J864

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J864</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J864&coll=lithang">see text in Tibetan script</a></table>107.27b<br><font size=+1>

@#/  /rgya gar skad du/ Ar+ya ma hA ba la nA ma ma hA yA na sU tra/ bod skad du/  'phags pa stobs po che zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das ri btang zung chen po na chos ston te/ de nas bcom ldan 'das byang chub sems dpa' sems dpa' chen po lag na rdo rje sangs rgyas thams cad kyis bstod cing bsngags te bkur nas mngon par dga' bar byas pa yang de nyid du 'dug par gyur to/ /de nas sangs rgyas bcom ldan 'das phyag gis sems can rnams dbugs 'byin cing shar phyogs na me lce kun tu 'bar ba'i phreng ba'i pad ma'i gdan la bzhugs so/ /bcom ldan 'das kyi g.yas logs na stobs po che lag pa bzhi pa/ lag pa gcig na ni rnga yab thogs lag pa gcig gis ni phyag 'tshal/ g.yas pa na ni be con thogs/ g.yon pa na ni zhags pa thogs pa/ skra kham pa gyen du brdzes pa/ mig dmar ba'o/ /de'i 'og na ni bcom ldan 'das rdo rje 'dzin 'khor dang bcas pa'o/ /g.yas na ni rig sngags kyi rgyal po gnod mdzes so/ /g.yon na ni bdud rtsi thab sbyor ro/ /de nas snying po rnams ni zla ba kham pa lta bur gzhag go /snying po ni ki li ki la dang / 'gro lding ba'i gzungs dang lus dmar po dang / rdo rje rnam par 'joms pa dang / rdo rje rgya chen te/ snying po'i mchog go /rig sngags kyi rgyal po drag po chen po dang nye ba na ni 'phags pa mA ma kI'o/ /'phags pa bdud rtsi thab sbyor gyi 'og na ni rdo rje'i lcags kyu dang / rdo rje lu gu rgyud do/ /sgo'i nang logs su ni khro bo rdo rje'i tho ba dang / rdo rje'i be con gnyis mngon du phyogs par gzhag go /g.yon logs su ni bcom ldan 'das 'phags pa spyan ras gzigs dbang phyug 'khor dang bcas pa'o/ /bcom ldan 'das kyi g.yas logs su ni gos dkar mo'o/ /de'i 'og</font><hr>107.28a<br><font size=+1>

tu ni sgrol ma dang khro gnyer can no/ /g.yon du ni rig sngags kyi rgyal po rta mgrin dang / de dag la sogs pa byang chub sems dpa' sems dpa' chen po brgya phrag stong dang ngo / /de bzhin du shar phyogs su ni zla ba dang / nyi ma dang / yul 'khor srung dang dbang po'o/ /me'i phyogs na ni me'i drang srong chen po rnams kyis bskor ba'o/ /lho phyogs su ni gshin rje dang khyab 'jug go /bden bral gyi phyogs su ni srin po'i bdag po ma mo rnams kyis bskor ba'o/ /nub phyogs su ni klu'i bdag po klu la sogs pas bskor ba'o/ /rlung gi phyogs su ni rlung lha 'khor dang bcas pa'o/ /byang phyogs su ni lus ngan po 'khor dang bcas pa'o/ /dbang bdag gi phyogs su ni dbang bdag tshogs kyis bskor ba'o/ /lha'i dbang po brgya byin dang khyab 'jug dang / tshangs pa chen po dang / de la sogs pa gnas gtsang ma'i ris kyi lha'i bu tshad med grangs med dpag tu med pa dag dang ngo / /sangs rgyas bcom ldan 'das 'khor dang bcas te snga ma bzhin no/ /de nas bcom ldan 'das kyis bka' stsal pa/ gsang ba pa'i bdag po lag na rdo rje mdo sde 'di sgrub pa po 'di la gsang sngags kyi gzhi 'di rgya cher yang dag par bshad par bya'o/ /dkon mchog gsum la phyag 'tshal lo/ /gnod sbyin gyi sde dpon chen po lag na rdo rje drag po la phyag 'tshal lo/ /o~M ki li ki la badzra/ ki li ki la la swA hA/ spyi gtsug la swA hA/ dpral ba la swA hA/ mig la swA hA/ drag shul can la swA hA/ shin tu drag shul can la swA hA/ rdo rje zhags pa la swA hA/ lus dmar po la swA hA/ lag na rdo rje la swA hA/ lag na zhags pa la swA hA/ lag na ral gri la swA hA/ lag na dgra sta la swA hA/ gzhu 'dzin la swA hA/ gtun shing 'dzin la swA hA/ lag na 'khor lo la swA hA/ lag na mdung rtse gsum pa la swA hA/ snying po la swA hA/ nye ba'i snying po la swA hA/ drag po ki li ki la la swA hA/ byis pa ki li ki la la swA hA/ dmar po ki li ki la la swA hA/ stobs po che la swA hA/ ral pa can la swA hA/ gsus 'phyang po la swA hA/ khro bo chol pa la swA hA/ gshin rje la swA hA/ srin po la swA hA/ srin po</font><hr>107.28b<br><font size=+1>

ya mun la swA hA/ drag po chen po la swA hA/ sprin la swA hA/ ri 'dzin la swA hA/ ri btang bzung 'dzin la swA hA/ rdo rje be con la swA hA/ 'jigs byed chen po la swA hA/ lus 'jigs byed la swA hA sdigs byed la swA hA/ rdo rje'i lu gu rgyud la swA hA/ rdo rje'i gtan pa la swA hA/ rdo rje'i lus la swA hA/ 'gro lding ba la swA hA/ bdud rtsi la swA hA/ dka' thub 'dzin la swA hA/ lcags kyu la swA hA/ don yod pa la swA hA/ gtsug tor rgyal po la swA hA/ mdog dkar la swA hA/ sngo bsangs mdog la swA hA/ 'phyang po la swA hA/ glang po che la swA hA/ ba glang 'phel gyi lag la swA hA/ bdud kyi rnam par 'phrul pa la swA hA/ sbrul gyi ska rags can la swA hA/ rdo rje'i phur pa la swA hA/ lag pa gnyis ka la swA hA/ A rdo rje la swA hA/ 'bar ba'i 'od byed la swA hA/ blo gros brtan pa'i rdo rje la swA hA/ myu gu la swA hA/ 'od byed pa la swA hA/ rdo rjes rnam par 'joms pa la swA hA/ rdo rje'i dra ba la swA hA/ rdo rje 'jigs byed la swA hA/ rdo rje khu tshur la swA hA/ sprin rnam par 'thor ba la swA hA/ char pa rton la swA hA/ rdo rje'i lcags kyu la swA hA/ rdo rje'i snying po la swA hA/ rdo rje'i nye ba'i snying po la swA hA/ mthe bo'i rgyal po la swA hA/ be con rgyal po la swA hA/ go cha'i rgyal po la swA hA/ o~M/ d+h+ri~M/ a~M/ dkon mchog gsum la phyag 'tshal lo/ /gnod sbyin gyi sde dpon chen po lag na rdo rje drag po la phyag 'tshal lo/ /o~M hu lu hu lu/ tiSh+Tha tiSh+Tha/ ban d+ha ban d+ha/ ha na ha na/ A mri te hU~M phaT swA hA/ o~M a mri te hU~M phaT swA hA/ yul 'khor srung la swA hA/ mig mi bzang la swA hA/ 'phags skyes po la swA hA/ lus ngan pa la swAhA/ dbang po la swA hA/ me la swA hA/ drang srong chen po thams cad la swA hA/ nyi ma la swA hA/ zla ba la swA hA/ gshin rje la swA hA/ khyab 'jug la swA hA/ srin po'i bdag po la swA hA/ klu'i bdag po la swA hA/ rlung la swA hA/ dbang bdag la swA hA/ dbang bdag gi chung ma la swA hA/ brgya byin la swA hA/ nor lha'i bu la swA hA/ rdo rje chen po la swA hA/ tshangs pa chen po la swA hA/ sa la swA hA/ dbyangs can la swA hA/ lha mo dpal la swA hA/ lha mo dka' thub zlog</font><hr>107.29a<br><font size=+1>

la swA hA/ rig sngags chen po stobs po che'i rig sngags kyi rgyal po 'di'i dkyil 'khor gyi gnas su 'chang zhing yid la byed na srung ba dang / skyob pa dang / sbed pa byed par 'gyur ro/ /las thams cad kyang 'grub par 'gyur ro/ /sangs rgyas dang / chos dang / dge 'dun dang / rang sangs rgyas dang / 'phags pa nyan thos kyi dge 'dun thams cad la phyag 'tshal lo/ /gnas brtan blo gros chen po shA ra dwa ti'i bu la phyag 'tshal lo/ /byams pa la sogs pa'i byang chub sems dpa' thams cad la phyag 'tshal lo/ /yang dag par song ba rnams la phyag 'tshal lo/ /yang dag par zhugs pa rnams la phyag 'tshal lo/ /rdo rje 'dzin 'khor dang bcas pa la phyag 'tshal lo/ /tad+ya thA/ mu ne mu ne/ ma hA mu ne/ ki li ki la/ ma hA ki li ki la d+hi ke /ka Ta ka Ta ka Ta/ ma hA ka Ta/ sha ma sha ma sha ma/ ma hA sha ma / shA tri shA tri shA tri/ shAn ta shAn ta shAn ta/ dAn ta dAn ta dAn ta/ d+hI ra d+hI ra d+hI ra/ ma hA me g+ha/ du ra du ra/ ha ri ha ri ha ri/ kud Ti kud Ti kud Ti/ tshin d+ha tshin d+ha tshin d+ha/ b+hin d+ha b+hin d+ha b+hin d+ha/ sarba duSh+Tan/ gu mu gu mu gu mu/ ha ra ha ra ha ra/ prA NAn/ da ma ni da ma ni/ Ta Ta Ta/ Tha Tha Tha/ DA DA DA DA DA DA/ tsa tsa tsa tsa tsa tsa/ pa tsa pa tsa pa tsa/ da ha da ha da ha/ hU~M hU~M hU~M/ he he he/ phaT phaT phaT/ sha ba ri sha ba ri sha ba ri/ mA ta~M gi/ tsaN DA li/ hu hu hu/ dzu hu dzu hu dzu hu/ ha tA pra t+yarti na/ tsi li tsi li tsi li/ phaT phaT phaT/ tiSh+Tha tiSh+Tha tiSh+Tha/ tiSh+Tha thi tiSh+Tha thi tiSh+Tha thi/ ma ti kra ma tha/ ma ta~M gi/ hU~M hU~M hU~M/  he he he/ gal te mi 'dug na lag pa dang / rkang pa dang / kha dang / mid pa dang mig dang / snying dang ngag thams cad bcing ngo / /dbrog go /dz+wa la dz+wa la dz+wa la/ dun d+hu dun d+hu dun d+hu/ ban d+hu ban d+hu ban d+hu/ nI la nI la nI lAng ga badzra d+hA ra/ stobs po che zhes bya ba'i snying po dran par gyis shig /ko ti ko ti ko ti ni/ sarba b+hU tA ni/ badzra mA li badzra d+hA ra/ badzra ad ta hA sa/ tsar tu nar tu/ mar tu/ ku ru ku ru/ hu ru hu ru hu ru/ sems can chen po dran par gyis shig /hU~M hU~M hU~M/ he he he/ phaT phaT phaT/ tsaN Da tsaN Da tsaN Da/ </font><hr>107.29b<br><font size=+1>

ma hA tsaN Da/ hur tu hur tu hur tu/ mu ru mu ru mu ru/ gr-ih+na gr-ih+na gr-ih+na/ badzra pA Ni ha na ha na/ ma ma sarba sha trU~M NAn/ mUr+Ni ta DA ya phaT/ ku ru ku ru ku ru/ lag na rdo rje'i las dang 'gal bar ma byed cig /dam tshig las 'gal bar byas na dam tshig dral ba dang / de bzhin gshegs pa la yang bslus par 'gyur ro/ /gsang sngags kyi gzhi ni 'di rnams yin no/ /tsu tsu tsu/ ha ra ha ra ha ra/ phu Tu phu Tu phu Tu/ ta pa ni ta pa ni ta pa ni/ pa tsa ni pa tsa ni pa tsa ni/ lag na rdo rje'i snying po de bzhin gshegs pas byin gyis brlabs pa dran par gyis shig /tsi li tsi li tsi li/ phu lu phu lu phu lu/ phu phu phu/ bcom ldan 'das gal te bdag snying po 'di dang 'gal bar bgyis na de bzhin gshegs pas rab tu gsungs pa'i mtshams med pa lnga dang ldan par gyur cig /dar phu/ tsar phu/ nar phu/ rdo rje 'dzin 'khor dang bcas pa la phyag 'tshal lo/ /bdag la gsang sngags kyi gzhi 'di rnams grub par gyur cig swA hA/ rdo rje 'dzin 'khor dang bcas pa rnams la phyag 'tshal lo swA hU/ rdo rje 'dzin gzi brjid chen po la phyag 'tshal lo swA hA/ o~M~M/ hU~M hU~M/ phaT phaT/ swA hA/ de nas de'i tshe de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i 'od zer kun du 'bar ba'i snang bas stong gsum gyi stong chen po'i 'jig rten gyi khams las 'das nas bdud kyi khyim thams cad kun du 'bar/ rab tu 'bar/ kun du rab tu mched cing 'bar te me lce gcig tu gyur par kun du snang ngo / /de ltar gyur pa dang / bdud sdig can ral gri dang / 'khor lo dang / gzhu dang / mda' la sogs pa dang / mtshon cha rnams lag na thogs te bgegs kyi rnam par 'phrul pa du ma byed do/ /de nas skad cig de nyid la bdud sdig can bdud kyi ris kyi lha'i bu thams cad dang lhan cig tu bdud kyi rnam par 'phrul pa chen pos bcom ldan 'das ga la ba der song ngo / /de nas de ltar gyur pa dang / khro bo chol ba/ mdog dmar ba/ sbrang rtsi ltar mig dmar ser po/ mche ba gtsigs pa/ mi bzad pa/ skra kham pa</font><hr>107.30a<br><font size=+1>

gyen du brdzes pa/ lag pa g.yas pa na be con thogs pa/ lag pa g.yon pa na rdo rje thogs pa sbrul gyis brgyan pa/ stag lpags kyi sham thabs bgos pa/ shar phyogs su 'jig rten gyi khams gang gA'i klung nyi shu rtsa gcig gi bye ma snyed 'das shing / de bzhin du lho dang / nub dang / byang gi phyogs su yang kun du snang ngo / /de nas bdud sdig can dang / bgegs bye ba khrag khrig stong phrag brgya khro bo chol bas 'dar bar gyur to/ /bdud sdig can ni myos shing gzir te 'phangs nas srog la mi lta ba dang / gsang ba pa'i bdag po lag na rdo rjes zhags pa'i bcing ba lngas bcings so/ /de ltar gyur pa dang / de'i tshe 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams kyis spos dang / me tog dang rgyal mtshan dang / ba dan sna tshogs la sogs pas bcom ldan 'das la ci nus kyis mchod nas phyogs gcig tu 'khod do/ /de nas byang chub sems dpa' sems dpa' chen po gsang ba pa'i bdag po lag na rdo rje sangs rgyas thams cad kyis bstod cing bsngags te mngon par dga' bar byas nas bcom ldan 'das kyis rjes su thugs rang pa mdzad pas sems can thams cad kyi don dang / lha dang / mi rnams la phan pa dang / bde ba'i phyir rig sngags mchog gi rgyud chen po'i nang nas don 'dod pa thams cad sbyin pa zhes bya ba stobs dpag tu med pas pha rol gnon pa stobs po che'i stobs chen po'i rig sngags kyi rgyal po zhes bya ba'i gsang sngags kyi gzhi 'di dag smras so/ /gang la la zhig 'dzin tam/ 'chang ngam klog gam/ gzhan dag la yang rgya cher yang dag par rab tu ston tam/ sti stang du byed dam/ bla mar byed dam/ rim gror byed dam/ mchod pa byed na dkyil 'khor thams cad du zhugs par 'gyur ro/ /pha rol gyis byas pa'i gsang sngags thams cad bshig pa dang / bcom pa dang / bsgyel bar yang 'gyur ro/ /de ltar bcom ldan 'das rdo rje 'dzin gyis rig sngags mchog gi rgyud chen po'i nang nas 'byung ba smras so/ /de nas gsang ba pa'i bdag po lag</font><hr>107.30b<br><font size=+1>

na rdo rje bcom ldan 'das kyis rjes su thugs rang ba mdzad pas don 'dod pa thams cad sbyin pa zhes bya ba stobs dpag tu med pas pha rol gnon pa stobs po che'i gsang sngags kyi gzhi 'di smras pa/ o~M` badzra kro d+ha ma hA ba la ha na da ha pa tsa bi d+h+wan sa ya/ dza Ti/ lam bo d+hA ra/ u ts+tshuSh+ma kro d+ha hU~M phaT swA hA/ de nas bcom ldan 'das la gsang ba pa'i bdag po lag na rdo rjes 'di skad ces gsol to/ /bcom ldan 'das rigs kyi bu 'am/ rigs kyi bu mo gang la la zhig gis chos kyi rnam grangs 'di thos nas 'dzin tam/ 'chang ngam / klog gam/ gzhan dag la yang rgya cher rab tu ston tam/ rim gror bgyid dam/ mchod par bgyid na dkyil 'khor thams cad du dbang bskur bar 'gyur ro/ /gsang ba pa'i bdag po lag na rdo rjes yang gsol pa/ stobs po che'i snying po 'dzin pa la ni gnod sbyin nam/ gnod sbyin gyi bu 'am/ srin po 'am/ srin po'i bu 'am/ grul bum 'am/ grul bum gyi bu 'am/ nam mkha' lding ngam/ nam mkha' lding gi bu 'am/ klu 'am/ klu'i bu 'am/ dri za 'am/ dri za'i bu 'am/ sha za 'am/ sha za'i bu 'am/ smyo byed dam/ smyo byed kyi bu 'am/ mkha' 'gro ma 'am/ mkha' 'gro ma'i bu 'am/ sgrub pa 'am/ sbrul 'dzin bcas la sogs pa dang / rjed byed dam/ lus srul po 'am/ ro langs la sogs pa dang / gcod pa'i gdon thams cad dang / rjed byed la sogs pas mi tshugs par 'gyur ro/ /de nas bcom ldan 'das kyis gsang ba pa'i bdag po lag na rdo rje la 'di skad ces bka' stsal to/ /gsang ba pa'i bdag po lag na rdo rje legs so legs so/ /stong pa nyid do/ /don dam pa stong pa nyid do/ /phyi ma'i mtha' stong pa nyid do/ /stong pa nyid stong pa nyid do/ /chen po stong pa nyid do/ /de bzhin nyid stong pa nyid do/ /de nas bcom ldan 'das la gsang ba pa'i bdag po lag na rdo rjes 'di skad ces gsol to/ /gang mdo sde 'di rab tu ston pa de mchod par bgyi ba dang / phyag bgyi ba dang / rim gror bgyi ba dang / bskor bar bgyi ba'i 'os su 'gyur ba lags so/ /de nas bcom ldan 'das lag na rdo rje stobs dpag tu med</font><hr>107.31a<br><font size=+1>

pas pha rol gnon pa stobs po che'i gsang sngags kyi gzhi smras pa/ o~M hU~M hU~M hU~M/ phaT phaT phaT/ lag na mdung rtse gsum thogs pa drag shul can hU~M hU~M hU~M/ phaT phaT phaT/  o~M dz+yo tir nir nA da/ hU~M hU~M hU~M/ /o~M` o~M` o~M/ phaT phaT phaT/ stobs po che la swA hA/ o~M rdo rje khro bo stobs po che ha na da hA/ pa tsa ma thA/ bi kI rA/ bi d+h+wan sa ya/ dza Ti la lam bo d+hA ra u ts+tshuSh+ma kro d+ha hU~M phaT/ o~M` dz+wa la dz+wa la/ sarba duSh+Ta na/ stam b+ha ya/ stam b+ha ya/ du rA dza rAn duSh+Ta na ni bA ra ya/ bdag la srungs shig srungs shig swA hA/ o~M` a nan ta bi dza ya/ ma hA tsaN De hU~M phaT swA hA/ o~M` d+h+rig hU~M phaT/ o~M shi ro shi ra/ mA li nI/ si ni si ni/ shi shi ni shi shi ni/ o~M sarba ad ma dza/ ma hA te dzo/ badzra a sha ni badzra pa sha /a nu pra bi sh+ya sarba duSh+Tan/ stam b+ha ya stam b+ha ya hU~M phaT/ o~M hU~M ban d+ha ban d+ha hU~M/ o~M a nan ta bi dza ya/ ma hA tsaN De hU~M phaT/ o~M phaT phaT phaT/ badzra kro d+ha hU~M phaT/ o~M badzra karta ri/ ka ra ka ra tshin d+ha tshin d+ha/ hU~M phaT/ o~M badzra kro d+ha ma hA ba la d+ha ka d+ha ka dz+wa la dz+wa la hU~M phaT/  o~M baspu ra rak+Sha badzra pany+tsa ra hU~M phaT/ o~M ki li ki la badzra bi dzrar b+hUr ban d+ha ban d+ha hU~M phaT/ o~M` badzra kro d+ha ma hA ba la A kar Sha ya/ A kar Sha ya/ A kar Sha ya hU~M phaT/ o~M badzra kro d+ha ma hA ba la da ra da ra/ d+ha ra ya d+ha ra ya hU~M phaT/ o~M badzra kro d+ha ha na ha na/ da ra da ra/ dA ra ya dA ra ya/ phaT ya phaT ya/ mo Ta ya mo Ta ya hU~M phaT/ o~M badzra kro d+ha ma hA ba la ta Ta taT/ tA Da ya tA Da ya hU~M phaT/ o~M badzra kro d+ha ma hA ba la dz+wa la dz+wa la/ pra dz+wa la pra dz+wa la/ dI pya dI pya/ dI pa ya dI pa ya hU~M phaT/ o~M tsu ru tsu ru/ u ts+tshuSh+ma kro d+ha shi kha/ ha ra ha ra hU~M phaT/ dkon mchog gsum la phyag 'tshal lo/ /gnod sbyin gyi sde dpon chen po lag na rdo rje drag po la phyag 'tshal lo/ /o~M badzra kro d+ha ma hA ba la tsaN Da ha na/ da ha pa tsa/ ma thA/ bi ka ri/ bi d+h+wan sa ya/ bcom ldan 'das tshur gshegs tshur gshegs/ ha na ha na/ ha ra ha ra/ da ha da ha/ pa tsa pa tsa/ bi d+h+wan sa ya/ bi d+h+wan sa ya/ lha dang / lha ma yin gyi dbang pos mchod pa/ thams cad kyi bdag nyid las skyes pa/ gzi brjid chen po/ su ru su ru/ mu ru mu ru/ ku ru ku ru/ </font><hr>107.31b<br><font size=+1>

g+hu ru g+hu ru/ kurba kurba/ ma hA kurba/ bi kurba/ ku nad Ti ku nad Ti/ na Ti na Ti/ shi ni shi ni/ khi ni khi ni/ kha kha khA hi khA hi/ khu ru khu ru/ tu Ta tu Ta/ tud Ta tud Ta/ trad Ta trad Ta/ tu ru tu ru/ 'byung po'i bdag po/ klu'i bdag po/ lha ma yin gyi grong khyer rnam par 'joms par byed pa khro bo chol pa stobs po che/ d+ha ma d+ha ma/ ka ra ka ra/ ku ru ku ru/ su ru su ru hU~M phaT/ ha na ha na hU~M phaT/ da ha da ha hU~M phaT/ pa tsa pa tsa hU~M phaT/ hrI/ hU~M hU~M hU~M/ phaT phaT phaT swA hA/ o~M tsu lu tsu lu ru swA hA/ o~M badzra kro d+ha ma hA ba la sarba duSh+Tan stam b+ha ya stam b+ha ya/ mo ha ya mo ha ya hU~M phaT/ o~M ha ha/ sa ra sa ra/ bi sa ra bi sa ra/ g+hA ta ya g+hA ta ya/ o~M bi sa ra/ san tra ya hU~M/ o~M badzra kro d+ha ma hA ba la ha ra ha ra/ kha kha khA hi khA hi/ nA sha ya nA sha ya hU~M phaT/ hU~M hU~M/ mA ma mA ma phaT/ o~M badzra kro d+ha ni bdag la srungs shig srungs shig swA hA/ o~M ma hA ba la badzra d+ha ra/ ka ra ka ra/ b+han d+ha b+han d+ha hU~M phaT/ o~M dz+wa la gra sa/ u ts+tshuSh+ma sang ga ra hU~M/ rdo rje'i pho nya mo drug bcu rtsa bzhi po de dag kyang bsrung ba dang / bskyab pa dang / sbed pa byed par 'gyur ro/ /lag na rdo rjes smras pa/ gang gzungs 'di 'chang ba ni dge bar 'gyur/ dug gnon par 'gyur shi ba sos par byed par 'gyur/ dgra rnams kyis mi tshugs par 'gyur/ bu mang bar 'gyur ro/ /sa phyogs kyang gsal bar 'gyur ro/ /gsang sngags thams cad kyang grub par 'gyur ro/ /las thams cad kyang nus par 'gyur ro/ /gdug pas zin pa rnams la skyor chus 'tsho bar 'gyur ro/ /dug thams cad kyang dug ma yin par byed par 'gyur ro/ /mngal na gnas pa'i khye'u dang bu mo yang bde bar btsas par 'gyur ro/ /mdo sde 'di zhag gsum bcangs na rgyas par 'gyur ro/ /zhag bdun bcangs na zhi ba chen por 'gyur ro/ /de nas 'byung po'i bdag po dbang bdag rig sngags 'chang bye ba phrag stong phrag du mas bskor ba 'khor gyi dkyil 'khor de nas langs te/ byang chub sems dpa' sems dpa' chen po gsang ba pa'i bdag po lag na rdo rje'i rkang pa la mgo bos phyag 'tshal nas byang chub</font><hr>107.32a<br><font size=+1>

sems dpa' sems dpa' chen po lag na rdo rje la 'di skad ces smras so/ /stobs po che'i bstan pa thogs pa med pa/ stobs dpag tu med pas pha rol gnon pa/ lag na rdo rje dga' ba/ lha dang / lha ma yin dang / tshangs pa dang / dbang pos phyag byas pa/ gnod sbyin dang / srin po dang / ro langs dang / srul po dang / lus srul po 'jigs par byed pa/ smyo byed dang / skrod pa dang / gsod pa dang / skem byed dang / sgo glegs dang / 'phrul 'khor dang / gtan pa dang / rdo rjes rnam par 'joms pa/ las thams cad byed pa/ dkyil 'khor gsang ba dang bcas pa byang chub sems dpa' sems dpa' chen pos bshad du gsol/ de nas thams cad dang ldan pa'i 'khor gyis 'byung po'i bdag po dbang bdag la legs so legs so zhes bya ba byin no/ /de nas bcom ldan 'das kyis rdo rje spar te rdo rje la bzhugs pa'i tshul gyis bzhugs nas thams cad dang ldan pa'i 'khor gyi dkyil 'khor la rnam par gzigs te/ rdo rje mi bzad pa khro bo chen po bdud kyi dkyil 'khor thams cad rnam par 'joms par byed pa zhes bya ba'i ting nge 'dzin dang / sems can thams cad la cher snying rje ba zhes bya ba'i ting nge 'dzin dang / 'od zer 'bar zhing snang ba zhes bya ba'i ting nge 'dzin dang / chos kyi dga' ba kun tu ston pa zhes bya ba'i ting nge 'dzin dang / bdud thams cad kyi yul zhes bya ba'i ting nge 'dzin dang / phyag rgya'i mtshan nyid ces bya ba'i ting nge 'dzin dang / sems can thams cad kyi yul zhes bya ba'i ting nge 'dzin dang / mi g.yo ba zhes bya ba'i ting nge 'dzin dang / chos kyi sku zhes bya ba'i ting nge 'dzin dang / chos kyi sgo zhes bya ba'i ting nge 'dzin dang / stobs po che zhes bya ba'i ting nge 'dzin to/ /de nas bcom ldan 'das lag na rdo rje rngom bag can du rdo rje spar te/ de nas rdo rje pad ma la gnas pa'i tshul gyis gnas nas thams cad dang ldan pa'i 'khor gyi dkyil 'khor la rnam par bltas te/ rdo rje mi bzad pa'i khro bo chol pa lus sbrul gyi ska rags kyis brgyan pa dga' bar byed pa zhes bya ba'i ting nge</font><hr>107.32b<br><font size=+1>

'dzin la snyoms par zhugs so/ /snyoms par zhugs ma thag tu khro bo chol pas bgegs bye ba brgya stong phrag du ma 'dar te gzir ba bdag nyid kyis mthong ngo / /de dag tshig nas smre zhing srog btang ste sreg pa'i bskal pa snyam du sems shing nyams thag pa'i skad kyis ngus te/ byang chub sems dpa' lag na rdo rje'i gan du song nas bcom ldan 'das yongs su bskyab tu gsol/ byang chub sems dpa' yongs su bskyab tu gsol/ bcom ldan 'das bdag cag ni bcom ldan 'das kyi khro bo chol pas gzir cing myos te phongs nas srog la mi lta'o/ /de nas bcom ldan 'das byang chub sems dpa' lag na rdo rje ting nge 'dzin de las langs te bdud kyi dkyil 'khor thams cad la smras pa/ skye ma'o khro bo chen po 'di ni rdzu 'phrul che ba'o mthu che ba'o/ /de dag gis 'di skad ces smras so/ /bcom ldan 'das de de bzhin te/ kye ma'o khro bo chen po 'di ni rdzu 'phrul che ba'o mthu che ba'o/ /de nas bcom ldan 'das byang chub sems dpa' sems dpa' chen po lag na rdo rjes seng ge'i lta stangs kyis bltas nas 'byung po'i bdag po dbang ldan la khro bo chol pa'i dkyil 'khor gsang ba dang bcas pa smras pa/ o~M badzra kro d+ha ma hA ba la ha na da ha/ pa tsa/ bi d+h+wan sa ya/ dza Ti la lam bo d+ha ra u ts+tshuSh+ma kro d+ha hU~M phaT/ A A~M/ ma hA~M swA hA/ grogs po dag gang la la zhig khro bo stobs po che 'di'i dkyil 'khor du zhugs na de'i las thams cad grub par 'gyur ro/ /dus ma yin par 'chi bas 'chi ba'i dus byed par mi 'gyur ro/ /de'i lus la drag po'i las dang nad thams cad kyis mi tshugs par 'gyur ro/ /de la mi dang bgegs dang / log 'dren gyis glags mi rnyed par 'gyur ro/ /skye bo thams cad dga' bar 'gyur ro/ /dgra thams cad med par 'gyur ro/ /'dir zhugs na gsang sngags thams cad 'grub par 'gyur ro/ /khro bo thams cad kyi cho ga yang lhun gyis grub pa nyid du 'grub par 'gyur ro/ /'dir dbang bskur na bkra mi shis pa thams cad las rnam par grol bar 'gyur ro/ /dpal gyis byin gyis brlabs par 'gyur ro/ /de nas khro bo chen po</font><hr>107.33a<br><font size=+1>

la lan khris sngar spyad pa byas te/ khro bo chen po'i dkyil 'khor byed pa byas pa gzo ba/ rgyud shes pa/ gso sbyong gi yan lag brgyad dang ldan pa/ gsum la skyabs su song ba/ byang chub kyi sems dang ldan pa/ byams pa'i sems dang ldan pa/ snying rje can du gyur pa/ dkyil 'khor mthong ba/ dbang bskur ba/ bla ma rnams kyis lung byin pa/ cho ga gang bdud thams cad dang sdang ba'i sems rnam par 'jig par byed pa/ rig sngags kyi rgyal po stobs po che zhes bya ba 'di 'chang ba dang / klog pa de bdud dang dgra thams cad kyis mi tshugs par 'gyur ro/ /gnod sbyin dang / srin po dang / yi dgas dang / sha za dang srul po dang / mkha' 'gro ma dang / rjed byed dang / sgrub pa dang / sbrul 'dzin bcas la sogs pa thams cad dang / 'jigs pa thams cad las thar bar 'gyur ro/ /dus ma yin par 'chi ba thams cad las thar bar 'gyur ro/ /gsad pa dang / bcing ba thams cad las thar bar 'gyur ro/ /gcad pa thams cad las thar bar 'gyur ro/ /rmugs byed dang / rengs byed dang / rmongs byed la sogs pa'i 'jigs pa thams cad las thar bar 'gyur ro/ /klu'i 'jigs pa thams cad las thar bar 'gyur ro/ /bkra mi shis pa thams cad las thar bar 'gyur ro/ /sems can dbul po gang la la zhig chos kyi rnam grangs 'di dus gsum du 'chang ngam/ klog gam/ yid la byed dam/ rjes su dran par byed na/ dbul ba'i sdug bsngal thams cad las thar bar 'gyur ro/ /lo nyes byung ba'i tshe stobs po che lan bdun bklags na sprin chen po las char 'bab bo/ /gal te char mi 'bab na sprin gyi lha rnams kyi srog skam par 'gyur ro/ /klu'i rgyal po nag po dang / klu'i rgyal po 'khor lo dang / klu'i rgyal po mtha' yas la sogs pa klu'i rgyal po rnams kyis sprin chen po las char 'bebs so/ /gal te mi 'bebs na srog skam par 'gyur ro/ /gong du smos pa'i cho ga bzhin du phyogs kyi cha 'am/ klung gi ngos sam/ rgya mtsho'i 'gram 'am/ mtsho 'gram 'am/ mchod rten gyi gnas su byang chub sems dpa'</font><hr>107.33b<br><font size=+1>

lag na rdo rje la mchod pa chen po byas te/ tsan dan dkar po dang / ka ra bi ra ka'i me tog dang / pad ma dmar po dang / a d+hi mug ta ka'i me tog dang / tsam pa ka'i me tog dang / rgyal mtshan dang / ba dan dmar po la sogs pa dang / bum pa spos chus bkang ba la sogs pas mchod pa byas nas gang mdo sde 'di 'chang ba dang / klog pa de g.yul ngo thams cad du zhugs kyang pha rol gyis mi tshugs par 'gyur ro/ /sems can thams cad dga' bar 'gyur ro/ /bkra mi shis pa thams cad las rnam par grol bar 'gyur ro/ /stobs po che rgyal mtshan gyi rtse mo la btags te g.yul ngor song na pha rol gyis mi tshugs par 'gyur ro/ /gsang sngags gro ga la bris te spyi bor btags na g.yul ngor mtshon cha rnams me tog bzhin du ltung bar 'gyur ro/ /de nas bdud des bcom ldan 'das la lan gsum bskor ba byas te phyogs gcig tu 'dug nas stobs po che zhes bgyi ba ci lags shes gsol pa dang bcom ldan 'das kyis bka' stsal pa/ stobs po che zhes bya ba ni de bzhin gshegs pa'o/ /stobs po che zhes bya ba ni chos so/ /stobs po che zhes bya ba ni chos kyi phung po'o/ /stobs po che zhes bya ba ni chos kyi tshul lo/ /stobs po che zhes bya ba ni theg pa chen po'o/ /stobs po che zhes bya ba ni lag na rdo rje'o/ /de nas bdud sdig can gyis smras pa/ gsang ba pa'i bdag po lag na rdo rje legs so legs so/ /skyabs su mchi'o/ /sangs rgyas dang / chos dang / dge 'dun la skyabs su mchi'o/ /bcom ldan 'das legs so legs so/ /dge bsnyen gyi yan lag bzung bar bgyi'o/ /bde dang thar dang mtho ris dang / /mkhas pa dag dang sems can ni/ /dam pa kun dang phan pa'i phyir/ /stobs po che ni gzung bar bgyi/ /de nas bdud sdig can chos la dga' zhing yid bde ba dang rangs par gzigs nas bcom ldan 'das kyis 'di skad ces bka' stsal to/ /rig sngags kyi rgyal po stobs po che'i mdo sde 'di ni sems can dmyal ba dang dud 'gro dang / yi dgas dang / gshin rje'i 'jig rten</font><hr>107.34a<br><font size=+1>

gyi sdug bsngal las thar bar byed pa'o/ /de bskal pa stong phrag nyi shur lha'i rgyal po byed par 'gyur ro/ /bskal pa mtha' yas par gling bzhi la dbang ba'i 'khor los sgyur bar 'gyur ro/ /bla na med pa yang dag par rdzogs pa'i byang chub la 'jog par byed do/ /rig sngags kyi rgyal po stobs po che'i snying po 'di ni gtsang sbra can nam/ gtsang sbra med pa 'am/ bsnyung ba byas pa 'am/ bsnyung ba ma byas pa 'am/ 'khrig pa'i chos la sten pa la yang 'grub par byed pa'o/ /de la bar chad du mi 'gyur ro/ /de nas rab 'byor 'khor de nyid na 'dug par gyur pas bcom ldan 'das rig sngags kyi rgyal po stobs po che ji ltar gzung bar bgyi/ dam pa ci zhig stsol ces gsol pa dang / bcom ldan 'das kyis bka' stsal pa/ lag na rdo rje la dri ba dris shig /rab 'byor gyis smras pa/ lag na rdo rje rig sngags kyi rgyal po stobs po che ji ltar gzung bar bgyi/ dam pa ni ci zhig sbyin par byed/ lag na rdo rjes smras pa/ 'bru sbyin par byed do/ /gos sbyin par byed do/ /dngul sbyin par byed do/ /gser sbyin par byed do/ /ba lang sbyin par byed do/ /dam pa gang 'dod pa'i dam pa de sbyin par byed do/ /rab 'byor gyis smras pa spyi'i 'bras bu zhes bya ba 'am/ lag na rdo rjes smras pa/ rab 'byor de de bzhin te/ sems can nyon mongs pas bsgribs pa rnams ni 'bras bu'i dus su gnas so/ /'bras bu'i dus kyis yon tan gyi don du gnas so/ /yon tan gyi don gyis bla na med pa yang dag par rdzogs pa'i byang chub kyi lam la 'jog par byed do/ /rab 'byor gyis smras pa/ lag na rdo rje legs so legs/ /gsang ba'i mtshan nyid ldan pa ste/ /stobs po che ni shes rab ldan/ /gsang ba'i mtshan nyid phun sum tshogs/ /spyi nas dbang bskur yid kyang gzhung / /mtshan dang yang dag ldan pa ste/ /sbyin dang tshul khrims shes rab che/ /rdzu 'phrul che zhing stobs kyang che/ /dbang cher grags shing bsod nams che/ /yon tan rtse mo stobs po che/ /mdo sde 'di la dbang bskur phyir/ /sangs rgyas brgyad stong der gshegs so/ /byang chub sems dpa' lag na rdo rjes mdo sde 'di nyid kyis mi 'jigs pa'i lag pa spyi bor bzhag ste/ </font><hr>107.34b<br><font size=+1>

dge bar byed par 'gyur ro/ /gang gis gsang sngags 'di sa 'am/ ri 'am/ klung gi ngogs sam/ rgya mtsho'i drung du bcangs na 'jigs pa thams cad kyis 'jigs pa med par 'gyur ro/ /de nas bcom ldan 'das la byang chub sems dpa' lag na rdo rjes 'di skad ces gsol to/ /su mdo sde 'di 'chang ngam/ klog pa dang / gzhan dag la yang rgya cher yang dag par rab tu ston pa de bro nad ma mchis par lo brgyar 'tsho bar 'gyur ro/ /lag na rdo rjes yang gsol pa/ chos kyi rnam grangs 'di'i ming ci lags/ 'di ji ltar bzung bar bgyi/ bcom ldan 'das kyis bka' stsal pa/ mdo sde 'di ni de bzhin gshegs pa'i sprul pa zhes bya bar zung shig /chos kyi nyi ma zhes bya bar yang zung shig /chos kyi zla ba zhes bya bar yang zung shig /don thams cad grub pa zhes bya bar yang zung shig /de bzhin gshegs pa thams cad kyi chos kyi sprin ces bya bar yang zung shig /sdig pa thams cad 'byang bar byed pa'i gzungs sngags zhes bya bar yang zung shig /rig sngags 'chang thams cad 'grub pa'i rgyal po zhes bya bar yang zung shig /shes rab kyi pha rol tu phyin pa zhes bya bar yang zung shig /chos kyi dbyings de bzhin gshegs pa thams cad kyi sngon du 'gro ba zhes bya bar yang zung shig /rig sngags kyi rgyal po stobs po che zhes bya bar yang zung shig /gsang ba pa'i bdag po lag na rdo rje su mdo sde 'di 'dzin pa dang / 'chang ba dang / klog pa dang yi ger 'drir 'jug pa dang / sti stang du byed pa dang / bla mar byed pa dang / rim gror byed pa dang / mchod pa byed pa des 'das pa dang / ma 'ongs pa dang ltar byung ba'i sangs rgyas dang / byang chub sems dpa' rnams la mchod pa byas par 'gyur ro/ /'das pa dang ma 'ongs pa dang / da ltar byung ba rnams kyi mchod rten sku gdung dang bcas pa rnams la mchod pa byas par 'gyur ro/ /lag na rdo rjes gsol pa/ bcom ldan 'das legs so legs so/ /shin tu zab pa'i chos bstan pa dang / cho 'phrul gyi yon tan gyi rgyan gyi chos bstan pa bzung bar bgyi'o/ /bcom ldan 'das kyis bka' stsal pa/ lag na rdo rje rigs kyi bu 'am</font><hr>107.35a<br><font size=+1>

rigs kyi bu mo gang mdo sde 'di 'chang ba de la sdang ba'i sems can rnams chu 'gram gyi shing lta bur ma rung bar 'gyur ro/ /spos dang / me tog dang / bdug pa dang / rgyal mtshan dang / ba dan sna tshogs la sogs pas mchod pa byas na bsod nams kyi phung po dpag tu med pa dang ldan par 'gyur ro de la bar chad 'byung bar mi 'gyur ro/ /mdo sde 'di gnas gang yang rung ba na 'chang na lha dang / mir bcas pas mchod pa byed par 'gyur ro/ /rig sngags kyi rgyal po stobs po che bgegs dang log 'dren thams cad 'ching ba yid la byed na sangs rgyas brgyad stong dang / byang chub sems dpa' sems dpa' chen po rnams dang drang srong chen po rnams dang / lha dang klu dang / dri zar bcas pa rnams dgyes dga'o/ /stobs po che'i gzungs sngags 'di la dgyes pa'i dus kyi tshe de bzhin gshegs pa shAkya thub pas 'di skad ces bka' stsal to/ /gsang ba pa'i bdag po lag na rdo rje su mdo sde 'di la gus par mi byed pa de dag sems can dmyal ba chen po brgyad po dag tu skye bar 'gyur ro/ /gsang ba pa'i bdag po lag na rdo rje su mdo sde 'di la gus par byed pa dang / rim gror byed pa dang / mchod pa byed pa de bsod nams kyi phung po dpag tu med pa dang ldan par 'gyur ro/ /yi ge 'dri 'am/ tshig mnyan na phyir mi ldog pa'i byang chub kyi lam 'thob par 'gyur ro/ /lag na rdo rjes gsol pa/ thub pa'i chos bsam gyis mi khyab pa shin tu zab pa/ bsam gyis mi khyab pa la sems can rnams kyi nang nas gang log par sems pa de myos par 'gyur ro/ /bcom ldan 'das kyis bka' stsal pa/ gsang ba pa'i bdag po lag na rdo rje sems can rnams kyi don gyi phyir mdo sde 'di bshad par bya'o/ /sems can thams cad kyi sgrib pa bsal ba dang / zhi bar bya ba dang rgyas par bya ba dang / dbang bskur ba dang / bkra mi shis pa thams cad las thar bar bya ba dang / dpal gyis byin gyis brlab par bya ba dang / sdig pa thams cad byang bar bya ba dang / sems can thams cad bla na med pa yang dag par rdzogs pa'i byang chub par bya ba'i phyir bshad par</font><hr>107.35b<br><font size=+1>

bya'o/ /de'i phyir de bzhin gshegs pa brgya stong dang bar mdzad nas de bzhin gshegs pa shAkya thub pa la lan gsum bskor ba mdzad de thal mo sbyar nas legs par rab tu bshad pa legs so legs so zhes mngon par dgyes pa mdzad do/ /de nas de bzhin gshegs pa shAkya thub pas sangs rgyas de dag la slar gsungs pa/ bcom ldan 'das dag legs par rab tu gsungs pa legs so legs so/ /bcom ldan 'das kyis bka' stsal pa/ stobs po che gsang ba'i chos bstan pa 'di'i mthus byang chub sems dpa' lag na rdo rjes sdang ba'i bgegs dang log 'dren thams cad kyi snying 'dar zhing 'gul bar mthong ngo / /dkon mchog gsum la phyag 'tshal lo/ /gnod sbyin gyi sde dpon chen po lag na rdo rje drag po la phyag 'tshal lo/ /tad+ya thA/ o~M ha na ha na badzra/ da ha da ha badzra/ pa tsa pa tsa badzra/ ma thA ma thA badzra/ dz+wa la pra dz+wa la/ su ru su ru/ mu ru mu ru/ ka tang ka ye/ dza ye bi dza ye/ a dzi te/ a pa rA dzi te/ ma ra se n+ya pra marda nA ye swA hA/ bcom ldan 'das kyis bka' stsal pa/ gsang ba pa'i bdag po lag na rdo rje bgegs dang log 'dren thams cad sdigs shig sdigs shig /chings shig chings shig /rnam par chings shig /ma grub pa rnams grub par gyis shig /grub pa rnams dul bar gyis shig /dul ba rnams chud mi za bar gyis shig /sangs rgyas dang byang chub sems dpa' thams cad 'bab par gyis shig /lha dang klu thams cad tshur shog tshur shog /ngas stobs po che khro bo'i mthus dge bar bya'o/ /de nas 'jam dpal gzhon nur gyur pa stan las langs ste bla gos phrag pa gcig tu gzar nas pus mo g.yas pa'i lha nga ri la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das 'du byed thams cad kyi mi rtag pa'i mtshan nyid ji lta bu lags/ bcom ldan 'das kyis bka' stsal pa/ byang chub sems dpa' 'jam dpal gzhon nur gyur pa nyon cig /'du byed thams cad ni dri za'i grong khyer dang 'dra'o/ /'du</font><hr>107.36a<br><font size=+1>

byed thams cad ni glog dang sprin dang 'dra'o/ /'du byed thams cad ni khyim dang dbu ba dang 'dra'o/ /'du byed thams cad ni mar me dang 'dra'o/ /'du byed thams cad ni chu bur dang 'dra'o/ /'du byed thams cad ni chu shing dang 'dra'o/ /'du byed thams cad ni ri mo'i rnam pa dang 'dra'o/ /'du byed thams cad ni me tog dang 'dra'o/ /'du byed thams cad ni rmi lam dang 'dra'o/ /'du byed 'di dag ni bde ba dang sdug bsngal gyi 'khor lo dang 'dra'o/ /'du byed 'di dag ni bde ba dang sdug bsngal gyi klung dang 'dra'o/ /'khrug par 'gyur bas rgya mtsho dang 'dra'o/ /skar ma dang 'dra'o/ /sems can rnams ni 'du byed 'di dag skye bar mi sems/ mi mthong / mi shes mi 'jal gyi/ de bzhin gshegs pa nyid kyis gzigs so/ /de bzhin gshegs pa nyid kyis 'jal lo/ /de bzhin gshegs pa nyid kyis mkhyen to/ /'du byed thams cad stong pa nyid du mtshan nyid gcig par mkhyen to/ /don dam pa stong pa nyid kyi mtshan nyid du mkhyen to/ /mtha' las 'das pa stong pa nyid kyi mtshan nyid du mkhyen to/ /stong pa nyid stong pa nyid kyi mtshan nyid du mkhyen to/ /chen po stong pa nyid kyi mtshan nyid du mkhyen to/ /de bzhin nyid stong pa nyid kyi mtshan nyid du mkhyen to/ /'jam dpal gzhon nur gyur pa mtshan nyid 'di nyid mthong zhing mtshan nyid 'di nyid shes te spyod pa'i byang chub sems dpa' rnams ni sbyin pa'i pha rol du phyin pa la spyod do/ /de bzhin du tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa la spyod do/ /mtshan nyid 'di nyid shes pa ni byang chub sems dpa' zhes bya'o/ /de nas byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das la lan gsum bskor ba byas nas phyogs gcig tu 'dug ste 'di skad ces gsol to/ /bcom ldan 'das mdo sde 'di mtshan nyid gang gis na ji ltar de bzhin gshegs pa'i sprul pa zhes bgyi/ bcom ldan 'das kyis bka' stsal pa/ 'phags pa spyan ras gzigs dbang phyug de bzhin</font><hr>107.36b<br><font size=+1>

gshegs pa yongs su mya ngan las 'das pa'i dus kyi tshe de bzhin gshegs pa'i las rnams mdo sde 'dis byed par 'gyur te/ mtshan nyid des na de bzhin gshegs pa'i sprul pa zhes bya'o/ /mdo sde 'di yongs su nub pa'i dus kyi tshe de bzhin gshegs pa'i bstan pa yongs su nub par 'gyur te/ mtshan nyid des na de bzhin gshegs pa'i sprul pa zhes bya'o/ /mdo sde 'di 'tsho zhing sdod na de bzhin gshegs pa'i bstan pa yang 'tsho zhing sdod de/ mtshan nyid des na de bzhin gshegs pa'i sprul pa zhes bya'o/ /de bzhin gshegs pa thams cad kyang mdo sde 'di la phyag 'tshal te/ mtshan nyid des na de bzhin gshegs pa'i sprul pa zhes bya'o/ /de nas 'phags pa spyan ras gzigs dbang phyug bcom ldan 'das la rjes su yi rang nas bka' lung bzhin du bgyi zhing su mdo sde 'di 'chang ba'i gan du mchi'o zhes gsol pa dang / bcom ldan 'das kyis bka' stsal pa/ mdo sde 'di nyid kyi mthus sangs rgyas dang / byang chub sems dpa' thams cad dang lha thams cad kyang 'ong ngo / /lha thams cad kyis kyang 'di skad ces gsol to/ /legs so legs so bdag cag kyang dam pa stsol bar mngon par dga' ste/ sangs rgyas dang byang chub sems dpa' thams cad kyang dam pa 'di nyid stsol bar mdzad par 'gyur ro/ /bcom ldan 'das kyis bka' stsal pa/ gsang ba pa'i bdag po lag na rdo rje stobs po che'i gsang ba'i snying po ni sems can thams cad la bde ba thams cad sbyin par byed pa'o/ /de nas bcom ldan 'das la byang chub sems dpa' sems dpa' chen po lag na rdo rjes 'di skad ces gsol to/ /bcom ldan 'das mtshan nyid gang gis na mdo sde 'di chos kyi dbyings sngon du 'gro ba zhes bgyi/ bcom ldan 'das kyis bka' stsal pa/ rigs kyi bu de bzhin gshegs pa thams cad byung nas zhag sum bcu rtsa gnyis lon pa'i nyin mo ri btang zung chen por mdo sde 'di nyid kyis chos bstan te/ mtshan nyid des na chos kyi dbyings sngon du 'gro ba zhes bya'o/ /mdo sde 'di nyid kyi mthus sangs rgyas dang / byang chub sems dpa' thams cad sems dang po bskyed pa la gnas te mtshan nyid</font><hr>107.37a<br><font size=+1>

des na chos kyi dbyings sngon du 'gro ba shes bya'o/ /mdo sde 'di nyid kyi mthus lha'i bu grangs med dpag tu med pa dag rgyun du zhugs par gyur to/ /rigs kyi bu su mdo sde 'di 'chang ba dang klog pa la de bzhin gshegs pa thams cad sras su 'du shes skyed do/ /'khor ba de nyid du 'chi ba'i dus byas nas mya ngan las 'das pa'i lam la 'jog par byed do/ /lag na rdo rjes gsol pa/ sangs rgyas 'khor ba bgrod dkar sems can gyi/ /srid pa'i phur ba 'byin cing shes rab kyis/ /srid phur sems klung 'joms shing thub pa yi/ /chos bstan pas ni sdig 'joms legs chos spyod/ /bcom ldan 'das kyis bka' stsal pa/ lag na rdo rje legs par rab tu bshad pa legs so legs so/ /lag na rdo rjes gsol pa su mdo sde 'di 'chang ba dang klog pa dang / gzhan dag la yang rgya cher yang dag par rab tu ston pas bsod nams kyi phung po ci zhig thob par 'gyur/ bcom ldan 'das kyis bka' stsal pa/ rigs kyi bu su mdo sde 'di 'chang ba dang / klog pa dang gzhan dag la yang rgya cher yang dag par rab tu ston pa des na ting nge 'dzin bye ba thob par 'gyur ro/ /sangs rgyas dang byang chub sems dpa' 'khor dang bcas pa bye ba mthong bar 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas bye ba khrig khrig brgya stong phrag mang po mthong nas bsam pa rgya chen pos sti stang byed par 'gyur ro/ /bla mar byed par 'gyur ro/ /rim gror byed par 'gyur ro/ /mchod par byed par 'gyur ro/ /chos gos dang bsod snyoms dang / mal cha dang na ba'i gsos sman dang / yo byad rnams kyang 'bul lo/ /byang chub sems dpa' rnams la yang bde bar sbyar ba sgrub po/ /dge 'dun gyi tshogs la yang rim gro byed par 'gyur ro/ /dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo bar byed do/ /de bzhin gshegs pa dgra bcom pa yang dag par rdzogs pa'i sangs rgyas de dag la yang bsnyen bkur byed par 'gyur ro/ /de dag gi chos bstan pa la yang sti stang du byas te nyan to/ /len to 'dzin to klog go /byang chub sems dpa' lag na rdo rje ji lta ba</font><hr>107.37b<br><font size=+1>

dang mtshungs par stobs kyis pha rol gnon par 'gyur ro/ /stobs po che pha rol gnon pa khro bo de'i mthus bdag dang sems can thams cad swa sti swa sti/ sid d+hi/ sid d+hi swA hA/ bcom ldan 'das kyis de skad ces bka' stsal nas/ 'phags pa byams pa dang 'jam dpal dang 'phags pa spyan ras gzigs dbang phyug la sogs pa bskal pa bzang po'i byang chub sems dpa' thams cad dang / byang chub sems dpa' sems dpa' chen po rdo rje'i snying po la sogs pa phyogs bcu'i 'jig rten gyi khams nas 'dus pa de dag thams cad dang / lha dang klu dang gnod sbyin dang / srin po dang / dri za dang lha ma yin dang / nam mkha' lding dang mi 'am ci dang / lto 'phye chen po dang mi dang mi ma yin pa de dag thams cad dang / thams cad dang ldan pa'i 'khor de dang / lag na rdo rje yi rangs te bcom ldan 'das kyis gsungs pa la mngon par bstod do/ /'phags pa stobs po che zhes bya ba theg pa chen po'i mdo/ rdzogs s+ho// //  </font><hr>

</table>