J68

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J68</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J68&coll=lithang">see text in Tibetan script</a></table>49.149a<br><font size=+1>

@#/ / sangs rgyas kyi mdzod kyi chos kyi yi ge / bam po gcig pa/ ming gcig ni chos so cog las gdams bstsal pa'o/ /sangs rgyas kyis sangs rgyas kyi mdzod bshad pa'i yi ge'i le'u dang po ste/ chos su cog gi bden pa'i mtshan ma'i le'u 'o// // 'di bzhin bdag gis thos pa dus gcig na/ sangs rgyas mkhar rgyal po'i khab kyi ri khu mtha'i ri la/ dge slong chen po rnams dang lhan cig tu bzhugs te/ kun kyang phal gyis shes rig pa dang / mu med pa'i byang chub sems dpa' sems dpa' chen po sha stag ste/ dpag tu med grangs med do/ /de'i tshe shA ri'i bu ting nge 'dzin nas byung ste/ sangs rgyas kyi thad du song nas phrag pa g.yas pa phyung ste/ mgo dang gdong gis phyag 'tshal nas sangs rgyas la gsol pa/ bcom ldan 'das yang dag par gshegs pas bshad pa/ chos su cog kun skye ba yang med/ 'gog pa yang med/ mtshan ma yang med/ bya ba yang med/ mi rnams yid ches</font><hr>49.149b<br><font size=+1>

shing shes par bgyis pa yod pa dkon no/ /sangs rgyas kyis shA ri'i bu la bka' stsal pa/ khyod kyis bsod nams ji zhig mthong na/ yang dag par gshegs pas bshad pa/ chos so cog kun la skye ba med/ 'gog pa med/ mtshan ma med/ bya ba med na/ mi kun yid ches shing shes par byas pa dkon no zhes bstod/ shA ri'i bus sangs rgyas la gsol pa/ bcom ldan 'das bden pa ma mchis na khor mor sems 'di snyam bgyid do/ /bcom ldan 'das kyis ming dang mtshan ma med pa'i chos la ni ming dang mtshan mas bshad/ ngag dang tshig med pa'i chos la ni ngag dang tshig gis bshad pa de'i don bsams na yod pa dkon pa'i sems skyes so/ /sangs rgyas kyis shA ri'i bu la bka' stsal pa/ de yin no/ /de yin no/ /don yod pa dkon te rab tu yod pa dkon pas na sangs rgyas rnams kyi bla na med pa g.yung drung rdzogs pa'i byang chub ces bya'o/ /shA ri'i bu dper na ri mo mkhan mkhas pas nam mkha' la bris te/ kha dog dang gzugs rnam pa ci yang snang bar byas na khyod kyi yid la ji snyam du sems/ ri mo mkhan de yod pa dkon nam mi dkon/ bcom ldan 'das dkon lags so/ /shA ri'i bu yang dag par gshegs pas 'thob pa'i bla na med pa g.yung drung rdzogs pa'i byang chub kyis chos so cog la skye ba yang med/ 'gog pa yang med/ mtshan ma yang med bya ba yang med par bshad na/ mi kun yid ches shing shes par byas pa ni ches kyis yod pa dkon no/ /ci'i phyir byas na ming dang mtshan ma med pa'i chos la bsam pa yang med/ thob pa yang med/ spyad pa yang med de/ bsam gyis mi khyab cing sems kyis gnas shing rten pa yang ma yin/ 'dran tor du brjod pa yang med/ 'dran tor du brjod cing / rten gnas su rung ba yang ma yin/ tshor ba yang med/ brtags pa yang med/ jis bsdu ba yang med/ sems la yang mi 'dug /thob pas thob pa yang med/ tshu log kyang med/ pha log kyang med/ rnam par rtog pa yang med/ g.yo ba yang med/ rang bzhin yang med/ phyi mo nas rang stong pas bsam du yang mi rung 'byung du yang mi rung ste/ 'jig rten thams cad kyis yid ches par mi nus pa de lta bu'i ming mtshan ma med pa'i chos ming dang mtshan mas bshad de/ de lta bu'i ni chos so cog kun skye ba yang med/ 'gog pa yang</font><hr>49.150a<br><font size=+1>

med/ mtshan ma yang med/ bya ba yang med pas mi kun yid ches shing shes par bya ba ni phyed kyis yod dkon no/ /shA ri'i bu mi la la zhig gis ri rab ri'i rgyal po bldad de/ mid la zhu zhing zad par bya nus la nam mkha' la 'phur te song na/ gnod pa med pa de khyod kyi yid la ji snyam/ yod dkon nam mi dkon/ bcom ldan 'das dkon lags so/ /shA ri'i bu sangs rgyas rnams kyis bshad pa la/ chos so cog kun la skye ba'ang med/ 'gog pa 'ang med/ mtshan ma yang med/ bya ba yang med na/ mi kun yid ches shing shes par byas pa ni phyed kyis yod dkon no/ /shA ri'i bu dper mi'i mkhar chu zheng mthon dman dpag tshad re re yod la sgo bzhir me lce byung ba la mi zhig khur bu rtswa skam po khyer te de'i nang nas phar rgal ba/ rlung drag pos bus pa'i me lces de'i lus bsregs na mi des mes rtswa 'ang ma tshig /lus kyang tshig par bya ba ma nus te/ de'i nang nas byung ste sngon gyi dang mi mtshungs pa med pa de khyod kyi yid la ji snyam yod/ dkon nam mi dkon/ bcom ldan 'das dkon lags so/ /shA ri'i bu yang dag par gshegs pas bshad pa/ chos so cog kun la skye ba med/ 'gog pa med/ mtshan ma med/ bya ba med na mi kun yid ches shing shes par byas pa phyed kyis yod dkon no/ /shA ri'i bu dper mi la la zhig gis rdo la gzings su byas te/ mtsho'i tshu log gi 'gram nas pha log gi 'gram du phyin par rgal na de khyod kyi yid la ji snyam yod/ dkon nam mi dkon/ bcom ldan 'das dkon lags so/ /shA ri'i bu yang dag par gshegs pas bshad pa/ chos so cog kun la skye ba med/ 'gog pa med/ mtshan ma med/ bya ba med na/ mi kun yid ches shing shes par byas pa phyed kyis yod dkon no/ /shA ri'i bu mi la la zhig gis gnam ngos bzhi'i 'og ri rab ri'i rgyal po dang / ri dang / chu bo dang / rtswa dang / shing kun khur du khyer la/ sbrang bu'i rkang pas skas byas te/ tshangs lha'i khams su thug par mdzegs na de khyod kyi yid la dkon nam mi dkon/ bcom ldan 'das dkon lags so/ /shA ri'i bu yang dag par gshegs pas bshad pa/ chos so cog kun la skye ba yang med/ 'gog pa yang med/ mtshan ma yang med/ bya ba yang med na/ </font><hr>49.150b<br><font size=+1>

mi kun yid ches shing shes par byas pa phyed kyis dkon no/ /shA ri'i bu yang dper pad ma'i kha chu char gyi nyag mas ri rab ri'i rgyal po spangs te nam mkha' la 'dug na/ de khyod kyi yid la ji snyam/ yod dkon nam mi dkon/ bcom ldan 'das dkon lags so/ /shA ri'i bu yang dag par gshegs pas bshad pa/ chos so cog kun la skye ba yang med/ 'gog pa yang med/ mtshan ma yang med/ bya ba yang med na/ mi kun yid ches shing shes par byas pa phyed kyis dkon no/ /shA ri'i bu dper na bskal pa zad pa'i me chen pos bsregs pa'i tshe/ mi zhig gis mchil ma thabs gcig btabs pas me de shi bar nus/ yang thabs gcig bus pas slar 'jig rten gyi khams dang lha rnams kyi pho brang du gyur par nus pa de khyod kyi yid la ji snyam/ yod dkon nam mi dkon/ bcom ldan 'das dkon lags so/ /shA ri'i bu yang dag par gshegs pas bshad pa/ chos so cog kun la skye ba yang med/ 'gog pa yang med/ mtshan ma yang med/ bya ba yang med na/ mi kun yid ches shing shes par byas pa ni phyed kyis yod dkon no/ /shA ri'i bu chu bo gang gA che zhing yangs pa ni dpag cing tshad gzung du med do/ /bcom ldan 'das 'di lags so/ /shA ri'i bu gnam ngos bzhi'i 'og na char pa chen po khyab par bab ste/ char pa'i thigs pa ni chu bo gang gA tsam na/ mi la la zhig gis lag pas char pa'i thig pa bzed de lhung zhing zag pa med na de khyod kyi yid la ji snyam/ yod dkon nam mi dkon/ bcom ldan 'das dkon lags so/ /shA ri'i bu yang dag par gshegs pas bshad pa chos so cog kun la skye ba yang med/ 'gog pa yang med/ mtshan ma yang med/ bya ba yang med na/ mi kun yid ches shing shes par byas na phyed kyis yod dkon no/ /shA ri'i bu ri rab ri'i rgyal po mtho zhing che 'am mi che/ bcom ldan 'das mtho zhing che'o/ /shA ri'i bu gnam ngos bzhi'i nang na khyab par rdo chen po'i char bab ste/ kun ri rab ri'i rgyal po tsam na/ mi la la zhig gis lag pas rdo de dag bzed cing bsdus te/ ske tshe'i 'bras bu tsam yang lhung zhing zag pa med pa de khyod kyi yid la ji snyam/ dkon nam mi dkon/ bcom ldan 'das dkon lags so/ shA ri'i bu yang dag par gshegs pas bshad pa/ chos so cog kun la skye ba yang med/ 'gog</font><hr>49.151a<br><font size=+1>

pa yang med/ mtshan ma yang med/ bya ba yang med na/ mi kun yid ches shing shes par byas pa phyed kyis yod dkon no/ /shA ri'i bu dper na mi la la zhag gis sems can thams cad lag pa g.yon par bzhag la/ lag pa g.yas pas stong gsum gyi 'jig rten gyi khams dang / ri rab dang / chu bo dang / rtsi shing bteg ste/ sems can de rnams thams cad sems 'thun par dga' skyid cing yid la tha dad pa med par bya nus na de khyod kyi yid la ji snyam/ yod dkon nam mi dkon/ bcom ldan 'das dkon lags so/ /shA ri'i bu yang dag par gshegs pas bshad pa chos so cog kun la skye ba yang med/ 'gog pa yang med/ mtshan ma yang med/ bya ba yang med na/ mi kun yid ches shing shes par byas pa phyed kyis yod dkon no/ /shA ri'i bu yang dag par gshegs pas bshad pa chos kun la ngo bo nyid med de/ stong pa ci yang med pas 'jig rten thams cad kyis yid ches shing shes par dka'o/ /ci'i phyir zhe na/ shA ri'i bu chos de la 'du shes med de 'du shes so cog dang bral lo/ /bsam pa med de bsam pa'o cog dang bral lo/ /blang ba 'ang med de dor ba'ang med/ 'dran tor yang med/ mya ngan tsha ba'ang med/ tshu log gi 'gram yang med/ pha log gi 'gram yang med/ skabs kyang med/ gti mug med/ rig pa'ang med de/ tshad med pa'i ye shes kyis na gdod shes par rung ste/ bsam pas shes par nus pa ma yin no/ /spyad pa yang med/ 'du shes kyang med/ bsam pa kun las 'das/ sems med na sems kun las 'das/ phyogs pa 'ang med/ log pa 'ang med/ bcing ba'ang med/ bkrol ba yang med/ bden pa yang med/ mi bden pa'i chos kyang med/  gti mug gi chos kyang med/ gti mug gi dra ba yang me ming yang med/ tshig med/ bshad pa med/ ma bshad pa med/ zad pa 'ang med/ ma zad pa 'ang med/ spyad pa 'ang med/ lam yang med/ lam gyi 'bras bu yang med/ bral ba med na bral ba rnams las 'das te/ bsam pa 'ang med/ go 'dun 'dres pa 'ang med/ blang ba 'ang med/ dor ba 'ang med/ thob pa 'ang med/ thob par yang mi rung / bden pa rnams kyang bsal/ 'dod chags dang / zhe sdang dang / gti mug kyang bsal te/ bden pa 'ang med/ brdzun pa 'ang med/ rtag pa 'ang med/ mi rtag pa 'ang ma yin</font><hr>49.151b<br><font size=+1>

snang ba 'ang ma yin/ mi snang ba yang ma yin/ mun pa'ang ma yin/ snang ba 'ang ma yin/ sems la mi 'dug /ngo bo nyid phyi mo nas stong pas/ bdud phebs thul bar nus/ mya ngan 'khrug pa phebs thul/ lnga phung phebs thul/ 'du mched bcu gnyis phebs thul/ khams bcwa brgyad phebs thul/ lnga phung yod ces 'chad pa phebs thul/ 'du mched bcu gnyis yod ces 'chad pa phebs thul/ khams bcwa brgyad ces 'chad pa phebs thul/ sems can yod ces 'chad pa dang / gang zag yod ces 'chad pa phebs thul/ tshe yod ces 'chad pa dang / srog yod ces 'chad pa dang / yod pa yod ces 'chad pa dang / yod pa med ces 'chad pa phebs thul lo/ /yon po chad pa thams cad phebs thul lo/ /shA ri'i bu nga'i 'phrul gyi chos 'dis 'dod chags thams cad dang / chos yod ces 'chad pa dang / chos so cog gi yang dag pa'i bden pa'i mtshan ma la yid mi ches ma dad pa dang / sangs rgyas kyi chos la zlog pa kun phebs thul bar nus so/ /ci'i phyir zhes byas na/ shA ri'i bu sems can la la zhig bdag tu lta bar 'chad/ gang zag tu 'chad/ sems can yod par 'chad/ med par 'chad/ rtag pa snyam du 'chad/ yod pa snyam du 'chad/ med pa snyam du 'chad cing chos rnams 'chad pa dang / brnyan ma'i ming du 'chad pa dang / 'chad pa kun la sangs rgyas la zlog cing gsal ba ste/ sangs rgyas dang rtsod pa'o/ /shA ri'i bu chos la cung zad cig thob par 'dzin pa yan chad sangs rgyas dang rtsod pa'o/ /sangs rgyas dang rtsod pa ni kun yon po'i lam du 'jug pa ste/ nga'i slob ma ma yin no/ /nga'i slob ma ma yin na mya ngan las 'das pa dang rtsod pa/ sangs rgyas dang rtsod pa/ chos dang rtsod pa/ dge 'dun dang rtsod pa ste/ shA ri'i bu de ltar mthong ba'i mi ni ngas khyim nas byung zhing / tshul khrims gnod du ma gnang ngo / /shA ri'i bu de ltar mthong ba'i mi ni ngas chu rngub cig dang / yon len du 'ang ma gnang ngo / /shA ri'i bu mi la la zhig de lta bur mi dge ba'i 'dod chags kyi don bsal btang ba ni nga'i chos kyi nang du khyim nas 'byung zhing chos la ma tshol te/ mya ngan las 'das par yang mi sems/ mya ngan las 'das pa'i sems kyang mi byed/ mya ngan las 'das pa la 'ang ma chags te/ mtha'</font><hr>49.152a<br><font size=+1>

yun du stong pa'i chos kyis dngangs/ ma skrag pa de lta bu'i mi yang chos kun 'chad pa'i phyir brtson 'grus pa la spyod na/ mi dge ba la 'dod chags pa de lta bu'i lta smos kyang ci dgos/ bdag tu lta ba la chags pa dang / sems can la chags pa dang / gang zag la chags pa dang / chos la chags pa de lta bu'i mis 'dod chags rnams bcad pa'i phyir mtshan ma med pa'i ting nge 'dzin 'grub par spyad sbyangs te/ mtshan ma med pa'i ting nge 'dzin la yang mtshan ma mi len te/ mi des chos so cog thams cad kyi mtshan nyid gcig yin par khong du chud de/ de ni mtshan nyid med pa'o/ /shA ri'i bu de lta bu ni ming 'phrul gyi chos kyi mnyen dul ba'i chos kyi bzod pa zhes bya'o/ /mnyen dul ba'i chos kyi bzod pa de lta bu thob na/ gdod ming nga'i slob ma yin te/ yon phul ba'ang zhu bar bya nus la lung ston par ma mnos so/ /ci'i phyir zhe na byas na/ shA ri'i bu nga'i yang dag pa'i bden pa'i mtshan ma'i chos 'di la 'jug tu 'ang mi rung / blang du 'ang mi rung / dor du 'ang mi rung / chags su 'ang mi rung / bshad du 'ang mi rung / smra ba'i tshig gi lam chad/ dga' ba 'ang med/ gzha' ba 'ang med/ 'dod cing dga' ba'i sems kyang chad de/ rkyen rnams tshogs pa med/ rkyen rnams dang bral bas kyang lam med/ lam chad/ lam med pa la thug par smra ba'i tshig rnams dang / brjod cing 'gro ba dang / sgra skad kun chad/ de gzugs kyang med/ kha dog kyang med/ blang ba 'ang med/ chags pa 'ang med/ spyad pa 'ang med/ bden pa 'ang med/ brdzun pa 'ang med/ mun pa 'ang med/ snang ba 'ang med/ zhig pa 'ang med/ rtsod pa 'ang med/ 'dus pa 'ang med/ gyes pa 'ang med/ g.yo ba 'ang med/ sems pa'ang med/ rnam par rtog pa 'ang med/ thob par mi rung ngo / /dri ma 'ang med/ gtsang ba 'ang med/ ming yang med/ mtshan ma'ang med/ sems kyis bgrang ba'i chos kyang ma yin/ sems kyis shes pa'ang ma yin te/ nga'i chos 'di'i nang na skyes pa'ang med/ bud med kyang med/ lha 'ang med/ klu 'ang med/ gnod sbyin yang med/ dri za yang med/ grul bum yang med/ sha za yang med/ chad pa 'ang med/ rtag pa'ang med/ bdag tu lta ba'ang med/ sems can yang med/ gang zag</font><hr>49.152b<br><font size=+1>

kyang med/ 'ongs pa 'ang med/ song ba'ang med/ zhugs pa'ang med/ tshul khrims kyang med/ nyams pa 'ang med/ gtsang ba 'ang med/ dri ma 'ang med/ ting nge 'dzin kyang med/ thub pa 'ang med/ thub pa'i rtsa ba'ang med/ bsam gtan yang med/ bsam gtan gyi rtsa ba yang med/ shes pa 'ang med/ mthong ba'ang med/ 'dod pa 'ang med/ rtsod pa 'ang med/ lam yang med/ lam gyi 'bras bu yang med/ shes rab kyang med/ shes rab kyi rtsa ba'ang med/ snang ba med pa'ang med/ grol thar pa med pa 'ang med/  'bras bu thob pa 'ang med/ stobs kyang med/ stobs thob pa 'ang med/ 'jigs pa 'ang med/ 'jigs pa med pa'ang med/ sems kyang med/ sems kyi rtsa ba'ang med/ 'dug pa 'ang med/ 'gro ba 'ang med/ cho ga 'ang med/ tshu log kyang med/ pha log kyang med/ dran zhing 'du shes kyis rnam par brtags pa 'ang med/ byang chub kyang med/ byang chub kyi shas kyang med/ shes rab med/ shes rab med pa 'ang med/ sa 'ang med/ chu 'ang med/ rlung yang med/ sdig kyang med/ dpal yon yang med/ chos kyang med/ chos med pa'ang med/ sdug bsngal yang med/ skyid pa'ang med de/ 'dran tor brjod pa thams cad kyi rtsa ba'i phyi mo kun byung ste/ thams cad yongs su bral bas grangs te dud pa'ang med do/ /shA ri'i bu gces pa'i tshig bskyod do/ /nga'i chos kyis sems so cog thams cad dang / mthong ngo cog thams cad dang / bdud thams cad dang / le lo yang skye ba kun bshig ste/ dran zhing sems pa thams cad kun gyi sems so/ /smra ba'i tshig thams cad gsal to/ /nga'i chos de'i nang na rtag pa med/ rtag pa med pa'ang med/ sdug bsngal med/ skyid pa'ang med/ dri ma 'ang med/ gtsang ba 'ang med/ chad pa'ang med/ rtag pa'ang med/ bdag tu lta ba'ang med/ sems can yang med/ gang zag kyang med/ tshe 'ang med/ srog kyang med/ skye ba'ang med/ 'gog pa 'ang med/ de ci'i phyir zhe na/ shA ri'i bu yang dag par gshegs pas/ chos la nga med/ nga zhi ba yod pas na/ ming mya ngan las 'das zhes bya na/ mya ngan las 'das pa thob pa 'ang ma mthong / shA ri'i bu sangs rgyas kyang mya ngan las 'das par mi sems so/ /mya ngan las 'das pa'i sems kyang mi byed/ mya ngan las 'das pa la 'dod chags kyang med do/ /de lta bas na de ni rab tu ngo mtshar</font><hr>49.153a<br><font size=+1>

bar mngon te yod dkon no/ /de ni yang dag par gshegs pas bshad pa chos so cog skye ba'ang med/ 'gog pa'ang med/ mtshan ma'ang med/ bya ba'ang med na/ mi kun yid ches shing shes par byas pa na phyed kyis yod dkon no/ /le'u gnyis te sangs rgyas bsam pa'i le'u 'o// // de'i tshe shA ri'i bus sangs rgyas la gsol pa/ bcom ldan 'das chos 'di'i nang na ji lta bu la ngan pa'i bshes gnyen zhes bgyi/ ji lta bu la dge ba'i bshes gnyen zhes bgyi/ sangs rgyas kyis shA ri'i bu la bka' stsal pa/ dge slong la la zhig dge slong gzhan la ston pa/ dge slong khyod sangs rgyas la soms shig /chos la soms shig /dge 'dun la soms shig /tshul khrims la soms shig /gtong ba la soms shig /lha la soms shig /dge slong khyed kyis lus la rtogs te/ lus gzugs de mi gtsang bar soms shig /bya ba yod do cog gi chos thams cad kun ni rtag pa med par rtogs shig /chos so cog ni stong pa med par rtogs shig /dge slong khyod kyis rkyen to cog gi mtshan ma blangs te/ sems kyi rkyen gyi nang du btags pa bzhin du/ stong pa'i mtshan ma gcig tu soms shig /dge ba'i sems la dad par byos shig /mi dge ba'i chos kyi mtshan ma long la/ mi dge ba'i chos kyi mtshan ma blangs zin nas gcad par bya ba'i phyir brtags shing bsam pa spyad pa sbyangs te/ 'dod chags gcad pa'i phyir mi gtsang ba'i mtshan ma la brtag go/ /zhe sdang gcad pa'i phyir byams pa'i sems kyi mtshan ma la brtag go/ /gti mug gcad pa'i phyir rgyu rkyen gyi chos la brtags te/ rtag par tshul khrims gtsang ma bsams la zab tu stong pa'i mtshan ma blangs te/ brtson 'grus rtag par spyad la/ bsam gtan bzhi thob nas sems gcig tu lam btsal te/ mi dge ba'i chos ni spangs nas nang gi bde skyid yod par brtag go/ /sems gcig tu lam spyad de/ dge mi dge'i bye brag phyed par rtogs par brtag go/ mtshan mar rtogs te blangs zin nas sems gcig tu bsams te/ mya ngan las 'das pa'i bde ba stong pa zhi ba brtags te mya ngan las 'das pa'i mtha' yun du gtsang dag pa 'ba' shig blang ba de lta bu ston pa ni ming yon por ston pa ste/ de lta bu'i drang por ston</font><hr>49.153b<br><font size=+1>

pa yon por ston pa yin no/ /shA ri'i bu de lta bur ston pa ni ming ngan pa'i bshes gnyen te/ mi de lta bu'i ming la 'phya skur pa zhes bya ste mur 'dug la stong pa'o/ /mi gzhan la yon por lam gyi chos 'chad pa zhes kyang bya'o/ /shA ri'i bu de lta bu'i ming ngan pa ni ngas chu rngub gcig dang yon len du 'ang mi gnang ngo / /ngas ston pa ni bshad kyi slob ma ni ma bshad do/ /shA ri'i bu nga'i chos la de lta bur le lo yang skye ba ston pa mang du yod do/ /shA ri'i bu bstan pa mnod pa ni tshul khrims mnos te/ lo lnga'i bar du kun gtong mi phod na de lta bur bstan pa ni de la sems 'grus par spyad de/ rang la ci yang med pa thob pa yod do/ /dge slong song ste mi gsol mi 'dri ba ngas bshad pa la mi de lo lnga lon mod kyi/ 'on kyang ming yon po mthong ba ste mur 'dug gi chos dang 'dres shing bdud kyis bstan pa bzhin du spyod pa'o/ /shA ri'i bu dge slong la la zhig de skad du bstan pa mnos zin nas stong pa chos ci yang thob pa med ces thos nas/ mod bzhin rang gis tshor shes te/ bdag gis sngar mnos pa ni kun yon po mthong ba yin te/ stong pa ci yang thob pa med pa'i chos la the tsom yang med/ 'gyod pa yang med de zab tu zhugs shing thos pa med pas bdag tu lta ba dang / gang zag tu lta ba thams cad la mi rten to/ /shA ri'i bu ngas bshad pa la de lta bu'i mi ming gtsang dag pa'i tshangs pa spyad pa zhes bya'o/ /shA ri'i bu dge slong la la zhig gis de lta bu'i thob pa med pa'i bzod pa 'byor grub na 'phral du lhag ma med pa'i mya ngan las 'das pa mthong mod kyi/ ngas lung bstan de mi de sangs rgyas byams pa'i dus kyi tshogs pa dang po la 'jug go/ /de'i tshe sangs rgyas byams pa'ang shin tu dga' nas lan gsum bos te mi de sangs rgyas shAkya thub pa'i chos la ci 'ang thob pa med pa'i bzod pa'i 'byor grub pas nus so zhes bos so/ /shA ri'i bu khyim na 'dug pa'ang rung / khyim nas byung ba yang rung ste/ de lta bu bzod pa 'byor grub nas/ ngas mi de mya ngan las 'das pa thob pa yang dag par lung ston to/ /shA ri'i bu mi la la zhig de skad du bstan pa mnos zin nas stong pa ci yang thob pa med pa'i chos thos na rmod bzhin dngangs skrag na mi de snying rjer rung ste ra mda' med do/ /gnyen</font><hr>49.154a<br><font size=+1>

po med de sems can dmyal bar phyogs so/ /ci'i phyir zhe na/ shA ri'i bu sangs rgyas kyi bstan pa la dngangs skrag cing dogs pa ste/ mi des ngan pa'i lam chog tshang ba'i phyir ro/ /ji lta zhe na/ ngas rtag par bshad pa yin no pa yod ces 'chad pa ni lam ngan pa'i shas yin no/ /ji lta zhe na/ shA ri'i bu sangs rgyas kyis thob pa'i chos la yin ma yin dang tha dad pa med do/ /tha dad du zin na thob pa yod pa yin no/ /shA ri'i bu mi la la nyis na log pa lnga'i shas lci ba 'byor kyang rung gi bdag tu lta ba dang / sems can du lta ba dang / gang zag du lta ba dang / tsher lta ba dang / srog tu lta ba dang / phung po dang / skye mched dang / khams su lta ba 'byor grub tu mi rung ngo / /tshul khrims 'dzin pa la 'dod chags/ tshul khrims 'dzin pa la chags par mthong ba'o/ /ting nge 'dzin la 'dod chags na ting nge 'dzin mthong ba la chags pa'o/ /sangs rgyas kyi 'du shes la rten na chos kyi 'du shes thob pa'o/ /dge 'dun gyi don gcod na/ lus mthong ba 'byor ba grub bo/ /de ci'i phyir zhe na/ sangs rgyas kyi chos la lus mthong ba 'byor grub na/ dge 'dun gyi grangs su mi gtogs so/ /shA ri'i bu sangs rgyas kyi slob ma rnams ni/ sems la rnam par brtag pa med do/ /shA ri'i bu sangs rgyas kyi slob ma rnams la mi dge ba med do/ /tshul khrims zhig pa med do/ /zhig par mthong ba med do/ /cho ga zhig pa med do/ /shA ri'i bu gang la sogs pa ngan pa mi dge ba zhes bya/ sangs rgyas dang dge 'dun gyi nang na/ dge 'dun gyi grangs su ma chud pa'i ming ngan pa mi dge ba'o/ /sems kyis sems bgrang ba'i chos ni rkyen rnams dang 'dus pa ste/ yang dag pa bden pa'i don med de/ rnam par rtog pa 'ba' shig byed do/ /rnam par rtog pa spyad pas na/ thob pa yod du 'dzin te gang zag thob pa nas/ tshig gis bshad pa yod pa kun la thug gi bar du/ sems kyis sems 'thud de/ dge mi dge'i chos la thug pa ni/ 'phrul gyi chos kyi nang na ming ngan pa mi dge chos shes bya'o/ /ci'i phyir zhe na/ shA ri'i bu skyid pa yod pa'i gnas kyi nang na gdon mi za bar nyon mongs pa yod do/ /yang dag par gshegs pa'i chos la de lta bu'i skyid sdug med do/ /shA ri'i bu yang dag par gshegs pas thob pa de'i</font><hr>49.154b<br><font size=+1>

nang na 'dod pa med/ 'dod pa med pa 'ang med/ skyid pa 'ang med/ nyon mongs pa'ang med/ sems pa'ang med/ 'du shes kyang med/ spyod pa 'ang med/ stong pa'i 'du shes kyi thug gi bar du 'ang med do/ /ci'i phyir zhes byas na/ shA ri'i bu stong pa'i 'du shes yod du zin na bdag tu lta ba'i 'du shes yin/ sems can du lta ba'i 'du shes yin/ rtag pa'i 'du shes yin/ chad pa'i 'du shes yin no/ /ci'i phyir zhe na/ shA ri'i bu 'du shes yod pa'i phyir 'brangs na mtshan ma'o cog skyes te kun yon por lhung ba yin no/ /shA ri'i bu stong pa'i ming ni sems med pa ste/ de'i ming stong pa zhes bya'o/ /stong pa'i sems kyang stong pa ste/ de'i ming stong pa zhes bya'o/ /shA ri'i bu stong pa'i nang na legs pa'ang med/ nyes pa'ang med/ stong pa'i 'du shes la thug gi bar du 'ang med do/ /de lta bas na ming stong pa'o/ /shA ri'i bu bya ba yod pa'i chos kun ni rig par rung / shes par rung ngo / /stong pa ni rig par rung ba ma yin no/ /shes par rung ba yang ma yin/ bsam pa rung ba ma yin te/ de lta bas na ming stong pa'o/ /shA ri'i bu stong pa'i 'du shes ni bsam pas thob pa ma yin no/ /ci'i phyir zhe na/ stong pa 'du shes med pa'i phyir ro/ /de lta bas na ming stong pa'o/ /shA ri'i bu ci'i phyir zhe na/ stong pa'i las spyod pa bshad/ 'du shes thams cad mi sems/ stong pa'i 'du shes la thug gi bar du 'ang mi sems pa de'i ming stong pa spyod pa zhes bya'o/ /shA ri'i bu 'du shes kyi ming sems la bsam pa yod do cog gi ming 'du shes shes bya'o/ /ci yang bsam pa med pa ni 'du shes med pa ste/ 'du shes dang bral bas na ming 'du shes med pa zhes bya'o/ /'du shes len pa la 'brang ba ni kun yon po mthong ba yin no/ /ci'i phyir zhe na/ shA ri'i bu 'phrul gyi chos la stong pa zhi ba thob tu 'dzin na/ kun yon po mthong bar ltung ba na tshig gis bshad pa dang / 'chad pa lta smos kyang ci dgos/ de lta bu'i stong pa'i chos ci spyad na bshad du rung / shA ri'i bu sangs rgyas kyis ci'i phyir skad dang tshig gis bshad pa kun ming yon po zhes bya'o/ /chos so cog la khong du chud par mi nus pa de ni kun tshig bshad pas bsgribs</font><hr>49.155a<br><font size=+1>

pa'i lan te/ de lta bas na yang dag par gshegs pas smra ba'i tshig kun yon po yin par mkhyen te/ smra ba'i tshig cung zad yan chad kyang bden par mi rung ngo / /shA ri'i bu sangs rgyas rnams kyi bla na med pa'i g.yung drung rdzogs pa'i byang chub la 'du shes kyang med/ sems kyang med do/ /ci'i phyir zhe na/ yang dag par gshegs pas chos la ngo bo nyid thob pa'ang med/ sems thob pa'ang med do/ /shA ri'i bu yang dag par gshegs pas/ ci'i phyir bsam pa'i gnas yod par bshad/ shA ri'i bu chos kyi yi ge las bshad pa/ mi la la zhig gzhi bsam pa'i gnas thob na/ mi des chos so cog gi ngo bo nyid thob par nus te/ rang gi lus thob par nus/ bdag tu lta ba thob/ gang zag thob ste/ de ni bden pa yong med do/ /chos kyi mtshan ma tha dad/ stong pa tha dad/ stong pa bstan pa'i phyir bsam pa'i gnas bshad do/ /gzhi bsam pa'i gnas kyi ngo bo nyid la ngo bo nyid med/ gnas med/ bsam pa'ang med/ bshad pa'ang med/ 'dod chags kyang med do/ /sems kyi ngo bo nyid kyang med na sems kyi gnas med pa lta smos kyang ci dgos/ de bas na yang dag par gshegs pas ming sems kyi gnas shes bshad do/ /shA ri'i bu chos so cog la yang dag par ngo bo nyid de skra spu'i nyag ma bcu tshal gyi brgya cha gcig tsam zhig yod du zin na des sangs rgyas kyi tshig rnams 'jig rten du mi 'gyur te/ mthar chos so cog gi ngo bo nyid stong par yang mi bshad do/ /shA ri'i bu sangs rgyas kyi chos so cog ni bden par stong pa ste/ ngo bo nyid med cing mtshan ma gcig pu ste/ de ni mtshan ma med par yang dag par gshegs pa kun gyis gzigs so/ /yang dag par gshegs pa de'i phyir bsam pa'i gnas yod ces bshad do/ /shA ri'i bu bsam pa'i gnas ni ming gnas med/ gnas med pa'ang med ces bya'o/ /bsam pa med/ bsam pa'i las kyang med/ 'du shes med/ rnam par brtag pa'ang med/ yid med/ yid kyi las kyang med/ bsam pa med/ bsam pa'i las kyang med/ chos med/ chos kyi mtshan ma'ang med/ de kun 'dus gyes med pas na 'dzangs shing 'phrul ba'i ming rnam par brtags pa med ces bya ste/ de'i ming bsam pa'i gnas shes bya'o/ /</font><hr>49.155b<br><font size=+1>

yang dag par gshegs pas de'i phyir bsam pa'i gnas yod ces bshad do/ /ci yang med pa'i phyir bsam pa'i gnas shes bya'o/ /sangs rgyas bsam pa'i phyir ming bsam pa'i gnas shes bya'o/ /shA ri'i bu ji ltar na ming sangs rgyas bsam pa zhes bya/ ci yang med par mthong ba ni ming sangs rgyas bsam pa zhes bya'o/ /shA ri'i bu sangs rgyas kun ni dpag tu med/ bsam gyis mi khyab/ brjod kyis mi lang ngo / /gzhung de lta bas na ci yang med par mthong ba ni ming sangs rgyas bsam pa zhes bya ste/ bden par ming rnam par brtag pa med do/ /sangs rgyas chos so cog la rnam par brtags pa med pas na/ sems la rnam par brtags pa med na gdod sangs rgyas bsam pa yin zhes bya'o/ /yang gcig du na chos so cog gi bden pa'i mtshan ma mthong na ming sangs rgyas mthong zhes bya'o/ /gang la sogs pa'i ming chos so cog gi bden pa'i mtshan ma zhes byas na de ni chos so cog mtha' yun du stong zhing ci yang med pa'o/ /de lta bas na mtha' yun du stong zhing ci yang med pa'i chos ni sangs rgyas bsam pa'o/ /yang gcig tu na de lta bu'i chos kyi nang na sems cung zad yan chad kyang thob par mi rung ste/ de'i ming sangs rgyas bsam pa zhes bya'o/ /shA ri'i bu de'i ming sangs rgyas bsam pa'i chos te/ smra ba'i tshig gi lam chad la sems so cog las 'das shing byung ste/ sems thob par mi rung ba de'i ming sangs rgyas bsam pa'o/ /shA ri'i bu sems so cog thams cad ni kun mtshan ma stong pa zhi ba ste/ chos de bzhin du ma gal na de ni ming sangs rgyas bsam pa spyod pa sbyong ba zhes bya'o/ /kha dog spyad de sangs rgyas bsam du'ang mi rung ngo / /ci'i phyir zhe na/ kha dog bsams gzugs blangs bro la chags na rnam par shes pa zhes bya'o/ /gzugs med/ kha dog med/ rkyen med/ rang bzhin med na ming sangs rgyas bsam pa'o/ /de lta bas na rnam par brtags pa med/ blang ba med/ dor ba med na/ sangs rgyas bsam pa yang dag pa yin par mngon no/ /le'u gsum ste chos bsam pa'i le'u'o// // de'i tshe shA ri'i bus sangs rgyas la gsol pa/ bcom ldan 'das ji ltar na mi gzhan la chos 'di bshad na ngan pa'i bshes gnyen zhes bgyi/ bcom ldan 'das ji lta</font><hr>49.156a<br><font size=+1>

bur na mi bzhan la chos 'di bshad na dge ba'i bshes gnyen zhes bgyi/ shA ri'i bu mi la la zhig gis dge slong gzhan la bstan pa khyod shes par gyis shig /sangs rgyas bsam pa ni stong pa'o/ /rkyen gyi gnas bsam pa de ni bsam pa'i mi rigs so/ /khyod kyis stong pa bsams na bsam pa yang stong pa ste/ rang bzhin med pa'i stong pa des kha dog gi 'du shes chod par nus/ 'du shes len pa chod par nus so/ /mi des de'i tshe 'du shes med pa'ang ma thob na sems lta smos kyang ci dgos/ mi des de'i tshe ci yang yod med la stong par zhi ste/ rang bzhin med na 'du shes rnams mi 'du'o/ /chos so cog zhi bar byas na de'i bsam pa'i spyod pa sbyong ba zhes bya'o/ /sangs rgyas pa'i ming ni dge mi dge dang / tshor ba dang brtag pa thams cad zhi ba zhes bya'o/ /tshor ba'ang med brtag pa'ang med la stong zhing 'du shes med na ming sangs rgyas bsam pa zhes bya'o/ /ci'i phyir zhe na/ tshor ba dang brtag pa spyad de/ sangs rgyas rnams bsam pa'i mi rigs so/ /tshor ba'ang med/ bdag po'ang med na mi gtsang dag pas sangs rgyas bsam pa zhes bya'o/ /sems de'i nang na phra shas bsam pa'i sems kyi las kyang med la/ lus dang / kha'i las med pa lta smos kyang ci dgos/ yang sangs rgyas bsam pa zhes bya ba ni 'du shes thams cad dang bral te/ 'du shes thams cad sems la mi 'dug cing rnam par brtag pa med/ ming mkhan med/ bsgribs shing thogs pa med/ 'dod pa med/ thob pa med/ tshor ba dang / brtag pa mi g.yo/ ci'i phyir zhe na/ shA ri'i bu bsam pa bzhin du 'du shes g.yos pa thams cad ni kun yon po mthong ba yin no/ /shA ri'i bu ci'ang med pa de bzhin du tshor ba'ang med/ brtag pa'ang med/ skye ba'ang med/ 'gog pa'ang med pa de lta bu khong du chud pa ni ming sangs rgyas bsam pa zhes bya ste/ de lta bu'i sems kyi nang na 'dod pa 'ang med/ chags pa'ang med/ log pa'ang med/ ma log pa'ang med/ ming med/ mtshan ma'ang med do/ /shA ri'i bu 'du shes kyang med/ smra ba yang med na gdod ming sangs rgyas bsam pa'o/ /de'i nang na sems phra shas chung ngu 'ang med na/ sbom po dang / kha dang</font><hr>49.156b<br><font size=+1>

lus dang / yid kyi las lta smos kyang ci dgos te/ lus lus dang / kha dang / yid kyi gnas kyang med pa'o/ /blangs pa yang med/ bsdus pa yang med/ 'thab pa yang med/ rtsod pa yang med/ bsam pa yang med/ rnam par brtag pa'ang med/ stong pa mi g.yo zhing rang bzhin med la/ tshor ba dang / brtag pa kun zhi ba de'i ming sangs rgyas bsam pa'o/ /shA ri'i bu mi la la zhig gis de lta bu'i sems 'byor grub na/ gling bzhi'i sa bsgyur bar bya na yang yid bzhin du bsgyur nus so/ /brgya stong 'bum gyi bdud kyang phebs par nus/ nam rig pas bsgribs pa lta smos kyang ci dgos te/ mi bden pas bslus pa'i rkyen las langs pa ste/ mi 'gyur ba'i mtshan ma med pa chos de lta bu yin te/ 'du shes med/ 'dran tor med/ skye ba med/ 'gog pa med de/ bshad du 'ang mi rung / rnam par brtag tu'ang med/ mun pa'ang med/ snang ba'ang med/ bdud dang bdud phal kun gyis kyang tshod gzung mi nus na/ 'jig rten gyi tha mal pas tshig gis bshad pa 'ba' zhig gis spyad de bstan bslabs pa yod pas tshig de skad du byas su zad do/ /khyod sangs rgyas bsam pa'i tshe 'du shes cung zad ma blangs shig /'dran tor ma skyes cig /rnam par brtag pa ma byed cig /ci'i phyir zhe na/ chos de kun stong pa ste/ nyid kyi mtshan ma'ang med/ gcig gi mtshan ma bsam pa 'ang mi rung ste/ mtshan ma med pa'o/ /de'i ming yang dag par dben par sangs rgyas bsam pa ste/ de ni skye ba'ang med/ 'gog pa'ang med/ mtshan ma med pa'o/ /ci'i phyir zhe na/ yang dag par gshegs pa'i ming kha dog ces mi bya'o/ /ming gzugs shes mi bya'o/ /ming sems shes mi bya'o/ /ming rnam par rtog pa ces mi bya'o/ /log pa'ang ma yin/ ma log pa'ang ma yin/ ma blangs/ ma bor/ thub pa'ang ma yin/ shes rab kyang ma yin/ rig pa yang ma yin/ ma rig pa yang ma yin/ yang dag par gshegs pa bshad du mi rung / bsam gyis kyang mi khyab ste/ 'du shes med do/ /khyod da mtshan ma legs pa la ma sreg cig /'dran tor brjod pa la ma sreg cig /sangs rgyas ni chos so cog la chags pa med/ chos yod cing chags su rung</font><hr>49.157a<br><font size=+1>

ba dang / dpag tu rung ba yang ma mthong ngo / /de lta bu'i mis sangs rgyas la yang thob par rung na sems lta smos kyang ci dgos/ shA ri'i bu ston pa ming dge ba'i bshes gnyen zhes bya'o/ /mchog gi gzhung gi nang na ni 'di ni dge ba'i bshes gnyen yin/ 'di ni ngan pa'i bshes gnyen yin zhes gcig tu chad pa med do/ /yang shA ri'i bu dge slong la la zhig dge slong gzhan la ston pa dge slong khyod kyis rnam par phye la chos rnams la zhib tu rtogs te/ chos kyi mtshan ma yang ma sems shig ces bstan to/ /dge slong des de lta bur spyad sbyangs pas sems la thogs shing chag pa med pas chos so cog gi mtshan ma yang gcig par khong du chud de de ni mtshan ma med pa'o/ /mi de la chos kyi 'du shes mi skye na/ bdag tu lta ba dang / gang zag tu lta ba'i 'du shes mi skye ba lta smos kyang ci dgos/ shA ri'i bu khyod kyi yid la ji snyam/ chos kyi 'du shes sems des chos so cog gi zhi bar nus sam/ bcom ldan 'das mi nus so/ /shA ri'i bu dper sdong po rtsa ba med pas yal ga dang / 'dab ma dang / me tog dang / 'bras bu smin par nus pa yod dam med/ bcom ldan 'das ma mchis so/ /'di lta ste/ shA ri'i bu mi la la zhig gis chos so cog gi rtsa ba'i phyi mo ma thob par mi des chos so cog gi 'du shes skye bar nus sam mi nus/ bcom ldan 'das mi nus lags so/ /shA ri'i bu mi la la zhig gis chos kyi 'du shes mi bsam pa na/ mi des chos so cog zhi bar nus sam/ bcom ldan 'das mi nus lags so/ /mi des chos so cog thob/ chos kyi mtshan ma ma thob/ zhi ba ma thob/ rnam par yang mi rtog ste/ skye ba'ang med/ 'gog pa'ang med na/ mi des de'i tshe mi skye mi 'gog pas ming mya ngan las 'das pa thob pa zhes mi bya'o/ /ming sngon mya ngan las 'das pa thob pa zhes kyang mi bya'o/ /shA ri'i bu de lta bur ston pa ni ming dge ba'i bshes gnyen zhes bya'o/ /mchog gi gzhung gi nang na ni dge ba'i bshes gnyen yang med/ ngan pa'i bshes gnyen yang med do/ /shA ri'i bu mi la la zhig gis de lta bu'i mtshan ma 'byor grub na/ 'jig rten yod dkon te/ phyin ci ma log pa thob pas yang dag pa'i bden pa mthong ste de</font><hr>49.157b<br><font size=+1>

ni drang po mthong ba zhes bya'o/ /yang shA ri'i bu drang po mthong ba ni ming drang po byed drang po spyod/ drang po'i lam drang po shes shes bya ste/ phyin ci log med la bden pa bzhin du mthong bas na/ yang dag par gshegs pas drang po mthong ba zhes bshad do/ /shA ri'i bu sems can la la zhig phyin ci log med pa bden pa bzhin du rtogs pa ni drang po mthong ba yod do/ /la la zhig bdag tu lta ba'i 'du shes dang / gang zag gi 'du shes dang / sems can gyi 'du shes skyes na/ de lta bu'i mi kun yon po'i lam du spyod par mngon no/ /shA ri'i bu sangs rgyas dang slob mas ni bdag tu lta ba yod par ma bshad/ gang zag yod par ma bshad/ sems can ma bshad/ tshe srog yod par ma bshad/ rtag chad ma bshad/ de lta bas na/ sangs rgyas dang / slob ma ni drang po mthong ba zhes bya'o/ /ci'i phyir zhe na/ drang por rtags te/ phyin ci ma log pa'i phyir ro/ /shA ri'i bu tha mal pa thams cad kyis ni 'di'i nang du 'jug nus pa med do/ /ci'i phyir zhe na/ tha mal pa thams cad la drang po mthong ba yang med do/ /yid bzhin 'brang ba'i drang po mthong ba 'ba' shig yod do/ /mnyen des pa'i bzod pa thob na bden pa bzhin du ma nus so/ /shA ri'i bu de'i ming drang po mthong ba dang / yon po mthong ba tha dad ces bya ste/ bden pa bzhin du mthong bas na/ ming drang po mthong ba zhes bya'o/ /'jig rten gyi skyid pa nor khe skye zhing 'phel ba'i zhar las mthong ba ni 'jig rten gyi drang po mthong ba yin te/ de kun brnyas bslus pa yin gyis skye shi las mi thar ro/ /shA ri'i bu sangs rgyas kyis bshad pa la 'jig rten gyis drang po mthong ba ni le lo bla drod dang tha ma zhan pa'i chos yin zhes bshad do/ /'dzangs shing 'phrul pa ni de lta bu'i sems mi byed de/ de drang po mthong ba yin no/ /de ni yon po mthong ba yin no/ /ci lta zhe na/ mthong ngo cog thams cad ni kun sgyu ma mi bden pa'i rkyen las langs so/ /shA ri'i bu 'di snyam du bsams te/ 'di ni drang po mthong ba snyam du byed na mi de ni yon po mthong ba yin no/ /shA ri'i bu 'phrul gyi chos kyi nang na mthong ngo cog gi rtsa ba'i phyi mo byung ste bcad/ smra ba'i tshig go cog gi lam bcad de/ dper na nam mkha'i nang gi lag pa dang</font><hr>49.158a<br><font size=+1>

mtshungs te/ ci yang reg cing thogs pa med do/ /dge sbyong rnams kyi chos ni kun de bzhin pa'i rigs so/ /le'u bzhi ste dge 'dun bsam pa'i le'u'o// // shA ri'i bus sangs rgyas la gsol pa/ bcom ldan 'das gang la sogs pa 'phrul gyi dge 'dun zhes bgyi/ shA ri'i bu mi la la zhig gis chos so cog thams cad kun skye ba'ang med/ 'gog pa'ang med/ mtshan ma 'ang med par yid ches shing shes la khong du chud par nus pa de de lta bu'i bzod pa 'byor grub pas nga yang mi thob na/ rgyun du zhugs pa dang / lan gcig phyir 'ong ba dang / phyir mi 'ong ba thob pa lta smos kyang ci dgos/ dgra bcom pa lta smos kyang ci dgos/ chos mi thob pa lta smos kyang ci dgos/ phyi mo mi thob pa lta smos kyang ci dgos/ lam mi thob pa lta smos kyang ci dgos/ de lta bu la sogs pa'i don mi thob pa lta smos kyang ci dgos te/ de ni ming 'phrul gyi dge 'dun te des kyang mi 'thob bo/ /yang shA ri'i bu sems can la skye ba med pa dang / 'gog pa med pa dang / mtshan ma med pa'i chos yid ches shing shes pa nyung ngo / /la la zhig gis skye ba 'ang med/ 'gog pa 'ang med/ mtshan ma'ang med pa'i chos yid ches par nus na/ sems la phyin ci log med de/ gcig gis gcig shes rig la chos spyad de/ 'byor 'dun pas phyis yod pa mi myong ngo / /'jig rten thams cad sgyu ma mi bden pa'i rkyen 'ba' shig las byung bar rig pas/ mi de phyin chad da ltar gyi lus la mi 'dug go/ /rgyu rkyen de lta bas na/ ming 'phrul gyi dge 'dun zhes byar rung ngo / /mi des smra ba'i tshig de la thob pa yang med/ ming mtshan ma rnams las 'dus pa dran gyi/ mtshan ma dang 'dran tor gyi don kyang med do/ /de'i ming dge 'dun dkon mchog ces bya ste/ yon len pa'i rigs te/ phyin ci log med pa'i yang dag pa'i bden pa gzhung thob bo/ /mi des de lta bu'i thabs spyad pas dge 'dun bsams na/ don de yang stong pa'o/ /shA ri'i bu de lta bur ston pa ni ming dge ba'i bshes gnyen no/ /shA ri'i bu smra ba'i tshig thams cad kyi lam chod na ming 'phrul gyi dge 'dun zhes bya'o/ /ci'i phyir zhe na/ 'phrul gyi chos kyi nang na smra ba'i tshig rgyus yang dge ba'i bden pa'i gzhung bshad na de lta bu'i smra ba'i tshig kyang thob par mi rung ngo / /</font><hr>49.158b<br><font size=+1>

de lta bas na smra ba'i tshig rnams chod pa ni 'phrul gyi dge 'dun zhes bya bar mngon no/ /shA ri'i bu mi zhig na re/ chos 'di'i nang na tshig gis bshad pa med/ nges pa med na ji ltar ming dge 'dun zhes bya zhes zer ba zhig yod na/ shA ri'i bu nga'i 'di'i nang na lan 'di skad ces blan pa yod de/ dge 'dun gyi ming bden pa bzhin du don ston pa zhes byas na/ don de nges par thob pa'ang mi rung ngo / /slob pa'i grwa lhan cig la bzod pa yang gcig /ro yang gcig pa de'i don kyang 'jig rten gyi tha mal pa'i tshig bshad pas spyad kyi/ mchog gi gzhung ma yin no/ /mchog gi gzhung gi nang na nges par bden pa med de/ ming dge 'dun nga chos rtag ste/ mi 'jigs shes bya'o/ /'phrul gyi mis chos 'di yod ces bshad du zin na de ni dgos pa'o/ /ci'i phyir zhe na zhes byas na/ mi de lta bu'i rnam par brtag par bya ste/ skyes pa yin/ bud med yin/ lha yin/ klu yin/ gnod sbyin yin/ dri za yin/ grul bum yin/ chos yin/ chos ma yin zhes de lta bur rnam par rtag pa byas nas don rnam pa mang po thob ste/ don rnam pa mang po thob pas na tshig 'di skad byas so/ /'dug pa yin/ nyal ba yin/ song ba yin/ sdod pa yin zhes zer ro/ /'phrul gyi mis ni chos so cog gi bden pa'i mtshan ma thob pas na rnam par mi rtog ste/ skyes pa yin/ bud med yin/ lha yin/ klu yin pa dang / chos yin pa dang / chos ma yin pa la thug gi bar du rnam par yang mi rtog go/ /rnam par mi rtog pas na chos so cog ma thob bo/ /chos so cog ma thob pas 'di skad du 'dug pa yin/ nyal ba yin/ 'gro ba yin/ sdod pa yin zhes bshad par bya nus sam mi nus/ bcom ldan 'das mi nus lags so/ /shA ri'i bu mi la la zhig na re skyes pa yin/ bud med yin/ lha yin/ klu yin pa dang / chos yin pa dang / chos ma yin pa la thug pa yin zhes zer na/ mi des bshad do cog sgyu ma bden pa yin nam/ bcom ldan 'das sgyu ma mi bden pa lags so/ /shA ri'i bu sgyu ma mi bden pa de'i nang du ma gtogs pa ni ming 'phrul gyi dge 'dun zhes bya'o/ /phyin ci ma log pas ni ming 'phrul gyi dge 'dun zhes bya'o/ /shA ri'i bu mi dge ba yod do cog dang / shes par rung ba yod do cog dang / de lta bu'i ming dge ba'i chos thams cad ni ming mtshan ma</font><hr>49.159a<br><font size=+1>

spyad pas phyi mo byas so/ /'dzangs shing 'phrul pa'i chos 'di'i nang na ming dang mtshan ma rnams chad do/ /ming dang mtshan ma yang mi sems te/ ming dang mtshan ma thob na ji lta bur 'phrul gyi dge 'dun yin zhes zer na/ ming dang mtshan ma kun chod na ming 'phrul gyi dge 'dun zhes bya'o/ /chos kyi gnas yod zin na/ gzhig tu 'ang rung / gcad du'ang rung ngo / /'phrul gyi chos kyi nang ming med/ mtshan ma med smra ba'i tshig med de/ smra ba'i tshig kun chad de 'dus shing gyes pa med do/ /la la zhig na re dge 'dun med ces zer na/ 'phrul gyi dge 'dun gshig pa ste/ de yang mi rung ngo / /de ni ming dang mtshan ma sgyu ma mi bden pa'i 'du shes kyi lan te/ yon po mthong ba rnams mang po la chags so/ /yon po methong ba de'i lan gyis yang phyi ma'i lus mnos te/ mthong ba rnams la 'dod chags pas lnga phung skyes so/ /shA ri'i bu lnga phung gi kun sgyu ma mi bden pa la chags pa yin te/ de'i ming ngan pa'i lam mo/ /de'i ming yon po'i lam mo/ /'dzangs 'phrul pa'i dge 'dun la ni de lta bu'i don med do/ /sgyu ma mi bden pa'i rkyen 'ba' shig las khams gsum byung bar shes so/ /de lta bu'i don shes pas na ming 'phrul gyi dge 'dun zhes bya'o/ /shA ri'i bu yong mthong ba yod do/ /cho ga ni 'phrul gyi dge 'dun gyi nang na kun thob par mi rung ngo / /bdag tu lta ba dang / sems can du lta ba dang / srog tu lta ba dang / gang zag tu lta ba dang / skyes par mthong ba dang / bud med du mthong ba dang / lhar mthong ba dang / sems can dmyal bar mthong ba dang / byol song du mthong ba dang / yi dgas su mthong ba dang / phung po dang / 'du shes dang / khams su mthong ba dang / dung gi sgrar mthong / rnga'i sgrar mthong / sa'i sgrar mthong / chu dang / me dang / rlung gi sgrar mthong / tshul khrims 'dzin pa'i sgrar mthong / tshul khrims zhig pa'i sgrar mthong / drang po'i lam gyi sgrar mthong / yon po'i lam gyi sgrar mthong / dri ma'i sgrar mthong / gtsang ma'i sgrar mthong / bsam gtan thub pa dang / ting nge 'dzin dang / 'phrul brgyad kyi lam gyi sgra dang / rgyun tu zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu'i sgrar mthong ba dang / grol thar gyi</font><hr>49.159b<br><font size=+1>

sgrar mthong ba dang / 'bras bu thob pa'i sgrar mthong ba dang / sangs rgyas kyi sgrar mthong ba dang / chos kyi sgrar mthong ba dang / dge 'dun gyi sgrar mthong ba dang / 'gog pa'i sgrar mthong ba dang / mya ngan las 'das pa'i sgrar mthong ba'o/ /shA ri'i bu de'i ming mi bden pa'i sgra skad la sogs pa mthong zhes bya'o/ /'dzangs 'phrul pa'i dge 'dun gyis ni gzhung la de lta bu'i mthong ba ma thob pa ste/ sgra skad kyi rnam pa thams cad mtshan nyid gcig par khong du chud de mtshan nyid gal ba med rtsod pa med pa'o/ /phyin ci ma log pa'i chos kyi bzod pa 'byor grub pas na ming 'phrul gyi dge 'dun zhes bya'o/ /shA ri'i bu phyin ci ma log pa'i chos kyi bzod pa de ni mtshan ma med pa yin no/ /mtshan ma med pas na blang ba'ang med/ dor ba'ang med/ log pa'ang med/ ma log pa'ang med/ skye ba'ang med/ 'gog pa'ang med de'i nang rang bzhin pa la phyogs pas spyad pa'ang med/ zhig pa'ang med/ ldang ba'ang med/ thob pa'ang med/ phan tshun zhes rnam par yang mi rtog pas na sems rtag par gtang bral lo/ /ci'i phyir zhe na/ de lta bu'i bzod pa'i nang na pha log gi 'gram yang med/ tshu log gi 'gram yang med/ rnam par rtog pa'ang med/ rnam par rtog pa med pa'ang med do/ /mtshan ma med pa khong du chud de 'byor grub pas/ ming 'phrul gyi dge 'dun zhes bya'o/ /'dus tshogs pa bshig pas na ming 'phrul gyi dge 'dun zhes bya'o/ /shA ri'i bu nga'i chos kyi yi ge gzhan la bshad pa mi la las chos mthong du zin na de ni bdag tu lta ba yin no/ /yang dag par gshegs pa chos ma yin/ chos ma yin pa'ang ma yin/ ci'i phyir zhe na/ lha sbyin blun po dang / mur 'dug kun gyis kha dog gi lus spyad de/ sangs rgyas mthong zhes zer ro/ /shA ri'i bu yang dag par gshegs pa ni kha dog gi lus spyad pas mthong ba mi rigs so/ /sgra skad spyad pas kyang mthong ba mi rigs so/ /shA ri'i bu la la zhig kha dog gi lus spyad pas sangs rgyas mthong na de ni sangs rgyas dang rgyang ring ngo / /ci'i phyir zhe na zhes byas na/ sangs rgyas kyi ming kha dog mthong ba zhes mi bya bas na/ de'i ming sangs rgyas mthong ba zhes bya'o/ /shA ri'i bu mi la la zhig gis chos so cog la mtshan ma med/ ming med/ reg pa med/ dran pa med/ sems</font><hr>49.160a<br><font size=+1>

med/ skye ba'ang med/ 'gog pa 'ang med/ 'dran tor med/ chos so cog la ni mi sems/ mya ngan las 'das pa mi sems/ mya ngan las 'da' ba'i sems kyang mi bya/ mya ngan las 'das pa la mi chags te/ chos so cog kun mtshan nyid gcig yin par yid ches shing mthong bar nus na de ni mtshan nyid med pa'o/ /shA ri'i bu de'i ming yang dag par sangs rgyas mthong ba'o/ /chos so cog la tshol ba'ang med/ 'dran tor yang med/ skye ba med la don de la yang mi sems rnam par mi rtog na/ de'i ming sangs rgyas mthong ba'o/ /mi la la zhig chos 'di la dran pa'i 'du shes kyis rnam par brtag pa med/ blang ba med/ dor ba med/ gal ba med/ 'du shes med/ 'du shes kyis las med/ tshig gis bshad/ bshad pa yang mi chags/ chos kyi ming brnyan ma yin la kun ci yang med par rig ste/ smra ba'i tshig gi lam chad cing tha dad pa med/ 'dran tor brjod pa med/ rig pa med/ de'i ming skye ba'ang med/ 'du shes spyod pa med pa zhes bya ste/ 'jig rten gyi nang na ming 'phrul gyi dge 'dun zhes bya'o/ /shA ri'i bu chos gang mthong na ming sangs rgyas mthong zhes bya/ de ni 'du shes med/ rnam par rtog pa yang med/ 'dran tor brjod pa med de/ chos so cog mi len pa'o/ /stong pa'i sgo mo dang / stong pa zhi ba'i sgo mo dang bral ba'i sgo spyod pa ni mthong ba mi sems/ mthong ba mi thob de'i don kyang mi thob ste/ de ni ming mkhan ma yin no/ /de'i gnas kyang mi thob te/ de ni mya ngan las 'das pa'o/ /de ci'i phyir zhe na/ shA ri'i bu nga yang mya ngan las 'das pa mi sems na/ de lta bur khyod la sogs pa mya ngan las 'das pa sems shig dang / mya ngan las 'da' ba thob pa bshad/ shA ri'i bu mi la la zhig mya ngan las 'das pa thob snyam byed na/ mi de ni yang dag par gshegs pa'i phyir 'brangs te/ khyim nas ma byung gi/ mkhan po drug gi phyir 'brangs te khyim nas byung ba'o/ /shA ri'i bu shes par byos shig /de ni chos kyi dgra yin te nga'i chos kyi nang du zhugs so/ /de lta bu'i mis nga'i chos ma bsgoms par mngon no/ /de lta bu'i mi dgra chen po yin par mngon te mkhar dang yul chen po'i</font><hr>49.160b<br><font size=+1>

nang na dgra chen po yod pa dang mtshungs so/ /ji lta zhes byas na/ de lta bu'i gti mug gi mis mya ngan las 'das pa thob par 'dzin na bdag tu lta ba dang / gang zag thob par 'dzin pa lta smos kyang ci dgos/ shA ri'i bu de lta bu'i mi gti mug gi mi ni nga'i lag pas bkag ste/ nga'i slob ma ma yin no/ /dge 'dun gyi grangs su mi chud do/ /nga yang de'i mkhan po ma yin no/ /shA ri'i bu la la zhig chos so cog skye ba'ang med/ 'gog pa 'ang med/ sems pa'ang med/ 'du shes med par rig pa ste/ de lta bu'i chos kyi bzod pa thob pas ni mya ngan las 'das pa mi thob na/ bdag tu lta ba dang / gang zag mi thob pa lta smos kyang ci dgos/ shA ri'i bu sangs rgyas kyis bshad pa la de lta bu'i ming ni chos mthong ba zhes bya ste/ don de mthong bar nus pas ming sangs rgyas mthong ba zhes bya'o/ /shA ri'i bu ji lta bu'i ming sangs rgyas shes bya/ chos so cog thams cad kyi mi g.yo zhing tha dad pa mi zhig na/ de'i ming yang dag par gshegs pa zhes bya'o/ /mi la la zhig de lta bu'i chos la the tsom dang 'gyod pa med na/ de'i ming 'phrul gyi dge 'dun zhes bya'o/ /shA ri'i bu tshe rab snga ma 'das pa na mi gti mug pa cig yod pas/ spre'u ngo ma shes te/ tshal chen po zhig gi nang nu zhugs te/ spre'u khyu cig 'dus te gnas gcig na 'dug pa mthong nas/ mi des sum cu rtsa gsum gyi lha yod par thos myong bas/ thal byung du sum cu rtsa gsum gyi lha rnams yin no zhes zer te/ mod bzhin tshal nas byung nas/ slar sngon gyi grong khyim phal mang po'i nang du tshig 'di skad byas so/ /khyed la sogs pas sum cu rtsa gsum gyi lha mthong myong ngam ma myong / /mi phal gyis lan blan pa mthong ma myong ngo / /mod bzhin tshig smras pa/ ngas mthong zin na khyod mthong bar 'dod dam mi 'dod/ kun gyis kyang mthong bar 'dod do zhes byas nas/ mod bzhin phal mang po khrid de tshal de'i nang du phyin nas spre'u bstan te/ khyed la sogs pas sum cu rtsa gsum gyi lha yin gyi lha 'di rnams la ltos shig byas na/ mi phal kun na re sum cu rtsa gsum gyi lha ma yin gyi/ 'di ni spre'u yin te tshal gyi nang du 'dug pa la sred do/ /khyed gti mug phyin ci log pas spre'u mi shes pa'i steng du sum cu rtsa</font><hr>49.161a<br><font size=+1>

gsum gyi lha rnams kyang ma shes so/ /shA ri'i bu mi des phal mo'i stong rdab du tshal de'i nang du phyin to/ /'di lta ste/ shA ri'i bu da dung ma 'ongs pa'i dus na/ dge slong zhig yod pa gos skya bo can gyi khyim du phyin te/ tshig 'di skad byas so/ /khyod sangs rgyas dang 'phrul gyi dge 'dun mthong zhing sangs rgyas kyi chos nyan par 'dod dam/ mi 'dod ces byas na/ gos skya bo can de'i nang na sangs rgyas kyi chos la yid ches pa yod pa rnams kun na re mthong bar 'dod kyis/ sangs rgyas kyi chos mnyan cing mnos ces zer to/ /shA ri'i bu de'i nang na gos skya bo can smra ba'i tshig la chags shing sred pa yod do/ /mchod rten dang gtsug lag khang gi nang du phyin na dge slong dag cig yod pa tshig gis bshad cing yi ge rnams la mkhas par shes te/ smra ba'i tshig rten cing yi ge ri mo la sred pa yang yod nas/ dge slong de gzhan yang de bzhin du 'chad de/ yang de dag pa'i lam yin snyam ste/ dge 'dun gyi grangs su zhugs so/ /mi phyugs rdzi dang mtshungs te chos gyi yi ge klog pa la sred du zad kyi yang dag pa'i dbyings su mi 'jug ste/ mi yid dga' zhing ming snyan par rin cher 'dzin du zad do/ /'jig rten gyi don la bzo mkhas kyi chos 'chad pa mi gtsang ngo / /bzo'i tshig la mkhas pas 'jig rten gyi lam spyad du zad kyi/ legs pa'i brjid med do/ /mya ngan las 'das pa'i rgyu bshig pa las rgyu btang ste/ kha rog nas bsam gtan thub pa la ma dad de/ nyin mtshan du rtag par bshad cing brjod pa dang / 'thab rtsod pa dang / thul ba dang / stan stug por nyal sred de/ bsam gtan thub pa bzhin pa'i sems kyang skad cig med na/ dge sbyong gi 'bras bur grub par thob pa mi nus pa lta smos kyang ci dgos/ mi de gnyid kyis log na yang rtag par tha mal pa'i sems dang 'thun te/ srod dang tho rangs la mi 'gal ba'i bzod pa mi spyod kyi ma rabs kyi chos la sred na/ mi de lta bus kyang yon gos dang kha zas mang thob bo/ /ci'i phyir zhe na/ mi des khor mor bdud ngan pa bslus pas tshig nye bar mi zab pa la sred de/ mchog gi dam pa'i gzhung la 'grub par slob mi nus so/ /mchog gi zab mo'i chos yi ge kha ton la gzungs su 'dzin mi</font><hr>49.161b<br><font size=+1>

nus te/ thos na dngangs skrag nas bcud dkar po btang la pang rna len to/ /phal tha mal pa gzhan gyi gso ba'i khe rnyed pa mthong na 'dod chags kyi sems skyes te/ sems la 'di snyam byed do/ /bdag sogs pa'ang de lta bu'i tshig brjod pa bslab par rigs zhes zer ro/ /shA ri'i bu de lta bu'i mis bla na med pa'i chos kyi dkon mchog btang ste/ yon po mthong bar lhung zhing 'dug pa ni dge sbyong gi dgra yin no/ /gos skya bo can kha dog yod pa de'i gan du dong ste/ de lta bu'i mi ngan pas de dag la chos bshad de gso ba'i khe'i phyir/ sangs rgyas dang chos dang dge 'dun la snyan par bstod de/ srog gso ba'i nor dang g.yog bran btsal ba 'ba' zhig gi phyir ro/ /gos dang zas la 'dod cing lci bas bdag ji la srid pa bzhin du bstod de sbyin pa byas pas ni gnam gyi steng du skye ba thob bo zhes zer/ sangs rgyas kyi chos kyi nang na ni sbyin pa smad rims kyi chos ni bstod/ phal ni nang gi mchog go zhes bya ste/ tshig de skad du sbyin pa chen po'i rgyu rkyen gyis gnam gyi steng du skye ba thob bo zhes bya ste tshig 'bru ma rig / gzhung phyogs pa mi shes thog ma nye zhing mi zab pa'i chos tha mal zhugs pa 'ba' shig shes pas bdag tu lta ba dang / gang zag tu 'dod chags te/ mchog gi gzhung btang ngo / /shA ri'i bu de lta bu'i chos bshad pas bar bar ni mi la la yid ches pa skyes te/ khyim nas byung nas mi ngan pa rnams dang 'dus tshogs te/ mchog gi zab mo'i gzhung ni 'grus par tshol mi nus so/ /thob par yod pa dang / bdag tu lta ba dang / gang zag dang tshe dang srog yod par bshad do/ /dran pa dang 'du shes kyis ci yang med pa'i chos la rnam par brtags te/ rmad du byung ba'i sde dang / mdo'i sde rang gis 'gros bshad de bar bar ni rtag pa dang chad pa bshad/ bar bar ni bya ba med pa bshad/ shA ri'i bu nga'i chos de'i tshe mur 'dug gi chos mang ste/ sems can rnams drang po mthong ba'i sems zhig par byas so/ /de lta ste/ shA ri'i bu nga chos gtsang dag pa'i chos de lta bu'i rgyu rkyen gyis khad kyis zhi zhing zad do/ /shA ri'i bu nga yun ring du skye shi'i nang du 'dug cing sdug bsngal rnams kyis nyon mongs nas byang chub grub na gang zag mnos pa de'i tshe dngos shing zhigs so/ /shA ri'i bu dge slong la la zhig thob pa yod pa mthong ba dang bdag tu lta ba mthong ba dang / </font><hr>49.162a<br><font size=+1>

gang zag mthong ba pa de/ gtong ma nus na yang dag par gshegs pas spyod pa bzhin du bshad pa mi shes so/ /yang dag par bdag tu lta ba dang / gang zag dang chos yod ces zer na/ de lta bu'i mi ni chu rngubs gcig len du'ang mi gnang ngo / /gal te mi des stong pa'i chos thos la yid ches shing sems gtsang dag ste/ mi dngang mi dogs na mod bzhin slar mi phal bkris drangs te/ bden pa'i mtshan ma'i gzhung du 'jug pa rigs so/ /yang khyim nas byung ste/ tshul khrims cho ga tshang bar mnos pa'o/ /ci'i phyir zhe na/ shA ri'i bu mi la la zhig de lta bu'i mthong ba ma btang na/ de'i ming mur 'dug ces bya'o/ /shA ri'i bu ngas 'jig rten gyi tha mal pa'i rgyu rkyen spyad nas sgyu mar nga yod par bshad pa ni mchog gi gzhung ma yin no/ /yang mi la la zhig na re/ ngas kyang 'jig rten gyi tha mal pa'i rgyu rkyen spyad de nga yod par bshad do zhes zer na/ mi des skye ba med pa dang / 'gog pa med pa dang / mtshan ma med pa'i chos khong du chud ma nus te/ yang bshad do cog dang 'gal na nga'i slob ma ma yin no/ /shA ri'i bu mi la la zhig na re/ yang dag par gshegs pas ci'i phyir 'jig rten gyi rgyu rkyen bzhin du nga med pa'i chos la zag pa med par bshad/ yang dag par gshegs pas ni 'jig rten gyi phyir mi bden pa'i tshig gis bshad pa'i mi rigs kyi steng du chos kyi yi ge gzhan gyi nang na yang gang zag yod ces bshad pa mang ste/ sangs rgyas kyis bshad pa ni brdzun pa mi rigs so zhes zer ba zhig yod na/ shA ri'i bu de la lan glan pa sangs rgyas kyi chos so cog stong pa ste/ bdag po yang med/ rang bzhin yang med do/ /tha mal pa ni sgyu ma mi bden pa ste/ mchog gi gzhung ma yin no/ /yang dag par gshegs pas mchog gi gzhung de bshad bdag tu lta ba dang / gang zag yod par ma bshad do/ /'phrul gyi mis tshig bshad pa la 'dod cing chags pa med do/ /shes rab med pa'i mi ni sangs rgyas dang mtshungs pa med de 'das pa yang med do/ /shA ri'i bu yang dag par gshegs pa'i shes rab ni bsam gyis mi khyab bo/ /shes rab de spyad pas na sems kyis sems rig ste/ nyis na mi la la zhig sangs rgyas dang mnyam zhes zer ba bla'i sangs rgyas klu chen po chos chen po'i rgyal po la/ sangs rgyas</font><hr>49.162b<br><font size=+1>

kyis gang zag yod par bshad do zhes bzlog pa mi rigs so/ /'jig rten thams cad ni rtag par nga dang brtsod do/ /nga ni rtag par 'jig rten dang mi rtsod do/ /shA ri'i bu nga yod par bshad pa ni shin du snying rjes rung ngo / /'di'i nang na chos kyang med/ nga yang med na sems can gyis yang dag par gshegs pas/ spros pa bzhin du bshad pa mi shes pa mang ste/ chos kyi dkon mchog dang log gal bas ngan pa'i lam du lhung ba mang ngo / /shA ri'i bu ngas yon po mthong bar shes pa ni yon po mthong ba zhes bya'o/ /yon po mthong bar shes pa de ni drang po mthong ba yin no/ /shA ri'i bu yon po mthong ba mthar drang po mthong bar gyur na/ mthong ba mi shes so/ /shA ri'i bu yang dag par gshegs pa sangs rgyas rnams kyi bla na med pa'i g.yung drung rdzogs pa'i byang chub ni 'jig rten thams cad kyis yid ches dka'o/ /nga ni lha rnams dang 'jig rten thams cad la ngan na yid ches pa yin te/ yid ma ches pa ma yin te/ shA ri'i bu ngas chos bshad do cog ni pha log gi 'gram du phyin pa'i phyi na de'i nang na pha log gi 'gram du phyin pa yang med do/ /ngas chos bshad do cog ni spyad pa rnams zad pa'i phyir na/ de'i nang na spyad pa rnams zad pa'ang med do/ /ngas chos bshad do cog ni stong pa zhi ba'i phyir na/ de'i nang na stong pa zhi ba'ang med do/ /ngas chos bshad do cog ni med par bsgral ba'i phyir na/ de'i nang na med par bsgral ba'ang med do/ /ngas chos bshad do cog ni grol thar pa'i phyir na/ de'i nang na grol thar pa'ang med do/ /ngas chos bshad do cog ni shes rab can rnams kyi phyir na/ de'i nang na shes rab can rnams kyang med do/ /ngas chos bshad do cog ni dri ma dag pa'i phyir na/ de'i nang na dri ma dag pa yang med do/ /shA ri'i bu yang dag par gshegs pas lha'i phyir chos bshad na lha yang med do/ /mi'i phyir chos bshad na mi yang med do/ /sems can gyi phyir chos bshad na sems can yang med do/ /shA ri'i bu yang dag par gshegs pas rig pa dang grol thar par bshad na/ de'i nang na rig pa dang grol thar pa yang med do/ /ngas sangs rgyas bsam pa bshad de sangs rgyas bsam du mi rung ngo / /ngas stong pa spyod pa bshad de stong pa bshad du mi rung ngo / /bsam du yang mi rung ngo / /shA ri'i bu</font><hr>49.163a<br><font size=+1>

de'i ming yang dag par gshegs pas chos kyi yi ge bshad do cog gi le'u dang tshig gi nang na bshad pa med ces bya ba yin na/ mi ngan pa rnams kyis le'u dang tshig 'di thob nas mi gzhan la bshad pa la yang kho'i mkhan po yin no/ /yang dag par gshegs pa dang / 'phrul gyi dge 'dun gyi legs don kyang med ces zer te/ rang gis dge 'dun gyi grangs su bcug go/ /shA ri'i bu dper na spre'u 'dus pa'i khyu ni sum cu rtsa gsum gyi lha dang mi 'dra'o/ /de lta bu'i mi phal ngan pa ni de'i 'phrul gyi dge 'dun dang mi 'dra'o/ /shA ri'i bu de lta bu'i mi ngan pa rnams ni sgra skad dang smra ba'i tshig 'ba' shig gis bdag dge sbyong yin zer te/ dper na mi gti mug gis spre'u khyu mthong na/ sum cu rtsa gsum gyi lha yin zhes zer ba dang mtshungs so/ /shA ri'i bu de'i nang na khyim nas byung ba'i mi klan ka tshol ba dang / dga' sred pa zhig yod de/ mkhan po mkhas pa dang phrad la de la ming dang kha dog stong par zhi ste/ smra ba'i tshig gi lam bshad sdang ba yang med/ stong pa yang med/ chos bshad de/ mtshan ma med pa khong du chud de/ de lta bu'i skye ba med/ 'gag pa med/ mtshan ma med pa'i chos thos na/ mi dngangs mi 'jigs na/ de lta bu'i mi ni dpag tu med pa'i sangs rgyas la yon gsol myong zin par mngon te nga'i chos shes par nus pas/ de'i ming ni 'phrul gyi dge 'dun zhes bya'o/ /sangs rgyas kyi mdzod kyi le'u ste gtsang ma'i le'u'o// // sangs rgyas kyi mdzod kyi chos kyi yi ge/ bam po gnyis pa/ sangs rgyas kyi mdzod kyi yi ge le'u lnga ste/ tshul khrims gtsang ma'i le'u 'o/ /sangs rgyas kyis shA ri'i bu la bka' stsal pa/ tshul khrims zhig pa'i dge slong la/ mya ngan 'khrugs pa'i mda' bcu yod de/ bzod par mnags par dka'o/ /dge slong gis mya ngan 'khrugs pa'i mda' bcu 'byor grub na/ sangs rgyas kyi chos zhim po'i ro mi thob ste/ chos 'chad pa la sdang zhing nye bsnyen pa la mi sred do/ /bcu gang la sogs pa zhes byas na/ shA ri'i bu tshul khrims zhig pa'i dge slong gis dge 'dun 'byor 'dum pa mthong na/ dga' ba'i sems mi skye'o/ /</font><hr>49.163b<br><font size=+1>

ci'i phyir zhe na/ 'dus tshogs te gso sbyin byas na/ bdag ni skrad de phyung / yang dag ches dge slong ngan pa de bdag la nyes pa yod par shes pas rtag par mya ngan 'khrug pa srel te/ tshul khrims 'dzin pa la gshe 'khon cing mi dga'o/ /shA ri'i bu de'i ming mya ngan 'khrug pa'i dge slong gi thog ma'i mya ngan 'khrug pa'i mda' zhes bya ste/ yang dag par lam ngan par ltung ngo / /yang dag pa'i bu tshul khrims zhig pa'i dge slong ni phal kun kyang sdang zhing mi 'dod pas nyes bsnyen par mi dga' ste/ phyugs ngan pa rdung khus rwa rnon po mi'o cog gis btang ba bsrings pa dang mtshungs so/ /dge slong ngan pa de rang la nyes pa yod par shes pas rtag par dogs pa dang mya ngan 'khrug pa srel to/ /shA ri'i bu de'i ming tshul khrims zhig pa'i dge slong gi mya ngan 'khrug pa'i mda' gnyis zhes bya ste/ yang dag par lam ngan par ltung ngo / /yang shA ri'i bu tshul khrims zhig pa'i dge slong phal dang phrad na/ sems ngan pa mi mthun zhing btang spangs par rang shes te/ ngo tsha zhing gnod srel bas phal gyi nang du 'jug mi phod do/ /shA ri'i bu de lta bu'i ming tshul khrims zhig pa'i dge slong gi mya ngan 'khrug pa'i mda' gsum zhes bya ste/ yang dag par lam ngan par ltung ngo / /yang shA ri'i bu tshul khrims zhig pa'i dge slong mya ngan 'khrug pa'i sems bdo bas bstan bcos su mi rung ste/ mur 'dug gi chos kyi khrims kyi chos kyang med na/ gtsang ma'i tshul khrims med pa lta smos kyang ci dgos/ tshul khrims zhig pa'i rgyu rkyen lta bu spyad pas mis mi nye mi bsnyen/ shA ri'i bu de'i ming tshul khrims zhig pa'i dge slong gi mya ngan 'khrug pa'i mda' bzhi zhes bya ste/ yang dag par lam ngan par ltung ngo / /yang shA ri'i bu tshul khrims zhig pa'i dge slong gis gzhan gyi nor rdzas spyod de rang gi lus gsos na/ ngas bshad pa la med de khur lci ba khyer zhes bya'o/ /ci'i phyir zhe na/ spyod pa'ang thob pa ni yon len pa rig zhes bya na/ tshul khrims zhig pa'i dge slong spyod pa yang ma yin/ thob pa yang ma yin pas na/ shA ri'i bu tshul khrims zhig pa'i dge slong bskal pa grangs</font><hr>49.164a<br><font size=+1>

brgya stong khri 'bum gyi bar du lus kyi sha bcad gtubs te sbyin bdag la 'jal lo/ /phyugs kyi lus su skyes na yang rtag tu khal lci ba khyer bar 'ong ngo / /ji lta zhes byas na skra'i nyag ma gcig gi chu tshal gcig gi stong gsum gyi stong 'bum gyi shas gcig tsam gyi yon yang tshul khrims zhig pa'i dge slong gis zhu bar mi nus na gzhan gyi gos dang / kha zas dang / mal cha dang / rtsi sman zhu bar mi nus pa lta smos kyang ci dgos/ shA ri'i bu tshul khrims zhig pa'i dge slong 'phrul gyi chos gos gyon kyang gtsug lag khang gi nang du gom pa gcig kyang 'gro ba mi rigs na/ chu rngub gcig dang khri stan yan chad la 'dug tu mi dbang ba lta smos kyang ci dgos/ ci'i phyir zhe na/ shA ri'i bu de lta bu'i mi ngan pa ni lha'i nang na yang dgra chen po yin zhes bya ste/ 'jig rten thams cad kun gyis kyang bsring spang ba'i rigs so/ /de lta bur sun byung ba'i mi ni kun gyi dgra yin no/ /yang dag par gshegs pas 'jig rten thams cad nga'i thad du 'ong bar gnang na/ tshul khrims zhig pa'i mi ni yang dag par gshegs pas phyag gis bkab ste/ nga'i slob ma yin na nyin gcig nga'i chos kyi nang na mi 'jug pa lta smos kyang ci dgos/ shA ri'i bu dper na mi shi ba dang / sbrul shi ba dang / khyi shi ba ni nang na mnam sme ba ste/ gtsang gdang ba'i lha rnams rtsen cing dgod pa'i tshe mthong du mi rung ngo / /mthong du zin kyang bsring ngo / /'di lta ste/ shA ri'i bu tshul khrims zhig pa'i dge slong ni ro de gsum mnam sme ba dang mtshungs te mi gtsang bas shes rab can gyis bsrings spangs te/ lhan cig tu gso sbyin rang gsang ba mi byed do/ /shA ri'i bu tshul khrims zhig pa'i dge slong ni nga'i chos kyi nang na mi shes pa ma yin zhes bya ste/ tshul khrims 'dzin pa'i dge slong gis tshul khrims bshig pa 'di lta bu mthong na mod bzhin ring du spangs so/ /ci'i phyir zhe na/ tshul khrims zhig pa'i dge slong gis lag gis reg pa'i rdzas blangs so cog tshul khrims 'dzin pa'i ngan dug par gyur te/ shA ri'i bu ro gsum mnam sme bas gang ba de'i nang na nga'i cho ga bzhin spyod pa ni phod kyi/ tshul khrims zhig pa'i dge slong 'di dang</font><hr>49.164b<br><font size=+1>

skad cig lhan cig 'dug na ni mi phod do/ /ci'i phyir zhe na/ shA ri'i bu de ni dge sbyong gi nang na ngan pa tha ma ste/ dge sbyong gi nang na rul zhigs la ngan pa tha ma'o/ /dge sbyong gi nang na phub ma shin pa'o/ /dge sbyong gi nang na dri ma'o/ /dge sbyong gi nang na rnyog pa'o/ /dge sbyong gi nang na gos pa'o/ /dge sbyong gi nang na 'khor ba'o/ /dge sbyong gi nang na rdzing ba'o/ /dge sbyong gi nang na 'phrul gyi lam stor ba ste/ de lta bu la sogs pa'i mis nga'i chos kyi nang du khyim nas byung ste lam btsal na sdig lci ba thob bo/ /shA ri'i bu de lta bu'i mi ni nga'i chos kyi nang na log pa'i dgra zhes bya'o/ /chos kyi dgra yin zhes bya'o/ /brnyas bslu zhing g.yo sgyu byed pa'i mi yin zhes bya'o/ /srog gso ba'i phyir gos dang / zas la rkam lci ste/ de'i ming yang 'jig rten gyi bran g.yog la sred pa zhes bya'o/ /shA ri'i bu dpe nyung rum skyes pa yang ma yin/ bud med kyang ma yin pa dang 'dra ste/ tshul khrims zhig pa'i dge slong de yang de dang mtshungs pas ming khyim na 'dug pa zhes kyang mi bya/ ming khyim nas byung ba zhes mi bya ste/ tshe zad phyin chad thal byung sems can dmyal bar 'gro'o/ /shA ri'i bu dper na pha wang dang mtshungs te byas gzung zhes byas na ni byi ba bzhin du khung bur song / byi bas gzung zhes byas na ni nam mkha' la 'phur te byar byed do/ /bden par bya na bya chen por spyod pa med pa de ni lus rnams mnam sme ste/ mun pa mi snang ba 'ba' shig la sred do/ /shA ri'i bu tshul khrims zhig pa'i dge slong yang de dang mtshungs te/ gso sbyin rang bsang bar yang mi 'jug /rgyal pos bkol ba'i gral du yang mi 'dug ste ming gos skya bo can zhes kyang mi bya ming khyim nas byung zhes kyang mi bya'o/ /dper ro bsregs pa'i shing gi lhag ma dang mtshungs te/ phyis cir yang spyad du mi rung ngo / /de lta bu'i dge slong tshul khrims kyi rim pa yang med thub pa'i rim pa yang med/ shes rab kyi rim pa yang med/ grol thar gyi rim pa yang med/ grol thar shes mthong ba'i rim pa yang med de/ tshul khrims gtsang ma bshig pa/ cho ga 'tshang ba 'ba' shig gi rim pa yod do/ /shin tu zab mo dam pa'i sgra skad dang / tshul khrims</font><hr>49.165a<br><font size=+1>

kyi sgra dang / thub pa'i sgra dang / shes rab kyi sgra dang / grol thar gyi sgra dang / shar mthong ba la grol thar pa'i sgra ni mi nus kyi/ tshul khrims zhig pa'i ngan pa'i sgra skad 'ba' zhig 'byin te/ ngan pa 'thun gzhan dang lhan cig tu ngan pa'i sgra 'byin cing gos dang / kha zas dang / nyal ba'i khri dang / sbyin pa mnod blang ba dang / shing dang / me tog dang / 'bras bu ched cher bya ba 'ba' shig brjod cing mi mngag pa dang / lus kyi nang gi dge mi dge dang / bde mi bde dang rtsed mo rgod pa'i don dang mi dge ba'i tshig rnams brjod do/ /rtag par nyin mtshan du dge slong lus kyi las mi gtsang / kha'i las mi gtsang / yid kyi las mi gtsang na/ sems can dmyal bar ltung ngo / /shA ri'i bu sems nyams pa'i dge slong de mun pa mi snang ba la smra ba ni da ci'i pha wang dang mtshungs te drang po'i chos yi ge bshad pa thos na/ mya ngan 'khrug par 'gyur ro/ /ci'i phyir zhe na/ bden bzhin du bshad pa'i phyir ro/ /'jig rten gyi mi ni bden par bshad pa la mi dga' ste/ bdag gi yid dang mi 'gal ba 'ba' zhig la sred do/ /de lta bu'i dge slong ni chos 'chad pa la sems mi gtsang mi gdang ste/ sdig rje lci bar gyur cing sems can dmyal bar skye ba phan no/ /shA ri'i bu de'i ming tshul khrims zhig pa'i dge slong mya ngan 'khrug pa'i mda' lnga zhes bya ste/ yang dag par sems can dmyal bar ltung ngo / /yang shA ri'i bu tshul khrims zhig pa'i dge slong la khrel zhing ngo tsha med de dbang po'i rnams kyis 'khrug nas mi gtsang ba'i lus dang kha dang / yid kyi las dang / mi gtsang ba'i cho ga 'byor grub bo/ /gos gyon to cog kyang kun chos dang mi 'thun brdzun gyi tshig la dga' sred de/ kha'i bag bya mi nus sems rtag par rgyud rgod pas dri ma sme ba zhen to/ /shA ri'i bu gyo mo'i snod sar pa'i nang du skyag rdzab dang / rnag khrag rul pa mnam pa blugs pa dang mtshungs te phyir mi gtsang ba bor la spos tsan dan blugs/ phyis yang spos tsan dan bor na/ de lta bu'i gyo mo'i snod la sogs pa dri bro/ /bcom ldan 'das de lta bu'i gyo mo'i snod sar par skyag rdzab mnam po blugs te/ sra bar chags na mnam po'i dri 'ba' shig mchis kyi/ tsan dan gyi bsung ma</font><hr>49.165b<br><font size=+1>

mchis so/ /shA ri'i bu mis gtsang dag pa'i yid ches pa la sogs pa'i dbang po rnams spyad de khyim nas byung la chos la ma bslabs pa las ngan pa'i bshes gnyen dang phrad na des bstan pa bzhin du 'brang ngo / /shA ri'i bu gang la sogs pa ngan pa'i bshes gnyen zhes byas na/ ngan pa'i bshes gnyen ni rtag par rtsed mo 'dran tor la sred cing yang rgod la khrel med/ smra ba'i tshig gis 'khrug /dbang po rnams mi sdud/ sems rtse gcig tu mi mthun zhing / gti mug lug bzhin pa de lta bu'i ngan pa'i bshes gnyen la nye bsnyen na rgyun tu zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu dang / lhar skye ba la thug pa yan chad kyang stor na/ mya ngan las 'das pa'i lam lta smos kyang ci dgos/ chos bshig pa'i sdig gi las spyod sbyong 'ba' zhig la mkhas te chos 'jig pa dang 'grogs shing sdod do/ /mi des lus kyi las mi gtsang ba/ kha'i las mi gtsang ba/ yid kyi las mi gtsang ba/ tshul khrims 'dzin pa'i mi gtsang ba 'byor grub pas lus shi na lam ngan par zhugs so/ /lam ngan pa ji lta ba zhes byas na/ lam ngan pa ni ming sems can dmyal ba dang / yi dgas dang / byol song dang / lha ma yin gyi lam mo/ /yang lam ngan pa yod de/ srin bu a yu ling ga /srin bu bag la 'bo ka /srin bu 'byin stsa'i dza ka /srin bu ji 'gog ka dang / mi de srin bu de rnams kyi nang du lan mang du skye'o/ /shA ri'i bu mi de ngan pa'i bshes gnyen gyi phyir 'brang bas mi'i nang du skyes zin kyang pha ma dang gson por bral la shi rlag ste/ khyim tshes nye ba la gnod cing yul sa zhig ral te/ bgegs brgyad kyi nang du skye bar 'ong ngo / /skyid pa brgyad kyi gnas gtang la 'dod pa mang du khro blun la rtag par rtsed mo 'dran tor la sred/ khong yang rgod cing ngo tsha ba yang med/ tshig chos par smra sems bsdu mi nus te/ gti mug lug bzhin 'dod chags zhe sdang gti mug gis 'on lkugs long zhar rkang lag 'jas 'grums nas ngan pa'i bshes gnyen des sangs rgyas med pa'i gnas su skye'o/ /sangs rgyas kyi dus dang phrad du zin na 'ang bdag rang mthong bar mi dga'/ chos thos par mi dga'/ </font><hr>49.166a<br><font size=+1>

sangs rgyas dang dge 'dun dang lhan cig tu mi 'dug ste/ de lta bu'i ngan pa'i yongs nas mi ngan pa dang bsdongs te mi tha ma ngan pa la sred pa skyes nas/ drang por mthong ba la yon por mthong ba'i 'du shes skyes/ yon por mthong ba la drang po mthong ba'i 'du shes skyes te/ de'i 'dod pa tha ma zhes bya'o/ /shA ri'i bu shes rab tha ma'i mthar 'gog pa dang / lam dang mya ngan las 'das pa skyo bral ba'i sems skyo bar mi nus so/ /shA ri'i bu ngan pa'i bshes gnyen dang phrad de/ de lta bu'i rgud pa'i mya ngan gyi nad rnams thob pa de lta bu'i ltas mtshan yod pa'i mi des chos kyi yi ge zab mo 'di thos na/ dngangs dogs shing 'jigs skrag pa ni khung zab mor lhung ba dang mtshungs pas/ sdig chen po'i dong kung zab mo'i nang du ltung ngo / /ci'i phyir zhe na/ shA ri'i bu chos kyi yi ge la bshad pa yin te/ tshul khrims zhig pa'i dge slong sdig lci ba chen po yod do/ /ci'i rgyu rkyen gyis ni ming tshul khrims zhig pa zhes bya/ tshul khrims mnos so cog zhig cing tshig gis bstan pa bka' la byed do cog la brtag bstan pa med de gzhal zhing ldog pa dang / khor mor 'dod chags spyod la spyod pa go 'dun mang ste/ 'dod chags zhe sdang gti mug spyod cing tshig gzhan go 'dun la sred pas na/ ming tshul khrims zhig pa zhes bya'o/ /yang gcig tu na 'tsho nam gyi 'dod pa mang po la sred/ lce rkyang gyi kha ton la sred/ zer ro cog 'gal go rims med/ mi gtsang bar 'chad de bdag tu lta ba dang / gang zag dang tshe srog la 'dod chags pas na/ ming dge slong ngan pa zhes bya'o/ /tshig dang dpag pa mi shes dge sbyong gi chos mi shes/ bram ze'i chos mi shes/ sman gyi dpyad byed pa dang / tshong spogs byed cing khe tshol ba la sred/ yul gyi pho nya byed pa dang / gzhan la gos zhing zhen par bya ba la sred/ gos skya bo can gyi 'tsho nam bya ba'i mngag gzhug dang / shing rnams kyi 'dab ma dang / me tog dang / rdo gu 'phrul pa la sred/ gos skya bo can la mur 'dug gi chos bshad pa la sred de/ sems la rtag par 'jig rten las byung ba'i chos btang spangs te/ lo nyi shu ma lon par tshul khrims rdzogs par mnos nas/ tshul khrims mnos pa'i nang na zhan pa ma ldan pa yod de lus nyams zhing ma tshang mi rigs</font><hr>49.166b<br><font size=+1>

mi chos te/ khre 'bras rjen pa dang / dong tse dang / dar dang / gser mngul len/ bstan bcos pa bzhin du mi byed/ mkhan po'i tshig la slar sdo la zlog bdag gi lus kyang mi shes gzhan yang mi shes/ che chung tha dad pa'i rim par byed mi nus/ brdzun tshig la dga' sred/ tshul khrims len pa la 'dod chags spyod pa'i don kun gyis 'khrugs te/ sems gcig tu ma 'thun/ gdong la khro ba'i gzugs yod cing 'jungs shing brkam pa yid mi ches gzhung bas bsam pa mi shes/ brkam 'dod mang du srel gnyid che zhing rtsed mo 'dran tor sred/ dogs 'gyod gshe 'khon te/ sdig ngan pa sbas bcabs nas rang dus che ba la sred/ phrag dog dang gcam rgyu che/ khrel drin med rang nyams che dregs pa'i le lo dang / nga'i le lo dang / le lo chen po dang / yon po'i le lo byed/ brnyas slu ba la sred/ bdag gi lus la legs zhes bstod/ thabs mang du byas te gso ba'i khe'i sgo mo phye/ gos skya bo can brnyas smas te/ sgyu ma'i mi gnyen pa byas na bsnyen pa zhar gyis nor 'thob ste/ mi phal la ngom zhing tshul khrims kyi rim pa dang / thub pa dang / shes rab dang grol ba'i rim pa dang / shes mthong ba las grol thar pa rim pa nyams zhig pa ste/ sangs rgyas dang chos dang dge 'dun la sems nges par yid mi sems so/ /las kyi lan la yid mi ches te/ 'phral khe rin cher 'dzin la dus phyi ma med ces zer zhing dogs 'gyod pa rnam pa mang la sems kyi rang bzhin srab zhan pas rtag par dngangs skrag pa la sred do/ /shA ri'i bu de'i ming dge slong ngan pa zhes bya ste/ de lta bu'i mi gti mug ni nga'i chos kyi nang na skyag rdzab mnam sme zhing mi gtsang ba yin no/ /mi des lus dang kha dang yid kyi ngan pa'i las 'byor 'grub ste/ mi gtsang mi gdang bas na/ tshe zad kyi 'og tu lam ngan par ltung ste/ dmyal ba chen por song ngo / /de lta bu'i dge slong ni yang dag par gshegs pa sangs rgyas rnams dang / slob ma rnams kyis rtag par bsrings spangs so/ /gzhan chos lam la sred pa dang / zhi ba 'das par tshor ba yang kun gyis mi bsnyen to/ /shA ri'i bu dper spos tsan dan snod gtsang ma'i nang du mi gtsang ba lhan cig gzhag pa dang mtshungs te phyis cir yang spyad du mi rung ba'o/ /de ste shA ri'i bu khyim na 'dug pa dang / </font><hr>49.167a<br><font size=+1>

khyim nas byung ba la la zhig gis mi de la nye bsnyen te ci byed pa bslabs sbyangs na/ tshul khrims zhig pa'i le'u dang yang ring po mi thogs par ngan pa 'thud de/ kha dog gi mdangs nyams shing gram la chos bzhig stor te/ tshe zad kyi 'og tu sems can dmyal ba'i nang du skye'o/ /shA ri'i bu de lta bu'i mi ngan pa ni yang dag par gshegs pas sangs rgyas so cog dang / slob ma rnams gzhan chos la ma 'tshal ba dang / zhi bar thar pa'i sred pa kun gyis bsrings spangs pa'o/ /shA ri'i bu dper spos tsan dan gyi snod mi gtsang ba'i nang du blugs pa dang mtshungs te phyis cir yang spyad du mi rung ngo / /de lta ste/ shA ri'i bu khyim na 'dug kyang rung / khyim nas byung yang rung ste/ lus la bskus mod kyi 'on kyang mi gtsang ba dang 'dres so/ /shA ri'i bu dge slong ngan pa yang de dang mtshungs te/ dge 'dun phal gyi nang na 'dug cing 'phrul gyi chos gos gyon mod kyi/ 'on kyang dge slong ngan pa'i gzugs mngon no/ /tshangs par spyod pa'i dge slong des mi gtsang ba 'di mthong na bsrings te mi bsnyen to/ /gzhan gyis bsrings spangs pa mthong nas sems la gshe 'khon te/ de'i rgyu rkyen gyis shi na dmyal bar song ngo / /shA ri'i bu de lta bu'i mi tshul khrims zhig pa'i dge slong mya ngan 'khrug pa'i mda' drug ces bya ste/ yang dag par sems can dmyal bar ltung ngo / /tshul khrims gtsang ma'i le'u 'og ma'o// //yang shA ri'i bu tshul khrims zhig pa'i dge slong gis de lta bu la sogs pa'i chos yig sangs rgyas kyis bshad do cog thos na/ sems mi gtsang mi gdang ste/ mi dga' zhing yid mi ches ma dad de/ bdag la nyes yod par shes pas chos kyi yi ge 'di la yid mi ches nas bdag la sogs pa'i phyir bshad kyi/ mi gzhan gyi phyir ma yin no/ /ci'i phyir zhe na/ bdag la sogs pa sngon chad don de la 'dug pa'i phyir ro/ /shA ri'i bu de lta bu'i dam pa'i mchog bskrun du med pa'i chos la tshul khrims zhig pa'i dge slong gshe 'khon te/ chos 'chad pa la yang dag par yid mi ches pa mang na/ de lta bu'i sangs rgyas kyis bshad do cog thos nas/ log 'gal zhing mi nod cing tshig ma yin no/ /'di ni sangs rgyas kyis bshad de mi gzhan bstan pa'i tshig ma yin zhes zer ro/ /ci'i phyir zhe na/ tshul khrims zhig pa'i dge slong</font><hr>49.167b<br><font size=+1>

gi lam spyod pa la mi srid/ lam spyod pa'i dge slong ni sangs rgyas kyi tshig dang mi 'gal lo/ /de kun ni tshul khrims zhig pa blun glen zhing chos ngan pa byed pa sems yid mi ches te/ sangs rgyas kyi tshig dang log 'gal ba de lta bu'i dge slong nyes yod par bdag rang shes pas gshe 'khon dang / dregs shing le lo dang gtum zhing dus che ba dang / ngan pa yon po dang / le lo sems skyes te/ sangs rgyas dang chos dang / dge 'dun la 'phya zhing skur to/ /shA ri'i bu de na dge slong des chos kyi yi ge de kun thos na/ log 'gal ba yid mi ches nas sems kyis bla na med pa'i byang chub khong du ma chud pas mi gzhan la sangs rgyas bshad pa ma yin zhes ston to/ /shA ri'i bu sangs rgyas kyis bshad pa la mi de lta bu'i chos la skur pa zhes bya'o/ /dge sbyong ma yin shAkya'i rigs kyi bu ma yin te/ med par 'god tor byung ba'i rigs so/ /de lta bu la sogs pa'i dge slong ni brgya stong khri 'bum gyi sangs rgyas rnams kyis lan gsum du bsgyur te/ mngon par bstan du zin kyang go bar bya ba dang / lam gyi 'bras bu thob par mi nus so/ /ci'i phyir zhe na/ shA ri'i bu mi mya ngan pa ni chos 'di la rang gi lam bsgribs pa zhes bya ste/ skye ba'i skal ba'ang med/ yid ches pa'i sems kyang med la gos dang zas 'ba' zhig la sred cing 'jig rten gyi khe la brkam dad pas ngas mi 'di yang dag par gshegs pas sems can dmyal bar ltung zhes bshad do/ /shA ri'i bu da ngas mngon zhing bye brag phyed sgo'o/ /mi la la zhig 'di lta bu'i chos kyi dkon mchog la dog cing 'gal na legs par skye ba'i gnas la gzhar skal ba yod med de/ ngan pa'i gnas 'ba' zhig tu skye la rtag par long ste mig med do/ /shA ri'i bu dge dag dregs shing le lo bdo'o/ /dar te nges par 'chad mi nus pas nga'i drang po'i chos bshig go/ /mi phal gzhan 'tshe ba mi nus te/ gso ba khe'i phyir nga'i chos bshig go/ /shA ri'i bu 'di lta bu'i chos kyi dkon mchog ni de'i tshe med par bshig go/ /ci'i phyir zhe na/ de lta bu'i chos kyi dkon mchog ni sangs rgyas thams cad kun gyis ri mo gus pa ste/ rang sangs rgyas dang dgra bcom pa la sogs pa kun gyis ri mo gus par bya ba ni tshul khrims zhig pa'i dge slong le lo yar skye bas chos nges par ma bshad de/ /dge slong gzhan la</font><hr>49.168a<br><font size=+1>

sogs pas de'i tshe/ kun gyis nga'i chos la brnyas shing le lo byas nas/ kun gyis bsrings spangs te 'jung brkam cher sred cing / 'tsho nam gyi las la gcig tu sems shing nor khe rin cher 'dzin/ phrag dog gis gcings pas rtag par 'thab brtsod la sred cing res kyi sha khon skyes la gcig la gcig gus pa'i bag mi byed do/ /sems kyi rang bzhin yang rgod pa spre'u dang tshungs te/ cho ga bsgyur bcos nas nang pa'i las rnams spyod de/ dge slong gi chos las ni phyir nur/ shA ri'i bu 'di lta bu'i mi ngan pas de lta bu'i nyes pa sbas bcabs te 'dod pa mang btsal ba mang bas nor spyod de/ de rang gsos pas bdud ngan pas de'i sems rig ste/ thabs spyad pas tha dad par byas te so sor gyes bshig nas ro gcig pa'i dge 'dun dkon mchog la sde lngar bgos te/ sde lngar yod pas 'thab rtsod pa skyes shing gcig la gcig yin ma yin pa dang nyes pa 'khrul ba smos brjod do/ /shA ri'i bu da ltar gyi dge slong gcig gis gcig bstan bslabs te/ gcig la gcig gi ri mo gus shing sems gcig tu 'thun par spyod de/ sangs rgyas kyis bshad pa bzhin du mi 'gal lo/ /de tsam gyi tshe'i dge slong ni gcig la gcig mi ston mi slob/ gcig la gcig ri mo mi gus/ ngan pa byed pa mthong na des 'jigs te btang nas chos su spyad de/ gcig la gcig bstan bslab par mi nus so/ /la la mang po thos pa dang shes rab zab mo yod mod kyi 'on kyang dregs shing le lo sred do/ /mi gzhan la brnyas smad nas so so'i spyod cing rang gis brjod pa gtsugs te gcig gis gcig mthong bar mi dga' na/ bstan pa mnod mi nus pa lta smos kyang ci dgos/ shA ri'i bu yang dag par gshegs pa 'jig rten na bzhugs pa'i tshe na dkon mchog gsum ro gcig na/ nga med par 'das pa'i phyi na bgos te sde lngar byas so/ /shA ri'i bu bdud ngan pa da rung lus sbas te/ lha sbyin la bsgrogs bstangs nas/ nga'i chos dang dge 'dun bshig go/ /yang dag par gshegs pa ye shes chen po da ltar 'jig rten na bzhugs bzhin pas na/ bdud ngan pa chen pos 'byor bar mi nus so/ /ma 'ongs pa'i dus na bdud ngan pas lus bsgyur la dge sbyong gi gzugs su byas te/ dge 'dun gyi nang du zhugs</font><hr>49.168b<br><font size=+1>

nas yon po rnam pa mang po bshad de/ sems can mang du yon po mthong bar 'jug par byas nas/ de la yon po'i chos bshad de 'byi le'u nga ga pa la don gyis 'dran to zhes zer te/ shas lnga'i don bsams bzhin du zhi ba'i don yod pa thams cad kyi don nga yod pa'i don thob par yod do cog gi don to/ /de'i tshe bdud ngan pas 'di lta bu la sogs pa yon po 'dod chags pa'i don bshad de/ de lta bu'i don ni sangs rgyas rnams dang sangs rgyas kyi slob mas bshad pa ma yin no/ /de'i tshe mi ngan pa rnams bdud kyis bslad pas so sor ji mthong ba la chags te/ bdag gi yin/ pha'i bu ma yin zhes zer ro/ /shA ri'i bu yang dag par gshegs pas snga nas da dung ma 'ongs pa'i dus kyi nang na de lta bu la sogs pa/ chos 'jig pa'i don yod pa mthong bas na ched kar chos zab mo 'di bshad de/ bdud ngan par chags par byas pa'i don rnams kun bcad do/ /shA ri'i bu de tsam gyi tshe na yang 'dzam bu'i gling gi nang na le lo yar skye ba'i mi de mang ste/ dge ba legs pa chung zhig byas pas kyang thal byung chos lam thob bo zhes zer te/ tshe zad pa'i 'og tu lam ngan par ltung ngo / /de ci'i phyir zhe na/ mi de nyid mtshan du bdag gis kyang lam thob ces zer/ mi gzhan gyis kyang lam thob bo zhes zer ba brjod cing bshad de/ 'phrul gyi mis yon phul ba thugs thub par len te/ de lta bu'i mi ni lha dang mi dang 'jig rten thams cad kyi dgra ngan pa chen po zhes bya'o/ /de lta bu'i mi gti mug gis mchog gi bden pa'i gzhung bshad pa thos na/ dngangs dogs shing 'jigs skrag pa ni khung zab mor ltung ba dang mtshungs so/ /shA ri'i bu dge slong gzhan don 'di lta bu la sred pa yod de/ lhan cig tu 'dus tshogs nas sangs rgyas rnams kyi bla na med pa'i byang chub dral bshig go/ /de'i tshe le lo yar skye ba'i mi yon po chags pa mang ste/ bdud ngan pas kyang khyim na 'dug pa dang / khyim nas byung ba'i sems bslad bkrugs te/ chos ma yin pa la chags par byas so/ /drang po'i chos 'chad pa la ni ra mda' gtong ba nyung bas thal byung gyes zhig ste slar tshugs par mi rung ngo / /shA ri'i bu de'i tshe 'jig rten na dge slong gzhon nu mang du yod de dbang po rno ba yod do/ /ji lta zhes byas na khyim nas byung ba</font><hr>49.169a<br><font size=+1>

gzhan ni ngan 'khrug pa'i lhag ma yod pas slar mi'i nang du skyes nas/ gdod yang slar khyim nas byung ste/ dge slong de dag rtog cing 'dri ba la dga' zhing mos pas sangs rgyas kyi chos mchog gi gzhung ba'i gzhung rjes gcod cing tshol lo/ /shA ri'i bu le lo yar skye ba rnams ni bdud kyis bslad bkrugs pas srog gso ba 'ba' zhig tshol te/ bden par mi tha mal pa yin na/ bdag na re dgra bcom pa'o zhes zer te/ dge slong gzhon nu rnams la sogs pa la zer ba/ lus dang kha dang yid dge na de ni sangs rgyas kyi chos kyi mchog gi bden pa'i gzhung yin no/ /tshul khrims gtsang ma legs par bsrungs la chos kyi yi ge kha don dang klags te mang po thos pa 'grus par spyad na de'i ming mi 'gal bar bzod pa'i rgyu zhes bya ste/ de ni sems gtsang zhing sangs rgyas la yid ches pa'o/ /gcig tu na mchog gi bden pa'i gzhung yod kyis sems kyi nang du brtags pa bzhin/ gcig tu na mya ngan las 'das pa bsams na sdug bsngal rnam gsum 'gags te/ lnga phung dang zhugs pa bcu gnyis/ khams bcwa brgyad skyo bral bar nus so/ /khyed la sogs pa gnas dben pa na phung po dang khams dang zhugs pa'i chos 'di la rtogs shig dang / kun rtogs pa med pa'o/ /bdag gi lus la brtags na mi gtsang ba rnam pa mang ste/ khyed la sogs pas de lta bur brtag na/ rgyun du zhugs pa'i 'bras bu thob bo/ /yang gcig tu na lnga phung la sogs pa'i chos 'di la rtag pa med/ sdug bsngal stong pa ste/ yang dag pa'i nga med sra mkhrang pa med par zab tu rtogs na gdod lan cig phyir 'ong ba thob bo/ /bsgyur te yang zab tu rtogs na/ phyir mi 'ong ba dang dgra bcom pa thob ste/ de ni mchog gi bden pa gzhung yin zhes zer ro/ /de'i nang na dge slong gzhon nus slar dris na/ sangs rgyas kyi chos kyi na dgra bcom pa'i 'bras bu thal 'byung du mchog gi gzhung zhes bya 'am/ nged la sogs pa'ang de'i don shes te/ dgra bcom pa ni mchog gi gzhung ma yin no/ /da ltar gyi lnga phung 'di dran zhing bsams pas skyes sam/ mi dran pa bsams pas skyes/ lan blan pa lnga phung gis dran pa bsams pas skyes so/ /mi dran ma bsams pa'i mi skye'o/ /yang dris pa dran pa bsams pa dang lnga</font><hr>49.169b<br><font size=+1>

phung tha dad dam tha mi dad/ lan smras pa/ lnga phung dang mtshungs te/ dran pa bsams pa yang de bzhin na/ /yang dris pa lnga phung dang mtshungs te/ dran pa bsams pa yang de bzhin du zin na lnga phung sems pa su yin/ lan smras pa/ lnga phung sems pa med du zin na/ mya ngan las 'das pa yang med do/ /bden par na lnga phung sems dpa' med do/ /de lta bas na drang po'i 'phags pa'i lam brgyad spyad de/ mya ngan las 'das par chud pa yod do zhes zer ro/ /shA ri'i bu ma 'ongs pa'i dus na/ dge slong 'di lta bu'i bzod pa 'byor grub pa mang ngo / /shA ri'i bu de'i tshe tshogs pa'i nang na lha phal mang du yod de/ /sangs rgyas kyi chos mchog gi bden pa'i gzhung thos par dga' na/ le lo yar skye ba des bshad pa thos pa dang / sems la dogs shing 'gyod pa skyes te/ khung zab mor ltung ba dang mtshungs nas kun 'di skad zer ro/ /ka'i sangs rgyas shAkya thub pa'i chos ni da myur du med la thug go zhes zer ro/ /shA ri'i bu de'i nang na dge ba 'byor grub pa'i dge slong yod pas/ dge slong 'di la 'di skad byas so/ /mi gti mug stong par rgas pa le lo yar skye ba lnga'i mtshan ma dang / lnga phung gi mtshan ma dang / zhugs pa bcu gnyis dang / khams bcwa brgyad kyi mtshan ma yod du zin na tshig de nyan to zhes zer te/ mi dga' nas rang stan la 'dug pa langs te song ngo / /shA ri'i bu de'i tshe na lha rnams sems shin du dga' zhing gzha' ste/ phyogs bzhir skad phyung smras pa/ sangs rgyas shAkya thub pa'i slob ma mkhas pa da dung yod do zhes zer to/ /de'i tshe mi gzhan la sogs pa yang dge ba'i rtsa ba mi nyung bas/ mi gtsang ba de bshad pa thos par mi dga' ste/ de ni bdag tu lta ba dang gang zag tu lta ba'o/ /lha rnams kyis 'di thos pa dang / kun shin du dga' ste/ dbang po rno ba de snyan par bstod bsngags te 'dri zhing lan ldon pa la dga' sred pas/ kun gyis skye ba med pa'i chos kyi bzod pa thob pa yang dag ches zer to/ /de lta bu la sogs pa mi gnas gcig tu 'dug ste/ lhan cig tu sdos te 'grogs la mi phal nyung la dpung bsdoms kyang zhan to/ /shA ri'i bu de'i tshe nga'i bu yang dag pa rnams kyang rigs kyi rgyud la tshig nor ba med na/ yon mi thob pa dang mchod rten dang gtsug lag khang du mi gnas pa lta smos</font><hr>49.170a<br><font size=+1>

kyang ci dgos/ shA ri'i bu khyod re shig ltos shig /de nas yang dag par gshegs pas thal byung brnyas bshung ba byas te/ nga med par 'das pa'i phyi na nga'i bu rnams la sogs pa ci yang thob pa med pa'i bzod pa zhi ba la mkhas pas kyang de'i tshe nga la brnyas smad do/ /de lta bas na bskal pa grangs med pa'i bar du dgra rnams phul nas lha'i rgyal po dang mi'i rgyal po rnams thams cad bstan te sems gtsang dag par byas so/ /de nas gdod nga'i bu rnams kyis pha'i gral bde bar thob par byas so/ /shA ri'i bu yang dag par gshegs pas 'jig rten gyi mi dang lha thams cad dbang du byas te/ yang dag par gshegs pas chos bzhin du bla na med pa g.yung drung rdzogs pa'i byang chub thob ste/ bla na med pa'i chos kyi 'khor lo bskor to/ /dge sbyong dang bram ze dang lha dang / bdud dang tshangs pas bskor mi nus so/ /shA ri'i bu de ltar mngon par bstan pa yang dag par gshegs pa 'das pa'i phyi na nga'i bla na med pa g.yung drung rdzogs pa'i byang chub 'di nga'i slob ma rnams la sogs pas rgya cher bkram zhing khyab par byas na/ mi ngan gzhan rnams kyis mngon pa'i dbang bya ni nus/ 'jigs pa med pa'i sbyin pa yang mi nus so/ /shA ri'i bu dper na sbrang rtsi bum pa lam gyi bzhi mdor bzhag ste/ tshig 'di skad byas pa dang mtshungs so/ /mi la la zhig gis spu nyag ma gcig gi thog ma tsam zhig za phod na/ rtag par mi dga' mi 'chi'o/ /de nas lha dang 'jig rten gyi mi rnams so sor ral gyi mtshon cha thogs te bum pa'i drung na de'i tshe srung ba rnams so so nas tshig 'di skad mdzer to/ /mi la la spu nyag ma gcig za ba yod na bdag cag gis gsad do zhes 'dzer to/ /shA ri'i bu de'i nang na mi gcig mkhyung bur 'di snyam du sems so/ /bum pa 'di'i nang gi sbrang rtsi la spu nyag ma gcig gi thog ma tsam zhig zos na/ mi rga mi shi na bdag da ci'i phyir nas shi bas 'jigs shing mi za/ thob tu zin te mi zos na mod bzhin srungs ma rnams kyis 'jig pa med pa la brtags te/ rga ba dang na ba 'chi med par yang thob par rung na/ de bzhin du sems btul te tshe srog mi phangs par thal byung bum pa'i nang du song na/ srungs ma rnams so sor ral gri dang mtshon cha khyer te brtod nas gsad par byas so/ /shA ri'i bu mi des ral gri mtshon chas ma</font><hr>49.170b<br><font size=+1>

phog par rtul nus te thigs pa gcig zos su zin na/ rgud pa'i nad las thar te/ rga shi yang med do/ /de lta ste shA ri'i bu mi ngan pa mang du yod pas/ bdud dang bdud phal rnams kyis nga'i chos med par bya bar byas so/ /yang dag par gshegs pa 'das pa'i phyi nas mi la la zhig stong pa nyid chos bzhin du nus te/ khong du chud la the tsom med na/ gdod chos so cog la sems kyis ci yang thogs pa med do/ /bla ma'i bzod pa 'byor grub bo/ /de'i tshe mi ngan pas brnyas te chos lam de dral bshig par byas mod kyi/ mi des lus dang srog mi phangs par nas na/ brtson 'grus rtag tu spyod na chos so cog kun chud la skye ba yang med bya ba'ang med de/ skye rga na 'chi las grol thar pa thob bo/ /shA ri'i bu sbrang rtsi bum pa ni sangs rgyas kyi chos kyi gzhung yin no/ /lha dang 'jig rten gyi mi rnams kyis bum pa bsrungs pa ni mi ngan bdud kyi don la sred pa yin te bdag bsod nams chen po yang stor/ mi gzhan yang dag pa'i mtshan ma spyad pa'ang bkab ste/ bsod nams chen po stor bar byas so/ /shA ri'i bu le lo yar skye ba ni kun bdud kyi grogs po yin te/ bdud kyi don grub par ston cing kun skye ba med pa'i chos la 'phya zhing gshe'o/ /yang shA ri'i bu mi gtsang ba 'chad pa ni bdag tu lta ba dang / gang zag tu lta ba dang / sems can du lta ba dang / lnga phung dang / zhugs pa bcu gnyis dang / khams bcwa brgyad du lta ba ste/ mthong bar thob ces zer zhing sems la lam thob par 'dzin/ mya ngan las 'das pa thob par 'dzin te/ kun gyis kyang 'di lta bu drang po'i chos la 'phya zhing skrod do/ /ci'i phyir zhe na/ mi de dag kha stong pa la 'dod chags pa'i phyir bdud rnams kyang ma yin la/ bdud kyis kyang bslad dkrugs pas nga'i drang po'i chos ni bdud kyi don du byas so/ /shA ri'i bu khyim na 'dug pa yang rung / khyim nas byung ba yang rung ste/ bdag tu lta ba med/ gang zag tu lta ba med/ sems can med de mtha' yun du stong pa'i chos thos la dngangs dogs shing skrag na/ de lta bu'i mi ni bdud kyis bstan bslabs par mngon te/ ri mo'i dge slong yin/ chos rku ba'i cho ga ngan pa yin no/ /shA ri'i bu de lta bu'i mi ni bdag tu lta ba dang / sems can du lta ba dang / yod par mthong ba dang / med par mthong ba dang / rtag par mthong ba dang / chad par mthong ba yin/ kun bdud kyi</font><hr>49.171a<br><font size=+1>

mi sde sangs rgyas kyi slob ma ma yin no/ /ji lta zhe na/ nga'i chos kyi yi ge'i nang nas bshad pa 'jig rten thams cad kun ni stong pa ste/ nga'i med pa'i gnas kyang med/ zag pa med/ sems can med/ rtag pa med/ mi 'gyur ba med/ mi 'jigs pa'i chos med na/ de lta bu'i mi ngan pas kyang kun gyis chos kyi yi ge dang / kha ton du bklags te mi gzhan la bshad na/ sems can ni bdag tu lta ba dang / gang zag tu lta ba la chags pa de lta bu'i mi gti mug ni sdug bsngal gyi rgyu byed pa zhes bya'o/ /ming mgo gnyis bsgyur ba la bzlog pa zhes bya'o/ /ming 'thab 'khrug cing dge 'dun 'jig pa zhes bya'o/ /ming lam gyi chos bsgom pa sngags pa zhes bya'o/ /ming dge sbyong nang gi rtog pa zhes bya'o/ /ming sdig pa ngan pa sme btsog pa zhes bya'o/ /ming tshig gi bshad pa 'ba' zhig yod ces bya'o/ /ming sgyu ma'i dge sbyong zhes bya'o/ /ming dge sbyong gi nang gi dbul po zhes bya'o/ /ming khur lci ba khyer zhes bya'o/ /ming sangs rgyas rnams la brnyas bslus pa zhes bya'o/ /ming log pa'i sdig mthong ba zhes bya'o/ /shA ri'i bu de lta bu'i mi ming log pa'i dgra ngan pa chen po zhes bya'o/ /ming ngan pa'i bshes gnyen zhes bya'o/ /ming tshul khrims zhig pa zhes bya'o/ /ming yon po 'thob pa zhes bya'o/ /ming mur 'dug ces bya'o/ /ming bden pa spyad pa med pa zhes bya'o/ /ming grogs ngan pa zhes bya'o/ /ming gsod pa'i 'dre zhes bya'o/ /ming mdze rma zhes bya'o/ /ming mnam sme zhes bya'o/ /ming tsha bas sreg zhes bya'o/ /ming gcam sgyu zhes bya'o/ /ming mun gnag ltung zhing 'dug ces bya'o/ /ming tshal nags stug por zhugs zhes bya'o/ /ming skye shi bzhin du 'bab ces bya'o/ /ming ngan pa ris kyis 'byung zhes bya'o/ /ming sems can dmyal ba zhes bya'o/ /ming byol song zhes bya'o/ /ming yi dgas shes bya'o/ /ming lha ma yin zhes bya'o/ /ming lam du mi 'jug pa zhes bya'o/ /ming mi la brnyas bslus zhes bya'o/ /ming rang gi lus la stong pa zhes bya'o/ /ming mo dang mtshan ma spyod pa zhes bya'o/ /ming sgra chen po 'bod 'grogs shes bya'o/ /ming khe'i zhar la khe tshol ba zhes bya'o/ /ming gzhan la 'go zhing zhen pa zhes bya'o/ /ming rtag par</font><hr>49.171b<br><font size=+1>

'dran tor byed pa zhes bya'o/ /ming sems 'khrug 'khrugs pa zhes bya'o/ /ming gnod do cog la brkam pa zhes bya'o/ /ming gti mug snod pa zhes bya'o/ /ming nor brnyas pa la sred pa zhes bya'o/ /ming rgud pa'i mya ngan gyi gnas shes bya'o/ /ming grol thar med pa zhes bya'o/ /ming mya ngan 'khrugs pas bcings pa zhes bya'o/ /ming dge sbyong gi lus ma yin te ri mo'i dge sbyong zhes bya'o/ /dge sbyong dgra/ dge sbyong mnam sme ba/ dge sbyong sbang rna zhes bya'o/ /ming dgang bar dka' zhes bya'o/ /ming gso dka' ba zhes bya'o/ /ming cho ga zhig pa zhes bya'o/ /ming khrel bsal med pa zhes bya'o/ /ming mgo gtubs bcad pa zhes bya'o/ /ming lus gzugs zhig pa zhes bya'o/ /ming chos gos mgul btags pa zhes bya'o/ /ming rang mun nag tu zhugs pa zhes bya'o/ /ming 'dod chags mang po zhes bya'o/ /ming zhe sdang mang po zhes bya'o/ /ming gti mug chen po zhes bya'o/ /ming bkab pa lngas bsgribs g.yogs pa zhes bya'o/ /ming nub pa zhes bya'o/ /ming sgyu ma zhes bya'o/ /ming stong pa zhes bya'o/ /ming mugs pa zhes bya'o/ /shA ri'i bu de lta bu'i ming stong pa zhes bya ba sangs rgyas chos so cog gis dge bar bstod pa'i mi'i mtshan las log stor bas na ming stor ba zhes bya'o/ /dge sbyong ngo cog gi legs pa'i don dang / dge sbyong gi chos kyi don la log stor bas na ming stor ba zhes bya'o/ /ji lta bur na sgyu ma zhes bya 'phags pa chos kyi phyi logs na 'dug pas na/ ming sgyu ma zhes bya'o/ /stong pa dang mtshan ma med pa dang smon pa med pa'i chos bsrings spangs pas na ming sgyu ma zhes bya'o/ /shA ri'i bu de lta bu'i mi ngan pa ni bdud dga' bar bya nus te/ sgyu ma mi bden pa'i chos la sran thub par 'dod chags nus pas na tha mal pa dang mtshungs te/ sdig ngan pa'i mi'i mtshan no cog tshang ste ldan par yod pas chos kyi bzod pa thob pa mi 'dra'o/ /dge sbyong gi chos kyi don dang / dge sbyong gi legs pa'i don dang brgya stong khri de'i cha gcig kyang med do/ /shA ri'i bu de lta bas na ming stong pa zhes bya'o/ /sgyu ma zhes bya'o/ /'jig rten gyi khe sred pa 'ba' zhig la 'dod chags te/ dge sbyong ma yin par ni bdag rang dge sbyong zhes zer/ yon mi blang ba'i rigs pa ni yon blangs ta/ mi rtag pa'i dgras dgra'i</font><hr>49.172a<br><font size=+1>

mtshan ma'i rgyal mtshan gtsugs shes bya'o/ /yang ming rang dbang gis mi gsod cing gnod pa'i dgra zhes bya'o/ /mi des zas kham gcig zos pa kun gtsang gdang ba med do/ /lam la phyogs pa dang lam gyi 'bras bu thob pa 'ba' shig yon phul ba zhu bar nus na mi de la de lta bu med pas na ming zos pa mi gtsang ba zhes bya'o/ /shA ri'i bu de lta bas na ming stong pa zhes bya'o/ /sgyu ma zhes bya'o/ /shA ri'i bu khyod kyi yid la ji snyam/ mi la la zhig gis srog gcod rku 'phrog yon por g.yem brdzun zer lce gnyis byed kha ngan khyal pa zer 'dod cing / phrag dog zhe sdang yon po la lta na/ mi de rtag par srog gcod dam/ rtag par tshe srog mi 'phrog /bcom ldan 'das mi 'phrog go/ /khyim na 'dug na srog gcod de/ rtag par srog mi 'phrog pas srog gcod pa'i dus ni nyung / srog mi gcod pa'i dus ni mang ngo / /shA ri'i bu khyod kyi yid la ji snyam/ mi la la zhig rku 'phrog na 'phrog pa'i dus mang ngam/ bcom ldan 'das mi rku ba'i dus mang ngo / /shA ri'i bu khyod kyi yid la ji snyam/ khyi la la zhig yon por g.yem na yon por g.yem pa'i dus mang ngam/ yon por mi g.yem pa'i dus mang ngo / /brdzun zer ba dang / kha ngan dang / lce gnyis dang / tshig khyal par zer ba dang / 'dod cing phrag dog dang / zhe sdang gi dus mang ngam/ bcom ldan 'das zhe sdang ba'i dus mang ngo / /shA ri'i bu mi dge ba lam 'di bcu'i nang na gang sdig lci/ bcom ldan 'das mi dge ba bcu'i nang na yon po mthong ba ni sdig lci'o/ /ci'i phyir zhes bgyis na/ bcom ldan 'das yon po mthong ba ni rtag par sems la dri ma chags te/ sems mi gtsang mi gdang ngo / /shA ri'i bus ngas da khyod la bsgo'o/ /mi la la zhig gis nyi ma gcig la sems can brgya stong khri 'bum bsad/ nyi ma gcig la gser dngul dang / nor rin po che rnam pa brgya stong khri rkus/ yon por g.yem pa ni nyin mtshan du mi gtong / brdzun zer ba ni rtag par mi la brnyas bslus te/ kha'i las mi gtsang bas tshig bden pa med/ lce gnyis rtag par 'byor 'dum pa 'jig cing 'jig pa'i stongs mo yang byed/ kha ngan pa ni khar rtag par ngan pa'i log pa zer te/ mnyen des pa tshig gcig mi smra/ tshig khyal pa zer ba ni rtsa ba'i phyi mo byed de/ mis don de thos na grangs med</font><hr>49.172b<br><font size=+1>

pa'i tshig smras te/ 'chal 'khrungs so/ /'dod cing phrag dog ni khong gzhan nor la chos ma yin pa'i sems skyes so/ /zhe sdang ni rgyu rkyen med pa las glo bur du zhe sdang langs te/ 'khon pa bsrel pa las sems gdang ngo / /yon po mthong ba ni lam ma yin pas sbyang ba la sred do/ /shA ri'i bu khyod kyi yid la ji snyam/ mi la la zhig gis de lta bu'i mi dge ba'i chos 'byor grub na sdig mang ngam mi mang / bcom ldan 'das shin du mang ngo / /shA ri'i bu ngas khyod la bsgo'o/ /mi la la zhig gis lo brgya'i bar du 'di lta bu mi dge ba bcu'i sdig 'byor grub pa bas ni/ tshul khrims zhig pa'i dge slong gis na nyin gcig mtshan gcig gi bar du khong gzhan gyi yon blangs pa sdig pa de bas che'o/ /ci'i phyir zhe na/ srog gcod pa de ni mi gzhan gyis rig pa mang / mi gzhan gyis shes pa mang / mi'o cog gi mi sdug pa'i dgra ste/ mi kun gyis gsod cing srog 'phrog pa yin par shes te/ sdig mi smra/ rnyog cing bsgoms zhen pa yin te/ mi dge mi des pas mi'o cog gis spangs so/ /yang shA ri'i bu srog gcod pa'i mi gzhan gyis srog 'phrog pa mang bas bar bar skye ba'i sems skyes te/ mi rigs pa dang mthar sdig gi lam thob par rang gis shes so/ /mi kun gyis kyang ngan cing tshul khrims med/ sme bar shes so/ /mi de la legs pa'i spu'i nyag ma'i bcu tshal gyi brgya cha gcig tsam yang mi reg na/ dpal zhing gi yon mi thob pa lta smos kyang ci dgos/ yang shA ri'i bu srog gcod pa mi de'i bu smad ni/ mi kun gyis shes rig ste/ bkur sti mi bya/ 'dug du'ang mi ster na/ yon mi sbyin pa lta smos kyang ci dgos/ srog gcod pa'i mi ni nor gyis rang 'tsho zhing bu smad gso skyed do/ /bar bar dge sbyong dang bram ze la yon phul te/ de'i lan gyis 'dzangs shing 'khrul pa'i dge sbyong dang phrad nas/ de la lam gyi chos bshad nas/ srog gcod pa spangs par bstan nas srog gcod pa'i las de btang ste/ sangs rgyas kyi chos la khyim nas byung nas bsgribs shing thogs pa med/ khyim nas byung zin pa dang / dge ba'i bshes gnyen la nye bsnyen te/ dge sbyong gi 'bras bu thob nas/ mi des 'phrul gyi tshe la sdig yang ba'i lam thob ste/ 'phrul gyi lam bsgrubs pas</font><hr>49.173a<br><font size=+1>

lam ngan pa gsum las thar to/ /shA ri'i bu nga'i chos kyi nang na dge slong dag cig yod pa/ dge slong ma yin par rang dge sbyong zhes zer/ tshangs par spyad pa ma yin par tshangs par spyad pa yin zhes zer te/ dge ba'i rtsa ba rnams bcad la mya ngan las 'das pa 'jug pa bsgribs te slad rmongs pas lam stor to/ /lam zhig pa'i rgyu rkyen gyis dge ba'i chos rnams bshig ste/ mur 'dug gi don spyod cing lam ngan par zhugs pas dgra ngan pa rnams mang ste/ skye ba stong par nos nas dper mi shi ba dang mtshungs te/ lus kyi kha dog nyams gram la drang po'i chos stor te/ nga'i chos kyi nang na bsgos pa spags pa zhes bya'o/ /ming chos kyi dgra zhes bya'o/ /ming log pa'i mi zhes bya'o/ /ming bdud kyis bkol ba zhes bya'o/ /dper na mi phyi sa kun dang mtshungs/ mi ro dang mtshungs/ khyi ro dang mtshungs/ ri mo'i dge sbyong dang mtshungs te/ gos dge sbyong dang mtshungs/ 'thun kyang dge sbyong gi don med do/ /shA ri'i bu dper wa seng ge'i khyu na 'dug pa dang mtshungs/ gcig tu na nyung rum 'phrul gyi 'khor lo rgyal po'i nang na 'dug pa dang mtshungs/ spre'u lha rnams kyi nang na 'dug pa dang mtshungs/ yang gcig tu na bong bu bal glang gi rgyal po mang po'i nang du 'jug pa dang mtshungs/ mi long ba lha'i mig can gyi nang na 'dug pa dang mtshungs/ gcig tu na pha wang nam mkha' lding gi nang na 'dug pa dang mtshungs/ shA ri'i bu tshul khrims zhig pa dge 'dun gyi nang na 'dug na brgya stong khri 'bum gyi lha rnams phal mang pos dge slong de dge 'dun gyi nang na 'dug pa mthong na kun kyang shin tu mya ngan 'khrugs te tshig 'di skad 'dzer to/ /'di lta bu'i mi ngan pa gso sbyin pa ci dgos/ bdud kyi grogs dang / khams te de lta bu'i bla na med pa sangs rgyas lam mthong bar 'dod pa de gos skya bo can la bshad na/ la la sangs rgyas kyi chos la yid ches shing dad pa zhig yod na klu dang lha ma srin la sogs pa rnams kyis skad chen pos bos te shin du bstod de dge slong ngan pa de ci'i phyir des lus gab ste/ dper rta ngan pa dul ba g.yung po'i nang na 'dug pa dang mtshungs te/ de lta bu'i mi gti mug bdag rang na re ci 'ang mthong zhing shes pa dang / bdag tu lta ba ngan pa med ces zer te/ rang gis der sbas bcabs nas/ lha dang mi la brnyas bslus pa ni mi dang lha thams cad</font><hr>49.173b<br><font size=+1>

kyi nang gi dgra yin na/ phal gyis mthong ba dang / kun gyis kyang bsngags so/ /shA ri'i bu de lta bu'i ngan sdig pa'i dge slong ni dgra yin par lha rnams kyis kyang rig ste/ gos skya bo can dang mtshungs pa med na yon len cing phas bsu bskyal dang phyag 'tshal te thal mo sbyar nas ri mo gus par byas so/ /mi ngan pa gti mug shi ba'i ro dang mtshungs pa gos gyon to cog ni kun brkus te thob pa yin/ lhung bzed kyi nang gi zas ni kun brkus te blangs pa yin/ mis byin pa med do/ /chu nyung ngu yan chad kyang brkus te thob pa yin no/ /shA ri'i bu tshul khrims zhig pa'i dge slong gis gar phyin pa'i phyogs shar phyogs su phyin nas/ lho dang nub dang byang phyogs gar phyin kyang rung ste/ kun brkus te 'gro ba yin no/ /ci'i phyir zhe na/ mi de la cho ga dang chos spyad pa yod do cog kun rku ba sgyu ma yin no/ /'gro ba dang / 'greng ba dang / 'dug pa dang / nyal ba dang / song ba dang / 'ongs pa dang / lta ba dang / smyang bskum dang / dgye sgu dang / gos gyon pa dang / lhung bzed khyer ba dang / byed do cog da mdo tsam zhig bshad de/ lus dang kha dang yid kyi las spyad cing byed pa yod do cog kun rkun po'i dgra yin no/ /la la zhig gis mi de lta bu skra bregs na dgra'i skra bregs pa yin no/ /gcig gi mdo gtses pa tsam zhig skyed do/ /tshul khrims zhig pa'i dge slong gis byas pa yod do cog ni kun dgras byas pa yin no/ /shA ri'i bu dge slong ngan pas phyi sa che chung dang lag brnyal pa yan chad dgra'i chos yin no/ /ci'i phyir zhe na/ shA ri'i bu 'dzam bu'i gling gi nang na rgyal po chen po dang / blon po chen po dang / mi phal dang / mi ma yin pa'i khams dang / yod do cog thams cad la dge slong ngan pa des dgra byas so/ /shA ri'i bu rgyal po dang / blon po dgra ngan pa la legs pa'i don mi re'o/ /bdag dang mtshungs shes mi zer ro/ /bdag pas lhag ces mi zer ro/ /tshul khrims zhig pa'i dge slong 'phags pa'i chos gos gyon pas mi de la legs pa'i don thob tu re bas na yul sa na gnas shing 'dug tu gnang byas so/ /des ngan par shes su zin na mchil ma sa la dor ba yan chad kyang mi gnod/ /de lta bas na shA ri'i bu dge slong ngan pas lus g.yos te byas so cog kun dgras byas pa</font><hr>49.174a<br><font size=+1>

yin te/ ming dgra rtag pa ming dgra chen po'o/ /dgra'i rgyal mtshan btsugs pa 'jig rten gyi mi'o cog thams cad la btsog cing gnod pa zhes bya'o/ /ci'i phyir zhe na/ ngan pa ma byas pa med pa'i phyir ro/ /de lta bas na shA ri'i bu dge slong ngan pa de 'jig rten gyi lha dang mi thams cad kun gyi dgra chen po yin zhes shA ri'i bu mi dang lha dang 'jig rten thams cad kyi mi dgra chen po yin na/ de lta bu'i mis yon chu rngub gcig zhu bar nus sam mi nus/ bcom ldan 'das mi nus lags so/ /shA ri'i bu khyod kyi yid la ji snyam/ de lta bu'i mi ngan pa chen po ma yin nam/ bcom ldan 'das de lags so/ /shA ri'i bu tshul khrims zhig pa'i dge slong gis lha dang mi'i 'jig rten thams cad la ngan pa'i sdig chen po yod de/ gzhung de lta bas na ngas tshigs su bcad pa 'di bshad do/ /nyis na rdo bsregs za ba dang / /zangs bzhun khu ba 'thung yang rung / /bdag la tshul khrims med pa ru/ /yid ches mi zas bza' mi phod/ /shA ri'i bu tshul khrims zhig pa'i dge slong de la kha dog med/ legs pa med/ sems dag pa'i smon lam yang med de/ lus dang sems gdug pas rmi lam ngan pa mthong bar dga' bzhin gnas la mi srid par 'ga' zhig 'gro na lus 'jigs shing 'dar/ tshul khrims gtsang ma mthong na gol bar gab la gyur zhing byol/ rang gnong bas sems 'dar te de phrad du mi dga'/ yon len pa'i tshe dngangs dogs 'jigs skrag ste/ sems rtag par rgyug 'bros shing 'du shes kyis bsam pa rnam par mang / nor gyi khe la rab tu brkam zhing zas zhim po la dga' sred do/ /de lta bu'i dge slong ni tshe zad pa'i 'og tu yang dag par sems can dmyal bar 'gro'o/ /shA ri'i bu de'i ming tshul khrims zhig pa'i dge slong gi mya ngan 'khrug pa'i mda' bdun zhes bya ste/ yang dag par sems can dmyal bar ltung ngo / /yang shA ri'i bu tshul khrims zhig pa'i dge slong phal gyi nang na 'dug cing gyes 'khrugs pa'i tshig mang po la sred/ rang bzhin nas phrag dog la dga' bas/ tshul khrims zhig pa dang grogs po 'dza' bor byas nas/ rtag par tshul khrims zhig pa'i ngan pa'i don brjod cing bshad pa la sred de/ bdag skyid</font><hr>49.174b<br><font size=+1>

par 'dzin cing ngo tsha mi shes chos yig zab mo las log /gal te sems la dogs shing yid mi shes/ bar bar de lta bu la sogs pa'i chos yig bshad pa thos na log par yid ches shing / 'thab rtsod pa la nyan cing nod pa la mi sred de/ shar nub tu phyogs shing lta la sems gcig tu mi mthun te/ kha lag pas bkab ste yar nam mkha' la ltas shing 'dug pa las langs te sangs rgyas kyis bstan pa'i chos la skur gshe zhing 'khon la srel te/ chos 'chad pa la rgya ba de lta bu la sogs pa'i blun ngan pa'i rgyu rkyen spyad pas tshe zad pa'i 'og tu shin tu zab pa'i sems can dmyal bar ltung ngo / /shA ri'i bu de'i ming tshul khrims zhig pa'i dge slong mya ngan 'khrug pa'i mda' brgyad zhes bya ste/ yang dag par sems can dmyal bar ltung ngo / /yar shA ri'i bu tshul khrims zhig pa'i dge slong ni mkhan po dang bla ma a tsar+yar bkur bstod pa la dga' ste/ de'i legs pa'i don la bstan par bstod de/ ming gi khe btsal na tshul khrims 'dzin pa zhes zer cing de'i rgyus rang gsos te/ nor la chags pa spros pa bzhin bzo la mkhas te khrel sla ba med pa ni dper bya rog dang mtshungs so/ /dge 'dun gyi rgyu rkyen gyis gos mang du btsal te/ kha zas rang nyam du zos pas lus kyi stobs bdo ste/ khrel drin mi shes shing tshig go/ /go rims kyang med do/ /rkang lag sbom rtsub la mdangs kyi kha dog nyams gyur te/ bud med la lta bar sred/ skyes pa la mi bsnyen te/ de lta bu'i mi ngan pa ni phal kun gyis kyang brnyas smad do/ /lha dang klu dang lha ma yin gyis kyang mi bstod do/ /sangs rgyas rnams kyis kyang snyan par yang mi bshad do/ /sems kyi bzhin rings brtags la rtag par zhe sdang la sred do/ /dge 'dun gyis don gcod na dpung gi mthu snyems so/ /shA ri'i bu de lta bu'i tshul khrims zhig pa'i dge slong ni dge 'dun gyi nang mchod kyi mthu pa tshol ba mang ste/ ma dris par lan glon zhing rtag par gzhan gyi nyes pa tshol lo/ /tshul khrims gtsang ma pa mthong na snyems shing slu ba yin zhes zer/ 'grus par lam tshol ba mthong na de'i chos mi 'dra bar tha dad pa gzhan la dga' zhing dad/ rtsod pa mthong na dga' bas bstangs so/ /shA ri'i bu de'i ming ni tshul khrims zhig pa'i dge slong gi mya ngan 'khrugs pa'i mda'</font><hr>49.175a<br><font size=+1>

dgu zhes bya ste yang dag par sems can dmyal bar ltung ngo / /yang shA ri'i bu tshul khrims zhig pa'i dge slong gzhan gyi don la sred mos te/ de'i gzhung ci dgar bzung nas 'thab rtsod pa yod na dga' skyid par 'dzin to/ /gos zas kyis lus brgyan la gzhan gyi cho ga slob cing mal cha bzang po btsal te/ khes gso zhing lus bde bar byas mi gzhan gyis bstod pa la sred/ sbyin bdag la 'khren cing 'dug pa'i gnas la phangs par 'dzin te/ dge slong mkhan po 'ongs na bdag gi nyes pa mthong gis dogs te/ tshul khrims 'dzin pa la sdang / tshul khrims zhig pa la ni nye bsnyen/ sbyin pa byed pa la rtag par bstod/ tshul khrims 'dzin pa dang / bzod pa dang / brtson 'grus dang / bsam gtan dang / shes rab la ni mi bstod/ stong pa zhi ba la'ang mi bstod/ 'ba' shig gnas pa ni bsrings spangs te rtag par tshul khrims 'dzin pa la nyes par brjod pa la dpya bar sred/ sbyangs pa'i yon tan 'dzin pa la yang snyan par mi bstod/ bar bar nga'i don la dpyas te bshad/ bar bar kha ngan pas mi rigs par bskyed/ bar bar dran pa'i 'du shes kyi brdzun pa bshad/ rigs bzang po rten snyem ste pha tshan gyi gnyen la brtud par dris/ rgyu rkyen chung ngu spyad de dbul po la chos bshad na rtag par sems mi drang bas dngangs shing dogs pa srel te phal kun sdang zhing skyo bas yun du brnyas smad pa la phan no/ /tshul khrims 'dzin pa la ni rtag par dpyas bshad pa la sred do/ /gtan la bab pa bden par 'chad pa la ni nye bsnyen pas mi 'dod de yid la de lta bu'i chos kyi yi ge thos par mi dga'o/ /de lta bu'i chos kyi yi ge gzungs su bzung ste klog cing kha ton la sred pa dang / chos kyi yi ge de lta bu bshad pa thos na sems dga' gzhan pa de lta bu yang mthong du mi dga'o/ /gcig tu ni tshul khrims 'dzin pa'i chos la bstod pa thos su mi dga' ste/ de lta bu la sogs pa'i chos kyi yi ge bshad na nyan cing nod du 'ong mi 'ong nyan cing nod du zin na 'ang ring por ma lon par slar song ste/ gos skya bo can dang bshes gnyen du byas pa mang la rtag par khrims 'dzin pa'i dge slong la brjod cing bshad pa la sred de rang nyam byed pas brnyas pa dang / kha mda' spyod do/ /shA ri'i bu de'i ming tshul khrims zhig pa'i dge</font><hr>49.175b<br><font size=+1>

slong gi mya ngan 'khrug pa'i mda' bcu zhes bya ste/ yang dag par lam ngan par ltung ngo / /shA ri'i bu nga med par 'das pa'i phyi na de lta bu la sogs pa'i mis 'dzam bu'i gling gang ste/ khe tshol ba 'ba' shing spyod cing rang 'tsho gso byed do/ / sangs rgyas kyi mdzod bshad pa chos kyi yi ge/ bam po gsum pa/ sangs rgyas kyis sangs rgyas kyi mdzod bshad pa'i chos kyi yi ge le'u drug ste/ gtsang ma'i chos kyi le'u'o// // sangs rgyas kyis shA ri'i bu la bka' stsal pa/ gnas sangs rgyas bsod skyabs kyis snga nas nga la lung bstan pa sangs rgyas shAkya thub pa yon mang du blangs na chos myur du med par 'gyur ro zhes gsungs so/ /shA ri'i bu nga'i chos la bden par yon 'bul ba mang bas phyis myur du med par 'gyur ro/ /shA ri'i bu dper mi dbul pos nor bu rin po che'i mdzod rnyed pa dang mtshungs te sems shin du dga'o/ /'di lta ste/ shA ri'i bu ma 'ongs pa'i dus na gos skya bo can la nye bsnyen cing yon len pa'i dge slong mang du yod de/ khad kyis gcig gis gcig bstan pa bslabs te/ grogs su byas nas sems dga' zhing dad skyid par 'dzin/ dper mi dbul pos nor bu rin po che'i mdzod rnyed pa dang mtshungs te/ de lta bu'i mi gti mug ni 'jig rten gyi khe rin che zhing 'jig rten gyi bran 'khor ba la sred do/ /dge slong gis yon mang du spyad pa mthong na sems la thal byung du dgra bcom pa thob ces zer ro/ /nyung ngu'i bshes gnyen mthong na mod bzhin ming ngan pa zhes bya'o zhes zer ro/ /de lta bu'i dge slong ni gso ba'i khe'i phyir/ bla na med pa'i sangs rgyas kyi lam btang ste/ ci la sred pa bzhin du de'i don grub bo/ /shA ri'i bu de bzhin gshegs pas gti mug de'i phyir 'di lta bu la sogs pa chos kyi yi ge bshad do/ /ci'i phyir zhe na/ tshul khrims zhig pa'i dge slong gis chos kyi yi ge 'di lta bu bshad pa thos na 'gyod pa'i sems skyes te/ tshul khrims btang ba slar dran te dgra chen po mi byed/ gzhan gyi yon mi len to/ /shA ri'i bu dge slong la la chos kyi yi ge 'di lta bu thos nas sems mi gtsang mi gdang ste/ mi dga' mi skyid pa de lta bu'i ming ni dge slong ngan pa zhes bya'o/ /ci'i phyir zhe na/ shA ri'i bu</font><hr>49.176a<br><font size=+1>

tshul khrims gtsang ma'i dge slong la ni chos kyang med/ skyid pa yang med/ sbyin pa bshad kyang rung / tshul khrims bshad kyang rung / bzod pa bshad kyang rung / brtson 'grus bshad kyang rung / bsam gtan bshad kyang rung / shes rab bshad kyang rung ste/ de lta bu'i skyo zhing 'jigs pa'i chos kyi yi ge bshad na kun la 'ang sems dga' sred do/ /shA ri'i bu mi rnam gsum zhig yod pas chos kyi yi ge 'di bshad pa thos na sems la mya ngan 'khrug go/ /gsum gang la sogs pa zhes byas na/ gcig ni tshul khrims zhig pa'i dge slong ngo / /gnyis ni le lo yar skye ba'i mi'o/ /gsum ni chos bshad pa mi gtsang ba'o/ /yang mi rnam gsum yod pas chos kyi yi ge 'di thos na sems la mya ngan 'khrug go/ /gsum gang la sogs pa zhes byas na/ gcig ni gang zag tu mthong ba'o/ /gnyis ni srog mthong ba'o/ /gsum ni bdag tu mthong ba'o/ /shA ri'i bu ngas da khyod la bye brag phyed par bsgo'o/ /dge ba'i bshes gnyen des pa byams shing rje ba'i sems kyis mi gzhan gyi bsod nams btsal bde btsal ba dang mtshungs so/ /khyod la sogs pa nga'i tshig gcig tu nyon nos la/ rtag par dge ba'i bsod nams tshol la/ sems la rang nyam ma byed cig /shA ri'i bu chos 'chad pa mi gtsang ba la ni 'khrug pa lnga yod do/ /lnga gang la sogs pa zhes bya ba byas na/ gcig ni rang na re sangs rgyas kyi chos zad par shes shing zer ro/ /gnyis ni sangs rgyas kyi chos yig bshad pa'i tshe/ chos yig gzhan gyi nang nas byung 'gal ba'i nyes 'khrul pa'o/ /gsum ni chos gzhan la sems dogs shing yid mi ches pa'o/ /bzhi ni bdag gis ci shes pa spyad de chos yig gzhan ltar ma byas pa'o/ /lnga ni gso ba'i khe'i phyir mi gzhan la chos bshad pa'o/ /shA ri'i bu de lta bur chos 'chad pa ni ngas mi de mthar sems can dmyal bar ltung ste/ mya ngan las 'das par mi phyin ces bshad do/ /yang shA ri'i bu chos 'chad pa'i dge slong ni phal mang po'i nang du gnas te/ chos la yid ches shing dad pas stan mthon po bting na sangs rgyas kyi drang po'i chos btang ste/ mur 'dug gi yi ge</font><hr>49.176b<br><font size=+1>

dang tshig gis brgyan pa 'chad do/ /ngas yun ring du 'grus shing nyon mongs par chos dkon mchog de btsal na/ mi ngan pa 'dis btang gzhag nas ma bshad de/ chos yig nang dang 'gal ba'i tshig gi gzhung 'ba' shig spyad de/ gcig la gcig yin ma yin dang / drang po'i chos dang 'gal ba 'phags pa'i chos la sems mthon po bdag che ba'i yid bzhin du bshad de/ gso ba'i khe btsal ba'i phyir ro/ /shA ri'i bu dge slong la las chos mur 'dug gi gzhung dang 'dres par bshad/ dge slong dge ba'i lam tshol ba la 'grus pa zhig yod na 'dug pa las langs te 'gro bar rigs so/ /ci'i phyir zhe na/ shA ri'i bu gos skya bo can yid ches pa yod pas stan mthon po bting mur 'dug gi tshig drang zhing bshad pa'i mi rigs so/ /da lta ma yin du zin na dge slong dge ba ma yin no/ /ming sangs rgyas bshad pa bstan pa bzhin no zhes kyang mi bya'o/ /shA ri'i bu chos bshad pa'ang shin tu dka' ste/ de lta bur 'chad pa ni ngas bshad pa la de'i ming mur 'dug 'dzi gen gyi slob ma zhes bya ste/ sangs rgyas kyi slob ma ma yin no/ /de ltar chos 'chad pa ni tshe zad kyi 'og tu 'dzi gen ji'i lam du skye'o/ /gang la sogs pa 'dzi gen ji'i lam yin zhes byas na/ yon po mthong ba 'dzi gen ji'i lam yin no/ /gag la sogs pa yon po mthong ba zhes byas na de ni sems can dmyal ba dang / byol song dang / yi dgas yin no/ /ci'i phyir zhe na/ shA ri'i bu lus kyis chos ma grub par stan mthon po la 'dug / rang gi lus kyis mi shes par mi gzhan gyi chos ston pa ni sems can dmyal bar ltung ngo / /shA ri'i bu de lta bu'i rgyu rkyen ni de bzhin gshegs pas zad par mkhyen te/ nga'i slob ma rnams kyis sgo mo rnam pa mang po dang / rgyu rkyen rnam pa mang po dang / mthong ba rnam pa mang po spyod de/ nga'i drang po'i chos med par byas so/ /shA ri'i bu la la zhig gis 'di lta bu'i chos kyi yi ge'i mchog gi gzhung stong pa ci'ang med pa'i chos thos na sems dga' gzha' ba zhig yod na de lta bu'i mi ni yang dag pa'i nga'i slob ma yin par mngon no/ /shA ri'i bu snga ma 'das pa'i dus na dmus long lnga brgya zhig yod pa lam du dong ba las mkhar</font><hr>49.177a<br><font size=+1>

chen po zhig tu phyin nas shin du bkres skom ste/ long ba mi gcig phyi logs na rdzas srung du bcug /gzhan mkhar gyi nang du zan gyi lhag ma slong du dong nas ring por ma lon par mi brdzun ma gcig nor srung ba'i gan du 'ongs te/ tshig smras pa/ ka'i mi 'di ci phyi na 'ba' shig 'dug / lan smras pa/ bdag la grogs mang du yod de mkhar du zan slong du dong ngo / /mi brdzun mas smras pa/ khyod kyis shes sam mi shes/ pha bi na sbyin pa chen po byed do/ /gos dang zas dang rgyan gyi nor bu dang me tog dang spos dang / nor go 'dun yid bzhin du thob par rung ngo / /khyod dgos na khyod der bkri bar rung ngo / /lan smras pa de rung ngo / /de nas mi brdzun mas long ba khrid de 'dug pa'i gnas las cung zad cig 'phags pa dang / nor zad par phrogs nas long ba gzhan zas slong ba thob ste/ slar 'khor ba dang mi brdzun mas long ba phal rnams la smras pa/ khyed rnams kyis mang po bsogs te/ sbyin pa byed pa dang phrad dam mi phrad/ lan smras pa ma phrad do/ /mi brdzun mas tshig smras pa/ khyed rnams kyis ji snyed pa 'dir zhog la ngas khyed rnams khrid de sbyin pa chen po byed par 'dong ngo / /de nas long ba rnams kun gyi nor bzhag nas mi brdzun mi'i phyir dong ngo / /de nas mi brdzun mas long ba lnga brgya rnams zad par khrid da khung zab mo zhig gi nang du phyin nas tshig smras pa/ sa 'di thang bzang ste/ sbyin pa chen po 'dus pa yod kyis/ khyed rnams so so gdong shar phyogs su ltos te dong la/ khong gis nor byin pa long shig ces bsgo nas mod bzhin cig car khung du lhung ste dog go/ /shA ri'i bu ma 'ongs pa'i dus na dge slong mur 'dug gi chos yi ge klog pa la sred pa chos 'chad pa'i tshig brnyan mas brgyan te/ phal gzhan dag dad par byas nas bdud ngan pas de'i tshe phal dngangs bslad de dge ba'i chos bsgribs gcod do/ /la la zhig sgra skad dang smra ba'i tshig dang / bzo bcos pa'i snyan bsngags pa la 'dod chogs shig yod dam/ yang mi la la zhig mur 'dug gi chos kyi yi ge klog pa la sred pa zhig yod na/ bdud kyis kun bslad dkrugs te sems mi bde bar byas so/ /dge slong la la zhig sangs rgyas kyi chos spyod pa zhig yod na the tsom skye bar byas te mi phal gyis yon mi 'bul byas so/ /bar dge slong</font><hr>49.177b<br><font size=+1>

gnyis kyang rung / gsum yang rung sangs rgyas kyi chos kyi yi ge blags zin pa las mur 'dug gi chos kyi yi ge tshol bar byas te/ sngon bdag gis mthong ba la dge bzang po zhes zer te bstod nas mi de dag la sogs pa bdud kyis bslad pa shes rab kyi mig bkab bsgribs nas gso ba'i khe la shin du brkam ste/ mur 'dug gi chos yig rnams la lta ba ni dper long ba khyu gcig brdzun mas bslus te kun khung zab mor ltung nas shi bar byas pa dang mtshungs so/ /shA ri'i bu mi dmus long rnams ni dge slong yin te/ sangs rgyas kyi bla na med pa'i lam btang la mur 'dug gi chos kyi yi ge tshol ba'o/ /mi brdzun ma ni bdud ngan pa yin no/ /khung zab mo ni yon po'i lam yin no/ /shA ri'i bu mi long ba khyu gcig dang mtshungs te/ nor rnyed do cog bor la sbyin pa chen po byed par 'gro zhes byas pa dang khung zab mor lhung ngo / /nga'i slob ma rnams kyang de dang mtshungs te/ gos sbom po dang zas ngan pa bor la sbyin pa chen po'i phyir 'brangs te/ yon bzang po tshol zhing 'jig rten gyi kha'i lan byas na/ shes rab chen po stor te khung zab mo mnar med pa'i dmyal bar ltung ngo / /yang shA ri'i bu chos 'chad mi gtsang bas ni de bzhin gshegs pa'i yid bzhin du spro bar phyogs pa ma rig ste/ bdag nyid kyang mkhas par mi shes par mi gzhan la chos bshad na/ mi des 'phral gyi tshe la nyes 'khrul pa lnga thob ste mi gzhan gyis mi shes/ lha'i mig thob pa'i dge slong dang lha rnams 'ba' shig shes so/ /lnga gang la sogs pa zhes byas na/ gcig ni chos 'chad pa'i tshe sems la 'jigs skrag pa srel te/ mi gzhan gyis bkar cag gis dogs pa'o/ /gnyis ni khong na 'jigs pa'i mya ngan srel bzhin du phyi rol du gzhan la chos bshad pa'o/ /gsum ni phal tha mal pa ste/ yang dag par shes rab med pa'o/ /bzhi ni bshad do cog mi gtsang ste/ tshig 'bru sha stag yod pa'o/ /lnga ni go rims med de so so nas mdo bsdus pa'o/ /de lta bas na phal gyi nang na 'dug la sems la 'jigs dogs pa srel to/ /de lta bu'i phal tha mal pa ni shes rab med/ sems la nges pa med de/ dregs shing le lo dang / rgyu rkyen chung ngu spyad de/ ming grags par bya ba</font><hr>49.178a<br><font size=+1>

btsal te/ dogs shing 'gyod pa sems la 'dug pas mi gzhan la chos bshad do/ /mi des nyin mtshan du rang gis 'dod chags dang zhe sdang dang gti mug gi dug mda' mnos so/ /ci'i phyir zhe na/ shA ri'i bu mi des chos kyi rnam grangs nges par mi bden pa ste/ yang dag pa'i bden pa med par rig go/ /mi des mya ngan las 'das pa'ang rnam par mi rtog /mya ngan las 'das pa mi sems/ ngas mya ngan las 'das pa bsam nus te/ chos spyad pas stong pa zhi ba thob ces kyang mi zer/ chos de'i stong pa zhi ba'i gnas la yang rnam par mi rtog mi thob par yang mi rtog ste/ shA ri'i bu de'i ming mi 'gal ba bzod pa zhes bya'o/ /mi des mi 'gal ba'i bzod pa'i mchog gi gzhung 'di'i nang na'ang rang gi mtshan thob pa med do/ /shA ri'i bu gang la sogs pa bzod pa'i mtshan ma zhes bya/ de ni mtshan ma med na mi 'gal ba'i bzod pa'i mtshan ma'i bzod pa yin no/ /shA ri'i bu khyod yid la ji snyam/ mi la la zhig gis 'di lta bu'i bzod pa la'ang mtshan mi thob na mi des bdag tu lta ba'i mtshan ma dang / gang zag gi mtshan ma dang / sems can gyi mtshan ma dang tshe'i mtshan ma dang / srog gi mtshan ma thob ce na/ bden pa yong med do/ /la la zhig gis 'di lta bu'i shes rab 'byor grub na yon len pa rigs te/ de'i ming sangs rgyas kyi bu'o/ /de'i ming mi chags pa'i thub par chud pa'o/ /shA ri'i bu de lta bu'i ming sangs rgyas kyi mchog gis gzhung gi sgo mo ste/ dran pa'i 'du shes kyis rnam par brtag pa med de 'di zhes bya ba med/ pha bi zhes bya ba med pa ni gti mug gis phal mang po'i nang du 'dug ste/ yon po mthong ba bshad nas rang gi dran pa'i 'du shes kyi rnam par rtog pa spyad de/ 'di ni sangs rgyas kyi chos yin/ 'di ni 'phags pa'i lam yin zhes mi la bstan to/ /de lta bu'i gti mug gis snga ma 'das pa dang / ma 'ongs pa dang / da ltar gyi sangs rgyas rnams la 'phya zhing skur to/ /de lta bu'i mi gti mug ni ming ngan pa'i bshes gnyen zhes bya'o/ /shA ri'i bu dgras srog phrogs mod kyi lus gcig tu stor du zad do/ /de lta bu'i mi gti mug gis chos bshad pa mi gtsang ba ni bskal pa stong khri 'bum gyis bar</font><hr>49.178b<br><font size=+1>

du sems can rnams kyi rkun po'i mya ngan chen po byas so/ /mi de gti mug gi mun gyis sangs rgyas kyi byang chub bkab pas sems kyi phyi mo 'dod chags pa la slar yang 'dod dngar nas/ gcig gis gcig mthud cing chags te/ 'dod chags spyad pas na lam rgyud lngar song zhing 'ong ste/ ngo tsha ba'i lam med cing skye shi mi chad do/ /de lta bas na shA ri'i bu chos 'chad pa mi gtsang ba ni sdig shin du mang po thob bo/ /ngan pa'i bshes gnyen yang byas so/ /snga ma 'das pa dang / ma 'ongs pa dang / da ltar gyi sangs rgyas la 'ang skur to/ /shA ri'i bu de'i 'dzam bu'i gling gi sems can zhog ste/ mi la la zhig gis stong gsum gyi stong chen po'i 'jig rten gyi khams kyi sems can thams cad kyi srog phrogs pa bas chos 'chad pa mi gtsang ba'i sdig de mtho'o/ /ci'i phyir zhe na/ mi des sangs rgyas rnams kyi bla na med pa yang dag par rdzogs pa'i byang chub kun bshig ste/ bdud kyi don la bstangs shing sems can tshe rabs brgya stong khri'i bar du rkun po'i mya ngan rnams nod par yang bya ste/ bcing bar bya ba 'ba' shig nus kyi bkrol bar bya mi nus te/ de lta bu'i mi sems can rnams kyi ngan pa'i bshes gnyen yin par mngon no/ /brdzun gyi tshig des phal mang po'i nang du sangs rgyas la skur cing bzhigs so/ /rgyu rkyen de lta bas na sems can dmyal ba chen por ltung ngo / /sems can yon po'i don mthong ba bstan pa mang ste/ de lta bas na ming ngan pa yon po mthong ba zhes bya'o/ /shA ri'i bu bdag tu lta ba dang / gang zag tu lta ba dang / sems can du lta ba ni yon por lhung ba mang ngo / /zhi ba ma mthong ba yang chod pa ni myur te lam thob pa mang ngo / /ci'i phyir zhe na/ des mthong sla ba'i phyir ro/ /de lta bas na shes par byos shig /mi de rang gi ral gri rnon po bdar te/ lce gcod na phod kyi phal gyi nang du mi gtsang bar chos 'chad pa ni migs so/ /le'u bdun te gna' 'das pa'i le'u'o// // sangs rgyas kyis shA ri'i bu la bka' stsal pa/ gna' 'das pa'i yun ring po dpag tu med mu med/ bsam gyis mi khyab pa bskal pa grangs med pa'i tshe sangs rgyas shig yod</font><hr>49.179a<br><font size=+1>

pa mtshan bzang po de bzhin gshegs pa gsol ba zhes rigs drang khyab mkhyen snang mdzad zhabs bde gshegs 'jig rten sgrol/ bla na med pa'i dri ma gdul thul skyes bu lha dang mi'i mkhan po sangs rgyas bcom ldan 'das shes bya ste sangs rgyas de 'jig rten na tshe srog lo 'bum khri phrag brgyad dang drug bcu lon te/ slob ma chen po phal 'bum khri phrag brgyad brgya drug cu pa yod de/ sangs rgyas de 'das pa'i phyi na sku gdung khyab par bkram pa ni nga 'das pa'i phyi na ba dang mtshungs te tha dad pa med do/ /drang po'i chos 'jig rten na 'dug pa yang lo lnga brgya ste nga 'das pa'i phyi na ba dang mtshungs te tha dad pa med do/ /sangs rgyas 'das pa'i phyi na phal chen po de dag gi nang nas nyi ma gcig la dge slong brgya mya ngan las 'das par zhugs pa yod do/ /nyis brgya sum brgya bzhi brgya lnga brgya mya ngan las 'das par zhugs pa yod do/ /nyi ma gcig la bar bar dge slong 'bum khri phrag bcu mya ngan las 'das par zhugs pa yod do/ /de lta bur gcig nas gcig tu sangs rgyas de la shes pa mang po dang / rim pa mang po yod pa'i rdzu 'phrul chen po rnams zla ba gsum gyi ngo la kun mya ngan las 'das par zhugs so/ /shA ri'i bu sangs rgyas bzang rgyan chen pos drang po'i chos khyab par bkram pa la/ lha dang mi mang po kun gyis yon phul lo/ /shA ri'i bu sangs rgyas bzang rgyan chen po dang / slob ma chen po rnams med par 'das pa'i phyi na mi la khad kyis dge sbyong gi chos shes shing bde skyid pa las khyim nas 'byung zhing lam slob pa'ang mang du yod na/ sangs rgyas kyis chos kyi yi ge shin tu zab mo bsgrun du med pa'i stong pa'i gzhung drangs shing bshad pa shes par mi nus te/ bdud ngan pas bslad rmongs pa mang bas/ de'i tshe chos 'chad pa yang sems gcig tu mi thub pas bshad pa yang mi gtsang mi gdang ste/ bdag tu lta ba dang / gang zag tu lta ba dang tshe srog yod par bshad kyi chos so cog kun stong pa zhi bar ma bshad do/ /sangs rgyas de med par 'das pa'i phyi na lo brgya lon na slob ma rnams kyi sde lngar bgos te/ gcig gi ming ni khyab don/ gnyis kyi ming ni sdug bsngal bkram/ gsum gyi ming ni thams cad skyob</font><hr>49.179b<br><font size=+1>

bzhi'i ming ni tsang ki/ lnga'i ming ni bar 'dan ta zhes bya'o/ /shA ri'i bu dge slong khyab don dang / dag slong sdug bsngal bkram dang / dge slong rtswa dwa ta dang / dge slong tsang ki dang / dge slong bar 'dan ta dang / dge slong 'di lngas phal mang po'i mkhan po byas na/ khyab don zhes bya ba ni sangs rgyas kyis yang dag pa'i bden pa'i stong pa'i gzhung ci yang med pa'i chos bshad do cog shes so/ /dge slong bzhi po gzhan ni kun yon po'i lam du ltung ngo / /bdag tu lta ba yod par 'chad pa mang / gang zag yod par 'chad pa mang ngo / /shA ri'i bu dge slong khyab don ni sde bzhis brnyas te/ dpung dang mthu med pas mi mang pos smad do/ /dge slong ngan pa bzhi ni phal ni mang du yon po'i lam du lta bar bslabs te/ sangs rgyas kyi chos gcig la gcig ri mo gus par mi byed de/ gcig la gcig gal bas na sangs rgyas kyi chos mang bar gyur to/ /shA ri'i bu mi la la zhig dge slong khyab don gyis stong pa'i chos bshad do cog shes sla yid ches par mnos ta/ ma 'gal na ngas de lta bu'i mi ni tshe dus snga ma la sangs rgyas lnga stong la yon gsol myong bar mngon te/ mi grangs 'da' yu ta 'bum phrag drug cu rtsa brgyad yod pa dang mya ngan las 'das par zhugs zin pa'o/ /ci'i phyir zhe na/ shA ri'i bu mi des 'das pa'i dus kyi sangs rgyas rnams la dge ba'i rtsa ba rnams bskyed do/ /ci yang thob pa med pa'i stong pa'i chos spyad sbyangs mya ngan las 'da' bar 'jug pa'i rigs so/ /shA ri'i bu dge slong thams cad yod dang / dge slong tsang ki dang / dge slong bar 'dan ta dang / de kun thob pa yod par 'dzin te/ bdag tu lta ba dang / gang zag dang / sems can dang / tshe srog yod par 'chad do/ /grogs mang po mdo dar bas mi ngan pa de bzhis khyim na 'dug pa dang / khyim nas byung ba mang du yon po mthong ba la chags par byas te/ mchog gi gzhung ci yang med pa mtha' yun du stong pa'i chos btang nas mur 'dug 'dzi gen gyis chos bshad pa la dad cing chags so/ /shA ri'i bu mi ngan pa de bzhis khyim na 'dug pa dang / khyim nas byung ba'i slob ma'i chos zad la thug gi bar du rtag par phyi bzhin du khrid do/ /shA ri'i bu</font><hr>49.180a<br><font size=+1>

de'i nang na mi la la chos kyi don ma yin par shes te/ mnos nas chos su byas te sems la 'grus par spyad na/ 'on kyang mi 'gal ba'i bzod pa ma thob na rgyun tu zhugs pa'i 'bras bu mi thob pa lta smos kyang ci dgos/ mi de lta bu 'ang yon phul ba'i don zhu bar mi byed na/ mi 'gal ba'i bzod pa skye bar mi nus pa lta smos kyang ci dgos/ shA ri'i bu de'i tshe khyim na 'dug pa dang khyim nas byung ba'i slob ma lam ngan par ltung ba ste/ dge ba'i lam du ma phyin to/ /mi ngan pa de dag gis sangs rgyas kyi chos drang po bgags te/ mi la rgud pa'i mya ngan gyi don chen po mi mang po la shin tu rgud pa'i mya ngan kyang byin pa'i steng du mi ngan pa de dag tshe zad pa'i 'og tu mnar med pa'i sems can dmyal bar ltung ste/ lo 'bum khri phrag bdun gyi bar du ni gan rgyal du nyal lo/ /'bum khri phrag dgu brgya'i bar du ni kha spub tu nyal lo/ /'bum phrag dgu brgya'i bar du ni rtsib logs g.yon pas nyal lo/ /'bum khri phrag dgu brgya'i bar du ni rtsib logs g.yas pas nyal lo/ /de lcags tsha ba'i nang du bsregs nas tshig zhig ste/ de'i nang du shi ba dang / yang thal ba'i sems can dmyal ba dang / thal ba'i sems can dmyal ba chen por skyes so/ /gsod pa'i sems can dmyal ba dang / thag pa nag po'i sems can dmyal ba dang / kun du yang yan chad kyi lo grangs bzhin du sdug bsngal lo cog gis nyon mongs nas/ thag pa nag po'i sems can dmyal bar shi nas slar mnar med pa'i sems can dmyal ba'i nang du skyes so/ /shA ri'i bu rgyu rkyen de lta bas na khyim na 'dug pa dang / khyim nas byung ba la mi 'di la nye bsnyen pa dang / dge ba'i bshes gnyen dang / sbyin bdag kun sdem du yong mi 'bum khri phrag drug brgya rtsa bzhi yod de/ mkhan po 'di bzhi dang lhan cig tu skye/ lhan cig tu 'chi ste/ sems can dmyal ba chen po na 'khod cing bsreg pa'o cog gis nyon mongs so/ /shA ri'i bu mi de la dge ba'i bshes gnyen dang / sbyin bdag dang / slob ma dang / mkhan po bzhin du byed do cog kun grangs de'i nang du gtogs te zad par sems can dmyal bar</font><hr>49.180b<br><font size=+1>

skye'o/ /shA ri'i bu khyod la sogs pas de'i mang nyung shes par mi nus so/ /yang dag par gshegs pa nyi tshes gdod mkhyen par nus so/ /mi ngan pa de dag sems can dmyal bar ltung ste/ lhan cig tu skyes so/ /lhan cig tu 'chi ba sdom du mi 'bum khri phrag drug brgya rtsa bzhi yod de/ de lta bu gcig nas gcig gi bar du bskal pa gcig gi bar du nyon mongs nas/ bskal pa chen po bsregs la thug gi bar du/ 'on kyang sems can dmyal ba na 'khod do/ /ci'i phyir zhe na/ shA ri'i bu yang dag par gshegs pa'i bla na med pa'i g.yung drung rdzogs pa'i byang chub bshig pa de'i sdig shin tu lci ste/ yang ba ma yin no/ /bskal pa chen pos bsregs su zin kyang mi ngan pa de bzhi dang / mi 'bum khri phrag drug brgya rtsa bzhi ni bstir med pa'i dmyal ba chen po 'di nas yang skyes te/ phyogs gzhan gyi sems can dmyal ba chen po na 'khod do/ /de ci'i phyir zhe na/ shA ri'i bu sdig lci ba cho ga tshang ste de'i lan mi nyung bas phyogs gzhan lo grangs med pa brgya stong khri 'bum 'da' yu ta'i bar du sdug bsngal chen pos nyon mongs shing 'khod do/ /'jig rten gyi khams su slar skyes kyang sdig gi mi de bzhi dang / mi phal 'bum khri phrag drug brgya rtsa bzhi po dang / mi gzhan sdig ma bral ba rnams pha kir tshe zad na/ slar yang sems can dmyal ba chen po'i nang du skyes so/ /shA ri'i bu sdig gi mi de bzhi dang sems can phal 'bum khri phrag drug brgya rtsa bzhi po tha mar sems can dmyal ba'i nang du sdug bsngal las thar mod kyi/ mi'i nang du skye ba thob na tshe rabs lnga brgya'i bar du thog ma btsa' ba nas dmus long ste/ de nas gdod sangs rgyas kun snang yang yang dag par gshegs pa gsol bzhengs rigs drang khyab mkhyen snang mdzad zhabs bde gshegs 'jig rten bkrol/ bla na med pa'i dra ma gdul skyes bu dang mi'i mkhan po sangs rgyas bcom ldan 'das de dang phrad do/ /shA ri'i bu sangs rgyas thams cad snang gi nyan thos kyi slob ma 'da' yu ta 'bum yod do/ /de'i tshe mi 'o cog lus khru sum brgya dgu bcu rtsa drug yod do/ /sangs rgyas kyi sku lus ni de las phyed kyis ring ngo / /'od rtag pa zlum pos dpag tshad 'bum khri phrag bcu tshun chad snang</font><hr>49.181a<br><font size=+1>

ngo / /shA ri'i bu mi de sangs rgyas thams cad snang gi chos kyi nang nas khyim nas byung ste lo 'bum khri phrag bcu'i bar du brtson 'grus spyad de/ mgo mes tshig pa'i ra mda' bzhin du byas kyang mi 'gal ba'i bzod pa ma thob na/ lam gyi 'bras bu ma thob pa lta smos kyang ci dgos/ ci'i phyir zhe na/ shA ri'i bu bla na med pa'i g.yung drung rdzogs pa'i byang chub bshig pa g.yos pa'i sdig gi las kyi rgyu rkyen gyi chos de lta bu rigs so/ /de zad pa'i 'og tu slar yang mnar med pa'i sems can dmyal ba chen por skye'o/ /sngar mi dge ba lci ba'i las kyi rkyen g.yos pa'i lan ni/ shA ri'i bu mi de dag la sogs pa de bzhin du gcig nas gcig tu dang la thug go/ /de'i phrag na sangs rgyas 'bum phrag dgu bcu rtsa dgu dang phrad nas/ sangs rgyas de dag las kyang mi 'gal ba'i bzod pa ma thob bo/ /ci'i phyir zhe na/ sangs rgyas kyi chos kyi yi ge zab mo bshad na mi de dag gis yid ma ches te/ bshig dral log gal nas/ 'dzangs shing 'phrul pa la ni 'phya zhing skur/ tshul khrims 'dzin pa'i dge slong la ni nyes pa'i ngan pa phyung ste/ chos bzhig pa'i las g.yos pa'i rgyu rkyen gyi chos ni de lta bu'i rigs so/ /shA ri'i bu khyod re shig ltos shig /'phags pa'i mi la 'phya zhing skur te/ 'phags pa'i tshig la yid mi ches na de lta bur dpag tu med/ mu med pa'i sdug bsngal gyis nyon mongs te/ grol thar pa ma thob bo/ /shA ri'i bu sems can gzhan chos bshig pa'i sdig pa'i las g.yos te log gal zhing yid ma ches pa de grangs med dpag tu med pa yod na sangs rgyas 'bum phrag dgu bcu rtsa dgu la bskal pa grangs med pa'i bar du mi gcig mya ngan las 'das par chud pa yong med do/ /shA ri'i bu sangs rgyas rnams kyi chos bshig cing yid mi ches shing log gal bar nus/ tha mal pa glen pa dang le lo yar skye ba'i dge slong ngan pa rnams dang 'chad pa mi gtsang ba'i dge slong rnams so/ /ci'i phyir zhe na/ shA ri'i bu mi de rnam gsum ni spyod pa zhes kyang mi bya/ ming thob pa zhes kyang mi bya ste/ mi dag gis yang dag par gshegs pa'i chos la yid ma ches pas na 'phya zhing skur te log go/ /shA ri'i bu khyod na re ji lta bur dge slong</font><hr>49.181b<br><font size=+1>

sdug bsngal bkram des chos bshad pa de mi gtsang zhes zer ba nyid ni mi gti mug lha sbyin yin no/ /khyod na re ji ltar dge slong thams cad yod ces 'chad pa mi gtsang zhes zer ba ni nyid dge slong ku ka li yin no/ /shA ri'i bu khyod na re ji lta bur dge slong tsang gi des chos bshad pa mi gtsang zhes zer ba ni nyid dge slong ka pi la yin no/ /khyod na re ji lta bur na dge slong bar ta da des bshad pa mi gtsang zhes zer ba ni nyid dge slong lus sgre ba ri ma da yin no/ /shA ri'i bu khyod na re de'i gtsang dang zhing bden pa bzhin du sangs rgyas rnams kyi byang chub bshad de dpag tu med pa'i sems can la phan bsod do zhes zer ba ni de nyid phu li ta 'bi ta ra 'dzin 'dzi yin te/ bshad do cog gtsang gdang bas gzhan de bzhin du slob ma rnams sangs rgyas lnga stong dang phrad de/ mi 'da' yu ta 'bum phrag drug bcu rtsa brgyad yod pa kun zhi ste thar zin to/ /shA ri'i bu mi la bden pa'i tshig gang yin zhes byas na/ nang gi bla ma'i chos kyi gzhung mngon par mthong bar rig ste/ gtsang gdang bar bshad pa'o/ /bshad pa ni nam 'chad de/ pu le'u 'da' yin no/ /shA ri'i bu le'u 'da' ni sems thul la mngon par rtogs par bshad do cog dga' ba med de yid mi ches pas na bshad cing 'grol bar skye'o/ /shA ri'i bu mi la bden pa'i tshig gang yin zhe na/ rgyu rkyen thams cad chos kyi mkhan pos nam tshig bshad pa ste pu li ta yin no/ /shA ri'i bu pu li ta ni tshe tshe rabs rabs gar skye dgur rtag par sems can gyi phyir sangs rgyas kyi don byed do/ /sangs rgyas dgu bcu thams cad kyi chos kyi nang na yang rtag par chos kyi mkhan po byed do/ /chos gtsang gdang bar bshad nas sangs rgyas de kun la lus kyi tshe zad kyi bar du rtag par tshangs par spyod pa spyad de/ chos gtsang bar bshad do/ /shA ri'i bu pu 'u ta sangs rgyas drug gi chos kyi nang na yang chos kyi mkhan po byed do/ /nga'i chos kyi nang na yang chos kyi mkhan po chen po byed de/ dgra bcom pa grub nas sems grol thar pa thob bo/ /mis bden pa bshad na ji lta bu'i mis tshe tshe rabs rabs su sangs rgyas rnams la yon gsol zhing dge ba'i rtsa ba rnams bskrun pa nam tshig bshad pa pu le'u ta yin no/ /shA ri'i bu pu le'u tas sangs rgyas 'bum phrag dgu bcu'i chos la</font><hr>49.182a<br><font size=+1>

sems 'grus par btsal bslabs pas 'gro ba bshad pa gcig tu mi 'gyur bas shes rab zab mo yod do/ /de lta bas na yang dag par gshegs pas chos kyi mkhan po rnams kyi nang na rab ces bshad do/ /shA ri'i bu nyin gcig mtshan gcig tu pu li ta 'di legs pa'i don bshad du zin kyang mi zad do/ /nyin gcig mtshan gcig 'das su zin kyang mi zad do/ /ci'i phyir zhe na/ pu li ta'i chos kyi sbyin pa ni tha mal pa'i rgyu rkyen med la/ gso ba'i khe la mi chags pas chos kyi mkhan po ste/ pu le'u ta la thogs pa med pa bzhi shes rab thob ste/ yang dag par gshegs pa ma gtogs par 'jig rten kun gyi nang na tshig 'bru dang tshul gyi gzhung thob par nus pa med do/ /shA ri'i bu ngas khyod la bsgo'o/ /mi la la zhig bla na med pa'i g.yung drung rdzogs pa'i byang chub thob par 'dod na/ mi gzhan la chos bshad na dpag tu med mu med pa'i legs pa'i yon thob cing grangs med pa'i sems can la'ang phan bsod par nus so/ /shA ri'i bu mi la la zhig gis chos 'di la yid ma ches te bshig dral log gal na/ dpag tu med pa'i sdig lci ba'i rgyu rkyen ldang ngo / /ci'i phyir zhe na/ shA ri'i bu ngan pa la ngan pa'i lam yod/ dge ba la dge ba'i lam yod de/ de lta bas na ngas da chos kyi yi ge 'di khyod la gtams bcol gyis phal sde bzhi la bye brag phyed par rgya cher shod cig /shA ri'i bu chos kyi yi ge 'di thos te sems yid ches shing sems dga' gzha' na dpag tu med pa'i dpal yon thob bo/ /thos te yid mi ches shing sems mi dga' ma dad na dpag tu med pa'i sdig lci ba thob bo/ /shA ri'i bu shes par byos shig /mi de tshul khrims zhig pa'i dge slong zhes bya ste/ le lo yar skye zhing chos 'chad pa'ang mi gtsang ba'o/ /shA ri'i bu mi la la zhig gis de lta bur bstan pa log gal na/ tshe tsher rabs rabs gar skye dgur rtag par long ste mig med do/ /shA ri'i bu da ngas khyod la bye brag phyed par bsgo'o/ /ngas da ltar bshad do cog ni rdza mkhan so ma btang ba'i rim gro byed pa dang mi mtshungs kyi/ ngas phal sde bzhi la mchog gi gzhung mtha' yun du stong pa'i chos bye brag phyed par rgya cher bshad na sran</font><hr>49.182b<br><font size=+1>

thub pa ni 'dug go/ /sran mi thub pa ni zhig go/ /ci'i phyir zhe na/ shA ri'i bu sangs rgyas kyi bla na med pa g.yung drung rdzogs pa'i byang chub thob pa ni yon po mthong ba la mi ngan pa la chos mi bshad/ bdag tu lta ba dang / gang zag tu lta ba dang / sems can du lta ba dang / tshe srog tu lta ba la chos mi bshad do/ /ci'i phyir zhe na/ de lta bur gdod shes par mi nus par gzhan la chos bshad de/ sems mi dga' mi skyid de skyid du zin na 'ang myur du ston to/ shA ri'i bu ngas bshad pa mi gtsang ba la de lta bu'i nyes sdig yod de/ drang po'i lam thob pa mi shes so/ de lta bu'i don ni dge slong thams cad kyis mi shes/ lha rnams kyis kyang mi shes te/ nga 'ba' shig gis gdod shes so/ /yang chos 'chad pa mi gtsang ba'i dge slong gis de bzhin gshegs pas spros pa bzhin du bshad pa ma shes te/ mi gzhan la bshad pa ma shes te/ mi gzhan la bshad pa chos kyi yi ge gzhan gyi nang na bdag tu lta ba med/ gang zag tu lta ba med/ sems can med/ tshe srog med ces bshad pa/ mi des bdag gis tshig brjod pa spyad de/ bdag tu lta ba yod/ gang zag tu lta ba yod/ sems can yod/ tshe srog yod ces bshad de/ sangs rgyas la skur/ chos la skur/ dge 'dun la skur te/ dkon mchog gsum la skur pa'i sdig ni lha rnams dang / 'jig rten gyis shes par mi nus te/ sangs rgyas nyi tshes mkhyen to/ /shA ri'i bu mi des yang mi chos 'chad pa mi gtsang ba zhes bya ste/ ngas de nyes pa shes so/ /gzhan rdzu 'phrul can dang lha rnams kun gyis shes par mi nus te/ sangs rgyas nyi tshes mkhyen to/ /shA ri'i bu da ngas khyod la dpe tshul gyis 'grol ba bshad do/ /mi la la zhig gis sangs rgyas kyi lam gyi gzhung gi mtshan ma mi shes par mi gzhan la mi gtsang bar chos 'chad na/ mi des mi dge ba'i don ci srid 'byor 'grub/ shA ri'i bu khyod kyi yid la ji snyam/ 'dzam bu'i gling gi sems can mang ngam mi mang / bcom ldan 'das shin tu mang lags so/ /shA ri'i bu mi ngan pa la la zhig gis de zad par gyi srog phrogs na mi des sdig thob pa mang ngam nyung / bcom ldan 'das shin tu mang lags so/ /de lta bu'i mi gti mug gis sangs rgyas kyi</font><hr>49.183a<br><font size=+1>

lam mi shes par mi gzhan la chos 'chad pa mi gtsang ba ni sdig de bas mang ngo / /ci'i phyir zhe na/ mi des chos 'chad pa mi gtsang bas/ bla na med pa'i sangs rgyas kyi lam bshig /snga ma 'das pa dang ma 'ongs pa dang / da ltar gyi sangs rgyas la yang skur to/ /ci'i phyir zhe na/ shA ri'i bu ma 'ongs pa'i sangs rgyas kyis kyang chos so cog thams cad kun mtha' yun du kun stong pa ste/ bdag tu lta ba med/ gang zag tu lta ba med/ sems can med/ tshe srog med ces bshad do/ /shA ri'i bu ma 'ongs pa'i sangs rgyas rnams kyis kyang chos so cog mtha' yun du stong pa ste/ bdag tu lta ba med/ gang zag tu lta ba med/ sems can med/ tshe srog med do/ /shA ri'i bu da ltar gyi phyogs bcu'i chu bo gang gA'i bye ma snyed kyi 'jig rten gyi khams kyi sangs rgyas rnams kyis kyang chos so cog mtha' yun du stong ste/ bdag tu lta ba med/ gang zag tu lta ba med/ sems can med/ tshe srog med ces bshad do/ /shA ri'i bu de'i ming sangs rgyas so cog gi bla na med pa'i chos shes bya ste/ chos so cog la mtshan nyid med de stong pa med pas thob pa med do/ /phyi mo ngo nyid stong pa zhi bas na skye ba yang med de/ 'gog pa yang med/ nyid kyi mtshan ma dang rang bzhin gyi mtshan ma yang med de kun stong pa bas na de bzhin gshegs pas dran pa'i 'du shes kyis rnam par rtog pa rnams bcad pa 'ba' shig gi phyir/ sangs rgyas rnams kyi byang chub la rnam par brtag pa med ces bshad do/ /shA ri'i bu gang la sogs pa la rnam par rtog ces bya ba rnam par rtog go cog bdag tu lta ba dang / gang zag tu lta ba dang / sems can tu lta ba dang / tshe srog tu lta ba dang / chad par mthong ba dang / rtag par mthong ba dang / phal tha mal pas de lta bur rnam par rtog par 'byor grub bo/ /mi la la zhig la de lta bu'i rnam par rtog pa med de/ chos so cog kun stong pa dang / bdag tu lta ba med/ gang zag med/ sems can med/ tshe srog med kun bye brag phyed par shes nus na/ de ltar sems pa'i tshe sems dga' ba thob ste/ mchog gi gzhung stong pa thob nas mi dngangs mi skrag ste/ mi des lnga phung sgyu ma mi bden zhing yang dag pa'i bden pa med par rig go/ /zhugs pa bcu gnyis dang </font><hr>49.183b<br><font size=+1>

khams bcwa brgyad sgyu ma chags pa kun gyi ming 'dod chags pa yon por mthong ba zhes bya'o/ /shA ri'i bu bdag tu lta ba dang / gang zag tu lta bas mi 'gal ba'i bzod pa yang mi thob na/ lam gyi 'bras bu mi thob pa lta smos kyang ci dgos/ shA ri'i bu bdag tu lta ba dang / gang zag tu lta ba dang / sems can du lta ba dang / tshe srog tu lta ba dang / chad par mthong ba dang / rtag par mthong bas mi 'gal ba'i bzod pa rab tu thob par ma nus na lam gyi 'bras bu thob par nus shes zer na bden pa yong med do/ /de lta bas na shA ri'i bu mi la la zhig gis de lta bu mthong ba 'byor grub pa ni nga'i chos kyi nang na ngas gzhan gyi yon len du mi gnang ste/ de ni spyod pa yang ma yin/ thob pa yang ma yin gyi nga'i chos la rang gi srog gso bar tshor bar zad do/ /shA ri'i bu ngas bshad pa la mur 'dug sangs rgyas kyi chos su 'jug 'dod na/ zla ba bzhi'i bar du sad pa'i rigs so/ /ci'i phyir zhe na/ mur 'dug gi mi rnams la ni bdag tu lta ba dang / gang zag tu lta ba dang / sems can du lta ba dang / tshe srog tu lta ba dang / rtag par mthong ba mang du yod do/ /shA ri'i bu nga'i slob ma la ni bdag tu lta ba dang / gang zag tu lta ba dang / sems can du lta ba dang / tshe srog tu lta ba dang / chad par mthong ba dang / rtag par mthong ba med de/ nga'i slob ma rnams kyis stong pa dang / mtshan ma med pa dang / smon pa med pa dang / ci yang thob pa med pa 'ba' shig bshad de/ sems la 'jug pa'i gnas med par 'chad do/ /shA ri'i bu la la zhig de lta bu'i bzod pa 'byor grub pa zhig yod na ngas mi de lta bu khyim nas byung zhing tshul khrims nod du gnang ste/ yon gos dang / mal cha dang / rtsi sman phul ba blang du rung ngo / /mi de lta bu bzod pa med pa ni sngon du sad pa'i rigs te/ sngar chos so cog la nga med pa la gnas su bcug go/ /shA ri'i bu la la zhig de lta bu'i bzod pa la sems mi dga' zhing mchog gzhung stong pa bshad pa thos na dngangs shing dogs la zur thel gyis gshe'o/ /bdag tu lta ba 'chad pa thos na sems dga' bar 'dzin na de lta bu'i mi ni bdud kyis bkol bar mngon te/ </font><hr>49.184a<br><font size=+1>

mur 'dug las kyang 'das so/ /shA ri'i bu shes rab can ni de lta bu la zhe sdang skye bar mi rigs kyi de lta bu la snying rje'i sems skye bar rigs so/ /ci'i phyir zhe na/ shA ri'i bu mi la la zhig gis de lta bu'i ngan pa 'byor grub pa ni ngan pa'i lam thob bo/ /chos bshad kyis mi zad de mi de la bsod nams kyi sems bskyed cing chos so cog la yang nga med pa dang / chos so cog stong pa zhi ba dang / chos so cog la bya ba med pa dang / thob pa med pas bstan to/ /mi des sangs rgyas kyi chos mnos la don thos te/ sems dga' zhing dad na ni gzhan stong pa spyad pa dge slong gis ci yang thob pa med pa kun bstan bslabs te phan zhing dga' bar sems dga' ba'i rigs so/ /chos so cog la ci yang med pa stong pa bshad pa thos na dngangs skrag ste/ phal mang po'i nang na mkhan po bla ma A tsar+ya la chos kyi yi ge'i nang na stong pa'i las spyod bzhin du bshad pa'i rigs shes zer ro/ /chos rnams kyi mtshan ma tha dad pa mngon par shes nus na ngas mkhan po bya'o/ /bdag tu lta ba dang / gang zag tu lta ba dang / phyin ci log yon por lta ba dang / tshul khrims 'dzin pa la 'dod chags pa'i mkhan po zhes ni mi bya'o/ /yang dag pas drang por mthong ldan pa dang / lhan cig tu gso sbyong byed par gnang ngo / /tshul khrims zhig pa'i mi cho ga zhig pa dang lhan cig tu gso sbyong byed du gnang ngo / /slob ma rgan zhing btsun pas stong pa zhi ba ci yang thob pa med pa chos bshad pa thos te/ sems yid mi ches ma dad la sems mur 'dug la 'dug na sangs rgyas kyis mur 'dug dang gso sbyong byed du mi gnang ngo / /mi de de lta bu'i mthong ba ma btang na dge 'dun gyi nang du 'dug tu mi gnang ba'i rigs so/ /de lta bu 'dod pa ma blangs te/ de ltar byas zin te 'on kyang yang ma btang na mi de lam la gnas par mi rung bar mngon te thal byung du yong bor nas mkhan po bla ma A tsar+yas kyang tshig 'thun par slar bcang ba'i mi rigs so/ /shA ri'i bu dge 'dun la de bzhin ngas yon gsol pa dang mur 'dug gi yon po'i lam la lta ba 'jig pa la mkhas te/ de'i ming tshul khrims bshad pa dang gso sbyong gtsang zhes bya'o/ /shA ri'i bu ngas da khyod la bye brag phyed par</font><hr>49.184b<br><font size=+1>

bsgo'o/ /mi la la zhig de lta bu'i bdag tu lta ba dang / gang zag tu lta ba dang / sams can du lta ba dang / yod med du lta ba dang / de lta bu'i mi'i ming nga la yon phul ba zhes kyang mi bya/ ming nga'i phyi bzhin khyim nas byung ste tshul khrims mnos pa zhes kyang mi bya'o/ /de'i ming mkhan po drug gi phyir 'brangs la khyim nas byung ba ste/ mkhan po drug gis mkhan po byas pa zhes bya'o/ /shA ri'i bu mi la la zhig gis de lta bu'i gtsang gdang ba'i bden pa'i chos la bzod pa thob par ma nus te/ yon blangs na mi des thob bo cog yon po'i mnos shes bya'o/ /shA ri'i bu mis nga'i chos kyi nang nas khyim nas byung ste/ tshul khrims gtsang ba gzung ba bsrungs mod kyi/ mchog gi gzhung stong pa ci yang thob pa med pa'i chos la yid ches mi shes te/ dngangs skrag cing dogs 'gyod pa de lta bu'i mi ni tshul khrims 'dzin pa dang / mang du thos pa dang / bsam gtan thub pa ched cher 'dzin par mngon no/ /shA ri'i bu de lta bu'i mi'i ming nga la btsun lci bar ri mo gus shing yon dbul ba zhes mi bya'o/ /ci'i phyir zhe na/ shA ri'i bu thog ma zhes bya ba med pa'i tshe rabs tshun chad sems can bsam gtan bzhi ni ma thob kyi/ bsam gtan bzhi thob pa 'ba' shig gis dge slong gi bzod pa bya ba ni med na/ de lta bu ji lta bur na ming nga la yon 'bul ba zhes bya/ de lta bas na shA ri'i bu ngas khyod la bye brag phyed par bsgo'o/ /ma 'ongs pa'i dus kyi mis nga'i chos la 'dod chags rnam pa mang po dang yon po mthong ba rnam pa mang pos nga'i chos bshig dral lo/ /shA ri'i bu mi la la tshul khrims 'dzin pa dang / mang po thos pa dang / bsam gtan thub pa 'ba' shig ched cher 'dzin pa de lta bu'i mi ni dge sbyong gi chos rnams gtsang mar spyod mi nus par mngon te/ ngas mi de'i ming dge sbyong dang / bram ze dang / bram ze zhes ma bshad do/ /shA ri'i bu mi la chos so cog la nga med pa bden pa bzhin du nga med par shes/ chos so cog phyi mo nas ci yang med pa'i stong pa ste/ bden pa bzhin du ci yang med pa'i stong par shes nus na/ de ni tshul khrims 'dzin pa rab yin par mi 'dzin/ mang po thos pa rab ces bya bar mi</font><hr>49.185a<br><font size=+1>

'dzin/ bsam gtan thob pa rab ces mi 'dzin to/ /ci'i phyir zhe na/ shA ri'i bu chos so cog la bden pa'i mtshan ma la skye ba'ang med de/ ldan pa'ang med de/ de'i nang na rab ces bya ba'i chos med do/ /shA ri'i bu chos so cog gi bden pa bzhin gyi nang na tshul khrims 'dzin pa med/ tshul khrims bshig pa med na 'dod chags la rab ces bya ba med pa lta smos kyang ci dgos/ shA ri'i bu de'i ming sangs rgyas rnams kyi bla na med pa g.yung drung rdzogs pa'i byang chub ces bya ste/ chos so cog gi mtshan ma dang rang gi mtshan ma med/ stong pa bdag tu lta ba dang / gang zag tu lta ba med do/ /de lta bu'i bzod pa yod du zin na de'i ming spyod pa zhes bya'o/ /de'i ming thob pa zhes bya ste/ mi de'i ming yid ches pa spyad pa khyim nas byung ba ste/ yon len pa'i rigs shing gtsang ba'i gso sbyong byed pa ste/ mi de ni mi'i nang na lha zhes bya'o/ /shA ri'i bu sangs rgyas rnams kyi bla na med pa g.yung drung rdzogs pa'i byang chub ni gzhung gcig pa 'ba' shig yin te de ni bral ba zhes bya'o/ /gang la sogs pa bral ba zhes byas na/ 'dod do cog dang mthong ngo cog ste/ 'dod pa ni ma rig pa yin no mthong ba ni dran pa dang sems pa yin no/ /ci'i phyir zhe na/ chos so cog thams cad ni dran pa dang sems pas phyi mo byas ste/ sems kyi 'du shes yod do cog ni mthong ba yin zhes bya ste/ mthong ba ni yon po yin no/ /shA ri'i bu dge ba'i chos kyi nang na mthong ba yang yon po mthong ba zhes bya'o/ /ci'i phyir zhe na/ shA ri'i bu 'dod pa dang bral ba'i stong pa zhi ba chos kyi nang na chos med/ chos med yang med/ dge ba yang med de/ ngan pa yang med de/ don to cog kun stong la/ chos kyi yi ge rnams dang bral zhing sems can thams cad dang bral bas na/ ming bral ba zhes bya'o/ /shA ri'i bu bla na med pa'i nang na 'dod pa rnams yong zhi'o/ /gang la sogs pa 'dod pa rnams shes byas na/ nga ni yon po mi dge ba'i sems dang / nga dang nga'i gnas dang / byed pa'i mtshan ma dang / don gyi mtshan ma ste/ de'i ming bla na med pa g.yung drung rdzogs pa'i nang na 'dod pa'o cog yong zhi zhes bya'o/ /le'u brgyad de</font><hr>49.185b<br><font size=+1>

gtsang ma mthong ba'i le'u 'o// // sangs rgyas kyis shA ri'i bu la bka' stsal pa/ ngas bsams pa 'das pa'i dus na bla na med pa g.yung drung rdzogs pa'i byang chub tshol ba na/ sangs rgyas 'bum phrag sum cu dang phrad de/ kun mtshan shAkya thub pa zhes bya'o/ /nga ni de'i tshe kun 'khor lo 'phrul gyi rgyal po byed de/ lus kyi tshe zad kyi bar du slob ma kun la yon gos dang / kha zas dang / mal cha dang / rtsi sman phul te/ bla na med pa'i g.yung drung rdzogs pa'i byang chub tshol ba'i phyir na sangs rgyas de rnams kyis nga la khyod ma 'ongs pa'i dus na sangs rgyas byed pa thob bo zhes lung ma bstan to/ /ci'i phyir zhe na/ ngas thob pa yod pa spyad pa'i phyir ro/ /shA ri'i bu ngas bsams pa 'das pa'i dus na sangs rgyas brgyad stong dang phrad de/ kun mtshan 'dod mi 'gyur zhes bya'o/ /ngas de'i tshe kun 'khor lo 'phrul gyi rgyal po byas te/ lus kyi tshe zad kyi bar du slob ma dang kun la yon gos dang / zas dang / mal cha dang / rtsi sman phul te/ bla na med pa g.yung drung rdzogs pa'i byang chub tshol ba'i phyir na sangs rgyas rnams kyis nga la khyod kyis ma 'ongs pa'i dus na sangs rgyas byed pa thob bo zhes lung ma bstan to/ /ci'i phyir zhe na/ ngas thob pa yod pa spyad pa'i phyir ro/ /shA ri'i bu ngas bsams pa 'das pa'i dus na sangs rgyas drug khri dang phrad de/ kun mtshan 'od snang ba zhes bya'o/ /ngas de'i tshe kun gyi 'khor lo'i rgyal po zhes bya ste/ lus kyi tshe zad kyi bar du slob ma dang kun la yon gos dang / kha zas dang / mal cha dang / rtsi sman phul te/ bla na med pa'i g.yung drung rdzogs pa'i byang chub tshol ba'i phyir na sangs rgyas de rnams kyis kyang nga la khyod kyis ma 'ongs pa'i dus na/ sangs rgyas thob bo zhes lung ma bstan to/ /ci'i phyir zhe na/ ngas thob pa yod pa spyad pa'i phyir ro/ /shA ri'i bu ngas bsams pa 'das pa'i dus na sangs rgyas sum 'bum dang phrad de/ kun mtshan pu ra sha zhes bya'o/ /ngas de'i tshe kun gyi 'khor lo 'phrul gyi rgyal po byas te/ rnam bzhis yon gsol na kun gyis nga la lung ma bstan te/ thob pa yod pa spyad pa'i phyir ro/ /shA ri'i bu ngas bsams pa 'das pa'i dus na sangs rgyas brgyad</font><hr>49.186a<br><font size=+1>

khri brgyad stong dang phrad de/ kun mtshan ri'i rgyal po zhes bya'o/ /bskal pa'i ming ni bla brgyad ces bya ste/ sangs rgyas khri brgyad stong de kun gyi thad du skra bregs chos gos gyon nas bla na med pa g.yung drung rdzogs pa'i byang chub spyad pa sbyangs na kun gyis nga la lung ma bstan to/ /thob pa yod pa spyad pa'i phyir ro/ /shA ri'i bu ngas bsams pa 'das pa'i dus na sangs rgyas lnga brgya dang phrad de/ kun mtshan me tog bla zhes bya'o/ /ngas de'i tshe kun gyi 'khor lo 'phrul gyi rgyal po byas te/ kun la yod do cog phul na/ sangs rgyas de rnams dang slob ma rnams kun gyis nga la lung ma bstan te/ thob pa yod pa spyad pa'i phyir ro/ /shA ri'i bu ngas bsams pa 'das pa'i dus na sangs rgyas lnga brgya dang phrad de/ kun mtshan legs pa'i brjid ces bya'o/ /ngas zad par la yon phul nas kun gyis nga la lung ma bstan te/ thob pa yod pa spyad pa'i phyir ro/ /shA ri'i bu ngas bsams pa 'das pa'i dus na sangs rgyas nyis stong dang phrad de/ kun mtshan ci na zhu zhes bya'o/ /ngas de'i tshe kun gyi 'khor lo 'phrul gyi rgyal po byas te/ kun la yon no cog phul na sangs rgyas de kun gyis nga la lung ma bstan te/ thob pa yod pa spyad pa'i phyir ro/ /shA ri'i bu ngas bsams pa 'das pa'i dus na sangs rgyas dgu stong dang phrad de/ kun mtshan bsod skyabs shes bya'o/ /ngas rnam bzhi spyad de yon du gsol na sangs rgyas rnams dang / slob ma rnams kun gyis nga la lung ma bstan te/ thob pa yod pa spyad pa'i phyir ro/ /shA ri'i bu ngas bsams pa 'das pa'i dus na snga ma 'das pa bskal pa khri'i tshe sangs rgyas byung ba med de/ de'i thog ma bskal pa lnga brgya'i nang na rang sangs rgyas dgu khri yod de/ ngas lus kyi tshe zad kyi bar du thams cad la yon gos dang / mal cha dang / rtsi sman dang phul te/ btsun zhing lci bar bstod do/ /de'i 'og gi bskal pa lnga brgya yang rnam pa bzhi spyad de/ rang sangs rgyas brgyad khri bzhi stong la yon phul te/ btsun zhing lci bar bstod do/ /shA ri'i bu bskal pa de stong 'das nas rang sangs rgyas kyang med de/ nga de'i tshe 'dzam bu'i gling du shi nas tshangs pa'i khams su skyes te/ tshangs pa'i rgyal po chen po byas so/ /de lta bu'i gcig nas gcig tu bskal pa lnga brgya'i bar du rtag par</font><hr>49.186b<br><font size=+1>

tshangs pa'i khams su skyes nas tshangs pa'i rgyal po byas te/ 'dzam bu'i gling du ma skyes so/ /bskal pa lnga brgya de 'das nas mar babs te 'dzam bu'i gling du skyes nas 'dzam bu'i gling du bstan bcos bstan te/ tshe zad nas gnam ngos bzhi'i lha'i rgyal por skyes so/ /der tshe zad nas sum cu rtsa gsum gyi lha'i khams su skyes te dbang po byas so/ /de lta bu gcig nas gcig tu bskal pa lnga brgya tshang nas 'dzam bu'i gling du skyes so/ /der bskal pa brgyad tshang nas tshangs pa'i khams su skyes nas tshangs pa'i rgyal po chen po byas so/ /shA ri'i bu ngas bskal pa dgu stong gi bar du re shig 'dzam bu'i gling du ma skyes te/ bskal pa dgu stong gi bar du lha'i kha sha stag tu skyes so/ /bskal pa zad de bsregs pa'i 'od dbyangs lha'i khams su skyes so/ /'jig rten gyi khams slar ded zin nas/ slar tshangs pa'i khams su skyes te/ bskal pa dgu stong gi bar du mi'i nang na ngan du ma skyes te/ shA ri'i bu bskal pa de dgu stong gi bar du sangs rgyas dang rang sangs rgyas med de/ sems can rnams la lam ngan par ltung zhing 'khod pa mang ngo / /shA ri'i bu bskal pa khri de 'das zin nas sangs rgyas zhig 'jig rten du byung ba mtshan khyab srung yang dag par gshegs pa gsol bzhengs rigs drang khyab mkhyen snang mdzad zhabs bde gshegs 'jig rten bkrol bla na med pa'i dra ma gdul thul skyes bu lha dang mi'i mkhan po sangs rgyas bcom ldan 'das shes bya ste/ nga de'i tshe tshangs pa'i khams su tshe zad nas 'dzam bu'i gling du skyes te/ 'khor lo 'phrul gyi rgyal po byas nas mkhan po ni spyi lha zhes bya/ mi'i tshe lo dgu khri thub ste/ ngas lus kyi tshe zad kyi bar du skyid pa'i yo byad do cog gis sangs rgyas de dang / dge slong 'bum phrag dgu bcu la yon du gsol te/ lo dgu khri'i bar du bla na med pa g.yung drung rdzogs pa'i byang chub btsal na/ sangs rgyas khyab srung des kyang nga la khyed ma 'ongs pa'i dus na sangs rgyas byed pa thob bo zhes lung ma bstan to/ /ci'i phyir zhe na/ ngas de'i tshe chos so cog gi bden pa'i mtshan ma khong du chud ma nus te/ bdag tu lta bar 'dzin pa la 'dod chags te/ thob pa yod pa mthong ngo / /shA ri'i bu bskal pa de'i tshe sangs rgyas brgya byung ste/ </font><hr>49.187a<br><font size=+1>

ming mtshan so so tha dad do/ /ngas de'i tshe kun gyi 'khor lo 'phrul gyi rgyal po byas nas/ lus kyi tshe zad kyi bar du slob ma rnams dang kun la yon gsol te/ bla na med pa'i g.yung drung rdzogs pa'i byang chub btsal nas/ sangs rgyas de rnams kyis kyang nga la khyod ma 'ongs pa'i dus na/ sangs rgyas byed pa thob bo zhes lung ma bstan te/ thob pa yod pa spyad pa'i phyir ro/ /shA ri'i bu ngas bsams pa 'das pa'i dus na bskal pa grangs med pa bdun brgya'i tshe sangs rgyas stong dang phrad de/ kun mtshan 'dzam bu da na zhes bya ste/ ngas lus kyi tshe zad kyi bar du rnam pa bzhis yon gsol na/ yang lung bstan pa med de/ yang ngas thob pa yod pa spyad pa'i phyir ro/ /shA ri'i bu ngas bsams pa 'das pa'i dus na bskal pa bdun brgya'i tshe na yang sangs rgyas khri phrag drug brgya nyi shu dang phrad de/ kun gyi mtshan cho ga thams cad mthong ba zhes bya'o/ /ngas de'i tshe kun gyi 'khor lo 'phrul gyi rgyal po byas nas skyid pa'i yo byad do cog gi lus kyi tshe zad kyi bar du slob ma dang kun la yon gsol na yang nga la lung ma bstan te thob pa yod pa spyad pa'i phyir ro/ /shA ri'i bu ngas bsams pa 'das pa'i dus na yang bskal pa bdun brgya'i tshe/ sangs rgya brgyad bcu rtsa bzhi dang phrad de/ kun mkhan po rgyal po mtshan zhes bya'o/ /ngas de'i tshe kun gyi 'khor lo 'phrul gyi rgyal po byas nas skyid pa'i yo byad do cog spyad de lus kyi tshe zad kyi bar du slob ma dang kun la yon gsol kyang nga la lung ma bstan te/ thob pa yod pa spyad pa'i phyir ro/ /shA ri'i bu ngas bsams pa 'das pa'i dus na yang bskal pa grangs med pa bdun brgya'i tshe na sangs rgyas bcwa lnga dang phrad de/ kun gyi mtshan gnyi snang zhes bya'o/ /ngas de'i tshe kun gyi 'khor lo 'phrul gyi rgyal po byas nas skyid pa'i yo byad do cog spyad de/ lus kyi tshe zad kyi bar du slob ma dang kun la yon gsol na yang nga la lung ma bstan to/ /thob pa yod pa spyad pa'i phyir ro/ /shA ri'i bu ngas bsams pa 'das pa'i dus na yang bskal pa grangs med pa bdun brgya'i tshe/ sangs rgyas drug bcu rtsa gnyis dang phrad de/ kun mtshan dge zhes bya'o/ /ngas de'i tshe 'khor lo 'phrul gyi rgyal po byas nas skyid pa'i yo byad do cog spyad de/ tshe zad kyi bar du yon gsol na</font><hr>49.187b<br><font size=+1>

yang nga la lung ma bstan te/ thob pa yod pa spyad pa'i phyir ro/ /de lta bur gcig nas gcig tu sangs rgyas 'od mi 'gyur dang phrad pa la thug na/ gdod skye ba med pa'i bzod pa thob nas nga la lung bstan pa/ khyod ma 'ongs pa'i dus bskal pa grangs med pa 'das pa na/ sangs rgyas byed pa thob pa ste/ mtshan shAkya thub pa yang dag par gshegs pa gsol bzhengs rigs drang khyab mkhyen snang mdzad zhabs bde gshegs 'jig rten bkrol bla na med pa'i dra ma gdul thul skyes bu lha dang mi'i mkhan sangs rgyas bcom ldan 'das shes bsgo'o/ /shA ri'i bu ngas bsams pa 'das pa'i dus na 'khor lo 'phrul gyi rgyal po 'bum phrag bcu gnyis yod de kun gyi ming spyi bo skyes shes bya'o/ /yang shA ri'i bu ngas bsams pa 'das pa'i dus na 'khor lo 'phrul gyi rgyal po 'bum phrag sum cu yod de kun gyi ming ma tha ma zhes bya'o/ /shA ri'i bu ngas bsams pa 'das pa'i dus na 'khor lo 'phrul gyi rgyal po 'bum phrag bzhi bcu yod de/ kun gyi ming zhing 'byi zhes bya'o/ /shA ri'i bu ngas bsams pa 'das pa'i dus na 'khor lo 'phrul gyi rgyal po gcig khri zhig yod pa kun gyi ming mngon snang zhes bya'o/ /shA ri'i bu ngas bsams pa 'das pa'i dus na 'khor lo 'phrul gyi rgyal po nyi khri zhig yod de ming mkhan so so tha dad do/ /shA ri'i bu ngas bsams pa 'das pa'i dus na 'khor lo 'phrul gyi rgyal po 'bum phrag bcu drug yod pa ming mkhan kun so so tha dad do/ /rgyal po dag la sogs pa ngas gud na dga' bo dag la bshad do/ /shA ri'i bu khyod kyi yid la ji snyam/ rgyal po 'di rnams mi gzhan gyi ma yin gyi nga nyid kyi lus yin no/ /shA ri'i bu ngas bsams pa snga ma 'das pa'i tshe dus na sangs rgyas zhig yod pa mtshan dge snang zhes bya ste/ byang chub sems dpa' byams pa'i tshe 'khor lo 'phrul gyi rgyal po byas nas/ ming mngon snang zhes bya ste/ thog ma bla na med pa byang chub kyi sems bskyed pa de'i tshe sems can tshe lo brgyad khri bzhi stong thub ste/ sangs rgyas dge snang des lan gsum bsdus te chos bshad na/ thog ma bsdus pa la mi 'bum phrag dgu bcu rtsa drug cig char lam thob bo/ /de'i 'og tu phal po che bsdus pa la mi 'bum phrag dgu bcu rtsa bzhi cig car lam</font><hr>49.188a<br><font size=+1>

thob bo/ /gsum gyi tha mar phal che bsdus pa la mi 'bum phrag dgu bcu rtsa gnyis cig car lam thob bo/ /de'i rgyal po sangs rgyas kyis lan gsum bsdus te chos bshad nas dpag tu med pa'i mi bsgral ba mthong nas sems la shin du dga' gzha' ste/ lo khri'i bar du yo byad thams cad kyis sangs rgyas dang slob ma la yon gsol te/ sems bskyed nas bla na med pa g.yung drung rdzogs pa'i sangs rgyas btsal te ma 'ongs pa'i dus na sems can bsgrag sla'o/ /nga dam tshig sangs rgyas grub pa dang / tshe srog gi dus lpag pa dang / dge slong gi dge 'dun gyi grangs dang / 'khor ba'i bskor ba ni de lta bu yin no/ /shA ri'i bu ngas don de shes pa ni 'di bas 'das te dpag tu med do/ /shA ri'i bu sangs rgyas byams pas sems bskyed de/ bskal pa bzhi bcu lon zin nas ngas gdod sems bskyed de/ sangs rgyas thub med kyi thad du thog ma dge ba'i rtsa ba bskyed nas/ ngas lo stong gi bar du skyid pa'i yo byad thams cad kyis sangs rgyas de la yon gsol nas ras yug lnga brgya phul te/ sangs rgyas de 'das pa'i phyi na rin po che sna bdun gyi mchod rten brtsigs nas 'phang ni dpag tshad gcig /chu zheng ni dpag tshad phyed de/ kun gser dngul dang / bai dUr+ya dang / ma rgad dang / gzi dang / spug dang / mu tig dmar pos byas so/ /sems la rtag tu smon lam skyed pa sems can sdug bsngal te bsgral ba'i ra mda' med de/ chos ngan pa dang phrad cing lam ngan par lhung ba mang na/ ngas de'i tshe sangs rgyas grub par shog shig /shA ri'i bu khyod kyis re shig ltos shig /bla na med pa g.yung drung rdzogs pa spyad sbyangs pa shin du dka'o/ /shA ri'i bu bla na med pa'i g.yung drung rdzogs pa'i byang chub spyad sbyangs na tshe rabs grangs med pa'i bar du sdug bsngal rnams kyis nyon mongs te/ ngas bshad du zin na khyod kyis thos pa dang yi mug cing sgyid lug du rung ngo / /ngas sdug bsngal dang mya ngan 'khrug pas nyon mongs so cog ni bla na med pa g.yung drung rdzogs pa'i byang chub tshol ba'i phyir ro/ /shA ri'i bu khyod ltos shig /byang chub sems dpa' sar sar wa dan dang / byang chub sems dpa' chos tshol dang / byang chub sems dpa' rtag snying rje dang / byang chub sems </font><hr>49.188b<br><font size=+1>

dpa' rang mi nyen dang / byang chub sems dpa' rtag 'grus kyis de snyed kyi sangs rgyas rnams la yon gsol te/ sdug bsngal lo cog gi nyon mongs na 'on kyang bla na med pa g.yung drung rdzogs pa'i byang chub thob dka' na/ mi gti mug gzhan gyis skad cig mya ngan las 'das pa btsal ba med pa lta smos kyang ci dgos/ shA ri'i bu de lta bur spyad na 'on kyang shin du dga' na/ ma spyad pa lta smos kyang ci dgos/ de lta bas na shA ri'i bu ngas bye brag phyed par bsgo'o/ /'og ma'i chos spyad pas bla ma'i chos thob par mi rung ste bla ma'i chos spyad na/ gdod bla ma'i chos thob bo/ /gang la sogs pa 'og ma'i chos de ni lus kyi ngan pa'i las kha'i ngan pa'i las yid kyi ngan pa'i las so/ /'og ma'i chos ni ming sems la dge ba'i chos 'grub par spyod sbyong mi nus pa zhes bya'o/ /'og ma'i chos ni le lo snyom las byed cing tshul khrims mnos so cog bshig pa'o zhes bya'o/ /shA ri'i bu de'i ming 'og ma'i nang na yang 'og ma zhes bya'o/ /yang 'og ma'i nang na 'og ma zhes bya ba ni nga'i chos la khyim nas byung ste/ thob pa mthong ba dang / bdag tu lta ba dang / gang zag tu lta ba dang / sems can du lta ba yang skyes so/ /ci'i phyir zhe na/ shA ri'i bu yang dag par gshegs pas de la mngon par snang ba mkhyen te/ thob pa yod par 'dzin pas ni mi 'gal ba'i bzod pa yang med na lam gyi 'bras bu mi thob pa lta smos kyang ci dgos/ shA ri'i bu thob pa yod par 'dzin du zin na/ brgya stong khri 'bum gyi sangs rgyas kyis 'khor lo gsum spyad de mngon par bstan du zin kyang / mi des mthong ba ma btang na mi gzhan gyi kha zas kham gcig kyang mi zhu na/ lam gyi 'bras bu mi thob pa lta smos kyang ci dgos/ shA ri'i bu bdag tu lta ba dang / gang zag tu lta bas mya ngan las 'das pa thob pa ni phal tha mal pa thams cad kun gyis zhi bar 'das pa'i rigs so/ /ci'i phyir zhe na/ bdag tu lta ba dang / gang zag tu lta ba ni kun yon po mthong ba yin no/ /mi phal tha mal pa rnams dang / bdag tu lta ba'i gnas dang / gang zag tu lta ba'i 'dod chags mang ste/ de lta bas na tha mal pa thams cad kyis mya ngan las 'das pa thob pa'i rigs so zhes byas so/ /shA ri'i bu mi la la zhig gis bsams pa byas te/ bdag yod</font><hr>49.189a<br><font size=+1>

gang zag yod ces mi des de lta bu'i mthong ba ma btang bar mya ngan las 'das chud du zin na/ phal tha mal pa thams cad kyis 'phags pa'i lam thob pa'i rigs so/ /de ci'i phyir zhe na/ phal tha mal pa thams cad kun ni bdag tu lta ba dang / gang zag tu lta ba yin te/ de lta bas na bdag tu lta ba dang / gang zag tu lta bas mya ngan las 'das par chud na ni phal tha mal pa kun gyis 'phrul gyi lam du chud de/ 'phags pa'i nang na ni ji yang nyung ba med do/ /shA ri'i bu mi la la zhig gis sems bya ste/ bdag tu lta ba yod pa la mya ngan las 'das pa yod du zin na mi des 'phags pa'i lam thob kyis gzhan bsam mi dgos so/ /ci'i phyir zhe na/ phal tha mal pa thams cad la bdag tu lta ba dang / gang zag tu lta ba mi nyung bas na/ de lta bu'i mi gti mug la de lta bu'i nyes 'khrul pa yod de/ phal tha mal pa rnams kun gyis 'phags pa'i lam du chud ces zer ro/ /'phags pa'i 'phrul gyi lam la bcing ba med de/ mi des spyad pa'i tshe srog gcod pa lnga mnos/ log pa lnga'i sdig bskyod pa rigs so/ /de lta bas na mi gti mug gis 'phags pa'i lam la log pa lnga'i sdig yod do/ /ci'i phyir zhe na/ phal tha mal pa thams cad kun ni bdag tu lta ba yod/ sems can yod ces 'chad do/ /mi la tshig de skad zer na log pa lnga'i sdig 'byor grub ste/ mya ngan las 'das par mi chud do/ /bdag tu lta ba dang / gang zag tu lta bar bcad pas mya ngan las 'das par chud ces zer na brdzun gyi tshig yin te/ sangs rgyas la yang skur pa yin no/ /gcig tu na nga'i chos kyi nang na gtsang gdang bar khyim nas byung ste thob par ma nus pa zhes kyang bya'o/ / sangs rgyas kyi mdzod bshad pa'i chos kyi yi ge/ / bam po bzhi pa/ sangs rgyas kyi mdzod bshad pa'i chos kyi yi ge gtsang ma mthong ba'i le'u 'og ma'o// // shA ri'i bu ngas khyod la bye brag phyed par bsgo'o/ /thob pa yod do cog la ni mya ngan las 'das pa med do/ /thob pa yod do cog la ni mya ngan las 'das pa yod du ma yin na de ni sangs rgyas rnams 'jig rten du yang mi 'byung ngo / /phal tha mal pa thams cad kyis kyang mya ngan las 'das par chud do/ /ci'i phyir zhe na/ phal tha mal pa</font><hr>49.189b<br><font size=+1>

thams cad kun la bdag tu lta ba dang / gang zag tu lta ba yod do/ /kun la thob pa 'dzin pa med de de kun yon po mthong ba yin no/ /shA ri'i bu khyod kyis re shig ngas ci srid lon na 'byor pa ltos shig /thob pa dang / mthong ba yod do cog ni 'dzangs shing 'phrul pa'i spyod pa ma yin te/ sangs rgyas rnams kyis nga la khyod ma 'ongs pa'i dus na sangs rgyas byed pa thob bo zhes lung ma bstan to/ /shA ri'i bu ngas de lta bu spyad na 'on kyang lung bstan pa ma thob na/ de lta bu mi gti mug gis tshul khrims 'dzin pa dang / mang po thos pa dang / bsam gtan du thub pa la sogs pa 'ba' shig spyad de/ gang zag tu lta ba dang / sems can tu lta ba skyes pas mi thob pa lta smos kyang ci dgos/ shA ri'i bu ngas bshad pa de lta bu'i ming ni ming spyod pa zhes kyang mi bya/ ming thob pa zhes kyang mi bya'o/ /de ci'i phyir zhe na/ shA ri'i bu nyin mtshan de lta bu'i yon po mthong ba la 'dod chags de zhi bar 'das par ma thob bo/ /de lta bu'i mi gti mug gis 'di snyam du bdag la sogs pa ci'i phyi nas bdag dang gang zag gis chos med pa spyod pa sbyangs te/ mi des bdag la sogs pa sdug bsngal mang po phung chod kyang rung srid na/ 'di snyam sems byas so/ /shA ri'i bu thog ma skyes pa nas long ba'i mi khyi za ba las bros te byol nas me dong zab mor lhung ba dang mtshungs so/ /shA ri'i bu ngas smras pa/ mi gti mug gis de lta bur bdag tu lta ba dang / gang zag tu lta ba dang / thob pa yod par mthong ba sbyangs te/ de lta bu'i mthong ba rnams spyad de/ gtsang gdang na 'dod cing re ba ni mi de 'dod cing chags la 'brangs te/ de lta bu'i don spyad pas mya ngan las 'das pa thob par 'dod na ngas ming mthar lam ngan par lhung zhes bshad do/ /shA ri'i bu dper mi long ba me dong zab mo bde skyid pa'i sems skyes pa dang mtshungs so/ /de lta bu'i mi gti mug kyang bdag dang gang zag tu lta ba dang / thob pa yod par mthong ba la bde skyid pa'i sems skyes te/ mi de nyin mtshan du chags pa la 'brangs pas brnyas bslus nas slar don de la chags te/ nga'i chos kyi nang du yon blangs nas de lta bu'i mi gti mug nyin mtshan du rgud pa'i mya ngan gyis lam ngan pa'i nang du ltung ngo / /shA ri'i bu dper mi spyi'i lugs kyi rgyal po chen po dang mtshungs te/ </font><hr>49.190a<br><font size=+1>

bdag gi khams kyi yul gyi nang na brjid kyi stobs rang dbang ste/ mi de lta bu zhig phrog pa'i rigs/ mi de lta zhig bkol ba'i rigs shes zer te/ mi phal gzhan rgyal po'i yid dang 'gal te/ rgyal po nges pa ngan pa brjid nas mi'i sems gyes shing zhing pas mkhar gyi rim gro ma nus te/ log par bgros pa rgyal pos mi de dag dgra chen po yin par rig nas phal mang po'i nang du rnga sgra ngan pa brdungs te/ de'i nyes pa shin du bcom nas bskrad de/ 'gong thod du byung ngo / /de'i snying nye ba zad kyis btsal na mkhar gyi rim gro bya ma nus pas na de lta bu'i sdug bsngal thob bo/ /shA ri'i bu sangs rgyas kyang de dang mtshungs te/ bskal pa grangs med pa'i bar du bla na med pa'i g.yung drung rdzogs pa'i byang chub spyad sbyangs te/ chos kyi rgyal po chen po byas so/ /chos kyi yul sa bzung gzi brjid kyi mthu chen po yod/ slob ma rnams kyi nang na chos kyi ro shes pa yod de srog stor la thug kyang ngas bstan pa ma nyams/ lha dang 'jig rten mi rnams kyis gzhig nus pa med de/ bstan pa mnos pa'i nang na bdag la ngan cing bdag log pa yang med/ gzhan la yang mi ston to/ /dpal gyi nang na gzi brjid kyi mthu chen po yod pas rang dbang gis chos btsugs te/ chos kyi mkhar rim gro bsrungs nas dgra ngan pas bshig dral cing mi chud par byas so/ /yang dag par gshegs pa'i gsang ba'i chos bshad pa sems thag pa nas mnos te/ khon mi dgra chen po mthong ba rnams la bshad do/ /shA ri'i bu yang dag par gshegs pa de ltar bzhugs pas chos kyi mkhar rim gro mkhas la slob ma chen po bzhi shes rab zab cing rgyang ring ba da ltar nga'i chos kyi mkhar zhig ral mi dogs so/ /la la zhig chos kyi mkhar la bsgribs shing bgegs byed na dgra chen po yin te/ chos kyi mkhar bshig dral la nga'i chos gsang bsgus te/ mur 'dug la 'chad do/ /mi rtag par nga'i thad du 'ongs te nga dang gtam byas nas de la chos bstan na gtsang zhing gces pa ma bshad na mi des chos bstan pa btsal ba'i phyir khyim nas byung ste/ tshul khrims mnos pas na/ ngas mi des phyis lam thob par rig par shes pas khyim nas byung bar gnang ste zla ba</font><hr>49.190b<br><font size=+1>

bzhi'i bar du sad do/ /de ci'i phyir zhe na/ chos kyi mkhar gyi rim gro bya ba'i phyir ro/ /gcig tu na ma 'ongs pa'i dus kyi dgra slar mi ldang ba bya ba'i phyir ro/ /de lta bur yang dag par gshegs par chos kyi mkhar bsrung ba mkhas pas klag mi rnyed par byas te/ de ni sangs rgyas kyis bstan pa mchod cing sngon gyi ngan pa yon po mthong bar byas so/ /dge slong phal mang po rnams kun dga' gzha' ste khyim nas byung bar gnang ste/ tshul khrims nod pa thob zin nas lha dang mi dang 'jig rten gyis bskyod cing bsgyur mi nus so/ /shA ri'i bu gang la sogs pa sad du rung ba zhes byas na de ni mur 'dug gi ming dang / mur 'dug gi chos la sred pa'o/ /shA ri'i bu gang la sogs pa mur 'dug gi chos la sred pa yin/ de ni thob pa yod du 'dzin pa dang / bdag tu lta ba dang / gang zag tu lta ba dang / sems can tu lta ba dang / yon po la 'dod chags pa dang / nyid kyi mtshan ma stong pa'i chos la the tshom gyi sems skye ba dang / yon po sgyu ma mi bden pa'i sems sgyu ma'i chos rnam pa mang po mnos pa spyad de/ mchog gi gzhung stong par 'jug mi phod cing yon po'i lam rnams spyod pa ste/ mi de'i ming mur 'dug gi chos la sred pa zhes bya'o/ /shA ri'i bu sad du mi rung ba ni kha dog rnam pa mang po spyod pa mi gos skya bo can yang rung / chos gos bgos pa yang rung / de lta bu mi bden pa thob bo/ /yod par mthong ba kun gyi ming mur 'dug ces bya'o/ /nga'i chos kyi nang nas byung la tshul khrims mnos pa de lta bu'i mi ni sad pa'i rigs so/ /ci'i phyir zhe na/ thob pa yod par 'dzin pa ni nga'i chos kyi nang na yon po la lta ba yin te de'i ming dgra chen po zhes bya'o/ /'jig rten thams cad kyi nang na lha dang mi'i dgra'o/ /de'i ming 'jig rten thams cad kyi dgra sdang ba ste/ sangs rgyas rnams kyi dgra chen po'o/ /shA ri'i bu yon po lta bu'i mi de ngas kyang khyim nas byung zhing tshul khrims mnod du ma gnang ngo / /shA ri'i bu chos so cog thams cad la bdag tu lta ba med do/ /mi la la zhig gis de la bzod pa skye ba dang / chos so cog stong pa dang bdag tu lta ba med/ gang zag tu lta ba med/ sems can med/ tshe srog med par mi nus shing yid ches shing shes par ma nus pa'i chos kyi nang du yon len na ming mi gtsang ba zhes</font><hr>49.191a<br><font size=+1>

bya ste/ mi des sangs rgyas la yon mi 'bul chos la yon mi 'bul/ dge 'dun la yon mi 'bul bar nan gyis nga'i chos su zhugs te lus ni dge sbyong yin la sems ni mur 'dug yin te/ chos rku ba'i mi zhes bya'o/ /shA ri'i bu ma 'ongs pa'i dus na dge sbyong zhig yod pa lus mi 'chos/ tshul khrims mi spyod/ sems mi 'chos/ shes rab mi spyod de yang dag par gshegs pas bshad do cog dang yang dag par gshegs pas spyad do cog la yang brun to brnyas so/ /yang dag par gshegs pas ni rtag par mchog gi gzhung gi stong pa la ri mo gus shing yon gsol te rtag par spyod pa la sred na/ dge slong de rnams kyis yang dag par gshegs pas yang dag pa'i dbyings mtha' yun du stong pa'i chos spyod pa la yang zhing brun to/ /shA ri'i bu de'i tshe dge slong la la nyon mongs pa'i las spyod pa yod na yang kun gyis brnyas te brun to/ /da nga'i slob ma stong pa spyod pa yod na ngas dga'o zhes bstod de/ sems bde bar bab pa/ de'i tshe mi des stong pa spyod pa yang brnyas te/ mi sra mi mkhrangs 'ba' shig gis don tshol lo/ /bdag tu lta ba yod pa dang / chos so cog yod pa spyad de/ de lta bu la sogs pa'i don gyis phal gyi sems dga' bar byas so/ /la la zhig gis chos so cog stong par bshad na mi de la yang brnyas so/ /ci'i phyir zhe na/ shA ri'i bu chos ni de bzhin pa'i rigs te/ sems kyi dge ba'i rtsa ba chad du byed na phyi mo gzugs mngon par byung ngo / /yang dag pa'i bden pa dam pa'i chos 'jig rten na 'dug na gnod pa med de/ dper mi gti mug gis spos tsan dan dang shing ngan pa gnyis 'dra bar 'dzin pa dang mtshungs so/ /shA ri'i bu sangs rgyas bsod skyabs kyis bshad pa/ ma 'ongs pa'i dus na sangs rgyas shAkya thub pa'i slob ma rnams kyis gso ba'i khe'i phyir gos skya bo can rnams la mchog gi gzhung stong pa bshad na/ de'i tshe khyim na 'dug pa dang / khyim nas byung ba gti mug mang pos ma mnos so/ /log gal nas yid mi ches shing slar 'phya skur nas bsod nams chen po stor to/ /rgyu rkyen 'di lta bu spyad pas na mthar lam ngan par ltung ngo / /shA ri'i bu de'i tshe 'gal ba mang po yod do/ /rtsod pa 'chang / bdag tu lta ba 'chang / gang</font><hr>49.191b<br><font size=+1>

zag 'chang / sems can 'chang / tsher 'dzin pa 'chang / srog tu 'dzin pa 'chang ngo / /dge ba'i chos nyung ngu byed pas gso ba'i khe 'ba' shig la sred de/ bden par gti mug yin na rang na re shes rab yod ces zer ro/ /gcig la gcig log gal de rtag par thab rtsod cing don yod pa la gcod pa sred de/ khon dang phrag dog gi sems skyes nas mi des dge sbyong gi sems btang ste gso ba'i khe 'ba' shig tshol lo/ /'tsho nam gyi don mang po la sred de sbyar ba gcig pu ma yin no/ /rtag par mi gzhan gyi g.yo mtshang tshol ba la sred de/ rang gi nyes pa sbas nas legs pa'i don brjod cing bshad do/ /da ltar gyi dge slong ni legs pa'i don sbas bcabs te rang gi nyes pa ngan pa phyung ngo / /de tsam gyi tshe kun gyis tshul khrims lci bas bsrung zhing gzung mi nus te khong du chud pa med do/ /gzhung gi bsod nams bshig ste chos so cog mi 'gyur zhing nyid kyi mtshan stong pa la ji lta bur bya nus shes 'dzer to/ /rtsed mo byed pa'i mi 'da' ras pa bsgyur cing bstan pa mang po byas nas ci yang shes pa med par mthong na shin du bgad do/ /ci'i phyir zhe na/ rtsed mo'i chos mi shes pas 'thab ste ngo mtshar snyam ste/ yod dkon pa'i sems skyes nas dngangs dogs te cher bgad do/ /de lta ste shA ri'i bu de'i tshe yang dag pa'i bden pa'i dge slong gis stong pa zhi ba'i chos 'chad na srog gso ba'i khe tshol ba kun gyis khrel te bgad do/ /ci'i phyir zhe na/ mi des sangs rgyas kyi chos kyi gzhung ma rig pas stong pa'i chos bshad pa thos nas dngangs dogs shing 'jigs skrag go/ /shA ri'i bu khyod kyis mi 'di la ltos dang / bde skyid pa'i gnas la rgud pa'i mya ngan skyes so/ /rgud pa'i mya ngan gyi gnas la ni bde skyid pa'i sems skyes te/ mi de phyin ci log pas dge ba'i chos ni log par spyad/ ngan pa'i chos ni ma log par spyad do/ /shA ri'i bu mi gti mug la ser sna dang / 'dod chags dang / zhe sdang dang / gti mug mang du srel te/ cho ga tshang nas mi dge ba gsum gyi rtsa ba spyad do/ /shA ri'i bu ngas tshul khrims 'dzin pa'i dge slong la phan bsod pa bya ba'i phyir tshul khrims nyis brgya lnga bcu'i chos yig bshad do/ /de lta bu'i mi gti mug gis 'jig rten gyi rgyu rkyen chung ngu spyad de/ khyim na 'dug pa la bshad de yi ger yang bris nas gos skya bo can la yang bstan to/ /shA ri'i bu de lta bu'i mi</font><hr>49.192a<br><font size=+1>

gti mug gis bshad pa chos so cog stong pa dang / rang gi mtshan ma bya ga la nus shes 'dzer to/ /ci'i phyir zhe na/ de lta bu'i mi gti mug gis 'jug pa dang / brkam pa dang / mya ngan 'khrug yang bsal mi nus na/ ma rig pa'o cog cho ga ma nus pa lta smos kyang ci dgos/ shA ri'i bu de'i tshe tshul khrims lugs 'dzin pa'i dge slong dge ba slob mi nus so/ /chos so cog stong par yang legs par mi slob bo/ /mdo sde kha ton dang legs par mi slob bo/ /shA ri'i bu tshul khrims lugs 'dzin pa'i dge slong gis legs par slob mi nus shes bya/ yang dag gshegs pas chos yi ge nang na bslabs bshad pa gsum yod de/ dge ba'i tshul khrims bslab/ dge ba'i sems bslab/ dge ba'i shes rab bslabs te/ mi des bslab pa gsum la dge ba'i bslab ma nus te/ mang po thos pa rgyu rkyen 'ba' shig spyad nas mi gzhan la yang brnyas te/ mi de ni dge ba'i chos sgrib cing gcod pa yin te/ de lta bu'i mi gti mug gis chos bzhin du lan glon zhing 'dri bar yang mi nus na/ mtha' yun du ci yang med pa la brtson 'grus spyod mi nus pa lta smos kyang ci dgos/ shA ri'i bu de tsam gyi tshe tshul khrims zhig pa'i dge slong ni gos skya bo can gyi g.yog byed cing / pho nyar mngags shing gdul ba dang / sman gyi chos kyis bdag rang gso bar byed do/ /shA ri'i bu da khyod ltos shig dang / mi ngan pa des nga'i chos las khyim nas byung nas/ tshul khrims mnos nas yon mnod pa thob nas slar nga la dgrar 'dzin to/ /shA ri'i bu de'i tshe gnam ngos bzhi'i lha'i rgyal po dang dbang po dang / tshangs pa'i rgyal po chen po dang / brgya stong khri 'bum gyi lha gzhan kun kyang nga'i chos kyi nang na de lta bu zhig nyams pa mthong nas kun shin tu mya ngan byed cing mi dga' ste/ ngus nas mchi ma bab bo/ /shA ri'i bu de bden par na nga la rten cing gos skya bo can gyi mtshan ma sbyor zhing byed pa'i mi rigs so/ /ci'i phyir zhe na/ sangs rgyas shAkya thub pa'i slob ma rnams dang / lha dang / klu dang / lha ma yin gyis bkol zhing bdag po yang bya ba rigs na/ klu dang lha ma yin gyis nga'i slob ma la bkol zhing bdag po byas na de lta bu'i mi gti mug gos skya bo can la nye bsnyen pas chos so cog gi gzhung stong pa bshad sbyangs te/ khong du chud par zer na bden pa yong med do/ /shA ri'i bu de'i tshe tshul</font><hr>49.192b<br><font size=+1>

khrims zhig pa'i dge slong gis chang phor bu gang zhig thob na'ang gos skya bo rnams la sangs rgyas kyis drangs bshad do/ /khyod kyi yid la ji snyam/ 'dod chags dang / zhe sdang dang / gti mug mang po dang chos yig klog pa la sred pa mang ba dang / tha mal pa'i yi ge'i khe la brkam zhing spyod pa mi gtsang mi gdang ba'i mi de lta bu'i mis ci yang med pa yun du stong pa'i chos yid ches par nus shing / dge sbyong gi 'bras bu cho ga tshang ba thob par nus sam mi nus/ bcom ldan 'das mi nus lags so/ /shA ri'i bu dge slong la la zhig gis gos dang kha zas dang mal cha dang / rtsi sman thob pa la phyogs na tshul khrims 'dzin pa gtsang gdang ste/ mang po 'dzis ba pa dang / cal col gyi tshig la mi sred/ phyi logs kyi gzhung la ma chags te/ nyin mtshan du brtson 'grus pa ni mgo tshig pa'i ra 'da' byed pa bzhin te/ sems gcig tu drang po'i 'phrul gyi lam brgyad 'grus par spyad na mi des 'on kyang stong pa'i chos ci yang thob pa med pa'i khong du chud par dka' na/ de lta bu'i mi gti mug zab mo 'dod pa med pa yid ches shing shes pa med pa lta smos kyang ci dgos/ shA ri'i bu khyod ltos shig dang / mi de yang dag par gshegs pa'i bla na med pa'i gzhung ma shes pas na/ nga'i drang po'i chos bshig ste bdag rang gi lus dang mi gzhan gyi rgud pa'i mya ngan chen po byas so/ /de lta bu'i dgra chen po ni 'jig rten gyi dgra chen po yin te/ chos kyi yi ge 'di'i nang na yang yong bral ba'i rigs shes bshad do/ /de lta bu'i mis ni sangs rgyas kyi drin kyang mi shes te rang gi bsams pa bdag la sogs pa khyim nas byung ste/ chos 'di'i nang na spyad pa'i mi rigs pa rnams ni spyad pa mi rigs so/ /de lta bas na shA ri'i bu yang dag par gshegs pas ma 'ongs pa'i dus la ji lta bu ngan pa gcad pa'i phyir chos 'di lta bu bshad do/ /dge slong la la zhig tshul khrims mnos so cog zhig cing / chos bshig dral la drang po'i mthong ba bshig pa zhig gis chos yig 'di thos na 'jigs skrag ste/ tshul khrims slar zlog go/ /ci'i phyir zhe na/ tshul khrims zhig pa'i mi ni se gol gcig gtogs pa tsam gyi bar du 'phags pa'i mi gzugs dang / chos gos can 'dug pa'i nang na 'dug pa mi rigs/ la la zhig gis chos yig 'di thos te sems dga' gzha' na/ mi de'i ming sangs rgyas rnams yon gsol/ </font><hr>49.193a<br><font size=+1>

sangs rgyas kyi lam srung zhing rim gro byed pa zhes bya ba ci'i phyir zhe na/ shA ri'i bu de'i ming sangs rgyas lam yang dag pa'i dbyings shes bya'o/ /pho dge ba mo dge ba la la zhig dge sbyong gi chos thos par 'dod na/ chos yig 'di nyon cig dang / brgya stong khri 'bum gyi dpag tshad 'das pa rigs so/ /ci'i phyir zhe na/ yang dag par gshegs pa sangs rgyas rnams yun ring po zhig lon na/ gdod 'jig rten du 'byung ngo / /'jig rten du 'byung mod kyi bar bar du zad do/ /le'u dgu ste dogs pa bye brag phyed pa'i le'u'o// //sangs rgyas kyis shA ri'i bu la bka' stsal pa/ mi rnam gsum zhig yod pas chos yig bshad pa 'di thos na sems la mi dga' mi dad do/ /gsum gang la sogs pa zhes byas na/ gcig ni tshul khrims zhig pa'i dge slong ngo / /gnyis ni dge slong yar skye ba'i mi'o/ /gsum ni chos 'chad pa mi gtsang ba dang / bdag tu lta ba la 'dod chags te/ /mi des 'di lta bu bden pa'i mtshan ma zab mo chos yig bzhin du mi 'gal ba yong spangs nas/ dmus long gi sde dang grogs kyi tshang bar gang rgyas so/ /de lta bas na shA ri'i bu nga'i chos yig 'di bslabs te khyod la gtams bcol to/ /ci'i phyir nas shes byas na/ chos kyi yi ge 'di yang dag par gshegs pa'i phyi na/ gtsang gdang bar tshul khrims 'dzin pa'i dge slong sems la 'di lta bu chos yi ge zab mo la dga' zhing dad pa skye bar nus pa tshul khrims gtsang gdang bas rtag par bsdu zhing 'dzin par bya'o/ /tshul khrims zhig pa ni rtag par bsrings spangaso/ /ci'i phyir zhes na/ gti mug gis yang dag pa'i bden pa'i drang po'i tshig bshad pa thos na sdug bsngal yin par 'dzin to/ /shA ri'i bu tshul khrims zhig pa'i dge slong gis byad gzugs cir grub pa yang dag par gshegs pas zhib tu rgya cher bshad zin to/ /shA ri'i bu tshul khrims bshig pa'i dge slong ni chos kyi tshul khrims 'dzin pa'i cho ga la ma dad do/ /gti mug gi mi ni shes rab la mi dga'o/ /ser sna can gyi mi ni sbyin pa bshad pa la thos par mi dga'o/ /le lo yar skye ba ni dregs shing le lo med pa'i chos 'di thos su mi dga' ste/ thos su zin na'ang dngangs skrag pa ni khung zab mor lhung</font><hr>49.193b<br><font size=+1>

ba dang mtshungs so/ /'jig rten gyi khe la sred pa ni zhim po'i ro la 'dod chags so/ zas la zhe bskrad pa thos na/ sems la mya ngan 'khrug go/ /mi la la zhig tha mal pa'i yi ge klog pa la sred na/ de las na thub cing bden pa du zin pa'i 'du shes skye'o/ /tshig la 'dod chags pa ni cal col 'chad pa la sred pa'o/ /rang gi gzo'i tshig gi snyan dngags 'chad pa la sred pa ni sangs rgyas mchog gi gzhung la gtsang ma'i sems med pa'i steng du chos 'di la yid mi ches mi gus so/ /shA ri'i bu dper mi ma ning dang mtshungs so/ /skyes pa'i spyad pa med na/ skyes pa'i nang du phyin pa dang ma ning gi 'du shes skyed de/ sems 'di snyam du byed do/ /mi 'di gzhan la sogs pa yang bdag dang mi mtshungs pa med snyam byed do/ /de lta ste tha mal pa'i yi ge la sred chags pa ni rtag par tshig rang bzo'i snyan dngags pa la sred de/ sangs rgyas kyi mchog gi gzhung la sems kyis ri mo mi gus so/ /shA ri'i bu de'i nang na mi la la gtsang gdang ba'i chos yig 'chang ba yod na mi de la yang ri mo mi gus te/ gtsang gdang ba'i tshul khrims 'dzin pa'i dge slong la'ang yang zhing btus te/ ci'i phyir zhe na/ shA ri'i bu mur 'dug gi chos yi ge la ni yang dag pa'i tshig mtha' ba med do/ /chos kyis dregs shing le lo dang mthong zhing rang che 'dod pa'i rigs so/ /ci'i phyir zhe na/ don de ni skyo bral ba'i mi'i phyir ma yin no/ /mya ngan las 'das pa mi'i phyir ma yin te/ mi des yid ches pa la sogs pa rtsa ba bzhi nyams pas na/ gnas so cog legs pa'i don yod par yid mi ches pa ni ma ning dang mtshungs te/ mi gzhan kun la bdag dang mtshungs shes zer ro/ /shA ri'i bu dmus long gis kha dog rnams mi mthong ba dang mtshungs so/ /de ni nag po'i kha dog dkar po'i kha dog ste/ dkar nag gi kha dog mthong ba ma mthong ngo / /bzang po'i kha dog ma mthong ngo / /mi sdug pa'i kha dog kyang mi mthong / sngon po dang / ser po dang / dmar po dang / dkar po dang / leb rgan rma mthing ka'i kha dog mi mthong / ring thung sbom phra la sogs pa'i gzugs mi mthong / skar ma nyi zla ma mthong ste/ nyi zla dang skar ma mthong ba de lta bu'i mi long bas thal byung sems 'di snyam byas so/ /dkar gnag gi kha dog med/ dkar gnag gi kha dog mthong ba med/ bzang po dang</font><hr>49.194a<br><font size=+1>

mi sdug pa'i kha dog byas pa med/ sngon po dang / ser po dang / dmar po dang / mthing ka dang / ring thung dang / phra sbom dang / zab mi zab dang / nyi zla dang / skar ma'i kha dog med/ nyi zla skar ma mthong ba med pas na gzhan kun kyang bdag dang mtshungs snyam du 'dzin to/ /mi dmus long gi sems phyin ci log pas gnas so cog thams cad kun la mun gnag che zer ro/ /shA ri'i bu tshul khrims zhig pa'i dge slong le lo yar skye ba'i mi mur 'dug gi bshad par ltung ngo / /dge slong yang de dang mtshungs te/ sangs rgyas kyi zab mo chos la yid ma ches ma dad de/ khong du chud par ma nus so/ /chos so cog stong zhing ci'ang med pa thos na yid mi ches ma dad do/ /khong du chud par ma nus so/ /shA ri'i bu mi gzhan bzhin du khyod la sogs pa'ang yon po'i dbyings su ltung zhing drang po'i chos mi thob kyis dogs so/ /drang po'i chos 'di spyod pa ni ming yang dag pa'i bden pa'i dge sbyong zhes bya'o/ /khyod kyis thob bo cog la mi des yid mi ches pa dper mi dmus long na re dkar gnag la sogs pa'i kha dog med ces zer ba dang mtshungs so/ /shA ri'i bu mi des de lta bu'i yon po'i dbyings su bzhugs te mur 'dug gi bshad pa btsal nas mang po'i 'jigs pa'i tshig la sred de/ mya ngan 'khrug pa'i rang bzhin ngan pa dang / chos ngan pa skyes shing 'phel to/ /mi des chos so cog stong yang ches par mi 'gyur na khong du mi chud pa lta smos kyang ci dgos/ shA ri'i bu khyod kyi yid la ji snyam was seng ge ltar byas na bsgrags zin tam/ da bsgrag gam/ phyis bsgrag /seng ge'i 'gros byas na da 'gro ba dang / phyis 'gro ba dang / 'gros zin pa nus sam mi nus/ bcom ldan 'das mi nus lags so/ /ci'i phyir zhes bgyis na wa'i kha dog dang / stobs dang / sgra seng ge tsam mi phod do/ /was ni wa'i sgra 'ba' shig bgyi nus so/ /sgra zhig bgyir btab na wa'i sgra 'ba' shig 'byung ste/ seng ge'i sgra ma lags so/ /de yin no/ /shA ri'i bu tshul khrims zhig pa'i dge slong le lo yar skye ba'i dge slong rang don dam pa yin snyam 'dzin to/ /chos 'chad mi gtsang ba ni 'dzi gen ji'i bshad pa mnos te/ don gcig la chags te dam du bzung ste ma btang ngo / /'jig rten gyi khe la brkam zhing rin che ste tha mal pa'i yi ge klog pa la</font><hr>49.194b<br><font size=+1>

sred pas chos so cog gi bden pa khong du chud par ma nus so/ /mtshan ma med pa'i chos la yid ches shing mnod nus shes na/ bden pa yong med do/ /shA ri'i bu dge slong la la zhig lo grangs kyis rgan zhing legs pa yod la dge slong gi nang na klu ste/ shes rab zab mo yod pa de lta bu'i mis ci'ang med pa nyid kyi mtshan ma stong pa'i chos dang / bdag tu lta ba med pa dang / gang zag med pa'i chos la yid ches par nus so/ /ji lta zhe na/ mi de mang po 'jigs pa'i tshig go cog dang dge 'dun la mi sred do/ /chos yig klog pa dang / gnyid kyis log pa dang / don mang po la mi sred/ gos skya bo can gyi 'tsho nam dang don mi byed/ pho nyar mngag cing yi ge khyer zhing skyel ba mi byed/ sman gyi chos mi byed/ sman dpyad mi klog /tshong spogs mi byed/ 'jig rten gyi tshig brjod cing smra ba la mi sred do/ /'jig rten las 'byung ba bshad pa 'ba' shig la dad cing dga'o/ /mi chos so cog stong par yid ches par nus te/ chos so cog med cing mi ldan mi 'jug go/ /mi de lta bas na gdod yang dag pa'i bden pa'i dbyings su grub par nus te/ bden pa bzhin gyi yang dag pa'i seng ge'i sgra nus te/ wa'i sgra ma yin no/ /shA ri'i bu dge slong la la zhig tha mal pa'i yi ge'i gzhung la chags pa'i zhig yod na mi des sangs rgyas kyi zab mo dam pa'i mchog btang ste/ mur 'dug gi chos kha ton dang / gzugs su 'dzin pa zhes bya'o/ /phal mang po'i phyir bshad na'ang wa'i sgra 'ba' shig zer ro/ /shA ri'i bu de lta bu'i mi ngan pa ni ming rul pa'i dge sbyong zhes bya'o/ /ci'i phyir zhe na/ mur 'dug gi gzhung yin gyi/ sangs rgyas kyi chos ma yin pa'i phyir ro/ /shA ri'i bu mur 'dug gi chos la chags pa'i dge slong ni bdag rang sangs rgyas kyi slob ma yin zhes brjod par mi rigs so/ /ci'i phyir zhe na/ dge slong shAkya'i bu ni 'dzi gen ji'i chos mi 'chad de/ phal mang po'i nang na sangs rgyas kyi chos 'ba' shig 'chad do/ /mi la la zhig mi gtsang ba'i tshig la chags na seng ge'i sgra byas kyang byas so/ /wa'i sgra skad du grags te/ mi de sangs rgyas kyi mchog gi gzhung shes par mi nus so/ /shA ri'i bu ngas khyod la bye brag phyed par bsgo'o/ /mi la la zhig tshul khrims 'dzin pa dang / bsam gtan thub pa dang / </font><hr>49.195a<br><font size=+1>

shes rab chog tshang ste/ mi 'jung / mi brkam/ zhe sdang gti mug gis ma zhen/ gtsang sgyu mi srel/ ngan pas skyes pa'i sems yod/ yang dag pa'i bden pa'i tshig smra zhing rtag par 'ba' shig gnas la sred/ nyal zhing gnyid log pa la mi sred/ stong pa mtshan ma med pa dang / smon pa med pa dang / 'gog pa med pa'i spyod pa la sred do/ /zab mo 'dod pa'i sems skyes te/ sangs rgyas kyi chos kyi mchog gi gzhung shes pa btsal nas/ 'jig rten gyi tshig la ni mi dga' 'jig rten las 'byung ba'i tshig la dad de/ tshul khrims rnams rdzogs par bzung nas/ don ngan pa thams cad dang / ngan pa'i bshes gnyen kun bsrings spangs te/ de lta bu'i chos la gnas pas stong pa ci yang med pa'i chos shes par nus so/ /ci'i phyir zhe na/ shA ri'i bu spyad pa de'i ming ni mi chen po'i spyod pa zhes bya ste/ gso ba'i khe la brkam zhing sred pa'i khe ma yin te/ gti mug blun po'i tha mal pa'i spyod pa ma yin no/ /sun byung zhing zhigs pa'i dge sbyong gi spyod pa ma yin no/ /spang phub kyi dge sbyong gi spyod pa ma yin no/ /sgyu ma ming gi dge sbyong gi spyod pa ma yin no/ /shA ri'i bu chos so cog gi bden pa'i mtshan ma'i mtha' yun du stong pa nyid sangs rgyas kyi lam yin te/ 'jig rten gyi nor khe la sred pa dang / chos mi gtsang ba thob par mi nus so/ /shA ri'i bu de'i ming ni shes rab chen po'i sa zhes bya ste/ mur 'dug la brkam sred pa'i chos ma yin no/ /bdag tu lta ba dang / gang zag tu 'chad pa'i sa yin no/ /shA ri'i bu bden par bdag tu lta ba yin/ gang zag tu lta ba yod du zin na bdag tu lta ba dang / gang zag tu lta ba 'chad pa la bden pa'i mtshan ma yod pa'i rigs kyis bden pa bzhin du 'dri ba rigs so/ /bdag tu lta ba yod du zin na/ kha dog ji lta bu yin/ sngon po ser po/ dmar po/ dkar po 'am/ lus kyi nang du 'dug gam/ lus kyi phyi rol du 'dug gam/ lus chub par 'dug gam/ mar gso ma la 'dug</font><hr>49.195b<br><font size=+1>

pa dang mtshungs sam/ shA ri'i bu gso ma'i nang na mar yod pa ni 'byung du yang rung / bstan du yang rung / bdag tu lta ba nang logs na 'dug tu zin na/ bdag tu lta ba yod par 'chad pas bshad pa rigs/ bstan pa rigs te/ gso ma'i nang nas mar 'byung zhing mar bstan pa dang mtshungs so/ /mchog gi gzhung gi nang nas ni bdag tu lta ba btsal kyang rnyed par mi nus ngo / /de lta bas na shes par byos shig /bdag tu lta ba dang / gang zag yod par 'chad pa'i mi de la dge sbyong gi khrims kyang med na/ dge slong gi med pa lta smos kyang ci dgos/ shA ri'i bu shes par byos shig /yon po la 'dod chags pa ni bdag tu lta ba la chags/ sems la chags/ tshe srog la chags te/ spyi bo'i chos su lhung ngo / /mi de de lta bur yon po la 'dod chags pas na/ gso ba'i khe la brkam pa'i sems kyang bsam mi nus na mya ngan 'khrug pa'i zhib mo lta smos kyang ci dgos/ shA ri'i bu stong pa khong du chud pa la 'dod chags dang / zhe sdang dang / gti mug dang / gso ba'i khe bkab ces zer na bden pa yong med do/ /spyi bo chos su yong mi ltung ngo / /shA ri'i bu bdag tu lta ba'i sems la chags pa ni tshe srog yod ces zer ba ste/ tshe srog gi rgyu rkyen gyis na gso ba'i khes bkres te lam bsgrubs bcad do/ /shA ri'i bu bdag tu lta ba dang / gang zag tu lta ba ni nga'i chos la khyim nas byung ba ste/ chos byed mod kyi de lta bu'i mi gti mug gtsang gdang ba'i nang nas ni khyim nas byung ba ma yin no/ /ci'i phyir zhe na/ 'dzi gen ji'i khyim nas byung ba ni kun nga'i sems la chags te thob pa yod par 'dzin to/ /shA ri'i bu thob pa yod par 'dzin pa ni thog ma zhes bya ba med pa'i tshe rabs tshun chad rtag par de lta mthong ba yod de/ khyim nas byung du zin kyang yod de ci mi 'chad do/ /de'i ming mur 'dug gi zhar las khyim nas byung zhes bya'i/ ming 'phags pa'i zhar las khyim nas byung ba zhes mi bya'o/ /ci'i phyir zhe na/ bkab pa'i mis chen po la yid ches shing dad par mi nus te/ gtsang gdang ba'i chos chen po yang dag pa'i bden pa'i 'du shes med do/ /shA ri'i bu de lta bu'i chos bshig pa'i sdig lci ba rgyu rkyen gyis kha</font><hr>49.196a<br><font size=+1>

na ma tho ba'i lhag ma ma zad pas chos so cog bden pa'i mtshan ma yid ches shing shes par mi nus te/ mi dge ba'i las g.yos nas bar bar ni drang po'i 'phrul gyi lam brgyad la skur/ bar bar ni dge slong la nang pa'i sems bskyed de/ de'i mi bden pa'i nyes pa byung ste/ bar bar ni tshul khrims bshig mthong ba bshig /srog shig /cho ga bshig ces zer/ bar bar ni gzhan gyi nyes pa ma mthong bar mi bden pa'i yid ma yin ma skyes/ bar bar zhes sdang phrag dog gi sems rtog pa spyad de gzhan gyi nang pa bshad/ bar bar ni sangs rgyas kyi chos yi ge gzhung tshul shes zer ma nus pas sangs rgyas kyi chos ma yin zhes zer ro/ /de lta bu'i mis chos bshig pa'i ngan pa'i lam 'byor grub pas sangs rgyas kyi mchog gi gzhung la sems thogs pa med par mi nus te/ mi 'jug mi dga'o/ /de lta bu'i sdig lci ba'i lan gyi lhag ma'i rgyu rkyen gyis brtson 'grus spyad mod kyi/ 'on kyang rkyen to cog gi mtshan ma len mi nus na sems la btags pa'i lam gyi 'bras bu thob par mi nus pa lta smos kyang ci dgos/ gcig tu na bdag tu lta ba dang / gang zag tu lta ba la gnas brten te/ de lta bu'i lta ba ni sangs rgyas man chad kyis kyang de'i rtsa ba'i phyi mo phyin par sems mi nus na bu thob par mi nus pa lta smos kyang ci dgos/ shA ri'i bu de lta bu'i brkam chags pa'i mi dge ba yon po mthong ba yod na de ni bdag tu lta ba dang / gang zag tu lta ba dang / sems can tu lta ba dang / tshe srog tu lta ba'o/ /gcig tu na mchog gi gzhung stong pa la dngangs skrag cing dogs pa ste/ mi des sngon chad kyi tshe la chos bshig pa'i sdig rkyen 'byor par mngon no/ /shA ri'i bu mi la la zhig de lta bur ngan pa yon po mi dge ba'i 'dod chags na/ de ni bdag tu lta ba la chags/ gang zag la chags/ tshe srog la chags te/ mi de lta bu ni brgya stong 'bum gyi sangs rgyas kyis 'khor lo gsum spyad de/ mngon par bstan kyang go bar bya ba dang / lam gyi 'bras bu thob par bya mi nus so/ /shA ri'i bu gnyis na ral gri rnon pos lce bcad kyang sla'o/ /gzhan gyi don mthong ba mi rigs te/ de'i nyes pa tshul khrims bshig pa/ mthong ba bshig pa/ srog bshig pa/ mi brjod do/ /shA ri'i bu ma 'ongs pa'i dus na/ dge slong dag cig yod pas tshul khrims nyis brgya lnga bcu dge bar bsrungs na/ mi des le lo'i sems bskyed de 'di snyam du bsam pa byas so/ /bdag ni tshul khrims 'dzin pa yin/ mi gzhan ni de lta ma yin gyis gzhan la brnyas so zhes sems la ri mo gus pa med do/ /bdag ni mang po thos pa yin pha bi ni mang po thos pa ma yin snyam du sems so/ /shA ri'i bu de'i tshe na dge slong tshul khrims 'dzin pa ched cher</font><hr>49.196b<br><font size=+1>

sems pa mang ste/ a lan zha'i las spyod pa mang ngo / /tshul khrims dge bar srung nus te bshad pa bzhin du 'ang spyod de/ sems 'grus par chos yig klags nas sangs rgyas kyi chos la phyag 'tshal lo/ /de lta bu'i mi la sogs pa mang po thos pa skyes pas/ a lan zha la ltos pas zhe sdang la sred de/ sems rtag par dri ma rtog pas zab tu 'jug brkam pa dang / zhe sdang gdug pa'i sems srel to/ /theg che zhing blun pas ci yang shes pa med de/ rgyu rkyen chung ngu spyad pas don chen po g.yos te/ de'i zhe sdang gis sems bkab nas gcig gi nyes pa gcig byung ste/ de ni tshul khrims bshig pa dang / mthong ba bshig pa dang / srog bshig pa dang / cho ga bshig pa'o/ /shA ri'i bu de lta bu'i dge 'dun gyi nang na dge slong des pa yod pas sems la yon po med de bar na gnas shing 'dug na/ de yang ngan pa de dag gi nang na 'dug pas gcig la gcig skur brjod pas 'thab rtsod mi chad de bsam gtan na 'dug pa dang / chos yig klog pa yang bden pa ma thos nas khyim na 'dug pa dang / khyim nas byung ba kun kyang dkrugs bskyod do/ /de lta ste/ shA ri'i bu dge slong lo gcig lo gnyis lo gsum lo dgu la thug pa mang du yod na/ steng na 'dug pa yang zhing brnyas te ri mo gus pa med do/ /mi de tshul khrims mnos na dge sbyong slob ma yang chos bzhin mi byed pa mang / mkhan po dang a tsar+ya la ri mo gus pa mi byed do/ /shA ri'i bu de'i tshe dge slong gzhon nu dang sngar khyim nas byung ba la gnas rten med pa gcig gis gcig brnyas te/ lo bcu lon pa'i dge slong ma phal bcad pa rnams gzhan gyi slob ma kun gyis ri mo gus pa med do/ /cho ga'i chos kyang chos bzhin mi byed do/ /shA ri'i bu de'i tshe mi ngan pa rnams kyis 'dod chags zhe sdang cho ga gtsang bas gcig la gcig brnyas yang ste/ ri mo gus pa med cing gcig la gcig log gal bas na nga'i chos dengs so/ /shA ri'i bu de'i tshe mi gti mug rnams kyis chos bshig pa'i sdig las bskyod pa mang po sdig bskyod pas mthar lam ngan par ltung ngo / /shA ri'i bu khyod la ngas bye brag phyed par bsgo'o/ /rang gi bsod nams btsal du zin na/ dge slong dge ba ni de'i tshe phal gyi nang du zhag gcig kyang 'jug pa mi rigs so/ /dgra bcom pa mya ngan tshod zin pa dang / dge slong pa</font><hr>49.197a<br><font size=+1>

der don yod pa ni ma gtogs so/ /ci'i phyir zhe na/ shA ri'i bu de tsam gyi tshe'i mi 'dod chags dang zhe sdang dang gti mug gdug pa bdo ste/ mi gson pas 'jigs skrag phongs gting la thug pas dge ba mi btsal te/ rang so sor ri dang tshal stong dben par gnas te/ tshe zad na gcan zan bzhin shi'o/ /shA ri'i bu khyod la ngas bye brag phyed par bsgo'o/ /nga'i yang dag pa'i chos 'di 'jig rten na 'dug pa ring po mi thogs so/ /ci'i phyir zhe na/ sems can gyi legs pa'i dpal gyi dge ba'i rtsa ba zad zin te/ rnyog pa'i dus nye ba na 'dug go/ /bdag gis bsod nams btsal du zin na dge slong dge bas 'di lta bu'i skyo ba'i sems bskyed pa'i rigs so/ /bdag nam zhig ji lta bur chos zhig 'khrugs pa mthong / 'di lta bu'i dge sbyong gi tshe dus ngan pa'i bgegs la bab pa mthong na bdag gis brtson 'grus pa'i sems bskyed de/ myur du lam gyi 'bras bu thob par bya'o/ /shA ri'i bu nga'i chos la don bka' ba bzhan med de/ gos dang / kha zas dang / mal cha dang / rtsi sman mi bsam mo/ /khyed la sogs pa ji nas kyang sangs rgyas kyi lam grub par spyod pa/ rten gyi nor gyi khe dang yon rin cher ma 'dzin cig /shA ri'i bu da khyod legs par nyon cig dang ngas khyod la bsgo'o/ /dge slong la la zhig gi sems gcig tu lam spyod na stong gsum gyi gnam gyi lha kun sems 'thun par skyid pa'i yo byad do cog sbyar te spyis yon gsol lo/ /shA ri'i bu mi gzhan gyis bsam gtan na 'dug pa'i dge slong la yon phul bas ni gnam gyi lhas yon phul ba tsam mi phod do/ /de lta bas na shA ri'i bu khyod rang yon mi thob pa'i mya ngan sems par bstan bslabs pa bzhin du ma gal bar spyad de/ mchog gi gzhung stong pa spyad pa la mi'i nyes pa mya ngan ma 'byung shig /ci'i phyir zhe na/ shA ri'i bu bag tsha ba'i bgegs chen po ni stong pa thob pa ste/ dge slong la la ni nga'i chos spyod pa'i zhar las khyim nas byung ste/ tshul khrims mnos shing chos 'di la brtson 'grus spyod na/ lha dang lha ma yin rnams dang / mi rnams kyis mi dran mod kyi sems gcig tu 'grus par lam spyod nus/ mthar yang gos dang / zas ci dgos pa mi sems so/ /ci'i phyir zhe na/ yang dag par gshegs pa'i dpal gyi mdzod dpag tu med de zad dka'o/ /shA ri'i bu yang dag par gshegs pa 'das pa'i phyi na spu dkar po'i mtshan gyi</font><hr>49.197b<br><font size=+1>

nang na brgya stong 'bum gyi cha las/ de'i cha gcig gis sku gdung dang slob ma rnams la yon 'bul lo/ /shA ri'i bu 'jig rten thams cad kyi mi kun khyim nas byung ste/ chos bzhin du spyad du zin kyang spu dkar po mtshan gyi brgya stong 'bum gyi cha de gcig kyang mi zad do/ /shA ri'i bu yang dag par gshegs pa ni de lta bu'i dpal yon dpag tu med de/ dge slong rnams kyis kha zas dang rdzas ci dgos pa rnams thob na phyogs pas kun cho ga tshang bar rung ngo / /shA ri'i bu dge slong de dag gi rnams 'di snyam du bsam pa rigs so/ /rdzas ci dgos pa dang yon po'i srog rnams kyi chos ngan pa spyad pa'i mi rigs so/ /shA ri'i bu gos lhan pa can gyi dge slong lud dang phyag dar gyi nang nas ngan pa rnying pa bsdus te blangs na sems 'di snyam bgyid par rigs so/ /'di spyad de lhag ma bsgribs pa dang / 'phags pa'i lam spyad na bdag gi da ngan pa rnying pa 'di spyad de/ drubs la chos su byas te/ brtson 'grus su spyad de/ phal tha mal pa ni nub gcig kyang 'di gyon pa mi rigs so/ /dge slong des dag par bkrus nas ring du gyon nas/ dge slong gos lhan pa can de la 'dod chags pa'i sems skyes na mod bzhin dor ba'i rigs te/ ngas gyon du mi gnang na gos gzhan lta smos kyang ci dgos/ ci'i phyir zhe na/ shA ri'i bu dge slong des gos de la dge slong gi chos ma yin pa skyed de/ dge slong de yang 'gro ba'i mi rigs par 'dzin na/ rdzas gzhan lta smos kyang ci dgos shA ri'i bu de'i tshe dge slong de ni lcags dmar po tsha ba'i zhags mas lus bcings kyang sla'i/ gos lhan pa can 'di bgo ba mi rigs par 'dzin to/ /ji lta zhe na/ gos 'di la sems sred cing zhen pa'i phyir ro/ /shA ri'i bu gos lhan pa can gyi dge slong ni sems 'di snyam bya ba'i rigs so/ /gos lhan pa can 'di bgos te/ grang ba dang tsha ba bsgribs pa lam spyod pa la btang na/ bdag slar gos ma bgos na/ mtha' rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu thob bo/ /shA ri'i bu de lta bu'i gos lhan pa can gyi dge slong gcig tu lam tshol ba ngas kyang gyon du gnang ngo / /shA ri'i bu zan slong ba'i dge slong ni chos so cog la rnam par brtag pa med do/ /rtag par sems bsdus te/ 'gyod cing 'khrug tu mi gzhug go/ /grong khyim du 'jug na bsam gtan grub pa</font><hr>49.198a<br><font size=+1>

rnams spyad de/ rang brgyan la zan bslangs te/ thob zin pa dang sems mi zhen mi bsgo bar zan ci thob pa khyer te grong khyim nas byung la chu gtsang ma'i 'gram lam spyad du rung ba'i gnas su 'dug la/ zas ngos cig tu bzhag ste/ rkang pa bkrus te 'dug nas zas mdun du bzhag ste/ skyo zhing bral ba'i 'du shes dang / mi gtsang ba'i 'du shes dang / skyag rdzab kyi 'du shes dang / mnam rul ba'i 'du shes dang / skyugs pa'i 'du shes dang / rma bskus pa'i 'du shes dang / thob pas skyob pa'i 'du shes dang / bu'i sha snyam gyi 'du shes dang / shing tog rul ba'i 'du shes dang / phyir zhing lci ba'i 'du shes skyed pa rigs so/ /gcig tu na lus la 'chi ba'i 'du shes dang / sngo ba'i 'du shes dang / rnags pa'i 'du shes dang / rul zhigs pa'i 'du shes bskyed pa'i rigs so/ /shA ri'i bu dge slong gis 'di lta bu'i 'du shes bskyed pa'i rigs so/ /'dod chags kyi sems med pa la spyad pa de nas gdod bzas te/ lus brtan zhing bkres skom pa'i nan bslad du zad do/ /lam spyad par thob par bya'o/ /sems 'di snyam du bya ba'i rigs so/ /ngas zas 'di thob pa ni sngon chad kyi sdug bsngal mi skye zhing / sems dga' skyid pa thob la nad med pa spyad de/ lus nyams kyang gzhor zhing 'gro ba stabs bde brtan pa'i phyir ro/ /nga zan 'di thob na bdag rgyun tu zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu dang / skye ba med pa'i chos kyi bzod pa thob pa'i rigs so/ /shA ri'i bu dge slong de lta bur za ba'i ngas zas slong du gnang ngo / /shA ri'i bu slong ba'i dge slong zan thob bo cog gi ro la chags pa ni sems skyes te/ zhim mngar ro snyam du de snyam gyi sems byed cing / bdag zas 'di zos pas mdangs bzang po dang / nyams stobs dar ba thob snyam du sems te/ bdag gi zan 'di zos la 'phags pa'i lam 'grus par spyod do zhes de snyam gyi sems mi byed pa lta bu'i dge slong ni ngas chu rngub cing len du mi gnang na/ kha zas lta smos kyang ci dgos/ shA ri'i bu zas la nyes pa dang / ngan pa yang mi mthong bar thal byung za bas ni nyis na rang gi lag pas brla sha la bcad de za yang sla'o/ /ci'i phyir zhe na/ ngas spyod pa dang thob pas gzhan gyi yon len pa gnang gi/ mi gzhan</font><hr>49.198b<br><font size=+1>

len du ma gnang ngo / /shA ri'i bu ji lta bur ming spyod pa zhes bya/ dge slong la la zhig mi 'gyur bar brtan te/ sems gcig pa la ngas da ltar gyi dus la bdud ngan pas mngag pa rnams bcad de/ lhag ma med par mya ngan las 'das par 'jug pa'i 'phrul gyi lam spyad pa spyad pa ni mgo mes tshig pa'i ra mda' bya ba bzhin no/ /gcig tu na mi dge ba ngan pa'i chos bcad bsal ba de'i ming spyod pa zhes bya'o/ /yang gcig tu na sems gcig tu stong pa mtshan ma med pa smon pa med par yid ches shing shes par nus te/ rgyun du zhugs pa'i 'bras bu dang / lan gcig phyir 'ong ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu thob pa'i phyir/ mya ngan 'khrug pa'i mi rnams chad pa de'i ming spyod pa zhes bya'o/ /dge ba'i chos rnams tshol zhing rtag par gsol 'dri de'i ming spyod pa zhes bya'o/ /yang gcig tu na thams cad grol thar par sems bskyod nus pa'i ming spyod pa zhes bya'o/ /sems 'khrug par lam la btang ba'i chos rnams spyad sbyangs te/ chos so cog gi bshad pa bzhin du spyod cing spyad pa gcig tu sangs rgyas kyi lam tshol ba yod do/ /shA ri'i bu yang sangs rgyas kyi chos kyi nang na de lta bu'i ming spyod pa zhes bya'o/ /ji lta bur thob ces bya ba de ni rgyun du zhugs pa thob ste/ lam ngan pa gsum las thar ba'i ming thob pa zhes bya'o/ /lan gcig phyir 'ong ba dang / phyir mi 'ong ba dang / dgra bcom pa mya ngan 'khrug pa rnams chod de lam tshol ba zhi zin ces bya'o cog 'byor zin na/ bslab pa gsum dge bar lobs pa de'i ming slob pa ste/ ngas mi de yon len du gnang ngo / /mi de lta bus yon blangs pa de'i dge bar yon blangs zhes bya'o/ /shA ri'i bu gtsang gdang bar tshul khrims bsrungs pa dang / yon bdag phye bstan pa dang / mdo sde'i yi ge kha ton dang klog pa thos te de ni mdo'i sde/ dbyangs kyis bsnyad pa'i sde/ lung du bstan pa'i sde/ tshigs su bcad pa'i sde/ ched du brjod pa'i sde/ gleng gzhi'i sde/ de lta bu'i tshig gi chos yin no/ /skyes pa rabs kyi sde/ shin tu rgyas pa'i sde/ rmad du byung ba'i sde/ rtogs pa brjod pa'i sde'o/ /mi des yang gcig tu na tshul khrims gtsang gdang bar gzung nus te/ skyon med cing mi sme mi rnyog /mi chags pa la rang dbang bas 'dzangs pas bsngags pa rang gis cho ga tshang</font><hr>49.199a<br><font size=+1>

bar nus te/ bsam gtan thub pa bzhin du mi 'gal la/ dus dus su bsam gtan na 'dug pa sred pa de lta bu'i dge slong ni ngas kyang yon du gnang ngo / /shA ri'i bu lus kyis chos rig na dogs shing 'gyod pa med pa ngas de lta bu'i mi stan mthon por 'dug cing chos bshad du gnang ngo / /tha mal pa phal yin mod kyi tshul khrims gtsang gdang ba gzung la sems mur 'dug gi chos kyi gzhung la ma chags te/ sems gcig tu 'grus par dge bar dge sbyong gi rab ni 'bras bu bcad de gso ba'i khe la chags/ nges par bshad pa la bza' mkhas te/ mang du thos pa'i dpe rgya yangs pa ni dpe rgya mtsho chen po dang mtshungs/ srog stor la thug kyang brdzun tshig mi zer/ 'thab cing rtsod pa la mi sred de rang la yang phan/ gzhan la yang phan/ gtsang gdang ba'i mchog gi gzhung 'ba' shig 'chad cing bshad do/ /mchog de bzhin la de bzhin du spyod pa'o/ /shA ri'i bu de lta bur 'chad pa ni ngas chos 'chad du gnang ngo / /yang dag par gshegs pas ci bshad pa chos so cog dang mi 'gal mi ldog par bya nus pa ste/ de tshul khrims dang / bsam gtan dang / shes rab dang / grol thar dang / shes mthong ba las kyang grol thar to/ /shA ri'i bu khe tshol ba'i dge slong ni sangs rgyas kyi phyir khyim nas tshul khrims kyi le'u bshig na chos bshad pa ci dgos/ ci'i phyir zhe na/ shA ri'i bu nga'i chos kyi yi ge'i nang na bshad pa mi la la zhig bdag dge bar ma zhi la bdag gi bag bya mi nus par mi gzhan dge bar zhi ba dang bdag gi bya nus she na/ bden pa yang med do/ /dper na mi zhig bdag rang 'dam rdzab du nub la/ mi gzhan dbyung bar bya ba dang mtshungs te/ bden pa yang med do/ /mi la la zhig bdag gi dge bar zhi bar nus shing 'dam rdzab na phyin nus pas mi gzhan dbyung bar bya ba ni bden pa yod do/ /de lta bas na shA ri'i bu ngas khyod la bye brag phyed par bsgo'o/ /yang dag par gshegs pa la 'phya zhing skur na de'i sdig mi yang ngo / /bden par smra ba'i dge slong ni chos 'chad du gnang ba'i rigs so/ /brdzun mi zer ba'i tshul khrims 'dzin pa'i dge slong gis ni chos sbyin pa nus so/ /shA ri'i bu khri stan mthon po las chos 'chad cing yang dag par nges par the tsom gcod pa ni nang gi bla ma'i don yin no/ /</font><hr>49.199b<br><font size=+1>

la la zhig tshul khrims 'dzin pa mi gtsang la/ mur 'dug gi gzhung la chags pa ni ngas ma gnang ngo / /brdzun zer ba dang 'jig rten gyi skyid pa rin cher 'dzin pa dang / yon gyi khe tshol ba dang / 'thab rtsod pa la sred pa ni ngas kyang ma gnang ngo / /ngas gtsang gdang bar tshul khrims 'dzin pa dang / sems dran dkan pa dang / chos so cog gi bden pa'i mtshan ma khong du chud pa ni khri stan mthon por chos 'chad du gnang ngo / /shA ri'i bu tshul khrims zhig pa'i dge slong nyis na khrims gtang sla'i/ 'phags pa'i mtshan ma dang chos gos su sdig gi dri ma sbas bcabs la gsang ste/ ngan pa mang po bya zhing mi gzhan gyi yid ches pa'i sbyin pa la ma chags shig /shA ri'i bu rgyu rkyen chung ngu'i phyir yun ring du sems can dmyal ba'i lus mnos par 'gyur ro/ /le'u bcu ste thabs bcol ba'i le'u'o// //de'i tshe dga' bos sangs rgyas la gsol pa/ bcom ldan 'das de tsam gyi tshe dus na dge slong rnams kyi dge ba'i chos la ji lta bur brtson 'grus dang / sangs rgyas kyis dga' bo la bka' stsal pa/ re shig zhog la ma 'dri shig /ci'i phyir zhe na/ sangs rgyas kyis dpag tu med pa'i ye shes kyi chos yig bshad do cog de tsam gyi dge slong gis yid ches par mi nus na 'grus par spyod mi nus pa lta smos kyang ci dgos/ dga' bo yang dag par gshegs pa'i bya ba yod pa'i chos kyi shes rab yod do cog rang sangs rgyas dang / dgra bcom pa thams cad la sogs pa go zhing shes par mi nus so/ /dga' bo yang dag par gshegs pas mkhyen to cog gi chos khyod la bdag tu zin na khyod bslad cing rmongs su rung na yid ches par mi rung ba lta smos kyang ci dgos/ yang dag par gshegs pas de ltar de lta bu'i chos yig bshad pa ni/ de'i tshe mi gti mug gis yid kyang mi ches na yid ches shing gti mug gi lan bshad mi nus pa lta smos kyang ci dgos/ dga' bo chos kyis de bzhin pa'i rigs te/ bdag gi lus dang ba yin na gzhan la yang ngan ces zer ro/ /da ltar gyi bar du le lo'i dge slong la de tsam gyi tshe rabs kyi bar du brtson 'grus pa'i dge slong gis thub par mi nus so/ /tshul khrims 'dzin to cog dang / shes rab bskrun du mi rung ngo / /yang dag par gshegs pas mi de nyes pa ngan pa byas so cog bshad du zin na lus gyur cing mnos so cog</font><hr>49.200a<br><font size=+1>

mi des yid mi ches te/ sdig lci ba g.yo bar 'gyur ro/ /khyod la sogs yang 'jigs skrag ste/ des ngan pa mnos so cog ni dpag tu mi nus so/ /dga' bo yang dag par gshegs pas zab mo'i chos nod pa ni dka'o/ /khyod kyi yid la ji snyam/ khri stan bzang po la phag gu sred dam mi sred/ bcom ldan 'das mi srid lags so/ /dga' bo nga'i bla na med pa g.yung drung rdzogs pa'i byang chub kyi chos 'di zab mo dam pa ste/ shes rab can sred pa ni mi des yid ches shing shes la khong du chub pa ma nus pas/ khyim nas byung zin pa dang / rang na re dge sbyong zhes zer te/ bden pa bzhin du bstan bslabs pa mnod ma nus so/ /chos 'di la sems bcos ma nus so/ /zhim mo'i ro ma thob ste lag pa brdabs nas song ste/ lam ngan par lhung zhing 'dug pa ni dper phag gus khri stan bzang po btang ba dang mtshungs so/ /ci'i phyir zhe na/ dga' bo nga'i bla na med pa g.yung drung rdzogs pa'i byang chub shin du gtsang gdang ba bstan dka' bas yid ches shing shes par nus pa ma yin te/ gdul ba gdab dka' ba dang / shes rab med pa dang / dgang bar dka' ba dang / gso bar dka' ba dang / tshul khrims zhig pa dang / gdams dka' ba dang / yon po'i chos la chags pa dang / yon po'i spyad pa spyod pa dang / nor gyi khe rin cher 'dzin pa dang / gos dang zas rab po snyam du 'dzin pa dang / cho ga zhig pa dang / tshul khrims zhig pa dang / skye bo'i chos su ltung ba dang / ngan pa zhig pa dang / le lo can dang / 'dod rgyu chung ngu dang / khrel med pa ngo tsha ba'i kha na brjod pa dang / mtshon nam las kyi don las 'brel ba dang / dge sbyong gi nang na gos skya bo can dang / dge sbyong gi nang na sun byung ba dang / dge sbyong gi nang na yon po'i lam spyod pa dang / dge sbyong ma yin par rang na re dge sbyong yin zhes zer ba dang / bdud kyis mid pa dang / mur 'dug gi gzhung dang 'thun pa dang / bshad pa bzhin mi spyod pa dang / mang po 'dzin pa la sred pa dang / tshig cal col la sred pa dang / bdud kyi don ldan par spyod pa dang / bdud kyi rgyud dkrug pa dang / mya ngan 'khrug pa mdo ral ba dang / bdag tu lta ba dang / gang zag tu lta ba dang / sems can tu lta ba dang / phyin ci log can gyis nga'i chos 'di la yid ches shing shes la khong du chud par nus zhe na/ bden pa</font><hr>49.200b<br><font size=+1>

yong med do/ /ci'i phyir zhe na/ dga' bo nga'i bla na med pa g.yung drung rdzogs pa'i byang chub gtsang gdang ba snying tshim par rgya che bas mi ngan pa 'di dang 'tshab par mi rung ngo / /dga' bo dper na brgya stong 'bum gyi stong gsum gyi stong chen po'i khams bar yangs shing ring ba dang mtshungs so/ /ngan bzhin pa'i mi 'dis dge slong gi chos bsrings pa yang de bzhin no/ /mi 'gal ba'i bzod pa dang mya ngan las 'das pa mi thob pa lta smos kyang ci dgos/ dga' bo de lta bu'i don 'di ni bshad kyis mi zad do/ /ma 'ongs pa'i dus kyi dge sbyong ngan bzhin pa tha ma shin du 'jung brkam srel to/ /shin du zhe sdang srel to/ /shin du yid mi ches pa srel to/ /gdug pa gsum bdo bar sems la spyod pa rtsing zhe gnag pas bcos gdul dka' ste/ dga' bo dper na zhing gshin pa legs par smin pa la rang gi mes bsregs pa dang mtshungs/ kha zas zhim dkar la rang gis dug blugs pa dang mtshungs/ khang khyim ci yang yod pa la rang gis mes bsregs na/ de lta bur rigs sam mi rigs/ bcom ldan 'das mi rigs lags so/ /dga' bo de lta ste ma 'ongs pa'i dus kyi mi gti mug nga'i chos kyi zhar gyis yon len pa thob na yang dag par gshegs pa legs pa'i don la yid mi ches mi shes pa'i steng du 'di lta bu la sogs pa'i chos kyi yi ge yid ches par mi nus so/ /bden pa bzhin du bshad pa'i nyes par bzod par mnags mi nus so/ /rma'i shu ba dang shus na nga'i tshig la bzlog ste/ de lta bu'i mi gti mug ni sangs rgyas la rten cing rang 'tshol chos de zlog go/ /dga' bo de tsam gyi tshe na 'dzam bu'i gling gi nang na de lta 'gal te/ /mya ngan rnams gyi nan dur byas/ /de yi tshe dus ngan pa la/ /dge slong sems ni 'khrug cing g.yo/ /'thab cing rtsod cing yid mi ches/ /mya ngan 'das pa thob mi nus/ /dge slong dang ni gos skya can/ /'chad do cog la mi mtshungs med/ /de tshe nga yi chos 'di ni/ /tha mal chos dang tha dad med/ /bshad ni khyim na 'dug phyir bshad/ /khyod kyis nga yi yod dkon shes/ /nga yi sangs rgyas chos las su/ /thog ma lam gyi mchog 'bras thob/ /de nas dge slong zhig na re/ /ngas bshad lam dang mi mthun na/ /mi de nga dang 'thun pa yin/ /</font><hr>49.201a<br><font size=+1>

nga yin yang dag chos mthong ba'o/ /chos mthong dang ni ma mthong ba/ /gos skya can gyir spyad pas ngu / /so so rang gi chos nang gi/ /de yi 'gro zhing brjod pa skyes/ /la la na re thams cad yod/ /la la na re thams cad stong / /drang po lam la mi gnas pas/ /rang bzhin ngan pas nga chos pas/ khyod mi de la ma nye shig /nga la 'ongs te bsnyen par rung / /khyod la yang dag chos bshad na/ /rang bzhin smyur re lam thob bo/ /de lta bu yi sgra skad rnams/ /nye ring kun du khyab par gram/ /sems 'thun zhing ni grogs ldog pas/ /ngas su bstan pa'i chos kun bshig /dpe ru rkun po ngan pa rnams/ /ngan pa 'thun pa grogs su byas/ /log cing 'gal ba yul sa dang / /mkhar yul dang ni grong khyim bshig /de yi tshe yi dge slong rnams/ /dbye zhing bstan pa rung thob kyang / /dbang po rtul ba'i zam chags pas/ /shes rab nyung zhing mi rten pa/ /yang dag gshegs pa spyod pa bzhin/ /chos bshad pa yang mi shes te/ /zag pa med pa yar skye bshad/ /yang na de ni lam thob yin/ /mang po tshogs pa'i nang du 'dug /dge slong rnams ni mang du yod/ /kun na re ni shes rab yod/ /shes rab tshol ba mi gcig med/ /mang po tshogs pa de nang na/ /dge slong la la gcig 'ga' zhig /yang dag bden pa shes pa yod/ /kun gyis spyod de shes rab med/ /lha dang lha ma srin gyis mthong / /chos kyi rgyal po'i lam khye shig /thams cad mya ngan 'khrug pa srel/ /gcig la gcig phyogs mchi mas ngu / /de nang shing lha yod pa kun/ /shing gi kha las sa las babs/ /kun kyang shAkya seng ge yi/ /dam pa'i chos ni mtha' kun med/ /sangs rgyas la sogs dkon mchog gsum/ /'jig rten yun ring ma lon par/ /ji lta bur ni de ring kun/ /zad pa thams cad gyes shing zhig /yang dag gshegs pa chos bshad pa/ /nga la sogs pa slar mi thos/ /blun rmongs med pas shes pas su/ /bla ma lam ni med snyam ste/ /de tshe sa yi lha rnams dang / /sgra skad chen po phyung nas su/ /yang dag gshegs kyi chos sgron chen/ /de ni mi de zad ces zer/ /lha dang lha ma srin gyi rnams/ /ma mthong ma thos rjes su 'dzer/ /phyin cad 'gyod pa ma byed cig /sangs rgyas lam ni med zin pa/ /</font><hr>49.201b<br><font size=+1>

sangs rgyas bskal pa grangs med du/ /bdag kyang gsod la gzhan yang gsod/ /sdug bsngal thams cad bzod par gnos/ /bu'i mi gti mug gis de na ltag por gang ngo / /dga' bo re shig zhog /de lta bu'i mi gti mug ngan pa skye bar 'dod pa dang / rga bar 'dod pa dang / ngan pa'i don spyod pa btsal ba ci dgos/ de nas dga' bos sangs rgyas la gsol pa/ bcom ldan 'das chos kyi yi ge 'di ming ci zhes bgyi/ ji lta bu gus pas gzungs su gzung / sangs rgyas kyis dga' bo la bka' stsal pa/ chos kyi yi ge 'di'i ming sangs rgyas mdzod ces bya'o/ /ming brtson 'grus g.yo ba spyod ces kyang bya'o/ /ming tshul khrims zhig pa'i khrags thul ces kyang bya'o/ /chos so cog la gtams stsal ces kyang bya'o/ /gus par gzungs su gzung shig /dga' bo mi la la zhig gis chos kyi yi ge 'di kha ton dang / gzungs su gzung na legs pa'i don thob pa ni dpag tu med/ mu med/ ci'i phyir zhe na/ tshul khrims zhig pa'i dge slong gis yid ches shing kha ton dang / bklags la mi la bstan pa yang mi nus na/ de la sems dga' gzha' ba mi nus pa lta smos kyang ci dgos/ ci'i phyir zhe na/ dga' bo dper rkun po ngan pa rgyal po dang / rgyal po chen po'i thad du rang dbyung du mi spobs pa dang mtshungs so/ /gzhan gyi rdzas brkus na bdag rkun po yin zhes mi zer ro/ /de lta ste/ dga' bo tshul khrims zhig pa'i dge slong gis dge sbyong gi chos ma yin par 'byor grub na/ 'on kyang bdag ngan pa zhes mi zer na/ mi gzhan la rang na re sdig gis shes 'chad mi phod pa lta smos kyang ci dgos/ dga' bo 'di lta bu'i chos kyi yi ge ni tshul khrims zhig pa'i dge slong rang thul khugs par nus na/ khrel drin yod pa dang / tshul khrims 'dzin pa'i dge slong gis rang skye zhing 'phel ba 'thob bo/ /chos kyi yi ge 'di bshad pa'i tshe/ lha dgu khri kun gyis chos so cog la chos kyi mig gtsang ma thob nas bdud ngan pa dang gnyen gshes rnams kun mya ngan chen po 'khrugs pa ni dper khung chen po rnam pa bcu drug tu lhung ba dang mtshungs te/ skad cher ngus te smras pa/ dge sbyong gau ta mI ngas shes so/ /ngas tshor ro/ /ngas rtag par nyin mtshan du smon pa/ sangs rgyas 'das pa'i phyi na tshul khrims 'dzin pa bshig ste/ tshul khrims</font><hr>49.202a<br><font size=+1>

bshig pa yang bstangs/ dge slong ngan pa rnams sangs rgyas kyi chos mi shes shing kha ton dang / klog pa 'ba' shig shes par bya'o/ /sangs rgyas kyi chos la bden pa'i sems bshig la tshig gis 'di sangs rgyas kyi chos ma yin te phyogs bzhi'i gzhung med do zhes bya'o/ /gau ta mI da ltar lha dang mi dang phal mang po kun tshogs pa'i nang na chos 'di la srungs bran te nga'i smon lam bkag go/ /bdud kyi bshad zin nas mi dga' ba'i mya ngan 'khrug pa srel te phyod ces mi gnang ngo / /de nas bcom ldan 'das kyis don 'di mngon gsang bar bya ba'i phyir tshigs su bcad de gasrungs pa/ ngas su chos rnams bshad do cog /mchog gi gzhung bzhin mi 'gal te/ /bya ba yod pa mi sra ba/ /dpe ru rmi lam mthong dang mtshungs/ /ngas da chos yig 'di bshad pa/ ma 'ongs don ni spyad cing bskrad/ /mchog gi gzhung bzhin mi 'gal te/ sangs rgyas grub pas smon lam bskyed/ /shAkya seng ge 'phrul can gyis/ /sems can thams cad kun bsgral ba/ /gtsang gdang chos med zad du byed/ /gti mug ngan pa'i dgra rnams kun/ /de ni de yi mthu thob ste/ /byams shing snying rje'i sems med pas/ /gcig gis gcig la skur cing bkrugs/ /bdud kyis bkol ba'i bdud mi rnams/ /dbang po rtul bas dbye chos dka'/ /bcam sgyu mi dran le lo'i sems/ /zhe sdang sangs rgyas chos kyang bshig /tshal nag stong pa 'ba' shig la/ /bsam gtan thub ste gsum lon na/ /rang na re ni dgra bcom yin/ /bsam gtan thub ste gsum med na/ /lam thob pa lta smos ci dgos/ /lam mthong thob ces bya ba ni/ /shi na mya ngan 'das shes zer/ /mi kun yid ches mchod rten brtsigs/ /sems can dmyal bar song zhes zer/ /de lta'i gti mug stong pa 'gas/ /gcig la gcig ni brnyas shing khro/ /ngas su bskal pa grangs med du/ /thob bo cog ni da zad kyi/ /da ltar nam mkha'i lha rnams kyis/ /shAkya'i rigs gyi seng ge mthong / /dam pa'i chos ni nyams zhing zhig /sgra skyod kun gyis mchi mas ngu / /ngos bzhi lha rjes de thos na/ /kun kyang mya ngan 'khrug pa srel/ /de tshe lha dang lha ma srin/ /thams cad kyang ni 'ongs te babs/ /yang dag pa na mkhar gnas su/ /'bar ba'i lha srin kun 'ongs te/ /kun gyis mchi mas cher ngus te/ /'jigs su</font><hr>49.202b<br><font size=+1>

rung ba'i sgra skad phyung / /rin chen bdun gyi mkhar rnams yod/ /byi dor brgyan pa shin tu bzang / /kha dog stor te sa dang mtshungs/ /lha rnams 'khor bar ma dad nas/ /mi dga' cho nge che ru ngus/ /rang gi gnas nas kun 'ongs 'dus/ /so so mya ngan 'khrug pa srel/ /gcig gis gcig mthong smra mi phod/ /kun gyi gnas kyi steng nas 'ongs/ /lhan cig nga skye gnas su phyin/ /'gro ldog sa la nyal 'dug gnas/ /'di skad kyi ni sgra dbyangs bskyod/ /lhan cig 'dzam bu'i gling du dong / /de lta'i 'jigs skrag chen po mthong / /sangs rgyas bu rnams mthong cing rtsod/ /chos bshig sde ni so sor gyes/ /lha srin dang ni rin chen mkhar/ /zhag bdun bar du 'od mdangs med/ /so so lhan cig 'khod cing ngu / /zhag bdun bar du ma langs so/ /ji lta bu ni brtson 'grus che/ /dpa' zhing brtul la 'jig rten btsun/ /bdag cag da ltar 'di na 'khod/ /da phyin chad ni mi mthong ngo / /kun 'grogs te ni gyi hwan dong / /gcig la gcig phyogs phyi mas ngu / /sangs rgyas 'di ru bden bzhin bshad/ /bdag cag rnams ni de nang na/ /'jig rten mun pa'i long ba rnams/ /gcig la gcig ni brnyas khro lhong / /ngan pa'i las rnams 'ba' shig bskyod/ /slar yang lam ngan pa ru lhung / /lha rnams pho brang bzang po kun/ /'phags pa de ni stongs su byed/ /bdag cag lha dang lha ma srin/ /bskal pa'i ra 'da' yang med do/ /de yi tshe ni 'dzam bu'i gling / /nyams shing zhig la brjid mdangs med/ /bgrod pa'i mdangs dang shing drung dang / /ri dang phug na dge mi byed/ /'jig rten thams cad zad par na/ /kun kyang shin tu dkrugs cing g.yo/ /lha dang lha min dbang po rnams/ /sgra skad 'jigs shing skrag tu rung / /de tshe sum bcu rtsa gsum lha/ /lhag bsgreng bzhin du mi dga' ngu / /so so'i pho brang nang na yang / /skad phyung bskyod de ngu zhing 'bod/ /lha rnams kyi ni pho brang na/ /bdag bdag brjod cing bshad pa de/ /gzha' ru 'phrul chen rje dang bral/ /bdag cag phyi ru chos bshad pa/ /rtsa gsum lha khams zla drug tu/ /rtse'u de'i kha zas mi za zhing / /sil gyi dbyangs ni mi snyan te/ /mi dga' mi ngan shi ba bzhin/ /lha ma yin pa thams cad kyis/ /de lta bu yi gtam thos nas/ /</font><hr>49.203a<br><font size=+1>

gcig gis gcig bran kun sogs te/ /rtsa gsum lha la rgol du chas/ /de tshe 'dzam gling rgyal po dag /phan tshun 'thab cing rtsod par 'gyur/ /lha rnams dang ni lha min kyang / /de bzhin phan tshun 'thab cing rtsod/ /de'i tshe dge slong dge slong ma/ /las su lam ngan lhung ba mang / /de las thar par nyung ngu yod/ /tshul khrims bshig pa'i sems can rnams/ /dge slong ngan pa bzhin du 'brang / /de yi rgyu rkyen spyad pas na/ /kun kyang lam ngan pa la phyogs/ /dge bsnyen ngan pa rnams kun kyang / /mkhan po ngan pa'i phyir 'brangs pas/ /de yang lam ngan pa ru song / /'jig rten thams cad 'khrugs g.yos pas/ /la la mkhar dang grong du zhugs/ /la la ri dang tshal du phyin/ /shar nub tu ni mya ngan srel/ /de yi tshe dang srog la gnod/ /de yi tshe ni dgra dag dang / /bag tsha'i lam ni rnam mang yod/ /khre nas rnam lnga bskyed mi 'khrung / /'khrungs su zin kyang srin gyis zos/ /de yi tshe ni 'jig rten rnams/ /bkres pas ltogs te shi ba mang / /yi dgas ngan du lhung ba rnams/ /yun du sdug bsngal nyon yang mongs/ /de yi tshe na mi rnams kyis/ /sangs rgyas kyi ni mchod rten dang / /phyogs bzhi dge 'dun sbyin pa'i nor/ /thugs thub tu ni kun bgos zos/ /da ni dge 'dun de bzhin no/ /dga' bo khyod las sogs pa rnams/ /nubs te byung la brtson 'grus spyod/ /phyi ma'i tshe dus zad pa na/ /de lta bu yi chos ngan rnams/ /mthong bar bya ba mi rigs so/ /tha mal pa ni thams cad kun/ /gti mug blun po shes rab med/ /tha mal pa yi las rnams spyod/ /smyur te lam ngan ngan du lhung / /khyed rnams 'khrug par kha ton lhogs/ /de yi mig ni shes rab rgyu/ /shes rab kyi ni yon gyis su/ /smyur te rgyal ba'i gnas su phyin/ /ngas su 'jig rten drug po mthong bslabs pa/ /khyed rnams kyang ni nga bzhin bslabs/ /'jig rten bsgribs dpag don bcad na/ /smyur te rgyal ba'i gnas su phyin/ /'phags pa'i lam brgyad 'grus spyad na/ /smyur te mya ngan 'das pa thob/ /chos btsal bdag gis bsod nams btsal/ /ngas bshad cog ni de bzhin no/ /bskal pa 'di ni 'das phyi na/ /bskal pa drug bcur sangs rgyas med/ /sangs rgyas sgra dang skad kyang med/ /lam thob med pa smos ci dgos/ /de tshe dus kyi mi rnams kun/ /bkres ltogs bru bas nyen</font><hr>49.203b<br><font size=+1>

pas su/ /sri zhu byams pa sems med de/ /ma dang bu yi sha yang za/ /de tshe khyim gyi byis pa rnams/ /gzhan gyis zos dogs rim gro rtag /de lta bu yi dus ngan thos/ /su zhig skye shi las kyang bskyed/ /sdug bsngal phyi mo gti mug yin/ /lnga phung phyi mo 'dod chags yin/ /'dod chags lnga la ma dad na/ /'dod cing chags pa rnams kun chod/ /dpal gyi 'bras bu lam thob ste/ /'dod cing chags pa'i sems zab skyes/ /'dod chags kyi ni rgyu rkyen gyis/ /ngan pa g.yos pas lam ngan lhung / /bags med chos ni stong pa zhi/ /'jig rten sra mkhrang med par 'gyur/ /de lta bu ni shes rig na/ /khyed la sogs pas smyur spyod rigs/ /sems med sems kyi 'du shes skyes/ /bdag nyid shin tu 'jigs shig skrag /bdag gis byams bsams ma byas pa/ /de yi don ni ji lta bu/ /de lta bu yi tha mal rnams/ /bsams shing mnos te bkros dpags na/ /bdag gis ji lta bu ru byas/ /de bzhin rtag par mchi mas ngu / /phung med phung po'i 'du shes skyes/ /nga med nga yi 'du shes skyes/ /nyid kyi mtshan ma'i stong chos thos/ /de lta bus kyang bslab cing rmongs/ /sangs rgyas kyis su bden bshad pa/ /phung po rnams kyi gzhung ma rig /thos na mi 'gyur snyam du 'dzin/ /'jigs pa'i gnas 'jigs sems pa med/ /ngas 'das ma 'ongs da ltar bshad/ /phung po rnams ni kun stong zhing / /dus gsum zad par mnyam snyoms te/ /dpe ru nam mkha' stong pa bzhin/ /'das pa'i sangs rgyas yod do cog /des kyang nyin mtshan stong par bshad/ /ma 'ongs dus kyi sangs rgyas rnams/ /des kyang nyin mtshan stong par bshad/ /nga 'dra 'jig rten mngon par 'byung / /chos rnams thams cad kun bshad kyang / /ngo bo nyid dang mtshan nyid stong / /dus gsum la ni mi mtshungs pa/ /sangs rgyas dben gzhungs bshad do cog /ma 'ongs mis ni mi shes te/ /nga dang sems can la chags pas/ /mtha' ru ngan pa'i lam du lhung / /ma 'ongs dus ni de bzhin te/ /ngan chen shin du 'jigs sgrag rung / /khyod la sogs pa brtson 'grus spyod/ /de lta'i dus ngan ma mthong byos/ /sangs rgyas chos kyi yi ge 'di bshad zin nas/ rgan zhing btsun pa shA ri'i bu dang / dge slong dang / dge slong ma rnams dang / 'jig rten gyi lha dang / </font><hr>49.204a<br><font size=+1>

mi mang po thams cad kyis/ sangs rgyas kyis bshad do cog thos nas/ kun shin tu dga' gzha' ste/ sangs rgyas kyis bshad pa la yid ches par mnos so/ /sangs rgyas kyis bshad pa sangs rgyas kyi mdzod rdzogs s+ho// //shu log stong nyis brgya ste bam po bzhir byas so// // </font><hr>

</table>