@#/ /rgya gar skad du/ Ar+ya a b+ha yA ta dA na nA ma a pa rA dzi ta/ bod skad du/ 'phags pa gzhan gyis mi thub pa mi 'jigs pa sbyin pa zhes bya ba/ sangs rgyas dang / byang chub sems dpa' thams cad la phyag 'tshal lo/ /grub pa thams cad la phyag 'tshal lo/ /sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /byang chub sems dpa' sems dpa' chen po snying rje chen po dang ldan pa 'phags pa spyan ras gzigs dbang phyug la phyag 'tshal lo/ /sems can thams cad kyi sdug bsngal sel ba la phyag 'tshal lo/ /sems can thams cad sdug bsngal las grol bar mdzad pa la phyag 'tshal lo/ /sems can thams cad kyi 'ching ba gcod pa la phyag 'tshal lo/ /sems can thams cad la mi 'jigs pa sbyin pa la phyag 'tshal lo/ /de nas 'jigs pa med pa 'phags pa spyan ras gzigs dbang phyug gi gzhan gyis mi thub pa'i snying po brjod par bya'o/ /las kun byed pa dge ba ste/ /'byung po kun gyis 'jigs pa med/ /bdud rtsi las ni bdud rtsi 'byung / /'di ni las kun byed pa yin/ /dgra kun 'jigs par byed pa ste/ /rtsod dang de bzhin 'thab pa dang / /gzhan dang dgras ni 'khor ba 106.270b dang / /rtsod pa'i nang du rtsod byed dang / /rtag tu dgra dang phrad pa dang / /rmugs par byed cing rengs par byed/ /rmongs par byed cing sdig pa sel/ /dug dang me ni rengs byed dang / /rims dang nyes sdig thams cad sel/ /chom kun dang ni chu dang sbrul/ /rmi lam ngan pa thams cad sel/ /'byung po thams cad zlog pa yin/ /sangs rgyas byang chub 'dren pa dang / /chos kun rab tu ston pa ste/ /'di ni rig sngags mthu stobs can/ /gzhan gyis mi thub srin po 'joms/ /gang tshe rig sngags 'di bshad pa/ /de na sa 'di g.yo bar 'gyur/ /'jigs med ldan pa zhes bya ba'i/ /rig sngags rgyal po bla na med/ /'jig rten mgon pos gsungs pa ste/ /'jig rten gsum po kun gyis mchod/ /de nas 'jigs pa med par spyan ras gzigs dbang phyug gis de bzhin gshegs pa rjes su dran par byas nas rang gi snying po gzhan gyis mi thub pa de bzhin gshegs pa thams cad kyis gsungs pa 'di smras so/ /o~M ta ra ta ra/ tA re tA re/ mo ri ke tsan dra pra b+he/ b+hi r-i b+hi r-i/ tsi ri tsi ri/ sUr+ya kAn te/ he ma pra b+he/ bud d+h+ya bud d+h+ya/ bo d+ha ni/ sarba pA pa pra NA sha ni/ tsa ra tsa ra/ bi sha pra sha ma ni/ tsi ri tsi ri/ tsu ru tsu ru/ sarba bid d+h+ya d+ha ra na maskri te/ d+ha ra d+ha ra/ d+hi ri d+hi ri/ d+hu ru d+hu ru/ sarba ta thA ga ta b+ha Shi ta/ pa ra pa ra/ pi ri pi ri/ pu ru pu ru/ pradz+nya pA ra mi tA/ a nu dz+nyA te/ Sha Ta pA ra mi tA pA ri pU ra/ ga~M ga na di ba lu ko pA ma/ ta thA ga ta b+hA Shi ta/ pri ya~M ka ri/ d+han ka ri/ pri ti ka ri/ shu b+ha ka ri/ pa bi tra/ ma~M ga la d+ha ri Ni/ sarba de ba ta a d+hi te/ sarba ma hA ro ga a d+hi te/ sarba kin na ra a d+hi te/ sarba yak+Sha/ rAk+Sha sA/ a d+hi te/ brah+ma b+hA Sh-i te/ in dra b+hA Shi te/ tsa tur ma hA rA dza b+hA Shi ti/ tsan dra sUr+ya b+hA Shi te/ o~M ti ri ti ri/ tsan dra ki rA ne/ ki li ki li/ sarba shA tru~M bi na sha ni hU~M phaT swA hA/ de nas byang chub sems dpa' sems dpa' chen po byams pa dang ldan pa 'phags pa spyan ras gzigs dbang phyug gis/ byang chub sems dpa' mi 'jigs 106.271a pa sbyin pa la 'di skad ces smras so/ /mi 'jigs pa sbyin pa sngon byung ba 'das pa'i dus na 'jig rten gyi khams gang gA'i klung gi bye ma snyed 'das pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ sems can thams cad la phan 'dogs pa/ gzhan gyis mi thub pa'i dbang phyug 'od ces bya ba 'jig rten du byung ste/ de las bdag gis 'di dag thos so/ /de las bzung nas byang chub sems dpa' rnams dang / sems can thams cad la yang bsnyad do/ /mi 'jigs pa sbyin pa gzhan gyis mi thub pa'i snying po 'di ni yang dag par rdzogs pa'i sangs rgyas bdun po rnam par gzigs dang / gtsug tor can dang / thams cad skyob dang / 'khor ba 'jig dang / gser thub dang / 'od srung dang / shAkya thub pa rnams kyis gsungs so/ /gzhan gyis mi thub pa'i snying po 'di ni bdag srung ba dang / gzhan srung ba dang / gnyi ga srung ba dang / grong dang / grong khyer dang / grong rdal dang / ljongs dang / yul 'khor dang / rgyal po'i pho brang srung ba/ srog skyong ba/ tshe sbyin pa/ lag cha rengs par byed pa/ 'thab mo dang / 'thab pa dang / 'gyed pa dang / rtsod pa thams cad zhi bar byed pa/ dgra thams cad zlog pa/ 'ching ba thams cad grol bar byed pa/ thams cad du gzhan gyis mi thub pa'o/ /shud d+he/ mug te/ pra b+ha swA re/ shwA te/ pad da ra pA si ni/ sarba duSh+Tan dza~M b+hA ya mi/ stam b+hA ya mi/ mo hA ya mi/ o~M swA hA/ sa bid te swA hA/ shwa te swA hA/ shwa te pa ta prA pri ti swA hA/ tad+ya thA/ tA re tA re/ tA ri ni rak+Sha rak+Sha sarba ka li ka la ha/ big ga gra ha/ b+hi ta duH/ swa pa na b+h+ya ye b+h+yaHswA hA/ rtag tu le lo med par ni/ /gang zhig gzungs 'di 'chang byed pa/ /de la lha tshogs thams cad kyang / /dus kun du ni srung bar byed/ /de ni 'jigs par 'gyur ba med/ /de ni rtag srung lhan ne 'jug / /ji ltar nyi ma sa steng na/ /gzi brjid grags 'chang lhan ne bzhin/ /de la gshed byed byad stem dang / /srul po dag gis mi tshugs te/ /de la dpal yon 'jug par 'gyur/ /kha dog dang ni tshe 106.271b yang 'phel/ /'phags pa gzhan gyis mi thub pa mi 'jigs pa sbyin pa zhes bya ba/ rdzogs s+ho// //rgya gar gyi mkhan po pradz+nyA bar ma dang / zhu chen gyi lo ts+tsha ba ban de ye shes sde la sogs pas bsgyur cing zhus te gtan la phab pa/ skar zhus// |