/ dkon mchog gsum la phyag 'tshal lo/ /bkra shis dam pa gang zhig gis/ /chags pa med pa'i zla bar mtshan gsol mtshan btags pa/ /pho brang mchog tu rab gshegs pa/ /des ni 'dir yang bkra shis legs gyur cig /bkra shis dam pa gang zhig gis/ /ye shes mtha' yas dbang zhes bya bar mtshan btags pa/ /kha dog gser du rab gshegs pa/ /des ni 'dir yang bkra shis legs gyur cig /bkra shis dam pa gang zhig gis/ /kun du mtha' yas spyan zhes bya bar mtshan btags pa/ /pad ma'i rtse mor rab gshegs pa/ /des ni 'dir yang bkra shis legs gyur cig /bkra shis dam pa gang zhig gis/ /yan lag rin po che zhes bya bar mtshan btags pa/ /rin chen mdzod du rab gshegs pa/ /des ni 'dir yang bkra shis legs gyur cig /bkra shis dam pa gang zhig gis/ /dpal rab rgol ba'i stag ces bya bar mtshan btags pa/ /dbang po'i khang par rab gshegs pa/ /des ni 'dir yang bkra shis legs gyur cig / 13.344a bkra shis dam pa gang zhig gis/ /yon tan thams cad ston pa'i nyi mar mtshan btags pa/ /me tog snying por rab gshegs pa/ /des ni 'dir yang bkra shis legs gyur cig /bkra shis dam pa gang zhig gis/ /yan lag 'od zer mtha' yas par ni mtshan btags pa/ /shing gis brgyan par rab gshegs pa/ /des ni 'dir yang bkra shis legs gyur cig /bkra shis dam pa gang zhig gis/ /mgon po the tsom 'joms pa chos kyi rgyal mtshan de/ /rin chen khang par rab gshegs pa/ /des ni 'dir yang bkra shis legs gyur cig /bkra shis dam pa gang zhig gis/ /mi yi seng ge ye shes sgron ma mtha' yas pa/ /spos kyi rtse mor rab gshegs pa/ /des ni 'dir yang bkra shis legs gyur cig /bkra shis dam pa gang zhig gis/ /sangs rgyas yon tan kun gyis 'byung gnas 'od mnga' ba/ /nor bus brgyan par rab gshegs pa/ /des ni 'dir yang bkra shis legs gyur cig /bcom ldan 'das la lha'i rgyal po rab dga' ldan gyis bkra shis tshigs su bcad pa/ rdzogs s+ho// //de ltar lha'i dbang po brgya byin la sogs pa gsum gyis bkra shis tshigs su bcad pa 'di rnams ni shin du rgyas pa chen po'i sde sangs rgyas phal po che las gsungs pa'o/ / |