@#/ /rgya gar skad du/ gA thA dwa ya d+hA ra NI/ bod skad du/ tshigs su bcad pa gnyis pa'i gzungs/ 'jam dpal gzhon nur gyur pa la phyag 'tshal lo/ /sangs rgyas dang ni chos la brnyas pa dang / /le lo dang ni cung zad chog par 'dzin/ /'dod chags dang ni nga rgyal spyod pa dang / /'gyod pa dang ni ma nges 'byed pa rnams/ /sems can rnams kyi sgrib par gyur pa ste/ /de yi gnyen por theg pa mchog bstan pa/ /de yis bar du gcod pa de dag gi/ /nyes pa thams cad rab tu 52.6b spong bar 'gyur ro/ /tad+ya thA/ o~M badzra pra kA ra/ badzra pra kA ra/ badzra tsakra/ da~MSh+TA b+ha ya na ke /a ma le/ bi ma le/ nir ma tsu lu ke /tsu lu ke /tsu lu tsu lu/ sarba bud d+he swA hA/ tshigs su bcad pa gnyis pa'i gzungs la ni/ /tshig gam don gyi sgo nas gang sbyor ba/ /sems can dam pa blo dang ldan pa des/ /phan yon rnam pa bcu dag thob par 'gyur/ /khams rnams mtha' dag rgyas par 'gyur ba dang / /'chi ba'i tshe na mchog dga' dam pa 'thob/ /ji ltar 'dod pa bzhin du skye ba dang / /thams cad du ni tshe rabs dran par 'gyur/ /sangs rgyas rnams dang phrad par 'gyur ba dang / /de bzhin de dag las ni theg mchog thos/ /mos par 'gyur ba blo dang bcas pa dang / /sgo gnyis dang ni byang chub myur du thob/ /tshigs su bcad pa gnyis pa'i gzungs rdzogs so// |