rgya gar skad du/ Ar+ya ma hI marden dra nA ma d+hA ra NI/ bod skad du/ 'phags pa sa'i dbang po chen po zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yang dag par rdzogs pa'i sangs rgyas kun du 'od bram ze sa'i dbang po chen po shing sa la chen po lta bu'i gnas lha dang ldan pa na bzhugs te/ de nas bram ze sa'i dbang po chen po shing sa la chen po lta bu bcom ldan 'das yang dag par rdzogs pa'i sangs rgyas kun du 'od ga la ba der song ste phyin nas/ bcom ldan 106.162a 'das yang dag par rdzogs pa'i sangs rgyas kun du 'od kyi zhabs la mgo bos phyag 'tshal te phyogs gcig tu 'khod do/ /phyogs gcig tu 'dug nas bram ze sa'i dbang po shing sa la chen po lta bus bcom ldan 'das yang dag par rdzogs pa'i sangs rgyas kun du 'od la 'di skad ces gsol to/ /bcom ldan 'das bdag ni bla na med pa yang dag par rdzogs pa'i byang chub tu smon lam btab lags na/ gang gis bdag skye ba dran par 'gyur/ bdag bla na med pa yang dag par rdzogs pa'i byang chub kyi sems brjed par mi 'gyur ba'i thabs de bcom ldan 'das kyis bdag la legs par bshad du gsol/ de skad ces gsol pa dang / bcom ldan 'das yang dag par rdzogs pa'i sangs rgyas kun du 'od kyis bram ze sa'i dbang po chen po shing sa la chen po lta bu la 'di skad ces bka' stsal to/ /de'i phyir bu khyod gal te de ltar smon na de'i phyir kun du 'od kyi rig sngags kyi snying po 'di zung shig /chongs shig /lhogs shig /kun chub par gyis shig /kun du 'od kyi rig sngags kyi snying po gang zhe na/ tad+ya thA/ a mo da ni/ pra mo da ni/ bi mo da ni/ sa~M mo da ni/ pri yang ka ra Ni/ shrA ka ra Ni/ shrA ka ra Ni/ bo d+hi ka ra Ni/ a nud ta ra s+yan samyaka sa~M bud d+ha ka ra Ni/ a nud ta ra Ar+ya ka ra Ni/ a nud ta ra pradz+nya ka ra Ni/ a nud ta ra ba shI ka ra ni/ a nud ta ra sarba kle sho /pa kle sha bi d+hA ra Ni/ a ba d+yA na d+ha ka ra bi d+ha ma ni/ a nud ta ra bid+yA a lo kod pA da ni/ a nud ta ra shai k+Sha shi la bid+yA tsa ra Na/ bi mug ti gu Na ga Na/ sa~M b+ha d+ha ni/ a nud ta ra sarba ku sha la mU lod da b+ho da ni/ a nud ta ra b+ho na mU la ni/ a nud ta rA ra ga do Sha mo ha na mU la ni/ a nud ta ra shai k+Sha ma na a bi d+yA/ an ta ka rA/ bi d+ha ma ni/ a nud ta rA sI a pra ti ha ta ba la tsakra/ a nud ta rA sarba lA ra ba bi drA ma ni/ twaM hi b+ha dre/ a nud ta rA ba la b+ha dra/ su b+ha dra/ shrI b+ha dra/ a nan ta b+ha dra/ sa man ta 106.162b b+ha dra/ a sa ma sa ma b+ha dra/ a nud ta ra ma hA pu ru Sha b+ha dra/ a nud ta ra ma hA pu ru Sha se pi tA/ a nud ta ra ma hA pu ru Sha a nu brta nI/ a nud ta ra ma hA pu ru Sha d+harma de shi kA/ a nud ta ra ma hA pu ru Sha d+harma ko Sha/ sa~M bA kA/ a nud ta ra ma hA pu ru Sha nirbA Na/ a nud pra ta ra shi kA/ twang hi b+ha dre/ gang ga si ta pak+Shu samyaka sa~M bud d+he a se bi tA/ b+hA bi tA/ ba hu lI kro ta/ stu ta/ pra shasta/ bu 'di ni kun du 'od kyi rig sngags kyi snying po yin te/ de bas na bu khyed kyis kun du 'od kyi rig sngags kyi snying po 'di 'gro ba dang / 'greng ba dang / 'dug pa dang / nyal ba na yang yid la gyis shig /bu gang la la zhig kun du 'od kyi rig sngags kyi snying po 'di ming dang / rigs dang / rigs kyi bye brag gang yid la byed dam/ skyes pa'am/ bud med dam/ khye'u 'am/ bu mo'am/ lha'am/ lha mo'am/ klu'am/ klu mo'am/ dri za'am/ dri za mo'am/ lha ma yin nam/ lha ma yin mo'am/ mi 'am ci'am/ mi 'am ci mo'am/ lto 'phye chen po'am/ lto 'phye chen mo'am/ yi dgas sam/ yi dgas mo'am/ sha za'am/ sha za mo'am/ grul bum mam/ grul bum mo'am/ lus srul po'am/ lus srul mo'am/ kun du 'od kyi rig sngags kyi snying po 'di 'chang ngam/ klog gam/ lung 'bog gam/ ston tam/ 'chad na de tshe rabs bdun gyi bar du tshe rabs dran par 'gyur ro/ /de ji srid 'khor gyi bar du bla na med pa yang dag par rdzogs pa'i byang chub kyi sems mi brjed par 'gyur ro/ /lhar gyur kyang rung mir gyur kyang rung ste/ de mtshon cha'am/ dug gam/ chu'am/ mes bar ma dor 'chi ba'i dus byed par mi 'gyur ro/ /bcom ldan 'das yang dag par rdzogs pa'i sangs rgyas kun du rgyal ba 'od srung gi rigs dang bcas pa la phyag 'tshal lo/ /bcom ldan 'das yang dag par rdzogs pa'i sangs rgyas 'od mtha' yas rgyal ba 'od srung gi rigs dang bcas pa la phyag 'tshal lo/ / 106.163a bcom ldan 'das yang dag par rdzogs pa'i sangs rgyas 'chi med 'od rgyal ba 'od srung gi rigs dang bcas pa la phyag 'tshal lo/ / bcom ldan 'das yang dag par rdzogs pa'i sangs rgyas 'od chen po rgyal ba 'od srung gi rigs dang bcas pa la phyag 'tshal lo/ /bcom ldan 'das yang dag par rdzogs pa'i sangs rgyas 'od mnyam pa med pa rgyal ba 'od srung gi rigs dang bcas pa la phyag 'tshal lo/ /bcom ldan 'das yang dag par rdzogs pa'i sangs rgyas 'od mi mnyam pa dang mnyam pa rgyal ba 'od srung gi rigs dang bcas pa la phyag 'tshal lo/ /bcom ldan 'das yang dag par rdzogs pa'i sangs rgyas drang srong chen po 'od srung gi rigs dang bcas pa bdun po de dag la phyag 'tshal lo/ /zhi ba'i dbyings su zhugs pa 'khor dang bcas pa rnams la phyag 'tshal lo/ /phyag 'tshal lo/ /bcom ldan 'das kyis de skad ces bka' stsal nas/ bram ze sa'i dbang po chen po shing sa la chen po lta bu yi rangs te/ bcom ldan 'das kyis gsungs pa la mngon bar bstod do/ /'phags pa sa'i dbang po chen po zhes bya ba'i gzungs rdzogs s+ho// //rgya gar gyi mkhan po 'dzi na mi tra dang / dA na shI la dang / zhu chen gyi lo ts+tsha ba ban de ye shes sdes bsgyur cing zhus te skad gsar chad kyis kyang bcos nas gtan la phab pa/ skar zhus// |