J881

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J881</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J881&coll=lithang">see text in Tibetan script</a></table>107.53b<br><font size=+1>

@/  /rgya gar skad du/ badzra dun da nA ma nA ga sa ma ya/ bod skad du/ rdo rje mchu zhes bya ba klu'i dam tshig go /thams cad mkhyen pa la phyag 'tshal lo/ /de nas bcom ldan 'das grong khyer chen po g.yog 'dor na bzhugs te/ 'khor 'dus pa chen po 'jog po la sogs pa klu'i 'khor dang / lha dang mi'i tshogs kyi 'khor chen po la sems can rnams kyi don chen po'i phyir te/ bsam pa dang re ba thams cad yongs su skong ba bde bar byed pa'i chos ston to/ /de nas grong khyer de na bram ze'i khye'u khyab ma spyan zhes bya ba phyug pa nor che ba/ longs spyod che ba/ rdzas dang yo byad mang po phun sum tshogs pa/ rig byed dang rig byed kyi yan lag gi pha rol tu phyin pa/ sngags la 'jug pa/ sngags grub pa zhig 'dug ste/ de yang yang dang yang du klu 'gugs zhing me'i sbyin bsreg byed do/ /bram ze de'i lo tog smin kar char chad par gyur nas/ des nga rgyal gyi sgras sngags brjod pa dang 'thun pas 'di skad ces bdag gis char gyi rgyun dbab cing klu dgug par bya'o zhes smras te des me'i sbyin bsreg bya bar bshams nas til dang / 'bras dang yungs dkar rnams 'bru mar tsha ba dang bsregs te sbyin bsreg byed do/ /de nas klu mi srun pa zhig gi gzugs byas te/ des lcags kyi phur bu la sngags nas klu'i spyi bor btab pa dang / klu'i spyi bo gas nas sdug bsngal gyi tshor ba chen por gyur to/ /klu de yang cher 'khrugs te khros</font><hr>107.54a<br><font size=+1>

nas skad cig thang cig yud tsam de la klus khyab par byed pa'i shugs kyis cher gnod cing rdul 'byung ba'i 'od zer tsha ba rang gi lus las bkye ste gnod pa chen pos khebs par byas nas bram ze de'i zhing tshig par byas so/ /de yang lce 'bab pa'i char gyi rgyun chen po bram ze'i lus la phab nas bram ze de mgon med skyabs med/ dpung gnyen med de/ me'i sbyin bsreg byed pa btang nas de bcom ldan 'das la mgon dang skyabs dang / dpung gnyen btsal te 'bros par bsams nas bcom ldan 'das kyi drung du brgyugs te/ bcom ldan 'das ga la ba der song nas bcom ldan 'das kyi zhabs gnyis la gtugs te 'di skad ces gsol to/ /bcom ldan 'das klu khro bo bdag gi srog ma rungs par bgyid par 'tshal te skyabs su yang ma mchis na/ bcom ldan 'das bskyab tu gsol/ bde bar gshegs pa bskyab tu gsol/ de nas bcom ldan 'das kyis bram ze chen po de dbugs phyung nas 'di skad ces bka' stsal to/ /bram ze chen po ma 'jigs shig /ngas khyod kyi mgon dang / skyabs dang / dpung gnyen bya'o zhes bka' stsal nas cang mi gsung bar bzhugs so/ /de nas bcom ldan 'das la gnod sbyin gyi sde dpon chen po lag na rdo rjes 'di skad ces gsol to/ /bcom ldan 'das gzigs su gsol/ mngon sum du gyur bzhin du yang klu mi bgrungs pas lo tog ma rungs par bgyid na/ bcom ldan 'das khyod yongs su mya ngan las 'das kyi slad na slad ma'i tshe slad ma'i dus na sems can thams cad kyi rten ni su lags/ ji ltar 'gyur/ bcom ldan 'das lo tog thams cad kyi don du/ lo tog rnams tshim par mi 'gyur ba dang / kun tu bsrung ba dang / rab tu 'phel bar bgyid par gyur pa lo tog yongs su skyong zhing klu zlog pa de bshad du gsol/ de nas bcom ldan 'das kyis gsang ba pa'i bdag po lag na rdo rje la bka' stsal to/ /lag na rdo rjes klu rab tu 'gro bar byed pa'i snying po sbas pa rdo rje zhes bya ba'i gzungs de bzhin gshegs</font><hr>107.54b<br><font size=+1>

pa'i snying po dang phyag rgya sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis gsungs pa yod de ngas bshad par bya'o/ /des myur du gnod pa bkag pa'i phyir lo tog thams cad myur du bskyang bar 'gyur ro/ /legs par gasrungs par 'gyur/ me'i ri sul chen po so so phyogs bcu kun nas klu thams cad kyi mtshams bcad par 'gyur ro/ /me lce 'bar ba'i rim pa'i sprin chen po nam mkha' lding 'dab ma gdengs pa'i shugs zhes bya ba'i sprin gyi rim pas nam mkha' khebs par byed do/ /lo tog dang me tog dang / 'bras bu thams cad kun tu bsrung ste gnas par 'gyur ro/ /des klu la sogs pa thams cad kun du rab tu 'bar bar 'gyur ro/ /klu mi bgrungs pa rnams phung bar 'gyur ro/ /'dum par 'gyur ro/ /de nas bcom ldan 'das la gnod sbyin gyi sde dpon chen po lag na rdo rjes 'di skad ces gsol to/ /bcom ldan 'das kyis sems can thams cad la sman pa'i slad du gzungs chen po 'di'i sngags kyi tshig bshad du gsol/ de nas bcom ldan 'das kyis snying po 'di bka' stsal to/ /na mo b+ha ga bA te/ sarba bud d+ha nAn/ na mo b+ha ga bA te shAkya rA dzA ya/ o~M dz+wa la dz+wa la/ gi rI ba b+ha ni/ tib ta be ga ma hA ba de b+ha ga bA te ma hA tsaN Da hri da ya sa la ni/ hu ru hu ru/ ha ra ha ra/ da ha da ha/ pa tsa pa tsa/ sarba sas+ya na sha ya/ nA ga ku la bang shan d+ha ra d+ha ra pra sa ra tsaN Da be ga ma hA ba la pa ra kra ma spu ri ta rau dra bag dra/ ma tha ma tha/ pra dz+wa la mA la d+hA ra NI/ tsaN Da be ga ba ti/ pra pa ra bi man d+hA ra NI/ hU~M hU~M/ ba la ba ti/ be ga ba ti/ sa ra sa ra/ bi sa ra bi sa ra sa ran ti/ sarba sa dri s+yen nA ma dri ba na ya dri/ pu ya pha la phaT/ dra san d+hA ra NI/ a pa sarba na du sarba nA ga to sha sarba ba b+ha ba b+ha ni/ ba ga ta be ga ba ti swA hA/ hU~M hU~M phaT/ nA ga bi sa ra ni phaT/ dz+wa la mA li ni phaT/ dz+wa lam li ni phaT/ phaT phaT phaT swA hA/ bcom ldan 'das kyis klu thams cad dang / klu mi bgrungs pa thams cad ma rungs par byed pa'i rig pa 'di</font><hr>107.55a<br><font size=+1>

bshad ma thag tu klu dang klu chen po thams cad klad pa na bar gyur/ lus rul te lus rnags zhing dri mi zhim par gyur nas/ bcom ldan 'das kyi zhabs gnyis la gtugs te 'di skad ces gsol to/ /bcom ldan 'das sngags kyi tshig shin tu mi bzad pa dag bka' stsal to/ /bcom ldan 'das bdag cag gis nongs pa bgyis mi dran du lags kyis kyang / bcom ldan 'das rig 'dzin gnod pa bgyid pas bdag cag la brnyas pa dang / rdeg pa dang 'ching ba dang / skrod pa dang / gnod pa de'i tshe bcom ldan 'das klu mi bgrungs pa rnams 'khrugs te/ de'i tshe lo tog dang / me tog dang / 'bras bu ma rung bar bgyid/ ser ba 'bab par bgyid/ sad dang rlung gis 'khrug par bgyid/ ha chang char che ba dang / char mi 'bab pa dang / dus ma lags par char 'bab par bgyid do/ /bcom ldan 'das rig pa 'dzin pa sngags smra bas byams pa la gnas par bgyi/ byams pa'i go bgo bar bgyi/ byams pa'i ral gri lag na thogs par bgyi ste/ byams pas gnod par bgyid pa thams cad zhi bar bgyid do/ /bcom ldan 'das deng slan chad de bzhin gshegs pa'i spyan sngar bdag cag dam bca' bar 'tshal te/ gang na rig pa'i rgyal mo 'di rab tu spyod pa der bcom ldan 'das klu gtse bar mi bgyid do/ /gang na snying po'i gzungs 'dis srung bar bgyis pa dang / yongs su bskyab pa dang / yongs su gzung ba dang / yongs su bskyang bar bgyis pa dang / srad bu bre ba dang / mtshams dgum pa dang / dkyil 'khor gyi sa ris gcad par bgyis pa der bcom ldan 'das bdag cag gis rtag par rgyun du gnod pa thams cad bzlog par bgyi 'tshal lo/ /lo tog dang me tog dang / 'bras bu thams cad kun du bsrung bar 'tshal lo/ /yongs su bskyang bar 'tshal lo/ /tha na rkun po dang / g.yo can dang / ri dgas dang / bya rnams kyang kun du bsrung bar 'tshal te/ slad kyis kyang ma rungs par mi bgyid do/ /de nas bcom ldan 'das kyis klu'i bdag po de dag la legs so zhes bya ba gnang ste/ klu'i bdag po dag legs so legs so/ /khyod kyis de ltar</font><hr>107.55b<br><font size=+1>

gyis shig /khyed kyis 'dzam bu'i gling legs par bsrungs pas bsrung bar gyis shig /de nas de'i 'og tu cho gar bya ba las thams cad byed pa dge bar bya ba brjod par bya'o/ /lo tog la gnod par byed na de'i tshe rig pa 'dzin pas zhing gi dbus sam khang steng ngam/ gnas mthon por dkyil 'khor gru bzhi pa byas la phyogs bzhir bum pa bkang ba bzhi gzhag go /me tog sil mas gcal bkram ste gzhag go /gzugs 'khyil pa bdun bya'o/ /'bras las byas pa'i 'khyil pa bdun bya ste/ gzugs re re zhing yang gzungs nyi shu rtsa re bya'o/ /'bras dang 'o thug bsres pa dang zho dang 'o ma gzhag par bgyi'o/ /phyogs bzhir dril bu gzhag par bya'o/ /pad ma lta bur zan gyi gtor ma snga ma bzhin gzhag par bya'o/ /dkyil 'khor gyi dbus su bum pa chen po gzhag ste ba las byung ba lnga dang / 'o ma dang chus dgang ngo / /yungs dkar dang 'bras yos blugs par bya'o/ /sngags lan drug bcur yongs su bzlas par bya'o/ /seng ldeng gi phur bu bzhi dang / lcags kyi phur bu gcig bya ste/ thams cad sor brgyad kyi tshad du bya'o/ /ba ser skya'i lci ba 'am/ bag phye las byas pa'i klu'i gzugs bzhi bya ste/ dkyil 'khor gyi grwa bzhir gzhag par bya'o/ /seng ldeng gi phur bu de dag kyang snying kar nub par gzugs so/ /sngags brgya rtsa brgyad yongs su bzlas par bya'o/ /shar phyogs su klu mgo bdun pa bzhag par bya'o/ /nub phyogs su mgo brgyad pa'o/ /lho phyogs su mgo lnga pa'o/ /byang phyogs su mgo gsum pa'o/ /dkyil 'khor gyi dbus su mgo dgu pa gzhag par bya'o/ /pog por re re ste lnga gzhag par bya'o/ /yungs dkar dang bra yos su bsres pa la lan nyi shu rtsa gcig bzlas par bya'o/ /phyogs bzhir gtor ro/ /gzungs 'di bris la rgyal mtshan gyi rtse mo la btags te dkyil 'khor gyi grwa bzhir gzugs so/ /zhing gi dbus su yang gzugs so/ /bskyed mos tshal gyi dbus su yang gzugs so/ /de btsugs ma thag tu phyogs bzhi kun nas ri sul chen pos mtshams bcad par 'gyur ro/ /ji srid du phur bu ma phyung ba de srid du mtshams bcad pa chen por 'gyur ro/ /</font><hr>107.56a<br><font size=+1>

lo tog thams cad dang me tog dang / 'bras bu thams cad legs par bsrungs par 'gyur ro/ /tha na 'dab ma gcig kyang skams par mi 'gyur na/ yal ga dang sdong bu skam par 'gyur ba lta ci smos/ srog chags kyi rigs ri dgas dang bya thams cad kyang kha bcings par 'gyur ro/ /ma rungs par byed kyang mi nus so/ /gnas der rlung dang / sprin dang ser ba dang sad dang / dus ma yin pa'i rlung gis kyang ma rungs par byed mi nus so/ /klu'i gnod pa byas kyang ma rung par byed mi nus so/ /ma rung pa zhig tu gyur na de yang slar rtas par 'gyur ro/ /yang stobs dang / rtas pa dang 'ongs yod par 'gyur ro/ /bum pa chen po nang na yod pa de yang zhing dang / kun dga' ra ba dang / bskyed mos tshal gyi phyogs bzhi kun du gtor ba byas na srog chags thams cad med par 'gyur ro/ /sbrul dang / byi ba dang / ne'u le dang / byi dur dang / dom dang / sbal pa dang / sha sbrang dang / sbrang bu dang / 'dab chags rnams med par 'gyur ro/ /grog sbur thams cad med par 'gyur ro/ /tha na phye ma leb la sogs pa yang nam yang mi 'byung ngo / /drod gsher las skyes pa dang / rdzus te skyes pa dang / sgo nga las skyes pa'i bar gyis kyang ma rungs par byed mi nus so/ /rlan dang me tog las skyes pa'i srog chags kyi rnam pa dag kyang phur bu ma phyung gi bar du nam yang mi 'byung ngo / /phur bu ma phyung gi bar du klu'i nyes pa rnam pa sna tshogs mi 'byung zhing rab tu 'byung bar mi 'gyur ro/ /bde ba dang lo legs pa dang / lo tog dang / me tog dang / 'bras bu thams cad yongs su 'grub par 'gyur ro/ /ro zhim pa dang 'jam par 'gyur ro/ /klu thams cad kyang rtag par rgyun du bsrung ba dang / skyob pa dang sbed pa byed par 'gyur ro/ /phye ma la lan nyi shu rtsa gcig bzlas par bya ste/ lo tog dang / me tog dang / 'dab ma dang / shing ljon pa rnams la gtor na srog chags thams cad lhung zhing med par 'gyur ro/ /srin bu trai ma bu ka dang / trai la ta dang / sbrul gdug pa dang / rkang brgyad pa dang / srog chags kyi rigs gzhan dag kyang phur bu ma phyung gi bar du med par 'gyur ro/ /mi 'byung bar 'gyur ro/ /zhing gi phyogs bzhir zhi ba'i</font><hr>107.56b<br><font size=+1>

las bya ste/ nas dang / gro dang / til dang / yungs dkar dang / 'bras dang mar bsres te sbyin bsreg byas na zhi ba chen por 'gyur ro/ /tha na dud 'gro'i skye gnas su song ba dag gis kyang ma rungs par byed mi nus so/ /gzungs 'di dang / cho gar bya ba 'byung ba mtha' dag bri bar bya ste/ sangs rgyas bcom ldan 'das dang / drang srong chen po nyes 'dor dang / rdo rje 'dzin bris la rgyal mtshan gyi rtse mo la btags te gnas mthon por gzugs so/ /gtor ma dang / me tog dang / bdug pa yang 'bul lo/ /seng ldeng gi phur bu sor brgyad pa la lan stong yongs su bzlas pa byas te khang steng du btsugs na rlung dang / sad dang / sprin dang / ser ba thams cad thub par 'gyur ro/ /lo tog dang / me tog dang / 'bras bu dang / 'dab ma ma rungs par byed pa'i srog chags rnams med par 'gyur te/ sha sbrang dang / sbrang bu dang / pi tsi li ka dang / byi ba dang sbrang ma dang / trai ma bu ka dang / trai la ta dang / bi sha ki ta ka dang / nya phyis can dang nya dang lo mi ka dang / sbal pa dang / ne'u le dang / phag dang / kan ti ka dang seng ge dang / rkang mangs dang / rkang gcig pa dang / rus sbal dang / grog mo dang / sbrang rtsi'i sbrang ma dang / thang gi sbrang ma dang / bung ba dang / nag po dang / shang ga ni ka dang / sa'i 'og nas byung ba dang / ma lu shi ka dang / 'ug pa dang / byi ba dang / mchu rings la sogs pa'i srog chags kyi rigs thams cad med par 'gyur ro/ /mi 'byung bar 'gyur ro/ /thams cad phung bar 'gyur ro/ /bya rog dang / bye'u dang / khug rta dang / phug ron dang / mu du ri ka dang / 'ug pa dang / kha na dza na ka dang / ne'u tsho dang / ri skegs la sogs pa thams cad med par 'gyur ro/ /sngags 'dis phur bu la yongs su bzlas par byas te phyogs bcing ngo / /na mo bud d+hA ya/ o~M` ki li mi li tsaN De/ me ri li/ tsaN Da tsaN De ban d+ha ya swA hA/ de nas drang srong chen po nyes 'dor bcom ldan 'das dang ha chang yang mi ring ba zhig na 'dug pas gzungs 'di thos nas de stan las langs nas/ bcom ldan 'das kyi zhabs gnyis la btugs nas bcom ldan 'das la 'di skad ces gsol to/ /bcom ldan 'das bdag gis srog chags kyi rigs gnod par sems pa/ rab tu gnod par sems pa/ dug 'chang ba</font><hr>107.57a<br><font size=+1>

lo tog dang / me tog dang / 'bras bu dang 'dab ma dang / sdong bu dang / rtsa ba ma rungs par bgyid pa thams cad kyi kha bcing bar bgyi'o/ /bzlog par bgyi'o/ /bsdigs par bgyi'o/ /phyogs bzhi kun nas dpag tshad du mtshams gcad pa chen po bgyi'o/ /kun du bsrung bar bgyi'o/ /bcom ldan 'das slad ma'i tshe slad ma'i dus na gnod par sems pa/ rab tu gnod par sems pa thams cad bzlog par bgyi'o/ /sngags kyi tshig rjes su gsal bar bgyi'o/ /bcom ldan 'das sems can thams cad kyi don dang / bdag la thugs brtse ba'i slad du de byin gyis brlab tu gsol/ bcom ldan 'das kyis 'di skad ces bka' stsal to/ /drang srong chen po ngas byin gyi brlabs kyis / sems can thams cad kyi don dang / lo tog dang / me tog dang / 'bras bu dang / 'dum pa yongs su bsrung ba'i phyir gzungs kyi sngags kyi tshig smros shig /de nas drang srong chen po rnams kyis bcom ldan 'das kyi spyan sngar 'dug nas 'di skad ces smras so/ /na mo b+ha ga bA te shAkya rA dzA ya/ ta thA ga tA ya/ na mo a ka tA ya/ ma hA rI ShI ya/ tad+ya thA/ k+Sha mi tsu li/ tsa la tsa ra tsa ra/ ho mi li/ ban d+ha ni/ nA sha ni/ da ha da ha/ su mu ri tsa ri/ sarba duSh+Tan b+han d+ha ni/ dun da ban d+ha ni/ sa ra sa ra Ni/ k+Shu k+Shu k+Shu/ ma ni shu ri bi sa ra sa ra/ ha li hu li/ hu ti hu ti/ sa ra ma ni/ sa ran du/ sarba pA pa pA na ga k+Shu d+ha li swA hA/ drang srong chen po nyes 'dor gyis bcom ldan 'das kyi spyan sngar rig pa 'di smras ma thag tu klu dang / gnod sbyin dang / srin po gnod par sems pa de dag thams cad khas bub tu 'gyel nas bcom ldan 'das la skad kyi gsang mthon pos smre sngags 'don te/ bcom ldan 'das bdag cag ma rung lags so/ /drang srong gi dmod pa bab par gyur to/ /bcom ldan 'das bdag cag drang srong gi dmod pa'i mes tshig go /kun du tshig go /bcom ldan 'das bdag cag slan chad 'dzam bu'i gling du sems can rnams la rnam par 'tshe bar mi bgyid do/ /bcom ldan 'das bdag cag slan chad lo tog dang / me tog dang / 'bras bu dang / 'dab ma ma rungs par mi bgyid do/ /srog chags kyi rigs thams cad bzlog par bgyid do/ /</font><hr>107.57b<br><font size=+1>

bcom ldan 'das kyis de dag la bka' stsal pa/ klu'i bdag po dag khyed kyis de ltar gyis shig /'dzam bu'i gling pa'i sems can thams cad lo tog dang / me tog dang 'bras bu dang / 'dab ma dang / yal ga bde bar kun tu 'phel bar gyur pa rjes su srungs shig /de nas drang srong chen po des cho gar bya ba smras pa/ bcom ldan 'das kha shar phyogs su bltas te mchis la/ rig pa drang srong chen po'i snying po 'di ril ba 'bring po chus bkang la lan brgya rtsa brgyad yongs su bzlas pa bgyi ste/ drang srong gi mi smra bas phyogs bzhir gtor bar bgyi'o/ /a pa sa ra sa ra/ sha pa ta pa dA ma/ hri da ya kro da/ a ba mu ka ban d+ha ya/ pra na tsa ra/ su mu ru tsa la swA hA/ sngags 'di lan bdun stong bzlas pa bgyi ste/ bzlas pa tsam gyis klu gnod par sems pa thams cad tsha bas gdungs par 'gyur ro/ /rkang gnyis pa dang / rkang bzhi pa'i bar gyi srog chags kyi rigs thams cad dmod pas gdungs par gyur te thams cad 'byer ro/ /slar yang phyogs der lo tog la gnod pa mi bgyid do/ /srog chags kyi rigs thams cad ma mchis par 'gyur ro/ /srog chags kyi rigs thams cad phyis kyang ma mchis par 'gyur ro/ /yang lo tog dang / me tog dang / 'bras bu dang / 'dab ma ma rungs par mi bgyid do/ /de nas bcom ldan 'das kyis drang srong chen po la legs so zhes bya ba gnang ste/ drang srong chen po legs so legs so/ /khyod kyis ci nas kyang sems can thams cad la legs par bsrungs bar 'gyur ba dang / lo tog dang / me tog dang 'bras bu thams cad legs par bsrung bar gyur pa de ltar gyis shig /de nas bcom ldan 'das la gnod sbyin gyi sde dpon chen po lag na rdo rjes 'di skad ces gsol to/ /slad ma'i tshe slad ma'i dus na rjes su srung bar bgyid/ yongs su srung bar bgyid na/ bcom ldan 'das kyis byin gyis brlab tu gsol/ lag na rdo rje legs so legs so/ /sems can thams cad yongs su srungs shig /lo thog la gnod par byed pa klu'i cho ga rdzogs s+ho// //de nas de'i 'og tu bcom ldan 'das</font><hr>107.58a<br><font size=+1>

zham ring chen po dang / 'khor 'dus pa chen po dang / bkod pa chen po dang / don yod pa'i mthu chen po dang / cho 'phrul chen po kun tu ston pas rgyal po chen po rnam thos kyi bu'i gnas su gshegs so/ /de nas bcom ldan 'das rnam thos kyi bu'i gnas dang ha cang yang mi ring ba zhig tu byon pa dang / sa phyogs de na 'brog gi nags nyi shu pa zhes bya ba zhig yod de/ nags de'i mthongs na rdzing bu zhig yod la/ rdzing bu de'i mthus lcang lo can gyi pho brang 'khor gyi zhing dang kun dga' ra ba dang / nags dang 'dab ma dang / me tog dang / 'bras bu rnams kun du tshim par gyur to/ /skyes pa dang / bud med dang / khye'u dang / bu mo dang / ba lang dang / rta dang rta rgod ma dang / ma he dang glang po che dang / bong bu dang / skye bo'i tshogs thams cad bde bas tshim par gyur to/ /rdzing bu de yang phyogs bzhi kun du rgyar dpag tshad gnyis kyi tshad do/ /rdzing bu de yang me tog ud pa la dang / pad ma dang / ku mu ta dang / pun da ri ka sna tshogs kyis kun tu khebs shing / nya sna tshogs dang / chu bran dang / nya mid dang / chu srin byis pa gsod dang / bung ba gzugs sna tshogs can no/ /de nas de'i 'og tu than pa byung ba de'i tshe nags tshal dang / me tog dang / 'bras bu dang / 'dab ma dang / yal ga thams cad skams te me tog de dag rnyings so/ /nya dang / chu srin dang / nya mid dang / chu srin byis pa gsod dang / bung ba gzugs sna tshogs pa de dag kyang chu bri ste chu cung zad cig lus pas phyogs bcur rgyug /kun tu rgyug rab tu rgyug ste/ srog 'gags la thug /srog 'chad la thug pas snying 'phar zhing rgyug go /de nas bcom ldan 'das zham ring ba chen po dang rdzing bu der byon pa dang / de na nya dang / chu srin dang / chu srin byis pa gsod dang / bung ba brgya stong du ma srog 'gags la thug /srog 'chad la thug ste phyogs bcur rgyug cing snying rje rje ltar gzigs nas/ bcom ldan 'das kyis byams pa'i dmigs pa snying rjes dbugs phyung ste se gol gyi sgras klu rnams 'bod cing lan gnyis lan gsum du se gol rdob cing stong gsum gyi stong chen po'i 'jig rten gyi khams su sgra grag par mdzad do/ /sngon las kyi rkyen</font><hr>107.58b<br><font size=+1>

'ga' zhig gis srog chags de dag kyang srog ma chad do/ /klu chen po de dag gis sgra de yang ma thos/ bcom ldan 'das kyang rjes su ma dran no/ /de nas bdud kyi rigs kyi gnod sbyin rnam par 'thor rlung zhes bya ba des stong gsum gyi stong chen po'i 'jig rten gyi khams su sgra bsgrags pa zhag bdun gyi nyin par sreg pa'i bskal pa 'byung ste/ 'di ni srid pa'i rtse mo nas mnar med pa'i sems can dmyal ba mnar med pa la thug pa'i bar dag las gang tshig par mi 'gyur ba cung zad kyang mi srid do/ /'jig rten du 'jigs pa chen po byung zhes sgra grag go /de nas lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa de dag thams cad kyis sgra de thos nas kyi hud kyi hud 'jig rten ma rung par gyur to zhes ngu'o/ /de nas bcom ldan 'das kyis las kyi rkyen gyis 'di myong bar mkhyen mod kyi/ 'on kyang dgongs pa mdzad de bcom ldan 'das kyi smin mtshams kyi mdzod spu nas 'od zer byung nas/ 'od zer des klu'i khyim thams cad snang bar byas nas kyang slar log ste spyi bo'i gtsug tu nub par gyur to/ /de nas klu'i rgyal po kun nas gdugs kyi rnam pas bskor ba zhes bya bas klu thams cad bsdus nas 'di skad ces smras so/ /kye klu dang klu chen po dag ci'i phyir 'od zer byung zhing rkyen gang gis 'jig rten du byung / de nas klu'i rgyal po chen po rgya mtshos bsams nas/ bcom ldan 'das kyi mthus 'od zer byung bar mthong ngo / /de nas klu'i rgyal po rgya mtsho dang / gzhan yang klu'i rgyal po mthu che ba bcom ldan 'das gang na ba der dong ste lhags nas bcom ldan 'das kyi zhabs la gtugs te 'di skad ces gsol to/ /bcom ldan 'das 'od zer rab tu bkye ba'i rgyu gang lags/ rkyen gang lags/ 'od zer rab tu bkye ste khang pa thams cad snang bar bgyis te/ slar ldog par byed pa'i rgyu gang lags/ rkyen gang lags/ bcom ldan 'das kyis bka' stsal pa/ kye klu'i bdag po dag srog chags brgya stong phrag mang po srog 'gags pas 'gag par 'gyur ba'o/ /de nas klu'i rgyal po rgya mtshos skad</font><hr>107.59a<br><font size=+1>

cig thang cig yud tsam de la rdzing bu char gyi rgyun gyi chus bkang nas bde bas tshim par byas so/ /de nas phyogs der go skabs chen po byung bar gyur nas sa phyogs der bcom ldan 'das 'khor chen pos kun nas bskor te mdun du bdar ba'i dbus na bzhugs so/ /klu'i 'khor chen po 'dus pa ni 'di lta ste/ klu'i rgyal po stong phrag brgyad bcu ste/ klu'i rgyal po rgya mtsho la sogs pa klu'i rgyal po kun nas gdugs kyi rnam pas bskor ba de stan las langs nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos gtugs te phyag 'tshal nas lan gsum bskor ba byas nas me tog dang / gdug pa dang / phreng ba dang / spos dang / byug pa dang / rgyan dang / lhab lhub dang / na bza' sna tshogs kyis bcom ldan 'das la mchod de bcom ldan 'das kyi spyan sngar 'dug go /de nas rgyal po bzhis bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das 'jigs pa chen po mi bzad pa 'jig rten du byung ste/ 'di ltar than pa byung zhing mu ge'i dgon par gyur pa lags so/ /bcom ldan 'das sdug bsngal 'dis sems can thams cad mgon ma mchis/ skyabs ma mchis/ dpung gnyen ma mchis par gyur na/ bcom ldan 'das kyis de lta bu dang 'thun pa'i sngags kyi tshig bshad du gsol/ gang gis slad ma'i tshe slad ma'i dus na sdug bsngal sna tshogs su ltung ba'i 'jig rten kun tu sgrol ba dang / ha cang char che ba dang / char ma mchis pa dang / dus ma lags pa'i char dang / ser ba dang sad dang / tsha ba ma mchis par bgyid pa dang / mu ge'i dgon pa rab tu ma mchis par bgyid pa dang / bzlog pa dang / yongs su bskyang ba'i slad du gzungs kyi sngags kyi tshig bshad du gsol/ de nas bcom ldan 'das kyis rgyal po chen po rnam thos kyi bu dang / rgyal po chen po yul 'khor srung dang / rgyal po chen po 'phags skyes po dang / rgyal po chen po mig mi bzang la 'di skad ces bka' stsal to/ /rgyal po chen po dag</font><hr>107.59b<br><font size=+1>

klu'i snying po'i gzungs kyi sngags kyi tshig skul ma 'debs pa kun nas 'bar ba'i glog ces bya ba yod de/ de dran pa tsam gyis klu thams cad kyi khyim dang / klu thams cad kyi lus 'bar bar 'gyur ro/ /klu mi bgrungs pa thams cad kyi snying 'phar bar 'gyur ro/ /klu thams cad kyi mgo tshal pa bdun du 'gas par 'gyur ro/ /mig dang mgo rnams gas nas dum bu dum bur chad cing 'brul bar 'gyur ro/ /rgyal po chen po dag klu gnod par sems pa dang / rab tu gnod par sems pa rnams kyi don dang / sems can thams cad kyi phyir zung shig /de nas rgyal po chen po bzhis bcom ldan 'das kyi zhabs gnyis la gtugs nas 'di skad ces gsol to/ /bcom ldan 'das klu'i snying po'i sngags kyi tshig skul ma 'debs pa kun nas 'bar ba'i glog ces bgyi ba bshad du gsol/ de nas bcom ldan 'das kyis klu'i lta stangs dang / de bzhin gshegs pa'i gzigs stangs kyis rnam par gzigs nas klu'i 'khor 'dus pa thams cad la 'di skad ces bka' stsal to/ /klu'i bdag po dag nga las gzungs kyi tshig gi sngags kyi tshig nyon cig /tad+ya thA/ o~M bi pu le/ pra pha re/ nA ge ma hA nA gra hri da ya/ a par te/ dz+wa la dz+wa la/ sarba nA ga hri da ya ni/ ki mi ki mi/ nA ga ku la bi d+h+wan sa ni/ ha na ha na/ sarba nA ga duSh+Ta na hri da ya ni/ ha na ha na/ sarba duSh+Tan nA ga ba ba na ni/ pa tsa pa tsa pa tsa ya/ sarba duSh+Tan nA ga nan/ a kri ma/ a kri ma/ sa mu drA sA ga ra/ bi ma le/ bi kra ma/ ma hA nA ga ga te/ dza ba re swA hA/ bcom ldan 'das kyis klu'i snying po'i gzungs kyi sngags kyi tshig 'di gsungs pa tsam gyis klu de dag thams cad 'dar zhing lus rul te dri mi zhim par gyur to/ /me 'bar ba bzhin du lus la du bar 'thul zhing 'gre ldog go /thams cad skad cher bcom ldan 'das la ngu zhing thams cad kyis bcom ldan 'das la 'di skad ces gsol to/ /bcom ldan 'das sngags kyi tshig shin du mi bzad pa dag bka' stsal to/ /bcom ldan 'das bdag cag thams cad kyi snying la g.yo ma mchis par 'gyur ro/ /bcom ldan 'das bdag cag thams cad tshig ste ma</font><hr>107.60a<br><font size=+1>

rung par gyur to/ /bcom ldan 'das deng slan chad 'thun par bgyid do/ /bcom ldan 'das kyi spyan sngar yi dam bgyid do/ /bcom ldan 'das bdag cag klu'i skye gnas na gnas kyi bar du bcom ldan 'das yang bdag cag 'dzam bu'i gling du 'tshe ba mi bgyid do/ /ma rungs par mi bgyid do/ /me tog dang yal ga dang / 'bras bu dang / lo tog thams cad yongs su rgyas par bgyid do/ /dus dus su char gyi rgyun 'bab par bgyid do/ /bde ba dang yid bde bar bgyid do/ /lo tog dang / me tog dang / 'bras bu thams cad 'grub par bgyid do/ /de bzhin gshegs pa'i bka' rjes su bskyang bar bgyid do/ /bden pa'i dam tshig la gnas par bgyid do/ /bu gcig pa la bgyi ba bzhin du sems can thams cad rjes su bskyang bar bgyid do/ /bcom ldan 'das phyogs gang dang gang na rig pa'i rgyal mo 'di spyod pa der bcom ldan 'das bdag cag 'thun par bgyid do/ /bcom ldan 'das rig pa'i rgyal mo 'di dran pa tsam gyis kyang bdag cag thams cad kyis char gyi rgyun 'bab par bgyid do/ /dran pa tsam gyis kyang ha cang char che ba zlog par bgyid do/ /bcom ldan 'das kyis bka' stsal pa las log par mi bgyid do/ /bcom ldan 'das yang mnas bsgag pa'i sngags kyi tshig stsal to/ /de nas klu'i rgyal po de dag thams cad kyis bcom ldan 'das kyi zhabs gnyis la gtugs nas 'di skad ces smras so/ /tad+ya thA/ o~M tsa ta tsa ta/ bi tsa ta/ sha ta sha ta/ pa tsa ra ti swA hA/ bcom ldan 'das gal te rig pa 'dzin pas gdugs zhags gcig cho ga bgyis la/ bdag cag gis sems can thams cad yongs su bskyang ba'i don du 'dzam bu'i gling thams cad du char gyi rgyun ma phab na/ bcom ldan 'das bdag cag yang dag par rdzogs pa'i sangs rgyas la 'khus par 'gyur ro/ /bdag cag klu'i skye gnas nas 'chi 'pho bar gyur du yang mchi ste/ bcom ldan 'das de'i tshe rig pa 'dzin pas mnas bsgag pa'i gzungs kyi sngags kyi tshig 'di thog ma nyid du lan bdun du brjod par bgyi'o/ /de'i 'og tu ske tshe'i sa bon brgya rtsa brgyad klu'i sa bon du mtshe 'ur dor ro/ /bcom</font><hr>107.60b<br><font size=+1>

ldan 'das de'i tshe bdag cag thams cad kyi khang khyim mtha' dag zhugs 'bar bar gyur/ bdag shi keng rus kyi lhag ma tsam zhig lus nas yongs su thar bar gyur gyi bar du dum bu dum bur 'chad par 'gyur ro/ /de'i tshe bdag cag thams cad kyis myur bar char gyi rgyun 'bab par bgyid do/ /gal te myur du char gyi rgyun ma phab na/ bcom ldan 'das de'i tshe bdag cag thams cad 'gum pa'i dus kyi dbang du mchi'o/ /bu dang tsha bor bcas te 'gum par mchi'o/ /de nas rnam thos kyi bu la sogs pa rgyal po chen po bzhis bcom ldan 'das la 'di skad ces gsol to/ /bcom ldan 'das klu mnas bsgag pa'i sngags kyi tshig shin du mi bzad pa dag bshad do/ /snying rje ma mchis pa'i mnas bsgag pa dag bshad do/ /bcom ldan 'das kyis bka' stsal pa/ rgyal po chen po dag phyi ma'i tshe phyi ma'i dus na klu mi bgrungs pa ma rungs pa gtum pa gnod par byed pa dag 'byung ste/ de'i tshe mna' 'dis 'jigs par 'gyur/ skrag par 'gyur/ dus dus su char gyi rgyun ni legs par 'bebs so/ /dus dus su lo tog dang / me tog dang / 'bras bu rnams sgrub bo/ /de nas bcom ldan 'das la rgyal po chen po rnam thos kyi bus 'di skad ces gsol to/ /bcom ldan 'das cho ga rgya cher bka' stsal du gsol/ de nas bcom ldan 'das kyis cho ga bka' stsal pa/ char mi 'bab pa'i dus na des ri 'am/ dgon pa'i gnas sam/ gtsug lag khang ngam/ chu mig gam/ mtshe'u 'am/ mtsho 'am/ lteng ka 'am/ khron pa 'am/ klu'i gnas kyi mtshe'u 'am/ 'jim pa dang / lci bar bsres pa'i dkyil 'khor gru gsum du bya ste/ dkyil 'khor dbus zabs khru gang brkos la/ kha khyer yang khru gang bar bya'o/ /shin tu 'jam pa dang / shin tu phyi bar bya'o/ /spos chus khor yug tu gtor ro/ /de'i dbus su rgyal po chen po bzhi bya ste/ ba ser skya'i lci ba dang / 'jim par bsres pas klu'i rgyal po mgo dgu gdengs ka can lus dbyibs rgu bar byas te/ thams cad kyi mgo la yang yid bzhin gyi nor bu bya'o/ /shar phyogs su klu'i rgyal po rgya mtsho</font><hr>107.61a<br><font size=+1>

bya'o/ /lho phyogs su klu'i rgyal po gdugs bya'o/ /nub phyogs su klu'i rgyal po chu lha bya'o/ /byang phyogs su klu'i rgyal po lam bu ka ra bya'o/ /de'i g.yog 'khor bdun bdun mgo gsum pa/ mgo gnyis pa/ mgo lnga par bya'o/ /lus dag la spos sna tshogs kyis byug par bya'o/ /tsan dan dkar dmar dang / su ra bin tsan dan dang / shug pa dang / gur gum rnams phye mar byas te gtor bar bya'o/ /me tog dang me tog phreng ba gdags so/ /gnas de'i dbus su 'bras yos dang / yungs dkar gyis gtor bar bya'o/ /grwa bzhir rgyal po chen po bzhi gzhag par bya'o/ /phyogs chen po bzhir sangs rgyas shAkya thub pa'i sku gzugs ring bsrel dang bcas pa dang / mchod rten ring bsrel dang bcas pa dag gzhag go /dar dang ba dan gyis brgyan par bya'o/ /mchod pa lngas mchod do/ /a ga ru dang / tsan dan dang / du ru skas bdug go /rgya spos dang / na la dang / kun du ru dang / yungs dkar dang / gan d+ha ra sa dang / sra rtsi'i pog dkar po rnams dang sbrang rtsi dang bsres te sngags lan nyi shu rtsa gcig bzlas te klu rnams la bdug par bya'o/ /dkyil 'khor gyi mtha' kun du nas phyes pad ma bri bar bya'o/ /sgo bzhi btod la ngos bzhi re rer yang gtor mas gzhong pa bkang ba bdun bdun gzhag par bya'o/ /gtor ma dkar po dang / ci 'byor pa'i ro rnam pa mang po gzhag go /me tog sil ma gtor bar bya'o/ /bum pa bkang ba bzhi gzhag go /bum pa gtor mas bkang ba bzhi gzhag go /pog por bzhi nas gu gul gyi bdug pas bdug go /mar me kha brgyad du bud do/ /rig pa 'dzin pas shar gyi sgo ru sbyin bsreg bya ste/ shing ka ra bi ra dang / yungs dkar dang lce tsha dmar po bsres te lan brgya rtsa brgyad dor to/ /dor ba brgya rtsa brgyad tshang ba dang klu thams cad char gyi rgyun 'bebs te/ 'dzam bu'i gling thams cad du phyogs bzhi kun nas char gyi rgyun 'bebs so/ /klu de dag thams cad 'dir char 'bebs so/ /'di ni cho ga dang po'o// //yungs dkar dang mar dang / sbrang rtsi dang / shing ka ra bi ra'i me tog dang / na ga ge sar dang btags pa'i ri lu byas la/ </font><hr>107.61b<br><font size=+1>

de nas ri lu la sngags lan brgya rtsa brgyad bzlas pa byas te/ klu'i mtshor bor na bor ma thag tu klu thams cad dga' bar gyur te/ char gyi rgyun chen po 'bebs so/ /gal te de ma thag ma phab na klu de dag thams cad lus zhig par 'gyur ro/ /klad pa na bar 'gyur/ sdug bsngal chen po 'byung bar 'gyur ro/ /'di ni cho ga gnyis pa'o// //sbyin sreg byas pa'i thal ba dang / rtsab mo dkrugs la sngags lan drug bcu bzlas pa byas te khyim gyi nang du pho na pho ma thag tu klu thams cad 'khrugs par gyur te/ de'i phyir char gyi rgyun 'bebs so/ /gal te de ma thag tu ma phab na klu thams cad kyi lus la sha bkra 'byung zhing mdzes btab par 'gyur long bar 'gyur ro/ /'di ni cho ga gsum pa'o// //shug pa dang ud pa la sngon po dang / bab la dang zangs phye dang / yungs dkar dang / in dra hasta dang / ba la sha bsregs te bu ram gyi khu bas sbrus la shes rab can gyi sngags lan brgyad bcu bzlas te/ ri lu rgya shug gi 'bru tsam du byas la char mi 'bab pa'i dus na ri lu bdun klu'i khyim du bor na nyin mtshan bdun char 'bebs so/ /gal te 'phral du ma phab na de'i phyir klu'i khyim chu thams cad skams par 'gyur ro/ /klu'i khyim na gnas pa thams cad gcer bur 'gyur ro/ /ri lu gcig rgyal mtshan gyi rtse mo la btags te klu'i mtshor gzugs so/ /ba dan sngon po gdags so/ /sngags 'di bris te der gdags pa byas na ji srid du rgyal mtshan ma bsdus pa de srid du klu thams cad char 'bebs so/ /yang rgyal mtshan gyi rtse mo la btags te khang thog mthon por gzugs so/ /ser ba bab pa'i dus na yang klu rnams ser ba 'bebs kyang mi nus so/ /klu rnams kyis gser gyi kha dog 'dra ba de 'dra bar mthong ste/ klu thams cad dngangs skrag cing gnas der 'dod pa bzhin char 'bebs so/ /o~M su pra te badzra dun de mi mi li swA hA 'di ni sngags so/ /bag phye las klu mgo dgu pa'i gzugs byas la las mtshal gyis bsku bar bya'o/ /mgul du ba dan gdags so/ /dkyil 'khor gru bzhi pa byas te dbus su klu'i gzugs bzhag la me tog sil mas gtor to/ /gtor</font><hr>107.62a<br><font size=+1>

ma dkar po ci 'byor tshad sbyin no/ /me tog dang / bdug spos kyang sbyin no/ /bal po se'u shing gi lcug ma la lan nyi shu rtsa gcig yongs su bzlas pa byas te/ sngags dang bal po se'u shing gi lcug ma la klu'i gzugs la lan brgya rtsa brgyad du byab pa byas na klu gang gi ming bris pa'i klu de bkug par 'gyur te/ klu de yang rang gi khyim la dga' bar mi 'gyur ro/ /gal te char gyi rgyun legs par ma phab na 'phral du srog ma rung bar 'gyur ro/ /yungs dkar la lan stong rtsa brgyad re re la yongs su bzlas pa byas te/ stong rtsa brgyad du tshang na klu'i gzugs thams cad 'gro zhing mgo gdengs ka byed do/ /de'i 'og tu bal po se'u'i lcug mas bsdigs na ldang zhing lce ston par 'gyur/ lus kyi bar du ston par 'gyur/ klu thams cad dbang du 'gyur te/ gang bsgo ba de bzhin byed do/ /'o ma dang yungs dkar la sngags brgya rtsa brgyad yongs su bzlas pa byas te/ gnas thams cad tu gtor na thams cad la phyir legs par byas par 'gyur ro/ /'di ni cho ga bzhi pa'o// //de nas klu'i rgyal po rgya mtsho dang / gzhan yang klu'i rgyal po mthu che ba klu'i rgyal po brgya stong stan las langs te/ bcom ldan 'das kyi zhabs gnyis la gtugs nas 'di skad ces gsol to/ /bcom ldan 'das sngags kyi tshig shin tu mi bzad pa dag bka' stsal to/ /las sgrub pa shin tu mi bzad pa dag bka' stsal to/ /bcom ldan 'das bdag cag gis kyang de dang 'dra bar bshad par bgyi'o/ /dus dus su char gyi rgyun 'bebs so/ /slan chad sems can dag la rnam par 'tshe bar mi bgyid do/ /bcom ldan 'das bdag cag gis klu mi bgrungs pa rnam par 'tshe bar bgyid pa rnams kyi don du dam tshig ma 'tshal ba rnams bzlog pa'i sngags kyi tshig bshad par 'tshal na/ bcom ldan 'das kyis byin gyis brlab tu gsol/ klu'i bdag po dag ngas dam tshig gi sngags byin gyis brlab kyis de shod cig /na mo b+ha ga bA te shAkya mu na ye/ ta thA ga tA ya/ tad+ya thA/ b+hu dze b+hu dze/ sa ma ya b+hu dze/ tad twa b+hu dze/ pra b+ha ra b+hu dze/ sa</font><hr>107.62b<br><font size=+1>

man ta a ka ra b+hu dze/ du ru du ru swA hA/ sa ma ya ba la ne swA hA/ nA ga ma ra sab tso ta ni swA hA/ bcom ldan 'das slad ma'i tshe slad ma'i dus na klu mi bgrungs pa thams cad slar bzlog pa'i slad du bdag cag gis klu'i dam tshig gi sngags 'di bshad do/ /ha chang char che ba'i tshe dang / char dkon pa'i tshe dang / sad dang / ser ba dang / ser ba bab pa'i tshe sngags 'di dran par bya'o/ /brjod par bgyi'o/ /de nas klu thams cad bskul bar bgyi'o/ /rig pa 'dzin pa des shin tu khrus bgyis te gtsang mar bgyis la/ gos sar pa bgos te klu'i gnas su mchi bar bgyi'o/ /klu'i gnas su ci 'byor pa'i spos kyi dkyil 'khor bgyi ste/ bcom ldan 'das shAkya thub pa'i sku gzugs sam/ sku gdung dang bcas pa'i mchod rten dkyil 'khor de'i steng du bzhag ste spos chab kyis bkru bar bgyi/ me tog dang / bdug pas mchod par bgyi/ klu kun yang bkru bar bgyi'o/ /sku bsil ba'i chab de la lan brgyad yongs su bzlas pa bgyis te/ de'i nang du yungs dkar stsal nas mtshe'u de'i nang du dbo zhing phyogs bzhi nas bdug pas bdugs nas de pho ma thag tu skad cig de la klu'i gnas 'gul zhing du ba lta bu byung nas sprin gyi dkyil 'khor chen por gyur te/ nam mkha'i dkyil de khebs par char gyi rgyun 'bebs so/ /ser ba 'bab pa'i dus su yungs dkar dang / til bsres pa la lan nyi shu rtsa gcig bzlas pa bgyis te phyogs bzhir bcing bar bya'o/ /klu'i phyogs su gtor bar bgyi'o/ /ser ba mi 'bab pa dang / klu thams cad kyang gcod par 'gyur ro/ /sad dang ser ba dang / dus ma yin pa'i rlung rab tu zhi bar 'gyur ro/ /klu'i mtsho 'gram 'am khron pa 'am/ lteng ka 'am/ rdzing bu'i 'gram 'am/ ri'i rtse mor shing arga dang / zhun mar dang / yungs mar dang / shing ka ra bi ra'i me tog gis stong rtsa brgyad sbyin bsreg byas na thams cad 'grub par 'gyur ro/ /sbyin bsreg byas ma thag tu char gyi rgyun chen po 'bab par 'gyur ro/ /ha cang yang char che ba'i dus na/ 'bras yos dang / yungs</font><hr>107.63a<br><font size=+1>

dkar la lan brgya rtsa brgyad bzlas pa byas te nam mkha' la gtor na char chen po zlog par 'gyur ro/ /bcom ldan 'das gal te bdag cag gis dgung gsum gyis char gyi rgyun ma phab na/ bcom ldan 'das de'i tshe sha bkra 'byung bar 'gyur lags so/ /long ba dang lus dri mi zhim par 'gyur lags so/ /sangs rgyas dang / chos dang / dge 'dun slu bar bgyid pa lags so/ /'jig rten gsum slu bar bgyid pa lags so/ /bdag cag klu'i skye gnas 'pho bar gyur cig /bcom ldan 'das gzhan thams cad la yang sbyor bar bgyid na thams cad rung bar 'gyur ro/ /de nas bcom ldan 'das kyis klu'i rgyal po de dag dbugs phyung / dam tshig la bkod nas rgyal po chen po rnam thos kyi bu la yongs su gtad de/ rjes su gtad nas sa phyogs de nas gshegs so/ /rnam thos kyi bu ni gzhi la bzhugs so/ /klu'i dam tshig ces bya ba char 'bebs pa'i skabs rdzogs s+ho// //de nas bcom ldan 'das tshangs pa'i khang pa brtsegs par bzhugs pa dang / lha'i tshogs du ma lhags/ byang chub sems dpa'i 'khor chen po yang lhags/ lha rnams kyi dbang po brgya byin dang / tshangs pa dang / khyab 'jug dang / dbang phyug chen po dang / klu'i dbang po mthu che ba thams cad kyang lhags/ nam mkha' lding gi dbang po dang / rgyal po chen po gser mig gi 'dab ma can/ rdo rje'i mchu can/ bdag nyid chen po lus 'bar zhing khro ba/ 'jigs su rung ba'i rtsal can/ rin po che tha dad pa sna tshogs dang / mu tig dang / gser gyis spras pa'i cod pan mgo la thogs pa gser gyis klubs pa/ drag po'i gzugs can/ 'gying bar lta ba/ klu'i dbang po gdan du gting ba/ g.yog 'khor mang po thams cad dang lhags so/ /gnod sbyin gyi dbang po lag na rdo rje gnod sbyin bye ba dang / rdo rje 'dzin g.yog 'khor rig 'dzin stong lhags te/ bcom ldan 'das ni nor bu rin po che sna tshogs kyis spras pa/ mu tig dmar po tha dad pa mang pos brgyan pa'i seng ge'i khri la bzhugs pa/ khang pa brtsegs pa na zham ring chen po dang / de</font><hr>107.63b<br><font size=+1>

bzhin gshegs pa'i byin gyi brlabs chen pos byin gyis brlabs pa dang ldan pas bzhugs te/ bcom ldan 'das ni 'od zer sna tshogs bye ba khrag khrig brgya stong gis sku ni shin du brgyan/ gser gyi mchod sdong ltar ni 'bar/ nyi ma ltar ni snang / mtshan sum bcu rtsa gnyis dang dpe byad bzang po brgyad bcu mnga' ba/ 'od 'dom gang bas ni sku legs par brgyan/ de bzhin gshegs pa'i sku ni shin du rnam par dag cing shin du dri ma dang skyon med pa'i 'od ni gsal/ de nas bcom ldan 'das kyis 'khor chen po 'dus par mkhyen nas sku las 'od zer sna tshogs phyung ste/ 'od zer gyi snang ba des phyogs bcu kun tu khyab par mdzad do/ /de nas tshangs pa dang / khyab 'jug dang / dbang phyug chen pos/ de bzhin gshegs pa'i 'od zer la bltas nas 'dzam bu'i gling na klu mi bgrungs pas sad dang ser ba dang / rlung dang ser sprin phab ste/ me tog dang / 'bras bu thams cad dang / lo tog thams cad dang / shing dang / rtswa dang / shing gel pa dang sman dang nags tshal dang / sman gyi bar bsregs te ma rung bar byas nas/ yal ga yang 'dzam bu'i gling na med par byas te ma rung par byas na/ de na sems can de dag sdug bsngal chen pos gzir cing nyam thag pa'i skad byung ba thos so/ /de nas tshangs pa dang / khyab 'jug dang / dbang phyug chen pos bcom ldan 'das kyi zhabs gnyis la gtugs nas 'di skad ces gsol to/ /bcom ldan 'das klu gnod par sems pa gtum po rnams kyis 'dzam bu'i gling rnam par bshig ste/ thams cad ma rungs par bgyis nas sems can rnams sdug bsngal mi bzad pa chen po myong ngo / /bcom ldan 'das kyis bka' stsal pa/ kye lha'i dbang po dag 'di ni mngon sum du gyur pa yin te/ de bzhin gshegs pa'i byin brlabs dang / sangs rgyas kyi ye shes zab mo dang / de bzhin gshegs pa'i yon tan gyi khyad par gyi byin gyi brlabs la ltos shig /de nas bcom ldan 'das nam mkha' lding bsgyings pas rnam par bltas pa zhes bya ba kun nas me lce 'bar ba'i phreng ba can rnam par 'phrul pa'i</font><hr>107.64a<br><font size=+1>

ting nge 'dzin la snyoms par zhugs so/ /snyoms par zhugs ma thag tu sku phrag pa gnyis rab tu 'bar te/ 'bar ma thag tu klu thams cad kyi lus rab tu 'bar bar gyur to/ /de nas klu'i rgyal po chen po kun nas gdugs kyis rnam par bskor bas bcom ldan 'das kyi zhabs gnyis la gtugs te 'di skad ces gsol to/ /bcom ldan 'das tshig lags so/ /bde bar gshegs pa tshig lags so/ /de nas bcom ldan 'das kyis cang mi gsung bar gnang nas steng du rnam par gzigs te phyogs bcu kun du yang gzigs te/ de bzhin gshegs pa thams cad la phyag bzhes te nam mkha' lding gi shugs chen pos kun du 'bar ba nam mkha' lding gi gzi brjid kyi snying po'i dkyil 'khor 'di rjes su dgongs so/ /badzra ba ti ga ru Da be ke hU~M hU~M/ tsa ri sri dza hU~M phaT/ de nas klu mi srun pa de dag yur yur por gyur nas/ bcom ldan 'das kyi spyan sngar 'dug ste 'dar yed yed do/ /de nas bcom ldan 'das kyis de bzhin gshegs pa'i nam mkha' lding me lce 'bar ba zhes bya ba'i snying po chen po bka' stsal pa/ na mo b+ha ga bA te/ shAkya mu na ye/ ta thA ga tA ya/ o~M badzra dz+wa la dz+wa la/ pra dz+wa la/ ha na ha na/ sarba nA ga hri da ya d+hA ra NI/ ha ra ha ra/ sarba kan nan ba la bIr+ya pra ra kra man/ da ha da ha/ sarba nA ga hA/ shrI ra ni/ pa tsa pa tsa/ sarba nA garma ni/ ga ru Da be ga bag shi ni pa te/ nad pa ta ya pa ta ya/ sarba nA ga ba ba na ni/ o~M ma ta ma ta/ ma hA bi rtsi dra ma ni mo hu li da ra ha ma hA ru ta be ga da ra pi tsi dra/ a ba ra Na bi bu hu shi ta kA ya/ sarba nA ga nan/ ka ra ka ra/ smra ra smra ra/ bo g+ha ru De na par tha gan ban tra na shAkya mu ne pra tsa na ma nu pA la ya/ tardza yA/ nA ga nan/ pa ga shA ya/ duSh+Tan pra ma tA ya/ ba yu be dza ga ban/ s+pho ta ya/ murta nan sho shA ya/ bi du dz+wa la na/ hU~M hU~M/ phaT phaT/ pra ma ta sarba ba ta a shin ne me kan/ nA sha ya nA sha ya/ sarba ga na ba lan pa ha ra/ pa tsa dun te na/ A gar pA ya/ su sha nA ga na/ gardza gardza ma hA ga ru Da b+he ga na/ hU~M hU~M/ phaT phaT/ stam b+ha ya ni</font><hr>107.64b<br><font size=+1>

shi ta pa la ha kan/ sam bak+Sha ya/ hU~M hU~M/ phaT phaT stam b+ha ya/ shi ta pa yu/ me g+ha na/ sarba nA ga b+hi ha ri ni/ hU~M hU~M/ phaT phaT/ b+ho nA ga pi ti pi ti/ mun tsa hri bak+Sha bu yun ga ru Da gro ta ma hA be ga b+han d+hA ya/ bu yu ba la ha kan ti ti/ Ti Ti Ti/ hU~M hU~M/ phaT phaT/ b+ha sha ya/ pa ta shi ta a shi ni na/ na sha ya/ tsi ti tsi ti/ phaT phaT/ swA hA/ a sha yA/ nA ga nan/ ban d+hA ya/ badzra b+hin de na ta thA ga ta sa man ta na/ sa ti na/ hU~M hU~M hU~M/ phaT phaT phaT swA hA/ ti ti ti ti/ hU~M hU~M/ phaT phaT swA hA/ dza lam ba duHsarba a shan ta thA ga ta a d+hiSh+Tha ne na hU~M phaT/ a mr-i te ma b+ha ba tu/ sarba shi ta ba yu ne ga ya sha ni/ hU~M hU~M/ phaT phaT/ ma tri kra ma s+pho ta ya/ nA ga mi tri kra ma ma te mur ta nan/ ya ti shi ti/ hu ru hu ru/ hU~M hU~M/ phaT phaT swA hA/ bar tA ya swA hA/ nA ga spo tA ya swA hA/ nA ga bi te rA ya swA hA/ o~M swA hA/ sarba swA hA/ bu ba swA hA/ ta thA ga ta sa ma ya swA hA/ trai lo kya pU tsi ta tA ya swA hA/ o~M hU~M hU~M/ hU~M hU~M hU~M/ phaT phaT phaT/ klu'i bdag po dag de bzhin gshegs pa'i nam mkha' lding gi 'bar ba'i snying po zhes bya ba'i gzungs chen po 'di klu mi srun pa thams cad bzlog par byed do/ /sprin dang / lhags pa dang / rlung dang ser ba thams cad 'jig pa'o/ /zlog pa'o/ /lo tog yongs su skyong ba'o/ /me tog dang / 'bras bu dang / nags tshal yongs su skyong ba'o/ /bdud rtsi'i 'bras bu yongs su 'grub par byed pa'o/ /de bas bstabs pa 'phel bar byed pa'o/ /kye klu'i bdag po dag 'di dran ma thag pa tsam gyis klu'i dkyil 'khor byed pa/ bu dang chung mar bcas pa dang / blon por bcas pa dang / mngag gzhug par bcas pa dang / 'khor dang bcas pa lhags pa'i stobs byed pa/ rlung gi stobs byed pa/ sdud la stobs byed pa kun thams cad 'thun pa de bzhin gshegs pa'i bka' gnang ba dang / de bzhin gshegs pa'i dam tshig gi byin gyi brlabs kyis phyi ma'i tshe phyi ma'i dus na 'dzam bu'i gling 'dir lo tog thams cad dang / me tog dang / 'bras bu thams cad dang / rdzas dang / shing dang / sman thams cad kun du bsrung bar gyis shig /dus dus</font><hr>107.65a<br><font size=+1>

su char gyi rgyun phob shig /bdag gi srog ji lta ba de bzhin du 'dzam bu'i gling gi sems can thams cad rtas par byed pa/ me tog dang / 'bras bu dang / lo tog rnams yongs su skyongs shig /gal te gzhan du 'gyur te de bzhin gshegs pa'i bka' lung dge ba ltar ma byas na de'i tshe klu thams cad kyi khyim kun du 'bar/ rab tu 'bar/ kun tu rab tu 'bar te/ me lce gcig tu 'bar bar gyur cig /klu la mu ge chen po 'byung bar gyur cig /stobs bri zhing brtson 'grus ma rungs par gyur cig /chu skams par gyur cig /khyim skams par gyur cig /lus rtsub par gyur cig /'dab bzangs kyi 'jigs pa dang / me dang bye ma yis 'jigs pa dang / rtag tu bkres pa dang / skom pa yis 'jigs pa can du gyur cig /phar rgyug tshur rgyug cing lus kun du tshig pa dang / nyi ma'i dugs kyis yongs su gdungs pas lus tshig par gyur cig /nad dang / na ba dang / gnod pa dang / nad 'go ba sna tshogs pa 'dus par gyur cig /de ltar phyi ma'i tshe phyi ma'i dus na klu mi srun pa/ klu gtum pa/ rab tu gtum pa rnams gal te de bzhin gshegs pa'i nam mkha' lding 'bar ba zhes bya ba'i snying po'i gzungs 'di las 'gal bar byed na sdug bsngal 'di lta bu myong bar 'gyur te/ klu'i bdag po dag de'i phyir bden pa'i yi dam gyis de bzhin gshegs pa'i dam tshig gi rjes su bsrung bar bya'o/ /'dzam bu'i gling gi sems can thams cad yongs su bskyang bar bya'o/ /bsrung bar bya'o/ /bsgrub par bya'o/ /de nas klu'i rgyal po kun nas gdugs kyi rnam pas bskor ba klu'i rgyal po chen po rgya mtsho dang / klu'i rgyal po chen po dga' bo dang / bsnyen dga' bo dang / klu'i rgyal po chen po gzi can dang / klu'i rgyal po chen po hu lu pa dang / klu'i rgyal po chen po chu lha dang / klu'i rgyal po chen po 'bar ba kun du 'dzin pa kha bye rab tu dga' ba'i gtsug zhes bya ba dang / klu'i rgyal po chen po tshangs pa'i mgo dang / klu'i rgyal po chen po 'jig rten gsum du grags pa'i rgyal mtshan dang / klu'i rgyal po chen po dbang phyug 'od dang / klu'i rgyal po chen po 'od rnam par grags pa zhes bya ba dang / klu'i rgyal po chen po kun nas rgyal mtshan gyi rnam pa</font><hr>107.65b<br><font size=+1>

zhes bya ba dang / klu'i rgyal po chen po nor bu mgo dang / klu'i rgyal po chen po rab tu gnas pa tshangs pa'i gtsug dang / klu'i rgyal po chen po gtsug gi nor bu 'bar dang / klu'i rgyal po chen po mtsho chen po gnon dang / klu'i rgyal po chen po kun du lta ba'i mig dang / klu'i rgyal po chen po khyab 'jug 'khor yug dang / klu'i rgyal po chen po kun nas rnam par bral dang / klu'i rgyal po chen po rab tu dga' bas char 'bebs dang / klu'i rgyal po chen po rnam dag rab dga' dang / klu'i rgyal po chen po rab tu gtor ba dang / klu'i rgyal po chen po glog 'bar dang / klu'i rgyal po chen po sa srung gi bu dang / klu'i rgyal po chen po chu 'bebs sna tshogs dang / klu'i rgyal po chen po btang bzung stobs dang / klu'i rgyal po chen po 'jig rten gsum du rab tu char 'bebs dang / klu'i rgyal po chen po rnam thos bu sna tshogs dang / de la sogs pa klu'i rgyal po chen po brgyad khri bzhi stong klu'i rgyal po chen po re re yang g.yog 'khor klu'i rigs stong phrag bdun bcu rtsa bdun yod pa de dag bcom ldan 'das ga la ba der song nas/ bcom ldan 'das la lan gsum du bskor ba byas te/ mchod pa chen pos mchod nas/ bcom ldan 'das kyi zhabs gnyis la gtugs nas/ bcom ldan 'das la 'di skad ces gsol to/ /bcom ldan 'das kyis sngags kyi tshig shin du mi bzad pa drag po chen po lta dka' ba chen po dag bka' stsal pas/ bcom ldan 'das bdag cag ni phung ngo / /tshig go /lus rab tu 'dar ro/ /spu zing zhes bgyid do/ /bcom ldan 'das bdag cag bas par bcom ldan 'das kyi spyan snga na mngon sum du gyur par gnas pa lags te/ 'di ltar 'jigs skrag ba spu'i bu ga nas skyi bung zhes bgyid cing / 'jigs pa mi bzad pa chen po skyes te/ bas par yang sgyid lug cing mchis so/ /bcom ldan 'das slad ma'i tshe slad ma'i dus na de bzhin gshegs pa yongs su mya ngan las 'das pa'i slad na dge slong drag shul bgyid pa nor la brkam pa dag mchis pa la/ sad dang / rlung dang / ser ba zlog pa'i slad du gsol ba btab par gyur nas/ bcom ldan 'das de la klu mi bgrungs pa de dag gis ji ltar nan tan du bgyi/ </font><hr>107.66a<br><font size=+1>

de dag gi srog slar zhing ji ltar 'gyur/ bcom ldan 'das bdag cag gi bu dang tsha bo ji lta bu mang bar 'gyur/ de nas bcom ldan 'das kyis klu'i bdag po chen po de dag la 'di skad ces bka' stsal to/ /klu'i bdag po dag phyi ma'i tshe phyi ma'i dus na byams pa la gnas par bya'o/ /de bzhin gshegs pa'i dam tshig dang 'thun par bya'o/ /dus dus su char gyi rgyun phob cig /dus dus su me tog dang / 'bras bu dang / lo tog bsgrubs shig /rlung dang / sprin dang / ser ba thams cad blog shig /chud za bar ma byed cig /klu'i bdag po dag de'i phyir khyed phyi ma'i tshe phyi ma'i dus na gnod pa med par gnas par gyis shig /klu'i bdag po dag gal te yang dag par dam tshig ma bsrungs na de'i phyir klu'i bdag po dag khyed la nyes pa chen por 'gyur ro zhes smra'o/ /thog mar klu bskul ba'i rig pa rdzogs s+ho// //de nas de'i 'og tu rtsa ba'i rig pa'i cho ga klu rnams kyi khros pa zhi bar byed pa nam mkha' lding 'bar ba'i gzi brjid kyi snying po'i dkyil 'khor 'di brjod par bya'o/ /thog ma kho nar gnam du bltas te/ yungs dkar dang chu bsres pa phyogs bzhir gtor na/ sad dang / rlung dang / sprin dang / ser ba thams cad thub par 'gyur ro/ /bcings par 'gyur ro/ /klu thams cad 'dar yed yed cing 'khod par 'gyur ro/ /thal ba dang chur bsres la lan nyi shu rtsa gcig bzlas pa byas te/ dbang bskur na bdag bsrung ba byas par 'gyur ro/ /'brug zer ba'i tshe yungs dkar la lan nyi shu rtsa bdun yongs su bzlas pa byas la/ chu la lan bdun du yongs su bzlas pa byas te/ gnam la sprin bcing bar bya'o/ /de nas sprin la bltas te/ yungs dkar gnam du gtor na me tog dang / 'bras bu thams cad bsdus nas sa'i steng du ltung ngo / /sngags kyang brjod cing khros pas phaT ces bya ba brjod par bya ste/ phaT ces bya ba la lan gsum gyis klu phru gu rnams kyang lhung bar 'gyur/ klu rnams kyi lus kyang zhig te thang la lhung bar 'gyur ro//  //bal po se'u'i lcug ma la lan nyi shu rtsa gcig yongs su bzlas</font><hr>107.66b<br><font size=+1>

pa byas te/ 'khor lo'i tshul du lan bdun bskor na klu mi bgrungs pa thams cad sad dang / sprin dang / rlung dang / ser ba thams cad sa la mi 'bebs so/ /mgo tshal pa bdun du 'gas so/ /mig 'byung ngo / /khros pas brgya rtsa brgyad yongs su bzlas pa byas na/ klu rnams rigs dang / sprin dang / g.yog 'khor kun dang bcas te sa'i steng du ltung ngo / /klu'i khyim dang / gzhal yas khang dang / mtha' dag dang / chu dang / shing dang / nags tshal du bcas pa me lce 'bar ba gcig tu 'gyur ro/ /klu'i rgyal po chen po gzi brjid che ba mthu che ba thams cad kyang klad nad drag pos btab par 'gyur ro/ /gal te rig pa 'dzin pas myur du ma bskyabs na rigs thams cad phung bar 'gyur ro/ /bu dang / tsha bo dang / 'khor du bcas pa dang / bzhon par bcas te rnam par med par 'gyur/ mig med par 'gyur ro/ /char med pa'i dus na yungs dkar la lan stong bzlas te/ khyim la gtor na/ klu thams cad 'dar yed yed cing / khyim dang mtsho me lce 'bar ba gcig tu gyur te/ 'dod pa bzhin du myur du char gyi rgyun 'bebs so/ /yang dang yang char gyi rgyun 'bebs so/ /gang gi tshe char dgos pa de'i tshe rig pa 'dzin pas chu dang yungs dkar la lan brgya rtsa brgyad yongs su bzlas pa byas te/ gnas mthon por song la shar phyogs su bltas te 'dug nas chu snyim pa bdun la sngags lan bdun bdun du yongs su bzlas ste/ shar phyogs su gtor na klu'i rgyal po thams cad 'phral du gcig tu 'dus te char gyi rgyun 'bebs so/ /skya reng shar ba'i dus na yungs dkar dang / gur gum dang chur bsres la lan bdun bzlas pa byas te phyogs bzhir gtor zhing steng dang 'og tu yang gtor na sad dang / rlung dang / sprin dang / ser ba thams cad la kun nas dpag tshad tshun chad du mtshams bcad par 'gyur ro/ /klu mi srun pa thams cad bcings par 'gyur ro/ /klu thams cad mi 'da' bar 'gyur ro/ /bser skya'i lci ba sa la ma lhung bar blangs pa dang / de nyid kyi mar dang / 'o ma dang / gcin blangs la sab ta byi sa ka dang / bag phye dang / thams cad bsres la lan dgu bcu rtsa gnyis bzlas pa byas te/ de nas klu mgo lnga pa bya'o/ /mgo gdengs ka can gyi dkyil mo dkrung byas pa lus bcus pa byas te/ tsan dan</font><hr>107.67a<br><font size=+1>

dkar po dang / gur gum gyis lus bkru bar bya'o/ /bstan gtsang ma'i steng du gzhag go /dar gyi cod pan gyis dbang bskur ro/ /me tog phreng ba gdags so/ /dkyil 'khor gru bzhi pa byas te/ me tog sil ma gtor/ bum pa gang ba bzhi gzhag go /mda' bzhi btsugs te/ dar gyi ba dan dkar po bzhi gdags so/ /dkyil 'khor gyi dbus su gtor ma gzhag go /dkyil 'khor gyi grwa bzhir seng ldeng gi phur bu bzhi gzugs so/ /tshon sna lnga'i skud pas lan lnga bskor ro/ /kun la yang lan nyi shu rtsa gcig bzlas te las bya'o/ /bum pa'i mgul dar gyis bcing ngo / /na la dang / sra rtsi pog dang / rgya spos dang / kun dur dang / sen mo dang / nA ga spus pa dang / yungs dkar dkar po dang / sha ka ra dang bsres la lan brgya rtsa brgyad bzlas la bdug par bya'o/ /bdug pa 'di sbyar la/ de nas rig pa 'dzin pas shin tu khrus byas te/ gos gtsang ma gyon la sngags 'di nyid kyis nye reg dang / brag bcing ba dang / mtshams bcing ba dang / phyogs bcing ba dang / dkyil 'khor bcing ba dang / gos gdeg pa dang / bdag bsrung ba dang / khrus bya ba rnams bya'o/ /klu kha shar phyogs su bstan te bzhag la/ rig pa 'dzin pa klu la bltas te dkyil mo dkrung du 'dug la/ sngags 'di nyid kyis dgug pa dang / gtor ma dang / bdug pas slar gtang bar bya'o/ /de nas rig pa 'dzin pas stong rtsa brgyad bzlas te/ yungs dkar re re la bzlas la klu'i gzugs la bsnun par bya'o/ /mar me kha bzhi bud do/ /klu'i ming dri'o/ /gang bos pa de 'greng bar 'gyur ro/ /bzlas pa stong rtsa brgyad tshang bar byas na klu'i rgyal po chen po thams cad dbang du 'gyur ro/ /thams cad ston par 'gyur ro/ /ci bsams pa de thams cad sbyin par 'gyur ro/ /dbang thams cad bzlog par 'gyur ro/ /rang gi skye bo dang / 'khor du bcas pa dang / bu dang tsha bor bcas pa thams cad dbang du 'gyur ro/ /las thams cad byed par 'gyur ro/ /rang gi khyim bzhin du yongs su skyong bar 'gyur ro/ /klu'i gzugs de gnas dben par bzhag la me tog dang bdug pa sbyin no/ /lang long med par bzhag cing mi mthong bar bya ste/ su la yang mi bstan no/ /gos gtsang</font><hr>107.67b<br><font size=+1>

mas dgab bo/ /nam dgos pa yod pa de'i tshe yungs dkar la lan brgya rtsa brgyad bzlas pa byas te bsnun na dgos pa thams cad byed par 'gyur ro/ /gar btang ba der 'gro zhing slar yang 'ong ngo / /rmyi lam du dgos pa thams cad ston cing las thams cad byed par 'gyur ro/ /klu'i mngag gzhug pa zhes bya'o/ /gang gi tshe dus ma yin pa'i sprin dang / rlung dang ser ba dang sad byung ba de'i tshe skye tshe'i 'bru dang yungs dkar du bsres la lan brgya rtsa gcig bzlas pa byas te khros pas klu'i gzugs la bsnun na skad cig de la rlung dang ser ba dang / sprin med par 'gyur te thams cad bcing bar 'gyur ro/ /than pa byung ba de'i tshe yi ger bris la skud pa dmar pos dkris la skud pa la mdud pa nyi shu rtsa gcig bor te/ klu'i mgul du btags la klu'i spyi bor lan nyi shu rtsa gcig bzlas pa byas na skad cig de la char gyi rgyun 'bebs te bsgrub pa po ji ltar 'dod pa bzhin char 'bebs so/ /ha cang char che na skud pa sngon po la lan bdun bzlas pa byas te mdud pa bdun bor na char chen po 'chad par 'gyur ro/ /cho ga dang rig pa sgrub pa gzhan thams cad la yang sngags 'di thog ma kho nar lan bdun brjod do/ /'di kun du sbyor ba ste brjod pa bsgrub pa 'grub bo/ /nam mkha' lding chen po rdo rje shugs 'bar ba nam mkha' lding gi snying po dkyil 'khor zhes bya ba'i gzungs rdzogs s+ho// //de nas de'i 'og tu rtsa ba'i snying po'i cho ga bstan to/ /gzungs gton ma thag pa tsam gyis klu thams cad 'dar yed yed do/ /bal po se'u shing gi lcug ma dang / shing ka ra bi ra'i lcug mas rlung dang sprin bzlog par bya'o/ /ba'i lci ba sa la ma lhung bas khang steng du dkyil 'khor grwa bzhi pa shin du rnam par phye ba ri'u cha legs par byas pa bya ste/ seng ldeng gi phur bu sor brgyad pa brgyad phyogs mtshams su gzugs so/ /mda' lnga gzugs so/ /rtse gsum pa gzugs so/ /mda' bzhi la tshon sna lnga'i skud pa bzhi 'khor bar bskor ro/ /bum pa gang ba bzhi dang / pog phor dang / gtor ma'i bum pa bzhi bzhag go /gtor ma dkar pos bkang ba bzhi dkyil 'khor gyi dbus su gzhag /me tog</font><hr>107.68a<br><font size=+1>

sil mas gang bar gtor/ 'bras yos dang yungs dkar gyis gtor ro/ /thams cad la lan bdun bdun gyis bzlas pa byas te gzugs so/ /yungs dkar dang chu bsres la bzlas pa byas pas phyogs bzhir mtshams gcad do/ /de nas dpag tshad tshun chad kun du mtshams chen po bcad par 'gyur ro/ /de klu mi bsrun pa rnams 'phrog mi nus so/ /klu chen po rnams kyang rtag tu dus ma yin pa'i rlung dang / sprin dang ser ba 'bebs mi nus so/ /me tog dang 'bras bu thams cad 'tshe yang mi nus/ lan 'ga' yang rtswa'i lo ma yang 'tshe mi nus/ bcing ba lngas bsdams te thams cad bcings par 'gyur ro/ /'di zla ba brgyad du mtshams bcings par 'gyur/ gnod sbyin dang / 'byung po dang / srin po dang / yi dgas dang / grul bum dang / gsang ba 'od zer gyi snang ba de rnams gnas 'di las mi 'da'o/ /de nas rig pa 'dzin pa dkyil 'khor gyi dbus su 'dug ste/ bal po se'u yi shing gi lcug ma la lan bdun bzlas pas klu bzlog par bya'o/ /shin du khro bas bzlog par bya ba ni ma yin no/ /klu'i dkyil mo dkrung gi phyag rgya bcing bar bya ste/ 'dzub mo gnyis mgo bo gdengs ka ltar byas la mthe'u chung gnyis brkyang ngo / /'di ni klu thams cad kyi phyag rgya'o/ /brjod ma thag tsam gyis klu thams cad kyi snying dag la gnod par 'gyur ro/ /gal te klu dag phyogs de ma rung bar bya bar 'dod na de'i tshe bye tshan mgo la dbab bo/ /mgo dang / mjug ma dang / khog pa ji tsam bar de tsam du lus la ral gri'i char gyi rgyun dbab par 'gyur ro/ /de nas klu thams cad dngangs skrag par gnas par 'gyur te/ de'i tshe 'dzam bu'i gling du dus dus su char gyi rgyun 'bebs so/ /klu mi bgrungs pa thams cad dbang du 'gyur ro/ /khang steng du dkyil 'khor gru bzhi pa byas te/ me tog sil mas gang bar gtor la bdug pas bdugs te/ bum pa chus gang ba thams cad la lan bdun du bzlas par bya'o/ /gtor ma gzhag go /seng ldeng gi phur bu la lan nyi shu rtsa gcig bzlas te/ seng ldeng gi phur bu dkyil 'khor gyi dbus su btsugs na rlung dang / sprin dang ser ba dang sad kyi nyes pa thams cad bcings par 'gyur te/ phur bu ma phyung gi bar du thub par</font><hr>107.68b<br><font size=+1>

'gyur ro/ /yungs dkar la lan bdun bzlas la sprin la bltas te gtor na ser ba thams cad 'chad par 'gyur ro/ /shing ka ra bi ra'i lcug ma la lan nyi shu rtsa gcig bzlas te gdu bur byas na thams cad du ser ba chod par 'gyur ro/ /shing ka ra bi ra dmar po'i me tog la lan nyi shu rtsa gcig bzlas te glog 'byung ba'i tshe na nam mkha' la 'phangs na nam mkha' nyid du 'dug ste bcings par 'gyur ro/ /chu la lan bdun bzlas te gtor na grol bar 'gyur ro/ /'brug zer ba'i tshe rtse gsum pa la lan nyi shu rtsa gcig bzlas te/ dkyil 'khor kyi dbus su btsugs na rtse gsum pa ma phyung gi bar du 'brug zer te sprin bcings par 'gyur ro/ /phyung nas grol bar 'gyur ro/ /ral gri la lan bdun bzlas te klu'i phyag rgya dkyil mo dkrung gis bzung la sprin la bltas te 'dug na gzung ma thag tu mtha' dag 'bar bar 'gyur te klu thams cad lkug par 'gyur ro/ /ral gri thogs la lan brgya rtsa brgyad bzlas te/ gur gum gyis de'i steng du nam mkha' lding bris nas ji lta ji lta bur bskor ba de lta bur nam mkha' lding gi 'dab gshog klu'i lus la 'bab par 'gyur te/ klu thams cad skrag cing phyogs bcur 'bros par 'gyur te phyis rlung dang ser ba 'bebs mi nus so/ /shing ka ra bi ra'i me tog dang yungs dkar bsres te dkyil 'khor du lan drug bcu sbyin sreg byas na klu thams cad grang ba'i stobs byed pa dang / ser ba dang kha ba'i bar la sogs pa thub par 'gyur ro/ /gang gi tshe char dgos par 'gyur ba de'i tshe char 'bebs so/ /spra tshil la klu'i gzugs tshad sor bzhi pa mgo lnga pa byas te/ gser gyis g.yogs la steng gos dkar pos g.yogs te/ rtsa ba'i sngags lan stong bzlas pa byas la/ bum pa sar pa ma spyad pa'i nang du bcug ste lus gos kyis dkri'o/ /rgyas gdab bo/ /ba'i lci bas dkyil 'khor gru bzhi pa byas la bra yos dang yungs dkar gyis gtor la bdug pas bdug ste sngags 'di brjod par bya'o/ /bal po se'u shing gi lcug ma la lan bdun bzlas te/ bum pa la dal bu dal bus gzhus na ser ba thams cad bum pa'i nang du 'pho'o/ /klu thams cad dbang du 'gyur ro/ /klu'i rgyal po'i gzugs spra tshil la byas pa</font><hr>107.69a<br><font size=+1>

la klu thams cad kyi ming bris na gang gi ming gis rigs brjod pas klu de dbang du 'gyur te/ 'khor dang bcas pa bram ze'i gzugs kyis mdun na 'dug cing ci bsgo ba de thams cad byed do/ /klu'i rgyal po chos can ma yin pa yul yongs su mi skyong ba lo tog dang 'bras bu chud gzon pa'i klu'i khyim du song ste/ shin tu khrus byas la gos dkar po gtsang ma bgos te rig pa lan nyi shu rtsa gcig brjod na klu'i khyim de nas bud med rgan mo dag 'byung zhing / rig pa 'dzin pa ci tshol zhes zer ba dang / lan mi gdab par rdo rje sa la brdab par bya'o/ /phaT zhes bya ba brjod par bya'o/ /klu rgan mo de ngus nas shi'o shi'o zhes zer zhing khyim du 'jug go /de nas klu rnams 'dus te sngangs skrag ste/ khye'u yi gzugs su bsgyur nas rig pa 'dzin pa'i mdun du 'dug ste/ kye rig pa 'dzin pa ci zhig tshol/ rig pa 'dzin pas sngar sngags brjod la/ khros pas bal po se'u shing gi lcug ma sa la brdabs pa dang / khye'u yi gzugs can de sa la 'gre ldog cing / kye rig pa 'dzin pa ci zhig tshol zhes smra'o/ /rig pa 'dzin pas snying rje med par bya ste/ bsgyel ba'i tshul gyis bsgyel ba dang / 'di skad ces kye rig pa 'dzin pa bsgo ba thams cad bgyid do zhes smra'o/ /de nas rig pa 'dzin pas 'di skad ces brjod do/ /de bzhin gshegs pa'i dam tshig bsrungs shig /bsrung ngo / /rig pa 'dzin pas yang 'di skad ces brjod do/ /dge ba bcu bzung shig 'dzin to/ /rig pa 'dzin pas yang gsum la skyabs su gsol gtang ngo / /rjes su 'dzin to/ /rig pa 'dzin pa phur bu dbyung du gsol mi dbyung ngo / /'di skad ces brjod de/ de bzhin gshegs pa'i dam tshig bzlas pa rjes su zung shig /gdod phur bu dbyung ngo zhes bya'o/ /'on tang klu de 'khor dang bcas te rkang pa gnyis la gtug go/ /gsum la skyabs su 'gro bar bya ba dang / dge ba bcu'i las kyi lam rjes su sbyin par bya'o/ /dam tshig rjes su 'dzin du gzhug go /de nas gdod phur bu phyung la de nyid du kha zas kyang byin dang klu thams cad dbang du 'gyur ro/ /rang gi khyim du 'jug pa bzhin du zhugs shig /las su bya ba rnams ci 'dod pa bzhin du bya ba thams cad bsgo ba bzhin byed par 'gyur ro/ /gang du btang ba</font><hr>107.69b<br><font size=+1>

der 'gro'o/ /bya ba thams cad byed par 'gyur ro/ /klu'i khyim der phyis klu mi srun pa mi 'byung ngo / /dus dus su char gyi rgyun 'bebs so/ /dus dus su lo tog sgrub bo/ /der me tog dang 'bras bu dang lo ma rnams sgrub bo/ /phyis gnod pa byed par mi 'gyur ro/ /bklags pas 'grub pa'i gzungs chen po las thams cad la sbyar bar bya'o/ /las thams cad 'grub/ mchog 'grub pa/ bla na med pa'o/ /rtsa ba'i sngags kyi bya ba'i cho ga dang bcas pa/ rdzogs s+ho// //de nas nam mkha' lding gi rgyal po de/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das bdag cag gis klu thams cad kyi snying 'bar bar bgyid pa/ dus ma lags pa'i rlung dang / sprin dang / ser ba thams cad bzlog pa/ me tog dang / 'bras bu dang / lo tog thams cad sgrub pa/ sa'i rdul dang / snying po dang / byin 'phel bar bgyid pa/ rdo rje'i mchu glog 'bar ba zhes bya ba'i gzungs brjod par bgyi na/ sems can thams cad kyi re ba thams cad yongs su bkang ba'i slad du/ bcom ldan 'das de byin gyis brlab tu gsol/ de nas bcom ldan 'das kyis nam mkha' lding gi dbang po la 'di skad ces bka' stsal to/ /nam mkha' lding gi bdag po rdo rje mchu zhes bya ba'i gzungs byin gyis brlabs te/ de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed bye ba khrag khrig brgya stong dag gis kyang byin gyis brlabs kyis nam mkha' lding gi bdag po klu mi srun pa rnams tshar gcad pa'i phyir smros shig /de nas nam mkha' lding gi bdag pos rdo rje mchu zhes bya ba'i gzungs 'di smras so/ /na mo rad na tra yA ya/ na mash+tsaN Da badzra pA Na ye/ ma hA yak+Sha se nA pa ta ye/ na ma s+t+rai lokya a d+hi pa ta ye/ na maHtsa tur nA ma ma hA rA dza nAn/[ \u0f00] badzra dun te dun te/ ma hA dun ta/ du ti du ti/ badzra shi kha ra dun te/ ma ni ka na ka bi tsi ta/ A ba ra Na bi ba shi ta sha ri re/ hU~M hU~M hU~M hU~M hU~M/ phaT phaT phaT phaT phaT/ nA ga rA dza bi dra pa ni hri da yan/ s+pho Ta ya badzra dun ta na/ hU~M hU~M hU~M hU~M hU~M/ dz+wa la ti badzra dun te na/ ha na ha na/ ga ru Da bak+Sha ni pa te na basmi/ ku ru ku ru ku ru ku ru ku ru duSh+Ta</font><hr>107.70a<br><font size=+1>

nA ga nAn/ hU~M hU~M hU~M hU~M hU~M/ phaT phaT phaT phaT phaT/ b+ho b+ho pan nA gen dra spu ta spu ta spu dan tu nA ga sasma ni kro d+ha rA dza ma hA ba la pa ra kra ma/ dz+wa la dz+wa la/ pra dz+wa la/ hU~M hU~M hU~M hU~M hU~M/ phaT phaT phaT phaT phaT/ b+ho ga ru Da rA dza badzra dun te/ su bar na bak+Sha ma hA ba la/ ma hA ka na ka bi tsi tri ma hU~M da ra/ bak+Sha ya duSh+Ta nA gan bi ba du b+ho ba yu ba la ha kan hU~M hU~M/ phaT phaT/ sho sha ya shi ta ba la ha ga ga ru Da usme na/ hU~M hU~M hU~M hU~M/ phaT phaT phaT phaT/ b+ho b+ho badzra dun ta bi tsu hu na/ bid du dz+wa la na/ hU~M hU~M hU~M/ phaT phaT phaT/ ban dza ya/ sarba sha ra ni ma ti kra ma si man/ b+ho ban nA gen dra ma te/ badzra dun te/ na mUr nan sba ta yA mi/ ha ra ha ra/ pra ha ra hU~M phaT/ ma ta ma ta/ sarba nA ga nan hU~M hU~M phaT/ ta thA ga ta pa tsa na ma nu sma ra hU~M hU~M phaT/ badzra pA Ni sa ma ya/ ma nu pA la ya/ hU~M hU~M phaT/ trai lokya a d+hi pa der bA tsa na ma nu pA lA ya hU~M hU~M phaT/ sa rA sa rA/ sma rA sma rA/ sa ma ya/ ma nu pA la ya/ tri rad na sa t+ye na/ hU~M hU~M hU~M/ phaT phaT phaT/ hri badzra dun ta sarba nA ga bi dra na ka ra hU~M hU~M hU~M phaT swA hA/ tri rad na ma nu pA lA ya/ hU~M hU~M hU~M phaT/ pra ma dan ta ha da sa hU~M hU~M hU~M phaT swA hA/ bi ni tsakra ha ta/ hU~M hU~M hU~M phaT swA hA/ ma he shwA ra tri shU la hastA ya/ hU~M hU~M hU~M phaT swA hA/ ga ru Da te dza ha tA ya hU~M hU~M phaT swA hA/ ga ru Da bi kra mA ya hU~M hU~M hU~M phaT swA hA/ nA ga ku la na sha nA ya hU~M hU~M phaT swA hA/ ga ru Da sarba a sha ni ba pA na ya hU~M hU~M phaT swA hA/ sarba pA ba ba yu sa~M bak+Sha nA ya hU~M hU~M phaT swA hA/ arba a ka la ba ta me g+ha a sha ni ba ra nA ya hU~M hU~M phaT phaT swA hA/ ma hA badzra dz+wa la swA hA/ sarba duSh+Tan nA ga bi na sha kA ya swA hA/ ga ru Da hri da ya swA hA/ ga ru Da dun tA ya swA hA/ sarba na sha nA ya swA hA/ o~M du ru du ru swA hA/ mu ru mu ru swA hA/ tu ru tu ru swA hA/ di ri di ri/ du ru ru ru ru ru ru ru ru/ hU~M hU~M hU~M hU~M hU~M/ phaT phaT phaT phaT phaT swA hA/ nam mkha' lding gi dbang pos rdo rje mchu'i gzungs 'di brjod ma thag tu klu'i rgyal po bye ba khrag khrig brgya stong phrag brgyad bcu khas bub tu 'gyel nas lus rngul byung zhing lus rab tu 'dar te brgyal nas sa la 'gre ldog go /kye ma'o gzungs chen po sngags kyi tshig mi bzad pa dag smras so zhes 'dzer zhing / thams cad lus 'dar yed yed nas bcom ldan 'das kyi zhabs gnyis la gtugs nas 'di skad ces</font><hr>107.70b<br><font size=+1>

gsol to/ /bcom ldan 'das bskyab tu gsol/ bde bar gshegs pa bskyab tu gsol/ bcom ldan 'das bdag cag slan chad 'dzam bu'i gling du ma rung bar mi bgyid do/ /me tog dang 'bras bu dang / lo tog ma rung bar mi bgyid do/ /bcom ldan 'das sa phyogs 'di mchod rten dang 'dra bar 'dzin te/ gang na cho ga'i rgyal po chen po 'di spyod pa dang / gang na gnas pas spyod pa der bcom ldan 'das bdag cag gis rgyun du de bzhin gshegs pa'i mchod rten dang 'dra bar 'dzin to/ /yul lam/ grong khyer ram/ ljongs sam/ ri brags sam/ grong ngam/ gtsug lag khang ste rtag par rgyun du bsrung ba dang / bskyang ba dang / sba bar bgyi'o/ /sad dang / rlung dang / ser ba dang / dus ma lags pa'i sprin thams cad snum pa dang / mngar ba dang / yid du 'ong ba dang / ro zhim pa dang / snyi ba dang / ro bro ba'i me tog dang / 'bras bu dang / lo tog thams cad bsgrub par bgyi'o/ /'thab pa dang / sdig pa thams cad byang ba dang / ltas ngan pa thams cad bsal bar bgyi'o/ /dus dus su char gyi rgyun dbab par bgyi'o/ /me tog dang / 'bras bu dang / lo tog rnams yang dag par 'grub par bgyi/ sha sbrang dang / sbrang bu mchu rings dang / byi ba dang / sbrul dang / sbal pa dang / tre ma bu ka dang / mak+Shi ka dang / tre la ta dang / sha ta pa da dang / bung ba dang / ne tso dang / ri skegs kyis 'jigs pa thams cad med par bgyi/ rnam par 'jig par bgyi/ yams kyi nad dang 'gro ba thams cad rab tu zhi bar bgyi'o/ /bzlog par bgyi'o/ /bcom ldan 'das slan chad sdig pa'i las kun du spyod pa'i tshul mi spyod par bgyi/ char gnod par 'bab pa dang / dus ma lags pa'i char thams cad ma mchis par bgyi'o/ /bcom ldan 'das rang gi mna'i yi dam gyis gnas par bgyi'o/ /bcom ldan 'das dkon mchog gsum gyi dgongs pa bslab pa'i sdom pa yongs su bskyang bar bgyi'o/ /bcom ldan 'das slan chad 'dzam bu'i gling gi sems can rnams la 'tshe bar mi bgyid/ bu gcig pa bzhin du yongs su bskyang bar bgyid do/ /bcom ldan 'das de bzhin gshegs pa'i bka' lung bzhin du slad ma'i tshe slad ma'i dus na sems can thams cad yongs su bskyang bar bgyi'o/ /kun du 'dzin par bgyi'o/ /dge ba dang / bde ba dang / lo legs pa kun du bsgrub par bgyi'o/ /de nas bcom ldan 'das kyis klu'i rgyal po la dbugs phyung nas 'di skad ces bka'</font><hr>107.71a<br><font size=+1>

stsal to/ /klu'i rgyal po dag de ltar gyis shig /yal bar ma gtang shig /de nas de'i 'og tu cho ga bya ba brjod par bya ste/ sngags 'di dpa' ba gcig pu ni/ /las kun byed pa dge ba ste/ /shes rab can gyis lan cig dran/ /dgos pa thams cad byed par 'gyur/ /mthon po'i gnas su mkhas pa yis/ /sgra skad chen po brjod par bya'o/ /gnas gang dang gang du sgra bsgrags pa de dang der dus ma yin pa'i rlung dang / sad dang / sprin dang / ser ba dang / glog thams cad kyis mi tshugs so/ /sus kyang byin 'phrog par mi nus so/ /gtse bar mi nus so/ /gnas mthon po'i ri 'am/ dgon pa'i gnas sam/ grong ngam/ gtsug lag khang ngam/ gnas khang shin du mtho ba der rig pa 'dzin pa gtsang mar byas te/ gos gtsang ma dkar po bgos la kha shar phyogs su bltas te/ ba'i lci ba dang 'jim pa bsres pas dkyil 'khor khru gang gru bzhi pa byas la/ dkyil 'khor gyi dbus su mda' gang tsam pa cig btsugs te/ sngags lan nyi shu rtsa gcig bzlas so/ /dkyil 'khor gyi grwa bzhir seng ldeng gi phur bu sor brgyad pa btsugs te/ sngags lan nyi shu rtsa gcig bzlas pa byas la/ tshon sna lnga pa'i skud pas lan gsum 'khris par bskor ro/ /dkyil 'khor gyi dbus su pog por bzhag la lan bdun bzlas pa'i bdug pas bdug go /lan nyi shu rtsa gcig bzlas pa byas la yungs dkar gyis gtor ro/ /me tog sil mas gang bar gtor ro/ /phyogs bzhir gtor ma'i bum pa bzhi gzhag go /dkyil 'khor gyi dbus su gtor ma gzhag par bya ste/ zho dang / 'o ma dang / 'bras btsos pa dang / bu ram dang / sha ka ras gdab bo/ /chu dang yungs dkar la sngags lan lnga brjod de/ phyogs bzhir mtshams gcad par bgyi zla ba nya la sbyor ba bya'o/ /skad cher bklags la phyogs bzhi dang / steng dang 'og tu yungs dkar gtor zhing klu thams cad kyi so so'i ming nas brjod na/ cho ga 'di byas ma thag tu dus ma yin pa'i rlung dang / sprin dang ser ba dang klu mi srun pa thams cad bcings par 'gyur thub par 'gyur ro/ /ltas ngan pa dang yams kyi nad dang gnod pa dang nad 'go ba dang gdon 'byung po dang / sha za dang gnod sbyin dang srin po thams cad rgyang ring du spangs par 'gyur ro/ /dpag tshad gcig kho ra khor yug tu mtshams bcad par 'gyur ro/ /nad thams cad dang na ba thams cad dang</font><hr>107.71b<br><font size=+1>

gnod par sems pa dang rab tu gnod par sems pa dang phyir rgol ba dang phyir gnod par byed pa thams cad kyis mi tshugs par 'gyur ro/ /me tog dang 'bras bu dang lo tog thams cad legs par yongs su 'grub par 'gyur/ legs par yongs su smin pa dang ro zhim par 'gyur ro/ /sa bon legs par btab pa thams cad legs par 'khrungs par 'gyur ro/ /gshed byed dang las dang byad stem thams cad rnam par 'jig par 'gyur mi tshugs par 'gyur ro/ /ji srid du phur bu ma phyung ba de srid du mtshams chen po bcad par 'gyur ro/ /de srid du klu thams cad char gyi rgyun 'bebs so/ /me tog dang 'bras bu dang lo tog thams cad legs par yongs su rgyas par 'grub par 'gyur ro/ /gang dang gang du dgos par 'gyur ba thams cad lan cig dran par byas na 'grub par 'gyur/ spra tshil las nam mkha' lding gi gzugs sor brgyad pa dkyil mo dkrung bcas pa/ mdab ma brkyang ba/ klu rgyal gdan du bting ba/ mgo dgu pa mgo rgyan du thogs pa/ klu mgo gsum pa lag pa g.yas na thogs pa/ nor bu rin po che 'bar ba lag pa g.yon na thogs pa/ gser gyi g.yogs pa byas te cho ga bzhin du tshon gyis ri mo bris la/ stan sna tshogs kyi steng du bzhag la/ nyin zhag gcig la sngags stong brjod do/ /nam lus kyis mi thub pa'i tshe kha zas dkar po bza' bar bya ste/ yang khrus byas la bsgrub par bya'o/ /gu gul gyis bdug go /me tog dang bdug pa dang gtor ma ci 'byor pa sbyar ro/ /mar me gtang la de'i mdun du nyal na ston par 'gyur zhing las thams cad brjod par 'gyur ro/ /mchog thams cad sbyin par 'gyur/ las thams cad byed par 'gyur ro/ /ci bsgo ba byed par 'gyur ro/ /lang long med pa'i gnas su bzhag la/ nam than pa byung ba'i tshe rig pa 'dzin pas blangs te/ klu'i gnas su bkur bar bya klu'i gnas mtshor bzhag la me tog dang bdug pa byin la yungs dkar la sngags lan gsum bzlas te gnas su gtor na 'phral du klu thams cad char gyi rgyun 'bebs so/ /gal te 'phral du char gyi rgyun mi 'bebs na/ de'i phyir klu gnas kun du nam mkha' lding gis gang bar mthong bar 'gyur/ gnas me lce gcig tu 'bar bar 'gyur/ bye tshan mgo la 'bab par 'gyur chu skams par 'gyur ro/ /than pa byung ba'i tshe sprin la bstan na char 'bebs par 'gyur ro/ /rlung dang sprin dang ser ba dang sad dang / </font><hr>107.72a<br><font size=+1>

char sprin la bstan na skad cig tu med par 'gyur ro/ /dpag tshad bdun gyi nang du phyogs bzhi kun du ser ba mi 'bab cing sad dang dus ma yin pa'i rlung gis mi tshugs par 'gyur te thams cad thub par 'gyur rlung 'khrugs pa'i tshe lam gyi bzhi mdor gzhag go /yang na grong khyer gyi sgor ro/ /yang na rgyal po'i sgor bzhag go /des rlung thams cad chod par 'gyur ro/ /rlung chen po rnam par 'thor yang chod par 'gyur ro/ /phyis ldang mi nus so/ /bstan ma thag tu klu thams cad 'bros par 'gyur ro/ /rdo rje mchu'i gzungs las thams cad byed pa nam mkha' lding klags pas grub pa mchog tu 'grub bo/ /de nas tshangs pa dang / dbang phyug chen po dang / rgyal po chen po dang / bcom ldan 'das ga la ba der dong ste lhags nas/ bcom ldan 'das la lan gsum bskor ba byas te/ bcom ldan 'das la 'di skad ces gsol to/ /bcom ldan 'das bdag cag thams cad tshogs pas kyang rdo rje 'bar ba'i lce 'bab pa'i mchu zhes bgyi ba'i gzungs brjod par bya ste/ klu thams cad kyi snying 'phrog pa/ snying 'gems pa/ klu mi srun pa'i rigs phung bar bgyid pa/ rlung dang / sprin dang / ser ba thams cad sel ba/ lo tog dang / me tog dang / 'bras bu thams cad sgrub pa 'bul na/ sems can thams cad la sman par bgyi ba'i slad du/ bcom ldan 'das kyis byin gyis brlab tu gsol/ de nas bcom ldan 'das kyis tshangs pa dang / khyab 'jug dang / dbang phyug chen po dang / rgyal po chen po bzhi dag la 'di skad ces bka' stsal to/ /rigs kyi bu dag sems can thams cad kyi don dang / phan pa dang / bde ba'i phyir ngas byin gyis brlab kyis brjod cig /de nas tshangs pa dang / khyab 'jug dang / dbang phyug chen po dang / rgyal po chen po bzhi po dag gis gzungs 'di smras so/ /na mo rad na tra yA ya/ na mo b+ha ga bA te/ shAkya mu na ye/ ta thA ga tA ya/ ar ha te samyaka sa~M bud d+hA ya/ na mash+tsaN Da badzra d+ha rA ya/ ma hA ba la ba ra kra ma ya/ na ma s+t+rai lokya mUr ta ye/ na mash+tsa tu ra nAn/  ma hA rA dza nAn/ na mo badzra sha ni dz+wa li ta rau tad ta ha sA ya/ dza ya ma hA ba la bIr+ya pa ra kra ma kro d+ha rA dza brah+me su brah+me brah+ma swa ra b+ho b+ho nA ga a d+hi pa ti bi sa ra da bi sa ra/ ma re brah+me dan te na mUr d+ha nAn/ pra ta ya hU~M hU~M phaT/ b+ha ra b+ha ra/ bak+Shu tsakra ha ta na bosh+nan gen</font><hr>107.72b<br><font size=+1>

du ma ti biSh+Ta tsakre shrI ts+tshin da mi/ tu ti tu ti/ li li li li/ hU~M hU~M phaT/ mu hu mu hu mu h+yan tu sarba duSh+Ta nA gan/ s+pho Ta ya hri da yan ma he shwA ra dz+wa li ta tri shU la d+ha ra/ ha na ha na hU~M hU~M phaT/ mu tsi mu tsi/ tu ti tu ti/ b+ha ba b+ha ba/ k+Shi ni k+Shi ni k+Shi ni/ tsa tur nan/ ma ra tsi nan/ dz+wa li ta shaka ti d+ha ra d+ha ra/ hU~M hU~M phaT/ spu ra spu ra/ bi spu ra bi spu ra/ tsa rwa tsa rwa/ na sha ya/ duSh+Ta na nA ga hri da yan/ s+pho Ta ya hU~M hU~M phaT/ sa~M ha ra sa~M ha ra/ duSh+Ta na ya sha ni/ ba ti nA gan shi ta bi byu dz+wa la b+hasmi ku ru hU~M hU~M phaT phaT swA hA/ sa ma ya ma nu sma ra b+ho nA ga a d+hi pa te badzri bA ya b+ho b+ho tu ti tu ti hU~M hU~M phaT phaT swA hA/ badzra a sha nin na shA ya hU~M phaT swA hA/ sarba nA ga hri da ya ni/ bi s+pho Ta ya hU~M phaT swA hA/ bud d+ha bi lo ki tA ya swA hA/ brah+mA ya swA hA/ bik+Shu mu rad ti swA hA/ ma he shwA ra dz+wa li ti tri shU lA ya swA hA/ tsa tu ra ma hA rA dzA sa ma ya d+ha ra ya swA hA/ b+hu dza gA ya swA hA/ nA gA a d+hi pa ta ye swA hA/ o~M d+hi ri d+hi ri swA hA/ dz+wa la ta bag trA ya swA hA/ ro ma hA ra na shA ya swA hA/ dzu ti dzu ti dzu ti swA hA/ phaT phaT phaT phaT phaT swA hA/ de nas rdo rje 'bar ba'i lce 'bab pa'i mchu zhes bya ba'i gzungs 'di brjod ma thag tu klu mi srun pa thams cad lus rul te dri mi zhim par gyur to/ /lus shig shig por gyur cing / sha bkras btab par gyur nas/ bcom ldan 'das kyi zhabs gnyis la gtugs te 'di skad ces gsol to/ /bcom ldan 'das bskyab tu gsol/ bcom ldan 'das lha dang bcas pa'i 'jig rten gyis dmad par gyur to/ /bcom ldan 'das bdag cag ni brlag go /bcom ldan 'das slan chad 'dzam bu'i gling gi sems can rnams la 'tshe bar mi bgyid do/ /gnod par mi bgyid do/ /bcom ldan 'das rdo rje 'bar ba'i lce 'bab pa'i mchu'i gzungs 'di brjod pa der/ bcom ldan 'das klu thams cad gnod par sems shing mi mchi ste/ tha na lta bar yang mi bgyid na 'jug pa lta smos kyang mi 'tshal/ de nas 'di'i cho ga brjod de gzungs 'di dran pa tsam gyis klu thams cad kyi lus dum bu dum bur 'brul lo/ /lus dri mi zhim par 'gyur ro/ /yungs dkar la lan nyi shu rtsa gcig bzlas te phyogs bzhir gtor na klu thams cad bcings par 'gyur ro/ /dpag tshad bdun kho ra khor yug tu mtshams</font><hr>107.73a<br><font size=+1>

bcad par 'gyur ro/ /rdo rje la lan brgya rtsa brgyad bzlas pa byas te klu bzlog par bya'o/ /lan cig brjod na rlung dang sprin dang ser ba thams cad bzlog go /thams cad med par 'gyur ro/ /dran pa tsam gyis ser ba thams cad skad cig tu med par 'gyur ro/ /gal te 'bab na yang yud tsam gyis chur 'gyur ro/ /ser ba 'bab pa'i dus na rdo rje bskor na phyogs gang du bskor ba der ser ba 'dris par 'gyur te/ phyogs der ser ba mi 'bab par 'gyur ro/ /nang par dben par song ste/ nang du yang dag 'jog tu zhugs la/ dkyil mo dkrung gi phyag rgya bcings te sngags 'di lan sum bcu rtsa gnyis brjod de brjod ma thag tu rlung dang / sprin dang / ser ba thams cad med par 'gyur ro/ /rlung thams cad rnam par 'jig par 'gyur ro/ /mi 'byung bar 'gyur ro/ /yungs dkar phyogs bzhir gtor na lo gcig khyud kor du mtshams bcad par 'gyur ro/ /rlung dang sprin dang ser ba thams cad bcings par 'gyur ro/ /klu thams cad dbang du 'gyur ro/ /bu dang tsha bo 'khor dang bcas pa rgyun du rgyun mi 'chad par phyi bzhin 'brang bar 'gyur ro/ /las thams cad byed par 'gyur ro/ /dril bu la lan nyi shu rtsa gcig bzlas te/ ser ba 'bab pa'i dus na dkrol na klu mi srun pa thams cad kyi klad pa 'gas par 'gyur ro/ /nam mkha' las sa la lhung bar 'gyur te/ las thams cad byed par 'gyur ro/ /gzung 'di ni thams cad du thog pa med par 'gyur/ de nas bcom ldan 'das kyis nam mkha' lding gi dbang po chen po dang tshangs pa dang khyab 'jug dang dbang phyug chen po la legs so zhes bya ba gnang ste/ tshangs pa chen po sems can thams cad la phan pa dang / bde ba dang klu mi srun pa snying rje med pa 'tshe ba rnams gdul ba dang tshar gcad pa dang chad pas gcad pa'i phyir khyod kyis rig pa chen po'i gzungs sngags kyi tshig 'di brjod nas 'dzam bu'i gling du bzhag pa legs so legs so/ /de nas klu'i rgyal po chen po rgya mtsho dang / klu'i rgyal po chen po rnam par kun nas bskor ba dang / gzhan yang klu'i rgyal po chen po gzi brjid che zhing rdzu 'phrul che ba dang / gzhan yang klu mi srun pa bye ba phrag du ma dag bcom ldan 'das ga la ba der dong ste lhags nas bcom ldan 'das kyi zhabs la mgo bos phyag</font><hr>107.73b<br><font size=+1>

'tshal te/ bcom ldan 'das la 'di skad ces gsol to/ /bcom ldan 'das bdag cag 'khor dang bcas pas slad ma'i tshe slad ma'i dus na 'dzam bu'i gling thams cad kyi me tog dang / 'bras bu dang lo tog dang lo ma dang yal ga rnams bsrung bar bgyi'o/ /yongs su bskyang bar bgyid do/ /rlung dang sprin dang ser ba dang sad dang tshad pa thams cad bzlog par bgyid do/ /dus dus su char gyi rgyun 'bebs par 'tshal lo/ /rang gi mna'i yi dam gyis de bzhin gshegs pa'i dam tshig bskyang bar 'tshal lo/ /sems can thams cad kyi re ba yongs su rdzogs shing bsam pa grub par 'tshal lo mi 'tshe bar 'tshal lo/ /bcom ldan 'das gal te cho ga'i rgyal po 'di las gong du sngags dang gzungs ji skad bshad pa'i yon tan gyi khyad par rnams dang 'gal bar bgyid na bdag cag byang chub tu mngon par 'tshang rgya bar ma gyur cig /'di ni bro bor ba ste/ tad+ya thA/ pa ki tsa ti/ shu li shu mu li/ sha sha shu shu /ti ti bi ri ti/ hu yu hu yu/ hu ri ti swA hA/ bcom ldan 'das 'di ni klu'i mna' lags te slad ma'i tshe slad ma'i dus na klu mi srun pa rnams 'jig par bgyid do/ /than pa dang than pa che ba dang dus ma lags pa'i char dang rlung dang sprin dang ser ba dang sad dang dus ma lags pa'i rlung dang glog byung na ri 'am khang pa mthon po'i steng du rig pa 'dzin pa kha shar phyogs su bltas te/ mna' 'di dag gis bstod de lan bdun brjod la/ chu dang yungs dkar bsres pas phyogs bzhir gtor bar bya'o/ /gtor cing dran ma thag tu klu thams cad kyi lus rnams dum bu brgyar 'chad par 'gyur ro/ /gyes par 'gyur ro/ /'gugs par 'gyur te/ de'i slad du char gyi rgyun 'bebs so/ /bcom ldan 'das kyis bka' stsal pa/ klu'i rgyal po khyod kyis de ltar byos shig /rdo rje mchu'i cho ga rdzogs so// </font><hr>

</table>