J714

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J714</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J714&coll=lithang">see text in Tibetan script</a></table>101.1a<br><font size=+1>

(tsha) @#/ ! /gsang sngags rgyud 'bum gyi skor bzhugs so/ /[(黃) 秘密經第十八部]</font><hr>101.1b<br><font size=+1>

@##/ /rgya gar skad du/ Ar+ya badzra pA tA la nA ma tan+t+ra rA dzA/ bod skad du/ 'phags pa rdo rje sa 'og gi rgyud kyi rgyal po zhes bya ba/ bla ma dang 'jam pa'i dbyangs la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod kyi gtsug lag khang rgyal bu rgyal byed kyi tshal mgon med zas sbyin gyi kun dga' ra ba na bzhugs te/ dge slong gi dge 'dun chen po brgya phrag phyed dang bcu gsum dang / lha'i tshogs dang / byang chub sems dpa'i dge 'dun dang / thabs gcig tu bzhugs pa la 'di lta ste/ byang chub sems dpa' dri ma med pa'i blo gros dang / byang chub sems dpa' bsam gyis mi khyab pa'i blo gros dang / blo gros thams cad pa dang / blo gros 'phel ba dang / 'jig rten gsum rnam par gnon pa'i blo gros dang / nam mkha'i mdzod dang / kun du bzang po dang / </font><hr>101.2a<br><font size=+1>

'jam dpal gzhon nur gyur pa dang / byang chub sems dpa' sred med kyi bu dang / mi thub bsrel dang / byang chub sems dpa' sems dpa' chen po spyan ras gzigs dbang phyug dang / de dag la sogs pa byang chub sems dpa' stong phrag bcu drug dang / nyan thos kyi dge 'dun la 'di lta ste/ rab 'byor dang / kA t+ya'i bu dang / 'od srung dang / lteng rgyas 'od srung dang / maud gal gyi bu dang / maud gal gyi bu chen po dang / glang po'i mchod rten dang / shA ra dwa ti'i bu dang / de dag la sogs pa nyan thos stong phrag nyi shu rtsa brgyad kyis bcom ldan 'das la yongs su bskor cing mdun du bdar te bzhugs so/ /gzhan yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / ci'i skyes bu dang / lto 'phye chen po rnams kyang 'khor 'dus pa de'i nang du chos nyan pa'i phyir lhags so/ /de nas de'i tshe bcom ldan 'das kyis 'khor gyi dkyil 'khor der byang chub sems dpa' dri ma med pa'i blo gros la bka' stsal pa/ dri ma med pa'i blo gros khyod kyis shar phyogs kyi snang ba chen po 'di mthong ngam/ de nas byang chub sems dpa' dri ma med pa'i blo gros stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das kyi zhabs gnyis la spyi bos mngon bar btud nas bcom ldan 'das la 'di skad ces gsol to/ /bcom ldan 'das mthong lags so/ /shar phyogs kyi ngos kyi snang ba shin tu chen po yongs su 'phro ba 'di 'tshal lags na/ bcom ldan 'das 'di lta bu'i snang ba 'di ci lags/ de nas yang byang chub sems dpa' dri ma med pa'i blo gros kyis slar yang bcom ldan 'das la 'di skad ces gsol to/ /bcom ldan 'das 'od chen po 'di sus bgyis pa bka' stsal du gsol/ de skad ces gsol pa dang / bcom ldan 'das kyis cung zad bzhad pa dang bcas pas byang chub sems dpa' dri ma med pa'i blo gros la 'di skad ces bka' stsal to/ /dri ma med pa'i blo gros 'dir byang chub sems dpa' lag na rdo rje dga' ba dang tshim pas rang</font><hr>101.2b<br><font size=+1>

gi rig pa'i tshogs kyis yongs su bskor zhing gzhan yang lha ma yin dang / srin po dang / sha za dang / 'byung po stong phrag rnams kyis yongs su bskor cing mdun du bdar te 'khor gyi dkyil 'khor 'dir 'ong bar 'dod pa'i snang ba yin no/ /de nas de'i tshe byang chub sems dpa' sems dpa' chen po lag na rdo rje de nyid du 'khor 'dus pa'i dkyil 'khor der phyin par gyur to/ /phyin nas kyang bcom ldan 'das kyi zhabs la gtugs nas bcom ldan 'das la lan gsum du bskor ba byas nas phyogs gcig tu 'khod do/ /de nas bcom ldan 'das kyis phyogs gcig tu 'khod par mkhyen nas mkhyen bzhin du dgyes shing rangs pas yongs su dris pa/ lag na rdo rje gal te nga'i thad du cung zad gleng bar 'dod na byang chub sems dpa' chen po sems can thams cad la phan pa'i phyir brtson pas gdon mi za bar rtogs par gyis shig /bcom ldan 'das kyis de skad ces bka' stsal pa dang / byang chub sems dpa' lag na rdo rjes slar yang bcom ldan 'das la bltas nas/ de nas yang 'khor gyi dkyil 'khor thams cad la rnam par bltas nas ngo phab ste/ cang mi smra bar 'khod par gyur to/ /de nas bcom ldan 'das kyis phyag na rdo rje cang mi smra bar 'khod par gzigs nas 'di skad ces bka' stsal to/ /rig pa'i rgyal po dpag tu med pa'i stobs kyis pha rol gnon pa'i rdo rje 'dzin pa chen po 'khor thams cad spro ba'i sems su gyur pas cang mi smra bar 'khod kyis smros shig smros shig /de skad ces bka' stsal pa dang / lag na rdo rjes bcom ldan 'das la 'di skad ces gsol te/ bcom ldan 'das kyis rjes su gnang na bdag lha ma yin gyi dbang po gzhan len zhes bya bas nye bar bos te/ lha ma yin gyi 'khor chen pos yongs su bskor nas rang gi gnas su mchis so/ /bcom ldan 'das gnas der bdag gis sngon ma 'tshal ba'i khang pa dang / sgo dang / rta babs dang / yang thog dang / gyi ra dang / </font><hr>101.3a<br><font size=+1>

mtsho dang / mtshe'u dang / rdzing dang / khron pa dang / sgo dang / sgo gseng rnams mthong lags so/ /bcom ldan 'das bdag gis ting nge 'dzin gyi khyad par gang gis kyang sngon ma 'tshal te/ bdag gis de'i rnam par rnal 'byor pas bsam gtan mchog la mnyam par bzhag lags so/ /der lha ma yin gyi dbang po gzhan len gyis bdag la bcom ldan 'das gzhal du med cing bsam gyis mi khyab pa'i rdzu 'phrul dang stobs dang rnam par rol bas nam mkha' khyab pa'i sku mnga' ba/ 'jig rten gsum las rnam par rgyal ba'i byang chub sems dpa' chen po ci'i phyir bsam gtan la mnyam par 'jog par gyur/ bcom ldan 'das bdag gi gnas khang na nyams mi dga' ba cung zad kyang ma mchis na/ gang gi don du bsam gtan la mnyam par 'jog pa lags par bka' stsal du gsol zhes mchi'o/ /de nas lha ma yin gyi dbang po des sgyu ma thams cad dang / 'khrul 'khor dang / sgo glegs la sogs pa gleng lags so/ /bcom ldan 'das bdag gis de zil gyis mnan pa'i phyir snang ba chen po 'dzin pa'i rdo rje khro bo chen po rdo rje sa 'og ces bgyi ba 'phrul 'khor thams cad kyi bla ma'i bla mar gyur ba/ 'khrul 'khor brgya rtsa brgyad po thams cad 'joms par byed pa/ nye bar zhi bar byed pa/ ltung bar byed pa/ nges par 'joms par byed pa bshad lags so/ /bcom ldan 'das kyis 'di rjes su mkhyen no/ /bdag gis dga' ba'i bzhin gyis bshad pa dang / skye bo mang po la phan pa dang / bde bar 'gyur bar bcom ldan 'das phyi ma'i tshe phyi ma'i dus lnga brgya tha ma la sems can skyabs med pa rnams zhi ba dang / sbyin pa'i pha rol tu phyin pa yongs su rdzogs par bya ba'i phyir 'khrul 'khor brgya rtsa brgyad po thams cad 'joms pa'i rdo rje sa 'og ces bya ba 'khrul 'khor thams cad kyi bla ma'i bla ma bdag gis bshad par bgyi'o/ /de nas bcom</font><hr>101.3b<br><font size=+1>

ldan 'das kyis lag na rdo rje la 'di skad ces bka' stsal to/ /lag na rdo rje smras pa 'di srog chags rnams kyis bsgrub par dka'o/ /lag na rdo rjes gsol pa/ bcom ldan 'das brjod pa 'di bsgrub par dka' ba ma lags kyis bcom ldan 'das kyis rjes su gnang ba mdzad du gsol/ bde bar gshegs pas rjes su gnang ba mdzad du gsol/ bcom ldan 'das bdag gis bsgrub par dka' ba brjod par mi bgyi'o/ /lha ma yin gyi dbang po gzhan len gyi 'khrul 'khor bde blag tu sgrub par byed pa de bdag gis rjes su dran te/ bshad par bgyi lags na/ bcom ldan 'das kyis de bdag la rjes su gnang ba mdzad du gsol/ de skad ces gsol pa dang / bcom ldan 'das kyis lag na rdo rje la 'di skad ces bka' stsal to/ /ngas rjes su gnang gis khyod kyis rjes su shod cig /lag na rdo rje skye bo mang po la phan pa dang / skye bo mang po la bde ba dang / thabs la mkhas pas sbyin pa'i pha rol tu phyin pa yongs su rdzogs par bya ba'i phyir 'khrul 'khor gyi bla ma rtog pa dang bcas pa'i gsang ba chen po ston cig / de nas lag na rdo rje bcom ldan 'das kyis rjes su gnang nas ca co'i sgra yang dang yang du phyung nas rdo rje gyen du gsor zhing rdo rje 'bar ba'i phreng ba can zhes bya ba'i ting nge 'dzin la snyoms par zhugs te/ rdo rje sa 'og gi gsang sngags smras pa/ na mo rat+na tra yA ya/ na ma sh+tsaN+Da badzra pA Na ye ma hA yak+Sha se nA pa ta ye o~M hrIH  po tri badzra pA tA la ha na ma tha bany+dza pA ta ya mA tsi ra ma badzra kro d+ha hU~M phaT/ de nas rdo rje khro bo chen pos kun 'od zer gyis snang bar byas te/ sa chen po 'di rnam pa drug tu g.yos so/ /lha ma yin dang lha ma yin gyi bu mo rnams rdo rje khro bos gzir bas skyabs med par gyur te/ bcom ldan 'das ga la ba der dong ngo / /dong nas kyang bcom ldan 'das kyi zhabs la gtugs nas 'di skad ces smra zhing 'dud par byed do/ /bcom ldan</font><hr>101.4a<br><font size=+1>

'das bdag bsrung du gsol bde bar gshegs pa yongs su bskyang du gsol/ rdo rje khro bos bdag cag yongs su gzir to/ /bcom ldan 'das rdo rje khro bo 'di bshad pas bdag cag gi khang pa rnams kyi 'khrul 'khor rnams med par gyur/ sgo gtan rnams med par gyur/ sgo rnams grol bar gyur to/ /bcom ldan 'das ma byung ba'i sems can rnams kyang byung bar gyur to/ /bcom ldan 'das 'dir ji ltar gnas par bgyi bka' stsal du gsol/ bcom ldan 'das kyis bka' stsal pa/ grogs po dag ma 'jigs shig ma 'jigs shig /lag na rdo rje'i dam tshig la gnos shig /de lta na bde ba la gnas par 'gyur ro/ /de nas bcom ldan 'das kyis lag na rdo rje la gzigs te 'di skad ces bka' stsal to/ /lag na rdo rje lha ma yin gyi dbang po la sogs pa la rmad du byung ba'i dam tshig ston la bde bar gyis shig / bcom ldan 'das kyis de skad ces bka' stsal pa dang / phyag na rdo rjes lha ma yin dang lha ma yin gyi chung ma dag la bkal stsal pa/ 'dir thog mar rdo rje sa 'og gi khro bo chen po'i sa 'og gi dkyil 'khor gyi dam tshig la gang 'jug pa de dag 'dir 'khrul 'khor chen po'i bla ma'i rtsi sman dang / phye ma dang / rtsa ba dang / sbyar sman dang / grub pa'i rdzas dang / dngul chu dang / bcud len dang / gzhon nu ma dang / lha ma yin gyi bu ga dang sgor 'jug pa dang / 'khrul 'khor thams cad 'joms pa dang / skems par byed pa de dag ni 'jug ngogs bde bar 'gyur ro/ /gzhan du na de dag 'grub par mi 'gyur ba de'i phyir sa 'og gi dkyil 'khor du 'jug par bya'o/ /lha ma yin rnams la bka' stsal pa/ bu gar 'jug nus pa dang / bya ba'i rgyud kyi khams dang / gser 'gyur dang / dug sman dang / sa 'og dang / zhing gi dngos grub dag rang nyid kyi khang par 'jug pa ltar rdo rje'i bye brag gis 'grub par 'gyur ro zhes nga smra'o/ /gzhan du na dkyil 'khor ma mthong na nyams par 'gyur ro/ /rdo rje khro bo'i rgyal po chen po 'di'i</font><hr>101.4b<br><font size=+1>

rang nyid kyi rtog pa dang / rgyud gzhan du gsungs pa'i sgrub pa'i thabs rnam pa sna tshogs kyi bya ba mi bya la/ rtog pa gzhan gyi cho ga 'dod pas bsgrub par mi bya'o/ /de skad ces bka' stsal pa dang / lha ma yin dang / lha ma yin gyi dbang po dga' zhing rangs te rab tu tshim pa dang mgu ba skyes nas rang nyid kyis phyag na rdo rje'i dkyil 'khor mthong nas nges par byungabar byas te/ bcom ldan 'das thams cad kyi bran du gyur to/ /de nas bcom ldan 'das byang chub sems dpa' sems dpa' chen po phyag na rdo rjes lha'i mig gis 'khor gyi dkyil 'khor la rnam par bltas nas dam tshig gi dkyil 'khor bka' stsal pa/ grong ngam grong khyer gyi sa'i phyogs legs par brtags nas dbang ldan gyi phyogs nas brtsams te/ rdo dang / gseg ma dang / rus pa dor nas rgyu skar dge ba la rjes su 'thun pa'i tshon rtsi lnga'i phye mas dkyil 'khor gru bzhi pa/ khru bzhi pa/ sgo bzhi pa/ 'dod pa drug pa can yang dag par bri bar bya'o/ /sgo dang sgo'i mtshams rnams su rdo rje dang yungs kar gzhag par bya'o/ /shar phyogs kyi char sangs rgyas bcom ldan 'das bri bar bya'o/ /byang du 'jig rten dbang phyug /lhor rdo rje 'chang / nub du chung ma dang bcas pa'i khyu mchog gi rgyal mtshan can no/ /dbang ldan du dri ma med pa'i blo gros lag par rnga yab 'dzin pa'o/ /mer snying po'o/ /lus ngan du rjes su spyod pa'o/ /rlung du las thams cad pa'o/ /dbus su rdo rje sa 'og lag par rdo rje dang dgra sta 'dzin pa bri bar bya'o/ /snying po dang rjes su spyod pa la dbyug gu dang tho ba bri bar bya'o/ /las thams cad pa la rdo rje'o/ /shar gyi sgor sman thams cad dang / rgyan thams cad dang / dngul chu dang bcud len dang lha ma yin gyi bu mo dang grub pa'i rdzas la sogs pa dang / mig sman dang ldong ros dang ral gri dang / rin po che sngon du 'gro ba gzhag par bya'o/ /lho'i sgor lha ma yin brgyad ni stobs can dang / stobs can gyi bu dang / bde mchog dang / thags zangs ris dang / bde ldan dang / </font><hr>101.5a<br><font size=+1>

dus kyi mu khyud dang / gzhan len dang / dbyig za'o/ /nub kyi sgor 'khrul 'khor brgya rtsa brgyad gzhag par bya'o/ /de yang brgyad rnam pa bcas pa bri ste/ srad bu dang / gri gug dang / bud med dang seng ge dang lug dang / mda' dang bcas pa'i gzhu dang / chu rgyun dang sbyin dang / 'do li dang / bdag nyid kyi 'khrul 'khor rnams so/ /byang gi sgor bu ga brgyad rnam pa dang bcas pa bris ste de yang lug gi rnam pa dang / chu srin gyi rnam pa dang / glang po'i gdong gi rnam pa dang / lo 'phye'i rnam pa dang / byi ba'i rnam pa dang mi'i gdong gi rnam pa dang / dkyil 'khor gyi rnam pa dang / ma byas pa'i gdong gi rnam pa'o/ /stegs bu'i mtshams rnams su sgo bral bzhi bri bar bya'o/ /me'i phyogs su me'i thab khung ngo / /bden bral du bdug spos kyi thab khung ngo / /rlung gi mtshams rnams su chu'i thab khung ngo / /dbang ldan du rus sbal gzhag par bya'o/ /de nas dri thams cad dang / me tog thams cad dang bdug pa thams cad dang / 'byung po thams cad pa'i gtor ma dang mchod pa sbyin par bya'o/ /de nas skyes bu dpa' bo dag gis dri zhim pos yan lag byugs la shin tu phra ba'i ras kyis gdong g.yog tu bsrung ba byas la 'khrul 'khor gyi bla ma'i bya ba byas la 'jug par bya'o/ /spyan drang ba dang gshegs su gsol ba la sogs pa'i sgo nas so/ /'dir rdul tshon gyis bris pa'i dkyil 'khor bstan par bya'o/ /de lta bu'i dkyil 'khor mthong ba'i skyes bu dpa' bo de la bla mas rjes su gnang ba byin la dam tshig shes pas 'khrul 'khor gyi bla ma'i phyag rgya'am/ lha ma yin gyi phyag rgya bcings pas dbang du byed par 'gyur ro/ /lha ma yin gyi chung ma dang khyim rnams su 'jug par 'gyur ro/ /gzhan len gyis byas pa'i 'khrul 'khor thams cad las khyad par du 'phags pa'i rdzas rnams dbang du 'gyur ro/ /bcom ldan 'das rdo rje 'dzin pa rdo rje khro bo'i rgyal po rdo rje sa 'og gi dam tshig gi dkyil 'khor gyi le'u ste dang po'o// // </font><hr>101.5b<br><font size=+1>

de nas gzhan yang phyag rgya dang sngags su gyur pa ni sor mo phan tshun khu tshur du byas la mthe bo sbrul mgo'i rnam pa ltar byas pa ni de bzhin gshegs pa'i rigs kyi phyag rgya'o/ /sngags ni dzi na dzika gnyen gyi phyogs su pad ma'i rigs kyi snying po'i phyag rgya dang sngags ni A ro lika /lho phyogs su rad na d+h+r-ika /byang phyogs su pad ma d+h+r-ika rdo rje'i rigs kyi snying po'i phyag rgya dang sngags ni badzra d+h+rIka /mthe chung dang ming med sbyar la rtse gcig tu byas pa la sdig mdzub bzhag pa ni rdo rje sa 'og gi rtsa ba'i phyag rgya'o/ /sngags ni na mo rat+na tra yA ya/ na mash+tsaN+Da badzra pA Na ye ma hA yak+Sha se nA pa ta ye/ o~M hrIHpo tri badzra pA tA la ha na ma tha bany+dza pra ta ya/ mA tsi ra~M badzra kro d+ha hU~M phaT/ rtsa ba'i sngags dang phyag rgyas lus thams cad byin gyis brlab bo/ /phyag 'tshal ba'i thal mo las ming med kyi rtse mo sbyar la mthe chung sbas te gung mo dang mthe bo'i rtse sbyar la g.yon pa'i mdzub mos phyi nas bkug ste/ g.yas pa'i mdzub mo rdo rje'i rnam pa ltar bskum pa ni rdo rje dgra sta'i phyag rgya'o/ /g.yas pa'i lag pa dang g.yon pa'i lag pa mnyam par bzhag la mthe bong mdzub mo sbyar te/ g.yas pa'i mthe bos sor mo gsum gyi sen mo bkab la mnyam par mdzub mo g.yon pa'i mthe bo'i rtsa bar sbyar ba ni zhags pa'i phyag rgya'o/ /lag pa g.yon pa la'o/ /o~M bi bin+d+ha bi bin+d+ha na hU~M phaT swA hA/ snying gar ro/ /o~M badzra pA tA la hU~M phaT/ spyi bor ro/ /o~M haHbadzra hU~M phaT spyi gtsug go /o~M hrIH ban+d+ha ban+d+ha swA hA/ go cha'o/ /o~M badzra badzra sa hA shri shi ra se dz+wa li ta a na la ha na bany+dza u tsa Ta ya hU~M phaT/ mtshams bcing ba'i sngags so/ /'di dag dang rtsa ba'i phyag rgya sbyar bar bya'o/ /lag mthil mnyam por byas te mthe bong dang mthe chung sbyar la sor mo lhag ma rnams rdo rje'i mtshan nyid du byas pa 'di ni las thams cad pa sa gsum gyi phyag rgya'o/ /sngags ni/ na mo rat+na tra yA ya/ na ma sh+tsaN+Da badzra pA Na ye ma hA yak+Sha se nA pa ta ye/ hi ri</font><hr>101.6a<br><font size=+1>

mi ri b+hi ri ri ni swA hA/ so sor sbyar bar bya'o/ /sor mo phan tshun sbyar la khu tshur du byas te gung mo brkyang la sbyar nas de'i phyi rol tu mdzub mo cung zad bskums la mthe bong gnyis dbus su bzhag pa ni dbang phyug chen po'i phyag rgya'o/ /sngags ni/ na maH  sa man+ta bud+hA nA~M tuhrAya swA hA/ dbang phyug chen po'i phyag rgya de nyid las mdzub mo brkyang ba 'di ni lha mo chu lon gyi phyag rgya'o/ /sngags ni/ na maHsa man+ta bud+hA nA~M u ma ye swA hA/ thal mo phye ba las mthe chung rtse mo sbyar la de'i rgyab tu srin lag sbyar nas de'i tshe tshigs gsum par gung mo gnyis sbyar la de'i tshigs dang por mdzub mo gnyis sbyar ba ni lha ma yin thams cad dbang bskur ba'i phyag rgya'o/ /gnyis ka yang rdo rje mtshan nyid dang gcig tu sbyar bar bya'o/ /lha ma yin thams cad kyi 'khrul 'khor 'joms shing 'byed pa'i phyag rgya ni 'dir sor mo rnams rnam par bzlog la ru sbal gyi rnam par bya ba ni rus sbal gyi phyag rgya'o/ /spyi bor bzhag pa ni lha ma yin thams cad dbang bskur ba'i phyag rgya'o/ /lag pa g.yon pa 'og tu bzhag la de'i steng du lag pa g.yas pa sbyar la mthe bong so sor bya ba 'di ni ru sbal dbang bskur ba'i phyag rgya'o/ /lag pa g.yon pa rdo rje'i tshul du bzhag pa lag pa g.yas pa rdo rje thur du bzhag la thad kar sbyar bar byas pa 'di ni ru sbal gyi phyag rgya gzhan no/ /bla 'og gi lag pa rnam par bzlog la snying gar sor mo gyen du byas la mthe bong mnyam par gshibs pa ni ru sbal gyi phyag rgya'o/ /rdo rje sa 'og gi mdzub mo steng du mnyam du gshibs pa ni rdo rje sa 'og gi phyag rgya'o/ /khu tshur byas pa'i ni mdzub mo brkyang la gung mo dang srin lag gi steng du mthe bong sbyar ba ni dbyug gu'i phyag rgya'o/ /de nyid las mthe bong mdzub mo'i rtsa bar sbyar ba ni tho ba'i phyag rgya'o/ /khu tshur du byas la gung mo dang mthe bong mnyam por sbyar ba ni bya rog gi mchu'i phyag rgya'o/ /lag pa g.yon pa rdo rje'i tshul du byas la snying ga'i phyogs su sbyar la</font><hr>101.6b<br><font size=+1>

lag pa g.yas pa rdo rje steng du phyar nas rkang pa brkyang bskum du gnas pa ni rdo rje smod pa'i phyag rgya'o/ /lag pa g.yon pa rdo rje rtse gcig pa snying ga'i phyogs su bzhag la/ lag pa g.yas pa'i sor mo gsum gyis rgyas btab nas brkyang bskum du gnas pa 'di ni rdo rje gzhan la smod pa'i phyag rgya'o/ /sngags ni o~M bi bin+d+ha bi bin+d+ha hU~M phaT/ 'phags pa rdo rje sa 'og gi rgyud ci snyed pa las sngags dang phyag rgya'i le'u ste gnyis pa'o// // gang gi tshe skyes bu dpa' bo dpal gyi sgor 'jug par 'dod par gyur na/ des rdo rje khro bo'i bsnyen pa sngon du byas la phyis 'jug par bya'o/ /de la sngon du bsnyen pa ni 'bum phrag brgyad slongs mo za zhing smra ba bcad la/ sems can thams cad la byams pa'i sems dang de bzhin gshegs pa mchod pa la dga' bas rten cing 'brel par 'byung ba'i snying po'i mchod rten byas la/ de'i mdun du ri bo'am chu bo 'dus pa'am/ shing gcig pa'am/ ba glang gi lhas sam/ bas mtha' 'am/ mchod rten gang yang rung ba'i gnas su byang chub kyi sems rjes su dran pas de bzhin gshegs pa thams cad la gsol ba btab nas/  sdig pa bshags te/ bla na med par bsngos la dam pa'i chos ston te rjes su dran par byas la/ mchod rten gyi las la rjes su gnas nas lus dang srog la dga' ba dor te/ dus gsum du phyag rgya dang / dbang bskur zhing dus gsum du khrus byas la/ de lta bu'i tshul gyis bsnyen pa bya'o/ /gang dag rmi lam 'am/ mngon sum mtshan ma mthong na re shig mi 'jug ste/ de yang rmi lam ni glang po che chen po zil gyis mnan pa'am/ gzir ba'am/ bros pa'am/ 'gyel ba'am/ gang dag shi ba de lta bu mthong na de nas 'jug par bya'o/ /yang na mngon sum ste sgo 'phar gyi mtshams bcom pa'am/ rdo chen po ltung ba'am/ khros nas gza' chen po 'gugs pa'am/ gdug pa rnams dang / gtum po dang / </font><hr>101.7a<br><font size=+1>

'jigs byed dang / klu dang glang po che chen po dang / seng ge dang / stag dang ma he dang / dgra'i dbus su phyin yang blta dka' bar 'gyur ba dang / de dag thams cad byams pa'i sems su gyur na de nas 'jug par bya'o/ /lha thams cad mngag gzhug du 'gyur ro/ /'di ni khro bo'i rgyal po rdo rje sa 'og gi sngon du bsnyen pa'i cho ga'i le'u ste gsum pa'o//  |    // bu ga'i mtshan nyid shes bya ba/ /chu 'bab gang dag rtse mo med/ /sa yi sgra ni sgrogs pa dang / /ltos 'phye'i gnas khang ji lta bar/ /rdo rje sa 'og mtshan nyid ni/ /mkhas pa yis ni mtshon par bya/ /rnam pa gang gi tshul gyis ni/ /bu ga rnams su brjod pa yi/ /'jug pa na ni dog gyur la/ /bu ga der ni phyin pa na/ /kun nas sa gzhi mnyam pa ni/ /dpal gyi sgor ni rnam par bstan/ /gla rtsi mchog gi dri ldan zhing / /'khril shing lcug mas khyab pa dang / /dri snum ldan pa'i kha dog can/ /dpal gyi sgor ni de bshad do/ /dri dang ldan zhing ngos brlan pa/ /dro ba yis ni 'khrugs 'gyur ba/ /zhugs pa tsam gyis yang dang yang / /'khrug pa nyid du 'gyur ba ni/ /dpal gyi sgor ni de shes bya/ /de na dngul chu yod par bstan/ /bu ga yi ni sgor zhugs pas/ /de yi sems ni 'dod ldan 'gyur/ /khro bo'i sems su gyur pa na/ /bu gar mdzes ma gnas pa yin/ /'jigs pa med cing nga rgyal dang / /rlom pa'i sems dang ldan pa yis/ /der ni zhugs pas tshim 'gyur na/ /bu gar dkar rdzas ldan pas khyab/ /bu ga dag ni gang dag tu/ /tshul med nga rgyal can khro ba/ /brtse med ser sna dang ldan zhing / /phan tshun du ni smod byed pa/ /yang na bu ga'i sgo na ni/ /srin bu rnams ni brten gyur pa/ /der ni ltos 'phye shes bya ste/ /bu ga der ni rnyed dka'o/ /gang dag dkar po'i bya ba ni/ /bug sgor yang dag gnas mthong na/ /</font><hr>101.7b<br><font size=+1>

de na bud med stong phrag gnas/ /gser ni rnam pa du ma gnas/ /nor bu mu tig byi ru dang / /rin chen rnam pa sna tshogs dang / /bcud len du ma'i rdzas rnams ni/ /bu ga mchog der gnas pa yin/ /bu ga gang gi sgo la ni/ /rkang gdub sgra ni grag gyur na/ /bu ga de ni rin chen gang / /bud med stong phrag de na gnas/ /bu ga gang gi sgo na ni/ /tshad bye'u gar byed gnas gyur na/ /bu ga de ni 'bras med shes/ /der ni blo ldan 'jug mi bya/ /gang gi nang na rkang gnyis ni/ /yang dag brten par mthong gyur na/ /der ni rab tu spro ba yis/ /mkhas pa yis ni 'jug par bya/ /mi gang 'thungs pas 'chi med pa'i/ /mchog gi bcud len de na gnas/ /gang dag bu ga'i sgo la ni/ /glang po yang dag brten mthong nas/ /mthong nas ma mthong gyur na ni/ /bu ga des ni las kun byed/ /gang dag bu ga der 'jug pa'i/ /ltos 'phye'i dbang phyug rnam mthong na/ /dpa' bos der ni 'jug mi bya/ /de ma thag tu srog 'phrog byed/ /bu ga'i drung na 'jigs byed pa'i/ /lce spyang mo yi sgra grag na/ /der ni bag med mi bya ste/ /'khor dang bcas pa skrag par 'gyur/ /gang na khrung khrung sgra sgrogs pa/ /bu ga'i nang na gnas gyur na/ /bu ga de ni kun gyis gang / /'dod pa rnams kyis rnam par brgyan/ /gang dag bu ga'i sgor brten pa'i/ /nya ni yang dag mthong gyur na/ /der ni brtson pas 'jug par bya/ /bud med stong gi bdag por 'gyur/ /bud med gzhon nu bum pa'i lag /bu ga'i sgor ni yang dag mthong / /gdon mi za bar bu ga'i las/ /der ni grub par shes par bya/ /bu ga'i las la 'jug pa na/ /sgra skad chen po byung gyur na/ /bu ga de ni mtha' med shes/ /der ni grub par rjes su bstan/ /bu ga yi ni sgo ru yang / /byi ba ka ka ru dkar po/ /gang dag lhan cig gnas mthong na/ /bu ga de ni las kun byed/ /bu ga'i sgo ru khyad par du/ /</font><hr>101.8a<br><font size=+1>

der ni ras kyi dri byung na/ /bu mo rnams ni stong phrag dag /dgu dang bdun brgya rnams dang ni/ /bcud kyis len dang gser dang ni/ /rin chen rnam pa sna tshogs gnas/ /gang du bzhugs pa'i 'byung 'gyur ba/ /ka ra bI ra'i me tog rgyas/ /de na dngul chu gnas pa na/ /mkhas pa yis ni blang bar bya/ /bu ga gang na sgre mo ni/ /gnas par mthong na bu ga de/ /'khrul 'khor med par shes byas la/ /der ni brtag dpyad mi bya'o/ /bud med dag ni tshig stong dang / /brgya phrag dag ni bcu gnyis ni/ /pad ma'i snying po ltar 'jam zhing / /rtag tu rol pas spyod par byed/ /thams cad kyang ni tshul gcig cing / /kun gyis mthong na dga' ba'o/ /de la rin chen du ma dang / /gos dag dang ni rgyan dag dang / /bcud kyis len gyi gtso bo dang / /rnam pa sna tshogs mdzes pa'o/ /de nas ldong ros dag dang ni/ /mig sman dang ni dngul chu dang / /mdzes pa'i mtshon cha sna tshogs rnams/ /bu ga'i grong gi mchog na'o/ /bu ga de yi nang 'gram na/ /du ba 'thul ba mthong gyur na/ /gser ni rnam pa mang po dang / /der ni dngul chur shes par bya/ /bu ga de yi logs la ni/ /tshangs pa kha dog sna tshogs pa'am/ /rang bzhin dkar po brten gyur na/ /bu ga de yang las kun byed/ /dbus nas mchi ma 'dzag pa yi/ /bya rog 'thon pa gang yin pa/ /de ni bza' ba sna tshogs pa'i/ /bu ga ru ni rnam par bstan/ /gang na ma he mthong ba na/ /khyad par du ni sprin gyi mdog /bu ga der ni 'bad pa yis/ /mkhas pa yis ni 'jug par bya/ /ma myos pa dang lhan cig tu/ /lag na ral gris rgyun tu ni/ /bu ga der ni dor bar bya/ /thams cad du ni byang gi char/ /zab mo sprin gyi mdog 'dra ba'i/ /dngul chu der ni shes par bya/ /gang na me tog dri yod cing / /khyad par du ni spang spos dri/ /bu ga</font><hr>101.8b<br><font size=+1>

de yi nang na ni/ /bud med gnas par rnam par bstan/ /'jug pa pos ni khyad par du/ /der ni the tshom mi bya'o/ /de nas ra ba rnam lnga dang / /rgyal po'i sgo dang rta babs dang / /gser gyi rang bzhin ka ba ni/ /bud med rin chen rnams kyis spras/ /bcud len rnams dang rin chen rnams/ /gdon mi za bar de na gnas/ /bu ga'i sgo ru khyad par du/ /gang na pad ma'i dri yod pa/ /gzhan len bu gar der shes bya/ /'dod pa kun gyis rnam par brgyan/ /brtul shugs can gyis der 'jug go/ /brtul shugs med pas nam yang min/ /de na rnam pa du ma gnas/ /gang 'dod de ni brtag pa bya/ /bu ga'i sgo ru khyad par du/ /gang na sbrang rtsi'i dri yod na/ /bu ga'i logs ni thams cad la/ /de na bung ba yod pa ste/ /de la the tshom mi bya'o/ /de na gnas pa'i bung ba sogs/ /rig pa 'dzin pa khyad par du/ /sngags grub pa la rtsed mi 'gyur/ /bu ga'i sgo ni thams cad du/ /gang na sa yi dri yod pa/ /sa la rin chen ji snyed pa/ /rgya mtsho yang ni khyad par du'o/ /lha ma yin rnams kun gyi dang / /mi yi gtso bo rnams kyi dang / /gnod sbyin dag ni rnams kyi yang / /bu ga'i mchog der thams cad gnas/ /rig pa 'dzin pas der bzhugs pas/ /'dod pa thams cad thob par 'gyur/ /bu ga'i nang na lug gi dri/ /gang dag yod na bu ga de/ /'khrul 'khor med par shes par bya/ /'dod pa kun gyis rnam par brgyan/ /chu skyar dang ni chu skyar mo/ /mnyam du spyod cing lhan cig tu/ /bu ga'i nang na gnas na ni/ /bu ga de yi 'khrul 'khor med/ /de na dngul chu bcu gcig yod/ /de ni bu ga'i dam pa'o/ /bu ga dag ni brkos pa na/ /gang du lugs bkong mthong gyur na/ /bu ga de ni rin chen gang / /mkhas pa yis ni 'jug par bya/ /zhugs pa tsam na mthong 'gyur ba/ /dkyus su dpag tshad phyed pa yi/ /de na thang ni legs par yod/ /</font><hr>101.9a<br><font size=+1>

'dzam bu chu bo 'dra ba'i 'od/ /der ni mi yis 'bras thob ste/ /lo ni khri phrag brgyar 'tsho'o/ /gang na mi mo sgron ma'i lag /bu ga'i nang na gnas pa na/ /'di ni de yi bu gar shes/ /gdon mi za bar dngul chus gang / /bu ga'i sgo ru khyad par du/ /gang na sha'i dri yod pa/ /srin po rnams kyi bu gar shes/ /blo dang ldan pas der mi 'jug /bu ga'i drung na gar byed pa'i/ /rma bya mthong na bu ga de/ /'khrul 'khor med par shes par bya/ /'dod pa kun gyis rnam par brgyan/ /bu ga'i sgo ru khyad par du/ /gang na khrag ni mthong ba na/ /gcig pu nyid du der 'jug ste/ /rang gi khyim bzhin 'jigs pa med/ /gang na nya yi dri yod cing / /khyad par du yang zhag dri yod/ /de dang der ni brtson pa yis/ /mkhas pa yis ni 'jug par bya/ /zhugs pas chu rgyun mthong gyur na/ /'dod pa kun gyi 'bras bu ster/ /de yi 'gram du bzang ldan pa'i/ /khang pa rab tu sbyangs gyur pa/ /lha khang dang ni shing khang la/ /ba dan rnams kyis mngon bar spras/ /de na rin chen bzang po dang / /dga' ma 'dra ba'i bud med dang / /de na dngul chu mang yod par/ /thams cad du ni the tshom med/ /bu ga gang dag brkos pa na/ /khrag gi char pa bab gyur na/ /der ni 'jug par mi bya ste/ /de ma thag tu srog 'phrog byed/ /bu ga brtags shing dpyad pa na/ /gang na mun pa yod gyur na/ /der ni 'jigs pa med par 'jug /bu ga de ni rang khyim mtshungs/ /bu ga'i sgo ru khyad par du/ /gang na ras kyi dri yod pa/ /de na rin chen du ma dang / /dngul chu ldong ros de bzhin du/ /mig sman bzang po rnams dang ni/ /rin chen rnams kyi rgyan dag ni/ /du ma rnam pa sna tshogs dang / /gser ni rnam pa du ma yod/ /bu ga'i nang ni gang dag na/ /sgron ma yi ni dri yod pa/ /de ru yang ni 'jug par bya/ /'dod pa thams cad thob par 'gyur/ /bu ga yi ni 'gram</font><hr>101.9b<br><font size=+1>

logs na/ /gang na gdug pa gnas gyur na/ /de ni sha za'i gnas yin zhing / /'dab bzangs gnas par gdon mi za/ /gang na ha ha'i sgra sgrogs pa/ /dbang ldan gyi ni phyogs la brten/ /bu ga de ni 'jigs shes bya/ /de bas myur bar 'bros par bya/ /gang na sgra dag gis gang bar/ /shar gyi phyogs la yang dag brten/ /der ni 'bad par byas na ni/ /bu ga de yang las kun byed/ /bu ga de yi thon 'khor du/ /gang na rdo rje'i char 'bab na/ /der ni dngul chur shes bya ste/ /sems can thams cad grub par byed/ /bu ga de yi thon 'khor du/ /me tog dri ldan bu ga de/ /'khrul 'khor med par shes par bya/ /'dod pa thams cad sgrub par byed/ /bu ga de yi nang na ni/ /gang na rgyal ba'i sgra yod pa/ /bu ga 'khrul 'khor med shes bya/ /der ni mkhas pas 'jug par bya/ /bu ga yi ni thon 'khor du/ /gang na khyu mchog mthong ba na/ /der yang dpa' bos 'jug par bya/ /bu ga de yi rin chen gang / /gang na skyes bu gcer bu ni/ /nag po sha khyim chen po dag /mthong nas yang ni ma mthong na/ /bu ga de yang las kun byed/ /gang na dge sbyong gcer bu dang / /spyi gcer dang ni sna ring po'am/ /gang dag tu ni khyi mthong na/ /der ni grub par bstan pa'o/ /bu ga gang gi thon 'khor du/ /rnga mo yi ni dri yod pa/ /bu ga de yi lam gyi rgyus/ /dpag tshad brgya ru shes par bya/ /gang na rtse gsum mtshan nyid ni/ /thams cad du ni mthong ba na/ /mi rnams kyis ni khyad par du/ /bu ga der 'jug nus ma yin/ /gang du me tog dris brgyan pa'i/ /bram ze mthong na bu ga de/ /'khrul 'khor med par shes bya ste/ /'dod pa kun gyi 'bras bu 'grub/ /bu ga'i sgo ru yang dag brten/ /gang na dkar po'i sbrul yod na/ /der yang brtson par byas nas su/ /mkhas pa yis ni 'jug</font><hr>101.10a<br><font size=+1>

par bya/ /bu ga'i sgo yi thon 'khor ni/ /gang du dom ni mthong ba na/ /bu ga 'khrul 'khor med shes bya/ /'dod pa kun gyi don grub byed/ /bu ga'i las ni byed pa na/ /gang du phag ni mthong gyur na/ /bu ga 'khrul 'khor med shes bya/ /gdon mi za bar rin chen gang / /bu ga'i sgo yi thon 'khor na/ /gang na chu yi dri yod pa/ /der ni dngul chur shes bya ste/ /sems can kun la phan par byed/ /bu ga de yi thon 'khor na/ /gang la bdug pa'i dri yod pa/ /bu ga 'khrul 'khor med shes bya/ /gdon mi za bar rin chen gang / /bu ga'i sgo la gnas pa yi/ /gang na bur chang dri yod na/ /bud med rin chen gzugs mdzes dang / /bza' dang btung bar shes par bya/ /bu ga yi ni thon 'khor na/ /gang na ra yi dri yod pa/ /der yang dpa' bos 'jug bya ste/ /'ga' zhig dang ni 'jug ma yin/ /ma myos par ni zhugs nas su/ /der ni ji ltar 'dod par bsdad/ /dad ldan gtsang zhing mkhas pa dang / /bya ba byas pas khyad par du/ /dkon mchog gsum la phyag bya'o/ /de bzhin rig pa'i bdag po dang / /rig pa'i rgyal po lha mo dang / /rig pa'i tshogs la'ang khyad par du'o/ /o~M ba ra badzra hU~M/ 'phags pa rdo rje sa 'og gi snying po'o/ /las thams cad pa'i nye ba'i dbang po'ang de nyid do/ /\u0f00 hrIHhU~M phaT/[ \u0f00] bi bin+d+ha bi bin+d+ha hU~M phaT/ 'dis sgo dang 'khrul 'khor gyi phyogs sam mchod pa'i dus su bsrung bar bya'o/ /'di ni rdo rje sa 'og gi rgyud las bu ga'i mtshan nyid mtshon pa'i le'u ste bzhi pa'o//  |     // sngags pas dpal gyi sgor 'jug par 'dod na des brjod pa dang sbyang ba byas la 'jug par bya'o/ /de la brjod pa ni gang / sbyang ba ni gang zhe na/ de la thog mar sa rnying pa dang / chu dang sman gyis lus nye bar</font><hr>101.10b<br><font size=+1>

byugs la/ ku mu da dang uta pa la dang ru rta dang / nir guN Di dang / ldong ros mnyam por sbyar ba'i sman gyi dam pa 'dis srin po 'joms pa dang / dug 'joms shing gzhon nu rnams bskyed 'phel ba dang / mchod sbyin gyi bgegs sel ba dang / tshangs pa'i srin po bsrung ba dang / drag po dang / skem byed kyis bzung ba dang / gang dag lus srul pos bzung ba dang / bud med mngal nyams pa rnams kyi nyer gnas la byugs pas bzang por 'gyur ba dang / de dag gis yan lag byugs pa gang yin pas ni dug ha la ha la yang 'thung bar byed do/ /de dag gis 'dir yan lag byugs nas zhugs pas sgo grol bar 'gyur la/ sgo bsgribs pa de grol nas gang dag mtshams ring du sbyar ba'i rlung yang 'byung bar 'gyur ro/ /de dag ni brjod pa'o/ /sbyor ba yang ma hu lung ka dang / ka rany+dza dang / n+ya gro d+ha'i yal ga la sogs pa'i shing rnams kyis bu ga'i sgo bkag la mtshams med par byas te/ sgo 'phar gyis kun nas bsgribs bar bya'o/ /gang dag nang na gnas pa'i me rab tu zhi ba ni sbyor ba'o/ /de nas skyes bu dpa' bos ba ser skya'i lci ba sa la ma lhung bas dkyil 'khor nye bar byugs la bu ga'i sgor mchod pa dang gtor ma'i cho ga byas te/ a pa mArga'i yam shing la me rab tu sbar la/ a pa mArga'i 'bras bu dang mar dang / sbrang rtsi btags te/ bsreg blugs brgya rtsa brgyad khro bo 'khrul 'khor gyi bla mas dbul bar bya'o/ /'dis 'khrul 'khor thams cad ltung ba dang brlag par 'gyur ro/ /de nas ra'i lpags pa'i ral gu gyon la nyi ma shar ba na 'khor dang bcas pa thams cad sman gyis lus byugs te/ bya ba byas la grogs bzang po dang 'jug par bya'o/ /shing mngar dang ko pi d+ha ra dkar po dang / ka Du ka blugs pa'i yung ba gnyis kyis sbrul gyi dpa' 'joms pa</font><hr>101.11a<br><font size=+1>

dang / mngon bar 'dod pa'i don sgrub pa dang / skyes bu gzhon nu bsrung ba dang / bud med skal ba bzang por byed pa dang / 'dod pa'i gdung ba thams cad sel ba dang / rtsod pa zhi bar byed pa dang / sa'i bdag po rgyas pa ster ba dang / dgra thams cad rtag tu 'joms pa dang / nyi ma shar ba na dbang du byed par brjod do/ /'dir 'di dag gis lus byugs la ra'i lpags pa'i ral gu gyon te/ chu gri bzung la mun pa'i phyir sgrol ma shal ma li'i dog pa las sdong bu byas te/ 'khrul 'khor gyi bla ma lan nyi shu rtsa gcig yongs su bzlas la rab tu sbar te/ byi ba'i rnam pa yin na byi ba'i zhag dang / chu srin gyi zhag snga ma bzhin no/ /ji ltar glang po 'i gdong gi rnam pa yin na snga ma bzhin du glang po'i zhag gis so/ /ji ltar ltos 'phye'i rnam pa yin na snga ma bzhin du ltos 'phye'i zhag gis so/ /mi'i gdong gi rnam pa yin na mi'i zhag gis shal ma li'i dog pa'i sdong bu steng du bzhag la mun pa'i phyogs su gzung bar bya/ gang gi gdong gi rnam par 'dug pa de'i zhag gis bskus la 'khrul 'khor gyi bla ma nyi shu rtsa gcig bzlas la me sbar ro/ /mun pa mun nag thams cad 'joms par 'gyur ro/ /'jug pa na lhan cig pa rnams la yang nye bar byug go/ /ta ka ra'i me tog dang / ru rta dang / spang spos dang / sug smel dang / uta pa la wa ti dang / sing gri dang / byA gri dang na ma skA ri dang / a nan tA na dang / dza yan ti dang / rma bya'i gtsug phud dang / dung gi me tog ste de dag gi phye mas sgyu ma thams cad 'joms pa dang / 'byed pa dang bsreg par brjod do/ /chu dang sbyin dang de bzhin du bcud dang / bcud len dang / rnga'i khang bu dang dug gi gdug pa dang / pad ma'i mtsho dang / lha ma yin gyi bu mo 'gugs pa dang / dbang du byed pa dang bud med 'bebs pa dang / de dag gi gnas rnams sam/ gzhan du yang skyes bu</font><hr>101.11b<br><font size=+1>

dpa' bos 'khrul 'khor gyi bla ma nyi shu rtsa gcig bzlas la bsnun par bya'o/ /chur 'jug pa dang / dug gi du ba dang / dug gi rlung gi rang gi rkang mthil dang spyi gtsug gi bar du yongs su byugs la 'jug go/ /de dag thams cad las bsrung ba byas par 'gyur ro/ /'khrug pa na 'khrul 'khor gyi bla ma bzla'o/ /zlos shing 'jug par bya'o/ /rdo rje 'dzin pa'i gzi brjid lta bur thams cad kyis tshugs par mi nus te rang gi khyim du 'jug pa bzhin no/ /ra'i 'o ma dang ka ra lhan cig tu badzra tan tu la dang bslags la khro bo lan nyi shu rtsa gcig bzlas te zos la 'jug go/ /gang gi tshe lha chen po'i khang pa'i lha bshos yod pa las 'phyogs te/ g.yas phyogs nas bskor la 'khrul 'khor gyi bla ma zlos shing 'jug par bya'o/ /zhugs pa dang rnga'i dbyug gu la lan nyi shu rtsa gcig bzlas la brdung bar bya'o/ /gang gi tshe rnga'i sgra grag pa la bud med kyi tshogs ma 'ongs na de nas lha chen po'i lho'i sa la bsdad la 'khrul 'khor gyi bla ma bzla'o/ /de'i skad cig la bud med kyi tshogs thams cad thad du 'ongs te/ mchod yon sbrengs nas skyes bu dpa' bo rnams 'jug par byed do/ /zhugs pa dang ji srid 'tsho'i bar du bzhugs shig ces phrin yig gdas par byed do/ /dkon mchog gsum dang 'phags pa phyag na rdo rje rtag tu rjes su dran pas bzlas par bya'o/ /'di ltar bud med kyi dbus su nyi ma dang zla ba dang skar ma gnas kyi bar du sdod do/ /ji srid 'gro bar 'dod na des sbyar sman gyis bsku ba byugs la/ dngul chu dang bcud len dang / grub pa'i rdzas gang 'dod pa de gzung bar bya'o/ /gzhu'i 'khrul 'khor las byol la yungs kar la lan bdun bzlas la bsnun par bya'o/ /de lta na yang mi ltung na de nas 'khrul 'khor de la lho'i rtsa bsnun par bya'o/ /de nas lhung ngo thog mar 'khor rnams sngon du btang la bdag nyid phyi nas</font><hr>101.12a<br><font size=+1>

'jug par bya'o/ /mar me'i mchod sdong la sbyin sreg gi thab nas me sbar la 'jug go/ /khron pa rnams su 'khrul 'khor gyi bla ma stong phrag brgyad bzlas pas sgo 'byung ngo / /khron pa de na yang ta la'i shing sbrul gyi rnam par snang ba la dri ma med pa'i mig sman dang / rgya spos dang ru rta dang bA lA dang / spang spos dang / ldong ros dang 'gi wang rnams mnyam por skar ma rgyal la sbyar ba'i ril bu byas la sman gyi mchog dug 'joms pa de shes rab can gyis bsnun par bya'o/ /de nas ta la'i shing nyid du 'gyur ro/ /'di ni bcom ldan 'das phyag na rdo rjes bka' stsal to/ /'phags pa phyag na rdo rjes bka' stsal pa'i 'khrul 'khor 'ba' zhig pa'i le'u ste lnga pa'o//  |     // de nas bcom ldan 'das de bzhin gshegs pa'i spyod yul gyi gnas na gsang ba pa'i bdag po lag na rdo rje dang thabs cig tu bzhugs so/ /de nas bcom ldan 'das kyis gsang ba'i bdag po lag na rdo rje la bka' stsal pa/ lag na rdo rje ji ltar lha ma yin thams cad kyi dregs pa gzhom pa dang / dam tshig la gnas par bya ba'i phyir rdo rje khro bo'i dam tshig 'di sgrogs shig /de nas lag na rdo rje stan las langs te bla gos phrag pa gcig la bzar nas pus mo g.yas pa'i lha nga sa la btsugs te/ bcom ldan 'das la btud nas thal mo sbyar te phyag byas nas rdo rje khro bos smras so/ /smras pa tsam gyis rdo rje khro bo'i rgyal po me lce gcig tu 'bar te/ 'jig rten gsum bkang nas sgra chen po phyung ngo / /de nas de lta bu'i mtshan ma chen po des lha ma yin 'khor dang bcas pa thams cad 'dir lha dang lha ma yin rnams g.yul 'gyed par gyur to snyam du sems te/ lha ma yin rnams la thags zangs ris dang / stobs can dang / rnam par snang byed dang / rab bde dang / </font><hr>101.12b<br><font size=+1>

bde mchog dang dus kyi mu khyud dang dbyig za dang ru sbal la sogs pa 'khor dang bcas pa dang gzhan yang bgrod dka' chen po dang / glog gi lce dang sgra gcan dang snang ba'i phreng ba can dang 'phrog byed ser skya la sogs pa dang / yi dgas dang lha ma yin gyi rjes su dpyod pa dpung dang bcas pa bzhon pa dang bcas pa 'dus te/ bcom ldan 'das ga la ba der lhags so/ /lha rnams kyis kyang de lta bu'i mtshan ma chen po de mthong nas lha'i tshogs gzhan rnams dang rang rang gi rnam par rtog pa ji lta de ltar lha rnams kyi dbang po la smra zhing bcom ldan 'das ga la ba der lhags te thal mo sbyar nas phyogs gcig tu 'khod do/ /de nas bcom ldan 'das kyis gsang ba pa'i bdag po lag na rdo rje la bka' stsal pa/ lag na rdo rje gang 'dir dus la bab par shes na deng 'dir sa 'og gi dbang bskur ba rnga'i sgra dbyangs zhes bya bas byin gyis rlobs shig /skye bo mang po la phan pa dang don dang bde bar 'gyur ro/ /bcom ldan 'das bdag gis theg pa chen po la dad pa dang ldan pa'i rigs kyi bu'i don du dam tshig bstan pas byin gyis brlabs lags kyis/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis byin gyis brlab tu gsol de bzhin gshegs pa gzhan gyis kyang byin gyis brlabs lags so/ /de bdag gis kyang byin gyis brlab par bgyi'o/ /dbang ldan gyi phyogs su bsdad la gnas mchog der mgal dum dang / rdo ba dor te/ 'khrul 'khor dang shing sdong spangs la gzhan yang bsang gtor dang lha'i mchod sbyin dang / dkyil 'khor dang dbang bskur ba byas pa dang / bgegs dang log 'dren dang / gnod sbyin mchod pa byas pa dang / dge 'dun dbang bskur ba'i gnas rnams dor la/ der yang chu snum pa dang / mtsho dang mtshe'u dang / ri bo dang snum pa'i</font><hr>101.13a<br><font size=+1>

phyogs mtshon par byas la de rnams su sngon bzhin du byi dor dang yongs su sbyang ba byas te/ tshon sna lngas gru bzhi pa sgo bzhi pa'i ri mo bris la dkyil 'khor gyi dbus cha brgyad par byas te/ yungs kar dkar pos byin gyis brlabs pa'i rdo rje grwa bzhir bzhag par bya'o/ /de'i dbus su sangs rgyas bcom ldan 'das bri bar bya'o/ /bcom ldan 'das kyi g.yas kyi drung du 'phags pa phyag na rdo rje 'bar ba'i phyag can bzhag par bya'o/ /de'i drung du khro bo'i rgyal po rdo rje sa 'og rdo rje dgra sta'i phyag can bzhag par bya'o/ /bcom ldan 'das kyi g.yon gyi drung du byang chub sems dpa' dri ma med pa'i blo gros rnga yab kyi phyag can bzhag par bya'o/ /bcom ldan 'das kyi mdun du lha chen po chung ma dang bcas pa bzhag par bya'o/ /de'i mdun du khyu mchog kha 'og tu lta ba nag po'i gos can bzhag go/ /shar gyi sgor sman thams cad bzhag par bya ste/ e ra ba ti dang / me Sha ba ti dang / dz+yo ti ra sa dang / be ga ba ti dang / sur+ya ba ti dang a dza gan+d+ha dang / yak+Sha ka n+ya ste/ sman chen po 'di brgyad bzhag par bya'o/ /de'i gzugs ni seng ge dang / khyu mchog dang / bya rgod dang rus sbal dang / sbal pa dang / rtsangs pa dang / me 'bar ba dang / dngul chu rnams gnas rnams su go rims bzhin du bri bar bya'o/ /sman rnams dngul chu dang bcud len dang / rigs kyi bud med kyi dbyibs su bzhag par bya'o/ /rgyan rnams dang / grub pa'i rdzas rnams dang / ldong ros dang / mig sman dang / 'gi wang dang bum pa bzang po dang rkang byug dang / mchod phyir thogs dang / 'khor lo dang ral gri dang dbyug gu dang / rtse gsum dang / zhags pa la sogs pa bri bar bya'o/ /de'i lho'i sgor lha ma yin brgyad bri ste/ stobs can dang / stobs can gyi bu dang bde mchog dang / dus kyi mu khyud dang / thags zangs ris dang rab bde dang / gzhan len dang dbyig za'o/ /nub kyi</font><hr>101.13b<br><font size=+1>

sgor 'khrul 'khor sum bcu lhag pa'i stong bzhag par bya'o/ /de la 'khrul 'khor chen po brgyad rnam pa dang bcas pa bzhag par bya ste/ de la srad bu dang gri gug dang bud med dang / gzhi'i 'khrul 'khor dang 'phang 'dzin pa'i lag pa dang / 'og tu lta ba'i tshul dang / gzhi'i 'khrul 'khor la lta ba bri bar bya'o/ /de nas seng ge dang lug dang / chu srin dang / glang po che dang lto 'phye'i rnam pa dang / dkyil 'khor gyi rnam pa dang ma byas pa'i gdong dang / dpal gyi sgo 'di brgyad rnam pa dang bcas pa bri bar bya'o/ /gdong gi 'khrul 'khor mchu btsums pa bri bar bya'o/ /lug gi spyi bor phur bu'i 'khrul 'khor bri bar bya'o/ /mda' dang bcas pa'i gzhu dang / chu rgyun gyi lte bar phur bu gzhag par bya'o/ /sbyin dang 'do li gru bzhi pa dang / bskor ba'i 'khrul 'khor bri'o/ /gnyid dang / 'od 'phro ba'i rnam pa bri bar bya'o/ /de yang go rim bzhin du rnam pa dang bcas pa'i 'khrul 'khor la phur bus bsnun pa bri bar bya'o/ /de nas byang gi sgor bu ga rnam pa dang bcas pa bri bar bya ste/ seng ge dang / lug dang chu srin dang / glang po che'i gdong dang / ltos 'phye'i gdong dang / ba glang gi gdong dang dkyil 'khor dang / ma byas pa'i gdong gi rnam pa ste/ dpal gyi sgo brgyad phur bus bsnun pa'i rnam pa dang bcas pa bri bar bya'o/ /de'i dbus su chu rgyun dbyug gu dang bcas pa bri bar bya'o/ /grwa bzhir sgo bral bzhi bri bar bya'o/ /mer me'i thab khung ngo / /bden bral du du ba'i thab khung ngo / /rlung du chu'i thab khung ngo / /dbang ldan du sbrul bzhag par bya'o/ /de nas ras dkar po phra ba dri zhim pa'i gdugs bzhi dang / dbyigs dang bcas pa'i nor bus byin gyis brlabs la shin tu dri zhim pa'i chu gtsang mas yongs su bkang ba'i bum pa rtsa ba nag po med cing dri zhim pos yongs su byugs pa bzhag go/ /phyi'i dkyil 'khor gyi phyogs</font><hr>101.14a<br><font size=+1>

grwa bzhi pa'i shar gyi sgor gnas gcig tu lha ma yin gyi dbang po chen po stobs can dang / bgrod dka' chen po bri bar bya'o/ /de'i lhor rnam par snang byed dang ha ri ta'i pi gi la zhes bya ba bri bar bya'o/ /de'i nub kyi sgor snang ba'i phreng ba can dang rnga bo che ste/ lha ma yin gyi dbang po de dag bri bar bya'o/ /de nas mchod pa sha med pa'i lha bshos bzhi bya ste/ gcig ni sangs rgyas bcom ldan 'das la'o/ /gnyis pa ni dri ma med pa'i blo gros la'o/ /gsum pa ni rdo rje 'dzin pa la'o/ /bzhi pa ni khro bo'i rgyal po la'o/ /lnga pa ni lha chen po la'o/ /de nas ji ltar 'byor bas lha ma yin gyi dbang po rnams kyi gtor ma dang / 'byung po thams cad pa'i gtor ma sbyin par bya'o/ /de nas dri thams cad dang me tog dang phye ma la sogs pa'i lha bshos sbyin no/ /de nas lha rnams 'ching bar byed pa'i sngags ni/[ \u0f00] badzra gar+b+he badzra gar+b+he phaT hA d+hi ki ri Ni swA hA/ de nas mtshams bzhi ru lag pa phyag rgyas byin gyis brlabs pas log 'dren bcing bar bya'o/ /de'i sngags ni na maHsa man ta badzrA NA~M/[ \u0f00] badzra pA la ye swA hA zhes lan gsum du brjod do/ /rdo rje lcags sgrog gis bcing ba dang dgug par bya'o/ /sangs rgyas dang byang chub sems dpa' rnams dang lha thams cad me tog gis dgug par bya'o/ /na ma s+t+rai yad+hI kA nA~M sarba ta thA ga tA nA~M a na la b+hA kA nI na maHswA hA/ de nas skyes bu dpa' bos sngags 'dis bsrung bar bya ste/[ \u0f00] dUrbA re dz+wa la dz+wa la na mo badzra sA ga ra ye swA hA/ 'dis bsrungs nas ras dkar po phra ba dri zhim pos gdong g.yogs te 'khrul 'khor gyi bla ma bzlas la skyes bu dpa' bos chos kyi gru lta bu'i shing lham bskon te/ lag pa g.yas pa ru sbal gyi phyag rgya'am/ lha ma yin gyi phyag rgya bcings la/ rtsa ba nag po med pa'i bum pa lo ma bzang po dang ldan pa'i chus shar gyi sgor 'khrul 'khor</font><hr>101.14b<br><font size=+1>

gyi bla ma zlos shing dbang bskur bar bya'o/ /de ltar dbang bskur ba de'i rjes su lag pa rdo rje'i phyag rgyas me tog dor ro/ /me tog gang la ltung ba de'i lha'i rigs 'grub bo/ /de nas gdong bcings pa bkrol la dbang bskur ba de la skyes bu dpa' bos dkyil 'khor bstan par bya'o/ /lha ma yin gyi dbang po rnams kyi gnas dang / mtshon cha dang / dngul chu dang / bcud len dang bud med kyi tshogs dang / grub pa'i rdzas dang de dag gi dkyil 'khor mthong na/ lha dang lha ma yin gyi dam tshig gi tshogs su 'gro bar 'gyur ro/ /sngon du bsnyen pa ma byas kyang 'khrul 'khor 'jig par 'gyur ro/ /de dag gis nye bar mi rtsed do/ /lha ma yin thams cad kyi khang pa dang / dngul chu dang / bcud len dang bud med dang / mtshon cha dang rgyan dang / sgyu ma la sogs pa'i 'khrul 'khor rnam pa sna tshogs pa des dbang du 'gyur ro/ /sgyu mas sprul pa'am lha ma yin gyi sprul pa rnams sam gzhan yang drang srong dang / grub pas rab tu sbyar ba'i 'khrul 'khor la sogs pa ltung ba dang dbang du byed nus par 'gyur ro/ /gang dag dpal gyi sgor 'jug par 'dod na sngon du rdo rje khro bo bzlas la dpal gyi sgor brjod pa dang sbyong bas bsreg pa la sogs pa byas te/ ba ser skya'i lci bas dkyil 'khor byugs la gtor ma'i cho ga byas nas kha'i rnam pa'i thab khung gi steng du a pa mArga'i yam shing la me sbar la/ a pa mArga'i 'bras bu stong phrag brgyad sbyin sreg bya'o/ /des 'khrul 'khor thams cad ltung bar 'gyur ro/ /de nas ra'i lpags pa'i ral gu gyon la lag tu mtshon cha thogs te mar me'i mchod sdong ba glang gi rnga ma'i lpags pa bcings la shal ma li'i dog pas bkang ste dzo ti sma ti'i 'bru mar la sngags 'dis me sbar ro/ /\u0f00 dU pi dU pi pra dz+wa li ni swA hA/ yang na bu ga gang gi rnam par gyur pa de'i zhag la sngags 'dis ma sbar te/ 'khrul 'khor gyi bla ma bzla'o/ /</font><hr>101.15a<br><font size=+1>

mun pa mun nag thams cad 'joms par 'gyur ro/ /bdag dang lhan cig spyod pa thams cad sman gyis lus byug go/ /sman ni 'di dag ste rgya spos dang gur kum dang / ru rta dang spang spos dang sug smel dang / mu li ka dang / daN+Da ut+pal dang / sing gri dang bya gri dang na ma ska ri dang / a nan ta dang dza yan ti dang rma bya'i gtsug phud dag ste/ 'di rnams kyi phye ma sgyu ma thams cad 'joms par byed pa zhes bya ste/ chu'i 'khrul 'khor dang / spyin dang dngul chu dang bcud len dang / bud med kyi dbus su 'jug pa dang / lha ma yin gyi bu mo 'gugs pa na cho ga phra mo byas te/ 'khrul 'khor gyi bla ma bzlas nas de'i rkang pa legs par byugs pas spyin la sogs pa'i 'khrul 'khor thams cad 'byung bar 'gyur ro/ /der 'jug pa na sngon du badzra tan d+hu li bslags la ka ra dang lhan cig tu zos la 'jug go/ /lha'i khang pa'i lha bshos mi bya'o/ /lha'i grong la g.yas phyogs nas bskor la 'gro'o/ /rnga'i khang par 'jug go/ /rnga'i 'og tu ru sbal gyi phyag rgya bri'o/ /dbyug gu la 'khrul 'khor gyi bla ma brgya rtsa brgyad bzlas te rkang pa g.yon pas mnan la khro bo'i rgyal po zlos shing brdung ngo / /'jug pa'i sngon du mchod yon dang / zhabs bsil dang / 'thor 'thung bzung nas ma 'ongs na thams cad der 'chi bar 'gyur ro/ /ci nas kyang 'ong bar 'gyur ro/ /'di ni bcom ldan 'das rdo rje 'dzin pa nyid kyis gsungs so/ /yang na phyag rgya'i steng du rkang pas rkang pa mnan la kha byang du phyogs te/ phyag rgya bcings la cung zad cig bzla'o/ /rkang 'og gi nang na gnas pa thams cad dang / lha ma yin gyi bu mo nges par 'ong bar 'gyur ro/ /ji ltar 'dod pa'i dngul chu dang / bcud len dang / grub pa'i rdzas rnams ster ro/ /de nas ji ltar 'dod pa'i dus de srid du de rnams dang lhan cig tu gnas so/ /de nas 'ong bar 'dod na</font><hr>101.15b<br><font size=+1>

sems can la phan par byed pa'i rdzas mdzes pa ji ltar 'dod pa bzung la gang 'dod pa der gdon mi za bar dong bar bya'o/ /de nas 'khrul 'khor gyi dbyibs kyi rnam pa sems la bris la lha ma yin gyi phyag rgya'am gzhan gyi phyag rgya bcings la bzla'o/ /de'i skad cig la snang ba chen po byung nas sgo grol bar 'gyur ro/ /dpag tu med pa'i stobs kyis pha rol gnon par 'gyur ro/ /yid ltar mgyogs pa dang / ji ltar 'dod pa'i rgyal po gdul dka' ba 'dul bar 'gyur ro zhes bcom ldan 'das rdo rje 'dzin pas bka' stsal to/ /rdo rje rnga bo che sa 'og gi dkyil 'khor zhes bya ba don yod pa lha ma yin gyi gtso bo skyes bu dpa' bo rnams dbang bskur ba 'di las gzhan pa med do/ /rdo rje rnga bo che sa 'og gi phyag rgya dang dkyil 'khor zhes bya ba las don yod pa'i le'u ste drug pa'o//  |    // de nas rdo rje sa 'og las/ /gsungs pa'i dbang bskur rab bshad bya/ /sa 'og dkyil 'khor gsang ba yi/ /rnga yi sgra dbyangs bri bar bya/ /de nas ru sbal phyag rgya bzhag /yungs kar dkar po'i steng du'o/ /mchod pa'i cho ga byas nas su/ /phra ba'i ras kyis brgyan pa yi/ /bum pa rtsa ba mi gnag pa/ /rin chen sman gyis yongs bkang la/ /gtor ma g.yas bskor byin nas su/ /phyag rgya'i steng du bzhag par bya/ /sngon du bshad pa'i cho ga yis/ /dkyil 'khor byin gyis brlab par bya/ /lha dag spyan drangs byas nas su/ /ji ltar rigs pa'i mchod pa bya/ /byang chub sems ni bskyed nas su/ /sdig pa yang ni bshags par bya/ /de nas rdo rje'i phyag rgya bcing / /gsang ba'i dkyil 'khor phyi rol tu/ /grub pa'i rdo rje'i chu yis su/ /de nas dbang bskur ba ni bya/ /ji lta ba yi dbang bskur la/ /de lta bu yi bum pa dgod/ /gang gi dkyil 'khor cho ga la/ /phyag rgya'i gtor ma'i cho gar bshad/ /dbang bskur phyir ni 'bad pa</font><hr>101.16a<br><font size=+1>

yis/ /phyag rgya bcings la gnas par bya/ /sngon du bsnyen pa byas nas su/ /dngul chu'i bya ba spang bar bya/ /mdo sde'i rjes 'brang cho ga yis/ /mchod rten gyi ni las bya'o/ /grogs rnams kun dang rnam grol te/ /slongs mo za zhing mnyam gzhag pas/ /myur du dngos grub thob par 'gyur/ /phyag na rdo rjes byin gyis rlob/ /'phags pa rdo rje sa 'og gi sgrub par byed pa'i dbang bskur ba'i le'u ste bdun pa'o// // de nas 'dir bcom ldan 'das 'jig rten gsum gyis zhabs la rjed pa/ khro bo chen po rdo rje sa 'og gi bri sku'i cho ga brjod par bya'o/ /gzhon nu mas bkal ba'i srad bu ba glang gi chus bkrus te/ yan lag brgyad pa'i gso sbyong la gnas pa'i thags mkhan gyis btag par bya'o/ /ras su gyur pa dang sngags pa'i khru do pa'i srid la zheng du khru gang dang sor brgyad pa la ri mo mkhan yan lag brgyad pa'i gso sbyong dang ldan pa la bsrung ba byas te/ mchod yon phul la bcom ldan 'das ut+pa la sngon po'i kha dog can khro bo spyan dmar po ya sos ma mchu mnan pa/ gnas gsum yo ba/ khro gnyer bsdus pa/ gdu bu dang ska rags dang / rkang gdub dang / dpung rgyan dang / rin po che'i cod pan gyis spras pa'i ral pa'i thor tshugs can mi mgo rlon pa'i phreng bas brgyan pa'i mchod phyir thogs 'chang ba gdu bu dang / 'khyil pas rna ba brgyan pa ral pa'i thor tshugs kyi steng du pad ma'i dkyil dkrung gis bzhugs pa chos 'chad pa'i tshul can bcom ldan 'das mi 'khrugs pa bri bar bya'o/ /lag pa g.yas par rab tu 'bar ba'i rdo rje'o/ /gnyis par lcags kyu'o/ /g.yon par pad ma'i mdzod kyi nang du yid bzhin gyi nor bus gang ba 'dzin pa'o/ /g.yon pa'i gnyis pa lha ma yin sdigs pa'i mdzub mo'o/ /rgya mtsho chen po'i nang du pad ma chen po'i steng na bzhugs pa 'gran zla dang bral ba gcig pu'o/ /</font><hr>101.16b<br><font size=+1>

g.yas pa'i lag pa'i 'og tu sgrub byed pad ma'i steng du pus mo btsugs pa pad ma'i sdong bus brgyan pa'i lag pa'o/ / gnyis pa phyag 'tshal ba'i lag ba can bri bar bya'o/ /de nas sngar bshad pa'i gnas rnams su rjes su 'thun pa'i rab tu gnas pa dang mchod pa byas la ring bsrel can gyi mchod rten gyi mdun du 'bum phrag bcu bzlas par bya'o/ /de nas las thams cad byed par 'gyur ro/ /dpal gyi sgor bris sku bzhag par bya'o/ /ji ltar 'dod par ro/ /dpal dang ldan pas ba glang gi lpags pa'i stan la gos dmar po gyon te/ dug dang khrag bsres la mi'i rus pa'i lag pas bcus shing brgya phrag brgyad bsreg blugs bya'o/ /bu ga'i 'khrul 'khor thams cad 'joms par 'gyur ro/ /bcom pa dang / dngul chu dang bcud len dang / bud med kyi grong du 'jug par 'gyur ro/ /'khrul 'khor rnams bka' bzhin du sgrub par 'gyur ro/ /phyag rgyas lha thams cad 'gugs par byed do/ /'di lta bus gang ji ltar sems pa'i bsam pa dang gang ji ltar sems pa'i las dang / gang ji ltar sems pa'i cho ga thams cad bka' bzhin du byed par 'gyur ro/ /bsgo ba nyan par 'gyur ro/ /gang zhig klu'i rgyal po bris nas de'i mdun du bris sku bkram ste/ rkang pa g.yon pas mnan la/ stong phrag brgya bzlas par bya'o/ /klu'i rgyal po de 'ongs nas ci bgyi zhes smra bar 'gyur ro/ /des smras pa/ nga'i bka' bzhin du gyis shig ces brjod do/ /des ci bsgo ba nyan par 'gyur ro/ /klu thams cad kyi khang pa rnams su 'jug par 'gyur ro/ /de dag la 'di dag thams cad gyis shig ces bka' bsgo ba nyan no/ /de bzhin du lus ngan rnams dang / gnod sbyin rnams dang / 'byung po rnams dang / srin po rnams dang / byar 'dabs rnams kyi gnod sbyin mo la sogs pa thams cad bka' bzhin byed par 'gyur ro/ /ci bsgo</font><hr>101.17a<br><font size=+1>

ba nyan no/ /grog mkhar bdun gyi rtse mo'i sa bsdus te de las nam mkha' lding byas la ring bsrel gyi snying po can gyi drung du bris sku bkram ste/ dgon pa 'am gzhan gang yang rung bar de'i steng du bsdad la stong phrag brgya bzla'o/ /de'i steng du 'gro'o/ /sred med kyi bu chen po'i stobs su 'gyur ro/ /sprul pa chen po byed do/ /thams cad grub pa'i rig pa 'dzin pa rnams kyi 'khor los sgyur bar 'gyur ro/ /las thams cad pa lta bur tshe dpag tu med pa dang / 'chi ba la dbang thob pa dang / 'dod na sangs rgyas kyi zhing rnams su skye ba dang de nas yang shi 'phos nas ting nge 'dzin gyi stobs kyis byang chub sems dpa'i dge ba'i bshes gnyen gyis rjes su 'dzin par 'gyur ro/ /'phags pa rdo rje sa 'og gi rgyud kyi sprin chen po 'bebs par byed cing rkang 'og thams cad kyi nang du rig pa dang spyod pa dang / rin po che'i 'byung khungs thams cad kyi gtso bo dang / mchog ster ba dang / 'khor lo 'dzin pa ltar gcig tu dpa' ba'i rgyal po chen por 'gyur ro/ /'di ni bcom ldan 'das rdo rje 'dzin pas bka' stsal to/ /'phags pa rdo rje sa 'og gi rgyud las thams cad sgrub par byed pa'i le'u ste brgyad pa'o// // de nas lha ma yin thams cad kyis mchod pa mchog tu gsang ba'i bris sku bshad par bya'o/ /gzhon nu mas bkal ba'i kha tshar ma bcad cing skra med pa'i ras la ri mo mkhan gso sbyong dang ldan pas kha dog ma 'dres pa snod gsar par bzhag la kha dog dmar po phyag bzhi pa/ sbrul gyi ska rags kyis brgyan pa sbrul gyi mchod phyir thogs pa can sprin gsar pa lta bu mchu sbyar ba dpral bar khro gnyer bsdus pa rdo rje dang bcas pa'i mgo bo'i phreng ba can g.yas par dgra sta dang /  yang rdo rje'o/ /g.yon pa'i sdigs mdzub kyis dpal gyi sgo'i bu ga gsal bar byed pa g.yon pa'i gnyis par ltos 'gro</font><hr>101.17b<br><font size=+1>

chen po bskyil ba'i zhags pa 'chang ba'o/ /'og tu gzigs pa/ zhal mche ba gtsigs pa drag po'i gzugs can ma mos par gyur pas bri bar bya'o/ /rnam par bral ba'am stong pa'i phyogs me tog dang 'bras bu ldan pa'am bu ga'i sgor 'bum phrag drug bzla'o/ /de'i sngon du ji ltar bris sku de gdug pa can 'ga' yis kyang ma mthong ba de ltar bya'o/ /de nas rdo rjes bsnun pa'i shing gis sa bsregs la phyogs der yungs kar dkar po la rdo rje khro bos yongs su bsngags te gdab par bya'o/ /de nas skyes pa'i sa bon de bzung bar bya'o/ /de nas rdo rjes bsnun pa'i shing la me sbar te/ rdo rje'i rnam pa'i thab khung du yung kar de dang tsan dan dmar po bsres la stong phrag brgyad sreg blugs bya'o/ /nyi ma bzhi pa la lha ma yin gyi grong na gnas pa'i bud med las dro ba dang ldan pas nges par 'ongs nas ston par 'gyur ro/ /de rnams dang lhan cig tu 'jug par mi bya'o/ /de rnams dang smra bar mi bya'o/ /nyi ma lnga pa la sreg blugs byas pa'i mthar 'khrul 'khor thams cad la du ba 'byung bar 'gyur ro/ /de nas bud med de dag 'ongs te/ skyes bu dpa' bo byon par zhu zhes smra bar 'gyur ro/ /der yang 'jug par mi bya'o/ /sreg blugs byas pa dang nyi ma drug pa la khang pa thams cad la du ba 'thul bar 'gyur ro/ /'khrul 'khor gyi gnas su ki Ti ki Ta zhes sgrog par 'gyur ro/ /de nas bud med de rnams mig mchi mas gang bzhin du grub pa'i rdzas dang / rin po che thams cad bzung nas 'ong bar 'gyur ro/ /rang gi phyag rgya bstan la blang bar bya'o/ /gal te mi 'dod na yang nyi ma bdun pa la sbyin sreg bya'o/ /gang sngon du zhugs pa de thams cad 'chi bar 'gyur ro/ /'khrul 'khor thams cad ltung ba dang 'joms par 'gyur ro/ /cho nges 'debs shing nges par 'ong bar 'gyur ro/ /de dag la mi 'jigs pa</font><hr>101.18a<br><font size=+1>

byin la phyi nas 'jug par bya'o/ /'phags pa rdo rje sa 'og gi rgyud las lha ma yin gyi bu mo la drag shul spyod pa'i le'u ste dgu pa'o//  |       // de nas gzhan yang rim par phye bar gyur pa ni bcom ldan 'das de nyid rnam par 'gyur ba stag gi lpags pa'i sham thabs can phyag bzhi pa/ lha ma yin chen po gzhan len gyi mgo la phyag gnyis kyis rdo rjes bsnun nas gsod par mdzad do/ /phyag g.yas par chu srin gyi mche ba'i rnam pa'i sor mo'i rtse mo lcags kyus me tog 'don pa ltar bsnun pa'o/ /g.yon pa sdigs mdzub mdzad pa'o/ /de'i mdun du rdo rjes bsnun pa'i shing la me rab tu 'bar la/ me tog dang 'bras bu ldan par rdo rje rtse mo drug pa nyi ma gcig tu phaT kyi yi ge dang ldan par bsreg par bya'o/ /de bsregs pas lha ma yin thams cad kyi rigs kyi bud med cho nges 'debs shing skyabs med par 'ong bar 'gyur ro/ /de rnams dang lhan cig tu 'jug par 'gyur ro/ /de na lha mo g.yon phyogs pa zhes 'jig rten du grags pa'i rnam pa spra tshil dang / tsha ba gsum dang lugs phye bsres pa las gzugs brnyan byas la rdo rjes bsnun pa'i shing la me sbar te/ rdo rjes snying gar gzer la ji srid langs kyi bar de srid du bsro bar bya'o/ /gal te mi ldang na rdo rje'i rnam pa'i thab khung du shing de nyid la me sbar la dum bur gtubs te sbyin sreg bya'o/ /'khrul 'khor thams cad la du ba des reg pa tsam gyis ltung ste/ slar 'byung ba'i mthu med par 'gyur ro/ /gsang ba chen po 'di dkyil 'khor ma mthong ba dang / cho ga mi shes pa dang / las kyi sgrib pa ma sbyangs pa dang / dam tshig med pa la sbyin par mi bya'o/ /bsod nams byas pa dang / bu ga'i 'khrul 'khor 'joms pa dang / spro ba'i sems dang ldan pa dang / kha na ma tho ba med pa'i yid dang / pha dang ma la gus pa dang / byang chub kyi</font><hr>101.18b<br><font size=+1>

sems bskyed pa dang / de bzhin gshegs pa la bsam pa mi phyed pa dag la sbyin par bya'o/ /'phags pa rdo rje sa 'og gi rgyud las lha ma yin gyi dbang po gzhan len gyi gtsug tu bri ba'i le'u ste bcu pa'o// // de nas gzhan yang rim pas phye bar gyur pa ni hA yang rtsa'i dbus su yungs kar skya bos stong phrag brgyad sreg blugs bya'o/ /de nas bud med rnams 'ong bar 'gyur ro/ /lag pa yongs su bzung nas 'jug par byed do/ /yang na gang 'dod pa de ster ro/ /'bum phrag nyi shu rtsa gcig bzlas pas ri bo dang bgegs rnam pa sna tshogs pa rnam par 'joms par byed do/ /'di ni bcom ldan 'das rdo rje 'dzin pas bka' stsal to/ /'phags pa rdo rje sa 'og gi rgyud las rdo rje nying khu'i le'u ste bcu gcig pa'o// // de nas 'dir rtog pa gzhan yang bshad par bya ste/ lo ma dang nas kyi bza' ba dang / slongs mo'i zas za zhing sngar bshad pa'i tshul gyis 'bum phrag gsum bzla bar bya'o/ /bzlas pa yongs su rdzogs pa dang / rdo rjes bsnun pa'i shing la rdo rje khro bo tshon gang khro gnyer bsnyer zhing mchu bsdams pa 'jigs par byed pa/ rdo rje 'phyar ba'i lag pa can/ g.yon pa'i mdzub mo sdigs mdzub du byas pa de nas zla ba cher gzas bzung nas mi mthong ba na dur khrod du tsan dan dmar po'i stan nam/ chu bo'i 'gram gyi 'jim pa la gzhug par bya'o/ /de la rgya chen po'i mchod pa byas nas de'i mdun du rdo rjes bsnun pa'i shing la sor drug pa'i rdo rje rtse mo lnga pa byas te dri dang / me tog gis mchod la ji ltar 'byor pa'i mchod pa dang / gtor ma byas te a shwad tha'i 'dab ma bzhi'i steng du bzhag la/ lo ma gsum gyis dgab par bya'o/ /lag pa g.yon pa'i mthil du dur khrod kyi sol bas rdo rje bris la lag pa des</font><hr>101.19a<br><font size=+1>

bkab ste/ de nyid ji srid sa mi 'gul ba de srid kyi bar du bzlas pas de nas 'grub par 'gyur ro/ /rdo rje de nyid lag par bzung bas bu ga thams cad kyi 'khrul 'khor 'joms par byed do/ /'di ni bcom ldan 'das rdo rje 'dzin pas bka' stsal to/ /de nas bud med rnams phyi rol tu dgug par 'dod na dpal gyi bu ga'i sgor rdo rje khro bo de nyid bzhag la dur khrod kyi shing la me sbar te/ rdo rje de lag pa g.yon par bzung la g.yas pa ma yin pa'i lag pas yungs kar skya bo rnams stong phrag brgyad du sbyin sreg bya'o/ /de nas bud med rnams 'ong bar 'gyur ro/ /lag pa nas bzung ste 'jug par byed do/ /yang na gang 'dod pa de ster bar 'gyur ro/ /'bum phrag nyi shu rtsa gcig tu bzlas pas ri mo mkhrang po rnam pa sna tshogs 'joms par 'gyur ro/ /'di ni bcom ldan 'das rdo rje 'dzin pas bka' stsal to/ /'phags pa rdo rje sa 'og gi rgyud las rdo rje sgrub par byed pa'i le'u ste bcu gnyis pa'o// // sman 'di sgrub pa pos ci nas kyang bsgrub par bya'o/ /bgegs rnams dang log par 'dren pa med par byed do/ /zla ba shar ba dang / dbang po lag pa dang sing gri dang / byA gri dang lag pa bzhi pa dang b+ha ra ha karni ka dang / ga dzAd ka dang ra tsa ni dang ru rta dang gur gum dang / dung gi phye ma rnams glang po'i gcin gyis sbrus la ji ltar 'dod pa'i ril bu bya'o/ /dri dang me tog dang gtor ma dang bdug pa rnams gnas rnams su bzhag la chu 'chag pa dang / dri ma 'dor ba na ras kyis bcing bar bya'o/ /dri dang me tog la sogs pa rnams kyis mchod par bya'o/ /gzhan du na log par 'dren pa rnams zhugs te ma rung bar byed par 'gyur ro/ /bshad ma thag pa'i sman gyis log par 'dren pa la sogs pa thams cad rnam par nyams nas phan tshun lta zhing 'di skad</font><hr>101.19b<br><font size=+1>

ces 'di ni ji srid sman yod pa de srid 'gro bar mi bya'o zhes smra zhing phyogs dang nye ba'i phyogs rnams su 'byer bar 'gyur ro/ /dpag tshad gcig gi khongs su bgegs ldang bar mi 'gyur ro/ /las thams cad kyang 'grub par 'gyur ro/ /gang yang rig pa 'dzin pas dus gsum du nye bar byugs na de la 'ga' zhig gis kyang 'jug par mi nus so/ /bA la ka dang sA ri ba dang lo dra ma dang lAng ga li dang / sgrog pa dang / byi ba'i spu rnams sbyar ba'i bdug pa 'bad pas byas na bu ga'i sgor 'gro ba na thigs pa zhi bar byed do/ /ut+pal sngon po dang / dri zhim po'i mar dang ru rta dang / sa ra bi dang tsan dan dang bo la ka dang / ba glang gi gcin gyis sbrus pa'i sman gyis dug 'joms par byed cing dpal gyi sgo'i drod gsher las skyes pa 'joms par byed do/ /chu shing dang gla sgang dang / bA Na dang koSh+Tha dang / u dum ba ra dang / ba la dang a shwa gan d+ha dang shu dag dang / ge ri ka ka dkar po ste 'di rnams sbyar bas thams cad kyi gnyid dang 'khrul 'khor dang / mun pa 'joms par byed do/ /shi b+ha an dza ba'i sa bon dang / ut+pal dang / nA ga ge sar dang / ga bur rnams mnyam por sbyar ba'i mig sman gyis gnyid med par byed do/ /ka ra dang rta'i kha chu dang / nA ga ge sar dang / sa ri pas mig sman byas la khro bo bzlas pas nyid kyi 'khrul 'khor bzlog par byed do/ /rma bya'i gtsug phud dang mnyam por sbyar la/ na le sham dkar po dang btags te lan bdun bzlas pas rtsod pa bzlog par byed do/ /sems rnam par g.yeng ba med pa dang / brtse ba dang ldan pa dang chos shes pa dang / ring du mthong ba gang gi khyim du cho ga dang ldan pas sman bzhag nas khro bo rdo rje sa 'og la mchog tu gus par gyur na/ des rkang 'og gi dpal gyi sgo 'grub par 'gyur te/ 'di la the tshom med do/ /ya ba'i me tog dang rgya sran gyi phye</font><hr>101.20a<br><font size=+1>

ma dang / yungs kar dang / bI la dang ing gu rnams srang re re si ta dang lhan cig bsres la lan nyi shu rtsa gcig bzlas pas bkres pa'i 'khrul 'khor bzlog par byed do/ /a pa mArga'i sa bon dang / bi dza ak+Sha'i u dum ba ra'i ril bu la lan bdun bzlas na bkres pa sel bar byed do/ /glang po'i rna ba'i pa la sha'i khu ba blangs la rdo rje'i sdong skyes dang / rdo rje'i 'o ma dang mnyam por sbyar la til mar dang bskol te spyin rnams thams cad la mar khu'i mchog des byug par bya'o/ /rdo rje ljon pa'i khrag dang ni/ /de bzhin rdo rje sdong bu'i bcud/ /se ba la yi bcud dang sbyar/ /gser gyi mar dang btso bar bya/ /thog mar de dag bcangs nas su/ /mkhas pa yis ni 'bad pas bsdad/ /'bru mar gyis ni lus byugs nas/ /sbyin gyi steng nas 'gro bar bya/ /ing gu bi la'i mar khu dang / /kha ba yi ni nas dag ni/ /rta yi dri dang mnyam bsres nas/ /rta yi gcin dang bskol bar bya/ /'di dag gis ni lus byugs na/ /spyin gyis gos par mi 'gyur ro/ /'phags pa rdo rje sa 'og gi rgyud las sman dang rtsi'i le'u ste bcu gsum pa'o// // de nas seng ge'i lta stangs kyis bu gar 'jug par bya'o/ /mkhas pas mtshan ma mtshon par bya ste/ dpal gyi sgor rkang bzhi pa dang / dngul chu dang bcud len dang / bud med dang / grub pa'i rdzas kyis yang dag par khyab pa dang / bu ga gang dag shang shong can/ /la la rdo bas khyab pa ni/ /de ni rad rod can shes bya/ /sa ni 'bar bas chu skems shing / /phyi rol bshang ba'i dri mnam zhing / /keng rus kyi ni rus pas khyab/ /gdug pa'i rdo ba dag gis gang / /de ni rad rod can du bstan/ /'ga' zhig 'jim pa dag gis khyab/ /la la rdo dang chu yis gang / /dri mi zhim pa'i shing mang ba/ /rad rod 'jigs pa nyid du 'gyur/ /</font><hr>101.20b<br><font size=+1>

bshang dang ljan ljin dri mnam zhing / /kha cig na ni sbrul gyi dri/ /lpags pa dang ni bya yis khyab/ /de ni nges par lce spyang gnas/ /yang na rdo rje sa 'og las bstan pa'i ji lta bus rnam pa'i sgo mkhas pas phyi rol tu brtags nas 'jug par bya'o/ /yo byad thams cad dang ldan pas/ /khro bo'i dam pa legs par bzlas/ /dbang bskur bas ni dbang bskur la/ /blo dang ldan pas bsrung bar bya/ /'di yi tshul gyis dpa' bo yis/ /sa 'og mtho ris dpal gyi sgo/ /der ni som nyi med par 'jug /de yis 'dod 'bras thob par 'gyur/ /dpa' bo de yis cher spro bas/ /gtong dang brtse ldan gtsang ba dang / /dregs med mngon pa'i nga rgyal bral/ /'jigs bral khyad par 'phags pa'i yid/ /me 'od dang ni ltas chen po/ /mthong nas zug rngu med pa'i sems/ /rdo rje lta bur brtan pa yis/ /bsgrub par dka' yang bsgrub par bya/ /'phags pa rdo rje sa 'og gi rgyud las 'khrul 'khor brtag pa'i le'u ste bcu bzhi pa'o//  |   // de nas gzhan yang dpal gyi sgor 'jug pa'i rim par phye bar gyur pa ni 'khrul 'khor gyi ni drung 'gro ba/ /shin tu myur dang bul min par/ /rkang pa 'jog cing 'bad pa yis/ /kun nas 'khrul 'khor blta bar bya/ /gang tshe 'khrul 'khor g.yo ba dang / /'gul ba dang ni ldeg pa 'am/ /yang na mtshon cha thogs pa ste/ /mda' dang shag ti dbyug gu dang / /ral gri 'khor lo mtshon cha yi/ /'khrul 'khor gyis ni gang mthong zhing / /gri gug spu gri'i so dag dang / /de bzhin lug las sogs 'gro ba/ /de lta 'i rnam pa mthong na ni/ /phyag rgya legs par bcing bar bya/ /yungs kar skya bo nyid dam ni/ /thal ba la yang khros pa yis/ /khro bo lan bdun bzlas nas su/ /'khrul 'khor la ni mkhas pas bsnun/ /</font><hr>101.21a<br><font size=+1>

gdon mi za bar de ltung ngo / /lha yi khang par 'jug par bya/ /gang dag lha chen por gyur pa/ /der ni yi dgas gtor ma mthong / /ji ltar bkres kyang mi bza'o/ /de nyid du ni nges mthong ba/ /skad cig tsam yang mi 'gul zhing / /de tshe de ni mi smra ste/ /lha min stong gis rgyas btab pas/ /de mthong nas ni ru sbal gyi/ /rgya ldan lan bdun bzlas pas g.yo/ /de ni rang bzhin dang ba yis/ /gus dang bcas pas phyag 'tshal te/ /legs par byon tam dpa' bo rnams/ /ci bde bar yang 'jug par mdzod/ /grub pa'i cho ga'i sbyor ba rnams/ /rin chen rnam pa du ma dang / /dngul chu dang ni bcud len dang / /nor bu rnams dang bud med dang / /gzhan yang nang na gang ba yi/ /ral gri dang ni mtshon cha rnams/ /de dag gi ni lag pa nas/ /bzung nas ji ltar bde bar ston/ /phyag na rdo rje'i byin brlabs kyis/ /der ni ji ltar 'dod par bya/ /der ni ji tsam sdod kyi bar/ /lha min bu mo rnams dang rtse/ /de rnams kyis bstan lam nas ni/ /ci bde bar ni nges par 'dong / /lha min grong du bde bar 'gro/ /ji ltar bde bar slar yang 'ong / /gang dag der ni sngon song ba/ /rdo rje sa 'og gis gzir bas/ /gal te 'ongs par ma gyur na/ /der ni rmongs nas 'chi bar 'gyur/ /des na sngon rgyu zhugs rnams la/ /blo gros ldan pas gzir mi bya/ /'phags pa rdo rje sa 'og gi rgyud las dpal gyi sgor 'jug pa'i le'u ste bcwa lnga pa'o// // de nas dpal gyi sgo'i rtogs pa brjod pa'i rim par phye bar gyur pa ni/ dpal gyi sgo yi phyir gnas pa'i/ /mtshan nyid mthong nas shes pa yis/ /smra spangs slong ba za ba dang / /'khrug pa med pa'i sems ldan pas/ /blo gros can gyis 'bum phrag gsum/ /dpal gyi sgo la brten te bzlas/ /</font><hr>101.21b<br><font size=+1>

'bum phrag dang po bzlas pa yis/ /'khrul 'khor rnams ni ltung bar 'gyur/ /gnyis pa yis ni sa g.yo zhing / /du ba chen po 'khrug par 'gyur/ /gsum pa yis ni dro ldan pa'i/ /rgyan dang ske rags grol ba yis/ /lha min bu mo nges par 'ong / /khro bo me yis bsros pa na/ /bskal pa'i me snyam sems pa yis/ /ca co 'don zhing rnam par 'bros/ /der ni zhi bar bya don du/ /tsan dan ldan mar sbyin sreg gis/ /de yi lus ni rnal mar gnas/ /bsam pa thag pas 'dud par 'gyur/ /dpal gyi sgo der nor rnams dang / /ral gri ldong ros mig la sogs/ /dngul chu bcud len bzang po dang / /bud med stong phrag brgya rnams gnas/ /bdag gi bdag po khyod kyis mdzod/ /mtho ris sa 'og bzang po ste/ /gal te der ni mi 'jug na'ang / /ji ltar bzhed pa de bzhin mdzod/ /ral gri grub pa'i mig sman sogs/ /de yi mdun du bzhag nas kyang / /rdo rje khro bos gzir bas na/ /yid la gcags bzhin ster bar 'gyur/ /ji ltar 'dod pa de bzung ste/ /de ni btang ba nyid du bya/ /der ni dkyil 'khor bsdu byas te/ /lha dag mnyes par byas nas su/ /khro bo de yang gshegs su gsol/ /brgya rtsa brgyad bzlas ci bder 'gro/ /go cha chen po gyon pa yis/ /blo dang ldan pas dbang blangs te/ /ser sna khro dang 'gyod pa dang / /phrag dog la sogs dor nas su/ /rtag tu spro bar 'gyur ba yis/ /bya ba byas na legs par 'grub/ /'di ni bcom ldan rdor 'dzin gsung / /'phags pa rdo rje sa 'og gi rgyud las dpal gyi sgor drag shul spyod pa'i le'u ste bcu drug pa'o// // de nas mtshan nyid gzhan gyis rim par phye bar gyur pa ni/ sngon du 'bum phrag gsum bzlas la/ de nas bu ga'i sgor lus dri zhim</font><hr>101.22a<br><font size=+1>

pos 'o ma dang nas zan za zhing 'bum phrag gsum bzla'o/ /de nas bu ga'i 'khrul 'khor thams cad 'joms par 'gyur ro/ /de nas the tshom med par gyur pa'i yid kyis sgo drung du bsreg blugs brgya rtsa brgyad byas la 'jug par bya ste rang gi khyim bzhin no/ /lha ma yin gyi dbang po gzhan len gyis bsgrags pa'i gsang ba chen po bcom ldan 'das rdo rje 'dzin pas sems can thams cad kyi phyir sa 'og gi gsang ba chen po'i dpal gyi sgo bka' stsal pa/ rdo rje 'khor lo de bzhin du/ /rtse gsum ku mud pad ma dang / /bkra shis dang ni dung nyid dang / /chu srin du ni mtshon par bya/ /rdo rjes gnod sbyin rnams su 'gro/ /'khor los srin po rnams 'gro ste/ /klu yi khang par rtse gsum gyis/ /rkang 'og tu ni ku mu das/ /lam po cher ni pad mas 'gro/ /bkra shis khyim gyis mdzod khyim dong / /chu srin gyis ni bud med khyim/ /'phags pa rdo rje sa 'og gi rgyud las mtshan nyid kyi le'u ste bcu bdun pa'o// // de nas rig pa 'dzin pa'i rnal 'byor gyi rim par phye bar gyur pa ni/ mun pa las ni 'das pa na/ /gang tshe sgron ma'i 'od gsal ba/ /de ni 'khrul 'khor gnas shes bya/ /gnas der blo ldan 'gro mi bya/ /'khrul 'khor gzhom par bya ba'i phyir/ /rdo rje 'phyar ba sbyar bar bya/ /rkang pa g.yas pa bteg nas su/ /g.yon pa'i steng du sbyar bar bya/ /lte ba'i gnas su khu tshur gyis/ /gar gyi sbyor bas bskor bar bya/ /lag pa g.yas pa bsgreng nas su/ /g.yon pa la ni bsnun par bya/ /steng du lag pa 'og tu blta/ /phyi ru 'di yis bsnun par bya/ /yungs kar dang ni thal ba yis/ /bsnun pas sa ni g.yo 'gyur te/ /'khrul 'khor lhod pa nyid du 'gyur/ /slar yang de yis</font><hr>101.22b<br><font size=+1>

bsnun pa yis/ /gdon mi za bar ltung bar 'gyur/ /rkang pa mnyam par gnas byas nas/ /lag pa g.yon pa snying gar bzhag /gnas de phyi ru gar byas te/ /gang yang rung bas bsnun par bya/ /hU~M dang ldan pa'i khro bo yis/ /phye mar gyur nas sa la ltung / /rdo rje 'phyar ba'i cho ga yis/ /sa la ltung ba'i 'khrul 'khor rnams/ /slan chad der ni 'byung mi 'gyur/ /'khrul 'khor med pa'i bu gar shes/ /nam mkha'i 'khrul 'khor gang bshad dang / /gang yang dug gi rlung 'byung ba/ /de yang cho ga 'di yis su/ /mthong ba tsam gyis ltung bar 'gyur/ /dam tshig shes pa blo ldan des/ /yang na lha'i gnas mthong na/ /'phyar ba'i phyag rgyas legs bsnun zhing / /bskor zhing rab tu 'phen pa yis/ /'byung po rnams ni dgug par bya/ /de bzhin dam tshig nyid kyang bstan/ /sgrub pa dbang bskur ldan pa dang / /las kyi cho ga mthong ba yis/ /de nyid 'di ni bstan par bya/ /gzhan du na ni 'chi bar 'gyur/ /dpal gyi sgo yi sman rnams dang / /dngul chu grub pa'i mig sman sogs/ /de bzhin bud med rnams dang ni/ /de nyid du ni mi snang 'gyur/ /gter dang gser 'gyur bu ga'i sgor/ /dbang du byed pa'ang de bzhin du/ /dbang bskur med pa'i blo ldan gyis/ /mthong yang thob par mi 'gyur ro/ /lha ma yin gyi cho ga dang / /rdo rje sa 'og dkyil 'khor du/ /ji ltar zhugs par gyur pa yi/ /dkyil 'khor bsrung ba byas nas su/ /bla ma la ni yon phul te/ /dri dang me tog mchod pa bya/ /rdo rje chu yis chus bkang nas/ /phra ba'i ras kyis mgrin bcings pa'i/ /bum pa ldan pa'i gzhan dag gis/ /mtshan nyid de yis dbang bskur bya/ /de nas ru sbal phyag rgya bcing / /byin brlabs phyag rgya'am</font><hr>101.23a<br><font size=+1>

de bzhin du/ /lha min phyag rgyas rjes gnang ni/ /bla mas byin pas don kun 'grub/ /lha min rnams dang 'khrul 'khor rnams/ /sgyu ma yis ni brgyan pa rnams/ /'byed dang rab tu 'byed pa ni/ /rig pa 'dzin pa de yis 'grub/ /'khrul 'khor gyis min dug gis min/ /chu yis ma yin mes kyang min/ /glang po sogs min ltos 'phyes min/ /de la 'khrul 'khor bzhis kyang min/ /ral gri dbyug gu mu saN Da/ /chu bo an dza ga sprul min/ /gzhan yang 'khrul 'khor sna tshogs pa/ /gsang ba'i mtshams na rten rnams kyang / /dbang bskur dam tshig dag gis ni/ /byin brlabs de la bsnun mi 'gyur/ /de yi mthu yis cung zad cig /bzlas pas 'khrul 'khor thams cad 'joms/ /de ni rig pa 'dzin pa yis/ /rigs kyis byin gyis brlabs par 'gyur/ /des na 'bad pa thams cad kyis/ /dbang bskur ba ni sbyar bar bya/ /don kun grub pa thob 'gyur zhing / /de la lhas kyang byin gyis rlob/ /dman pa'i bya ba dor bar bya/ /mngon spyod kyi ni las kyang spangs/ /'bebs dang dbang du bya ba dang / /gdon gyi las kyang dor bar bya/ /blo dang ldan pas rgyun tu bzlas/ /nyon mongs bral ba'i snyoms 'jug gis/ /'phags pa rdo rje sa 'og gi rgyud las rig pa 'dzin pa'i le'u ste bcwa brgyad pa'o// // de nas khro bo'i rgyal po rdo rje sa 'og gis byin gyis brlabs pa mchog tu gsang ba'i dkyil 'khor bshad par bya'o/ /dbang ldan gyis phyogs su bltas te 'khod la grong gi mtha' ma/ grong khyer gyi phyogs kyi mthar rdo dang / rus pa dang gseg ma dang / dman pa'i sol ba dang / thal ba dang / gyo mo dang so phag dang / gnod sbyin la</font><hr>101.23b<br><font size=+1>

btsugs pa'i shing dang / mgal dum rnying pa dang / chu 'dzag pa dang / kham phor gyi phung po dor te/ bkra shis kyi nyin par bsrung ba byas la kha dog lngas khru bzhi pa/ grwa bzhi pa sgo'i mtshams su sgo khang dang / dkyil 'khor dbus zlum por gnas pa/ gnas g.yas bskor du'o/ /phyogs bral gyi mtshams su zlum po ma yin pa'i dkyil 'khor ro/ /cher brtags te/  ri mo rdo rjes byin gyis brlab bo/ /go rims bzhin du lha ma yin gyi rgyal po rnams kyis gnas rgya mtsho chen po bri bar bya'o/ /blo gros dang ldan pas dpal gyi sgo bri bar bya'o/ /rin po che'i rnam pa mtshan nyid dang ldan pa dang / 'khrul 'khor gyi gnas dang / sman dang / dngul chu dang / bcud len dang / grub pa'i rdzas dang / nye bar spyod pa dang / gtor ma dang / bum pa gang ba ste/ de rnams kyi gnas rnams thig gis gdab par bya'o/ /de nas dkyil 'khor gyis dbus su sangs rgyas bcom ldan 'das bzhag par bya'o/ /de'i g.yas su lag na rdo rje'o/ /de dang nye bar khro bo rdo rje sa 'og lag par rdo rje dgra sta can bzhag par bya'o/ /bcom ldan 'das kyi g.yon gyi drung du byang chub sems dpa' dri ma med pa'i blo gros rnga yab 'dzin pa bzhag par bya'o/ /de nas rdo rje 'dzin pa'i 'og tu chung ma dang bcas pa'i dbang phyug gi mdun du khyu mchog dang ldan pa bzhag par bya'o/ /de nas shar gyi sgor 'phar ma dang po la sman thams cad dang / dngul chu dang / bcud len dang / rgyan dang gzhon nu ma la sogs pa bzhag par bya'o/ /de nas lho'i sgor lha ma yin brgyad bzhag par bya ste/ stobs can dang stobs can gyi bu dang / bde mchog dang gzhan len dang / dus kyi mu khyud dang / thags zangs ris dang / rab sim dang / dbyig za'o/ /de nas nub kyi sgor 'khrul 'khor stong sum bcu bzhag</font><hr>101.24a<br><font size=+1>

par bya ste/ de la 'khrul 'khor brgyad rnam pa dang bcas pa bri'o/ /srad bu dang / gri gug dang bud med dang seng ge dang lug dang / mda' dang bcas pa'i gzhu dang / chu rgyun dang spyin dang / gnyid kyis 'khrul 'khor rnams so/ /de nas byang gi sgo'i 'phar mar bu ga brgyad rnam pa dang bcas pa bri bar bya ste/ lug gi gdong dang chu srin gyi gdong dang / glang po che'i gdong dang / lto 'phye'i gdong dang / byi ba'i gdong dang / skyes bu'i gdong dang / dkyil 'khor gyi rnam pa dang / ma byas pa'i gdong gi rnam pa rnams so/ /de nas mtshams rdo rjes byin gyis brlabs pa'i 'og tu sgo bral bzhi bzhag par bya'o/ /me'i mtshams su me'i thab khung ngo / /rlung du chu'i thab khung ngo / /bden bral du bdug spos kyi thab khung ngo / /dbang ldan du sbrul gyi rnam pa bzhag par bya'o/ /de nas de rnams spyan drangs la/ rdo rje khro bo 'bebs pa chen pos byin gyis brlab par bya'o/ /bum pa rtsa ba nag po med pa bzhi ljon pa lnga dang / sman lnga dang / rin po che lnga dang ldan pa la ras phra ba dri zhim pa skra med pas mgul pa bcings te mtshams bzhi po rnams su rdo rjes byin gyis brlabs pa la/ yungs kar gyis byin gyis brlabs te bzhag par bya'o/ /de nas rdo rje'i chu dang / phyag rgyas byin gyis brlabs pa'i me tog dang bdug pa dang mar me dang / dri la sogs pa dang lha bshos dbul bar bya'o/ /de nas sna tshogs pa'i ro dang / 'bras bu dang / 'bras kyi rgyal po'i 'bras bu legs par sbyar ba chang dang sha med pa'i lha bshos dang gtor ma yid du 'ong ba dam pa rgya chen pos 'byung po thams cad la phyogs dang 'tshams rnams su byin la nye reg bya'o/ /cho ga bzhin du phyag rgya dang dkyil 'khor gyi bya ba byas la/ khro bo'i rgyal po dpa' bo gcig pa rdo rje sa 'og rjes su</font><hr>101.24b<br><font size=+1>

dran pas bzlas par bya'o/ /skyes bu dpa' bos byin gyis brlab pa'i don gyi phyir lha ma yin gyi phyag rgya'i 'og tu son par rkang mthil nas spyi gtsug gi bar du go chas byin gyis brlab bo/ /ji ltar mi 'bab na de nas dri bzang po dang / bdug spos kyis bdugs la ras dkar po phra bas gdong g.yogs te/ lag pa rdo rje thal mo'i phyag rgya sbyar la las kyi gru la rkang pa gnyis bzhag te yon phul la/ rna ba dam tshig gis byin gyis brlabs pas sangs rgyas dang chos dang / dge 'dun dang byang chub sems dpa'i rigs rnams kyi dam tshig phye ba rnams dang / dam tshig mtshungs par 'gyur ro/ /'di lta bu'i dam tshig thos nas me tog dor bar bya'o/ /gang gi steng du lhung ba de'i lha'i rigs so/ /thog mar phyag rgya bcings pas byin gyis brlabs nas de la yon 'bul bar bya'o/ /de nas rdo rje zhags pa'i phyag rgyas dkyil 'khor bsdus te/ cho ga bzhin du phyag rgya dang sngags lha rnams gshegs su gsol bar bya'o/ /de nas dkyil 'khor mthong nas dam tshig dam pas byin gyis brlabs pa dang / gsang sngags thams cad kyis byin gyis brlabs pa dang / legs par bgrod pa dang / 'dod pa'i don thams cad kyi dngos grub thob pa dang / 'dul ba rnams la rab tu sbyor ba dang / rgyud rnams kyi 'gog pa dang / 'ching ba dang ston pa dang / byed pa dang bskyod pa dang / phur bus bsnun pa dang / 'byed pa dang rgyud thams cad kyi don thob pa dang sgrogs pa dang / dpyod pa dang zlos pa dang / bsgom pa dang rnal 'byor du byed pa dang / gdug pa thams cad la drag shul spyod pa dang / gzhon nu ma rnams dang / 'khrul 'khor rnams 'byed pa dang / gcod pa dang sgrub pa dang / rnam pa thams cad du don thams cad grub pa rnyed pa 'di bcom ldan 'das rdo rje 'dzin pas</font><hr>101.25a<br><font size=+1>

bka' stsal to/ /'phags pa rdo rje sa 'og gi rgyud las grub pa'i dkyil 'khor gyi bya ba sa 'og gi rdo rje dpa' bo gcig pa'i le'u ste bcu dgu pa'o//  |           // de nas gzhan yang las rgyas pa'i rim par phye ba ni rdo rjes bsnun pa'i shing las rdo rje byas la 'bum phrag gsum bzla bar bya'o/ /de nas zla ba nya ba la mchod pa bya ste/ lag mthil du bzung la ji srid tsi Ti tsi Ti zhes sgrogs kyi bar du bzla bar bya'o/ /de nas 'grub par 'gyur ro/ /'khrul 'khor thams cad 'joms par 'gyur ro/ /bsreg par 'gyur ro/ /de nas bud med rnams mchod yon bzung nas 'ong bar 'gyur ro/ /de nas 'khrul 'khor med par 'jug par byed do/ /gang 'dod pa'i rdzas de la ster ro/ /bcom ldan 'das lha'i lha lha yis phyag byas shing mchod pa rig pa'i rgyal po chen po'i bdag po dpal dang ldan pa'i khro bo'i rgyal po 'di ma bsgrubs kyang las rnams byed par 'gyur ro/ /lha ma yin gyi bu mo la dmigs te/ bu ga'i sgor stong phrag brgya bzlas par bya'o/ /lha ma yin gyi bu mo bskyod par 'gyur ro/ /nad mi bzad pas bzung nas stong phrag brgya po yongs su rdzogs par 'ong bar 'gyur ro/ /gal te mi 'ong na dug dang bsres pa la yungs kar skya bos sbyar ba'i sreg blugs stong phrag brgyad seng ldeng gi sol ba la bya'o/ /'ong bar 'gyur ro/ /gal te mi 'ong na ka ra bI ra'i me tog dmar pos bsreg blugs stong phrag brgyad bya'o/ /de nas rdo rje la bsnun pas ci nas kyang 'ong bar 'gyur ro/ /de nas skyes bu dpa' bo'i lag pa nas bzung nas 'jug par byed do/ /rdo rje lag par bcangs la 'jug par bya'o/ /yang na rdo rjes bsnun pa'i shing la 'khor lo byas la dur khrod du nim pa'i</font><hr>101.25b<br><font size=+1>

sol ba la tsha ba'i mar khu dang bsres te/ swA hA'i yi ge dang ldan pas stong phrag brgyad sreg blugs bya'o/ /de nyid du 'grub par 'gyur ro/ /dug dang khrag dang yungs kar skya bo bsres te/ stong phrag brgyad sreg blugs byas pas bu ga'i sgo 'bye bar 'gyur ro/ /de nas bu ga'i sgor ba glang gi lci bas dkyil 'khor nye bar byugs la steng du dris byugs te/ de nas rdo rjes de sa de'i steng du rdo rje bri bar bya'o/ /de nas rdo rje de lag pa g.yas par bzung la yungs kar la cung zad cig bsngags te stong phrag brgyad sreg blugs bya'o/ /ci bde bar bzung nas 'ong bar 'gyur ro/ /de bzung bar bya'o/ /gal te mi 'dod na de rnams dang lhan cig tu 'jug par bya'o/ /yang na gter 'don par 'dod pas lcags las byas pa'i phur bu bzhi la lan nyi shu rtsa gcig bzlas te/ phyogs bzhir btab la gsang sngags bzlas par bya'o/ /de nas der gter 'byung bar 'gyur ro/ /'di ni bcom ldan 'das rdo rje 'dzin pas bka' stsal to/ /na mo rat+na tra yA ya/ na mash+tsaN+Da badzra pA Na ye/ ma hA yak+Sha se nA pa ta ye/ o~M badzre badzri Ni/ badzrot+ta re/ badzra bi dza ye/ badzrA pa ra dzi ti/ badzra pA tA li Ni/  hU~M phaT hU~M phaT swA hA/ !  /rdo rjes bsnun pa'i shing la sor brgyad pa'i rdo rje rtse gcig pa byas te/ tsan dan dmar po las byas pa'i rdo rje'i rnam pa sor bcu drug pa'i stan byas la de'i steng du rdo rje bzhag la gso sbyong dang ldan pas thams cad la tsan dan gyi rang bzhin du byas te/ dpal gyi sgor bzhag par bya'o/ /lo ma dang nas zan dang slong ba za zhing 'bum phrag gsum bzla bar bya'o/ /de nas 'khrul 'khor thams cad ltung bar 'gyur ro/ /de rnams rang nyid 'ongs nas 'jug par byed do/ /gal te de rnams ma 'ongs na</font><hr>101.26a<br><font size=+1>

las gzhan yang bshad par bya ste/ yungs kar skya bo dang dug dang khrag bsres pas stong phrag brgyad bzung la re re la yongs su bzlas te rdo rje la bsnun pas de nas 'ongs te/ lag nas bzung nas 'jug par byed do/ /skyes bu dpa' bos las su gyur pa gzhan yang dug dang khrag bsres pas stong phrag brgyad sreg blugs byas pas de nas 'ong bar 'gyur ro/ /rdo rje bzung la 'jug par bya'o zhes bcom ldan 'das rdo rje 'dzin pas bka' stsal to/ /de nas las gzhan yang bshad par bya ste/ lo ma la sogs pa za zhing dus gsum du khrus byas la mi smra ba'i brtul zhugs kyis 'bum phrag gsum bzlas par bya'o/ /de nas rdo rjes bsnun pa'i shing la mthe bong tsam gyi rdo rje cha shas bcu drug pa rtse mo gsum pa byas te tsan dan dmar po'i khri la rdo rje de bzhag par bya'o/ /me tog dmar po dang dri la sogs pa rnams kyis mchod de/ gtor ma byin la nyin mtshan du gso sbyong dang ldan pas ka ra bI ra'i me tog gis rdo rje la brgyad brgyar bsnun par bya'o/ /de nas rnam pa gsum 'grub par 'gyur te/ rdo rje la tsi Ti tsi Ti 'byung ba dang / bu gar du ba'i sdong bu 'byung ba dang gzhon nu ma rnams 'ong bar 'gyur ro/ /gang gi tshe zhugs shig ces smra na/ de nas 'jug pa'i dus su nyin mtshan du gso sbyong la gnas pas ltas brtag par bya ste/ gang gi tshe rdo rje la tsi Ti tsi Ti zhes sgrogs na 'khrul 'khor rnams 'byed pa yin no/ /gang gi tshe du ba 'byung bar mthong na de nas 'khrul 'khor thams cad 'jig pa yin no/ /de nas rang gi khang pa bzhin du 'jug par bya'o/ /gang 'dod pa'i rdzas des ster bar 'gyur ro/ /gal te mi 'dod na bu ga'i sgo de nyid du arga'i yam shing ngam/ seng ldeng gi yam shing la me rab tu sbar te yungs kar skya bo</font><hr>101.26b<br><font size=+1>

rnams dang rang gi khrag bsres la stong phrag brgyad sreg blugs bya'o/ /de nas gzhon nu ma rnams 'ong ngo 'ongs nas kyang lag nas bzung ste 'jug par byed do/ /ji ltar 'dod pa'i rdzas rnams ster ro/ /gzhan du na bud med de rnams 'chi bar 'gyur ro/ /tshon sna lnga'i srad bus dkyil 'khor gdab par bya'o/ /rdo rje sa 'og gi rgyud las rgyas pa'i le'u ste nyi shu pa'o//  !     // de nas bcom ldan 'das khro bo'i rgyal po des sa 'og chen po'i cho gar gyur pa ni gzhon nu mas bkal ba'i srad bu la ba glang gi gcin gyis bkrus te gso sbyong dang ldan pa'i thags mkhan gyis nag po'i phyogs kyi bcu bzhi pa'am brgyad pa'am yang na nya la rnam par bral ba'i phyogs su de bzhin gshegs pa la gsol ba btab ste/ dri dang me tog dang bdug pa la sogs pa rnams kyis mchod la/ rgya chen po'i gtor ma dang lha bshos byas te/ bde bar gshegs pa'i mtho gang las lhag pa ji tsam 'dod pa'i tshad kyi bris sku 'tsham par byas la/ de la rin chen dang sman dang / 'brus byin gyis brlabs pa'i bum pas mchod yon sbrengs la gtor ma dang lha bshos rgya chen po byas te/ ji ltar 'byor pa'i dge slong la gya nom pa'i bza' bas tshim par byas nas ji ltar 'dod pa'i dngos grub tu smon te yan lag brgyad pa'i gso sbyong dang ldan pa'i ri mo mkhan la bsrung ba byas la dpa' bos rin thang nges pa mi bzung bar yon byin te/ kha dog ma 'dres pas bcom ldan 'das khro bo'i rgyal po dpa' bo gcig pa rdo rje sa 'og chen po bri bar bya'o/ /bai dUr+ya sngon po dang sprin chen po 'dra ba sbrul gyi mchod phyir thogs 'chang ba klu'i rgyal po nor rgyas kyi ska rags byas pa dga' bo dang stobs kyis rgyus rna ba brgyan pa a shi bi shas lag pa dang</font><hr>101.27a<br><font size=+1>

rkang pa brgyan pa stag gi lpags pa'i sham thabs can/ spyan gsum pa 'jigs byed chen po Ta Tas bzhad pa mche ba gtsigs shing 'bar bas 'khrugs pa thams cad rab tu 'bar ba'i 'od kyi tshogs can phyag bzhi pa phyag g.yas par 'od zer chen po'i dkyil 'khor can gyi rdo rje rtse gsum pa'o/ /gzhan par chu srin gyi gdong gi rnam pa'i lcags kyu'i sor mos me tog gi sdong bu ltar 'gugs pa'o/ /g.yon par ltos 'phye chen po bskyil ba'i zhags pa'o/ /gnyis pa'i 'og tu son par bgegs rnams dang / lha ma yin rnams dang / klu dang gnod sbyin la sogs pa rnams la bsdigs pa'o/ /'og tu rgya mtsho chen po bri bar bya'o/ /de'i dbus su ri bo chen po'i steng du pad ma chen po la bzhugs pa'i ni bcom ldan 'das so/ /rgya mtsho chen po de'i nang du lus phyed nub pa'i 'og tu lta ba'i lha ma yin chen po brgyad bri bar bya'o/ /bcom ldan 'das kyi steng du 'od kyi dkyil 'khor gyi drung du pad ma'i gdan la bzhugs pa dang / khro bo'i gdan la bzhugs pa steng du phyag brkyang nas khro bo chen po dbugs 'byin par mdzad pa de bzhin gshegs pa'i sku 'od dpag tu med pa dang / mi bskyod pa dag bri bar bya'o/ /de lta bu'i bris sku yongs su rdzogs pa dang / rig pa 'dzin pa gcig pus mi smra ba'am/ grogs bzang po dang bcas te/ ri bo'am sgra med pa'i phug rnying pa'am/ shing gcig pa'i gnas ji ltar rnyed par lo ma dang / 'bras bu dang 'o ma dang slong ba za zhing sdig pa bshags la bsod nams la rjes su yid rang ba dang chos la dga' bas bris sku rab tu gnas pa bya ste 'bum phrag bcu bzla'o/ /cho ga 'dis hU~M zhes brjod pas ri rab kyang phye mar rlog cing rgya mtsho yang skems so/ /lha'i gnas rnams ltung bar byed do/ /de lta bus sngon du bsnyen pa bya ste/ dpal gyi sgo'i sgor</font><hr>101.27b<br><font size=+1>

bris sku bzhag la stong phrag bcu bzla'o/ gang de'i nye bar gnas pa rnams der 'ong ngo / /thams cad la bka' bsgo bar bya'o/ /dngul chu dang bcud len dang mig sman dang grub pa'i rdzas la sogs pa ster ro/ /sgo 'byed par 'gyur ro/ /spyin thams cad kyis gos par mi 'gyur ro/ /sgra med par byed do/ /chu rgyun skems par 'gyur ro/ /'khrul 'khor thams cad ltung bar 'gyur ro/ /sdig pa thams cad bral bar 'gyur ro/ /mar dang 'bras yos kyi sbyin sreg gis zhi bar byed do/ /mar dang 'o ma'i sbyin sreg gis stobs 'phel bar byed do/ /mar dang tan tu le'i sbyin sreg gis nad chen po zhi bar byed do/ /dug dang khrag gi sbyin sreg gis log par 'dren pa rnams gsod par byed do/ /nim pa'i lo ma'i sbyin sreg gis skrod par byed do/ /byi ba'i spu dang rang gi khrag bsres pa'i sbyin sreg gis lha ma yin chen po'i bu mo 'gugs par byed do/ /sre mo'i spu'i sbyin sreg gis klu rnams 'gugs par byed do/ /'di'i cho gas rtog pa gzhan du bshad pa thams cad kyang 'grub par 'gyur ro/ /'di ni bcom ldan 'das rdo rje 'dzin pas bka' stsal to/ /'phags pa rdo rje sa 'og gi rgyud las thams cad sgrub par byed pa'i le'u ste nyi shu gcig pa'o// // de nas 'khrul 'khor 'joms par byed pa rgyal ba'i rim par phye bar gyur pa ni seng ge dang stag dang / glang po'i dbang po dang rta dang khyu mchog dang lug dang bse ru dang dom dang / spre'u dang phag dang ma he dang ri dgas ste 'khrul 'khor bcu gcig sprul pa legs par sbyangs pa/ sa 'og gi sgo gtan gyi 'khrul 'khor bsdams pa la khu tshur 'phyar bas bsnun par bya'o/ /rdo rjes bsnun pa ltar 'jig par 'gyur ro/ /'ug pa bya rog bya rgod dang / /khra dang lo ma brgya pa dang / /mkha'</font><hr>101.28a<br><font size=+1>

lding bzhad dang gtsug phud can/ /'khrul 'khor 'di dag rab grags pa/ /sa chen po la bsdigs pa yis/ /the tsom med par bsnun par bya/ /ral gri mu saN Di sgo glegs/ /'khor lo sbrul dang dbyug gu dang / /skyes bu gzhu yis lag pa dang / /spu gri zhags pa 'dzin pa la/ /mda' chen blo gros ldan pas bsnun/ /rlung gi 'khrul 'khor me'i 'khrul 'khor/ /bkres dang gnyid dang 'dar ba dang / /mgo nad dang ni mig nad la/ /'khor lo'i gur gyis bsnun par bya/ /bzhi pa'i 'do li chu bo'i rgyun/ /dug gi rlung dang mun nag dang / /chu srin ru sbal byi ba dang / /sbal pa sdig pa de bzhin du/ /ka ka ru yis gcod pa la/ /rdza rnga brdung ba'i skyes bu yis/ /rdo rje bsdigs pas bsnun par bya/ /gar gyi sbyor ba'i de nyid kyis/ /gzhan yang 'khrul 'khor du ma ni/ /rlung dang me ru rab grags pa/ /sa dang chu yi zug rngu dang / /nam mkha' dug dang lhan cig pa/ /thams cad rkang 'og rdo rje yis/ /gar gyi sbyor bas bsnun par bya/ /rdo rje bsdigs pa'i sbyor ba yis/ /rdo rje khu tshur gyis ni bsnun/ /bsnun pas 'khrul 'khor thams cad ni/ /gdon mi za bar ltung bar 'gyur/ /nyi ma dang ni rdor 'dzin yang / /dpal ldan gyis bsnun g.yo 'gyur na/ /phal pa'i 'khrul 'khor smos ci dgos/ /lha min bu mo rnyed dka' min/ /ral gri 'khor lo dbyug gu sogs/ /'do li a dza ga ra dang / /gsang ba'i mtshams kyi sgo glegs dang / /bung ba'i phreng ba de bzhin du/ /drag po'i sgra dang gad rgyangs che/ /tshar gcod pa ru gang gyur pa/ /phyi rol du ni cho ga des/ /ji ltar 'joms pa de bzhin bsnun/ /khros pas mche bas mchu mnan te/ /sa 'og bzlas pas bsnun par bya/ /khron par 'jug pa'i 'khrul 'khor ni/ /de ni 'og gi 'khrul 'khor</font><hr>101.28b<br><font size=+1>

bshad/ /dpal gyi sgo ni gang tshe mthong / /bzang yang mtshan nyid nyams pa dang / /sra ba'i mtshams dang sbas pa dang / /ri mo yis ni yongs bres pa/ /de la sa ga'i cho ga yis/ /lag pa steng du byas nas su/ /rdo la brgyad brgya bzlas nas kyang / /mtshams la drag tu rdeg par bya/ /bsnun pa tsam gyis 'khrul 'khor de/ /gdon mi za bar mthong bar 'gyur/ /bya rog mchu dang dbyug gu dang / /tho ba 'ching ba'ang de bzhin te/ /ru sbal phyag rgya'i cho ga yis/ /g.yas las gzhan pas reg par bya/ /phur bu bcing bar byas nas su/ /bya rog mchu la gzer bar bya/ /g.yon brkyang pa 'am mnyam pa yis/ /g.yas pa yis ni de bskor ro/ /'khrul 'khor gyi ni mtshams rnyed 'gyur/ /de ni myur bas gdon par bya/ /de nas pus mo g.yas bskums te/ /rkang pa g.yon pa brkyang bar bya/ /tho bas phur bu la bsnun pas/ /mtshams kyi 'khrul 'khor bskyod par 'gyur/ /rdo rje khro bo de ma thag /gsang sngags bzlas pas gdon par bya/ /der ni du ba 'byung ba na/ /rlung gi 'khrul 'khor gyis byas yin/ /ge sar rgya spos ru rta dang / /pu nar na ba khyab 'jug gnon/ /de dag rnams las bdug pa bya/ /rlung gi 'khrul 'khor bzlog par 'gyur/ /'di ni bcom ldan 'das rdo rje 'dzin pas bka' stsal to/ /'phags pa rdo rje sa 'og gi rgyud las 'khrul 'khor 'joms pa rgyal ba zhes bya ba'i le'u ste nyi shu gnyis pa'o// // de nas rdo rje khro bos bcom ldan 'das la 'di skad ces gsol to/ /bcom ldan 'das nyid kyis rnam par rgyal ba rdo rje'i rgyud chen po bka' stsal lags na/ bdag kyang rig pa 'dzin pa rnams la sman pa'i slad du bshad pas bcom ldan 'das la zhu'o/ /bcom ldan 'das rig pa 'dzin pa ji ltar gnas</font><hr>101.29a<br><font size=+1>

par bgyi/ ji ltar rig pa bsgrub par bgyi/ de skad ces gsol pa dang / bcom ldan 'das phyag na rdo rje gsang ba pa'i bdag pos rdo rje khro bo la 'di skad ces bka' stsal to/ /rdo rje khro bo khyod kyis sems can thams cad la phan pa'i phyir rig pa 'dzin pa 'grub pa'i rgyu dris pa legs so legs so/ /rig pa 'dzin pas ji ltar rig pa bsgrub pa rdo rje khro bo nyon cig /de la re shig dang por rig pa 'dzin pas bslab pa'i gnas lnga yongs su bzung la byang chub kyi sems bskyed de/ byams pa chen po dang snying rje chen po dang dga' ba chen po dang btang snyoms chen po la gnas pa de'i rig pa 'dzin pa'i 'dul ba ngas bshad par bya'o/ /dang po re shig bzlas pa'i phreng ba yongs su bzung ste/ nor bu dang / bu yis 'tsho ba dang / drag po'i ri lu dang / tsan dan dmar po dang / rdo rje'i mig rnams las drag po'i mig khyad par du 'phags pas de brgyu ba'i sngags su gyur pa ni/ na mo badzra pA Na ye o~M kaM ri ki ri rau tri Ni swA hA/ sngags 'dis phreng ba brgyu bar bya'o/ /de nas slob dpon las gnang ba nod de/ slob dpon la phul du byung ba'i yon phul la sngags bzla bar bya'o/ /de lta bu'i bya ba dang ldan pas sngags bsgrubs pas nges par 'grub par 'gyur ro/ /bgegs rnams kyis bar du gcod par mi 'gyur ro/ /dkyil 'khor du ma zhugs na tshig tsam yang sbyin par mi bya na/ sngags 'grub pa lta ci smos/ de lta bu'i yon tan dang ldan pa la sngags 'grub pa gsang ba bshad par bya'o/ /rig pa 'dzin pas zhi ba dang rgyas pa dang / mngon spyod dang / dbang du bya ba dang / gsod pa dang / bskrad pa rnams bsgrub pa'i don du gnas yongs su gzung bar bya'o/ /de la re shig gnas su gyur pa ni ri'i rtse mo dang / shing gcig pa dang / dur khrod dang ring bsrel can gyi mchod rten rnams su bum pa rtsa ba nag po med par nor bu dang / 'bru dang / </font><hr>101.29b<br><font size=+1>

sman thams cad kyis yongs su bkang la bcom ldan 'das kyi mdun du brgyad brgya bzla'o/ /\u0f00 a mr-i te hU~M phaT 'khrul 'khor gyi gnas su sngags 'dis bzla bar bya'o/ /de nas sa'i phyogs su bum pa la khro bos bsngags te thams cad la bsang gtor bya'o/ /chu'i rgyun ma chad pas thams cad la bskor bar bya'o/ /dug dang khrag dang yungs kar bsres pas arga'i shing la me sbyar la stong phrag brgyad bsregs la 'di skad ces kho bos gnas 'di yongs su bzung ngo zhes brjod par bya'o/ /de nas rig pa 'dzin pa de'i rig pa rnams dang gzhan yang glags blta ba 'jug pa'i go skabs rnyed par mi 'gyur ro/ /ji ltar 'dod par sems pa bsgrub par bya'o/ /cho ga gang bsgrub na de nas rig pa 'dzin pas ba glang gi 'o ma dang / nas dang lo ma dang / slong ba za zhing de bzhin gshegs pa la phyogs pas 'bum phrag gcig bzla bar bya'o/ /sngags kyi mthar gsol ba gdab par bya ste/ gang gi tshe bcom ldan 'das bdag gis bsgrub pa 'di gdon mi za bar 'grub par 'gyur ba de bdag la bka' stsal du gsol zhes brjod la/ de nas rje btsun sangs rgyas kyi mdun du nag po'i brgyad pa'i nyin mtshan gso sbyong dang ldan pas dgongs ka'i dus su ji ltar nus pas mchod pa bya ste/ ku sha'i chun po'i steng du bsdad la de bzhin gshegs pa la mngon du phyogs te rig pa khor mor ji srid gnyid ma byung ba de srid bzla bar bya'o/ /de nas der ku sha sdom pa la nyal to gnyid kyi mtshan mo'i thun tshod phyi ma la lha de nyid grub pa yang bka' stsol bar 'gyur ro/ /gal te mi gsung na nyi ma phyi ma la de bzhin du mchod pa'i cho gas bcom ldan 'das spyan dang lhan cig pa mchod de/ sna ma'i me tog la brgyad brgya yongs su bzlas la phyogs bzhir gtor te/ ji srid gnyid ma byung ba de srid kyi bar du bzla bar bya'o/ /nges par gsung bar 'gyur ro/ /de nas the tsom med</font><hr>101.30a<br><font size=+1>

par slar yang sngar bshad pa'i cho ga bzhin du gsang sngags chen po 'bum phrag gsum dang stong phrag brgyad bzla bar bya'o/ /de nas sbyin sreg gi cho ga ni mngon spyod la stegs bu gru gsum pa bya'o/ /rgyas pa la gru bzhi'o/ /zhi ba la zlum po'o/ /sgrub pa chen po la pad ma'i rnam pa'o/ /dbang du bya ba la lcags kyu'i rnam pa'o/ /rig pa dang lhan cig tu dri zhim po'i me tog dang yam shing bsreg par bya'o/ /mngon spyod la dur khrod kyi shing la tsha ba gsum dang skye tshe dang / yungs kar dang / lan tshwa dang / thal ba dang khrag la sogs pas khro bo la sreg blugs bya'o/ /zhi ba la sman gyi ljon pa'i yam shing gis so/ /rgyas pa la 'o ma can gyi yam shing gis so/ /zhi ba la me tog dang dri dkar pos so/ /rgyas pa la me tog dang dri ser pos so/ /mngon spyod la me tog dang dri dmar pos so/ /dkon mchog gsum la phyag 'tshal ba dang ldan pa'i sngags kyis thun gsum du las bya'o/ /sgrub pa chen po la dkon mchog gsum la phyag 'tshal ba dang ldan pas las bya'o/ /zhi ba la dkyil dkrung gis so/ /rgyas pa la tsog pus so/ /mngon spyod la rkang pas rkang pa mnan pas so/ /zas mi za bar sreg blugs bya'o/ /sgrub pa chen po dang zhi ba la hU~M gi yi ge bzla'o/ /mngon spyod la phaT kyi yi ge'o/ /zhi ba la srod kyi thun la'o/ /rgyas pa snga dro'i thun la'o/ /mngon spyod nyi ma gung ngam nam gung gi dus su kha lhor bltas te las bya'o/ /sgrub pa chen po dang zhi ba la kha shar du phyogs pas so/ /rgyas pa la byang du phyogs pas so/ /dbang du bya ba la byang du phyogs pas so/ /sangs rgyas bcom ldan 'das kyi spyan sngar lha la mchod pa byas te/  rgyas pa'i las bya'o/ /dur khrod dang rtags gcig par dbang du bya ba dang mngon spyod do/ /zhi ba la sogs pa la me sbar</font><hr>101.30b<br><font size=+1>

te bya'o/ /gang gi tshe der me bzang por gyur na de nas las 'grub par 'gyur ro/ /thog ma kho nar sngags kyi lha spyan drangs te phyis bcing bar bya'o/ /thog mar de ltar ma byas na rig pa 'grub par mi 'gyur ro/ /spyan drangs nas dri'i chus gang ba'i snod du me tog dkar po dang ldan pa la sangs rgyas bcom ldan 'das kyi spyan sngar phyogs te/ gsang sngags brgyad brgya bgrang bar bya'o/ /sgrub pa chen po 'byung ba'i mtshan ma rnams 'byung ste glo bur du dung gi sgra'am/ 'brug gi sgra thos pa dang dri zhim po byung na de nas rig pa'i lha 'ongs par shes par bya'o/ /gal te ma 'ongs na bcom ldan 'das spyan dang lhan cig pa la sngar bzhin du mchod yon bzung ste brgyad brgya bzla'o/ /'ong bar 'gyur ro/ /byon pa dang dkyil 'khor bcing ba dang / phyogs bcings la gtor ma dang lha bshos dbul bar bya'o/ /de nas mig sman dang ldong ros la sogs pa rnams bsgrub par bya'o/ /sngon du sbyangs te phyis bsgrub par bya'o/ /mig sman dang ldong ros la sogs pa rnams la nyin mtshan du 'o mas bran zhing gzhag go/ /de nas bton la ji ltar nus pas dge 'dun la dga' ston bya'o/ /skar ma rgyal la sangs rgyas bcom ldan 'das kyi spyan sngar mchod pas mchod la ras dkar po ma nyams pas g.yogs te/ bsod nams mchod la rtag par bya'o/ /brtags pa na sngon gyi mtshan ma byung na las 'grub par shes par bya'o/ /mtshan ma gzhan yang sil snyan gyi sgra dang / dung gi sgra dang rgyal ba'i sgra byung na sil snyan gyi sgras rig pa 'dzin pa chen po 'grub par 'gyur ro/ /rgyal ba'i sgras mkha' la 'gro ba 'grub par 'gyur ro/ /dung gi sgras dbang du byed pa 'grub par 'gyur ro/ /rdzas btags te ming med kyis ri lu lnga bya'o/ /ras ma nyams pa'i steng du bzhag ste/ grib ma la skam par bya'o/ /de nas a shwad tha'i shing gi steng du bzhag nas zhag bdun du lhag</font><hr>101.31a<br><font size=+1>

par gnas par bya'o/ /de nas thog ma sgrub pa'i nyin mo snga dro'i tshe yongs su ltung bas bsnun pa la lan stong phrag gcig bsngags te de nas phyem red sgrub pa la 'jug par bya ste/ a shwad tha'i lo ma bzhi g.yas bskor du bskor ba la bzhag ste gsum gyis dgab bo/ /a shwad tha'i lo ma rnams 'di lta bu'i gnas nas blang bar bya ste/ ljon shing gzhan gyi grib mas ma phog pa dang / lha'i khang pas ma phog pa dang dur khrod du skyes pa rnams kyi a shwad tha'i lo ma yongs su gzung bar mi bya'o/ /de dag las gzhan gnas bsngags pa'i a shwad tha'i shing gi lo ma rtse mo dkar po rnams kyi steng du grub pa'i rdzas cha gsum du byas te/ bla ma dang bdag nyid dang lhan cig pa rnams kyi'o/ /rdo rje dang 'khor lo dang ral gri rnams su blos brtags nas de dag thun tshod lngar yongs su bskams te/ de nas ba glang gi lci ba'i tshogs kyi dbus su bcug la zhag nyi shu rtsa gcig tu bzhag go/ /de nas bton te ba'i rnam lngas bkrus la de nyid du zhag bdun lhag par gnas par byas te yongs su ltung bas bsnun pa la stong phrag brgyad yongs su bzlas la de nas sgrub pa la 'jug go/ /mig sman de dang ru rta dang / rgya spos dang / lo dra rnams bsres la bcom ldan 'das spyan ma'i snying po stong phrag brgyad mngon bar bsngags te/ sgrub pa'i dus su mig la byugs pas gnyid mi 'byung ngo / /gzhan yang sman du gyur pa ni a pa mArga dkar po'i rtsa ba dang / shu dag skya bo dang / ru rta dang rgya spos dang gi wang dang gur gum dang tsan dan dkar po dang thog mar ring bsrel can gyi mchod rten gyi mdun du zhag gsum du smyung bar byas te/  rdo rje go cha'i sngags stong phrag brgyad mngon par bsngags so/ /de nas sgrub pa'i dus su ba glang gi gcin dang btags te lus la yongs su bskus nas sgrub pa la 'jug go/ /lha dang klu dang / </font><hr>101.31b<br><font size=+1>

gnod sbyin dang / rig pa 'dzin pa dang / log 'dren thams cad kyis rgyang nas 'od dang ldan pa'i me'i phung po ltar 'bar bar mthong ste/ mthong nas phyag 'tshal bar 'gyur ro/ /'jig rten dang 'jig rten las 'das pa thams cad kyi rigs rnams mtshungs par 'grub par 'gyur ro/ /gang gi tshe rig pa 'dzin pas rdzas grub par gyur na de nas sngon bzhin bcom ldan 'das spyan ma'i sngags kyis me tog dkar po la brgyad brgya bzlas la rdzas kyi dbus su bcug pas rdzas brtan par 'gyur ro/ /gzhan du na dngos grub 'phrog par 'gyur ro/ /gal te rig pa 'dzin pas gsang sngags grub par ma gyur na rig pa 'dzin pa des 'di ltar bya ste/ rgya mtsho chen por 'bab pa'i chu bo'i 'gram du rten cing 'brel par 'byung ba'i snying po can gyi mchod rten khru gang ba brgyad brgya byas la mchod rten re re la ji ltar nus pa'i dri dang me tog dang bdug spos phul te/ dus gsum du byang chub kyi sems bskyed la sdig pa bshags te re re'i mdun du stong phrag brgyad dam brgyad brgya bzla'o/ /gal te mtshan ma ma byung na cho ga 'dis mchod rten stong phrag gcig byas te de'i nub phyogs ma yin pa'i mchod rten 'bar na las kyi sgrib pa zad par shes par bya'o/ /de nas gang ci bsgrub pa de thams cad 'grub par 'gyur ro/ /sgrub pa chen po brtsams nas las gzhan dbab pa dang gsod pa la sogs pa rnams mi bya'o/ /gal te byas na rig pa 'grub par mi 'gyur ro/ /long ba dang sgur po dang rlig rlugs dang / 'on pa dang sen mo ngan pa dang / sha bkra can dang / lus zha ba dang / sbo gnag pa rnams kyis bsgrub pa chen po 'grub par mi 'gyur ro/ /gzhan gza' la sogs pa 'grub par 'gyur ro/ /mi gang sangs rgyas dang chos la dad pa dang ldan pa dang / 'dud pa dang ldan pa dang sen mo zangs kyi mdog can dang</font><hr>101.32a<br><font size=+1>

ldan pa dang / pha ma la gus pa dang / bla ma la sri zhu che ba des thams cad 'grub par 'gyur ro/ /rig pa 'dzin pas sngags sgrub pa sngon bzhin sgrub pa dang ldan na tshe'i dus byas kyang gang 'dod pa sems shing shi bas de shi ba tsam gyis de dang der skye bar 'gyur te/ rig pa 'dzin pa'i 'khor los sgyur ba chen po'am/ yang na rig pa 'dzin pa'i rigs sam/ dbang phyug chen po'i rigs sam gdol pa'i rig pa 'dzin pa'i rigs de lta bu'i rim pa gang 'dod pa'i bsam pas sngags bsgrubs pas de lta bu'i rigs su 'grub par 'gyur ro/ /sgrub pa chen po la 'bad pa'i rig pa 'dzin pas/  rdo rje dang / 'khor lo dang / rtse gsum dang / dbyug gu dang / zhags pa dang / mdung thung dang / dbyug tho dang / pad ma dang / dung dang / lcags kyu dang / spyi blugs la sogs pa rnams la rkang pas brdzi bar mi bya'o/ /sa la bris pa la yang de bzhin du bya'o/ /'di ltar rdo rje 'chang ba'i rdo rje dang / khyab 'jug gi 'khor lo dang / lha chen po'i rtse gsum dang / gshin rje'i dbyug gu dang / chu lha'i zhags pa dang / gzhon nu'i mdung thung dang / stobs lha'i dbyug tho dang / byang chub sems dpa' rnams kyi pad ma dang / rdo rje lcags kyu'i lcags kyu dang / tshangs pa'i spyi blugs te/ phyag rgya chen po'i dngos grub gang thob par 'dod pa bdag nyid kyis rdo rje la sogs pa de dang de dag phyag rgya chen po'i rkang pas brdzi bar mi bya'o/ /gang gi tshe rig pa 'dzin pa'i gsang sngags bsgrub pa na rig pa'i lha dngos grub mi ster na des las 'dis rig pa mnyes par bya ste dri thams cad kyis rig pa'i lha'i gzugs brnyan byas la/ bcom ldan 'das phyag na rdo rje'i zhabs kyi drung du bzhag ste zhag gsum du smyung bar gnas la nag po'i brgyad pa'am/ nag po'i bcu bzhi la spyan dang lhan cig pa'i rig sngags kyis gna' ma'i me</font><hr>101.32b<br><font size=+1>

tog stong phrag brgyad de'i gzugs brnyan gyi snying gar brdeg par bya zhing / mar nag dang mar bsres pas stong phrag brgyad sreg blugs byas la de nyid du 'khod de ji ltar nus pa'i mchod pa dang gtor ma'i cho ga bya'o/ /de nas rig pa 'dzin pa de rangs pas gnyid log pa dang / ston par 'gyur ba'am rjes su gdams pa ston par 'gyur ro/ /gal te ma 'ongs na nyi ma phyi ma la de bzhin du gtor ma'i cho ga byas te rdo rje khro bo dang lhan cig tu stong phrag brgyad bzla'o/ /de nas rig pa'i lha de nyid khro bo dang lhan cig tu rmi lam du mthong nas chad pa dang / lhag pa dang phyi mo dman pa dang / yi ge gzhan du gyur pa yang ston par 'gyur ro/ /gal te yongs su rdzogs par gyur na de nas dngos grub ster bar 'gyur ro/ /bsgrub pa dang po la las 'di mi bya la ji srid lan bdun bsgrubs kyang ma grub na de nas las 'di bya'o/ /de nas rdzas sgrub pa'i dus su gyur na de'i mthar srod dam nam gung dang nyi ma shar ba na rig pa 'dzin pas rmi lam lta bur gsang sngags gang 'dod pa yid la sems shing bzla bar bya'o/ /gzhan du na log par 'dren pa rnams zhugs par gyur nas rig pa'i lha mngon du mi 'gyur ro/ /gzhan gyi gos la reg par mi bya zhing bgo ba gsum byas te/ gcig gyon la khrus bya'o/ /gnyis pas bzla bar bya'o/ /gsum pas mtshan mo gyon par bya'o/ /dkyil dkrung gis gnas te rig pa'i mtshan ma mthong nas til dang mar bsres pa'i sreg blugs bya'o/ /rig pa'i stobs 'phel bar 'gyur ro/ /til med na dan du la dang sran ma sha dang mud ga rnams kyis bya'o/ /nya dang sha dang chang btung bar mi bya ste/ nyes pa des log par 'dren pa rnams kyis zil gyis gnon par 'gyur ro/ /rtag tu sangs rgyas dang chos dang dge 'dun la bsnyen bkur ba dang ldan pas byang chub kyi sems chen po bskyed par bya'o/ /dam tshig shes par gyur</font><hr>101.33a<br><font size=+1>

pas 'di ltar byas na ring po mi thogs par 'grub par 'gyur ro/ /rig pa 'dzin pas sngar bshad pa bya'o/ /rtag tu lha thams cad la bdug pa dang / lha bshos kyi 'bras chan rang gi lag gis dbul bar bya'o/ /zlos pa na kha shar du phyogs te bris sku bris pa'i sngon du bzlas par bya'o/ /bris sku'i tshad chen po khru bcu pa'i ras la'o/ /de'i phyed dang phyed la 'bring dang tha mar 'gyur ro/ /skabs 'dir rig pa 'dzin pas sngar bshad pa rnams bya'o/ /gal te brgya la rdzas sam gos sam rgyan ster na de bzung bar mi bya ste/ 'bras bu tsam bzung na yang gsang sngags 'grub par mi 'gyur ro/ /chu nyung ngus bkru bar mi bya zhing rkang pas me la reg par mi bya la sen mos sa la ri mo bri bar mi bya zhing lha'i khang pa'i grib ma la 'gom par mi bya ste 'di lta bu'i yon tan dang ldan zhing de dag dor ba'i sngags pas myur du rig sngags 'grub par 'gyur ro/ /'phags pa rdo rje sa 'og gi rgyud las rig sngags kyis 'dul ba zhes bya ba rdo rje khro bos yongs su zhus pa'i le'u ste nyi shu gsum pa'o//   !    // de ru 'bad pas 'jug pa na/ /khang bzangs dam pa rnyed pa yis/ /bstan bcos las ni nges bzhin pa'i/ /phyogs kyi cha ni rab bshad bya/ /shar na n+ya gro d+ha yi shing / /dbang ldan du ni pa lak+Sha/ /lho ru yang ni a shwad tha/ /nub du de bzhin pa lak+Sha/ /byang du ljon shing ma du ka /gnas rnams su ni gdon mi za/ /gang dag tu ni shing med na/ /de la yang ni mtshan bzang po/ /shar na gzhan pa'i lus gcig ste/ /lho ru yang ni bzhi ru 'gyur/ /nub du gsum du bstan pa ste/ /byang du gnyis su bsgrags pa'o/ /mdzes pa'i bu ga rtag tu gnas/ /grub pa'i rdzas dang dngul chu ni/ /lha yi byang na rtag tu yang / /dngul chu ru ni shes par bya/ /dbang ldan du yang dngul chu ste/ /dbang por rdzas ni de bzhin no/ /chu lhar rtag tu</font><hr>101.33b<br><font size=+1>

rdzas bzang po/ /grub pa'i rdzas ni bla na med/ /bden bral du ni ral grir 'gyur/ /gshin rjer de bzhin mig sman nyid/ /rlung gi phyogs su rtag gnas pa/ /yid bzhin nor bu zhes bya'o/ /lha nyid kyi ni mdun du yang / /'bab stegs can gyi rdzing bur bstan/ /khang bzangs kyi ni nang na yang / /grub pa'i rdzas la the tshom med/ /lho yi sgo ru gang gyur pa/ /lho yi phyogs su mngon phyogs pa/ /de na rdzas rnams thams cad de/ /lha yi khang par rnam par bstan/ /dbang po'i phyogs su mngon phyogs pa/ /de nas rdzas rnams kun bsdus pa'o/ /byang du phyogs te legs gnas pa/ /bris skus bkab pa'i rdzas su bshad/ /nub tu phyogs te legs gnas pa/ /de na yang ni bsgribs nas gnas/ /rig sngags bklags pas 'grub 'gyur te/ /'jig rten gsum shes bla na med/ /rin chen rnam pa sna tshogs pa'i/ /lha yi gnas su rnam par bstan/ /shar nas shar du phyogs pa'i/ /'khrul 'khor du ni rnam par bshad/ /lho ru mngon bar phyogs gnas pa/ /lho yi phyogs kyis rnam par bstan/ /nub kyi phyogs su mngon phyogs pa/ /nub kyi phyogs par rnam par bstan/ /'di yis byang du bshad pa dang / /dbang ldan gyi 'ang de bzhin no/ /phyogs rnams kyi 'ang mtshan nyid ni/ /bstan pa 'di la the tshom med/ /'di ltar shes pa'i mkhas pa yis/ /phyogs kyi 'khrul 'khor mtshon par bya/ /sngon bzhin legs par shes pa yis/ /rdzas rnams kyang ni blo ldan gyis/ /de 'dra'i phyogs su 'khod nas ni/ /de yis lam ni blta bar bya/ /gnyis pa yi ni lam gyur pa/ /'khrul 'khor med pas brtag mi dgos/ /gsum pa yang ni shes bya ste/ /bzhi pa yang ni mtshungs pa'o/ /lam ni rnam pa bzhir bshad pas/ /'dod ldan la ni 'bras bu ster/ /dang po ru ni mi dpyad par/ /bza' bar bya ba ma yin no/ /</font><hr>101.34a<br><font size=+1>

gnyis pa ru ni bza' bar bya/ /gsum pa la yang de bzhin no/ /bzhi par yang ni bza' bar bya/ /de dag 'khrul 'khor med par bstan/ /phyogs kyi cha ni thams cad du/ /yongs su gang bar shes par bya/ /phyi ma yi ni cho ga yis/ /tshong 'dus ze 'bru rgyu ba'o/ /'phags pa rdo rje sa 'og gi rgyud las phyogs kyi mtshan nyid kyi le'u ste nyi shu bzhi pa'o// //'phags pa rdo rje sa 'og ces bya ba'i rgyud kyi rgyal po chen po rdzogs so// //phyag na rdo rje la phyag 'tshal lo/ /de nas lha ma yin gyi dbang po gzhan len gyis slar yang bcom ldan 'das dpal rdo rje 'dzin pa'i mgon po la gus pas phyag 'tshal nas thal mo sbyar te gsol pa/ sbyor ba bcu po gnyis po 'di rnams gang la gang byung ba dang bu ga thams cad kyi 'khrul 'khor nam med par 'gyur ba lags/ bcom ldan 'das kyis bka' stsal pa/ de de bzhin te dbyar zla tha chungs kyi nag po'i bcu bzhi la gza' phur bu'i nyi ma dang /  skar ma rgyal 'dzom pa la nges par bu ga'i sgo 'byed par 'gyur ro/ /ston zla tha chungs kyi gnam stong la phur bu'i nyi ma dang rgyu skar sa ri 'dzom pa la nges par bu ga'i sgo grol bar 'gyur ro/ /gzhon nu ma rang nyid 'ongs nas 'jug par byed do/ /ston zla tha chungs kyi nya la phur bu'i nyi ma dang /  skar ma bra nye 'dzom pa la bu ga thams cad kyi 'khrul 'khor med par 'gyur ro/ /dgun zla 'bring po nag po'i bcu bzhi la phur bu'i nyi ma dang skar ma rgyal 'dzom pa la 'khrul 'khor thams cad grol bar 'gyur ro/ /dgun zla tha chungs kyi nag po'i bcu bzhi la phur bu dang /  skar ma gro zhun la bu ga thams cad kyi 'khrul 'khor med par 'gyur ro/ /dgun zla tha chungs kyi dkar po'i bcu bzhi la phur bu'i nyi ma dang skar ma rgyal 'dzom pa na 'khrul 'khor</font><hr>101.34b<br><font size=+1>

ma lus pa grol bar 'gyur ro/ /ston zla ra ba'i nag po'i tshes brgyad la phur bu'i nyin par dang /  skar ma nam gru 'dzom pa na bu ga'i sgo thams cad grol bar 'gyur ro/ /dbyar zla 'bring po'i nag po'i bcu bzhi la phur bu'i nyin par dang skar ma rgyal lam nam gru 'dzom pa la bu ga thams cad nges par grol bar 'gyur ro/ /grong gi mi 'khor dang bcas pa thams cad 'jug par bya'o/ /ston zla ra ba'i nag po'i bcu bzhi la phur bu'i nyin par dang /  skar ma phal gu ni 'dzom pa na nges par bu ga'i sgo grol bar 'gyur ro/ /lha ma yin gyi dbang po gzhan len gyis rje btsun 'phags pa phyag na rdo rje rab tu dgyes pa'i don du sa 'og gi gsang ba chen po smras pa'o/ /sngags dang sbyin sreg rnam par spang ngo / /sa 'og gi gsang ba chen po yongs su rdzogs so//  //'phags pa phyag na rdo rje yi rgyud kyi rgyal po chen po rdo rje sa 'og ces bya ba ji snyed pa yongs su rdzogs s+ho// //rgya gar gyi paN Di ta brda sprod pa chen po bde bar gshegs pa'i dpal zhes bya ba dang / sgra bsgyur gyi mkhas pa sgra'i gtsug lag la ma rmongs pa/ gsang sngags 'dzin pa kun dga' rgyal mtshan dpal bzang pos dpal sa skya'i dben gnas dam par bsgyur/ /lha min dbang po'i sgo glegs 'joms byed pa/ /gsung rab dam pa dpal ldan kun dga' yi/ /rgyal mtshan gyis bsgyur 'di la sgra nyams pa/ /gang lags de la mkhas rnams bzod pa mdzod/ /sa 'og 'khrul 'khor bde legs rin chen gter/ /gsang bdag rdo rje 'dzin pa dam pa'i bka'/ /gangs can 'gro la phan pa'i blo gros kyis/ /bsgyur ba'i bsod nams 'dzin bcas rnams la byin// //</font><hr>

</table>