//rgya gar skad du/ Ar+ya ru tsi ra a~M ga yaSh+Thi nA ma d+hA ra NI/ bod skad du/ 'phags pa lus kyi dbyibs mdzes pa zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /na mo bi pu la bi na su pra tiSh+Tha ta a sa~M khe ya/ sUr+ya sha ta sa ha sra a ti re ka te dza/ pra b+ha a ba b+ha si ta mUr ta ye/ ma hA ma ni mu ku ta kuN Da la/ a laM ka ra d+ha ri Na b+ha ga bA te pad ma pA Na ye/ sarba lo ka a ba ya sha ma nA ya/ bi bi d+ha tu kha sa ma bA sha a biSh+Tha/ sarba satwa pa ri mo tsa kA ya/ tad+ya thA/ o~M b+hur b+hu ba swA hA/ ma hA a lo ka ka ra Na ta ma sti mi ra pa ta la bi na sha ka /rA ga de Sha ma hA mo ha dzA la sha ma ka /sha sa ka rak+Sha ka /sarba a pA yA durga ti pra she ma ka /sarba satwa sa ma sha sa ka ra/ sarba A sha pa ri spU ra ka /sarba ta thA ga ta saM b+ha na ka ra/ he he ma hA bo d+hi satwa/ ba ra ba ra dA ya kA/ pad ma a lo ka saM b+ha ta/ ma hA kA Ni kA dza ta mu ku Ta/ a laM kri ta shi rA/ ma Ni ka na ka rA dza/ ta badzra bai dUr+ya a laM kri ta sha ra ri/ a mi tA b+ha dzi na ka ma la a laM kri ta/ pra b+ha ra na rA dza na sha ta sa ha sra a b+hi la shi ta kA ya/ ma hA bo d+hi sa twa ba ra/ bi d+ha ma bi d+ha ma/ bi nA sha ya/ bi nA sha ya/ 100.47b ma hA yA tra kle sha ka ba TA/ a ba bad d+ha bi bo d+hi satwa san sa ra tsa ra ka pra ma thA na/ pu ru Sha pad ma/ pu ru Sha nA ga /pu ru Sha sA ga ra/ pu ru Sha si~M ha/ baM hi/ ba ri bi ra dza/ su dan ta pa ri pri ta/ d+ha ma d+ha ma/ sa ma sa ma/ d+hu ru d+hu ru/ pra shA sa yA pra shA sa yA/ pra d+h+wan sA ya/ pra d+h+wan sA ya/ g+hi ri g+hi ri/ d+hi ri d+hi ri/ bi d+hi ri/ bi ri bi ri/ bi bi ri bi bi ri/ tsi ri tsi ri/ si ri si ri/ su ru su ru/ mu mu mu ru/ mu ya mu ya/ mun tsa mun tsa/ bi d+hu na bi d+hu na/ d+hu ru d+hu ru/ g+ha ya g+ha ya/ g+ha d+ha ya/ g+ha d+ha ya/ ha sa ha sa/ pra ha sa pra ha sa/ nA nA bi/ bi d+ha kle sha bA sa nA/ ha ra ha ra/ saM ha ra saM ha ra/ d+hu ru Ti/ d+hu ru Ti/ ma hA maN Da la ka ra Na/ sha ta pra se ka /a ba bA si ta ma hA bi Sha sha ma ka /ma hA bo d+hi satwa ba ra dwa swA hA/ bcom ldan 'das lag na pad ma'i lus kyi dbyibs mdzes pa zhes bya ba'i gzungs/ byang chub sems dpa'i khang bzangs dam pa/ rdo rje chen pos bgegs par gsungs pa/ lha dang / klu dang / gnod byed ma'i bu dang / mi 'am ci dang / lha ma yin chen pos bstod pa/ re ba thams cad phun sum tshogs par byed pa 'di sgrib pa chen po mang pos bsgribs pa gang la la zhig nyan tam/ 'chang ngam/ 'don tam/ klog gam/ mthong nas legs par rtogs par byed na/ de'i las dang / nyon mongs pa'i sgrib pa thams cad yongs su byang bar 'gyur ro/ /nang par langs nas lan cig 'don na lag na pad ma phyi bzhin 'brang bar 'gyur ro/ /yid la gang dag 'dod pa'i dgos pa bsams pa tsam gyis 'grub par 'gyur ro/ /gcig tu rab tu dben par 'dug ste/ sangs rgyas yid la bya ba mngon du dmigs nas/ bcom ldan 'das lag na pad ma rjes su dran par byas la/ lan bdun brjod na dam pa ci 'dod pa thob par 'gyur ro/ /sems can thams cad kyi yid du 'ong bar 'gyur ro/ /de'i ngan 'gro thams cad 'gag par 'gyur ro/ /yid tsam zhig 'chag cing 'dug la yid la brjod na bskal pa bye ba 100.48a 'bum phrag du mar bsags pa'i las byang bar 'gyur ro/ /'khor los sgyur ba stong gis bsags pa'i bsod nams kyi phung po chen po dang ldan par 'gyur ro/ /tshe rabs tshe rabs su yang pad ma'i rigs chen por skye bar 'gyur ro/ /skye bo khyad du 'phags pas bkur bar 'gyur ro/ /me tog dri zhim pos snyim pa bkang ste/ 'phags pa spyan ras gzigs dbang phyug gi mdun du lan bdun brjod na yon tan chen po stong thob par 'gyur ro/ /snying rje chen po'i chos nyid snang ba yang de la skye bar 'gyur/ dam pa chen po dang ldan par 'gyur ro/ /de nyid kyi gdong du bltas te bzlas brjod byas na/ bcom ldan 'das zhal rtag tu bzhad pa 'phags pa spyan ras gzigs dbang phyug mthong bar 'gyur zhing / chos snang ba'i gsal ba dang po dri ma med par byed pa zhes bya ba 'thob par 'gyur ro/ /tshe 'di nyid la sangs rgyas rjes su dran pa thob par 'gyur/ sems mnyam par bzhag bzhin du 'chi ba'i dus byed par 'gyur/ tshe rabs thams cad du tshe rabs dran par 'gyur ro/ /ji ltar 'dod pa bzhin du las kyi sgrib pa thams cad zad par byed par 'dod na/ tshes bcwa lnga'i zla ba nya ba la smyung ba byas la gos dkar po bgos te/ ring bsrel dang bcas pa'i mchod rten nam/ sku gzugs kyi spyan sngar tsan dan dkar pos dkyil 'khor bskus la/ dkyil 'khor de dang bcom ldan 'das la me tog sna tshogs gtor te/ bcom ldan 'das dang 'phags pa spyan ras gzigs dbang phyug la dri zhim po'i bdug pa dang / mar me dang / spos kyis sti stang byas te de nyid tu 'dug la lan brgya rtsa brgyad brjod na/ des sdig pa thams cad dang bral bar 'gyur ro/ /mtshams med pa byed pa yang sdig pa byang zhing / shin du yongs su dag pa'i sems kyi rgyud dang ldan pa dang / shin du yongs su dag pa'i lus dang / ngag dang / yid kyi spyod pa dang ldan par 'gyur ro/ / 100.48b de bzhin gshegs pa rnams kyis rtag par rgyun du ting nge 'dzin gyi stobs dang / dbang bskur ba'i stobs dang / sa dang pha rol tu phyin pa'i stobs dang / ye shes khyad par can gyi stobs bsgrub par mdzad do/ /gnam la gyen du bltas te bzlas brjod byas na char 'bab bo/ /sa la bltas te bzlas brjod byas na lo tog thams cad legs par 'gyur ro/ /'bab chu dang / mtshe'u dang / rdzing bu'i shul du bltas te bzlas brjod byas na chu 'byung bar 'gyur ro/ /nad thams cad la lag pas byab cing bzlas brjod byas na sos par 'gyur ro/ /dran pa nyams pa'i mdun du bzlas brjod byas na dran pa rnyed par 'gyur ro/ /bkres pa dang / skom pa'i gdong du bltas te bzlas brjod byas na phyid par 'gyur ro/ /mi ngas chen po byung na ras la bris te rgyal mtshan gyi rtse mor btags na/ dpag tshad tshun chad mtshams gcad pa dang / bsrung ba byas par 'gyur ro/ /'phags pa lus kyi dbyibs mdzes pa zhes bya ba'i gzungs rdzogs s+ho// //rgya gar gyi mkhan po pradz+nyA bar ma dang / zhu chen gyi lots+tsha ba ban de ye shes sdes bsgyur cing zhus te gtan la phab pa/ yang zhus snye skar/ / |