J92

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J92</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J92&coll=lithang">see text in Tibetan script</a></table>52.189b<br><font size=+1>

@#/   /rgya gar skad du/ Ar+ya ga ga na gany+dza pa ri pri ts+tshA nA ma ma hA yA na sU tra/  bod skad du/  'phags pa nam mkha' mdzod kyis zhus pa zhes bya ba theg pa chen po'i mdo/  bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das de bzhin gshegs pa'i spyod yul rin po che bkod pa'i 'khor gyi khams de bzhin gshegs pa'i gnas/ bsod nams chen po'i rgyan gyis tshogs bags pa/ spyod pa chen po'i rgyu mthun pa/ sangs rgyas kyi chos thams cad rnam par smin pas mngon par</font><hr>52.190a<br><font size=+1>

grub pa/ byang chub sems dpa' chen po'-i gnas mtha' yas pa nges par bstan pa/ de bzhin gshegs pa'i rnam par sprul pa'i byin gyi brlabs/ mi chags pa'i spyod yul gyi ye shes la 'jug pa/ dga' ba rgya chen po rab tu skyed pa/ dran pa dang / blo gros dang / rtogs pa la 'jug pa/ kun nas ma smad pa/ ye shes kyis rnam par dpyod pa/ de'i rang bzhin ma yin pa la 'jug pa/ phyi ma'i mtha'i bskal par mngon du bstod pa/ yon tan gyi tshogs thams cad dpag tu med pa na bzhugs te/ bcom ldan 'das chos thams cad kyi mnyam pa nyid ni mngon par rdzogs par sangs rgyas/ chos kyi 'khor lo ni rab tu bskor/ slob ma shin du dul ba mtha' yas pa'i tshogs ni mnga'/ chos thams cad la ni mnga' brnyes/ sems can thams cad kyi bsam pa'i bya ba ni shin du mkhyen/ dbang po dam pa'i pha rol du ni byon/ sems can thams cad kyi nyon mongs pa'i bag chags kyis mtshams sbyor ba yang dag par 'jom pa la ni mkhas shing / sangs rgyas kyi mdzad pa lhun gyis grub pa ni rgyun ma bcad do/ /dge slong sa ya phrag drug gi dge slong gi dge 'dun chen po dang thabs gcig ste/ thams cad kyang cang shes kyi sems dang ldan pa/ yang dag pa'i shes pas sems shin du rnam par grol ba/ nyon mongs pa thams cad kyi bag chags kyis mtshams sbyor ba yang dag par 'jom pa la brtson pa de bzhin gshegs pa chos kyi rgyal po'i sras chos zab mo la gnas par mkhas pa/ dmigs su med pa'i chos las nges par byung ba/ spyod lam mdzes pa phun sum tshogs pa/ sbyin pa'i gnas chen por gyur pa/ de bzhin gshegs pa'i bka' la shin du zhugs pa sha stag go/ /sangs rgyas kyi zhing sna tshogs nas 'dus pa'i byang chub sems dpa' sems dpa' chen po dpag tu med grangs med bsam gyis mi khyab mtshungs pa med pa gzhal du med pa tshad med pa brjod du med pa'i yang brjod du med pa'i byang chub sems dpa'i tshogs chen po dang yang thabs gcig ste/ thams cad kyang sems kyi skad cig gis sangs rgyas kyi zhing mtha' yas par 'gro ba la mkhas pa/ de bzhin gshegs pa thams cad la mchod pa dang rim gro bya ba la mkhas pa/ chos nyan pa la mi ngoms par yang dag par tshol ba rtag tu rgyun mi chad par sems can thams cad yongs su smin par byed pa la brtson</font><hr>52.190b<br><font size=+1>

pa/ thabs dang shes rab dam pa'i pha rol du phyin pa/ sgrib pa med pa'i rnam par thar pa la rab tu gnas pa/ rtog pa dang / rnam par rtog pa dang / spros pa thams cad las yang dag par 'das pa/ thams cad mkhyen pa'i ye shes la nye bar gyur pa sha stag la 'di lta ste/ byang chub sems dpa' glog gi lha zhes bya ba dang / byang chub sems dpa' g.yul las rnam par rgyal ba zhes bya ba dang / byang chub sems dpa' rnam par snang mdzad snying po zhes bya ba dang / byang chub sems dpa' rnam par gnon pa dpa' bo zhes bya ba dang / byang chub sems dpa' yid gnyis yang dag par 'jom pa zhes bya ba dang / byang chub sems dpa' rnam par bsgrags ldan zhes bya ba dang / byang chub sems dpa' rnam par lta ba'i mig ces bya ba dang / byang chub sems dpa' mun pa dang bral ba zhes bya ba dang / de dag la sogs pa byang chub sems dpa' sems dpa' chen po dpag tu med tshad med grangs med bsam gyis mi khyab mtshungs pa med gzhal du med/ dpag gis mi lang brjod du med pa'i yang brjod du med pa dag dang yang thabs gcig go de nas bcom ldan 'das 'dus pa chen po'i le'u zhes bya ba'i chos kyi rnam grangs byang chub sems dpa' sems dpa' chen po rnams la rab tu ston te 'dus pa chen po'i le'u'i chos kyi rnam grangs 'di bshad pa na thams cad dang ldan pa'i 'khor de nam mkha'i dkyil na 'khod cing bkod pa chen po'i khang pa brtsegs pa'i nang na bdag 'dug pa snyam du sems so/ /khang pa brtsegs pa de dag gi bkod pa nyid sems can rnams kyi mig sngar tu snang bar gyur te/ khang pa brtsegs pa na 'khod pa'i byang chub sems dpa' sems dpa' chen po rnams dang / nyan thos chen po rnams dang / gzhan yang lha dang / klu dang / gnod sbyin dang / dri za'i 'khor de dag thams cad ma gtogs par stong gsum gyi stong chen po'i 'jig rten gyi khams na gzugs su snang ba lhag ma gzhan thams cad med par gyur te thams cad kyang nam mkha' lta bur gyur pa snyam du shes so/ /'di lta ste dper na/ bskal pas shin du bsregs te nam mkha' bzhin du gyur pa na stong gsum gyi stong chen po'i 'jig rten gyi khams na gzugs su snang ba gang yang mig sngar snang bar mi 'gyur ba de bzhin du/ de'i tshe na gang gzugs su snang ba rnams sems can dag gi mig sngar mi snang</font><hr>52.191a<br><font size=+1>

bar gyur to/ /'di lta ste dper na/ de bzhin gshegs pa rin po che bkod pa gcig pa'i 'jig rten gyi khams bkod pa chen po zhes bya ba na byang chub sems dpa' de dag gi khang pa brtsegs pa yongs su longs spyod pa de 'dra ba'i khang pa brtsegs pa de na snang ngo / /nam mkha' la khang pa brtsegs pa 'dug pa de dag ma gtogs par stong gsum gyi stong chen po'i 'jig rten gyi khams 'di'i sa'i steng dang / gzhi'i bar du thams cad kyang mi snang ba snyam du rab tu shes te/ ri'i rgyal po ri rab dang khor yug gi ri dang khor yug gi ri chen po dag sems can gang gi mig sngar yang mi snang bar gyur to/ /grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor rnams kyang mi snang ste/ gzhan du nam mkha'i dkyil na gnas pa'i khang pa brtsegs pa de dag nyid du shes shing / bcom ldan 'das kyis seng ge'i khri ni 'phang du dpag tshad khrir 'phags par rab tu snang ngo / /gang la bcom ldan 'das bzhugs pa'i seng ge'i khri de'i 'od kyis kyang stong gsum gyi stong chen po'i 'jig rten gyi khams snang ba chen pos khyab par gyur te/ gang stong gsum gyi stong chen po'i 'jig rten gyi khams de'i nyi ma dang / zla ba dang / skar ma dang / brgya byin dang / tshangs pa dang / 'jig rten skyong ba'i 'od de dag thams cad kyang mog mog por byas par gyur to/ /de nas byang chub sems dpa'i 'khor de dag thams cad kyi 'di lta bu'i cho 'phrul ngo mtshar dang rmad du byung ba mthong nas phan tshun du smra ba khang pa brtsegs pa 'di bkod pa ci 'dra ba de ni bdag cag gi tshe'i tshad bskal par 'dug par gyur kyang bdag cag gis rgya cher rnam par dbye ba bstan par sla ba ma yin te/ de tsam du khang pa brtsegs pa 'di dag gi yon tan bkod pa ni tshad med do zhes 'dzer to/ /de nas bcom ldan 'das kyi mthus gnas brtan shA ri'i bu khang pa brtsegs pa de nas langs nas nam mkha' la 'dug ste/ pus mo g.yas pa'i lha nga sa la btud nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das nam mkha' la mchis pa'i khang pa brtsegs pa 'di ma lag pa gzhan stong gsum gyi stong chen po'i 'jig rten gyi</font><hr>52.191b<br><font size=+1>

khams thams cad nam mkhar gyur cing nam mkha'i rang bzhin can du gda' ba 'di su'i snga ltas lags/ bcom ldan 'das kyis bka' stsal pa/ shA ri'i bu khyod kyis khang pa brtsegs pa 'di mthong ngam/ gsol pa/ bcom ldan 'das mthong ngo / /bcom ldan 'das kyis bka' stsal pa/ shA ri'i bu khyod kyis khang pa brtsegs pa 'di dag gi bsngags pa yongs su brjod pa'i mtha' shes par nus sam/ gsol pa/ bcom ldan 'das bdag gi tshe'i tshad bas par gyur kyang khang pa brtsegs pa 'di dag gis bsngags pa'i mtha' rtogs par mi nus so/ /bka' stsal pa/ shA ri'i bu ji ltar 'khor 'di dag thams cad nam mkha' la song zhing khang pa brtsegs pa bkod pa chen por zhugs par snang bzhin du bkod pa chen po'i 'jig rten gyi khams brtsegs pa de yang 'di 'dra'o/ /gsol pa/ bcom ldan 'das bkod pa chen po'i 'jig rten gyi khams de gang gi phyogs na mchis/ bcom ldan 'das kyis bka' stsal pa/ shA ri'i bu de ni 'di nas shar phyogs su sangs rgyas kyi zhing brgyad kyi rdul phra rab kyi rdul gyis yongs su gang ba snyed kyi sangs rgyas kyi zhing rnams 'das pa na bkod pa chen po zhes bya ba'i 'jig rten gyi khams na/ de bzhin gshegs pa rin po che bkod pa gcig pa zhes bya ba da lta na bzhugs te/ 'tsho zhing gzhes la chos kyang ston to/ /shA ri'i bu bkod pa chen po'i 'jig rten gyi khams de na byang chub kyi sems rin po che las rin po che gzhan mi 'byung ngo / /de bas na de bzhin gshegs pa de rin po che bkod pa gcig pa zhes bya'o/ /de bzhin gshegs pa de yang nam byang chub sems dpa' de dag la chos 'chad pa de na seng ge'i khri dang bcas te ta la bye ba phrag brgyad bcu srid kyi nam mkha'i dkyil du mngon par 'phag go/ /byang chub sems dpa' de dag kyang khang pa brtsegs pa bkod pa chen po der nam mkha'i dkyil du mngon par 'phags nas/ de bzhin gshegs pa de la chos nyan te de bzhin gshegs pa de yang nam mkha'i dkyil yongs su dag pa zhes bya ba'i chos kyi phyag rgya yang dag par rab tu ston to/ /shA ri'i bu bkod pa chen po'i 'jig rten gyi khams de na gang byang chub sems dpa' de dag gi khang pa brtsegs pa'i</font><hr>52.192a<br><font size=+1>

yongs su longs spyod pa de ni bskal par yang brjod mi nus so/ /shA ri'i bu khyod kyis nga'i seng ge'i khri 'di mthong ngam/ gsol pa/ bcom ldan 'das mthong ngo / /bcom ldan 'das kyis bka' stsal pa/  shA ri'i bu bcom ldan 'das de bzhin gshegs pa rin po che bkod pa gcig pa de'i seng ge'i khri yang 'di 'dra ste/  de la bcom ldan 'das de bzhugs nas byang chub sems dpa' de dag la rnam pa sum bcu rtsa gnyis la 'jug pa nam mkha'i dkyil yongs su dag pa'i chos kyi phyag rgya yang dag par rab tu ston to/ /rnam pa gsum bcu rtsa gnyis la 'jug pa nam mkha'i dkyil yongs su dag pa'i chos kyi phyag rgya de gang zhe na/ 'di lta ste/ dngos po med pas chos thams cad yod pa dang med pa dang bral ba dang / rnam par rig pa'i mtshan nyid pas chos thams cad dngos po med pa dang / snang bar gyur pa med pas chos thams cad rnam par rig pa med pa dang / rgyu dang dmigs pa med pas chos thams cad snang bar gyur pa med pa dang / nye bar zhi ba'i mtshan nyid pas chos thams cad dmigs pa med pa dang / gnyis su med pas chos thams cad nye bar zhi ba dang / so so tha dad pa med pas chos thams cad gnyis su med pa dang / tshul gcig la zhugs pas chos thams cad tha dad pa med pa dang / ngo bo nyid kyi mtshan nyid dang bral bas chos thams cad tshul gcig pa dang / dus gsum las yang dag par 'das pas chos thams cad ngo bo nyid med pa dang / thams cad la mi gnas pas chos thams cad thams cad du mi snang bas chos thams cad mi gnas pa'i sgo dang / yul gyi lam las yang dag par 'das pas chos thams cad snang ba med pa dang / nang dang phyi'i rnam par dag pas chos thams cad yul med pa dang / rang bzhin gyis kun nas nyon mongs pa can ma yin pas chos thams cad rnam par dag pa dang / ngo bo nyid kyis nye bar zhi bas chos thams cad rang bzhin gyis yongs su dag pa dang / sems dang yid dang rnam par shes pa med pas chos thams cad nye bar zhi ba dang / bzod ma nas ma byung bas chos thams cad mtshan nyid med pa dang / nga yi ba med cing yongs su 'dzin pa med pas chos thams cad gzod ma nas ma byung ba dang /  bdag po med pas chos thams cad nga yi ba med cing yongs su 'dzin pa med pa dang rang bzhin gyis bdag med pas</font><hr>52.192b<br><font size=+1>

chos thams cad bdag po med pa dang / gzod ma nas rnam par dag pas chos thams cad rang bzhin gyis bdag med pa dang / ldog pa med pas chos thams cad gzod ma nas rnam par dag pa dang / sgyu ma'i mtshan nyid kyi rang bzhin pas chos thams cad ldog pa med pa dang / dngos po med pas chos thams cad sgyu ma lta bu dang / mngon par 'du mi byed pa'i mtshan nyid pas chos thams cad dngos po med pa dang / sems dang lus dben pas chos thams cad mngon par 'dus ma byas pa dang / mtshan nyid med cing mtshan nyid kyi gzhi'i mtshan nyid med pas chos thams cad dben pa'i mtshan nyid dang / rang gi mtshan nyid las ma g.yos pas chos thams cad mtshan nyid med pa dang / gnas dmigs su med pas chos thams cad ma g.yos pa dang / dmigs pa med pa'i mtha' la rab tu gnas pas chos thams cad gnas med pa dang / kun gzhi med pas chos thams cad dmigs pa med pa dang / kun gzhi dang bral bas chos thams cad kun gzhi med pa ste/ shA ri'i bu de ltar de bzhin gshegs pa rin po che bkod pa gcig pa de byang chub sems dpa' de dag la rnam pa sum bcu rtsa gnyis la 'jug pa nam mkha'i dkyil yongs su dag pa'i chos kyi phyag rgya yang dag par rab tu ston te/  de thos pas kyang byang chub sems dpa' tshad med pa dag mngon par shes pa rnam par dag pas rnam par shes pa la bzod pa chos thams cad la dbang byed pa rjes su 'thob bo/ /yang shA ri'i bu bkod pa chen po'i 'jig rten gyi khams de'i byang chub sems dpa' rnams ni sbyin pas brgyan cing / bskal pa grangs med par gtong ba'i rjes su song ba/ tshul khrims kyis brgyan cing blo shin du byung ba/ bzod pas brgyan cing sems can thams cad la zhe 'gras pa med pa'i sems dang ldan pa/ brtson 'grus kyis brgyan cing sangs rgyas kyi chos thams cad kyi tshogs bsags pa/ bsam gtan gyis brgyan cing bsam gtan dang / rnam par thar pa dang / ting nge 'dzin dang / snyoms par 'jug pa dang / mngon par shes pa thams cad kyis rnam par rtsen pa/ shes rab kyis brgyan cing bag chags kyis mtshams sbyor ba'i nyon mongs pa thams cad dang bral ba/ byams pa chen pos brgyan cing sems can thams cad yongs su skyob par gnas pa/ snying rje chen pos brgyan cing sems can thams</font><hr>52.193a<br><font size=+1>

cad yongs su mi gtong bar gnas pa/ dga' ba chen pos brgyan cing sems can thams cad dga' ba dang bde ba rab tu dga' ba la so sor 'god pa'i rgyun mi gcod pa/ btong snyoms chen pos brgyan cing sems can thams cad mi mtho mi dma' ba la 'god pa rgyun mi gcod par sbyor ba sha stag go/ /yang shA ri'i bu bcom ldan 'das de bzhin gshegs pa rin po che bkod pa gcig pa de'i sangs rgyas kyi zhing na/ byang chub sems dpa' sems dpa' chen po nam mkha'i mdzod ces bya ba 'dug ste/ bsod nams kyi gzi brjid kyis shin tu brjid pa/ ye shes mthong ba thogs pa med pa/ mtshan rnams kyis lus brgyan pa/ dpe byad bzang po rnams kyis byams pa brgyan pa/ spobs pas ngag brgyan pa/ gzungs kyis sems brgyan pa thos pas dran pa brgyan pa/ nges par sems pas bden pa brgyan pa/ rtogs pas don rtogs pa brgyan pa/ bsam pas dam bcas pa brgyan pa/ khyad par du 'gro bas lhag pa'i bsam pa brgyan pa/ sbyor bas brgyan cing chos thams cad la the tsom med par gyur pa/  gtang snyoms chen pos brgyan cing mthon dman med pa/ mngon par shes pa chen pos brgyan cing rdzu 'phrul gyis rnam par rtsen pa thams cad mngon par shes pa/ bsod nams kyis brgyan cing lag na rin po che gtong bas mngon par grub pa/ ye shes kyis brgyan cing sems can thams cad kyi sems kyi bsam pa la zhugs pa/ blos brgyan cing sems can thams cad gyi dge ba'i rtsa ba rtogs par byed pa/ mig gis brgyan cing mig lnga'i yul la shin du rnam par dag pa/ rna bas brgyan cing sgra dang don thams cad rtogs pa'i snying po dang ldan pa/ so so yang dag par rig pas brgyan cing don dang chos dang nges pa'i tshig dang spobs pa so so yang dag par rig pa mi zad par ston pa/ stobs kyis brgyan cing de bzhin gshegs pa'i stobs bcu rjes su thob pa/ mi 'jigs pas brgyan cing phas kyi rgol ba thams cad kyis zil gyis mi non pa yon tan gyis brgyan cing sangs rgyas kyi yon tan mtha' yas pa thob pa/ chos kyis brgyan cing spu'i bu ga thams cad nas chos sgrog pa/ so sor rig pa'i rjes su song ba/ snang bas</font><hr>52.193b<br><font size=+1>

brgyan cing sangs rgyas kyi chos thams cad lag mthil du thob pa/ 'od kyis brgyan cing sangs rgyas kyi chos thams cad snang bar byed pa/ kun nas ston pas brgyan cing phyad par lung ston pa/ gdams pa dang rjes su bstan pas brgyan cing de byed pa'i chos tshar phyin pa/ rdzu 'phrul gyi cho 'phrul gyis brgyan cing rdzu 'phrul rnam par dag pas rnam par grol ba thams cad ston pa sangs rgyas thams cad kyis mngon par stod pas brgyan cing gzhan la rag ma las pa'i ye shes la gnas pa/ tshogs thams cad kyi yon tan gyis brgyan cing sangs rgyas thams cad kyi chos 'dul ba'i rjes su zhugs pa ste/ shA ri'i bu gang bkod pa 'di lta bu kun du snang ba 'di ni/ byang chub sems dpa' nam mkha' mdzod kyi byin gyi rlabs so/ /shA ri'i bu byang chub sems dpa' sems dpa' chen po nam mkha' mdzod de nga la blta ba dang / phyag 'tshal ba dang / bsnyen bkur byed pa dang / 'dus pa chen po'i le'u'i chos kyi rnam grangs 'di rab tu yongs su bzung ba dang / phyogs bcu'i 'jig rten gyi khams nas 'dus pa'i byang chub sems dpa' 'di dag chos kyi dga' ba dang / bde ba dang / mchog tu dga' ba skyed pa dang / theg pa chen po 'di 'ang rab tu yongs su gzung ba dang /  byang chub sems dpa' thams cad kyi byang chub kyi phyogs kyi chos kyang yongs su gzung ba'i phyir nga'i gan du 'ong ngo / /de nas byang chub sems dpa' sems dpa' chen po nam mkha' mdzod de bzhin gshegs pa rin po che bkod pa gcig pa de la gsol nas/ byang chub sems dpa' bye ba phrag bcu gnyis kyis yongs su bskor te mdun du bdar nas lhan cig tu mngon du gyur pa'i rdzu 'phrul mngon par 'du mi byed pa sangs rgyas kyi rnam par rol pa dang / rdzu 'phrul gyi rkang pas bkod pa chen po'i 'jig rten gyi khams de nas mi snang bar gyur te/  sems kyi skad cig gcig byung ba tsam gyis mi mjed kyi 'jig rten gyi khams 'dir phyin nas de bar snang la 'dug ste/ bkod pa chen po'i 'jig rten gyi khams kyi me tog dang / phreng ba dang / phye ma dang / spos dang / byug pa dang / gdugs dang / rgyal mtshan dang / ba dan ci 'dra ba de 'dra ba'i char rab tu phab pa/ 'di lta ste/ zla ba dang / zla ba chen po dang / shin du mdzes pa'i zla ba dang / nyi ma'i</font><hr>52.194a<br><font size=+1>

'od dang / nyi ma rab tu 'bar ba dang / me shel dang / mdog mdzes dang / mdog mdzes chen po dang / mdog mdzes par 'dug pa dang / s+tha la dang / s+tha la chen po dang / s+tha la rab mdzes dang / dri ma med pa dang / kun du dri ma med pa dang rnam dag 'od dang / gser du snang dang / nam mkha' snang ba dang / reg gyur dang / dri chen dkar dang / 'dab brgya pa dang / ze ba stong ldan dang / mya ngan sel ba dang / dga' byed dang / lha stod dang / klu'i me tog dang / dga' ba bde ba kun skyed pa dang / bsam gtan yan lag dang / dris dga' ba dang / lus sems tshim byed dang / stong gsum dri dang / nad kun zhi byed dang / nad kun sel dang / bdag gi gzi brjid kyis brgyan cing dpag tu med pa'i bsod nams kyis grub pa/ phyogs bcu'i byang chub sems dpas rig pa/ de lta bu'i me tog gis stong gsum gyis stong chen po'i 'jig rten gyi khams 'di kun du khebs par byas pas bcom ldan 'das 'khor gyi dkyil 'khor thams cad du me tog gis pus mo nub tsam du gang bar gyur to/ /de nas thams cad dang ldan pa'i 'khor des/ sngon ma thos ma mthong ba'i me tog de mthong nas bcom ldan 'das la 'di skad ces gsol to/ /bcom ldan 'das 'di lta bu'i me tog blta na sdug pa 'di dag ga las mchis/ bcom ldan 'das kyis bka' stsal pa/ skyes bu dam pa byang chub sems dpa' sems dpa' chen po nam mkha' mdzod de bkod pa chen po'i 'jig rten gyi khams de nas nam mkha'i dkyil du 'dug nas 'di lta bu'i me tog gi char rab tu phab po/ /de nas byang chub sems dpa' sems dpa' chen po nam mkha'i mdzod byang chub sems dpa' bye ba phrag bcu gnyis po de dag dang lhan cig tu nam mkha'i dkyil de nas babs te/  bcom ldan 'das kyi zhabs la mgo bos phyag 'tshal nas lan gsum bskor ba byas te/ bcom ldan 'das la 'di skad ces gsol to/ /bcom ldan 'das de bzhin gshegs pa rin po che bkod pa gcig pa de bcom ldan 'das la gnod pa chung ngam/ nyam nga ba chung ngam/ bskyod pa yang ngam/ stobs dang bde bar reg pa la gnas sam zhes snyun gsol zhing / byang chub sems dpa' sems dpa' chen po nam mkha'</font><hr>52.194b<br><font size=+1>

mdzod la sogs pa byang chub sems dpa' bye ba phrag bcu gnyis po 'dus pa chen po'-i le'u'i chos kyi rnam grangs nyan 'tshal ba 'di dag ji ltar chos thams cad la dbang bgyid cing / chos chen po dang ldan pas slar ldog par 'gyur ba'i chos kyi bka' mchid kyis bcom ldan 'das kyis mgu bar mdzod cig ces de skad kyang gsung ngo / /de nas byang chub sems dpa' nam mkha' mdzod kyis bcom ldan 'das kyi seng ge'i khri steng gi bar snang la dpag tshad stong phrag bcu tsam gyi rin po che'i gdugs byin gyis brlabs nas bcom ldan 'das la thal mo sbyar te phyag 'tshal nas tshigs su bcad pa 'di dag gis mngon par bstod pa/ chos dang don dang yon tan ye shes 'phags pas na/ /yongs dag rnam dag snga nas dag cing dri ma med/ /gnas med nam mkha' 'dra bar mi g.yo rab tu brnyes/ /rab zab kun nas spyod yul min la phyag 'tshal lo/ /rgyal ba chos kyi skus ni rab phye sku mnyam yang / /gzugs mdzes ldan zhing gzugs bzang sku yang ston par mdzad/ /sems can rnams la phan pa'i thugs rje rab bskyed nas/ /bsod nams brgya pa'i mtshan gyi sku yi mchog kyang ston/ /khyod ni mi gsung rtog med sgra dang tshig kyang med/ /tshig gi rang bzhin brag cha'i mtshan nyid gzung du med/ /sgra med rtags med yi ge med pa mkhyen nas kyang / /byams pa khyod ni snying rje can pas rgyal ba'i tshig kyang gsung / /sems can kun gyi sems dang sems byung rjes su rig /khyod ni sems kyi rang bzhin sgyu ma'i mtshan nyid mkhyen/ /sems gyi rgyud kyi rang bzhin ji 'dra rab mkhyen kyang / /sems dang yid rnams la ni khyod kyi sems mi gnas/ /'gro ba rnams la khyed kyis spyod pa kun bstan te/ /bde bar gshegs pa'i sku ni 'gyur ba yong ma mchis/ /gang gi gzugs dang sems dang yon tan ci 'dra bar/ /mtshan dang spyod lam dag kyang de yi tshul du ston/ /bde gshegs chos 'di la ni nga yir 'dzin pa med/ /khyod ni chos la gnas pa med cing 'dzin pa med/ /sams can mang po kun rtogs chos kyi 'dul mkhyen nas/ /khyod ni bla na med pa'i chos rnams rtag tu ston/ /rgyal ba'i sku la 'khor 'di kun gyis blta ba na/ /gzugs dang mtshan ma tha</font><hr>52.195a<br><font size=+1>

dad bskal pa mi mnyam nas/ /khyod kyi sku ni mi 'gyur rtog med mtshan med de/ /'khor rnams ji lta'i sems dang bsam bzhin tshim par mdzad/ /chos 'di thams cad rgyu dang rkyen las skyes pa ste/ /byed med ngo bo nyid med kun du rtog la skyes/ /bde gshegs de 'dra'i chos kyi tshul rnams mkhyen nas su/ /byang chub mi 'gyur zhi ba bla na med pa brnyes/ /mtha' dang de bzhin dbus bcad rnam par rtog pa med/ /stong zhing gsog la rang bzhin gsob ste ya ma rla/ /khyod kyis de 'dra'i chos nyid rnam dag mkhyen nas su/ /'gro ba rnams la rgyu dang las dang byed pa ston/ /chos 'di sems can med cing srog dang gang zag med/ /nam mkha' mtshungs mnyam pas na ming yang rnam par dag /sems can gan du nyer gshegs yang dag bdag med pa/ /mi 'chi 'dus ma byas la sems can mang sad mdzad/ /brtson 'grus mthu dang stobs kyis byang chub 'di tshol phyir/ /khyod kyis bskal pa bsam yas bye ba phrag brgyar spyad/ /sgrub pa med pa'i nan tan mtshan nyid byang chub ste/ /gang phyir spyod pa'i don de rjes su thob par 'gyur/ /chos rnams mnyam pa nyid ni mnyam par bzhag mkhyen pas/ /rab dang 'bring dang tha ma dag kyang mnyam par mkhyen/ /mnyam pa nyid la mnyam nyid rtag bzhugs rnam mi rtog /de phyir rgyal ba mnyam par bzhag cing mi 'gyur ba/ /phung po khams dang dbang po ji ltar sgyu ma bzhin/ /'jig rten gsum po chu zla 'dra ste 'pho ba med/ /sems can rnams ni rmi lam lta bur dngos med de/ /mkhyen pas rmi lam bzhin du rtogs nas chos 'di gsung / /byang chub mchog rab brda yi rang bzhin khyod kyis brnyes/ /de ni thob dang ma thob pa zhes brjod du med/ /ji ltar byang chub khyod kyis de bzhin 'khor lo yang / /tshul dang tshul min 'jug pa'i mtshan bral rab tu bskor/ /rgal nas sems can mang po bsam yas rab sgrol ba/ /grol nas bcings pa'i nang na mchis pa shin du grol/ /theg chen bla med 'di la 'gro ba dbugs 'byin cing / /nges 'byin mnyam pa brnyes pa mya ngan 'das la 'god gang na sems can nam yang mya ngan 'das ma mchis/ /sems can gdod nas rnam dag sems</font><hr>52.195b<br><font size=+1>

can nyid mi sgrub/ /sems can sgyu ma'i mtshan du byang chub sangs rgyas nas/ /'di yi mtha' rnams sems can mang po rtogs par mdzad/ /nam mkha' la ni gzugs rnams nam yang mi snang bzhin/ /de ltar 'gro ba kun gyi gzugs ni gzugs nyid mtshungs chos de gzugs dang gzugs med gzugs min mtshan nyid de/ /gang gis de ltar don rnams yang dag dben rtogs pa/ /ci tsam rgyal ba'i bsngags pa dag gis dper bgyis pa/ /de dag thams cad bsngags pa 'di la mthong chags te/ /rang gi yon tan rnams kyi 'dren bsngags nam mkha' 'dra/ /gnyis med bsngags brjod de ni rgyal ba'i bsngags pa'o/ /sangs rgyas 'gro ba sad par mdzad cing dmigs med pa/ /sems med sems nyid brnyes pa khyod la phyag 'tshal lo/ /ji ltar 'dren pa kun gyi mi yi seng ge bsngags/ /de ltar de bzhin nyid phyir yang dag yon tan bsngags/ /sems can thams cad bdag med mtshan nyid ye shes mnyam/ /thams cad rtogs nas chos dbyings rjes su rig par bgyi/ /chos kun 'dod chags bral ba mtshan gyi tshul shes pa/ /des ni mnyam pa nyid kyis 'dren pa mchod par 'gyur/ /byang chub sems dpa' sems dpa' chen po nam mkha' mdzod kyis tshigs su bcad pa 'di dag smras ma thag tu/ nam mkha' la 'dug pa'i khang pa brtsegs pa bkod pa chen po de 'ang rnam pa drug tu g.yos so/ /bar snang las kyang gang sangs rgyas bcom ldan 'das rnams kyis bskal pa grangs med pa bye ba khrag khrig brgya stong du yang dag par bsgrubs pa/ bla na med pa yang dag par rdzogs pa'i byang chub de ni/ byang chub sems dpa' sems dpa' chen po nam mkha' mdzod kyis tshigs su bcad pa'i dbyangs kyis kun du brjod do/ /byang chub sems dpa' de dag ni rmi lam na 'ang mngon par zhen pas dmigs par lta ba mi 'byung ngo / /gang dag tshigs su bcad pa'i chos kyi tshul 'di thos nas mos pa dang / gang yang thos nas sgrub pa de dag ni ji ltar byang chub sems dpa' nam mkha' mdzod da ltar seng ge'i sgra sgrogs pa bzhin du/ de dag kyang seng ge'i sgra sgrogs par 'gyur ro zhes de lta bu'i sgra byung ngo / /de nas byang chub sems dpa' nam mkha' mdzod kyisi tshigs su</font><hr>52.196a<br><font size=+1>

cad pa 'di dag smras nas bcom ldan 'das la 'di skad ces gsol to/ /bcom ldan 'das bdag kyang 'dus pa chen po'i le'u'i chos kyi rnam grangs 'di'i ming thos nas mi mjed kyi 'jig rten gyi khams 'dir bcom ldan 'das la blta ba dang / phyag bgyi ba dang / bsnyen bkur bgyi ba dang / chos kyi rnam grangs 'di la yang chos snang bar bgyi ba gang chung zad bstan pa'i slad du 'dir mchis so/ /bcom ldan 'das gang skyes bu dam pa 'di dag gis chos kyi rnam grangs 'di la rang rang gi chos la the tsom du gyur pa de nges par bstan pa/ bcom ldan 'das de bzhin gshegs pa la yongs su zhus te/ de bzhin gshegs pa nges pa'i blo la rab tu gnas pas de dag gi the tsom thams cad kyang rab tu bsal cing sangs rgyas kyi chos thams cad snang bar bgyis pa de legs so/ /bcom ldan 'das gal te de bzhin gshegs pas bdag la skabs phye na chos rnam par nges pa la 'jug pa'i bka' mchid chung zad cig bdag zhu'o/ /de ci'i slad du zhe na/ bcom ldan 'das ni mi chags pa'i ye shes can te sems can thams cad kyi dbang po mchog dang mchogs ma lags pa mkhyen pa ye shes la mkhas pa/ bcom ldan 'das ni snang ba brnyes pa ste mun pa thams cad dang bral ba/ bcom ldan 'das ni don mkhyen pa ste tshig thams cad rab tu dbye ba'i ye shes la mkhas pa/ bcom ldan 'das ni dus mkhyen pa ste tshod las mi 'da' zhing phyad par lung ston pa/  bcom ldan 'das ni tshod mkhyen pa ste sems can thams cad la so so ci rigs par chos ston pa/  bcom ldan 'das ni rnam par rol pa ste mngon par shes pa dang / rdzu 'phrul gyi rkang pa rnam par nges pa'i ye shes la mkhas pa/ bcom ldan 'das ni shin du rnam par gzigs pa'i blo dang ldan pa ste sems can thams cad kyi sems kyi spyod pa phyag 'thil du 'jog par kun du ston pa/ bcom ldan 'das ni mngon par 'phags pa ste spyi gtsug bltar mi mthong ba/ bcom ldan 'das ni zil gyis ma non pa ste stong gsum gyi stong chen po'i 'jig rten gyi khams na dpa' bo gcig po/ bcom ldan 'das ni rang byung ba ste slob dpon med par chos thams cad rang gis mngon par rdzogs par sangs rgyas pa/ bcom ldan 'das ni 'dren</font><hr>52.196b<br><font size=+1>

pa ste 'dren pa med pa dang lam ngan par zhugs pa rnams la yang dag pa'i lam ston pa/ bcom ldan 'das ni sman pa'i rgyal po ste thog ma dang tha ma ma mchis pa'i 'dod pa dang / nyon mongs pa dang / kun du bsgribs pa dang / shin du bsgribs pa dang / kun nas ldang bas bsgribs pa'i 'jig rten gnas pa rnams nad ma mchis pa 'chi ba ma mchis pa'i gnas kyi lam la rab tu 'god pa/ bcom ldan 'das ni stobs dang drag shul 'chang ba ste gnas dang gnas ma yin pa mkhyen pa la mkhas shing gsum rig pa'i rig pa brnyes pa/ bcom ldan 'das ni mi 'jigs pa chen po brnyes pa ste zag pa zad cing mnyam pa nyid mngon par rdzogs par sangs rgyas te kun nas nyon mongs pa med pa dang rnam par byang ba mkhyen pa la mkhas pa/ lha dang bcas pa'i 'jig rten gyi mdun du khyu mchog seng ge'i sgra sgrogs pa/ bcom ldan 'das ni sangs rgyas kyi chos ma 'dres pa dang ldan pa ste dus gsum la thogs pa med pa'i ye shes can bcom ldan 'das ni sku dang gsung dang thugs yongs su dag pa ste 'khrul pa dang ca co mi mnga' ba/ snyoms par 'jug pa thams cad dang rnam par grol ba'i ye shes gzigs pa/ bcom ldan 'das ni byams pa chen po la gnas pa ste zhe 'gras pa med pa'i blo dang ldan pa/ sems can thams cad la sems snyoms pa/ nam mkha' dang mtshungs pa'i 'od zer gyis gzigs pa'i spyan dang ldan pa/ bcom ldan 'das ni thugs rje chen po la gnas pa ste legs par byas pa dang / nyes par byas pa dang / bde ba dang sdug bsngal bas mi skyod pa/ sems can thams cad la mnyam par mjug pa'i blo dang ldan pa/  bcom ldan 'das ni sangs rgyas thams cad dang mnyam pa ste mnyam pa'i ye shes gnyis su med pa la zhugs pa/ bcom ldan 'das ni bye brag med pa ste nam mkha' lta bur shin du rnam par dag cing sems can thams cad la mnyam par sbyor ba/  bcom ldan 'das ni 'dod pa med pa ste shes rab kyis ngoms pa/  rnyed pa dang bkur sti dang / tshigs su bcad pa dang bral ba/ bcom ldan 'das ni thams cad mkhyen cing thams cad gzigs pa spyan lnga'i tshul yongs su dag pa'o/ /bcom ldan 'das de ltar</font><hr>52.197a<br><font size=+1>

de bzhin gshegs pa yon tan dang chos dang ye shes tshad ma mchis pa dang ldan par bdag gis rig nas chos rab tu brjod pa'i sgo yongs su zhu bar 'tshal te gus pa dang bcas shing chos la gces spras su bgyi ba dang ldan pa ste/ nga rgyal ma mchis shing sems can thams cad chos la sbyor ba/ thams cad mkhyen pa'i ye shes kyis mngon par bsgrub pas chos 'tshal ba'i slad du de bzhin gshegs pa la yongs su zhu'o/ /de skad ces gsol pa dang / bcom ldan 'das kyis byang chub sems dpa' sems dpa' chen po nam mkha' mdzod la 'di skad ces bka' stsal to/ /legs so legs so/ /skyes bu dam pa ji ltar gang gA'i klung gi bye ma snyed kyi sangs rgyas bcom ldan 'das rnams la dris pa rnams lung bstan pa thob pa rigs kyi bu khyod ci dang ci 'dod pa de bzhin gshegs pa la dris shig dang dris pa de dang de nyid du lung bstan pas ngas khyod kyi sems rangs par bya'o/ /de nas byang chub sems dpa' sems dpa' chen po yon tan gyi rgyal po rab tu snang ba zhes bya ba 'khor der 'dus par gyur te/ 'dug pa des byang chub sems dpa' sems dpa' chen po nam mkha' mdzod la 'di skad ces smras so/ /ci zhig gi phyir rigs kyi bu khyod de bzhin gshegs pa la zhu bar 'dod/ de nas byang chub sems dpa' sems dpa' chen po nam mkha'i mdzod kyis byang chub sems dpa' sems dpa' chen po yon tan gyis rgyal po rab tu snang ba la tshigs su bcad pa slar smras pa/ gang rnams sems dang sems la sems yid mtshungs/ /shin du bsams sems ye shes mnyam la gnas/ /sems la sems med par ni zhugs pa'i tshul/ /de dag don du rgyal la bdag zhu'o/ /snang ba thob cing mun pa dri ma med/ /yid gnyis can gyi yid gnyis blo gcod pa/ /des byas rnam par thar pa la gzhag pa/ /de dag ched du bde bar gshegs la zhu/ /bdag la bdag med shin du rnam dag yid/ /sems can don zhugs sems can med la dga'/ /sems can bdag med gnyis las thar byed pa/ /rnam par nges pa'i chos kyi gtam 'di'o/ /cho ga spyod yul brtul zhugs yongs su dag /bsam pa</font><hr>52.197b<br><font size=+1>

dag cing sems ni nam mkha' 'dra/ /lhun po lta bur brtan cing mi g.yo ba/ /de dag ched du don yod mdzad la zhu/ /mi zlogs brten pa brtson 'grus kun nas bzang / /dpa' bo bdud kyi dgra yi nga rgyal bcom/ /nyon mongs rab tu nyon mongs dri sbyor ba/ /mthong dga' de dag don du 'di zhu'o/ /thos sbyin tshul khrims bzod pa brtson 'grus dga'/ /bsam gtan rnam thar shes rab mchog tu gyur/ /mngon shes bsam gtan rnam par grol ba'i 'od/ /rab dga' dri med don du bdag zhu'o/ /stong pa mtshan ma med cing mi smon gnas/ /bsams bzhin shi 'pho dang ni skye ba ston/ /skyes pa med cing mi gnas 'chi 'pho med/ /de dag don du mi yi spyod pa zhu/ /nyan thos rang rgyal skye bo gzhan dag gis/ /rtogs par dka' zhing zab mo mthong dka' ba/ /skye bo kun gyi yid rnams kun skul ba'i/ /chos kyi gtam ni bde bar gshegs la zhu/ /legs par byas pa rdzogs pa'i chos la dga'/ /chos la chos med 'dzin pa gnyis las grol/ /rtag tu mnyam bzhag mchog gi chos la dga'/ /sems kyang nam mkha' mtshungs pa'i don du zhu/ /gang dag sangs rgyas rigs gnas chos la dga'/ /rtag tu sangs rgyas bstod pa kun med blo/ /grags pa mtha' yas 'jig rten gsum du thos/ /yon tan rgya mtsho de phyir 'di zhu'o/ /de nas bcom ldan 'das la byang chub sems dpa' sems dpa' chen po nam mkha' mdzod kyis 'di skad ces gsol to/ /bcom ldan 'das ji ltar na byang chub sems dpa' gang dag sbyin pa nam mkha' dang mtshungs pa rnams lags/  tshul khrims nam mkha' dang mtshungs pa dang / bzod pa nam mkha' dang mtshungs pa dang /  brtson 'grus nam mkha' dang mtshungs pa dang / bsam gtan nam mkha' dang mtshungs pa dang / shes rab nam mkha' dang mtshungs pa dang / bsod nams nam mkha' dang mtshungs pa dang / ye shes nam mkha' dang mtshungs pa rnams lags/ sangs rgyas kyis gnang ba'i sangs rgyas rjes su dran pa dang / chos rjes su dran pa dang / dge 'dun rjes su dran pa dang / gtong ba rjes su dran pa dang / </font><hr>52.198a<br><font size=+1>

tshul khrims rjes su dran pa dang mi 'bral ba rnams lags/ sangs rgyas kyis gnang ba'i lha rjes su dran pa dang mi 'bral ba rnams lags/ mya ngan las 'das pa dang mnyam pa thob cing byang chub sems dpa'i spyad pa yang spyod de sems can thams cad kyi spyod pa'i mtshan nyid dang cho ga shes pa rnams lags/ sangs rgyas bcom ldan 'das rnams kyi chos dkon mchog gi mdzod 'dzin pa dang / mtshan nyid kyi ngo bo nyid kyi chos gang de bzhin gshegs pas mngon par rdzogs par sangs rgyas pa'i mtshan nyid kyi ngo bo nyid de'i chos thams cad yongs su 'dzin pa dang / thog ma nas sems can rnam par dag pas sems can thams cad yongs su smin par bgyid pa dang / sangs rgyas kyi chos thams cad yang dag par bsgrub pa'i slad du tshul bzhin du'ang rab tu sbyor ba rnams lags/ mngon par shes pa las ma nyams shing chos thams cad la dbang bgyid pa rnams lags/ nyan thos dang rang sangs rgyas thams cad kyis shin du rtogs par dka' ba'i chos kyi tshul zab mo la zhugs pa rnams lags/ rten cing 'brel par 'byung ba la 'jug pa'i shes pa la mkhas te mtha' gnyis su lta ba thams cad dang bral ba rnams lags/ de bzhin gshegs pa'i phyag rgyas btab pas de bzhin nyid dbyer med pa shes pa mkhas pa rnams lags/ chos kyi dbyings kyi tshul la rab tu zhugs shing chos kyi dbyings thams cad la yang dag par gzhol ba rnams lags/ bsam pa rdo rje ltar sra zhing mi phyed de theg pa chen po 'di la legs par gnas shing mi g.yo ba rnams lags/ sangs rgyas kyi yul rjes su thob cing rang gi yul yongs su dag pa rnams lags/  gzungs thob pa rtag tu mi brjed par spyod pa rnams lags/  spobs pa thogs pa med cing rgyun mi chad la rtag tu sangs rgyas kyi byin gyis brlabs kyis byin gyis brlabs pa rnams lags/ skye ba dang 'chi 'pho ba dang / 'byung ba rnams la dbang thob pa rnams lags/ bdud bzhi'i lam las yang dag par 'das shing bdud dang phyir rgol ba thams cad bcom pa rnams lags/ bsod nams gyis tshogs</font><hr>52.198b<br><font size=+1>

tshad med pa bsags shing sems can thams cad kyi 'tsho bar gyur pa rnams lags/ sangs rgyas rnams ma byung yang sangs rgyas kyi mdzad pas sems can rnams la nye bar gnas pa rnams lags/ rgya mtsho'i phyag rgya'i ting nge 'dzin thob cing sems can thams cad kyi sems dang spyod pa la mi chags pa rnams lags/ chags pa thams cad las yang dag par 'das pa dang nam mkha' la rlung mar lta bu'i sems dang ldan pa rnams lags/ cho ga dang spyod pa'i tshul shes pa dang mun pa dang bral zhing snang ba thob pa rnams lags/ gzhan gyi dring la mi 'jog cing rang byung gi ye shes shin du rtogs pa rnams lags/ myur du theg pa chen po las thams cad mkhyen pa'i ye shes 'di thob par 'gyur ba lags/ de skad ces gsol pa dang / bcom ldan 'das kyis byang chub sems dpa' sems dpa' chen po nam mkha' mdzod la 'di skad ces bka' stsal to/ /skyes bu dam pa khyod legs so legs so/ /skyes bu dam pa khyod de bzhin gshegs pa la don 'di 'dri bar sems pa legs so/ /'di lta ste khyod ni sems can thams cad kyis gsol ba ma btab pa'i bshes gnyen sangs rgyas kyis chos thams cad la snang ba thob pa/ byams pa chen po dang snying rje chen po'i go cha bgos pa/ bgrang ba las 'das pa'i sangs rgyas la bsnyen bkur byas pa/ rtag tu chos las mi ngoms pa/ ye shes kyi mtshon cha can nga rgyal gyi rnam pa thams cad las yang dag par 'das pa/ rtag tu rgyun mi 'chad par sems can gyi don la brtson pa/ 'jig rten gyi chos brgyad las yang dag par 'das pa/ nam mkha' dang mtshungs pa'i sems kyis thams cad mkhyen pa'i ye shes yang dag par bsgrub pa ste/ skyes bu dam pa khyod kyi yon tan rnams kyi mtha' rtogs par sla ba ma yin no/ /de'i phyir rigs kyi bu khyod legs par rab tu nyon la yid la zung shig dang / ji ltar byang chub sems dpa' sems dpa' chen po rnams kyis yon tan 'di rnams dang gzhan dag kyang thob par 'gyur ba bshad do/ /bcom ldan 'das legs so zhes gsol nas byang chub sems dpa' nam mkha' mdzod bcom ldan 'das kyi ltar nyan pa dang / bcom ldan 'das kyis 'di skad ces bka'</font><hr>52.199a<br><font size=+1>

stsal to/ /rigs kyi bu chos bzhi dang ldan na byang chub sems dpa' sbyin pa nam mkha' dang mtshungs pa yin te/ bzhi gang zhe na/ 'di lta ste bdag rnam par dag pas sems can rnam par dag pa la 'jug pa dang / sems can rnam par dag pas sbyin rnam par dag pa la 'jug pa dang / sbyin pa rnam par dag pas bsngo ba rnam par dag pa la 'jug pa dang / bsngo ba rnam par dag pas byang chub rnam par dag pa la 'jug pa ste/ rigs kyi bu chos bzhi po de dag dang ldan na byang chub sems dpa' sbyin pa nam mkha' dang mtshungs pa yin no/ /des rnam par dag pa brgyad kyi sgo nas sbyin pa de sbyin te/ brgyad gang zhe na/ 'di lta ste/ ngar 'dzin pa rnam par dag par sbyin pa de sbyin/  nga yir 'dzin pa rnam par dag par sbyin pa de sbyin/ rgyu rnam par dag par sbyin pa de sbyin/ lta ba rnam par dag par sbyin pa de sbyin/ mtshan ma rnam par dag par sbyin pa de sbyin/ tha dad pa rnam par dag par sbyin pa de sbyin/ rnam par smin pa la mi re ba rnam par dag par sbyin pa de sbyin/ nam mkha' dang mtshungs pa'i sems rnam par dag par sbyin pa de sbyin te/ de rnam par dag pa brgyad po 'di dag gi sgo nas sbyin pa de sbyin no/ /ji ltar nam mkha' mtha' med pa de bzhin du sems mtha' med par byas te sbyin pa de sbyin/ ji ltar nam mkha' rgya che zhing sgribs pa med pa de bzhin du byang chub tu bsngos te sbyin pa de sbyin/ ji ltar nam mkha' la gzugs med pa de bzhin du gzugs thams cad la mi gnas par sbyin pa de sbyin/ ji ltar nam mkha' la tshor ba med pa de bzhin du tshor ba dang bral bar sbyin pa de sbyin/ ji ltar nam mkha' la 'du shes med pa de bzhin du 'du shes thams cad kyi mdud pa med par sbyin pa de sbyin/ ji ltar nam mkha' 'dus ma byas pa de bzhin du 'dus byas thams cad med par sbyin pa de sbyin/ ji ltar nam mkha' mtshan nyid rnam par rig pa med pa de bzhin du rnam par shes pa mi gnas par sbyin pa de sbyin/ ji ltar nam mkha' sangs rgyas kyi zhing thams cad la khyab pa de bzhin du sems can thams cad la byams pas khyab par sbyin pa de sbyin/ ji ltar nam mkha' mi zad pa de bzhin du dkon mchog gsum gyi rigs mi zad par bsngo zhing sbyin pa de sbyin/ </font><hr>52.199b<br><font size=+1>

ji ltar nam mkha' la mun pa med pa de bzhin du nyon mongs pa thams cad kyi mun pa med par sbyin pa de sbyin/  ji ltar nam mkha' rtag par rab tu snang ba de bzhin du sems kyi rang bzhin yongs su dag par sbyin pa de sbyin/ ji ltar nam mkha' sems can thams cad kyi go skabs 'byed pa de bzhin du sems can thams cad nye bar 'tsho bar sbyin pa de sbyin/ ji ltar nam mkha' la nga'i ba med pa de bzhin du sems can thams cad yid la byed pa thams cad dang bral bar sbyin pa de sbyin/ ji ltar sprul pas sprul pa la sbyin pa de sbyin pa lta bur rnam par mi rtog cing lhun gyis grub ste/ sems dang yid dang rnam par shes pa dang bral zhing chos thams cad la re ba med pa de ltar gnyis dang 'bral ba'i phyir sgyu ma'i mtshan nyid kyi ngo bo nyid rnam par dag par byang chub sems dpas sbyin pa de sbyin te/ rigs kyi bu gang de lta bur sbyin pa yongs su gtong ba de ni shes rab kyi ye shes kyis ni sems can thams cad kyi nyon mongs pa thams cad yongs su 'dor zhing thabs kyi ye shes kyis ni sems can thams cad mi gtong ba ste/ rigs kyi bu de lta bur gtong ba'i sems ni byang chub sems dpa' sbyin pa nam mkha' dang mtshungs pa yin no/ /de nas byang chub sems dpa' sems dpa' chen po lag na mar me zhes bya ba 'khor de nyid du 'dus par gyur te 'dug pa des bcom ldan 'das la 'di skad ces gsol to/ /bcom ldan 'das byang chub sems dpa' gang dag gi sbyin pa yongs su gtong ba 'di 'dra ba lags/  bcom ldan 'das kyis bka' stsal pa rigs kyi bu byang chub sems dpa' sems dpa' chen po gang de dag rnam pa med pa ste rnam par dag pa/ sems can gyi rnam pa ste/ sems can rnam par dag pa/ chos kyi rnam pa ste/ chos rnam par dag pa/ ye shes kyi rnam pa ste/ ye shes rnam par dag pa/ shes rab kyi rnam pa ste/ shes rab rnam par dag pa/  sems kyi rnam pa ste/  sems rnam par dag pa/ 'jig rten gyi rnam pa ste/ 'jig rten rnam par dag pa/ gzugs med pa ste gzugs su ston pa dang mi ston pa'i ye shes rnam par dag pa/ mun pa med cing mun pa rab tu snang bar byed pa/ mtshan ma thams cad rnam par bshig pas mtshan ma med pa'i</font><hr>52.200a<br><font size=+1>

mthar gyur pa/ mthar phyin pa'i ye shes rnam par dag pa/ mi zad pa'i bzod pa dang ldan pa/ de bzhin gshegs pa'i ye shes mkhyen pa'i lung bstan pa thob pa/ mtshams bcad cing byang chub sems dpa' nges par gyur pa la zhugs pa/ phyir mi ldog pa'i phyag rgyas btab cing dbang bskur ba thob pa/ sangs rgyas kyi chos thams cad la yang dag par zhugs zhing mnyam pa nyid kyi mnyam par spyod pa/ legs par spyod pa la spyad pa/ sems can thams cad kyi spyod pa'i mtshan nyid dang chog shes pa'i byang chub sems dpa' sems dpa' chen po de dag gi spyod yul te/ skyes bu dam pa de dang de dag ni de lta bu'i sbyin pa sbyin par byed do/ /bstan pa 'di bshad pa na byang chub sems dpa' khri drug stong nam mkha' dang mtshungs pa'i sbyin pa la bzod pa skyes so/ /de nas bcom ldan 'das kyis de'i tshe tshigs su bcad pa 'di dag gsungs so/ /dag pa'i sems kyis rtag tu sbyin pa sbyin/ /byang chub phyir te rnam smin yong mi 'dod/ /dga' zhing mgu nas rjes su gdung med de/ /rab tu grol nas rtag tu sbyin pa sbyin/ /mkhas pas chos rnams sgyu 'drar shes nas su/ /lus dang srog la'ang chags par mi 'gyur zhing / /de dag la ni nams kyang 'dzin pa med/ /de ltar de dag bsam pa byang chub nges/ /thams cad gtang yang mi dga' bar mi 'gyur/ /de la zhum pa med de gong ba med/ /de yis nam mkha' mtshungs par chos rnams bsgoms/ /de bas dga' bar mi 'gyur zhum pa med/ /bdag gi rang bzhin snga nas rnam par dag /byang chub rnam par dag pas sbyin pa sbyin/ /de ni sems kyi rgyud la mi chags par/ /spros pa med par sbyin pa rab tu sbyin/ /sems mnyam yid kyang mnyam pas sbyin pa gtong / /rab 'bring tha ma gsum yang med par sbyin/ /bsam pa yongs dag dri ma med pa yis/ /thams cad gtong yang rnam par smin mi 'dod/ /lus dang tshe ni mi rtag sgyu ma 'dra/ /longs spyod rmi lam glog bzhin snying po med/ /'jig rten kun la snying rje brtse bskyed nas/ /'jig rten chos kyis ma gos sbyin pa sbyin/ /nyon mongs dag phyir bdag gi nor kun gtong / /rgyal ba'i tshig gi gnas su</font><hr>52.200b<br><font size=+1>

'gyur snyam ste/ /bdud rnams kyis kyang bdag la glags mi rnyed/ /de ltar brtags nas thams cad gtong ba yin/ /stobs bcus sbyin pa rtsa ba yin zhes gsungs/ /de la rab tu gnas na tshul khrims ldan/ /tshul khrims yon tan gnas nas bsam gtan rnyed/ /bsam gtan ma chags shes rab rdzogs par byed/ /sbyin pa dang ni dul bas sems rab tshim/ /nyon mongs rnams kyang tshig nas phyir mi skye/ /sbyin pa bdag dang gzhan la phan par gsungs/ /phan dang bde ba 'dus byas sbyin pas mgu/ /sbyin gtong nyon mongs spang zhing dge ba'i phyir/ /des na 'dzin pa la ni chags mi 'gyur/ /pha rol nyon mongs phyir ni mi gtong ste/ /bdag blo rnam dag byang chub phyir gtong ngo / /ji lta ji ltar ma zhum sems kyis gtong / /de ltar des ni byang chub yon tan mthong / /ji lta ji ltar byang chub yon tan mthong / /de lta de ltar sems can brgya tshim byed/ /de nas yang bcom ldan 'das kyis byang chub sems dpa' sems dpa' chen po nam mkha' mdzod la bka' stsal pa/ rigs kyi bu chos bzhi dang ldan na byang chub sems dpa' sems dpa' chen po tshul khrims nam mkha' dang mtshungs pa yin te/ bzhi gang zhe na/ 'di lta ste/ gzugs brnyan lta bu'i lus mnyam pa nyid dang / brag cha lta bu'i sgra mnyam pa nyid dang / /sgyu ma lta bu'i sems mnyam pa nyid dang /  nam mkha' lta bu'i blo mnyam pa nyid de/ rigs kyi bu chos bzhi po de dag dang ldan na byang chub sems dpa' tshul khrims nam mkha' dang mtshungs pa yin no/ /rigs kyi bu brgyad po 'di dag ni byang chub sems dpa' rnams kyi tshul khrims yongs su dag pa ste/ brgyad gang zhe na/ 'di lta ste/ sems rnam par dag pa'i phyir byang chub kyi sems dang mi 'bral ba dang / tshad mar gyur pa rnam par dag pa'i phyir nyan thos dang rang sangs rgyas kyi sems med pa dang /  dam bcas pa rnam par dag pa'i phyir bslab pa thams cad mi 'dor ba dang / smon lam yongs su dag pa'i phyir skye ba thams cad du mi 'jug pa dang / mngon par 'du mi byed pa yongs su dag pa'i phyir phyir mi ldog dang / mtshan ma yongs su dag pa'i phyir byang chub tu bsngo ba dang / nyon mongs pa</font><hr>52.201a<br><font size=+1>

yongs su dag pa'i phyir kun nas gdung ba med pa dang byang chub yongs su dag pa'i phyir smon lam yongs su rdzogs pa ste/ rigs kyi bu brgyad po de dag ni byang chub sems dpa' rnams kyi tshul khrims yongs su dag pa'o/ /gzhan yang tshul khrims yongs su dag pa ni nam mkha' dag pa ste tshul khrims de yang dag pa'o/ /nam mkha' dri ma med pa ste tshul khrims de yang dri ma med pa'o/ /nam mkha' zhi ba ste tshul khrims de yang zhi ba'o/ /nam mkha' mi mtho ba ste tshul khrims de yang mi mtho ba'o/ /nam mkha' mi dma' ba ste tshul khrims de yang mi dma' ba'o/ /nam mkha' gzung du med pa ste tshul khrims de yang gzung du med pa'o/ /nam mkha' gnas med pa ste tshul khrims de yang gnas med pa'o/ /nam mkha' med pa ma yin te tshul khrims de yang med pa ma yin pa'o/ /nam mkha' rtag pa ste tshul khrims de yang rtag pa'o/ /nam mkha' mi zad pa ste tshul khrims de yang mi zad pa'o/ /nam mkha' mtshan ma med pa ste tshul khrims de yang mtshan ma med pa'o/ /nam mkha' rgyu ba med pa ste tshul khrims de yang rgyu ba med pa'o/ /nam mkha' spros pa med pa ste tshul khrims de yang spros pa med pa'o/ /nam mkha' zag pa med pa ste tshul khrims de yang zag pa med pa'o/ /nam mkha' 'dus ma byas pa ste tshul khrims de yang 'dus ma byas pa'o/ /nam mkha' mi 'gyur ba ste tshul khrims de yang mi 'gyur ba'o/ /nam mkha' rnam par mi rtog pa ste tshul khrims de yang rnam par mi rtog pa'o/ /nam mkha' thams cad du song ba ste tshul khrims de yang thams cad du song ba'o/ /nam mkha' mi chod mi phyed pa ste tshul khrims de yang mi chod mi phyed pa'o/ /nam mkha' mtshungs par sbyor ba ste tshul khrims de yang mtshungs par sbyor ba'o/ /nam mkha' rang bzhin gyis kun nas nyon mongs pa can ma yin pa ste tshul khrims de yang rang bzhin gyis kun nas nyon mongs pa can ma yin pa'o/ /rigs kyi bu de ltar gnas pa'i byang chub sems dpa' ni tshul khrims nam mkha' dang mtshungs pa yin no/ /de nas bcom ldan 'das kyis de'i tshe tshigs su bcad pa 'di dag gsungs so/ /sems kyi tshul khrims dri med srung zhing gdung ba med/ /lus dang sems kyang</font><hr>52.201b<br><font size=+1>

rnam dag ngag yid thams cad bsdams/ /mkhas pa rtag tu nang zhi tshul khrims dregs mi snyems/ /blo 'chad sems la mi gnas byang chub sems la rton/ /las gang ma byas ma bsams de bzhin ma brtags te/ /de ni dmar sngo ser min kha dog gzugs mi gnas/ /gzugs med mi bden mi g.yo dben pa nam mkha' bzhin/ /tshul khrims lta ba'i gnas med mkhas pa kun gyis bsngags/ /tshul khrims de ni rab zhi zhi byed nyon mongs zhi/ /zhi gnas lhag mthong dag gi mthar ston pa/ /gang su bcings las grol ba de dag tshul khrims brten/ /de bas tshul khrims thar byed byang chub rtsa ba'i gzhi/ /gang su sbyangs pa dgon gnas 'dod nyung chog shes pa/ /yo byad bsnyungs shing bsam gtan dben tshogs sems sbyangs pa/ /tshul khrims de yi gnas des sems rkang thar pa'i rten/ /de phyir tshul khrims brgyan pa lam bde thar gnas pa/ /g.yo ba rlom sems kun bral lta ba'i nyon mongs gcod/ /nam mkha' mtshungs mnyam byams pas khyab cing mthar 'dzin spyod/ /byang chub phyir nges mi gtong byang chub kun mi rtog /gang mkhas chog shes de 'dra tshul khrims pha rol phyin// //'phags pa nam mkha' mdzod kyis zhus pa zhes bya ba/ bam po gnyis pa/  rigs kyi bu de la ji ltar na byang chub sems dpa' bzod pa nam mkha' dang mtshungs pa yin zhe na/ rigs kyi bu chos bzhi dang ldan na byang chub sems dpa' bzod pa nam mkha' dang mtshungs pa yin te/ bzhi gang zhe na/ 'di lta ste/ tshig nam mkha' dang mtshungs pa'i phyir gshe yang slar mi gshe ba dang / lus nam mkha' dang mtshungs pa'i phyir brdegs kyang slar mi rdeg pa dang sems nam mkha' dang mtshungs pa'i phyir spyos kyang slar mi spyo ba dang / bsam pa nam mkha' dang mtshungs pa'i phyir khros kyang slar mi khro ba ste/ rigs kyi bu chos bzhi po de dag dang ldan na byang chub sems dpa' bzod pa nam mkha' dang mtshungs pa yin no/ /rigs kyi bu byang chub sems dpa' rnams kyi bzod pa nam mkha' dang mtshungs pa yongs su dag pa 'di brgyad de/ brgyad gang zhe na/ 'di lta ste/  nam mkha' la zhe 'gras pa med de sems can thams cad la zhe 'gras pa med pa'i bzod pa yongs su dag pa dang / </font><hr>52.202a<br><font size=+1>

nam mkha' la rjes su chags pa med de rnyed pa dang bkur sti la rjes su chags pa med pa'i bzod pa yongs su dag pa dang nam mkha' ni mnyam par sbyor ba ste sems can thams cad la sems mnyam pa'i bzod pa yongs su dag pa dang / nam mkha' ni ma smad ma nyams pa ste lus dang sems zad pas nyams pa med pa'i bzod pa yongs su dag pa dang / nam mkha' ni bag la nyal thams cad spangs pa ste bag la nyal med pa'i bzod pa yongs su dag pa dang / nam mkha' ni yid dang dmigs pa med pa ste yid dang dmigs pa med pa'i bzod pa yongs su dag pa dang / nam mkha' ni ma skyes ma byung ba ste ma skyes ma byung ba'i bzod pa yongs su dag pa dang / nam mkha' ni gzugs dang gzugs med pa thams cad la khyab pa ste byams pas khyab pa'i bzod pa yongs su dag pa dang / rigs kyi bu brgyad po de dag ni byang chub sems dpa' rnams kyi bzod pa yongs su dag pa nam mkha' dang mtshungs pa'o/ /rigs kyi bu byang chub sems dpa' rnams kyi chos la nges par rtog pa'i bzod pa ni 'di brgyad de/ brgyad gang zhe na/   stong pa nyid la bzod kyang lta ba gzhig pa'i phyir ma yin pa dang / mtshan ma med pa la bzod kyang mtshan ma sel ba ma yin pa dang / smon pa med pa la bzod kyang byang chub tu smon pa med pa ma yin pa dang / mngon par 'du mi byed pa la bzod kyang 'dus byas rnam par gzhig pa'i phyir ma yin pa dang / skye ba med pa la bzod kyang 'dus ma byas kyi mtshan nyid kyis ma yin pa dang / 'byung ba med pa la bzod kyang skye ba dang gnas pas ma yin pa dang / sems can med pa la bzod kyang dngos po rnam par gzhig pa'i phyir ma yin pa dang / ji lta ba bzhin du bzod kyang dus rnam par gzhig pa'i phyir ma yin pa ste/ rigs kyi bu brgyad po de dag ni byang chub sems dpa' rnams kyi chos la nges par rtog pa'i bzod pa'o/ /bzod pa zhes bya ba ni 'di dag bdag la gshe yang bzod do snyam pa de ni nga yir 'dzin pa'i bzod pa ste 'di ni nam mkha' dang mtshungs pa'i bzod pa ma yin no/ /'di dag gshe ba bdag gis bzod par bya'o snyam pa de ni ngar 'dzin pa'i bzod pa ste/  de ni nam mkha' dang mtshungs pa'i bzod pa ma yin no/ /</font><hr>52.202b<br><font size=+1>

'di dag ni yi ge bsnor ba'o snyam pa de ni sgra dang skad kyi bzod pa ste/ de ni nam mkha' dang mtshungs pa'i bzod pa ma yin no/ /'di yang stong pa bdag kyang stong pa'o snyam pa de ni yid la byed pa sbyor ba'i bzod pa ste/ de ni nam mkha' dang mtshungs pa'i bzod pa ma yin no/ /bdag gis bzod pa bya'o/ /snyam pa de ni rnam par rig pa'i bzod pa ste/ de ni nam mkha' dang mtshungs pa'i bzod pa ma yin no/ /'di lta ste/ dper na shing sA la chen po'i tshal yod par la la zhig 'ongs te/ shing sA la bcad na de la shing sA la bcad pa'i lhag ma rnams 'di snyam du 'di dag ni bcad do/ /bdag ni ma bcad do snyam du mi sems te/ de dag la rjes su chags pa yang med/ khong khro ba yang med de mi rtog rnam par mi rtog yongs su mi rtog pa de bzhin du/ gang bzod pa ni byang chub sems dpa'i bzod pa nam mkha' dang mtshungs pa yongs su dag pa'i mchog go/ /de nas bcom ldan 'das kyis de'i tshe tshigs su bcad pa 'di dag gsungs so/ /zad pa shes pa bzod pa mi zad gtsang / /yid ni yul la ma chags shin du bsgoms/ /phyi nang shin du rnam dag mi gnas pa/ /nam mkha' mtshungs mnyam sems mchog bzod pa'o/ /lus 'di gzugs brnyan rtsi shing rtsig pa 'dra/ /sems kyang gzugs med mi snang sgyu ma 'dra/ /chos 'di lta ba'i gnas med nam mkha' bzhin/ /lus kyang mi 'gyur yid la khro ba med/ /bkur sti byed la dga' dang zhe sdang med/ /mtho dang dma' bar rnam par rtog pa med/ /theg pa gang 'dra sa ltar sbyor ba de/ /sems can dag par bstan 'dir bzod smra yin/ /srog med gang zag bdag med sems can med/ /chos 'di thams cad stong par gang bzod cing / /rgyu dang rkyen dang byed dang 'gal mi byed/ /de ni bstan 'dir bzod mchog yang dag nyid/ /kha ngan zer ba'i tshig thos mi gshe zhing / /byed pa med pa nam mkha'i sprin sgra bzhin/ bdag rnam bsal yid stong pa'i mchog mthong de/ /bstan 'dir sems can gtsang ma bzod smra yin/ /rigs kyi bu de la ji ltar na byang chub sems dpa' brtson 'grus nam mkha' dang mtshungs pa yin zhe na/ /rigs kyi bu chos bzhi dang ldan na byang chub</font><hr>52.203a<br><font size=+1>

sems dpa' sems dpa' chen po brtson 'grus nam mkha' dang mtshungs pa yin te/ bzhi gang zhe na/ 'di lta ste/ dge ba'i rtsa ba thams cad la rtsom yang chos thams cad yongs su ma grub par rab tu shes pa dang / sangs rgyas thams cad la mchod pa dang rim gro bya ba mngon par 'du byed kyang de bzhin gshegs pa rnams chos kyi sku mnyam par yang dag par rjes su mthong ba dang / sems can yongs su smin par byed kyang sems can rnam par dag pas sems can mi dmigs pa dang / sangs rgyas thams cad kyi dam pa'i chos yongs su 'dzin kyang 'dod chags dang bral bar bya ba'i chos yang dag par rjes su mi mthong ba ste/ rigs kyi bu chos bzhi po de dag dang ldan na byang chub sems dpa' sems dpa' chen po brtson 'grus nam mkha' dang mtshungs pa yin no/ /rigs kyi bu byang chub sems dpa' rnams kyi brtson 'grus yongs su dag pa 'di brgyad de/ brgyad gang zhe na/  brtson 'grus gang gis lus brgyan pa'i lus de gzugs brnyan lta bur rig pas mi dmigs pa dang / brtson 'grus gang gis tshig mngon par 'du byed pa'i tshig de ya ma rlar rnam par brtags te mi dmigs pa dang / brtson 'grus gang gis sems ting nge 'dzin gyi gnas su 'jog pa'i sems de sems kyi chos nyid kyis rnam par brtags te mi dmigs pa dang / brtson 'grus gang gis pha rol du phyin pa'i phyogs thams cad rab tu sdud par byed kyang de gcig nas gcig tu sems zad pa'i chos nyid kyis shin du brtags te mi dmigs pa dang / brtson 'grus gang gis byang chub kyi phyogs kyi chos thams cad yang dag par bsgrub kyang byang chub de dngos po'i mtshan nyid rnam par brtags te yang dag par rjes su mi mthong ba dang / brtson 'grus gang gis sangs rgyas kyi zhing yongs su sbyong bar byed pa'i zhing de yang nam mkha' dang mtshungs pas rnam par brtags te mi dmigs pa dang / brtson 'grus gang gis thos pa thams cad 'dzin par byed pa de yang sgra brag cha dang mtshungs par yang dag par rjes su mthong ba dang / brtson 'grus gang gis sangs rgyas kyi chos thams cad rab tu sgrub pa de yang chos kyi dbyings dbyer med pa'i mtshan nyid du rnam par brtags nas mi dmigs pa ste/ rigs kyi bu brgyad</font><hr>52.203b<br><font size=+1>

po de dag ni byang chub sems dpa' rnams kyi brtson 'grus yongs su dag pa'o/ /rigs kyi bu 'di gnyis ni byang chub sems dpa' rnams kyi brtson 'grus te/ 'di lta ste/ sbyor ba'i brtson 'grus dang / yongs su chad pa'i brtson 'grus so/ /de la sbyor ba'i brtson 'grus ni lus dang ngag dang sems dang / rab tu ldan pa'o/ /yongs su chad pa'i brtson 'grus ni len pa med pa/ 'dor ba med pa gnas med pa ste/ nam byang chub sems dpa' lus dang ngag dang sems sbyor ba'i brtson 'grus rtsa ba nas mi gnas par shin du brtags nas mi dmigs shing yongs su chad pa'i brtson 'grus ni chos kyi dbyings kyi rjes su 'jug pas rjes su 'gro ba ste/ de ltar na byang chub sems dpa'i brtson 'grus nam mkha' dang mtshungs pa yin no/ /ji ltar nam mkha' gzugs med cing sems can thams cad rab tu rgyu ba de bzhin du byang chub sems dpa' rnams kyi brtson 'grus de yang chos thams cad la mi gnas shing sems can thams cad yongs su smin par byed do/ /ji ltar nam mkha' gzugs thams cad la go skabs 'byed cing bla gab med pa de bzhin du byang chub sems dpa' rnams kyi brtson 'grus de yang sems can thams cad la go skabs 'byed cing lta ba thams cad dang bral ba'o/ /ji ltar nam mkha' las rtswa dang / nags tshal dang / lo tog skye yang rtsa ba med cing gnas med pa de bzhin du byang chub sems dpa' rnams kyi brtson 'grus de yang sangs rgyas kyi chos thams cad skyed kyang 'jig tshogs la lta ba'i rtsa ba la gnas pa med do/ /ji ltar nam mkha' thams cad du song yang 'pho ba'i mtshan nyid ma yin pa de bzhin du byang chub sems dpa'i brtson 'grus de yang dge ba'i chos thams cad kyi rjes su song yang 'pho ba'i mtshan nyid ma yin no/ /ji ltar nam mkha' mtshungs par sbyor zhing gzugs tha dad par ston pa de bzhin du byang chub sems dpa' rnams kyi brtson 'grus de yang sems can thams cad la chos thams cad mtshungs par sbyor zhing spyod pa sna tshogs kun du ston to/ /nam byang chub sems dpa' gang kun du sgrub par byed pa de mnyam pa nyid pas yang dag par rjes su mi mthong zhing / gang la rtsom pa de yang rnam par brtags nas mi dmigs te/ de ltar na byang chub sems dpa'i brtson 'grus nam mkha' dang mtshungs pa yin no/ /de nas bcom ldan 'das kyis</font><hr>52.204a<br><font size=+1>

de'i tshe tshigs su bcad pa 'di dag gsungs so/ /brtson 'grus dag gi stobs kyis mthu bskyed nas/ /lus dang srog la'ang phangs par mi byed cing / /bdag nyid chen po byang chub spyad pa spyod/ /sems can phan pa'i don byed phan sems pa/ /sngon gyi srid par 'dus byas ci srid pa/ /byang chub yon tan phyir ni de srid 'khor/ /de dag skyo bar 'gyur ba'ang yong med de/ /phyi phyir brtson 'grus dag ni rab tu skyed/ /sems can bsam mi khyab pa 'gro bar brtson/ /sangs rgyas bsam mi khyab pa mchod par brtson/ /zhing rnams bsam gyis mi khyab blta bar brtson/ /bsam gyis mi khyab bdud rnams gdul bar brtson/ /sbyin pa bsam gyis mi khyab gtong bar brtson/ /tshul khrims bsam gyis mi khyab bsrung bar brtson/ /bzod pa bsam gyis mi khyab sgom par brtson/ /brtson 'grus bsam gyis mi khyab dge bar brtson/ /bsam gtan bsam gyis mi khyab sems par brtson/ /shes rab bsam gyis mi khyab bsgom par brtson/ /byams pa bsam gyis mi khyab bsgom par brtson/ /don dang yon tan sgrub pa rab tu brtson/ /srog dang lus kyang mi phangs brtson par byed/ /nyon mongs 'thab pa kun las rnam par grol/ /stong pa rnam thar bdag med mngon par brtson/ /bdag la bdag med che ba'i bdag nyid brtson/ /lta las rnam grol byang chub phyir yang brtson/ /sgyu ma smig rgyu'i ngo bo nyid du brtson/ /sems med sems kyang sems ma yin pa thob/ /g.yo ba med pa'i chos rnams ston par brtson/ /'gro ba kun du spyod cing rnam par grol/ /bshad cing klog pa la ni rtag tu brtson/ /chos dang chos min gnyis las shin du 'das/ /sgra dang yi ge'i ngo bo nyid la brtson/ /'gro ba rnams la mdo sde stong rnams smra/ /sangs rgyas yon tan rnams ni mtha' yang med/ /sems can spyod pa rnams la 'ang mtha' med de/ /mkhas pa de la rtag tu brtson 'grus sbyor/ /sems can spyod mtha' med la rab tu 'jug /chos 'di rnams ni skye med 'gag med de/ /mkhas pa de dag sems kyang mi zhum zhing / /phyi phyir brtson 'grus rlabs chen rab bskyed de/ /'di 'dra'i chos la sems can bsgom du btsud/ /rigs kyi bu de la ji ltar na byang chub sems dpa' bsam gtan nam</font><hr>52.204b<br><font size=+1>

mkha' dang mtshungs pa yin zhe na/ rigs kyi bu chos bzhi dang ldan na byang chub sems dpa' bsam gtan nam mkha' dang mtshungs pa yin te/ bzhi gang zhe na/ 'di lta ste sems nang du yang dag 'jog la nang du sems gnas par yang yang dag par rjes su mi mthong ba dang / sems phyi rol nas kyang zlog la phyi rol du sems rgyu ba yang mi dmigs pa dang / bdag gi sems mnyam pa nyid kyis sems can thams cad kyi sems kyang mnyam pa nyid du snyoms par 'jug pa dang sems mnyam pa nyid de yang sems sgyu ma'i chos su mnyam pa nyid du snyoms par 'jug pa ste/ rigs kyi bu chos bzhi po de dag dang ldan na byang chub sems dpa' bsam gtan nam mkha' dang mtshungs pa yin no/ /rigs kyi bu byang chub sems dpa' rnams kyi bsam gtan yongs su dag pa 'di brgyad de/ brgyad gang zhe na/ 'di lta ste/ bsam gtan byed kyang phung po la gnas te bsam gtan mi byed pa dang / bsam gtan byed kyang khams la gnas te bsam gtan mi byed pa dang / bsam gtan byed kyang skye mched la gnas te bsam gtan mi byed pa dang / bsam gtan byed kyang 'jig rten 'di la gnas te bsam gtan mi byed pa dang / bsam gtan byed kyang 'jig rten pha rol la gnas te bsam gtan mi byed pa dang / bsam gtan byed kyang 'dod pa'i khams la gnas te bsam gtan mi byed pa dang / bsam gtan byed kyang gzugs kyi khams la gnas te bsam gtan mi byed pa dang / bsam gtan byed kyang gzugs med pa'i khams la gnas te bsam gtan mi byed pa ste/ rigs kyi bu brgyad po de dag ni byang chub sems dpa' rnams kyi bsam gtan yongs su dag pa'o/ /gzhan yang nges par rtog pa'i sems ni bsam gtan yongs su dag pa ste/ de la nges par rtog pa'i sems nyid gang zhe na/ gang chos rnams la mi mtho mi dma' ba/ mi stod mi smod pa/ 'gyur ba med pa/ rnam par mi rtog pa/ stsogs pa med pa/  'dzin pa med pa/ gtong ba med pa/ mun pa med pa/ snang ba med pa/ rtog pa med pa/ rnam par rtog pa med pa/ 'du shes med pa/ yid la byed pa med pa/ gcig pa 'ang ma yin/ gnyis pa 'ang ma yin/ gnyis ma yin pa 'ang ma yin pa/ g.yo ba med pa/ rlom sems med pa/ spros pa med pa/ stsogs</font><hr>52.205a<br><font size=+1>

pa med pa/ bri ba med pa/ sgom pa med pa/ 'jigs pa med pa ste/  gang mtshan ma dang dmigs pa thams cad la mi gnas pa/ gang sems mi gnas pa de ni sems nges par rtog pa'o/ /sems nges par rtog pa ni gzugs rnams la mi rgyug ste/ mig dang gzugs dang rnam par shes pa rig cing rang gi mtshan nyid rnam par dag par bsam gtan byed do/ /sems nges par rtog pa ni sgra rnams la mi rgyug ste/ rna ba dang sgra dang rnam par shes pa rig cing rang gi mtshan nyid rnam par dag par bsam gtan byed do/ /sems nges par rtog pa ni dri rnams la mi rgyug ste/ sna dang dri dang rnam par shes pa rig cing rang gi mtshan nyid rnam par dag par bsam gtan byed do/ /sems nges par rtog pa ni ro rnams la mi rgyug ste/ lce dang ro dang rnam par shes pa rig cing rang gi mtshan nyid rnam par dag par bsam gtan byed do/ /sems nges par rtog pa ni reg pa rnams la mi rgyug ste/ lus dang reg pa dang rnam par shes pa rig cing rang gi mtshan nyid rnam par dag par bsam gtan byed do/ /sems nges par rtog pa ni chos rnams la mi rgyug ste/ yid dang chos dang rnam par shes pa rig cing rang gi mtshan nyid rnam par dag par bsam gtan byed do/ /rigs kyi bu 'di lta ste dper na/ bskal pas sreg pa na nam mkha' mi 'tshig cing / chus 'jig pa na nam mkha' gsher bar mi 'gyur ba de bzhin du/ byang chub sems dpa'i bsam gtan nam mkha' dang mtshungs pa yang nyon mongs pa thams cad kyis mi 'tshig cing bsam gtan dang / rnam par thar pa dang / ting nge 'dzin dang / snyoms par 'jug pa thams cad la 'ang ma chags pa yin no/ /mnyam par bzhag pa yang yin la sems rnam par g.yengs pa'i sems can rnams kyang shin du 'god do/ /mnyam par bzhag kyang dga' ba med la langs nas kyang khong khro ba med pa yin no/ /'phags pa'i skye bo rnams la zhi ba nye bar ston kyang 'phags pa ma yin pa'i skye bo rnams yongs su smin par bya ba'i phyir brtson 'grus rab tu 'bar bar yang byed do/ /mnyam par bzhag cing mnyam pa yang yin la mi mnyam par spyod pa rnams la tha dad par ston pa yang rab tu ston to/ /mnyam pa nyid kyis mi</font><hr>52.205b<br><font size=+1>

mnyam pa yang mi mthong la/ mi mnyam pas mnyam pa nyid dang 'gal bar yang mi byed do/ /de ni mi 'gal zhing 'gal ba med pa nam mkha' dang mtshungs pa'i sems kyi bsam gtan pa zhes bya'o/ /shes rab che ba'i bsam gtan pa zhes bya'o/ /rnam par shes pa rab tu mi gnas pa'i bsam gtan pa zhes bya'o/ /gang gis bsam gtan de ltar mngon par rtogs pa'i byang chub sems dpa' de bsam gtan nam mkha' dang mtshungs pa ste/ mi gnas pa'i bsam gtan yin no/ /de nas bcom ldan 'das kyis tshigs su bcad pa 'di dag gsungs so/ /bsam gtan rnams kyis dbang po yongs su dag /dran pa rtse gcig yid ni mnyam par bzhag /gnas rnams thams cad la yang mi gnas shing / /'gro ba kun la mnyam nyid snyoms par bzhag /nang dang phyi rol dag na gnas pa yi/ /phung po skye mched khams la mi gnas shing / /nye bar zhi ba dben pa spyod yul te/ /mkhas pa de dag rtag tu mnyam par bzhag /mnyam pa nyid kyis rtag tu mnyam bzhagapa/ /chos kyi dbyings dang mnyam zhing mtshungs pa'i yid/ /shin du dben pa'i sems kyang ston byed cing / /mkhas pa bsam gtan kun la'ang mi chags so/ /'gro ba rnams kyang yongs su smin bya'i phyir/ /'chi 'pho skye ba 'chi ba nyer ston kyang / /ting nge 'dzin las de dag mi nyams te/ /de ni sems rtogs dbang gis de 'dra'o/ /gzugs med ting nge 'dzin kyang spyod yul la/ /sems can rnams ni yongs su smin bya'i phyir/ /'dod pa'i khams su'ang rab tu snang byed de/ /de dag bdag dang sems can mi gnas so/ /nam mkha' dang ni mtshungs pa'i spyod yul te/ /sgyu ma dang yang mtshungs shing smig rgyu 'dra/ /rmi lam chu zla sprin gyi mtshan nyid du/ /chos rnams shes nas rtag tu mnyam par bzhag /'gro ba kun gyi sems kyi spyod yul du/ /'gro ba rnams la sems dang blo 'jug cing / /sems rgyud la ni sgrib pa med pa ste/ /rang gi sems kyi rgyud kyang rab tu shes/ /bsam gtan rdzu 'phrul mngon shes mkhas pa yis/ /zhing rnams mang po bye bar der 'gro zhing / /mi shes nyon mongs thams cad spangs pa'i yid/ /rgyal ba bsam mi khyab</font><hr>52.206a<br><font size=+1>

la mchod par byed/ /dbang po rnams ni dul zhing zhi ba'i yid/ /zhi gnas pha rol phyin cing mi rtog pa/ /de ni 'gro ba rnams la zhi ba'i yid/ /rtag tu ye shes stobs la mnyam par bzhag /mnyam pa nyid dang mnyam pa'ang yong med la/ /mnyam pa nyid ces bya bar mtshan med de/ /mnyam nyid de la gang dag rab gnas pa/ /de dag rtag tu mnyam par bzhag pa yin/ /rigs kyi bu de la ji ltar na byang chub sems dpa' shes rab nam mkha' dang mtshungs pa yin zhe na/ rigs kyi bu chos bzhi dang ldan na byang chub sems dpa' sems dpa' chen po shes rab nam mkha' dang mtshungs pa yin te/ bzhi gang zhe na/ 'di lta ste/ nam mkha' rnam par dag pas sems can thams cad rnam par dag par 'jug pa dang / ye shes rnam par dag pas rnam par shes pa thams cad rnam par dag par 'jug pa dang / chos kyi dbyings rnam par dag pas bdag dang sems can dang srog dang gang zag rnam par dag par 'jug pa dang / don rnam par dag pas yi ge thams cad rnam par dag par rab tu rtogs pa ste/ rigs kyi bu chos bzhi po de dag dang ldan na byang chub sems dpa' shes rab nam mkha' dang mtshungs pa yin no/ /rigs kyi bu byang chub sems dpa' rnams kyi shes rab yongs su dag pa ni 'di brgyad de/ brgyad gang zhe na/ 'di lta ste/ dge ba'i chos thams cad yang dag par sgrub kyang rtag par lta bar mi sbyor ba dang / mi dge ba'i chos thams cad spong bar brtson 'grus rtsom yang chad par lta bar mi ltung ba dang / rten cing 'brel par 'byung ba la 'jug kyang mi skye ba'i bzod pa dang 'gal bar mi byed pa dang / so so yang dag par rig pa'i shes par snang yang nges pa'i tshig gi spobs pa la mi chags pa dang / chos kyi sdom bzhi 'ang ston la mi rtag pa dang / sdug bsngal ba dang / bdag med pa dang / zhi ba nyid du dngos po yang dag par rjes su mi mthong ba dang / las dang bya ba la 'jug pa rab tu ston kyang las byed cing rnam par smin pa med pa las kyang mi g.yo ba dang / spros pa med pa'i chos shes pa la gnas pa yin yang chos thams cad kyi tshig rab tu dbye ba nges par bstan pa rab tu ston pa dang / chos thams cad kyi snang ba la rab tu rnyed pa yin</font><hr>52.206b<br><font size=+1>

gyis kun nas nyon mongs pa dang rnam par byang ba yang sems can rnams la rab tu ston pa ste/ rigs kyi bu brgyad po de dag ni byang chub sems dpa' rnams kyi shes rab yongs su dag pa'o/ /yang shes rab ces bya ba 'di ni rnam par rtog pa kun nas 'bar ba med pa'i phyir nye bar zhi ba'i tshig go/ /rang gi mtshan nyid kyis rnam par dag pa'i phyir 'di ni mi 'gyur ba'i tshig go/ /gnas med pa'i phyir 'di ni rnam par mi rtog pa'i tshig go yang dag pa nyid ji lta ba'i phyir 'di ni ji lta ba bzhin gyi tshig go/ /'gyur ba ma yin pa'i phyir 'di ni bden pa'i tshig go/ /ma rung bar mi 'gyur ba'i phyir 'di ni yang dag pa'i tshig go/ /bcings pa yang dag par bcom pa'i phyir 'di ni yid rno ba'i tshig go/ /'phags pa'i yon tan gyi phyir 'di ni ngoms pa'i tshig go/ /shin du brtags pa'i phyir 'di ni nges par 'byed pa'i tshig go/ /brjod du med pa'i phyir 'di ni don gyi tshig go/ /khyad par med pa'i phyir 'di ni mtshungs pa'i tshig go/ /mi shigs pa'i phyir 'di ni snying po'i tshig go/ /mi gnas pa'i phyir 'di ni ma g.yos pa'i tshig go/ /rab tu 'bigs pa'i phyir 'di ni rdo rje'i tshig go/ /byed pa byas pa'i phyir 'di ni sgrol ba'i tshig go/ /rang bzhin gyis kun nas nyon mongs pa med pa'i phyir 'di ni rnam par dag pa'i tshig go/ /snang ba mi dmigs pa'i phyir 'di ni mun pa med pa'i tshig go/ /sgro btags pa med pa'i phyir 'di ni gnyis su med pa'i tshig go/ /shin du zad cing byang ba'i phyir 'di ni zad pa'i tshig go/ /'dus ma byas pa'i phyir 'di ni mi zad pa'i tshig go/ /sbyor ba med pa'i phyir 'di ni 'dus ma byas kyi tshig go/ /shin du rnam par dag pa'i phyir 'di ni nam mkha'i tshig go/ /sgrib pa med pa'i phyir 'di ni nam mkha'i tshig go/ /gnas pa'i gnas kyi phyir 'di ni kun nas gsal byed kyi tshig go/ /ngo bo nyid med pa'i phyir 'di ni mi dmigs pa'i tshig go/ /rnam par shes pa dang ye shes gnyis su med pa'i phyir 'di ni ye shes kyi tshig go/ /gnyen po med pa'i phyir 'di ni rdzi ba'i tshig go/ /mngon par ma grub pa'i phyir 'di ni lus med pa'i tshig go/ /kun du rtog pa'i sdug bsngal gyi phyir 'di ni yongs su shes pa'i tshig go/ /sred pa'i bag la nyal yang dag pa</font><hr>52.207a<br><font size=+1>

bcom pa'i phyir 'di ni kun 'byung ba spangs pa'i tshig go/ /rab tu ma byung ba'i phyir 'di ni 'gog pa'i tshig go/ /gnyis su med pa'i lam la rab tu 'jug pa'i phyir 'di ni bsgom pa'i tshig go/ /rdzogs pa'i sangs rgyas par rab tu phye ba'i phyir 'di ni sangs rgyas pa'i tshig go/ /rab tu 'dod chags dang bral ba'i phyir 'di ni chos kyi tshig ste/ gang de lta bu'i tshig la 'jug pa'i ye shes snang ba gzhan gyi dring la mi 'jog pa'i phyir 'di ni shes rab ces bya'o/ /gang nges par bstan pa thams cad la nam mkha' dang mtshungs par bstan pa'i rjes su 'gro ste/ rjes su 'gro bas chos chung ngu la yang mi rtog rnam par mi rtog pa 'di ni byang chub sems dpa'i shes rab kyi pha rol du phyin pa nam mkha' dang mtshungs pa'o/ /de nas bcom ldan 'das kyis de'i tshe tshigs su bcad pa 'di dag gsungs so/ /shes rab lta dang mun pa nyon mongs gcod/ /rab tu bag chags nyon mongs rab bsal cing / /rgyu dang rkyen dang byed pa nges par ston/ /mtha' rnams thams cad yongs su gcod par byed/ /bdag dang sems can la yang mi gnas shing / /gang zag srog la 'ang rtag tu gnas pa med/ /dngos dang dngos med gnyis las thar byed de/ /shes rab pha rol 'gro bar rab tu bstan/ /shes rab bdud las rgyal te nyon mongs med/ /shes rab chu bo las bsgral rab tu sgrol/ /shes rab ye shes byed cing rnam par spyod/ /shes rab thar pa bde ba'i mchog kyang ston/ /shes rab kyis ni bsgribs pa'i rtsa ba spyod/ /phung po khams ni yongs su shes pa'i mtshan/ /mtshan dang mtshan gzhi mtshungs mtshan grol byed pa/ /shes rab thob pa srid pa gsum na mdzes/ /yongs su dag spyod shes rab ces bya ste/ /'jig rten thams cad kyis ni mi gos spyod/ /spyad pa spyod pa rab tu rtogs par spyod/ /shes rab dag pa'i mi ni rnam par mdzes/ /mig lnga dag ni yongs su dag byed cing / /dbang po lnga ni yongs su snang bar byed/ /'gro ba lnga rnams rab tu gcod par byed/ /phung po lnga ni zad phyir chos ston to/ /pha rol tshu rol rtag tu mi gnas shing / /chos kyi dbyings gnas gnas la shin du gnas/ /</font><hr>52.207b<br><font size=+1>

bar snang dang ni mtshungs mnyam 'dra ba ste/ /sangs rgyas ye shes rjes su mthun zhing 'phags/ /rnyed dang ma rnyed gnyi ka'i mtha' las grol/ /dbus la rtog pa kun rtog mi rtog pa/ /gang rnams 'phags pa thams cad song ba yi/ /'chi ba med pa'i lam du 'jug pa ston/ /sdug bsngal shes shing de bzhin sred pa spangs/ /lam rnams ston cing 'gog pa'ang rab tu 'chad/ /bden pa shes par shes rab 'di 'jug ste/ /des ni sngon gyi mtha' yang rab tu bcad/ /zhing rnams thams cad zhing mtshungs zhing ma yin/ /chos rnams thams cad chos mtshungs rab tu dben/ /sems can thams cad bdag med sems can mtshungs/ /shes rab blos dpyod pas ni 'di shes so/ /rigs kyi bu de la byang chub sems dpa' rnams kyi bsod nams nam mkha' dang mtshungs pa gang zhe na/ rigs kyi bu sangs rgyas kyi chos ni nam mkha' dang mtshungs te/ de dag gi byang chub kyi sems kyi sa bon de yang nam mkha' dang mtshungs so/ /rigs kyi bu byang chub sems dpa'i bsod nams ji snyed mngon par 'du bya ba mngon par 'du byed pa de yang byang chub kyi sems kyang mi 'bral te dge ba'i rtsa ba bsags shing bsags pa de dag kyang thams cad mkhyen pa nyid du sngo bar byed cing de dag thams cad kyang nam mkha' dang mtshungs par tshad med par rab tu gnas so/ /de la byang chub sems dpas 'di ltar nam mkha' tshad med pa'i phyir bdag gis bsod nams tshad med pa mngon par 'du bya'o snyams du sems bskyed par bya'o/ /de ci'i phyir zhe na/ tshad med par brtsams pas tshad med pa'i don 'phel ba yin te/ de la byang chub sems dpas bsod nams kyi tshogs tshad med pa la brtson par bya'o/ /rigs kyi bu tshad med pa bcu po 'di dag ni gang byang chub sems dpas bsod nams kyi tshogs kyis yongs su rdzogs par bya ba ste bcu gang zhe na/ 'di lta ste/ mtshan dang dpe byad bzang po yongs su rdzogs pas lus kyi rgyan tshad med pa yongs su rdzogs par bya ba dang / sems can thams cad kyi rjes su song ba'i dbyangs kyi dkyil 'khor rnams par dag pas ngag gi rgyan tshad med pa yongs su rdzogs par bya ba dang / </font><hr>52.208a<br><font size=+1>

sems can thams cad kyi sems kyi rjes su 'jug pas sems kyi rgyan tshad med pa yongs su rdzogs par bya ba dang / spyod pa dang ye shes dang spyod lam tshad med pas sems can yongs su smin par bya ba tshad med pa yongs su rdzogs par bya ba dang / rnam pa tshad med pa rnams kyis sangs rgyas kyi zhing yongs su dag pa tshad med pa yongs su rdzogs par bya ba dang / bsod nams dang sems nges par rtog pa dang dpyod pa tshad med pas sangs rgyas kyi spyod lam tshad med pa yongs su rdzogs par bya ba dang / rgyan bkod pa thams cad dang spyod pa thams cad kyis byang chub kyi snying po'i rgyan tshad med pa yongs su rdzogs par bya ba dang / gtan pa med pa'i mchod sbyin yongs su rdzogs pas mdzod spu yongs su spyad pa tshad med pa yongs su rdzogs par bya ba dang / bla ma la rim gro byed cing 'dud pa tshad med pa dang nga rgyal bcom pa tshad med pas dbu'i gtsug tor spyi gtsug bltar mi mthong ba tshad med pa yongs su rdzogs par bya ba dang / sgyu dang g.yo med par 'ong ba dang 'gro ba dang 'thun par 'dzin pas don yod par rnam par gnon pa tshad med pa yongs su rdzogs par bya ba ste/ rigs kyi bu tshad med pa bcu po de dag ni gang byang chub sems dpas bsod nams kyi tshogs kyis yongs su rdzogs par bya ba'o/ /gzhan yang rigs kyi bu nam byang chub sems dpa' sems nam mkha' dang mtshungs par gyur pa de nam mkha' tshad med pas de'i rtsom pa thams cad kyang tshad med par kun du gnas te/  de bas na bsod nams nam mkha' dang mtshungs pa zhes bya'o/ /rigs kyi bu de la ji ltar na byang chub sems dpa' ye shes nam mkha' dang mtshungs pa yin zhe na/  gang sems can thams cad kyi sems la ye shes des khyab par byed cing / sems can thams cad kyi sems 'dod chags dang bcas pa'i sems kyang 'dod chags dang bcas pa'i sems su yang dag pa ji lta ba bzhin du rab tu shes so/ /zhe sdang dang bcas pa'i sems kyang zhe sdang dang bcas pa'i sems su yang dag pa ji lta ba bzhin du rab tu shes so/ /gti mug dang</font><hr>52.208b<br><font size=+1>

bcas pa'i sems kyang gti mug dang bcas pa'i sems su yang dag pa ji lta ba bzhin du rab tu shes so/ /nye ba'i nyon mongs pa dang bcas pa'i sems kyang des nye ba'i nyon mongs pa dang bcas pa'i sems su yang dag pa ji lta ba bzhin du rab tu shes so/ /des bdag 'dod chags med pa'i chos kyi rang bzhin las ma g.yos par sems can gzhan rnams dang gang zag gzhan dag la 'dod chags 'dul ba'i phyir chos 'chad do/ /des bdag nyid zhe sdang med pa'i chos kyi rang bzhin las ma g.yos par sems can rnams dang gang zag gzhan dag la zhe sdang 'dul ba'i phyir chos 'chad do/ /des bdag nyid gti mug med pa'i chos kyi rang bzhin las ma g.yos par sems can gzhan rnams dang gang zag gzhan la gti mug 'dul ba'i phyir chos 'chad do/ /des bdag nyid nye ba'i nyon mongs pa med pa'i chos kyi rang bzhin las ma g.yos par sems can gzhan rnams dang / gang zag gzhan dag la nyon mongs pa thams cad 'dul ba'i phyir chos 'chad do/ /des 'dod chags dang / zhe sdang dang / gti mug gi nyon mongs pa rnam par dag par bya ba'i phyir chos 'chad do/ /'dod chags dang / zhe sdang dang / gti mug dang nye ba'i nyon mongs pa'i sems la dman par yang yang dag par rjes su mi mthong / 'dod chags dang / zhe sdang dang / gti mug dang nye ba'i nyon mongs pa med pa'i sems la mchog tu yang yang dag par rjes su mi mthong ngo / /de ci'i phyir zhe na/ 'di ltar byang chub sems dpa' de gnyis su med pa'i mtha'i sgo nas chos kyi dbyings yongs su shes te/ chos kyi dbyings gang yin pa de 'dod chags kyi dbyings/ chos kyi dbyings gang yin pa de zhe sdang gi dbyings/  chos kyi dbyings gang yin pa de gti mug gi dbyings/ chos kyi dbyings gang yin pa de nyon mongs pa'i dbyings so/ /de bas na chos thams cad chos kyi dbyings su yang dag par 'du'o zhes bya ste/ chos kyi dbyings ni gar yang 'gro ba med/ mi 'gro ba'ang med do/ /chos thams cad ni chos kyi dbyings kyi rjes su song ste/ gang bdag gi dbyings shes pa des chos kyi dbyings kyang shes so/ /de ltar na chos kyi dbyings dang bdag gi dbyings de</font><hr>52.209a<br><font size=+1>

dag mi gnyis so/ /de ci'i phyir zhe na/ bdag rnam par dag pas chos kyi dbyings kyang rnam par dag go/ /de bzhin du chos thams cad kyang rnam par dag pa ste/ gang rnam par dag pa de rab tu snang ba'o/ /gang rab tu snang ba de bla gab med pa'o/ /gang bla gab med pa de la mtshan ma thams cad kyi skabs med do/ /gang mtshan ma med pa de la gnas pa gang yang med de/ mi gnas pa ni nam mkha'o/ /gang de ltar ye shes kyi rjes su 'gro zhing ye shes des chos thams cad kyi rjes su 'gro ba de ni byang chub sems dpa'i ye shes nam mkha' dang mtshungs pa'o/ /rigs kyi bu de la byang chub sems dpa'i sangs rgyas kyis gnang ba'i sangs rgyas rjes su dran pa gang zhe na/ gang tshul khrims las sangs rgyas rjes su dran zhing zag pa med pa'i tshul khrims las kyang mi nyams pa'o/ /ting nge 'dzin las sangs rgyas rjes su dran zhing chos kyi dbyings mnyam pa thams cad las kyang mi 'gyur ba'o/ /shes rab las kyang sangs rgyas rjes su dran zhing chos thams cad rgyu ba med par yang rnam par mi rtog pa'o/ /rnam par grol ba las sangs rgyas rjes su dran zhing sems gnyis pa la yang mi gnas pa'o/ /rnam par grol ba'i ye shes mthong ba las sangs rgyas rjes su dran zhing shes pa thams cad la yang mi chags pa'o/ /stobs las sangs rgyas rjes su dran zhing dus gsum mtshungs pa'i ye shes las kyang mi g.yo ba'o/ /mi 'jigs pa las sangs rgyas rjes su dran zhing zag pa thams cad dang lhan cig tu yang mi gnas pa'o/ /sangs rgyas kyi chos thams cad las kyang sangs rgyas rjes su dran zhing chos kyi dbyings mnyam pa nyid du yang rnam par mi rtog pa'o/ /gzhan yang sangs rgyas rjes su dran pa ni gang gzugs las sangs rgyas yang dag par rjes su mi mthong la/ gzugs kyi ngo bo nyid shes pas dran pa'i ye shes kyi rjes su yang 'gro ba'o/ /de bzhin du tshor ba dang / 'du shes dang / 'du byed dang / rnam par shes pa las sangs rgyas yang dag par rjes su mi mthong la/ rnam par shes pa ngo bo ny-id shes pas dran pa'i ye shes kyi rjes su yang 'gro ba'o/ /phung po dang / khams dang / skye mched rnams las</font><hr>52.209b<br><font size=+1>

sangs rgyas yang dag par rjes su mi mthong la/ phung po dang khams dang skye mched kyi ngo bo nyid shes pas dran pa'i ye shes kyi rjes su yang 'gro ba'o/ /gang yang chos thams cad kyi ngo bo nyid shes pas shes rab che ba'i dran pa de ni yid la byed pa thams cad med de/ lta ba thams cad kun nas ldang ba med pa'o/ /gang de lta bu rnyog pa med pa'i dran pas dran pa nye bar gzhag pa shes pa de ni sangs rgyas kyis gnang ba'i sangs rgyas rjes su dran pa zhes bya'o/ /gzhan yang sangs rgyas rjes su dran pa ni gang spyod lam thams cad du sangs rgyas la mngon par chags par mi byed do/ /'greng ba dang / 'chag pa dang / 'dug pa dang / nyal ba dang / 'gro ba dang / 'ong ba dang / smra ba dang / mi smra bar yang sangs rgyas la mngon par chags par mi byed do/ /de mngon par ma chags pas dran pa 'ang dran par mi byed mi dran pa 'ang dran par mi byed do/ /de dran pa yid la mi byed pas gzugs dang / mtshan dang chos nyid du 'ang sangs rgyas rjes su mi dran no/ /rigs kyi bu 'di ni sangs rgyas kyis gnang ba'i sangs rgyas rjes su dran pa ste gang la mtshan ma dang dmigs pa thams cad kun du spyod pa med pa'o/ /rigs kyi bu de la byang chub sems dpa' rnams kyi sangs rgyas gyis gnang ba'i chos rjes su dran pa gang zhe na/ chos shes bya ba ni 'dod chags med pa'o/ /de la gang chos ci la chags kyang rung de dag la chos rjes su dran pa gang yang med do/ /chos shes bya ba ni kun gzhi med pa'o/ /de la gang chos gang la sbyor ba de dag la chos rjes su dran pa gang yang med do/ /chos shes bya ba ni nye bar zhi ba ste/ gang sems dang yid 'bar bar byed pa de dag la chos rjes su dran pa gang yang med do/ /chos shes bya ba ni mtshan ma med pa ste/ gang mtshan ma'i rjes su 'brang ba'i rnam par shes pa de dag la chos rjes su dran pa gang yang med do/ /chos shes bya ba ni 'dus ma byas pa ste/ gang 'dus byas su rab tu gzhag pa la gnas pa de dag la chos rjes su dran pa gang yang med do/ /yang chos rjes su dran pa ni gang gis 'du byed thams cad skye ba med par mthong ba ste/ yang dag pa nyid skyon med pa la 'jug pa'o/ /byang chub sems dpas chos thams cad rang bzhin gyis ma skyes par rig nas mi skye ba'i chos la</font><hr>52.210a<br><font size=+1>

bzod pa rab tu 'thob bo/ /gang de lta bu'i gnas ni yang dag pa'i chos kyi gnas so/ /gang gis de ltar mngon par rtogs pa de ni chos thams cad mngon par rtogs pa ste/ 'di ni slob pa dang / mi slob pa dang / rang sangs rgyas dang / byang chub sems dpa' dang / yang dag par rdzogs pa'i sangs rgyas rnams kyis mngon par rtogs pa'o/ /de ltar mnyam par gzhag pa ni 'phags pa thams cad kyi rnam par grol ba ste/ de la chos gang yang kun du spyod pa med do/ /chos gang yang kun du spyod pa med pa de ni sangs rgyas kyis gnang ba'i chos rjes su dran pa'o/ /rigs kyi bu de la byang chub sems dpa'i sangs rgyas kyis gnang ba'i dge 'dun rjes su dran pa gang zhe na/ dge 'dun zhes bya ba ni 'dus ma byas pa ste/ mngon par 'du byed pas rjes su dran par mi nus so/ /gang na lus kyi las dang ngag gi las dang yid kyi las kun du spyod pa med pa de ni mngon par 'du mi byed pa zhes bya'o/ /de la 'dus byas shes bya ba ni gdags pa dang tha snyad do/ /'dus ma byas ni gdags pa thams cad yang dag par 'jom mo/ /tha snyad thams cad las yang dag par 'das pa ste/ rigs kyi bu 'di ni sangs rgyas kyis gnang ba'i dge 'dun rjes su dran pa'o/ /rigs kyi bu de la byang chub sems dpa'i sangs rgyas kyis gnang ba'i gtong ba rjes su dran pa gang zhe na/ gtong ba zhes bya ba ni phung po thams cad 'dor zhing rab tu gtong ba'o/ /de ci'i phyir zhe na/ des chos gang yang btang ba med do/ /'di ltar de la gang gtong ba'i chos yang snang bar mi 'gyur te/ 'di la gang chos thams cad mi 'dzin pa de ni gtong ba'i mchog go/ /gang mi 'dzin pa de ni mi gtong ngo / /gang mi gtong ba de ni mi snyems so/ /gang mi snyems pa de ni dmigs par mi byed do/ /dmigs par mi byed pa de la sems rgyu ba med do/ /rgyu ba med pa ni sems kyis rnam par rig pa med pa'o/ /gang la sems kyis rnam par rig pa med pa de ni rnam par shes pa mi gnas pa'o/ /rnam par shes pa mi gnas pa de ni sangs rgyas kyis gnang ba'i gtong ba rjes su dran pa'o/ /</font><hr>52.210b<br><font size=+1>

gang yang byang chub sems dpa'i gtong ba de ni thams cad mkhyen par bsngos pa ste/ gang thams cad mkhyen pa ni chos thams cad kyi mnyam pa nyid do/ /gang mnyam pa nyid la gnas pa ni rab tu gtong zhing byang chub tu 'ang bsngo ste/ de rjes su dran yang chos gang yang rjes su dran pa med do/ /de ci'i phyir zhe na/ thams cad mkhyen pa ni chos dang chos ma yin pa gnyis dang ldan pa ma yin te/ gang 'di gnyis su med pa de yid la byed pa ci yang med do/ /rigs kyi bu de ltar chos shes pa la rab tu sbyor ba'i byang chub sems dpa' ni sangs rgyas kyis gnang ba'i gtong ba rjes su dran pa yin no/ /rigs kyi bu de la byang chub sems dpa'i sangs rgyas kyis gnang ba'i tshul khrims rjes su dran pa gang zhe na/ tshul khrims zhes bya ba ni 'dus ma byas pa ste/ zag pa med pa/ smon lam med pa/ lhun gyis grub pa/ brtul zhugs grub pa/ brtul zhugs thams cad yongs su rdzogs pa ste/ rnam par rig pa'i mtshan nyid ma yin no/ /ting nge 'dzin gyis gnas te/ sems kyi dmigs pa'i gnas ma yin no/ /shes rab kyi rtsa ba ste/ spros pa'i mtshan nyid ma yin no/ /rnam par grol ba'i rgyu mthun pa ste/ gnyis kyis rab tu phye ba ma yin no/ /mkhas pas rab tu bsngags pa ste/ gzugs snang ba ma yin no/ /nyon mongs pa zhi ba ste/ so so rnam par rig pa'i mtshan nyid ma yin no/ /bde ba thams cad kyi rjes su 'gro zhing gnyen pos bskyed pa ma yin te gang de lta bu'i tshul khrims rjes su dran zhing dran pa la rnyog pa med pa de ni rigs kyi bu sangs rgyas kyis gnang ba'i tshul khrims rjes su dran pa zhes bya'o/ /rigs kyi bu de la byang chub sems dpa'i sangs rgyas kyis gnang ba'i lha rjes su dran pa gang zhe na/ lha'i ris gnyis rjes su dran par bya ste/ gnyis gang zhe na/ gnas gtsang ma'i ris kyi lha dang skye ba gcig gis thogs pa'i byang chub sems dpa' dga' ldan gyi gnas na 'khod pa rnams so/ /de la byang chub sems dpa' gnas gtsang ma'i ris kyi lha rnams rjes su dran</font><hr>52.211a<br><font size=+1>

no/ /yang skye ba gcig gis thogs pa'i byang chub sems dpa' dga' ldan gyi gnas na gang dag 'khod pa de dag ni spyi bo lta bu bcus rjes su dran te bcu gang zhe na/ pha rol du phyin pa thams cad kyi nang na shes rab kyi pha rol du phyin pa spyi bor gyur pa dang / mngon par shes pa thams cad kyi nang na mi nyams pa'i mngon par shes pa dang / sa thams cad kyi nang na dbang bskur ba'i sa dang / byang chub kyi phyogs kyi chos thams cad kyi nang na yang dag pa'i lta ba dang ting nge 'dzin mi nyams pa dang / so so yang dag par rig pa'i nang na don dang spobs pa rgyun mi 'chad pa dang / shes pa thams cad kyi nang na chags pa med pa'i ye shes la 'jug pa dang / dbang po thams cad kyi nang na rab 'bring tha ma la 'jug pa shes pa dang / stobs dang mi 'jigs pa la snang ba'i ye shes rjes su 'gro ba dang / spyan thams cad kyi nang na sangs rgyas kyi spyan kun du gzigs pa dang / sangs rgyas kyi chos thams cad 'di dag gi lag mthil du song ba ltar 'dug pa dang / byang chub kyi snying po la 'dug nas sems kyi skad cig gcig dang ldan pa'i shes rab kyis mngon par rdzogs par byang chub pa'o zhes spyi bo lta bu'i chos rnam pa bcu po de dag gis rjes su dran no/ /de'i dran pa de ni lta bas ma 'khrugs/ bag la nyal dang kun nas ldang bas ma 'khrugs/ yid la byed pas ma 'khrugs/ spros pas ma 'khrugs pa ste/ de lta bu'i dran pa rnyog pa med pas lha rjes su dran pa 'di ni rigs kyi bu sangs rgyas kyis gnang ba lha rjes su dran pa zhes bya'o/ /rigs kyi bu de la ji ltar na byang chub sems dpa' mya ngan las 'das pa dang mnyam pa nyid thob kyang byang chub sems dpa'i spyad pa yang spyod pa yin zhe na/ mya ngan las 'das pa zhes bya ba ni nyon mongs pa thams cad rab tu zhi ba ste/ tshor ba thams cad rgyun bcad pa/ dmigs pa thams cad zhi ba/ phung po dang / khams dang / skye mched rnams kyi nying mtshams sbyor ba med pa ste/ skyes bu dam pa de mya ngan las 'das pa dang mnyam pa nyid thob cing /  sngon gnas bcas pa'i</font><hr>52.211b<br><font size=+1>

snying rje chen po dang / thabs dang / shes rab dang / ye shes kyis ni rnam par rol pa/ sangs rgyas kyi byin gyis brlabs kyis ni shin du byin gyis brlabs/ shes rab dang / ye shes ni shin du bsgoms/ mngon gyi byin brlabs kyis ni bsgom pa yongs su dag /sgyu mas rnam par rol pa'i ting nge 'dzin la ni gnas te/ nyon mongs pa gang gis 'khor ba rab tu skyed pa 'am/ 'khor bar 'ching ba de dag rab tu spangs shing ye shes gang gis mya ngan las 'das par ston pa de la dbang thob pas mi skye ba las skye zhing mi 'byung ba las 'byung ba ste/ mya ngan las 'das pa dang mnyam pa nyid du yang dag par zhugs kyang sems can yongs su smin par bya ba yang mi 'chad do/ /de ni rigs kyi bu byang chub sems dpa' rnams kyi phrugs su tshad pa zhes bya ba'i ye shes kyi sgo ste/ ye shes kyi sgo gang la gnas pas byang chub sems dpa' mya ngan las 'das pa dang mnyam pa nyid thob kyang byang chub sems dpa'i spyad pa spyod pa'o/ /rigs kyi bu de la ji ltar na byang chub sems dpa' sems can thams cad kyi spyod pa'i mtshan nyid dang cho ga shes pa gang yin zhe na/  rigs kyi bu sems can rnams kyi spyod pa ni brgyad khri bzhi stong ste/ 'di ni sdom gyi rtsa ba'i tshig go/ /gang yang sems can thams cad kyi spyod pa tshad med pa bsam gyis mi khyab pa brjod du med pa de sangs rgyas kyi ye shes kyis mkhyen te/ nyan thos dang rang sangs rgyas kyi ye shes kyis mi rig /byang chub sems dpa'i ye shes kyis mi rig pa de la byang chub sems dpa' sangs rgyas kyi byin gyis brlabs dang / rang gi shes pas sems can thams cad kyi spyod pa'i mtshan nyid kyi rjes su rab tu 'jug ste/ spyod pa de'i gang ngo bo nyid dam/ gang mtshan nyid kyang rung ste/ rgyu'i mtshan nyid dam/ rkyen gyi mtshan nyid dam/ byed rgyu'i mtshan nyid dam/ tshogs pa'i mtshan nyid dam/ tha dad pa'i mtshan nyid dam/ mi 'dra ba'i mtshan nyid dam/ 'dod chags kyi mtshan nyid dam/ zhe sdang gi mtshan nyid dam/ gti mug gi mtshan nyid dam/ skal ba mnyam pa'i mtshan nyid dam/ sems can dmyal ba'i mtshan nyid dam/ </font><hr>52.212a<br><font size=+1>

dud 'gro'i skye gnas kyi mtshan nyid dam/ gshin rje'i 'jig rten gyi mtshan nyid dam/ lha'i mtshan nyid dam/ mi'i mtshan nyid dam/ nyan thos kyi nges par gyur pa'i mtshan nyid dam/ rang sangs rgyas kyi nges par gyur pa'i mtshan nyid dam/ sangs rgyas kyi nges par gyur pa'i mtshan nyid dam/ ring po'i rgyu'i mtshan nyid dam/ bar ma'i rgyu'i mtshan nyid dam/ nye ba'i rgyu'i mtshan nyid kyang rung ste/ spyod pa de dag thams cad kyi mtshan nyid yang dag pa ji lta ba bzhin du rab tu shes te ye shes thams cad la kha na ma tho ba med pa yin no/ /rigs kyi bu de ltar na byang chub sems dpa' sems can thams cad kyi spyod pa'i mtshan nyid dang cho ga shes pa yin no/ /rigs kyi bu de la ji ltar na byang chub sems dpa' sangs rgyas bcom ldan 'das dag gi chos dkon mchog gi mdzod 'dzin pa yin zhe na/ rigs kyi bu sangs rgyas bcom ldan 'das dag gi chos dkon mchog gi mdzod ni mi zad pa ste/ sems can thams cad kyi spyod pa'i mtshan nyid la rab tu 'jug pa ji snyed pa sangs rgyas bcom ldan 'das rnams kyi chos dkon mchog gi mdzod la gzud pa'i ye shes la 'jug pa'ang de snyed do/ /ji ltar sems can gyi spyod pa mi zad cing mtha' med pa de bzhin du sangs rgyas bcom ldan 'das rnams kyi chos dkon mchog gi mdzod kyang mi zad cing mtha' med pa'o/ /chos dkon mchog gi mdzod ces bya ba ni gang gi nub mo de bzhin gshegs pas byang chub brnyes pa nas/ gang gi nub mo yongs su mya ngan las 'das pa de'i bar du de bzhin gshegs pas bshad pa dang 'chad pa dang /  'chad par 'gyur ba de thams cad ni de bzhin no/ /ma nor ba de bzhin no/ /gzhan ma yin pa'o/ /ci'i phyir de bzhin zhes bya zhe na/ de bzhin nyid zhi ba la yang dag par zhugs pas de'i phyir de bzhin zhes bya'o/ /ci'i phyir ma nor ba de bzhin nyid ces bya zhe na/ don dam pa'i bden pa la yang dag par zhugs pa de'i phyir ma nor ba de bzhin nyid ces bya'o/ /ci'i phyir na gzhan ma yin pa de bzhin nyid ces bya zhe na/ de bdag gi ngo bo nyid ma yin</font><hr>52.212b<br><font size=+1>

par gzhan du mi btsal te/ de'i phyir gzhan ma yin pa'o/ /yang sangs rgyas bcom ldan 'das rnams kyi chos dkon mchog gi mdzod ni stong gsum gyi stong chen po'-i 'jig rten gyi khams su gtogs pa'i sems can rnams mang du thos pa kun dga' bo lta bur gyur kyang de dag thams cad kyis bskal pa bye ba phrag stong du yang yi ge khong du chud par mi nus so/ /yang don gcig tu bstan te ji lta ba bzhin du bstan pa 'di lta bu'i ni sangs rgyas bcom ldan 'das rnams kyi chos dkon mchog gi mdzod do/ /de byang chub sems dpa' rnams 'dzin te ji ltar yi ge thams cad mi mdzad cing don thams cad mi nyams par sems can thams cad mgu bar byed/ sangs rgyas thams cad rab tu mnyes par byed/ bdud thams cad pham par byed/ mu stegs can gzhan thams cad tshar gcod/ nyon mongs pa thams cad zhi bar byed cing de dag la chos dkon mchog rab tu sgrogs pa de ltar 'dzin to/ /rigs kyi bu de ltar na byang chub sems dpa' sangs rgyas bcom ldan 'das rnams kyi chos dkon mchog gi mdzod 'dzin pa yin no/ /yang rigs kyi bu chos gang gi ngo bo nyid du ngas chos rnams mngon par sangs rgyas pa de'i ngo bo nyid du byang chub sems dpas chos rnams gzung bar bya'o/ /yang ji lta bur de bzhin gshegs pas chos rnams mngon par rdzogs par sangs rgyas she na/ yongs su ma grub pa'i tshul gyis sgyu ma'i ngo bo nyid dang / yul las shin du 'das pa'i tshul gyis rmi lam gyi ngo bo nyid dang shin du skye ba med pa'i tshul gyis smig rgyu'i ngo bo nyid dang / mi 'pho ba'i tshul gyis mig yor gyi ngo bo nyid dang / rang bzhin med pa'i tshul gyis gzugs brnyan gyi ngo bo nyid dang / rag las pa'i tshul gyis stong pa'i ngo bo nyid dang / rnam par mi rtog pa'i tshul gyis mtshan ma med pa'i ngo bo nyid dang / sems chags pa med pa'i tshul gyis smon pa med pa'i ngo bo nyid dang / 'dod chags thams cad dang bral ba'i tshul gyis 'dod chags med pa'i ngo bo nyid dang / grangs thams cad las 'das pa'i tshul gyis 'dus ma byas pa'i</font><hr>52.213a<br><font size=+1>

ngo bo nyid de/ de ltar rigs kyi bu tha snyad du gzhan rnam par rig pa la brten nas de 'dra ba chos de ngas mngon par rdzogs par sangs rgyas te/ gang chos de'i ngo bo nyid kyi mtshan nyid de ni tshig gis brjod par mi nus so/ /de la chos rnams 'dzin par 'dod pa'i byang chub sems dpas de lta bu'i ngo bo nyid kyi chos rnams mngon par rdzogs par sangs rgyas par bya ste/ yi ge dang nges pa'i tshig gis kyang sems can gzhan rnams dang / gang zag gzhan dag la bstan par bya'o/ /rigs kyi bu de la ji ltar na byang chub sems dpa' thog ma nas sems can rnam par dag pas sems can rnams yongs su smin par byed ce na rigs kyi bu sems can gyi khams ni thog ma nas rnam par dag pa ste/ de la sems can rnams kyi rtsa ba'i dngos po med de/ byang chub sems dpa' chos thams cad kyi rtsa ba yongs su chad par rig nas sems can gang rnams yongs su smin par byed pa de la bdag tu lta bar mi 'gyur sems can du lta bar ma yin/ srog tu lta bar ma yin/ gang zag tu lta bar yang mi 'gyur ro/ /yang de 'di snyam du sems te sems can zhes bya ba 'di ni phyin ci log ste/ rgyur lta ba'i kun nas dkris pa dang / ma rig pa dang / srid pa dang / sred pa dang / yang dag pa ma yin pa kun du rtog pa las sems can zhes brjod snyam mo/ /de la byang chub sems dpas med pa phyin ci log las byung ba'i nyon mongs pa rab tu spang ba'i phyir sems can rnams la chos ston te dngos po gang yang chud mi gzon to/ /sems can med cing sems can dben pas sems can rnams yongs su smin par byed de/ de ltar byang chub sems dpa' thog ma nas rnam par dag pas sems can rnams yongs su smin par byed do/ /rigs kyi bu de la ji ltar na byang chub sems dpa' tshul bzhin la rab tu sbyor bas sangs rgyas kyi chos thams cad yang dag par sdud ce na/ tshul bzhin zhes bya ba ni rten cing 'brel par 'byung ba la 'jug pa'o/ /de ci'i phyir zhe na/ rgyu dang rkyen ci 'dra ba de 'dra bar 'bras bu mngon par 'grub bo/ /sbyin pa ni longs spyod chen po'i rgyu ste/ de la byang chub sems dpa' gang gtong ba de yang thams cad mkhyen par bsngos nas sbyin pa'i</font><hr>52.213b<br><font size=+1>

pha rol du phyin pa yongs su rdzogs par byed do/ /tshul khrims ni lha dang mir skye ba'i rgyu ste/ lha dang mir skyes nas byang chub sems dpas sems can rnams tshul khrims la rab tu 'dzud de/ tshul khrims yang dag par bzung ba de yang thams cad mkhyen par bsngos nas tshul khrims kyi pha rol du phyin pa yongs su rdzogs par byed do/ /bzod pa dang des pa ni lus dang ngag dang sems kyi rgyan gyi rgyu ste/ lus dang / ngag dang / sems rgyan pas byang chub sems dpa' bdag la phan pa dang gzhan la phan par zhugs pa yin te/ phan par 'dod pa bzod pa'i gnas de yang thams cad mkhyen par bsngos nas bzod pa'i pha rol tu phyin pa yongs su rdzogs par byed do/ /brtson 'grus ni sangs rgyas kyi chos thams cad sdud pa'i rgyu ste/ byang chub sems dpas brtson 'grus brtsams nas dge ba'i rtsa ba thams cad yang dag par sgrub cing dge ba'i rtsa ba thams cad yang dag par grub pa'i brtson 'grus de yang thams cad mkhyen par bsngos nas brtson 'grus kyi pha rol du phyin pa yongs su rdzogs par byed do/ /bsam gtan ni sems dga' ba dang cang shes pa'i rgyu ste/ byang chub sems dpa' dga' ba dang cang shes pas zhi gnas kyi tshogs kun skong ste/ zhi gnas kyi tshogs de yang thams cad mkhyen par bsngos nas bsam gtan gyi pha rol du phyin pa yongs su rdzogs par byed do/ /thos pa ni shes rab che ba'i rgyu ste/ byang chub sems dpa' shes rab chen po ni dmigs par lta ba mi 'dzin cing dmigs pa med pa'i thos pa de yang thams cad mkhyen par bsngos nas shes rab kyi pha rol du phyin pa yongs su rdzogs par byed do/ /de bzhin du dge ba'i chos thams cad de dge ba'i chos kyi rgyu gang dang gang bsags pa de dang de'i 'bras bu lhun gyis grub pas mngon par skye bar 'gyur te/ rgyu dang rkyen de ni tshul bzhin yid la byed pa zhes bya'o/ /gzhan yang tshul bzhin zhes bya ba la chos thams cad kyi tshul bzhin ni bdag yin te/ ji ltar bdag ni bdag med pa de bzhin du sems can thams cad la bdag med do/ /ji ltar na bdag stong pa de bzhin du chos thams cad stong ngo / /ji ltar bdag ming du btags pa tsam du zad pa de bzhin</font><hr>52.214a<br><font size=+1>

du chos thams cad kyang ming du btags pa tsam du zad do/ /de ltar tshul bzhin la rab tu sbyor ba'i byang chub sems dpa' ni chos thams cad mnyam par sbyor ro/ /gang chos thams cad mnyam pa nyid de ni sangs rgyas kyi chos thams cad mnyam pa nyid de/ de ltar tshul bzhin la sbyor ba'i byang chub sems dpa' ni sangs rgyas kyi chos rnams yang dag par sgrub bo/ /rigs kyi bu de la ji ltar na byang chub sems dpa' mngon par shes pa las ma nyams shing chos thams cad la dbang byed pa yin zhe na/  'di la rigs kyi bu 'am/ dge sbyong ngam/ bram ze 'jig tshogs la lta ba ma bcom pas mngon par shes pa rnams las nyams par yang 'gyur ro/ /yang byang chub sems dpa' ni 'jig tshogs la lta ba'i rtsa ba las byung ba'i lta bar gyur pa drug bcu rtsa gnyis yang dag par bcom nas lta ba dang len pa thams cad med par mngon par shes pa bskyed de/ ye shes dang ldan/ shes rab dang ldan/ blo dang ldan/ bzod pa dang ldan/ tshul khrims dang ldan te/ ting nge 'dzin la snyoms par zhugs shing lus dben sems dben te/ 'di 'dra ba'i ye shes kyis nang nye bar 'gro zhing phyi rol du mi rgyu ba/ yul med pa'i yul can/ cang shes pa'i sems dang ldan pa dga' ba'i sems dang ldan pa/ shin du brtags pas brtags pa/ rab tu dkar ba'i blo nyon mongs pas ma 'khrugs pa snang ba thob pa/ ye shes rab rib med pa/ bsod nams kyi tshogs bsags pa/ ye shes kyi tshogs bsags pa/ zhi gnas kyi tshogs bsags pa/ lhag mthong gi tshog bsags pa/ sbyin pas brtan pa/ tshul khrims kyis brgyan pa/ bzod pa'i go gyon pa/ brtson 'grus kyi ya lad bgos pa/ bsam gtan la gnas pa/ shes rab shin du bsgoms pa'i blo dang ldan pa/ byams pas rjes su 'thun pa/ snying rje la rab tu gnas pa/ thabs kyis mngon par sgrub pa de lta bu'i chos dang ldan pas mngon par shes pa bskyed do/ /byang chub kyi snying po'i bar du mngon par shes pa de dag gis shin du 'phags shing de mngon par shes pa de dag gis chos thams cad la dbang byed pa</font><hr>52.214b<br><font size=+1>

yin te/ gzugs thams cad mthong / sgra thams cad thos/ sems thams cad la 'jug cing bskal pa grangs med pa rjes su dran te/ rdzu 'phrul thams cad kyis rnam par 'phrul pa/ zag pa zad pa'i bde ba rnyed cing / yid kyi rnam par rtog pa ji snyed pa la rnam par rtog pa dang / rnam par dpyod pa thams cad la dbang byed pa yin te/ des chos thams cad la de bzhin du lhun gyis grub par gnas so/ /rigs kyi bu de ltar na byang chub sems dpa' mngon par shes pa las mi nyams shing chos thams cad la dbang byed pa yin no/ /rigs kyi bu de la ji ltar na byang chub sems dpa' chos kyi tshul zab mo la rab tu zhugs shing nyan thos dang / rang sangs rgyas thams cad kyis rtogs par dka' ba yin zhe na/ rigs kyi bu zab mo zhes bya ba ni rten cing 'brel par 'byung ba'o/ /rten cing 'brel par 'byung ba'i tshul ni 'di lta ste/ ma rig pa'i rkyen gyis 'du byed/ 'du byed kyi rkyen kyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar na sdug bsngal gyi phung po chen po 'di 'ba' zhig 'byung bar 'gyur ro/ /sems can rnams kun nas nyon mongs par 'gyur ba'i rgyu gang dang / rkyen gang yin pa de la byang chub sems dpa' ye shes rab tu 'jug ste/ 'di ni rten cing 'brel par 'byung ba kun 'byung ba'i tshul zhes bya'o/ /de la rten cing 'brel par 'byung ba'i 'gog pa'i tshul gang zhe na/ 'di lta ste/ ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang / gzugs 'gags pas skye mched drug 'gag /skye mched drug</font><hr>52.215a<br><font size=+1>

'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag ste/ de ltar na sdug bsngal gyi phung po chen po 'ba' shig 'gag par 'gyur ro/ /de ni rigs kyi bu rten cing 'brel par 'byung ba 'gag pa'i tshul zhes bya'o/ /sems can rnams rnam par dag par 'gyur ba'i rgyu gang dang rkyen gang yin pa de la byang chub sems dpa' ye shes rab tu 'jug ste/ de ni chos kyi tshul zab mo la 'jug pa zhes bya ste/ gang nyan thos dang / rang sangs rgyas thams cad kyi sa ma yin pa'o/ /de ci'i phyir zhe na/ nyan thos dang / rang sangs rgyas thams cad kyi sa ma yin zhe na/  sems can thams cad kyi kun nas nyon mongs pa dang / rnam par byang ba shes pa ni sangs rgyas bcom ldan 'das kyi yul lo/ /rang gi ye shes dang / sangs rgyas kyi byin gyi brlabs kyis byang chub sems dpas kyang de'i mtshams sbyor ba shes so/ /gzhan yang zab mo zhes bya ba ni 'jig tshogs dang / bdag rnam par dag pa dang / chos thams cad rnam par dag pa'o/ /de ci'i phyir zhe na/ 'jig tshogs ni kun du btsal kyang mi dmigs so/ /gang mi dmigs pa de ni zab mo'o/ /bdag ni sangs rgyas thams cad kyis kyang ma brnyes so/ /de ci'i phyir zhe na/ bdag thog ma nas kyang rnam par dag pa ste/ ji ltar bdag rnam par dag pa de bzhin du chos thams cad rnam par dag go/ /de ci'i phyir rnam par dag pa zhes bya zhe na/ de la chos gang yang ma skyes/ ma skyed/ ma 'gags/ mi 'gag pa ste/ de bas na rnam par dag pa zhes bya'o/ /mun pa med pa/ snang ba med pa/ kun gzhi med pa/ rab rib med pa/ don dam pa zab mo gang la mig med cing mig 'gog pa med pa nas yid kyi bar du med cing yid 'gog pa med pa ste/  de ni yul du bgrang ba ma yin no/ /gang yul</font><hr>52.215b<br><font size=+1>

ma yin zhing yul byed pa de ni don dam pa ste/  de'i phyir zab mo zhes bya'o/ /de la sems dang yid 'dzin pa med de rtogs par dka' ba mthong bar dka' ba khong du chud par dka' ba de lta bu'i chos kyi tshul zab mo la ye shes gzhan gyi dring la mi 'jog cing sems can gzhan la yang rab tu ston te/ de ltar na byang chub sems dpa'i chos kyi tshul zab mo la rab tu zhugs pa/ nyan thos dang / rang sangs rgyas thams cad kyis gting dpag dka' ba yin no// //'phags pa nam mkha' mdzod kyis zhus pa/ bam po gsum pa/ rigs kyi bu de la ji ltar na byang chub sems dpa' rten cing 'brel par 'byung ba la 'jug pa'i shes pa la mkhas te/ mtha' gnyis su lta ba thams cad dang bral ba yin zhe na rigs kyi bu 'di la byang chub sems dpa' 'di snyam du sems te/ gang rten pa de ni ci yang ma yin pa/  gang rten pa de ni dngos po med pa/ gang rten pa de ni yongs su ma grub pa/ gang rten cing 'brel par 'byung ba de ni mi rtag pa/ sdug bsngal ba bdag med pa/ zhi ba/ gang rten pa de la ni bdag med/ sems can med/ srog med/ gso ba med/ skyes bu med/ gang zag med/ shed las skyes med/ shed bu med/ gang rten pa de la ni yang dag par 'byung ba gang yang med/ gang rten pa de la ni ci yang med pa/ rtsol ba med pa/ stong pa/ mtshan ma med pa/ dben pa/ rgyu ba med pa/ ma spros pa/ spros pa med pa ste/ de'i phyir skye ba ni chos kho na skye/ 'gag pa ni chos kho na 'gag ste/ 'di la bdag gam/ sems can nam/ srog gam/ gso ba 'am/ skyes bu 'am/ gang zag gam/ shed las skyes sam/ shed du med ces bya'o/ /chos gang dag rten cing 'brel par 'byung ba de dag la ni skye ba ci yang med cing bdag po med de/  de'i phyir chos thams cad ni rtswa dang / shing dang / rtsig pa dang / lam dang / mig yor lta bu zhes bya ste/ ji ltar pha rol gyi dngos po rnams skye ba na skyed par byed pa med/ 'gag pa na yang 'gog par</font><hr>52.216a<br><font size=+1>

byed pa med pa de bzhin du nang gi chos rnams skye ba na yang skyed par byed pa med/ 'gag pa na yang 'gog par byed pa med de/ gzhan du na rkyen rnams yod na 'byung gi rkyen ma tshang na 'gog go snyam du sems te/ de ltar na shes pa la sbyor ba ni mthar lta ba thams cad rab tu spong ngo / /de la mthar lta ba gang zhe na/ mtha' zhes bya ba ni chad pa dang rtag pa ste/ de gang mi skyed cing rnam par mi 'jig pa ni chad pa dang rtag pa dang bral ba ste/ de'i phyir dag pas na mthar lta ba thams cad rnam par dag pa ste/ rigs kyi bu de ltar na byang chub sems dpa' rten cing 'brel par 'byung ba la 'jug pa'i shes pa la mkhas te/ mthar lta ba thams cad dang bral ba yin no/ /rigs kyi bu de la ji ltar na byang chub sems dpa' de bzhin gshegs pa'i phyag rgyas btab pas/ de bzhin nyid dbyer med pa shes pa la mkhas pa yin zhe na/ de bzhin gshegs pa'i phyag rgyas btab pa zhes bya ba la de bzhin nyid dbyer med pa de ni phyag rgya ste/ bye ba med pa/ 'jug pa med pa/ mngon par zhen pa med pa/ mi bskyod pa/ bskyod par bya ba ma yin pa ste/ lha dang mi dang lha ma yin du bcas pa'i 'jig rten gyis bskyod par mi nus so/ /de ci'i phyir zhe na/ lha dang mi dang lha ma yin du bcas pa'i 'jig rten ni phyag rgya des btab pa nyid do/ /de bzhin gshegs pa'i phyag rgya de ni shin du mi skye ba'i phyag rgya/ shin du stong pa nyid kyi phyag rgya/ shin du mtshan ma med pa'i phyag rgya/ shin du smon pa med pa'i phyag rgya/ shin du 'dus ma byas pa'i phyag rgya/ shin du 'dod chags dang bral ba'i phyag rgya/ shin du de bzhin nyid kyi phyag rgya/ shin du yang dag pa'i mtha'i phyag rgya/ shin du nam mkha'i phyag rgya ste/ dper na nam mkha'i phyag rgya mi snang ba de bzhin du de bzhin gshegs pa'i phyag rgya de yang spyan lnga la mi snang ste rang gi mtshan nyid kyi phyag rgyas btab pa'o/ /de bzhin gshegs pas chos kyi tha snyad ji snyed du tha snyad 'dogs pa de dag thams cad ni de bzhin gshegs pa'i phyag rgyas btab pa de bzhin du tha snyad 'dogs so/ /de la gang dag rnam par shes pa'i spyod yul ba de dag ni chos rnam par 'jog</font><hr>52.216b<br><font size=+1>

par byed do/ /gang dag rnam par shes pa la mi gnas pa de dag ni chos rnam par 'jog par mi byed/ chos tha dad du mi byed do/ /de dag de bzhin gshegs pa'i phyag rgyas btab pas na de dag de bzhin nyid 'byed par mi byed do/ /de la de bzhin nyid tha dad pa gang zhe na/ gang dag tha ma dang 'bring dang rab kyi chos rnams su rnam par rtog pa'o/ /gang dag chos thams cad la mi rtog cing rnam par mi rtogs pa de dag ni de bzhin nyid tha dad mi byed do/ /yang ji snyed mang po brtags shing rnam par brtags kyang de bzhin nyid dbye bar mi nus ste/ dper na sems can thams cad ni nam mkha' la rnam par rgyu yang nam mkha'i khams ni 'dres par mi byed do/ /de bzhin du sems can thams cad de bzhin nyid la rnam par rgyu yang de bzhin nyid ni 'dres par mi byed do/ /gang 'dir de lta bu'i chos rnams shes pa'i byang chub sems dpa' de lta bu ni de bzhin gshegs pa'i phyag rgyas btab pa yin te/ de bzhin nyid kyang 'dres par mi byed do/ /rigs kyi bu de la ji ltar na byang chub sems dpa' chos kyi dbyings kyi tshul la zhugs shing chos kyi dbyings thams cad las yang dag par gzhol ba yin zhe na/ chos kyi dbyings shes bya ba ni rdul thams cad dang bral ba'i phyir 'dod chags dang bral ba'i dbyings so/ /yang dag par bsgrubs pa med pa'i phyir ma skyes pa'i dbyings so/ /ma byung ba'i phyir mi 'gog pa'i dbyings so/ /'gro ba med pa'i phyir mi 'gro ba'i dbyings so/ /rgal ba med pa'i phyir 'ong ba med pa'i dbyings so/ /'byung ba med pa'i phyir gnas med pa'i dbyings so/ /dus gsum mnyam pa'i phyir ji lta ba bzhin gyi dbyings so/ /gzod ma nas rnam par dag pa'i phyir bdag gi dbyings so/ /don dam pa yin pa'i phyir gang zag med pa'i dbyings so/ /gnas med pa'i phyir rnam par rig pa med pa'i dbyings so/ /'dre ba med pa'i phyir kun gzhi med pa'i dbyings so/ /nges par gyur pa'i phyir skye ba med pa'i dbyings so/ /rang bzhin gyis yongs su dag pa'i phyir nam mkha'i dbyings so/ /gnyen po med pa'i phyir mya ngan las 'das pa'i dbyings te/ 'di ni chos kyi dbyings kyi tshul la 'jug pa zhes bya'o/ /rigs kyi bu chos</font><hr>52.217a<br><font size=+1>

thams cad de ltar zhugs pas de la byang chub sems dpa' de ltar chos kyi tshul la zhugs pa'i gang ci smra ba dang brjod pa dang /  ston pa de thams cad ni chos kyi dbyings su yang dag par gzhol ba nyid do/ /chos kyi dbyings kyi tshul la zhugs pa de 'dod chags kyi khams dang / chos kyi dbyings de dag gnyis su med par rab tu shes so/ /de ci'i phyir zhe na/ 'dod chags ni chos kyi dbyings kyi rang bzhin can no/ /zhe sdang gi khams dang / chos kyi dbyings de dag ni gnyis su med de/ de ci'i phyir zhe na/ zhe sdang ni chos kyi dbyings kyi rang bzhin can no/ /gti mug gi khams dang / chos kyi dbyings de dag ni gnyis su med de/ de ci'i phyir zhe na/ gti mug ni chos kyi dbyings kyi rang bzhin can no/ /nyon mongs pa'i khams dang / chos kyi dbyings de dag ni gnyis su med de/ de ci'i phyir zhe na/ nyon mongs pa ni chos kyi dbyings kyi rang bzhin can no/ /'dod pa'i khams dang / chos kyi dbyings de dag ni gnyis su med de/ de ci'i phyir zhe na/ 'dod pa'i khams ni chos kyi dbyings kyi rang bzhin can no/ /gzugs kyi khams dang / chos kyi dbyings de dag ni gnyis su med de/ de ci'i phyir zhe na/ gzugs kyi khams ni chos kyi dbyings kyi rang bzhin can no/ /gzugs med pa'i khams dang / chos kyi dbyings de dag ni gnyis su med de/ de ci'i phyir zhe na/ gzugs med pa'i khams ni chos kyi dbyings kyi rang bzhin can no/ /mig gi khams dang / chos kyi dbyings de dag ni gnyis su med de/ de ci'i phyir zhe na/ mig ni chos kyi dbyings kyi rang bzhin can no/ /gzugs kyi khams dang / chos kyi dbyings de dag ni gnyis su med de/ de ci'i phyir zhe na/ gzugs ni chos kyi dbyings kyi rang bzhin can no/ /mig gi rnam par shes pa'i khams dang / chos kyi dbyings de dag ni gnyis su med de/ de ci'i phyir zhe na/ mig gi rnam par shes pa ni chos kyi dbyings kyi rang bzhin can no/ /yid kyi bar gyi khams dang / chos kyi dbyings de dag ni gnyis su med de/ de ci'i phyir zhe na/ yid kyi khams ni chos kyi dbyings kyi rang bzhin can no/ /yid kyi rnam par shes pa'i khams dang / chos kyi dbyings de dag ni gnyis su med de/ de ci'i phyir zhe na/ </font><hr>52.217b<br><font size=+1>

yid kyi rnam par shes pa ni chos kyi dbyings kyi rang bzhin can no/ /phung po'i khams dang / chos kyi dbyings de dag ni gnyis su med de/ de ci'i phyir zhe na/ phung po'i khams ni chos kyi dbyings kyi rang bzhin can no/ /sa'i khams dang / chu'i khams dang / me'i khams dang / rlung gi khams dang / chos kyi dbyings de dag ni gnyis su med de/ de ci'i phyir zhe na/ sa dang / chu dang / me dang / rlung ni chos kyi dbyings kyi rang bzhin can no/ /chos kyi phung po brgyad khri bzhi stong dang spyod pa brgyad khri bzhi stong dang chos thams cad kyi bar dang chos kyi dbyings de dag ni gnyis su med de/ de ci'i phyir zhe na/ chos thams cad ni chos kyi dbyings kyi rang bzhin can no/ /byang chub sems dpa' gang chos mnyam pa nyid 'di la zhugs pa de ni chos kyi dbyings thams cad la yang dag par gzhol ba'i chos thams cad rab tu shes pa yin te/ rigs kyi bu de ltar na byang chub sems dpa' chos kyi tshul la zhugs pa yin no/ /rigs kyi bu de la ji ltar na byang chub sems dpa' bsam pa rdo rje ltar sra zhing mi phyed de theg pa chen po 'di la legs par gnas shing mi g.yo ba yin zhe na/ rigs kyi bu byang chub sems dpa' ni rdo rje ltar sra zhing mi phyed pa bcu gnyis kyis na lha dang bcas pa'i 'jig rten gyis mi phyed pa yin te/ bcu gnyis gang zhe na/ 'di lta ste/ byang chub kyi sems mi phyed pa dang / bsam pa dang / lhag pa'i bsam pas sbyor ba mi phyed pa dang / sbyin pa mi phyed pa dang / tshul khrims dang / bzod pa dang / brtson 'grus dang / bsam gtan dang / shes rab mi phyed pa dang / byams pa chen po dang / snying rje chen po mi phyed pa dang bsdu ba'i dngos po mi phyed pa dang / sems can yongs su smin par byed pa mi phyed pa dang / sangs rgyas kyi zhing yongs su dag pa mi phyed pa dang / 'khor bas yongs su mi skyo ba mi phyed pa dang / dge ba'i rtsa bas mi ngoms pa mi phyed pa dang mtshan dang dpe byad bzang po'i phyir gtan pa med pa'i mchod sbyin byed pa mi phyed pa dang / dam pa'i chos yongs su gzung ba'i phyir lus dang srog 'dor bar mi phyed pa dang / sems can gzhan dang gang zag gzhan gyi phyir dge ba'i rtsa ba bsngo ba mi phyed pa dang / sangs rgyas kyi</font><hr>52.218a<br><font size=+1>

chos thams cad yang dag par sgrub pa mi phyed pa ste/ rigs kyi bu gang gi tshe byang chub sems dpa' chos 'di lta bu 'di dag las mi phyed pa de'i bsam pa rdo rje ltar sra zhing mi phyed pa yin no/ /'di lta ste dper na nor bu rin po che rdo rje ni nor bu rin po che thams cad 'bigs kyang bdag nyid ni mi phigs so/ /de bzhin du byang chub sems dpa' bsam pa rdo rje ltar sra zhing mi phyed pa yang sems can thams cad kyi bag la nyal dang / nyon mongs pa kun nas ldang ba dang / lta bar gyur pa rnams sel kyang bdag nyid ni theg pa chen po 'di las mi phyed do/ /rigs kyi bu de ltar na byang chub sems dpa' bsam pa rdo rje ltar sra zhing mi phyed de/ theg pa chen po 'di la legs par gnas shing mi g.yo ba yin no/ /rigs kyi bu de la ji ltar na byang chub sems dpa' sangs rgyas kyi yul rjes su thob cing rang gi yul yongs su dag pa yin zhe na/ sangs rgyas kyi yul zhes bya ba ni yul ma yin pa/ yul med pa yul thams cad las yongs su dag pa'o/ /de la byang chub sems dpa' ni sangs rgyas kyi yul yongs su dag pas rang gi yul yongs su sbyong ste/ de 'di snyam du mig gi yul ni sangs rgyas kyi yul yin yang sangs rgyas kyi yul ni su dang yang nye ba 'am ring ba ma yin no/ /de ci'i phyir zhe na/ sangs rgyas kyi yul ni dben pa'i yul yin pa'i phyir te/ dben pa'i yul la ni mig gi yul gang yang med do/ /rna ba'i yul ni sangs rgyas kyi yul yin yang / sangs rgyas kyi yul ni su dang yang nye ba 'am ring ba ma yin no/ /de ci'i phyir zhe na/ sangs rgyas kyi yul ni dben pa'i yul yin pa'i phyir te/ dben pa'i yul la ni rna ba'i yul gang yang med do/ /sna'i yul ni sangs rgyas kyi yul yin yang sangs rgyas kyi yul ni su dang yang nye ba 'am ring ba ma yin no/ /de ci'i phyir zhe na/ sangs rgyas kyi yul ni dben pa'i yul yin pa'i phyir te/ dben pa'i yul la ni sna'i yul gang yang med do/ /lce'i yul ni sangs rgyas kyi yul yin yang sangs rgyas kyi yul ni su dang yang nye ba 'am ring ba ma yin no/ /de ci'i phyir zhe na/ sangs rgyas kyi yul ni dben pa'i yul yin pa'i phyir te/ dben pa'i</font><hr>52.218b<br><font size=+1>

yul la ni lce'i yul gang yang med do/ /lus kyi yul ni sangs rgyas kyi yul yin yang / sangs rgyas kyi yul ni su dang yang nye ba 'am ring ba ma yin no/ /de ci'i phyir zhe na/ sangs rgyas kyi yul ni dben pa'i yul yin pa'i phyir te/ dben pa'i yul la ni lus kyi yul gang yang med do/ /yid kyi yul ni sangs rgyas kyi yul yin yang sangs rgyas kyi yul ni su dang yang nye ba 'am ring ba ma yin no/ /de ci'i phyir zhe na/ sangs rgyas kyi yul ni dben pa'i yul yin pa'i phyir te dben pa'i yul la ni yid kyi yul gang yang med do/ /phung po rnams dang / khams rnams dang / skye mched rnams dang / rten cing 'brel par 'byung ba yan lag bcu gnyis la yang de bzhin no/ /rigs kyi bu de ltar na byang chub sems dpa' sangs rgyas kyi yul dben pa nyid kyi yul thams cad dben par 'jug go/ /rang gi zhing yongs su dag pas sangs rgyas kyi zhing la zhugs pa de ni chos gang dag de'i dbang po drug la snang bar gyur pa de dag thams cad la sangs rgyas kyi yul dben par 'jug go/ /ji ltar de bzhin gshegs pa'i yul chags pa med cing thogs pa med pa'i de bzhin du de yul thams cad la yang mi chags mi thogs te/ rigs kyi bu de ltar na byang chub sems dpa' sangs rgyas kyi yul la rjes su zhugs shing rang gi yul yongs su dag pa yin no/ /rigs kyi bu de la ji ltar na byang chub sems dpa' gzungs thob pa rtag tu mi brjed par spyod pa yin zhe na/ rigs kyi bu 'di la byang chub sems dpa' gzungs thob par gyur te/ de la gzungs yongs su sbyang ba byed pa gang zhe na/ rigs kyi bu sum cu rtsa gnyis po 'di dag ni gzungs yongs su sbyang ba byed pa ste/ sum bcu rtsa gnyis po gang zhe na/ 'di lta ste/ chos don du gnyer ba dang / chos 'dod pa dang / chos kyi kun dga' la dga' mos pa dang / chos la gzhol ba dang / chos la bab pa dang / mang du thos pa rnams la sten cing bsnyen la bsnyen bkur byed pa dang / slob dpon dang mkhan po rnams la nga rgyal med cing btsun par gus par byed pa dang / </font><hr>52.219a<br><font size=+1>

chos yongs su tshol bas mi ngoms pa dang / rjes su bsten pa rnams la bka' blo bde zhing 'thun par 'dzin pa dang / chos smra ba'i gang zag rnams la ston pa tsam du sems shing 'khrul pa mi chol ba dang / kun 'dzin pa dang / klog pa dang / ston pa la le lo med pa dang / chos la slob dpon gyi dpe mkhyud med cing zang zing med par chos sbyin pa dang / shes rab kyi rtsa ba'i gnas thos pa dang tshul bzhin gyi chos la sbyor ba dang / ji ltar thos pa'i chos la so sor brtag pa'i phyir mang du thos pa mu med par byas pa dang / tshangs par spyod pa la gnas pa mu med par byas pa dang / rtag tu dben pa la sems gzhol ba dang / rjes su dran pa drug rjes su dran pa dang / yang dag par chags par 'gyur ba drug mi 'dor ba dang / gus par bya ba'i gnas drug yongs su mi gtong ba dang / sems can thams cad la khong khro ba med pa'i sems kyis chos la sbyor ba dang / rten cing 'brel par 'byung ba dang mi 'gal ba'i las dang /  bya ba la 'jug pa dang / rnam par thar pa'i sgo gsum la sems nges par rtog pa la mi skrag pa dang / 'phags pa'i rigs dang sbyangs pa'i yon tan kun 'dzin pas yong mi 'chad pa dang /  dam pa'i chos yongs su gzung ba la sems zhum pa med pa dang / sems can la lta bas snying rje che ba dang / chos la lta bas lus dang srog 'dor ba dang / ye shes la lta bas rtag tu nga rgyal med pa dang / sems can yongs su smin par bya ba la yongs su mi skyo ba ste/ 'di ni gzungs yongs su sbyang ba byed pa zhes bya'o/ /rigs kyi bu de la gzungs gang zhe na/ gang kun bzung ba'i chos rnams mi brjed pa dang / ji ltar thos pa'i chos rnams mi brjed pa dang / dran pa rjes su dran pa dang / rtogs par khong du chud pa dang / blo gros 'dod pa dang / yi ge mi zad pa dang / nges pa'i tshig dang skad la 'jug pa shes pa dang spobs pa bstan pa thogs pa med cing rgyun mi 'chad pa dang / nges pa'i don gyi mdo sde rtogs pa la 'jug pa shes pa dang / drang ba'i don kyi mdo sde rtogs pa la 'jug pa shes pa dang / kun rdzob mi zad pa bstan pa shes pa dang / don dam pa dbyer med pa'i</font><hr>52.219b<br><font size=+1>

de kho na bstan pa shes pa dang / bden pa la 'jug pa nges pa shes pa dang / dran pa nye bar gzhag pa'i rjes su 'jug pa shes pa dang / yang dag par spong ba'i brtson 'grus mi 'god pa shes pa dang / rdzu 'phrul gyi rkyang pas rnam par rol pa shes pa dang / dbang po'i rigs pa shes pa dang / stobs la gnas pa mi bskyod par shes pa dang / byang chub kyi yan lag rtogs pa dang / 'thun pa shes pa dang / lam la 'jug pa'i gnas pa dang / zhi gnas kyis sems gnas par shes pa dang / lhag mthong gi chos sgrol bar shes pa dang rig pa dang rnam par grol pa rjes su mthun pa shes pa dang / so so yang dag par rig pa la 'jug pa shes pa dang / mngon par shes pa'i ye shes skyed pa shes pa dang / pha rol du phyin pa drug la 'jug pa shes pa dang / bsdu ba'i dngos po bzhi so so ci rigs par shes pa dang / sgra skad dang ngag gi lam la 'jug pa shes pa dang / chos kyi brda ston pa shes pa dang / don dbyer med par shes pa dang / tshig 'bru mi zad par shes pa dang / sems can thams cad tshim par bya ba shes pa dang / so so ci rigs par chos ston pa shes pa dang / sangs rgyas thams cad kyis gsungs pa'i dran pas 'dzin pa shes pa dang / tshig dang yi ge thams cad mtshams sbyar ba'i nges pa'i tshig la 'jug pa shes pa dang / kun nas nyon mongs pa dang rnam par byang ba yang dag pa ji lta ba bzhin du rtogs pa shes pa dang / rgyu dang bya ba la 'jug pa shes pa dang / chos thams cad la snang ba rab rib med pa'i shes pa ste/ 'di ni gzungs shes bya'o/ /lus dang ngag dang sems sa dang 'dra ba'i chos kun du 'dzin pa gang yin pa de ni mi zad pa ste/  chos kyi char 'bebs pa dang /  nyon mongs pa'i gdung ba rab tu zhi bar byed pa dang / sangs rgyas kyi chos thams cad rnam par skyed pa 'di ni gzungs kyi tshul la 'jug pa yin te/ gzungs thob pa sangs rgyas kyi chos thams cad la mi brjed par spyod par shes par bya'o/ /rigs kyi bu de ltar na byang chub sems dpa' gzungs thob pa rtag tu mi brjed par spyod pa yin no/ /rigs kyi bu de la ji ltar na byang chub sems dpa' spobs pa thogs pa med cing rgyun mi 'chad la rtag tu</font><hr>52.220a<br><font size=+1>

sangs rgyas kyi byin gyi brlab kyis byin gyis brlabs pa yin zhe na/ rigs kyi bu nyi shu rtsa bzhi po 'di dag ni byang chub sems dpa' rnams kyi spobs pa yin te/ nyi shu rtsa bzhi gang zhe na/ 'di lta ste/ spobs pa myur ba dang spobs pa mgyogs pa dang spobs pa thogs pa med pa dang / spobs pa rgyun mi 'chad pa dang / shin du nges pa'i tshig la spobs pa dang / zab mo la spobs pa dang / sna tshogs la spobs pa dang / legs par brgyan pa'i spobs pa dang zhum pa med pa'i spobs pa dang / 'jig pa med pa'i spobs pa dang / tshigs su bcad pa sna tshogs bstan pa'i nges pa'i tshig la spobs pa dang / mdo dang rtogs pa brjod pa dang / sngon byung ba la spobs pa dang / mi thul ba'i spobs pa dang / tshig rab tu dbye ba bstan pa mi zad pa la spobs pa dang spobs pa shin du gsal zhing shin du mdzes pa dang / tshig btsun zhing gzung ba'i spobs pa dang / chos ston pa'i 'bras bu yod pa'i spobs pa dang / lha'i 'khor gyi rgyan gyi spobs pa dang / the tsom thams cad gcod pa'i spobs pa dang / 'jig rten dang 'jig rten las 'das pa'i chos la spobs pa dang / 'khrul pa med pa'i spobs pa dang / 'khor la byams pa dang snying rje dang / dga' ba dang / btang snyoms kyis spobs pa dang / skye ba dran pa'i mngon par shes pa'i spobs pa dang sangs rgyas kyi byin gyi brlabs kyi byin gyi brlabs pa'i spobs pa yin te rigs kyi bu nyi shu rtsa bzhi po de dag ni byang chub sems dpa' rnams kyi spobs pa yin no/ /de dag kyang yongs su sbyang ba bya ba nyi shu rtsa bzhis 'grub ste/ nyi shu rtsa bzhi gang zhe na/ 'di lta ste/ bla ma'i ngag mi gcog pas myur ba'i spobs par 'gyur ro/ /tshur shog ces bya ba dang song zhes bya ba la g.yo med pas spobs pa mgyogs par 'gyur ro/ /nyon mongs pa thams cad la chags pa med pas spobs pa thogs pa med par 'gyur ro/ /de la ma chags par gnas pas spobs pa rgyun mi 'chad par 'gyur ro/ /phra ma'i tshig med pas shin du nges pa'i tshig la spobs par 'gyur ro/ /rten cing 'brel par 'byung ba rtogs pas zab mo la spobs par 'gyur ro/ /sbyin pa</font><hr>52.220b<br><font size=+1>

sna tshogs bsags pas sna tshogs la spobs par 'gyur ro/ /chung ma legs par brgyan te rab tu byin pas legs par brgyan pa'i spobs par 'gyur ro/ /byang chub kyi sems las mi nyams pas zhum pa med pa'i spobs par 'gyur ro/ /tshul khrims kyi phung po legs par kun du bsrungs pas 'jigs pa med pa'i spobs par 'gyur ro/ /gdugs dang rgyal mtshan dang / ba dan dang / dril bu sna tshogs byin pas tshigs su bcad pa sna tshogs bstan pa nges pa'i tshig la spobs par 'gyur ro/ /sbyin pa dang ldan pa dang / rim gro byed pa dang / bsnyen bkur byed pa sngon du 'gro bas mdo dang rtogs pa brjod pa dang sngon byung ba la spobs par 'gyur ro/ /sdug bsngal ba dang dbul ba dang mgon med pa la mi brnyas pas mi thul ba'i spobs par 'gyur ro/ /gter mi zad pa sbyin pa dang / pha rol chos la sbyor bas tshig rab tu dbye ba bstan pa mi zad pa la spobs par 'gyur ro/ /tshig bden pa dang / tha ba med pa dang / ngag rtsub po med pa'i ngag gi las dang ldan pas spobs pa shin du gsal zhing mdzes par 'gyur ro/ /bla ma'i tshig khyad du mi gsod pa dang gzhan gyi tshig mi gcod pas tshig btsun zhing gzung ba'i spobs par 'gyur ro/ /rang gi yon tan gyi chos sgrub pas chos bstan pa 'bras bu yod pa'i spobs par 'gyur ro/ /bdag la mi stod pa dang / gzhan la mi smod pa dang /  phangs pa'i dngos po yongs su gtong bas lha'i 'khor gyi rgyan gyi spobs par 'gyur ro/ /chos la slob dpon gyi dpe mkhyud med pa dang /  chos ji ltar thos pa bzhin du ston pas the tshom thams cad gcod pa'i spobs par 'gyur ro/ /bstan bcos thams cad shes pa dang / gzhan la mi gnod pa dang / nad pa rnams kyi nad g.yog byed pa dang / sman rab tu sbyin pas 'jig rten pa dang / 'jig rten las 'das pa'i chos thams cad la spobs par 'gyuro/ /pha rol la 'khrul pa'i skabs mi tshol ba dang / gzhan dag gi ltung ba mi gleng ba dang / 'khrul pa la mi rtog pas 'khrul pa med pa'i spobs par 'gyur ro/ /sems can thams cad la sems snyoms pa dang sems can thams cad la mtshungs par sbyor pa dang / </font><hr>52.221a<br><font size=+1>

mya ngan las 'das pa'i lam la 'god pa dang / rnyed pa dang bkur bsti dang / tshigs su bcad pa thams cad don du mi gnyer bas 'khor la byams pa dang /  snying rje dang / dga' ba dang / btang snyoms kyi spobs par 'gyur ro/ /bka' blo bde ba dang / des pa dang / ji skad smras pa de bzhin byed pa dang / sems dga' ba dang / gzhan gyi rgyud 'khrug par mi byed pas skye ba dran pa'i mngon par shes pa'i spobs par 'gyur ro/ /theg pa chen po las mi nyams pa dang / theg pa dman pa mi 'dod pa dang / sems can la snying rje che ba dang / thams cad nan tan la 'god pas sangs rgyas kyi byin gyi brlabs kyis byin gyis brlabs pa'i spobs par 'gyur ro/ /sems can gzhan la go bar byed pas de'i phyir spobs pa zhes bya'o/ /sems can gzhan la nan tan du bya ba ston pas de'i phyir spobs pa zhes bya'o/ /gzhan gyi sems kyi rgyud tshim par byed pas de'i phyir spobs pa zhes bya'o/ /sems can gzhan gyi sems dang / 'thun par ston pas de'i phyir spobs pa zhes bya'o/ /rigs kyi bu chos dang yon tan dang ye shes de lta bu dang ldan pa'i byang chub sems dpa' ni spobs pa thogs pa med cing rgyun mi 'chad la/ rtag tu sangs rgyas kyi byin gyi brlabs kyis byin gyis brlabs pa yin no/ /rigs kyi bu de la ji ltar na byang chub sems dpa' skye ba dang 'chi 'pho dang 'byung ba rnams la dbang thob pa yin zhe na/ rigs kyi bu chos bcu gnyis dang ldan na byang chub sems dpa' skye ba dang 'chi 'pho ba dang 'byung ba rnams la dbang thob pa yin te/ bcu gnyis gang zhe na/ 'di lta ste sdig pa'i grogs po yongs su spangs shing rtag tu dge ba'i bshes gnyen sten pa dang / lta ba shin du yongs su dag pa dang / sangs rgyas kyis gnang ba'i tshul khrims kyi phung po yongs su dag pa dang / ting nge 'dzin dang snyoms par 'jug pa dang ldan pa</font><hr>52.221b<br><font size=+1>

shes pa dang /  shes rab dang thabs zung du 'brel ba dang / mngon par shes pa ma nyams pa thob pa dang / ma skyes pa dang ma byung bar so sor rtog pa dang / bsams bzhin du skye ba dang / smon lam yongs su rdzogs pa dang / sems can lta ba'i byams pa la sbyor ba dang / snying rje chen po la nges par sems pa dang / chos la sgyu ma lta bur rtog pa dang / 'chi 'pho med par 'pho zhing skye ba dang / chos kyi mtshan nyid rmi lam gyi ngo bo nyid kyis chos la 'jug pa dang / phyin ci log gi chos la yang dag pa ji lta ba bzhin du rtog pa dang / sangs rgyas bcom ldan 'das rnams kyis byin gyis brlabs pa nas skye ste/ 'pho zhing 'byung la skye ba dang / 'pho ba dang / 'byung bar yang mi sems pa'o/ /rigs kyi bu byang chub sems dpa' gang dang gang du skyes nas sems can gyis don byed pa'i skyes pa'i rabs bstan pa tshad med grangs med pa'i skyes pa'i rabs de dag thams cad ni rtsa ba gnyis la gnas pa ste/ 'di lta ste/ mngon par shes pa'i ye shes la gnas pa dang / snying rje chen po'i rtsa ba la gnas pa'o/ /rigs kyi bu de ltar na byang chub sems dpa' skye ba dang / 'chi 'pho dang 'byung ba rnams la dbang thob pa yin no/ /rigs kyi bu de la ji ltar na byang chub sems dpa' bdud bzhi'i lam las yang dag par 'das shing bdud dang phyir rgol ba thams cad yang dag par bcom pa yin zhe na/ rigs kyi bu 'di la byang chub sems dpa' chos thams cad sgyu ma lta bur shes shing rtogs pas phung po'i bdud las yang dag par 'da'o/ /ji ltar thos pa'i chos la tshul bzhin so sor rtogs pas nyon mongs pa'i bdud las yang dag par 'da'o/ /rten cing 'brel par 'byung ba rtogs pas 'chi bdag gi bdud las yang dag par 'da'o/ /byang chub kyi sems mi nyams pas lha'i bu'i bdud las yang dag par 'da'o/ /yang des bdud kyi las rnams bcom pa yin te/ des bdud kyi las rnams bcom pa gang zhe na/ gang dag gis</font><hr>52.222a<br><font size=+1>

byang chub sems dpa' la bdud kyis glags mi rnyed pa ste/  theg pa dman pa 'dod pa bdud kyi las dang / byang chub kyi sems mi srung ba bdud kyi las dang / sems can tha dad par sbyin pa bdud kyi las dang / skye ba la gnas pa'i tshul khrims bdud kyi las dang / de bzhin du sbyar te/ gzugs su bsngos pa'i bzod pa dang / 'jig rten gyi bya ba la brtson pa'i brtson 'grus dang / de la chags shing ro myang ba'i bsam gtan dang /  shes rab kyi chos ngan pa la smod pa bdud kyi las dang / 'khor bas yongs su skyo ba bdud kyi las dang / dge ba'i rtsa ba yongs su mi bsngo ba bdud kyi las dang / nyon mongs pa la mi smod pa bdud kyi las dang / ltung ba 'chab pa bdud kyi las dang / byang chub sems dpa' la sdang ba bdud kyi las dang / dam pa'i chos spong ba bdud kyi las dang / byams pa rgyun bcod pa bdud kyi las dang / pha rol du phyin pa rnams yongs su mi tshol ba bdud kyi las dang / dam pa'i chos mnyan par mi 'dod pa bdud kyi las dang / chos la slob dpon gyi dpe mkhyud byed pa/ bdud kyi las dang /  zang zing dang 'brel par chos ston pa bdud kyi las dang / thabs dang bral bas sems can yongs su smin par byed pa bdud kyi las dang / bsdu ba'i dngos po 'dor ba bdud kyi las dang / tshul khrims 'chal pa rnams la khong khro ba bdud kyi las dang / tshul khrims dang ldan pa rnams la mi gus pa bdud kyi las dang / nyan thos kyi bslab pa'i rjes su mthun pa bdud kyi las dang / rang sangs rgyas kyi theg pa can gyi rjes su 'jug pa bdud kyi las dang / dus ma yin par bsgrub 'dod pa bdud kyi las dang / snying rje chen po bor nas rigs la rtog pa bdud kyi las dang / 'dus ma byas 'dod pa bdud kyi las dang / 'dus byas la smod pa bdud kyi las dang /  sems sems can gyi ci bya'o cog la g.yel ba bdud kyi las dang / nga rgyal la gnas shing mi 'dud pa dang / lce gnyis smra ba dang / g.yo sgyu dang ldan pa dang / bcos ma la dga' ba dang / </font><hr>52.222b<br><font size=+1>

mi drang ba dang / rtsub cing brlang ba dang / sdig pa la mi smod pa dang / chos kyi drungs 'byin pa dang / thog pa cung zad kyis chog par 'dzin pa dang / chos ma yin pa don du gnyer ba dang / chos ma yin pa 'dod pa dang / sgrib pa dang / chod pa dang / kun nas ldang ba rnam par mi gnon pa bdud kyi las dang / sems kyi dri ma mi rtog pa bdud kyi las dang / dge sbyong gi dri ma la mi brjed pa bdud kyi las te/ rigs kyi bu ji tsam du mi dge ba'i chos la 'jug pa dang / dge ba'i chos 'dor ba de thams cad ni bdud kyi las so/ /chos bzhis na bdud kyi las 'di dag las shin du 'da' ste/ bzhi gang zhe na/ 'di lta ste/ byang chub kyi sems ma brjed pa'i pha rol du phyin pa drug po dag dang /  dad pa dang brtson 'grus la gnas pa'i bag yod pa dang thabs la mkhas pa la gnas te sems can yongs su smin par byed pa dang / chos kyi tshul zab mo la gnas te dam pa'i chos yongs su 'dzin pas so/ /rigs kyi bu de ltar chos la sbyor ba'i byang chub sems dpa' ni bdud bzhi'i lam las yang dag par 'das shing bdud dang phyir rgol ba thams cad bcom pa yin no/ /rigs kyi bu de la ji ltar na byang chub sems dpa' bsod nams tshad med pa bsags shing sems can thams cad 'tsho bar gyur pa yin zhe na/ rigs kyi bu 'di la byang chub sems dpa' ni sems can rnams la byams pas gnas pa yin/ 'byung po rnams la snying rje bar gnas pa yin/ bsam gtan rnams la de la ma chags par gnas pa yin/ slong ba rnams la bdog pa thams cad yongs su gtong ba yin/ bsod nams dag gis longs spyod mi zad pa yin/ bsam pa dag pas lag na rin po che yin/ mthon dman gyi yid med pas sems sa dang mtshungs pa yin/ tshul khrims yongs su dag pas bsam pa 'byor ba yin/ mchod sbyin thams cad sgrub pas sems grol zhing sgo bsgribs pa med pa yin/ </font><hr>52.223a<br><font size=+1>

rnam par 'byed pas gzungs dang spobs pa phun sum tshogs pa yin/ sangs rgyas kyi zhing tshad med par 'gro bas mngon par shes pa'i ye shes la gnas pa yin no/ /ji ltar phyi rol gyi 'byung ba chen po bzhi po 'di dag sems can thams cad kyi 'tsho bar gyur pa de bzhin du bdag gi nang gi 'byung ba chen po bzhi po 'di dag kyang sems can thams cad kyi 'tsho bar gyur cig /bdag gi dge ba'i rtsa ba dang / chos shes pa la mkhas pa gang yin pa de sems can thams cad kyi 'tsho ba ma yin par ma gyur cig ces de ltar dge ba'i rtsa ba rnams kyang yongasu sngo ste/ de ltar na byang chub sems dpa' bsod nams tshad med pa bsags shing sems can thams cad kyi 'tsho bar gyur pa yin no/ /rigs kyi bu de la ji ltar na byang chub sems dpa' sangs rgyas rnams ma byung yang sangs rgyas kyi mdzad pas sems can rnams la nye bar gnas pa yin zhe na/ rigs kyi bu 'di la byang chub sems dpa' ni gnas dang gnas ma yin pa'i bya ba shes pas stobs bcu yongs su sbyang bar bya ba tshar phyin pa yin/ /zag pa zad pa'i bya ba shes pas mi 'jigs pa bzhi yongs su sbyang bar bya ba tshar phyin pa yin/ dus gsum la chags pa med pa'i ye shes kyi bya ba shes pas sangs rgyas kyi chos ma 'dres pa bcwa brgyad yongs su sbyang bar bya ba tshar phyin pa yin/ sangs rgyas kyi spyan gyi snang ba thob pas spyan lnga yongs su sbyang bar bya ba tshar phyin pa yin/ byang chub kyi snying por 'gro ba thob pas mngon par shes pa thams cad yongs su sbyang bar bya ba tshar phyin pa yin/ nyon mongs pa'i bag chags yang dag par bcad pas dge ba'i chos thams cad yongs su bskang ba tshar phyin pa yin/ bsod nams kyi tshogs thams cad bsags pas lus dang /  ngag dang / sems dang / mtshan dang / dpe byed bzang po'i rgyan yongs su sbyang bar bya ba tshar phyin pa yin/ dbang bskur ba thob pas sa bcu yongs su sbyang bar bya ba tshar phyin pa yin/ ye shes kyi tshogs bsags pas sangs rgyas kyi chos thams cad yongs su sbyang bar bya ba tshar phyin pa yin te/ </font><hr>52.223b<br><font size=+1>

rigs kyi bu de ltar na byang chub sems dpa' sangs rgyas rnams ma byung yang sangs rgyas kyi 'dzad pas sems can rnams la nye bar gnas pa yin no/ /rigs kyi bu de la ji ltar na byang chub sems dpa' rgya mtsho'i phyag rgya'i ting nge 'dzin thob cing sems can thams cad kyi sems dang spyod pa la mi chags pa yin zhe na/ rigs kyi bu 'di lta ste dper na 'dzam bu'i gling na sems can rnams kyi gzugs snang ba ji snyed par de dag thams cad dang 'dra ba'i phyag rgya rgya mtsho chen po la yod do/ de'i phyir rgya mtsho chen po zhes bya'o/ /de bzhin du sems can thams cad kyi sems su snang ba'am/ gzugs su snang ba 'am/ sgrar snang ba ji snyed pa de dag thams cad rgya mtsho'i phyag rgya'i ting nge 'dzin la gnas pa'i byang chub sems dpa' snang ba gcig la snang bar 'gyur te/ de'i phyir rgya mtsho'i phyag rgya'i ting nge 'dzin ces bya'o/ /'di lta ste dper na rgya mtsho chen po ni ro gcig pa yin no/ /de bzhin du byang chub sems dpa' yang chos la rnam par grol ba'i ror shes pas ro gcig pa yin no/ /'di lta ste dper na rgya mtsho chen po ni dus las mi yol ba yin no/ /de bzhin du byang chub sems dpa' yang dus dang dus ma yin pa la so sor rtog pas byang chub kyi snying po'i dus las mi yol lo/ /'di lta ste dper na rgya mtsho chen po ni shi ba'i ro dang lhan cig mi gnas so/ /de bzhin du byang chub sems dpa' yang bag chags kyi nyon mongs pa thams cad dang / nyan thos dang / rang sangs rgyas kyi sems thams cad dang lhan cig mi gnas so/ /'di lta ste dper na rgya mtsho chen po ni chu thams cad zad pas bri ba'am gang ba med do/ /de bzhin du byang chub sems dpa' yang chos thams cad zad pas chos kyi dbyings bri ba 'am gang bar mi byed do/ /'di lta ste dper na/ rgya mtsho chen po ni kha tshon tshad med do/ /de bzhin du byang chub sems dpa' yang shes rab kyis tshad med do/ /'di lta ste/ dper na rgya mtsho chen po ni zab cing gting dpag dka' ba</font><hr>52.224a<br><font size=+1>

yin no/ /de bzhin du byang chub sems dpa' yang zab cing nyan thos dang / rang sangs rgyas thams cad kyis gting dpag dka' ba yin no/ /'di lta ste dper na/ rgya mtsho chen po ni sems can tshad med pa'i gnas yin no/ /de bzhin du byang chub sems dpa' yang sems can yongs su smin par bya ba tshad med pa'i gnas yin no/ /'di ni rgya mtsho'i phyag rgya'i ting nge 'dzin la 'jug pa yin te/ rigs kyi bu de ltar zhugs pa'i byang chub sems dpa' ni sems can thams cad kyi sems dang spyod pa la mi chags pa yin no/ /rigs kyi bu de la ji ltar na byang chub sems dpa' chags pa thams cad las yang dag par 'das pa yin zhe na/ chags pa zhes bya ba ni gang chos rnams la lta ba kun nas ldang ba'o/ /byang chub sems dpa' ni lta ba kun nas ldang ba thams cad dang bral bas chags pa thams cad las yang dag par 'das pa yin no/ /'di lta ste dper na/ rlung mar ni nam mkha'i dkyil na mi chags so/ /de bzhin du byang chub sems dpa' rlung mar lta bu'i sems dang ldan pa yang sems can thams cad la mi chags so/ /yang skyes bu dam pa de dag ni spyod pa dang / cho ga'i tshul shes pa te yin te/ de la cho ga ni dran pa'o/ /spyod pa ni rnam par mi g.yeng ba'o/ /de dag ni mun pa dang bral zhing snang ba thob pa yang yin te de la mun pa zhes bya ba ni gang chos rnams la mi shes pa'o/ /snang ba zhes bya ba ni gang chos rnams la ye shes thogs pa med pa ste/ de'i phyir de dag mun pa dang bral zhing snang ba thob pa zhes bya'o/ /skyes bu dam pa de dag ni ye shes gzhan gyi dring la mi 'jog cing rang gis ye shes thob pa yin te/ de ci'i phyir zhe na/ de dag rang byung gi ye shes la mngon par gnas shing sems can gzhan ye shes 'dod par byed pa yin no/ /gang gi tshe byang chub sems dpa' chos gtan la 'bebs pa'i ye shes bstan pa 'di la gzhan gyi dring la mi 'jog cing rang gis ye shes thob par gyur pa de'i tshe myur du thams cad mkhyen pa'i ye shes thob par 'gyur ro/ /de nas bcom ldan 'das kyis de'i tshe</font><hr>52.224b<br><font size=+1>

tshigs su bcad pa 'di dag gsungs so/ /gang zhig lta ba kun las sems dben zhing / /mkhas pa bsod nams tshogs ni rab byed la/ /mtshan ma ldan pa yongs su spangs nas su/ /byang chub phyir bsngos de ni zad mi 'gyur/ /nga rgyal las kyang nga rgyal kun spangs nas/ /de ni ye shes tshogs rnams tshol bar byed/ /mtha' yas blo ldan nam mkha'i ngo bo nyid/ /kun mkhyen ye shes yongs su rdzogs par byed/ /rgyal ba'i sras de sangs rgyas rjes dran pa/ /gzugs dang mtshan gyi chos su ma yin te/ /gang na sems dang yid ni mi rgyu ba/ /de ni mthun par sangs rgyas rjes su dran/ /chos ni 'dod chags bral zhing rang bzhin dben/ /zhi zhing rab zhi rtag tu mtshan ma med/ /gang zhig dmigs pa thams cad bral gyur pa/ /de 'dir chos ni rjes su dran pa yin/ /'phags pa'i dge 'dun shin du 'dus ma byas/ /stong pa mtshan med smon lam rnam par grol/ /de la sems med dran dang 'jug pa med/ /de ni dge 'dun rjes su dran pa yin/ /phung po yongs su btang ba thams cad gtong / /nyon mongs dngos po thams cad legs par 'dor/ /snyems pa med cing rtog dang rnam rtog dag /'di ni gtong ba legs par rjes su dran/ /tshul khrims zag pa med cing 'dus ma byas/ /lus dang ngag dang yid kyis 'jug pa med/ /'byung ba med cing srid gsum mi gnas pa/ /de ni tshul khrims rjes su dran pa yin/ /lha gang dag cing dri med nyon mongs med/ /dga' ldan gnas pa dbang skur thob gyur pa/ /sems can dag pa de dag 'di dran zhing / /bdag kyang myur du de 'drar 'gyur snyam sems/ /de bzhin gshegs kyi dam chos 'dzin pa ni/ /nyon mongs dngos po thams cad 'dzin mi byed/ /chos dang chos min gnyis las rnam par grol/ /de 'dra de ni rgyal ba'i chos 'dzin yin/ /rgyal bas byang chub mtshan nyid gang brnyes pa/ /chos kyi mtshan nyid de ni yongs 'dzin cing / /gang gis rdul med mtha' 'dir rab shes pa/ /de ni</font><hr>52.225a<br><font size=+1>

sangs rgyas kun gyi chos 'dzin yin/ /bdag ni rab tu dag pas sems can dag /chos kun dag par mkhas pa sus rtogs pa/ /de ni sems dag rang bzhin 'od gsal te/ /sems can gtang phyir rtag tu yongs smin byed/ /sems can khams rnams ma rung mi byed cing / /de ni bri zhing gang bar mthong ba med/ /lta ba nor ba rab tu spang bar ston/ /de 'dra de ni sems can mang po spyod/ /'jig rten yul kun rab tu gang ston pa/ /des ni sangs rgyas yul yang rab tu ston/ /sangs rgyas yul ni nam mkha' mtshungs pa ste/ /de bzhin 'jig rten yul yang rab tu shes/ /sgra skad dbyangs dang yi ge thams cad ni/ /brag cha 'dra bar de yis rab mthong zhing / /de la nyan pa'ang shin du yod min par/ /de ltar rab tu shes pa gzungs thob bo/ /kun du 'dzin dang 'dzin cing klog pa dang / /chos rnams bstan pa'i rnam pa rab bshad kyis/ /bdag dang sems can chos su rlom sems med/ /de ni gzungs la rab tu gnas pa yin/ /rgyal ba kun gyis gsungs pa 'dzin byed cing / /legs par gsungs pas sems can tshim byed pa/ /dran dang ting nge 'dzin dang bral mi 'gyur/ /gzungs la nges pa'i yon tan 'di dag go/ /chos ni rnam pa kun du bsags med pas/ /chos la mi 'phro 'phros pa med pa 'ang min/ /dper na klu ni char rgyun 'bebs pa ltar/ /de ltar de yang chos kyi char pa 'bebs/ /yon tan 'byung gnas rnams kyi spobs pa ni/ /thogs med rgyun chags rgyun chad mi 'gyur bar/ /mdo sde stong phrag bye ba rab du 'chad/ /sems can dbang por sems can 'du shes med/ /sangs rgyas mthu yis bskal pa bye stong du/ /rgyun mi 'chad par chos ni rab ston cing / /bsam pa ji bzhin sems can tshim par byed/ /spobs pa'i tshul gyis sangs rgyas yon tan gnas/ /chos 'di thams cad nam mkha' 'dra ba zhes/ /gang gis chos rnams kun gyi tshul shes la/ /sems can srog dang gang zag mi 'dzin pa/ /de ni rgyal ba rnams kyi dam chos 'dzin/ /sems can thams cad shin du mya ngan 'das/ /de dag de ltar kun du</font><hr>52.225b<br><font size=+1>

skye ba med/ /su yi bzod pa 'di 'dra'i 'od gsal ba/ /de ni bstan pa 'di la bag yod yin/ /phung po yang dag sgyu ma lta bur mthong / /chos dbyings ji 'dra de bzhin khams rnams shes/ /dbang po drug ni grong stong 'dra mthong ba/ /de ni phung po'i bdud las yang dag 'da'/ /sprin brtsegs phung po lta bur nyon mongs rnams/ /bag yod tshul bzhin rab tu rtog byed cing / /chos la mi rtog rnam par mi rtog pa/ /de ni nyon mongs bdud las yang dag 'da'/ /gang zhig skye ba rtag tu skye med shes/ /'di la gang yang 'pho med 'gro ba med/ /chos rnams 'ong med song ba med shes pa/ /de ni 'chi bdag bdud kyi dbang mi 'gro/ /gang zhig g.yo dang rlom sems mi byed cing / /byang chub gnas kyang byang chub 'du shes med/ /bdag dang sems can med kyang snying rje 'jug /de ni dpung dang bcas pa'i bdud 'dul lo/ /rnam shes ye shes gnyis ni mnyam par mthong / /'dus byas mi gnas 'dus ma byas la min/ /'gro ba'i sems ni sgyu ma 'drar mthong ba/ /de ni sems dpa'i rdzi ba med pa yin/ /pha rol tshu rol gang la 'ang mi chags la/ /chos ldan gru ni yang dag su sbyor zhing / /sems can sgrol yang sems can 'du shes med/ /mnyam pa zhes bya byang chub sems dpa' de/ /srid pa gsum po 'brog dgon 'dra ba dang / /stong pa 'gyur ba med par rab shes shing / /lam gyi rim gyis rtag tu sems can sgrol/ /de ni ded dpon bdud rtsi lam ston pa/ 'dzangs pa de ni tshul dang tshul min mkhas/ /chos rnams gdod nas stong par rab tu shes/ /tshul dang rigs pas mya ngan 'das la 'dzud/ /byang chub sems dpa' de ni 'dren ces bya/ /sems kyi rgyud ni gzhan dang gzhan du 'gyur/ /sems ni sems la nams kyang mtshams mi sbyor/ /'gro ba'i sems rgyud de dag rab shes pa/ /byang chub sems dpa' yongs su 'dren ces bya/ /nam mkha'i ngo bo nyid dang chu zla ltar/ /chos rnams thams cad dag cing rnam dag ces/ /nyon mongs kun dang 'dre bar mi byed pa/ /sems can dag pa de ni ma smad pa/ /gang zhig chos gcig gis ni chos rnams kun/ /sgyu ma smig rgyu 'dra bar</font><hr>52.226a<br><font size=+1>

gzung med dang / /gsog dang brdzun dang rtag pa med par shes/ /de ni byang chub snying por myur du 'gro/ /chos gtan la 'bebs pa bstan pa 'di bshad pa na/ lha dang / mi dang / lha ma yin dang / mi 'am ci dang / lto phye chen po'i srog chags khrag khrig bdun bcu rtsa gnyis bla na med pa yang dag par rdzogs pa'i byang chub tu sems bskyed do/ /byang chub sems dpa' sum khri nyis stong ni mi skye ba'i chos la bzod pa thob par gyur to/ /stong gsum gyi stong chen po'i 'jig rten gyi khams 'di yang rnam pa drug du rab tu g.yos so/ /snang ba chen pos kyang 'jig rten gyi khams khyab par gyur to/ /lha brgya stong dag kyang me tog gi char 'bebs shing sil snyan dag kyang dkrol nas/ 'di skad ces gang dag bstan pa 'di thos nas mos pa dang / 'dzin pa dang nan tan byed pa'i sems can de dag ni sangs rgyas kyi yul du rjes su dong ba yin no/ /gang du sangs rgyas bcom ldan 'das rnams 'byung ba'i sangs rgyas kyi zhing 'di thams cad mkhas pa rnams kyis rgyun gyis legs par brgyan pa byas te phyag bya'o/ /de ci'i phyir zhe na/ sangs rgyas byung bar gyur na chos 'di lta bu 'di rab tu ston par 'gyur ro/ /skyes bu dam pa bsam gyis mi khyab pa'i chos dang ldan pa 'di dag kyang mthong bar 'gyur ro zhes ched du brjod pa ched du brjod do/ /de nas bcom ldan 'das kyis zhus pa lung bstan pas byang chub sems dpa' sems dpa' chen po nam mkha' mdzod mngon du rangs par mdzad pas/ mu tig gi dra ba 'od dri ma med cing rnam par dag pa stong gsum yongs su gang ba ri ba bcom ldan 'das kyi sku la mngon par gsol nas bcom ldan 'das la 'di skad ces gsol to/ /sangs rgyas bcom ldan 'das rnams kyi ye shes ni chags pa mi mnga' zhing sgrib pa mi mnga' ba/ bstan pa 'di ni rgyun mi 'chad pa/ de bzhin gshegs pa ni sems can thams cad kyi sems la gzigs shing dbang po mchog dang mchog ma yin pa mkhyen pa'i ye shes la mkhas pa'o bcom ldan 'das kyis 'di 'dra ba'i chos kyi tshul gyi rnam pa bstan pa des/ 'khor thams cad kyi sems/ tshims par gyur to/ /theg pa chen po 'di yang</font><hr>52.226b<br><font size=+1>

rgyas par rjod pa mdzad par gyur to/ /phyogs bcu'i 'jig rten gyi khams nas 'dus pa'i byang chub sems dpa' 'di dag la yang chos kyi snang ba chen pos rgyas par mdzad par gyur to/ /bcom ldan 'das de bzhin gshegs pas bdag la yang chos 'byung ba'i sgo bstan pas des chos 'byung ba'i sgo tshad ma mchis pa bstan par bgyi'o// //'phags pa nam mkha' mdzod kyis zhus pa/ bam po bzhi pa/ de nas byang chub sems dpa' sems dpa' chen po myur ba spobs pa zhes bya ba 'khor de nyid du 'dus par gyur te/ 'dug pa des byang chub sems dpa' nam mkha' mdzod la 'di skad ces smras so/ /rigs kyi bu gang khyod kyi ming nam mkha' mdzod ces bya ba de/ ci nam mkha' khyod kyi mdzod dam/ smras pa/ rigs kyi bu de bzhin te/ nam mkha' ni kho bo'i mdzod do/ /myur bar spobs pas smras pa/  rigs kyi bu nam mkha' mdzod kyi bye brag bdag cag gis kyang blta'o/ /de nas bcom ldan 'das kyis byang chub sems dpa' nam mkha' mdzod la bka' stsal pa/ rigs kyi bu khyod kyis nam mkha' mdzod kyi khyad par ston cig /de nas byang chub sems dpa' nam mkha' mdzod kyis byang chub sems dpa' myur bar spobs pa la 'di skad ces smras so/ /rigs kyi bu khyod kyi yid la gang 'dod pa de kho bos nam mkha' las char dbab bo/ /de nas byang chub sems dpa' myur bar spobs pa 'di snyam du sems te/ de bzhin gshegs pa rin po che ud pa la'i dpal gyi 'jig rten gyi khams pad ma bkod pa zhes bya ba na/ 'od thams cad rnam par snang ba zhes bya ba'i pad ma rgya ni rgyang grags kyi tshad/ 'dab ma bye ba stong phrag mang po 'jam zhing gzhon pa/ gos ka tsa lin di ka ltar reg na bde ba/ dris ni sangs rgyas kyi zhing khyab pa/ kha dog mang po brgya stong dang ldan pa/  mthong na yid du 'ong zhing chog mi shes pa/ pad ma de mthong ba dang dri ma snams pas byang chub sems dpa' de dag ting nge 'dzin thob par 'gyur ba de bdag gis mthong ste/ 'khor 'dir de 'dra ba'i pad ma'i char bob shig snyam pa dang / byang chub sems</font><hr>52.227a<br><font size=+1>

dpa' myur bar spobs pas bsams ma thag tu/ de nas byang chub sems dpa' nam mkha' mdzod kyi byin gyi brlabs kyis nam mkha'i ngos las de 'dra ba'i pad ma'i char mngon par phab ste/ de nas 'khor de dag thams cad pad ma de dag gi dri mthong zhing tshor bas dga' ba'i zas zhes bya ba'i ting nge 'dzin la snyoms par zhugs so/ /'khor de thams cad ting nge 'dzin las langs te/ byang chub sems dpa' nam mkha' mdzod la phyag 'tshal nas 'di skad ces 'dzer to/ /skyes bu dam pa'i byin gyi brlabs dang ye shes kyi stobs legs so legs so/ /sems can thams cad kyang 'di 'dra ba'i byin gyi brlabs thob par gyur cig /de nas byang chub sems dpa' rin chen bkod pa zhes bya ba 'dus par gyur te/ 'dug pa des byang chub sems dpa' nam mkha' mdzod la 'di skad ces smras so/ /rigs kyi bu khyod kyis nam mkha' las gser phye'i char phob shig /byang chub sems dpa' rin chen bkod pas tshig de skad ces smras ma thag tu/ de'i mod la nam mkha' las gser phye'i char mngon par phab bo/ /de nas yang byang chub sems dpa' rin chen bkod pas byang chub sems dpa' nam mkha' mdzod la 'di skad ces smras so/ /rigs kyi bu khyod kyis nam mkha' las rin po che thams cad kyi char phob shig /tshig de skad ces smras ma thag tu de'i mod la phyogs bcu nas ri rab kyi tshad tsam gyi rin po che grangs med dpag tu med pa ming tha dad pa kha dog tha dad pa yod pa de dag gi char chen po mngon par phab pa 'di lta ste/ gser dang / dngul dang / shel dang / bai dUr+ya dang / rdo'i snying po dang / mu tig dmar po dang / spug dang / dpal gyi snying po'i ze ba can dang / dri med dang / rin chen byi ru dang / zla ba'i 'od dang / me shel dang / snang byed dang / 'od mchog dang / 'dzam gling me 'od dang / dung dang / man shel dang / byi ru dang / an da rnyil dang / yon tan 'byung gnas dang / rab tu zhi ba'i 'od dang / chu 'od dang / chu mdog dang / chu dang bar byed dang / sa'i 'od dang / </font><hr>52.227b<br><font size=+1>

mi phyed pa'i gnas dang / mig mi bzod pa dang / brgya byin thogs pa dang / rgyal ba dang / cher rgyal ba dang / gzi brjid 'bar ba dang / dpal gyi snying po'i rgyal po dang / rdo rje'i ze ba can dang / 'jig rten snang ba dang / skar ma dga' dang / 'od 'dzin dang / zla gam dang / 'dzam bu'i chu 'od dang / 'dzam bu'i gling gi 'od dang / 'od stong ldan dang / skar mda'i sgo dang / me'i 'od dang / rgyal bas brgyan pa dang / tsha ba zhi byed dang / gdung ba med dang / nad sel dang / mig sbyong dang / rna ba dang / sna dang / lce dang / lus dang / yid sbyong dang / yan lag rnam par snang ba dang / rnam par snang ba'i 'od dang / 'od sngon po dang / 'od ser po dang / dkar po dang / shel gyi kha dog dang / rin po che'i dra ba dang / rin po che thams cad yang dag par bsdus pa dang / ming de lta bu dang / ming de ma yin pa'i rin po che'i char rab tu phab ste/ nor bu rin po che de dag gi ming ni bskal par yang zad par sla ba ma yin no/ /de nas byang chub sems dpa' dus kyi rgyal po zhes bya ba des byang chub sems dpa' nam mkha' mdzod la 'di skad ces smras so/ /rigs kyi bu mi mjed kyi 'jig rten gyi khams 'di na sems can sdug bsngal zhing dbul ba/ zas dang skom med pa/ gcer bu gos med pa/ gos ral po gyon pa dang / yi dgas rnams bkres shing skom pas yongs su zin pa/ gcer bu rang gi skras yog pa/ mchil ma dang ngar snabs dang khrag dang / rnag za 'dod pa de lta bu'i sems can de dag bskyab pa'i phyir zas dang / skom dang / gos kyi char khyod kyis phob shig /de nas de ma thag tu byang chub sems dpa' nam mkha' mdzod kyi byin gyi brlabs kyis bza' ba dang /  bca' ba dang / myang ba dang / bldag pa sna tshogs kyi char rab tu phab ste/ ro brgya dang ldan pa'i khu ba dang / btung ba thams cad kyi char gyi rgyun shing rta'i srog shing tsam gyi char mngon par bab bo/ /gos kha dog du ma dang / kha dog tha dad pa dang / kha dog brgya stong du ma dang / phra zhing 'jam pa ka rtsa lin di ka ltar reg na bde ba'i char rab</font><hr>52.228a<br><font size=+1>

tu phab ste/ de nas stong gsum gyi stong chen po'i 'jig rten gyi khams na bkren pa dang / dbul po thams cad dang / yi dgas thams cad kun tshim par byas so/ /de nas byang chub sems dpa' sman pa'i rgyal po zhes bya ba des byang chub sems dpa' nam mkha' mdzod la 'di skad ces smras so/ /rigs kyi bu sems can na ba g.yog med pa nad du mas reg pa yod pa de dag gi don du sman chen po'i char gang gis na ba de dag thams cad nad las yongs su thar bar 'gyur ba phob shig /de nas de ma thag tu bar snang las bdud rtsi'i sman gyi char mngon par rab tu phab ste/ des nad thams cad las yongs su thar bar gyur to/ /de nas byang chub sems dpa' ngan song spong zhes bya ba des byang chub sems dpa' nam mkha' mdzod la 'di skad ces smras so/ /rigs kyi bu khyod kyis ngan song gsum zhi bar gyis shig /de nas de ma thag tu bar snang las 'od rab tu btang ste/ sems can dmyal ba pa dang / dud 'gro'i skye gnas pa dang / gshin rje'i 'jig rten pa'i sems can rnams 'od des reg pa de dag thams cad bde ba dang rab tu ldan par gyur te/ ngan song gsum po thams cad rab tu zhi bar gyur te/ 'di ltar sbyin pa yongs su gtong ba la rab tu sbyor ba'i bar du me tog dang / phreng ba dang / spos dang / byug pa dang / phye ma dang / chos gos dang / gdugs dang / rgyal mtshan dang / ba dan la sogs pa dang / rol mo sna lnga dang ldan pa dang / glu'i dbyangs dang / bran pho dang / bran mo dang / chung ma dang / khye'u dang / bu mo dang / slas dang / rta dang / bal glang dang / shing rta dang / dpung bu chung dang / bzhon pa dang / khyim dang / grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor dang / bskyed mos tshal dang / yang tog dang / khang pa brtsegs pa dang / khang bzungs dang / rta babs dang / skar khung dang / zla ba kham pa lta bu dang / khri dang / khyogs dang / glang bzhi pa dang / glang bcu drug pa nas rta cang</font><hr>52.228b<br><font size=+1>

shes stong gis drangs pa dang ldan pa'i shing rta'i bar gyi char bar snang las mngon par rab tu bab bo/ /de nas byang chub sems dpa' nam mkha' mdzod kyis de lta bur byin gyis brlabs nas byang chub sems dpa'i tshogs mang po la smras pa/ rigs kyi bu dag long la byin cig /yongs su gtang bar bgyis te/ sbyin pa'i pha rol du phyin pa yongs su rdzogs par gyis shig /de nas byang chub sems dpa' tshul khrims kyi rgyan ces bya ba des byang chub sems dpa' nam mkha' mdzod la 'di skad ces smras so/ /rigs kyi bu khyod kyis sbyin pa'i pha rol du phyin pa'i char ni phab na/ da yang tshul khrims kyi pha rol du phyin pa'i char phob shig /des tshig de skad ces smras ma thag tu phyogs bcu na sangs rgyas dang / byang chub sems dpa' rnams tshul khrims kyi yon tan gyi rgyan gyi bsngags pa ji snyed brjod pa de snyed kyi tshul khrims kyi yon tan bsngags pa'i sgra bar snang las byung ngo / /de bzhin du bzod pa dang / brtson 'grus dang / bsam gtan dang / shes rab kyi yon tan gyi sgra yang ci tsam phyogs bcu na sangs rgyas dang / byang chub sems dpa' rnams yi ge dang nges pa'i tshig dang brda dag gis chos kyi sgo brgya stong ston pa'i chos kyi sgra de dag thams cad ma chad ma lhag khyad ma zhugs par bar snang las ma lus par rdzogs par byung ngo / /chos kyi sgra des stong gsum gyi stong chen po'i 'jig rten gyi khams thams cad go bar byas so/ /de nas tshad med grangs med pa'i sems can theg pa gsum la yongs su smin par byas par gyur to/ /de nas byang chub sems dpa' kun du snang ba zhes bya ba de 'di snyam du sems so/ /byang chub sems dpa' nam mkha' mdzod kyis bkod pa 'jig rten 'di 'ba' shig na'am/ 'jig rten gyi khams gzhan dag na 'ang yod snyam mo/ /de nas byang chub sems dpa' nam mkha' mdzod kyis byang chub sems dpa' kun du snang ba'i sems kyi kun du rtog pa sems kyis shes so/ /shes nas kyang byang chub sems dpa' kun du snang ba la 'di skad ces smras so/ /rigs kyi bu khyod shin du dri ma med cing shin du rnam par dag pa'i lha'i mig rnyed na/ rigs kyi bu khyod kyis phyogs bcu'i 'jig rten gyi khams rnams su ci mthong ltos shig /de nas byang chub sems dpa' kun du snang bas lha'i mig gis phyogs bcu'i 'jig rten gyi</font><hr>52.229a<br><font size=+1>

khams rnams su bltas na/ des phyogs bcu'i sangs rgyas kyi zhing grangs med dpag tu med pa dag na ji ltar 'jig rten gyi khams 'dir rin po che thams cad kyi char rab tu bab pa dang / chos kyi sgra thams cad grag pa dang / de bzhin du sangs rgyas zhing de dag na yang ma chad ma lhag khyad ma zhugs par 'di lta bu'i bya ba rnams rab tu 'byung ba mthong ngo / /de nas byang chub sems dpa' kun du snang ba ngo mtshar du gyur nas byang chub sems dpa' nam mkha' mdzod kyi smon lam gyi byin brlabs grub pa de ni bsam gyis mi khyab ste/ ga lar yang cig car sangs rgyas kyi zhing thams cad du skyes bu dam pas 'di 'dra ba'i char mngon par rab tu phab po zhes ched du brjod pa 'di ched du brjod do/ /de nas sangs rgyas kyi mthu dang / byang chub sems dpa' nam mkha' mdzod kyi byin gyi brlabs kyis thams cad dang ldan pa'i 'khor des gang du rin po che'i char dang / chos kyi char rab tu 'bab pa'i sangs rgyas kyi zhing de dag mthong ngo / /yang byang chub sems dpa' nam mkha' mdzod kyis rin po che'i char dang / chos kyi char gyi cho 'phrul 'di bstan pas bsgrang ba las 'das pa'i sems can rnams byang chub tu sems skyes so/ /de nas rgyal po'i khab nas bud med yugs sa mo lnga brgya byung nas byang chub sems dpa' nam mkha' mdzod ga la ba der dong ste lhags nas/ byang chub sems dpa' nam mkha' mdzod la 'di skad ces smras so/ /skyes bu dam pa khyod sems can thams cad kyi 'dod pa rdzogs par mdzad na bdag cag la 'ang khyo stsol cig /de nas de ma thag tu byang chub sems dpa' nam mkha' mdzod kyi byin gyi brlabs kyis/ bud med de dag gi sngon gyi khyo'i kha dog dang mtshan ma dang dbyibs ci 'dra ba de lta bu'i skyes bu lnga brgya nam mkha' las babs nas/ byang chub sems dpa' nam mkha' mdzod kyi mdun na 'khod do/ /de nas byang chub sems dpa' nam mkha' mdzod kyis bud med de dag la 'di skad ces smras so/ /sring mo dag bdag bdag gi khyo ji lta ba bzhin du khrid cig /de nas bud med de dag gis ji lta bur rang rang gi khyo gang yin pa khrid nas dga' mgu rangs shing rab tu dga' ste yid</font><hr>52.229b<br><font size=+1>

bde ba skyes nas rang rang gi khyim du dong ngo / /de nas sprul pa'i skyes bu de dag gis zhag bdun du bud med de dag ji ltar bla na med pa yang dag par rdzogs pa'i byang chub las phyir mi ldog pa de lta de ltar smin par byas so/ /de nas yang bud med lnga brgya po de dag byang chub sems dpa' nam mkha' mdzod kyi thad du lhags nas tshigs su bcad pa dag smras so/ /chos kyi rang bzhin stong pa sgyu ma 'dra/ /chos kyi mtshan nyid de ni sngon ma 'tshal/ /de phyir khyod kyis sprul pa'i khyo stsal te/ bdag cag theg pa'i mchog la des smin bgyis/ /chos 'di thams cad yang dag sprul pa ste/ /g.yo ba med cing byed med snga nas stong / /zag med ye shes bdag gis rab rtogs te/ /slan chad nyon mongs dbang du mi mchi'o/ /byang chub mchog gi sems ni bskyed par bgyi/ /sems can thams cad 'gron du gnyer bar bgyi/ /sems can rgya chen khyod kyis phab pa bzhin/ /bdag cag gis kyang chos mchog char pa dbab/ /'dren mchog thub pas de dag lung bstan pa/ /khyed cag ma 'ongs dus na 'gyur ba ni/ /spyad pa spyad nas rgyal ba'i dbang po dag /shin du dul zhes bya ba'i bde gshegs 'gyur/ /yang de'i tshe na mi lnga brgya gsad par chad de gsad du khrid pa las de dag gis bar snang las sems can rnams byang chub sems dpa' nam mkha' mdzod ces bya ba gang 'jigs pa'i sems can rnams la mi 'jigs pa sbyin pa zhig yod kyis de la khyed cag phyag 'tshol cig dang gsad pa 'di las thar bar 'gyur ro zhes sgra zhig thos so/ /de nas de dag thams cad shi bas 'jigs skrag pas sgra skad gcig tu byang chub sems dpa' sems dpa' chen po nam mkha' mdzod la phyag 'tshal lo zhes tshig de skad ces smras so/ /tshig de skad ces smras ma thag tu skad cig de nyid la bar snang las mi lnga brgya babs te/ der lhags nas gshed ma'i mi de dag la 'di skad ces smras so/ /khyad cag gis mi dbul po 'di dag gsad de ci rung / nged cag gi gos dang rgyan</font><hr>52.230a<br><font size=+1>

rnams khyer la nged cag gi srog chod de mi 'di dag khye shig /de dag chags pas non pa'i phyir gsad pa'i phyir mi lnga brgya po de dag gtang ste/  sprul pa'i skyes bu de dag bsad do/ /de nas mi bsad pa las btang ba de dag gsod pas 'jigs shing skrag pa las dbugs 'byin pa rnyed pas byang chub sems dpa' nam mkha' mdzod ga la ba der dong ste lhags nas/ bcom ldan 'das kyi zhabs la yang mgo bos phyag 'tshal/ byang chub sems dpa' nam mkha' mdzod la yang thal mo sbyar te phyag 'tshal nas 'di skad ces gsol to/ /skyes bu dam pa khyod kyis bdag cag gi srog dang dbugs 'byin pa rnyed par bgyis na/ bdag cag chos gang la nan tan du bgyis pas bdag la sman pa dang gzhan la sman pa la zhugs par 'gyur ba'i chos bstan pa bdag cag la stsal du gsol/ byang chub sems dpa' nam mkha' mdzod kyis smras pa/ rigs kyi bu khyed cag bla na med pa yang dag par rdzogs pa'i byang chub tu sems skyed cig dang 'di ltar khyed rnams bdag la phan pa dang / gzhan la phan par zhugs par 'gyur ro/ /de dag la de skad ces smras pa dang / bla na med pa yang dag par rdzogs pa'i byang chub tu sems bskyed do/ /de dag la byang chub sems dpa' nam mkha' mdzod kyis brgya stong ri ba'i ras bcos bu zung cig byin te/ grogs po dag ras bcos bu zung 'di de bzhin gshegs pa la gsol cig /de dag thams cad kyis ras bcos bu zung de de bzhin gshegs pa'i sku la mngon par gsol te/ de dag thams cad bcom ldan 'das kyis bskal pa bgrang ba las 'das pa na/ byang chub kyi phyogs kyi chos tshul yang dag par bsgrubs nas mi 'jigs pa sbyin pa zhes bya ba'i de bzhin gshegs pa 'jig rten du 'byung ngo zhes lung bstan to/ /de nas tshe dang ldan pa shA ri'i bus byang chub sems dpa' nam mkha' mdzod la 'di skad ces smras so/ /rigs kyi bu khyod kyis gang mi skam mi zad mi dengs pa'i nam mkha' la mdzod gzhag nas ji srid lon/ nam mkha' mdzod kyis smras pa/ </font><hr>52.230b<br><font size=+1>

brtsun pa shA ri'i bu 'di ji snyam du sems/ ji nam mkha' skam pa 'am zad pa yod dam dengs par 'gyur ram/ smras pa rigs kyi bu de lta ma yin no/ /smras pa/ btsun pa shA ri'i bu de bzhin du byang chub de ni nam mkha'i ngo bo nyid kyi mtshan nyid de la bdag gi dge ba'i rtsa ba rnams der bsngos pas de bas na nam mkha' la mdzod mi skam mi zad mi dengs so/ /yang khyod kyis nam mkha' la mdzod bzhag nas ji srid lon zhes zer ba ni kho bos byang chub tu sems bskyed nas ji srid lon pa de srid do/ /smras pa rigs kyi bu khyod kyis byang chub tu sems bskyed nas ji srid lon/ smras pa/ bcom ldan 'das kyi mkhyen pas mkhyen to/ /de nas gnas brtan shA ri'i bus/ bcom ldan 'das la 'di skad ces gsol to/ /bcom ldan 'das byang chub sems dpa' nam mkha' mdzod kyis byang chub tu sems bskyed nas ji srid lags/ bcom ldan 'das kyis bka' stsal pa/ shA ri'i bu gal te de bzhin gshegs pas gnas 'di bstan na lha dang bcas pa'i 'jig rten rnams myos par 'gyur ro/ /gsol pa/ bcom ldan 'das 'khor 'di na sems can gang rnams rtog pa mang zhing dad par 'gyur ba dag mchis kyis bshad du gsol/ bcom ldan 'das kyis bka' stsal pa/ shA ri'i bu 'di lta ste dper na gang gA'i klung gi bye ma snyed kyi 'jig rten gyi khams na gang gA'i klung gi bye ma ji snyed kyi sangs rgyas kyi zhing rdul phra rab kyi rdul snyed kyis yongs su gyur te/ rdul phra rab kyi rdul de dag ji snyed yod pa de snyed kyi bskal pa brgya stong zhing rdul phra mo cig bzhag la de lta bur bgrang ba dang mtshan ma bzhag pa de snyed kyi rdul phra mo thams cad ni zad par 'gyur gyi ji srid nas byang chub sems dpa' nam mkha' mdzod kyis bla na med pa yang dag par rdzogs pa'i byang chub tu sems skyed pa'i bskal pa grangs med pa bye ba khrag khrig brgya stong de dag la zad pa gang yang med do/ /shA ri'i bus gsol pa/ bcom ldan 'das gang gi thad nas byang chub sems dpa' nam mkha' mdzod kyis dang po byang chub tu sems skyed pa'i de bzhin gshegs pa de'i mtshan ci zhes bgyi/ bcom ldan 'das</font><hr>52.231a<br><font size=+1>

kyis bka' stsal pa/ yang shA ri'i bu de'i tshe de'i dus na rin po che bkod pa zhes bya ba'i bskal pa la sangs rgyas kyi zhing thams cad ston pa'i 'jig rten gyi khams su de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das smon lam thams cad las shin du byung ba rin po che'i gzi brjid 'phags pa'i rgyal po zhes bya ba 'jig rten du byung ste/  yang shA ri'i bu de bzhin gshegs pa de'i sangs rgyas kyi zhing gi yon tan bkod pa de dag ni tshe'i tshad bskal par gnas kyang bshad par sla ba ma yin no/ /shA ri'i bu de bzhin gshegs pa de'i 'khor gyi dkyil 'khor ni 'jig rten gyi khams stong gi tshad du gyur te/ byang chub sems dpa'i dge 'dun ni bgrang ba las 'das pa zhig byung ngo / /shA ri'i bu de'i dus na 'jig rten gyi khams de na stong gsum gyi 'khor los sgyur ba'i rgyal po lha thams cad kyis dbang bskur ba zhes bya ba zhig byung ste/ rin po che'i mdzod bsam gyis mi khyab bo/ /de'i bu rdzus te skyes pa rang gzi brjid kyis mngon par grub pa dgu khri drug stong yod do/ /de ci'i phyir zhe na/ sangs rgyas kyi zhing de na bud med kyi ming yang med do/ /shA ri'i bu de bzhin gshegs pa de'i tshe'i tshad kyang bskal pa/ stong phrag brgya thub bo/ /de nas rgyal po lha thams cad kyis dbang bskur bas bar gyi bskal pa bzhi bcur/ bcom ldan 'das de la bsnyen bkur dang rim gror byas te nyin gcig la 'god pa yang ri rab bye ba stong snyed kyi rin po che'i phung po zad par 'gyur ba de lta bus bsnyen bkur dang rim gro byas so/ /de nas rgyal po de bsod nams kyis brtan pas bu'i tshogs dang / grong gi mi rnams dang / 'khor rnams dang bcas te bla na med pa yang dag par rdzogs pa'i byang chub tu sems bskyed do/ /shA ri'i bu de'i tshe de'i dus na 'khor los sgyar ba'i rgyal po lha thams cad kyis dbang bskur ba zhes bya ba de gzhan zhig yin pa snyam du khyod sems na de de ltar mi blta'o/ /</font><hr>52.231b<br><font size=+1>

de ci'i phyir zhe na/ byang chub sems dpa' nam mkha' mdzod de'i tshe de'i dus na stong gsum gyi 'khor los sgyur ba'i rgyal po lha thams cad kyis dbang bskur ba zhes bya bar gyur to/ /de nas bcom ldan 'das la tshe dang ldan pa shA ri'i bus 'di skad ces gsol to/ /kye ma byang chub sems dpa' nam mkha' mdzod 'dis bsam gyis mi khyab pa'i go cha bgos te/ bcom ldan 'das de srid nas theg pa la rab tu zhugs pa ngo mtshar to/ /bcom ldan 'das de 'dra ba'i spyod pas 'di 'dra ba'i chos kyi mthu chen po rnyed par nus so/ /bcom ldan 'das kyis bka' stsal pa/ shA ri'i bu byang chub sems dpa' nam mkha' mdzod 'dis gang gA'i klung gi bye ma snyed kyi sangs rgyas bcom ldan 'das rnams la rim gro dang sti stang byas te byang chub kyi sems yongs su sbyangs so/ /gang gA'i klung gi bye ma snyed kyi byang chub kyi sems yongs su dag pas bsam pa yongs su dag pa'o/ gang gA'i klung gi bye ma snyed kyi bsam pa yongs su dag pas sbyor ba yongs su sbyangs/ gang gA'i klung gi bye ma snyed kyi sbyor ba yongs su dag pas lhag pa'i bsam pa yongs su sbyangs/ gang gA'i klung gi bye ma snyed kyi lhag pa'i bsam pa yongs su dag pas sbyin pa'i pha rol du phyin pa yongs su sbyangs/ gang gA'i klung gi bye ma snyed kyi sbyin pa'i pha rol du phyin pa yongs su dag pas tshul khrims kyi pha rol du phyin pa yongs su sbyangs/ gang gA'i klung gi bye ma snyed kyi tshul khrims kyi pha rol du phyin pa yongs su dag pas bzod pa'i pha rol du phyin pa yongs su sbyangs/ gang gA'i klung gi bye ma snyed kyi bzod pa'i pha rol du phyin pa yongs su dag pas brtson 'grus kyi pha rol du phyin pa yongs su sbyangs/ gang gA'i klung gi bye ma snyed kyi brtson 'grus kyi pha rol du phyin pa yongs su dag pas bsam gtan gyi pha rol du phyin pa yongs su sbyangs/ gang gA'i klung gi bye ma snyed kyi bsam gtan gyi pha rol du phyin pa yongs su dag pas shes rab kyi pha rol du phyin pa yongs su sbyangs/ gang gA'i klung gi</font><hr>52.232a<br><font size=+1>

bye ma snyed kyi shes rab kyi pha rol du phyin pa yongs su dag pas thabs kyi pha rol du phyin pa yongs su sbyangs/ gang gA'i klung gi bye ma snyed kyi thabs kyi pha rol du phyin pa yongs su dag pas sems can thams cad la khong khro ba med pa'i sems dang / thogs pa med pa'i 'od zer yongs su sbyangs/ gang gA'i klung gi bye ma snyed kyi sems can thams cad la khong khro ba med pa'i sems dang / thogs pa med pa'i 'od zer yongs su dag pas byams pa chen po yongs su sbyangs pa nas/ snying rje chen po dang / dga' ba chen po dang / gtang snyoms chen po dang / mngon par shes pa chen po'i ye shes kyi bar du yongs su sbyangs so/ /de bzhin du lus yongs su dag pa dang / ngag yongs su dag pa dang / sems yongs su dag pa ste/ gang gA'i klung gi bye ma snyed kyi sems yongs su dag pas skyes bu chen po'i mtshan gcig yongs su sbyangs so/ /de bzhin du sbyar te/ skyes bu chen po'i mtshan sum bcu rtsa gnyis thams cad nas/ skyes bu chen po'i mtshan thams cad yongs su dag pas dge ba'i rtsa ba'i bar du des gang gA'i klung gi bye ma snyed las 'das pa'i dge ba'i rtsa ba rnams yongs su dag pas nam mkha'i mdzod 'di yongs su dag par byang chub sems dpa' nam mkha' mdzod 'dis yongs su sbyangs so/ /shA ri'i bu byang chub sems dpa' nam mkha' mdzod 'dis nam mkha' las byang chub sems dpa'i spyod pa thams cad ston te/ shA ri'i bu ji ltar nam mkha' la zad pa med pa de bzhin du rigs kyi bu 'di'i smon lam dang spyod pa thams cad yongs su dag pas gang la yang zad pa med do/ /des na 'di nam mkha' mdzod ces bya'o/ /bstan pa 'di bshad pa na byang chub sems dpa' khri longs spyod mi zad pa dang / lag na rin po che dang / nam mkha' mdzod kyi smon lam yongs su bskang ba'i bzod pa skyes so/ /de nas byang chub sems dpa' chos kyi rgyal po zhes bya ba des byang chub sems dpa' nam</font><hr>52.232b<br><font size=+1>

mkha' mdzod la 'di skad ces smras so/ /rigs kyi bu bdag cag gis nam mkha' las chos bsgrags pa'i mdzod mnyan to/ /nam mkha' mdzod kyis smras pa/ de'i phyir rigs kyi bu gus pa dang bcas shing zhe sa dang bcas par 'dug la/ nam mkha' 'di la ston par 'du shes skyed cig dang / chos mnyan pa'i mdzod thos so/ /de nas byang chub sems dpa' chos kyi rgyal po dang 'khor de dag thams cad thal mo sbyar nas nam mkha' la phyag 'tshal te 'khod do/ /de nas byang chub sems dpa' nam mkha' mdzod kyi byin gyi brlabs kyis bar snang las tshigs su bcad pa 'di dag byung ngo / /nam mkha' 'dra ba'i yid rnams kyi/ /thams cad chos kyi tshul gang yin/ /de la 'jug pa'i rab bstan kyis/ /khyed cag mthar gyis mnyan par gyis/ /nam mkha' la ni mtho ba med/ /dma' ba 'ang yod pa ma yin te/ /gang gi chos nyid mtho dma' med/ /de la 'dud pa ga la yod/ /nam mkha' la ni skye ba med/ /'gog pa dag kyang mi dmigs so/ /ma skyes pa'i chos rnams la/ /de la rnam par rtog pa med/ /nam mkha' la ni bri ba med/ /gang ba dag kyang mi dmigs so/ /chos rnams gang med bri med de/ /nam mkha' dang ni mtshungs mnyam mo/ /nam mkha' la ni mun pa med/ /de ni de yis snyon mi smongs/ /sems kyi rang bzhin 'od gsal bas/ /de bas nams kyang snyon smongs med/ /nyi zla yi ni 'od zer gyis/ /nam mkha' dga' bar mi 'gyur te/ /nam mkha' 'dra ba'i sems rnams kyang / /gang la 'ang dga' bar 'gyur ba med/ /mdung thung rtse gnyis 'bab pas kyang / /nam mkha' la ni nyon mongs med/ /de bzhin sdug bsngal sgo kun gyis/ /rgyal ba'i sras ni nyon mi mongs/ /bdud rtsi dus kyi char pa yis/ /nam mkha' la ni dga' 'gyur med/ /rnyed dang sti stang thams cad kyis/ /byang chub sems dpa' dga' mi byed/ /bstod pa dang ni smad pa la/ /nam mkha' yongs su mi rtog ste/ /</font><hr>52.233a<br><font size=+1>

de bzhin bde dang sdug bsngal la/ /byang chub sems dpa' brtan mi g.yo/ /sa dag g.yos par gyur kyang ni/ /nam mkha' nam yang g.yo ba min/ /'jig rten 'di dag g.yo 'khrug kyang / /byang chub sems dpa' khrug pa med/ /bsreg pa'i bskal pa 'byung ba na/ /ji ltar nam mkha' mi 'tshig pa/ /de bzhin nyon mongs thams cad kyis/ /byang chub sems dpa' brtan mi gdung / /skye ba med cing 'dul ba 'ang med/ /ji ltar nam mkha' gnas pa bzhin/ /chos rnams 'gro med 'ong ba 'ang med/ /chos kyi dbyings la de dag gnas/ /gzugs su snang ba ji snyed pa/ /nam mkha' las ni thams cad 'byung / /chos su snang ba ji snyed pa/ /de dag chos kyi dbyings las byung / /mtshan ma med cing gzugs med pa/ /nam mkha' bltar yod ma yin te/ /de ltar sems rnams rab shes na/ /nam mkha' dang yang mtshungs mnyam mo/ /ming tsam pa ni nam mkha' ste/ /de la kha dog dbyibs kyang med/ /sems dang yid dang rnam shes kyang / /ming gis yongs su bstan pa'o/ /ji ltar nam mkha' mtha' med cing / /thams cad du yang gzung du med/ /de bzhin ye shes mthu chen yang / /nam mkha' dang ni mnyam zhing mtshungs/ /sems can nam mkhar 'gro mod kyi/ /de la 'gro ba'i rjes kyang med/ /sems can byang chub phyir spyod kyang / /de ni spyod pa'i mtshan ma min/ /ji ltar sngon gyi mtha' yi lus/ /nam mkha' dang ni mtshungs 'dra ba/ /de bzhin phung po'i ngo bo nyid/ /nam mkha' dang ni mnyam zhing mtshungs/ /khams bzhi dag kyang nam mkha' dang / /mtshungs shing 'dra bar rab tu gsungs/ /'di ltar sreg pa'i bskal pa la'ang / /nam mkha' dang ni khams 'di mtshungs/ /ji ltar sems can thams cad kyis/ /nams kyang yongs su gang mi nus/ /de bzhin yul rnams kun gyis kyang / /sems kyi rgyud ni mi gang ngo / /tshig chen seng ge'i sgra dag gis/ /'jig rten mgon zhes gsungs pa ni/ /'jig rten</font><hr>52.233b<br><font size=+1>

'das pa'i shes rab gang / /de dag bstan pa 'di la ngoms/ /ji ltar nam mkha' rgya che bas/ /tha ma dmigs par mi 'gyur te/ /de bzhin sangs rgyas chos rnams kyang / /mtha' ma dmigs par mi 'gyur ro/ /chos rnams thams cad sangs rgyas so/ /gang gis yang dag nyid shes na/ /de dag dngos po mi 'jig cing / /dngos po dag la 'ang mi gnas so/ /dngos dang dngos med rnam shes shing / /yang dag mtha' la gang gnas pa/ /dngos po dang ni dngos med pa/ /lta ba mkhas pas mi 'dzin to/ /stong pa nyid ni sgra yis bsgrags/ /sgra la stong pa nyid med de/ /de ni sgra med brjod pa med/ /de phyir stong pa nyid ces bya/ /sangs rgyas kun gyis bshad kyang ni/ /stong pa nyid ni brjod du med/ /gang de stong zhes bya ba yang / /de yi don ni brjod du med/ /sgyu ma smig rgyu rmi lam dang / /mig yor dang ni brag cha rnams/ /de la sogs pa bshad pa yis/ /'dren pa rnams ni chos ston to/ /sems can rnams ni drang ba'i phyir/ /dpe rnams shin du kun bstan te/ /rab tu zhi ba'i chos rnams la/ /gnyen po rnams ni mi dmigs so/ /mtshan nyid med pa'i chos kun kyang / /mtshan nyid du ni rab tu bstan/ /mtshan gzhi mtshan gzhi med pa dag /chos kyi dbyings la mi dmigs so/ /mtshan gzhi nam mkha'i mtshan nyid de/ /nam mkha' mtshan nyid med pa yin/ /gang gis tshul 'di rab rtogs pa/ /de dag byang chub sems dpa' yin/ /chags pa med cing bcings pa med/ /shin du cung zad med pa ste/ /spros med spros dang bral ba de/ /byang chub sems dpa' zhes bya'o/ /sems can las ni ma grol ba/ /sems can la yang mi gnas shing / /sems can rang bzhin ye shes kyis/ /byang chub sems dpa' zhes de bya/ /sems can rab tu mya ngan 'das/ /thos nas dngang bar mi byed de/ /gang de byang chub rab zhugs pa/ /dpa' bo dag gi go cha 'di/ /sgyu ma byed pa'i sems can dag /mang du sprul nas der bsad kyang / /de la bsad pa gang yang med/ /sems can mtshan nyid de bzhin no/ /</font><hr>52.234a<br><font size=+1>

sgyu ma dang ni sems can dang / /mya ngan 'das dang sangs rgyas kun/ /rnam pa kun du rang bzhin gcig /rang bzhin rang bzhin med par rtogs/ /nam mkha' las ni nam mkha'i mdzod/ /mi zad pa yi mdzod grub ste/ /sems can thams cad mgu byed cing / /mdzod de zad par mi 'gyur ro/ /tshad med bsod nams chu bos ni/ /mdzod 'di rnam par sbyangs pa ste/ /chos rnams la yang 'pho med par/ /chos rnams chos nyid blta bar bya/ /rgyu la rten te 'byung ba yi/ /chos rnams thams cad rab shes na/ /de yi mdzod ni mi zad de/ /chos kyi mdzod ni bsam mi khyab/ /chos bzhi 'di dag mi zad par/ /'jig rten mgon pos rab gsungs te/ /sems can nam mkha' byang chub sems/ /de bzhin sangs rgyas chos rnams so/ /de ste de dag rdzas yin na/ /de dag yongs su zad 'gyur gyi/ /de dag med pas mi zad ces/ /de bas de ni mi zad gsungs/ /chos ni rab tu skad cig pa/ /zad pa chos ni mi zad de/ /mi zad de la zad pa med/ /de phyir mi zad pa zhes bya/ /byang chub sems dpa' gang zhig gis/ /chos bstan 'di ni rab shes na/ /des ni byang chub rnyed mi dka'/ /byang chub phyir la yang dag zhugs/ /tshigs su bcad pa bstan pa 'di byung ba na byang chub sems dpa' brgya stong ni mi skye ba'i chos la bzod pa thob bo/ /lha'i bu nam mkha'i dkyil na 'khod pa khri nyis stong ni bla na med pa yang dag par rdzogs pa'i byang chub tu sems bskyed do/ /de nas 'khor de nyid du byang chub sems dpa' ltad mo can zhes bya ba 'dus par gyur te 'dug pa des/ bcom ldan 'das la 'di skad ces gsol to/ /bcom ldan 'das sgra 'di ga las byung snyam du bdag ngo mtshar du gyur to/ /bcom ldan 'das kyis bka' stsal pa/ rigs kyi bu byang chub sems dpa' nam mkha' mdzod la dris shig dang / 'di khyod la lan ldon no/ /de nas byang chub sems dpa' ltad mo can gyis byang chub sems dpa' nam mkha' mdzod la 'di skad ces smras so/ /rigs kyi bu sgra 'di</font><hr>52.234b<br><font size=+1>

ga las byung snyam du bdag ltad mor 'dzin par gyur to/ /nam mkha' mdzod kyis smras pa/ rigs kyi bu 'di ji snyam du sems/ brag cha'i sgra ga las byung / smras pa/ rigs kyi bu pha rol gyi sgra'i rnam par rig byed las brag cha'i sgra 'byung ngo / /smras pa/ rigs kyi bu brag cha la lus sam/ sems sam/ gzugs sam/ kha dog gam/ dbyibs gang yang yod dam/ smras pa/ rigs kyi bu de ni med do/ /smras pa/ rigs kyi bu de de bzhin no/ /ji ltar brag cha yongs su ma grub kyang sgra skad go bar byed pa de bzhin du/ nam mkha' yongs su ma grub ste/ sgra skad go bar byed par 'gyur ro/ /smras pa/ rigs kyi bu sgra 'di go bar byed pa su/ gang nas dbyangs 'di 'byung / smras pa/ rigs kyi bu ye shes kyi so sor rnam par rig pa bsam gyis mi khyab ste/ kho bos yid kyi sems pas gang bsams pa de bar snang 'di las 'byung yang sems der 'gro ba yang med/ de 'dir 'ong ba yang med mod kyi/ sgra'i sgra brnyan kyang 'byung ngo / /rigs kyi bu rten cing 'brel par 'byung ba ji tsam du zab pa la ltos/ /gang rgyu las 'bras bu 'byung yang rgyu 'bras bu 'grub par mi 'phel/ /rgyu med pa las kyang 'bras bu 'byung ba ma yin no/ /'di ltar rgyu dang rkyen las 'bras bu mngon par grub pa'i chos 'di gnyi ga la yang g.yo ba med cing byed pa med do/ /gang de lta bu'i 'du shes pa de dag ni bral ba ste/ /de ci'i phyir zhe na/ /bcom ldan 'das kyis kyang gang kun nas nyon mongs pa/ shes pa de nyid de'i rnam par byang ba zhes gsungs so/ /kun nas nyon mongs pa bsal bas rnam par byang ba ma yin te/ /gang kun nas nyon mongs pa'i ngo bo nyid kyi mtshan nyid de ni rnam par byang ba'o/ /'di lta ste kun nas nyon mongs pa dang / rnam par byang ba zhes bya ba 'di gnyis yang brda'i tshig go/ /don dam pa'i mtha' la kun nas nyon mongs pa dang rnam par byang ba yang dmigs su med do/ /don dam pa'i mtha' ni mtha' ma yin te/ gang 'di mtha' ma yin pa de ni yang dag pa'i mtha'</font><hr>52.235a<br><font size=+1>

zhes bya'o/ /gang yang dag pa'i mtha' de stong pa nyid kyi mtha'o/ /gang stong pa nyid kyi mtha' de bdag gi mtha'o/ /gang bdag gi mtha' de ni chos thams cad kyi mtha'o/ /de ci'i phyir zhe na/ /chos thams cad ni de'i mtha' stong pa nyid kyi mtha'/ nye bar zhi ba'i mtha' ste gang mtha' de gsum gyi sgo la mi chags pa de ni chos thams cad la mi chags pa'i ye shes rnyed do/ /de nas gnas brtan shA ri'i bus byang chub sems dpa' ltad mo can la 'di skad ces smras so/ /rigs kyi bu khyod ltad mo can zhes ming sus btags/ smras pa/ btsun pa shA ri'i bu khyod gang dang gang du chos la 'dun pa dang brtson pa de dang der ltad mor mi 'gyur ram smras pa rigs kyi bu de de bzhin no/ /smras pa/ btsun pa shA ri'i bu de bzhin du kho bo chos thams cad la 'dun cing brtson pa de dang der kho bos rnam sangs rgyas kyi chos thams cad yongs su rdzogs par 'gyur snyam du ltad mo dang ldan te/ de'i phyir kho bo ltad mo can zhes bya'o/ /byang chub sems dpa'i spyod pa thams cad la kho bo ltad mor gyur to/ /sems can thams cad kyi sems dang spyod pa la 'jug pa shes pa la kho bo ltad mor gyur te/ de'i phyir kho bo ltad mo can zhes bya'o/ /gang la kho bo ltad mor mi 'gyur ba'i ye shes de gang yang med/ 'jug pa de gang yang med pas de'i phyir kho bo ltad mo can zhes bya'o/ /gang du kho bo ltad mor gyur pa der nyon mongs pa thams cad dang bdud kyi las thams cad kyi skabs med de de'i phyir na kho bo ltad mod can zhes bya'o/ /de nas bcom ldan 'das la gnas brtan shA ri'i bus 'di skad ces gsol to/ /bcom ldan 'das skyes bu dam pa'i ming 'di nyid las sangs rgyas kyi chos thams cad yongs su brjod de/ sangs rgyas kyi chos thams cad ston kyang gang la 'ang mi chags te/ /chags pa ma mchis par sangs rgyas kyi chos thams cad kyang ston pa ni ngo mtshar to/ /de nas 'khor de nyid du byang chub sems dpa' rin chen dpal zhes bya ba 'dus par gyur te 'dug pa des byang chub sems dpa' nam mkha' mdzod la 'di skad ces smras so/ /</font><hr>52.235b<br><font size=+1>

rigs kyi bu khyod kyis ting nge 'dzin rab tu bstan pa las btsams te/ gang ci 'dra bar ting nge 'dzin yongs su sbyang ba bya ba la spobs par gyis shig /de skad ces smras pa dang / byang chub sems dpa' nam mkha' mdzod kyis byang chub sems dpa' rin chen dpal la 'di skad ces smras so/ /rigs kyi bu byang chub sems dpa' rnams kyi ting nge 'dzin byang chub kyi snying por thogs pa med par 'gro ba bsam pa dag pa zhes bya ba yod do/ /rigs kyi bu byang chub sems dpa' rnams kyi ting nge 'dzin sems can thams cad la khong khro ba med pa'i 'od zer ces bya ba yod de/ de bdag dang gzhan bsrung ba'i phyir gzhan gyi gnod pa thams cad las yang dag par 'da' bar 'gyur ro/ /dri ma med ces bya ba'i ting nge 'dzin ni sems yongs su dag par 'gyur ro/ /rnam par snang mdzad ces bya ba'i ting nge 'dzin ni dge ba'i chos thams cad rnam par 'phel bar 'gyur ro/ /dge ba zhes bya ba'i ting nge 'dzin ni rnyog pa med par 'gyur ro/ /mngon par 'phags pa zhes bya ba'i ting nge 'dzin ni spyi gtsug bltar mi mthong bar 'gyur ro/ /rnam par sel ba zhes bya ba'i ting nge 'dzin ni nyon mongs pa thams cad 'dul bar 'gyur ro/ /'khyil pa zhes bya ba'i ting nge 'dzin ni g.yas phyogs kyi lam yongs su rdzogs par 'gyur ro/ /zlog pa zhes bya ba'i ting nge 'dzin ni rgyu dang lta ba las rnam par zlog par 'gyur ro/ /dga' byed ces bya ba'i ting nge 'dzin ni chos kyi kun dga' la dga' zhing mos par 'gyur ro/ /skar ma'i rjes su song ba zhes bya ba'i ting nge 'dzin ni sbyin gnas yongs su dag par 'gyur ro/ /mthu drag po zhes bya ba'i ting nge 'dzin ni sems mi 'jum par 'gyur ro/ /mtshungs par mnyam pa nyid la 'jug pa zhes bya ba'i ting nge 'dzin ni sems can thams cad la sems mnyam par 'gyur ro/ /byed pa la 'jug pa zhes bya ba'i ting nge 'dzin ni las rnam par smin pa la 'jug par 'gyur ro/ /seng ge'i tog ces bya ba'i ting nge 'dzin ni 'jigs pa dang spu zing zhes byed pa med par 'gyur ro/ /sems dpa' zhes bya ba'i ting nge 'dzin ni nyon mongs pa'i bdud thams cad skrag par</font><hr>52.236a<br><font size=+1>

par 'gyur ro/ /pad ma dkar po zhes bya ba'i ting nge 'dzin ni 'jig rten thams cad kyis mi gos par 'gyur ro/ /pad ma bkod pa zhes bya ba'i ting nge 'dzin ni sems kyi rgyan du 'gyur ro/ /'od bkod pa zhes bya ba'i ting nge 'dzin ni sangs rgyas thams cad kyi zhing snang bar 'gyur ro/ /bya ba byed pa zhes bya ba'i ting nge 'dzin ni rjes su chags pa dang khong khro ba spong bar 'gyur ro/ /rgyal mtshan gyi rtse mo'i dpung rgyan ces bya ba'i ting nge 'dzin ni sangs rgyas thams cad kyi chos la snang bar 'gyur ro/ /skar mda' ldan zhes bya ba'i ting nge 'dzin ni bag chags thams cad 'jom par 'gyur ro/ /nyi ma'i sgron ma zhes bya ba'i ting nge 'dzin ni mun pa mun nag med par 'gyur ro/ /nyi ma 'khyil pa zhes bya ba'i ting nge 'dzin ni sems can thams cad kyi sems la rnam par lta bar 'gyur ro/ /yon tan gyi 'byung gnas zhes bya ba'i ting nge 'dzin ni yon tan gyi chos thams cad kyi rjes su 'gro bar 'gyur ro/ /sred med kyi bu lta bu zhes bya ba'i ting nge 'dzin ni pha rol rgol ba thams cad 'jom par 'gyur ro/ /snying po'i rjes su song ba zhes bya ba'i ting nge 'dzin ni rdo rje'i lus mi phyed par 'gyur ro/ /snying po dang ldan pa zhes bya ba'i ting nge 'dzin ni dam bcas pa thams cad nyams 'og tu chud par 'gyur ro/ /rdo rje'i dkyil 'khor zhes bya ba'i ting nge 'dzin ni mngon par shes pa las mi nyams par 'gyur ro/ /rdo rje'i snying po zhes bya ba'i ting nge 'dzin ni byang chub kyi snying por 'gro bar 'gyur ro/ /rdo rje lta bu zhes bya ba'i ting nge 'dzin ni chos thams cad rab tu rtogs par 'gyur ro/ /spyod pa dang ldan pa zhes bya ba'i ting nge 'dzin ni sems can thams cad kyi sems dang spyod pa la 'jug pa'i ye shes su 'gyur ro/ /sa 'dzin ces bya ba'i ting nge 'dzin ni chags pa dang zhe sdang med par 'gyur ro/ /bdud kyi dkyil 'khor 'jom pa zhes bya ba'i ting nge 'dzin ni bdud bzhi las yang dag par 'da' bar 'gyur ro/ /lus rnam par 'jig pa zhes bya ba'i ting nge 'dzin ni gzugs thams cad rnam par 'jig par 'gyur ro/ /mi 'dzums pa zhes</font><hr>52.236b<br><font size=+1>

bya ba'i ting nge 'dzin ni sems rtse gcig tu 'gyur ro/ /rnam pa la 'jug pa zhes bya ba'i ting nge 'dzin ni dmigs pa thams cad yongs su dag par 'gyur ro/ /nyon mongs pa med pa zhes bya ba'i ting nge 'dzin ni dmigs pa thams cad las yang dag par 'da' bar 'gyur ro/ /'khor lo dri ma med pa zhes bya ba'i ting nge 'dzin ni chos kyi 'khor lo yongs su dag par 'gyur ro/ /glog 'od ces bya ba'i ting nge 'dzin ni sems kyi skad cig 'jig pa la rnam par lta bar 'gyur ro/ /legs par byas pas rnam par rgyal ba zhes bya ba'i ting nge 'dzin ni dge ba'i chos thams cad yongs su rdzogs par 'gyur ro/ /rnam par sbyong ba zhes bya ba'i ting nge 'dzin ni mi dge ba'i chos thams cad spong bar 'gyur ro/ /lus kyi rgyan ces bya ba'i ting nge 'dzin ni mtshan dang dpe byed bzang po yongs su rdzogs par 'gyur ro/ /ngag gi rgyan ces bya ba'i ting nge 'dzin ni tshangs pa'i sgra skad bsgrags pas sems can thams cad kyi sems mgu bar 'gyur ro/ /sems kyi rgyan ces bya ba'i ting nge 'dzin ni ting nge 'dzin las mi nyams par 'gyur ro/ /brtan pa zhes bya ba'i ting nge 'dzin ni phyir mi ldog par 'gyur ro/ /mtshungs par gtong ba zhes bya ba'i ting nge 'dzin ni sems can tha dad pa med par 'gyur ro/ /tshul khrims bsags pa zhes bya ba'i ting nge 'dzin ni smon lam thams cad yongs su rdzogs par 'gyur ro/ /bzod pa'i go bgos pa zhes bya ba'i ting nge 'dzin ni lus dang srog la mi lta bar 'gyur ro/ /brtson 'grus brtan pa zhes bya ba'i ting nge 'dzin ni mngon par shes pa myur bar 'gyur ro/ /tshad med pa'i rnam pa zhes bya ba'i ting nge 'dzin ni tshangs pa la dbang byed par 'gyur ro/ /ci yang med pa zhes bya ba'i ting nge 'dzin ni gzugs med pa'i khams yongs su sbyong bar 'gyur ro/ /lhun po'i rgyal mtshan zhes bya ba'i ting nge 'dzin ni sems can thams cad zil gyis gnon par 'gyur ro/ /lhun po'i sgron ma zhes bya ba'i ting nge 'dzin ni phyogs bcur rnam par lta bar 'gyur ro/ /shes rab kyi skar mda' zhes bya ba'i ting nge 'dzin ni sgrib pa dang / chod pa dang / kun nas ldang ba thams cad rnam par sel bar</font><hr>52.237a<br><font size=+1>

'gyur ro/ /rgya mtsho'i phyag rgya zhes bya ba'i ting nge 'dzin ni las dang bya ba sna tshogs la 'jug par 'gyur ro/ /mtha' yas 'khyil pa zhes bya ba'i ting nge 'dzin ni lta ba thams cad yongs su gcod par 'gyur ro/ /stong pa nyid ces bya ba'i ting nge 'dzin ni dmigs pa dang lta ba thams cad spong bar 'gyur ro/ /mtshan ma med pa zhes bya ba'i ting nge 'dzin ni rtog pa dang / rnam par rtog pa dang / yongs su rtog pa thams cad spong bar 'gyur ro/ /smon pa med pa zhes bya ba'i ting nge 'dzin ni smon lam thams cad yongs su rdzogs par 'gyur ro/ /mi g.yo ba zhes bya ba'i ting nge 'dzin ni g.yo ba dang sems pa thams cad 'jom par 'gyur ro/ /sgra dang ldan pa zhes bya ba'i ting nge 'dzin ni spobs pa thogs pa med par 'gyur ro/ /kun 'dzin pa zhes bya ba'i ting nge 'dzin ni thos pa thams cad 'dzin par 'gyur ro/ /dran pa rnam par dag pa zhes bya ba'i ting nge 'dzin ni tshad med pa'i snod kyis sangs rgyas kyi chos thams cad tshol bar 'gyur ro/ /mi zad pa zhes bya ba'i ting nge 'dzin ni sems can thams cad mgu bar 'gyur ro/ /rin chen bkod pa zhes bya ba'i ting nge 'dzin ni lag na rin po che rab tu rnyed par 'gyur ro/ /rjes su 'gro ba zhes bya ba'i ting nge 'dzin ni sems can thams cad kyi sems shes par 'gyur ro/ /'gro ba la 'jug pa zhes bya ba'i ting nge 'dzin ni 'gro ba thams cad rtogs par 'gyur ro/ /blo gros la 'jug pa zhes bya ba'i ting nge 'dzin ni sems dang yid rnam par dag par 'gyur ro/ /sprin dang ldan pa zhes bya ba'i ting nge 'dzin ni mos pa ji lta ba bzhin du chos kyi char rab tu 'bebs par 'gyur ro/ /sangs rgyas rjes su dran pa zhes bya ba'i ting nge 'dzin ni bdud rtsi'i chos rnyed par 'gyur ro/ /chos rjes su dran pa zhes bya ba'i ting nge 'dzin ni 'dod chags dang bral ba'i chos mngon sum du byed par 'gyur ro/ /dge 'dun rjes su dran pa zhes bya ba'i ting nge 'dzin ni sangs rgyas kyi chos las mi ldog par</font><hr>52.237b<br><font size=+1>

'gyur ro/ /gtong ba rjes su dran pa zhes bya ba'i ting nge 'dzin ni phung po thams cad rab tu 'dor bar 'gyur ro/ /tshul khrims rjes su dran pa zhes bya ba'i ting nge 'dzin ni sangs rgyas thams cad kyi chos kyi rtsa ba la rab tu 'god par 'gyur ro/ /lha rjes su dran pa zhes bya ba'i ting nge 'dzin ni rnam par dag pa'i chos la kha na ma tho ba med par 'gyur ro/ /chos kyi dbyibs la 'jug pa zhes bya ba'i ting nge 'dzin ni chos thams cad la yang dag par gzhol bar 'gyur ro/ /nam mkha'i ngo bo nyid ces bya ba'i ting nge 'dzin ni chos thams cad la chags pa med par 'gyur ro/ /rang bzhin gyis ma skyes pa zhes bya ba'i ting nge 'dzin ni mi skye ba'i chos la bzod pa thob par 'gyur ro/ /rgyud chags pa dang rgyud ma yin pa'i rjes su rtogs pa zhes bya ba'i ting nge 'dzin ni yi ge thams cad dang tshig rab tu dbye ba la mkhas pa 'dzin par 'gyur ro/ /shin du sbyangs pa dri ma med pa'i phyag rgya zhes bya ba'i ting nge 'dzin ni ting nge 'dzin gang dang ldan na byang chub sems dpa' de sems skad cig gcig dang ldan pa'i shes rab kyis bla na med pa yang dag par rdzogs pa'i byang chub mngon par rdzogs par 'tshang rgya'o/ /rigs kyi bu de dag ni ting nge 'dzin gyi sgo brgyad bcu ste/ ting nge 'dzin de re re la yang 'khor ting nge 'dzin gyi sgo lnga brgya lnga brgya yod do/ /de dag thams cad bsdoms na ting nge 'dzin bzhi khrir 'gyur te/ de dag kun nas nyon mongs pa dang / rnam par byang bas ting nge 'dzin brgyad khrir 'gyur ro/ /de dag sngon gyi mtha' dang / phyi ma'i mtha' dang / da ltar byung ba mi zad pa'i ye shes kyi ting nge 'dzin brgyad khri bzhi stong du 'gyur ro/ /ting nge 'dzin ji snyed pa chos kyi sgo mo yang de snyed/ chos kyi phung po yang de snyed de/ de'i phyir sems can gyi spyod pa brgyad khri bzhi stong la rab tu 'jug pa'i phyir chos kyi phung po brgyad khri bzhi stong de bzhin gshegs pas bshad ces bya'o/ /rigs kyi bu 'di ni sangs rgyas kyi ye shes dang spyod pa la 'jug pa sems can rnams shes par bya ba'i phyir chos kyi mdo'o/ /</font><hr>52.238a<br><font size=+1>

gang sangs rgyas kyi ye shes mtha' dag dang / sems can gyi spyod pa mtha' dag la 'jug pa de ni tshad med bsam gyis mi khyab ste/ bskal pa brgyad stong gi mthar 'dug kyang bshad par sla ba ma yin no/ /sangs rgyas kyi ye shes 'di yongs su bstan cing ting nge 'dzin gyi sgo 'di dag bshad pa na/ byang chub sems dpa' khri drug stong ni ting nge 'dzin dang / ye shes kyis mngon par bsgrubs pa'i mi skye ba'i chos la bzod pa thob par gyur ro/ /lha'i bu brgyad khri bzhi stong ni bla na med pa yang dag par rdzogs pa'i byang chub tu sems skyes so/ /de nas bcom ldan 'das kyis byang chub sems dpa' nam mkha' mdzod la legs so zhes bya ba byin te/ skyes bu dam pa khyod kyis ting nge 'dzin gyi sgo 'di bstan pa ni legs par smras te/ lus mngon sum pas gzhan gyi dring la mi 'jog pa'i chos rnams la ji lta ba bzhin du de bzhin gshegs pa'i ye shes yongs su brjod pa 'di shin du yongs su bstan pa ni legs so legs so// //'phags pa nam mkha' mdzod kyis zhus pa/ bam po lnga pa/ de nas bcom ldan 'das la byang chub sems dpa' rin chen dpal gyis 'di skad ces gsol to/ /bcom ldan 'das de bzhin gshegs pa gang gi thad du byang chub sems dpa' nam mkha' mdzod kyis thog mar nam mkha' 'di las rin po che thams cad kyi char rab tu phab/ de skad ces gsol ba dang / bcom ldan 'das kyis byang chub sems dpa' rin chen dpal la 'di skad ces bka' stsal to/ /rigs kyi bu sngon byung ba 'das pa'i dus na bskal pa bgrang ba las 'das pa'i pha rol gyi yang ches pha rol du gyur pa de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang / zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das dri ma med pa'i 'od mtha' yas 'od zer gyi rgyal po zhes bya ba ska rags shes bya ba'i 'jig rten gyi khams su</font><hr>52.238b<br><font size=+1>

yon tan gyi 'od ces bya ba'i bskal pa la 'jig rten du byung ste/ yang rigs kyi bu ska rags shes bya ba'i 'jig rten gyi khams de yang 'byor pa/ bde ba/ lo legs pa/ rgyas pa/ skye bo mang po dang mis gang ba/ rin po che sna bdun gyis brgyan pa/ 'jam zhing mnyen pa/ gos ka tsa lin di ka ltar reg na bde ba/ 'dzam bu'i chu bo gser gyi pad ma bkram pa/ rin po che gsal ba sna tshogs kyis rnam par spras pa/ mig mangs ris su bres pa/ lag mthil ltar mnyam ste/ 'jig rten gyi khams de 'di lta ste dper na gzhan 'phrul dbang byed kyi lha rnams kyi longs spyod dang / kun spyod pa ltar 'dug go/ /mi de dag thams cad kyang gzhal med khang dang / khang pa brtsegs pa na gnas par gyur cing bsam pas zas dang skom rab tu 'byor to/ /de yang rigs kyi bu de bzhin gshegs pa dri ma med pa'i 'od mtha' yas 'od zer gyi rgyal po'i byang chub sems dpa' khrag khrig phrag drug bcu'i byang chub sems dpa'i dge 'dun chen po byung ngo / /yang rigs kyi bu de'i tshe de'i dus na 'khor los sgyur ba'i rgyal po bsod nams kyis brgyan pa zhes bya ba rin po che sna bdun dang ldan pa zhig byung ste/ yang rigs kyi bu rgyal po bsod nams kyis brgyan pa de'i khang pa 'dzam bu'i gling gi dbus su brtsigs par gyur to/ /shar phyogs su yang dpag tshad bzhi/ nub phyogs dang / lho phyogs dang / byang phyogs su yang dpag tshad bzhi bzhi pa bkra ba/ blta na sdug pa/ rin po che sna bdun las byas pa/ skyed mos tshal lnga brgyas rab tu brgyan pa'o/ /yang rigs kyi bu rgyal po bsod nams kyis brgyan pa'i btsun mo brgyad khri bzhi stong yod de/ thams cad kyang yul gyi bzang mo sha stag go/ /khye'u brgyad khri bzhi stong yod de/ thams cad kyang tshan po che chen po'i stobs dang drag shul 'chang ba sha stag go/ /yang rigs kyi bu rgyal po bsod nams kyis brgyan pa la btsun mo rin po che gnyis yod de/ gcig gi ming ni dpal gyi gzi brjid/ gcig gi ming ni dpal gyi 'od do/ /rgyal po bsod nams kyis brgyan pa</font><hr>52.239a<br><font size=+1>

de dga' ba bkod pa zhes bya ba'i skyed mos tshal du zhugs te/ btsun mo'i nang na 'dug pa'i tshe lha mo de gnyis kyi pang pa nas khye'u gnyis byung ste/ brdzus te skyes pa sngon gyi sbyor ba phun sum tshogs pa/ smon lam rdzogs pa/ bla na med pa yang dag par rdzogs pa'i byang chub tu mngon par zhugs pa ste/ gcig gi ming ni seng ge zhes bya/ gcig gi ming ni seng ge'i rtsal gyis 'gro ba zhes bya ste/ /de gnyis byung ma thag tu sgra skad dang dbyangs gcig tu pha bsod nams kyis brgyan pa la tshigs su bcad pa 'di dag smras so/ /sngon byas dge dang mi dge chud mi za/ /de bzhin gshegs la mchod byas chud mi za/ /bsam pa byang chub sems kyang chud mi za/ /bsgrub pa gtsor byed thos pa chud mi za/ /sbyin dang dul dang sdom pa chud mi za/ /bzod dang des pa rnams kyang chud mi za/ /byas pa gzo zhing dge ba'i las byas phyir/ /brtson 'grus brtsams pa byang chub chud mi za/ /rtse gcig bsam gtan dang ni rnam thar sems/ /nges par rtogs dang shes rab sems mi nyams/ /ye shes las byas rtag tu mi 'khrugs te/ /mi 'khrugs chos las byang chub rnyed mi dka'/ /de ni nyon mongs pa yis mi gos te/ /de ni slar yang mngal du mi gnas shing / /de ni pad ma'i snying por brdzus te skye/ /mi gos pa ni pad ma chu las ltar/ /shar phyogs logs kyi rgyal ba sman pa'i rgyal/ /dus gsum mi chags ye shes dam pa yi/ /bde gshegs dri med 'od kyi gan nas su/ /chos 'dod phyir ni de nas bdag cag 'ongs/ /u dum ba ra'i me tog ji lta bar/ /de bzhin gshegs pa 'byung ba rnyed par dkas/ /de la bsnyen bkur bgyi dang blta slad du/ /bde gshegs thad du yab kyang bzhud par bgyi/ /rgyal pos rjes su bstan pa 'di thos nas/ /bu dang btsun mo 'khor dang lhan cig tu/ /srog chags bye ba stong gis yongs bskor te/ /rgyal ba de yi gan du nye bar dong / /me tog dri zhim byug par bcas pa yis/ /de la tshul dang 'dra ba'i mchod byas nas/ /zhabs la phyag 'tshal rab tu bskor</font><hr>52.239b<br><font size=+1>

byas te/ /thal mo sbyar ba btud nas spyan sngar 'dug /seng ge dang ni seng ge'i rtsal 'gro yang / /de bzhin gshegs pa'i zhabs la bzung nas su/ /gtugs nas chos dang don ldan mkhas pa yi/ /'phags pa des ni tshigs bcad 'di dag smras/ /khyod ni skyabs dang mgon dang dpung gnyen te/ /'jig rten long ba rnams kyi sgron mar gyur/ /sems can rnams kyi bsam spyod gyur la mkhas/ /ji ltar mos pa de bzhin gnas par mdzad/ /rgyal po 'di ni phyug cing skyid pas mos/ /gzugs dang sgra dang dri dang bcas pas bcings/ /nam yang ston pa la ni mchod phyir yang / /nye bar mi mchi chos lta ga la nyan/ /mgon po thugs rje rab tu skyed mdzod la/ /ji ltar de kun lhan cig thos nas su/ /theg pa mchog las ldog par mi 'gyur ba/ /byang chub lam mchog de ni legs par ston/ /bcom ldan mgon po ta la brgyad bcu srid/ /nam mkhar 'phags bzhugs mi dbang de la gsungs/ /nga yi chos mchog rgyal po khyod nyon la/ /thos nas de la tshul bzhin nan tan gyis/ /'dod pa mi rtag de bzhin rgyal srid srog /srog ni rtswa yi zil ba'i thigs pa 'dra/ /brtse ba de bzhin 'dod bde rmi lam 'dra/ /mkhas pa su zhig 'di la dga' ba skyed/ /sems can gang yang 'dod pas ngoms med de/ /phyir yang de bzhin 'dod pa skom zhing rgyu/ /byis pa ngoms mi shes shing yul la gnas/ /shes rab gang ngoms de dag shin du ngoms/ /sgyu ma slu zhing snying po med pa ltar/ /de bzhin phung po lnga yang sgyu ma 'dra/ /khams rnams 'di dag sbrul gdug bzhin du bstan/ /dbang po drug ni stong pa'i grong dang 'dra/ /bu dang chung ma rgyal srid yul 'khor yang / /'chi bar gnas pa'i grogs su gyur pa med/ /sbyin dul kun sdom tshul khrims phung po ni/ /de dag pha rol 'gro ba'i grogs yin no/ /nga yi gzugs dang yon tan spobs pa rdzogs/ /rdzu 'phrul dag kyang ji 'dra rab ltos la/ /gal te 'di 'dra bar</font><hr>52.240a<br><font size=+1>

yang 'gyur 'dod na/ /byang chub dam pa 'di phyir sems skyed cig /rgyal po glang po des ni chos thos nas/ /srog chags bye ba stong phrag bdun bcu dang / /sras dang btsun mo stobs bcas grong mi rnams/ /byang chub dam pa 'di phyir sems skyed de/ /bdag cag mchog gi sems ni bskyed par bgyi/ /sems can thams cad 'gron du gnyer bar bgyi/ /byang chub spyod mchog yid 'ong spyod par bgyi/ /'gro ba bla med sangs rgyas 'gyur bar bgyi/ /rigs kyi bu de ltar rgyal po bsod nams kyis brgyan pa des bcom ldan 'das 'khor dang bcas pa la lo brgyad khri bzhi stong gi bar du rung ba yid du 'ong ba kha na ma tho ba med pa'i bde ba'i yo byad dang yongs su longs spyod pa thams cad kyis rim gro byas so/ /khye'u seng ge dang / seng ge'i rtsal gyis 'gro ba de gnyis bcom ldan 'das de'i bstan pa la khyim nas khyim med par rab tu byung ngo / /de dag rab tu byung bas rgyal bu phyi ma nyi khri yang khyim nas khyim med par rab tu byung ngo / /de nas seng ge dang / seng ge'i rtsal gyis 'gro ba'i dge slong byang chub kyi phyogs kyi chos dang / yo byad bsnyungs pa dang / dben par spyod pa la sbyor zhing brtson pas ring po ma lon par mngon par shes pa lnga bskyed do/ /de dag mngon par shes pa rnyed pas 'jig rten gyi khams thams cad du rang gi rdzu 'phrul gyi stobs dang / smon lam gyi stobs kyis chos bshad nas de gnyis kyis sems can tshad med grangs med pa yongs su smin par byas te/ bla na med pa yang dag par rdzogs pa'i byang chub la rab tu bkod par gyur to/ /rigs kyi bu 'di ltar lo brgyad khri bzhi stong 'das nas rgyal po bsod nams kyis brgyan pa de/ bcom ldan 'das de bzhin gshegs pa dri ma med pa'i 'od mtha' yas 'od zer gyi rgyal po ga la ba der song ba dang des khye'u de gnyis rab tu byung bar mthong ngo / /mthong nas kyang ngas ni lo brgyad khri bzhi stong gi bar du de bzhin gshegs pa la bde ba'i yo byad thams cad kyis bsnyen bkur byas na 'di gnyis rab tu byung nas/ ngas ma byas pa ci zhig byas snyam du brnyas</font><hr>52.240b<br><font size=+1>

pa'i sems skyes so/ /rigs kyi bu de nas yang de bzhin gshegs pa dri ma med pa'i 'od mtha' yas 'od zer gyi rgyal po bsod nams kyis brgyan pa de lta bur sems pa mkhyen nas/ /byang chub sems dpa' seng ge'i rtsal gyis 'gro ba la 'di skad ces bka' stsal to/ /rigs kyi bu khyod kyis shes rab dang / /mngon par shes pa dang / bsod nams dang / ye shes kyi stobs ston la 'khor thams cad dga' bar gyis shig /bdud kyi gnas thams cad mog mog por gyis shig /byang chub kyi lam 'bar bar gyis shig /sems can thams cad tshim par gyis shig /phas kyi rgol ba rnams tshar chod cig /chos kyi sgron ma 'bar bar gyis shig /nyon mongs pa thams cad zhi bar gyis shig /byang chub sems dpa'i rnam par rol pa 'ang ston cig /de nas de'i tshe byang chub sems dpa' seng ge'i rtsal gyis 'gro bas de'i dus na nam mkha' la lag pas byugs nas des nam mkha' la lag pas byugs pa dang / stong gsum gyi stong chen po'i 'jig rten gyi khams rnam pa drug tu rab tu g.yos so/ /des yang nam mkha' la lag pas byugs pa dang / de nas de'i tshe bar snang las sil snyan bye ba khrag khrig brgya stong ma dkrol bar sgra byung ngo / /des yang nam mkha' la lag pas byugs pa dang / de nas bar snang las sngon ma thos ma mthong ba'i dri zhim zhing 'jam pa ka tsa lin di ka ltar reg na bde ba'i me tog rnams kyi char bab bo/ /des yang nam mkha' la lag pas byugs pa dang / de nas de ma thag tu bar snang las rin po che thams cad kyi char rab tu mngon par bab bo/ /longs spyod dang kun spyod pa thams cad kyi char rab tu bab bo/ /ji lta bur stong gsum gyi stong chen po'i 'jig rten gyi khams der yo byad thams cad kyi char mngon par rab tu 'bab pa de de lta bu'i zas dang skom dang bro'i char mngon par rab tu bab bo/ /de nas de bzhin gshegs pa dri ma med pa'i 'od mtha' yas 'od zer gyi rgyal pos rgyal po bsod nams kyis brgyan pa la 'di skad ces</font><hr>52.241a<br><font size=+1>

bka' stsal to/ /rgyal po chen po khyod kyis sbyin pa yongs su btang ba dang rin po che'i char bab pa 'di gang mang / gsol pa/ bcom ldan 'das rin po che'i char 'di ni dper bgyi ba yang sla ba ma lags te/ de tsam du tshad ma mchis so/ /bka' stsal pa/ rgyal po chen po byang chub sems dpa' seng ge'i rtsal gyis 'gro ba 'di mngon par shes pa'i ye shes kyi stobs kyis 'dod na/ gang gA'i klung gi bye ma snyed kyi 'jig rten gyi khams su 'di 'dra ba'i rin po che'i char mngon par 'bebs so/ /gang 'jig rten gyi khams de dag gi sems can de dag la ji lta bur 'dod pa bzhin du ngoms shing tshim par byed do/ /rigs kyi bu 'di ltar de'i tshe de'i dus na gang sa bla'i lha rnams kyis ma la 'dis sems bskyed ma thag tu nam mkha' las rin po che thams cad kyi char mngon par rab tu 'bab pa las na byang chub sems dpa' 'di ni nam mkha' mdzod du 'gyur ba snyam zhes sgra phyung ngo / /ji ltar sa bla'i lha rnams kyis sgra phyung ba de bzhin du bar snang dang / rgyal chen bzhi'i ris dang / sum bcu rtsa gsum dang / 'thab bral dang / dga' ldan dang / 'phrul dga' nas rgyal chen bzhi'i ris kyi bar gyi lha rnams kyis kyang ma la 'dis sems bskyed ma thag tu 'di 'dra ba'i rin po che'i char rab tu bab pa las na/ kye ma byang chub sems dpa' 'di ni nam mkha' mdzod du 'gyur ba snyam zhes sgra phyung bas ming de la bcom ldan 'das de bzhin gshegs pa dri ma med pa'i 'od mtha' yas 'od zer gyi rgyal po de rjes su yi rang ngo / /gang la de rjes su yi rang ba de la gang gA'i klung gi bye ma snyed kyi sangs rgyas bcom ldan 'das rnams kyang rjes su yi rang ngo / /rigs kyi bu 'di ltar rgyal po bsod nams kyis brgyan pa des byang chub sems dpa' seng ge'i rtsal gyis 'gro ba'i mngon par shes pa dang / bsod nams dang ye shes kyi stobs de mthong nas khye'u rgyal ba'i blo gros zhes bya ba rgyal por bcug ste/ dad pas khyim nas khyim med par rab tu byung nas sbyin pa 'di ni sems kun du chags pa'o/ /rab tu byung ba ni sems yongs su dag pa'o/ /sbyin pa 'di ni lus dang ngag gi bgegs so/ /</font><hr>52.241b<br><font size=+1>

rab tu byung ba ni lus dang ngag yongs su sbyong ba'o/ /sbyin pa 'di bgegs chen po'o/ /rab tu byung ba ni bgegs thams cad nye bar zhi'o/ /sbyin pa 'di ni rtswa dang lo ma'o/ /rab tu byung ba ni snying po dang 'bras bur 'grub pa'o/ /sbyin pa 'di ni nga yi ba dang bcas shing yongs su 'dzin pa dang bcas pa'o/ /rab tu byung ba ni yongs su 'dzin pa thams cad 'dor ba'o/ /sbyin pa 'di ni 'jig tshogs la lta ba las mi bskyod pa'o/ /rab tu byung ba ni lta ba thams cad yongs su sbyong ba'o/ /sbyin pa 'di ni byis pa'i rtsed mo sbyor ba'o/ /rab tu byung ba 'di ni dul ba dang cang shes pa'i sa'o snyam du de de ltar tshul bzhin rab tu sbyor zhing / sems de lta bu dang bsam pa de lta bus de ltar rab tu byung ste gcig pu mi 'dre ba bag yod pa/ brtson pa rab tu dben par gnas pas ring po ma thogs par mngon par shes pa lnga bskyed do/ /rigs kyi bu de'i tshe de'i dus na rgyal po bsod nams kyis brgyan par gyur pa de gzhan zhig yin pa snyam du khyod sems na de de ltar mi blta'o/ /de ci'i phyir zhe na/ de bzhin gshegs pa 'khor ba 'jigi de de'i tshe de'i dus na 'khor los sgyur ba'i rgyal po bsod nams kyis brgyan ces bya bar gyur to/ /byang chub sems dpa' nam mkha' mdzod 'di ni/ de'i tshe de'i dus na byang chub sems dpa' seng ge'i rtsal gyis 'gro ba zhes bya bar gyur te/ des thog mar nam mkha'i mdzod las rin po che'i char phab bo/ /de tshun chad bskal pa bye ba khrag khrig brgya stong dpag tu med grangs med par nam yang nam mkha'i mdzod las rin po che'i char 'bebs pa mngon par shes pa las ma nyams so/ /rigs kyi bu nga ni de'i tshe de'i dus na byang chub sems dpa' seng ge zhes bya bar gyur to/ /byang chub sems dpa' byams pa ni de'i tshe de'i dus na rgyal bu rgyal ba'i blo gros shes bya bar gyur te/ gang rgyal po bsod nams kyis brgyan pas rgyal por bcug pa'o/ /rigs kyi bu de'i gsung rab kyang 'di ltar dga' zhing yongs su dag par gyur te/ dge ba'i rtsa ba bskyed</font><hr>52.242a<br><font size=+1>

pa'i sems can rnams kyi gnas su gyur to/ /sems can gang ji snyed kyis bla na med pa yang dag par rdzogs pa'i byang chub tu sems bskyed pa de dag kyang byang chub las phyir mi ldog par gyur to/ /sngon byung ba dang ldan pa'i gtam 'di bstan pa na srog chags khri nyis stong bla na med pa yang dag par rdzogs pa'i byang chub tu sems bskyed do/ /de nas bcom ldan 'das la byang chub sems dpa' nam mkha' mdzod kyis 'di skad ces gsol to/ /bcom ldan 'das byang chub sems dpa' sems dpa' chen po rnams kyi 'jig rten las 'das pa'i lam gang lags/ de skad ces gsol pa dang / bcom ldan 'das kyis byang chub sems dpa' nam mkha' mdzod la 'di skad ces bka' stsal to/ /rigs kyi bu byang chub sems dpa' rnams kyi lam zhes bya ba ni pha rol du phyin pa drug dang / byang chub kyi phyogs kyi chos sum bcu rtsa bdun dang / zhi gnas dang / lhag mthong dang / bsdu ba'i dngos po bzhi dang / bsam gtan bzhi dang / tshad med pa bzhi dang / gzugs med pa'i snyoms par 'jug pa dang / mngon par shes pa lnga rnams te/ rigs kyi bu 'di ni byang chub sems dpa' rnams kyi 'jig rten las 'das pa'i lam zhes bya'o/ /'jig rten zhes bya ba ni phung po lnga'o/ /de la byang chub sems dpa' gzugs mi rtag par rig nas sbyin pa sbyin no/ /gzugs sdug bsngal bar rig nas sbyin pa sbyin no/ /gzugs bdag med par rig /gzugs zhi bar rig /gzugs stong par rig /gzugs mtshan ma med par rig /gzugs smon pa med par rig /gzugs mngon par 'du mi byed par rig /gzugs ma skyes par rig /gzugs ma byung bar rig /gzugs rten cing 'brel bar 'byung bar rig /gzugs dben par rig /gzugs gzung ba med par rig /gzugs kun gzhi med par rig /gzugs 'byung ba med par rig /gzugs sgyu ma lta bur rig /gzugs rmi lam lta bur rig /gzugs smig rgyu lta bur rig /gzugs</font><hr>52.242b<br><font size=+1>

chu zla lta bur rig /gzugs brag cha lta bur rig /gzugs mig yor lta bur rig /gzugs gzugs brnyan lta bur rig /gzugs rtswa dang shing dang rtsig pa dang lam dang / mig yor lta bur rig nas sbyin pa sbyin te/ gzugs kyi de bzhin nyid kyis sbyin pa'i de bzhin nyid la 'jug go/ /sbyin pa'i de bzhin nyid kyis bsngo ba'i de bzhin nyid rjes su shes so/ /bsngo ba'i de bzhin nyid kyis byang chub kyi de bzhin nyid dang / byang chub kyi de bzhin nyid kyis sems can gyi de bzhin nyid dang / sems can gyi de bzhin nyid kyis bdag gi de bzhin nyid dang / bdag gi de bzhin nyid kyis chos thams cad kyi de bzhin nyid rjes su shes so/ /gang chos thams cad kyi de bzhin nyid de ni de bzhin nyid med de/ ma nor ba de bzhin nyid dang / gzhan ma yin pa de bzhin nyid do/ /de bzhin nyid rjes su shes pas sbyin pa ste/ sbyin pa 'di ni rigs kyi bu byang chub sems dpa'i 'jig rten las 'das pa'i lam mo/ /de bzhin du tshor ba dang / 'du shes dang /  'du byed rnams dang / rnam par shes pa mi rtag par rig nas sbyin pa sbyin no/ /rnam par shes pa sdug bsngal ba dang bdag med par rig /rnam par shes pa zhi bar rig /rnam par shes pa stong par rig /rnam par shes pa mtshan ma med par rig /rnam par shes pa smon pa med par rig /rnam par shes pa mngon par 'du mi byed par rig /rnam par shes pa ma skyes par rig /rnam par shes pa ma byung bar rig /rnam par shes pa rten cing 'brel par 'byung bar rig nas sbyin pa sbyin no/ /rnam par shes pa dben par rig /rnam par shes pa gzung ba med par rig /rnam par shes pa kun gzhi med par rig /rnam par shes pa mi 'byung bar rig /rnam par shes pa sgyu ma lta bur rig /rnam par shes pa rmi lam lta bur rig /rnam par shes pa smig rgyu lta bur rig /rnam par shes pa chu zla lta bur rig /rnam par shes pa mig yor lta bur rig /rnam par shes pa gzugs</font><hr>52.243a<br><font size=+1>

brnyan lta bur rig /rnam par shes pa rnam par rig pa med pa'i mtshan nyid du rig nas sbyin pa sbyin te/ de rnam par shes pa'i de bzhin nyid kyis sbyin pa'i de bzhin nyid rjes su shes so/ /sbyin pa'i de bzhin nyid kyis bsngo ba'i de bzhin nyid dang / bsngo ba'i de bzhin nyid kyis byang chub kyi de bzhin nyid dang / byang chub kyi de bzhin nyid kyis sems can gyi de bzhin nyid dang / sems can gyi de bzhin nyid kyis bdag gi de bzhin nyid dang / bdag gi de bzhin nyid kyis chos thams cad kyi de bzhin nyid rjes su shes so/ /gang chos thams cad kyi de bzhin nyid de ni de bzhin nyid med de/ /ma nor ba de bzhin dang / gzhan ma yin pa de bzhin nyid do/ /de bzhin nyid rjes su shes pas sbyin pa sbyin pa 'di ni rigs kyi bu byang chub sems dpa'i 'jig rten las 'das pa'i lam mo/ /gzhan yang rigs kyi bu byang chub sems dpa' gzugs mi rtag par rig nas tshul khrims srung ba nas/ gzugs rtswa dang / shing dang / rtsig pa dang / lam dang / gzugs brnyan lta bu'i bar du rig nas tshul khrims srung ngo / /de gzugs kyi de bzhin nyid kyis tshul khrims kyi de bzhin nyid rjes su shes so/ /tshul khrims kyi de bzhin nyid kyis bsngo ba'i de bzhin nyid dang / bsngo ba'i de bzhin nyid kyis byang chub kyi de bzhin nyid dang / byang chub kyi de bzhin nyid kyis sems can gyi de bzhin nyid dang /  sems can gyi de bzhin nyid kyis bdag gi de bzhin nyid dang / bdag gi de bzhin nyid kyis chos thams cad kyi de bzhin nyid rjes su shes so/ /gang chos thams cad kyi de bzhin nyid de ni de bzhin nyid med de/ /ma nor ba de bzhin nyid dang / gzhan ma yin pa de bzhin nyid de/ de bzhin nyid rjes su shes pas tshul khrims de srung ba 'di ni rigs kyi bu byang chub sems dpa'i 'jig rten las 'das pa'i lam mo/ /de bzhin du tshor ba dang / 'du shes dang / 'du byed rnams dang / rnam par shes pa mi rtag par rig nas tshul khrims bsrung ba nas rnam par shes pa rnam par rig pa</font><hr>52.243b<br><font size=+1>

med pa'i mtshan nyid kyi bar du rig nas tshul khrims srung ste/ de rnam par shes pa'i de bzhin nyid kyis tshul khrims kyi de bzhin nyid rjes su shes so/ /tshul khrims kyi de bzhin nyid kyis bsngo ba'i de bzhin nyid dang / bsngo ba'i de bzhin nyid kyis byang chub kyi de bzhin nyid dang / byang chub kyi de bzhin nyid kyis sems can gyi de bzhin nyid dang /  sems can gyi de bzhin nyid kyis bdag gi de bzhin nyid dang / bdag gi de bzhin nyid kyis chos thams cad kyi de bzhin nyid rjes su shes so/ /gang chos thams cad kyi de bzhin nyid de ni de bzhin nyid med de/ ma nor ba de bzhin nyid dang gzhan ma yin pa de bzhin nyid do/ /de bzhin nyid rjes su shes pas tshul khrims de srung ba 'di ni byang chub sems dpa'i 'jig rten las 'das pa'i lam mo/ /gzhan yang rigs kyi bu byang chub sems dpa' gzugs mi rtag par rig nas bzod pa sgom pa nas/ de bzhin du sbyar te/ rjes su shes pa 'di lta bus brtson 'grus rtsom mo/ /bsam gtan la mnyam par 'jog go/ /shes rab rnam par dpyod do/ /des gzugs mi rtag par rig nas shes rab rnam par dpyod pa nas/ gzugs rtswa dang shing dang rtsig pa dang lam dang mig yor lta bu'i bar rig nas shes rab rnam par dpyod do/ /de gzugs kyi de bzhin nyid kyis shes rab kyi de bzhin nyid rjes su shes so/ /shes rab kyi de bzhin nyid kyis bsngo ba'i de bzhin nyid dang / bsngo ba'i de bzhin nyid kyis byang chub kyi de bzhin nyid dang / byang chub kyi de bzhin nyid kyis sems can gyi de bzhin nyid dang / sems can gyi de bzhin nyid kyis bdag gi de bzhin nyid dang / bdag gi de bzhin nyid kyis chos thams cad kyi de bzhin nyid rjes su shes so/ /gang chos thams cad kyi de bzhin nyid de ni de bzhin nyid med de/ ma nor ba de bzhin nyid dang gzhan ma yin pa de bzhin nyid do/ /de bzhin nyid rjes su shes pas shes rab rnam par dpyod pa 'di ni byang chub sems dpa'i 'jig rten las 'das pa'i lam mo/ /de bzhin du tshor ba dang / 'du shes dang / 'du byed rnams dang / rnam par shes</font><hr>52.244a<br><font size=+1>

pa mi rtag par rig nas shes rab rnam par dpyod pa nas/ rnam par shes pa rnam par rig pa med pa'i mtshan nyid kyi bar du rig nas shes rab rnam par dpyod do/ /rnam par shes pa'i de bzhin nyid kyis shes rab kyi de bzhin nyid rjes su shes so/ /shes rab kyi de bzhin nyid kyis bsngo ba'i de bzhin nyid dang / bsngo ba'i de bzhin nyid kyis byang chub kyi de bzhin nyid dang / byang chub kyi de bzhin nyid kyis sems can gyi de bzhin nyid dang / sems can gyi de bzhin nyid kyis bdag gi de bzhin nyid dang / bdag gi de bzhin nyid kyis chos thams cad kyi de bzhin nyid rjes su shes so/ /gang chos thams cad kyi de bzhin nyid de ni de bzhin nyid med de/ ma nor ba de bzhin nyid dang gzhan ma yin pa de bzhin nyid do/ /de bzhin nyid rjes su shes pas shes rab rnam par dpyod pa 'di yang rigs kyi bu byang chub sems dpa'i 'jig rten las 'das pa'i lam mo/ /gzhan yang rigs kyi bu byang chub sems dpas gzugs mi rtag par rig nas lus la lus kyi rjes su lta zhing dran pa nye bar gzhag pa sgom pa nas gzugs rtswa dang shing dang rtsig pa dang lam dang mig yor lta bu'i bar du rig nas lus la lus kyi rjes su lta zhing dran pa nye bar gzhag pa sgom mo/ /gzugs kyi de bzhin nyid kyis lus kyi de bzhin nyid rjes su shes so/ /lus kyi de bzhin nyid rjes su shes pa nas chos thams cad kyi de bzhin nyid kyi bar du rjes su shes so/ /gang chos thams cad kyi de bzhin nyid med de/ ma nor ba de bzhin nyid dang / gzhan ma yin pa de bzhin nyid do/ /de bzhin nyid rjes su shes pas lus la lus kyi rjes su lta zhing dran pa nye bar gzhag pa sgom ste/ lus dang ldan pa'i rnam par rtog pas rnam par mi rtog pa 'di ni rigs kyi bu byang chub sems dpa'i 'jig rten las 'das pa'i lam mo/ /de bzhin du tshor ba dang / 'du shes dang / 'du byed rnams dang / rnam par shes pa mi rtag par rig nas rgya cher de bzhin du sbyin pa sbyin pa'i bar dang / de bzhin du tshor ba dang / sems dang / chos rnams kyang rgyas par bya ste/ gzugs mi rtag par rig</font><hr>52.244b<br><font size=+1>

pa nas chos la chos kyi rjes su lta zhing dran pa nye bar gzhag pa sgom pa nas/ rtswa dang shing dang rtsig pa dang lam dang / mig yor lta bu'i bar du rig nas chos la chos kyi rjes su lta zhing dran pa nye bar gzhag pa sgom mo/ /de bzhin du tshor ba dang / 'du shes dang 'du byed rnams dang / rnam par shes pa mi rtag par rig nas chos la chos kyi rjes su lta zhing dran pa nye bar gzhag pa sgom pa nas/  rnam par shes pa rnam par rig pa med pa'i mtshan nyid kyi bar du rig nas chos la chos kyi rjes su lta zhing dran pa nye bar gzhag pa sgom mo/ /de ltar phung po'i de bzhin nyid gang yin pa de dran pa nye bar gzhag pa'i de bzhin nyid do/ /dran pa nye bar gzhag pa'i de bzhin nyid gang yin pa de bsngo ba'i de bzhin nyid do/ /bsngo ba'i de bzhin nyid gang yin pa de byang chub kyi de bzhin nyid do/ /byang chub kyi de bzhin nyid gang yin pa de sems can gyi de bzhin nyid do/ /sems can gyi de bzhin nyid gang yin pa de bdag gi de bzhin nyid do/ /bdag gi de bzhin nyid gang yin pa de chos thams cad kyi de bzhin nyid de/ chos thams cad kyi de bzhin nyid gang yin pa de ni de bzhin nyid med de/ ma nor ba de bzhin nyid dang / gzhan ma yin pa de bzhin nyid do/ /de bzhin nyid rjes su shes pas chos la chos kyi rjes su lta zhing dran pa nye bar gzhag pa sgom yang chos dang ldan pa'i rnam par rtog pas rnam par mi rtog ste/  gang de ltar rjes su shes pa 'di ni byang chub sems dpa'i 'jig rten las 'das pa'i lam zhes bya'o/ /de bzhin du sbyar te de ltar dran pa nye bar gzhag pa la ji lta ba bzhin du yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam dang / zhi gnas dang / lhag mthong dang / bsdu ba'i dngos po dang / bsam gtan bzhi dang / tshad med pa bzhi dang / gzugs med pa'i snyoms par 'jug pa bzhi dang / mngon par shes pa lnga yang de bzhin du rgyas par byas te/ des gzugs mi rtag par rig nas mngon par shes pa'i ye shes sgrub par byed de/ gzugs sdug bsngal ba dang / </font><hr>52.245a<br><font size=+1>

gzugs bdag med pa dang / gzugs zhi ba dang / gzugs stong pa dang / gzugs mtshan ma med pa dang / gzugs smon pa med par rig /gzugs mngon par 'du mi byed par rig /ma skyes pa dang / ma byung ba dang / rten cing 'brel par 'byung ba dang / dben pa dang / gzung ba med pa dang / kun gzhi med pa dang / mi 'byung ba dang / sgyu ma lta bu dang / rmi lam lta bu dang / chu zla lta bu dang / brag cha lta bu dang / mig yor lta bu dang / gzugs brnyan lta bu dang / gzugs rtswa dang shing dang rtsig pa dang lam dang mig yor lta bur rig nas/ mngon par shes pa'i ye shes mngon par sgrub bo/ /de bzhin du tshor ba dang / 'du shes dang / 'du byed rnams dang / rnam par shes pa mi rtag par rig nas mngon par shes pa'i ye shes mngon par sgrub ste/ rnam par shes pa sdug bsngal bar rig /rnam par shes pa bdag med pa dang / rnam par shes pa zhi ba dang rnam par shes pa stong pa dang / mtshan ma med pa dang smon pa med pa dang / mngon par 'du byed pa med pa dang / ma skyes pa dang / ma byung ba dang / rten cing 'brel par 'byung ba dang / dben pa dang / gzung ba med pa dang / kun gzhi med pa dang / mi 'byung ba dang / sgyu ma lta bu dang / rmi lam lta bu dang / mig rgyu lta bu dang / chu zla lta bu dang / brag cha lta bu dang / mi yor lta bu dang / gzugs brnyan lta bu dang / rnam par shes pa rnam par rig pa med pa'i mtshan nyid du rig nas mngon par shes pa'i ye shes mngon par sgrub bo/ /'di lta ste/ phung po'i de bzhin nyid gang yin pa de mngon par shes pa'i de bzhin nyid do/ /mngon par shes pa'i de bzhin nyid gang yin pa de bsto ba'i de bzhin nyid do/ /bsngo ba'i de bzhin nyid gang yin pa de byang chub kyi de bzhin nyid do/ /byang chub kyi de bzhin nyid gang yin pa de sems can gyi de bzhin nyid do/ /sems can gyi de bzhin nyid gang yin pa de bdag gi de bzhin nyid do/ /bdag gi de bzhin nyid gang yin pa de chos thams cad kyi de bzhin nyid do/ /chos thams cad kyi</font><hr>52.245b<br><font size=+1>

de bzhin nyid gang yin pa de ni de bzhin nyid med de/ ma nor ba de bzhin nyid dang / gzhan ma yin pa de bzhin nyid do/ /de bzhin nyid rjes su shes pas mngon par shes pa'i ye shes rab tu sgrub ste/ gang de ltar rjes su shes pa de ni byang chub sems dpa'i 'jig rten las 'das pa'i lam zhes bya'o/ /de ci'i phyir zhe na/ 'jig rten las 'das pa'i lam de ni gzugs kyis de bzhin nyid rjes su shes pa ste/ gzugs 'jig pa ma yin/ chad pa ma yin/ rtag pa ma yin/ rten cing 'brel par 'byung ba rang bzhin gyis ma skyes pa'o/ /de bzhin du tshor ba dang / 'du shes dang / 'du byed rnams dang / rnam par shes pa'i de bzhin nyid rjes su shes pa ste/ rnam par shes pa 'jig pa ma yin/ chad pa ma yin/ rtag pa ma yin/ rten cing 'brel par 'byung ba rang bzhin gyis ma skyes pa'o/ /gang phung po'i 'jig rten las rgal ba de ni 'dod pa dang gzugs dang / gzugs med pa'i 'jig rten la yang mi chags pa ste/ de mi chags pas 'gro ba lngar skyes pa'i sems can rnams la 'jig rten las 'da' ba'i phyir chos ston te/ gang 'jig rten 'jig par mi byed pa de ltar chos ston to/ /de ci'i phyir zhe na/ 'jig rten mi rtag pa'i mtshan nyid de 'jig par mi byed do/ /'jig rten ni sdug bsngal gyi mtshan nyid/ bdag med pa'i mtshan nyid/ zhi ba'i mtshan nyid/ stong pa'i mtshan nyid/ mtshan ma med pa'i mtshan nyid/ smon pa med pa'i mtshan nyid/ mngon par 'du mi byed pa'i mtshan nyid nas de bzhin nyid kyi mtshan nyid kyi bar du ste/ 'jig rten 'jig par mi byed pa 'di ni/ /rigs kyi bu byang chub sems dpa'i 'jig rten las 'das pa'i lam yongs su dag pa'o/ /gang lam yongs su dag pa la rab tu gnas/ pa'i byang chub sems dpa' lam log pa la gnas pa'i sems can rnams la chos kyi snang ba chen po byed do/ /de dag snang ba rnyed nas 'jig rten las 'das pa'i lam de nyid la rab tu gnas so/ /byang chub kyis snying po 'thob par byed pa'i phyir lam 'di ni rab kyi mchog go/ /mi dge</font><hr>52.246a<br><font size=+1>

ba thams cad kyis sems med pa'i phyir lam 'di ni mchog go/ /sangs rgyas kyi ye shes kyi rtse mo rnyed pa'i phyir lam 'di ni dam pa'o/ /chu bo thams cad las sgrol ba'i phyir lam 'di ni rgyun med pa'o/ /nyi tshe ba'i lam thams cad las 'das pa'i phyir lam 'di ni gong na med pa'o/ /gnyen po mi dmigs pa'i phyir lam 'di ni mnyam pa med pa'o/ /sngon gyi sangs rgyas kyi lam du yang dag par 'gro ba'i phyir lam 'di ni mi mnyam pa dang mnyam pa'o/ /bdud dang phyir rgol ba thams cad bcom pa'i phyir lam 'di ni bde bar 'gro ba'o/ /mngon par shes pa dang rdzu 'phrul gyi rkang pa'i ye shes kyis rnam par rol pa'i phyir lam 'di ni mi thog par 'gro ba'o/ /shes rab kyis snang ba'i 'od rnam par dag pa'i phyir lam 'di ni mun pa mun nag med pa'o/ /sgyu dang g.yo med pa'i phyir lam 'di ni drang po'o/ /sems gya gyu med pa'i phyir lam 'di ni gsal ba'o/ /sems can thams cad la sems mnyam pa'i phyir lam 'di ni mnyam pa'o/ /sems can thams cad la go 'byed pa'i phyir lam 'di ni rgya che ba'o/ /phan tshun du gnod par mi 'gyur bas lam 'di ni yangs pa'o/ /yongs su mi skyo bar 'gro bas lam 'di ni rnal du 'dug pa'o/ /sbyin pa'i pha rol du phyin pas lam 'di ni bsod nams kyis brtan pa'o/ /tshul khrims kyi pha rol du phyin pas lam 'di ni gdung ba med pa'o/ /bzod pa'i pha rol du phyin pas lam 'di ni 'jig pa med pa'o/ /brtson 'grus kyi pha rol du phyin pas lam 'di ni mi zlog pa'o/ /bsam gtan gyi pha rol du phyin pas lam 'di ni rdul thams cad dang bral ba'o/ /shes rab kyi pha rol du phyin pas lam 'di ni nam mkha' dang mnyam par 'gro ba'o/ /nga rgyal med pas lam 'di ni ye shes kyi rjes su 'gro ba'o/ /dge ba'i chos thams cad yang dag par bsgrub pas lam 'di ni sangs rgyas kyi chos thams cad yongs su sgom pa'i rjes su 'gro ba'o/ /sngon thos pa mi slu ba'i phyir lam 'di ni chos kyi 'khor lo rab tu skor ba rjes su 'gro ba ste/ rigs kyi bu de dag ni byang chub sems dpa' rnams kyi 'jig rten las 'das pa'i</font><hr>52.246b<br><font size=+1>

lam yongasu dag pa ste/ lam yongs su dag pas gang la gnas nas byang chub sems dpa' go cha chen po bgos te/ theg pa chen po de la zhugs nas byang chub kyi snying po ga la ba der 'gro ba'o/ /de la 'di ni byang chub sems dpa' rnams kyi go cha ste/ gru chen po yang dag par sbyor bas ma rgal ba sgrol ba'i go cha'o/ /nyon mongs pa dang / lta ba'i bcings pa thams cad las yongs su 'grol bas ma grol ba 'grol ba'i go cha'o/ /yongs su 'dzin pa'i 'jigs pa thams cad 'dor bas dbugs ma phyin pa rnams dbugs 'byin pa'i go cha'o/ /med pa la phyin ci log tu gyur pa mnyam pa nyid du ston pas yongs su mya ngan las ma 'das pa mya ngan las zla ba'i go cha'o/ /bdag dang sems can dang srog dang gang zag mi dmigs pas sems can thams cad yongs su grol ba'i go cha'o/ /lus dang srog la mi lta bas dam pa'i chos yongs su 'dzin pa'i go cha'o/ /dge ba'i rtsa ba'i tshogs stsogs pas ngoms mi myong bas sangs rgyas kyi zhing yongs su sbyong ba'i go cha'o/ /sbyin pa'i tshogs sna tshogs bsags pas mtshan dang dpe byad bzang po lus kyi rgyan gyi go cha'o/ /mngon par shes pa thob pas bdud dang phas kyi rgol ba thams cad btul ba'i go cha'o/ /so so yang dag par rig pa'i ye shes kyis sems can thams cad shin du tshim par byed pa'i go cha'o/ /gzungs kyi ye shes kyis sangs rgyas kyi chos thams cad nyan pa dang tshol ba'i go cha'o/ /mngon par shes pa'i ye shes kyis sems can thams cad kyi sems la lta ba'i go cha'o/ /shes rab kyi ye shes kyis sems can thams cad kyi dbang po mchog dang mchog ma yin pa shes pa'i go cha'o/ /shes rab dang ye shes kyi stobs yang dag par bsgrub pas stobs bcu yongs su bskong ba'i go cha'o/ /thams cad du sems gong ba med pas mi 'jigs pa thob pa'i go cha'o/ /mi dge ba'i chos thams cad spangs shing dge ba'i chos thams cad yongs su rdzog par byed pas sangs rgyas kyi chos ma 'dres pa bcwa brgyad yongs su bskong ba'i go cha'o/ /chos thams cad sgyu ma dang / rmi lam dang / mig yor dang / brag cha dang / chu zla lta bur thos</font><hr>52.247a<br><font size=+1>

kyang mi skrag /mi dngang / dngang bar mi 'gyur ba de ni byang chub sems dpa' rnams kyi mi skrag pa'i go cha ste/ /sems can thams cad rang bzhin gyis yongs su mya ngan las 'das par shes kyang sems can thams cad yongs su mi gtong bar gnas pa de ni byang chub sems dpa' rnams kyi snying rje chen po'i go cha'o/ /chos thams cad stong pa nyid dang / mtshan ma med pa dang / smon pa med pa dang / mngon par 'du mi byed pa dang / ma skyes pa dang / ma byung bar thos kyang tshe dang / 'chi 'pho dang / skye ba kun du ston pa de ni byang chub sems dpa' rnams kyi thabs la mkhas pa'i go cha'o/ /chos thams cad nges par gyur pa la zhugs pa'i mtshan nyid du shes shing 'du byed thams cad skye ba med par rig kyang 'gog par mi ltung zhing 'bras bu mngon sum du yang mi byed pa de ni byang chub sems dpa' rnams kyi sngon gyi byin gyi brlabs mi 'khrugs pa'i go cha'o/ /go cha chen po nyi shu po de dag bgos nas de theg pa chen po la mngon par zhugs pa yin no/ /theg pa chen po de ni bsdu ba'i dngos pos phang lo bzhi dang legs par ldan par byas pa bsam pas dge ba'i rtsa ba yongs su bsngos pas rtsibs shin du sbyar ba/ rten cing 'brel par 'byung ba'i ye shes lhag par che bas lte ba zab cing legs par byas pa/ sems can thams cad kyi khur bskya ba'i phyir srog shing dang ldan zhing shin du bzung ba/ byams pa chen po dang snying rje chen pos yang dag par zin pas shing rta'i mda' brtan par sbyar ba/ chos rin po che thams cad kyis legs par brgyan pas rin po che thams cad kyi kha ran gyis bskor ba/ sngon dam bcas pa kha 'og tu lus 'khrus par byed pas lhag pa'i bsam pa sra ba'i 'breng pas bcings pa/ thabs dang shes rab zung du 'brel pas gnya' shing gi khur khyer ba/ zhi gnas dang lhag mthong gi bu gar legs par sbyar ba/ bden pa bzhi yongs su shes pa'i stobs kyi 'gros can/ cang shes stong rab tu 'bad pa dang ldan pa/ rdzu 'phrul</font><hr>52.247b<br><font size=+1>

gyi rkang pa bzhis sangs rgyas kyi zhing thams cad du 'gro ba/ dran pa'i ru dag rin po che'i phreng ba'i srad bus bcings pa/ sems can thams cad shong bas rgya che zhing yangs par rgyu ba dang / dgra dang bdud kyi dgra 'dul ba/ legs par bya ba byas pa/ rig pa dang ye shes rab tu sbyor ba/ byin gyi brlabs kyis byin gyis brlabs pa/ phyogs bcu'i sangs rgyas thams cad kyis dgongs pa/ seng ge'i khri shin du brgyan pa/ lha dang / brgya byin dang tshangs pa thams cad kyis mngon par bstod pa/ gzugs bzang zhing blta bas mi ngoms pa/ blta na sdug pa/ rdo rje ltar sra zhing mi tshugs pa/ lhag pa'i bsam pa brtan pas dam bcas pa las mi 'gyur ba/ kha lo sgyur bas shin du bsdus shing bzung ba/ rtag tu byang chub kyi sems sngon du 'gro ba/ smon lam gyi yon tan yongs su rdzogs pa'i rjes su song bas gar dga' dgur 'gro ba/ phyogs bcur rnam par lta ba'i lha'i mig gi snang ba thob pa/ phyogs bcur snang bar byed pa'i phyir 'od yangs pa rnam par dag cing 'od zer mtha' yas pa/ byang chub kyi yan lag gi me tog gi char rgyun du 'bab pas rtag tu me tog gis gang ba/ rtag tu chos yang dag par brjod pa'i rol mo sil snyan dang ldan pa/ skye bo'i 'khor skal ba 'thun pa/ byang chub sems dpa' spyod pa thams cad tshor ba/ yon tan gyi rnam pa tshad med pa'i ye shes mtha' yas pas shin du 'phags pa/ rnam pa thams cad kyi mchog dang ldan pa'i stong pa nyid thams cad mkhyen pa'i ye shes dang rab tu ldan pa ste/ rigs kyi bu theg pa chen po de ni de 'dra'o/ /skyes bu dam pa de dag de'i phyir go bgos nas mngon par zhugs te/ 'jig rten las 'das pa'i lam de la rab tu zhugs pas thams cad mkhyen pa ma thob kyang sangs rgyas kyi mdzad pas sems can rnams la nye bar gnas pa yin no/ /lam dang go cha dang theg pa bkod pa 'di bstan pa na lha dang mi'i srog chags</font><hr>52.248a<br><font size=+1>

bdun khri nyis stong ni bla na med pa yang dag par rdzogs pa'i byang chub tu sems skyes so/ /byang chub sems dpa' sum khri nyis stong ni 'jig rten las 'das pa'i lam yongs su dag pas mi skye ba'i chos la bzod pa thob bo/ /'phags pa nam mkha' mdzod kyis zhus pa/ bam po drug pa/ de nas byang chub sems dpa' rin chen dpal gyis byang chub sems dpa' nam mkha' mdzod la 'di skad ces smras so/ /rigs kyi bu khyod kyis 'jig rten las 'das pa'i lam rnam par sbyangs so/ /smras pa/ rigs kyi bu bdag rnam par dag pas rnam par sbyangs so/ /smras pa/ rigs kyi bu khyod ji ltar na bdag rnam par dag /smras pa/ rigs kyi bu 'jig rten rnam par dag pas bdag rnam par dag go/ /smras pa/ rigs kyi bu 'jig rten rnam par dag pa 'di gang / smras pa/ gzugs sngon gyi mtha' rnam par dag pas 'pho ba yang med/ gzugs kyi phyi ma'i mtha' rnam par dag pas 'ong ba yang med/ gzugs da ltar byung ba yang rnam par dag pas chos nyid gnas pa ste/ de bzhin du tshor ba dang / 'du shes dang / 'du byed rnams dang / rnam par shes pa'i sngon gyi mtha' rnam par dag pas 'pho ba yang med/ rnam par shes pa phyi ma'i mtha' rnam par dag pas 'ong ba yang med/ rnam par shes pa da ltar byung ba yang rnam par dag pas chos nyid gnas pa ste/ de ni rigs kyi bu 'jig rten rnam par dag pa zhes bya'o/ /smras pa/ de ltar rnam par dag pa'i 'jig rten ci la lta/ smras pa/ rigs kyi bu de ltar rnam par dag pa'i 'jig rten ni chos thams cad la lta'o/ /smras pa/ ji ltar na chos thams cad la lta/ smras pa/ shes rab dang ye shes kyis chos thams cad sngon gyi mtha' dang phyi ma'i mthar yongs su chad par rab tu shes so/ /smras pa/ chos thams cad sngon gyi mtha' dang / phyi ma'i mtha' yongs su chad pa gang / smras pa/ gang la chad pa yang med rtag pa yang med pa'o/ /smras pa/ gang la chad pa yang med rtag pa yang med pa de la</font><hr>52.248b<br><font size=+1>

ci zhes bya/ smras pa/ gang la chad pa yang med rtag pa yang med pa de la ni skye ba med pa dang 'gag pa med pa zhes bya ba'o/ /smras pa/ gang la skye ba yang med 'gag pa yang med pa de ci zhes bya/ smras pa/ gang skye ba med pa dang 'gag pa med pa de ni ji skad ces kyang mi bya'o/ /de ci'i phyir zhe na/ chos de bgrang du med cing rjod du med pa'o/ /smras pa/ rigs kyi bu bgrang du med pa'i chos ji ltar bgrang bar 'gyur/ smras pa/ 'di lta ste/ dper na/ sa'i steng na nam mkha' la bgrang mod kyi/ nam mkha' la ni bgrang bar mi nus so/ /de bzhin du bgrang ba'i sgo nas ni/ bgrang mod kyi/ bgrang ba'i sgo nas bgrang bar mi nus so/ /gang bgrang ba'i sgo de nyid ni bgrang du med pa'i sgo'o/ /de la bgrang ba'i sgo gang / bgrang du med pa'i sgo gang zhe na/ bgrang ba'i sgo zhes bya ba ni 'dus byas so/ /bgrang du med pa'i sgo zhes bya ba ni 'dus ma byas so/ /de la gang 'dus ma byas la bgrang ba med pa de ni bgrang du med pa'o/ /gang bgrang du med pa de ni 'dus ma byas te/ bcom ldan 'das kyis kyang de 'di skad ces bgrangs shing gcal te/ shes rab kyis gang spang bar bya ba de spongs shig ces gsungs so/ /de la nam byang chub sems dpa' 'dus byas la bgrang zhing rnam par shes pa la 'jal te tshul bzhin so sor rtog pa de na gang yongs su shes par bya ba 'am/ spang bar bya ba 'am/ mngon sum du bya ba 'am/ bsgom par bya ba'i chos gang yang yang dag par rjes su mi mthong ngo / /des chos thams cad yang dag par rjes su mi mthong bas chos la gnas su mi byed do/ /nam chos la gnas su mi byed pa de na gzhi med pa thob pa yin no/ /nam gzhi med pa thob pa de na gang la yang 'dod par mi 'gyur ro/ /nam gang la yang 'dod par mi byed pa de na ci la 'ang mi dmigs so/ /de dmigs pa dang bral bar bdag gi ba med cing yongs su 'dzin pa med do/ /ci yongs su mi 'dzin ce na/ gzugs la rtag pa 'am mi rtag par yongs su mi 'dzin to/ /tshor ba dang / </font><hr>52.249a<br><font size=+1>

'du shes dang / 'du byed rnams dang / rnam par shes pa la rtag pa dang mi rtag par yongs su mi 'dzin to/ /gzugs la sdug bsngal ba dang bde bar yongs su mi 'dzin/ tshor ba dang 'du shes dang / 'du byed rnams dang / rnam par shes pa la sdug bsngal ba dang bde bar yongs su mi 'dzin/ gzugs la bdag dang bdag med par yongs su mi 'dzin pa nas/ rnam par shes pa'i bar la bdag dang bdag med par yongs su mi 'dzin to/ /gzugs la sdug pa dang mi sdug par yongs su mi 'dzin pa nas rnam par shes pa'i bar la sdug pa dang mi sdug par yongs su mi 'dzin gzugs la stong pa 'am mi stong par yongs su mi 'dzin pa nas rnam par shes pa'i bar la stong pa 'am mi stong par yongs su mi 'dzin to/ /de yongs su mi 'dzin kyang ting nge 'dzin thob pas 'khor ba na spyod cing 'khor ba'i nyon mongs pa rnams yongs su mi 'dzin to/ /sems can rnams kyang mya ngan las 'das pa la mos par byed la bdag kyang thog mar yongs su mya ngan las 'das pa yin no/ /de la byang chub sems dpa'i yongs su mya ngan las 'das pa gang zhe na/ yongs su mya ngan las 'das pa zhes bya ba ni mngon par 'du mi byed pa'o/ /de la byang chub sems dpa'i mi dge ba'i las chung zad kyang mngon par 'du mi byed do/ /gang dge ba'i chos rnams yang dag par 'dzin cing 'jug go/ /de lus dang ngag dang sems dben pa'i mngon par 'du byed pa thams cad mngon par 'du byed de/  so sor brtags nas thams cad mkhyen par yongs su bsngo'o/ /thams cad mkhyen pa de gzugs su mi snyems/ tshor bar ma yin/ 'du shes su ma yin/ 'du byed rnams su ma yin te/ rnam par shes par yang snyems par mi byed do/ /de'i sems la snyems pa med cing tshul khrims snyems pa med pas smon lam thams cad yongs su rdzogs par byed kyang chos gang la yang bri ba 'am gang bar yang dag par rjesu mi mthong ngo / /de bri ba med cing gang ba med pas chos thams cad mnyam pa nyid rnyed nas chos kyi dbyings la gnas shing</font><hr>52.249b<br><font size=+1>

byang chub sems dpa'i spyad pa spyod de/ chos gang yang spyod pa yang med rnam par spyad pa yang med do/ /rigs kyi bu de ltar yongs su mya ngan las 'das pa'i byang chub sems dpa' byang chub sems dpa'i spyad pa spyod do/ /de ci'i phyir zhe na/ mngon par 'du bya ba thams cad la mngon par 'du mi byed par rab tu gnas pa ni mya ngan las 'das pa ste/ de'i phyir byang chub sems dpa' mngon par 'du bya ba de la mngon par 'du mi byed de/ mngon par 'du mi byed pa ni mngon par 'dus ma byas pas yongs su mya ngan las 'das pa zhes bya'o/ /pha rol ces bya ba ni gang rnam par shes pa mi 'jug pa ste/ byang chub sems dpa' rnam par rig pa med pas rab tu phye ba ni yongs su mya ngan las 'das pa zhes bya'o/ /pha rol ces bya ba ni mtshan ma med pa ste/ de la de'i sems mtshan ma la yongs su mi sngo ba ni yongs su mya ngan las 'das pa zhes bya'o/ /pha rol ces bya ba ni kun du rtog pa med pa ste/ kun du rtog pa de la de'i sems mi 'jug pas de'i phyir yongs su mya ngan las 'das pa zhes bya'o/ /pha rol ces bya ba ni gzhi med pa'o/ /gzhi med pa de la de'i sems yongs su mi sngo ste/ de'i phyir yongs su mya ngan las 'das pa zhes bya'o/ /rigs kyi bu de ltar na byang chub sems dpa' yongs su mya ngan las 'das pa byang chub sems dpa'i spyad pa spyod do/ /de nas bcom ldan 'das kyis byang chub sems dpa' sems dpa' chen po nam mkha' mdzod la legs so zhes bya ba byin te/ legs so legs so/ /skyes bu dam pa gal te bshad par bya na de ltar bshad do/ /bstan pa 'di bshad pa na byang chub sems dpa' lnga brgya bzod pa skyes so/ /de nas bcom ldan 'das la byang chub sems dpa' sems dpa' chen po nam mkha' mdzod kyis 'di skad ces gsol to/ /bcom ldan 'das bdag cag ni de bzhin gshegs pa'i chos snang ba 'dis spobs so/ /bcom ldan 'das 'di lta ste/ dper na snang ba la brten nas gzugs rnams</font><hr>52.250a<br><font size=+1>

gda' ba de bzhin du de bzhin gshegs pa'i skyes bu'i mthu 'dis bdag cag rnams spobs so/ /de nas byang chub sems dpa' rin chen dpal gyis byang chub sems dpa' nam mkha' mdzod la 'di skad ces smras so/ /rigs kyi bu ci'i phyir na bdag gi ye shes 'di bcas te/ sangs rgyas kyi byin gyi brlabs kyis bdag spobs so zhes ston/ smras pa/ rigs kyi bu byang chub sems dpa' rnams kyi gang cung zad spobs pa ji snyed pa de thams cad sangs rgyas kyi byin gyi brlabs su blta'o/ /de ci'i phyir zhe na/ gal te sangs rgyas bcom ldan 'das rnams kyis chos de dag yongs su snang bar ma mdzad na byang chub sems dpa' spobs par ga la 'gyur/ smras pa/ rigs kyi bu ci spobs pa de 'pho ba zhig gam/ smras pa/ rigs kyi bu 'pho ba ma yin mod kyi/ 'on kyang de sangs rgyas kyi spobs pa'i rgyus spobs so/ /'di lta ste/ dper na ma rig pa ni 'du byed rnams su mi 'pho mod kyi ma rig pa'i rgyus 'du byed rnams kyang skye ba de bzhin du sangs rgyas kyi spobs pa yang gang du yang mi 'pho mod kyi de'i rgyus spobs par yang 'gyur ro/ /'di lta ste/ dper na rta dang / glang po che dang / mi rnams kyi sgra brag char mi 'pho mod kyi de'i rgyus brag cha'i sgra yang 'byung ba de bzhin du/ sangs rgyas kyi spobs pa gang du yang mi 'pho mod kyi de'i rgyus spobs par yang 'gyur ro/ /rin chen dpal gyis smras pa/ rigs kyi bu rten cing 'brel par 'byung ba ni zab po/ /smras pa/ 'di ltar chos gang yang mi skye'o/ /smras pa/ rigs kyi bu ci chos thams cad rten cing 'brel bar 'byung ba ma yin nam/ smras pa/ gal te rkyen rnams la byed pa po 'ga' zhig yod par gyur na ni chos rnams skye bar yang 'gyur na/ rkyen rnams la byed pa po gang yang mi dmigs pas de'i phyir chos thams cad la byed pa po dmigs su med do/ /smras pa/ rigs kyi bu ci de bzhin gshegs pa ma byung ngam/ smras pa/ gal te de bzhin nyid byung</font><hr>52.250b<br><font size=+1>

na ni de bzhin gshegs pa yang 'byung bar 'gyur na de bzhin nyid ni 'byung bar mi 'dod do/ /de ci'i phyir zhe na/ de bzhin nyid ni skye ba med pas rab tu phyi ba ste/ de bzhin nyid ji lta bar chos thams cad kyang de bzhin te de thugs su chud pas na de bzhin gshegs pa zhes bya'o/ /smras pa/ rigs kyi bu ci de bzhin gshegs pa byung ngam/ smras pa/ de 'di 'dra ba 'di ni gzhag par bya ba'o/ /smras pa/ gzhag par bya ba de gang / smras pa/ chos kyi dbyings ji ltar gnas pa bzhin no/ /smras pa/ chos kyi dbyings kyi gnas ji lta bu/ smras pa/ skye ba'i gnas ma yin/ 'jig pa'i gnas ma yin te/ gnas kyang ma yin gnas med pa yang ma yin pa 'di lta bu'i gnas ni chos kyi dbyings kyi gnas so/ /chos kyi dbyings kyi gnas ji lta bar chos thams cad kyi gnas kyang de bzhin no/ /chos thams cad kyi gnas gang yin pa de ni gnas ma yin te/ gang gnas ma yin pa de la skye ba'i gnas gang yang med/ 'jig pa'i gnas kyang med pas gnas kyang ma yin/ gnas ma yin pa yang ma yin te/ de lta bu'i gnas ni de bzhin gshegs pa'i gnas so/ /de bzhin gshegs pa'i gnas gang yin pa de skye ba'i gnas su yang mi 'dod de/ 'gog pa'i gnas su yang ma yin no/ /'di ltar rigs kyi bu de bzhin gshegs pa byung ngo zhes bya ba 'di ni mtha' gcig go/ /de bzhin gshegs pa ma byung ngo zhes bya ba 'di ni mtha' gnyis te/ gang skye ba dang skye ba med pa de gnyis kyi dbu ma'i lam de las de bzhin gshegs pa btsal bar bya'o/ /rin chen dpal gyis smras pa/ rigs kyi bu gang la skye ba yang med/ 'jig pa'i gnas kyang med par sangs rgyas skye ba ni zab na rigs kyi bu sangs rgyas 'byung ba 'di la su zhig mos par 'gyur/ smras pa/ gang lhag par mi byed pa'o/ /smras pa/ rigs kyi bu lhag par byed ces bya ba ji ltar bstan pa yin/ smras pa/ rigs kyi bu lhag par byed ces bya ba</font><hr>52.251a<br><font size=+1>

'di ni sgro 'dogs pa'i tshig go/ /su chos gang la yang sgro mi 'dogs pa de ni chos gang la yang lhag par mi byed pa ste/ lhag par mi byed pa'i tshig ni mnyam pa nyid kyi tshig go/ /mnyam pa nyid kyi tshig ni 'dra ba med pa'i tshig go/ /'dra ba med pa'i tshig ni tshig ma yin pa'i tshig go/ /tshig ma yin pa'i tshig ni yi ge med pa'i tshig go/ /yi ge med pa'i tshig ni rnam par rig pa med pa'i tshig go/ /gang rnam par rig pa med pa'i tshig de la sems dang / yid kyi bar du rgyu ba med pa de rab tu rgyu ba med pa'i tshig go/ /'di lta ste dper na nam mkha' la bya rjes kyi gnas med kyang sgras gnas su brjod pa de bzhin du sangs rgyas skye ba 'ang skye ba med pa ste/ 'on kyang skye ba'i sgras brjod do/ /de la byang chub sems dpa' ni mkhas pas skye ba med pa ston cing yongs su snang bar byed do/ /de ci'i phyir zhe na/ chos thams cad kyi ngo bo nyid ni 'di lta ste/ 'di ni mi skye ba'i ngo bo nyid do/ /gang mi skye ba'i ngo bo nyid de ni ngo bo nyid med pa'o/ /gang ngo bo nyid med pa de la dngos po med pa'o/ /gang dngos po med pa de la gnas pa gang yang med de/ chos thams cad ni mi gnas pa'i mtha'o/ /gang mi gnas pa'i mtha' de ni chos thams cad kyi mtha' ste/ de'i phyir chos thams cad ni yang dag pa'i mtha' la gnas shes bya'o/ /yang dag pa'i mtha' zhes bya ba ni yongs su ma chad pa'i mtha'o/ /mtha' thams cad kyi rjes su 'gro ba'i mtha' ste/ chos thams cad ni mtha' der phyin par snang ngo / /de ci'i phyir zhe na/ nam mkha'i cha shas gshegs pa'i mtha' ni mtha' 'di ste/ ji ltar nam mkha' gtan du chad pa'i mtha' ma yin pa de bzhin du yang dag pa'i mtha' la chos thams cad kyi mtha' med do/ /yang dag pa'i mtha' gang yin pa de ni bdag gi mtha' ste/ bdag gi mtha' rjes su shes pas sems can thams cad kyi mtha' rjes su shes pa khong du chud par bya'o/ /gang sems can thams cad kyi mtha' der chos thams cad kyi mtha'ang 'dus te/  de'i phyir chos thams cad ni zad pa'i mtha' zad pa'i mu/ zad pa'i mtha' thug pa zhes bya'o/ /</font><hr>52.251b<br><font size=+1>

zad ces bya ba de ni mya ngan las 'das pa'i ming bla dgas so/ /de bas na chos thams cad ni mya ngan las 'das pa dang mtshungs pa zhes bya'o/ /de ci'i phyir zhe na/ de dag la gnyen po med do/ /'di lta ste dper na nam mkha' la gnyen po med pa de bzhin du chos thams cad la 'ang gnyen po med do/ /gang dag gnyen pos mya ngan las 'das pa tshol ba de dag ni skye ba dang 'jig par lta ba yin te/ chos 'di dag ni bskyed par bya/ chos 'di dag ni dgag par bya zhes de dag skye ba dang / 'jig pa la spyod pas de dag mya ngan las 'das pa'i mnyam pa nyid mi shes so/ /de bas na bcom ldan 'das kyis kyang 'di skad ces shes par gyis shig /shes par gyis shig /ma rtsod cig /rtsod pa med pa dge sbyong gi yon tan gyi mchog rnams yongs su rdzogs par gyis shig ces gsungs so/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das byang chub sems dpa' nam mkha' mdzod ji ltar lus mngon sum du gyur pa de bzhin du ston pa ngo mtshar to/ /byang chub sems dpa' nam mkha' mdzod kyis smras pa/ btsun pa kun dga' bo kho bo'i lus ni mngon sum ste/ lus kyi mngon sum bdag ma yin no/ /de ci'i phyir zhe na/ nam mkha' ni bdag gi lus te/ de'i phyir kho bo'i lus ni mngon sum mo/ /de ji ltar na lus mngon sum yin zhe na/ gang gi phyir lus kyis sangs rgyas kyi mdzad pa byed kyang chos kyi sku lus kyang mi nyams la/ phung po dang / khams dang / skye mched kyis rab tu phye ba yang ma yin/ lus phyin ci log las byung ba yang ma yin te/ yid kyi lus rab tu rnyed do/ /de ltar na byang chub sems dpa' lus mngon sum pa yin no/ /kun dga' bos smras pa/ rigs kyi bu khyod chos thams cad mngon sum pa yin nam/ smras pa/ btsun pa kun dga' bo kho bo'i lus ni chos las rnam par grol bar mi 'dod de/ kho bo'i lus nyid chos so/ /chos nyid ni kho bo'i</font><hr>52.252a<br><font size=+1>

lus so/ /de bas na kho bo'i lus mngon sum mo/ /kun dga' bos smras pa/  rigs kyi bu khyod gal te lus mngon sum pa/ yin na khyod ci dgra bcom pa 'am/ smras pa/ nyon mongs pa med pa'i chos kyi sgo rtogs shing / 'dod chags med la zhe sdang med cing gti mug med pa'i phyir kho bo ni dgra bcom pa'o/ /smras pa/ rigs kyi bu khyod gal te khyod dgra bcom pa yin na ji srid cig na yongs su mya ngan las 'da'/ smras pa/ btsun pa kun dga' bo dgra bcom pa ni yongs su mya ngan las mi 'da' ste/ so so'i skye bo rnams yongs su mya ngan las 'da'i dgra bcom pa ni ma yin no/ /de ci'i phyir zhe na/ dgra bcom pa ni mya ngan las 'das pa'i 'du shes spangs pa'o/ /so so'i skye bo rnams ni yongs su mya ngan las 'da'o zhes rnam par rtog ste/ de dag ci tsam du rtog cing rnam par rtog pa de tsam du yongs su mya ngan las 'da'o/ /smras pa/ rigs kyi bu bdag cag gis ji ltar khyod kyis smras pa'i don shes pa ltar na khyod ni dgra bcom pa 'ang ma yin/ so so'i skye bo yang ma yin/ slob pa yang ma yin/ mi slob pa yang ma yin/ rang sangs rgyas kyang ma yin/ byang chub sems dpa' yang ma yin/ de bzhin gshegs pa yang ma yin no/ /smras pa/ btsun pa kun dga' bo legs so legs so/ /dgra bcom pa yang ma yin/ so so'i skye bo yang ma yin/ slob pa yang ma yin/ mi slob pa yang ma yin/ rang sangs rgyas kyang ma yin/ byang chub sems dpa' yang ma yin/ de bzhin gshegs pa yang ma yin pa de ni sa thams cad kyang ston la gang la yang rab tu mi gnas so/ /bstan pa 'di bshad pa na nyan thos lnga brgya tsam gyis/ </font><hr>52.252b<br><font size=+1>

byang chub sems dpa' nam mkha' mdzod la bla gos chos la dgab par gtor te/ tshig 'di skad du sems can thams cad kyang 'di 'dra ba'i spobs pa rnyed par gyur cig ces smras so/ /de nas byang chub sems dpa' nam mkha' mdzod kyi byin gyis brlabs kyis chos gos de dag nam mkha'i nang du song ngo / /de nas dge slong dgra bcom pa de dag gis 'di skad ces smras so/ /rigs kyi bu chos gos de dag gar song smras pa/ nam mkha'i mdzod du song ngo / /de'i tshe bcom ldan 'das 'dzum pa mdzad pa dang / tshe dang ldan pa kun dga' bos bcom ldan 'das la 'dzum pa mdzad pa de'i don zhus pa/ bcom ldan 'das de bzhin gshegs pa ni don ma mchis par 'dzum pa mi mdzad na 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ kun dga' bo dge slong lnga brgya po de dag gis bla gos lnga brgya byang chub sems dpa' nam mkha' mdzod la gtor te/ byang chub sems dpa' nam mkha' mdzod kyis nam mkha'i mdzod du bzhag pa de dag ngur smrig gi rgyal mtshan zhes bya ba'i 'jig rten gyi khams su song ste/  bcom ldan 'das de bzhin gshegs pa ri dbang rgyal po'i sangs rgyas kyi zhing na sangs rgyas kyi bya ba byed do/ /gang byang chub sems dpa' nam mkha' mdzod kyis chos kyi gtam byas pa de sangs rgyas kyi zhing der chos gos de dag las byung ste/ chos bstan pa des byang chub sems dpa' stong phrag mang po zhig bzod pa thob po/ /kun dga' bo rnam grangs du mas sems can rnams yongs su smin par byed pa byang chub sems dpa' rnams kyi rdzu 'phrul dang ye shes kyi yul la ltos/ bstan pa 'di bshad pa na me lta bu'i kha dog dang zla ba dang nyi ma ltar 'bar ba'i kha dog sngon ma mthong ma thos pa'i me tog rnams kyi char chen po mngon par rab tu bab ste/ me tog de dag las gang byang chub sems dpa' nam mkha' mdzod kyis bstan pa 'di thos nas mos par 'gyur ba'i sems can de dag ni phyir mi ldog pa'i phyag rgyas</font><hr>52.253a<br><font size=+1>

btab cing byang chub kyi snying po la gzhol ba yin no zhes de lta bu'i sgra byung ngo / /kun dga' bos gsol pa/ bcom ldan 'das me tog 'di dag ga las mchis/ bcom ldan 'das kyis bka' stsal pa/ kun dga' bo 'od bkod pa zhes bya ba'i tshangs pa'i 'jig rten gyi khams stong phrag brgya la dbang ba zhig yod de/ tshangs pa des byang chub sems dpa' nam mkha' mdzod la mchod pa bya ba'i phyir me tog 'di dag gtor to/ /kun dga' bos gsol pa/ bcom ldan 'das bdag cag gis tshangs pa de lta'o/ /bka' stsal pa/ tshangs pa de de'u re mthong gis cung zhig sdod cig /de nas tshangs pa 'od bkod pa tshangs pa stong phrag drug bcu rtsa brgyad kyis yongs su bskor cing mdun du bdar te/ tshangs pa'i 'jig rten nas mi snang bar gyur nas/ bcom ldan 'das kyi spyan sngar phyin te/ des bcom ldan 'das kyi zhabs la mgo bos phyag 'tshal nas lan gsum bskor ba byas te phyogs gcig tu 'dug go/ /de nas bcom ldan 'das la tshangs pa 'od bkod pas 'di skad ces gsol to/ /bcom ldan 'das byang chub sems dpa' nam mkha' mdzod kyi tshul khrims kyi che ba dang / ting nge 'dzin gyi che ba dang / mngon par shes pa'i che ba dang / ye shes kyi che ba dang / shes rab kyi che ba dang / smon lam yongs su rdzogs pa'i che ba dang / thabs la mkhas pa'i che ba dang / lhag pa'i bsam pa'i che ba dang / chos kyi dbang phyug gi che ba dang / lus kyi rgyan gyi che ba dang / ngag dang sems kyi rgyan gyi che ba dang / chos thams cad la dbang ba'i che ba ngo mtshar to/ /'di ltar byang chub sems dpa' nam mkha' mdzod ces bgyi ba sngon shin du sbyang ba bgyis pas lus dang / ngag dang / sems dang dag gis brtson pa ma mchis par bgyi ba thams cad ston to/ bcom ldan 'das su zhig sngon gyi dge ba'i rtsa ba rnams la byas pa mi gzo bar 'gyur/ bcom ldan 'das byang chub sems dpa' nam mkha' mdzod da ltar gang seng ge'i sgra</font><hr>52.253b<br><font size=+1>

sgrogs pa 'di ni sngon gyi spyod pa zab mo'i rgyu mthun pa'o/ /bcom ldan 'das kyis bka' stsal pa/ de de bzhin no/ /tshangs pa ji skad smras pa bzhin te/ byang chub sems dpa' rnams kyi bla na med pa yang dag par rdzogs pa'i byang chub ni sngon gyi dge ba'i rtsa ba dang / bsod nams dang / ye shes las byung ngo / /de nas bcom ldan 'das la tshangs pa 'od bkod pas 'di skad ces gsol to/ /bcom ldan 'das byang chub sems dpa' rnams kyi dge ba'i rtsa ba gang lags/ bsod nams gang lags ye shes gang lags/ bcom ldan 'das kyis bka' stsal pa/ tshangs pa dge ba'i rtsa ba zhes bya ba ni gang sems dang po bskyed pa ste/ sangs rgyas kyi chos thams cad kyi rtsa ba'o/ /bsod nams ni gang byang chub kyi sems bskyed ma thag tu sems can thams cad dang / nyan thos dang /  rang sangs rgyas thams cad kyi sbyin pa las byung ba dang / tshul khrims las byung ba dang / bsgom pa las byung ba'i bsod nams bya ba'i dngos po thams cad zil gyis gnon pa'o/ /ye shes ni gang dge ba'i rtsa ba bsags shing bsags pa rnams rnam pa thams cad mkhyen pa nyid du bsngo ba'o/ /gzhan yang dge ba'i rtsa ba ni sgyu dang g.yo med pa'i phyir bsam pa'o/ /bsod nams ni gang bsod nams thams cad sogs pa'i phyir rab tu sbyor ba'o/ /ye shes ni gang khyad par du 'gro ba'i phyir lhag pa'i bsam pa'o/ /gzhan yang dge ba'i rtsa ba ni gang dge ba'i chos rnams la yi dam brtan pa'o/ /bsod nams ni gang dge ba'i rtsa ba'i tshogs kyis chog mi shes pa'o/ /ye shes ni gang dge ba'i rtsa ba rnams la sgyu mar so sor rtog pa'o/ /gzhan yang dge ba'i rtsa ba ni gang dge ba'i bshes gnyen rnyed pa'o/ /bsod nams ni gang dge ba'i bshes gnyen mi gtong ba'o/ /ye shes ni gang dge ba'i bshes gnyen la kun 'dri ba'o/ /gzhan yang dge ba'i rtsa ba ni gang chos don du gnyer ba'o/ /bsod nams ni gang chos 'dod pa'o/ /ye shes</font><hr>52.254a<br><font size=+1>

ni gang chos kyi kun dga' la dga' zhing mos pa'o/ /gzhan yang dge ba'i rtsa ba ni gang chos tshol ba'o/ /bsod nams ni gang zang zing med par chos ston pa'o/ /ye shes ni gang chos la slob dpon gyi dpe mkhyud med pa'o/ /gzhan yang dge ba'i rtsa ba ni gang chos nyan pa'o/ /bsod nams ni gang tshul bzhin la so sor rtog pa'o/ /ye shes ni gang chos sgrub pa'o/ /gzhan yang dge ba'i rtsa ba ni gang sangs rgyas mthong ba'o/ /bsod nams ni gang sangs rgyas la rim gro byed pa'o/ /ye shes ni gang sangs rgyas la rab tu rton pa'o/ /gzhan yang dge ba'i rtsa ba ni gang rab tu byung ba rnyed pa'o/ /bsod nams ni gang 'phags pa'i rigs kyis shin du dga' ba'o/ /ye shes ni gang dgon par gnas pa la dga' ba'o/ /gzhan yang dge ba'i rtsa ba ni gang dag sla ba dang / gso sla ba'o/ /bsod nams ni gang chos gos dang bsod snyoms lhun gyis grub par rnyed pa'o/ /ye shes ni gang mi chags mi brkam par de la yongs su spyod pa'o/ /gzhan yang dge ba'i rtsa ba ni gang dran pa nye bar gzhag pa rnams la sgom pa'o/ /bsod nams ni gang yang dag par spong ba rnams yongs su rdzogs par byed pa'o/ /ye shes ni gang rdzu 'phrul gyi rkang pa thob pa'o/ /gzhan yang dge ba'i rtsa ba ni gang dad pa'i dbang po la 'jug pa'o/ /bsod nams ni gang brtson 'grus dang / dran pa dang shes bzhin no/ /ye shes ni gang ting nge 'dzin dang shes rab bsgom pa'o/ /gzhan yang dge ba'i rtsa ba ni gang stobs lnga la gnas pa'o/ /bsod nams ni gang byang chub kyi yan lag rnams rjes su shes pa'o/ /ye shes ni gang lam la 'jug pa shes pa'o/ /gzhan yang dge ba'i rtsa ba ni gang sems dga' ba'o/ /bsod nams ni gang zhi gnas kyi tshogs yongs su tshol ba'o/ /ye shes ni gang lhag mthong la mkhas pa'o/ /gzhan yang dge ba'i rtsa ba ni gang sbyin pa las byung ba'i</font><hr>52.254b<br><font size=+1>

bsod nams bya ba'i dngos po'o/ /bsod nams ni gang tshul khrims las byung ba'i bsod nams bya ba'i dngos po'o/ /ye shes ni gang bsgom pa las byung ba'i bsod nams bya ba'i dngos po'o/ /gzhan yang dge ba'i rtsa ba ni lhag pa'i tshul khrims la slob pa'o/ /bsod nams ni lhag pa'i sems la slob pa'o/ /ye shes ni lhag pa'i shes rab la slob pa'o/ /gzhan yang dge ba'i rtsa ba ni sdig pa thams cad so sor 'chags pa'o/ /bsod nams ni bsod nams thams cad la rjes su yi rang ba'o/ /ye shes ni sangs rgyas thams cad la gsol ba 'debs pa'o/ /gzhan yang dge ba'i rtsa ba ni bdog pa thams cad yongs su gtong ba'o/ /bsod nams ni rnam par smin pa la mi re ba'o/ /ye shes ni sbyin pa mi snyems shing byang chub tu yongs su bsngo ba'o/ /gzhan yang dge ba'i rtsa ba ni bslab pa yang dag par 'dzin pa'o/ /bsod nams ni tshul khrims ma nyams pa'o/ /ye shes ni mngon par 'du mi byed pa'i tshul khrims byang chub tu yongs su bsngo ba'o/ /gzhan yang dge ba'i rtsa ba ni sems can thams cad la khong khro ba med pa'o/ /bsod nams ni mi snyan par zer ba bzod pa'o/ /ye shes ni sems can thams cad yongs su smin par bya ba'i phyir lus dang srog gtong zhing byang chub tu yongs su bsngo ba'o/ /gzhan yang dge ba'i rtsa ba ni gang dge ba'i chos rnams la rtsom pa'o/ /bsod nams ni gang dge ba'i rtsa ba thams cad la 'dun pa'o/ /ye shes ni gang mtshan ma med pa la mtshungs par 'jug cing dge ba'i rtsa ba byang chub tu yongs su bsngo ba'o/ /gzhan yang dge ba'i rtsa ba ni gang bsam gtan gyi yan lag yongs su tshol ba'o/ /bsod nams ni gang bsam gtan rnyed pas sngon gyi dge ba'i rtsa ba zad par mi byed pa'o/ /ye shes ni gang bsam gtan las bzlog nas 'dod pa'i khams su skye ba'o/ /gzhan yang dge ba'i</font><hr>52.255a<br><font size=+1>

rtsa ba ni gang shes rab kyi rtsa ba thos pa'o/ /bsod nams ni gang thos pa la so sor rtog pa'o/ /ye shes ni gang shes rab yongs su skong ba'o/ /gzhan yang dge ba'i rtsa ba ni sems can thams cad la sems mnyam pa'o/ /bsod nams ni byams pa'i sems la snyoms par 'jug pa'o/ /ye shes ni nam mkha' dang / mtshungs pas sems can thams cad la byams pa'o/ /gzhan yang dge ba'i rtsa ba ni gang sa gsum gyi tshogs so/ /bsod nams ni gang sa bzhi la sogs pa'o/ /ye shes ni gang sa bcu pa yongs su skong ba'o/ /gzhan yang dge ba'i rtsa ba ni sems dang po skyes pa'i byang chub sems dpa' rnams kyi'o/ /bsod nams ni spyod pa la zhugs pa'i byang chub sems dpa' rnams kyi'o/ /ye shes ni phyir mi ldog pa'i byang chub sems dpa' rnams kyi'o/ /gzhan yang dge ba'i rtsa ba ni rkang mthil mnyam par reg pa'o/ /bsod nams ni mtshan dang dpe byad bzang po'i rgyan to/ /ye shes ni spyi gtsug bltar mi mthong ba'o/ /gzhan yang dge ba'i rtsa ba ni sangs rgyas kyi zhing gi rgyan to/ /bsod nams ni bza' ba dang btung ba yid kyis longs spyod pa'o/ /ye shes ni dbang po rno ba'i sems can du skye ba'o/ /gzhan yang dge ba'i rtsa ba ni bdud kyi las rnams thos pa'o/ /bsod nams ni bdud kyi las rig pa'o/ /ye shes ni bdud kyi las las yang dag par 'das pa'o/ /gzhan yang dge ba'i rtsa ba ni snying rje chen po'o/ /bsod nams ni thabs la mkhas pa'o/ /ye shes ni shes rab kyi pha rol du phyin pa'o/ /gzhan yang dge ba'i rtsa ba ni byang chub kyi snying po'i rgyan to/ /bsod nams ni bdud thams cad 'dul ba'o/ /ye shes ni sems kyi skad cig gcig dang ldan pa'i shes rab kyis byang chub mngon par rdzogs par 'tshang rgya ba'o/ /tshangs pa de ltar na byang chub sems dpa' dge ba'i rtsa ba dang / bsod nams dang / ye shes las byung ba yin no/ /</font><hr>52.255b<br><font size=+1>

de nas bcom ldan 'das la tshangs pa 'od bkod pas 'di skad ces gsol to/ /bcom ldan 'das de bzhin gshegs pas rtsa ba gsum po 'di dag las sangs rgyas kyi chos thams cad sna tshogs su bshad pa ngo mtshar to/ /de skad ces gsol pa dang / byang chub sems dpa' sems dpa' chen po nam mkha' mdzod kyis tshangs pa 'od bkod pa la 'di skad ces smras so/ /tshangs pa gnas gcig tu chos thams cad yang dag par 'du'o/ /de ci'i phyir zhe na/ stong pa nyid kyi gnas ni gnas te/ stong pa nyid du chos thams cad yang dag par 'du'o/ /mtshan ma med pa'i gnas ni gnas te/ mtshan ma med par chos thams cad yang dag par 'du'o/ /smon pa med pa'i gnas ni gnas te/ smon pa med par chos thams cad yang dag par 'du'o/ /de bzhin nyid du sbyar te/ mngon par 'du mi byed pa'i bar gyi gnas ni gnas so/ /'dod chags med pa'i gnas ni gnas so/ /zhi ba'i gnas ni gnas so/ /gzhi med pa'i gnas ni gnas so/ /chos kyi dbyings kyi gnas ni gnas so/ /de bzhin nyid kyi gnas ni gnas so/ /yang dag pa'i mtha'i gnas ni gnas so/ /mi 'byung ba'i gnas ni gnas so/ /skye ba med pa'i gnas ni gnas so/ /mya ngan las 'das pa'i gnas ni gnas te/ chos thams cad ni mya ngan las 'das par yang dag par 'du'o/ /tshangs pa gzhan yang 'dod chags ni 'dod chags med pa'i gnas so/ /de ci'i phyir zhe na/ 'dod chags ni 'dod chags med pa'i rang bzhin te/ chos thams cad ni 'dod chags kyi rang bzhin no/ /zhe sdang ni zhe sdang med pa'i gnas so/ /de ci'i phyir zhe na/ zhe sdang ni zhe sdang med pa'i rang bzhin te/ chos thams cad ni zhe sdang gi rang bzhin no/ /gti mug ni gti mug med pa'i gnas so de ci'i phyir zhe na/ gti mug ni gti mug med pa'i rang bzhin te chos thams cad ni gti mug gi rang bzhin no/ /'jig tshogs ni 'jig</font><hr>52.256a<br><font size=+1>

tshogs med pa'i gnas so/  'jig tshogs ni 'jig tshogs med pa'i rang bzhin te/ chos thams cad ni 'jig tshogs kyi rang bzhin no/ /gzugs ni gzugs med pa'i gnas so/ /de ci'i phyir zhe na/ gzugs ni gzugs med pa'i rang bzhin te/ chos thams cad ni gzugs med pa'i rang bzhin no/ /de bzhin du tshor ba dang / 'du shes dang / 'du byed rnams dang / rnam par shes pa yang rnam par shes pa med pa'i gnas so/ /rnam par shes pa ni rnam par shes pa med pa'i rang bzhin te/ chos thams cad ni rnam par shes pa med pa'i rang bzhin no/ /khams rnams dang / skye mched rnams dang / rten cing 'brel par 'byung ba'i yan lag bcu gnyis kyang de bzhin du sbyar te/ ma rig pa ni ma rig pa med pa'i gnas so/ ma rig pa ni ma rig pa med pa'i rang bzhin te/ sangs rgyas kyi chos thams cad ni ma rig pa'i rang bzhin no/ /skye ba'i bar du yang skye ba med pa'i gnas so/ /skye ba ni skye ba med pa'i rang bzhin te/ sangs rgyas kyi chos thams cad ni skye ba'i rang bzhin no/ /sangs rgyas kyi chos thams cad ni chos ma yin pa'i gnas so/ /de ci'i phyir zhe na/ chos thams cad ni rtog pa med pa'i rang bzhin te/ sangs rgyas kyi chos thams cad ni chos thams cad kyi rang bzhin no/ /tshangs pa de dag ni gnas med pa'i gnas la 'jug pa zhes bya ba chos kyi gnas pa'i sgo ste gang du gnas re rer sangs rgyas kyi chos thams cad yang dag par 'du ba'o/ /tshangs pa 'di lta ste dper na rgya mtsho chen por ni 'bab chu thams cad 'bab pa de bzhin du/ chos kyi sgo'i gnas gcig tu sangs rgyas kyi chos thams cad yang dag par 'du'o/ /tshangs pa 'di lta ste dper na nam mkha' la gzugs su snang ba thams cad yang dag par 'du ba de bzhin du/ chos kyi sgo'i gnas gcig tu</font><hr>52.256b<br><font size=+1>

sangs rgyas kyi chos thams cad yang dag par 'du ste/ de'i phyir gnas 'di ni mi zad pa'i gnas te/ 'bum bzhag pa'i gnas so/ /tshangs pa 'di lta ste dper na/ 'bum bzhag pa'i gnas gcig tu 'bum thams cad yang dag par 'du ste de dag lo stong du bzhag nas phyung yang 'bum de snyed kyang gnas de la mi 'byar la gnas kyang 'bum gyi mi 'byar ba de bzhin du/ tshangs pa bskal pa brgya stong du sangs rgyas kyi chos rnams bgrangs shing bzhag kyang sangs rgyas kyi chos rnams lus la song ba 'am sems la song bar mi 'gyur te/ bshad kyang rung ma bshad kyang rung ba de snyed do/ /de snyed pa de yang de snyed ma yin te/ de ci'i phyir zhe na/ gal te de snyed dam/ de snyed ma yin pa zhig rnyed na ni de rnyed pa nyid du 'gyur na/ gang gi phyir de dag ni de snyed kyang ma yin te de snyed ma yin pa yang ma yin pas de'i phyir de dag ni de snyed dam/ de snyed ma yin pa zhes mi brjod do/ /tshangs pa gang sangs rgyas kyi chos bgrang ba de ni chos thams cad bgrang ba'o/ /de ci'i phyir zhe na/ chos thams cad ni sangs rgyas kyi chos te/ sangs rgyas kyi chos gang yin pa de dag ni chos kyang ma yin/ chos ma yin pa 'ang ma yin no/ /de ci'i phyir zhe na/ sangs rgyas kyi chos ni 'du shes kyis kun brtags pa ma yin te/ 'du shes yongs su shes par bya ba'i phyir sangs rgyas kyi chos rnams rab tu bstan te/ gang 'du shes kyang med 'du shes med pa yang ma yin pa'i kun rtog pa de ni chos kyang ma yin/ chos ma yin pa yang ma yin no/ /tshangs pa sangs rgyas kyi chos 'di dag ni mtshan nyid de lta bu ste/ rang gi mtshan nyid kyis dag pa/ rang gi mtshan nyid kyis dben pa'o/ /rang gi mtshan nyid ni mtshan nyid med pa ste mtshan nyid med pa ni nam mkha'o/ /nam mkha'i mtshan nyid ni chos thams cad do/ /byang chub sems dpa' nam mkha' mdzod kyis gtam</font><hr>52.257a<br><font size=+1>

shin du brjod pa 'di bstan pa na/ tshangs pa'i 'khor de nas tshangs pa khri nyis stong ni bla na med pa yang dag par rdzogs pa'i byang chub tu sems skyes so/ /yongs su sbyang ba byas pa'i dge ba'i rtsa ba rnams bskyed pa'i tshangs pa lnga stong ni mi skye ba'i chos la bzod pa thob par gyur to// //'phags pa nam mkha' mdzod kyis zhus pa/ bam po bdun pa/ de nas byang chub sems dpa' lag na rin po ches byang chub sems dpa' sems dpa' chen po nam mkha' mdzod la 'di skad ces smras so/ /rigs kyi bu byang chub kyi sems byang chub kyi sems shes bya ba'i byang chub kyi sems de chos gang dag gis bsdus na phyir mi ldog par kun du gnas/ nam mkha' mdzod kyis smras pa/ rigs kyi bu byang chub kyi sems ni chos rnam pa gnyis kyis bsdus pas phyir mi ldog par gnas so/ /gnyis gang zhe na/ bsam pa dang / lhag pa'i bsam pa'o/ /smras pa/ rigs kyi bu bsam pa dang / lhag pa'i bsam pa gang gis bsdus/ smras pa/ rigs kyi bu bsam pa ni g.yo med pa dang sgyu med pas bsdus pa'o/ /lhag pa'i bsam pa ni de la ma chags pa dang / khyad par du 'gro bas bsdus so/ /smras pa/ rigs kyi bu chos bzhi po 'di dag gang gis bsdus/ smras pa/ rigs kyi bu chos bzhi po 'di dag ni chos brgyad kyis bsdus te/ brgyad gang zhe na/ 'di lta ste/ g.yo med pa ni drang po dang / gsal bas bsdus so/ /sgyu med pa ni bcos ma ma yin pa dang / bsam pa dag pas bsdus so/ /de la ma chags pa ni sems ma god pa dang / brtson 'grus ma god pas bsdus so/ /khyad par du 'gro ba ni bsod nams kyi tshogs dang / ye shes kyi tshogs kyis bsdus so/ /smras pa/ rigs kyi bu chos brgyad po 'di dag gang gis bsdus/ smras pa/ rigs kyi bu chos brgyad po 'di dag ni chos bcu drug gis bsdus te/ bcu drug gang zhe na/ </font><hr>52.257b<br><font size=+1>

'di lta ste/ drang po ni zhi ba dang / des pas bsdus so/ /gsal ba ni nga rgyal med pa dang / thibs po med pas bsdus so/ /bcos ma ma yin pa ni byams pa chen po dang / snying rje chen pos bsdus so/ /bsam pa dag pa ni lus dang sems yongs su dag pas bsdus so/ /sems ma god pa ni brtan pa dang / stobs kyis bsdus so/ /brtson 'grus ma god pa ni de nyid byed pa dang / yang dag pa'i nan tan gyis bsdus so/ /bsod nams kyis tshogs ni sbyor ba dang / sbyor ba mthar 'byin pas bsdus so/ /ye shes kyi tshogs ni thos pa dang / thos pa bsgrubs pas bsdus so/ /rigs kyi bu chos brgyad po de dag ni chos bcu drug po 'di dag gis bsdus so/ /smras pa/ rigs kyi bu chos bcu drug po 'di dag gang gis bsdus smras pa/ rigs kyi bu chos bcu drug po 'di dag ni chos sum bcu rtsa gnyis kyis bsdus te/ sum bcu rtsa gnyis gang zhe na/ 'di lta ste/ zhi ba ni ngo tsha shes pa dang / khrel yod pas bsdus so/ /des pa ni bka' blo bde ba dang / 'grogs na bde bas bsdus so/ /nga rgyal med pa ni khyad du mi gsod pa dang / 'dus pas bsdus so/ /thibs po med pa ni dri ma med pa dang / mi rtsub pas bsdus so/ /byams pa chen po ni khong khro ba med pa'i sems dang / sems can thams cad la sems mnyam pas bsdus so/ /snying rje chen po ni yongs su mi skyo ba dang / sems can thams cad kyi bya ba ci yod ces bya bas bsdus so/ /lus yongs su dag pa ni mi 'tshe ba dang / rang gi longs spyod kyis chog par 'dzin pas bsdus so/ /sems yongs su dag pa ni dul ba dang zhi bas bsdus so/ /brtan pa ni yi dam mi zhig pa dang / dam bcas pa nyams su lon par byed pas bsdus so/ /stobs ni blo rab tu gnas pa dang / blo mi g.yo bas bsdus so/ /de nyid byed pa ni ji skad smras pa dang / de bzhin du byed pas bsdus so/ /yang dag</font><hr>52.258a<br><font size=+1>

pa'i nan tan ni yang dag pa'i sbyor ba dang / yang dag pa'i rtsol bas bsdus so/ /sbyor ba ni sgrol ba dang / mi ldog pas bsdus so/ /sbyor ba mthar 'byin pa ni pha rol gyi sgra dang / tshul bzhin yid la byed pas bsdus so/ /thos pa ni dge ba'i bshes gnyen dang /  mthun par 'dzin pas bsdus so/ /thos pas bsgrubs pa ni rab tu sems pa dang / nges par sems pas bsdus so/ /rigs kyi bu chos bcu drug po de dag ni chos sum bcu rtsa gnyis po de dag gis bsdus so/ /smras pa/ rigs kyi bu chos sum bcu rtsa gnyis po 'di dag chos du zhig gis bsdus/ smras pa/ rigs kyi bu chos sum bcu rtsa gnyis po 'di dag ni chos drug bcu rtsa bzhis bsdus te/ drug cu rtsa bzhi gang zhe na/ 'di lta ste/ ngo tsha shes pa ni nang du so sor rtog pa dang / dbang po yang dag par sdom pas bsdus so/ /khrel yod pa ni phyi rol gyi yul srung ba dang / mkhas shing rtogs pa la 'dzem pas bsdus so/ /bka' blo bde ba ni chos don du gnyer ba dang / chos 'dod pas bsdus so/ /'grogs na bde ba ni lus yid du 'ong ba dang / sems yid du 'ong bas bsdus so/ /khyad du mi gsod pa ni ma khengs pa dang / chos spyod pas bsdus so/ /'dud pa ni lus gya gyu med pa dang / sems gya gyu med pas bsdus so/ /dri ma med pa ni dri ma gsum bsal ba dang / rnam par thar pa gsum sgom pas bsdus so/ /mi rtsub pa ni mi brlang ba dang / phra ma med pas bsdus so/ /khong khro ba med pa'i sems ni bdag bsrung ba dang / gzhan srung bas bsdus so/ /sems can thams cad la sems mnyam pa ni tha dad pa med pa dang / ro gcig pas bsdus so/ /yongs su mi skyo ba ni rmi lam gyi rang bzhin dang / sgyu ma'i rang bzhin gyis bsdus so/ /sems can thams cad kyi bya ba ci yod ces bya ba ni mngon par shes pa dang / thabs kyis bsdus so/ /</font><hr>52.258b<br><font size=+1>

mi 'tshe ba ni 'dod pa dang / las kyi rnam par smin pa la yid ches pas bsdus so/ /rang gi longs spyod kyis chog par 'dzin pa ni 'dod pa nyung ba dang / chog shes pas bsdus so/ /dul ba ni mi 'khrug pa dang / mi rtsod pas bsdus so/ /zhi ba ni ngar 'dzin pa 'dor ba dang / nga yir 'dzin pa spong bas bsdus so/ /yi dam ma zhig pa ni byang chub kyi sems la lta ba dang / byang chub kyi snying po la rton pas bsdus so/ /dam bcas pa nyams su lon par byed pa ni bdud kyi las rig pa dang / sangs rgyas kyi byin gyis brlabs kyis bsdus so/ /blo shin du gnas pa ni mi 'gyur ba'i blo dang / mi rgod pas bsdus so/ /mi g.yo ba'i blo ni ri lta bu dang / mi bskyod pas bsdus so/ /ji skad smra ba ni legs par bya ba'i las byed pa dang / mi gdung bas bsdus so/ /de ltar byed pa de ni bden pa dang / yang dag par smra bas bsdus so/ /yang dag pa'i sbyor ba ni rten cing 'brel par 'byung bar 'thun pa dang / rtag pa dang chad pa yongs su spong bas bsdus so/ /yang dag pa'i rtsol ba ni rigs pa dang / tshul gyis bsdus so/ /sgrol ba ni yang dag pa'i spong ba dang / brtson 'grus mi 'dor bas bsdus so/ /phyir mi ldog pa ni rtul ba dang / rtsol bas bsdus so/ /pha rol gyi sgra ni dge ba'i bshes gnyen dang / chos don du gnyer bas bsdus so/ /tshul bzhin du yid la byed pa ni zhi gnas kyi tshogs dang / lhag mthong gi tshogs kyis bsdus so/ /dge ba'i bshes gnyen ni nyan 'dod pa dang / ri mo byed pas bsdus so/ /'thun par 'dzin pa ni lus yang ba dang / sems yang bas bsdus so/ /rab tu sems pa ni skyo ba dang / 'dod chags dang bral bas bsdus so/ /des par sems pa ni rgyur gyur pa dang / 'bras bu chud mi za bas bsdus so/ /rigs kyi bu chos sum bcu rtsa gnyis po de dag ni chos drug cu rtsa bzhi po 'di dag gis bsdus so/ /smras pa/ rigs kyi bu chos drug bcu rtsa bzhi po 'di dag chos</font><hr>52.259a<br><font size=+1>

du zhig gis bsdus/ smras pa/ rigs kyi bu chos drug cu rtsa bzhi po de dag ni chos brgya nyi shu rtsa brgyad kyis bsdus te/ brgya nyi shu rtsa brgyad gang zhe na/ 'di lta ste/ nang du so sor rtog pa ni stong pa nyid du so sor rtog pa dang rang bzhin la so sor rtog pas bsdus so/ /dbang po yang dag par sdom pa ni dran pa dang / shes bzhin gyis bsdus so/ /phyi rol gyi yul srung ba ni dbang po sbas pa dang / mi rgyug pas bsdus so/ /mkhas shing rtogs pa la 'dzem pa ni bdag gi 'khrul pa la nyes par so sor rtog pa dang / gzhan gyi 'khrul pa la nyes par lta bas bsdus so/ /chos don du gnyer ba ni bdag gi dam bcas pa nyams 'og tu chud par byed pa dang / pha rol gyi 'gyod pa sel bas bsdus so/ /chos 'dod pa ni chos la gzhol ba dang / chos la 'bab pas bsdus so/ /lus yid du 'ong ba ni gnyid med pa dang / gti mug med pas bsdus so/ /sems yid du 'ong ba ni cang shes pa dang / glo bur gyi nyon mongs pa bsal bas bsdus so/ /ma khengs pa ni pho theg spangs pa dang / brjid spangs pas bsdus so/ /chos spyod pa ni mi dge ba'i chos spangs pa dang / dge ba'i chos yongs su rdzogs par byed pas bsdus so/ /lus gya gyu med pa ni mi brlang ba dang / mi rtsub pas bsdus so/ /sems gya gyu med pa ni yang dag pa'i dran pa dang / yang dag pa'i ting nge 'dzin gyis bsdus so/ /dri ma gsum bsal ba ni mi sdug pa bsgom pa dang / byams pa sgom pas bsdus so/ /rnam par thar pa gsum sgom pa ni gang zag med pa dang / don dam pas bsdus so/ /mi rtsub pa ni phan pa dang / bde bas bsdus so/ /phra ma med pa ni dbyen mi byed pa dang / bye ba'i sdums byed pas bsdus so/ /bdag srung ba ni sdig pa mi byed pa dang / bsod nams thams cad bsogs pas bsdus so/ /gzhan srung ba ni bzod pa dang / des pas bsdus so/ /tha dad pa med pa ni sems nam mkha' dang mtshungs pa dang / sems rlung dang mtshungs pas bsdus so/ /</font><hr>52.259b<br><font size=+1>

ro gcig pa ni de bzhin nyid dang / chos kyi dbyings kyis bsdus so/ /rmi lam gyi rang bzhin ni mthong zhing thos la dran zhing shes pa dang / chos kyi rjes su myong ba'i bdag nyid kyis bsdus so/ /sgyu ma'i rang bzhin ni rnam par sgrub pa dang / yongs su rtog pas bsdus so/ /mngon par shes pa ni don la rton pa dang / ye shes la rton pas bsdus so/ /thabs ni shes rab kyis lta ba dang / sems can la lta bas bsdus so/ /'dod pa ni ltung ba med pa dang / ltung ba mi 'chab pas bsdus so/ /las kyi rnam par smin pa la yid ches pa ni tshe 'di la bag yod pa dang / 'jig rten pha rol la kha na ma tho bas 'jigs par lta bas bsdus so/ /'dod pa nyung ba ni 'dod ba'i drod zin pa dang / shes rab kyis mi ngoms pas bsdus so/ /chog shes pa ni dgang sla ba dang / gso sla bas bsdus so/ /mi 'khrug pa ni shin du mur thug pa dang / shin du mthar phyin pas bsdus so/ /mi rtsod pa ni bden pa dang / chos la dga' bas bsdus so/ /ngar 'dzin pa 'dor ba ni rgyu yongs su shes pa dang / lta ba yang dag par bcom pas bsdus so/ /nga yir 'dzin pa spong ba ni nga yi ba med pa dang / yongs su 'dzin pa med pas bsdus so/ /byang chub kyi sems la lta ba ni theg pa dman pa mi 'dod pa dang / sems can thams cad la snying rje bas bsdus so/ /byang chub kyi snying po la rton pa ni bdud thams cad bcom pa dang / chos thams cad mngon par rdzogs par byang chub pas bsdus so/ /bdud kyi las rig pa ni dge ba'i bshes gnyen gyi man ngag dang / shes rab kyi pha rol du phyin pa la brtson pas bsdus so/ /sangs rgyas kyi byin gyi brlabs ni ji skad smras pa de bzhin byed pa dang / sems can thams cad yongs su mi gtong bas bsdus so/ /blo mi 'gyur ba ni sa dang 'dra ba'i sems dang / rjes su chags pa dang khong khro ba spangs pas bsdus so/ /mi rgod pa ni rgod pa dang 'gyod pa spangs pa dang / mi rtag par so sor</font><hr>52.260a<br><font size=+1>

rtog pas bsdus so/ /ri lta bu ni ri ltar mi mtho ba dang / mi dma' bas bsdus so/ /mi bskyod pa ni dam bcas pa mi nyams pa dang / dam bcas pa nyams su lon par byed pas bsdus so/ /legs par bya ba'i las byed pa ni gdung ba med pa dang / 'gyod pa med pas bsdus so/ /gdung ba med pa ni tshul khrims yongs su dag pa dang / ting nge 'dzin yongs su dag pas bsdus so/ /bde ba ni kun rdzob kyi bden pa dang / don dam pa'i bden pas bsdus so/ /yang dag pa nyid ni de bzhin nyid dang / de kho na nyid kyis bsdus so/ /brten pa'i rjes su 'thun pa ni rgyu dang / rkyen gyis bsdus so/ /rtag pa dang chad pa rnam par spong ba ni skye ba med pa dang / 'gag pa med pas bsdus so/ /rigs pa ni las kyi rnam par smin pa la yid ches pa dang / las dang mi 'gal bas bsdus so/ /tshul ni dben pa'i tshul dang / mi skye ba'i tshul gyis bsdus so/ /yang dag pa'i spong ba ni mi dge ba'i chos spong ba dang / dge ba'i chos chud mi gson pas bsdus so/ /brtson pa mi 'dor ba ni lus kyi stobs dang / sems kyi stobs kyis bsdus so/ /rtul ba ni spro ba dang / gzhan gnon pas bsdus so/ /rtsol ba ni de la ma zhen pa dang / phyir mi ldog pas bsdus so/ /dge ba'i bshes gnyen ni ldang ba dang / rim gro byed pas bsdus so/ /chos don du gnyer ba ni ye shes 'dod pa dang / rnam par grol bar 'dod pas bsdus so/ /zhi gnas kyi tshogs ni lus dben pa dang / sems dben pas bsdus so/ /lhags mthong gi tshogs ni thos pa tshol bas ngoms mi myong ba dang / tshul bzhin yid la byed pas bsdus so/ /nyan par 'dod pa ni thal mo sbyor ba'i las dang / lus rab tu 'dud pas bsdus so/ /ri mo byed pa ni bden pa dang / mi slu bas bsdus so/ /lus yang</font><hr>52.260b<br><font size=+1>

ba ni kha zas kyi tshod shes pa dang / nam gyi cha stod dang nam gyi cha smad la mi nyal bar sbyor ba la rjes su sbyor bas bsdus so/ /sems yang ba ni 'dun pa dang / dpyod pas bsdus so/ skyo ba ni mi rtag pa dang / sdug bsngal gyis bsdus so/ /'dod chags dang bral ba ni nga yi ba med pa dang / yongs su 'dzin pa med pas bsdus so/ /rgyu ni chud mi za ba dang / de'i rgyu las ldog pas bsdus so/ /'bras bu ni ci rigs par mi slu ba dang / mos pa ji lta ba bzhin du 'bras bu la 'dzin pas bsdus te/ rigs kyi bu chos drug cu rtsa bzhi po de dag ni chos brgya nyi shu rtsa brgyad po 'di dag gis bsdus so/ /rigs kyi bu 'di ni chos thams cad mdor bstan pa ste/ gal te kho bos tshig gcig las lhag pa dang / tshig gnyis las lhag par bstan pas bskal pa 'am bskal pa las lhag par chos bstan pa bshad kyang chos rnams kyi chos nyid zad par yang mi 'gyur la/ kho bo'i spobs pa yang zad par mi 'gyur ro/ /chos bsdu ba'i le'u'i chos kyi rnam grangs 'di bstan pa na byang chub sems dpa' lag na rin po ches byang chub sems dpa' nam mkha' mdzod dang / chos kyi rnam grangs 'di la mchod pa bya ba'i phyir rin po che'i lag pa g.yas pas stong gsum gyi stong chen po'i 'jig rten gyi khams 'di khebs par byas so de nas skad cig de nyid la phyogs bcu'i 'jig rten gyi khams na me tog dang / bdug spos dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dang / rol mo dang / sil snyan gyi sgra ci yod pa de dag rin po che'i lag pa g.yas pa de las rab tu bab bo/ /me tog gi char des stong gsum gyi stong chen po'i 'jig rten gyi khams 'di thams cad pus nub tsam du yog par gyur to/ /nam mkha'i dkyil thams cad kyang gdugs dang / rgyal mtshan dang / ba dan dang / gos kyis legs par brgyan par gyur to/ /sil snyan gyi sgra de dag las 'di lta bu'i tshigs su bcad pa dag kyang byung ste/ yon tan bdog pa yon tan</font><hr>52.261a<br><font size=+1>

rgyas pa yon tan brgyas gang ba/ /bdud kyi 'gro ba rnam sel dran dang blo gros rtogs dang ldan/ /skyes bu dam pa dge sbyong mchog gi skad ni mdzes par 'byung / /phyogs bcu rnams su rgyu bas srid pa rnam par sel bar byed/ /shin du rab tu mos par phul gyis rab tu rgyas pa po/ /srid pa brgya ni rnam par sel cing rdul dang mun pa bral/ /lha dang mi rnams 'jig pa med pa'i grong khyer 'gro ba sgrol/ /srid pa med cing stobs bcu ldan pa nam mkha' mnyam pa'i yid/ /sgra 'byin mdzes shing shin du snyan la rab tu zhi ba'i bzhin/ /tha ba med cing mi khyud dri med dri ma rab tu sel/ /srid pa gsum po dag na mtshungs med lha dang mi yis mchod/ /srid pa med cing 'gro ba dag la bde sbyin phan pa byed/ /dran dang blo gros rtogs dang mos pas spyad pa legs par spyad/ /stobs bcu rnams dang rab kyi stobs kyis gzhan gyi stobs kyang 'jom/ /pha rol dpung rnams rnam par 'thor ba 'chi med go 'phang 'thob/ /srid pa med cing skyes bu dam pa mkhas pa'i sgra yang 'byin/ /'khor 'di las ni gang dag tu yang ma song ma g.yos par/ /phyogs bcu rnams su lha mi mang po dag kyang rnam par btul/ /gang du 'ang mi gnas blo gros ci 'dra de ltar rab tu gnas/ /chos kyi dbyings las mi g.yo bar yang sa ni g.yo bar byed/ /nyi ma'i 'od kyis mun pa rnam par sel cing rdul spong ltar/ /de bzhin skyes bu dam pa 'di yang rdul dang mun pa sel/ /shes rab 'od kyis rab tu lhan pa 'od kyi dpal gyis rgyas/ /thub pa'i 'od kyis khyab nas bdud kyi gnas kun mog mog gyur/ /mkha' la rlung mar bzhin du sems can spyod pa'i rjes su zhugs/ /gnas pa ma yin rtog pa med cing rtog pa kun dang bral/ /'gro ba kun gyi rjes su song ba yid ni mkha' dang mnyam/ /'di 'dra'i rgyal sras de dag la ni lha mis phyag byas so/ /stong gsum dag gi rgya mtsho'i chu ni gzhal bar nus kyang srid/ /phyogs bcu dag gi nam mkha'i bya rjes brjod par nus kyang srid/ /mi 'ga'</font><hr>52.261b<br><font size=+1>

zhig gis sems can kun sems gcig tu byed srid kyi/ /thub pa'i sras kyi yon tan chen po zad par mi nus so/ /tshigs su bcad pa sgrub pa 'di bstan pa 'di bshad pa na bdud sdig can gyis yan lag bzhi pa'i dpung gi tshogs sprul nas/ bcom ldan 'das kyi 'khor gyi khyams ga la ba der song ste phyin pa dang 'khor gyi khyams kyi phyi rol na 'dug ste/ bdag nyid khyim bdag gi gzugs su sprul nas/ bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ bcom ldan 'das la 'di skad ces gsol to/ /byang chub sems dpa' nam mkha' mdzod dang / lag na rin po che dang skyes bu dam pa 'di gnyis ni yon tan gyi chos tshad ma mchis pa dang ldan te/ de bzhin du byang chub sems dpa' gzhan dag kyang 'di lta bu ngo mtshar dang rmad du byung ba'i chos dang / cho 'phrul 'jig rten du ston to/ /yang bcom ldan 'das cho 'phrul 'di dag la yid ches pa'i sems can la la 'byung bar 'gyur ba mchis sam/ bcom ldan 'das kyis bka' stsal pa/ rgya mtsho chen po las skra'i rtse mo'i thog mas chu blangs pa ji snyed pa de snyed kyi sems can rnams ni skyes bu dam pa 'di dag gi cho 'phrul la yid ches par 'gyur ro/ /rgya mtsho'i chu'i phung po ji tsam pa de bas kyang mang du ni mi mos par 'gyur ro/ /de nas bdud sdig can tshig 'di thos nas tshim zhing mgu la yi rangs te rab tu dga' nas dga' ba dang mgu ba dang yid bde ba skyes nas bro brdungs te 'khor de nas song ngo / /de nas yang tshe dang ldan pa shA ri'i bus bcom ldan 'das la 'di skad ces gsol to/ /bcom ldan 'das skyes bu 'di ci'i slad du 'di ltar dga' ste/ 'khor 'di nas mchis/ bcom ldan 'das kyis bka' stsal pa/ shA ri'i bu 'di ni bdud yin te/ khyim bdag gi gzugs kyis chos kyi rnam grangs 'di nub par bya ba'i phyir/ de bzhin gshegs pa'i gan du 'ongs te/ des gang chos kyi rnam grangs 'di la mos</font><hr>52.262a<br><font size=+1>

par 'gyur ba'i sems can nyung zad cig 'byung bar thos nas dge sbyong gau ta ma'i phyogs ni nyung / bdag gi phyogs ni mang ngo zhes de ltar dga' nas ched du brjod pa ched du brjod de 'khor 'di nas song ngo / /de nas yang byang chub sems dpa' nam mkha' mdzod kyis bdud sdig can la 'di skad ces smras so/ /sdig can ngo bstan nas ci'i phyir slar 'gro/ de nas bdud sdig can 'di snyam du sems te/ byang chub sems dpa' nam mkha' mdzod dang / de ma yin pa'i byang chub sems dpa' dag gis kyang tshor na/ de bzhin gshegs pas lta smos kyang ci dgos te/ bdag da rang gi gnas su 'gro'o snyam mo/ /de nas byang chub sems dpa' nam mkha' mdzod kyis bdud sdig can g.yog dang bcas te/ nam mkha'i dkyil na 'dug nas rang gi gnas su 'gro mi nus par de ltar byin gyis brlabs so/ /de nas yang byang chub sems dpa' nam mkha' mdzod kyis bdud sdig can la 'di skad ces smras so/ /sdig can nam mkha' ni sgrib pa med pa yin na ci'i phyir rang gi gnas su mi 'gro/ bdud kyis smras pa/ rigs kyi bu khyed la ni nam mkha' mi sgrib mod kyi bdag cag gis ni mun par mthong ste/ gang dang gang gi tshe ngo gyen du bltas pa de dang de'i tshe na ni mun pa mun nag tu mthong ngo / /nam bcom ldan 'das kyi 'khor gyi dkyil 'khor la bltas pa de'i tshe ni thams cad du snang bar mthong ngo / /smras pa/ sdig can de de lta'o/ /gang chos dkar po la sems pa'i sems can rnams kyi mun pa ni bdud kyi las yin no zhes bka' stsal to/ /smras pa/ skyes bu dam pa deng phyin cad bdud kyi las mi bgyi'o/ /smras pa/ 'di lta bu'i sems can rnams kyi nang na dam bcas pa la brtan par \u0f99\u0f7ada par dkas sdig can g.yog dang bcas te bobs la de bzhin gshegs pas bstan pa'i chos 'dul ba nyon cig /de nas bdud sdig can mi 'dod bzhin du nam mkha'i dkyil de nas g.yog dang bcas te babs so/ /de nas byang chub sems dpa' nam mkha' mdzod kyis byang chub sems dpa'i 'khar</font><hr>52.262b<br><font size=+1>

de dag la smras pa/  rigs kyi bu dag khyed rnams kyis bdud kyi las kyi lam las yang dag par 'da' ba'i chos kyi sgo rnams la spobs par gyis shig /de'i tshe byang chub sems dpa' gser gyi ri'i rgyal po zhes bya ba des 'di skad ces smras so/ /gang yul yongs su 'dor ba de dag ni bdud kyi yul la chags pa'o/ /gang yul thams cad sangs rgyas kyi yul yin par rig pa de dag ni sangs rgyas kyi yul rig pa ste/ sangs rgyas kyi yul de yang mi mthong na rang gi yul lta ga la mthong ste/ de ltar yul las shin du 'das pa'i byang chub sems dpa' ni bdud kyi yul las yang dag par 'das te/ 'di ni bdud kyi yul las yang dag par 'da' ba'i chos kyi sgo'o/ /byang chub sems dpa' rin chen dpal gyis smras pa/ sems kyi dmigs pa ni bdud kyi yul te/ gang chos gang la yang mi dmigs pa de la bdud kyis ci zhig byar yod/ de gzhi med pas rnyed de/ brten pas rnyed pa ni ma yin la dus las yang rtog par 'gyur ba de ni byang chub sems dpa'i bdud kyi yul las yang dag par 'da' ba zhes bya ba'i chos kyi sgo'o/ /byang chub sems dpa' lag na rin po ches smras pa/ yongs su 'dzin pa dang bcas pa la ni bdud kyis glags rnyed kyi chos gang yang yongs su mi 'dzin pa de ni su dang yang mi rtsod de/ de gcig pu gnyis su med pas bdag gi sems dang gnas pa dang yang lhan cig mi gnas na bdud dang lhan cig gnas pa lta ci smos te/ mi gnas pa'i byang chub sems dpa' ni bdud kyi yul las yang dag par 'da'o/ /byang chub sems dpa' rin chen 'phags kyis smras pa/ gang ltung ba de ni 'bod pa ste/ gang 'bod pa de la bdud kyis glags rnyed par 'gyur gyi/ gang mi ltung ba de ni mtshan ma'i rjes su 'brang ba'i rnam par shes pa mi 'jug ste/ mtshan ma med pa'i mtha' la rab tu gnas pa'i byang chub sems dpa' ni bdud kyi yul las yang dag par 'da'o/ /byang chub sems dpa' rin chen sems kyis smras pa/ bcom ldan 'das kyis kyang nyon mongs pa ni gzugs brnyan dang mig yor lta bu'o zhes</font><hr>52.263a<br><font size=+1>

gsungs te/ gang gzugs brnyan dang / mig yor lta bu de la 'pho ba yang med/ mi 'pho ba yang med/ 'ongs pa yang med/ song ba yang med/ nang na yang med/ phyi rol na 'ang ma yin te/ yul la mi gnas shing phyogs na mi gnas par shes pa de ni nyon mongs pa thams cad dang lhan cig mi gnas te/ de rnam par mi rtog pas nyon mongs pa mi slong ngo / /rnam par mi rtog pas nyon mongs pa mi 'gog go/ /de ltar rnam par mi rtog cing kun du rtog pa spangs pa'i byang chub sems dpa' ni bdud kyi yul las yang dag par 'da'o/ /byang chub sems dpa' dkon mchog 'byung gnas kyis smras pa/ gang dga' ba de ni bag la nyal lo/ /gang mi dga' ba de ni khong khro ba'o/ /gang dga' ba 'ang med mi dga' ba 'ang med pa de ni rjes su chags par mi 'gyar zhe 'gras par yang mi 'gyur ro/ /rjes su chags pa med cing zhe 'gras pa med pa ni mnyam pa nyid la gnas pa zhes bya'o/ /gang mnyam pa nyid la gnas pa de ni chos gang yang tha dad du mi byed do/ /tha dad pa med pa la gnas pa ni mnyam pa dang mi mnyam par mi sems te/ bsam du med pa'i chos thob pa la bdud kyis glags mi rnyed do/ /byang chub sems dpa' rin chen 'dor gyis smras pa/ bdag kun nas ldang ba las bdud kyi las rnams ltang ste/  bdag rnam par dag par gnas pa la bdud kyis ci zhig byar yod/ de ci'i phyir zhe na/ bdag rnam par dag pas nyon mongs pa rnam par dag go/ /nyon mongs pa rnam par dag pas chos thams cad rnam par dag go/ /gang chos thams cad rnam par dag pa de ni nam mkha' rnam par dag pa ste/  nam mkha' rnam par dag pa la gnas pa'i byang chub sems dpa' ni bdud kyi yul las yang dag par 'da'o/ /byang chub sems dpa' chos kyi rgyal pos smras pa/ ji ltar rgyal po'i dbang bskur ba thob pa'i stobs dang 'khor mang po dang ldan pa su la 'ang mi 'jigs pa de bzhin du/ byang chub sems dpa' dbang bskur ba thob pa chos rin po che'i 'khor dang ldan pa yang bdud thams cad kyis mi 'jigs so/ /</font><hr>52.263b<br><font size=+1>

de la dbang bskur ba de ni sangs rgyas kyi chos mthar phyin pa rnams yongs su rdzogs pa'o/ /chos rin po che'i 'khor ni gang phyogs bcu'i sangs rgyas kyis gsungs pa'i chos rnams 'dzin pa'o/ /de lta bu la gnas pa'i byang chub sems dpa' ni bdud kyi yul thams cad las yang dag par 'das pa zhes bya ste/ 'di ni bdud kyi yul las yang dag par 'da' ba zhes bya ba'i chos kyi sgo'o/ /byang chub sems dpa' ri rdob rgyal pos smras pa/ de 'di lta ste dper na/ bu gar rlung 'jug pa de bzhin du gang nas gang du sems kyi bu ga yod pa de dang der bdud kyis glags rnyed do/ /de lta bas na byang chub sems dpas rtag tu sems bu ga med par bya'o/ /de la bu ga med pa'i sems ni 'di lta ste/ rnam pa thams cad kyi mchog dang ldan pa'i stong pa nyid yongs su rdzogs pa ste/ 'di ni byang chub sems dpa' bdud kyi yul las yang dag par 'da' ba zhes bya ba'i chos snang ba'i sgo'o/ /byang chub sems dpa' mthong na dgas smras pa/ gang ji snyed chung zad mthong ba'i nang na sangs rgyas dang chos mthong na de dag gi mchog ces bya'o/ /de la sangs rgyas mthong ba de ni gang gzugs su mi mthong ba dang / tshor ba dang / 'du shes dang / 'du byed rnams dang / rnam par shes par mi mthong ba ste/ gang chos thams cad mi mthong ba de ni yang dag pa'i mthong ba'o/ /yang dag pa'i mthong ba ni sangs rgyas mthong ba'o/ /de la chos mthong ba ni gang yid la byed pa thams cad mi spyod pa'o/ /gang mi 'gyur bar mthong ba de ni 'dod chags dang bral ba'o/ /gang 'dod chags dang bral ba de ni chos mthong ba zhes bya ste/  gang byang chub sems dpa' de ltar sangs rgyas mthong ba dang / chos mthong ba dang ldan par gyur pa de ni bdud kyi yul las yang dag par 'da' ba zhes bya ba'i chos kyi sgo'o/ /byang chub sems dpa' mig 'phrul can gyis smras pa/ bdud kyi las ni g.yo ba dang snyems pa dang bskyod pa las langs te/ de la gang gzhi las g.yo ba dang snyems pa dang bskyod pa'i gzhi</font><hr>52.264a<br><font size=+1>

de byang chub sems dpas mi bya'o/ /de ni tshul bzhin ma yin pa yid la byed pa'o/ /de tshul bzhin rab tu sbyar bas mi g.yo mi snyems mi bskyod do/ /de mi g.yo mi snyems mi bskyod pas bdud kyi yul las yang dag par 'da'o/ /byang chub sems dpa' yon tan rgyal po snang gis smras pa/ gnyen po ji snyed par bdud kyi las kyang de snyed do/ /gnyen po med pa ni chos kyi dbyings so/ /chos thams cad ni chos kyi dbyings su yang dag par 'dus te/ de bas na gang gis chos kyi dbyings rtogs pa des chos thams cad rtogs so/ /chos kyi dbyings las gud na yang bdud kyi las mi dmigs so/ /gang chos kyi dbyings ji lta bur bdud kyi las kyang de bzhin te/ chos kyi dbyings de bzhin nyid las tha mi dad do/ /de ltar tshul gcig la 'jug pa'i rjes su song ba'i byang chub sems dpa' ni bdud kyi yul las yang dag par 'da'o/ /byang chub sems dpa' spos kyi glang po'i bal glang gis smras pa/ nyam chung ba la ni bdud kyis glags rnyed de/ /stobs dang ldan pa la ni bdud kyis glags mi rnyed do/ /de la nyam chung ba de ni rnam par thar pa'i sgo gsum gyis skrag pa'o/ /de la stobs dang ldan pa de ni rnam par thar pa'i sgo gsum gyis mi skrag pa ste/ mngon bsum pas mi skrag go/ /shin du rtogs pas na mi skrag go/ /rab tu sgoms pas na mi skrag ste/ de skrag pa med pas bdud kyi yul las yang dag par 'da'o/ /de ni bdud kyi yul las yang dag par 'da' ba zhes bya ba'i chos snang ba'i sgo'o/ /byang chub sems dpa' byams pas smras pa/ 'di lta ste dper na rgya mtsho chen po'i chu ro gcig pa bzhin du chos kyi ye shes kyi rgya mtsho chen po 'dir chos thams cad kyang ro gcig go/ /gang bdud kyi las rnams dang gang sangs rgyas kyi phrin las de dag thams cad ni stong pa nyid du mtshungs/ mtshan ma med par mtshungs/ smon pa med par mtshungs/ skye ba med par 'tshungs 'byung ba med par mtshungs te/ ro gcig pa la zhugs pa'i byang chub sems dpa' ni bdud kyi yul las yang dag par 'da'o/ /</font><hr>52.264b<br><font size=+1>

byang chub sems dpa' nam mkha' mdzod kyis smras pa/ kye grogs po dag nam mkha' ni yul thams cad las yang dag par 'das te/ nam mkha' ni mig gi yul ma yin/ rna ba dang / sna dang / lce dang / lus dang / yid kyi yul ma yin no/ /chos thams cad ni nam mkha'i ngo bo nyid kyi yul te/ lus dang ngag ni nam mkha' dang mnyam pa nyid kyi rjes su song ba'i ye shes snang ba'o/ /ye shes snang ba thob pa'i byang chub sems dpa' ni bdud kyi yul las yang dag par 'da' ste/ de ni bdud kyi yul las yang dag par 'da' ba zhes bya ba'i chos kyi sgo'o/ /byang chub sems dpa' 'jam dpal gyis smras pa/ skyes bu dam pa khyed rnams kyis ji snyed bshad pa de thams cad kyang bdud kyi las dang bdud kyi yul lo/ /de ci'i phyir zhe na/ yi ger byas pa rnams ni rnam par rig pa ste/ sangs rgyas kyi gsung ni yi ge med pa'o/ /tshig ji snyed par bdud kyi las kyang de snyed de/  tshig med pa la bdud kyis ci zhig byar yod/ gang tshig med pa ni rnam par rig pa med pa ste/ bdag dang pha rol yang dag par rjes su mi mthong ngo / /bdag med cing pha rol med pas chos gang la yang phan 'dogs pa 'am/ gnod pa byed par gnas pa ma yin no/ /de ltar rjes su rtogs pa ni bdud kyi yul las yang dag par 'da' ba ste/ rigs kyi bu de ni byang chub sems dpa'i bdud kyi yul las yang dag par 'da' ba zhes bya ba'i chos kyi sgo'o/ /de nas byang chub sems dpa' nam mkha' mdzod kyis bdud sdig can la 'di skad ces smras so/ /sdig can khyod kyis bdud kyi yul las yang dag par 'da' ba'i chos kyi sgo 'di thos sam/ smras pa/ thos so/ /smras pa/ sdig can khyod kyis 'di lta bu'i chos kyi tshul la rab tu zhugs pa'i byang chub sems dpa' rnams la bdud kyi las byed nus sam/ smras pa/ rigs kyi bu gang gis bdud kyi yul las yang dag par 'da' ba'i chos kyi sgo 'di thos sam/ nyan pa de dag la yang bdag gis bdud kyi las byed mi</font><hr>52.265a<br><font size=+1>

nus na/ ye shes kyis mngon sum du rtogs pa'i byang chub sems dpa' rnams la lta ci smos/ de nas yang byang chub sems dpa'i g.yog byed pa tshogs bral ldan dang / dga' tshogs ldan dang / spos can dang / khang bzangs can dang lha bzhi po de dag gis bdud sdig can la 'di skad ces smras so/ /sdig can gyi mngon sum du bcom ldan 'das kyis byang chub kyi snying por sngon stobs dang /  drag shul dang / bkod pa dang / g.yog ji lta bu dang lhags pa de ni bcom ldan 'das kyis byams pa dang / snying rje dang / sbyin pa dang / dul ba dang / yang dag par sdom pa dang / des pa dang / tshul khrims dang / thos pa dang / ting nge 'dzin dang / shes rab dang / brtson 'grus brtan cing 'bar ba dang / bsod nams dang /  ye shes kyi tshogs bsags pa'i phyag rin po che sa la brdabs pa dang / 'jig rten gyi khams mtha' yas mu med par rab tu g.yos te/ khyod stobs dang bcas par shin du pham par byas pa de de ltar khyod la mngon sum du gyur bzhin du yang bcom ldan 'das dang byang chub sems dpa' rnams la bdud kyi las byed du 'ong ngam/ de bzhin gshegs pa byang chub sems dpa'i 'khor dang bcas pa rnams la mchod pa'i las byos shig /de nas bdud sdig can gyis rin po che'i gdugs bye ba phrag brgyad khri bzhi stong mngon par sprul te 'khor dang bcas pa la phul lo/ /lha'i me tog dang / spos dang / phreng ba dang / byug pa rnam pa tha dad pa mang po thogs te/ bcom ldan 'das ga la ba de logs su gtor nas g.yog dang bcas pas tshig 'di skad ces smras so/ /gal te byang chub sems dpa' nam mkha' mdzod kyis nam mkha'i mdzod 'di bdag cag la stsal na bdag cag bla na med pa yang dag par rdzogs pa'i byang chub tu sems bskyed do/ /byang chub sems dpa' nam mkha' mdzod kyis smras pa/ sdig can khyod kyis nam mkha'i mdzod 'di mthong ngam/ smras pa/ rigs kyi bu mthong ngo / /'dod pa'i khams thams cad kyi bkod pa ji snyed pa dang / sangs rgyas kyi zhing thams cad kyi</font><hr>52.265b<br><font size=+1>

bkod pa ji snyed pa dang / bdag gi gnas kyi bkod pa ji snyed pa de dag pas ches lhag pa 'dir mthong ste/ de la ni lha'i 'am mi'i rin po che'i longs spyod de gang yang med pa ma yin no/ /smras pa/ sdig can khyod nam mkha'i mdzod 'di dag thams cad sbyin gyis/ bla na med pa yang dag par rdzogs pa'i byang chub tu sems skyed cig /de nas bdud sdig can gyis srog chags brgyad khri bzhi stong dang lhan cig tu bla na med pa yang dag par rdzogs pa'i byang chub tu sems bskyed do/ /de'i tshe bzhin mi sdug pa la sogs pa bdud kyi bu lnga brgya ma dad cing chos ma yin pa 'dod pas de dag tshig 'di skad ces bdag cag gi phas byang chub tu sems bskyed du zin kyang / bdag cag ni 'di lta bu'i chos kyi rnam grangs nub par bya ba'i phyir 'bad par bya'o zhes 'dzer to/ /de'i tshe bcom ldan 'das kyis byang chub sems dpa' nam mkha' mdzod la bka' stsal pa/ rigs kyi bu khyod kyi rig pa'i gsang sngags kyi tshig gang gis bdud gang gA'i klung gi bye ma snyed byang chub la bkod pa bdud tshar gcod pa'i rig pa'i gsang sngags kyi tshig la khyod spobs par gyis shig /de nas byang chub sems dpa' nam mkha' mdzod kyis de'i tshe rig pa'i gsang sngags kyi tshig 'di dag smras so/ /'di lta ste/ a bat+te/ bi bat+te/ sa~M bat+te/ sa hi ta nu san+d+hi/ du hu t+ta ra No/ nir+g+ha ta ni/ maitra yuk+ta/ kA ru Na niSh+yan+te/ sat+ya ba ti/ b+hU rak+She/ d+harma ni brit+te/ d+harma rak+She/ ak+khu le/ ni khi li ni/ hu lu hu lu hu lu hu lu hu lu/ tat+ka re/ tha ba di te/ shI la a nu brti/ akA ya ni rde she/ kle sha ba ri She/ bud+d+ha a d+hi te d+harma dz+wa li ni/ saM g+ha a nu ga me/ a nud+d+ha re/ an+ti kra ma Ni ye/ ni gra ha Ni ma ra pa k+Sha s+ya yuk+ti kr-i te/ a dan+te/ a sha ste/ swa bi Sha ya a nu ga me/ Ar+ya gu Na ka re/ sid+d+hi sid+d+hi ba te/ mok+Sha a nu ku le/ ni gra ha ni ba ra pra ti nAM/ d+haR+Sha Ni ma ra paR+Sha ta/ a ba shan+tA tsatwA ro ma hA rA dzA na/ sha ko de bA nA ma in+d+ra brah+ma sa ha pa ti/ bud+ha pra sa nA nA~M/ de ba nA ga /yak+Sha gi ta~M pa ri tra NA~M/ s+tha pi tA na swa sta yA nA~M/ d+harma b+ha na ka nA~M/ a rak+Sha ye/ sad+d+harma s+ya tsa ba ri ga he ye/ </font><hr>52.266a<br><font size=+1>

de nas byang chub sems dpa' nam mkha' mdzod kyis rig pa'i gsang sngags kyi tshig 'di dag smras ma thag tu/ skad cig de nyid la stong gsum gyi stong chen po'i 'jig rten gyi khams rnam pa drug tu g.yos so/ /bdud kyi bu lnga brgya ma dad cing chos ma yin pa 'dod pa de dag gis bar snang las sgra 'di skad ces bdud dam/ bdud kyi ris kyi bu 'am/ bdud kyi ris kyi lha gang rig pa'i gsang sngags kyi tshig 'di dag thos nas byang chub tu sems mi skyed cing / bdud kyi las rnams mi 'dor ba de la gnod sbyin lag na rdo rjes rdo rje kun du 'bar zhing rab tu 'bar bas spyi bo 'gems so zhes thos nas/ bdud kyi bu de dag gis bar snang la bltas pa dang / de dag gis lag na rdo rje lnga brgya bdag bdag gi spyi bo na rab tu 'bar ba'i rdo rje thogs shing 'dug pa mthong nas de dag 'jigs shing skrag ste byang chub tu sems bskyed do/ /de nas bcom ldan 'das de'i dus na 'dzum pa mdzad pa dang / 'dzum pa de'i don tshe dang ldan pa kun dga' bos bcom ldan 'das la zhus nas/  de la bcom ldan 'das kyis bka' stsal pa/ kun dga' bo bdud kyi bu lnga brgya po 'di dag 'jigs shing skrag ste/ bla na med pa yang dag par rdzogs pa'i byang chub tu sems bskyed pa mthong ngam/ gsol pa/ bcom ldan 'das mthong ngo / /bcom ldan 'das kyis bka' stsal pa/ kun dga' bo nam bdud sdig can de byang chub thob par 'gyur ba de'i sangs rgyas kyi zhing der/ de dag thams cad kyang ming tha dad pa'i byang chub sems dpar 'gyur ro/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das ji srid na bdud sdig can bla na med pa yang dag par rdzogs pa'i byang chub tu mngon par rdzogs par 'tshang rgya/ de byang chub thob nas ming ji skad ces bgyi bar 'gyur/ de'i 'jig rten gyi khams kyang ming ci zhes bgyi bar 'gyur/ bcom ldan 'das kyis bka' stsal pa/ kun dga' bo bdud sdig can</font><hr>52.266b<br><font size=+1>

'di da dung yang phyogs bcu'i sangs rgyas kyi zhing rnams su bdud kyi bya ba byed de/ sangs rgyas bcom ldan 'das de dag las kyang rdo rje'i snying po nyon mongs pa rab tu 'jom pa'i chos bstan pa 'di thos par 'gyur zhing / sangs rgyas rnams dang / byang chub sems dpa' rnams kyi cho ga gsang ba dang / spyod pa pa dang / yon tan dang / tshul khrims kyi gnas dang / spyad pa dang / cho ga dang / sbyor ba mthong bar 'gyur te/ ci tsam gyis byang chub kyi sems de brtan par gyur pa de na de bzhin gshegs pa mtha' yas dri ma med pa'i tog ces bya ba 'byung ste/ de'i gsung rab la bdud sdig can 'di yang tha mar bdud kyi las byed de/ de dge ba'i rtsa ba yongs su smin nas sems med pa'i sems kyis sangs rgyas dang / chos kyi snang ba thams cad rnam par dag pa'i rjes su song zhing byang chub kyi sems bskyed do/ /de'i 'og tu grangs med pa bgrang ba las 'das pa'i de bzhin gshegs pa mnyes par byed de/ sti stang byed/ bla mar byed/ ri mor byed cing mchod par byed par 'gyur ro/ /sangs rgyas bcom ldan 'das de dag gi bstan pa la rab tu 'byung bar 'gyur ro/ /rab tu byung nas kyang dam pa'i chos dus gsum du yongs su 'dzin par 'gyur/ sems can tshad med pa yang byang chub la yongs su smin par byed par 'gyur ro/ /de de'i 'og tu bskal pa grangs med pa bzhi bcu rtsa bzhi na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ rnam par sbyong ba'i bskal pa la yongs su dag par gnas pa'i 'jig rten gyi khams su shin du gnas pa'i chos snang ba thob ces bya ba'i de bzhin gshegs pa dgra bcom pa yang dag par rdzogs pa'i sangs rgyas su 'jig rten du 'byung ste/ rig pa dang zhabs su ldan pa nas sangs rgyas bcom ldan 'das kyi bar du'o/ /yang kun dga' bo yongs su dag par gnas pa'i 'jig rten gyi khams de 'byor ba dang / rgyas pa dang / bde ba dang / lo legs pa dang / lha dang mis gang bar 'gyur ro/ /'di lta ste</font><hr>52.267a<br><font size=+1>

dper na/ kun dga' bo dga' ldan gyi lha'i longs spyod dang / kun spyod pa ci 'dra bar sems can de dag gi longs spyod dang / kun spyod pa yang de 'dra bar 'gyur ro/ /kun dga' bo de bzhin gshegs pa shin du gnas pa'i chos snang ba thob ces bya ba'i tshe'i tshad ni bar gyi bskal pa bzhi bcu thub par 'gyur ro/ /nyan thos bye ba phrag drug cu rtsa bzhi rnams kyi nyan thos kyi 'dus pa chen por 'gyur ro/ /byang chub sems dpa' khri nyis stong gi dge 'dun du 'gyur ro/ /kun dga' bo gang bdud dang / bdud kyi bu dang / bdud kyi ris kyi lha da ltar na bla na med pa yang dag par rdzogs pa'i byang chub la zhugs pa 'di dag thams cad kyang yongs su dag par gnas pa'i 'jig rten gyi khams der skye bar 'gyur te/ bcom ldan 'das de bzhin gshegs pa shin du gnas pa'i chos snang ba thob pa'i sangs rgyas kyi zhing du de dag thams cad de bzhin gshegs pa des bla na med pa yang dag par rdzogs pa'i byang chub tu lung ston par 'gyur ro/ /bdud sdig can lung bstan pa bshad pa 'di rab tu bstan pa na gang 'khor der 'dus pa'i brgya byin dang / tshangs pa dang / 'jig rten skyong ba de dag thams cad ngo mtshar du gyur nas/ 'di ltar bdud kyi las de snyed bgyid kyang de bzhin gshegs pa mthong ba don yod pas bla na med pa yang dag par rdzogs pa'i byang chub tu mya ngan las 'das bar 'gyur ba ni sangs rgyas bcom ldan 'das kyis legs par gsungs pa'i chos 'dul ba ngo mtshar to/ /bcom ldan 'das rigs kyi bu 'am/ rigs kyi bu mo su zhig gang zag la gang zag gis tshod gzung /  bcom ldan 'das sangs rgyas kyi yul 'di ni nyan thos dang / rang sangs rgyas thams cad kyi sa ma lags so zhes ched du brjod pa 'di ched du brjod do/ /bcom ldan 'das kyis bka' stsal pa/ de de bzhin no/ /grogs po dag ji skad smras pa bzhin te/ 'di ni sangs rgyas kyi yul lo/ /'on kyang grogs po dag sems ni rten cing 'brel par 'byung ba ste/ ngas sems can 'di dag chags pas gom pa</font><hr>52.267b<br><font size=+1>

'deg cing chags pa dang bral bas 'jog pa dang / kun nas nyon mongs pas chos gos 'dzin pa dang / nyon mongs pa dang bral bar gyon pa dang / len pa dang bcas pas zan kham gyis gcod pa dang / len pa med par mthong ste/ kye grogs po dag sems can gyi spyod pa ni sna tshogs so/ /mgo smos pas go ba dang / spros te bshad pas go ba dang / tshig lhur len pa'i sems can dag yod de/ de dag la de bzhin gshegs pa so so ci rigs par chos la gzud par bstan pa'i gtam rnams gsung ngo / /kye grogs po dag nyon mongs pa ni yul la yang mi gnas shing phyogs la 'ang mi gnas te/ nyon mongs pa ni bsags pa 'ang med/ phung po'i dngos po yang med do/ /tshul bzhin ma yin pa byung bas nyon mongs pa byung ngo / /tshul bzhin byung bas rnam par dag pa byung ngo / /de la de ltar kun nas nyon mongs pa 'byung ba de tshul bzhin brtags na rnam par dag pa 'byung bar 'gyur ro/ /ngas 'di las dgongs te log par lta ba yang dag pa ji lta ba bzhin du shes na de de'i yang dag par lta ba yin no zhes tshig 'di smras so/ /nam yang log par lta ba ni yang dag pa'i lta bar ma gyur/ mi 'gyur/ 'gyur ba med do/ /'on kyang ji ltar log par lta ba la log par rig nas de la mi gnas/ rab tu mi gnas/ spyod pa med/ rab tu spyod pa med pa de ni yang dag par lta ba'i lam la 'jug pa ste/ 'di ni yang dag pa'i lta ba zhes bya'o/ /kye grogs po dag nyon mongs pa ni sgrib par byed pa'o/ /rnam par dag pa ni snang ba'o/ /nyon mongs pa ni nyam chung ba'o/ /lhag mthong ni stobs dang ldan pa'o/ /nyon mongs pa ni glo bur ro/ /rang bzhin ni rtsa ba rnam par dag pa'o/ /nyon mongs pa ni kun du rtog pa'o/ /rang bzhin ni kun du rtog pa med pa'o/ /kye grogs po dag 'di lta ste dper na sa chen po 'di ni chu la rten to/ /chu ni rlung la rten to/ /rlung ni nam mkha' la rten to/ /nam mkha' ni rten pa med do/ /de bzhin du sa yi</font><hr>52.268a<br><font size=+1>

khams dang / chu'i khams dang / me'i khams dang / rlung gi khams dang / khams bzhi po 'di dag pas nam mkha'i khams ni thams cad kyi nang na stobs che zhing sra ste sogs pa med pa'o/ /sogs pa med pa ni ma skyes pa ma 'gags pa ste/ rang gi ngang gi tshul gyis gnas pa'o/ /de la gang khams gsum po de dag ni skye ba dang 'jig par ldan pa mi gnas pa ring du mi gnas pa ste/  'di dag ni 'gyur bar snang gi nam mkha'i khams la ni 'gyur ba gang yang med do/ /de bzhin du phung po dang / khams dang / skye mched ni las dang nyon mongs pa la gnas pa'o/ /las dang nyon mongs pa ni tshul bzhin ma yin pa yid la byed pa la gnas so/ /tshul bzhin ma yin pa yid la byed pa la ni rang bzhin yongs su dag pa la gnas te/ de'i phyir sems rang bzhin 'od gsal ba de glo bur gyi nyon mongs pas nye bar nyon mongs shes bya'o/ /de la gang tshul bzhin ma yin pa yid la byed pa dang / gang las dang nyon mongs pa dang / gang phung po dang / khams dang / skye mched thams cad kyang rgyu dang rkyen gyis yang dag par zin na ni skye/ rgyu dang rkyen ma tshogs na ni 'gag ste/ gang de'i rang bzhin de la ni rgyu yang med/ rkyen yang med/ tshogs pa yang med/ skye ba yang med/ 'gag pa yang med do/ /de la nam mkha'i khams ji lta bar rang bzhin yang de bzhin no/ /tshul bzhin ma yin pa yid la byed pa ji lta bar rlung yang de bzhin no/ /las dang nyon mongs pa ji lta bar chu yang de bzhin no/ /phung po dang / khams dang / skye mched rnams ji lta bar sa'i khams kyang de bzhin te/ de'i phyir chos thams cad ni rtsa ba yongs su chad pa zhes bya ste/ snying po med pa'i rtsa ba/ mi gnas pa'i rtsa ba/ dag pa'i rtsa ba/ rtsa ba med pa'i rtsa ba'o/ /kye grogs po dag de ni rang bzhin rnam par dag pa'i sgo zhes bya ba'i chos snang ba'i sgo ste sgo gang la brten nas byang chub sems dpa' rnams nyon mongs pa thams cad kyi sgo la mi gnas shing / rnam par dag pa'i sgo thams cad kyang mi snyems pa'o/ /</font><hr>52.268b<br><font size=+1>

de dag thams cad snyems pa yang dag par bcom pas tshul dang 'dra bar 'gro ba'i lam khong du chud de bdud kyi yul las yang dag par 'da' bar 'gyur ro/ /de dag bdud kyi yul las yang dag par 'das pas sangs rgyas kyi yul la rab tu gnas par 'gyur ro/ /de dag sangs rgyas kyi yul la rab tu gnas pas sems can thams cad kyi yul la 'jug par 'gyur ro/ /sems can thams cad kyi yul la zhugs pas chos kyi dbyings kyi yul 'khrug par mi byed par 'gyur ro/ /de dag chos kyi dbyings kyi rjes su song ste/ mnyam pa bye brag med pa thob pas thams cad mkhyen pa'i ye shes rjes su thob par 'gyur ro/ /bstan pa 'di bshad pa na byang chub sems dpa' mang po zhig las dang nyon mongs pa dang / chos kyi sgrib pa kun nas ldang ba dang / 'gyod pa kun nas ldang ba thams cad dang bral te mi skye ba'i chos la bzod pa thob par gyur to// //'phags pa nam mkha' mdzod kyis zhus pa/ bam po brgyad pa ste tha ma/ de nas dge bsnyen dpal sbas shes bya bas bcom ldan 'das kyi zhabs gnyis la phyag 'tshal nas/ bcom ldan 'das la 'di skad ces gsol to/ /bcom ldan 'das chos rnam par grol ba'i sgo chos kyi rnam grangs 'di ni bcom ldan 'das kyis bdag gi slad du bshad do/ /de ci'i slad du zhe na/ bcom ldan 'das bdag gis bcom ldan 'das bsad pa'i slad du shul zhugs kyis gtam par bgyis te bshos kyang dug dang bsres pa sbyar ba des/ bcom ldan 'das las bdag gis chos mang du thos kyang 'gyod pa rab tu bsal bar ma nus kyi/ bcom ldan 'das bdag gis chos kyi rnam grangs 'di thos nas 'gyod pa de thams cad ma mchis par gyur te/ chos thams cad la snang ba 'ang skyes so/ /bcom ldan 'das bdag ni 'gyod pa ma mchis the tshom ma mchis te snang ba thob pas bla na med pa yang dag par rdzogs pa'i byang chub tu sems bskyed par bgyi ste/ bcom ldan 'das dper na bdud sdig can ltar bdag kyang</font><hr>52.269a<br><font size=+1>

khyad par du mchi bar 'gyur ro/ /bcom ldan 'das kyis bka' stsal pa/ khyim bdag legs so legs so/ /ngas bshad pa'i don khyod kyis khong du chud de/ ngas khyim bdag khyod la lung bstan gyis sems dang lhag pa'i bsam pa 'dis bskal pa bzang po'i sangs rgyas bcom ldan 'das thams cad la sti stang du byas/ bla mar byas/ ri mor byas te mchod nas/ de dag gi thad nas tshangs par spyad pa spyod par 'gyur/ de dag gi dam pa'i chos kyang yongs su 'dzin par 'gyur ro/ /de'i 'og tu sangs rgyas bcom ldan 'das bgrang ba las 'das pa snyed cig mnyes par byas te/ bskal pa grangs med pa bdun brgya na shin du dri ma med pa'i bskal pa la/ de bzhin gshegs pa kun nas ldang ba thams cad rnam par sel ba zhes bya ba 'jig rten du 'byung ste/ rig pa dang zhabs su ldan pa zhes bya ba nas sangs rgyas bcom ldan 'das shes bya ba'i bar du 'gyur ro/ /de nas dge bsnyen dpal sbas kyis/ bcom ldan 'das las bdag bla na med pa yang dag par rdzogs pa'i byang chub tu lung bstan pa thos nas tshim zhing mgu la yid rangs te/ rab tu dga' nas dga' ba dang yid bde ba skyes te/  rgyan ji snyed thogs pa bcom ldan 'das kyi sku la gsol nas tshig 'di skad ces gsol to/ /bcom ldan 'das bdag gi khyim na gter chen po bzhi mchis te/ rin po che mang po dang / gser gyis yongs su gang ba'o/ /de dag las gter chen po gcig ni khyim gyi bu smad dang /  bran po dang / bran mo dang / las bgyid pa rnams la stsal to/ /gter chen po gcig ni dbul po slong ba thams cad la stsal to/ /gter chen po gcig ni dge slong phyogs bzhi nas lhags pa'i phyogs bzhi'i dge slong gi dge 'dun rnams la 'bul lo/ /gter chen po gcig ni sangs rgyas la sogs pa dge slong gi dge 'dun rnams la 'bul lo/ /bcom ldan 'das bdag ni yang bar gyur te nga yi ba ma mchis/ yongs su 'dzin pa yang ma mchis na bcom ldan 'das bdag legs par bshad pa'i chos 'dul ba la</font><hr>52.269b<br><font size=+1>

rab tu 'byung ste bsnyen par rdzogs shing dge slong gi tshul thob par bgyir gsol/ dge bsnyen dpal sbas legs par bshad pa'i chos 'dul ba la rab tu byung ste bsnyen par rdzogs nas dge slong gi tshul thob bo/ /de nas bcom ldan 'das la byang chub sems dpa' nam mkha' mdzod kyis 'di skad ces gsol to/ /bcom ldan 'das de bzhin gshegs pa yongs su mya ngan las 'das na bskal pa grangs ma mchis pa bye bar yang dag par bsgrubs pa'i byang chub 'di su 'dzin par 'gyur/  de nas 'khor de nas byang chub sems dpa' bye ba phrag drug bcu langs nas de dag thams cad thal mo sbyar te/ bcom ldan 'das la phyag 'tshal nas sgra skad dbyangs gcig tu tshigs su bcad pa 'di dag gsol to/ /bcom ldan rkang gnyis dam pa ni/ /mya ngan 'das slad bdag cag rnams/ /lus dang srog tu bcas btang ste/ /dam pa'i chos ni gzung bar spro/ /rnyed dang bkur sti spangs nas su/ /sten pa kun kyang rab spangs te/ /sangs rgyas ye shes bstan pa yi/ /chos 'di rjes su mi btang ngo / /dam pa'i chos ni gzung slad du/ /gshe dang mi snyan mchi ba dang / /ngan du smra ba'i tshig rnams kyang / /bzod pa de dag dang du blang / /tshul 'di rab tu bzung nas su/ /co 'dri ba dang sdigs pa dang / /mi bsngags pa dang mi snyan pa/ /de dag thams cad bzod par bgyid/ /dmigs pa dag la rab gnas pa/ /bdud kyi pho nya bdud kyi phyogs/ /dam pa'i chos la skur 'debs pa'i/ /dge slong dag ni 'byung bar 'gyur/ /tshul khrims 'chal pa sdig chos can/ /khyim pa dang ni bsten cing gnas/ /bkur bsti dag dang rnyed la brkam/ /chos 'di tshol ba mi bgyid do/ /'jig rten rgyang pan rnams dang 'dre/ /bdag la rab tu stod bgyid cing / /rab tu des pa rnams la smod/ /mi mkhas nga rgyal can dag 'byung / /dgon pa'i gnas ni spangs nas su/ /rtag tu 'du 'dzin rnams la dga'/ /'jig rten gsang tshig rnams la brtson/ /'jig tshogs la ni rab tu gnas/ /mi mkhas pa dag dge 'dun las/ /zhal ta byed la</font><hr>52.270a<br><font size=+1>

rtag tu brtson/ /bsam gtan bsam gtan byed spangs te/ /dkon mchog gsum dang 'dre mi byed/ /thos dang khrims kyis ma lags kyis/ /tshogs gyi nang na rnyed pa tshol/ /sbyin pa dag la phyir phyir brtson/ /rtog pa bcas shing mya ngan bcas/ /nga yir 'du shes gzung nas su/ /mdza' dang slong ster khyim la dga'/ /de dag der ni rab 'jug cing / /'jig rten pa yi gtam rnams bgyid/ /zhing gi don dang khyim gyi don/ /de dag nyo tshong bgyid la gnas/ /thong gshol shal ba rnams ldan yang / /bdag cag dge sbyong yin zhes 'dzer/ /dmigs pa yis ni rab tu bgyid/ /lta ba tha dad kun du gnas/ /stong pa nyid kyi chos thos nas/ /de dag g.yang sa bzhin du 'gyur/ /'jig rten pha rol mi spyod cing / /las kyi rnam par smin pa 'dor/ /brdzun du smra dang rab tu ldan/ /chos ma lags la chos su 'dzin/ /dge sbyong rgyal po rab 'khrug cing / /de ltar rab tu ma rungs pa/ /rnam par 'jig tshe sems can phyir/ /bdag cag dam chos gzung bar bgyi/ /mdo sde rnams kyang phan tshun du/ /'thun par spyod par mi byed de/ /rang rang gi ni smra rnams la/ /de dag rtag tu mos par bgyid/ /mdo sde gang dag rab zab cing / /rnam grol 'bras bur ldan pa rnams/ /rab tu 'dzin par mi bgyid de/ /de dag sna tshogs gtam rnams bgyid/ /'di 'dra ba yi dus 'di na/ /don bcas tshig 'brur ldan pa yi/ /legs par gsungs pa'i chos rnams ni/ /rab tu rnam par 'jig par 'gyur/ /de yi tshe na sems can yang / /rab tu rnam par 'jig par 'gyur/ /rgyal po'i las kyis bsdigs pa na/ /'jigs shing skrag nas 'bros par 'gyur/ /'jig dus rab tu mi zad pa/ /sdig pa'i dus ni 'di 'dra tshe/ /sangs rgyas kyis ni gang bshad pa/ /chos 'di bdag cag gzung bar bgyi/ /tshul 'di rab tu bzung nas su/ /gang dag chos la mi gnas pa'i/ /sems can rnams la byams par bgyi/ /de dag la</font><hr>52.270b<br><font size=+1>

ni snying rje'ang bgyi/ /sems can rnyed dang 'dod gnas pa/ /tshul khrims 'chal pa mthong nas su/ /de yi 'gro ba cir 'gyur zhes/ /mchi ma'ang rab tu dbyung bar bgyi/ /dam pa'i chos la skur 'debs pa/ /de dag 'phral du mthong na yang / /de dag gshe bar mi 'gyur bar/ /ring nas byams pa btsal bar bgyi/ /rab tu bsdams nas ngag gi las/ /nyams kyis ci nus bsrung bar bgyi/ /sdig pa la ni rab gnas pa/ /de la glo bur gtam mi bgyi/ /nor sbyin de bzhin sti stang gis/ /mi rnams yongs su smin bgyis nas/ /yang dag sdig med spyod yul gyis/ /slad kyis de dag bskul bar bgyi/ /khyim dang sten pa kun spangs te/ /don nyung ba dang bgyid nyung ba/ /bas mtha' dgon pa'i spyod yul ba/ /ri dgas bzhin du 'gyur bar bgyi/ /'phags pa'i rigs la dga' ba dang / /sbyangs pa'i tshul khrims gnas pa dang / /mnyam bzhag shes rab ldan pa dang / /g.yel ba ma mchis 'gyur bar bgyi/ /dul ba dang ni zhi ba dang / /grol bas grong du zhugs nas kyang / /sems can gang dag chos tshol ba/ /de la bdag cag chos bstan to/ /chos 'dod par ni rtogs nas su/ /shin du ring du 'ang mchi bar bgyi/ /chos la dga' zhing mos rnyed nas/ /sems can rnams kyi don yang bgyi/ /sems can rnams kyi 'khrul mang po/ /de dag mngon par mthong nas kyang / /chos dang nges par rab gnas nas/ /bdag la rab tu brtag par bgyi/ /sti stang bgyis dang ma bgyis la/ /ri rab lta bur gyur nas su/ /'jig rten gyis ni mi gos pa/ /'jig rten 'dren par 'gyur bar bgyid/ /dge slong tshul las nyams rnams kyi/ /mi snyan pa dag rtogs nas kyang / /las ni bdag gir bya bar bgyi/ /de dag las ni smin ma 'gyur/ /chos rnams la ni gnas pa la/ /nged la de 'dra'i chos rnams ni/ /ji lta bur yang yod med ces/ /gshed ma dag kyang 'gyod par 'gyur/ /bdag cag ming gi dge sbyong ste/ /dge sbyong yon tan med do zhes/ /yang dag bskul ba thos pa dang / /</font><hr>52.271a<br><font size=+1>

mdo sde 'di ni spong bar 'gyur/ /sna dang rna chad de dag ni/ /me long dga' bar mi 'gyur ltar/ /yang dag bskul ba thos pa dag /de dag dam chos spong bar 'gyur/ /dge slong gang dag dam pa'i chos/ /rab tu 'dzin par 'byung 'gyur te/ /de dag bzhin du tshul 'chos kyang / /gang yang chos 'di mi nyan to/ /rgyal po rnams kyang slu bar bgyid/ /skye bo chen po 'byed 'gyur yang / /sangs rgyas kyi ni byin brlabs kyis/ /sems can de rtag chos nyan 'gyur/ /dus ngan de tshe bdag cag rnams/ /sems can dag la sman slad du/ /lus dang srog kyang rab btang ste/ /dam pa'i chos ni gzung bar bgyi/ /'jig pa chen po'i dus de na/ /tshig tsam du ni ma lags kyi/ /sgrub pa snying por bgyid par yang / /mgon pos bdag cag bsam pa mkhyen/ /dam chos 'di ni yongs bzung na/ /bsod nams tshogs ni ji tsam mchis/ /chos kyi rgyal po 'od mdzod pa/ /'jig rten snang bar mdzad la zhu/ /de'i tshe bcom ldan 'das kyis byang chub sems dpa' nam mkha' mdzod la bka' stsal pa/ rigs kyi bu 'di lta ste dper na/ shar phyogs kyi stong gsum bcu'i 'jig rten gyi khams re re yang rdul phra rab kyi char rdul phra rab kyi rdul du bshig la/ de bzhin du lho dang / nub dang / byang dang / steng dang / 'og dang / phyogs bcu kun du stong gsum bcu'i 'jig rten gyi khams re re yang rdul phra rab kyi rdul du bshig ste/  de nas rdul phra rab de dag thams cad ji snyed par shar phyogs su sangs rgyas kyi zhing de snyed 'das shing rdul phra rab kyi rdul gcig bzhag la/ tshul de lta bur shar phyogs su rdul phra rab de thams cad zad zad du bzhag kyang / shar phyogs kyi sangs rgyas kyi zhing gi mthar thug pa gang yang med do/ /shar phyogs su ji lta ba de bzhin du phyogs bcu kun gyi phyogs re rer yang sangs rgyas kyi zhing de snyed do/ /rigs kyi bu 'di ji snyam du sems/ phyogs bcu'i sangs rgyas kyi zhing de dag gi rdul phra rab rnams tshul de lta bus phyogs bcur bzhag pa las tshad dam mtha' rtogs par nus sam/ gsol pa/ </font><hr>52.271b<br><font size=+1>

bcom ldan 'das de ni mi nus so/ /gzhan du na de bzhin gshegs pas sangs rgyas kyi ye shes chags pa mi mnga' bas mkhyen pa ni ma gtogs so/ /bcom ldan 'das kyis bka' stsal pa/ rigs kyi bu de ltar sangs rgyas kyi zhing ji snyed pa de dag las gang du rdul phra rab de dag bzhag par gyur pa'i sangs rgyas kyi zhing de dag thams cad grong khyer gcig tu gyur te brtsig pas bskor nas 'og gi chu'i phung po nas bzung ste srid pa'i rtse mo'i bar gyi grong khyer de dag yungs 'bru mi rtsub pa 'ba' shig gi yongs su gang bar gyur na rigs kyi bu 'di ji snyam du sems/ yungs 'bru de dag mang ngam/ gsol pa/ bcom ldan 'das de bzhin gshegs pas ji ltar dpe 'di btsal ba ngo mtshar to/ /bcom ldan 'das gang dpe 'di thos nas dad par 'gyur ba'i sems can de dag kyang ngo mtshar rmad du byung ba'i chos dang ldan par 'gyur ro/ /bcom ldan 'das kyis bka' stsal pa/ rigs kyi bu de bzhin gshegs pa ni yungs 'bru de dag brgya phrag 'di snyed ce 'am/ stong phrag 'di snyed cig ce 'am/ brgya stong phrag 'di snyed cig ce 'am/ dkrigs pa dang / gtams pa dang / khyad phyin dang / mi 'khrugs pa phrag 'di snyed cig ce 'am/ sangs rgyas kyi zhing 'di snyed cig ce 'am/ sangs rgyas kyi zhing brgya phrag 'di snyed cig ce 'am/ sangs rgyas kyi zhing stong phrag 'di snyed cig ce 'am/ sangs rgyas kyi zhing brgya stong phrag 'di snyed cig yod do/ /zhes rab tu mkhyen to/ /rigs kyi bu byang chub 'dod pa la la zhig gis sangs rgyas kyi zhing de snyed rin po che sna bdun gyis rab tu bkang ste/ sbyin pa byin pas ji ltar skyes bu dam pa dam pa'i chos yongs su 'dzin pa gang yon tan gyi chos 'di lta bu la gnas pa de dag gis de bzhin gshegs pa gcig gis dam pa'i chos yongs su bzung na 'di de bas bsod nams ches mang du skyed do/ /yungs 'bru ji snyed pa de snyed kyi sangs rgyas bcom ldan 'das rnams la gang la la zhig gis sti stang du byas/ bla mar byas/ </font><hr>52.272a<br><font size=+1>

ri mor byas te mchod pa byas gang zab mo'i chos la bzod pa de ni de bas bsod nams ches mang du skyed do/ /yungs 'bru ji snyed pa de snyed kyi gtan pa med pa'i mchod sbyin byin pa bas/ gang gzhan zhig sems can thams cad la khong khro ba med pa'i sems kyis chos la rab tu dga' zhing bzod pas gom pa bdun bor na de bas de bsod nams ches mang du skyed do/ /yungs 'bru de dag ji snyed pa de snyed du brgya byin dang / tshangs pa dang / 'khor los sgyur ba'i rgyal po dang / byang chub sems dpa' snyed pas gzhan dag gis 'dus byas thams cad mi rtag pa dang / sdug bsngal bar rig cing chos thams cad la bdag med par rig la/ mya ngan las 'das pa zhi bar rig nas sems can rnams la snying rje chen po bskyed de/ dkon mchog gsum gyi rigs rgyun mi 'chad pa'i phyir bla na med pa yang dag par rdzogs pa'i byang chub tu sems bskyed na de ni de bas ches bsod nams mang du skyed do/ /de nas bcom ldan 'das la byang chub sems dpa' nam mkha' mdzod kyis 'di skad ces gsol to/ /bcom ldan 'das slad ma'i tshe slad ma'i dus na ci nas chos kyis rnam grangs 'di 'dzam bu'i gling du spyod cing rgyas par yang 'gyur bar de bzhin gshegs pas chos kyi rnam grangs 'di byin gyis brlabs tu gsol/  bcom ldan 'das kyis bka' stsal pa/ rigs kyi bu de'i phyir rgyal po chen po bzhi dgug pa'i tshig bshad par bya ste/ dgug pa'i tshig de dag gis rgyal po chen po bzhi 'ongs nas chos kyi rnam grangs 'di yun ring du gnas par bya ba dang / rgya cher rnam par dbye zhing rab tu bstan pa'i phyir brtson par 'gyur ro/ /de la 'di dag ni dgug pa'i tshig go/ /'di lta ste/ d+hu d+hu re/ d+hi d+hi re/ d+h+wa dza ba ti/ d+h+wa dza e la~M ka ra/ a ba dwa ni/ sha me sha ma ba ti/ sha na ti mu khe/ ni gra ha pa ra pa k+Sha/ a no d+ha ra/ ut+t+wa ri bi ga ma/ sa ma pA tha/ pA tha shud+d+hi/ pA tha a nu ga ma/ pA tha san+d+hi/ pradz+nya mu khe/ Ar+ya ku le/ b+hU ta rak+She</font><hr>52.272b<br><font size=+1>

a me sa tsa/ me ne sa tsa/ ta ma sa tsa/ ta ta ma sa tsa/ bud+d+ha pA da/ d+harma a nu san+d+hi/ Ar+ya ga na mu kha ma/ Ar+ya nir+g+ha ta ni/ rush+ta pra sA da ni/ I shwa ra pa da lo ka tsit+ti kra ta/ a nu rA ga yan+tu/ i man+d+harma san+d+hi/ bi b+ha tsan+tu ni ruk+ta/ nirde sha pra ti rak+Shan+tu/ d+har+m+ma d+ha ra Ni/ rigs kyi bu 'di dag ni rgyal po chen po bzhi dgug pa'i tshig go/ /de nas rgyal po chen po bzhi 'jigs shing skrag ste spu zing zhes byed nas bcom ldan 'das ga la ba der lhags te/ bcom ldan 'das kyi zhabs la mgo bos phyag 'tshal nas bcom ldan 'das la 'di skad ces gsol to/ /bcom ldan 'das bdag cag rgyal po chen po bzhi chos kyi rnam grangs 'di bsrung ba dang / bskyab pa dang / sba ba dang / yun ring du gnas par bgyi ba dang / rjes su gzung ba'i slad du gnas par bgyi'o/ /gang na chos kyi rnam grangs 'di spyod pa der lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci gang dag chos ma lags pa 'tshal bar 'gyur ba de dag shin du tshar bcad par bgyi'o/ /gang dag chos 'tshal bar 'gyur ba de dag gi sems rab tu dga' bar bgyi'o/ /chos smra ba de'i 'khor gyi dkyil 'khor yang yongs su legs par gzhag par bgyi'o/ /tshig gi mtshams su tshig gi mtshams sbyor bar bgyi'o/ /spobs pa yang stsal bar bgyi'o/ /dran pa dang / blo gros dang / rtogs pa dang / dga' ba yang 'phel bar bgyi'o/ /de skad ces gsol pa dang / bcom ldan 'das kyis rgyal po chen po de bzhi la 'di skad ces bka' stsal to/ /grogs po dag 'di lta ste/ khyed ni nga'i bu chos las skyes pa chos kyis byung ba ste/ khyed rnams nga'i dam pa'i chos yongs su gzung ba'i phyir spro ba ston pa ni legs so legs so/ /khyed rnams chos kyi rgyu 'thun pa 'dis 'jig rten du 'jig rten gyi bdag por 'gyur te/ 'jig rten thams cad las yang dag par 'das nas 'phags pa'i mya ngan las</font><hr>52.273a<br><font size=+1>

'da' ba'i dbyings su yongs su mya ngan las 'da' bar 'gyur ro/ /de nas yang bcom ldan 'das kyis byang chub sems dpa' nam mkha' mdzod la 'di skad ces bka' stsal to/ /rigs kyi bu lha'i dbang po brgya byin dgug pa'i tshig bshad par bya ste/ rig pa'i gsang sngags kyi tshig de dag gis lha'i dbang po brgya byin chos kyi rnam grangs 'di bsrung ba dang / yun ring du gnas par bya ba'i phyir gnas par 'gyur ro/ /de la tshig ni 'di rnams so/ /'di lta ste/ shu b+he/ shu b+ha ma ti/ shu b+ha byU he/ du da re/ da ri da du ra ni/ da me sha me/ u pa sha me/ khu be/ u ga sha me/ kha be/ u ga kha ra/ a so mu khe/  d+hA ra Ni/ a rad+di/ shu shru She/ sa hi te/ a b+hA ba ba san+d+he sau me sa ma ba te sa ma rasmi/ a she/ hu hu/ he he/ khu ru khu re/ a na ti kra me/ de brlak+Sha sa he he ma hA b+ha ba b+ha sa pra me/ A gats+tsha du sha kro de ba nA man+t+ra/ da sha sha ta na ya na/ bar ma ku ta d+ha ra/ i shwa ra u ma rut+pa b+ha na ni ba si/ rigs kyi bu 'di dag ni lha'i dbang po brgya byin dgug pa'i tshig ste/ dgug pa'i tshig gang gis lha'i dbang po brgya byin bkug nas chos kyi rnam grangs 'di yun ring du gnas par bya ba'i phyir gnas par bya'o/ /de nas lha'i dbang po brgya byin chos kyi shugs kyis dga' ba skyes nas/ sum bcu rtsa gsum gnas kyi khang pa/ thams cad rab tu g.yos par byas te/ g.yog lha brgya stong mang po dang / bcom ldan 'das ga la ba der dong nas lhags te/ bcom ldan 'das kyi zhabs la mgo bos phyag 'tshal nas/ bcom ldan 'das la 'di skad ces gsol to/ /bcom ldan 'das bdag ni lha'i dbang po brgya byin te/ sum bcu rtsa gsum pa'i lha la dbang bgyid de/ g.yog lha'i tshogs dang / chos kyi rnam grangs 'di 'dzam bu'i gling du rgyas par bgyi ba'i slad du nan tan du bgyi'o/ /chos smra ba de dag dang mdo sde 'di 'chang ba de dag la ji ltar mi gnod pa dang / dga' ba dang / mchog tu dga' ba dang / </font><hr>52.273b<br><font size=+1>

mos pa rnyed cing chos kyi rgyan gyis brgyan te/ chos kyi rnam grangs 'di grong khyer dang / grong rdal dang / yul 'khor dang / rgyal po'i pho brang du zhugs nas rab tu 'chad par 'gyur ba de ltar chos kyis bsrung ba dang bskyab pa dang / sba bar bgyi'o/ /bcom ldan 'das bdag cag chos mnyan pa'i slad du chos smra ba de dag gi gan du mchi bar bgyi'o/ /khro zhing gshe yang dang du blang bar bgyi'o/ /bdud bar chad bgyid pa'i gnod pa thams cad las kyang bsrung ba dang / bskyab pa dang / sba bar bgyi'o/ /bcom ldan 'das kyis bka' stsal pa/ kau shi ka ji lta bur khyod lha'i dbang po thob pas chos kyi dbang por zhugs nas/ nga dang sangs rgyas thams cad kyi dam pa'i chos yongs su gzung ba'i phyir seng ge'i sgra sgrogs pa legs so legs so/ /de ci'i phyir zhe na/ kau shi ka de bzhin gshegs pa gcig gi dam pa'i chos yongs su bzung na 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi dam pa'i chos yongs su bzung ba yin no/ /de'i tshe bcom ldan 'das kyis yang byang chub sems dpa' nam mkha' mdzod la bka' stsal pa/ de la rigs kyi bu mi mjed kyi bdag po tshangs pa dgug pa'i tshig bshad kyis/ /dgug pa'i tshig gang dag gis mi mjed kyi bdag po tshangs pa chen po chos kyi rnam grangs 'di bsrung ba'i phyir gnas par 'gyur ba nyon cig /de la dgug pa'i tshig ni 'di rnams so/ /'di lta ste/ mai tre/ shu b+ha mai tre/ d+harma mai tre/ mai t+r+ya/ nu sa hi te sa mai tre/ san+d+hi mai tre/ a nu ga ma mai tre/ a nu ga k+Sha mai tre/ a nut+t+wa ra mai tre/ sa tra mai tre/ d+harma mai tre/ a nu gra ha mai tre/ a pra ti sA ri mai tre/ u la lo ka na mai tre/ bi lo ka na mai tre/ bi lo ka na mai tre/ be b+h+yaHa nu ga ma na mai tre/ bud+d+ha a d+hi Sh+ThA na mai tre/ a nu rA ga k+Sha mai tre/ a nu rA ga kha sha mai tre/ d+harma pra ti sA ra Na mai tre/ mo kha sha mai tre/ o no o no nu roM d+he/ bi ro d+ha mai tre/ o to mo mai tre/ brah+ma ba tha mai tre/ d+h+ya na a</font><hr>52.274a<br><font size=+1>

lang+ka ra mai tre/ ta s+ya a nu san+d+hi kA ru Na mai tre/ ta s+ya a nu san+d+hi mu ti ta mai tre/ ta s+ya sa nu san+d+hi/ u pe k+Sha mai tre/ brah+ma ba tha a nu ga ma na mai tre/ tsit+ta U ts+tsi la l+ya mai tre/ a nu sA ra Na mai tre/ ni sti ra Na mai tre/ sarba ta a nu ga na ma na mai tre/ A gats+tsha tu brah+ma/ ud pri dz+ya / dA na su khe na/  byut+tiSh+Tha swa ma d+he/ ni tra ma ma hA bi ma dang / bya ba lo kA ya/ dzam+bu dwI pa na ku ru ShA d+har+m+ma ra k+ShA na/ mA ti kra ma bud+d+ha d+hi Sh+Tha nA+oM/ nam mkha' mdzod 'di dag ni mi mjed kyi bdag po tshangs pa dgug pa'i tshig go/ /de nas mi mjed kyi bdag po tshangs pa'i 'jig rten na 'dug pa sangs rgyas kyis byin gyis brlabs pa'i rig pa'i gsang sngags byams pa'i tshig 'di dag sangs rgyas kyi mthus lha'i rna ba'i khams kyis thos te/ thos nas kyang tshangs pa brgya stong phrag drug bcu rtsa brgyad dang lhan cig tu bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas mi mjed kyi bdag po tshangs pas bcom ldan 'das la 'di skad ces gsol to/ /bcom ldan 'das bdag cag de bzhin gshegs pa'i byin gyis rlabs kyis byin gyis rlabs pas bdag byams pa dang snying rjer ldan te chos kyi rnam grangs 'di bsrung ba'i slad du nan tan du bgyi'o/ /gang chos smra ba de dag 'di lta bu'i sangs rgyas kyi chos sdud cing mdo sde 'di 'dzin pa dang / 'chang ba dang / klog pa dang /  'chad pa dang / tha na glegs bam la bris te 'chang ba de dag dgon par mchis sam/ lam gol bar mchis sam/ grong dang / grong khyer ram/ grong rdal du mchis sam/ yul 'khor ram/ rgyal po'i pho brang 'khor du mchis kyang rung / chos kyi gtam bgyid kyang rung ste/ chos kyi rnam grangs 'di rgya cher 'chad na bsam par bgyi'o/ /bsrung ba dang / bskyab pa dang / sba bar bgyi'o/ /de dag la spro ba stsal bar bgyi'o/ /stobs yongs su rdzogs par bgyi'o/ /dran pa bsgrub par bgyi'o/ /blo gros yongs su</font><hr>52.274b<br><font size=+1>

gzung bar bgyi'o/ /rtogs pa'i rjes su 'jug par bgyi'o/ /spobs pa stsal bar bgyi'o/ /ma dad pa rnams dad par bgyi'o/ /dad pa rnams bsgral bar bgyi'o/ /bcom ldan 'das ji ltar de bzhin gshegs pa'i chos kyi tshul bdag cag gis yongs su bzung ste rgya cher 'gyur ba de ltar bgyi'o/ /de skad ces gsol pa dang / bcom ldan 'das kyis mi mjed kyi bdag po tshangs pa la 'di skad ces bka' stsal to/ /legs so legs so/ /tshangs pa dam pa'i chos yongs su bzung bas de bzhin gshegs pa khyod la rjes su yi rang ngo / /ji ltar ngas da ltar bskor ba bzhin du tshangs pa khyod kyis kyang ring por mi thogs par chos kyi 'khor lo rab tu bskor bar 'gyur ro/ /ji ltar khyod kyis da ltar nga'i dam pa'i chos yongs su bzung ba de bzhin du tshangs pa gzhan dag kyang khyod kyi dam pa'i chos 'dzin par 'gyur ro/ /de'i tshe bcom ldan 'das kyis byang chub sems dpa' sems dpa' chen po byams pa la bka' stsal pa/ byams pa ji tsam du gzung ba dang / bcang ba dang / bklag pa dang / gzhan dag la yang rgya cher yang dag par rab tu bstan par bya ba dang / de bzhin gshegs pa la byas pa gzo zhing byas pa shes pa bskyed pa dang / bdag gis bsam pa yongs su rdzogs par bya ba dang / sems can rnams kyi dge ba'i rtsa ba rgyas pa rnam par dag par bya ba dang / byang chub sems dpa' rnams chos snang ba thob par bya ba dang / bdud thams cad tshar gcad pa dang / mu stegs thams cad gzhom pa dang / don dam pa'i chos yongs su gzung ba dang / dkon mchog gsum gyi rigs mi chad par bya ba'i phyir bskal pa bye ba phrag grangs med par yang dag par bsgrubs pa'i bla na med pa yang dag par rdzogs pa'i byang chub 'di khyod la yongs su gtad do/ /de skad ces bka' stsal pa dang / bcom ldan 'das la byang chub sems dpa' byams pas 'di skad ces gsol to/ /bcom ldan 'das bdag gis de bzhin gshegs pa yongs su mya ngan las 'das pa'i slad du bla na med pa'i chos dkon mchog gi mdzod 'di bsrung bar bgyi'o/ /</font><hr>52.275a<br><font size=+1>

de ci'i slad du zhe na/ bcom ldan 'das 'di ni bdag dang / 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi dam pa'i chos lags so/ /bcom ldan 'das bdag dga' ldan gyi gnas na mchis te/ 'di lta bu'i mdo sde dag kun du bsrung ba dang / yongs su gzung ba dang / yun ring du gnas par bgyi ba'i slad du nan tan bgyi'o/ /bcom ldan 'das slad ma'i tshe slad ma'i dus na 'di lta bu'i mdo sde dam pa su'i rna bar grag par 'gyur ba dang / thos nas 'dzin pa dang / 'chang ba dang / klog pa dang / gzhan dag la yang rgya cher rab tu ston cing bdag nyid kyang sbyor bar bgyid pa de ni bcom ldan 'das byang chub sems dpa' byams pa'i byin gyis brlabs su rig par bgyi'o/ /bcom ldan 'das de'i tshe bdud kyi phyogs kyang g.yos par gyur te/ 'on kyang dge ba'i rtsa ba gang gis bdag gi spu'i khung bu re re grub pa de la stong gsum gyi stong chen po'i 'jig rten gyi khams kyi sems can de dag thams cad bdud sdig can du gyur kyang / de dag bdag gi spu'i bu ga gcig gis yongs su bzung ba'i dge ba'i rtsa ba'i brgya'i char yang nye bar mi mchi ba nas dpe'i bar du yang nye bar mi mchi'o/ /bcom ldan 'das bdag gi bsod nams kyi stobs dang / ye shes kyi stobs kyis bdud kyi dkyil 'khor thams cad rab tu pham par bgyis la/ de bzhin gshegs pas bskal pa bye ba grangs ma mchis par yang dag par bsgrubs pa'i byang chub 'di bsrung bar bgyi'o/ /bcom ldan 'das kyis bka' stsal pa/ byams pa legs so legs so/ /byams pa bzhi po 'di dag ni byang chub sems dpa'i las te/ bzhi gang zhe na/ 'di lta ste bdud dang nyon mongs pa thams cad tshar gcad pa dang / phas kyi rgol ba thams cad chos dang 'thun pas zil gyis mnan pa dang / sems can yongs su smin par bya ba dang / dam pa'i chos yongs su gzung ba ste/ byams pa bzhi po de dag ni byang chub sems dpa'i las so/ /las bzhi po de dag </font><hr>52.275b<br><font size=+1>

las gcig gis yongs su bsdus so/ /gcig po gang zhe na/ 'di lta ste dam pa'i chos yongs su 'dzin pa'o/ /de'i tshe bcom ldan 'das kyi gnas brtan 'od srung chen po dang / tshe dang ldan pa kun dga' bo la bka' stsal pa/ 'od srung dang kun dga' bo ji tsam du gzung ba dang / bcang ba dang / klag pa dang / gzhan dag la yang rgya cher yang dag par rab tu bstan par bya ba'i phyir bla na med pa yang dag par rdzogs pa'i byang chub 'di yongs su gtad do/ /'od srung chen pos gsol pa/ bcom ldan 'das bdag gis mthu dang / stobs dang nus pa ji lta ba bzhin du de bzhin gshegs pa'i byang chub 'di yongs su gzung bar bgyi'o/ /kun dga' bos gsol pa/ bcom ldan 'das chos kyi rnam grangs 'di bdag cag gis bzung lags te/ de bzhin gshegs pa'i byin gyi brlabs kyis bdag gis yangs shing rgyas par bgyi'o/ /de nas bcom ldan 'das la byang chub sems dpa' sems dpa' chen po bsod nams kyis brgyan pas 'di skad ces gsol to/ /bcom ldan 'das rigs kyi bu 'am/ rigs kyi bu mo gang 'di lta bu'i mdo sde de bzhin gshegs pas gsungs pa zab mo snang bas rgyun chad pa/ nges pa'i don mthong bar dka' ba/ rtogs par dka' ba/ don dam pa stong pa nyid dang ldan pa/ tshul khrims kyi rgyan gyis brgyan pa/ dran pa dang / ting nge 'dzin dang / nges par rtogs pa dang / yid rab tu dga' bar byed pa/ shes rab kyi 'od snang bar byed pa/ rnam par grol ba nges par ston pa/ zhi ba/ ma gos pa/ mkhas shing rtogs pa rnams kyis rig par bya ba/ sangs rgyas thams cad kyis bstod cing bsngags pa/ gzungs dang mdo sde'i rgyal po'i phyag rgyas btab pa/ thogs pa med pa'i spobs pa 'dzin pa dang / dran pa dang blo gros dang / rtogs pa dang / mos pa rnam par 'phel ba/ bdud dang phas kyi rgol ba thams cad kyis mi non pa/ tshul khrims 'chal ba rnams spa 'gong ba/ sbyangs pa'i yon tan dang / yo byad bsnyung ba dang / sdom pa</font><hr>52.276a<br><font size=+1>

tshar phyin pa dang / gtong ba'i yon tan gyi chos la rab tu gnas pa/ yon tan gyi chos mtha' yas pa las nges par byung ba/ sangs rgyas thams cad kyi chos dang ye shes 'di 'dzin tam/ len tam/ 'chang ngam/ klog gam/ kun chub par byed dam/ gzhan dag la yang rgya cher yang dag par rab tu ston tam/ yi ger 'dri 'am/ yi ger 'drir 'jug gam/ tshig tu 'don tam/ sems sam/ rtog gam/ tshul bzhin nges par sems sam/ nan tan la gnas pa de dag bsod nams ji tsam zhig skyed par 'gyur/ de nas bcom ldan 'das kyis byang chub sems dpa' bsod nams kyis brgyan pa la slar tshigs su bcad pa 'di dag gsungs so/ /phyogs bcu rgya cher dpag tu med pa yi/ /zhing rnams sangs rgyas spyan gyis gang gzigs pa/ /de dag thams cad rin chen rab bkang ste/ /byang chub sems dpas sbyin pa byin pa bas/ /gang gis sangs rgyas mang pos bshad pa yi/ /mdo 'di 'dra ba rab bzang ma gos pa/ /'chang ngam klog gam gzhan la ston byed pa/ /de yi bsod nams de ni ches mchog go/ /me tog dri zhim byug pa gdugs rnams dang / /ba dan rgyal mtshan lda ldi gos rnams kyis/ /zhing de thams cad yongs su gang byas nas/ /byang chub sems dpas sangs rgyas mchod pa bas/ /bde gshegs bstan pa dam chos rab 'jig cing / /'gag pa'i tshe na gang zhig bag yod pa/ /dam pa'i chos ni yongs su 'dzin byed pa/ /de yi bsod nams de ni ches mchog go/ /phyogs bcu dag na rgya mtsho gang yod pa/ /de dag 'bru mar dri zhim rab bkang ste/ /snying po ri rab tshad tsam byas nas su/ /rgyal ba'i mchod rten me mar bus pa bas/ /gang gis chos sgron 'di ni rab 'jig tshe/ /'jig rten 'di dag mun pas bsgribs shes nas/ /rgyal bas gsungs pa'i chos 'di 'dzin byed na/ /de yi bsod nams de ni ches mchog go/ /sangs rgyas kyi ni byang chub mchog tshol zhing / /</font><hr>52.276b<br><font size=+1>

zhing rnams bye bar 'dren pa gang mthong ba/ /de dag la ni bskal pa bye mang du/ /lha rdzas 'du byed yid 'ong mchod pa bas/ /gang zhig sangs rgyas byas pa gzo ba dang / /dkon mchog gsum ni rjes su gzung ba dang / /chos 'di la ni sems can gzud pa'i phyir/ /dam chos 'dzin pa de ni ches mchog go/ /ji ltar mgon po rnams kyi chos 'dzin ltar/ /sems can gang ngas sangs rgyas spyan gyis gzigs/ /de dag gang gis brgya byin tshangs par bkod/ /de yi bsod nams de snyed mi 'phel lo/ /sems can de kun dgra bcom bkod pa dang / /rang rgyal theg par rab tu bkod pa bas/ /gang zhig byang chub tu ni sems bskyed nas/ /dam chos 'dzin pa de ni khyad par 'phags/ /gal te bsod nams de la gzugs yod na/ /phyogs bcu'i zhing rnams thams cad gang bar 'gyur/ /skyes bu khyu mchog ye shes ma gtogs par/ /bsod nams de yi snod ni yod ma yin/ /ji ltar bskal pa bye ba stong brjod kyang / /sangs rgyas ye shes mtha' yod ma yin ltar/ /de bzhin gshegs kyi dam chos 'dzin pa yi/ /bsod nams de yang tshad yod ma yin no/ /de nas byang chub sems dpa' bsod nams kyis brgyan pas bcom ldan 'das las dam pa'i chos yongs su 'dzin pa'i bsod nams bshad pa 'di thos nas tshim zhing mgu la yi rangs te rab tu dga' nas/ dga' ba dang yid bde ba skyes te/ bcom ldan 'das la 'di skad ces gsol to/ /bcom ldan 'das byang chub sems dpa' gang dag dam pa'i chos yongs su 'dzin pa la brtson par mi bgyid pa de dag ni bdud kyis byin gyis brlabs pa lags so/ /bcom ldan 'das gang dag dam pa'i chos yongs su 'dzin pa dang bral ba'i dge ba'i rtsa ba gzhan thams cad ni bdag la yungs 'bru tsam du gda'o/ /dam pa'i chos yongs su 'dzin pa'i dge ba'i rtsa ba ni phyogs bcu'i nam mkha'i khams ji lta ba bzhin du bdag 'du shes gnas par gyur to/ /bcom ldan 'das 'di ltar bdag sems can thams cad la bde bar 'tshal ba'i slad du lus dang srog</font><hr>52.277a<br><font size=+1>

kyang bor te/ bde ba thams cad mi 'tshal bar dam pa'i chos yongs su bzung ba'i slad du go cha bgo bar bgyi'o/ /chos kyi rnam grangs 'di bshad pa na byang chub sems dpa' nam mkha' mdzod kyi bsod nams kyi rnam par smin pa'i rgyu 'thun pas phyogs bcu'i sangs rgyas kyi zhing dpag tu med pa nas byang chub sems dpa' nam mkha' mdzod dang blo mnyam pa'i byang chub sems dpa' rnams kyis chos kyi rnam grangs 'di la mchod pa bya ba'i phyir nam mkha'i dkyil nas me tog gi char mngon par rab tu phab po/ /bar snang las kyang sgra 'di skad ces byang chub sems dpa' sems dpa' chen po nam mkha' mdzod kyis 'dus pa chen po'i le'u 'di brgyan te yongs su gzung ba'i bar du sangs rgyas kyi bya ba byas so/ /byang chub kyi sems dang ma bral ba'i sems can gang dag chos kyi rnam grangs 'di 'dzin par 'gyur ba de dag kyang de bzhin du dam pa'i chos rgyan par byed par 'gyur ro/ /de nas bcom ldan 'das kyis de'i tshe sku las 'di lta bu'i 'od rab tu btang bas 'od des phyogs bcu'i sangs rgyas kyi zhing thams cad rgyas par gang bar gyur to/ /chos kyi rnam grangs 'di'i thog ma dang / tha ma bshad pa na sems can dpag tu med grangs med pa ni byang chub tu sems skyes so/ /sems can dpag tu med grangs med pa dag ni bzod pa thob par gyur to/ /sems can la la dag ni sems rnam par grol lo/ /la la dag ni chos kyi mig rnam par dag go/ /la la dag ni 'dod chags dang bral ba rnyed do/ /la la dag ni lha dang mi'i phun sum tshogs pa yongs su bzung bar gyur te/ sangs rgyas gzhan dag la yang blta ba'i phyir rgyu bsags par yang gyur to/ /de dag thams cad la yang bcom ldan 'das rjes su thugs rang ngo / /bcom ldan 'das kyis de skad ces bka' stsal nas/ byang chub sems dpa' sems dpa' chen po nam mkha' mdzod dang / byang chub sems dpa' sems dpa' chen po byams pa dang / byang chub sems dpa' ltad mo can dang / byang chub sems dpa' lag na rin po che dang / byang chub sems dpa' rin chen dpal dang / byang chub sems dpa' yon tan</font><hr>52.277b<br><font size=+1>

rgyal po'i 'od dang / byang chub sems dpa' bsod nams kyis brgyan pa dang / byang chub sems dpa' ngan song spong ba dang / byang chub sems dpa' chos kyi rgyal po dang / tshe dang ldan pa shA ri'i bu dang / tshe dang ldan pa 'od srung chen po dang / tshe dang ldan pa kun dga' bo dang / mi mjed kyi bdag po tshangs pa dang / lha'i dbang po brgya byin dang / rgyal po chen po bzhi dang / dge slong de dag dang / byang chub sems dpa' de dag dang /  thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ /bcom ldan 'das kyis gsungs pa la mngon par bstod do/ /'dus pa chen po'i le'u las 'phags pa nam mkha' mdzod kyis zhus pa zhes bya ba theg pa chen po'i mdo/ rdzogs so//     // rgya gar gyi mkhan po pi tsa ya shI la dang / shI len dra bo d+hi dang / zhu chen gyi lots+tsha ba ban de ye shes sdes bsgyur te skad gsar chad kyis kyang bcos nas gtan la phab pa/ yang zhus byung / n+d+ra// ban+de/ skar mas zhus dag bgyis/ bsgyur dgos pa bsgyur zhing da mi bco'o/ / </font><hr>

</table>