J682

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J682</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J682&coll=lithang">see text in Tibetan script</a></table>99.295a<br><font size=+1>

@#/ /rgya gar skad du/  Ar+yA bo d+hi sa twA ba lo ki te shwa ra sa hA sra b+hu dza ne trA sa~M ga ma hA kA ru Ni ka tsi t+ta bista ra pa ri pUr+N+Na nA ma d+ha ra NI/  bod skad du/  'phags pa byang chub sems dpa' spyan ras gzigs dbang phyug phyag stong spyan stong dang ldan pa thogs pa mi mnga' ba'i thugs rje chen po'i sems rgya cher yongs su rdzogs pa zhes bya ba'i gzungs/  bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das shAkya thub pa'i po ta la'i steng / 'phags pa spyan ras gzigs dbang phyug gi gzhal med khang rin po che bkod pa'i dkyil 'khor na nor bu rin po che rnam pa sna tshogs kyis rab tu brgyan pa'i rin po che'i seng ge'i gdan rin po che'i rgyal mtshan dang ba dan dag gis 'khor bar bkod cing dpyangs pa la bzhugs te/ de'i tshe de bzhin gshegs pa gdan de la bzhugs nas kun 'dzin ces bya ba'i gzungs sngags bshad par bzhed pa'i phyir byang chub sems dpa' sems dpa' chen po grangs med pa dang / thabs gcig tu bzhugs pa la 'di lta ste/ byang chub sems dpa' kun 'dzin gyi rgyal po dang / byang chub sems dpa' rin po che'i rgyal po dang / byang chub sems dpa' sman gyi rgyal po dang / byang chub sems dpa' sman mngon par 'phags pa dang / byang chub sems dpa' spyan ras gzigs dbang phyug dang / byang chub sems dpa' mthu chen thob pa dang / byang chub sems dpa' pad ma'i bkod pa dang / byang chub sems dpa' bkod pa chen po dang / byang chub sems dpa' rin chen snying po dang / byang chub sems dpa' dpal gyi snying po dang / byang chub sems dpa' rdo rje snying po dang / byang chub sems dpa' nam mkha'i snying po dang / byang chub sems dpa' byams pa dang / byang chub sems dpa' kun tu bzang po dang / byang chub</font><hr>99.295b<br><font size=+1>

sems dpa' 'jam dpal la sogs pa byang chub sems dpa' sems dpa' chen po chos kyi rgyal bu chen por dbang bskur ba thob pa sha stag dang thabs gcig go/ /gzhan yang nyan thos kyi dge 'dun chen po thams cad kyang dgra bcom pa'i sa bcu spyad pa tshad med grangs med pa dag dang thabs gcig ste/ tshe dang ldan pa 'od srung chen po ni gtso bor gyur to/ /gzhan yang tshangs ris kyi lha tshad med pa snyed dang thabs gcig ste/ lha'i bu k+ShaN+Da ma ra ni gtso bor gyur to/ /gzhan yang lha dang lha'i bu tshad med pa snyed dang thabs gcig ste/ lha'i bu ku b+ha ka ni gtso bor gyur to/ /gzhan yang 'jig rten skyong ba dang / rgyal chen ris bzhi'i lha'i rgyal po tshad med pa snyed dang thabs gcig ste/ lha'i rgyal po yul 'khor bsrung ni gtso bor gyur to/ /gzhan yang lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa la sogs pa tshad med pa snyed dang thabs gcig ste/ klu'i rgyal po chen po ri'i dpal ni gtso bor gyur to/ /gzhan yang 'dod pa'i khams kyi lha'i bu mo tshad med pa snyed dang thabs gcig ste/ lha'i bu mo gzhon nu'i mig ces bya ba ni gtso mor gyur to/ /gzhan yang nam mkha'i lha dang / chu bo dang / rgya mtsho yi lha dang / chu mig gi lha dang / chu klung gi lha dang / sman gyi lha dang / ljon shing gi lha dang / nags tshal gyi lha dang / khang khyim gyi lha dang / chu'i lha dang / me'i lha dang / rlung gi lha dang / sa'i lha dang / ri'i lha dang / gzhal med khang la sogs pa'i lha tshad med pa snyed kyang so so nas 'dus shing lhags par gyur to/ /de nas byang chub sems dpa' spyan ras gzigs dbang phyug 'khor mang po'i nang du gsang ste/ rdzu 'phrul gyis 'od zer bkye bas phyogs bcu'-i 'jig rten gyi khams rnams dang / stong gsum gyi stong chen po'i 'jig rten gyi khams 'di yang gser gyi</font><hr>99.296a<br><font size=+1>

kha dog can du gyur to/ /lha'i gzhal med khang rnams dang / klu'i khang khyim rnams dang / lha'i gtso bo rnams kyi gzhal med khang rnams kyang rab tu g.yos par gyur/ chu bo dang / mtsho dang / rgya mtsho chen po dang / ri 'khor yug dang / ri rab lhun po dang / sa'i ri dang / ri nag po rnams kyang rab tu g.yos par gyur to/ /nyi ma dang / zla ba dang / nor bu dang / me dang / rgyu skar dang / gza'i 'od rnams kyang zil gyis mnan te mi snang bar gyur to/ /de nas byang chub sems dpa' kun 'dzin gyi rgyal pos ngo mtshar rmad du byung ba'i mtshan ma de dag mthong ba dang / sngon chad nam yang de lta bu ma byung ngo zhes ngo mtshar du gyur nas/ stan las langs te thal mo sbyar nas 'di skad ces bcom ldan 'das rdzu 'phrul gyi mtshan ma 'di lta bu 'di dag sus bkye lags zhes gsol nas/ tshigs su bcad de zhu ba zhus pa/ ding ni su zhig mngon par sangs rgyas na/ /'di ltar 'od zer chen po rab bkye bas/ /phyogs bcu'i 'jig rten gser gyi mdog du gyur/ /stong chen 'jig rten khams kyang de bzhin lags/ /deng ni su zhig rang dbang thob gyur na/ /ya mtshan rdzu 'phrul chen po mthu bkye nas/ /mtha' med sangs rgyas zhing rnams rab g.yos shing / /lha klu gzhal med khang rnams mi bder gyur/ /su yi mthu lags rgyu rkyen ma rtogs pas/ /'khor mang 'di dag the tshom 'tshal gyur na/ /bcom ldan 'das kyi thugs rje chen po yis/ /rdzu 'phrul 'di yi rgyu rkyen bkas bshad gsol/ /bcom ldan 'das kyis byang chub sems dpa' kun 'dzin gyi rgyal po la bka' stsal pa/ rigs kyi bu khyed kyis 'di rig par bya ste/ deng 'khor gyi dkyil 'khor 'dus pa 'dir byang chub sems dpa' sems dpa' chen po spyan ras gzigs dbang phyug ces bya ba zhig yod pa de/ sngon bskal pa tshad med pa nas byams pa chen po dang snying rje chen po phun sum tshogs par gyur pa/ gzungs kyi</font><hr>99.296b<br><font size=+1>

sgo tshad med pa snyed shin tu bsgoms shing mngon par bsgrubs par gyur pas/ sems can rnams la phan pa dang bde bar 'dod pa'i phyir gsang ste 'di lta bu'i rdzu 'phrul gyi mthu chen po bstan pa yin no/ /bcom ldan 'das kyis de skad ces bka' stsal pa dang / de nas byang chub sems dpa' spyan ras gzigs dbang phyug stan las langs te gos tshags bcos nas/ bcom ldan 'das ga la ba de logs su thal mo sbyar te bcom ldan 'das la 'di skad ces gsol to/ /bcom ldan 'das bdag la thugs rje chen po'i sems shes bgyi ba'i gzungs sngags mchis te/ sems can mang po rnams la sman pa dang bde ba 'thob par bgyi ba dang / bro nad thams cad bsal bar bgyi ba dang / tshe ring bar 'gyur ba dang / phyug cing 'byor ba dang ldan par bgyi ba dang / sdig pa mi dge ba'i las dang kha na ma tho ba lci ba rnams yongs su sbyang zhing bsal ba dang / sgrib pa'i bgegs rnams dang 'bral ba dang / chos dkar po'i yon tan thams cad 'phel bar bgyi ba dang / dge ba'i sa bon thams cad phun sum tshogs par bgyi ba dang / 'jigs shing skrags pa thams cad yongs su spang bar bgyi ba dang / re ba thams cad myur du yongs su rdzogs par bgyi ba'i slad du deng bshad par 'tshal na/ bcom ldan 'das thugs brtse bar dgongs te gnang bar mdzad du gsol/ /bcom ldan 'das kyis bka' stsal pa/ rigs kyi bu khyod snying rje chen pos sems can rnams la phan pa dang / bde ba 'dod pa'i phyir rigs sngags bshad par 'dod pas deng dus la bab kyis myur du smros shig dang / de bzhin gshegs pa nga dang sangs rgyas bcom ldan 'das rnams kyang rjes su thugs dgyes par mdzad do/ /bcom ldan 'das la byang chub sems dpa' spyan ras gzigs dbang phyug gis yang 'di skad ces gsol to/ /bcom ldan 'das bdag mngon par dran lags te/ sngon byung ba'i bskal pa 'bum phrag tshad ma mchis pa snyed 'das pa de'i tshe de'i dus na bcom ldan 'das</font><hr>99.297a<br><font size=+1>

de bzhin gshegs pa 'od stong gi rgyal po zhi bar gnas pa zhes bya ba 'jig rten du byung ste/ sangs rgyas bcom ldan 'das des bdag dang sems can thams cad la thugs brtse ba'i slad du thogs pa ma mchis pa'i thugs rje chen po rgya cher yongs su rdzogs pa zhes bgyi ba'i gzungs 'di bka' stsal nas/ phyag gser gyi kha dog can gyis bdag gi spyi bo la byugs te 'di skad ces/ rigs kyi bu khyod thugs rje chen po'i rig sngags 'di zung shig dang / ma 'ongs pa'i dus ngan pa'i sems can thams cad la phan pa dang bde ba chen po byed par 'gyur ro zhes bka' stsal to/ /bdag de'i tshe gdod sa dang po la gnas pa las rig sngags 'di lan cig thos pa tsam gyis sa brgyad pa las yang dag par 'das par gyur lags so/ /bdag de'i tshe de'i dus na sems rab tu dga' zhing mgu bar gyur pa'i slad du smon lam 'di skad du btab lags te/ gal te bdag ma 'ongs pa'i dus na sems can thams cad la sman cing bde bar bgyid pa'i 'os su 'gyur yang dag pa zhig lags na deng bdag gi lus 'di nyid las lag pa stong dang / mig stong tshang bar 'byung bar gyur cig ces smon lam btab ma thag tu lus las sug pa stong dang mig stong tshang bar byung bar gyur te/ phyogs bcu'i sa chen po rnams kyang rnam pa drug du rab tu g.yos par gyur/ phyogs bcu'i sangs rgyas rnams kyis kyang 'od zer bkye bas bdag gi lus la reg cing phyogs bcu'i 'jig rten gyi khams mtha' ma mchis pa rnams kyang gsal bar bgyis par gyur lags so/ /de slan chad sangs rgyas tshad ma mchis pa'i 'khor gyi dkyil 'khor tshad ma mchis pa dag tu gzungs 'di yang dang yang du thos shing mngon sum du yang dag par blangs pa dang / gzhan yang dga' ba dang / mgu ba dang rangs pa tshad ma mchis pa bskyed pas bskal pa 'bum phrag tshad ma mchis pa snyed kyi 'khor ba phra mo las yang dag par 'das par gyur lags so/ /de sman cad gzungs 'di rtag par 'don cing yongs su gzung nas/ </font><hr>99.297b<br><font size=+1>

nam du yang mi bskyud par bgyis pa'i slad du skye ba thams cad du rtag par sangs rgyas rnams kyi spyan sngar pad ma la brdzus te skyes pas mngal du skye ba'i lus blangs par ma gyur lags so/ /dge slong ngam/ dge slong ma 'am/ dge bsnyen nam/ dge bsnyen ma 'am/ khye'u 'am/ bu mo gang la la zhig 'di 'don cing yongs su 'dzin par 'tshal ba des sems can rnams la snying brtse ba'i sems bskyed nas/ dang po kho nar bdag la smon lam 'di skad gdab par bgyi lags so/ /spyan ras gzigs dbang thugs rje che la phyag 'tshal lo/ /bdag gis chos rnams thams cad myur du rtogs par shog /spyan ras gzigs dbang thugs rje che la phyag 'tshal lo/ bdag gis ye shes mig ni myur du thob par shog /spyan ras gzigs dbang thugs rje che la phyag 'tshal lo/ /bdag gis sems can thams cad myur du sgrol bar shog /spyan ras gzigs dbang thugs rje che la lo/ /phyag 'tshal lo/ /bdag gis thabs mkhas pa dag myur du thob par shog /spyan ras gzigs dbang thugs rje che la phyag 'tshal lo/ /bdag ni myur du shes rab gru yis sgrol bar shog /spyan ras gzigs dbang thugs rje che la phyag 'tshal lo/ /bdag na ni myur du sdug bsngal mtsho las 'da' bar shog /spyan ras gzigs dbang thugs rje che la phyag 'tshal lo/ /bdag gis myur du tshul khrims rkang gi lam thob shog /spyan ras gzigs dbang thugs rje che la phyag 'tshal lo/ /bdag gis myur du mya ngan 'da' ba'i ri mdzeg shog /spyan ras gzigs dbang thugs rje che la phyag 'tshal lo/ /bdag gis myur du 'dus ma byas kyi khyim phyin shog /spyan ras gzigs dbang thugs rje che la phyag 'tshal lo/ /bdag ni myur du chos nyid sku dang mtshungs par shog /bdag ni ral gri ri la 'dzeg /ral gri ri ni rang brnyil shog /</font><hr>99.298a<br><font size=+1>

bdag ni chu tshan phrad gyur na/ /chu tshan me mur rang zhi shog /sems can dmyal bar bdag song na/ /sems can dmyal ba rang skams shog /bdag ni yi dgas gnas song na/ /bkres skoms dag ni 'grangs bar shog /bdag ni lha min gnas song na/ /ngan sems rang ni dul bar shog /bdag ni dud 'gro'i gnas phyin na/ /rang nyid shes rab che thob shog /de skad du smon lam btab nas sems rtse gcig tu bdag gi ming nas 'don cing rjes su dran par bgyi'o/ /gzhan yang bdag gi ston pa de bzhin gshegs pa 'od dpag med rjes su dran par bgyis nas/ de'i rjes la gzungs sngags 'di mtshan gcig la lan bdun tshang bar 'don par bgyid na/ bskal pa 'bum phrag brgyad stong snyed du 'khor bar 'gyur ba'i kha na ma tho ba'i lci ba rnams yongs su bsal cing 'byang bar 'gyur lags so/ /bcom ldan 'das la yang 'di skad ces gsol to/ /bcom ldan 'das lha 'am mi gang la la zhig thugs rje chen po'i tshig 'don cing 'dzin par bgyid na 'chi ba'i dus kyi tshe/ phyogs bcu'i de bzhin gshegs pa rnams der gshegs nas phyag rkyong bar 'gyur bas/ sangs rgyas kyi zhing gang dang gang du skye bar 'tshal ba ji ltar smon pa bzhin du de dag tu skye bar 'gyur lags so/ /bcom ldan 'das la yang 'di skad ces gsol to/ /bcom ldan 'das sems can gang la la zhig thugs rje chen po'i rigs sngags 'di 'don cing yongs su 'dzin pa dag gal te ngan 'gro gsum po dag tu ltung bar gyur na/ bdag nam yang mngon par rdzogs par 'tshang rgya bar mi bgyi'o/ /thugs rje chen po'i rigs sngags 'don cing yongs su 'dzin pa dag gal te sangs rgyas kyi zhing khams rnams su skye bar ma gyur na bdag nam yang mngon par rdzogs par 'tshang rgya bar mi bgyi'o/ /thugs rje chen po'i rig sngags 'don cing yongs su 'dzin pa dag gal te ting nge 'dzin dang spobs pa tshad ma mchis pa snyed thob par ma gyur</font><hr>99.298b<br><font size=+1>

na bdag nam yang mngon par rdzogs par 'tshang rgya bar mi bgyi'o/ /thugs rje chen po'i rig sngags 'don cing yongs su 'dzin pa dag gal te tshe 'di nyid la smon pa thams cad ji ltar smon pa bzhin du grub par ma gyur na snying rje chen po'i sems kyi gzungs shes mi bgyi lags te/ mi dge ba' rnams dang / sems rtse gcig tu ma bgyis pa ni ma gtogs lags so/ /bud med gang la la zhig bud med kyis lus kyi yongs su skyo nas skyes pa'i lus thob par 'tshal ba gang lags pa des thugs rje chen po'i sems kyi gzungs kyi tshig 'di 'don cing yongs su gzung bas gal te bud med kyi dngos po las yongs su gyur te/ skyes pa'i lus thob par ma gyur na bdag nam yang mngon par rdzogs par 'tshang rgya bar mi bgyi'o/ /the tshom gyi bsam pa cung zad cig bskyed par gyur na gdon mi 'tshal bar gang smon pa'i 'bras bu de mngon par 'grub par mi 'gyur lags so/ /sems can gang la la zhig dge 'dun gyi zhal zas dang dkor 'phrog cing chud gson pa gang lags pa de dag ni sangs rgyas stong 'jig rten du byung ba dag la 'gyod pas 'thol zhing bshags na yang 'byang zhing tshangs par mi 'gyur mod kyi/ 'on kyang thugs rje chen po'i rigs sngags 'di bton pa tsam gyis de dag yongs su 'byang bar 'gyur ba lags te/ dkon mchog gsum gyi zhal zas dang / dkon mchog gsum gyi dkor nor 'phrog cing chud gson pa de dag ni phyogs bcu'i ston pa rnams mngon sum du gyur pa'i spyan sngar bshags na gdod yongs su 'byang bar 'gyur lags la/ /thugs rje chen po'i gzungs 'di 'don pa'i tshe phyogs bcu'i ston pa rnams der gshegs nas dbang mdzad par 'gyur bas kha na ma tho ba'i sgrib pa de dag thams cad kyang yongs su 'byang bar 'gyur/ mi dge ba bcu dang / mtshams ma mchis pa lnga dang / gang zag dang la skur pa btab pa dang / chos la skur pa btab pa dang / </font><hr>99.299a<br><font size=+1>

gso sbyong bshig pa dang / tshul khrims bshigs pa dang / mchod rten bshig pa dang / gtsug lag khang bshigs pa thams cad dang / dge 'dun gyi dkor brkus pa dang / yongs su dag pa'i tshangs par spyod pa sun par bgyis pa 'di lta bu la sogs pa sdig pa'i las lci ba thams cad yongs su 'byang bar 'gyur lags so/ /rig sngags 'di la the tshom 'tshal ba'i dngos po gcig ni ma gtogs te/ the tshom 'tshal bar gyur na tha na kha na ma tho ba chung ngu'i las yang ba tsam yang yongs su 'byang bar mi 'gyur na kha na ma tho ba lci ba lta smos kyang ci 'tshal lags/ kha na ma tho ba lci ba dag yongs su 'byang bar mi 'gyur mod kyi/ 'on kyang byang chub kyi ring ba'i rgyu ni bgyid par 'gyur lags so/ /bcom ldan 'das la yang 'di skad ces gsol to/ /bcom ldan 'das lha dang mi gang la la zhig thugs rje chen po'i sems kyi rig sngags 'di 'don cing 'dzin pa de dag ni dge ba'i skye ba rnam pa bcwa lnga thob par 'gyur zhing gshis ngan du 'chi ba rnam pa bcwa lnga len par mi 'gyur lags so/ /gshis ngan du 'chi bar mi 'gyur ba de yang 'di lta ste/ gang zag de bkres pas nyon mongs te 'chi bar mi 'gyur ba dang / mtshon cha dang lcag dbyug gis 'chi bar mi 'gyur ba dang / mkhon mchis pa'i dgra'i sug par 'chi bar mi 'gyur ba dang / g.yul ngor 'chi bar mi 'gyur ba dang / stag dang spyang ki dang gcan zan ma rungs pa'i khar 'chi bar mi 'gyur ba dang / sbrul gdugs pa dang / rtsangs pa dang / sdig pa'i khar 'chi bar mi 'gyur ba dang / chab dang zhugs kyi nang du 'bying zhing tshig ste/ 'chi bar mi 'gyur ba dang / dug gis 'chi bar mi 'gyur ba dang / byad stems kyis 'chi ba'i dus bgyid par mi 'gyur ba dang / smyos nas dran pa nyams pa te 'chi bar mi 'gyur ba dang / ri dang / ljon shing dang / ngam grog dang / g.yang sa nas ltung te 'chi bar mi 'gyur ba dang / mi ma rungs pa'i byad kyis 'chi bar mi 'gyur ba dang / </font><hr>99.299b<br><font size=+1>

log pa'i 'dre gdon ma rungs pas glags rnyed de 'chi ba'i dus bgyid par mi 'gyur ba dang / nad dang ngan pas lus la dkris te 'chi ba'i dus bgyid par mi 'gyur ba dang / cha ma lags pas bdag nyid la gnod pa bgyis te 'chi ba'i dus bgyid par mi 'gyur ba dag lags te/ thugs rje chen po'i rigs sngags 'di 'don cing yongs su 'dzin par bgyid pa de dag ni gshis ngan du 'chi ba rnam pa bcwa lnga po 'di dag gis 'chi ba'i dus bgyid par mi 'gyur lags so/ /dge ba skye ba rnam pa bcwa lnga po thob par 'gyur ba 'di lta ste/ skye ba thams cad du rgyal po dge ba dang mjal bar 'gyur ba dang / rtag par yul dge bar skye bar 'gyur ba dang / rtag par dus bzang po dang mjal bar 'gyur ba dang / rtag par dge ba'i bshes gnyen dang mjal bar 'gyur ba dang / rtag par lus kyi dbang po tshang bar 'gyur ba dang / lam gyi sems la goms par 'gyur ba dang / sdom pa'i tshul khrims nyams par mi bgyid pa dang / 'khor rnams drin gyis 'dre zhing 'dum par 'gyur ba dang / 'tsho ba'i yo byad rnams rtag par 'byor cing ldan par 'gyur ba dang / rtag par gzhan gyis bkur zhing rim gro bgyid par 'gyur ba dang / yo byad bdog pa rnams gzhan gyis 'phrog par mi 'gyur ba dang / yid la smon pa rnams bsam pa bzhin du 'grub par 'gyur ba dang / lha dang klu dang dge ba rnams kyis rtag tu srung zhing yongs su skyob par 'gyur ba dang / skye ba thams cad du sangs rgyas mthong zhing chos thos par 'gyur ba dang / yang dag pa'i chos thos nas don zab mo rtogs par 'gyur ba dag lags te/ lha 'am mi gang la la zhig thugs rje chen po'i sems kyi gzungs 'di 'don cing yongs su 'dzin par bgyid pa gang lags pa de dag ni dge ba'i skye ba rnam pa bcwa lnga po 'di dag thob par par 'gyur bas lha dang mi thams cad kyis rtag par bton nas yongs su gzung bar bgyi ste le lo bskyed par mi bgyi'o/ /</font><hr>99.300a<br><font size=+1>

byang chub sems dpa' spyan ras gzigs dbang phyug gis de skad ces smras nas 'khor 'dus pa'i mdun du thal mo sbyar te drang por 'dug nas sems can rnams la snying rje chen po'i sems bskyed de/ 'dzums pa'i mdangs kyis thogs pa mi mnga' ba'i thugs rje chen po'i sems rgya cher yongs su rdzogs pa zhes bya ba'i gzungs kyi tshig gya nom pa 'di dag smras so/ /na mo rata na tra yA ya/ na ma Ar+yA ba lo ki ti shwa rA ya/ bo d+hi satwA ya ma hA sa twA ya/ ma hA kA ru Ni kA ya/ tad+ya thA/ o~M sarba ban d+ha na ts+tshe da na ka rA ya/ sarba b+hA ba sa mu dro tsho Sha/ Na ka rA ya/ sarba byA d+hi pra sha ma na ka rA ya/ sarba it+yu pa dra bi nA sha na ka rA ya/ sarba b+ha ye Shu tA ra NA ka rA ya/ ta s+ya/ na ma skr-i twA i da~M Ar+yA ba lo ki te shwa rA ya/ ta pa nI la kaN+Tha nA ma pa ra ma hri da ya/ mA bar+t+ta yi Sh+ya mi/ sarbA r+tha sA d+ha na~M/ shu b+ha tse tA na~M/ sarba b+hU tA nA~M/ pA pa mArga bi sho d+ha ka~M /tad+ya thA/ A lo ke /a d+hi pa ti/ lo ka a ti krAn te/ e h+ye hi/ ma hA bo d+hi sa twa/ he ma hA bo d+hi sa twa/ he pri ya bo d+hi sa twa/ he kA ru Ni ka ma hA sma ra hr-i da yan/ e h+ye hi/ Ar+yA ba lo ki te shwa rA ya/ pa ra ma me+e tri tsit+ta kA ru Ni ka ku ru ku ru/ karma sA d+ha ya/ bi d+yA na de hi de hi/ me a ra~M ga ma~M ga ma bi ha~M ka ma/ sid+d+ha yo gI shwa ra du hu du hu bIr+ya na ti ma hA bIr+yan te/ d+ha ra d+ha ra/ d+ha ren+d+re shwa ra/ tsa la tsa la bi ma la mUrte Ar+yA ba lo ki te shwa ra/ dzi na kr-iSh+Na dza TA/ mu ku Ta/ a la~M kri ta sha rI ra/ la~M ba pra la~M ba bi la~M ba/ ma hA sid+d+ha bid+yA d+ha ra/ ba la ba la ma hA ba la/ ma la ma la ma hA ma la/ tsa la tsa la ma hA tsa la/ kr-iSh+Na bar+Na kr-iSh+Na yak+Sha/ kr-iSh+Na pA sha /nir+g+hA ta na/ he pad+ma hasta/ tsa ra tsa ra ni sh+tsa re/ shwa ri kr-iSh+Na sa kri ta ya dz+nyo ba bI ta/ e h+ye hi ma hA bA rA ha mu kha tri pu ra da ha ne shwa ra/ nA rA ya Na ba la rU pa be Sha d+ha ra/ he nI la kaN+Tha/ e h+ye hi/ ma hA ha la ha la bi Sha nirdzA ta/ lo ka s+ya/ rA ga bi Sha bi nA sha na~M/ dwe Sha bi Sha bi nA sha na~M/ mo ha bi Sha bi nA sha na~M/ nirmo k+Shan hu lu hu lu/ </font><hr>99.300b<br><font size=+1>

muny+tsa muny+tsa/ mu hu mu hu/ rA hu la rA hu la/ hA lA hA lA hA re ma hA pad ma nA b+ha/ sa ra sa ra/ si ri si ri/ su ru su ru/ bud+d+h+ya bud+d+h+ya/ bo d+ha ya bo d+ha ya/ b+ho d+ha yA mi ta bi nI la kaN+Tha/ e h+ye hi nI la kaN+Tha/ e h+ye hi bA ma s+thi ta ma hA si~M ha mu kha/ ha sa ha sa/ muny+tsa muny+tsa ma hAT+TA/ hA s+ya/ e h+ye hi b+ho b+ho ma hA sid+d+ha yo gI shwa ra b+ha Na b+ha Na/ bA tsa sA d+ha ya sA d+ha ya/ bid+yA~M sma ra sma ra twa~M/ he b+ha ga ban tA lo ka bi lo ka s+t+wa~M/ ta thA ga tA nA~M/ da dA hi me dar+sha na kA ma sa dar+sha nA~M/ pra sA d+ha ya me swA hA/ sid+d+hA ya swA hA/ ma hA sid+d+hA ya swA hA/ sid+d+hA yo gI shwa rA ya swA hA/ nI la ka kaN+thA ya swA hA/ bA rA ha mu khA ya swA hA/ ma hA bA rA ha mu khA ya swA hA/ na ra si~M ha mu khA ya swA hA/ ma hA na ra si~M ha mu khA ya swA hA/ badzra ha stA ya swA hA/ ma hA badzra ha stA ya swA hA/ sid+d+hA bid+yA d+ha rA ya swA hA/ ma hA sid+d+hA bid+yA d+ha rA ya swA hA/ pad ma hastA ya swA hA/ ma hA pad ma hastA ya swA hA/ kr-iSh+Na sarba kr-i ta ya dz+nyo pa bI tA ya swA hA/ ma hA mA la mu ku Ta d+ha rA ya swA hA/ tsakrA yu d+ha rA ya swA hA/ sha~M kha shab+da ni r+N+NA da na kA rA ya swA hA/ bo d+ha~M k+Sha rA ya swA hA/ bA ma skan+d+ha de shas+thi ta kriSh+NA ra dzi nA ya swA hA/ bA ma hasta byA g+h+ra tsarma tsarma ni bA sa nA ya swA hA/ lo ke shwa rA ya swA hA/ ma hA lo ke rA swA sarba sing d+he shwa rA ya swA hA/ rak+Sha rak+Sha mA~M swA hA/ ku ru rak+Sha mu drA nA~M swA hA/ na mo b+ha ga ba te/ Ar+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ sid+h+yan+tu me man+t+ra pA dA ni swA hA/ byang chub sems dpa' sems dpa' chen po 'phags pa spyan ras gzigs dbang phyug gis rig sngags 'di smras ma thag tu sa chen po yang rnam pa drug tu rab tu g.yos par gyur/ lha rnams kyis kyang rin po che'i me tog gi char mngon par phab par gyur/ phyogs bcu'i sangs rgyas rnams kyis kyang rjes su thugs dgyes par gyur/ lha'i bu'i bdud dang mu stegs can rnams ni 'jigs shing dngangs nas spu zing zhes byed par gyur/ </font><hr>99.301a<br><font size=+1>

'khor 'dus pa mang po thams cad las kha cig gis ni rgyun tu zhugs pa'i 'bras bu thob par gyur/ kha cig gis ni lan cig phyir 'ong ba'i 'bras bu thob par gyur/ kha cig gis ni phyir mi 'ong ba'i 'bras bu thob par gyur/ kha cig gis ni dgra bcom pa'i 'bras bu thob par gyur/ kha cig gis ni sa dang po dang sa gnyis pa dang sa gsum pa dang sa bzhi pa dang sa lnga pa thob par gyur nas sa bcu pa'i bar du thob par gyur sems can tshad med pa snyed ni byang chub tu sems bskyed par gyur to/ /de nas tshangs pa chen po stan las langs te gos tshags bcos nas gus par thal mo sbyar te/ byang chub sems dpa' sems dpa' chen po spyan ras gzigs dbang phyug la 'di skad ces smras so/ /kye skyes bu chen po legs so/ /bdag gis sngon 'das pa'i dus na de bzhin gshegs pa'i 'dus pa tshad med pa snyed dag tu chos rnam pa sna tshogs dang / gzungs rnam pa sna tshogs thos par gyur mod kyi/ sngon chad nam yang thogs pa mi mnga' ba'i thugs rje chen po'i sems kyi gzungs chen mo'i rig sngags kyi tshig gya nom pa 'di lta bu thos par ma gyur na/ skyes bu chen po khyod kyis bdag la gzungs 'di'i dbyings kyi mtshan nyid rgya cher bshad du gsol/ bdag cag 'khor mang po rnams shin tu thos par mos so/ /byang chub sems dpa' spyan ras gzigs dbang phyug gis tshangs pa chen po la smras pa/ lha'i rgyal po khyod thabs mkhas pas sems can thams cad la phan gdags pa'i phyir de skad du dris pa yin pas/ deng khyod legs par nyon cig dang bdag gis khyod la mdo tsam zhig bshad par bya'o/ /byang chub sems dpa' spyan ras gzigs dbang phyug gis smras pa/ de ni snying rje chen po'i sems yin/ mnyam pa'i sems yin/ 'dus ma byas kyi sems yin/ mngon par zhen pa med pa'i sems yin/ stong pa nyid du lta ba'i sems yin/ gus pa'i sems yin/ dam pa'i sems yin/ </font><hr>99.301b<br><font size=+1>

'dres pa med pa'i sems yin/ bla na med pa'i byang chub kyi sems yin te/ de lta bu'i sems gang yin pa de dag ni gzungs kyi mtshan nyid yin par rig par bya ste/ khyod kyis 'di kho na bzhin du mngon par bsgrub par bya'o/ /tshangs pa'i rgyal po chen pos smras pa/ bdag cag 'khor mang po rnams ni deng gdod gzungs 'di'i mtshan nyid gang yin pa khong du chud par gyur pas deng phyin cad yongs su bzung nas brjed par bgyid pa'i thugs mi thub bo/ /'phags pa spyan ras gzigs dbang phyug gis smras pa/ rigs kyi bu 'am/ rigs kyi bu mo gang la la zhig rig sngags 'di 'don cing yongs su 'dzin pa gang yin pa des byang chub kyi sems rgya chen po bskyed nas/ sems can thams cad yongs su mya ngan las bzla bar yi dam yang dag par blang bar bya'o/ /bdag nyid gso sbyong dang tshul khrims la gnas nas sems can rnams la mnyam pa'i sems bskyed de/ rtag par rig sngags 'di rgyun chad pa med par gdon par bya'o/ /gnas khang gtsang ma'i nang du 'dug ste/ yongs su dag par khrus byas nas gos gtsang ma bgos te/ ba dan dpyangs mar me sbar te/ spos dang / me tog dang / zhal zas kyi mchod pa byas nas sems rtse gcig tu gtad de/ dmigs pa tha dad pa gzhan la mi dmigs par chos bzhin du 'don cing yongs su 'dzin par byed na/ de'i tshe byang chub sems dpa' nyi 'od dang / byang chub sems dpa' zla 'od lha dang / drang srong tshad med pa snyed dag der lhags nas dbang byed cing mngon rtags kyang ston par gyur la/ bdag kyang de'i tshe mig stong gis de la blta bar byed/ lag pa stong gis ni de la yongs su bsrung zhing byin gyis rlob par byed pas 'jig rten pa'i gtsug lag ji snyed pa de dag kyang yongs su 'dzin par 'gyur/ mu stegs can gyi chos kyi cho ga dang / smrang ji snyed pa thams cad kyang rtogs shing khong du chud par 'gyur ro/ /rig sngags 'di 'don cing yongs su 'dzin par byed pa gang yin pa des ni 'jig rten na gdon dang nad rnam pa</font><hr>99.302a<br><font size=+1>

brgyad khri bzhi stong yod pa dag gsos nas 'tsho bar byed do/ /'dre srin thams cad la dbang byed cing lha'i bu'i bdud rnams kyang 'dul bar byed/ mu stegs can rnams kyang tshar gcod par byed do/ /gal te ri 'am dgon pa na gnas te mdo sde kha ton du 'don pa dang bsam gtan sgom pa dang ri'i lha dang 'dre srin gnod pa byed pa dag nan gyis kyal ka byas nas sems mnyam par gzhag tu mi rung bar gyur na/ rig sngags 'di lan cig bzlas pa byas na 'dre srin de dag thams cad 'chi bar 'gyur ro/ /gal te chos bzhin du bzlas brjod byas te/ sems can rnams la snying brtse ba'i sems bskyed par gyur na bdag kyang de'i tshe dge ba'i lha dang / klu'i rgyal po thams cad dang / lag na rdo rje gsang ba pa rnams la rtags par de'i rjes su 'brang zhing yongs su srung ba gyis shig /de'i nye 'khor na gnas nas mig gi 'bras bu bzhin du yongs su bsrungs shig /rang gi srog gi dbang po bzhin du yongs su skyobs shig ces bsgo bar 'gyur ro/ /gang dag la bsgo bar byed pa bstan pa'i phyir tshigs su bcad de smras pa/ bdag gis gsang ba'i bdag po rdo rje 'chang / /bdud rtsi 'khyil ba sme brtsegs lcags kyu can/ /stobs ldan shang ka ra dang sde brgyad dag /btang nas rtag tu gzungs 'dzin bsrung bar byed/ /bdag gis dbang phyug dang ni mthu chen dang / /ku be ra dang ser skya'i bdag po dag /btang nas rtag tu gzungs 'dzin bsrung bar byed/ /bdag gis nor srung dang ni chu lha dang / /dge rgyas dang ni pa ri tsi tra dag /btang nas rtag tu gzungs 'dzin bsrung bar byed/ /bdag gis sa sar tsa dang ma hA ra/ /ku lan+tan+ta dang ni lngas rtsen dag /btang nas rtag tu gzung 'dzin bsrung bar byed/ /bdag gis pi pa ka la'i rgyal po dang / /dpal ldan byi ta dang ni sar swA rA/ /btang nas rtag tu gzungs 'dzin bsrung bar byed/ /bdag gis tshangs pa dang ni sam ba ra/ /gnas gtsang sde lnga dag dang mtshe ma dag /btang nas rtag tu gzungs 'dzin bsrung bar byed/ /</font><hr>99.302b<br><font size=+1>

bdag gis brgya byin sum bcu rtsa gsum lha/ /spobs chen dpal ldan dang ni sa ta na/ /btang nas rtag tu gzungs 'dzin bsrung bar byed/ /bdag gis rgyal po yul 'khor srung dang ni/ /ma mo lha la sogs pa mthu chen 'khor/ /btang nas rtag tu gzungs 'dzin bsrung bar byed/ /bdag gis rgyal po 'phags skyes po dang ni/ /mig mi bzang dang rnam thos bu dag kyang / /btang nas rtag tu gzung 'dzin bsrung bar byed/ /bdag gis gser mdog rma bya'i rgyal po dang / /sde dpon nyi shu brgyad dang drang srong 'khor/ /btang nas rtag tu gzungs 'dzin bsrung bar byed/ /bdag gis nor bu bzang po dag dang ni/ /sde dpon chen po sa 'dzin bu la pa/ /btang nas rtag tu gzungs 'dzin bsrung bar byed/ /bdag gis dga' bo dang ni bsnyen dga' bo/ /klu rgyal rgya mtsho dang ni e la'i 'dab/ /btang nas rtag tu gzungs 'dzin bsrung bar byed/ /bdag gis lha ma yin dang dri za dang / /namakha' lding mi 'am ci dang lto 'phye rnams/ /btang nas rtag tu gzungs 'dzin bsrung bar byed/ /bdag gis chu dang me dang glog gi lha/ /grul bum bdag po dang ni sha za dag /btang nas rtag tu gzungs 'dzin bsrung bar byed/ /dge ba'i lha de dag dang klu'i rgyal po dang ma mo la sogs pa de dag kyang so so nas 'khor lnga brgya dang bcas pa dang / mthu chen po dang ldan pa'i gnod sbyin dag gis kyang rtag par thugs rje chen po'i rig sngags 'don cing yongs su 'dzin pa de la yongs su bsrung zhing skyob par byed pas/ gang zag de ri dang dgon pa na gcig pu nyal bar gyur na yang dge ba'i lha de dag res kyi mtshan mos de la bsrungs nas bgegs dang bar chad yongs su sel bar byed do/ /gal te gcong rong dag tu gnas te lam stor bar gyur pa las rig sngags 'di bzlas par gyur na de'i dbang gis dge ba'i lha dang / klu'i rgyal po dag dge ba'i mi'i gzugs su mngon par sprul nas lam yang dag pa nyid ston par 'gyur ro/ /gal te ri dang nags tshal dang dgon pa dag tu gnas pa las</font><hr>99.303a<br><font size=+1>

chu dang me dag gis phongs par gyur na yang klu'i rgyal po dag gis yongs su bsrung ba'i phyir chu dang me dag mngon par sprul par 'gyur ro/ /byang chub sems dpa' spyan ras gzigs dbang phyug gis gzhan yang gzungs 'di 'don cing yongasu su 'dzin pa dag gi ched du gnod pa dang bgegs yongs su bsal ba'i phyir shin tu bsil ba'i tshigs su bcad pa 'di dag smras so/ /gang zhig ri dang 'brog dgon song ba las/ /stag dang spyang ki gcan zan gtum po dang / /rtsangs pa sbrul dang 'dre srin phrad gyur kyang / /gzungs 'di 'don pa thos na gnod mi nus/ /gang zhig chu bo rgya mtshor zhugs pa las/ /gdug pa'i klu dang chu srin ma rungs dang / /gnod sbyin srin po nya dang ru sbal dag /gzungs 'di thos na so sor 'byer bar 'gyur/ /gang zhig g.yul sprod dgra yis bskor ba 'am/ /chom rkun ma rungs nor ni 'phrog pa'i tshe/ /rtse gcig thugs rje chen po'i gzungs bzlas na/ /de dag brtse sems bskyed nas ldog par 'gyur/ /gang zhig rgyal po'i gyod la thogs pa dang / /lcags sgrog khong bsgril btson rar chud pa'i tshe/ /rtse gcig thugs rje chen po'i gzungs bzlas na/ /rgyal pos brtse sems kyis ni gtong bar 'gyur/ /gang zhig byed stems dug mda'i khyim zhugs te/ /zas skoms dug can gyis ni bsad pa'i tshe/ /rtse gcig thugs rje chen po'i gzungs bzlas na/ /dug nyid zil dang ra zas skom nyid du 'gyur/ /bud med sbrum ma bu ni btsa' ba'i tshe/ /bdud kyis bgegs byas sdug bsngal mi bzod tshe/ /rtse gcig thugs rje chen po'i gzungs bzlas na/ /'dre gdon byer nas bde bar btsa' bar 'gyur/ /klu gdon gtum pos gdug pa'i dbugs btang bas/ /tsha ba'i nad kyis nyen nas 'chir nye tshe/ /rtse gcig thugs rje chen po'i gzungs bzlas na/ /rims nad bsal nas tshe ni ring bar 'gyur/ /klu gdon rgyu bas gtses te skrangs pa dang / /shu 'bras mi bzad rnag khrag 'dzag pa'i tshe/ /rtse gcig thugs rje chen po'i gzungs bzlas nas/ /mchil ma lan</font><hr>99.303b<br><font size=+1>

gsum byugs pas skrangs pa zhi/ /sems can rtogs pas mi dge bskyed pas na/ /byad stems sngags dang dgras ni gtses pa'i tshe/ /rtse gcig thugs rje chen po'i gzungs bzlas na/ /stems gnod de kun gtong ba'i mi la 'du/ /sdig 'phel snyigs mas dam chos 'jig pa na/ /'dod pa'i me chen sems ni rmongs log pas/ /khyo shug so sor gzhan la 'dod zhen nas/ /nyin mtshan log bsam rgyun ni mi 'chad tshe/ /gang zhig thugs rje chen po'i gzungs bzlas na/ /'dod pa'i me zhi log pa'i sems bsal 'gyur/ /bdag gis gzungs 'di'i mthu stobs rgyas brjod na/ /bskal par brjod kyang mthar thug yong mi 'gyur/ /rig sngags 'di lan lnga bzlas te tshon sna lnga'i skud pa la mdud pa nyi shu rtsa bzhi mdud nas mgul du gdags par bya'o/ /gzungs 'di ni 'das pa'i de bzhin gshegs pa gang gA'i klung gi bye ba phrag dgu bcu rtsa dgu'i bye ma snyed kyis gsungs pa yin te/ de bzhin gshegs pa de dag gis rnal 'byor pa gang dag pha rol tu phyin pa drug mngon par bsgrub pa yongs su ma rdzogs pa dag yongs su rdzogs par bya ba'i phyir dang / byang chub tu sems ma bskyed pa dag myur du byang chub tu sems bskyed par bya ba'i phyir dang / nyan thos kyi gang zag gang dag 'bras bu mngon du ma byas pa de dag myur du mngon du bya ba'i phyir stong gsum gyi stong chen pa'i 'jig rten gyi khams na drang srong gang dag bla na med pa'i byang chub tu sems ma bskyed pa dag myur du sems bskyed par bya ba'i phyir dang / sems can gang dag theg pa chen po 'di la dad pa'i dbang po ma thob pa dag gzungs 'di'i byin gyi rlabs kyi mthus theg pa chen po'i sa bon dang chos kyi myu gu 'phel bar bya ba'i phyir gsungs pa yin pas bdag gis thabs mkhas pa dang / byams pa dang snying rje'i mthus de dag gis ci dang ci 'dod pa thams cad 'byor bar byed do/ /gzhan yang stong gsum gyi stong chen po'i 'jig rten gyi khams na mun pa mun nag gi gnas su ngan 'gro gsum po'i sems can ji snyed gnas pa dag bdag gi rig sngags</font><hr>99.304a<br><font size=+1>

'di thos par gyur na thams cad sdug bsngal dang bral bar 'gyur ro/ /byang chub sems dpa' gang dag sa dang po ma thob pa dag ni myur du thob par 'gyur la/ sa bcu pa'i bar du yang ma thob pa thob par 'gyur ro/ /gzhan yang sangs rgyas kyi sa'i bar du yang phyin par byed pa'i phyir mtshan sum bcu rtsa gnyis dang / dpe byad brgyad bcu yang rang gi ngang gis thob par 'gyur ro/ /gal te nyan thos kyi gang zag gang dag gzungs 'di rna bar lan cig thos par gyur tam/ gzungs 'di spyod cing yi ger bris sam/ dang po'i sems kyis chos bzhin du gnas par byed na/ dge sbyong gi 'bras bu bzhi po dag la btsal bar rang gi ngang gis thob par 'gyur ro/ /stong gsum gyi stong chen po'i 'jig rten gyi khams na ri dang / chu klung dang / brag dang / rgya mtsho chen po bzhi'i chu ji snyed pa dag kyang g.yo zhing khol bar nus so/ /ri rab lhun po nas ri khor yug gi bar dag kyang g.yo zhing rdul phran bzhin du 'jig par nus so/ /de na gnas pa'i sems can ji snyed pa dag kyang thams cad bla na med pa'i byang chub tu sems bskyed par nus so/ /sems can gang dag tshe 'di nyid la smon pa rnams mngon par 'grub par 'dod na zhag nyi shu rtsa gcig gi bar du gso sbyong dang / tshul khrims la gnas nas gzungs 'di bzlas brjod byas na gdon mi za bar smon pa rnams kyang mngon par 'grub par 'gyur/ 'khor ba'i mtha' nas 'khor ba'i mthar thug pa'i bar du yang sdig pa'i las thams cad ma lus par yongs su 'byang bar 'gyur ro/ /stong gsum gyi stong chen po'i 'jig rten gyi khams 'di'i nang dang phyi rol na sangs rgyas dang / byang chub sems dpa' ji snyed cig bzhugs pa rnams dang / tshangs pa dang / brgya byin dang / rgyal po chen po bzhi dang / lha dang drang srong dang / klu'i rgyal po ji snyed gnas pa thams cad kyis kyang mkhyen cing shes par 'gyur ro/ /lha 'am mi gang yang rung ste/ gzungs 'di 'don cing yongs su 'dzin pa de dag</font><hr>99.304b<br><font size=+1>

chu klung ngam/ rgya mtshor zhugs te khrus byas pa las de na gnas pa'i sems can de dag ni de dag gis lus bkrus pa'i chus lus la reg par gyur na/ sdig pa'i las dang kha na ma tho ba lci ba thams cad yongs su byang nas zhing yongs su dag pa dag tu pad ma las rdzus te skye bar 'gyur bas mngal dang / drod gsher dang / sgo nga las skye ba'i lus len par mi 'gyur na len pa dang / 'dzin pa dang / klog pa dang / kha ton du 'don pa lta smos kyang ci dgos/ gzungs 'di 'don cing yongs su 'dzin pa de dag lam du zhugs te 'gro ba'i tshe rlung chen po langs te/ gang zag de'i lus dang / spu dang / skra dang / gos la bus pa'i rlung gang yin pa de rdzi phyogs su song ba'i sems can gzhan gyi lus la reg par gyur na/ de dag gi sgrib pa dang sdig pa'i las lci ba thams cad ma lus par yongs su 'byang bar 'gyur bas yang ngan 'gro gsum po dag gi rnam par smin pa myong bar mi 'gyur zhing rtag par sangs rgyas kyi spyan sngar skye bar 'gyur bas na yongs su 'dzin pa de dag gis bsod nams dang 'bras bu rnam par smin pa ni bsam gyis mi khyab par rig par bya'o/ /gzungs 'di bzlas brjod byed pa'i kha nas ji tsam du tshig tu brjod par byung ba dge yang rung mi dge yang rung ste/ lha'i bu'i bdud dang / mu stegs can dang / lha dang / klu dang / 'dre srin thams cad kyis thos par gyur na de dag thams cad rnam par dag pa'i chos kyi dbyings nyid du 'gyur bas/ de la sangs rgyas ji lta ba bzhin du gus pa'i sems bskyed nas bkur sti dang / rim gro byed par 'gyur ro/ /gzungs 'di 'don cing yongs su 'dzin pa de dag ni sangs rgyas kyi sku'i gter nyid du rig par bya ste/ sangs rgyas gang gA'i klung bye ba phrag dgu bcu rtsa dgu'i bye ma snyed rnams kyis phangs shing gces par mdzad pa'i phyir ro/ /gang zag de ni 'od can gyi lus kyi gter yin par rig par bya ste/ de bzhin gshegs pa thams cad kyi 'od zer gyis snang bar</font><hr>99.305a<br><font size=+1>

mdzad pa'i phyir ro/ /gang zag de ni byams pa dang / snying rje'i gter yin par rig par bya ste/ 'di ltar gzungs kyis sems can yongs su skyob par byed pa'i phyir ro/ /gang zag de ni dam pa'i chos kyi sde snod yin par rig par bya bya ste/ gzungs kyi sgo thams cad kun bsdud par byed pa'i phyir ro/ /gang zag de ni bsam gtan dang / ting nge 'dzin gyi sde snod yin par rig par bya ste/ ting nge 'dzin brgya stong rnams rtag par mngon sum du 'gyur ba'i phyir ro/ /gang zag de ni nam mkha'i mdzod yin par rig par bya ste/ rtag par stong pa nyid kyi shes rab kyis sems can la blta ba'i phyir ro/ /gang zag de ni 'jigs pa med pa'i mdzod yin par rig par bya ste/ lha dang klu dang dge ba'i lha rnams rtag par yongs su bsrung ba'i phyir ro/ /gang zag de ni dam pa'i tshig gi mdzod yin par rig par bya ste/ kha nas gzungs kyi sgra 'byung ba la rgyun chad pa med pa'i phyir ro/ /gang zag de ni rtag par gnas pa'i gter yin par rig par bya ste/ 'jigs pa gsum gyi bskal pa dag gis gzhig par mi nus pa'i phyir ro/ /gang zag de ni rnam par grol ba'i mdzod yin par rig par bya ste/ lha'i bu'i bdud dang mu stegs can rnams kyis bshol bar mi nus pa'i phyir ro/ /gang zag de ni sman gyi rgyal po'i mdzod yin par rig par bya ste/ rtag par gzungs kyis sems can nad pa rnams kyi nad gso ba'i phyir ro/ /gang zag de ni rdzu 'phrul gyi gter yin par rig par bya ste/ sangs rgyas kyi zhing rnams su rgyu ba la rang dbang thob pa'i phyir ro/ /de bas na gang zag de'i yon tan gyi bsngags pa brjod na nams kyang mthar thug par mi 'gyur ro/ /rigs kyi bu gang la la zhig 'jig rten pa'i sdug bsngal gyis yongs su skyo nas tshe ring ba'i sman yongs su tshol bar 'dod pas dben pa'i gnas su 'dug nas mtshams yongs su dag par bcad de/ gos la sngags kyis btab nas bgo bar bya'o/ /chu dang zas dang spos dang sman rnams</font><hr>99.305b<br><font size=+1>

la lan brgya rtsa brgyad sngags kyis btab ste spyod par byed na gdon mi za bar tshe ring bar 'gyur ro/ /gal te chos bzhin du mtshams bcad de chos bzhin du yongs su 'dzin par byed na thams cad mngon par 'grub par 'gyur te/ de la mtshams bcad pa'i cho ga ni ral gri la lan nyi shu rtsa gcig sngags kyis btab ste/ sa la ri mo bris nas mtshams gcad par bya'o/ /yang na chu gtsang ma la lan nyi shu rtsa gcig sngags kyis btab nas phyogs bzhir gtor nas mtshams gcad par bya'o/ /yang na yungs dkar la lan nyi shu rtsa gcig sngags kyis btab ste phyogs bzhir gtor nas mtshams gcad par bya'o/ /yang na 'du shes kyis gang du phyin pa tshun chad mtshams su 'gyur ro/ /yang na thal ba gtsang ma la lan nyi shu rtsa gcig sngags kyis btab ste mtshams gcad par bya'o/ /yang na tshon sna lnga'i skud pa la lan nyi shu rtsa gcig sngags kyis btab ste phyogs bzhir bskor nas mtshams gcad par bya'o/ /de ltar chos bzhin du 'di yongs su 'dzin par gyur na rang gi ngang gis 'bras bu thob par 'gyur ro/ /gzungs 'di'i ming thos pa tsam gyis kyang bskal pa tshad med pa snyed kyi 'khor ba'i kha na ma tho ba'i lci ba rnams yongs su 'byang bar 'gyur na/ 'dod pa dang 'dzin pa lta smos kyang ci dgos/ rig sngags 'di 'don pa'i gang zag gang yin pa de dag ni sangs rgyas tshad med pa snyed la mchod cing rim gro byas nas dge ba'i rtsa ba rgya cher bskyed pa yin par rig par bya'o/ /gang dag sems can sdug bsngal gyi bgegs la yongs su 'dren pa'i ched du chos bzhin du 'don pa gang yin pa de dag ni snying rje chen po dang ldan pa yin pas ring por mi thogs par mngon par rdzogs par 'tshang rgya bar 'gyur bar rig par bya'o/ /ci tsam du sems can snang ngo cog gi ched du bzlas brjod byas te/ de dag gi rna lam du grags par byas nas byang chub kyi rgyur 'gyur bar byed na/ gang zag de dag yon tan tshad med dpag tu med dag 'thob par 'gyur bas brjod kyis mi lang ngo / /gang la la zhig sems rtse</font><hr>99.306a<br><font size=+1>

gcig tu sems dang lus gso sbyong dang tshul khrims la gnas nas sems can thams cad kyi sngon gyi las kyi kha na ma tho ba rnams bshags nas bdag nyid kyis bskal pa tshad med pa nas byas pa'i sdig pa'i las rnam pa sna tshogs 'thol bshags te/ kha nas gzungs 'di myur du bzlas brjod byas nas sgra rgyun chad pa med par byas na/ dge sbyong gi 'bras bu bzhi po de dag tshe 'di nyid la thob par 'gyur ro/ /dbang po rnon po shes rab dang ldan pa sgom pa'i thabs la mkhas pa zhig yin na ni sa bcu'i 'bras bu yang dka' ba med par 'gyur na/ 'jig rten gyi bsod nams kyis rnam par smin pa phran tshegs yongs su gnyer ba tsam mngon par 'grub par 'gyur ba lta smos kyang ci dgos te/ de yang byang chub sems dpa'i snying rje chen po dang smon lam gyi mthu shin tu zab pa'i phyir dang gzungs 'di'i byin gyi rlabs shin tu rgya che ba'i phyir ro/ /bcom ldan 'das kyis kun dga' bo la bka' stsal pa/ yul gang dag na gnod pa byung bar gyur na/ de'i tshe yul de'i rgyal pos yang dag pa'i chos kyis yul 'dzin cing / mi rnams bag yangs su bkod do/ /sems can stangs las mi gcod cing / nyes pa byung ba rnams yongs su bskyabs nas nyin mtshan bdun gyi bar du lus dang sems kyi brtson 'grus bskyed de/ thugs rje chen po'i sems kyi gzungs sngags 'di 'don par byed na/ yul de'i gnod pa dang bgegs thams cad yongs su bsal bar 'gyur/ 'bru rnams legs shing mi mang po bde bar 'gyur ro/ /gzhan yang phas kyi rgol ba'i dgra dag yang nas yang du 'ongs te gtses pas 'bangs mang po mi bde bar gyur tam blon po chen pos rku bshams nas log par gyur tam/ rims nad byung bar gyur tam/ than chen byung bar gyur tam/ nyi zla rgyu ba nor bar gyur tam de lta bu la sogs pa'i gnod pa 'byung bar 'gyur na/ de'i tshe snying rje chen po dang ldan pa'i mig stong pa'i gzugs byas nas de'i phyogs su kha bstan te/ spos dang / me tog dang / </font><hr>99.306b<br><font size=+1>

rgyal mtshan dang / ba dan dang / rin po che'i bla re rnam pa sna tshogs dang / ro brgya dang ldan pa'i zas dang skom gyis sems rtse gcig tu mchod par bya'o/ /gzhan yang rgyal po des nyin mtshan bdun gyi bar du lus dang sems ky-is brtson 'grus bskyed de/ gzungs kyi tsh-ig gya nom pa 'di 'don par byed na/ phas kyi dgra rnams rang dul bar gyur nas slar log ste so so nas tshul bzhin du yul skyong zhing yul yang 'dre bar gnas par byams pa'i sems kyis phan tshun gcig la gcig blta bar 'gyur/ rgyal bu dang blon po rnams kyang sri zhu dang drang dkan spyod par 'gyur/ btsun mo dang slas rnams kyang rgyal po la sri zhu dang bsnyen bkur byed par 'gyur/ lha dang klu dang 'dre srin rnams kyang yul de bsrung zhing skyong bar 'gyur/ char chu dus bzhin du 'bab cing 'bru rnams legs pas mi mang po rnams kyang rab tu dga' bar 'gyur ro/ /gzhan yang khyim du nad chen ma rungs pa dang phrad par gyur tam/ ltas ngan sna tshogs byung bar gyur tam/ 'dre srin dang log pa'i bdud rnams kyis khyim dkrugs par gyur tam/ mi ma rungs pa dag gis gleng skur btab nas rku bshams te gnod pa byas par gyur tam/ khyim mi che chung rnams phyi nang mi 'dum par gyur na/ snying rje chen po dang ldan pa'i mig stong pa'i gzugs byas pa'i mdun du dkyil 'khor byas nas sems rtse gcig tu byang chub sems dpa' spyan ras gzigs dbang phyug yid la byas nas gzungs sngags 'di lan stong tshang bar bzlas na/ gong du smos pa'i dngos po ngan pa de dag thams cad yongs su 'byang bar 'gyur ro/ /bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das rig sngags 'di'i ming ci lags/ ji ltar yongs su gzung bar bgyi/ bcom ldan 'das kyis bka' stsal pa/ kun dga' bo rig sngags 'di la ming rnam pa sna tshogs yod de/ rgya cher yongs su rdzogs pa zhes kyang bya'o/ /thogs pa med</font><hr>99.307a<br><font size=+1>

pa'i thugs rje chen po zhes kyang bya'o/ /sdug bsngal rnams las yongs su skyob pa'i gzungs zhes kyang bya'o/ /tshe bsring ba'i gzungs zhes kyang bya'o/ /ngan 'gro yongs su sbyong ba'i gzungs zhes kyang bya'o/ /las kyi sgrib pa rnam par 'joms pa'i gzungs zhes kyang bya'o/ /smon pa rnams yongs su rdzogs par byed pa'i gzungs zhes kyang bya'o/ /sems kyi rjes su rang dbang du gyur pa'i gzungs zhes kyang bya'o/ /sa gong ma rnams las myur du 'da' ba'i gzungs zhes kyang bya ste/ de ltar yongs su gzung bar bya'o/ /bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das byang chub sems dpa' sems dpa' chen po 'di'i ming ci lags na/ 'di lta bu'i gzungs bstan pa la mkhas par 'gyur lags/ bcom ldan 'das kyis bka' stsal pa/ byang chub sems dpa' 'di'i ming ni spyan ras gzigs dbang phyug ces kyang bya'o/ /don yod pa'i zhags pa zhes kyang bya'o/ /'od stong pa'i mig can zhes kyang bya ste/ rigs kyi bu byang chub sems dpa' spyan ras gzigs dbang phyug 'di'i ming dang gzi byin dang mthu stobs ni bsam gyis mi khyab ste/ 'das pa'i bskal pa tshad med pa'i snga rol nas mngon par rdzogs par sangs rgyas nas mtshan yang de bzhin gshegs pa yang dag pa'i chos kyi snang ba zhes bya bar gyur pa yin yang thugs rje chen po dang smon lam gyi mthus sems can bde bar bya ba'i phyir byang chub sems dpa'i lus mngon du bstan pa yin pas/ byang chub sems dpa' sems dpa' chen po'i 'khor mang po khyed dang tshangs pa dang / brgya byin dang / lha dang / klu rnams kyis gus pas bkur sti byas nas brnyas par mi bya'o/ /lha dang mi thams cad kyis rtag par mchod par byas te/ sems rtse gcig tu ming nas brjod par byed na bsod nams tshad med pa snyed 'thob par 'gyur/ kha na ma tho ba tshad med pa snyed yongs su 'byang bar 'gyur/ tshe 'das nas kyang de bzhin gshegs pa 'od dpag med kyi zhing khams su skye bar</font><hr>99.307b<br><font size=+1>

'gyur ro/ /bcom ldan 'das kyis bka' stsal pa/ kun dga' bo gal te rin po che sna tshogs phun sum tshogs shing phyug por 'gyur bar 'dod na yid bzhin gyi nor bu'i lag la mchod pa bya'o/ /mi bde ba rnam pa sna tshogs kyis gtses par gyur na zhags pa thogs pa'i lag la mchod do/ /khong par nad rnams yod par gyur na/ rin po che'i lhung bzed thogs pa'i lag la mchod do/ /'dre gdon thams cad gdul bar 'dod na rin po che'i ral gri thogs pa'i lag la mchod do/ /lha'i bu'i bdud thams cad 'dul bar 'dod na rdo rje thogs pa'i lag la mchod do/ /phas rgol ba'i dgra gzhom par 'dod na rdo rje tho ba thogs pa'i lag la mchod do/ /'jigs shing bag tsha ba'i gnas thams cad las thar bar 'dod na 'jigs pa med pa sbyin pa'i lag la mchod do/ /mig mi gsal te 'od dang mi ldan par gyur na me shel gyi nor bu thogs pa'i lag la mchod do/ /tsha ba'i rims kyis thebs te bsil bar 'dod na chu shel gyi nor bu thogs pa'i lag la mchod do/ /blo thabs mthon por 'dod na rin po che'i gzhu thogs pa'i lag la mchod do/ /grogs po mdza' bshes dang myur du phrad par 'dod na rin po che'i mda' thogs pa'i lag la mchod do/ /lus la nad sna tshogs kyis thebs par gyur na lcug ma thogs pa'i lag la mchod do/ /lus kyi bgegs ma rungs pa bsal bar 'dod na rnga yab dkar po thogs pa'i lag la mchod do/ /thams cad mthun pa'i 'khor du gyur bar 'dod na bum pa pa thogs pa'i lag la mchod do/ /stag dang phar spyang dang dom dred dang gcan zan ma rungs pa thams cad spong bar 'dod na phub thogs pa'i lag la mchod do/ /gnas dang dus thams cad du rgyal po'i bgegs las thar bar 'dod na dgra sta thogs pa'i lag la mchod do/ /bu dang bu mo dang g.yog 'khor gyi phyir ni shel gyi gdub 'khor thogs pa'i lag la mchod do/ /yon tan rnam pa sna tshogs kyi phyir ni pad mo dkar po thogs pa'i lag la</font><hr>99.308a<br><font size=+1>

mchod do/ /phyogs bcu'i zhing yongs su dag pa dag tu skye bar 'dod na pad mo sngon po thogs pa'i lag la mchod do/ /shes rab chen po dang ldan par 'dod na rin po che'i me long thogs pa'i lag la mchod do/ /phyogs bcu'i de bzhin gshegs pa rnams mngon sum du mthong bar 'dod na pad ma dmar po thogs pa'i lag la mchod do/ /sa'i gter 'byin par 'dod na rin po che'i za ma tog thogs pa'i lag la mchod do/ /drang srong gi lam mngon par 'grub par 'dod na sprin sna lnga thogs pa'i lag la mchod do/ /tshangs par skye bar 'dod na ril ba thogs pa'i lag la mchod do/ /lha'i gzhal med khang du skye bar 'dod na pad ma le brgan thogs pa'i lag la mchod do/ /phyogs gzhan gyi dgra phyir rgol ba bsal bar 'dod na ral gri dang mdung thogs pa'i lag la mchod do/ /dge ba'i lha 'dre thams cad dgug par 'dod na rin po che'i dung thogs pa'i lag la mchod do/ /lha 'dre thams cad 'khol bar 'dod na thod pa'i 'khar ba thogs pa'i lag la mchod do/ /phyogs bcu'i sangs rgyas myur du gshegs nas phyag gis byug par 'dod na bgrang phreng 'dzin pa'i lag la mchod do/ /tshangs pa'i sgra dbyangs mchog dam pa thams cad mngon par 'grub par 'dod na rin po che'i dril bu thogs pa'i lag la mchod do/ /tshig gis spobs pa gya nom pa dang ldan par 'dod na rin po che'i phyag rgya thogs pa'i lag la mchod do/ /dge ba'i lha dang klu rnams rtag par 'ongs te bsrung zhing yongs su skyob par 'dod na lcags kyu thogs pa'i lag la mchod do/ /byams pa dang snying rjes sems can thams cad yongs su skyob par 'dod na mkhar sil thogs pa'i lag la mchod do/ /sems can thams cad kyis rtag par phan tshun gus pas bsnyen bkur byed cing brtse bar sems par 'dod na thal mo sbyar ba'i lag la mchod do/ /skye ba'i skye gnas thams cad du de bzhin gshegs pa rnams dang mi 'brel bar 'dod na sprul</font><hr>99.308b<br><font size=+1>

pa'i sangs rgyas thogs pa'i lag la mchod do/ /skye ba'i tshe rabs thams cad du rtag par de bzhin gshegs pa'i pho brang du gnas nas mngal gyi snying por skye bar mi 'gyur bar 'dod na sprul pa'i gzhal med khang thogs pa'i lag la mchod do/ /mang du thos pa'i shes pa rgya chen po dang ldan par 'dod na rin po che'i mdo sde'i glegs bam thogs pa'i lag la mchod do/ /da ltar gyi lus 'di nas sangs rgyas kyi sku la thug pa'i bar du rtag par byang chub kyi sems las ldog par mi 'gyur bar 'dod na phyir mi ldog pa'i gser gyi 'khor lo thogs pa'i lag la mchod do/ /phyogs bcu'i de bzhin gshegs pa rnams myur du gshegs nas spyi bo nas phyag gis byugs te lung bstan par 'dod na spyi bo na sprul pa'i sangs rgyas thogs pa'i lag la mchod do/ /shing thog dang 'bru rnams grub par 'dod na dgun 'bruM thogs pa'i lag la mchod do/ /de ltar mngon par sgrub pa'i cho ga stong yod kyang deng mdor bsdus nas mdo tsam zhig bstan pa yin no/ /bcom ldan 'das kyis bka' stsal pa/ kun dga' bo khyod kyis shin tu yongs su dad pa'i sems kyis gzungs 'di zung la 'dzam bu'i gling du rgya cher yongs su spel nas rgyun mi 'chad par bya'o/ /gzungs 'di khams gsum gyi sems can nad kyis nyon mongs pa thams cad la rgya cher phan 'dogs par byed pas gzungs 'dis yongs su gsos na mi 'tsho ba' gang yang med do/ /rig sngags chen mo 'dis shing skam po la btab na yang yal ga dang lo ma dang / me tog dang 'bras bu skye bar 'gyur na rnam par shes pa dang bcas pa'i sems can la lta smos kyang ci dgos te/ sems can nad kyis thebs pa rnams gsos na mi 'tsho ba'i gnas nges par med do/ /rigs kyi bu gzungs 'di'i byin gyi rlabs dang mthu bsam gyis mi khyab pas bsam gyis mi khyab pa'i bsngags pa brjod kyang mthar thug</font><hr>99.309a<br><font size=+1>

par mi 'gyur ro/ /sngon 'das pa'i dus yun ring po nas dge ba'i rtsa ba rgya cher bskyed pa ma yin na tha na 'di'i ming tsam yang thos par mi 'gyur na mngon sum du mthong ba lta smos kyang ci dgos/ lha dang mi dang klu la sogs pa'i 'khor mang po khyed rnams ngas gzungs 'di'i bsngags pa brjod pa thos nas thams cad kyis rjes su yi rang bar bya'o/ /gang la la zhig gis rig sngags 'di la skur pa btab par gyur na gang gA'i klung bye ba phrag dgu bcu rtsa dgu'i bye ma snyed kyi sangs rgyas de dag la skur ba btab par 'gyur ro/ /gal te gzungs 'di la the tshom dang yid mi ches pa skyes par gyur na gang zag de ni phan yon chen po dang gtan du 'bral bar 'gyur pas bskal pa brgya stong snyed du ngan 'gror 'khor zhing 'byung ba'i dus med de/ rtag par sangs rgyas kyang mi mthong / chos kyang mi thos/ dge 'dun yang mthong bar mi 'gyur bar rig par bya'o/ /'khor der 'dus pa'i byang chub sems dpa' sems dpa' chen po de dag dang / gsang ba'i bdag po lag na rdo rje dang / tshangs pa dang / brgya byin dang / rgyal po chen po bzhi dang / lha dang / klu dang / 'dre srin thams cad bcom ldan 'das kyis gzungs 'di'i bsngags pa brjod pa thos nas thams cad kyi rab tu dga' zhing mgu bas bka' yang dag par blangs nas mngon par sgrub par gyur to/ /de nas byang chub sems dpa' nyi 'od kyis thugs rje chen po'i gzungs 'dzin pa dag yongs su bsrung ba'i ched du rig sngags chen po 'di smras so/ /na mo bud d+ha gu ra be/ na mo d+harma ma hA te/ na maHsang g+ha tra yA Ni tri pu pi sA ta tam na maH/ rig sngags 'di bton na kha na ma tho ba thams cad yongs su 'byang bar 'gyur/ bdud spong bar byed/ bgegs rnams sel bar 'gyur bas lan re bton nas sangs rgyas la phyag lan re bya'o/ /</font><hr>99.309b<br><font size=+1>

de bzhin du nyin re bzhin dus gsum du rig sngags bzlas nas sangs rgyas la phyag byas na ma 'ongs pa'i dus na skye ba thams cad du yid du 'ong ba'i mtshan shin tu mdzes pa re re'i 'bras bu rnam par smin pa thob par 'gyur ro/ /byang chub sems dpa' zla 'od kyis kyang rnal 'byor pa dag yongs su bsrung ba'i phyir gzungs 'di smras so/ /sin ti te du soSh+Ta/ adz+nyA mi te atuSh+Ta/ si ni khi ta ba li tiSh+Ta/ ya mi dz+nyA ta o d+huSh+Ta/ ku la ti maSh+Ta khiSh+Ta swA hA/ rig sngags 'di lan lnga bzlas nas tshon sna lnga'i skud pa la sngags mdud byas te gang du na bar gdags par bya'o/ /rig sngags 'di ni 'das pa'i sangs rgyas gang gA'i klung bzhi bcu'i bye ma snyed kyis gsungs pa yin pas deng bdag gis kyang rnal 'byor pa dag yongs su bsrung ba'i phyir dang / bgegs thams cad yongs su bsal ba'i phyir dang / nad ma rungs pa thams cad yongs su bsal ba'i phyir dang / dge ba'i chos thams cad yongs su rdzogs par bya ba'i phyir dang / 'jigs shing skrags pa thams cad yongs su spang ba'i phyir bstan pa yin no/ /bcom ldan 'das kyis bka' stsal pa/ kun dga' bo byang chub sems dpa' spyan ras gzigs dbang phyug gis bstan pa'i rig sngags 'di ni yang dag par bden te mi bden pa ci yang med do/ /byang chub sems dpa' 'di drung du 'ong bar 'dod na gu gul la lan nyi shu rtsa gcig sngags kyis btab ste bsregs na byang chub sems dpa' 'ong bar 'gyur ro/ /gang la la zhig byi la'i gdon gyis zin par gyur na byi la'i mgo rus bsregs pa'i thal ba sa gtsang ma dang bsres te/ 'jim pa la byi la'i gzugs byas nas mig stong pa'i gzugs kyi mdun du ur mo'i gri gtsang ma la brgya rtsa brgyad sngags kyis btab ste/ dum bu brgya rtsa brgyad du bcad nas sngags lan re gdon cing de'i ming nas lan re brjod na gtan du 'tsho bar 'gyur ro/ /byad stems</font><hr>99.310a<br><font size=+1>

kyis phog par gyur na gu gul dang ga pur cha mnyam par byas te/ khron pa'i chu gtsang ma bre gang dang bsres nas bskol te phul gang tsam lus pa blangs nas/ mig stong pa'i gzugs kyi mdun du lan brgya rtsa brgyad sngags kyis btab ste 'thungs na 'tsho bar 'gyur ro/ /gal te sdig pa dang sbrul gyis zin par gyur na bca' lga'i phye ma la lan bdun sngags kyis btab ste rma khar bskus na 'phral du 'tsho bar 'gyur ro/ /gal te mi ma rungs pa dag gis rku bshams nas gnod pa byas par gyur na sa gtsang ma 'am bag zan nam/ spra tshil la pha rol po'i gzugs byas te mig stong pa'i gzugs kyi mdun du ur mo'i gri la lan brgya rtsa brgyad sngags kyis btab nas sngags lan re brjod de lan re gtubs nas pha rol gyi ming nas brjod de/ bsregs zin nas dum bu brgya rtsa brgyad du byas na pha rol po dga' zhing nam 'tsho ba'i bar du gus pas bkur zhing byams par 'gyur ro/ /gang dag mig nad kyis btab ste/ mig gi 'bras bu nyams par gyur tam/ ldongs par gyur tam/ mi gsal bar gyur tam/ ling tog dkar po dang dmar po dag gis khebs te 'od dang mi ldan par gyur na/ a ru ra dang / ba ru ra dang / skyu ru ra 'bru ma re zhib tu btags te/ 'thag pa'i tshe gtsang sbra bya dgos pas bud med gsar du bu btsas pa dang / khyi dang phag rnams bsnyen par mi bya'o/ /de bzhin gshegs pa'i mtshan nas brjod de/ sbrang rtsi dkar po dang / mi'i 'o ma dang /  sbyar nas mig la bsku bar bya'o/ /'o ma de yang bu khyi'u btsas pa'i nu zho rung gi bu mo btsas pa'i nu zho mi rung ngo / /sman de sbyar zin nas kyang mig stong pa'i gzugs kyi mdun du lan stong rtsa brgyad sngags kyis btab ste/ mig la bskus nas zhag bdun gyi bar du khang pa dben par rlung bsrungs na mig gi 'bras bu skye bar 'gyur bas ling tog sngon po dang dkar po bsal te gsal ba rgyas par 'gyur ro/ /gang dag gdon rnams kyis btab ste myos par gyur na stag dang / </font><hr>99.310b<br><font size=+1>

'phar ba dang spyang ki'-i lpags pa lan nyi shu rtsa gcig sngags kyis btab te lus la bgos na sos par 'gyur ro/ /gal te sbrul gyis zin par gyur na gang zin pa'i me de'i rna spabs blangs nas lan nyi shu rtsa gcig sngags kyis btab ste rma khar glan na sos par 'gyur ro/ /gzer thabs ma rungs pas snying la gzer te 'chi la thug na ka pyi ta lag pa tsam chu gtsang ma phul gang dang sbyar te/ bskol nas phul phyed lus pa la lan bdun sngags kyis btab ste cig car blud na sos par 'gyur ro/ /sman de yang bud med kyi drung du bskol bar mi bya'o/ /ro langs kyi gdon gyis btab nas rgyun rings su na bar gyur na gu gul la lan nyi shu rtsa gcig sngags kyis btab ste bsregs te snar bdug par bya'o/ /yang na ri bong gi rtug pa'i ri lu bdun blangs te lan nyi shu rtsa gcig sngags kyis btab nas mid du bcug na sos par 'gyur te/ sha dang / chang dang / dku ba rnam pa lnga dang / tshig ngan pa rnams bsrungs dgos so/ /yang na ba bla dang / yungs kar dang lan tsha la lan nyi shu rtsa gcig sngags kyis btab ste nad pa'i khri'i drung du bsregs na gdon de'i lus 'jig par 'gyur bas 'dug pa'i thugs mi thub ste 'byer bar 'gyur ro/ /gal te gzhogs phyed na zhing rna ba dang sna subs par gyur tam/ rka lag sdud mi nus par gyur na ru sta til mar gyi nang du bskol te lan nyi shu rtsa gcig sngags kyis btab nas lus la bskus na gtan tu 'tsho bar 'gyur ro/ /yang na ba'i mar la lan nyi shu rtsa gcig sngags kyis btab ste lus la bskus na yang sos par 'gyur ro/ /gal te bu btsa' dka' bar gyur na til mar la lan nyi shu rtsa gcig sngags kyis btab te bud med sbrum ma'i lte ba dang mo mtshan la bskus na myur du btsal bar 'gyur ro/ /bud med sbrum ma gang dag mngal du bu shi bar gyur na 'gi'u si srang gcig chu phul do'i nang du bskos te phul gang la lus pa la lan nyi shu rtsa gcig sngags kyis</font><hr>99.311a<br><font size=+1>

btab nas blud na/ sdug bsngal zhing na ba med par 'byung bar 'gyur ro/ /sham 'byung du mi btub par gyur na yang sman 'di 'thungs na phan par 'gyur ro/ /glo bur du snying ga gzer te mi bzod par gyur na de ni ro nyul gyi gzer thabs shes bya ba yin pas kun tu ru dang pog dkar po ma grugs pa la lan nyi shu rtsa gcig sngags kyis btab ste/ ci tsam 'byor ba byin nas glon du bcug na 'tsho bar 'gyur ro/ /sha chang dang / bsku ba rnam pa lnga bsrung dgos so/ /mes tshig par gyur na ba lang gi lci ba dron mo la lan nyi shu rtsa gcig sngags kyis btab ste rma khar bskus na 'tsho bar 'gyur ro/ /srin bu khong par zhugs te na bar gyur na rta dkar po'i gcin phul phyed la lan nyi shu rtsa gcig sngags kyis btab ste blud na 'tsho bar 'gyur ro/ /tshabs che ba la phul gang blud na srin bu thag pa gcus pa bzhin du rang 'byung bar 'gyur ro/ /shu chen byung ba la leng se'u hwa brdungs pa'i khu ba la lan nyi shu rtsa gcig sngags kyis btab ste shu ba'i steng du blugs na rtsa ba rang 'byung bar 'gyur bas mod la 'tsho bar 'gyur ro/ /mig tu sbrang ma zhugs te na bar gyur na bong bu'i rtug pa btsir ba'i khu ba la lan nyi shu rtsa gcig sngags kyis btab ste mtshan mo mig tu blugs na 'tsho bar 'gyur ro/ /lto na bar gyur na khron pa'i chu gtsang ma'i nang du lan tshwa ma grugs pa 'brum bu nyi shu rtsa gcig bor te/ lan nyi shu rtsa gcig sngags kyis btab nas phul phyed 'thungs na phan par 'gyur ro/ /mig tshag por gyur tam/ mig tu sha lhag byung bar gyur tam/ ling tog byung bar gyur na ke'u khe tshe'i shing gi lo ma brdungs te btsir ba'i khu ba la lan bdun sngags kyis btab ste/ de'i nang du khar ba'i dong tshe gcig mtshan gcig sbangs nas yang lan bdun sngags kyis btab ste/ mig tu blugs na 'tsho bar 'gyur ro/ /gal te mtshan mo 'byung 'jug gi tshe 'jigs dngas nas mi bde bar gyur na skud pa dkar po la lan nyi shu rtsa gcig</font><hr>99.311b<br><font size=+1>

sngags kyis btab te/ mdud pa nyi shu rtsa gcig byas nas mgul tu btags na 'jigs shing dngang ba dang 'bral bar 'gyur ro/ /'jigs pa dang bral ba kho nar ma zad kyi bsod nams kyang thob la sdig pa rnams kyang 'byang bar 'gyur ro/ /gal te khyim 'khor du ltas ngan byung bar gyur na bal po'i se'u'i shing gi yal ga blangs nas dum bu stong rtsa brgyad du gtubs te/ mgo 'jug gnyis gar mar dang zho bskus nas sngags lan re bzla zhing re re bsregs te stong rtsa brgyad tshang bar byas na gdon bgegs thams cad rab tu zhi bar 'gyur te/ de yang sangs rgyas kyi spyan sngar bya dgos so/ /shu dag dkar po blangs nas lan brgya rtsa brgyad sngags kyis btab ste/ dpung pa g.yas pa la btags nas g.yul ngor 'thab pa dang 'bel ba'i gtam smra ba'i gnas thams cad du rgyal bar 'gyur ro/ /ke'u khi tshe'i shing gi lo ma 'am yal ga yang rung ste dum bur gtubs nas mgo 'jug gnyis gar ba mar yang dag pa dang / sbrang rtsi dkar po dang ba zho bskus te sngags lan re bzla zhing dum bu re re bsreg pa stong rtsa brgyad tshang bar bya'o/ /nyin gcig la dus gsum du bya zhing dus gcig la yang lan stong rtsa brgyad bzlas te zhag bdun tshang bar gyur na sngags mkhan de rang gis mngon par shes pa thob par 'gyur ro/ /gdon mthu bo che gdul bar 'dod na lung btang la lan bzhi bcu rtsa dgu sngags kyis btab ste/ rams dang sbrang rtsi bskus nas 'phags pa snying rje chen po dang ldan pa'i gzugs byas pa'i mdun du bsregs par bya'o/ /'gi'u bang srang gcig be+e DUr+ya'i bum pa'i nang du bcug ste/ 'phags pa snying rje chen po dang ldan pa'i gzugs byas pa'i mdun du gzhag nas sngags lan stong rtsa brgyad kyis btab ste/ lus la bskus sam dpral bar thig le byas na/ lha dang / klu dang / 'dre srin dang mi dang mi ma yin pa thams cad rab tu</font><hr>99.312a<br><font size=+1>

dga' bar 'gyur ro/ /gal te la la zhig btson rar chud par gyur na phug ron dkar po'i rtug pa la lan brgya rtsa brgyad sngags kyis btab ste/ lag pa la bskus nas btson cha la byugs na btson ca rang grol bar 'gyur ro/ /gal te khyo shugs chu dang me bzhin du mi 'dum par 'gyur na bya dur pa'i 'jug ma blangs te/ 'phags pa snying rje chen po dang ldan pa'i gzugs byas pa'i mdun du sngags lan stong rtsa brgyad kyis btab nas lus la btags na/ de dag nam 'tsho ba'i bar du gcig la gcig dga' zhing byams pa dang bkur bar 'gyur ro/ /lo tog dang 'bras bu rnams la srin bu zhugs te za bar gyur na sa 'am thal ba 'am bye ma gtsang ma blangs te/ lan stong rtsa brgyad sngags kyis btab nas zhing gi phyogs bzhir gtor na srin bu rnams 'gyes par 'gyur ro/ /chu gtsang ma la sngags kyis btab ste/ 'bras bu'i ljon shing la gtor na srin bu 'bras bu la za ba'i thugs mi thub bo/ /na mo rat+na tra yA ya/ sha ra ma hA sha ra/ tu lu tu lu ma hA tu lu/ o~M ku me ha ni sha pa/ bcom ldan 'das kyis bka' stsal pa/ gang la la zhig 'bru dkon pa'i gnas su phyin te/ mu ge byung nas zan chad par gyur na khyed kyis mig btsums nas lus drang por bsrang ste/ sems rtse gcig tu gzungs 'di lan brgya rtsa brgyad bzlas nas mig phye shig dang / lha rnams kyis lha'i zhal zas ro brgya dang ldan pa snod bkang nas khyer te 'ong bar 'gyur ro/ /gal te khyim na gnas pa'i tshe dgos par gyur na snod gtsang ma stong pa mdun du gzhag nas mig btsums te kha chus bkang nas lcang ma'i lcug ma dang rnga yab dang lhung bzed la gtor bar bya'o/ /chus gtor zin nas mig btsums te gzungs 'di lan bzhi bcu rtsa dgu bzlas na rang gi ngang gis ro brgya dang ldan pa'i zas snod kun gang ba 'byung bar 'gyur bas blangs nas zhag bdun gyi bar du bca' bar bya ste/ de ltar na 'di'i mthu stobs</font><hr>99.312b<br><font size=+1>

ni bsam gyis mi khyab par rig par bya'o/ /zas zos nas mig btsums te sa ra kha zhes brjod nas zas kyi lhag ma yang spang bar bya'o/ /zas zos te ltor mid nas kyang myur du 'ju bar 'gyur bas stobs dang ldan zhing bde ba 'thob par 'gyur/ thogs pa med pa'i spobs pa 'thob par 'gyur ro/ /kun dga' bo thos pa 'dzin par 'gyur ba'i gzugs ni 'di yin te/ na mo bud+d+ha ya/ na mo d+harmA ya/ na maHsang g+hA ya/ na mo A dan+ni ye/ u ka tsi du u ka tsi du/ ma ti la li/ la lu te na mi ti na mi swA hA/ gzungs 'di 'dzin pas phyogs bzhi nas rgyun chad pa'i ri'i rtse mor dkyil 'khor byas nas mtshams bcad de lus bsrungs nas 'khar ba'i lhung bzed chung ngu cig khron pa'i chu gtsang mas bkang ste/ mdun du gzhag nas gzungs sngags bzlas na gdon mi za bar skar ma gsal ba gcig 'ong bar 'gyur bas 'ong ba'i tshe 'jigs pa mi bskyed par sems bde bar mnyam par gzhag nas sems rtse gcig tu gzungs sngags 'don par byed na/ dbang po rno zhing shes rab dang ldan par 'gyur bas mi shes pa ci yang med par 'gyur/ 'jig rten pa'i lam gyi chos kyang mi rtogs pa ci yang med par 'gyur ro/ /thos pa rgyud pa'i tshe skar ma mchog tu gsal ba cig lhung bzed kyi chu'i nang du 'ong bar 'du shes bskyed par bya'o/ /byang chub sems dpa' spyan ras gzigs dbang phyug thogs pa mi mnga' ba'i thugs rje chen po rgya cher yongs su rdzogs pa'i gzungs// // bam po gnyis pa/ de nas byang chub sems dpa' sems dpa' chen po spyan ras gzigs dbang phyug gus pas thal mo sbyar te/ bcom ldan 'das la 'di skad ces gsol to/ /bcom ldan 'das bdag ni sngon bsam gyis mi khyab pa'i bsod nams bsags pa'i rgyu dang rkyen gyis/ deng bcom ldan 'das kyis bdag la lung bstan par mdzad pa yang / </font><hr>99.313a<br><font size=+1>

bdag snying rje chen po bskyed nas sems can thams cad la sman par bgyi ba dang / bcing ba mtha' dag gcad pa dang / 'jigs pa thams cad zhi bar 'gyur bar bzhed pa lags pas deng bdag gis yum zhes bgyi ba'i gzungs bshad par 'tshal te/ dus tha ma'i sems can rnams yum zhes bgyi ba'i gzungs 'di thos pa'i byin gyi rlabs kyis mthus de dag thams cad sdug bsngal gyi rgyu dang bral ba nas bde ba'i 'bras bu thob par 'gyur lags so/ /bcom ldan 'das dus lnga brgya'i tha ma la yul lam/ grong ngam/ grong khyer ram/ grong rdal gang yang rung ba dag tu dge slong ngam/ dge slong ma 'am/ rigs kyi bu 'am/ rigs kyi bu mo la sogs pas rtag par gdugs mtshan lan drug tu chos bzhin du yum zhes bgyi ba'i gzungs sngags kyi chos kyi rnam grangs 'di klog cing 'don pa dang / yongs su 'dzin par bgyid na/ bdag de bzhin gshegs pa'i bka' drin rjes su dran zhing gzo ba'i slad du rtag par rjes su 'brangs nas gang zag de dag yongs su srung bar bgyid cing spong bar mi bgyid pas 'dre srin thams cad kyis gnod par bgyid par mi 'gyur lags so/ /gzhan yang tshe rabs kyi sgrib pa lci ba thams cad kyang dus gcig tu yongs su 'byang bar 'gyur/ gzungs sngags kyi dkyil 'khor dang / phyag rgya'i chos kyi sgo thams cad kyang myur du yongs su rdzogs par 'gyur lags so/ /bcom ldan 'das la yang 'di skad ces gsol to/ /bcom ldan 'das slad ma'i dus lnga brgya tha ma'i sems can rnams ni phal cher sdig pa'i dri ma lhun stug cing bsod nams chung bas yongs su 'dzin par bgyid pa zhig mchis na yang 'dre srin dag gis gnod pa bgyid pas/ deng bdag bcom ldan 'das kyis byin gyi rlabs kyis sems can rnams la rgya cher sman par bgyi ba dang / sems can rnams la bde bar bgyid pa dang / lha dang lha ma yin la sogs pa'i ched du gzungs kyi chos bshad par 'tshal</font><hr>99.313b<br><font size=+1>

te/ bdag gis sngon 'das pa'i bskal pa tshad ma mchis pa snyed kyi bar du gzungs kyi chos 'di la bsten cing mchod pa bgyis lags so/ /'das pa dang / ma byon pa dang / da ltar bzhugs pa'i sangs rgyas rnams kyi bar dag kyang yum zhes bgyi ba'i gzungs kyi chos kyi rnam grangs 'di'i rgyus bla na med pa yang dag par rdzogs pa'i byang chub mngon par brnyes pa lags pas/ rigs kyi bu 'am/ rigs kyi bu mo gang la la zhig sems rtse gcig tu yum zhes bgyi ba'i gzungs kyi chos kyi rnam grangs 'di 'don cing klog pa dang / yongs su 'dzin par bgyid na de dag tshe 'di nyid la tshig gi spobs pa myur zhing thogs pa ma mchis pa dang / shes rab dang spobs pa mngon par rtogs par 'gyur bas/ lha dang / mi'i 'khor mang po'i nang na mchog tu 'gyur/ gang dag thos pa rnams kyang rab tu dga' zhing thams cad kyis spyi bo btud de phyag bgyid par 'gyur/ skye ba thams cad du sangs rgyas dang / chos dang / dge 'dun mthong bar 'gyur gang ci smras kyang rung ste/ thams cad kyis yid ches pas nyan par 'gyur lags te/ de dag thams cad kyang sangs rgyas bcom ldan 'das rnams kyi byin gyis rlabs kyi mthu lags te/ rang nyid kyi mthu ni ma lags so/ /de nas bcom ldan 'das kyis byang chub sems dpa' spyan ras gzigs dbang phyug la khyod kyis 'di ltar lha dang mi dang lha ma yin la sogs pa de dag thams cad la phan pa dang / bde bar bya ba dang / las kyi lam yongs su sbyang ba'i ched du smras pa legs so legs so zhes bsngags pa brjod nas/ ngas kyang deng ye shes kyi phyag rgyas btab nas/ khyod byams pa chen po dang snying rje chen po la sogs pa'i sems can rnam pa sna tshogs las gtan du ldog par mi 'gyur bar bya'o zhes bka' stsal to/ /de nas bcom ldan 'das la byang chub sems dpa' spyan ras gzigs dbang phyug gis yang 'di skad ces gsol to/ /bcom ldan 'das bdag mngon par dran lags te 'das pa'i bskal</font><hr>99.314a<br><font size=+1>

pa tshad ma mchis pa nas/ yum zhes bgyi ba'i gzungs kyi chos kyi rnam grangs 'di yongs su gzungs bas ri po ta la la mchis pa'i tshe bdud kyi rgyal pos bdud kyi 'khor mang po dang 'grogs nas bdag gi chos dkrug cing / sngags kyi tshig rnams mngon par mi grub par bgyi bar bshams pa las/ de'i tshe bdag gis yum zhes bgyi ba'i gzungs 'dis bdud mang po rnams btul nas thams cad so sor gyes par gyur pas/ gzungs 'di'i mthu bsam gyis mi khyab par rig par bgyi lags so/ /de nas byang chub sems dpa' spyan ras gzigs dbang phyug byams pa dang / snying rje chen pos sems can thams cad la phan gdags shing lha dang mi rnams bde ba thob par bya ba'i phyir/ bcom ldan 'das dang 'khor 'dus pa chen po'i mdun du byang chub sems dpa' spyan ras gzigs dbang phyug phyag stong spyan stong dang ldan pa'i yum zhes bya ba'i gzungs lus po che'i sngags 'di smras so/ /na maHsarba ta thA ga tA ya/ na mo rat+na tra yA ya/ na mo a mi tA b+hA ya/ ta thA ga tA ya/ aR+ha te samyak+sa~M bud+d+hA ya/ na ma Ar+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ na mo ma hAs+thA ma/ prAp+tA ya/ bo d+hi satwA ya/ ma hA satwA ya/ ma hA kA ru Ni kA ya/ na mo bi pu la bi ma na sra pra tiSh+Thi ta sa~M g+hA ya/ sUr+ya sha ta sa ha sra a tri ri ka pra b+ha a ba b+hA si ta mUr+t+ta ye/ ma ha ma Ni mu ku Ta kuN+Da la a la~M kA ra d+hA ra NI/ b+ha ga ba te pad+ma pA Na ye/ sarba lo ka a pA sha ma nA ya/ bi bi d+ha mu kha sa ma be sha baSh+Ta sarba sa twa pa ri mo tsa kA ya/ tad+ya thA/ o~M b+hUr+b+hU ba/ ma hA lo ka ka ra Na/ nA tha ma sid+he mi ra b+ha drA bi nA sha ka rA ka rA ya rA ga dwe Sha mo ha dz+wa la sha ma ka sha ska sa mA shwA sa na kar k+Sha sarba pA pa durga te pra sha ma na ka rA ya/ sarba ta thA ga ta sam+b+ha da na ka ra he he ma hA bo d+ha satwA ba ra da pad+ma lo ki sa~M b+hU ta ma hA kA ru Ni ka</font><hr>99.314b<br><font size=+1>

dza Ta mu ku TA la~M kr-i ta sha rI ra~M/ ma Ni ka na ka sha ta/ badzra baiDUr+yA la~M kr-i ta sha rI ra/ a mi tA b+ha sa ni ka mA lA la~M kr-i ta pra b+ha ra Na/ la ri tsa na ma hA du na/ na ra na ri sha ta sa ha sra/ a b+hi la shI ta kA ya/ ma hA bo d+hi sa twA ya/ bi d+ha ma bi d+ha ma/ bi nA sha ya bi nA sha ya/ ma hA yan+t+ra~M kle sha ka ba ta/ a ba bad+ha ba bi d+ha satwa sa~M sA ra tsA ra ka /pra ma tha na/ pu ru Sha pad+ma pu ru Sha nA ga /pu ru Sha sA ga ra/ pu ru Sha siM ha/ bi ra bi ra shA ya/ su yan+ta su yan+ta/ ba ra ba ra/ d+ha ma d+ha ma/ sa ma sa ma d+hu ru d+hu ru/ pra shA sa ya/ pra shA sa ya/ gi ri gi ra/ bi ri bi ri/ tsi ri tsi ri/ mu ru mu ru/ mu yu mu yu/ mu ya mu ya/ muny+tsa muny+tsa/ d+hu na d+hu na/ bi d+hu na bi d+hu na/ d+hu ru d+hu ru/ gA ya gA ya/ gA d+hA ya gA d+ha ya/ ha sa ha sa/ pra ha sa pra ha sa/ bi b+hi d+ha kle sha bA sa na/ bdag ming 'di zhes bya ba/ s+ya ha ra ha ra/ sa~M ha ra sa~M ha ra/ du ru ti du ru ti/ ma hA man+t+ra du ru ti/ kar+N+Na sha ta pa ra si ka b+ha ba bi sa na/ sha ma ka ma hA bo d+hi sa twa ba ra da swA hA/ de'i tshe byang chub sems dpa' sems dpa' chen po spyan ras gzigs dbang phyug gis/ bcom ldan 'das la pad ma chen po'i phyag rin po che'i bkod pa'i khar ba'i yum zhes bya ba'i gzungs 'di smras ma thag tu stong gsum gyi stong chen po'i 'jig rten gyi khams nas 'du shes med 'du shes med min gyi lha'i gnas kyi bar dag rnam pa drug tu g.yos/ rab tu g.yos par gyur to/ /lha rnams kyis kyang rin po che'i me tog gi char mngon par phab bo/ /'og min gyi lha dang / dbang phyug chen po rnams kyang g.yo zhing mi bde bas shin tu 'jigs shing dngas par gyur to/ /gnod sbyin dang / srin po dang / 'dre gdon ma rungs pa thams cad kyang sdug bsngal chen po myong ba'i sgra skad chen pos phyung nas shar nub tu 'byer zhing bros kyang gang du 'gro ba'i gnas kyang rig cing rnyed par ma gyur to/ /</font><hr>99.315a<br><font size=+1>

de nas sprul pa'i byang chub sems dpas 'khor mang po rnams dang / 'dre srin ma rungs pa thams cad la gang gis bdag gi rig sngags las 'da' zhing rjes su 'brang bar mi byed na/ de dag gi lus kyi yan lag dang / nying lag thams cad rab tu na zhing 'jig par 'gyur ro/ /rig sngags 'dis ni ri rnams 'joms shing rgya mtsho chen po skems par byed do/ /lha ma yin gyi dmag rnams rnam par bcom nas pham par byed do/ /yul 'khor rnams dang / grong dang / grong khyer dang / grong rdal rnams yongs su bsrung bar byed do/ /'dre gdon dang / nad dang / sman gyi dug dang / srin bu'i dug dang / log pa dang / ma rungs pa'i mi rnams pham zhing rab tu zhi bar byed do/ /sum bcu rtsa gsum pa'i lha rnams btul nas rab tu dul bar byed do zhes smras pa dang / de nas bcom ldan 'das rdo rje chen po'i pho brang rab tu dga' ba na bzhugs pa dang / byang chub sems dpa' mchog tu btsun pa dang / lha dang klu dang / gnod sbyin dang / srin po dang / mi 'am ci la sogs pa'i 'khor sangs rgyas kyi chos la gnas pa tshad med pa thams cad kyis kyang dus gcig tu bsngags pa brjod par gyur to/ /de nas bcom ldan 'das la byang chub sems dpa' spyan ras gzigs dbang phyug gis yang 'di skad ces gsol to/ /bcom ldan 'das rig sngags 'dis ni sgrib pa'i ri bo shin tu rgya che ba dag kyang rnam par 'jom par bgyid pas gang la la zhig nyan tam/ klog gam/ 'don tam/ yongs su 'dzin par bgyid dam/ mthong bar gyur na/ de dag la nyon mongs pa'i sgrib pa nag po ji snyed cig mchis pa de dag thams cad zhu byang bar 'gyur lags so/ /gzhan yang gang la la zhig rtag par nang par langs nas gus pa'i sems kyis yum gyi gzungs 'di lan nyi shu rtsa gcig klog gam 'don par bgyid na/  byang chub sems dpa' spyan ras gzigs dbang</font><hr>99.315b<br><font size=+1>

phyug nyid rtag par de'i rjes su 'brangs nas yongs su bsrung ba bgyid cing yongs su skyob par bgyid do/ /gang la la zhig smon lam rgya chen po dang / ting nge 'dzin gyi sgo rgya chen po thams cad myur du 'grub par 'tshal na/ gcig pu gnas dben par mchis nas byang chub sems dpa' spyan ras gzigs dbang phyug yid la dran par bgyi zhing / gzhan yid la mi bgyi bar rtag par gzungs 'di lan brgya rtsa brgyad bzlas brjod bgyis na smon lam rnams mi 'grub pa gang yang ma mchis lags so/ /gzhan yang sems can thams cad kyi snying drung du sdug par 'gyur/ ngan 'gro'i sgo thams cad du ltung bar mi 'gyur lags so/ /mchis kyang rung ma mchis kyang rung ste/ rtag par sangs rgyas mdun na bzhugs par 'du shes nye bar gzhag par gyur na/ gang zag de skye ba'i gnas bye ba brgya stong tshad ma mchis pa kun tu bsags pa'i sdig pa'i las ci mchis pa de dag thams cad zhu byang bar 'gyur/ gang zag de 'khor los sgyur ba'i rgyal po stong gi bsod nams phun sum tshogs pa dag la longs spyod par 'gyur/ skye ba thams cad du byang chub sems dpa' spyan ras gzigs dbang phyug dang dus gcig tu skye bar 'gyur/ btsun pa'i khyim dag tu skye bar 'gyur lags so/ /gang la la zhig rtag par spos sam me tog snyim pa gang tsam byang chub sems dpa' spyan ras gzigs dbang phyug gi gzugs kyi mdun du mngon par gtor nas/ gzungs 'di lan nyi shu rtsa gcig 'don par bgyid na/ stong chen po 'jig rten gyi khams kyi yon tan dang snying rje chen po'i chos nyid 'thob par 'gyur/ gang zag de 'jig rten na mthar gyis mthu chen po myur du mngon par 'grub par 'gyur lags so/ /gang la la zhig rtag par byang chub sems dpa'i gdong dang / mig dang / mtshan dang / dpe byad la rnam par blta ste/ gzungs 'di lan stong rtsa brgyad 'don par bgyid na byang chub sems dpa' spyan ras</font><hr>99.316a<br><font size=+1>

gzigs dbang phyug myur du lus mngon sum du bstan nas rnal 'byor pas mthong bar 'gyur bas/ dri ma dang bral nas sa dang po dang / sangs rgyas rjes su dran pa'i ting nge 'dzin 'thob par 'gyur bas 'od kyis 'jig rten gyi khams gsal bar bgyid par 'gyur/ 'chi ba'i dus kyi tshe bsam gtan dang ting nge 'dzin la snyoms par 'jug pa bzhin du 'chi bar 'gyur bas tshe rabs thams cad du sngon gyi gnas rjes su dran pa'i shes rab 'thob par 'gyur/ kha na ma tho ba'i sdig pa ci mchis pa thams cad kyang zhu zhing byang bar 'gyur lags so/ /gzungs 'di yongs su 'dzin par 'tshal ba des rtag par dpyid zla ra ba dang / dbyar zla 'bring po dang / ston zla tha chungs tshes gcig nas tshes bcu'i bar du gso sbyong dang / tshul khrims la gnas nas gos dkar po gtsang ma bgos te/ zas dkar gsum 'tshal nas ring bsrel dang bcas pa'i mchod rten nam/ ring bsrel gyi mdun du tsan dan dkar po 'i 'jim pa las dkyil 'khor khru gang gru bzhi pa bgyis nas/ me tog dang spos rnam pa sna tshogs dkyil 'khor gyi nang du gtor nas de bzhin gshegs pa'i sku gzugs kyi spyan sngar spos kyis gdugs te zhugs mar gtams nas sangs rgyas dang byang chub sems dpa' rnams la gus pa'i sems bskyed de/ rtag par gzungs 'di lan stong rtsa brgyad 'don par bgyid na/ tshes bcwa lnga'i nub mo byang chub sems dpa' spyan ras gzigs dbang phyug nyid dkyil 'khor gyi nang du mchi bar 'gyur bas rnal 'byor pas mthong ma thag tu mtshams ma mchis pa lnga'i kha na ma tho ba shin tu lci ba'i sgrib pa ci mchis pa thams cad zhu byang nas lus dang / ngag dang / yid kyi las thams cad yongs su dag par 'gyur bas sangs rgyas kyi ting nge 'dzin gyi mthu dang / dbang bskur ba'i sa'i mthu dang / pha rol tu phyin pa'i sa'i mthu dang / khyad par du 'phags pa'i ye shes kyis yang 'thob par 'gyur lags so/ /bcom ldan 'das gal te dgung char</font><hr>99.316b<br><font size=+1>

dbab par 'tshal bar gyur na/ gnam du bltas nas gzungs 'di stong rtsa brgyad 'don par bgyid na zil dngar gyi char dus bzhin du dbab par 'gyur lags so/ /dog sa la bltas nas gzungs 'di lan stong rtsa brgyad tshang bar 'don par bgyid na 'bru rnam pa sna tshogs legs par 'gyur lags so/ /gtsang po dang / chab mig bskams pa'i drung du gzungs 'di lan stong rtsa brgyad 'don par bgyid na chab 'phel zhing rgyas par 'gyur lags so/ /bro nad kyis thebs pa thams cad kyi mdun du rang gi sug pa lag pa la sngags 'dis lan bdun bsngags te sug pas bya bas na 'tsho bar 'gyur lags so/ /gang dran pa nyams pa'i mdun du gzungs 'di lan stong rtsa brgyad bzlas brjod bgyis na yang dag pa'i dran pa 'thob par 'gyur lags so/ /gang dag bkres skom gyis nyen pa'i mdun du de' gdong la bltas nas gzungs 'di lan stong rtsa brgyad bzlas brjod bgyis na bkres skom gyis nyen pa'i 'du shes ngan pa thams cad rab tu bsal bar 'gyur lags so/ /gang dag mtshams dgum par 'tshal na rdzing chab kyi nang du zhugs te/ chos bzhin du gzungs 'di yongs su rdzogs par bris nas rgyal mtshan gyi khar btags na dpag tshad brgya tshun chad du gdon bgegs ci yang ma mchis te/ mtshams bkums pa nyid du gyur nas yongs su bsrungs par 'gyur lags so/ /rigs kyi bu 'am rigs kyi bu mo gang la la zhig rtag par gdugs gcig bzhin du gzungs 'di lan stong rtsa brgyad 'don par bgyid na gang zag de'i bsod nams brjod kyis mi lang bas rig sngags 'dzin pa de dag btsun zhing dbang phyug dang ldan par 'gyur/ gzhan yang skye bo mang po kun gyis byams shing bsnyen bkur bgyid par 'gyur/ smon lam rnams yid bzhin du yongs su rdzogs par 'gyur lags so/ /gang dag bdud gdul bar 'tshal na yum gyi gzungs 'di bzlas te/ gu gul la lan nyi shu rtsa gcig sngags kyis btab</font><hr>99.317a<br><font size=+1>

nas sngags 'di lan re bzlas shing lan cig bsreg par byas nas lan brgya rtsa brgyad tshang bar bgyis na yongs su bsal bar 'gyur lags so/ /gal te skye bo mang po thams cad dga' bar 'tshal na rtag par lcang ma'i lcug ma la lan nyi shu rtsa gcig sngags kyis btab ste/ g.yar khar bcas na thams cad kyis byams shing bkur bar 'gyur lags so/ /gang dag bdag nyid spobs pa dang / shes rab dang ldan par 'tshal na shu dag srang gcig phye mar btags te/ chab mar dang sbrang rtsi dang / sbyar nas ri lu bgyis te/ yum gyi gzungs 'dis mtshan ma gsum po 'di lta ste/ drod dang / dud pa dang / 'od byung gi bar du sngags kyis gdab par bgyi'o/ /mtshan ma de dag thob nas gdugs re bzhin sman gyi ri lu tsam bdun bdun 'tshal nas snying gar yang byug par bgyi ste/ de ltar zhag brgya'i bar du 'tshal na thogs pa ma mchis pa'i spobs pa 'thob par 'gyur bas/ bdag nyid kyi lus bsrung ba'i slad du gdugs re zhing yum gyi gzungs 'di lan brgya rtsa brgyad bzlas nas phyag rgya rnam pa bcu gnyis kyang bgyi'o/ /de la dang po byang chub sems dpa' mig stong dang ldan pa'i lus kun tu bsdud pa'i phyag rgya ni 'di lags te/ sngar langs nas 'grengs ste/ lus drang por bsrang nas rkang pa gnyis gshibs te/ rkang pa g.yas pa chung zad cig dgug par bgyi'o/ /sngar sug pa lag pa g.yon pa 'thur du brkyang nas gung mo dang srin lag gnyis bkug ste/ lag mthil du gzhag la/ mthe'u chung dang / mdzub mo dang / mthe bong ni yan par brkyang ste/ lag mthil bkan nas gyen du phyogs par bgyi'o/ /de'i rjes la sug pa g.yas pa yang de bzhin du bgyis nas gung mo bkug ste/ phrag pa dang mnyam par bgyis nas lag mthil mdun du blta bar bgyi ste/ 'di ni lus kun sdud pa'i phyag rgya zhes bgyi'o/ /gal te bdud dang mu stegs can log par</font><hr>99.317b<br><font size=+1>

lta ba'i thibs po bcom nas yang dag pa'i lam du gzud par 'tshal na/ phyag rgya 'di bgyis nas sngags lan nyi shu rtsa gcig bzlas nas gdon mi 'tshal bar smon pa bzhin du grub par 'gyur lags so/ /gzungs ni 'di lta ste/ na mo rat+na tra yA ya/ na ma Ar+yA ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ tad+ya thA/ a bat+ta/ a bat+ta/ pa ri bit+ta/ e hi e hi swA hA/ de la gnyis pa byang chub sems dpa' mig stong dang ldan pa'i kun 'dzin gyi gzungs kyi phyag rgya ni 'di lags te/ snga ma'i lus kun bsdud pa'i phyag rgya bzhin du thal mo sbyar te snying gar gzhag nas sor mo lnga snol mar btang ste/ g.yon pas g.yas pa mnan nas mdzub mo gnyis drang por bsgreng ste rtse mo phrad par bgyis la/ mthe bo gnyis mdzub mo gnyis kyi tshigs pa dang po la mnan nas cung zad cig dbye bar bgyi ste/ 'di ni kun 'dzin gyi gzungs kyi phyag rgya zhes bgyi'o/ /phyag rgya 'di'i bgyis par gyur na bskal pa tshad ma mchis pa tshun chad kyi 'khor ba'i sdig pa'i las ci mchis pa thams cad dus gcig tu yongs su byang bar 'gyur/ slad ma'i dus kyi tshe phyogs bcu'i sangs rgyas kyi zhing yongs su dag pa dag tu skye bar 'gyur lags so/ /bcom ldan 'das shAkya thub pa mngon par rdzogs par byang chub tu nye ba'i tshe bdud kyi rgyal pos glags btsal ba dang / kun 'dzin gyi gzungs kyi phyag rgya 'di mdzad pas shin tu bde ba'i bsam gtan dang / ting nge 'dzin brnyes par gyur to/ /gzungs ni 'di lta ste/ tad+ya thA/ sarba d+hA ra NI maN+Da la/ e hi e hi/ prab+ha shud+d+ha satwA bA ya swA hA/ de la gsum pa byang chub sems dpa' mig stong dang ldan pa'i rnam par thar pa dang / bsam gtan dang / ting nge 'dzin gyi phyag rgya ni 'di lags te/ sngar bla gos phrag pa gcig tu gzar nas pus mo g.yas pa'i lha nga sa la btsugs te/ spyi bo thal mo sbyar nas mdzub mo gnyis bkug ste rtse mo sprad la mthe bo gnyis mdzub</font><hr>99.318a<br><font size=+1>

mo'i tshigs gnyis pa'i steng tu bkan par bgyi ste/ chos kyi phyag rgya 'di ni rnam par thar pa dang / bsam gtan dang / ting nge 'dzin gyi phyag rgya zhes bgyi'o/ /'das pa'i de bzhin gshegs pa thams cad kyis kyang chos 'di mngon par bsgrubs pas bsam gtan dang / ting nge 'dzin dang / rnam par grol ba brnyes pa lags te/ rig sngags ni snga ma dang mthun lags so/ /gang la la zhig gdugs re bzhin du phyag rgya 'di bgyis te mchod pa bgyis na phyogs bcu'i sangs rgyas rnams myur du mthong bar 'gyur ro/ /de la bzhi pa byang chub sems dpa' mig stong dang ldan pa'i phyag rgya ni 'di lags te/ langs nas 'greng ste rkang pa gnyis gshibs nas sngar gung mo dang srin lag dang / mthe'u chung rnams rgyab sprad la mdzub mo gnyis bsgreng ste rtse mo sprad nas mthe bo gnyis mdzub mo'i tshigs gnyis pa'i steng du mnan te/ lag pa gnyis kyi bar du tshon sna lnga tsam phye nas smin mtshams su gzhag par bgyi ste/ 'di ni mig stong dang ldan pa'i phyag rgya zhes bgyi'o/ /phyag rgya'i chos kyi sgo 'di bgyis par gyur na sangs rgyas kyi zhing yongs su dag pa'i 'jig rten gyi khams gya nom pa bye ba phrag brgya stong snyed mthong bar 'gyur te/ sangs rgyas kyi zhing khams re re nas kyang byang chub sems dpa' 'bum phrag bcu dang bzhi stong rnal 'byor pa de'i grogs bgyid par 'gyur lags so/ /gang dag dkyil 'khor gyi chos kyi sgor lan gsum ma zhugs pa de dag gis n-i phyag rgya'i chos kyi sgo 'di mthong du yang mi rung la cho ga 'di yang bgyir mi rung lags so/ /rtags mthong ba'i byang chub sems dpa' chos dang ye shes kyi mngon par shes pa gsal ba gcig lags na ni/ ci dang ci smon pa de dag thams cad yongs su rdzogs par 'gyur lags so/ /gzungs ni 'di lta ste/ o~M sarba tsak+Shu ra ka rA ya d+hA ra Ni in+d+rI ya swA hA/ de la lnga pa byang chub sems dpa' mig stong dang ldan pa'i lag stong kun bsdud pa'i phyag rgya ni 'di lags te/ langs nas sug pa rkang pa</font><hr>99.318b<br><font size=+1>

bshibs te/ sngar sug pa lag pa g.yas pa'i lag mthil bkang nas sor mo lnga so sor phan tshun du bsnyen te/ de'i rjes la sug pa lag pa g.yon pa'i lag mthil g.yas pa'i steng du mnan nas snying gar 'jog pa gang lag pa 'di ni lag stong kun bsdud pa'i phyag rgya zhes bgyi ste/ 'dis stong gsum gyi stong chen po'i 'jig rten gyi khams na bdud ji snyed mchis pa thams cad bsdud cing 'dul bar bgyid lags so/ /gzungs sngags ni 'di lta ste/ tad+ya thA/ A ba lo ki te shwa rA ya/ sarba duSh+Ta o hA ya ni swA hA/ de la drug pa byang chub sems dpa' mig stong pas ting nge 'dzin rtogs par 'gyur ba'i phyag rgya ni 'di lags te/ 'greng ste rting pa gnyis sprad nas/ sngar sug pa lag pa g.yon pa'i sor mo bsgreng ste gung mo bkug nas mdun du phul la/ de'i rjes la sug pa lag pa g.yas pa yang de bzhin du bgyis nas gung mo bkug ste nang logs su phul ba 'di ni ting nge 'dzin rtogs par 'gyur ba'i phyag rgya zhes bgyi ba lags te/ 'dis ting nge 'dzin dang / ye shes kyi phyag rgya'i bkod pa dang / chos kyi sgo mo brgyad khri bzhi stong yang rtogs par 'gyur/ bla na med pa yang dag par rdzogs pa'i byang chub kyang mngon du bgyid par 'gyur lags so/ /rig sngags ni snga ma nyid bzla bar bgyi'o/ /de la bdun pa byang chub sems dpa' mig stong pas lha klu sde brgyad dang / 'dre srin rnams dgug cing bsdud pa'i phyag rgya ni 'di lags te/ 'greng nas rkang pa gnyis gshibs te/ sngar sug pa lag pa g.yon pa'i srin lag gis mthe bo'i sen mo la reg par bgyis nas/ de'i rjes la sug pa lag pa g.yas pa yang de bzhin du bgyis te/ mthe'u chung dang gung mo gnyis drang por bsgreng nas rtse mo phan tshun phrad par bgyis la/ lag ngar gyi tshigs gnyis sbyar nas mdzub mo ni phan tshun rgyu bar bgyi'o/ /rigs sngags ni 'di lta ste/ o~M sarba de ba nA ga a na ri swA hA/ de la brgyad pa</font><hr>99.319a<br><font size=+1>

byang chub sems dpa' mig stong pas tshangs pa chen po dang / brgya byin lha'i dbang po g.yar drang nas chos 'dri ba'i phyag rgya ni 'di lags te/ phyag rgya snga ma'i steng du lag ngar gyi tshigs gnyis phye nas sug pa lag pa'i zur sprad de/ lag mthil bkan la mdzub mo ni phan tshun rgyu bar bgyi'o/ /rigs sngags ni 'di lta ste/ o~M ma hA brah+mA ya e hi e hi swA hA/ phyag rgya dang rig sngags 'dis ni gzungs kyi phyag rgya'i sgo mo tshad ma mchis shing grangs ma mchis pa thams cad yang dag par bsdud cing 'du bar bgyi'o/ /gal te nyi zla la gza' zhugs par gyur na/ chab mar la lan brgya rtsa brgyad sngags kyis gdab par bgyi'o/ /yang na lan nyi shu rtsa gcig sngags bzla bar bgyi'o/ /chab mar phyag rgyas btab ste 'tshal na dbang po rno bar 'gyur bas gdugs gcig la sh+lo ka khri lobs par 'gyur lags so/ /phyag rgya'i chos kyi sgo mo 'di ni de bzhin gshegs pa nyi ma'i snying pos byang chub sems dpa' spyan ras gzigs dbang phyug la bka' stsal pa lags so/ /de la dgu pa byang chub sems dpa' mig stong pa'i rab tu dga' ba'i yid bzhin gyi nor bu'i phyag rgya ni 'di lags te/ 'greng nas snying gar thal mo sbyar te/ mthe bo gnyis ka lag mthil du bkug nas sor mo gzhan bzhi ni drang por bsgreng ste snying gar thal mo sbyar nas rig sngags snga ma 'don par bgyid na/ gdon mi 'tshal bar lha rnams kyi gzhal med khang dag du 'jug par 'gyur phyogs bcu'i sangs rgyas kyi zhing rnams su kun tu rgyu zhing rin po che brgyad stong bsams pa bzhin thob nas sangs rgyas rnams la mchod pa bgyid par 'gyur lags so/ /gang la la zhig chos kyi sgo 'di mngon par bsgrub pa gang lags pa des nang par sngar langs nas khrus yongs su dag par bgyis te/ phyag rgya 'di bgyis na phyogs bcu'i sangs rgyas gang gA'i klung gi bye ma snyed mngon sum du mthong nas/ bskal pa tshad ma mchis pa snyed kyi 'khor ba'i las ngan pa'i kha na ma tho ba lci ba rnams yongs su byang bar 'gyur bas/ </font><hr>99.319b<br><font size=+1>

de'i slad du yon tan 'di lta bu'i bsngags pa brjod pa lags so/ /de la bcu pa byang chub sems dpa' mig stong pa'i smon pa rnams yid bzhin du mngon par 'grub pa'i phyag rgya ni 'di lags te/ phyag rgya snga ma bzhin du bgyis pa las mdzub mo gnyis bkug ste mthe bo gnyis kyi sen mo mnan nas mdzub mo'i sen mo ni rgyab sprad par bgyi ste/ rig sngags ni snga ma nyid bzla bar bgyi'o/ /de ltar bgyis na smon pa rnams mngon par 'grub cing gdon mi za bar byang chub kyi lam las ldog par mi 'gyur lags so/ /de la bcu gcig pa byang chub sems dpa' mig stong pa'i 'gog pa'i snyoms par 'jug pa'i ting nge 'dzin gyi phyag rgya ni 'di lags te/ phyag rgya snga ma bzhin du bgyis pa las mdzub mo lnga drang por bsgreng ste thal mo dbye bar bgyi'o/ /phyag rgya 'di ni bdag sngon rgyu'i sa la gnas pa'i tshe gang gA'i klung gi bye ma snyed kyi sangs rgyas rnams kyis bdag la stsal bas bdag bla na med pa yang dag par rdzogs pa'i byang chub kyi lam mngon sum du gyur pa lags te/ rig sngags ni snga ma nyid bzla bar bgyi'o/ /de la bcu gnyis pa byang chub sems dpa' mig stong dang ldan pas sangs rgyas spyan 'dren pa'i ting nge 'dzin gyi phyag rgya ni 'di lags te/ phyag rgya snga ma bzhin du snying gar thal mo sbyar nas mdzub mo gnyis phan tshun rgyu bar bgyi'o/ /rig sngags ni 'di lta ste/ o~M sarba bud+d+ha sa ma ya e hi e hi brad+h+ma shud+d+ha satwa swA hA/ de la byang chub sems dpa' mig stong lag stong dang ldan pa'i dkyil 'khor 'bri ba'i cho ga ni 'di lags te/ bcom ldan 'das rdzu 'phrul chen po dang ldan pa'i yum gyi dkyil 'khor dang rig sngags dang / phyag rgya'i chos 'dis ni dus tha ma'i dus kyi tshe rig sngags 'dzin pa rnams de bzhin gshegs pa'i rig sngags kyi gzungs sngags kyi dkyil 'khor mnyam pa'i ting nge 'dzin thams cad myur du gsal bar mthong bar bgyid pas/ rig sngags 'dzin pa'i</font><hr>99.320a<br><font size=+1>

gang zag gang lags pa des rtag par ngag bsdams te/ bre mo'i gtam rnams smra bar mi bgyi'o/ /gzungs las byung ba'i rdzu 'phrul dang / ting nge 'dzin dang / mtshan ma ya mtshan can rnam pa sna tshogs gang lags pa de dag ma brtags par bab col du brgyud par mi bgyi'o/ /yongs su dad pa'i sems kyis dran pa nye bar gzhag nas skad cig tsam du yang rnam par g.yeng bar mi bgyi'o/ /gal te khe lag pas slad rol tu gzhan dag la tha dad pa'i mtshan ma ston par bgyid na/ sdig pa'i las sbyong bar 'tshal yang de dag 'grub par mi 'gyur lags so/ /gal te yang dag pa'i yongs su dang ba dang / chos kyi bsam pa gang lags pa des bsgom par mi bgyid na/ bgyis pa rnams chab 'tshal zhing don ma mchis par sdug bsngal sna tshogs myong ba tsam du bas kyi/ nams kyang sgrub pa dag mngon par 'grub par mi 'gyur bas/ rtag par nan tan brtson 'grus kyis tshul khrims yongs su dag par bsrungs nas bsku ba rnam pa lnga dang / sha chang 'tshal bar mi bgyi'o/ /gal te dbyen tshig dang / g.yo sgyu'i tshig dang / phrag dog gi tshig smra bar gyur tam/ dkyil 'khor dang / phyag rgya dang / rig sngags kyi cho ga rku ba'i nongs pa 'di dag 'byung bar gyur na/ sangs rgyas dang byang chub sems dpa' thams cad kyis spong bar mdzad pas/ 'di skad du ngas khyed spangs pa ma yin yang gzigs shing yongs su bsdu ba'i 'os ma yin no zhes gsung bar 'gyur te/ bcom ldan 'das gang zag de dag ni de bzhin gshegs pa thams cad kyi tshul khrims yongs su dag pa bshig pa dang / dkon mchog gsum dang yang dag pa'i chos dang / dge ba'i mtshan nyid thams cad la skur cing 'jig par bgyid pa lags pas/ de lta bu'i gang zag de dag ni rtag par lha'i bu'i bdud dang / 'dre gdon thams cad dang / mu stegs can rnams dang / bi ya ka rnams dang / khams gcig tu bsdu ba dang / las gcig la gnas pa dang / gtan tu skyabs ma mchis par</font><hr>99.320b<br><font size=+1>

gyur pa lags pas/ 'phags pa rnams kyis yongs su skyob par mi mdzad cing rtag par sangs rgyas dang / byang chub sems dpa' dang / 'phags pa dang / lha dang drang srong thams cad kyis smod par 'gyur bar rig par bgyi lags so/ /lam sun 'byin cing chos 'jig par bgyid pa'i gang zag de lta bu de dag gdugs mtshan du rtag par gzungs 'di rjes su dran par bgyid kyang / bcom ldan 'das bdag gis gang zag de dag nams kyang 'grub par mi 'gyur bar mthong lags te/ de ltar mi 'grub pa de yang bdag gis nongs pa ma lags kyi/ de dag rang nyid kyis nongs skyon lags pas don de'i slad du gzungs 'di yi cho ga dang / glegs bam de dag gis mthong zhing thos par yang mi bgyi/ 'don cing 'dzin du stsal bar yang mi bgyi ste/ gang dag tshangs par spyod pa yongs su dag par bsrung ba dang / byams pa dang / snying rje'i sems dang ldan pa dang / sems can la snying brtse zhing byang chub yongs su gnyer bar bgyid pa dag gis yi ger bris nas klog pa dang / 'don pa dang / yongs su 'dzin par gyur na/ yum gyi gzungs kyi dkyil 'khor mngon par 'grub par 'gyur bas so/ /chos kyi cho ga 'di ni byang chub sems dpa' sems dpa' chen po spyan ras gzigs dbang phyug gis mchog tu gsang ba'i snying po lags pa'i slad du rig sngags 'dzin par yang dag pa'i sems dang / brtson 'grus kyi sems kyis lus kyi yan lag dang / nying lag dang / rus pa dang / sha dang / rtsa rgyus dang / rkang dang / mgo dang / mig la sogs pa yang yongs su spangs nas gzhan dag la stsal te/ chos 'di yongs su gnyer nas rtag par nan tan brtson 'grus kyis mngon par bsgrub par 'tshal na rin po che dang / 'bru dang / dar zab dang / gos dang / mal cha dang / sman dang / nor rdzas rnam pa sna tshogs rnam par grol ba'i yum gyi gzungs dang / dkyil 'khor dang / phyag rgya'i gzugs brnyan gyi chos kyi ched du gtong ba lta smos kyang c-i 'tshal te/ slob dpon</font><hr>99.321a<br><font size=+1>

gyi bstan pa ji lta ba bzhin du sems brtse gcig tu bsgrub par bgyi'o/ /de ci'i slad du zhe na/ rnam par grol ba'i gzungs kyi chos 'di ni slad ma'i dus tha ma'i tshe sems can rnams la sangs rgyas kyi mdzad pa bgyis nas yang dag pa'i spyod pa dang / yang dag pa'i las kyi mtha' dang / yang dag pa'i brtson 'grus dang / lta bas bgrod pa'i phyogs dang / rnam par grol ba'i lam mngon par 'grub par bgyid cing de dag dus 'di nas bla na med pa yang dag par rdzogs pa'i byang chub mngon par 'tshang rgya ba'i bar du nams kyang ldog par mi 'gyur bar bgyid pas so/ /dkyil 'khor de yang gtsug lag khang gi nang ngam/ ri 'am/ chab mig 'bab pa 'am/ nags tshal gyi drung du yang rung ste/ nye 'khor kun tu khru gang yan chad na shing gi rtsa ba dang / dogs ngan pa dang / gyo mo dang / gor ma dang / rus pa la sogs pa ci mchis pa brkos te bsal nas/ dog sa bzang po las rmang khru gang tsam du blangs te brdungs nas mnyam por bgyis la ba lang gi lci ba dang / spos chab dog sa ser po dang bsres nas 'jim pa bgyis te legs par byug cing zhal zhal bgyis nas gling lngar bgo bar bgyi'o/ /de la dbus kyi gling ni zheng du khru gsum tsam du bgyis te/ dbus kho nar khru do gru bzhi lham par mchis pa'i rin po che'i 'khor lo rtsibs brgya rtsa brgyad dang ldan pa cig bri bar bya'o/ /gzhan yang 'khor lo'i dbus su rin po che'i pad ma kha bye ba 'dab ma sum bcu rtsa gnyis mchis pa khru gang pa cig bri bar bgyi'o/ /gzhan yang 'khor lo'i tha ma 'khor bar 'od 'bar ba bri bar bya'o/ /de'i rjes la gling gi grwa bzhir pad ma kha bye ba re re bri bar bgyi'o/ /gzhan yang pad ma re re'i steng du yid bzhin gyi nor bu re re bris nas nor bu bzhi po'i steng du 'od 'bar ba bri bar bgyi'o/ /gzhan yang 'dab ma sum bcu rtsa gnyis dang ldan pa'i pad ma de'i steng du byang chub sems dpa' spyan ras gzigs dbang phyug gi gzugs tsan dan dkar po</font><hr>99.321b<br><font size=+1>

las bgyis pa cig gzhag par bgyi'o/ /de nas gling gnyis pa ni zheng du khru gang par bgyis nas sngar grwa bzhir pad ma kha bye ba re re bri bar bgyi'o/ /gzhan yang pad ma de dag re re'i steng du ri rab lhun po'i stan rim pa gsum mchis pa gsum gsum bris nas byang shar mtshams kyi stan la ni dbang phyug chen po'i lha bri'o/ /shar lho'i mtshams kyi stan la ni lha mthu chen po bri'o/ /lho nub mtshams kyi stan la ni tshangs pa chen po bri'o/ /nub byang mtshams kyi stan la ni brgya byin bri bar bya'o/ /gzhan yang ngos bzhir ni rin po che'i me tog dang / phreng ba bcu drug bri bar bgyi'o/ /de nas gling gsum pa ni zheng du khru do par bgyis te/ sa gzhi sngon po la gser gyi thig bkye ba 'ba' zhig bri bar bgyi'o/ /de nas gling bzhi pa ni zheng du khru gang bar bgyis te/ ngos bzhi spyi la bar chad nyi shu rtsa brgyad du byas bar chad dum bu re re'i nang du yang pad ma kha bye ba re re bri bar bgyi'o/ /gzhan yang go rims bzhin du pad ma de dag re re'i steng du yang rdo rje tho ba dang / rtse gsum pa'i phyag rgya dang / dgra sta'i phyag rgya dang / gri'i phyag rgya dang / ral gri'i phyag rgya dang / dung gi phyag rgya dang / chu gri'i phyag rgya dang / zhags pa'i phyag rgya dang / dbyig pa thogs pa'i phyag rgya dang / gdugs kyi phyag rgya dang / yid bzhin gyi nor bu'i phyag rgya dang / gshin rje'i dbyig pa'i phyag rgya dang / bi na ya ka'i phyag rgya dang / mtshon cha'i phyag rgya dang / 'khor lo'i phyag rgya dang / sug pa lag pa sna tshogs dang ldan pa'i phyag rgya rnams so sor bris nas phyag rgya de dag kun la yang 'od 'bar ba dag bri bar bgyi'o/ /gzhan yang lho phyogs kyi chab sgor bar chad bgyis pa'i nang du ni 'thab bral gyi lha bri ba'o/ /nub phyogs kyi chab sgor bar chad bgyis pa'i nang du ni chu lha bri'o/ /byang phyogs kyi chab sgor bar chad bgyis pa'i nang du ni ku be ra bri'o/ /shar phyogs kyi chab sgor bar chad bgyis pa'i nang du ni lha gzhon nu bri bar bgyi'o/ /</font><hr>99.322a<br><font size=+1>

de nas gru bzhi'i gnas so sor ni rgyal po chen po bzhi khro gnyer can g.yog 'khor dang bcas pa bri bar bgyi'o/ /de nas gling lnga pa ni khru gang bar bgyis te/ ngos bzhi kun tu 'bras bu'i ljon shing dang / me tog gi ljon shing dang / rin po che'i ljon shing rnam pa sna tshogs bri bar bgyi'o/ /gzhan yang grwa bzhi kun tu rin po che'i ri rab lhun po re re bri bar bgyi'o/ /chab sgo bzhir ni rgya mtsho chen po'i chab bri bar bgyi'o/ /dkyil 'khor gyi slad nang gi gling rnams kyi sa gzhi ni kha dog sngon por bgyi'o/ /gzhan yang slad nang gi gling rnams kyi nub phyogs kyi chab sgo'i lho'i ngogs zur la sngags mkhan 'byung zhing 'jug pa'i chab sgor gcig dbye bar bgyi'o/ /gzhan yang spyan ras gzigs dbang phyug mig stong lag stong dang ldan pa'i gzugs bgyis pa'i gcig dbus su kha shar phyogs su blta bar bgyi'o/ /gzhan yang mig stong lag stong dang ldan pa'i mdo sde glegs bam cig pad ma 'dab ma sum bcu rtsa gnyis mchis pa'i dkyil 'khor gyi steng du gzhag nas gzugs bgyis pa de'i mdun du gzhan yang tsan dan dkar po'i dri chab zhal bu bcu drug dang / zhal zas rnam pa sna tshogs dang / zas dkar gsum dang / shing tog la sogs pas bkang ba'i gzhong bu nyi shu rtsa lnga dang / spos chab bre gang dang / bum pa dar tshon sna tshogs dang / me tog dang / ljon shing gi yal ga la sogs pas kha brgyan pa nyi shu rtsa lnga dang / me tog dang phreng ba sna sna nas nyi shu nyi shu dang / mar me nyi shu rtsa brgyad dang / byug spos dang / spos kyi phye ma dang / de la sogs pa'i spos deb tshe nyi shu dang / byang chub sems dpa'i gzugs bris pa'i 'phan dang / dar tshon sna tshogs las bgyis pa'i phan spyir phreng nyi shu rtsa lnga bsham par bgyi'o/ /'di ltar mchod pa bgyid pa'i zhal sder dang / snod spyad dang / bum pa la sogs pa de dag thams cad kyang gser dang / dngul dang / khar ba la sogs</font><hr>99.322b<br><font size=+1>

pa las bgyis pa las sbyar bar bgyi'o/ /gal te yang dag par ma mchis na brnyan ma yang rung lags so/ /'di ltar yo byad de dag thams cad kyang slad nang gi gling rnams ngos bzhir chos bzhin du bri zhing dgram par bgyi'o/ /gdan dang me tog sna tshogs gzugs shing gtor bar bgyi'o/ /'bras sA lu'i me tog dang / yungs kar dang / me tog rnam pa sna tshogs dkyil 'khor gyi steng du gtor bar bgyi'o/ /zhal zas de dag kyang gdugs gcig bzhin du gsar du bgyis pa bzang po las mchod par bgyi'o/ /sngags mkhan de yang 'byung 'jug gi tshe khrus yongs su dag par bgyis nas byug spos kyis byug ste/   gos sar pa gtsang ma bgo bar bgyi'o/ /zas dkar gsum 'tshal nas tsan dan dang / a ga ru dang / du ru ska dang / ga bur la sogs pa bsres te/ gdugs gcig la dus gsum du byang chub sems dpa' spyan ras gzigs dbang phyug mig stong lag stong dang ldan pa'i gzugs bgyis pa la mchod par bgyi'o/ /nang gi gling gsum pa'i nang du mig stong pa'i gzugs gzhag pa'i mdun du rang byang chub sems dpa'i sdom pa gsum po dag yang dag par blang bar dam bca' bar bgyi'o/ /gdugs mtshan du slad rol gyi gling gi nub phyogs kyi chab sgor skyil mo dkrung bcas te mchis nas gdugs gcig la yum gyi gzungs lan stong rtsa brgyad bar chad ma mchis par bzlas brjod bgyis nas gdugs nyi shu rtsa gcig gi bar du bsam pa gtugs te mchod par bgyi'o/ /gzhan yang dus drug du dkyil 'khor kyi nub ngos kyi zur gyi chab sgo nas dkyil 'khor gyi nang du zhugs nas/ gling gsum pa'i nub phyogs kyi chab sgor 'greng ste/ sngar bstan pa'i phyag rgya dang po dang / gnyis pa dang /  gsum pa nas bcu gnyis pa sangs rgyas spyan 'dren pa'i ting nge 'dzin gyi bar gyi phyag rgya kun bgyis nas sngags lan bdun bdun bzla bar bgyi'o/ /phyag rgya bcu gnyis</font><hr>99.323a<br><font size=+1>

pa'i bar du bgyis lags nas kyang bdag nyid byang chub chen po'i smon lam shin tu bstan pa las phyir mi ldog par bgyi'o zhes smon lam btab nas g.yar 'dren par bgyid na/ thams cad nye bar mchi bar 'gyur bas lus drang por bsrang ste mchis nas nges pa'i sems kyis lha 'dre thams cad sgrib cing chod pa ma mchis par mig sngar mchis so snyam du 'du shes nye bar gzhag ste/ tha dad pa'i yul la mi dmigs par lus po che'i sngags snga ma lan nyi shu rtsa gcig 'don par bgyid na/ de'i mtshan mo gzugs bgyis pa de las 'od zer chen po byung nas byang chub sems dpa' spyan ras gzigs dbang phyug nyid gdon mi 'tshal bar mngon sum du lus ston par 'gyur te/ lus bstan nas mchi ba'i tshe kun dga' ba'i lus kyi byad gzugs su mngon par sprul nas/ dga' zhing 'dzum pa'i bzhin gyis rnal 'byor pa de la ci zhig dgos gang zhig smon ces 'dri bar 'gyur bas/ de'i tshe sngags mkhan gyis 'di skad du bla na med pa yang dag par rdzogs pa'i byang chub dang / gzungs dang ting nge 'dzin gyi chos yongs su gnyer ba dang / gzhan yang dkyil 'khor dang / phyag rgya dang / sngags kyi cho ga thams cad mngon par 'grub pa dang / 'dre gdon thams cad gdul zhing ngag nyan par 'gyur bar 'tshal lo zhes lan gdab par bgyi'o/ /de ltar smod pa rnams grub nas kyang bdag nyid rig par bgyi'i/ gzhan dag la brjod par mi bgyi'o/ /dkyil 'khor gyi cho ga 'di ni bas ras sam/ btso ras la ri mos bris te bgyis na yang rung lags so/ /smon pa thams cad 'grub par 'tshal na chab kyi dkyil 'khor gru bzhi pa bgyis la a ga ru bsreg ste/ lus po che'i sngags snga ma lan stong rtsa brgyad bzlas nas bcu pa smon pa rnams yid bzhin du 'grub pa'i phyag rgya snga ma bgyis na/ smon pa thams cad bsam pa bzhin du 'grub cing yongs su rdzogs par 'gyur lags so/ /gal te skye bo mang po thams</font><hr>99.323b<br><font size=+1>

cad dga' bar 'gyur bar 'tshal na rab tu dga' ba'i yid bzhin gyi nor bu'i phyag rgya snga ma bgyis nas lus po che'i sngags kyis til 'bru la lan nyi shu rtsa gcig gdab par bgyi'o/ /yang na sngags lan re bzlas nas/ lan re zhugs kyi nang du dor ba lan stong rtsa brgyad tshang bar bgyis na thams cad yid bzhin du dga' bar 'gyur lags so/ /gnod sbyin rnams dga' bar 'tshal na gnod sbyin gyi kun dga' ra ba'i ljon shing gi yal ga blangs te/ lan nyi shu rtsa gcig sngags kyis btab nas kun dga' ra bar bor na dga' bar 'gyur lags so/ /mi ma rungs pa dgrar gyur pa gdul bar 'tshal na shing khong len 'bog la lan nyi shu rtsa gcig sngags kyis btab nas sngags lan re bzla zhing lan re zhugs su dor ba lan brgya rtsa brgyad tshang bar bgyis na skyabs su mchi zhing thul bar 'gyur lags so/ /'dre gdon gdul dka' ba zhig mchis na gu gul dang / yungs kar la lan nyi shu rtsa gcig sngags kyis btab ste/ sngags lan re bzla zhing lan re zhugs su dor ba lan brgya rtsa brgyad tshang bar bgyis na 'dre gdon thams cad rang dul bar 'gyur lags so/ /yul phyogs su rims nad byung bar gyur na chab kyi dkyil 'khor gru bzhi pa bgyis nas/ ba mar bzang po la lan brgya rtsa brgyad sngags kyis btab ste/ sngags lan re bzla zhing lan re zhugs su dor ba lan stong rtsa brgyad tshang bar bgyis na rims nad thams cad zhi bar 'gyur ro/ /yang na chab nyung zad cig blangs te rims kyis thebs pa 'tshal du stsal na 'phral du 'tsho bar 'gyur lags so/ /sngon yul ge byin zhes bgyi bar rims nad byung nas/ gang rims kyis btab pa de dag gdugs zhag gcig gam gnyis las mi 'da' bar 'chi ba'i dus bgyid par gyur to/ /de'i tshe bram ze tsen ti zhes bgyi ba zhig snying rje chen po skyes nas/ cho ga'i sgo 'di bshams nas yul</font><hr>99.324a<br><font size=+1>

khams gcig gi rims kyis thebs pa thams cad gsos pas thams cad zhi bar gyur te/ rims gtong ba'i 'dre gdon gyi rgyal po yang de'i tshe yul nas byung bar gyur pa'i slad du sman yon che bar rig par bgyi lags so/ /gal te pha rol gyi dmag tshogs kyis gtses par gyur tam/ chom rkun dang / 'khrug pa byung bar gyur na lus kun bsdud pa'i phyag rgya dang po bgyis te/ rig sngags lan brgya rtsa brgyad bzlas brjod bgyis na dgra dang chom rkun de dag thams cad rang gi ngang gis rab tu zhi bar 'gyur lags so/ /rigs kyi bu 'am rigs kyi bu mo gang la la zhig las kyi rnam par smin pa'i dbang gis tshe rabs su nye ba'i tshe 'gog pa'i snyoms par 'jug pa'i phyag rgya snga ma bgyis te/ gdugs re bzhin du mchod pa bgyis nas a ga ru bsregs te/ rig sngags lan stong rtsa brgyad bzlas nas sngags lan re bzlas nas de'i ming nas lan re 'don par bgyid na las kyi sgrib pa de dag yongs su bsgyur lags so/ /sngon yul bA ra Na sir khyim bdag gcig gnas pa las bu gcig las ma mchis pa de lo bcu drug las mi thub par gyur nas/ lo bcwa lnga lon pa dang / khyim bdag khyo shug mya ngan gyis rod nyams par gyur to/ /de'i tshe bram ze zhig sgo kun tu rgyu zhing zas slong ba las khyim bdag de mthong nas ci'i phyir mi bde bar gyur ces smras pa dang / khyim bdag gis lo rgyus de dag rgyas par bshad do/ /de nas bram zes khyim bdag de la mya ngan ma byed par bdag gis bsgo ba bzhin du byos shig dang / khyod kyi bu tshe ring bar 'gyur ro zhes smras nas/ de'i tshe bram ze des cho ga'i sgo 'di nyid zhag bdun tshang bar bgyis pa dang / gshin rjes khyim bdag de la khyod kyi bu'i tshe'i tshad lo bcu drug las mi thub pas/ lo bcwa lnga lon te lo gcig las ma lus pa las/ deng dge ba'i rkyen dang phrad pas lo brgya thub par 'gyur ba'i phyir 'dir</font><hr>99.324b<br><font size=+1>

'ongs nas bsgo ba yin no zhes smras pa dang / de'i tshe khyim bdag khyo shugs rab tu dga' zhing mgu bar gyur pas/ khyim gyi nor ci mchis pa bteg ste/ sangs rgyas dang chos dang / dge 'dun la phul bas cho ga 'di ni bsam gyis mi khyab pa'i mthu chen po dang ldan par rig par bgyi lags so/ /sngar 'dus pa chen po'i dkyil 'khor dang / rdo rje'i dkyil 'khor chen por lan gsum zhugs pa zhig lags te dkyil 'khor mi 'tshal te/ phyag rgya bgyis nas rig sngags bzlas brjod bgyis pa tsam gyis smon pa rnams mi 'grub pa gang yang ma mchis la myur du mngon par rdzogs par sangs rgyas par yang 'gyur lags so/ /bud med gang la la zhig bu btsa' ba'i tshe/ sdug bsngal chen po myong bar gyur na/ chab mar la lan nyi shu rtsa gcig sngags kyis btab ste 'tshal du stsal na nges par bde bar 'gyur zhing / khye'u dang bu mo btsas pa gang lags pa de dag kyang mtshan dang dpe byad bzang po dang ldan par 'gyur/ dge ba sna tshogs kyis brgyan nas sngon bsod nams bsags pa'i mthus skye bo mang po kun gyi snying du sdug par 'gyur/ rtag par mi'i nang du longs spyod khyad par du 'phags pa dag la longs spyod par 'gyur lags so/ /sems can gang la la zhig mig nad kyis thebs te sdug bsngal zhing mi bde bar gyur na/ sngags mkhan gyis byang chub sems dpa' mig stong dang ldan pa'i phyag rgya bgyis nas sngags lan nyi shu rtsa gcig bzlas te mig la phyag rgyas btab par gyur na mig kyang 'tsho bar 'gyur la/ rgyu dang rkyen des gang zag de lha'i mig thob par 'gyur bas lha rnams gsal bar mthong zhing longs spyod mchog la longs spyod par 'gyur lags so/ /byang chub sems dpa' spyan ras gzigs dbang phyug mig stong lag stong dang ldan pa'i gzugs 'bri ba'i cho ga ni ras dkar</font><hr>99.325a<br><font size=+1>

po khru bcu drug pa 'am/ khru nyi shu pa yang rung ste/ byang chub sems dpa' de'i lus ni 'dzam bu'i gser gyi kha dog can du bgyis te/ gdong la mig gsum mchis pa sug pa lag pa stong dang ldan pa zhing sug pa lag pa stong po de dag re re'i mthil du yang mig re re bri'o/ /sug pa lag pa chen po yang dag pa nyid ni bcwa brgyad mchis te/ sngar sug pa gnyis kyis ni snying gar thal mo sbyar bar bgyid do/ /sug pa gcig gis ni rdo rje'i tho ba thogs so/ /yang gcig gis ni rtse gsum pa thogs so/ /yang gcig gis ni glegs bam thogs so/ /yang gcig gis ni rin po che'i phyag rgya thogs so/ /yang gcig gis ni mkhar sil thogs so/ /yang gcig gis ni rin po che'i nor bu thogs so/ /yang gcig gis ni rin po che'i 'khor lo thogs so/ /yang gcig gis ni pad ma kha bye ba thogs so/ /yang gcig gis ni zhags pa thogs so/ /yang gcig gis ni lcang ma'i lcug ma thogs so/ /yang gcig gis ni 'od zer kha dog lnga 'byin par bgyid do/ /yang gcig gis ni bgrang phreng thogs so/ /yang gcig gis ni ril ba thogs so/ /yang gcig gis ni zil dngar yongs su gtong ba'i lag tu ston to/ /yang gcig gis ni rin po che'i char sna tshogs 'bebs shing mi 'jigs pa'i lag tu ston to/ /yang gnyis ni lte ba'i thad kar g.yon pa g.yas pas mnan nas mthil bkan te mchis so/ /sug pa lag pa gzhan dgu brgya dgu bcu rtsa gnyis po de dag thams cad ni sprul pa'i sug pa lags te/ sug pa de dag kun kyang so so nas mtshon cha dang / phyag rgya rnam pa sna tshogs thogs pas/ kha cig ni sug pa lag pa'i phyag rgya brkyang ba nyi tshe ba yang mchis te/ so so nas mi mthun pas snying po'i mdo las/ ji skad du byang chub sems dpa' de ni lha'i rin po che sna bdun gyi mgo rgyan thogs so/ /lag ngar la</font><hr>99.325b<br><font size=+1>

ni gdub 'khor rnam pa sna tshogs kyis brgyan to/ /lus la ni phreng ba thogs shing lha'i rin po che'i gos gya nom pa dag bgos pa yin no zhes gsungs pa lta bu'o/ /tshon rtsi de dag gi nang du ko ba'i sbyin stsal bar mi bgyi'o/ /kun tu ra'i khu ba dang sbyar bar bgyi'o/ /gang dag yum gyi gzungs kyi cho ga bgyid par 'tshal na sngar de'i gzugs ri mor bri'o/ /gzugs ri mor bri bar yang nges par chos bzhin du bgyi 'tshal bas ri mo 'bri ba'i gnas khang nye 'khor kun tu tsan dan dkar po'i chab kyis dog sa la byugs te/ dkyil 'khor bgyi'o/ /gzhan yang ri mo mkhan 'byung 'jug gi tshe/ khrus bgyis nas gos sar pa gtsang ma bgos te/ nyin re bzhin sdom pa brgyad yang dag par blang bar bgyi'o/ /chos bzhin du gzugs bris lags nas kyang / ri mo mkhan chos bzhin du ma bgyis par dogs par gyur na/ dkyil 'khor gru bzhi pa cig yid la ji ltar mos pa bzhin du bgyis te/ ba dan dang / me tog dang / zhal zas dang / zas dkar gsum dang / me tog dang / spos chab dang / me tog sna tshogs kyis kun tu khyab par bkram nas mchod pa rgya cher bgyis te/ rnal 'byor pa dang / ri mo mkhan gang lags pa des gdugs gcig la dus gsum du gzugs bris pa'i mdun du nongs pa rnams 'thol bshags na/ zhag nyi shu rtsa gcig tshang ba'i mtshan mo mig stong lag stong dang ldan pa'i gzugs bris pa las 'od zer chen po byung nas/ nyi zla zil gyis mnan te 'od kyis phyogs bcu'i stong gsum gyi stong chen po'i 'jig rten gyi khams mtha' dang / tshad ma mchis pa thams cad thogs pa ma mchis par gsal bar bgyid pas/ rnal 'byor pa dang / ri mo mkhan gang lags pa de dag dang sems can gang dag 'od kyis reg pa de dag thams cad shin tu lci ba'i kha na ma tho ba ci mchis pa dus gcig tu zhu byang nas yongs su dag par 'gyur lags so/ /cho ga 'di sgrub pa gang lags pa des</font><hr>99.326a<br><font size=+1>

sems rtse gcig tu ma bgyis pa ni ma gtogs lags so/ /byang chub sems dpa' spyan ras gzigs dbang phyug gis yang 'di skad ces gsol to/ /bdag gis sngon 'das pa'i dus kyi tshe de bzhin gshegs pa rnam par gzigs kyis kyang phyag stong dang spyan stong po 'di dag bstan nas/ bdud chen po rnams 'dul ba mthong nas/ bcom ldan 'das deng bdag gis kyang lag stong dang mig stong po 'di dag bstan nas bdud chen po rnams btul ba lags te/ sug pa lag pa stong po de dag kyang so so nas 'khor los sgyur ba'i rgyal po re re mngon par sprul nas bskal pa bzang po rabs stong gi 'khor los sgyur ba'i rgyal po bgyid par gyur la/ mig stong po de dag kyang so so nas sangs rgyas re re mngon par sprul nas bskal pa bzang po'i sangs rgyas stong dang mtshungs par 'byung bar 'gyur ba'i slad du/ bcom ldan 'das byang chub sems dpa' de'i lus bdud 'dul ba'i nang nas mchog tu gyur pa lags so/ /de nas bcom ldan 'das kyis byang chub sems dpa' spyan ras gzigs dbang phyug la bka' stsal ba legs so legs so/ /ngas kyang byin gyi rlabs kyi mthus bskal pa mthar thug pa'i bar du khyod kyi yum gyi gzungs 'di byin gyis brlab par bya'o/ /byang chub sems dpa' spyan ras gzigs dbang phyug thogs pa mi mnga' ba'i thugs rje chen po rgya cher yongs su rdzogs pa'i gzungs// //bam po gsum pa/ de nas byang chub sems dpa' spyan ras gzigs dbang phyug bcom ldan 'das kyis bsngags pa brjod pa thos nas rab tu dga' zhing mgu bar gyur pas thal mo sbyar te/ bcom ldan 'das kyi zhal du bltas nas 'di skad ces gsol to/ /bcom ldan 'das gzhan yang mig stong lag stong dang ldan pa'i gzugs kyi phyag rgya mngon par sgrub par bgyid pa mchis lags so/ /bcom ldan 'das kyis bka' stsal pa/ ngas kyang rjes su yi rang gis khyod kyis shod cig /de nas byang chub sems dpa' spyan ras gzigs</font><hr>99.326b<br><font size=+1>

dbang phyug gis smras pa dang / nam byang chub sems dpa' spyan ras gzigs dbang phyug gis rig sngags 'di smras pa na stong gsum gyi stong chen po'i 'jig rten gyi khams nas 'du shes med 'du shes med min gyi bar gyi lha'i gnas thams cad kyang rnam pa drug tu rab tu g.yos par gyur to/ /'og min gyi lha dang / dbang phyug chen po yang mi bde bar shin tu skrag par gyur to/ /'dre gdon ma rungs pa thams cad kyang sdug bsngal chen po myong bar gyur pas/ ku co 'don cing shar nub tu byer nas 'gro ba'i gnas kyang mi rnyed par gyur to/ /de nas sprul pa'i lus kyis 'khor mang po rnams dang 'dre gdon ma rungs pa rnams la khyed gal te bdag gi rig sngags kyi rjes su mi 'brang zhing 'gal bar byas par gyur na mgo tshal bar 'gyur ro zhes bsgo'o/ /bcom ldan 'das rig sngags 'dis ni ri rnams 'joms par bgyid cing rgya mtsho chen po skams par bgyid do/ /rig sngags 'dis ni lha ma yin gyi dpung rnams bcom nas yul rnams bsrung bar bgyid do/ /rig sngags 'dis ni 'dre gdon ma rungs pa thams cad dang / nad thams cad dang / mi ma rungs pa thams cad tshar gcod par bgyid do/ /rig sngags 'dis ni sum bcu rtsa gsum gyi lha rnams 'joms shing dul bar bgyid lags so/ /rigs kyi bu gang la la zhig rig sngags 'di 'don cing yongs su 'dzin par bgyid na/ gang zag de'i mthu stobs brjod kyis mi lang ngo / /rig sngags 'di 'don pa dang / yongs su 'dzin pa de dag btsun zhing dbang phyug dang ldan pa dang / nam 'tsho'i bar du rgyal pos byams shing yid du mchi ba dang / smon pa rnams yongs su rdzogs par bgyid do/ /gang la la zhig phyir rgol ba'i bdud gdul bar 'tshal na spos gu gul bsregs te/ bdag gi lus po che'i sngags lan nyi shu rtsa gcig bzlas brjod bgyi'o/ /skye bo mang po thams cad kyis bdag la byams par 'tshal na lcug ma la lan nyi shu rtsa gcig sngags kyis btab ste/ g.yar khams bcas na byams shing</font><hr>99.327a<br><font size=+1>

bkur bar bgyi'o/ /bdag nyid spobs pa dang / shes rab dang ldan par 'tshal na/ shu dag la lan stong rtsa brgyad sngags kyis btab ste/ snying gar bskus na thogs pa ma mchis pa'i spobs pa thob par 'gyur te/ yum gyi gzungs kyi snying po'i phyag rgya bgyi'o/ /de la byang chub sems dpa' spyan ras gzigs dbang phyug gi thogs pa ma mchis pa'i spobs pa'i phyag rgya ni 'di lags te/ lag pa gnyis rgyab sprad de sbyar nas mthe bong gnyis mdun du brkyang bar bgyi'o/ /phyag rgya 'dis ni bdag kyang bsrung zhing gzhan yang bsrung bar bgyid do/ /phyogs gang dang gang du mchi yang rung ste/ mtshams dgum par 'tshal bas/ chab gtsang ma 'am thal ba gtsang ma la lan bdun sngags kyis btab ste/ gang du mchis pa'i gnas der chab bam/ thal pa snyims pa gang sngar rang gi lus la gtor nas de'i rjes la phyogs bzhir chos bzhin du gtor na/ de nyid mtshams su 'grub par 'gyur lags so/ /rigs kyi bu 'am rigs kyi bu mo gang la la zhig 'dre srin ma rungs pa dang / log pa'i gdon mang po rnams kyis gtses par gyur na bal po se'u'i yal ga dang / grib logs kyi lcang ma'i yal ga blangs te/ rig sngags 'di bzlas brjod bgyis nas nad pa la gzhus na nad gang yang rung ste/ mi 'tsho ba ma mchis lags so/ /rig sngags ni 'di lta ste/ na ma/ sarba bud+d+ha/ d+harma sa~M g+hA ya/ na ma Ar+yA ba lo ki te shwa rA ya/ bo d+hi satwA ya/ na mo badzra pA Na ye/ bo d+hi satwA ya/ tad+ya thA/ si bi si bi/ ka ya si bi/ pa la sha pa la ni swA hA/ rig sngags kyi phyag rgya 'dis ni log par lta ba'i mu stegs can rnams 'dul bar bgyid do/ /rigs kyi bu 'am/ rigs kyi bu mo gang la la zhig rtag par gdugs dang po 'char ba'i tshe dang gdugs kyi gung dang gdugs bas pa'i tshe lan nyi shu</font><hr>99.327b<br><font size=+1>

rtsa gcig bzlas brjod bgyis na/ rnam pa sna tshogs kyis sangs rgyas bye ba phrag bcu la mchod pa bgyis pa dang / bye brag tu gyur pa ma mchis pas nam du yang bud med kyi dngos po len par mi 'gyur/ tshe 'das nas kyang ngan song gsum po dag dang gtan tu 'bral zhing / de bzhin gshegs pa 'od dpag med kyi zhing yongs su dag par skye bar 'gyur/ de bzhin gshegs pa de'i phyag gis spyi bo la byugs te/ khyod nga'i zhing du skye bar 'gyur bas ma 'jigs shig ces bka' stsal par 'gyur/ tshe 'di nyid la yang blo bur du 'chi bar mi 'gyur zhing / 'dre gdon dag gis kyang glags rnyed par mi 'gyur lags so/ /de la byang chub sems dpa' spyan ras gzigs dbang phyug gis stong chen po'i 'jig rten gyi khams kyi kha na ma tho ba yongs su sbyong ba'i phyag rgya ni 'di lags te/ 'greng nas 'di ltar sug pa lag pa g.yon pa mdun du brkyang ste/ sor mo lnga so sor phye nas mdun du phul te sor mo lnga char bsgreng ngo / /de'i rjes la sug pa lag pa g.yas pa'i mthe bo lag mthil du bkug ste/ sor mo gzhan bzhi ni khu tshur du bcangs nas rna ba g.yas pa'i thad kar gzhag ste/ lus po che'i sngags bzlas nas mdzub mo ni phan tshun rgyu bar bgyi'o/ /phyag rgya ni gdugs gcig la dus gsum du bgyi bar 'tshal bas dus gcig gi tshe yang lan bdun bzlas brjod bgyis na mtshams ma mchis pa lnga dang shin tu lci ba bzhi'i kha na ma tho ba rnams kyang 'byang bar 'gyur lags so/ /sems can thams cad la byams pa dang / snying rje bskyed par 'gyur na kha na ma tho ba thams cad kyi rtsa ba bsregs nas/ tshe 'das pa'i rjes la yang sangs rgyas rnams dang 'jal bar 'gyur zhing / sangs rgyas kyi zhing de dag tu yang 'khor los sgyur ba'i rgyal po bgyid par 'gyur/ gzhan yang bas pa ma mchis pa'i gter zhes bgyi ba'i gzungs dang / </font><hr>99.328a<br><font size=+1>

ye shes mnyam pa zhes bgyi ba'i gzungs thob par 'gyur/ gzhan yang mtshan nyi shu rtsa brgyad dang ldan par 'gyur/ gzhan yang tshe 'di nyid la mig dang / rna ba dang / sna dang / lce la sogs pa bro 'tshal bar mi 'gyur zhing lus kyi nad thams cad kyang yongs su 'byang bar 'gyur/ sngon gyi las dang kha na ma tho ba rnams kyang zhu byang bar 'gyur lags so/ /gal te than pa byung bar gyur na til 'bru yog po'i 'bras bu'i mar dang sbyar te/ ril bu bgyis nas lan brgya rtsa brgyad bsngags kyis btab ste/ chab rdzing du bor nas dgung chab 'bab par 'gyur lags so/ /gal te char ches na 'bras sA lu brngos pa'i me tog yungs 'bru'i mar dang sbyar te/ ri lu bgyis nas lan brgya rtsa brgyad sngags kyis btab ste chab rdzing du bor na dgung char 'chad par 'gyur lags so/ /de la byang chub sems dpa' spyan ras gzigs dbang phyug stong gsum gyi stong chen po'i 'jig rten gyi khams kyi bdud rnams btul ba'i phyag rgya ni 'di lags te/ sor mo snol mar btang ste/ g.yon pas g.yas pa mnan te/ khu tshur dam du bcangs te spyi bor gzhag nas lus po che'i sngags bzlas brjod bgyis na 'khon pa'i dgra thams cad rang dul bar 'gyur lags so/ /cho ga 'di bgyid pa gang lags pa des ring bsrel dang bcas pa'i mchod rten gyi mdun du tshes nyi shu dgu'i mtshan mo tsan dan dkar po'i phye ma'i dkyil 'khor bgyis te/ me tog sna tshogs bkram nas yongs su dag par khrus bgyis te/ gos sar pa gtsang ma bgos nas pog phor thogs te/ a ga ru bsregs la kha shar phyogs su bltas te/ skyil mo dkrung bcas nas byang chub sems dpa' spyan ras gzigs dbang phyug lag stong mig stong dang ldan pa spyi bo la mchis par 'du shes nye bar gzhag ste/ lus po che'i sngags lan stong rtsa brgyad bzlas brjod bgyis na 'di</font><hr>99.328b<br><font size=+1>

dngos grub thob par 'gyur ba'i phan yon dang po mchog lags so/ /gzhan yang yungs kar til gyi 'bras bu dang gcig tu bsres te brdungs nas phye mar bgyis te/ pho gsum gyis cung zad cig blangs nas lan cig sngags kyis btab ste zhugs su dor ba dgung bdun tshang bar bgyis la/ gdugs re la yang lan brgya rtsa brgyad tshang bar bgyis na slad kyis ci bgyi'o/ /'tshal mngon par 'grub par 'gyur lags so/ /de la byang chub sems dpa' spyan ras gzigs dbang phyug gi 'jigs pa ma mchis pa chen po'i phyag rgya ni 'di lags te/ 'greng nas sug pa rkang pa gnyis gzhibs te/ sngar sug pa lag pa g.yas pa bkan te lag ngar g.yon pa bteg nas pus mo'i steng du gzhag par bgyis te/ sug pa lag pa g.yon pa yang de bzhin du bgyis nas/ rtag par ring bsrel gyi mdun du lus po che'i sngags lan stong rtsa brgyad bzlas brjod bgyis na/ myur du sems can la mi 'jigs pa stsal ba'i ting nge 'dzin gyi sgo thob par 'gyur lags so/ /gzhan yang shing kun dang / yungs kar dang / shu thag dang / ta ta pa'i ri lu blangs te dngos po 'di dag zhugs kyi nang du bor te bsreg par bgyi'o/ /'di dag bsreg pa yang sangs rgyas kyi sku gzugs kyi spyan sngar 'am/ dkyil 'khor 'am/ gnas gtsang ma dag tu bsregs nas lus po che'i sngags bzlas te/ sngags lan re bzla zhing lan re bsreg pa brgya rtsa brgyad tshang bar bgyis nas spos dang me tog dag gis rig sngags la mchod par bgyis na/ ci dang ci smon pa rnams yid bzhin du mngon par 'grub par 'gyur lags so/ /gal te rig sngags gzhan gyis mi thub pa dag sngags 'dis btab nas thams cad thub cing 'grub par 'gyur lags so/ /gal te rmi ltas mthong bar 'tshal na sngags 'di bzlas nas phyag rgya bgyis te mig la btab na ci dang ci mthong bar 'tshal ba de dag thams cad rmi lam du mthong bar 'tshal lags so/ /</font><hr>99.329a<br><font size=+1>

bsod nams ma mchis pa gang dag ci bgyi'o 'tshal yid bzhin du grub par mi 'gyur na/ gdugs re bzhin rig sngags 'di lan brgya rtsa brgyad 'don pa dgung bdun du tshang bar gyur na ci dang ci smon pa thams cad 'thob par 'gyur lags so/ /bcom ldan 'das bdag sngon klu'i rgyal po rgya mtsho'i gnas su rgya mtsho'i chos kyi mdun sar chos ston pa na/ klu mang po rnams sdug bsngal chen po rnams myong bar mthong ba dang / klu mang po rnams la snying brtse nas de dag sdug bsngal las yang dag par bzla ba dang / sems can mang po rnams sdug bsngal dang bral zhing 'khon pa'i dgra ma mchis par bgyi ba'i slad du chos bstan pa las de'i tshe klu'i bu mos chos 'di gnyer ba'i slad du nor bu rin po che mi mjed kyi 'jig rten gyi khams ri ba gcig phul ba dang / bdag gis ni de la yum gyi gzungs 'di rgya cher bstan pas sdug bsngal gyi bgegs rnams dang bral bar 'gyur lags so/ /de nas byang chub sems dpa' chu shel gyis rig sngags 'di yongs su 'dzin pa dag la phan gdags shing bgegs yongs su bsrung ba'-i phyir sngags 'di smras so/ /bi ma le ma hA bi ma le u ha le/ ma hA u ha le/ hu ma le/ ma hA hu ma le/ sa hA le/ ma hA sa hA le/ tsi li te swA hA/ rigs kyi bu 'am rigs kyi bu mo gang la la zhig phyogs gang du gnas kyang rung ste/ byang chub sems dpa' mig stong dang lag pa stong dang ldan pa'i chos kyi cho ga 'di yongs su 'dzin par bgyid na/ bdag kyang rtag par de dag gi rjes su 'brang ste/ yongs su bsrung bar bgyid pas bdud kyi 'khor rnams kyi bar dag gis gtse bar mi 'gyur lags so/ /gang la la zhig brel zhing phongs par gyur tam/ pha rol gyi dgras gtses sam/ chom rkun dag gis gnod pa bgyid par gyur na/ tshon sna lnga'i skud pa la lan nyi shu rtsa gcig sngags kyis btab ste/ sngags lan re bzla zhing mdud pa re re mdud nas/ dpung pa g.yon pa la mdud par bgyi'o/ /gzhan yang</font><hr>99.329b<br><font size=+1>

sug pa g.yon pa'i srin lag dang / gung mo dang / mdzub mo rnams khu tshur bcangs te/ mthe bos steng du mnan nas mthe chung chom rkun gyi phyogs su kha bstan te/ sngags 'di lan brgya rtsa brgyad bzlas na thams cad rang gyis nas gnod pa bgyid par mi 'gyur lags so/ /sngon byang chub sems dpa' spyan ras gzigs dbang phyug gangs ri la gnas te/ chos ston pa dang / gnod sbyin dang / srin po'i yul na gnas pa'i skye bo rnams sems can gyi sha khrag 'ba' shig 'tshal zhing dge ba'i sems ci yang ma mchis pa mthong ba dang / de'i tshe byang chub sems dpa' de thabs la mkhas pas phan gdags shing sems can gdul ba'i ched du rdzu 'phrul gyi mthus de ma thag tu yul de dag tu mchis nas/ mig stong dang lag stong dang ldan pas bdud gdul ba'i lus mngon par bstan te/ yum gyi gzungs mngon par 'grub pa'i phyag rgya bgyis pa dang / de'i tshe srin po'i yul gyi rgyal po bdag gi thad du mchis nas/ nongs pa 'thol bshags te/ phyag bgyis pa dang / bdag gis kyang mngon par 'grub pa'i phyag rgyas btab pas/ de la bla na ma mchis pa'i lam mngon par grub par gyur lags so/ /byang chub sems dpa' spyan ras gzigs dbang phyug gi mngon par 'grub pa'i phyag rgya ni 'di lags te/ 'greng nas sug pa rkang pa gnyis gshibs te/ snying gar thal mo sbyar te mthe'u chung gnyis bsnol mar btang zhing / g.yon pas g.yas mnan nas lus po che'i sngags lan nyi shu rtsa gcig bzlas nas/ cho ga rnam pa sna tshogs gang bgyid kyang rung ste/ thams cad mngon par 'grub par 'gyur lags so/ /de la byang chub sems dpa' spyan ras gzigs dbang phyug gis 'gro ba drug po dag sdug bsngal gyi bgegs las yongs su skyobs pa'i 'khor lo'i phyag rgya ni 'di lags te/ 'gro ba drug gi sems can sdug bsngal las yongs su skyob par 'tshal na 'khor lo'i phyag rgya spyad par bgyi ste/ 'di ltar sor mo bcu'i rtse</font><hr>99.330a<br><font size=+1>

mo phan tshun phrad par bgyi ste/ lag ngar gyi tshigs dang / lag mthil ni dbye bar bgyi'o/ /sor mo rnams kyi bar yang tshon gang tsam mchis par bgyis te/ 'di ni byang chub sems dpa' de 'gro ba drug po dag tu gnas nas sdug bsngal gyi bgegs las yongs su bzlas pa zhes bgyi ste/ 'di ltar phyag rgya'i 'khor lo 'di'i dbang gis thams cad sdug bsngal dang bral bar gyur pas so/ /de la byang chub sems dpa' mig stong dang ldan pa'i mngon par rdzogs par byang chub pa'i phyag rgya ni 'di lags te/ skyil mo dkrung bcas nas sngar sug pa g.yon pa brkyang ste/ sor mo lnga car bkan nas pus mo g.yon pa'i steng du gzhag go/ /de'i rjes la sug pa lag pa g.yas pa brkyang ste/ sor mo lnga car kha sbub nas/ spus mo g.yas pa'i steng du mnan par bgyi'o/ /'di ni 'gog pa'i snyoms par 'jug pa'i phyag rgya dang 'dra ste/ 'das pa dang / ma byon pa dang / da ltar bzhugs pa'i sangs rgyas thams cad kyang mtshungs par phyag rgya 'dis mngon par rdzogs par byang chub par 'gyur ba lags pas/ phyag rgya 'dis ni las kyi sgrib pa thams cad sel bar bgyid do/ /rnal 'byor pa bsam gtan sgom pa gang dag t-ing nge 'dzin mngon sum du ma gyur na gdugs mtshan bdun gyi bar du dgon pa'i gnas su mchis nas gzungs 'd-i bzlas te phyag rgya 'di bgyis nas/ sems rtse gcig tu sangs rgyas rnams mig sngar mngon sum du bzhugs par yid la bgyis te/ gdugs mtshan gcig la dus drug du 'thol bshags bgyis na/ sangs rgyas rnams kyang mngon sum du 'gyur zhing / bsod nams kyi phung po chen po tshad ma mchis dpag tu ma mchis brjod du ma mchis pa rnams kyang 'thob par 'gyur lags so/ /de la byang chub sems dpa' mig stong dang ldan pas sum cu rtsa gsum pa'i lha rnams dgug pa'i phyag rgya ni 'di lags te/ sngar sug pa lag pa g.yon pa'i sor mo bzhi khu tshur bcang bar bgyi'o/ /de'i rjes la sug pa</font><hr>99.330b<br><font size=+1>

lag pa g.yas pas g.yon pa'i mthe bo khu tshur bcangs pa bzhin bcangs nas lag pa g.yon pa'i mthe bo lag pa g.yas pa'i chang pa'i gong du rtse mo phyung nas sug pa lag pa g.yas pa'i mdzub mo ni phan tshun du rgyu bar bgyi'o/ /sngags ni 'di lta ste/ o~M ku tsi ku tsi ku tsi ku tsa ya ri/ tsa ri tsa ri tsa ri le swA hA/ gzungs kyi phyag rgya dang sngags 'di ni bsam gyis mi khyab pas rigs kyi bu 'am rigs kyi bu mo gang la la zhig mchis nyal kar phyag rgya 'di bgyis te/ sngags 'di lan re bzlas shing snying gar phyag rgya lan re bgyi ba lan brgya rtsa brgyad tshang bar gyur na/ sems la ci dang ci 'dod pa rnams rmi lam du rig cing mthong bar 'gyur lags so/ /gang la la zhig rtag par phyag rgya 'di bgyis nas/ sngags 'di bzlas brjod bgyis na sdig pa thams cad byang nas byang chub kyi sems stong bar mi 'gyur bas gang zag de mtshan mo mchis nyal ba'i tshe g.yar lam na rgya cher 'phel zhing bkra shis par 'gyur/ g.yar lam na de bzhin gshegs pa byang chub kyi shing drung du bzhugs nas lung ston pa dang / mngon par rdzogs par sangs rgyas par 'gyur ba'i bar dag kyang mthong bar 'gyur/ tshangs pa dang / brgya byin dang / lha rnams kyang rtag tu nye bar mchis nas/ rim gro bgyid yongs su bsrung bar 'gyur lags so/ /de la byang chub sems dpa' mig stong dang ldan pas lha dang / klu dang 'dre gdon sde brgyad po dgug pa'i phyag rgya ni 'di lags te/ 'greng nas sug pa rkang pa gnyis gshibs te/ sngar sug pa lag pa g.yon pa'i mthe bo lag mthil du bkug nas/ sor mo bzhi khu tshur bcangs te snying gar bzhag go/ /de'i rjes la sug pa g.yas pa yang de bzhin du bgyis te/ lag pa g.yas pa rna drung du gtad nas mdzub mo phan tshun du rgyu bar bgyi'o/ /sngags ni 'di lta ste/ na mo nI la kaN+Tha/ na mo Ar+ya sha pa ta swA hA/ na mo Ar+ya sha la swA hA/ e hi e hi swA hA/ rigs kyi bu 'am rigs kyi bu mo gang la la zhig gzungs dang phyag rgya 'di len</font><hr>99.331a<br><font size=+1>

tam 'dzin tam klog gam/ 'don par bgyid na/ myur du tshe rabs bdun tshun chad kyi sngon gyi gnas kyi dngos po rjes su dran par 'gyur/ sbrul gdug pas zin par mi 'gyur ro/ /dug gis mi tshugs par 'gyur/ mtshon gyis gnod pa bgyid par mi 'gyur/ rgyal pos gshe bar mi 'gyur/ nams kyang sems can dmyal ba'i sdug bsngal myong bar mi 'gyur lags so/ /gang la la zhig gdugs re bzhin du rig sngags 'di 'don par bgyid na/ 'dre srin sde brgyad po rnams rig sngags 'don pa'i drung du nye bar mchis nas/ rig sngags 'don pa nyan par bgyid do/ /rigs kyi bu 'am rigs kyi bu mo gang la la zhig 'dre gdon gyis zin par gyur na/ skud pa dkar po la sngags kyis btab ste/ sngags lan re bzla zhing mdud pa re re mdud de/ mdud pa bzhi bcu rtsa dgu tshang bar bgyis nas de'i mgul du btags nas de'i nad sel bar 'gyur lags so/ /gal te yul gang du ltas ngan dang / rims nad byung ste/ yul mi mang du gum par gyur na/ rgyal po'i kun dga' ra ba dang / rdzing dag tu pad ma stong rtsa brgyad blangs te/ pad ma re re la sngags lan re btab nas zhugs kyi nang du bor te bas par bsregs na rims nad rab tu zhi bar 'gyur lags so/ /de la byang chub sems dpa' mig stong dang ldan pa'i rnam par grol ba'i phyag rgya ni 'di lags te/ skyil mo dkrung bcas nas sngar sug pa lag pa g.yon pa'i gung mo mthe bo'i rtse mo dang sbyar te bkan la/ sor mo gzhan gsum ni brkyang nas pus mo g.yon pa'i steng du gzhag par bgyi'o/ /de'i rjes la sug pa lag pa g.yas pa yang de bzhin du bgyis nas/ sug pa lag pa pus mo g.yas pa'i steng du kha sbub tu gzhag par bgyi'o/ /gang la la zhig rtag par phyag rgya 'di bgyis nas lus po che'i sngags lan nyi shu rtsa gcig bzlas brjod bgyis na/ smon lam rnams yongs su rdzogs par 'gyur zhing / sdug bsngal rnams kyang rnam par grol bar 'gyur ro/ /rigs kyi bu 'am rigs kyi bu mo gang la la zhig mi dge ba bcu</font><hr>99.331b<br><font size=+1>

dang mtshams ma mchis pa lnga la sogs pa'i dngos sdig phun sum tshogs pa bgyis pas 'dzam bu'i gling gi sa ci mchis pa de dag thams cad rdul phra rab tu bgyis la/ rdul phra rab de re re yang bskal pa re re mngon par byung bar gyur na/ gang zag de dngos sdig rnam pa sna tshogs bgyis pa'i dbang gis bskal pa grangs de snyed kyi bar du sems can dmyal bar ltung nas sdug bsngal myong zhing gtan du 'byung ba'i dus ma mchis pa zhig lags na yang / rigs kyi bu'am/ rigs kyi bu mo de dag gis ring bsrel dang bcas pa'i sku gzugs kyi spyan sngar zla ba dkar po'i ngo tshes bcwa lnga la gdugs mtshan gcig zas bkum ste phyag rgya mdud nas rig sngags stong rtsa brgyad tshang bar bzlas na gong du bstan pa'i sdug bsngal de dag thams cad byang bar 'gyur te/ gal te byang bar mi 'gyur ro zhe na/ de lta bu'i gnas ma mchis lags so/ /de la byang chub sems dpa' spyan ras gzigs dbang phyug mig stong dang ldan pas rdzu 'phrul gyi rkang pa la rang dbang thob pa'i phyag rgya ni 'di lags te/ langs nas 'greng ste sngar sug pa g.yon pas sug pa rkang pa g.yon pa'i mthe bo la btsir nas khu tshur bcangs pa bzhin du bgyi'o/ /de'i rjes la sug pa lag pa g.yas pas g.yon pa'i lag ngar gyi steng du btsir nas/ lus po che'i sngags lan bdun 'don par bgyis na/ dpag tshad brgya stong du mar mchi 'tshal na yang dka' ba ma mchis par 'gyur lags so/ /sngags 'don pa'i tshe sgra 'byung bar mi bgyi'o/ /de la byang chub sems dpa' mig stong dang ldan pas rdzu 'phrul la rang dbang thob pa'i phyag rgya ni 'di lags te/ sngar sug pa lag pa g.yon pa'i mthe bos mthe'u chung gi sen mo'i steng du reg par bgyi'o/ /de'i rjes la sug pa lag pa g.yas pa yang de bzhin du bgyis nas/ sor mo gzhan gsum ni so sor yan par bsgreng ste/ lag ngar gyi tshigs sbyar nas spyi bo'i steng du gzhag ste/ lus po che'i sngags lan brgya rtsa brgyad 'don par</font><hr>99.332a<br><font size=+1>

bgyid na/ drang srong 'phur te 'chi bdag dang 'dra bar rang dbang du mchi bar 'gyur lags so/ /de la byang chub sems dpa' rnams sems rtse gcig tu spyan 'dren pa'i phyag rgya ni 'di lags te/ sug pa gnyis nam mkha' la thal mo sbyar te/ lag ngar gyi tshigs sbyar nas mdzub mo gnyis ni phan tshun rgyu bar bgyi'o/ /sngags ni 'di lta ste/ o~M a ro li ka te le/ lo ki bi do ya/ sarba ya dru/ bra maR+d+ha na ka ra ya pu ru swA hA/ bcom ldan 'das kyis de skad ces bka' stsal nas/ nyan thos chen po de dag dang / byang chub sems dpa' de dag dang / tshangs pa chen po dang / lha dang / klu dang / gnod sbyin dang / dri zar bcas pa'i 'jig rten thams cad bcom ldan 'das kyis gsungs pa la mngon par bstod do/ /byang chub sems dpa' spyan ras gzigs dbang phyug phyag stong spyan stong dang ldan pa thogs pa mi mnga' ba'i thugs rje chen po'i sems rgya cher yongs su rdzogs pa zhes bya ba'i gzungs/  cho ga dang bcas pa/ rdzogs s+ho// //zhu chen gyi lots+tsha ba ban de chos grub kyis rgya'i dpe las bsgyur te gtan la phab pa// // #</font><hr>

</table>