J816

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J816</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J816&coll=lithang">see text in Tibetan script</a></table>106.205b<br><font size=+1>

@#/  /'phags pa spyan ras gzigs dbang phyug gi gsang ba'i mdzod thogs pa med pa'i yid bzhin gyi 'khor lo'i snying po zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das drang srong gi ri la byang chub sems dpa'</font><hr>106.206a<br><font size=+1>

sems dpa' chen po'i tshogs mang po dang thabs gcig tu bzhugs te/ de nas byang chub sems dpa' sems dpa' chen po spyan ras gzigs dbang phyug stan las langs te/ gos tshags bcos nas pus mo sa la btsugs te thal mo sbyar nas bcom ldan 'das la 'di skad ces gsol to/ /bcom ldan 'das bdag la pa du me chen po'i tsan dan gyi snying po'i 'khor lo zhes bgyi ba'i gzungs chen mo smon cing bgyi ba thams cad mngon bar 'grub par bgyi ba mchis te/ gal te de bzhin gshegs pa'i thugs rje chen pos bdag gis bshad par gnang na/ bdag bcom ldan 'das kyi byin gyi brlabs kyi mthus sems can thams cad la sman par bgyi ba'i slad du bshad par 'tshal lags so/ /de ci'i slad du zhe na/ bcom ldan 'das gzungs 'di ni gzi byin chen po'i mthu dang ldan pas yid bzhin gyi nor bu rin po che chen po dang / yid bzhin gyi ljon shing bzhin du smon pa thams cad yongs su rdzogs par bgyid pas so/ /de nas bcom ldan 'das kyis byang chub sems dpa' spyan ras gzigs dbang phyug la legs so legs so zhes bsngags pa brjod nas/ khyod kyis snying brtse ba'i phyir sems can gyi ched du 'di ltar zhugs pas na khyod thogs pa med pa'i gzungs 'di bshad par gnang bar bya'o/ /byang chub sems dpa' spyan ras gzigs dbang phyug de ltar bkas gnang ba dang / langs nas thal mo sbyar te phyag byas nas slar stan la 'dug ste/ sems rtse gcig tu 'khor 'dus pa dag la rnam par bltas nas snying rje chen po dang ldan pa'i sems kyis sngags 'di smras so/ /na mo rad na tra yA ya/ na ma Ar+yA ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ tad+ya thA/ o~M tsakra pa ti tsin ta ma Ni/  ma hA pa du me/  ru ru tiSh+Tha ta/ badzra b+ha ra/ a ka ra sha me hU~M swA hA/ 'di ni lus kyi sngags lags so/ /o~M pa du me/ tsan dra ma Ni/ ma hA badzra b+ha ra hU~M/ 'di ni snying po'i sngags lags so/ /o~M b+ha ra ta ba du pa </font><hr>106.206b<br><font size=+1>

me hU~M/ 'di ni snying gi snying po'i sngags lags so/ /de'i tshe byang chub sems dpa' spyan ras gzigs dbang phyug gis yid bzhin 'khor lo'i gzungs 'di smras pa dang / sa chen po yang rnam pa drug tu rab tu g.yos par gyur/ lha dang / klu dang gnod sbyin dang dri za dang lha ma yin dang nam mkha' lding dang mi 'am ci dang lto 'phye chen po la sogs pa'i khang khyim rnams kyang rab tu g.yos par gyur/ bdud kyi rgyal po dang bdud kyi 'khor rnams kyang shin du skrag cing 'jigs pa chen po skyes par gyur/ bdud kyi rgyal po'i gzhal med khang yang rab tu 'bar bar gyur/ gnod sbyin dang / 'dre srin ma rungs pa gzhan rnam pa sna tshogs kyang dngang zhing skrag pas gdong bkab ste sa la 'gyel bar gyur/ sems can dmyal ba'i sgo thams cad kyang phye nas sdug bsngal ba'i sems can rnams thar te/ lha'i bde ba mchog myong bar gyur to/ /de'i tshe lha rnams kyis kyang rin po che'i me tog dang / rin po che'i rgyan gyi yo byad rnam pa sna tshogs kyi char mngon bar phab par gyur/ lha'i rol mo rnams kyang bar snang la sgra sna tshogs phyung ste/ de bzhin gshegs pa la mchod pa byas par gyur to/ /de nas bcom ldan 'das kyis tshangs pa'i dbyangs kyis tshigs su bcad de/ byang chub sems dpa' sems dpa' chen po spyan ras gzigs dbang phyug la/ rigs kyi bu khyod sems can la snying brtse ba'i phyir gzungs 'di bshad pa nyid kyis sems can rnams kyis phan yon chen po thob par 'gyur ba legs so legs so zhes bsngags pa brjod do/ /de nas bcom ldan 'das kyis yang byang chub sems dpa' spyan ras gzigs dbang phyug la 'di skad ces bka' stsal to/ /rigs kyi bu sems can rnams kyi phyir rdzu 'phrul gyi rgyal po chen po'i gzungs 'di'i cho ga shod cig /de nas bcom ldan 'das la byang chub sems dpa' spyan ras gzigs dbang phyug gis 'di skad ces gsol to/ /rigs kyi bu'am/ rigs kyi bu mo'am/ dge slong ngam/ dge slong ma'am/ dge bsnyen nam</font><hr>106.207a<br><font size=+1>

dge bsnyen ma'am/ khye'u'am/ bu mo gzhon nu gang la la zhig gis tshe 'di nyid la rnam par smin pa mngon du myong bar 'tshal na/ gdugs mtshan sems rtse gcig tu nan tan brtson 'grus kyis gzungs 'di mi bskyud par bgyis te gdugs dang dus mi 'dam bar gtsang yang rung / mi gtsang yang rung ste/ g.yar ston du bzlas par gyur na bgyi ba rnams don dang ldan par 'gyur lags so/ /ci yang rung ste/ don du bgyi zhing gnyer ba zhig mchis na lan brgya rtsa brgyad bzlas brjod bgyis na don brgya stong du ma 'grub par 'gyur bas/ rig sngags gzhan gang yid bzhin gyi 'khor lo'i gzungs 'di dang bsgrun par bzod pa gang yang ma mchis lags so/ /de ci'i slad du zhe na/ 'das pa dang da ltar gyi las ngan pa dang / sgrib pa lci ba rnams rab tu 'joms pas so/ /gang la la zhig gzungs 'di bzlas brjod bgyis na mnar ma mchis pa'i dmyal bar ltung bar 'gyur ba'i rigs dag kyang thar bar 'gyur la/ mtshams ma mchis pa lnga la sogs pa'i sdig rnams kyang 'byang bar 'gyur na/ las ngan pa dang gdon bgegs dang bro nad gzhan thams cad lta smos kyang ci 'tshal lags/ gang dag rims nad nyin gcig pa dang / nyin gnyis pa dang / nyin gsum pa dang / nyin bzhi pa dang / nyin mtshan du bro 'tshal ba'am/ rlung dang mkhris pa'am/ bad kan la sogs pas bro 'tshal ba dag la rig sngags 'di bzlas brjod bgyis par gyur na thams cad 'byang zhing sos par 'gyur lags so/ /gang zhig dug dang byad stem gyis phog par gyur tam/ lhog pa dang g.yan pa dang mdze nad dam/ phol mig gam/ rlung nad dam/ smyos pa 'am/ klad pa bro 'tshal ba'am/ rna ba dang sna dang mchu dang / lce dang / mid pa dang kha dang gdong dang / gtsug dang klad rgyas dang brang dang / rtsib logs dang snying dang lto ba dang rked pa dang rgyab dang rkang pa dang lag pa la sogs pa thams cad bro 'tshal bar gyur na yang thams cad sos par bgyid/ ji tsam du lus kyi bro nad ci mchis pa thams cad kyang sos par bgyid</font><hr>106.207b<br><font size=+1>

lags so/ /gnod sbyin dang srin po dang bi nA ya ka dang bdud sdig can dang 'dre gdon dag gis kyang gnod pa bgyid par mi 'gyur lags so/ /mtshon cha dang dmag tshogs dang chab dang zhugs dang rlung dang char pa dang ser ba ma rungs pa dag gis kyang 'jigs par mi 'gyur ro/ /dgra dang chom rkun dang rgyal po ma rungs pa dang rkun po ma rungs pa dag gis kyang gnod par bgyid par mi 'gyur ro/ /glo bur du 'chi ba'i dus byed par mi 'gyur/ rmi lam ngan pa rmi bar mi 'gyur/ rtsangs pa dang / sbrul dang sdig pa dang srin bu gyi med dang rkang mang dang gcan zan gdug pa ma rungs pa dang / seng ge dang stag dang spyang gi dag gis kyang gnod pa bgyid par mi 'gyur lags so/ /g.yul ngor 'thab pa'i tshe thams cad du rgyal bar 'gyur lags so/ /gal te bla'i bgyi ba dag gis rtsod par gyur na yang 'dum par 'gyur te/ gzungs 'di lan cig bzlas na gong du bstan pa de dag thams cad yid bzhin du 'grub par 'gyur lags so/ /gang la la zhig gis gdugs re gzungs 'di lan brgya rtsa brgyad bzlas brjod bgyis na/ byang chub sems dpa' spyan ras gzigs dbang phyug gis 'di skad du/ rigs kyi bu khyod ma 'jigs shig /ci zhig smon cing ci zhig yongs su gnyer bar byed/ thams cad khyod la sbyin no zhes bgo bar 'gyur/ de bzhin gshegs pa tshe dpag med kyang sku mngon du ston par 'gyur/ mdo las gsungs pa bzhin du 'jig rten gyi khams bde ba can gyi bkod pa'i dngos po dag kyang mthong bar 'gyur/ 'jig rten gyi khams bde ba can gyi byang chub sems dpa'i tshogs rnams kyang mthong bar 'gyur/ phyogs bcu'i sangs rgyas thams cad kyang mthong bar 'gyur/ byang chub sems dpa' spyan ras gzigs dbang phyug gi gnas ri po ta la yang mthong bar 'gyur/ bdag nyid kyi lus kyang yongs su dag par 'gyur bas rtag par rgyal po dang blon po rnams kyis bkur zhing rim gro bgyid par 'gyur/ skye bo mang pos byams</font><hr>106.208a<br><font size=+1>

shing bkur bar 'gyur/ skye ba thams cad du ma'i mngal du mi skye zhing pad ma'i steng du skye bar 'gyur/ bkod pa mchog dang ldan par 'gyur/ skye ba thams cad du sngon gyi gnas rjes su dran par 'gyur/ 'di nas mngon bar rdzogs par 'tshang rgya ba'i bar du nam yang ngan 'gro rnams su mi ltung zhing rtag par sangs rgyas kyi spyan sngar skye bar 'gyur lags te/ 'di ni sdig pa'i las thams cad rnam par 'joms pa'i gzungs zhes bgyi ba lags so/ /sdig pa thams cad rnam par 'joms pa'i gzungs kyi le'u ste dang po'o// // de nas byang chub sems dpa' spyan ras gzigs dbang phyug sems can la snying brtse ba'i phyir yang yid bzhin gyi 'khor lo'i snying po'i gzungs gsang ba'i cho ga bstan pa su yang rung ba gces pa'i don grub pa zhig mchis na/ thams cad rang zhi bar 'gyur lags so/ /de yang rnam pa gnyis te/ 'di lta ste/ 'jig rten gyi nor dang 'jig rten las 'das pa'i nor gang lags pa'o/ /de la 'jig rten pa'i nor ni gser dang dngul la sogs pa'i rin po che rnams so/ /'jig rten las 'das pa'i nor ni bsod nams dang / ye shes kyi bkod pa rnam pa gnyis dang ldan zhing lus dang sems rab tu bde ba dang / skye bo mang pos byams shing bkur ba dang / sdug bsngal ba'i sems can thams cad yongs su skyob pa dang / byams pa'i sems rgyas nas blo dang ldan pa rnams bde ba stsol ba dang / 'tsho ba'i yo byad 'phel zhing mthu stobs rtag pa gang lags pa'o/ /gsang ba'i mdzod kyi spyod yul 'di ni gzhan dag la brjod par mi bgyi'o/ /gang la la zhig bdag gi yid bzhin gyi 'khor lo'i gzungs kyi dngos grub mchog thob par 'tshal na/ sems rtse gcig tu dus thams cad dang / gnas thams cad du gtsang yang rung mi gtsang yang rung ste/ rtag par bzlas brjod bgyis na nongs pa ci yang ma mchis pas bzlas brjod bgyi ba'i grangs tshang bar bgyis nas/ gzhan yang byang chub sems dpa' spyan ras gzigs dbang phyug gi ming</font><hr>106.208b<br><font size=+1>

dang / yid bzhin gyi 'khor lo'i gzungs kyi ming dang / gang zag de'i ming nas brjod de/ gal te rgyal po'am/ rgyal bu'am/ btsun mo'am/ slas sam/ rgyal po'i bu mo'am/ bram ze'am/ rgyal rigs sam/ dmangs rigs sam/ gdol pa'am/ skyes pa'am/ bud med dam/ khye'u 'am/ bu mo gzhon nu ma'am/ mu stegs sna tshogs dag la bsten cing mdza' bar 'tshal na de dag gi ming nas brjod de rtag par tho rangs kyi tshe bzlas pa'i grangs tshang bar bgyi'o/ /gal te dngos grub mchog gnyer zhing rgyal po la bsten par 'tshal na dgung zhag bdun gyi bar du rtag par tho rangs kyi tshe lan stong rtsa brgyad bzlas na 'jal bar 'gyur lags so/ /gal te btsun mo la bsten par 'tshal na lan dgu brgya bzlas par bgyi'o/ /rgyal bu bsten par 'tshal na lan brgyad brgya bzlas par bgyi'o/ /slas dag mthong bar 'tshal na lan bdun brgya bzla bar bgyi'o/ /rgyal po'i bu mo la bsten par 'tshal na lan drug brgya bzla bar bgyi'o/ /bram ze la bsten par 'tshal na lan lnga brgya bzla bar bgyi'o/ /rgyal rigs la bsten par 'tshal na lan bzhi brgya bzla bar bgyi'o/ /dmangs rigs la ni sum brgya'o/ /gdol pa la ni nyis brgya'o/ /dge slong dang / dge slong ma la ni lan brgya'o/ /dge bsnyen dang dge bsnyen ma la ni lan dgu bcu'o/ /khye'u gzhon nu dang bu mo gzhon nu ma la ni lan drug bcu'o/ /'di ni bsten cing mdza' bar bgyi ba'i cho ga zhes bgyi ste/ nor dang bran dang rta dang bde ba'i yo byad thams cad 'byor par bgyid lags so/ /gang la la zhig snying du sdug cing mdza' ba dag ring po na mchi ba dang mjal bar 'tshal na yid la bsams pa bzhin du rlung bzhin du mchi bar 'gyur lags so ci bgyi'o 'tshal bzlas brjod bgyi ba'i grangs tshang bar gyur na don de dag 'grub par 'gyur lags so/ /gal te byang chub sems dpa' spyan ras gzigs dbang phyug mthong bar 'tshal na lan stong rtsa brgyad bzlas brjod bgyis na de'i lus yang dag pa nyid mthong zhing bsam pa thams cad rdzogs par bgyid lags so/ /</font><hr>106.209a<br><font size=+1>

gal te lag na rdo rje mthong bar 'tshal na bzlas brjod lan khri bgyis na lus mngon sum du bstan nas/ de la brtse zhing phas bu la byams pa bzhin du sems kyi smon pa rnams stsol bar 'gyur lags so/ /gal te sangs rgyas dang 'khor 'dus pa mang po mthong bar 'tshal na lan khri sum stong bzlas brjod bgyis na de bzhin du mthong bar 'gyur lags so/ /gal te gdugs mtshan bdun gyi bar du rgyun chad pa ma mchis par bzlas brjod bgyis na rig sngags 'chang rnams mngon sum du ston cing / so so nas rang rang gi sngags kyi mthu ci mchis pa gang zag de la stsol nas yongs su bsrung bar bgyid de/ zhag bdun pa la ni stong gsum gyi stong chen po'i 'jig rten gyi khams kyi dbang po dang / brgya byin lha'i dbang po rnams 'khor dang bcas te mchis nas/ de'i smon pa rnams stsol bar bgyid do/ /bzlas brjod kyi cho ga gong du bstan pa bzhin du bgyis na smon pa rnams yongs su rdzogs par bgyid de/ 'di ni byang chub sems dpa' spyan ras gzigs dbang phyug gi gsang ba'i mdzod las thams cad byams shing mos par 'gyur ba'i cho ga zhes bgyi ba lags so/ /byang chub sems dpa' spyan ras gzigs dbang phyug gi gsang ba'i mdzod las thams cad byams shing mos par 'gyur ba'i cho ga'i le'u ste gnyis pa'o// // de nas byang chub sems dpa' spyan ras gzigs dbang phyug gzhan yang sems can rnams la snying brtse ba'i phyir gang gis mthong ba dag byams shing dga' bar 'gyur ba'i sman sbyar nas lus la thogs te 'gro na mchog tu mngon bar 'grub cing bsam pa thams cad yid bzhin du 'grub pa'i cho ga bstan pa/ 'gi'u wang dang / tsan dan dkar po dang / gur gum dang / ga pur dang gla rtsi dang / 'dza' ti pha la dang li shi dang ka ko la dang pad ma dang ud pal sngon po dang / gser gyi gyim pag rnams cha mnyam par bgyis te brdungs nas sbrang rtsi dkar pos sbrus te/ snga ma'i sngags stong rtsa brgyad bzlas nas lus</font><hr>106.209b<br><font size=+1>

la bdugs sam/ gos la gdugs sam/ mig la bskus sam/ dpral ba la thig le bgyis sam/ lus la byugs na rgyal po dang btsun mo dang blon po rnams dang dra ma rnams dang skyes pa dang bud med la sogs pa byams shing dga' ba dang / lam gyi chos la bkur zhing byang chub tu sems bskyed nas/ lus kyi zho sha dang / nor rdzas dag phangs pa ma mchis par gtong zhing rim gro bgyid par 'gyur te/ brjod kyis mi lang lags so/ /ji ltar nyi zla thams cad kyis mthong bar mos pa bzhin du bsgrub pa'i don rnams 'byor cing 'grub par 'gyur lags so/ /gang la la zhig sman 'di thogs par 'gyur na kha na ma tho ba'i sgrib pa rnams zhu byang nas bgegs thams cad las thar bar 'gyur lags so/ /rgyal po'i mthus nan gyis 'phrog pa dang / chab kyis ded pa dang / zhugs kyis tshig pa dang / mtshon cha rnam pa sna tshogs dang / dug dang / 'ching ba'i nyon mongs pa thams cad las thar bar 'gyur lags so/ /bsam pa thag pa nas sman a ka ta sbyor ba'i cho ga 'di bgyis na thams cad kyis byams shing dga' bar 'gyur lags so/ /sman 'dis bdugs pas bab chol du g.yar khar stsal bar bgyi ste/ 'di ni spyan ras gzigs dbang phyug gis gzhan dag la byams shing dga' bar 'gyur ba'i sman gyi cho ga zhes bgyi lags so/ /byang chub sems dpa' spyan ras gzigs dbang phyug gi yid bzhin gyi 'khor lo'i gzungs las gzhan dag la byams shing dga' bar 'gyur ba'i sman a ka ta sbyar ba'i cho ga'i le'u ste gsum pa'o// // byang chub sems dpa' spyan ras gzigs dbang phyug gis/ gzhan yang sems can rnams la snying brtse ba'i phyir thams cad kyi yid du 'ong zhing dga' bar 'gyur ba'i sman khar mur ba'i cho ga bstan pa ga bur dang gla rtsi dang gur gum zhib mor btags te/ 'gi'u wang dang sres na gong du bstan pa'i sngags rnam pa gsum re re yang</font><hr>106.210a<br><font size=+1>

lan stong rtsa brgyad bzlas te/ chab gtsang mas sbyar nas ri lu che chung shing mgo stong gi 'bras bu tsam du bgyis te/ yang sngags gong ma gsum lan brgya rtsa brgyad bzlas nas grib ma la skams te/ gdugs dang / rlung gis ma phog par bgyis nas/ ril lu re re la yang gong ma'i sngags rnam pa gsum lan bdun bdun gyis btab ste/ ri lu gcig khar mur nas rgyal po'am/ blon po nye phan nam/ skye bo'i tshogs mang po dag la gtam bgyis par gyur na bkur sti bgyis nas/ nor dang rin po che dag phangs pa ma mchis par ci dang ci 'tshal ba thams cad stsol bar 'gyur/ tshig tu smras so 'tshal thams cad kyis yid ches shing nyan par 'gyur/ bsgo ba zhig mchis na yang thams cad nyan cing bgyid par 'gyur lags so/ /khar sman mur ba'i tshe rtag par sngags bzla 'tshal te/ spyan ras gzigs dbang phyug gis smon pa rnams 'grub par bgyid lags so/ /byang chub sems dpa' spyan ras gzigs dbang phyug gi gzugs kyi mdun du spos chab kyis dkyil 'khor gru bzhi chu zheng khru bzhis 'khor ba cig bgyis te/ dkyil 'khor gyi nang du rtsi shing gi me tog rnam pa sna tshogs ci 'byor pa bkram zhing / tsan dan dkar po bsregs nas sman gyi ril lu snga ma blangs te dkyil 'khor gyi nang du bzhag nas/ rgyal mtshan bzhi gzugs shing / yol ba dang / bla re dkar po bres te/ dkyil 'khor gyi steng du pad ma dkar po bzhi yang bris te/ byang chub sems dpa' spyan ras gzigs dbang phyug la mchod pa bgyis pa'i rjes la snying po'i sngags dang / snying gi snying po'i sngags lan brgya rtsa brgyad bzla bar bgyi'o/ /lus kyi sngags kyang lan brgya rtsa brgyad bzlas nas tsan dan dkar po bsregs te/ me tog gtor na de'i tshe smon pa thams cad kyang 'grub par 'gyur la/ dkyil 'khor gyi nang na mchis pa'i sman blangs te lus la btags na phyogs gang du mchi yang rung ste/ ci dang ci gnyer ba thams cad 'grub par 'gyur/ tshig tu smras pa thams cad kyis</font><hr>106.210b<br><font size=+1>

yid ches shing nyan par 'gyur/ don du bsgrub pa thams cad 'grub par 'gyur lags so/ /sems rtse gcig tu ma bgyis pa ni ma gtogs te/ 'di ni yid bzhin tsan dan gyi 'khor lo las sman mur ba'i cho ga zhes bgyi lags so/ /byang chub sems dpa' spyan ras gzigs dbang phyug gi yid bzhin gyi 'khor lo las sman mur ba'i cho ga'i le'u ste bzhi pa'o// //  de nas byang chub sems dpa' spyan ras gzigs dbang phyug gis/ gzhan yang sems can rnams la snying brtse ba'i phyir skye bo mang po thams cad kyis mthong na byams shing dga' bar 'gyur ba'i cho ga bstan pa/ man shi ri ka ku shu dang pad ma leb rgan dang pad ma sngon po dang rgya mtsho'i chab kyi dbu ba dang nya rkun mnag po'i rus pa dang ba bla dang ka kun ban s+ya dang 'gi'u wang dang gur gum dang rgya'i gur gum dang pi pi ling dang na le sham dang bca' sga rnams cha mnyam par bgyis te brdungs nas zhib mor btsags te sman snga ma srang cig mchis na gla rtsi dang / ga bur srang phyed stsal nas zhib tu bdar te/ spyan ras gzigs dbang phyug gi gzugs kyi mdun du sbyar ba bgyis lags pas/ snga ma'i sngags rnam pa gsum re re yang lan stong rtsa brgyad bzlas te/ sems can thams cad la byams pa dang / snying brtse ba'i sems bskyed nas sman de dag byang chub sems dpa' spyan ras gzigs dbang phyug gi rkang pa'i drung du gzhag par bgyi'o/ /de'i rjes la reg par bgyis nas mkhar ba'i thur mas blangs te mig tu stsal na mig dang / klad pa bro 'tshal ba dang ling tog gis bsgribs pa thams cad dang sprin dkar dang mchi ma 'dzag pa dang sprin dmar dang long nad dang klad pa bro 'tshal ba thams cad sos par 'gyur lags so/ /rtag par gdugs re bzhin du sman 'di mig tu stsal na mig nad thams cad 'byang bar 'gyur lags so/ /gdugs gnyis stsal na lus kyi bro nad thams cad 'byang bar 'gyur ro/ /gdugs gsum stsal na smyo ba'i bro nad rnam pa brgyad bcu rtsa bzhi 'byang bar 'gyur</font><hr>106.211a<br><font size=+1>

lags so/ /gdug bzhi stsal na phyi nang gi bsgribs pa thams cad kyis sgrib par mi 'gyur ro/ /gdugs lnga stsal na dgra dang 'thab pa na thams cad du rgyal bar 'gyur ro/ /gdugs drug stsal na sdig pa'i las dang / nyon mongs pa dang / lci ba bzhi dang / mtshams ma mchis pa lnga dang / rmi lam ngan pa dang / byad stem thams cad rnam par 'joms shing / ngan 'gro rnams su nam yang ltung bar mi 'gyur lags so/ /gdugs bdun stsal na rgyal po dang / blon po chen po dang / skye bo mang po thams cad rjes su 'brang zhing bkur sti bgyis nas yid ches shing byams par 'gyur ro/ /zhag bdun phrag gnyis kyi bar du stsal na rang dbang chen po thob par 'gyur ro/ /zhag bdun phrag gsum gyi bar du stsal na rgyal po dang / blon po chen po dag dang mdza' bar 'gyur ro/ /zhag bdun phrag bzhi'i bar du stsal na gnod sbyin 'khor dang bcas pa rnams rim gro bgyid par 'gyur ro/ /zhag bdun phrag lnga'i bar du stsal na lha ma yin dang / klu dang gnod sbyin dang srin po rnams g.yog bgyid par 'gyur ro/ /zhag bdun phrag drug gi bar du stsal na nam mkha' lding dang srin po mthu chen po dang ldan pa rnams kyis mngon bar rdzogs par 'tshang rgya ba'i bar du yongs su bsrung bar bgyid pas byad stem dang 'dre gdon rnams kyis tshugs par mi 'gyur ro/ /zhag bdun phrag bdun gyi bar du stsal na lha nag po chen po dang 'dre srin sde brgyad rnams nye bar lhags nas rjes su 'brang zhing g.yog bgyid par 'gyur ro/ /zhag bdun phrag brgyad kyi bar du stsal na an trad nar 'gyur ro/ /zhag bdun phrag dgu'i bar du stsal na gter thams cad mthong bar 'gyur ro/ /zhag bdun phrag bcu'i bar du stsal na lha ma yin gyi khang khyim gyi sgo rang bye nas de na ci mchis pa thams cad mthong bar 'gyur/ 'byung zhing 'jug pa la thogs pa ma mchis par 'gyur ro/ /zhag bdun phrag bcu</font><hr>106.211b<br><font size=+1>

gcig gi bar du stsal na sman zhugs ltar 'bar ba ji snyed pa thams cad mngon sum du dga' bar 'gyur bas/ tshe ring bar 'gyur 'tshal lam/ mthu chen po dang ldan par 'tshal na yang de bzhin du 'grub par 'gyur ro/ /zhag bdun phrag bcu gnyis kyi bar du stsal na drang srong mang po rnams kyis rin po che'i gter rnams phye ste nye bar bstan nas yid bzhin du longs spyod par 'gyur ro/ /zhag bdun phrag bcu gsum gyi bar du stsal na klu'i gzhal med khang rnams sgo rang bye nas blta ba dag la thogs pa ma mchis par 'gyur ro/ /zhag bdun phrag bcu bzhi'i bar du stsal na 'dod pa'i khams kyi lha rnams kyi gzhal med khang dag sgo rang bye bar 'gyur bas thams cad mthong bar 'gyur ro/ /zhag bdun phrag bcwa lnga'i bar du stsal na mtshan mo mun nag gi nang na yang gdugs bzhin du gsal bar 'gyur ro/ /zhag bdun phrag bcu drug gi bar du stsal na sa'i 'og gi rdo rje'i sa gzhi dang rlung gi dkyil 'khor yang mthong bar 'gyur ro/ /zhag bdun phrag bcu bdun gyi bar du stsal na gling bzhi po rnams su sems can dmyal ba'i sems can ji snyed mchis pa yang thams cad mthong bar 'gyur la/ de'i mthu'i dbang gis sdug bsngal myong ba'i sems can de dag thams cad kyang thar bar 'gyur ro/ /zhag bdun phrag bcwa brgyad kyi bar du stsal na gang zag de nyi ma lta bu'i mthu thob par 'gyur ro/ /zhag bdun phrag bcu dgu'i bar du stsal na lag na rdo rje'i lus yang dag pa nyid mthong bar 'gyur bas smon pa rnams yongs su rdzogs par bgyid do/ /zhag bdun phrag nyi shu'i bar du stsal na spyan ras gzigs dbang phyug snying rje chen po dang ldan pa mthong bar 'gyur bas smon pa thams cad yongs su rdzogs par bgyid do/ /zhag bdun phrag nyi shu rtsa gcig gi bar du stsal na rdzu 'phrul gyi rkang pa thob par 'gyur/ /gzugs kyi khams kyi lha rnams kyi gzhal med khang gi sgo</font><hr>106.212a<br><font size=+1>

rnams rang bye nas thams cad mthong bar 'gyur/ phyogs bcu'i sangs rgyas dang byang chub sems dpa' rnams dang / sangs rgyas kyi zhing yongs su dag pa rnams kyang mthong bar 'gyur ro/ /lo gcig gi bar du stsal na yongs su dag pa'i mig lnga 'thob par 'gyur lags so/ /gang la la zhig spyod pa'i cho ga 'di mngon bar 'grub par 'tshal ba gang lags pa des bstan pa 'di la shin du mngon bar yid ches par bgyi zhing / sems can la snying brtse bar bgyi ste/ the tshom ma mchis na gong du bstan pa bzhin du thams cad 'grub par 'gyur lags so/ /gal te the tshom 'tshal bar 'gyur na cho ga rnams grub par dka' ste/ 'di ni spyan ras gzigs dbang phyug gi tsan dan nor bu'i 'khor lo las mig sman gyi cho ga zhes bgyi ba lags so/ /byang chub sems dpa' spyan ras gzigs dbang phyug gi sems kyi 'khor lo las mig gi sman gyi le'u ste lnga pa'o// // de'i tshe byang chub sems dpa' spyan ras gzigs dbang phyug gis gzhan yang sems can rnams la snying brtse ba'i phyir bsgrub pa'i don thams cad grub par byed pa/ nyon mongs pa dang kha na ma tho ba'i sgrib pa dang / las ngan pa thams cad rnam par 'joms pa/ dgra thams cad 'dul ba/ bi nA ya ka khro ba'i sems nye bar zhi nas skye bo mang po la gnod pa mi byed cing byams pa'i sems skye bar 'gyur ba/ sbyin bsreg hoM bkra shis kyi cho ga bstan pa/ dog sa brkos te zhugs thab khru gang gru bzhi pa cig bgyis nas me tog ma len tsa su dang yungs dkar dang zho dang sbrang rtsi dang chab mar cha mnyam par bsres te/ a ga ru dang tsan dan dang shing dri can so so nas srid du sor bcu gnyis zheng du sor gcig mchis pa gtubs te/ thab tu bsreg par bgyi zhing sman nyung zad cig blangs nas lan cig sngags kyis btab ste/ zhugs kyi nang du dor ba lan stong rtsa brgyad tshang bar bgyis na las kyi sgrib pa thams cad rnam par 'joms zhing tshe lo brgya nyi shu thub par 'gyur lags so/ /zhag bdun gyi</font><hr>106.212b<br><font size=+1>

bar du rgyun chad pa ma mchis par hoM gyi cho ga bzhin bgyis na tshe lo stong thub cing lus kyang yongs su dag par 'gyur ro/ /zhag bdun phrag gnyis kyi bar du cho ga bzhin du bgyis na rgyal po dang rgyal bu dang blon po chen po nye phan dang skye bo phal pa rnams kyang skyabs su mchis nas bsnyen bkur bgyid par 'gyur ro/ /zhag bdun phrag gsum gyi bar du cho ga bzhin du bgyis na sum bcu rtsa gsum gyi lha rnams 'khor dang bcas pa dang / nyi zla'i lha dang rgyal po chen po bzhi 'khor dang bcas pa yang nye bar lhags nas yongs su bsrung bar 'gyur/ lag na rdo rjes kyang dngos grub chen po stsol bar 'gyur/ byang chub sems dpa' spyan ras gzigs dbang phyug gis kyang smon pa chen po rnams yongs su skong bar 'gyur lags so/ /gal te yul khams su char dkon par gyur na yungs dkar dang chab mar la sngags 'dis btab ste/ gdugs gsum gyi bar du zhugs kyi nang du bsregs na char pa 'bab par 'gyur/ gal te char che ste mi khums na thab de'i thal ba blangs nas sngags lan brgya rtsa brgyad kyis btab ste/ gnam du gtor na char pa khums par 'gyur ro/ /gal te ser ba ma rungs pa babs sam/ rlung drag po glo bur du langs par gyur na yang thal ba de blangs nas lan brgya rtsa brgyad sngags kyis btab ste/ sprin mchis pa'i phyogs su gtor na zhi bar 'gyur lags so/ /sngags 'di rtag par bzlas brjod bgyis na mthu stobs mthu bo che dang 'dra bar 'gyur bas/ lus 'di spangs nas 'jig rten gyi khams bde ba can du skye bar 'gyur/ mngon bar rdzogs par 'tshang rgya ba'i bar du skye ba thams cad sngon gyi gnas rjes su dran pa thob par 'gyur lags so/ /de nas bcom ldan 'das la byang chub sems dpa' spyan ras gzigs dbang phyug gis 'di skad ces gsol to/ /bcom ldan 'das tsan dan gyi snying po'i 'khor lo'i gzungs 'di bdag gis bstan pa bzhin du dge slong ngam/ dge slong ma'am/ dge bsnyen nam/ dge bsnyen ma'am/ skyes pa'am/ bud med gang la la zhig gis lan cig</font><hr>106.213a<br><font size=+1>

'chang bar bgyid na gdon mi za bar 'grub par 'gyur bas the tshom gyi bsam pa bskyed par mi bgyi'o/ /yid la bsams pa'i don thams cad thob par 'gyur bas shin tu mngon bar yid ches par bgyi zhing the tshom bskyed par mi bgyi'o/ /de nas bcom ldan 'das kyis byang chub sems dpa' spyan ras gzigs dbang phyug la khyod snying rje chen pos yid bzhin gyi 'khor lo'i gzungs kyi cho ga gya nom pa 'di yang dag par bshad de/ 'dzam bu'i gling gi sems can thams cad la phan pa dang / bde bar byas pa legs so legs so zhes bsngags pa brjod do/ /gang la la zhig gis sems bskyed de kha nas bzlas brjod byas na dngos grub thob par 'gyur ro/ /de ltar yin mod kyi ngas bstan pa bzhin du sems can rnams la yang nas yang du nan tan brtson 'grus kyis rjes su bstan nas dngos grub thob par bya ba'i ched du lus nye bar ston la/ nga'i tshig dang 'gal bar ma byed cig dang nga yang rjes su yid rang ngo / /de nas bcom ldan 'das la byang chub sems dpa' spyan ras gzigs dbang phyug gis 'di skad ces gsol to/ /bcom ldan 'das bdag ni bskal pa dpag tu ma mchis pa nas byams pa dang brtse ba'i sems kyis sems can la rjes su ston cing / rtag par yongs su bsrungs nas dngos grub stsal bar ni bcom ldan 'das nyid kyis mkhyen cing dbang du gyur pa lags so/ /sems can rnams kyi slad du yid bzhin gyi 'khor lo'i gzungs 'di bshad pa lags pas/ gang la la zhig gis len cing 'chang ba dang / rtag par bdag nyid bzlas brjod bgyi ba'i grangs tshang bar bgyis na smon pa rnams grub par 'gyur te/ bdag ni de ltar bcom ldan 'das kyi byin gyi brlabs kyi mthus sems can sdug bsngal ba rnams yongs su bskyab par bgyid pa lags so/ /de'i tshe byang chub sems dpa' sems dpa' chen po spyan ras gzigs dbang phyug gis yid bzhin gyi 'khor lo'i gzungs 'di smras pa dang / 'khor 'dus pa chen po thams cad rab tu</font><hr>106.213b<br><font size=+1>

dga' nas mngon bar yid ches pas yang dag par blangs te spyod par gyur to/ /byang chub sems dpa' spyan ras gzigs dbang phyug gi yid bzhin gyi 'khor lo'i gzungs las sbyin bsreg hoM gyi cho ga sman sbyor ba'i le'u ste drug pa 'o// //'phags pa byang chub sems dpa' spyan ras gzigs dbang phyug gi gsang ba'i mdzod thogs pa med pa'i yid bzhin gyi 'khor lo'i snying po zhes bya ba'i gzungs rdzogs s+ho// //zhu chen gyi mkhan po dang lots+tsha ba bcom ldan 'das kyi ring lugs pa ban de chos grub kyis rgya'i dpe las bsgyur cing zhus te gtan la phab pa// </font><hr>

</table>