106.166b
@#/ /rgya gar skad du/ Ar+ya a ba ra Na bi ska~M bi nA ma d+hA ra NI/ bod skad du/ 'phags pa sgrib pa rnam par sel ba zhes bya ba'i gzungs/ sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /de rnams la phyag 'tshal nas 'phags pa sgrib pa rnam par sel ba'i gzungs 'di brjod par bya'o/ /'di lta ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sgrib pa rnam par sel ba'i snying po 'di lan bdun brjod na/ lus brgyud pa'i sdig pa thams cad 'byang zhing 'chi ba'i dus su bde ba nyid du dus byed par 'gyur ro/ /\u0f00 shwe ta wa ra bi dza li ne swA hA/ byang chub sems dpa' sems dpa' chen po sgrib pa rnam par sel ba'i snying po 'di nyin lan bdun mtshan lan bdun brjod na las brgyud mar bsags pa'i sdig pa thams cad 'byang zhing 'chi ba'i dus su gnad gcod pa'i sdug bsngal drag po mi 'byung ngo / /bde ba nyid du dus byed par 'gyur ro/ /\u0f00 sarba a ba ra Na biska~M b+hi ne swA hA/ sangs rgyas sras dang bcas pa de dag rnams la bshos gtsang la sogs pa'i mchod pas yang dag par mchod na yang gang zag de 'chi ba'i dus su nad dang zug rngu dang bral te/ bde ba nyid du dus byed cing / tshe 'phos nas kyang sum bcu rtsa gsum mam/ 'thab bral lam/ dga' ldan gyi lha'i nang du skye zhing / bde ba nyid du 'tsho bar 'gyur ro/ /dge slong pha dang / dge slong ma/ /dge bsnyen pha dang dge bsnyen mas/ /dus tshigs gza' skar ma rtsis shing / /khrus dang gtsang sbra ma byas kyang / /rig pa la ni gnas pas 'grub/ /gang dag mos pa med 'gyur bas/ /'grub nyid du ni yong mi 'gyur/ /de bas shin du mos gus bya'o/ /'phags pa sgrib pa rnam par sel ba'i gzungs/ rdzogs s+ho// //skar zhus/ /
