@#// / rgya gar skad du/ lo ki shwa ra kalpa/ bod skad du/ 'jig rten dbang phyug gi rtog pa/ bcom ldan 'das 'phags pa spyan ras gzigs dbang phyug la phyag 'tshal lo/ /sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /'jig rten mgon po'i rtog pa ni/ /mdor bsdus 'dir ni brjod bya ste/ /sangs rgyas thams cad rgyud chen po/ /'dod pa'i don kun rab ster ba/ /dang por re shig rig pa 'dzin pas gtsang zhing dben pa'i sa phyogs su hU~M gis dag par byas par nye bar 'dug cing pad ma'i phyag rgya bcings la/ o~M shU n+ya tA dz+nyA na badzra swa b+hA ba Ad+ma ko\u0f85 ha~M zhes brjod la/ thams cad stong pa'i rnam par bsam par bya'o/ /de'i rjes la/ o~M tsit+ta pra ti b+ho d+ha~M ka ro mi/ de ltar brjod la sna tshogs 100.31a pad ma 'dab ma brgyad par bsgoms nas/ pad ma'i steng du zla ba'i dkyil 'khor bsam par bya'o/ /zla ba'i steng du hrIH'i sngags gyur pa las bdag nyid 'jig rten dbang phyug tu bsgom par bya ste/ sems dpa'i skyil mo dkrung gis bzhugs pa/ phyag gnyis pa/ mdog dmar ba/ mchan du ni gos dkar mo de la 'khyud pa/ pad ma dmar po kha 'byed cing gar gyi tshul can khab kyi phyag rgyas kha 'byed par bsgoms la/ 'di brjod par bya ste/ ji ltar pad ma dmar po ni/ /'dod chags skyon gyis mi gos shing / /de bzhin sna tshogs bag chags skyon/ /khams gsum rnam par dag pa'o/ /dbu rgyan la 'od dpag tu med pa bsgom par bya'o/ /de nas 'di brjod par bya ste/ o~M sarba ta thA ga ta kA ya bA ga tsit+ta badzra swa b+hA ba At+ma ko\u0f85haM/ de ltar bsgoms nas phyogs brgyad du lha mo rnams bsam mo/ /o~M bi lo ki ni/ a ba lo ki ni/ a ba lo kA ya swA hA/ shar gyi 'dab ma la ni rnam par gzigs ma zhes bya ba'i lha mo pad ma dmar po bsnams pa'o/ /o~M tA re tut+tA re tu re swA hA/ lho'i pad ma la bcom ldan 'das ma sgrol ma pa la sha'i 'dab ma lta bu'i pad ma bsnams pa'o/ /o~M b+hu ri Ni ma hA tsakra bar ti ni hU~M/ nub kyi pad ma la b+hu ri ni zhes bya ba'i lha mo ud pa la sngon po lta bu'i pad ma phyag na bsnams pa'o/ /o~M b+h+r-i ku TI tA re tut+ta ma ta hU~M/ byang gi 'dab ma la khro gnyer can zhes bya ba'i lha mo pad ma ser mo bsnams pa'o/ /o~M ma hA shrI ye ma Ni pad me hU~M/ 'di ni pad ma'i gos can shar phyogs kyi mtshams su btsod lta bu'i pad ma bsnams pa'o/ /o~M badzra pad me shwa ra ma ra pad me hU~M/ lho phyogs kyi mtshams su pad ma dkar po bsnams pa'o/ /o~M bi shwa pad me hU~M/ 'di ni sna tshogs kyi pad ma ste/ nub phyogs kyi mtshams su pad ma nag po bsnams pa'o/ /o~M bi shwa bag tre hU~M/ 'di ni sna tshogs kyi zhal can te/ byang phyogs kyi mtshams su sna tshogs pad ma bsnams pa'o/ /o~M hrIH pad ma naR+te shwa 100.31b ra~M hU~M ze 'bru'i dbus su 'dod chags chen po'i bcom ldan 'das spyan ras gzigs kyi dbang phyug go /de ltar gang bsgom pa dang ldan zhing ting nge 'dzin la goms par byed na dngos grub brtan por 'gyur ro/ /de'i sangs rgyas nyid dang 'dod pa'i longs spyod thams cad ster ro/ /sangs rgyas pha rol phyin grub cing / /gzungs dang sa yang de bzhin no/ /'jig rten kun gyi bde ston cing / /so so rang nyid rjes su sgrub/ /sangs rgyas nyid ni byang sems nyid/ /rang rgyal nyid kyang de bzhin no/ /yid 'ong sangs rgyas go 'phang ni/ /spyad mi dgod par 'grub par 'gyur/ /byang chub sems dang ga pur bcas/ /tsan dan dmar dang rab sbyar te/ /rdo rje chu dang yang dag ldan/ /sangs rgyas kun gyi bcud len yin/ /sbyor ba bzang po 'di yis ni/ /bcud kyis len ni bde bar yang / /'grub 'gyur 'jig rten mgon po yi/ /gzhon zhing nad med dam bde zhing / /tshe dang stobs dang brtson 'grus dang / /skal bzang ye shes bla na med/ /skye ba 'di la bsgrub pa'o/ /ma lus lus pa med pa 'grub/ /dbang dang dgug dang dbye ba dang / /gsad dang bskrad pa la sogs pa/ /rengs dang phur bus gdab nyid dang / /nam mkhar 'gro ba de bzhin no/ /sa bcu'i dbang phyug thob 'gyur zhing / /ting nge 'dzin la gnas par 'gyur/ /de phyir ting 'dzin ldan pa yi/ /rdo rje dam tshig de yis ni/ /rig pa dang ni bcas pa'i mchog /'jig rten mgon por 'grub par 'gyur/ /o~M hrIHpad ma nar te shwa ri hU~M/ rtsa ba'i sngags 'di brgya rtsa brgyad bzlas na nyin mo dang nub mo byas pa'i sdig pa nyams par 'gyur ro/ /yang na lnga brgya bzlas brjod byas na nad thams cad las grol bar 'gyur ro/ /yang na stong bzlas brjod byas na dus ma yin par 'chi ba med par 'gyur ro/ /yang na stong phrag gnyis bzlas brjod byas na/ thams cad kyi mchod pa'i 'os su 'gyur ro/ /gzhan yang stong phrag gsum bzlas brjod byas na skal ba bzang ba dang / g.yang rab tu 'phel bar 'gyur ro/ /gzhan yang stong phrag bzhi bzlas brjod byas na dbul ba med par 100.32a 'gyur ro/ /stong phrag lnga bzlas brjod byas na dgra thams cad kyi snying 'khrug par byed do/ /stong phrag drug bzlas brjod byas na dgra thams cad med par 'gyur ro/ /stong phrag bdun bzlas brjod byas na bdud bzhi las mchog tu rgyal bar 'gyur ro/ /stong phrag brgyad bzlas brjod byas na rig 'dzin ma grub par 'gyur ro/ /stong phrag dgu bzlas brjod byas na gnod sbyin mo grub par 'gyur ro/ /khri tsho gcig bzlas brjod byas na lha dang klu dang / mi'i bu mo rnams 'grub par 'gyur ro/ /stong phrag nyi shu bzlas brjod byas na bar snang la 'gro ba'i rnal 'byor ma rnams 'grub par 'gyur ro/ /stong phrag sum bcu bzlas brjod byas na bsam pa thams cad rdzogs par 'gyur ro/ /stong phrag bzhi bcu bzlas brjod byas na mkha' la spyod pa'i rig pa 'dzin par 'gyur ro/ /stong phrag lnga bcu bzlas brjod byas na ral gri'i rig pa 'dzin par 'gyur ro/ /stong phrag drug bcu bzlas brjod byas na grub pa'i rig 'dzin tu 'gyur ro/ /stong phrag bdun bcu bzlas brjod byas na sa gsum gyi bdag por 'gyur ro/ /stong phrag brgyad bcu bzlas na 'khor los sgyur ba'i rgyal por 'gyur ro/ /'bum phrag gcig bzlas brjod byas na byang chub sems dpa' nyid du 'gyur ro/ /'bum phrag bcu bzlas brjod byas na rang dga'i gzugs su 'gyur ro/ /bzhi cha dang bcas pa'i 'bum phrag bzlas brjod byas na sangs rgyas nyid du 'gyur ro/ /bye ba phrag gcig bzlas brjod byas na/ thams cad du rjes su 'dzin par byed pa'i nus pa can spyan ras gzigs dbang phyug lta bu 'grub par 'gyur zhing lus dang ngag dang yid kyang byin gyis rlob bo/ /'di ni bcom ldan 'das gsung rdo rjes gsungs pa'o/ /o~M paN+Da ra ba si ni ba ra de hU~M/ 'di ni gos dkar mo'i sngags te lan cig brjod pas sdig pa'i rigs kyi tshogs bsreg par byed do/ /nub bdun gyi nang rol du rgyal po blon po dang bcas pa mdun na 'don dang / skye 'gro'i 100.32b tshogs dang btsun mo'i tshogs dang bcas pa dbang du 'gyur ro/ /bzlas pa tsam gyis phun sum tshogs pa thams cad kyi skal ba dang ldan par 'gyur ro/ /de lta bu'i rim pas 'bum phrag gcig bzlas na gang yang sangs rgyas dang / byang chub sems dpa' dang nus pa mnyam zhing / dngos su 'phags pa spyan ras gzigs dbang phyug 'grub par 'gyur ro/ /o~M bi lo ki ni a ba lo kA ya swA hA/ 'di'i sbyor ba ni stong phrag bcu bzlas brjod byas na me long dang / mtheb chen dang / nam mkha' la sogs pa la gsal por pra dbab pa 'grub par 'gyur ro/ /gang sngon byung ba dang da ltar dang phyis 'ong ba de ston par byed do/ /yang na so shing la lan nyi shu rtsa gcig mngon par bsngags par byas la/ nub mo nyal ba'i dus so shing 'chos nas mi smra bar nyal na dgos pa gang yin pa rmi lam na ston par byed do/ /de yang 'khrul pa med par ston no/ /o~M tA re tut+tA re tu re swA hA/ bcom ldan 'das sgrol ma 'di 'bum phrag gcig bzlas na 'jig rten gsum grub par 'gyur ro/ /lha'i bu mo dang / klu'i bu mo dang / mi 'am ci'i bu mo dang / gnod sbyin gyi bu mo dang / mi'i bu mo ste/ 'di rnams kyi nang nas gang 'dod pa de'i chos 'byung du gur kum dang / rgya skyegs dang / rang byung gi me tog dang / byang chub kyi sems dang yang dag par ldan pas rtsibs drug pa shin tu rno ba'i 'khor lo dmar po 'khor bzhin pa rnam par bris pa bsams la/ chos 'byung de sgrub pa pos ri sul chu ngogs gsang ba'i gnas su bsam par bya'o/ /de yang myos shing sgrub pa po'i steng du ltung ba'i rnam pa bsgom par bya'o/ /de bkug la rang la chu shing nor dang bcas pa dbang du 'gyur bar blta'o zhes bya'o/ /yang na lha dang / klu dang lha ma yin dang / mi 'am ci dang / rig pa 'dzin pa dang / gnod sbyin dang / 'khor los sgyur ba dang / blon po dang / skyes bu'am gang 'dod pa de dmar por rnam par bsams la/ de'i snying gar rdo rje lcags kyu 'od 'bar ba'i phreng ba 'khrug 100.33a pa'i lcags kyus 'bigs bzhin pa dang / zhags pas ske ba nas bcings la dgug bzhin pa 'dod pas myos par gyur par rab tu gsal por bsam par bya'o/ /bdag nyid nor dang bcas pa 'gugs shing dbang du 'gyur ro/ /zhes bya'o/ /o~M b+hu ri ni ma hA tsakra brti ni hU~M/ 'di'i sbyor ba ni dri chen dang / rdo rje chu la sogs pas dkyil 'khor byas la ji ltar rnyed pa'i me tog gis mnyam par mchod la/ de na gnas pa'i sgrub pa pos gling ngam gling gzhan dang / grong khyer dang grong dang / yul 'khor gyi rgyal por bsam zhing bzlas pa bya'o/ /de yis bdag po nyid du 'gyur zhing longs spyod la longs spyad nas bde ba can gyi 'jig rten gyi khams su skye ba thob par 'gyur ro/ /o~M b+h+r-i ku TI tA re tu ta ma ta hU~M/ lha mo khro gnyer can zhes bya ba 'di ni dgra'i rkang rjes kyi rdul blangs la/ dug dang / tshwa dang / ske tshe dang / khrag dang / chu bo'i 'gram gnyis kyi sa dang / dri chen rdo rje chus bsnos la gzugs brnyan byas la mi'i rus pa'i rang bzhin gyi phur bus tshigs dang gnad kun la btab la/ thod pa kha sbyar gyi nang du bzhag ste/ dur khrod kyi me la gdung bar bya'o/ /zhag bdun du sbyor ba byas pas 'chi bar 'gyur ro/ /gal te sems la sdig pa med par gyur na zhag nyi shu rtsa gcig gis ni sangs rgyas kyang 'chi bar 'gyur ro/ /o~M ma hA shrI ye ma Ni pad me hU~M/ lha mo 'di la dri dang / me tog dang / mar me dang / bsod snyoms kyi zas kyis so sor mchod la bzlas pa byas na thams cad du bsrungs par 'gyur ro/ /yul chos kyi rtsod pa las rgyal bar 'gyur ro/ /spyan ras gzigs dbang phyug dang mnyam par 'gyur ro/ /nor chen po'i bdag por 'gyur ro/ /yang na pad ma stong phrag bcu sbyin sreg byas na rgyal por 'gyur ro/ /o~M badzra pad me shwa ri ma ra pad me hU~M/ rdo rje pad ma'i dbang phyug ma 'di yid kyis bzlas na dbang dang dgug pa la sogs pa byed do/ /lan bdun mngon par bsngags te/ 100.33b gtsug phud mdud na rang bsrung zhing rims dang / lkog nad dang / nad thams cad dang / mtshon dang / me dang / rkun po dang / seng ge dang / glang po che dang / sbrul dang / 'ching ba dang / rgya mtsho dang / sha za'i nang stong phrag gcig bzlas pas zhi bar 'gyur ro/ /lan cig gi las kyis brjed byed kyi gdon dang / zad byed dang / skyug pa dang / bri bar dka' ba dang / bsgom par dka' ba'i gdug pa can gyi sems can thams cad nyams par byed do/ /'bum phrag gcig bzlas na lus 'phel zhing skal ba bzang ba dang / lus gzhon zhing nad med par byed cing dus ma yin pa'i 'chi ba nyams par byed do/ yang na klu thab khung du bris la der dug dang / ske tshe dang tshad ba'i sbyin sreg bya zhing klu'i ming dang spel bas 'bum phrag gcig sbyin sreg byas na char chen po phab nas mu ge med par 'gyur ro/ /o~M bi shwa pad me hrIH sna tshogs pad ma 'di ni rmongs pa dang / rengs pa dang / mnan pa dang / phur bus gdab pa dang / gzhan gyi nor 'phrog pa dang / phur bu dang / mig 'phrul dang / ngo mtshar dang mi mthong bar byed pa dang / phug tu 'jug pa dang / nam mkha' la 'gro ba dang / lcags sgrog gcod pa dang / ril por dgug pa gang dang gang yin pa rgyud las bstan pa dang / rgyud gzhan dang yang dag par ldan pa'i las thams cad byed do/ /lus dang ngag dang yid gsum gyi dngos grub ster ro/ /bcom ldan 'das 'phags pa spyan ras gzigs dbang phyug 'grub cing gang 'dod pa'i las thams cad ni 'grub par 'gyur ro zhes bya'o/ /o~M bi shwa pad me hU~M / sna tshogs rdo rje zhes brjod pa'i lha mo 'dis ni ngag gi dngos grub ster ro/ /tshig shad mkhan du byed cing gzhan gyi ngag rengs par byed do/ /rang nyid bsrung ba dang / gzhan yang bsrung bar 'gyur ro/ /rang skal ba bzang zhing gzhan po yang skal ba bzang po'i rang don dang gzhan don byed do/ /ji ltar 'dir ni 'phags pa spyan ras gzigs dbang phyug sems can gyi don la spro zhing brtson pa de bzhin du/ 'dir bcom ldan 'das mas dmyal ba 100.34a dang yi dgas dang / byol song gi skye gnas su gtogs pa'i sems can rnams sgrol bar byed do/ /bde bar gshegs pa'i bstan pa la dad pa rnams la ma nyid kyis bsrung ngo zhes thugs kyi rdo rje de bzhin gshegs pas gsungs so/ /de ltar rtogs pa'i rgyal po bsdus pa rab tu bstan to/ /sems brtan rtog pa med pa yi/ /blo dang ldan pas 'grub par 'gyur/ /gang zhig spyod lam bstan pa yi/ /sangs rgyas kun rgyu ji lta bar/ /de ltar 'dir ni rab sbyar nas/ /de nas rtag pa'i go 'phang 'grub/ /ji ltar 'dod par gnas byed cing / /kun la longs spyod kun byed ltar/ /ji ltar 'dod pa'i snying rjes spyod/ /ji ltar 'dod pa'i spyod pa yis/ /'dug pa 'am ni langs kyang rung / /'chag pa 'am ni gang dang de/ /rgod pa 'am ni brjod pa 'am/ /gang de ji bzhin don bzhin no/ /dkyil 'khor du ni ma zhugs pa 'am/ /sgrib pa kun dang ldan pa yang / /rang mos lha yi rnal 'byor bdag /bsod nams chung ba 'am 'grub par 'gyur/ /'di yis sangs rgyas thams cad nyid/ /thams cad mkhas pa nyid dang ni/ /thams cad rdo rje 'chang nyid kyang / /skye ba 'di la 'grub par 'gyur/ /yang gsungs pa/ rnal 'byor dag ni gzugs brnyan gyi/ /bcos ma'i sku las 'gyur ba min/ /byang chub sems chen la brtson na/ /rnal 'byor dag ni de lta yin/ /khrag chen po dang ga pur bcas/ /tsan dan dmar dang bsres pa ni/ /tshogs kyi nang du zhugs pa na/ /kun las mchog gyur bcud len no/ /sbyor ba bzang po 'di yis ni/ /bcud kyi len ni sla ba ru/ /dpal rdo rje sems dpa'i tshe bzang dang / /nad med bde ba bzang po 'thob/ /grub pa'i mtshan nyid ji ltar gsungs/ /sangs rgyas pha rol phyin pa dang / /gzungs dang sa yang de bzhin 'grub/ /bde ston thams cad thob 'gyur zhing / /rang nyid so so rjes su 'grub/ /sangs rgyas thams cad mnyam sbyor bas/ /sangs rgyas thams cad nyid du 'gyur/ /sangs rgyas kun gyi 100.34b dngos nyid kyang / /sangs rgyas kun ni rab grub 'gyur/ /gzhan yang rnal 'byor gyi spyod pa byed par 'dod cing sems yongs su dag pa med na de'i tshe thang sku'i sgrub pa bshad de/ bsnyen gnas dang ldan zhing smyung bar gnas pa'i lha bzos tshon sna ma 'dres pas ras gsar pa de yang rang rang gi kun tu khru re'i tshad kyis bcom ldan 'das 'phags pa spyan ras gzigs dbang phyug bri bar bya ste/ sna tshogs kyi pad ma 'dab ma brgyad pa/ ze 'bru'i dkyil du zla ba'i dkyil 'khor gyi dbus su bcom ldan 'das mdog dmar ba mi bskyod pa'i dbu rgyan can/ zhal gsum pa/ zhal gyi gtso bo ni dmar ba ste/ 'dod chags chen po nyid kyi phyir ro/ /g.yas pa gnag pa ste zhe sdang chen po nyid kyi phyir ro/ /g.yon pa dkar ba ste gti mug nyid kyi phyir ro/ /phyag drug pa bya'o/ /g.yon pa'i phyag gcig gis gos dkar mo'i mgrin pa nas 'khyud pa dang / pad ma dmar po bsnams pa dang g.yon pa gnyis kyis me tog gi gzhu bsnams pa'o/ /g.yas pa gsum du khab kyi phyag rgyas pad ma kha 'byed pa dang / me tog gi mda' dang / lcags kyu bsnams pa'o/ /sems dpa'i skyil mo dkrung gis gnas pa bya'o/ /shar gyi 'dab ma la rnam par gzigs ma mdog dkar mo/ /pad ma dmar po dang rdo rje phyag na bsnams pa'o/ /lho phyogs kyi 'dab ma la lha mo sgrol ma ljang gu rgya skyegs kyi shing gi lo ma dang rin po che phyag na bsnams pa'o/ /nub phyogs kyi 'dab ma la b+hu ri ni ser mo uta pa la sngon po dang 'khor lo bsnams pa'o/ /byang phyogs kyi 'dab ma la khro gnyer can na pad ma dkar ser lta bu pad ma ser po dang ral gri phyag na bsnams pa'o/ /shar gyi mtshams su pad ma'i gos can ma gser lta bu'i mdog btsod lta bu'i pad ma bsnams pa'o/ /lho phyogs kyi mtshams su rdo rje pad ma'i dbang phyug ma nam mkha'i mdog can dkar po pad ma dang shel gyi phreng ba bsnams pa'o/ /nub phyogs kyi mtshams su sna tshogs 100.35a kyi pad ma ston ka'i zla ba lta bu dkar ser gyi mdog pad ma nag po dang po ti phyag na bsnams pa'o/ /byang phyogs kyi mtshams su sna tshogs rdo rje ma sna tshogs kyi mdog can du byas la/ sna tshogs kyi rdo rje dang / sna tshogs kyi pad ma bsnams pa'o/ /de ltar pad ma la bkod cing bris la/ sgeg mo la sogs pa rnams su'o/ /dzaHhU~M ba~M hoH'i yi ge las yang dag par byung ba'i lcags kyu dang / zhags pa dang / lcags sgrog dang / dril bu rnams ni shar la sogs pa'i phyogs rnams su'o/ /yang thang sku gzhan brjod par bya ste/ ston ka'i zla ba lta bu'i dkar ser gyi bcom ldan 'das g.yas na skud pa dang / dbyug pa dang / rtse gsum dang / mchog sbyin pa'i phyag can/ g.yon na pad ma dang / ril ba spyi blugs dang / zhags pa dang / thams cad mkhyen pa'i dam tshig gi po ti bsnams pa'i phyag can/ stag gi lpags pa'i sham thabs 'chang ba/ sbrul mchod phyir thogs pa/ ral pa'i cod pan la 'od dpag med bzhengs pa 'am skyil dkrung phyed pas gnas pa dbu rgyan du byas pa'o/ /de'i g.yas phyogs kyi cha ru sgrub pa po/ mchod yon gyi snod dang bdug spos kyi snod lag pas bzung ba bya'o/ /gzhan yang bcom ldan 'das phyag gnyis pa ri gru 'dzin la gnas shing seng ge'i khri la bzhugs pa/ g.yon pa sa la gnas shing zhabs g.yas pa pad ma'i steng gi gdan stengs su bzhugs pa'o/ /phyag re re na phreng ba bsnams par sems pa pos phreng ba'i 'og tu 'dren pa'i tshul 'dis bsam par bya ba ni sems pa lta bur gnas pa zhes bya'o/ /cho ga gzhan yang bcom ldan 'das dkar zhing dmar ba phyag bcu pa ri dgas seng ge'i gdan la pad ma'i steng du skyil dkrung phyed pas bzhugs pa/ g.yas na phreng ba bsnams pa'o/ /seng ge dang / glang po che dang / me dang / sbrul gyis 'jigs pa rnams las grol ba'i cha byad can no/ /g.yon na pad ma dmar po sdong bu gnyis pa steng du po ti can te 100.35b rkun ma dang / lcags sgrog gis bcings pa dang / mtsho dang / thog chen po dang / sha zas za ba rnams sgrol ba'i cha byad can no/ /gnas de brgyad du sgrub pa po rgyan thams cad kyis brgyan pa/ yan lag thams cad yongs su rdzogs pa sngon bzhin du langs pa 'am/ 'dug pa bsam par bya'o/ /gzhan yang cho ga ni zla ba'i dkyil 'khor gyi dbus su bcom ldan 'das sna tshogs kyi gzugs 'chang ba/ dbu bcu gsum pa/ spyi bo'i mgo bo ni ljang khu'i rta zhal lo/ /yang na zhi ba sangs rgyas shAkya thub pa'i zhal lo/ /phyag brgya pa'i bcom ldan 'das 'di ni sna tshogs kyi mtshon cha bsnams pa'o/ /yang na zhal brgya pa phyag stong pa yang bya'o/ /kha cig tu rdo rje skyil mo dkrung gis gnas pa 'am/ bzhengs pa yang bya'o/ /tsam pa ka lta bu'i dkar ser gyi bcom ldan 'das so/ /thang sku de kun gyi g.yas phyogs kyi bar du sgrub pa po me tog dang / mchod yon gyi snod dang / bdug spos kyi snod lag pa na gzung ba bya'o/ /de rnams kyi dbu la dbu rgyan du 'od dpag med pa'am/ chos kyi rgyal po'i mchod rten bri bar bya'o/ /'di ni thang sku'i cho ga'o/ /thang sku'i mdun du rtsa ba'i sngags ji lta ba 'dod pa de bzla zhing bsam gtan yang byas nas/ mchod pa rnam pa lngas mchod la/ mchod yon snod dang / yongs su gang ba'i bdud rtsi lta bu'i zas dang / sgron ma'i zas la byas nas mchod yon byin te/ sngags gang 'dod pa de bzlas pa byas na de la gsungs pa'i dngos grub du 'gyur ro/ /gsang ba po ni sngags 'di nyid/ /kha cig la yang mi sbyin no/ /blo ldan sems can don brtson pa'i/ /sems brtan pa la sbyin par bya/ /mchod rten las byed nyid la ni/ /blo ldan bzlas 'dab zer bas sbyin par bya/ /rang nyid dang ni nor dag gis/ /bla ma la rtag gus par bya/ /rdo rje slob dpon rnal 'byor la/ /mchog tu gyur pa'i yon yang dbul/ /gang dang gang ni btang dka' ba/ /mchog tu gyur par 'dir ni bsngags/ /chung ma 100.36a sring mo dang yang ni/ /bu mo dang ni tsha mo dag /bu mo rgyan kun brgyan par bya/ /glang chen rta dang shing rta dang / /phyugs dang grong khyer rgyal srid dang / /yul 'khor rgyal srid ldan pa dang / /rin chen sna tshogs dag kyang ni/ /gzhan yang rdo rje slob dpon dbul/ /rdo rje slob dpon dgyes gyur pa/ /thams cad rab sbyin dbul bar bya/ /'jig rten dbang phyug gi rtog pa rdzogs s+ho// //rgya gar gyi mkhan po dzam b+ha la dang / bod kyi lo ts+tsha ba dge slong ba ris bsgyur cing gtan la phab pa/ yang zhus te dag par thang rgyal mkhas paso// |