J718

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J718</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J718&coll=lithang">see text in Tibetan script</a></table>101.66a<br><font size=+1>

@#/  /rgya gar skad du/   Ar+ya ma hA badzra me ru shi kha ra kU TA gA ra d+hA ra NI/   bod skad du/   'phags pa rdo rje'i ri rab chen po'i rtse mo'i khang pa brtsegs pa'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rdo rje'i lhun po chen po'i rtse mo'i khang pa brtsegs pa rdo rje chen po'i ting nge 'dzin gyi sa'i gnas rdo rje chen po'i dpag bsam gyi shing ljon pas legs par brgyan pa/ rdo rje chen po'i rdzing gi rin po che'i pad ma'i 'od kyis snang bar byas pa/ sa phyogs rdo rje chen po'i bye ma bdal ba/ rdo rje chen por byin gyis brlabs pa/ 'khor gyi khyams rdo rje chen po las byas pa/ lha'i dbang po brgya byin gyi rdo rje chen po'i seng ge'i khri bye ba khrag khrig 'bum phrag stong gis rnam par mdzes pa/ chos bstan pa dang / cho 'phrul can/ sangs rgyas</font><hr>101.66b<br><font size=+1>

thams cad kyi byin gyis brlabs kyis byin gyis brlabs pa/ chos thams cad kyi mnyam pa nyid la 'jug pa/ thams cad mkhyen pa nyid kyis nges par 'byung ba na/ byang chub sems dpa' bye ba khrag khrig 'bum phrag brgyad bcu rtsa bzhi thams cad kyang skye ba gcig gis thogs pa/ bla na med pa yang dag par rdzogs pa'i byang chub las phyir mi ldog pa/ mthu chen po thob pa/ rdo rje chen po'i rnam par thar pa'i ting nge 'dzin gyis sangs rgyas kyi zhing rnam par 'phrul ba dang cho 'phrul chen po kun du ston pa/ sems kyi skad cig thang cig yud tsam cig la sems can thams cad kyi sems dang spyod pa'i rjes su 'jug pa'i chos bstan pa sna tshogs mnyam pa nyid snyan cing rgya che la zab pa dang / spobs pa dang / cho 'phrul dang ldan pa/ sangs rgyas kyi zhing du mar de bzhin gshegs pa la mchod pa chen po'i sprin gyis mchod pa dang / rnam par thar pa'i sgo dang / gzungs dang / ting nge 'dzin dang / dbang dang / mngon bar shes pa dang / ma 'dres pa dang / byang chub kyi yan lag dang / lam dang / sa bcu dang / pha rol tu phyin pa dang / thabs la mkhas pa dang / bsdu ba'i dngos po dang / byams pa dang snying rje dang / dga' ba dang / btang snyoms dang / byams pa'i stobs dang / dben pa dang / yongs su byang ba'i sems kyi rgyun dang ldan pa sha stag la 'di lta ste/ byang chub sems dpa' sems dpa' chen po rdo rje snying po zhes bya ba dang / rdo rje'i mig dang / rdo rje'i lus dang / rdo rje blo gros dang / lag na rdo rje dang / rdo rje 'dus pa dang / rdo rje mthu bo che dang / rdo rje rnam par 'phrul ba dang / rdo rje brtsegs pa dang / rdo rje phung po dang / rdo rje nga ro dang / rdo rje bzang po dang / byang chub sems dpa' sems dpa' chen po rdo rje tog ces bya ba dang / de dag la sogs pa byang chub sems dpa' bye ba khrag khrig 'bum phrag brgyad bcu rtsa bzhi dang / nyan thos chen po rab tu mang po thams cad</font><hr>101.67a<br><font size=+1>

cad kyang dgra bcom pa/ zag pa zad pa/ srid par kun tu sbyor ba chad pa/ yang dag pa'i shes pas sems shin du rnam par grol ba/ rdzu 'phrul gyi stobs dang / cho 'phrul bsam gyis mi khyab pas/ rnam par 'phrul ba'i mthu chen po thob pa/ lta ba chags pa med pa/ thams cad kyang dri ma dang bral ba/ kun nas nyon mongs pa'i bag chags kyi sa bon nges par bsregs pa sha stag la 'di lta ste/ tshe dang ldan pa shA ra dwa ti'i bu dang / tshe dang ldan pa byams ma'i bu gang po dang / tshe dang ldan pa ka pi na dang / tshe dang ldan pa rab 'byor dang / tshe dang ldan pa maud gal gyi bu chen po dang / tshe dang ldan pa skul byed dang / tshe dang ldan pa dga' byed dang / tshe dang ldan pa ga ya 'od srung dang / tshe dang ldan pa 'od srung chen po dang / tshe dang ldan pa lteng rgyas 'od srung dang / de dag la sogs pa nyan thos chen po rab tu mang po dang / lha'i bu dbang phyug chen po la sogs pa gnas gtsang ma'i ris kyi lha'i bu grangs med dpag tu med pa gzhal du med pa dag dang / mi mjed kyi bdag po tshangs pa dang / lha'i bu tshangs pa bzang po la sogs pa tshangs ris kyi lha'i bu rnams dang / lha'i bu rab 'thab bral g.yog 'thab bral gyi lha'i ris kyi lha'i bu dang bcas pa dang / yongs su dga' ldan dang / 'phrul dga' dang / gzhan 'phrul dbang byed dang / lha'i dbang po brgya byin lha'i bu thams cad kyi 'khor can dang / lha ma yin gyi dbang po thags zangs ris dang / stobs can dang / rab sim dang / sgra gcan dang / rnam par snang byed dang / de dag la sogs pa lha ma yin gyi dbang po tshad med grangs med dpag tu med pa rnams dang / klu'i rgyal po rgya mtsho dang / ma dros pa dang / 'jog po dang / nor rgyas kyi bu dang / dung skyong dang / stobs kyi rgyu dang / pad ma dang / pad ma chen po dang / mtha' yas dang / de dag la sogs pa klu'i rgyal po tshad med grangs med dpag tu med pa dag dang / mi 'am ci'i rgyal po</font><hr>101.67b<br><font size=+1>

ljon pa mi 'am ci'i rgyal po'i g.yog du ma can dang / dri za'i rgyal po gtsug phud lnga pa dri za'i rgyal po'i g.yog du ma can dang / rig sngags 'chang gi rgyal po don thams cad grub pa rig sngags 'chang gi rgyal po'i g.yog du ma can dang / nam mkha' lding gi rgyal po gser mig nam mkha' lding gi rgyal po'i g.yog du ma can dang / gnod sbyin gyi rgyal po chen po rnam thos kyi bu dang / nor bu bzang dang / gang ba bzang dang / gnod sbyin gyi rgyal po lngas rtsen gnod sbyin gyi rgyal po'i g.yog du ma can dang / 'phrog ma bu lnga brgya'i g.yog can dang / 'jig rten gyi ma bdun dang / sring mo chen mo bdun dang / drang srong chen po bdun dang / bar snang la rgyu ba'i rgyu skar dang / gza'i lha thams cad dang / phyogs kyi lha rnams dang / phyogs mtshams kyi lha rnams dang / sa'i lha dang / dbyangs can dang / 'byung po rnams dang / bgegs rnams dang / log 'dren rnams dang / yi dgas dang / 'byung po rdzu 'phrul chen po rnams dang / ri'i rgyal po thams cad dang / 'jig rten skyong ba chu lha g.yog rgya mtsho'i lha thams cad dang bcas pa dang / 'phags skyes po dang / mig mi bzang dang / lag na be con dang / bden bral dang / me'i lha dang / rlung gi lha chen po bdun dang / dbang bdag chung ma dang bcas pa tshogs bye ba khrag khrig 'bum phrag du ma'i 'khor can dang / sred med kyi bu g.yog dang bcas pa dang / byin pa po dang / phreng ba can dang / lcags can dang / tshogs kyi bdag po chen po dang / sprin ta la dang / log 'dren dbang po bgegs log 'dren gyi g.yog du ma can dang / shing gseb kyi lha drug bcu dang / sring mo bzhi ming po dang bcas pa dang / ma bdun dang / rdo rje lcags kyu can dang / rdo rje lu gu rgyud dang / rdo rje pho nya mo drug bcu rtsa bzhi dang / rdo rje'i sde dang / lag bzangs dang / gtsug gis 'gro dang rdo rje'i rigs kyi 'khor du ma</font><hr>101.68a<br><font size=+1>

dang bcas pa dang / de ma yin pa gzhan yang sangs rgyas dang / chos dang / dge 'dun la mngon par dad pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / 'byung po dang / yi dgas dang / sha za dang / smyo byed dang / brjed byed dang / sgrub pa dang / sbrul 'dzin bcas dang / gnon po tshad med dpag tu med grangs med pa rnams dang / lha'i bu nyi ma dang / lha'i bu zla ba dang / dus tshigs kyi lha dang / nub ka'i lha dang / dus kyi lha thams cad dang / gnam sa'i lha thams cad dang yang thabs gcig go/ /de ltar yang bcom ldan 'das de chos kyi 'khor lo ni shin du bskor/ sangs rgyas kyi mdzad pa ni shin du yongs su mthar phyin/ bsod nams dang /  ye shes kyi tshogs ni shin du yongs su rdzogs thams cad mkhyen pa nyid dang / byang chub chen po dang / pha rol tu phyin pa dang / sa ni brnyes pas ni shin du yongs su gzung / skyes bu chen po'i mtshan mnga' ba sum bcu rtsa gnyis kyis ni sku brgyan/ dpe byad bzang po brgyad bcus ni yan lag dang /  nying lag thams cad rnam par spras/ spyi gtsug ni sems can thams cad kyis lhar mi mthong / bdud kyi tsher ma thams cad ni dkrugs/ de kho na nyid mkhyen pa nyid ni rim par thugs su chud/ spyan rnam pa lnga ni mnga'/ rnam pa thams cad mkhyen pa'i mchog dang ni ldan/ thams cad mkhyen pa'i ye shes dang ni ldan/ sangs rgyas kyi chos thams cad dang ni ldan/ bdud dang phas kyis rgol ba dang / ngan pa'i tshogs can gyi tshogs thams cad ni bcom/ brjod pa'i sgra dang / tshigs su bcad pa ni 'phags/ khyu mchog dang / seng ge'i sgra ni sgrog /ma rig pa'i mun pa ni kun du bsal/ bskal pa bye ba khrag khrig 'bum phrag grangs med dpag tu med par sbyin pa dang / tshul khrims dang / bzod pa dang / brtson 'grus dang / bsam gtan dang / shes</font><hr>101.68b<br><font size=+1>

rab dang / thabs dang / stobs dang / smon lam dang / ye shes kyi pha rol tu phyin pa dang / dka' ba spyad pas mngon bar grub pa'i skyes bu chen po'i mtshan sum bcu rtsa gnyis dang / dpe byad bzang po brgyad bcus sku brgyan pas ni mdzes shing rin po che rdo rje'i pad ma'i snying po'i seng ge'i khri la ni bzhugs te/ gdan rin po che dang / rdo rje'i pad ma'i seng ge'i khri ri rab tsam rdo rje dang / rin po che dang / mu tig dang ldan pa'i dril bu g.yer ka'i dra ba du ma sil sil sgra 'byung ba/ rdo rje dang rin po che du ma'i stegs bu la rtsa ba legs par brten pa/ rdo rje dang rin po che du ma'i chu srin gyi kha nas byung ba'i mu tig dmar po'i phreng ba dang ldan pa'i snam brten dang bcas pa/ rin po che du ma'i pad ma'i snying po la chags pa'i rin po che ke ke ru dang / ke ke ru chen po dang / an da rnyil dang / mthon ka chen po dang / dun las du ma'i 'od zer 'bar bas snang bar gyur pas kun du mdzes pa/ rin po che dang /  rdo rje'i thur mas brgyan pa'i gdugs yu bas bstod pa bye ba khrag khrig 'bum phrag du mas grib mar bsgribs shing bskyabs pa/ dpag bsams gyi shing du mas mdzes par byas pa rgya che ba la bzhugs te/ gser gyi ri bo ltar dpal gyis 'bar ba/ nyi ma stong bas lhag pa'i 'od kyi dkyil 'khor 'byor pas sa phyogs mdzes par gyur pa/ zla ba nya ltar 'jig rten kun gyis mthong na dga' ba/ dpag bsam gyi shing ljon pa chen po ltar sangs rgyas kyi chos rnams kyis yang dag par rgyas pa chos ston te/ tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa dang / yongs su dkar ba yang dag par ston to/ /de nas bcom ldan 'das kyi spyi gtsug gi mtshams kyi mdzod spu nas sangs rgyas kyi zhing thams cad kun du ston pa zhes bya ba'i 'od zer gyi dra ba chen po byung ste/ 'od zer gyi dra ba des stong gsum gyi stong chen po'i 'jig rten gyi khams 'di snang bas gsal bar byas par</font><hr>101.69a<br><font size=+1>

gyur to/ /gang gA'i klung gi bye ma ji snyed pa dang mnyam pa'i sangs rgyas kyi zhing de dag thams cad kyang snang ba des gsal bar snang bar gyur to/ /sangs rgyas kyi zhing de dag na sangs rgyas bcom ldan 'das gang dag bzhugs pa de dag kyang seng ge'i khri du ma bkod pa'i khang pa brtsegs pa'i gzhal med khang rnams na chos ston to/ /nyan thos chen po de dag dang / byang chub sems dpa' sems dpa' chen po dag dang thabs gcig go/ /dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po rnams dang yang thabs gcig go /de dag thams cad kyang rdo rje'i lhun po chen po'i rtse mo'i khang pa brtsegs pa'i gzungs yang dag par rab tu ston to/ /de dag thams cad kyang kun du snang ngo / /skad cig de la sems can de dag thams cad bde ba thams cad kyis tshim par gyur to/ /'on pa rnams ni sgra thos so/ /long ba rnams ni mig thob bo/ /smyon pa rnams ni dran pa rnyed do/ /nad pa rnams ni sos par gyur to/ /sbrum ma rnams ni bde bar btsas so/ /sems can dmyal ba thams cad kyi sdug bsngal rnams ni med par gyur to/ /yud tsam de la dud 'gro'i skye gnas dang / yi dgas kyi skye gnas dang / gshin rje'i 'jig rten rnams kyi ming yang mi grag par gyur to/ /'jig rten gyi bar gang dag mun pa mun nag dang / mun pa mun nag chen por 'dug pa de dag thams cad kyang gsal bar snang bar gyur to/ /der sems can gang dag skyes pa de dag thams cad dang / sems can gzhan 'dir skyes pa rnams kyang gcig gis gcig shes so/ /de nas sems can de dag thams cad kyi ngo mtshar rmad du byung ba'i chos kyi dga' ba thob ste bde ba mchog gis tshim par gyur nas kun du bltas pa dang / de bzhin gshegs pa dgra bcom pa yang dag par rdzogs pa'i sangs rgyas mthong ste/ </font><hr>101.69b<br><font size=+1>

de dag gis gser gyi mchod sdong ltar dpal gyis 'bar zhing rang gi gzi brjid kyis mngon bar 'phags pa de mthong nas de nyid la skyabs su dong ngo / /skyabs su dong ma thag tu de dag thams cad de bzhin gshegs pa'i 'khor gyi dkyil 'khor de nyid du bdag tu son pa snyam du shes so/ /snang ba des bdud kyi khyim thams cad kun du 'bar rab tu 'bar kun du rab tu mched cing 'bar te me lce gcig tu gyur par kun du snang ngo / /bdud kyi ris kyi lha de dag kyang skad cig de la nyam thag pa'i sgrar ngu zhing skrag nas byer ro/ /bdud sdig can yang bzhin bzang po rnyi rnyi por gyur cing lus rdul nas bdud kyi ris kyi lha'i bu thams cad la smras pa/ grogs po dag bdud kyi khyim thams cad kun du 'bar rab tu 'bar kun du rab tu mched cing 'bar te me lce gcig tu gyur ba dang / dge sbyong gau ta ma ri rab kyi rtse mo'i khang pa brtsegs pa na chos bstan pa 'di la ltos/ des bdag cag phung ngo / /mtho brtsams so/ /phyogs gang na gnas su gtol med do/ /longs la dge sbyong gau ta ma de'i gan du dong ste/ bdud kyi yul 'di thal bar byas par ma gyur gyi bar du gzhom mo/ /de skad ces smras pa dang / bdud kyi ris kyi lha'i bu de dag thams cad kyis rje bka' bzhin 'tshal zhes smras nas/ rang rang gi gnas su dong ste/ lag na mtshon ca sna tshogs can/ lus la go ca sna tshogs pa/ cha byad dang / rgyan sna tshogs can/ mche ba mi bzad par 'jigs su rung ba/ bzhin mi sdug par bsgyur ba/ mig dang / bzhin dang / skra kun du 'bar zhing rab tu 'bar ba dag skad cig de nyid la gcig tu 'dus nas bdud sdig can ga la ba der dong ste phyin nas bdud sdig can la 'di skad ces smras so/ /bzhengs bzhengs thog mar bzhud la ji tsam du dge sbyong gau ta ma nyan thos dang / byang chub sems dpa'i dge 'dun dang bcas pa de ci nas kyang phyis bdag cag gi yul du gnod pa cung zad kyang mi</font><hr>101.70a<br><font size=+1>

bskyed pa dang / bdag cag gi yul gnod par mi 'gyur bar deng nyid du phye mar brlag go/ /rnam par gzhom mo/ /de nas bdud sdig can dga' zhing mgu ste shin du dga' bas spu'i khung bu khyab nas skad cig de nyid la bdud kyi ris kyi lha'i bu thams cad dang lhan cig tu bdud kyi rnam par 'phrul ba chen po dang / bdud kyi sde chen pos bar snang dpag tshad stong phrag brgyad bcu rtsa bzhir khyab par byas te/ dung dang / rnga dang / rdza rnga dang / 'khar rnga dang / rgyud gcig pa dang / lcags kyi sil dkrol dang / rnga bo che rdung zhing hu hu zhes bya ba dang / bi rtsi zhes bya ba dang / zung shig zung shig /sod cig sod cig ces bya ba'i sgra 'byin cing gshol dang / gtun shing dang / gtun rked nyag pa dang / phur bu dang / rdo rje rtse gcig pa dang / mda' bo che dang / mdung thung dang / rtse gsum pa dang / ral gri dang / 'khor lo dang / gzhu dang / mda' la sogs pa'i mtshon cha lag na thogs shing bcom ldan 'das ga la ba der song ste/ skad cig de nyid la a la la zhes bya ba'i sgra phyung nas/ bcom ldan 'das la mtshon cha thams cad kyi char phab pa dang / sangs rgyas kyi mthus mtshon cha de dag thams cad me tog gi gdugs kyi sprin chen por gyur par snang ngo / /bdud kyi sgra de dag thams cad kyang sangs rgyas kyi sgra dang / chos kyi sgra dang / dge 'dun gyi sgra dang / yang dag par 'gro ba'i sgra rnams su grag go /bdud sdig can ni zhags pa lnga'i bcings pas bdag nyid bcings par mthong ngo / /de nas bdud kyi ris kyi lha'i bu de dag thams cad kyis bcom ldan 'das kyi rdzu 'phrul gyi cho 'phrul ngo mtshar chen po de mthong nas ngo mtshar du gyur cing dga' ba thob ste/ bcom ldan 'das de nyid la skyabs su dong ngo / /bdud sdig can ni bdag nyid dgrol bar 'dod na 'grol ma nus te/ de bzhin gshegs pa'i 'khor gyi khyams su bcom ldan 'das kyi spyan sngar shing rtsa ba nas bcad pa bzhin du rdo rje 'khor gyi khyams chen por 'gyel to/ /</font><hr>101.70b<br><font size=+1>

de nas bcom ldan 'das kyis de'i tshe byams pa chen po'i thugs dang / thugs rje chen pos brlan pa'i spyan gyis de bzhin gshegs pa'i 'khor gyi khyams thams cad du gzigs nas gsang ba pa'i bdag po lag na rdo rje la 'di skad ces bka' stsal to/ /gsang ba pa'i bdag po lag na rdo rje bdud sdig can 'di 'khor gyi khyams 'di nas slong la stan la zhog ste/ rdo rje'i rnam par thar pa'i sgo chen po'i ting nge 'dzin gyi rnam par 'phrul ba'i byin gyis brlabs bsam gyis mi khyab par bdud kyi dkyil 'khor thams cad 'joms par byed pa zhes pa gang gis bdud kyi ris kyi lha'i bu 'di dag dang / bdud sdig can 'di sangs rgyas la skyabs su 'dong ba dang / gzhan yang gang dag sdang ba bgegs dang / log 'dren dang / yi dgas dang / brjed byed dang / 'byung po dang / gdon dang / mkha' 'gro ma dang / bsgrub pa dang / sbrul 'dzin bcas dang / gnon po dang / zas su btsas pa za ba la sogs pa sdang ba'i sems dang ldan pa/ rab tu sdang ba'i sems dang ldan pa/ de bzhin gshegs pa'i bstan pa la ma gus pa dang / de bzhin gshegs pa'i chos nyid khong du ma chud pa de dag thams cad gang gis 'dzud pa dang / dkon mchog gsum la skyabs su 'gro bar byed pa yang ston cig /de ci'i phyir zhe na/ des ngan 'gro log par ltung bar 'gro ba'i phyir ro/ /de skad ces bka' stsal pa dang / gsang ba pa'i bdag po lag na rdo rjes bcom ldan 'das kyi bka' mnyan nas/ rin po che'i pad ma'i rdo rje'i stan las langs te bla gos phrag pa gcig tu bzar nas pus mo g.yas pa'i lha nga rin po che'i pad ma'i snying po la bzhugs te/ bcom ldan 'das ga la ba de logs su thal mo sbyar ba btud nas/ bcom ldan 'das la tshul dang 'dra ba'i tshigs su bcad pa 'di dag gis mngon bar bstod do/ /sems can kun gyi nyon mongs pa/ /gzhig pa'i slad du 'dren par byung / /khyod ni bdud rnams kun las rgyal/ /'jig</font><hr>101.71a<br><font size=+1>

rten rtsa lag gcig pu khyod/ /thar pa'i grong khyer 'jug pa'i lam/ /ye shes ma lus khyod gcig pus/ /yang dag brnyes nas thugs rje yis/ /brnyan pa'i thugs kyis bstan pa mdzad/ /khyod sngon sbyin dang tshul khrims dang / /bzod dang brtson 'grus bsam gtan dang / /shes rab la sogs yon tan gyis/ /bdag mdzad slad kyis sems can btsud/ /khyod kyis chos rnams skye med par/ /bshad cing de bzhin rnam phye yang / /'bras bur dogs pa ma mchis pa/ /kye ma mgon po khyod kyis bshad/ /'khor lo yan lag bcu gnyis pa/ /khyod nyid mkhyen nas rab tu bskor/ /mu stegs can dang bdud btul te/ /chos kyi snang ba gsal bar mdzad/ /nyon mongs brag chen rnam kun du/ /ye shes rdo rjes rab bcom nas/ /sus kyang thob par ma gyur pa'i/ /byang chub bla na med pa brnyes/ /gang gi mtshan yang rdzogs pa yi/ /byang chub sa bon nyid 'gyur ba/ /khyod ni 'jig rten mchog gcig pu/ /dam pa rab sbyin bdag po lags/ /khyod ni mgon po khyod kyi pha/ /khyod skyabs khyod ni dpung gnyen lags/ /thugs rje chen po ye shes nyid/ /mya ngan 'das nas gcig pu khyod/ /khyod nyid gshegs nas sems can rnams/ /sems can dmyal las rnam par bkrol/ /rang gi sku yang yongs btang nas/ /khyod kyis srog chags rnams kyang bsrungs/ /lus can kun gyis ma thob pa'i/ /ye shes khyod kyis brnyes gyur nas/ /grol te 'jig rten rnams kyang grol/ /kye ma khyod ni rtsa lag bzang / /mgon po khyod kyi 'od zer gyi/ /dra bas 'jig rten khams khyab ste/ /mya ngan 'das las lhag pa bde/ /lus can kun gyis thob par mdzad/ /khyod kyi 'od kyi gzis bcom pa/ /gza' rnams kun dang dgung zla dang / /gdugs rnams dang ni zhugs rnams dang / /nor bu lam mer ma gyur to/ /de nas gsang ba pa'i bdag po lag na rdo rjes tshul dang 'dra ba'i tshigs su bcad pa 'di dag gis</font><hr>101.71b<br><font size=+1>

bcom ldan 'das la mngon bar bstod nas yang rin po che'i pad ma'i snying po la 'dug ste/ bcom ldan 'das legs so zhes gsol nas rdo rje'i rnam par thar pa'i sgo chen po'i ting nge 'dzin bdud kyi dkyil 'khor thams cad 'joms par byed pa zhes bya ba la snyoms par zhugs so/ /gsang ba pa'i bdag po lag na rdo rjes rdo rje'i rnam par thar pa'i sgo chen po'i ting nge 'dzin bdud kyi dkyil 'khor thams cad 'joms par byed pa zhes bya ba 'di la snyoms par zhugs ma thag tu de nas de'i tshe stong gsum gyi stong chen po'i 'jig rten gyi khams 'di rnam pa drug tu g.yos/ kun du rab tu g.yos te/ shar phyogs mtho na nub phyogs dma'/ nub phyogs mtho na shar phyogs dma'/ lho phyogs mtho na byang phyogs dma'/ byang phyogs mtho na lho phyogs dma'/ steng mtho na 'og dma'/ 'og mtho na steng dma' bar gyur to/ phyogs thams cad dang / phyogs mtshams thams cad kyang dga' ba dang yid bde ba skyes par gyur nas/ lham me/ lhan ne/ lhang nge'o/ /gsang ba pa'i bdag po lag na rdo rje'i yan lag dang nying lag gi mtshams thams cad nas rdo rje kun du 'bar ba/ rab tu 'bar ba kun du rab tu mched cing 'bar ba/ me lce gcig tu gyur pa dag byung bar kun du snang ngo / /rdo rje 'bar ba'i snang ba des phyogs bcu'i 'jig rten gyi khams tshad med grangs med dpag tu med pa ji snyed pa dag na sangs rgyas bcom ldan 'das gang dag da ltar bzhugs te 'tsho zhing gzhes la chos kyang ston te/ tshangs par spyod pa/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ yang dag par ston pa/ nyan thos kyi dge 'dun dang bcas pa/ byang chub sems dpa'i dge 'dun dang bcas pa de dag gi 'khor gyi khyams rgya che zhing rgya che ba dag na kun du snang ngo / /byang chub sems dpa' de dag thams cad kyang de bzhin gshegs pa de dag gi spyan snga na rdo rje 'bar ba'i snang ba rgya chen po des</font><hr>101.72a<br><font size=+1>

snang bar gyur nas/ sangs rgyas bcom ldan 'das de dag la so sor zhus pa/ bcom ldan 'das snang ba rgya chen po kun du gda' ba 'di su'i lags/ de nas sangs rgyas bcom ldan 'das de dag gis so so'i byang chub sems dpa' de dag la 'di skad ces bka' stsal to/ /rigs kyi bu dag de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba/ mi mjed kyi 'jig rten gyi khams na ri rab kyi steng na chos ston te/ bcom ldan 'das des bdud sdig can zhags pa'i bcing ba lngas bcings te/ bcom ldan 'das kyi spyan sngar 'gyel ba gzigs nas/ byang chub sems dpa' sems dpa' chen po gsang ba pa'i bdag po lag na rdo rje zhes bya ba la 'di skad du/ gsang ba pa'i bdag po lag na rdo rje khyod kyis rang gi rdzu 'phrul gyis rnam par 'phrul pa'i cho 'phrul ston cig ces bka' stsal to/ /rigs kyi bu dag 'di ni rdo rje'i rnam par thar pa'i sgo chen po'i ting nge 'dzin la snyoms par zhugs te/ de'i rdo rje'i rnam par 'phrul pa chen po'i byin gyis brlabs so/ /de skad ces bka' stsal te/ de bzhin gshegs pa dgra bcom pa yang dag par rdzogs pa'i sangs rgyas de dag gis gnang nas/ rigs kyi bu de dag thams cad kyis de bzhin gshegs pa dgra bcom pa yang dag par rdzogs pa'i sangs rgyas de dag la phyag 'tshal te/ byang chub sems dpa' sems dpa' chen po'i rnam par 'phrul pa'i cho 'phrul bsam gyis mi khyab pas 'jig rten gyi khams mi mjed 'dir lhags nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / gsang ba pa'i bdag po lag na rdo rje la mchod pa'i sprin dang / gdugs kyi sprin dang / rgyan phreng gi sprin dang / dbu rgyan gyi sprin dang / me tog gi sprin dang / na bza'i sprin chen pos mchod pa chen</font><hr>101.72b<br><font size=+1>

po byas nas/ nam mkha'i dkyil na 'khod bzhin du bcom ldan 'das shAkya thub pa la lan bdun bskor ba byas te/ pus mo g.yas pa'i lha nga rin po che'i pad ma'i rdo rje'i stan la btsugs nas/ bcom ldan 'das la logs su lta zhing bcom ldan 'das la phyag 'tshal ba dang / de bzhin gshegs pas gnang nas rang rang gi rin po che'i pad ma'i rdo rje'i stan de dag la 'khod par gyur to/ /de'i tshe shar phyogs logs na 'jig rten gyi khams rdo rje tog ces bya ba de na de bzhin gshegs pa dgra bcom pa yang dag par rdzogs pa'i sangs rgyas rdo rje'i snying pos rab tu 'joms pa zhes bya ba da ltar bzhugs te 'tsho zhing gzhes te/ 'di ltar rdo rje'i ri rab chen po'i rtse mo'i khang pa brtsegs pa'i gzungs 'di nyid las brtsams te chos kyang ston to/ /rdo rje 'bar ba'i snang ba des kyang 'jig rten gyi khams ji snyed pa de dag thams cad kun nas snang bar gyur to/ /de nas 'jig rten gyi khams de na byang chub sems dpa' sems dpa' chen po rdo rje'i snying po zhes bya ba de bzhin gshegs pa de'i 'khor gyi khyams su 'dus te 'dug par gyur pa des ngo mtshar de mthong nas de bzhin gshegs pa dgra bcom pa yang dag par rdzogs pa'i sangs rgyas rdo rje'i snying pos rab tu 'joms pa zhes bya ba de la zhus te/ bcom ldan 'das rdo rje 'bar ba'i snang ba 'di lta bu gang gis 'jig rten gyi khams 'di thams cad snang bar gyur te/ sems can thams cad kyi sdug bsngal thams cad rgyun chad cing sems can dmyal ba dang / dud 'gro'i skye gnas dang / yi dgas dang / gshin rje'i 'jig rten gyi sdug bsngal thams cad mi gda' bar gyur/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po la sogs pa 'jig rten gyi khams na rdzu 'phrul che zhing dbang che bar grags pa thams cad kyang kun nas mchod pa'i sprin chen pos dga'</font><hr>101.73a<br><font size=+1>

ba dang / yid bde ba skyes te/ nub phyogs su mchi bar gda' ba 'di su'i lags/ de nas de bzhin gshegs pa dgra bcom pa yang dag par rdzogs pa'i sangs rgyas rdo rje'i snying pos rab tu 'jom pas/ byang chub sems dpa' sems dpa' chen po rdo rje snying po de la 'di skad ces bka' stsal to/ /rigs kyi bu nub phyogs kyi logs na mi mjed kyi 'jig rten gyi khams na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba rdo rje chen po'i ri rab kyi rtse mo'i khang pa brtsegs pa na rdo rje chen po'i ri rab kyi rtse mo'i khang pa brtsegs pa'i gzungs shes bya ba'i chos kyi rnam grangs ston to/ /bcom ldan 'das des spyi gtsug gi mtshams kyi mdzod spu nas 'od zer gyi dra ba chen po phyung ste/ 'od zer gyi dra ba chen po des 'jig rten gyi khams der bdud sdig can bskul ma thog tu kun du khros nas lha'i bu thams cad dang / gzhan yang bdud kyi ris kyi lha'i bu rnams dang / dpung gi tshogs chen po dang lhan cig tu bcom ldan 'das de la brtse ba'i phyir lhags pa dang / de yang sangs rgyas kyi mthus de bzhin gshegs pa'i 'khor gyi khyams de nyid du zhags pa lnga'i bcing bas bcings nas/ bcom ldan 'das kyi spyan sngar 'gyel te/ de la thugs brtse ba'i phyir bcom ldan 'das des byang chub sems dpa' sems dpa' chen po gsang ba pa'i bdag po lag na rdo rje la ston cig par bka' lung byin nas gsang ba pa'i bdag po lag na rdo rje des rdo rje'i rnam par thar pa'i sgo chen po zhes bya ba'i ting nge 'dzin la snyoms par zhugs te/ yan lag dang nying lag gi mtshams thams cad nas rdo rje rnams bstan te/ 'di ni rdo rje de dag nyid kyi rdo rje 'bar ba'i snang ba'o/ /rigs kyi bu rdo rje 'bar ba'i snang ba des kyang phyogs bcu'i 'jig rten gyi khams tshad med grangs med dpag tu med pa rnams su 'jig rten gyi khams gang gA'i klung gi bye ma dang mnyam pa ji snyed</font><hr>101.73b<br><font size=+1>

pa snang bar byas te/ 'jig rten gyi khams de dag na sangs rgyas bcom ldan 'das gang dag bzhugs pa de dag thams cad kyang bskul/ byang chub sems dpa' de dag gi 'khor gyi dkyil 'khor de dag kyang bskul bas ngo mtshar thob par gyur pa dag gis de bzhin gshegs pa dgra bcom pa yang dag par rdzogs pa'i sangs rgyas de dag la yang so sor zhugs so/ /rigs kyi bu de nyid kyi mthus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de'i spyan snga na 'dug cing bsnyen bkur byed pa yang mthong ngo / /de skad ces bka' stsal pa dang / de bzhin gshegs pa dgra bcom pa yang dag par rdzogs pa'i sangs rgyas rdo rje'i snying pos rab tu 'joms pa de la byang chub sems dpa' sems dpa' chen po rdo rje'i snying pos 'di skad ces gsol to/ /bcom ldan 'das bdag 'jig rten gyi khams mi mjed der de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / bsnyen bkur bgyi ba dang / gsang ba pa'i bdag po lag na rdo rje de yang blta bar bgyi ba'i slad du mchi'o/ /de skad ces gsol pa dang / de bzhin gshegs pa dgra bcom pa yang dag par rdzogs pa'i sangs rgyas rdo rje'i snying pos rab tu 'joms pas/ byang chub sems dpa' sems dpa' chen po rdo rje'i snying po de la 'di skad ces bka' stsal to/ /rigs kyi bu de'i dus la bab par shes na song shig /de nas byang chub sems dpa' sems dpa' chen po rdo rje'i snying po bcom ldan 'das des gnang nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rdo rje'i snying pos rab tu 'joms pa de la lan bdun bskor ba byas te/ 'jig rten gyi khams de nas mi snang bar gyur nas/ nam mkha'i dkyil gyi lam nas byang chub sems dpa' bye ba khrag khrig 'bum phrag dgu bcu rtsa dgu</font><hr>101.74a<br><font size=+1>

dang lhan cig tu byang chub sems dpa'i rnam par 'phrul pa chen po dang / byang chub sems dpa'i rdzu 'phrul chen pos 'jig rten gyi khams mi mjed 'di ga la ba der song ste phyin nas byang chub sems dpa' de dag thams cad lhan cig smra ba na/ bsod nams kyi tshogs chen po bsags pa las grub pas byin pa'i rin po che de dag las 'od zer 'di lta ste/ sngon po dang / ser po dang / dmar po dang / ljang sngon dang / ljang ser dang / btsod ka dang / shel dang / dngul dang / nor bu dang / mu tig dang / gser dang / pad ma rA ga dang / rdo'i snying po dang / ke ke ru dang / ke ke ru chen po dang / an da rnyil dang / mthon ka chen po dang / dun las dang / go mu ta ra ga dang / mu tig dmar po'i kha dog lta bu rnams byung ste/ de dag gis thams cad dang ldan pa'i 'jig rten gyi khams la lan 'bum phrag du mar bskor ba byas te/ steng gi bar snang khyab par byas nas/ lha'i snang bas snang bar byas te/ 'dus nas 'ja' lta bur gyur te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i zhabs mtshan thams cad phun sum tshogs pa/ 'jam pa/ mnyen pa/ rab tu gzhon pa/ sha rgyas pa/ snum pa/ long bu gnyis kyi rtsa mi mngon pa/ pad ma gsar du kha bye ba lta bu/ dung dang / nya dang / rdo rje dang / rgyal mtshan dang / lcags kyu dang / pad ma dang / chu srin ma ka ra'i mtshan dang ldan pa gnyis la lan 'bum phrag du mar bskor ba byas nas nub par gyur to/ /nam mkha'i dkyil na 'od zer re re'i rtse mo las pad ma bye ba khrag khrig 'bum phrag brgyad bcu/ tshad shing rta'i phang lo tsam pa/ rin po che sna bdun gyi rgyu las byung ba 'di lta ste/ gser gyi rgyu las byung ba dang / an da rnyil dang / dngul dang / byi ru dang / shel dang / ke ke ru dang / dun las kyi rgyu las byung ba dag 'thon to/ /de la gser gyi rgyu las byung ba'i pad ma rnams kyi 'dab ma ni an da rnyil gyi rgyu las byung ba dag go/ /</font><hr>101.74b<br><font size=+1>

snying po ni dngul gyi rgyu las byung ba'o/ /ze ba ni byi ru'i rgyu las byung ba'o/ /chu ba ni shel gyi rgyu las byung ba'o/ /ze 'bru ni ke ke ru'i rgyu las byung ba'o/ /an da rnyil gyi rgyu las byung ba'i pad ma rnams kyi 'dab ma ni dngul gyi rgyu las byung ba dag go/ /snying po ni byi ru'i rgyu las byung ba'o/ /ze ba ni shel gyi rgyu las byung ba'o/ /chu ba ni ke ke ru'i rgyu las byung ba'o/ /ze 'bru ni dun las kyi rgyu las byung ba'o/ /dngul gyi rgyu las byung ba'i pad ma rnams kyi 'dab ma ni byi ru'i rgyu las byung ba dag go/ /snying po ni shel gyi rgyu las byung ba'o/ /ze ba ni ke ke ru'i rgyu las byung ba'o/ /chu ba ni dun las kyi rgyu las byung ba'o/ /ze 'bru ni gser gyi rgyu las byung ba'o/ /byi ru'i rgyu las byung ba'i pad ma rnams kyi 'dab ma ni shel gyi rgyu las byung ba dag go/ /snying po ni ke ke ru'i rgyu las byung ba'o/ /ze ba ni dun las kyi rgyu las byung ba'o/ /chu ba ni gser gyi rgyu las byung ba'o/ /ze 'bru ni an da rnyil gyi rgyu las byung ba'o/ /shel gyi rgyu las byung ba'i pad ma rnams kyi 'dab ma ni ke ke ru'i rgyu las byung ba dag go/ /snying po ni dun las kyi rgyu las byung ba'o/ /ze ba ni gser gyi rgyu las byung ba'o/ /chu ba ni an da rnyil gyi rgyu las byung ba'o/ /ze 'bru ni dngul gyi rgyu las byung ba'o/ /ke ke ru'i rgyu las byung ba'i pad ma rnams kyi 'dab ma ni dun las kyi rgyu las byung ba dag go/ /snying po ni gser gyi rgyu las byung ba'o/ /ze ba ni an da rnyil gyi rgyu las byung ba'o/ /chu ba ni dngul gyi rgyu las byung ba'o/ /ze 'bru ni byi ru'i rgyu las byung ba'o/ /dun las kyi rgyu las byung ba'i pad ma rnams kyi 'dab ma ni gser gyi rgyu las byung ba dag go/ /snying po ni an da rnyil gyi rgyu las byung ba'o/ /ze ba ni dngul gyi rgyu las byung ba'o/ /chu ba ni byi ru'i rgyu las byung ba'o/ /ze 'bru ni shel gyi rgyu las byung ba'o/ /de bzhin du sbyar te de ltar rin po che rnam pa du ma'i rgyu las byung ba'i pad ma dag go/ /rin po che'i pad ma re re la yang sa bcu la rab tu</font><hr>101.75a<br><font size=+1>

gnas pa'i byang chub sems dpa' sems dpa' chen po kun du mdzes pa'i spyod lam phun sum tshogs pa dag ting nge 'dzin la snyoms par zhugs so/ /byang chub sems dpa' re re'i lte ba nas kyang 'od zer 'bum 'bum byung ngo / /'od zer gyi rtse mo re re las kyang rin po che thams cad kyi rgyu las byung ba'i khang pa brtsegs pa nor bu dang / rin po che rnam pa sna tshogs kyi stegs bus bskor ba/ shel gyi rgyu las byung ba'i zla bas spras pa'i khang bran gyi rtse mo la seng ge'i rna ba'i steng na rin po che'i rgyal mtshan dang / ba dan dang / rnam par rgyal ba'i ba dan dpyangs pas nam mkha' kun du khebs pa/ pad ma rA ga dang / an da rnyil dang / mar gad dang / bai dUr+ya dang / rdo'i snying po dang / spug dang / ke ke ru las byas pa'i ka ba chen po'i klad la 'dzam bu chu bo'i gser gyi shing sa la gcod pa lta bu'i tshogs bkod pas rnam par spras te/ mdzes par byas pa/ dngul las byas pa'i phug nor gyi phreng gi mtha' mu tig dmar po dang ldan pa'i dril bu g.yer ka'i dra ba dpyangs pa'i sgras sad par gyur nas/ rab tu dga' zhing dregs pa'i phug ron dang / bya bang dang / ne tso dang / ri skegs dang / rma bya'i nga ro dag gis nyams dga' ba khyams dang / 'dun khang chen po'i nyen kor stegs bus bskor bas mdzes par byas pa/ rin po che rnam pa sna tshogs las byas pa'i sgo khang can/ shel gyi rgyu las byas pa'i stegs bu dang ldan pa/ bkra shis kyi gser gyi bum pa du ma nas spos chu dri zhim pos chag chag btab pa/ rdzing chen po 'gram gyi ne'u bsing mar gad kyi rgyu las byung ba/ ka tsa lin da'i gos ltar reg na bde bas mdzes pa'i phyogs na bde bar nyal ba'i ngang pa dang / khrung khrung dang / ngur pa dang / ka lan da ka'i khyu gnas pa/ gser gyi bye ma bdal ba'i gtos chen po rin po che sna bdun gyi them skas kyis phreng bas brgyan pa/ yan lag brgyad dang ldan pa'i chus yongs su gang ba grangs 'bum phrag du mas kun nas</font><hr>101.75b<br><font size=+1>

yongs su bskor ba dag byung ngo / /rdzing bu re re nas kyang rin po che'i pad ma bye ba khrag khrig 'bum phrag dgu bcu rtsa dgu byung ngo / /rin po che'i pad ma re re'i snying po la yang sil snyan dang / pheg rdob pa dang / glu dbyangs rnams kyi sgra byung bas lha'i bu mo dag glu len gar byed cing yongs su spyod do/ /sil snyan dang / pheg rdob pa dang / glu dbyangs kyi sgra byung ba de dag las kyang tshigs su bcad pa 'di lta bu 'di dag byung ngo / /sbyin dang tshul khrims kyis ni gang zhig dpag med cing / /de bzhin bzod dang brtson 'grus dag gi stobs ldan la/ /bsam gtan gyis ni zhi zhing dbang gi kun 'byor pa/ /ye shes sgrol ma de la skyabs su 'dong bar gyis/ /bsam gyis mi khyab stobs dang smon lam rnams dang ldan/ /thabs dang byang chub yan lag ting 'dzin rnams kyi bdag /rnam par grol ba'i lam dang stobs bcu ldan pa yi/ /thub pa gang yin de la mchod phyir 'dong bar gyis/ /'dam rdzab nas ni pad ma rgyas pa ji bzhin du/ /gang zhig nyon mongs 'dam gyis rtag par mi gos pa/ /tshe dang skye ba'i sdug bsngal rnam par bsal ba yi/ /rgyal ba 'jig rten mgon po de la blta phyir dang / /gcig kyang mi ldan min par gyur pa gang zhig gis/ /skye dgu rnams kyi gti mug sgo glegs rnams bshig cing / /sku dang gsung dang thugs kyi spyod pa rab zhi ba/ /shAkya'i tog ldan de la skyabs su 'dong bar gyis/ /de ltar khang pa brtsegs pa dpag bsam gyi shing ljon pas legs par brgyan pa/ rnam pa sna tshogs bye ba khrag khrig 'bum phrag du ma nam mkha'i dkyil na kun du snang ste/ kha cig tu ni rin po che'i sprin gyi char 'bab par kun du snang ngo / /kha cig tu ni me tog gi gdugs kyi sprin gyi char/ kha cig tu ni gor shir sha'i tsan dan dang / spos dang / byug pa dang / phye ma'i sprin gyi char/ kha cig tu ni gos kyi phreng ba'i sprin gyi char/ kha cig tu ni ka shi ka'i ras dang / du ku la'i ras dang / za 'ug gi sprin gyi char/ kha cig tu</font><hr>101.76a<br><font size=+1>

ni dpag bsam gyi shing ljon pa'i sprin gyi char/ kha cig tu ni me tog pad ma dang / ut+pa la dang / ku mu da dang / pad ma dkar po dang / dri mchog dang / a di mug ta ka dang / ka tsa lin da dang / ma hA ka tsa lin da dang / btang bzung dang /  btang bzung chen po dang / many+dzu sha ka dang / many+dzu sha ka chen po dang / mAn dA ra ba dang / mAn dA ra ba chen po'i sprin gyi char mngon bar bab bo/ /me tog gyi char de dag las dri gang byung ba des sangs rgyas kyi zhing tshad med grangs med pa dag gang gA'i klung gi bye ma'i rdul phra rab kyi rdul dang mnyam pa'i sangs rgyas kyi zhing rnams rgyas par khyab bo/ /'jig rten gyi khams de dag na sems can gang dag 'gro ba drug tu skyes pa de dag thams cad dri des mchog tu bde bas tshim zhing sems dga' bar gyur te/ sdug bsngal thams cad dang bral nas phan tshun 'dri ba dang / 'jig rten gyi khams mi mjed de na/ byang chub sems dpa' rdo rje'i snying po byang chub sems dpa'i cho 'phrul sna tshogs ston pa rgyang ring po nas mthong ngo / /de dag gis de mthong nas kyang phyag 'tshal to/ /skyes bu dam pa de na phyag btsal ma thag tu sems can gang dag ngan 'gro log par ltung bar dong ba de dag kyang mchog tu bde ba dang / dga' ba dang / rangs pa dang / dad pa thob nas skad cig de nyid la ngan 'gro log par ltung ba las grol te sum bcu rtsa gsum gyi lha rnams kyi nang du skyes nas bar snang la 'khod de/ de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / gsang ba pa'i bdag po lag na rdo rje dang / byang chub sems dpa' sems dpa' chen po rdo rje'i snying po la mchod pa'i sprin chen pos mchod nas lan 'bum phrag du ma mtha' yas mu med par bskor ba byas te/ de bzhin gshegs pa'i rdo rje 'khor gyi khyams chen po thams cad dang ldan pa la lan bdun bskor ba byas nas lha rnams bar snang las babs te/ bcom ldan 'das kyi spyan sngar rang rang gi rin po</font><hr>101.76b<br><font size=+1>

che'i gzhal med khang gi khang pa brtsegs pa dag na/ lha'i bu mo bye ba khrag khrig 'bum phrag du ma dang lhan cig tu sil snyan dang / pheg rdob pa dang / glu dbyangs kyi sgra 'byin cing tshul dang 'dra ba'i tshigs su bcad pa 'di dag gis bcom ldan 'das la mngon bar bstod do/ /gang slad ngan 'gro mchog tu sdug bsngal 'khrugs pa yi/ /ming yang bde gshegs stobs kyis deng du med mdzad dang / /bsod nams mi ldan sems can rnams la 'ang rgyal ba mchog /byams par mdzad pa kye ma ngo mtshar rmad du byung / /bdag cag rnams kyi rmongs pa'i snying gis bsgrubs pa yi/ /sdig pa'i las gang shin du bgyid dka' sna tshogs pa/ /de dag thub pa'i bya dga'as de ring glo bur du/ /skad cig tu ni ji ltar rnam par zhig par gyur/ /ji ltar gdugs kyis mun pa mun nag kun bcom dang / /ji ltar zhugs 'bar bas ni ras rnams bsreg pa dang / /gser mas shing bal ltar yang sprin 'thor ji bzhin du/ /de ltar 'gro ba'i sdig pa bde bar gshegs kyis bcom/ /bde gshegs sras po mthong ngam thos sam dran gyur na/ /lhan cig skyes dbang 'od zer dra bas sdig 'phrog pa/ /'gro ba yongs kyi srid pa'i spros pa zhig pa yi/ /thugs dang rtag tu ldan zhing skyo bar 'gyur mi mnga'/ /mig dang mgo dang snying dang sha khrag tshil rnams dang / /srog dang sdug dang bu rnams rtsa ltar bor nas ni/ /mi mtshungs sems can don phyir thugs rjes thugs brlan pa/ /'jig rten mgon sras de dag rnams la phyag 'tshal lo/ /yi dgas ltogs la chu dang ro brgya'i zas rnams dang / /de bzhin skye bo nor 'dod snying dang ldan pa la/ /thugs rje spyod cing rnam pa sna tshogs tshim mdzad pa/ /byang chub sems dpa' khyu mchog de la skyabs su mchi/ /gang dag mnar med pa yang rab tu bsil mdzad pas/ /mchog tu tsha ba'i sems can dmyal ba'ang bsil bar 'gyur/ /rang bde mi gzigs sems can don brtson thugs ldan pa/ /</font><hr>101.77a<br><font size=+1>

'jig rten mgon sras mnyam med de la phyag 'tshal lo/ /gang dag srid par 'khor ba'i srid pa'i skyon las grol/ /stong pa gsum yang las kyi 'bras bu mi 'dor zhing / /ye shes me yis rnyog pa bsregs kyang thugs rjes brlan/ /spyod pa rtag med dbang ldan de la phyag 'tshal lo/ /kye ma dpal ldan rdo rje snying po bde gshegs sras/ /mtshan gyis mtshan btab sku las 'od stong mang byung ba'i/ /dri ba rnams dang sna tshogs glu yis bdag cag sim/ /skad cig gis ni dmyal las sum bcu'i lha dbang gyur/ /bdag cag rnams kyis rgyal dang rgyal sras rnams dang ni/ /de dag rnams kyis gsungs pa mchog tu zhi chos la/ /gus bstod dge ba rgya chen de ring gang thob pa/ /des myur 'jig rten thams cad bde gshegs thob par shog /de ltar tshul dang 'dra ba'i tshigs su bcad pa rnams kyis bcom ldan 'das la bstod nas bcom ldan 'das kyis gnang ste/ de dag rang rang gi rin po che'i gzhal med khang pa brtsegs pa rnams su 'khod de chos nyan pa'i phyir phyogs gcig tu 'khod do/ /de nas byang chub sems dpa' sems dpa' chen po rdo rje snying pos byang chub sems dpa'i rdzu 'phrul gyi cho 'phrul chen po 'di lta bu 'di bstan nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / gsang ba pa'i bdag po lag na rdo rje dang / de bzhin gshegs pa 'i rdo rje'i 'khor gyi khyams chen po dang ldan pa la mchod pa'i sprin chen po rnams kyis mchod nas ting nge 'dzin de las langs te bar snang las babs nas/ byang chub sems dpa' sems dpa' chen po de dag dang lhan cig tu lan 'bum phrag du ma mtha' yas mu med par bskor ba byas nas pus mo g.yas pa'i lha nga rin po che'i pad ma'i snying po la btsugs te/ bla gos phrag pa gcig tu gzar nas bcom ldan 'das la blta'o/ /rigs kyi bu de dag thams</font><hr>101.77b<br><font size=+1>

cad kyang dga' ba dang mgu ba skyes nas de bzhin du bcom ldan 'das la blta'o/ /bltas nas kyang sgra skad kyi nga ro gcig tu bcom ldan 'das la tshul dang 'dra ba'i tshigs su bcad pa 'di dag gis mngon bar bstod do/ /dran pa'i gzhus 'phangs pa yi shes rab mda' mang gis/ /ma 'phangs mthur ldan bdud bzhi pham mdzad cing / /'jig rten nyon mongs mun pa bsal mdzad nas/ /bla ma sprin med zla ba bzhin du lhang nge'o/ /dam chos 'od mang gti mug bcom pa'i dra ba yis/ /'dul ba'i pad ma'i gnas rnams kha phye nas/ /ye shes nam mkha' che la dri med 'bar ba'i gzugs/ /nyi ma ji bzhin gdung bar bgyi ba'i bdud sde gdungs/ /mu stegs can gyi nga rgyal mtha' dag pham mdzad cing / /'gro ba'i 'dod chags rab gdung ma lus rab zhi mdzad/ /dge ba'i lo tog rtsi chen yang dag 'phel mdzad pa/ /dge ba'i char pa phab cing 'brug ltar bsgrag tu gsol/ /mgon po mu stegs can gyi wa brgya pham mdzad cing / /bdud rnams bcom ste byang chub dam par rab brnyes nas/ /ma 'dres bsags pa'i bden pa'i stobs kyi mthu mnga' ba/ /skye ba'i 'jigs lam rab grol seng ge ji bzhin sgrogs/ /spyod pa zab cing brtan la rtag pas mi dpogs pa/ /sems can gnas gyur stobs dang ting 'dzin nor bu bkram/ /dri med chos lhun 'dul ba'i ri bo rnam 'dzin pa/ /ye shes rgya mtsho mchog khyod skye dgu mchog gtso bo/ /tshul khrims bzang po'i rtsa ba sbyin pa'i chus btab 'phel/ /byams dang bzod pa'i me tog yal ga 'khrungs pas mdzes/ /byang chub lam gyi yan lag 'bru chags 'dod byas bsten/ /bsod nams dpag bsam shing khyod de ring ga las byung / /sum bcu rtsa gnyis 'bar ba'i mtshan gyis yan lag brgyan/ /dpe byad bzang mchog rin chen man shel gyis bskor cing / /sa dang dbang dang dam chos phur pa brtan btab pa/ /lhun po bzhin du mi g.yo khyod ni 'gro la mdzes/ /de nas byang chub sems dpa' sems dpa' chen po</font><hr>101.78a<br><font size=+1>

rdo rje'i snying pos byang chub sems dpa' sems dpa' chen po de dag dang lhan cig tu bcom ldan 'das la tshul dang 'dra ba'i tshigs su bcad pa 'di dag gis mngon bar bstod nas/ bcom ldan 'das kyis gnang ste/ rin po che'i pad ma'i snying po la phyogs gcig tu 'dug go/ /rigs kyi bu de dag thams cad kyang chos nyan pa'i phyir de bzhin du rin po che'i pad ma'i snying po dag la 'khod do/ /de bzhin du sbyar te de ltar lho phyogs na de bzhin gshegs pa dgra bcom pa yang dag par rdzogs pa'i sangs rgyas dpal gyi snying po brtsegs pa rnam par bsgrags pa'i rgyal po'i sangs rgyas kyi zhing 'jig rten gyi khams dpal 'byung ba nas byang chub sems dpa' sems dpa' chen po rdo rje'i tog ces bya ba byang chub sems dpa' bye ba khrag khrig 'bum phrag du mas yongs su bskor te/ mdun du bdar ba nas 'jig rten gyi khams mi mjed 'dir 'ongs te/ bcom ldan 'das kyis gnang nas rigs kyi bu de dag dang lhan cig tu rin po che'i pad ma'i snying po la phyogs gcig tu 'dug pa'i bar du'o/ /de bzhin du nub phyogs na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas tshe dpag med kyi sangs rgyas kyi zhing 'jig rten gyi khams bde ba can zhes bya ba de nas byang chub sems dpa' sems dpa' chen po spyan ras gzigs dbang phyug ces bya ba dang / byang chub sems dpa' sems dpa' chen po mthu chen thob pa/ byang chub sems dpa' bye ba khrag khrig 'bum phrag du mas yongs su bskor te mdun du bdar ba nas 'jig rten gyi khams mi mjed 'dir 'ongs te/ bcom ldan 'das kyis gnang nas rin po che'i pad ma'i snying po la 'dug cing / rigs kyi bu de dag thams cad kyang chos nyan pa'i phyir de bzhin du rin po che'i pad ma'i snying po dag la 'khod pa'i bar du'o/ /de bzhin du byang phyogs na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas chos mchog rang bzhin gyis</font><hr>101.78b<br><font size=+1>

rnam par nges pa'i sangs rgyas kyi zhing 'jig rten gyi khams bde ba thams cad 'byung ba nas byang chub sems dpa' sems dpa' chen po rin po che'i rgyal mtshan zhes bya ba byang chub sems dpa' bye ba khrag khrig 'bum phrag du mas yongs su bskor te mdun du bdar nas 'jig rten gyi khams mi mjed 'dir 'ongs te/ bcom ldan 'das kyis gnang nas rin po che'i pad ma'i snying po la 'dug cing / rigs kyi bu de dag thams cad kyang chos nyan pa'i phyir de bzhin du rin po che'i pad ma'i snying po dag la 'khod pa'i bar du'o/ /de bzhin du byang shar gyi phyogs na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas yon tan mtha' yas rab gsal dbang phyug rgyal po'i sangs rgyas kyi zhing 'jig rten gyi khams dpal brtsegs nas byang chub sems dpa' sems dpa' chen po blo gros brtan pa zhes bya ba byang chub sems dpa' bye ba khrag khrig 'bum phrag du mas yongs su bskor te mdun du bdar ba nas 'jig rten gyi khams mi mjed 'dir 'ongs te/ bcom ldan 'das kyis gnang nas rin po che'i pad ma'i snying po la 'dug cing / rigs kyi bu de dag thams cad kyang chos nyan pa'i phyir de bzhin du rin po che'i pad ma'i snying po dag la 'khod pa'i bar du'o/ /de bzhin du shar lho'i mtshams na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dbang po'i tog gi rgyal mtshan gyi rgyal po'i sangs rgyas kyi zhing 'jig rten gyi khams the tsom dang bral ba nas byang chub sems dpa' sems dpa' chen po blo gros bzang po zhes bya ba byang chub sems dpa' bye ba khrag khrig 'bum phrag du mas yongs su bskor te 'dun du bdar ba nas 'jig rten gyi khams mi mjed 'dir 'ongs te/ bcom ldan 'das kyis gnang nas rin po che'i pad ma'i snying po la 'dug cing rigs kyi bu de dag thams cad kyang chos nyan pa'i phyir de bzhin du rin po che'i pad ma'i snying po dag la 'khod pa'i bar du'o/ /de bzhin du lho nub kyi phyogs na</font><hr>101.79a<br><font size=+1>

bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen rtsal gyis rnam par gnon pa'i sangs rgyas kyi zhing 'jig rten gyi khams rin po che brtsegs pa nas/ byang chub sems dpa' sems dpa' chen po rin chen blo gros shes bya ba byang chub sems dpa' bye ba khrag khrig 'bum phrag du mas yongs su bskor te mdun du bdar ba nas 'jig rten gyi khams mi mjed 'dir 'ongs te/ bcom ldan 'das kyis gnang nas chos nyan pa'i phyir byang chub sems dpa' sems dpa' chen po de dag dang lhan cig tu rin po che'i pad ma'i snying po la 'dug cing rigs kyi bu de dag thams cad kyang chos nyan pa'i phyir de bzhin du rin po che'i pad ma'i snying po dag la 'khod pa'i bar du'o/ de bzhin du nub byang gi mtshams na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas byang chub sems dpa' bye ba khrag khrig 'bum phrag du mas yongs su bskor te/  mdun du bdar ba nas 'jig rten gyi khams mi mjed 'dir 'ongs te/ bcom ldan 'das kyis gnang nas chos nyan pa'i phyir/ byang chub sems dpa' sems dpa' chen po de dag dang lhan cig tu rin po che'i pad ma'i snying po la 'dug cing rigs kyi bu de dag kyang chos nyan pa'i phyir/ de bzhin du rin po che'i pad ma'i snying po dag la 'khod pa'i bar du'o//de bzhin du 'og gi phyogs na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen pad ma la rab tu gnas pa'i ri dbang gi rgyal po'i sangs rgyas kyi zhing 'jig rten gyi khams pad ma bkod pa nas/ byang chub sems dpa' sems dpa' chen po nam mkha'i blo gros shes bya ba byang chub sems dpa' bye ba khrag khrig 'bum phrag du mas yongs su bskor te mdun du bdar ba nas/ 'jig rten gyi khams mi mjed 'dir 'ongs te/ bcom ldan 'das kyis gnang nas rin po che'i pad ma'i snying po la 'dug cing / rigs kyi bu de dag thams cad kyang chos nyan pa'i phyir/  de bzhin du rin po che'i pad ma'i snying po dag la 'khod pa'i bar du'o/ /de bzhin du steng gi phyogs na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas g.yul las rnam par rgyal ba'i dpal gyi sangs rgyas kyi zhing 'jig rten gyi khams bdud kyi tsher ma dkrugs pa nas byang chub sems dpa' sems dpa' chen po bdud kyi sgrib pa las rnam par rgyal ba zhes bya ba byang chub sems dpa' bye ba khrag khrig 'bum phrag du mas yongs su bskor te mdun du bdar ba nas 'jig rten gyi khams mi mjed 'dir 'ongs te/ bcom</font><hr>101.79b<br><font size=+1>

ldan 'das kyis gnang nas rin po che'i pad ma'i snying po la 'dug cing / rigs kyi bu de dag thams cad kyang chos nyan pa'i phyir de bzhin du rin po che'i pad ma'i snying po dag la 'khod pa'i bar du'o/ /de nas de'i tshe stong gsum gyi stong chen po'i 'jig rten gyi khams mi mjed 'dir byang chub sems dpa'i rdzu 'phrul gyi rnam par 'phrul pa du ma bstan pas gzhal med khang dang / me tog gi sprin dang / rin po che'i sprin dang / phye ma'i sprin dang / spros dang / byug pa dang / gdugs dang / rgyal mtshan dang / ba dan dang / rnam par rgyal ba'i ba dan gyi sprin dang / rin po che spug dang / rdo'i snying po dang / bai dUr+ya dang / an da rnyil dang / byi ru dang / mar gad dang / mu tig dmar po dang / 'dzam bu'i chu bo'i gser gyi sprin dang / dpag bsam gyi shing ljon pa dang / rin po che'i pad ma du mas khebs pa'i rdzing gis legs par brgyan par gyur to/ /'jig rten gyi khams 'di ji lta ba de bzhin du phyogs bcu'i 'jig rten gyi khams tshad med grangs med bsam gyis mi khyab cing dpag tu med pa gzhal du med cing brjod du med par gtogs pa gang gA'i klung gi bye ma snyed las shin du 'das pa'i 'jig rten gyi khams dag na gsang ba pa'i bdag po lag na rdo rje'i rnam par thar pa'i sgo chen po'i ting nge 'dzin rnam par 'phrul pa'i byin gyi brlabs kyis de bzhin du legs par brgyan par kun du snang ngo / /'jig rten gyi khams de dag na de bzhin gshegs pa dgra bcom pa yang dag par rdzogs pa'i sangs rgyas gang dag bzhugs te 'tsho zhing gzhes pa de dag thams cad de na bzhugs bzhin du phyag g.yas pa gser gyi kha dog lta bu brkyang ste 'jam zhing mnyen la rab tu gzhon zhing pad ma dang /  yal ga gzhon sha chags shing 'jam pa'i sor mo'i ngos can gdugs dang / rgyal mtshan dang / lcags kyu dang / bum pa dang / nya dang / sgo gang dang / gzhal med khang dang / dung dang / rdo rje dang / pad ma dang / dpal be'u dang / 'khor lo'i mtshan gyis brgyan pa/ tshe rabs bye ba khrag khrig 'bum phrag du ma nas sbyin pa'i pha rol tu phyin pa</font><hr>101.80a<br><font size=+1>

yongs su rdzogs par mdzad pa'i rgyu 'thun pas mngon bar grub pa'i dpe byad bzang pos rnam par spras pa/ sen mo zangs 'dra zhing rgyas la snum zhing srab pa'i nor bu'i mdongs kyi me tog gi 'od zer gyis khrig ma mdzes par gyur pa/ sems can thams cad la mi 'jigs pa sbyin pa dang / yang dag par 'thun pa'i phyag rnams kyis gsang ba pa'i bdag po lag na rdo rje la yang dag par gzeng bstod pa dang / yang dag par dga' bar bya ba'i phyir spyi bo la byugs nas dus gcig tu sgra skad kyi nga ro gcig gis 'jig rten gyi khams thams cad go bar mdzad cing 'di skad ces kye rigs kyi bu gang gi phyir bdud sdig can dang / gzhan yang de bzhin gshegs pa'i bstan pa la ma dad cing sdang ba'i bgegs dang log 'dren drag shul can drag shul gyi sems dang ldan pa/ sems can thams cad kyi dge ba'i rtsa ba gcod pa'i phyir zhugs pa thams cad tshar gcad pa dang / rnam par gzhig pa dang / de bzhin du byang chub sems dpa' sems dpa' chen po sems dang po bskyed pa sems zhum pa brtson 'grus brtan po ma yin pa'i go cha bgos pa rnams kyang yang dag par gzeng bstod pa dang / rab tu dga' bar bya ba nas khams gsum par gtogs pa'i sems can thams cad kyi bar dag kyang mya ngan las 'das pa thob par bya ba dang / sangs rgyas dang / chos dang / dge 'dun gyi rigs mi gcod pa'i phyir/ khyod rdo rje'i rnam par thar pa'i sgo chen po'i ting nge 'dzin bsod nams dang / ye shes kyi tshogs bsam gyis mi khyab pa bsags pa yongs su rdzogs pas grub pa'i mtshan dang dpe byad bzang pos spras pa/ ting nge 'dzin dang / dbang dang / gzungs dang / stobs dang / byang chub kyi yan lag dang / 'phags pa'i lam yan lag brgyad pa'i mthu grub pa/ sems can thams cad kyi sdug bsngal dang / nyon mongs pa'i sgrib pa nye bar zhi ba/ sems can dmyal ba dang / dud 'gro'i skye gnas dang / yi dgas dang / gshin rje'i 'jig rten du lhung ba'i 'jigs pa'i</font><hr>101.80b<br><font size=+1>

dus kyi tsher ma ma lus par 'don pa dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / dge slong dang / dge slong ma dang / dge bsnyen dang / dge bsnyen ma la sogs pa'i 'khor mngon bar dga' ba can dag la ngo mtshar rmad du byung ba'i dga' ba du ma kun tu skyed pa la snyoms par zhugs pa ni legs so legs so zhes bka' stsal to/ /de ltar sangs rgyas bcom ldan 'das de dag gis gsang ba pa'i bdag po lag na rdo rje gzeng bstod de rab tu dga' bar mdzad nas rang rang gi phyag bskum ste/ rang rang gi byang chub sems dpa' sems dpa' chen po rnams chos nyan du gzud pa'i phyir 'jig rten gyi khams mi mjed 'dir bkye'o/ /de dag gis gnang bas byang chub sems dpa' sems dpa' chen po de dag thams cad kyis kyang de bzhin gshegs pa dgra bcom pa yang dag par rdzogs pa'i sangs rgyas de dag la phyag 'tshal nas/ byang chub sems dpa'i rnam par 'phrul pa'i byin gyi rlabs chen po dang / byang chub sems dpa'i rdzu 'phrul chen pos ji tsam du skyes bu stobs dang ldan pas lag pa bskum pa las brkyang ba dang / brkyang ba las bskum pa tsam gyi skad cig thang cig yud tsam de la 'jig rten gyi khams mi mjed der phyin nas/ bcom ldan 'das kyis gnang ste rin po che'i pad ma'i snying po dag la phyogs gcig tu 'khod pa'i bar du'o/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas de'i tshe gsang ba pa'i bdag po lag na rdo rje la 'di skad ces bka' stsal to/ /gsang ba pa'i bdag po lag na rdo rje bdud sdig can 'di rdo rje'i zhags pas bcings pa 'di las khrol la ji nas kyang sangs rgyas la skyabs su 'gro bar 'gyur ba dang / chos la skyabs su 'gro bar 'gyur ba dang / dge 'dun la skyabs su 'gro bar 'gyur ba dang / gzhan yang gang dag lha dang / klu dang / gnod sbyin dang / dri za dang / lha ma yin dang / nam mkha' lding</font><hr>101.81a<br><font size=+1>

dang mi 'am ci dang / lto 'phye chen po dang / mi dang mi ma yin pa gang dag ji tsam du de bzhin gshegs pa'i bstan pa la gnas par 'gyur ba dang / de bzhin gshegs pa'i bstan pa la zhugs nas kyang ji nas khong du chud par 'gyur ba de ltar gyis shig /de skad ces bka' stsal pa dang / gsang ba pa'i bdag po lag na rdo rjes bcom ldan 'das kyi ltar mnyan nas/ bcom ldan 'das la legs so legs so zhes gsol to/ /bcom ldan 'das kyi zhabs la mgo bos phyag 'tshal nas/ yang rdo rje'i rnam par thar pa'i sgo chen po'i ting nge 'dzin bdud kyi dkyil 'khor thams cad 'joms par byed pa zhes bya ba la snyoms par zhugs so/ /gsang ba pa'i bdag po lag na rdo rjes rdo rje'i rnam par thar pa'i sgo chen po'i ting nge 'dzin bdud kyi dkyil 'khor thams cad 'joms par byed pa zhes bya ba la snyoms par zhugs ma thag tu de nas de'i tshe stong gsum gyi stong chen po'i 'jig rten gyi khams 'di rnam pa drug tu g.yos te/ 'gul rab tu 'gul/ kun tu rab tu 'gul to/ /chem chem/ rab tu chem chem/ kun du rab tu chem chem mo/ /gsang ba pa'i bdag po lag na rdo rje yang me lce 'bar ba gcig tu gyur te/ 'bar rab tu 'bar/ kun du rab tu mched cing 'bar te/ 'jigs su rung ba'i mche ba rnon po drag po gzangs can 'jigs pa chen po skyed pa brtsigs te/ mche ba mnan nas me lce chen po ltar sma ra ser zhing /  'jigs 'jigs ltar 'dug ste/ mi bzad pa rna ba las 'phyang ba'i sbrul dug 'thor ba dang / ba lang sna lta bu dang / gzar bu lta bu dang / sbrul chen po kha gdangs pa'i kha nas byung ba'i mche ba'i rtse mo nas dug drag po 'bar ba 'byung ba'i tshogs kyi phreng ba bzhin du me 'bar ba/ lag pa stong phrag du ma la rdo rje dang / zhags pa dang / gtun shing dang / gtun shing rked nyag dang / ral gri dang / 'khor lo dang / lcags sgrog la sogs pa thogs pa'i mtshon cha'i rtse mo la me stag rab tu 'phro ba'i snang bas stong gsum gyi stong chen po'i 'jig rten gyi khams kyi khongs su gtogs pa'i gnod</font><hr>101.81b<br><font size=+1>

sbyin dang / srin po dang / yi dgas dang / sha za dang / ma mo dang / 'byung po'i gdon dang / bgegs dang / log 'dren la sogs pa sdang ba rab tu sdang ba'i sems can skrag par byed pa ri dgas kyi dbang po'i lpags pa khrag dang bcas pa sham thabs su bsgos pa/ sbrul chen po'i lus kyis rgya gram du dam du bcings pa/ 'jigs pa bas kyang 'jigs par byed pa/ 'chi bdag kyang skrag par byed pa/ khams gsum pa thams cad kyis bsdus pa lta bu'i lus dang ldan pa'i khro bor gyur nas lus kyi tshigs thams cad las kyang khro bo kha dog du ma 'di lta ste/ kha dog sngon po dang / ser po dang / dmar po dang / dkar po dang / nag po ste thams cad kyang rdo rje'i rang bzhin can khro gnyer mi mnyam pas rnam par spras pa'i gnyer ma'i khrom gnyer can gyi dpral ba'i dbyes nas me stag lta bu'i rdul gyis thigs pa rtsab po 'dzag pa las/ dug 'chang rnam pa sna tshogs kun du byung bas yan lag dang / nyid lag kun du dkris pa'i mngon rtags can du gyur cing rdo rje drag shul can du snang ste/ mche ba mi bzad par 'dug pa'i kha gdangs pa las ha ha zhes gad mo rta gad 'byung zhing / 'jig pa'i dus kyi rlung gis char pa dang bcas pa'i sprin dkrugs pa las char gyi rgyun rags pa 'bab pas yongs su gang bas rgya mtsho dkrugs nas rlabs chen po g.yo ba dang / rta rgod ma'i kha nas me byung ba lta bu'i hU~M zhes bya ba zab cing brtan pas rgyu ba'i 'byung po'i tshogs 'jigs skrag ste 'byer zhing 'thor nas dngangs te skyabs su 'dong zhing 'dud pas/ nyi ma stong bas 'bar ba'i lus rnams mthong ba na/ sna sgar sgur can zhom pa lta bu bu ga zab mo'i sbubs kyi nang nas sbrul sna tshogs 'khyil pa'i gtsug gi nor bu'i 'od kyis 'gram pa rnam par mdzes pa/ glog stong 'dus pa ltar ser zhing dmar ba'i mig gi 'bras bu'i 'od zer gyis skra'i tshogs rtsub cing gshor la gyen du 'greng ba'i rtse mo brgyan cing 'dres te gsal bar gyur pa/ sbrul gyi gdengs ka stong gis gdugs byas shing / sbrul rnam pa sna tshogs kyi do shal dang / ska rags dang / dpung</font><hr>101.82a<br><font size=+1>

rgyan dang / gdu bu dang / rna chas lus brgyan pa/ rdo rje 'bar ba dri ma med cing drag shul can mi bzad pa lag na thogs pa/ mdzub mo rnams las/ hU~M zhes bya ba'i seng ge'i sgra chen po dag gis bgegs dang / log 'dren thams cad kun du bsdigs pa dag 'thon te/ gang de dag gi mig dang / kha rnams nas gnam grum pa lta bu'i sgra chen po'i tshogs las me lce chen po 'bar ba'i tshogs kyi snang ba byung ste/ des sdang ba'i bgegs dang / log 'dren la sogs pa drag shul can drag shul gyi sems dang ldan pa/ sdig pa can sdig pa'i sems dang ldan pa/ sdang ba can sdang ba'i sems dang ldan pa rnams tshig par byed do/ /rmongs par byed/ 'tshog par byed de mi bzad pa drag pa rtsub pa sdug bsngal ba/ yid du mi 'ong ba'i tshor ba myong bar byed do/ /de dag tshor bas nyen pas dkon mchog gsum la skyabs su dong ngo / /de'i tshe bdud sdig can gyis bgegs dang / log 'dren de dag tshor ba chen pos nyen te/ dkon mchog gsum la skyabs su dong ba mthong nas 'jigs dngangs skrag ste skyabs ma rnyed nas rlung drag pos bskyod pa'i shing bzhin du 'dar/ rab tu 'dar te/ ngu bar 'dod na yang ngu ma nus nas ri mo bzhin du lus thams cad g.yo ba med par gyur to/ /de nas gsang ba pa'i bdag po lag na rdo rje sangs rgyas kyi mthus bdud sdig can 'dul bar byed de sdang ba gdon dang / bgegs dang / log 'dren thams cad dang / bdud kyi dkyil 'khor thams cad 'joms par byed pa/ rdo rje'i rnam par thar pa'i sgo chen po'i ting nge 'dzin la snyoms par zhugs te/ de lta bu'i gzugs su 'dug pa'i rkang pa gnyis las khro bo 'bar zhing 'jigs 'jigs ltar 'dug pa/ drag shul gyi gzugs can/ seng ge'i sgra chen po hU~M zhes bya ba 'di gnyis phyung ste/ de gnyis skar mda' bzhin du nam mkha'i dkyil du rgyang ring du 'phur te/ nam mkha' la gnas pa'i shugs kyis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la lan 'bum phrag du ma</font><hr>101.82b<br><font size=+1>

mtha' yas mu med par bskor ba byas te/ gsang ba pa'i bdag po lag na rdo rje la 'di skad ces smraso/ /rigs kyi bu ci bgyi bka' stsol cig /de nas gsang ba pa'i bdag po lag na rdo rje cang mi smra bar 'dug ste/ yang dpral ba'i dkyil nas rdo rje khro bo 'jigs pa chen po'i gzugs can mche ba mi bzad pa drag pos 'jigs su rung ba'i kha gdangs te/ mchu ma rungs par sgyur ba'i kha nas dus kyi tha ma 'jig pa'i tshe rnam par 'thor ba'i rlung drag po'i shugs kyis rab tu bskyod pa'i sprin nag po'i tshogs rab tu sgrog pas rnam par dkrugs pa'i rgya mtsho chen po'i sgra drag po lta bu'i hU~M zhes bya ba'i seng ge'i sgras gang ba/ bgegs dang log 'dren thams cad 'jigs nas 'bros shing sgyid lug nas phyogs bslad par byed pa/ lag pa dang / rkang pa dang / sen mo dang / mig dang / ag tsom dang / skra thams cad rdo rje 'bar bar snang bas stong gsum gyi stong chen po'i 'jig rten gyi khams thams cad rgyas par 'gengs pa gzi brjid thams cad kyi gzi brjid rnams rang gi gzi brjid kyis zil tu brlag par byed cing / rgyang ring du byed pa'i rdo rje 'bar ba'i snang ba des rgyu skar dang / gza' dang / skar ma dang / nor bu rnams kyi 'od lham mer ma yin/ /lhan ner ma yin/ lhang nger ma yin par byed pa/ gang nyi ma dang zla ba rdzu 'phrul che ba/ dbang che bar grags pa mthu che ba yang lham mer ma yin/ lhan ner ma yin/ lhang nger ma yin par byed pa/ de bzhin gshegs pa'i 'od dang / byang chub sems dpa' sems dpa' chen po sa bcu la rab tu gnas pa rnams kyi 'od ma gtogs par 'od gzhan thams cad 'od mog mog por byed pa gzhan phyung ngo / /de nas rdo rje khro bo des bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la lan 'bum phrag du ma mtha' yas mu med par bskor ba byas te/ bcom ldan 'das kyis gnang nas gsang ba pa'i bdag po lag na rdo rje la 'di skad ces smras so/ /rigs kyi bu ci bgyid bka' stsol cig /de nas gsang ba pa'i bdag po lag na rdo rjes khro bo chen po rdo rje</font><hr>101.83a<br><font size=+1>

khro bo de dag la 'di skad ces smras so/ /skyes bu dam pa dag deng la bdud sdig can dkon mchog gsum la skyabs su 'dzin du chug shig /'di dam tshig la gnas par gyis shig /gzhan yang gang dag sdang ba gdon dang / bgegs dang / log 'dren la sogs pa drag shul can drag shul gyi sems dang ldan pa/ sdig pa can sdig pa'i sems dang ldan pa/ sdang ba can sdang ba'i sems dang ldan pa dag dang / de bzhin gshegs pa'i bstan pa la mi 'jug pa dang / mi rtogs pa dang / yid mi ches pa thams cad de bzhin gshegs pa'i bstan pa la gnas par gyis shig dang / des sems can thams cad kyi yun ring po'i don dang / phan pa dang / bde bar 'gyur ro/ /de skad ces smras pa dang / khro bo chen po rdo rje khro bo de dag gis gsang ba pa'i bdag po lag na rdo rje'i tshig mnyan nas de bzhin gshegs pa'i bstan pa yang gzung ste/ dus gcig tu sgra skad kyi nga ro gcig tu seng ge'i sgra chen po hU~M zhes bya bas stong gsum gyi stong chen po'i 'jig rten gyi khams rgyas par 'gengs shing / gsang sngags kyi gzhi 'di dag smras so/ /sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /yang dag par rdzogs pa'i sangs rgyas nyan thos dang rang sangs rgyas dang / byang chub sems dpa'i dge 'dun dang bcas pa bdun po dag la phyag 'tshal lo/ /gnod sbyin gyi sde dpon chen po lag na rdo rje drag po la phyag 'tshal lo/ /rig sngags kyi rgyal po chen po rdo rje'i lcags kyu la phyag 'tshal lo/ /rdo rje'i lu gu rgyud la phyag 'tshal lo/ /rdo rje gnam lcags la phyag 'tshal lo/ /rdo rje'i shugs la phyag 'tshal lo/ /rdo rje be con la phyag 'tshal lo/ /rdo rje yan lag dmar la phyag 'tshal lo/ /stobs po che la phyag 'tshal lo/ /rdo rjes rnam par 'joms pa la phyag 'tshal lo/ /'gro lding ba la phyag 'tshal lo/ /rdo rje pho nya mo drug bcu rtsa bzhi la phyag 'tshal lo/ /rdo rje'i khro bo rnams la phyag 'tshal lo/ /tad+ya thA/ o~M tra Ta tra Ta/ tro Ta ya tro Ta ya/ s+phu Ta s+phu Ta/ s+phu Ta ya s+phu Ta ya/ s+pho Ta</font><hr>101.83b<br><font size=+1>

ya s+pho Ta ya/ mo Ta mo Ta/ mo Ta ya mo Ta ya/ g+hUr+N+NA g+hUr+N+NA/ g+hUr+N+NA pa ya g+hUr+N+NA pa ya/ sarba satwA ni/ tra sa tra sa/ trA sa ya trA sa ya/ b+h+ra ma b+h+ra ma/ sa~M b+h+rA ma ya saM b+h+rA ma ya/ sarba b+hU tA ni/ kuT ya kuT ya/ sa~M kuT ya sa~M kuT ya/ sarba sha trU~M Na~M/ g+ha Ta g+ha Ta/ sa~M g+ha Ta ya sa~M g+ha Ta ya/ sarba bid+ya badzra badzra/ so s+pha Ta ya badzra badzra/ ka Ta badzra badzra/ ma Ta badzra badzra/ uts+tsha Ta ya badzra badzra/ ha na badzra badzra/ da ha badzra badzra/ pa tsa badzra badzra/ mA tha badzra badzra/ ud sA da ya ma hA badzra badzra/ d+hA ra badzra pA Ni pri ya/ ka ha ka ha/ ha sa ha sa/ ma hAT+TAT+Ta ha sa/ kha cig tu rgya mtsho'i rlabs 'khrugs par byed pa lta bur zab cing 'jigs su rung ba'i hU~M zhes bya ba'i seng ge'i sgras sdang ba rab tu sdang ba bgegs dang log 'dren kun du skrag par byed pa dang / sdang ba thams cad gzhom du gsol/ 'joms su stsal du gsol/ hU~M hU~M phaT/ badzra pa ra pra da s+pho Ta/ bsgrub par bya ba lha dang / lha ma yin dang / lto 'phye chen po dang / gnod sbyin dang / srin po dang / yi dgas dang / sha za dang / ma mo dang / 'byung po dang / gdon gyi tshogs mthar 'byin pa/ 'byer bar mdzad pa/ hU~M hU~M phaT/ he he phaT/ a mo g+ha phaT/ rgyal chen bzhi'i ris kyi lha khang khyim dang bcas pa/ bu dang / chung ma dang / phyugs dang / rtsa lag dang bcas par g.yo bar bgyid tu stsal du gsol/ hU~M hU~M phaT/ 'byer bar bgyid tu stsal du gsol/ hU~M hU~M phaT/ sum bcu rtsa gsum gyi lha'i khang khyim dang bcas pa/ bu dang / chung ma dang / phyugs dang / rtsa lag dang bcas par g.yo bar bgyid tu stsal du gsol/ hU~M hU~M phaT/ 'byer bar bgyid tu stsal du gsol/ hU~M hU~M phaT/ lha'i dbang po brgya byin khang khyim dang bcas pa/ bu dang / chung ma dang / phyugs dang / rtsa lag dang bcas par g.yo bar bgyid tu stsal du gsol/ hU~M hU~M phaT/ 'thab 'bral gyi lha'i khang khyim dang bcas pa/ bu dang / chung ma dang / phyugs dang / rtsa lag dang bcas pa g.yo bar bgyid du stsal du gsol/ hU~M hU~M phaT/ dga' ldan gyi lha'i khang khyim dang bcas pa/ bu dang / chung ma dang / phyugs dang / </font><hr>101.84a<br><font size=+1>

rtsa lag dang bcas pa g.yo bar bgyid tu stsal du gsol/ hU~M hU~M phaT/ 'phrul dga'i lha'i khang khyim dang bcas pa/ bu dang / chung ma dang / phyugs dang / rtsa lag dang bcas pa g.yo bar bgyid tu stsal du gsol/ hU~M hU~M phaT/ gzhan 'phrul dbang byed kyi lha'i khang khyim dang bcas pa/ bu dang / chung ma dang / phyugs dang / rtsa lag dang bcas pa g.yo bar bgyid tu stsal du gsol/ hU~M hU~M phaT/ de bzhin du 'od gsal dang / tshangs ris nas gnas gtsang ma'i ris 'og min gyi bar gyi lha'i khang khyim dang bcas pa/ bu dang / chung ma dang / phyugs dang / rtsa lag dang bcas pa g.yo bar bgyid tu stsal du gsol/ hU~M hU~M phaT/ 'byer bar bgyid tu stsal du gsol/ rig sngags 'chang grub pa rnams rengs par mdzad du gsol/ rmugs par mdzad du gsol/ rmongs par mdzad du gsol/ gcu bar gsol/ bcad tu gsol/ gzhig tu gsol/ rnam par gzhig tu gsol/ mnan du gsol/ hU~M hU~M phaT/ o~M khro bo khro bo chen po rnam par bkra ba ser skya'o/ /nag po/ dmar po/ ser po/ mi pham pa/ rtag tu 'bar ba'i khro bo/ su ru su ru/  mu ru mu ru mu ru/ tu ru tu ru tu ru/ g+hu ru g+hu ru g+hu ru/ d+hu ru d+hu ru d+hu ru/ tha ra tha ra tha ra/ b+ha ra b+ha ra/ ha ra ha ra/ ya ra ya ra/ ma ra ma ra/ ku hu ku hu/ tsi li tsi li/ mi li mi li/ lu Tu lu Tu/ sarba TA lA ma ma hU~M/ pu lu pu lu len ta ma lo ha si len ta~M/ mu lu lang khA se/ tsu lu tsu len tam/ ma lu pu len tam/ ma lu ru bi/ ku bi purba/ le N+yu spyu ra g+haN+yu spu bi ri tsu/ su ru su ru/ mu ru mu ru/ su mu su mu ru/ Ta ka Te/ bi ka Te/ ni ka Te/ ka Ta bi ka Te/ ni ka Te/ ka Ta bi ka Te/ ni ka Ta/ ka Ta bi ka Te/ ni ka Ta/  ka Tang ka Te/  dza ye bi dza ye/ dza yan+ti/ bi dza yan+ti/ ti ming gi si/ ma hA ti ming gi si/ g+hu tang+ga me me g+hu ta ba rA ya ne/ sdang ba rnams la rjes su 'doms pa/ ma dul ba rnams 'dul ba/ drag shul can rnams 'byer bar mdzad pa/ dpa' bo rnams kyi nang na dpa' ba/ des pa rnams kyi nang na des pa/ ma grub pa rnams grub par mdzad pa/ grub</font><hr>101.84b<br><font size=+1>

pa rnams chud mi za bar mdzad pa/ sems can thams cad la phan pa mdzad pa/ de bzhin gshegs pa thams cad kyis mnas bsgags pa/ sangs rgyas thams cad la bsnyen bkur mdzad pa/ rdo rje'i rigs kyi rig sngags thams cad kyis byin gyis brlabs pa/ tshur gshegs tshur gshegs/ rdo rje'i ri rab kyi rtse mo'i khang pa brtsegs pa na bcom ldan 'das kyi spyan sngar lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po la sogs pa thams cad kyi mdun du dam tshig gang bcas pa de rjes su bskyang du gsol/ rjes su bskyang du gsol/ gshegs su gsol/ myur du gshegs su gsol/ bdag gi las rnams myur ba myur bar bsgrub tu gsol/ skrag par byed pa/ rdo rje 'dzin pa lag na rdo rje la phyag 'tshal lo/ /hu ru hu ru/ grub pa drag po lag na rdo rje bka' stsol cig swA hA/ shin du grub par byed pa la swA hA/ rdo rje chen po la swA hA/ rdo rje phur bu la swA hA/ rdo rje 'joms pa la swA hA/ rdo rjes byin gyis brlabs pa la swA hA/ rdo rje ki li ki li la swA hA/ drag po ki li ki la la swA hA/ dmar po ki li ki la la swA hA/ byis pa ki li ki la la swA hA/ sangs rgyas thams cad kyis byin gyis brlabs pa la swA hA/ bdag gi gnod pa dang / nad 'go ba thams cad dang / rims thams cad med par mdzod cig swA hA/ de nas rdo rje khro bo chen pos 'di skad smras pa dang / stong gsum gyi stong chen po'i 'jig rten gyi khams 'di rnam pa drug tu g.yos te/ phyogs dang phyogs mtshams thams cad dang de bzhin du bar snang la rdo rje'i skar mda' chen po'i be con 'bab par snang ngo / /gnam grum pa'i sgra chen po yang grag go/ /kun nas sa chen po 'di grum par kun du snang ngo / /sa chen po'i ser ka de dag nas yan lag brgyad dang ldan pa'i chu'i rgyun gyen du byung ngo / /chu'i rgyun de dag gis rnam par 'jig pa'i dus kyi chu bzhin du sa chen po thams cad kun du gang bar snang ngo / /gang dag sa'i 'og nas gnas pa'i klu chen po dang / lha chen po dang / lha ma</font><hr>101.85a<br><font size=+1>

yin chen po dang / de dag thams cad kyang sa'i 'og nas 'thon cing / ri rab kyi drung du 'thon te gyen du byung nas bcom ldan 'das la skyabs su dong ngo / /de nas drag shul can drag shul can gyi sems dang ldan pa/ sdang ba sdang ba'i sems dang ldan pa'i 'byung po dang / bgegs dang / log 'dren gang dag 'khod pa de dag kyang kun du 'bar rab tu 'bar zhing / kun du rab tu 'bar te me lce gcig tu gyur pa dag gis rang rang gi lus kun du rnam par 'joms par shes te/ de dag sdug bsngal mi bzad cing drag la rtsub pas nyen nas ha ha zhes bya ba'i ngu skad 'thon te tshig 'di skad ces smras so/ /gsang ba pa'i bdag po bdag cag skad cig gis srog kyang ma mchis par 'gyur du bgyid na 'jigs pa chen por ltung ba 'di las yongs su bskyab tu gsol/ bgegs dang log 'dren rnams ji lta ba de bzhin du gzhan 'jig rten gyi khams gzhan thams cad na gnas pa dang / ri dang / chu bo dang / lteng ka dang / rdzing dang / dur khrod dang / shing dang / thibs po dang / khron pa rnying pa dang / btung chu dang / lam gyi gzhi mdo dang / sum mdo dang / gtsug lag khang zhig pa dang / gnas dang / lha khang na gnas pa dag thams cad kyis kyang gsang ba pa'i bdag po lag na rdo rje 'jigs pa chen po lhung ba 'di las yongs su bskyab tu gsol/ yongs su bskyab tu gsol zhes ched tu brjod pa ched du brjod do/ /de bzhin du lha'i khang pa thams cad g.yos rab tu g.yos/ kun du rab tu g.yos te/ mog mog por gyur cing 'od med par kun du snang ngo / /bdud kyi khyim thams cad kyang kun du 'bar/ rab tu 'bar zhing /  kun du rab tu mched cing 'bar te me lce gcig tu gyur par snang ngo / /gang dag bdud kyi ris kyi lha'i bu de dag thams cad kyang rdo rje khro bo chen pos dngangs skrag ste rang rang gi mgo rdo rje rnams kyis rnam par 'joms pa mthong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang gsang ba pa'i bdag po lag na rdo rje la skyabs su dong ngo / /bdud sdig can yang shin du sdug</font><hr>101.85b<br><font size=+1>

bsngal ba'i tshor bas nyam thag cing skrag la zhum ste gnod pas dngangs nas sangs rgyas la skyabs su song / chos la skyabs su song / dge 'dun la skyabs su song ngo / /gsang ba pa'i bdag po lag na rdo rje la phyag 'tshal te/ khro bo chen po rdo rje khro bo de dag la 'di skad ces smras so/ /rigs kyi bu dag yongs su skyobs shig /yongs su skyobs shig /bdag nam byang chub kyi snying po la 'dug gi bar du sangs rgyas la skyabs su 'gro'o/ /chos la skyabs su 'gro'o/ /dge 'dun la skyabs su 'gro'o/ /sems can thams cad kyi don gyi phyir pha lta bu dang / ma lta bu dang / spun lta bu dang / gnyen lta bu dang / snag gi gnyen mtshams lta bur 'gyur bar byang chub tu sems bskyed do/ /bdag deng phyin cad sems can thams cad kyi pha dang / ma dang / spun dang / gnyen dang / snag gi gnyen mtshams su 'gyur bar bya'o/ /lus dang / ngag dang / yid kyis cung zad gang ci byed pa de sems can thams cad bla na med pa'i ye shes thob par bya ba'i phyir yongs su bsngo'o/ /bdag dbugs phyung nas gzhan yang dbugs dbyung ngo / /bdag grol nas gzhan yang dgrol lo/ /bdag mya ngan las 'das nas gzhan yang mya ngan las bzla'o/ /rus pa dang / rkang dang / khrag dang / sha dang / nyams mthu dang / srog gis kyang sems can thams cad la rim gror bya'o/ /mchod par bya'o/ /rjed par bya'o/ /sangs rgyas dang /  byang chub sems dpa' dang / 'phags pa nyan thos dang / rang sangs rgyas dang / slob dpon dang / bla ma'i gnas thams cad la yang bsnyen bkur bya'o/ /bsti stang du bya'o/ /rim gror bya'o/ /mchod par bya'o/ /de nas bdud sdig can gyis dkon mchog gsum la skyabs su 'gro ba gzung ste/ byang chub kyi sems rin po che bskyed pa dang / thams cad dang ldan pa'i 'khor de ngo mtshar du gyur te/ dga' ba thob nas sgra skad kyi nga ro gcig tu 'di skad ces smras so/ /gang gi phyir na bdud khyod kyis/ /sems can kun la bde ba'i phyir/ /bla med byang chub sems bskyed pa/ /bdag cag rjes su yi rang ngo / /rin chen sems 'dis mi ring bar/ /rnam 'dren sangs rgyas gyur nas</font><hr>101.86a<br><font size=+1>

ni/ /sems can shin du sdug bsngal kun/ /mya ngan las ni bzla bar gyis/ /rgyal ba'i mchog 'di ji bzhin du/ /skye dgu thams cad gdul bar byos/ /stobs po che dang ldan pa yi/ /bdud bzhi po dag gdul bar gyis/ /de skad ces smras pa dang / thams cad dang ldan pa'i 'khor chen po de sangs rgyas kyi mthus rang rang gi lag gi snyim pa nas me tog gi phur ma thogs par shes te/ me tog gi phur ma de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / gsang ba pa'i bdag po lag na rdo rje dang / khro bo chen po rdo rje'i khro bo de dag dang / byang chub sems dpa' sems dpa' chen po rdo rje'i snying po dang / phyogs bcu'i 'jig rten gyi khams nas 'dus pa'i byang chub sems dpa' sems dpa' chen po de dag la gtor ba dang / de yang sangs rgyas kyi mthus me tog gi gzhal med khang chen por gyur to/ /bdud sdig can ni mchog tu bde bas tshim par gyur nas sangs rgyas rjes su dran pa bsgom zhing rang gi bsod nams kyi rnam par smin pa'i rdzu 'phrul gyi mthu dang / de bzhin gshegs pa rjes su sems pas mdun du rin po che'i gzhal med khang chen po dpag bsam gyi shing du mas mig mangs ris brgyad tu bres pa/ rin po che dang / nor bu dang / mu tig dang / dung dang / man shel dang / byi ru dang / mar gad dang / bai DUr+ya dang / an da rnyil dang / mthon ka chen po dang / ke ke ru dang / ke ke ru chen po dang / rdo rje dang / rdo rje chen po dang / dun las dang / dun las chen po dang / 'dzam bu'i chu bo'i gser gyi dra bas rnam par spras pa/ gdugs dang / rgyal mtshan dang / ba dan dang / rnam par rgyal ba'i ba dan bsgreng bas legs par brgyan pa/ me tog gi phreng bas klubs pa/ pog snod du ma nas bdug pa dri zhim po'i ngad kyi dri zhim par byas pa/ phye ma'i dri zhim po'i bsgo bas bsgos pa/ lha'i bu mo 'bum phrag du ma sil snyan dang / pheg rdob pa dang / glu len cing gar byed pa/ rdzing bu yan lag brgyad dang ldan pa'i chu can 'bum phrag du ma'i dbus nas</font><hr>101.86b<br><font size=+1>

rin po che sna tshogs kyi pad ma dang / ku mu da dang / pad ma dkar po dang / ut+pa la dang / dri mchog byung bas mdzes par byas pa'i phyogs dang ldan pa byung nas/ de mchog tu dga' ba dang / rangs pa dang / yid bde ba skyes te gus pa thams cad kyis de blangs nas bdud kyi mthu chen po dang / bdud kyi rnam par 'phrul ba chen po dang / bdud kyi rdzu 'phrul chen pos lag pa gnyis ka spyi bo la blangs te/ dge ba'i bshes gnyen gsang ba pa'i bdag po lag na rdo rje la dgab pa dang / mchod pa'i phyir phul te/ tshul dang 'dra ba'i tshigs su bcad pa 'di dag gis mngon bar bstod do/ /'jig rten dag la dbang byed dbang gis 'byor gyur pa/ /stobs bcu'i sras rab mchog ldan khyod la brten nas su/ /byang chub phyir ni chags bral dri med byang chub sems/ /sems can bde sgrub gter dang 'dra ba bdag gis thob/ /bdag mig gti mug mun pas dri can dri med gyur/ /srid pa'i 'dod chags rab tu zhi zhing spros dang bral/ /mya ngan 'das pa'i drang po'i lam ni bdag la bstan/ /sems dmyal mi bzad thams cad rab tu zhi bar 'gyur/ /sdig bral 'jig rten mgon la skyabs su ma song ba/ /kye ma dman pa yun ring ji lta bslus shig gu/ /de ring thub dbang sras po rnams la bsod nams dang / /dad dang snying rje ting 'dzin thob nas ngo mtshar gyur/ /sa mdog gcig pur sangs rgyas myur du grub par shog /gcig pus 'gro ba ma lus mya ngan bzla bar bya/ /srid pa gzhan na kun du rgyu tshe bdag gi yid/ /rang phan 'jug dang dge bshes bral bar ma gyur cig /de nas bdud sdig can gyis tshul dang 'dra ba'i tshigs su bcad pa 'di dag gis gsang ba pa'i bdag po lag na rdo rje la mngon bar bstod nas cang mi smra bar gyur to/ /de nas gsang ba pa'i bdag po lag na rdo rjes khro bo chen po rdo rje khro bo de dag la 'di skad ces smras so/ /rigs kyi bu dag sdang ba dang / gdon dang / bgegs dang / log 'dren</font><hr>101.87a<br><font size=+1>

de dag thams cad gang gis sems can thams cad las rnam par rtsom pa las rnam par mi 'tshe ba dang / bgegs mi byed pa dang / dkon mchog gsum la skyabs su 'gro bar 'gyur bar de bzhin gshegs pa'i dam tshig 'dzin du chug shig /rigs kyi bu dag 'di dag la mi 'jigs pa yang byin cig dang / de sems can thams cad kyi don dang / phan pa dang / bde ba dang / mya ngan las 'das pa bla na med pa yang thob par 'gyur ro/ /de skad ces smras pa dang / khro bo chen po rdo rje khro bo de dag gis gsang ba pa'i bdag po lag na rdo rje la legs so zhes te tshig la mngon bar dga' nas yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po la sogs pa de dag thams cad dang / sdang ba bgegs dang / log 'dren dang / ma mo dang / yi dgas dang / sha za dang / 'byung po dang / gdon dang / brjed byed dang / srul po dang / lus srul po dang / ro langs dang / mkha' 'gro dang / sgrub pa dang / sbrul 'dzin bcas pa la sogs pa de dag thams cad dang / gdon gyi tshogs de dag thams cad kyis rdo rje chen po mang po 'bab pas dkrugs pa'i mtsho chen po zab mo klong 'khyil pa/ 'ur 'ur sgra 'byung ba lta bur drag cing rgyun ring ba'i skad gsang mthon pos 'di skad ces smras so/ /sdang ba 'byung po dang / gdon dang / bgegs dang / log 'dren la sogs pa drag shul can drag shul gyi sems dang ldan pa/ sdig pa can sdig pa'i sems dang ldan pa/ sdang ba can sdang ba'i sems dang ldan pa khyed thams cad nyon cig /khyed kyis deng phan chad sems can gang dag de bzhin gshegs pa'i bstan pa la zhugs pa dag dang / de la sogs pa gang dag gsang sngags sgrub bam/ glog pa de dag la bgegs 'byung bar mi bya zhing 'tshe bar mi bya ste/ sgrub pa dang rjes su mthun par stobs sbyin par bya'o/ /sems can gang dag dam tshig la zhugs pa de dag la bsrung bar bya/ zhi ba dang bde legs su 'gyur ba dang / chad pa spang ba dang / dug gzhil ba dang / </font><hr>101.87b<br><font size=+1>

dug gsad pa dang / rig sngags 'grub pa sbyin par bya'o/ /sbrang rtsi dang / tshigs ma dang / sgog pa dang / ki'u dang / gtor ma dang / 'byung po dang / mi bgrungs pa rnams kyi sha dang zas zos kyang skyon du mi gzung zhing nyes par mi brtsi'o/ /de nas sdang ba 'byung po dang / bgegs dang / log 'dren la sogs pa thams cad ces bya ba nas sgra skad kyi nga ro gcig gis 'di skad ces smras so zhes bya ba'i bar du sbyar ro/ /rigs kyi bu dag bka' lung ci stsal ba de bzhin du sbyar bar bgyi'o/ /deng slan chad sangs rgyas bcom ldan 'das dang / chos dang dge 'dun la skyabs su mchi'o/ /sems can thams cad kyi don du bla na med pa yang dag par rdzogs pa'i byang chub tu sems bskyed do/ /de nas gsang ba pa'i bdag po lag na rdo rjes khro bo chen po rdo rje khro bo chen po de dag dang / sdang ba bgegs dang / log 'dren dang / 'byung po dang / gdon gyi tshogs de dag thams cad la legs so zhes bya ba byin te/ rig sngags kyi las dang / dam tshig dang / phyag rgya thams cad 'dzin du bcug go/ /gsang ba pa'i bdag po lag na rdo rje yang rdo rje'i rnam par thar pa'i sgo chen po'i ting nge 'dzin de las langs so/ /de nas tshe dang ldan pa shA ra dwa ti'i bus gsang ba pa'i bdag po lag na rdo rje la 'di skad ces smras so/ /rigs kyi bu gang la gnas nas khyed kyis rdzu 'phrul gyi cho 'phrul 'di lta bu 'di bstan pa dang / bdud sdig can yang byang chub tu sems bskyed pa dang / gzhan yang sdang ba gdon dang / 'byung po dang / bgegs dang / log 'dren thams cad dam tshig la bkod cing byang chub kyi sems 'dzin du bcug pa'i ting nge 'dzin 'di'i ming ci zhes bya/ de skad ces smras pa dang / gsang ba pa'i bdag po lag na rdo rjes tshe dang ldan pa shA ra dwa ti'i bu la 'di skad ces smras so/ /btsun pa shA ra dwa ti'i bu ting nge 'dzin 'di ni ming dang yi ge dang / sgra skad kyis rtogs par bya ba ma yin no/ /de ci'i phyir zhe na/ gang ming ngam/ gzugs sam/ dbyibs sam/ gnas sam/ mnyam par gzhag pa 'am/ g.yengs pa yang rung ste/ ting nge</font><hr>101.88a<br><font size=+1>

'dzin ces bya ba'i chos de gang yang med do/ /gang la ming med pa dang / gzugs med pa dang / dbyibs med pa dang / gnas med pa dang / mnyam par gzhag pa med pa dang / g.yeng ba med pa 'di btsun pa shA ra dwa ti'i bu ting nge 'dzin 'di'i ming ci zhes bya zhes de la ji snyam du sems/ yang btsun pa shA ra dwa ti'i bu gsal bar byed pa 'di ni bdag la gsal bar byed pa ma yin/ gzhan la gsal bar byed pa ma yin/ gnyis ka la gsal bar byed pa ma yin no/ /'on kyang gsal bar byed par btags pa yod do/ /de la gsal bar byed pa ni gsal bar byed pa'i bdag nyid kyis stong / bdag ni bdag gis stong / gzhan yang gzhan gyi bdag nyid kyis stong / gnyis ka yang gnyis ka'i bdag nyid kyis stong ste/ yang dag pa ma yin pa'i kun du brtags pa'i phyir ro/ /'di ci zhes bya ba'i yi ge gnyis kyi tshig gi bdag nyid kyis stong ste yi ge yang yi ge ma yin no/ /de ltar na rten cing 'brel bar 'byung ba'i don rtogs par byed pa yin no/ /don de brjod pa na yang gang nas kyang mi 'ong / gang du yang mi 'gro mod kyi/ gzhan gyi dbang la brten pa'i phyir yi ger btags pa yang yod do/ /yongs su btags pa yin pa'i phyir btags pa yang stong pa'o/ /rten cing 'brel bar 'byung ba'i phyir gzhan gyi dbang nyid stong pa'o/ /rgyu dang rkyen las byung ba'i phyir rten cing 'brel bar 'byung ba yang stong pa'o/ /glo bur du rgyu dang rkyen gyis bskyed pa'i phyir 'byung yang 'byung ba'i bdag nyid kyis stong ngo / /de la rten cing 'brel bar 'byung ba ni rang gi mtshan nyid kyis stong ngo / /rang gi mtshan nyid kyis stong pa gang yin pa de mtshan nyid med pa'o/ /mtshan nyid med pa gang yin pa de de bzhin nyid do/ /de bzhin nyid gang yin pa de ma nor ba de bzhin nyid do/ /ma nor ba de bzhin nyid gang yin pa de gzhan ma yin pa de bzhin nyid do/ /gzhan ma yin pa de bzhin nyid gang yin pa de ting nge 'dzin to/ /ting nge 'dzin gang yin pa de rtogs pa'o/ /</font><hr>101.88b<br><font size=+1>

rtogs pa gang yin pa de stong pa nyid do/ /stong pa nyid gang yin pa de lhag mthong ngo / /lhag mthong gang yin pa de zhi gnas so/ /zhi gnas gang yin pa de rnam par thar pa'o/ /rnam par thar pa gang yin pa de dbu ma'i lam yin no/ /dbu ma'i lam gang yin pa de la mtha' gcig med/ mtha' gnyis med/ gzung ba med/ 'dzin pa po med/ 'dzin pa med/ chad pa med/ rtag pa med/ skye ba med/ 'gag pa med/ rtog pa med/ rnam par rtog pa med/ rang dbang med/ gzhan gyi dbang med/ 'gro ba med/ 'ong ba med/ kun nas nyon mongs pa med/ rnam par byang ba med/ 'du ba med/ 'bral ba med de/ de ni lhag mthong yin no/ /lhag mthong gang yin pa de la phung po rnams med/ khams rnams med/ dbang po rnams med/ skye mched rnams med/ yul rnams med/ yul du gdags pa med/ las med/ las kyi 'bras bu med do/ /gang la las med cing las kyi 'bras bu med pa de bla na med pa yang dag par rdzogs pa'i byang chub bo/ /bla na med pa yang dag par rdzogs pa'i byang chub gang yin pa de bla na med pa yang dag par rdzogs par sangs rgyas so/ /bla na med pa yang dag par rdzogs pa'i sangs rgyas gang yin pa de chos so/ /chos gang yin pa de mi skye mi 'chi 'o/ /mi skye mi 'chi ba gang yin pa de nam mkha' dang mnyam pa nyid du khong du chud par bya'o/ /btsun pa shA ra dwa ti'i bus smras pa/ rigs kyi bu khyod kyis ting nge 'dzin bstan pa bshad pa 'di ni shin du zab ste/ 'di la nyan thos dang / rang sangs rgyas thams cad kyi 'gro ba yang med na/ 'jig rten pa'i mu stegs can dang / phas kyi rgol ba thams cad lta smos kyang ci dgos/ chos kyi rnam grangs 'di ni dge ba'i rtsa ba ma bskyed pa dang / mos pa rkyang ba thams cad kyis shes pa dga' ba ste gzhan du na 'di de bzhin gshegs pa'i spyan gyi yul du gyur pa ni ma gtogs so/ /de la de bzhin gshegs pa'i spyan ni dmigs pa med pa gnas pa med pa'o/ /de skad ces bka' stsal pa dang / gsang</font><hr>101.89a<br><font size=+1>

ba pa'i bdag po lag na rdo rjes tshe dang ldan pa shA ra dwa ti'i bu la 'di skad ces smras so/ /btsun pa shA ra dwa ti'i bu de bzhin gshegs pa zhes bya ba de ni de bzhin nyid kyi mtshan nyid do/ /de bzhin nyid kyi mtshan nyid gang yin pa de ni stong pa nyid do/ /stong pa nyid gang yin pa de la de bzhin gshegs pa med do/ /de bzhin gshegs pa'i mtshan nyid med do/ /shA ra dwa ti'i bus smras pa/ rigs kyi bu gal te de bzhin gshegs pa mtshan nyid med pa min/ de la ji ltar skyes bu chen po'i mtshan sum bcu rtsa gnyis dang ldan zhing de bzhin gshegs pa zhes bstan cing dpe byad bzang po brgyad bcus sku legs par brgyan/ ji ltar de bzhin gshegs pa'i sku gsum rnam par gzhag par blta/ ji ltar de bzhin gshegs pa bla na med pa yang dag par rdzogs pa'i byang chub tu mngon par rdzogs par sangs rgyas/ gsang ba pa'i bdag po lag na rdo rjes smras pa/ btsun pa shA ra dwa ti'i bu skyes bu chen po'i mtshan sum bcu rtsa gnyis shes bya ba de ni kun rdzob kyi brda'i tshig go/ /brgyan ces bya ba de ni spros pa'i yi ge dang sgra'o/ /dpe byad bzang po zhes bya ba de ni sgyu ma dang / rmi lam gyi ngo bo nyid kyi mtshan nyid do/ /yang dag par rdzogs pa'i byang chub ces bya ba de ni nam mkha'i ngo bo nyid kyi mtshan nyid do/ /sku gsum rnam par gzhag pa zhes bya ba de ni tshogs gnyis kyis sprul pa'i mtshan nyid do/ /btsun pa shA ra dwa ti'i bu yang 'di ni de bzhin gshegs pa'i sku'i gsang ba'i yul te/ de la sku'i gsang ba zhes bya ba de ni bsod nams chen po'i rgyu mthun pa'i mtshan nyid do/ /bsod nams kyi rgyu mthun pa gang yin pa de de bzhin gshegs pa'i rdzogs par longs spyod pa'i sku ste/ 'di yang de bzhin gshegs pa'i sku'i phrin las dang sku'i gsang ba'o/ /btsun pa shA ra dwa ti'i bu gsung zhes bya ba de ni kun rdzob dang don dam pa gnyis kyi mtshan nyid do/ /kun rdzob dang don dam pa gnyis kyi mtshan nyid gang yin pa de de bzhin gshegs</font><hr>101.89b<br><font size=+1>

pa'i sprul pa'i sku'o/ /rten cing 'brel bar 'byung ba chad pa med pa dang / rtag pa med par 'jug pa thugs su chud pa yid kyi rnam par shes pa'i lam gyis 'jug pa/ bsam gtan goms par byas pas shes par bya ba ste/ dmigs pa med pa/ kun nas nyon mongs pa med pa dang / rnam par byang bas stong pa/ lus kyi yul ma yin pa/ ngag gi spyod yul ma yin pa/ yid kyi rang gi ngo bo'i yul ma yin pa gang yin pa de ni de bzhin gshegs pa'i chos kyi sku nam mkha'i khams su yang dag par 'du ba'o/ /de bzhin gshegs pa'i sku gsum rnam par gzhag pa de ltar blta bar bya'o/ /btsun pa shA ra dwa ti'i bu gzhan yang de bzhin gshegs pa'i sku'i gsang ba gang yin pa de ni chos kyi sku'o/ /chos kyi sku gang yin pa de ni chos rnams kyi dbu ma'i lam du blta'o/ /dbu ma'i lam gang yin pa de ni mi skye mi 'chi ba ste/ de bzhin gshegs pa rnams byung yang rung / ma byung yang rung / chos kyi sku 'di ni gnas pa nyid do/ /btsun pa shA ra dwa ti'i bu bsod nams kyi rgyu mthun pa zhes bya ba de ni pha rol tu phyin pa dag gi rnam grangs su gtogs pa'o/ /de la pha rol tu phyin pa zhes bya ba de yang bsod nams kyi rgyu mthun pa nyid tu blta'o/ /de ci'i phyir zhe na/ btsun pa shA ra dwa ti'i bu sbyin pa'i pha rol tu phyin pa zhes bya ba de ni phyi nang gi dngos po rnam pa gnyis yongs su btang bar bya ba'o/ /de la phyi zhes bya ba de ni kun rdzob kyi tshig go/ /nang zhes bya ba de ni don dam pa'i tshig go /de la phyi zhes bya ba de ni gang zas 'dod pa rnams la zas dang / skom 'dod pa rnams la skom dang / de bzhin du bran po dang / bran mo dang / las byed pa dang / zho shas 'tsho ba dang / glang po che dang / rta dang / shing rta dang / sa dang / mgo dang / lag pa dang / rkang pa dang / mig dang / sha dang / khrag dang / rkang dang / tshil dang / rus pa'i bar du sbyin pa ste/ de yang thabs kyi pha rol tu phyin pas yongs su zin pas yongs su bsngos pa rnam par smin pa la mi re ba dang / gya nom pa dang / </font><hr>101.90a<br><font size=+1>

rgya che ba dang / rang gi bsti stang du byas te rnam pa thams cad sems can thams cad la sbyin pa 'di ni phyi'i 'o/ /nang gis ni chos sbyin pa'o/ /de yang rnam pa gnyis te/ rten cing 'brel par 'byung ba la 'jug par yang dag par gzhol ba dang / sbyin pa'i gtam dang / tshul khrims kyi gtam dang / bzod pa'i gtam dang / brtson 'grus dang / bsam gtan dang / shes rab dang / thabs dang / stobs dang / smon lam dang / ye shes kyi gtam dang / snying rjes yongs su zin pa thabs kyi pha rol tu phyin pa yang dag par 'du ba'o/ /gzhan yang nang gi sbyin pa ni gang 'di mthar 'dzin pa dang / skye ba dang / 'gag par yongs su rtog pa dang / rnam par rtog pa dang / shes pa dang / shes bya rnam par spangs pa dga' bas yongs su zin pa stobs kyi pha rol tu phyin pa yang dag par 'du ba ste 'di ni chos kyi sbyin pa'o/ /gang 'di nyid la lus dang / ngag dang / yid rgod pa med pa dang / khengs pa med pa dang / lus rnam par g.yeng ba med pa dang / ngag rnam par g.yeng ba med pa dang / yid rnam par g.yeng ba med par shes rab kyi pha rol tu phyin pas yongs su zin pa/ gcig tu nyon mongs pa med par gnas pa/ btang snyoms kyis yongs su zin pa/ thabs kyi pha rol tu phyin pa yang dag par 'du ba 'di ni tshul khrims kyi pha rol tu phyin pa'o/ /gang 'di nyid la rang gi lus dang srog la mi lta bar bsod nams dang / bsod nams ma yin pa dang / chos dang / chos ma yin pa dang / bden pa dang / bden pa ma yin pa dang / g.yo ba dang / mi g.yo ba'i dngos po rnam par spong zhing byams pas yongs su zin pa shes rab kyi pha rol tu phyin pa yang dag par 'du ba 'di ni 'dir bzod pa'i pha rol tu phyin pa'o/ /gang sbyin pa dang / tshul khrims dang / bzod pa dang / ting nge 'dzin thob par bya ba'i phyir sems spro zhing rtsom pa dang / yongs su mi skyo bar rtag tu gnas pa med pa dang / de dmigs pa med pa dang / byams pas yongs su zin pa ye shes kyi pha</font><hr>101.90b<br><font size=+1>

rol tu phyin pa yang dag par 'du ba 'di ni 'dir brtson 'grus kyi pha rol tu phyin pa'o/ /btsun pa shA ra dwa ti'i bu 'di ni bsod nams kyi tshogs te/ de bzhin gshegs pa'i rdzogs par longs spyod pa'i sku'i gsang ba grub par byed pa'o/ /btsun pa shA ra dwa ti'i bu gzhan yang ye shes kyi tshogs ni gang pha rol tu phyin pa bzhi po 'di dag nyid rtogs pa ste/ pha rol tu phyin pa rnams 'byed pa dang / 'grel ba dang / gsal bar byed pa dang / de la gzhol zhing mi rtag pa dang / bdag med pa dang / stong pa dang / gsob dang / gsog dang / dngos po med pa dang / dngos po thams cad dngos po med par yang dag par ston to/ /mdor bsdu ba na 'dod chags dang / zhe sdang dang / gti mug dang / nyon mongs pa dang / nye ba'i nyon mongs pa sel cing chos kyi dbyings nam mkha' mtha' yas skye mched dang mnyam par yang dag par ston te/ dmigs pa bral ba 'di ni 'dir bsam gtan gyi pha rol tu phyin pa'o/ /de bzhin nyid dang / stong pa nyid dang / mtha' las 'das pa stong pa nyid dang / phyi ma'i mtha' stong pa nyid dang / chos kyi dbyings kyi rang gi ngo bo nyid gang yin pa 'di ni 'dir shes rab kyi pha rol tu phyin pa'o/ /btsun pa shA ra dwa ti'i bu 'di ni ye shes kyi tshogs so/ /bsod nams kyi tshogs dang / ye shes kyi tshogs dang / tshogs 'di gnyis ni byang chub kyi phyogs kyi chos dang / shes pa dang / shes bya mtha' dag dang / bla na med pa yang dag par rdzogs pa'i byang chub yang dag par rtogs par byed pa ste/ btsun pa shA ra dwa ti'i bu 'di ni de bzhin gshegs pa'i sku'i gsang ba dag gi mdor bsdus te bstan pa'o/ /rgya cher rnam par dbye ba ni gal te de bzhin gshegs pa nyid kyis sku tshe'i tshad bskal par bzhugs te bstan cing bshad kyang mthar phyin par mi 'gyur ro/ /sku'i gsang ba ji lta ba bzhin du gsung gi gsang ba yang de bzhin no/ /thugs kyi gsang ba ni de bzhin gshegs pas rnam pa dang / so so'i rnam pa dang / kha dog dang / </font><hr>101.91a<br><font size=+1>

rtags dang / dbyibs dang / ngag gi rnam par rtog pa'i spyod yul dang / bya ba tha dad pa'i sbyor ba rnams kyis kyang bstan par mi spyod mod kyi/  'on kyang de bzhin gshegs pa'i so so rang gis rig pa'i thugs kyi gsang ba yin par shes par bya'o/ /btsun pa shA ra dwa ti'i bu de ni de'i phyir rnam grangs 'dis kyang de ltar rig par bya ste/ bdag cag lta bu byang chub mngon par rdzogs par sangs ma rgyas pa rnams kyis bstan pa lta smos kyang ci dgos/ 'on kyang de bzhin gshegs pa'i byin gyi brlabs kyis sems can gyi khams mtha' yas mu med pa'i bsam pa dang / lhag pa'i bsam pa dang / mos pa dang / blo gros dang / blo dang / rtogs pa dang / mngon bar 'dod pa mtha' yas mu med pa dang / sems kyi rgyun rnam pa tha dad pa sna tshogs kyi rjes su 'gro ba'i spyod yul dang / skye gnas sna tshogs dang / lhan cig skyes pa'i las sna tshogs dang / mi shes pa dang / ma rig pa'i mun pa dang / mi snang ba dang / mun nag dang / 'gro ba lnga dang / 'gro ba drug dang / khams gsum pa thog ma dang / dbus dang / 'jig par gnas pa sngon gyi mtha' dang / phyi ma'i mtha' yongs su ma chad par gnas par dus gsum dang / phyogs la mgo rmongs pa skye ba dang / rga ba la sogs pa na ba dang / nad dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa la sogs pas nyin gcig bzhin du bcom pa'i sems can rnams kyi sems can gyi khams ma rgal ba bsgral ba dang / ma grol ba dgrol ba dang / dbugs ma phyin pa dbugs dbyung ba dang / yongs su mya ngan las ma 'das pa yongs su mya ngan las bzla ba dang / chos kyi rnam grangs 'di la gzud pa dang / gnas pa thams cad gyur pa'i lam la dgod pa dang / mya ngan las 'das pa shin du bde ba/ don dam pa/ zhi ba/ 'khrug pa med pa/ dge ba/ nad med pa dang / sangs rgyas</font><hr>101.91b<br><font size=+1>

bcom ldan 'das rnams kyi so so rang gi rig pa'i ye shes kyi dbyings mnyam pa nyid kyis mi mnyam pa dang mnyam pa/ rnam pa thams cad kyi mchog dang ldan pa'i thams cad mkhyen pa'i ye shes la sbyar ba dang / yang dag par 'dzin du 'jug pa dang / yang dag par gzeng bstod pa dang / yang dag par rab tu dga' bar byed pa dang / dga' ba dang / dang ba dang / mgu ba'i sa la yang dag par gzud pa dang / chos rtogs pa'i khyad par brjod pa dang / rgya mtsho chen po ltar 'dul ba'i sems can yongs su smin par bya ba'i dus dang / tshod las mi 'da' bar bya ba dang / de dag la rgyu de'i dbang du byas te skye bo'i tshogs chen po'i don dang / phan pa dang / bde ba dang / lha dang / mi rnams kyi don dang / theg pa chen po bla na med pa'i chos kyi tshul gcig nas gcig tu brgyud de gnas par bya ba dang / gcig nas gcig tu lung byin pas thos pa dang / bsam pa dang / bsgom pa las byung ba'i shes rab dang / ye shes goms pa rnal 'byor du gyur pa'i rgyud kyi rgyun mi gcad pa dang / skal ba yod la yongs su ma smin pa yongs su smin par bya ba'i 'os su gyur pa'i don gyi phyir phyogs tsam gyi sgo gcig mdun du byas te 'jug par byed pa chung zad cig bshad par bya'o/ /de skad ces smras pa dang / tshe dang ldan pa shA ra dwa ti'i bu mchog tu ngo mtshar du gyur cing rmad du byung bar gyur te dga' ba thob nas gsang ba pa'i bdag po lag na rdo rje la 'di skad ces smras so/ /rigs kyi bu legs so legs so/ /gang gi phyir kho bo cag lta bu nyi tshe ba'i shes pa dang ldan pa gzhan gyis sgra bsgrags pa'i rjes su 'gro ba'i nyan thos rnams la chos zab mo'i tshig don 'di lta bu gsal bar byas pa ni rigs kyi bu khyod yang legs so/ /lag na rdo rjes smras pa/ btsun pa shA ra dwa ti'i bu de de bzhin te/ ji skad smras pa de bzhin no/ /btsun pa shA ra dwa ti'i bu ting nge 'dzin 'di'i ming ci zhes bya zhes de skad zer ba ni ting</font><hr>101.92a<br><font size=+1>

nge 'dzin 'di'i ming rdo rje'i rnam par thar pa'i sgo chen po zhes bya'o/ /de nas bcom ldan 'das kyis phyag g.yas pa gser gyi kha dog lta bu brkyang ste/ phyag g.yas pa 'jam zhing mnyen la shin tu gzhon sha chags pa/ gsang ba pa'i bdag po lag na rdo rje'i mgo la gzhag ste/ ched du bka' bstsal pa 'di dag kyang ched du bka' stsal to/ /gsang ba pa'i bdag po lag na rdo rje khyod kyis gang mdo sde zab mo 'di lta bu 'di dag gsang ba pa'i tshig gi don bzhin du sems can thams cad la lung bstan cing bshad de bkrol zhing rnam par phye ba legs so legs so/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas lag na rdo rje la ji ltar legs so zhes bya ba byin pa de bzhin du phyogs bcu'i 'jig rten gyi khams su gtogs pa'i de bzhin gshegs pa thams cad kyis kyang gsang ba pa'i bdag po lag na rdo rje'i mgo la phyag gzhag ste/ ched du bka' stsal pa 'di dag kyang ched du bka' stsal cing legs so zhes bya ba byin te/ rigs kyi bu chos kyi rnam grangs 'di 'jig rten gyi khams mang po dag na ming 'dzin pa yang dkon na rab tu gsal bar byed pa lta ci smos/ gsang ba pa'i bdag po lag na rdo rjes chos kyi rnam grangs 'di bshad pa na lha'i bu gang gA'i klung tshad med grangs med dpag tu med pa'i bye ma'i rdul phra rab kyi rdul las shin du 'das pa snyed chos rnams la chos kyi mig rdul med cing dri ma dang bral ba skyes so/ /dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa rab tu mang po dag gis ni mi skye ba'i chos la bzod pa thob par gyur to/ /de bas kyang ches mang ba'i sems can rnams ni phyir mi ldog pa nyid du bya ba'i phyir bla na</font><hr>101.92b<br><font size=+1>

med pa yang dag par rdzogs pa'i byang chub tu sems skyes so/ /stong gsum gyi stong chen po'i 'jig rten gyi khams 'di dang / de ma yin pa sangs rgyas kyi zhing gzhan dpag tu med cing grangs med la brjod du med pa'i yang brjod du med pa dag kyang rnam pa drug du g.yos so/ /gsang ba pa'i bdag po lag na rdo rje la yang chos kyi dgab pa dang / mchod pa'i phyir nam mkha'i dkyil na rnga rnams ma brdungs par kun nas sgra byung ngo / /byang chub sems dpa'i rdzu 'phrul gyi gzhal med khang gi khang pa brtsegs pa rnams su kun nas sil snyan dang pheg rdob pa dang glu dbyangs blangs pas lha'i bu mo rnams gar byed do/ /spos dang / byug pa dang / bdug pa dang / phye ma dang / gos dang / gdugs dang / rgyal mtshan dang / ba dan dang / dpag bsam gyi shing ljon pa dang / rin po che dang / mu tig gi rgyan phreng dang / me tog pad ma dang / ku mu da dang / ut+pa la dang / dri mchog dang / sna ma'i me tog dang / pa ri sha ka dang / pa ri sha ka chen po dang / btang bzung dang / btang bzung chen po dang / mAn dA ra ba dang / mAn dA ra ba chen po dang / many+dzu sha ka dang / many+dzu sha ka chen po dang / kun nas skyes dang / kun nas skyes chen po'i me tog gi char gyi sprin kun nas mngon par bab bo/ /spos chu'i char gyi sprin yang mngon par bab po/ /de nas tshangs pa dang / khyab 'jug dang / dbang phyug chen po dang / brgya byin dang / 'jig rten skyong ba dang / gnod sbyin dang / nam mkha' lding dang / mi 'am ci dang / lto 'phye chen po dang / ma mo'i gdon gyi tshogs dang / 'byung po dang / brjed byed dang / skem byed dang / sgrub pa dang / sbrul 'dzin bcas dang / gnon po dang / ma mo dang / yi dgas dang / sha za dang / bram ze'i srin po dang / mkha' 'gro ma dang / phyogs dang / phyogs mtshams dang / mkhar dang / ri dang / sa'i lha la sogs pa sdang ba gdon dgegs dang / </font><hr>101.93a<br><font size=+1>

log 'dren thams cad dang / de ma yin pa gzhan yang lha dang / mi dang / mi ma yin pa dag bla gos rnams phrag pa gcig tu bzar te pus mo g.yas pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das gang gis bdag cag gzir cing nye bar gzir bas rig sngags 'chang thams cad la dngos grub stsol ba dang / dam tshig thams cad 'dzin du 'jug pa la yang dag par snang bar bgyid par 'gyur ba rang gi snying po 'di bdag cag la bstan du gsol/ de nas bcom ldan 'das kyis tshangs pa la sogs pa lha'i tshogs de dag la legs so zhes bya ba byin te/ grogs po dag gang gi phyir khyed cag 'di ltar sems can thams cad la phan pa'i phyir zhugs pa ni legs so legs so/ /de'i phyir legs par rab tu nyon la yid la zung shig dang / ngas khyed rang gi snying po bstan par bya'o/ /de dag gis kyang bcom ldan 'das la legs so legs so zhes gsol to/ /bcom ldan 'das kyis lha'i rnga bo che dang / rgya mtsho dang / sprin chen po'i sgra lta bu'i gsung tshangs pa chen po'i sgra bas lhag pa sna tshogs pa snyan cing rgya che la zab pa/ thog ma dang / bar dang / tha mar dge ba/ sems can thams cad kyi snying du 'thad pa/ gsal ba/ 'jebs pa/ dag pa/ mnyen pa/ snyan pa brjod pa'i tshig khams gsum pa thams cad la go bar byed pa/ de bzhin gshegs pa'i seng ge'i sgra bla na med pa des grub pa'i gsang sngags kyi gzhi 'di dag gsungs so/ /de bzhin gshegs pa dgra bcom pa yang dag par rdzogs pa'i sangs rgyas thams cad la phyag 'tshal lo/ /tad+ya thA/ dza ya dza ya/ dza ya ba ha/ tsi li tsi li/ mi li mi li/ lu Tu lu Tu/ dza ye bi dza ye/ dza yan+ti/ bi dza yan+ti/ a dzi te/ a pa rA dzi te/ tad+yi te/ sarba duSh+Ta pra duSh+Ta stam</font><hr>101.93b<br><font size=+1>

b+ha ni/ dzam b+ha ni/ mo ha ni/ shwe te ka rA le/ ke yU re/ sarba bud+d+ha a d+hi te ban+d+ha rA bA si ni/ bar+Na sha ba ri/ shri ye ma hA shri ye sarba ad+b+hU tA ya shri ye/ pad ma ba he/ pad ma mA li ni/ badzra ang ku shi/ badzra ma te/ badzra pA tA li/ shU li ni/ badzra d+ha re/ hi hi hi hi/ badzra pA Ni/ he he he he/ badzra pa Ni/ badzra shU li ni/ tsakra d+ha re/ hi hi/ badzra pA Ni/ he he badzra pA Ni/ hi hi hi hi/ he he he he/ badzra pA Ni/ ka la ka la/ ba la ba la/ ra la ra la/ d+ha ma d+ha ma/ sa ra sa ra/ hA hA hA hA hA/ tsi li mi li/ tshi le/ di le/ di di la/ di mi le/ dza le/ ma hA dz+wa le/ dza li ti/ pra dz+wa li ti/ Tha ra thag ge tha re/ mu gu ti/ k+Sha me/ k+Sha ma me/ grub pa'i tshogs kyis phyag byas ma/ lha thams cad kyi snying kun du 'jug par byed ma/ sems can thams cad kyi snying 'bigs ma/ sdang ba rab tu sdang ba thams cad kyi snying 'joms ma/ de bzhin gshegs pa thams cad kyi snying po rjes su skyong ma/ byang chub sems dpa' thams cad kyi snying po la 'jug ma tshur shog /dam tshig rjes su skyongs shig /sems can thams cad kyi snying rnams khug la dam tshig la khod cig /thams cad mkhyen pa la phyag 'tshal lo swA hA/ 'jig rten mkhyen pa thams cad la phyag 'tshal lo swA hA/ tra Ta tra Ta/ s+pho Ta ya swA hA/ gyen du lta la swA hA/ rnam par lta la swA hA/ chu srin la swA hA/ me la swA hA/ tshangs pa la swA hA/ khyab 'jug la swA hA/ drag po rnams la swA hA/ brgya byin la swA hA/ 'jig rten skyong ba rnams la swA hA/ thams cad la swA hA/ lha rnams la swA hA/ nor rnams la swA hA/ ma mo rnams la swA hA/ mtshun rnams la swA hA/ bgegs dang log 'dren rnams la swA hA/ sa la swA hA/ dbyangs can la swA hA/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po thams cad dang / srin po la sogs pa khams gsum thams cad du</font><hr>101.94a<br><font size=+1>

gtogs pa'i sems can thams cad la swA hA/ tshur shog tshur shog /dam tshig rjes su skyongs shig /ku ru ku ru/ sa ra sa ra/ tiSh+Tha tiSh+Tha/ ha na ha na/ da ha da ha/ pa tsa pa tsa/ hU~M yU~M pU~M/ tsaN+Da li/ ma tang gi brah+ma Ni/  puk+ka si/ de bzhin gshegs pa thams cad la phyag 'tshal lo/ /bdag la gsang sngags kyi gzhi rnams grub par gyur cig swA hA/ de bzhin gshegs pas rang gi snying po dang / lha thams cad kyi snying po 'di gsungs pa na thams cad dang ldan pa'i lha'i 'khor de 'jigs sngangs skrag par gyur nas/ chu shing gi tshul rlung drag po chen pos bskyod de rtsa ba bcad pa bzhin du g.yo zhing 'gul la snying tshig ste/ rdo rje'i phur bus btab pa bzhin du gzugs shing zhig la 'gre zhing skyabs btsal ba'i phyir 'du shes tsam gyis sangs rgyas bcom ldan 'das la 'bod pa dang / bcom ldan 'das kyis gsang ba pa'i bdag po lag na rdo rje la 'di skad ces bka' stsal to/ /rigs kyi bu lha'i 'khor 'di slong shig /ngas dam tshig 'di yongs su 'dzin du gzhug go/ /rig sngags grub pa 'byor par byed pa'i snying po la gzhol ba bsgrogs so/ /de skad ces bka' stsal pa dang / gsang ba pa'i bdag po lag na rdo rjes gsang ba pa'i snying po 'dis lha'i 'khor de dag thams cad bslang ngo / /dkon mchog gsum la phyag 'tshal lo/ /gnod sbyin gyi sde dpon chen po lag na rdo rje drag po chen po la phyag 'tshal lo/ /\u0f00 ki li ki li/ badzra ki li ki lA ya swA hA/ bcom ldan 'das 'di ni bdag gi snying po mchog tu gsang ba lags te/ rig sngags thams cad 'grub par bgyid pa lags so/ /des ni bdag kyang drangs nas gzhan gyis ma btang bar mchi'o/ /dbang du mchi'o/ /dngos grub stsal bar bgyi'o/ /lung bzhin bgyi'o/ /bsrung bar bgyi'o/ /dpal bskyed par bgyi'o/ /bgegs dang log 'dren thams cad rnam par gshig go/ /sems can thams cad</font><hr>101.94b<br><font size=+1>

gdul bar bgyi'o/ /'byung po thams cad rnam par gshig par bgyi'o/ /nad thams cad bsal bar bgyi'o/ /sngon gyi las kyi rnam par smin pa ni ma gtogs so/ /bcom ldan 'das bdag gi snying po mchog tu gsang ba 'di ni 'di nas bskal pa grangs ma mchis pa gsum du dka' ba spyod pa chen po bgyid pa na gnod pa bgyid pa bgegs dang log 'dren thams cad kyis rnam par gtses pa'i tshe/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgya mtsho mchog 'dzin mo ltar blos rnam par bsgyings shing rnam par rol pa mngon shes dri zhim snang dpal gyis bdag la bsrung ba'i slad du stsal to/ /gsang ba pa'i bdag po lag na rdo rjes snying po mchog tu gsang ba 'di smras ma thag tu 'khor de thams cad bsam gtan gyi dga' ba dang bde bas tshim par gyur te/ gsang ba pa'i bdag po lag na rdo rje'i dam tshig gi bstan pa la gnas so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyi chos kyi rnam grangs 'di zung shig /chongs shig /lhogs shig /'dzin du chug shig /kun chub par gyis shig /gzhan dag la yang rgya cher yang dag par rab tu ston cig dang / des sems can mang po la yun ring por phan pa dang / bde ba dang / tha mar de bzhin gshegs pa'i ye shes bla na med pa chags pa med pa sgrib pa med pa thob cing rtogs par 'gyur ro/ /su chos kyi rnam grangs 'di 'chang ba dang / klog pa dang / 'dzin du 'jug pa dang / kun chub par byed pa dang / gzhan dag la yang rgya cher yang dag par rab tu ston pa dang / mchod pa dang / yi ger 'bri ba dang / yi ger 'drir 'jug pa dang / kha ton byed pa dang / nyan pa dang / sems pa de ring por mi thogs par bla na med pa yang dag par rdzogs pa'i byang chub mngon</font><hr>101.95a<br><font size=+1>

par rdzogs par 'tshang rgya bar 'gyur ro/ /'di nas nam byang chub kyi snying po la 'dug gi bar du ngan 'gro log par ltung bar 'gro bar mi 'gyur ro/ /rigs dma' ba rnams su skye bar mi 'gyur ro/ /dbul po'i rigs rnams su skye bar mi 'gyur te/ shes rab med par yang ma yin/ ma dul bar ma yin/ tshe thung bar ma yin zhing tshe rabs tshe rabs su tshe rabs dran par 'gyur ro/ /byang chub kyi sems brjed par mi 'gyur ro/ /thos pa 'dzin par 'gyur ro/ /rab tu dben pa la mngon par dga' bar 'gyur ro/ /'khor ngan pa can ma yin par 'gyur ro/ /tshig gzung bar 'os shing snyan par 'gyur ro/ /skal ba bzang zhing gzugs bzang bar 'gyur ro/ /shes rab chen po dang / spobs pa chen po dang dbang dang ldan par 'gyur ro/ /de bzhin gshegs pa thams cad mnyes par bya ba la mkhas par 'gyur ro/ /dge ba'i bshes gnyen gyis yongs su zin par 'gyur ro/ /sdig pa'i grogs po yongs su spong bar 'gyur ro/ /pha rol tu phyin pa yongs su rdzogs par bya ba la mkhas par 'gyur ro/ /sems can thams cad yongs su rdzogs par bya ba la mkhas par 'gyur ro/ /sangs rgyas kyi zhing che zhing mtha' yas pa la rdzu 'phrul dang ldan par 'gyur ro/ /nam byang chub kyi snying po la 'dug gi bar du de byang chub kyi sems mi brjed par 'gyur ro/ /tshe 'di nyid la bgegs dang / log 'dren dang /  rig sngags 'chang grub pa dang / 'byung po dag dang / gdon gyi tshogs dang / ma mo dang / yi dgas dang / sha za dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po la sogs pa thams cad kyis mi thul bar 'gyur ro/ /de'i las kyi sgrib pa thams cad byang bar 'gyur ro/ /nad thams cad dang bral bar 'gyur ro/ /sngon gyi las kyi rnam par smin pa ma gtogs par 'chi ba'i dus byed</font><hr>101.95b<br><font size=+1>

par mi 'gyur ro/ /de la rig sngags thams cad kyang 'grub par 'gyur ro/ /de la lha thams cad kyang bsrung zhing sbed pa dang / yongs su skyob par 'gyur ro/ /de'i rtsom pa thams cad kyang sla bar 'gyur ro/ /'jig rten pa dang / 'jig rten las 'das pa dang dkyil 'khor thams cad kyi dam tshig la zhugs par 'gyur ro/ /de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das chos kyi rnam grangs 'di'i ming ci lags/ 'di ji ltar bzung bar bgyi/ bcom ldan 'das kyis bka' stsal pa/ kun dga' bo de'i phyir khyod kyis chos kyi rnam grangs 'di byang chub sems dpa' thams cad kyi mchod pa'i sprin du bstan pa zhes bya bar zung shig /de bzhin gshegs pa thams cad kyi chos kyi 'khor lo sgrib pa med pa bskor ba zhes bya bar yang zung shig /de bzhin gshegs pa'i chos kyi dbyings la mkhas pa zhes bya bar yang zung shig /bdud kyi dkyil 'khor thams cad 'joms par byed pa zhes bya bar yang zung shig /bdud kyi phyogs 'dul ba zhes bya bar yang zung shig /rten cing 'brel par 'byung ba la 'jug pa rab tu rtogs pa zhes bya bar yang zung shig /dam pa'i chos kyi phyag rgya'i mtshan nyid ces bya bar yang zung shig /rig sngags dang / dkyil 'khor dang / phyag rgya dang / dam tshig thams cad la rab tu 'jog pa zhes bya bar yang zung shig /lag na rdo rje'i rnam par thar pa'i ting nge 'dzin gyi cho 'phrul zhes bya bar yang zung shig /rdo rje'i ri rab chen po'i rtse mo'i khang pa brtsegs pa'i gzungs shes bya bar yang zung shig /de nas tshe dang ldan pa kun dga' bos bcom ldan 'das kyis gsungs pa la legs so zhes gsol te mngon par dga' nas cang mi smra bar gyur to/ /de nas byams pa la sogs pa bskal pa bzang po'i byang chub sems dpa' sems dpa' chen po thams cad dang / </font><hr>101.96a<br><font size=+1>

byang chub sems dpa' sems dpa' chen po rdo rje'i snying po la sogs pa phyogs bcu'i 'jig rten gyi khams nas 'dus pa de dag thams cad dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa de dag thams cad dang / thams cad dang ldan pa'i 'khor de bcom ldan 'das dang / lag na rdo rjes gsungs pa la mngon par bstod do/ /'phags pa rdo rje'i ri rab chen po'i rtse mo'i khang pa brtsegs pa'i gzungs/  rdzogs s+ho// //rgya gar gyi mkhan po shI len+d+ra bo d+hi dang / dz+nyA na sid+d+hi dang / zhu chen gyi lots+tsha ba ban de ye shes sdes bsgyur cing zhus te skad gsar bcad kyis kyang bcos nas gtan la phab pa/ /</font><hr>

</table>