@#/ /rgya gar skad du/ Ar+ya a mo g+ha pA sha hri da ya~M nA ma ma hA yA na sU tra/ bod skad du/ 'phags pa don yod zhags pa'i snying po zhes bya ba theg pa chen po'i mdo/ 'phags pa don yod zhags pa la phyag 'tshal lo/ /sangs rgyas la phyag 'tshal lo/ /thugs rje chen po la phyag 'tshal lo/ /'di skad bdag gis thos pa dus gcig na/ bcom ldan 'das po ta la ke'i ri'i rtse mo 'phags pa spyan ras gzigs dbang phyug gi gnas sa ma la dang / ta ma la dang / tsam pa ka dang / mya ngan med pa dang / a ti mug ta ka la sogs pa mang po dang / sna tshogs pa'i rin po che'i sdong pos yang dag par brgyan par dge slong gi dge 'dun chen po stong phrag bcwa brgyad dang / byang chub sems dpa' bye ba khrag khrig brgya stong phrag dgu bcu rtsa dgu dang / gnas gtsang ma'i lha'i bu stong phrag du mas yongs su bskor cing mdun du byas nas mang po dang thabs gcig tu bzhugs so/ /dbang phyug dang / dbang phyug chen po dang / tshangs ris kyi lha'i bu rnams gtsor byas nas chos ston to/ /de nas byang chub sems dpa' sems dpa' chen po 'phags pa spyan ras gzigs dbang phyug stan las langs nas bla gos phrag pa gcig tu gzar nas pus mo g.yas pa'i lha nga sa la btsugs te/ gang bcom ldan 'das la de yis thal mo sbyar zhing phyag 'tshal nas zhal 'dzum par gyur pas/ bcom ldan 'das la 'di skad ces gsol to/ /bcom ldan 'das bdag la don yod zhags pa'i snying po zhes bya ba yod de/ gang sngon bskal pa dgu bcu rtsa gcig na 'jig rten rnam par gzigs pa zhes bya ba'i 'jig rten gyi khams su/ 'jig rten gyi dbang po rgyal po de bzhin gshegs pa dgra bcom pa yang dag par rdzogs pa'i sangs rgyas las bdag gis blangs te/ gang yang bdag gis dbang phyug dang / dbang phyug chen po gtsor byas pa'i gnas gtsang ma'i ris kyi lha'i bu brgya stong mang 99.274a po yang 'dus so/ /bla na med pa yang dag par rdzogs pa'i byang chub don yod pa'i ye shes kyi gtso bo'i ting nge 'dzin bcu pa brgya stong bdag gis rab tu rnyed do/ /gzhan yang gang gi tshe bcom ldan 'das sa gzhi'i phyogs gcig tu rab tu spyod pa las rtogs par bya ste/ bcom ldan 'das de'i tshe sa phyogs de dbang phyug dang / dbang phyug chen po dang / tshangs ris gtsor byas pa'i lha'i bu stong phrag bcu gnyis kyis bsrung ba dang / bskyab pa dang / sbed pa'i don du gnas par 'gyur ro/ /gang 'dir don yod zhags pa'i snying po rab tu spyod na bcom ldan 'das sa'i phyogs gcig po de mchod rten du 'gyur ro/ /sems can gang dag don yod zhags pa'i snying po nyan pa de dag ni sangs rgyas mang po bye ba khrag khrig brgya stong la mchod par 'gyur ro/ /de nas bcom ldan 'das byang chub sems dpa' gang 'dir don yod zhags pa'i snying po thos pas bdag gis dge ba'i rtsa bskyed par 'gyur ro/ /gang kha cig bcom ldan 'das sdig pa'i skyon byed pa/ sdig pa'i chos thams cad la yang dag par spyod pa/ 'phags pa la skur pa 'debs pa/ dam pa'i chos la smod pa/ mnar med pa la gzhol ba/ sangs rgyas dang byang chub sems dpa' thams cad dang 'phags pa nyan thos dang rang sangs rgyas la smod pa po de gal te 'gyod par gyur cing slan chad gcod cing sdom par gyur na/ bcom ldan 'das des re shig de nyid smyung bar gnas pa gcig gis de bzlas na de'i skye ba 'di'i las yongs su dag cing yongs su zad par 'gyur ro/ /phyir slon par 'gyur ro/ /rims nyin gcig pa 'am/ nyin gnyis pa 'am/ nyin gsum pa 'am/ nyin bzhi pa 'am/ de'i phyir khrag tu 'khrug pa 'am/ tshad pa 'am/ lag pa na ba 'am/ rkang pa na ba 'am/ mgo na ba 'am/ ha la ha la yis btags pa 'am/ mdze'am/ rkang shu 'am/ 'brum bu phra mo 'am/ 99.274b lhog pa 'am/ 'bras sam/ bye'u 'bras sam/ g.yan pa 'am/ mtshan bar rdol ba 'am/ 'brum bu 'am/ brjed byed dam/ khyab par na ba 'am/ gsod pa 'am/ 'ching ba 'am/ brdeg pa 'am/ bsdigs pa 'am/ mi snyan par brjod pa 'am/ mdor bsdu na bcom ldan 'das lus kyi na tsha 'am/ sems kyi sdug bsngal lam/ rmi lam ngan pa mthong bas de'i las yongs su dag cing zad par 'gyur ro/ /sngar nyid nas dag pa'i sems can dad cing lhag par mos pa rnams shin du yongs su byang bar 'gyur ro/ /gal te bcom ldan 'das 'khor bzhi po dang rigs bzhi pos ji snyed du bdag la sgyu dang g.yos kyang mchod par byed/ gang 'dir don yod zhags pa pa'i snying po nyan par byed pa dang / don 'dzin par byed pa/ 'chang bar byed pa/ klog par byed pa/ 'bri bar byed pa/ 'brir 'jug par byed pa/ kun chub par byed pa/ sems can gzhan rnams nyan du 'jug par byed pa 'am/ tha na dud 'gro'i skye gnas su gtogs pa'i rna bug tu gtugs te zlos par byed/ sngags kyi tshig 'di sems par byed pa dang / dor ba med pa/ gzugs med pa/ rnam par mi rtog pa/ yang dag par 'byung ba med pa/ yun ring du 'byung ba med pa/ sgyu med pa/ gos pa med pa/ mnyam pa'i sems g.yeng ba med pa/ phung po lnga dang bral ba'i sbyor ba 'dis ni sangs rgyas rjes su dran par bya'o/ /de dag la phyogs bcu'i sangs rgyas brgya stong gis zhal ston par 'gyur ro/ /khyed kyis bzlas pas sdig pa bshags par 'gyur ro/ /ji snyed po tir bri ba byas nas khyim du bzhugs su gsol bar bya'o/ /bcom ldan 'das mang pos ci bya ste/ phan tshun 'gran pas nyan pa 'am/ rje dpon gyis 'jigs pas sam/ gzhan gyi rjes su 'jug pas sam/ gzhan smad par bya ba'i ched du nyan pa ni 'phags pa spyan ras gzigs dbang phyug gi byin gyis brlabs su mkhas pas shes par bya'o/ /de dag 99.275a gi rna bug tu de'i sgra grags par 'gyur ro/ /bcom ldan 'das 'di lta ste/ gang la la'i skyes bus tsan dan nam/ ga bur ram/ gur gum 'am/ gla rtsi bar zhing brgyad cing rngo ba 'am/ sa la bzhibs nas bdag nyid la byugs na/ de la tsan dan nam/ ga bur ram/ gur kum mam/ gla rtsi bar ba'am brgyad pas de ltar dri'apho bar mi 'gyur ro/ /yang dri zhim po yang de nyid do/ /bcom ldan 'das de ltar kho nar bdag gi don yod zhags pa'i snying po 'di la yang gang la la zhig gis 'phya zhing smod pa dang / snga ma ltar ji snyed bdag la sgyu dang g.yos mchod pa byed pa de dag ni bcom ldan 'das rmu rgod kyi sems can de dag gi dge ba'i rtsa ba bskyed par 'gyur ro/ /'dod pas dka' bar 'dzin par brjod de phyi ma la yang ngo / /gang dang gang du skyes pa de dang de ru tshul khrims dang ting nge 'dzin dang shes rab dang bsod nams kyi tshogs kyi dri dang mi 'bral bar 'gyur ro/ /tshul khrims kyi dri zhim po nyid du byed do/ /gang yang bcom ldan 'das rigs kyi bu 'am/ rigs kyi bu mo 'am/ dge slong ngam/ dge slong ma 'am/ dge bsnyen nam/ dge bsnyen ma 'am/ de las gzhan pa'i kha cig don yod zhags pa'i snying po ched du byas nas dkar po'i phyogs kyi tshes brgyad la smyung bar gnas par byas te/ lan bdun du don yod zhags pa'i snying po tshig tu mi brjod par yongs su bzlas na/ de la bcom ldan 'das mthong ba'i chos nyid la phan yon nyi shu tham pa so sor 'dod par bya'o/ /nyi shu po gang zhe na/ gang de'i lus la nad mi 'byung ba dang las kyi dbang gis nad byung ba yang myur du zhi bar 'gyur ro/ /snum zhing yid du 'ong ba'i lus dkar bar yang 'gyur ro/ /skye bo mang po'i yid du 'ong bar 'gyur ro/ /dbang po sbubs su nub pa dang nor rnyed par yang 'gyur ro/ /nor yod pa yang rkun pos khyer bar mi nus so/ /mes mi 'tshig go/ /chu yis mi khyer ro/ /rgyal po'i yid kyis kyang 'phrog par mi nus so/ /de'i las kyi mtha' 99.276b rgyas par 'gyur ro/ /de'i lus la chu'i 'jigs pa 'byung bar mi 'gyur ro/ /rlung dang char pa'i 'jigs pa 'byung bar mi 'gyur ro/ /lan bdun du don yod zhags pa'i snying po chu 'am thal ba la yongs su bsngags te/ phyogs dang mtshams dang steng dang 'og gi zhing la bcing ba byas na nye bar 'tshe ba thams cad nye bar zhi bar 'gyur ro/ /mdangs za bas mdangs 'phrog par mi nus so/ /sems can thams cad dga' bar 'gyur ro/ /dgra yis 'jigs pa 'byung ba yang myur du zhi bar 'gyur ro/ /mi yis 'jigs par mi 'gyur ro/ /khyab par na ba'i 'jigs pa dang / /mkha' 'gro ma'i 'jigs pa 'byung bar mi 'gyur ro/ /nyon mongs pa drag po yang 'byung bar mi 'gyur ro/ /me dang chu dang mtshon gyis 'chi ba'i dus byed par mi 'gyur ro/ /lhas kyang rgyun du nye bar bsrung ba dang / skyob pa dang sbed par 'gyur ro/ /gang dang gang du skyes pa de dang de ru byams pa dang snying rje dang dga' ba dang btang snyoms dang bral bar mi 'gyur ro/ /phan yon nyi shu po 'di dag so sor 'dod par bya'o/ /gzhan yang chos brgyad so sor 'thob ste/ brgyad po gang zhe na/ 'chi ba'i dus su 'phags pa spyan ras gzigs dbang phyug dge slong gi gzugs kyis zhal yang dag par ston par 'gyur ro/ /bde bar tshe'i dus byed par 'gyur ro/ /mthong ba 'khrul pa med do/ /lag pa g.yob pa med do/ /bshang ba med do/ /gci ba med do/ /rlung gi rnam pa med do/ /shin du legs par gnas shing dran pa dang ldan par 'gyur ro/ /kha 'og tu bltas nas tshe'i dus byed par mi 'gyur ro/ /'chi ba'i dus su nyon mongs pa med par rab tu brjod par 'gyur ro/ /sangs rgyas kyi zhing gang dang gang du smon lam btab pa de dang de ru skye bar 'gyur ro/ /dge ba'i bshes gnyen dang 'bral bar mi 'gyur ro/ /nyin re zhing dus gsum du lan gsum du bklag par bya'o/ /chang dang sha dang 99.277a tsong dang sgog skya dang bde byed la byin pa'i lhag ma khyad par du bsrung bar 'dod pas de rnams spang bar bya'o/ /don yod zhags pa'i snying po zhes bya ba'i chos kyi rnam grangs 'di sems can rnams la nus sam mi nus shes par byas la nyan du gzhug par bya'o/ /slob dpon gyis ser sna mi bya ste/ gang gi phyir phrag dog dang ser sna'i dri ma spangs pa ni byang chub sems dpa' yin no/ /sems can gyi don gyi ched du sangs rgyas kyi byang chub thob pa'i phyir byang chub sems dpa'i dge 'dun du yang 'gyur ro/ /shes rab ni byang chub tu brjod la sems dpa' ni thabs te/ de gnyis dag gis sems can gyi don nyid thob par 'gyur ro/ /bcom ldan 'das gal te chos 'di rjes su zlos shing snying po de bzhin gshegs pa'i mdun du brjod par byed pa ni 'khor bzhi po rnams la phan pa dang bde ba'i don gyi phyir dang / sdig pa byed pa gzhan rnams kyi yang phyir ro/ /de nas bcom ldan 'das kyis byang chub sems dpa' sems dpa' chen po 'phags pa spyan ras gzigs dbang phyug la bka' stsal pa/ gang 'di dag pa'i sems can la khyod kyis bstan pa'i dus la bab ste/ de bzhin gshegs pas kyang rjes su yi rang ngo / /phyi ma'i tshe phyi ma'i dus na byang chub sems dpa' rnams kyi pha'i bya ba byed par 'gyur ro/ /de nas byang chub sems dpa' sems dpa' chen po 'phags pa spyan ras gzigs dbang phyug spyan mi 'dzums par gyur pas/ bcom ldan 'das la 'di skad ces gsol to/ /bcom ldan 'das gson cig /sangs rgyas dang byang chub sems dpa' thams cad kyis phyag byas pa'i rnam par thar pa'i dkyil 'khor 'di skye bo mang po la phan pa dang skye bo mang po la bde ba dang 'jig rten la rjes su brtse ba dang skye dgu'i tshogs chen po la phan pa dang bde ba dang rnam par thar pa'i don gyi phyir yang ngo / / 99.277b na ma s+t+r+ya yad+d+hA nu ga ta pra tiSh+Thi te b+h+yaH sarba b+hud+d+ha bo d+hi sa twe b+h+yaH / na maH pra t+ye ka bud+hA R+Ya shrA ba ka sa~M g+he b+h+yo tA tA nA ga ta pra t+yud+pan+ne b+h+yaH na ma s+samyak+ga tA nA/ na maH sa~M myak+p+ra t+yut+pan+nA nA~M/ na maH shA ra dwa tI pu trA ya/ ma hA ma ta ye+e/ na ma Ar+ya mai tre ya mu khe b+h+yo ma hA bo d+hi satwe sa~M g+he b+h+yaH na maH su pra tiSh+Thi ta she len dra rA dza pra ma khe b+h+yaH / sarba ta thA ga te b+h+yaH d+h+ha d+b+h+yaH samyak+sa~M bud+d+he b+h+yo b+ha ga bad+b+h+yaH na maH su bar+N+Na bar+N+Na su pra ti b+hA bi ta na rdi ne shwa ra rA dzA ya ta thA ga tA ya/ na maH si~M ha bi kri Di ti rA dzA ya ta thA ga tA ya/ na mo a mi tA b+hA ya ta thA ga tA ya/ na maH su pra tiSh+Thi te ma Ni kU Ta rA dzA ya ta thA ga tA ya/ na maH sa man+ta rasmyung+gata shrI kU Ta rA dzA ya ta thA ga tA ya/ na mo bi pa sh+yi ne ta thA ga tA ya/ ne ta thA ga tA ya/ na mo bi shwa b+hu be ta thA ga tA ya/ na maH kra kuts+tshA n+d+rA ya ta thA ga tA ya/ na ma ka na ka mu na ye ta thA ga tA ya/ na maH kA sha pA ya ta thA ga tA ya/ na maH shAkya mu na ye ta thA ga tA yAr+ha te sa myak+sa~M bud+d+hA ya/ tad+ya thA/ o~M mu ne mu ne ma hA mu na ye swA hA/ o~M sa me sa me ma hA sa me rak+Sha rak+Sha ma~M sarba satwa~M sh+tsa sarba pA pa pra sha ma ne swA hA/ na maH su pa ri kIr+t+ti ta nA ma d+he yA ya ta thA ga tA ya/ na maH sa man+ta wa b+hA sa bi dzi ta sa~M grA ma shra ye ta thA ga tA ya/ na ma in+d+ra ke tu d+h+wa dza rA dzA ya ta thA ga tA ya/ na mo rat+na pra b+hA se shwa ra rA dzA ya ta thA ga tA ya/ na mo a pra ti ha ta b+hai Sha dz+ya rA dzA ya ta thA ga tA ya/ na mo bikrAn ta gA mi ne ta thA ga tA ya/ na mo bud d+hA ya/ na mo d+har+m+mA ya/ na maH sa~M g+hA ya/ na mo tI tA nA ga ta pra t+yut+pan+ne b+h+yo bud+d+he b+h+yo b+ha ga bad+d+h+yaHtad+ya thA/ smr-i ti bar+d+ha ni/ ma ti bar+d+ha ni/ ga ti bar d+ha ni/ d+h+r-i ti bar d+ha ni/ pradz+nyA bar d+ha ni/ pra hi b+hA na baR+d+ha ni/ d+h+yA na baR+d+ha ni/ shA ma tha baR+d+ha ni/ sarba bo d+hi bak+Sha d+harma baR+d+ha ni/ sa ka la bud+d+ha d+harma pa ri pU ra NA ye swA hA/ na mo rad na tra yA ya/ na ma Ar+ya wa lo ki te shwa rA ya bo d+hi satwA ya/ ma hA sa twA ya ma hA kA ru Ni kA ya/ na mo ma hAs+thA ma prap+tA ya bo d+hi satwA ya ma hA satwA ya/ ma hA 99.278a kA ru Ni kA ya/ e b+h+yo na ma skr-i twA i dmAr+ya wa ka lo ki te shwa ra mu khod+gi r+N+Na a mo g+ha pA shwa rA dzA nA ma hr-i da ya~M ta thA ga tA sa~M mu khaM b+hA Shi ta~M ma hA tA~M baR+Shan+ma d+h+ye a ha mi dA nI mA bar+t+ta yi Sh+yA mi/ sid+b+h+yan+tu me man+t+ra pA dAHsarba kAr+ya Ni sarba b+ha ye b+h+yo ma ma sarba satwA nAny+tsa rak+Sha b+ha ban+tu/ tad+ya thA/ o~M tsa ra tsa ra/ tsi ri tsi ri/ tsu ru tsu ru/ ma ra ma ra/ mi ri mi ri/ mu ru mu ru/ ma hA kA ru Ni ka /sa ra sa ra/ si ri si ri/ su ru su ru/ tsu ru tsu ru/ tsi ri tsi ri/ pi ri pi ri/ bi ri bi ri/ mi ri mi ri/ ma hA pad ma hasta/ ka la ka la/ ki li ki li/ ku lu ku lu/ ma hA shud+hA satwA/ bud d+h+ya bud d+h+ya/ bo d+ha bo d+ha/ bo d+hi bo d+hi/ bo d+ha ya bo d+ha ya/ ka Na ka Na/ ki Ni ki Ni/ ku Nu ku Nu/ pa ra ma shud d+ha satwA/ ka ra ka ra/ ki ri ki ri/ ku ru ku ru/ ma hA s+thA ma prAp+ta/ tsa la tsa la/ sany+tsa la sany+tsa la/ bi tsa la bi tsa la/ e TaT e Ta Ta/ b+ha ra b+ha ra/ b+hi ri b+hi ri/ b+hu ru b+hu ru/ ta ra ta ra/ ti ri ti ri/ tu ru tu ru/ e h+ye hi ma hA kA ru Ni ka /ma hA pa shu pa ti be shu d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ ta ra ta ra/ sa ra sa ra/ tsa ra tsa ra/ pa ra pa ra/ ba ra ba ra/ ma ra ma ra/ la ra la ra/ ha ra ha ra/ hA hA hI hI hU hU/ o~M kA ra brah+ma be sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ ta ra ta ra/ sa ra sa ra/ tsa ra tsa ra/ na ra na ra/ ba ra ba ra/ ha ra ha ra/ rasmi sha ta sa ha sra pra ti maN+Di ta sha rI ra/ dz+wa la dz+wa la/ ta pa ta pa/ b+hA Sha b+hA Sha/ b+h+ra ma b+h+ra ma/ b+ha ga wAn+so mA di t+ya ya ma/ ba ru Na/ ku be ra/ brah+men+d+ra/ bA yu/ ag+ni/ d+ha na dA/ r-i Shi de ba ga NA b+h+yar+ts+tsi ta tsa ra Na/ su ru su ru/ tsu ru tsu ru/ mu ru mu ru/ g+hu ru g+hu ru/ san t+ku mA ra/ ru dra/ bA sa ba/ biSh+Nu/ d+han dA/ bA yu/ ag+ni/ r-i Shi/ nA ya ka /bi nA ya ka /ba hu bi bi d+ha bi sha d+ha ra/ d+ha ra d+ha ra/ d+hi ri d+hi ri/ d+hu ru d+hu ru/ ta ra ta ra/ tha ra tha ra/ g+ha ra g+ha ra/ pa ra pa ra/ la ra la ra/ ha ra ha ra/ ya ra ya ra/ sa ra sa ra/ ba ra ba 99.278b ra/ ba ra dA ya ka /sa man tA wa lo ki ta/ bi ke shwa ra/ ma he shwa ra/ tre b+hu ba ne shwa ra/ sarba gu Na sa mA la~M kri ta/ a wa lo ki te shwa ra/ mu hu mu hu/ mu ru mu ru/ mu ya mu ya/ muny+tsa muny+tsa/ rak+She rak+She mA~M sarba satwA sh+tsa/ sarba b+ha ye b+h+ya/ s+sa rbo pa dra be b+h+yaH sarbo gra he b+h+yaH sarba byA d+hi b+h+yaH bsarba bi She b+h+yaH sarba dz+wa re b+h+yaH e ba~M/ ba~M d+ha ban+d+ha na/ tA ra na/ tardza na/ rA dza/ taska ra/ ag+ni/ u da ka /bi Sha shas+t+ra pa ri mo tsa ka /ka Na ka Na/ ki Ni ki Ni/ ku Nu ku Nu/ tsa ra tsa ra/ tsi ri tsi ri/ tsu ru tsu ru/ in+d+ri ya/ ba la/ bo d+h+yi ga /tsa tu rA r+yasat+ya sa~M pra kA sha ka /ta pa ta pa/ ta ma ta ma/ da ma da ma/ sha ma sha ma/ ma sa ma sa/ d+ha ma d+ha ma/ ma hA kA ru Ni ka /ma hA ta man+d+ha ka ri/ bi d+ham na/ ShaT+pA ra mi tA pa ri pU ra ka /ma la ma la/ mi li mi li/ mu lu mu lu/ Ta Ta Ta Ta/ Tha Tha Tha Tha/ Ti Ti Ti Ti/ Tu Tu Tu Tu/ Thi Thi Thi Thi/ Thu Thu Thu Thu/ e Ne ya tsaR+ma kr-i ta pa ri ka ra/ e h+ye hi ma hA kA ru Ni ka /I shwa ra/ ma he shwa ra/ ma hA b+hu ta ga Na sa~M b+hany+dza ka /ka ra ka ra/ ki ri ki ri/ ku ru ku ru/ ha ra ha ra/ ba ra ba ra/ sa ra sa ra/ ka ra ka ra/ ka Ta ka Ta/ ki Ti ki Ti/ ku Tu ku Tu/ ma Ta ma Ta/ ma hA bi shud d+ha bi Sha ya ni pA si na/ ma hA kA ru Ni ka shwe ta yadz+nyo pa bI ta/ rat+na ma ku Ta/ mA lA d+ha ra/ sarba dz+nya shi ra si kri ta dza TA ma ku Ta/ ma hA d+b+hu ta ka ma lA/ la~M kri ta ka ra ta ya/ d+h+yA na sa mA d+hi bi mok+Sha pra kam+p+ya/ ba hu satwA san+ta ti pa ri pA tsa ka /ma hA kA ru Ni ka /sarba kar+m+mA wa ra Na bi sho d+ha ka /sarba dz+nyA dz+nyA na pa ri pU ra ka /sarba byA d+hi pa ri mo tsa ka /sarba satwA shA pa ri pU ra ka /sarba satwA sa mA shwA sa na ka ra na mo stu te swA hA/ a mo g+hA ya swA hA/ a mo g+ha pA shA ya swA hA/ a dzi tA ya swA hA/ a pa rA dzi tA ya swA hA/ a mi tA b+hA ya swA hA/ a mi tA b+hA su tA ya swA hA/ mA ra sai n+ya pra mar+d+da nA ya swA hA/ a b+ha yA ya swA hA/ a b+ha ya pra dA ya swA hA/ dza yA ya swA hA/ bi dza yA ya 99.279a swA hA/ dza ya bi dza yA ya swA hA/ ba ra dA ya swA hA/ ba ra pra dA ya swA hA/ a kA la mr-i t+yu pra sha ma nA ya swA hA/ i dany+tsa me kar+m+mA ku ru na mo stu te swA hA/ o~M ra Na ra Na hU~M phaT swA hA/ o~M dza ya hU~M phaT swA hA/ o~M dzra dzU swA hA/ o~M hU~M dza ya swA hA/ o~M hri s+t+rai lo kya bi dza yA mo g+ha pA shA pra ti ha ta hrIHhaHhU~M phaT swA hA/ o~M pa su pa ti swA hA/ o~M A ro li ka swA hA/ o~M ba hu le ba hu le swA hA/ o~M A ro li ka hrIHhrIHhu~M phaT swA hA/ ni ya tA ni ya ta/ bi da nI yA shu b+ha s+ya me b+ha ga wan karma No a she Sha taHk+Sha ya~M ku ru swA hA/ o~M pad ma hastA ya swA hA/ o~M bud+d+ha d+har+m+ma sa~M g+hA ya swA hA/ bklags pas las thams cad 'grub pa yin no/ /dus gsum du bzlas na mtshams med pa lnga rnam par dag par 'gyur ro/ /las kyi sgrib pa thams cad rnam par dag par 'gyur ro/ /a ga ru'i bdug spos dang thal ba dang chu dang / yungs kar dang seng lding gi phur bu la sogs pas mtshams bcing ngo / /rims nad thams cad la srung skud bcing bar bya'o/ /nad thams cad la mar ram/ mar nag gam/ chu la yongs su bzlas te sbyin par bya'o/ /lus la khyab pa'i nad la mtshon chas gcad cing srung skud kyang bya'o/ /lto na ba la tshwa chus nyams par byed pa 'am/ 'jim 'bag gam/ chus kyang bya'o/ /mig gi nad la skud pa dkar po rna ba la bcing bar bya'o/ /so'i nad la ka ra bi ra'i so shing gis so/ /mtshams bcing ba la ni tshon sna lnga'i skud pa la lan nyi shu rtsa gcig gi bar du yongs su bzlas nas seng lding gi phur bu bzhi la bcings te phyogs bzhir gdab par byas na mtshams bcings pa yin no/ /thams cad du srung skud dam/ chu 'am thal bas bya'o/ /gza' thams cad la tshon sna lnga'i skud pas bya'o/ /rims thams cad la skud pa dkar pos bya'o/ /sbrul dang / srin bu dang / ba spu byi ba dang / lhog pa dang / gre ba 'gags pa rnams la sbrang rtsi pi pi ling 99.279b dang ldan pas bya'o/ /mig gi nad la dri zhim po'i chu 'am/ rgya skyegs kyi chu 'am/ sbrang rtsi 'am/ shing mngar gyis bya'o/ /rtsod pa'i dus thams cad du rtsod pa dang mi snyan par brjod pa la chu la yongs su bzlas te gdong bkru bar bya'o/ /yul gzhan gyi rgyal po'i 'tshe ba la yul 'khor du bum pa gang ba yang dag par gzhag nas gtsang mas gos gtsang ma gyon te mchod pa chen po byas shing bklags na zhi ba chen por 'gyur ro/ /de'i chus kyang gtor bar byas nas sems can thams cad bsrung ba yin no/ /nye bar 'tshe ba thams cad dang / yams rnams zhi ba yin no/ /phyag rgya tsan dan gyi thig le la lan nyi shu rtsa gcig gi bar du yongs su bzlas na mtshams med pa thams cad zad par byed do/ /rtag tu bzlas na khyim bsrung ba'o/ /pad ma'i sbyin sreg gi sems can thams cad kyi bsrung ba'o/ /tsan dan gyi sbyin sreg gis gza' dang / 'byung po dang rgyu skar thams cad las bsrung ba'o/ /rgyal ba dang / rnam par rgyal ba dang / gzhan gyis mi thub pa dang / na gu li dang / dri'i na gu li dang / d+ha ra ni dang / mi 'jigs pa'i lag pa dang / dbang po'i lag pa dang / dri'i pri yang ku dang / ta ka ra dang 'khor lo dang 'khor lo chen po dang / rnam par gnon pa dang / so ma rA dzi dang / su nat+ta zhes bya ba ste/ de dag gang yang rung ba la brgya rtsa brgyad kyi bar du yongs su bzlas nas nor bu lta bur byas nas mgo bo dang dpung pa la bcing bar bya'o/ /byis pa mo rnams kyi ni mgul du'o/ /bud med rnams kyi 'doms su bcangs na rang nyid mchog tu maskal ba dang ldan par byed do/ /g.yang med pa nyams nas bu yang ster ro/ /nor bu 'di bcangs pas thams cad du bsrung ba byas pa yin no/ /dug dang mes mi tshugs so/ /dug gis byas pa yang skye bar mi 'gyur ro/ /nad byung ba yang mi skye zhing myur du zhi bar 99.280a 'gyur ro/ /gza' rab tu zhi bar 'gyur ro/ /rlung dang sprin dang thog ni chus rengs par byed do/ /ka ra bi ra'i lcug mas ni las thams cad byed do/ /'phags pa spyan ras gzigs dbang phyug gi snying po mchog tu grub pa 'dis ma bsgrubs par yang las 'di rnams byed do/ /de nas sgrub par 'dod na thang sku'i cho ga ni tshon sna ma lus pas sangs rgyas kyi sku gzugs mnyam par bri bar bya ste/ 'phags pa spyan ras gzigs dbang phyug ral pa'i cod pan 'chang ba ri dgas kyi lpags pas smad dkris byas shing phyugs bdag gi cha lugs 'chang ba rgyan thams cad kyis brgyan par bya'o/ /lha bzo mkhan gso sbyong dang ldan pas ri mo bri bar bya'o/ /de nas sgrub pa pos sku gzugs de'i mdun du ba lang gi lci bas dkyil 'khor byas la me tog dkar po bkram ste/ dri zhim po'i chus bkang ba'i bum pa brgyad gzhag par bya'o/ /nye bar spyod pa brgyad dang nye bar mkho ba drug bcu rtsa bzhi dang / khrag med pa'i gtor ma sha dang bcas pa bya'o/ /a ga ru'i bdug spos bsregs la rig pa stong phrag brgyad bzlas par bya'o/ /nyin zhag gcig tu smyung bar gnas pa 'am/ dkar gsum za zhing dus gsum du khrus byas nas gos gtsang ma gyon par gyur pas bzlas pa bya'o/ /de nas sku gzugs kyi mdun du rang nyid bris pa bltas te de mthong bas dga' bar 'gyur ro/ /ji srid du 'phags pa spyan ras gzigs dbang phyug byon te/ bsam pa thams cad yongs su rdzogs par 99.280b byed do/ /ldong ros sam mig sman la yongs su bzlas te mig la bskus nas de nas mi snang bar 'gyur zhing nam mkha' la 'gro bar 'gyur ro/ /yang dag par rmongs pa med pa'i tshogs shes bya ba'i ting nge 'dzin rab tu 'thob bo/ /sgrub pa po gang 'dod pa de 'dis byed do zhes bya'o/ /bcom ldan 'das kyis de skad ces bka' stsal pa dang / byang chub sems dpa' sems dpa' chen po 'phags pa spyan ras gzigs dbang phyug dang / dge slong de dag dang / byang chub sems dpa' de dag dang / gnas gtsang ma'i ris kyi lha'i bu de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// //'phags pa don yod zhags pa'i snying po zhes bya ba theg pa chen po'i mdo rdzogs s+ho// //rgya gar gyi mkhan po a mo g+ha badzra dang / bod kyi lo ts+tsha ba dge slong rin chen grags pas bsgyur cing zhus te gtan la phab pa'o// //'di ni don yod zhags pa cho ga zhib mo'i dbu nas/ don yod pa'i zhags pa'i cho ga yan chad logs su bkos// // // // //pa yin mod kyi/ gzungs rings la mi 'dra ba'i khyad par cung zad yod pa dang / don yod zhags par phyin drug yongs su rdzogs pa'i gzungs ni cho ga zhib mo'i bam po bcu bzhi pa las phyung bar snang bas der 'dus so// |