@#/ /rgya gar skad du/ Ar+ya d+h+wa dza a gra ke yU ra nA ma d+hA ra NI/ bod skad du/ 'phags pa rgyal mtshan gyi rtse mo'i dpung rgyan ces bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das sum bcu rtsa gsum pa'i lha'i nang na la ba dkar po lta bu'i rdo leb la bzhugs te/ de nas lha'i dbang po brgya byin lha ma yin rnams las pham/ rab tu pham nas de brtad cing rings pa'i gzugs kyis bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te bcom ldan 'das la 'di skad ces gsol to/ /bcom ldan 'das bdag 'di ltar lha ma yin dang g.yul bkye ba las/ lha ma yin gyi dbang po thags zangs ris las pham/ rab tu pham ste/ sum bcu rtsa gsum pa'i lha rnams kyang pham/ rab tu pham na bcom ldan 'das bdag cag gis de la ji ltar bsgrub par bgyi/ bcom ldan 'das kyis bka' stsal pa/ lha'i dbang po khyod kyis rgyal mtshan gyi rtse mo'i dpung rgyan ces bya ba gzhan gyis mi thub pa'i gzungs zung shig /ngas kyang sngon byang chub sems dpar gyur pa na de bzhin gshegs pa gzhan gyis mi thub pa'i rgyal mtshan las 'di mnos so/ /mnos nas kyang gzhan la rgya cher yang dag par bshad do/ /mngon bar dran te de tshun chad 'jigs pa'am/ bag tsha ba'am/ spu zing zhes byed pa'am/ tha na skad cig yud tsam yang lus la gnod pa byung ma myong ngo / /bcom ldan 'das rgyal mtshan gyi rtse mo'i dpung rgyan ces bgyi ba gzhan gyis mi thub pa'i gzungs de gang lags/ bcom ldan 'das kyis bka' stsal pa/ tad+ya thA/[ \u0f00] dza ya dza ya/ bi dza ya bi dza ya/ dza ya bA hi ni/ shang ka ri shang ka ri/ pra b+hang ka ri/ bdag dang sems can thams cad kyi sarba sha trU~M/ dza~M b+ha ya dza~M b+ha ya/ stam b+ha ya stam b+ha ya/ 106.263a mo ha ya mo ha ya/ b+ha ga ba ti/ dza ya bA hi ni/ ma thA ma thA/ pra ma thA pra ma thA/ gra sa gra sa/ ha sa ha sa/ hU~M hU~M/ la hU~M la hU~M/ lam bo d+ha ri/ hre ne hre ne/ tsa tur bAg dre/ tsa tur da~MSh+Te/ tsa tur b+hu dze/ a si mu sa la/ tsakra/ tri shU la/ badzra ka badzra d+ha ri/ bdag gnod pa thams cad las srungs shig srungs shig /o~M b+ha ga ba ti/ ha na ha na/ da ha da ha/ pa tsa pa tsa/ ma thA ma thA/ pra ma thA pra ma thA/ d+hu na d+hu na/ bi d+hu na bi d+hu na/ hU~M hU~M/ phaT phaT/ b+hany+dza b+hany+dza/ pa ra se n+ya~M/ bi d+h+wan sa ya/ sarba sha trU~M nA sha ya/ d+h+wa dza a gra ke yU re/ tri Ta tri Ta tri Ta/ b+h+ri Ta b+h+ri Ta/ u la kA mu khi u la la d+hA ra NI/ trai lo kya ma thA ni/ bi d+h+wan sa ya pa ra se n+yan/ bdag gnod pa thams cad las srungs shig srungs shig /tsa la tsa la/ tsi li tsi li/ tsu lu tsu lu/ ka~M pa ka~M pa/ ka la ka la/ ki li ki li/ ku lu ku lu/ muny+tsa muny+tsa/ ad Ta hA sam bi d+h+wan sa ya/ pa ra se n+yan/ bdag gnod pa thams cad las srungs shig srungs shig /trA sa ya trA sa ya/ b+h+rA ma ya b+h+rA ma ya/ bud d+ha sa t+ye na/ d+harma sa t+ye na/ sang g+ha sa t+ye na/ sa t+ya bA ti nA~M/ sa t+ye na/ bud d+ha sa t+ye ma ti kra ma/ d+harma sa t+ya ma ti kra ma/ sang g+ha sa t+ya ma ti kra ma/ sat+ya bA ti nA~M/ sa t+ya ma ti kra ma/ lam bo d+ha ri/ lam po d+ha ri/ ku Ta ku Ta/ kud Ta kud Ta kud Ta/ kud Ta pA ya kud Ta pA ya/ rud dra ma nA ya/ biSh+Nu mA nA ya/ tsan dra sUr+ya pA nA trai lo kya a d+hi pa ti ma nA ya/ sarba de ba a d+hi pa ti mA nA ya/ sarba yak+Sha/ rAk+Sha sa/ gan d+harbA/ ku~M b+haN Da/ ma ho ra gA a d+hi pa ti ma nA ya/ bi d+h+wan sa ya pa ra se nA~M/ rang ga rang ga /rang gA pa ya rang gA pa ya/ dzA la dzA la/ puSh+pa mA li ni/ run d+ha run d+ha/ ri ti ri ti/ tsi ti tsi ti/ d+h+ri ti d+h+ri ti/ d+h+ri ku Ti/ mu kha pa ra se na ku lod sA d+ha ni ka ri/ ha la ha la/ hi li hi li/ hu lu hu lu/ he he/ ri Ni ri Ni/ ri Ni ma ti/ dza~M b+ha d+h+wa dze/ sarba bud d+ha a ba lo ki te/ bdag 'jigs pa thams cad las srungs shig srungs shig /sarba ta thA ga ta a ba lo ki te swA hA/ gu Na rA dza pra b+hA sod ta me swA hA/ sUr+ya arka bi ma le swA hA/ tsan dra 106.263b arka bi ma le swA hA/ sarba gra ha nak+Sha tra d+he mI ka ra Ne swA hA/ bdag 'jigs pa dang gnod pa dang nad 'go ba dang 'khrug pa thams cad las srungs shig srungs shig swA hA/ lha'i rgyal po rgyal mtshan gyi rtse mo'i dpung rgyan zhes bya ba gzhan gyis mi thub pa'i gzungs 'dis khyod g.yul sprod pa'am/ 'thab pa'am/ rtsod pa'am/ 'gyed pa'am/ gang du 'gro yang rung ste mi 'jigs shing thams cad du rgyal bar 'gyur ro/ /rgyal mtshan gyi rtse mo'am/ mgul du btags na mi'i rgyal po dang / skyes bu dpa' bo thams cad la srung bar byed do/ /bud med kyi gzugs lta bur bsgyur nas mdun du 'dug ste mi 'jigs pa sbyin zhing srung bar byed/ dpal skyed par byed/ pha rol gyi sde dpa' gong bar byed/ bkra shis pa dang / gtsang ba dang / grags pa dang / dpal dang / phun sum tshogs pa kun du gnas par byed do/ /bcom ldan 'das kyis de skad ces bka' stsal nas/ lha'i dbang po brgya byin dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa rgyal mtshan gyi rtse mo'i dpung rgyan ces bya ba'i gzungs/ rdzogs s+ho// // rgya gar gyi mkhan po dzi na mi tra dang / dA na shI la dang / zhu chen gyi lo ts+tsha ba ban de ye shes sdes bsgyur zhing zhus te/ skad gsar chad kyis kyang bcos nas gtan la phab pa/ skar zhus// |