J722

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J722</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J722&coll=lithang">see text in Tibetan script</a></table>101.101a<br><font size=+1>

@#/  /rgya gar skad du/ badzra tuN+Da nA ma nA ga sa ma ya/  bod skad du/ rdo rje mchu zhes bya ba klu'i dam tshig go / thams cad mkhyen pa la phyag 'tshal lo/ /de nas bcom ldan 'das grong khyer chen po g.yog 'dor na bzhugs te/ 'khor 'dus pa chen po 'jog po la sogs pa klu'i 'khor dang / lha dang mi'i tshogs kyi 'khor chen po la sems can rnams kyi don chen po'i phyir te/ bsam pa dang re ba thams cad yongs su skong ba bde bar byed pa'i chos ston to/ /til dang 'bras skong ba dge bar byed pa'i chos ston to/[ ]de nas grong khyer de nas bram ze'i khye'u khyab ma spyan zhes bya ba phyug pa nor che ba/ </font><hr>101.101b<br><font size=+1>

longs spyod che ba/ rdzas dang yo byad mang po phun sum tshogs pa/ rig byed dang rig byed kyi yan lag gi pha rol tu phyin pa/ sngags la 'jug pa/ sngags grub pa zhig 'dug ste de yang yang dang yang du klu 'gugs zhing me'i sbyin bsreg byed do/ /bram ze de'i lo tog smin kar char chad par gyur nas/ des nga rgyal gyi sgras sngags brjod pa dang 'thun pas 'di skad ces bdag gis char pa'i rgyun dbab cing klu dgug par bya'o zhes smras te/ des me'i sbyin bsreg bya bar bshams nas til dang / 'bras dang / yungs kar rnams 'bru mar tsha ba dang bsregs te sbyin bsreg byed do/ /de nas klu mi bsrun pa zhig gi gzugs byas te/ des lcags kyi phur bu la bsngags nas klu'i spyi bor btab pa dang / klu'i spyi bo gas nas sdug bsngal gyi tshor ba chen por gyur to/ /klu de yang cher 'khrugs te khros nas skad cig thang cig yud tsam de la klus khyab par byed pa'i shugs kyis cher gnod cing rdul 'byung ba'i 'od zer tsha ba rang gi lus las bkye ste gnod pa chen pos khebs par byas nas bram ze de'i zhing tshig par byas so/ /de yang lce 'bab pa'i char gyi rgyun chen po bram ze'i lus la phab nas bram ze de mgon med/ skyabs med/ dpung gnyen med de/ me'i sbyin bsreg byed pa btang nas de bcom ldan 'das la mgon dang skyabs dang dpung gnyen btsal te 'bros par bsams nas bcom ldan 'das kyi drung du brgyugs te/ bcom ldan 'das ga la ba der song nas bcom ldan 'das kyi zhabs gnyis la gtugs te 'di skad ces gsol to/ /bcom ldan 'das klu khro bo dag gis srog ma rungs par bgyid par 'tshal te skyabs su yang ma mchis na/ bcom ldan 'das bskyab du gsol/ /bde bar gshegs pa bskyab du gsol/ /de nas bcom ldan 'das kyis bram ze chen po de dbugs phyung nas 'di skad ces bka'</font><hr>101.102a<br><font size=+1>

stsal to/ /bram ze chen po ma 'jigs shig /ngas khyod kyi mgon dang / skyabs dang / dpung gnyen bya'o zhes bka' stsal nas cang mi gsung bar bzhugs so/ /de nas bcom ldan 'das la gnod sbyin gyi sde dpon chen po lag na rdo rjes 'di skad ces gsol to/ /bcom ldan 'das gzigs su gsol/ mngon sum du gyur bzhin du yang klu mi bgrungs pas lo tog ma rungs par bgyid na/ bcom ldan 'das khyod yongs su mya ngan las 'das kyi slad na slad ma'i tshe slad ma'i dus na sems can thams cad kyi rten ni su lags/ ji ltar 'gyur/ bcom ldan 'das lo tog thams cad kyi don du lo tog rnams tshim par 'gyur ba dang / kun du bsrung ba dang / rab tu 'phel bar bgyid par 'gyur ba lo tog yongs su skyong zhing klu bzlog pa de bshad du gsol/ de nas bcom ldan 'das kyis gsang ba'i bdag po lag na rdo rje la bka' stsal to/ /lag na rdo rjes klu rab tu 'gro bar byed pa'i snying po sbas pa rdo rje zhes bya ba'i gzungs de bzhin gshegs pa'i snying po dang phyag rgya sngon gyi de bzhin gshegs pa dgra bcom pa yang dag par rdzogs pa'i sangs rgyas rnams kyis gsungs pa yod de ngas bshad par bya'o/ /des myur du gnod pa bkag pa'i phyir lo tog thams cad myur du bskyang bar 'gyur ro/ /legs par bsrungs par 'gyuro/ /me'i ri sul chen po so so phyogs bcu kun nas klu thams cad kyi mtshams bcad par 'gyur ro/ /me lce 'bar ba'i rim pa'i sprin chen po nam mkha' lding 'dab ma gdengs pa'i shugs zhes bya ba'i sprin gyi rim pas nam mkha' khebs par byed do/ /lo tog dang / me tog dang / 'bras bu thams cad kun du bsrung ste gnas par 'gyur ro/ /des klu la sogs pa thams cad kun du rab tu 'bar bar 'gyur ro/ /klu mi bgrungs pa rnams phung bar 'gyur ro/ /'dum par 'gyur ro/ de nas bcom ldan 'das la gnod</font><hr>101.102b<br><font size=+1>

sbyin gyi sde dpon chen po lag na rdo rjes 'di skad ces gsol to/ /bcom ldan 'das kyis sems can thams cad la sman pa'i slad du gzungs chen po 'di'i sngags kyi tshig bshad du gsol/ /de nas bcom ldan 'das kyis snying po 'di bka' stsal to/ /na mo b+ha ga ba te/ sarba bud+d+hA nAn/ na mo b+ha ga ba te shAkya rA dzA ya/ o~M dz+wa la dz+wa la/ gi rI ba b+ha ni/ dip+ta pe ga ma hA ba de b+ha ga ba te ma hA tsaN+Da hri da ya sa li na/  hu ru hu ru/ ha ra ha ra/ da ha da ha/ pa tsa pa tsa/ sarba sa s+ya nA sha ya/ nA ga ku la bang shan d+ha ra d+ha ra pra sa ra tsaN+Da be ka ma hA ba la pa rA kra ma spu ri ta rau dra bag dra/ ma tha ma tha/ pra dz+wa la mA la d+hA ra NI/ tsaN+Da be ga ba ti/ pra pa ra bi man+d+hA ra NI/ hU~M hU~M/ ba la ba ti/ be ga ba ti/ sa ra sa ra/ bi sa ra bi sa ra sa ran+ti/ sarba sa dri s+yan nA ma dri ban ya dri/ pu ya pha la phaT/ dra san+d+hA ra NI/ a pa sarban du sarba nA ga to Sha sarba ba b+ha ba b+ha ni/ ba ga ta b+ha ga ba ti swA hA hU~M hU~M phaT/ nA ga bi sa ra Ni phaT/ dz+wa la mA li ni phaT/ dz+wa la ma lA ni phaT/ phaT phaT phaT swA hA/ bcom ldan 'das kyis klu thams cad dang / klu mi bgrungs pa thams cad ma rungs par byed pa'i rig pa 'di bshad ma thag tu klu dang klu chen po thams cad klad pa na bar gyur/ lus rul te lus rnags shing dri mi zhim par gyur nas/ bcom ldan 'das kyi zhabs gnyis la gtugs te 'di skad ces gsol to/ /bcom ldan 'das sngags kyi tshig shin tu mi bzad pa dag bka' stsal to/ /bcom ldan 'das bdag cag gis nongs pa bgyis mi dran du lags kyis kyang / bcom ldan 'das rig 'dzin gnod pa bgyid pas bdag cag la brnyas pa dang / rdeg pa dang / 'ching ba dang / skrod pa dang / gnod pa de'i tshe bcom ldan 'das klu mi bgrungs pa rnams 'khrugs te/ de'i tshe lo tog dang / me tog dang / 'bras bu ma rungs par bgyid/ ser ba 'bab par</font><hr>101.103a<br><font size=+1>

bgyid/ sad dang klung gis 'khrug par bgyid/ ha cang char che ba dang / char mi 'bab pa dang / dus ma lags par char bab par bgyid do/ /bcom ldan 'das rig pa 'dzin pa sngags smas pas byams pa la gnas par bgyi/ byams pa'i go bgo bar bgyi/ byams pa'i ral gri lag na thogs par bgyi ste/ byams pas gnod pa bgyid pa thams cad zhi bar bgyi'o/ /bcom ldan 'das deng slan chad de bzhin gshegs pa'i spyan sngar bdag cag dam bca' bar 'tshal te/ gang na rig pa'i rgyal mo 'di rab tu spyod pa der bcom ldan 'das klu rtse bar mi bgyid do/ /gang na snying po'i gzungs 'dis bsrung bar bgyis pa dang / yongs su bskyab pa dang / yongs su bzung ba dang / yongs su bskyang bar bgyis pa dang / srad bu bre ba dang / mtshams dgum pa dang / dkyil 'khor gyi sa ris gcad par bgyis pa der bcom ldan 'das bdag cag gis rtag par rgyun du gnod pa thams cad bzlog par bgyi 'tshal lo/ /lo tog dang / me tog dang / 'bras bu thams cad kun du bsrung bar 'tshal lo/ /yongs su bskyang bar 'tshal lo/ /tha na rkun po dang / g.yo can dang / ri dgas dang / bya rnams kyang kun du bsrung bar 'tshal te/ slad kyis kyang ma rungs par mi bgyid do/ /de nas bcom ldan 'das kyis klu'i bdag po de dag la legs so zhes bya ba gnang ste/ klu'i bdag po dag legs so legs so/ /khyed kyis de ltar gyis shig /khyed kyis 'dzam bu'i gling 'di legs par bsrungs bas bsrung bar gyis shig /de nas de'i 'og tu cho gar bya ba las thams cad byed pa dge bar bya ba brjod par bya'o/ /lo tog la gnod par byed na de'i tshe rig pa 'dzin pas zhing gi dbus sam/ khang steng ngam/ gnas mthon por dkyil 'khor gru bzhi pa byas la phyogs bzhir bum pa bkang ba bzhi bzhag go/ /me tog sil mas gcal</font><hr>101.103b<br><font size=+1>

bkram ste bzhag go/ /gzugs 'khyil pa bdun bya'o/ /'bras las byas pa'i 'khyil pa bdun byas te/ gzugs re re zhing yang gzugs nyi shu rtsa re bya'o/ /'bras dang 'o thug bsres pa dang / zho dang / 'o ma bzhag par bgyi'o/ /phyogs bzhir dril bu bzhag par bya'o/ /pad ma lta bur zan gyi gtor ma snga ma bzhin bzhag par bya'o/ /dkyil 'khor gyi dbus su bum pa chen po bzhag ste ba las byung ba lnga dang / 'o ma dang chus dgang ngo / /yungs kar dang / 'bras yos blugs par bya'o/ /sngags lan drug bcur yongs su bzlas par bya'o/ /seng ldeng gi phur bu bzhi dang / lcags kyi phur bu gcig bya ste/ thams cad sor brgyad kyi tshad du bya'o/ /ba ser skya'i lci ba 'am/ bag phye las byas pa'i klu'i gzugs bzhi bya ste/ dkyil 'khor gyi grwa bzhir bzhag par bya'o/ /seng ldeng gi phur bu de dag kyang snying gar nub par gzugs so/ /sngags brgya rtsa brgyad yongs su bzlas par bya'o/ /shar phyogs su klu mgo bdun pa bzhag par bya'o/ /nub phyogs su mgo brgyad pa'o/ /lho phyogs su mgo lnga pa'o/ /byang phyogs su mgo gsum pa'o/ /dkyil 'khor gyi dbus su mgo dgu pa bzhag par bya'o/ /pog phor re re ste lnga bzhag par bya'o/ /yungs kar dang / bra yos su bsres pa la lan nyi shu rtsa gcig bzlas pa byas te/ phyogs bzhir gtor ro/ /gzungs 'di bris la rgyal mtshan gyi rtse mo la btags te dkyil 'khor gyi grwa bzhir gzugs so/ /zhing gi dbus su yang gzugs so/ /bskyed mos tshal gyi dbus su yang gzugs so/ /de btsugs ma thag tu phyogs bzhi kun nas ri sul chen pos mtshams bcad par 'gyur ro/ /ji srid du phur bu ma phyung ba de srid du mtshams bcad pa chen por 'gyur ro/ /lo tog thams cad dang / me tog dang / 'bras bu thams cad legs</font><hr>101.104a<br><font size=+1>

par bsrungs par 'gyur ro/ /tha na 'dab ma gcig kyang skams par mi 'gyur na/ yal ga dang / gdong bu skams par 'gyur ba lta ci smos/ srog chags kyi rigs ri dgas dang bya thams cad kyang kha bcings par 'gyur ro/ /ma rungs par byed kyang mi nus so/ /gnas der rlung dang / sprin dang / ser ba dang / sad dang / dus ma yin pa'i rlung gis kyang ma rungs par byed mi nus so/ /klu'i gnod pa byas kyang ma rungs par byed mi nus so/ /ma rung pa zhig tu gyur na de yang slar rtas par 'gyur ro/ /yang stobs dang / rtas pa dang / 'ongs yod par 'gyur ro/ /bum pa chen po nang na yod pa de yang zhing dang kun dga' ra ba dang / bskyed mos tshal gyi phyogs bzhi kun du gtor ba byas na srog chags thams cad med par 'gyur ro/ /sbrul dang / byi ba dang / ne'u le dang / byi dur dang / dom dang / sbal pa dang / sha sbrang dang / sbrang bu dang / byi ba dang / 'dab chags rnams med par 'gyur ro/ /grog sbur thams cad med par 'gyur ro/ /tha na phye ma leb la sogs pa yang nam yang mi 'byung ngo / /drod gsher las skyes pa dang / rdzus te skyes pa dang / sgo nga las skyes pa'i bar gyis kyang ma rungs par byed mi nus so/ /rlan dang me tog las skyes pa'i srog chags kyi rnam pa dag kyang phur bu ma phyung gi bar du nam yang mi 'byung ngo / /phur phu ma byung gi bar du klu'i nyes pa rnam pa sna tshogs mi 'byung zhing rab tu 'byung bar mi 'gyur ro/ /bde ba dang lo legs pa dang / lo tog dang / me tog dang / 'bras bu thams cad yongs su 'grub par 'gyur ro/ /ro zhim pa dang 'jam par 'gyur ro/ /klu thams cad kyang rtag par rgyun du bsrung ba dang / skyob pa dang / sbed pa byed par 'gyur ro/ /phye ma la lan nyi shu rtsa gcig bzlas par byas/ lo tog dang / me tog dang / 'dab ma dang / shing ljon pa rnams la gtor na srog chags thams cad lhung zhing med par 'gyur ro/ /srin bu</font><hr>101.104b<br><font size=+1>

trai ma bu ka dang / trai la ta dang / sbrul gdug pa dang / rkang brgyad pa dang / srog chags kyi rigs gzhan dag kyang phur bu ma byung gi bar du med par 'gyur ro/ /mi 'byung bar 'gyur ro/ /zhing gi phyogs bzhir zhi ba'i las bya ste/ nas dang / gro dang / til dang / yungs kar dang / 'bras dang mar bsres te sbyin bsreg byas na zhi ba chen por 'gyur ro/ /tha na dud 'gro'i skye gnas su song ba dag gis kyang ma rungs par byed mi nus so/ /gzungs 'di dang / cho gar bya ba mtha' dag bri bar bya ste/ sangs rgyas bcom ldan 'das dang / drang srong chen po nyes 'dor dang / rdo rje 'dzin bris la rgyal mtshan gyi rtse mo la btags te gnas mthon por gzugs so/ /gtor ma dang / me tog dang / bdug pa yang dbul lo/ /seng ldeng gi phur bu sor brgyad pa la lan stong yongs su bzlas pa byas te/ khang steng du btsugs na rlung dang / sad dang / sprin dang / ser ba thams cad thub par 'gyur ro/ /lo tog dang / me tog dang / 'bras bu dang / 'dab ma ma rungs par byed pa'i srog chags rnams med par 'gyur te/ sha sbrang dang / sbrang bu dang / pi tsi li ka dang / byi ba dang / sbrang ma dang / trai ma bu ka dang / trai la ta dang / bi sha ki ta ka dang / nya phyis can dang / nya dang / lo mi ka dang / sbal pa dang / ne'u le dang / phag dang / kan ta ka dang / seng ge dang / rkang mangs dang / rkang gcig pa dang / ru sbal dang / grog mo dang / sbrang rtsi'i sbrang ma dang / thang gi sbrang ma dang / bung ba dang / nag po dang / shang ga ni ka dang / sa'i 'og nas byung ba dang / ma la shi ka dang / 'ug pa dang / byi ba dang / mchu rings la sogs pa'i srog chags kyi rigs thams cad med par 'gyur ro/ /mi 'byung bar 'gyur ro/ /thams cad phung bar 'gyur ro/ /bya rog dang / bye'u dang / khug rta dang / phug ron dang / mu du ri ka dang / 'ug pa dang / </font><hr>101.105a<br><font size=+1>

kha na dza na dang / ne'u tsho dang / ri skegs la sogs pa thams cad med par 'gyur ro/ /sngags 'dis phur bu la yongs su bzlas par bya ste phyogs bcing ngo / /na mo bud+d+hA ya/ o~M ki li mi li tsaN+De/ me re li tsaN+Da tsaN+De ban+d+ha ya swA hA/ de nas drang srong chen po nyes 'dor bcom ldan 'das dang ha cang mi ring ba zhig na 'dug pas gzungs 'di thos nas de stan las langs nas bcom ldan 'das kyi zhabs gnyis la gtugs nas bcom ldan 'das la 'di skad ces gsol to/ /bcom ldan 'das bdag gi srog chags kyi rigs gnod par sems pa/ rab tu gnod par sems pa/ dug 'chang ba lo tog dang / me tog dang / 'bras bu dang / 'dab ma dang / sdong bu dang / rtsa ba ma rungs par bgyid pa thams cad kyi kha bcing bar bgyi'o/ /bzlog par bgyi'o/ /bsdigs par bgyi'o/ /phyogs bzhi kun nas dpag tshad du mtshams gcad pa chen po bgyi'o/ /kun du bsrung bar bgyi'o/ /bcom ldan 'das slad ma'i tshe slad ma'i dus na gnod par sems pa/ rab tu gnod par sems pa thams cad bzlog par bgyi'o/ /sngags kyi tshig rjes su stsal bar bgyi'o/ /bcom ldan 'das sems can thams cad kyi don dang / bdag la thugs brtse ba'i slad du de byin gyis brlab tu gsol/ bcom ldan 'das kyis 'di skad ces bka' stsal to/ /drang srong chen po ngas byin gyis brlabs kyis/ sems can thams cad kyi don dang / lo tog dang / me tog dang / 'bras bu dang / ldum ra yongs su bsrung ba'i phyir gzungs kyi sngags kyi tshig smros shig /de nas drang srong chen po rnams kyis bcom ldan 'das kyi spyan sngar 'dug nas 'di skad ces smras so/ /na mo b+ha ga ba te/ shAkya rA dzA ya/ ta thA gaM tA ya/ na mo a ka tA ya/ ma hA rI Shi ya/ tad+ya thA/ k+Sha mi tsu li/ tsa la tsa ra tsa ra/ ho mi li/ ban+d+ha ni/ </font><hr>101.105b<br><font size=+1>

nA sha ni/ da ha da ha/ su mu ri tsa ri/ sarba duSh+Ta~M ban+d+ha ni tuN+Da ban+d+ha ni sa ra sa ra Ni/ k+Shu k+Shu k+Shu/ ma ni shu ri bi sa ra sa ra/ ha li hu li/ hu ti hu ti/ sa ra ma Ni/ sa ran+tu/ sarba pA pA pA na ka k+Shu d+ha li swA hA/ drang srong chen po nyes 'dor gyis bcom ldan 'das kyi spyan sngar rig pa 'di smras ma thag tu klu dang / gnod sbyin dang / srin po gnod par sems pa de dag thams cad khas bub tu 'gyel nas bcom ldan 'das la skad kyi gsang mthon pos smre sngags 'don te/ bcom ldan 'das bdag cag ma rungs lags so/ /drang srong gi dmod pa bab par gyur to/ /bcom ldan 'das bdag cag drang srong gi dmod pa'i mes tshig go/ /kun tu tshig go/ /bcom ldan 'das shAkya thub pa bdag cag slan chad 'dzam bu'i gling du sems can rnams la rnam par 'tshe bar mi bgyid do/ /bcom ldan 'das bdag cag slan chad lo tog dang / me tog dang / 'bras bu dang / 'dab ma ma rungs par mi bgyid do/ /srog chags kyis rigs thams cad bzlog par bgyid do/ /bcom ldan 'das kyis de dag la bka' stsal pa/ klu'i bdag po dag khyed kyis de ltar gyis shig /'dzam bu'i gling pa'i sems can thams cad lo tog dang / me tog dang 'bras bu dang / 'dab ma dang yal ga bde bar kun tu 'phel bar gyur pa rjes su srungs shig /de nas drang srong chen po des cho gar bya ba smras pa/ bcom ldan 'das kha shar phyogs su bltas te mchis la/ rig pa drang srong chen po'i snying po 'di ril ba bring gar chab bcus la lan brgya rtsa brgyad yongs su bzlas pa bgyi ste/ drang srong gi mi smra bas phyogs bzhir gtor bar bgyi'o/ /a ba sa ra sa ra sha pa ta pa dA ma/ hr-i da ya gro da/  a ba mu ka ban+d+ha ya/ pra na tsa ra/ su mu ru tsa la swA hA/ sngags 'di lan bdun stong bzlas pa bgyi ste/ bzlas pa tsam gyis klu gnod par sems pa thams cad tsha bas gdungs par 'gyur ro/ /rkang gnyis pa dang / rkang bzhi pa'i bar gyi srog</font><hr>101.106a<br><font size=+1>

chags kyi rigs thams cad dmod pas gdungs par gyur te thams cad 'byer ro/ /slar yang phyogs der lo tog la gnod pa mi bgyid do/ /srog chags kyi rigs thams cad ma mchis par 'gyur ro/ /srog chags kyi rigs thams cad phyis kyang ma mchis par 'gyur ro/ /yang lo tog dang / me tog dang / 'bras bu dang 'dab ma ma rungs par mi bgyid do/ /de nas bcom ldan 'das kyis drang srong chen po la legs so zhes bya ba gnang ste drang srong chen po legs so legs so khyod kyis ci nas kyang sems can thams cad la legs par bsrung bar 'gyur ba dang / lo tog dang / me tog dang / 'bras bu thams cad legs par bsrung bar 'gyur ba de ltar gyis shig /de nas bcom ldan 'das la gnod sbyin gyi sde dpon chen po lag na rdo rjes 'di skad ces gsol to/ /slad ma'i tshe slad ma'i dus na rjes su srung bar bgyid/ yongs su bsrung bar bgyid na bcom ldan 'das kyis byin gyis brlab du gsol/ lag na rdo rje legs so legs so/ /sems can thams cad yongs su srungs shig /lo tog la gnod par byed pa klu'i cho ga rdzogs s+ho// //de nas de'i 'og tu bcom ldan 'das zham ring chen po dang / 'khor 'dus pa chen po dang / bkod pa chen po dang / yon yod pa'i mthu chen po dang / cho 'phrul chen pos kun du ston pas rgyal po chen po rnam thos kyi bu'i gnas su gshegs so/ /de nas bcom ldan 'das rnam thos kyi bu'i gnas dang ha cang yang mi ring ba zhig tu byon pa dang / sa phyogs de na 'brog gi nags nyi shu pa zhes bya ba zhig yod de/ nags de'i mthongs na rdzing bu zhig yod la/ rdzing bu de'i mthus lcang lo can gyi pho brang 'khor gyi zhing dang / kun dga' dang / nags dang / 'dab ma dang / me tog dang / 'bras bu rnams kun du tshim par gyur to/ /skyes pa dang bud med dang / khye'u dang / bu mo dang / ba lang dang / rta dang / rta rgod ma</font><hr>101.106b<br><font size=+1>

dang / ma he dang / glang po che dang / bong bu dang / skye bo'i tshogs thams cad bde bas tshim par gyur to/ /rdzing bu de yang phyogs bzhi kun du rgyar dpag tshad gnyis kyi tshad do/ /rdzing bu de yang me tog ud pa la dang / pad ma dang / ku mu ta dang / pun da ri ka sna tshogs kyis kun tu khebs shing / nya sna tshogs dang / chu bran dang / nya mid dang / chu srin byis pa gsod pa dang / bung ba gzugs sna tshogs can no/ /de nas de'i 'og tu than pa byung ba de'i tshe nags tshal dang / me tog dang 'bras bu dang / 'dab ma dang / yal ga thams cad skams te me tog de dag rnyings so/ /nya dang chu srin dang / nya mid dang / chu srin byis pa gsod dang / bung ba gzugs sna tshogs pa de dag kyang chu bri ste cung zad cig lus pas phyogs bcur rgyug kun du rgyug rab tu rgyug ste/ srog 'gags la thug /srog chad la thug pas snying 'phar zhing rgyug go /de nas bcom ldan 'das zham ring ba chen po dang rdzing bu der byon pa dang / de na nya dang chu srin dang / chu srin byis pa gsod pa dang / bung ba brgya stong du ma srog 'gags la thug /srog chad la thug ste phyogs bcur rgyug cing snying rje rje ltar gzigs nas bcom ldan 'das kyis byams pa'i dmigs pa snying rjes dbugs phyung ste se gol gyi sgras klu rnams 'bod cing lan gnyis lan gsum du se gol rdob cing stong gsum gyi stong chen po'i 'jig rten gyi khams su sgra grag par mdzad do/ /sngon gyi las kyi rkyen 'ga' zhig gis srog chags de dag kyang srog ma chad do/ /klu chen po de dag gis sgra de yang ma thos bcom ldan 'das kyang rjes su ma dran no/ /de nas bdud kyi ris kyi gnod sbyin rnam par 'thor rlung zhes bya ba des stong gsum gyi stong chen po'i 'jig rten gyi khams su sgra bsgrags pa zhag bdun gyi nyin par sreg pa'i bskal pa 'byung ste/ 'di ni srid pa'i rtse mo nas mnar med pa'i sems can dmyal ba mnar med pa la thug</font><hr>101.107a<br><font size=+1>

pa'i bar dag las gang tshig par ma gyur pa cung zad kyang mi srid do/ /'jig rten du 'jigs pa chen po byung zhes sgra grag go/ /de nas lha dang klu dang gnod sbyin dang dri za dang lha ma yin dang nam mkha' lding dang / mi 'am ci dang lto 'phye chen po dang / mi dang mi ma yin pa de dag thams cad kyis sgra de thos nas kyi hud kyi hud 'jig rten ma rung bar gyur to zhes ngu'o/ /de nas bcom ldan 'das kyis las kyi rkyen gyis 'di myong bar mkhyen mod kyi/ 'on kyang dgongs pa mdzad de/ bcom ldan 'das kyi smin mtshams kyi mdzod spu nas 'od zer byung nas 'od zer des klu'i khyim thams cad snang bar byas nas kyang slar log ste spyi bo'i gtsug tu nub par gyur to/ /de nas klu'i rgyal po kun nas gdugs kyi rnam par bskor ba zhes bya bas klu thams cad bsdus nas 'di skad ces smras so/ /kye klu dang klu chen po dag ci'i phyir 'od zer byung zhing rkyen gang gis 'jig rten du byung / de nas klu'i rgyal po chen po rgya mtshos bsams na bcom ldan 'das kyi mthus 'od zer byung bar mthong ngo / /de nas klu'i rgyal po rgya mtsho dang / gzhan yang klu'i rgyal po mthu chen bcom ldan 'das gang na ba der dong ste lhags nas bcom ldan 'das kyi zhabs la gtugs te 'di skad ces gsol to/ /bcom ldan 'das 'od zer rab tu bkye ba'i rgyu gang lags rkyen gang lags 'od zer rab tu bkye ste/ khang pa thams cad snang bar bgyi te/ slar ldog par byed pa'i rgyu gang lags rkyen gang lags/ bcom ldan 'das kyis bka' stsal pa/ kye klu'i bdag po dag srog chags brgya stong phrag mang po srog 'gags pas 'gag par 'gyur ba'o/ /de nas klu'i rgyal po rgya mtshos skad cig thang cig yud tsam de la rdzing bu char gyi rgyun gyi chus bkang nas bde bas tshim par byas so/ /de nas phyogs der go skabs chen</font><hr>101.107b<br><font size=+1>

po byung bar gyur nas sa phyogs der bcom ldan 'das 'khor chen pos kun nas bskor te mdun du bdar ba'i dbus na bzhugs so/ /klu'i 'khor chen po 'dus pa ni 'di lta ste/ klu'i rgyal po stong phrag brgyad bcu ste/ klu'i rgyal po rgya mtsho la sogs pa klu'i rgyal po kun nas gdugs kyi rnam pas bskor ba de stan las langs nas bcom ldan 'das ga la ba der song ste phyin nas bcom ldan 'das kyi zhabs la mgo bos gtugs te phyag 'tshal nas lan gsum bskor ba byas nas me tog dang / bdug pa dang / phreng ba dang / spos dang / byug pa dang / rgyan dang / lha lhub dang / na bza' sna tshogs kyis bcom ldan 'das la mchod de bcom ldan 'das kyi spyan sngar 'dug go/ /de nas rgyal po chen po bzhis bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das 'jigs pa chen po mi bzad pa 'jig rten du byung ste/ 'di ltar than pa byung zhing mu ge'i dgon par gyur pa lags so/ /bcom ldan 'das sdug bsngal 'dis sems can thams cad mgon ma mchis skyabs ma mchis dpung gnyen ma mchis par gyur na/ bcom ldan 'das kyis de lta bu dang 'thun pa'i sngags kyi tshigs bshad du gsol/ gang gis slad ma'i tshe slad ma'i dus na sdug bsngal sna tshogs su ltung ba'i 'jig rten kun du sgrol ba dang / ha cang char che ba dang / char ma mchis pa dang / dus ma lags pa'i char dang / ser ba dang / sad dang / tsha ba ma mchis par bgyid pa dang / mu ge'i dgon pa rab tu ma mchis par bgyid pa dang / bzlog pa dang / yongs su bskyang ba'i slad du gzungs kyi sngags kyi tshigs bshad du gsol/ de nas bcom ldan 'das kyis rgyal po</font><hr>101.108a<br><font size=+1>

chen po rnam thos kyi bu dang rgyal po chen po yul 'khor srung dang / rgyal po chen po 'phags skyes po dang / rgyal po chen po mig mi bzang la 'di skad ces bka' stsal to/ /rgyal po chen po dag klu'i snying po'i gzungs kyi sngags kyi tshig skul ma 'debs pa kun nas 'bar ba'i glog ces bya ba yod de/ de dran pa tsam gyis klu thams cad kyi khyim dang / klu thams cad kyi lus 'bar bar 'gyur ro/ /klu mi bgrungs pa thams cad kyi snying 'phar bar 'gyur ro/ /klu thams cad kyi mgo tshal pa bdun du 'gas par 'gyur ro/ /mig dang mgo rnams gas nas dum bu dum bur chad cing 'brul bar 'gyur ro/ /rgyal po chen po dag klu gnod par sems pa dang / rab tu gnod par sems pa rnams kyi don dang sems can thams cad kyi phyir zung shig /de nas rgyal po chen po bzhis bcom ldan 'das kyi zhabs gnyis la gtugs nas 'di skad ces gsol to/ /bcom ldan 'das klu'i snying po'i sngags kyi tshig skul ma 'debs pa kun nas 'bar ba'i glog ces bgyi ba bshad du gsol/ de nas bcom ldan 'das kyis klu'i lta stangs dang / de bzhin gshegs pa'i gzigs stangs kyi rnam par gzigs nas klu'i 'khor 'dus pa thams cad la 'di skad ces bka' stsal to/ /klu'i bdag po dag nga las gzungs kyi tshig gi sngags kyi tshig nyon cig /tad+ya thA/ o~M bi pu le/ pra ba re/ nA ge ma hA nA ga hr-i da ya/ a ba ra te/ dz+wa la dz+wa la/ sarba nA ga hri da ya ni/ ki mi ki mi/ nA ga ku la bi d+h+wan sa ni/ ha na ha na/ sarba nA ga duSh+Ta~M hr-i da ya ni/ ha na ha na/ sarba duSh+Ta~M nA ga ba ba na ni/ pa tsa pa tsa pa tsa ya/ sarba duSh+Ta~M nA gA nA~M/ a kri ma a kri ma sa mu tra sA ga ra/ bi ma le/ bi kra me ma hA nA ga ga te/ dza pa re swA hA/ </font><hr>101.108b<br><font size=+1>

bcom ldan 'das kyi snying po'i gzungs kyi sngags kyi tshig 'di gsungs pa tsam gyis klu de dag thams cad 'dar zhing lus rul te dri mi zhim par gyur to/ /me 'bar ba bzhin du lus la du ba 'thul zhing 'gre ldog go /thams cad skad cher bcom ldan 'das la ngu zhing thams cad kyis bcom ldan 'das la 'di skad ces gsol to/ /bcom ldan 'das sngags kyi tshig shin+tu mi bzad pa dag bka' stsal to/ /bcom ldan 'das bdag cag thams cad kyi snying la g.yo ma mchis par 'gyur ro/ /bcom ldan 'das bdag cag thams cad tshig ste ma rung bar gyur to/ /bcom ldan 'das deng slan chad 'thun par bgyid do/ /bcom ldan 'das kyi spyan sngar yi dam bgyid do/ /bcom ldan 'das bdag cag klu'i skye gnas na gnas kyi bar du bcom ldan 'das yang bdag cag 'dzam bu'i gling du 'tshe bar mi bgyid do/ /ma rung bar mi bgyid do/ /me tog dang yal ga dang / 'bras bu dang / lo tog thams cad yongs su rgyas par bgyid do/ /dus dus su char gyi rgyun 'bab par bgyid do/ /bde ba dang yid bde bar bgyid do/ /lo tog dang me tog dang / 'bras bu thams cad 'grub par bgyid do/ /de bzhin gshegs pa'i bka' rjes su skyong bar bgyid do/ /bden pa'i dam tshig la gnas par bgyid do/ /bu gcig pa la bgyi ba bzhin du sems can thams cad rjes su skyong bar bgyid do/ /bcom ldan 'das phyogs gang dang gang na rig pa'i rgyal mo 'di spyod pa der bcom ldan 'das bdag cag 'thun par bgyid do/ /bcom ldan 'das rig pa'i rgyal po 'di dran pa tsam gyis kyang bdag cag thams cad kyi char gyi rgyun 'bab par bgyid do/ /dran pa tsam gyis kyang ha cang char che ba bzlog par bgyid do/ /bcom ldan 'das kyis bka' stsal</font><hr>101.109a<br><font size=+1>

pa las log par mi bgyid do/ /bcom ldan 'das yang mnas bsgag pa'i sngags kyi tshig stsal to/ /de nas klu'i rgyal po de dag thams cad kyis bcom ldan 'das kyi zhabs gnyis la gtugs nas 'di skad ces smras so/ /tad+ya thA/ o~M tsa ta tsa ta bi tsa ta/ sha ta sha ta/ pa tsa ra ti swA hA/ bcom ldan 'das gal te rig pa 'dzin pas gdugs zhag gcig cho ga bgyis la bdag cag gis sems can thams cad yongs su bskyang ba'i don du 'dzam bu'i gling thams cad du char gyi rgyun ma phab na/ bcom ldan 'das bdag cag yang dag par rdzogs pa'i sangs rgyas la 'khus par 'gyur ro/ /bdag cag klu'i skye gnas nas 'chi 'pho bar gyur du yang mchis te/ bcom ldan 'das de'i tshe rig pa 'dzin pas mnas bsgag pa'i gzungs kyi sngags kyi tshig 'di thog ma nyid du lan bdun du brjod par bgyi'o de'i 'og tu skye tshe'i sa bon brgya rtsa brgyad klu'i sa bon du mtshe 'ur dor ro/ /bcom ldan 'das de'i tshe bdag cag thams cad kyi khang khyim mtha' dag zhugs 'bar bar gyur bdag shi keng rus kyi lhag ma tsam zhig lus nas yongs su thar bar ma gyur gyi bar du dum bu dum bur 'chad par 'gyur ro/ /de'i tshe bdag cag thams cad kyi myur bar char gyi rgyun 'bebs par bgyid do/ /gal te myur du char gyi rgyun ma phab na/ bcom ldan 'das de'i tshe bdag cag thams cad 'gum pa'i dus kyi dbang du mchi'o/ /bu dang tsha bor bcas te 'gum par mchi'o/ /de nas rnam thos kyi bu la sogs pa rgyal po chen po bzhis bcom ldan 'das la 'di skad ces gsol to/ /bcom ldan 'das klu mnas bsgag pa'i sngags kyi tshig shin tu mi bzad pa dag bshad do/ /snying rje ma mchis pa'i mnas bsgag pa dag</font><hr>101.109b<br><font size=+1>

bshad do/ /bcom ldan 'das kyis bka' stsal pa/ rgyal po chen po dag phyi ma'i tshe phyi ma'i dus na klu mi bgrungs pa ma rungs pa gtum pa gnod par byed pa dag 'byung ste/ de'i tshe mna' 'dis 'jigs par 'gyur skrag par 'gyur dus dus su char gyi rgyun ni legs par 'bebs so/ /dus dus su lo tog dang / me tog dang 'bras bu rnams bsgrub bo/ /de nas bcom ldan 'das la rgyal po chen po rnam thos kyi bus 'di skad ces gsol to/ /bcom ldan 'das cho ga rgya cher bka' stsal du gsol/ de nas bcom ldan 'das kyis cho ga bka' stsal pa char mi 'bab pa'i dus na des ri 'am/ dgon pa'i gnas sam/ gtsug lag khang ngam/ chu mig gam mtshe'u 'am mtsho 'am/ lteng ka'am/ khron pa'am/ klu'i gnas kyi mtshe'u 'am/ 'jim pa dang lci bar bsres pa'i dkyil 'khor gru gsum du bya ste/ dkyil 'khor dbus zabs khru gang brkos la kha khyer yang khru gang bar bya'o/ /shin tu 'jam pa dang shin tu phyi bar bya'o/ /spos chus khor yug tu gtor ro/ /de'i dbus su klu'i rgyal po chen po bzhi bya ste/ ba ser skya'i lci ba dang 'jim par bsres pa'i klu'i rgyal po mgo dgu gdengs ka can lus dbyibs dgu bar byas te thams cad kyi mgo la yang yid bzhin nor bu bya'o/ /shar phyogs su klu'i rgyal po rgya mtsho bya'o/ /lho phyogs su klu'i rgyal po gdugs bya'o/ /nub phyogs su klu'i rgyal po chu lha bya'o/ /byang phyogs su klu'i rgyal po lam bu kar bya'o/ /de'i g.yog 'khor bdun bdun mgo gsum pa/ mgo gnyis pa mgo lnga par bya'o/ /lus dag la spos sna tshogs kyis byug par bya'o/ /tsan dan dkar dmar dang / su ra bi na tsa na dang / shug pa dang / gur gum rnams phye mar byas te gtor</font><hr>101.110a<br><font size=+1>

bar bya'o/ /me tog dang me tog phreng ba gdags so/ /gnas de'i dbus su 'bras yos dang yungs dkar gyis gtor bar bya'o/ /grwa bzhir rgyal po chen po bzhi bzhag par bya'o/ /phyogs chen po bzhir sangs rgyas shAkya thub pa'i sku gzugs ring bsrel dang bcas pa dang / mchod rten ring bsrel dang bcas pa dag bzhag go /dar dang ba dan gyis brgyan par bya'o/ /mchod pa lngas mchod do/ /a ga ru dang tsan dan dang / du ru skas bdug go/ /rgya spos dang / na la dang / kun du ru dang / yungs kar dang / gan d+ha ra sa dang / sra rtsi'i pog dang / pog dkar po rnams dang sbrang rtsi dang bsres te sngags lan nyi shu rtsa gcig bzlas te klu rnams la bdug par bya'o/ /dkyil 'khor gyi mtha' kun du nas phyes pad ma bri bar bya'o/ /sgo bzhi bstod la ngos bzhi re rer yang gtor mas gzhong pa bkang ba bdun bdun bzhag par bya 'o/ /gtor ma dkar po dang / ci 'byor ba'i ro rnam pa mang po bzhag go/ /me tog sil mas gtor bar bya'o/ /bum pa bkang ba bzhi bzhag go/ /bum pa gtor mas bkang ba bzhi bzhag go/ /pog phor bzhi nas gu gul gyi bdug pas bdug go/ /me mar kha brgyad du bud do/ /rig pa 'dzin pas shar gyi sgo ru sbyin bsreg bya ste/ shing ka ra bi ra dang / yungs kar dang ce tsa dmar po bsres te lan brgya rtsa brgyad dor to/ /dor ba brgya rtsa brgyad tshang ba dang klu thams cad char gyi rgyun 'bebs te 'dzam bu'i gling thams cad du phyogs bzhi kun nas char gyi rgyun 'bebs so/ /klu de dag thams cad 'dir char 'bebs so/ /'di ni cho ga dang po'o// //yungs kar gyi mar dang / sbrang rtsi dang shing ka ra bI ra'i me tog dang / nA ga ge sar dang btags pa'i ril bu byas la/ de nas ril bu la sngags lan brgya rtsa brgyad bzlas pa byas te/ </font><hr>101.110b<br><font size=+1>

klu'i mtshor bor ma thag tu klu thams cad dga' bar gyur te/ char gyi rgyun chen po 'bebs so/ /gal te de ma thag ma phab na klu de dag thams cad lus zhig par 'gyur ro/ /klad pa na bar 'gyur sdug bsngal chen po 'byung bar 'gyur ro/ /'di ni cho ga gnyis pa'o// //sbyin bsreg byas pa'i thal ba dang / rtsab mo dkrugs la sngags lan drug bcu bzlas pa bya ste khyim gyi nang du pho na pho ma thag tu klu thams cad 'khrugs par gyur te/ de'i phyir char gyi rgyun 'bebs so/ /gal te de ma thag tu ma phab na klu thams cad kyi lus la sha bkra 'byung zhing mdzes btab par 'gyur long bar 'gyur ro/ /'di ni cho ga gsum pa'o// //shug pa dang ud pa la sngon po dang / ba la dang / zangs phye dang yungs kar dang / in dra hasta dang / pa la sha bsres te bu ram khu bas sbrus pa shes rab can gyi sngags lan brgyad bcu bzlas te/ ril bu rgya shug gi 'bru tsam du byas la char mi 'bab pa'i dus ril bu bdun klu'i khyim du bor na nyin mtshan bdun char 'bebs so/ /gal te 'phral du ma phab na de'i phyir klu'i khyim chu thams cad gcer bur par 'gyur ro/ /klu'i khyim na gnas pa thams cad gcer bur 'gyur ro/ /ril bu gcig rgyal mtshan gyi rtse mo la btags te klu'-i mtshor gzugs so/ /ba dan sngon po gdags so/ /sngags 'di bris te der gdags pa byas na ji srid du rgyal mtshan ma bsdus pa de srid du klu thams cad char 'bebs so/ /yang rgyal mtshan gyi rtse mo la btags te khang thog mthon por gzugs so/ /ser ba 'bab pa'i dus na yang klu rnams ser ba 'bebs kyang mi nus so/ /klu rnams kyis gser gyi kha dog 'dra ba de 'dra bar mthong ste/ klu thams cad dngangs skrag cing gnas der 'dod pa bzhin char 'bebs so/ /o~M su pra te badzra dun+de mi mi li swA hA/ 'di ni sngags</font><hr>101.111a<br><font size=+1>

so/ /bag phye las klu mgo dgu pa'i gzugs byas la lus mtshal gyis bsku bar bya'o/ /mgul du ba dan gdags so/ /dkyil 'khor gru bzhi byas te dbus su klu'i gzugs bzhag la me tog sil mas gtor ro/ /gtor ma dkar po ci 'byor tshad sbyin no/ /me tog dang bdug spos kyang sbyin no/ /bal po se'u shing g-i lcug ma la lan nyi shu rtsa gcig yongs su bzlas pa byas te/ sngags dang bal po se'u shing gi lcug ma la klu'i gzugs la lan brgya rtsa brgyad du byab pa byas na klu gang gi ming bris pa'i klu de bkug par 'gyur te/ klu de yang rang gi khyim la dga' bar mi 'gyur ro/ /gal te char gyi rgyun legs par ma phab na 'phral du srog ma rung bar 'gyur ro/ /yungs kar la lan stong rtsa brgyad re re la yongs su bzlas pa bya ste/ stong rtsa brgyad du tshang na klu'i gzugs thams cad 'gro zhing mgo gdengs ka byed do/ /de'i 'og tu bal po se'u yi lcug mas bsdigs na ldang zhing lce ston par 'gyur/ lus kyi bar du ston par 'gyur klu thams cad dbang du 'gyur te/ gang bsgo ba de bzhin byed do/ /'o ma dang / yungs kar la sngags brgya rtsa brgyad yongs su bzlas pa byas te/ gnas thams cad du gtor na thams cad la phyir legs pa byas par 'gyur ro/ /'di ni cho ga bzhi pa'o// //de nas klu'i rgyal po rgya mtsho dang / gzhan yang klu'i rgyal po mthu che ba klu'i rgyal po brgya stong stan las langs te/ bcom ldan 'das kyi zhabs gnyis la gtugs nas 'di skad ces gsol to/ /bcom ldan 'das sngags kyi tshig shin tu mi bzad pa dag bka' stsal to/ /las bsgrub pa shin du mi bzad pa dag bka' stsal to/ /bcom ldan 'das bdag cag gis kyang de dang 'dra bar bshad par bgyi'o/ / </font><hr>101.111b<br><font size=+1>

dus dus su char gyi rgyun 'bebs so/ /slan chad sems can dag la rnam par 'tshe bar mi bgyid do/ /bcom ldan 'das bdag cag gis klu mi bgrungs pa rnam par 'tshe bar bgyid pa rnams kyi don tu dam tshig ma mtshal ba rnams bzlog pa'i sngags kyi tshig bshad par 'tshal na/ bcom ldan 'das kyis byin gyis brlab tu gsol/ klu'i bdag po dag ngas dam tshig gi sngags byin gyis brlab kyis de shod cig / na mo b+ha ga ba te shAkya mu na ye/ ta thA ga tA ya/ tad+ya thA/ b+hu dze b+hu dze sa ma ya b+hu dze tat+t+ra b+hu dze pra b+ha ra b+hu dze sa man ta a ka ra b+hu dze/ du ru du ru swA hA/ sa ma ya ba la ne swA hA/ nA ga ma ra sa ba tso ta ni swA hA/ bcom ldan 'das slad ma'i tshe slad ma'i dus na klu mi bgrungs pa thams cad slar bzlog pa'i slad du bdag cag gis klu'i dam tshig gi sngags 'di bshad do/ /ha cang char che ba'i tshe dang / char dkon pa'i tshe dang / sad dang ser ba 'bab pa'i tshe sngags 'di dran par bya'o/ /brjod par bgyi'o/ /de nas klu thams cad bskul bar bgyi'o/ /rig pa 'dzin pa des shin tu khrus bgyis te/ gtsang mar bgyis la/ gos sar pa bgos te klu'i gnas su mchi bar bgyi'o/ /klu'i gnas su ci 'byor pa'i spos kyi dkyil 'khor bgyis te bcom ldan 'das shAkya thub pa'i sku gzugs sam/ sku gdung dang bcas pa'i mchod rten dkyil 'khor de'i steng du bzhag ste spos chab kyis bkru bar bgyi me tog dang / bdug pas mchod par bgyi/ klu kun yang bkru bar bgyi'o/ /sku bsil ba'i chab de la lan brgyad yongs su bzlas pa bgyis te/ de'i nang du yungs kar stsal nas mtshe'u de'i nang du dbo zhing phyogs bzhi nas bdug pas bdugs na/ de pho ma thag tu skad cig de la klu'i gnas 'gul zhing du ba lta bu byung nas sprin gyi dkyil 'khor chen por gyur te/ </font><hr>101.112a<br><font size=+1>

nam mkha'i dkyil de khebs par char gyi rgyun 'bebs so/ /ser ba 'bab pa'i dus su yungs kar dang / til bsres pa la lan nyi shu rtsa gcig bzlas pa bgyis te phyogs bzhir bcing bar bya'o/ /klu'i phyogs su gtor bar bgyi'o/ /ser ba mi 'bab pa dang / klu thams cad kyang gcod par 'gyur ro/ /sad dang ser ba dang / dus ma yin pa'i rlung rab tu zhi bar 'gyur ro/ /klu'i mtsho 'am khron pa'am/ lteng ka'am rdzing bu'i 'gram mam/ ri'i rtse mor shing arga dang / zhun mar dang / yungs kar dang / shing ka ra bi ra'i me tog gis stong rtsa brgyad sbyin bsreg byas na thams cad 'grub par 'gyur ro/ /sbyin bsreg byas ma thag tu char gyi rgyun chen po 'bab par 'gyur ro/ /ha cang char che ba'i dus na 'bras yos dang / yungs kar la lan brgya rtsa brgyad bzlas pa byas te nam mkha' la gtor na char chen po zlog par 'gyur ro/ /bcom ldan 'das gal te bdag cag gis dgung gsum gyis char gyi rgyun ma phab na/ bcom ldan 'das de'i tshe sha bkra 'byung bar 'gyur lags so/ /long ba dang / lus dri mi zhim par 'gyur ro/ /sangs rgyas dang / chos dang dge 'dun slu bar bgyid pa lags so/ /'jig rten gsum bslu bar bgyid pa lags so/ /bdag cag klu'i skye gnas 'pho bar gyur cig /bcom ldan 'das gzhan thams cad la yang sbyor bar bgyid na thams cad rung bar 'gyur ro/ /de nas bcom ldan 'das kyis klu'i rgyal po de dag dbugs phyung / dam tshig la bkod nas rgyal po chen po rnam thos kyi bu la yongs su gtad de/ rjes su gtad nas sa phyogs de nas gshegs so/ /rnam thos kyi bu ni gzhi la bzhugs so/ /klu'i dam tshig ces bya ba char 'bebs pa'i skabs rdzogs s+ho// //de nas bcom ldan 'das tshangs pa'i khang pa brtsegs par</font><hr>101.112b<br><font size=+1>

bzhugs pa dang / lha'i tshogs du ma lhags byang chub sems dpa'i 'khor chen po yang lhags/ lha rnams kyi dbang po brgya byin dang / tshangs pa dang / khyab 'jug dang / dbang phyug chen po dang / klu'i dbang po mthu che ba thams cad kyang lhags/ nam mkha' lding gi dbang po dang / rgyal po chen po gser mig gi 'dab ma can/ rdo rje'i mchu can bdag nyid chen po lus 'bar zhing khro ba 'jigs su rung ba'i rtsal can rin po che tha dad pa sna tshogs dang / mu tig dang / gser gyis spras pa'i cod pan mgo la thogs pa/ gser gyis klubs pa drag po'i gzugs can 'gying bar blta ba/ klu'i dbang po gdan du bting ba/ g.yog 'khor mang po thams cad dang lhags so/ /gnod sbyin gyi dbang po lag na rdo rje gnod sbyin bye ba dang / rdo rje 'dzin g.yog 'khor rig 'dzin stong lhags te/ bcom ldan 'das ni nor bu rin po che sna tshogs kyis spras pa/ mu tig dmar po tha dad pa mang pos brgyan pa'i seng ge'i khri la bzhugs pa/ khang pa brtsegs pa na zham ring chen po dang / de bzhin gshegs pa'i byin gyis brlabs chen pos byin gyis brlabs pa dang ldan pas bzhugs te/ bcom ldan 'das ni 'od zer sna tshogs bye ba khrag khrig brgya stong gis sku ni shin tu brgyan/ gser gyi mchod sdong ltar ni 'bar/ nyi ma ltar ni snang / mtshan sum bcu rtsa gnyis dang dpe byad bzang po brgyad bcu mnga' ba 'od 'dom gang bas ni sku legs par brgyan/ de bzhin gshegs pa'i sku ni shin du rnam par dag cing shin du dri ma dang skyon med pa'i 'od ni gsal/ de nas bcom ldan 'das kyis 'khor chen po 'dus par mkhyen nas sku las 'od zer sna tshogs phyung ste 'od zer gyi snang ba des phyogs bcu kun tu khyab par mdzad do/ /de nas tshangs pa dang / khyab 'jug dang / dbang phyug chen pos de bzhin</font><hr>101.113a<br><font size=+1>

gshegs pa'i 'od zer la bltas nas 'dzam bu'i gling na klu mi bgrungs pas sad dang / ser ba dang / rlung dang / ser sprin phab ste/ me tog dang / 'bras bu thams cad dang / lo tog thams cad dang / shing dang / rtswa dang / shing gel pa dang / sman dang /  nags tshal dang / sman gyi bar bsregs te/ ma rung bar byas nas/ yal ga yang 'dzam bu'i gling na med par byas te ma rung bar byas na/ de na sems can de dag sdug bsngal chen pos gzir cing nyam thag pa'i skad byung ba thos so/ /de nas tshangs pa dang / khyab 'jug dang / dbang phyug chen pos bcom ldan 'das kyi zhabs gnyis la gtugs nas 'di skad ces gsol to/ /bcom ldan 'das klu gnod par sems pa gtum po rnams kyis 'dzam bu'i gling rnam par bshig ste/ thams cad ma rungs par bgyis nas sems can rnams sdug bsngal mi bzad pa chen po myong ngo / /bcom ldan 'das kyis bka' stsal pa/ kye lha'i dbang po dag 'di ni mngon sum du gyur ba yin te/ de bzhin gshegs pa'i byin gyis brlabs dang / sangs rgyas kyi ye shes zab mo dang / de bzhin gshegs pa'i yon tan gyi khyad par gyi byin gyis brlabs la ltos shig /de nas bcom ldan 'das nam mkha' lding bgyings pas rnam par bltas pa zhes bya ba kun nas me lce 'bar ba'i 'phreng ba can rnam par 'phrul ba'i ting nge 'dzin la snyoms par zhugs so/ /snyoms par zhugs ma thag tu sku phrag pa gnyis rab tu 'bar te/ 'bar ma thag tu klu thams cad kyi lus rab tu 'bar bar 'gyur ro/ /de nas klu'i rgyal po chen po kun nas gdugs kyis rnam par bskor bas bcom ldan 'das kyi zhabs gnyis la gtugs te 'di skad ces gsol to/ /bcom ldan 'das tshig lags so/ /</font><hr>101.113b<br><font size=+1>

bde bar gshegs pa tshig lags so/ /de nas bcom ldan 'das kyis cang mi gsung bar gnang nas steng du rnam par gzigs te phyogs bcu kun nas yang gzigs te/ de bzhin gshegs pa thams cad la phyag bzhes te nam mkha' lding gi shugs chen pos kun du 'bar ba nam mkha' lding gi gzi brjid kyi snying po'i dkyil 'khor 'di rjes su dgongs so/ /o~M badzra ba ti ga ru Da be ge hU~M hU~M/ ra tsi sri dza hU~MphaT/ de nas klu mi srun pa de dag yur yur por gyur nas/ bcom ldan 'das kyi spyan sngar 'dug ste 'dar yed yed do/ /de nas bcom ldan 'das kyis de bzhin gshegs pa'i nam mkha' lding me lce 'bar ba zhes bya ba'i snying po chen po bka' stsal pa/ na mo b+ha ga ba te/ shAkya mu na ye/ ta thA ga tA ya/ o~M badzra dz+wa la dz+wa la pra dz+wa la/ ha na ha na/ sarba nA ga hr-i da ya d+hA ra NI/ ha ra ha ra/ sarba ka na naM ba la bIr+ya bra rA kra maM/ da ha da ha/ sarba nA ga /sha rI rA Ni/ pa tsa pa tsa/ sarba nA ga marmA Ni/ ga ru Da be ga pak+Shi ni pa te/ nat+pa ta ya pa ta ya/ sarba nA ga b+hu ba nA ni/ o~M ma ta ma ta/ ma hA bi tsi dra ma ni mo hu li da ra ha ma hA ru ta be ga da ra bi tsi dra/ a ba ra Ni bi bu hu shi ta kA ya/ sarba nA gA nAM/ ka ra ka ra/ sma ra sma ra/ b+ho ga ru De na ba ra tha gaM baM tra na shAkya mu na pra tsa na ma nu pA la ya/ tardza ya/ nA gA nAM/ pra ga shA ya/ duSh+TaM pra ma tA ya/ ba yu be dza ga paM/  s+pho Ta ya/ marta nan sho Sha ya/ bi du dz+wa la na/ hU~M hU~M/ phaT phaT/ pra ma ta sarba ba ta a shin+ne me kaM/ nA sha ya nA sha ya/ sarba nA ga ba laM pa ha ra/ pa tsa dun+ta na/ A ga ra pA ya/ su shA nA gan/ gardza gardza/ ma hA ga ru Da be gan/ hU~M hU~M/ phaT phaT/ stam+b+ha ya ni shi taM pa la ha kaM/ sam bak+Sha ya hU~M hU~M/ phaT phaT/ stam+b+ha ya/ shi ta ba yu mu g+ha na/ sarba nA ga bi ha ri Ni hU~M hU~M/ phaT phaT/ b+ho nA ga pi ti pa ti/ muny+tsa hri/ </font><hr>101.114a<br><font size=+1>

bak+Sha bu yuM ga ru Da gro ta ma hA b+he ga ban+d+ha ya/ bu yu ba la ha kan+ti ti/ Ti Ti Ti/ hU~M hU~M phaT phaT/ b+ha sha ya/ ba ta shi ta a shi na ni/ nA sha ya/ tsi ti tsi ti/ phaT phaT/ swA hA/ a sha ya/ nA gA nAn ban+d+ha ya/ badzra b+hin+de na ta thA ga ta sa man+ta na/ sa ti na/ hU~M hU~M hU~M/ phaT phaT phaT swA hA/ ti ti ti ti/ hU~M hU~M/ phaT phaT swA hA/ dza laM ba duH sarba a shan+ta thA ga ta a d+hiSh+ThA ne na hU~M phaT/ a mr-i te ma b+ha ba tu sarba shi ta pa yu be ga a sha ni/ hU~M hU~M/ phaT phaT/ mA t-i gre ma pho ta ya/ nA ga ma tri kra ma ma te murta naM/ ya ti shi ti/ hu ru hu ru/ hU~M hUM phaT phaT swA hA/ pa ra tA ra tA swA hA/ nA ga s+pho Ta ya swA hA/ nA ga ba ti rA ya swA hA/ o~M swA hA/ sarba swA hA/ bu ba swA hA/ ta thA ga ta sa ma ya swA hA/ trai lo kya phU dza tA ya swA hA/ o~M hU~M hU~M/ hU~M hU~M hU~M/ phaT phaT phaT/ klu'i bdag po dag de bzhin gshegs pa'i nam mkha' lding gi 'bar ba'i snying po zhes bya ba'i gzungs chen po 'di klu mi bsrun pa thams cad zlog par byed pa'o/ /sprin dang / lhags pa dang / rlung dang / ser ba thams cad 'jig pa'o/ /bzlog pa'o/ /lo tog yongs su skyong ba'o/ /me tog dang / 'bras bu dang / nags tshal yongs su skyong ba'o/ /bdud rtsi'i 'bras bu yongs su grub par byed pa'o/ /de bas bstabs pa 'phel bar byed pa'o/ /kye klu'i bdag po dag 'di dran ma thag pa tsam gyis klu'i dkyil 'khor byed pa/ bu dang chung mar bcas pa dang / blon por bcas pa dang / mngag zhugs par bcas pa dang / 'khor dang bcas pa lhags pa'i stobs byed pa/ rlung gi stobs byed pa/ sdud pa dang / stobs byed pa/ kun thams cad 'thun pa de bzhin gshegs pa'i bka' gnang ba dang / de bzhin gshegs pa'i dam tshig gi byin gyis brlabs kyis phyi ma'i tshe phyi ma'i dus na 'dzam bu'i gling 'dir lo tog thams cad dang / me tog dang / 'bras bu thams</font><hr>101.114b<br><font size=+1>

cad dang / rdzas dang / shing dang / sman thams cad kun du bsrung ba gyis shig /dus dus su char gyi rgyun phob shig /bdag gi srog ci lta ba de bzhin du 'dzam bu'i gling gi sems can thams cad rtas par byed pa/ me tog dang / 'bras bu dang / lo tog rnams yongs su skyongs shig /gal te gzhan du 'gyur te de bzhin gshegs pa'i bka' lung dge ba ltar ma byas na de'i tshe klu thams cad kyi khyim kun tu 'bar/ rab tu 'bar/ kun tu rab du 'bar te/ me lce gcig tu 'bar bar gyur cig /klu la mu ge chen po 'byung bar gyur cig /stobs bri zhing brtson 'grus ma rung bar gyur cig /chu skams par gyur cig /khyim skams par gyur cig /lus rtsub par gyur cig /'dabs bzangs kyis 'jigs pa dang / me dang bye ma yis 'jigs pa dang / rtag tu bkres pa dang skom pa yis 'jigs pa can du gyur cig /phar rgyug tshur rgyug cing lus kun du tshig pa dang / nyi ma'i dugs kyis yongs su gdungs pas lus tshig par gyur cig /nad dang / na ba dang /  gnod pa dang / nad 'go ba sna tshogs pa 'dus par gyur cig /de ltar phyi ma'i tshe phyi ma'i dus na klu mi bsrun pa/ klu gtum pa/ rab tu gtum pa rnams gal te de bzhin gshegs pa'i nam mkha' lding 'bar ba zhes bya ba'i snying po'i gzungs 'di las 'gal bar byed na sdug bsngal 'di lta bu myong bar 'gyur te/ klu'i bdag po dag de'i phyir bden pa'i yi dam gyis de bzhin gshegs pa'i dam tshig gi rjes su bsrung bar bya'o/ /'dzam bu'i gling gi sems can thams cad yongs su bskyang bar bya'o/ /bsrung bar bya'o/ /bsgrub par bya'o/ /de nas klu'i rgyal po kun nas gdugs kyi rnam pas bskor ba dang / klu'i rgyal po chen po rgya mtsho dang / klu'i rgyal po chen po dga' bo dang / bsnyen dga' bo dang / klu'i rgyal</font><hr>101.115a<br><font size=+1>

po chen po gzi can dang / klu'i rgyal po chen po hu la ba dang / klu'i rgyal po chen po chu lha dang / klu'i rgyal po chen po 'bar ba kun du 'dzin pa kha bye rab tu dga' ba'i gtsug ces bya ba dang / klu'i rgyal po chen po tshangs pa'i mgo dang / klu'i rgyal po chen po 'jig rten gsum du grags pa'i rgyal mtshan dang / klu'i rgyal po chen po dbang phyug 'od dang / klu'i rgyal po chen po 'od rnam par grags pa zhes bya ba dang / klu'i rgyal po chen po kun nas rgyal mtshan gyi rnam pa zhes bya ba dang / klu'i rgyal po chen po nor bu mgo dang / klu'i rgyal po chen po rab tu gnas pa tshangs pa'i gtsug dang / klu'i rgyal po chen po gtsug gi nor bu 'bar dang / klu'i rgyal po chen po mtsho chen po gnon dang / klu'i rgyal po chen po kun du blta ba'i mig dang / klu'i rgyal po chen po khyab 'jug khor yug dang / klu'i rgyal po chen po kun nas rnam par bral dang / klu'i rgyal po chen po rab tu dga' bas char 'bebs dang / klu'i rgyal po chen po rnam dag rab dga' dang / klu'i rgyal po chen po rab tu gtor ba dang / klu'i rgyal po glog 'bar dang / klu'i rgyal po chen po sa srung gis bu dang / klu'i rgyal po chen po chu 'bebs sna tshogs dang / klu'i rgyal po chen po btang bzungs stobs dang / klu'i rgyal po chen po 'jig rten gsum du rab tu char 'bebs dang / klu'i rgyal po chen po rnam thos kyi bu sna tshogs dang / de la sogs pa klu'i rgyal po chen po brgyad khri bzhi stong klu'i rgyal po chen po re re yang g.yog 'khor klu'i rigs stong phrag bdun bcu rtsa bdun yod pa de dag bcom ldan 'das ga la ba der song nas/ bcom ldan 'das la lan gsum du bskor ba byas te/ mchod pa chen pos mchod nas bcom ldan 'das kyi zhabs gnyis la gtugs nas/ bcom ldan 'das la 'di skad ces gsol to/ /</font><hr>101.115b<br><font size=+1>

bcom ldan 'das kyis sngags kyi tshig shin du mi bzad pa drag po chen po blta dka' ba chen po dag bka' stsal pas/ bcom ldan 'das bdag cag ni phung ngo / /tshig go /lus rab tu 'dar ro/ /spu zing zhes bgyid do/ /bcom ldan 'das bdag cag bas par bcom ldan 'das kyi spyan snga na mngon sum du gyur par gnas pa lags te/ 'di ltar 'jigs skrag ba spu'i bu ga nas skyi bung zhes bgyid cing / 'jigs pa mi bzad pa chen po skyes te/ bas par yang sgyid lug cing mchis so/ /bcom ldan 'das slad ma'i tshe slad ma'i dus na de bzhin gshegs pa yongs su mya ngan las 'das pa'i slad na dge slong drag shul bgyid pa nor la brkam pa dag mchis pa la/ sad dang / rlung dang / ser ba bzlog pa'i slad du gsol ba btab par gyur nas/ bcom ldan 'das de la klu mi bsrungs pa de dag gis ji ltar nan tan du bgyi/ de dag gi srog slar zhing ji ltar 'gyur/ bcom ldan 'das bdag cag gi bu dang tsha bo ji lta bu mang bar 'gyur/ de nas bcom ldan 'das kyis klu'i bdag po chen po de dag la 'di skad ces bka' stsal to/ /klu'i bdag po dag phyi ma'i tshe phyi ma'i dus na byams pa la gnas par bya'o/ /de bzhin gshegs pa'i dam tshig dang 'thun par bya'o/ /dus dus su char gyi rgyun phob cig /dus dus su me tog dang / 'bras bu dang / lo tog bsgrubs shig /rlung dang / sprin dang / ser ba thams cad zlog shig /chud za bar ma byed cig /klu'i bdag po dag de'i phyir khyed phyi ma'i tshe phyi ma'i dus na gnod pa med par gnas par gyis shig /klu'i bdag po dag gal te yang dag par dam tshig ma bsrungs na de'i phyir klu'i bdag po dag khyed la nyes pa chen por 'gyur ro/ /zhes smra'o/ /</font><hr>101.116a<br><font size=+1>

thog mar klu bskul ba'i rig pa rdzogs s+ho// //de nas de'i 'og tu rtsa ba'i rig pa'i cho ga klu rnams kyi khros pa zhi bar byed pa nam mkha' lding 'bar ba'i gzi brjid kyi snying po'i dkyil 'khor 'di brjod par bya'o/ /thog ma kho nar gnam du bltas te/ yungs kar dang chu bsres pa phyogs bzhir gtor na/ sad dang / rlung dang / sprin dang / ser ba thams cad thub par 'gyur ro/ /bcings par 'gyur ro/ /klu thams cad 'dar yed yed cing 'khod par 'gyur ro/ /thal ba dang chur bsres la lan nyi shu rtsa gcig bzlas par byas te/ dbang bskur na bdag bsrung ba byas par 'gyur ro/ /'brug zer ba'i tshe yungs kar la lan nyi shu rtsa bdun yongs su bzlas par byas la/ chu la lan bdun du yongs su bzlas pa byas te gnam la sprin bcing bar bya'o/ /de nas sprin la bltas te/ yungs kar gnam du gtor na me tog dang / 'bras bu thams cad bsdus nas sa'i steng du ltung ngo / /sngags kyang brjod cing khros pas phaT ces bya ba brjod par bya ste/ phaT ces bya ba lan gsuM gyis klu phrug gu rnams kyang ltung bar 'gyur/ klu rnams kyi lus kyang zhig ste thang la lhung bar 'gyur ro/ /bal po se'u'i lcug ma la lan nyi shu rtsa gcig yongs su bzlas pa byas ste/ 'khor lo'i tshul du lan bdun bskor na/ klu mi bgrungs pa thams cad sad dang / sprin dang / rlung dang / ser ba thams cad sa la mi 'bebs so/ /mgo tshal pa bdun du 'gas so/ /mig 'byung ngo / /khros pas brgya rtsa brgyad yongs su bzlas pa byas na/ klu rnams rigs dang / sprin dang / g.yog 'khor kun dang bcas te sa'i steng du ltung ngo / /klu'i khyim dang / gzhal yas khang mtha' dag dang / </font><hr>101.116b<br><font size=+1>

chu dang / shing dang / nags tshal du bcas pa me lce 'bar ba gcig tu 'gyur ro/ /klu'i rgyal po chen po gzi brjid che ba mthu che ba thams cad kyang klad nad drag pos btab par 'gyur ro/ /gal te rig pa 'dzin pas myur du ma bskyabs na rigs thams cad phung bar 'gyur ro/ /bu dang / tsha bo dang / 'khor du bcas pa dang / bzhon par bcas te rnam par med par 'gyur/ mig med par 'gyur ro/ /char med pa'i dus na yungs kar la lan stong bzlas te/ khyim la gtor na/ klu thams cad 'dar yed yed cing / khyim dang mtsho me lcer 'bar ba gcig tu gyur te/ 'dod pa bzhin du myur du char gyi rgyun 'bebs so/ /yang dang yang char gyi rgyun 'bebs so/ /gang gi tshe char dgos pa de'i tshe rig pa 'dzin pas chu dang yungs kar la lan brgya rtsa brgyad yongs su bzlas pa byas te/ gnas mthon por song la shar phyogs su bltas te 'dug nas chu snyim pa bdun la sngags la lan bdun bdun du yongs su bzlas te/ shar phyogs su gtor na klu'i rgyal po thams cad 'phral du gcig tu 'dus te char gyi rgyun 'bebs so/ /skya reng shar ba'i dus na yungs kar dang / gur gum dang chur bsres la lan bdun bzlas pa byas te phyogs bzhir gtor zhing steng dang 'og tu yang gtor na sad dang / rlung dang / sprin dang / ser ba thams cad la kun nas dpag tshad tshun chad du mtshams bcad par 'gyur ro/ /klu mi bsrun pa thams cad bcings par 'gyur ro/ /klu thams cad mi 'da' bar 'gyur ro/ /ba ser skya'i lci ba sa la ma lhung bar blangs pa dang / de nyid kyi mar dang / 'o ma dang / gcin blangs la sab ta byi sa ka dang / bag phye dang / thams cad bsres la lan dgu bcu rtsa gnyis</font><hr>101.117a<br><font size=+1>

bzlas pa byas te/ de nas klu mgo lnga pa bya'o/ /mgo gdengs ka can gyi skyil mo dkrung bcas pa lus gcus pa byas te/ tsan dan dkar po dang / gur gum gyis lus bkru bar bya'o/ /stan gtsang ma'i steng du bzhag go/ /dar gyi cod pan gyis dbang bskur ro/ /me tog phreng ba gdags so/ /dkyil 'khor grwa bzhi pa byas te/ me tog sil ma gtor/ bum pa gang ba bzhi bzhag go/ /mda' bzhi btsugs te/ dar gyi ba dan dkar po bzhi gdags te/ dkyil 'khor gyi dbus su gtor ma bzhag go/ /dkyil 'khor grwa bzhir seng ldeng gi phur bu bzhi btsugs so/ /tshon sna lnga'i skud pas lan lnga bskor ro/ /kun la yang lan nyi shu rtsa gcig bzlas te las bya'o/ /bum pa'i mgul dar gyis bcing ngo / /na la dang / sra rtsi pog dang / rgya spos dang / kun du ra dang / sen mo dang / nA ga pus pa dang / yungs kar dkar po dang / sha ka ra dang bsres la lan brgya rtsa brgyad bzlas la bdug par bya'o/ /bdug pa 'di sbyar la/ de nas rig pa 'dzin pas shin tu khrus byas te/ gos gtsang ma gon la sngags 'di nyid kyis nye reg dang / brag bcing ba dang / mtshams bcing ba dang / phyogs bcing ba dang / dkyil 'khor bcing ba dang / gos gdegs pa dang / bdag bsrung ba dang / khrus bya ba rnams bya'o/ /klu kha shar phyogs su bstan te bzhag la/ rig pa 'dzin pa klu la bltas te/ skyil mo dkrung du 'dug la/ sngags 'di nyid kyis dgug pa dang / gtor ma dang / bdug pas slar btang bar bya'o/ /de nas rig pa 'dzin pas stong rtsa brgyad bzlas te/ yungs kar re re la bzlas la klu'i gzugs la bsnan par bya'o/ /mar me kha bzhi 'bud do/ /klu'i ming bri'o/ /gang bos pa de 'grang bar 'gyur ro/ /bzlas pa stong rtsa brgyad tshang bar byas na klu'i rgyal po chen po dbang du 'gyur ro/ /thams cad</font><hr>101.117b<br><font size=+1>

ston par 'gyur ro/ /ci bsams pa de thams cad sbyin par 'gyur ro/ /dbang thams cad bzlog par 'gyur ro/ /rang gi skye bo dang / 'khor du bcas pa dang / bu dang tsha bor bcas pa thams cad dbang du 'gyur ro/ /las thams cad byed par 'gyur ro/ /rang gi khyim bzhin du yongs su skyang bar 'gyur ro/ /klu'i gzugs de gnas dben par bzhag la/ /me tog dang bdug pa sbyin no/ /lang long med par bzhag cing mi mthong bar bya ste/ su la yang mi bstan no/ /gos gtsang mas dgab bo/ /nam dgos pa yod pa de'i tshe yungs kar la lan brgya rtsa brgyad bzlas pa bya ste/ /bsnun na dgos pa thams cad byed par 'gyur ro/ /gar btang ba der 'gro zhing slar yang 'ong ngo / /rmi lam du dgos pa thams cad ston cing las thams cad byed par 'gyur ro/ /klu'i mngag gzhug pa zhes bya'o/ /gang gi tshe dus ma yin pa'i sprin dang / rlung dang / ser ba dang / sad byung ba de'i tshe skye tshe'i 'bru dang / yungs kar du bsres la lan brgya rtsa gcig bzlas pa byas te/ khros pas klu'i gzugs la bsnun na skad cig de la rlung dang / ser ba dang / sprin med par 'gyur te thams cad bcing bar 'gyur ro/ /than pa byung ba de'i tshe yi ger bris la skud pa dmar po dkris la skud pa la mdud pa nyi shu rtsa gcig bor te/ klu'i mgul du btags la klu'i spyi bor lan nyi shu rtsa gcig bzlas pa byas na skad cig de la char gyi rgyun 'bebs te/ sgrub pa po ji ltar 'dod pa bzhin char 'bebs so/ /ha cang char che na skud pa sngon po la lan bdun bzlas pa byas te/ mdud pa bdun bor na char chen po mi 'bab par 'gyur ro/ /cho ga dang rig pa bsgrub pa gzhan thams cad la yang sngags 'di thog ma kho nar lan bdun bdun brjod do/ /'di kun tu sbyor ba ste/ brjod pa bsgrub pa 'grub bo/ /nam mkha'</font><hr>101.118a<br><font size=+1>

lding chen po rdo rje shugs 'bar ba nam mkha' lding gi snying po dkyil 'khor zhes bya ba'i gzungs rdzogs s+ho// //de nas de'i 'og tu rtsa ba'i snying po'i cho ga ston to/ /gzungs bton ma thag pa tsam gyis klu thams cad 'dar yed yed do/ /bal po se'u shing gi lcug ma dang / shing ka ra bI ra'i lcug mas rlung dang / sprin bzlog par bya'o/ /ba'i lci ba sa la ma lhung bas khang steng du dkyil 'khor grwa bzhi pa shin du rnam par phye ba re'u cha legs par byas pa byas te/ seng ldeng gi phur bu sor brgyad pa brgyad phyogs mtshams su gzugs so/ /mda' lnga gzugs so/ /rtse gsum pa gzugs so/ /mda' bzhi la tshon sna lnga'i skud pa bzhis 'khor bar bskor ro/ /bum pa gang ba bzhi dang / pog phor dang / gtor ma'i bum pa bzhi bzhag go/ /gtor ma dkar pos bkang ba bzhi dkyil 'khor gyi dbus su bzhag /me tog sil mas gang bar gtor/ bra yos dang yungs kar gyis gtor ro/ /thams cad la lan bdun bdun gyis bzlas pa byas te gzugs so/ /yungs kar dang chu bsres la bzlas pa byas pas phyogs bzhir mtshams bcad do/ /de nas dpag tshad tshun chad kun tu mtshams chen po bcad par 'gyur ro/ /der klu mi bsrun pa rnams 'phrog mi nus so/ /klu chen po rnams kyang rtag tu dus ma yin pa'i rlung dang / sprin dang / ser ba 'bebs mi nus so/ /me tog dang 'bras bu thams cad 'tshe yang mi nus/ lan 'ga' yang rtswa'i lo ma yang 'tshe mi nus/ bcing ba lngas bsdams te thams cad bcings par 'gyur ro/ /'di zla ba brgyad du mtshams bcings par 'gyur ro/ /gnod sbyin dang / 'byung po dang / srin po dang / yi dgas dang / grul bum dang / gsang ba 'od zer snang pa de rnams</font><hr>101.118b<br><font size=+1>

gnas 'di las mi 'da'o/ /de nas rig pa 'dzin pa dkyil 'khor gyi dbus su 'dug te/ bal po se'u shing gi lcug ma la lan bdun bzlas pas klu bzlog par bya'o/ /shin du khro bas bzlog par bya ba ni ma yin no/ /klu'i skyil mo dkrung gi phyag rgya bcing bar bya ste/ mdzub mo gnyis mgo bo gdengs ka ltar byas la mthe'u chung gnyis brkyang ngo / /'di ni klu thams cad kyi phyag rgya'o/ /brjod ma thag tsam gyis klu thams cad kyi snying dag la gnod par 'gyur ro/ /gal te klu dag phyogs de ma rung bar bya bar 'dod na de'i tshe bye tshan mgo la 'bab bo/ /mgo dang / mjug ma dang / khog pa ji tsam par de tsam du lus la ral gri'i char gyi rgyun 'bab par 'gyur ro/ /de nas klu thams cad dngangs skrag par gnas par 'gyur te/ de'i tshe 'dzam bu'i gling du dus dus su char gyi rgyun 'bebs so/ /klu mi bgrungs pa thams cad dbang du 'gyur ro/ /khang steng du dkyil 'khor gru bzhi pa byas te/ me tog sil mas gang bar gtor la bdug pas bdugs te/ bum pa chus bkang ba thams cad la lan bdun du bzlas par bya'o/ /gtor ma bzhag go /seng ldeng gi phur bu la lan nyi shu rtsa gcig bzlas te/ seng ldeng gi phur bu dkyil 'khor gyi dbus su btsugs na rlung dang / sprin dang / ser ba dang / sad kyi nyes pa thams cad bcings par 'gyur te/ phur bu ma phyung gi bar du thub par 'gyur ro/ /yungs kar la lan bdun bzlas la sprin la bltas te gtor na/ ser ba thams cad 'chad par 'gyur ro/ /shing ka ra bI ra'i lcug ma la lan nyi shu rtsa gcig bzlas te/ gdu bur byas na thams cad du ser ba chod par 'gyur ro/ /shing ka ra bI ra'i dmar po'i me tog la lan nyi shu rtsa gcig bzlas te/ glog byung ba'i tshe na</font><hr>101.119a<br><font size=+1>

nam mkha' la 'phangs na nam mkha' nyid du 'dug ste bcings par 'gyur ro/ /chu la lan bdun bzlas te gtor na grol bar 'gyur ro/ /'brug zer ba'i tshe rtse gsum pa la lan nyi shu rtsa gcig bzlas te/ dkyil 'khor gyi dbus su gtsugs na rtse gsum pa ma phyung gi bar du 'brug zer te sprin bcings par 'gyur ro/ /phyung nas grol bar 'gyur ro/ /ral gri la lan bdun bzlas te/ klu'i phyag rgya skyil mo dkrung gis bzung la sprin la bltas te 'dug na bzung ma thag tu klu mtha' dag 'bar bar 'gyur te/ klu thams cad lkug par 'gyur ro/ /ral gri thogs la lan brgya rtsa brgyad bzlas te/ gur gum gyis de'i steng du nam mkha' lding bris nas ci lta ji lta bur bskor ba de lta bur nam mkha' lding gi 'dab gshog klu'i lus la 'bab par gyur te/ klu thams cad skrag cing phyogs bcur 'bros par 'gyur te/ phyis rlung dang ser ba 'bebs mi nus so/ /shing ka ra bI ra'i me tog dang yungs kar bsres te/ dkyil 'khor du lan drug bcu sbyin sreg byas na klu thams cad grang ba'i stobs byed pa dang / ser ba dang kha ba'i bar la sogs pa thub par 'gyur ro/ /gang gi tshe char dgos par 'gyur ba de'i tshe char 'bebs so/ /spra tshil las klu'i gzugs tshad sor bzhi pa mgo lnga pa byas te/ gser gyis g.yogs la steng gos dkar pos g.yogs te/ rtsa ba'i sngags lan stong bzlas pa byas la/ bum pa gsar pa ma spyad pa'i nang du bcug ste/ lus gos kyis dkri'o/ /rgyas gdab bo/ /ba'i lci bas dkyil 'khor gru bzhi pa byas la bra yos dang yungs kar gyis gtor la bdug pas bdug ste/ sngags 'di brjod par bya'o/ /bal po se'u shing gi</font><hr>101.119b<br><font size=+1>

lcug ma la lan bdun bzlas te/ bum pa la dal bu dal bus gzhus na ser ba thams cad bum pa'i nang du 'pho'o/ /klu thams cad dbang du 'gyur ro/ /klu'i rgyal po'i gzugs spra tshil la byas pa la klu thams cad kyi ming bris na gang gis ming gis rigs brjod pas klu de dbang du 'gyur te/ 'khor dang bcas pa bram ze'i gzugs kyi mdun na 'dug cing ci bsgo ba de thams cad byed do/ /klu'i rgyal po chos can ma yin pa yul yongs su mi skyong ba/ lo tog dang 'bras bu chud gzon pa'i klu'i khyim du song ste/ shin tu khrus byas la gos dkar po gtsang ma bgos te/ rig pa lan nyi shu rtsa gcig brjod na/ klu'i khyim de nas bud med rgan mo dag 'byung zhing / rig pa 'dzin pa ci tshol zhes zer ba dang / lan mi gdab par rdo rje sa la brdab par bya'o/ /phaT zhes bya ba brjod par bya'o/ /klu rgan mo de ngus nas shi'o shi'o zhes zer zhing khyim du 'jug go/ /de nas klu rnams 'dus te dngangs skrag ste/ khye'u yi gzugs su bsgyur nas rig pa 'dzin pa'i mdun du 'dug ste/ kye rig pa 'dzin pa ci zhig tshol/ rig pa 'dzin pas sngar sngags brjod la/ khros pas bal po se'u shing gi lcug ma sa la brdabs pa dang / khye'u yi gzugs can de sa la 'gre ldog cing / kye rig pa 'dzin pa ci zhig tshol zhes smra'o/ /rig pa 'dzin pas snying rje med par bya ste/ bsgyel ba'i tshul gyis bsgyel ba dang / 'di skad ces kye rig pa 'dzin pa bsgo ba thams cad bgyid do zhes smra'o/ /de nas rig pa 'dzin pas 'di skad ces brjod do/ /de bzhin gshegs pa'i dam tshig bsrungs shig /bsrung ngo / /rig pa 'dzin pas yang 'di skad ces brjod do/ /dge ba bcu zung shig /'dzin to/ /rig pa 'dzin pas yang gsum la skyabs su gsol/ gtad do rjes su 'dzin to/ /rig pa 'dzin pa phur bu dbyung du gsol/ mi dbyung ngo / /</font><hr>101.120a<br><font size=+1>

'di skad ces brjod de/ de bzhin gshegs pa'i dam tshig bzlas pa rjes su bzung shig /gdod phur bu dbyung ngo zhes bya'o/ /'on tang klu de 'khor dang bcas te rkang pa gnyis la gtug go/ /gsum la skyabs su 'gro bar bya ba dang / dge ba bcu'i las kyi lam rjes su sbyin par bya'o/ /dam tshig rjes su 'dzin du gzhug go/ /de nas gdod phur bu phyung la de nyid du kha zas kyang byin pa dang / klu thams cad dbang du 'gyur ro/ /rang gi khyim du 'jug pa bzhin du zhugs shing las su bya ba rnams ci 'dod pa bzhin du bya ba thams cad bsgo ba bzhin byed par 'gyur ro/ /gang du btang ba der 'gro'o/ bya ba thams cad byed par 'gyur ro/ /klu'i khyim der phyis klu mi bsrun pa mi 'byung ngo / /dus dus su char gyi rgyun 'bebs so/ /dus dus su lo tog sgrub bo/ /der me tog dang / 'bras bu dang / lo ma rnams sgrub bo/ /phyis gnod pa byed par mi 'gyur ro/ /bklags pas 'grub pa'i gzungs chen po las thams cad la sbyar bar bya'o/ /las thams cad 'grub/ mchog 'grub pa/ bla na med pa'o/ /rtsa ba'i sngags kyi bya ba'i cho ga dang bcas pa rdzogs s+ho// //de nas nam mkha' lding gi rgyal po de bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das bdag cag gis klu thams cad kyi snying 'bar bar bgyid pa/ dus ma lags pa'i rlung dang / sprin dang / ser ba thams cad bzlog pa/ me tog dang / 'bras bu dang lo tog thams cad sgrub pa/ sa'i rdul dang / snying po dang / byin 'phel bar bgyid pa/ rdo rje'i mchu klog 'bar ba zhes bya ba'i gzungs brjod par bgyid na/ sems can thams cad kyi re ba thams cad</font><hr>101.120b<br><font size=+1>

yongs su bskang ba'i slad du/ bcom ldan 'das de byin gyis brlab du gsol/ de nas bcom ldan 'das kyis nam mkha' lding gi dbang po la 'di skad ces bka' stsal to/ /nam mkha' lding gi bdag po rdo rje mchu zhes bya ba'i gzungs byin gyis brlabs te/ de bzhin gshegs pa dgra bcom pa yang dag par rdzogs pa'i sangs rgyas gang gA'i klung gi bye ma snyed bye ba khrag khrig brgyad stong dag gis kyang byin gyis brlabs kyis nam mkha' lding gi bdag po klu mi bsrun pa rnams tshar bcad pa'i phyir smros shig /de nas nam mkha' lding gi bdag pos rdo rje mchu zhes bya ba'i gzungs 'di smras so/ /na mo rat+na tra yA ya/ na mash+tsaN+Da badzra pA Na ye/ ma hA yak+Sha se nA pa ta ye/ na ma s+t+rai lo kya a d+hi pa ta ye/ na mash+tsa tur+NA ma ma hA rA dzA nA/ o~M badzra dun+ta dun+ta/ ma hA dun+ta/ du ti du ti/ badzra shi kha ra dun+te/ ma ni ka Na ka bi tsi ta/ a b+ha ra Na bi b+hU Shi ta sha rI re/ hU~M hU~M hU~M hU~M hU~M/ phaT phaT phaT phaT phaT/ nA ga rA dza bi dra ba Ni hr-i da yaM/ s+pho Ta ya badzra dun+ta na/ hU~M hU~M hU~M hU~M hU~M/ dz+wa la ti badzra dun+te na/ ha na ha na/ ga ru Da pak+Sha ni pa te na b+ha ku ru ku ru ku ru ku ru duSh+TaM nA gA nAM/ hU~M hU~M hU~M hU~M hU~M/ phaT phaT phaT phaT phaT/ b+ho b+ho pan+nA gen+d+ra spu ta spu ta spu dan+du nA ga sa sma ni kro d+ha ra dzA ma hA ba la ba rA kra ma/ dz+wa la dz+wa la/ pra dz+wa la/ hU~M hU~M hU~M hU~M hU~M/ phaT phaT phaT phaT phaT/ b+ho ga ru Da rA dza badzra dun+te/ su ba ra na pak+Sha ma hA ba la/ ma hA ka na ka pi tsi ti ma hU~M dar/ bak+Sha ya duSh+Ta nA gaM bi ba du b+ho ba yu ba la ha kaM hU~M hU~M/ phaT phaT/ sho sha ya shi ta ba la ha ga ga ru Da u sme na/ hU~M hU~M hU~M hU~M/ phaT phaT phaT phaT/ b+ho b+ho badzra dun+ta bi tsu hu na/ bi d+hu dz+wa la na/ hU~M hU~M hU~M/ phaT phaT phaT/ bany+dza ya/ sarba sha ra ni ma ti kra ma si maM/ b+ho ban+na/  gen+d+ra ma te/ badzra dun+te/  na mUr+NAM/ spa ta yA mi/ ha ra ha ra/ </font><hr>101.121a<br><font size=+1>

pra ha ra hU~M phaT/ ma ta ma ta/ sarba nA gA nAM hU~M hU~M phaT/ ta thA ga ta pA tsa na ma nu sma ra hU~M hU~M phaT/ badzra pA Ni sa ma ya/ ma nu pA la ya/ hU~M hU~M phaT/ trai lo kya a ti ba de r+pa tsa na ma nu pA la ya hU~M hU~M phaT/ sa rA sa rA/ sma ra sma ra/ sa ma ya/ ma nu pA la ya/ tri rat+na sa t+ye na/ hU~M hU~M hU~M phaT phaT phaT/ hri badzra dun+ta sarba nA ga bi dra ba na ga ra hU~M hU~M hU~M phaT swA hA/ tri rat+na ma nu pA ya hU~M hU~M hU~M phaT/ pra ma dan+ta ha da sa hU~M hU~M hU~M phaT swA hA/ bi ni tsakra ha ta/ hU~M hU~M hU~M phaT swA hA/ ma he shwa ra tri shU la hasta ya hU~M hU~M hU~M phaT swA hA/ ga ru Da bi kra ma ya hU~M hU~M hU~M phaT swA hA/ nA ga ku la na shra na ya hU~M hU~M phaT swA hA/ ga ru Da sarba a sha ni ba pa na ya hU~M hU~M phaT swA hA/ sarba pA pa ba yu saM bak+Sha NA ya hU~M hU~M phaT swA hA/ sarba a ka la ba ta me g+ha a sha ni ba ra Na ya hU~M hU~M phaT phaT swA hA/ ma hA badzra dz+wa la swA hA/ sarba duSh+Ta nA ga bi nA sha ka ya swA hA/ ga ru Ta hri da ya swA hA/ ga ru Da dun+da ya swA hA/ sarba nA shA na ya swA hA/ o~M du ru du ru swA hA/ mu ru mu ru swA hA/ tu ru tu ru swA hA/ di ri di ri/ du ru ru ru ru ru ru ru ru/ hU~M hU~M hU~M hU~M hU~M/ phaT phaT phaT phaT phaT swA hA/ nam mkha' lding gi dbang pos rdo rje mchu'i gzungs 'di brjod ma thag tu klu'i rgyal po bye ba khrag khrig brgya stong phrag brgyad bcu khas bub du 'gyel nas lus rngul byung zhing lus rab tu 'dar te brgyal nas sa la 'gre ldog go/ /kye ma'o gzungs chen po sngags kyi tshig mi bzad pa dag smras so zhes 'dzer zhing / thams cad lus 'dar yed yed nas/ bcom ldan 'das kyi zhabs gnyis la gtugs nas 'di skad ces gsol to/ /bcom ldan 'das bskyab du gsol/ bde bar gshegs pa bskyab du gsol/ bcom ldan 'das bdag cag slan cad 'dzam bu'i</font><hr>101.121b<br><font size=+1>

gling du ma rung bar mi bgyid do/ /me tog dang / 'bras bu dang / lo tog ma rung bar mi bgyid do/ /bcom ldan 'das sa phyogs 'di mchod rten dang 'dra bar 'dzin te/ gang na cho ga'i rgyal po chen po 'di spyod pa dang / gang na gnas pas spyod pa der bcom ldan 'das bdag cag gis rgyun tu de bzhin gshegs pa'i mchod rten dang 'dra bar 'dzin to/ /yul lam/ grong khyer ram/ ljongs sam/ ri brags sam/ grong ngam/ gtsug lag khang de rtag par rgyun du bsrung ba dang / bskyang ba dang / sba bar bgyi'o/ /sad dang / rlung dang / ser ba dang / dus ma lags pa'i sprin thams cad snum pa dang / mngar ba dang / yid du 'ong ba dang / ro zhim pa dang / snyi ba dang / ro bro ba'i me tog dang / 'bras bu dang / lo tog thams cad bsgrub par bgyi'o/ /'thab pa dang / sdig pa thams cad byung ba dang / ltas ngan pa thams cad bsal bar bgyi'o/ /dus dus su char gyis rgyun dbab par bgyi'o/ /me tog dang / 'bras bu dang / lo tog rnams yang dag par 'grub par bgyi/ sha sbrang dang / sbrang bu mchu rings dang / byi ba dang / sbrul dang / sbal pa dang / trai ma bu ka dang / mak+Shi ka dang / trai la ta dang / sha ta pa da dang / bung ba dang / ne tso dang / ri skegs kyis 'jigs pa thams cad med par bgyi/ rnam par 'jig par bgyi/ yams kyi nad dang 'go ba thams cad rab tu zhi bar bgyi'o/ /bzlog par bgyi'o/ /bcom ldan 'das slan chad sdig pa'i las kun du spyod pa'i tshul mi spyod par bgyi'o/ /char gnod pa 'bab pa dang / dus ma lags pa'i char thams cad ma mchis par bgyi'o/ /bcom ldan 'das rang gi mna'i yi dam gyis gnas par bgyi'o/ /bcom ldan 'das dkon mchog gsum gyi dgongs pa bslab pa'i sdom pa yongs su bskyang bar bgyi'o/ /bcom ldan 'das slan chad 'dzam bu'i gling gi sems can rnams la 'tshe bar mi bgyid/ </font><hr>101.122a<br><font size=+1>

bu gcig pa bzhin du yongs su bskyang bar bgyi'o/ /bcom ldan 'das de bzhin gshegs pa'i bka' lung bzhin du slad ma'i tshe slad ma'i dus na sems can thams cad yongs su bskyang bar bgyi'o/ /kun du 'dzin par bgyi'o/ /dge ba dang / bde ba dang / lo legs pa kun du bsgrub par bgyi'o/ /de nas bcom ldan 'das kyis klu'i rgyal po la dbugs phyung nas 'di skad ces bka' stsal to/ /klu'i rgyal po dag de ltar gyis shig /yal bar ma btang shig /de nas de'i 'og tu cho ga bya ba brjod par bya ste/ sngags 'di dpa' ba gcig pu ni/ /las kun byed pa dge ba ste/ /shes rab can gyis lan cig dran/ /dgos pa thams cad byed par 'gyur/ /mthon po'i gnas su mkhas pa yis/ /sgra skad chen po brjod par bya/ /gnas gang dang gang du sgra sgrags pa de dang der dus ma yin pa'i rlung dang / sad dang / sprin dang / ser ba dang / glog thams cad kyis mi tshugs so/ /sus kyang byin 'phrog par mi nus so/ /gtse bar mi nus so/ /gnas mthon po'i ri 'am/ dgon pa'i gnas sam/ grong ngam/ gtsug lag khang ngam/ gnas khang shin du mtho ba der rig pa 'dzin pa gtsang mar byas te/ gos gtsang ma dkar po bgos la kha shar phyogs su bltas te/ ba'i lci ba dang 'jim pa bsres pas dkyil 'khor khru gang gru bzhi pa byas la/ dkyil 'khor gyi dbus su mda' gang tsam pa cig btsugs te/ sngags lan nyi shu rtsa gcig bzlas so/ /dkyil 'khor gyi grwa bzhir seng ldeng gi phur bu sor brgyad pa btsugs te/ sngags lan nyi shu rtsa gcig bzlas pa byas la tshon sna lnga pa'i skud pas lan gsum 'khris par bskor ro/ /dkyil 'khor gyi dbus su pog phor bzhag la lan bdun bzlas pa'i bdug pas bdug go/ /lan nyi shu rtsa gcig bzlas</font><hr>101.122b<br><font size=+1>

pa byas la yungs kar gyis gtor ro/ /me tog sil mas gang bar gtor ro/ /phyogs bzhir gtor ma'i bum pa bzhi bzhag go/ /dkyil 'khor gyi dbus su gtor ma bzhag par bya ste/ zho dang / 'o ma dang / 'bras btsos pa dang / bu ram dang / sha ka ras gdab po/ /chu dang yungs dkar la sngags lan lnga brjod de/ phyogs bzhir mtshams bcad par bgyi/ zla ba nya la sbyor bar bya'o/ /skad cher bklags la phyogs bzhi dang / steng dang 'og tu yungs kar gtor zhing / klu thams cad kyi so so'i ming nas brjod na/ cho ga 'di byas ma thag tu dus ma yin pa'i rlung dang / sprin dang / ser ba dang / klu mi bsrun pa thams cad bcings par 'gyur/ thub par 'gyur ro/ /ltas ngan pa dang / yams kyi nad dang / gnod pa dang / nad 'go ba dang / gdon 'byung po dang / sha za dang / gnod sbyin dang / srin po thams cad rgyang ring du spangs par 'gyur ro/ /dpag tshad gcig kho ra khor yug tu mtshams bcad par 'gyur ro/ /nad thams cad dang / na ba thams cad dang / gnod par sems pa dang / rab tu gnod par sems pa dang / phyir rgol ba dang / phyir gnod par byed pa thams cad kyi mi tshugs par 'gyur ro/ /me tog dang / 'bras bu dang lo tog thams cad legs par yongs su 'grub par 'gyur/ legs par yongs su smin pa dang / ro zhim par 'gyur ro/ /sa bon legs par btab pa/ thams cad legs par 'khrung bar 'gyur ro/ /gshed byed dang / las dang / byad stem thams cad rnam par 'jig par 'gyur/ mi tshugs par 'gyur ro/ /ji srid du phur bu ma phyung ba de srid du mtshams chen po bcad par 'gyur ro/ /de srid du klu thams cad char gyi rgyun 'bebs so/ /me tog dang / 'bras bu dang / lo tog thams</font><hr>101.123a<br><font size=+1>

cad legs par yongs su rgyas par 'grub par 'gyur ro/ /gang dang gang du dgos par 'gyur ba thams cad lan gcig dran par byas na 'grub par 'gyur/ spra tshil las nam mkha' lding gi gzugs sor brgyad pa skyil mo dkrung bcas pa/ 'dab ma bskyang ba/ klu rgyal gdan du bting ba/ mgo dgu pa mgo rgyan du thogs pa/ klu mgo gsum pa lag pa g.yas na thogs pa/ nor bu rin po che 'bar ba lag pa g.yon na thogs pa/ gser gyis g.yogs pa byas te/ cho ga bzhin du tshon gyis ri mo bris la/ stan sna tshogs kyi steng du bzhag la/ nyin zhag gcig la sngags stong brjod do/ /nam lus kyis mi thub pa'i tshe kha zas dkar po bza' bar bya ste/ yang khrus byas la bsgrub par bya'o/ /gu gul gyis bdug go/ /me tog dang / bdug pa dang / gtor ma ci 'byor pa sbyar ro/ /mar me btang la de'i mdun du nyal na ston par 'gyur zhing las thams cad brjod par 'gyur ro/ /mchog thams cad sbyin par 'gyur/ las thams cad byed par 'gyur ro/ /ci bsgo ba byed par 'gyur ro/ /lang long med pa'i gnas su bzhag la/ nam than pa byung ba'i tshe rig pa 'dzin pas blangs te/ klu'i gnas su bkur bar bya/ klu'i gnas mtshor bzhag la/ me tog dang bdug pa byin la/ yungs kar la sngags lan gsum bzlas te gnas su gtor na 'phral du klu thams cad char gyi rgyun 'bebs so/ /gal te 'phral du char gyi rgyun mi 'bebs na/ de'i phyir klu'i gnas kun du nam mkha' lding gis gang bar mthong bar 'gyur/ gnas me lce gcig tu 'bar bar 'gyur/ bye tshan mgo la 'bab par 'gyur/ chu skams par 'gyur ro/ /than pa byung ba'i tshe sprin la bstan na char 'beb par 'gyur ro/ /</font><hr>101.123b<br><font size=+1>

rlung dang / sprin dang / ser ba dang / sad dang / char sprin la bstan na skad cig tu med par 'gyur ro/ /dpag tshad bdun gyi nang du phyogs bzhi kun du ser ba mi 'bab cing / sad dang dus ma yin pa'i rlung gis mi tshugs par 'gyur te/ thams cad thub par 'gyur/ rlung 'khrugs pa'i tshe/ lam gyi bzhi mdor bzhag go/ /yang na grong khyer gyi sgor ro/ /yang na rgyal po'i sgor bzhag go/ /des rlung thams cad chod par 'gyur ro/ /rlung chen po rnam par 'thor yang chod par 'gyur ro/ /phyis ldang mi nus so/ /bstan ma thag tu klu thams cad 'bros par 'gyur ro/ /rdo rje mchu'i gzungs las thams cad byed pa nam mkha' lding bklags pas grub pa mchog tu 'grub bo/ /de nas tshangs pa dang / dbang phyug chen po dang / rgyal po chen po dang / bcom ldan 'das ga la ba der dong ste lhags nas bcom ldan 'das la lan gsum bskor ba byas ste/ bcom ldan 'das la 'di skad ces gsol to/ /bcom ldan 'das bdag cag thams cad tshogs pas kyang rdo rje 'bar ba'i lce 'bab pa'i mchu zhes bgyi ba'i gzungs brjod par bya ste/ klu thams cad kyi snying 'phrog pa/ snying 'gems pa/ klu mi bsrun pa'i rigs phung bar bgyid pa/ rlung dang / sprin dang / ser ba thams cad sel ba/ lo tog dang / me tog dang / 'bras bu thams cad sgrub pa 'bul na/ sems can thams cad la sman par bgyi ba'i slad du/ bcom ldan 'das kyis byin gyis brlab du gsol/ de nas bcom ldan 'das kyis tshangs pa dang / khyab 'jug dang / dbang phyug chen po dang / rgyal po chen po bzhi dag la 'di skad ces bka' stsal to/ /rigs kyi bu dag sems can thams cad kyi don dang / phan pa dang / bde ba'i phyir ngas byin gyis brlab</font><hr>101.124a<br><font size=+1>

kyis brjod cig /de nas tshangs pa dang / khyab 'jug dang / dbang phyug chen po dang / rgyal po chen po bzhi po dag gis gzungs 'di smras so/ /na mo rat+na tra yA ya/ na mo b+ha ga ba te/ shAkya mu na ye/ ta thA ga tA ya/ a ra ha te samyak+saM bud+hA ya/ na ma sh+tsaN+Da badzra d+ha rA ya/ ma hA ba la pa rA kra mA ya/ na ma s+t+rai lo kya murta ye/ na mash+tsa tur+NA~M/ ma hA rA dzA nAM/ na mo badzra sha ni dz+wa li ta rau twad ta sa ya/ dza ya ma hA ba la bIr+ya pa ra kra ma kro d+ha rA dza brah+mai brah+ma swa ra b+ho b+ho nA ga a d+hi ba ti bi sa ra da bi sa ra/ ma ra brah+ma dan+b+ha na mur+d+ha nAM/ pra ta ya hU~M hU~M phaT/ b+ha ra b+ha ra/ bik+Shu tsakra hasta na bi sh+nA gen du ma ti biSh+Ta tsakre shri ts+tshin+da mi/ tu ti tu ti/ li li li li/ hU~M hU~M phaT/ mu hu mu hu h+yan tu sarba duSh+Ta nA gaM/ po Ta ya hr-i da yaM ma he shwa ri dz+wa li ta tri shU la dwa ra/ ha na ha na hU~M hU~M phaT/ mu tsi mu tsi/ tu ti tu ti/ b+ha ba b+ha ba/ k+Shi Ni k+Shi Ni k+Shi Ni/ tsa tur+NA~M/ ma ri tsa naM/ dz+wa li ta sha ka ti d+ha ra d+ha ra/ hU~M hU~M phaT/ spu ra spu ra/ bi spu ra bi spu ra/ tsa rwa tsa rwa/ nA sha ya/ duSh+TaM nA ga hr-i da yaM/  s+pho Ta ya hU~M hU~M phaT/ saM ha ra saM ha ra/ duSh+TaM ya sha ni/ ba ti nA ga na shi ta bi d+yu dz+wa la b+hasmiM ku ru hU~M hU~M phaT phaT swA hA/ sa ma ya ma nu sma ra bo nA ga a d+hi pa te badzri ba ya b+ho b+ho tu ti tu ti hU~M hU~M phaT phaT swA hA/ badzra a shan ni nA sha ya hU~M phaT swA hA/ sarba nA ga hr-i da ya ni/ bi s+pho Ta ya hU~M phaT swA hA/ bud+d+ha bi lo ki tA ya swA hA/ brah+ma ya swA hA/ biSh+Nu mu rad ti swA hA/ ma he shwa ra dz+wa li ti tri shU la ya swA hA/ tsa turma hA rA dza sa ma d+ha ra ya swA hA/ b+hu tsa ga ya swA hA/ nA ga a d+hi pa ta ye swA hA/[ \u0f00] d+hi ri d+hi ri swA hA/ dz+wa la te bag+h+ra ya swA hA/ ro ma hA ra nA sha ya swA hA/ dzu ti dzu ti dzu ti swA hA/ phaT phaT phaT phaT phaT swA hA/ de nas rdo rje 'bar ba'i lce 'bab pa'i mchu zhes bya ba'i gzungs 'di brjod ma thag tu klu mi bsrun pa thams cad lus rul te dri</font><hr>101.124b<br><font size=+1>

mi zhim par gyur te/ lus shig shig por gyur cing / sha bkras btab par gyur nas bcom ldan 'das kyi zhabs gnyis la gtugs te 'di skad ces gsol to/ /bcom ldan 'das bskyab du gsol/ bcom ldan 'das lha dang bcas pa'i 'jig rten gyis smad par gyur to/ /bcom ldan 'das bdag cag ni brlag go/ /bcom ldan 'das slan cad 'dzam bu'i gling gi sems can rnams la 'tshe bar mi bgyid do/ /gnod par mi bgyid do/ /bcom ldan 'das rdo rje 'bar ba'i lce 'bab pa'i mchu'i gzungs 'di brjod pa der/ bcom ldan 'das klu thams cad gnod par sems shing mi mchi ste/ tha na lta bar yang mi bgyid na 'jug pa lta ci smos kyang ci 'tshal/ de nas 'di yi cho ga brjod de/ gzungs 'di dran pa tsam gyis klu thams cad kyi lus dum bu dum bur 'brul lo/ /lus dri mi zhim par 'gyur ro/ /yungs kar la lan nyi shu rtsa gcig bzlas te phyogs bzhir gtor na klu thams cad bcings par 'gyur ro/ /dpag tshad bdun kho ra khor yug tu mtshams bcad par 'gyur ro/ /rdo rje la lan brgya rtsa brgyad bzlas pa byas te/ klu bzlog par bya'o/ /lan gcig brjod na rlung dang / sprin dang / ser ba thams cad bzlog go/ /thams cad med par 'gyur ro/ /dran pa tsam gyis ser ba thams cad skad cig tu med par 'gyur ro/ /gal te 'bab na yang yud tsam gyis chur 'gyur ro/ /ser ba 'bab pa'i dus na rdo rje bskor na/ phyogs gang du bskor ba der ser ba 'drim par 'gyur te/ phyogs der ser ba mi 'bab par 'gyur ro/ /nang par dben par song ste/ nang du yang dag 'jog tu zhugs la/ skyil mo dkrung gi phyag rgya bcings te/ sngags lan sum bcu rtsa gnyis brjod de brjod ma thag tu rlung dang / sprin dang / ser ba </font><hr>101.125a<br><font size=+1>

thams cad med par 'gyur ro/ /rlung thams cad rnam par 'jig par 'gyur ro/ /mi 'byung bar 'gyur ro/ /yungs kar phyogs bzhir gtor na lo gcig khyud kor du mtshams bcad par 'gyur ro/ /rlung dang / sprin dang / ser ba thams cad bcings par 'gyur ro/ /klu thams cad dbang du 'gyur ro/ /bu dang tsha bo 'khor dang bcas pa rgyun tu rgyun mi 'chad par phyi bzhin 'brang bar 'gyur ro/ /las thams cad byed par 'gyur ro/ /dril bu la lan nyi shu rtsa gcig bzlas te/ ser ba 'bab pa'i dus na dkrol na klu mi bsrun pa thams cad kyi klad pa 'gas par 'gyur ro/ /nam mkha' las sa la ltung bar 'gyur ro/ /las thams cad byed par 'gyur ro/ /gzungs 'di ni thams cad du thogs pa med par 'gyur ro/ /de nas bcom ldan 'das kyis nam mkha' lding gi dbang po chen po dang / tshangs pa dang / khyab 'jug dang / dbang phyug chen po la legs so zhes bya ba gnang ste/ tshangs pa chen po sems can thams cad la phan pa dang / bde ba dang / klu mi bsrun pa/ snying rje med pa/ 'tshe ba rnams gdul ba dang / tshar gcad pa dang / chad pas gcad pa'i phyir khyod kyis rig pa chen po'i gzungs sngags kyi tshig 'di brjod nas 'dzam bu'i gling du bzhag pa legs so legs so/ /de nas klu'i rgyal po chen po rgya mtsho dang / klu'i rgyal po chen po rnam par kun nas bskor ba dang / gzhan yang klu'i rgyal po chen po gzi brjid che zhing rdzu 'phrul che ba dang / gzhan yang klu mi bsrun pa bye ba phrag du ma dag bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das bdag cag 'khor dang</font><hr>101.125b<br><font size=+1>

bcas pas slad ma'i tshe/ slad ma'i dus na 'dzam bu'i gling thams cad kyi me tog dang / 'bras bu dang / lo tog dang / lo ma dang / yal ga rnams bsrung bar bgyi'o/ /yongs su bskyang bar bgyid do/ /rlung dang / sprin dang / ser ba dang / sad dang / tshad pa thams cad bzlog par bgyid do/ /dus dus su char gyi rgyun 'bebs par 'tshal lo/ /rang gi mna'i yi dam gyis de bzhin gshegs pa'i dam tshig bskyang bar 'tshal lo/ /sems can thams cad kyi re ba yongs su rdzogs shing bsam pa grub par 'tshal lo/ /mi 'tshe bar 'tshal lo/ /bcom ldan 'das gal te cho ga'i rgyal po 'di las gong du sngags dang / gzungs ji skad bshad pa'i yon tan gyi khyad par rnams dang 'gal bar bgyid na/ bdag cag byang chub tu mngon par rdzogs par 'tshang rgya bar ma gyur cig /'di ni bro bor ba ste/ tad+ya thA/ pa ki tsa ti/ shu li shu mu li/ sha sha shu shu/ ti ti bi ri ti/ hu yu hu hu/ hu ri ti swA hA/ bcom ldan 'das 'di ni klu'i mna' lags te/ slad ma'i tshe slad ma'i dus na klu mi bsrun pa rnams 'jig par bgyid do/ /than pa dang / than pa che ba dang / dus ma lags pa'i char dang / rlung dang / sprin dang / ser ba dang / sad dang / dus ma lags pa'i rlung dang / glog byung na/ ri'am khang pa mthon po'i steng du rig pa 'dzin pa kha shar phyogs su bltas te/ mna' 'di dag gis bstod de lan bdun brjod la/ chu dang yungs kar bsres pas phyogs bzhir gtor bar bya'o/ /gtor cing dran ma thag tu klu thams cad kyi lus rnams dum bu brgyar 'chad par 'gyur ro/ /gyes par 'gyur ro/ /'gugs par 'gyur te/ de'i slad du char gyi rgyun 'bebs so/ /bcom ldan 'das kyis bka' stsal pa/ </font><hr>101.126a<br><font size=+1>

klu'i rgyal po khyed kyis de ltar byos shig /rdo rje mchu'i cho ga rdzogs s+ho// </font><hr>

</table>