@#/ /rgya gar skad du/ Ar+ya aSh+Ta ma hA ba ya tA rA ni nA ma d+hA ra NI/ bod skad du/ 'phags pa 'jigs pa chen po brgyad las sgrol ba zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /de bzhin gshegs pa yon tan 'byung gnas la phyag 'tshal lo/ /de bzhin gshegs pa kun nas spos dri la phyag 'tshal lo/ /de bzhin gshegs pa gzhan gyis mi thub pa'i rtsal dang ldan pa la phyag 'tshal lo/ /de bzhin gshegs pa sgrib pa thams cad rnam par sel ba la phyag 'tshal lo/ /de bzhin gshegs pa zla ba mchog la phyag 'tshal lo/ /de bzhin gshegs pa zhi ba'i rgyal po la phyag 'tshal lo/ /de bzhin gshegs pa zla ba'i bla ma la phyag 'tshal lo/ /byang chub sems dpa' sems dpa' chen po snying rje chen po dang ldan pa 'jigs pa med par byed pa la phyag 'tshal lo/ /tad+ya thA/ 100.82b d+ha re d+ha re/ d+hA re d+hA ra NI/ ra na ko te a b+ha yA ka la pe/ kal pa ni ga Ni/ a nan ta kal pe/ a mr-i ta kal pe/ hu tA sha re/ a nan ta mu khe/ a nan ta tsak+Shu sa mud ga te/ o~M b+ha swA hA/ rigs kyi bu gzungs kyi gsang sngags 'di dag ni sems can ngan song du 'gro ba rnams kyi don gyi phyir/ sangs rgyas bcom ldan 'das gang gA'i klung gi bye ma snyed dag gis gsungs pa dang / byin gyis brlabs pa dang / rjes su yi rang ba yin no/ /rigs kyi bu byang chub sems dpa' gang la la gzungs 'di 'dzin par byed pa de 'jigs pa brgyad po sems can dmyal ba'i 'jigs pa mtha' yas pa dang / dud 'gro'i skye gnas kyi 'jigs pa mtha' yas pa dang / gshin rje'i 'jig rten gyi 'jigs pa mtha' yas pa dang / yi dgas kyi 'jigs pa mtha' yas pa dang / bgrod dka' ba'i 'jigs pa mtha' yas pa dang / skye ba'i 'jigs pa mtha' yas pa dang / nad kyi 'jigs pa mtha' yas pa dang / 'chi ba'i 'jigs pa mtha' yas pa dag las yang dag par 'da' bar 'gyur ro/ /phyogs bcu'i sangs rgyas bcom ldan 'das rnams kyis dgongs par 'gyur ro/ /sems rnam par g.yeng ba med par 'chi ba'i dus byed cing / sangs rgyas rnams kyi spyan sngar skye bar 'gyur/ zad mi shes pa'i lus thob par 'gyur/ sprul pa'i lus kyang thob par 'gyur ro/ /na maHsarba bid+ya/ sid d+h+yan tu me man tra pA da swA hA/ 'phags pa 'jigs pa chen po brgyad las sgrol ba zhes bya ba'i gzungs/ rdzogs s+ho// //yang zhus ste skar/ / |