thams cad kyis brgyan pa'i 'jig rten gyi khams der gnas par gyur to/ /de nas bdud sdig can bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bdud rab tu 'jom pa ga la ba der song ste phyin nas/ bcom ldan 'das kyi zhabs</font><hr>53.121b<br><font size=+1>

la mgo bos phyag 'tshal te lan bdun bskor ba byas nas phyogs gcig tu 'dug go/ /de nas bcom ldan 'das de bzhin gshegs pa bdud rab tu 'jom pa de'i sangs rgyas kyi zhing na bdud las btul ba'i byang chub sems dpa' gang dag 'khod pa de dag gis bdud sdig can de mthong nas bcom ldan 'das de bzhin gshegs pa bdud rab tu 'jom pa de la 'di skad ces gsol to/ /bcom ldan 'das sems can dbang chung zhing mdog ngan la mi sdug pa 'di lta bu 'di gang nas mchis/ bcom ldan 'das des bka' stsal pa/ rigs kyi bu nub phyogs logs su sangs rgyas kyi zhing 'di nas gang gA'i klung bcu gnyis kyi bye ma snyed kyi sangs rgyas kyi zhing 'das pa na 'jig rten gyi khams mi mjed ces bya ba yod do/ /de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs so/ /'tsho'o gzhes so/ /de 'dus pa chen po'i le'u ni chos kyi rnams grangs rgya cher ston to/ /yang dag par rab tu 'chad do/ /der phyogs bcu nas byang chub sems dpa' tshad med grangs med cing bgrang ba las shin tu 'das pa dag /chos kyi rnam grangs 'di mnyan pa'i phyir 'dus so/ /byang chub sems dpa'i 'khor der byang chub sems dpa' sems dpa' chen po/ blo gros rgya mtsho zhes bya ba go cha bsam gyis mi khyab pa bgos pa/ bcom ldan 'das de la yongs su 'dri zhing yongs su 'drir 'jug pa yang 'dus par gyur to/ /chos kyi rnam grangs de'i tha ma bshad pa'i tshe bdud sdig can mig gis mi rtsol bar bya ba'i phyir 'ongs pa dang / skyes bu dam pa des 'dul ba'i dbang nye bar bzung ste/ bdud sdig can de 'jig rten gyi khams 'dir 'phangs so/ /de nas bdud las btul ba'i byang chub sems dpa' de dag gis bdud sdig can la 'di skad ces smras so/ /kho bo cag kyang khyod kyi grogs yin gyis/ sdig can khyod bla na med pa yang dag par</font><hr>53.122a<br><font size=+1>

rdzogs pa'i byang chub tu sems skyed cig /de ci'i phyir zhe na/ kho bo cag kyang bdud tu gyur te/ sems can rnams kyi dge ba'i rtsa ba bar chad bya ba'i phyir zhugs pa las/ kho bo cag de bzhin gshegs pas bla na med pa yang dag par rdzogs pa'i byang chub tu sems bskyed do/ /de lta bas na sdig can khyod bla na med pa yang dag par rdzogs pa'i byang chub tu sems skyed cig /de nas bdud sdig can gyis lhag pa'i bsam pas bla na med pa yang dag par rdzogs pa'i byang chub tu sems bskyed nas tshig 'di skad ces bdag gis/ bla na med pa yang dag par rdzogs pa'i byang chub tu sems bskyed de phyin chad bdud kyi las mi bya'o zhes smras so/ /de nas byang chub sems dpa' de dag gis bdud sdig can rin po che bkod pa'i seng ge'i khri la bzhug ste/ de na 'dus pa chen po'i le'u'i chos kyi rnams grangs kyi gtam rgyud ci 'dra ba la rigs kyi bu khyod spobs par gyis shig ces gsol ba btab bo/ /de nas byang chub sems dpa' blo gros rgya mtshos gang bdud sdig can seng ge'i khri la 'dug pa'i kha'i sgo dang / ba spu'i khung thams cad nas ji ltar bcom ldan 'das shAkya thub pas 'dus pa chen po'i le'u rab tu bshad pa lta bu'i gtam byung ste/ yi ge de dag dang / tshig dang / yi ge'i 'bru de dag dang mnyam zhing mi nyung mi mang ma lhag par 'gyur ba de lta bu'i byin gyi brlabs byas so/ /de nas byang chub sems dpa' de dag gis bdud sdig can de las 'dus pa chen po'i le'u'i gtam thos nas/ ngo mtshar du gyur te bcom ldan 'das de la 'di skad ces gsol to/ /bcom ldan 'das bdag cag 'jig rten gyi khams mi mjed de dang / bcom ldan 'das de bzhin gshegs pa shAkya thub pa de dang / byang chub sems dpa' blo gros rgya mtsho de dang / phyogs bcu'i 'jig rten gyi khams nas 'dus pa'i byang chub sems dpa'</font><hr>53.122b<br><font size=+1>

de dag blta bar bgyi'o/ /de nas bcom ldan 'das de bzhin gshegs pa bdud rab tu 'jom pas mdzod spu nas/ gzugs thams cad ston pa zhes bya ba'i 'od zer phyung ste/ 'od zer phyung ba des sangs rgyas kyi zhing gang gA'i klung bcu gnyis kyi bye ma snyed de dag las 'das te 'jig rten gyi khams mi mjed 'di snang ba chen pos khyab par gyur to/ /der byang chub sems dpa' de dag gis bcom ldan 'das de bzhin gshegs pa shAkya thub pa rin po che bkod pa'i 'khor gyi khyams na bskal pa brgyar yang bsngags pa'i mthar mi phyin pa'i seng ge'i khri chen po la bzhugs te/ phyogs bcu'i 'jig rten gyi khams nas 'dus pa'i byang chub sems dpa' rnams la 'dus pa chen po'i le'u'i chos kyi rnam grangs rgya cher yang dag par rab tu ston pa dang / byang chub sems dpa' blo gros rgya mtsho yang mthong ngo / /'jig rten gyi khams mi mjed chus yongs su gang ba'i rgya mtsho gcig lta bur gnas pa 'di yang mthong ngo / /de nas sgrib pa ci yang med par mthong ngo / /phyogs bcu'i 'jig rten gyi khams nas 'dus pa'i byang chub sems dpa' rgyang grags kyi tshad tsam gyi rin po che'i pad ma dag la 'khod cing chos nyan pa de dag kyang mthong ngo / /mthong nas kyang tshim zhing mgu la yid rangs shing rab tu dga' ste/ dga' ba dang / yid bde ba skyes nas bcom ldan 'das de bzhin gshegs pa shAkya thub pa ga la ba de logs su me tog gtor to/ /gtor ma thag tu sangs rgyas kyi mthus 'ongs nas/ bcom ldan 'das shAkya thub pa'i spyi gtsug gi mtshams su me tog gi gdugs chen por gyur to/ /der thams cad dang ldan pa'i 'khor des me tog gi gdugs de mthong nas ngo mtshar du gyur te/ bcom ldan 'das la 'di skad ces gsol to/ /bcom ldan 'das gang me tog gi gdugs 'di lta bur gyur pa'i me tog 'di dag gang nas mchis/ bcom ldan 'das kyis</font><hr>53.123a<br><font size=+1>

bka' stsal pa/ grogs po dag me tog 'di dag ni bde ba thams cad kyis brgyan pa'i 'jig rten gyi khams de nas 'ongs te/ byang chub sems dpa' de dag gis nga la mchod pa'i las kyi phyir gtor to/ /gsol pa bcom ldan 'das bdag cag gis bde ba thams cad kyis brgyan pa'i 'jig rten gyi khams de dang / bcom ldan 'das de bzhin gshegs pa bdud rab tu 'jom pa de dang / bdud sdig can 'jig rten gyi khams de na ci bgyid pa blta bar bgyi'o/ /de nas bcom ldan 'das kyis 'khor des gsol ba btab pa mkhyen nas/ byang chub sems dpa' blo gros rgya mtsho la bka' stsal pa/ rigs kyi bu khyod kyis bde ba thams cad kyis brgyan pa'i 'jig rten gyi khams de dang / bcom ldan 'das de bzhin gshegs pa bdud rab tu 'jom pa de dang / bdud sdig can de 'khor 'di la ston cig /de nas bcom ldan 'das kyis skabs phye bas byang chub sems dpa' blo gros rgya mtshos sor mo bcu las 'od zer stong phrag phyung nas/ 'od zer de dag gis sangs rgyas kyi zhing gang gA'i klung bcu gnyis kyi bye ma snyed pa de dag las 'das nas bde ba thams cad kyis brgyan pa'i 'jig rten gyi khams snang ba chen pos khyab par gyur to/ /der thams cad dang ldan pa'i 'khor des bde ba thams cad kyis brgyan pa'i 'jig rten gyi khams de dang / bcom ldan 'das de bzhin gshegs pa bdud rab tu 'jom pa de dang / bdud sdig can chos kyi khri chen po la 'dug ste 'dus pa chen po'i le'u'i gtam rgya cher yang dag par rab tu ston pa yang mthong ngo / /mthong nas kyang thams cad dang ldan pa'i 'khor de ngo mtshar du gyur nas rang rang gi pad ma'i stan las langs te/ bcom ldan 'das de bzhin gshegs pa bdud rab tu 'jom pa de la phyag 'tshal</font><hr>53.123b<br><font size=+1>

nas/ de dag gis mu tig dang / me tog gis gtor to/ /gtor ma thag tu sangs rgyas kyi mthus 'ongs nas bcom ldan 'das kyi spyi gtsug gi mtshams su me tog gi khang pa brtsegs pa chen por gnas par kun tu snang ngo / /de nas bdud sdig can gyis bcom ldan 'das de bzhin gshegs pa bdud rab tu 'jom pa de la 'di skad ces gsol to/ /bcom ldan 'das bdag mi mjed kyi 'jig rten gyi khams su bcom ldan 'das shAkya thub pa'i gan du mchi'o/ /bcom ldan 'das des bka' stsal pa/ rigs kyi bu de'i dus la dbab par shes na khyod song shig /de nas bdud sdig can gyis bcom ldan 'das de'i zhabs la mgo bos phyag 'tshal te lan bdun bskor ba byas nas sangs rgyas kyi zhing de nas mi snang bar gyur te/ byang chub sems dpa' blo gros rgya mtsho'i byin gyi brlabs dang / rdzu 'phrul gyis skad cig thang cig yud tsam de la mi mjed kyi 'jig rten gyi khams 'dir gnas par gyur to/ /de nas bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te/ lan bdun bskor ba byas nas bcom ldan 'das la phyag 'tshal te phyogs gcig tu 'dug go/ /de nas tshe dang ldan pa shA ra dwa ti'i bus bdud sdig can la 'di skad ces smras so/ /grogs po khyod kyis 'jig rten gyi khams bde ba thams cad kyis brgyan pa de mthong ngam/ smras pa/ btsun pa shA ra dwa ti'i bu bdag gis 'jig rten gyi khams ji tsam du yongs su dag pa de mthong ste/ ji ltar dag cing dri ma med pa'i sems can mchog byang chub sems dpa' rnams kyi gnas de ngo mtshar to/ /bdag gis de mthong nas kyang bla na med pa yang dag par rdzogs pa'i byang chub tu sems bskyed do/ /smras pa/ grogs po khyod kyis bla na med pa yang dag par rdzogs pa'i byang chub</font><hr>53.124a<br><font size=+1>

tu sems dpa' rnams la bdud kyi las byed pa de nyid/ sangs rgyas kyi phrin las su brjod kyi bdud kyi las ni ma yin pa de ltar rig par bya'o/ /sangs rgyas kyi zhing kun tu bstan pa dang / bdud kyi cho 'phrul bstan pa 'di bshad pa na 'khor de las srog chags nyis khris bla na med pa yang dag par rdzogs pa'i byang chub tu sems bskyed do/ /bdud kyi 'khor de las kyang bdud kyi bu khri bla na med pa yang dag par rdzogs pa'i byang chub tu sems bskyed nas mgrin gcig tu bcom ldan 'das bdag cag 'jig rten gyi khams bde ba thams cad kyis/ rgyan pa der skye bar gyur cig ces tshig de skad ces smras pa dang / bcom ldan 'das kyis kyang de dag sangs rgyas kyi zhing der skye bar lung bstan to/ /sangs rgyas kyi zhing kun tu bstan pa'i le'u ste bcu gcig pa'o// // de nas bcom ldan 'das la byang chub sems dpa' blo gros rgya mtshos 'di skad ces gsol to/ /bcom ldan 'das de bzhin gshegs pa rnam kyi byang chub 'di ni bar chad mang ba phyir rgol ba mang ba lags na/ gang 'di lta bu'i mdo sde 'di dag de bzhin gshegs pa'i byin gyi brlabs kyis nub par mi 'gyur zhing rgyas par 'gyur ba dang / gang dag 'dzin pa dang klog pa dang / ston pa de dag la yang bdud dam bdud kyi ris kyi lha rnams kyis glags rnyed par mi 'gyur ba dang / dam pa'i chos yun ring du gnas pa dang mdo sde 'di lta bu 'di dag kyang kun tu bsrung ba dang sba ba dang / yongs su gzung ba'i slad du/ bcom ldan 'das de bzhin gshegs pas legs par byin gyis brlab tu gsol/ de skad ces gsol pa dang / bcom ldan 'das kyis byang chub sems dpa' blo gros rgya mtsho la 'di skad ces bka' stsal to/ /blo gros rgya mtsho sems can gang dag mdo sde 'di lta bu 'di dag 'dzin pa dang / ston par 'gyur zhing 'dod pa brtson 'grus brtsams pa/ dge ba'i rtsa ba bskyed pa de dag 'dul ba'i dbang nye bar gzung ste chos kyi rnam grangs 'di byin gyis brlabs zin to/ /blo gros rgya mtsho de'i phyir legs par rab tu nyon la yid la zung shig dang / tshig gang dag gis rgyal po chen po bzhi dag bkug nas chos kyi rnam grangs 'di kun tu bsrung ba dang / chos smra ba de dag kyang</font><hr>53.124b<br><font size=+1>

yongs su gzung ba'i phyir nan tan byed par 'gyur ba'i rgyal po chen po bzhi dgug pa'i tshig rnams brjod par bya'o/ /blo gros rgya mtsho dgug pa'i tshig de dag gang zhe na/ 'di lta ste/ me sa masti nas ra Nas ra ba te han b+ha na ba ti d+hu d+hu me d+hu d+hu ma ba te a brte a ma le bi ma le/ bi dza re ka ka re ka ru Ne/ hu hu hu hu ba te hu hu s+d+hin/ nir+g+ha ta ni a bat+te/ kli bat+te mad+hu ma ti ma ra dza te/ bi shud+d+he bi shud+ha ba ti/ mi su le ma no ha re/ blo gros rgya mtsho 'di dag ni dgug pa'i tshig rnams yin te/ tshig de dag gis rgyal po chen po bzhi bkug nas chos kyi rnam grangs 'di kun tu bsrung ba dang / chos smra ba de yang yongs su gzung ba'i phyir nan tan byed par 'gyur ro/ /sngags kyi tshig 'di rnams chos smra ba des legs par kha don du byas te/ phyogs bzhir byams pas khyab par byas la rgyal po chen po bzhi bsam na/ sngags kyi tshig 'di dag gis rgyal po chen po bzhi bkug nas 'ong bar 'gyur ro/ /de nas rgyal po chen po bzhi 'khor de nyid du 'dus par gyur te 'dug pa de dag stan las langs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das rgyal po chen po bzhi po bdag cag lhan cig tu 'thun par gang na yang dag pa dang lhan cig pa'i rgyud kyis chos kyi rnam grangs 'di 'chad par 'gyur ba der/ chos kyi rnam grangs 'di yang kun tu srung ba dang chos smra ba de yang yongs su gzung ba dang / ci nas gang gis kyang ma bsgribs pa 'am gnad par bgyid par mi 'gyur bar bgyi ba'i slad du mchi bar bgyi'o/ /blo gros rgya mtsho gzhan yang lha'i dbang po brgya byin dgug pa'i tshig brjod par bya ste/ tshig de dag gis lha'i dbang po brgya byin dgug par 'gyur ro/ /lha'i dbang po brgya byin dgug par 'gyur ba'i tshig de dag gang zhe na/ 'di lta ste dza ye dza ya ma ti ad+de maT+Te ma~M ku re sid+d+ha ma ti shu b+hi shAn+ti ka re na da ne dAn+te dAn+te ma ta/ tang+ka re k+Sha ya k+Sha ya mu khe ya/ bat+ta ni bi ban+ta ni pa ri ts+tshe d-i smri ti smri ti san+d+hi \u0f7fA gats+tsha kau shi ka /nirdzi tA/ a su ra/ dza yan+ti de ba sa ma ya ste a ba d+harma nirdzi to/ ra ma hi swAsti ya nA ma b+ha da nAM a rak+Sha d+harma tsA ri NAM/ blo gros rgya mtsho 'di dag ni lha'i dbang po rgya byin dgug pa'i tshig ste de dag gis lha'i dbang po rgya byin dgug</font><hr>53.125a<br><font size=+1>

par 'gyur ro/ /der chos smra ba des sngags kyi tshig 'di dag legs par kha ton du byas la gtsang ba dang / gtsang sbra'i cho gas khrus legs par byas te/ gos bzang po bgos la/ shar phyogs su me tog gtor te/ sangs rgyas thams cad bsam pa'i dran pa dang / sems can thams cad la snying rje chen po dang rab tu ldan pas seng ge'i khri la 'dug ste lha'i dbang po brgya byin bsams la/ kau shi ka 'khor legs par yongs su gzhag pa'i phyir tshur shog /sngags kyi grub pa mngon sum du gyis shig ces brjod na/ de'i bsam pa shin tu rnam par dag cing yongs su dag la tshul khrims yongs su dag pas bsams ma thag tu lha'i dbang po brgya byin 'ongs nas 'khor yongs su 'jog par 'gyur/ sngags kyi grub pa yang nye bar bsgrub par 'gyur ro/ /de nas lha'i dbang po brgya byin 'khor de nyid du 'dus par gyur te/ 'dug pa des bcom ldan 'das la 'di skad ces gsol to/ /bcom ldan 'das chos kyi rnam grangs 'di yongs su gzung ba dang / yun ring du gnas par bgyi ba'i slad du bdag chos smra ba de'i drung du mchi bar bgyi/ de'i 'khor kyang yongs su gzhag par bgyi/ sngags kyis grub pa yang nye bar bsgrub par bgyi'o/ /bcom ldan 'das bdag gis chos kyi rnam grangs 'di sum bcu rtsa gsum gyi lha rnams la rgya cher yang dag par rab tu bshad par bgyi'o/ /de ci'i slad du zhe na/ bcom ldan 'das 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub sems dpa'i spyod pa 'di las bstan pa'i slad du'o/ /bcom ldan 'das bdag gis 'das pa dang / ma byon pa dang / da ltar byung ba'i sangs rgyas bcom ldan 'das rnams kyi chos la gus par bgyis te/ chos kyi rnam grangs 'di rgya cher yang dag par rab tu bstan par bgyi'o/ /de nas bcom ldan 'das kyis lha'i dbang po brgya</font><hr>53.125b<br><font size=+1>

byin la legs so zhes bya ba byin te/ kau shi ka khyod kyis dam pa'i chos yongs su gzung ba'i phyir seng ge'i sgra bsgrags pa legs so legs so/ /de lta bu ni khyod kyi bya ba'o/ /lha'i dbang po khyod kyis chos kyis rnam grangs 'di bsams na lha rnams ni rgyal zhing lha ma yin rnams ni pham par 'gyur bar shes par bya'o/ /blo gros rgya mtsho gzhan yang bdud dang bdud kyi ris kyi lha rnams tshar gcad pa'i sngags kyi tshig 'di rnams brjod par bya ste/ sngags kyi tshig de dag gis bdud dang bdud kyi ris kyi lha rnams tshar chod par 'gyur ro/ /sngags kyi tshig de dag gang zhe na/ 'di lta ste/ sha me/ sha ma ba ti/ sha mi ta sha tru/ a~M gu re/ ma~M gu re/ mA ra dzi te/ ka rA Te/ ke yU re/ te dzo ba ti/ o ho ka ma ti/ bi sha Tha/ nirma le/ ma lA pa na ye/ o kha re/ o kha rA/ gra se/ kha yA gra se/ gra sa te/ he mu khI/ pa rA mu khi/ a mu khI/ sha mi tA ni/ sarba gra ha ban+d+ha nA ni/ ni gr-i hi tA/ sarba pa ra pra bA di na/ bi muk+tA mA ra pA shAH/ s+thA pi tA bud+d+ha mu drA/ sa mung+g+ha ti tAH/ sarba mA rA/ su tsa ri ta pa da pa ri shud+d+h+ya b+hI ga ts+tshan+ti sarba mA ra karma Ni/ blo gros rgya mtsho 'di dag ni bdud tshar bcad pa'i tshig /nyon mongs pa bsal ba'i tshig ste/ de dag chos smra ba/ des legs par kha gton du byas la chos kyi khri la 'dug ste/ byang chub kyi rnam pas mngon par bsgrubs pa'i byams pas 'khor thams cad la khyab par byas la/ bdag la sman par 'du shes dang / chos la sman gyi 'du shes dang / chos nyan pa la nad pa'i 'du shes dang / de bzhin gshegs pa la skyes bu dam pa'i 'du shes dang / chos kyi tshul la yun ring du gnas pa'i 'du shes bskyed la/ sngags kyi tshig 'di dag mngon du byas te/ chos kyi gtam byed na/ de'i khor yug dpag tshad brgya tshun chad du bdud dang bdud kyi ris kyi lha rnams mig gis</font><hr>53.126a<br><font size=+1>

mi rtsol bar bya ba'i las kyi phyir 'ong bar mi 'gyur ro/ /gang dag 'ong ba de dag kyang bar chad byed par mi nus so/ /de nas bcom ldan 'das la bdud sdig can gyis 'di skad ces gsol to/ /bcom ldan 'das gang bdag byang chub sems dpa' blo gros rgya mtshos 'jig rten gyi khams/ bde ba thams cad kyis brgyan par 'phangs pa skyes bu dam pa de dag gis byin gyi brlabs dang / rdzu 'phrul dang / cho 'phrul 'di bdag la mngon sum du gyur to/ /bcom ldan 'das bdag deng slan chad bdud kyi sug las thams cad 'dor ro/ /gang dag na chos kyi rnam grangs 'di ston pa dang / yang dag par rab tu ston par 'gyur ba'i grong ngam/ grong khyer ram/ grong rdal lam/ gtsug lag khang der chos mnyan pa'i slad du bdag nga rgyal ma mchis pa dang / gus pa dang bcas shing zhe sa dang bcas pas mchis par bgyi'o/ /bcom ldan 'das kyis bka' stsal pa/ sdig can legs so legs so/ /khyod chos la gus pa'i rnam par smin pa 'dis rim gyis bdud kyi las thams cad las shin tu 'das te/ gang skyes bu dam pa de dag gis thob pa'i chos de dag rjes su 'thob par 'gyur ro/ /blo gros rgya mtsho gzhan yang mi mjed kyi bdag po tshangs pa dgug pa'i sngags kyi tshig rnams brjod par bya ste/ dgug pa'i sngags kyi tshig de dag gis tshangs pa bkug nas chos smra ba'i gan du 'ong bar 'gyur ro/ /sngags kyi tshig de dag gang zhe na/ 'di lta ste/ mai tre ka re/ ka ru Na ka re/ mu di ta ka re/ u pe k+Sha ka re/ bud+d+ha ka re/ d+harma ka re/ saM g+ha ka re/ su gri ta bi tsa ye/ ma ha bi tA ne/ ni s+pha re/ ta k+ke/ o dzo ba ti/ o dzo ga me/ d+harmA Na/ na da ni/ sa t+ya pra tiSh+Tha ne/ u pa pa/ ti bi bud+d+he/ swa tsit+ta u pa sha me/ bya ba lo ka ya brah+ma Na/ byu tiSh+Tha na ma ste/ a bek+Sha/ </font><hr>53.126b<br><font size=+1>

swa d+harma tsa ra NA~M/ ku ru sad+harma pa ri grA ha Na/ kri ta ma nu bA la ya/ bud+d+ha ni/ ti ma ma bya ba tshe ba si sma ra ta/ d+harma tsakra pra brta nA~M/ ku ru sa twa bi shod+ha nA~M/ pra ti gri ha na/ d+harmA nA ga ra mA lA nA~M/ bud+d+ha a d+hiSh+ThA nA~M/ ma bi ka u pa ya/ blo gros rgya mtsho mi mjed kyi bdag po tshangs pa dgug pa'i sngags pa'i tshig 'di dag chos smra ba des legs par kha gton du byas la tshangs pa'i lam la shin tu gnas te/ zhe 'gras pa med pa'i/ sems kyi rgyud dang / dbang po shin tu sbas pa dang / shin tu bsrungs pa'i dran pa dang / shin tu dkar ba'i phyag rgya dang / shin tu yongs su dag pa'i lus kyi las dang / shin tu dben pas zin pa'i ngag gi las dang / shin tu brtan pa'i blo dang / legs par byas pa'i bzod pa'i las dang / shin tu yongs su sbyangs pa'i tshul khrims kyi phung po dang / legs par brtsams pa'i brtson 'grus kyi stobs dang / shin tu bsten pa'i mang du thos pa dang / shin tu yongs su bsgoms pa'i sems las su rung ba dang / shin tu rno ba'i shes rab kyi dbang po dang / shin tu brtson pa'i yang dag pa'i sbyor ba dang / byang chub kyi sems kyis legs par zin pa dang / shin du yongs su bsgoms pa'i byams pa dang / shin tu brtan pa'i snying rje chen pos sems can thams cad kyi bde ba yang dag par skyed pa dang / sems can thams cad sdug bsngal las shin tu yongs su dgrol ba'i phyir seng ge'i khri la 'dug ste/ mi mjed kyi bdag po tshangs pa bsams la chos kyi gtam yang dag par rab tu brjod na/ des bsams ma thag tu tshangs pa tshangs ris kyi lha'i bu rnams dang lhan cig tu 'ong bar 'gyur ro/ /blo gros rgya mtsho de la tshangs pa 'ong bar 'gyur ba'i ltas ni 'di lta bu 'di dag 'byung bar 'gyur te/ 'di lta ste/ 'khor thams cad byams pa'i</font><hr>53.127a<br><font size=+1>

sems su 'gyur ba dang / dbang po nyams pa med pa dang / gcig la gcig mi gnod par gnas pa dang / chos dang chos smra ba la ston pa dang / bla ma ltar phangs par sems pa dang / thal mo sbyar ba dang sems rtse gcig pa dang / mi g.yeng bar yid la byed pa dang / rus shing ltar byed pa dang / yid la byed pa dang / sems thams cad kyis sems pa dang / rna ba blags te nyan pa dang / chos smra ba de yang sngon lung ma mnos pa dang / sngon ma thos pa'i chos rnams kyang mngon du 'gyur ba ste/ 'khor der mi mjed kyi bdag po tshangs pa 'ongs par rig par bya'o/ /de nas mi mjed kyi bdag po tshangs pa 'khor de nyid du 'dus par gyur te 'dug pa des/ bcom ldan 'das la 'di skad ces gsol to/ /bcom ldan 'das bdag tshangs pa'i 'jig rten du gnas te/ bsam gtan dang tshad med pa'i bde ba la gnas pa bor la gang na chos kyi rnam grangs 'di ston pa'i 'khor der mchi bar bgyi'o/ /chos smra ba de la yang chos brgyad bsgrubs par bgyi'o/ /brgyad gang zhe na/ ji ltar thos pa'i chos mi bskyud par bgyi ba'i slad du de la dran pa bsgrub par bgyi/ chos zab mo rtogs par bgyi ba'i slad du de la blo gros bsgrub par bgyi/ don gyi rnam par rtogs par bgyi ba'i slad du de la rtogs pa bsgrub par bgyi/ the tsom thams cad gcad pa'i slad du de la spobs pa bsgrub par bgyi/ skad dang nges pa'i tshig thams cad kyis yongs su tshim par bgyi ba'i slad du de la lung bstan pa phun sum tshogs pa bsgrub par bgyi/ 'khor thams cad zil gyis mi non par bgyi ba'i slad du de la 'dul ba bsrung ba bsgrub par bgyi/ mi dman par lung bstan pa'i slad du de la chos kyi snang ba bsgrub par bgyi/ de bgyid cing chos bsgrub pa'i slad du de la nges par 'byung ba'i sgo bsgrub par bgyi ste/ bcom ldan 'das chos smra ba de la chos brgyad po 'di dag bsgrub par bgyi'o/ /chos smra ba</font><hr>53.127b<br><font size=+1>

de la bsrung zhing sba ba dang / dam pa'i chos kyang yun ring du gnas par bgyi ba'i slad du 'di lta ste/ de bzhin gshegs pa nyid kyi byin gyi brlabs kyis ji ltar chos kyi rnam grangs 'di rgyas par 'gyur ba de ltar bdud thams cad dang phas kyi rgol ba thams cad shin tu tshar bcad par bgyi'o/ /de nas bcom ldan 'das la byang chub sems dpa' blo gros rgya mtshos 'di skad ces gsol to/ /de bzhin gshegs pa yongs su mya ngan las 'das te/ tha ma'i dus kyi tshe ci nas dge ba'i rtsa ba bskrun pa'i sems can rnams kyi sug par mchi ba dang / mdzod du chud pa dang / glegs bam du 'gyur zhing nub par mi 'gyur bar bcom ldan 'das nyid kyis chos kyi rnam grangs 'di byin gyi brlab tu gsol/ de nas bcom ldan 'das kyis byang chub sems dpa' blo gros rgya mtshos gsol ba btab pa mkhyen nas/ mdzod spu nas 'di lta bu'i 'od phyung ste/ 'od des stong gsum gyi stong chen po'i 'jig rten gyi khams 'di snang ba chen po khyab par gyur nas/ stong gsum gyi stong chen po'i 'jig rten gyi khams 'di na rtswa dang / shing gel pa dang / sman dang / nags tshal dang / rdo dang gyo mo dang gzugs su snang ba de dag thams cad de bzhin gshegs pa'i gzugs su snang ngo / /rin po che bkod pa'i khyams na mchod pa'i las byin gyis brlabs pa'i gzugs kyi rnam pa gang dag yod pa de dag kyang de bzhin gshegs pa'i gzugs nyid du gnas par kun tu snang ngo / /de bzhin gshegs pa'i gzugs de dag gis gsung gcig tu/ kye ma'o chos kyi rnam grangs 'di ni bcom ldan 'das shAkya thub pas byin gyis brlabs so/ /gang bcom ldan 'das kyis byin gyis brlabs pa de phyogs bcu'i sangs rgyas bcom ldan 'das thams cad kyis byin gyis brlabs pa'o/ /gang sangs rgyas bcom ldan 'das thams cad kyis byin gyis brlabs pa</font><hr>53.128a<br><font size=+1>

de la bdud thams cad kyis bar chad bya bar mi nus so/ /bcom ldan 'das gal te gang gA'i klung gi bye ma snyed kyi bdud dpung dang bcas/ g.yog 'khor dang bcas/ chos kyi rnam grangs 'di la bar chad bya bar btub kyang de dag gis chos kyi rnam grangs 'di la bar chad bya bar mi nus so/ /de ci'i phyir zhe na/ sa 'gas kyang srid/ rgya mtsho thams cad ni skam yang srid/ ri thams cad ni rnam par mthor yang srid/ rlung ni zhags pas bcing du rung yang srid/ nyi ma dang zla ba ni sa'i steng du ltung yang srid/ nam mkha' ni gzugs kyi rnam par bstan du rung yang srid/ me ni chur 'gyur yang srid/ chu ni mer 'gyur yang srid/ 'byung ba chen po bzhi ni gzhan du 'gyur yang srid/ sems can thams cad kyi sems ni gcig tu byar rung yang srid/ nam mkha' dang sa ni 'byar yang srid kyi/ de bzhin gshegs pa'i byin gyis brlabs ni sus kyang bskyod pa 'am g.yo ba 'am 'khrugs par byed mi nus so zhes gsungs so/ /de nas bcom ldan 'das kyis tshe dang ldan pa kun dga' bo'i spyi bor phyag bzhag ste/ tshe dang ldan pa kun dga' bo la 'di skad ces bka' stsal to/ /kun dga' bo khyod kyis dam pa'i chos yun ring du gnas par bya ba nye bar bzung ste/ chos kyi rnam grangs 'di zung shig /chongs shig /lhogs shig /kun chub par gyis shig /gzhan dag la yang rgya cher yang dag par rab tu ston cig /de nas bcom ldan 'das la byang chub sems dpa' blo gros rgya mtshos 'di skad ces gsol to/ /bcom ldan 'das kyis don gyi dbang gang gzigs nas de la rgya mtsho dang mtsho chen po ltar/ gting dpag dka' ba'i dran pa dang blo rab tu thob pa'i byang chub sems dpa' gzhan dag mchis bzhin du/ dge slong kun dga' bo nyi tshe ba'i 'tshal ba dang ldan pa la chos kyi le'u 'di lta bu</font><hr>53.128b<br><font size=+1>

'di yongs su gtad/ bcom ldan 'das kyis bka' stsal pa/ blo gros rgya mtsho dge slong kun dga' bo rang gi blo'i stobs bskyed pas mdo sde 'di lta bu 'dzin pa ma yin gyi/ de bzhin gshegs pa'i byin gyis brlabs kyis 'dzin to/ /blo gros rgya mtsho sems can gang dag dge slong kun dga' bo las chos kyi rnam grangs 'di thos na dga' ba dang / dad pa dang / mchog tu dga' ba thob par 'gyur ba yod de/ de dag 'di snyam du 'di lta ste/ de bzhin gshegs pa'i byin gyis brlabs kyis 'di ltar nyan thos kyang 'di lta bu'i mdo sde 'di 'dzin cing ston pa ni/ de bzhin gshegs pa'i byin gyi brlabs ci tsam du bsam gyis mi khyab pa ngo mtshar to snyam du sems par 'gyur ro/ /de nas 'khor de las lha dang mi kha cig 'di snyam du sems te/ ci byang chub sems dpa' blo gros rgya mtsho 'di dran pa rab tu ldan pa yin gyi/ gang bcom ldan 'das kyis mang du thos pa'i mchog tu bstan pa'i tshe dang ldan pa kun dga' bo ni de lta ma yin no snyam mo/ /de nas tshe dang ldan pa 'od srung chen pos 'khor de'i sems kyi rnam par rtog pa sems kyis shes nas 'khor gyi sems can rnams la rnam par bltas te/ bcom ldan 'das la 'di skad ces gsol to/ /bcom ldan 'das byang chub sems dpa' blo gros rgya mtsho 'di rab tu dran pa dang ldan pa lags kyi gang bcom ldan 'das kyis mang du thos pa rnams kyi mchog tu bstan pa tshe dang ldan pa kun dga' bo ni ma lags sam/ bcom ldan 'das kyis bka' stsal pa/ 'od srung gang gA'i klung gi bye ma snyed kyi sangs rgyas kyi zhing dag na sems can ji rtsam du bsdu bar bsdus pa'i sems can gyi khams ni rab tu mang gi sa'i khams ni de lta ma yin no/ /zhes gang de skad du bya ba de la ji snyam du sems/ 'od srungs sems</font><hr>53.129a<br><font size=+1>

can gyi khams de mang ngam/ 'od srung gis gsol pa/ bcom ldan 'das mang lags so/ /bde bar gshegs pa tshad ma mchis so/ /bcom ldan 'das kyis bka' stsal pa/ 'od srung yongs su rtag pa nye bar bzung ste/ sems can de dag thams cad snga phyi med par mi'i lus thob par gyur la/ de bzhin du ji ltar dge slong kun dga' bo ltar dran pa dang gzungs kyi stobs dang yang ldan par gyur kyang kun dga' bo lta bu'i sems can de dag gis dran pa dang gzungs kyi stobs de ni/ byang chub sems dpa' blo gros rgya mtsho'i dran pa dang / gzungs kyi stobs bskyed par brgya'i char yang nye bar mi 'gro ba nas dpe'i bar du yang mi bzod do/ /'od srung byang chub sems dpa' blo gros rgya mtsho ni phyogs bcu'i sangs rgyas bcom ldan 'das thams cad kyis gsungs pa 'dzin to/ /de bzhin gshegs pa gcig gis chos bstan pas de bzhin gshegs pa gnyis kyis chos bstan pa la sgrib pa 'am/ kun nas ldang ba'i bya ba mi byed do/ /'od srung 'di lta ste/ dper na/ rgya mtsho chen por shing rta'i srog shing tsam gyi char pa'i rgyun 'bab pa'i chu rgyun gcig gis chu'i rgyun gnyis pa la sgrib pa 'am kun nas ldang ba'i bya ba mi byed de/ chu'i rgyun thams cad kyang rgya mtsho chen pos blangs nas de la 'grib pa 'am gang ba yang med do/ /'od srung de bzhin du byang chub sems dpa' blo gros rgya mtsho sangs rgyas bcom ldan 'das thams cad kyi chos bstan pa kun tu 'dzin kyang / de bzhin gshegs pa gcig gis chos bstan pas de bzhin gshegs pa gnyis kyis chos bstan pa la sgrib pa 'am/ kun nas ldang ba'i bya ba mi byed de/ de'i dran pa'i stobs skyed pa la bri ba'am gang ba yang med do/ /bstan pa 'di bshad pa na srog chags brgya stong gis bla na med pa yang dag par rdzogs pa'i byang chub tu sems bskyed de/ tshig 'di</font><hr>53.129b<br><font size=+1>

skad ces bdag cag kyang byang chub sems dpa' blo gros rgya mtsho'i dran pa'i stobs bskyed pa ci 'dra ba de 'dra bar gyur cig ces smras so/ /thams cad dang ldan pa'i 'khor gyis lha'i dang / mi'i me tog gis bcom ldan 'das dang byang chub sems dpa' blo gros rgya mtsho la gtor mngon par gtor to/ /de nas bcom ldan 'das la byang chub sems dpa' pad ma bkod pas 'di skad ces gsol to/ /bcom ldan 'das rigs kyi bu 'am rigs kyi bu mo gang chos kyi sgo'i le'u 'di thos nas mos pa dang / mos nas kyang 'dzin pa dang / 'chang ba dang / klog pa dang / 'don pa dang / rtog pa dang / de bzhin nyid du nan tan bgyis pa de bsod nams ji tsam zhig skyed par 'gyur/ de nas bcom ldan 'das kyis byang chub sems dpa' pad ma bkod pa la tshigs su bcad de bka' stsal pa/ stong chen po yi 'jig rten khams 'di ni/ /gser gyis bkang ste bde gshegs phul ba bas/ /gang gis chos kyi mdzod 'di thos nas ni/ /mos pa'i bsod nams 'di ni khyad par 'phags/ /gang gis 'jig rten khams khri rin chen bkang / /de bzhin gshegs pa rnams la phul ba bas/ /gang gis mdo sde 'di la 'jug byas pa/ /bsod nams de la snga mas bskyed du med/ /gang gis 'jig rten khams ni stong phrag bcu/ /rin chen bkang ste sbyin pa byin pa bas/ /gang gis mdo 'di bton nas ston pa yi/ /bsod nams de'i cha ni snga ma min/ /zhing ni bye ba khrag khrig stong gi rnams/ /rin chen bkang ste 'jig rten slob dpon skyob/ /sangs rgyas rnams la dbul bar phul ba bas/ /gang gis tshul 'dir rab tu sbyor ba dang / /phyogs bcu rnams su gang gA'i bye snyed zhing / /rin chen bkang ste rgyal la phul ba bas/ /ji ltar bstan pa bzhin du gang gnas pa'i/ /bsod nams de la mnyam pa yod ma yin/ /rdzogs pa'i byang chub sems dang chos 'dzin dang / /</font><hr>53.130a<br><font size=+1>

chos sgrub pa dang srog chags snying rje ba/ /chos bzhi 'di dag bsod nams mtha' yas te/ /de dag mtha' ni bde gshegs mi gsung ngo / /nam mkha'i khams dang de bzhin sems can khams/ /sangs rgyas ye shes dang ni byang chub sems/ /chos bzhi 'di dag dpag tu med pa ste/ /mkhas pa rnams kyis de thos dogs mi bya/ /dkon mchog chos 'di rab tu bshad pa na/ /phyogs bcu'i zhing ni bye ba g.yos par gyur/ /snang ba byung zhing me tog char yang bab/ /sil snyan brgya dag ma dkrol sgra yang byung / /byang chub sems dpa' mkhas pa de dag kun/ /mgu nas ched du brjod pa ched du brjod/ /chos bstan 'di 'dra 'di thos bdag cag rnams/ /'tsho ba don yod rnyed pa legs par rnyed/ /gang dag byang chub sems ni mi brjed pa/ /de dag de bzhin gshegs pas shin tu bzung / /phyogs bcu'i sangs rgyas stong phrag bye ba rnams/ /phyag ni g.yas pa rab tu rkyang mdzad de/ /yon tan rgya mtsho'i spyi bor bzhag nas ni/ /shAkya seng ge'i bskul ba legs shes gsungs/ /lha dang klu dang lha min mi 'am ci/ /dri za gnod sbyin mkha' lding lto 'phye che/ /brgya byin tshangs pa 'jig rten skyong ba rnams/ /nam mkhar gnas te ched du brjod pa brjod/ /shAkya seng ge 'di dang dge 'dun dang / /mdo sde 'di 'dra ba ni 'dzin byed pa/ /byang chub sems dpa' dpa' bo ring gnas gyur/ /legs gsungs chos ni gzhar yang nub mi 'gyur/ /gang dag chos kyi tshul ni 'di 'dzin pa/ /de dag la ni bdag cag bsnyen bkur bgyi/ /bdag cag thams cad gus dang bcas par ni/ /kun tu srung zhing sba bar spro bar bgyi/ /de nas bcom ldan</font><hr>53.130b<br><font size=+1>

'das kyis byang chub sems dpa' blo gros rgya mtsho la bka' stsal pa/ blo gros rgya mtsho chos kyi tshul chos kyi phyag /chos btus pa chos rab tu dbye ba 'di ni 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyis bshad pa/ 'chad pa 'chad par 'gyur ba ste/ blo gros rgya mtsho khyod kyis de la gus pa dang bcas pa dang / zhe sa dang bcas pa dang / sgrub pa snying por bya'o/ /bcom ldan 'das kyis de skad ces bka' stsal nas/ byang chub sems dpa' sems dpa' chen po blo gros rgya mtsho dang / thams cad dang ldan pa'i byang chub sems dpa'i tshogs de dag dang / dge slong gi dge 'dun dang / lha dang mi dang lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// //byin gyis brlabs kyi le'u ste bcu gnyis pa'o/ /'dus pa chen po'i le'u 'i chos kyi rnam grangs las/ 'phags pa blo gros rgya mtshos zhus pa zhes bya ba'i le'u ste lnga pa/ rdzogs so// // rgya gar gyi mkhan po 'dzi na mi tra dang / dA na shrI la dang / bud d+ha pra b+ha dang / zhu chen gyi lots+tsha ba ban de ye shes sdes bsgyur cing zhus te skad gsar chad kyis kyang bcos nas gtan la phab pa/ the zhus dag go/ / </font><hr>

</table>