J89

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J89</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J89&coll=lithang">see text in Tibetan script</a></table>52.6b<br><font size=+1>

// rgya gar skad du/ Ar+ya ma hA yA na pra sA da pra b+hA ba na nA ma ma hA yA na sU tra/  bod skad du/ 'phags pa theg pa chen po la dad pa rab tu sgom pa zhes bya ba theg pa chen po'i mdo/  bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la/ byang chub sems dpa' sems dpa' chen po sangs rgyas kyi zhing tha dad pa nas 'dus pa'i byang chub sems dpa'i dge 'dun chen po dang thabs gcig tu bzhugs te/ thams cad kyang bdud dang phyir rgol ba bcom pa/ nyon mongs pa dang / nye ba'i nyon mongs pa thams cad kyi bag chags kyi kun tu rgyu ba las ring du gyur pa/ bsams bzhin du srid par skye ba kun du ston pa la dbang chen po'i sa thob pa bskal pa dpag tu med par lus dang gnas gtong ba'i dbang thob pa bdud kyi las tshad med pa dang bar du gcod pa thams cad shin du rab tu rtogs pa sems can thams cad kyi don thams cad thob par bya ba'i thabs kyi cho ga shes pa nges par 'byung ba thams cad shes pa'i stobs chen po thob pa mu stegs can gyi smra ba thams cad</font><hr>52.7a<br><font size=+1>

bzlog pa la mkhas pa/ rdzu 'phrul gyi rnam par 'phrul pa chen pos skye bo phal po che nye bar bsdu ba la mkhas pa/ pha rol du phyin pa chen po bsgoms pas rnal 'byor chen po rnam pa thams cad thob pa/ nam mkha' lta bur 'jig rten gyi chos kyis sems ma gos pa sha stag la 'di lta ste/ byang chub sems dpa' sems dpa' chen po dad pa gsal dang / byang chub sems dpa' dad pa dri ma med dang / byang chub sems dpa' dad pa mi sgul ba dang / byang chub sems dpa' dad pas rab tu 'jug pa dang / byang chub sems dpa' dad pa rab gnas dang / byang chub sems dpa' dad pa ma nyams dang / byang chub sems dpa' dad pa mi g.yo dang / byang chub sems dpa' dad pa rab tshol dang / byang chub sems dpa' dad pa mnyam dang / byang chub sems dpa' dad pa chen po dang / byang chub sems dpa' rtag tu dad pa'i rjes 'brang dang / byang chub sems dpa' dad pa la yang dag par zhugs dang / byang chub sems dpa' dad par 'jug byed dang / byang chub sems dpa' dad pa la yid nyis rnam par 'jom dang / byang chub sems dpa' dad pa ston dang / byang chub sems dpa' dad pa rab tu 'jog byed dang / byang chub sems dpa' dad pa rnam par 'phel byed dang / byang chub sems dpa' dad pa rnam par sbyong dang / byang chub sems dpa' dad pa'i snod yongs su tshol dang / byang chub sems dpa' sems dpa' chen po dad pa thabs chen dang / de dag la sogs pa byang chub sems dpa' lnga stong dang / 'od srung chen po la sogs pa dge slong stong nyis brgya lnga bcu dang thabs gcig tu bzhugs te/ bcom ldan 'das lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa tshad med pa dag gis kun nas bskor cing mdun gyis byas te 'khor brgya stong du ma'i nang na bzhugs par gyur to/ /de'i tshe 'khor der byang chub sems dpa' las dang po pa mos pa spyod pa'i sa la gnas pa mang po 'dus te 'khod par gyur to/ /de nas bcom ldan 'das byang chub sems dpa' las dang po pa mos pas spyod pa'i sa la gnas pa de dag las</font><hr>52.7b<br><font size=+1>

brtsams te gtam rtsom pa mdzad do/ /rigs kyi bu dag gal te ji tsam du byang chub sems dpa' gang theg pa chen po'i phyir theg pa chen po la dad na don che zhing 'bras bu che ste phan yon che'o/ /de bas na byang chub sems dpa' las dang po pa mos pas spyod pa la zhugs pas theg pa chen po la dad pas mang du gnas par bya'o/ /de nas byang chub sems dpa' dad pa thabs chen sangs rgyas kyi mthu dang / sangs rgyas kyi byin gyi brlabs kyis stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das byang chub sems dpa' rnams kyi theg pa chen po'i phyir theg pa chen po la dad pa'i mtshan nyid du rig par bgyi ba gang lags/ byang chub sems dpa' rnams kyi theg pa chen po'i phyir theg pa chen po la dad pa skye ba gang lags/ bcom ldan 'das byang chub sems dpa' rnams kyi theg pa chen po'i phyir theg pa chen po la dad pa rab tu dbye ba rnam pa du zhig mchis byang chub sems dpa' rnams kyi theg pa chen po'i phyir theg pa chen po la dad pa'i phan yon rnam pa du zhig mchis/ bcom ldan 'das kyis bka' stsal pa/ rigs kyi bu khyod byang chub sems dpa' tshad med pa dag gi don gyi phyir zhugs nas de bzhin gshegs pa la don 'di yongs su 'dri bar sems pa legs so legs so/ /de'i phyir rigs kyi bu nyon cig dang don de bstan par bya'o/ /rigs kyi bu bcu gcig po 'di dag ni byang chub sems dpa' rnams kyi theg pa chen po'i phyir theg pa chen po la dad pa'i mtshan nyid du rigs par bya'o/ /'di lta ste/ gsal ba'i mtshan nyid dang brlan pa'i mtshan nyid dang / rnam pa'i mtshan nyid dang yongs su bzung ba'i mtshan nyid dang gnas kyi mtshan nyid dang yang dag par 'da' ba'i mtshan nyid dang sbed pa'i mtshan nyid dang rjes su 'brel ba'i mtshan nyid dang / rgyun kyi mtshan nyid dang / yongs su grub pa'i mtshan nyid do/ /dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i phyir theg pa chen po la dad pa'i gsal ba'i mtshan nyid gang lags/ bcom</font><hr>52.8a<br><font size=+1>

ldan 'das kyis bka' stsal pa/ rigs kyi bu rnyog pa rnam pa bzhi dang bral na ni byang chub sems dpa' rnams kyi theg pa chen po'i phyir theg pa chen po la dad pa'i gsal ba'i mtshan nyid do/ /rnyog pa rnam pa bzhi gang zhe na/ 'di lta ste/ khong khro ba'i rnyog pa dang / yid mi ches pa'i rnyog pa dang / sdang ba'i rnyog pa dang / the tshom gyi rnyog pa'o/ /rigs kyi bu 'di ltar theg pa chen po'i phyir theg pa chen po la dad pa thob pa'i byang chub sems dpa' ni phyis theg pa chen po la khong khro ba'i sems skyed mi srid do/ /zab cing rgya che ba'i chos rnams la yid mi ches pa'i sems skyed mi srid do/ /zab cing rgya che ba'i chos rnams la dngang skrag kun du dngang bar 'gyur mi srid do/ /zab cing rgya che ba'i chos rnams la mi bzod pa dang the tshom za bar 'gyur mi srid do/ /byang chub sems dpa' dad pa thabs chen gyis gsol pa/ bcom ldan 'das ci'i slad du las dang po pa'i byang chub sems dpa' mos pas spyod pa la zhugs pa chos shes pa rtog pa ma mchis par theg pa chen po'i chos zab cing rgya che ba 'di lta bu dag la the tsom ma mchis shing the tsom gyi rnyog pa dang bral ba lags/ bcom ldan 'das kyis bka' stsal pa/ rigs kyi bu byang chub sems dpa' chos nyid ma rtogs pa'i shes pa nyid kyis theg pa chen po'i chos zab cing rgya che ba dag la the tshom med pa dang / the tsom gyi rnyog pa dang bral ba ma yin gyi/ byang chub sems dpa' gzhan gyi dring las mos pa'i stobs kyis kyang theg pa chen po'i chos zab cing rgya che ba dag la the tshom med cing the tshom gyi rnyog pa dang bral ba yin no/ /'di ltar las dang po pa'i byang chub sems dpa' mos pas spyod pa la zhugs pa ni theg pa chen po'i chos zab cing rgya che ba bstan pa dag la de bzhin gshegs pa nyid dbang du byas nas chos 'di dag ni de bzhin gshegs pas gsungs pa'o/ /zhes de bzhin gshegs pas thugs su chud pa la mos pa bzhag nas chos rnams la ma log par mos pa 'jog go/ /gzhan gyi dring las mos pa'i stobs des de bzhin gshegs pas gsungs pa zab cing rgya che ba'i mdo sde'i chos rnams la the tsom med cing the tsom dang bral ba yin te/ rigs kyi bu de lta bu ni byang chub sems dpa'i theg pa chen po'i phyir theg pa chen po la dad pa'i gsal ba'i mtshan nyid du blta'o/ /byang chub sems dpa' dad pa thabs chen gyis gsol pa/ </font><hr>52.8b<br><font size=+1>

bcom ldan 'das byang chub sems dpa'i theg pa chen po'i phyir theg pa chen po la dad pas brlan pa'i mtshan nyid du rig par bgyi ba gang lags/  bcom ldan 'das kyis bka' stsal pa/ rigs kyi bu byang chub sems dpa'i theg pa chen po'i phyir theg pa chen po la dad pa dang ldan pa'i yid bde bas lus brlan pa dang / sems brlan pa gang yin pa de ni de'i brlan pa'i mtshan nyid du rig par bya'o/ /de yang byang chub sems dpa' rnams kyi theg pa chen po'i phyir theg pa chen po la dad pa dang ldan pa'i bde ba dang yid bde bas lus dang sems sim par byed pa yin gyi/ 'dod pa la longs spyod pa rnams kyi 'dod pa'i yon tan las byung ba'i bde ba dang yid bde bas ni ma yin no/ /gzugs dang / gzugs med pa na spyod pa'i sems can rnams kyi bde ba dang yid bde ba gang yin pa des ni 'di 'dra bar de dag gi lus dang sems sim par byed pa ma yin no/ /de ci'i phyir zhe na/ 'di ltar de dag gi bde ba dang yid bde ba ni ma zhi ba'o/ /ci'i phyir ma zhi ba zhe na/ gang 'dod pa'i yon tan las byung ba'i bde ba dang yid bde ba de dang / 'dod pa la longs spyod pa rnams kyi bde ba dang yid bde ba de ni de tsam du 'dod chags dang / khong khro ba dang ldan pa ma zhi ba'i mtshan nyid do/ /mthon dman gyi rgyu'i phyir ma zhi ba'i mtshan nyid do/ /bden pa rnams la yid gnyis dang the tsom za ba'i rjes su song ba'i phyir rab tu ma zhi ba'i mtshan nyid do/ /ngar 'dzin pa dang nga yir 'dzin pa dang / de'i rtsa ba las byung ba'i lta bar gyur pa tshad med pa dang 'brel ba'i phyir rab tu ma zhi ba'i mtshan nyid do/ /nye ba'i nyon mongs pa'i phyin ci log dang / g.yeng ba dang / rgod pa dang / rmugs pa dang / bag med pa dang / ngo tsha med pa'i rtsa ba'i phyir rab tu ma zhi ba'o/ /'gro ba lnga'i las sna tshogs mngon par 'du byed pa'i rtsa ba'i phyir rab tu ma zhi ba'o/ /sdug bsngal gyi bden pas bsdus shing 'gro ba'i phyir rab tu ma zhi ba'o/ /rigs kyi bu 'di ltar nyon mongs pa dang / las dang / tshe'i kun nas nyon mongs pa'i rgyu dang 'bras bur bcas pa'i rgyun la 'jug pa dang ldan pas 'dod pa'i yon tan lnga las byung ba'i bde ba dang / yid bde ba de ni rab tu ma zhi ba ste/ de bas na de'i lus dang sems sim par byed pa ma yin no/ /ji ltar 'dod pa la</font><hr>52.9a<br><font size=+1>

longs spyod pa rnams kyi 'dod pa'i yon tan las byung ba'i bde ba dang yid bde ba ma yin pa de bzhin du gzugs dang / gzugs med pa na spyod pa rnams kyi snyoms par zhugs pa las byung ba la yang rnam pa de dag gis ci rigs par rab tu ma zhi ba'i mtshan nyid du rig par bya'o/ /rab tu ma zhi bas na 'phags pa'i chos 'dul ba la lus dang sems sim par mi 'gyur ro/ /byang chub sems dpa' rnams kyi theg pa chen po'i phyir theg pa chen po la dad pa las byung ba'i bde ba dang yid bde ba gang yin pa de ni 'dod chags dang / khong khro ba'i rab tu ma zhi ba dang bral ba dang / mthon dman gyi rab tu ma zhi ba dang bral ba dang / bden pa la yid gnyis dang the tshom za ba'i rab du ma zhi ba dang bral ba dang / ngar 'dzin pa dang / nga yir 'dzin pa dang / de'i rtsa ba las byung ba'i lta bar gyur pa tshad med pa'i rab tu ma zhi ba dang bral ba dang / nye ba'i nyon mongs pa phyin ci log dang / g.yeng ba dang / rgod pa dang / rmugs pa dang / bag med pa dang / ngo tsha med pa'i rab tu ma zhi ba dang bral ba dang / 'gro ba lnga'i las sna tshogs mngon par 'du byed pa'i rab tu ma zhi ba dang bral ba dang / sdug bsngal gyi bden pas bsdus pa'i rab tu ma zhi ba dang / bral ba dang 'di ltar nyon mongs pa dang / las dang / tshe'i kun nas nyon mongs pa'i rgyu dang 'bras bur bcas pa'i rgyun las 'jug pa'i rab tu ma zhi ba dang bral ba'i phyir rab tu zhi ba'o/ /rab tu zhi ba'i phyir 'phags pa'i chos 'dul ba la lus dang sems sim par 'gyur te/ rigs kyi bu 'di ni byang chub sems dpa' rnams kyi theg pa chen po'i phyir theg pa chen po la dad pas brlan pa'i mtshan nyid do/ /byang chub sems dpa' dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i phyir theg pa chen po la dad pas brlan pa'i mtshan nyid dang / bde ba dang yid bde ba'i don 'di ngo mtshar to/ /bcom ldan 'das byang chub sems dpa' rnams kyi theg pa chen po'i phyir theg pa chen po la dad pa las byung ba'i bde ba dang yid bde ba'i don las rab tu mos par bgyi'o/ /bcom ldan 'das byang chub sems dpa' rnams kyi theg pa chen po'i phyir theg pa chen po la dad pa'i rnam pa'i mtshan nyid gang lags/  bcom ldan 'das kyis bka' stsal pa/ rigs kyi bu byang chub sems dpa' rnams rnam pa gsum gyis theg pa chen po'i phyir theg pa chen po la dad pa 'jug ste/ </font><hr>52.9b<br><font size=+1>

'di lta ste/ yid ches pa'i rnam pa dang / 'gyur ba'i rnam pa dang / mngon par dga' ba'i rnam pa'o/ /gsol pa/ bcom ldan 'das byang chub sems dpa' rnams kyi theg pa chen po'i phyir theg pa chen po la dad pa yid ches pa'i rnam pas 'jug pa ji lta bu lags/  bcom ldan 'das kyis bka' stsal pa/ rigs kyi bu byang chub sems dpa' zab cing rgya che ba'i chos bstan pa rnams la thog ma nyid du yod par mos so/ /de ci'i phyir zhe na/ 'di ltar chos 'di dag ni de bzhin gshegs pa nyid kyi yul de bzhin gshegs pa nyid kyis gsungs par 'os pa'o/ /de bas na de bzhin gshegs pa rnams nyid kyis mngon par rdzogs par sangs rgyas te/ rtog ge pa rnams kyi yul ma yin no/ /'di ltar rtog ge pa rnams ni zab cing rgya che ba'i chos 'di lta bu dag thos na dngang bar gyur te rtog par lta ba ga la 'gyur/ de bas na de dag ni rtog ge pa rnams kyi yul ma yin no/ /sangs rgyas rnams kyi byang chub ji ltar de dag gis bstan pa'i chos de dag kyang de bzhin du yod de/ de'i phyir sangs rgyas bcom ldan 'das de dag gi chos bstan pa zab cing rgya che ba 'bras bu dang bcas pa la yod pa nyid du mos nas byang chub sems dpa' yid ches pa'i rnam pas dad pa skyed do/ /gsol pa/ bcom ldan 'das byang chub sems dpa' rnams kyi theg pa chen po'i slad du theg pa chen po la dad par 'gyur ba'i rnam pas 'jug pa ji lta bu lags/ bcom ldan 'das kyis bka' stsal pa/ rigs kyi bu byang chub sems dpa' zab cing rgya che ba'i chos yod pa yon tan dang ldan pa dag la rnam pa du mar mos shing lus kyi 'gyur ba dang / sems kyi 'gyur ba dang bcas par theg pa chen po'i phyir theg pa chen po la dad pa skyed do/ /gsol pa/ bcom ldan 'das byang chub sems dpa'i theg pa chen po'i phyir theg pa chen po la dad pa las byung ba'i lus kyi 'gyur ba ji lta bu lags/  bcom ldan 'das kyis bka' stsal pa/ rigs kyi bu spu ldang ba dang / spu g.yo ba dang / mchi ma 'khor ba dang / mchi ma zag pa ni byang chub sems dpa'i theg pa chen po'i phyir theg pa chen po la dad pa las byung ba'i lus kyi 'gyur ba'o/ /gsol pa/ bcom ldan 'das byang chub sems dpa' rnams kyi theg pa chen po'i phyir theg pa chen po la dad pa las byung ba'i sems kyi 'gyur ba gang lags/  bcom ldan 'das kyis bka' stsal pa/ rigs</font><hr>52.10a<br><font size=+1>

kyi bu lus las byung ba'i yid bde ba rgya che ba kha na ma tho ba med pa ni byang chub sems dpa'i theg pa chen po'i phyir theg pa chen po la dad pa las byung ba'i sems kyi 'gyur ba'o/ /rigs kyi bu de ltar byang chub sems dpa'i theg pa chen po'i phyir theg pa chen po la dad pa 'gyur ba'i rnam pas 'jug go/ /gsol pa/ bcom ldan 'das byang chub sems dpa'i theg pa chen po'i phyir theg pa chen po la dad pa mngon par dga' ba'i rnam pas 'jug pa gang lags/ bcom ldan 'das kyis bka' stsal pa/ rigs kyi bu 'di la byang chub sems dpa'i theg pa chen po'i phyir theg pa chen po la dad pa thob pa 'di snyam du sems te/ sngon sems can tshad med pa mir gyur pa rnams kyis brtson 'grus kyi stobs dang / shes pa'i stobs kyis zab cing rgya che ba'i chos 'di rab tu rnyed do/ /de bzhin du ma 'ongs pa'i dus na'ang rnyed par 'gyur ro/ /de bzhin du da ltar byung ba'i dus na yang sems can tshad med pa mir gyur nas brtson 'grus kyi stobs dang / shes pa'i stobs kyis zab cing rgya che ba'i chos 'di rab tu rnyed na/ bdag mir gyur la rkyen rnyed bzhin du zab cing rgya che ba'i chos 'di thob par bya ba la brtson 'grus nyams par ci'i phyir bya zhes de ltar shes nas/ byang chub sems dpa' sangs rgyas kyi zhing de dang de dag na rtag par rgyun du zab cing rgya che ba dag la dad pa des mngon par dga' ba skyes shing mos pa skyes pas gnas so/ /rigs kyi bu de ltar byang chub sems dpa'i theg pa chen po'i phyir theg pa chen po la dad pa mngon par dga' ba'i rnam pas 'jug ste/ rigs kyi bu 'di ni byang chub sems dpa' rnams kyi theg pa chen po'i phyir theg pa chen po la dad pa'i rnam pa'i mtshan nyid do/ /gsol pa/ bcom ldan 'das byang chub sems dpa'i theg pa chen po'i phyir theg pa chen po la dad pa yongs su gzung ba'i mtshan nyid gang lags/ bcom ldan 'das kyis bka' stsal pa/ rigs kyi bu byang chub sems dpa' rnams kyi theg pa chen po'i phyir theg pa chen po la dad pa ni bsod nams dang / ye shes tshad med pa yongs su bzung nas skye'o/ /de ci'i phyir zhe na/ rigs kyi bu sems can thams cad la phan pa dang / bde ba'i gnas yin pa'i phyir 'jig rten pa'i</font><hr>52.10b<br><font size=+1>

dge ba'i rtsa ba ji snyed pa 'di lta ste/ mtho ba'i rigs su 'gyur ba 'am/ gzugs bzang por 'gyur ba 'am/ phyug po'i rigs su 'gyur ba 'am/ yid gzhungs pa dang / blo dang dran pa dang / ldan par 'gyur ba 'am/ phyogs dang g.yog 'khor mang por 'gyur ba 'am/ tshe ring por 'gyur ba 'am/ dbang che bar grags par 'gyur ba 'am/ rgyal rigs shing sA la chen po lta bu'i rigs su 'gyur ba 'am/ bram ze shing sA la chen po lta bu'i rigs su 'gyur ba 'am/ khyim bdag shing sA la chen po lta bu'i rigs su 'gyur ba 'am/ rgyal chen bzhi'i rigs su skye bar 'gyur ba 'am/ sum cu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed du skye bar 'gyur ba 'am/  'khor los sgyur ba nyid dang / 'jig rten skyong ba nyid dang / brgya byin nyid dang / bdud nyid dang / tshangs pa nyid du 'gyur ba 'am/ gzugs kyi bsam gtan du skye bar 'gyur ba nas/ 'du shes med 'du shes med min srid pa'i rtse mo'i bar du skye bar 'gyur ba'i dge ba'i rtsa ba de dag ni theg pa chen po'i phyir theg pa chen po la dad pas bsod nams dang ye shes yongs su bzung ba'i dge ba'i rtsa ba de'i brgya'i char yang nye bar mi 'gro ste/ stong gi cha dang / brgya stong gi cha 'am/ grangs sam/ cha 'am/ bgrang ba 'am/ bsgrun pa 'am/ zla 'am/ dper yang mi bzod do/ /de ci'i phyir zhe na/ 'jig rten pa'i dge ba'i rtsa ba de dag ni 'dod chags dang / khong khro ba rab tu ma zhi ba dang 'brel ba'o/ /mthon dman rab tu ma zhi ba dang 'brel ba'o/ /bden pa rnams la yid gnyis dang the tsom za ba rab tu ma zhi ba dang 'brel ba'o/ /ngar 'dzin pa dang / nga yir 'dzin pa dang / de'i rtsa ba las byung ba'i lta bar gyur pa tshad med pa rab tu ma zhi ba dang 'brel ba'o/ /nye ba'i nyon mongs pa'i phyin ci log dang / g.yeng ba dang / rgod pa dang / rmugs pa dang / bag med pa dang / ngo tsha med pa rab tu ma zhi ba dang 'brel ba'o/ /'gro ba lnga'i las sna tshogs mngon par 'du byed pa'i rjes su 'brel pa rab tu ma zhi ba dang 'brel ba'o/ /sdug bsngal gyi bden pas bsdus pas rab tu ma zhi ba dang 'brel ba'o/ /rigs kyi bu de ltar 'jig rten pa'i dge ba'i rtsa ba de dag ni nyon mongs pa dang / las dang tshe'i kun nas nyon mongs pa rgyu dang 'bras bur bcas pa'i rgyun la 'jug pa rab tu ma zhi</font><hr>52.11a<br><font size=+1>

ba dang 'brel ba dag go/ /byang chub sems dpa'i theg pa chen po'i phyir theg pa chen po la dad pa dang 'brel pa bsod nams dang ye shes yongs su bzung ba'i dge ba'i rtsa ba rnams ni 'dod chags dang khong khro ba rab tu ma zhi ba las rnam par grol ba'o/ /mthon dman rab tu ma zhi ba las rnam par grol ba'o/ /bden pa rnams la yid gnyis dang the tsom za ba rab tu ma zhi ba las rnam par grol ba'o/ /ngar 'dzin pa dang / nga yir 'dzin pa dang / de'i rtsa ba las byung ba'i lta bar gyur pa tshad med pa rab tu ma zhi ba las rnam par grol ba'o/ /nye ba'i nyon mongs pa phyin ci log dang / g.yeng ba dang / rgod pa dang / rmugs pa dang / bag med pa dang / ngo tsha med pa rab tu ma zhi ba las rnam par grol ba'o/ /'gro ba lnga'i las sna tshogs mngon par 'du byed pa rab tu ma zhi ba las rnam par grol ba'o/ /rigs kyi bu de ltar byang chub sems dpa'i theg pa chen po'i phyir theg pa chen po la dad pa dang 'brel ba bsod nams dang ye shes yongs su bzung ba dge ba'i rtsa ba rnams ni nyon mongs pa dang / las dang tshe'i kun nas nyon mongs pa rgyu dang 'bras bur bcas pa'i rgyun la 'jug pa rab tu ma zhi ba las rnam par grol ba'o de lta bas na de dag ni 'jig rten pa'i dge ba'i rtsa ba thams cad las khyed par du 'phags par rig par bya'o/ /gang dag nyan thos dang / rang sangs rgyas rnams kyi mi slob pa'i tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong bas kun du bzung ba'i 'jig rten las 'das pa'i dge ba'i rtsa ba de dag kyang nyon mongs pa dang / las dang / tshe'i kun nas nyon mongs pa rgyu dang 'bras bur bcas pa'i rgyun la 'jug pa rab tu ma zhi ba dang 'brel ba ma yin mod kyi/ 'on kyang bdag la phan pa 'ba' shig gi gnas yin pas don chung ba ste/ phung po ma lus pa'i mya ngan las 'das pa'i dbyings su zad par 'gyuro/ /byang chub sems dpa'i theg pa chen po'i phyir theg pa chen po la dad pa dang 'brel ba bsod nams dang ye shes yongs su bzung ba'i dge ba'i rtsa ba de dag ni sems can thams cad kyi phan pa dang bde ba'i gnas yin pas don che ba ste/ phung po ma lus pa'i mya ngan las 'das</font><hr>52.11b<br><font size=+1>

pa'i dbyings su zad par 'gyur ba ma yin no/ /rigs kyi bu de lta bas na byang chub sems dpa'i theg pa chen po'i phyir theg pa chen po la dad pa dang 'brel ba bsod nams dang ye shes yangs pa yongs su bzung ba'i dge ba'i rtsa ba dag ni 'jig rten pa'i dge ba'i rtsa ba 'ba' shig las khyad par du 'phags pa ma yin gyi 'jig rten las 'das pa'i dge ba'i rtsa ba dag las kyang khyad par du 'phags pa yin te/ rigs kyi bu 'di ni byang chub sems dpa'i theg pa chen po'i phyir theg pa chen po la dad pa yongs su gzung ba'i mtshan nyid do/ /byang chub sems dpa' dad pa thabs chen gyis gsol pa/ bcom ldan 'das byang chub sems dpa' sems dpa' chen po rnams kyi theg pa chen po'i phyir theg pa chen po la dad pa dang 'brel ba bsod nams dang ye shes yongs su bzung ba'i dge ba'i rtsa ba ni mthu che ba bla na ma mchis pa ste ngo mtshar to/ /bcom ldan 'das kyis bka' stsal pa/ rigs kyi bu de de bzhin te/ ji tsam du dge ba'i rtsa ba don du gnyer ba'i byang chub sems dpa' dge ba'i rtsa ba rnam pa 'di lta bu dag yongs su gzung ba la brtson par bya'o/ /dge ba'i rtsa ba de dag ni 'jig rten pa dang / 'jig rten las 'das pa'i dge ba'i rtsa ba thams cad zil kyis mnan nas 'jig rten pa'i phun sum tshogs pa thams cad rjes su sbyin pa'o/ /'bras bu rab tu sbyin pa dang / de'i rgyus kyang dgos pa yin te/ mthar yang / mi zad par bla na med pa yang dag par rdzogs pa'i byang chub mngon par sgrub bo/ /sems can tshad med pa dag kyang theg pa gsum gyis sdug bsngal thams cad spong zhing nges par 'byung bar byed par 'gyur ro/ /byang chub sems dpa' dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i phyir theg pa chen po la dad pa'i gnas kyi mtshan nyid gang lags/  bcom ldan 'das kyi bka' stsal pa/ rigs kyi bu byang chub sems dpa' rnams kyi theg pa chen po'i phyir theg pa chen po la dad pa ni sems can thams cad gyi gnas so/ /de ci'i phyir zhe na/ 'di ltar theg pa chen po bstan pa sems can thams cad la phan pa dang / bde ba'i thabs kyis rab tu phye ba de la dmigs</font><hr>52.12a<br><font size=+1>

nas byang chub sems dpa' theg pa chen po'i phyir theg pa chen po la dad pa skyes so/ /de lta bas na byang chub sems dpa' de bstan pa de la dad pas gang bstan pa la dga' ba gnas pa'i rgyu des byang chub sems dpa'i theg pa chen po'i phyir theg pa chen po la dad pa ni sems can thams cad kyi phan pa dang bde ba'i gnas su rig par bya'o rigs kyi bu ji ltar byang chub sems dpa' sems dpa' chen po theg pa chen po la dad pa thob pa sems can thams cad la phan pa dang bde ba 'byung ba de ltar pha ma dang / bu dang / mdza' bo dang / rtsa lag dang / gnyen gyi tshogs ni gnyen gyi tshogs la phan pa dang bde ba 'byung ba ma yin no/ /de ci'i phyir zhe na/ pha ma la sogs pa gnyen mdab kyi tshogs de ni gnyen mdab kyi tshogs la phan pa ma yin pa la phan par 'du shes shing phan pa la ni phan pa ma yin par 'du shes pa yin/ bde ba ma yin pa la bde bar 'du shes shing bde ba la ni bde ba ma yin par 'du shes pa yin no/ /phan pa dang / bde ba de gnyi ga la yang phyin ci log tu gyur pas phan pa ma yin pa la phan par sgrub cing phan pa la ni phan pa ma yin par bsgrub pa yin/ bde ba ma yin pa la bde bar bsgrub cing bde ba la ni bde ba ma yin par bsgrub pa yin no/ /byang chub sems dpa' ni theg pa chen po la dad pa la brten nas gnyen mdab lta bu'i sems can thams cad la dam pa'i chos ston pas sems can de dag la phan pa la 'ang phan par 'du shes shing phan pa ma yin pa la 'ang phan pa ma yin par 'du shes pa yin/ bde ba la 'ang bde bar 'du shes shing sdug bsngal la yang sdug bsngal du 'du shes pa yin no/ /de ltar phan pa dang bde ba la phyin ci ma log pa'i blo dang ldan pas phan pa gang yin pa de ni sgrub bo/ /gang phan pa ma yin pa de ni mi sgrub bo/ /bde ba gang yin pa de ni sgrub bo/ /sdug bsngal gang yin pa de ni mi sgrub bo/ /de lta bas na byang chub sems dpa'i theg pa chen po la dad pa ni sems can thams cad kyi phan pa dang bde ba'i gnas yin pas 'jig rten pa thams cad las khyad par du 'phags pa yin no/ /rigs kyi bu 'jig rten pa rnams las khyad par du 'phags par yang ma zad de/ 'jig rten las 'das</font><hr>52.12b<br><font size=+1>

pa rnams las kyang khyad par du 'phags pa yin no/ /de ci'i phyir zhe na/ 'di ltar nyan thos dang rang sangs rgyas rnams ni byang chub sems dpa'i rjes su 'jug cing sems can rnams la phan pa dang bde ba byed kyi rang gi snying rjes ni ma yin te shin du byed pa yang ma yin no/ /byang chub sems dpa' rnams kyi theg pa chen po'i phyir theg pa chen po la dad pa sems can thams cad kyi phan pa dang bde ba'i gnas gang yin pa de ni rang gi snying rje dang shin du byed pas yin te/ bya dka' ba tshad med pa la ji mi snyam pas 'jug go/ /de lta bas na byang chub sems dpa' rnams kyi phan pa dang bde ba'i gnas ni 'jig rten las 'das pa'i phan pa dang bde ba'i gnas dang / 'jig rten pa rnams las kyang khyad par du 'phags pa yin te/ rigs kyi bu 'di ni byang chub sems dpa' rnams kyi theg pa chen po'i phyir theg pa chen po la dad pa'i gnas kyi mtshan nyid du rig par bya'o/ /gsol pa/ bcom ldan 'das byang chub sems dpa' sems dpa' chen po rnam kyi theg pa chen po'i phyir theg pa chen po la dad pa'i yang dag par 'da' ba'i mtshan nyid gang lags/ bcom ldan 'das kyis bka' stsal pa/ rigs kyi bu byang chub sems dpa' rnams kyi theg pa chen po'i phyir theg pa chen po la dad pa ni ngan 'gro'i sems can dmyal ba dang / dud 'gro dang / yi dgas thams cad las yang dag par 'das pa yin no/ /byang chub sems dpa' dad pa thabs chen gyis gsol pa/ bcom ldan 'das sa la zhugs pa las ring tu gnas pa las dang po pa mos pas spyod pa la zhugs pa'i byang chub sems dpa' rnams kyi ngan 'gro thams cad las yang dag par 'da' bar 'gyur ba ji lta bu lags/ bcom ldan 'das kyis bka' stsal pa/ rigs kyi bu byang chub sems dpa' sa la zhugs pa rnams nyid kyi theg pa chen po'i phyir theg pa chen po la dad pa thob pas ngan 'gro las yang dag par 'da' bar 'gyur zhing bde 'gro'i rkyen gcig nas gcig tu brgyud pa thob pa ma yin gyi ma thob pa'i byang chub sems dpa' rnams kyi theg pa chen po'i phyir theg pa chen po la dad pa thob pas kyang ngan 'gro las yang dag par 'da' bar rig par bya'o/ /rigs kyi bu 'di ltar theg pa chen po'i phyir theg pa chen po la dad pa thob pa'i byang chub sems dpa'</font><hr>52.13a<br><font size=+1>

ni gcig nas gcig tu brgyud pas dus ring po na tshe rabs thams cad du sangs rgyas dang / byang chub sems dpa' rnams dang 'grogs pa 'thob bo/ /de bas na dam pa'i chos mnyan pa dang / tshul bzhin yid la byed pa'i rjes su 'gro ba'i yang dag pa'i nan tan la zhugs pa'i byang chub sems dpa' ni gang du rtag par rgyun du byang chub kyi tshogs yongs su rdzogs par 'gyur ba der skye bar 'gyur te/ rigs kyi bu rnam grangs 'dis na byang chub sems dpa' bde 'gro thams cad las kyang yang dag par 'da' bar 'gyur ba yin na ngan 'gro las lta smos kyang ci dgos/ gsol pa/ bcom ldan 'das byang chub sems dpa' ngan 'gro las yang dag par 'das pa nyid ces bgyi 'am/ ci bde 'gro las yang dag par 'das pa zhes ma bgyi/ bcom ldan 'das kyis bka' stsal pa/ rigs kyi bu byang chub sems dpa' theg pa chen po la dad pa thob pa kha cig ni bde 'gro las kyang yang dag par 'das par rig par bya'o/ /'di ltar theg pa chen po la dad pa thob pa'i byang chub sems dpa' ni las dang nyon mongs pa dang / las kyi rang dbang gis skye ba gang yin pa dang / sems can gyi don chung ngu'i don gyis skye ba gang yin pa de dag las kyang rim gyis yang dag par 'da'o/ /de lta mod kyis 'on kyang rigs kyi bu rnam grangs 'dis na byang chub sems dpa'i bde 'gro yang ngan 'gro yin la ngan 'gro yang bde 'gro yin par rig par bya'o/ /de ci'i phyir zhe na/ rigs kyi bu byang chub sems dpa'i gzhan gyi dbang gang yin pa dang / don chung ngu'i bde 'gro'i gang yin pa de ni ngan 'gro yin no/ /smon lam gyi dbang gis snying rje chen po sngon du 'gro ba'i sems kyis sems can rnams 'dul ba'i phyir byang chub sems dpa' sems can dmyal ba dang / dud 'gro dang / yi dgas rnams su skye ba gang yin pa de ni de'i bde 'gror rig par bya'o/ /gsol pa/ bcom ldan 'das ci lags/ byang chub sems dpa' smon lam gyi dbang gis sems can dmyal ba dang / dud 'gro dang / yi dgas rnams su skye ba yang de bzhin du sdug bsngal ba 'am rmongs pa lags sam/ bka' stsal pa/ rigs kyi bu de ni ma yin te de ltar mi blta'o/ /byang chub sems dpa' smon lam gyi dbang gis ngan</font><hr>52.13b<br><font size=+1>

'gro rnams su skye ba ni bsam gtan bzhi'i sa pa'i bde ba las shin du 'das nas bde ba dang ldan par gnas te/ 'jig rten pa thams cad dang / 'jig rten las 'das pa dman pa'i shes rab las kyang shin du 'das nas shes rab kyi rgyu ba la 'jug go/ /de bas na de de na sems can gyi don la brtson par rig par bya'o/ /ngas de las dgongs te sems can rnams kyi las kyi rgyud kyang bsam gyis mi khyab na byang chub sems dpa' rnams kyi lta smos kyang ci dgos shes gsungs so/ /rigs kyi bu 'di ni byang chub sems dpa' rnams kyi theg pa chen po'i phyir theg pa chen po la dad pa'i yang dag par 'da' ba'i mtshan nyid do/ /gsol pa/ bcom ldan 'das byang chub sems dpa' rnams kyi theg pa chen po'i phyir theg pa chen po la dad pa'i rtsa ba'i mtshan nyid gang lags/ bcom ldan 'das kyis bka' stsal pa/ rigs kyi bu byang chub sems dpa' rnams kyi theg pa chen po la dad pa de ni sangs rgyas kyi chos tshad med pa thams cad kyi sa bon yin pa'i phyir sangs rgyas kyi chos tshad med pa thams cad kyi rtsa ba nyid du rig par bya'o/ /de ci'i phyir zhe na/ sangs rgyas kyi chos sna tshogs tshad med pa ji snyed theg pa chen po la snang ba dang / rab tu phye ba de dag theg pa chen po la dad pa thob pa'i byang chub sems dpa' nyan to/ /kun du 'dzin to/ /dmigs pa des dad pa skyed do/ /de la byang chub sems dpa' de'i dad pa skye ba'i dmigs pa ji snyed par sa bon yongs su 'dzin pa dang / sa bon la sogs pa yang de snyed du gnas so/ /de bas na byang chub sems dpa' rnams kyi theg pa chen po la dad pa de ni sangs rgyas kyi chos tshad med pa thams cad kyi rtsa ba zhes bya ste/ rigs kyi bu 'di ni byang chub sems dpa' rnams kyi theg pa chen po'i phyir theg pa chen po la dad pa'i rtsa ba'i mtshan nyid do/ /gsol pa/ bcom ldan 'das byang chub sems dpa' rnams kyi theg pa chen po'i phyir theg pa chen po la dad pa'i sbed pa'i mtshan nyid gang lags/ bcom ldan 'das kyis bka' stsal pa/ rigs kyi bu 'di la byang chub sems dpa' theg pa chen po'i phyir theg pa chen po la dad pa skyes nas 'di lta ste/ </font><hr>52.14a<br><font size=+1>

ser sna'i sems yongs su spong zhing dang du mi len pas sbed pa dang / ngan pa'i ngang tshul gyi mtshan ma yongs su spong zhing dang du mi len pas sbed pa dang / khro ba'i mtshan ma yongs su spong zhing dang du mi len pa'i sbed pa dang / le lo'i mtshan ma yongs su spong zhing dang du mi len pas sbed pa dang / rnam par g.yeng ba'i mtshan ma yongs su spong zhing dang du mi len pas sbed pa dang / 'chal pa'i shes rab kyi mtshan ma yongs su spong zhing dang du mi len pas sbed pa'i phyir nyon mongs pa dang nye ba'i nyon mongs pa dang / phyir rgol ba'i kun du rgyu ba thams cad las sems shin du srung zhing shin du sbed par byed do/ /rigs kyi bu 'di lta ste/ dper na 'di ltar skyes bu zhig lus mi smas par bya ba'i phyir go cha bzang po bgos pa ni go chas bsrungs shing go chas sbas pa'i phyir dgra thams cad kyis mi tshugs so/ /rigs kyi bu de bzhin du theg pa chen po'i phyir theg pa chen po la dad pa'i byang chub kyi sems kyi go cha bgos shing des legs par bsrungs shing legs par bcas pa ni nyon mongs pa dang / nye ba'i nyon mongs pa dang / sgrib pa'i dgra thams cad kyis 'jigs par mi 'gyur te/ rigs kyi bu 'di ni byang chub sems dpa' rnams kyi theg pa chen po'i phyir theg pa chen po la dad pa'i sbed pa'i mtshan nyid do/ /gsol pa/ bcom ldan 'das byang chub sems dpa' rnams kyi theg pa chen po'i phyir theg pa chen po la dad pa'i rjes su 'brel ba'i mtshan nyid gang lags/ bcom ldan 'das kyis bka' stsal pa/ rigs kyi bu 'di la byang chub sems dpa' rnams kyi theg pa chen po'i phyir theg pa chen po la dad pa'i bag chags byang chub sems dpa'i gnas la rjes su 'brang ba de ni 'di ltar rjes su 'breng ste/ 'di lta ste/ 'gro 'am/ 'dug gam/ nyal lam ma nyal lam gnyid kyis log gam/ ra ro 'am/ smyos kyang rung ste/ rtag tu theg pa chen po la dad pa de dang ldan par 'gyur ro/ /byang chub sems dpa' tshe rabs gzhan du rjes te theg pa chen po la dad pa de brjed du zin kyang dman pa skal ba mi mnyam pa'i sems bskyed pa'i tshul can ma yin pas bshes gnyen ngan pa nyan thos dang / rang sangs rgyas dang 'dre bas</font><hr>52.14b<br><font size=+1>

kyang 'phrogs par mi 'gyur na/  gzhan mu stegs can gyi lta 'phrogs par ga la 'gyur/ theg pa chen po'i phyir theg pa chen po la dad pa'i rkyen chung ngu zhig rnyed pas kyang myur ba dang / shas che ba dang / rgyun kyis theg pa chen po'i phyir theg pa chen po la dad pa skyed do/ /de'i theg pa chen po'i phyir theg pa chen po la dad pa'i bag chags rjes su 'brel ba de yang tshe rabs tshe rabs su rnam par 'phel te/ bla na med pa yang dag par rdzogs pa'i byang chub kyi bar du 'gyur ro/ /rigs kyi bu 'di ni byang chub sems dpa'i theg pa chen po'i phyir theg pa chen po la dad pa'i rjes su 'brel ba'i mtshan nyid do/ /gsol pa/ bcom ldan 'das byang chub sems dpa' rnams kyi theg pa chen po'i phyir theg pa chen po la dad pa'i rgyun kyi mtshan nyid gang lags/ bcom ldan 'das kyis bka' stsal pa/ rigs kyi bu 'di la byang chub sems dpa'i theg pa chen po'i phyir theg pa chen po la dad pa thob pa ni dad pa'i shugs de dag gis rtse zhing dus dus su theg pa chen po'i chos klog go/ /nyan to/ /'don to/ /kha ton byed do/ /gzhan dag la yang rab tu ston to/ /tshul bzhin sems so/ /bsgom pa'i rnam pas sbyor ro/ /rigs kyi bu thos pa dang / sems pa dang / bsgom pa de dang de la de ltar sbyor ba'i byang chub sems dpa' ni 'bras bu yod par 'chi ba'i dus bya ba'i phyir kun du sbyor ba'i tshul gyis theg pa chen po la dad pa'i rgyun rab tu 'jug go/ /rigs kyi bu 'di ni byang chub sems dpa' rnams kyi theg pa chen po'i phyir theg pa chen po la dad pa'i rgyun gyi mtshan nyid do/ /gsol pa/ bcom ldan 'das byang chub sems dpa' rnams kyi theg pa chen po'i phyir theg pa chen po la dad pa yongs su grub pa'i mtshan nyid gang lags/ bka' stsal pa/ rigs kyi bu byang chub sems dpa' rnams kyi theg pa chen po'i phyir theg pa chen po la dad pa yongs su grub pa'i rnam pa bzhir rig par bya ste/ skye ba mchog dang / tshad mchog dang / phan pa mchog dang / 'gyod pa med pa mchog go/ /rigs kyi bu 'di ltar 'di las phyi rol pa 'jig rten pa rnams kyi rang gi gtsug lag la dad pa gang yin pa de yang dad pa nyid du rig par bya'o/ /nyan thos dang</font><hr>52.15a<br><font size=+1>

rang sangs rgyas rnams sangs rgyas kyi bstan pa la dad pa gang yin pa de ni bdag la phan pa gtso bor byas pas chung zhing yongs su ma rdzogs pa'i phyir byang chub sems dpa'i dad pa'i mtshan nyid dang bral ba'o/ /'di ltar nyan thos rnams ni ji ltar bcom ldan 'das de ni bdag la phan pa mdzad cing gces spras mdzad pa ste/ bcom ldan 'das de ni bdag gi sdug bsngal gyi chos mang po rnams sel ba/ bcom ldan 'das de ni bdag la bde ba'i chos mang po sgrub pa/ bcom ldan 'das de ni bdag gi sdig pa mi dge ba'i chos rnam pa du ma sel ba/ bcom ldan 'das de ni bdag la dge ba'i chos rnam pa du ma sgrub pa'o zhes bdag la phan pa mang po gtso bor byed pas sangs rgyas la dad pa skyed pa de ltar bdag la phan pa gtso bor byed pas sangs rgyas la dad pa skyed do/ /byang chub sems dpa' ni de ltar dad pa skyed pa ma yin te/ sems can thams cad la phan pa dang bde ba gtso bor byas nas byang chub sems dpa' sangs rgyas la dad pa skyed do/ /de lta bas na rigs nyid kyis byang chub sems dpa' rnams kyi theg pa chen po'i phyir theg pa chen po la dad pa ni rgya che ba'o/ /rgya che ba'i phyir mchog go/ /mchog gi phyir yongs su grub pa'o/ /gzhan yang byang chub sems dpa' rnams kyi theg pa chen po'i phyir theg pa chen po la dad pa chung ngus ni dad pa 'bring skyed do/ /dad pa 'bring gis ni dad pa mchog skyed de/ dad pa mchog gang yin pa de yang byang chub sems dpa' rnams kyi theg pa chen po'i phyir theg pa chen po la dad pa yongs su grub pa'o/ /gzhan yang byang chub sems dpa' rnams kyi theg pa chen po la dad pa ni sems can thams cad la phan par gyur pa yin te/ de lta bas na yang yongs su grub pa'o/ /gzhan yang byang chub sems dpa' rnams kyi theg pa chen po'i phyir theg pa chen po la dad pa ni sangs rgyas kyi chos tshad med pa zad mi shes pa yang dag par 'grub par 'gyur te/ de lta bas na yang yongs su grub par rig par bya'o/ /rigs kyi bu 'di ni byang chub sems dpa' rnams kyi theg pa chen po'i phyir theg pa chen po la dad pa yongs su grub pa'i mtshan nyid do/ /rigs kyi bu 'di ni byang chub sems dpa' rnams kyi theg pa chen po'i phyir theg pa chen po la dad pa'i mtshan nyid rnam pa bcu gcig po thams cad bsdus pa'i</font><hr>52.15b<br><font size=+1>

mtshan nyid du rig par bya'o/ /mtshan nyid rab tu dbye ba'i le'u zhes bya ste dang po'o// // de nas bcom ldan 'das la byang chub sems dpa' dad pa thabs chen gyis 'di skad ces gsol to/ /bcom ldan 'das byang chub sems dpa' rnams kyi theg pa chen po'i phyir theg pa chen po la dad pa skye ba gang lags/ bcom ldan 'das kyis bka' stsal pa/ rigs kyi bu byang chub sems dpa' rnams kyi theg pa chen po'i phyir theg pa chen po la dad pa skye ba de yang rnam pa bcu gcig tu rig par bya'o/ /'di lta ste/ rgyu las skye ba dang / grogs las skye ba dang / yid la byed pa las skye ba dang / spyod pa las skye ba dang / 'dri ba la skye ba dang / yongs su mi skyo ba las skye ba dang / yongs su bskang ba las skye ba dang / ting nge 'dzin las skye ba dang / chog mi shes pa las skye ba dang / rab tu dben pa las skye ba dang / ston pa tshad mar byas pa las skye ba'o/ /gsol pa/ bcom ldan 'das byang chub sems dpa' rnams kyi theg pa chen po'i phyir theg pa chen po la dad pa rgyu las skye ba gang lags/ bcom ldan 'das kyis bka' stsal pa/ rigs kyi bu 'di la byang chub sems dpa' thog ma'i gnas nyid nas theg pa chen po'i chos dkar po'i sa bon dang ldan pa yin te/ de thog ma nas chos dkar po la 'dris pa'i stobs kyis rang bzhin nyid kyis snying rje dang rab tu ldan pa'i theg pa chen po'i chos bstan pa la 'dod pa yang dag par gnas so/ /de 'dod pa sngon du 'gro bas dad pa skye'o/ /rang bzhin gyis zab cing rgya che ba dang rab tu ldan pa'i theg pa chen po'i chos bstan pa la mos pas 'dod pa yang dag par gnas te de las de'i dad pa skye'o/ /de ltar byang chub sems dpa' rang bzhin nyid kyis dka' ba spyod pa dang rab tu ldan pa'i theg pa chen po'i chos bstan pa la bzod pa yang dag par gnas te/ des de'i dad pa skye'o/ /rang bzhin nyid kyis sbyin pa dang rab tu ldan pa'i theg pa chen po'i chos bstan pa la mos pa yang dag par gnas te/ des de'i dad pa skye'o/ /rang bzhin nyid kyis tshul khrims dang rab tu ldan pa dang /  bzod pa dang rab tu ldan pa dang / brtson 'grus dang rab tu ldan pa dang / bsam gtan dang rab tu ldan pa dang / shes rab dang rab tu ldan pa'i</font><hr>52.16a<br><font size=+1>

theg pa chen po'i chos bstan pa la mos pa yang dag par gnas te des de'i dad pa skye'o/ /rigs kyi bu byang chub sems dpa'i theg pa chen po'i phyir theg pa chen po la dad pa rgyu las byung ba ni de lta bu'i tshul can du rig par bya'o/ /byang chub sems dpa' dad pa thabs chen gyis gsol pa/ bcom ldan 'das byang chub sems dpa'i theg pa chen po'i phyir theg pa chen po la dad pa grogs las skye ba gang lags/ bcom ldan 'das kyis bka' stsal pa/ rigs kyi bu 'di la byang chub sems dpa'i dge ba'i bshes gnyen ni byang chub sems dpa' nyid 'di lta ste/ lung dang thos pa phun sum tshogs pa/ rab tu zhi ba dang / tshul khrims dang / bslab pa dang / spyod lam dang / spyod pa phun sum tshogs pa/ ngag rnam par dag pa phun sum tshogs pa/ zang zing med pa'i sems dang / yongs su mi skyo ba phun sum tshogs pa rnyed nas mthu kun du bstan pa 'am/ theg pa chen po'i chos ma nor bar rig pas yang dag par bstan pa 'am/ rtag par rgyun du 'gro zhing snyan par brjod pas thabs kyis stobs bskyed pa 'dris pas byang chub sems dpa'i theg pa chen po'i phyir theg pa chen po la dad pa skyed de rigs kyi bu 'di ni byang chub sems dpa'i theg pa chen po'i phyir theg pa chen po la dad pa grogs las skye bar rig par bya'o/ /gsol pa/ bcom ldan 'das byang chub sems dpa'i theg pa chen po'i phyir theg pa chen po la dad pa yid la bgyid pa las skye ba gang lags/ bcom ldan 'das kyis bka' stsal pa/ rigs kyi bu byang chub sems dpa' sgra ji bzhin du tshul bzhin ma yin par chos rab tu rnam par 'byed pa ni theg pa chen po la dad pa skye ba'i gnas ma yin no/ /sgra ji bzhin du ma yin gyi dgongs pa las byung ba'i don tshul bzhin yid la byed pa ni theg pa chen po la dad pa skye ba'i gnas yin no/ /rigs kyi bu 'di ltar byang chub sems dpa' sgra ji bzhin du tshul bzhin ma yin par chos rab tu rnam par 'byed pa la yang dag pa ma yin pa'i lta ba nyi shu rtsa brgyad 'byung ngo / /'di lta ste/ mtshan mar lta ba dang / lta ba la lta ba ma yin par lta ba dang / tha snyad la skur pa 'debs</font><hr>52.16b<br><font size=+1>

pa'i lta ba dang / kun nas nyon mongs pa la skur pa 'debs pa'i lta ba dang / de kho na la skur pa 'debs pa'i lta ba dang / sbyor ba sel ba'i lta ba dang / yongs su 'dzin pa'i lta ba dang / sgyur ba'i lta ba dang / nges par 'byung ba ma yin pa'i lta ba dang / kha na ma tho ba med par lta ba dang / 'byung bar lta ba dang / sgrib pa sogs pa'i lta ba dang / brnyas pa'i lta ba dang / rab tu 'khrugs pa'i lta ba dang / bsod nams ma yin pa 'phel ba'i lta ba dang / log par lta ba dang / ngal ba 'bras bu med pa'i lta ba dang / 'phel bar lta ba dang / bslu ba'i lta ba dang / khas mi len par lta ba dang / g.yo'i lta ba dang / chad pas bcad pa'i lta ba dang / bkur sti byed par lta ba dang skur pa'i lta ba dang / rmongs pa brtan pa'i lta ba dang / mi smra ba'i lta ba dang / lta ba chen po dang / mngon pa'i nga rgyal gyi lta ba'o/ /rigs kyi bu mtshan mar lta ba gang zhe na/ gang ngas 'dus pa las byung ba'i ngo bo nyid las dgongs te chos rnams med do zhes bstan pa de la sgra ji bzhin du mngon par zhen nas kun nas nyon mongs pa las byung ba'i chos rnams dang / rnam par byang ba las byung ba'i chos rnams la yang mngon par zhen cing med pa nyid du mtshan mar bzung bas med par lta bar 'gyur te/ de'i phyir mtshan mar lta ba zhes bya'o/ /de la lta ba la lta ba ma yin par lta ba ni med par lta ba de la byang chub sems dpa' de sgra ji bzhin du mngon par zhen pas lta ba ma yin par 'du shes par 'gyur ro/ /gang med par lta ba de ni de'i lta ba chen po ste/ de'i phyir lta ba la lta ba ma yin par lta ba zhes bya'o/ /de la tha snyad la skur pa 'debs pa'i lta ba dang / kun nas nyon mongs pa la skur pa 'debs pa'i lta ba dang / de kho na la skur pa 'debs pa'i lta ba ni mtshan mar lta ba des thams cad la skur pa btab pas tha snyad la skur pa 'debs pa'i lta ba la yang mngon par zhen/ kun nas nyon mongs pa la skur pa 'debs pa'i lta ba la yang mngon par zhen te/ de kho na la skur pa 'debs pa'i lta ba la yang mngon par zhen te/ de'i phyir tha snyad la skur pa 'debs pa'i lta ba zhes kyang bya kun nas nyon mongs pa la skur pa 'debs pa'i lta ba zhes kyang bya/ de kho na la skur pa</font><hr>52.17a<br><font size=+1>

'debs pa'i lta ba zhes kyang bya'o/ /de la sbyor ba sel ba'i lta ba ni skur pa 'debs pa'i lta ba can de nyid gong du rab tu rnam par 'byed pa la sbyor ba sel bar byed pa ste/ des na khyad par du 'gro ba las yongs su 'dzin pa nyams so/ /de la yongs su 'dzin pa'i lta ba ni lta ba la lta ba ma yin par lta ba dang / skur pa 'debs pa'i lta ba dang / sbyor ba sel ba'i lta ba can de nyid gzhan dag dang / chos kyi mtshan nyid rnam par gdon mi za bar byed pa na med pa'i phyogs nyid yongs su 'dzin te/ de'i phyir yongs su 'dzin pa'i lta ba zhes bya'o/ /de la sgyur ba'i lta ba ni gal te theg pa chen po'i mdo sde'i don rjod cing chos 'di dag thams cad ni med pa'i don du mngon par smra'o zhes don de dag med par lta ba de nyid la sgyur ba ste/ de'i phyir sgyur ba'i lta ba zhes bya'o/ /de la nges par 'byung ba ma yin pa'i lta ba ni rigs kyi bu bdag dang gzhan yongs su 'dzin pa'i lta ba gang yin pa dang / sgyur ba'i lta ba gang yin pa la rten pas de theg pa dman pas kyang byang chub tu nges par mi 'byung na/ bla na med pa yang dag par rdzogs pa'i byang chub tu lta ci smos/ de'i phyir nges par 'byung ba ma yin pa'i lta ba zhes bya'o/ /de la kha na ma tho ba med par lta ba ni de med pa'i mtshan ma la lta bar gyur nas 'di ltar gang lta ba 'di dang ldan na de gang cung zad 'khrul pa'i nyes byas la spyod kyang byang chub sems dpa' de thams cad du kha na ma tho ba med par 'gyur ro snyam tu lta bar 'gyur te/ de'i phyir kha na ma tho ba med par lta ba zhes bya'o/ /de la 'byung bar lta ba ni gang med pa'i mtshan mar lta ba'i byang chub sems dpa' de 'di snyam du sems te/ med pa'i mtshan mar lta ba 'di ni nyes byas kyi kha na ma tho ba thams cad kyi 'byung ba'o/ /snyam du sems la de ni 'byung ba ma yin te/ de'i phyir 'byung bar lta ba zhes bya'o/ /de la sgrib pa sogs pa'i lta ba ni kha na ma tho ba med par lta ba dang 'byung bar lta ba nyid de/ sgrib pa'i rgyu la de'i gnyen po yin pa'i blo 'byung ba'i phyir ro/ /de la brnyas pa'i lta ba ni gang med pa'i mtshan ma la lta ba'i byang chub sems dpa' de nyan thos kyi theg pa la brnyas pa'i</font><hr>52.17b<br><font size=+1>

sems skyed de chos 'di dag ni chung ba'i phyir byang chub sems dpas chos de dag goms par mi bya/ byang chub sems dpas chos de dag la mkhas par mi bya'i/ byang chub sems dpas chos de dag ring du yongs su spang bar bya'o snyam ste/ de'i phyir brnyas pa'i lta ba zhes bya'o/ /de la rab tu 'khrugs pa'i lta ba ni gang med pa'i mtshan ma la lta ba'i byang chub sems dpa' de nyan thos kyi theg pa'i gang zag de dag la khong khro ba'i sems skyed de/ 'di dag dang lhan cig gnas par mi bya smra ba dang / kun du smra ba dang / kun brjod pa dang / chos gos la sogs pa yongs su spyad pa kun spyad par mi bya'o snyam ste de'i phyir rab tu 'khrugs pa'i lta ba zhes bya'o/ /de la bsod nams ma yin pa 'phel ba'i lta ba ni brnyas pa'i lta ba dang rab tu 'khrugs pa'i lta ba can gyi byang chub sems dpa' de nyid bsod nams ma yin pa mang du skyed de/ de'i phyir bsod nams ma yin pa 'phel ba'i lta ba zhes bya'o/ /de la log par lta ba ni gang med pa'i mtshan ma la lta ba'i byang chub sems dpa' de stong pa nyid la stong pa nyid du mi rtog /mtshan ma med pa la mtshan ma med par mi rtog /smon pa med pa la smon pa med par mi rtog ste/ des na de sgom pa'i ting nge 'dzin rnam pa gsum po 'di mi sgrub ste/ de'i phyir log par lta ba zhes bya'o/ /de la ngal ba 'bras bu med pa'i lta ba ni gang log par lta ba'i byang chub sems dpa' de ting nge 'dzin bsgom pa'i ngal ba 'bras bu med par 'gyur te/ de'i phyir ngal ba 'bras bu med pa'i lta ba zhes bya'o/ /de la 'phel bar lta ba ni gang med pa'i mtshan ma la lta ba'i byang chub sems dpa' de 'di ltar byang chub sems dpa' gang skye bo'i tshogs chen po lta ba 'di la 'dzud cing skye bo'i tshogs chen po dad par byed pa de bsod nams mang du skyed do/ snyam du lta bar 'gyur te/ de'i phyir 'phel bar lta ba zhes bya'o/ /de la slu ba'i lta ba ni gang 'phel bar lta ba'i byang chub sems dpa' de bdag dang gzhan la bsod nams kyi bsam pas bsod nams bslus par 'gyur te/ de'i phyir slu ba'i lta ba zhes bya'o/ /</font><hr>52.18a<br><font size=+1>

de la khas mi len par lta ba ni gang med pa'i mtshan ma la lta ba'i byang chub sems dpa' de 'di snyam du sems te chos thams cad med pa nyid 'di la gzhan dang rtsod par gyur na/ bdag gi phyogs gang yang khas mi blang ste/ bdag gis mi gzugs pa 'ba' shig tu bya'o snyam mo/ /de'i phyir khas mi len par lta ba zhes bya'o/ /de la g.yo'i lta ba ni gang med pa'i mtshan ma la lta ba'i byang chub sems dpa' de nyid phyogs khas mi len te/ sgra ji bzhin du med pa de rnam par 'jog pa na bgab zungs dang ltag chod kyi sbyor bar byed de/ bgab zungs dang ltag chod kyi sbyor ba ni g.yo smra ba zhes bya ste/ de'i phyir g.yo'i lta ba zhes bya'o/ /de la chad pas bcad pa'i lta ba ni byang chub sems dpa' gang khas mi len par lta ba dang g.yo'i lta ba smra ba de nyid smra ba snying po med pa'i phyir mkhas pa rnams kyis dus thams cad du chad pas bcad par 'gyur te/ de'i phyir chad pas bcad pa'i lta ba zhes bya'o/ /de la bkur sti byed par lta ba ni gang med pa'i mtshan ma lta ba'i byang chub sems dpa' de nyid 'di ltar gang de bzhin gshegs pas gsungs pa'i lta ba de lta bu 'di dag la sten pa de ni ston pa la sti stang byed/ bla mar byed/ ri mor byed pa yin par lta ba de ni rim gro byed pa ma yin te/ de'i phyir bkur sti byed par lta ba zhes bya'o/ /de la skur pa'i lta ba ni gang bkur sti byed par lta ba'i byang chub sems dpa' de nyid de bzhin gshegs pa la skur bar byed de/ sti stang mi byed pa 'ba' shig ni ma yin no/ /de'i phyir skur pa'i lta ba zhes bya'o/ /de la rmong pa brtan pa'i lta ba ni gang med pa'i mtshan ma lta ba'i byang chub sems dpa' de sgra ji bzhin du mngon par ma zhen pa phyin ci ma log par lta ba'i byang chub sems dpa' gzhan dag gis rigs par bstan cing rnam pa du mar bzlog pa byas kyang lta ba de las bskyod par mi nus te/ de'i phyir rmongs pa brtan pa'i lta ba zhes bya'o/ /de la mi smra ba'i lta ba ni nyon mongs pa brtan pa'i lta ba can gyi byang chub sems dpa' de nyid mi smra ba'i lta ba zhes bya'o/ /de la lta ba chen po ni lta ba nyi shu rtsa drug po</font><hr>52.18b<br><font size=+1>

de dag thams cad la lta ba chen po zhes bya'o/ /de ci'i phyir zhe na/ lta ba 'di ji lta ba bzhin du 'jig tshogs la lta ba'i rtsa ba las byung ba lta bar gyur pa drug bcu rtsa gnyis ni ji ltar kha na ma tho ba che ba ma yin te/ de'i phyir lta ba chen po zhes bya'o/ /ji ltar byang chub sems dpa' chos ma yin pa la chos su 'du shes shing don ma yin pa la don du 'du shes nas de ltar lta ba med par lta ba yongs su rjod pas dus tshad med par las kyi sgrib pa yongs su 'dzin pa chos kyis phongs par 'gyur ba'i las kyis 'jig rten kun du sbyor ba ltar 'jig tshogs la lta ba'i rtsa ba las byung ba'i lta bar gyur pa rnams ni de ltar chos kyis phongs par 'gyur ba'i las kyis 'jig rten kun du sbyor ba ma yin no/ /de la mngon pa'i nga rgyal gyi lta ba ni lta ba chen po nyid mngon pa'i nga rgyal gyi lta ba zhes bya'o/ /theg pa chen po'i chos kyi don la sgra ji bzhin du mngon par rlom sems su byed pas log par lta ba 'di 'byung ste/ de'i phyir mngon pa'i nga rgyal gyi lta ba zhes bya'o/ /'di la byang chub sems dpa' theg pa chen po la sgra ji bzhin du ma yin par dgongs pa las byung ba'i don la tshul bzhin du so sor rtog pa la ni 'phags pa'i lta ba rnams med par yang lta ba 'di dag mi 'byung ste/ theg pa chen po la dad cing yid la mngon du 'gyur ro/ /de'i tshul bzhin yid la byed pa'i rjes su 'gro ba'i theg pa chen po'i phyir theg pa chen po la dad pa skye ba ni don chen po yin no/ /chos la yang chos su 'du shes shing don la yang don du 'du shes pa yin te/ 'di ni byang chub sems dpa'i theg pa chen po'i phyir theg pa chen po la dad pa yid la byed pa las skye ba'o// // bam po gnyis pa ste tha ma/ byang chub sems dpa' dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i phyir theg pa chen po la dad pa spyod pa las skye ba gang lags/ bcom ldan 'das kyis bka' stsal pa/ rigs kyi bu 'di la byang chub sems dpas ji lta ji lta bur theg pa chen po'i chos bris nas 'chang ba dang / dran par byed pa dang / mchod pa dang gzhan la bged par byed pa dang / klog pa dang / nyan pa dang / 'don pa dang / kha ton byed pa dang gzhan</font><hr>52.19a<br><font size=+1>

dag la yang rgya cher rab tu ston pa dang / tshul bzhin sems pa dang / de ji lta ji lta bur bsgom pa'i rnam pa'i bar du sbyor zhing de lta de ltar sbyor ba de tsam du 'di lta ste/ sngon ma thos pa dang / sngon thos pa brtan par bya ba'i phyir gus pa'i dad pa sgo mang po nas skye ste/ rigs kyi bu 'di ni byang chub sems dpa'i theg pa chen po'i phyir theg pa chen po la dad pa spyod pa las skye ba'o/ /gsol pa/ bcom ldan 'das byang chub sems dpa'i theg pa chen po'i phyir theg pa chen po la dad pa 'dris pa las skye ba gang lags/ bcom ldan 'das kyis bka' stsal pa/ rigs kyi bu 'di la byang chub sems dpa'i theg pa chen po'i phyir theg pa chen po la dad pa 'di ltar mang du byed pa ni theg pa chen po'i phyir theg pa chen po la dad pa chung ngu la brten nas 'bring thob par 'gyur/ theg pa chen po'i phyir theg pa chen po la dad pa 'bring la brten nas chen po thob par 'gyur te/ dad pa des dad pa'i shas chen po thob nas dad pa mang du gnas pa 'di ni rigs kyi bu byang chub sems dpa'i theg pa chen po'i phyir theg pa chen po la dad pa 'dris pa las skye ba'o/ /gsol pa/ bcom ldan 'das byang chub sems dpa'i theg pa chen po'i phyir theg pa chen po la dad pa yongs su mi skyo ba las skye ba gang lags bcom ldan 'das kyis bka' stsal pa/ rigs kyi bu 'di la byang chub sems dpa' de ltar dad pa shas chen po rnyed nas yongs su skyo bar mi 'gyur te/ rgyun mi 'chad par dge ba'i phyogs la sbyor ba'i bar du yongs su mi skyo/ 'khor ba'i sdug bsngal gyis yongs su mi skyo/ sems can log par zhugs pa thams cad kyis yongs su mi skyo/ byang chub sems dpa'i dka' ba spyod pas yongs su mi skyo/ de de ltar yongs su mi skyo bas sangs rgyas dang byang chub sems dpa' dang dge ba'i bshes gnyen rnams mnyes par byed de theg pa chen po la dad pa'i rkyen kyang rnyed do de'i phyir theg pa chen po la dad pa skyed cing sbyor ba rgyun mi gcod de sbyor ba ma btang ba yin no/ /des na de rgyun mi chad par theg pa chen po'i phyir theg pa</font><hr>52.19b<br><font size=+1>

chen po la dad pa de 'jug ste/ rigs kyi bu 'di ni byang chub sems dpa'i theg pa chen po'i phyir theg pa chen po la dad pa yongs su mi skyo ba las skye ba'o/ /gsol pa/ bcom ldan 'das byang chub sems dpa'i theg pa chen po'-i phyir theg pa chen po la dad pa yongs su bskang ba las skye ba gang lags/ bcom ldan 'das kyis bka' stsal pa/ rigs kyi bu 'di ltar yongs su mi skyo bar sbyor ba'i byang chub sems dpa' rgyun du theg pa chen po la dad pa thob pas myur du bsod nams kyi tshogs dang ye shes kyi tshogs yongs su rdzogs par 'gyur ro/ /de bsod nams dang ye shes kyi tshogs yongs su rdzogs shing dge ba'i rtsa bas legs par brtan pas theg pa chen po la dad pa'i rkyen chung ngus kyang theg pa chen po la dad pa rgya chen po skye na/ theg pa chen po la dad pa'i rkyen rgya chen pos lta ci smos te/ de nyin mo 'am/ mtshan mo 'am/ nyal lam/ mi nyal yang rung / theg pa chen po la dad pa'i shugs kyis don med par mi 'gyur te/ rigs kyi bu 'di ni byang chub sems dpa'i theg pa chen po'i phyir theg pa chen po la dad pa yongs su bskang ba las skye ba'o/ /gsol pa/ bcom ldan 'das byang chub sems dpa'i theg pa chen po'i phyir theg pa chen po la dad pa gnas las skye ba gang lags/ bcom ldan 'das kyis bka' stsal pa/ rigs kyi bu 'di la byang chub sems dpa' 'di ltar bsod nams dang ye shes kyi tshogs yongs su rdzogs pa ni myur ba myur bar theg pa chen po'i phyir theg pa chen po la dmigs nas dad pa dang / mchog tu dga' ba las byung ba'i sems kyi ting nge 'dzin 'thob ste/ mnyam par bzhag pa'i sems des theg pa chen po'i chos yang dag pa ji lta ba bzhin du ston to/ /de'i phyir de ma log pa'i rnam pas dang ba skye zhing theg pa chen po'i phyir theg pa chen po la dad pa ches khyad par du 'phags pa skye'o/ /byang chub sems dpa' de'i sems kyi ting nge 'dzin snga ma dang lhag mthong 'di ni zhi gnas dang / lhag mthong gis yongs su zin pa'i rnal 'byor gyi lam du 'gyur ro/ /byang chub sems dpa'</font><hr>52.20a<br><font size=+1>

rnal 'byor kyi lam 'di la brten nas rim gyis sangs rgyas kyi chos rnams yang dag par sgrub par 'gyur te/ rigs kyi bu 'di ni byang chub sems dpa'i theg pa chen po'i phyir theg pa chen po la dad pa gnas las skye ba'o/ /byang chub sems dpa' dad pa thabs chen gyis gsol pa/ /bcom ldan 'das ci lags/ zhi gnas dang lhag mthong gi lam 'di byang chub sems dpa' tshogs bsags pa rnams kyi lags sam/ 'on te tshogs ma bsags pa rnams kyi yang lags/ bcom ldan 'das kyis bka' stsal pa/ rigs kyi bu zhi gnas dang lhag mthong gi lam ni byang chub sems dpa' tshogs ma bsag pa rnams kyi yang yin par ngas bshed do/ /rigs kyi bu 'di ltar sems mnyam par bzhag pa ni mngon par rtogs pa dang mthun pa byang chub sems dpa'i skyon med pa la 'jug pa'i phyogs kyi sa la 'jug pa la nye bar 'gyur te/ rigs kyi bu 'di ni byang chub sems dpa'i theg pa chen po'i phyir theg pa chen po la dad pa gnas las skye ba ste/ gnas ni ting nge 'dzin ces bya'o/ /byang chub sems dpa' dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i phyir theg pa chen po la dad pa chog mi shes pa las skye ba gang lags/ bcom ldan 'das kyis bka' stsal pa/ rigs kyi bu ting nge 'dzin thob pa'i byang chub sems dpa' zhi gnas tsam dang / ting nge 'dzin gyi ro de tsam gyis chog par mi 'dzin gyi ting nge 'dzin de nyid la gnas nas de theg pa chen po'i chos de dag la bgrang zhing 'jal la dpyod cing so sor rtog ste/ de la bgrang zhing 'jal la dpyod cing so sor rtog pa'i rnam pa'i lhag mthong rab tu skye'o/ /des na de lhag mthong dang lhan cig song ba'i rgyun chu bo ltar 'bab cing rlabs 'byung ba/ mngon par rtogs pa dang ches 'thun pa/ byang chub sems dpa'i skyon med pa la 'jug pa'i phyogs kyi mchog gi sa la 'jug pa/ rab tu 'dod do/ /shes rab la nye bar mi gnas na rigs kyi bu byang chub sems dpa'i theg pa chen po'i phyir theg pa chen po la dad pa ji ltar yang mi skye'o zhes nga smra'o/ /rigs kyi bu byang chub sems dpa' tshogs ma bsags kyang theg pa chen po'i chos</font><hr>52.20b<br><font size=+1>

nyan tam sems kyang rung ste/ zhi gnas dang lhag mthong la gnas na theg pa chen po'i phyir theg pa chen po la dad pa skye'o/ /sems rtse gcig tu mi byed cing theg pa chen po'i chos mi 'dzin na theg pa chen po la dad pa mi skye'o/ rigs kyi bu byang chub sems dpa' gang la la theg pa chen po'i phyir theg pa chen po la dad pa skye ba de thams cad ni mi g.yeng ba'i sems kyis chos kyi don la rtog pa las skye bar rnam grangs 'dis de ltar rig par bya'o/ /gsol pa/ bcom ldan 'das tshogs bsags pa'i sa pa'i rnal 'byor gyi lam dang / tshogs ma bsags pa'i sa pa'i rnal 'byor kyi lam khyad par ci mchis/ bcom ldan 'das kyis bka' stsal pa/ rigs kyi bu tshogs ma bsags pa'i sa pa'i rnal 'byor kyi lam ni sa dang mi nye ba ste/ ji ltar tshogs bsags pa'i sa pa ltar de de ltar rdzogs pa ma yin no/ /rigs kyi bu byang chub sems dpa' tshogs bsags pa'i sa pa'i rnal 'byor kyi lam/ gang yin pa ni sa la 'jug pa dang nye zhing rdzogs pa yin te/ rigs kyi bu 'di ni byang chub sems dpa'i theg pa chen po'i phyir theg pa chen po la dad pa chog mi shes pa las skye ba'o/ /gsol pa/ bcom ldan 'das byang chub sems dpa' rnams kyi theg pa chen po'i phyir theg pa chen po la dad pa rab tu dben pa las skye ba gang lags/ bcom ldan 'das kyis bka' stsal pa/ rigs kyi bu rdzogs pa'i rnal 'byor gyi lam thob pa'i byang chub sems dpa' ni khyim na gnas pa dang rab tu byung ba rnams dang 'dre zhing mi gnas kyi/ bas mthar gnas 'cha' zhing gnas te/ de dag na gcig pu rgyang bsrings te bag yod pa dang / rtun pa dang / rgyun du gnas so/ /de ltar rab tu dben par gnas pa de rnal 'byor kyi lam de nyid la gnas nas theg pa chen po'i chos rnams yid la byed pas bar chad med par theg pa chen po'i phyir theg pa chen po la dad pa rab tu skyed do/ /ji tsam du nyin mo dang / mtshan mo de dang / de dag 'das pa dang / skad cig thang cig yud tsam de dang de dag 'das shing byang chub kyi phyogs kyi chos khyad par du 'gro'o/ /de de ltar rab tu dben pa'i rnal 'byor kyi lam la gnas nas rim gyis</font><hr>52.21a<br><font size=+1>

bla na med pa yang dag par rdzogs pa'i byang chub mngon par rdzogs par 'tshangs rgya ba'i bar du 'gyur te/ de gong du thabs kyi khyad par gzhan btsal bar bya ba med do/ /rigs kyi bu 'di ni byang chub sems dpa' rnams kyi theg pa chen po'i phyir theg pa chen po la dad pa rab tu dben pa las skye ba'o/ /byang chub sems dpa' dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i phyir theg pa chen po la dad pa ston pa tshad mar bgyis pa las skye ba gang lags/ bcom ldan 'das kyis bka' stsal pa/ rigs kyi bu de ltar rab tu dben pa'i rnal 'byor kyi lam la gnas pa'i byang chub sems dpa' de theg pa chen po'i chos rnams yid la byed pas gang theg pa chen po'i chos zab cing gsang ba blos mi chud pa de la ston pa nyid tshad mar byed do/ /ston pa nyid tshad mar byas nas chos de dag la mos so/ /de ltar tshul bzhin du rab tu rnam par 'byed pas bdag gang gi tshe ston pa la mos par ma gyur pa de'i tshe bdag ston pas bshad pa'i chos rnam la mos par mi 'gyur te/ ston pa'i che ba nyid la mos pa shin du ma rung bar ma byas par rig nas ston pa la mos pa 'jug pa theg pa chen po'i chos gsang ba dag la mos pa 'jug go/ /byang chub sems dpa' ji lta ji ltar khong du chud cing rtogs nas theg pa chen po'i chos zab cing gsang ba de dag la dad pa thob pa de ltar khong du ma chud cing ma rtogs kyang byang chub sems dpa' mos pa'i stobs bskyed pas chos de dag la dad pa thob ste/ rigs kyi bu 'di ni byang chub sems dpa' rnams kyi theg pa chen po la dad pa ston pa tshad mar byas pa las skye ba'o/ /byang chub sems dpa' dad pa thabs chen gyis gsol pa/ de ltar skye ba sna tshogs 'di dag gis theg pa chen po la dad pa thob pa'i byang chub sems dpa'as theg pa chen po'i chos gang yid la bgyis te/ bla na med pa yang dag par rdzogs pa'i byang chub bsgrub par bgyi/ bcom ldan 'das kyis bka' stsal pa/ rigs kyi bu theg pa chen po la dad pa thob pa'i byang chub sems dpa'as dpag tu med pa bcu yid la byas nas bla na med pa</font><hr>52.21b<br><font size=+1>

yang dag par rdzogs pa'i byang chub bsgrub par bya'o/ /bcu gang zhe na/ chos dpag tu med pa dang / zab pa dpag tu med pa dang / brjod pa dpag tu med pa dang / tshig rab tu dbye ba dpag tu med pa dang / sems can dpag tu med pa dang / rjes su bzung ba dpag tu med pa dang / thabs la mkhas pa dpag tu med pa dang / dkon mchog gi che ba nyid dpag tu med pa dang / zhing dpag tu med pa dang / las dpag tu med pa'o/ /rigs kyi bu de la chos dpag tu med pa ni gang mdo dang / dbyangs kyi bsnyad pa dang / lung bstan pa la sogs pa bstan pa'i chos rnams kyi sde snod du gtogs pa dang / de'i yan lag tu gtogs pa rnams kyi chos dpag tu med pa'o/ /de la zab pa dpag tu med pa ni gang theg pa chen po la gang zag la bdag med pa dang / chos la bdag med pa dang stong pa nyid dang de bzhin nyid dang / yang dag pa'i mtha' dang / mtshan ma med pa dang / don dam pa dang / chos kyi dbyings kyi rnam grangs rnams kyis bstan pa tshad med pa dang / dgongs pa las byang ba dang / zab pa bstan pa dpag tu med pa'o/ /de la brjod pa dpag tu med pa ni rigs kyi bu brjod pa gang dang gang gis sems can dang chos dang / don rtogs par 'gyur ba tha na dud 'gro'i skye gnas su song ba'i sems can rnams la yang ji tsam du tshig brjod pa de dang des don khong du chud par bya ba'i phyir de bzhin gshegs pa rnams kyi gsung brjod pa rnams dpag tu med par 'byung ba'o/ /rigs kyi bu de la tshig rab tu dbye ba dpag tu med pa ni rigs kyi bu sems can rnams la 'dul ba'i dbang gi phyir de bzhin gshegs pas tshig rab tu dbye ba'i sgo mang po nye bar ston cing / don re re la yang tshig rab tu dbye ba tshad med pa dag gis rnam grangs su phye ste rab tu ston pa'o/ /de la sems can dpag tu med pa ni gang skye ba'i 'khor ba thog ma dang / tha ma med pa dang / kun du rgyug pa dang / 'khor ba'i sdug bsngal gyi sngon gyi mtha' mi mngon pas sems can dpag tu med do/ /de la rjes su gzung ba dpag tu med pa ni rigs kyi bu de bzhin</font><hr>52.22a<br><font size=+1>

gshegs pa 'di lta ste/ gnod pa las yongs su bskyab pa'i rjes su gzung ba dang / ngan song las yongs su bskyab pa'i rjes su gzung ba dang / 'jig tshogs las yongs su bskyab pa'i rjes su gzung ba dang / theg pas yongs su bskyab pa'i rjes su gzung ba dang / rjes su gzung ba tshad med pas sems can tshad med pa dag la dus thams cad tu nye bar gnas pa'o/ /de la thabs la mkhas pa dpag tu med pa ni thabs la mkhas pa gang dang gang gis sems can tshad med pa dag 'dul bar 'gyur ba ste/ yang na rigs pa yang dag par bstan pas sam/ yang na bag med pa yang dag par bskul bas sam/ yang na zhum pa gzengs bstod pas sam/ yang na yang dag par bsgrub pa yang dag par dga' bar bya bas sam/ yang na tshig drag po'i sbyor bas sam/ yang na tshig 'jam po'i sbyor bas sam/ yang na bzo'i gnas dang / las kyi gnas kyis chos dang 'thun pa nyid kun du bstan pas sam/ yang na rnam par dag par skye ba'i lus kun du bstan pas sam/ yang na rdzu 'phrul rnam par 'phrul pa'i cho 'phrul kun du bstan pas sam/ yang na kun bstan pa'i cho 'phrul gyis sam/ yang na rjes su bstan pa'i cho 'phrul kun du bstan pas sam/ de lta bu'i tshul gyi thabs la mkhas pa'i sbyor ba tshad med pa dag gis sems can tshad med pa dag 'dul ba'o/ /rigs kyi bu de la dkon mchog gi che ba nyid dpag tu med pa ni rnam pa gsum ste/ sangs rgyas dkon mchog gi che ba nyid dpag tu med pa dang / chos dkon mchog gi che ba nyid dpag tu med pa dang / dge 'dun dkon mchog gi che ba nyid dpag tu med pa'o/ /de la sangs rgyas dkon mchog gi che ba nyid dpag tu med pa ni rnam pa bdun du khong du chud par bya ste/ mngon par shes pa chen po brnyes pa'i phyir de bzhin gshegs pa chos thams cad la dbang sgyur ba dang / mi gnas pa'i mya ngan las 'das pa dang / rnam par grol ba'i sku bsam gyis mi khyab pa dang / chos kyi sku rtag pa</font><hr>52.22b<br><font size=+1>

nyid kyi phyir de bzhin gshegs pa'i sku zad mi shes pa dang / nyon mongs pa dang shes bya'i sgrib pa spangs pa dang / kha na ma tho ba med pa'i phyir de bzhin gshegs pa mchog tu kha na ma tho ba med pa dang / sangs rgyas kyi mdzad pa brtsams pa rgyun ma bcad pa'i phyir de bzhin gshegs pa lhun gyis grub pa dang / sangs rgyas kyi zhing yongs su dag pa dang chos kyi longs spyod chen po la longs spyod pa'i phyir de bzhin gshegs pa longs spyod che ba dang / 'jig rten du byung yang 'jig rten gyi chos kyis mi gos pa'i phyir de bzhin gshegs pa gos pa med pa dang / rtag tu rgyun mi 'chad par sems can gyi khams tshad med pa yongs su smin par mdzad cing rnam par grol bar mdzad pa'i phyir de bzhin gshegs pa don che ba'o/ /de la chos dkon mchog gi che ba nyid dpag tu med pa ni rigs kyi bu byang chub sems dpa' rnams kyi chos shes bya ba ni gang chos kyang ma yin la chos med pa 'ang ma yin pa dang / 'dod chags kyang ma yin la 'dod chags dang bral ba 'ang ma yin pa dang / 'khor ba 'ang ma yin la mya ngan las 'da' ba 'ang ma yin pa'o/ /byang chub sems dpa' rnams kyi chos de ni 'khor bar snang ba'i chos yongs su mi gtong ba dang / de na yang kun nas nyon mongs pa shin du med pa dang / nam mkha' dang mtshungs shing sems can gyi khams dang yang dag pa'i mtha' dang mtshungs te mi zad pa dang / sems can thams cad la shin du phan pa dang / bde ba'i gnas la nye bar gnas pa'i phyir 'khor ba 'am/ mya ngan las 'das pa gang la yang mi gnas pa'o/ /de la dge 'dun dkon mchog gi che ba nyid dpag tu med pa la byang chub sems dpa'i dge 'dun ni byang chub sems dpa' rnams kyi dge 'dun dkon mchog ste/ bla na med pa yang dag par rdzogs pa'i byang chub ni byang chub sems dpa'i dge 'dun gyi rab tu che ba'o/ /de bas na rnam grangs 'dis sangs rgyas dkon mchog gi che ba nyid dang / byang chub sems dpa'i dge 'dun dkon mchog dang mnyam par blta'o/ /de la las dang po pa'i byang chub sems dpa' 'di snyam</font><hr>52.23a<br><font size=+1>

du sems te/ gang sangs rgyas dkon mchog gi che ba nyid 'di 'dra ba las brtsams te bdag dad pa skyes pa dang / chos dkon mchog gi che ba nyid 'di 'dra ba las brtsams te bdag dad pa skyes pa dang / dge 'dun dkon mchog gi che ba nyid 'di 'dra ba las brtsams te bdag dad pa skyes pa ni bdag gis rnyed pa legs par rnyed do/ /bdag la ni sangs rgyas dkon mchog gi che ba nyid 'di lta bu thob par bya ba'i skal ba yod do/ /bdag la ni chos dkon mchog gi che ba nyid 'di lta bu thob par bya ba'i skal ba yod do/ /bdag gang sa chen po la zhugs pa bsam pa dag pa'i byang chub sems dpa' de dag dang lhan cig tu byang chub sems dpa'i grangasu 'gro ba ni bdag gis rnyed pa legs par rnyed do/ /bdag la ni de dag dang bsam pa dang sbyor ba mtshungs pa'i skal ba yod do/ /snyam mo de la zhing dpag tu med pa ni rigs kyi bu zhing 'di gnyis te sangs rgyas kyi zhing yongs su ma dag pa dang / yongs su dag pa'o/ /de la yongs su ma dag pa'i sangs rgyas kyi zhing dang yongs su dag pa dag kyang dpag tu med do/ /de la yongs su dag pa'i sangs rgyas kyi zhing rnams la gnas nas de bzhin gshegs pa rnams gcig tu dge ba dang gcig tu bde ba dang gcig tu kha na ma tho ba med pa dang / gcig tu dbang sgyur zhing sangs rgyas kyi zhing de dag rab tu myong ngo / /rgyun mi 'chad par chos kyi longs spyod chen po rab tu myong ngo / /yongs su ma dag pa'i sangs rgyas kyi zhing rnams su yang rnam pa thams cad tu byang chub yang dag par ston cing yongs su ma smin pa'i sems can rnams ni yongs su smin par mdzad/  yongs su smin pa rnams ni rnam par grol bar mdzad de/ 'di dag ni sangs rgyas bcom ldan 'das de dag gi las dpag tu med par rig par bya'o/ /skye ba'i le'u zhes bya ste gnyis pa'o// // byang chub sems dpa' dad pa thabs chen gyis gsol pa/ bcom ldan 'das byang chub sems dpa' rnams kyi theg pa chen po'i phyir </font><hr>52.23b<br><font size=+1>

theg pa chen po la dad pa rnam pa du zhig mchis/ bcom ldan 'das kyis bka' stsal pa/ rigs kyi bu byang chub sems dpa' rnams kyi theg pa chen po'i phyir theg pa chen po la dad pa ni bzhi po 'di dag go/ /bzhi gang zhe na/ 'di lta ste/ gnas pa'i dad pa dang / skye ba na dad pa dang / dus gzhan na dad pa dang / rang bzhin gyis dad pa'o/ /de la gnas pa'i dad pa ni rigs kyi bu 'di lta ste/ dper na ba lang gi rjes kyi chu dkrugs pa las ma dkrugs ma bskyod par bzhag na sngon bzhin du dang bar 'gyur ro/ /de bzhin du theg pa chen po'i phyir theg pa chen po la dad pa thob pa'i byang chub sems dpa' 'phral gyi bya ba mang po la chags pas theg pa chen po la dad pa dkrugs pa las gang gi tshe chags pa las rnam par krol nas chags pa de dag gis mi 'khrugs te/ theg pa chen po'i chos la rtse gcig tu gyur pa de'i tshe sngon bzhin du mngon sum du 'gyur ro/ /de la skye ba na dad pa ni rigs kyi bu 'di lta ste/ /dper na chang la sogs pa 'gyur ba na dang bar 'gyur ro/ /de bzhin du theg pa chen po'i phyir theg pa chen po la dad pa thob pa'i byang chub sems dpa' skye ba de dang der skye ba na theg pa chen po la dad pa skyes nas thob pa skyed do/ /de la dus gzhan na dad pa ni rigs kyi bu 'di lta ste/ dper na sngon gyi dus kyi tshe chu klung dang bar 'gyur ro/ /de bzhin du byang chub sems dpa' theg pa chen po'i phyir theg pa chen po la dad pa thob pa dang / sems pa dang sgom pa dus gzhan na sbyor bas sbyor ba las byang bas grub par 'gyur ro/ /de la rang bzhin gyis dang ba ni rigs kyi bu 'di lta ste/ dper na bai dUr+ya dang / nor bu rin po che la sogs pa ni rang bzhin gyis dang ba'i rjes su 'jug pa'o/ /de bzhin du byang chub sems dpa'i rnam par mi rtog pa 'jig rten las 'das pa'i theg pa chen po la dad pa yang ngo bo nyid kyis rjes su 'jug go/ /rigs kyi bu gzhan yang dad pa bzhi ste/ bzhi gang zhe na 'di lta ste/ rgya che ba'i dad pa dang / gsal</font><hr>52.24a<br><font size=+1>

ba'i dad pa dang / rab tu zhi ba'i dad pa dang / rnam par dag pa'i dad pa'o/ /de la rgya che ba'i dad pa ni byang chub sems dpa' theg pa chen po'i chos la gus par byas te spyod pa dang ldan pa rnams kyi'o/ /de la gsal ba'i dad pa ni byang chub sems dpa' rtag tu theg pa chen po'i chos spyod pa dang ldan pa rnams kyi'o/ /de la rab tu zhi ba'i dad pa ni byang chub sems dpa' nga dang nga yir 'dzin pa dang bral zhing chos nyid rab tu rtogs pa thob pa rnams kyi'o/ /de la rnam par dag pa'i dad pa ni byang chub sems dpa' sgrib pa med pa'i ye shes thob pa rnams kyi'o/ /rigs kyi bu gzhan yang dad pa bzhi ste/ bzhi gang zhe na/ 'di lta ste/ 'phen pa'i dad pa dang rtsom pa'i dad pa dang / rjes su 'dzin cing gus par byed pa'i dad pa dang / mos pa'i dad pa'o/ /de la 'phen pa'i dad pa ni sngon nas rang bzhin gyis dge ba'i rtsa ba mngon par 'dus byas shing yongs su bsgoms pa rnams kyi theg pa chen po la dad pa gang yin pa'o de/ la rtsoms pa'i dad pa ni byang chub sems dpa' bla na med pa yang dag par rdzogs pa'i byang chub tu sems bskyed pa dang / sems bskyed pa rnams kyi sems bskyed pa rjes su dran pas theg pa chen po la dad pa gang yin pa'o/ /de la rjes su 'dzin cing gus par byed pa'i dad pa ni rjes su 'dzin pa'i byang chub sems dpa' rnams kyi sems can rjes su 'dzin cing las gus par byed pas theg pa chen po la dad pa gang yin pa'o/ /de la mos pa'i dad pa ni chos kyi dbyings zab mo bstan pa la mos pa'i byang chub sems dpa' rnams kyi theg pa chen po la dad pa gang yin pa'o gzhan yang dad pa bzhi ste/ bzhi gang zhe na/ 'di lta ste/ mthong ba dang / thos pas dad pa dang / bstan pa 'phel ba rjes su dran pa'i dad pa dang / dge ba'i phyogs 'phel ba rjes su dran pa'i dad pa dang / re ba dang 'dod pa rjes su dran pa'i dad pa'o/ /de la mthong ba dang thos pas dad pa ni gang sangs rgyas dang byang chub sems dpa'i</font><hr>52.24b<br><font size=+1>

gzugs sam 'od mthong zhing thos na theg pa chen po la dad pa'o/ /de la bstan pa 'phel ba rjes su dran pa'i dad pa ni gang sems can yongs su smin par bya ba rjes su dran pas theg pa chen po la dad pa'o/ /de la dge ba'i phyogs 'phel ba rjes su dran pa'i dad pa ni gang bdag nyid rtag par rgyun du byang chub kyi phyogs kyi chos dang / dge ba'i phyogs 'phel ba rjes su dran pas byang chub sems dpa' theg pa chen po la dad pa'o/ /de la re ba dang 'dod pa rjes su dran pa'i dad pa ni gang dge ba'i phyogs 'phel ba des sangs rgyas kyi zhing yongs su dag cing sangs rgyas kyi chos thams cad bsgrubs pas re zhing 'dod de/ byang chub sems dpa' re ba dang 'dod pa rjes su dran pas theg pa chen po la dad pa'o/ /gzhan yang dad pa bzhi ste/ bzhi gang zhe na brjod pa rjes su dran pa'i dad pa dang / bcod nus pa rjes su dran pa'i dad pa dang / bskrun pa rjes su dran pa'i dad pa dang / sgrub pa rjes su dran pa'i dad pa'o/ /de la brjod pa rjes su dran pa'i dad pa ni gang theg pa chen po'i sgo thams cad la mos pa'i byang chub sems dpa' rnams mos pa'i rjes su dran pas theg pa chen po la dad pa'o/ /de la gcod nus pa rjes su dran pa'i dad pa ni gang byang chub sems dpa' mang du thos pa thos pa 'dzin pa thos pa bsags pa rnams the tshom gcod nus pa rjes su dran pas theg pa chen po la dad pa'o/ /de la bskrun pa rjes su dran pa'i dad pa ni gang pha rol gyi rgyud la theg pa chen po'i chos klog pa dang / kha ton byed pa dang / don 'dzin pa dang / 'don pa la sogs pas bskrun te/ gzhan gyi rgyud la dam pa'i chos bskrun pa de rjes su dran pas theg pa chen po la dad pa'o/ /de la sgrub pa rjes su dran pa'i dad pa ni gang byang chub sems dpa' theg pa chen po'i chos de nyid nan tan gyis bsgrub ste/ nan tan gyis sgrub pa de rjes su dran pas theg pa chen po la dad pa'o/ /rigs kyi bu gzhan yang dad pa bzhi ste/ bzhi gang zhe na/ </font><hr>52.25a<br><font size=+1>

rnal 'byor thob pa'i dad pa dang / thabs kyis yongs su zin pa'i lus kyi las sbyor ba'i dad pa dang / thabs kyis yongs su zin pa'i ngag gi las sbyor ba'i dad pa dang / thabs kyis yongs su zin pa'i yid kyi las sbyor ba'i dad pa'o/ /de la rnal 'byor thob pa'i dad pa ni gang theg pa chen po'i chos la dmigs pa'i zhi gnas dang lhag mthong thob pa'i byang chub sems dpa' rnams de la dmigs nas dad pa'o/ /de la thabs kyis yongs su zin pa'i lus kyi las sbyor ba'i dad pa ni gang byang chub sems dpa' bag yod pas yongs su zin pa rnams byang chub sems dpa' lus kyi las bag med par spyod pa bzham pa dang / spyo bas 'dul ba dag 'dul bas de la dmigs nas theg pa chen po la dad pa'o/ /de la thabs kyis yongs su zin pa'i ngag gi las sbyor ba'i dad pa ni gang byang chub sems dpa' bag yod pas yongs su zin pa'i rnams byang chub sems dpa' ngag 'khrul par spyod pa bzham pa dang / spyo bas 'dul ba dag 'dul bas de la dmigs nas theg pa chen po la dad pa'o/ /de la thabs kyis yongs su zin pa'i yid kyi las sbyor ba'i dad pa ni gang byang chub sems dpa' bag yod pas yongs su zin pa rnams byang chub sems dpa' yid 'khrul par spyod pa bzham pa dang / spyo ba lus dang ngag las byang bas 'dul ba dag 'dul bas de la dmigs nas theg pa chen po la dad pa'o/ /gzhan yang dad pa bzhi ste/ bzhi gang zhe na/ mi lta ba rjes su dran pa'i dad pa dang / zil gyis mnan pa rjes su dran pa'i dad pa dang / kun du spyod pa rjes su dran pa'i dad pa dang / nye bar spyod pa dang 'brel pa rjes su dran pa'i dad pa'o/ /de la mi lta ba rjes su dran pa'i dad pa ni gang byang chub sems dpa' pha rol du phyin pa drug sgrub pa na lus dang srog la mi lta bar pha rol du phyin pa drug sgrub pa'i rjes su 'thun pa rjes su dran pas theg pa chen po la dad pa'o/ /de la zil kyis mnan pa</font><hr>52.25b<br><font size=+1>

rjes su dran pa'i dad pa ni gang byang chub sems dpa' pha rol du phyin pa drug gi mi 'thun pa'i phyogs zil kyis mnan pa rjes su dran pas theg pa chen po la dad pa'o/ /de la kun du spyod pa rjes su dran pa'i dad pa ni gang byang chub sems dpa' pha rol du phyin pa drug la sbyor ba na pha rol du phyin pa drug gi yang dag pa'i nan tan rjes su dran pas theg pa chen po la dad pa'o/ /de la nye bar spyod pa dang 'brel pa rjes su dran pa'i dad pa ni gang byang chub sems dpa' sems can gzhan rnams dang gang zag gzhan dag pha rol du phyin pa drug yang dag par 'dzin du 'jug la/ pha rol du phyin pa drug dang ldan pa'i sems can rnams rjes su dran pa theg pa chen po la dad pa'o/ /gzhan yang dad pa bzhi ste/ bzhi gang zhe na/ zang zing med pa'i sems rjes su dran pa'i dad pa dang / yang dag par so sor shes par byed pa rjes su dran pa'i dad pa dang / yongs su mi skyo ba rjes su dran pa'i dad pa dang / bde ba kha na ma tho ba med par sbyor ba rjes su dran pa'i dad pa'o/ /de la zang zing med pa'i sems rjes su dran pa'i dad pa ni gang tshogs sdud pa'i byang chub sems dpa' zang zing med pa'i sems kyi tshogs sdud la/ zang zing med pa'i sems rjes su dran pa'i theg pa chen po la dad pa'o/ /yang dag par so sor shes par byed pa rjes su dran pa'i dad pa ni 'di lta ste/ zang zing med pa'i sems rjes su dran zhing tshogs sdud la theg pa chen po la dad de/ 'di ltar tshogs la yang dag par so sor shes par byed cing phyin ci ma log pa bstan pa'i phyir nan tan byed pa'o/ /yongs su mi skyo ba rjes su dran pa'i dad pa ni 'di lta ste/ log par zhugs pa rnams kyis yongs su mi skyo la/ yongs su mi skyo ba rjes su dran pas theg pa chen po la dad pa'o/ /bde ba kha na ma tho ba med par sbyor ba rjes su dran pa'i dad pa ni 'di lta ste/ bdag la gnod par sbyor ba dang / 'dod pa'i</font><hr>52.26a<br><font size=+1>

bde ba la sbyor ba spangs nas tshogs la sbyor te/ sbyor ba de rjes su dran pas theg pa chen po la dad pa'o/ /gzhan yang dad pa bzhi ste/ bzhi gang zhe na/ yon tan rjes su dran pa'i dad pa dang / dngos po phun sum tshogs pa rjes su dran pa'i dad pa dang / dang ba rjes su dran pa'i dad pa dang / skye bo mang po la phan par bya ba rjes su dran pa'i dad pa'o/ /de la yon tan rjes su dran pa'i dad pa ni gang sangs rgyas la mchod pa dang / rim gro byed pa la brtson pa'i byang chub sems dpa' sangs rgyas kyi yon tan rjes su dran pas theg pa chen po la dad pa'o/ /de la dngos po phun sum tshogs pa rjes su dran pa'i dad pa ni gang sangs rgyas la mchod pa dang / rim gro byed pa la brtson pa'i byang chub sems dpa' nyid mchod pa phun sum tshogs pa mthong ba rjes su dran pas theg pa chen po la dad pa'o/ /de la dang ba rjes su dran pa'i dad pa ni gang sangs rgyas la mchod cing / rim gro byed pa la brtson pa'i byang chub sems dpa' nyid rang gi sems dang ba dang / gzhan gyi sems dang ba rjes su dran pas theg pa chen po la dad pa'o/ /de la skye bo mang po la phan par bya ba rjes su dran pa'i dad pa ni gang sangs rgyas la mchod pa dang / rim gro byed pa la brtson pa'i byang chub sems dpa' de nyid sangs rgyas la mchod pa dang / rim gro byed pa de nyid kyis skye bo mang po la phan pa byed la/ de yang rjes su dran pas theg pa chen po la dad pa'o/ /gzhan yang dad pa bzhi ste/ bzhi gang zhe na/ bla ma'i yon tan phun sum tshogs pa rjes su dran pa'i dad pa dang / bdag gi yang dag pa'i nan tan rjes su dran pa'i dad pa dang / byas pa gzo ba rjes su dran pa'i dad pa dang / bla ma'i 'dod pa'i bsgrub pa rjes su dran pa'i dad pa'o/ /de la bla ma'i yon tan phun sum tshogs pa rjes su dran pa'i dad pa ni gang dge ba'i bshes gnyen la bsten pa la brtson pa'i byang chub sems dpa' dge ba'i bshes gnyen gyi phun sum tshogs pa yongs su rdzogs pa</font><hr>52.26b<br><font size=+1>

mthong ba rjes su dran pas theg pa chen po la dad pa'o/ /de la bdag gi yang dag pa'i nan tan rjes su dran pa'i dad pa ni gang dge ba'i bshes gnyen la bsten pa la brtson pa'i byang chub sems dpa' de nyid dge ba'i bshes gnyen gyi gan du 'gro zhing chos mnyan pa'i phyir bsnyen bkur byed la/ ji ltar rjes su bstan pa bzhin du sgrub cing bdag gis yang dag pa'i nan tan rjes su dran pas theg pa chen po la dad pa'o/ /de la byas pa gzo ba rjes su dran pa'i dad pa ni gang dge ba'i bshes gnyen la bsten pa la brtson pa'i byang chub sems dpa' de nyid de las man ngag dang yon tan rjes su thob nas byas pa gzo ba de rjes su dran pas theg pa chen po la dad pa'o/ /de la bla ma'i 'dod pa bsgrub pa rjes su dran pa'i dad pa ni gang dge ba'i bshes gnyen la bsten pa la brtson pa'i byang chub sems dpa' de nyid man ngag des skye bo mang po la phan par bya ba rjes su dran pas theg pa chen po la dad pa'o/ /gzhan yang dad pa bzhi ste/ bzhi gang zhe na/ ldan pa'i bsam pa bsgrub pa rjes su dran pa'i dad pa dang / 'bral ba'i bsam pa bsgrub pa rjes su dran pa'i dad pa dang / mi 'bral ba'i bsam pa bsgrub pa rjes su dran pa'i dad pa dang kun nas nyon mongs pa med pa'i bsam pa sgrub pa rjes su dran pa'i dad pa'o/ /de la ldan pa'i bsam pa bsgrub pa rjes su dran pa'i dad pa ni gang byams pa bsgom pa la brtson pa'i byang chub sems dpa' sems can rnams la bde ba dang ldan pa'i bsam pas bde ba dang ldan par sgrub pa rjes su dran pas theg pa chen po la dad pa'o/ /de la 'bral ba'i bsam pa bsgrub pa rjes su dran pa'i dad pa ni gang snying rje bsgom pa la brtson pa'i byang chub sems dpa' sems can rnams la sdug bsngal dang 'bral ba'i bsam pa sgrub pa'i rjes su dran pas theg pa chen po la dad pa'o/ /de la mi 'bral ba'i bsam pa sgrub pa rjes su dran pa'i dad pa ni gang dga' ba bsgom pa la brtson pa'i byang chub sems dpa' sems can rnams la bde ba dang mi 'bral ba'i bsam pa</font><hr>52.27a<br><font size=+1>

bsgrub pa rjes su dran pas theg pa chen po la dad pa'o/ /de la kun nas nyon mongs pa med pa'i bsam pa sgrub pa rjes su dran pa'i dad pa ni gang btang snyoms sgom pa la brtson pa'i byang chub sems dpa' sems can rnams la kun nas nyon mongs pa med pa'i bsam pa sgrub pa rjes su dran pas theg pa chen po la dad pa'o/ /rigs kyi bu de ltar byang chub sems dpas theg pa chen po la dad pa'i rnam pa rab tu dbye ba tshad med pa 'di lta bu dag gis theg pa chen po la dad pa'i rnam pa rab tu dbye ba tshad med pa shes par bya'o/ /bskal pa bye ba khrag khrig brgyar yang de'i mtha' bde bar shes par mi 'gyur te/ rigs kyi bu 'di ni byang chub sems dpa' rnams kyi theg pa chen po'i phyir theg pa chen po la rab tu dbye bar rig par bya'o/ /rab tu dbye ba'i le'u ste gsum pa'o// // byang chub sems dpa' dad pa thabs chen gyis gsol pa/ bcom ldan 'das theg pa chen po'i phyir theg pa chen po la dad pa'i phan yon du 'tshal bar bgyi ba gang lags/ bcom ldan 'das kyis bka' stsal pa/ rigs kyi bu byang chub sems dpa' rnams kyi theg pa chen po'i phyir theg pa chen po la dad pa'i phan yon ni tshad med de/ de'i phyogs tsam zhig bstan par bya'o/ /rigs kyi bu byang chub sems dpa' rnams kyi theg pa chen po la dad pa ni dge ba'i rtsa ba thams cad rnam par 'phel bar byed pas rnam par 'phel ba dang ldan pa'o/ /rigs kyi bu byang chub sems dpa' rnams kyi theg pa chen po la dad pa ni nyan thos dang rang sangs rgyas dang / skal ba mnyam pa dang / skal ba mi mnyam par sems skyed pa dag las byang chub kyi sems skyed pa srung ba'i phyir kun srung ba'o/ /rigs kyi bu byang chub sems dpa' rnams kyi theg pa chen po la dad pa ni bdag gi don dang gzhan gyi don phun sum tshogs pa dang 'thun pa'i phyir don che ba'o/ /rigs kyi bu byang chub sems dpa' rnams kyi theg pa chen po la dad pa ni chos kyi dbyings zab mo bstan pa'i rnam pa</font><hr>52.27b<br><font size=+1>

thams cad la mos pa dang 'thun pa'i phyir zab pa'o/ /rigs kyi bu byang chub sems dpa' rnams kyi theg pa chen po la dad pa ni byang chub sems dpa'i mngon par shes pa chen po mngon par bsgrub pa dang 'thun pa'i phyir mthu che ba'o/ /rigs kyi bu byang chub sems dpa' rnams kyi theg pa chen po la dad pa ni sems can tshad med pa yongs su smin par byed pa dang 'thun pa'i phyir gzi brjid che ba'o/ /rigs kyi bu byang chub sems dpa' rnams kyi theg pa chen po la dad pa ni sangs rgyas kyi zhing yongs su dag par bya ba dang / sangs rgyas kyi chos thams cad sgrub pa dang mthun pa'i phyir ring du 'gro ba'o/ /rigs kyi bu byang chub sems dpa' rnams kyi theg pa chen po la dad pa ni bdud kyi las dang mu stegs can thams cad kyis theg pa chen po la mos pa mi sgul pa'i phyir mi g.yo ba'o/ /rigs kyi bu byang chub sems dpa' rnams kyi theg pa chen po la dad pa ni mang du thos pa la brten nas sems can thams cad kyi the tshom gcod pa dang / 'thun pa'i phyir nus pa'o/ /rigs kyi bu byang chub sems dpa' rnams kyi theg pa chen po la dad pa ni byang chub sems dpa'i yang dag pa'i nan tan phun sum tshogs pa thams cad dang 'thun pa'i phyir sgrub par byed pa'o/ /rigs kyi bu byang chub sems dpa' rnams kyi theg pa chen po la dad pa ni bdag dang gzhan dang rnal 'byor chen po 'thob pa dang lus dang ngag dang yid kyi las 'dul ba dang 'thun pa'i phyir rjes su 'dzin pa'o/ /rigs kyi bu byang chub sems dpa' rnams kyi theg pa chen po la dad pa ni sems can thams cad kyi bsam pa yongs su skong ba dang 'thun pa'i phyir sbyin pa'i pha rol du phyin pa yongs su bskang ba dang 'thun pa'o/ /rigs kyi bu byang chub sems dpa' rnams kyi theg pa chen po la dad pa ni sems can thams cad phan tshun lus dang ngag gi gnod pa med pa yang dag par 'dzin du gzhug pa dang 'thun pa'i phyir tshul khrims kyi pha rol tu phyin pa yongs su</font><hr>52.28a<br><font size=+1>

bskang ba dang 'thun pa'o/ /rigs kyi bu byang chub sems dpa' rnams kyi theg pa chen po la dad pa ni sems can log par zhugs pa dang / 'khor ba'i sdug bsngal dang dka' ba spyod pa thams cad dang du blang ba dang 'thun pa'i phyir bzod pa'i pha rol du phyin pa yongs su bskang ba dang 'thun pa'o/ /rigs kyi bu byang chub sems dpa' rnams kyi theg pa chen po la dad pa ni bskal pa mtha' yas par chos dkar po rnam par spel bar rtsol ba la yongs su mi skyo ba dang 'thun pa'i phyir brtson 'grus kyi pha rol du phyin pa yongs su bskang ba dang 'thun pa'o/ /rigs kyi bu byang chub sems dpa' rnams kyi theg pa chen po la dad pa ni sems can thams cad kyi don sgrub pa'i ting nge 'dzin mngon par sgrub pa dang 'thun pa'i phyir bsam gtan gyi pha rol du phyin pa yongs su bskang ba dang 'thun pa'o/ /rigs kyi bu byang chub sems dpa' rnams kyi theg pa chen po la dad pa ni 'jig rten las 'das pa de'i bla ma'i ye shes bla na med pa la gnas nas sangs rgyas kyi chos bsgrub pa dang / 'thun pa'i phyir shes rab kyi pha rol du phyin pa yongs su bskang ba dang 'thun pa'o/ /rigs kyi bu byang chub sems dpa' rnams kyi theg pa chen po la dad pa ni sems can gyi tshogs mtha' yas pa theg pa gsum gyis nges par 'byung ba'i yang dag par bstan pa dang 'thun pa'i phyir tshogs yongs su sdud pa dang 'thun pa'o/ /rigs kyi bu byang chub sems dpa' rnams kyi theg pa chen po la dad pa ni bsod nams tshad med pa skyed cing / sangs rgyas kyi zhing rmad du byung ba'i bsod nams yongs su gzung ba dang 'thun pa'i phyir de bzhin gshegs pa la mchod pa dang rim gro bya ba chen po dang 'thun pa'o/ /rigs kyi bu byang chub sems dpa' rnams kyi theg pa chen po la dad pa ni sangs rgyas dang / byang chub sems dpa' dang / dge ba'i bshes gnyen yongs su gzung ba dang 'thun pa'i phyir</font><hr>52.28b<br><font size=+1>

shin du yongs su gzung ba dang 'thun pa'o/ /rigs kyi bu byang chub sems dpa' rnams kyi theg pa chen po la dad pa ni sems can dpag tu med pa ldan pa dang / 'bral ba dang kun nas nyon mongs pa med pa'i bsam pa sgrub pa dang 'thun pa'i phyir snying brtse bas non pa'o/ /rigs kyi bu byang chub sems dpa' rnams kyi theg pa chen po la dad pa ni byang chub sems dpa'i 'khrul pa'i nyes byas kun du spyod pa thams cad la mdzes pa nye bar gnas pa dang 'thun pa'i phyir shin du sbed pa'o/ /rigs kyi bu byang chub sems dpa' rnams kyi theg pa chen po la dad pa ni sems can log par zhugs pa dang / 'khror ba'i sdug bsngal ba dang / dka' ba spyod pa thams cad la sgyid lug pa med pa dang / 'thun pa'i phyir brtan pa'o/ /rigs kyi bu byang chub sems dpa' rnams kyi theg pa chen po la dad pa ni nyin mtshan du dge ba'i phyogs chen po la mngon par brtson par byas pas yongs su mi skyo ba dang 'thun pa'i phyir sbyor ba legs par goms par byas pa'o/ /rigs kyi bu byang chub sems dpa' rnams kyi theg pa chen po la dad pa ni rig pa'i gnas lnga byang ba dang 'thun pa'i phyir legs par byang ba'o rigs kyi bu byang chub sems dpa' rnams kyi theg pa chen po la dad pa ni dus thams cad du bzhin 'dzum zhing gsong por smra ba dang 'thun pa'i phyir 'thun pa'o/ /byang chub sems dpa' rnams kyi theg pa chen po la dad pa ni gnod pa dang / ma dad pa dang / dngangs pa dang / the tshom dang / rnyog pa'i dri ma dang bral ba'i phyir rin po che lta bur blta'o/ /byang chub sems dpa' rnams kyi theg pa chen po la dad pa ni rgya che ba dang kha na ma tho ba med pa dang dga' ba dang / mchog tu dga' bas lus dang sems sim par byed pa'i phyir zla ba lta bur blta'o/ /byang chub sems dpa' rnams kyi theg pa chen po la dad pa ni rnam pa thams cad du</font><hr>52.29a<br><font size=+1>

sangs rgyas kyi chos thams cad la khyab pa'i phyir nam mkha' lta bur blta'o/ /byang chub sems dpa' rnams kyi theg pa chen po la dad pa ni bsod nams dang ye shes tshad med pa yongs su bzung ba'i phyir rin po che sna tshogs kyis gang ba'i gru lta bur blta'o/ /byang chub sems dpa' rnams kyi theg pa chen po la dad pa ni sems can thams cad kyi bde ba'i gnas yin pas rtsi chen po lta bur blta'o/ /byang chub sems dpa' rnams kyi theg pa chen po la dad pa ni ngan song dang ngan 'gro thams cad las 'da' bar byed pa'i phyir zam pa lta bur blta'o/ /byang chub sems dpa' rnams kyi theg pa chen po la dad pa ni sangs rgyas kyi chos thams cad dang / sems can thams cad kyi dge ba'i rtsa ba'i lo tog skye ba'i rtsa ba byed pa'i phyir sa bon lta bur blta'o/ /byang chub sems dpa' rnams kyi theg pa chen po la dad pa ni nyon mongs pa dang / nye ba'i nyon mongs pa'i dgra'i mtshon cha thams cad kyis gnod par mi 'gyur bar bsrung ba'i phyir go cha lta bur blta'o/ /byang chub sems dpa' rnams kyi theg pa chen po la dad pa ni 'jig rten dang 'jig rten las 'das pa'i dge ba'i rtsa ba rin po che phun sum tshogs pa thams cad sogs shing sdud de rnam par gnas par byed pa'i phyir gter chen po lta bur blta'o/ /byang chub sems dpa' rnams kyi theg pa chen po la dad pa ni de las gzhan du dad pa thams cad zil kyis gnon pa'i dbang rnyed pa'i phyir rgyal po lta bur blta'o/ /byang chub sems dpa' rnams kyi theg pa chen po la dad pa ni yun ring po nas rjes su 'brang ba'i ngan song dang gnod sems dang / sdig pa mi dge ba'i las dang / nyon mongs pa'i dug gi gnyen por gyur pa'i phyir sman nad med byed lta bur</font><hr>52.29b<br><font size=+1>

blta'o/ /byang chub sems dpa' rnams kyi theg pa chen po la dad pa ni dge ba'i rtsa ba gcod pa la dad pa'i mtshon cha'i gnyen por gyur pa'i phyir rdo rje lta bur blta'o/ /byang chub sems dpa' rnams kyi theg pa chen po la dad pa ni smre sngags 'don pa dang / sdug bsngal ba dang / yid mi bde ba dang / 'khrug pa dang / gdung bar byed pa dang / mya ngan gyi me'i gnyen por gyur pa'i phyir chu lta bur blta'o/ /byang chub sems dpa' rnams kyi theg pa chen po la dad pa ni mi 'dod pa thams cad dang phrad par byed pa'i nyon mongs pa'i dgra'i gnyan por gyur pa'i phyir lag cha bzang po lta bur blta'o/ /byang chub sems dpa' rnams kyi theg pa chen po la dad pa ni rtag par rgyun du dkar po'i phyogs kyi chos rnam par 'phel ba'i phyir zla ba lta bur blta'o/ /byang chub sems dpa' rnams kyi theg pa chen po la dad pa ni sems can tshad med pa la ye shes tshad med pas snang bar bya ba dang 'thun pa'i phyir nyi ma lta bur blta'o/ /byang chub sems dpa' rnams kyi theg pa chen po la dad pa ni dam pa'i chos kyi char tshad med pa 'bebs pa dang 'thun pa'i phyir sprin chen po lta bur blta'o/ /byang chub sems dpa' rnams kyi theg pa chen po la dad pa ni gzhan mu stegs can dang / phas kyi rgol ba thams cad gzhom pa dang 'thun pa'i phyir lce 'bab pa lta bur blta'o/ /byang chub sems dpa' rnams kyi theg pa chen po la dad pa ni sems can thams cad kyi sgrib pa thams cad 'jom par byed pa dang 'thun pa'i phyir lo legs pa lta bur blta'o/ /rigs kyi bu ngas mngon par shes te/ 'das pa'i dus na yang dag par rdzogs pa'i sangs rgyas 'od srung gi tshe rgyal po'i khab 'di nyid du bud med grong pa'i tha chad phyag dar byed pa ngan 'gro ba zhig byung ste/ des khyim bdag che ge mo zhes bya ba zhig khyim du</font><hr>52.30a<br><font size=+1>

sangs rgyas la sogs pa dge slong gi dge 'dun spyan 'dren ces thos nas de bkres pa dang skom pas nyen pas khyim bdag de'i khyim ga la ba der song ba dang der 'khor gyi khyams na sangs rgyas la sogs pa dge slong gi dge 'dun rab tu zhi ba'i spyod lam du gnas pa dang bshos 'drim pa mthong ngo / /bud med des spyod lam phun sum tshogs pa de dang tshogs kyis bskor ba mdzes pa de yang mthong nas kye ma'o/ /bcom ldan 'das yang dag par rdzogs pa'i sangs rgyas 'od srung rab tu zhi ba'i spyod lam dang / zhabs 'bring ba mdzes pas mdzes so zhes dad pa'i sems gcig bskyed nas de 'chi ba'i dus byas so/ /de rgyu de nyid kyis sum bcu rtsa gsum gyi lha'i nang du skyes pa nas rgyu de nyid kyis bla na med pa yang dag par rdzogs pa'i byang chub nges par gyur pa'i bar du'o/ /rigs kyi bu ngas mngon par shes te 'das pa'i dus na yang dag par rdzogs pa'i sangs rgyas rnam par gzigs kyi tshe rgyal po'i khab 'di nyid du zas 'dod ces bya ba'i bram ze zhig byung ngo / /zas 'dod de sangs rgyas dang / chos dang dge 'dun dkon mchog la rang bzhin gyis ma dad na snyen bkur lta ga la zhig byed/ de'i tshe bcom ldan 'das yang dag par rdzogs pa'i sangs rgyas rnam par gzigs rgyal po'i khab tu bsod snyoms kyi phyir gshegs pa dang bram ze de yang don zhig gnyer zhing rgyal po'i khab nas byung ngo / /de byung ba dang bcom ldan 'das rnam par gzigs de bzhin gshegs pa de kho bos mngon sum du mthong ngo / /mthong nas kyang des gzugs mdzes pa la dmigs te/ kye ma'o bcom ldan 'das rnam par gzigs de bzhin gshegs pa dgra bcom pa yang dag par rdzogs pa'i sangs rgyas mtshan dang dpe byad bzang po rnams kyis sku legs par brgyan to zhes dad pa'i sems gcig rnyed nas de 'chi ba'i dus byas so/ /de rgyu des rab mtshe ma'i lha'i nang du skyes pa nas rgyu de nyid</font><hr>52.30b<br><font size=+1>

kyis rim gyis bla na med pa yang dag par rdzogs pa'i byang chub tu nges par gyur pa'i bar du'o/ /rigs kyi bu ngas mngon par shes te/ 'das pa'i dus na yang dag par rdzogs pa'i sangs rgyas 'od srung gi tshe rgyal po'i khab 'di nyid du gzhan mu stegs can lnga brgya zhig byung ste/ de dag skabs btsal ba'i bsam pas yang dag par rdzogs pa'i sangs rgyas 'od srung ga la ba der dong ngo / /de'i tshe bcom ldan 'das yang dag par rdzogs pa'i sangs rgyas 'od srung 'khor brgya phrag du mas bskor te mdun gyis byas nas chos ston cing bzhugs so/ /de na mu stegs can lnga brgya tsam po de dag gis kye ma'o/ /yang dag par rdzogs pa'i sangs rgyas 'od srung ni snyan pa gsung ba'o zhes dad pa'i sems gcig rnyed nas de dag 'chi ba'i dus byas so/ /de dag rgyu des dga' ldan gyi lha'i ris su skyes pa nas rgyu de nyid kyis rim gyi nga'i bstan pa la rab tu byung ste/ zag pa zad pa rjes su thob pa'i bar du'o/ /rigs kyi bu ngas mngon par shes te/ gang gi phyir de bzhin gshegs pas 'od zer gang gis sems can dmyal bar skyes pa'i sems can rnams sems can dmyal ba nas 'byung bar 'gyur ba'i 'od zer bkye bas des sems can dmyal bar skyes pa'i sems can rnams la reg nas sems can dmyal ba'i gnod pa'i sdug bsngal thams cad rgyun chad de bde ba dang ldan par gyur nas/ de dag 'di snyam du gang gis bdag cag gi sems can dmyal ba'i gnod pa'i sdug bsngal thams cad rgyun chad nas bde ba dang ldan par gyur pa 'di su'i mthu snyam pa dang / de bzhin gshegs pas byin gyis brlabs nas de dag gis de bzhin gshegs pa'i sku mthong ngo / /mthong nas kye ma'o gang gis bdag cag gi sems can dmyal ba'i gnod pa'i sdug bsngal thams cad rgyun bcad nas bde ba dang ldan par gyur pa de'i mthu 'di ni mthu che ba'o snyam ste/ dad pa'i sems gcig rnyed nas/ de dag 'chi ba'i dus byas</font><hr>52.31a<br><font size=+1>

te shi 'phos nas rgyu de nyid kyis mtshungs par de dag lhar skyes pa nas rim gyis rgyu de nyid kyis nga'i bstan pa la dad pa rnyed de/ la la ni nyan thos kyi theg pas/ la la ni rang sangs rgyas kyi theg pas yongs su mya ngan las 'das so/ /la la ni theg pa chen pos bla na med pa yang dag par rdzogs pa'i byang chub tu nges par gyur to/ /rigs kyi bu rnam grangs 'dis ngas mngon par shes te/ bgrang ba las 'das pa'i sems can dag gang gi phyir de bzhin gshegs pa'i theg pa chen po la dad pa srab cing chung ba'i sems gcig gis kyang kha cig ni ngan song las log par gyur/ kha cig ni kun nas nyon mongs par gyur pa'i lus las log par gyur to/ /log nas kyang 'jig rten pa'i phun sum tshogs pa rjes su thob bo/ /theg pa chen po la dad pa'i sems srab cing chung ba des 'jig rten las 'das pa'i phun sum tshogs pa'i rnams pa thams cad kyang rjes su thob bo/ /rigs kyi bu byang chub sems dpa' rnams kyi theg pa chen po la dad pa srab cing chung ba gcig gi phan yon yang de ltar tshad med na byang chub sems dpa' rnams kyi theg pa chen po la dad pa rgyun du 'byung zhing chu bo ltar 'bab pa'i phan yon lta smos kyang ci dgos te/ bskal pa bye ba khrag khrig brgya stong du yang brjod par sla ba ma yin no/ /de skad ces bka' stsal pa dang / byang chub sems dpa' dad pa thab chen gyis bcom ldan 'das la 'di skad ces gsol to/ /bcom ldan 'das kyis las dang po pa'i byang chub sems dpa' mos pas spyod pa la zhugs pa rnams la theg pa chen po la dad pa'i mtshan nyid phun sum tshogs pa bstan pa dang / skye ba phun sum tshogs pa bstan pa dang / rab tu dbye ba phun sum tshogs pa bstan pa dang / phan yon phun sum tshogs pa bstan pa ni ngo mtshar to/ /bcom ldan 'das rjes su dpag pa dang / rjes su 'jug pas 'dis byang chub sems dpa' gzhan dag gi yon tan phun sum tshogs pa khyad par du 'phags pa tshad ma mchis pa dag kyang brjod par 'gyur ro/ /chos kyi rnam grangs 'di bshad pa na las dang po pa'i byang chub sems dpa' lnga stong byang chub sems dpa'i</font><hr>52.31b<br><font size=+1>

chos mngon par rtogs pa'i rjes su 'thun pa'i bzod pa chen po skyes so/ /'khor der 'dus pa las dang po pa'i byang chub sems dpa' lhag ma rnams kyang mos pa las mi g.yo ba'i tshul gyis mos pa klung du byed pa'i bzod pa skyes so/ /de nas bcom ldan 'das la byang chub sems dpa' dad pa thabs chen gyis 'di skad ces gsol to/ /bcom ldan 'das byang chub sems dpa' gang la la dag chos kyi rnam grangs 'di la mos pa sngon du btang ste/ sbyor bar bgyid pa ni ring po mi thogs par de dag de bzhin gshegs pa rnams kyi zhal zas dang / btung ba dang / bzhon pa dang / na bza' dang / rgyan dang / snod spyad dang / 'tshog chas dang / yo byad dang / spos dang / phreng ba dang / byug pa dang / glu dang / gar dang / rol mo'i dbyangs sgra dang / mar me dang / bud med dang / skyes pa dang / kun spyod pa'i yo byad 'thob par 'gyur ro/ /de nas byang chub sems dpa' dad pa'i snod yongs su tshol bas byang chub sems dpa' dad pa thabs chen la 'di skad ces smras so/ /rigs kyi bu de bzhin gshegs pa rnams kyi zhal zas dang / btung ba dang / bzhon pa dang / na bza' dang / rgyan dang / snod spyad dang / 'tshog chas dang / yo byad gang yin/ spos dang / phreng ba dang / byug pa dang / glu dang / gar dang / rol mo'i dbyangs sgra dang / mar me dang / bud med dang / skyes pa dang / kun spyad pa'i yo byad gang yin/ byang chub sems dpa' dad pa thabs chen gyis smras pa/ rigs kyi bu sgrib pa thams cad rnam par dag pa'i bsam gtan gyi dga' ba ni de bzhin gshegs pa rnams kyi zhal zas so/ /sgrib pa thams cad rnam par dag pa'i dam pa'i chos kyi khu ba ni de bzhin gshegs pa rnams kyi btung ba'o/ /sgrib pa thams cad rnam par dag pa'i zhi gnas dang lhag mthong ni de bzhin gshegs pa rnams kyi bzhon pa'o/ /sgrib pa thams cad rnam par dag pa'i ngo tsha shes pa dang / khrel yod pa ni de bzhin gshegs pa rnams kyi na bza'o/ /sgrib pa thams cad rnam par dag pa'i rgyan dang bcas pa'i tshul khrims rnam par dag pa ni de bzhin gshegs pa rnams kyi rgyan no/ /sgrib pa thams cad rnam par dag pa'i mang du</font><hr>52.32a<br><font size=+1>

thos pa ni de bzhin gshegs pa rnams kyi snod spyad dang / 'tshog chas dang yo byad do/ /sgrib pa thams cad rnam par dag pa'i bsam gtan dang / rnam par thar pa dang / ting nge 'dzin dang / snyoms par 'jug pa rnams ni de bzhin gshegs pa rnams kyi spos dang / phreng ba dang / byug pa'o/ /sgrib pa thams cad rnam par dag pa'i chos kyi rdzogs par longs spyod pa 'bel ba'i gtam rnam par gdon mi za ba ni de bzhin gshegs pa rnams kyi glu dang / gar dang / rol mo'i dbyangs sgra'o/ /sgrib pa thams cad rnam par dag pa'i gzungs kyi sgo rnams ni de bzhin gshegs pa rnams kyi mar me'o/ /sgrib pa thams cad rnam par dag pa'i ting nge 'dzin gyi sgo dang / rnam par thar pa'i sgo rnams ni de bzhin gshegs pa rnams kyi bud med dang / skyes pa dang / kun spyod pa'i yo byad do/ /rigs kyi bu de ltar chos kyi rnam grangs 'di la mos pa sngon du btang ste sbyor bar byed pa de ni de bzhin gshegs pa rnams kyi yo byad bcu po 'di dag ring po mi thogs par kun rdzob dang / don dam par yang thob par gyur na gang dag 'di la de bzhin nyid du sbyor bar byed pa lta smos kyang ci dgos te/ rigs kyi bu de bzhin gshegs pa rnams kyi yo byad bcu po 'di dag thob par 'gyur ba'i steng du de dag gis gzhal med khang gang la de bzhin gshegs pa rnams bzhugs pa'i gzhal med khang de'ang thob par 'gyur ro/ /smras pa/ rigs kyi bu de bzhin gshegs pa rnams bzhugs pa'i gzhal med khang ci 'dra/ byang chub sems dpa' dad pa thabs chen gyis smras pa/ rigs kyi bu rin po che sna bdun mchog tu 'bar ba bkod pa 'jig rten gyi khams tshad med pa rgyas par 'gengs pa'i 'od zer chen po shin du 'byung ba/ gnas gzhan dag shin du rnam par phye ba tshad med pa/ rnam par gzhag pa 'khor gyi khyams yongs su ma chad pa/ khams gsum pa las yang dag par 'das pa'i spyod yul gyi mtshan nyid 'jig rten las 'das pa de'i bla ma'i dge ba'i rtsa ba las byung ba/ dbang sgyur ba'i rnam par rig pa/ shin du rnam par dag pa'i mtshan nyid/ de bzhin gshegs pa'i gnas/ byang chub sems dpa' dpag tu med</font><hr>52.32b<br><font size=+1>

pa gnas pa/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dpag tu med pa rnam par rgyu ba/ chos kyi ro'i dga' ba dang bde ba chen pos brten pa/ sems can thams cad kyi don thams cad mdzad pas nye bar gnas pa nyon mongs pa dang / nye ba'i nyon mongs pa'i gnod pa thams cad dang bral ba/ bdud thams cad yongs su spangs pa thams cad kyi bkod pa las lhag pa de bzhin gshegs pa'i byin gyis rlabs kyis bkod pa dran pa dang / blo gros dang / rtogs pa chen pos nges par 'gro ba/ zhi gnas dang lhag mthong chen po'i theg pa/ stong pa nyid dang / mtshan ma med pa dang / smon pa med pa chen po nas 'jug pa'i yon tan gyi tshogs tshad med pas brgyan pa/ pad ma chen po'i rgyal pos brtan pa'i gzhal med khang chen po na de bzhin gshegs pa rnams bzhugs te/ rigs kyi bu gang dag chos kyi rnam grangs 'di la mos pa sngon du btang ste/ sbyor bar byed pa de dag gis de bzhin gshegs pa'i gzhal med khang de lta bu yang thob par gyur na/ gang dag de bzhin nyid du sbyor bar byed pa lta smos kyang ci dgos bcom ldan 'das kyis bka' stsal pa/ rigs kyi bu legaso legaso/ /rigs kyi bu ji ltar khyod kyis bshad pa bzhin te/ gang dag chos kyi rnam grangs 'di la mos pa sngon du btang nas sbyor bar byed pa de dag ring por mi thogs par de bzhin gshegs pa rnams kyi yo byad 'di dag dang / de bzhin gshegs pa'i gzhal med khang de yang thob par 'gyur na/ gang dag 'di la de bzhin nyid du sbyor bar byed pa lta smos kyang ci dgos de nas bcom ldan 'das la tshe dang ldan pa kun dga' bos 'di skad ces gsol to/ bcom ldan 'das rigs kyi bu 'am rigs kyi bu mo gang dag chos kyi rnam grangs 'di la mos pa dang / klog pa dang / yi ger 'dri ba dang / 'don pa dang / nyan pa dang / kha ton bgyid pa dang / gzhan dag la'ang rgya cher rab tu ston pa dang / tshul bzhin sems pa dang / bsgom pa'i rnam pas sbyor ba de dag bsod nams ji tsam skyed par 'gyur/ bcom ldan 'das kyis bka' stsal pa/ kun dga' bo gang la la dag chos kyi rnam grangs 'di la mos pa dang / klog pa dang / yi ger 'dri ba dang / 'don pa dang / </font><hr>52.33a<br><font size=+1>

nyan pa dang kha ton byed pa dang / gzhan dag la 'ang rgya cher yang dag par rab tu ston pa dang / tshul bzhin sems pa dang / bsgom pa'i rnam pas sbyor ba de dag ni bsod nams gang la 'jig rten pa'i bsod nams kyi rnam pa thams cad dang / nyan thos dang / rang sangs rgyas rnams kyi bsod nams 'jig rten las 'das pa/ rnam pa thams cad kyi dper yang mi bzod pa de lta bu'i bsod nams skyed par 'gyur ro/ /de ci'i phyir zhe na/ kun dga' bo 'jig rten pa'i bsod nams tshad med pa gang yin pa de yang rgyu dang 'bras bur bcas pa sdug bsngal gyi bden pa dang / kun 'byung ba'i bden par bsdus pa'i phyir 'dod pa nyid yongs su grub pa ma yin te/ de ni rgyu zad de 'bras bu phyung bas mi rtag pa'o/ kun dga' bo nyan thos dang rang sangs rgyas rnams kyi bsod nams 'jig rten las 'das pa gang yin pa de yang rgya che ba ma yin zhing don chung la zad par 'gyur ba'o/ /de la rgya che ba ma yin pa ni theg pa dman pa la gnas shing dmigs te yid la byed pa'i phyir ro/ /don chung ba ni bdag nyid rjes su 'dzin par nye bar gnas pa'i phyir ro/ /zad par gyur ba ni phung po ma lus pa'i mya ngan las 'das pa'i dbyingasu zad par 'gyur ba'i phyir ro/ /kun dga' bo byang chub sems dpa' rnams kyi theg pa chen po la dad pa las byung ba'i bsod nams de ni yongs su grub pa/ rgyu zad pa ma yin pa/ rgya che ba/ don che ba/ zad par mi 'gyur ba'o/ /de bas na byang chub sems dpa' rnams kyi theg pa chen po la dad pa las byung ba'i bsod nams de la ni 'jig rten pa dang / 'jig rten las 'das pa'i bsod nams kyis dper yang mi bzod do/ /kun dga' bos gsol pa/ bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir chos kyi rnam grangs 'di theg pa chen po la dad pa rab tu sgom pa zhes bya bar zung shig /theg pa chen po la dad pa 'jug pa zhes bya bar yang zung shig /theg pa chen po la dad pa rnam par 'phel ba zhes bya bar yang zung shig theg pa chen po la dad pa nges par 'byung</font><hr>52.33b<br><font size=+1>

ba zhes bya bar yang zung shig /de bas na chos kyi rnam grangs 'di theg pa chen po la dad pa rab tu sgom pa zhes bya ba'i tshig bla dgas so/ /bcom ldan 'das kyis de skad ces bka' stsal pa dang / byang chub sems dpa' de dag dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten bcom ldan 'das kyis gsungs pa la yi rangs te mngon par bstod do/ /'phags pa theg pa chen po la dad pa rab tu sgom pa zhes bya ba theg pa chen po'i mdo/ rdzogs so// // rgya gar gyi mkhan po dzi na mi tra dang / dA na shI la dang / zhu chen gyi lots+tsha ba ban de ye shes sde la sogs pas zhus shing bris te gtan la phab pa/ zhus te dag go/ /yang zhus ste/ /skar mas zhus/ phyis bcos so/ / </font><hr>

</table>