@#/ /rgya gar skad du/ ma hA ka ru Ni ka nA ma Ar+ya a ba lo ki te shwa ra d+ha ra NI a nu shan sa sa hi ta sU tra ta sa~M gra hi ta/ bod skad du/ 'phags pa spyan ras gzigs dbang phyug thugs rje chen po'i gzungs phan yon mdor bsdus pa zhes bya ba/ 'phags pa spyan ras gzigs dbang phyug thugs rje chen po la phyag 'tshal lo/ /'di skad bdag gis thos pa dus gcig na/ bcom ldan 'das ri bo po ta la spyan ras gzigs dbang phyug gi gnas na byang chub sems dpa' grangs med dpag tu med pa'i 'khor gyis bskor nas/ de'i tshe 'phags pa spyan ras gzigs dbang phyug stan las langs nas thal mo sbyar zhing bcom ldan 'das la 'di skad ces gsol to/ /nga la 'di lta bu'i gzungs yod ming ni thugs rje chen po zhes zer sems can kun gyi mi dge ba'i sdig pa shin tu lci ba'i sgrib pa bdud dang sgrib pa 'jigs pa thams cad zhi bar byed pa 'dod pa thams cad rab tu tshim par byed pa'i phyir ngas bshad do/ /bcom ldan 'das la bshad pa'i gnang ba zhus nas/ de nas bcom ldan 'das kyis rigs kyi bu khyod kyis thugs rje chen po'i sgo nas gzungs bshad par 'dod pa'i dus la bab bo/ /myur bar bshad du gsol/ nga dang sangs rgyas 100.41a thams cad kyis kyang rjes su yi rang ngo / /byang chub sems dpa' 'phags pa spyan ras gzigs dbang phyug gis bcom ldan 'das la 'di skad ces gsol to/ /gal te dge slong ngam/ dge slong ma 'am/ dge bsnyen nam dge bsnyen ma 'am/ khye'u 'am/ bu mo 'don pa dang 'chang bar 'dod pas sems can thams cad kyi ched du thugs rje chen po'i sgo nas thog mar 'di lta bu yi sems bskyed par bya'o/ /spyan ras gzigs dbang phyug thugs rje chen po la phyag 'tshal lo/ /bdag gis chos rnams thams cad myur du rtogs par shog /spyan ras gzigs dbang thugs rje che la phyag 'tshal lo/ /bdag gis ye shes mig ni myur du thob par shog /spyan ras gzigs dbang thugs rje che la phyag 'tshal lo/ /bdag gis sems can thams cad myur du sgrol bar shog /spyan ras gzigs dbang thugs rje che la phyag 'tshal lo/ /bdag gis thabs mkhas pa dag myur du thob par shog /spyan ras gzigs dbang thugs rje che la phyag 'tshal lo/ /bdag ni myur du shes rab gru yis sgrol bar shog /spyan ras gzigs dbang thugs rje che la phyag 'tshal lo/ /bdag ni myur du sdug bsngal mtsho las 'da' bar shog /spyan ras gzigs dbang thugs rje che la phyag 'tshal lo/ /bdag ni myur du tshul khrims rkang gi lam thob shog /spyan ras gzigs dbang thugs rje che la phyag 'tshal lo/ /bdag ni myur du mya ngan 'da' ba'i ri mdzeg shog /spyan ras gzigs dbang thugs rje che la phyag 'tshal lo/ /bdag ni myur du 'dus ma byas kyi khyim phyin shog /spyan ras gzigs dbang thugs rje che la phyag 'tshal lo/ /bdag ni myur du chos nyid sku dang mtshungs par shog /bdag ni ral gri'i ri mdzeg na/ /ral gri'i ri ni rang rnyil shog /bdag ni chu tshan 'phrad gyur na/ /chu tshan me mur rang zhir shog /sems can dmyal bar bdag song na/ /sems can dmyal ba rang skams 100.41b shog /bdag ni yi dgas gnas song na/ /bkres skom dag ni 'grangs par shog /bdag ni lha min gnas song na/ /ngan sems rang nyid dul bar shog /bdag ni dud 'gro gnas song na/ /rang nyid shes rab che thob shog /de skad du smon lam btab nas sems rtse gcig tu bdag gi ming nas 'don cing rjes su dran par bgyi'o/ /gzhan yang bdag gi ston pa de bzhin gshegs pa 'od dpag med kyi mtshan 'don cing / de nas gzungs 'di lan cig gam lan bdun gyi bar du bton na/ bskal pa 'bum phrag brgya stong ji snyed 'khor bar 'gyur ba'i kha na ma tho ba'i lci ba rnams bsal cing 'byang bar 'gyur lags so/ /gal te thugs rje chen po 'di 'dod cing 'chang na 'chi ba'i dus kyi tshe/ phyogs bcu'i de bzhin gshegs pa rnams der gshegs nas phyag rkyong bar 'gyur bas bsams pa bzhin du sangs rgyas kyi zhing gang dang gang du skye bar 'gyur lags so/ /bcom ldan 'das la 'di skad ces gsol to/ /bcom ldan 'das sems can gang la la zhig thugs rje chen po'i rig sngags 'di 'don cing yongs su 'dzin pa dag gal te ngan song gsum po dag tu ltung bar gyur na bdag nam yang mngon par rdzogs par sangs rgya bar mi bgyi'o/ /thugs rje chen po'i rig sngags 'di 'don cing yongs su 'dzin pa dag gal te ting nge 'dzin dang spobs pa tshad med pa ji snyed thob par ma gyur na bdag nam yang mngon par rdzogs par 'tshang rgya bar mi bgyi'o/ /thugs rje chen po'i rig sngags 'di 'don cing yongs su 'dzin pa dag gal te tshe 'di nyid la smon pa thams cad ci ltar smon pa bzhin du grub par ma gyur na thugs rje chen po'i sems kyi gzungs zhes mi bgyi lags te/ mi dge ba rnams dang sems rtse gcig tu ma bgyis pa ni ma gtogs lags so/ /bud med gang la la zhig bud med kyi lus las yongs su skyo nas skyes pa'i lus thob par 'tshal ba gang lags pa des thugs rje chen 100.42a po'i sems kyi gzungs kyi tshig 'di 'don cing yongs su gzungs bas gal te bud med kyi lus las yongs su gyur te skyes pa'i lus thob par ma gyur na bdag nam yang mngon par rdzogs par 'tshang rgya bar mi bgyi'o/ /the tsom gyi bsam pa cung zad cig bskyed par gyur na gdon mi za bar gang smon pa'i 'bras bu de mngon par 'grub par mi 'gyur lags so/ /de skad ces smras nas 'khor 'dus pa'i mdun du thal mo sbyar te/ drang por 'dug nas sems can rnams la thugs rje chen po'i sems bskyed de 'dzum pa'i mdangs kyis thogs pa mi mnga' ba'i thugs rje chen po'i sems rgya cher yongs su rdzogs pa zhes bya ba'i gzungs gya nom pa 'di dag smras so/ /snying po ni/ o~M ma Ni pad me hU~M/ gzungs ni/ na mo rat+na tra yA ya/ na ma Ar+ya a ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ o~M sarba ban+d+ha na/ ts+tshe da na ka rA ya/ sarba pA pa sa mu dra uts+tshoSha Na ka rA ya/ sarba byA d+hi pra sha ma na ka rA ya/ sarba I t+yu pa dra wa bi nA sha na ka rA ya/ sarba b+ha ye Shu tra NA ya/ ta s+ya na ma skr-i twA i da~M Ar+ya a wa lo ki ti shwa ra ta wa nI la kaN+Tha nA ma hr-i da yaM/ a war ta yi ShU mi sarba ar+tha sA d+ha na/ shu b+ha tsi t+te na/ sarba twA nAM/ pA pa mArba bi sho d+ha ka /tad+ya thA/ a wa lo ki lo ka ma ti/ lo ka ga ti/ e h+ye hi/ ma hA bo d+hi satwa/ he bo d+hi satwa/ he ma hA bo d+hi satwa/ he pri ya bo d+hi satwa/ he kA ru Ni kA sma ra hr-i da ya/ e h+ye hi/ Ar+ya a wa lo ki te shwa ra pa ra ma mai tri tsit+ta kA ru Ni ka /ku ru ku ru/ karma~M sA d+ha ya sA d+ha ya/ bi d+yAM de hi de hi me/ a rang+ga maM ga ma/ b-i haM ga ma hA sid d+ha yo gi shwa ra/ du hu du hu/ bi ra yan te/ ma hA bi ra yan te/ d+ha ra d+ha ra/ d+ha ra NI shwa ra/ dz+wa la dz+wa la/ bi ma la a ma la/ mUrti Ar+ya a wa lo ki te shwa ra kr-iSh+Na a dzi na/ dza TA ma ku Ta/ a laM kr-i ta sha rI ra/ a laM b+ha/ pra laM b+ha/ bi laM ba/ ma hA sid+d+ha/ shud+d+ha d+ha ra/ ba la ba la/ ma hA ba la/ ma hA ma la ma hA ma la/ dz+wa la dz+wa la/ 100.42b ma hA dz+wa la/ kr-iSh+Na bak+Sha kr-iSh+Na war+Na/ kr-iSh+Na pA sha /nir+g+hA ta na/ he pad ma hasta/ dza ya ka ra ni shA tsa re shwa ra/ kr-iSh+Na sarba kr-ita yadz+nyo pa wI ta/ e h+ye hi bA rA ha mu kha tri pu ra/ da ha nI shwa ra na rA ya/ Na pa la ru pa be Sha d+ha ri/ he nI la kaN+Tha/ he ma hA ha lA ha la/ bi Sha nir dzI ti lo ka s+ya/ rA ga bi Sha nA sha na/ dwe Sha bi Sha nA sha na/ mo ha bi Sha nA sha na/ nir mo k+Sha Na/ hu lu hu lu/ muny+tsa muny+tsa/ mu hu lu mu hu lu/ hA la hA la/ ma hA pad ma na bA/ sa ra sa ra/ si ri si ri/ su ru su ru/ bud+d+h+ya bud+d+h+ya/ bo d+ha ya bo d+ha ya/ bo d+ha yA/ mi ta ba nI la kaN+Tha/ e h+ye hi nI la kaN+Tha/ e h+ye hi ba ma s+thi ta/ sing+ha mu kha/ ha sa ha sa/ muny+tsa muny+tsa/ ma hA aT+TAT+Ta ha sa nir nA di ni/ e h+ye hi/ b+ho b+ho ma hA sid+d+ha yo gi shwa ra/ ban d+ha ban d+ha wa tsaM sA d+ha ya sA d+ha ya/ bi d+yAM sma ra sma ra twAM/ he b+ha ga wan/ lo ka bi lo ka s+t+waM/ ta tha ga tA dA dA hi me dar sha naM/ pra sA d+ha ya mi swA hA/ sid+d+hA ya swA hA/ ma hA sid+d+hA ya swA hA/ sid+d+ha yo gI shwa rA ya swA hA/ nI la kaN+Tha ya swA hA/ ba ra ha mu khA ya swA hA/ sid+ha mu khA ya swA hA/ ma hA na ra sid+ha mu khA ya swA hA/ sid d+ha bid d+yA d+ha rA ya swA hA/ pad ma hastA ya swA hA/ ma hA pad ma hastA ya swA hA/ badzra hastA ya swA hA/ ma hA badzra hastA ya swA hA/ kr-iSh+Na sar pa kr-i ta yadz+nyo pa wI tA ya swA hA/ ma hA kA la mu ku Ta d+ha rA ya swA hA/ tsakra A yu d+ha d+ha rA ya swA hA/ shaM kha shab+da nir nA da ni ka rA ya swA hA/ bo d+ha na ka rA ya swA hA/ bA ma skan+d+ha de sha thi ta kr-iSh+Na a dzi nA ya swA hA/ bA ma hastA byA g+h+ra tsar ma ni wA sa nA ya swA hA/ lo ki shwa rA ya swA hA/ ma hA lo ki shwa rA ya swA hA/ sarba sid+d+he shwa rA swA hA/ rak+Sha rak+Sha maM swA hA/ ku ru rak+Sha mUrtI nAM swA hA/ na mo b+ha ga wa ti Ar+ya a wa lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ sid+d+h+yan tu me man+t+ra pa dA ni swA hA/ de nas byang chub sems dpa' spyan ras gzigs dbang phyug gis gzungs 'di bstan zin nas/ gzungs 'di 'don cing yongs su 'dzin pa dag gi ched du/ gnod pa dang bgegs yongs 100.43a su bsal ba'i phyir/ shin tu dang ba'i tshigs su bcad pa 'di dag smras so/ /gang zhig ri dang 'brog dgon song ba las/ /stag dang spyang ki gcan zan gtum po dang / /rtsangs pa sbrul dang 'dre srin phrad gyur kyang / /gzungs 'di 'don pa thos nas gnod mi nus/ /gang zhig chu bo rgya mtshor zhugs pa las/ /gdug pa'i klu dang chu srin ma rungs dang / /gnod sbyin srin po nya dang ru sbal dag /gzungs 'di thos nas so sor 'byer bar 'gyur/ /gang zhig g.yul sprad dgra yis bskor ba 'am/ /chom rkun ma rungs nor ni 'phrog pa'i tshe/ /rtse gcig thugs rje chen po'i gzungs bzlas na/ /de dag brtse sems skyes nas ldog par 'gyur/ /gang zhig rgyal po'i gyod la thogs pa dang / /lcags sgrog khong sgril btson rar chud pa'i tshe/ /rtse gcig thugs rje chen po'i gzungs bzlas na/ /rgyal po brtse sems kyis ni gtong bar 'gyur/ /gang zhig byad stem dug ma'i khyim zhugs te/ /zas skom dug can gyis ni gsod pa'i tshe/ /rtse gcig thugs rje chen po'i gzungs bzlas na/ /dug ni zil dngar zas skom nyid du 'gyur/ /bud med sbrum ma bu ni btsa' ba'i tshe/ /bdud kyis bgegs byas sdug bsngal mi bzod tshe/ /rtse gcig thugs rje chen po'i gzungs bzlas na/ /'dre gdon byer nas bde bar btsa' bar 'gyur/ /klu gdon gtum pos gdug pa'i dbugs btang bas/ /tsha ba'i nad kyis nyen nas 'chir nye tshe/ /rtse gcig thugs rje chen po'i gzungs bzlas na/ /rims nad bsal nas tshe ni ring bar 'gyur/ /klu gdon rgyu bas gtses te skrangs pa dang / /shu 'bras mi bzad rnag khrag 'dzag pa'i tshe/ /rtse gcig thugs rje chen po'i gzungs bzlas na/ /mchil ma lan gsum byugs pas skrangs pa zhi/ /sems can rnyog pa mi dge spyod pas na/ /byad stems sngags dang dgras ni gtses pa'i tshe/ /rtse gcig thugs rje chen po'i gzungs bzlas na/ / 100.43b byad stems gdon de gtong ba'i mi la 'dud/ /sdig 'phel snyigs ma dam chos 'jig pa'i tshe/ /'dod pa'i me mched sems ni rmongs log pas/ /khyo shug so sor gzhan la 'dod zhen nas/ /nyin mtshan log bsam rgyun ni mi 'chad tshe/ /gang zhig thugs rje chen po'i gzungs bzlas na/ /'dod pa'i me zhi log pa'i sems bsal 'gyur/ /bdag gi gzungs 'di mthu stobs rgyas brjod na/ /bskal par brjod kyang mthar thug yid mi 'gyur/ /gal te thugs rje chen po'i gzugs 'di 'don cing yongs su 'dzin pa de dag chu klung ngam rgya mtshor zhugs te khrus byas pa las/ de na gnas pa'i sems can de dang de dag gi lus bkrus pa'i chus lus la reg par gyur na sdig pa'i las dang kha na ma tho ba'i lci ba thams cad yongs su byang nas zhing yongs su dag pa gzhan dag du pad ma la rdzus te skye bar 'gyur bas mngal dang / drod gsher dang / sgo nga las skyes pa'i lus len par mi 'gyur na/ kha ton du 'don pa dang 'chang ba la lta smos kyang ci dgos/ gzungs 'di 'don cing yongs su 'dzin pa de dag lam du zhugs nas 'gro ba'i tshe rlung chen po langs te gang zag de'i lus dang / spu dang skra dang / gos la bus pa'i rlung gang yin pa de'i phyogs su song ba'i sems can gzhan gyi lus la reg par gyur na/ de dag gi sgrib pa dang / sdig pa'i las lci ba thams cad ma lus par yongs su 'byang bar 'gyur bas yang ngan 'gro gsum po dag gi rnam par smin pa myong bar mi 'gyur zhing rtag par sangs rgyas kyi spyan sngar skye bar 'gyur bas na 'don pa dang / yongs su 'dzin pa de dag gis thos pa'i phan yon ni bsam gyis mi khyab par rig par bya'o/ /'phags pa spyan ras gzigs dbang phyug thugs rje chen po'i gzungs/ phan yon dang bcas pa zhes bya ba'i mdo las btus pa/ rdzogs s+ho// //dge slong shAkya ye shes kyis bsgyur ba'o/ /stag lung rgyud 'bum la gtugs te zhus so// |