J747

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J747</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J747&coll=lithang">see text in Tibetan script</a></table>102.84b<br><font size=+1>

@#/  /rgya gar skad du/  sarba ta thA ga ta tsit+ta dz+nyA na gu h+ya aR+tha gar+b+ha byU ha badzra tan+t+ra/ sid+d+hi yo ga A ga ma sa mA dza sarba bid+yA sU tra ma hA yA na a b+hi sa ma ya d+harmA par+ya ya bi byU ha nA ma sU tra~M/ bru zha'i skad du/ ho na pa na ril til pi bu bi ti la ti ta sing 'un 'ub hang pang ril 'ub pi su bang ri zhe hal pa'i ma kyang ku'i dang rong ti/ bod skad du/  de bzhin gshegs pa thams cad kyi thugs gsang ba'i ye shes don gyi snying po rdo rje bkod pa'i rgyud rnal 'byor grub pa'i lung kun 'dus rig pa'i mdo theg pa chen po mngon par rtogs pa chos kyi rnam grangs rnam par bkod pa zhes bya ba'i mdo/ / bam po dang po ste thog mar zug pa/ bcom ldan 'das dpal sgrol byed thugs rje'i rgyal po shin du rnam par grol ba nyid la phyag 'tshal lo/ /'di skad bgro ba bdag gis thos pa dus gcig na/ de bzhin gshegs pa thams cad gyi bcom ldan 'das gsang ba pa'i bdag po rdo rje 'dzin chen po ji skad du rnam par bgro ba'i skyes bu smra ba'i seng ge de 'di ltar sangs rgyas kyi zhing bsam gyis mi khyab pa na 'khod cing sems can gyi ris tha dad pa na bzhugs te bsam gyis mi khyab pa bsam du med pa'i chos dpag tu med pa'i rgyal ba kun gyis bsngags pa'i 'du 'bral med pa'i gzungs/  thams cad rig pa gsang sngags kyi ngo bo ji snyed pa'i ji bzhin pa/ chos thams cad kyi me long de nyid mi 'gal bar nyan cing ma nor bar ston te rnam par 'gro ba ni/ 'di lta ste/ sangs rgyas mi bskyod pa'i zhing khams mngon par dga' ba zhes bya ba rdo rje 'od zer gyis rnam par brgyan pa na/ rdo rje phung po'i ri bo la skyes bu chen po sems dpa' rdo rje zhes bya bar byang chub sems dpa' bye ba phrag sa ya'i 'khor dang bcas te/ sems kyi dkyil 'khor 'od gsal ba gsang sngags kyi ngo bo de nyid rang gi ston pa la nyan cing rang gi nyen 'khor la de bzhin ston te/ yongs su 'das kyang de bzhin nyid du bsnyad pa'i</font><hr>102.85a<br><font size=+1>

sgo nas de rnam par bgro bar byed do/ /sangs rgyas rin chen 'byung ba'i zhing khams dpal dang ldan pa zhes bya ba rin po che'i phung po rnam par bkod pa na bai dUr+ya 'od mtho ba zhes bya ba'i ri bo la skyes bu chen po rdo rje rin chen zhes bya bar byang chub sems dpa' bye ba phrag sa ya'i 'khor dang bcas te/ sems kyi dkyil 'khor 'od gsal ba gsang sngags kyi ngo bo de nyid rang gi ston pa la nyan cing rang gi nyen 'khor la de bzhin ston te yongs su 'das nas kyang ji bzhin par bsnyad pa'i sgo nas de rnam par bgro bar byed do/ /sangs rgyas 'od dpag med kyi zhing khams pad ma can zhes bya ba pad mo mdzes par bkod pa na/ /pad mo'i phung po'i ri bo la skyes bu chen po chos kyi sprin zhes bya bar byang chub sems dpa' bye ba phrag sa ya'i 'khor dang bcas te/ /sems kyi dkyil 'khor 'od gsal ba gsang sngags kyi ngo bo de nyid rang gi ston pa la nyan cing rang gi nyen 'khor la de bzhin ston te/ /yongs su 'das nas kyang ji lta bar bsnyad pa'i sgo nas de rnam par bgro bar byed do/ /sangs rgyas gdon mi za bar grub pa'i zhing khams rnam par dag pa zhes bya ba in dra nI la'i dra bas brgyan pa na rin po che sna tshogs bkod pa'i spo zhes bya ba'i ri bo la skyes bu chen po rdo rje las zhes bya bar byang chub sems dpa' bye ba phrag sa ya'i 'khor dang bcas te/ /sems kyi dkyil 'khor 'od gsal ba gsang sngags kyi ngo bo de nyid rang gi ston pa la nyan cing rang gi nyen 'khor la de bzhin ston te/ yongs su 'das nas kyang ma nor bar btags pa'i sgo nas de rnam par bgro bar byed do/ /sangs rgyas rnam par snang mdzad kyi zhing khams byang chub kyi snying po can zhes bya bar sems sna tshogs kyis bstan pa na chos kyis mtho ba zhes bya ba'i ri bo la skyes bu chen po rdo rje 'dzin pa zhes bya bar byang chub sems dpa' bye ba phrag sa ya'i 'khor dang bcas te/ sems kyi rang bzhin 'od</font><hr>102.85b<br><font size=+1>

gsal ba gsang sngags kyi ngo bo de nyid rang gi ston pa la nyan cing rang gi nyen 'khor la de bzhin ston te/ yongs su 'das kyang de kho na nyid du nges pa'i sgo nas de rnam par bgro bar byed do/ /sangs rgyas thub pa'i dbang po'i zhing khams mos pa can mi mjed kyi 'jig rten drug gi phyogs bcu zhes bya ba rdo rje gdan gyis rnam par brgyan pa/ gnod sbyin gyi gnas lcang lo can gyi pho brang na skyes bu chen po gsang ba pa'i bdag po zhes bya bar byang chub sems dpa' bye ba phrag sa ya gnod sbyin gyi rigs can mang po'i 'khor dang bcas te/  sems kyi rang bzhin 'od gsal ba gsang sngags kyi ngo bo de nyid rang gi ston pa la nyan cing rang gi nyen 'khor la de bzhin ston to/ /de bzhin du sangs rgyas bsam gyis mi khyab pa'i zhing khams dpag tu med pa na grangs med pa'i skyes bu chen po zhes bya bar byang chub sems dpa' bye ba phrag sa ya brjod kyis mi lang ba'i 'khor dang bcas te/ sems kyi rang bzhin 'od gsal ba gsang sngags kyi ngo bo mtha' yas de nyid rang rang gi ston pa dag la nyan cing rang rang gi nyen 'khor dag la de bzhin ston te/ yongs su 'das nas kyang nges par brtags pa'i sgo nas de rnam par bgro bar byed do/ /de bzhin du chos kyi sku'i zhing khams snying po byang chub zhes bya ba na rgyal 'tshab skyes bu zhes bya bar rgyal 'tshab skyes bu bsam gyis mi khyab pa'i 'khor dang bcas te/ /sems kyi rang bzhin ye nas sangs rgyas par gyur pa gsang sngags kyi ngo bo de nyid la dgongs pa nges par 'grel to/ /de bzhin du sems can skyes bu bsam gyis mi khyab pa/ lha'i ris dang / lha ma yin gyi ris dang / klu'i ris dang / mi'i ris dang / gnod sbyin gyi ris dang / srin po'i ris dang / byol song gi ris dang / yi dgas kyi ris dang / dmyal ba'i ris la sogs pa 'jig rten dag gi phyogs bcu tha dad pa na ded dpon tha dad pa'i skyes bur gzugs tha dad par rnam par snang ba dag rang rang gi lus kyi 'khor tha dad pa dang bcas te/ /sems kyi me long 'od gsal ba gsang sngags kyi ngo bo de nyid rang</font><hr>102.86a<br><font size=+1>

rang gi thub pa'i dbang po la rang rang gi skad dang brda dang mos pa sna tshogs kyis nyan cing ming dang mtshan mar btags pa'i sgo nas rang rang gi nyen 'khor la de bzhin ston to/ /de lta bu'i byang chub sems dpa' de dag kyang la la ni byang chub kyi rigs can dag go/ /la la ni byang chub pa dag go/ /la la ni byang chub sems dpa' dag go/ /la la ni byang chub sems dpa' sems dpa' chen po dag go/ /la la ni byang chub chen po dag go/ /de bzhin du gzhi lnga las btags pa tha dad du grags pa ni 'di lta ste/ rjes su yi rang bdag dang / ma skyes pa'i chos la bzod pa thob pa dag dang / chos la chos kyi mig rdul med cing dri ma dang bral ba rnam par dag pa dang / phyir mi ldog pa'i sa la gnas pa dag dang /  'dun pas phyogs pa dag dang / dad pas mos pa dag dang / yongs su bsti gnas pa dag dang / skye ba gcig gis thogs pa dag dang / srid pa tha ma pa dag dang / lam du 'jug pa dag dang / 'gro ba dag dang / phyin pa dag dang / phyir 'ong ba dag dang / gnas pa dag dang / smon pa pa dang / ldang ba pa dang / 'jug pa pa dang / gnas pa pa dang / rdzogs pa pa dang / rtsol ba pa dang / slob pa pa dang / mi slob pa pa dang / goms pa pa dang / mngon du gyur pa pa dang / rgyud du byung ba pa dang / rigs su nges pa dang / chos su shes pa dang / chos lugs pa dang / rgyal 'tshab pa dang / rigs thams cad pa dang / gzungs sngags pa dang / rig sngags pa dang / gsang sngags pa dang / rigs gsum pa bzhi pa lnga pa dang / tshogs pa pa dang / sbyor ba pa dang / mthong ba pa dang / sgom pa pa dang / mthar phyin pa pa dang / 'dun pa'i rnal 'byor pa dang / rigs chen 'byed pa'i rnal 'byor pa dang / dbugs chen 'byin pa'i rnal 'byor pa dang / lung chen thob pa'i rnal 'byor pa dang / rtsal chen rdzogs pa'i rnal 'byor pa dang / tshig gi tshogs pa dang / yi ge'i tshogs pa dang / ming gi tshogs pa dang / brda'i tshogs pa dang / tha snyad kyi tshogs pa la sogs pa sha dag go/ /de dag las gzhi gsum pa ni gsang sngags kyi ngo bo nyid la 'jug go / </font><hr>102.86b<br><font size=+1>

spyod pa dang / gnas pa dang / thob pa dang / phyir lta ba dang / yongs su rdzogs pa'o/ /de kun du sgra la gnas pa dang / sa la gnas pa dang / tshe la gnas pa dang / phyag rgya chen po dang / lhun gyis grub par gyur pa 'ba' zhig go / de ltar na 'jig rten gyi khams tha dad pa bsam gyis mi khyab pa'i 'dzam bu'i gling tha dad pa bye ba bsam gyis mi khyab pa'i 'jig rten drug gi phyogs bcu dang bcas pa mtha' yas par 'jig rten gyi sgron ma bye ba mtha' yas par shar ba de dag kyang 'khor ba thog ma tha ma med pa nas brjod kyis mi lang ba'i khams su bskal pa thog ma tha ma med pa brjod kyis mi lang pa'i skabs la rtag par rgyun gyi khor mor 'byung zhing sgron ma'i bya bas lha mi'i 'jig rten gyi mun pa bsal nas sems kyi dkyil 'khor gsal bar byas te/ nyi zla'i dkyil 'khor nub pa ltar yongs su mya ngan 'da' zhes thams cad nas thams cad du yongs su grags shing rnam par snang ngo/ /sangs rgyas kun gyi dgongs pa 'dus pa'i mdo chen po las/ thun mong bca' gzhi'i le'u ste dang po'o// // de nas ji ltar de ltar 'di ltar mi med ces bya ba'i 'jig rten gyi khams na bzhugs pa'i ston pa rdo rje thub pa'i dbang po de skye dgu'i tshe lo brgya pa la byung ste/ yun ha cang mi ring ba zhig bzhugs te yongs su mya ngan las 'das par dgongs nas yul yangs pa can zhes bya bar 'khor mang po dang thabs gcig tu bzhugs par dbyar gyi ngo bo gsum 'das nas 'jig rten gyi slob ma la gdams ngag gsum gzhag pa'i slad du 'khor 'dus pa rnams kyi nang na rdzu 'phrul cher spyod la bka' stsal pa/ rdzu 'phrul can khyed deng la 'jig rten drug gi phyogs bcu na nga'i slob ma gang dag 'khod pa 'di bar phyogs pa dag gang ji snyed pa rnams bsdus shig /nges par gzhag par bya ba dag yod do zhes gsungs pa dang / rdzu 'phrul can des chos kyi skad cig gis go bar bsgrags nas thams cad bsdus pa ni 'di lta ste/  rgyal ba'i zhing 'gyur ris drug gang su dag /'di par nges</font><hr>102.87a<br><font size=+1>

shing phyogs pa kun nyon cig /deng 'dir rgyal ba bdud rtsi gsum 'jog gis/ /dug gsum 'joms par 'dod pa kun 'dus shig /de skad ces bsgrags pas dam pa'i rigs can lnga ma ma gtogs 'di lta ste/ sngags kyi bsam gtan chen po'i nang du yang dag 'jog pa bskul ba chen po lang ka'i mnga' bdag blo gros thabs ldan la sogs pa/ las gzhan thams cad 'dus par gyur to/ /de nas 'dus pa de dag la bka' stsal pa/ kye grogs po dag shes par gyis shig /chos thams cad ni mi rtag pa'o/ /'byor pa thams cad ni mthar rgud pa'o/ /dngos po thams cad ni nges par 'jig pa'o/ /gang zag gi srog gi dbang po la skye shi yod pa'i phyir nga yongs su mya ngan las 'da' bas su dag the tshom ma chod pa rnams dri ba gyis shig /de skad ces bka' stsal pa dang / 'khor der 'dus par gyur pa'i rig 'dzin gyi rgyal po kun dza ra zhes bya ba de rang gi stan las langs te/ seng ge'i lta stangs kyis ston pa'i zhal du bltas nas 'di skad ces gsol to/ /khyod ni nam mkha'i rang bzhin te/ /'das dang mi 'da' yong mi mnga'/ /'jig rten pa la 'thun 'jug tu/ /'da' bas yongs su 'dul bar dgongs/ /khyod ni 'jig rten sgron mar shar/ /lha mi'i 'jig rten thams cad kyi/ /mun pa'i dkyil 'khor kun bsal nas/ /sems kyi dkyil 'khor gsal mdzad de/ /sa dang rnam thar la spyad pas/ /byang chub thob par 'gyur ba yi/ /'dren pa'i theg pa rnam gsum la/ /gang dag rim par bkod lags na/ /mnyam pas blang dor med spyod cing / /byang chub gzhan nas mi 'tshol ba'i/ /thabs mchog dpag gis mi lang ba'i/ /nges pa'i theg chen yong ma gsungs/ /rgyal ba'i dgongs pa tshig gsum po/ /gdam ngag lung du ma bzhag na/ /blo chung mun pas rmongs pa rnams/ /nges pa'i blo gros gang la gzhag /rnam par thar pa'i theg pa gsum/ /gang bsdus gang la gang gis bsdu/ /'jig rten gsal ba'i nyi nub na/ /</font><hr>102.87b<br><font size=+1>

sgron ma gang gis mdzad par 'gyur/ /bstan pa 'jig pa'i log sde pa/ /rgol ba gang gis tshar gcod 'gyur/ /de skad ces gsol pa dang / bcom ldan 'das kyis bka' stsal pa/ rig pa 'dzin pa chen po legs so/ /khyod kyis dri ba lnga dris pa ni shin du legs so/ /'di lta ste/ de kho na nyid du nges pa'i theg pa chen po ste/ gnas skabs gnyis dang bcur 'byung ba ste/ gang rmongs pa gdung ba sel ba na yang 'byung / /gang 'jig rten gyi sgron ma yongs su bkod pa na yang 'byung / gang gis nges pa snyed pa na yang 'byung / snying po byang chub nyid du nges pa na yang 'byung / dgongs pa nges par 'grel pa na yang 'byung / gdul bya'i skabs la bab pa'i ched na yang 'byung / byin gyis brlabs las snang ba na yang 'byung / brgyud pa thabs kyis grags pa na yang 'byung / gang gi ched du mdzad pa na yang 'byung / lung chen nges par bstan pa na yang 'byung / las rgyud yongs su gcod pa na yang 'byung / dgongs pa rnam par 'gro ba na yang 'byung / /de dag ni thams cad kyi thams cad nas thams cad du kun du yongs su rnam par snang ngo/ /snang bar gyur to/ /snang bar 'gyur ro zhes bka' stsal pas dri ba dang po'i yongs su rtog pa chad do/ /de nas yang ston pas dri ba gnyis pa bka' stsal pa/ rig pa 'dzin pa chen po blo dang ldan par bya'o/ /gros kyis chod par bya'o/ /thabs kyis zin par bya'o/ /bsam pa dag par bya'o/ /brjod pa drang por bya'o/ /spyod pa legs par bya'o/ /don btsal bar bya'o/ /dgos ched brtag par bya'o/ /nges pa rnyed par bya'o/ /bden par smra bar bya'o/ /tshig mi 'gyur bar bya'o/ /ji skad smras pa bzhin du bya'o/ /sgo gsum la mkhas par bya'o/ /sngags gsum la bslab par bya'o/ /grong khyer gsum gshig par bya'o zhes bka' stsal pas/ dri ba gnyis pa'i yongs su rtog pa chad do/ /de nas yang ston pas dri ba gsum pa bka' stsal pa/ rig pa 'dzin pa 'di lta ste/ nga yis sgron ma gang bzhag pa/  snod gsum dag tu snang ba ste/ /zhi gnas lhag mthong las mtha' gsum/ /dang por shes pa'i rgyud gsum la/ /de nas yi ge'i tshogs nyid la'o/ /</font><hr>102.88a<br><font size=+1>

che chung rim pa'i blo yod phyir/ /theg pa'i rim pa de bzhin te/ /bsdu ba 'ang che chung gnyis kyis so/ /rnam pa gnyis kyi khyad par las/ /'jug pa'i yul yang de kho na'o/ /gang la mos pa de nyid du'o zhes bka' stsal pas dri ba gsum pa'i yongs su rtog pa chad do/ /de nas yang ston pas dri ba bzhi pa dang lnga pa tshig le'u gcig pa bka' stsal pa/ gzhan yang dri ba tha ma gnyis/ /gcig gis yongs su chod par byas/ /chos kyi spun du byas pa yi/ /rig pa 'dzin pa khyod nyon cig /sgron ma byed pa'i bya ba yang / /sngon du 'byung ba'i lung bstan pa'i/ /'gro ba'i lus kyi sems dpa' dag /byung nas gsal byed log sun 'byin/ /de skad ces bka' stsal pas dri ba bzhi ba dang lnga pa'i yongs su rtog pa chad de yongs su mya ngan las 'das par gyur to/ /sangs rgyas kun gyi dgongs pa 'dus pa'i mdo chen po las gdams ngag nges par gzhag pa'i le'u ste gnyis pa'o// //    de'i tshe de'i dus na gang dag mi chen po rnams ni yongs su gdung ba med par nang du yang dag 'jog go/ /byis pa rnams ni yongs su gdung bar gyur te blo ya ya bor gyur cing shin du blong nas rtag par rab tu du'o/ /'jig rten pa la la ni shi la thug par gyur/ la la ni brgyal cing 'bog par gyur/ la la ni khams nas ro bam pa bzhin du gyur to/ /de bzhin du thams cad khu co mang po pha shi ba bzhin du kyi hud kyi hud zhes gdung ba'i sgra sgrogs so/ /lha dang bcas pa'i 'jig rten yang snod ni yid du mi 'ong bar gyur to/ /bcud kyang sems kyi dkyil 'khor mog mog par gyur ro/ /chos 'di par phyogs pa rnams ni mdangs nag por gyur to/ /bdud kyi cha 'dzin cing gzhan gyi sde pa rnams ni bzhin gyi dkyil 'khor dkar por gyur te kun kyang bcas ka'i tshig sgrogs par gyur to/ /de nas lo brgyad dang bcu gnyis 'das pa na dam pa'i rigs can sems dpa' chen po dag nang du yang dag 'jog las langs pa dang / 'jig rten gyi ston pa nub par gyur pas rma ga chad par dus nas kun kyang rang rang gi mngon par shes pas lang ka'i yul gyi grong rdal gyi mtsho gling ri ma la ya gnam lcags yod pa'i rtse la</font><hr>102.88b<br><font size=+1>

rdzu 'phrul gyi bya bas mngon par rab tu 'dus so/ /yongs su 'dus nas 'dus pa de kun kyang mgrin gcig tu shin tu nyam thag pa'i nga ros smre sngags kyi gdung ba bton pa ni 'di lta ste/ e ma'o kyi hud e ma'o blong / /ston pa'i sgron ma'i 'od nub na/ /'jig rten mun pa gang gis sel/ /tshad ma'i zhal de mi bzhugs pas/ /tshad mas gsungs pa'i bstan pa la/ /'jug par 'tshal ba'i 'gro ba rnams/ /log par 'jug par mi 'gyur ram/ /tshad mar dam bcas gang zag gis/ /nges ma rnyed pa'i gang zag la/ /phan par bya phyir bka' bkrol bas/ /gtan la phebs par 'gyur zhig gu/ /legs nyes 'byed pa'i spyan zum pas/ /bka' nyid khyad du gsod pa yi/ /skyon gyi spyi gtsug mthar phyin pas/ /log stobs 'phel bar mi 'gyur ram/ /log pa'i bstan pa'i sprin 'khrigs pas/ /bden pa gnyis kyi nyi zla nub/ /'gro ba gang zhig lam tshol ba/ /mun par 'khyams par mi 'gyur ram/ /ston pa mya ngan 'das 'og tu/ /bdud dang srin po mu stegs dang / /gnod sbyin 'byung po mi ma yin/ /ma rungs gdug pa sus 'dul 'gyur/ /dri med bstan pa'i bdud rtsi 'di/ /nub na shin tu ma rung na/ /rtsal dang ldan pa su zhig gis/ /'bar zhing snang bar byed par 'gyur/ /bslab pa dam pa'i rin po che/ /bral na shin du ma rung na/ /skyes bu dam pa gang zhig gis/ /tshul rnams 'dzin par byed par 'gyur/ /ston pa mi bzhugs de rjes na/ /ston pa'i slob ma ji snyed pa/ /'phags dang gang zag tha dad pa/ /lung bstan 'byung ba gang su zhig /bstan pa nam mkha' 'dra ba la/ /mos pa tha dad par bzung nas/ /yin dang ma yin cha 'dzin cing / /rtsod pa 'phel bar mi 'gyur ram/ /de nyid nges par rigs gcig la/ /rigs mi mthun par tha dad spyod/ /rigs gcig tha dad rigs rnams su/ /bslad cing bcos par mi 'gyur ram/ /rin thang med pa'i rin po che/ /mi mkhas gang zag tha dad pas/ /nyon mongs 'dod pas khrid dbang gis/ /dug dang rje bar mi 'gyur ram/ /chos kyi rgyal po ston pa ste/ /'di sngon phan chad zhal</font><hr>102.89a<br><font size=+1>

bzhugs tshe/ /ma rungs pa rnams 'tshe bgyid na/ /gdug pa dar bar mi 'gyur ram/ /gang 'dir bstan pa gnas pa'i yun/ /ji srid gcig tu gnas par 'gyur/ /gang 'dir sngar 'byung gang sngar 'byung / /phyis 'byung dus 'di ji ltar 'gyur/ /ston pa'i bstan pa tha ma'i tshe/ /nges par ji ltar 'gyur zhig gu/ /bslab pa 'dzin pa'i slob ma rnams/ /tha ma ji ltar 'gyur zhig gu/ /'di nas mya ngan 'das 'og tu/ /gang ltar su'i ston par gshegs/ /zhing khams phyogs ni gang na bzhugs/ /de na bstan pa ci zhig sgrogs/ /da yong 'jig rten mgon med rnams/ /mgon dang skyabs su gang zhig 'gyur/ /'phrul gyi blo dang gros stor na/ /blo dang gros ni gang nas btsal/ /nges pa'i don 'di ma rnyed na/ /da yong nges don gang las gzung / /mchod gnas yid rten mi bzhugs na/ /sku gdung ji ltar 'gyur zhig gu/ /slad kyis mchod gnas ci la bgyi/ /da ltar ston pa 'das 'og tu/ /gdung 'tshob skyes bu 'byung 'gyur ram/ /e ma'o kyi hud e ma'o blong zhes yongs su gdung ba bton to/ /sangs rgyas kun gyi dgongs pa 'dus pa'i mdo chen po las thog mar dam pas gdung ba bton pa'i le'u ste gsum pa'o// // de skad smres te gdung ba las/ /srid gsum 'gro ba'i gnyen gcig pu/ /rgyal ba rgya mtsho rnams kyis gsan/ /snying rje'i bdag po de dag kun/ /lcang lo can gyi pho brang du/ /gsang ba'i bdag po gnas su 'dus/ /bskul ba chen po 'di skad gsungs/ /gsang ba pa yi bdag po khyod/ /sngon gyi go cha yal lam ci/ /'jig rten sdug bsngal mi shes sam/ /snying rje'i sa la babs nas kyang / /'jig rten gdung ba bsal ba'i rigs/ /so so'i rigs kyi cha bzung bas/ /ma rungs pa dag kun btul te/ /'dod khrid thabs su tshig rnams kyis/ /las kyi cha dang spyod 'thun par/ /'du shes bsgyur ba byas nas ni/ /bka' yi bgro ba bshad sbyar nas/ /yang dag don la dgod pa'i rigs/ /de skad rnam par bskul ba las/ /dpa' bo rdo</font><hr>102.89b<br><font size=+1>

rje 'dzin rgyal pos/ /gdul dka' 'dul la mkhas pa'o/ /'jig rten kun la rgyal ba'i mchog /gsang ba'i rtags 'dzin rdo rje can/ /dgyes shing gdan las bzhengs nas ni/ /cho 'phrul chen po kun bstan nas/ /'jig rten log pa'i gtso bo rnams/ /skal dang ldan par lung bstan pa/ /las dang skal bar rab ldan zhing / /rgyal bas 'byung bar lung bstan pa'i/ /bsod nams chen po'i skal can rnams/ /sprul pas ji ltar lung bstan bzhin/ /da ltar dus la 'dir bab kyis/ /'khor ba'i snying por lung bstan phyir/ /cho 'phrul rnams kyi byin brlabs kyis/ /bstan pa'i snying po dam pa zhig /ji ltar bshad cing lung bstan bzhin/ /skal ldan can la bgro bar bya'o/ /drag shul can zhes bya ba'i ri/ /dgon pa chen po'i gnas 'di ni/ /ye shes snying po can rnams kyi/ /theg chen gsang ba 'byung ba'i gnas/ /thog ma tha ma'i dus med par/ /dam pa rnams kyis bsngags pa yin/ /thog ma tha ma med pa yi/ /rgyal ba dpag tu med pa yis/ /dam pa'i dgon gnas chen po der/ /sems kyi dkyil 'khor me long bzhin/ /bstan pa de ltar bdag gis kyang / /thog ma tha ma med pa ru/ /bskul ba'i dus ni gar byung bar/ /bdag kyang de bzhin cho 'phrul snang zhes bgros so/ /sangs rgyas kun gyi dgongs pa 'dus pa'i mdo chen po las gang gi gdung ba sel bar bgros pa'i le'u ste bzhi pa'o// //    de nas de'i tshe de nyid du/ /gnod 'dul rgyal pos de gsungs nas/ /mi yi gnas kyi 'jig rten khams/ /gling bzhi pa las 'dzam gling gi /drag shul can zhes bya ba'i ri/ /gnod sbyin 'du ba'i sa yin te/ /chos 'dzin rigs kyi grub gnas su/ /thugs rje'i sa la mngon sprul gshegs/ /sa rnams yongs su g.yos 'gyur te/ /rmad du byung ba'i cho 'phrul gyis/ /thams cad sbyangs te bde bar snang / /sngon du snang ba'i skal ldan can/ /dman pa'i lus 'dzin dam pa'i rigs/ /mi las rgyal rigs dra ma che/ /rgyal bu</font><hr>102.90a<br><font size=+1>

rgyal byin ltas su shar/ /de tshe dam pa'i rigs can rnams/ /dga' ba dang bcas the tshom skyes/ /spobs pa chen po'i dri ba dris/ /e ma'o ngo mtshar rmad re che/ /skyes bu chen po khyod su zhig /gang nas byon te gang ltar byung / /gang la brten nas gang du byon/ /don gyi ched ka ci zhes dris/ /cho 'phrul chen pos 'di skad du/ /nga ni cis kyang mi bskyod de/ /mi 'khrug rdo rje sems dpa' yin/ /snying rjes g.yo zhing bskyod pas na/ /srid pa gsum gyi gnyen gcig po/ /stong pa chen po nga yi yul/ /rdo rje rigs chen nga yi gdung / /pha ni thabs mchog dpag tu med/ /ma ni shes rab brjod las 'das/ /thog ma med pa'i dus kyi tshe/ /nga yi yid bzhin nor bu stor/ /nor bu rin chen bdud rtsi de/ /yod par ma shes stor bar tshor/ /de tshe kun nas dbul ba dang / /thar med nad kyis gzir 'gyur zhing / /mun pa mun nag smag tu 'khyams/ /bgrod par bya ba'i lam yang stor/ /gdungs bar gyur kyang der ma shes/ /de tshe nga yi bshes gnyen mchog /byams mgon dam pa zhig gi bstan/ /e ma'o khyod ci mi shes sam/ /mthong yun kun du bde ba yi/ /don srid chen po 'byung 'gyur ba/ /nor bu rin chen ma brlag gam/ /'on te yod par mi shes sam/ /'di ci chad par 'dug gam ci/ /de skad bshes gnyen mchog des sbran/ /de tshe nga yis slar sbran pa/ /don srid chen po 'byung ba de/ /yod par ma shes stor bar tshor/ /'di dang phrad par bya yi thabs/ /bshes gnyen khyod kyis lung ston cig /dam pa de yis dmigs bstan pa/ /de dang myur du phrad 'dod na/ /btsal ba'i thabs la brtson bya dgos/ /sa mkhan dam pas dmigs mtshon te/ /mun snang khams dang sa khams dang / /sna tshogs lam rnams bgrod byas nas/ /btsal kyang gzhan nas mi rnyed de/ /rang gi sa khams nyid nas 'byung / /de ni rin chen sngar rnyed pa'i/ /dam pa rnams kyi khyim yin te/ /de ni sngar rnyed gyur pa yi/ /rnyed pa rnams kyi rnyed gnas yin/ /de skad thos nas de tshe ngas/ /gang tshe btsal ba'i ched phyir du/ /dam pa de la lam ltos te/ /</font><hr>102.90b<br><font size=+1>

blo gros dam pas nges bcad nas/ /theg chen cang shes de zhon te/ /mun snang gnyis kyi khams nas 'ongs/ /gcan 'phrang chu bo bzhi rgal te/ /sna tshogs lam bgrod kun btsal nas/ /dam pa rnams kyi lam du zhugs/ /sa dang rnam thar lam bgrod de/ /mya ngan 'das pa'i grong khyer bsnyags/ /nor bu rin chen rtsad bcad na/ /ma byung ma rnyed rang nyid kyi/ /chos nyid dbyings kyi khyim nas rnyed/ /rnyed pa nyid na rnyed med de/ /stor pa nyid na 'ang stor bral med/ /yod min med min stor rnyed med/ /gzhan nas ma byung rang 'byung bar/ /shes la rnyed btags ma shes la/ /stor zhes tha snyad btags par zad/ /yod dang stor dang rnyed pa'i dus/ /thog ma med pa'i dus nas so/ /de ltar chos nyid med pa la/ /sprul pa snang ba'i dus 'dir ni/ /mun snang gnyis kyi khams 'dir 'ongs/ /nga ni thabs kyi mnyan pa mkhan/ /'khor ba'i chu bo mtha' med las/ /srid gsum bsgral bar dam bcas kyis/ /thar par 'dod pa lam 'dir shog /nga ni thabs kyi mig mkhan te/ /'jig rten long ba dpag med rnams/ /ling thog bsal bar dam bcas kyis/ /gang zhig mthong 'dod lam 'dir shog /nga ni thabs kyi sman pa ste/ /grong khyer gsum gyi nad pa rnams/ /gcong rnying sbyar bar dam bcas kyis/ /gang zhig bde 'dod lam 'dir shog /nga ni thabs kyi sa mkhan te/ /'gro ba lam log lam stor rnams/ /ma nor khrid par dam bcas kyis/ /yang dag lam 'dod lam 'di shog /nga ni thugs rje spyan ras mkhan/ /'khor ba'i dgra dpung 'jigs pa las/ /thams cad bskyab par dam bcas kyis/ /'jigs dang bral 'dod lam 'dir shog /nga ni rdo rje rdzong chen te/ /'khor ba'i g.yul chen dmag dpung las/ /'gro ba'i 'khras sar dam bcas kyis/ /gang zhig mkhar 'dod lam 'dir shog /nga ni thabs kyi tshong dpon te/ /'dod pa rgya mtshos mi ngoms rnams/ /gter chen sbyin par dam bcas kyis/ /gang zhig gter 'dod lam 'dir shog /nga ni thabs kyi sgron ma ste/ /mun nag smag tu 'khyams pa rnams/ /mun nag</font><hr>102.91a<br><font size=+1>

bsal bar dam bcas kyis/ /gang zhig snang 'dod lam 'dir shog /nga ni yid bzhin nor bu ste/ /yang dag yid bzhin 'dod pa rnams/ /yid bzhin bsang bar dam bcas kyis/ /lhun gyis grub 'dod lam 'dir shog /nga ni bka' yi lde mig ste/ /bka' sgrom thar ram gsang ba rnams/ /rnam par 'byed par dam bcas kyis/ /gang zhig grol 'dod lam 'dir shog /nga ni bka' yi 'grel pa ste/ /gsung gi glegs bam zab mo rnams/ /nges par dgrol bar dam bcas kyis/ /gang dag shes 'dod lam 'dir shog /rnam dag lam chen kun sgrol 'dir/ /skal ldan gang zhig su bzhugs pa/ /nor bu rin chen 'od 'bar ba/ /nges par 'char gyi brtson par gyis/ /de nyid sems kyi me long ste/ /mngon sum gsal bar rtogs ma thag /'gro ba'i lus la sangs rgyas yin/ /rdo rje gsang chen gsang ba yi/ /nges don dam pa'i mdzod mchog rnams/ /'dir bgros gsal bar bshad sbyar bas/ /lha dang mi yi rig 'dzin las/ /rim par brgyud de grags par 'gyur/ /lha mi 'jig rten thams cad kyi/ /mun pa'i gdung ba kun bsal nas/ /sems kyi dkyil 'khor gsal bar 'gyur/ /ci phyir mun pa'i gdung bar bzhugs/ /thub pa mya ngan 'das gdung ba/ /de ni nam mkha'i sku mnga' ba/ /'da' dang mi 'da' mi mnga' ste/ /'pho 'gyur med pas nam mkha' bzhin/ /de skad sprul pa'i sgra 'byung bas/ /sngon du byung ba'i rigs can rnams/ /mchog tu dga' ba cher skyes te/ /dga' mgu rangs pa'i bsam pa yis/ /lus btud shin du gus sbyar nas/ /spyan sngar 'dug ste 'di skad gsol/ /mtshan mo'i mun nag sprin rum nas/ /glog 'gyur bar snang ston lta bur/ /thog ma tha ma med pa yi/ /de bzhin nyid kyi dbyings nyid las/ /rnam dag lam chen de nyid du/ /byung ba'i skyes bu don grub khyod/ /dam pa rnams kyi gsang 'dzin cing / /gsang ba pa yi bdag por grags/ /bka' rnams bgro bar khyod bsngags pas/ /khyod ni bka' 'grel chen por grags/ /sems kyi dkyil 'khor thams cad la/ /mdzod gsum gsang ba'i nyi shar bas/ /</font><hr>102.91b<br><font size=+1>

shes bya'i mun pa kun gsal phyir/ /khyod ni gsal ba'i nyi mar grags/ /gdul dka' ma lus kun 'dul zhing / /bdud kyi bdud sde bdud rnams 'joms/ /'jigs pa'i tshogs kyang 'joms byed pas/ /khyod ni bdud kyi bdud du grags/ /de bzhin nyid kyi ngo bo nyid/ /sems nyid rang bzhin 'od gsal ba/ /chos kun gzugs brnyan snang bas na/ /chos kyi me long zhes kyang grags/ /dug 'joms sman gyi dkyil 'khor gyis/ /zug rngu 'byin pa bla na med/ /nad do cog gi dgrar gyur pas/ /khyod ni sman pa'i rgyal por grags/ /dga' mgu rangs par mdzad pas na/ /khyod ni gdung ba sel bar grags/ /'dod pa yid bzhin skong bas na/ /khyod ni yid bzhin nor bur grags/ /dam pa rnams dang 'thun mdzod la/ /bdag cag rig pa 'dzin rnams la/ /dam pa'i sprul pa gang ltar nub/ /dam pa'i sgron ma ji ltar bkod/ /dam pa'i gsang lung ji ltar 'byung / /gsang ba rgyud kyi bgro ba mdzod/ /dgongs pa'i tshig gsum bgro ba mdzod/ /nam mkha'i rdo rje bgro ba mdzod ces gsol ba btab bo/ /sangs rgyas kun gyi dgongs pa 'dus pa'i mdo chen po las lung dam pa bgro bar gsol ba btab pa'i le'u ste lnga pa'o// // de skad ces gsol ba btab pa las/ /gsang ba'i bdag pos bka' stsal pa/ /sngon du byung bar lung bstan ba'i/ /'gro ba lus kyi sems dpa' rnams/ /gdung sngags dri ba dang bcas pa'i/ /sgyu ma'i rtog pa dgrol gyis nyon/ /sems kyi dkyil 'khor de bzhin nyid/ /nam mkha' bzhin du nub pa med/ /rang bzhin ye nas 'od gsal bas/ /de la gang sgrib de nyid sel/ /tshad ma gnyis kyis gang gzhal ba/ /shes bya de yang tshad mar 'gyur/ /legs nyes rtsa ba 'ang de nyid pas/ /de nyid de la 'gyur ba med/ /sems kyi rang bzhin 'od gsal bas/ /dkar bas dkar ba'i nyi zla med/ /sangs rgyas mya ngan yong mi 'da'/ /chos kyang nub par mi 'gyur te/ /le lo can la phan gdags phyir/ /sprul pa rnams ni 'da' tshul ston/ /</font><hr>102.92a<br><font size=+1>

ji ltar nam mkha' zhig 'gyur na/ /de tshe mya ngan 'da' bar 'gyur/ /gang dag gdug pa ma rungs pa/ /bdag med stong pa'i stobs kyis 'dul/ /rang bzhin 'od gsal spros bral ba'i/ /bstan pa rgya mtsho 'ang de nyid pas/ /rang 'byung seng ge rtsal can gyis/ /kun du 'bar zhing snang bar byed/ /bslab pa lhag pa'i sems nyid pas/ /bsgrub pa kun gyi mchog 'di ni/ /sa rab snang ba phyis 'byung ba'i/ /'gro ba lus kyi sems dpa' 'dzin/ /mtha' thug med pa'i sems can rnams/ /byang chub snying por ye gnas pas/ /de bzhin nyid du rgyud nges phyir/ /kun kyang mi slob de lung ston/ /sems nyid yod dang med do zhes/ /byis pa rnams ni rtsod par byed/ /mkhas pa ye nas rtsod dang bral/ /yod med rtog pa'i tshig mi brjod/ /nga yi gsang sngags gsang ba 'di/ /sangs rgyas kun gyi gsang yin phyir/ /gang mi dpogs par gzhan dpags pas/ /gsang bar sgra gcig tha dad 'byung / /dam pa rnams kyi gsang lung 'di/ /gang dag mi shes rmongs 'phyar bas/ /dug dang bdud rtsir rje bas ni/ /phud byed gnyis ga sreg par 'gyur/ /kun gsal me long 'od po che/ /ma 'dres yongs rdzogs ston pa de/ /mkha' ltar 'pho 'gyur med pas na/ /'tsho ba 'ang glog 'gyu sprin bzhin med/ /byang chub snying po yod kyi bar/ /de srid bstan pa gnas pa yin/ /thog ma tha ma med pa nas/ /byung bas snga phyi yod ma yin/ /dang po med las byung brjod pas/ /tha ma 'ang brjod bral med par 'gyur/ /gdung 'dzin thog ma 'ang de bzhin nyid/ /tha ma 'ang de las gzhan mi 'gyur/ /'di nas de bzhin nyid 'dir gshegs/ /bdal khyab chen po'i zhing na bzhugs/ /sems kyi dkyil 'khor 'od gsal ba/ /de bzhin nyid du rnam par snang / /byis pa'i ched du cho 'phrul zhig /me tog bkod pa'i 'jig rten na/ /ma grags pa zhes bya bar snang / /snang ba 'ang nyid na snang ba med/ /de bzhin zhing khams gang dag tu/ /sprul pa'i sangs rgyas snang mdzad pa/ /sgyu ma'i</font><hr>102.92b<br><font size=+1>

'phrul ba ji bzhin du/ /mi snang 'od kyang gzhan du snang / /mi bskyod rdo rje thugs mchog kyang / /thugs rje sprul pa'i byin brlabs kyis/ /'jig rten khams ni dpag tu med/ /mun snang rang 'byung rang bzhin yin/ /skye med ye shes nyid kyi dbyings/ /gdod nas bde gshegs snying po las/ /rnam rtog glo bur las kyis bsgribs/ /de nyid 'gro mgon skyabs chen yin/ /rgyal ba'i dgongs pa tshog gsum po/ /'phrul gyi blo dang gros mchog ste/ /yun gyi don srid chen po las/ /blo gros dam pa'i yul du snang / /rgyal ba kun gyi thugs 'jug pa/ /ji bzhin pa yi de kho na/ /nyid du nges pa'i ngo bo la/ /blo bzhag de nyid nges pa yin/ /chos kun nam mkha'i mtshan nyid de/ /ye shes sku can rgyal ba rnams/ /sku la dngos can dngos med par/ /sku gdung ring bsrel ji ltar byung / /sems can rnams la phan don du/ /med pa nyid las sprul pa yi/ /sgyu ma ring bsrel yungs 'bru tsam/ /thugs rje thabs kyis gzhag tshul bstan/ /nges par ring bsrel gang 'dod pa/ /bye ma dag las mar 'dod 'dra/ /gang tshe 'bras btab til 'bru smin/ /de tshe ring bsrel yod par 'gyur/ /gzugs snang brab sgrogs snying po can/ /sku dang gsung thugs snying po can/ /mchod gnas yid rten dam pa zhes/ /'gro mgon rdo rje sems dpas bshad/ /dpag tu med pa'i rgyal ba rnams/ /'khor ba'i sems can rgyud las byung / /'khor ba'i sems can rgyun bcad na/ /sangs rgyas rgyun yang chad pa yin/ /dper na nam mkha'i gzha' tshon ni/ /dang po gzhan nas 'ongs pa dang / /tha ma gzhan du song ba med/ /de nyid rang 'byung rang zhi ltar/ /sprul pa rang 'byung rang zhi bas/ /de nyid de la nub pa med/ /'das kyang ma bral tha dad min/ /ma 'das pa na 'ang gcig min te/ /'da' dang mi 'da' las 'das pas/ /bral dang ma bral ga la yod/ /des na gang la ci phyir gdung / /gdung ba rmongs pa 'khrul pa yin/ /e ma'o</font><hr>102.93a<br><font size=+1>

ngo mtshar ji lta bu/ /'di go ji ltar 'khrul zhig gu zhes gsang ba'i bdag po des seng ge rnam par lta ba'i tshul gyis ga zhas btab pas rmongs pas gdungs pa rnams dga' mgu rangs nas gdung ba yongs su sangs te sems ma bcos par gnas te de bzhin gyi dkyil 'khor thams cad 'od gsal bar gyur to/ /de nas lang ka'i bdag pos gsang ba pa'i bdag po la gsol pa/ gsang ba pa'i bdag po chen po gdung ba thams cad sel tam/ 'on te mi mjed kyi 'jig rten gyi gdung ba 'ba' zhig sel/ gsang ba pa'i bdag pos smras pa/ /lang ka'i bdag po kho bo ni gdung ba thams cad sel ba ste/ 'das pa'i dus kyi gdung ba ji snyed pa yang bsal to/ /da lta mi mjed kyi 'jig rten gyi khams 'di yi gdung ba yang bsal/ /'jig rten gyi khams gzhan rdul snyed kyi gdung ba yang bsal/  ma 'ongs pa'i gdung ba ji snyed pa yang sel bar 'gyur ro/ /de bas na gang dag yongs su gdung ba rnams ni mi shes pa/ rmongs pa/ /shed ma bye ba kho na yin gyi shes pa/ ma rmongs pa mkhas pa shed bye ba rnams ni gang du yang gdung ba med pa gdung ba dang bral ba yin no/ /zhes thos pas lang ka'i bdag po la sogs pa 'gro ba lus kyi sems dpa' rnams yongs su gdung ba las sangs so/ /sangs rgyas kun gyi dgongs pa 'dus pa'i mdo chen po las gang rmongs pa gdung ba sel ba zhes bya ba'i le'u ste drug pa'o// // theg pa chen po nges par 'byung ba'i tshul las gang rmongs pa'i gdung ba sel ba'i gtam rgyud brjod pa chos kyi phyag rgya'i ye shes rnam par bgros pa ste byung tshul bstan pa dang po'o// //de nas lang ka'i bdag pos sngon du gnang ba'i tshig bcu gnyis pa'i gnyis pa gang du sgron ma yongs su bkod pa na yang 'byung zhes lung bstan pa yongs su dri ba'i phyir gsang ba pa'i bdag po la gsol pa/ /gsang ba pa'i bdag po sngon bdag gis phyin ci ma log</font><hr>102.93b<br><font size=+1>

par thos pa/ /gang rmongs pa rnams kyi gdung ba sel cing sems can rnams kyi sems kyi dkyil 'khor gsal bar byed pa byang chub sems dpa' chen po rnams kyi blo gros dam pa'i mdzod/ /de bzhin gshegs pa rnams kyi dgongs pa de kho na nyid gsang ba dam pa phyin ci ma log pa yang dag pa'i lta ba/  sangs rgyas kun gyis bsngags pa/ theg pa chen po de 'degs pa'i yul tshad ma nub par gyur phan chad du 'byung bar 'gyur zhig gu zhes dris pa las/ gsang ba pa'i bdag pos smras pa/ lang ka'i bdag po ci ga 'di ji snyam du sems/ khyod mi shes sam/ yul tshad ma nyid kyis bka' stsal gyis kun dza ra chos kyi spun la bka' stsal pa 'di lta ste/  rig pa 'dzin pa khyod kyi dri ba 'di lta ste/ de kho na nyid gsang ba dam pa de ni gnas skabs gnyis dang bcur 'byung ba ste/ gang rmongs pa gdung ba sel ba na yang 'byung / gang 'jig rten gyi sgron ma yongs su bkod pa na yang 'byung / gang gis nges pa rnyed pa na yang 'byung / snying po byang chub nyid du nges pa na yang 'byung / dgongs pa nges par 'grel ba na yang 'byung / gdul bya skabs la bab pa'i ched na yang 'byung / byin gyis brlabs las snang ba na yang 'byung / brgyud pa thabs kyis grags pa na yang 'byung / gang gi ched du mdzad pa na yang 'byung / lung chen nges par bstan pa na yang 'byung / las rgyud yongs su gcod pa na yang 'byung / dgongs pa rnam par bgro ba na yang 'byung ste/ de dag ni thams cad dang thams cad nas thams cad du yongs su rnam par snang ngo/ /snang bar gyur to/ /snang bar 'gyur ro zhes lung bstan pa gang du grogs pa mi shes sam zhes smras pa las/ lang ka'i bdag pos smras pa/ e ma'o gsang ba pa'i bdag po de ni bdag gis thos pa dam pa thos so/ /thos pa'i mchog thos so/ /gsang ba pa'i bdag po yongs su rmongs pa gdungs pa</font><hr>102.94a<br><font size=+1>

ni sangs ba lta na/ sgron ma yongs su bkod pa na yang 'byung zhes pa ji lta ba bzhin du grags pa lags/ mi mjed kyi 'jig rten gyi khams 'dir da ltar yongs su 'das pa 'di sgron ma bkod pa zhes bya bar 'gyur ram/ 'das pa 'di yang mi mjed kyi 'jig rten gyi zhing khams 'di 'ba' zhig gi sgron ma sangs rgyas mya ngan las 'das sam/ 'on te 'jig rten gyi khams mtha' dag na zhing khams ji snyed pa'i sgron ma bkod pa'i sangs rgyas mya ngan las 'da' bar 'gyur zhes dris pa las/ gsang ba pa'i bdag pos smras pa/ lang ka'i bdag po de ji snyam du sems/ 'di yang sgron ma zhes bya ste/ da ltar 'das pa ni zhing khams mtha' dag gi sangs rgyas lta zhog 'dzam bu'i gling bye ba phrag sa ya'i sangs rgyas lta yang zhog /'dzam bu'i gling gcig gi sangs rgyas gcig yongs su mya ngan las 'das par zungs shig /de ci'i phyir zhe na/ zhing khams 'di ni sprul pa'i sangs rgyas nyag gcig gi zhing khams yin pa'i phyir ro/ /de bzhin du bsam gyis mi khyab pa'i sangs rgyas ji snyed pa 'jig rten gyi khams gzhal du med pa na sgron ma'i bya ba mdzad do/ /de dag ji lta ba de ltar sprul pa'i sangs rgyas rdul snyed kyang de bzhin du blta'o/ /de nas lang ka'i mnga' bdag byang chub sems dpa' sems dpa' chen pos dris pa/ gsang ba pa'i bdag po mi mjed kyi zhing khams 'dzam bu'i gling gcig gi sprul pa'i sangs rgyas nyag gcig mya ngan las 'das pa 'di sangs rgyas gang gi sprul par yongs su gzung bar bgyi/ gsang ba pa'i bdag pos smras pa/ lang ka'i bdag po 'di ni rdo rje sems dpa'i sprul pa bsam gyis mi khyab pa las sprul pa cha cig 'ba' zhig kho nar zung shig /smras pa/ gsang ba pa'i bdag po zhing khams 'dir shAkya thub pa zhes bya bar grags na 'di ji ltar yongs su shes par bgyi/ smras pa/ lang ka'i bdag po de ni rdo rje sems dpa'i sprul pa'i bla dgas 'ba' zhig go/ </font><hr>102.94b<br><font size=+1>

lang ka'i bdag po de ci'i phyir zhe na/ rdo rje sems dpa'i sprul pa bsam gyis mi khyab pas 'khor bsam gyis mi khyab pa'i dpung gtan bcom pa'i phyir thub pa chen po zhes yongs su yongs su grags so/ /ji ltar 'jig rten drug gi phyogs bcur yang thub pa chen po zhes bya bar yang grags pa ni 'di lta ste/ lha'i gnas su thub pa chen po srid thub 'dzin zhes bya bar grags so/ /lha ma yin gyi gnas su thub pa chen po rnam par rgyal ba zhes bya bar grags so/ /mi'i gnas su thub pa chen po shAkya seng ge zhes bya bar grags so/ /byol song gi gnas su thub pa chen po rnam par gnon pa zhes bya bar grags so/ /yi dgas kyi gnas su thub pa chen po rnam par snang byed ces bya bar grags so/ /dmyal ba'i gnas su thub pa chen po chos kyi rgyal po zhes bya bar grags so/ /kye lang ka'i bdag po der yang ma zad de/ de ji lta ba de ltar de bzhin du mi mjed kyi 'jig rten drug gi phyogs bcu na thub pa drug gi sgron ma yongs su snang ba de lta de ltar rdul snyed kyi 'jig rten gyi khams bsam gyis mi khyab pa'i 'jig rten drug gi phyogs bcu mtha' yas pa na rdul snyed kyi thub pa drug gi sgron ma mtha' yas par snang ba yang 'di lta ste/ shar phyogs kyi 'jig rten gyi khams gling bzhi pa stong phrag bcu gnyis 'das pa na 'jig rten gyi khams dri ma med pa zhes bya ba zhing khams de thams cad rin po che sna tshogs las grub pa/ de na gnas pa'i 'gro ba rnams tshe dang longs spyod thams cad sum bcu rtsa gsum dang mnyam pa/ bar ma dor 'chi ba med cing brdzus nas skye ba she dag kyang 'dod pa thams cad bsams pas 'grub ste/ de na sbyin pa yang med/ gtong ba yang med/ len pa dang slong ba po yang med de/ 'jig rten gyi khams gzhan dag na gtong slong yod pa dag gi gtam thos pa na de la yongs su smon pa yin te/ de na rdo rje sems</font><hr>102.95a<br><font size=+1>

dpa'i sprul pa thub pa'i dbang po de de bzhin gshegs pa shAkya thub pa dri med sgra zhes bya bar bstan nas theg pa chen po'i chos sems kyi dkyil 'khor 'od gsal ba/ gsang sngags kyi ngo bo nyid sgron ma chen po yongs su snang ngo/ /de nyid kyi 'jig rten drug gi phyogs bcu na yang thub pa drug gi sgron ma snang bas 'gro ba drug gi sems kyi dkyil 'khor yongs su gsal bar byed do/ /yang thub pa'i dbang po de lho phyogs kyi 'jig rten gyi khams stong phrag brgya 'das pa na 'jig rten gyi khams yon tan 'byung ba zhes bya ba na de bzhin gshegs pa shAkya thub pa dkon mchog sprin zhes bya bar sprul nas sems kyi dkyil 'khor 'od gsal ba gsang sngags kyi ngo bo de nyid yongs su snang bar byed do/ /de nyid kyi 'jig rten drug gi phyogs bcu na yang thub pa chen po drug gi sgron ma snang bas 'gro ba drug gi sems kyi dkyil 'khor gsal bar byed do/ /yang thub pa 'i dbang po de nub phyogs kyi 'jig rten gyi khams stong phrag nyi shu 'das pa na 'jig rten gyi khams rgyan shin du bkram pa zhes bya ba na gang zag brdzus nas skyes pa sha dag ste/ tshe lo brgyad khri bzhi stong gnas pa'i zhing khams de na de bzhin gshegs pa shAkya thub pa yon tan 'byung gnas zhes bya bar bstan nas sems kyi dkyil 'khor 'od gsal ba gsang sngags kyi ngo bo de nyid ston to/ /de nyid kyi 'jig rten drug gi phyogs bcu na yang thub pa drug gi sgron ma snang bas sems kyi dkyil 'khor gsal bar byed do/ /yang thub pa'i dbang po de byang phyogs kyi 'jig rten gyi khams stong phrag bcu 'das pa na 'jig rten gyi khams bag tsha ba med pa zhes bya bar de bzhin gshegs pa shAkya thub pa de seng ge sgra zhes bya bar bstan nas sems kyi dkyil 'khor 'od gsal ba gsang sngags kyi ngo bo de nyid ston to/ /de nyid kyi 'jig rten drug gi phyogs bcu na</font><hr>102.95b<br><font size=+1>

yang thub pa drug gi sgron ma snang bas 'gro ba drug gi sems kyi dkyil 'khor 'od gsal bar byed do/ /de bzhin du thub pa'i dbang po de shar lho'i 'jig rten gyi khams stong phrag brgyad bcu rtsa bzhi 'das pa na 'jig rten gyi khams rnam par mdzes pa zhes bya ba na de bzhin gshegs pa shAkya thub pa de mdzes pa'i tog ces bya bar sprul nas gong ma bzhin du chos ston to/ /lho nub mtshams kyi 'jig rten gyi khams stong phrag bdun bcu 'das pa na 'jig rten gyi khams rab tu snang ba zhes bya ba na de bzhin gshegs pa shAkya thub pa de gzi brjid rgyan zhes bya bar bstan nas gong ma bzhin du chos ston to/ /nub byang mtshams kyi 'jig rten gyi khams stong phrag lnga bcu 'das pa na 'jig rten gyi khams rab tu dang ba zhes bya ba na de bzhin gshegs pa shAkya thub pa de tsan dan dri mchog dpal zhes bya bar bstan nas gong ma bzhin du chos ston to/ /byang shar mtshams kyi 'jig rten gyi khams stong phrag bzhi bcu rtsa bzhi 'das pa na 'jig rten gyi khams gdung ba sel ba zhes bya ba na de bzhin gshegs pa shAkya thub pa de snying rje'i rgyal po zhes bya bar bstan nas gong ma bzhin du chos ston to/ /de bzhin du rnam par snang ba'i 'jig rten gyi khams zhes bya ba na sangs rgyas myur du 'dzin pa zhes bya bar bstan nas chos ston to/ /yang rin chen bkod pa'i 'jig rten gyi khams na sangs rgyas dga' ba'i spyan sprin zhes bya bar bstan nas ji lta ba de bzhin du chos ston to/ /yang rnam par bkram pa zhes bya ba'i 'jig rten gyi khams na de bzhin gshegs pa yongs su dgongs pa'i rgyal po zhes bya bar bstan nas ji lta ba de bzhin du chos ston to/ /yang bai dUr+ya'i snying po zhes bya ba'i 'jig rten gyi khams na sangs rgyas gser gyi 'od zer zhes bya bar bstan nas ji lta ba de bzhin du chos ston to/ /</font><hr>102.96a<br><font size=+1>

yang 'od dam pa zhes bya ba'i 'jig rten gyi khams na de bzhin gshegs pa 'od kyi dpal zhes bya bar bstan nas ji lta ba de bzhin du chos ston to/ /yang rnam par zhi ba zhes bya ba'i 'jig rten gyi khams na de bzhin gshegs pa zhi ba'i dbang po zhes bya bar bstan nas ji lta ba de bzhin du chos ston to/ /yang sprin rnam par bkod pa zhes bya ba'i 'jig rten gyi khams na de bzhin gshegs pa sprin gyi dpal zhes bya bar bstan nas yang dag pa ji lta ba de bzhin du chos ston to/ /yang yid mngon par dga' ba zhes bya ba'i zhing khams na sangs rgyas yid du 'ong ba'i dbyangs zhes bya bar bstan nas yang dag pa ji lta ba de bzhin du chos ston to/ /yang me long gi dkyil 'khor shin du sbyangs pa zhes bya ba na sangs rgyas me long gi 'od snang ba zhes bya bar bstan nas yang dag pa ji lta ba de bzhin du chos ston to/ /yang zla bas brgyan pa zhes bya ba'i zhing khams na sangs rgyas zla 'od dpal zhes bya bar bstan nas yang dag pa ji lta ba de bzhin du chos ston to/ /yang nyi ma'i 'od zer brgyan pa zhes bya ba'i zhing khams na de bzhin gshegs pa nyi ma'i snying po'i dpal zhes bya bar bstan nas yang dag pa ji lta ba de bzhin du chos ston to/ /yang spos dri ngad ldan zhes bya ba'i zhing khams na sangs rgyas spos kyi rgyal po zhes bya bar bstan nas yang dag pa ji lta ba de bzhin du chos ston to/ /yang rnam par spros pa'i rgyan zhes bya ba'i zhing khams na sangs rgyas mngon par spro pa'i rgyal po zhes bya bar bstan nas yang dag pa ji lta ba de bzhin du chos ston to/ /yang rin po che spros pa zhes bya ba'i zhing khams na sangs rgyas rin chen rgyal po zhes bya bar bstan nas yang dag pa ji lta ba de bzhin du chos ston to/ /yang 'od zer 'byung ba zhes bya ba'i zhing khams na sangs rgyas 'od zer dpal zhes bya bar bstan nas yang dag pa ji lta ba de bzhin du chos ston to/ /</font><hr>102.96b<br><font size=+1>

yang dka' ba rnam par spyod pa zhes bya ba'i zhing khams na sangs rgyas dka' thub rgyal po zhes bya bar bstan nas yang dag pa ji lta ba de bzhin du chos ston to/ /yang gtsug tor bkod pa zhes bya ba'i zhing khams na sangs rgyas gtsug tor snying po zhes bya bar bstan nas yang dag pa ji lta ba de bzhin du chos ston to/ /yang nges pa can zhes bya ba'i zhing khams na sangs rgyas nges par gshegs pa zhes bya bar bstan nas yang dag pa ji lta ba de bzhin du chos ston to/ /yang nges par 'phags pa zhes bya ba'i zhing khams nas sangs rgyas nges par gsungs pa zhes bya bar bstan nas yang dag pa ji lta ba de bzhin du chos ston to/ /yang bde spyod ces bya ba'i zhing khams na sangs rgyas bde ba chen po zhes bya bar bstan nas yang dag pa ji lta ba de bzhin du chos ston to/ /yang me tog bkram pa zhes bya ba'i zhing khams na sangs rgyas me tog dbang po'i dbyangs zhes bya bar bstan nas yang dag pa ji lta ba de bzhin du chos ston to/ /yang yongs su grags pa zhes bya ba'i zhing khams na sangs rgyas grags pa'i dpal zhes bya bar bstan nas yang dag pa ji lta ba de bzhin du chos ston to/ /yang rnam par 'phrul pa zhes bya ba'i zhing khams na sangs rgyas sprul pa'i rgyal po zhes bya bar bstan nas yang dag pa ji lta ba de bzhin du chos ston to/ /yang rnam par sbyangs pa zhes bya ba'i zhing khams na sangs rgyas sgra dbyangs mi bzad pa zhes bya bar bstan nas yang dag pa ji lta ba de bzhin du chos ston to/ /yang sman gyis brgyan pa zhes bya ba'i zhing khams na sangs rgyas sman gyi rgyal po zhes bya bar bstan nas yang dag pa ji lta ba de bzhin du chos ston to/ /yang gser gyi 'od snang ba zhes bya ba'i zhing khams na sangs rgyas gser gyi 'od 'phro zhes bya bar bstan nas yang dag pa ji lta ba de bzhin du</font><hr>102.97a<br><font size=+1>

chos ston to/ /yang 'od zer bkod pa zhes bya ba'i zhing khams na sangs rgyas bkod pa'i rgyal po zhes bya bar bstan nas yang dag pa ji lta ba de bzhin du chos ston to/ /yang gser gyi 'byung gnas zhes bya ba'i zhing khams na sangs rgyas gser gyi gzu ba zhes bya bar bstan nas yang dag pa ji lta ba de bzhin du chos ston to/ /yang dpal gyi 'byung gnas zhes bya ba'i zhing khams na sangs rgyas dpal gyi rgyal po zhes bya bar bstan nas yang dag pa ji lta ba de bzhin du chos ston to/ /yang snang ba dam pa zhes bya ba'i zhing khams na sangs rgyas snang ba brtsegs pa'i dpal zhes bya bar bstan nas yang dag pa ji lta ba de bzhin du chos ston to/ /yang mya ngan med pa zhes bya ba'i zhing khams na sangs rgyas mya ngan med pa'i dpal zhes bya bar bstan nas yang dag pa ji lta ba de bzhin du chos ston to/ /yang dga' ba'i mdangs zhes bya ba'i zhing khams na sangs rgyas dga' mchog dpal zhes bya bar bstan nas yang dag pa ji lta ba de bzhin du chos ston to/ /yang gzi brjid 'byung ba zhes bya ba'i zhing khams na sangs rgyas gzi brjid dpal zhes bya bar bstan nas yang dag pa ji lta ba de bzhin du chos ston to/ /yang sangs rgyas mang po 'du ba zhes bya ba'i zhing khams na sangs rgyas kun gyi dge ba'i bshes gnyen zhes bya bar bstan nas yang dag pa ji lta ba de bzhin du chos ston to/ /yang yongs su sbyong ba zhes bya ba'i zhing khams na sangs rgyas ngan song thams cad sbyong ba zhes bya bar bstan nas yang dag pa ji lta ba de bzhin du chos ston to/ /yang tha dad spyod pa zhes bya ba'i zhing khams na sangs rgyas 'jig rten kun gyi slob dpon zhes bya bar bstan nas yang dag pa ji lta ba de bzhin du chos ston to/ /yang rgyal mtshan gyi rtse mo'i dpung rgyan zhes bya ba'i zhing khams na</font><hr>102.97b<br><font size=+1>

sangs rgyas rnam par rgyal ba zhes bya bar bstan nas yang dag pa ji lta ba de bzhin du chos ston to/ /yang me tog mdzes pa'i rgyan zhes bya ba'i zhing khams na sangs rgyas me tog bkod pa'i rgyal po zhes bya bar bstan nas yang dag pa ji lta ba de bzhin du chos ston to/ /yang mdzes par snang ba zhes bya ba'i zhing khams na sangs rgyas thams cad snang ba zhes bya bar bstan nas yang dag pa ji lta ba de bzhin du chos ston to/ /yang tsan dan bkod pa zhes bya ba'i zhing khams na sangs rgyas tsan dan dri zhes bya bar bstan nas yang dag pa ji lta ba de bzhin du chos ston to/ /yang seng ge 'byung gnas zhes bya ba'i zhing khams na sangs rgyas seng ge 'bum gzugs zhes bya bar bstan nas yang dag pa ji lta ba de bzhin du chos ston to/ /yang stong gsum gyi stong chen po'i mi mjed ces bya ba 'di na sangs rgyas thub pa chen po zhes bya bar bstan nas yang dag pa ji lta ba de bzhin du chos ston to/ /de bzhin du 'jig rten gyi khams bye ba sa yar rdo rje sems dpa'i mtshan bye ba sa yar bstan nas chos yang dag pa ji lta ba bzhin du snang bar mdzad de/ la lar ni mngon par rdzogs par sangs rgyas/ la lar ni da dung du yum gyi lhums na bzhugs/ la lar ni dga' ldan gyi gnas na bzhugs/ la lar ni yongs su mya ngan las 'das so/ /la lar ni 'da' ba'i tshul bstan nas 'jig rten gyi khams gzhan nas gzhan gyi sgron mar snang / la lar ni 'khor los bsgyur ba'i rgyal po'i cha lugs kyis theg pa chen po'i chos ston/ /la lar ni nyan thos kyi cha byad kyis theg pa chung ngu'i chos ston/ /la lar ni rang sangs rgyas kyi cha byad kyis rdzu 'phrul gyis chos ston/  la lar ni snying po byang chub na bzhugs/ la lar ni skul ba'i sa la gzhes/ la lar ni thar pa'i cha lugs kyis so/ /la lar ni khyim pa'i cha lugs</font><hr>102.98a<br><font size=+1>

kyis so/ /la lar ni lha'i cha byad kyis so/ /la lar klu'i cha byad kyis so/ /la lar ni lha ma yin gyi cha byad kyis so/ /la lar ni bdud kyi cha byad kyis so/ /la lar ni gnod sbyin gyi cha byad kyis so/ /la lar ni srin po'i cha byad kyis so/ /la lar ni 'byung po'i cha byad kyis so/ /la lar ni nam mkha' lding gi cha byad kyis so/ /la lar ni ya mtshan can gyi cha byad kyis so/ /la lar ni byol song gi cha byad kyis so/ /la lar ni yi dgas kyi cha byad kyis so/ /la lar ni bzod ldan gyi cha byad kyis so/ /la lar ni shan pa'i cha byad kyis so/ /la lar ni smad 'tshong ma'i cha byad kyis so/ /la lar ni na chung gi cha byad kyis so/ /la lar ni sku gdung lta bur snang ngo/ /la lar ni ring bsrel lta bur snang ngo/ /la lar ni rdo rje sems dpa' nyid lta bur snang ngo/ /la lar ni rnam par snang mdzad lta bur snang ngo/ /la lar ni rin chen 'byung ldan lta bur snang ngo/ /la lar ni snang ba mtha' yas lta bur snang ngo/ /la lar ni don yod grub pa lta bur snang ste/ de dag kyang yang dag par ji lta ba bzhin du chos ston to/ /gzhan yang gti mug gi rgyal po dgrol bar bya ba'i phyir tshangs pa'i gzugs lta bur snang ngo/ /zhe sdang gi rgyal po dgrol bar bya ba'i phyir khyab 'jug gi gzugs lta bur snang ngo/ /'dod chags kyi bdag po dgrol bar bya ba'i phyir drag po'i gzugs lta bur snang ngo/ /nga rgyal gyi bdag po dgrol bar bya ba'i phyir tshogs bdag lta bur snang ngo/ /phrag dog gi bdag po dgrol bar bya ba'i phyir dbang po lta bur snang ngo/ /de bzhin du skye ba thams cad kyi gzugs su snang ba ni 'jug sred dang / sred med dang / dbang phyug dang / stobs ldan dang / nor 'dzin dang /  spre'u dang / ra dang / lu 'di dang / khyi dang / sbrang ma dang / bya rog dang / me khyer dang / srog chags dang / gang zin pa de dang de'i gzugs su snang bar mdzad cing de'i cha byad kyis gang dag ji ltar mos pa rnams la de bzhin du snang ste/ ji ltar nyi zla'i dkyil 'khor gyi gzugs brnyan</font><hr>102.98b<br><font size=+1>

gzhal med khang las ma g.yos par chu tha dad pa'i nang du gzugs brnyan tha dad par snang ba bzhin du sangs rgyas rdo rje sems dpa' nyid las ma g.yos bzhin du zhing khams dpag tu med par sangs rgyas mtha' yas par snang ngo/ /de ltar na gang ming sna tshogs su btags pa'i sangs rgyas kyi zhing khams mtha' yas pa na 'khod pa'i sems can rnams kyis sangs rgyas rdo rje sems dpa'i mtshan sna tshogs par shes pa ni brjod kyis mi lang ba'i bskal par smras kyang shar phyogs gcig pu'i sangs rgyas kyi zhing na bzhugs pa'i mtshan gyi mtha' yang mi dmigs so/ /de bzhin du phyogs bcu thams cad kyi sangs rgyas kyi zhing na 'khod pa'i sems can rnams brjod kyis mi lang ba'i bskal bar smras kyang mtshan gyi mtha' ni mi rdzogs so/ /ji ltar sems can mos pa chung ngu rnams kyis rdo rje sems dpa'i zhing khams tshad med pa dang mtshan mtha' yas pa thos na blo ga chad pa dang myos par 'gyur ro/ /ji ltar rdo rje sems dpa'i zhing khams de dag thams cad na sems kyi dkyil 'khor 'od gsal ba gsang sngags kyi ngo bo de nyid 'ba' zhig yang dag pa ji lta ba bzhin du rab tu phyin ci ma log par rims kyis dang gcig car bar ston to/ /de ci'i phyir zhe na/ rdo rje sems dpa'i zhing khams na 'khod pa'i sems can chen po de dag ni sems kyi rang bzhin sna tshogs pa'i phyir/ blo shin du zab pa dang / mi zab pa dang / yangs pa dang / dog pa dang / brtan pa dang / 'gyur ba dang / rno ba dang / rtul ba dang / myur ba dang /  bul ba dang / shas stag pas sngags kyi ngo bo nyid kyi gtam rims kyis pa dang cig char bar thos nas de dag la yang mi skrag mi dngang gi dga' zhing mgu ba dang /  rangs par 'gyur ba'i phyir sna tshogs su snang ba'o/ /de na gnas pa'i tshe'i tshad kyang thung ba dang / ring ba dang / dpag tu med pa dang / brgya pa dang / brgyad khri bzhi stong thub pa yin no/ /</font><hr>102.99a<br><font size=+1>

longs spyod ni ji lta bsams pa bzhin du 'byung ba yang yod/ dka' bas 'byongs pa dang mi 'byongs pa yang yod/ kun kyang lung bstan pa thob pa sha stag go/ sangs rgyas rdo rje sems dpa'i mtshan gang gis thos pa des rgyal ba mang po la sngon du bya ba byas pa yin no/ /rdo rje sems dpa'i zhing khams nyid du nges par 'byung ba yin no/ /rgyal ba rnams kyis byin gyis brlabs pa yin no/ /theg pa chen por nges par 'byung ba dag yin no/ /mngon par shes pa dag dang ldan pa yin no/ /sangs rgyas kyi sras su nges pa dag yin no/ /lhag mthong gi mig dang ldan pa dag yin no/ /kye lang ka'i bdag po de'i phyir 'dzam bu'i gling gcig gi sangs rgyas nyag cig 'di mya ngan las 'das pa yin no/ /de bzhin du rdo rje sems dpa'i sprul pa'i sangs rgyas mtha' dag la mya ngan las 'das pa yang yod ma 'das pa yang yod do zhes smras pas lus kyi sems dpa' de yid yongs su rangs par gyur to/ /sangs rgyas kun gyi dgongs pa 'dus pa'i mdo chen po las rdo rje sems dpa'i cho 'phrul yongs su bkod pa'i le'u ste bdun pa'o// //    de nas lang ka'i bdag pos dris pa/ gsang ba pa'i bdag po rdo rje sems dpa' zhes dngos gang la bgyi/ gsang ba pa'i bdag pos smras pa/ lang ka'i bdag po rdo rje sems dpa' ni sems kyi dkyil 'khor 'od gsal ba gsang sngags kyi ngo bo ji bzhin pa'i de kho na la bya'o/ /lang ka'i bdag pos dris pa/ kye gsang ba pa'i bdag po sems kyi dkyil 'khor zhes bgyi ba ni gang de bzhin du 'od gsal ba zhes bya ba dang / gsang sngags kyi ngo bo zhes bya ba ba dang / ji bzhin pa'i de bzhin pa de kho na nyid ces gang la bgyi/ gsang ba pa'i bdag pos smras pa/ lang ka'i bdag po sems shes bya ba ni ma byas ma bcos sna tshogs su 'byung ba'o/ /dkyil 'khor zhes bya ba ni thig le gang yin pa nyid do/ /'od ces bya ba ni snang ba'o/ /</font><hr>102.99b<br><font size=+1>

gsal ba zhes bya ba ni gang mi shes pa las gzhan gang gis kyang ma bsgribs pa'o/ /gsang ba zhes bya ba ni smrar byed pa spyod yul du ma gyur pa la bya'o/ /sngags shes bya ba ni yon tan gyi 'byung gnas su brjod pa la bya'o/ /ngo bo nyid ces bya ba'i ni dngos po med pa mi dmigs pa kun 'byung ba'i gzhi la bya'o/ /ji bzhin pa zhes bya ba ni ma bcos ma slad pa la bya'o/ /de bzhin pa zhes bya ba ni ma byas ma btags pa la bya'o/ /de kho na nyid ces bya ba ni ma nor mi 'gyur ba la bya'o/ /yang lang ka'i bdag pos dris pa/  gsang ba pa'i bdag po ma byas ma bcos pa zhes bya ba ni gang / sna tshogs 'byung ba zhes bya ba ni ji lta bu gsang ba pa'i bdag pos smras pa/ lang ka'i bdag po byed pa po med la bya bas btsal du med pa'i phyir ma byas pa'o/ /gzhi ji bzhin pa'i phyir ma bcos pa'o/ /gang med pa las rgyun du 'byung zhing yul tha dad la 'gro ba legs pa dang / nyes pa dang / gnyis ga ma yin pa sna tshogs 'byung ba ste gang de nyid ni nam mkha' lta bu'o/ /de rgyun ni 'byung ba ste/ sprin dang khug rlangs dang 'ja' rlan la sogs pa lta bu'o/ /yang dris pa gsang ba pa'i bdag po de la ci'i phyir rdo rje sems dpa' zhes bgyi/ smras pa lang ka'i bdag po de kho na nyid ji bzhin pa de ni thams cad nas thams cad du gnyen po med pa/ pho 'gyur med pa/ skye 'gags med pa/ de kho na nyid sems rang rig pa/ dgongs pa nges par 'grel pa las cho 'phrul sna tshogs 'byung ba'i dngos po med pa nyid du bcom pa'i phyir rdo rje sems dpa' zhes bya'o/ /lang ka'i bdag po de la ni bla na med pa'i byang chub kyi sems zhes kyang bya'o/ /chos rnams kyi chos nyid de bzhin nyid ces kyang bya'o/ /sems kyi stong pa nyid ces kyang bya'o/ /mtha' las 'das pa zhes kyang bya'o/ /dbu mar mi dmigs pa zhes kyang bya'o/ /sangs rgyas kun gyi dngos gzhi zhes kyang bya'o/ /sprul</font><hr>102.100a<br><font size=+1>

pa kun gyi 'byung gnas zhes kyang bya'o/ /sangs rgyas kun gyi dge ba'i bshes gnyen zhes kyang bya'o/ /zhing khams kun gyi sgron ma zhes kyang bya'o/ /thugs rje thabs kyi 'byung gnas zhes kyang bya'o/ /chos thams cad kyi gzugs brnyan snang ba zhes kyang bya'o/ /lang ka'i bdag po de dag kyang gang gi don du de ltar btags kyi de kho na nyid la ni ming du btags pa med de/ de dag ni bla dgas nyid du rig par bya'o/  lang ka'i bdag po de'i phyir na sangs rgyas ni bla dgas so/ /chos kyang bla dgas so/ /byang chub kyang bla dgas so/ /de bzhin du dbyings dang ye shes dang chos kyi sku dang / sku tha dad pa dang / sems can dang / 'jig rten la sogs pa thams cad du btags shing chags pa ji snyed pa dag bla dgas 'ba' zhig tu rig par bya'o/ /lang ka'i bdag po bla dgas gang yin pa ni glo bur du btags pa ste ye nas ldan pa ni ma yin no/ /lang ka'i bdag po gal te ye nas ldan pa zhig yin na ni/ gang glo bur pa thams cad mi 'byung bar 'gyur ro/ /lang ka'i bdag po glo bur ni sprin bzhin te ther zug pa ma yin/ ye nas ldan pa ma yin/ brtag bzod pa ma yin no/ /lang ka'i bdag po de'i phyir ming dang brda dang tha snyad dang mtshan ma dang / btags pa dang las dang las kyi rnam par smin pa thams cad ni glo bur pa ste 'byung ba dang / sangs pa dang / sgrib pa dang / dang bar rig par bya'o/ /lang ka'i bdag po gal te las dang las kyi rnam par smin pa la sogs pa glo bur du ma btags na ni de bzhin nyid ces bya ba de de ltar mi rung ba zhig na lang ka'i bdag po de bzhin nyid de ni gang gi dbang du mi 'gyur ba'i bla dgas su rig par bya'o/ /lang ka'i bdag po de'i phyir chos thams cad ming med/ tshig med/ brjod du med/ tshig gi lam chad pa'o/ /smras pa/ gsang ba pa'i bdag po gang ming du btags pa'i gzhi la gzhi'i don tsam du yang mi rtog gam/ smras pa/ lang ka'i bdag po gzhi'i don tsam</font><hr>102.100b<br><font size=+1>

du yang / mi rtog rnam par mi rtog go/ de ci'i phyir zhe na/ gzhi'i don tsam zhig ni 'di zhes sangs rgyas nyid kyis btsal kyang mi brnyes so/ /de bas na glo bur gyi rtog pa dang / mi rtog pa la sangs rgyas dang / sems can zhes btags par zad kyi de bzhin nyid de la ni sangs rgyas sems can du cung zad kyang med de/ 'on kyang byis pa rnams ni glo bur dag gis sprin gyis bsgribs pas glo bur gyi chos dag ched du byed cing 'khor ba dang byang chub gnyis su rtog par byed do/ /sems can dang sangs rgyas gnyis su rtog par byed do/ /smras pa/ gsang ba pa'i bdag po 'o na sems can dang sangs rgyas 'di gnyis ji ltar shes par bya/ smras pa lang ka'i bdag po stong pa nyid du shes par bya'o/ /smras pa/ gsang ba pa'i bdag po stong pa nyid ci la gnas/ smras pa/ lang ka'i bdag po stong pa nyid ni chos thams cad la gnas so/ /smras pa/ gsang ba pa'i bdag po chos thams cad ci la gnas/ smras pa lang ka'i bdag po chos thams cad stong pa nyid kho na'i phyir ci la yang mi gnas so/ /smras pa/ gsang ba pa'i bdag po stong pa nyid la gnas pa ci la gnas pa lags/ smras pa/ lang ka'i bdag po stong pa nyid la gnas pa ni byams pa chen po la gnas pa ste gang stong pa nyid des sems can gyi don yongs su rdzogs par gnas pa'o/ /de ci'i phyir zhe na sangs rgyas dang sems can la stong pa nyid las don ci yang med pa'i phyir ro/ /smras pa/ gsang ba pa'i bdag po sangs rgyas dang sems can kun stong na gang gi thugs rje chen pos gang la ji ltar mdzad/ thugs rje chen po de gang gi tshig bla dgas lags/ smras pa/ lang ka'i bdag po chos thams cad stong pa nyid la rang bzhin gyis gnas pas na gnyis su ma mthong bas snying rje'i yul med pa ni thams cad kyi snying po byang chub tu yo bsgral ba'i phyir snying rje chen po yin la/ byis pa'i</font><hr>102.101a<br><font size=+1>

snying rje dag gis stong gsum gyi stong chen po'i sems can srog bton pa dang gang thar par bton pa de ni snying rje chung ngur rig par bya'o/ /lang ka'i bdag po de bas na snying rje chen po la rgyun du gnas pas gnas par bya'o/ /lang ka'i bdag po gang snying rje chen po la gnas pa dag ni sems can 'ga' yang grol bar mi byed 'ching bar yang mi byed de/ rdo rje mtshon gyis dngos su bsad pa med par bsad pa kho na'o/ /de ci'i phyir zhe na/ sems can med pa las sems can du btags pa'i phyir ro/ /snying rje chen po de ni de bzhin nyid dang glo bur gnyis kyi khyad par gyi tshig bla dgas su rig par bya'o/ /lang ka'i bdag po de lta bas na 'di lta ste/ mtha' yas ming du btags pa yi/ /yod mthong snang grags chos rnams kun/ /bla dgas tsam du btags par zad/ /de la dngos gzhi ga la yod/ /gang la ming du btags pa'i gzhi/ /med rgyu btags chags bsgrubs 'grub cing / /gang du bltas par snang ba yin/ /des na bya med byas pa zin/ /mi snang ba las kun snang ba/ /thams cad thams cad glo bur snang / /snang nyid med pa'i snying po ste/ /yod med gnyis su 'ang dmigs pa med/ /sangs rgyas med las sangs rgyas dang / /byang chub chos nyid la sogs pa'i/ /tha dad ming gi bla dgas rnams/ /mi shes rmongs la bstan phyir btags/ /de nyid la ni sangs rgyas dang / /byang chub chos nyid la sogs pa'i/ /tha snyad ming gi bla dgas rnams/ /ming med tshig tu brjod pa med/ /chos nyid nam mkha'i dkyil yangs nas/ /ye shes nyi ma'i sku gsal bas/ /thugs rje sgron ma'i 'od zer gyis/ /gti mug kun bsal rnam par snang zhes smras pas/ lang ka'i bdag po la sogs pa 'gro ba lus kyi sems dpa' rnams gzhan la re rtsol med par dbugs phyin par gyur to/ /sangs rgyas kun gyi dgongs pa 'dus pa'i mdo chen po las gsang sngags rang gi ngo bo bstan pa'i le'u ste brgyad pa'o// //theg pa chen po nges par 'byung ba'i tshul las sgron ma yongs su bkod pa'i</font><hr>102.101b<br><font size=+1>

gtam rgyud brjod pa chos kyi phyag rgya'i ye shes rnam par bgros pa ste byung tshul bstan pa gnyis pa'o// // bam po gnyis par zug pa/ de nas lang ka'i bdag pos yang gsang ba pa'i bdag po la sngon byung ba'i tshig bcu gnyis pa'i gsum pa'i gang gis nges pa rnyed pa na yang byung zhes bstan pa dris pa/ kye gsang ba pa'i bdag po nyid kyis theg pa chen po gsang ba dam pa byung ba'i tshul ston pas lung bstan pa gtam du brjod pa'i skabs su gang gis nges pa rnyed pa na yang byung zhes bkod pa de ji lta ba zhig du rnyed de grags pa lags/ smras pa/ lang ka'i bdag po gang gis gsang sngags kyi ngo bo rdo rje sems dpa' de kho na nyid kyi nges pa phyin ci ma log pa rnyed pa de kho na nyid la bya'o/ /smras pa/ gsang ba pa'i bdag po gsang sngags kyi ngo bo rdo rje sems dpa' de gang nas byung / gang na gnas gang du snang / ji ltar byung de skad ces dris pa las/ gsang ba pa'i bdag pos smras pa/ kye lang ka'i bdag po gsang sngags kyi ngo bo nyid rdo rje sems dpa' de ni 'khor ba dang bcas mya ngan las 'das pa gnyis kyi khams nas byung ngo/ /sangs rgyas kun gyi thugs dang sems can kun gyi sems la gnas so/ /zhing khams mtha' yas par snang ngo/ /ye ji bzhin pa dang / rgyud dag par rang byung ngo/ /yang lang ka'i bdag pos dris pa/ gsang ba pa'i bdag po rdo rje sems dpa' nyid du nges pa gang la gzhag par bgyi/ gsang ba pa'i bdag pos smras pa/ lang ka'i bdag po rdo rje sems dpa' ni gcig dang tha dad pa'i ngo bo nyid las grol te chos rnams kyi chos nyid ma bcos ma slad pa/ snying po byang chub tu ye nas gnas pa de la ye ji bzhin pa'i rdo rje sems dpa' zhes gdags so/ /sems can kun gyi sems kyi chos nyid gang mthong ba'i gnas skabs la ni rgyud dag pa'i rdo rje sems dpa' zhes gdags so/ /de bzhin du sangs rgyas thams cad kyang ye ji bzhin pa dang / rgyud dag pa'i sangs rgyas su rnam par snang ngo/ /de bas na rdo rje sems dpa'i nges</font><hr>102.102a<br><font size=+1>

pa ni thams cad kyi ye ji bzhin pa de kho na nyid la gzhag par bya'o/ /yang lang ka'i bdag pos dris pa/ gsang ba pa'i bdag po sems can kun gyi sems kyi chos nyid de gang lags/ gang zhig mthong na de mthong ba lags/ de skad ces dris pa las/ gsang ba pa'i bdag pos smras pa/ lang ka'i bdag po sems can kun gyi ji lta ba de mthong na mthong ba yin no/ /sems can kun gyi ji lta ba de ni bla na med pa'i byang chub yin no/ /de la ni chos rdul tsam yang mi dmigs so/ /de ni nam mkha'i mtshan nyid do/ /de la ni byang chub pa yang med la byang chub par bya ba 'ang med do/ /de la ni sems can yang med la sems can du gdags pa yang med do/ /chos can yang med la chos can du gdags pa yang med do/ /de ci'i phyir zhe na/ chos thams cad ni byang chub kyi mtshan nyid yin la byang chub ni nam mkha'i mtshan nyid de/ nam mkha' ni mtshan nyid thams cad dang bral ba'o/ /de'i phyir byang chub ni sems las btsal bar bya'o/ /sems de ni rang bzhin gyis yongs su dag pa'i phyir nang na yang med/ phyi rol na yang med gnyis kar yang mi dmigs so/ /sems de ni sangs rgyas kyis kyang ma gzigs/ mi gzigs/ gzigs par mi 'gyur ro/ /de ji ltar ma gzigs na kha dog tu ma gzigs so/ /dbyibs su ma gzigs so/ /mun par ma gzigs so/ /snang bar ma gzigs so/ /pho mor ma gzigs so/ /ma ning du ma gzigs so/ /khams gsum gyi rang bzhin du ma gzigs so/ /lha'i sems su ma gzigs so/ /klu'i sems su ma gzigs so/ /de bzhin du gnod sbyin gyi sems dang / dri za'i sems dang lha ma yin dang nam mkha' lding dang mi 'am ci dang / lto 'phye chen po dang / mi dang mi ma yin pa dang / byol song dang / yi dgas dang / dmyal ba la sogs pa 'gro ba ris tha dad pa'i sems su ma gzigs so/ /rtog pa dang rnam par rtog pa thams cad dang bral ba'o de ci'i phyir zhe na/ sems kyi rang bzhin gang yin pa de ni rdo rje sems dpa'i rang 'byung gi </font><hr>102.102b<br><font size=+1>

ye shes yin la ye shes de ni nam mkha'i rang bzhin te rang bzhin med pa'i phyir ro/ /yang lang ka'i bdag pos dris pa/ kye gsang ba pa'i bdag po sems can gyi sems de ci'i phyir rdo rje sems dpa'i rang 'byung gi ye shes yin/ gsang ba pa'i bdag pos smras pa/ lang ka'i bdag po sems can gyi de bzhin nyid gang yin pa dang / rdo rje sems dpa'i de bzhin nyid gang yin pa 'di la gnyis su med cing gnyis su byar med do/ /de ji lta zhe na 'di lta ste/ gang chags pa'i sems kyi de bzhin nyid gang yin pa de ni rdo rje sems dpa'i de bzhin nyid do/ /rdo rje sems dpa'i de bzhin nyid gang yin pa de ni de kho na nyid do/ /gang chags pa med pa'i sems kyi de bzhin nyid ni rdo rje sems dpa'i de bzhin nyid do/ /rdo rje sems dpa'i de bzhin nyid ni de kho na nyid do/ /gang zhe sdang gi sems kyi de kho na nyid ni rdo rje sems dpa'i de bzhin nyid do/ /rdo rje sems dpa'i de bzhin nyid ni de kho na nyid do/ /gang byams pa'i sems kyi de bzhin nyid ni rdo rje sems dpa'i de bzhin nyid do/ /rdo rje sems dpa'i de bzhin ni de kho na nyid do/ /gang gti mug gi sems kyi de bzhin nyid ni rdo rje sems dpa'i de bzhin nyid do/ /rdo rje sems dpa'i de bzhin nyid ni de kho na nyid do/ /gang shes rab chen po 'i de bzhin nyid ni rdo rje sems dpa'i de bzhin nyid do/ /rdo rje sems dpa'i de bzhin nyid ni de kho na nyid do/ /gang the tshom gyi sems kyi de bzhin nyid ni rdo rje sems dpa'i de bzhin nyid do/ /rdo rje sems dpa'i de bzhin nyid ni de kho na nyid do/ /gang nges pa'i sems kyi de bzhin nyid ni rdo rje sems dpa'i de bzhin nyid do/ /rdo rje sems dpa'i de bzhin nyid ni de kho na nyid do/ /gang mun pa'i sems kyi de bzhin nyid ni rdo rje sems dpa'i de bzhin nyid do/ /rdo rje sems dpa'i de bzhin nyid ni de kho na nyid do/ /gang snang ba'i sems kyi de bzhin nyid ni rdo rje sems dpa'i de bzhin nyid do/ /rdo rje sems dpa'i de bzhin nyid ni de kho na nyid do/ /gang nga rgyal gyi</font><hr>102.103a<br><font size=+1>

sems kyi de bzhin nyid ni rdo rje sems dpa'i de bzhin nyid do/ /rdo rje sems dpa'i de bzhin nyid ni de kho na nyid do/ /gang phrag dog gi sems kyi de bzhin nyid ni rdo rje sems dpa'i de bzhin nyid do/ /rdo rje sems dpa'i de bzhin nyid ni de kho na nyid do/ /gang bsdu ba'i sems kyi de bzhin nyid ni rdo rje sems dpa'i de bzhin nyid do/ /rdo rje sems dpa'i de bzhin nyid ni de kho na nyid do/ /de bzhin du spro ba'i sems kyi de kho na nyid dang / 'byed pa'i sems kyi de kho na nyid dang / 'khrug pa'i sems kyi de kho na nyid dang / zhi ba'i sems kyi de kho na nyid dang / 'thab pa'i sems kyi de kho na nyid dang / 'jar ba'i sems kyi de kho na nyid dang / rtsod pa'i sems kyi de kho na nyid dang / 'thun pa'i sems kyi de kho na nyid dang / brjod pa'i sems kyi de kho na nyid dang / brjod pa med pa'i sems kyi de kho na nyid dang / lha'i sems kyi de kho na nyid dang / klu'i sems kyi de kho na nyid dang / bdud kyi sems kyi de kho na nyid dang / lha ma yin gyi sems kyi de kho na nyid dang / gnod sbyin gyi sems kyi de kho na nyid dang / mi'i sems kyi de kho na nyid dang / lto 'phye'i sems kyi de kho na nyid dang / 'byung po'i sems kyi de kho na nyid dang / nam mkha' lding gi sems kyi de kho na nyid dang / dri za'i sems kyi de kho na nyid dang / grul bum gyi sems kyi de kho na nyid dang / skyes pa'i sems kyi de kho na nyid dang / bud med kyi sems kyi de kho na nyid dang / ma ning gi sems kyi de kho na nyid dang / bdag gi sems kyi de kho na nyid dang / gzhan gyi sems kyi de kho na nyid dang / pha'i sems kyi de kho na nyid dang / ma'i sems kyi de kho na nyid dang / bu'i sems kyi de kho na nyid dang / phu nu'i sems kyi de kho na nyid dang / dgra bo'i sems kyi de kho na nyid dang / dbang phyug gi sems kyi de kho na nyid dang / tshangs pa'i sems kyi de kho na nyid dang / gtogs 'dod kyi sems kyi de kho na nyid dang / dbang po'i sems kyi de kho na nyid dang / tshogs bdag gi sems kyi de kho na nyid dang / kun du</font><hr>102.103b<br><font size=+1>

rgyu ba'i sems kyi de kho na nyid dang / tshong pa'i sems kyi de kho na nyid dang / zhing pa'i sems kyi de kho na nyid dang / chu bo lta bu'i sems kyi de kho na nyid dang / lteng ka lta bu'i sems kyi de kho na nyid dang / khron pa lta bu'i sems kyi de kho na nyid dang / bkod pa lta bu'i sems kyi de kho na nyid dang / 'khor lo lta bu'i sems kyi de kho na nyid dang / zo chu lta bu'i sems kyi de kho na nyid dang / bskol chu lta bu'i sems kyi de kho na nyid dang / gser chu lta bu'i sems kyi de kho na nyid dang / kun du bsrung ba'i sems kyi de kho na nyid dang / ser sna lta bu'i sems kyi de kho na nyid dang / gtong ba lta bu'i sems kyi de kho na nyid dang / byi la lta bu'i sems kyi de kho na nyid dang / lce 'bab pa lta bu'i sems kyi de kho na nyid dang / glog lta bu'i sems kyi de kho na nyid dang / sprin lta bu'i sems kyi de kho na nyid dang / byi ba lta bu'i sems kyi de kho na nyid dang / khyi lta bu'i sems kyi de kho na nyid dang / klu lta bu'i sems kyi de kho na nyid dang / gar lta bu'i sems kyi de kho na nyid dang / sil snyan lta bu'i sems kyi de kho na nyid dang / rma bya lta bu'i sems kyi de kho na nyid dang / rnga sgra lta bu'i sems kyi de kho na nyid dang / dus kyi 'brug sgra lta bu'i sems dang / seng ge lta bu'i sems dang / bung ba lta bu'i sems dang / sbrang ma lta bu'i sems dang / chu srin lta bu'i sems dang / rus sbal lta bu'i sems dang / sprul pa lta bu'i sems dang / ma he lta bu'i sems dang / 'ug pa lta bu'i sems dang /  spre'u lta bu'i sems dang / bya rog lta bu'i sems dang / rta lta bu'i sems dang / bzhad lta bu'i sems dang / gang ka lta bu'i sems dang / spyang ki'i sems dang / wa'i sems dang / glang po lta bu 'i sems dang / lug lta bu'i sems dang / khra lta bu'i sems dang / khyim gyi sems dang / khyim med pa'i sems dang / thar pa'i sems dang / ma thar ba'i sems dang / srin po'i sems dang / mi rgod kyi</font><hr>102.104a<br><font size=+1>

sems dang / na chung gi sems dang / rgyal po'i sems dang / smad 'tshong ma'i sems dang /  'phyon ma'i sems dang / bram ze'i sems dang / shan pa'i sems dang / yi dgas kyi sems dang / dmyal ba'i sems dang / tsher ma'i sems dang / shing bal gyi sems dang / sa 'og gi sems dang / nam mkha'i sems dang / dra ba'i sems dang / rgya'i sems dang / zhags pa'i sems dang / lig ri'i sems dang /  lcags kyu'i sems dang / tho ba'i sems dang / ju thur gyi sems dang / snod kyi sems dang / khri mon gyi sems dang / mi lce'i sems dang / thu lum gyi sems dang / mar me'i sems dang / nyi ma'i sems dang / zla ba'i sems dang / dngul gyi sems dang / gser gyi sems dang / me stag gi sems dang / rlung gi sems dang / chu'i sems dang / mdung shing gi sems dang / gtun shing gi sems dang / sgo 'i sems dang / shing leb kyi sems dang / me'i sems dang / sa'i sems dang / 'dam gyi sems dang /  rnyog chu'i sems dang / tshon rtsi'i sems dang / nor bu'i sems dang / dug gi sems dang / sman gyi sems dang / kha zas kyi sems dang / chu dong gi sems dang / mda'i sems dang / ral gri'i sems dang / 'khor lo'i sems dang / gzhu'i sems dang / sgrog gi sems dang / shing gi sems dang / lan tshwa'i sems dang / spu gri'i sems dang / thig gi sems dang / rdo rje'i sems dang / ri rab kyi sems dang / rgya mtsho'i sems dang / pha bong gi sems dang / zhang gi sems dang / phug gi sems dang / skye ba'i sems dang / me tog gi sems dang / 'bras bu'i sems dang / rtsa ba'i sems dang / yal ga'i sems dang / sdong bu'i sems dang / mngar ba'i sems dang / kha ba'i sems dang / skyur ba'i sems dang / tsha ba'i sems dang / blag ba'i sems dang / bska ba'i sems dang / yi ge'i sems dang / tsha tsha'i sems dang / lde mig gi sems</font><hr>102.104b<br><font size=+1>

dang / bya gag lta bu'i sems dang / kun dga' ra ba lta bu'i sems dang / dbyar sprin lta bu'i sems dang / me long lta bu'i sems dang / til gyi mar khu lta bu'i sems dang / dgun chang lta bu'i sems la sogs pa mtha' yas pa'i sems kyi de bzhin nyid gang yin pa de ni rdo rje sems dpa'i de bzhin nyid do/ /rdo rje sems dpa'i de bzhin nyid gang yin pa de ni ji bzhin pa'i de kho na nyid do/ /kye lang ka'i bdag po de ci'i phyir zhe na/ rdo rje sems dpa'i de bzhin nyid ni ma bcos ma bslad/ ma byas ma brtags ji bzhin pa yin la/ sems can kun gyi sems kyi de bzhin nyid gang yin pa de yang ma bcos/ ma bslad ma byas/ ma brtags ji bzhin pa de kho na nyid yin pa'i phyir ro/ /gang thams cad mkhyen pa'i spyan gyis kyang de gnyis kyi rang bzhin so sor ma gzigs mi gzigs gzigs par mi 'gyur ro/ /gang rgyal tshab skyes bu rnams kyi so sor rtog pa'i shes rab kyis kyang so sor ma phyed mi phyed phyed par mi 'gyur ro/ /kye lang ka'i bdag po gang gsang sngags kyi nges pa rnyed par 'dod pa rnams kyis sems kyi de kho na nyid ngo shes par bya'o/ /de ci'i phyir zhe na/ bya ba'i rnal 'byor pa ltar sems tha dad par snang ba rnams bya ba med pa'i rnal 'byor pa ltar sems de kho na nyid gcig tu snang la de kho na nyid gcig ni de kho na nyid gsang ba dam pa yin pa'i phyir sangs rgyas thams cad kyi thugs rdo rje sems dpas kyang sems kyi de kho na nyid thugs su chud pas gsang sngags kyi nges pa brnyes so/ /de ji lta zhe na sems kyi de kho na nyid ni rnam par dag pa'i sgo yin no/ /chos snang ba'i sgo yin no/ /chos kyi dbyings yin no/ /chos kyi glegs bam chen po yin no/ /chos kyi rgyun gyi ting nge 'dzin chen po yin no/ /kye lang ka'i bdag po de yang 'di lta ste/ gang gis sems kyi de kho na/ /gsang ba'i snying po nges rnyed na/ /'dren pa'i tshig gis ma bkrol yang / /sems la chos 'byung 'bum phrag yas/ /smra ba'i</font><hr>102.105a<br><font size=+1>

sgo mor thams cad gsal/ /don la nges pa'i gtan tshigs ni/ /tshig tu mtshon te 'dzin par nus/ /chos rgyun ting 'dzin thob pa yin/ /kye lang ka'i bdag po de ltar na sems kyi de kho na nyid ni byang chub chen po yin la byang chub chen po ni rdo rje sems dpa'i ste/ de yang sangs rgyas kun gyi bdud rtsir gyur pa 'di lta ste/ byang chub sems kyi chu med na/ /rgyal ba rnams kyang skams par 'gyur/ /byang chub sems kyi chu bo 'dis/ /sngon zhen mtha' dang rdos skams rlan/ /sems kyi rang bzhin stong nyid pas/ /de las byung ba thams cad stong / /de stong pas na byang chub kyang / /stong nyid snying po de kho na/ /rang 'byung ye shes chu chen po/ /rmad byung rgya mtsho'i klong dkyil nas/ /byang chub bdud rtsi'i chu byung bas/ /rgyal ba thams cad bsil bar mdzad/ /'di ni gsang ba'i snying po ste/ /rdo rje sems dpa'i de kho na/ /nyid tu nges pa'i ngo bo yin/ /rgyal ba kun gyis dam par bsngags/ /de bas de'i phyir lang ka'i bdag po sems kyi de kho na nyid ngo shes par bya ba ni yun gyi don srid chen po'o zhes gsang ba pa'i bdag po des de skad smras pas thams cad rdo rje sems dpa'i de kho na nyid du rnam par grol ba'i lam du gyur to/ /sangs rgyas kun gyi dgongs pa 'dus pa'i mdo chen po las rdo rje sems dpa'i de kho na nyid ston pa'i le'u ste dgu pa'o// //    de nas yang lang ka'i bdag pos gsang ba pa'i bdag po la dris pa/ gsang ba pa'i bdag po gsang sngags kyi ngo bo de sems kyi de kho na nyid de gang gi spyod yul du gyur/ smras pa/ lang ka'i bdag po de ni sangs rgyas bcom ldan 'das rnams kyi spyod yul du gyur gyi sa dang sa la gnas pa rnams kyi ni ma yin no/ /de ci'i phyir zhe na/ de ni 'di ltar brtag par dka' zhing bstan par dka' la brjod pa'i tha snyad rnams dang bral ba'i phyir ro/ /</font><hr>102.105b<br><font size=+1>

yang lang ka'i bdag pos dris pa/ kye gsang ba pa'i bdag po sems kyi de kho na nyid gsang sngags kyi ngo bo de gang dam pa rnams kyi spyod yul las ma gtogs pa gzhan dang thun mong ma lags na ni 'o na gang bya ba'i rnal 'byor pa rnams kyang sems kyi de kho na nyid la lta zhing sems kyi rgyud kun du btsal na gang de'i tshe nang gi sems kyang ma mthong / phyi'i sems kyang ma mthong / nang dang phyi'i sems kyang ma mthong / gang phung po la sems ma mthong / khams la ma mthong / skye mched la ma mthong / des sems ma mthong ba dang / sems 'di ga las byung zhes bltas na de 'di ltar sems so/ /gang dmigs pa yod pas na sems 'byung ngo/ /de yang 'di ltar sems so/ /dmigs pa de yang gzhan nam ci/ /sems dpa' de yang gzhan nam gang / /dmigs pa de nyid sems yin nam/ /sems dpa' de nyid dmigs pa 'am/ /gal te dmigs pa de yang gzhan/ /sems dpa' de yang gzhan na ni de kho na nyid mi gcig ste gnyis su 'gyur ro/ /'on te gcig pa zhig yin na ni sems la sems kyis rjes su lta zhing sems kyis sems mthong ba mi rigs so/ /'di lta ste dper na ral gri des de nyid gcod mi nus pa dang / sor mo'i rtse mo des de nyid la reg par mi nus pa bzhin sems de la sems des dmigs mi nus so zhes bltas na 'di ltar mthong ste/ gang rag ma las pa/ sems la gnas med pa/ rten med pa/ chad par ma yin/ /rtag par ma yin/ spungs par ma yin/ rgyu las ma byung / rkyen gyis ma bskyed/ de las ma yin/ gzhan las ma yin/ de nyid ma yin/ gzhan ma yin/ rigs med pa/ rgyu med pa/ mi 'phro ba/ mi snang ba/ ngo bo nyid med pa ji lta ba de bzhin du mthong ngo/ /yang dag pa/ mi g.yo ba/ dben pa/ cung zad kyang ma mthong / rnam par ma mthong / </font><hr>102.106a<br><font size=+1>

mi rtog rnam par mi rtog /mi bskyod/ mi sems/ mi spro/ sems gzugs med pa/ gang byung ba yang gzugs med pa/ gang la gzugs med pas byang chub la yang gzugs med do/ /sems kyi rang bzhin ni byang chub bo/ /byang chub kyi rang bzhin ni chos thams cad do/ /chos thams cad kyi rang bzhin ni de kho na nyid do/ /sems 'di ni 'di ltar myur ba/ rab tu myur ba/ mi gnas pa/ rgyu ba/ spre'u lta bu/ rlung lta bu/ smig rgyu lta bu/ chu'i rgyun lta bu/ mar me lta bu/ lus gzugs lta bu/ ring du 'gro ba/ gar yang mi g.yo ba/ slar log pa/ yul yal gnas pa/ drug gi spyod yul ba/ kun shes pa/ gcig tu thub pa/ mi 'byung ba/ thams cad 'byung ba/ zhi gnas pa/  tha dad pa/ gcig pa/ mi g.yeng ba/ kun du g.yeng ba/ sems dus gsum du mnyam par shes pa/ sems de kho na par shes pa/ ji ltar rang gi sems shes pa de ltar gzhan gyi sems kyang rab tu shes so/ /rang gi sems ji ltar stong pa de ltar thams cad kyi sems stong par rab tu shes so/ /rang gi sems mnyam par shes pa de bzhin du thams cad kyi sems mnyam par rab tu shes so/ /des chos thams cad mnyam par rab tu shes so/ /chos thams cad mnyam pas byang chub mnyam par rab tu shes so/ /des sems chos thams cad kyi dbyings su rab tu shes so/ /thams cad kyi dbyings de ni kun gyi thun mong ma yin no zhes sems la gnas pa sems la spyod pa/ sems la dbang pa sems la lta ba/ sems mthong ba/ sems ngo shes pa lags na gsang ba pa'i bdag po ci'i phyir dam pa 'ba' zhig gi spyod yul yin gyis pa rnams kyi spyod yul ma yin zhes smra/ gsang ba pa'i bdag pos smras pa/ lang ka'i bdag po de de ltar yin mod kyi/ de dag thams cad nas thams cad du sems kyi de kho na nyid la rgyu'i mtshan nyid 'ba' zhig tu nges par zad kyi 'bras bu nyid du yongs</font><hr>102.106b<br><font size=+1>

su/ mi shes so/ /de ci'i phyir zhe na 'di lta ste/ gang sa dang sa pa rnams ni dra ba bzhi'i rgyar yongs su chud pa ste/ bzhi gang zhe na/ gang dra ba chen po dang dra ba dang dra ba phyed pa dang / dra ba gcig pa'o/ /de yang byis pa rnams dang / smyon pa rnams dang / 'du shes chung ba rnams dang / 'du shes gcig pa rnams kho na ste/ gang sa pa rnams ni sems rgyu 'ba' zhig las mi shes pa'i phyir 'du shes gcig pa ste/ de dag ni dra bar chud pa/ dra bas bcings pa sha dag pas 'bras bu nges par rnyed par shin du dka' ba yin no/ /de ci'i phyir zhe na/ lang ka'i bdag po 'di ltar sems 'bras bu'i de kho na gang yin pa de ni sangs rgyas rnams kyis kyang gsung du med pa/ rdo rje sems dpas kyang mtshan du med pa yin na byang chub sems dpa' rnams kyis lta ci smos/ yang lang ka'i bdag pos dris pa/  gsang ba pa'i bdag po ci nyid kyis kyang sems 'bras bu'i de kho na nyid du nges pa de ma rnyed dam de skad ces dris pa las/ gsang ba pa'i bdag pos smras pa/ lang ka'i bdag po kho bos da dung nges pa ma rnyed pa'i phyir gzhan la bstan par rab tu dka'o/ /de ci'i phyir zhe na/ de ni bcom ldan 'das rdo rje sems dpa' nyag gcig gi dgongs pa'i spyod yul du gyur pa'o/ zhes gsang ba pa'i bdag po des de skad ces smras pas/ thams cad byang chub la 'khrul ba'i ye rngam yongs su chad par gyur to/ /sangs rgyas kun gyi dgongs pa 'dus pa'i mdo chen po las khyad par dam pa'i le'u ste bcu pa'o// //    de nas lang ka'i bdag po la sogs 'gro ba lus kyi sems dpa' rnams ngo mtshar du gyur/ rmad du gyur te 'di skad ces smras so/ /kye gsang ba pa'i bdag po sangs rgyas bcom ldan 'das thams cad kyis bka' stsal pa ltar na/ gsang ba pa'i bdag po ni de bzhin gshegs pa thams</font><hr>102.107a<br><font size=+1>

cad kyi bdag po rdo rje sems dpa'i gsang ba dam pa ma nor ba de kho na nyid the tshom thams cad gcod pa lags na/ 'bras bu de kho na nyid gsang ba ston mi spyod pa de shin tu ngo mtshar che ba ltar na bdag cag gis nam nges pa rnyed par 'gyur zhig gu zhes smras pa las/ gsang ba pa'i bdag pos smras pa/ kye dman pa'i lus kyi sems dpa' rnams de bzhin gshegs pa thams cad kyi mnga' bdag rdo rje sems dpa' nyid kyis kyang gsang sngags kyi de kho na nyid ma rnyed kyi bar du bskal pa grangs med gsum snyed du dpag tu med pa'i dka' ba spyad kyang rnam pa thams cad ma mkhyen no/ /de ji lta zhe na/ ji lta ji ltar rgyud yongs su dag pa'i sangs rgyas dpag tu med pa byung ba dang 'byung ba yang de kho na nyid kyi nges pa ma rnyed kyi bar du dka' ba spyod pa ste/ 'di ltar bskal pa bzang po 'di'i 'og tu mtha' 'khob kyi bskal pa'i rigs ngan drug bcu 'byung ngo/ /de'i 'og tu bskal pa grags ldan zhes bya ba la sangs rgyas stong phrag bcu 'byung ngo/ /de'i 'og tu rigs ngan gyi bskal pa stong phrag brgyad bcu 'byung ngo/ /de'i 'og tu bskal pa skar ma bkram pa lta bu la sangs rgyas stong phrag brgyad bcu 'byung ngo/ /de'i 'og tu mun pa'i bskal pa sum brgya 'byung ngo/ /de'i 'og tu bskal pa mdzes ldan rgyan bya ba la sangs rgyas stong phrag brgyad bcu rtsa lnga 'byung ngo/ /de bzhin du mtha' thug pa med par sgron ma'i bskal pa dang mun pa'i bskal pa rtag par rgyun gyi 'khor mor 'dren mar 'byung ngo/ /de ltar na bskal pa bzang po 'di nyid la sangs rgyas stong rtsa gnyis 'byung ngo/ /bskal pa bzang po 'di'i sngon rol tu mun pa'i bskal pa brgya byung ngo/ /de sngon du bskal pa rdzogs ldan zhes bya ba la sangs rgyas bye ba phrag brgya byung ngo/ /de 'das pa'i sngon du mtha' 'khob kyi bskal pa brgya byung ngo/ /de 'das pa'i sngon du</font><hr>102.107b<br><font size=+1>

bskal pa bzang rgyan zhes bya ba la sangs rgyas bye ba phrag brgyad bcu rtsa bzhi byung ngo/ /de 'das pa'i sngon du mun pa'i bskal pa lnga brgya byung ngo/ /de 'das pa'i sngon du bskal pa mthong dga' zhes bya ba la sangs rgyas bye ba phrag bcu byung ngo/ /de 'das pa'i sngon du mun pa'i bskal pa bdun brgya byung ngo/ /de 'das pa'i sngon du bskal pa dga' ba zhes bya ba la sangs rgyas stong phrag drug bcu byung ngo/ /de la sogs pa mtha' yas par mun pa dang sgron ma'i bskal pa 'dren mar thog ma dang tha ma med bar byung zhing 'byung ste/ gang sgron ma ji snyed pa byung zhing 'byung ba rnams kyang gsang sngags kyi nges pa de kho na nyid ma rnyed kyi bar du dpag tu med pa'i dka' ba spyad kyang rnam pa thams cad ma mkhyen mi mkhyen mkhyen par mi 'gyur ro/ /gang gsang sngags kyi nges pa de kho na nyid rnyed ma thag par rnam pa thams cad mkhyen to/ /mkhyen no mkhyen par 'gyur ro/ /de bzhin du sngon gyi bskal pa bgrangs pa las kyang grangs med par 'das pa mang po tshad med pa bsam gyis mi khyab pa na bskal pa chen po mngon par dga' ba zhes bya ba la sangs rgyas sum khri sum stong byung ba'i dus na tha ma'i sangs rgyas kun du bzang po zhes bya ba'i bstan pa la rgyal rigs dang / rmangs rigs dang / rje rigs dang bram ze'i rigs dang / gdol pa'i rigs dang lnga las mchog chen po lnga 'byung ba ni 'di lta ste/ khye'u bde skyob zhes bya ba dang / khye'u tra li ta zhes bya ba dang / khye'u dpa' sbyin zhes bya ba dang / khye'u las byin dang / khye'u dum bur zhes bya ba byung ngo/ /de'i tshe de'i dus na sangs rgyas rdo rje sems dpa' ni khye'u bde skyob zhes bya'o/ /de'i tshe de'i dus na sangs rgyas tshe mtha' yas ni khye'u tra li ta zhes bya'o/ /de'i tshe de'i dus na sangs rgyas rin chen</font><hr>102.108a<br><font size=+1>

'byung ba ni khye'u dpa' sbyin zhes bya'o/ /de'i tshe de'i dus na sangs rgyas rnam par snang mdzad ni khye'u las byin zhes bya'o/ /de'i tshe de'i dus na sangs rgyas don yod grub pa ni khye'u dum bur zhes bya'o/ /de'i tshe de'i dus na khye'u de rnams kyis sangs rgyas kun du bzang po de la rnal 'byor mchog tu sems bskyed pa'i dus su 'jig rten gyi skabs na sems brgyad bskyed cing 'jig rten pa'i lam brgyad nas bgrod de 'gyur ba ma nges pa'i sa par gnas so/ /de'i tshe sangs rgyas sum khri sum stong la the tshom bcad kyang nges pa ma rnyed do/ /las dang po pa'i skabs na sems gsum bskyed cing mtha' bcu chub nas rten pas gzhi'i sar gnas so/ /de'i tshe de'i dus na sangs rgyas bzhi khri bzhi stong la the tshom bcad kyang nges pa ma rnyed do/ /rigs chen 'byed pa'i skabs su sems bzhi rdzogs te/ mtha' bcu chub nas bsod nams gter bar gyur to/ /de'i tshe sangs rgyas lnga khri lnga stong la the tshom bcad kyang nges pa ma rnyed do/ /yang dbugs chen phyin pa'i skabs su sems gcig rdzogs te mtha' bcu chub nas 'jigs pa lnga las 'das te brten nas khyad par 'gro ba'i sa bar gnas so/ /de'i tshe sangs rgyas drug khri drug stong la the tshom bcad pas phyogs tsam shes te dbugs phyin par gyur to/ /de yang 'di ltar sgyu ma sbyong ba'i skyes bu de/ /'khor los sgyur ba'i cha byad du/ /rin chen bdun dang dpung tshogs kyis/ /dbang sgyur thabs kyi theg pa ston/ /yang lung chen thob pa'i skabs su sems bdun rdzogs te lhan cig gnas pa'i dri ma dag pas ri bo las rgal te dmigs pas 'bras bu skye ba'i sa par gnas so/ /de'i tshe sangs rgyas bdun khri bdun stong la lung thos pas rtog chen la gnas so/ /de yang 'di lta ste/  de'i tshe skyes bu dam pa de/ /'bras bu nyid la lam shes pas/ /lam gyi yan lag bde</font><hr>102.108b<br><font size=+1>

rdzogs te/ /gzhan dag smin par bya ba'i phyir/ /ji ltar 'dod ltar thabs mchog sbyor/ /yang rtsal chen rdzogs pa'i skabs su sems gsum bskyed cing mtha' drug chub nas gnas par mi 'gyur ba'i sa par gnas so/ /de'i tshe sangs rgyas brgyad khri brgyad stong las lung bstan pa thos nas rdeng du gyur to/ /de yang 'di ltar/ de nas rgyal 'tshab skyes bu de/ /chos kyi rgyal po gang de yi/ /gdung 'tshob dga' ldan theg chen ston/ /mi gnas bcu dus cho 'phrul snang / /lang ka'i bdag po de ltar na las dang po pa'i rigs kyi bu de dag ni rigs lngar skye ba blangs pa de nas kyang bskal pa dpag tu med pa brjod pa las 'das pa'i thog ma dang tha ma med pa'i dus na sangs rgyas lnga la byang chub mchog tu sems bskyed nas 'khor los sgyur ba'i rgyal po rnam par snang byed kyi bu lngar skyes pa ni 'di lta ste/ mdzes pa'i me tog dang /  bsam gyis mi khyab pa'i dpal dang / nor sbyin 'dzin dang / zla tshes dpal dang / kun la mdzes pa'i 'od ces bya ba lngar gyur te/ de dag las kyi dang po 'dun pa'i rnal 'byor par gyur pa nyid la yid la byed pa zhes bya ba thob bo/ /des nam mkha' la 'gro ba'i ltas mthong bar gyur to/ /de nas rigs chen 'byed pa'i rnal 'byor par gyur pa nyid la 'phro 'du gcig pa'i ting nge 'dzin thob bo/ /des bdag nyid yi ge 'i phreng bar snang ba'i ltas mthong bar gyur to/ /de nas dbugs chen phyin pa'i rnal 'byor par snang ba nyid la yongs su mi ldog pa'i ting nge 'dzin thob bo/ /des 'jig rten gyis khams nor bu chen po ches gang bar spyod pa'i ltas mthong bar gyur to/ /de nas lung chen thob pa'i rnal 'byor du snang ba nyid la de bzhin nyid kyi ting nge 'dzin thob bo/ /des seng ge dag la zhon te thams cad zil gyis gnon pa'i ltas</font><hr>102.109a<br><font size=+1>

mthong bar gyur to/ /de nas rtsal chen rdzogs pa'i rnal 'byor du snang ba nyid la kun tu snang gi ting 'dzin thob ste/ des nyi zla'i 'khor lo bskor bas thams cad 'od kyis gsal bar byed pa'i ltas mthong bar gyur to/ /lang ka'i bdag po de ltar gyur du zin kyang gsang sngags kyi ngo bo de kho na nyid kyi nges pa rnyed pa ni ma yin no/ /de ci'i phyir zhe na/ lang ka'i bdag po gang las dang po pa'i rigs kyi bu de dag rgyal 'tshab skyes bur gyur pa na skyes bu dam pa rdo rje sems dpa' dang / skyes bu dam pa rdo rje rin chen dang / skyes bu dam pa rdo rje chos dang / skyes bu dam pa las kyi rdo rje dang / skyes bu dam pa rdo rje dbyings zhes bya bar zhing khams thams cad du grags so/ /de la la lar ni rgyal 'tshab skyes bu zhes bya bar brjod cing de ltar grags so/ /la lar ni srid pa tha ma pa zhes bya bar brjod cing grags so/ /la lar ni sa chen po'i sangs rgyas zhes bya bar brjod cing grags kyang sangs rgyas kyi dgongs pa gsang ba dam pa da dung nyams su ma myong ste mnyam pa la 'jog dgos pa'i phyir ro/ /de ci'i phyir zhe na/ skyes bu dam pa de dag gis nam mnyam pa la ma bzhag gi bar du sangs rgyas kyi dgongs pa nyams su ma myong nas yang dag pa'i rtog pas dang po'i sangs rgyas rdo rje sems dpa' la gsol ba/ bcom ldan 'das sangs rgyas bcom ldan 'das rnams ni mnyam par bzhag pa dang ma bzhag pa mi mnga' bar rnam pa thams cad mkhyen na bdag cag gis bskal pa dpag tu med par dka' ba dpag tu med par bgyi ba thams cad rdzogs par bgyis kyang mnyam pa la ma bzhag gi bar du sangs rgyas kyi dgongs pa myong bar ma gyur pa 'di ngo mtshar lags so/ /bde bar gshegs pa 'di ngo mtshar lags so/ /de skad ces gsol ba dang / bcom ldan 'das</font><hr>102.109b<br><font size=+1>

sems dpa' rdo rje snying po des bka' stsal pa/ kye skyes bu dam pa rnams gang de bzhin gshegs pa nyid du lhun gyis grub par 'dod pa rnams kyis ni sangs rgyas kyi chos thams cad nas thams cad du yongs su rdzogs par bya ba gsum las khyed rnams kyis gang bya ba yongs su rdzogs par byas/ bsrung ba yongs su dag par byas su zin kyang da dung blo gros kun du chub par ma byas so/ /de bas na gdod ma nas dam pa rnams kyi de kho na nyid la blo gros kun du chub par gyis shig dang / de yongs su chub pa bzhin dam pa rnams kyi dgongs pa myong bar 'gyur ro/ /de skad ces bka' stsal pa las/ skyes bu dam pa rnams kyis gsol pa/ e ma'o bcom ldan 'das/ bcom ldan 'das kyis ni bdag cag rnams la shin du ngo mtshar zhing rmad du gyur pa/ dpag par dka' ba the tshom skye ba/  som nyi 'tshal bar bka' stsal na/ blo gros kun du chub par bgyid pa'i dam pa rnams kyi de kho na nyid ces bgyi ba gang lags bshad du gsol/ bde bar gshegs pa bshad du gsol zhes gsol pa las/ sangs rgyas kun gyi bcom ldan 'das gsang sngags kyi ngo bo de kho na nyid des bka' stsal pa/ kye skyes bu dam pa rnams kyi de kho na nyid 'di ni thabs che la sgo yangs/ tshegs chung la don che/ thag nye la brtag dka'/ nyen che la bsrung dka' ba'i phyir ngas khyed la phyin ci ma log par bstan par rab tu dka'o/ /de skad ces bka' bstsal pa las/ skyes bu dam pa de rnams rma ga chad par rab tu ngus so/ /shin du rab tu ngus nas gsang ba'i sgo bye bar gyur te gsang sngags kyi dngos po brgyad du yongs su shes par gyur to/  sangs rgyas kun gyi dgongs pa 'dus pa'i mdo chen po las rgyud dag pa'i skye rgyud bstan pa'i le'u ste</font><hr>102.110a<br><font size=+1>

bcu gcig pa'o// //   de nas de bzhin gshegs pa thams cad kyi bcom ldan 'das dam pa rnams kyi de kho na nyid rdo rje sems dpa' des skyes bu dam pa de dag la 'di skad ces bka' stsal pa/ kye skyes bu dam pa rnams ma ngu shig /sdug bsngal gyi gdung ba ma bskyed cig /khyed ci'i phyir du/ de nas de bzhin gshegs pa thams cad kyi bcom ldan 'das rdo rje sems dpa' de kho na nyid la skyes bu dam pa de rnams kyis 'di skad ces gsol to/ /bcom ldan 'das yongs su ji ltar mi ngu bar bgyi/ bdag cag gis btsal ba tshi chad par ma gyur ram/ bcom ldan 'das bdag cag gi blo gros ji ltar bgyi/  bdag cag rnams kyi bshes gnyen dam pa mdzad du gsol/ bdag cag gi dpag tu med pa ji snyed cig tu dka' ba dpag tu med pa spyad kyang yongs su chub par 'dod na da dung gsang sngags kyi ngo bo de kho na nyid ming tsam yang thos pa'i skal ba ma mchis na yongs su ji ltar lags/ de skad ces gsol pa las de bzhin gshegs pa thams cad kyi bcom ldan 'das rdo rje sems dpa' de kho na nyid des bka' stsal pa/ skyes bu dam pa rnams de skad ces ma zer cig /gsang sngags ni kun gyi thun mong ma yin te/ don de kho na nyid ni sangs rgyas nyag cig gi dgongs pa dam pa smrar med pa/ rtog dpyod thams cad dang bral ba/ 'di zhes mtshon du med pa/ brtag par dka' zhing bstan par dka' la brjod pa'i tha snyad rnams dang bral ba/ dpe dang bral ba nam mkhas kyang bskrun du yod pa ma yin pa/ tshad med pa tshad dang bral ba/ tshad ma 'am/ gtan tshigs sam/ dpag pas mi dpogs te/ khyod kyis ji ltar ma shes ma thos pa de ltar gang rgyud yongs su dag pa'i sangs rgyas dang byang chub sems dpa' thams cad kyis kyang da dung gsang sngags</font><hr>102.110b<br><font size=+1>

kyi ngo bo de kho na nyid mngon par ma thob/ mngon par ma rtogs/ mngon par rdzogs par sangs ma rgyas so/ /de ci'i phyir zhe na/ gsang sngags kyi ngo bo de kho na nyid rnam par yongs su dag pa'i phyir sangs rgyas dang byang chub sems dpa' zhes mi dmigs shing btsal du med pa la sa bcu la gnas pa'i skyes bu dam pa rnams kyis ni de bzhin gshegs pa'i snying po gsang sngags kyi ngo bo de kho na nyid dam pa de rang la yod par ma shes te chos nyid du 'jog cing dpyod pa dang ma bral/ sangs rgyas rnams ni snying po byang chub la mi rtog pa'i ngang du mi g.yo bar gnas te mngon par 'tshang mi rgya bar gnas na khyed ci'i phyir ngu bar byed/ de skad ces bka' stsal pas/ skyes bu dam pa de rnams dga' mgu rangs te dbugs phyin nas 'di snyam du sems so/ /ji ltar sngon du gshegs pa'i sangs rgyas bcom ldan 'das rnams kyis kyang da dung gsang sngags kyi ngo bo de kho na nyid mngon du ma gyur na bdag cag la sogs pa lta ci smos/ yong ston pa rdo rje sems dpa' de kho na nyid 'di ni sangs rgyas kun gyi dge ba'i bshes gnyen dam pa nyid kho na bas bdag cag gi blo gros 'di la chub par gor ma chag snyam mo/ /de nas skyes bu dam pa de rnams kyis bcom ldan 'das de kho na nyid de la 'di skad ces gsol to/ /bcom ldan 'das gsang sngags dam pa de kho na nyid de ni gang yongs su brjod pa las 'das te gsung bar mi mnga' bas bstan cing brtag par rab tu dka' ba lags zhe na/ 'on kyang bcom ldan 'das nyid ni blo gros chen po rnams kyi yul du nges shing the tshom thams cad gcod pa/ dam pa rnams kyi dam pa nyid lags pas na bdag cag gi blo gros nges par chub pa dam pa'i phyogs dgongs pa dam pa'i mnyam pa nyid du bstan du gsol zhes gsol pa las/ bcom ldan 'das de kho na nyid des</font><hr>102.111a<br><font size=+1>

bka' stsal pa/ skyes bu dam pa rnams legs so/ /nges so/ /'di lta ste/ gsang sngags dam pa de kho na nyid de ni dpyod pa thams cad dang bral ba/ mtha' dang dbus mi dmigs pa/ sgro skur med pa/ blang dor med pa/ rgyu 'bras las 'das pa/ ye nas dag pa/ ye nas zin pa/ bya ba med pa btsal ba med pa bsgrub tu med pa/ brtsam du med pa/ gzhan nas mi 'byung ba/  gnyen po med pa byed pa po med pa/ ma byas pa ma brtags pa/ bdag med pa/ ma bcom pa ma bslad pa/ de yin par nges pa ma nor ba/ ji bzhin pa ma 'gags pa/  ma skyes pa mi nub ba mi rlag pa/ mi snang ba ma byung ba/ mi 'gro ba/ ye nas gnas pa/ kun la khyab pa/ ming med pa/ gzugs med pa/ mtshan ma med pa/ tha snyad med pa/ bltar med pa/ gzung du med pa/ mtshon du med pa/ dpe med pa tshad med pa/ brtag tu med pa/ rtog ge las 'das pa/ dpag tu med pa/ bsam du med pa/ bsam gyis mi khyab pa/ kun gyi 'byung gnas/ thams cad nas thams cad du btang snyoms chen po stong pa nyid rang gi rig pa rang byung ba kho na'o/ de skad ces bka' stsal pas/  skyes bu dam pa rnams chos thams cad blang dor med par chud de ngo mtshar skyes nas the tshom du gyur to/ /e ma'o bdag cag gis dam pa rnams las/ sngon du thos pa ltar na sngon gyi dam pa rnams ni byang chub blang ngo/ /nyon mongs pa dor ro/ /de ni blo gros yongs su chud pa'o zhes thos na skyes bu chen po 'di ni nyon mongs pa dang byang chub la gnyis med pas blang dor med do/ zhes gsungs pa ngo mtshar to/ snyam du cang mi smra bar gnas so/ /de nas rdo rje sems dpa' de kho na nyid des skyes bu dam pa de rnams kyi yongs su rtog pa bsal ba'i ched du yang gsungs pa/ kye skyes bu dam pa rnams gang khyed the tshom yongs su za ba na nyon mongs</font><hr>102.111b<br><font size=+1>

pa'i rang bzhin gang yin/ gang las byung / byang chub kyi rang bzhin gang yin/ gang las byung / nges par rtogs shig dang / gang yongs su mthong ba nyid na the tshom chad par 'gyur ro/ /de skad ces gsungs pas/ skyes bu dam pa de rnams kyis nyon mongs pa dang / byang chub de'i rang bzhin gang yin/ gang las byung ba brtags na rang bzhin stong par mthong / rtsa ba sems las byung bar mthong / sems nyid ma byung / ma skyes skye ba med/ ye ji bzhin pa/ rang bzhin lhun gyis grub pa/ rtsa ba byang chub kyi sems dam pa kho na nyid du nges par chud de sangs rgyas kyi dgongs pa nyams su myong ba ni 'di lta ste/ sems dang sems las byung ba thams cad nam mkha' lta bur gyur te/ mnyam par bzhag pa dang ma bzhag pa las 'das te tha ma'i dbugs phyin nas yang dag pa'i nges pa yongs su rnyed do/ /rnyed par gyur to/ /kun du rab tu rnyed nas yang skyes bu dam pa de rnams rmag chad par ngus so/ /yang rdo rje sems dpa' de kho na nyid des mkhyen bzhin du skyes bu dam pa de rnams la bka' stsal pa/ kye skyes bu dam pa khyed cag ci'i phyir du/ de dag gis gsol pa/ bshes gnyen dam pa 'di lta ste/ lam gyi nang na nye lam pa/ /thabs kyi nang na dam pa 'di/ /sngon du ma thos skal ba chung / /e ma'o ngo mtshar rmad kyi chos/ /yun gyi don srid 'di lta bu/ /don rag gzhan la ma lus par/ /gzhan la re stsol e ma'o 'khrul/ /bya ba'i las la sha thang par/ /mtshan ma'i rjes su g.yang spyos te/ /ngal chad don med tshig mtha' yas/ /bsdu bas ma 'dus don re chung / /bshes gnyen dam pa de gnyis las/ /nges par rnyed pas dbugs chen 'byin/ /sangs rgyas mnyam dang dbyings su grol/ /de nyid chen por lhun gyis grub ces gsol te/ ngo mtshar gyis</font><hr>102.112a<br><font size=+1>

dga' ba chen po las ye shes kyi 'od nyi ma 'bum lta bur byung bas gang sa pa rnams ni rig pa'i rtsal sbyangs/ don gyi che ba phyung / sa rnams kun du g.yos pas spyod pa'i rnal 'byor pa dag ngo mtshar bar gyur te rang rang gi ston pa la gsol pa/ 'di lta bu'i ltas ya mtshan can 'di ji lta bu zhig lags zhes zhus pa las so so'i ston pa dpag tu med pas so so'i 'khor dpag tu med pa la bka' stsal pa/ rigs kyi bu dag ltas chen po 'di ni gdal khyab chen po zhes bya ba'i zhing khams na sangs rgyas kun gyi dge ba'i bshes gnyen rdo rje sems dpa' de kho na nyid ces bya ba theg pa chen po gsang sngags kyi de kho na nyid nges pa zhes bya ba'i chos ston te/ sangs rgyas de ni the tshom thams cad gcod cing sangs rgyas dang byang chub sems dpa' thams cad nges par sangs rgyas par lung ston pa'i dge ba'i bshes gnyen dam par gyur pas skyes bu dam pa lnga gsang sngags kyi nges pa ma rnyed pas yongs su mngon par rdzogs par sangs rgyas pas de dag nges pa'i the tshom bcad de lung ston pas de dag gi ltas yin no/ /zhes ston par gyur to/ /lang ka'i bdag po de ltar na skyes bu dam pa de dag ni de kho na nyid kyi nyams rnyed ma thag chos kyi rgyal po rgyal 'tshab skyes bu dam pa zhes bya bar nges par gyur to/ /sangs rgyas kun gyi dgongs pa 'dus pa'i mdo chen po las dbugs chen po yongs su phyin pa'i le'u zhes bya ste/ bcu gnyis pa'o// //    de nas lang ka'i bdag po byang chub sems dpa' sems dpa' chen po des 'di skad ces dri ba yongs su dris pa/ gsang ba pa'i bdag po skyes bu dam pa de dag dam pa rnams kyi zhing du ji ltar grags pa lags/ gsang ba'i bdag pos smras pa/ lang ka'i bdag po skyes bu dam pa de dag ni dam pa rnams kyi</font><hr>102.112b<br><font size=+1>

zhing du gang chos kyi rgyal po'i rgyal 'tshab du gyur pa'i phyir rgyal 'tshab skyes bu zhes bya bar yongs su grags par gyur to/ /de ci'i phyir zhe na/ lang ka'i bdag po 'di lta ste/ dper na gang dra ma chen po kun gyi spyi bor gyur pa dag rgyal po rgyal rigs kyi rgyud du byung ba dang / mtshan dang ldan pa dang / chos shes pa dang / 'khor dang ldan pa dang dbang thob pa dang ldan na mang pos bkur ba thob pa de bzhin du skyes bu dam pa de dag kyang rgyal ba kun gyi rgyud du byung ba dang / mtshan dang dpe byad kun gyi rtags dang ldan pa dang / chos shes pa dang / bsdu ba'i 'khor dang ldan pa dang / dbang bcu thob pa de chos de dag dang ldan pas na de'i phyir rgyal 'tshab skyes bu zhes bya bar grags so/ /lang ka'i bdag po de yang 'di ltar/ rgyal rigs rgyud du gang byung na/ /rgyal srid dmangs kyis gang bstabs pas/ /tshig btsan yul la dbang bsgyur ba'i/ /kun gyi spyi bor gyur pa bzhin/ /rgyal rnams yongs su rdzogs pa na/ /lha dang bcas pa'i 'jig rten pas/ /chos kyi rgyal por mnga' bstabs pas/ /de nas byang chub mngon sangs rgyas/ /lang ka'i bdag po de ltar chos lnga dang ldan pa'i skyes bu dam pa de dag dbugs chen po yongs su phyin pa'i gnas ga na ba der dam pa rnams kyi zhing khams mtha' thug pa med pa nas rgyal po dpag tu med pa dag ji ltar mkha' la dbyar gyi sprin phung bzhin yongs su 'du bar 'dus nas kun kyang gsung ba gcig tu rgyal 'tshab skyes bu dam pa chos kyi rgyal po zhes bya ba'i ming gi grags pa'i dbang gis dbang bskur ro/ /de ltar la las ni rdo rje gdung dang sde'i rgyud du dbang gis dbang byin no/ /la las ni rin po che'i gdung dang sde'i rgyud du dbang gis dbang byin no/ /la las ni pad mo'i gdung dang sde'i rgyud du dbang gis</font><hr>102.113a<br><font size=+1>

dbang byin no/ /la las ni gzhon nu'i gdung dang sde'i rgyud du dbang gis dbang byin no/ /la las ni glang po'i gdung dang sde'i rgyud du dbang gis dbang byin no/ /la las ni mtshan gyi 'od zer gyi dbang gis dbang byin no/ /la las ni dpe byad kyi 'od zer gyis dbang gis dbang byin no/ /la las ni rgyan gyi 'od zer gyi dbang gis dbang byin no/ /la las ni kha dog drug gi 'od zer gyi dbang gis dbang byin no/ /la las ni chos ma 'dres pa'i dbang gis dbang byin no/ /la las ni stobs bcu'i dbang gis dbang byin no/ /la las ni mi 'jigs pa bzhi'i dbang gis dbang byin no/ /la las ni so so yang dag par rig pa'i dbang gis dbang byin no/ /la las ni 'thun pa'i dbang gis dbang byin no/ /la las ni phyogs med pas bsdu ba'i dbang gis dbang byin no/ /la las ni gtong bas bsdu ba'i dbang gis dbang byin no/ /la las ni spyod pas bsdu ba'i dbang gis dbang byin no/ /la las ni spyod pa 'thun pa'i dbang gis dbang byin no/ /la las ni 'dren pas bsdu ba'i dbang gis dbang byin no/ /la las ni dbang gis bsdu ba'i dbang gis dbang byin no/ /la las ni mnyam pas bsdu ba'i dbang gis dbang byin no/ /la las ni rag las pas bsdu ba'i dbang gis dbang byin no/ /la las ni rgyus bsdu ba'i dbang gis dbang byin no/ /la las ni 'bras bus bsdu ba'i dbang gis dbang byin no/ /la las ni gang du dbang ba'i dbang gis dbang byin no/ /la las ni rnam par rig pa'i dbang gis dbang byin no/ /la las ni dga' ba dbang du 'gyur ba'i dbang gis dbang byin no/ /la las ni yongs su bkod pa'i dbang gis dbang byin no/ /la las ni kun la 'jug pa'i dbang gis dbang byin no/ /la las ni kun du myur ba'i</font><hr>102.113b<br><font size=+1>

dbang gis dbang byin no/ /la las ni ji ltar gnas pa'i dbang gis dbang byin no/ /la las ni ji lta ba bzhin spyod pa'i dbang gis dbang byin no/ /la las ni skye 'gag med par mthong ba'i dbang gis dbang byin no/ /la las ni cir yang snang ba'i dbang gis dbang byin no/ /la las ni rgyal tshab skyes bu'i dbang gis dbang byin no/ /la las ni byin gyi brlabs kyi dbang gis dbang byin no/ /la las ni lung ston pa'i dbang gis dbang byin no/ /la las ni rtsal chen nus pa'i dbang gis dbang byin no/ /la las ni rgyud kyis chu bo'i dbang gis dbang byin no/ /la las ni 'byung ba'i chu bo'i dbang gis dbang byin no/ /la las ni grags pa'i chu bo'i dbang gis dbang byin no/ /la las ni rdzogs pa'i chu bo'i dbang gis dbang byin no/ /lang ka'i bdag po skyes bu dam pa de dag kyang la las ni chos kyi rgyal por dbang byin no/ /la las ni byin gyi brlabs kyi dbang phyug tu dbang byin no/ /la las ni sgron ma byed pa'i bya bar dbang byin no/ /la las ni gsang ba 'dzin par dbang bskur ro/ /la las ni chos kyi rgyal bo nyid lta bur bstan nas dbang bskur ro/ /la las ni rigs kyi sangs rgyas lta bur bstan nas dbang bskur ro/ /la la ni rgyal ba dpag tu med pa snyed du bstan nas dbang bskur ro/ /la las ni gzugs sku rnam gnyis lta bur bstan nas dbang bskur ro/ /la las ni rgyal sar byung ba'i dus la bab pa'i phyir dbang bskur ro/ /la las ni gzugs su sangs rgyas pa'i dus la bab pa'i phyir dbang bskur ro/ /la las ni lung nges par thob pa'i dus la bab pa'i phyir dbang bskur ro/ /la las ni gsang ba'i snying por nges pa'i dus la bab pa'i phyir dbang bskur ro/ /la las ni rin po che tog lta</font><hr>102.114a<br><font size=+1>

bu'i dbang gis dbang byin la las ni nyi zla rdo rje 'bar ba'i dbang gis dbang byin/ la las ni rigs kyi phyag rgya lta bu'i dbang gis dbang byin/ la las ni rdo rje pha lam lta bu'i dbang gis dbang byin/ la las ni dga' ldan lta bu sha dag tu dbang byin/ la las ni 'og min lta bu sha dag tu dbang byin/ la las ni snying po byang chub kyi gnas ga na bar dbang byin/ la las ni dbang sgyur gyi khang bzang la sogs pa lta bur dbang byin/ /la las ni chos kyi rgyal tshab lta bur byin/ /la las ni rdzogs pa'i longs spyod lta bu byin/ /la las ni chos kyi mnga' bdag nyid lta bu byin/ /la las ni gsang ba'i bdag po lta bu byin/ /lang ka'i bdag po dbang gi don/ /rgyu dang 'thob dang mi 'thob dang / /yul dang snod dang khyad par rtags/ /bdun gyis 'di'i don bsdus pa'o/ /lang ka'i bdag po de la rgyu ni rnal 'byor chen po lnga ste/ /'dun pa'i rnal 'byor dang /  rigs chen 'byed pa'i rnal 'byor dang / dbugs chen 'byin pa'i rnal 'byor dang / lung chen thob pa'i rnal 'byor dang / rtsal chen rdzogs pa'i rnal 'byor rnams su rig par bya'o/ /lang ka'i bdag po thob pa'i tshad ni 'di lta ste/ bslab pa yongs su chub pa dang / de kho na nyid mthong ba dang / shes bya gang nyams ming ba dang / gang gi 'jigs pa dang bral ba'o/ /gang mi 'thob pa ni gang rlom pa dang / gang dag ma nges pa dang / gang la dam par dmigs pa dang / gang du mi 'byung ba'o/ /lang ka'i bdag po yul ni mchod rten dang /  sgra brnyan dang / tshad ma dang / nges pa'o/ /lang ka'i bdag po gang snod du gyur pa ni rgyud du byung ba dang / rtsal chen rdzogs pa dang / thugs rje byung ba dang / gzhan pa dbang du gyur pa'o/ /lang ka'i bdag po khyad par ni 'di lta ste/ rtsal gyis thob pa dang / bskur bas thob pa'o/ /lang ka'i bdag po</font><hr>102.114b<br><font size=+1>

rtsal gyis thob pa ni 'di lta ste/ rgyal ba rnams kyi gsang ba'i thugs/ /rtogs nas gang la gsal byed pa/ /dbang rnams kun gyi mchog yin te/ /srid pa gsum gyis de dbang bskur/ lang ka'i bdag po gang bskur bas thob pa ni gang la phan pa dang gang gis nus pa tsam du shes par bya'o/ /lang ka'i bdag po rtags ni 'di lta ste/ gtsug tor dam pa 'byung ba dang / /gang la ma bzhag lha ne pa/ /lhun gyis yongs su grub pa dang / /'od zer mtha' yas rgyas pa'o/ /lang ka'i bdag po de ltar na de'i phyir skyes bu dam pa de dag ni chos kyi rgyal bo dam pa zhes bya bar dam pa rnams kyi zhing du yongs su grags so/ /lang ka'i bdag po dbang gi yang / /yid gcig bsdus te shes par gyis/ /khungs dang grags pa'i chu bo dang / /yul dang dbang po dgos pa dang / /thabs dang gnas dang rtags dang don/ /bsdus pa 'di yis rdzogs pa yin/ /sangs rgyas kun gyi dgongs pa 'dus pa'i mdo chen po las skyes bu dam pa dbang thob pa'i le'u ste bcu gsum pa'o// //    de nas rdo rje sems dpa' de kho na nyid des skyes bu dam pa de dag yongs su rdzogs par lung bstan pa ni 'di lta ste/ skyes bu dam pa de dang khyed ni thog ma dang tha ma med pa'i dus nas mngon par rdzogs par sangs rgyas pa 'ba' zhig tu gyur te/ skyes bu dam pa sems dpa' rdo rje zhes bya ba de ni 'jig rten gyi khams mngon par dga' ba zhes bya bar sangs rgyas mi 'khrugs pa bya bar 'gyur ro/ /skyes bu dam pa rdo rje rin chen zhes bya ba de ni 'jig rten gyi khams dpal dang ldan pa zhes bya bar sangs rgyas rin chen 'byung ba zhes bya bar 'byung bar 'gyur ro/ /skyes bu dam pa rdo rje chos zhes bya ba de ni 'jig rten gyi khams bde ba can zhes bya bar sangs rgyas 'od mtha' yas zhes bya bar 'byung bar 'gyur ro/ /skyes bu dam pa rdo rje dbyings</font><hr>102.115a<br><font size=+1>

zhes bya ba de ni 'jig rten gyi khams byang chub kyis brgyan pa zhes bya bar sangs rgyas rnam par snang mdzad ces bya bar 'byung bar 'gyur ro/ /skyes bu dam pa rdo rje sna tshogs zhes bya ba de ni 'jig rten gyi khams rnam par dag pa zhes bya bar sangs rgyas gdon mi za bar grub pa zhes bya bar 'byung bar 'gyur ro/ /zhing khams de dag kun gyi yon tan ni yongs su brjod par bya ba'i dpe las 'das te dpe med pa'i phyir brjod kyis mi lang ngo/ /sku tshe'i tshad ni dpag tu med pa 'ba' zhig go/ /zhing khams der 'khod pa'i sems can chen po rnams ni rig 'dzin chen po 'ba' zhig go/ /tshe tshad kyang de nyid kyi rig pa 'dzin pa'i tshe tshad nyid do 'jig rten gyi khams gzhan nas smin pa'i rig 'dzin mtha' thug pa med pa rnams kyang zhing khams de dag tu rnam par snang ngo/ /de dag na chos nyan pa dang / smra ba dang / rnam bar 'gro ba ni ting nge 'dzin 'ba' zhig go/ /chos kyang bya ba med pa'i chos nyid de kho na nyid gsang ba dam pa 'ba' zhig go/ /longs spyod kyang chos nyid zab mo 'ba' zhig la longs spyod do/ /rig 'dzin de dag kun kyang rigs lnga 'ba' zhig ste/ de ci'i phyir zhe na/ thams cad kyang rigs lnga las byung zhing lngar snang la lngar smin pa ste/ lnga las gyur pas lngar nges pa ni 'di lta ste/ gang zhe sdang gi rigs dang / nga rgyal gyi rigs dang / 'dod chags kyi rigs dang / phrag dog gi rigs dang / gti mug gi rigs dang / bzod ldan gyi rigs dang / kun gdung gi rigs dang /  drug 'byung gi rigs dang / rgyud ldan gyi rigs dang / gnas ldan gyi rigs dang / dmangs rigs dang / rgyal rigs dang / rje'u rigs dang / bram ze'i rigs dang / gdol ba'i rigs dang / kun snang gi rigs dang / rigs gcig pa'i rigs dang / tha dad pa'i rigs dang / </font><hr>102.115b<br><font size=+1>

bya ba byed pa'i rigs dang / thams cad 'byung ba'i rigs dang / rdo rje'i gdung dang sde'i rigs dang / nor bu'i gdung dang sde'i rigs dang / pad ma'i gdung dang sde'i rigs dang / gzhon nu'i gdung dang sde'i rigs dang / glang po'i gdung dang sde'i rigs 'ba' zhig go/ /de bzhin du thams cad nas thams cad du snang ba'i sangs rgyas dang byang chub sems dpa' mtha' thug pa med pa rnams kyang las dang 'jug pa'i dbang gi rigs lnga 'ba' zhig go/ /ji bzhin pa'i dbang gis na thams cad nas thams cad du rigs kyi mtshan ma med do/ /tha snyad med do/ /rnam pa med do/ /yul med do/ /'jug pa med do/ /sangs rgyas pa med do/ /lung bstan pa med do/ /nges pa rnyed pa med do/ /thams cad nas thams cad du byang chub nyid do/ /stong ba nyid do/ /snying po nyid do/ /de kho na nyid do/ /yang dag pa nyid do/ /nges pa dam pa nyid do/ /gzhan ma yin ba nyid do/ /skye ba med pa nyid do/ /'gag pa med pa nyid do/ /de bzhin nyid do/ /ma nor ba nyid do/ /chos nyid do/ /chos kyi dbyings nyid do/ /bsam gyis mi khyab pas bsam du med pa nyid do/ /yang dag pa'i mtha' mnyam pa nyid do zhes lung bstan pa dang / de kho na nyid gsang ba dam pa'i sgra dpal rdo rje sems dpa'i de kho na nyid stong pa nyid las grags pas skyes bu dam pa rnams thams cad nas thams cad du byang chub kyi snying po nyid du nges pa rnyed do/ /kye lang ka'i bdag po byang chub kyi sems de kho na nyid gsang ba dam pa de 'di ltar dka' ba/ 'di ltar zab ba/ 'di ltar rgya che ba/ 'di ltar bsam du med pa/ bsam gyis mi khyab pa'i phyir gang gi nges pa rnyed par dka' ba ni de lta bu'o/ /de nas yang lang ka'i bdag pos dris pa/ kye gsang ba ba'i bdag po byang chub kyi sems de kho na nyid gsang ba dam pa 'di rgyun dang bcas ba zhig gam/ 'on te rgyun chad pa zhig /gal te rgyun</font><hr>102.116a<br><font size=+1>

dang bcas pa zhig na ni ye shes chen po skye 'gag dang bcas pa yin no/ /'on te rgyun chad pa zhig na ni ye shes ye shes kyi khyad par dang dgongs pa dgongs pa'i go 'phang med par 'gyur ro/ /de skad ces dris pa dang / gsang ba pa'i bdag pos smras pa/ kye lang ka'i bdag po byang chub kyi sems de kho na nyid gsang ba dam pa de ni skye 'gag med par rgyun dang bcas pa'o/ /dris pa/ gsang ba pa'i bdag po gang gi rgyun dang bcas pa lags/ smras pa/ lang ka'i bdag po ye shes rgyun dang bcas pa'o/ /snying rje rgyun dang bcas pa'o/ /'phrin las rgyun dang bcas pa'o/ /yon tan rgyun dang bcas pa'o/ /byin brlabs rgyun dang bcas pa'o/ /smon lam rgyun dang bcas pa'i phyir rgyun ma chad pa'o/ /dris pa/ gsang ba ba'i bdag po de dag la c-i'i phyir rgyun zhes bya/ smras pa/ lang ka'i bdag po rgyun gyi rang bzhin du 'byung ba'i phyir ro/ /dris pa/ rgyun gyi rang bzhin gang / smras pa/ lang ka'i bdag po gang med pa nyid rgyun gyi rang bzhin te/ 'di lta ste/ rgyun dang bcas pa'i byang chub sems/ med rgyu btags chags bltas par snang / /snang 'dod sdug bsngal chen po'i nad/ /de nyid che yon rgyun mi 'chad/ /kun du rgyun dang bcas pa yi/ /gsang ba dam pa de kho na/ /sgron ma dam pa gang dag gis/ /skyes bu dam pa gang dag la/ /de nyid chen por de nyid rgyud/ /dgongs pa snang ba ma gtogs pa/ /brjod pas bstan yod ma yin te/ /med rgyu snang med gang mthong ba/ /ye gtad ma bcos ji bzhin te/ /de nyid nges pa de kho na/ /cir yang mi snang dpyod dang bral/ /bsam med yul las 'das pa'o/ /kye lang ka'i bdag po/ sangs rgyas kun gyi dam pa gsang ba'i snying po 'di la thams cad nas thams cad du gnas</font><hr>102.116b<br><font size=+1>

par bya'o/ /de ci'i phyir zhe na/ gang las kyi chos kyis bsgyangs pa rnams kyis bye ba snyed kyi bskal bar las dka' ba dpag tu med pas 'bad bstsal kyang / dam pa ma thob pa gang dag gis bya ba med pa'i don gyis thang cig yud tsam pa gsang ba 'di la mos pa tsam gyis gdon mi za bar dam pa gsang ba thob par 'gyur ro/ /de'i phyir lang ka'i bdag po 'di la gnas par bya'o/ /'di las mi 'da' bar bya'o/ /de skad ces smras pas/ lang ka'i bdag po la sogs pa rnams blo gros dam pa'i nges pa rnyed par gyur to/ /sangs rgyas kun gyi dgongs pa 'dus pa'i mdo chen po las skyes bu dam pa lung bstan pa'i le'u ste bcu bzhi pa'o// //theg pa chen po nges par 'byung ba'i tshul las gang gis nges pa rnyed pa'i gtam rgyud brjod pa chos kyi phyag rgya'i ye shes rnam par bgros pa ste byung tshul bstan pa gsum pa'o/ / de nas yang lang ka'i bdag pos gsang ba pa'i bdag po la sngon du byung ba'i tshig bcu gnyis pa'i bzhi pa snying po byang chub nyid du nges pa na yang 'byung zhes lung bstan pa yongs su dri ba dris pa/ kye gsang ba pa'i bdag po nyid kyis theg pa chen po gsang ba dam pa byung ba'i tshul gtam du brjod pa'i skabs su snying po byang chub nyid du nges pa na yang 'byung zhes bkod pa de ji lta ba zhig tu nges te byung ba lags/ smras pa/ lang ka'i bdag po gang dam pa dag thams cad nas thams cad du snying po byang chub nyid du snang ba'o/ /smras pa/ gsang ba pa'i bdag po skyes bu dam pa gang dag yongs su nges pa rnyed de snying po byang chub tu gnas pa na thams cad nas thams cad du ji ltar snang / gang snang ba zhig na ni ma byung ma skyes par mi rung ba zhig /mi snang ba zhig na ni rgyun gyi ye shes dang rgyun gyi snying rje 'byung par mi rung ba zhig na 'di ji ltar yongs su shes par bgyi/ </font><hr>102.117a<br><font size=+1>

de skad ces dris pa las/ gsang ba pa'i bdag pos smras pa/ kye lang ka'i bdag po de ni 'di lta ste/ snying po byang chub ji lta ba la skyes bu dam pa de bzhin pa nyid de/ snying po byang chub gang yin pa de ni skyes bu dam pa de nyid la skyes bu dam pa gang yin pa de ni snying po byang chub nyid de skyes bu dam pa zhes ni ma mthong ba snying po byang chub ces ni ma dmigs so/ /dris pa/ gang ma mthong ma dmigs na ni dam pa rnams kyis gsungs pa ltar na gang de nyid mthong ba des chos thams cad mthong ngo/ /chos thams cad mthong ba des snying po byang chub mthong ngo zhes gsungs pa dang / gang de kho na nyid nges pa rnyed pa des nges pa rnyed do zhes gsungs pa las 'gal bar gyur na 'di ji ltar yongs su shes par bgyi/ de skad ces dris pa las/ smras pa/ kye lang ka'i bdag po 'di lta ste/ gzugs snang gang mthong rdzas rnyed min/ /ma mthong de mthong nyid nges pa/ /brjod med gang rig nyams rnyed la/ /mthong snyed tha snyad tsam du brjod/ /rnam dag lam chen de nyid du/ /byung ba'i skyes bu dam pa dag /don chen rab tu nges rnyed de/ /mi dmigs pa'i ngang nyid la/ /mi g.yo mi rtog pa yi tshe/ /mi gnas chos sku'i ngo bo nyid/ /rang 'byung ye shes nam mkha' che/ /ma 'dres yongs su rdzogs pa'i ngang / /mi skye mi 'gag de bzhin nyid/ /smra bsam brjod med rtog las 'das/ /so so rang gi spyod yul te/ /dbus mthar mi dmigs ji bzhin nyid/ /snying po byang chub kun yum la/ /ma spros bde bzhin lhan ne ba'o/ /yang lang ka'i bdag pos dris pa/ /gsang ba pa'i bdag po byang chub kyi snying po de kho na nyid de ji tsam zhig na gnas par 'gyur/ mtshan dang rang bzhin ci lags/ /smras pa/ lang ka'i bdag po kun du ma nges te/ dus tshigs dang / zla ba dang / zla ba phyed dang / zhag dang / nyi ma dang /  thun dang / thun phyed dang / skad cig dang / thang cig dang / yud tsam dang / de ma thag pa dang / de kho na nyid du pa dang / bskal pa</font><hr>102.117b<br><font size=+1>

dang / bskal pa tshad med pas so/ /mtshan nyid dang rang bzhin med pas so/ /mi dmigs pa'o/ /goms par byas pa'o/ /nges par brtags pa'o/ /yongs su spyad pa'o/ /cir yang snang ba'o/ /yin par nges pa'o/ /kun nas 'byung ba'o/ /thams cad 'dus pa'o/ yongs la khyab pa'o/ /yong gis skye ba'o/ /rnam par dag pa'o/ /gar yang ma grub pa'o/ /khyab pa med pa/ ma khyab pa med pa/ mtho dman med pa/  che chung med pa/ bzang ngan med pa/ yangs dog med pa/ rgyu 'bras med pa/ pho mo med pa/ rigs rgyud med pa/ gzugs med pa/ las dang rnam smin med pa/ phyi nang med pa/ skye ba med pa/ 'pho 'gyur med pa/ mun snang med pa/ snga phyi med pa/ mtha' dbus med pa/ bdag gzhan med pa/ rtsol sgrub med pa/ blang dor med pa/ ngang gis ma bcos pa/ yong gis 'od gsal ba/ ma bslad pa/ ma byung ba/ ma skyes pa yin na/ lang ka'i bdag po ci mtshan nyid dang rang bzhin ci zhes 'dri/ byang chub kyi snying po ni snang ba dang mi snang ba las 'das te mtshan nyid dang rang bzhin mi dmigs so/ /de ltar na lang ka'i bdag po gang skyes bu dam pa dag snying po byang chub tu gnas te mi dmigs pa de la rdo rje sems dpa' stong pa nyid de kho na nyid dam pa de las de dag bgam pa'i phyir 'di skad ces 'byung ngo/ /kye skyes bu dam pa dag gang snying po byang chub mthong ngam/ skyes bu dam pa rnams snying po byang chub de kho na nyid de las 'di skad ces 'byung ngo/ /kye bshes gnyen dam pa byang chub kyi snying po ni bdag cag gis ma mthong bar mthong lags so/ /bka' stsal pa/ ji ltar ma mthong bar mthong / gsol pa/ byang chub kyi snying por ma mthong bar thams cad byang chub kyi snying por mthong lags so/ /bka' stsal pa/ byang chub kyi snying po zhes gang la bya/ gsol pa/ bshes gnyen dam pa byang chub kyi snying po ni sangs rgyas kun gyi</font><hr>102.118a<br><font size=+1>

gsang ba dgongs pa dam pa la bgyi'o/ /bka' stsal pa/ skyes bu dam pa dgongs pa dam pa zhes gang la bya/ gsol pa/ thams cad kyi rang bzhin gang lags pa de kho na nyid do/ /bka' stsal pa/ ci'i phyir thams cad kyi rang bzhin la gsang sngags zhes bya/ gsol pa/ thams cad kyi rang bzhin gang lags pa de ni gang gis kyang mi mthong / mi rtogs/ spyod yul du ma gyur/ smrar med pa/ brjod pa las 'das pa/ bsam du med pa/ bsam gyis mi khyab pa/ brtag par dka' zhing bstan par dka' ba'i phyir lags so/ /bka' stsal pa/ skyes bu dam pa thams cad kyi rang bzhin mthong ngam/ gsol pa/ bshes gnyen dam pa thams cad kyi rang bzhin ni bdag cag gis ma mthong lags so/ /bka' stsal pa/ ci'i phyir ma mthong / gsol pa/ mi dmigs pa'i slad du'o/ /bka' stsal pa/ skyes bu dam pa khyed kyis thams cad kyi rang bzhin ma mthong ngam/ gsol pa/ bshes gnyen dam pa bdag cag gis mthong lags so/ /bka' stsal pa/ skyes bu dam pa ji lta bur mthong / gsol pa thams cad kyi rang bzhin gang lags pa de ma bcos/ ma slad/ ma byung / ma skyes/ ji bzhin pa de kho na nyid ye ji bzhin pa'i dkyil 'khor du mthong lags so/ /bka' stsal pa/ sangs rgyas mthong ngam/ gsol pa/ ma mthong lags so/ /bka' stsal pa/ ci'i phyir ma mthong / gsol pa/ mi dmigs pa'i slad du'o/ /bka' stsal pa/ ma mthong ngam/ gsol pa/ mthong lags so/ /bka' stsal pa/ ji lta bur mthong / gsol pa/ thams cad de bzhin nyid du sangs rgyas te kun la khyab pa'i slad du rang bzhin lhun gyis grub pa'i dkyil 'khor du mthong lags so/ /bka' stsal pa/ sems thams can mthong ngam/ gsol pa/ ma mthong lags so/ /bka' stsal pa/ ci'i phyir ma</font><hr>102.118b<br><font size=+1>

mthong / gsol pa/ mi dmigs pa'i slad du'o/ /bka' stsal pa/ ma mthong ngam/ gsol pa/ mthong lags so/ /bka' stsal pa/ ji ltar mthong / gsol pa/ thams cad rtsa ba byang chub sems kyi dkyil 'khor du mthong lags so/ /bka' stsal pa/ skyes bu dam pa khyed byang chub kyi snying por 'dod dam/ gsol pa/ bshes gnyen dam pa yongs su smin to/ /bka' stsal pa/ ci'i phyir mi 'dod/ gsol pa/ gang skyes bu dam pa zhes bgyi ba nyid dang sems can sems can zhes bgyi ba nyid byang chub kyi snying po las ma g.yos pa'o/ /thams cad kyang de bzhin nyid las ma g.yos pa'o/ /bka' stsal pa/ skyes bu dam pa byang chub kyi snying po gang nas btsal/ gsol pa/ gang nas kyang mi tshol lo/ /bka' stsal pa/ ci'i phyir mi tshol/ gsol pa/ thams cad byang chub kyi snying po nyid de gang na yang mi gnas so/ /bka' stsal pa/ skyes bu dam pa rnams sangs rgyas kyi zhing khams yongs su bgrod par 'dod dam/ gsol pa/ yongs su bgrod par mi 'dod do/ /bka' stsal pa/ ci'i phyir bgrod par mi byed/ gsol pa/ sems can gyi ris mtha' dag sangs rgyas kyi zhing rnam par dag pa nyid kyi slad du'o/ /bka' stsal pa/ skyes bu dam pa mi g.yo ba la mi rtog pa nyid du gnas sam/ gsol pa/ mi rtog pa la mi 'jug lags so/ /bka' stsal pa/ ci'i phyir mi 'jug /gsol pa/ bdag nyid mi rtog pas da gdod mi rtog pa la 'jug mi 'tshal ba'i slad du'o/ /gal te bdag ye nas rnam par mi rtog pa ma lags na ni rnam par mi rtog pa la bdag 'jug pa zhig na thams cad ye nas rnam par mi rtog pa'i slad du'o/ /bka' stsal pa/ skyes bu dam pa snying rje chen po 'byung bar 'dod dam/ gsol pa/ 'byung bar mi 'dod lags so/ /bka' stsal pa/ ci'i phyir mi 'dod/  gsol pa/ kun du mi g.yo lags</font><hr>102.119a<br><font size=+1>

so/ /bka' stsal pa/ ci'i phyir mi g.yo/ thams cad sangs rgyas pa nyid kho na bas snying rje'i yul mi dmigs pa'i phyir ro/ /bka' stsal pa/ skyes bu dam pa sems can rnams kyi don ched du spyod dam/ gsol pa/ mi spyod lags so/ /bka' stsal pa/ ci'i phyir mi spyod/ gsol pa/ thams cad ye nas de bzhin nyid kho na'i slad du'o/ /bka' stsal pa/ skyes bu dam pa chos kyi sku lhun gyis grub par 'dod dam/ gsol pa/ grub par mi 'tshal lags so/ /bka' stsal pa/  ci'i phyir grub par mi 'dod/ gsol pa/ 'dus pa las byung ba'i slad du'o/ /bka' stsal pa/ skyes bu dam pa sa rnams yongs su bgrod par 'dod dam/ gsol pa/ yongs su bgrod par mi bgyid lags so/ /bka' stsal pa/ ci'i phyir mi bgrod/ gsol pa/ thams cad sangs rgyas kyi sa la ma bgrod par phyin pa'i phyir ro/ /bka' stsal pa/ skyes bu dam pa snying po byang chub de dpe gang gis bstan/ gsol pa/ bshes gnyen dam pa 'thun pa'i dpe ni gang yang ma mchis te/ dpe gang gis kyang bskrun du ma mchis pa lags so/ /bka' stsal pa/ dpe mtshon du med dam/ gsol pa/ cung zad du 'thun pa'i dpe gzung na 'di lta ste/ nam mkha' dang / nyi ma dang / nor bu rin po che dang / rin po che gser dang / sgron ma dang / dug 'gyur rtsi dang / gser 'gyur rtsi dang / bai dUr+ya dang / rgya mtsho chen po dang / rdo'i snying po dang / rtsal gyis non pa dang / yul la 'jug pa dang / gser rdo rin po che dang / mngon par spro ba bskyed pa lta bu lags so/ /bka' stsal pa/ skyes bu dam pa'i snying po byang chub de mtshon pa'i ming ji ltar grags/ gsol pa/ bshes gnyen dam pa ming ni bla dgas te/ ming la nges pa gang yang ma mchis lags so/ /bka' stsal pa/ ming gis mtshon du med dam/ gsol</font><hr>102.119b<br><font size=+1>

pa/ gang yongs su mi dmigs pa las brjod pa'i dbang du mtshon na ming gi rnam grangs su brtags pa ni tha dad pa ji ltar btags pa de ltar chags par grags te snying po byang chub nyid dang / de nyid dang / de kho na nyid dang / de bzhin nyid dang / ji bzhin pa dang / ma nor ba dang / ma bcos pa dang / gzhan ma yin pa dang / chos nyid dang / chos kyi dbyings dang / bsam gyis mi khyab pa dang /  yang dag pa'i mtha' dang / gsang sngags dang / gzung sngags dang / rig sngags dang / theg pa chen po zhes yongs su grags pa lags so/ /bka' stsal pa/ skyes bu dam pa dag snying po byang chub de ji ltar snang / gsol pa/ snying po byang chub de skad cig kyang snang ba mi srid lags so/ /bka' stsal pa/ ci gang du yang mi snang ngam/ gsol pa/  ji ltar bltas pa de ltar snang lags so/ /bka' stsal pa/ ji ltar yongs su snang / gsol pa/ 'di lta ste/ kun du khyab pas snang ba med pa nyid do/ /gar yang ma sbas mthong ba med pa nyid do/ /ye nas ma bral ngo ma shes pa nyid do/ /brtags na ma mthong cir yang snang ba nyid do/ /sna tshogs snang yang dngos po med pa nyid do/ /bskal par 'khyams kyang stor bral med pa nyid do/ /sna tshogs bsgo yang 'gyur ba med pa nyid do/ /rdul cha med par snang srid khyab pa nyid do/ /stong pa nyid las sna tshogs 'byung ba nyid do/ /dngos gzhi med par cir yang btags chags pa nyid do/ /brtsal gnas med par ci bsgrubs 'grub pa nyid do/ /gzugs mtshan med par cir bltas snang ba nyid do/ /cir yang med par cir yang rig pa nyid do/ /khyab brdal 'ub chub gcig mtha' yas pa nyid do/ /kun bral nyag cig ci ma spangs pa nyid do/ /phyi dang nang med kun du nang nyid do/ /mtha' yas byung yang zad pa med pa nyid do/ /ma bzung ma</font><hr>102.120a<br><font size=+1>

brtags gang du chags pa nyid do/ /gdos pa med pa rtag par ltung ba nyid do/ /'degs pa med par nam mkha' la 'gro ba nyid do/ /yan lag med par sa rnams bgrod pa nyid do/ /gang yang ma g.yos kun du phyin pa nyid do/ /bskyod pa med par thogs med myur ba nyid do/ /tha dad spros kyang gcig las ma g.yos pa nyid do/ /gcig las ma g.yos sna tshogs snang ba nyid do/ /thams cad 'jug pas lam nyid do/ /gang yang ma spangs pas 'khor ba nyid do/ /ma shes 'khrul pas sems can nyid do/ /chu bo bzhi sgrol bas gru nyid do/ /rnam par bskyod pas bgrod pa'o/ /dmigs pa med pas byang chub bo/ /rnam pa sna tshogs pas sems nyid do/ /kun la mkhas pas shes rab bo/ /thams cad gsal bas ting 'dzin no/ /ma bgrod par phyin pas gnas nyid do/ /zla med pas rab nyid do/ /ngo mtshar bas mchog nyid do/ /rnam par 'phags pas phul nyid do/ /dbang dang gnyen po med pas bla na med pa nyid do/ /gting mi rnyed pas zab pa nyid do/ /dpag tu med pas na gsang ba nyid do/ /phra bas na mi gsal ba nyid do/ /thams cad 'byung bas chos so/ /mi 'gyur bas de kho na nyid do/ /go 'phang nyid pas byang chub sems dpa'o/ /rgyun sangs khyab pas sangs rgyas nyid do/ /gzhir gyur pas rtsa ba nyid do/ /thams cad bskyed pas yum nyid do/ /de las byung bas yab nyid do/ /gdung rgyud 'dzin pas sras nyid do/ /rang byung ba nyid pas dbang bdag nyid do/ /de bzhin nyid pas gdung chen po nyid do/ /'da' bar dka' bas thugs dam chen po nyid do/ /rnam par 'tsho bas srog nyid do/ /zad mi shes pas gter chen po nyid do/ /'dod pa bsgrub pas nor nyid do/ /rgyun gyi snying rjes kun gyi bya ba byed pas bran nyid do/ /rnam par brjid pas sku nyid do/ /smra brjod byung bas gsung</font><hr>102.120b<br><font size=+1>

nyid do/ /thams cad mkhyen pas thugs nyid do/ /'dod dgu 'byung bas yon tan nyid do/ /bya ba byed pas phrin las nyid do/ /yul la bgrod pas 'dod pa nyid do/ /de nyid la spyod pas longs spyod chen po nyid do/ /rgyur gyur pas yo byad chen po'o/ /dgongs pa tshang bas tshogs chen po'o/ /bya brtsal med pas don thams cad grub pa'o/ /sna tshogs 'phrul bas cho 'phrul nyid do/ /mtshan mar byung bas phyag rgya nyid do/ /gzhan nas mi tshol bas bsnyen pa nyid do/ /rang las byung bas nye ba'i bsnyen pa nyid do/ /snying po nyid pas bsgrub pa'o/ /'bras bu nyid pas sgrub pa chen po 'o/ /bka' stsal pa/ skyes bu dam pa dag byang chub kyi snying po de ji ltar sgrub/ /gsol pa/ /sgrub du ma mchis lags so/ /bka' stsal pa/ ji ltar sgrub du med/ gsol pa/ ye nas grub pa nyid kyi slad du'o/ /bka' stsal pa/ ye nas ji ltar grub/ gsol pa/ gzhan nas mi 'byung ba dang / rang las 'byung ba dang / bya brtsal med pa dang / rang byung ba'i phyir ye nyams su lon pa nyid du nges pa'o zhes de lta de ltar stong pa nyid las sgra byung bas de kho na nyid de kho na nyid du nges par thams cad nas thams cad du snying po byang chub nyid las ma gtogs pa gang du yang med do/ /lang ka'i bdag po de ltar skyes bu dam pas snying po byang chub nyid du nges pa dag mi g.yo ba'i ngang la mi rtog pa nyid du zhi bar lhan par gnas pa de'i tshe de'i dus na dgongs pa chos nyid kyi nam mkha' la 'grel ba ye shes kyi nyi ma bdal te thams cad de kho na nyid nges pa nyid du 'grel to/ /de'i tshe de'i dus na gsang sngags 'byung ba'i rgyu gdul bya khyad par du byung ba 'jig rten gsum sreg par byed pa/ khro bo'i tshul can gdul bya'i dus la nges par bab pa'i tshe phyogs dus kun gyi sangs rgyas thams cad snying po byang</font><hr>102.121a<br><font size=+1>

chub gang na bar 'dus nas skyes bu dam pa dag la la ni byang chub chen por rnam par bskul/ la la ni cho 'phrul chen por rnam par bskul/ la la ni cho ga rdzogs par bskul/ /la la ni ting nge 'dzin gyis bskul/ la la ni rnam par grol ba'i rig pas bskul te/ des gang stong pa nyid gang na ba las langs te rdzogs longs spyod pa dang / rnam par sprul pa rnam par bkod pa ni ji lta ji ltar rdo rje sems dpa' de kho na nyid nges pa'i rnam par 'phrul pa sgron ma yongs su bkod pa ltar snang ngo/ /'di ltar yongs su dag pa brtags pa'i sangs rgyas brjod pa las 'das pa tha dad pa dag zhing khams tha dad par 'khor los sgyur ba'i rgyal po tha dad pa dag lha gnas gsum tha dad par rdzogs longs spyod pa dang / rgyal 'tshab chos kyi rgyal po dang / sprul pa brgya byin lha'i bla ma tha dad pa dang / tha ma'i dus tha dad par cho 'phrul tha dad par snang ba dang / yum gtsug tor 'khor los sgyur ba'i lhums tha dad pa na gsang ba'i sku tha dad par snang ba dang / zhing khams tha dad pa na sprul pa'i sgron ma tha dad par snang ba dang / thugs snying po byang chub na mi g.yo ba dang / sku tha dad 'jig rten tha dad na bsam gtan la snyoms par zhugs te mdzad pa mthar phyin pa dang / rdo rje gdan tha dad pa la gshegs te tha dad pa'i bdud btul te 'khor lo yongs su bskor nas mngon par rdzogs par byang chub pa 'ba' zhig go/ de skad ces smras pas/ lang ka'i bdag po la sogs pa dman pa'i lus kyi sems dpa' rnams snying po byang chub gsang ba dam pa de kho na nyid du nges par gyur to/ /sangs rgyas kun gyi dgongs pa 'dus pa'i mdo chen po las gsang ba dam pa de kho na nyid du nges pa'i le'u ste bcwa lnga pa'o// //theg pa chen po nges par 'byung ba'i tshul las snying po byang chub nyid du nges pa'i gtam rgyud brjod pa'i chos</font><hr>102.121b<br><font size=+1>

kyi phyag rgya'i ye shes rnam par bgros pa ste byung tshul bstan pa bzhi pa'o// // bam po gsum par zug pa/ de nas lang ka'i bdag pos gsang ba pa'i bdag po la sngon du byung ba'i tshig bcu gnyis pa 'i lnga pa dgongs pa nges par 'grel pa na yang byung zhes 'byung ba dri ba yongs su dris pa/ kye gsang ba pa'i bdag po nyid kyis theg pa chen po gsang ba dam pa byung ba'i tshul ston pa bas lung bstan pa gtam du brjod pa'i skabs su dgongs pa nges par 'grel pa na yang byung zhes bkod pa de ji lta ba bzhin du dgongs pa nges par 'grel ba zhig grags pa lags/  smras pa/ lang ka'i bdag po gang skyes bu dam pa nyid du nges pa de dag snying po byang chub la dgongs pa de'i tshe de'i dus nyid la bya'o/ /smras pa/ gsang ba pa'i bdag po gang skyes bu dam pa dam pa nyid du nges pa de dag snying po byang chub la ji ltar dgongs/ de gang gi tshig bla dgas lags/ smras pa/ lang ka'i bdag po snying po ni rtsa ba la bya'o/ /byang chub ni rang bzhin la bya'o/ /dgongs pa ni chos nyid la bya'o/ /nges pa ni ma nor ba la bya'o/ /'grel pa ni ye shes la bya'o/ /de ni ji bzhin pa dang de bzhin pa'i tshig bla dgas so/ /gsol pa/ gsang ba pa'i bdag po ngas ye shes de ji ltar 'grel pa lags/ smras pa/ lang ka'i bdag po ma 'dres pa dang yongs su rdzogs par 'grel to/ /dris pa gsang ba pa'i bdag po de ji ltar yongs su shes par bgyi/ smras pa/ lang ka'i bdag po zhi gnas dang lhag mthong de nyid de thams cad skye ba bzhir 'dus shing skye ba bzhir 'grel pa ni 'di lta ste/ de bzhin gshegs pa ni gang ci yang rung dgongs pa dang / gsung ba dang / mdzad pa thams cad gang la yang dgongs pa can te de ni 'di ltar chos thams cad cho 'phrul bzhir 'dus par dgongs so/ /lang ka'i bdag po bzhi gang zhe na 'di lta ste/ chos gang skye ba</font><hr>102.122a<br><font size=+1>

med pa la skye ba'i cho 'phrul 'byung ba ni las kyi rdzu 'phrul 'byung ba las skye ba'i cho 'phrul dang / bsam gtan gyi rdzu 'phrul las skye ba'i cho 'phrul dang / chos nyid kyi rdzu 'phrul las skye ba'i cho 'phrul dang /  thugs rje'i rdzu 'phrul las skye ba'i cho 'phrul lo/ /lang ka'i bdag po de la las kyi rdzu 'phrul las skye ba'i cho 'phrul ni 'di lta ste/ gang skye ba rnam bzhir snang ba thams cad do/ /lang ka'i bdag po bsam gtan gyi rdzu 'phrul las skye ba'i cho 'phrul gang zhe na 'di lta ste/ gang bsam gtan gyi mu bzhi las skye ba thams cad do/ /lang ka'i bdag po chos nyid kyi rdzu 'phrul las skye ba'i cho 'phrul gang zhe na 'di lta ste/ gang rang bzhin gyi cho 'phrul bzhir snang ba thams cad do/ /lang ka'i bdag po snying rje'i rdzu 'phrul las skye ba'i cho 'phrul gang zhe na 'di lta ste/ gang cho 'phrul bzhir snang ba ste/ rdzu 'phrul gyi cho 'phrul dang / chos snang ba'i cho 'phrul dang / kun brjod pa'i cho 'phrul dang / rjes su bstan pa'i cho 'phrul bzhir snang ba thams cad do/ /lang ka'i bdag po de la rdzu 'phrul gyi cho 'phrul ni 'di lta ste/ gang snang bar mdzad pa'i cho 'phrul dang / gang du rnam par sgyur ba'i cho 'phrul lo lang ka'i bdag po gang snang bar mdzad pa'i cho 'phrul ni 'di lta ste/ gang la mtshon pas 'dul ba la dgongs pa'i cho 'phrul dang / gang gi mtshon pas 'dul ba la dgongs pa'i cho 'phrul dang / gang gi gyur pas 'dul ba la dgongs pa'i cho 'phrul dang / gang theg pas 'dul ba la dgongs pa'i cho 'phrul dang /  gang ltar mdzes pas 'dul ba la dgongs pa'i cho 'phrul lo/ /lang ka'i bdag po de la gang la mtshon pas 'dul ba la dgongs pa'i cho 'phrul ni 'di lta ste/ ma bcos pas 'dul ba la dgongs pa dang / bsgyur bas 'dul ba la dgongs pa'o/ /lang ka'i bdag po de la ma bcos pas 'dul ba la dgongs pa ni dung lta bu dang / ku mu da lta bu</font><hr>102.122b<br><font size=+1>

dang / zla ba lta bu dang / nyi ma lta bu'o/ /lang ka'i bdag po bsgyur bas 'dul ba la dgongs pa ni 'di lta ste/ bai DUr+ya lta bu dang / kang ka ri lta bu dang / le brgan lta bu dang /  gser sbyangs lta bu dang / sna tshogs lta bu'o/ /lang ka'i bdag po gang gi mtshon pas 'dul ba la dgongs pa'i cho 'phrul ni 'di lta ste/ /gang byung ba dang / gang snang ba dang /  gang ltar 'gyur ba'o/ /lang ka'i bdag po de la gang byung ba ni gnyis sam drug la dgongs pa'o/ /de bzhin du gang snang ba yang de la dgongs pa'o/ /lang ka'i bdag po gang ltar 'gyur ba ni 'di lta ste/ ma bcos pa dang / mi 'da' ba dang / ma nges pa dang / 'brel ba dag go /lang ka'i bdag po ma bcos pa ni 'di lta ste/  ma skyes pa dang ma 'gags pa'o/ /de la ma 'gags pa ni gang zhe na 'di lta ste/ yul dang / mtshon pa dang / mtshan ma dang / nye bar brtags pa'o/ /lang ka'i bdag po mi 'da' ba ni 'di lta ste/ zin pa dang mdzad pa dang / mi skyor pa'o/ /lang ka'i bdag po ma nges pa gang zhe na 'di lta ste/ 'dul ba'i dbang gi phyir mtha' yas tha dad par snang ba'o/ /lang ka'i bdag po 'brel ba gang zhe na/ 'di lta ste/ dam par 'brel par dgongs pa dang / las su 'brel bar dgongs pa'o/ /lang ka'i bdag po gang gi gyur pas 'dul bar dgongs pa'i cho 'phrul gang zhe na/ 'di lta ste/ thabs dang / gnas dang / tshul nyid do/ /lang ka'i bdag po thabs gang zhe na/ 'di lta ste/  rang bzhin la dgongs pa dang / khyad par la dgongs pa'o/ /lang ka'i bdag po gnas gang zhe na/ 'di lta ste/ phyi dang nang med kun tu yang nang du gyur ba'o/ /lang ka'i bdag po tshul gang zhe na/ 'di lta ste/ bzhugs pa'i tshul dang / bzhengs pa'i tshul dang / gshegs pa'i tshul dang / gzigs pa'i tshul dang / mnyen pa'i tshul dang / lcug pa'i tshul dang / 'khril ba'i tshul dang / ldem pa'i tshul dang / gzhon nu'i tshul dang / gsal ba'i tshul dang / 'tsher ba'i tshul dang / </font><hr>102.123a<br><font size=+1>

lhun sdug pa'i tshul dang / gzi byin 'bar ba'i tshul dang / 'khyug pa'i tshul dang / dgongs pa'i tshul dang / brtan pa'i tshul dang / rten pa'i tshul dang / 'byo ba'i tshul dang / bdud pa'i tshul dang / cam me ba'i tshul dang / ma le ba'i tshul dang / lhan ne ba'i tshul dang / sal le ba'i tshul lo/ /lang ka'i bdag po gang theg pas 'dul bar dgongs pa'i cho 'phrul ni 'di lta ste/ chos kyi 'khor lo bskor ba dang / sa'i khyad par bgrod pa dang /  yon tan gyi che ba bcom pa'o/ /lang ka'i bdag po gang ltar mdzes pas 'dul bar dgongs pa'i cho 'phrul ni 'di lta ste/ chos rnam par 'byed pa dang / dga' ba dang shin tu sbyangs pa dang / ting nge 'dzin dang / dran pa dang / btang snyoms dang / brtson 'grus kyis mdzes pa'i phyir rgyan chen pos rnam par bkod par dgongs pa'o/ /lang ka'i bdag bo gzhan yang sku dang / gsung dang / thugs dang / yon tan dang / phrin las kyis bsgyings pa'i phyir cha lugs chen pos brjid par dgongs pa'o/ /lang ka'i bdag po gzhan yang mtshan gyi me tog gis mdzes shing dpe byad kyis 'brus spras pa'i phyir sras kyi tshogs kyis kun nas brgyan pa'o/ /lang ka'i bdag po gzhan yang ting nge 'dzin dang / rtsol ba dang / ngag dang / rtog pa dang / las kyi mtha' dang / lta ba dang / 'tsho ba dang dran pas 'khyil pa'i phyir bkra shis 'khyil pas 'bar bar dgongs pa'o/ /lang ka'i bdag po de dag ni gang snang bar mdzad pa'i cho 'phrul zhes bya ste/ de dag ni de kho na nyid du so sor ma 'dres par gcig tu yongs su 'grel to/ /gsang ba pa'i bdag pos de skad ces smras pas/ lang ka'i bdag po la sogs pa dman pa'i lus kyi sems dpa' rnams chos thams cad cho 'phrul gyi rnam par snang ba tsam du mthong bar gyur to/ /de nas yang gsang ba pa'i bdag pos smras pa/ lang ka'i bdag po gang du rnam par bsgyur ba'i cho 'phrul ni 'di/ </font><hr>102.123b<br><font size=+1>

lta ste/ rnam par rtog pa'i ri bo bcu'o/ /bcu gang zhe na/ 'di lta ste/ sbyor ba'i rtog pa dang / zhen pa'i rtog pa dang / dngos gzhi'i rtog pa dang / skyed pa'i rtog pa dang / rkyen gyi rtog pa dang /  las kyi rtog pa dang / mtshan ma'i rtog pa dang / mngon pa'i rtog pa dang / spyod pa'i rtog pa dang / rtags kyi rtog pa'o/ /lang ka'i bdag po rtsa ba'i rtog pa 'di bcu las rtog pa'i ri bo dgu bcu 'am/ brgya bcu rtsa gcig gis rnal 'byor gyi lam dam pa rnam par bcad pas bgrod par dka' ba'i phyir yongs su sbyang bar bya ba la brtson par bya'o/ /lang ka'i bdag po dgu gang zhe na 'di lta ste/ ming gi rtog pa dang / mtshan ma'i rtog pa dang / brda'i rtog pa dang / tha snyad kyi rtog pa dang / yod pa'i rtog pa dang / med pa'i rtog pa dang / the tshom gyi rtog pa dang / nges pa 'jog pa'i rtog pa dang / dpyod pa'i rtog pa ste/ 'di dag ni rnam pa bcur 'gyur bas rgyur gyur pas ri bo bcu dgu pa'o/ /lang ka'i bdag po bcu brgyad pa dang gcig pa gang zhe na/ 'di lta ste/ gsum gsum du gsum/ lnga gsum du bzhi/ bzhi gcig tu lnga/ drug gcig tu drug /gsum gcig tu bdun/ lnga gnyis dang drug gcig tu brgyad/ bcu gnyis gcig tu dgu/ bdun gcig tu bcu ste/ de ltar spyir bcu brgyad de/ /brtags pa ni rtog pa gcig pa'o/ /lang ka'i bdag po de la sbyor ba'i rtog pa gang zhe na/ 'di lta ste/ mi rtog pa dang / ma rmongs pa dang / mi 'gog pa'o/ /lang ka'i bdag po zhen pa'i rtog pa gang zhe na/ 'di lta ste/ mi dmigs pa dang / ma grub pa dang / ma skyes pa'o/ /lang ka'i bdag po dngos gzhi'i rtog pa gang zhe na/ 'di lta ste/ rgyu gcig pa dang / spyod pa gcig pa dang / rang bzhin gcig pa'o/ /lang ka'i bdag po skyed pa'i rtog pa gang zhe na/ 'di lta ste/ gang gyur pa dang / gang la gyur pa dang / gang gi phyir gyur pa dang / gang gis gyur pa'o/ /lang ka'i bdag po gang</font><hr>102.124a<br><font size=+1>

gyur pa ni 'di lta ste/ ngang gis gyur pa dang / shugs kyis gyur pa dang / gyur pa dang bcas pa dang / gyur par bcos pa'o/ /lang ka'i bdag po gang la gyur pa ni 'di lta ste/ yul la gyur pa dang / gnas la gyur pa dang / gyur pa'i las dang / gyur pa'i 'bras bu'o/ /lang ka'i bdag po gang gi phyir gyur pa ni 'di lta ste/ rgyu'i phyir gyur pa dang / 'bras bu'i phyir gyur pa'o/ /lang ka'i bdag po gang gis gyur pa ni 'di lta ste/ rgyu'i gyur pa dang / gnas kyis gyur pa dang / thabs kyis gyur pa dang / las kyis gyur pa dang / 'bras bus gyur pa'o/ /lang ka'i bdag po rkyen gyi rtog pa gang zhe na/ 'di lta ste/ brdzis pa dang / bshig pa dang / za ba dang / stobs pa'o/ /lang ka'i bdag po las kyi rtog pa gang zhe na/ 'di lta ste/ sdud pa'i las dang / bde ba'i las dang / snang ba'i las dang / mtha' yas pa'i las dang / thogs pa med pa'i las dang / mi skyor ba'i las so/ /lang ka'i bdag po mtshan ma'i rtog pa gang zhe na/ 'di lta ste/ mi 'da' ba dang / rol pa dang / che ba'o/ /lang ka'i bdag po de la mi 'da' ba gang zhe na/ 'di lta ste/ gdul bya las mi 'da' ba dang / rang bzhin las mi 'da' ba dang / shes rab las mi 'da' ba dang / thabs las mi 'da' ba dang / thugs dam las mi 'da' ba dang / thugs rje las mi 'da' ba dang / dam pa las mi 'da' ba dang / phrin las las mi 'da' ba dang / ye shes las mi 'da' ba dang / chos nyid las mi 'da' ba dang / dgongs pa las mi 'da' ba'o/ /lang ka'i bdag po rol pa gang zhe na/ 'di lta ste/ grub pa dang / mdzad pa'o/ /grub pa gang zhe na/ 'di lta ste/ ma skyes pa dang / ma rmongs pa dang / mi g.yo ba dang / ma 'gags pa dang / ma chags pa dang / ma bcings pa dang / mi skyor ba dang / mi thogs pa dang / ma lus pa dang / mi bgrod pa'o/ /lang ka'i bdag po mdzad pa gang zhe na/ 'di lta ste/ </font><hr>102.124b<br><font size=+1>

gdul bya'i gzigs par mdzad pa dang / sprul pa 'gyed par mdzad pa dang / ci gsol gsan par mdzad pa dang / mgon skyabs dam par mdzad pa dang / dug chen zad par mdzad pa dang / theg mchog ston par mdzad pa dang / skye bzhi bcod par mdzad pa dang / rgyud drug 'don par mdzad pa dang / mtha' drug rdzogs par mdzad pa dang / las bzhis sgrol bar mdzad pa'o/ /lang ka'i bdag po che ba gang zhe na/ 'di lta ste/ gnyen po med pa'i che ba dang / 'gran zla med pa'i che ba dang / khyad par du 'phags pa'i che ba dang / che btsan gcig pu'i che ba dang / tsham ngam rlabs kyi che ba dang / rmad du byung ba'i che ba dang / thams cad du ma pham pa'i che ba dang / mnga' dbang rdzogs pa'i che ba dang / kun las rgyal ba'i che ba dang / yongs su mi nub pa'i che ba'o/ /lang ka'i bdag po mngon pa'i rtog pa gang zhe na/  'di lta ste/ sku'i rngom spyom gyis bye ba sa yar mngon pa dang / gsung gi rngom spyom bstan pa rgya mtshor mngon pa dang / thugs kyi rngom spyom chos nyid nam mkha' mngon pa dang /  mthu'i rngom spyom nam mkha'i dbyings ltar mngon pa'o/ /lang ka'i bdag po de dag kyang tshul bcu dang drug gis rdzogs par 'gyur te/ de yang gang zhe na/ 'di lta ste/ ji ltar snang ba'i ri bo lta bu'i tshul dang / cir yang 'gyur ba gar thabs lta bu'i tshul dang / zil gyis non pa khyad par du byung ba'i tshul dang / tsham rngam chen po'i stabs rngams su 'gying pa'i tshul dang / gang du rdub pa zhal gyi tshul dang / cir yang 'gyur ba ljags kyi tshul dang / yongs su gcod pa tshems kyi tshul dang / go bar sgrogs pa 'brug sgra sgrogs pa'i tshul dang / dgongs pa nam mkha'i skar tshogs lta bu'i tshul dang / phrin las rgya mtsho dpa' rlabs lta bu'i tshul dang / yon tan sa gzhi rtsi shing lta bu'i tshul dang / thugs rje gar gyi phreng ba lta bu'i tshul dang / gnas kyi khyad par 'byung zhing sdud pa dur khrod kyi tshul dang / gnon pa'i khyad par spa</font><hr>102.125a<br><font size=+1>

bkod pa'i tshul dang / zhing gi khyad par bla na med pa'i tshul dang / spyod pa'i khyad par gcig car grub la mi skyor ba'i tshul lo/ /lang ka'i bdag po spyod pa'i rtog pa gang zhe na/ 'di lta ste/ sku'i gzi brjid seng ge'i 'bum gzugs lta bu dang / gsung gi gzi brjid 'brug stong ldir ba lta bu dang / thugs kyi gzi brjid nam mkha'i gtos chen lta bu dang / yon tan gyi gzi brjid nor bu rin po che lta bu dang / phrin las kyi gzi brjid chen po'i dkyil 'khor lta bu ste/ lang ka'i bdag po de dag ni gzi brjid bcu gnyis kyis rdzogs pa yin te/ de yang gang zhe na/ 'di lta ste/ sku che yan lag rags pa'i gzi brjid dang / grangs mang rkyen dang 'tsham pa'i gzi brjid dang / bkur 'os gtso bor mthong ba'i gzi brjid dang / khyad zhugs yid dang 'thad pa'i gzi brjid dang / gdangs chen stong gsum gang ba'i gzi brjid dang / tshig myur the tshom gcod pa'i gzi brjid dang / bdag la nyi tsher ston pa'i gzi brjid dang / khyad par yon tan mthong ba'i gzi brjid dang / yangs pas re dogs med pa'i gzi brjid dang / gsal bas mtha' gnyis spangs pa'i gzi brjid dang / thugs rje thugs dam rdzogs pa'i gzi brjid dang / ma rmongs thabs kyis 'dul ba'i gzi brjid dang / med la zad mi shes pa'i gzi brjid dang / gcig la 'dod dgur ston pa'i gzi brjid dang / gnod sbyor phan par mdzad pa'i gzi brjid dang / thabs mkhas skyon gyis ma gos pa'i gzi brjid dang / mi bsnyengs nyam bag rol pa'i gzi brjid dang / 'khor bar yun rings mi bsnyel ba'i gzi brjid dang / mgon skyabs rgyun du mdzad pa'i gzi brjid dang / dgongs don lhun gyis grub pa'i gzi brjid do/ /lang ka'i bdag po rtags kyi rtog pa gang zhe na/ 'di lta ste/ chos kyi rgyal po bsnyengs pa mi mnga' ba'i dbang chen po brnyes pa'i rtags dang / nyam bag chen po rol pa'i rtags</font><hr>102.125b<br><font size=+1>

dang / gang gi dpung gis mi bsnyengs pa'i rtags dang / yun gyi don srid bsnyengs pa'i rtags dang / stobs kyis gzhan gang gnon pa'i rtags dang / rdzu 'phrul gyis mi gnas par skyod pa'i rtags dang / mi zad pa'i mdzod mnga' ba'i rtags te/ lang ka'i bdag po de la mnga' dbang chen po brnyes pa'i rtags ni 'di lta ste/ gang dbang bcu yongs su rdzogs pa'o/ /bcu gang zhe na/  skye ba dang / yo byad dang / mos pa dang / rdzu 'phrul dang / chos dang / ye shes dang / sems dang / tshe dang / las dang / smon lam la dbang ba'o/ /lang ka'i bdag po nyam bag chen por rol pa'i rtags gang zhe na/ 'di lta ste/ phyag brgya bzhi la rol pa ste/ sku'i mnyam pa nyid dang / thugs kyi thigs pa dang / gsung gi 'grel pa dang / phrin las kyi rlabs la rol pa'o/ /lang ka'i bdag po gang gi dpung gis mi brnyes pa'i rtags ni 'di lta ste/ sgeg pa'i tshul dang / dpa' bo'i tshul dang / 'jigs pa'i tshul dang / gshe ba'i tshul dang / bzhad pa'i tshul dang / snying rje'i tshul dang / rngam pa'i tshul dang / ngo mtshar ba'i tshul dang / zhi ba'i tshul lo/ /lang ka'i bdag po yun gyi don srid brnyes pa'i rtags ni 'di lta ste/ byams pa'i blo dang / snying rje'i gros dang / dga' ba'i thabs dang / btang snyoms kyi mdo'o/ /lang ka'i bdag po stobs kyis gzhan gang gnon pa'i rtags ni 'di lta ste/ snying rje'i stobs dang / chos nyid kyi stobs dang / mi 'byed pa'i stobs dang / grub pa'i stobs dang / ma spangs pa'i stobs dang / ma g.yos pa'i stobs dang / smon lam gyi stobs dang / sprul pa'i stobs dang / mi gtong ba'i stobs dang / chags pa'i stobs so/ /lang ka'i bdag po rdzu 'phrul gyis mi gnas par skyod pa'i rtags gang zhe na/ 'di lta ste/ chos nyid kyi rdzu 'phrul dang / ye shes kyi rdzu 'phrul dang / thugs rje'i rdzu 'phrul dang / sprul pa'i rdzu 'phrul lo/ /lang ka'i bdag po mi zad pa'i mdzod mnga' ba'i rtags gang</font><hr>102.126a<br><font size=+1>

zhe na/ 'di lta ste/ 'dod pa skong ba dang / mi zad par 'byung ba dang / mun pa sel ba dang / rgyun mi 'chad pa'o/ lang ka'i bdag po de dag ni rdzu 'phrul gyi cho 'phrul zhes bya ste/ lang ka'i bdag po rdzu 'phrul gyi cho 'phrul gyis bsdus pa'i rtog pa mtha' yas ji snyed pa kun so sor ma 'dres pa gcig tu yongs su 'grel to/ /de skad ces smras pas/ lang ka'i bdag po la sogs pa dman pa'i lus kyi sems dpa' rnams chos thams cad rdzu 'phrul gyi cho 'phrul tsam du snang bar mthong ngo/ /sangs rgyas kun gyi dgongs pa 'dus pa'i mdo chen po las/ rdzu 'phrul gyi cho 'phrul bstan pa'i le'u ste bcu drug pa'o// //   de nas yang gsang ba pa'i bdag pos lang ka'i bdag po la bos te smras pa/ kye lang ka'i bdag po chos snang ba'i cho 'phrul gang zhe na/ 'di lta ste/ gang gis gang du chos gang snang bar nges pa'i cho 'phrul bstan pas de dang der 'jig rten gyi khams de dang de dag thams cad g.yos/ rab tu g.yos/ kun tu rab tu g.yos/ 'gul/ rab tu 'gul/  kun du rab tu 'gul/ ldeg /rab tu ldeg /kun du rab tu ldeg / 'ur/ rab tu 'ur/ kun du rab tu 'ur/ chem/ rab tu chem/ kun du rab tu chem/ mtha' mtho na dbus dma'/ dbus mtho na mtha' dma'/ shar mtho na nub dma'/ nub mtho na shar dma'/ lho mtho na byang dma'/ byang mtho na lho dma' bar gyur te/ phyi nang gi mun pa thams cad sbyangs nas 'gro ba mtha' thug pa med pa dag spro ba'i ngo mtshar bskyed/ sems kyi dkyil 'khor 'od gsal/ theg pa chen po'i chos nyid kyi dga' ba'i ro tshor/ thams cad re zhing dam pa'i chos nyid du snang ba ni 'di lta ste/ 'jig rten mtha' yas rdul snyed du/ /sprul pa mtha' yas rdul snyed spros/ /mun bsal dngos po kun sbyangs te/ /thams cad ma bcos de bzhin snang / /sprul pa'i don ni rdul snyed las/ /chos nyid nges par snang ba'i sgo/ /gnyis las bcu bzhir snang ba ni/ /yi ge'i 'bru tshogs gsal bar</font><hr>102.126b<br><font size=+1>

snang / /lang ka'i bdag po 'di lta ste/ /a chos kyi dbyings nyid rnam par snang ba'i sgo'o/ /hU~M ye shes kyi chos nyid rnam par snang ba'i sgo'o/ /hU~M mi g.yo ba'i chos nyid yongs su snang ba'i sgo'o/ o~M cir yang snang ba'i chos nyid rnam par snang ba'i sgo'o/ /swA sna tshogs 'byung ba'i chos nyid rnam par snang ba'i sgo'o/ / o~M mtha' yas chos nyid rnam par snang ba'i sgo'o/ hA don yod grub pa'i chos nyid rnam par snang ba'i sgo'o/ /mU~M brjod pa las 'das pa'i chos nyid rnam par snang ba'i sgo'o/ /lAM skye 'gag med pa'i chos nyid rnam par snang ba'i sgo'o/ /mA~M mi zad pa'i chos nyid rnam par snang ba'i sgo'o/ /byA~M skyon med pa'i chos nyid rnam par snang ba'i sgo'o/ /tA~M thogs pa med pa'i chos nyid rnam par snang ba'i sgo'o/ hrI~MHgsung 'dzin pa'i chos nyid rnam par snang ba'i sgo'o/ /tA~M go 'byed pa'i chos nyid rnam par snang ba'i sgo'o/ /k+Sha mthong ba'i chos nyid rnam par snang ba'i sgo'o/ /'joms pa'i chos nyid rnam par snang ba'i sgo'o/ /hU~M rtsa ba byang chub sems kyi chos nyid rnam par snang ba'i sgo'o/ /T+ra~M cir yang 'byung ba'i chos nyid rnam par snang ba'i sgo'o/ hrI~M sgra sgrogs pa'i chos nyid rnam par snang ba'i sgo'o/ /a cir yang ma nges pa'i chos nyid rnam par snang ba'i sgo'o/ /mai byams pa chen po'i chos nyid rnam par snang ba'i sgo'o/ th+l+hiM snying rje chen po'i chos nyid rnam par snang ba'i sgo'o/ /hU~M dga' ba chen po'i chos nyid rnam par snang ba'i sgo'o/ /mu~M btang snyoms chen po'i cho nyid rnam par snang ba'i sgo'o/ /du ting nge 'dzin gyi cho 'phrul gyi chos nyid rnam par snang ba'i sgo'o/ /pu dbang bskur ba'i cho 'phrul gyi chos nyid rnam par snang ba'i sgo'o/ /ba~M byin gyi brlabs kyi cho 'phrul gyi chos nyid rnam par snang ba'i sgo'o/ /hoHmchod pa'i cho 'phrul gyi chos nyid rnam par snang ba'i sgo'o/ /ya stong pa nyid kyi rnam par thar pa'i chos nyid rnam par snang ba'i sgo'o/ /tha mtshan ma med pa'i rnam par thar</font><hr>102.127a<br><font size=+1>

pa'i chos nyid rnam par snang ba'i sgo'o/ /hrIHsmon pa med pa'i rnam par thar pa'i chos nyid rnam par snang ba'i sgo'o/ /hU~M thabs la mkhas pa'i rnam par thar pa'i chos nyid rnam par snang ba'i sgo'o/ /dzaHdon 'dren pa'i chos nyid rnam par snang ba'i sgo'o/ /hU~M don brjod pa'i chos nyid rnam par snang ba'i sgo'o/ /ba~M don spyod pa'i chos nyid rnam par snang ba'i sgo'o/ /hoHdon 'thun pa'i chos nyid rnam par snang ba'i sgo'o/ /kriM byang chub kyi chos nyid rnam par snang ba'i sgo'o/ /tru~M stobs kyi chos nyid rnam par snang ba'i sgo'o/ /sru~M dbang po'i chos nyid rnam par snang ba'i sgo'o/ /pra~M rdzu 'phrul gyi chos nyid rnam par snang ba'i sgo'o/ /k+Sha~M spong ba'i mtshan nyid rnam par snang ba'i sgo'o/ /ye dran pa'i chos nyid rnam par snang ba'i sgo'o/ /b+h+rU~M stong pa'i chos nyid rnam par snang ba'i sgo'o/ /e khro bo'i chos nyid rnam par snang ba'i sgo'o/ /ba~M zhi ba'i chos nyid rnam par snang ba'i sgo'o/ /ma mtha' rgyas pa'i chos nyid rnam par snang ba'i sgo'o/ /ya sdud pa'i chos nyid rnam par snang ba'i sgo'o/ /shwa phyi nang 'byung ba'i chos nyid rnam par snang ba'i sgo'o/ /d+ha chos 'byung ba'i chos nyid rnam par snang ba'i sgo'o/ /ma dran pa'i chos nyid rnam par snang ba'i sgo'o/ /hA bod pa'i chos nyid rnam par snang ba'i sgo'o/ /pra spro ba'i chos nyid rnam par snang ba'i sgo'o/ /k+ShaHni mthar zad pa'i chos nyid rnam par snang ba'i sgo'o/ /dz+nyA shes pa'i chos nyid rnam par snang ba'i sgo'o/ /he rgyu'i chos nyid rnam par snang ba'i sgo'o/ /sa~M 'bras bu'i chos nyid rnam par snang ba'i sgo'o/ /tha~M rkyen gyi chos nyid rnam par snang ba'i sgo'o/ /ska phung po'i chos nyid rnam par snang ba'i sgo'o/ /kra las kyi chos nyid rnam par snang ba'i sgo'o/ /ba~M nag po'i chos nyid rnam par snang ba'i sgo'o/ /tra dkar po'i chos nyid rnam par snang ba'i sgo'o/ /o~M rang grub pa'i chos nyid rnam par</font><hr>102.127b<br><font size=+1>

snang ba'i sgo'o/ /hU~M rtsa ba'i chos nyid rnam par snang ba'i sgo'o/ /mu~M ji bzhin pa'i chos nyid rnam par snang ba'i sgo'o/ /lang ka'i bdag po de dag ni yi ge'i cho 'phrul las chos rnam par snang ba'o/ /de ci'i phyir zhe na/ lang ka'i bdag po yi ge'i sgo nas chos thams cad nam mkha' dang 'dra bar khong du chud par 'gyur ro/ /gzungs dang / sgra dang / dran pa dang / blo gros dang /  rtogs pa dang / gsal ba thob par 'gyur ro/ /de bzhin du yi ge ni chos thams cad kyi sgo yang 'byed par 'gyur ro/ /don yang mtshon par byed do/ /rang bzhin yang rtogs par byed do/ /lang ka'i bdag po de dag ni yi ge'i cho 'phrul gyi sgo nas chos nyid du rnam par snang ba 'o/ /lang ka'i bdag po gang ma bcos par chos snang ba'i cho 'phrul gang zhe na/  'di lta ste/ chos can mtshan mar snang ba'i rang bzhin rnams/ /chos nyid mtshan ma med pa'i ngang du snang / /sems can dngos pos snang ba'i rang bzhin rnams/ /sems nyid dngos po med ba'i ngang du snang / /ji snyed rnam par snang ba'i rang bzhin rnams/ /ji bzhin de bzhin nyid kyi ngang du snang / /nyon mongs dug lngar snang ba'i rang bzhin rnams/ /rnam grol ye shes lnga yi ngang du snang / /dug gsum rtsa bar snang ba'i rang bzhin rnams/ /sku gsum lhun gyis grub pa'i ngang du snang / /gzung 'dzin rtog par snang ba'i rang bzhin rnams/ /dbyings dang ye shes gnyis med ngang du snang / /bya dang byed par snang ba'i rang bzhin rnams/ /thabs dang shes rab 'brel ba'i ngang du snang / /'jig tshogs phung por snang ba'i rang bzhin rnams/ /rnam grol zag med phung po'i ngang du snang / /kun nas nyon mongs 'khor ba'i rang bzhin rnams/ /rnam byang mya ngan 'das pa'i ngang du snang / /'jig rten g.yo rdul mi g.yo'i rang bzhin rnams/ /rgyal ba bzhi bcu gnyis kyi ngang du snang / /mya ngan 'das dang 'khor</font><hr>102.128a<br><font size=+1>

ba'i rang bzhin rnams/ /btsal med ma bcos de nyid ngang du snang zhes yongs su grag cing grags par 'gyur ro/ /lang ka'i bdag po de ni chos snang ba'i cho 'phrul te/ de dag kyang so sor ma 'dres pa gcig tu yongs su 'grel to/ /sangs rgyas kun gyi dgongs pa 'dus pa'i mdo chen po las chos snang ba'i cho 'phrul bstan pa'i le'u ste bcu bdun pa'o// // lang ka'i bdag po kun brjod pa'i cho 'phrul gang zhe na/  'di lta ste/ chos kun ma 'dres yongs rdzogs pa/ /nges pa ji ltar yin pa'i don/ /phyin ci ma log nyid brjod pa/ /de nyid rnam dag lam chen yin/ /sku dang gsung thugs rang bzhin yang / /gang na med de de kho na/ /dpag med rgyal ba mtha' yas kyang / /gzhan na med de de nyid yin/ /gti mug ma 'dres kun nas rmongs/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /zhe sdang ma 'dres mnar sems pa/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /nga rgyal ma 'dres ri bo che/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /'dod chags ma 'dres kun du zhen/ yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /phrag dog ma 'dres kun nas 'khrugs/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /gzugs ni ma 'dres 'jigs pa nyid/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /tshor ba ma 'dres myong ba nyid/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /'du shes ma 'dres 'dzin pa nyid/ /</font><hr>102.128b<br><font size=+1>

yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /'du byed ma 'dres mngon du byed/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /rnam rig ma 'dres tha dad shes/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /sdug bsngal ma 'dres kun gdung ba/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /khams ni ma 'dres sa bon nyid/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /skye mched ma 'dres skye ba'i sgo/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /rgyu rkyen ma 'dres 'du 'phro nyid/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /ma chags ma 'dres gtong ba nyid/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /dag pa ma 'dres gdung ba med/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /mi g.yo ma 'dres mi 'khrug pa/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /brtson 'grus ma 'dres thub pa med/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /bsam pa ma 'dres sdud pa nyid/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /gcod pa ma 'dres chags pa med/ /</font><hr>102.129a<br><font size=+1>

yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /bsam pa tshad med snyoms 'jug bzhi/ /ma 'dres mi 'khrug yongs rdzogs pas/ /stong pa bdag med chos nyid de/ /ma bcos de bzhin nyid kho na/ /kun kyang ma 'dres 'byung ba nyid/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /stong nyid rnam thar ma 'dres dben/ /mtshan med ma 'dres zhi ba nyid/ /smon med ma 'dres sdug bsngal sel/ /yongs su rdzogs pas stong bdag med/ /ma bcos de bzhin nyid kho na/ /rnam thar ma 'dres rnam par 'grel/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /stobs ni ma 'dres gdon mi za/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /mi 'jigs ma 'dres shin du brtan/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /snying rje ma 'dres skyob pa nyid/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /byams pa ma 'dres phan 'dogs pa/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /dga' ba ma 'dres 'gyod pa med/ /yongs su rdzogs pas stong bdag med/ /de nyid ma 'dres yongs rdzogs na/ ma bcos de bzhin nyid kho na/ /btang snyoms ma 'dres yangs pa nyid/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /gzugs ni ma 'dres 'brel ba nyid/ /yongs su rdzogs pas stong bdag med/ /</font><hr>102.129b<br><font size=+1>

de nyid ma 'dres yongs rdzogs na/ /ma bcos de bzhin nyid kho na/ /ting 'dzin ma 'dres mi g.yeng ba/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /ma 'dres pa nyid mi 'phrogs pa/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /kun grol ma 'dres mngon sum pa/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /chos can ma 'dres sna tshogs pa/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /ye shes kun mkhyen skye 'gag med/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /dbyings nyid med la mi zad pa/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /sprul pa med 'byung rgyun mi 'chad/ /yongs su rdzogs pas stong bdag med/ /de nyid med 'dres yongs rdzogs na/ /ma bcos de bzhin nyid kho na/ /rdzogs sku ma 'dres phun sum tshogs/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /chos sku rnam par dag pa'i nyid/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /thams cad ma 'dres tha dad pa/ /yongs su rdzogs pas stong bdag med/ /de nyid ma 'dres yongs rdzogs na/ /ma bcos de bzhin nyid kho na/ /chos kun brjod pa'i cho 'phrul las/ /ma bcos de bzhin nyid snang ba/ /dbu mar mi dmigs gsang</font><hr>102.130a<br><font size=+1>

ba nyid/ /skyes bu dam pa'i spyod yul yin/ /gsang sngags rdo rje theg chen 'di/ /de bzhin gshegs pa nyid du gsal/ /ci phyir rdo rje gsang sngags dang / /sems can sangs rgyas tha dad min/ /gsang sngags rdo rje rnal 'byor pa/ /skyes bu thabs kyi pha rol phyin/ /rdo rje rnal 'byor mi ldan na/ /de nyid thabs dang shes rab bral/ /de bas rnal 'byor chen po yis/ /rdo rje gsang sngags dam pa yi/ /cho 'phrul bzhi yi rang bzhin las/ /nam yang 'da' bar bya ba min/ zhes smras pas/ ma 'dres pa yongs su rdzogs pa ni chos thams cad kun du bzang po nyid do zhes yongs su grag cing grags par gyur to/ /lang ka'i bdag po de dag ni kun brjod pa'i cho 'phrul te/ de dag kyang so sor ma 'dres par de kho na nyid gcig tu yongs su 'grel to/ /sangs rgyas kun gyi dgongs pa 'dus pa'i mdo chen po las kun brjod pa'i cho 'phrul bstan pa zhes bya ba'i le'u ste bcwa brgyad pa'o// // lang ka'i bdag po de la rjes su bstan pa'i cho 'phrul gang zhe na/ zhi gnas yongs su rdzogs par 'grel pa ni 'di lta ste/ ji snyed pa thams cad ji bzhin pa nyid du yongs su rdzogs pa 'ba' zhig go/ /de ji lta zhe na/ 'di lta ste/ de nyid mi g.yo nam mkha' la/ /g.yo rdul tha dad ji snyed pa/ /mi rtog ye shes rgya mtsho che/ /gcig las rnam pa yongs kyis med/ /rang bzhin lhun grub dkyil 'khor che/ /de na dman dang sems dpa' dang / /spyod pa'i rnal 'byor ming yang med/ /lhun mnyam byang chub snying po las/ /nges pa'i dgongs pa'i mnyam rnyed nas/ /ji bzhin ma bcos de kho na/ /zab mo dam pa nges pa'i don/ /ngo mtshar dam pa chen po yis/ /rdo rje snying po nyid la nyid/ /dgongs pa'i don la 'di skad 'grel/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /skye ba med las thams cad skyes/ /skyes pa nyid na skye ba med/ /</font><hr>102.130b<br><font size=+1>

e ma'o ngo mtshar rmad kyi chos/ /rdzogs pa'i sangs rgyas kun gyi gsang / /'gag pa med las thams cad 'gag /'gag pa nyid na 'gag pa med/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /dmigs pa med las thams cad dmigs/ /dmigs pa nyid na dmigs pa med/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /mi gnas pa las thams cad gnas/ /gnas pa nyid na gnas pa med/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /'gro 'ong med las 'gro 'ong nyid/ /'gro 'ong nyid na 'gro 'ong med/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /ma bcos ma bslad byas pa med/ /ji bzhin rang bzhin rnam par dag /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /rang bzhin med pa'i rang bzhin las/ /bde ba chen po lhun gyis grub/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /gzhi rtsa med pa'i sems nyid ni/ /chos rnams kun gyi rtsa ba yin/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /stong pa ma yin mi stong min/ /dbu ma dmigs su yod ma yin/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /nges par brtags na rtag pa nyid/ /rtag chad de nyid gnyen po med/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /nges par chad na chad pa med/ /byang chub nyid de log rgyun chad/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /chos so cog gi rang bzhin ni/ /sangs rgyas nyid las gzhan ma yin/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /sangs rgyas nyid las gzhan pa'i chos/ /sangs rgyas</font><hr>102.131a<br><font size=+1>

nyid kyis mi brnyes so/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /rab 'byams mtha' yas gang nas kyang / /rdzogs pa'i sangs rgyas yong mi tshol/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /sems nyid rtogs pa sangs rgyas te/ /de las gzhan du yod ma yin/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /srid gsum ye nas snying po nyid/ /ma nor ma bcos lhun gyis grub/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /rang bzhin lhun gyis grub pa'i dbyings/ /btsal pa med par rdzogs sangs rgyas/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /kun nas kun du ngang bzang po/ /thams cad ye 'byam rmad du grags/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /snying po byang chub de nyid las/ /ma gtogs gang yang yod ma yin/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /thams cad sangs rgyas yin pa la/ /rtog pas bsgribs pas de ma shes/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /rtog pa nyid na rtog med phyir/ /bde gshegs snying po gzhan nas min/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /kun gyi snying po byang chub la/ /ye nas dgongs pa lhun gyis grub/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /rdo rje gsang ba'i snying po la/ /sgrub dang bsgrub par bya ba med/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /ye nyid 'bras bu dam pa la/ /thob par bya ba ga la yod/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /gsang sngags gsang</font><hr>102.131b<br><font size=+1>

ba'i snying po 'di/ /sangs rgyas sems can kun gyi gsang / /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /'dus pa gsang ba rmad 'byung ba/ /rdo rje snying po 'dus pa nyid/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /gsang ba dam pa'i snying po 'di/ /sangs rgyas kun gyi nges pa'o/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /zla ba gsang ba las byung ba'i/ /gsung gi thig le zab mo byung / /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /sangs rgyas kun dang mnyam sbyor bas/ /gzugs snang mkha' la 'ja' ltar gsal/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /snang srid sgyu ma'i ye shes las/ /sprul pa'i dra ba sprin phung byung / /e ma'o ngo mtshar rmad kyi chos/ /rdzogs pa'i sangs rgyas kun gyi gsang /  sprul pa thabs kyi dra ba las/ /mtha' gnyis 'dzin pa'i zhags pa byung / /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /bya bral rnal 'byor 'thun 'jug spyod/ /sbyor thabs bya ba las rgyud byung / /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /lhag par mthong dang zhi bar gnas/ /dag pa'i mtha' gnyis nges par byung / /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /sde mdzod dam pa'i bka' lung rnams/ /'byung gnas gtan la nges par 'bebs/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /gdul bya'i yul ni ji snyed pa'i/ /gsung gi sgo yang de snyed 'byung / /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /rab 'byams rmad du grags pa 'di/ /bka' yi rab rgyud dam pa nyid/ /e ma'o ngo mtshar rmad kyi chos</font><hr>102.132a<br><font size=+1>

rdzogs pa'i sangs rgyas kun gyi gsang / /ji bzhin pa yi de kho na/ /bstan pa 'byung ba'i snying po mchog /e ma'o ngo mtshar rmad kyi chos/ /rdzogs pa'i sangs rgyas kun gyi gsang / /zab mo 'dus pa'i gtan tshigs 'di/ /sangs rgyas 'byung ba'i snying po'i yum/ /rnam pa sna tshogs snang bar mdzad/ /mi 'gyur mi 'jug rdo rje sems/ /dpag tu med pa gsung mtha' yas/ /yon tan rin chen sna tshogs 'byung / /mtha' dag lhun grub gdon mi za/ /rdo rje snying po nyid la nyid/ /nyi ma thugs kyi dkyil 'khor shar/ /bsam med bsam gyis mi khyab pa'i/ /dpag med brgyad khri bzhi stong sgo/ /grags pa'i rnam grangs bsam yas kyang / /nges pa'i theg pa gcig las med/ /gsang nyid ma nges 'jug par du/ /theg pa'i sgo yang bsam mi khyab/ /gsang nyid nges par snang ma thag /theg pa'i sgo yang de las med/ /brjod dang bstan pa'i rnam grangs kun/ /bkri ba'i don de de nyid min/ /tshig brda brjod pas don snyed pa/ /sgron mes mun khung gser tshol ltar/ /gsang ba'i snying po'i mdzod brtol te/ /dam pa rnams kyi gter chen 'byin/ /thig le gcig gis kun la khyab/ /thams cad lung chen nges par bstan/ /de dag de nyid dang grol na/ /gsang sngags mthong ba sangs rgyas te/ /kun kyang bde chen byang chub sems/ /rtog bral dri med rnam par dag /bde chen nyid la bde chen rdzogs/ /ye shes nyi ma'i snying po shar/ /ma lus mtha' dag thig le'i rgya/ /ye nas btsal med btsal mi dgos/ /rgyu 'bras dbyer med de nyid de/ /mi g.yo mi rtog yul 'das la/ /rgyu dang 'bras bur rtog 'dzin gyis/ /thams cad sgyu ma 'khrul pas bcings/ /rang byung ye shes nyi ma nyid/ /ma bcos ji bzhin gnas pa na/ /snying po nyid du gol sa med/ /thams cad byang chub snying po bas/ /kun</font><hr>102.132b<br><font size=+1>

kyang ma btsal bde bar gnos/ /snang srid 'khor ba'i kha brgyud kyang / /snying po dbyings las gar mi phyin/ /mtha' thug med pa'i gzhi bgrod kyang / /snying po de las g.yos pa med/ /dpag med rgyal ba kun bskrun kyang / /snying po yongs su 'phel ba med/ /sems can mthar thug med 'byung yang / /de nyid de las 'grib pa med/ /skye bzhi rgyud lngar gang snang ba/ /sangs rgyas nyid de ye shes sku/ /thams cad de nyid de gcig pas/ /ye nas sangs rgyas bde chen nyid/ /skye 'gag med pa'i snying po yin/ /bya byed med pa'i dkyil 'khor gsum/ /ye nas bsgrubs zin lhun gyis grub/ /sgrub pa 'di la gang gnas pa/ /rnal 'byor de nyid skal ba bzang / /ji ltar bsgoms sgrubs ci spyad kyang / /de nyid yin te don gyi mchog /rgyal ba kun gyi snying po nyid/ /byin brlabs ngo mtshar rgya cher 'byung / /rgyal ba rgya mtsho rnams kyi yum/ /sangs rgyas bde chen de las byung / /ma lus kun gyi snying po 'di/ /spros med thig ler gnas pa las/ /rgyal sras sems can kun gyi phyir/ /nyid la 'chad cing nyid la 'grel/ /zhi gnas mi rtog mkha' khyab la/ /lhag mthong ma rmongs 'ja' tshon gsal/ /ma 'dres yongs su rdzogs pa las/ /dgongs pa nges par 'grel par bshad/ /lang ka'i bdag po stong pa nyid las de skad du sgra brnyan byung bas thams cad ma 'dres pa dang / yongs su rdzogs par 'grel pa ni kun du bzang po nyid do/ /lang ka'i bdag po de ltar na gang gi dgongs pa nges par 'grel pa de dag kyang gzhi dang / 'jug pa dang / sbyor ba dang / rtsa ba dang / nges pa 'ba' zhig las gyur pa dang / snang ba dang / brjod pa dang /  bstan par rig par bya'o/ /de skad ces smras pas/ lang ka'i bdag po la sogs pa dman pa'i lus kyi sems dpa' rnams yi rangs te/ thams cad ma 'dres pa dang / yongs su rdzogs par thugs</font><hr>102.133a<br><font size=+1>

su chud nas mtha' dbus med par grol te dbugs phyin par gyur to/ /sangs rgyas kun gyi dgongs pa 'dus pa'i mdo chen po las gang yongs su rdzogs par 'grel pa'i le'u ste bcu dgu pa'o// //theg pa chen po nges par 'byung ba'i tshul las sangs rgyas kun gyi dgongs pa nges par 'grel pa'i gtam rgyud rjod pa'i chos kyi phyag rgya ye shes rnam par bgros pa ste byung tshul bstan pa lnga pa'o// // de nas yang lang ka'i mnga' bdag byang chub sems dpa' sems dpa' chen po des gsang ba pa'i bdag po la sngon du byung ba'i tshig bcu gnyis pa'i drug pa gdul bya'i skabs la bab pa'i ched na byung zhes 'byung ba'i dri ba yongs su dris pa/ kye gsang ba pa'i bdag po/ nyid kyis theg pa chen po'i gsang ba dam pa 'byung ba'i tshul ston pas lung bstan pa gtam du brjod pa'i skabs su/ gdul bya'i skabs la bab pa'i tshe na yang 'byung zhes bkod pa de 'jig rten pa gang zhig gdul bya'i skabs la bab nas yongs su btul ba grags pa lags/ smras pa/ lang ka'i bdag po gsang sngags 'byung ba'i rgyu gdul bya khyad par can 'jig rten sreg par byed pa khro bo tshul rngam pa gdul bya'i dus la nges par bab pa'i tshe yongs su gtul ba na phyogs dus kun gyi sangs rgyas thams cad snying po byang chub gang na ba der 'dus nas skyes bu dam pa dag la rnam par bskul bas ji lta ji ltar rdo rje sems dpa'i sprul pa'i sgron ma yongs su bkod pa lta bu'i khro bo'i sprin rnam par 'jigs pa rdul snyed kyis btul ba de kho na'i tshe de kho na'i dus nyid du 'byung zhing grags so/ /smras pa/ gsang ba pa'i bdag po gdul bya de gang las byung / de las dang skye ba ji ltar lags/ gsang sngags 'byung ba'i rgyur ji ltar 'gyur/ de skad ces gsol ba las/ gsang ba pa'i bdag pos smras pa/ kye lang ka'i bdag po de ni 'di lta ste/ dran pa dpag tu med pa 'das pa'i dus na sngon byung ba ni sangs rgyas</font><hr>102.133b<br><font size=+1>

mi skyod pa zhes bya ba bskal pa kun dga' zhes bya ba la zhing khams mngon par dga' ba zhes bya bar byung ba'i bstan pa la rab tu byung ba'i dge slong thub dka' gzhon nu zhes bya ba gang ji lta ba bzhin theg pa chen po'i chos kyi 'khor lo bskor ba/ thams cad nas thams cad du ma bcos ma bslad pa'i rnal 'byor du gnas pa/ skyes bu dam par chud pa zhig byung ba des sems can thams cad rgyal ba'i sras su mthong zhing de dag yongs su bskul ba la brtson pa 'ba' zhig byed do/ /de'i tshe de'i dus na 'khor ba thog ma dang tha ma med par skye ba thog ma dang tha ma med pa'i las dang skye ba dpag tu med pa'i brjod kyis mi rdzogs te/ las skabs gcig gis skye ba cha gcig la gzung na 'di lta ste/ nye 'khor du khyim bdag ke'u ka ya zhes bya ba la bu thar pa nag po zhes bya ba zhig yod de/ bu de la g.yog dan bag zhes bya ba zhig yod do/ /de'i tshe de'i dus na mi gang dag dge slong thub dka' gzhon nu la rnal 'byor gyi lam bslabs te/ kun kyang rnal 'byor gyi lam la gnas shing rnal 'byor la spyod par gyur to/ /de'i tshe de'i dus na thar pa nag po de 'di ltar rtog go/ /dge slong thub dka' gzhon nu 'dis/ thams cad ji lta ba bzhin ston par thos nas thams cad ni dga' bar spyod pa bzhin du lam yod pa'i chos dag 'byung ngam zhes rtog la/ gang dag la yang dris pa las thams cad kyis de ltar 'byung bar smras so/ /de nas g.yog dang bcas pas dge slong ga la ba der zhugs te gnas su phyin nas de 'dun pa legs par 'dun nas gsol pa/ dge slong chen po thams cad ji lta bar spyod pa bzhin du lam ston pa'i thabs la mkhas par thos na de de lta nyid du nges sam/ de skad ces gsol pa las smras pa/ rigs kyi bu de de lta nyid du 'byung ba dag yod par rung ngo/ /de skad ces smras pas/ thar pa g.yog dang bcas pa dga' mgu yi rangs te/ bdag g.yog dang bcas pa 'di khyod nyid kyi bka' bar gzung du gsol/ </font><hr>102.134a<br><font size=+1>

bdag kyang khyod la thams cad mi 'gag pa'i lam blangs te rnal 'byor du gnas par 'tshal bas dam pa nyid du nges par gzung du gsol zhes 'dun pa las/ dge slong des smras pa/ yin no legs so/ /de ltar bya'o zhes legs ba byin nas thar pa nag po rab tu byung nas dam par bzung / dan bag ni dus 'dzin du bzung ste dge slong thar pa'i g.yog tu byas so/ /de nas thar pa dge slong gis gsol pa/ dge slong chen po thams cad ji lta ba'i lam dam pa de gang lags/ smras pa/ ji bzhin nyid de ma bcos na/ /dngos po bzhi la gnas spyad kyang / /nam mkha' la ni sprin bzhin te/ /'di ni rnal 'byor dam pa'i lam/ /de skad ces smras pas/ thar pa g.yog dang bcas pa yi rangs te/ e ma'o thabs la mkhas so/ /nges so/ /yin no/ /stad do/ /bdag thams cad du de la yongs su gnas so zhes gsol te/ sgra ji lta ba de bzhin du spyad pa las thar pa dge slong ni blo gros kyi nges pa ma rnyed de/ sgra 'ba' zhig la phyogs pas dngos po bzhi kho nas spyad de zhen nas lus dam pa'i cha byad du bcug nas sems ngan 'gro ba'i lam du zhugs so/ /g.yog dan bag ni sgra gzhi'i don gyi nges pa rnyed nas blo gros dam par 'brel te/ don 'ba' zhig la phyogs pas ji bzhin pa kho nar spyad de zhen nas yongs su rnal 'byor pas lus ma rabs kyi cha byad du bcug nas sems dam par nges pa'i lam du zhugs so/ /de nas thar pa g.yog dang lta ba ma mthun te/ smras pa/ bdag cag gnyis ni dpon gcig la sgra gcig tu byung ba 'di la so sor ma mthun pa 'di ji lta zhig /dan bag gis smras pa/ bdag gis ni da ltar nges par 'jog pa 'di kho na las gzhan ma thos lags so/ /smras pa/ bdag gis kyang da ltar nges pa rnyed de spyod pa 'di kho na las gzhan ma thos so zhes smras pas/ de la rtsod pa chen por gyur te/ lta ba ma mthun pas g.yog dang so sor bkal te ma mthong ma phrad par dam bcas nas g.yog</font><hr>102.134b<br><font size=+1>

khams ring por bshugs te spangs so/ /de nas thar pa dge slong de mngon pa'i nga rgyal log pa'i ri bor skyes te dpon la so so'i nges pa rnyed pa gsol ba las/ dge slong thub dka' gzhon nu ma bcos ma bslad pa'i rnal mar spyod pas kha gsag med de rang bzhin gsong por smra bas na dan bag ltar nges so zhes bsgo bas thar pa kun nas 'khrugs te smras pa/ dpon por 'dra na gnyis ga ltar ro zhes kyang ma mnyams par nges par bdag bkar bcag pa dang sun phyung ba 'dis byas pas dpon 'di yang khams 'dir ma chags par byas la/ 'di dag bdag gi khams su bya'o zhes dam bcas nas che ba'i nga rgyal skyes te dpon yang khams ring por bshugs te yongs su spangs so/ /de nas thar pa de de bzhin gshegs pa'i gsung gi sgo grangs mang zhing rgya che bar gyur pas thams cad du ston pa dpag par dka' ba'i phyir yongs su ma chud de gzhal ba gnyis kyis gzhal ba ma byas par thar pa rang gi tshad ma la zhen phyogs su drangs nas thams cad kyang log par bsgyur/  nyid kyang log pa'i rgya mtshor zhugs te/ log pa'i dka' thub drag po dang / log pa'i brtul zhugs chen po la zhugs pa ni dur khrod kyi mi ro dag blangs te kha zas su byed cing lpags pa dag bshus te g.yang gzhir gyon te longs spyod pa lce spyang nag po dang / 'phar ba rkang rdebs dang / dred mo lag rdebs dang / bya gcan gsod byed dang / dur bya kang ka dang / za byed dur phag la sogs pa'i gson ma mang po bsten te thams cad kyi srog gcod cing sha khrag la longs spyod par byed pa/ smad 'tshong ma'i tshogs mang por bsdus te chags pa chen por spyod pa/ dngos po bzhi las mi 'da' bar dngos po bzhi'i rang bzhin ji bzhin pa de kho na nyid las yongs su 'das par gyur to/ /de nas skye ba de 'phos par gyur te/ de skye ba de'i phyi ma la lce spyang nag po'i lus su skye ba lnga brgya</font><hr>102.135a<br><font size=+1>

blangs te srog chags 'ba' zhig gsod pa'i las spyod cing sha dang khrag dron mo za bar gyur to/ /skye ba de'i phyi ma dag la khyi lu 'de la sogs pa gdug pas gsod pa'i las can sha khrag zas su byed pa tha dad pa'i lus su skye ba lnga brgya blangs shing gzhan gyis bsad cing skye ba 'pho ba sha dag tu gyur to/ /skye ba de'i phyi ma dag la bya na le sha zan dang / khrag 'thung mchu dmar dang / dur bya kang ka dang / ru rtse rkang ldag la sogs pa tha dad pa'i lus blangs shing gzhan gyis gsad cing skye ba 'pho ba sha dag tu gyur to/ /skye ba de dag gi phyi ma dag la sbrang bu tre ma dang / srin bu pu ka dang / ro za rkang 'jib la sogs pa 'bu dang shin du 'bu chen tha dad pa'i lus su skye ba blangs shing de dag kyang gnyen pos gsad cing skye ba 'pho ba sha dag tu gyur to/ /skye ba de'i phyi ma dag la ngan skyugs kyi 'dam na gnas pa'i skye bor skyes pa skye ba lnga brgya blangs te gnyen pos gsad cing skye ba 'pho ba sha dag tu gyur to/ /skye ba de dag gi phyi ma la srog chags dag gi lus la gnas shing zas kyang de dag la byed pa'i skye bor skye ba lnga brgya blangs te gnyen pos gsad cing skye ba 'pho ba sha dag tu gyur to/ /yang skye ba de'i phyi ma dag la gsad pa'i sha dang / shi ba'i ro dang / rnam par rul ba dang / lung pa tha dad rdo dang / gam brag dang / sdong chen la sogs pa'i nang du gnas pa'i skye bor gyur te de la gnas shing zas kyang des 'tsho ba gnyen pos gsad cing skye ba 'pho ba 'ba' zhig tu gyur to/ /skye ba de'i phyi ma dag la mngal gyi grong khyer na gnas pa'i skye bor skye ba lnga brgya gnas de gnas dang 'tsho ba yang de las byed par gyur to/ /yang skye ba de'i phyi ma la mnar med pa'i gnas rdo rje dmyal ba zhes bya bar de nyid kyi tshe'i tshad brgyad khri'i bar du gnas te/ dmyal ba de'i sdug bsngal gyi tshad ni brjod du mi rung ngo/ /de ci'i phyir zhe na/ gang gi 'dun du sdug bsngal gyi tshad de brjod na gang</font><hr>102.135b<br><font size=+1>

gis thos pa de brgyal bar 'gyur ro/ /de'i tshe de'i dus na dmyal ba des e ma'o 'di ci nyes smras pa'i skad cig gcig gis phyin par gyur ro/ /rdo rje sems dpa' thub pa'i dbang po chos kyi rgyal po des kho na nyid kyi las yin zhes chos bstan pas las de yid la byas pas yongs su shes te 'gyod par gyur to/ /'gyod pa tsam gyis gnas de nas 'phos nas rab tu tsha ba'i dmyal ba'i gnas su yang de nyid kyi tshe tshad brgyad khrir gnas te mnar med pa ji lta bzhin no/ /de nas yang 'phos nas tsha ba chung ngu dang / ngu 'bod chen po dang / ngu 'bod dang bsdus 'joms dang / thig gnag dang / 'bar ba dang / yang sos la sogs pa'i dmyal ba'i gnas su yang de dag gi tshe tshad brgyad khrir gnas te mnar med pa dang rab tu tsha ba ji lta ba bzhin no/ /de dag nam zhig pa na yang 'jig rten gyi khams gzhan gyi dmyal ba rnams su de ltar 'phen no/ /de dag las 'phos nas kyang gang 'jig pa'i bskal pa mu ge dang nad dang mtshon gang du byung ba de dang der skye bar byed do/ /'jig pa de dag gis de dag gang stongs pa yang gzhan dag gang 'jig pa'i dus su yang der skye ba len par 'gyur ro/ /de dag las thar nas kyang sha dang rus pa'i ched du gsod pa'i skye ba'i rigs su bskal pa brgyad khrir skye ba len cing 'pho bar 'gyur ro/ /de las thar nas gshin rje'i 'jig rten gyi khams su skye ba lnga brgyar gdung bar gyur to/ /de las 'phos nas lus srul po'i rigs su skye ba blangs so/ /skye ba de'i phyi ma la sha za'i rigs su skye ba blangs so/ /skye ba de'i phyi ma la srul po'i rigs su skye ba blangs te/ srul po gnya' dreg can zhes bya ba'i bu srul po gtogs 'dod can zhes bya bar skye ba blangs so/ /skye ba de'i phyi ma la yul lang ka pu ra zhes bya ba'i smad 'tshong ma zhig gi mngal du chags te skye bar smin to/ /de der skye ba blangs te zla ba dgu na ma shi bar gyur pa dang / mi gang dag gis</font><hr>102.136a<br><font size=+1>

dwa bu rkog bu 'di gso ba byar yul gang sme bar 'gyur bas ma'i mchan du gzhag par rigs so zhes glengs nas dug shing nal byi zhes bya ba'i rtsa na dur phag gti mug gi tshang 'chas pa'i bar du dug sbrul zhe sdang gi 'khras sar byed pa kha la 'dod chags dug bya'i tshang 'chas pa'i rtsar kun gyis ma'i ro khang brtsigs te/ ro khyogs la blangs te der bcug nas bu yang ma'i ro mchan du gzhag go/ dwa bu des ma'i ro la 'jus nas nu ma la 'jibs pas chu ser du grangs te zhag bdun gyi 'tsho ba byas so/ /de nas khrag tu 'jibs pas zhag bdun gyi 'tsho bas 'tsho'o/ /de nas nu ma zos pas zhag bcu'i 'tsho bas 'tsho'o/ /de nas ma'i nang grol zad pas zos pas 'tsho ba'i bya bar gyur to/ /de nas sha zad par zos pas zla ba bdun gyi 'tsho ba'i bya ba byas so/ /de nas gzhon nu de rtas par gyur nas dur khrod kyi ro rnams kyis 'tsho ba'i bya ba byas so/ /de nas shin du rtas par gyur pa dang / ro rnams zas su za zhing ro gos dang lpags pa rnams gyon te/ dur khrod kyi ma mo dang / sha za dang / yi dgas kyi tshogs dang / mi ma lags pa'i tshogs mang po yang mi ro rnams kyi sha rjen zos pa'i rang bzhin gyi mthus dbang du 'dus te/ dur khrod kyi gdug pa can kun gyi bdag por gyur te/ gzhan gyi gzi byin 'phrog pa/ mi gang dang gang dag gson por za zhing mdangs 'phrog pa/ shin du 'jigs pa'i gzugs can ma rungs par gyur to/ /ma'i sha rjen zos pas na ma zan ma tang ka zhes ming gang dag gis yongs su grags so/ /yi dgas chen po de'i kha rlangs las ni tsha ba'i nad byung bas 'byung bas khyab ste 'gro ba gang lus can rnams zug rngu drag pos gzir ba/ sna nas grang ba'i nad byung bas 'byung ba khyab ste kun du gdung bar byed do/ /mig dug gis phog pas 'chi bar nges pa/ drag po'i sngags gzer bzlas pa byas pas thams cad dbang du 'du bar gyur pa/ lus chen po la mdog thal kha sngo skyar</font><hr>102.136b<br><font size=+1>

'dug pa/ khrag dang zhag gi thig les brgyan pa/ thod pa'i phreng ba se ral du thogs pa/ dmar po khrag gis bskus pa'i lpags pa bgos pa/ thod skyegs khrag gis bkang pa rtag par 'thung ba/ skra ral pa kham nag 'ban cing gnyigs pa/ 'bru mar thod rus zas su za ba/ thal ba dang sro tsa an 'ja' nas lus brgyan pa/ bya'i gshog pa lus las byung bas nam mkha' la bya bzhin bya ba byed pa/ gcer bu pa thogs med thogs pa med pas chu la nya bzhin bya ba byed pa/ gang gis mthong ba mig rtsa rig rig sdang zhing brgyal bar byed pa/ lus phag gi spu can rtsub la yan lag sbrul du byung zhing sbrul gyis brgyan pa/ sen mo kang ka'i mchu sder du byung bas gang zin pa'i lus can sha rus myags par byed pa/ sngon goms pa'i mthus lus can tha dad gsad bar dmigs pa/ gad mo'i dbang po thams cad sdud par chags pa/ lus can mtha' dag hag sngags te zil gyis mnan nas 'dar yed yed 'jog pa/ 'jig rten gyi ma mo dang / 'byung po dang / gnod sbyin mthu can gyis phyag byas te gtso bor mthong ba/ gdug pa can mtha' dag mngag gzhug pa dang / pho nya dang g.yog dang / yang g.yog dang / bran dang / yang bran du 'khol zhing kun la dbang sgyur ba'i dbang phyug chen por gyur to/ /sangs rgyas kun gyi dgongs pa 'dus pa'i mdo chen po las gang yongs su ma dag pa'i skye rgyud bstan pa'i le'u ste nyi shu pa'o// // de nas yi dgas drag po de nga rgyal gyi gtum skad 'byin te/ e ma'o thams cad kyi dbang phyug chen po ni bdag yin na/ bdag las gzhan pa'i dbang phyug dang phru ma yod na de yang bdag gir 'gyur na/ bdag ni 'gran gyi zla med che btsan gcig pur byung ngo zhes nga rgyal gyi gdangs ngar sgrogs so/ /de'i tshe 'gro ba rnams kyi tshul 'di ltar byung ste/ shes blo thams cad rmugs shing bdud kyis</font><hr>102.137a<br><font size=+1>

byin gyis brlabs pas thams cad kyang shin du stong pa rgyun chad du gyur te mtha' zad pa sha dag go / bdag tu zhen par gyur te ther zug pa sha dag go/ /'gog pa 'jug par gyur te 'gags shing 'das pa sha dag go /gdug cing gtum par gyur te 'o dod 'bod par ltung ba sha dag go /log par lta bar gyur te mnar med par ltung ba sha dag go /brkam zhing 'jungs par gyur te gshin rje'i 'jig rten du ltung ba sha dag go /shin du g.yeng ba chen por gyur te mi khom pa'i gnas su ltung ba sha dag go /shin du gti mug gis rmongs par gyur te byol song gi gnas su ltung ba sha dag go /shin du chags pas myos par gyur te mngal gyi khams su 'gro ba sha dag go /byang chub kyi shing skams pas sems kyi rtsa ba tshig pa sha dag go /lang ka'i bdag po de yang 'di ltar grags shing grags te grags par gyur to/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung rab la/ /'gro ba'i tshul ni sngon byung ba/ /de tshe sems can thams cad ni/ /shin du stong pa nyid la brtson/ /stong pa nyid du mu chad pas/ /chad pa'i khams chen nyid du gyur/ /de nas slar yang 'phos pa yis/ /grol thar lam ni chad par 'gyur/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung rab la/ /'gro ba'i tshul ni sngon byung ba/ /de tshe sems can thams cad ni/ /shin du bdag tu lta la brtson/ /ther zug rtag pa bdag chen gyis/ /thams cad rtag pa nyid du 'gyur/ /de nas de nyid blar byung bas/ /dam pa dag la rmongs par 'gyur/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung rab la/ /'gro ba'i tshul ni sngon byung ba/ /de tshe sems can thams cad ni/ /</font><hr>102.137b<br><font size=+1>

shin du 'gog la brtson par 'gyur/ /shin du 'gog pa'i sbyor ba yis/ /'gags shing yongs su 'das par 'gyur/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung rab la/ /'gro ba'i tshul ni sngon byung ba/ /de tshe sems can thams cad ni/ /shin du khro gtum gdug par 'gyur/ /shin du khro gtum gdug pa yis/ /'o dod 'bod par ltung bar gyur/ /de nas 'phos pa'i sems can de/ /bag chags las kyis mtshams sbyar nas/ /shin du gdug pa chen por 'gyur/ /blo yang bdud kyis byin brlabs nas/ /dug nad rims dang 'phra men ma/ /gnod pa'i zug rngu gzer mda' 'phro/ /bdud dang log 'dren rnam thar 'tshe/ /shin du gtum rngam ma rungs pas/ /'jig rten gsum dag 'jig byed cing / /dam tshig dag la za ba dang / /dam pa'i chu bo rka bzlog ste/ /lha mi 'jig rten 'pho bar byed/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung rab la/ /'gro ba'i tshul ni sngon byung ba/ /de tshe sems can thams cad ni/ /log par lta la gnas par gyur/ /lta ba shin du log pa yis/ /mnar med dmyal ba chen por ltung / /de nas gal te slar byung na/ /dam pa'i lam nyid chad par 'gyur/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung rab la/ /'gro ba'i tshul ni sngon byung ba/ /de tshe sems can thams cad ni/ /shin du brkam zhing 'jungs par 'gyur/ /shin du gdungs 'jungs brkam pa yis/ /yi dgas gshin rje'i khams su ltung / /de nas de nyid slar byung bas/ /shin du skem po dbul por gyur/ /bkres skom shin du gdungs pa yis/ /phan tshun gsod</font><hr>102.138a<br><font size=+1>

cing 'joms par 'gyur/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung rab la/ /'gro ba'i tshul ni sngon byung ba/ /de tshe sems can thams cad ni/ /shin du le los g.yeng bar 'gyur/ /shin du g.yeng ba'i le lo yis/ /mi khom gnas su ltung bar 'gyur/ /de nas de nyid slar byung bas/ /bskal pa gsum gyis bskal par 'gyur/ /'das pa'i dus na sngon byung ba/ /bdag nyid chen po rtag pa yi/ /de bzhin gshegs pa'i gsung rab la/ /'gro ba'i tshul du sngon byung ba/ /de tshe sems can thams cad ni/ /shin du gti mug rmongs par gyur/ /shin du gti mug rmongs pa yis/ /gti mug byol song nyid du ltung / /de nas de nyid slar byung bas/ /mthong snang lam yang chad par 'gyur/ /'das pa'i dus na sngon byung ba/ /bdag nyid chen po rtag pa yis/ /de bzhin gshegs pa'i gsung rab la/ /'gro ba'i tshul ni sngon byung ba/ /de tshe sems can thams cad ni/ /shin du chags pas myos par 'gyur/ /shin du chags pas myos par 'gyur/ /mngal gyi grong khyer nyid du ltung / /de nas de nyid slar byung bas/ /'dod pa'i me yis gdung bar 'gyur zhes thams cad du grag go /sangs rgyas kun gyi dgongs pa 'dus pa'i mdo chen po las 'das pa sngon byung ba'i le'u zhes bya ste nyi shu gcig pa'o// //    de nas gsang ba'i bdag pos smras pa/ lang ka'i bdag po de ltar yi dgas drag po des mi gang ji snyed pa dbang du gyur pa'i che ba bcom zhing / e ma'o dbang phyug bdag las su dag che su dag yod ces nyid la dam pa dang / lang ka yul gyi grong rdal mtsho rko rka thang mar gyi gling byan lag mchongs kyi rim la ya gnam lcags yod pa'i rtse zhes bya ba na lang ka'i mnga' bdag srin po'i rgyal po zhes bya ba/ sangs rgyas thub pa'i dbang po zhes bya ba'i slob mar gyur pa/ mthu</font><hr>102.138b<br><font size=+1>

dang rtsal rmad du byung zhing ngo mtshar che ba/ /blo gros yongs su chub pa/ thabs rgya mtsho 'dra ba sprin lta bu 'byung ba zhig 'jig rten na che'o zhes grags pa las/ yi dgas bya'i gshog pa can de rab tu 'khrugs khams nas ru dra'i me dpung du 'bar nas rang gi rdzu 'phrul dang 'phur rtsal gyis byan lag mchongs pa'i ri'i rtse mo la babs nas nga rgyal gyi gtum skad du ru tra ma tra ma ra tra zhes bsgrags pas/ lang ka'i yul gyi grong rdal shig shig /rab tu shig shig /yam yom du gyur pas lang ka'i srin po kun dang srin mo kun kyang skrag cing dngangs nas/ e ma'o 'di ji ltar zhig mig rtsa rig rig dngangs yed yed gnas pa dang / gnod sbyin bya'i gshog pa can gtum rngam 'khrugs pa zhig bdag cag gi 'khras sa na gnas pa mthong zhing thos par gyur to/ /de nas lang ka'i mnga' bdag chen po la sogs pa srin po'i tshogs kyis dmag gi tshogs kyi bsdu ba byas te gzhom par 'bad cing 'bad pa las/ yang srin po bya'i gshog pa can des srin po'i tshogs bag 'khum pa zhes bya ba'i rdzu 'phrul gyi bya ba mngon du byas nas/ nga ni dbang phyug chen po ste/ /rgyal chen ris bzhi nga'i g.yog /lha srin sde brgyad nga'i bran/ /gsang ba mchog gi bdag yin pas/ /su zhig nga la 'gran zla yod/ /ru tra ma tra ma ra tra zhes nga rgyal gyi gtum skad bsgrags pa las srin po zin gyis non zhing bag 'khums nas/  la la ni 'di ni srin po'i khams rgyal bar byed ba zhig ste bdag cag gi gtso bor 'os so zhes sgrogs la la ni 'di ni 'jig rten 'jig par byed pa zhig ste bdag cag gi gnyen por 'gyur ba zhig go zhes sgrogs/ la la dag 'di ni 'jig rten pa'i dbang phyug chen po zhig go zhes sgrogs/ la la dag 'di ni mkha' 'gro tshogs kyi tshogs bdag go</font><hr>102.139a<br><font size=+1>

zhes sgrogs srin po'i rgyal po lang ka'i mnga' bdag ni 'di ni 'byung po'i bu gtogs 'dod can zhes bya ba yin te/ 'jig rten gsum sgrag pa de kho na nyid ma gtogs pa/ thams cad rlag cing dbang du byed pa log pa'i tshogs bdag ste/ 'di gzhan gyis mi thul te/ 'di'i gnyen po sangs rgyas bcom ldan 'das rnams kyis mdzad de sprul pa rdo rje can gyis btul nas nges pa dam par bkod de yang dag par lung ston pa zhig pas 'di'i rgyus gsang sngags dam pa'i nges pa theg pa chen po rmad du byung ba'i chos 'jig rten du 'byung bar 'gyur nges te/  bdag cag kyang 'di'i g.yog tu byas nas sangs rgyas rdo rje snying po'i zhal mthong zhing gsang sngags dam pa'i nges pa rnyed par 'gyur bas 'di la nges par 'dun pa 'dun cig ces bsgo bas/ srin po'i tshogs rnams yi rangs te rang gi sde dpon ci smra ba mi 'dor bar de ltar 'dun pas na kun srin po bya'i gshog pa can de'i g.yog tu dong ste kun gyis smras pa/ bdag cag kyang dbang phyug chen po kho na nyid ltar 'dun no zhes grags te gtso bo dam par 'dzin to/ /des de dag 'khor du 'dzin par byas so/ /de nas yang srin po bya'i gshog pa can de srin po de'i ded dpon ma tang ka ru tra zhes bya bar grags pa de nga rgyal gyi che ba bcom ste bdag las che ba gang zhig yod yang su zhig yin ru tra ma tra ma ra tra zhes sgra sgrogs pa las/ lha'i ded dpon ma tang ka ru na zhes bya ba mthu dang rdzu 'phrul thabs dang che ba khyad par du byung ba de dpags so zhes grags pa las/ bdud ru tra nag po de shin du khams 'khrugs nas nga rgyal gyi gtum skad bsgrags/ rang gi rdzu 'phrul dang 'phur rtsal gyis ma tang ka ru na'i gnas su babs te yang sad par dzams na/ ja zha mar sad pa mi 'dra nas lus can yin pas 'ud nas 'thabs</font><hr>102.139b<br><font size=+1>

'thabs su byung ba'i ngad la tsha grang dbugs ham nas nad kyi mtshon cha spros nas kho na de'i lus la khyab ste/ lus me dbal nag po'i 'brum pas gang nas mi bzod pa'i zug rngus gdungs te kho na ngo bo de 'ung thabs su bsad do/ /kho na de'i bam 'dzam bu'i gling du han ba las dge gnas kyi yul brgyad du snang ngo/ /'ud nas kho na nyid bsad pa'i khyo mo dang bu 'khor rnams ni gnod sbyin bya'i gshog pa can de'i 'khor du jen/ lha ma yin dang / sha za dang / ro rangs ril bdud de'i sar jen/ rgyal po bzhi gang gi skyabs su brgyugs kyang yongs su ma thar bar de'i bran du jen/  brgya byin dang / tshangs pa dang / khyab 'jug dang / drag po la sogs pa kun kyang gang gi skyabs su brgyugs kyang ma thar bar de'i bran du jin/ de dag gi khyo mo ril yang phrogs nas la la ni khyo mor byas/ la la ni slas su byas/ la la ni byi mor byas/ la la ni 'dza' mor byas/ la la ni bran mor byas/ la la ni pho nya dang mngag par byas/ lha mi yongs su srid rlag nas thams cad nag po bkrag med kyi khams su gyur to/ /de yang 'di ltar grags shing grags te grags par gyur to/ /nag po khyung gshog 'phur rtsal can/ /gtum rngam shin du ma rungs pa/ /mi sdug gdong mi sdug gzugs dang / /mi snyan sgra yi tsham dam dang / /sha spungs rus spungs 'bu dang rnag /khrag dang bshang gci'i khu ba la/ /longs spyod byed cing rtag tu 'tsho/ /log pa'i sde dpon drag po des/ /'di na lha mi'i srid rlag nas/ /lha yi sde dpon ka ru na/ /kho na ngo bo nyid bsad nas/ /'khor yang rang gi phru mar byas/ /gdug pa'i zug rngu mer 'bar bas/ /kun kyang sde dpon bzhi la dong / /de dag spu zing rab 'jigs par/ /dbang po dag la skyabs su dong / /de nas dbang por bcas pa'i lha/ /tshangs pa'i skyabs su nye bar dong / /tshangs pa 'ang lha dang dbang por bcas/ /</font><hr>102.140a<br><font size=+1>

gtogs 'dod la ni skyabs su dong / /tshangs pa gtogs 'dod lha dbang bcas/ /drag po'i skyabs su nye bar dong / /tshangs dang gtogs 'dod dbang po dag /shin du skrag cing 'jigs 'gyur te/ /rdo rje can la skyabs su dong / /de bzhin gang la skyabs yod par/ /nye bar brgyugs kyang ma thar bar/ /'jigs byed de yi bran du jen zhes thams cad du grags par gyur to/ /'ung nas bdud ru tra nag po lta zhig /lha mi g.yo 'gul thams cad dbang du mdzad de/ lang ka'i yul gyi grong rdal mtsho rko rka thang mar byan lag mchongs kyi ri bam ri thod pa mkhar zhes bya bar 'khras te/ bdud kyi rgyal mtshan ni phug tu btsugs/ bdud kyi ru mtshon ni sgor phyar te rang gi phru mas yongs su bskor/ drag po rang gi rdzu 'phrul bskyed nas rdzu 'phrul gyis ri rab mdzub mo'i rtse la bzhag ste/ spyi bo la 'gying bag tu bskor zhing nga rgyal gyi gtum skad sgrogs pa ni 'di lta ste/ ru tra ma tra ma ra tra sa khams na bdag las su zhig che gang zhig yod/ a ma'o sngon dpal shAkya thub pa zhes bya bas 'chi bdag gi bdud btul ba'i tshe de'i bstan pa la byung ba'i mchog chen po nyan thos rnams kyis thams cad zhi bar lhan pa'i smra bas smras te/ nga'i bka' nyon cig ces zer ba las kyang bu chung go zu phrag pa la khol la rang gi dka' thub la bde bar mnos cig ces byas nas ma nyan nas des kyang bdag dbang du byed ma nus so/ /de'i drung na dpal rdo rje snying po dag gi dbang phyug lta zhig sna tshogs kyi gzugs su sprul nas hri zhes dbang rgyud du nyan na/ kho na nyid kyis tha kha brdab pa byas nas 'grun bu khyod kyang bde bar gnos shig ces sgo bas de yang thag khos te slar jen no/ /gnam rim pa bcu bzhi na dpal rdo rje snying po lta zhig 'gran gyi zla med par thos nas de yang bdag dbang du byas la thams cad 'ub</font><hr>102.140b<br><font size=+1>

la rjen rban zhes sgrogs shing 'gran gyi zla med rje btsan gcig pu nyid du lta'o/ /ji lta ji ltar thar pa nag po gang yin pa ru tra nag por smyin par gyur pa de'i tshe de'i dus na gang thub dka' gzhon nu de ni snying po byang chub gang na bar rdo rje sems dpa'i de bzhin nyid du gyur to/ /gang dan bag de ni de'i tshe de'i dus na rtsal chen rdzogs pa'i skyes bu dam pa rdo rje 'dzin pa zhes bya ba nyid du gyur to/ /sangs rgyas kun gyi dgongs pa 'dus pa'i mdo chen po las ru tra nag po'i spyod yul bstan pa'i le'u zhes bya ste nyi shu gnyis pa'o// //    bam po bzhi par zug pa/ /de nas de bzhin gshegs pa thams cad snying po byang chub gang na bar 'dus nas stong pa nyid du bshig nas skyes bu dam pa stong pa nyid la snang bar mdzad de/ de nyid kyi sgra de nyid la grag pa/ skyes bu dam pa khyod kyi zhing khams kyi bya ba yongs rdzogs par ci'i phyir mngon par rdzogs par byang chub par bya snyam/ sangs rgyas kyi mdzad pa ma rdzogs par ci'i phyir byang chub par bya snyam/ tha dad du rnam par snang bar ma mdzad par ci'i phyir mngon par rdzogs par byang chub par bya snyam/ de skad ces grag pa las stong pa nyid de las 'di skad du grag go/ /kye de bzhin gshegs pa thams cad don gang gi dbang gis zhing khams kyi bya ba yongs su rdzogs par 'gyur/ de bzhin du sangs rgyas kyi mdzad pa dang tha dad du rnam par snang bar mdzad par 'gyur/ de skad du grag pa las/ yang thams cad kyi de kho na nyid las bskul ba gsum gyis bskul ba'i dang po 'di skad du grag go /stong nyid mi g.yo nam mkha' la/ /mi bskyod bde bar gshegs mdzad pa/ /mi dmigs mi rtog de bzhin nyid/ /rtog pa sna tshogs skyed par mdzod ces grag go /de la yang skyes bu dam pa de nyid las 'di skad du grag go/ /mi rtog ngang las rtag nyid du/ /brtags</font><hr>102.141a<br><font size=+1>

pas stong pa gang byung ba/ /de nyid rtog pa chen po ste/ /gang mi rtog pa rtog pa'i rgyu zhes grag go/ /yang thams cad kyi de nyid las 'di skad du grag go/ /nam mkha'i dbyings kyi snying po las/ /rang bzhin kun du snang ba'i 'od/ /yongs la khyab pa snying rje'i yul/ /mtha' yas rgyal srid skyed par mdzod ces grag go/ yang skyes bu dam pa de nyid las 'di skad du grag go /kun 'byung kun gzhi chos kyi dbyings/ /ma skyes mi 'gag kun du snang / /smra bsam brjod med yul las 'das/ mtha' yas mtha' yas bskyed pa'i yul zhes grag go/ /yang thams cad kyi de nyid las 'di skad du grag go/ /tha dad rnam par snang mdzad na/ /gsung gi phyag rgya'i ye shes las/ /rgyal ba rnams ni yi ger snang / /yi ge'i ye shes skyed par mdzod ces grag go/ /yang skyes bu dam pa de nyid las 'di skad du grag go/ /de nyid yi ge'i rang bzhin te/ /rang byung ye shes mu~M du gsal/ /sems nyid yi ge'i rang bzhin te/ /sna tshogs yi ge hU~M du snang / /rgyal ba'i yi ge'i rang bzhin te/ /phyag rgya yi ge o~M la sogs/ /thams cad yi ge'i rang bzhin te/ /ma skyes gsang ba'i yi ge a zhes grag go/ /yang thams cad kyi de bzhin nyid las 'di skad du grag go/ /ye shes pha rol phyin rdzogs pas/ /rnal 'byor rig pa'i sgo mtshon pa/ /thugs kyi rtags snang snang ba mdzad/ /rnam grol ye shes bskyed par mdzod ces grag go/ /yang skyes bu dam pa de nyid las 'di skad du grag go/ /sangs rgyas kun gyi ye shes ni/ /rtag tu rnam rtog med las 'byung / /mi rtog rnam grol ye shes thugs/ /rtog la rnam rtog mtshon mar snang zhes grag go/ /yang thams cad kyi de bzhin nyid las 'di skad du grag go/ /stong nyid mi rtog me long las/ /ma skyes mi 'gag gzugs snang ba/ /mkha' la 'ja' snang ji bzhin du/ /dbyings las phyag rgyar</font><hr>102.141b<br><font size=+1>

bzhengs su gsol zhes grag go/ /yang skyes bu dam pa de nyid las 'di skad du grag go/ /de bzhin nyid du mi dmigs kyang / /rang bzhin kun du snang ba'i dbyings/ /ma 'dres yongs su rdzogs pas na/ /phyag rgya'i gzugs mchog rnam par snang zhes grag go/ /de ltar bskul ba dang po des yongs su rdzogs par bskul bas skyes bu dam pa de kho na nyid de stong pa nyid kyi dbyings de las stong pa nyid kyi sku rnam par snang ba ni ji lta ji ltar chu zla'i dkyil 'khor snang ba 'am/ nam mkha' la 'ja' snang ba'i tshul du byung nas gang ma nges ba'i ye shes kyi gnas pas gnas pa la de bzhin gshegs pa thams cad kyis bskul ba gnyis pa 'dis nges par bskul ba ni 'di lta ste/ rang bzhin ma byung ma bcos de bzhin nyid/ /ye nas mi g.yo bde ba chen po'i ngang / /btsal zhing g.yo ba 'di la ci yang med/ /ye shes dbyings nyid tshig gi tha snyad de/ /de nyid dngos dang dngos min 'byung gnas nyid/ /cis kyang mi tshugs mi chod mi shigs pa'i/ /ye nyid ji bzhin bde mchog mi g.yo ba/ /rdo rje sems mchog nam mkha'i snying po che/ /dus gsum bde bar gshegs pa'i bshes gnyen po/ /'phags rje sprul pa mang po 'byung ba'i gnas/ /kun gyi rang bzhin me long 'od po che/ /rgyal ba mtha' yas skyed pa'i yab yum mdzod/ /gang dag byang chub snying por mtshungs pa yi/ /rang dag dbyings las ma g.yos byang chub sems/ /gang du dang po rnam dag sangs rgyas kun/ /khams gsum nas byung rdo rje snying po'i lus/ /mtha' yas rtog las yi ge sna tshogs sprul/ /sras kyi tshogs kyis mdzes par bskor ba'i dkyil/ /gzugs skur bstan nas nyon mongs sbyang du gsol/ gang du dang po rdo rje snying po ni/ /khams gsum nas byung bde chen lhun gyis grub/ /gtum thung gdug pa thabs</font><hr>102.142a<br><font size=+1>

kyis grol mdzad phyir/ /dri med sna tshogs blos ni hU~M du sprul/ /'od zer tshul gyi phreng bas bskor ba'i dkyil/ /sngon gyi thugs dam smon lam dbang gis na/ /cis kyang mi bskyod gzugs sku bstan du gsol/ /gang du dang po rnam par snang mdzad ni/ /khams gsum nas byung cir yang snang bar mdzad/ /rmongs byed mun pa thabs kyis grol mdzad phyir/ /rnam dag byang chub blos ni o~M du sprul/ /gzugs mang tshul gyis phreng bas bskor ba'i dkyil/ /sngon gyi smon lam thugs dam dbang gis na/ /cir yang snang ba'i gzugs sku bstan du gsol/ /gang du dang po yon tan 'byung gnas ni/ /khams gsum nas byung yid bzhin rin po che/ /'dod pas rmongs pa thabs kyis grol mdzad phyir/ /rnam dag 'byung gnas blos ni swa~M du sprul/ /rin chen phreng bas mdzes par bskor ba'i dkyil/ /sngon gyi smon lam thugs dam dbang gis na/ /'dod pa kun 'byung gzugs sku bstan du gsol/ /gang du dang po 'od dpag med pa ni/ /khams gsum nas byung gsung rab snang mtha' yas/ /chags pas rmongs pa thabs kyis grol mdzad phyir/ /rnam dag dri med blos ni a~M du sprul/ /gsung snyan yi ge phreng bas bskor ba'i dkyil/ /sngon gyi smon lam thugs dam dbang gis na/ /sna tshogs ston pa'i gzugs sku bstan du gsol/ /gang du dang po gdon mi za ba ni/ /khams gsum nas byung sna tshogs cir yang mdzad/ /bya ba rmongs pa thabs kyis grol mdzad phyir/ /rnam dag nan tan blos ni ha~M du sprul/ /mdzad pa gar kyi phreng bas bskor ba'i dkyil/ /sngon gyi smon lam thugs dam dbang gis na/ /thams cad mdzad pa'i gzugs sku bstan du gsol zhes bskul ba gnyis pa des yongs su rdzogs par bskul bas chos nyid sgyu ma las ye shes sgyu ma'i sku snang ba ni ji lta ji ltar me long gi dbyings su bzhin gyi dkyil 'khor snang ba bzhin du ye</font><hr>102.142b<br><font size=+1>

shes rang snang bar gnas pa las/ de bzhin gshegs pa thams cad kyis bskul ba gsum pa 'dis mngon du rdzogs pa longs spyod rdzogs par bskul ba ni 'di lta ste/ de bzhin nyid du gshegs pa khyod/ /'jig rten mngon rdzogs rgyas mdzod la/ /snying po byang chub ji bzhin pa/ /sems can don du snang bar mdzod/ /'jig rten khams ni dpag med du/ /ji snyed bde bar gshegs pa yi/ /sprul pa'i sangs rgyas kun gyis kyang / /mtha' dag don du rnam snang mdzad/ /khams gsum 'khor ba'i nad pa la/ gzhan gyis phan pa'i sman ma mchis/ /yang dag bdud rtsi'i sman sbyar bas/ 'khor ba'i gcong rnying sbyang mdzad pa/ /sdug bsngal zug rngu'i nad sel ba'i/ /sman pa che mchog gtso bor gshegs/ /nad do cog gi dgrar gyur pa/ /bdud rtsi sman gyi rgya mtsho yis/ /log pa'i nad dgras gzir ba yi/ /nad pa'i tshogs kun bslang bar mdzod/ /rtsal chen rdzogs pa'i skyes bu nyid/ /snying po byang chub la dgongs la/ /'od zer snang ba rgyas bkye ste/ /mun pa bsal ba'i dgongs pa mdzod/ /kye ma skyes bu don grub pa/ /bya ba byas shing byed pa byas/ /khur bor bdag don rjes thob pa/ gang 'dir 'dul ba'i dus la bab/ /gtsang ma'i gnas mchog 'og min gyi/ /chos kyis mtho ba'i gzhal yas su/ /rdzogs longs spyod pa'i skur gshegs te/ /snying po bskul ba'i bya ba mdzod ces rnam par bskul bas/ ji lta ji ltar sprin mthongs nas/ /nyi ma'i dkyil 'khor shar ba ltar/ /mi g.yo ba yi dbyings nyid las/ /gzugs sku nyi ma shar ba ste/ /chos kyi mtho ba zhes bya ba'i gzhal yas su rnam par snang bar gyur to/ /sangs rgyas kun gyi dgongs pa 'dus pa'i mdo chen po las gang gi cho 'phrul bskul ba'i le'u ste nyi shu gsum pa'o// // de nas chos kyi rgyal po rdzogs longs spyod pa de rdo rje go 'byed yongs su bsdu ba'i mtshan ma mdzad pas mtha' thug pa med pa'i</font><hr>102.143a<br><font size=+1>

zhing khams stug po bkod pa nas dpag tu med pa'i rgyal ba kun nas yongs su 'dus par gyur to/ /de'i tshe de'i dus na sangs rgyas snying rje yongs su rol pa'i tshogs kyis gcig tu 'thun par bgros pa/ kye kye sangs rgyas rnam pa mang po 'byung ba'i tshogs/ /snang ngo kun du rab tu 'dir 'byung ba/ /srid pa log pa'i gdug pa can/ /'khor ba'i sa bon rtsub mos 'phangs/ /sdug bsngal chen po'i yi dgas rnams/ /las kyis 'jig rten khams 'dir byung / /drag po log pa'i dka' thub kyis/ /srid pa gsum gyi bdag por smin/ /dregs pa ru tra'i gdug dbal gyis/ /'gro rnams mthar rlog 'joms byed 'di/ /gdul ba'i zhing mchog rmad du byung / /snying rje'i bdag po kun 'dus nas/ /las ngan las kyi rgyun bcad de/ /bde chen sa la gzhag par rigs zhes bgros so/ /sangs rgyas rdo rje'i gdung dang sde'i tshogs kyis gcig par bgros pa/ /kye ma'o 'das pa'i sangs rgyas rnams/ /'das pa'i dus na sngon byung ltar/ /da ltar dus 'di nyid du byung / /lung log mngon pa'i ri bor bsregs/ /rang rgyud bsregs pa'i bslad pa can/ /bdud kyis byin gyis brlabs pa yi/ /glang chen myos pa drag po che/ /shin du mi bzad dug chen gyis/ /'o dod 'bod par gsad brlag pas/ /ro gling dur khrod mthar zhen pa/ /ji lta'i thabs kyis phan par 'gyur zhes bgros so/ /sangs rgyas nor bu'i gdung dang sde'i tshogs kyis gcig tu 'thun par bgros pa/ nag po'i gdug pa smyon pa 'di/ /ji ltar de dgar bzhag 'gyur na/ /mi bzad dug mtsho chu rlabs kyis/ /nag po'i khams su rgyas 'gyur bas/ /dam pa rnams kyi rgyun gcod cing / /nyi ma sgron ma 'jig par 'gyur/ /de tshe las kyi mun pa yis/ /thams cad mun nag smag tu 'khyams zhes bgros so/ /sangs rgyas pad mo'i</font><hr>102.143b<br><font size=+1>

gdung dang sde'i tshogs kyis mgrin gcig tu 'thun par bgros pa/ /gang 'das pa'i dus na sngon byung ba/ /las kyi 'khor los 'phangs pa yi/ /blo gros log pa'i ru tra de/ /snying po dbyings nas byung ba ni/ /skyes bu dam pa'i sbyor ba yis/ /bdud kyis bdud btul gnyer bkod ltar/ /da ltar 'di tshe byung ba ni/ /dug 'gyur brtsegs pa'i ri bo 'di/ /rdo rje khros pa'i tho chen gyis/ /brlag cing gzhom pa'i dus la bab ces bgros so/ /sangs rgyas gzhon nu'i gdung dang sde'i tshogs kyis mgrin gcig tu 'thun par bgros pa/ /khong nas 'khyil ba'i dug chen po/ /thar med mi bzad nad kyis zin/ /rtag chad khams su shi ba'i ro/ /lam log lam stor dmus long 'di/ /ye shes khros pa'i cho 'phrul las/ /'bar 'phro 'khrug pa'i gzer chen gyis/ /smag chen mun nag gzhom pa'i phyir/ /ye shes can gyi spyod yul nas/ /rgyal ba rgya mtsho kun 'dus te/ /ye shes rdo rje khros pa yi/ /cho 'phrul sprin phung gtibs pa'i sa/ /'thun 'jug byis pa'i cha byad kyis/ /rnam par rol pa'i mngon spyod kyis/ /dug chen rgya mtsho ma bskams na/ /'dir ni snying rje rkyen 'tsham mam/ /chos nyid snying rje chen po yi/ /gang 'dir dam tshig dam pa'i phyir/ /dngos po bzhi yi bstan pa mdzod ces bgros so/ /sangs rgyas kun gyi dgongs pa 'dus pa'i mdo chen po las 'dus pa chen pos rnam par bgros pa'i le'u ste nyi shu bzhi pa'o// //    de ltar 'dus pa chen po'i bka' bgros yongs su chad nas las rnam bzhi gang gi gdul ba'i skabs la bab par dgongs pa yis gang de rnam par brtag pa'i phyir thub dka' gzhon nu rdo rje snying por gnas gyur pa'i 'od zer las sprul pa thub pa'i dbang por byung nas de bzhin gshegs pa kun gyis sprul pa de la bsgo ba/ thub pa'i dbang po dus 'di lags/ /</font><hr>102.144a<br><font size=+1>

ji bzhin bden pa'i byin brlabs kyis/ /dngos po bzhi yi me dpung bzlog /byang chub snying po bskul bar mdzod ces yongs su bskul nas thub pa'i dbang po des dur khrod kyi bdag po de'i phru mar snang bar mdzad nas thams cad zhi ba'i smra bar smras pa las/ dur khrod kyi bdag po des tha'i kha brdabs nas 'di skad du smras so/ /bu chung khyod kyis bdag thul ba ma yin te/ sngon nga gnod sbyin gyi sde dpon drag po zhes bya bar gyur pa na kho na nyid lta bu mang po byung nas nga'i bstan pa la zhugs shig /nga'i bka' nyon cig zer ba las kyang ma mnyan na nga khyod kyi dbang du bdag ga la jen go zu se mo dor gzod la rang gi dka' thub la bde bar mnos shig ces bsgo nas bdud kyi dngos po bzhis yongs su zhams pas gtsang ma ris kyi 'phags pa rtog pa la zhugs nas phyir log go/ /de nas de bzhin gshegs pa thams cad kyis yang sangs rgyas par ma'i gdung dang sde'i sprul pa kun du spyan ras gzigs dbang phyug la yongs su bsgo ba/ /rgyal ba kun gyi chos sku pad ma'i gdung / /chos rje 'od dpag med pa rdo rje chos/ /spyan ras gzigs sprul hri las rngam chen ston/ /ngag gi dbang phyug rta gdong zhal gyis gnon/ /zhes yongs su bskul bas sprul pa rdo rje rta gdong chen pos dur khrod kyi bdag po chen po'i gnas su snang bar mdzad nas ha ha hi hi hri hu lu hu lu hu lu zhes lhang lhang tsher tsher rta skad drag po'i dbyangs phyung ba las/ srin po'i phru ma yongs su spa zhum zhing bag 'khums pa tsam du gyur yang dur khrod kyi bdag po kho na ngo bo des rang gi nga rgyal gtum skad du ru tra ma tra ma ra tra zhes bsgrags nas rnam par brjid phyung ste 'gyings pa las zil gyis ma non te slar kho na ngo bo des slar bsgo ba/  mgrin bu sngon yang khyod lta bus bdag ma non pas khyod kyis bdag rjen pa</font><hr>102.144b<br><font size=+1>

ma yin te nyid kyi gnas gang yin par bde bar nos shig ces tha'i kha brdab pa byas te/ yang bdud kyi dngos po bzhis yongs su zhams pas gtsang ma ris kyi 'phags pa rtog pa skyes nas phyir log snyam pa las/ de bzhin gshegs pa nam mkha' lta bu la gtsang sme mi mnga' bas ma log par slar han pa las kho na ngo bo des thim par dzams nas de bzhin gshegs pa ngag gi dbang phyug des 'thun 'jug tu kho na dga' lhar thim du han no/ /de nas de bzhin gshegs pa des dbu kho na'i gtsug tu phyung zhabs kho na'i mthil du byung nas rdo rje hU~M zhes rgyas par lus kun du rgyas te kho na des ma bzod pa'i nga ro 'od kyi sgra mthar bton pa ni a tsa ma'o/ /ci mdzad myur bar mdzod ces bton no/ /de nas de bzhin gshegs pa des kho na de'i sgrib pa sbyang ba mdzad nas bde ba kho nar kho na'i gtsug tu phyung ste nam mkha' la rta'i dbyangs phyung bas srin po'i tshogs pur mer thor shug tu gyur te zil gyis non cing bag 'khums nas gsol pa/ dpa' bo chen po'i 'bangs su mchi/ /ji ltar bgyi ba bka' stsol cig ces zhus pas/ de bzhin gshegs pa des gsungs pa/ ngas ni khyod ma btul gyis khyod kyi gnyen po rdo rje hU~M zhes bya ba de bzhin gshegs pa thams cad kyis dbang gis dbang bskur ba shin tu gtum rngam 'khrug pa ma rungs shing mi bzad pa bdud kyi bdud chen po 'jigs byed 'bar ba zhig 'byung gis de la skyabs su dong cig ces gsungs te/ chos kyi dbyings kyi pho brang du mi dmigs par gshegs so/ /de nas gsang ba 'dus pa'i de bzhin gshegs pa thams cad kyis 'dus pa chen po rnam par bgros nas phrin las bzhi yi sgo gang gis gdul ba'i skabs la bab pa brtags na/ gang zhi rgyas kyis 'dul ba mi 'dra nas dbang drag gis 'dul bar bka' bgros dam par nges par bcad</font><hr>102.145a<br><font size=+1>

pa'i mdo yongs su gsung ba ni 'di lta ste/ de bzhin gshegs pa rnam grol spyod pa'i tshogs kyis bka' bcad pa'i mdo gsungs pa/ shin du 'gog pas zhi ba la/ /khros pas phan bar mi 'gyur te/ /rnal 'byor ma bcos de nyid las/ /zhi bar de bzhin gshegs kun mdzod/ /rnal 'byor tshul can zhi bas kyang / /srid pa'i myu gu 'gag nus na/ /rnal 'byor yod med stong pa'i mthus/ /'gog pa bslad pa smos ci dgos/ /shin du rdo skams rlan pa la/ /gang du 'gog rnams bslang ba'i phyir/ /'gag med stong pa'i chos nyid las/ /sna tshogs mi 'gog ji bzhin mdzod ces nges pa dam par bcad do/ /de nas de bzhin gshegs pa ngo bo nyid med pa'i tshogs kyis bka' bcad pa'i mdo gsungs pa/ /shin tu stong pa rgyun chad la/ /dngos pos phan par mi 'gyur te/ /rgyun gyi byang chub stong nyid las/ /med 'gyur de bzhin gshegs kun mdzod/ stong nyid tshul can stong pas kyang / /ci yang med par gnas 'gyur na/ /med pa las byung rnal 'byor mthus/ /mthar zad mu zlog smos ci dgos/ /shin du rgyun chad bzlog pa dang / /gang du med las skyes pa'i phyir/ /rgyun dang bcas pa'i stong nyid la/ /che yon rgyun gyi 'chad par mdzod ces nges pa dam par bcad do/ /de nas de bzhin gshegs pa'i ngo bo nyid mi 'gyur ba'i tshogs kyis bka' bcad pa'i mdo gsungs pa/ /shin du ther zug rtag pa la/ /med pas phan par mi 'gyur te/ /snying po byang chub de nyid las/ /bdag nyid chen por thams cad mdzod/ /mi 'gyur tshul can rtag pas kyang / /dngos po brtan g.yor byed nus na/ /bdag nyid chen por lhun grub mthus/ /ther zug zlog pa smos ci dgos/ /bdag tu zhen pa zlog pa dang / /dngos 'dzin bka' mgo bsgyur ba'i phyir/ /bdag med rtag pa chos nyid las/ /byed med rang bzhin nyid du</font><hr>102.145b<br><font size=+1>

mdzod ces nges pa dam par bcad do/ /de nas de bzhin gshegs pa rdo rje'i gdung dang sde'i tshogs kyis bka' bcad pa'i mdo gsungs pa/ /shin du gdug cing gtum pa la/ /zhi bas phan par mi 'gyur te/ /shes rab thabs kyi ngo bo las/ /khro bor de bzhin gshegs kun mdzod/ /khro bo'i tshul can khros pas kyang / /'jig rten gsum dgra skrag nus na/ /sangs rgyas thugs rje khros pa yis/ /khams gsum ma lus smos ci dgos/ /gdul dka' ma lus gdul ba dang / /dam tshig la sdang rnam sbyang phyir/ /'bar ba chen po gar dgu las/ /dur khrod gar gyi phyag rgyar mdzod ces nges pa dam par bcad do/ /de nas de bzhin gshegs pa rdo rje snying po de kho na nyid nges pa zhes bya ba'i tshogs kyis bka' bcad pa'i mdo gsungs pa/ shin tu log par zhen pa la/ /bden pas phan par mi 'gyur te/ /gsang chen sbyor ba'i ldem dgongs las/ /thams cad 'thun 'jug nyid du mdzod/ /mdzad spyod tshul can spyod pas kyang / /thams cad bka' zlog byed nus na/ /thugs rje 'thun 'jug mdzad spyod kyis/ /lam log drang srong smos ci dgos/ /dngos pos dngos po dgrol ba dang / /dug gis dug nad bsal ba'i phyir/ /thabs mchog dpag gis mi lang ba'i/ /mdzad pa gar gyi phyag rgyar mdzod ces nges pa dam par bcad do/ /de nas de bzhin gshegs pa nor bu'i gdung dang sde'i tshogs kyis bka' bcad pa'i mdo gsungs pa/ shin tu 'jungs shing brkam pa la/ /btang bas phan par mi 'gyur te/ /med la mi zad kun 'byung las/ /thams cad mi zad nor bur mdzod/ /dka' thub tshul can 'gags pas kyang / /tshe gcig 'tsho bar byed nus na/ /med la 'dod dgur 'byung ba yis/ /khams gsum gdung ba smos ci dgos/ /'jungs pa tshim par bya ba dang / /yongs su gdung ba</font><hr>102.146a<br><font size=+1>

bsal ba'i phyir/ /theg chen gsang ba'i longs spyod las/ /nam mkha' mdzod kyi phyag rgyar mdzod ces nges pa dam par bcad do/ /de nas de bzhin gshegs pa gzhon nu'i gdung dang sde'i tshogs kyis bka' bcad pa'i mdo gsungs pa/ /shin du le lo g.yeng ba la/ /bskul bas brtson bar mi 'gyur te/ /bya btsal med pa'i chos nyid las/ /thams cad bya ba med par mdzod/ /mi g.yo'i tshul can gnas pas kyang / /dam pa'i las lam gcod byed na/ /bya bral mi g.yo bde chen pos/ /'jig rten g.yeng ba smos ci dgos/ /mi khom lam rgyud bcad pa dang / /le lo g.yeng ba'i dgra gzhom phyir/ /btang snyoms rnal 'byor chen po las/ /bya med gnas par phyag rgyar mdzod ces nges pa dam par bcad do/ /de nas de bzhin gshegs pa glang po'i gdung dang sde'i tshogs kyis bka' bcad pa'i mdo gsungs pa/ /shin du gti mug rmongs pa la/ /bstan pas go bar mi 'gyur te/ /khyad par cir yang mtshungs pa las/ /thams cad gti mug chen por mdzod/ /gti mug tshul can rmongs pas kyang / /thams cad mun par byed nus na/ /mi 'byed blang dor med pa yis/ /khams gsum rmongs pa smos ci dgos/ /mun pa'i skye mched gzhom pa dang / /rmongs pa nam mkhar bya ba'i phyir/ /gti mug rnam dag ye shes las/ /ma 'dres yongs rdzogs phyag rgyar mdzod ces nges pa dam par bcad do/ /de nas de bzhin gshegs pa pad mo'i gdung dang sde'i tshogs kyis bka' bcad pa'i mdo gsungs pa/ shin du chags shing zhen pa la/ /gnyen pos phan par mi 'gyur te/ /chags rab chen po'i ye shes las/ /thams cad chags pa chen por mdzod/ /chags pa'i tshul can spyad pas kyang / /khams gsum khrag tu byed nus na/ /'dod chags rnam dag chags spang pas/ /khams gsum zhen chags smos ci dgos/ /</font><hr>102.146b<br><font size=+1>

'dod chags khrag mtsho bskam ba dang / /chags pas chags pa gcad pa'i phyir/ /'dod chags rnam dag ye shes las/ /'dod chags gar gyi phyag rgyar mdzod ces nges pa dam par bcad do/ /de nas de bzhin gshegs pa thams cad kyis bkas bcad pa'i mdo gsungs pa/ shin du dngos por zhen pa la/ /bkag pas phan par mi 'gyur te/ /shes rab thabs kyi ngo bo las/ /thams cad 'thun 'jug spyod par mdzod/ /'thun 'jug tshul can 'thun pas kyang / /khams gsum log par byed nus na/ /thugs rje gar gyi mdzad spyod kyis/ /'jig rten blo log smos ci dgos/ /de la sogs pa mtha' yas snyed/ /'jig rten 'jig rten mtha' yas kun/ /'dul ba'i thabs ni sna tshogs kyis/ /drangs te yang dag gsang bar spyor/ /khro la byams dang khro tshul mdzod/ /zhi la zhi ba slong sbyong nyid/ /drag shul can la drag po nyid/ /g.yem la g.yem dang gnyen por mdzod/ /chags la chags dang rnam spong nyid/ /g.yeng la sems sdud g.yeng ba nyid/ /rmongs la khyab par mnyam pa nyid/ /ri la ting 'dzin ri bo nyid/ /phrag dog can la phrag dog tshul/ /de la sogs pa mtha' yas snyed/ /kun gzhi mnyam dang mi mnyam pa'i/ /nam mkha' dbyings kyi mtha' klas par/ /khyad par 'dod pa'i lus can gyi/ /kun gzhi kun gyi dbyings na dpa'/ /rdo rje snying po rab tu gnas/ /sems can sangs rgyas kun gyi dbyings/ /rdo rje sems dpa' de bzhin nyid/ /ye nas yin par nges pa na/ /mtha' thug med pa'i sems can rnams/ /ji ltar dga' ba 'dod pa bzhin/ /ma bkag ma bcos ji bzhin par/ /nges pa nyid du gyur pa yi/ /thabs mchog dpag gis mi lang ba'i/ /mdzad spyod gar thabs sprin phung gis/ /ji ltar spyad kyang de nyid las/ /ma g.yos mi gos dbyings na dpa'/ /nyid du nges pa'i ngo bo las/ /mtha' yas dpag tu med pa yi/ /sgo nas thams cad ma bkag par/ /ci dga' nyid du bde drangs te/ /dam pa</font><hr>102.147a<br><font size=+1>

rnams kyi nges par mdzod/ /'dir ni nan tan drag shul gyis/ /mi zad 'bar ba'i ye shes las/ /dur khrod bdag po rab 'jigs pa'i/ /che mchog 'bar ba'i phyag rgyar mdzod ces nges pa dam par bcad do/ /sangs rgyas kun gyi dgongs pa 'dus pa'i mdo chen po las bka' bgros dam pa bcad pa'i le'u zhes bya ste nyi shu lnga pa'o// //    lang ka'i bdag po de'i tshe de'i dus na kho bo 'khor de nyid du 'dus par gyur pa zhig gis shes bzhin du gang yongs su sad pa'i phyir yang 'khor der 'khod par gyur pa'i byang chub sems dpa' bskul ba'i go cha blo gros thabs ldan zhes bya ba zhig la yongs su dris pa/ kye sems dpa' chen po yi dgas chen po 'di rgyu ni gang las byung / rkyen ni ci las byung / 'bras bu ni cir smin/ rigs ni gar gtogs/ las skal gyi spyod pa ni ci spyod/ ma btul na ci gnod/ btul na ci zhig dgos/ de skad dris pa las/ bskul ba'i go cha chen po des smras pa/ sems dpa' chen po gsang ba pa'i bdag po yi dgas chen po 'di gang legs pa'i rgyu rkyen las ni ma byung / nyes pa 'ba' zhig gi rgyu rkyen las byung ste/ rgyu ni mun pa'i ri bo las byung ngo/ /rkyen ni bka' bsgo log pa'i dka' thub drag po las byung ngo/ /'bras bu ni sdug bsngal gyi ri bor smin no/ /rigs ni rmang rigs 'khor ba gdol ba 'byung po yi dgas su gtogs so/ /las skal gyi spyod pa ni 'khor ba'i dngos po bzhi la 'jol nyag tu spyod do/ /'di ma btul na lus can gyi byang chub snying po ring du nub pa'i skyon du 'gyur ro/ /btul na ni kun gyi snying po 'od kyi dkyil 'khor mngon du nye bar 'char bar 'gyur ro zhes smras pa dang / kho bos de la 'di skad ces smras so/ /e ma'o sems dpa' chen po 'o na dus 'di ni las la bab pa'o/ /las 'di las kyi mchog go/ /gsang ba 'di ni gsang ba'i yang gsang ba dam pa'o/ /thul kun du rab tu thul/ dus la bab pa'i skabs chen 'dir/ /</font><hr>102.147b<br><font size=+1>

las la bab pa'i sems can 'di/ /stongs la bab pa'i thugs rje yis/ /'du shes bsgyur ba thugs rje'i mchog /stong gsum ma lus bton pa bas/ /'bum gyi char yang mi phod do zhes nye bar bskul lo/ /de nas de bzhin gshegs pa thams cad kyis dan bag gnas gyur pa skyes bu dam pa rdo rje 'dzin du snang ba nyid la yongs su bsgo ba mdzad pa/ rgyal ba kun gyi gsang mdzod pa/ /thugs kyi bdag po rdo rje 'dzin/ /drag po brtul zhugs chen po can/ /dpa' bo 'jig rten gsum las rgyal/ /sngon gyi go cha chen po'i mthus/ /sangs rgyas sangs rgyas thams cad kyis/ /gdul dka' drag po 'dul mdzad pa/ /bdud kyi bdud de bdud rnams 'joms/ /sems dpa' sngon po 'bar ba'i sku/ /'jigs su rung ba'i dpa' byad can/ /gtum rngam 'khrug pa'i ngo bo yis/ /dur khrod bdag po rab tu chom zhes yongs su bskul bas/ skyes bu rdo rje 'dzin pa de/ /lha dang bcas pa'i 'jig rten 'di/ /'byung po'i rgyal pos dbang du byas/ /shin du gtum rngam 'khrug pa des/ /lha mi 'jig rten brlag ma khad/ /bzhin dang mdangs kyang mi gsal bar/ /kun du mog mog por gyur nas/ /dus ma yin pa'i mun pa yang / /mun nag smag tu gyur pas 'thibs/ /tsha dang grang dang nad dam rims/ /mi ngas sna tshogs kun du rgyas/ /rlung mar 'brug dang ser ba dang / /rnag khrag rdo dang mtshon cha'i char/ /dus ma yin par kun du 'byung / /skye dman 'tsho ba 'ang log par gyur/ /gdug pa sna tshogs sems can gyis/ /shin du nyams thag gdungs 'gyur ba'i/ /mgon med pa yi 'jig rten te/ /mkhyen te thugs rjes gdung ba ni/ /rab tu rngam pa'i brtul zhugs kyis/ /rdo rje chos kyi rta gdong la/ /rdo rje tshig tu 'di skad du/ /ngag gi dbang phyug rdo rje'i gdong / /lang ka'i yul gyi grong rdal gyi/ /dbus kyi ri bo ma la ya/ /rko rka thang mar rgya</font><hr>102.148a<br><font size=+1>

mtsho'i ngo/ /drag shul yod pa'i rtse la dong / /rdo rje thabs kyis blta ba'i yul/ /dur khrod bdag po tshogs dang bcas/ /mi ngams skyabs lings chen po la/ /khams gsum rdo rje bya sprin thong / /cis kyang mi bskyod mi 'khrugs pa'i/ /sems dpa' sangs rgyas kun gyi dngos/ /rdo rje sems dpa' de bzhin nyid/ /rdo rje snying po srid gsum mgon/ /stong pa chen po'i nam mkha' la/ /'bar ba chen po gar dgur mdzod/ /thugs rje sa la gshegs nas kyang / /'thun 'jug byis pa'i spyod pa mdzod/ /med la kun 'byung stong nyid las/ /ji bzhin pa yi rgyal ba dang / /stug po bkod pa'i zhing khams na/ /rnam dag lam gshegs rgyal ba rnams/ /bdag ni bka' yi las mkhan te/ /bka' yi las kyi dus byung bas/ /sangs rgyas kun gyis gdul dka' ba/ /de dag ma lus bdag gis btul/ /ma grol ba yang bdag gis dgrol/ /gang ma bsgral ba bdag gis bsgral/ /dbugs ma phyung ba dbugs phyung ste/ /yang dag nyid la dgod par bgyi/ /dgongs pa gsang ba kun 'dus la/ /rmad 'byung gsang ba'i dkyil 'khor gyis/ /mtha' thug med pa'i sems can rnams/ /snying po bskul ba'i byin brlabs mdzod ces rdo rje 'dzin pa des drag tu bskul ba las/ chos kyi dbyings kyi pho brang nas de bzhin gshegs pa thams cad ye shes chen po'i me dus mtha'i bskal pa'i me ltar 'bar ba'i thugs rje'i sprin phung nam mkha'i mtha' klas par 'thibs nas 'bar ba chen po'i gar dgur mngon spyod du mdzad nas rdo rje rta'i tshogs la bkas bsgo ba song kun du rab tu song / rta yi rdo rje stabs dgu yis/ /'jig rten blo dgu'i 'dod pa ston/ /'jig rten nag po gtum po'i tshogs/ /dur khrod skyabs lings spyod pa la/ /rdo rje rtog pa'i bya sgron gyis/ /'khor ba ma bsgral bar du 'di/ /dam bcas go cha gyon pa yi/ /snying rje chen po'i rtog 'jug gi /'khor ba'i so mtha' chod par</font><hr>102.148b<br><font size=+1>

gyis zhes drag tu bsgo bas/ rdo rje chos rab dga' 'khor lo/ /gzigs dbang rdo rje spyan rab ste/ /rdo rje pad mo rab dga' ba/ /snang mdzad ngag gi dbang phyug tshogs/ /byang chub chen po cang shes gtso/ /thabs chen dgu yi rdzu 'phrul gyis/ /rdo rje rta gdong sprul pa'i tshogs/ /nam mkha'i khams kun yongs bkang nas/ /ma la ya yi rtse la lhags/ /'khor ba ma stongs bar du ni/ /thugs rje'i dbang gis spyan ras gzigs/ /stug po bkod pa'i rgyal ba yang / /dgongs pa gsang ba gcig tu 'dus/ /khams gsum yo sgrol snying por dgongs/ /dus gsum gtan sprugs byin brlabs mdzod/  'khor ba chos nyid spyan ras gzigs/ /sdug bsngal byang chub lam du mdzad/ /las nyid rang byung ye shes 'grel/ /rnam smin sun phyung rdo rje nyid/ /ye nas ji bzhin ma bcos pa'i/ /rang byung dkyil 'khor chen por dgongs/ /gsang bdag rdo rje 'dzin pa yang / /sku dang gsung thugs rdo rje las/ /sprul pa'i sras mchog rdo rje 'dzin/ /gzhon nu bye ba sa yar mdzad/ /thams cad dbyar gyi sprin phung bzhin/ /nam mkha' dbyings kyi mthas klas par/ /ma la ya yi rtse la lhags/ /'thun 'jug thabs kyi cha byad du/ /gang 'dir byis pa'i spyod pa yis/ /bdud kyi spyod yul kun mdzad de/ /'jig rten khams su byis par bstan/ /sangs rgyas kun gyi dgongs pa 'dus pa'i mdo chen po las las bzhi rdo rje skos kyi le'u zhes bya ste nyi shu drug pa'o// //de nas 'thun 'jug skyes bu des/ /'thun pa'i spyan gyis gang gzigs na/ /las kyi yi dgas drag po de/ /dngos po bzhis ni dbang byas pa/ /rnam par smin pa'i dngos po ni/ bam ri thod pa mkhar gyi rtsar/ /khrag dang bshang gci sha chen dang / /rkang dang glad pa glad rgyas dang / /rnag dang chu ser la sogs pa'i/ /'dam gyis phru ma yongs su bskor/ /'bu dang shin du 'bu chen po/ /sbrang ma sbrang rgod bung ba dang / /sbrul dang sdig pa sdom la sogs/ /kang ka khwa skreg 'ug pa'i</font><hr>102.149a<br><font size=+1>

tshogs/ /lce spyang stag seng la sogs pa'i/ /gdug pa can gyi 'khor gyis bskor/ /lha yi sde dpon ka ru ni/ /bu mo chung ma ma sring dang / /'jig rten dbang phyug lha chen gyi/ /ma sring chung ma bu mo rnams/ /phrogs nas dbang du byas pa yi/ /slas dang byi mo bran mo'i tshogs/ /bcu gnyis dang ni rgyas la sogs/ /ma mo 'phra men gnod sbyin mo/ /srin mo sha za khrag 'phrog ma/ /bdud kyi ming 'dzin bla rkun ma/ /blon mo dmag dpon sde dpon ma/ /rud dpon pho nya mngag par bcas/ /rang rang stan dang lag char bcas/ /ci bgyi bka' nyan bka' sdod 'khor/ /sbod gtong rngam pa'i tshul du 'khod/ /srin po'i bu mo dri za brgyad/ /stag seng wa spyang bzhad tshogs dang / /dur bya bya rog 'ug pa'i tshogs/ /bstod cing rngam pa'i tshul du 'khod/ /srin po'i nye gnas chen mo brgyad/ /ko'u ri tso+o ri pra mo ha/ /bet+ta li dang puk+ka si/ /g+has ma ri dang sma sha ni/ /tsaN Da li la sogs pa yi/ /gtum zhing rngam pa'i ma tshogs ma/ /shin du 'jigs pa'i gzugs su 'khod/ /dur khrod sa yi sgo srungs bzhi/ /brtson mo gdong mo gar log mo/ /de bzhin 'jug mo chen mo bzhi/ /gsang sgo 'dzin cing bka' sgo srung / /dur khrod bdag mo gru 'degs ma/ /brkam pa shin du brkam ma dang / /ra ro mo dang khrag 'thung ma/ /chags pas myos pa'i mdangs kyis 'khod/ /bam ri thod pa brtsegs pa'i dbus/ /gnam lcags 'bar ba'i gzer chen gyis/ /brtan par btab pa'i nad bdag mo/ /nye gnas kro d+hi shwa ri ma/ /thod skyogs khrag gis bkang ba dang / /'bru mar rdzas lnga chang sbyar ba/ /rtag par rang gi longs spyod 'dzin/ /chags pas myos shing brkam pas na/ /'dod pa'i dbang mo brkam par grags/ /ru tra'i phru ma grong rdal de/ /'bar ba chen po'i gar dgu yis/ /bcom ldan dbang du mdzad pa'i phyir/ /sde dpon btul ba'i 'khor 'dus pa/ /'jig rten dbang phyug mthu chen rnams/ /</font><hr>102.149b<br><font size=+1>

phal cher las la gram skabs su/ /dpa' chen rdo rje 'dzin pa de'i/ /de nyid yang dag dngos min pa'i/ /gzhon nu snam nas bton pa'i sras/ /rdo rje gzhon nu sme ba brtsegs/ /mthing gnag khro gnyer ral pa can/ /'bar ba chen po'i gar dgur mdzad/ /dur khrod bdag po ji bzhin du/ /dbu dang phyag zhabs der mdzad de/ /bdud rtsi lnga yi sbyor ba yis/ /bshung ba lnga ni bdud rtsir bsgyur/ /thams cad stong nyid bdud rtsir sbyangs/ /nye gnas la sogs 'khor mo rnams/ /spyod la ma chags ye shes dang / /byas la mi sogs phrin las kyis/ /'thun 'jug khrid pa'i sbyor thabs kyis/ /dbang bsdus dang sbyangs sprul pa ni/ /sems dpa' ye shes sprul pa'i tshogs/ /ko'u tso'u la sogs ma tshogs dang / /seng stag la sogs yul du snang / /'dod pa'i dbang mo brkam pa des/ /chags pa'i dbang gis gang mthong ba/ /spyir ni rang gi khyo bdag lta/ /lhag pa'i gzi chen 'bar bar mthong / /snyam pa'i dbang gi the tshom skyes/ /e ma'o bdag gi bdag po bas/ /shin du 'od 'bar gzi byin che/ /'di ji lta bar sprul pa zhig /snyam du yid gnyis rtog pa las/ /thabs mchog rdo rje gzhon nu des/ /srin skad thang gsum phyung ba las/ /the tshom rtog pa chad par 'gyur/ /chags pa'i dbang gis sangs rgyas kyi/ /sku la nges par 'khril ba ni/ /tsan dan sbrul gyi sdong po la/ /tshad pas bdas pa'i sbrul 'khril pas/ /mi rtog tshad ma'i gdung sel ltar/ /gang la chags pa mi mnga' ba'i/ /gang gi gdung ba rnam par sel/ /de nas sme ba brtsegs pa des/ /thams cad ci dga' 'byung ba yi/ /yid bzhin nor bu'i snying po de/ /nye ba'i rig pa 'di brjod pas/ /bya ba thams cad byed pa'i mchog /\u0f00 b+hur kuM/ i tsi/ ki phi/ u ts+tshusma kro ta hU~M phaT/ yang dag dngos min cho 'phrul 'dis/ /snang mdzad chen po'i cho 'phrul bsdus/ /gang du dang por sprul pa</font><hr>102.150a<br><font size=+1>

yi/ /\u0f00 gyi 'od zer mngon phab nas/ /dbang mo brkam pa'i lhums su bzhag /gsang sngags mngon pa'i mthu can 'dis/ /srin po'i cha lugs ci 'dra bar/ /yi ge de yang der bsgyur te/ /gang de mngon sum lhums su bzhag /rdo rje lcags kyu 'od zer las/ /rak+Sha shrI he ru ka / ru tra ma tra ha ha ha ma/ /bskyed rdzogs 'joms byed yi ge yi/ /mthu yis byin brlabs brtan par byas/ /dngos min rig pa'i skyes bu de/ /rdo rje yab kyi sku la bsdus/ /drag shul stobs ldan skyes bu des/ /sgyu ma rdo rje cho 'phrul gyis/ /sangs rgyas gdul dka' rnams btul nas/ /bdud dang 'jig rten log pa'i cha/ /byis pa'i spyod pa de bor nas/ /thugs ni snying po byang chub la/ /dgongs pa nges par 'grel te bzhugs/ /sprul pa rdo rje 'dzin rgyal po/ /sngar byung rgyal 'tshab skyes bu yis/ /lha gnas gsum du grags pa yi/ /gsang mdzod chen po dam pa'i lung / /gsang ba 'dzin pa'i bdag po mdzad/ /de nas yi dgas drag po de/ /rang gi gnas su 'un pa las/ /rang gi gnas dang longs spyod dang / /'khor rnams mi snang mi 'dra ba/ /sngon ma mthong ba phal cher snang / /kho na shin du ma rangs te/ /e ma'o bdag gi phru ma 'di/ /ji ltar 'gyur zhes rnam par rtog /de tshe nye gnas dbam mo yis/ /rang gi khyo bdag lon 'un te/ /e ma'o sgeg po dpa' bo khyod/ /gang 'dir ngan du rtog pa'i tshig /'khor gyi nang 'dir gsung ngam ci/ /dpa' bo khyod kyi dgongs pa gang / deng hun han phan nyo pa ti/ /kho na 'am tsa smar tsa/ /dpa' bo sgeg po zhe 'am nyid/ /kun lan tra tsa pu thratha/ /gang du de ci ji ltar 'khrul/ /de skad tshig tu hon pa las/ /mdangs la chags pas 'dun pa dang / /kho na'i rigs nyid nges 'dzin pa'i/ /snyam nas dga' ba'i thabs su bzung / /de nas dbang mo brkam pa las/ /pu tra myu gu 'thon 'byung ba'i/ /thabs gsum grag ba'i sgra phyung bas/ /dpal gyi rngam skad drag</font><hr>102.150b<br><font size=+1>

po yis/ /drag po drag mo la sogs brgyal/ /de las slar log mthong snang ba/ /'jigs byed chen po 'bar ba la/ /sngo gnag rngam pa'i ral pa can/ /dbu dgu phyag ni bcwa brgyad pa/ /rdo rje gshog pas bar snang khebs/ /ba spu lcags kyu bsregs 'dra ba'i/ /sdom dang sdig dang smigs dang sbrul/ /'jigs pa'i gzugs kyis sa gzhi khebs/ /thod skyogs sti ra rgyu zhags dang / /nyi zla khyung dang 'ug pa khra/ /rdo rje mdung rtse gsum pa dang / /za ma tog dang rdul yab rnga/ /ri rab spyi skor stong gsum 'phen/ /klu dbang 'bum gyis brgyan cing klubs/ /dus mtha'i bskal pa me ltar 'bar/ /khro gnyer sdang mig 'bar ba yi/ /nyi shu rtsa bdun spyan ras gzigs/ /zhabs brgyad 'bar bas lha brgyad gnon/ /rdo rje srin po khro bor gyur/ /lha dang bdud las rnam par grags/ /de nas yi dgas drag po de/ /kho na'i sems rtog rtas nas kyang / /nga rgyal drag po'i gtum skad kyis/ /'khor gyi dbang phyug rnam par bskul/ /ru tra ma tra ma ra tra/ /'du 'du dbang phyug chen po'i tshogs/ /kun du rab tu dam la 'du/ /gram gram dbang phyug chen po'i tshogs/ /kun du rab tu las la gram/ /thud thud dbang phyug chen po'i tshogs/ /kun du rab tu 'di la thud/ /dbang phyug nga yi phru ma la/ /gang 'dir gdug pa chen po 'di/ /khyed kyis brlag pa'i dus la bab/ /gang 'dir bya mi bya rtog na/ /khyed ni shin du rlag ma khad/ /mdza' bo gang la bya mi bya ba yi/ /yongs su rtog pa de dag med kyang bla/ /de 'dra'i mdza' bo sgyu ma yin pas na/ /de la mdza' zhes su zhig zer/ /rgol ba gang la bya mi bya ba yi/ /yongs su rtog pa de dag med kyang bla/ /de 'dra'i rgol ba sgyu ma yin pas na/ /de la dpa' zhes su zhig zer/ /dam tshig gang srung mi srung ba'i/ /yongs su rtog pa de dag med kyang bla/ /de 'dra'i dam tshig sgyu ma yin pas na/ /de la dam pa su zhig 'dogs/ /thams cad bya mi bya ba yi/ /yongs su rtog pa de dag med kyang bla/ /de 'dra'i spyod pa sgyu ma yin pas na/ /de la byed ces su zhig zer/ /gang la gang</font><hr>102.151a<br><font size=+1>

'dir gang gi las rnams dus la bab ces dbang phyug chen po rnams la bskul bas/ bdud kyi gzi byin ma bzod de bdud kyi cha 'dzin pa'i lha'i bu bye ba dung phyur gyi dmag tshogs dang dbang phyug chen po rnams shin du dngangs 'khrugs rngam nas rod rod por gyur te/ mya ngan gyi dug lo 'tshubs pa bzhin bdud kyi phru mar 'dus te bdud kyi ru mtshon phyar/ mtshon cha'i sprin gtibs/ bdud kyi sgyu 'phrul gyi dra ba bkram ste bso dang cha'i sgra bsgrags nas spags pa las/ rdo rje rta'i tshogs kyis rdo rje stam pa na'i stobs kyis rdzu 'phrul myur ba'i mdur shugs drag pos khro bo theg chen kun kyang mdur thag gcod pa'i rta'i mdur glu 'dis rnam par bskul ba/ hri sgeg po dpa' bo 'jigs su rung ba dang / dgod dang gshe dang 'jigs par byed pa dang / /snying rje rngam dang zhi ba la sogs pa'i/ /sku yi dngos po shin du bsgyur ba yi/ /gar gyi phyag rgya 'bar bas dbang phyug gnon/ /hri myos byed stong pas lhag par 'dod pa'i gzugs ston la/ /'dul ba'i dbang gis gshin rje stong pas lhag par 'jigs gzugs ston/ /zhi ba'i skur yang tshangs pa stong pas lhag par rab tu ston/ /thams cad dkyil 'khor gsum du snang bar mdzod/ /hri rnam par 'dul ba'i ngo mthon thabs kyis gnon pas gnon/ /ho ho ha ha he he hi hi dgyes pa'i bzhad mos khong / /dbang phyug thams cad rab shig rab tu shig /rab kyi rtsal gyi stobs kyis ngo mthon dbang phyug gnon/ /hri rtsal chen hu lu hu lu mig gsum pa las gsum grub drongs/ /hri rab kyi rtsal gyi stobs kyis ngo mthon mthu chen gnon/ /ru tra ma tra'i snying las dpal mos drongs shig rab drongs shig /rab kyi rtsal gyi stobs kyis ngo mthon tshangs pa non/ /tshangs las sgrol ma drongs shig sma ra tha/ /hri rab kyi rtsal gyi stobs gyis ngo mthon dga' dbang non/ /sbyor chen zhun gyis bdag la dga' drongs shig /hri rab kyi rtsal gyi stobs kyis ngo mthon ru tra non/ /sbyor chen kro d+hi shwa ri dbang mo drongs shig rabs drongs shig /snying rje gang la bya mi bya</font><hr>102.151b<br><font size=+1>

ba yi/ /yongs su rtog pa de dag med kyang bla/ /de 'dra'i snying rje sgyu ma yin pas na/ /de la su zhig snying rje zer/ /gdul bya gdul bar bya mi bya ba yi/ /yongs su rtog pa de dag med kyang bla/ /de 'dra'i gdul bya sgyu ma yin pas na/ /de la gdul bar su zhig zer/ /hri ha ha ho ho sprul rab tu sprul/ /kun du rab sprul snang bar mdzod/ /gtum thung rngam 'khrug 'bar bar mdzod/ /rnam pa mang po sna tshogs khro bor log par lta ba yi/ /khro bo snang ba'i 'gro rnams rnam mang po/ /khro bo rgyud kyi ma lus lus pa med par 'dul mkhas par/ /rgyal ba kun gyi thabs mchog sgyu ma rab sprul rnam par sprul/ /khro la ma g.yos ye shes bzhi mchog kun du bzhengs shig bsnams/ /rnam pa mang po sna tshogs 'dod par snang ba'i 'gro ba rnams/ /rnam pa mang po'i 'dod chags rgyud kyis ma lus lus pa med pa 'dul mkhas pa/ /rgyal ba kun gyi thabs mchog sgyu mar rab sprul rnam par sprul/ /spyod la ma chags ye shes bde mchog kun du myong mdzad bzhengs shing rol/ /rnam pa mang po sna tshogs rmongs par snang ba'i 'gro ba rnams/ /rnam pa mang po gti mug rgyud kyis ma lus lus par 'dul mkhas pa/ /rgyal ba kun gyi thabs mchog sgyu mas rab sprul rnam par sprul/ /mnyam la ma rmongs ye shes ma 'dres yongs rdzogs bzhengs shig dgongs zhes khro mo ma rangs mi bsnyengs drag po dgyes pa'i sgra 'brug stong dir ba byung bas bdud kyi cha 'dzin pa'i bdud bye ba dung phyur rnams bag bzhi bskums te zil gyis non/ ru mtshon la sogs pa mtshon cha'i sprin phung ni stong pa nyid du sangs par gyur/ mi snyan pa'i ngag rnams ni mngon du gyur te theg pa chen po gsang sngags kyi sgra ni di ri ri sgrogs par gyur to/ /dur khrod kyi bdag po ru tra nag po lta zhig rang gi 'khor gyis yongs su bor te rje btsan dam pa de la skyabs su dong / blo gros kun gyi yul dang bral/ yi khros bsam pa chad cing thabs rlag nas kun nas 'khrugs te rnam par 'khams nas</font><hr>102.152a<br><font size=+1>

rang gi ru tra lnga yi sa bon mngon du phyung bas/ ru lu ru lu b+h+yo zhes brjod/ /mgo gsum lag drug rkang bzhi pa/ /khros pa'i tshul du gyur pa las/ /rje btsan rdo rje srin po des/ /kho na nyid du der mdzad de/ /byin brlabs yi ge mi phyed pa'i/ /dbang du 'khor ba'i sa bon lnga/ /byas nas ngag gi sprul pa phrogs/ /kho na ngag gi dbang po nyams/ /de nas dur khrod bdag po des/ /ra la ra la b+h+yo brjod pas/ /mgo dgu bcwa brgyad lag tu gyur/ /gang der rje btsan dam pa des/ /ngag gi sprul pa nges par bcad/ /yang der dur khrod bdag po des/ /hu lu hu lu b+h+yo brjod pas/ /mgo brgyad bcu drug lag tu gyur/ /dpal chen rje btsan srin po des/  kho na ci 'dra der mdzad de/ /der yang dag gi brjod pa bcad/ /gang der dur khrod bdag po des/ /ha la ha la b+h+yo brjod pas/ /nyi shu rtsa gcig mgo bo la/ /bzhi bcu rtsa gnyis lag tu gyur/ /yang na rdo rje srin po des/ /de ci kho nar der mdzad nas/ /gang 'dir smra ba'i dbang po bcad/ /yang der kho nar de nyid kyis/ /ra li ra li b+h+yo brjod pas/ /lus ni tshad med chen po la/ /nad kyi bskal ba tshub mar gtong / /gdug pa'i mtshon cha lus las 'gyod/ /rje btsan rdo rje srin po des/ /kho na de 'drar nyid mdzad de/ /ngag phrogs dag gi sprul pa chad/ /dper na skyes bu gang la zhig /lce bcad khrag gis bor ba bzhin/ /shin du myos te 'gyel bar gyur/ /kun gyi mnga' bdag chen po des/ /sa ma ya hU~M gsung bsgrags pas/ /sngon byung dus na 'brel ba yis/ /srog gi dbang pos ma bzod de/ /gang der mdun gyis phyogs pa dang / /rtse gsum kha T+wAM 'bar ba yis/ /ru tra'i ri bo bcom dbang gi /phyag rgyas rol te phyal du sbyangs/ /nye gnas dbang gis mtshams sbyar ba'i/ /rang gi dam pa la sogs pa'i/ /mtha' thug med pa'i sangs rgyas dang / /dpag tu med pa'i byang chub sems/ /stug po bkod pa'i mthong ba'i mthus/ /thog ma med pa'i dus mtha' nas/ /zhen pa'i mun nag sangs gyur te/ /skye ba dus mtha'</font><hr>102.152b<br><font size=+1>

med rnyed du/ /lus blangs las ni ci spyad dran/ /snam du bton te zhabs drung 'khod/ /rab dga' btud nas gnod tshul du/ /gang der shin du ngus nas smres/ /e ma e ma'o e ma yang / /dpa' bo lha rje thugs rje chung / /shin du bde ba'i gnas gcig nas/ /snam du bton pa thugs rje chung / /da yang ci mdzad myur du mdzod/ /myur du bsgral na yun bde'o/ /'bangs su mchi'o bdag lus 'bul/ /'bangs la nan tan ma chung zhig /deng nas slan chad bka' bzhin du/ /bka' yi lung bzhin rjes su sgrub/ /gal te bka' bzhin ma bgyis sam/ /dam pa'i lung las 'gal gyur na/ /bdag cag rnams kyi mgo lus snying / /rul myags skams nas tshig par 'gyur/ /ma sring bu mo chung ma rnams/ /'bangs su 'bul lo tshis ma chung / /dbus su mchi skal mi ldan gyis/ /'bar ba'i dkyil 'khor mtha' la zhog /  phud la 'tshal skal mi ldan gyis/ /lhag ma zhal chab bron la stsol/ /nye gnas gdung ba'i ma sring rnams/ /de nas rgyal ba'i 'bangs yin gyis/ /khyed ni ci bgyi bka' yi las mkhan te/ /bka' yi las byung rtag par myur du sgrubs/ /bdag kyang deng sngon lam log las spyad pas/ /dpag tu med pa'i 'khor ba'i sdug bsngal brgyud/ /da ni thugs rje las 'phro gnyis phrad pas/ /bde ba can gyi zhing du myur 'gro yis/ /rjes su bstan pa'i bka' la nyams sa re/ /ji ltar ma byams bu la gdung ba bzhin/ /dam tshig can la dung dung gdung bar bgyis/ /gang du sring byams ming la gdung ba bzhin/ /yal gam can la lhang lhang brtse bar gyis/ /mdza' mo grogs la ji ltar gdung tshul bzhin/ /rnal 'byor can la kril kril rtser bar gyis/ /ji ltar g.yog byams dpon la snying brtse bzhin/ /dam pa rnams la nges par nye bar gyis zhes 'khor nye gnas rnams la gdams ngag bor nas dpa' bo chen po la skyabs su dong ste bka' che ba yongs su bsrung ba'i phyir rang rtags srog gi snying po phul te mna' dor ro/ /ru lu ru lu b+h+yo zhes rang gi srog la tshad bzhag go / de nas bcom ldan 'das kyis yongs su gnang ba ni 'di lta ste/[ \u0f00] ru lu ru lu hU~M b+h+yo hU~M zhes byin gyis brlabs te bsregs sbyangs btul nas dgongs khral chung bar bzhugs</font><hr>102.153a<br><font size=+1>

so/ /sangs rgyas kun gyi dgongs pa 'dus pa'i mdo chen po las bdud yongs su btul ba'i le'u ste nyi shu bdun pa'o// // de nas de'i tshe de'i dus na dbang phyug chen po'i tshogs rnams 'di ltar rtog ste/ e ma'o drag po chen po 'di/ /'di ltar mthu che ba/ 'di ltar dregs pa/ 'di ltar gti mug pa/ 'di ltar chags pa/ 'di ltar nga rgyal ba/ 'di ltar gtum pa 'di dpa' bo chen po 'dis rnam par non/ nges par yang dag par non/ kun du rab tu non to snyam du rtog go/ de'i tshe de'i dus na de dag gi sems kyi rtog pas rtog pa drag po ru tra de'i sems kyis yongs su shes nas smras pa/ kye nye gnas dam pa rnams gang de ltar ma rtog cig /sngon kho bo'i las kyi 'phro dang 'brel ba nye gnas dam pa kun gyis bshes gnyen de dang phrad pas las shes so/ /skye ba shes so/ /las mthong ngo/ /skye ba mthong ngo/ /las mngon du gyur to/ /skye ba mngon du gyur nas rang gi las la rang thag khos par gyur/ gang skad cig mar bde ba chen po'i g.yung drung gi pho brang mthong bas gang 'di ltar bud med dag sbrum pa'i sdug bsngal gyis nyen par gyur pa na 'di snyam du sdug bsngal 'di ni sngon du skyes pa bsten cing mang du spyad pa'i las 'ba' zhig kho na'o snyam du yid la byed pa bzhin kho bo yang las 'ba' zhig la kho thag chad nas ji ltar ri gzar rtse nas sbab 'dril ba gang ba gang gis mi zlogs pa bzhin gdung ba chen po'i shugs kyis 'thon pas shin du gdung ba yin te/ nye gnas khyed kyang rang gi las yid la gyis shig dang / gdung ba'i shugs rab ltar 'dril bar 'gyur ro zhes smras nas rma ga chad par ngus nas shin du smres te yongs su gdung ba'i don bton pa 'di lta ste/ thugs rje chen po bcom ldan rdo rje sems/ /dri med dung mdog mchog tu gzugs bzang ba/ /rnam dag 'od gsal nyi zla 'bum bdal zhing / /dpa' bo 'od zer stong 'bar lham me ba/ /'jig rten gsum gyi sa mkhan ston par grags/ /khams gsum 'gro ba kun gyi gnyen gcig po/ /byams</font><hr>102.153b<br><font size=+1>

mgon thugs rje'i lha khyod dgongs su gsol/ /bdag ni thog ma med pa'i dus mtha' nas/ /lam log lam stor srid pa'i 'khor lor 'khyams/ /sngon tshe las log srid pa spyad pas nongs/ /sdig pa'i las rnams ci spyad rab gnod 'gyod/ /dar cing dregs pa'i las dbang de btsan nas/ /'khor ba'i sdug bsngal rgya mtshor bying 'gyur te/ /zhe sdang 'bar ba'i mes ni rang rgyud bsregs/ /gti mug mun pa 'thibs pos shes rab ldongs/ /'dod chags rgya mtsho'i 'dam du rnam shes bying / /nga rgyal drag po'i ri bos ngan 'gror mnan/ /phrag dog rlung dmar tshub mas 'khor bar g.yengs/ /bdag tu lta ba'i mdud pa dam pos bcings/ /'dod pa me mdag dong 'dra'i 'obs su lhung / /sdug bsngal drag po mi bzad char du 'bab/ /'di 'dra'i sdug bsngal shin du bzod dka' zhing / /sdig pa'i las dbang drag po me 'bar bas/ /rnam shes dbang po myu gu gdungs 'gyur te/ /phung po sgyu ma'i lus kyis mi bzod na/ /byams mgon thugs rje can gyis bzod lags sam/ /bdag ni blun rmongs las ngan sdig po che/ /las kyi dbang gis 'dod khams ru trar skyes/ /skyes pas 'gyod do las la yi re chad/ /yi chad 'gyod kyang las dbang bcos su med/ /las kyi shugs ni chu bo'i gzhung dang 'dra/ /las dbang chu klung 'phral du ga la zlogs/ /rnam smin thams cad rang gi las las byung / /las kyi rlung mar drag po des bdas pas/ /bdag ni deng sngon bskal pa grangs med du/ /'khor ba'i brtson ra mun par 'khyams pa la/ /nye gnas khyed kyi thugs rje'i byin brlabs kyis/ /las dang nyon mongs sgrib pa gtan sbyangs nas/ /ma ltar byams pa'i zhabs drung da ltar 'khod/ /nyi ltar 'od 'bar zla ltar mdangs gsal ba'i/ /thugs rje'i zhal nyid blta bas mi ngoms pa'i/ /thog ma med nas ma rig ling thog gi /ldongs pa'i chu bur mig gis ma mthong na/ /'gro ba'i mgon khyod deng snga gang na bzhugs/ /las dbang drag po shin tu</font><hr>102.154a<br><font size=+1>

du mi zad pas/ /shin du skrag cing skyi g.ya' rab 'jigs nas/ /dung dung gdungs pa'i smre sngags 'di 'don cing / /nyams thag phongs pa'i nga ro gdon lags na/ /byams mgon thugs rjes dus 'dir ma dgongs na/ /nam zhig 'chi 'pho lus dang bral ba'i tshe/ /gnyen bshes grogs dang bral nas gshin rjes khrid/ /de tshe 'jig rten nye dus mi stongs te/ /las kyi dbang gis bdag 'dra gcig pu khrid/ /dus der bdag la mchog skyabs ma mchis kyis/ /gang gi phyi shol dus la ma bzhes par/ /da lta nyid du bstun te mngon spyod mdzod/ /las kyis mnar ba'i skye bo bdag 'dra la/ /thog ma med pa'i dus nas log brtags pas/ /khams gsum 'khor ba'i gnas nas ma thar te/ /bskal pa grangs med skye ba de snyed du/ /gdos bcas lus blangs grangs med zhig 'gyur te/ /sha rus bsags na 'jig rten gtos dang mnyam/ /rnag khrag bsags na rgya mtsho chen po tsam/ /las 'phro bsags na bsam 'das brjod mi lang / /khams gsum bgrangs shing skye shi kha brgyud kyang / /byas pa'i las rnams don med chud re zos/ /skye ba grangs med ji snyed de tsam la/ /skye ba gcig gcig kho na tsam gyi las/ /bla med byang chub don du rab spyad na/ /de tsam byas pa'i las la don yod pas/ /don gyi yong ye mya ngan 'das zin na/ /las kyi dbang btsan nyon mongs stobs che bas/ /sha khrag dra ba'i lus blangs 'khor bar 'khyams/ /sdug bsngal bzod dka' srid pa'i btson rar chud/ /mi bzad sdug bsngal drag po 'di lta bu/ /nyes byas thams cad rang gi las las byung / /thugs rje chen pos las ngan rgyud bcad de/ /nyon mongs las kyi rlung 'di bzlog tu gsol/ /ma rig log pa las kyi dbang btsan pas/ /mi shes mun pa'i nang du gtan 'khyams na/ /ye shes sgron ma'i zer gyis mi stongs sam/ /nyes byas las kyi 'bras bu mi bzod na/ /thugs rje chen po'i phrin las mi mdzad dam/ /phyin ci log gi g.yang sar lhung</font><hr>102.154b<br><font size=+1>

lags na/ /thugs rje myur mgyogs phyag gis mi 'dzin nam/ /dug gsum bzod dka'i nad kyis gdungs lags na/ /thabs mkhas thugs rje'i sman gyis mi gso 'am/ /las kyi rnam smin sdug bsngal me 'bar na/ /thugs rje bsil ba'i char rgyun mi 'bebs sam/ /sdug bsngal 'khor ba'i 'dam du bying 'gyur na/ /thabs mkhas thugs rje'i lcags kyus mi 'dren nam/ /khams gsum 'khor ba'i gnas su sbyang sbyang nas/ /nam zhig rang gi 'bras bu thob pa'i tshe/ /'phags pa'i thugs rjes ci 'tshal don ma mchis/ /bdag nyid las 'phro btsan pas bzhag na lta/ /thugs rje zhes na su la ci zhig bgyi/ /dpa' bo khyod la thugs rje stobs mnga' zhing / /sngon byung 'brel pa las kyi 'phro btsan na/ /yal yol btang snyoms le lo ma mdzad par/ /snying nas da gzigs thugs rje rgyal ba'i lha zhes rang gi nga rgyal gyi ri bo bcag nas lus seng ger mngon par sprul nas zhabs kyi gdan khrir phul lo/ /sangs rgyas kun gyi dgongs pa 'dus pa'i mdo chen po las tha ma dman pa'i gdung ba bton pa'i le'u ste nyi shu brgyad pa'o// //    de nas rdo rje srin po des las kyi srin po de log par lta ba sun phyung bas las kyi sgrib pa rgyun gcad pa'i phyir spyo ba'i brgyad chen pos rnam par spyos pa ni 'di lta ste/ sdig can log pa'i stobs ldan 'di/ /thog ma med pa'i dus mtha' nas/ /srid pa'i 'khor lor 'khyams par nges/ /nyes byas rtsa ba rang nyid las/ /thams cad 'byung bar nyes par nges/ /bskal ba grangs med de snyed du/ /skye ba mang po lus blangs nas/ /gzugs phung grangs med zhig 'gyur zhing / /sha rus stong gsum 'jig rten tsam/ /rnag khrag rgya mtshor 'khyil 'gyur yang / /don med par ni chud zos pa/ /sus kyang ma byas rang gi las/ /de tsam cha gcig don spyad na/ /da tsam don gyi sangs rgyas zin/ /lus rnams yongs su gtong ba yi/ /ma chags stobs ldan chen po rnams/ /</font><hr>102.155a<br><font size=+1>

bkres pas nyen pa'i 'gro ba la/ /sha rus khrag tsam btang bas kyang / /zag med rnam thar bde thob na/ /zab mo'i don lta smos ci dgos/ /rang lus gtong bar ma phod cing / /chags pa'i mtha' la mngon zhen pas/ /khams gsum 'khor ba'i kha brgyud cing / /zug rdu'i nad kyis gzir ba yin/ /srid pa'i btson rar chud pa 'di/ /mkha' la mdud bas nyes par nges/ /mun pa'i klong du 'khyams pa 'di/ /khyad par rmongs pas nyes par nges/ /thar med 'dam du bying ba 'di/ /'dod sred 'dun pas nyes par nges/ /blo ngan tsha bas gdungs pa 'di/ /tsha ba'i las kyis nyes par nges/ /sdug bsngal ri bos non pa 'di/ /nga rgyal brtsegs pas nyes par nges/ /'khor ba'i rlung sgor lhung ba 'di/ /las kyi rlung gis nyes par nges/ /rang gis mnar ba'i ru tra khyod/ /ye nas rgyal ba'i sras yin na/ /srid pa'i 'khor lor ci ste 'khor/ /des na rang gi las yin te/ /sems nyid nam mkha' lta bu la/ /gzugs snang glo bur sprin gyis bsgribs/ /gzugs snang rtog pa rnam sbyang phyir/ /shes rab bskal ba'i rlung gis gtor/ /dang po bska' mgo log pas nyes/ /de nas mngon pa'i ri bo brtsegs/ /de nas yid bzhin nor bu bsregs/ /tha mar dngos po bzhi spyad pas/ /rnal 'byor theg pa chen po'i don/ /ma rtogs pa dang log par rtogs/ /phyogs rtogs yang dag nyid ma rtogs/ /ji bzhin ma spyad 'phra men gyis/ /ngan 'gro'i las lam rgyun btags pas/ /srid pa log pa'i 'bras bur smin/ /e ma'o las ngan snying re rje/ /nga ni bka' yI las mkhan te/ /bka' yi las kyi nges byung bas/ /ngan 'gro gnas su 'khyams pa 'di/ /'khor ba'i gnas nas 'don pa'i phyir/ /las ngan las rgyun gcad par bya/ /dngos por smin pa'i sdig pa 'di/ /rdo rje nam mkha'i mtshon gyis bsad/ /shar phyogs lam sgo'i 'jig rten na/ /yang dag thar lam gcod byed pa/ /'byung po gtum po gdol ba can/ /khyod ni da bzhin nyid la sgrib/ /yang dag nges pa'i blo gros kyis/ /</font><hr>102.155b<br><font size=+1>

khungs bcad rtsad bcad bdag las byung / /bdag 'dzin bdag gi rtog pa yi/ /phyin ci log stobs brtson 'grus kyis/ /gnas ngan len pa'i ded dpon byed/ /de nyid bdag rtog yin pas na/ /bdag med nam mkha'i stobs kyis gzhom/ /dbang sgyur gnon pa'i thabs chen dang / /gcod pa mngon pa'i mthu can dang / /gzir ba'i byin gyis brlabs can gyis/ /dus gsum bgegs kyi bdag po non/  a na ya/ mahA shU n+ya tA/ a ko ta ya nA~M/ sarba pA pa~M ma tang kha ru tra ni/ /sarba pA pa~M kha T+rA~M ka ru tra na~M/ thams cad stong nyid ma skyes pas/ /bsad pas bsad pa med pa'i phyir/ /sgyu ma sbyong ba'i cho 'phrul 'di/ /snying rje chen po'i dam tshig go/ /nges par bsad pa'i dam tshig 'di/ /don ston bsad pa ma yin te/ /rnam shes gzugs bral rdo rjer bya/ /de nyid slar phab dam tshig mchog /rnam shes hU~M gis bsdus nas ni/ /kho na de nyid gzugs la dbab/ /sngon du gnas pa'i tshul bzhin du/ /ma nyams bde ba chen por sbyangs/ /ro langs rdo rje dam tshig 'di/ /rgyal ba kun gyi thugs dam ste/ /rdo rje mtshon gyis gang bsad pa/ /srog ni log rtog rdo rjer shi/ nams kyang ldang ba'i dus med pas/ /slar skye ba dag ga la yod/ /rnam shes gzugs dang ma bral na/ /'khor ba'i gnas las rnam thar 'phags/ /'chi med rdo rje byang chub sems/ /stong nyid ye shes bdud rtsi'i chu/ /dug chen 'thungs pa kun gyi gsos/ /shi ba kun slong sman pa'i mchog /lang ka'i bdag po de skad ces bka' stsal pas/ ru tra nag po rgyud yongs su byang ste lhag pa'i don ngos par mthong ngo/ /sangs rgyas kun gyi dgongs pa 'dus pa'i mdo chen po las rgyud yongs su sbyangs pa'i le'u ste nyi shu dgu pa'o// //    de nas de nyid du nges par phyogs pa'i phyir zhabs kyi 'khor lo spyi bos bteg pa'i 'dun pas 'dun nas/ 'di skad du thams cad du brgyud pa rnam par grags pa sangs rgyas kun gyi dgongs pa bskul ba zhes bya ba'i glu 'dis rnam par bskul lo/ /o~M chos kun rang bzhin dag pas na/ /bdag kyang rang</font><hr>102.156a<br><font size=+1>

bzhin rnam par dag /de bzhin gshegs pa thams cad kyi/ /thugs dam dbyig mchog bdag nyid ni/ /sems can 'byam klas ma lus kun/ /mchog nyid sgrub par sbyor bas na/ /rgyal ba rgya mtsho kun 'dus pas/ /sku yi dbyig tu bdag skyed cig /ye shes rin chen dbu rgyan mchog /gzi brjid phung po bla na med/ /sangs rgyas rin chen kun 'dus pa'i/ /rnam par rgyal la phyag 'tshal lo/ /dbyig gi ye shes gtso mchog nyid/ /rdo rje dam pa mchog 'dzin pa/ /khyod ni dam tshig gtso lags kyis/ /dbang phyug rgyal por bdag skur cig /bdag ni rdo rje mngon du dbang bskur bas/ /sangs rgyas kun gyis deng nyid bdag dbang bskur/ /bcom ldan thams cad mchog ni bdag lags te/ /mchog nyid sgrub phyir rdo rje blang bar bgyi/ /rdo rje rgyal por khyod bzhugs pas/ /sku gsung thugs kyi rdo rje ste/ /rdo rje dam tshig mchog nyid kyis/ /grub pa phun sum dbang bskur cig /chos kun rdo rje'i mtshan nyid de/ /rdo rje la yang mtshan nyid med/ /rdo rje lta bu'i rnal 'byor pas/ /don kun rdo rje nyid du gsal/ /'di ni sangs rgyas gsung dbyangs nyid/ /ye shes sems dpa'i dam tshig bsnams/ /rdo rje sems dpa'i dka' thub dam/ /rtag tu bdag gis bcang bar bgyi/ /hU~M rdo rje sems dpa'i dam tshig dam pa srung / /ye shes sems dpa' nye ba nyid du spyon/ /rig pa'i rgyal po bdag la brtan par dgongs/ /gsang ba'i dbang phyug bdag nyid gso bar gsol/ /rtogs pa mchog sbyin bdag la dgyes pa skyed/ /'dod pa kun zhen bdag la chags par mdzod/ /dang po sangs rgyas mnyam nyid thugs rje can/ /las rnams kun la bdag sems dge bar sgyur/ /dus gsum bde gshegs bdag gnas thams cad du/ /rdo rje can dang dam tshig sems dpar bsgrubs/ /de bzhin gshegs pa dgyes pa dgyes pa kye/ /rdo rjes bdag yong gtan du ma gtang zhig /kye rdo rje chos dbyings kun gyi gtso/ /mi gnas chags pa chen mo ste/ /ma lus kun gyi 'byung gnas mchog /bde ba mchog gi dam pa lags/ /khyod ni dam tshig</font><hr>102.156b<br><font size=+1>

kun gyi gtso/ /rdo rje sems dpa' skyed mdzad ma/ /sems can don bsgrubs phrin las la/ /thugs rje mnyam sbyor grub par mdzod/ /sangs rgyas yon tan kun 'byung phyir/ /rin chen rdo rje bla na med/ /rdo rje chos kyi glu blangs pas/ /las kyi rdo rje byed gyur cig /sa ma ya ho zhes dam tshig nye bar blangs so/ /sa ma ya s+t+wa~M zhes dam kun du bcas so/ /de nas yang dag dngos min pa'i/ /rdo rje sme ba brtsegs pa'i sras/ /bdud 'dul rdo rje srin po des/ /rdo rje shugs kyi dam pa byin/ /hU~M hU~M hU~M bi shwa badzra kro d+ha dz+wa la maN Da la phaT phaT ha la ha la ra~M zhes gdul sbyong drag po'i dkyil 'khor du sbyangs so/ /ta ke~M ta ke~M phaT/ ha la ha la ra~M/ tIk+Sh+Na tIk+Sh+Na kha~M kro d+ha kro d+ha ya~M zhes dngos po thams cad stong par sbyangs so/ /o~M zhes rang bzhin lhun gyis grub pa'i dkyil 'khor du bcug go/ mu~M zhes ye ji bzhin pa'i dkyil 'khor du bzhugs so/ /hU~M zhes rtsa ba byang chub sems kyi dkyil 'khor du gnas so/ /i dan ti/ na ra gan te/ ba ri hri da ye/ nA ma bsti na~M/ sa ma ya rak+Sha si/ si ti bi na badzra/ a mr-i to ta kaM /zhes dam tshig dam pa byin no/ /\u0f00 AHhU~M zhes sku gsung thugs kyi byin brlabs dam pa byin no/ /\u0f00 badzra a mr-i ta/ e h+ye hi sarba ma na hU~M hrI tha zhes dbang dam pa byin no/ /de nas yang las kyi srin po des rang gi ris kyi lha la gsol ba btab pa/ sngon tshe gong nas 'brel pa yi/ /bdag gi nye gnas gang lags pa/ /las 'phro dang ni thugs rje yis/ /da lta nyid du 'bab par shog ces bskul bas/ dpal rdo rje sems dpa' nam mkha'i dbyings nas nyi ma'i dkyil 'khor hU~M gi snying po 'od zer dang bcas pas kho na nyid kyi snying gar thim pas rang gi ris dam pa nyid du nges par gyur to/ /ha~M zhes mthong ba yongs su dag ste thams cad ma 'dres pa dang yongs su rdzogs par mthong ngo/ /rdo rje zhes ming brtags nas/ rdo rje theg pa'i gsang sgor bzhag go/ /sangs rgyas kun gyi dgongs pa 'dus pa'i mdo chen po las sangs rgyas kun gyi dgongs pa bskul ba'i le'u ste sum bcu pa'o// // de nas las kyi srin po</font><hr>102.157a<br><font size=+1>

de'i nye gnas 'dus pa'i tshogs phal po che rnams rang rang gi las dag pa dang / sangs rgyas mang po mthong ba dang / byin brlabs kyi 'od zer gyis rgyud sbyangs pas las dang las kyi rnam par smyin pa'i rgyud dang / skye ba snga phyi mtha' yas pa dus gcig tu gshegs par 'gyur te/ the tshom chad pa'i sgo nas dbang phyug chen po la sogs pa lha chen po rnams kyis shin du ngus nas smres te gsol pa/ gar gyi dbang phyug gsan cing dgongs su gsol/ /bdag cag ru tra'i mtha' la zhen pa rnams/ /lus dang las kyi 'khor ba'i dra ba 'di/ /bka' yi gtan tshigs zhib mos ma bkrol zhing / /shes rab zab mo dmigs bus ma phye bas/ /rang rig ye shes blo dang mi ldan zhing / /nges par legs pa'i gros kyis mchod de/ /gar thabs glog gis zhags pas ma zin pas/ /rnam shes las kyi rgya mtsho'i dbas bsgribs te/ /de nyid de bzhin nyid du ngo ma 'tshal/ /gti mug rang sems bdag tu bzung pas nongs/ /shin du 'gyod pas gnong ba'i tshul bzung bas/ /dpa' bo chen po khyod la skyabs su mchi/ /dngos po sbyang phyir bdag lus gdan du dbul/ /thabs mkhas thugs rjes lus 'di bzhes su gsol zhes rang gi lus zhabs kyi gdan khrir phul lo/ /de nas 'grin nag po la sogs pa klu chen po rnams kyis ngus nas smras te gsol ba/ gzi brjid rgyal po mnga' bdag dgongs su gsol/ /srid pa'i dra bar 'khyams pa bdag cag rnams/ /bcing ba lnga yis kun du bcings gyur pa/ /sus kyang ma bcings bcing bar byed med de/ /bdag tu 'dzin pa'i rnam rtog las kyis bcings/ /sna tshogs lus dang 'du shes gnas la sogs/ /bdag 'dzin grong khyer gsum gyi btson ra 'dir/ /'khor ba'i btson chas rnam shes bcings pa la/ /bdag tu 'dzin pa'i mdud pa ma bkrol bas/ /kun du bcings pa'i mdud pa rgyun mi 'chad/ /mi shigs dgrol bar dka' yi sdug bsngal las/ /thugs rje'i mdud dgrol thabs</font><hr>102.157b<br><font size=+1>

kyis dgrol du gsol zhes lus sku'i rgyan du phul lo/ /de nas srin po'i rgyal po sha treng gseng bu la sogs pa rnams kyis shin du ngus nas smres te gsol pa/ dpa' bo sgeg po chen po dgongs su gsol/ /mya ngan gling du 'khyams pa'i bdag cag rnams/ /me chen 'bar bas gdungs shing sreg 'gyur ba/ /sus kyang ma bsregs sreg par byed med de/ /mi zad rnam smin drag po nyid las byung / /zhe sdang 'bar bas rang rgyud bsregs pa la/ /bdag 'dzin khong nas 'bar ba ma bsad pas/ /kun du sreg cing gdung ba rgyun mi 'chad/ /mi zlogs zhi bar dka' ba'i sdug bsngal las/ /thugs rje bsil ba'i char rgyun dbab tu gsol/ /ji ltar khab len rdo la lcags 'du ltar/ /deng nas bzung ste dpa' bo'i 'bangs su mchi zhes so so'i thod pa khrag gis bkang ba bstabs so/ /de nas log sred can gyi tshogs kyis shin du ngus nas smres te gsol pa/ kun snang mun sel sgron ma dgongs su gsol/ /mun nag smag tu 'khyams pa bdag cag rnams/ /lam nor lam stor kun du 'thoms 'gyur te/ /sus kyang ma bkag 'gog par byed med de/ /bdag tu rmongs pa'i ma rig mun pas bsgribs/ /rnam shes gti mug mun pas 'thibs pa la/ /bdag tu rmongs pas mun pa ma bsal bas/ /kun nas bsgribs pa'i mun nag rgyun mi 'chad/ /smag chen sangs par dka' ba'i sdug bsngal las/ /mkhyen rab gsal ba'i sgron ma bstan du gsol/ /zhes skyabs dam par dong ngo/ /de nas mi dang mi ma yin pa'i tshogs kyis shin du ngus nas smres te gsol pa/ thabs mkhas thugs rje sman pa dgongs su gsol/ /grong khyer gsum du 'khyams pa bdag cag rnams/ /'khor ba'i gcong rnying nad kyis zin gyur pa/ /sus kyang ma bzung 'dzin par byed med de/ /bdag 'dzin nyon mongs ma rig nad kyis bzung / /zug rngu bzod dkas rnam shes gzir ba la/ /dngos por 'dzin pa'i gcong rnying ma sbyangs pas/ /kun nas gdung</font><hr>102.158a<br><font size=+1>

ba'i zug rngu rgyun mi 'chad/ /thar med 'tsho bar dka' ba'i sdug bsngal las/ /thabs mkhas thugs rje'i sman gyis sbyang du gsol zhes lus 'bangs su phul lo/ /de nas gnod sbyin gyi tshogs kyis shin du ngus nas smres te gsol ba/ /thabs mkhas thugs rje gru gzings dgongs su gsol/ /'khor ba'i rgya mtshor 'khyams pa bdag cag rnams/ /sdug bsngal rba klong 'jings su bying gyur pa/ /sus kyang ma mnan gnon par byed med de/ /rnam rtog dngos por 'dzin pa'i ri bos mnan/ /las kyi chu bos 'khor bar g.yengs pa la/ /dngos por 'dzin pa'i bska' mgo ma bsgyur bas/ /las dbang drag po chu bo rgyun mi 'chad/ /mi thar 'bog par dka' ba'i sdug bsngal las/ /thabs mkhas thugs rje'i gru yis bsgral du gsol zhes skyabs dam par dong ngo/ /de nas 'byung po'i tshogs kyis shin du ngus nas smres te gsol pa/ rang 'byung bdud rtsi'i rgyal po dgongs su gsol/ /dug chen gling du 'khyams pa bdag cag rnams/ /kun nas myos pa myos shing nyams gyur pa/ /sus kyang ma sbyar sbyor bar byed med de/ /phyin ci log tu lta ba'i dug gis myos/ /dug chen nad kyis rnam shes gzir ba la/ /khong nas 'khyil ba'i dug rtsa ma bcad pas/ /dug nad 'bar ba'i sdug bsngal rgyun mi 'chad/ /mi bzad bzod par dka' ba'i sdug bsngal la/ /rang 'byung dag pa'i bdud rtsis byug tu gsol zhes skyabs dam par dong ngo/ /de nas yang rdo rje srin po des bka' stsal pa/ yin no legs so rigs kyi bu/ /ru tra dag gis khyod re 'khor/ /ru tra dag gis khyod re 'tshog /bdag tu 'dzin pas khyod re 'khor/ /bdag tu 'dzin pas khyod re 'tshog /zhe sdang dag gis khyod re 'khor/ /zhe sdang dag gis khyod re 'tshog /gti mug dag gis khyod re 'khor/ /gti mug dag gis khyod re 'tshog /'dod chags dag gis khyod re 'khor/ /'dod chags dag gis khyod re 'tshog /chu bo bzhi yis khyod re 'khor/ /</font><hr>102.158b<br><font size=+1>

chu bo bzhi yis khyod re 'tshog /  log par lta bas khyod re 'khor/ /log par lta bas khyod re 'tshog /ji ltar khyod ni thams cad du/ /ye nas rgyal ba'i sras yin na/ /grong khyer gsum du ci ste 'khor/ /rang rang rnam rtog las kho na 'o/ /las kyi rgya mtsho dba' rlabs dang / /bdag tu 'dzin pa'i mdud pa dang / /khong nas 'bar ba'i me chen dang / /kun nas 'thibs pa'i mun nag dang / /dngos po rtog pa'i gcong rnying dang / /rnam par g.yeng ba'i chu bo dang / /khong nas 'khyil ba'i dug rtsa rnams/ /rang byung rdo rjes ma byas na/ /gzhan la re gsol gdung smres pa/ /chu 'dod smig rgyu snyeg pa 'dra/ /gang 'dir nyid bder ma sbyar na/ /gzhan gyis bde bar ga la 'gyur/ /ye nas bde bar gnas bzhin du da gdod gang du bde tshol ba/ /btsal bas rnyed par yong mi 'gyur/ /sdug bsngal nyid la mngon par rgyu/ /'o ma dag las mar byung ba/ /de nyid ye nas mar med pa/ /thabs mchog dpag med rgyal bas kyang / /bsrubs pa ma gtogs de mi rnyed/ /de bzhin rang gi de nyid las/ /btsal kyang rgyal bas mi brnyes na/ /khyed ci gzhan las bde 'dod dam/ /mi shes blo chung snying re rje zhes bka' stsal pa dang / lang ka'i bdag po dbang phyug chen po la sogs pa 'dus pa phal po che'i tshogs kyis gsol pa/ kye skyes bu chen po bdag cag rnams rang rang gi de kho na nyid blta bar 'tshal na/ de ji ltar yongs su blta bar bgyi zhes gsol pa las skyes bu chen po des bka' stsal pa/ kye 'dus pa'i tshogs rgyal ba'i sras rnams rang rang gi de kho na nyid mthong bar 'dod na dkyil 'khor chen po gsum gyi sgo 'ba' zhig tu 'jug par bya'o/ /de yang rtsa ba byang chub kyi sems kyi dkyil 'khor 'ba' zhig gi sgor 'jug par bya'o/ /de ci'i phyir zhe na/ dkyil 'khor chen po gsum dang rang rang gi de kho na nyid so so ma yin tha mi dad do/ /de yang rtsa ba byang chub sems kyi dkyil 'khor du 'dus pa'i phyir ro/ /de skad ces bka' stsal pa las/ 'dus pa chen po'i tshogs kyis</font><hr>102.159a<br><font size=+1>

gsol pa/ dpa' bo chen po bdag cag dkyil 'khor gsum du gzhug tu gsol/ skyes bu chen po yang dag par gzhug tu gsol/ de skad ces gsol pa las/ skyes bu chen po des bka' stsal pa/ rnal 'byor 'jug pa'i byis pa khyed/ /'jig rten drug las drangs nas kyang / /'das dang ma 'das sa mtshams kyi/ /'gyur dbang ma nges sa la gzhag ces gsungs so/ /de nas 'dus pa'i tshogs kyis 'di skad gsol to/ /dpa' bo chen po dgongs su gsol/ /bdag cag skal ldan 'dus pa'i tshogs/ /sgo 'dir 'jug par 'tshal lags na/ /rgyal ba'i sras su gzung du gsol zhes gsol pa las/ skyes bu chen pos bka' stsal pa/ skal ldan 'dus pa'i tshogs chen khyed/ /bde bar 'ongs so legs par 'ongs/ /grub pa lung gi gsang sgo 'dir/ /su dag 'ongs pa slar mi ldog ces gsungs so/ /de nas 'dus pa'i tshogs de dag byang chub tu 'gyur ba'i lhag pa'i sems 'di ltar skyes so/ /bdag cag mtha' yas sems can rnams/ /don gyi sangs rgyas yin mod kyang / /rtog pa'i dbang gis 'khor ba la/ /byang chub mchog tu sems bskyed do/ /sems nyid sangs rgyas yin pa las/ /mun pas bsgribs pas de ma shes/ /byang chub sems kyi lam 'di nas/ /sangs rgyas sa la 'jug par bgyi zhes gsol to/ /de nas yang 'dus pa'i tshogs rnams kyis gsol pa/ bde chen lhun grub gzhal yas 'dir/ /rnam par thar pa'i sgo bzhi nas/ /tshad med thugs rje'i sgo phye nas/ /byams pa'i zhal bzangs bstan du gsol zhes gsol to/ /de nas skyes bu chen po des 'di skad ces bka' stsal to/ /e ma'o skal ldan 'dus pa'i tshogs/ /'khor ba'i lam sgo kun bcad de/ /byang chub lam la gzud pa'i phyir/ /rdo rje gsang sgo dbye bar bya zhes gsungs te zhal 'dzum pa'i mdangs las 'od zer phyung bas don la nges par 'jug pa'i sgo bye bar gyur to/ /de nas 'dus pa'i tshogs rnams mgu zhing rangs pa'i sgo nas rnal 'byor du rnam par 'dun nas 'di skad ces</font><hr>102.159b<br><font size=+1>

gsol to/ /pho brang rmad 'byung gzhal yas nas/ /rgyal ba rgya mtsho kun bzhugs la/ /rnal 'byor nges par lhag par mos/ /rdo rje gdung la skyabs su mchi zhes gsol to/ /de nas yang 'dus pa'i tshogs kyis 'di skad ces gsol to/ /thog ma med pa'i dus mtha' nas/ /ma rig log rtog dbang gis na/ /sdig pa bgyis pa ci mchis pa/ /de dag thams cad so sor bshags shes gsol to/ /yang 'dus pa'i tshogs de dag gis 'di skad ces gsol to/ /rig 'dzin rdo rje rgyal ba yis/ /'khor ba ji ltar bsgral ba ltar/ /bdag cag rab tu bsgral ba'i phyir/ /rdo rje nyi ma stsal du gsol zhes gsol to/ /de nas skyes bu chen pos bka' stsal pa/ khyed ni dga' ba ci la dga'/ /khyed ni dad pa ci la dad/ /khyed ni mos pa ji la mos/ /khyed ni 'dod pa ji lta ba/ /de skad ces bka' stsal ba dang / 'dus pa'i tshogs kyis gsol pa/ bdag cag skal ldan bde chen po/ /rab dgyes sems la bdag cag dga'/ /mchog nyid don la bdag cag dang / /e ma'o bde mchog dga' tshal 'dir/ /sangs rgyas mdzad dka' spyad nas ni/ /'gro ba thams cad bsgral bar mos shes gsol to/ /yang 'dus pa'i tshogs kyis gsol pa/ rgyal mchog skyes bu khyed ci 'dra/ /de 'dra kho nar spyad par bgyi/ /spyod pa bsam rgyas rmad 'byung ba/ /'gro la phan pa'i don du spyad/ /'khor ba'i mtha' rings 'jig rten pa/ /ma bsgral ba ni bsgral bar bgyi/ /ma grol ba ni grol bar bgyi/ /dbugs ma phyung ba dbugs phyung ste/ /mya ngan 'das pa'i zhing khams su/ /snying po byang chub nyid du sbyar zhes gsol to/ /de nas yang 'dus pa'i tshogs kyis dam tshig bskul bar gsol ba/ mi phyed gsang ba'i rnal 'byor pa/ /gnyis med don gyi dbyings las byung / /dbyings ni mi 'jig rdo rje ste/ /'du 'bral med par gcig pas na/ /gsang ba gsum gyi dbyings nyid du/ /gnyis su med par nan tan mdzod ces gsol to/ /de nas skyes bu chen po des bka' stsal pa/ rdo rje can gyi rnal 'byor khyed/ /</font><hr>102.160a<br><font size=+1>

rdo rje can du gcig nges na/ /gsang ba gsum du mnyam pa'i phyir/ /mi phyed rdo rje dam tshig sbyin/ /mi phyed rdo rje dam tshig ni/ /gsang ba gsum gyi dbyings nas phyung / /dkyil 'khor gsum gyi dam tshig ni/ /grub na 'jig pa'i dus med do zhes bka' stsal to/ /yang 'dus pa'i tshogs kyis gsol pa/ 'du 'bral med par chos kyi spyan/ /rigs mi mthun yang dam tshig gcig /'da' bar dka' bas bsdus pas na/ /dam tshig can du nan tan mdzod ces gsol to/ /de nas yang skyes bu chen po des yang 'di skad ces bka' stsal to/ /gsang ba gsum gyi dam pa rnams/ /khyed kyis rab tu bslus gyur na/ /de kun khros nas khrag chen po/ /nyams pa'i snying nas drangs te 'thung zhes dam tshig dam pa byin no/ /de nas yang skyes bu dam pa des bka' stsal pa/ ma 'ongs sangs rgyas blo ldan khyod/ /bla med ye shes bskyed pa'i phyir/ /rgyud sbyong gsang ba gsum du bzhugs/ /rang gi me long nyid la ltos/ /gnas gsum nyid du bkod pa yis/ /gsang chen gsang bar rab gsang ba/ /mthong bas de bzhin nyid du 'gyur/ /gzhan min rang byung de kho na/ /blo chung rnams la ma smra shig /gal te smras par gyur na ni/ /tha tshigs drag pos nyams 'gyur nas/ /me chen 'bar ba'i gnas su sreg ces dam tshig dam pa bsgrags so/ /lang ka'i bdag po 'dus pa'i tshogs de dag 'di ltar gsang ba gsum gyi dam par bzhugs pa de'i tshe de'i dus na la la ni 'dun pa'i rnal 'byor la gnas pa sha dag tu gyur to/ /la la ni rigs chen 'byed pa'i rnal 'byor la gnas pa sha dag tu gyur to/ /la la ni dbugs chen 'byin pa'i rnal 'byor la gnas pa sha dag tu gyur to/ /la la ni lung chen thob pa'i rnal 'byor la gnas pa sha dag tu gyur to/ /la la ni rtsal chen rdzogs pa'i rnal 'byor la gnas pa sha dag tu gyur to/ /de ltar na de'i tshe de'i dus nyid na 'dus pa'i tshogs phal mo che de dag ni rdo rje ming gis dbang bskur bas dbang bskur te/ la la</font><hr>102.160b<br><font size=+1>

ni rdo rje myu gu zhes bya bar grags par gyur to/ /de bzhin du la la ni chos kyi myu gu zhes bya bar grags so/ /la la ni rin chen myu gu zhes bya bar grags so/ /la la ni zla ba'i rtsal zhes bya bar grags so/ /la la ni nyi ma'i mdangs zhes bya bar grags so/ /la la ni seng ge'i rtsal zhes bya bar grags so/ /la la ni nam mkha'i rdo rje zhes bya bar grags so/ /de dag las ma rungs pa kha cig ni la la ni rdo rje spyang ki zhes bya bar grags so/ /la la ni rdo rje dus mtshams zhes bya bar grags so/ /la la ni rdo rje phyogs 'dul zhes bya bar grags so/ /la la ni rdo rje dur khrod zhes bya bar grags so/ /ru tra nag po de kho na nyid ni rdo rje ro langs dur khrod kyi bdag po zhes bya bar grags te/ bskal pa chen po bzang po'i yun du gnas nas rnal 'byor yongs kyi mgon po dge bsnyen legs ldan nag po zhes bya bar gyur nas gang dag chos srungs pa rnams kyi srungs ma'i bya ba byed do/ /bskal pa de'i phyi ma la 'og gi phyogs kyi 'jig rten gyi khams thal bas khebs pa zhes bya bar de bzhin gshegs pa thal ba'i dbang po'i dbyangs zhes bya bar mngon par rdzogs par sangs rgyas par 'gyur ro zhes lung bstan pa thob par gyur to/ /lang ka'i bdag po de'i tshe de'i dus na 'jig rten gyi khams rnam pa drug tu g.yos so/ /rab tu g.yos/ kun du rab tu g.yos par gyur to/ /'gul/ rab tu 'gul/ kun du rab tu 'gul to/ /ldeg rab tu ldeg /kun du rab tu ldeg go/ 'ur rab tu 'ur/  kun du rab tu 'ur ro/ /chem rab tu chem/ kun du rab tu chem mo/ /mtha' mtho na dbus dma'o/ /dbus mtho na mtha' dma'o/ /shar mtho na nub dma'/ nub mtho na shar dma'/ byang mtho na lho dma'/ lho mtho na byang dma' bar gyur to/ /'jig rten pa kun kyang ngo mtshar du gyur te mngon par bstod do/ /lha dang bcas pa'i 'jig rten pa kha cig ni de kho na nyid gsang ba dam pa la rjes su yi rang bar gyur to/ /kha cig ni ma skyes pa'i chos la</font><hr>102.161a<br><font size=+1>

bzod pa thob par gyur to/ /kha cig ni chos kyi mig rdul med cing dri ma dang bral ba rnam par dag go/ /kha cig ni phyir mi ldog pa'i sa la gnas par gyur to/ /kha cig ni lung bstan thob pa sha dag tu gyur to/ /de'i tshe de'i dus na ru tra thar pa nag po la sogs pa mi'i thod pa can ma rungs pa rnams skyes bu chen po rdo rje ma rungs pa de la lus kyi bag gzhi sa la phab pa'i phyag rnal 'byor gyi lugs su byas nas thal mo sbyar spyi bos btud nas 'di skad ces gsol to/ /a ho su khak+Sha~M bar+ya de ba shi sha /e ma'o skyes bu chen po g.yo ba phun sum tshogs pa byung ngo/ /chos nyid kyi byin gyi brlabs lags sam/ gzugs phun sum tshogs pa byung ngo/ /gzugs gnas su dag gam/ snying rje'i gzugs lags sam/ /sgra phun sum tshogs pa byung ngo/ /sgra gnas su dag gam/ shes rab kyi sgra lags sam/ dri phun sum tshogs pa byung ngo/ /dri gnas su dag gam/ byang chub sems kyi dri lags sam/ ro phun sum tshogs pa byung ngo/ /ro gnas su dag gam/ ting nge 'dzin gyi ro lags sam/ reg phun sum tshogs pa byung ngo/ /reg gnas su dag gam/ dam tshig gi reg lags sam/ tshor ba phun sum tshogs pa byung ngo/ /tshor ba gnas su dag gam/ tshor ba btang snyoms lags sam/ bdag cag ni sngon bas mthu rtsal skyes pa snyam bgyid do/ /rdzu 'phrul skyes pa snyam bgyid do/ /dbang thob pa snyam mo/ /rig pa shar ba snyam mo/ /de lta bu'i 'byung gnas sangs rgyas kun gyi gsang ba dam pa 'di ni 'di ltar zab pa/ 'di ltar rgya che ba/ mchog dam pa gya nom pa/ phul du gyur pa 'di mthong bar mdzad pa'i skyes bu chen po khyod bdag cag rnams kyi pha lags so/ /bdag cag rnams kyi ma lags so/ /skyes bu chen po nyid lta ma lags kyi dam pa 'di la gnas pa'i gang zag gang zhig kyang bdag cag rnams kyi pha lags so/ /bdag cag rnams kyi ma lags so/ /srid pa 'gre bzlog kyang</font><hr>102.161b<br><font size=+1>

bka' 'gre mi bzlog /kye ma'o skyes bu chen po khyed lta ci smos/ khyod kyi dam pa 'di la gnas pa'i gang zag kyang 'di ltar lha'i dbang po gtsug gi nor bu bzhin spyi bos bskur bar bgyi'o/ /de'i khyo mo dang / bu dang / bu mo dang / nor dang / g.yog dang / yang g.yog dang / 'khor dang / nye du dang / snag gi gnyen mtshams dang / phru ma dang / yul 'khor dang / yul khams kyi skye bo gang chos yongs su srung ba rnams kyang bsrung ba dang / bskyab pa dang / sba bar bgyi'o/ /chos srung ba de dag la 'tshe ba'i mi dang mi ma lags pa gang lags pa de dag kyang yongs su gzhom zhing brlag par bgyi'o/ /mtshams gcad cing bcing bar bgyi'o/ /de dag gi gang bsam pa dang ci bcol ba ril yang bran gyi bya bas yongs su rdzogs par bgyi'o/ /de dag gis kyang chos srung zhing chos bzhin du gnas nas bdag cag rnams kyi ci yang yid bzhin du grub pa/ lha chen po rnams kyis gsang sngags 'jig rten mngon rtags kyi 'byung gnas rdo rje mthu bo ches mngon pa'i mthu can du brjod pa dang / dam rdzas dang / dge mtshan dang / rtags rten rnams kyang bdag cag dang 'brel ba'i ched du bcang bar bgyi ba lags so/ /de ci'i slad du zhe na/ de dag ni bdag cag gi dam pa lags pa'i slad du'o/ /kye ma'o skyes bu chen po 'di lta ste/ bdag cag rnams kyi gsang sngags mngon pa'i mthu can 'di ni bsnyen bsgrub yan lag bzhi dang bcas pa ste/ de yang gang zhe na 'di lta ste/[ \u0f00] b+hur khud ma hA pra NA ya/ b+hu rtsi b+hurki/ byig ge/ bi ma na se/ e ho shi mo/ uts+tshuSh+ma kro d+ha hU~M hU~M phaT phaT swA hA/ skyes bu chen po de ni bsnyen pa'i yan lag lags so/ /o~M b+hu du gurma/ a pra Na/  b+hurtsi tsi kyi phyi/ ma na s+ye/ kha sho mo ga kro ta/ hU~M hU~M phaT phaT swA hA/ skyes bu chen po de ni nye ba'i bsnyen par rig par bya'o/ /\u0f00 b+hu du ku ru/ i tsi ki phyi uts+tshu sma kro d+ha hU~M phaT/  skyes bu chen po 'di ni sgrub par rig par bya'o/ /o~M b+hurku ti phaT/ skyes bu chen po 'di ni sgrub pa chen por rig par bya'o/ /skyes bu chen po 'di dag kyang re re zhing</font><hr>102.162a<br><font size=+1>

'bum 'bum rdzogs nas gdod cig gang bya ba'i las la 'jug na the tshom ma mchis par 'grub pa lags so/ /de ci'i slad du zhe na/ dus gsum gyi sangs rgyas rnams kyang mngon pa'i mthu can du bsngags pa brjod pa lags so/ /rdo rje mthu bo ches kyang 'jig rten gyi mngon rtags 'dis mdzad pa lags so/ /bdag cag rnams kyis kyang cho 'phrul gyi mngon rtags 'dis bgyid pa lags te/ skyes bu chen po gsang sngags 'di gang gis ched du gnyer bar mngon rtags ma mchis na bde ba yong ma mchis pa lags so/ /bka' tshad ma rnams kyang nges par ma mchis pa lags so/ /bdag cag rnams kyang rang rang gi ngag bden pa'i dam pa las nyams pa'i slad du dmyags ma mchis par mgo 'gas shing khrag tu skyug pa lags so/ /skyes bu chen po de bas na gsang sngags 'di la ni the tshom ma mchis te gang zhig gang la phan pa sgrub cing ngo mtshar bskyed pa dang / blun po dag sangs rgyas kyi bka' la yid ches par bgyi pa'i thabs dam pa rnams kyis bshad pa lags te/ de dag gis yan lag bzhi pa 'di rtag tu bsten na legs so zhes gsol pa las/ skyes bu dam pa des bka' stsal pa/ a hoH/ rigs so/ /stad do/ /yin no/ /nges so/ /bden no/ /legs so/ /ma rungs pa khyed ma dang bcas/ chung ma dang bcas/ bu dang bu mo dang bcas/ g.yog dang yang g.yog dang bcas pa khyed rnams brtse ba dang ma bral na mar bya'o/ /gdung ba dang ma bral na sring mor bya'o/ /brtson pa dang ma bral na bran du bya'o/ /byang chub kyi sems dang ma bral na bur bya'o/ /'du 'bral med na slob mar bya'o/ /bskul ba la mgyogs na pho nyar bya'o/ /bka' bzhin byed na bka' la gdags so zhes rnal 'byor chen po'i gral du bzhag ste/ chos dang gang chos srung ba rnams kyi srungs mar dbang byin no/ /sangs rgyas kun gyi dgongs pa 'dus</font><hr>102.162b<br><font size=+1>

pa'i mdo chen po las thar pa nag po ma grol ba la grol bar lung bstan pa'i le'u ste sum bcu gcig pa'o// //theg pa chen po nges par 'byung ba'i tshul las gdul bya'i skabs la bab pa'i tshe na ru tra yongs su btul ba'i gtam rgyud brjod pa'i chos kyi phyag rgya'i ye shes rnam par bgros pa ste byung tshul bstan pa drug pa'o// //    bam po lnga par zug pa/ de nas yang lang ka'i bdag po byang chub sems dpa' sems dpa' chen po des gsang ba pa'i bdag po de la sngon du byung ba'i tshig bcu gnyis pa'i bdun pa byin gyi brlabs las snang ba na yang byung zhes 'byung ba 'di skad ces dri ba yongs su dris pa/ kye gsang ba pa'i bdag po nyid kyis theg pa chen po gsang ba dam pa byung ba'i tshul ston pas lung bstan pa gtam du brjod pa'i skabs su byin gyi brlabs las snang ba na yang byung zhes brjod pa de ji lta bu zhig tu snang zhing grags pa lags/ smras pa/ lang ka'i bdag po gang gdul bya'i skabs la bab par gdul bya yongs su rdzogs pa'i skyes bu de dag yongs su snang ba de kho na nyid la bya'o/ /smras pa/ gsang ba pa'i bdag po gang gdul bya bskabs la bab par gdul bya yongs su rdzogs pa'i skyes bu dam pa de dag gang du ji ltar snang bar 'gyur/ de skad ces dris pa las/ gsang ba pa'i bdag pos 'di skad ces smras so/ /kye lang ka'i bdag po gdul bya yongs su rdzogs pa'i skyes bu dam pa de dag ni thams cad yongs su snang bar 'gyur ro/ /dris pa/ de ji ltar yongs su snang bar 'gyur/ smras pa/ lang ka'i bdag po skyes bu dam pa de dag ni chos rnams kyi chos nyid de kho na nyid las mi gzhan la/ de las ni rnam shes dang / ye shes dang / sku dang / sprul pa dang / yi ge dang / tshig dang / chos dang / sku gdung dang ring bsrel la sogs pa chos thams cad du snang ngo/ /lang ka'i bdag po de kho na nyid kyi byin gyi brlabs 'ba' zhig las snang bar 'gyur te/ lang ka'i bdag po ji lta ji ltar nam mkha'i dbyings na nyi zla skar</font><hr>102.163a<br><font size=+1>

tshogs las ma g.yos pa'i gzugs brnyan chu dang ba tha dad par snang ba bzhin/ chos rnams kyi chos nyid gsang ba'i dbyings rnam par dag pa las chos thams cad snang ba yin la/ chos thams cad ni sku gsung thugs yon tan phrin las lnga kho nar zad de/ de ni gang theg pa chen po'i gsang sngags mtshon par byed pa'i sgor snang ba yin no/ /de ci'i phyir zhe na/ chos thams cad kyi rang bzhin gsang ba'i dbyings gang yin pa de ni theg pa chen po'i gsang sngags de kho na nyid yin par phyin ci ma log par nges pa'i phyir ro/ /de la ni ngo bo nyid kyi sku zhes bya bar grags shing grags par gyur to/ /lang ka'i bdag po gang sems kyi chos nyid las ni rnam par shes pa bzhir snang la/ rnam par shes pa bzhi ni rtsa ba'i rnam par shes pa dang / dmigs pa'i rnam par shes pa dang / kun du snang ba'i rnam par shes pa dang / 'jug pa'i rnam par shes pa'o/ /rnam par shes pa bzhi las ye shes chen po lngar snang ste/ sems kyi chos nyid de kho na nyid las chos nyid kyi dbyings kyi ye shes su snang ngo/ /rtsa ba'i rnam par shes pa las me long lta bu'i ye shes su snang ngo/ /dmyigs pa'i rnam par shes pa las mnyam pa nyid kyi ye shes su snang ngo/ /kun du snang gi rnam par shes pa las so sor rtog pa'i ye shes su snang ngo/ /'jug pa'i rnam par shes pa las bya ba grub pa'i ye shes su snang ngo/ /lang ka'i bdag po de yang min pa zhig yin par bsgrubs pa 'am/ mi 'dra ba zhig 'dra bar bcos pa ni ma yin gyi/ ma bcos/ ma bslad/ ma byas pa/ ma brtsams par ye nas rang bzhin gyis de ltar snang ba nyid du zad do/ /de nas lang ka'i bdag pos dris pa/ gsang ba pa'i bdag po gang gi ye shes 'di ltar lnga kho nar zad dam/ 'on te gzhan tha dad par yang snang / smras pa/ lang ka'i bdag po ye shes ni gang gi dbang gis lngar yang snang la/ bsam gyis mi khyab pa dang / skad cig bcu</font><hr>102.163b<br><font size=+1>

drug dang / rigs gcig pa dang / rnam pa gsum dang / de kho na nyid gsum dang / rnal 'byor bzhi dang / rang 'byung ba gcig go/ lang ka'i bdag po de la ye shes lnga so sor ma 'dres pa las ni rigs lngar snang la yongs su rdzogs pa las ni sku bzhir snang ngo/ /'di lta ste/ rtsa ba'i rnam par shes pa me long lta bu'i ye shes las ni rdo rje'i gdung dang sde'i sangs rgyas sha dag tu snang ngo/ /sems kyi chos nyid chos kyi dbyings kyi ye shes de kho na nyid las ni glang po'i gdung dang sde'i sangs rgyas sha dag tu snang ngo/ /de nyid la ni ngo bo nyid kyi sku zhes snang la/ ye shes de gnyis 'dus pa las ni chos kyi skur snang ngo/ /dmigs pa'i rnam par shes pa mnyam pa nyid kyi ye shes las ni nor bu'i gdung dang sde'i sangs rgyas sha dag tu snang ngo/ /kun du snang ba'i rnam par shes pa so sor rtog pa'i ye shes las pad mo'i gdung dang sde'i sangs rgyas sha dag tu snang ngo/ /ye shes de gnyis 'dus pa las ni rdzogs longs spyod pa'i skur snang ngo 'jug pa'i rnam par shes pa bya ba grub pa'i ye shes las gzhon nu'i gdung dang sde'i sangs rgyas sha dag tu snang ngo/ /de nyid las ni gsang ba'i sku dang sprul pa'i sku tha dad par snang ngo/ /sprul pa'i sku tha dad pa las ni yi ge tha dad pa dang / tshig tha dad pa dang / chos kyi sgo dpag tu med pa dang / sku gdung dang ring bsrel tha dad par snang ste/ de dag ni theg pa chen po gsang sngags kyi sgo mtshon par snang ba yin no/ /lang ka'i bdag po de bas gsang sngags ni chos thams cad la thams cad du rang bzhin gyis snang ba yin la/ skyes bu dam pa rnams ni gsang sngags kyi byin gyi brlabs kyis snang bar ston par mngon pa yin no/ /lang ka'i bdag po de ci'i phyir zhe na/ gsang sngags kyis ma khyab pa dang / mi gnas pa dang / gsang sngags su ma gyur pa'i chos ni gang yang med de/ gsang sngags kyi nges pa phyin ci ma log par rnyed pa'i skyes bu dam pa la la dag gsang sngags mthong</font><hr>102.164a<br><font size=+1>

bar 'dod pa'i me long du ni thams cad 'gyur te/ ji lta ji ltar sangs rgyas nas srog chags ldem bu dang nam mkha' nas phra rdul yan chad kyis lhan ne/ lhang nge/ lhag ger gsal bar byed pa'o/ /the tshom gcod par byed pa'o/ /mdzod dam par gyur pa'o/ /glegs bam chen por gyur pa'o/ /rgya chen por bshad pa'o/ /yongs su go bar sgrogs pa'o/ /lang ka'i bdag po de bas na gsang sngags ni rang bzhin gyis snang bar zad la/ skyes bu dam pa rnams kyis ni byin gyi brlabs kyis ston par zad do/ /lang ka'i bdag pos smras pa/ gsang ba pa'i bdag po ci ga thams cad snang ba de gsang sngags sam/ 'on te thams cad kyi rang bzhin mi snang ba de gsang sngags sam/ ci gnyi ga ma yin pa zhig gsang sngags yin/ gsang ba pa'i bdag pos smras pa/ kye lang ka'i bdag po thams cad snang ba de yang gsang sngags ma yin/ gal te gsang sngags yin na ni gsang sngags zhes brjod pa nyid 'gal la/ gang sems can gyi 'du shes dang sangs rgyas kyi dgongs pa yang khyad par med par 'gyur ro/ /de las gzhan yang gsang sngags yod pa ma yin/ gal te de las gzhan pa 'ba' zhig gsang sngags yin na ni thams cad chos nyid du ma 'dus par 'gyur ro/ /thams cad kyi rang bzhin mi snang ba de yang gsang sngags yin na ni/ gzhan du mu chad pa dag yang dag par rdzogs pa nyid du gyur to/ /gang gnyi ga ma yin pa de yang gsang sngags ma yin/ gal te gnyis ga ma yin pa zhig gsang sngags yin na ni gsang sngags zhes bya ba zhig btsal bas rnyed pa'i gnas gzhan na med do/ /lang ka'i bdag pos smras pa/ gsang ba pa'i bdag po 'o na ci/ gsang sngags shes bgyi ba gang lags gsang ba pa'i bdag pos smras pa/ lang ka'i bdag po gsang sngags shes bya ba ni snang ba dang mi snang ba gnyis su med pa/ gnyis kyi ngo bo nyid las grol ba/ dbu mar mi dmigs</font><hr>102.164b<br><font size=+1>

pa gang yin pa de kho na nyid do/ /lang ka'i bdag pos smras pa/ gsang ba pa'i bdag po 'o na gsang sngags kyi ngo bo de rab tu dpag par dkar zhing blta bar dka' na de gang gis blta bar bya/ /gsang ba pa'i bdag pos smras pa/ lang ka'i bdag po gsang sngags kyi ngo bo de ni gang gi blo shin du zhib pa/ chos zhib pa/ shin du zab pa/ ches zab pas blta bar bya'o/ /smras pa/ gsang ba ba'i bdag po blo zhib pa/ shin du zhib pa/ ches zhib pa ni gang lags/ shin du zab pa/ ches zab pa ni gang lags/ smras pa/ lang ka'i bdag po blo shin du zhib pa/ ches zhib pa ni 'di lta ste/ gang la la dag sa'i khams 'di la dpag tshad gcig la rdul phra rab mi 'khrugs khrag khrig gcig dang / bye ba khrag khrig 'bum phrag sum bcu dang /  bye ba drug bcu phrag brgya dang / bye ba phrag sum bcu rtsa gnyis dang / 'bum phrag lnga dang khri nyis stong yod la/ de dag la yang me dang / chu dang rlung gi rdul phra rab tu phye nas stong gsum gyi stong chen po'i 'jig rten gyi khams chen po gcig la rdul phra rab tu yod pa'i rtsis kyis gcod pa dang / gzhan yang phyi'i sa chen po 'di la dbyibs tha dad pa mtha' yas pa dag brtags te 'di dag ni 'byung ba 'khyugs pa dang / 'khyul ba dang / 'phris pa dang / 'khyogs pa dang / 'khril ba dang / 'khyil ba dang / ljar ba dang / gshar ba dang / zha ba dang / ldems pa dang / 'bus pa dang / 'khris pa dang / 'chus pa la sogs pa tha dad pa'i dbang gis so sor rtog pa dang / gzhan yang ming dang / brda dang / mtshan ma dang / tha snyad dang / btags pa sna tshogs kyi rjes su 'jug cing so so'i mtshan nyid mtha' yas par rjes su rtog mtha' mangs pa dang / dpyod mtha' cher 'gro ba dag gi rgyus thams cad mkhyen pa dag gi rgyur 'gro zhes zer ba dag yod de/ lang ka'i bdag po de dag la ni shin du zhib pa/ ches zhib pa zhes mi bya'i/ de dag ni rtsing ba/ </font><hr>102.165a<br><font size=+1>

ches rtsing ba zhes bya'o/ /de ci'i phyir zhe na/ blun po gang dag bye ma la gser phye btsag par 'dod na lhang tsher la gser phyer 'du shes te tshol ba bzhin/ rnam pa thams cad mthong zhing rnyed par mi 'gyur ro/ /de ci'i phyir zhe na/ de la ni rnam pa thams cad yod de ye shes med pa'i phyir ro/ /lang ka'i bdag po gang blo zhib pa/ ches zhib pa ni 'di lta ste/ chos gcig gi chos nyid de kho na nyid phyin ci ma log par shes pas chos thams cad kyi chos nyid de kho na nyid phyin ci ma log par shes pas so/ /gang rdul phra rab dang / dbyibs sna tshogs dang / ming dang / brda dang / mtshan ma dang tha snyad dang / btags pa thams cad ngang gis shes par 'gyur te/ de la ni rnam pa thams cad dang / ye shes gnyis su med pa/ gnyis kyi ngo bo las grol bar yod pa'i phyir ma mthong mi shes pa'i chos gcig kyang med do/ /lang ka'i bdag po blo zab pa/ ches zab pa ni gang zhe na/ gang la la dag chos thams cad la mu dang / gting dang / mtha' dang / dbus tshol zhing 'byed pa dag yod de/ de dag ni blo zab pa ches zab pa zhes mi bya'i/ thug pa nyid du thug pa zhes bya'o/ /de ci'i phyir zhe na/  gang 'khrul pa dag mig rgyu la chur 'du shes te snyeg pa 'am/ ldongs pa dag nam mkha'i mtha' tshol ba bzhin/ chos thams cad kyi mu dang / gting dang / mtha' dang / dbus btsal bas kyang mi rnyed la dbye bar yang med do/ /lang ka'i bdag po 'on tang ni chos thams cad la mu dang gting med pa/ mtha' dang dbus med par chub pa gang yin pa de ni blo zab pa/ ches zab pa zhes bya'o/ /de ci'i phyir zhe na/ sangs rgyas kun gyi dgongs pa thams cad ni rtog dpyod dang bral ba'o/ /lang ka'i bdag po/ de'i phyir gsang sngags kyi ngo bo la ni rab tu dpag par dka' ba'i phyir blo zhib pa/ ches zhib pa zab pa ches zab pas blta bar bya'o/ /smras pa/ gsang ba pa'i bdag po gsang ba'i dbyings de dpe gang las ltos te shes par</font><hr>102.165b<br><font size=+1>

bya/ smras pa/ lang ka'i bdag po gsang ba'i dbyings der dper bya ba ni 'jig rten na med do/  re zhig dper nye bar mngon sum par bya na nam mkha' la gzung bar bya ste/ nam mkhas kyang bskrun du yod pa ma yin te/ 'jig rten na mngon sum pa'i dper de las med pa'i phyir dper nam mkha' las ltos te de las shes par bya'o zhes dam pa rnams kyis bshad do/ /smras pa/ gsang ba pa'i bdag po gsang ba'i dbyings dang nam mkha' gnyis chos ji ltar 'thun par sbyar bar byas/ smras pa/ lang ka'i bdag po gsang ba'i dbyings dang nam mkha' nyid du kun du chos 'thun pa ni ma yin te/ rang rig stong pa nyid dang / rig med stong pa nyid kyi phyir ro/ /smras pa/ gsang ba pa'i bdag po 'o na ci ga gsang ba'i dbyings der nam mkha' ma 'dus pa zhig gam/ smras pa/ lang ka'i bdag po de ji snyam du sems/ gsang ba'i dbyings der ni nam mkha' 'dus la/ nam mkha'i khongs su ni gsang ba'i dbyings ma 'dus so/ /smras pa/ gsang ba pa'i bdag po nam mkha' gang lags/ smras pa/ lang ka'i bdag po nam mkha' ni gang go skabs yod pa kho na'o/ /smras pa/ gsang ba pa'i bdag po 'o na cig gsang ba'i dbyings de nam mkhas ji ltar mtshon te shes par 'gyur/ smras pa/ lang ka'i bdag po chos 'thun pa'i dpe nye bar bzung ba ste/ gang gi go skabs yod pa dang med pa la zad mi shes pa dang / stong pa la thams cad 'byung ba ste/ phyogs tsam du chos de dag 'thun kyang rang rig pa'i dper ni phyogs med do/ /gsang ba'i dbyings de ni thams cad rang rig pa'i phyir rang 'byung gi ye shes zhes bya ste/ ye shes de la ni skabs kha cig tu ni rnam par mi rtog pa'i ye shes zhes bya'o/ /kha cig tu ni stong pa nyid kyi ye shes zhes bya'o/ /kha cig tu ni chos kyi dbyings kyi ye shes zhes bya'o/ /kha cig tu ni rnam dag gsal ba'i ye shes zhes bya'o/ /kha cig tu ni mnyam pa nyid kyi ye shes zhes</font><hr>102.166a<br><font size=+1>

bya'o/ /kha cig tu ni so sor rtog pa'i ye shes zhes bya'o/ /kha cig tu ni bya ba grub pa'i ye shes zhes bya'o/ /lang ka'i bdag po de dag la ni nam mkha' lta bu'i ye shes dang / me long lta bu'i ye shes dang / chen po lta bu'i ye shes dang sna tshogs bkod pa'i ye shes dang / yid bzhin nor bu'i ye shes zhes kyang bya'o/ /lang ka'i bdag po me long ni chos mthun pa'i dpe nye bar bzung ba ste/ skyon sel pa dang /  lags pa skyed pa dang / gsal bar byed pa dang gzugs brnyan 'byung ba dang / rtsol ba med pa dang / mngon par 'du byed pa med pa dang / ldan pa ma yin pa dang / mi ldan pa ma yin pa dang / mi nye ba dang / mi ring ba dang / kun nas 'byung ba dang / tshad yongs su ma chad pa dang / gzhan ma yin pa dang / bsgribs pa ma yin pa dang / mun pa ma yin pa dang / bskal pa ma yin pa ste/ lang ka'i bdag po phyogs tsam du chos de dag 'thun kyang rang rig pa nyid kyi dper ni phyogs med do/ /lang ka'i bdag po chen po ni chos 'thun pa'i dpe nye bar bzung ba ste/ yongs su rdzogs par rig pa nyid de/ che chung med par yongs su rdzogs pa dang / ring thung med pa dang / bzang ngan med pa dang / skyon yon med pa dang / blang dor med pa dang / legs nyes med pa dang / gtsang sme med pa dang / bde sdug med pa dang / mtho dman med pa dang / yangs dog med pa dang / sgro skur med pa dang / 'dres pa med pa dang / mi phyed par yongs su rdzogs pa ste/ lang ka'i bdag po phyogs tsam du chos de dag 'thun kyang rang rig pa nyid kyi dper ni phyogs med do/ /lang ka'i bdag po sna tshogs bkod pa ni/ chos 'thun pa'i dper nye bar bzung ba ste/ gnas pa dang /  'jug pa dang / ma 'dres pa dang / gsal ba dang / rnam par phye ba dang / longs spyod sna tshogs dang / snang ba dang / kun du ma rmongs pa ste/ lang ka'i bdag po phyogs tsam du chos de dag 'thun kyang rang rig pa nyid kyi dper ni phyogs med do/ /lang ka'i bdag po nor bu rin</font><hr>102.166b<br><font size=+1>

po che ni chos 'thun pa'i dpe nye bar bzung ba ste rnam par mi rtog pa dang / bya ba byed pa dang / 'dod pa 'byung ba dang / dgos pa tshang ba dang / re ba skong ba dang / rgyun mi 'chad pa dang / dga' ba skyed pa dang / mi zad pa dang / bde ba la 'god pa dang / thams cad du grub pa dang / thogs pa med pa dang / mi skyor ba dang / rab tu sbyin pa dang / dgos pa grub pa ste/ lang ka'i bdag po chos de dag phyogs tsam du 'thun kyang rang rig pa nyid kyi dper ni phyogs med do/ /smras pa/ gsang ba pa'i bdag po ye shes zhes bya ba de gang don gyi dbang gang gi tshig bla dgas lags/ smras pa/ lang ka'i bdag po chos thams cad ye ji bzhin pa'i don phyin ci ma log pa'i skye 'gag med par mkhyen pa las btags pas na de na don gyi dbang de kho na'i tshig bla dgas su shes par bya'o/ /lang ka'i bdag po yang 'di ltar nam mkha' lta bur gyur pa dang / me long lta bur gyur pa dang / 'ja' tshon lta bur gyur pa dang / dbyibs dang kha dog lta bur gyur pa dang / sprin rlangs lta bur gyur pa dang / ma bcos par snang ba de phyogs tsam du chos de dag 'thun kyang rang rig pa nyid kyi dper ni phyogs med do/ /lang ka'i bdag po thams cad gsal ba dang / sgo mi 'gag pa dang / cho 'phrul 'byung ba dang / gcig tu sdud pa dang / phun sum tshogs pa ste de dag ni bya ba byed par rig par bya'o/ /lang ka'i bdag po ma 'dres pa dang / yongs su rdzogs pa dang / ma 'dres pa yongs su rdzogs pa'i ril dang / rgyun dang / dmigs pa med pa ste/ de dag ni blta bar snang bar rig par bya'o/ /lang ka'i bdag po ma 'gags pa dang / ma 'phros pa dang / ma 'tshol ba dang / ma lus pa dang /  rgyur gyur pa ste de dag ni rtsal gyi nus par rig par bya'o/ /lang ka'i bdag po de ltar na sems las ni sems snang ba yin la/ snang ba ni ye shes ngos zin par bya ste/ de dag kyang gsang ba dam pa de kho na nyid kyi byin gyi brlabs snang bar rig par bya'o zhes smras pas/ lang</font><hr>102.167a<br><font size=+1>

ka'i bdag po la sogs pa dman pa'i lus kyi sems dpa' rnams thugs yongs su rtog pa'i the tshom chad do/ /sangs rgyas kun gyi dgongs pa 'dus pa'i mdo chen po las thugs ye shes snang ba dam pa'i rgyan bkod pa'i le'u ste sum bcu gnyis pa'o// // de nas yang lang ka'i mnga' bdag byang chub sems dpa' sems dpa' chen po des gsang ba pa'i bdag po la dris pa/ gsang ba pa'i bdag po sems kyi de kho na nyid ni gang lags/ rnam par shes pa ni gang lags/ ye shes ni gang lags/  sku zhes gang la bgyi/ gsang ba pa'i bdag pos smras pa/ lang ka'i bdag po dris pa de bzhin ni 'di skad du thos so/ /sems ni sems dang / sems snang ba dang / sems las byung ba ste/ de nyid dang / de 'jug pa dang / de rgyun no/ /rnam par shes pa ni kun gzhi dang / 'jug par byed pa'i yid dang rgyun du 'byung ba'i sgo lnga'o/ /ye shes ni gang de nyid du ngos zin pa'o/ /sku ni gang gi 'byung 'jug snang ba'i gzhi'o/ /yang lang ka'i bdag pos dris pa/ gsang ba pa'i bdag po ngos zin pa ni gang / 'byung ba ni gang / 'jug pa ni gang / snang ba ni gang / gzhi ni gang / gsang ba pa'i bdag pos smras pa/ lang ka'i bdag po gang dri ba de lnga ni 'di skad du thos so/ /gang ngos zin pa ni gzhan nas ma byung bar ma zin pa nyid do/ /de ci'i phyir zhe na/ lang ka'i bdag po gal te gzhan nas 'byung ba zhig na glo bur ba ste ye shes zhes bya ba de nyid de ltar mi rung ngo/ /'byung ba ni sprul pa la bya'o/ /de ci'i phyir zhe na/ sprul pa ni ma byung ma myong gang du rgyun du 'byung ba'o/ /'jug pa ni rdzogs longs spyod pa ste/ de ci'i phyir zhe na/ de ni nang du yang dag gnas pa nyid du gang gi rnal 'byor 'jug par byed pa nyid do/ /snang ba ni chos kyi sku ste/ de ci'i phyir zhe na/ gnyis 'dus pa las gnyis 'byung ba'i rang bzhin du snang ba'o/ /gzhi ni ngo</font><hr>102.167b<br><font size=+1>

bo nyid kyi sku ste/ de ci'i phyir zhe na/ chos thams cad 'byung ba'i gzhi dngos po med pa'i ngo bo nyid kyi phyir ro/ /yang lang ka'i bdag pos dris pa/ gsang ba pa'i bdag po sprul pa ni gang / rdzogs longs spyod pa ni gang / chos kyi sku ni gang / ngo bo nyid ni gang / gsang ba pa'i bdag pos smras pa/ lang ka'i bdag po gang 'di ltar dri ba 'di bzhi ni 'di skad du thos so/ /sprul pa ni gang med pa las rgyun gyis 'byung ba la bya'o/ /rdzogs longs spyod pa ni smin pa phun sum tshogs pa la bya'o/ /chos kyi sku ni yongs su rnam par dag pa la bya'o/ /ngo bo nyid ni ji bzhin pa de nyid la bya'o/ /yang lang ka'i bdag pos dris pa gsang ba ba'i bdag po rgyun gyi 'byung ba ni gang / smin pa phun sum tshogs pa ni gang / yongs su rnam par dag pa ni gang / ji bzhin pa de nyid ni gang / gsang ba pa'i bdag pos smras pa/ lang ka'i bdag po 'di ltar dri ba bzhi ni 'di lta ste/ rgyun gyi 'byung ba ni sems las gyur pa rgyun mi 'chad pa'o/ /smin pa phun sum tshogs pa ni sems las byung ba'o/ /yongs su rnam par dag pa ni sems snang ba'o/ /ji bzhin pa de nyid ni sems nyid do/ /lang ka'i bdag po de ci'i phyir zhe na/ gang gyur pa mun pa sangs na sprul pa mngon du snang ngo/ /gang 'byung ba mun pa sangs na rdzogs longs spyod pa mngon du snang ngo/ /gang snang ba mun pa sangs na chos kyi sku mngon du snang ngo/ /ngo bo nyid la ni mun pa dang / snang ba dang / sangs pa dang / 'thibs pa las 'das pa'i phyir tshig gi lam dang yongs su bral ba nyid do/ /lang ka'i bdag po de dag nyid la ni snying po gsang ba'i khyad par gyis dag pa dang ma dag pa yod par rig par bya'o/ /smras pa/ gsang ba ba'i bdag po dag pa ni gang lags/ ma dag pa ni gang lags/ smras pa/ lang ka'i bdag po 'di lta ste/ gang du dag pa dang / phyogs su dag pa dang / yongs su rnam par dag pa dang / thams cad</font><hr>102.168a<br><font size=+1>

nas thams cad du dag pa chen po'o/ /lang ka'i bdag po de la gang du dag pa ni 'di lta ste/ gang gsum du snang ba zhi ba ni rnam par dag pa'o/ /chos kyi dbang phyug ni smin pa'o/ /chos kyi rgyal tshab ni rgyun no/ /phyogs su dag pa ni 'di lta ste/ gang la ma rig par rang rig pa ni rnam par dag pa'o/ /bde ba bzhugs pa ni smin pa'o/ /gang du snang ba ni rgyun no/ /yongs su rnam par dag pa ni 'di lta ste/ gang nam mkha' nyid ni rnam par dag pa'o/ /bde ba la longs spyod pa ni smin pa'o/ /yongs su bsgyur ba ni rgyun no/ /thams cad nas thams cad du dag pa chen po ni 'di lta ste/ gang bzhir snang ba/ gang ma bslad pa ni de nyid do/ /gang sku med pa ni rnam par dag pa'o/ /yongs su rdzogs pa ni smin pa'o/ /cir yang 'byung ba ni rgyun no/ /lang ka'i bdag po de la gang du dag pa dang / phyogs su dag pa dang / yongs su rnam par dag pa ni ma dag pa zhes bya'o/ /de ci'i phyir zhe na/ thams cad du dag par byar med pa la dag par 'dod cing dag par byed pa'i phyir ro/ /smras pa/ gsang ba pa'i bdag po ci ga de la gang du dag pa dang / phyogs su dag pa/ dag yongs su rnam par dag pa de la dag pa zhes ci'i phyir brjod/ smras pa/ lang ka'i bdag po de dag ni gang yongs su bsgribs pa las gang du sangs pa dang / phyogs su sangs pa dang / yongs su rnam par sangs pa'i phyir ro/ /lang ka'i bdag po thams cad nas thams cad du dag par byar med pa la ni dag pa zhes bya'o/ /de ci'i phyir zhe na/ de la ni dag par bya ba'i rgyu ci yang med pa'i phyir ro/ /yang lang ka'i bdag pos dris pa/ gsang ba ba'i bdag po rgyun yin la smin pa ma yin pa ni gang / smin pa yin la rgyun ma yin pa ni gang / gnyis ga yin pa ni gang / gnyis ga ma yin pa ni gang zhes dris pa las/ smras pa/ lang ka'i bdag po ji skad du dri ba bzhi ni 'di lta ste/ rgyun yin la smin</font><hr>102.168b<br><font size=+1>

pa ma yin pa ni gang 'das kyang pad mo'i dbang gis 'khor ba dpag tu med pa la phan 'dogs pa'o/ /smin pa yin la rgyun ma yin pa ni sa'i snga rol nyid do/ /gnyis ka yin pa ni gang lhag ma dang bcas pas 'das pa'o/ /gnyis ga ma yin pa ni rnam par dag pa'o/ /yang lang ka'i bdag pos dris pa/ gsang ba pa'i bdag po de dag gi mdzad pa ni gang lags/ sku ni gang lags/ dgongs pa ni gang lags/ gzhi ni gang lags/ smras pa/ lang ka'i bdag po de dag gi mdzad pa ni sangs rgyas kun gyi mdzad pa ste rgyun gyi bya ba cir yang snang ba'o/ /sku ni sangs rgyas kun gyi sku ste yongs su smin pa'o/ /dgongs pa ni sangs rgyas kun gyi dgongs pa ste rnam par dag pa'o/ /gzhi ni sangs rgyas kun gyi 'byung gnas te de nyid do/ /lang ka'i bdag po de dag ni mang po dang / gcig dang / gcig mang po dang / de dag las 'das pa zhes kyang bya'o/ /de ci'i phyir zhe na/ rgyun ni sna tshogs dpag gis mi lang ba'i phyir mang po zhes bya'o/ /smin pa ni gang thams cad gcig pa'i phyir gcig ces bya'o/ /rnam par dag pa ni rgyun dang smin pa'i gzhir gyur pa'i phyir gcig mang po zhes bya'o/ /de nyid ni de dag gi 'byung 'jug gis zad 'phel med pa'i phyir de dag las 'das pa zhes bya'o/ /yang lang ka'i bdag pos dris pa/ gsang ba pa'i bdag po de dag rtag pa zhig gam/ 'on te mi rtag pa zhig /yod pa zhig gam/  'on te med pa zhig /gcig pa zhig gam/ tha dad pa zhig ces dris pa las/ gsang ba pa'i bdag pos smras pa/ lang ka'i bdag po ji skad du dri ba drug ni 'di lta ste/ de dag ni rtag pa yang yin no/ /mi rtag pa yang ma yin no/ /rtag kyang rtag la mi rtag kyang mi rtag ba yang ma yin no/ /rtag pa yang ma yin/ mi rtag pa yang ma yin pa yang ma yin no/ /de dag ni yod pa yang yin no/ /med pa yang yin no/ /yod kyang yod la med kyang med pa yang yin no/ /yod pa yang ma yin/ med pa yang</font><hr>102.169a<br><font size=+1>

ma yin pa yang yin no/ /gcig pa yang yin no/ /tha dad pa yang yin no/ /gcig pa yang ma yin/ /tha dad pa yang ma yin pa yang yin no/ /gcig pa dang tha dad pa'i ngo bo las grol ba yang yin no/ /lang ka'i bdag po de ci'i phyir zhe na/ 'di lta ste/ mi 'gyur zhing gnyen po med pa dang / gang 'byung ba mi dmigs pa dang kun gyi gzhir gyur pa dang / mtha' yongs su mi dmigs pa dang / ther zug ma yin pa dang / rgyun du 'byung ba dang / dgongs pa dam pa dang / dngos po med pa dang / rgyud dag pa'i yul du gyur pa dang / mtha' dbus las 'das pa dang / tha snyad las 'das pa dang / ye ji bzhin pa dang / bsam du med pa dang / bsam gyis mi khyab pa dang / so so'i spyod yul dang / khyad par cir yang mtshungs pa'i phyir rtag par yang zung zhig /mi rtag par yang zung zhig /  yod par yang zung zhig /med par yang zung zhig /gcig par yang zung zhig /tha dad par yang zung zhig /gcig dang tha dad pa'i ngo bo las grol bar yang zung zhig /lang ka'i bdag po de ltar na 'dul bya'i dbang gi phyir sku la ni nges pa med de bsam gyis mi khyab par zung zhig /lngar yang zung zhig /bzhir yang zung zhig /gsum du yang zung zhig /gnyis su yang zung zhig /gcig tu yang zung zhig /nges par sku dang / gsung dang / thugs dang / yon tan dang /  phrin las zhes tha snyad du btags par zad kyi/ sku ni nam mkha'o/ /gsung ni sgra brnyan no/ /thugs ni chos nyid do/ /yon tan ni sgyu ma'o/ /phrin las ni sprul pa ste/ de dag ni gang la 'dul ba'i dbang du byin gyi brlabs la snang bar zad kyi yang dag par na snang ba ni cung zad kyang med do/ /lang ka'i bdag po de dag gi ngo bo ni rnam par shes pa'o/ /ngos zin pa ni ye shes so/ /mngon sum pa ni sangs rgyas so/ /lang ka'i bdag po de ltar na gsang sngags kyi ngo bo de ni yongs su dpag par dka' pa'i phyir gang mun pa'i khams pas ni rnam par shes pa zhes</font><hr>102.169b<br><font size=+1>

bya bar btags so/ /snang ba'i khams pa dag gis ni ye shes shes bya bar btags so/ /mig dang ba rnams kyis ni sangs rgyas su btags so/ /dam pa'i mig can rnams kyis ni gsang sngags su ngos zin pa yin no/ /de nas yang lang ka'i bdag pos dris pa/ gsang ba pa'i bdag po de dag gi zhing khams ni gang / 'khor ni gang / bstan pa ni ci zhig sgrogs/ dus ni gang / mdzad pa ni gang zhes dris so/ /gsang ba pa'i bdag pos smras pa/ lang ka'i bdag po ji skad du dri ba lnga ni 'di lta ste/ gang ngo bo nyid med pa de'i zhing khams ni bskyed du med pa'o/ /'khor ni sangs rgyas pa med pa'o/ /bstan pa ni bsam du med pa'o/ /dus ni tshad las 'das pa'o/ /mdzad pa ni cir yang mdzad pa'o/ /gang rnam par dag pa de'i zhing khams ni bdal khyab chen po'o/ /'khor ni ye shes rgya mtsho'i tshogs so/ /bstan pa ni bya ba med pa'i chos so/ /dus ni thams cad nas thams cad du'o/ /mdzad pa ni chos thams cad snang bar mdzad pa'o/ /gang smin pa de'i zhing khams ni bde ba can no/ /'khor ni yongs su smin pa rgya mtsho'i tshogs so/ /bstan pa ni brjod du med pa'o/ /dus ni gang nam gnas gtsang ma na'o/ /mdzad pa ni rnal 'byor dam pa nyid do/ /gang gsang ba de'i zhing khams ni pad mo can no/ /'khor ni rgyal ba rgya mtsho'i tshogs so/ /bstan pa ni gsang sngags rgya mtsho nyid do/ /dus ni gtsug tor 'khor los sgyur ba 'dod pa na rgyal ba kun gyi sku skrun par 'byor pa'i dus nyid na'o/ /mdzad pa ni skyes bu dam pa rnams dgongs pa dam pa'i the tshom gcod par mdzad pa'o/ /gang rgyun gyi zhing khams ni mos pa can no/ /'khor ni mos pa tha dad pa'i tshogs so bstan pa ni bsam gyis mi khyab pa'o/ /dus ni sgron ma yongs su bkod pa na'o/ /mdzad pa ni gang gi mun pa sel bar mdzad pa'o/ /lang ka'i</font><hr>102.170a<br><font size=+1>

bdag po de dag kyang so sor blta bar ni mi bya'o/ /de ci'i phyir zhe na/ gang ngo bo nyid med pa las de ltar snang bar zad de/ de ni de kho na nyid gsang ba dam pa'i byin gyi brlabs 'ba' zhig snang ba'o/ /lang ka'i bdag po de bas na gsang ba dam pa ngo bo nyid med pa de ni nyi ma'i snying po lta bu'o/ /byin gyi brlabs las snang ba ni zer dang 'od lta bur rig par bya'o zhes smras pas/  lang ka'i bdag po la sogs pa dman pa'i lus kyi sems dpa' rnams sku yongs su rtog pa'i the tshom chad par gyur to/ /sangs rgyas kun gyi dgongs pa 'dus pa'i mdo chen po las sku yongs su snang ba dam pa'i rgyan bkod pa'i le'u ste sum bcu gsum pa'o// // de nas yang lang ka'i bdag po byang chub sems dpa' sems dpa' chen po des/ de bzhin gshegs pa'i gsung gi byin gyi brlabs ji ltar snang ba dpag par bya ba'i phyir dri ba yongs su dris pa/  kye gsang ba pa'i bdag po gang gi thugs dang sku'i byin gyi brlabs las snang ba yongs su bkod pa de dag gi gsung gi byin gyi brlabs las snang ba ji ltar dpag par bgyi/ de skad ces dris pa las/ gsang ba pa'i bdag pos smras pa/ lang ka'i bdag po ji skad du dri ba de ni 'di lta ste/ ngo bo nyid med pa gsang ba dam pa gsang ba de la ni tshig dang sgra'i tha snyad med de thams cad nas thams cad du gsung ba med pa kho na'o/ /gal te gsang ba de dag dpag par ni gang yongs su dag pa'i skyes bu dam pas kyang mi dpogs te/ gang gi phyir de dpogs pa nyid na ngo bo nyid med pa gsang ba dam pa nyid du nges pa'i phyir dpag par rab tu dka'o/ /lang ka'i bdag po 'on kyang 'di ltar rig par bya ste/ gang ngo bo nyid med pa'i gsung ni nam mkha' lta bu'o/ /rnam par dag pa'i gsung ni nyi ma'i snying po lta bu'o/ /yongs su smin pa'i gsung ni me long lta bu'o/ /gsang ba dam</font><hr>102.170b<br><font size=+1>

pa'i gsung ni seng ge lta bu'o/ /rgyun du 'byung ba'i gsung ni gsung gcig yan lag bsam gyis mi khyab par 'byung ba'i phyir bsam gyis mi khyab pa zhes bya'o/ /lang ka'i bdag po gang bsam gyis mi khyab pa de dag kyang bzhir 'byung zhing gzhi snang ba/ bzhi las rgyas par shes par bya'o/ /bzhi gang zhe na 'di lta ste/ gsung gi rang bzhin dang / rnam grangs dang / yan lag dang / gzugs brnyan rnams su shes par bya'o/ /lang ka'i bdag po de la rang bzhin gang zhe na 'di lta ste/ gdangs su che ba dang / yongs su khyab pa dang / go bar myur ba dang / the tshom gcod pa dang / gcig la gzigs snyam pa dang / nyi tsher ston pa dang / kun nas 'jug pa dang / 'dun pa skyed pa dang / khyad du zhugs pa dang / thams cad 'dul ba'o/ /lang ka'i bdag po rnam grangs gang zhe na/ 'di lta ste/ tshangs pa lta bu dang / sil snyan lta bu dang / glu gar lta bu dang / ka la ping ka lta bu dang / 'brug dbyangs lta bu dang / sgra brnyan lta bu'o/ /lang ka'i bdag po yan lag ni 'di lta ste/ 'du shes bskyed pa dang rnam par rig pa dang / mnyan par 'os pa dang / mi mthun pa med pa dang / shin du zab pa dang / rjes su 'byung ba dang / gang gis mi tshugs pa dang / rnar snyan pa dang / rnam par ma 'khrugs pa dang / shin du gsal ba ste/ rnam grangs kyi sgo re rer gang du byung ba de dang der yan lag kun rdzogs par 'byung ngo/ /lang ka'i bdag po de la gzugs brnyan gang zhe na/ gzugs brnyan ni yi ge'i tshogs su snang la/ yi ge ni gsang ba dam pa'i byin gyi brlabs las 'byung bar rig par bya'o/ /lang ka'i bdag po gsang ba dam pa'i byin gyi brlabs ni yi ger yang ma zad de yi ge la sogs pa'i chos thams cad med pa las 'byung zhing btags pa ltar chags/ gang ltar bsgrubs pa ltar 'grub/ gang du mthong ba de ltar bltas par snang ba'i phyir yi ge yang</font><hr>102.171a<br><font size=+1>

mi dmigs pa'i dbyings kyi byin gyi brlabs las gsung gi gzugs brnyan du 'byung bar zad do/ /lang ka'i bdag po 'on tang na thams cad rang bzhin gyis stong ste ngang gis ma bcos yong gis 'od gsal bas btsal du med cing ye nas byang chub pa las gang byang chub don du gnyer zhing 'bad pa ni dka' ba byed pa'o/ /smras pa/ gsang ba pa'i bdag po 'o na sems can dang sangs rgyas gnyis ci'i phyir tha dad/ smras pa/ lang ka'i bdag po de ni rkyen ji bzhin pa'i phyir ro/ /lang ka'i bdag po de bas na 'di lta ste/ gzugs brnyan gyi rgyu dang / gzugs brnyan 'byung ba'i sgo dang / gzugs brnyan gyi gzungs dang / gzugs brnyan gyi dam tshig dang / gzugs brnyan gyi sprul pa'o/ /lang ka'i bdag po de la gzugs brnyan gyi rgyu ni dang ba mi dmigs pa ste ci yang med pa las ci yang 'byung ba'o/ /lang ka'i bdag po gzugs brnyan 'byung pa'i sgo ni gang du gnyis 'dus pa ste ci yang min pa las cir yang rig par byed pa'o/ /lang ka'i bdag po gzugs brnyan gyis gang mtshon par byed mod kyi gzugs brnyan las dngos gzhi 'byung ba yang ma yin/ mi 'byung ba yang ma yin/ snang ba yang ma yin/ mi snang ba yang ma yin/ khyab pa yang ma yin/ ma khyab pa yang ma yin/ dper na nam mkha'i sgra bsgrags par ni kun gyis nus mod kyi nam mkha' gang zhe na/ 'di kho na'o zhes ni gang gis kyang bstan par mi nus so/ /lang ka'i bdag po de bzhin du gzugs brnyan gyis kyang dngos gzhi mtshon par nus kyi 'di kho na'o zhes bstan par ni mi nus so/ /de ci'i phyir zhe na/ gzugs brnyan ni dngos gzhi las byung bas mtshon par yang nus la/ gzugs brnyan yin pa'i phyir gang gi spyod yul du yang gyur pa yin la/ dngos gzhi ni gang gis kyang spyod yul du ma gyur pas 'di'o zhes bstan par mi nus so/ /de bas sangs rgyas kun gyi dgongs pa gsang ba de ni sangs rgyas 'jig rten du byung yang rung / ma byung</font><hr>102.171b<br><font size=+1>

yang rung / sems can rnams sangs rgyas kyang rung / ma rgyas kyang rung / thams cad kyi rang bzhin du ye nas gnas shing thams cad la khyab kyang thams cad kyis mthong ba ni ma yin no/ /de las byung ba thams cad ni shes par yang rung la/ des ni de nyid mtshon par yang rung na/ de las byung bas de nyid de ni 'di kho na'o zhes bstan par ni mi nus so/ /lang ka'i bdag po gzugs brnyan gyi gzungs ni ci yang med cing ma mthong ba de nyid ci yang 'byung zhing ci gang dang yang ma bral ba ste/ 'di lta ste/ gzugs brnyan gang yin pa de ni dngos gzhi'o/ /dngos gzhi gang yin pa de ni gzugs brnyan no/ /dngos gzhi dang gzugs brnyan gang yin pa de ni gsang ba dam pa'i dbyings so/ /gsang ba dam pa gang yin pa de ni dngos gzhi dang gzugs brnyan no/ /'on tang na gsang ba dam pa ni rgya mtsho dang 'dra la/ byin gyi brlabs las byung ba thams cad ni rlabs dang 'dra ba ste 'di gnyis la gnyis su med pa/ gnyis kyi mtha' las grol ba/ dbu mar yang mi dmigs pa/ gnyis su mi 'gyur bar gzigs ba ste de kho na nyid de ni gzungs so/ /de bzhin du cis kyang mi phyed mi shigs pa dang / gang du yang mi dmigs pa dang / mnyam pa nyid dang / mi 'gyur ba nyid dang / nam mkha'i rang bzhin dang / ming dang / tshig dang / don dang / gsang sngags kyi gzugs so/ 'on tang na gzugs brnyan gyi rang bzhin yang mi dmigs pa'i dbyings la dngos gzhi'i rang bzhin yang mi dmigs pa'i dbyings kho na bas de ni de gnyis kyi gzungs so/ /mi dmigs pa'i dbyings de ni thams cad du sems can dang sangs rgyas la sogs pa thams cad skyed cing de'i rang bzhin de yin pa'i phyir gcig pas na so so ma yin pa'i gzungs so/ /lang ka'i bdag po gzugs brnyan gyi dam tshig ni gang gi gzugs brnyan gang de las mi 'da' ba ste/ ji ltar snang yang dngos gzhi de</font><hr>102.172a<br><font size=+1>

las mi 'gyur mi 'da' ba ste/ de ltar 'byung 'jug med pa/ phyi nang med pa/ sgo phugs med pa/ 'du 'bral med pas na dam tshig go/ /  thams cad de'i ngang las mi 'da' ba'i phyir dam tshig ces bya'o/ /lang ka'i bdag po dper na rdo rje sems dpa' ni gang sangs rgyas rnams kyi spyod yul dgongs pa dam pa yin na de'i gzugs brnyan zhig blun po gang zhig gi mdun du bzhag na blun po de ji snyam du sems/ smras pa/ gsang ba pa'i bdag po de ni 'di ltar 'di ni rdo rje sems dpa' nyid ma yin te/ de'i 'dra ba 'ba' zhig go snyam du rtog pa'o/ /smras pa lang ka'i bdag po de bas na gang dam pa dag gis bltas na mi dmigs pa'i dbyings na rdo rje sems dpa' dang de'i gzugs brnyan gnyis gzhan dang gzhan na so sor na gnas pa ma yin no/ /de ci'i phyir zhe na/ de gnyis kyi rang bzhin de kho na nyid de de bzhin nyid yin pa'i phyir ro/ /de so so ba zhig yin na ni dmigs pas 'bras bu skye bar mi rigs so/ /lang ka'i bdag pos smras pa/ gsang ba pa'i bdag po de dag la khyad par ma mchis sam/ smras pa lang ka'i bdag po mi shes pa'i dbang du gzugs brnyan dang des mtshon pa'i don zhes brjod cing snang bar zad kyi/ dam pa rnams kyi de kho na nyid brtson par byas na de la ni khyad par cung zad kyang med do/ /smras pa/  gsang ba pa'i bdag po 'o na chos rnams brjod pa dang / mtshon pa dang tha snyad kyis ci zhig bgyi/ smras pa/ lang ka'i bdag po de ni kho bos gang gi dogs pa bsal zin to/ /smras pa/ gsang ba pa'i bdag po 'o na gang blo chen po dag bya dka' ba chen pos 'bad cing legs par bskrun te ci zhig bya/ smras pa lang ka'i bdag po de de lta mod kyi gang mtshan ma la zhen pa dag khrid pa'i phyir dang / gang blo che yang da dung tshegs chung ngu'i thabs rlabs po ches don chen por</font><hr>102.172b<br><font size=+1>

red zin pa'i nyams ma rnyed pa'i phyir ro/ /lang ka'i bdag po de kho na nyid las ni rgyun du cho 'phrul rnams snang ba yin te/ rin po che 'am sprin lta bur ci yang med pa las ci yang snang zhing gang chung ngu las mang por mched pa'i phyir srid pa dang mya ngan las 'das pa'i chos thams cad snang ba 'di ci yang med pa las snang ngo/ /de bas na gsung gi gzugs brnyan 'di dag kyang ci yang med pa kho na las snang ba'i chos nyid du rig par bya'o/ /lang ka'i bdag po gzugs brnyan gyi sprul pa ni tha dad de gsung gi gzugs brnyan ni yi ger snang ba yin la/ yi ge'i sprul pa ni 'di lta ste/ ming dang / byung tshul dang / gzugs dang / rang bzhin dang / sgra dang / las dang / sgo dang / rnam grangs dang / yi ge'i gzhi rnams kyi de kho na nyid gsang ba dam pa de mthong zhing shes par 'gyur ro/ /des chos thams cad la mkhas shing grol bar 'gyur ro/ /de la lang ka'i bdag po yi ge de'i ming ni 'di lta ste/ gang la yang med la gang mtshon pa'i bla dgas te/ gang skye ba med pa mtshon par byed pa'i yi ge la ni ming a zhes bla dgas su btags so/ /bya ba mtshon par byed pa'i yi ge la ni ming ka zhes tshig bla dgas su btags so/ /khyab pa mtshon par byed pa'i yi ge la ni ming kha zhes tshig bla dgas su btags so/ /skye ba mtshon par byed pa'i yi ge la ni ming ga zhes tshig bla dgas su btags so/ /grol ba mtshon par byed pa'i yi ge la ni ming g+ha zhes tshig bla dgas su btags so/ /'dzin pa mtshon par byed pa'i yi ge la ni ming nga zhes tshig bla dgas su btags so/ /spyod pa mtshon par byed pa'i yi ge la ni ming tsa zhes tshig bla dgas su btags so/ /'du 'bral mtshon par byed pa'i yi ge la ni ming tsha</font><hr>102.173a<br><font size=+1>

zhes tshig bla dgas su btags so/ /mi gnas pa mtshon par byed pa'i yi ge la ni ming dza zhes tshig bla dgas su btags so/ /dri ma mtshon par byed pa'i yi ge la ni ming dz+ha zhes tshig bla dgas su btags so/ /shes pa mtshon par byed pa'i yi ge la ni ming nya zhes tshig bla dgas su btags so/ /de nyid mtshon par byed pa'i yi ge la ni ming ta zhes bla dgas su btags so/ /byed pa mtshon par byed pa'i yi ge la ni ming tha zhes bla dgas su btags so/ /nyer zhi mtshon par byed pa'i yi ge la ni ming da zhes bla dgas su btags so/ /chos mtshon par byed pa'i yi ge la ni ming d+ha zhes bla dgas su btags so/ /ming mtshon par byed pa'i yi ge la ni ming na zhes bla dgas su btags so/ /lam mtshon par byed pa'i yi ge la ni ming Ta zhes bla dgas su btags so/ /gnas mtshon par byed pa'i yi ge la ni ming Tha zhes bla dgas su btags so/ /kun nas 'khrul pa mtshon par byed pa'i yi ge la ni ming Da zhes bla dgas su btags so/ /rang bzhin mtshon par byed pa'i yi ge la ni ming D+ha zhes bla dgas su btags so/ /yul mtshon par byed pa'i yi ge la ni ming Na zhes bla dgas su btags so/ /don dam pa mtshon par byed pa'i yi ge la ni ming pa zhes bla dgas su btags so/ /'bras bu mtshon par byed pa'i yi ge la ni ming pha zhes bla dgas su btags so/ /'ching grol mtshon par byed pa'i yi ge la ni ming ba zhes bla dgas su btags so/ /srid pa mtshon par byed pa'i yi ge la ni ming b+ha zhes bla dgas su btags so/ /dran pa mtshon par byed pa'i yi ge la ni ming ma zhes bla dgas su btags so/ /mi 'gyur ba mtshon par byed pa'i yi ge la ni ming ya zhes bla dgas su btags so/ /rgyu rkyen mtshon par byed pa'i yi ge la ni ming wa zhes bla dgas su btags so/ /rdul mtshon par byed pa'i yi ge la ni ming ra zhes bla dgas su btags so/ /bcom pa mtshon par byed pa'i yi ge la ni ming la zhes bla dgas su btags so/ /zhi ba mtshon par byed pa'i yi ge la ni ming sha zhes bla dgas su btags so/ /shes pa skye bar byed pa mtshon</font><hr>102.173b<br><font size=+1>

pa'i yi ge la ni ming Sha zhes bla dgas su btags so/ /rnam pa thams cad shes pa mtshon par byed pa'i yi ge la ni ming sa zhes bla dgas su btags so/ /rgyu mtshon par byed pa'i yi ge la ni ming ha zhes bla dgas su btags so/ /mthar zad pa mtshon par byed pa'i yi ge la ni ming k+Sha zhes bla dgas su btags so/ /bdag mtshon par byed pa'i yi ge la ni ming a zhes bla dgas su btags so/ /g.yeng ba mtshon par byed pa'i yi ge la ni ming i zhes bla dgas su btags so/ /ri mtshon par byed pa'i yi ge la ni ming I zhes bla dgas su btags so/ /zhen pa mtshon par byed pa'i yi ge la ni ming u zhes bla dgas su btags so/ /mun pa mtshon par byed pa'i yi ge la ni ming U zhes bla dgas su btags so/ /gdung mtshon par byed pa'i yi ge la ni ming e zhes bla dgas su btags so/ /mnar sems mtshon par byed pa'i yi ge la ni ming ai zhes bla dgas su btags so/ /'jig pa mtshon par byed pa'i yi ge la ni ming o zhes bla dgas su btags so/ /stong pa mtshon par byed pa'i yi ge la ni ming au zhes bla dgas su btags so/ /nub par mtshon par byed pa'i yi ge la ni ming a zhes bla dgas su btags so/ /sku mtshon par byed pa'i yi ge la ni ming o~M zhes bla dgas su btags so/ /ngag mtshon par byed pa'i yi ge la ni ming AHzhes bla dgas su btags so/ /thugs mtshon par byed pa'i yi ge la ni ming hU~M zhes bla dgas su btags so/ /yon tan mtshon par byed pa'i yi ge la ni ming swA zhes bla dgas su btags so/ /phrin las mtshon par byed pa'i yi ge la ni ming hA zhes bla dgas su btags so/ /dgug pa mtshon par byed pa'i yi ge la ni ming lcags kyu zhes bla dgas su btags so/ /sdud pa mtshon par byed pa'i yi ge la ni ming 'od dpag zhes bla dgas su btags so/ /'dren pa mtshon par byed pa'i yi ge la ni ming re ba zhes</font><hr>102.174a<br><font size=+1>

bla dgas su btags so/ /sbyor ba mtshon par byed pa'i yi ge la ni ming zla tshes zhes bla dgas su btags so/ /ming mtshon par byed pa'i yi ge la ni ming thig ces bla dgas su btags so/ /gcod pa mtshon par byed pa'i yi ge la ni ming dbyug pa zhes bla dgas su btags so/ /lang ka'i bdag po de dag ni yi ge'i ming du rig par bya'o/ /lang ka'i bdag po de la yi ge'i byung tshul gang zhe na/ 'di lta ste/ ston pa gsang ba mchog nyid kyis/ /'dus pa dag la bos te gsungs/ /gzhan yang 'dus pa'i rnal 'byor rnams/ /yi ge'i rjes su don dpags na/ /yi ge'i don ni gsal bar ston/ /ci phyir don nyid yi ger snang / /dbyings las a byung a las ni/ /yi ge yid bzhin sprin tshogs 'phro/ /a ni rang bzhin yi ge ste/ /rten dang bral bas rgyu rkyen med/ /khong nas kun khyab nam mkha' 'dra/ /chos nyid skye med zab mo yis/ /chos kun khyab gnas zin pa ltar/ /khyab gnas a yi rang bzhin gyis/ /yi ge kun khyab kun zin te/ /ming dang tshig tshogs sna tshogs bsgyur/ /skyes bu thugs kyi dpal be'u nas/ /thams cad 'byung ba kun gyi gzhi/ /mgur gyi gsang ba'i dbyings su shar/ /cho 'phrul yi ge lngar snang ba/ /mgur gyi sgra byung mgur las grags/ /a ka kha ga g+ha nga / a las yig 'bru zer 'phros pas/ /ljags kyi dbang po zla gam 'phros/ /cho 'phrul yi ge ltar snang ba/ /ljags kyi sgra byung ljags las grags/ /tsa tsha dza dz+ha nya/ a yi 'od zer rtse mo las/ /ljags kyi zla gam rtse mo 'phros/ /cho 'phrul lnga gnyis yi ger snang / /rtse mo sgra byung thor tor grags/ /ta tha da d+ha na/ Ta Tha Da D+ha Na/ de bzhin de las de byung ba/ /zhal gyi sgros las 'khyil 'bar bas/ /de bzhin yig 'bru lngar snang ba/ /zhal gyi sgor byung zhal las grags/ /pa pha ba b+ha ma/ yig 'bru kun gyi mchog de nyid/ /gsung gi rgyun lam der byung ba/ /yul la</font><hr>102.174b<br><font size=+1>

rig pa'i 'brur shar ba/ /cho 'phrul yi ge sna tshogs snang / /ya wa ra la/ sha Sha sa ha/ k+Sha/ a A i I u U e ai o au A~M a/ r-i r-I l-i l-I a ho/ rang 'byung gnas khyab dbyings las ni/ /smra ba'i phreng ba'i 'od zer shar/ /smra ba'i ye shes las bskrun na/ /'dren pa sprul pa'i sa bon 'byung / /dpag med rgyal ba'i sku gsung thugs/ /yi ge sprul pa de nyid yin/ /ma skyes pa yi thugs nyid de/ /dang po mgur gyi gzugs brnyan te/ /gnyis pa ljags kyi gzugs brnyan yin/ /gsum pa rtse mo las byung ba/ /bzhi pa 'byung ba'i sgros la shar/ /lnga pa gsung gi rgyun lam yin/ /thams cad sdud pa'i yi ge ya/ /sreg pa 'byung ba'i yi ge ra/ /'joms pa chen po yi ge la/ /mun pa sel ba'i yi ge wa/ /mtshan ma dag pa'i yi ge sha /stong pa chen po'i yi ge Sha/ /cho 'phrul 'byung ba'i yi ge k+Sha/ /rnam pa kun gyi yi ge sa/ /'khor ba gnon pa'i yi ge ha/ /'byung ba kun gyi yi ge a/ /brjod pa kun gyi yi ge A/ /tshad med pa dang lam rnams kyi/ /yi ge bcu drug rdzogs pa nyid/ /sku dang gsung thugs yon tan gyi/ /tshig 'byung smra ba'i yi ge bzhi/ /bdun dang bcu gnyis gsung gi rgyun/ /'byung ba nyid du mgon pos bshad/ /lang ka'i bdag po/ de dag ni yi ge'i byung tshul du rig par bya'o/ /lang ka'i bdag po 'di la yi ge'i gzugs gang zhe na/ 'di lta ste/ gang kha dog dang dbyibs 'ba' zhig go/ lang ka'i bdag po de la kha dog gang zhe na/ rang bzhin dang / rigs dang / sna tshogs dang / ma nges pa'o/ /lang ka'i bdag po dbyibs ni tha dad pa ste/ 'di ltar a 'ba' zhig la yang a seng ge g.yal ba lta bu dang / a seng ge bsgyings pa lta bu dang / a seng ge sgra 'byin pa lta bu dang / a bin du phun sum tshogs pa lta bu dang / a a mo ka ri kha 'dra ba dang / a 'od dpag thig lta bu la sogs pa tha dad do/ /de bzhin du ka la yang ka pi wang lta bu dang / ka tri shu la lta bu dang / ka spyang gi lta bu dang / ka ru sbal lta bu dang / ka ba dan rtse gsum pa lta bu</font><hr>102.175a<br><font size=+1>

la sogs pa tha dad do/ /gzhan yang kha ni bong bu lta bu'o/ /ga ni bse lta bu'o/ /g+ha ni bum pa lta bu'o/ /nga ni kang ga lta bu'o/ /tsa ni tsa sha'i kha lta bu'o/ /tsha ni gdugs lta bu'o/ /dza ni dra ba lta bu'o/ /dz+ha ni dra ba chen po lta bu'o/ /nya ni ba dan gyi kha lta bu'o/  ta ni 'dzam bu dwI pa lta bu'o/ /tha ni tha gu ra'i kha lta bu'o/ /da ni mkha' 'gro ma'i kha lta bu'o/ /d+ha ni ngang pa'i kha lta bu'o/ /na ni tol kha lta bu'o/ /Ta ni ngang pa za ba lta bu'o/ /Tha ni pha bang lta bu'o/ /Da ni mche ba lta bu'o/ /D+ha ni gzhu lta bu'o/ /Na ni ma he'i kha lta bu'o/ /pa ni ri rab lta bu'o/ /pha ni khyung lta bu'o/ /ba ni 'dam bya lta bu'o/ /b+ha ni kha lag tshe lta bu'o/ /ma ni spre'u slong ba lta bu'o/ /ya ni zla ba tshes pa lta bu'o/ /wa ni rka ti ka'i kha lta bu'o/ /ra ni kun tsi ta'i kha lta bu'o/ /la ni bya rog sha then lta bu'o/ /sha ni ri bong lta bu'o/ /Sha ni sha na ta kha lta bu'o/ /sa ni bram ze slong ba lta bu'o/ /ha ni ha ra ka lta bu'o/ /k+Sha ni srin po'i kha lta bu'o/ /i ni lcags kyu bsnol bas re bas rten pa lta bu'o/ /u ni 'od dpag brtsegs pa re bas drangs pa lta bu'o/ /e ni re ba brtsegs pa 'od dpag gi drangs pa lta bu'o/ /o ni gzhu gdungs pa lta bu'o/ /\u0f00 ni gdugs phub pa lta bu'o/ /a~M ni drang srong tshul brtan pa lta bu'o/ /ri ni lcags sgrog kyo gas drangs pa lta bu'o/ /li ni bya gag kyo gas drangs pa la sogs pa ste/ yi ge re re la yang dbyibs tha dad yod de/ de ltar na 'dren pa ni gu gu lcags kyu lta bu'o/ /'od dpag ni zhabs kyud dkris pa lta bu'o/ /re ba ni bse'i rwa bsgreng ba lta bu'o/ /zla tshes ni na ro'i rwa lta bu'o/ /thig le ni li tshag tshig gi mig lta bu'o/ /dbyug pa ni 'phang mdung lta bu ste/ so so'i dbyibs tha dad pa de lta bu yod do/ /lang ka'i bdag po de dag ni yi ge'i dbyibs te yi ge'i gzugs su shes par bya'o/ /lang ka'i bdag po de la yi ge'i rang bzhin gang zhe na 'di lta ste yi ge'i rang bzhin gang yin pa de yi ge gzhan gyi rang bzhin du mi</font><hr>102.175b<br><font size=+1>

'gyur la/ yi ge gang gis yi ge gang dag gi rang bzhin rnam grangs su mtshon par mi nus so/ /lang ka'i bdag po de la gang gi rang bzhin gang du mi 'gyur ba ni 'di lta ste/ a'i rang bzhin skye ba med pa yin la/ de ni a 'ba' zhig las ma gtogs pa yi ge gzhan gang gis kyang skye ba med pa'i rang bzhin shes par 'gyur ba ma yin no/ /de bzhin du ka'i rang bzhin byed pa yin la byed pa ni ka 'ba' zhig las ma gtogs pa yi ge gzhan gang gis kyang byed par shes par 'gyur ba ma yin no/ /lang ka'i bdag po de ltar na ming du btags pa gang zhig la dngos gzhi gang yin pa de ming gi rnam grangs gzhan brjod pas kyang shes par rung ba ni yod mod kyi/ yi ge ni shes par mi rung ba'i phyir yi ge'i rang bzhin ni mi 'gyur ba kho nar shes par bya'o/ /lang ka'i bdag po de la yi ge'i sgra gang zhe na/ 'di lta ste/ rang bzhin gyi sgra dang / bsgyur ba'i sgra dang / sbyar ba'i sgra dang / drangs pa'i sgra'o/ /de la rang bzhin gyi sgra gang zhe na/ 'di lta ste/ yi ge gang la dbyibs dang / kha dog dang / skad dang / brda tha dad kyang a dang ka la sogs pa'i ming du btags pa'i sgra ji lta ba de kho na nyid ltar grags pa'o/ /bsgyur ba'i sgra gang zhe na/ 'di lta ste/ yi ge gang dang gang du bsgyur ba'i sgra des don dang tshig tha dad par 'gyur ba'o/ /sbyar ba'i sgra gang zhe na 'di lta ste/ dbyibs gang dang gang la yi ge gang dang gang gi gzugs su sbyar bas de dang de'i don 'byung ba gang yin pa'o/ /drangs pa'i sgra gang zhe na/ 'di lta ste/ yi ge gang dang gang las tshig gang ltar drangs pa'i sgra de dang de las don gang 'byung ba gang yin pa'o/ /lang ka'i bdag po 'di la yi ge'i las gang zhe na 'di lta ste/ gang du spel ba dang / gang shes par byed pa nyid do/ /gang du spel ba ni 'di lta ste/ gang med pa las gcig tu byung ba dang / gcig las gsum dang / lnga dang bzhi bcu dang / 'bum sde dang / </font><hr>102.176a<br><font size=+1>

bye ba dang sa yar 'phel bas thams cad shes par byed pa'o/ /gang shes par byed pa ni 'di lta ste/ ming bklag pa dang / tshig bklag pa dang / gzugs bklag pa dang / don bklag pa dang / sgra bklag pa dang / gcig bklag pa dang / mang po bklag pa dang / gcig mang por bklag pa dang / mang po gcig tu bklag pa dang / gcig dang mang po tha dad par bklag pa'o/ /yang lang ka'i bdag po 'di la yi ge'i sgo gang zhe na/ 'di lta ste/ yi ge'i sgo dang / tshig gi sgo dang / don gyi sgo dang / dbyangs kyi sgo dang / gzungs kyi sgo rnams su rig par bya'o/ /lang ka'i bdag po de la yi ge'i sgo gang zhe na/ gang gis gang la bris pa'o/ /tshig gi sgo gang zhe na/ gang yi ge'o/ /don gyi sgo gang zhe na/ gang tshig gi tshogs so/ /dbyangs kyi sgo gang zhe na/ gang yi ge bcu drug go/ lang ka'i bdag po yi ge bcu drug kyang gang zhe na/ 'gwar dang cwang 'ba' zhig tu shes par bya'o/ /de ni ring po dang thung ngu nyid du rig par bya'o/ /gang thung ngu dang ring po de gnyis las dbyangs kyi yan lag drug byung bar rig par bya'o/ /thung ngu las gnyis dang ring po las gnyis dang / gang de gnyis las gnyis 'byung bar rig par bya'o/ /thung ngu las yan lag gnyis 'byung ba ni 'di lta ste/ sha ta ba dang gar d+ha ba gnyis so/ /ring po las yan lag gnyis byung ba ni 'di lta ste/ breng nge ba dang thung nge ba gnyis so/ /gang de gnyis las yan lag gnyis byung ba ni 'di lta ste/ cwang ka de'u dang p+wang ka de'u dang gnyis so/ /lang ka'i bdag po yan lag 'di drug kyang gang 'gro ba drug gi/ khams gsum ba'i sgo drug las drug drug tu bsgyur ba byas pa las drug dang bcu gsum du bsgyur bar rig par bya'o/ /drug bcur bsgyur bas yan lag drug bcur 'byung bar rig par bya'o/ /drug drug bcur bsgyur ba byas pas yan lag gsum brgya drug bcur 'byung bar rig par bya'o/ /lang ka'i bdag po gzungs kyi sgo gang zhe na/ </font><hr>102.176b<br><font size=+1>

'di lta ste/  don gyi gzungs dang / tshig gi gzungs dang / chos kyi gzungs dang / sngags kyi gzungs su rig par bya'o/ /lang ka'i bdag po don gyi gzungs gang zhe na/ yi ge gang snang ba'i don de nyid de dang ma bral bar bya'o/ /tshig gi gzungs gang zhe na/ yi ge gang las tshig gang byung ba'o/ /chos kyi gzungs gang zhe na/ gang yi ge ni chos thams cad dang 'brel cing chos thams cad mi dmigs pa'i sgor rig par bya'o/ /sngags kyi gzungs gang zhe na/ yi ge'i sgo nas tshig btsan par red pa gang yin pa'o/ /lang ka'i bdag po de dag ni yi ge'i sgor rig par bya'o/ /lang ka'i bdag po 'di la yi ge'i rnam grangs gang zhe na/ rang bzhin gyi yi ge dang cho 'phrul gyi yi ge'o/ /de la rang bzhin gyi yi ge gang zhe na/ gang thams cad kyang yi ge 'ba' zhig pa'o/ /cho 'phrul gyi yi ge gang zhe na/ 'jig rten dang 'jig rten las 'das pa dang thun mong pa'o/ /'jig rten las 'das pa'i yi ge gang zhe na/[ \u0f00] dang / hU~M dang / mU~M dang / swa~M dang / a~M dang / ha~M dang / a rnams so/ /lang ka'i bdag po 'di la 'jig rten pa'i yi ge gang zhe na/ 'di lta ste/ rtsa ba dang / zin pa dang / grags pa'o/ /rtsa ba gang zhe na/ sa bon drug gang yin pa'o/ /zin pa gang zhe na/  gang 'gro ba rnams kyi sgra skad kun yi ges zin pa kho na'o/ /grags pa gang zhe na/ lha'i yi ge dang / klu'i yi ge dang / lha ma yin gyi yi ge dang / mi'i yi ge dang / gnod sbyin gyi yi ge la sogs pa 'jig rten tha dad kyi yi ger grags pa gang yin pa'o/ /thun mong gi yi ge gang zhe na/ a dang ka la sogs pa'o/ /lang ka'i bdag po 'di la yi ge'i gzhi gang zhe na/ a dang \u0f00 dang / hU~M dang / mU~M zhes thams cad 'byung ba'i gzhir gyur pa'o/ /gsang ba'i bdag pos de skad ces smras pas/ lang ka'i bdag po la sogs pa dman pa'i lus can gyi sems dpa' rnams thams cad gsung gi mi zad pa rgyan gyi 'khor lor rig par gyur to/ /sangs rgyas kun gyi dgongs pa 'dus pa'i</font><hr>102.177a<br><font size=+1>

mdo chen po las gsung mi zad pa rgyan gyi 'khor lo bkod pa'i le'u zhes bya ste sum bcu bzhi pa'o// // de nas yang lang ka'i bdag po byang chub sems dpa' sems dpa' chen po des gsang ba pa'i bdag po la 'di skad ces smras te dris pa/ gsang ba pa'i bdag po gsang sngags kyi byin gyi rlabs las snang ba'i sangs rgyas rnams kyi yon tan dang phrin las ji ltar snang ba lags/ gsang ba pa'i bdag pos smras pa/ lang ka'i bdag po gsang sngags kyi byin gyi brlabs las snang ba'i sangs rgyas rnams kyi yon tan dang / phrin las ni 'di ltar snang bar rig par bya'o/ /gang zhe na/ 'di lta ste/ mi rtog gang la rtag nyid du/  brtags las rtogs pa'i byin brlabs 'byung / /mi zad rin chen nam mkha'i mdzod/ /byin brlabs chen po rgyun mi 'chad/ /gsang nyid snying po'i byin brlabs ni/  gang du rnam par mi rtog bzhin/ /'dod 'byung bya ba thams cad byed/ /de la byed pa ci yang med/ /ku ba gcig gis byin brlabs kyis/ /ljags ni stong snyed bsgyur ba bzhin/ /gsang ba'i don mthong skad cig gis/ /thams cad gsang ba'i snying por 'gyur/ /mar me gcig gi byin brlabs kyis/ /bskal pa'i mun nag sel ba bzhin/ /snying po don rig skad cig mas/ /bskal par gnas pa'i sgrib pa sel/ /nor bu rin chen gang sel ba/ /dbul ba'i 'jigs pa med pa ltar/ /snying po don sang gang sel ba/ /ltung gnas 'khor ba'i 'jigs pa med/ /nyi zla'i 'od 'bar rin chen gyis/ /rin chen rin thang 'bum char min/ /dkar por mthar thug bsod nams kyis/ /gsang nyid skad cig 'bum char myin/ /'gro gang 'o ma'i rgya mtsho ji snyed du/ /seng ge'i 'o ma gcig blugs rlag pa ltar/ /las dang nyon mongs sdug bsngal rgya mtshor ni/ /gsang nyid skad cig snang bas thams cad med/ /'khor los sgyur rgyal gang rten 'jigs</font><hr>102.177b<br><font size=+1>

med ltar/ /gsang nyid nges la log pa'i dgras mi 'jigs/ /rdo rje nyams kyang rin chen zil gnon cing / /rin chen mi brlag dbul ba'i sdug bsngal sel/ /gsang nyid rdo rje snying po nyams 'gyur yang / /nyan thos la sogs dbu ma zil gnon cing / /gsang nyid nges snang chos kyi dbul ba sel/ /seng ge phrug gu'i dris ni gar khyab par/ /gang dag mi bzod thams cad 'bros par 'gyur/ /snying po don la rig pa'i mthu med kyang / /sems bskyed tsam gyis dbu ma zil gyis gnon/ /log pa'i dgra rnams zil gnon skrag 'gyur zhing / /rang rang gnas nas zug rngus gzir bar 'gyur/ /skyes bu rkang lag bcad de nyams kyang 'tsho/ /ji ltar snying phyung 'tsho ba'i glags med ltar/ /yan lag lta bu'i dbu ma nyams kyang 'tshe/ /snying dang 'dra ba'i gsang nyid med na rlag /gang zhig rdo rje snying po gsang 'dzin pa/ /shing rta la sogs rta la 'dug spyod pa/ /de yi bya ba byed pa gzhan med ltar/ /de yi rta stegs rgyal ba'i dbus bkur mdzad/ /dbu ma rnam thar gsum sgor bskal spyad kyang / /de la rgyal ba mi dgongs bkur mi mdzad/ /snying po don rig skad cig tsam gyis kyang / /byin brlabs yon tan rgyal bas bshad mi rdzogs/ /dkar po mthar thug bsod nams kun/ /sen mo thog gi sa rdul 'dra/ /rdo rje snying por gcig skyed pa/ /sa yi dkyil 'khor chen po tsam/ /dkar po phyogs kyi mtha' thug pa/ /de ni mun khang sgron me tsam/ /rdo rje snying por gcig rig pa/ /dus mtha'i bskal ba'i me chen 'dra/ /dbu mar snang ba'i nam mkha' ni/ gang gi gser khung nam mkha'o/ /rdo rje gsang ba'i nam mkha' ni/ /'byung chen gtos kyi nam mkha' 'dra/ /mdzad pa'i brlabs kyi zhi ba ni/ /stongs pa'i bskal ba lta bur snang / /thams cad rgyas par mdzad pa yang / /gnas pa'i bskal pa lta bur snang / /thugs rje'i dbang du mdzad pa yang / /</font><hr>102.178a<br><font size=+1>

chags pa'i bskal ba lta bur snang / /mngon par spyod pa mdzad pa ni/ /'jig pa'i bskal pa lta bu'o/ /lang ka'i bdag po de dag ni yon tan mi zad pa mdzod kyi bkod pa dang / phrin las brlabs kyis mdzad pa'i byin brlabs las snang bar rig par bya'o/ /de skad ces smras pas dman pa'i lus kyi sems dpa' rnams gsang ba dam pa kho na nyid de byin gyi brlabs las snang bar rig par gyur to/ /sangs rgyas kun gyi dgongs pa 'dus pa'i mdo chen po las spyod pa mi zad pa rgyan gyi 'khor lo bkod pa'i le'u ste sum bcu lnga pa'o// //theg pa chen po nges par 'byung ba'i tshul las byin gyi brlabs kyi snang ba na yang 'byung ba'i gtam rgyud brjod pa'i phyag rgya ye shes rnam par bgros pa ste byung tshul bstan pa bdun pa'o// // de nas yang lang ka'i mnga' bdag byang chub sems dpa' sems dpa' chen po des gsang ba pa'i bdag po de la sngon du byung ba'i tshig bcu gnyis pa'i brgyad pa brgyud pa thabs kyis grags pa na yang byung zhes 'byung ba la 'di skad ces dri ba yongs su dris so/ /kye gsang ba pa'i bdag po nyid kyis theg pa chen po gsang ba dam pa byung ba'i tshul ston pas lung bstan pa gtam rgyud du brjod pa'i skabs su brgyud pa thabs kyis grags pa na yang byung zhes bkod pa de ji ltar brgyud cing gang du grags pa lags/ /smras pa/ lang ka'i bdag po dgongs pas brgyud de tshig tu grags pas lha dang mi'i 'jig rten du snang bar gyur pa yin no/ /lang ka'i bdag po de gang zhe na/ 'di lta ste/ gang gis gang la gang brgyud pa/ /de bzhin nyid de de'o zhes/ /chos kyi rgyal po rgyal 'tshab la/ /dgongs pa gsang ba nges bar brgyud/ /lha gnas mi yi 'jig rten du/ /gsang ba'i bdag po gang bgros pa/ /sngon du gnang 'byung skyes bu dag /dman pa'i lus 'dzin sems dpar grags/ /grags pa de yang ji ga gang / /'das pa'i dus na sngon byung</font><hr>102.178b<br><font size=+1>

ba/ /'gro mgon rdo rje snying po yis/ /nag po'i rang thag 'khor ba can/ /gdul bya'i zhing du smin mdzad che/ /smin dang ma smin 'dus pa'i 'khor/ /kun nas 'dus par gyur pa la/ /yang dag gsang ba'i don 'di gsungs/ /lang ka'i bdag po de'i tshe de'i dus na yongs su rdzogs par ngos ma zin pa'i sras de dag yongs su rdzogs par ngos gzung ba'i slad du gsang ba rnam par bskul ba/ 'dus pa chen po'i tshogs khyod yongs su rdzogs par ngos ma zin pa ye nas yongs su rdzogs par ngos gzung ba'i phyir ma bcos pa'i dam tshig nye bar long cig ces bka' stsal pa dang / 'dus pa'i tshogs rnams kyis gsol pa/ bcom ldan 'das de nyid nye bar gzung ba'i slad du ma bcos pa'i dam tshig ces bgyi ba de ji lta bu lags/ ji ltar nye bar gzung bar bgyi/ de skad ces gsol pa las/ bcom ldan 'das kyis bka' stsal pa/ 'dus pa chen po'i tshogs gang ma bcos pa'i dam tshig ni 'di lta ste/ ma nor ma bcos dam tshig ni/ /de bzhin nyid kyi chos nyid la/ /blo bzhag de la mi 'da' ba/ /rgyal ba rnams kyi dam tshig go ces bka' stsal pa las/ 'dus pa'i tshogs rnams shin du skrag cing dngangs nas yongs su ma rangs te/ e ma'o sgyu ma'i bdag po zhig gis bdag cag bslus so/ /bdag cag so so'i mos pa sna tshogs pa rnams bkag nas stong pa chen po la gtad pa 'di ni bdag cag so so rang rang gi dam tshig dang bral lo zhes zer te ngus pa las/ bcom ldan 'das kyis 'di skad ces bka' stsal to/ /kye mi'i thod pa can la sogs pa'i tshogs rang rang ji ltar dga' ba'i dam tshig rnams spobs pa skyed la kun gyis phul cig /gang ma bcos pa'i dam tshig de la ni gang yang 'gag pa med pas yongs su mi 'gog par snang ngo/ /de skad ces bka' stsal pa las/ yongs su gzung ba'i</font><hr>102.179a<br><font size=+1>

sras rnams mgu zhing rangs par gyur te mdangs phyung nas kun gyis rnam par 'dun te so so dga' ba'i dam tshig phul ba/ nag po'i ded dpon 'khor dang bcas pa rnams kyis gsol pa/ dpa' bo chen po bdag cag rnams kyi dam tshig ni 'di lta ste/ rang gi dka' thub chen po yis/ /rang gi rgyal srid la gnas te/ /gzhan gyi sde pa 'joms pa ni/ /bdag cag rnams kyi dam tshig go zhes gsol to/ /de nas 'dod chags can rnams kyi bdag po rnams kyis 'di skad ces gsol to/ /dbang phyug chen po bdag cag rnams kyi dam tshig ni 'di lta ste/ ma dang bu mo sring mo dang / /rgyu dang mi rgyu'i bud med la/ /'dod pa bas ni chags spyod pa/ /bdag cag rnams kyi dam tshig de lags so zhes gsol to/ /de nas zhe sdang can gyi bdag po rnams kyis 'di skad ces gsol pa/ 'jigs byed chen po bdag cag rnams kyi dam tshig ni 'di lta ste/ sems can sems can thams cad kyi/ /srog ni shin tu phrogs nas kyang / /sha dang khrag la longs spyod pa/ /bdag cag rnams kyi dam tshig de lags so zhes gsol to/ /de nas gnod sbyin gyi sde dpon rnams kyis 'di skad ces gsol to/ /'jigs byed chen po bdag cag rnams kyi dam tshig ni 'di lta ste/ nor gyi bdag po thams cad la/ /gser la sogs pa blangs nas ni/ /rang gi 'dod par longs spyod pa/ /bdag cag rnams kyi dam tshig de lags so zhes gsol to/ /de nas rtog pa can rnams kyis 'di skad ces gsol to/ /yid bzhin rtog pa'i rgyal po bdag cag rnams kyi dam tshig ni 'di lta ste/ gang gi mgo thod bcad nas ni/ /dge mtshan rtags de su 'chang ba/ /yid bzhin nor bu lta bur 'gyur/ /bdag cag rnams kyi dam tshig de lags so zhes gsol to/ /de nas rigs ngan sme sha can rnams kyi tshogs kyis 'di skad ces gsol to/ /mnga' thang rdzogs pa'i rgyal po bdag cag rnams kyi dam tshig ni 'di lta ste/ ba lang khyi sha rta sha dang / /mi sha glang chen sha la sogs/ /zos na</font><hr>102.179b<br><font size=+1>

yon tan thams cad 'grub/ /bdag cag rnams kyi dam tshig de lags so zhes gsol to/ /de nas srin mo khrag 'phrog ma rnams kyis 'di skad ces gsol to/ /khrag 'thung rgyal po bdag cag rnams kyi dam tshig ni/ 'di lta ste /  srog chags dag ni thams cad kun/ /bsad pa'i khrag ni dron mo dag /'thungs na gzig bzhin 'bar bar 'gyur/ /bdag cag rnams kyi dam tshig de lags so zhes gsol to/ /de nas 'phra men ma rnams kyis 'di skad ces gsol to/ /cho 'phrul chen po'i mnga' bdag bdag cag rnams kyi dam tshig ni 'di lta ste/ thod rus rkang dang 'bru mar khrag /  chang dang a mr-i tar sbyar ba/ /rdzu 'phrul grub pa'i dam rdzas te/ /bdag cag rnams kyi dam tshig de lags so zhes gsol to/ /de nas rigs ngan ngan skyugs can rnams kyis 'di skad ces gsol to/ /gtum rngam chen po bdag cag rnams kyi dam tshig ni 'di lta ste/ sha chen gshang gci khu ba khrag /bdud rtsi 'khyil ba'i dam rdzas te/ /nad rnams ma lus 'joms par byed/ /bdag cag rnams kyi dam tshig de lags so zhes gsol to/ /de nas bud med rnams kyi tshogs kyis 'di skad ces gsol to/ /sgeg po chen po bdag cag rnams kyi dam tshig ni 'di lta ste/ bro gar glu tshig snyan dngags dang / /'jo tshul bstabs kyis yid phrogs te/ /bsten pa thabs kyis 'khrig spyod pa/ /'di dag dga' ba'i dam tshig ste/ /bdag cag rnams kyi dam tshig de lags so zhes gsol to/ /de nas sho bar pa'i tshogs kyis 'di skad ces gsol to/ /ngag gi dbang phyug bdag cag rnams kyi dam tshig ni 'di lta ste/ gzhan gyis dpag par dka' ba'i phyir/ /ngag gi sprul pa 'tsham smra ba/ /slu ba chen po'i mchog yin te/ /bdag cag rnams kyi dam tshig de lags so zhes gsol to/ /de nas log sred can gyi tshogs kyis 'di skad ces gsol to/ /skyes</font><hr>102.180a<br><font size=+1>

bu yang dag chen po bdag cag rnams kyi dam tshig ni 'di lta ste/ yang dag ngang du kun rig na/ /che chung las gnyis gang byas kyang / /gnyis kyi dbang du mi 'gyur na/ /bdag cag rnams kyi dam tshig de lags so/ /zhes gsol to/ /de nas gsang tshig bsten pa'i tshogs kyis gsol pa/ gsang ba'i rnal 'byor bdag cag rnams kyi dam tshig ni 'di lta ste/ gshang gci khrag dang sol khu gos/ /brgya 'am stong du gyon nas ni/ /ling ga gcad na sangs rgyas 'jig / /gsang sngags gsang ba'i dam tshig go zhes gsol to/ /de nas bcom ldan 'das kyis gang ma 'dres pa yongs su mi 'gog pa'i dam tshig bka' stsal pa/ gang 'dir 'dus pa'i skal ldan kun/ /so so'i mos pa tha dad pa'i/ /yid bzhin nor bu dam tshig ni/ /yongs su rdzogs par blang bar bya'o/ /gzhan gyi sde pa 'joms byed cing / /mtshams med lnga po spyod bzhin du/ /bdag nyid chen por dmigs pa de/ /sangs rgyas 'grub pa'i snod du gsungs/ /ma dang bu mo sring mo dang / /rgyu ba'i bud med thams cad la/ /'dod pa bas ni chags spyad na/ /de dag 'grub pa'i snod du gsungs/ /gsod la dga' ba gang dag gis/ /srog gi dbang po rgyun bcad nas/ /sha rus za zhing khrag 'thung ba/ /yang dag dam tshig chen po yin/ /nor gyi bdag por gter khungs nas/ /gser la sogs pa ma byin par/ /blangs nas 'dod pa'i longs spyod pa/ /'di ni yang dag dam tshig yin/ /rnal 'byor rig pa'i blo can gyis/ /gang gis mgo thod bcad nas ni/ /dur khrod snod la chos shes pa/ /yang dag lta ba'i dam tshig ste/ /'dod pa'i dam tshig dam pa'o/ /ba lang khyi sha rta sha dang / /sha chen glang po'i mchog yin te/ /rnal 'byor chen po'i zas yin pas/ /gzhan ni bza' bar mi bya'o/ /dmar chen khrag gi rgya mtsho la/ /gang zhig 'thung bar byed pa de/ /khrag 'thung kun gyi dam tshig ste/ /zad par 'thung na gzi byin che/ /bro gar glu tshig la sogs pas/ /</font><hr>102.180b<br><font size=+1>

bud med thams cad bsten nas ni/ /'dod pas log par spyod 'gyur ba/ /chos nyid dam tshig chen po yin/ /gang nyid gting dpag dka' ba'i phyir/ /med las yod smra yod las med/ /yul la 'thun 'jug brdzun smra ba/ /sangs rgyas bka' yi dam tshig yin/ /gang dag thog ma med pa nas/ /gang 'khyams rang gis nyes pa'o zhes/ /spyo brgyad ngag ni brdzun smra ba/ /sangs rgyas gsung gi dam tshig yin/ /bye brag thams cad gcig pas na/ /las kyi dbang du mi 'gyur ba/ /ma nor ma bcos dam tshig ste/ /rnam smin med pa'i dam tshig yin/ /mi g.yo mi 'gyur mi bskyod pa/ /dmigs pas yod med mi dmigs kyang / /stor ba med pa gang yin pa/ /mi g.yo'i dam tshig chen po'o/ /de nyid chen po kun gcig pas/ /blang dang dor ba yod med de/ /gnyis su snang ba'i chos rnams kun/ /de nyid chen por yongs kyis gcig /dkar po nag po gang 'di la/ /rgyu dang 'bras bu so so yang / /nam mkha' bzhin te med pas na/ /mnyam pa'i dam tshig chen po yin/ /mnyam nyid rig pa'i rgyal po las/ /bye brag rnam pa yongs kyis med/ /rang gis snyed la gzhan gyis min/ /rang 'byung chen po'i dam tshig yin/ /bshang gci zag pa'i gos gyon te/ /ling ga skye ba rgyun bcad na/ /skye ba rnam grangs brgya snyed du/ /bzlas na de nyid der sbyar na/ /sangs rgyas gzugs sku ji snyed pa/ /chos sku nyid du 'jig 'gyur na/ /rdo rje sngags kyi dam tshig yin/ /'dod pas spyod pa'i longs spyod lnga/ /'dod pa bas ni chags spyod na/ /chos nyid rgyan gyi dam tshig ste/ /bde ba chen po nyid kyi dam zhes bka' stsal pas/ 'dus pa chen po'i tshogs rnams rab tu mgu zhing rangs nas kun gyis mgrin gcig tu gsol pa/ e ma'o yid bzhin mdzad pa'i rgyal po bdag cag rnams kyi bsam pa rangs so/ /bdag cag rnams kyi gtso bo lags so/ /bdag cag rnams kyi rgyal po lags so/ /bdag cag ma bcos</font><hr>102.181a<br><font size=+1>

pa'i dam tshig tu gzung du gsol zhes gsol pa las/ lang ka'i bdag po bcom ldan 'das des bka' stsal pa/ a ho/ yin no/ /legs so/ /gtad do/ /dam tshig dam pa de nye bar zung shig /tiSh+Tha badzra sa ma ya s+t+wa~M zhes gang de nyid las mi 'da' bar bzung ngo/ /lang ka'i bdag po de nas yang 'dus pa'i tshogs kyis bcom ldan 'das de la gsol pa/ bcom ldan 'das bcom ldan 'das ni bdag cag rnams kyi sgron ma lags na/ bdag cag rnams rang rang gi dam tshig 'di la gnas na rigs ni gang 'dzin par 'gyur/ /go 'phang ni gang du thob par 'gyur ba lags/ bdag cag rnams la bstan du gsol zhes gsol pa las/ lang ka'i bdag po bcom ldan 'das des bka' stsal pa/ 'dus pa'i tshogs rang rang gi dam tshig la gnas na ji ltar 'gyur ba dag bshad kyis nyon cig /e ma'o thod pa can gyi tshogs/ /khyed kyis smras pa tshig 'di rnams/ /mdud pas bcings pa'i tshig yin te/ /nam yang grol bar mi 'gyur ro/ /yang dag yang dag ces smra ba/ /yang dag nyid kyang mdud pa ste/ /mdud pa dgrol bar ma byas na/ /thar ram phyed par mi 'gyur ro/ /mtshams med la sogs byed pa dang / /gzhan gyi sde pa 'joms pa yis/ /rnam par grol bar mi 'gyur te/ /'di ni bdud kyi las zhes bshad/ /chags pa'i las sam sbyor ba dag /chags pa'i dbang gis der rmongs te/ /de dag de yi grong khyer du/ /gnas 'gyur de yi sems can yin/ /gang du sdang bas gsod pa'i las/ /gang gi lus la srog phral nas/ /shan pa gsod pa'i rigs dag tu/ /ltung 'gyur sdug bsngal rtsa ba yin/ /rgyal ba rnams ni rnam dag pas/ /gang tshe bder gshegs rgyal ba'i zhal/ /smad pa'i rdzas ni sna tshogs kyis/ /yongs su bstabs pa gang byas pa/ /de tshe las ni rnam smin gyis/ /thar med nad kyis gzung nas ni/ /ngan skyugs 'dam du bying bar 'gyur/ /sha dang khrag la sogs pa'i zas/ /ba'i rngad zas chen po ste/ /gang gis zos</font><hr>102.181b<br><font size=+1>

pa'i lus rnams la/ /dri yis 'tsho ba kun 'dus nas/ /mdangs dang bcud rnams 'phrog par byed/ /des ni gzi mdangs yal byed 'gyur/ /de nyid rin chen yod bzhin du/ /gzhan gyi rin chen spyod len pa/ /log pas log par 'tsho ba'i chos/ /'di dag mdud pa dam po yin/ /dkar nag las la khyad med zhes/ /thams cad khro bor spyod pa ni/ /rigs med rigs chad log pa'i rigs/ /'bras bu log pa'i khams su 'gyur/ /bde gshegs mnyes bya'i las rnams la/ /yan lag tshig tu ma dag na/ /nyes byas las kyi rgyu des ni/ /gang gi dus rnams thams cad du/ /dbang po yan lag ma tshang zhing / /dran pa'i snying po nyams par 'gyur/ /bde gshegs rgyal ba sgom zlos pa/ /cha 'thun bcos pa'i cho 'phrul ltar/ /gang gis der brtags der red nas/ /las kyi srin po rig 'dzin yin/ /rgyan dang cha lugs thams cad kun/ /gang gis de dang der brtags na/ /bram zer mi sdug lugs rig 'dzin/ /chu srin nya sogs yan lag 'byung / /ting 'dzin rtog pa thams cad kun/ /gang gis de dang der brtags na/ /ci yang rtog cing chags pa yi/ /'dzin pa'i phur pa chen por 'gyur/ /aH dang hU~M la sogs pa yi/ /rgyu yi yi ge thams cad kun/ /de dag so sor der brtags na/ /tsan dan sbrul gdug lo sogs pa/ /ltung 'gyur rtog pa'i gags chen yin/ /khrag la sogs pa'i rdzas chen lnga/ /dngos po kho nar der brtags na/ /'byung po khrag gi dri snom pa'i/ /lus len rigs ni 'dzin pa yin/ /ma mo rngam pa'i cha lugs su/ /gang gi rtog pa der bzung na/ /srin mo ma sdug sha za mor/ /lang ka'i yul du de dag 'khor/ /mtshan ma'i mgo brnyan bla dgas can/ /de 'drar gang gis nges brtags na/ /sho gam gnas kyi gcan chen rigs/ /'dzin cing gnas der rtog par 'gyur/ /las kyi dbang btsan bran mo'i tshogs/ /de 'dra nyid du nges brtags na/ /gnod sbyin nag mo'i tshogs su 'gyur/ /gzhan gyi tshe la 'tshe ba yin/ /des na mdud pa dam po</font><hr>102.182a<br><font size=+1>

'di/ /bskur du lci ba'i gdos yin te/ /log par lta bas mig long bas/ /sems kyi nor bu rin chen de/ /rtag chad khams su stor bar 'gyur zhes bka' stsal pa las/ /'dus pa'i tshogs de dag rtog pa'i nad kyis zin cing rang rang gi dam tshig las log par rig nas/ e ma'o sgyu ma'i bdag pos ni bdag cag bslus so/ zhes rma ga chad nas ngus so/ /de'i tshe de'i dus na bcom ldan 'das kyis bka' stsal pa/ kye rigs kyi bu dag rang rang gi rgyud la rnam par ltos shig ces bka' stsal pa las/ 'dus pa'i tshogs de dag gis las kyi rgyud bya ba ji lta bu yin pa bltas na thams cad me long nang gi gzugs brnyan bzhin snang bar 'gyur te/ lang ka'i bdag po de dag gis bcom ldan 'das de la gsol pa/ e ma ho bcom ldan 'das bdag cag rnams kyi dam tshig ni log pa'i dka' thub tu gyur par nges na 'di dag nyid yang dag pa'i dka' thub tu mdzad par gsol/ /ji ltar rang rang gi dam tshig rnams ma bkag par spyod bzhin du chos nyid kyi dka' thub tu mdzad du gsol/ de ci'i slad du zhe na/ bdag cag ni rang rang gi dka' thub la chags shing zhen pa lags so/ /chos thams cad ni sgyu ma lta bu de cir yang 'gyur ba lags so/ /theg pa chen po'i sgo ni bskal pa'i me dpung lta bu lags so/ /de bzhin du nam mkha' lta bu dang / sa chen po lta bu dang / rlung chen po lta bu lags so/ /sangs rgyas bcom ldan 'das ni thabs rgya mtsho'i mnga' bdag lags pas so so mos pa ji lta ba bzhin bshad du gsol zhes zhus pa las/ lang ka'i bdag po bcom ldan 'das des dgyes pa chen po'i bzhad pa mdzad nas kye rigs kyi bu dag theg pa chen po'i don de ltar zhu ba ni legs na/ 'di ni sangs rgyas dang byang chub sems dpa' thams cad kyang the tshom skye ba yin na khyed rnams lta ci smos/ de skad ces bka' stsal pa las/ /'dus pa'i tshogs kyis gsol pa/ bcom ldan 'das the</font><hr>102.182b<br><font size=+1>

tshom skye bar bgyid pa ni nges pa ma mchis pa lags na/ gang sangs rgyas bcom ldan 'das rnams ni nges pa can lags na nges pa ma mchis pa'i chos 'khor gyi nang 'dir gsung ngam zhes gsol pa las/ bcom ldan 'das kyis bka' stsal pa/ kye 'dus pa'i tshogs chos thams cad nges pa med par nga smra'o/ /de ci'i phyir zhe na/ ther zug tu red pa'i chos gang yang med pa'i phyir ro/ /de bas na khyed rnams kyi rang rang gi dam tshig la yang nges pa med de/ skye ba 'di las gzhan dpag tu med pa blangs pa dang len pa'i skabs su so so'i skye ba tha dad pa de bzhin du mos pa dang / las dang / skal pa dang / gnas dang / sde dang / sha tshugs dang / rigs dang / kha dog dang / 'tsho ba dang / lta ba dang / spyod pa tha dad na/  da khyed kyis nges par gang la gzung / de'i phyir chos thams cad nges pa med par nga smra'o/ /de nas 'dus pa'i tshogs kyis gsol pa/ 'o na bcom ldan 'das bdag cag gi dam tshig rnams nges pas bzung na ji lta bu lags/ bcom ldan 'das kyis bka' stsal pa/ 'dus pa'i tshogs 'di lta ste/ mtshams med lnga yi dam tshig ni/ /dam tshig ting 'dzin shes rab dang / /byang chub sems dang snying rje ldan/ /bar mtshams med par rgyun mi gcad/ /'di ni mtshams med dam tshig yin/ /chags pa chen po'i dam tshig ni/ /'khor ba dang ni chos nyid las/ /shes rab snying rje mi gtong ba/ /'di ni chags pa'i dam tshig yin/ /ma dang bu mo sring mo ni/ /chos nyid dang ni ye shes lnga/ /rang las byung ba'i shes rab ni/ /de bzhin nyid kyi gzungs su bshad/ /gang la skye ba med bstan na/ /srog gi dbang po mi len pa'i/ /skye ba'i rgyun ni chad pa dang / /thams cad stong par bcom pa ni/ /srog bcad pa zhes de la bya/ /dngos po med las dngos por ston/ /dngos por snang la med smra ba/ /rgyal ba kun gyi bka' yin te/ /slu ba'i dam tshig chen po yin/ /gzhan gyi yid bzhin nor</font><hr>102.183a<br><font size=+1>

bu la/ /rjes su mos pa'i 'od zer gyis/ /blangs nas byang chub 'jog pa dang / /de nyid lcags kyus len pa ni/ /ma byin len pa'i dam tshig yin/ /de nyid chen po de 'dod pas/ /mtshan mar zhen las log spyod pa/ /'dod pas log par spyod pa ste/ /sbyor ba'i dam tshig chen po yin/ /dam tshig ting 'dzin shes rab dang / /sems nyid snying rje chen po lnga/ /sha chen gshang gci khu ba khrag /rnam pa lnga po sbyar ba 'di/ /chos rnams kun gyi yo byad yin/ /yo byad 'di dang ma ldan na/ /don rnams 'grub par mi 'gyur ro/ /log par 'tsho ba'i yo byad kyang / /lta dang nyon mongs las nyon mongs/ /'dod pa bdun lnga nyid sbyar te/ /de la 'ang de skad bsgrags pa ste/ /'khor ba nyid du 'gyur ba yin/ /log par spyod pa'i lta ba lnga/ /sme sha lnga zhes grags pa ste/ /des na lta ba mi gtsang bas/ /yang dag lta las ltos na sme/ /bcom ldan 'das kyis de skad ces bka' stsal pas/ 'dus pa'i tshogs de dag gis skye ba med pa'i don mthong bas shin du yang ngo mtshar bar gyur te gsol pa/ bcom ldan 'das 'o na bdag cag gi dam tshig 'di rnams theg pa chen por ma gsol tam/ bka' stsal pa/ 'dus pa'i tshogs so so'i dam tshig rnams theg pa chen po yongs su rdzogs par ni ma bkag go/ /gsol pa/ bcom ldan 'das ci'i slad du ma bkag pa bshad du gsol/ bcom ldan 'das kyis bka' stsal pa/ ji ltar nam mkha'i rang bzhin du/ /snang srid ma bkag snang ba bzhin/ /theg pa chen po'i nam mkha' 'dir/ /lta spyod thams cad ma bkag ste/ /de'i phyir thams cad nam mkhar snang zhes gsungs pas/ 'dus pa'i tshogs thams cad ngam zhing ngo mtshar du gyur te ngus so/ /de nas bcom ldan 'das kyis mkhyen bzhin du bka' stsal pa/ 'dus pa'i tshogs khyed rnams kyis ci zhig</font><hr>102.183b<br><font size=+1>

thos nas ngu/ /gsol pa/ bcom ldan 'das yun gyi don srid chen po 'di lta bu bdag cag la sngar ma bstan pa thugs rje re chung zhes gsol pa las/ bcom ldan 'das kyis bka' stsal pa/ 'dus pa'i tshogs rang rang gi nam mkha' de/ rang rang gi mun pa glo bur bas bsgribs par zad kyi/ rang rang gi nam mkha' nyid du snang ba la gang gis gang la bstan ci dgos zhes smras pas/ gang gis mi rig pa gang yin pa de nyid rig par 'gyur te/ bag bzhi bskums/ yan lag sa la brdabs nas lus gdan khrir phul te/ nyon mongs pa'i sgrib pa sbyong zhing rna bas chos nyan pas shes bya'i sgrib pa sbyong ste/ rig 'dzin lus kyi seng ge dang / rta dang glang po la sogs pa'i zhabs kyi gdan khri'i bya ba yongs su rdzogs par byed do/ /sangs rgyas kun gyi dgongs pa 'dus pa'i mdo chen po las rmongs pa'i sel pa spyod 'thun dgrol ba'i le'u ste gsum bcu drug pa'o// // bam po drug par zug pa/ /de nas lang ka'i mnga' bdag byang chub sems dpa' sems dpa' chen po des gsang ba pa'i bdag po la yongs su dri ba dris pa/ kye gsang ba pa'i bdag po gang gis gang la brgyud de grags pa'i gsang ba dam pa de sngon du byung ba spyad pa spyod pa grags pa'i gtam rgyud ji skad brjod pa rnam par brjod pa lags zhes smras pa las/ gsang ba pa'i bdag pos smras pa/ lang ka'i bdag po sngon du byung ba'i gtam rgyud gsang ba dam pa spyod pa spyod par grags pa ni 'di lta ste/ gang 'dus pa'i tshogs kyis bcom ldan 'das gsang ba mchog gi bdag po de la gsol pa/ bcom ldan 'das gsang ba dam pa gang gis spyad pas legs pa dang / nyes pa'i spyod pa ji lta bur 'tshal bar bgyi/ de skad ces gsol pa dang / lang ka'i bdag po bcom ldan 'das des bka' stsal pa/ 'dus pa chen po'i tshogs gsang sngags dam pa gang gis spyad pa spyod pa ni rab tu dka' bar shes par bgyi shig /de ci'i phyir zhe na/ </font><hr>102.184a<br><font size=+1>

gsang ba dam pa ni shin tu me dang 'dra ste/ ji ltar me ni rgyun du bcangs shing spyad legs na ji lta ba bzhin du rgyun du spyad pa 'dod pa 'byung ngo/ /me nyid ji lta ba de bzhin du spyod nyes na me'i phung po chen por gyur te/ gang spyod par byed pa de yang sregs/ khyim nas khyim yang sregs/ rdzas kyi dngos po thams cad kyang tshig par 'gyur ro/ /de bzhin du gsang sngags 'di ni chu dang 'dra ste/ chu gang gi thabs kyis zin na ji ltar 'dod pa bzhin du 'byung ngo/ /gang chu'i rang bzhin dang thabs la mi mkhas pa ni gang spyod par byed pa de nyid g.yang bar 'gyur ro/ /gzhan yang gsang ba dam pa 'di ni gdug pa'i gcan gzan dang 'dra ste/ gang gdug pa'i gcan zan ni gzhan gyi srog gcod par byed cing gzhan dag 'joms par byed na yang / gang thabs la mkhas pa de ji lta ba bzhin dbang du 'du'o/ /grang thabs kyis ma zin na ni rang gi srog la 'bab par byed do/ /gzhan yang gsang sngags 'di ni sbrul gyi mgo la 'dug pa'i nor bu rin po che dang 'dra ste/ gang ji ltar thabs kyis zin na rin po che de la dga' ba der spyad du yod la/ gang gi thabs kyis ma zin na tshe dang bral bar byed do/ /gzhan yang ldum bu lang tang tshe dang 'dra ste/ gang gis thabs kyis zin na tshad nad drag po yang gcod par byed la/ gang thabs kyis ma zin na srog dang bral bar yang byed de/ de ltar na gang thabs kyis zin pa ni dug 'gyur rtsi dang / gser 'gyur rtsi dang / mun 'gyur gyi sgron ma bzhin du chung ngus chen po 'joms par nus te/ gang phyin ci ma log par nges pa nyid kyis thams cad de kho na nyid du 'gyur ro/ /'dus pa chen po'i tshogs de lta bas na gsang ba dam pa 'di ni spyad par dka' bas sngon du byung bar spyad par spyod pa dag gsang ba dam pa ngos ma zin pas log pa'i lam du byung ba yang yod do/ /gang thabs la mkhas pas ngos zin pa ma nor ba'i lam du byung ba yang yod pas 'dus pa chen po'i tshogs gang gsang ba dam pa ngos zin pa'i</font><hr>102.184b<br><font size=+1>

thabs kyi sprin chen pos spyad pa spyod pa la mkhas par gyis shig /de skad ces bka' stsal pa dang / 'dus pa'i tshogs kyis 'di skad ces gsol to/ /bcom ldan 'das gang du gsang sngags log pa'i lam pa ni gang lags/ gang ma nor ba'i lam pa ni gang lags/ bdag cag rnams la rgya cher bshad du gsol/ de skad ces gsol pa dang / lang ka'i bdag po bcom ldan 'das des 'dus pa chen po'i tshogs la bka' stsal pa/ 'dus pa chen po'i tshogs 'di lta ste/ brgyud de grags pas gang spyod pa/ gsang sngags gsang ba'i snying po 'di/ /ji lta de ltar gtan la dbab/ /'di ni yang dag gsang ba'i lam/ /gang du log pa'i chos rnams dang / /gsang sngags gsang ba'i snying po gnyis/ /btags pa ming gi sgra gcig phyir/ /nges pa'i rtags de zin par bya/ /theg pa chen po'i gsang sngags 'di/ /'thun 'jug thabs kyi sgrar bstan pas/ /phyi rol gzhan du 'gyur srid phyir/ /tshig dang sgra la don mi bzhag /dam pa rnams kyi dgongs pa 'di/ /dpe 'am tshad ma 'am gtan tshigs sam/ /rjes su dpag pa'i shes rab kyis/ /rtogs par nus pa ma yin no/ /dgongs don gsang ba'i snying po la/ /gang gi blo ni ma 'byor par/ /su zhig smra bar brtson pa de/ /ma smras na ni mi 'tsho 'am ci/ /de bzhin spyod dang ldan pa dang / /sgrub dang rtog dpyod byed pa rnams/ /don la nges blo ma rnyed par/ /ma spyad na ni ci zhig nyes/ /ci phyir gsang sngags rgya mtsho 'di/ /dper na gang gi sbrid bsangs bzhin/ /dam pa'i bka' tshig re re la 'ang / /don ni tha dad du mar 'byung / /des na gsang sngags dam pa'i don/ /ma rtogs bzhin du gang smra ba/ /gang gis mtshams med lnga byas pas/ /log smra'i sdig de de bas lci/ /gsang ba nyid la gol ba yi/ /gsang bar smra ba'i log sred can/ /gsang sngags cho gas zin gyur na/ /gang gis 'tsho ba srog bcad kyang / /de ni nyes pas mi 'gyur zhes/ /</font><hr>102.185a<br><font size=+1>

log par kha lo sgyur ba 'byung / /de yang ji lta bu zhe na/ /'das pa'i dus na sngon byung ba/ /bram ze 'tsho ba'i log sred can/ /log smra rgyu spyod dbang sgyur ba'i/ /gang 'dir log par spyod rgyas pas/ /kun kyang log pa nyid la 'jug /de la gsang bar sgra mtshon nas/ /gsang sngags de la mngon spyod 'byung / /de yang ji lta bu zhe na/ /'das pa'i dus na sngon 'byung ba/ /gang du gzhan 'byung log sred can/ /de myin 'dra gzhan spyod pa'o/ /gang du 'di ltar log pa'i chos/ /gsang sngags dam pa'i tshig dang sgra/ /gcig la mi gcig so so la/ /rmongs pa'i mun par gang spyod pa/ /sngags pa bdud kyi las byed de/ /shi nas dmyal ba chen por 'gro/ ci phyir lta bas ma zin phyir/ /bdud dang srin po'i spyod pa la/ /dga' mgur spyod cing 'dod dgur 'jol/ /de la bag chags zhen pa'i mthus/ /dmyal bar 'bar ba brgyad kyi yang / /rdo rje dmyal ba chen por ltung / /de yang ji lta bu zhe na/ /'das pa'i dus na sngon byung ba/ /log pa'i stobs ldan ya mtshan can/ /log zhen sdug bsngal spyi gtsug pa'o/ /e ma'o 'gro ba rnam mi grol/ /ci phyir 'ong ba'i dus rnams su/ /g.yo can bcos pa'i gsang tshig gis/ /dri med gsang ba'i bstan pa rnams/ /dkrugs 'gyur bka' bslad gzhung bor nas/ /don med log chos rgyas par 'gyur/ /gzhan nas byung ba ma yin te/ /rtsa ba nyid las gyur par zad/ /de yang ji lta bu zhe na/ /'das pa'i dus na sngon byung ba/ /'di par ma gyur bslad pa can/ /de rgyud ngan pas de nyid bslad/ /nga yi yid bzhin nor bu 'di/ /cir yang ston la dpag dka'i phyir/ /ma 'ongs dus na log spyod kyis/ /log brtags log sde mang po 'byung / /de yang ji lta bu zhe na/ /'das pa'i dus na sngon byung ba/ /lam log lam stor lam nyes pa/ /log zhen log sde drug brgyud pa'o/ /gang la log zhen log dbang gis/ /</font><hr>102.185b<br><font size=+1>

log blos log mthong gtsor bzung nas/ /lta sgo kun du mi 'jug cing / /rmongs pa'i lta bas brtan par gnas/ /de yang ji lta bu zhe na/ /'das pa'i dus na sngon byung ba/ /log lta gcig tu zhen sems pa/ /char ka nag po kun rmongs pa'o/ /gang 'dir bcing ba lngas bcings nas/ /rang gi che ba'i thabs bzung ste/ /rtog dpyod tsam yang mi 'jug pa/ /glang chen myos pa rmongs 'dra 'byung / /de yang ji lta bu zhe na/ /'das pa'i dus na sngon byung ba/ /bdag nyid gcig pur chos smra ba/ /log phyogs gcig pur spyod pa'o/ /gang du dmus long lam zhugs pa/ /yid kyis gom pa'i tshad dpags nas/ /nyam nga'i lam du rgyug pa ltar/ /tshod dpags tsam la gtsor 'dzin 'byung / /de yang ji lta bu zhe na/ /'das pa'i dus na sngon byung ba/ /gang du mun pas zin pa yi/ /brtul zhugs mchog 'dzin lnga sde pa'o/ /lung med rnal 'byor sgom pa dang / /chos med chos su smra ba dang / /sdig can smyon pa'i brtul zhugs la/ /dpa' brtul spyod pa cher spyod 'byung / /de yang ji lta bu zhe na/ /'das pa'i dus na sngon byung ba/ /gang gi tshad mas ma gzhal ba'i/ /mu chor smra ba sde bzhi pa'o/ /don med 'dug la brtson pa dang / /lugs ma la sogs gzugs brnyan dag /dmig+sa pa'i mtshan mar 'dzin pa yi/ /gang du rigs pa'i ri bo 'byung / /de yang ji lta bu zhe na/ /'das pa'i dus na sngon byung ba/ /gang du rgyu ba kun bkag pa/ /mnyam par 'jug pa bdun sde pa'o/ /sbas pa'i don rnams sgrar bsgyur nas/ /dpyod khongs tsam du byed pa rnams/ /steng du mi 'bab gol sar 'gro/ /sku gsung thugs kyi slu byed yin/ /lang ka'i bdag po de ltar na/ /de skad gsang ba mchog des bshad/ /gzhan yang thabs ldan 'di lta ste/ /de nas 'khor der 'dus gyur pa'i/ /rnal 'byor theg pa mchog spyod pa'i/ /tshangs pa'i 'od ces bya ba la/ /gang der mos pa chung spyod pa'i/ /rnal 'byor grags ldan zhes bya bas/ /'di skad gal du dri ba dris/ /dam par spyod pa tshangs</font><hr>102.186a<br><font size=+1>

pa'i 'od/ /gang 'dir dam pa spyod do zhes/ /shin du dman pa'i las spyod pa/ /de yi sman pa tha dad phyir/ /mun pa snang bar mi 'gyur zhing / /dman pa dam par ga la 'gyur/ /dper na mtho sar bgrod 'dod pa/ /gzhol phyogs lam du 'bab pa bzhin/ /go 'phang chen po mthong 'dod pa/ /ngan 'gro ya nga'i rgyud du zhugs/ /gang zhig btung ba'i chu 'dod pa/ /mig rgyu bsnyags pas tshim med ltar/ /dman pa dam par smin 'dod pa/ /mnyam la dman spyod 'gyur ma yin/ /sbrul 'bras khyung gis brnos 'gyur yang / /phyin ci log 'gyur mi srid pas/ /de nyid kho nar snang ba bzhin/ /dman pa dam par 'gyur mi srid/ /gang gi gsang ba las log pa'i/ /gang 'dir log spyod dman pa dag /thams cad rang bzhin med stong pas/ /nyon mongs byang chub stong mnyam zer/ /'tsho ba'i sman dang 'chi ba'i dug /'byung bas bskyed par rgyu gcig kyang / /'tsho dang 'chi bar byed pa'i mthu/ /de nyid mi mthun so sor snang / /des na gang 'dir la la zhig /'byung bas bskyod pas gcig mnyam zhes/ /dug kyang za zhing btung ngam ci/ /de bzhin dam pa dman pa'i las/ /rang bzhin med par don gcig kyang / /mnyam zhes dam pa nyid bzhag cing / /dman pa ched du spyod dam ci/ /des na dam pa dman pa dang / /gtsang dang mi gtsang che chung gnyis/ /bzang ngan bde sdug la sogs dang / /bsti gnas spyad byar snyoms med pa/ /mnyam sbyor rtags spyod yin zhe na/ /dug dang kha zas bde sdug rnams/ /mi mnyam mnyam par ga la snyoms/ /ma bcos mnyam pa'i chos nyid la/ /glo bur las kyis mi mnyam ste/ /nam mkha' dri med ye nas gsal/ /dag par bya phyir 'khru 'dod 'dra 'o/ /gang du nad rnams 'joms pa'i sman/ /nad med rnams kyi dug du 'gyur/ /lta log 'jig rten drang ba'i thabs/ /rnal mar spyod na nyes par nges/ /'thun 'jug spyod pa drang ba'i thabs/ /gang gi dbang du spyod byed pa/ /gang</font><hr>102.186b<br><font size=+1>

stobs rig dang ldan pa yis/ /mi 'thun bcos nas 'thun 'gyur bzhin/ /tshig 'thun don ldan dam pa yis/ /ji ltar rigs pa de ltar nges/ /ji ltar zhum pas khe bkam gyi/ /grags pa 'dod phyir rdeng med par/ /g.yul zhugs stobs rig 'gran bzlas na/ /gzhan dbang de nyid rlag par 'gyur/ /de bzhin dam par bcos pa yis/ /khe dang grags pa rlom sems phyir/ /log sred drang ba'i 'thun spyod la/ /yang dag dam par nges bzung nas/ /tshig gi lam nyid sgrar spyad na/ /bdag phung gzhan brlag dman par nges/ /thams cad gang gi theg tshad dang / /go dang rtogs dang nus tshad dang / /gang du 'dul tshad ma gtogs pa/ /tshad las 'das na yul med de/ /'das na 'das pa nyid du 'gyur/ /gang yang tshad las 'das pa ni/ /zas kyang dug du 'gyur bzhin du/ /dug chen za ba'i smyon pa de/ /dam pas kyang ni mi rigs so/ /gang dag gang gis bcings pa las/ /de nyid ma grol ma thar bar/ /thams cad thams cad bsgrol ba yi/ /slu ba chen po de ci zhig /de nyid ma rig ma grol zhing / /de yi sems dag ma byung na/ /sangs rgyas sa la des bzhag kyang / /de nyid mthong ba dmyal ba'i gnas/ /de rig de yi don ldan na/ /dmyal chen de dag zhing khams dag /gsang ba'i snying po kun khyab kyang / /de rig de dang ma ldan na/ /long ba'i mdun du gzugs bstan ltar/ /gti mug 'khor ba'i mun pa yin/ /de skad gal du dris pa las/ /tshangs pa'i 'od ces bya ba yi/ /rnal 'byor dam pa theg chen pos/ /rnal 'byor mos pa chung spyod pa/ /grags pa'i tshul ldan bya ba la/ /dam par nges pa'i tshig smras pa/ /gang 'dir mos pa chung 'dzin gyi/ /grags pa'i tshul 'dzin bya ba khyod/ /gsang sngags gsang ba'i snying po 'di/ /sangs rgyas nyid 'di ma gtogs pa/ /gang gi spyod yul ma yin pas/ /tshul 'dra tsam gyis mi 'grub bo/ /gang 'dir dad mos 'dod nus na/ /de nyid de la der bltas na/ /de la de sbyor de nyid de/ /</font><hr>102.187a<br><font size=+1>

de dag tsam ni theg tshad yin/ /gang 'dir theg pa mang bshad pa/ /tha dad yod pa ma yin te/ /mos pa tha dad drang ba'i phyir/ /thabs kyi sgo ni mang por bshad/ /de kun mos pa ma bkag pa'i/ /dran pa'i thabs su sbyar bas na/ /kun la nges pa'i blo mi bzhag /gang du nges pa gcig nyid la'o/ /kun shong kun 'jug 'di bde bas/ /theg pa chen po brjod pa yin/ /theg pa che dang thabs mang bas/ /thams cad gang yang 'gog pa med/ /gang mi 'gog par 'jug lam bde/ /bde ba nyid la spyad par sla/ /thabs dang theg pa'i bye brag rnams/ /so so mi 'thun tha dad kyang / /thabs kyi nges pa spyod pas na/ /nges pa nyid na khyad par med/ /dam tshig bsgrub pa spyod pa dang / /lta ba sna tshogs tha dad kun/ /dud 'gro yi dgas mi ma yin/ /ngan skyugs ched du byed la sogs/ /phyin ci log tu bltas pa rnams/ /dam pa'i don la gzung ba'i phyir/ /rnam pa sna tshogs tha dad kyang / /yid nyid rdo rjer gcig dgongs nas/ /sna tshogs kun dang 'thun 'jug phyir/ /sbyar nas bsten brid drang ba dang / /khrid pa'i thabs su sbyar bar zad/ /'jig rten kun gyi dman pa rnams/ /sna tshogs dam par drang ba'i phyir/  dman pa'i lta spyod mtha' yas pas/ /yongs su rdzogs par byed par zad/ /sbrul sgong khyung du mi 'gyur yang / /'gyur bas gser 'gyur sman bzhin du/ /dman pa kun gyi de bzhin nyid/ /ma bcos shes na dam par 'gyur/ /de bzhin nyid kyi dbyings nyid la/ /ngan 'gro go 'phang mtho dman med/ /snyon smongs byang chub tha dad kyang / /stong pa nyid la de gnyis med/ /dug dang sman gnyis so so yang / /'byung ba dag la de gnyis med/ /ma 'dres sna tshogs tha dad kyang / /kun gyi rang bzhin yongs su rdzogs/ /gang 'dir dam par 'gyur nges na/ /dman pa'i las rnams ched du spyad/ /de nyid ma mthong gang dag gis/ /tshig brda lam gyi rjes 'brangs pas/ /yang dag lam las gol ba yi/ /log pa'i lam pa sha dag 'byung / /lang ka'i bdag po de</font><hr>102.187b<br><font size=+1>

skad du/  tshangs pa'i 'od ces bya ba des/ /grags pa'i tshul dang ldan pa yi/ /dri ba chung ngu the tshom bcad/ /ces gsang ba'i bdag po des lang ka'i mnga' bdag la smras pas/ gang du mos pa chung ngu'i sems can rnams theg pa chen po nyid du nges par grol bar gyur to/ /sangs rgyas kun gyi dgongs pa 'dus pa'i mdo chen po las gang gi dri ba the tshom bcad pa'i le'u ste sum bcu bdun pa'o// // de nas yang gsang ba pa'i bdag po des lang ka'i bdag po byang chub sems dpa' sems dpa' chen po de la 'di skad ces bka' stsal to/ /kye lang ka'i bdag po kho bo dran pa thog ma'i tshe/ kho bo'i ston pa gsang ba mchog gi bdag po des 'khor dam pa de'i nang du gsang ba brgyud pa'i grags pa'i gtam rgyud brjod pa ni gsang ba pa'i bdag po 'di lta ste/ nga yi dgongs pa skabs gcig na/ /gsang ba'i bdag po don 'di dag /ma nor ba nyid nub par gyur/ /tshul lam bcos tsam gang dag la/ /phal cher don du spyod mod kyi/ /don du nges pa ngas ma mthong / /kun kyang log pa'i lam la spyod/ /gang du log pa ji gang na/ /'di la mi gnas 'di nyams dang / /'di la log dang log tshul spyod/ /'di tshul ma yin 'dir ma nges/ /g.yo sgyus bden 'drar bcos log gam/ /de yang ji lta bu zhe na/ /'das pa'i dus na sngon byung ba/ /bskal pa kun bkod bya ba la/ /sangs rgyas mngon byung rgyal po de/ /mya ngan 'das par gyur 'og tu/ /byung ba'i rnal 'byor bzang ldan de/ /mi shes byis pa'i 'khor rnams la/ /tshul bcos log pa'i sngags bstan pas/ /lnga brgya'i 'khor dang bcas pa de/ /don las gol cing 'khor bar log /de 'dra'i tshul 'byung der ma spyod/ /gzhan yang gsang ba'i bdag po nyon/ /rmad 'byung gsang ba'i snying po 'di/ /rnal 'byor dbang sgyur tshad ma rnams/ /phal cher mi gnas skabs dag tu/ /mi shes ngan rtog can rnams kyis/ /log brtags don bslad gzhung bor te/ /nor bas</font><hr>102.188a<br><font size=+1>

bdag nyid sun 'byin cing / /'di yin gzhan rtogs ma yin zhes/ /bdag bstod gzhan la dmod pa log /de yang ji lta bu zhe na/ /bskal pa de yi dus nyid la/ /rnal 'byor dpal byin bya ba zhig /don la blo shed ma bya zhing / /gros kyi thabs la mi mkhas pas/ /blo gros nges pa'i gzhung bor nas/ /chos ma yin pa'i chos spyod cing / /nges pa'i gros ldan gzhan dag la/ /de ltar ma nges blo gros ni/ /bdag gi blo gros 'di yin zhes/ /mngon pa'i nga rgyal cher spyod pa/ /'di ni srid pa log pa'i lam/ /de 'dra'i tshul byung der ma spyod/ /gzhan yang gnod 'dul 'di lta ste/ /sngar byung rgyud kyi rjes gnas pas/ /rdeng med bzhin du dpon bstabs nas/ /tshig gnyer dregs pa'i dbang des ni/ /mi shes bzhin du ras spyod pa/ /tshul 'chos sems kyi gya gyu can/ /smyon thabs blun po'i sdig can yin/ /de yang ji lta bu zhe na/ /'das pa'i dus na sngon byung ba/ /kun bkod grags pa de nyid la/ /tshul brtags 'dzin pa'i rnal 'byor pa/ /dri med spyod ces bya ba zhig /sngar byung mkhas pa rjes su gnang / /khri phrag bcu yi 'khor rnams kyis/ /rgyud kyi rjes su byung ba yi/ /don med rnal 'byor de nyid la/ /tshig gi khur chen ljid phab nas/ /rigs rgyud 'dzin par dpon bstabs te/ /che bas che ba'i drags pa skyed/ /mi shes bzhin du tshul 'chos te/ /'dra tshul log pa'i chos spyad pas/ /'khor bcas dregs pa'i ru trar lhung / /de 'dra'i tshul byung der ma spyod/ /gzhan yang gnod 'dul gsang ba'i bdag /mdza' drin bsdang stir zhing rnams dang / /rnyed dang bkur stis 'tsho ba'i 'khor/ /gzhan dbang nyid du 'gyur dogs nas/ /ris dang chos sde so sor gcod/ /'di dag bdag gis gdul bya yi/ /'byor pas 'tsho ba'i zhing yin gyis/ /gang dag gang 'dir ma 'du zhes/ /nyon mongs tshig gis sgo byed nor/ /de yang ji lta bu zhe na/ /</font><hr>102.188b<br><font size=+1>

'das pa'i dus na sngon byung ba/ /gang du grags pa de nyid la/ /na zhi na zhes bya ba zhig /rnal 'byor lnga brgya'i 'khor dang bcas/ /shin tu gsang sngags cher spyod ces/ /dgon pa'i rgyan du dben gnas te/ /gang gi ljongs chen de dag na/ /gnas pas gnas pa de dag kun/ /kha gsag thabs rgyud zhing du spyod/  gzhan gyi sde bar gyur pa yi/ /rnal 'byor mig ldan don mthong zhing / /gang de ched du gnyer 'ongs nas/ /don dam las la~M de kho na/ /rgyas par bstan du brtsams pa las/ /dgon pa'i rgyud du dben 'dzin pas/ /nyon mongs log pa'i sgo ba byas/ /'di khams bdag gi zhing yin gyi/ /kho na ngo bo nyid deng shig /tshan dang gzhan gyi ris bcad pas/ /nyon mongs 'khor ba'i lam du lhung / /de 'dra'i tshul byung der ma spyod/ /gzhan yang gdul dka' 'dul ba yi/ /rnal 'byor dam par bsngos rgyu la/ /bdag gir 'dod spyod gsog 'jog byed/ /gcig yid gcig gis 'byin byed pa/ /nam zhar logs spyod thob pa myin/ /de yang ji lta bu zhe na/ /'das pa'i dus na sngon byung ba/ /grags pa kun bkod de nyid la/ /bder shis zhes ni bya ba yi/ /rnal 'byor zhen chags 'khor dang bcas/ /sngags tshig sgra yi rjes spyod las/ /de yi 'khor der 'dus gyur pa'i/ /bud med bzang rgyan bya ba zhig /'tsho ba 'dzin par sbyar ba las/ /ser snas gsog 'jog byas pa yis/ /yi dgas khyi'i lus blangs te/ /dman pa'i lus su gtan du 'khyams/ /de 'dra'i tshul byung der ma spyad/ /gzhan yang gsang bdag gnod 'dul la/ /log par spyod pa'i rnal 'byor ni/ /log lta spyi brtol gtum khro che/ /sdig spyod don dang mi ldan yang / /bdag 'di nges pa kho na zhes/ /bab chol bka' rkun slu byed bslad/ /de yang ji lta bu zhe na/ /'das pa'i dus na sngon byung ba/ /chos skyong ba yi rnal 'byor pa/ /pra ma ta zhes bya ba zhig /don dang lam la</font><hr>102.189a<br><font size=+1>

ma mthong bar/ /bdag ni lam mkhan kho na zhes/ /kun la rgya cher grags pa las/ /rgyal ba'i bka' rkun 'gro gang rnams/ /bslus par gyur pa'i smin pa yis/ /ngan 'gror bying gyur gnas de nas/ /thar nas log pa'i 'jig rten pa/ /bdag 'dzin spyod pa'i gnas su ltung / /de 'dra'i tshul 'byung der ma spyod/ /gzhan yang gsang bdag 'dul ba po/ /tha tshig nyams shing don la rmugs/ /grags pas de la khas 'che phyir/ /rgyal po'i rgyal sa thob 'dod pa/ /khrel med spyi btol mun sprul 'chal/ /de yang ji lta bu zhe na/ /'das pa'i dus na sngon byung ba/ /gang du grags pa de nyid la/ /rnal 'byor sngags kyi tshul spyod pa/ /pe na pa ya bya ba zhig /brgya yi sde dang bcas pa byung / /rtsa ba nyams shing don la rmugs/ /dregs pa chen po'i nga rgyal gyis/ /don dang ldan par tshul 'chos phyir/ /rgyal po'i rgyal thabs che blangs pas/ /ri bos srog chags mnan pa bzhin/ /nga rgyal dregs pa'i ri bo yis/ /'khor ba'i las spyod las ngan pa/ /gti mug phag gi lus su ltung / /de 'dra'i tshul 'byung der ma spyod/ /gzhan yang gsang ba'i bdag po nyon/ /mnyam pa'i don nyid ma chub par/ /mnyam zhes tshig gi lam 'byin zhing / /chags sdang gnyis la mngon 'tshal ba/ /rnal 'byor las kyis 'khor ba'i lam/ /de yang ji lta bu zhe na/ /'das pa'i dus na sngon byung ba/ /drags 'byung bskal pa de nyid la/ /bde sbyin zhes ni bya ba zhig /rnal 'byor stong gi 'khor dang bcas/ /gsang ba dam par nges so zhes/ /sten khrid chags sdang gnyis la 'chel/ /de nyid yongs su smin pa yis/ /rak+Sha srin po'i khams su ltung / /de 'dra'i tshul byung der ma spyod/ /gzhan yang gsang bdag 'di lta ste/ /rnal 'byor gang dag blo chung rnams/ /rnal 'byor gang dag don glengs na/ /de la 'jigs shing</font><hr>102.189b<br><font size=+1>

skrag 'gyur te/ /spa zhum mi dga' 'byol byed blun/ /de yang ji lta bu zhe na/ /'das pa'i dus na sngon byung ba/ /grags 'byung bskal pa de nyid la/ /lha sbyin de zhes bya ba zhig /rnal 'byor las kyi dang po'i tshe/ /rnal 'byor nges don mang po gzhan/ /nges don gsang ba'i don glengs na/ /lha sbyin 'khor bcas de las byol/ /nor pa'i sems kyis phrag dog skyes/ /rang gi gnas dor ngan du brjod/ /de yis bskal pa dpag med du/ /yang dag don gol log par 'khyams/ /de 'dra'i tshul byung der ma spyod/ /gzhan yang gsang ba'i bdag po nyon/ /rnal 'byor nyid kyi rnal 'byor la/ /rnon po gdug pa'i dug mda' gtong / /tha tshig btsan po rdzong lta bu/ /'joms byed rnal 'byor rang bgegs yin/ /de yang ji lta bu zhe na/ /rnal 'byor blo gros bya ba zhig /mi 'jigs zhes bya'i rnal 'byor pa/ /don med bcos par spyod pa der/ /blo gros dam pa 'dus par gyur/ /bzod ldan de la ngan sems kyis/ /skur btab kha na ma tho brjod/ /des ni mi 'jigs mnar med ltung / /de 'dra'i tshul byung der ma sbyong / /gzhan yang gsang bdag 'jig nyon cig /lta ba'i dmigs bu dang bral nas/ /yang dag dbu ma'i lam mi gsal/ /spyi yul tsam la ltos spyod pa/ /de ni rnal 'byor long ba'i tshogs/ /de yang ji lta bu zhe na/ /rgyal po rab tu gsal 'dzin pa/ /rnal 'byor gsang ba'i rjes zhugs te/ /shes rab lta ba mig med par/ /rnal 'byor ming tsam tshul bzung nas/ /sgra thos rjes su tshul spyad pas/ /gti mug mun pa'i khams su ltung / /de 'dra'i tshul byung der ma spyod/ /de la sogs te mtha' yas mchog /thams cad 'khor ba'i lam par ltung / /des na gsang ba'i snying po 'di/ /gol sa che bar rgyal bas bshad/ /des na thabs la mkhas pa dang / /blo gros dam pa shin tu gces/ /thabs mkhas blo gros ldan pa yi/ /nges par legs pa'i</font><hr>102.190a<br><font size=+1>

rnal 'byor pa/ /sngon 'das dus na byung ba yi/ /rtsal chen rnams kyi bcad rgyud 'di/ /skyes bu dam pa'i spyod yul te/ /yon tan sgra bsgrags sus thos pa/ /ming tsam gyis kyang bde thob cing / /dran pas ngan 'gro las skyob yin/ /de yang ji lta bu zhe na/ /shin du gsang ba'i snying po 'di/ /ma byung ba yi sngon dus na/ /lha gnas gsum du grags pa las/ /lha yi bu ni 'od ldan te/ /mi rtag 'chi ba'i dus bab nas/ /sngon byung snga ltas byung ba na/ /mi bde bar ni 'du shes gyur/ /ma 'ongs 'du shes bzhag pa las/ /mi gtsang zas kyis 'tsho ba yi/ /srogs chags blun pa'i lus len par/ /rang gi mngon par shes pas mthong / /shin tu skrag pa'i 'du shes kyis/ /skyabs kyi yul ni yid la byas/ /gang der gang dran ma byung bar/ /theg chen gsang ba'i snying po'i mtshan/ /tshig gi lam du grags pa bzhin/ /thos pa yid la byas pa yis/ /ngan 'gror 'gro las slar log ste/  bde ba chen po'i gnas su 'khod/ /de 'dra'i tshul byung de bzhin sbyong / /gzhan yang gsang ba'i bdag po nyon/ /theg chen gsang bar rab nges na/ /rnam smin grag pos gar 'phangs kyang / /ji ltar pho long brdabs pa bzhin/ /'phen 'gro don gyis der mi gnas/ /ci phyir thams cad stong nyid pas/ /sdug bsngal gnas su bcas de yang / /sems can bcas te stong pa'i phyir/ /reg 'gyur myong bar 'gyur ma yin/ /de yang ji lta bu zhe na/ /'das pa'i dus na sngon byung ba/ /dmigs pa can gyi rnal 'byor pa/ /theg chen zab mo'i tshig thos pas/ /shin tu skrag cing dngang 'gyur te/ /skur btab rgyab phyogs snying ral nas/ /ngu 'bod gnas ltung ma myong bar/ /bde 'gro thar pa'i gnas su thon/ /de 'dra'i tshul byung shes par gyis/ /rgyal ba rnams kyi gsang 'di la/ /gang dga' gang zhig 'dun skyed pa/ /</font><hr>102.190b<br><font size=+1>

gzhan gyi bar chad mi 'byung bar/ /ji ltar mos pa de myur thob/ /de yang ji lta bu zhe na/ /'das pa'i dus na sngon byung ba/ /bram ze byams ldan zhes bya bas/ /gsang chen gsang ba'i snying po 'di/ /mthong bas mos te kun la bltas/ /de yang rnyed par ma gyur te/ /gang gi phyogs su gnas nas ni/ /shin tu nges nas gdung sngags smras/ /e ma'o bdag ni las re pham/ /skyes nas rgas par gyur bar du/ /yang dag gsang ba'i don btsal na/ /gang 'di ma mthong las re ngan/ /de yod ji ltar mthong bar 'gyur/ /btsal bas rnyed par yong myin te/ /bdag la ston pa gang su zhig /sgra cher ngus te smras pa las/ /nam mkha'i khams nas sgra byung te/ /skal dang ldan pa'i rigs can khyod/ /'di ltar nges pa'i blo brtan pas/ /khyod ni don gyis bgo skal pa/ /dus gsum rgyal ba thams cad kyis/ /khyod la byin gyis brlab pa mdzad/ /de bas mos pa ma g.yos bar/ /don dang phrad pa'i thabs dag la/ /mkhas shing brtson par bya dgos te/ /gdos pa'i lus ni gdod bor nas/ /snying po don la nges bltas na/ /de ma thag tu mthong bar 'gyur/ /de skad lung bstan thos nas ni/ /dga' bas mos pa cher g.yos te/ /ji ltar bstan pa der bltas pas/ /rigs chen 'dzin pa'i sras su gyur/ /de 'dra'i tshul byung mos par spyod/ /gsang ba'i bdag po 'di lta ste/ /mthong la skal ldan 'dir zhugs te/ /thams cad du yang de bzhin te/ /tog gi rtse mor gyur pa bzhin/ /yongs kyis nub pa ma yin no/ /de yang ji lta bu zhe na/ /dge ba'i rgyal po zhes bya ba/ /lha bu khri tsho bcu dang bcas/ /snying po gsang bar rnal 'byor la/ /rin chen 'od ldan gtsug 'dzin du/ /shin tu dang bas dger g.yos te/ /lha rdzas yo byad mang po dang / /bcas nas dam pa'i drung du dong / /dga' bas 'dun pa'i tshul bzung nas/ /</font><hr>102.191a<br><font size=+1>

snying po gsang ba'i don la zhugs/ /cho 'phrul chen po bzhi thob ste/ /lha gnas kun tu bsgrod pa dang / /'byung chen lus las sprul pa dang / /ri bo 'degs dang 'phang ba dang / /yun gyi tshe la gnas pa thob/ /rgyal mtshan rtse mo'i tog bzhin du/ /mthong ba dag gi chos nyid de/ /bskal bar nub par ma gyur to/ /de 'dra'i tshul byung 'jug par gyis/ /gzhan yang gsang bdag 'di lta ste/ /mthong bas chos 'di yongs dag pa/ /ye shes sgron ma'i mig rnyed nas/ /bla med snying po can rnams kyi/ /lam rnyed lam du zhugs pa yin/ /de yang ji lta bu zhe na/ /'das pa'i dus na sngon byung ba/ /theg chen gsang bar rab nges pa/ /lhun grub rtsal chen rdzogs pa yi/ /rigs chen 'dzin pa'i sa nyid thob/ /de 'dra'i tshul byung mthong bar gyis/ /gzhan yang gsang chen 'dzin pa nyon/ /gang dag theg chen mngon spyod la/ /dga' bas rjes su yi rang bas/ /de ni de dang 'dra ba ste/ /'bras bu dag la mtho dman med/ /de yang ji lta bu zhe na/ /'das pa'i dus na sngon byung ba/ /rgyal po dbang phyug 'od ldan pa/ /rnal 'byor can gyi 'khor dang bcas/ /theg chen zab mo'i don la zhugs/ /gsang sngags gsang ba'i byin brlabs dag /ngo mtshar cho 'phrul mang po rnams/ /thog ma kun tu grags par gyur/ /de las gzhan pa'i rnal 'byor pa/ /bram ze dge slong bya ba zhig /shin tu dga' ba'i sems bskyed nas/ /dam par nges pa'i bslab pa zhus/ /byis pa'i spyod yul ma yin phyir/ /gsang chen gsang ba'i rab tu gsungs/ /bram ze ma log yo byad dag /de la de bsngos dag par sbyar/ /skyes bu dam pa de yul du/ /yid kyis phyogs der smon par brjod/ /'di la mos pa'i byin brlabs kyis/ /snying por nges pa'i dam pa dang / /rjes su yi rang dam pa gnyis/ /thob pa mnyam pa nyid du gyur/ /</font><hr>102.191b<br><font size=+1>

'di ltar tshegs med don po che/ /thabs la mkhas pa'i rigs chen 'dzin/ /de 'dra'i tshul byung mkhas par gyis/ /gzhan yang gsang 'dzin 'di lta ste/ /bsam yas bsam gyis khyab pa'i/ /rgyal bas 'di gzigs 'di mkhyen pas/ /srid gsum 'khor ba'i bshes gnyen du/ /dam pa gsang ba'i bdag por gyur/ /de yang ji lta bu zhe na/ /'das pa'i dus na sngon byung ba/ /gsal byin bya ba'i khyim bdag zhig /theg chen gsang ba 'dir gnas pas/ /rang gi gsang ba nyid mthong bas/ /gsang chen gsang ba'i nges rnyed de/ /kun gyi gsang ba nges par mthong / /chos rnams kun gyi gsang ba ste/ /de las de byung 'bum phrag yas/ /chos kyi rgyal por gyur nas ni/ /smra ba kun gyi seng ge zhes/ /zhing khams kun tu grags par gyur/ /de 'dra'i tshul byung bslab par gyis/ /gzhan yang gsang 'dzin gnod 'dul nyon/ /theg chen gsang ba'i tshig lam gcig /khong du chud par gyur pa ni/ /skye bo nyan thos bsam yas dang / /rgyal ba mtha' yas sras bcas la/ /mchod yon tshogs chen spel bas ni/ /'bum gyi char yang mi phod do/ /ci'i phyir theg chen 'di shes pas/ /rgyal ba mnyes pa'i mchog 'di yin/ /nam mkha' kun khyab rgyal ba dang / /theg chen gsang ba'i snying po gnyis/ /so so ma yin tha mi dad/ /des na rgyal ba gcig mnyes pas/ /rgyal ba thams cad mnyes pa yin/ /sku dang gsung thugs gcig las med/ /'dul ba'i dbang gi khyad par las/ /bsam gyis mi khyab bstan par zad/ /de yang ji lta bu zhe na/ /'das pa'i dus na sngon byung ba/ /skal ldan yongs su dag pa'i rigs/ /dge ldan gsal ldan bya ba gnyis/ /gang du mos pa so sor skyes/ /gcig la gcig 'dir tha tshig bcas/ /gcig gis dman pa'i theg pa la/ /spyad nas bya ba'i las chen byas/ /</font><hr>102.192a<br><font size=+1>

gcig ni theg chen gsang ba'i don/ /rgya cher nges par chub pa las/ /theg chen zhon pa'i gsal ldan ni/ /rigs chen gcig gis mngon par chub/ /bya ba byed pa'i dge ldan ni/ /grangs med bskal pa gsum gyis chub/ /des na theg chen gsang ba la/ /de 'dra'i tshul byung tshul bzhin spyod/ /gzhan yang gsang 'dzin bdag po nyon/ /gsang 'di rtag tu gang 'chad pa/ /mi bskyod rgyal po la sogs pa'i/ /che yon rtag pa'i ci 'dra ba/ /don gyi gzungs dang bcas pa thob/ /de yang ji lta bu zhe na/ /khyim bdag mes byin bya ba de/ /brgya yi 'khor dang bcas pa zhig /rtag par theg chen 'dir gnas pas/ /sangs rgyas mi 'khrug rgyal po yi/ /'khor dang bcas pa ci 'dra ba/ /rigs chen 'dzin pa gcig gis thob/ /de 'dra'i tshul byung dag par spyod/ /gzhan yang gsang bdag 'di lta ste/ /sku dang gsung thugs rdo rje yi/ /don du nges par bsgrub pa rnams/ /rtogs nas smra bar gang byed pa/ /goms pas rjod dang smon pa yis/ /chos kyi rgyal por de 'gyur zhing / /yon tan spyi gtsug nyid du 'gyur/ /de yang ji lta bu zhe na/ /'das pa'i dus na sngon byung ba/ /drang srong rnal 'byor kal ya nas/ /drang srong rnam pa mang sde la/ /theg chen gsang ba'i bsngags pa brjod/ /don rnams nges par bkod pa las/ /mang pos rigs chen 'dzin pa thob/ /gang der bsngags pa rjod byed pa/ /gsang bdag chos kyi rgyal por 'gyur/ /des na theg chen gsang ba 'di/ /kun la bsngags pa brjod par gyis/ /des ni nga yi dgongs pa thob/ /rgyal ba kun gyi thugs dam yang / /theg chen gsang ba'i snying po yin/ /rnal 'byor gang zhig blo ldan pas/ /skad cig thang cig yud tsam la/ /gsang chen gsang bar nges bzhag na/ /rgyal ba kun kyang rigs 'dzin gyi/ /</font><hr>102.192b<br><font size=+1>

gsang chen gsang bar rab nges pa'o/ /gsang ba'i bdag po de ltar na/ /gsang chen gsang ba'i snying po gang / /nges par legs pa'i bcad rgyud dang / /log par nges pa'i bcad rgyud rnams/ /sngon byung brgyud pa grags pa yin/ /de skad gsang ba mchog nyid gsung / /zhes gsang ba'i bdag pos sngon byung ba'i gtam rgyud ji ltar brgyud cing grags pa brjod pa'i bya ba byas pas lang ka'i bdag po la sogs pa mngon du snang ba'i sems dpa' dman pa'i lus can rnams gang du ma nges pa'i som nyi yongs su chad par gyur to/ /sangs rgyas kun gyi dgongs pa 'dus pa'i mdo chen po las sngon du byung ba gtam rgyud yongs su brjod pa'i le'u ste sum bcu rtsa brgyad pa'o// //theg pa chen po nges par 'byung ba'i tshul las brgyud pa thabs kyis grags pa na yang byung bya ba gtam rgyud brjod pa'i chos kyi phyag rgya ye shes rnam par bgros pa ste byung tshul bstan pa brgyad pa'o/ / de nas yang lang ka'i mnga' bdag byang chub sems dpa' sems dpa' chen po des sngon du byung ba'i tshig bcu gnyis pa'i dgu pa gang gi ched du mdzad pa na yang byung zhes pa byung ba'i dri ba yongs su dris pa/ /kye gsang ba'i bdag po nyid kyis theg pa chen po gsang ba dam pa byung ba'i tshul ston pas lung bstan pa gtam rgyud du brjod pa'i skabs su gang gi ched du mdzad pa na yang byung zhes bkod pa de ji lta ji ltar mdzad de yongs su grags pa lags/ /smras pa/ lang ka'i bdag po gang ma bcos pa de kho na bzhin mdzad pa la bya'o/ /smras pa gsang ba pa'i bdag po gang ma bcos pa de kho na bzhin du mdzad pa de gang lags/ smras pa/ lang ka'i bdag po chos rnams kyi chos nyid de kho na nyid la bya'o/ /smras pa/ gsang ba pa'i bdag po chos thams cad kyi chos</font><hr>102.193a<br><font size=+1>

nyid de kho na nyid la ni sangs rgyas kyang med/ sems can yang med/ /pho mo yang med/ /rigs rgyud kyang med/ /gzugs med/ bstan du med/ mtshon du med/ /dpe yang med/ /mdzad pa yang med de/ dpag par rab tu dka' la gang gis rtogs par nus pa ma yin no/ /gsang ba pa'i bdag po gang ci yang med pa la sangs rgyas dang / sems can dang / pho mo dang / rigs rgyud dang / gzugs sna tshogs dang / bstan pa sna tshogs dang / mtshon pa dang / dpe tha dad pa dang /  mdzad pa sna tshogs dang / rjes su dpag pa la sogs pa ji snyed pa mang po 'di dag gang gi ched du mdzad pa snang ba lags zhes yongs su dris pa las/ gsang ba pa'i bdag pos smras pa/ kye lang ka'i bdag po yongs su dri ba chen po 'di ni legs so/ /rab tu legs so/ /gang ci yang med pa las cir yang snang ba'i don 'di ni de'i rang bzhin de yin pa'i phyir te/ grong khyer chen po gsum gyi ched du mdzad pa tha dad par snang ba 'ba' zhig go/ /grong khyer gsum gang zhe na 'di lta ste/ phyed snang gi grong khyer dang / kun snang gi grong khyer dang / mi snang ba'i grong khyer ro/ /lang ka'i bdag po grong khyer gsum nyid chos nyid yin pas na de la ni chos kyi dbyings zhes bya'o/ /de ci'i phyir zhe na/ chos kyi dbyings gang yin pa dang / grong khyer gsum gyi rang bzhin gang yin pa 'dir gcig pa'i phyir te/ thams cad 'byung ba'i sgo dang / gnas su gyur pa kho na'o/ /lang ka'i bdag po grong khyer gsum gyi ched du sgo gsum du snang ba ni 'di lta ste/ gzungs kyi sgo dang / rig pa'i sgo dang / gsang ba'i sgo'o/ /lang ka'i bdag po gzungs kyi sgo yang grong khyer gsum gyi ched du gsum snang ba mdzad pa ni 'di lta ste/ de nyid kyi rkyen gyis zhi gnas dang / de 'dzin gyi rkyen gyis lhag mthong dang / de 'jug gi rkyen gyis las mtha'o/ /lang ka'i bdag po rig pa'i sgo la yang grong khyer gsum gyi ched du gsum snang bar</font><hr>102.193b<br><font size=+1>

mdzad pa ni 'di lta ste/ mi snang ba'i ched du zhi gnas dang / snang ba'i ched du lhag mthong dang / zhen pa'i ched du las mtha'o/ /lang ka'i bdag po gsang ba'i sgo la yang grong khyer gsum gyi ched du gsum snang bar mdzad pa snang ba ni 'di lta ste/ mi snang ba'i ched du zhi gnas dang / snang ba'i ched du lhag mthong dang / zhen pa'i ched du las mtha'o/ /lang ka'i bdag po grong khyer gsum gyi ched du sangs rgyas gsum snang ba mdzad pa ni 'di lta ste/ mi snang ba'i ched du 'dus ma byas kyi sangs rgyas dang / snang ba'i ched du 'dus byas kyi sangs rgyas dang / zhen pa'i ched du gzugs kyi sangs rgyas dang gsum mo/ /lang ka'i bdag po grong khyer gsum gyi rkyen gyis sems can gsum ste/ de nyid gol ba'i rkyen gyis gzugs med pa'i sems can dang / de 'dzin gol ba'i rkyen gyis gzugs kyi sems can dang / de 'jug zhen pa'i rkyen gyis 'dod pa'i sems can no/ /lang ka'i bdag po grong khyer gsum gyi rkyen gyis lus gsum bstan pa ni med pa dang / rags pa dang / pho mo dang / ma ning ngo/ /lang ka'i bdag po 'dod pa'i rkyen gyis gang gi yab yum dang / sras rgyud dang /  'dod pa lnga la longs spyod pa ltar snang ngo/ /de yang de bzhin gshegs pa'i yum du de bzhin gshegs pa nyid mdzad pa dang / de bzhin gshegs pa'i sras su de bzhin gshegs pa mdzad de/ lhums su zhugs pa dang / de na yang de kho na nyid gsang ba dam pa the tshom gcod pa dang / slar log pa dang / zhu ba dang / zhu bar sdog pa dang /  gnang ba dang / bye ba dang / bye ba snyed du 'jug par mdzad do/ /lang ka'i bdag po grong khyer gsum gyi ched du bstan pa gsum ste/ de nyid kyi rkyen gyis theg pa chen po dang /  de 'dzin gyi rkyen gyis theg pa sna tshogs dang / de 'jug gi rkyen gyis theg pa chung ngu snang bar mdzad do/ /lang ka'i bdag po grong khyer gsum gyi ched du ting</font><hr>102.194a<br><font size=+1>

nge 'dzin gsum snang ba ni 'di lta ste/ de nyid kyi ched du de bzhin nyid kyi ting nge 'dzin dang / de 'dzin gyi ched du kun tu snang gi ting nge 'dzin dang / de 'jug gi ched du rgyu'i ting nge 'dzin to/ /lang ka'i bdag po grong khyer gsum gyi ched du mchod rten gsum snang ba ni 'di lta ste/ thugs kyi mchod rten dang / sku'i mchod rten dang / gsung gi mchod rten no/ /lang ka'i bdag po grong khyer gsum gyi ched du dkyil 'khor gsum snang ba ni 'di lta ste/ rang bzhin gyi dkyil 'khor dang / ting nge 'dzin gyi dkyil 'khor dang / gzugs brnyan gyi dkyil 'khor ro/ /lang ka'i bdag po grong khyer gsum gyi ched du sngags gsum snang ba ni 'di lta ste/ gsang sngags dang / rig sngags dang / gzungs sngags so/ /lang ka'i bdag po grong khyer gsum gyi ched du 'bras bu dang / rkyen dang / rgyu'o/ /lang ka'i bdag po de dag la sogs pa grong khyer gsum gyi ched du mdzad pa yongs su snang bar mdzad de/ de dag ni thugs kyi mdzad pa yongs su snang ba'o/ /sangs rgyas kun gyi dgongs pa 'dus pa'i mdo chen po las thugs kyi mdzad pa yongs su rdzogs pa'i le'u ste sum bcu rtsa dgu pa'o// // de nas yang gsang ba pa'i bdag pos lang ka'i bdag po la smras pa/ lang ka'i bdag po gzhan yang sangs rgyas kyi ched du yang dag pa'i gsang ba 'di yongs su gsung bar mdzad do/ /sangs rgyas rnams kyi dam pa ni/ /thams cad nyid las mi gzhan phyir/ /ci yang blang dor med pas na/ /rdo rje nam mkha' gdon mi za/ /lang ka'i bdag po yang rang sangs rgyas kyi ched du snang ba rdo rje bstan pa 'di gsung bar mdzad do/ /ngag gi rdo rje yi ge med/ /lus ni rdo rje snang ston pa/ /gang gi yid ni 'dir bcug ste/ /gsang ba nyid du rab nges pa'o/ /lang ka'i bdag po yang gsang ba mchog gi bdag po des/ nyan thos kyi ched du bslab pa rdo rje mdzad pa 'di gsung ba mdzad do/ /sgo</font><hr>102.194b<br><font size=+1>

gsum rdo rje bye ba bcu/ /bsrung ba yongs su dag pa'i mtha'/ /zhi ba phyogs yid 'dir bcug ste/ /dam pa nyid du rab nges pa'o/ /lang ka'i bdag po yang skyes bu dam pa des rnal 'byor sems dpa'i ched du lta ba rdo rje gsang ba 'di gsung bar mdzad do/ /thams cad rnam rig 'phrul snang ba/ /gzhan med de nyid dam par yod/ /rnam shes gang yin 'dir bcug ste/ /gsang ba dam par rab nges pa'o/ /lang ka'i bdag po yang skyes bu dam pa des gang gi mtha' yongs su sel ba dag gi ched du nam mkha' rdo rje mdzad pa 'di gsang bar mdzad do/ /gang 'dir yod dang med pa yi/ /mtha' gnyis nges par rab bsal te/ /sems nyid gang yin 'dir bcug ste/ /dbu mar mi dmigs rab nges pa'o/ /lang ka'i bdag po yang skyes bu dam pa des tshangs pa la sogs pa gang gti mug can gyi ched du gti mug rdo rjer mdzad pa 'di gsung bar mdzad do/ /'jig rten kun gyi gti mug las/ /byang chub sems kyi rdo rje 'byung / /gti mug rdo rje yid bcug nas/ /gsang chen theg par rab nges pa'o/ /lang ka'i bdag po yang skyes bu dam pa des gu lang la sogs pa gang 'dod chags can gyi ched du chags pa rdo rje mdzad pa 'di gsung ba mdzad do/ /'jig rten g.yo rdul pho mo gang / /ji snyed gu lang u ma nyid/ /chags pa rdo rje yid bcug nas/ /gsang chen theg par rab nges pa'o/ /lang ka'i bdag po yang skyes bu dam pa des bi snu la sogs pa gang zhe sdang can gyi ched du gsod pa rdo rje mdzad pa 'di gsung bar mdzad do/ /ji snyed g.yo rdul sems can rnams/ /rdo rje mtshon chen gcig gas bsad/ /zhe sdang rdo rje yid bcug nas/ /rdo rje theg par rab nges pa'o/ /lang ka'i bdag po yang skyes bu dam pa des gnod sbyin la sogs pa gang phrag dog can gyi ched du 'khrug pa rdo rje mdzad pa 'di gsung bar mdzad do/ /</font><hr>102.195a<br><font size=+1>

sha za rtag tu gzhan 'dod spyod/ /kun sdom rdo rje go cha bgos/ /kun 'khrug rdo rje yid bcug nas/ /gsang chen snying por rab nges pa'o/ /lang ka'i bdag po yang skyes bu dam pa des klu la sogs pa gang phra ma can gyi ched du phra ma rdo rje mdzad pa 'di gsung bar mdzad do/ /rdo rje dam pa dbye ba'i mchog /log lta yang dag lta dbye byas/ /phra ma rdo rje yid bcug nas/ /rdo rje gsang bar rab nges pa'o/ /lang ka'i bdag po yang skyes bu dam pa des lha ma yin la sogs pa gang nga rgyal can gyi ched du gdul dka' rdo rje mdzad pa 'di gsung bar mdzad do/ /rdo rje gdul dka' ma lus pa/ /gnon pa brtsegs pa'i ri bo che/ /nga rgyal rdo rje yid bcug nas/ /rdo rje theg par rab nges pa'o/ /lang ka'i bdag po yang skyes bu dam pa des srin po la sogs pa sha za rnams kyi ched du rngam par rdo rje mdzad pa 'di gsung bar mdzad do/ /rdo rje za ba ma lus pa/ /thams cad za bar byed pa nyid/ /rngam pa rdo rje yid bcug nas/ /theg pa chen por rab nges pa'o/ /lang ka'i bdag po yang skyes bu dam pa des mkha' 'gro la sogs pa gang 'phra men ma dag gi ched du rdo rje a mr-i ta mdzad pa 'di gsung bar mdzad do/ /rdo rje bshang gci a mr-i ta/ /btung ba ma nges pa yi thabs/ /'phra men rdo rje yid gcug nas/ /rdo rje gsang bar rab nges pa'o/ /lang ka'i bdag po yang skye bu dam pa des mtha' yas rdo rje mdzad pa 'di gsung bar mdzad do/ /mtha' yas 'jig rten rdul rnyed na/ /log rtog mi mthun rdul phran snyed/ /gnyen po rtog 'dul de snyed kyis/ /rdo rje theg chen dbyings su sbyor/ /mtha' yas g.yo rdul sna tshogs pa/ /gang la mos pa de gsungs pas/ /sems can rdo rje yid bcug nas/ /sems nyid theg can rab nges pa'o/ /lang ka'i bdag po de dag ni gsung gi mdzad pa gang gi ched du mdzad do/ /sangs rgyas kun gyi dgongs pa 'dus pa'i mdo chen po las gsung</font><hr>102.195b<br><font size=+1>

gi mdzad pa yongs su rdzogs pa'i le'u ste bzhi bcu pa'o// // de nas gsang ba pa'i bdag po des lang ka'i bdag po la smras pa/ lang ka'i bdag po gzhan yang gang gi don du thabs ji ltar yang mdzad pa ni 'di lta ste/ gang gi yul tha dad mtha' yas pa'i phyir/ /mdzad pa yang tha dad mtha' yas par snang ba ste/ yul la la ni dag pas smin par mdzad do/ /la la ni ma dag pas smin par mdzad do/ /la la ni dag pa spangs pas so/ /la la ni gdams ngag gis so/ /la la ni bla 'khyal gyis so/ /la la ni 'jam pas so/ /la la ni rtsub pas so/ /la la ni gnyis kas so/ /la la ni 'jigs pas so/ /la la ni thar pas so/ /la la ni 'dam gyis so/ /la la ni 'khrugs pas so/ /la la ni 'thibs pas so/ /la la ni 'thabs pas so/ /la la ni non pas so/ /la la ni sreg pas so/ /la la ni bslangs pas so/ /la la ni ma bslangs pas so/ /la la ni gnod pas so/ /la la ni mi gnod pas so/ /la la ni 'tshe bas so/ /la la ni mi 'tshe bas so/ /la la ni smad pas so/ /la la ni bstod pas so/ /la la ni 'gyod pas so/ /la la ni mi 'gyod pas so/ /la la ni 'thing slad kyis so/ /la la ni kha gsag gis so/ /la la ni nan tur gyis so/ /la la ni bzhabs pas so/ /la la ni byin pas so/ /la la ni blangs pas so/ /la la ni ci yang chog shes pas so/ /la la ni ming smros pas so/ /la la ni gzugs smros pas so/ /la la ni gzugs bstan pas so/ /la la ni smras pas so/ /la la ni spyos pas so/ /la la ni rgyan gyis so/ /la la ni sgras so/ /la la ni dris so/ /la la ni ros so/ /la la ni reg gis so/ /la la ni chos kyis yongs su smyin par mdzad do/ /la la ni gzugs yid du mi 'ong bas so/ /de bzhin du la la ni sgra dang / dri dang / ro dang / reg yid du mi 'ong bas yongs su smin par mdzad do/ /gang la la ni thub pas so/ /la la ni rgyun mi 'chad par smra bas so/ /la la ni skad cig smra</font><hr>102.196a<br><font size=+1>

bas so/ /la la dag ni ci yang mi brjod pas so/ /la la ni dam pa mthong bas so/ /la la ni dam pa'i sgras so/ /la la ni bshes gnyen dam pa'i sgras so/ /la la ni mi rtag pas so/ /la la ni rtog pas so/ /la la ni sdug bsngal bas so/ /la la ni bde bas so/ /la la ni bdag med pas so/ /la la ni bdag yod pas so/ /la la ni mngon spyod kyis so/ /la la ni zhi bas so/ /la la ni rgyas pas so/ /la la ni dbang gis so/ /la la ni mthar phyin pas so/ /la la ni dug gsum sdug bsngal myong bar 'gyur ba'i sgras smin par mdzad do/ /la la ni bde ba myong bar 'gyur ba'i sgras so/ /la la ni bde ba mi myong bar 'gyur ba'i sgras so/ /la la ni srid pa'i longs spyod spangs te/ dka' thub drag pos so/ /la la ni srid pa'i longs spyod blangs te 'jol nyog tu spyod pas so/ /la la ni bkag pa'i thabs kyis so/ /la la ni gang la yang ma reg pa'i thabs kyis so/ /la la ni bya ba rdzogs pa'i thabs kyis so/ /la la ni sbyin pas so/ /la la ni snyan pas so/ /la la ni 'thun pas so/ /la la ni spyod pas so/ /la la ni nang yongs su gtong bas so/ /la la ni phyi yongs su gtong bas so/ /la la ni thams cad gtong bas so/ /la la ni thams cad chags pas yongs su smin par mdzad do/ /la la ni rnam par g.yeng bas so/ /la la ni nang du yang dag 'jog gis so/ /la la ni 'dod pa bkag pas so/ /la la ni 'dod pa spyod pas so/ /gang de ltar mos pa tha dad la spyod pa dang /  gzugs dang / sgra dang / lta ba dang / thabs dang / 'dod pa dang / don tha dad par bstan pas yongs su smin par mdzad do/ /lang ka'i bdag po de dag ni thabs kyis mdzad par rig par bya'o/ /sangs rgyas kun gyi dgongs pa 'dus pa'i mdo chen po las thabs kyi mdzad pa yongs su rdzogs pa'i le'u ste bzhi bcu rtsa gcig pa'o// // de nas yang gsang ba pa'i bdag po des lang ka'i bdag po la smras pa/ lang ka'i</font><hr>102.196b<br><font size=+1>

bdag po gzhan yang gang gi ched du sku'i mdzad pa ni 'di lta ste/ ji ltar rdo rje sems dpa'i sprul pa 'jig rten du bkod pas thams cad kyi gzugs su snang ba des thams cad smin par mdzad pa de kho na'o/ /de ltar na gang gi ched du mdzad pa'i de bzhin gshegs pa'i dgongs pa'i sgo dang / de bzhin gshegs pa'i gsung gi sgo dang / de bzhin gshegs pa'i mdzod spyod kyi sgo dang / de bzhin gshegs pa'i sprul pa'i mtha' dang / de bzhin gshegs pa'i thabs rgya mtsho 'dra ba'i sprin phung la ni 'di 'am/ gcig ces gang la yang gzung du med do/ de ci'i phyir zhe na/ lang ka'i bdag po 'di lta ste/ sems can mos pa tha dad pa/ /mtha' yas skye bo mgu dka' ba/ /rgyal bas kyang ni mi mgu bas/ /gang la 'ang mos pa mtha' yas gsungs/ /lang ka'i bdag po gang dam pa rnams de kho na nyid las ma g.yos par sems can gyi khams 'du shes mtha' thug pa med pa dang / sgra dang / gzugs dang / spyod pa mtha' thug pa med pa rnams mi mkhyen pa dang / mi gsan pa dang / mi gzigs pa dang / mi 'grel pa ni gang yang med do/ /de ci'i phyir zhe na/ thams cad nas thams cad du snying po byang chub nyid du ma 'dres par yongs su rdzogs pa'i phyir gang gi snying po byang chub na mi g.yo ba na mi rtog pa nyid dang / sems can gang til 'bru na gnas pa de la ring ba dang / nye ba dang / gcig dang / so so ma yin te/ de kho na nyid gcig pa'i phyir dbyings gcig tu gnyis su med par gnas so/ /lang ka'i bdag po de dag ni gang gi ched du de bzhin gshegs pa'i sku'i mdzad pa ched du mdzad pa'o/ /sangs rgyas kun gyi dgongs pa 'dus pa'i mdo chen po las sku'i mdzad pa yongs su rdzogs pa'i le'u ste bzhi bcu rtsa gnyis pa'o// //theg pa chen po nges par 'byung ba'i tshul las gang gi ched du mdzad pa na yang byung ba'i gtam rgyud brjod pa'i chos kyi phyag rgya ye shes rnam par bgros pa ste/ </font><hr>102.197a<br><font size=+1>

byung tshul bstan pa dgu pa'o/ / de nas yang lang ka'i mnga' bdag byang chub sems dpa' sems dpa' chen po des sngon du byung ba'i tshig bcu gnyis pa'i bcu pa'i lung chen nges par bstan pa na yang byung shes byung ba'i dri ba yongs su dris pa/ kye gsang ba'i bdag po nyid kyis theg pa chen po gsang ba dam pa byung ba'i tshul ston pa lung bstan pa gtam rgyud du brjod pa'i skabs su lung chen nges par bstan pa na yang byung zhes bkod pa de ji lta zhig du lung bstan te grags pa lags/ gsang ba pa'i bdag pos smras pa/  lang ka'i bdag po gang dri ba de ni legs so/ /shin tu legs so/ /rab tu legs so/ /de ni 'di ltar 'khor ba thog ma med pa'i dbyings su bskal pa thog ma dang tha ma med pa'i skabs la sangs rgyas thog ma dang tha ma med par gang gi sgron mar snang ba dag gi thabs gcig gi bya bas gang phyogs gcig du phan pa nyid du bya ba yongs su smin par byas te/ thabs dam pas gar phyogs med par phan pa nyid du yongs su smin par bya ba dag gang gi rjes su gang 'gro bar dam bcas pa nyid des byung zhing snang bar lung bstan pa de yongs su grags par 'gyur gyi/ sgron ma gang gis nyid kyi yul snang ba las ma gtogs pa thams cad snang ba ni ma yin pa'i phyir ro/ /lang ka'i bdag po lung bstan pa de yang ji lta ji ltar 'di lta ste/ bskal pa thog ma med pa la/ /ji snyed gang 'byung brjod mi lang / /skabs las gcig byung 'dir brjod kyis/ /dam bcas go cha bgos khyod nyon/ /bskal ba kun bkod bya ba la/ /sangs rgyas bye ba phrag brgya 'byung / /kun gyi tha mar byung ba yi/ /bde gshegs mngon 'byung rgyal po des/ /'khor gyi nang du lung bstan pa/ /'jig rten gcig gam gling gcig du/ /bskal pa gcig gi gnas skabs la/ /yul gcig rdo rje gdan gcig du/ /mdzad pa mthar phyin sangs rgyas gnyis/ /'byung bar yang dag ngas ma mthong / /byung ni ma</font><hr>102.197b<br><font size=+1>

srid chos dang 'gal/ /sangs rgyas mya ngan 'das 'og tu/ /rmad 'byung gsang ba'i snying po nyid/ /rgya cher grags par 'gyur ro zhes/ /sangs rgyas kun gyis lung chen ston/ /ji ltar 'di yang de bzhin te/ /nga ni mi bzhugs 'das 'og tu/ /kun gyi dgongs pa 'dus pa nyid/ /brgya mthar 'dul ba snang bar 'gyur/ /de skad dam pa de lung bstan/ /gzhan yang bskul ba chen po nyon/ /bskal pa mtha' yas bya ba la/ /sangs rgyas sum khri lnga stong 'byung / /kun gyi tha mar 'byung ba yi/ /sangs rgyas 'od mtha' yas pa des/ /'khor gyi nang du lung bstan pa/ /khri phrag phyed dang bzhi 'byung ba'i/ /sangs rgyas snga ma 'das rnams kyis/ /smin byas ma smin gang ched du/ /dam pa byung bar lung bstan bzhin/ /'dir yang yongs su gzung bar gyis/ /nga 'das na ni mi snang na/ /brgya phrag gcig na don snang 'gyur/ /drag shul can gyis byin lung bstan/ /bskul ba chen po gzhan yang nyon/ /bskal pa grags ldan bya ba la/ /sangs rgyas bzhi khri drug stong byung / /kun gyi tha mar byung ba yi/ /sangs rgyas kun gyi bshes gnyen des/ /'khor gyi nang du lung bstan pa/ /stong phrag bzhi bcu drug byung ba'i/ /dam pa de bzhin gshegs rnams kyis/ /gang gi ched du lung bstan bzhin/ /nga ni bde bar gshegs phyi na/ /brgya phrag bcwa lngar gyur pa na/ /'bras bu chub par snang ba yi/ /rdul bral dri med dam pa nyid/ /mchog gi zhing khams dam pa 'dir/ /snang ba thob pa'i skal ldan can/ /bram ze shes pa mo zhig la/ /gnod 'dul nyid kyis grags par 'gyur/ /gzhan yang bskul ba chen po nyon/ /bskal pa bzang rgyan bya ba la/ /sangs rgyas bye phrag brgyad bcu byung / /de dag mtha' zad byung ba yi/ /sangs rgyas bzang rgyan dpal gyis kyang / /'khor gyi nang du lung bstan pa/ /bye phrag brgyad bcu byung ba yi/ /de bzhin gshegs pa snga ma yis/ /theg pa 'byung bar lung bstan bzhin/ /</font><hr>102.198a<br><font size=+1>

nga yi snang ba 'di nub nas/ /brgya phrag phyed kyi dus dag la/ /'di tshe gcig la 'grub pa yi/ /chos kyi me long dam pa zhig /nga 'das gling gi 'jig rten 'dir/ /'byung ba'i dge slong skal ldan can/ /nyi ma'i snying po bya ba la/ /bstan pa'i char chen phab nas ni/ /kun tu 'thun par grags par 'gyur/ /gzhan yang bskul ba chen po nyon/ /bskal ba rdzogs ldan bya ba la/ /sangs rgyas bye ba phrag brgya byung / /de kun mthar zad byung ba yi/ /sangs rgyas dkon mchog dpal gyis kyang / /'khor gyi nang du lung bstan pa/ /bye ba phrag brgya byung ba yi/ /de bzhin gshegs pa de rnams kyis/ /nges pa dam par lung bstan bzhin/ /nga snang mi gnas de rjes la/ /lo ni brgyad cu rtsa gnyis la/ /gsang 'dus theg chen snying po 'di/ /byang chub snying po can zhes pa'i/ /sa le gser gling bya ba der/ /rgyal po bde skyob skal yod la/ /las dang thugs rje 'thun pa yi/ /chos kyi mig gcig 'bye 'gyur te/ /rigs ldan kun gyis thob par 'gyur/ /bskul ba chen po gzhan yang nyon/ /bskal pa bzang po 'di nyid la/ /sangs rgyas brgya phrag bcu 'byung ba'i/ /bzhi par 'byung ba'i sgron ma nyid/ /thub pa'i dbang po de nyid kyis/ /'khor gyi nang du lung bstan pa/ /bye phrag brgyad bcu rtsa bzhi yi/ /mngon rdzogs rgyal po de nyid kyis/ /gang gi phyogs dag smin byas nas/ /theg chen rdo rje snying po nyid/ /rgya cher grags par 'gyur ro zhes/ /kun gyi lung chen bstan pa bzhin/ /nga ni 'di nas mi snang nas/ /lo ni brgya dang bcu gnyis na/ /lha gnas gsum du grags pa yi/ /bstan pa'i snying po dam pa zhig /'dzam gling shar gyi phyogs mtshams kyi/ /mi las skal ldan rigs can de/ /rgyal po dza zhes bya ba la/ /sngon du ltas snang gnang 'gyur ba/ /drag shul can zhes bya ba'i rtse/ /grogs kyi sems dpa' dman pa'i lus/ /lang ka'i bdag po la sogs la/ /</font><hr>102.198b<br><font size=+1>

lag na rdo rje snang bar 'gyur/ /dam pas de skad lung bstan gnang / /de la sogs pa mtha' yas par/ /thog ma tha ma med pa'i bar/ /de lta de ltar grags pa yin/ /gsang ba pa'i bdag pos de skad ces gsungs pas lang ka'i bdag po la sogs pa'i dman pa'i lus kyi sems dpa' rnams nges par yi rangs par gyur to/ /sangs rgyas kun gyi dgongs pa 'dus pa'i mdo chen po las rjes su byung ba'i lung bstan pa'i le'u ste bzhi bcu rtsa gsum pa'o// //theg pa chen po nges par 'byung ba'i tshul las lung chen nges par bstan pa na yang byung zhes bya ba'i gtam rgyud brjod pa'i chos kyi phyag rgya'i ye shes rnam par bgros pa ste byung tshul bstan pa bcu pa'o// //de nas yang lang ka'i bdag po byang chub sems dpa' sems dpa' chen po des/ sngon du byung ba'i tshig bcu gcig pa'i dri ba yongs su dris pa/ kye gsang ba pa'i bdag po nyid kyis theg pa chen po gsang ba dam pa 'byung ba'i tshul ston pas lung bstan pa gtam rgyud du brjod pa'i skabs su las rgyud yongs su gcod pa na yang byung zhes bkod pa de ji lta bu zhig du grags shing byung ba lags/  gsang ba pa'i bdag pos smras pa/ lang ka'i bdag po gang gi dri ba de ni 'di lta ste/ gang zhig 'degs pa'i yul rnams las/ /gsum du nges par snang ba ni/ /'dod la zhen dang nges pa 'byung / /gdul dka' drag po gdul bya gsum/ /gang gis 'deg pa'i rtsal gsum ni/ /'khor lo rgyun dang don dam nges/ /cho 'phrul mngon par 'byung ba gsum/ /rang bzhin ye nas snang ba yin/ /ji lta 'degs pa'i thabs rnams ni/ /bsam gyis mi khyab gsum nyid du/ /snang ba de nyid gang yin pa/ /rang bzhin shugs dang gnyen po'i thabs/ /las rgyud gcod pa 'ba' zhig go/ /'khor lo rgyun du snang ba yang / /ye nas sangs rgyas grags pa lngar/ /gdul bya 'dul byed thams cad kun/ /lngar byung lngar snang</font><hr>102.199a<br><font size=+1>

lngas 'dul sgrol/ /skyed dang 'tsho dang brten pa'o/ /rgyu dang rkyen dang gnas pa yi/ /mi rtog ngang gis kun 'byung ba/ /med la mi zad rnam pa gsum/ /gang gi dbyings dang mngon sum pa/ /bdag nyid chen po de nyid ni/ /thams cad du yang sangs rgyas med/ /lang ka'i bdag po 'di lta ste/ /gang dag dbyings su sangs rgyas pa/ /chen po lngar snang gang 'di dag /'byung ba rgyun gyi bcom ldan 'das/ /thugs rje rtag pa'i sangs rgyas te/ /rang bzhin kun la khyab par gnas/ /ji ltar 'dod dang 'dod par snang / /snang srid ston pa'i sgron mar grags/ /'byung ba rgyun gyi rtag pa ste/ /rang bzhin stong pas mdzad par ston/ /lang ka'i bdag po gzhan yang gang / /mngon sum pa yi sangs rgyas ni/ /mkha' dbyings kun tu mu med dbyings/ /khams gsum dngos dang dngos med kun/ /phyogs mtshams kun gyi lus dang gnas/ /kun gyi go skabs stong yod gnas/ /'gro dang mi 'gro'i rten sa ni/ /dngos po thams cad skye 'byung gnas/ /kun la dga' bar sbyor bar ni/ /bskal pa'i 'khor lo gcig tu gnas/ /mnyen sdud gzhan skyed rang bzhin gsal/ /gyes 'dzin mi ldog rgyun mi 'chad/ /dgon gdung kun rlan rnam par g.yo/ /bskal pa'i 'khor lo gcig tu gnas/ /kun smin mun sel kun ston snyoms/ /sreg mnyen kha dog gsal byung ba/ /bcud 'dzin yongs su rtas snang ba/ /bskal pa gcig gi 'khor lor gnas/ /mi gnas thogs med shugs kyis 'byung / /gzugs med gzugs kyi mthu bas drag /yang g.yo khyab 'jug kun gyi rten/ /bskal pa 'khor lo gcig tu gnas/ /lang ka'i bdag po 'di lta ste/ /bdag nyid chen po'i sangs rgyas ni/ /kun shod yel 'phyo kun tu bzang / /kun theg lhun stug ye shes gzugs/ /kun sdud mnyam sbyor ting nge 'dzin/ /sgrib sel lhag mthong shes rab 'bar/ /thogs med ma rmongs shes bya rdzogs/ /</font><hr>102.199b<br><font size=+1>

lang ka'i bdag po gzhan yang ni/ /de nyid yin pa'i sangs rgyas ni/ /nam mkha' rnam par snang bar mdzad/ /sa ni mi g.yo rdo rje 'dzin/ /me nyid rin chen 'byung bar ldan/ /chu ni mnyen gsal snang mtha' yas/ /rlung ni kun 'byed gdon mi za/ /lang ka'i bdag po 'di lta ste/ /gang 'dir sangs rgyas med pa ni/ /thams cad stong par ye sangs te/ /des khyab ma 'dres sangs rgyas nyid/ /ma bcos ye nas sangs rgyas pa/ /'byung ba chen po bcom ldan 'das/ /lang ka'i bdag po de dag ni/ /'khor lo rgyun gyi theg pa sta/ /ngang gis rgyun gyi 'khor lor 'byung / /brtan g.yo kun la rang bzhin gnas/ /lang ka'i bdag po gzhan yang gang / /don dam nges pa'i theg pa ni/ /gsum du nges par snang ba ste/ /kun 'byung 'dren dang dka' thub rig /dbang sgyur thabs kyi theg pa'o/ /gang 'dir 'dren pa 'di lta ste/ /yul gsum nges par snang ba ni/ /tha ma 'bring dang rab tu snang / /tha ma'i yul du gyur pa ni/ /shin tu ya nga'i las spangs te/ /yid 'ong 'dul ba'i tshul bzung nas/ /rang gi rtsa ba der bskrun pa/ /so sor thar pa'i lam du snang / /'bring gi yul du gyur pa ni/ /'di kun rten cing 'brel byung la/ /bdag med chos gcig med mthong bas/ /brjod med sprul pa'i chos rnams ston/ /rang gi rtsal gyis bder gnas pa'o/ /rab kyi yul du gyur pa ni/ /bdag med byams snyoms rtog las 'das/ /yul med ma skyes phyogs dang bral/ /sa dang rnam thar bder bskrun pas/ /dngos med ngo bo nyid sku thob/ /lang ka'i bdag po gzhan yang gang / /dka' thub rig byed theg pa ni/ /'di yi yul gyis gsum nyid de/ /tha ma dag la snang ba ni/ /dka' thub sdom dang brtul zhugs dag /  mnyam nyid mi g.yo skye med la/ /bkur 'os 'dun pa'i tshul bzung nas/ /rigs kyi rdo rje 'dzin gnas pa'o/ /'bring la rnam par snang ba ni/ /bya ba dag pa'i las spyad de/ /rnal 'byor</font><hr>102.200a<br><font size=+1>

ting 'dzin mar ldan na/ /mi g.yo'i sems pas mngon sum du/ /rigs bzhi rdo rje 'chang gnas pa'o/ /rab la nges par snang ba ni/ /sems nyid yul la rtsal rdzogs te/ /yul nyid rig pas mngon mthong na/ /de nyid der ni mngon byas nas/ /rdo rje rigs 'chang gnas pa'o/ /lang ka'i bdag po gzhan yang gang / /dbang sgyur thabs kyi theg ba yang / /yul gyis rnam pa gsum snang ba/ /bskyed dang rdzogs dang yongs su rdzogs/ /tha ma bskyed pa gang snang ba/ /thabs dang shes rab rnam dag las/ /bsten pa lnga la sogs pa'i chos/ /rgyal ba lnga las rdzogs sangs rgyas/ /rnal 'byor rtsal chen rdzogs pa'i sa/ /'bring la rdzogs par gang snang ba/ /mnyam pas mnyam pa'i don mthong na/ /mnyam rdzogs yul shes dbyings ye shes/ /kun rig kun rdzogs kun tu snang / /chos nyid mi 'gyur bdal ba'i sa/ /rab la yongs su rdzogs pa ni/ /ye shes dbyings zhes bya ba'i don/ /tha snyad tsam du rtogs chud nas/ /rtsal med rdzogs bral bsam yul 'das/ /thams cad rdzogs pa'i spyir chib sa/ /lang ka'i bdag po gzhan yang gang / /cho 'phrul mngon byung theg pa yang / /yul gyi rnam pa gsum snang ba/ /zhen dang rmongs dang 'khrug pa yi/ /las ngan 'du shes ngan pa rnams/ /rgyun gcad bsgyur ba'i phrin las ni/ /srid gsum dra ba'i 'khor lo dag /las kyi 'khor lo rgyun bcad phyir/ /dam pa'i 'khor lo bskor byas nas/ /bskal pa'i 'khor lo gcod par 'gyur/ /ci phyir sems can kha cig ni/ /chags pas zhen cing gdung bar 'gyur/ /gang tshe sems can kha cig ni/ /shin tu rmongs shing 'thibs par 'gyur/ /gang gis sems can kha cig ni/ /shin tu khro gtum gdug par 'gyur/ /'di ltar dug gsum smin pa la/ /gang gis phan par mi 'gyur te/ /mi rtag mtshan nyid bstan nas kyang / /las</font><hr>102.200b<br><font size=+1>

ngan las rgyud gcad pa'i phyir/ /rang bzhin cho 'phrul mngon 'byung ba/ /khros na za byed lnga khros pas/ /ma lus bsgral nas stongs mdzad phyir/ /nam mkha' khro bo za byed che/ /thams cad thim pas stongs par mdzad/ /de bzhin nyid du bsgral ba'i mchog /srid zhi 'tsho bral bskal pa yis/ /zhen pas chags pa'i las rgyud gcod/ /bzod ldan rmongs pa'i bskal pa yis/ /sems dang yid kyi las rgyud gcod/ /thabs 'dzin mtshon cha'i bskal pa yis/ /dngos po dngos po thams cad gcod/ /lhag mthong me yi bskal pa yis/ /nyon mongs dngos po thams cad sreg /zhi gnas chu yi bskal pa yis/ /nyon mongs dri ma thams cad 'khru/ /thogs med rlung gi bskal pa yis/ /shes bya thams cad kun du bskyod/ /shes rab nam mkha'i bskal pa yis/ /mtshan ma'i rgas rgud thams cad stongs/ /las ngan myur du rgyun bcad na/ /gnas ngan dag las myur du sgrol/ /thabs dang theg pa gang dag las/ /tha ma'i tha ma yin par bshad/ /snyigs mar gyur pa'i skabs rnams su/ /'dul ba rnams gnyis nub pas na/ /nyon mongs rnams ni dngos por snang / /'das nas nub po zhes pa la/ /ma 'das ma nub de nyid ni/ /dus der shugs kyis 'dul ba yin/ /lang ka'i bdag po de ltar na/ /'di kun gsang ba dam pa yi/ /dbyings las gar yang ma g.yos shing / /stong pa kho na'i dbyings nyid las/ /stong pa'i chos rnams byung bar zad/ /stong nyid gsang ba de kho na/ /theg chen gsang ba de nyid do/ /gsang ba'i bdag pos de skad ces brjod pas lang ka'i bdag po la sogs pa dman pa'i lus kyi sems pa rnams thams cad gsang ba dam pa nyid du nges pa'i som nyi med par gyur to/ /sangs rgyas kun gyi dgongs pa 'dus pa'i mdo chen po las cho 'phrul sngon byung gi le'u zhes bya ste bzhi bcu rtsa bzhi pa'o// //</font><hr>102.201a<br><font size=+1>

theg pa chen po nges par byung ba'i tshul las las rgyud yongs su gcod pa na yang byung bya ba'i gtam rgyud brjod pa chos kyi phyag rgya'i ye shes rnam par bgros pa ste byung tshul bstan pa bcu gcig pa'o// // bam po bdun par zug pa'o// //de nas yang lang ka'i bdag po byang chub sems dpa' sems dpa' chen po des sngon byung ba'i tshig bcu gnyis pa'i tha ma dgongs pa rnam par bgro ba na yang byung zhes snang ba'i dri ba yongs su dris pa/ kye gsang ba pa'i bdag po nyid kyis theg pa chen po gsang ba dam pa byung ba'i tshul ston pas lung bstan pa gtam du brjod pa'i skabs su dgongs pa rnam par bgro ba na yang byung zhes bkod pa de lta zhig tu bgros te grags pa lags/ smras pa/ lang ka'i bdag po gang yongs su dri ba de ni 'di ltar zab pa/ ches zab pa/ 'di ltar dka' ba/  ches dka' ba/ rtog ge'i spyod yul ma yin pa/ /brtag par rab tu dka' ba/ /dpag pa las 'das pa ste/ gang rgyud yongs su dag pa'i sangs rgyas dang / gang sa la gnas pa rnams kyis kyang rab tu bgro bar mi nus pa yin na bdag gis yongs su bgro bar lta ci smos te/ gang gi spyod yul yang ma yin no/ /de skad ces smras pas/ lang ka'i bdag po des 'di skad ces smras so/ /kye skyes bu chen po gsang ba'i bdag po nyon mongs par snang ba'i 'gro ba rnams la phan pa dang snying brtse ba nyid du bgyi ba'i slad du mi chen po rnams kyi spyod yul/ chos thams cad mngon par rdzogs par sangs rgyas pa/ gang du ma bkag pa'i chos nyid du longs spyod pa/ thabs kyi theg pa chen po dgongs pa dam pa de kho na nyid de rnam par bgro zhing smra ba'i seng ge khyod kyis phyin ci ma log par bgro ba'i dus la bab po/ /skyes bu chen po shin tu rab tu dus la bab po/ /nges par dam par bgro ba'i</font><hr>102.201b<br><font size=+1>

dus la bab po/ /de ci'i slad du zhe na/ skyes bu chen po khyod ni de bzhin gshegs pa thams cad kyi bka' gsang ba chen po'i bdag por dbang gis dbang bskur ba lags te/ /gang rmongs pa rnams go 'byed pa dang / gang 'thoms pa drang ba'i thabs sprin phung gi dra bas thams cad bde blag tu drang ba'i slad du dgongs pa dam pa'i lus dgrol du gsol zhes bskul ba las/ gsang ba pa'i bdag po des 'di skad ces smras so/ /bskul ba'i go cha chen po khyod/ /kun la rab tu brtse ba'i phyir/ /gang la bskul bar khyod brtson na/ /bgro ba gleng bslang legs so legs/ /'di ltar 'di skad bdag nyid kyis/ /nges pa'i don de kho na nyid/ /thos pa snang ba'i dus gcig na/ /thams cad nam mkha' lta bu las/ /rang byung rang snang nyid du thos/ /gsang ba'i tshig ni 'di skad du/ /thos par gyur pa'i dus gcig na/ /'thun 'jug thabs kyi cha 'thun du/ /bstan nas drang ba'i thabs su thos/ /lung gi gtan tshigs 'di skad du/ /bdag gis thos pa'i dus gcig na/ /ldem dgongs sbyor ba'i tshul nyid kyis/ /bstan nas bkri pa'i thabs su thos/ /'dod rkyen tshig ni 'di skad du/ /rtogs par gyur pa'i dus gcig na/ /'dod chen pa la 'dod pa ni/ /thabs kyis drang ba nyid du thos/ /gsang sngags rdo rje nam mkha' che/ /tshig gi spyod yul ma yin pas/ /brjod pas rtogs par mi nus te/ /bdag gis bgro bar rab tu dka'/ /dpe 'am tshad ma 'am gtan tshigs sam/ /rjes su dpag pa'i shes rab kyis/ /rtogs par nus pa ma yin te/ /dmus long mkha' la mthos 'jal 'dra/ /'on kyang bka' yi gnyer gtad cing / /log zhen thabs kyis drang ba dang / /bskul ba khyod kyi dam tshig kyang / /sngon gyi go cha gyon pa'i mthus/ /ma rtogs pa rnams tshig tsam</font><hr>102.202a<br><font size=+1>

gyis/ /mtshon nas rnam grol sa dag la/ /brgyud de drang ba'i thabs nyid du/ /ci rigs tsam du bgro bar bya/ /rang bzhin ye nas sangs rgyas pa/ /mthong dang ma mthong rnam gnyis la/ /dman pa'i skabs na de mthong myin/ /mthong ba dam pa'i skabs na'o/ /mthong ba mngon thos rnam gnyis la/ /mthar phyin dam pa mngon sum pa/ /blo gros rnal 'byor spyod yon can/ /thos pas mthong bar 'gyur phyir ro/ /stug po bkod pa'i rgyal ba yang / /chos sku snying por gyur pas na/ /de yi 'gro ba mi smin phyir/ /gzugs sku bstan nas tshig lam brjod/ /'das pa ma 'ongs da ltar gyi/ /dpag tu med pa'i dus rnams su/ /rgyal ba rnams kyi dgongs pa gang / /ji ltar rnam par bgros pa nyon/ /lang ka'i bdag po 'di lta ste/ /dam pa rnams kyi dgongs pa la 'jug par 'dod na mdzod du 'jug par bya'o/ /rang bzhin ma bcos par bya'o/ /ljon shing skyes par bya'o/ /dam par 'jug par bya'o/ /sgron ma bsrel bar bya'o/ /khyad par du 'gro bar bya'o/ /yul la 'jug par bya'o/ /me long brtag par bya'o/ /'thun par 'jug par bya'o/ /nad gso bar bya'o/ /smras pa/ /gsang ba pa'i bdag po chos kyi rnam grangs bcu po de dag ji ltar yongs su shes par bgyi/ smras pa/ lang ka'i bdag po chos kyi rnam grangs bcu po de dag las dang po dam pa rnams kyi mdzod du 'jug par bya na sgo gsum nas zhugs pas gang med la mi zad pa'i mdzod du 'jug pa nyid do/ /smras pa/ gsang ba pa'i bdag po sgo gsum gang lags/ smras pa/ lang ka'i bdag po sgo gsum 'di lta ste/ spyod pas 'dren pa'i sgo dang / thabs kyi sbyor sgo dang / nges pa'i gsang sgo dang gsum mo/ /smras pa/ gsang ba pa'i bdag po sgo de dag gang gis 'byed pa lags/ /smras pa/ lang ka'i bdag po sgo de dag ni lde mig gsum gyis 'byed par</font><hr>102.202b<br><font size=+1>

rig par bya ste/ gsum gang zhe na/ 'di lta ste/ 'byed pa dang / 'grol ba dang / 'byin pa'o/ /lang ka'i bdag po de yang 'di lta ste/ yan lag drug dang / mdo bzhi dang / /rtsa ba gsum gyi lde mig gis/ /rgyal ba kun gyi dgongs pa'i mdzod/ /nges par 'byed ces rgyal bas bshad/ /lang ka'i bdag po de la spyod pa'i 'dren sgo lde mig gsum gyis 'byed pa ni 'di lta ste/ yan lag drug dang / mdo bzhi dang rtsa ba gsum mo/ /de la yan lag drug gang zhe na/ rgyu yi yan lag dang / sbyor ba'i yan lag dang / 'bras bu'i yan lag dang /  dngos gzhi'i yan lag dang / bzung pa'i yan lag dang / mtshan nyid kyi yan lag go/ de la rgyu'i yan lag gang zhe na/ 'di lta ste/ 'byung ba'i yan lag dang / smin pa'i yan lag go/ lang ka'i bdag po de la 'byung ba'i yan lag gang zhe na/ gang yongs su tshogs na brjod pa 'byung ba nyid la bya ste/ tshad ma dang / blo gros dang / 'dzin pa dang /  mchod rten dang / 'dus pa dang / nges pa'o/ /smin pa'i yan lag ni gang dam par smin pa'i rgyu ste/ gang zhe na 'di lta ste/ byang chub kyi yan lag dang / lam gyi yan lag go /lang ka'i bdag po sbyor ba'i yan lag ni yul la sbyor ba ste/ gang blo'i yul la sbyor ba dang / snying rje'i yul la sbyor ba'o/ /lang ka'i bdag po de la blo'i yul la sbyor ba ni gang blo gros 'byung ba'i rtsa ba gleng slong ba la sbyor ba dang / blo gros rnyed pa'i rtsa ba sa'i khyad par la sbyor ba dang / blo gros nges pa'i rtsa ba rnam par thar pa la sbyor ba dang / blo gros gzhag pa'i rtsa ba de kho na nyid la sbyor ba'o/ /lang ka'i bdag po snying rje'i yul la sbyor ba yang 'di lta ste/ gang gi rgyu la sbyor ba dang / /'bras bu la sbyor ba dang / de dag rang bzhin la sbyor ba'o/ /lang ka'i bdag po de la 'bras bu'i yan lag ni gang dang 'brel ba'i dgos ched dam pa 'byung ba ste/ thob pa dam pa de kho na nyid do/ /lang ka'i bdag po de la dngos bzhi'i yan lag</font><hr>102.203a<br><font size=+1>

ni gang gi dgongs pa nges par 'grel pa ste/ gang zhe na/ 'di lta ste/ gang la chos rnam kyi dngos gzhi gsum du bsdu ba ste/ gsum gang zhe na/  rang bzhin gyi dngos gzhi dang / rtsa ba'i dngos gzhi dang / thams cad kyi dngos gzhi'o/ /lang ka'i bdag po de la rang bzhin gyi dngos gzhi gang zhe na/ 'di lta ste/ thos pa dang / dong ba dang / gzung ba dang / chub pa'o/ /lang ka'i bdag po rtsa ba'i dngos gzhi gang zhe na/ 'di lta ste/ gdags pa dang / spyod pa dang / skye ba dang / gnas pa dang / bde ba dang /  nyon mongs dang / yongs su byang ba dang / sna tshogs dang / byed pa dang / bya ba dang / rgyan no/ /lang ka'i bdag po thams cad kyi dngos gzhi gang zhe na/ kun nas nyon mongs pa la snang ba/  'di lta ste/ bsdu ba dang / 'jug pa dang / gang zag dang / chos so/ /yongs su dag pa las snang ba ni 'di ltar 'dogs pa dang / rtsol ba dang / gnas dang / bde ba dang / thabs dang / shes pa dang / shes pa'i gnas dang / nan tan dang / nga rgyal med pa dang / bag chags dang / mngon du bya ba dang / bsgom pa dang / snying po dang / rnam pa dang / dmigs pa dang / dpyod pa dang / g.yeng ba dang / mi g.yeng ba dang / btsal ba dang / yon tan dang / brtan pa dang / bsdu ba dang / phyogs bsdu ba dang / rtogs pa dang / thob par bya ba dang / spyir phyin pa dang / yongs su bri ba'o/ /lang ka'i bdag po de dag ni dngos gzhi'i yan lag ces bya'o/ /lang ka'i bdag po de la gzung ba'i yan lag gang zhe na/ 'di lta ste/ blang ba dang / pham pa dang / ltung ba dang / rang bzhin dang / med pa'i rang bzhin dang / 'byung ba dang / yongs su gtang ba kho nar shes par bya ste/ lang ka'i bdag po de dag ni gzung ba'i yan lag ces bya'o/ /lang ka'i bdag po de la mtshan nyid kyi yan lag gang zhe na 'di lta ste/ kun rdzob dang /  dam pa dang / dmigs pa dang / rnam pa dang / rang bzhin dang / 'bras bu dang / bsnyad pa dang / bar du gcod pa dang / 'thun pa dang / nyes dmigs dang / </font><hr>102.203b<br><font size=+1>

yon tan no/ /lang ka'i bdag po de la kun rdzob gang zhe na/ 'di lta ste/ gang zag dang / brtags pa dang / las su bstan pa'o/ /lang ka'i bdag po de la dam pa gang zhe na/ 'di lta ste/ bral ba dang / brtan pa dang / rdzogs pa'o/ /dmigs pa ni thams cad du bstan pa'o/ /rnam pa ni thams cad du brtags pa ste/ bden pa dang / gzhag pa dang / nyes pa dang / yon tan dang /  tshul dang / 'jug pa dang / rigs pa dang / bsdus pa dang / rnam par spros pa'o/ /lang ka'i bdag po de la bden pa ni gang zhe na/ de kho na nyid gang yin pa'o/ /gzhag pa ni gang zag dang / brtags pa dang / gcig pa dang / dbye ba dang / dri ba dang / gzhag pa dang / rnam par gzhag pa dang / gsang ba dang / bsnyad pa dang / lung bstan pa gzhag pa'o/ /lang ka'i bdag po nyes pa gang zhe na/  kun nas nyon mongs pa'i rnam grangs so/ /yon tan gang zhe na/ yongs su byang ba'i rnam grangs so/ /lang ka'i bdag po tshul gang zhe na/ don dang / thob pa dang / bshad pa dang / mtha' spong ba dang / bsam gyis mi khyab pa dang / dgongs pa'o/ /lang ka'i bdag po 'jug pa gang zhe na/ dus dang /  'dus pa dang / rkyen rnams so/ /lang ka'i bdag po rigs pa gang zhe na/ 'di lta ste/ ltos pa dang / bya ba byed pa dang / bsgrub pa dang / chos nyid do/ /lang ka'i bdag po de la ltos pa gang zhe na/ gang 'dus pa dag skye ba dang / tha snyad kyi phyir rgyu dang rkyen du gyur pa'o/ /bya ba byed pa gang zhe na/ de la chos gang thob pa'i phyir ram/ grags pa 'am/ skyes nas las su bya ba'i phyir rgyu dang rkyen du gyur pa'o/ /bsgrub pa gang zhe na/ de la gang go cha bgos pa ste/ gang smra ba dang / gang nges par shes par bya ba'i phyir rgyu dang rkyen du gyur pa rnams so/ /lang ka'i bdag po de yang 'di ltar dag pa dang / ma dag pa la gang dag pa ni dmigs pa dang / gnas pa dang /  dpe dang / grags pa dang / nges pa'o/ /lang ka'i bdag po de la thams cad mi rtog pa dang / sdug bsngal ba dang / stong</font><hr>102.204a<br><font size=+1>

pa dang / bdag med pa ni dmigs pa'o/ /thams cad skad cig ma dang gzhan yod pa dang / las rnams mi rtag pa dang / las la gnas pa dang / de'i 'bras bu la gnas pa ni gnas pa'o/ /thams cad la grags pa ni grags pa nye bar sbyor zhing dmigs pa nye bar sbyar ba ni dpe'o/ /de dag grags pa ni grags pa'o/ /gang gi tshad mas tshad ma nyid du snang ba ni nges pa'o/ /lang ka'i bdag po de yang 'di ltar byung ba dang / brtags dang gcod pa dang / bral ba dang / snang bas na tshad mar nges pa'o/ /de ni mngon sum dang / dpag pa dang / tshad mas dag pa'o/ /lang ka'i bdag po ma dag pa ni 'di ltar gzhan dang 'thun pa dang / mi mthun pa dang / thams cad dang 'thun pa dang mi mthun pa dang / gzhan gyi dpe nye bar sbyar ba dang / ma grags pa dang / ma nges pa dag go/ lang ka'i bdag po de la yongs su dag pa'i mtshan nyid lnga pa ma yin pa'i tshad ma gzhan dang 'thun par dmigs pa dang / 'dus byas kyi mtshan ma nyid mi rtag pa la sogs pa ji lta ba la rtag pa dang / bdag la sogs pa gzhan du dmigs te phyin ci log bzhir lta bas 'dus ma byas kyi mtshan nyid dang 'thun par dmigs pa 'di ni 'thun pa'o/ /tshad ma gzhan dang mi 'thun pa dang / yul gyi mtshan nyid gzhan dang mi 'thun pa 'di ni gzhan dang mi mthun pa'o/ /thams cad yid kyi bya ba dag go zhes bya ba ni thams cad dang 'thun pa'o/ /mi 'thun pa gang gcig gi mi mthun pas phan tshun mi 'thun pa zhes bya ba 'di ni mi mthun pa'o/ /lang ka'i bdag po gzhan yang 'thun pa dpe dang sbyar ba la mi mthun pa yod pas de ni ma nges pa'o zhes bya ba ni ma grags pa'o/ /mi mthun pa dpe dang sbyar ba la 'thun pa yod pas de ni ma nges pa'o zhes bya ba ni de yang ma grags pa'o/ /gang ma grags pas gang gis brtags pa ma dag pa'o/ /gang rang bzhin gyis ma dag pa ni ma nges pa'o/ /lang ka'i bdag po de dag ni</font><hr>102.204b<br><font size=+1>

bsgrub pa'o/ /lang ka'i bdag po chos nyid gang zhe na/  gang du ma bcos pa nyid do/ /lang ka'i bdag po gang du bsdus pa dang / rnam par spros bas ni thams cad kyang bsdus te/ gcig la khyad par gyis phye ste mthar phyin pa'o/ /lang ka'i bdag po dmigs pa ni 'dzin pa'o/ /rnam pa ni dbye ba'o/ /byang chub ni rang bzhin no/ /gang spangs pas gang thob pa ni 'bras bu'o/ /gang chub cing gang la brjod pa ni bsnyad pa'o/ /gang gi phyogs dang mi mthun pa ni bar du gcod pa'o/ /gang gi phyogs la nan tan du byed pa ni 'thun pa'o/ /gang dang mi mthun pa'i dbang du jen pa ni nyes dmigs so/ /gang du 'thun par jen pa ni yon tan no/ /lang ka'i bdag po de dag ni mtshan nyid kyis yan lag ste/ yan lag drug po de dag ni 'byed pa'i lde mig ste/ gang spyod pas 'dren pa'i sgo gang yin pa de ni des 'byed cing gang de nyid du dgongs pa nges par 'grel to/ /lang ka'i bdag po de la mdo bzhi gang zhe na/ 'di lta ste/ dgongs pa gzhan gyi mdo dang / ldem po ngag gi mdo dang / 'thun 'jug sbyor ba'i mdo dang / don dam pa nges pa'i mdo'o/ /lang ka'i bdag po de la dgongs pa gzhan pa'i mdo 'di lta ste/ rang bzhin dang / dus dang / don dang / yul la dgongs pa'o/ /lang ka'i bdag po de la rang bzhin ni 'di ltar/ ji ga khyad par du snang ba la gang de ltar rtog pa zhen pa dag bsal ba'i phyir rang bzhin la dgongs te/ de gang yin pa ni 'di nyid do zhes gcig tu zhal gyis rtsal ba'o/ /lang ka'i bdag po/ dus ni 'di ltar sgyid lug pa gang dag mngon par spro ba bskyed pa'i phyir gang gi rgyu 'bras mi slu ba la dgongs te/ gyin 'da' tsam 'dis myur ba nyid du 'gyur ro zhes ston pa'o/ /lang ka'i bdag po don ni 'di ltar/ gang gis gang la rlom sems pa/ /de yi mun pa bsal ba'i phyir/ /gang gis mthong lam ma thob par/ /de nyid mi mthong la dgongs te/ /'di dag ni dpag tu med pa'i dam pas ma bsnyad par shes par mi nus so zhes sgo'o/ /lang ka'i bdag po yul la dgongs pa</font><hr>102.205a<br><font size=+1>

ni 'di ltar gang phyogs gcig tsam gyis chog par 'dzin pa dag blo skye ba'i phyir gang gi phyogs kun bkod de yongs su bsngags pa brjod cing phyogs gcig gis mi chog pa la dgongs te/ sngon du goms pa'i phyogs la smod pa'o/ /lang ka'i bdag po de la ldem po dag gi mdo ni 'di lta ste/ sbyor ba dang / dbye ba dang / zil gyis gnon pa dang / slu ba'o/ /lang ka'i bdag po de la sbyor ba ni gang 'di ltar gang skrag cing dngangs pa dang / tshi chad par rtsol ba dang / gang mngon par zhen pa dag ci la yang mi 'jug pa de dag gang gi don la nges par gzhug pa'i phyir gang dang gang gi 'bras bu yod pa dang / kun kyang rang bzhin med pa la dgongs te/ thams cad yod do zhes bya ba dang / stong pa nyid do zhes gang gi 'du shes gzhug pa'i phyir ro/ /lang ka'i bdag po dbye ba ni 'di ltar gang dang gang la mos pa de ltar kun brtags pa dngos po med par bshad pa dang / gzhan gyi dbang rten cing 'brel par 'byung ba bshad pa dang / yongs su grub pa mi 'gyur ba phyin ci ma log par bshad pa gsum la dgongs te gsum bstan pa'o/ /lang ka'i bdag po zil gyis gnon pa ni 'di ltar gang phun sum tshogs pa'i grags pa dag / rdzogs longs spyod pa dag bstan pas zil gyis gnon pa'i phyir gnyen por gyur pas 'dul bar dgongs te rgya chen po dag ston pa'o/ /lang ka'i bdag po slu ba ni 'di ltar gang 'du shes log pa dag sbas pa'i thabs kyis nges par bsgyur ba'i phyir don mi 'gyur ba la dgongs te/ rgyu gzhan du ston pa'o/ /lang ka'i bdag po de la 'thun 'jug sbyor ba'i lung 'di lta ste/ rang rkyen gnyer gyi lung dang / thabs 'dzud bsre ba'i lung dang / cha 'thun sbyor ba'i lung dang / gdams ngag nan tan gyi lung ngo/ /lang ka'i bdag po 'di la rang rkyen gnyer gyi lung ni 'di ltar gang la gang ltar rkyen du 'tsham pa de la de ltar nyid ston pa'o/ /thabs 'dzud bsre ba'i lung ni 'di ltar bsdu ba'i thabs kyis</font><hr>102.205b<br><font size=+1>

gang gi cha dang 'dren mas de dag bsgyur ba'o/ /cha 'thun sbyor ba ni 'di ltar gang gi cha bzhin spyod pas 'di ltar sbyor ba'o/ /gdams ngag nan tan gyi lung ni 'di ltar gang la gang gces spras byas te 'jog pa'o/ /lang ka'i bdag po/ de la don dam nges pa'i lung ni 'di lta ste/ dgos pa dang / nges pa dang / ngo bo dang / gal po'o/ /lang ka'i bdag po de la dgos pa gang zhe na/  'di lta ste/ gang byung ba dag gang gi phyir brtags te/ de ltar de'i phyir ngos zin pa'o/ /nges pa ni 'di ltar gang la gtan la phab pa de'i nges pa rnyed pa'o/ /rang gi ngo bo ni 'di ltar gang brtags pa brjod pa'i dngos bzhi'o/ /gal po ni 'di ltar gang la gang gang gis gal du gtod pa nyid do/ /lang ka'i bdag po de dag ni nges pa dam pa'i lung ste/ mdo bzhi po de dag ni dgrol ba'i lde mig ste/ gang spyod pas 'dren pa'i sgo gang yin pa de ni nges dgrol zhing gang de nyid du gsal bar byed pa'o/ /lang ka'i bdag po de la rtsa ba gsum gang zhe na/ 'di lta ste/ blo'i rtsa ba dang / gros kyi rtsa ba dang / thabs kyi rtsa ba'o/ /lang ka'i bdag po de la blo'i rtsa ba ni 'di ltar ji bzhin pa'i de bzhin nyid du mi rtog rnam par mi rtog lhan ne ba'o/ /lang ka'i bdag po gros kyi rtsa ba ni 'di ltar gang thams cad nas thams cad du ma 'dres pa la ma rmongs pa nyid sa le ba'o/ /lang ka'i bdag po thabs kyi rtsa ba ni 'di ltar gang yongs su rdzogs pa la rnam par dag pa nyid do/ /lang ka'i bdag po de dag ni rtsa ba ste/ rtsa ba gsum po 'di dag ni 'byed pa'i lde mig ces bya ste/ gang spyod pas 'dren pa'i sgo gang yin pa de ni des 'byed cing de nyid du gsal bar byed do/ /sangs rgyas kun gyi dgongs pa 'dus pa'i mdo chen po las/ bkod pa rnam par 'grel pa'i le'u ste bzhi bcu rtsa lnga pa'o// //    de nas lang ka'i mnga' bdag byang chub sems dpa' sems dpa' chen po des gsang ba pa'i bdag po la sgo gnyis kyi dri ba yongs su dris pa/ kye gsang ba pa'i</font><hr>102.206a<br><font size=+1>

bdag po gang sgo gnyis 'byed cing / rnam par 'grel pa ji ltar 'byed pa lags/  smras pa lang ka'i bdag po sgo gnyis ni 'di ltar 'di yang lde mig gsum gyis rnam par 'byed cing gsal bar byed pa ste/ thun mong gi yan lag dang mdo dang rtsa ba'o/ /gang 'di ltar yan lag drug ni 'di lta ste/ bya ba'i yan lag dang / thabs kyi yan lag dang / sbyor ba'i yan lag dang / spyod pa'i yan lag dang / rig pa'i yan lag dang / rdzogs pa'i yan lag go /lang ka'i bdag po yan lag drug po 'di dag kyang gcig tu yan lag bcu gnyis kyis yongs su rdzogs shing yan lag drug gis gsal bar 'grel pa ste/ bcu gnyis gang zhe na/ 'di lta ste/ sgo'i yan lag dang / dam pa'i yan lag dang / nges pa'i yan lag dang / bsam pa'i yan lag dang / dmigs pa'i yan lag dang / bzlas pa'i yan lag dang / sbyor ba'i yan lag dang / spyod pa'i yan lag dang / thob pa'i yan lag dang / gnas pa'i yan lag dang / sa'i yan lag dang /  lta ba'i yan lag go /lang ka'i bdag po drug gang zhe na/ 'di lta ste/ rgyu'i yan lag dang / rtsa ba'i yan lag dang / 'brel ba'i yan lag dang / 'dren pa'i yan lag dang / nges pa'i yan lag dang / sbyor ba'i yan lag go /lang ka'i bdag po 'di dag ni gang thams cad nas thams cad du thun mong du shes par bya'o/ /lang ka'i bdag po de dag ni yan lag ste/ gang sgo de dag de dag gis 'byed cing gsal bar 'grel bar shes par bya'o/ /lang ka'i bdag po de la mdo gang zhe na/ 'di lta ste/ skye ba med pa dang / mnyam pa nyid dang / ji bzhin pa dang / btsal ba med par lung ston pa'o/ /lang ka'i bdag po de dag ni gzhan gyi skye ba med pa dang / mnyam pa nyid dang / ji bzhin pa dang / btsal ba med pa dang / ma 'dres pa gang yin pa de kho na nyid do/ /lang ka'i bdag po de la rtsa ba gang zhe na/ 'di lta ste/ de kho na nyid gang yin pa dang / dam par nges pa dang / </font><hr>102.206b<br><font size=+1>

yongs su zin pa'o/ /lang ka'i bdag po de dag ni rtsa ba ste/ des sgo de dag gi ji lta ba nges par 'byin par shes par bya'o/ /sangs rgyas kun gyi dgongs pa 'dus pa'i mdo chen po las bsdu ba rnam par 'grel ba'i le'u ste bzhi bcu rtsa drug pa'o// // de nas yang gsang ba pa'i bdag pos lang ka'i bdag po la bos te smras pa/ lang ka'i bdag po de dag las khyad par du nges pa'i gsang sgo lde mig gsum gyis 'byed pa yang 'di lta ste/ dam pa rnams kyi gsang ba'i sgo/ /yan lag mdo dang rtsa ba yi/ /'byed 'grol nges par 'byin pa yis/ /de nyid nges par mthong ba'o/ /'byed pa rgyu dang rtsa ba dang / /'brel pa'i tshig dang nges pa dang / /sbyor bas yan lag rdzogs pa yin/ /brjod 'byung kun la nges par 'gro/ rgyu bzhi gang byung ched phyir na/ /rgyu yi ngo bo byin gyis brlabs/ /lung bstan nyid du nges par snang / /rtsa ba'i yan lag gang dag gis/ /mdun bsu gus dang dri ba dris/ /skabs las gleng du langs pa'o/ /'brel pa yan lag rnam pa bzhi/ /rjod dang brjod bya 'brel dgongs las/ /tha ma gnyis bzhir 'dren pa'o/ /'dren pa gang 'dir rnam pa bcu/ /lta nyid de bzhin sgo 'byed dang / /spyir sdud pa dang 'byor bar 'dren/ /rang rkyen ldem dgongs gal po nyid/ /ma bcos de nyid mtshon pa'i dpe/ /cho rol snrel zhi rnam pa bcu/ /me long bcu dang rnam sbyor bas/ /sgron mas mun pa'i rdzas tshol sbyar/ /nges pa bzhi bzhi bzhir sbyar bas/ /bcu gnyis yan lag bzhir kun snang / /sbyor ba bzhi pa lnga gnyis bzhi/ /yan lag lngar snang de sbyar lnga/ /rtog 'jug drug bcu gcig thabs dang / /yan lag drug tu rdzogs pa'o/ /lang ka'i bdag po gang 'dir yan lag drug ni 'di lta ste/ rgyu'i yan lag dang / rtsa ba'i yan lag dang / 'brel pa'i yan lag dang / 'dren pa'i yan lag dang / nges pa'i yan lag dang / </font><hr>102.207a<br><font size=+1>

sbyor ba'i yan lag go/ /lang ka'i bdag po de la rgyu'i yan lag ni gang 'byung ba'i rgyur gyur pa ste/ 'di lta ste/ yongs su rdzogs pa drug go/ /lang ka'i bdag po de yang 'di ltar 'di skad bdag gis thos pa kho na nyid nges par snang ba'i dus gcig na/ bcom ldan 'das de bzhin gshegs pa thams cad kyi thugs dgra bcom pa yang dag par rdzogs pa'i sangs rgyas zhes bya ba tha snyad dang bral ba/ bla dwags thams cad las 'das pa/ nam mkha' chen po kun la khyab pa'i bdag nyid mngon sum mi gnas mtshon du med pa yongs su rdzogs pa'i rgyal po des yongs su khyab pa'i gnas rdzogs pa'i spyir chib ces bya ba nam mkha'i dbyings bde ba chen po'i ngang / thams cad sangs rgyas la mkhyen par dgod pa/ kun gzhi chos kyi pho brang ye 'byam rmad du grags pa/ rgya phyogs su yongs su ma chad pa/ chos nyid kyi nam mkha' brjod du med pa la ye shes kyi nyi ma dpag tu med par shar ba/ mtha' dang dbus med cing kun du rgya mnyam pa bdal khyab chen po zhes bya ba'i zhing khams na/ gang du yang mi gnas pa chen po/ gang la yang mi chags chags pa'i bdag nyid/ ci la yang mi mdzad mdzad pa thams cad lhun gyis grub/ mi skye mi 'gag rnam grol rnam dag /dngos por ma yin nam mkha'i rang bzhin/ ma bcos ma byas ye nas ji bzhin/ 'khor ba mi spong ye bdal khyab pa/ dug gsum mi spong sman pa chen po/ cir yang mi dmigs dmigs pa kun 'byung / tshig gi lam chad brjod pa kun 'byung / gang dang ma 'dres gcig tu yongs su rdzogs pa/ kun nas kun du dang / bzang po mi nub pa'i rtog chen por ye shes brjod kyis mi lang pa'i yang mi lang ba dang / 'du 'bral med par kun du 'ub chub ste/ dngos po med pa'i ngo bo nyid du bzhugs so/ /gsang ba'i snying po de kho na nyid kyi tshig 'di skad 'thun 'jug thabs su thos pa'i dus gcig na/ de bzhin gshegs pa thams cad kyi bcom</font><hr>102.207b<br><font size=+1>

ldan 'das gsang ba mchog gi bdag po de blang dor mi mnga' byin gyis brlabs kyi dbang phyug /'dod pa kun 'byung mi zad mdzod kyi bkod pa/ che ba kun spyod dam par rol pa'i gzi brjid dang / brlabs su gcod pa'i spyod pa chen pos skyod pa de rmad du byung don 'di nyid gleng ba'i gnas/ tshogs chen rdzogs pa'i gzhi/ rtsal chen rdzogs pa'i sa/ bde ba can zhes bya ba'i zhing khams na 'og min chos kyi dbyings kyi pho brang rin po che sna tshogs kyi gzhal yas khang mtha' dang dbus med cing rtse mo kun du rgya mnyam pa/ rin po che'i rgyal pos rnam par brgyan pa/ mu tig gi lcang lo dang /  chun 'phyang dang / lda ldis mdzes pa/ rtsibs kun du nyi ma dang zla ba rangs pa dang / ma rangs pa 'phyo bas gsal btab cing 'phra bkod pa/ skar ma dang shin du skar ma dag gis gzer spras pa/ rin po che'i ka ba brgyad zug pa/ nyi ma dang zla bas brgyan pa/ rin po che'i ka rgyan las/ rin po che'i gtsar dang / 'od zer kun du 'phro ba/ gdung chen po brgyad re'u res bres pa/ chos nyid kyi bla re la rdo rje'i shar bu byung ba/ rdzu 'phrul gyi sprin phung gtibs pa/ byang chub kyi char mngon par 'bab pa/ nyon mongs pa'i gdung ba sangs par gyur pa/ ye shes kyi myu gu mngon par bskyed pa dang / chos nyid sgra mngon par sgrogs pa las kun gzhi ye 'byam rmad du grags pa'i gleng slong ba/ tshig gi brjod pa dang bral zhing bzhin dang me long gi tshul ltar snang ba/ gzhal yas khang rdo rje mngon par dga' ba/ rdo rjes rnam par brgyan pa/ rin po che sna tshogs las grub pa/  gser gyi sa gzhi bdal ba/ me long ngam/ chu shel lam/ chu dang ba 'am/ gser shin du sbyangs pa ltar mnyam zhing snyoms la gsal zhing 'tsher ba las gzugs brnyan byung ba/ nem pa/ 'phar ba/ 'jam pa/ dag pa/ dang ba/ ldem pa/ mnyen pa/ 'bar ba/ 'phro ba/ rtog pa med pa/ rin po che sna tshogs kyi 'od rang bzhin gyis byung zhing zer kun du 'phro bas/ </font><hr>102.208a<br><font size=+1>

phyi nang gi mun pa yongs su sel ba/ dbu rtse 'khor lo rtsibs bzhir 'bar ba/ rdo rjes kun du spras pa/ sgo gsum kun du gsal ba la/ ba ti 'od kyi mu khyud yongs su ma chad pa/ nyi zla'i ga bu sum brgyud zung sgril du 'bar ba/ them skas dang rta babs kyis brgyan pa/ gru chang bzhis brgyan pa/ bar khyams kyis mdzes pa/ ha ra dang / ha ra chen pos brgyan pa/ twa ra na yis bzung ba/ phreng bas mdzes pa/ dra ba dang dra ba phyed pas brgyan pa/ za ra tshogs kyis klubs pa/ rdo rje rin po che 'bar bas kun du mdangs phyung ba/ dril bu g.yer ka las theg pa chen po chos kyi sgra sgrogs pa/ chos kyi sku'i gzugs brnyan 'byung ba/ gzhi yongs su mdzes pa'i rgyan rdo rje mu khyud ma chad pas rdo rje 'greng bu dang dra bas brgyan pa/ ta la'i shing ljon pa skyes pa la gser gyi tsong tsong bres pa/ rin po che'i phra mig gis spras pa/ bdud rtsi'i chu rgyun 'bab pa/ phyi dang nang med kun yang nang du gyur pa na/ gar yang ma 'gags snang ba chen po/ ci yang ma gsungs rgya cher bshad pa/ gang la yang mi dgongs ting nge 'dzin chen po mnga' thang yongs su rdzogs pa'i rgyal po de rdzogs longs spyod pa'i 'khor brjod kyis mi lang ba'i yang mi lang ba la 'di lta ste/ de bzhin gshegs pa rnam par shes pa'i rgyal po mi bskyod pa la sogs pa rdo rje gdung dang / sde'i sangs rgyas thams cad dang / de bzhin gshegs pa tshor ba'i rgyal po btang snyoms chen po la sogs pa nor bu'i gdung dang sde'i sangs rgyas thams cad dang / de bzhin gshegs pa 'du shes kyi rgyal po mtshan ma med pa la sogs pa pad ma'i gdung dang sde'i sangs rgyas thams cad dang / de bzhin gshegs pa 'du byed kyi rgyal po sems dpa' chen po la sogs pa gzhon nu'i gdung dang sde'i sangs rgyas thams cad dang / de bzhin gshegs pa gzugs kyi rgyal po rnams mi rig la sogs pa glang po'i gdung dang</font><hr>102.208b<br><font size=+1>

sde'i sangs rgyas thams cad kun kyang thabs sprin phung lta bu dang / shes rab nam mkha' lta bur 'brel ba sha dag dang / gtso bo dang 'khor gyi tshul du rdzogs longs spyod par bzhugs so/ /rgya cher brjod pa ldem dgongs sbyor ba'i tshig 'di skad du bkri ba'i thabs su thos pa dus gcig na/ bcom ldan 'das cho 'phrul chen po cir yang snang ba'i rgyal po rnams ni bya ba rdzogs pa'i gnas bsod nams gter zhes bya ba 'jig rten gyi khams dpag tu med pa gnas ji bzhin pa mos pa can zhes bya ba'i zhing khams na/ 'khor ba 'dren pa'i sangs rgyas dang / snang srid ston pa'i sgron ma/ gdul ba sel ba'i sems dpa'/ 'gro don mdzad pa'i 'phags pa/ thabs mkhas thugs rje'i sprul pa/ 'byung ba rgyun gyi bcom ldan 'das thugs rje rtag pa'i bdag nyid chen por sprul pa de 'khor brjod kyis mi lang ba'i yang mi lang ba dag dang / ston pa dang nyan pa'i tshul du rnam par bshad pa chen por bzhugs te/ thams cad bden pa gnyis kyi tshul du snang bar ston 'dod pa rang rkyen gyi tshig 'di skad du ma bkag chos nyid du dgongs pa rang snang thos pa'i dus gcig na/ bcom ldan 'das gsang ba'i sku bde ba chen po de cho 'phrul yongs su rdzogs pa'i gnas/ gtsug tor 'khor los bsgyur ba'i khyad par zab mo gsang ba mchog gi dgyes pa yum gyis lhums pad ma'i snying po rgyal ba kun gyi skrun pa'i pho brang / gang gi don la gshegs pa'i shul srid pa gsum gyi sems can smin par byed pa'i gzhi/ chags pa'i rten 'byung ba'i gnas/ 'gro ba'i lam du gyur pa de dang cha 'thun du bstan pa pad mo can zhes bya bar grags pa'i zhing khams na/ thun mong ma gyur gsang ba'i sku ste/ gsang ba'i 'khor brjod kyis mi lang ba'i yang mi lang ba 'di lta ste/ gsang ba'i sems dpa' chen po rdo rje myur ba dang /  rdo rje chen po mgyogs pa dang / rdo rje chen po rnon po dang / rdo rje chen po 'byung ba dang / </font><hr>102.209a<br><font size=+1>

rdo rje chen po 'byed pa dang / rdo rje chen po che ba dang / rdo rje chen po yangs pa dang / rdo rje chen po zab pa dang / rdo rje chen po brtan pa dang / rdo rje chen po sna tshogs la sogs pa shin du gsang ba'i 'khor 'byung 'jug dang bcas te/ gang the tshom gcod pa dang / chod pa dang / zhu bar sdog pa'i tshul du bzhugs so/ /de ltar na de bzhin gshegs pa thams cad re re la yang sku'i bye brag 'di ltar snang zhing tha dad du snang ba yang med do/ /gcig dang tha dad pa'i ngo bo las kyang grol la/ lhan ne lhang nge lham me lhag ger kun nas kun du snang ngo/ /de'i tshe de'i dus na mi chen po'i spyod yul thabs kyi theg pa chen po gsang ba'i snying po 'di sku bzhi rnam par snang ba la thos pa phyin ci ma log pa'i don rgyal ba'i sras dag la de kho na nyid ltar bgro ba ni 'di lta ste/ de bzhin gshegs pa thams cad chos thams cad dgongs pa mnyam pa nyid la shar bar mkhyen nas sku mnyam pa nyid mi dmigs pa zhes bya ba'i ngang la rnam par bzhugs so/ /gsung mnyam pa nyid mi dmigs pa zhes bya ba'i ngang la rnam par bzhugs so/ /thugs mnyam pa nyid mi dmigs pa zhes bya ba'i ngang la rnam par bzhugs te/ 'jug pa 'am/ ldog pa 'am/ rnam par ldog pa mi dmigs so/ /lang ka'i bdag po gnyis ni gang byung brjod pa gnyis nyid do/ /lang ka'i bdag po de dag ni rgyu'i yan lag ces bya'o/ /sangs rgyas kun gyi dgongs pa 'dus pa'i mdo chen po las gleng gzhi phun sum tshogs pa bstan pa'i le'u ste bzhi bcu rtsa bdun pa'o// //    lang ka'i bdag po rtsa ba'i yan lag gang zhe na/ 'di lta ste/ brjod pa 'byung ba'i rtsa ba gang gis gang gleng bslang ba gang yin pa la bya ste/ 'di ltar de nas de bzhin gshegs pa de dag dbyings kyi ngang las mi g.yo bar mnal bzhin du sangs rgyas kun gyi yum shes rab kyi pha rol tu phyin ma stong pa nyid kyi ngang las bskul ba chen bo'i sgra</font><hr>102.209b<br><font size=+1>

'di 'byung ngo/ /yod med stong pa shin du rnal 'byor mthus/ /nam mkha' bzhin las dam tshig nye bar gshegs/ /ye shes rgya mtsho rnam par grol ba'i klong / /mi gnas mi dmigs nam mkha'i dbyings nas bzhengs/ zhes sgra byung ba las/ bcom ldan 'das de dag gi chos thams cad byang chub snying po la shar bar mkhyen nas stong pa nyid kyi ngang las nyi ma rdo rje byung ste/ dper na nam mkha' dang ba las/ nyi ma'i snying po shar ba lta bu'o/ /de nas nyi ma'i snying po de las 'od zer bye ba mang po bkye bas dper na nyi ma stong las 'od zer bye ba bkye ba lta bu'o/ /'od zer de dag las thugs rje byang chub sems kyi sprin mngon par 'khrigs te/ rol pa'i char mngon par bab pas rol pa sna tshogs kyi 'brug dang / rol pa sna tshogs kyi glog dang / rol pa sna tshogs kyi mchod pa dang / rol pa sna tshogs kyi glu dang / rol pa sna tshogs kyi gar dang / rol pa sna tshogs kyi rnga dang / dung dang / ker go dang / gling bu dang / rol pa sna tshogs kyi rgyan dang / rol pa sna tshogs kyi mnyes pa dang / rol pa sna tshogs kyi shes rab dang / rol pa sna tshogs kyi ye shes dang / rol pa sna tshogs kyi ting nge 'dzin dang / rol pa sna tshogs kyi bde ba dang / rol pa sna tshogs kyi tshor ba dang / rol pa sna tshogs kyi dga' ba chen po dang / rol pa sna tshogs kyi btsun mo stong pa chen po de bzhin nyid la rnam par 'jug par mdzad do/ /de nas de bzhin gshegs pa thams cad kyi yum stong pa nyid kyi ngang de las chos nyid de bzhin nyid kyi sgra 'di byung ngo/ /tshogs chen gnyis rdzogs thugs dam dbyings kyi lha/ /longs spyod rdzogs mdzad rol pa chen po'i sku/ /rdo rje sems dpa' skal bzang dpal khyod bdag /thabs kyi rol pas bde chen dbyings nas bzhengs/ zhes sgra des bskul bas bde ba chen po'i ngang de las cho 'phrul chen po'i rnam par bzhengs te rnam par 'phrul ba dang / rnam par 'khyil ba dang / rnam par 'gying ba dang / rnam par brjid pa dang / gar gyi phyag rgya chen po dang / rnam par bzhad pa sna tshogs pa dang / thugs rje'i 'phro 'du dang / yon tan gyi</font><hr>102.210a<br><font size=+1>

khyad par dang / 'od zer gyi 'bar 'phro la sogs pa sprul pa glog gi phreng bas nam mkha' thams cad kun du khyab par mdzad de/ thams cad nas thams cad du mtshan ma dang / rnam pa dang / yod pa dang / med pa la gsang sngags kyi ngo bo de kho na nyid kyi ngang gis yongs su khyab ste/ rang bzhin gsang ba nyid do/ /de nas yang de bzhin gshegs pa thams cad kyi yum stong pa chen po de kho na nyid las bskul ba tha ma'i sgra 'di byung ngo/ /ye shes sgyu mas rnam par rol pa'i sku/ /thabs dang shes rab che la mnga' brnyes pa'i/ /'phags rje sprul pa mang po 'byung ba'i gnas/ /bder gshegs bde bar gshegs pa bzhengs su gsol zhes bskul bas/ bcom ldan 'das gsang ba mchod gi bdag po de rdo rje rol pa de kho na nyid ces bya ba'i ting nge 'dzin la snyoms par zhugs nas ci yang mi gsung bar bzhugs so/ /de nas de bzhin gshegs pa kun gyi yum shes rab kyi pha rol tu phyin pa'i ngang las rnam par bskul ba chen po'i sgra byung ba de dag las 'khor shin du mang po rnams ngo mtshar du gyur/ rmad du gyur te/ de dag thams cad mgrin gcig tu rdo rje rol pa de kho na nyid las glu 'dis gsol ba btab bo/ /e ma'o yid bzhin sku mchog nam mkha' lta bu las/ /khyab pa'i byin brlabs rdo rje gar mdzad cing / /gzi brjid sprin phung rol bas bsgyings pa'i sku/ /thogs med rdo rje rol pa'i cho 'phrul ston/ /e ma'o yid bzhin gsung mchog sgra brnyan lta bu las/ /snyan pa'i byin brlabs rdo rje brjod mdzad cing / /yan lag rgya mtsho mi bzad bkod pa'i gsung / /seng ge sgra yis gsang sngags rgya mtsho ston/ /e ma'o ye shes snying po nyi zla lta bu las/ /'bar ba'i byin brlabs rdo rje bde mdzad cing / /thig le spros bral rnam par mi rtog thugs/ /rnam grol de nyid nges pa'i cho 'phrul ston/ /mi shes blun rmongs 'dam bying 'gro ba rnams/ /sdug bsngal dra bas bcings pa thabs kyis khrol/ /ma rig mun pas long ba don gyis phye/ /'khor ba'i rgya</font><hr>102.210b<br><font size=+1>

mtsho rol pa'i gru yis sgrol/ /de bzhin gshegs pa kun gyi thugs chen po/ /ye shes don gyi snying po mchog dang ldan/ /rnal 'byor theg chen rdo rje kun 'dus lung / /'dus pa'i tshogs la rgya cher bshad du gsol/ /a ho zhes nges par btud de gsol ba btab bo/ /de nas bcom ldan 'das gsang ba mchog gi bdag po de rdo rje rol pa de kho na nyid kyi glu des gsol ba btab pas 'khor thams cad la gzigs te 'dzum pa mdzad pas/ thugs rnam par dag pa'i glong nas rig pa'i nyi ma brjod kyis mi lang ba'i yang mi lang ba 'od zer 'byam klas pa kun nas kun tu khyab par mdzad do/ /'od zer de dag re re las rdo rje gnod sbyin dang / rdo rje srin po lta bu'i gzugs sna tshogs 'byung ngo/ /de dag re re las kyang sangs rgyas 'bum phrag dpag tu med pa 'khor so so'i zham ring dang bcas pa zhing khams mtha' yas par khyab cing snang bar gyur to/ /de las rig pa'i nyi ma'i 'od nam mkha'i khams khyab par byung bas mun pa mun nag smag tu gyur pa thams cad yang dag par bsal lo/ /rig pa'i chos kyi 'brug sgra dang / chos kyi char dang / chos kyi glu sna tshogs dang / chos kyi gar sna tshogs dang / chos kyi mchod pa sna tshogs 'byung te/ 'byam klas pa'i nam mkha' la phan tshun dang / yan man dang / snrel zhi la sogs pa thams cad du khyab par ling long phyed par byung ngo/ /rmad du byung ba'i sku bsam gyis mi khyab pa'i 'od zer 'bar 'phro 'khrug cing ling long phyed do/ /rmad du byung ba'i thugs kyang lhang nge'o/ /rmad du byung ba'i gsung bsam gyis mi khyab pa yang a ho zhes sgrogs so/ /sangs rgyas dpag tu med pa yang gsung bsam gyis mi khyab pa'i sgra gcig tu e ma'o rmad byung rol pa'i chos kyi don byung ngo zhes sgrogs/ /'khor 'bum phrag dang gdul bya sna tshogs spro ba'i ngo mtshar bskyed/ rig pa'i rtsal sbyangs/ don gyi che ba phyung / ngam zhing ngo mtshar bar gyur te/ thams cad nye bar gnas so/ /zhi bar gnas so/ /</font><hr>102.211a<br><font size=+1>

dga' ba dang ldan par gnas so/ /de nas gsang ba mchog gi bdag po des 'khor rnam par sbyong ba rdo rje rgyun zhes bya ba'i ting nge 'dzin la snyoms par zhugs nas shangs kyi hU~M rings las/ rdo rje mngon pa'i mthu can 'di dag mngon par byung ngo/ /hU~M hU~M hU~M rdo rje 'dus par 'dus pa yi/ /theg chen dam pa'i rigs can rnams/ /bla 'og rim pa ji bzhin du/ /rdo rje gsang ba'i gral bkod de/ /rigs ma yin pa rigs med 'gyur/ /rigs can rnams kyi dam tshig ni/ /rigs med rnams la 'bab mi 'gyur/ /de las 'das na de rlag byed/ /hU~M kro d+ha dz+wa la sa ma ya/  rak+Sha sh+ka dz+wa la sa ma ya/ yak+Sha dz+wa la sa ma ya/ tsita ta dz+wa la sa ma ya/ zhes sgra phyung bas zhal ljags kyi dbang po'i 'od phung las khro bo 'od kyi phreng ba 'bar ba dang / srin po 'od kyi phreng ba 'phro ba dang / gnod sbyin 'od kyi phreng ba 'khrugs pa dang / za byed 'od kyi phreng ba tshub ma brgyud mar 'byung bas ru tra dang / bdud dang / srin po dang /  gnod sbyin dang / 'jug sred dang / sred med dang / dbang phyug dang / stobs ldan dang / spre'u dang / ra dang / lu 'de dang / sbrang ma dang / bya rog dang / me khyer dang / 'khor ba dang / chu dang / sa dang / nam mkha' dang / me dang / sgra dang / rtog spyod la sogs pa mtshan mar mi gnas chos nyid du zhi bar gyur to/ /de nas 'od zer de dag mkha' la 'khyil ba dang / 'khor mang po de dag shin du skrag ste gsol ba btab pa/ e ma'o e ma bdag cag bcom ldan 'das kyis snod du rung bar byin gyis brlab tu gsol/  theg pa chen po'i rigs su gzung du gsol zhes gsol ba btab pa las/ bcom ldan 'das kyi zhal gyi mdangs phyung bas 'od zer de dag ye shes kyi 'od zhi zhing 'khyil ba dang / mdzes shing bde bas thams cad rangs par byas nas snod rnam par sbyangs te/ 'od kyi gnas su thim par gyur to/ /lang ka'i bdag po de nas bcom ldan 'das gsang ba mchog gi bdag po de mi gnas ba'i ye shes chen po'i klong nas nges par bzhengs nas seng ge rnam par rgyal ba'i sgra</font><hr>102.211b<br><font size=+1>

lta bus don gyi bkod pa/ rtags kyi rol pa/  gsang ba'i nges pa/ bka'i 'grel pa/ chos kyi me long / gtan tshigs kyi 'byung gnas/ dgongs pa kun 'dus rdo rje rnam par bsgyings pa'i gzhung chen po'i sgra 'di byung ngo/ /o~M` hU~M mu~M zhes gsungs nas cang mi gsung / rab tu mi gsung / gsungs pa mi 'gog /'gog pa ma yin/ ma gsungs pa nyid na rgya cher bshad pa'i ngo bor bzhugs so/ /lang ka'i bdag po de dag ni rtsa ba sbyor ba'i yan lag ces bya'o/ /sangs rgyas kun gyi dgongs pa 'dus pa'i mdo chen po las rtsa ba sbyor ba'i yan lag bstan pa'i le'u ste bzhi bcu rtsa brgyad pa'o// //    lang ka'i bdag po de la 'brel ba'i yan lag gang zhe na/ gang dang gang dag tu 'brel ba ste/ de ni 'di ltar ched du 'gro ba ched du brjod par bya'o/ /lang ka'i bdag po nas bdag de'i tshe de'i dus na dam tshig chen po rdo rje sems dpar gyur pa la/ bcom ldan 'das gsang ba mchog gi bdag po des theg pa chen po gsang ba'i don bdag nyid kyis rgya cher ched du rjod cig par dgongs pa'i phyir bdag la nyi tsher zhal 'dud pas gzigs te/ 'dzum pas bskul ba rnam par mdzad do/ /de nas bdag dam tshig chen po'i rdo rje sems dpa' zhes bya bar snang ba des yang dag par bskul bar rnam par rig nas rang gi stan las langs te rang gi mtshan ma gnas lngar reg par byas nas theg pa chen po de kho na nyid rgya cher brjod par bya ba'i ched du lce pad ma'i steng du bzhag ste/ shin tu gus pas lus kyi bag bzhi sa la phab pa'i phyag rnal 'byor lugs su byas nas seng ge'i lta stangs kyis ston pa'i zhal du bltas te/ 'di skad du gsol to/ /rdo rje rgyal po tshogs bdag dgongs su gsol/ /chos kyi rgyal po mi g.yo rgyal tshul mdzad/ /rgyal mchog bde chen sa la rab bzhugs te/ /smra ba'i las mchog rdo rje lce 'bar bas/ /sgra dbyangs rgyal po rnams kyis bdag byin rlobs/ /gsang sngags rgyal</font><hr>102.212a<br><font size=+1>

po chos kyi me long 'di/ /rgyal mchog chos kyi rgyal po nyid kyi mthus/ /'dus pa'i tshogs la rgya cher brjod par 'os/ /a ho zhes gsol ba btab pa las/ gsang ba mchog gi bdag po des bdag rdo rje las kyi bka' bar bsgo ba de rdo rje brjod pa chen por byin gyis brlab pa'i phyir rdo rje rnam par 'phro ba zhes bya ba'i ting nge 'dzin la snyoms par zhugs nas ljags kyi 'od zer las/ badzra karma sa twa tsakra ha ha ha~M/ rdo rje rgya gram gyi 'khor lo 'bar ba sems dpa' rdo rje kho na bdag de'i lag tu babs par gyur nas las kyi rdo rje'i dbang thob ste/ rnam par smra ba chen po shin du bla bkyal ba'i spobs pa can du byin gyis brlabs nas kun du mi gzob rab tu bag dang ldan pa chen por gyur to/ /de nas bdag sems dpa' rdo rje des las kyi mtshan ma de lag tu blangs nas rdo rje tshig sna tshogs kyis lan lnga ste/ rnam pa bcu gnyis su bskor nas/ grangs gnyis dang lngar bsgyur bas zhing khams mtha' rnam par dag par g.yos te/ g.yos rab tu g.yos/ kun tu rab tu g.yos/ 'gul rab tu 'gul/ kun tu rab tu 'gul/ ldeg rab tu ldeg /kun tu rab tu ldeg / 'khrugs rab tu 'khrugs/ kun tu rab tu 'khrugs/ 'ur rab tu 'ur/ kun tu rab tu 'ur/ chem rab tu chem/ kun tu rab tu chem/ mtha' mtho na ni dbus dma'/ dbus mtho na ni mtha' dma'/ shar mtho na ni nub dma'/ nub mtho na ni shar dma'/ lho mtho na ni byang dma'/ byang mtho na ni lho dma' bar 'gyur te/ zhing khams thams cad bdag rdo rje sems dpa' sha dag lta bur gyur nas gsang sngags kyi ngo bo nyid phyin ci ma log pa'i tshul gyis rgya cher brjod pa'i sgra rnam par brjod do/ /bdag sems dpa' rdo rje nyid rnam par rngom pa'i tshul gyis ston pa'i mdun logs su seng ge rdo rjes mtshon pa'i khri la 'gying bag gi tshul gyi rnam par gnas so/ /de nas 'dus pa'i tshogs 'khor phal mo che rnams kyis bcom ldan 'das la 'di skad ces gsol to/ /e ma'o</font><hr>102.212b<br><font size=+1>

bcom ldan 'das sems dpa' rdo rje 'di ni 'di ltar mthu che ba/ 'di ltar byin gyis brlabs che ba/ 'di ltar rgya che ba/ 'di ltar mkhas pa/ 'di ltar gsal zhing zab pa ni bcom ldan 'das kyi thugs dang 'brel cing thugs las skyes pa/ de kho na nyid dang 'brel cing de kho na nyid las skyes pa lags so zhes gsol pas kho bo la bstod pa dang / lang ka'i bdag po bcom ldan 'das des de dag la bka' stsal pa/ 'dus pa chen po'i tshogs sems dpa' rdo rje 'di ni byang chub kyi sems kyi ngo bo/ snying rje thams cad kyi bdag po/  thabs thams cad kyi mchog /sangs rgyas thams cad kyi rje btsun/ byang chub sems dpa' thams cad kyi yab/ rnal 'byor kun gyi rnal 'byor/ mya ngan las 'das pa kun gyi ded dpon/ bdud thams cad kyi yang bdud chen po/ /sangs rgyas thams cad kyi yang gdul dka' 'dul ba/ chos thams cad kyi mdzod/ gsang ba thams cad kyi bdag po/ ye shes thams cad kyi 'byung gnas chen por gyur pa yin no/ /de ci'i phyir zhe na/ thog ma dang tha ma med par mnyam pa'i dus pha mtha' las kyang pha mtha' dpag tu med cing bsam du med pa 'byam klas pa'i dus na/ bya ba byas shing byed pa byas pa/ mngon par rdzogs par sangs rgyas pa yin te/ de ni chos thams cad kyi rang bzhin du sbyor zhing chos thams cad kyi rang bzhin du 'brel bas rgyal ba thams cad kyi thugs las skyes shing thugs dang 'brel ba/ thams cad kyi yab tu gyur pa yin te/ de 'dra'o zhes kho bo la bsngags pa brjod pa bka' stsal ba las/ 'dus pa'i tshogs 'khor thams cad ngo mtshar du gyur te gsol pa/ bcom ldan 'das de ni 'di ltar ngo mtshar lags so/ /bde bar gshegs pa de ni 'di ltar ngo mtshar lags so zhes gsol te/ sems dpa' rdo rje dam pa de la logs su btud nas lus kyi bag bzhi sa la phab pa'i phyag rnal 'byor gyi lugs su byas nas rmad du byung ba'i me tog dang / ting nge 'dzin gyi mchod pa sna tshogs byas te/ 'di ltar rmad </font><hr>102.213a<br><font size=+1>

'byung ngo mtshar khyod/ /sangs rgyas thugs las rgyal skyes pa/ /ji ltar zhing 'dir snang zhig gu/ /rnal 'byor yab gyur rgyal ba'i sras/ /rang bzhin kun dang gcig 'brel ba'i/ /bka' yi 'khor lo rab bskor bas/ /rnam dag lam mchog dam pa dag /tshig gis mtshon te gsal bar mdzod/ /a ho zhes gsol ba btab bo/ /lang ka'i bdag po de nas dam pa rdo rje bdag gis rdo rje bskor te bsgyur nas brjid bag tu rdo rje tshig tu smras pa/ o~M hU~M mu~M a ho/ rgyal ba'i sras po cang mi gsung / /mi gsung bas nas rgya cher bshad/ /bshad du med pa'i chos nyid 'di/ /rgyal ba rnams kyis ma bshad de/ /de ltar ston pa rgyal mchog kyang / /rnam par bshad par mi bzhed de/ /rgya cher bshad par dgongs pa'o/ /skye ba med pa'i chos nyid ni/ /ma skyes pas na snying por bshad/ /snying po don de gang yin pa/ /tshig tu smra bar yod ma yin/ /spros pa nyid na gol ba zhes/ /rgyal ba rnams kyi yang dag bshad/ /de bas rdo rje rgyal po nyid/ /bka' ma stsal bar dgongs pa'o/ /dgongs pa'i don rnams gang 'byin pa/ /ji ltar me long gzugs brnyan ltar/ /dgongs don rig la snang gyur pa/ /ma skyes snying po'i don gyis na/ /tshig tu spros pa ma yin na 'ang / /mtshan ma tshig gi rnal 'byor pa/ /tshig la zhib la don la rtsing / /tshig phyir blo 'brel rtsal zhan rnams/ /bkri bas bsam pa rangs bya'i phyir/ /mi dmigs pa las dmigs pa yi/ /cho 'phrul tshig gis de mtshon dgos/ /bder gshegs rgyal ba kun gyi thugs/ /gsang ba de nyid snying po'i don/ /mnyam nyid byang chub theg chen po/ /gsal bar kun la khyab snang ba'i/ /kun gyis de nyid mthong bya dgos/ /nga ni dus gsum bzhugs pa yi/ /rgyal ba kun gyi snying po ste/ /stong bar sbas pa'i don 'di la/ /brda dang dpes mtshon lde mig gis/ /mnyam nyid rig pa'i sgo dbye'o/ /sbas pa'i don mtshon 'byung ba'i rigs/ /ma mthong rnams la bstan par bshad/ /de mthong de bzhin nyid du 'thad/ /ces gsang ba'i bdag po des</font><hr>102.213b<br><font size=+1>

chos thams cad dgongs 'brel yan lag bzhir 'dus par go cha bgos so/ /de nas lang ka'i bdag po la sogs pa dman pa'i lus kyi sems dpa' rnams kyis kyang dgos 'brel yan lag bzhi'i sgo nas chos thams cad yongs su chub par gyur to/ /sangs rgyas kun gyi dgongs pa 'dus pa'i mdo chen po las 'brel pa dgos ched kyi yan lag bstan pa'i le'u ste bzhi bcu rtsa dgu pa'o// // de nas yang gsang ba pa'i bdag pos lang ka'i bdag po la bos te smras pa/ lang ka'i bdag po de la 'dren pa'i yan lag gang zhe na/  gang las gang du yongs su 'dren pa ste/ de yang 'di ltar bgro ba rnam par yongs su bgro bar bya'o/ /lang ka'i bdag po 'di lta ste/ yongs su 'dren pa'i yan lag ni/ /bcu phrag gcig gis 'dren pas ni/ /smra brjod tshig gi yan lag rdzogs/ /gang la lta dang sgo 'byed dang / /sdud dang 'byor par 'dren pa dang / /rkyen dang gzhan dmigs 'dzin pa'i tshig /ma bcos me long snrel gzhi rnams/ /me long bcu dang 'thun sbyar bas/ /tshig don rnam par sbyar ba yin/ /lang ka'i bdag po 'di lta ste/ gang la lta dang lta ba ni/  gang 'dir mkha' la 'gro ba ni/ /rtsal gyis nam 'phang rlabs su gcod/ /de bzhin de nyid 'dir 'gro ba/ /ma 'dres lta 'phangs rlabs su gcod/ /bgrod par bya ba'i sa tshigs dag /rtsal tshad dag gi tshad du gcod/ /de bzhin don dang tshig mtshams dag /don gyi tshigs dang tshoms su gcod/ /ji ltar gang gi khobs 'og tu/ /sa khams mang po chud pa ltar/ /brjod pa'i rnam grangs mang po kun/ /gang gi ngo bo gcig tu sdud/ /gang dang gang ltar 'gro ba dag /drang por 'brel rjes gnon par snang / /brjod dang brjod pa'i tshig mtshams dag /gang 'dir mi 'khrug 'brel bar sbyor/ /gang 'gro gnas su bgrod pa ni/ /g.yo 'gul mi mngon shugs kyis 'gro/ /yi ge brjod dang rang gnyer gyis/ /gang gi ngo bo de bzhin sbyor/ /gang zhig gang ltar gang 'gro ba/ /mi 'tsham pa la der 'tsham snang / /brlang po zher</font><hr>102.214a<br><font size=+1>

'debs skyon tshig rnams/ /gang mi 'tshal ba der 'tsham sbyor/ /gang dag yid la btags pa'i zas/ /khong nas 'dod pa'i bcud 'byin byed/ /gang du dmigs su 'dzin pa yis/ /gang mi gsal bar mngon par ston/ /ji ltar sgra brnyan rgyun byung na/ /gang skye'i dus su yid ches 'gyur/ /de bzhin tshad ma'i yul byung na/ /ma bcos de nyid yin par nges/ /gang 'dir dag pa'i me long gis/ /bzhin dang gzugs brnyan ston pa ltar/ /nye bar mtshon pa'i me long gis/ /gang mi mthong ba gsal bar byed/ ji ltar snrel gzhi 'chol 'khrugs pa/ snol mtshams 'phen sdud 'chol mtshams sbyor/ rtsal chen rol pa'i stobs chen ltar/ /de nyid rig pa nyid du sbyor/ /lang ka'i bdag po de dag ni/ /gang smra brjod du 'dren pa yi/ /yan lag kho nar shes par gyis/ /zhes gsang ba ba'i bdag pos de skad ces smras pas/ /lang ka'i bdag po la sogs pa dman pa'i lus kyi sems dpa' rnams thams cad la gang du smra ba'i sgo yongs su 'byed par gyur to/ /sangs rgyas kun gyi dgongs pa 'dus pa'i mdo chen po las yongs su 'dren pa'i yan lag rnam par bgros pa'i le'u ste lnga bcu pa'o// // de nas yang gsang ba pa'i bdag po des sems dpa' chen po lang ka'i bdag po de la nges par bos te rnam par smras pa/ lang ka'i bdag po 'di lta ste/ gang du nges pa'i yan lag ni/ /gang la gang gis gang brjod pa/ /'brel bzhi bshad sbyor brjod pa'i sgo/ /yongs su dag pa lha nge ba'i/ /gang la spyan ras gzigs dbang gis/ /mtha' thug med pa'i 'gro gang dag /'di na snod bzhi kho nar gzigs/ /zhen chags can dang log sred can/ /rigs rgyud can dang blo gros can/ /thams cad cha bzhir snang ba ste/ /'dod khrid sbyor dang nges par snang / /de dag res 'ga' cha bzhi ste/ /gang du dgongs pa gang nges pa/ /ngo bo dmigs dang bcas ba las/ /bka' don gtan tshigs rigs pa bzhir/ /snang dang mi 'gal rgyas 'thad sbyar/ /thams cad med</font><hr>102.214b<br><font size=+1>

rgyu brtags chags pa/ /bsgrubs 'grub ji ltar bltas par snang / /gang dag gang la brda phrad pas/ /gang gi don len nyid du nges/ zhes nges pa dam pa nyid du bgros pas dman pa'i lus kyi sems dpa' rnams chos thams cad brda tsam gyis gang gi nges pa rnyed par gyur to/ /sangs rgyas kun gyi dgongs pa 'dus pa'i mdo chen po las nges pa dam pa'i yan lag bgros pa'i le'u ste lnga bcu rtsa gcig pa'o// // de nas yang gsang ba pa'i bdag po des dman pa'i lus kyi sems dpa' chen po lang ka'i bdag po la yid yongs su 'jug pa'i thabs kyis bos te smras pa/ lang ka'i bdag po yan lag gi /mthar zad rtogs 'jug thabs nyid ni/ /rang bzhin 'byung sgo dbang sbyor dang / /nges pa khong du chud pa yis/ /yang dag don la nges gzhag bya/ /shes dang 'jug dang 'bras bu dang / /lhun gyis grub pa'i mtshan nyid yin/ /de 'brel de dgos de mtshon dgos/ /de yi rjes su byed dgos yin/ /thos chung goms dang nges par gyur/ /phye mthong zhugs dang thob pa yin/ /de tshol de rnyed 'jug mngon gyur/ /bsnyen pa nye bsnyen sgrub dang 'grub/ /de bzhin mnyam 'gyur rnal 'byor par/ /lhun grub las su rung ba'o/ /de ni nges par 'jug rims yin/ /gzhan gyi don du 'byung rims bzhi/ /g.yo dang cho 'phrul snang mdzad pa'o/ /ji ltar rim bzhin sbyar ba yin/ /de shes de ma skyes par shes/ /de dus dngos med shes pa dang / /ye nas shes pa'i rim bzhin no/ /thams cad mnyam nyid de nyid dang / /bsgrub dang mi 'da' spyod 'thun rdzas/ /rang bzhin rnam pa lngar snang ba'o/ /gang mkhas che dang mang yas yangs/ /sgyur dang rlabs chen cir ston dang / /kun shong kun spyod bder 'jug pa'o/ /bcom dang zhi dang mtha' rgyas dang / /chub par 'dus pa las bzhi'o/ /gang du sbyor ba'i yan lag 'dis/ /yan lag thams cad rdzogs pa yin/ /lang ka'i bdag po de dag ni yan lag yin te/ yan lag des gang ltar brjod pa thams cad rnam par 'byed par shes par bya'o/ /de skad ces</font><hr>102.215a<br><font size=+1>

gsang ba pa'i bdag pos smras pas/ dman pa'i lus kyi sems dpa' rnams chos thams cad khong du yongs su chud par gyur to/ /sangs rgyas kun gyi dgongs pa 'dus pa'i mdo chen po las 'jug pa thabs kyi yan lag las thabs rnam par 'grel ba'i le'u ste lnga bcu rtsa gnyis pa'o// // de nas yang lang ka'i bdag pos gsang ba pa'i bdag po la dris pa/ kye gsang ba pa'i bdag po mdo yongs su dgrol ba zhes bgyi ba ji ltar lags/ /de skad ces dris pa las/ gsang ba pa'i bdag pos smras pa/ lang ka'i bdag po mdo 'di ni 'di ltar gang du gang ltar brjod pa thams cad mdo bzhi po 'di dag kho nar zad do/ /lang ka'i bdag po bzhi gang zhe na/ 'di lta ste/ gang thos pas nges par 'byung ba dang / gang gis mthong bas nges par 'byung ba dang / gang gis mngon sum par 'byung ba dang / gang nas gang du nges par 'byung ba med pa'o/ /lang ka'i bdag po de la gang thos pas nges par 'byung ba ni/ kun gyi rang bzhin de bzhin nyid/ /gang gis thos pa de nyid du/ /dngos po med par kun khyab rgyas/ /de shes de bzhin nyid du chub/ /lang ka'i bdag po gang gis mthong ba nges par 'byung ba ni 'di lta ste/ gang gis de bzhin de mthong na/ /mthong bas snang srid yongs su dag /gang la 'ang nyam nga yod ma yin/ /de bzhin nyid der kun sangs rgyas/ /lang ka'i bdag po gang gis mngon sum par nges par 'byung ba ni 'di lta ste/ gang gis stong nyid de shes pa/ /der ni thams cad mngon sum du/ /stong pa nyid du nges par zad/ /de nyid mngon sum sangs rgyas yin/ /lang ka'i bdag po gang nas gang du nges par 'byung ba med pa ni 'di lta ste/ thams cad de bzhin nyid dbyings su/ /ye nas rnam rtog med sangs rgyas/ /gdod sangs rgyas su ga la yod/ /de bzhin de nyid kho na'o/ /lang ka'i bdag po de dag ni mdo sde ste/ gang gis gang la gang ltar brjod pa mtha' yas pa mdo bzhi po de dag 'ba' shig kho nar zad do/ /de dag ni gang gi mdud pa rnam par 'grol ba ste/ </font><hr>102.215b<br><font size=+1>

chos thams cad rnam par grol cing rgya cher 'grel ba nyid du shes par bya'o/ /gsang ba pa'i bdag pos de skad ces smras pas dman pa'i lus kyi sems dpa' rnams phyogs thams cad gsal bar yongs su chub par gyur to/ /sangs rgyas kun gyi dgongs pa 'dus pa'i mdo chen po las mdo rgya cher 'grel pa'i le'u ste lnga bcu rtsa gsum pa'o// //    de nas yang lang ka'i mnga' bdag byang chub sems dpa' sems dpa' chen po des gsang ba pa'i bdag po de la rtsa ba'i dri ba yongs su dris pa/ kye gsang ba pa'i bdag po gang gi rtsa ba ni gang / nges par 'byin pa ni gang / gsang ba pa'i bdag po go dbye bar gsol/ smra ba'i seng ge shin tu go dbye bar gsol/ de skad ces smras pa las/  gsang ba pa'i bdag pos smras pa/ lang ka'i bdag po gang gi rtsa ba dri ba de ni legs so/ /shin tu rab tu legs so/ /'di lta ste/ rtsa ba ni me long dang / mi mthun pa dang / nges pa'o/ /lang ka'i bdag po me long ni 'di ltar nam mkha'i chos 'thun pa'i dpe nye bar bzung ba ste nam mkha' ji lta ba de ltar gang gis nges pa yang de ltar lta'o/ /lang ka'i bdag po de la nam mkha' gang zhe na/ 'di lta ste/ rang bzhin gcig pa dang / mi gos pa dang / go 'byed pa dang / skye ba med pa dang / 'jig pa med pa dang / dbyibs med pa dang / kha dog med pa dang / 'dus ma byas pa dang / gzung ba med pa dang / 'dzin pa med pa dang / mtha' med pa dang / dbus med pa dang / 'phel ba med pa dang / 'grib pa med pa dang / 'gro ba med pa dang / 'ong ba med ba dang / g.yo ba med pa dang / 'gul ba med pa dang / chags pa med pa dang / gnas pa med pa dang / 'jig pa med pa dang / stong pa med pa dang / 'gyur ba med pa dang / ma khyab pa med pa dang / mi 'byung ba med pa dang / ma chub pa med pa dang / skyo ba med pa dang / nub pa med pa dang /  mtshan nyid med pa dang / rgyu med pa dang / rkyen med pa dang / 'bras bu med pa dang / rtsol ba med pa dang mngon par 'du byed pa med pa yin no/ /lang ka'i bdag po nam</font><hr>102.216a<br><font size=+1>

mkha' ni yod pa las med par gyur pa ma yin/ med pa las yod par gyur pa ma yin/ de bzhin du gsal ba las mi gsal bar gyur pa dang / mi gsal ba las gsal bar gyur pa dang / tha dad pa las gcig tu gyur pa dang / gcig pa las tha dad du gyur pa dang / yin pa las myin par gyur pa dang / myin pa las yin par gyur pa dang / nye ba las ring bar gyur pa dang / ring ba las nye bar gyur pa dang / de bzhin du che ba dang / chung bar gyur pa dang / bzang ba dang / ngan par gyur pa dang / bde ba dang / sdug bsngal bar gyur pa dang / khyab pa dang / ma khyab par gyur pa dang / 'byung ba dang / mi 'byung bar gyur pa dang / dag pa dang / ma dag par gyur pa dang / grub pa dang / ma grub par gyur pa dang / mtho ba dang / dma' bar gyur pa dang / yangs pa dang / dog par gyur pa dang / dbyibs dang / dbyibs med par gyur pa dang / kha dog dang / kha dog med par gyur pa dang / phyi dang nang du gyur pa dang / skye ba dang 'gag par gyur pa dang / 'pho ba dang / mi 'pho bar gyur pa dang / 'gyur ba dang / mi 'gyur bar gyur pa dang / mun pa dang /  snang bar gyur pa dang / sngon dang / phyi mar gyur pa dang / mtha' dang / dbus su gyur pa dang / bdag dang / gzhan du gyur pa dang / de bzhin du blangs nas dor bar gyur pa dang / dor ba las blangs par gyur pa med pa'i phyir nam mkha' ni thams cad nas thams cad du ma bcos pa'o/ /de bzhin du 'di nyid kyang sbyar te/ de'i phyir ma bcos pa'o/ /lang ka'i bdag po 'di lta ste/ dper na nam mkha' ni sus kyang ma byas/ byed pa po med/ rgyu las ma byung / rkyen las ma bskyed/ dang por ma skyes/  tha mar mi 'jig /thog ma dang tha mar mi dmigs/ thob pa dang / ma thob pa med/ re ba dang / brtsal ba med do/ /de'i phyir nam mkha' ni sus kyang ma byas/ byas pa med pas gnyen po med do/ /de bzhin du de nyid kyang byed pa med pa'i phyir ma byas pas gnyen po med do/ /lang ka'i bdag po 'di lta ste/ gang zhig nam mkha'i</font><hr>102.216b<br><font size=+1>

mtha' tshol ba/ /tshol bas rnyed par mi 'gyur te/ /sgo skabs yod par gang shes pa/ /de ni nam mkha' rnyed pa'o/ /sems kyi sems nyid rtsad gcod pa/ /rtsa ba med pas rnyed ma yin/ /gzhi rtsa med 'byung gang shes pa/ /de ni sems nyid rnyed pa'o/ /sems kyis sems btsal sems mi rnyed/ /su zhig sems kyi gting rtsa tshol/ /gang zhig sems kyi dbus mtha' 'byed/ /btsal bas rnyed pa ga la yin/ /sems kyis sems la ji ltar mtshon/ /sems la dngos po yod ce 'am/ /sems kyi dngos po gang gis bya/ /dngos med dngos sprul byang chub sems/ /phyogs bral chen po gang su zhig /phyogs gcig bral bas phyogs kun bral/ /brtags pa'i spyod yul las 'das pa/ /de nyid rtogs na de kho na/ /sems kyis sems btsal drod cig rnyed/ /drod de rnyed na byang chub sems/ /ci yang yin no gang yang rung / /de nyid chos kyi don po mchog /des na 'khor ba'i chos nyid 'di/ /gnyis su yod pa ma yin te/ /'khor ba'i de bzhin nyid de ni/ /chos nyid yin par lung du bstan/ /'khor bar 'khrul pa'i sgyu ma dang / /rnam dag rnam byang sgyu ma gnyis/ /sems can sangs rgyas tha dad kyang / /de bzhin nyid las yod ye med/ /dper na ras snam rgyu gcig las/ /mtshon gyi rkyen gyis bsgyur byas na/ /kha dog sna tshogs tha dad kyang / /ras snam nyid las ga la yod/ /log rtog yang dag rtog smin pa/ /sems can ye shes can 'di dag /rgyu gcig rkyen gyis bsgyur ba las/ /rig dang ma rig gnyis su snang / /'khor ba'i sdug bsngal rmi 'dra ba/ /dbugs chen phyin nas rmi sangs ltar/ /thams cad bde chen byang chub sems/ /mkha' ltar khyab bdal nyid du snang / /glo bur las zhes brtags pa kun/ /'dus byas yin te ma skyes pas/ /de bzhin nyid des khyab bdal chub/ /btsal med ye shes rang 'byung che// // bam po brgyad par zug pa/ /lang ka'i bdag po 'di nyid ni/ /yin</font><hr>102.217a<br><font size=+1>

par nges pa'i rtsa ba bdun/ /de brtag de nyid de rtogs na/ /de nyid rnam par nges pa yin/ /gling dang ri bo mu khyud bcas/ /lhun po'i rtse mo nyid nas gsal/ /de rnyed theg pa'i rnam grangs kun/ /de nyid chen po nyid mthong gsal/ /'jig rten 'od kyi rgyal po ni/ /gzi ldan gsal ba'i nyi ma yin/ /chos kun yongs su rdzogs gsal ba/ /kun snang chen po de nyid do/ /go skabs chen po nam mkha' ni/ /chen po bzhi yi go 'byed ltar/ /gsang nyid 'dus pa de nyid kyis/ /brjod pa'i brjod kun gsal bar 'grel/ /gang gis bka' yi gsang thob na/ /mi gang gzhan la rag ma lus/ /gsang ba'i snying po kun chub na/ /smra brjod gang la'ang btsal mi dgos/ /rgyun dang bcas pa'i 'byung ba rnams/ /nam mkha'i ngang las 'byung zhing snang / /de bzhin smra brjod 'byung ba rnams/ /de nyid zab mo'i dbyings nas 'byung / /don du bya ba'i rnam grangs kun/ /mthar gyis 'bras bu grub par sdud/ /grangs mang rgya cher brjod mod kyang / /de kun de bzhin nyid du 'dus/ /me long gsal ba'i snying po ni/ /bzhin gyi gzugs brnyan ston pa ltar/ /de nyid chos kyi me long gis/ /kun gyi rang bzhin gsal bar byed/ /kun gyi rtsa ba rang byung bas/ /rang bzhin cis kyang ma bcos pa'o/ /kun shes rig pa mi nub pas/ /'od gsal snang bas phyogs kun mthong / /thams cad de nyid der 'dus pas/ /dngos med ngo bo nyid du zad/ /de bzhin nyid du kun gcig pas/ /gnyis su bya ba'i tha snyad med/ /rgyu nyid 'bras bur ye rdzogs pas/ /re dogs gnyis bral de kho na/ /dor bar bya ba'i dngos med pas/ /blang bar bya ba ga la yod/ /mthong zin sbyangs zin byas pa zin/ /'dod pa grub zin spyom pa zin/ /de bzhin dngos po grub zin pas/ /de nyid rnyed pa nyid las byung / /kun brtags kun nyid dben na snang / /kun la sbyor bas don byed nus/ /the tshom chad pas 'thun par snang / /mdor na gsum nyid kho na la/ /lar na gnyis</font><hr>102.217b<br><font size=+1>

nyid kho nar zad/ /nges par gcig las med pa yin/ /thams cad 'dir 'dus 'di las byung / /kun gyi rtsa ba 'di shes na/ /kun kyang ma bcos ji bzhin pa/ /de bzhin nyid de kun gyi mdo/ /sgyu mar kun snang dngos gzhi med/ /chags pa med pas yid mi 'khrug / /nam mkha'i ngang la rang bzhin med/ /brtag tu med pas dngos dang bral/ /snying po nyid las gzhan pa med/ /sna tshogs dag gi rgyun du 'char/ /sgron mar snang bas mun pa sel/ /yid bzhin nor bu nyid las byung / /skye 'gag med pas 'jigs dang bral/ /cir yang ma nges nyam mi nga / /chub na bya brtsal kun dang bral/ /go ba'i yul na bgrod pa med/ /de nyid chen po'i tshig re rer/ /rgyal ba kun gyi dgongs pa brgyud/ /gzhan du rtsa ba gsum bcad kyang / /gsang ba'i don nyid nyid las 'byung / /gang zhig gzhan du gang tshol ba/ /de ni gol ba'i lam du zhugs/ /rnam rtog mun pa'i sgrib pas bsgribs/ /gang ma rig pa de bsgribs yin/ /rnam par rtog pa de nyid bgegs/ /bgegs ni de nyid de las byung / /gang la rnam rtog ma byung na/ /bdud ces bya ba ga la yod/ /bdud ni gang las byung zhe na/ /rtag tu 'grus las byung ba yin/ /'grus med nyid las bdud mi 'byung / /ci phyir mi 'grus de nyid bdud/ /de bzhin skyon dang gol sgrib ni/ /yon tan mnyam du mthong las 'byung / /gal te yon tan mnyam mthong med/ /skyon dang gol sgrib ga la yod/ /de nyid skyon dang gol sgrib yin/ /gang nyid mngon du ma gyur na/ /gsang ba'i don byung gang bsrel yang / /nad pa sman srel thabs med bzhin/ /nges pa'i thabs med gnas ngan 'khyam/ /yul dang mtshan ma dngos po dang / /dran rtog thos mthong ji snyed kun/ /yid la ji ltar 'gyus pa bzhin/ /de nyid skad cig de ltar snang / /rtag pa mi gnas skad cig ma/ /mi nub ma chags bde chen sems/ /sems kyi dbyings las ma gtogs pa/ /gzhan zhes gang yang</font><hr>102.218a<br><font size=+1>

med pas na/ /gol sgrib bya ba ga la yod/ /su zhig gol sgrib don du gnyer/ /gang gis gol sgrib ji ltar rnyed/ /gol sgrib nyid kyang de nyid dbyings/ /btsal bas de yang de la thug /gzhan du btsal zhing de las byung / /bltas pas mthong ba rtogs pa med/ /'ja' snang mun khung ji bzhin no/ /de nyid mthong ba'i khyad par las/ /spyod lam dngos bzhi gang spyad kyang / /'ching bar mi 'gyur 'grol 'gyur thabs/ /thams cad der sbyangs lam gnas mchog /gang nyid don gyi rjes tshol zhing / /gol sgrib yongs su gcod 'dod pa'i/ /mtha' sel rnal 'byor sems dpa' 'bab/ /gang la zhen pa'i phyogs bzung ste/ /dbus mthar lta ba de bzung bas/ /cho ga'i nges blo brtan pa can/ /de kun rnal 'byor yin mod kyi/ /yang dag don la rnal mi 'byor/ /spyod lam rnal du 'byor mod kyi/ /yang dag don du yong ma 'byor/ /phyogs su lta la zhen mod kyi/ /dam pa'i don du yong ma zhen/ /glo bur las ro tshor mod kyi/ /chos nyid kyi ni ro ma tshor/ /bdag med phyogs bral zer mod kyi/ /phyogs su lta dang yong ma bral/ /brtul zhugs rtog pa choms mod kyi/ /gzung 'dzin rtog pa yong ma choms/ /dbus mthar rtog pa'i rnal 'byor ba/ /brjod pa tshig la~M sgron ma yis/ /yang dag dbu ma'i gser tshol ba/ /rtog 'dod spre'u 'di gzung byas nas/ /rkun mo byi la gdags par bya/ /gse khung skar khung kun bkag ste/ /re'u cha phang phung bshig nas ni/ /rgyal po'i dkor mdzod kha phye na/ /de dag longs spyod rdzogs bdag po/ /yang dag dbu ma'i lam tshol ba/ /rtog pa'i skyon lnga spang bar bya/ /rtog pa rags pa'i ri bo dang / /mtshan ma rgyu ba tshor ba dang / /byung tshor 'byung ba rnam pa lnga/ /de yang 'di ltar rtog par byed/ /rtog pa la yang gnyis yod de/ /rags pa dang ni phra ba'o/ /de bzhin mtshan ma che chung gnyis/ /rgyu ba ring po thung du gnyis/ /tshor ba gsal ba mi gsal ba/ /byung tshor myur ba bul ba'o/ /'di ni don la sgrib pa yi/ /rtog pa chen po bgegs chen yin/ /ci phyir dbus nyid mi</font><hr>102.218b<br><font size=+1>

mthong phyir/ /mun pa dang ni 'khrigs pa dang / /kun du 'thibs dang sprin phung dang / /na bun lta bur sgrib pa yis/ /dpung nyid mi gsal mthong mi 'gyur/ /'di yang rnam pa gnyis gnyis te/ /mun pa mun nag chen po dang / /kun nas 'thibs pa lta bu ste/ /yongs su 'khrigs dang bsgribs pa dang / /'thibs pa chen po chung ngu gnyis/ /sprin chen 'thibs dang 'al 'ol dang / /na bun gtams dang ban bun gnyis/ /gnas ngan gsum dang phyed snang gnas/ /'dod pa bzhi yi bde gnas dang / /bsam gtan gnas dang rgyun bzhi gnas/ /nyan thos rang rgyal sems dpar ltung / /sgrib par gyur pa'i mun nag ni/ /mtshan ma'i g.yeng ba drug tu gnas/ /rang bzhin phyi nang mtshan ma dang / /yid la byed dang gnas ngan len/ /'di dag rab tu gsal bar 'dod/ /gang du dbu ma nyid lta che/ /dbu ma'i lam la sgrib pa'i skyon/ /rnam pa lnga byung gang sgrib pa/ /byung tshor bying rmugs 'dzin chags dang / /ther zug phyal ba'i dbang gis ni/ /g.yeng dang 'thibs dang 'gog pa dang / /rtag tu med pa kho na yin/ /'di dag dbu ma'i skyon yin zhes/ /dbu mar sems dpa'i rnal 'byor 'dod/ /dbu ma nges pa'i lam tshol ba/ /dgon pa'i rgyun tu dben bzung ste/ /tshad ma gnyis kyis gzhal ba'i blos/ /rnam par rtog pa'i rjes gcod pa/ /yod med sngon rtog gang las byung / /brtags pas rtog pa rtas las 'byung / /rtog pa'i ri bo zhi bar 'gyur/ /des ni gnas ngan gsum du myin/ /rtog pa gang las byung zhe na/ /mtshan ma nyid las byung ba yin/ /mtshan ma sgyu mar rab shes na/ /mtshan ma'i chos rnams zhi bar 'gyur/ /des ni 'dod khams tha mar min/ /mtshan ma de yang ji ltar na/ /de yang 'byung ba dag las byung / /dran pa skyon dang zhir shes na/ /rgyu ba'i skyon rnams sel bar byed/ /'dod khams gnyis par de dag myin/ /rgyu ba de yang gang de bzhin/ /de yang de ltar byung ba yin/ /de nyid de ltar shes gyur na/ /</font><hr>102.219a<br><font size=+1>

skyon gyi tshor ba sel bar byed/ /'dod khams gsum po de yang myin/ /de nyid de ltar der brtsad na/ /gang de phyi nang nyid kho na/ /de nyid skyon du rab shes na/ /'gag dang skye ba ga la yod/ /de ni 'dod khams bzhi par min/ /de yang gang las skye mched na/ /sems kyi chos las gyur pa ste/ /sems nyid sgyu mar rab shes na/ /sems kyi chos rnams zhi bar 'gyur/ /phung po gzugs brnyan 'dra ba la/ /sems ni smyig rgyu lta bur 'dod/ /yod med gnyis kyi mtha' las grol/ /de shes 'dod khams lnga par min/ /sems nyid yod pa'i dngos po 'am/ /med ces bya bar mi blta bas/ /ya mtshan can du ltung mi 'gyur/ /bying rmugs can du ma gyur pas/ /bsam gtan skyon du de mi 'gyur/ /'du shes rjes su ma 'brangs pas/ /sems can gnas su de yod min/ /kun 'byung kun gzhi nyid mthong bas/ /zhi ba'i gnas su yod ma yin/ /zhi bas zhi bar mi lta bas/ /rang rgyal gnas su 'ang ga la yin/ /rnam rig tsam du 'ang min bas na/ /sems dpa' de yang der ma yin/ /stong nyid mnyam pa'i dbu ma la/ /so so tha dad dbyer med pas/ /sa yi rim pa spyod ma yin/ /phyogs lta mtha' 'das dbu ma nyid/ /rang bzhin med pa de nyid la/ /sems nyid gyin 'da' skad cig mas/ /mi g.yo rgyun du dran par bya/ /de ltar de la mnyam gzhag na/ /rtags kyi tshor ba 'di ltar 'byung / /drod dang rtags dang cho 'phrul dang / /mngon par dang ni ye shes 'byung / /drod ni g.yo dang thob pa dang / /rtags ni 'byung dang brtan pa dang / /cho 'phrul 'byung dang rdzogs pa dang / /gang du rig pa thams cad gsal/ /der ni don rnams rdzogs pa yin/ /dper na mun pa sangs pa dang / /snang ba byung dang nam mkha' dang / /kun du mthong dang thams cad gsal/ /des na de yi khyad par gyis/ /gang du chags pa'i mun bsal te/ /ji ltar rlung gis sprin phyags ltar/ /skad cig tsam gyi rnal 'byor gyis/ /mun pa'i khams de 'phyag par 'gyur/ /ji ltar mar mes mun bsal na/ /de nyid snang bar gyur pa bzhin/ /skad cig ma yi de rig na/ /sngon nas zhen pa'i mun pa sel/ /</font><hr>102.219b<br><font size=+1>

de gang rig pa de dag ni/ /de nyid de yi sgo phye zhing / /de bzhin mig dang de ldan pas/ /mthong thos tshig lam le'u bzhir bsdebs/ /sa pa yin pas de la ltos/ /de yi mig dang ma ldan na/ /mu mtha' yas pa'i tshig rnams kyis/ /de la tha snyad ci brjod kyang / /nges ma nges kyi dmigs mi phyed/ /tshig phyir blo 'brangs dmu rgod dag /bslab pa'i sa dang lam ma yin/ /tshig lam 'bum phrag ci brjod kyang / /gzhan la smra bar bya ma yin/ /gal te gang zhig gang smra ba/ /log smra rdo rje bka' rkun pa'o/ /thar med rdo rje de ltung 'gyur/ /ngor sgyu tshul 'chos mkhan dag gis/ /nges pa'i blo shed ma bye bar/ /tshig lam yi ges khrid nas ni/ /gang ma nges par lam brjod na/ /srog chags kun gyi srog phrogs pas/ /ma nges chos smra de bas lji/ /des na mtha' dbus mnyam nyid la/ /bdud de cig car gang 'jug pa/ /rnal 'byor gnas yun ring thung dang / /gang 'phro yod dang med pa dang / /nam zhig mnyam pa'i khar ma lus/ /de la de bzhin der bzhag na/ /de ma thag tu de nyid snang / /de las de bzhin ma g.yos na/ /grong khyer snang bar de mi 'gro/ /de la de ltar ma chags na/ /snang ba med par ga la 'gro/ /de nyid mngon du gyur pas na/ /zhi ba'i gnas su de dag myin/ /yod dang med pa'i mtha' chod na/ /mtha' las 'das pa'i rnal 'byor nyid/ /gang 'dir nges pa dam pa'o zhes/ /gang dag 'di ltar dam 'cha' ba/ /gang la re dogs med pa yi/ /gol sgrib nyid du nges par snang / /ci phyir dbus mtha' 'byed pas na/ /dbus yod mtha' yang rang bzhin 'byung / /dbus med mtha' yang ngang gis med/ /dbus mtha' 'byed pa de nyid nang / /mtha' dang dbus bral de kho na/ /mi gnas mi len mi 'byed cing / /ci yang ma yin mthong thos med/ /ci yang ma 'byed bya dang bral/ /snang med snang ba'i tha snyad bral/ /bsam du med pa'i chos nyid ni/ /mi bsam de bzhin nyid du gzhag /bsam gyis mi khyab chos rnams kun/ /bsam med de bzhin </font><hr>102.220a<br><font size=+1>

nyid las med/ /sa dang rnam thar la sogs pa/ /chos sku byang chub dkar po'i phyogs/ /kun kyang bsam du med pa yi/ /gol sgrib chen por gyur pa yin/ /'da' dka' chen po'i dka' thub ni/ /ma bcos de bzhin nyid kho na/ /dpag med rgyal ba 'da' bar dka'/ /gang gzung med las gang 'dzin gol/ /bdal khyab chen po'i sa 'di ni/ /ye nas ma bgrod rang bzhin bkod/ /sa 'dir ma chub gang yang med/ /gang 'dir sa bkod gang bgrod gol/ /de bzhin de rig ye 'byung la/ /khyad par rim par 'byung 'dod gang / /gang 'dir rmongs pa kho na'o/ /rang byung de las nges par grol/ /bsam yul dmigs su med pa la/ /btang snyoms chen po'i rnal 'byor pa/ /ji bzhin pa nyid yin bzhin du/ /lus dbyen sems 'chos gol sar zhugs/ /kun grol chen po de nyid la/ /bcing grol med par nges bzhin du/ /gang 'dir dka' thub rtogs pas bcings/ /rnam grol chen po nyid las gol/ /ye nas ma bcos nyid kho nar/ /gang gnas de nyid de kho na/ /de la gol sa ga la yod/ /gol sgrib nyid kyang de kho na/ /de skad ces bgros pas lang ka'i bdag po la sogs pa dman pa'i lus kyi sems dpa' rnams gang gi bcing ba las yongs su grol te re rtsol gyi the tshom chad par gyur to/ /sangs rgyas kun gyi dgongs pa 'dus pa'i mdo chen po las chos thams cad kyi me long bstan pa'i le'u ste lnga bcu rtsa bzhi pa'o// // de nas lang ka'i bdag po byang chub sems dpa' sems dpa' chen po des/ gsang ba pa'i bdag po la gang gi rtsa ba dri ba yongs su dris pa/ kye gsang ba pa'i bdag po chos thams cad kyi rtsa ba zhes bgyi ba de gang lags/ de ji ltar yongs su shes par bgyi/ /de skad ces dris pa las/ /gsang ba'i bdag pos smras pa/ /kye lang ka'i bdag po gang du dri ba dam pa 'di ni legs so/ /shin du rab tu legs so/ /gang chos thams cad kyi rtsa ba zhes bya ba de ni rtsa ba byang chub kyi sems la bya'o/ /de ni</font><hr>102.220b<br><font size=+1>

'di ltar yongs su shes par bya ste/ sangs rgyas kun gyi thugs kyi chos nyid dang / sems can kun gyi sems kyi chos nyid du shes par bya'o/ /de ni mun snang gnyis su snang yin te/ lang ka'i bdag po de yang 'di ltar bcom ldan 'das gsang ba mchog gi bdag po de gsang ba'i gnas pad mo can zhes bya ba gtsug tor 'khor los sgyur ba'i sprul pa'i lhums/ gsang ba mchog gi pho brang na skad cig bzhugs pa de'i tshe de'i dus na/ gang skyes bu dam pa dpag tu med pa dag de kho na nyid gsang ba dam pa'i the tshom gcod pa dang / yongs su zhu ba dang / zhu bar sdog pa dang / the tshom chad nas slar dong ba dang / gang kho bo 'khor der 'dus par gyur par bcom ldan 'das la 'di skad ces gsol to/ /bcom ldan 'das bdag cag gis byang chub kyi snying po zhes bgyi ba chos thams cad kyi rtsa ba de ma mthong ma dmigs lags so/ /yang dag par ma rnyed nges par ma 'tshal ba lags so/ /bgrod pas ma khyab lags na 'di gang na mchis/ gang du btsal/ gang zhig lags/ gang la bgyi/ gang du stor/ bcom ldan 'das dus kyi skad cig ma 'di nyid du bstan du gsol/ bde bar gshegs pa 'di bstan du gsol/ zhes zhus pa las/ /bcom ldan 'das des 'di skad ces bka' stsal to/ /sems dpa' chen po byang chub kyi snying po zhes bya ba chos thams cad kyi rtsa ba de ni sgrib pas ma mthong / med pas ma dmigs/ zab pas ma rnyed/  dka' bas ma shes/ myur bas ma slebs/ yangs pas ma khyab pa yin te/ 'di mun pa'i khams na yod/ grong khyer gsum du btsal/ 'di yan lag dang mdo dang rtsa ba yin/ ngo bo de kho na nyid la bya/ mun pa'i khams su stor/ sems dpa' chen po de lta bas na mun pa 'di bsal ba'i phyir 'di'i rang bzhin la mkhas par bya'o/ /de bzhin du ngo bo dang / mtshan nyid dang / yan lag dang / ji srid pa'i yun dang / las</font><hr>102.221a<br><font size=+1>

dang / mun pa'i rnam grangs dang / dpe la sogs pa dang / bsal ba'i thabs rnams la mkhas par bya'o/ /'di la nan tan du bya'o/ /gang mun pa'i khams pa dag dang / cha gcig tu shes bya'o/ /de skad ces bka' stsal pa dang / kho bos 'di skad ces gsol to/ /bcom ldan 'das mun pa 'di ci las byung / mun pa 'di yi rang bzhin ci/ mun pa 'di yi ngo bo gang / mun pa 'di yi mtshan nyid ci/ mun pa 'di yi yan lag du/ mun pa 'di yi rtsa ba gang / mun pa 'di ji srid cig gnas/ mun pa 'dis ci la sgrib/ mun pa 'di'i bye brag du/ mun pa 'di gang dang 'thun/ mun pa 'di gang du 'thibs/ mun pa 'di gang gis sel/ mun pa zhes ci'i phyir bgyi/ 'di ci phyir 'thibs/ dra bas gang du 'dus/ 'di bshad du gsol/ bde bar gshegs pa 'di bshad du gsol/ de skad ces gsol pa dang / bcom ldan 'das des bka' stsal pa/ sems dpa' chen po mun pa dang snang bas bsdus pa'i chos thams cad kyi rtsa ba ni gzhi dang rtsa ba med par 'dus par shes par bya'o/ /de ltar ston pa'i mdo ni 'di lta ste/ sangs rgyas byang chub 'byung ba yi/ /bskyed cing snying po de nyid de/ /pad mo kha 'bus snying po ltar/ /rtsa ba 'khor ba'i 'dam na yod/ /rtsa ba thams cad 'byung ba yi/ /rtsa ba med pa'i rtsa ba ni/ /chos rnams kun gyi rtsa ba yin/ /khams gsum 'di dag nyid du 'dus/ /chos 'di zab ste mthong bar dka'/ /rtogs par yang ni mi nus te/ /mthar phyin sa la gnas pa yin/ /skyes bus kyang ni mthong ma yin/ /med pas stong pa'i chos nyid 'di/ /yod pa'i dngos por yong mi dmigs/ /dmigs dang mi dmigs tshig lam chad/ /rnam par mi rtog skye ba med/ /gsal bas dus mtha' med pa ru/ /ma lus khyab par kun btsal yang / /'di zhes bya ba'i dngos po zhig /mi rnyed rnyed par mi 'gyur ro/ /mkhas pas dus mtha' med pa ru/ /shin du bsgrims te cir brtags kyang / /gang</font><hr>102.221b<br><font size=+1>

'dir ci yang mthor ba med/ /mgyogs pas dus mtha' med pa ru/ /nyams thag chad pas brgyugs kyang ni/ /da dung de nyid dbyings 'di las/ /gar yang ma phyin phyin pa med/ /skye med chos kyi sdong po la/ /rnam par bzhi yi yan lag gel/ /byang chub bla med snying por smin/ /de ni kun 'byung byang chub shing / /'jug pa don la 'dod pa'i khams/ /mngon med 'dzin pa gzugs khams so/ /snang med ma chad gzugs med nyid/ /gang de ched las byed las 'gyur/ /yul du gang 'gyur 'jug pa nyid/ /gang la 'jug pa de rnams shes/ /de yul mun pa'i khams gyur kyang / /mun pa'i khams na de nyid snang / /snang dang snang ba'i 'od byung ba/ /skye 'byung rtsa ba'i snying po nyid/ /phyogs rig des mi rig pa yi/ /ngo bo nyid med de nyid do/ /mun khung gser stor ji bzhin du/ /'khor ba mun pa'i mun nag tu/ /rin chen gser dang 'dra ba yi/ /byang chub sems 'di stor bar gyur/ /mun pa'i khams su gyur pa dag /mun pa'i 'du shes nyid du 'byung / /mun pa'i khams pas gang shes pa/ /phra mo'i cha shes tsam yan cad/ /gang 'di blo chung byis pa rnams/ /ched du gleng zhing gang brjod pa/ /blo ldan kun la 'di brjod kyi/ /blun po'i ched du shes par gyis/ /'di yang 'di ltar yongs su snang / /yan lag mdo dang rtsa ba ste/ /'byed dang 'grol dang 'byin pa yin/ /yan lag drug tu gang grags pa/ /mthong thos tshor myong reg shes drug /'byung 'jug gcod pa'i yan lag yin/ /lang ka'i bdag po mdo bzhi ni gang zhe na/ 'di lta ste/ gzhi'i mdo dang / dmigs pa'i mdo dang / snang ba'i mdo dang / 'jug pa'i mdo'o/ /de yang 'di ltar/ mdo bzhi gzhi dang dmigs pa dang / /snang dang 'jug pa lung bzhin bshad/ /lang ka'i bdag po de la gzhi'i mdo ni 'di lta ste/ gzhi ni byis pa 'di ltar 'dod/ /gzugs med ming la mngon zhen pa/ /med pa'i khams nyid de kho na/ /shes pa kun gyi ngo bor 'byung / /</font><hr>102.222a<br><font size=+1>

shes bya nyid de yul du snang / /thams cad 'byung bar byed pa'i rgyu/ /ye nas ngang gis ma skyes la/ /ma bcos yong gis 'od gsal ba/ /rgyu rkyen med pas 'dus ma byas/ /yongs su ma chad yul kun la/ /shes la mi gsal lhan cig 'byung / /khyab 'jug btang snyoms dngos med nyid/ /rnam par mi rtog dpyod dang bral/ /mi rtog de yi de nyid la/ /skad cig snga phyi ji snyed pa/ /rgyun dang bcas pa'i chu bo bzhin/ /rgyun 'byung skye 'gag bcas pa'o/ /gcig tu chad pa med pa yi/ /so so ris ltar mi snang ba/ /bye brag rnam par 'byed pa ni/ /'di dang 'di zhes ga la yod/ /tha snyad gnyis kyi bsdus pa'i chos/ /thams cad thams cad pa nyid de/ /kun 'gro kun 'jug kun la sbyor/ /dngos rig sna tshogs dbyer mi rig /g.yo ba nyid dang rnam par bkod/ /yongs myong gcod dang de 'dzin byed/ /lnga ldan mdun du ldan pa la/ /de ni kun la snyoms pa yin/ /gang zhen de 'dzin kun mi gtong / /go skabs yod pa'i nam mkha' ltar/ /chos kun gnas 'byung go yod pa/ /skyed smyin sogs dang len pa yin/ /rkyen ni gnyis dang mi ldan te/ /ma nges de nyid kho na la/ /thams cad du ni gnas pa yin/ /rkyen ni gang phrad de nyid du'o/ /chos rnams rtsa bar gcig pa la/ /de rgyun dbang gi rnam par gnyis/ /gzhi dang rten zhes grags pa la/ /rmongs dang shes pa'i khyad par snang / /gzhi la kun 'gro kun la rmongs/ /rnam pa zhen pa'i bsti gnas med/ /rten ni gzhi sbyor snang ba dang / /'gyur med rnam dag btsal med gnas/ /de dag re zhing rgyu 'bras gnyis/ /snga ma snga ma gang dag gang / /phyi ma phyi ma smin pa'i rgyu/ /de bzhin kun du 'khor bar 'byung / /rten lnga de rgyun de dbang gis/ /rnal 'byor lngar snang gnyen po lnga/ /smin pa'i dpe lnga sbyor dpe bzhin/ /skabs lnga lam lnga de bzhin sa/ /lnga lnga bsti gnas dus lnga dang / /gnas lnga mthar phyin rnam pa lnga/ /'dir dbye ba las lnga bcu drug /rdzogs par snang bas lngar bshad do/ /chos rnams kun gyi gzhir gyur pas/ /</font><hr>102.222b<br><font size=+1>

nor ba'i rkyen gyis 'khor ba snang / /rang bzhin ji ltar yin pa'i don/ /nges par mthong na mya ngan 'das/ /kun gyi gzhi dang gang de shes/ /chos kyi phung po srid gsum 'byung / /de byung rtsa ba sna tshogs len/ /dbyings dang 'byung gnas rgyu zhes grags/ /stong pa nyid dang mtshan nyid med/ /de bzhin nyid de ma nor pa/ /ma bcos gzhan ma yin pa nyid/ /ting 'dzin rtog pa stong nyid grags/ /lhag mthong zhi gnas rnam par thar/ /dbu ma mtha' bral gzung ba med/ /'dzin med chad med rtag pa med/ /skye med 'gag med rtog pa med/ /rnam par rtog med mtshan ma med/ /de bzhin bdag med gzhan med pa/ /'gro ba med cing 'ong ba med/ /dri med 'du ba 'bral ba med/ /phung med khams med skye mched med/ /yul med las med rgyu 'bras med/ /ma skyes snying po byang chub med/ /sangs rgyas chos dang byang chub sems/ /de ni mi skye mi 'gag la/ /de ni nam mkha' lta bu'o/ /chos kyi dbyings nyid chos kyi sku/ /mi rtog ye shes yin zhes grags/ /ma byung ye nas rang bzhin snang / /ji srid len pa'i srid pa dag /gang sangs gang dag byung 'gags pas/ /sdug bsngal de rgyun zad bsregs pas/ /'gyur ba'i skabs lngas nges par 'byung / /gzugs med mthong med yod ma yin/ /yod pas mthong ba'i yul du gyur/ /mthong med yul du ma gyur pa/ /yod ces bya bar ga la rigs/ /mu mtha' med par 'byung ba'i rgyu/ /dngos med gzhi rten ngo bo nyid/ /de bas tha dad sna tshogs snang / /dbyings 'di med na kun dang 'gal/ /gal te med pa gcig yod na/ /'dzin pa phyogs kyang de lta bas/ /nams kyang grol bar mi 'gyur te/ /'ching ba'i mdud pa de na yod/ /gang zhig mur 'dzin mthar lta ba/ /des ni mu med don ma mthong / /mur 'dzin mkha' la mthos 'jal 'dra/ /mu med nyid la grol bar bshad/ /mur 'dzin grol 'dod grol ma yin/ /bye ma bskyed kyang 'brur mi smin/ /shel sgong bsgyur yang gting mi 'gyur/ /'ching bu bsgyur</font><hr>102.223a<br><font size=+1>

yang rin chen myin/ /sa rdo bsres kyang 'drer mi rung / /glog 'gyus gzhi la mun pa med/ /mtshal zi gser zhun gcig mi srid/ /skyes bus nyid la mchod mi srid/ /chu bo snga phyi rgyun mi 'phrad/ /chos 'thun pa na rigs mtha' yas/ /des na de bzhin nyid ces bsngags/ /de nyid med na thams cad du/ /gang de len yod ga la srid/ /de nyid med na rgyun bkag nas/ /ji srid cig na slar ldang ba/ /gang las byung de gang las min/ /gang med de med gnyis med na/ /gang las ldang ste gang mi 'gyur/ /de bzhin gang gis 'gags 'gyur na/ /skad cig ji srid de nas ldang / /de na de nyid kun gyi gzhi/ /lus dang dug sman ji bzhin no/ /'jug pa lnga ni rmi lam 'dra/ /de ltar na 'di gcig pa 'am/ /'on te tha dad pa zhig yin/ /gcig dang tha dad ngo bo las/ /grol te dbyibs sam kha dog gam/ /rnyog chu 'o ma'i chu bzhin no/ /de na de nyid de btsan nam/ /gal te de yi gzhi 'di btsan/ /mi g.yo mi 'gyur g.yo dang 'gyur/ /ma byung ba dang de bzhin 'byung / /nam mkha' 'byung ba ji bzhin no/ /thog ma tha ma dus mi dmigs/ /ma nor ma bcos de bzhin nyid/ /rang bzhin kun du snang ba'i dbyings/ /ma byung rang bzhin ye nas gsal/ /gzhi 'am de rgyun zhes bya ba/ /shes rgyun thams cad skye 'byung ba'i/ /rtsa ba mthu can gzhir gzhag pa/ /sna tshogs 'byung rgyu de nyid do/ /dang ba'i mkha' la rgyu ba'i sprin/ /gser gyi grangs tsam byung tshun chad/ /khug rlangs sprin phung 'thibs zhes bya/ /'byung ba'i skad cig de sngon cad/ /dang ba'i mkha' nyid snang zhes bya/ /de bzhin de nyid de gzhir gzhag /mtshungs pa yin phyir der snang ste/ /so so'i bye brag de tsam mo/ /de nyid de yi rgyu ba las/ /'jug pa'i tshogs rnams rtsal du snang / /rtsa ba mthu chen 'phel 'gyur bas/ /gang dang gang du gang nyon mongs/ /mtshan mar snang 'dzin g.yo 'gul bskyod/ /rang snang gang la de gsal rig /gang du lta dang gang 'dzin pa'i/ /de rgyun de las der 'di 'byung / /gang tshor gang shes gang de shes/ /skrag cing dngang 'jigs dngos po nyid/ /me long me</font><hr>102.223b<br><font size=+1>

shel me 'byung gsum/ /gang dang phrad na de bzhin 'gyur/  me long mtsho rlabs sa rlabs gsum/ /ji srid de rgyun byung tshor rnams/ /de nyid rgyu yis rang bzhin lnga/ /me 'dzin de 'dzin 'dab 'dzin ltar/ /de nyid de yis de rgyun las/  gang zhen de 'dzin byed pa yin/ /ras dkar la sogs de dag ni/ /gang sgo'i dbang du de dag 'du'o/ /de nyid de la de rgyun rag / /gang nyid bsgos pa de nyid du'o/ /gangs dreg la sogs de dag ni/ sogs pas de dag nyid du snang / /de rgyun 'byung gang de dag ni/ /de yang de dag nyid du'o/ /'o ma chu dang sa bon las/ /de mi 'dra bas de rtas yin/ /de nyid de yi rgyun de las/ /de yang de ltar snang ba yin/ /gnas pa de dag gang yin pa/ /der 'byung ba de nyid du'o/ /myur smin dus smin dus gnyis min/ /sa bon che chung 'phel 'grib de'o/ /sprin dang ling thog mun pa yis/ /rdzas gang mi mthong sgrib pa ltar/ /de yi rgyun 'khrigs mun pa yis/ /blta bya de nyid mthong ma yin/ /dang po gnyis dang phyi ma la/ /gsal dang 'gags dang tha dad snang / /de nyid kun la 'gro ba'i phyir/ /gcig gis sna tshogs tha dad len/ /de nyid rtsal las 'jug pa drug /slar 'jug pa yang de nyid las/ /char rgyun smig rgyu ji bzhin no/ /mig nad dbang gis yul dag la/ /tha dad ma yin ngo bo tsam/ /gang dang 'di gcig 'dres pa las/ /sgyu rtsal de 'byed de dag len/ /de nyid las byung de rnams 'byed/ /gang 'dir sbyor zhing mi snang yang / /gang gi dbang gis tha dad snang / /de las de 'byung de nyid las/ /de bzhin de dag 'byung ba'o/ /dri nga'i dri 'byung gang gi dri/ /gang med gang la zhen pa ni/ /mi 'dra mi gcig de nyid las/ /de nyid gzhan la de rgyun gzhan/ /gang gi ngo bo de gcig la/ /de yang gnas dang skabs kyis 'gyur/ /gang la bag chags rnam dag pa/ /dang bas thams cad gsal ba bzhin/ /gang gi rgyun sangs kun khyab rgyas/ /dbu ma rnam dag de nyid ces/ /mun pa'i spyod yul pa dag 'dzin/ /mun pa 'ang de nyid de la 'byung / /mun pa'i rang bzhin ngo bo dang / /mtshan nyid yan lag rtsa ba dang / /gnas dang sgrib pa bye brag chos/ /gang du gang gis gang phyir gang / /de dag nges par dbye bar bya'o/ /lang ka'i bdag po</font><hr>102.224a<br><font size=+1>

de dag ni gzhi yi mdo zhes bya ste/ /gang mun pa'i spyod yul pa las kyis bsgyings pa rnams la dngos te mun pa'i chos rnams gsungs pa'o/ /lang ka'i bdag po de la dmigs pa'i mdo gang zhe na/ 'di lta ste/ gzugs khams de 'dzin gnas gcig nyid/ /de 'dzin de nyid de la lta/ /de 'dzin der byed mun pa can/ /phyogs 'dzin phyogs med rnams dang gcig /ma nges spyir 'gro gnyis mi dmigs/ /sna tshogs med de bdag nyid 'dzin/ /dri med 'dzin med gzhan 'dra med/ /de 'jug rten med khyad par med/ /dus gsum dus su de 'dzin med/ /de 'dzin de la der 'dzin pas/ /gzugs min gnyis la chags khams so/ /lang ka'i bdag po de la snang ba'i mdo gang zhe na/ 'di lta ste/ 'dod khams de 'jug de 'brang gnas/ /gsum pa yin te de dag ni/ /de nyid 'byung rten de ma thag /'dod pa lnga dang chos gnyis so/ /byed pa kun dang rtag tu gcig /rigs gsum dag dang phrad rigs 'dzin/ /de 'jug tshol gcod 'bebs pa'o/ /ma 'gags gang du rgyun khyab 'jug /dus gsum skabs gsum 'jug med pa'o/ /sna tshogs de nyid de la 'debs/ /de yang 'jug pa rnam gnyis te/ /lnga dang thun mong de khyad par/ /yul rig pa dang mtshan nyid rig pa dang / dus rig pa dang / skad cig ma'i rgyun rig pa dang / las la 'jug pa dang / gang gi 'bras bu yongs su myong ba'o/ /drug gnyis lnga gsum bcu gnyis gcig /thams cad de 'jug byed pa yin/ /lang ka'i bdag po 'di lta ste/ gsang ba mchog gi bdag po de/ /gsang ba mchog gi dgyes pa na/ /dgongs te yul 'di rgya cher bshad/ /dang po rnam rtog bdun rtog pa/ /mtshan ma can dang mtshan ma yin/ /rang gi ngang gis 'jug tshol ba/ /so sor rtog dang nyon mongs can/ /de min rnam par rtog pa'o/ /gnyis pa nye bar sems gsum ste/ /rigs bskyed rigs myin gnyis ga myin/ /gsum pa rmongs byed dpa' byed rkyen/ /gang 'dir 'byung 'gyur dbang rten 'gyur/ /dbang po 'byung 'gyur rnam shes kyi/ /de dang cha mthun 'byung cha mthun/ /nyams chung ba</font><hr>102.224b<br><font size=+1>

dang ma goms dang / /rno dang tshad las 'das pa'o/ /bzhi pa bla 'khyal snying khrin dang / /gang ma snyoms dang 'jigs skrag dang / /gnad du gyur dang gzhan gyis brlams/ /lnga pa nang 'jug nya chung ba/ /ngal dang drags dang 'thibs pa dang / /gtad dang goms dang gzhan rkyen 'gyur/ /lnga gnyis dang po phyir byung ba/ /rtas dang gang 'dir sangs pa dang / /gang de blong bas kun bkris zad/ /gza' gtad rkyen gyis de 'joms dang / /gzhan gyi rkyen gyis 'gyur ba'o/ /thang cig 'gags dang de sangs pa/ /de yang der 'jug de nyid do/ /gnyis pa gnyis byed la 'jug pa/ /'di 'o snyam du sngon 'gro dang / /bdun pa skyed dang 'bad rtsol sbyor/ /thams cad 'byung ba g.yo bar byed/ /gsum pa chags dang bral byed pa/ /chags pa yul gnas las skyo zhing / /gzhan gyis bral dang bar gcod dang / /yang dag yid la byed pas byed/ /bzhi pa chags pas nyams gyur pa/ /rmongs pa'i lta bas brtan par gnas/ /gang 'dir goms pa chung ba dang / /rnam pa rtags dang mtshan ma dang / /de byed yid nyams sogs 'gyur bas/ /yang dag blangs te der 'jug dang / /sgribs dang gzhan gyis zin pa'o/ /lnga pa don rgyud chad byed pa/ /gsal dang log pa'i stobs ldan dang / /longs spyod 'thun pa'i grogs snyed dang / /de dag rgyun mi 'chad 'gro dang / /rgyun du gcod ldog mi byed pa/ /log rgyun gnas byed don rgyun bcad/ /lnga gsum dang po mtshams sbyor ba/ /de las ldog pa'i don rgyun ldan/ /gnyis pa nying mtshams sbyor ba yi/ /'chi ba'i chos la gnyis yod de/ /dus dang dus ma yin de la/ /kha cig dus min 'chi ba yi/ /de rkyen zad dang de gzhan rkyen/ /de tshe yun ring rgyu yod kyang / /yun ring gnas pa'i rkyen ma tshang / /ya nga ma spangs las kyi rkyen/ /tshad las 'das dang mi 'phrod dang / /gang ma sangs par gang non dang / /rnying 'khrigs 'byin par mi byed dang / /gang de 'gags par rgyun 'gog dang / /so so'i gnyen po sten mi byed/ /ma goms 'thun 'phrod mi shes dang / /dus min 'gro dang spyod pas nyes/ /de nas 'du</font><hr>102.225a<br><font size=+1>

shes gsum ldan te/ /don dang log pa btang snyoms ldan/ /don de gang ldan gar 'gro ba/ /sngon du de bsten de dran nas/ /gzhan gyis gsal bar byas kyang ni/ /rags pas 'byung ba de bar du'o/ /'du shes phra bar rgyu ba'i tshe/ /de las ldog cing btang snyoms ldan/ /de sngon de bsten de 'byung la/ /bsal par mi nus gzhan dag gis/ /bskul yang dran par yong mi nus/ /de dang gang ldan bde 'gro ste/ /mi bzad drag po'i tshor ba yang / /nyams su myong bar mi 'gyur ro/ /de yi dus na gang mthong bas/ /gang du ma mthong de nyid mthong / /ji ltar nyi ma'i 'od rkyen gyis/ /snang ba khad kyis 'byung ba bzhin/ /mun pa'i khams nas snang bar 'gyur/ /rmi lam lta bur gzugs snang ba/ /yid 'ong sna tshogs mthong ba 'gyur/ /de yi de kun shes pa des/ /gang 'dir dmad nas 'dor bar byed/ /drad dang steng du yal bar 'gyur/ /gtsug tor gang 'byung bde ba'o/ /gang du log par de 'gro ba/ /gong las bzlog pa ji bzhin te/ /mi bzad drag po'i tshor bas ni/ /shin du zug gzer mi bzod de/ /g.yo 'gul mi snyen nga ro gdon/ /'khrul ba'i gang snang mthong ba na/ /byams pa la sogs gang zhig ni/ /gshed ma la sogs mi 'dod pa/ /'jigs pa'i gzugs ni sna tshogs su/ /mthong bas rdul 'byung ba spu gzing / /yan lag g.yob cing mkha' la rnyob/ /bshang gci 'byung zhing mig kyang ldog /snang ba'i khams nas mun par 'byung / /de yi de kun shes 'byung ltung / /gang de mthar 'byung mi bde'o/ /btang snyoms de yis ma gsal lam/ /gzhan gyis gsal bar ma byas pa'o/ /gnyis su mi gsal btang snyoms so/ /'di dag gang ldan gang 'gro yang / /gang ltar goms pa kho nar nges/ /goms pa la gzhol de stobs ldan/ /gang ma goms pa gsal byas kyang / /ma zhen dbang gis 'gag par 'gyur/ /gang de gnyis la mtshungs goms na/ /der ni dang por gang gsal lam/ /gzhan gyis gsal bar byas pa las/ /log par mi 'gyur gzhan mi 'jug /btang snyoms kha cig 'gyur ba yin/ /</font><hr>102.225b<br><font size=+1>

kha cig mi 'gyur rdzogs mi 'byung / /thams cad kyang ni 'pho ba'i tshe/ /gang 'dir rgyu ba mi gsal ba'i/ /skabs su ma bab par dag tu/ /yun rings dus na goms pa yi/ /gang la gang chags de 'byung ngo/ /de las de yi de dbang gis/ /'dir de med par 'gyur shes nas/ /de 'di nyid la zhe sdang skye/ /gang ma 'ongs la 'jug par 'gyur/ /zhe sdang me yis zil mnan pas/ /gnas pa 'di yi rgyun 'gags te/ /gang ma byung la chags pa de/ /srid pa gsum gyis bar bdun pa/ /mngon par bsgrub pa'i rten yin no/ /de yi dus na rnal 'byor pa/ /de bzhin de la goms ched che/ /de tshe chags pa 'byung mod kyi/ /goms par gyur pa'i don stobs kyis/ /chags pa de zil gnon pa ni/ /mi gang rtsal dang ldan pa yis/ /shugs med gang dag gnon bzhin no/ /byang chub rigs 'dzin rnal 'byor la/ /gang chags de 'byung mi 'gyur ro/ /gnad kyi sdug bsngal mi bzod pa'i/ /gang la mtho dman ma gtogs pa/ /gzhan dag kun la 'byung ba yin/ /shin tu nyen dga' med phyir ro/ /sdug bsngal che chung gnyis kho na/ /gang 'gags gcig dang rims kyis 'gags/ /de nyid goms te gang ma 'gags/ /gtso bas de la der zhen gces/ /gsum pa srid gsum bar bdun pa/ /brdzus skye dbang ldan las kyi 'gro/ /gang 'thun mthong yin gang mthong min/ /shin du bde dang bde sdug bsngal/ /de sogs gang du skye 'gyur de'i/ /de dbyibs 'dzin cing thogs pa med/ /de yi lus sam spyod yul ni/ /dri ma can du gyur pa rnams/ /mtshan mo mun nag rdzas nag ltar/ /thams cad thams cad mthong bar 'gyur/ /gang dag dri med pa dag rnams/ /zla 'od dkar dang rdzas dkar ltar/ /de gnyis de mig dag pas mthong / /gang de'i de tshad tha ma pa'i/ /sprul pa 'byung gnas lnga tshad par/ /gang skye gnas ma blangs bar du/ /de mig de yi mig lta bur/ /gang las thogs med skal mnyam pa'o/ /gang ltar kun la ma yin no/ /gang skal mnyam pa'i skye gnas dang / /de dag nyid gnas mthong bar 'gyur/ /gang dag dri mig thur du gsal/ /spyi tshugs 'gro la gzhan mthong myin/ /dri med mthor gsal gzhan de bzhin/ /gang gi thad tu de nyid snang / /gzhan</font><hr>102.226a<br><font size=+1>

ni gong ma nyid bzhin no/ /bar bdun pa yi snying po can/ /skye ba de ma rnyed bar du/ /ring ltar thogs na bdun pa'o/ /gang de ldan na nges med de/ /gcig gam gnyis sam gsum na 'pho/ /gang ma ldan na de rjes nas/ /yang bdun bar du de na gnas/ /gang yod de gang mi ldan na/ /bdun phrag bdun gyi bar dag tu/ /bdun nyid re na de rje zhing / /de rdzogs srid du de na gnas/ /des ni gnas pa de zad nas/ /gzhan du gnas pa de 'dzin pa'i/ /gang de ji srid zil gyis gnon/ /bdun nyid bdun rdzogs de phyin cad/ /nges par de med ga la srid/ /gang nub gang snang de skabs na/ /skad cig gnas pas bar ma do/ /bdun zhing nub pa'i rang bzhin pas/ /nub pa'i srid pa zhes kyang bshad/ /bdun pa'i bar du gnas pas na/ /gang de bar bdun pa zhes bya/ /dri yi phyir 'brang dri rta bas/ /dri za nyer 'gro zhes kyang bya/ /de la brten nas de byung bas/ /de las byung ba zhes kyang bya/ /skye ba'i dbyibs tshugs de 'dzin pas/ /sngon dang phyi ma'i tshul bzhin can/ /skye ba mngon du byed pas na/ /mngon du grub pa zhes kyang bya/ /rtag tu zas la nye 'khor bas/ /nye bar 'khor ba zhes kyang bya/ /gnyis kyi bar skabs yin pas na/ /srid pa mtshams sbyor ba zhes bya/ /de ni gzugs can yin pas na/ /gzugs med pa'i gnas med do/ /de na gnas pa'i srid pa de/ /sngar 'gags pa yi srid pa la/ /de dang de min btang snyoms pa/ /gsum la chags sdang zhen goms pas/ /gang sngon gang la zhen pa bzhin/  dus der de la mngon par dga'/ /sngon tshe legs nyes spyad pa'i yul/ /klung du gang gyur de nyid snang / /de dag rmi lam bzhin mthong bas/ /mthong nyid yul du mngon par gyur/ /de tshe 'khrul pa'i gzugs mthong ltar/ /gang gis snga ltas 'byung bar 'gyur/ /bde rkyen mi ldan pa zhig na/ /de na gnas dang de nub na/ /dman par 'gyur ba'i snga ltas ni/ /srog chags sdem bu la sogs pa'i/ /gang du byung ba'i rigs 'thun mthong / /ca co'i sgra dang 'dam bu'i thibs/ /nags tshal thibs po la sogs pa/ /ldum bu'i tshal dang dri sna tshogs/ /khang bzangs rdzing dang 'khrigs sprin</font><hr>102.226b<br><font size=+1>

gyis/ /nang du 'jug pa'i mtshan ma 'byung / /gang 'dir dag pa pa zhig na/ /rigs mthong gyur pa'i snga ltas ni/ /zhi ba'i yul dang snyan pa'i sgra/ /yid 'ong dbang po tshim pa dang / /khang bzangs dang ni gzhal med khang / /bskyed mos tshal dang snang yul du/ /'byung ba'i mtshan ma snang bar 'gyur/ /'khor los sgyur rgyal la sogs pa'i/ /dag pas dag pa de rigs mthong / /de na gnas pa'i snying po de/ /'dod la zhen pas zhen pa'i phyir/ /gang du dri byung der 'brangs pas/ /nga dang mi nga dri 'byung yul/ /de la zhen pas tshim 'gyur te/ /'khrigs pas de la zhe sdang 'byung / /des ni bar bdun rgyun 'gags byed/ /de zhen bar du de zad nas/ /des ni de nyid de rtas te/ /gang du rtas pa'i snying po las/ /sogs pa'i lus can tha dad snang / /drod rkyen rlan rnams de rigs 'dzin/ /de med khams su de mi 'byung / /de med ma yin mkha' rdul 'dra/ /gang de ldan pa'i yul rnams ni/ /dpag par gang ni ring gyur kyang / /thogs med mig ris mthong tshor phyin/ /gang gi dbang gis de 'gro bas/ /rig la nyid na phyin pa yin/ /de la de ring tha snyad med/ /ci phyir khyab 'jug gdos med de/ /lus can rnams kyi spyod yul min/ /la la gang la zhen pa'i mthus/ /'thun par snang ba'i rigs can dag /gang du 'phrod byed mthong bar 'gyur/ /de na nyid na der 'khyims nas/ /de la de 'khor rtog dpyod 'dzin/ /zhen pas zhen pa'i rang bzhin ldang / /gang de'i dbang gis der rmongs nas/ /phyin ci log tu mthong gyur te/ /sgyu ma lta bur 'khrul par snang / /gang du gang zag de 'du 'phrod/ /byed par de la de snang gsal/ /gal te gnas pa'i cha len na/ /'byung la chags pa'i 'dod pa 'byung / /de las bzlog pa de bzhin te/ /gnas 'gyur gnas dang bral bar 'dod/ /'byung bar 'gyur ba de bzhin te/ /gang du mi 'phrod de mthong 'gyur/ /de la de bzhin de dbang gis/ /gnas 'byung mtshan ma 'ba' shig las/ /gang gzhan snang bar mi 'gyur ro/ /de yis de mthong de 'khyims nas/ /de la de ma rangs ltar 'byung / /de yis de yis rgyun 'gags nas/ /gang</font><hr>102.227a<br><font size=+1>

gis gang zin ji bzhin du/ /zhen pas srid pa de 'dzin byed/ /gang de de yi gdos kyis bsrung / /dman 'gro gang de bar bdun pa/ /gsod la zhen goms de brtsegs pas/ /gang gnas gang yin de gnas na/ /bsad la sogs pa de snang 'gyur/ /gang de de yis mthong ma thag /sngon du goms pas de rig nas/ /gsad bya snyam du de rgyug byed/ /gsad yul skye ba'i gnas mthong nas/ /gsad la sogs pa'i las brtsams pas/ /de dag 'khyims nas zhe sdang 'byung / /de yis bar bdun rgyun 'gags nas/ /dman pa'i lus blangs nyon mongs myong / /de ltar gang du 'byung ba yi/ /gnas ris rnams kyi bar bdun pa/ /gang du 'byung ba'i gnas de na/ /gang zhig goms pa'i yul snang 'gro/ /de la zhe sdang spyod 'khyims pas/ /snang ba'i dbang gis de rgyun 'gag /de snang byung ba ma byung len/ /bzhi pa'i skye gnas 'jug chos bzhi/ /shes bzhin 'jug gnas 'byung ba dang / /de bzhin 'jug gnas mi shes 'byung / /shes 'jug mi shes gnas 'byung dang / /mi shes bzhin du 'jug gnas 'byung / /'dzin dang 'dres pa'i nyer gnas pa/ /gnas gsum 'thun pas skye 'dzin byed/ /skye gnas sa bon las rnams kyis/ /nyes pa'i bar chad gsum med na/ /mngal du thams cad smin par 'gyur/ /de yang 'byung gnas gcig la gcig /zhen pa drag po 'byung skabs su/ /mthar 'dzin pa yi bcud 'byung 'gyur/ /de nas de bzhin gnyis ka las/ /gang bcud thig le re re dag /gdon mi za bar 'byung bar 'gyur/ /de nyid gang der 'dres 'gyur nas/ /gang drod zhabs bzhin 'du ba yin/ /thams cad pa de der 'jug 'gyur/ /gang la ngo bo med pa de/ /dngos po ci phyir 'dzin par 'gyur/ /dper na mkha' 'gro 'dod dbang gis/ /sa khus bris pa'i snyis 'dzin bzhin/ /gang med chags pa'i snyis 'dzin to/ /thams cad pa yi dbang des na/ /mi 'drul dngos smin rta ba yin/ /de dag med nur phyogs gang du/ /de zhugs pa nyid snying rten pa'o/ /gnas ma thag pa btang snyoms ldan/ /de mtshams de ni gnyis su 'gyur/ /'du mched drug 'dod skabs dag tu/ /</font><hr>102.227b<br><font size=+1>

gang gi dus na dngas sla ba/ /shin tu rtas par gyur pa yin/ /de bzhin 'dril dus 'dril ba de/ /'dren pa nas 'jug nges rta ba'o/ /lnga gang gang 'di 'byung bas bskyed/ /gcig tu gang rten 'byung ba nyid/ /de nyid rten zhugs snying po'o/ /tha ma gnyis la dbang 'byung skye/ /khams bzhin rgyas sra sdud smin 'dzin/ /yan lag rnams 'byed 'byin pa yin/ /gang dang gang gis bzhin mdog 'gyur/ /gnas yin bzhin phyogs 'thun ltar g.yon/ /'byung nyid snrel zhi phan tshun g.yas/ /gnas na gnas dus brgyad nyid de/ /mer nur ltar mkhrang yan lag 'gyur/ /de la der phyir 'byung ba dang / /dbang po dang ni mtshan dod pa'o/ /yongs su rdzogs pa'i dus de na/ /bdun phrag pa yi rlung byung ste/ /gang gi nad ni bskyed par byed/ /'byung ba'i char gtogs rlung 'byung bas/ /g.yo 'gul can du 'gyur ba ste/ /srid 'byung lugs su ji bzhin bzlog /  de dag de na gnas pa'i yun/ /bdun phrag sum bcu rtsa brgyad kyis/ /thams cad des ni rdzogs pa yin/ /gang gi rtsa drug bzhi rdzogs nas/ /gdon mi za bar 'byung ba yin/ /lnga pa 'byung ba'i chos bzhi la/ /gang las rnal 'byor 'byung gnas nyid/ /gang 'di de dag bzhi phrag bzhi/ /bcu drug chos su grags pa la/ /gang skye ba dag kun 'dus pa'o/ /'di dag las kyi skye ba ste/ /thams cad thams cad byed pa ni/ /ngang ring mgyogs pa'i las yin zhes/ /mun pa'i spyod yul pa yis mthong / /las kyis bsgyangs pas bsgribs pa la/ /dgongs de de ltar mdor gsungs pa'o/ /lang ka'i bdag po de dag ni snang ba'i mdor shes par bya'o/ /lang ka'i bdag po gzhan yang 'jug pa'i mdo gang zhe na/ 'di lta ste/  de 'dod byed pa rnams gsum gnas/ /go 'byed rgyun gcig rgyun gzhan byed/ /so so ris su bcad dbang byed/ /de nyid ldan pa de kho na/ /gang gi ngo bor byung tsam nyid/ /gang yang ma yin de dbu ma/ /kun tu mi 'chos rang bzhin blun/ /gsum gsum gnyis dang rkyen gsum dus/ /'dod khams yongs su rdzogs pa yin/  lang ka'i bdag po de dag ni mdo bzhi zhes bya ste/ des de yongs su dgrol bar shes par bya'o/ /lang ka'i</font><hr>102.228a<br><font size=+1>

bdag po de la rtsa ba gsum gang zhe na/ 'di lta ste/ dngos po'i rtsa ba dang / brjod ba'i rtsa ba dang / thams cad pa'i rtsa ba'o/ /lang ka'i bdag po de la dngos po'i rtsa ba ni ci yang med pa las cir yang snang ba'o/ /brjod pa'i rtsa ba ni ci yang med pa las cir yang 'gyur ba'o/ /thams cad pa'i rtsa ba ni gang ci yang med pa las cir yang rig pa nyid do/ /lang ka'i bdag po de dag ni rtsa ba ste/ des thams cad nges par 'byin pa'o/ /lang ka'i bdag po de dag ni 'di lta ste/ chos kyi rgyal pos gang gsungs pa/ /thugs dang zhal dang zhus lan gsum/ /don dang lung dang rgyud ces pa/ /gang 'dir gsum du grags pa la/ /gang dag 'di la rnam rtog pa/ /chos kyi rgyal po'i gsung gcig la/ /rgyud dang lung dang don dam zhes/ /gsum du snang ba 'di ji lta/ /snyam du rtog pa de gang drug /nyid kyis mkhyen te de gsal bar/ /dgongs te gsum nyid rnam par gsungs/ /gang de skabs dang skabs 'phros pa'o/ /skyes bu'i thugs la gang gnas pa/ /zhal du ma byung don dam nyid/ /gsung gi 'gyur bas de mtshon na/ /skyes bu rgyal po'i bka' lung yin/ /zhus lan phra men 'phel rgyas na/ /skyes bu rgyal po'i bka' rgyud yin/ /thabs tshe tshegs chung don dpag med/ /bya sla dpag dka' man ngag dam/ /de nyid nges pa de kho na/ /ma bslad ji bzhin bcad pa lung / /bcas gzhi gtam rgyud las rgyud dang / /rtog chen yan lag 'brel bcas rgyud/ /gsum du snang la gcig tu zad/ /dbyer med tshul gcig rang bzhin la/ /rtsal dang rnam par snang ba dag /gcig te rnam pa yongs kyis med/ /de skad gsang ba mchog des bshad/ /las kyis bsgyangs pa gang dag la/ /gang 'dir mun pa'i phyogs bshad pa/ /go cha bgos pas shes par gyis/ /sangs rgyas kun gyi dgongs pa 'dus pa'i mdo chen po las chos thams cad kyi rtsa ba gang gi mun pa'i spyod yul bstan pa'i le'u ste lnga bcu rtsa lnga pa'o// //   de nas lang ka'i</font><hr>102.228b<br><font size=+1>

bdag po byang chub sems dpa' sems dpa' chen po des/ gsang ba pa'i bdag po la yang yongs su dri ba dris pa/ kye gsang ba ba'i bdag po rtsa ba gang la gang gi snang ba yongs su dag pa'i spyod yul gang lags/ /de skad ces gsol ba las/ /gsang ba pa'i bdag pos smras pa/ /lang ka'i bdag po gang yongs su dag pa'i dri ba de ni legs so/ /shin tu rab tu legs so/ /lang ka'i bdag po de yang 'di ltar bcom ldan 'das ngo bo nyid dag pa ste/ yongs su dag pa zhes bya ba'i zhing khams na ngang gis bzhugs pa de'i tshe de'i dus na gang dpag tu med pa'i rgyal ba dgongs pa kun nas 'dus pa dag la gang snang ba yongs su dag pa'i spyod yul du dgongs te/ de kho na nyid snang ba de kho bos phyin ci ma log par yongs su bgro bar bya'o/ /lang ka'i bdag po 'di lta ste/ mun khung gser stor sgron mas rang snang ltar/ /ma rig mun par sems stor rang snang ba/ /dgongs pa kun nas 'dus pa'i rtsa ba 'di/ /snga rabs 'das pa'i dgongs par 'dus nas gsungs/ /chos kun rtsa ba sems 'di nyid la 'dus/ /sems nyid gnas 'gyur ye shes lngar snang ba/ /de nyid don la nges par bzhag pas na/ /sems nyid gnas 'gyur ba yang de nyid yin/ /ye shes lnga nyid de la rdzogs pas na/ /ye shes lnga yang gcig tu 'dus pa yin/ /sems kyi chos nyid ji bzhin de rtogs na/ /ye nas sangs rgyas ma nor ma bcos par/ /bdal khyab sa nyid non pas 'dus par gsungs/ /gnas skabs de na yod med lta mthar thug /sems kyi de bzhin ji ltar yin pa dang / /deng rgyun yod med shes par bya/ /de bzhin nyid la gang 'dir ji ltar blta/ /de nyid snang ba yin nam mi snang ba/ /'o na sangs rgyas yin nam sangs rgyas min/ /de las gzhan na sangs rgyas yod dam med/  'di ltar cir bzhag gros kyis chod par bya/ /'di ltar nges nas de ltar gyur na yang / /glo bur las lam mi dgag de bzhin spyad/ /des na kun gyi rang bzhin de nyid 'dus/ /de la bsam med dmigs med der bzhag na/ /cir snang cir srid mtshan med de</font><hr>102.229a<br><font size=+1>

gcig pa/ /skye 'gag med pa'i de nyid ye sangs rgyas/ /de nyid ma yengs pas na ma bsal yang / /rdzogs pa spyir chib sa nyid ye nas non/ /de nyid nyams drod nyams su gsal na yang / /chos kun sgo dang mi 'gal bstan pa'i phyir/ /ting 'dzin gsum ldan gol sa'i sgo bkag nas/ /drod chen gsum gyis dam pa'i dgongs pa myong / /des na ting 'dzin rnam gsum nyams rnyed pas/ /'bras bu pha rol phyin drug rang bzhin rdzogs/ /sems nyid ma bcos nam mkha' ngang la gzhag /des na dran cing rtog pa ci byung yang / /de bzhin ma bcos nyid kyis la bcad pas/ /ngang gis ma bcos yong gis 'od gsal ba/ /gsang ba 'dus pa rnams kyis yin par bsngags/ /ma yengs skye 'gag med nyid ting 'dzin te/ /rnal 'byor gsum don de'i skabs na rdzogs/ /des na kun gyi bshes gnyen dgongs brgyud nas/ /dam pa'i don tu sems nyid shes par bya/ /de nyid rdo rje sems dpa' yin pas na/ /gang gis 'di mthong de'i zhal mthong yin/ /de mthong phan chad dam pa nyid yin pas/ /des na kun gyi bshes gnyen yin par grags/ /de lta'i don mthong gang dang gang zhig gis/ /ci la 'ang mi lta de la zhen par bya/ /des na byas zin btsal med der nges nas/ /rang 'byung ye shes yongs su dag ces bya/ /des ni zin chags bde sdug ci byung ba/ /tshogs gnyis ma bsags rdzogs par dam bca'o/ /mi rtog ting 'dzin mtshan ma rnam dag pa/ /chos nyid mngon gyur che yon rgyun mi 'chad/ /sgrib pa gnyis byang tshogs chen rdzogs pas na/ /gang gi phyogs rnams 'thun par sa rnams non/ /'di ni kun 'dus dgongs spyod zab mo yin/ /gang dag kun gyi spyod yul ma yin no/ /gang gis gang ltar de yi don mthong ltar/ /gang dag 'khrul ba rnams kyis ma mthong bas/ /gdod nas zhen pa'i mun pa sangs dka'o/ /sa dang sa yi khyad par yod ces pa/ /mthong dang ma mthong gnyis med gsal dus na/ /dam pa'i dgongs pa lhun gyis grub nges pa'o/ /stong</font><hr>102.229b<br><font size=+1>

dang ma skyes rang bzhin khyad par ci/ /yod med rtag chad bya btsal la sogs pa/ /kun nas lhun gyis grub par ye gnas pa'o/ /rgyu dang 'bras bu cir snang cir srid kyang / /chos nyid de bzhin nyid kyi rgyan du snang / /de nyid ma bkag yongs su rdzogs pa'i tshul/ /gong 'og la sogs skyon yon gnyis po dag /mthong dang ma mthong re rtsol rkyen tsam gyis/ /rgyu 'bras so sor gsal zhes smra ba yang / /thams cad de bzhin nyid du gcig par zad/ /de la ye nas 'du 'bral med bzhin du/ /mi mnyam mnyam pa'i spyod yul cir snang yang / /ji bzhin nyid 'di ma yin gang yang med/ /de nyid de la tshogs rdzogs thabs shes 'brel/ /des na dam pa 'dus pa'i dgongs pa rnams/ /don dam ma bcos sems nyid de la 'dus/ /sems kyi rang bzhin ma byas rang byung bas/ /ting nge 'dzin zhes dmigs pa kun dang bral/ /'di ltar nges pa'i byang chub sems de la/ /bgrod pa'i gnas dang lta ba'i gzugs med pas/ /mtshan ma kun mkhyen skyon yon yong ye med/ /theg chen gnyis rdzogs the tshom kun bcad cing / /bla med rdzogs pa chen por la bzlas pa'o/ /des na mtha' dbus 'byed pa cha phra ba/ /mtha' dbung 'byed pa nyid du kun gcig ste/ /khyad par 'phags pa'i don du kun 'dus gsungs/ /rgyur 'dod las sogs phyi nang yul dag la/ /dga' ba'i mtshan ma tsam du gnas pa dang / /gang dag spyod pas chos rnams sems su 'dus/ /mtha' gnyis gsal zhes smra ba yang / /la bcad mthong bas gud na yod med do/ /gal te yod par 'dod na skyon chen yin/ /des na bsam gtan so so ci snang yang / byis pa'i spyod yul 'khrul pa nyid snang yin/ /dam pa dman pa sgyu ma smyig rgyu'i tshul/ /rang bzhin skye 'gag med pas nam mkha' bzhin/ /der ni kun 'dus kun la mthong ba med/ /ci yang mi snang ba nyid skyon med 'dod/ /de ni 'khrul pa yin pas btub ma yin/ /mthong dang ma mthong snang la rang bzhin med/ /kun 'dus gsang ba'i dgongs spyod zab mo ni/ /rang byung rang rig mngon sum snang dus na/ /rang byung ye shes de nyid mthong</font><hr>102.230a<br><font size=+1>

zhes bya/ /de ltar dgongs pa dam pa mthong ba'i tshe/ /rtog chags kun sangs mthong yul 'das pa ste/ /bya med snang med mi btsal bzhag pa'o/ /dmigs pa'i yul med chos lam chags pa spangs/ /mthong tshor bde lam mu med bdal ba'i dbyings/ /gang 'gyur gang snang de las gar ma g.yos/ /de yi gtan tshigs de bzhin nyid kyis gsal/ /de yi don la kun 'dus dpyod mi mdzad/ /chos kun rang 'byung rang rig ye shes snang / /de don ma skyes ma byung ma skyes te/ /rgyu dang 'bras bur btags pa yong ye med/ /de ltar gang rig de nyid tshogs gnyis rdzogs/ /don la mnyam bzhag blo bcos skyon nyid ni/ /de dang 'gal zhing de dang phrad mi 'gyur/ /de las nges blo khyab par btang ba ni/ /de dang mi 'gal de nyid nges pa ste/ /rang rig dus na de la gnyis su med/ /snying po de nyid rgyu 'bras lhun gyis grub/ /de yi dus na don dam nyam drod rdzogs/ /snang dang mi snang rtag chad la sogs pa/ /nyam drod nges pas don gyi gting phol te/ /tha dad phyogs kyi the tshom 'di bcad pa'o/ /de nyid de la zhen nges blo brtan zhing / /gang dang 'brel bas lta ba'i thag chod na/ /dman pa'i lus la dam pa'i go 'phang can/ /dbang phyug yin pas de la gus phyag 'tshal/ /g.yo sgyu med pa'i yo byad chen po lngas/ /dbang po'i spyi gtsug nor bu bzhin du lta/ /kun nas 'dus pa'i dgongs pa tshig gsum po/ /yid ched nges pa'i blo'i rdeng du bya/ /tshig gsum don la nges rnyed mngon du 'gyur/ /nges pa'i don ni rang rig kho nar zad/ /gsang ba'i bdag pos de skad ces smras pas/ lang ka'i bdag po la sogs pa dman pa'i lus kyi sems dpa' rnams kyis chos thams cad kyi rtsa ba gtan la nges par phebs pa gyur to/ /sangs rgyas kun gyi dgongs pa 'dus pa'i mdo chen po las chos thams cad kyi rtsa ba gang snang ba dag pa'i spyod yul bstan pa'i le'u ste lnga bcu rtsa drug pa'o// //    bam po dgu pa zug pa/ de nas yang lang ka'i</font><hr>102.230b<br><font size=+1>

bdag po la sogs pa dman pa'i lus kyi byang chub sems dpa' sems dpa' chen po de rnams kyis gsang ba pa'i bdag po la yang gang gi dri ba yongs su dris pa/ kye gsang ba pa'i bdag po 'dir nyid kyis chos kyi rnam grangs bcur bkod pa las rang bzhin ma bcos par bya'o zhes thos na de ji ltar yongs su shes par bya/ rang bzhin ni gang / gang ltar na ma bcos/ de gang gi rang bzhin lags/ de skad ces gsol pa dang / gsang ba pa'i bdag pos smras pa/ kye dman pa'i grogs po dag gang rang bzhin ni mi 'gyur ba'o/ /ma bcos pa ni rnal ma'o/ /'di dag ni gsang sngags kyi rang bzhin dang / de la lta ba'i rang bzhin dang / de las mi 'da' ba'i rang bzhin dang / de ltar spyod pa'i rang bzhin no/ /grogs po dag 'di la gsang sngags kyi rang bzhin ni 'di lta ste/ nam mkha' lta bu'i rang bzhin bas/ /rnam par rtog bral gang mi rtog /de bzhin sa yi rang bzhin bas/ /thams cad 'byung ba'i rang bzhin no/ /me yi rang bzhin lta bu bas/ /dngos po thams cad med par byed/ /rlung gi rang bzhin lta bu bas/ /g.yo rdul mi g.yo ba'i rdul kun sel/ /chu yi rang bzhin kho na bas/ /gzhan med de bzhin nyid du 'dus/ /sman gyi rang bzhin yin pas na/ /'khor ba'i gcong snying rnam par 'byin/ /'di ltar 'tsho ba'i rang bzhin pas/ /'tsho ba dag pa kun gyi gsos/ /gcod pa'i rang bzhin lta bu bas/ /sdug bsngal rgya mtsho rnam par gcod/ /nyi ma lta bu'i rang bzhin bas/ /mun khang snang ston gsal ba nyid/ /ri rab lta bu'i rang bzhin bas/ /cis kyang bskyod cing g.yo ba med/ /rgya mtsho lta bu'i rang bzhin pas/ /mi g.yo ba las byin brlabs 'byung / /de bzhin rtsi yi rang bzhin bas/ /dug la sman 'gyur ji bzhin no/ /de la sogs pa mtha' yas mchog /rnam par rtog bral thams cad 'byung / /ma bcos ma bslad de bzhin pa'o/ /grogs po dag de dag ni gsang sngags kyi rang bzhin du shes par bya'o zhes thos pa rnam par bgros pa'o/ /grogs po dag de la lta ba'i</font><hr>102.231a<br><font size=+1>

rang bzhin ni gang zhe na/ /'di lta ste/ ma nor mi 'gyur nges bcad de/ /ma chags mi rtog nyam mi nga / /dper na nam mkha'i rang bzhin las/ /sprin dang na bun khug rlangs dang / /zla ba nyi ma skar tshogs dag /snang yang nam mkha' bzhin du gnas/ /de bzhin nyid kyi nam mkha' las/ /mtshan ma'i rnam rtog ci byung yang / /chos nyid nam mkha' bzhin gnas par/ /rnal 'byor can gyis blta bar bya/ /ji bzhin ma bcos de bzhin la/ /mthong dang ma mthong khyad par gyis/ /lta ba'i khyad par so sor blta/ /rnam par rtog la rnam rtog nyid/ /log sred can la log rtog nyid/ /phyogs 'dzin tsam la tha snyad rdzas/ /phyogs shes dag la sgyu mar snang / /de nyid der nges nam mkha' mthong / /nam mkha' bzhin gnas nam mkha' la/ /nam mkha' nyid du snang bar zad/ /grogs po dag de dag ni lta ba'i rang bzhin du shes par bya'o zhes thos pa nges par bgros pa'o/ /grogs po dag de las mi 'da' ba'i rang bzhin gang zhe na/ 'di lta ste/ chos nyid nam mkha' lta bu 'dir/ /thams cad yongs kyis gcig pa la/ /bsrung dang mi srung phyogs dang bral/ /bsrung ba'i tshad gzung ga la yod/ /nam mkha' lta bu'i rnal 'byor pas/ /nam mkha' lta bu'i dam tshig bsrung / /gang 'dir bsrung mtshams med na bde/ /des ni thams cad bsrungs pa yin/ /ci phyir thams cad thams cad kun/ /dam par nges pa yin pas na/ /tshad 'dzin tshad yod byed nyid nyams/ /gang la bsrung dang mi srung ba'i/ /rnam rtog de dag med kyang bla'i/ /de 'dra bsrung ba'i mtshams 'dzin pa/ /sgyu ma yin pas dam pa min/ /de la bsrung zhes su zhig zer/ /bsrung dang mi srung tshig med de/ /chos nyid de la blang dor byed/ /dam par gyur pa ga la yin/ /bsrung dang mi srung chos rnams ni/ /srung du med pas de bzhin gzhag /de bzhin nyid kyi don dam la/ /ji bzhin pa yi blo bzhag ste/ /brjod pa med pa'i dam tshig gis/ /bsrung mtshams med pa'i ngang du bsdam/ /bsrung med nam mkha'i dam tshig 'di/ /</font><hr>102.231b<br><font size=+1>

ji ltar grags pa'i rang bzhin la/ /sdom dang tshul khrims so sor snang / /'jig rten pa la chad mdo brtsan/ /byis pa rnams la tshul shes pa/ /nar son pa la sdom par grags/ /bla med mchog la dam par snang / /gcig gi don las ma g.yos kyang / /'dul ba'i ngo la so sor grags/ /de bzhin nyid ldan dam pa ste/ /de las 'das na tshig par 'gyur/ /gcig bsrungs pas na kun bsrungs pa'i/ /dam pa'i dam tshig chen po 'di/ /kun dang 'gal bar myi bya zhing / /gang gi don du 'gyur bar bya/ /grogs po dag de dag ni mi 'da' ba'i rang bzhin du shes par bya'o zhes thos pa yongs su bgros pa'o/ /kye grogs po dag de ltar spyod pa'i rang bzhin gang zhe na/ 'di lta ste/ lus dang ngag dang yid gsum gyi/ /mtha' gsum yongs su dag rdzogs na/ /dam pa'i spyod pa yin pas na/ /dman min dam pa'i rigs shes bshad/ /rdo rje lus kyi spyod pa ni/ /phyin pa med las lus mi bcos/ /gcig pu nyid pas gcig tu gnas/ /glang po'i lta stangs ji bzhin dang / /de bzhin rnal mas gnas par bya/ /gang du gnas pas rtag par gnas/ /gnas pa de la chags mi bya/ /spyod lam rnam bzhir gar ldan pa/ /ma bcos rnal mar gnas par bya/ /gang gis gdung ba mi nyen pa'i/ /gnod pa skyob pa dag tsam las/ /bzang dang rgyan phyir bcos mi bya/ /gang du ji ltar bde ldan sbyar/ /rdo rje sngags kyi spyod yul ni/ /bya ba med pa'i rnal 'byor pas/ /mchod rten dag gi las mi bya/ /glegs bam bklag par mi bya zhing / /gzugs brnyen brtsam pa'i las mi bya/ /lag gi phyag rgya mi bcing zhing / /ngag gi bzlas pa de la sgrib/ /rnal 'byor lus kyi phyag mi bya/ /rnyed dang bkur sti blta ma yin/ /khe phyir ma yin grags phyir min/ /ci phyir phyi rol g.yeng ba dang / /shin tu g.yeng ba yin pa'i phyir/ /de la nye ba ma yin pas/ /lus 'di rnal mas gnas par bya'o/ /rnal 'byor nges pa'i bsam gtan pas/ /rdo rje sngags kyi kha zas ni/ /lus zungs 'dzin pa'i rten tsam du/ /gar ldan 'byor ldan ma gtogs pa/ /</font><hr>102.232a<br><font size=+1>

zas phyir ched du bsgrub mi bya/ /mtshag dang nyam phyir ga la yin/ /ma bcos rnal ma ji bzhin bza'i/ /'tsho ba'i ched du bcos mi bya/ /chags dang ma chags spang blang med/ /blang bar bya ba ma yin zhing / /slongs mos 'tsho bar yong mi bya/ /ci'i phyir de ni mi 'gyur phyir/ /'tsho ba yongs su ma dag pa'o/ /mtshams med pa las mtshams gcod pa/ /'di ni rnal 'byor can gyi las/ /shes bya nang gi chos nyid la/ /rnal 'byor don du 'jug pa na/ /phyi yi 'du 'dzi g.yeng ba yis/ /bar du gcod pa bsal ba'i phyir/ /phyi dang nang gi so mtshams su/ /'gro 'ong 'drul rnams gcad par bya/ /gang la gnas gzhi rten med pas/ /gnas bder lus bcos kha na med/ /zhen pas spyod lam bcos byed pa/ /des ni lus bcos bslad pa yin/ /bsam gtan lus dben bcos mi bya/ /de la de dben ma bcos pa/ /de nyid ye nas dben pa'i gnas/ /'di ni rnal 'byor mchog gi yul/ /ri phug gzhal med bcos mi bya/ /de nyid dpag med ma bcos pa'i/ /'di ni ye nas rmad 'byung gzhal/ /byed pa med par rang 'byung ba'o/ /rdo rje ngag gi spyod yul yang / /dam pa'i ched du snyan smra las/ /gzhan du kha gsag ga zha min/ /brjod pa thams cad nges pa nyid/ /gsong por smra zhing tshig mi 'gyur/ /ji ltar brjod pa de bzhin bya/ /thams cad kun du smra ma yin/ /gang brjod don dang 'brel bar bya/ /skabs dang dgos ched ma gtogs pa/ /rnam par 'chal bar bya ba min/ /kun la dpes mtshon thog tu dbab/ /thams cad tshad pas tshad mar bya/ /ma bcos ngang gi rnal 'byor pa/ /rdo rje ngag gi spyod par bshad/ /rdo rje yid kyi spyod yul ni/ /ma bcos ma g.yos bsam dang bral/ /mi g.yeng ma rmugs gsal zhing gnas/ /'dod la ma chags sgro skur bral/ /blang med dor med chags sdang med/ /'chab spyom med de rnyed 'byor min/ /phyogs bral mu med yongs su dag /go dgos lam nyid drang por song / /dug 'gyur sman bsrel mtshon char ldan/ /rdo rje rdzong la zhen pa dang / /</font><hr>102.232b<br><font size=+1>

yid bzhin nor bu blo gros ldan/ /gang du mi 'gyur gang mi 'gyur/ /dbyings 'dir kun dang gcig pa dang / /gang gi blo la mngon pa'i phyir/ /yongs su mdzes dang bag yod dang / /de nyid dbang las khrel yod dang / /de la nga 'am nga med pas/ /kun la yongs su ldan pa dang / /thams cad bde bas nges pa dang / /gang 'di stong pas cir mi rtog /de nyid zhi bas 'khrug med dang / /gang nas ci yang mi 'byung bas/ /gzhan du tshol ba med pa dang / /zang zing med pa tshul mi 'chos/ /gdung ba med pas 'dod pa med/ /ma chags 'byung bas chog par 'dzin/ /gang la mtshan mar mi 'dzin pas/ /gtsang smre med cing dus gsum med/ /de bzhin gdam pa yod ma yin/ /sems nyid nam mkha'i snying po de/ /glo bur sprin gyis gtibs spungs pas/ /shes rab rlung gis ma gtor bar/ /ga zha mkhan gyi spyod 'dra yis/ /sgrib bsal chos nyid gsal 'dod pas/ /ji ltar chus gsher byas pa dag /nyi ma sprin ltar grib ma yis/ /shin tu bsgribs par gyur pa na/ /byis pa'i rang bzhin mi shes pas/ /sprin chen 'dus pa'i phung po la/ /kha yi dbugs kyis bus byas nas/ /sprin bsal nyi 'od gsal 'dod 'dra'o/ /grogs po dag de dag ni de ltar spyod pa'i rang bzhin du shes par bya'o/ zhes thos pa phyin ci ma log par sangs rgyas kun gyis dgongs pa 'dus pa'i mdo chen po las rnal 'byor rang bzhin gyi le'u zhes bya ste lnga bcu rtsa bdun pa'o// // de nas yang lang ka'i bdag po la sogs pa byang chub sems dpa' sems dpa' chen po rnams kyis gsang ba pa'i bdag po la dri ba yongs su dris pa/ kye gsang ba pa'i bdag po ljon shing bskyed par bya'o zhes dam bca' bar gsungs pa de ji ltar yongs su shes par bgyi/ de gang gi ljon shing lags zhes dris pa las/ gsang ba pa'i bdag pos smras pa/ kye grogs po dag shing ni byang chub kyi ljon shing ste/ bla na med pa'i 'bras bur smin pas gang mtha' dag gi gsos su 'gyur ba'i phyir ljon shing de bskyed par bya'o/ /grogs po dag 'di lta ste/ </font><hr>102.233a<br><font size=+1>

de nyid rdo rje snying po las/ /gang gi zug rngu kun byang der/ /ma lus yongs su rdzogs pa la/ /gang gi dgongs pa nges 'grel ba/ /sbyor ba'i skabs su bshad pa dag /de nyid rnam par 'gro bar bya/ /de la dgongs 'grel sbyor skabs bcu/ /'dun pa skyed dang rtsol ba sbyor/ /bslab par 'jug dang 'du shes 'gyur/ /sbyor nas ro tshor yul la 'jug /rtogs chen rdeng 'gyur las su rung / /rgyun dang bcas pa'i sems skabs bcu/ /snying po de dag rgyun bcas phyir/ /rnal 'byor chen po'i skabs bcu yis/ /rnal 'byor rnam lnga'i khyad par la/ /bcu drug rgyun gyis nges par rdzogs/ /de bzhin ye shes thams cad la/ /rnam pa bcu yi khyad par gyis/ /dang po nas bzung rdzogs par du/ /sbyar ba gang de sgrib pa nub par 'gyur/ /gang zag gis gang mthong der na/ /rig pa byang chub sems re 'byung / /de nyid de nub gang zhe na/ /g.yo dang smon dang ldang ba dang / /sbyor ba 'jug dag mi 'gyur ba/ /rig dang gnas dang rdzogs pa'o/ /gang gi gzugs brnyan gang snang ba/ /dngos med rang snang 'thun pa'i dpe/ /phra mo tha mal chen po yi/ /skar ma zla tshes gnyis pa dang / /gsum dang bzhi dang lnga pa dang / /brgyad dang bcu drug lta bur snang / /'dun pa skye ba'i skabs dag la/ /g.yo ba lhag pa'i sems 'byung te/ /mun pa'i sprin rum lta bu yi/ /gzer 'phro skar ma rab rib snang / /rtsol ba sbyor ba'i skabs dag la/ /smon pa lhag pa'i sems 'byung ste/ /shin du skar ma phal pa dag /gang la rab rib lta bu'o/ /bslab pa 'jug pa'i skabs dag la/ /ldang ba byang chub sems 'byung ste/ /ji ltar me yi gzer chen dang / /skar chen lta bu rab rib snang / /'du shes 'gyur ba'i skabs dag la/ /sbyor ba lhag pa'i sems skye ste/ /ji ltar mgal me 'khor lo dang / /gcig pa'i zla tshes lta bur snang / /sbyor chen 'jug pa'i skabs dag la/ /'jug pa lhag pa'i sems skye ste/ /ji ltar sgron me lta bu dang / /zla tshes gnyis pa lta bur snang / /ro myong ba yi skabs dag la/ /dga' ba lhag pa'i sems 'byung</font><hr>102.233b<br><font size=+1>

ste/ /snod kyi sgron ma lta bu 'am/ /gsum pa lta bur de snang ngo/ /yul la 'jug pa'i skabs dag la/ /mi 'gyur lhag pa'i sems 'byung ste/ /thob dang bstan la nye ba yin/ /bzhi pa lta bu'i rang bzhin snang / /rtog chen dag gi skabs dag la/ /rig pa lhag pa'i sems 'byung ste/ /rtags chen dang po nye bar bsnyen/ /lnga pa lta bu'i rang bzhin snang / /rdeng du gyur pa'i skabs dag la/ /gnas pa lhag pa'i sems 'byung ste/ /shin du brtan pa'i sgron ma dang / /brgyad pa lta bu'i rang bzhin snang / /rtags thob nyid na 'grub ces bya/ /las su rung ba'i skabs dag la/ /rdzogs pa lhag pa'i sems 'byung ste/ /gnyen po med pa'i sgron ma dang / /cha la rdzogs pa lta bur snang / /brtan par nges pas grub pa yin/ /sems nyid ye nas sangs rgyas la/ /rtog pas bsgribs pas de ma shes/ /byang chub sems kyi ljon shing las/ /bla med 'bras bu smyin pa yin/ /des na grogs po dam pa dag /dam pa rnams kyis byang chub sems/ /kun du rgyun dang bcas pa ste/ /rgyun med chad pa dam pa min/ /rgyun nyid kyis na nges smin pa/ /gang du smon pa'i skyed shing de/ /byang chub dam pa ljon pa'i shing / /'bras bu dam pa smin nges pa'o/ /grogs po dag de dag ni ljon shing dam pa bskyed pa'i dgongs pa nges par bgros pa'o/ /sangs rgyas kun gyi dgongs pa 'dus pa'i mdo chen po las de kho na nyid gsang ba'i dam pa ljon shing bskyed pa'i le'u ste lnga bcu rtsa brgyad pa'o// // de nas yang lang ka'i bdag po la sogs pa byang chub sems dpa' sems dpa' chen po de dag gis dri ba yongs su dris pa/ kye gsang ba pa'i bdag po dam pa rnams kyis rjes su 'jug par bya'o zhes dam bca' par dgongs pa de dam pa rnams kyi rjes su ji ltar 'jug par bgyi/ de ji ltar yongs su shes par bgyi/ /de skad ces yongs su dris pa las/ gsang ba pa'i bdag pos smras pa/ kye grogs po dag de ni 'di ltar dman pa rnams kyi rjes ni gang nges par shes</font><hr>102.234a<br><font size=+1>

pa'i lam dam pa la bya'o/ /grogs po dag lam dam pa gang zhe na/ de ltar de kho bos mthong thos pa'i skabs gcig na bshes gnyen dam pa nyid kyis nges par gsungs pa ngo bo nyid kyi sku gnyen po med pas rnam par rtog pa thams cad dang ldan te/ rtag pa nyid dang chad pa nyid dang / skye ba dang /  'gag pa nyid dang / dmigs pa dang / 'dod chags pa nyid dang / zhe sdang ba nyid dang / gti mug pa nyid dang / nga rgyal ba nyid dang / phrag dog pa nyid dang / 'dod pa lnga dang / srog gcod pa dang / ma byin par len pa dang / 'dod pas log par g.yem pa dang / brdzun dang / phra ma dang / ngag rtsub mo dang / tshig 'khyal pa dang / brnab sems dang / gnod sems dang /  log par lta ba nyid do/ /mtshams med pa lnga dang / de dang nye ba lnga dang / lci ba bzhi dang / log pa brgyad dang / sme sha dang / bshang ba dang / gci ba dang / khrag dang /  khu ba la sogs pa dag la nges par spyod pa ni dam pa rnams kyi lam dam pa yin par shes par bya'o zhes nges pa dam par gsungs pa las/ /kho bos de la 'di skad du/ e ma'o ngo mchar rmad kyi chos/ /rdzogs pa'i sangs rgyas smra rnams kyi/ /yang dag tshad ma'i gsung dag las/ /phyin ci log kun 'byung ci lags/ /de skad zhu ba 'dun pa las/ /bshes gnyen dam pas bka' stsal pa/ /phyin cig log pa zhen pa rnams/ /thabs mchog dpag gis mi lang bas/ /nges pa'i don la gzud pa'i phyir/ /khrid pa'i thabs su bstan pa yin/ /log zhen gang la nges brtan yang / /'jug par mi 'gyur spong 'gyur rnams/ /log spyod thabs kyis de drangs na/ /the tshom med par 'byung bar 'gyur/ /slu ba'i thabs kyis gzud pa'i phyir/ /so so mos pa sna tshogs kyis/ /lta spyod rnams dang 'thun 'jug tu/ /sbyar nas bsten 'brid thams su gsungs/ /dper na log spyod byis pa rnams/ /pha mas sdigs brid thabs kyis ni/ /bya ba'i las la gzud pa ltar/ /brtse bas don la 'dren pa'o/ /de yang ji ltar la la zhig /chu bo pha mthar 'gro 'dod pa/ /</font><hr>102.234b<br><font size=+1>

gru ba dag la brten pas 'gro/ /mthar son pa na 'bor ba bzhin/ /thabs sam theg pa'i bye brag rnams/ /brten pas drang ba'i thabs yin yang / /don gyi nges pa rnyed ma thag /chu bo rgal ba'i gru bzhin 'dor/ /des na de bzhin nyid shes na/ /thams cad thams cad gang yang rung / /dam pa'i lam du nges pas na/ /lam gyi nang na nye lam yin/ /de skad ces gsungs nas cang mi gsung bar bzhugs so/ /kye grogs po dag de bas na dam pa rnams kyi rjes lam dam pa 'dir zhugs na thas cad nas thams cad du rnam pa thams cad kyi thams cad du shes pa dang / gsal ba dang / ma 'dres pa dang / yongs su rdzogs par 'gyur te/ 'khor ba yongs su shes par 'dod pas kyang lam 'di shes par bya'o/ /mya ngan las 'das pa yongs su shes par 'dod pas kyang lam 'di shes par bya'o/ /gzhan yang cho 'phrul chen po nyi shu thob par 'dod pas kyang lam dam pa 'di yongs su shes par bya'o/ /rtog pa'i ri bo brgyad cu gzhil bar 'dod pas kyang lam dam pa 'di yongs su shes par bya'o/ /ltung ba'i sgo dgu chad par 'dod pas kyang lam dam pa 'di yongs su shes par bya'o/ /de la sogs pa mtha' yas pa'i/ /thams cad thams cad yongs rdzogs pa'i/ /shes par 'dod pa gang dag gis/ /dam pa'i lam 'di shes par bya/ /sems nyid dam pa'i lam nyid de/ /mkha' la bya lam rjes med bzhin/ /nyam nga log med dam pa'i lam/ /'di ltar nges pa'i lam 'di yang / /kun gyis shes par bya ba'i phyir/ /tshig gi lam gyis nyer mtshon te/ /brjod med tshig gi yul bral ba/ /de yi rang bzhin de nyid na/ /rang bzhin ma bcos de bzhin nyid/ /de la ming med ming btags rgyus/ /mthong dang ma mthong tha dad 'gyur/ /de las spyod pa'i gzhir gyur te/ /brjod pas de nyid mthong bya'i phyir/ /tshig gi lam ni rnam grangs las/ /tshig lam sgo mo dpag med 'gyur/ /de las dam pa'i rjes bcad pa/ /gang gi thugs las byung ba'i lung / /sgron mas nye bar gter btsal ba/ /nye lam byang chub dam pa ni/ /</font><hr>102.235a<br><font size=+1>

gang byung rjes su de 'brangs na/ /'khor ba'i 'khor lor 'khor bar 'gyur/ /gang 'byung g.yo ba gang bkag pa/ /rgyun gyi 'gog pa nyid du 'gyur/ /gang 'byung med pa'i blun po pa/ /mur 'dzin mun pa'i lam du 'gyur/ /'di zhes gcig tu gang bzung ba/ /mtshan ma rtog pa'i ri bo yin/ /snga phyi med ces mu bcad na/ /de med chad pa'i mu can yin/ /ma bcos nyid la yud tsam zhig /cir g.yos skye 'gag 'byung ba ste/ /de las gang 'byung gang 'phel ba/ /rnam grangs lam de 'phel 'gyur gyi/ /dam pa'i lam nyid rnyed ma yin/ /dper na 'gro gang byis pa dag /grib ma spangs nas rnam dag tshol/ /gang las byung ba de nyid kyis/ /btsal yang 'grib 'phel dag mi rnyed/ /de nyid ye nas de bzhin du/ /gang 'dir sdug bsngal sna tshogs kyis/ /sha thang bar ni lam tshol ba/ /don med bdud kyi las yin no/ /de la tshig tu gang brjod pa/ /nam mkha' dag la rtsod pa 'dra/ /tshig tu sman dang dpyad bshad kyang / /nad pa'i tshogs la mi sman no/ /de nyid de bzhin ma gyur na/ /tshig lam de brjod de ma yin/ /gang 'dir gang spangs gang tshol ba/ /gzugs spangs nas ni grib tshol 'dra/ /sems nyid dam pa'i lam nyid pas/ /ma rig ye shes tha dad min/ /mi rtog pa ni lam 'dir gcig / sems nyid sna tshogs bar snang bas/ /sna tshogs lam 'dir gcig pa yin/ /dper na gser gyi rgyu gcig las/ /dbyibs dang gzugs ni tha dad par/ /byas pas de dag ming re grags/ /gang grags gser gyi ngo bor gcig /de ltar sems kyi rang bzhin la/ /mthong dang ma mthong khyad par gyis/ /gang ltar bltas dgu de ltar snang / /snang yang de las gzhan mi dmigs/ /sgron ma 'bar ba'i rin chen ni/ /ji ltar ngan khung sbas gyur yang / /de yi rang bzhin rang snang bas/ /'od ni mkha' la gsal par 'gyur/ /de bzhin sems nyid rin chen sgron/ /lus ngan 'dam du bying gyur yang / /rang byung rang zhi rang snang bas/ /ma bcos rang bzhin yongs kyis gsal/ /sems 'di nam mkha' ji bzhin te/ /kun khyab stong gsal sna tshogs 'byung / /byung tshor g.yo 'gog thams cad kyang / /rang</font><hr>102.235b<br><font size=+1>

bzhin gyis 'byung ngang gis zhi/ /mdor na ji ltar brtags bsams bzhin/ /'gyur bas thams cad ngo bo snang / /ma bcos g.yo ba med nyid las/ /sna tshogs rgyu 'byung mi skyon zhing / /cho 'phrul mi 'gag nyam nga med/ /ji bzhin nam mkha'i rang bzhin la/ /blo bzhag ma yengs kho nar zad/ /de ni tshegs med don po che/ /de nyid dus gsum thams cad kyi/ /sangs rgyas 'byung ba'i ngo bo yin/ /de yi don la ji snyed gnas/ /mthong bas de nyid der goms na/ /lam rnyed lam mthong nyam drod ni/ /don gyis nges par 'byung ba yang / /gang ma yin la zin 'byung ba/ /byang chub dam pa 'byung bar 'gyur/ /mtshan ma rtog pa'i chos rnams la/ /nges pa'i blo gros 'byang ba yin/ /chos kun 'di ltar yin pa la/ /de ltar ma mthong ngo mtshar che/ /de mthong de yang ngo mtshar che/ /e ma'o ci ga snyam du 'byung / /de nyid ma mthong gang su dag /rtsol grub dka' ba'i tshegs chen gyis/ /dam pa'i lam tshol lam re ring / /de yi don 'byung de yod kyang / /lam de rnyed par yong mi 'gyur/ /dam pa rnams kyi lam rnyed pa/ /dam pa nyid las dam pa yin/ /de ni rten brnyan mtshungs ma yin/ /zhi lus mthar 'gog gnyis mtshungs min/ /slob pa'i sa dang de mi mtshungs/ /rnal 'byor sems dpa' rtog mtha' dang / /gang mtshungs de 'dra de mi mtshungs/ /des na rnam dag lam chen ni/ /sems kyi gsang 'di yin pas na/ /dgongs pa kun las 'dus pa yi/ /gsang ba'i lam 'di shes byas pas/ /btsal ba'i bya ba rgyu med de/ /lam 'di mthong ba de nyid kyis/ /dga' ba rtsol ba gang med par/ thams cad thams cad grub pa yin/ /sems kyi gsang ba gar gnas pa/ /de ni dben pa dam pa ste/ /dgon pa chen po mchog nyid du/ /dgongs pa kun nas 'dus pa gsungs/ /de nyid dpag med gzhal yas mchog /rmad 'byung nor bu yid bzhin khang / /ma byas rang byung phyir nang med/ /kun du nang du gyur pa yin/ /gang 'dir gang 'dus tshogs ma yin/ /de la de nyid tshogs 'dus mchog / /chos kun bsdus pas</font><hr>102.236a<br><font size=+1>

'byung ba med/ /dpag med rgyal ba dgyes pa'i mchog /gang 'dir 'dod spyod yo byad yin/ /de nyid yo byad chen po ste/ /lhag pa'i yo byad 'di shes na/ /yo byad kun gyi rtsa ba yin/ /sgom par byed pa bsgom pa min/ /bsam bya dmigs su med pa ste/ /dam pa'i gsang lam 'di shes na/ /bsgom lam dam pa 'di nyid do/ /bsrung zhes bsrung bar bya mi dmigs/ /stong nyid med 'byung gsang lam 'di/ /dbus mthar che bas tshig shes na/ /bsrung ba'i gsang ba dam pa'o/ /tshig lam mnyam brjod mnyam mi dmigs/ /gsang 'di thams cad gcig pa la/ /mnyam zhes lhag par ga la yod/ /dgongs pa kun nas 'dus dang mnyam/ /gang gzhan brtul zhugs spyod pa yin/ /de la de gzhol rol spyod pas/ /thams cad 'dir brtul 'dir zhugs pas/ /brtul zhugs mchog tu kun 'dus gsungs/ /lam 'di dngos nyid sems kyi gsang / /ye grub zin pas gsol thob med/ /dngos grub rgyun mi 'chad pa zhes/ /dgongs pa dam pa kun 'dus gsungs/ /de ltar sems kyi gsang mthong na/ /sngon ma mthong ba'i lam thos pas/ /mthong ba ci yang med pa nyid/ /gang la snang ba lam mthong yin/ /grogs po dag de dag ni dam pa rnams kyi rjes lam dam pa zhes bya ba 'di skad thos pa yongs su bgros pa'o/ /sangs rgyas kun gyi dgongs pa 'dus pa'i mdo chen po las rnal 'byor rjes 'jug gi le'u ste lnga bcu dgu pa'o// //    de nas yang lang ka'i mnga' bdag la sogs pa grogs kyi sems dpa' rnams kyis gsang ba pa'i bdag po la yongs su dri ba dris pa/ kye gsang ba pa'i bdag po 'dir rin po che 'bar ba'i sgron ma bsrel bar bya'o zhes dam bca' bar dgongs pa ji ltar yongs su shes par bgyi/ de skad ces dri ba yongs su dris pa las/  gsang ba pa'i bdag pos smras pa/ kye grogs po dag rin po che 'bar ba ni 'od kyi 'byung gnas lags te/ 'thor rlung tshogs kyis kyang mi sod bas mun pa sel bar byed pa kho na bas</font><hr>102.236b<br><font size=+1>

sgron me zhes bya'o/ /de ni 'di ltar mi shes pa sel ba'i shes pa nyid yin te/ nyi ma'i snying po 'am rin po che'i sgron ma la mun pa'i gzhi med pa bzhin gang shes pa'i rang bzhin la mi shes pa'i gzhi med do/ /de yang 'di ltar sgron ma dam pa nub par gyur pa na kun gyi de nyid gcig kho na la khyad par gyi rnam pa 'byung bar 'gyur ba ni 'di lta ste/ mun pa'i shes pa dang / ya mtshan can gyi shes pa dang / byis pa rnams kyi shes pa dang / phyogs su rigs pa'i shes pa dang / mtha' dbus 'byed pa'i shes pa dang / dam pa nyid kyi shes pa'o/ /kye grogs po dag gang mun pa'i shes pa ni gang 'di las log par shes pa'o/ /log sred can gyi shes pa ni tha dad smra zhing gnyis su 'dod pa'o/ /byis pa rnams ni 'di lta ste/ gang med par smra zhing thams cad yod par 'dod pa'o/ /de yang 'di ltar rdul nas dpag tshad skad cig ma/ /bskal ba skar ma nyi zla dang / /ri bo khor yug lus can lus/ /sems dang tshe la longs spyod tshad/ /dus gnas 'jig nub mtshan nyid las/ /tha dad bye brag thams cad du/ /bshig nas med smra yod ces 'dod/ /mos pa chung bas de las min/ /gang 'dir rnal 'byor phyogs rig pa/ /'di kun gang 'dir kho na bas/ /dngos med rnam shes nyid du snang / /de nyid ma bcos de bzhin nyid/ /yod pas chos sku rtag par 'dod/ /nges par 'byed pa'i rnal 'byor pa/ /gang dag sgyu ma'i mtshan nyid du/ /snang bas kun rdzob bya ba byed/ /nges par dbye ba med pa'o/ /la la de ltar de nges te/ /de las ma gtogs de 'ong min/ /de nyid des ni dngos med phyir/ /dam pa nyid du med pa'o/ /la la gang ma zin pa'i phyir/ /de snang ba ni gang na 'ang rung / /phra rab sa ni rnam kun mkhyen/ /slu 'drid pa ltar yod ma yin/ /dam pa nyid kyi dam pa gang / /chos nyid ye nas sangs rgyas la/ /de min lta ba bzlog pa'i phyir/ /ye nas sangs rgyas zhes brjod pa/ /tha snyad tsam du brjod par zad/ /ye nas brjod pa tshig gi lam/ /tha snyad gnyis dang bral ba la/ /sgro skur tshig gi snyad mi gdags/ /brjod pa'i tha snyad tshig lam 'das/ /nam mkha'</font><hr>102.237a<br><font size=+1>

'di ni yod med ces/ /blun po rnams ni rtsod par 'gyur/ /mkhas pa rnams ni de lta min/ /gang de rtsod la ngo mtshar che/ /de bzhin nyid 'di yod med ces/ /byis pa rnams ni rtsod par 'gyur/ /skyes bu gang dag de lta min/ /rtsod pa shes rab 'chal bar zad/ /'di ltar snang ba'i chos thams cad/ /ye 'am ngang gis sangs rgyas la/ /min las yin par 'gyur ma yin/ /ngo bo nyid kyi de nyid la/ /yin dang min zhes ci byar yod/ /nam mkha' 'di ni med do zhes/ /mi shes gang gis rtog par byed/ /gang shes ye nas yong mi rtog /min par mi rtog tshig mi brjod/ /rgyu dang las dang rnam grangs la/ /mtshan nyid nges pa ngo bo dang / /'bras bu dgos ched re re 'byung / /'di ltar 'dir ni gang gi rgyu/ /rang 'byung de nyid rtog dpyod bcas/ /gang dag gang la skye mched pa/ /gnyis po 'di dag nyid kyi rgyu/ /gang las gang min ji snyed pa/ /khyad par bye brag tha dad pa/ /nges 'byed 'jug 'brel sbyor bcas pa/ /de 'dzin phyin ci ma log pa/ /mngon 'byin don 'dod 'brel pa'o/ /rnam grangs rnam gnyis don bzhin no/ /kun la nges par byed pa yin/ /de nyid ma 'dres yongs rdzogs pa/ /dngos med mi rtog yongs su rdzogs/ /so so tha dad bsam mi khyab/ /ma 'dres de ltar ji bzhin byed/ /gang 'dir phyin ci ma log par/ /yongs su chub pa phul nyid do/ /kun nas ma rmongs thams cad gsal/ /gang la ma 'gags thogs pa med/ /kun 'jug gang ma rig pa gcod/ /skye mched kun du gyur pa nyid/ /gang mched gang gi rlung zhugs pa/ /mkhas pa'i ye shes tshad med pa'o/ /gang la log pa de nyid dag /de nyid phul du phyin pa'i phyir/ /dmigs bu gsal ba'i sgron ma yis/ /de nyid de la blta bar bya/ /sgron ma'i snang ba mi shes pa/ /mthong bya kun la mun pas bsgribs/ /nams kyang snang bar mi 'gyur te/ /long ba'i grong khyer chen por 'gro/ /sgron ma 'bar ba gang srel ba/ /kun la mun pas sangs gsal ba'i/ /ma nor ma bcos de bzhin nyid/ /sgron ma dmigs bus mthong bar 'gyur/ /de ltar dam pa'i grogs po dag /</font><hr>102.237b<br><font size=+1>

rin chen sgron ma 'bar ba'i me/ /mun snang dmigs bur ma bsrel bar/ /de nyid gser mthong ga la rigs/ /grogs po dag de dag ni sgron ma dam pa bsrel bar bya'o zhes dgongs pa dam pa lags pa bgros pa shes par bya'o/ /sangs rgyas kun gyi dgongs pa 'dus pa'i mdo chen po las rnal 'byor mig gi sgron ma bstan pa'i le'u ste drug bcu pa'o// // de nas yang lang ka'i mnga' bdag la sogs pa dman pa dam pa'i sems dpa' chen po rnams kyis dri ba yongs su dris pa/ kye gsang ba pa'i bdag po khyad par du bla mar 'gro bar bya'o zhes dam bca' bar dgongs pa de ji ltar yongs su shes par bgyi/ de skad ces gsol pa las/  gsang ba pa'i bdag pos smras pa/ kye grogs po dag khyad par du 'gro bar bya ba de ni legs so/ /shin tu rab tu legs so/ /sa de ni 'di ltar sa mkhan dam pa rnams kyi rnal 'byor gyis yongs su snang ba zhes bya ba'i sgron ma legs par bkod pa ni 'di lta ste/ sa dang sa'i khyad par ni/ /gang 'dir yongs kyis med pa la/ /shes bya gcod pa'i khyad par gyis/ /rang rig mtho dman rim par zad/ /dper na rgyal po'i dkor mdzod nas/ /che chung thabs 'dod gang su dag /dka' thub phyi nang khyad par gyis/ /spyod sgo 'jug pa'i las thabs las/ /mtho dman rtsal gyis gang len pa/ /rgyal po gcig la spyod na yang / /rin chen sna 'ga' khyad par dag /thabs chen sgo dgu so sor spyod/ /rgyal por gyur na de nor kun/ /dbang skur byed pa'i bdag po yin/ /mi gnas ma bcos de bzhin nyid/ /shes bya de las med pa la/ /gang 'di rtsal gyi khyad par gyis/ /so so'i 'jug sgo kun nas spyod/ /de yi de nyid de gcig la/ /rtsal 'phang mtho dman khyad par gyis/ /sa yi go 'phang khyad par du/ /rig pa de ltar snang ba yin/ /gang 'dir thams cad gcig pa la/ /de mthong mi mthun de dbang gis/ /dper na 'byung gnas sgo mangs bzhin/ /sa dang rnam thar so so'i sgo/ /gcig la</font><hr>102.238a<br><font size=+1>

sna tshogs de ltar snang / /sa dang rnam thar gang dag la/ /'jug pa la sogs sa sbyangs kyang / /kun gyi rtsa ba 'dir bcad pas/ /gcig ste tha dad yongs kyis med/ /de ni ri dang lhun po dang / /kun du rgyu dang gzhon nu ltar/ /mthong thos ston pa'i khyad par ni/ /don gyis de ltar yod pa yin/ /des na chos rnams thams cad kyi/ /gnas pa'i sa nyid sems yin pas/ /nam mkha' lta bu'i dpe mtshon te/ /kun gyi sa 'dir shes par bya/ /'di ltar gang shes rnal 'byor pa/ /lam gyi thabs la mkhas pa yi/ /lam stor lam btsal lam rnyed pas/ /nye lam bder rnyed grub pa'o/ /gang rnyed de rnyed der gnas pas/ /rnal 'byor spyod pa'i sa pa ste/ /sa kun gcig tu yongs rdzogs la/ /rig pa mchog 'bring tha ma'i phyir/ /gcig pa 'ang khyad par bcur snang ba/ /gang gi ched du bgrang bar bya/ /'di dag gnas 'dzin spyod pa'i sa/ /rnam pa bcu phrag gcig gis rdzogs/ /'gyur dbang ma nges sa 'di la/ /bcos ma 'phra men spyod pa dang / /tshul rtags 'dzin dang mos pa dang / /legs par 'dun pa'i rnal 'byor lnga/ /'jug ldog ltung dang bcas pa yi/ /kun du 'khor zhing ma nges pa'o/ /'dun pa sems pa'i rnal 'byor pa/ /gnas shing spyod pa'i sa zhes bya/ /brten pas gzhi yi sa 'di la/ /dang po las can rnal 'byor pa/ /bslab pa sbyor dang nges pa la/ /dag dang ma dag gis spyod pa'o/ /bka' sdod las kyi rnal 'byor pa/ /gnas shing spyod pa'i sa zhes bya/ /gal chen sbyong ba'i sa 'di la/ /rigs chen 'byed pa'i rnal 'byor nyid/ /gnas shing sbyor ba'i sa yin te/ /yang mi nga'i sa rnams kun/ /gcod spyod sbyor ba'i tshul nyid kyis/ /legs nyes stobs chen 'gyed pa'o/ /bslab pa rgyun gyi sa 'di la/ /g.yo dang thob dang brtan pa'i drod/ /de bzhin rtags chen g.yo ba dang / /thob pa nyid dang brtan pa yi/ /rnal 'byor rnam pa drug po dag /bslab pa'i mtha' bcu mthar phyin cing / /ji ltar zla ba yar gsal bzhin/ /bslab pa'i ye shes 'phel 'gyur te/ /</font><hr>102.238b<br><font size=+1>

don la mi skrag ngo mtshar skye/ /spyod sems 'jug pa'i sems dpa' des/ /ngan 'gror mi ldog dgon par 'jug /bar chad dag kyang de la 'byung / /gsang sgo lung gi rnal 'byor dang / /spyod pa rgyun gyi rnal 'byor dang / /mtshan ma rtags kyi rnal 'byor gsum/ /gnas shing sbyong ba'i sa zhes bya/ /gsod nams gter gyi sa 'di la/ /spyod pa rgyun gyi rnal 'byor nyid/ /mos pa dag cing 'dun pa'i gnas/ /rtsal chen blo yi bsti gnas sa/ /bslab pa'i mtha' bcu sbyor chib pa'o/ /brten pas khyad par 'gro 'di la/ /dbugs chen 'byin pa'i rnal 'byor pa/ /rigs chen 'dzin dang mnyam rdzogs che/ /nges par spyod dang rtsal chen sbyor/ /yul la 'jug dang rig pa sbyor/ /bdun nyid rdzogs par 'gro ba ste/ /bslab pa'i rgyu 'bras mtha' bcu la/ /goms par byed pa'i tshul du sbyor/ /ngal bso ba las thams cad mthong / /mi ldog sa la goms byar med/ /'di dag sbyor ba'i gzhi gcig kyang / /so so thun mong ma yin pa'i/ /sgrib la sa zhes rtsi byed cing / /ye shes re re 'char ba'o/ /des na bslab pa'i mtha' gcig la/ /mi ldog la sogs rdzogs chen rnams/ /gang der bden pa re re la/ /rtsal 'byung re re 'char ba ste/ /tha ma rang 'byung nyid kyis rdzogs/ /mthar phyin pa dang thob pa dang / /mi ldag rnams la rim pa bzhin/ /rmyi lam dang ni sgra brnyan dang / /mngon sum nges pa ci rigs par/ /rnal 'byor rdo rje lung ston pa/ /rdo rje rdo rje rnal 'byor pa/ /zhes byar nyid dang sa khams dang / /zhing khams kun du bsgrags byas nas/ /rnal 'byor dam par 'byin pa'o/ /dmigs pa'i 'bras bu skye 'di la/ /grub pa'i rnal 'byor rnal 'byor che/ /nges par 'byung ba'i rnal 'byor gsum/ /rgyal ba'i thugs lam rgyal skyes shing / /rgyal ba'i sras po gdung 'tshob pa/ /khyad par rtsal 'phang kun rdzogs shing / /gang la ting 'dzin sbyor ba'o/ /gnas pas mi 'gyur sa 'di la/ /rmad 'byung rol pa'i rnal 'byor dang / /tshogs chen 'dus dang rtsal chen rdzogs/ /gsum du rdzogs par shes bya ste/ /phyag rgya chen po rgyu ma yin/ /'khor los sgyur ba'i rgyal chen po/ /mthong ba'i gnas</font><hr>102.239a<br><font size=+1>

nas bcu drug sa/ /rdzogs pa'i gnas na longs spyod pa'o/ /bdal ba chos nyid sa 'di la/ /rol pa rgyan gyis rnal 'byor dang / /bde ba chen dang thig ler rdzogs/ /gsum nyid du ni snang ba la/ /yul don ye shes des sbyar na/ /shes par byas pas thams cad rdzogs/ /sgyu ma'i sgyu ma yid spyod pa'o/ /rdzogs pa spyir 'chib sa 'di la/ /bcu pa tha ma dang po las/ /mthar rdzogs kun gyi rtog yin te/ /glong yangs nam mkha'i snying po la/ /sprin med nyi ma 'bum gyis bdal/ /ci snang ci yang ma yin pa/ /mi skye mi 'gag ngo bo la/ /ji ltar bltas dgu der snang ba/ /bdal khyab mi rgya rlabs kyis bcad/ /de yang dam pa'i khyad par gyis/ /bdag nyid chen po'i rnal 'byor dang / /lhun gyis grub dang klong yangs chub/ /gsum rdzogs rang 'byung bdal ba'o/ /'di dag rnal 'byor spyod pa'i sa/ /khyad par gang la khyad par snang / /gang khyad med la de khyad med/ /btsal 'phang mtho dman rnal 'byor pas/ /mtho dman go 'phang sa bgrod bya/ /gang 'dir dri ba'i mchog snang ba/ /dam par gyur ba'i lang ka'i bdag /gang 'dir rnal 'byor kun sbyor ba/ /nges pa'i sa bcu rtsa ba 'dir/ /gang gi rtsa ba yan lag las/ /bcu gnyis bdun gnyis rdzogs pa'o/ /des na sa'i khyad par las/ /rgya che ba dang grangs mang yang / /rnal 'byor sa 'dir sbyar bar bya'o/ /sa dang sa yi 'byung gnas pa/ /kun gzhi kun gyi sa chen te/ /gang gi sa chen 'di non na/ /sa rnams skad cig tsam bgrod pa'o/ /grogs po dag de dag ni khyad par bla mar 'gro bar bya'o/ zhes dam bca' bar dgongs pa yongs su bgros par shes par bya'o/ /sangs rgyas kun gyi dgongs pa 'dus pa'i mdo chen po las rnal 'byor sa'i sgron ma bstan pa'i le'u ste drug bcu gcig pa'o// // de nas yang lang ka'i bdag po la sogs pa dman pa dam pa rnams kyis gsang ba pa'i bdag po la dris pa/ kye gsang ba ba'i bdag po yul la 'jug par bya'o zhes dam bca' bar dgongs pa ji ltar yongs su shes par bgyi/ de skad ces yongs su dris pa las/  gsang ba pa'i bdag pos yongs su smras pa/ kye grogs po dag yul ni 'di ltar gang gi zhing yongs su</font><hr>102.239b<br><font size=+1>

sbyong bar 'dod pa rnams kyis gang du dgongs pa'i yul de kho na nyid dang / gang la 'byung ba'i yul mtha' yas pa'i 'khor ba rnams la 'jug par bya'o/ /de ni dper na btso blag mkhan dag gis/ /ras sbyangs gang du bya ba 'jen pa ltar/ /gang 'dir las kyi dang po las/ /gang de sbyar ba rab tu gces/ /de skad ces smras pas/ byang chub sems dpa' sems dpa' chen po lang ka'i bdag po des 'di skad ces smras so/ /gsang ba pa'i bdag po gang thams cad nas thams cad du ye nas sangs rgyas pas na da gdod sangs rgyas par byar med phan cad dgongs pa'i yul la sbyor ba dang / snying rje'i yul du gyur pa gang yang med lags na/ 'dir snying rje'i yul du gyur pa gang lags/ su zhig snying rje'i yul du gyur de skad ces smras pa dang / gsang ba pa'i bdag pos smras pa/ kye lang ka'i bdag po de de ltar kun kyang ye sangs rgyas phan chad de kho na nyid pas snying rje'i yul dang dgongs pa'i yul gang yang med na yang gang ji ltar yang chos nyid las mi 'da' ba'i tshul gyis gang dang yang 'gal zhing 'gal bar myi bya'o nang gi don nyid byed pa ni dam tshig chen po yin la/ ye nas sangs rgyas pas don byar med pa ni snying rje chen po yin no/ /dgongs pa dam pa la 'jug mi dgos par shes pa ni dgongs pa dam pa'i yul de kho na nyid la zhugs pa nyid du rig par bya'o/ /lang ka'i bdag po 'di lta ste/ dgongs pa dam par gang bzhugs pa/ /zab pa bas kyang ches zab pas/ /de nyid gting nas thag gcad phyir/ /gsang ba'i yul bzhi skye bo dang / /lhan cig ci la 'ang mi brnal lo/ /de yang yongs su rdzogs pa gang / /bya bas bya ba med na yang / /de yi rang bzhin phan gzhan pa/ /yin pas gang 'dir phan par bya/ /gang gi don dang 'gal 'gyur pa/ /de las gyur pa'i yo byad dag /ru sbal mgo la 'ongs pa ltar/ /mu mtha' med pas bshug par bya/ /ci phyir kun du rnal 'byor pas/ /rnal 'byor dam pa nyid las min/ /gal te gang gi dbang gis na/ /dam pa'i don dang 'gal 'gyur te/ /de dang mi mthun nyen chen 'byung / /</font><hr>102.240a<br><font size=+1>

gal te de la de 'byung na/ /mgon btsun de la de las med/ /de gang ma zin 'ban thag chad/ /gang gi don du gang 'gyur na/ /phra mo'i phra mo phra yan chad/ /thams cad thams cad ji ltar bar/ /nan tan gyis ni dga' nas bya/ /slongs mo pa dang slong la dga'/ /slong la 'tsho ba'i tshe spyod rnams/ /sde dang tshan dang grar byas te/ /snying rje khud pa'i zhing du bya/ /sman dang 'bru dang rtsi rnams dang / /bcud kyi mchog tu gyur pa dag /btags sam phye mar byas nas kyang / /klung ngam chu gang mtsho chen du/ /dor te chags med sbyin par bya/ /gang gi rten du khas blangs te/ /nad gso gang slob spyod sgom gra/  btsugs te bsti gnas mchog bya zhing / /dus kyi 'khor lo'i mchod sbyin bya/ /gang la dam pa'i lung byung ba/ /gsung gi mchod rten kun rten te/ /brjod dang bsnyen bkur bsti gnas kyis/ /rgya che yangs pa'i lam rnams bya/ /gang gi dam pa 'phel 'gyur ba/ /'di ltar nges pa'i dam pa dag /smra 'am sbyin nam bstan nam khrid/ /de yi ye shes tshad med 'gyur/ /goms dang goms par byed pa yis/ /gang de dag par bya ba'i phyir/ /bsam yul bya ba mang po la/ /de nyid yul gyi rtsal rnams sbyang / /dam pa'i 'khor lo rab bskor te/ /rgyud sbyang lhag pa'i shes rab blta/ /sho gams srang dang sho gams lam/ /mi bde'i gnod pa kun bsal te/ /tshad med snying rje'i 'khor lo bskor/ /sbyin pa'i 'khor lo rgyun mi gcad/ /chu 'am sa 'am nam mkha' 'am/ /me 'am de bzhin rlung rnams la/ /sku gdung spel mchod ring bsrel rnams/ /brtsam pa'i las chen 'khor lor bya/ /mtshams med zlog par byed pa yi/ /lus sems rgyud la rdul rlags te/ /'phags pa'i sprin tshogs pho brang du/ /rdul snyed lus kyis mchod sems bshags/ /rgyal mnyes las kyi shing bsregs pa/ /thabs chen sbyor ba'i lam chen las/ /rnam bzhi me yi las mchog bya/ /des ni mtshams med bzlog pa</font><hr>102.240b<br><font size=+1>

yin/ /snying rje 'byung ba'i dkyil 'khor dag /gang ltar goms ltar nan tan bya/ /de la sogs pa'i rtsa ba dag /don du mi 'gyur kun spangs te/ /nan tan tshogs kyis dpung chen bskyed/ /'di ltar las kyi ltang sogs pa/ /gzhan du spyod pa ma yin te/ /rtse gcig don ldan rnal 'byor pa/ /rgyud sbyong don ldan bya phyir dang / /gal te rtsal zhan ma ldan na/ /dge bsags stang chen kun bsdongs te/ /gang 'dir bsags pa'i don bgrangs shing / /gdung ba'i shugs phyung rtsal sprugs na/ /nyi shar chu klung zla brnyan ltar/ /rang bzhin shugs kyis 'byung bar gces/ /de phyir chung ngu yan chad kyang / /dam pa'i don du 'gyur bar bya/ /gang 'dir zin dang ma zin pa'i/ /dngos po brtan g.yo la sogs kun/ /de bzhin nyid du blo bzhag na/ /snying rje chen po de nyid do/ /lang ka'i bdag po de ltar na/ /yul gang med pa'i tshul gyis ni/ /'jug pa med las gang 'jug pa/ /yul la 'jug pa dam pa'o/ /de skad ces smras pas/ lang ka'i bdag po la sogs pa dman pa'i lus kyi sems dpa' rnams gang gi rgyun tu yul la 'jug pa'i nges pa dam pa rnyed par gyur to/ /sangs rgyas kun gyi dgongs pa 'dus pa'i mdo chen po las yul dam pa la 'jug pa'i le'u ste/ drug bcu gnyis pa'o// // de nas yang lang ka'i bdag po la sogs pa dman pa'i sems pa de dag gis gsang ba pa'i bdag po la mtshon pa'i dri ba yongs su dris pa/ kye gsang ba pa'i bdag po me long brtag par bya'o zhes dam bca' bar dgongs pa de ji ltar yongs su brtag par bgyi/ de skad ces dris pa las/ gsang ba pa'i bdag pos smras pa/ kye grogs po dag gang la gang gis mtshon pas shes par 'gyur ba'i me long ni 'di ltar/ snang dang brtags dang 'byung ba dang / /mi chags 'byung snang dag pa dang / /gnas 'byung 'thun pa rnam pa bcu/ /sgyu ma smyig rgyu chu zla dang / /rmyi lam sgra brnyan mig yor dang / /mgal me dri za'i grong khyer dang / /sprul pa gzugs brnyan me long bcu/ /'thun pa'i dmigs</font><hr>102.241a<br><font size=+1>

bcu mtshon par gzhag /dngos po med kyang dngos por snang / /dngos por snang du btub pa'i dpe/ /ji ltar sgyu ma'i rang bzhin ni/ /skyes bu gang gi rtsol ba dang / /sman dang sngags kyi sbyor ba las/ /dbang po yid 'phrog cir yang snang / /de la 'gro'o dngos po med/ /'di ltar gsang ba'i rang bzhin yang / /med rgyu 'byung ba'i sbyor ba las/ /ji ltar snang 'byung rang bzhin med/ /gang 'dir smyig rgyu'i rang bzhin ni/ /'jigs 'byung g.yo ba'i dus dag la/ /de dang de yi rang bzhin las/ /byis pa gdungs pa'i 'du shes kyis/ /chu yi 'du shes nyer gzhag kyang / /tshim pa'i rgyu der ga la 'gyur/ /de bzhin de yi khyad par yang / /kun nas rang bzhin stong pa la/ /tha snyad mtshan ma ming du btags/ /de nyid stong pas de mi dmigs/ /gang 'dir chu yi zla ba ni/ /sgrib med mkha' la zla shar ba/ /gzugs brnyan dang ba'i chu na snang / /de la brtags pa'i dngos po med/ /de bzhin gang yang bkod med par/ /de nyid mkha' las gang gsal ba/ /gang 'dir snang ba de nyid de/ /de nyid dngos med 'dzin rtog bral/ /ji ltar rmi lam rang bzhin ni/ /gang zhig gnyid kyis non pa na/ /skad cig thang cig yud tsam dang / /lo la sogs pa ji snyed du/ /bde sdug sna tshogs myong bar snang / /de sangs ci yang mi dmigs ltar/ /stong nyid cir yang med pa la/ /stong pa'i khyad par cir spyad kyang / /spyod la ma chags ji bzhin pas/ /brtags na dmigs pa kun dang bral/ /sgra brnyan 'byung ba'i rang bzhin ni/ /rang gi gnas la sgras rkyen pas/ /de bzhin de ltar sgra brnyan 'byung / /de nyid ci yang med 'byung yin/ /gsang sngags gsang ba'i byin brlabs dag /gang gi ched du med 'byung ba/ /ci yang med la ci yang 'byung / /med rgyu btags chags bltas par snang / /gang 'dir mig yor rang bzhin ni/ /mig nad can la rdzas snang ba/ /'khrul pa'i ngo la snang bar zad/ /ji ltar snang ba gang yang med/ /spros bral rang bzhin stong nyid las/ /cho 'phrul rnam pa ci snang ba/  cho 'phrul nyid du snang bar zad/ /</font><hr>102.241b<br><font size=+1>

snang ba de dag gang yang med/ /chu dang nam mkha' dang ba las/ /chu bur sprin tshogs tha dad 'byung / /rang 'byung rang zhi'i rang bzhin pas/ /chu nyid nam mkha' nyid du dag /snang dang mi snang ji snyed pa/ /thams cad thams cad de nyid las/ /rang 'byung rang zhi ji bzhin par/ /dag pa nyid du nges pa'o/ /dri za'i gnas de nges med pa/ /de yi gzugs ni gar byung bar/ /grong khyer de yang de bzhin 'byung / /'byung ba nyid na der mi brtag /ji bzhin pa yi de bzhin nyid/ /gnas pa gnas pa gar gnas par/ /de nyid gzhal med khang chen snang / /snang ba de ltar gnas ma yin/ /ji ltar sprul pa'i rang bzhin ni/ /med 'byung gcig las du mar 'byung / /gang 'byung 'khor lo'i rgyun ltar snang / /snang ba'i 'byung rgyun 'chad ma yin/ /mi mnyam mnyam pa'i rang bzhin las/ /ji lta ba ltar de 'byung ba/ /gang 'dir 'byung ba rgyun mi 'chad/ /de la zad med 'phel ba med/ /gang 'dir gzugs brnyan gang snang ba/ /bzhin dang bzhin 'byung dang ba las/ /brten nas de bzhin gzugs brnyan 'byung / /de nyid de nyid tha dad min/ /gang 'dir rgyu 'bras so so bas/ /rgyu nyid 'bras bu de nyid rgyu/ /de bas de la de gnyis med/ /de bzhin nyid do de kho na'o/ /des na ji snyed pa yi chos/ /ji bzhin nyid du gcig pas na/ /gang ltar ci snang ci byung yang / /mi g.yo ba las 'byung snang med/ /zab mo gsang ba dam pa 'di/ /mkha' la rtog 'dra gting dpag dka'o/ /rnal 'byor mi ldan gang rtog pa/ /brtags pas rtogs par mi 'gyur ro/ /dper na nyi ma'i snying po ni/ /mig gi dbang pos rab brtags na/ /snying po de gang mi rtogs kyi/ /'od 'bar zil gyis mig rdzil 'gyur/ /de bzhin byis pa blo zhan pas/ /snying po don la cir brtags kyang / /gsang ba'i snying po mi mthong gi /blo zhan byis pa ga chad rgyal/ /des na gsang ba dam pa 'di/ /mtshon pas shes par mi nus kyang / /gang la rmongs pa'i tshogs mtshon phyir/ /rnal 'byor can la phyogs tsam mo/ /bsam du med pa'i chos nyid 'di/ /bsam dang bral bas de bzhin gzhag /mi brtag</font><hr>102.242a<br><font size=+1>

gzhag pa'i chos 'di gang / /byis pa rnams la ngas ma bstan/ /brjod pas mtshon pa las 'das pas/ 'di zhes bstan du ga la yod/ /med pas bstan pa'i dmigs mi rnyed/ /mi dmigs chos la tshig lam med/ /chos kun nam mkha' lta bu ste/ /nam mkha' la yang mtshan nyid med/ /nam mkha'i dbus mtha' ma dmigs bzhin/ /chos kun mtha' dbus mu dang bral/ /nam mkha' gang ming rjod byed pa/ /brjod pa de nyid dngos po ste/ /de yi tha snyad ming brjod kyang / /nam mkha' de la 'gag mi 'gyur/ /'di la mi rtogs gang brjod pa/ /brjod pa de nyid rnam rtog ste/ /rnam rtog rnam rtog ci brjod kyang / /de la gnyis med 'gag mi 'gyur/ /gang 'dir gnyis su 'dod pa dang / /dbus mthar byed pa thams cad gos/ /mnyam zhes bya ba'i tha snyad kyang / /gnyis dang dbus mtha' rnam 'byed las/ /kye ma 'di gcig chos kyi pun/ /thams cad de las med bzhin du/ /gnyis 'di phan chad rnam rtog yin/ /kun kyang nges pa 'di ltar zhog /grogs po dag de dag ni me long brtag par bya'o zhes dgongs pa dam pa nges par bgros pa shes par bya'o/ /de skad ces smras pas lang ka'i bdag po la sogs pa dman pa'i lus kyi sems dpa' rnams yang dag par nges par 'jog par gyur to/ /sangs rgyas kun gyi dgongs pa 'dus pa'i mdo chen po las nye bar mtshon pa zhes bya ba'i le'u ste/ drug bcu gsum pa'o// // de nas yang lang ka'i bdag po la sogs pa dman pa dam pa rnams kyis gsang ba pa'i bdag po la gang du 'dir mdo bcu bkod pa'i dgu pa dri ba yongs su dris pa/ kye gsang ba pa'i bdag po cha 'thun par sbyar bar bya'o zhes dam bca' bar dgongs pa de ji ltar yongs su shes par bgyi/ de skad ces dris pa las/ gsang ba 'i bdag pos smras pa/ lang ka'i bdag po de dag ni 'di ltar yongs su shes par bya ste mun pa chen po mun 'khrigs pa'i/ /byis pa'i khams kyi grong khyer du/ /rtag pa rgyun gyi 'khor mor 'dir/ /nges par 'jug pa'i bya ba dag /dgongs pa dam pa kun 'dus</font><hr>102.242b<br><font size=+1>

pas/ /gang gi spyod yul gang 'gyur ba/ /ji ltar gsungs pa ji snyed pa/ /'dir ni gsum du shes par bya/ /cha 'thun 'thun 'jug thabs 'dzud pa/ /sbyor dang spyod pa bsre ba yis/ /thams cad thams cad ci rigs par/ /dam pa'i don du nges par sbyor/ /lang ka'i bdag po 'di lta ste/ /cha 'thun sbyor ba gang 'jug pa/ /gang zhig gang du der nges la/ /de dag nyid dang 'thun par spyad/ /yongs kyis de dang 'thun bstan na/ /de nyid de la 'gyur bar bya/ /de dag dam par bya ba'i phyir/ /de dag 'thun pas gang sbyar bas/ /yid kun drangs te bcug cing bya/ /gang gi yid 'phrog 'dren 'jug pa/ /ji ltar yid 'ong de kho na/ /nan tan gyis ni de nyid do/ /dper na mun pa'i khams dag na/ /gang gis gang dag gang gyur pa/ /de yi yid la de zhugs te/ /de dang de gcig mi gzhan pas/ /de nas de yi de rig nas/ /de yi dbang sgyur thabs thob ste/ /de nyid sgyur ba'i tshig lam 'byung / /de 'das dam pa kho na yi/ /yid la zhugs pas e ma'o 'khrul/ /'dir nyes 'dir log ltang sogs bsngo/ /de nang 'di ni kho nas byas/ /gang 'dir dam par 'jug 'di la/ /dam pa kho nar 'jug par 'os/ /des na de yi de nyid de/ /'on pas gang gi de nyid kyang / /'on cing dam pa'i yul la 'jug /lang ka'i bdag po ji ltar na de yang ji lta bu zhe na/ kho bos mthong thos skad cig na/ /bdag gi bshes gnyen dam pa des/ /'dus pa phal mo che dag la/ /lam 'di rgya cher bstan pa'i tshe/ /'khor der 'dus par gyur pa yi/ /lha mo klu mo rigs ngan mo/ /bu mo drug gi 'khor 'dus pas/ /dga' bas glu bro gar gyis bstan/ /dgyes pa chen po'i gnyes pas bstabs/ /de tshe dam pa'i yul min yang / /dam pa gsang ba mchog nyid kyis/ /de nyid spyod 'thun grol ba yis/ /yul gyi dam pa nyid du dgongs/ /gang des sras kyi tshogs 'dus la/ /kye ma 'dus pa chen po'i tshogs/ /nga yi gdung rgyud rigs byung gang / /lha yi rol mo glu bro gar/ /snyan dang 'jo sgeg mdzes pa'i stabs/ /gang gi yid 'phrog 'jug 'dren thabs/ /glu yi yan lag sum brgya dang / /stabs dang gar thabs mi zad pas/ /kun sdud kun mnyes cha 'thun sbyor/ /dam pa de yis de gsungs pa/ /de nas</font><hr>102.243a<br><font size=+1>

sras kyi de kho na/ /blo gros thabs ldan nyid kyis 'dir/ /gang dag gang 'dul rig nas ni/ /'jig rten drug dang 'thun sbyor phyir/ /gang gi gnas nas 'thun g.yos te/ /gar mchog glog ltar 'gyur ba yi/ /dpal ldan lag pa bye ba yis/ /nam mkha'i khams 'di yongs bkang nas/ /gom pa'i stobs kyis gar byed cing / /glu yi yan lag sum brgya'i sgra/ /srid gsum 'brug sgras gang ba ltar/ /mtha' thug med pa'i 'jig rten drug /gang bas yid 'phrog 'dren par byed/ /theg chen rmad byung gsang ba'i tshig /tshig gcig bsgyur bas tshig mtha' yas/ /tshig lam rab tu bral ba'i don/ /zab mo sangs rgyas spyod yul ston/ /e ma'o ngo mtshar rmad kyi chos/ /rmad 'byung rol pa'i don 'byung ngo/ /cha 'thun sbyor ba'i khyad par las/ /'jig rten drug tu rol pa 'byung / /'khor ba'i lam rgyud gcad pa'i phyir/ /'jig rten drug gi snying po la/ /thugs rje thabs kyi 'od 'phros pas/ /rgyud drug dngos po thams cad bsregs/ /spyod lam ma chags ye shes kyis/ /cha 'thun thabs su sbyar ba'i phyir/ /'jig rten byis pa'i spyod pa bzhin/ /'jig rten bu mo drug dang rol/ /stabs drug bskyod pas 'gro drug bsgral/ /glu drug blangs pas yul drug drangs/ /tshig drug sgrags pas don drug rdzogs/ /le lo g.yeng ba'i sa gzhi la/ /brtson 'grus myur ba cang shes stabs/ /tshangs pa'i dbyangs kyi snyan pa'i glu/ /don grub rdo rje gsang ba'i tshig /nga rgyal ri bo'i sa gzhi la/ /dpa' bo tsham ngam gyad kyi stabs/ /sil snyan 'bum gyis snyan ba'i glu/ /zhi gnas mi rtog nam mkha'i tshig /kun nas 'dus pa'i sa gzhi la/ /khyu mchog lnga yis rol ba'i stabs/ /glu gar yid 'phrog snyan pa'i glu/ /'dzin pa'i rtod phur 'byin pa'i tshig /gti mug 'dus pa'i sa gzhi la/ /seng ge rngam pas rol pa'i stabs/ /ka la ping ga'i dbyangs snyan glu/ /ye nas don gyis gsal ba'i tshig /chags pa 'dus pa'i sa gzhi la/ /rdo rje khyung chen ldings pa'i stabs/ /'brug chen 'dir bas snyan pa'i glu/ /yid bzhin nor bu 'bar ba'i tshig /zhe sdang 'dus pa'i sa gzhi la/ /khro bo ma</font><hr>102.243b<br><font size=+1>

rungs khros pa'i stabs/ /srin mo ma rangs khros pa'i glu/ /rdo rje bu yug skar mda'i tshig /rmad 'byung gsang ba'i dkyil 'khor nas/ /ye shes 'bar ba'i me 'byung bas/  khams gsum 'khor ba'i bud shing bsregs/ /srid gsum 'khor ba'i khrag mtsho bskams/ /nga rgyal ri bo rmang nas bshig /zhe sdang 'bar ba'i me dbal gsad/  gti mug mun pa gtan nas bcom/ /'khor ba 'dus pa'i 'dam rdzab bskams/ /lang ka'i bdag po 'di dag ni/ /gang gi cha dang 'thun sbyar bas/ /dam pa'i don la sbyar ba yis/ /byis pa 'drid pa'i rol pa'o/ /lang ka'i bdag po gzhan yang gang / /thabs 'dzud bsre ba'i brtul zhugs ni/ /'jig rten log sred ji lta bar/ /brtul zhugs spyod pa'i khyad par spyod/ /wa dang cang shes gyi ling dang / /shin du glang chen myos 'dra ba/ /dpa' brtul za byed gtum rngam 'khrug /mkha' lding khyung chen gang mi lta/ /gtum thung sdong chen 'jigs 'dril ba/ /gang thub mi ldog rgya mtsho'i gser/ /mun ltar lkug pa'i blo tshul ldan/ /lhun po mi 'gyur brtan pa che/ /mkha' ltar yangs dog kun dang bral/ /gnam lcags lce yi drags shul can/ /drags shul chen po brtul zhugs bdag /khu 'phrig lta bu zan can blo/ /nges pa'i nga rgyal glang chen brtun/ /zla med seng ge gcig brjod pa/ /reg 'jam bya ltar chags 'grogs pa/ /sgyu ma sgyu ma'i tshul 'drid pa/ /gang la rtogs med kun spyod nyid/ /thogs med za byed myur spyod za byed kha/ /yud ltar myur mgyogs glog ltar 'gyur/ /gang gi gang bsrung nam mkha' lding / /sa thub bag len rgyal 'khor skyong / /rnal 'byor brtul zhugs chen po ni/ /bcu gnyis dang ni gsum blor ldan/ /gang 'dir nyams su len byed pa/ /rnal 'byor gsang ba'i thabs mchog ste/ /gang la 'dzud pas bsre ba yi/ /tshul khrims thams cad gcig spyod pa'o/ /lang ka'i bdag po gzhan yang gang / /'thun pas 'jug par spyod pa ni/ /de nyid de ltar de bzhin te/ /gang dang 'dra tshul gang yin pa'o/ /'dod chags pho mor gyur pa la/ /pho mor 'dod las pho mor snang ba gang yin la/ /pho mo med las pho mo snang ba</font><hr>102.244a<br><font size=+1>

'thun 'jug spyod/ /'dod la chags pas khro 'gyur la/ /khro bar 'dod las khro bar snang ba gang yin la/ /khro ba med las khro bar snang ba 'thun 'jug spyod/ /'dod la chags pas mun snang la/ /mun par 'dod las mun par gyur pa gang yin la/ /mun pa med las mun par snang ba 'thun 'jug spyod/ /ji ltar gang ltar de bzhin du/ /de la sogs pa mtha' yas par/ /thams cad thams cad der snang ba/ /'thun 'jug spyod pas don byed yin/ /lang ka'i bdag po de dag ni 'thun par 'jug par bya'o zhes de skad ces smras pas/ lang ka'i bdag po la sogs pa dman pa dam pa rnams mtha' thug pa med pa'i lta spyod la yongs su rtog pa med par gyur to/ /sangs rgyas kun gyi dgongs pa 'dus pa'i mdo chen po las sgyu ma rol pas rnam par rol pas rnam par grol ba'i le'u zhes bya ste drug bcu bzhi pa'o// //    de nas yang lang ka'i bdag pos gsang ba pa'i bdag po la dri ba yongs su dris pa/ kye gsang ba pa'i bdag po nad gso bar bya'o zhes dam bca' dgongs pa de ji ltar yongs su shes par bgyi/ de skad ces yongs su dris pa las/ gsang ba pa'i bdag pos smras pa/ lang ka'i bdag po 'di ltar grong khyer gsum gyi nad pa gso bar bya'o/ /nad kyi gzhi rtsa la mkhas par bya'o/ /nad sbyang ba'i thabs la brtson par bya'o/ /sman pa dam pa rnams bsten par bya'o/ /gnyen po dam pa'i sman bsrel zhing spel bar bya'o/ /sman sbyar ba la mkhas par bya'o/ /sman gyi lam bsrung bar bya'o/ /nad pa'i tshogs dang mi 'bral bar bya'o/ /nad kyi rgyun gcad par bya'o/ /nad kyi gnyen por 'gyur bar bya'o/ /lang ka'i bdag po de la grong khyer gsum ni mi snang ba'i grong khyer dang / kun snang ba'i grong khyer dang / /phyed snang ba'i grong khyer ro/ /nad kyi gzhi rtsa ni mun pa chen po las byung ba'i zug rngu'o/ /nad sbyang ba'i thabs ni sman dang sman par sbyor ba'o/ /sman dam pa ni bshes gnyen dam pa'o/ /gnyen po dam pa'i sman ni zhi gnas lhag mthong ngo/ /sman sbyar ba ni de dag de nyid du sbyor ba'o/ /sman gyi lam gsung ba ni de bzhin nyid las mi 'da' ba'o/ /nad pa'i tshogs</font><hr>102.244b<br><font size=+1>

dang mi 'bral ba ni 'khor ba la mi skyo ba'o/ /nad kyi rgyun gcad par bya ba ni thams cad de nyid du nges pa'o/ /nad kyi gnyen por gyur pa ni 'khor ba yongs su sgrol ba'o/ /lang ka'i bdag po de yang gang / /kho bos mthong thos skabs cig na/ /kun gyi bshes gnyen dam pa des/ /dur khrod bdag po btul ba'i tshe/ /'jig rten gtso bo kun 'dus nas/ /sras kyi tshogs su bkod pa yi/ /'dus pa phal mo che dag las/ /'khor der 'dus par gyur pa yi/ /zhar las gyur pa'i log sde ba/ /sman gyi brtul zhugs cher spyod pa/ /drang srong nag po ka la yis/ /gang der 'dun nas don gsol pa/ /che mchog sman gyi rgyal po khyod/ /dug 'joms sman gyi dkyil 'khor 'dzin/ /nad do cog gi dgrar gyur pas/ /zug rngu'i nad rnams zhi bar mdzod/ /de skad zhu ba 'dun pa las/ /che mchog sman gyi rgyal po des/ /drang srong de la rjes dgongs nas/ /sngon 'dus gsungs pa gang gsungs pa/ /khams gsum za ma rtog nang du/ /srid gsum sems can dug chen rnams/ /dus gsum sangs rgyas rtsi sbyar bas/ /rang 'byung bdud rtsi'i dkyil 'khor rdzogs/ /de skad nges par gsungs pa las/ /nag po ka las don gsol pa/ /rang bzhin snang ba'i lus 'di las/ /yo byad chen po lnga byung ba/ /dug lnga sel ba'i bdud rtsi ste/ /drang srong rnams kyi sman gyi mchog /de skad nges par 'dun pa las/ /sman pa dam pas 'di skad gsungs/ /rang 'byung gdod nas dag pa ste/ /rtsa brgyad stong las sbyar ba'i sman/ /rigs lnga dam tshig lnga yi dngos/ /ye shes lnga rdzogs grub pa'i rdzas/ /rgyud lnga'i sems can kun sgrol phyir/ /dug lnga sel ba'i bdud rtsi mchog /de skad ces gsungs nas cang mi gsung bar bzhugs so/ /de nas ka la nag pos yang gsol pa/ /rang las byung bas gzhan byung min/ /dngas snyigs kho nar zad pas dag /rtsa ba brgyad dang yan lag stong / /nyis sbyar lnga dag rdzogs par 'gyur/ /de skad zhu ba 'dun pa las/ /'khor der 'dus par gyur pa'i sras/ /blo gros thabs ldan khyod nyid kyis/ /zhen pa 'grol ba'i thabs 'di smras/ /zag pa phyi ma rdzas lnga po/ /'byung ba dang ni zas khams kyi/ /rgyun gyi rgyu las</font><hr>102.245a<br><font size=+1>

byung bas na/ /rang las ma byung gzhan 'byung yin/ /grogs po dam pas de smras pas/ /ka la nag pos yang smras pa/ /ji ltar gal te de ltar na/ /'gal ba nyid du yin zin na/ /rang 'byung rang 'byung zhes bya ba'i/ /chos de gang nas rnyed par 'gyur/ /de skad dri ba dris pa las/ /dam pa nyid kyis des blan pa/ /rgyu dang rkyen las ma brten par/ /gang zhig 'byung ba'i chos yod na/ /gzhan las ma byung byed med pas/ /chos de rang 'byung nyid du 'dod/ /de skad smras pas de lan du/ /ka la nag pos 'di skad du/ /spangs pas spongs par mi 'gyur te/ /bdag las rgyun du 'byung ba'i chos/ /gzhan las ma byung rgyu 'bras med/ /chos de gang yin rang 'byung yin/ /de la de yis 'di skad du/ /mi spang dang du blang ba'i chos/ /dus dang rnam pa thams cad du/ /'du 'bral med pa'i gnas 'os na/ /'byung rgyun 'gags na de rgyun 'gag /de la 'di ltar 'di skad du/ /nag po ka las slar blan pa/ /bdud rtsi yin pas rang gnyer gyi/ /las rnams so sor byed par nus/ /'jig rten dag na phan 'dogs pa/ /gang nus de la rtsi zhes grags/ /de la 'dir ni 'di skad du/ /grogs mchog dam pas de lon pa/ /bdud rtsi zhes ni brjod pa las/ /bdud rtsi'i las ni gnyis yod de/ /nad gso shi ba slong byed na/ /de gnyis mthu dang yong mi ldan/ /de smras lan du 'di skad du/ /ka la nag pos de blan pa/ /sngon gyi rgyal ba grangs med kyis/ /brtul zhugs 'di lnga gtsor spyad na/ /dam tshig dam par bzung bas na/ /sngon gyi dam tshig yin par grags/ /de la dam pas 'di skad du/ /sangs rgyas dam tshig yin nges na/ /dang po nas bzung rdzogs par du/ /de dang mi 'bral ldan dgos na/ /zag rgyun chad na 'bral 'gyur 'gal/ /de la ka las 'di skad du/ /bdag de rtag par 'gyur ba yis/ /zag pa de yang rtag pa ste/ /kun nas kun du mi 'bral zhing / /zad nas bral ba ga la yod/ /de la dam pas 'di skad du/ /phyi dang nang gi zag pa rnams/ /thams cad thams cad kun zad pas/ /sa dang rnam thar las rnams lta/ /ci smos kun snang zag lam zad/ /de la ka las 'di skad du/ /ji ltar gal te de ltar na/ /'gal ba nyid du yin zin na/ /thams cad mnyam par</font><hr>102.245b<br><font size=+1>

'ches pa rnams/ /mnyam pa nyid du mi 'gal lam/ /de la dam pas 'di skad du/ /kun du ma 'dres mi shes par/ /bzang po'i tshig la blo gtod cing kun du bzang por khas 'ches pa/ /mun pa'i skye mched nyid du 'gyur/ /yongs su rdzogs par kun mnyam yang / /ma 'dres par yang kun du snang / /yongs rdzogs don du ma mthong bar/ /rdzogs spyod log pa'i lam pa yin/ /gsang chen theg pa'i tshig dang sgra/ /gcig la mi gcig so sor snang / /ngo bo nyid kyis rnam par phye/ /gang nyid nges par grol bar snang / /nges par zag 'byung rtsar 'dod na/ /de dag de bzhin ma bcos par/ /ye nas stong nyid rtog med pa/ /yin par nges pa de kho na'o/ /de dag ci'i phyir rtsi zhe na/ /rnal 'byor nad ni rnam rtog ste/ /rtag par 'khor ba'i gting mthar 'chi/ /rtog pa'i rtsa ba phyi nang gi /kun nas zag pa rnam lnga yin/ /de kun de bzhin nyid stong du/ /rtog bral mu mtha' med 'byung bas/ /nad gso shi ba slong ba'o/ /dam pa mchog des de blan pas/ /mtshan mar zhen las de 'grol te/ /de nyid der nges rnyed gzhan min/ /de nyid che mchog sman par 'gyur/ /lang ka'i bdag po de dag ni nad gso bar bya'o zhes nges par thos pa rnam par bgros pa ste 'di ltar nges par shes par bya'o/ /gsang ba pa'i bdag pos de skad ces smras pas/ lang ka'i bdag po la sogs pa dman pa dam pa rnams mtshan ma'i rtog pa las yongs su grol bar gyur to/ /sangs rgyas kun gyi dgongs pa 'dus pa'i mdo chen po las rang 'byung bdud rtsi'i le'u ste drug bcu lnga pa'o// //    bam po bcu pa ste tha mar zug bo/ /de nas yang lang ka'i bdag po la sogs pa dman pa'i lus kyi sems dpa' rnams kyis gsang ba pa'i bdag po la gsol pa/ kye gsang ba pa'i bdag po nyid kyis rgya cher bgros pa'i gsang ba dam pa 'di ji skad du brjod par bgyi/ mdo ni gang du 'dus pa lags/ /de skad ces gsol ba las/ gsang ba pa'i bdag pos smras pa/ kye lang ka'i bdag po kho bos ji lta ba bzhin bgros pa'i gsang ba dam pa 'di ni brjod pa'i rnam grangs brgyad du brjod par bya'o/ /mdo ni bcur 'dus par shes par bya'o/ /lang ka'i bdag po de la</font><hr>102.246a<br><font size=+1>

rnam grangs brgyad gang zhe na/ sangs rgyas kun gyi dgongs pa 'dus pa'i mdo chen po zhes kyang bya'o/ /snying po zhes kyang bya'o/ /rdo rje dgong pa'i rgyud ces kyang bya'o/ /rnal 'byor rdzogs pa'i lung zhes kyang bya'o/ /kun 'dus rig pa'i mdo zhes kyang bya'o/ /theg pa chen po mngon par rtogs pa zhes kyang bya'o/ /chos kyi rnam grangs rnam par bkod pa zhes kyang bya'o/ /theg pa chen po byung tshul bstan pa'i mdo zhes kyang bya'o/ /de ci'i phyir zhe na/ lang ka'i bdag po gang la dgongs pa de nyid las mi mda' ba dang / gang gi spyod yul ma yin zhing / med pa las thams cad 'byung ba dang / gang gi ye shes yongs su bkod pa dang / 'di ltar gang nges pa rnal 'byor tu lung ston pa dang / 'dir kun nas rdub pa dang / dam pa rnams kyis mngon par chud pa dang / gang la ma 'dres par bkod pa dang / gnas skabs bcu gnyis su nges par byung zhing 'byung ba'i phyir ro/ /lang ka'i bdag po mdo bcur 'dus pa gang zhe na/ gang mtha' bcu kho nar 'dus pa ste/ de yang 'di ltar gzhi gzung bar bya'o/ /rgyud dgrol bar bya'o/ /sgo dbye bar bya'o/ /mthar phyin par bya'o/ /thams cad 'du bar bya'o/ /la dor bar bya'o/ /sa gcad par bya'o/ /nyams rnyed par bya'o/ /tshegs chung bar bya'o/ /mdo gcig tu bya'o/ /lang ka'i bdag po de la chos thams cad kyi gzhi ni dam tshig yin par shes par bya'o/ /dam tshig gnas ni 'di lta ste/ /bsrung bya bsrung du med pa ni/ /chos nyid dam tshig dam pa yin/ /kun kyang dam pa nyid yin pas/ /gang la 'ang 'gal bar mi bya'o/ /su la dam pa 'di gnas pa/ /rig 'dzin dam pa'i sa pa yin/ /bsrung bar bya ba'i yul rnams la/ /sgyu gsog g.yo med dam pa nyid/ /zab sangs rgyas che dam pa 'dir/ /'di skad gugs pa'i tshul khrims dang / /rtog pa'i bya ba ji snyed par/ /kun 'dir dam bsrungs rnam par dag /dam tshig 'di ni rmad po che/ /kun gyi thun mong ma yin phyir/ /mos pa chung ngu thams cad la/ /bsrung ba'i mtshams dag gzung bar bya'o/ /theg chen yongs su gsang ba dag /snod ma yin par gyur pa la/ /phyi dang nang dang gsang ba yi/ /sba ba'i thabs su bsrung bar bya/ /bstan pa'i gnas min snod gang dag /rnam pa</font><hr>102.246b<br><font size=+1>

bzhis bsdus bye brag rnams/ /ma 'ongs rab 'byor dam pa yis/ /brtags nas gsang bar bya phyir bshad/ /gsang chen yid bzhin nor bu 'di/ /skyon yod nyes pa ma yin te/ /blo chung rnams la phan don du/ /thugs rje thabs kyis shin du gsang / /'jig rten pa dang theg dman dang / /log sred log la phyogs la zhen/ /dad med blo zhan g.yeng rmugs shing / /gang la mi brtson mun par mtshungs/ /'di log dam nyams 'di las log /byad chub thag pa gting nas chad/ /sems kyi myu gu rtsa tshig pa/ /ngan 'gro'i mdam du kha sbub yin/ /gsang ba'i don rnams sgrar smra yang / /gab pa'i gsang ba 'di mi shes/ /g.yon can shes rlom grogs rnams la/ /gsang bar 'os pa lhag par smra/ /yan lag rnam bzhi de nyid la/ /sgra thos don med nyams mi len/ /gang gis gang gtad mi thub pa/ /bcud med 'khor bar zag pa yi/ /lta dang dam tshig spyod pa yi/ /dam pa'i mdzod gsum sgrar smra yang / /zhen pa'i mtha' med gnas ma gyur/ /g.yo sgyu phrag dog ser snas gdungs/ /bya med chos la nges 'dzin cing / /de la de nyid de med par/ /rnal 'byor can la dman zer ba/ /dam pa pham 'gyur 'kho bar 'bo/ /tshul rtog tshod len khyad tshig 'dren/ /kha gsag lce gnyis sgyur byed cing / /gang la dmod rmongs dam can te/ /tshe gcig dregs pa'i ched phyir rung / /rku g.yo sgyu ldan slu 'drid pa/ /zang zing phyir 'breng tshig la dga'/ /rlom sems brjod 'dod tshul 'chos pa/ /log smra dug can tha mar ltung / /'di ltar pham 'gyur snod ngan la/ /gsang chen gsang ba de kho na/ /zab cing gting dpag dka' bas na/ /bstan kyang pham ltung gnas su 'gyur/ /de bas bstan par bya ba min/ /gal te bstan par gyur na ni/ /ston smra nyan byed de dag gang / /mthong yun phung byed gnyis sreg 'gyur/ /rnal 'byor mkhas gsal don ldan la/ /rnal 'byor mi shes gang dag gis/ /dregs pa'i dbang gis phrag dog gis/ /bsam pa'i rnam grangs ci bskyed pa/ /de snyed bskal pa'i grangs mnyam par/ /'bras bu mi bzad myong bar 'gyur/ /gal te bde bar rjes len pa/ /de snyed bskal par gzod 'jug dgos/ /mkhas gsal don ldan gyis kyang ni/ /gong ma bzhin du nges bsams na/ /</font><hr>102.247a<br><font size=+1>

de yang gnas ngan len pa ste/ /mkhas pas de la skyob mi nus/ /rnal 'byor tshul byung dam pa la/ /mtshon cha'i tshig gis de dkrugs shing / /sgro skur glu gleng ngan brjod na/ /dmyal ba'i rdo rjer de ltung 'gyur/ /gzhar las byung ba'i rnam smin yang / /ji lta ba nyid de ltar 'gyur/ /skal ba dman pa'i rnal 'byor pa/ /rtsa nyams skyon can rang bzhin ni/ /ngan rgyu khro gtum ldan pa dang / /mi zad 'phra men las spyod byed/ /gang dag mi shes ngag tshul can/ /byis pa'i rang bzhin blo zhan pas/ /shin du dman pa'i lta ba yis/ /tshul 'chos pa la ltos par byed/ /gang dag dam pa'i dam par ldan/ /byams tshul rtag tu bzod gnas pa/ /tshul shis don rnams de bzhin slong / /de la gang dag 'dun pa med/ /dam tshig spre'u ltar spyod bzhin du/ /byang chub snying po thob pa yi/ /sangs rgyas nam yang mi 'byung ngo/ /'byung bar yang dag ngas ma mthong / /rgyal ba'i sras gyur rnal 'byor pa/ /lam ston skyon sel mkhas pa la/ /gang dag kha cig dregs dbang gis/ /de spong thabs kyis de dmar byed/ /de ni 'khor ba'i gting rdo ste/ /nams kyang thar pa'i khar mi 'byung / /mi shes rmongs pa'i rnal 'byor pa/ /yang dag dam par nges 'gro ba'i/ /rjes su 'gro bar mi byed cing / /zang zing 'dod par gang lta ba'i/ /rjes su 'gro zhing der 'dun byed/ /de ni log pa'i lam pa yin/ /rnal 'byor lta dang byang chub khe/ /'ban thag chad par blo mi 'byung / /zang zing 'dod dang g.yo sprul khe/ /chung du 'ang ci sgrub srog dang sngo/ /rnal 'byor dam pa'i rang bzhin can/ /bum snod nang gi sgron ma ltar/ /rig pa mdzod kyi don ldan yang / /srog chags rkun po'i sder mo ltar/ /khong nas gang sbas don ston la/ /gang 'dir blun pos cir mi mthong / /dper na 'di 'dra tshul gcig ste/ /gang gi lus la gter 'chang mi/ /blun por gyur pa'i mi dag gnyis/ /gnas gcig gnyis mtshungs khyad med 'dra/ /gsang 'di sngags pa rjod byed cing / /gsang ba don du gnyer ba med/ /ting 'dzin bsngags pa rjod byed cing / /ting 'dzin don du gnyer ba med/ /yang dag bsngags pa rjod byed cing / /yang dag don du gnyer ba med/ /dam tshig bsngags</font><hr>102.247b<br><font size=+1>

pa rjod byed cing / /dam tshig don du gnyer ba med/ /ji ltar 'gro gang la la dag /nor bu rin chen 'di 'dra ste/ /'dod pa'i yon tan kun 'byung zhes/ /de yi yon tan rgya cher brjod/ /de la 'gro gang gzhan dag gis/ /de ltar 'dod pa 'byung 'gyur pa/ /de dag cung zad yod dam zhes/ /dris kyang med pas slar smras pa/ /gang zhig dgos pa skong ba yi/ /yon tan chung zad smos par zad/ /de nyid bdag la med ces smra/ /de bzhin rnal 'byor mi brtson pas/ /bslab par bya ba'i chos bral bas/ /dam pa'i bsngags pa rjod byed kyang / /de dag la ni dam pa med/ /de la sogs pa'i longs spyod rnams/ /dam pa nyid dang phrad par dka'/ /rnal 'byor chos 'dzin gang dag gis/ /rnal 'byor nyams 'gyur log sred can/ /gsang ba 'jigs pa'i sgrar bltas nas/ /de dag sdig pa mthong ba ltar/ /'chad cing sa bcing gang byed pa/ /skyes bu de ni dam pa'i sras/ /dper na gang de gang dag gis/ /gang gi rgyal khrims 'das 'gyur na/ /rang dga' mi gtong lugs dang sbyor/ /bka' yi yo srongs dka' ba de/ /rgyal po'i thugs mnyes dam pa zhes/ /kun la snang ba grags par 'gyur/ /ldum rar dug gi sdong skyes na/ /ldum pas dug de shes ma thag /rtsad nas phyung ste med par byed/ /ci phyir ldum zas de dag la/ /dug 'phel gyur na 'chi phyir ro/ /gang dag nyams 'gyur dug can de/ /brtul zhugs can gyi rnal 'byor pas/ /gnas sam lo yis shugs te spang / /gang dag mi spong mgon byed pa/ /de dag gsang ba'i dam sri yin/ /don la rnal 'byor gang zhig gis/ /tha tshigs zab mor bcas rnams la/ /bsrung pa'i bsam pa mi g.yo bzhin/ /rtsa ba yan lag bcas rnams la/ /gal te ma tshor zhig 'gyur yang / /rnam smin yod kyang rtsa mi nyams/ /ji ltar glang po e ne ya/ /shi nas ror ni gyur mod kyang / /'gi wang rtsis ni don byed ltar/ /rnal 'byor nyams te ror gyur kyang / /gzhan gyi dam par de 'gyur zhing / /de yi don byed nus pa yin/ /de lta mod kyang 'di kun rnams/ /mi lam du yang mthong mi bya/ /ci phyir 'o ma nyung ngu zhig /rul pas 'o ma kun rul bzhin/ /rnal 'byor nyams 'gyur gcig gis ni/ /rnal 'byor</font><hr>102.248a<br><font size=+1>

can kun ma rungs 'gyur/ /'khor ba'i g.yul rgyal byed pa yi/ /log pa'i rnal 'byor thams cad kun/ /don dam nges pa'i rnal 'byor pas/ /thams cad bsgrims te spang bar bya/ /gal te ma spangs log spyod na/ /'khor ba'i g.yul ni rgyal 'gyur te/ /bden pa'i byin brlabs mthu chung 'gyur/ /kun kyang dge spyad don chung zhes/ /yang dag don la yid 'byung zhing / /log pa'i chos la gzhol bar 'gyur/ /kun gyis log pa'i las spyad pas/ /yid du mi 'ong sna tshogs 'byung / /des na sgro skur gnyis byas pas/ /bka' yi chad pa gang yin pa/ /ye shes can lta rang bzhin gyis/ /nam yang gnod pa yongs mi mdzad/ /de yi 'khor na gnas pa yi/ /de dag ma rungs mthu chen rnams/ /rnal 'byor log par spyod rnams kyi/ /skyon mthong tsam na chad pas gcod/  thams cad ngan 'gror spyi'u tshugs ltung / /sgrub pa'i gnod mchog gcig yod de/ /'di dang mi mthun kun rdzogs pa'i/ /rgyud ldan don ldan dang tshul bzang / /ci la 'ang chags med stong ldan sems/ /shes rab rnam grol lde mig gi /gti mug tha ram blo phye nas/ /chos kyi rgyal po'i mig ldan pas/ /mtha' dang dbung bral dam pa'i yul/ /ma nor lam du 'jug shes pas/ /sdong chen sdong por rab tu dul/ /tha tshigs lung las 'byung ba bzhin/ /drang srong dka' thub dam pa de/ /dam pa'i dam pa nyid yin pas/ /de la gsang sgo dbye bar bya/ /ji ltar dka' thub thub pa ltar/ /de ltar yid bzhin nor bu ste/ /yid 'ong 'dod dang bde ba 'byung / /rig 'dzin rgyal ba kun yum mo/ /de bzhin dka' thub dam pa 'di/ /gnas pas rten pa'i gzhi yin te/ /dka' thub kun gyi srog kyang yin/ /dam pa kun gyi nor mchog go/ /dam pa 'di ni 'jigs pa'i skyabs/ /dam pa'i bgrod pa'i lam mi mchog / /dam pa chu bo sgrol ba'i gru/ /de bzhin dngos grub dam pa yin/ /dam tshig grogs kyi mchog yin te/ /dam tshig long ba'i dmigs bu yin/ /gzhan sde 'joms pa'i dmag dpung yin/ /'khor ba'i g.yul las rgyal bar byed/ /des na dam pa'i gtan tshigs yin/ /ci nas gang gi</font><hr>102.248b<br><font size=+1>

sgo gsum po/ /dag pa gsum gyi mtha' bzung nas/ /gang 'dir dbang bzhi sun mi 'byung / /sgo gsum mi gnod dang bcas gzung / /yongs su ma nyams mdo bzhi'o/ /mthar phyin rgya rtags rnam bzhir bcas/ /mdo dran pa la bgrang zhing bsngo/ /'dul ba'i rgyun ldan tha tshig can/ /mos pa chung ba'i bu rnams kyis/ /phra mo'i phra mo phra yan chad/ /nan tan gyis ni bsrung bar bya/ /sku dang gsung thugs rdo rje yi/ /gsung dang spyod dang yid 'ong dang / /mi 'dor shes bya grub pa dang / med dang phyal pa gcig po dang / lhun gyis grub pa rnam pa bcu/ /lta ba 'di las 'bum phrag 'byung / /rnal 'byor rnal 'byor thams cad kyi/ /spyod par bya yi nor mchog yin/ /rnal 'byor dam pa'i rigs rgyud las/ /nges par brtags te spyod pa'i bu/ /zab mor rdzogs mchog bde ba yi/ /blo la nges pa'i lung 'di bstan/ /'di yi sngon 'gro dam tshig ste/ /zab mo la sogs kun sngon du/ /rdo rje tha tshig drag po yi/ /gcan 'phrang lam rnams bsrung ba'i phyir/ /spyi dang khyad par dam tshig rnams/ /nges pa'i don gyis btsan red na/ /de ni dbyig gi snod chen yin/ /de ltar dam pa'i sdom pa la/ /gnas nas dus kyi skabs dag tu/ /bsrung bya thub par bya ba ni/ /brtul zhugs spyod pa'i dam tshig dag /dam tshig kun gyi thog mar 'gro/ /don du mi 'gyur kun spangs nas/ /kun dang 'thun phyir de ltar spyad/ /mi shigs pa ni seng ge ste/ /gcan gzan rgyal po yin pas so/ /za ma rtog ni rgyal po'i mdzod/ /dug spyo ba ni der mi rigs/  rin chen myu gu'i lcug phran dag /bregs te 'byung rgyun gcad ma yin/ /gangs kyi zhun chu phal pa yang / /mkhas pas btung bar mi bya'o/ /pad ma'i ze 'bru kha mi dbye/ /zla zer ma yin dbye mi bya/ /ma brtags bug rdol can snod du/ /bdud rtsi sman blugs zag par 'gyur/ /don med bcos ma'i tshul rtags can/ /bsrel zhing spyad par bya ba min/ /shel dkar rin chen sgo nga dag /'dam khung rdzab du bsnub mi bya/ /seng ge dkar mo'i 'o ma dag /gser snod ma yin blugs mi bya/ /yid bzhin nor bu rin po che/ /bsreg par bya ba yod ma yin/ /khyung chen gshog pa mkhar brkyang ba/ /de dag gcag par bya ba min/ /gnam lcags</font><hr>102.249a<br><font size=+1>

me yi dur mo dag /brdab par bya ba ma yin no/ /stag seng rol pas las byas pa'i/ /las kyi rjes la bzlas mi bya/ /rdo rje brag chen gtams pa'i gzhi/ /gzhig par bya ba ga la yin/ /rdo rje ra ba'i re ga de/ /bsdam bya dral bar bya ba min/ /bud shing sreg pa'i sgron ma de/ /'thor rlung drag pos bskyod mi bya/ /rdo rje tshig gi chu rgyun dag /'ol kar gcad par bya ba min/ /rgyal po bka' rtags phyag rgya dag /rnam zhar dbyi bar mi bya'o/ /rdo rje pha lam gtams pa'i mkhar/ /rmang nas bzlog par mi bya'o/ /gtsug gi yid bzhin nor bu de/ /rgyal mtshan rtse las dpog mi bya/ /rnal 'byor thabs kyi khyad par can/ /rtsal can rnams kyi dam tshig ste/ /skal ldan dag gi nor mchog yin/ /rgyun du gcad pa'i nor mchog ni/ /rdo rje las kyi bsam gtan dag /rdo rje go phur trom chen gyis/ /srog la bar chad byed pa'i sgra/ /nyon mongs thibs po de gzhom bya/ /snyom las le lo'i gzhir gyur pa/ /thugs thub ra cod nga rgyal ri/ /dregs byed dbang po nyams pa'i bcud/ /dpa' byed rkyen yang bsdam par bya/ /theg chen gsang sngags ma gtogs pa/ /mtshan ma gang dag byis pa'i tshig /zur yang brjod par mi bya zhing / /thams cad de nyid kho nar bya/ /ji ltar gsad pa'i mi gang dag /gshed ma mis ni gsod pa'i tshe/ /thar pa'i thabs la brtson pa ltar/ /le lo dgra bcom brtson par 'bad/ /rnal 'byor sgrib pa'i gags bsal ba/ /dka' thub sdom pa'i mdud pa can/ /'dod spyod zhen dang mi mthun dang / /gcig la gang 'dir mi gcig pa/ /phyi nang can dang gnod sbyor can/ /'dod myos bying rmugs brkam pa dag /dad med rtsa nyams 'phyar g.yeng can/ /mkhas pa yongs kyis spang bar bya/ /de ni rnal 'byor bgegs yin te/ /rnal 'byor bar du gcod par byed/ /rnal 'byor nges par zhugs pa la/ /rgyun gyi bar du gcod pa'i bdud/ /rnam rtog 'phrig pa chen po dang / /gang la btang snyoms le lo dang / /longs spyod 'du 'dzi g.yeng ba dang / /tshig rtsub mtshon cha rnon po dang / /khro gtum ngang thung shin du 'khrug /rnal 'byor sbyor ba'i bdud lnga yin/ /yang dag</font><hr>102.249b<br><font size=+1>

don la sgrib pa ste/ /gnyen po byang chub sems mchog gis/ /zhi ba chen po'i ngang du bzlog /rnal 'byor nor la 'phrog pa'i dgra/ /thabs la mkhas pas dul bar bya/ /gang gi rnal 'byor rang bzhin bcos/ /drang srong nyid las nyams 'gyur te/ /kha na ma tho grags pa yis/ /de dag bcas dgar 'gyur ba'i dgra/ /lta dman spyod rtsing 'chol pa yis/ /lugs bor 'di las log par spyod/ /bka' log 'phra men las spyod pas/ /don du mi 'gyur 'chal ba'i dgra/[ ]/'da' ka rdo rje dka' thub dam/ /klung du ma gyur phyal bas 'chal/ /rtsa ba rul pa'i ljon shing bzhin/ /'chad pas drug por 'byung ba'i dgra/ /rnal ma nyid la sbyor ba de/ /gang la nges pa'i tshig med na/ /don rnams grub pa ma yin te/ /'bras bur mi 'gyur gol ba'i dgra/ /rnal 'byor rnal 'byor spyod pa la/ /dam pa'i nor mchog 'phrog pa'i dgra/ /thabs la mkhas pa'i blo gros kyis/ /skyon gyi dgra bzhi bzlog par bya/ /srid gsum snang ba'i zhing 'di dag /rnam dag zhing du nges pa ste/ /sa rnams gcig car sbyangs pas na/ /zhing rnams dam pa'i mchog yin no/ /'dod spyod mchod pa'i tshogs 'di dag /yo byad chen po'i mchog yin te/ /dgongs pa dam pa kun mnyes pa'i/ /rmad du byung ba'i mchod pa'o/ /'khor ba dur khrod gnas 'di dag /bde ba chen po'i gnas yin te/ /ma nor ma bcos chos kyi dbyings/ /rtsol med lhun gyis grub pa'i sa'o/ /kun gyi rtsa ba dug chen lnga/ /ye shes chen po lnga nyid de/ /kun shes rang rig rang byung bas/ /rnal 'byor rang rig mig ldan pa'o/ /lang ka'i bdag po 'di dag ni/ /dam tshig gsang ba'i mchog yin te/ /dam pas gdams pa'i tshig 'di la/ /gang dag nges pa'i rnal 'byor yin/ /ji ltar sa gzhi gshin pa la/ /brten nas sa bon btab pa las/ /dam pa kho na 'jug par 'os/ /'un pas gang gi de nyid kyang / /'un cing dam pa'i yul la 'jug /lang ka'i bdag po ji ltar na/ /de yang ji lta bu zhe na/ /kho bo mthong thos skabs gcig na/ /bdag gi bshes gnyen dam pa des/ /</font><hr>102.250a<br><font size=+1>

'dus pa phal po che dag la/ /lam 'di rgya cher bstan pa'i tshe/ /'khor 'dir 'dus par gyur pa yi/ /lha mo klu mo rigs ngan mo/ /bu mo drug gi 'khor 'dus pas/ /'bras drug smin par gyur pa yis/ /gang dag 'tsho ba'i srog 'dzin ltar/ /chos rnams kun gyi gzhir gyur pas/ /dam tshig 'di la gnas pa ni/ /bla med byang chub rnam smin pas/ /dge ba'i srog 'dzin dam pa'o/ /gal te nyams par gyur pa na/ /chad pa'i skye gnas dmyal chen brgyad/ mi bzad sdug bsngal drag po yis/ /'khor lo mtshon cha bzhin du 'khor/ /lang ka'i bdag po gang 'di las/ /nyams par gyur pa gang zhe na/ /kun tu nyams pa chen po dang / /rtsa ba nyams dang yan lag nyams/ /de bzhin bzlas nyams zhar nyams lnga/ /rtag par rgyun gyi khor mor 'byung / /gang de bkang bar bya ba'i thabs/ /rnam pa lngar ni bshad par bya/ /las dang rdzas dang 'dun pa dang / /ting nge 'dzin dang de nyid do/ /las ni rnam lngas skongs 'gyur te/ /dang po 'bum khri gsum pa ste/ /rtsa nyams khri lnga stong gsum mo/ /yan lag nyams par gyur pa la/ /stong lnga brgya gsum thon par bya/ /bzlas nyams brgya lnga bcu gsum mo/ /zhar gyis nyams par gyur pa la/ /bco lnga gcig gsum dag gis skongs/ /rdzas ni rin chen sna lnga yis/ /rigs kyi dam tshig gang nyams las/ /bla ma rigs lnga gang dag la/ /tha tshigs gang rlag nor nges slu/ /'dun pa dad pa dang ba yis/ /gdung ba'i shugs kyi nga ro yis/ /rtag par rma ga chad pa ni/ /dmyal chen gnas na sbyong bzhin du/ /gnyen po mchog tu de 'gyur te/ /de ni skong ba dam pa'o/ /ting nge 'dzin gyi thabs chen yang / /'jig rten sreg la me dgos kyang / /bag chags sreg la me mi dgos/ /rig pa'i ye shes me byung bas/ /sgrib pa'i bud shing thams cad bsregs/ /'jig rten gtor la rlung dgos kyang / /mtshan ma 'bud la rlung mi dgos/ /rig pa'i ye shes rlung byung bas/ /mtshan ma'i rdul kun rnam par 'phyag /lus bkru ba la chu dgos kyang / /sems bkru ba la chu mi dgos/ /</font><hr>102.250b<br><font size=+1>

rig pa'i ye shes chu byung bas/ /bag chags ljan ljin thams cad dag /stong nyid chu bo khrus kyi rdzing / /de bzhin nyid kyi nam mkha' nas/ /'bar 'phro me'i bskal par tshig /de ni skoms pa dam pa'i mchog /de nyid de yi thabs mchog kyang / /rnal 'byor dam pa gang zhig dag /nyams pa'i chad pa byung ba la/ /de bzhin de nyid ma g.yos kyang / /mgon skyabs de las gzhan med de/ /nyams dang ma nyams tha snyad med/ /bkang dam mi bkang tshig lam bral/ /lang ka'i bdag po/ de dag ni gzhi yongs su gzung ba rnam par dgros par shes par bya'o/ /de skad ces smras pas/ lang ka'i bdag po la sogs pa dman pa rnams dam pa rnams kyi nor la yongs su spyod par gyur to/ /sangs rgyas kun gyi dgongs pa 'dus pa'i mdo chen po las dam tshig gsang ba'i mchog gi le'u zhes bya ste drug bcu drug pa'o// // de nas yang gsang ba pa'i bdag pos smras pa/ /kye grogs po dam pa dag rgyud yongs su grol ba ni dam pa la rag las pa ste/ /de yang gang zhe na/  'di lta ste/ bla med snying po smin pa'i rkyen/ /blo gros chen po dri ba'i yul/ /lam stor sa mkhan bshes gnyen mgon/ /mun sel sgron ma'i rin po che/ /mthong mig dbang po yid rnam shes/ /chu bo rab med sgrol ba'i gru/ /'jigs pa'i rdzong chen rten pa'i mkhar/ /'khor ba'i gcong 'byin sman pa'i mchog /mtsho gling rin chen len byed pa'i/ /ded dpon dam pa'i bla ma de/ /sngon du nges par shes par bya/ /sde mdzod gter khyim khang chen dang / /rnam 'grel lde mig bcu gnyis dang / /nges mdo dam pa de nyid bcu/ /mtha' bcu yan lag mdo rtsa ba/ /gang 'dir skabs bcu rdzogs ldan nam/ /skyon gyi mtha' rnams zad 'gyur zhing / /yon tan rgya mtsho'i pha rol phyin/ /dam pa'i tshad la bab ma bab/ /de la bshes gnyen mgon bltas na/ /mthar chub yongs su rdzogs she'am/ /gang rig de yul ma yin par/ /thabs dang yan lag bcas pa yis/ /gzhan gyi yul nas brtag par bya/ /brtags pas bsngo ba kun ldan na/ /gzhan gyi yul la 'gro mi bya/ /dam pa'i yo byad lnga rdzogs na/ /dman pa'i yo byad</font><hr>102.251a<br><font size=+1>

med la min/ /nges par kun du bzang nyid na/ /gang gi blta yul ngan la min/ /sgron me 'tshub rlung bskyod la min/ /'dod 'chal tshig 'chal dman la min/ /blun rmugs rmongs la ga la srid/ /'jig rten pa'i skyon de bzhin du/ /dam pa de dag ji ltar yang / /sa mkhan lam la mkhas des na/ /ji ltar bzod par bya dka' yang / /thams cad thams cad bzod par bya/ /dam pa 'di ni sa mkhan te/ /'di ni bdag gi mgon yin pas/ /'jig rten pa yi tha snyad kun/ /nges par thams cad sgyu ma yin/ /gang 'dir gyi na tsam 'di dag /dam par gang la 'gog ma yin/ /skad cig tsam gyi mthong 'di la/ /de lta zhig na 'di lta la/ /de srid tsam du bzod par zad/ /ci gar gar cig 'byung 'joms sgrubs/ /log pas gyin 'da' gyin 'da' 'di/ /dam pa'i don du mi sbyor ram/ /snyam du brtags te dam par bya/ /yun gyi don srid chen po la/ /dmigs nas blo gros phyir bskyed de/ /bde mchog bde pa'i dam pa dang / /skad cig tsam gyi tha snyad 'dis/ /btang snyoms bya ba ga la srid/ /gang 'dir mgon med bdag 'khyams na/ /gang gis phyogs 'di dag la ni/ /phan 'byung rigs can su ga na/ /dam pa ma gtogs gcig 'ga' med/ /'di na phan dang mgon mang zhing / /dman par 'brel pa gang yod kyang / /log par bsgrub pa'i blo gros mkhan/ /g.yang sar mchongs ba'i snga bgros mkhan/ /don la 'gog snyam yod min te/ /bshes gnyen skyabs med ci slad du/ /kun kyang dmang rigs grong khyer 'gro/ /byams blo'i yul du ga la rung / /gang 'dir mun par 'khyams pa la/ /bde mchog snang ba'i lam ston pa/ /skyabs chen dam pa gang de lags/ /gzhan gyis bskyab par nus ma yin/ /des na dam pa gang dag la/ /bsnyan pas shin du bstan par bya/ /gang 'dir snang ba'i tshul 'byung na/ /dam pa nyid du 'dun par gsol/  dam par snang ba thob phan chad/ /dam pa de las 'gal 'gyur las/ /rdul gyi cha yang mi bya'o/ /rgya mi cag cing lung mi bor/ /'dun pa nas bzung las rung ba'i/ /bar du de la ltos dgos so/ /gang 'dir ngo gang ma zin pas/ /gtang snyoms</font><hr>102.251b<br><font size=+1>

tsam du tshul bsad na/ /de la dam pa'i don med de/ /de rkyen de dang mi ldan pas/ /bslab pa'i yul bzlas the tsom zos/ /le los yul la mi brtson zhing / /phyal bas de la ma gus pas/ /shes bya mun pa'i tshogs kyis bsgribs/ /gang gis nam mthong thibs kyis 'gags/ /gang la byis pa shed mi 'bye/ /mdud pa'i bcing ba de las byung / /shes rgyud grol bar ga la srid/ /dam pa'i yo byad lnga dbul ba'i/ /phongs pa de yis gzhan bsgral na/ /de yang dbul po nyid du 'gyur/ /'tsho ba dam pa dang bral bas/ /longs spyod chen pos phongs pa yi/ /mu ge'i dgon pa nyid du ltung / /de lta'i gang zag dman pa de/ /dam par gzung bar gyur phan chad/ /dam par nges dang ma nges kyang / /bka' bcag lugs bor ga la srid/ /gal te de yi rgya nyams na/ /dmyal ba rdo rjer de 'gro ste/ /mi bzad sdug bsngal myong bar 'gyur/ /dmyal bsrungs khyi ni lu de zhes/ /grags pa seng ge gzugs 'dra ba/ /mche ba gzangs rings dbal rno bas/  rbad cing mtshon cha'i lam du bdas/ /spu gri rno dbal ral gri nags/ /nang du ga chad rgyugs skyabs med/ /khro chu khol ma thal skyo yis/ /chu bo rab med nang du 'bying / /rtse gsum mdung dang mda' bo che/ /khab 'dra dpal rno gzangs rings dang / /chu gri ral gri rnos gang ba'i/ /mun dong me 'bar nang du ltung / /sdug bsngal rgyud pa de dag las/ /thar pa'i skabs ni mi srid do/ /slob mar gyur na sems ldan pas/ /dam pa de la nyes byed gang / /sangs rgyas kun la nyes byas pas/ /de dag rtag tu spyi'u tshugs 'gro/ /dam pa kun dang mnyam sbyor pa'i/ /dam pa nyid las gang 'das pa/ /rnal 'byor dam pa dbang gyur pa/ /thams cad 'khrugs nas khrag chen 'thung / /dam pa'i yi ge 'bru bkod pa/ /dbugs chen nang du shar nas kyang / /lcags kyi sdig pa mgo dgu pa/ /rag sha yag shar gyur pa des/ /bsad nas dmyal ba chen por brgyud/ /rnam par 'tshe dang nor 'phrog dang / /bgegs dang sdig pa'i dug dpal gyis/ /nyams pa de la 'tshe bar byed/ /sdig can yin te 'chi bar 'gyur/ /rgyal po'i chad pa la sogs pa/ /'jigs pa brgyad rnams de la 'byung / /sho gam can chen la</font><hr>102.252a<br><font size=+1>

sogs pa/ /gnod sbyin gyis bsad mi bder 'gro/ /ci phyir lha srin sde brgyad las/ /gtum pho gtum mo dam can kun/ /chos srung bka' yi las mkhan yin/ /bka' yi las la dus mi 'dor/ /des na chos la spyod pa yi/ /dam par 'jug pa'i bu rnams kyis/ /nam yang zhabs la mi dmad cing / /bka' zung gcag par mi bya'o/ /gang gis rtse gcig chos bsrungs na/ /chos la bsrung ba'i srungs ma rnams/ /gtum po mthu chen rnams kyis kyang / /bu bzhin rtag tu bsrung bar byed/ /chos srung ba yang gang zhe na/  chos rnams kun la ma rmongs shing / /nges par shes pa gang yin pa/ /chos bsrung ba la mkhas par 'gyur/ /gang zhig kun la mi mkhas shing / /rmongs pa'i lta ba brtan pa can/ /bsgyur bas cis kyang mi 'gyur te/ /nams kyang chos ni srung mi 'gyur/ /gal te dus ni thams cad du/ /dam pa de dang de gcig na/ /rgyud zhan skyo ngas snyom las kyis/ /de dang 'gal na ltung grib rgyu/ /des na dam pa'i lung mi gcag /tshad mar nges pa dam pa'i lung / /thams cad ldem dgongs can yin te/ /yul dang mtsham par sbyor ba yin/ /de yang ji lta bu zhe na/ /ji ltar log sred can dag gis/ /su dag 'jig rten 'dren gang lags/ /kye ma 'jig rten dga' byed khyod/ /thams cad dga' bar ston shes na/ /bdag ltar dga' ba'i don bstan nas/ /'bras bu gdon mi za shes na/ /thams cad mkhyen ces de la bya/ /de ltar mos pa gang bstan pa/ /pha ma bram ze rgyal po rnams/ /bsad bzlag yongs su bcom byas na/ /de dag rtag tu bde ba'i mchog /de bstan de yis de spyad nas/ /bde mchog bde dang ldan pa yin/ /de bzhin bka' yi ldem dgongs la/ /mdo dang don gal che yod pas/ /skyabs chen dam par bzung ba de/ /tshad ma dam par yid ches na/ /de yi lugs kyang dam par bya/ /lang ka'i bdag po gang gi tshe/ /gsang ba mchog gi bdag po des/ /kho bo la ni 'di skad bsgo/ /sems dpa' rdo rje 'dzin pa nyon/ /bskal pa 'bum gyi sangs rgyas pas/ /slob dpon gnyan par shes par bya/ /ci phyir bskal pa'i sangs rgyas rnams/ /slob dpon dag la brten nas byung / /slob dpon dag la ma brten par/ /sangs rgyas rnams kyang mi 'byung ste/ /'byung bar</font><hr>102.252b<br><font size=+1>

yang dag ngas ma mthong / /byung na dam pa'i lugs dang 'gal/ /don dang ldan pa'i dam pa la/ /dus gsum dus ni thams cad du/ /phyogs bcu'i zhing na bzhugs pa yi/ /bde gshegs rgyal ba kun byon na/ /sngags dang 'dun pas phyag mdzad do/ /sems dpa' lha dang mi dag dang / /de bzhin klu dang gnod sbyin dang / /srin po log lta can dag gis/ /rig pa 'dzin pa kun 'dus nas/ /sprul pa'i me tog kun mthor zhing / /bla ma bshes gnyen dam pa khyod/ /bdag cag rnams kyi pha lags so/ /bla ma bshes gnyen dam pa khyod/ /bdag cag rnams kyi ma lags so/ /bla ma bshes gnyen dam pa khyod/ /bdag cag rnams kyi mgon lags so/ /mi shes rmongs pa'i blo gros mkhan/ /lam stor rnams kyi sa mkhan lags/ /mun khung 'khyams pa'i sgron ma lags/ /gdung ba sel ba'i rin po che/ /nyi ma'i zhal la phyag 'tshal 'dud/ /nam mkha'i thugs la phyag 'tshal 'dud/ /zla ba'i sku la phyag 'tshal 'dud/ /pad ma'i zhabs la phyag 'tshal 'dud/ /'di ltar dga' dang gus pa yis/ /sngags dang 'dun pas phyag mdzad do/ /de'i phyir rgyal ba thams cad dang / /sems dpa' rig pa 'dzin pa rnams/ /dam pa'i dam pa las byung bas/ /dper na ma yis bu bskyed ltar/ /de bzhin dam pa shes par gyis/ /dam pa de yi rang bzhin yang / /yid brten sems dang dul ba dang / /tshad med yangs pa'i blo gros dang / /rkyen thub bzod ldan kun du drang / /gsong por spyod la gya gyu med/ /sems can nyen can thams cad la/ /thabs kyis mi 'jigs sna tshogs sbyin/ /dpa' bo mthur ldan brtson 'grus che/ /shes bya'i yul ni thams cad la/ /ji ltar 'dod pa bzhin du 'byung / /srid par zhus kyang zad mi shes/ /brtags shing yon tan phyi phyir 'byung / /bden par smra zhing tshig mi 'gyur/ /ji skad smras pa de bzhin byed/ /legs dang nyes pa'i las rnams la/ /dga' dang mi dga' rtog 'dzin med/ /ri dgas rgyal po seng ge ltar/ /gzi ldan brjid che yul mi 'jug /'du 'dzi dman pa'i las rnams spangs/ /'phyo dang g.yeng bral gang na rtag /seng ge bu ltar cig bu gnas/ /dgon pa'i rgyud dang dben lam</font><hr>102.253a<br><font size=+1>

bsten/ /'di dang gang ldan dam pa'i 'os/ /dam pa thams cad bkur gnas so/ /rang bzhin de dang mi ldan yang / /dam pa'i mdzod dang gnyer ldan na/ /dam par gzung zhing dam par bya/ /chos kun mi shes ma rtogs kyang / /dam par gyur pa'i bla ma la/ /bkur gnas rim gro cher byas pas/ /'khor ba'i rgya mtsho las rgal 'gyur/ /ci phyir zhing rab gshin pa la/ /sa bon btab na rgyas 'phel bzhin/ /bsod nams dam pa'i zhing rab la/ /til 'bru mi stor 'phel mi 'gyur/ /'khor ba'i mtha' las skyob pa yi/ /bshes gnyen dam pa bzhi yod de/ /khungs dang lung dang dbang 'gyur dang / /blo gros nges pa'i tshad ldan bzhi/ /de las gnyen po bzhi 'byung ste/ /sems bskyed stobs dang 'gyod stobs dang / /las kyi stobs dang dmigs pa'i stobs/ /log pa'i stobs rnams 'joms par byed/ /chu bo bzhi las rgal bar 'gyur/ /rgyud kun yongs su grol 'gyur te/ /dam pa'i dam par de nyid 'gyur/ /de skad gsungs nas cang mi gsung / /des na lang ka'i bdag po 'dir/ /blo ldan dga' dang gus pa yis/ /dam par gyur to 'tshal rnams la/ /'dun sar lan gsum gus byas te/ /zhabs la spyi bos gtug par bya/ /dam pa 'am yang na ma nges rnams/ /dam pa'i chos sogs 'dus byas te/ /kha na ma tho gzhom bya'i phyir/ /'jig rten sri zhu'i 'dun pa bya/ /lung 'byung gang dmod 'phel gtam la/ /yang du 'dun pas 'dun thabs sbyar/ /sri zhu sgra yis mtshams bzung ste/ /gang de rnams ni ci bder gran/ /bde dang blang ba langs pa dang / /don byed zhu sogs skabs rnams su/ /rgyud mnyen sri zhu gus ldan pas/ /gyong sems med sngo nan tan bya/ /kun nas gzem mdog bag la gnas/ /gsong po smra zhing gya gyu med/ /ci phyir dam par gyur pa la/ /ma nges gya gyu'i las byas pas/ /dam par gyur pa kun bslus te/ /dmyal ba rdo rjer de ltung 'gyur/ /brtson dang 'grus ldan dang tshul bzang / /brdig cing gsang thub spyod pa dag /ya bag bzhin bzangs mdzes thabs ldan/ /sgo gsum bzang spyod mtha' gsum bsdam/ /dam pa nyid du 'thun bzhin spyod/ /</font><hr>102.253b<br><font size=+1>

gsal la dag pas go rnams dbye/ /dam pa'i nang na bder 'dug tshe/ /kun gyi tshig lam la mi 'byung / /gang dag bzang dang ngan spyod la/ /'thing slad dmod pa yong mi bya/ /bdag la bzang dang ngan brjod cing / /kun mthong kun brjod sgro skur dang / /gang dag tshig lam 'dran 'dod na/ /tshig lam bcad na bde ba thob/ /dam pa'i byang na gnas rnams su/ /khong khro tshig rtsub khyal mi smra/ /bag yangs tshul gyis bya ba min/ /tshul med tshul dang mi ldan pa'i/ /nyam nga med par smra mi bya/ /phod dang lcogs dang gang mthong dang / /stod 'phyor rngom la sogs mi bya/ /gzhan la khyad kyis gsad pa'i tshig /gang ris gcad par mi bya'o/ /dam pa'i gnas su gyur pa la/ /rjes su rigs dang 'thad pa'i yon/ /nor gyi dbyig dang na bza'i mchog /rtsi mchog zas la sogs pa rnams/ /dbul dang gsol bas mnyes par bya/ /des ni nad dang dbul la sogs/ /bkres dang tsha ba'i sdug bsngal gyis/ /nams kyang 'debs par mi 'gyur ro/ /zhu ba dbul ba nad pa dang / /lung byang 'dun par 'dug pa dang / /dam pa'i spyod pa ma rtogs pa/ /dam pa dag dang gnas gcig tu/ /zhabs 'bring ma rtogs nams kyang min/ /'di ltar ma byas nyes byas so/ /sku yi grib ma mi 'gom zhing / /zhabs rjes brlam bar mi bya'o/ /na bza' chags gdan rten la sogs/ /nams kyang 'gom par bya ba yin/ /dam pa'i lung byung ming gis bsgrub/ /ming lcogs ma yin ma lcogs na/ /sgyu gsogs med pa gnas dor ro/ /dam pa'i dkor rnams srog bzhin bsrung / /de yi nye gnas dam pa bzhin/ /de yi 'khor g.yog nye du bzhin/ /rtag tu mnyam pa'i sems kyis blta/ /khri mal stan bde bla ma'i thabs/ /mi gus la sogs mi tshul rnams/ /dam pa'i thad du yong mi mdzes/ /byas na sri zhu dam tshig nyams/ /mgo la ze ldir gdugs thogs dang / /lag rten lus brten de bzhin stod/ /gang 'dir ma rabs thor bu'i thabs/ /snang ba'i yul nas bya ma yin/ /rmang rigs rdol pa g.yung mo'i tshul/ /dam pa'i gzigs yul nams kyang min/ /</font><hr>102.254a<br><font size=+1>

khu ljo smyon pa kun tu rgyu'i/ /spyod pa dam pa'i yul du min/ /snang ba'i lung la gang 'byung spyod/ /ji ltar spyod byung spyod pa byung / /'jam dal thos 'phrigs dogs bzhin spyad/ /dam pa'i spyod pa'i snang yul nas/ /bag med che ba'i thabs mi bya/ /bsgrubs nas mdzes pa'i tshul bzung ste/ /bag dang ldan pas gnas par bya/ /lus kyi dor ba gang dag kun/ /mthong tshor yul nas yong mi bya/ /snang ba lus kyi bya byed rnams/ /blo gros ldan pas bya ba min/ /'dus nas 'du gang byed spyod rnams/ /dam pa'i 'dun sar rigs ma yin/ /'phyo g.yeng brkam dang ma zhi ba'i/ /spyod tshul yul nas mi bya'o/ /khams las byung ba'i lus spyod rnams/ /bsgribs sam phag gam bskyor bkab nas/ /thams cad bde bskyud 'jam byas te/ /dam pa de la ci mdzes bya/ /dam pa gdan bskyod gang phyogs nas/ /bdag nas bsgrims te sri zhu bya/ /bskyod bcag brdzi sang gdan thabs sbyar/ /ma ldan nyid las ci bder sbyar/ /sngon rtsol lung 'byung sri zhu bsdu/ /de rdzogs nas kyang de bzhin no/ /blo ldan spyod lam bzhi spyod na/ /sri zhu gus pas de bzhin sbyar/ /gang ma gus dang btang snyoms dag /nam yang bya ba yod ma yin/ /sri zhu bsti gnas rim gro rnams/ /bya ba'i mdun dang de zan du/ /sri zhu bcug ste ci bder 'gro/ /bde shes la sogs sri zhus zhus/ /yang dka' thub mdun nyid du/ /gar spyod gar skabs sri zhu dbul/ /mtshan nas nam yang mi brjod cing / /dam pa bla ma bshes gnyen zhes/ /brjod pa'i tha mar zhus sgra gzhug /khyad par cir yang dbye bar bya/ /lung byung bka' bzhin zhus zhes brjod/ /thal sbyar gsung ba gzung bar bya/ /dam pa'i lung yul byung rjes 'brang / /de kun sri zhus mtshon pa yin/ /mdzes pa'i tshul bzung gus 'dun nas/ /spobs pa nod pa gsum du zhu/ /gyong khengs med pa'i gnyen lcug gis/ /zhabs 'bring dgos pa thams cad bya/ /dge slong sar pa'i spyod pa yis/ /bsgegs pa la sogs bya byed dang / /rgyan dang mtshon thogs spang bar bya/ /blo gros gus pa de nyid kyang / /nyid kyis nyid la dpyas bcug ste/ /gzhan gyis dpya ba'i gzhi rnams spang / /</font><hr>102.254b<br><font size=+1>

kun du 'thun par bzang brjod pa'i/ /skyes bu gang yin de ltar bya/ /kun gyis 'thun par ma sngags pa'i/ /tha shal gang yin de spyod spang / /dkyil 'khor la sogs sbyin sreg dang / /slob ma gzung dang chos smra ba/ /lung ma byung bar mi brtsam ste/ /dam pa'i yul nas de mi rigs/ /gal te gzhan gyi don byas na/ /de yi yo byad mi spyad de/ /de kun dam pa de la dbul/ /dam pas ci blangs lhag ma blang / /dam pa'i slob ma slob mar yang / /dam pa'i mdun du mi rigs so/ /bkur sti sri zhu la sogs min/ /gang yin dam pa de nyid mnga'/ /snying rjes dam pas ci gnang ba/ /sri zhu mdun bsu lag gnyis kyis/ /blo dang ldan pas blang bar bya/ /rmugs med dran gsal rab bsgribs nas/ /rang gi spyod lam 'da' mi bya/ /blo gros ldan pa'i nyi ma des/ /dam pa lha ltar mchod bya'i phyir/ /mnyes par bya ba'i yo byad brgyad/ /dam pa de la rdzogs par dbul/ /skyo dub med pa'i dad pa dang / /gyong khengs med pa'i mnyen lcug dang / /ser sna med pa'i zang zing dang / /som nyi med pa'i sri zhu dang / /g.yo sgyu med pa'i drang rkan dang / /kha gsag med pa'i rang rgyud dang / /rmongs pa med pa'i shes rab dang / /dri ma med pa'i lhag sems brgyad/ /dam pa de la rdzogs par dbul/ /dam pas bsgo ba bslab pa'i mtha'/ /chub par rdzogs pas rgyud dgrol te/ /shes bya kun la thogs med 'gro/ rang rgyud mdud pa dgrol ba yi/ /shes rab mkha' la bya bzhin rgyu/ /mthar chib rgyud dgrol yul spangs te/ /rgyal srid dang ni rang gi lus/ /bu dang chung ma nor gyi dbyig /rab tu gces dang yid 'thad pa'i/ /nor mchog dam pa de la dbul/ /rang gi lus kyang ci rigs par/ /rin thang gang yin nor gyis blu/ /de nas ji bzhin gar bde bar/ /rnal 'byor yang dag 'jog la zhugs/ /sngon gyi dam pa dam pa rnams/ /bde bar gshegs pa'i rjes su 'gro/ /sngon gyi dam pa bde gshegs rnams/ /ded dpon dam pa mnyes byas nas/ /kun spangs dgon pa'i mthar gshegs pas/ /nyid las dam pa mnyes par 'gyur/ /</font><hr>102.255a<br><font size=+1>

des na ded dpon dam pa dang / /nam du 'ang 'bral ba ma yin te/ /ji ltar lus dang grib ma bzhin/ /blo gros dris na dam par 'gyur/ /ji ltar cang shes gyi ling dag /sdom byed sgrog gis bcings 'gyur ba/ /bkrol byas bde blag byung 'gyur na/ /ci la'ang thogs med 'gro ba ltar/ /sems kyi cang shes dbang po 'di/ /mi shes bcings pas bcings 'gyur ba/ /dam pas rnam grol sgo phye bas/ /shes rgyud kun 'grol thogs med 'gro/ /'di ni mi shes rgyud 'gro ba'i/ /mdud pa'i bcing ba 'grol ba ste/ /rgyud rnams grol ba'i bslab pa ru/ /goms par bya ba rab tu bcos/ /lang ka'i bdag po de dag ni rgyud yongs su dgrol ba'i bslab pa'i mtha' yongs su bgros par shes par bya'o/ /de skad ces smras pas dman pa'i lus kyi sems dpa' rnams dpag tu med pa'i sangs rgyas rnams slob dpon dam par bskrun par shes par gyur to/ /sangs rgyas kun gyi dgongs pa 'dus pa'i mdo chen po las bsnyen bkur dam pa mchog gi le'u ste drug bcu bdun pa'o// //de nas yang gsang ba pa'i bdag pos dam pa'i lus kyi byang chub sems dpa' rnams la smras pa/ /kye grogs po dag sgo dbye bar bya ba ni 'di lta ste/ ji bzhin pa yi de kho na/ /nyid du nges pa'i ngo bo la/ /rig dang ma rig rnam pa yis/ /kun shes spyod dang kun du rmongs/ /rnam pa gnyis su snang ba la/ /tha dad du ma mang por 'gyur/ /rmongs pa rnam pa gnyis snang ba/ /mi shes pa dang log par shes/ /mi shes phyal ba rgyang pan gnyis/ /log rtog mur thug mu stegs pa/ /de yang zhen chags log sred can/ /'jig rten 'jig rten pa zhes bya/ /mu stegs log dang gzhan rkyen log / /zhar las 'byung ba zhes kyang bshad/ /mi shes 'di gnyis gzhir snang ba/ /dman rigs dang ni rigs ma nges/ /rigs chad 'du shes can 'di dag /kun nas bkrigs pa'i mun pa yin/ /'du shes can bzhi chags pa dang / /gang la g.yeng dang ya nga can/ /mos pa can zhes grags pa rnams/ /sa bon 'dzin pa'i zhing du snang / /log par rtog 'di ya mtshan can/ /brgya phrag gsum</font><hr>102.255b<br><font size=+1>

dang drug bcu gnyis/ /nyi shu'am bcu ste lnga gnyis dang / /tha dad rnam pa du mar snang / /yo byad med pa'i phyogs 'dzin las/ /'jig pa'i tshogs dang mthar 'dzin dang / /log par 'dzin dang lta khyad dang / /rang gi brtul zhugs mchog 'dzin te/ /rigs mi mthun pa sde lngar grags/ /rang bzhin log pas log pa nyid/ /gzhan rkyen log pa phra med spyod/ /lung la rten dang rtags tsam 'dzin/ /bcos mar spyod dang mu cor smra/ /lung gi phyogs tsam brten pa dang / /phyogs log gol dang bslad pas 'chal/ /phyogs ltos gcod pa rnams bzhir grags/ /bcos ma gzhan las gyur pa dang / /'di las gyur pa gnyis kho na/ /gnas dang 'khor dang yo byad nor/ /longs spyod lnga ldan gzhan las gyur/ /dran pa rtag lta ltos 'dzin rgyu/ /med pa'i mtha' dang mtha' med shes/ /kun nas rnam par mi g.yeng lta/ /gong du shes pa yod smra lta/ /de bzhin med par lta ba dang / /'di gang 'di las gyur lta ba/ /gang du yod min med min lta/ /bdag shi 'di tshe mya ngan 'das/ /gang 'dir phyogs tsam brten pa ni/ /gang ma yin pa ma yin nyid/ /phyogs log gol bar gang gyur pa/ /drug ste so so tha dad dang / /spyir lta gang rig skyon med pa'o/ /rgyur lta byams pas dag par lta/ /'tsho ba bcos pas dag lta dang / /rgyan la lham dang gos bcos pa/ /skra spung bcas dang rgyan can dang / /dka' thub sten pa drug pa'o/ /slad pas 'chal ba gang 'di la/ /bsten pas bdag lta rten rtog dang / /rten chags byin chags bkra shis mtshan/ /skyabs log yongs su 'chal ba'o/ /phyogs ltos gcod pa gang zhe na/ /phyi rol pa dang yang dag pa/ /gsang sngags pa dang gsang chen pa'o/ /gang 'dir phyi rol rnam pa gsum/ /bye brag pa dang tha snyad pa/ /rang snang gcig phyogs gcod pa'o/ /yang dag phra dang zab pa dang / /rgya che yangs pa de kho na/ /gsang sngags rig byed rig spyod dang / /rigs sbyor dam par phyogs ltos gcod/ /gsang chen brtul zhugs cher spyod dang / /rgyal dpog pa dang rgyal thabs pa'o/ /zhar las byung ba gang 'di dag /mtha' yas sde bcur</font><hr>102.256a<br><font size=+1>

rdzogs pa ste/ /gang mu zin pa de rtags 'dzin/ /sangs rgyas kun gyi nye gnas so/ /lang ka'i bdag po gzhan yang gang / /zhal nas byung ba ji lta ba/ /'jig rten sgron ma nub rjes na/ /gang dag mos pa tha dad pas/ /zhar las byung ba'ang de bzhin no/ /kun shes spyod pa 'ang rnam pa gnyis/ /rim gyis pa dang gcig pa'o/ /rim gyis 'jug pa rnam gsum du/ /phyin ci ma log pa nyid dang / /bsgrub spyod mngon rtogs gsum nyid do/ /'di yang khyad par rnam gnyis gyis/ /gsum gsum gnyis su dam pa yis/ /gsung ba khyod ci mi shes sam/ /des na che chung gnyis gsum drug /sgrub pa zab pa phra ba gnyis/ /blo che zab pa dman pa nyid/ /spyod pa rlabs chen cha shas can/ /rgya che ba dang mtshan mar spyod/ /de na gsang chen gsang bar bshad/ /mngon rtogs rnam gnyis phyi nang 'jug /mi mthun phyogs kyis gal bzung nas/ /cha gnyis so sor 'dod pa 'byung / /phyi rol bye brag tha snyad gnyis/ /cha gnyis gcig las rtsod pa 'byung / /nang 'jug sems snang dbus mtha' med/ /phyi nang snrel zhir phyogs 'dzin cing / /gang 'dir nges par gcod pa 'byung / /mtha' dbus 'byed dang nges par 'jug /gtan la 'bebs pa de bzhin 'byung / /rang dang lta ba'i phyogs 'dzin cing / /brtsod pas the tshom 'byung ba dang / /dbus mtha' 'byed dang nges par 'jug /gtan la 'bebs pa de bzhin 'byung / /cig car 'jug pa'i rnal 'byor pa/ /bya dang bya thabs bya med pa/ /skyes dang ma skyes skye 'gag med/ /'di kun ma 'dres yongs su rdzogs/ /ma 'dres mkha' la gza' skar bkram/ /yongs su rdzogs pa mkha' khyab bdal/ /'ja' snang mkha' ltar ma 'dres gcig /rmongs rims cig car 'jug spyod pa/ /'dod pa'i yul la zhen spong dang / /sbyong sgyur shes rtogs spyod dbang byed/ /shes pa 'jig rten rtog 'phags pa/ /spyod pa blo ldan dbang sgyur thabs/ /gang 'di'i snod kyang bzhir gzigs te/ /zhen chags log sred rigs rgyud can/ /blo gros can gyi snod</font><hr>102.256b<br><font size=+1>

rnams la/ /bstan bya rnam pa bzhir gsungs pa/ /'dod rkyen bkri drang brgyud pa'i tshig /ldem dgongs don dam nges pa bzhi/ /snod kyi rkyen dang sbyar ba yin/ /'di kun shes bya'i gzhi gcig pa/ /'dod pas mthong ba tha dad pa'o/ /'di ltar mthong sgo tha dad bzhin/ /rnam par snang 'byung bkod pa la/ /gang gis kun la zhugs bltas nas/ /gcig tu 'bebs pa dam pa'o/ /ji ltar bung ba khung tshol ba/ /kun du 'jug cing byung nas ni/ /rang gi gseng khung gang yin par/ /nges par 'jug cing gnas pa ltar/ /rnal 'byor don gyi rjes tshol pa/ /spyod sgo ci yod bstun te bsdu/ /lta sgor 'jug cing brtags bsdur nas/ /don dam nges pa'i gsang nyid la'o/ /de nyid don gyi rjes gcad phyir/ /sgo mo kun nas bsdur ba yi/ /bslab par bya ba'i thabs yin te/ /goms par bya ba rab tu gces/ /lang ka'i bdag po de dag ni phyis 'byung bar snang ba'i sgo yongs su dbye ba yin te/ /kun nas bsdur bar bslab pa'i mtha' yongs su bgros par shes par bya'o/ /de skad ces smras pas/ dman pa'i lus kyi sems dpa' rnams chos thams cad kyi sgo rang snang bar shes par gyur to/ /sangs rgyas kun gyi dgongs pa 'dus pa'i mdo chen po las chos thams cad kyi sgo rab tu dbye ba'i le'u zhes bya ste drug bcu brgyad pa'o// // de nas yang gsang ba pa'i bdag pos dman pa'i lus kyi sems dpa' rnams la smras pa/ kye grogs po dag mthar phyin par bya ba ni gang zhe na/ 'di lta ste/ bsam gyis mi khyab pa'i rnam pa ni bsam du med pa mthar phyin par bya'o/ /bsam du med pa ni sems kyi de kho na nyid du mthar phyin par bya'o/ /sems kyi de kho na nyid ni dgongs pa dam pa 'dus pa'i de kho na nyid du mthar phyin par bya'o/ /de ci'i phyir zhe na/ dgongs pa dam pa 'dus pa'i de kho na nyid la mkhas na sems kyi de kho na nyid la mkhas par 'gyur ro/ /sems kyi de kho na nyid la mkhas na bsam du med pa la mkhas par 'gyur ro/ /bsam du med pa la mkhas na</font><hr>102.257a<br><font size=+1>

bsam gyis mi khyab pa'i rnam pa la mkhas par 'gyur ro/ /bsam gyis mi khyab pa la mkhas na rnam pa thams cad mkhyen pa yin te/ de ni dgongs pa kun nas 'dus pa nyid du shes par bya'o/ /grogs po dag de bas na bsam gyis mi khyab pa'i chos thams cad kyi rnam pa ni rnal 'byor pa rnam pa gsum gyis yongs su 'grel ba ste/ gsum gang zhe na/ bya ba'i rnal 'byor dang / bya ba byed pa'i rnal 'byor dang / bya ba med pa'i rnal 'byor ro/ /grogs po dag bya ba'i rnal 'byor yang gsum du shes par bya ste/ gsum gang zhe na/ phyi'i rnal 'byor dang / nang gi rnal 'byor dang / phyi nang gi rnal 'byor ro/ /grogs po dag de la phyi'i rnal 'byor gang zhe na/ 'di lta ste/ sa rdo rje zhes bya ba'i rnal 'byor chen po dang / de bzhin du chu rdo rje dang / me rdo rje dang / rlung rdo rje dang / nam mkha' rdo rje dang / gzugs rdo rje dang / sgra dang / dri dang / ro dang / reg dang / chos rdo rje zhes bya ba'i rnal 'byor chen po rnams dgongs pa dam pa de kho na nyid du mthar phyin cing phul du gyur pa'o/ /grogs po dag nang gi rnal 'byor ni 'di lta ste/ sems rdo rje zhes bya ba'i rnal 'byor chen po dang / de bzhin du rtog pa dang / dpyod pa la sogs pa gang zin pa'i rdo rje zhes bya ba'i rnal 'byor rnams dgongs pa dam pa de kho na nyid du mthar phyin cing phul du gyur pa'o/ /grogs po dag phyi nang gi rnal 'byor gang zhe na/ 'di lta ste/ thams cad dang / dkar po dang / nag po dang / nges pa dang / ma nges pa dang / dman pa dang / dam pa dang / 'byung ba dang / mi 'byung ba dang / byas pa dang / ma byas pa dang / bcas pa dang / ma bcas pa dang / spyi thun dang / khyad par gyi rnam pa rnams dgongs pa dam pa de kho na nyid du mthar phyin cing phul du gyur pa'o/ /grogs po dag de dag ni bya ba'i rnal 'byor du shes par bya'o/ /bya ba byed pa'i rnal 'byor gang zhe na/ 'di lta ste/ rten pa dang / spyod pa dang / mig dang / khyad par dang / mi 'gyur ba dang /  rtsal gyis gnon pa dang / kun nas rig pa'o/ /grogs po dag de dag kyang dgongs pa dam pa de kho na nyid du mthar phyin cing phul du gyur pa'o/ /grogs po dag gzhan yang</font><hr>102.257b<br><font size=+1>

'di lta ste/ sbyor ba dang / mi gnas pa dang / bskyod pa dang / bsgyur ba dang / rtsal dang / 'byung ba dang / 'jug pa dang / sgo dang / shes pa dang / gnas dang / rig pa dang / lam dang / 'jug pa dang / ye shes dang / khyab pa'i rnam pa de dag kyang dgongs pa dam pa de kho na nyid du mthar phyin cing phul du gyur pa yin pa'o/ /gzhan yang mthong ba dang / ma yengs pa dang / don dang / tshig dang / sngags dang / yi ge'i sgo rnam pa de dag kyang dgongs pa dam pa de kho na nyid du mthar phyin cing phul du gyur pa'o/ /grogs po dag de dag ni bya ba byed pa'i rnal 'byor du shes par bya'o/ /kye grogs po dag bya ba med pa'i rnal 'byor gang zhe na/ 'di lta ste/ sa dang / bslab pa dang / sbyor ba dang / rtog pa dang / ltung ba dang / ma nor ba dang / nges pa dang /  dgongs pa dang / ye shes dang / tshogs dang / bsgrub pa dang / dngos sgrub dang / ting nge 'dzin dang / chen po dang / ye shes dang / byung tshul dang / che ba dang / rol pa dang / rngom pa dang / brjid pa dang /  mthu dang / cho 'phrul dang / yongs su rdzogs pa'i rnam pa dag dgongs pa dam pa de kho na nyid mthar phyin cing phul du gyur par bya'o/ /de yang ji lta zhe na/ grogs po dag 'di lta ste/  ji ltar mthon ri rtse dag la/ /sgyid mi lug par brtson 'dzegs na/ /mthon ser snang mthong kun gsal bas/ /thams cad kun snang lam la mkhas/ /de bzhin shes rab mthon ri la/ /brtson pa dam pas kun bltas na/ /kun gyi phul du shes rab phyin/ /mkhas pa'i ye shes tshad med do/ /don la mkhas par bya ba de/ /phul du byung ba'i bslab pa ste/ /dgongs pa dam pa de nyid la/ /mkhas par bya ba rab tu gces/ /grogs po dag de dag ni mthar phyin par bya ba rab tu shes par bya'o/ /de skad ces smras pas/  dman pa'i lus kyi sems dpa' rnams kun gyi phul du gyur par dgongs pa dam pa de kho na nyid la bzod pa thob par gyur to/ /sangs rgyas kun gyi dgongs pa 'dus pa'i mdo chen po las bsam gyis mi khyab pa bstan pa'i le'u zhes bya ste drug bcu dgu pa'o// // de nas yang gsang ba pa'i bdag pos dam pa rnams la smras pa/ grogs po dag thams cad du 'du bar byas pa ni 'di lta ste/ bya ba dang / rang bzhin dang / bsgyur bas so/ /</font><hr>102.258a<br><font size=+1>

grogs po dag de la bya ba ni bsdu ba'i bya bas so/ /rang bzhin ni chos nyid kyis so/ /bsgyur bas 'dul bar bya ba ni 'di lta ste/ rgyu dang / dus dang / tshad dang / grags pa dang / gags dang / rtags dang / thob pa'o/ /grogs po dag de la rgyu ni yo byad chen po lnga kho na'o/ /dus ni mtha' bcu rdzogs pa dang / nye bar dris pa dang / rigs can 'du ba dang / gsal ba thob pa dang / las su rung ba dang / mtshan ma 'byung ba dang / mang po sngags pa dang / nyams rnyed pa dang / bya ba rdzogs pa'o/ /grogs po dag tshad ni 'di lta ste ded dpon dang / snga ltas dang / smyin pa'o/ /grogs po dag ded dpon gang zhe na/ 'di lta ste/ goms pa dang / rig pa dang /  'du ba dang / thob pa dang / rdzogs pa'o/ /grogs po dag snga ltas ni 'di lta ste/ mthong ba dang / 'byor pa dang / nus pa dang thos pa'o/ /grogs po dag smin pa ni 'di lta ste/  mngon spyod dang / mi bskyod pa'o/ /grogs po dag grags pa gang zhe na/ 'di lta ste/ gang chu bo bzhi'i rgyud du byung ba dang / gang dag las 'phags pa dang / gang dang ldan pa dang / gang la mkhas pa dang / gang thob pa nyid do/ /grogs po dag gags gang zhe na/ 'di lta ste/ thob pa dang / mi chags pa dang / mi gos pa dang / sreg pa'o/ /rtags gang zhe na 'di lta ste/ grags pa dang / 'gyur ba dang / btsan pa dang / 'byung ba'o/ /grogs po dag thob pa gang zhe na/ 'di lta ste/ bskur bas thob pa dang / rtsal gyis thob pa'o/ /grogs po dag de yang 'di ltar thob par rig par bya ste/ gang 'dir snying rje'i yul rnams la/ /byin brlabs 'byung ba gang yang rung / /'dun pa'i rnal 'byor pa dag la/ /glegs bam bcu gnyis sbyin par bya/ /gang sbyor ba'i rnal 'byor la/ /nyi zla gnyis ni sbyin par bya/ /dbugs chen 'byin pa'i rnal 'byor pas/ /rin chen bdun nyid nges par 'thob/ /lung chen thob pa'i rnal 'byor pas/ /g.yung drung brgyad dag thob pa yin/ /rtsal chen rdzogs pa'i rnal 'byor pas/ /rtsal bcu'i khyad par de nyid 'thob/ /kun gyi bla ma dam pas ni/ /rtog stong 'bar ba bla med 'thob/ /dgongs pa kun 'dus gsang chen 'di/ /ma thos gzu</font><hr>102.258b<br><font size=+1>

lums rang bshad pas/ /rab 'byams bstan pa kun la yang / /dam pa mthong bar mi 'gyur ro/ /ji ltar rgyal rigs rgyud byung ba/ /mang pos dbang por dpon stabs te/ /'khor lo la sogs rin chen gyis/ /kun la dbang sgyur thob pa ltar/ /de bzhin rnal 'byor rgyud byung ba/ /chos kyi rgyal por dbang bstabs te/ /tog stong 'bar ba la sogs pas/ /khyad par bla ma dam par 'gro/ /'di ni bla ma'i khyad par te/ /rgyal sar nges par 'byung ba yi/ /rtsal gyis bgrod cing bslab pa'i thabs/ /goms par bya ba rab tu gces/ /kye grogs po dag de dag ni thams cad 'du bar bya ba yongs su bgros par shes par bya'o/ /de skad ces smras pas/ dman pa dam pa dag lung dam pa bstan pa'i drod thob par gyur to/ /sangs rgyas kun gyi dgongs pa 'dus pa'i mdo chen po las rnal 'byor dam pa lung bstan pa'i le'u ste bdun bcu pa'o// // de nas yang gsang ba pa'i bdag po des dman pa'i lus kyi sems dpa' rnams la smras pa/ kye grogs po dag la dor bar bya ba ni 'di lta ste/ gang go cha gyon pa'i rjes su ma ldog par 'gro ba ste/ 'di ltar ji bzhin pa'i rjes su ji snyed pa 'gro ba/ nam mkha'i rjes su 'byung ba 'gro ba bzhin sems nyid kyi rjes su sems las byung ba 'gro ba yin/ chos nyid kyi rjes su chos thams cad 'gro ba yin/ de bzhin du dgongs pa dam pa'i rjes su gang gsung ba dang / gang mdzad pa thams cad 'gro bas na/ dgongs pa kun nas 'dus pa ji ltar bshad pa bzhin du gang du spyod pa de ltar ro/ /kye grogs po dag de yang 'di lta ste/  mnyam dang mi mnyam mi mnyam mnyam/ /kun nas mi mnyam yongs mi mnyam/ /gsang sngags spyod pa'i khyad par yang / /gang dang don gyi mnyam par spyad/ /byin gyi brlabs kyis spyod pa 'am/ /dbang sgyur thabs kyi spyod pa ste/ /dper na nam mkha' rgyal po 'am/ /ji ltar me dpung chu bo 'dra/ /de yang de yul che chung gis/ /khyad par nyid kyis brlabs pa yin/ /rgyal po de yang khyad par gyis/ /dbang bsgyur bya ba'i khams rnams la/ /che chung rim pa yod pa</font><hr>102.259a<br><font size=+1>

bzhin/ /rnal 'byor sngags tshul de ltar snang / /thabs chen spyod la 'jug pa yang / /bab tshod thad du 'jug pa ste/ /dper na glang chen chur 'jug pa/ /rab dang glong chen bab mi lta/ /de yang rtsal sgyid drag zhan gyis/ /la la thad du gcod pa la/ /la la chu yi gzhol phyogs so/ /de ltar rnal 'byor spyod 'jug pa/ /'bras bu don la bab gcod kyang / /rtsal 'phang mtho dman khyad par gyis/ /ji ltar nus tshad de spyod phyir/ /sa dang gnas skabs ye shes dang / /sgrib dang gol sa rtog pa dang / /spyod dang dam tshig ting 'dzin dang / /dus dang dngos grub mthar phyin dang / /lta ba'i khyad par gnas gyur nas/ /thams cad gcig las med na yang / /grangs sam dbye ba grags phrag rnams/ /snod kyi rtsal dang sbyar nas ni/ /khyad par ci yang bstan pa yin/ /de yang rtsal gyi khyad par gyis/ /dang po las kyi khyad par las/ /sogs pa'i rnal 'byor chung ngu rnams/ /rang rang rtsa ba bor nas ni/ /rtsal chen rdzogs pa'i rnal 'byor la/ /sogs pa'i rnal 'byor chen po'i tshul/ /spyod par byed dang don 'dod pa/ /sbal bus mkha' lding las spyad kyang / /btsal ba'i yul ni chad ma yin/ /nor bu las kyi 'phang dmas pa/ /rang skal 'tsho ba'i tshong bor nas/ /rgyal po thabs kyis 'phang mtho ba'i/ /longs spyod che la dmigs bcas kyang / /de dag mi 'thob 'tsho bral zhing / /skal ldan can gyi don 'di dag /skal zhan dag gis 'grub par dka'o/ /de phyir dgongs pa kun 'dus la/ /gang 'dir rnal 'byor dman don du/ /gso dang sbyong ba'i spyod pa dag /dman pa dag dang mnyam par gsungs/ /gso dang bslang ba'i rtog pa 'di/ /rtog pa can dang 'thun par spyad/ /gso ba rtog pas zin pa'i nad/ /lta spyod nyam pa'i sman gyis gso/ /shi bslang ba yi rtog pa 'di/ /khams gsum 'khor ba'i nad pa rnams/ /rtag chad mthar shi ro gling nas/ /gti mug bam chen ro blangs te/ /skye 'gag med par blang ba'i phyir/ /ro la yid bzhin nor bu yi/ /sngags kyis btab ste gnon par bya/ /ri yi gnyen por</font><hr>102.259b<br><font size=+1>

bdag gyur nas/ /ro sngags rgyun mi 'chad par bzlas/ /ro yi gzi byin byung ba na/ /bar chad med pa'i brtson 'grus bya/ /ro de 'gul bar gyur pa dang / /gang gi 'gyur rtsis byug par bya/ /ro yi yan lag kun bcings nas/ /bzlas pa drag po rgyun mi gcad/ /gang der nges par gyur pa dang / /cho 'phrul 'jigs tshul ston par byed/ /brtul zhugs ldan pa'i skyes bu yis/ /de tshe ro yi lce bcad nas/ /ro la brdabs na gser du 'gyur/ /de bzhin ji ltar 'dod pa yi/ /rkyen gyis bsgyur na de ltar 'gyur/ /lce bshad ral gri mtshon cha dang / /ro yi mgo bo gcad pa des/ /ji ltar 'dod pa'i rdzas 'grub ste/ /mgo thod go char bzung nas ni/ /lce yi ral gri mtshan thogs nas/ /lha min g.yul yang bzlog par 'gyur/ /ro langs grub pa'i rkang 'gyogs ni/ /dpag pa'i tshad las 'das pa ste/ /skyes bu rtsal dang ldan pa yis/ /phyogs bzhir bltas te dus gcig tu/ /mda' 'phangs sa la ma babs par/ /mtha' blangs skad cig 'jig rten bskor/ /skyes bu lag tshod ma yal bar/ /de ma thag tu gnas su slebs/ /yud ltar shin du myur ba 'thob/ /de la sogs pa mtha' yas pa/ /ro la 'dod pa thams cad 'byung / /ro la ror bsgrubs ro grub na/ /ro yi dngos po mi snang bar/ /gang ltar bsgrubs pa de snang phyir/ /ro la rnam rtog ga la yod/ /ro la ro yi rang bzhin dag /med par shes pas thag chod bzhin/ /spyod pas de ltar mnyam spyad na/ /lta spyod mnyam zhes dam pas bshad/ /'di ni shi ba slong ba yi/ /bdud rtsi dam pa'i spyod pa'o zhes/ /dgongs pa dam pa'i kun 'dus gsungs/ /grogs po dag de dag ni shi ba slong ba'i rtog pa yongs su spyod par shes par bya'o/ /grogs po dag de la sbyong ba'i spyod pa gang zhe na/ 'di lta ste/ rtog pa'i zug rngu sbyang ba dang / rgyud yongs su sbyang ba'o/ /de la rtog pa'i zug rngu sbyang ba ni gang rtog pa'i dngos po sbyong ba'o/ /grogs po dag rgyud yongs su sbyang ba ni bkod pa'i bya bas sbyang ba dang / me yi</font><hr>102.260a<br><font size=+1>

bya bas sbyang ba'o/ /de la bkod pa'i bya bas sbyang ba gang zhe na/ brtsam pa las kyi dang po dang / /dam pa'i don la 'jug pa na/ /thabs mchog lngas ni spyad par bya/ /rdo rje dus tshigs bsnyen pa dang / /gang 'dir nye bar bsgrub pa dang / /bsgrub po chen pos sbyor ba la/ /grangs dus mtshan mar bcas par bya/ /rnal 'byor bcad pa'i bka' sgo 'dir/ /gsang go mi dbye skrag par 'gyur/ /ci phyir dang po yin pas na/ /byis pa blo shed ma bye ba/ /ma nges ldog 'jug bcas pa yis/ /theg chen don las gol bar 'gyur/ /gnas 'dir 'jug pa'i byis pa dag /'jig rten drug las drangs nas kyang / /'gyur dbang ma nges sar bzhag ste/ /ji ltar 'tsham par bde thabs sbyar/ /rdo rje thabs chen tshom bu lnga/ /rdo rje 'dzin tshogs bcu drug ldan/ /dbyings kyi dkyil 'khor rdo rje can/ /bri bya yang na bsam pa 'am/ /brjod dam dngos sam mtshan ma la/ /'jig rten dbang po chos lugs kyis/ /mos pa la bskyed dran byas te/ /rang bzhin yul las phan nas ni/ /phyag bya la sogs mchod na ni/ /rdo rje dman dang rtsir sbyar ba/ /yo byad chen po la sogs pas/ /rdo rje thabs kyi tshogs la dbul/ /rdo rje rnal 'byor glu blangs te/ /mnyes byas las grub grangs rdzogs nas/ /mnyes nas rgyud sbyangs 'dod par bya/ /snod du rung ba'i slob ma dag /dbang mkhyen la sogs bya ba yis/ /'jug tshul dbang dang dngos grub stsol/ /rdo rje tha tshigs rnam lnga yis/ /bslab pa'i gnyer rnams ci rigs par/ /rtsal gyi rnam par byin nas kyang / /rdo rje gal chen mna' bor ro/ /de nas sgrub pa che chung rnams/ /ji ltar 'dod pa nan tan gyis/ /rdo rje rnal 'byor dka' bya'o/ /mi nus la sogs mi snang ba'i/ /rdo rje'i tshig gis nan chags bya/ /rmongs pa gang phyir sems bskyed de/ /ngo mtshar tshig gi 'du shes bsgyur/ /shes rab mig can shes bya'i yul/ /thams cad rim bzhin bstan par bya/ /drod can blo dkyil che</font><hr>102.260b<br><font size=+1>

rnams la/ /rnal 'byor nang par gsang sgo dbye/ /rtsing po 'gros kyi dmu rgod la/ /gcan mkhrang 'khor ba'i g.yeng rnams bstan/ /rdo rje lung gi tshig can la/ /ji ltar nus pa de dbang bskur/ /rtsal med mi nus gang dag la/ /phan pa 'ba' zhig bsngags pa yin/ /gnas 'dir gsal dang mi gsal dag /'od mi dbab cing ljid mi dbab/ /rdo rje blo yi yul can la/ /rtsal chen sbyong zhes gdam par bya/ /rdo rje 'dus pa'i dbang gral du/ /rdo rje don gyi ltang chen bsher/ /rtsal dang rim pa khyad par dbye/ /so so'i rigs kyi phyag rgya dag /spyi 'am yang na re re'o/ /gzhan yang shes rab gzungs kyi tshogs/ /ji ltar thabs kyi tshogs sbyor ltar/ /gang dag rnal 'byor mar ldan rnams/ /rdo rje 'dzin ma la sogs pa/ /lha mo tshogs su bkod nas kyang / /gnas 'dir 'jug dga' la sogs pa/ /thabs kyi phyag rgya mtshan mar skas/ /rdo rje mnyam pa'i gzungs rnams la/ /mnyam pa'i mchod pas mnyes par bya/ /bro gar glu tshig la sogs pas/ /rig 'dzin rnal 'byor ma rnams bsgrub/ /gzhan yang dus bzhi mnyam rig na/ /dus zhes bya bar ga la rigs/ /dus bzhi mnyam par rab shes na/ /de nyid mnyam pa'i rang bzhin no/ /rdo rje lha mo dus kyi tshogs/ /'das dang da ltar byung ba dang / /mi 'byung ma nges cha rnams la/ /dbang sgyur mnyam pa'i rgyal mo rnams/ /'jig dang skye dang smin pa dang / /stongs par gyur pa de dag tu/ /rdo rje rnam thar tshad med dang / /sems dang de bzhin mnyam pa yi/ /shes rab 'khor dang dam pa'i dkyil/ /ji ltar rim par rdo rje yi/ /glu gar la sogs yo byad kyis/ /mchod dang 'jug tshul ji ltar bar/ /cha rnams dus las mi 'da' bar/ /lha yi nyi ma rnams la'o/ /bde ba chen po la sogs pa/ /tshom bu 'am yang na phyag rgya rnams/ /spyir ram re rer sbyar bar bya'o/ /'das pa rnam thar tshogs bskrun te/ /da ltar 'byung dang mi 'byung la/ /tshad med sems dang rnam thar bskrun/ /de ni mnyam pa'i rgyal por 'gyur/ /gzhan yang rnal 'byor byang chub sems/ /</font><hr>102.261a<br><font size=+1>

rdzogs pa bcu drug zla rgyas tshul/ /snying rje ye shes shar ba na/ /mkha' la nyi shar tshul bzhin du/ /dam pa rdzogs pa'i rnal 'byor pa/ /yang dag nges pa'i sa pa yin/ /bcu gsum la la bgrod pa ni/ /rdo rje dus kyi rgyun tshogs sbyar/ /skar tshogs dbus na zla nya ba/ /bcu drug zhag gis rdzogs pa bzhin/ /bcu gsum rtsal chen rdzogs pa'i sa/ /bcu drug tshogs kyis rdzogs pas na/ /brdzes pa'i zla ba bcu drug gis/ /nyi gsal 'od kyi phyag rgya la/ /mdzes par spras pa'i bde ba de/ /bcu drug tshogs kyi rdzogs pa bskrun/ /rdzogs pa nyid na mi dmigs pa/ /de bzhin nyid du sbyangs pas na/ /mnyam pas stong par gyur pa la/ /thams cad chos skur rdzogs byang chub/ /sdug bsngal byang chub gnyis med de/ /rmad byung sems bskyed las chen spyad/ /phra mo drod du gyur pa na/ /dam pa spyad na nyi ma 'char/ /dus 'di rgyun gyi bar chad na/ /snyan pa dag gis bzlog par dka'/ /bar chad byung na bskang gso bya/ /mkha' la zla gsal gra rgyas bzhin/ /sa la rnal 'byor gra rgyas spyad/ /gang 'di rgyas na bsod nams dang / /bsngo ba chen po'i las rnams bya/ /des ni nyi zla zhon 'gro ba'i/ /rig 'dzin sa la gnas phan cad/ /bde chen bcu gsum sa la 'grub/ /gzhan yang rgyun du bya ba ni/ /chos kun rgyal ba'i rang bzhin te/ /rgyal ba sku gsung thugs su snang / /sku dang gsung thugs phyag rgya dag /yi ge phreng ba nyid la rdzogs/ /yi ge phyag rgya'i ye shes rnams/ /rgyun gyi rgyun du bya ba yin/ /des ni rgyun gyi ting 'dzin thob/ /rgyun gyi rgyun du mi gcad pa/ /rdo rje nam dang nyi tshod la/ /yi ge'i tshogs ni bskyed sbyar la/ /mchod bsnyen bcas sbyar de bzhin no/ /'di ni don dam nye ba'i lam/ /dam pa bskrun par 'gyur phyir ro/ /'dir ni rgyun gyi rgyun tshogs des/ /dam pa'i dam par de nyid 'gyur/ /gzhan yang rdo rje dra ba'i dbyings/ /thugs kyi gsang chen gsang ba 'di/ /rdo rje rdo rje yin pas na/ /rdo rje dbang yul 'brel bas ni/ /thams</font><hr>102.261b<br><font size=+1>

cad 'byung bas dbyings zhes bya/ /rdo rje 'dzin ma 'dzin rdzogs bcas/ /'khril mnyam pa yang de bzhin te/ /gzugs brnyan ting 'dzin rang bzhin gnas/ /ji ltar rim bzhin sbyar byas na/ /ji ltar 'dod pa de ltar ni/ /'dod pa'i khams ltar mnyam par gsungs/ /gzhan yang gang du gang 'brel ba'i/ /gsang chen dam pa'i dkyil 'khor ni/ /chos rnams kun gyi rang bzhin 'di/ /phan tshun dra bas 'brel ba la/ /stong nyid nam mkha'i rang bzhin las/ /sprul pa bye ba ci yang snang / /gnyis med dra ba'i tshul du 'brel/ /rnal 'byor chen po'i yul de nyid/ /rtsal dang ldan pa'i gsang sgo pa/ /'di la gsang sgo dbye bar bya'o/ /gsang 'dir chud pa'i bu rnams ni/ /blo gros chen po thabs ldan pas/ /mi skrag dga' ba'i ngo mtshar skye/ /gsang chen gsang ba'i dkyil 'khor 'di/ /rdo rje rgyal po rgyal mor bcas/ /lnga gnyis zung du 'khril ba ni/ /g.yas nas g.yon du 'khril tshul sbyor/ /g.yas nyid byang chub rdo rje dang / /rang rang mtshan ma 'bar ba'o/ /g.yon nyid sgra brnyan dril bu dang / /rtags kyis mdzes par gsal ba la/ /'byo zhing 'dud pa'i mdangs ldan pas/ /chags shing g.yo ba'i tshul gyis ni/ /seng chen g.yo ba'i tshul gyis ni/ /seng chen khyu mchog la sogs pa/ /sems dpa' dman pa'i lus khri la/ /rdzogs pa'i tshul gyis bsgyings bcas te/ /kha dog lnga yi 'od 'bar ba/ /bcu gsum cha lugs bsgegs pa rnams/ /rim gyis sam ni cig car bskyed/ /gang 'dir 'dod khams chags zhen pa'i/ /dbang po rim par sbyang bar bya/ /de min yab yum yong mi dmigs/ /gsang nyid tshogs kyi 'khor rnams kyang / /gnas 'gyur ba yi rang bzhin gyis/ /phyag rgya rgyal po rgyal mor bcas/ /brgyad gnyis zung sgril 'khril 'byung sbyor/ /sa dang nam mkha' spyan rdo rje/ /byams dang rdo rje kun bzang dpal/ /nang dang phyi yi yo byad ni/ /bzhi gnyis dag gis mnyer sbyor ba/ /bsam bya la sogs de bzhin no/ /</font><hr>102.262a<br><font size=+1>

rdo rje sgo dang bcas par ni/ /rdo rje 'khril 'khyud gsang ba'i tshogs/ /rnal 'byor longs spyod cher sbyar bas/ /mnyes nas sbyar phyir rim bzhin dbul/ /gsang ba'i 'jug tshul la sogs kyis/ /gsang ba'i don rnams bsgrub par bya/ /'jug sgo spyod dang lta ba 'thun/ /thams cad gcig par gyur pa yi/ /rgyu dang rkyen ldan phun sum tshogs/ /mdza' 'phrod rkyen dang dgyes sbyor ldan/ /lha dang rig 'dzin rnal 'byor ril/ /ma lus tshogs pas chos 'di spyad/ /skad cig yud tsam thang cig gam/ /yud tsam nyin cig zla re 'am/ /lo yi nyi ma bkra shis kyi/ /dus la bab pa'i dus chen dag /byin gyis brlabs pa'i dus chen yin/ /ji ltar 'byor pa'i yo byad rnams/ /dag dang ma dag khyad par gyis/ /gtsang ma kha zas la sogs dang / /rnam rtog nad 'joms bdud rtsi rnams/ /rgyal ba'i tshogs dang 'byung po la/ /ji ltar 'byor ldan nan tan bya/ /bdag dang gzhan dang gnyis ka dang / /chos kyi don du mi 'gyur ba'i/ /skyon bzhi spangs te bzlog tshul sbyar/ /rnal 'byor snying dang mig lta bur/ /gdung ba'i 'du shes nyer gzhag ste/ /ji bzhin 'dod ltar bde bar sbyar/ /lha rnams mnyes par bya ba dang / /bgegs rnams zhi bar bya ba dang / /don grub shi ba gso ba'i phyir/ /las 'di spyad par shin du gces/ /'di dag blo chung gsar zhugs pa'i/ /mdun du brjod par bya ba'i rigs/ /rdzas dang yo byad thams cad kyang / /cis 'dul de ltar rtsal dang sbyar/ /des na las 'di khyad par yang / /tshogs la tshogs bskyed sgrib sbyangs te/ /bsnyen pa dag la goms byas nas/ /bsgrubs pas 'bras bu mthar phyin pa'o/ /de skad sems dpa' rdo rje des/ /'dus pa phal mo che la bshad/ /'dus pa kun gyi don mthong ba/ /rdo rje 'dzin pa de la gsol/ /sems dpa' chen po bdag cag gis/ /chos rnams kun gyi rang bzhin ni/ /thabs nyid shes rab nyid bkod dang / /kun nas mnyam dang bcu drug cha/ /yi ge tshogs dang 'byung ba'i dbyings/ /gnyis med dra bar 'brel la sogs/ /</font><hr>102.262b<br><font size=+1>

rang bzhin ting 'dzin gzugs brnyan du/ /snang bar nges par mthong lags so/ /de skad gsol bas des gsungs pa/ /gang 'dir 'dus pa'i tshogs mang kun/ /ji ltar mthong ba de ltar yin/ /ye nas ma bcos ji bzhin nyid/ /rang bzhin dkyil 'khor de kho na/ /dgongs pa dam pa lhun grub pa/ /ting 'dzin dkyil 'khor dam pa nyid/ /de dag rtsa ba sems nyid pas/ /sems can gzugs brnyan dkyil 'khor gsal/ /rang bzhin ting 'dzin dkyil 'khor du/ /thams cad ye nas zhugs bkod rdzogs/ /de las khyad par skal ldan mi/ /spyod yul gyur pa gzugs brnyan te/ /ras 'jam khod snyoms bzang la sogs/ /kha dog lnga 'am nyi shu lngas/ /ma mthong rmongs la bstan phyir mtshon/ /ma nyams mtshan mas de rangs 'gyur/ /bstan zhing nges 'jam khang bu la/ /kha dog 'bar bar gzugs mtshon te/ /phyag rgya ma nyams mdzes ldan na/ /mtshan ma'i cho 'phrul ston par nus/ /gser dngul zangs lcags la sogs pa/ /gang blugs rgyal ba'i sku byas te/ /phyag rgya ma nyams dang ldan na/ /de yang mtshan ma'i rten du 'gyur/ /shel rdo dung la sogs pa la/ /'bur las rgyal ba'i sku byas na/ /de bzhin ma nyams rgyas mdzad na/ /mtshan ma 'byung ba'i rten du 'gyur/ /blags sha byang chub shing sogs la/ /mkhas pas bzor bzhogs gzugs brnyan gyis/ /phyag rgya ma nyams kun rdzogs na/ /'di yang mtshan ma'i rten du 'gyur/ /sa la sogs la phyag rgya byas/ /kha dog mdzes dang ldan byas la/ /mtshan ma 'byung ba'i rten yin te/ /mtshan mas mtshan ma grol rig pa/ /gang dag sa las rgyal ba'i dbyibs/ /kun du lham par byas pa la/ /tshon rtsi lnga yis mdzes bkod na/ /rnam grol rig pa'i rten du 'gyur/ /gang gi gzugs brnyan gang yin dang / /de yi rang bzhin gcig pas na/ /'di la khyad par cung zad med/ /'di yis rnam grol rig par 'gyur/ /bde gshegs pho brang gang yang rung / /dkyil 'khor tshul du gang byed pa/ /yid 'ong mtshan ldan dben phyogs su/ /kun nas lham par</font><hr>102.263a<br><font size=+1>

mdzes byas la/ /srad bu brgyad dang ldan byas te/ /bsdu ba'i bya bas mdzes byas pa/ /de nas srad bu gcig gis bskor/ /dkyil 'khor tshul du gyur pa dang / /nang du lham bu srad bu brgyad/ /le'u tshe ldan pa dgur 'gyur te/ /mtha' zad sum char byas pa la/ /kun gyi nang du srad bu gsum/ /phra mo dag gis mdzes par brgyan/ /dgu yi char ni bgos pa la/ /sgo dang sgo khyud sum cha bya/ /ka ba brgyad kyis mdzes byas la/ /rin chen ka ba'i nang logs su/ /sangs rgyas pho brang dbu rtser bya/ /bsdu ba tshad med rnam thar sgo/ /rim pa gsum gyis mdzes pa la/ /rta babs them skas kyis kyang brgyan/ /dbus kyi pho brang le'u tshe 'am/ /'khor lo dpal be'u pad ma dang / /rin chen zur brgyad la sogs pa/ /ji ltar rigs pa de bzhin bri/ /rgyan ni rin chen sna tshogs dang / /pany+tsa ra ka ta ra na/ /phreng ba dang ni dra bas brgyan/ /za ra tshags dang chun 'phyang dang / /dril bu g.yer ka the'u chung 'phyang / /rol mo sgra sgrogs lha yi bu/ /mang pos phyi nang nam mkha' las/ /mchod pa sna tshogs 'bul ba bri/ /theg chen gdung bzhis rab brgyan te/ /rin chen kha bad mchod rten dang / /rgyal mtshan rin chen 'od 'bar bas/ /gzhal yas mdzes par brgyan pa ni/ /chos kyi pho brang ci 'dra bar/ /de 'dra de nyid mtshon par bri/ /gzhal yas khang du gang rgyur pa/ /kun gyis mdzes dang legs par brgyan/ /mchod pa bla na yod med kun/ /ji ltar 'byor ltar nan tan dbul/ /rgyal srid longs spyod bcas pa dang / /glu bro gar dang rol mor bcas/ /dug 'joms sman dang bdud rtsi rnams/ /rgyal ba rgya mtsho snyed la dbul/ /mnyam pa nyid kyi mchod sbyar bas/ /rgyud byang thams cad mnyam par 'gyur/ /de skad smras pas 'dus pa kun/ /thams cad rgyud byang rnam grol rig /grogs po dag de dag ni bkod pa'i bya bas yongs su sbyang bar shes par bya'o/ /grogs po dag 'di la me'i bya bas yongs su sbyang ba gang zhe na/ 'di lta ste/ chos thams cad chos nyid du sbyang ba'i phyir dngos po thams cad me'i rang bzhin du byin gyis brlabs pas 'dus pa'i tshogs thams cad kyis</font><hr>102.263b<br><font size=+1>

chos thams cad me'i rang bzhin du snang bar mthong ste/ /shin du ngam nas ngo mtshar du bstod pa/ /e ma'o sems dpa' sems dpa' che/ /che ba'i che ba byin brlabs che/ /ting 'dzin chen po snang ba che/ /cho 'phrul chen po sna tshogs che/ /thabs mchog dpag gis mi lang ste/ /chos kun me dpung 'bar bar snang / /de nyid ye shes gsal ba'i klong / /'bar 'phro gsal bar gyur pa ni/ /mun gsal dngos po thams cad bsregs/ /bde chen dbyings su kun rdzogs par/ /dpa' bo khyod kyis mdzad pa lags/ /'bar ba chen po a la la/ /gzi brjid zer 'phro a la la/ /mtha' yas kun sdud a la la/ /thams cad sreg byed a la la/ /za byed chen po a la la/ /mtha' dang dbus med a la la/ /thugs rje bde mchog a la la/ /dbang phyug 'jigs byed a la la/ /gsang mchog rmad 'byung byin brlabs kyis/ /me yi rang bzhin chen po dag /bdag cag rnams la bshad du gsol/ /de skad 'dus pa'i gsol pa las/ /de nyid dgyes pas 'di skad du/ /'dus pa chen po'i rnal 'byor pa/ /rdo rje me yi rang bzhin dag /nges par bshad kyis gus par nyon/ /khyad par bla ma'i lam mchog 'dis/ /rnal 'byor thabs su bde sbyar bas/ /rgyal ba kun mnyes kun bsregs sbyangs/ /don grub las kyi mchog tu sbyangs/ /ji bzhin pa'i hom khung du/ /ji snyed pa yi yam shing la/ /de bzhin nyid kyi me byung bas/ /thams cad thams cad bsregs sbyangs thim/ /skye med rnam dag hom khung du/ /skye ba rnam bzhi'i yam shing la/ /ma skyes spros bral me byung bas/ /mtshan ma'i bag chags bsregs sbyangs thim/ /bsam du med pa'i hom khung du/ /bsam gyis mi khyab yams shing la/ /'od dpag med pa'i me byung bas/ /mtha' yas rdul snyed bsregs sbyangs thim/ /chos nyid rnam dag hom khung du/ /chos can sna tshogs yam shing la/ /stong nyid ye shes me 'bar bas/ /dngos po'i bag chags bsregs sbyangs thim/ /sems nyid</font><hr>102.264a<br><font size=+1>

rnam dag hom khung du/ /sems can skye 'gro yam shing la/ /rang 'byung ye shes me 'bar bas/ /'khor ba'i bag chags bsregs sbyangs thim/ /kun gzhi b+ha ga'i hom khung du/ /nyon mongs lnga yi yam shing la/ /ye shes lnga yi me byung bas/ /gzung 'dzin rtog pa bsregs sbyangs thim/ /snang srid nam mkha'i hom khung du/ /'byung ba bzhi yi yam shing la/ /phyag rgya 'bar ba'i me byung bas/ /snang srid dngos po bsregs sbyangs shing / /rnam bzhi las kyi hom khung du/ /bzhi 'am bzhi yi yam shing la/ /rigs bzhi 'bar ba'i me byung bas/ /mchod sbyin dngos po bsregs sbyangs thim/ /'di yang so so'i khyad par gyis/ /phyogs dang kha dog dbyibs dang rdzas/ /gang ltar rigs pa de ltar sbyar/ /shar lho nub byang dkar ser dmar/ /mthing ga nag po thal mdog sbyar/ /zlum po pad ma le'u tshe bzhi/ /'khor lo gru bzhi zur brgyad rgyas/ /zla gam gru chad gzhu dbyibs dbang / /gru gsum b+ha ga'i mkha' mngon spyod/ /gsum brtseg mdangs dang ri mor mdzes/ /las kyi yam shing rdzas kyis brgyan/ /ye shes rdo rje las rgyud ldan/ /bla ma gsum gyi thabs mchog sbyar/ /dag pa'i mtha' mnyes mchog 'dzin pa/ /rdo rje gsang ba'i glu bro gar/ /mchod pa nges pa'i 'byor tshogs sbyar/ /rdo rje las kyi byin brlabs sbyor/ /gsang ba las kyi rgyud ldan pas/ /bshar btab zhi ba'i lha rgyud dang / /rgyas dang dbang bshad rgyud bshad pas/ /lha dang sngags dang phyag rgya dang / /de bzhin glu yi rgyud 'byor bya/ /rigs kyi rigs rgyud lnga rnams ni/ /so so rigs su bsher btab ste/ /klong yangs 'khyil ba'i hom khung du/ /dam rdzas bdud rtsi 'bar ba yis/ /sbyang dang thob phyir sreg byar 'os/ /dpag med rgyal ba rgya mtsho'i tshogs/ /tsha ba sngags pa'i yon tan dag /rdo rje glu yis brjod nas kyang / /mnyes par bya ba'i thabs chen brtsam/ /mnyes pa'i las rnams rdzogs pa dang / /gang yang ma byang don chen rnams/ /grub dang ma grub de rnams dag /me la mkhas pas brtag par bya/ /me sgra gnyis dang kha dog gnyis/ /'bar tshul gnyis dang dbyibs rnams drug /</font><hr>102.264b<br><font size=+1>

de dag yongs su shes par bya/ /gal te mtshan la mi sdug na/ /yid du mi 'ong rtags yin pas/ /sreg sbyang chen pos rgyas par bya/ /de nas yid 'ong 'dod 'byung ba/ /me la 'dod pa'i mtshan ma rnams/ /rnam gsum gang ltar 'grub pa blang / /'dus pa chen po gzhan yang gang / /ro yi rdzas rnams sreg sbyang na/ /ro la sngags kyis btab nas kyang / /shin du dri zhim sna tshogs kyis/ /ro la byug cing bkru bar bya/ /bdud rtsi zhun chen khu ba yis/ /ras la byugs pas ro dkris pas/ /ro yi gnas rnams gang yin par/ /sngags kyi sbyor ba kun bkod nas/ /phyag rgya'i mtshan mas gdab par bya/ /rgyal ba'i dkyil 'khor bkod pa gang / /de yis mtshan pa'i phyag rgya rnams/ /gang du bkod pa de nyid du/ /snying po grangs kyang de ltar bya/ /snying po dag la so so yi/ /ma nor rtsa ba'i yig 'bru dag /ras sam shing la bris te dgod/ /ro yi sbyor ba rdzogs pa dang / /ro yi phyi rgyab thams cad du/ /nyon mongs 'khor ba kun bkod de/ /ras sam shing shun gang dag la/ /'khor ba'i sa bon thams cad dgod/ /nyon mongs lnga dang dug gsum bcas/ /skye bzhi las lnga rgyu drug rnams/ /ming dang gzugs su byas nas ni/ /gnas gnas dag tu dgod par bya/ /sa bon 'du byed dngos po lnga/ /gzung 'dzin ming du bcas pa rnams/ /brda yi tshul du bkod nas ni/ /ro rnams khyab par dgod par bya/ /de nas ro yi phung po de/ /rten nas glegs ma stegs bu yi/ /steng du mkhas pas bzhag par bya/ /thabs kyi cho ga bya ba yang / /maN dal 'khor yug ran tsam la/ /brko dang kha khyer lugs bzhin bya/ /phyag rgya bzhugs pa'i pho brang dag /thig gis yul gcad so sor dbye/ /de yi steng du bsregs shing brtsig / /dbyibs ni rigs bzhir gtams pa la/ /grwa zur ka bas brtan par brten/ /sum brtseg yang rtog bar khang bcas/ /tha ma yam shing brdzangs pas gtams/ /bar khang dag gi glegs bam la/ /ro yi bzhin phyogs ro bzhin bstan/ /ro yi steng khang yang thog tu/ /ras la sogs la bris pa yis/ /phyag rgya'i dkyil 'khor gsal bar dgod/ /</font><hr>102.265a<br><font size=+1>

ro khang glo skar bzhi phye la/ /rdo rje gzungs gyi rgyud thag bzhis/ /btags nas bla ma'i phyag tu phul/ /shing gi bya ba rdzogs pa dang / /de yi phyi mtha' stegs bu la/ /rnam bzhi las kyi lha rnams dgod/ /stegs bu rdzogs par gyur pa dang / /rdo rje las kyi sgos btab pa/ /rdo rje rgyal po bla ma la/ /'khor ba sreg par mnga' gsol te/ /mi g.yo me chen rtse gcig pas/ /me yi 'du 'phro rgyun du bya/ /rdo rje sngags kyi las sbyar la/ /rnam bzhi las kyi mnga' gsol te/ /las kyi phreng ba rdzogs par bya/ /bla ma rdo rje dam pa zhig /ro yi nyes pa'i mtha' bzung nas/ /las kyi bsags pa bgrang zhing gshegs/ /skabs sbyor rdo rje bla ma yis/ /bla med mchod pa rgyun du bya/ /bro gar glu tshig stabs chen gyis/ /mchod pa rol mo sna tshogs dbul/ /rdo rje las kyi smon lam gdab/ /mchod skabs las kyi mjug tu bya/ /rdo rje las kyi lta 'dzin pas/ /dkar byang las kyi lta bzung ste/ /lags mtha' dam pa rnams la dbul/ /ngo yi nyes mtha' gang 'dzin pas/ /mtshan ma nag po bud shing dag /ye shes me yi klong du sreg /me sbyor me la gnas pa'i lha/ /me yi sangs rgyas 'od dpag med/ /me yi lha mo gos dkar mo/ /rgyal ba kun gyi 'od yin te/ /'byung ba me la dbang bsgyur zhing / /thams cad kun gyi drod bdag yin/ /srid gsum sreg par zhal gyis 'ches/ /dngos po sreg pa'i phrin las ni/ /thugs dam dbang gis yong mi 'da'/ /gang gi sgrib bsreg de nyid mkhyen/ /ro yi rnam shes byang ma byang / /me la mkhas pas de bzhin rtag /mi sdug tshul 'byung sreg sbyang bya/ /gal te legs na me dbang bskur/ /thal ba sku gdung ring bsrel dang / /phyag rgya'i dkyil 'khor la sogs bya/ /dam pa zhig na gdung btags te/ /bla ma'i rten du dbul bar bya/ /'di ni sbyor ba kun gyi mchog /de skad sems dpa' mchog des smras/ /grogs po dag de dag ni me'i bya bas yongs su shes par bya'o/ /rdo rje gsang ba chos kyi spun/ /me yi bya ba las byung ba/ /gdung zhes grags pa'i sha ri ram/ /dpag med ji srid dus dag nas/ /grangs med sprul pa'i rgyal ba dag /</font><hr>102.265b<br><font size=+1>

mya ngan 'das par gyur phyi na/ /med pa las byung sku gdung ni/ /sku yi gdung dang ring bsrel zhes/ /'gro ba'i bsod nams rten du grags/ /rgyal ba rnams ni dngos med pas/ /sku gdung ring bsrel mi srid na/ /sems can rnams la phan don du/ /med las thugs rje'i cho 'phrul bzhag /de bzhin gang du gang byung ba'i/ /gang 'dir snang ba sgron ma dag /mya ngan 'das pa'i sku gdung yang / /sha ri ram zhes grags par 'gyur/ /de yi las kyang de bzhin no/ /de las sogs pa'i rgyal ba rnams/ /rang 'byung rjes gnas 'byung bcas rnams/ /tshul 'thun gcig par gyur pa yi/ /sku gdung sa bon byin brlabs kyi/ /yon tan cha las rtsir 'phel ba/ /'dzam gling sa khams khyab par snang / /gdung las byung phyir sra mkhregs zlum/ /tha skad rdo rje rab tu grags/ /lgang bu zur gsum til lgang 'dra/ /gzhon tshe'i mar ram 'o mar snang / /nar son smyin rtags sra zhing mkhregs/ /tsa na ka yi 'bru bzhin du/ /dkar la tsan dmar kha dog gsal/ /zos pa'i yon tan bsam mi khyab/ /bdud rtsi sman gyi mchog tu grags/ /de bzhin rig 'dzin sems dpa' rnams/ /mi yi lus su sprul pa dang / /gang zag sa pa chos mig ldan/ /bsod nams dpal zhing dag pa dag /sdong bu snying par sbyangs phye na/ /skal ba can la snang ba ni/ /la la dag la sha ri ram/ /la la dag la ring bsrel sku/ /skal ngan dag la snang mi 'gyur/ /la la snang bar gyur na yang / /sbyor ba dag la yun tu rtag /ma dag nub cig 'bros par 'gyur/ /yid du 'ong dang mi 'ong ba'i/ /'byung ba'i ltas ni ston par byed/ /yod par rtag pa ma yin la/ /med pa rlag par yong mi 'gyur/ /rnal 'byor las dang 'byor pa rnams/ /dag dang ma dag tshul la sbyor/ /de yang bsod nams dag pa yis/ /gang lam rgya cher mos pa dang / /rnal 'byor rtse gcig rmog btud na/ /rdo rjes sbrel dang las 'thun na/ /rgyud rnams yongs su dag la 'bab/ /de yang khyad par rim pas ni/ /rgyal ba'i sku gdung sha ri ram/ /zhing khams kun du khyab bar ni/ /'gar dang bzos ni bzlums pa bzhin/ /byas pa med las snang ba dag /dkar 'tsher mdog gsal 'dzag 'dra ba/ /tsan dmar mdangs su gsal ba yi/ /nam mkha' gang bar char bzhin</font><hr>102.266a<br><font size=+1>

'bab/ /rig 'dzin sems dpa' sprul pa'i gdung / /dka' gsal 'ga' 'ga' tsam du 'byung / /gang zag sa pa'i rtags chen ni/ /mdog mnyam gcig gsum gnyis gsum gcig /la lar lnga 'am bcu 'byung zhing / /yon tan de ni de ltar ro/ /de yang sra mkhregs rdo rje 'dra/ /lcags kyi gtun gyis yong mi chogs/ /'di dag phebs pa'i yon tan yang / /gang dang gang du babs pa yi/ /yul khams de dag thams cad du/ /nad dang mi ngas bgegs rnams zhi/ /gnod sbyin srin po ma rungs pa/ /drag po gtum po 'ang lhaner 'gyur/ /rgyal po 'khrugs dang khams 'khrugs dang / /yul khams 'khrugs pa 'ang zhi bar 'gyur/ /'bras bu lo tog 'phel smin cing / /yid du 'ong ba thams cad 'byung / /yul de rmangs dang rgyal po yi/ /sa bon thams cad bu phor 'gyur/ /bder bcas mtshan ldan rigs mthon ni/ /bu pho kun kyang 'byung bar 'gyur/ /'di dag su la 'chang ba rnams/ /rig 'dzin sa dang skal ba mnyam/ /'jig rten 'di yi bsod nams kyang / /'khor los sgyur rgyal dag dang mnyam/ /de yi dgongs pa kun du 'grub/ /tshe dang skongs dang las 'grub 'gyur/ /phyin cad bla med byang chub ni/ /sa la reg pa'i rtags chen yin/ /gzhan yang yon tan bsam mi khyab/ /de dag rang gi rang bzhin du/ /gnas pa'i yon tan de dag go/ /bsgrubs na yon tan bsam mi khyab/ /sems can rnam pa thams cad la/ /byang chub snying po nyid yod pas/ /me yi las kyi bya ba yis/ /lnga phung sbyangs na med mi srid/ /'di dag bsgrub par bya ba yang / /shel gyi za ma tog nang du/ /bsdus te phyag rgya'i rgyas btab nas/ /shel gyi ga bu'i nang du btsa'/ /bsgrub pas de la smon lam dang / /sgrib sbyang gso la 'phro 'du bya/ /'phro 'du bya ba'i cho ga yang / /nam mkha' gang ba'i sha ri ram/ /zhing khams gang ba'i rgyal ba las/ /char gyi rgyun bzhin de la 'bab/ /rtse gcig bzlas pa gsung gi rgyun/ /ma hA sha ri ram gyi li hU~M/ /grangs med bar chad med par bzlas/ /mchog tu gsal zhing 'tsher ba dang / /'od kyi zer phreng nyi zer bzhin/ /zang zing brang breng snang bar 'gyur/ /za ma tog gi phyi rol na/ /gsal ba de la 'byung bar 'gyur/ /'gul zhing mang por 'phel ba dang / /rgyal ba sems dpa'</font><hr>102.266b<br><font size=+1>

rig 'dzin gyis/ /gzugs brnyan shel dang de las ni/ /gsal bar bdag la ston par 'gyur/ /dang po snod de khengs pa yin/ /gnyis pa phyed dam brgya rtsa brgyad/ /tha ma'ang grangs 'gas 'phel bar 'gyur/ /de dag grub pa rtags chen te/ /de tshe dngos grub blang bar bya/ /thob pa'i yon tan bsam mi khyab/ /tshe 'dir rig 'dzin sa la gnas/ /rgyal ba dag dang mnyam par 'gyur/ /zhar las byung ba'i yon tan yang / /'gro ba kun gyi don spyod pa/ /sems dpa' che ltar 'grub par 'gyur/ /rgyun du de la mchod dgos te/ /mchod na yon tan dam pa 'byung / /mchod pa bya ba'i cho ga yang / /sgrib sbyangs bsod nams dpung bskyed de/ /rang rgyud dag par byas nas ni/ /zla ba dus ni thams cad kyi/ /bcu drug cha la rdzogs pa'i tshe/ /bdag nyid gcig pu sems yul du/ /gyur par byas nas mchod pa ni/ /za ma tog dang bcas pa dag /rgyal mtshan rtse mor brtags byas te/ /ji ltar 'dod par smon lam btab/ /des ni 'dod pa thams cad skongs/ /de ni rnal 'byor skal ldan gyis/ /yid bzhin nor bu rin po che/ /rnal 'byor sgrub pa'i rdzas mchog tu/ /ming gis med du mi rung ngo/ /ji ltar ro dag gser 'gyur dang / /de bzhin me yis bsregs sbyangs bzhin/ /dngos por spyod pa ji snyed pa/ /de nyid dam pa la mi g.yo/ /de la sogs pa mtha' yas spyod/ /dngos po bzhi la gnas spyod pa/ /rdo rje sems dpa'i chos nyid de/ /spyod pa rmad 'byung dam pa yi/ /ji ltar glang po chur zhugs pa/ /thogs chags 'jigs pa yong med par/ /dga' ba'i longs spyod brod tshul gyis/ /mi ldog pha rol phyin pa ltar/ /rnal 'byor nges par spyod pa yang / /brtul zhugs rgya mtsho'i chur 'jug pa/ /rtsal chen spyod pa'i brod tshul gyis/ /thogs chags med par la dor ba'o/ /spyod pa gang bar bya ba'i thabs/ /goms pa klong du gyur pa gces/ /grogs po dag de dag ni la dor bar shes par bya'o/ /sangs rgyas kun gyi dgongs pa 'dus pa'i mdo chen po las rnal 'byor spyod 'jug gi le'u zhes bya ste bdun bcu gcig pa'o// // de nas yang gsang ba pa'i bdag pos dman pa dam pa rnams la smras pa/ /kye grogs po dag gang gis bcad par bya ba ni 'di lta ste/ dgongs pa dam pa de kho na nyid do/ /de ci'i</font><hr>102.267a<br><font size=+1>

phyir zhe na/ dgongs pa de kho na nyid gcig bslabs pas bsam gyis mi khyab pa'i chos la bslabs pa'o/ /de kho na nyid gcig la mkhas na bsam gyis mi khyab pa la mkhas pa'o/ /de kho na nyid de la goms na bsam gyis mi khyab pa la sgom pa'o/ /de kho na nyid de las ma 'das na bsam gyis mi khyab pa'i dam pa bsrungs pa'o/ /de kho na nyid de la zhugs na bsam gyis mi khyab pa'i sgor zhugs pa'o/ /de kho na nyid de la spyod na bsam gyis mi khyab pa'i yo byad la spyod pa'o/ /de kho na nyid mngon du byas na bsam gyis mi khyab pa'i rgya mtsho snyed byas pa'o/ /de kho na nyid de ma nor bar bstan na chos kyi sgo dpag tu med pa bstan pa'o/ /de kho na nyid de phyin ci ma log par thos na bsam gyis mi khyab pa'i chos kyi sgo thos pa'o/ /de kho na nyid de mngon du gyur na/ /dpag tu med pa'i rgyal ba mthong bar 'gyur ro/ /de ci'i phyir zhe na/ de dag thams cad kyi bcud du bya ba 'am snying por bya ba ni de kho na nyid de de las med pa'i phyir ro/ /grogs po dag de bas na 'di ltar/ /de bzhin nyid kyi don mthong na/ /mthong bas thams cad sgyu ma yin/ /de nyid go 'phang mchog 'phags na/ /bla med mtho btsun mtha' dag brdzun/ /de bzhin nyid du nges phan chad/ /gang dman spa gong zhum pa med/ /de bzhin nyid du thag chod na/ /'jig rten gnas kyang chos kyi sku/ /dam par nges kyang 'jig rten 'jug /'khor ba'i mtha' la 'ang skyo ba med/ /mu mtha' yas kyang gcig tu rdzogs/ /bdud kyi khams la nyam mi nga / /mi bzad khams la bag mi tsha/ /'dod pa'i dngos po dbyings la sbyor/ /cig char nges pa'i don mthong na/ /rim gyis sbyor ba slu 'drid 'dra/ /de la mos pa tsam gyis kyang / /khams gsum zil gyis gnon par 'gyur/ /klong du gyur pa smos ci dgos/ /dper na seng phrug khyung sgong dag /mig ma bye zhing mar blangs kyang / /kun skrag sgo nga 'am 'khar 'gro ltar/ /de nyid nges par gang gyur pa/ /de dag 'jig rten gnas 'jug kyang / /go 'phang dam pa de nyid du/ /nges pa ci la 'ang bag mi tsha/ /rim gyis mtshan mar spyod pa dang / /med dang dmigs dang mi dmigs dang / /bsgrub dang bgrod par byed pa yi/ /bye brag med par rtog 'jug pa/ /blun po de dag stongs pa ste/ /dam</font><hr>102.267b<br><font size=+1>

par nges pa ga la yin/ /gcan zan tha ma'i phru gu 'dra/ /skrag cing dngang pa'i rang bzhin no/ /mtha' yas ji snyed chos kun gyi/ /rang bzhin ji ltar gnas pa bzhin/ /ma bcos phyin ci ma log pa/ /de bzhin nyid du thag chod pa'o/ /ji ltar khyung chen mkha' lding ba/ /'dab gshog rtsal gyis nam 'phangs spyod/ /ri brag chu klung mtha' yas kyang / /'phur rlabs 'og tu kun chud ltar/ /rnal 'byor chos nyid mkha' 'gro ba/ /theg pa'i spyod sgo mtha' yas kyang / /ji bzhin ma bcos don gyis na/ /go 'phang rlabs kyis thag bcad pa/ /'di ni re dang dogs pa yi/ /the tsom gcod pa'i nges pa ste/ /dam pa nyid la lta ba yi/ /go 'phang gcod pa nges par gces/ /grogs por dag de dag ni sa yongs su gcod par bgros par shes par bya'o/ /de skad ces smras pas/ dman pa dam pa rnams re dogs med par thag gcod pa'i go 'phang thob par gyur to/ /sangs rgyas kun gyi dgongs pa 'dus pa'i mdo chen po las the tshom yongs su gcod pa'i le'u zhes bya ste bdun bcu gnyis pa'o// // de nas yang gsang ba pa'i bdag pos dman pa dam pa rnams la smras pa/ kye grogs po dag gang nyam rnyed par bya ba ni 'di lta ste/ dgongs pa dam pa kun 'dus la/ /'jug pa'i gtsor ni bsam gtan te/ /'khor los dbang sgyur ji bzhin du/ /chos kun dbang sgyur bsam gtan yin/ /rnal 'byor bsam gtan chen po 'di/ /dug dang mun pa gser 'gyur bzhin/ /thams cad dbang sgyur bsam gtan yin/ /des na dam pa'i bsam gtan bya/ /gal te bsam gtan 'di med na/ /rgya mtsho 'jings kyi pha bong ltar/ /dpag tu med pa'i sgo bcad kyang / /don med snying po skams pa yin/ /rnal 'byor chen po'i bsam gtan ni/ ji bzhin pa yi de nyid la/ ma bcos pa yi blo bzhag ste/ /ma yengs skye 'gag med pa'o rnal 'byor dam pa ji bzhin pa/ /sems kyi chos nyid de nyid do/ /de bzhin nyid ces mi dmigs pa/ /rtsa ba'i kun shes kun gzhi nyid/ /ci phyir ma byas ma bcos pa/ /rang 'byung de bzhin nyid ces bshad/ /thams cad kun du snang ba ni/ /'jug pa'i rnam shes yud tsam nyid/ /ci phyir kun du snang 'jug pas/ /phyi nang kun du snang bar bshad/ /rgyu yi rnam par bkod pa ni/ /'jug pa'i rnam shes sgo lnga nyid/ /thams cad gang gi rgyur bkod pas/ /thams cad 'byung ba'i rgyu zhes bshad/ /gang gi dgongs pa dam pa ni/ /stong pa ma yin ther</font><hr>102.268a<br><font size=+1>

zug med/ /dbu mar mi dmigs kun rig gsal/ /yod min med min las kyang 'das/ /gang 'dir tshor 'gro ma rabs dang / /gang 'gog byis pa'i spyod yul dang / /'di gang nyams pa'i log sred can/ /yal ba phyal ba dmigs pa gcig /gang 'dir lta bas mdongs pa dag /bdag la brten nas mtha' sgrub ste/ /med mos des 'gro med snyam nas/ /de ma thag tu ngan 'gror 'gro/ /mos pa chung du thams cad ni/ /gang la bdag med rten bzhin mthong / /gang bkag rtog yod dpyod med pa/ /bsam gtan dang po kho na'o/ /kun stong phra ba'i stong pa las/ /gnas rtog med la dpyod pa gnyis/ /stong pa nyid la nges bzhag ste/ /dga' ba bskyod pa gsum pa'o/ /bdag gam gzhan gyis mthus bstan te/ /skyon med mi g.yo gnas bzhi pa/ /gang yod mthar yang 'gyur srid kyi/ /gang med gnas med mthar mi 'gyur/ /gang med mi mthong mi shes bzhin/ /btsal bas rnyed par mi 'gyur yang / /de nyid med par mi 'gyur bas/ /rgyu 'bras med kyang don med min/ /dper na lcags bsregs dpal med bzhin/ /chen po bzhi med stongs 'gyur kyang / /de dang nam mkha' med min bzhin/ /de nyid mi rlag med min 'gyur/ /drug gi spyod yul mtshan ma ste/ /mtshan ma dngos por snang bas na/ /ci dgar bzhag pas de bzlog med/ /de stong spang zhing bzlog tu med/ /thams cad sems kyi chos nyid du/ /tshig med lta bas thag chod na/ /ma bcos ma yengs yengs thub snyoms/ /rtsol sgrub re dogs ga la yod/ /mi mthun gnyen po sgom mi dgos/ /skyon yon spong len bying rgod rnams/ /gang 'dir dbyer med zung 'brel na/ /zhi gnas lhag mthong sems las byung / /zhig pas nam mkha' med mi 'gyur/ /'khyams pas byang chub sems ni stor/ /spangs pas mi spongs mtha' yas chos/ /bkrus pas mi 'dag stong nyid dbyings/ /gang stong yod pas chad rtag pas/ /thams cad rig pas stong ma yin/ /dngos po med pas rtag ma yin/ /ci yang med pas sbyang du med/ /bya ba thams cad yongs btad na/ /ye nas ma bcos der bzhag na/ /</font><hr>102.268b<br><font size=+1>

de med pas na de yang med/ /de ni dam pa'i nyams rnyed pa'i/ /'dir ni theg chen dam pa yi/ /nad ni rim gyis 'thob ma yin/ /rim gyis pa yi dug rgod ni/ /cig car 'char ba'i de kho na'o/ /des na gang dang gang dag gis/ /ji ltar go dang mos bzhin du/ /bstan pa gang dang gang dag la/ /so so yid brtan yul du bya/ /de bas bsgron ma dpag med kyis/ /dam pa ji snyed gsungs pa rnams/ /gcig tu chad dam nges med / /ji ltar 'byung ba de ltar nges/ /'di la gang 'jug par gcod pa/ /le lo bya mang rgod pa dang / /g.yeng dang rmugs dang 'dod pa dang / /gnyid dang re dogs the tshom dang / 'du 'phro spyod dang dga' ba'o/ /de yang rang bzhin de bzhin nyid/ /dug lnga la sogs kun 'byung nyid/ /rang 'byung rang zhi de bzhin nyid/ /dam pa'i don la gang sgrib pa/ /mi g.yo gsal bde sdug bsngal dang / /skye ba gsal ba 'byin pa dang / /des dang khyad snyems 'byung zhi nyid/ /bsam gtan chen por nges snang ba/ /kun tu mi nyams re dogs med/ /dad pa mi skye mi g.yo dang / /ma chags mi 'chad len pa med/ /'khrug pa med na rang bzhin nyid/ /rnal 'byor bdud kyi spyod yul na/ /dam par 'dun mthong dam par smra/ /sprul pa grangs med 'gyed mthong dang / /dam pas smras kun gsal mthong dang / /dus kun shes gsal mthong ba dang / /rgyud drug lam nas kun snang dang / /de la gdung ba'i shugs 'byung dang / /kun snang gsal bar mthong ba dang / /ci la 'ang thogs med 'gro ba dang / /mkha' la bya bzhin 'gro 'dug dang / /dam pa'i phyag rgya lung ston dang / /kun gyi skad du chos smra dang / /dngos po brtan g.yo bsti gnas mthong / /thams cad mnyam par bkod pa dang / /de nyid rang bzhin gsal snang dang / /las su rung ba thogs med dang / /dam pa'i don la bsgo ba dang / /'jig rten gtso bos mchod pa dag /rang bzhin shes na dam pa'i rtags/ /gang mi shes pa log pa'i bdud/ /sgo drug mtshan ma ci skyes dang / /rang 'byung rang zhi ci dgar gzhag /ma skyes pas na bzlog du med/ /de yang de bzhin de nyid do/ /'das dang ma 'ongs da ltar gyi/ /nyes dang legs pa gang la yang / /dgal dang 'gyod pa'i rtog pa med/ /rang 'byung rang zhi de nyid do/ /</font><hr>102.269a<br><font size=+1>

'dir ni dam pa gang nges pa/ /rnal 'byor mtshan ma'i snga ltas yin/ /chu klung me gser ga na bar/ /'du 'phro 'byung rtsi nges pa bzhin/ /dam pa nges na dam par 'byung / /dam pa ma nges thams cad bdud/ /dam par nges na chung ngu tsam/ /gang 'byung dam pa'i snga ltas so/ /gang gi dam pa nyid thos na/ /mi skrag mi dngang dga' ba skye/ /gang zhig dam pa nyid lta ba/ /thams cad dam pa nyid du mthong / /dam pa'i klung du gang gyur pa/ /rnam grangs mang po dam par sdud/ /dam pa nges pa mthong ba na/ /tshig lam rjes su de mi 'gro/ /de mthong thams cad dam par gsal/ /snang ba med pa'i dam pa ni/ /snang ba med pa mthong bar 'gyur/ /de nyid kun gyi rgyu yin te/ /cho 'phrul rgyu ba thams cad 'byung / /g.yo dang drod thob brtan pa dang / /gsal dang rtags thob brtan pa dang / /nyi zer rdul phran smig sgyu dang / /mtsho rlabs rlung dang char gyi rgyun/ /sprin lding ta la gang 'phar 'gro/ /sa g.yo 'byung ba'i skye mched snang / /'byung rgyun zug rngu la sogs la/ /gang gis yongs su nad zhi ba/ /mun pa'i skye mched choms pa dang / /lus kyi bzod pa thob pa dang / /kun la bde blag ji bzhin pa'o/ /gang min gang du sgyur ba dang / /gang med pa las gang 'byin pa'i/ /yid 'ong 'dod grub rdzas mchog rnyed/ /kun dga' kun 'dud kun yid dang / /kun la dbang sgyur mchog 'grub ltas/ /yud las sngon du 'byung ba'i ltas/ /sgren mor byung dang rtag par mkhru/ /rnam dag chu bor 'bogs dang rkyal/ /char rgyun bum chu 'byung ba dang / /gseg dang g.yeng dang rnam par 'thor/ /'di gang sbyong ba dag pa'i ltas/ /gang 'dir 'jigs dang bral ba yang / /g.yul 'gyed zhi dang zug rngu byang / /tha mar grol dang gshed las thar/ /gdug pa'i tshogs bral dug nad zhi/ /bcing grol bcad ltas bzang po yin/ /khyad par dam pa'i sngon byung ba/ /khri rkang shing dang ljon shing skas/ /'dzeg dang gyen du 'gro ba dang / /ri rtse'i mchod rten nam mkha'i skas/ /gong nas gong du 'phar ba'i ltas/ /gang la gnas dang non pa yang / /khri mthon la 'dug glang chen zhon/ /seng chen khyung lding 'dab chags</font><hr>102.269b<br><font size=+1>

dang / /mchod rten rtse dang ri bo'i spos/ /nam mkha'i dbyings na 'dug pa dang / /lus la sprin byung nyi zla la/ /'dug pa gang la gnas pa'i rtags/ /dam pa rigs kyi sngon byung ba/ /bka' rtags dbang por dbang sgyur byed/ /'jig rten skas la 'bebs pa dang / /dbang bsdud g.yul rgyal rgyal bar 'gyur/ /mgo la me tog thod skyes pa'o/ /chos gang dbang sgyur sngon byung ba/ /glegs bam rnyed dang 'dri spyod dang / /gzhan la ston dang gtan la 'bebs/ /me 'od bum gang lta rtog 'thung / /nor bu thu dang 'khor lo babs/ /nyin zla zin dang ri rab skor/ /gang la sgra brgyas stong gsum gang / /dngos po'i mtha' dag yi ger mthong / /klags pas ngo mtshar kun skyed dang / /mkha' las me tog char 'bab pa'o/ /dam pa mthong ba sngon byung ba/ /sngon ma mthong ba yul mthong dang / /stong gsum mthong zhing gling rnams bgrod/ /ri rab rtser phyin thams cad mthong / /nam mkha' mtha' yas mthong ba dang / /rgya mtsho gting du phyin pa dang / /sgron me thogs dang snang srid dpyod/ /nyi ma'i snying po lta bu'o/ /lung chen thob pa sngon byung ba/ /rol mo 'brug sgra seng ge dang / /chos kyi bgro ba thos pa dang / /gzugs brnyan zhal 'dzum 'od 'byung dang / /dam pa'i gsung thos sku mi mthong / /lha mo glu dbyangs sgrogs pa dang / /gzhal yas dag la sgra 'byung dang / /grogs po dam pa zhes 'byung zhing / /de nyid 'gro bar byed pa'o/ /rig 'dzin dam pa'i ltas shar na/ /byin brlabs mthu yi cho 'phrul yang / /nyi zla zhon nas 'gro ba dang / /ri rab rked nas gsor ba dang / /'jig rten rgyang mar 'phang ba dang / /sreg pa'i bskal pa gzhil ba la/ /sogs pa'i cho 'phrul thams cad kyang / /khyad par rtsal gyis ston par nus/ /'dul ba'i 'gro ba thams cad la/ /so so skad du chos 'thun par/ /'dul ba'i sgo ni sna tshogs su/ /gang la de ltar ston par nus/ /rnal 'byor rtsal gyi khyad par gyis/ /'jig rten khams kun g.yos nas kyang / /thams cad ngo mtshar cher 'gyur te/ /dga' mgu rangs pa'i ro myong 'gyur/ /g.yeng ba'i yi ge phreng ba las/ /rdzu 'phrul chos kyi sgra bsgrags pas/ /yid mthong rnam grangs</font><hr>102.270a<br><font size=+1>

chos rnams kun/ /sngags snang sngags su ma gyur med/ /rnal 'byor che chung rim pa dag /rtsal gyi khyad par dag las byung / /rim gyis 'jug dang cig car pa/ /dbugs kyi yul dang tsher ba dang / /thos dang mthong ba la sogs te/ /sems kyi yul dang nam mkha'i dbyings/ /chos kyi dbyings kyi mtha' klas par/ /rang bzhin yi ge bsgyur yi ge/ /yan lag yi ge so so yi/ /rtsa ba la sogs gzhi gcig bcas/ /'phro 'du'i tshad dang phyag rgya'i khyon/ /tshom bu'i grangs kyang de bzhin no/ /'di ni dang po'i 'jug rims te/ /mthar gyis 'dris shing goms byed pa'o/ /yi ge ye shes las bskrun te/ /don byed pa 'ang phyag rgyar 'byung / /rgya mtsho gnon dang nam mkha'i skas/ /rlung 'ching ba dang rgyun bzlog pa/ /sreg pa'i bskal pa gzhil ba dang / /nyi zla zhon nas 'jig rten 'phang / /sa la 'dzul dang ri rab 'degs/ /stong gsum yungs 'brur 'jug tshul dang / /gzhig dang spar ba la sogs te/ /bsam bya bsam gyis mi khyab pa/ /goms pas las su rung ba yi/ /rnal 'byor rtsal chen sbyong bar zad/ /bzlas pa mthar phyin grub pa dang / /bcing ba yongs su rdzogs pa dang / /bsam pa las su rung ba dang / don mthong ba dang tshig grub pa/ /bya ba yongs su dag pa dag /don gcig yul la so sor snang / /des na ting 'dzin khyad par yang / /de nyid gcig la sgom mod kyi/ /rnal 'byor rtsal gyi khyad par ni/ /bsam pa'i yul ni sna tshogs te/ /dang po sa la gnas pa yi/ /btsal ba las kyi rnal 'byor pa/ /'dun pa'i sems pa'i rnal 'byor la/ /sogs pa'i rnal 'byor rnam drug po/ /shes rab rtsal gyi 'phang dmas pas/ /ting 'dzin rtsal yang chung ba ste/ /de nyid mthong bar mi 'gyur bas/ /rang gi mos pa gang dmigs na/ /de yi sa bon gang yin pa/ /kha dog dbyibs kyi phye nas ni/ /sna yi dbugs la rgyu byas te/ /de yi yul du gyur tshad du/ /'od zer 'bar 'phro gsal ba las/ /'phro 'du gnas su bskyed par bya/ /rang gi chag tshad dang sbyar ba'i/ /sku yi khyon yang de tsam mo/ /gnyis pa'i sa la gnas pa yi/ /bka' sdod las kyi rnal 'byor la/ /sogs pa'i rnal 'byor rnam bzhi po/ /ting 'dzin</font><hr>102.270b<br><font size=+1>

rtsal gyi khyad par gyis/ /sa bon rang bzhin yi ge la/ /'od zer 'bar ba bcas pa de/ /dri 'byung sgo ni tshun chad du/ /'phro 'du gsal bar bskyed pa las/ /rang gi chag tshad gnyis bsgyur ba'i/ /sku yi khyon yang de tsam mo/ /gsum pa'i sa la gnas pa yi/ /rnal 'byor lung gi bka' sgo la/ /sogs pa'i rnal 'byor rnam gsum po/ /dmigs pa'i ting 'dzin 'di ltar 'dod/ /lha yi sa bon gang yin pa/ /rang bzhin yi ger bsgyur byas te/ /'od zer 'bar dang bcas pa yis/ /thos pa'i yul ni tshun chad du/ /'phro 'du gsal bar byas pa las/ /rang gi chag tshad bzhi 'gyur tsam/ /sku yi khyon yang de tsam mo/ /de bzhin rnal 'byor rim pa bzhin/ /lha yi khyad par gang yin pa/ /yi ge'i rim pa bzhin sbyar nas/ /'phro 'du tshad kyang de bzhin te/ /rim pa ji bzhin sbyar nas kyang / /'phro 'du gsal bar gyur pa dang / /sems kyi yul ni ji tsam du/ /sku yi khyon gyi khyad par yang / /chos kyi dbyings kyi mthas klas pas/ /sku yi khyon gyis gang ba'o/ /ji ltar gser sbyangs 'tsher ba bzhin/ /sems nyid sbyangs pas de nyid gsal/ /'phro 'du sbyor ba'i ting 'dzin 'di/ /rim gyis sbyong la cig car drod/ /lang ka'i bdag po 'di lta ste/ /chos rgyun chen po 'di 'dzin 'di/ /sems dpa' rdo rje dam pas bshad/ /'di kun 'phro 'du'i rgyun zhes bya/ /nam mkha' don gyi glegs bam la/ /sna tshogs rig pa'i yi ge bris/ /'byung chen bzhi yi sgra bsgrags pas/ /theg chen gsang sngags rgyun mi 'chad/ /chos so cog gi rang bzhin ni/ /de bzhin nyid las ma g.yos pas/ /thams cad bdud rtsir rgyun mi 'chad/ /'khor ba rgya mtsho yo byad rnams/ /mchod pa rgya mtsho'i rang bzhin te/ /srid pa rgya mtsho mtha' yas kun/ /kun bzang mchod sprin rgyun mi 'chad/ /kun gyi de bzhin nyid dbyings las/ /sems can sangs rgyas snying por shar/ /'gro gang bsam gyis mi khyab pa/ /rang 'byung sangs rgyas rgyun mi 'chad/ /dngos po brtan g.yo la sogs pa'i/ /sgra skad bsam gyis mi khyab pa'i/ /kun kyang gsang sngags gsang ba'i tshig /bzlas pa rgya mtsho rgyun</font><hr>102.271a<br><font size=+1>

mi 'chad/ /de dang de yi dbyings nyid la/ /gang dang gang gi thabs sbyor ba/ /ye nas 'du 'bral med pas na/ /sbyor ba chen po rgyun mi 'chad/ /srid gsum bsgral ba'i zhing 'di dag /stong pa'i mtshon cha'i rgyal po yis/ /dngos po med par bsad pas na/ /ye sgrol chen po rgyun mi 'chad/ /snang srid dag pa'i gzhal yas su/ /kun gzhi dpal gyi maN Dal la/ /rnam shes thig chen srad bu brgyad/ /ye btab dkyil 'khor rgyun mi 'chad/ /'dod khams rmang gi ri rab la/ /gzugs khams bang rim khri 'phang brtan/ /gzugs med bum rten bum par bcas/ /gdung chen chos sku rgyun mi 'chad/ /nam mkha' me chu sa rlung rnams/ /rmang bzhi ri rab rten du snang / /bang rim ri bdun bcas pa rnams/ /de nyid bang rim khri 'phang brten/ /ri bo bum rten bum par bcas/ /'di yang gdung chen rgyun mi 'chad/ /'dzugs pa'i yan lag gzhi rmang rten/ /'khor lo tshigs chen khri 'phang brtan/ /yan lag dang po bum rten bcas/ /lcang lo cod pan phreng bas klubs/ /de bzhin nyid kyi sa gzhi la/ /ji bzhin pa yi gzhal yas khang / /ma nor ma bcos rmang chen brtan/ /byang chub sems kyi brtsig chen gtams/ /ye shes lnga'i skar mthongs gsal/ /bsdu ba tshad med rnam thar sgo/ /dran pa yang dag them skas/ brgyad/ /rdzu 'phrul rta babs dag gis brgyan/ /mi 'jigs rig pa'i gdung chen la/ /yang dag brgyad kyi ka bas mdzes/ /rang 'byung ye shes dbu rtse 'phags/ /don gnyis khyams kyis nges par mdzes/ /ye shes thugs rje yon tan las/ /byin brlabs rgyan gyis mdzes par brgyan/ /chos nyid rlabs kyi bla re bres/ /sil snyan sgra sgrogs theg chen sngags/ /ji bzhin chos kyi pho brang 'dir/ /rgyal ba bzhugs pa 'di ltar rim/ /kun bzang sems kyi chos nyid las/ /kun gzhi ma 'dres yongs rdzogs chos/ /sems dpa' yud kyis nges thob pas/ /bstan pa rgya mtsho rgyun mi 'chad/ /rdo rje nam mkha'i skas bgrod nas/ /nam mkha' dbyings kyi dbus gnas par/ /snang srid mtha' thug med la lta/ /des ni de yul yangs par 'gyur/ /rgya mtsho rdo rjes gtams byas te/ /de la gnas</font><hr>102.271b<br><font size=+1>

pa'i sems can la/ /rdo rje sems dpa' brtan byas te/ /thams cad dam pa'i rdo rjer bya/ /nam mkha'i dbyings kyi ling ga la/ /zla ba dkyil 'khor dbus gnas par/ /myur mgyogs chu zla'i 'phen shugs kyis/ /zhing khams kun du bgrod par bya/ /nam mkha' dbyings kyi ling ga la/ /nyi ma'i dkyil 'khor dbus gnas par/ /shin du nges par gyur pa dang / /mun pa'i gnas rnams thams cad gsal/ /rnal 'byor sdigs mdzub rtse mo la/ /zla ba'i dkyil 'khor 'od gsal 'bar/ /shin du brtan par red pa dang / /chu des sreg pa'i bskal pa gzhil/ /rnal 'byor lag gi dkyil 'khor du/ /stong gsum 'jig rten 'khor yug bcas/ /nam mkha'i dbyings su 'phangs nas ni/ /sa nas sar ni spang bar bya/ /rnal 'byor sdigs pa'i mdzub mo la/ /nyi ma'i dkyil 'khor gsal ba las/ /zer las nyi ma 'bum 'phros pas/ /phyi nang mun pa thams cad gsal/ /rnal 'byor lag gi dkyil 'khor las/ /chu zla'i dkyil 'khor rab gsal bas/ /bdud rtsi chu bo'i rgyun byung bas/ /sreg pa'i dmyal ba'i me chen bsad/ /gzhan yang lang ka'i bdag po ting 'dzin gyi mdo ni 'di kho nar 'dus par gsungs pas/ /'di kho na ltar shes par bya'o/ /sems ni sgyu ma'i rang bzhin te/ /ji ltar brtags pa de ltar snang / /de ma thag par ma gyur kyang / /de nyid gang brtags de ltar snang / /gdos bcas yul na mi snang yang / /yid gzugs mngon shes kun mkhyen snang / /gang brtags de ltar de ltas nas/ /mngon sum gsal por red par 'gyur/ /yod med legs nyes rang bzhin rnams/ /chu khams rtas pa lta bur zad/ /thams cad 'di yis byed par 'gyur/ /des na ting 'dzin sems nyid gtso/ /dper na rgya mtsho nor len mi/ /sbrul dang chu srin sbrang ma la/ /sogs pa gdug pa'i sdug bsngal kun/ /dka' bas nyams su blangs pas 'grub/ /de bzhin rnal 'byor rnal tshol ba/ /rnam rtog bying rmugs 'phyar g.yeng dgra/ /gzhom par dka' ba'i las 'di dag /nyams su blangs na bde thob rnyed/ /'di ni ting 'dzin dam pa yi/ /nyams su blangs pa'i bslab pa ste/ /</font><hr>102.272a<br><font size=+1>

sems nyid goms par bya ba las/ /'dris par byed pa rab tu gces/ /grogs po dag de dag ni nyams rnyed pa nyid du shes par bya'o/ /de skad ces smras pas/ /dman pa rnams gang gi dgongs pa dam pa'i nyam drod rnyed par gyur to/ /sangs rgyas kun gyi dgongs pa 'dus pa'i mdo chen po las rnal 'byor dbang sgyur gyi le'u zhes bya ste bdun bcu gsum pa'o// // de nas yang gsang ba pa'i bdag po des dman pa'i lus kyi sems dpa' rnams la 'di skad ces smras so/ /grogs po dag gang 'di la tshegs chung bar bya ba gang zhe na/ 'di lta ste/ ci la yang bya ba med pa nyid do/ /gang la bya ba med pa de gang zhe na/ 'di lta ste/ de bzhin nyid do/ /de ci'i phyir zhe na/ /'di lta ste/ sngags kyis yongs su zin pa'i nad/ /gang la 'ang gnod par byed mi nus/ /de bzhin nyid kyis zin pa yi/ /dus gsum dug lngas gnod mi 'gyur/ /de bzhin nyid kyis ma zin na/ /lam gyi phyogs rnams kun spyad kyang / /bde 'gro tsam du nges 'byung gi /go 'phang dam par ga la 'gyur/ /de bzhin nyid kyis kun gnas par/ /gang shes nyon mongs rnam par grol/ /gang de zin par ma shes na/ /dam pa'i lam rnams grol mi 'gyur/ /rnal 'byor de nyid blo ldan pas/ /nyon mongs zin pas gang spyad kyang / /rnam grol rang 'byung mya ngan 'das/ /tshegs med gyi 'da' don po che/ /gang 'di blo dang mi ldan pas/ /blo ldan tshul du gang byed pa/ /dam par grol bar mi 'gyur gyi/ /'ching ba thar ram 'khor ba'i dngos/ /thams cad stong par shes pa yi/ /blo can mya ngan 'das pa ste/ /bya ba'i las la sha thang ba'i/ /tshegs chen dka' ba las dang bral/ /dam pa'i blo gros thabs med de/ /skyes bu dam pa rnams dang ni/ /'dul ba'i dbang gis dman pa'i lus/ /sten par byed pa 'ang ltung bar 'gyur/ /dam pa'i blo gros thabs yod na/ /'khor ba dman pa'i dngos po yang / /skyes bu dam par grol 'gyur te/ /grol ba rang 'byung gzhan las min/ /grol dang ma grol la sogs pa/ /gnyis su rtog pa thams cad mtha'/ /kun mkhyen rnams ni dbus la 'ang</font><hr>102.272b<br><font size=+1>

min/ /de ni grol med grol ba'o/ /'di ni gsang ba dam pa ste/ /ma rtogs blo chung kun la gsang / /skyon yod nyes pa ma yin te/ /blo chung rnams la phan phyir ro/ /de phyir blo gros thabs ldan la/ /rtsol sgrub yo byad gtsor ma gsungs/ /gal te byas na 'ang 'gag pa med/ /ma byas na yang de ltar nges/ /de ltar blo gros thabs ldan na/ /mtshams med lnga yi sems can kun/ /byang chub snying rje mtshon gyis bsad/ /dpag med dger 'gyur ma bsad na/ /kun gyis don du gnyer ba ni/ /gang gi sems nyid dbyings nyid kyi/ /gang gis bskal pa dpag med du/ /srid gsum dkrugs pas de rig min/ /'dir ni blo gros thabs ldan pas/ /bya med gyi 'dar rang rig pas/ /don chen rnal 'byor nyal mo btsun/ /ma bal lhun gyis grub pa yin/ /ji ltar mun pa dug dang rdzas/ /sman snang gser du gyur pa na/ /'gyur rtsi man ngag med pa'i mis/ /dka' ba'i las chen sna tshogs pa/ /sdug bsngal spyad kyang mi 'grub ste/ /su zhig man ngag ldan pa'i mis/ /tshegs med gyi 'da'i tshul gyis na/ /bsgyur bas sman snang gser 'gyur ltar/ /rnal 'byor chen po don 'grub pa/ /de nyid blo gros thabs dag dang / /gang dang mi ldan pa dag gis/ /dka' ba spyad kyang 'grub min te/ /sems kyi gsang 'di sus mthong ba/ /blo gros thabs dang ldan pa ste/ /'dod pa'i don mchog gang yin pa/ /de dag tshegs med gyi 'das 'grub/ /don rnams grub par gang byed pa/ /blo gros thabs kyis grub pa'i phyir/ /don rnams 'grub par 'gyur ba yi/ /bslab pa 'di dag rab tu gces/ /grogs po dag de dag ni tshegs chung la don che ba nyid du zhes bya'o/ de skad ces smras pas/ /dman pa rnams blo dang ldan gros kyis chod de thabs kyis zin par gyur to/ /sangs rgyas kun gyi dgongs pa 'dus pa'i mdo chen po las don nges par bsgrub ba zhes bya ba'i le'u ste bdun bcu bzhi pa'o//[ ]// de nas yang gsang ba ba'i bdag po nges/ lang ka'i bdag po la sogs pa dman pa'i lus kyi sems dpa' rnams la shin du rngom brjid tshul du bos te smras pa/ kye grogs po dag mdo gcig tu bsdus pa ni gang zhe na 'di lta ste/ 'di skad bdag gis thos pa dus gcig na</font><hr>102.273a<br><font size=+1>

de bzhin gshegs pa thams cad kyi bcom ldan 'das ngo bo nyid dag par de bzhin gshegs pa thams cad gyur par 'dus nas/ /de bzhin gshegs pa thams cad kyis dgongs pa gcig tu 'dus par bshad pa/ / chos nyid rnam par dag pas na/ /chos kun rang bzhin rnam par dag /de bzhin gshegs pa thams cad kyi/ /thugs dam dbyig mchog rab nyid do zhes bcom ldan 'das ngo bo nyid dag pa las de skad ces 'byung ba'o/ /de ltar na yang 'di lta ste/ /mi phyed rdo rje dam tshig ni/ /rdo rje de bzhin nyid las byung / /chos nyid rdo rje dam tshig ni/ /grub na 'jig pa'i dus med do/ /grogs po dag bcom ldan 'das rnam par dag pa'i ngo bo nyid las de skad ces gsungs so/ /grogs po dag yang 'di lta ste/ /rgyal pa kun gyi thugs dam ni/ /thams cad dam pa de nyid las/ /mi gzhan gzhan med yod ma yin/ /de las gang yang 'da' mi 'gyur/ / bcom ldan 'das rdzogs longs spyod pa ngo bo nyid dag pas de skad ces gsungs so/ /yang grogs po dag 'di lta ste/ dam pa rnams kyis gsungs pa'i tshig /rdo rje go cha dam bcas pa/ shin du dam pa'i tha tshig 'di/ /gal te 'das na tshig par gyur/ / bcom ldan 'das gsang ba'i sku ngo bo nyid dag pas de skad ces gsungs so/ /yang grogs po dag 'di lta ste/ rgyal ba rnams kyi dam pa 'di/ /gsungs pas dam tshig mtha' yas kun/ thams cad thams cad bsrungs pa ste/ /bsrung ba 'di ni rnyed par dka'o/ / bcom ldan 'das rgyun gyi 'byung ba ngo bo nyid dag pas de skad ces gsungs so/ /kye grogs po dag 'di lta ste/ / zhe sdang ngo bo tha dad pa/ / byang chub sems su mnyam pas na/ / de bzhin nyid las gzhan pa yin/ /ma spangs ma dag rdo rje dam/ / bcom ldan 'das rdo rje sems dpa' ngo bo nyid dag pas de skad ces gsungs so/ / grogs po dag 'di lta ste/ 'dod dang chags pa'i yul nyid ni/ /rang bzhin gang yin de bzhin nyid/ / longs spyod myong tshor rnam par dag / spyod la ma chags rdo rje dam/ / bcom ldan 'das 'od mtha' yas ngo bo nyid dag pas de skad ces gsungs so/ / yang 'di lta ste/ / thams cad de bzhin der mtshungs pas/ / khyad par bye brag dbyer med pa'i/ /rdo rje nam mkha'</font><hr>102.273b<br><font size=+1>

'od gsal bas/ /rmongs pa'i mun nag rnam dag gsal/ /bcom ldan 'das snang mdzad ngo bo nyid dag pas 'di skad ces gsungs so/ /yang 'di lta ste/ rnam dag thug mtha' mu med pas/ /yangs dog tshig gi mtha' dang bral/ /kun bzangs yangs pa'i lam du gcig /bde chen klong yang rdo rje dam/ /bcom ldan 'das thams cad grub pas de skad ces gsungs so/ /yang 'di lta ste/ de bzhin nyid las med pas na/ /yin dang ma yin gnyis las 'das/ /bdag med rdo rje de bzhin nyid/ /nga med mi 'gyur rdo rje dam/ /bcom ldan 'das yon tan kun gyi 'byung gnas ngo bo nyid dag pas de skad ces gsungs so/ /grogs po dag gzhan yang 'di lta ste/ yod mthong snang grags chos so cog /tha dad sna tshogs mtha' yas kyang / /rang bzhin ma bcos de bzhin nyid/ /ma bsgribs 'od gsal rnam dag zhing / /bcom ldan 'das dri med sgra ngo bo nyid dag pas de skad ces gsungs so/ /de bzhin du 'di lta ste/ kun du bzang po'i ye shes 'di/ /sus kyang ma byas rang 'byung ste/ /thams cad 'byung ba'i rtsa bas na/ /rang las byung ba'i dkyil 'khor rdzogs/ /bcom ldan 'das dkon mchog sprin ngo bo nyid dag pas 'di skad ces gsungs so/ /gzhan yang dgongs pa rnam par bshad pa ni 'di lta ste/ ye nas ma bcos ji bzhin pa/ /chos so cog ni snying po ste/ /med pa las byung sna tshogs snang / /snang med de bzhin dkyil 'khor rdzogs/ /bcom ldan 'das bkod pa'i 'byung gnas ngo bo nyid dag pas de skad ces gsungs so/ /gzhan yang 'di lta ste/  rang 'byung rig pa'i sems nyid kyis/ /ma bcos chos nyid dbyings kyi don/ /lhun grub thabs dang shes rab las/ /yang dag rang bzhin dkyil 'khor gsal/ /bcom ldan 'das seng ge sgra ngo bo nyid dag pas de skad ces gsungs so/ /gzhan yang bcom ldan 'das mdzes pa'i tog ngo bo dag pas gsungs pa/ 'jig rten 'jig rten 'das pa yi/ /bde dang mi bde rnam pa kun/ /de bzhin nyid du ro gcig pas/ /tshor ba bde sdug gang yang med/ /ces gsungs so/ /gzhan yang bcom ldan 'das mdzes pa'i rgyan ngo bo nyid dag pas 'di skad du/ de bzhin nyid du don bstan du/ /de bzhin nyid du kun gcig pas/ /gang gis gang</font><hr>102.274a<br><font size=+1>

la gang zhig bstan/ /nyid la nyid gleng kho nar zad/ /ces gsungs so/ /gzhan yang bcom ldan 'das rgyal po ngo bo nyid dag pas 'di skad du/ de bzhin nyid kyi dbyings nyid la/ /dus gsum dus bzhir mi rigs te/ /ye shes rig pa'i khyad par las/ /skad cig bskal pa de skad cig /ces gsungs so/ /gzhan yang bcom ldan 'das snying rje'i rgyal po ngo bo nyid dag pas 'di skad du/ 'khor ba mya ngan 'das rtag pa de bzhin nyid kyi dbyings nyid du/ /ye nas mya ngan 'das pas na/ /rang bzhin lhun grub tshogs gnyis rdzogs/ /zhes gsungs so/ /yang bcom ldan 'das ngo bo nyid dag pas 'di skad du/ chos so cog gi rang bzhin ni/ /ma skyes pa las thams cad skye/ /skyes pa nyid na skye ba med/ /rigs mchog rdo rje skye gnas dam/ /zhes gsungs so/ /yang bcom ldan 'das yongs su dgongs pa'i rgyal po ngo bo nyid dag pas 'di skad du/ /de bzhin nyid du kun rig na/ /des khyab gar gnas sangs rgyas zhing / /yon tan rin chen sprin bkod pa/ /dgod par bya ba ci yang med/ ces gsungs so/ /yang bcom ldan 'das gser gyi 'od zer ngo bo nyid dag pas 'di skad du/ dpag tu med pa'i rgyal ba rnams/ /ji bzhin de bzhin nyid la bzhugs/ /de bzhin nyid dang thams cad kyang / /gnyis med de bzhin de nyid do/ /zhes gsungs so/ /yang bcom ldan 'das 'od kyi dpal ngo bo nyid dag pas 'di skad du/ 'khor ba dang ni mya ngan 'das/ /so sor snang ba ma yin te/ /ji bzhin de bzhin nyid des na/ /de la 'khor ba'i rang bzhin med/ /ces gsungs so/ /yang bcom ldan 'das zhi ba'i dbang po ngo bo nyid dag pas 'di skad du/ /de bzhin nyid kyi de nyid ni/ /dpag cing gzhal bar mtha' yas pas/ /dpag med rgyal po'i pho brang yin/ /de nas kun bkod der gcig nas/ /zhes gsungs so/ /yang bcom ldan 'das sprin gyi dpal ngo bo nyid dag pas 'di skad du/ /thams cad 'byung ba'i cho 'phrul yang / /cir yang 'gyur ba'i ye shes te/ /gdos par gyur ba'i chos med pas/ /ji ltar dmigs pa bzhin du</font><hr>102.274b<br><font size=+1>

'byung / /zhes gsungs so/ /yang bcom ldan 'das yid 'ong dbyangs ngo bo nyid dag pas 'di skad du/ 'jig rten 'khor ba'i kha brgyud pas/ /ma rig ngo bo de bzhin pa/ /gzhi rtsa med pa'i skad cig ma/ /de nyid rig na bde chen gnas/ /zhes gsungs so/ /yang bcom ldan 'das me long 'od snang ngo bo nyid dag pas 'di skad du/ /nyon mongs ye shes lngar rtog pa/ /ji bzhin de la gnyis ka sgrib/ /rtog dang mi rtog gnyis med de/ /rtog pa de nyid yang dag lam/ /zhes gsungs so/ /yang bcom ldan 'das zla 'od dpal ngo bo nyid dag pas 'di skad du/ /theg pa dpag med bstan pa yang / /ji ltar mos pa tha dad pa/ /khrid pa bya ba'i thabs su zad/ /rdo rje theg pa nyid las med/ /ces gsungs so/ /yang bcom ldan 'das nyi ma'i snying po dpal ngo bo nyid dag pas 'di skad du/ /gang gis de mthong mthong ma thag /mi shes chod pa'i dra ba chod/ /khyung dang seng ge ji bzhin du/ /mngal ltar lus kyi mngal gyis sgrib/ /ces gsungs so/ /yang bcom ldan 'das spos kyi rgyal po ngo bo nyid dag pas 'di skad du/ dbang sgyur thabs kyi ye shes kyis/ /sgyu ma'i chos la dbang thob pas/ /mun la snang 'byung ji bzhin du/ /thams cad dbang sgyur rang rig yin/ /zhes gsungs so/ /yang bcom ldan 'das sngon spro ba'i rgyal po ngo bo nyid dag pas 'di skad du/ rnam dag ye shes sgyu ma dang / /log rtog mtshan ma'i sgyu ma gnyis/ /rang bzhin de nyid dag pas na/ /gnyis su shes pa nyid tshogs rdzogs/ /zhes gsungs so/ /yang bcom ldan 'das rin chen rgyal po ngo bo nyid dag pas 'di skad du/ /bsam gyis mi khyab chos 'di rnams/ /de bzhin nyid du gcig pas na/ /gang gi de bzhin de shes pa/ /kun la dbang sgyur thob pa yin/ /zhes gsungs so/ /yang bcom ldan 'das 'od zer dpal ngo bo nyid pas 'di skad du/ /sangs rgyas rnams kyi dgongs pa 'di/ /shes nas de la gang gnas pa/ /rang rig nyid la dbang thob pa'i/ /de bzhin rig pa 'dzin pa nyid/ /ces gsungs so/ /yang bcom ldan 'das dka' thub rgyal po'i ngo bo nyid dag pas 'di skad du/ /de nyid ji bzhin mngon gyur na/ /med la mi zad 'byung ba yi/ /</font><hr>102.275a<br><font size=+1>

che ba'i yon tan rgyun mi 'chad/ /cir snang kun 'byung rin chen gter/ /zhes gsungs so/ /yang bcom ldan 'das gtsug tor snying po ngo bo nyid dag pas 'di skad du/ ji bzhin ma bcos de nyid la/ /de bzhin pa yi blo gnas pa/ /de bzhin de nyid ma yin pa'i/ /sgrub dang bsgrub pa ga la yod/ /ces gsungs so/ /yang bcom ldan 'das nges par gshegs pa'i ngo bo nyid dag pa 'di skad du/ mkha' la glo bur sprin 'thibs ltar/ /de bzhin glo bur rtog pas sgribs/ /mkha' dag nang du sprin sangs ltar/ /rnam rtog sangs pas ngang gis sangs/ /shes gsungs so/ /yang bcom ldan 'das nges par gsungs pa'i ngo bo nyid dag pas 'di skad du/ /ji snyed dag pa'i gsung brjod kyang / /rdo rje gsung la spros pa med/ /spros med gsung nyid kun gsal khyab/ /ma gsungs pa nyid rgya cher bshad/ /ces gsungs so/ /yang bcom ldan 'das ngo bo nyid dag pas 'di skad du/ /thams cad yul la 'jug pa yi/ /thogs med ma chags de bzhin blos/ /ji snyed ji bzhin nyid du bsgyur/ /zad med gter ldan rin chen 'byung / /zhes gsungs so/ /yang bcom ldan 'das me tog dbang po dbyangs ngo bo nyid dag pas 'di skad du/ /ji bzhin nyid la bzhugs pas na/ /'di zhes tshig tu ma gsungs kyang / /khyab pas gcig pa'i byin brlabs kyis/ /ji ltar 'dod pa so sor mjal/ /zhes gsungs so/ /yang bcom ldan 'das grags pa'i dpal ngo bo nyid dag pas 'di skad du/ sangs rgyas sems can la sogs pa/ /thams cad ma lus lus pa med/ /rang rig ma rig rtog pa nyid/ /kun kyang rang byung ye shes nyid ces/ gsungs so/ /yang bcom ldan 'das sprul pa'i rgyal po ngo bo nyid dag pas 'di skad du/ /yi ge phyag rgya ye shes kyang / /tshig las 'byung ba'i gzhi yin te/ /de nyid dag pas thams cad dag /gsung la gsung nyid mi gnas pa'o/ /zhes gsungs so/ /yang bcom ldan 'das sgra dbyangs mi zad pa nyid dag pas 'di skad du/ de bzhin nyid kyang rang bzhin du/ /lnga phung nyon mongs rnam par dag /rnam rtog rdul bral skye 'gag med/ /thams cad ngo bo nyid du bcom/ /zhes gsungs so/ /yang bcom ldan 'das sman gyi rgyal po ngo bo nyid dag pas</font><hr>102.275b<br><font size=+1>

'di skad du/ dpag med 'jig rten rdul rnyed na/ /'gro ba rdul phran bsam yas la/ /khyad par de bzhin nyid snang bas/ /til 'bru mar gyis khyab ltar gnas/ /shes gsungs so/ /yang bcom ldan 'das gser gyi 'od 'phro ngo bo nyid dag pas 'di skad du/ rdul phran gcig tsam gang zag la/ /dgongs te mdun du gsung brjod pa/ /dpag med mtha' yas rdul snyed tsam/ /de snyed kun du thos par grol/ /zhes gsungs so/ /yang bcom ldan 'das bkod pa'i rgyal po ngo bo nyid dag pas 'di skad du/ gsung gcig mi zad mtha' yas gsung / /mtha' dang dbus med kun du khyab/ /khyab dang khyab med rdo rje gsung / /sna tshogs dngos med de bzhin nyid/ /ces gsungs so/ /yang bcom ldan 'das gser gyi gsung ngo bo nyid dag pas 'di skad du/ gang yang ma bcos de nyid la/ /phyogs dang snga phyi dus med de/ /thams cad de bzhin nyid kyi dbyings/ /de nyid rang rig rang nyid do/ /zhes gsungs so/ /yang bcom ldan 'das dpal gyi rgyal po ngo bo nyid dag pas 'di skad du/ de nyid de snyed rang bzhin te/ /de snyed de nyid yin pa la/ /byis pa rnams kyis gnyis su bzung / /de la gnyis su dbye byar med/ /ces gsungs so/ /yang bcom ldan 'das snang ba brtsegs pa'i dpal ngo bo nyid dag pas 'di skad du/ /stong nyid nam mkha'i rang bzhin du/ /mi mthun pa dang gnyen po gnyis/ /ye nas dbyer med gcig pas na/ /gnod pas 'jigs pa ga la yod/ /ces gsungs so/ /yang bcom ldan 'das ngo bo nyid dag pa'i dpal ngo bo nyid dag pas 'di skad du/ mi 'gyur nam mkha'i rang bzhin te/ /dag pa dag la dag pa nyid/ /rtog pa dag la rtog par snang / /cis 'dul der snang ci yang med/ /ces gsungs so/ /yang bcom ldan 'das dga' mchog dpal ngo bo nyid dag pas 'di skad du/ /rang bzhin rang gis ma bcas pa/ /yong gis 'od gsal de bzhin nyid/ /kun gyi snying po de nyid pas/ /cis kyang ma bsgribs nam mkha' che/ /zhes gsungs so/ /yang bcom ldan 'das gzi brjid dpal ngo bo nyid dag pas 'di skad du/ ji bzhin pa nyid sa mchog ste/ /</font><hr>102.276a<br><font size=+1>

de rig ye shes bla ma yis/ /ye nas de bzhin nyid la gnas/ /da gdod bgrod du ga la yod/ /ces gsungs so/ /yang bcom ldan 'das sangs rgyas kun gyi dge ba'i bshes gnyen ngo bo nyid dag pas 'di skad du/ stong pa nyid kyi snying po la/ /sna tshogs snang ba'i 'khor gyis bskor/ /sus kyang ma byas rang 'byung ba/ /ji bzhin pa yi dkyil 'khor nyid/ /ces gsang ba'i tshig tu'o/ /yang bcom ldan 'das ngan song thams cad sbyong ba'i ngo bo nyid dag pa gsang bas 'di skad du/ zad med ye shes dngos grub ni/ /de bzhin nyid du dngos grub pas/ /zad pa med cing 'phel ba med/ /da gdod bsgrub tu ga la yod/ /ces gsang ba'i tshig tu'o/ /yang bcom ldan 'das 'jig rten kun gyi ngo bo nyid dag pas 'di skad du/ chos kun rang bzhin med pa nyid/ /mya ngan 'das zhes de la bya/ /stong nyid rang bzhin rnam dag la/ /de nyid mi gnas byang chub sems/ /zhes gsang ba'i tshig tu'o/ /yang bcom ldan 'das rnam par rgyal ba nyid dag pas 'di skad du/ rnam rtog chu bo'i rka mgo ste/ /stong nyid zhing du ma bsgyur na/ /'khor ba'i rgya mtsho g.yeng 'gyur ba/ /de mi shes la de ltar snang / /zhes gsang ba'i tshig tu'o/ /yang bcom ldan 'das me tog bkod pa'i rgyal po ngo bo nyid dag pas 'di skad du/ ji bzhin pa yi de bzhin nyid/ /thams cad 'byung ba'i ma yin pas/ /kun bzang shes rab pha rol phyin/ /sems can sangs rgyas kun gyi gnas/ /zhes gsang ba'i tshig tu'o/ /yang bcom ldan 'das thams cad snang ba ngo bo nyid dag pas 'di skad du/ stug po bkod pa'i sangs rgyas dang / /sems can rnam pa thams cad dag /dngos po brtan g.yo la sogs pa/ /de nyid las byung dngos med sku/ /zhes gsang ba'i tshig tu'o/ /yang bcom ldan 'das yid dang ngo bo nyid dag pas 'di skad du/ rang 'byung ye shes rtsa ba ni/ /byang chub sems nyid yin pas na/ /de yi rtsa ba snying rje ste/ /pha rol phyin par thabs kyis so/ /zhes gsang ba'i tshig tu'o/ /yang bcom ldan 'das seng ge 'bum gzugs ngo bo nyid dag pas 'di skad du/ /ji snyed ji bzhin nyid kyi don/ /yi ge ming tshogs sgra mtshon pa/ /ming tshogs sgra la ma brten par/ /nyam</font><hr>102.276b<br><font size=+1>

drod blo yis rig pa med/ /ces gsang ba'i tshig tu'o/ /yang bcom ldan 'das thub pa'i dbang po ngo bo nyid dag pas 'di skad du/ chos kun chos kyi rang bzhin ni/ /de bzhin nyid las mi gzhan pas/ /de nyid byang chub lam nyid des/ /lam de ltug po bkod pa'i gnas/ /zhes gsang ba'i tshig tu'o/ /kye grogs po dag gzhan yang de dag la sogs pa/ rdo rje sems dpa'i sprul pa'i sgron ma bye ba sa ya snyed ngo bo nyid dag pa dang / chos kyi pho brang na bzhugs pa mtha' thug pa med pa'i ngo bo nyid dag pas/ gsang ba'i tshig 'di skad du/ la la ni 'di ltar/ rtog med rang rig skad cig ma/ /sems can sangs rgyas gnyis kyi dbyings/ /rig dang ma rig gnyis kho na/ /dag dang ma dag gnyis su snang / zhes gsang ba dam par bsngags so/ /la la ni 'di skad du/ de nyid smra brjod med pa las/ /de mtshon phyir na tha dad brjod/ /gang brjod pa nyid de bzhin nyid/ /de nyid spros med rdo rje don/ /zhes gsang ba dam par bsngags so/ /la la ni 'di skad du/ de nyid cir yang mi snang na/ /glo bur rnam rtog tha dad pa'i/ /rnam rtog de nyid snang bar zad/ /snang ba nyid na snang ba med/ /ces gsang ba dam par bsngags so/ /la la ni 'di skad du/ ji bzhin pa yi de kho na/ /sangs rgyas kyis kyang byar med na/ /gang gis bcos te su yis byas/ /byas pa po zhig ga la yod/ /ces gsang ba dam par bsngags so/ /la la ni 'di skad du/ ye shes can gyi spyod yul ni/ /de bzhin de nyid yin pas na/ /de khyab gang gis chos rnams kun/ /rang bzhin dag pas bsgribs pa med/ /ces gsang ba dam par bsngags so/ /la la ni 'di skad du/ de nyid mtshan nyid med pa las/ /mtshan nyid sna tshogs par snang bas/ /kun 'byung dbyings kyi rang bzhin bas/ /med la zad mi shes par mdzod/ /ces gsang ba dam par bsngags so/ /la la ni 'di skad du sna tshogs theg pa'i lta ba dang / /sdom pa srung ba'i bya ba kun/ /spyad par bya ba ma yin yang / /kun kyang ma 'dres yongs su rdzogs/ /zhes gsang ba dam par bsngags so/ /la la ni 'di skad du/ de la phyogs dang dus med par/ /</font><hr>102.277a<br><font size=+1>

gang gis phyogs dang dus brtags pa'i/ /de nyid de la rnam par snang / /sangs rgyas kyis ni de mi mkhyen/ /zhes gsang ba dam par bsngags so/ /la la ni 'di skad du/ bsam gyis ma khyab kun shes nas/ /bsam du med par de bzhag na/ /dpag tu med pa'i yon tan 'byung / /rnam pa thams cad mkhyen pa yin/ /zhes gsang ba dam par bsngags so/ /la la ni 'di skad du/ bsam gyis mi khyab mi shes par/ /bsam med ngang du gang 'jog pa/ /byis pa de ni blun pa ste/ /mun pa'i skye mched nyid du 'gyur/ /zhes kun nas brtse ba dam par bsngags so/ /la la ni 'di skad du/ bsam med bsam gyis mi khyab chos/ /lhag par mthong nas zhi gnas pa/ /rnam rtog spong len gang byed pa/ /de dag sgrib pa mu mtha' yas/ /zhes bshes gnyen dam pa nyid du gdams so/ /la la ni 'di skad du/ sna tshogs so so kun rig kyang / /kun grol rnam dag lam med na/ /dam pa nyid las shin du gol/ /nam yang nges pa rnyed pa min/ /zhes bka' dam par gdams so/ /la la ni 'di skad du/ sna tshogs rim gyis 'jug pa dang / /bsam spyod blo yi nang du 'gyur/ /bsam med yongs su rdzogs pa'i don/ /rim gyis pa yi dug chen yin/ /zhes khyad par dam par gdams so/ /la la ni 'di skad du/ sna tshogs so sor ma rig par/ /de bzhin nyid du nges mi rnyed/ /de nyid nges pa ma rnyed na/ /sna tshogs smra ba rung ma yin/ /zhes nan tan dam par gdams so/ /la la ni 'di skad du/ mkha' la 'ja' snang ji bzhin du/ /bsam yas bsam snang de bzhin no/ /gcig tu nges pa med pa'i gsung / /ji ltar 'byung ba de ltar yin/ /zhes dpag dka' ba dam par gsungs so/ /la la ni 'di skad du/ kun gyi rtsa ba 'dir bshad pas/ /'di don gang rig thos pa'i mchog // thams cad 'di las 'byung bas na/ /'di shes kun shes shes rab mchog /ces shes rab mchog dam par bsngags so/ /la la ni 'di skad du/ gsang ba'i nang na gsang chen 'di/ /nyid kyis nyid kyang mi mthong bar/ /gzhan gyis mthong bar ga la 'gyur/ /de nyid</font><hr>102.277b<br><font size=+1>

dam pa rnams kyis bsngags/ /zhes gsang ba dam par bsngags so/ /la la ni 'di skad du/ chos rnams kun gyi snying po 'di/ /gser dang mkha' bzhin mi 'gyur bas/ /mi nub stor bral med pa'i phyir/ /chos kyi dam pa don po mchog /ces dam pa chen por bsngags so/ /la la ni 'di skad du/ thog ma med nas bsags pa yi/ /rnam rtog sprin phung dpag med pa/ /stong nyid cig car rig pa yis/ /de bzhin nyid du rnam par sgrol/ /zhes gsang ba dam par bsngags so/ /la la ni 'di skad du/ ji snyed bsam gyis mi khyab pa'i/ /chos kun stong par rig nges na/ /sangs rgyas kun dang mnyam sbyor ba/ /rnal 'byor chen po'i bsam gtan yin/ /zhes rnal 'byor dam par gdams so/ /la la ni 'di skad du/ 'khor ba ji srid yod bar du/ /bstan pa'i snying po nyi ma shar/ /rang bzhin chos nyid 'khor lo 'di/ /mi nub rgyun mi 'chad par bskor/ /zhes gsang ba dam pa'i theg par bsngags so/ /la la ni 'di skad du/ mi 'gyur mi 'jigs rdo rje don/ /sna tshogs kun 'byung rin po che/ /ma chags rnam dag pad mo nyid/ /thams cad lhun grub mdzad pa che/ /ma nor ma bcos de bzhin nyid ces yang nges pa dam par bstan to/ /la la ni 'di skad du/ stong nyid gzugs med chos kyi sku/ /smon med yid las 'das pa'i gsung / /mtshan med rtog las 'das pa'i thugs/ /rtog med re skong yon tan mdzod/ /thabs kyis gar thabs phrin las mdzad/ /ces cho 'phrul sna tshogs 'byung bar bsngags so/ /la la ni 'di skad du/ mi rtog chos kyi me long gsal/ /gnyis su med pas thams cad mnyam/ /sna tshogs mtshan nyid ma 'dres mkhyen/ /nan tan chen po khyab grub mdzad/ /ye nyid kun gyi rang bzhin mkhyen/ /zhes ye shes rgyun du 'char bar bsngags so/ /la la ni 'di skad du/ snang stong go 'byed kun khyab mkha'/ /theg dbyings la ni kun gnas sa/ /zhi gnas rnam dag chu chen po/ /lhag mthong ye shes 'od 'bar me/ /shes bya thogs med 'thor ba'i rlung / /</font><hr>102.278a<br><font size=+1>

zhes thams cad 'byung bar bsngags so/ /la la ni 'di skad du/ ma 'dres yongs rdzogs gsal stong gzugs/ /khyab gsal rang bzhin 'gro ba'i sgra/ /dang bas sim byed chos kyi dri/ /don bcu nyams su myong ba'i ro/ /bde mchog don la reg pa nyid/ /ces yon tan dam par bsngags so/ /la la ni 'di skad du/ ci yang mi sems gti mug la/ /dngos po kun bcom zhe sdang nyid/ /ye 'byam nga rgyal bdag nyid che/ /bde chen rang bzhin rjes chags pa/ /gang du ma 'gyur gzhan phrag dog / ces blang dor med par bsngags so/ /la la ni 'di skad du/ kun gyi rang bzhin gcig shes pas/ /de nyid dbang du thams cad 'dus/ /kun la dbang sgyur thos pas na/ /ye dbang chen po rdzogs pa'o/ /zhes dbang dam par bsngags so/ /la la ni 'di skad du/ thams cad kun 'dus rig pa'i mdo/ /kun la khyab gnas brtag dka' ba/ /zab mo sangs rgyas spyod yul yin/ /rdo rje kun bkod rnal 'byor lung / /zhes bka' dam par bsngags so/ /la la ni 'di skad du/ de nyid der ni kun gcig pas/ /bdag dang gzhan du snang ba med/ /stong nyid rnam dag nam mkha' la/ /gtsang smer dbye ba rdul yang med/ /ces bdud rtsi dam par bsngags so/ /la la ni 'di skad du/ byang chub snying po dang ba la/ /rnam rtog rdul gyis ga la 'go //de nyid chen por 'ub chud pas/ /cis kyang mi bskyod nyam mi nga / /zhes re dogs med par bsngags so/ /la la ni 'di skad du/ rnam rtog mtshan ma'i ri bo 'di/ /seng ge'i khog pa rang zhig ltar/ /stong nyid rang nyid ma zhig na/ /gzhan gyis 'jig par ga la 'gyur/ zhes rang bzhin dam par bsngags so/ /la la ni 'di skad du/ bde chen rnam dag rtog byed pas/ /legs nyes gnyis ka rnam par rtog /bde chen nges pa'i rlung zhugs na/ /gang 'dir rnam par rtog pa med/ /ces yongs su rtog pa las 'das par bsngags so/ /la la ni 'di skad du/ de nyid phyin ci ma log par/ /bsrung bya mi rtog mi gnas pa/ /le lo g.yeng ba'i dgra bsrung ste/ /de bzhin de las 'da'</font><hr>102.278b<br><font size=+1>

mi bya/ zhes dam tshigs dam par bsngags so/ /la la ni 'di skad du/ dpag tu med pa'i 'jig rten du/ /sgron ma bsam gyis mi khyab pas/ /ji snyed pa yi chos bstan pa/ /mtha' yas don no gcig tu 'dus/ zhes par bsngags so/ /la la ni 'di skad du/ de nyid de las ma nyams na/ /dran bsam sgyu ma med pa yi/ /tshul khrims ting 'dzin shes rab nyid/ /bslab pa rnam gsum yongs su rdzogs/ /shes bslab pa dam par bsngags so/ /la la ni 'di skad du/ de nyid las mtha' zhi gnas dang / /lhag pa'i don mthong 'dres pa yi/ /sde gsum nges par rdzogs pa na/ /'bum phrag mtha' yas brjod mi lang / /zhes bkri drang brgyud pa dam par bsngags so/ /la la ni 'di skad du/ tshig la dbang bas tshig bsgyur na/ /tshig mtha' yas pas bsdus na 'dus/ /tshig gcig rnam par spros gyur na/ /brjod pas de ni zad mi 'gyur/ /zhes gsung mi zad pa dam par bsngags so/ /la la ni 'di skad du/ smra brjod tshig la gang dag pas/ /gang gis dgongs pa dpog mi nus/ /tshig tshogs rgya mtsho thos pa min/ /tshig gcig thos pa thos pa'i mchog /ces thos pa rgya mtsho'i dam par bsngags so/ /la la ni 'di skad du/ khyab dang mi gnas rnam mi rtog /ma bral mi g.yo ma chags pa/ /de nyid las ni gzhan med de/ /pha rol phyin pa de kho na/ /zhes mthar son pa dam par bsngags so/ /la la ni 'di skad du/ 'don brjod 'dri klog don byed pa/ /dmus long dmu rgod rgyug pa 'dra/ /dbyings kyis dbyings la bris pa'i don/ /gang rig 'don brjod 'dri klog mchog /ces spyod pa dam par bsngags so/ /la la ni 'di skad du/  mtshan mar byas dang snang ba'i tshogs/ /ma 'dres yongs su rdzogs pa yi/ /mkha' dang 'ja' ltar rnam rig pa/ /bsngo ba bla med byang chub nyid/ /ces bsngo ba dam par bsngags so/ /la la ni 'di skad du/ chos gang sems kyi de nyid la/ /gnyis dang mtha' ru gang lta ba/ /ma rig 'khrul pas phyi ci log /theg chen gsang sngags lam las log /ces gdams ngag dam par gsungs so/ /la la ni 'di skad du/ rgyu rkyen rten 'brel</font><hr>102.279a<br><font size=+1>

rim gyis pa/ /blo chung rmongs pas khrid pa'i thabs/ /ma bcos de bzhin nyid 'di la/ /rten 'brel rgyu 'bras rim gyis med/ /ces nges par dam par bsngags so/ /la la ni 'di skad du/ ma bcos de bzhin nyid 'di la/ /yid bzhin cir yang 'byung ba yi/ /cho 'phrul 'byung bas sems can rnams/ /ji ltar 'dul ba mthong thos snang / zhes thams cad rgyu med pa la bsngags so/ /la la ni 'di skad du/ zab mo sangs rgyas spyod yul ba/ /gsang ba'i dbyings na gnas pa yi/ /thams cad gsang ba'i snying po nyid/ /mthong bas 'gro don rgya mtshor rdzogs/ /shes thams cad lhun gyis grub par bsngags so/ /la la ni 'di skad du/ dngos po med pa'i ngo bo nyid/ /de mthong ngo bo nyid mi dmigs/ /dran med bya dang byed med pa/ /gnas gsum mnyam nyid rjes su dran/ /zhes ting nge 'dzin dam par bsngags so/ /la la ni 'di skad du/ gnas gsum dmigs pa'i 'du shes med/ /ming med tshig gi lam dang bral/ /bla med 'dus ma byas pa yi/ /mchod pa yang dag mchog tu bshad/ /ces mchod pa dam par bsngags so/ /la la ni 'di skad du/ bskal pa bye ba dpag med du/ /log cing zhen pa'i mun pa gsum/ /de nyid tshul bzhin skad cig ma/ /kun gsal gcig gis yongs su sangs/ /shes gsang ba dam par bsngags so/ /la la ni 'di skad du/ /mun pas 'thibs pa de dag gis/ /mi g.yo mi rtog de nyid blta/ /de mthong mun pa rnam dag sangs/ /'gyod sangs kun gyi mchog tu bshad/ /ces tshangs pa dam par bsngags so/ /la la ni 'di skad du/ mi mthun gnyen po mi dmigs pa/ /stong pa nyid kyi chos nyid la/ /gnas pa gang yin de dag gis/ /gnyen po bstan du ci yang med/ /ces la gcad pa dam par bsngags so/ /la la ni 'di skad du/  thams cad rang bzhin ma bcos pa/ /ji bzhin pa yi de bzhin du/ /rang rig bla na med pa yi/ /byang chub mchog tu sems bskyed pa'o/ /zhes sems bskyed pa rnam par bsngags so/ /la la ni 'di skad du/ ci yang mi sems mi g.yo zhing / /mi rtog rnam par mi g.yeng ba/ /</font><hr>102.279b<br><font size=+1>

kun la khyab par bdal ba'i dbyings/ /kun shong bya med theg chen mchog /ces theg pa chen po'i gsang ba dam par bsngags so/ /la la ni 'di skad du/ theg chen gsang ba'i snying po 'di/ /dbu ma'i mi dmigs mtha' las 'das/ /gang 'dir dbu mar 'dod pa dag /mtha' las 'das par ga la 'gyur/ /zhes dbus mthar mi dmigs par bsngags so/ /la la ni 'di skad du/ chos kun mi mthong chos nyid kyang / /mi mthong sems can sems mi mthong / /sangs rgyas mi mthong gang mthong ba/ /de yi don dam yang dag mthong / /zhes mthong ba yongs su bsngags so/ /la la ni 'di skad du/ ye nas ma bcos ji bzhin pa/ /mi skye mi 'gag rnam kun mkhyen/ /sus kyang ma byas rang byung ba/ /rnam par rtog pa'i glo bur yin/ /zhes ma bslad par dam par bsngags so/ /la la ni 'di skad du/ de nyid de dang gang ldan pa/ /dman pa'i lus la sangs rgyas yin/ /de la ma gtogs gang zhig na/ /sangs rgyas bya ba ga la yod/ /ces ye nas sangs rgyas par bsngags so/ /la la ni 'di skad du/ brtan g.yo dkyil 'khor phyag rgya rdzogs/ /rtog 'dzin sgra mtha' ting 'dzin bsngags/ /med rgyu rtags chags mtshon pa'i tshig /bsgrub 'grub bltas snang 'bras bu'o/ /zhes gsang sngags dam pa'i tshig go/ /grogs po dag de ltar ni de bzhin gshegs pa thams cad kyi dgongs pa dam pa de kho na nyid las 'di skad du/ thams cad thams cad ji snyed pa/ /tshig gi tha snyad tsam dag las/ /'di la bya ba ci yang med/ /rang bzhin de nyid ye sangs rgyas/ /a ho zhes de bzhin gshegs pa thams cad las 'das te bde ba chen po lhun dang bar gyur to/ /de nas gsang ba'i bdag po nyid kyis tshigs su bcad de smras pa/ dper na kun du rgyu ba'i mi/ /'dod pa'i yul du gang 'gro ba/ /yul gyi rnam pa mtha' yas kyang / /bgrod yul lam gnas gcig las med/ /de bzhin bsam gyis mi khyab pa'i/ /rnam grangs chos sgo ji snyed kyang / /bkrid pas drang ba'i tshig</font><hr>102.280a<br><font size=+1>

yin te/ /bsam pa'i yul ni gcig pa'o/ /don rnams gcig tu bsdus pa yi/ /bslab par bya ba dam pa ste/ /nges par gcig las med pa'i phyir/ /kun 'dus dam pa'i bslab par gces/ /dam pa 'dir 'dus kun shes na/ /de yi ye shes mtha' yas te/ /rnam pa thams cad mkhyen nyid pas/ /mdo don gcig tu bsdus par gsungs/ /grogs po dag de dag ni de bzhin gshegs pa thams cad dgongs pa de kho na nyid gcig tu 'dus par de bzhin gshegs pa thams cad 'dus nas bshad pa ste/ thams cad kyi mdo de kho na nyid du 'dus par shes par bya'o/ /de skad ces smras pas/ dman pa rnams gcig tu nges pa dam pa rnyed par gyur to/ /de nas gsang ba pa'i bdag po nyid la dman pa dam pa rnams yi rangs te/ mngon par bstod pa/ e ma ho skyes chen gsang ba'i bdag /rtsal chen smra ba seng ge'i sgra/ /de bzhin gshegs pa kun gyi thugs/ /sangs rgyas kun sngon ye nas byung / /khyod ni sangs rgyas kun gyi mes/ /che mchog rje btsan dam pa'i sku/ /bde gshegs kun gyi bshes gnyen mchog /sems dpa' sangs rgyas kun gyi dngos/ /kun gyi 'byung gnas me long gsal/ /phyogs kun gsal 'grel nges pa'i mdo/ /theg chen rmad grags ngo mtshar che/ /gsang chen byung tshul ngo mtshar che/ /a ho zhes nges pa dam par mngon par bstod/ de nas cang mi dmigs par gyur te/ gang du nges par bgros pa'i gsang ba dam pa dag lha dang mi'i 'jig rten du rgya cher grags shing yongs su grags par gyur to/ /sangs rgyas kun gyi dgongs pa 'dus pa'i mdo chen po las sangs rgyas kun gyi dgongs pa 'dus pa'i le'u zhes bya ste bdun bcu lnga pa'o// //theg pa chen po nges par 'byung ba'i tshul las gang gis dgongs pa rnam par bgros pa na yang byung ba'i gtam rgyud brjod pa'i chos kyi phyag rgya'i ye shes rnam par bgros pa ste/ byung tshul bstan pa'i bcu gnyis pa'i tha ma'o// //sangs rgyas kun</font><hr>102.280b<br><font size=+1>

gyi dgongs pa 'dus pa'i mdo theg pa chen po mngon par rtogs pa chos thams cad kyi me long /  bka' thams cad kyi 'grel pa/ de bzhin gshegs pa kun gyi dgongs pa dam pa gsang ba/ bcom ldan 'das gsang ba'i bdag po phyag na rdo rjes drag shul can gyi ri ma la ya'i rtser lang ka'i bdag po la sogs pa dman pa'i lus kyi sems dpa' rnams la rgya cher yongs su bgros pa/ rgya gar gyi mkhan po d+harma bo d+hi dang / ring lugs chen po dA na rak+Shi ta dang / zhus chen gyi lo tsa ba che btsan skyes kyis bru sha'i yi ge las bru sha'i yul gyi khrom du bsgyur cing gtan la phab pa'o/ /bka' 'di la dbu zhabs su byung tshul bcu gnyis pa/ le'u bdun bcu rtsa lnga pa/ bam po bcu dang / shu lo ka nyis brgya lnga bcu rtsa gnyis so/ / ye d+harmA he tu pra b+ha bA he tu na te ShA na ta thA ga to h+ya ba dang / te ShAny+tsa yo ni ro d+ha e baM bA dI ma hA shra ma NaH/ /sangs rgyas dgongs 'dus rnying ma'i chos/ /tshig don dka' zhing sdeb spyod rtsing / nor 'dzol rigs rnams skar mas bcos/ /da ni shin tu dag par bzhugs// // </font><hr>

</table>