J665

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J665</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J665&coll=lithang">see text in Tibetan script</a></table>98.228b<br><font size=+1>

@#/ /rgya gar skad du/  shrI de bi ka pra ma rA dza tan tra kA li/   bod skad du/  dpal lha mo nag mo'i bstod pa rgyal po'i rgyud/ rig sngags dang gsang sngags kyi mnga' bdag dpal phyag na rdo rje la phyag 'tshalo/ / 'di skad bdagis thos pa dus gcig na/ ri rab kyi rtse mo rtsub 'gyur gyi tshal chen po na bac+doMs dpal drag po chen po phyag na rdo rje lus bskal pa'i me ltar 'bar ba/ srid pa gsum las rnam par rgyal ba/ nyi ma stong gi gzi brjid dang ldan nas bzhugs so/ /'khor ni brgya byin dang / sha za dang / srin po dang / ma mo'i tshogs bye ba dung phyur gyis bskor te bzhugs so/ /de'i tshe na dpal phyag na rdo rje pad ma'i gdan la bzhugs te bka' stsal pa/ nga'i 'khor du gtogs pa'i lha ma srin sde brgyad nyon gcig /'dod pa'i khams 'di na bdud kyi ma gshin rje'i sring mo zhes bya ba rgyal tshab chen po sangs rgyas tha~Md kyi bstan pa 'dzin pa cig yod kyis/ khyed kyis de la mchod</font><hr>98.229b<br><font size=+1>

pa gyis shig /bstod pa gyis shig /ngas kyang khyod la byin gyis brlab po zhes bka' stsal pa dang / 'khor gyi nang nas lha'i dbang po brgya byin stan las langs te dpal lha mo nag mo la dge ba bcu'i sgo nas bstod pa/ sngon 'das bskal pa dang po'i pha rol na/ /dge bcu'i las la sems rab cher sbyangs nas/ /lam gyi khyad par gong ma rab rdzogs kyang / /mtho ris skyes pa rnams la dge ba bcu'i/ /tshul gyis don mdzad phyi rol bsgyur ba yi/ /dpal ldan lha mo khyod la phyag 'tshal bstod/ /'das pa'i dus na srog gcod rab spangs pas/ /sku tshe ring zhing gzugs byad phun sum tshogs/ /gzhan gyi lan chags gnod pa'i rkyen dang ldan/ /'chi bdag 'joms mdzad khyod la phyag 'tshal bstod/ /ma byin len spangs tshul la rab spangs pas/ /bsod nams tshogs kyis longs spyod phun sum tshogs/ /gter gyi longs spyod mi 'grib rab brtan brnyes/ /sbyin pa'i gter 'chang khyod la phyag 'tshal bstod/ /mi tshangs spyod pa'i bka' rnams bsrung ba dang / /mngal gyi grong khyer dman las rnam par 'phags/ /srid pa'i 'dod chags ring du spangs pa ste/ /dge sbyong chen mo khyod la phyag 'tshal bstod/ /nyon mongs brdzun tshig spangs pa'i rnam smin gyis/ /gsung gi dngos grub 'jig rten 'dul ba'i gtso/ /gsung mchog rnam dag brnyes pa'i rang bzhin te/ /bden par bsrung ba khyod la phyag 'tshal bstod/ /phra ma'i skyon spangs mi phyed 'khor dang ldan/ /nyid la rnam par dul ba'i 'khor gyis bskor/ /lha dang lha min bden pas 'dul mdzad ma/ /dkar mo'i 'khor tshogs khyod la phyag 'tshal bstod/ /ngag 'khyal spangs pa'i yon tan</font><hr>98.230a<br><font size=+1>

sbyin pa yis/ /ting 'dzin rtse gcig mi g.yo bar chad spangs/ /dgos 'brel tshul gyis bstan pa skyong mdzad ma/ /byis pa 'dul mdzad khyod la phyag 'tshal bstod/ /nga rgyal khengs sems spangs pa'i yon tan gyis/ /zhi ba'i tshig 'jam lha mo dbyangs snyan ma/ /tshig rtsub gshe ba'i gnyen po byed pa ste/ /ngag rtsub 'dul mdzad khyod la phyag 'tshal bstod/ /rang sems brnab sems spangs pa'i khyad par ni/ /'dzin pa'i rnam rtog rnam par spangs pa'i rtags/ /bdag med rtagasu seng ges rna ba brgyan/ /brnab sems spangs pa khyod la phyag 'tshal bstod/ /gzung ba'i yul la gnod sems rnam par spangs/ /phyi rol yul 'di gnyis med chosu gzigs/ /gang la gnod sems yang dag spangs pa'i rtags/ /sbrul gyi rna brgyan can la phyag 'tshal bstod/ /log par lta ba'i chos phyogs rnam spangs te/ /sangs rgyas chos las 'khrungs pa'i gzugs brnyan khyod/ /lta ba rnam par dag pa'i ngang tshul can/ /spros bral don dam ston la phyag 'tshal bstod/ /'jig rten 'di na las gnyis dag ma dag /ma dag mi dge bcu las ngan song grub/ /dag pa'i dge ba bcu las mtho ris grub/ /las 'di dge ba dang por rab sbyangs pas/ /go nas gong ma'i sa la rab gnas kyang / /dge ba bcu yi rtags ni dman pa'i zhing 'dir bstan/ /gdug pa'i ngang tshul can gyis 'gro ba 'dren mdzan ma/ /bstod par 'os pa khyod la phyag 'tshal bstod/ /de nas dpal lha mo nag mo chen mo la/ gnod sbyin gyi rgyal po rnam thos sras kyis lam rnam pa lnga'i tshul gyis bstod pa/ dam pa rnaMs kyis bgrod pa'i khyad par ni/ /tshogs kyis sbyangs nas don dam mthong ba yi/ /gnyen po ye shes rim par sgom pa la/ /mthar phyin pa la gshegs pa'i don mchog lags/ /de bas lha mo khyod kyi mtshan nyid ni/ /'di ltar rab ldan khyod kyi khyad par te/ /dang po'i tshogs las yang dag rab bsags pas/ /dang po sa las sbyor ba'i ting 'dzin brnyes/ /rab tu dga' ba'i sa la don dam ni/ /rnam par mi rtog skye med tshul gyis gzigs/ /dpaldan byang chub sems dpa'i khyad par ni/ /rang sems sa gnyis dag la rab brten nas/ /de bzhin sa gsuM dag pa'i pha rol son/ /rang sems bzhi pa'i sa la cher bsgoMs pas/ /</font><hr>98.230b<br><font size=+1>

lnga pa'i sa la bsam gtan pha rol son/ /rang sems drug pa'i sa la cher sbyangs pas/ /bdun pa la ni thabs kyi pha rol son/ /rang sems brgyad pa nyid la cher bsgoms pas/ /dpal ldan lha mo nag mo smon lam nyid/ /dgu pa la yang stobs kyi yon tan sgrub/ /de yi stobs kyi ye shes 'phen par 'grub/ /'di dag rnam par rdzogs par byas nas ni/ /sangs rgyas sa la smin pa'i smon lam can/ /sa brgyad non pas gzhon nu'i tshul 'chang ma/ /'gro ba 'dul phyir drag mo'i tshul ston cing / /gdug pa 'dul mdzad khyod la phyag 'tshal bstod/ /bdag kyang khyod kyi lam ltar myur 'grub shog /de nas mi 'am ci'i rgyal po ljon pa rta mgo can gyis dpal lha mo nag mo chen mo la gnyisu med pa'i bsgo nas bstod pa/ dpal ldan lha mo gnyisu med pa ste/ /don dam spros bral chos nyid 'di las brtsal/ /don dam kun rdzob gnyisu med pa bden/ /'khor ba myang 'das gnyisu med pas zab/ /sems can sangs rgyas gnyisu med pas 'phags/ /las dang rnam smin gnyisu med pas bstod/ /rgyu dang 'bras bu gnyis su med pas smin/ /yul dang yul can gnyis med gcig gi ngang / /spros dang spros med don dam dbyings kyis bsdus/ /bsod naMs ye shes gnyis med tshogs chen te/ /mthong dang dam pa gnyis med dag pas bstod/ /bdag dang gzhan gyi chos ni ngang tshul gcig /gzung dang 'dzin pa gnyis med zab mo'i mthu/ /mtho ris ngan song gnyis bral dag pa'i zhing / /bzang ngan gnyis med rang bzhin gcig gis bstod/ /bskyed med rdzogs pa gnyis med lhun grub mchog /sems dang phung po gnyis med sems nyid de/ /sgrub dang bsgrub bya gnyis med grub pa'i ngang / /bdagazhan gnyis med tshul mchog gcig gis bskyod/ /yab dang yum mkha' gnyis med byang chub sems/ /thabs dang shes rab gnyisu med pa'i don/ /stong dang mi stong gnyis med zhi ba'i ngang / /gyur dang 'gyur med rtsol bral phyag 'tshal</font><hr>98.231a<br><font size=+1>

bstod/ /sgra tshig gnyis med brjod pa med pa'i ngang / /lus ngag gnyis med sems nyid gcig gi tshul/ /rtsol byed rtsol bya gnyis med don gcig pas/ /rnam par spros med don dam dbyings kyis bstod/ /mu stegs sangs rgyas gnyis med tshul gcig pas/ /dbyings dang ye shes gnyis med don rtogs te/ /srid dang rnam grol yang dag don gcig pas/ /tha~Md gnyis med sku la phyag 'tshal bstod/ /phyi dang nang med gnyis med gcig gis ngang / /sems ldan sems med rnam dag zhi ba'i tshul/ /snang dang mi snang gnyis med gcig gis mthong / /gnyis med don mchog khyod la phyag 'tshal bstod/ /'di dag rnams ni don dam zab mo'i tshul/ /spros pa med pa'i don dang 'brel pa ste/ /'di rnams lha mo khyod kyi thugs la gsal/ /'di ltar bstod pas bdag kyang khyod ltar shog /de'i tshe de'i dus na dri za'i rgyal po zur phud lnga pas dpal lha mo la phrin las kyi sgo nas bstod pa/ sems nyid phrin las rnam bzhi'i khyad par ni/ /sems nyid gud na med cing sems kyang med/ /don dam spros bral kha dog gzugs kyang med/ /kun rdzob sgyu ma tsam du rang gi sems/ /'thun par bstan pa'i zhi ba'i dpal lha mo/ /zhi mdzad zhi 'gyur zhi ba'i ngang tshul can/ /zhi ba'i 'khor gyis bskor ba'i gtso mo ni/ /rtags kyi sku mdog dkar mo shin du dngas/ /kun du zhi mdzad khyod la phyag 'tshal bstod/ /bdag gi dgra dang nad rnams zhi bar mdzod/ /'thun par bstan pa'i rgyas pa'i dpal lha mo/ /rgyas mdzad rgyas 'gyur rgyas pa'i ngang tshul can/ /rgyas pa'i 'khor gyis bskor ba'i gtso mo ni/ /rtags kyi sku mdog ser mo shin du brjid/ /kun du rgyas mdzad ma la phyag 'tshal bstod/ /bdag gi bsod nams ye shes rgyas par mdzod/ /'thun par bstan pa'i dbang mo dpal lha mo/ /dbang mdzad dbang bsgyur dbang gi ngang tshul can/ /</font><hr>98.231b<br><font size=+1>

dbang gi 'khor gyis bskor ba'i gtso mo ni/ /rtags kyi sku mdog dmar mo shin du brjid/ /kun du dbang mdzad khyod la phyag 'tshal bstod/ /bdag gi nad dang dgra rnams dbang du mdzod/ /'thun par bstan pa'i drag mo dpal lha mo/ /drag mdzad drag 'gyur drag mo'i ngang tshul can/ /drag mo'i 'khor gyis bskor ba'i gtso mo ni/ /rtags kyi sku mdog nag mo shin du brjid/ /kun du drag mdzad khyod la phyag 'tshal bstod/ /bdag gi nad dang dgra rnaMs drag mos sod/ /khyod kyi rang bzhin cir yang ma grub la/ /'di ltar 'dzin nyid cir yang snang ba ni/ /phrin las rnams bzhis 'gro don mdzad pa lags/ /bdag kyang las bzhi rang bzhin lhun grub nas/ /khyod ltar gzhan gyi don la brtson par shog /de nas dpal lha mo nag mo la klu'i rgyal po dga' bos sku'i yon tan gyi sgo nas bstod pa/ gsang sngags rnal 'byor grub pa'i bdag nyid ma/ /yon tan rnams kyi sku mdog phyag mtshan ni/ /don du snang ba med kyang gdul bya'i phyir/ /rtags kyi phyag rgya 'di ltar bstan pa'o/ /khams gsum gdul phyir gdan du bong bu zhon/ /mya ngan mi 'da'i rtagasu lcags sgrog mnga'/ /bdag don lhun grub glang chen ko bas brgyan/ /gzhan don phun sum tshogs phyir re ldes dkris/ /byang chub sems ldan spyi gtsug zla rgyas gsal/ /shes rab rtogs phyir lte ba nyi mas brgyan/ /dug gsum sdong po gcod pa'i ral gri dang / /bsod nams gter gyi phyag mtshan ne'u le bsnams/ /dbang drag rdzogs phyir ral pa kham nag sprug /nyon mongs 'dren phyir rno dbal mche ba gtsigs/ /'khor ba ljags la bdar phyir rkan sgra brdeb/ /gdug pa zhe la gnod phyir sdang mig bgrad/ /tha~Md dbang du bsdud phyir spyan rtsa dmar/ /snyoms pa'i tshogs mchog mi 'gyur sku mdog gnag /ma mo 'dul phyir dur khrod rgyan gyis brgyan/ /sku gsung thugs ldan rtags kyi phyag rgya kha T+wA~M gsor/ /sku gsum</font><hr>98.232a<br><font size=+1>

rdzogs byed thod pa'i phreng bas brgyan/ /drag po myur mgyogs bstan phyir tshub mas brgyan/ /nyon mongs sreg phyir me dpung nang na bzhugs/ /'dod khams bskyed phyir yongs 'du'i shing la brten/ /lha min 'dul phyir rdzong gi bka' bzlog ma/ /dpa' brtan bstan phyir stag gi sham thabs bsnams/ /bstan pa bsrung phyir drag mo'i cha lugs rdzogs/ /nga rgyal dbang bsdud bdag med sgra sgrogs phyir/ /thabs kyi snyan cha g.yas pa seng ges brgyan/ /zhe sdang dbang 'dul dug chen 'dul ba'i phyir/ /shes rab snyan cha g.yon pa sbrul gyis brgyan/ /'du byed mi rtag rtags su dril bu sgrogs/ /chags phyir rngam mdzad rag ta'i rba klong 'thung / /dam tshig bsrung phyir zhing lpags rgyan du mdzad/ /tha dad las rnams 'dul phyir rma bya'i 'phru/ /nyon mongs sgrib pa'i tshogs rnams rab sbyangs nas/ /ye shes rig pa'i tshogs rnams shar ba'i phyir/ /rang bzhin gnas mchog byang shar 'tshams na brten/ /dbu ma'i sa la gnas phyir dre'u la zhon/ /nyon mongs gdug pa 'dul phyir ma yi tshul/ /mkha' 'gro ma mo khyod la phyag 'tshal bstod/ /de nas grul bum gyi rgyal po sbrul mgo dgu pas dpal lha mo la sku gsung thugs kyi sgo nas bstod pa/ don dam gnyis med byang chub sems yin yang / /srid gsum gdul phyir rtags kyi phyag rgya ni/ /rang sems rnam dag drag po'i gzhal yas khang / /rag ta khrag gi rgya mtsho 'khyil pa las/ /keng rus thod phreng zhing gi lpags pas brgyan/ /sku mdog gnag la rab 'jigs khro mo rgyal/ /sngon mo ral pa 'dzings ma'i sprul pa 'gyed/ /sku yi sprul pa dpal ldan re ma 'dzu/ /gru gsum ser nag zhal gyi dbyings su bzhengs/ /yon tan rgyas mdzad ser mo mkha' la bzhad/ /phrin las rgyas pa tha~Md nye bar mdzod/ /gsung gi sprul pa dpal ldan re ma ti/ /gru gsum dmar nag zhal gyi dbyings nas bzhengs/ /dmar mo chen mo dmar chen gtum ma ste/ /</font><hr>98.232b<br><font size=+1>

dbang gi phrin las thams cad grub par mdzod/ /sku gsung thugs ldan sprul pa rgya mtsho ma/ /drag po 'joms mdzad bdud dpung zil gyis gnon/ /'gro drug sgrol mdzad sems can kun gyi ma/ /bstan pa rgyas mdzad ma la phyag 'tshal bstod/ /bdag gi lus ngag yid gsum byin gyis rlobs/ /de nas dpal lha mo la lha ma yin gyi rgyal po thag zangs ris kyis don dam pa'i sgo nas bstod pa/ spros bral 'od gsal yang dag zhi ba'i ngang / /thugs kyi thugs mchog rnam dag bden pa'i yum/ /gdod nas gnyis med namakha'i snying po ni/ /dpal ldan khyod kyi rang bzhin khyad par gsal/ /'di ltar rnam dag brjod med ngo bo la/ /byis pa rnams kyis bstod pa byed pa ltung / /blun po rnams kyis dngos por rab brtags nas/ /gzugs can tshul du gang zhig bstod pa'i tshig /rgyal ba'i don spangs thugs chud khyod nyid la/ /tshig dang yi ge'i sgo nas bstod pa rnams/ /nam kyang grol bar 'gyur ba'i chos nyid min/ /gdod nas gnyis med bde chen ma rtogs par/ /khyod kyi smon lam rtags kyi cho 'phrul la/ /don du bzung nas gang zhig bstod pa rnams/ /khyod la brten nas tha~Md ltung bar 'gyur/ /gang zhig skye ba med par shes pa dang / /gdod nas gnyis med snying po bsgoms nus na/ /gang zag des ni khyod nyid bstod pa yin/ /khyod kyi gzugs dang kha dog 'dzin pa yis/ /bskal pa grangs med 'das par rab bltas kyang / /khyod kyi gzugs dang kha dog mthong mi nus/ /gang zhig gzugasu mi 'dzin rnams kyi mthong / /sgra dang tshig dang brjod pa thams cad kyis/ /khyod ni bos kyang bskal par mi thos te/ /'di dag spangs pa'i rnal 'byor de yis ni/ /khyod kyang thos la de yang khyod kyis thos/ /gang zhig lus ngag dge bas khyod bsgrub pa'i/ /blun po de yis naM kyang khyod nyid spangs/ /lus ngag spangs pa'i seMs kyis khyod mchod nas/ /mchod na dngos grub de yis ster thob 'gyur/ /</font><hr>98.233a<br><font size=+1>

khyod ni rgyal ba mang po'i yon tan bsdud/ /chos kyi dbyings na rgyal ba rnams dang mjal/ /zab mo dbu ma'i rang bzhin ston pa'i phyir/ /mi mjed 'jig rten shin du rtsub pa 'dir/ /phyi rol tshul gyis thams cad 'dren mdzad ma/ /khyod kyi sku ni 'di ltar rab brtags pa/ /sgrib pa mang po stong nyid ngang du gshegs/ /stong nyid dam pa stong pa yang dag khyod/ /stong pa gnyis med shes pa rnams kyis bstod/ /'di ltar bstod na bstod par 'gyur grang bas/ /khyod ni bstod pa'i yul can ma yin yang / /byis pa drang phyir don la 'di ltar bstod/ /de nas namakha' lding gi rgyal po rdo rje gser mig can gyis dpal lha mo la bstod pa/ dpaldan lha mo dpag par dka' ba'i don/ /thabs kyi cho 'phrul namakha'i mkha' la spyod/ /byang chub seMs dpa'i sprul pa khyod nyid la/ /sgo gsum rdul snyed dbyangs kyis phyag 'tshal bstod/ /bdagis khyod ni mchod pas ma sgribs kyang / /dpaldan dngos grub dam pa thob bya'i phyir/ /'dod pa'i yon tan mkha' la char 'bab pas/ /mchod pa'i tshogs 'dis dbang po rgyal gyur cig /dpaldan khyod ni dge sdig bdag po ste/ /bdag gi lus ngag yid kyi sdig pa'i tshogs/ /khyod kyi thad du 'gyod pas rab bshags na/ /thugs rje'i shugs kyis bsgrib pa byang bar mdzod/ /khyod kyi khyad par yongasu 'phags pa ni/ /'gro ba'i don mdzad bdag don phun sum tshogs/ /dga' 'thun phrag dog med pa'i spros pa ni/ /rjesu yi rang khyod kyi rgyud la 'bul/ /'di ltar yon tan ldan pa'i sku mchog ni/ /nag mo bzang po 'jigs pa'i mthu stobs kyis/ /phyogs bcu dus gsum kun du 'gro don la/ /sgyu 'phrul dra ba'i tshul gyis bskul bar spobs/ /yang dag khyod kyi yon tan sku mchog ni/ /gdug pa 'dul zhing bstan pa bsrung ba'i phyir/ /sems can zad par ma gyur bar du ni/ /mya ngan mi 'da' bzhugs par gsol ba gdab/ /'di ltar phyag 'tshal mchod nas gshegs pa dang / /rjesu yi rang bskul</font><hr>98.233b<br><font size=+1>

zhing gsol btab nas/ /dge ba 'di yis ngan song stongs gyur te/ /thams cad tshogs rdzogs byang chub chen por bsngo/ /de nas dpaldan lha mo nag mo la/ namakha'i lha bran rnams kyis bstod pa/ bskal pa me ltar 'bar ba'i klong dkyil na/ /rlung nag dgu pa'i klong 'khyil pho brang nas/ /ma cig 'dod pa'i khams kyi dbang phyug ma/ /bdud kyi yum la gshin rje'i lcam cig ma/ /dpaldan lha mo nag mo re ma ti/ /nag mo za byed rngam pa'i mche ba can/ /mthing nag gcer bu khrag gi ral pa can/ /khyod kyi sku mdog nag mor bzhugs pa ni/ /don dam dbyings kyis bskyod pa med pa'i rtags/ /dbu skra g.yas nas g.yon du 'khyil pa ni/ /yum gyi mkha' la sprul pa 'gyed pa'i rtags/ /dbu gtsug ral pa gcig tu 'khyil pa ni/ /don dam dgongs spyod gcig tu mdzad pa'i rtags/ /ral pa'i gseb nas me stag 'phro ba ni/ /thugs kyi sprul pa phyogs bcur 'gyed pa'i rtags/ /dbu la thod rlon phreng ba bcings pa ni/ /thugs rjes sprul skus 'gro don mdzad pa'i rtags/ /snyan cha g.yas na seng ge mchong ba ni/ /sman mo thams cad zil gyis gnon pa'i rtags/ /g.yon na sbrul mgo'i gdengs ka 'phyar ba ni/ /zhe sdang ma spangs dbyingasu dag pa'i rtags/ /snyan cha gser gyi dril bu 'khrol ba ni/ /sangs rgyas kun la bsnyen sgrub byed pa'i rtags/ /spyan tsa dmar la sdang mig bgrad pa ni/ /srid gsum rnal 'byor dam tshig bya ra byed/ /zhal gyi drag po hom khung gdengs pa ni/ /bstan pa 'jig pa'i ru tra sgrol ba'i rtags/ /rno gdug mche ba zur gsum gtsigs pa ni/ /bsgral ba'i zhing bcu sa la sgrol ba'i rtags/ /sku la zhing lpags g.yang gzhi gsol ba ni/ /yang dag chos dang don dang ldan pa'i rtags/ /glang chen ko rlon snam phyed dkris pa ni/ /theg pa mchog gi don dang ldan pa'i rtags/ /re lde nag po snam phyed dkris pa ni/ /'jig rten 'di na che btsan ldan pa'i rtags/ /</font><hr>98.234a<br><font size=+1>

lte ba'i khung nas nyi ma 'char ba ni/ /sdug bsngal rgya mtsho gting nas skems pa'i rtags/ /spyi bo gtsug nas zla ba 'char ba ni/ /dug gsum ma rig mun pa sel ba'i rtags/ /zhabs la dbang gi lcags sgrog 'khril ba ni/ /thabs dang shes rab zung du 'brel ba'i rtags/ /phyag g.yas shang lang nag po bsnams pa ni/ /sdug bsngal skye shi rtsad nas gcod pa'i rtags/ /phyag g.yon thod rlon dmar chen 'thung ba ni/ /'khor ba'i sdug bsngal khrag ltar 'thung ba'i rtags/ /bong bu gwa pa phyin phyogs zhon pa ni/ /log par lta ba'i sems can sgrol ba'i rtags/ /srin po'i ag mas snga ru byas pa ni/ /srin yul lang ka pu ra 'dul ba'i rtags/ /sbrul nag chun pos gong smed byas pa ni/ /zhe sdang dbang gis bgegs rigs 'joms pa'i rtags/ /ru sbal nag po'i phog bu btang ba ni/ /klu bdud nag po dam la btags pa'i rtags/ /snga sha g.yas pa bdud kyi khram bas ni/ /dam tshig nyams pa khram la 'debs pa'i rtags/ /phyi shar nad kyi rkyal pa btags pa ni/ /bstan pa 'di la gnod pa'i dgra bo la/ /nad ka 'bebs shing dal kha bsgyur ba'i rtags/ /don dam bcud kyi rtagasu zhag gi zor ris btang / /thugs rje chags pa'i rtagasu rag ta'i thig les brgyan/ /'dul byed phrin las rtagasu thal ba'i mtshan mas btab/ /ma mo 'bum phrag bran du 'khol ba ni/ /khams gsum khyab par phrin las mdzad pa'i rtags/ /ma gcig kha nas me 'bar rgya mtsho skems/ /lag na rdo rje 'phyar bas ri rab tshogs por 'phen/ /bdag gis brtson par lha mo khyod la bstod/ /de nas yang gshin rje nag pos dpal lha mo la che ba'i yon tan gyi sgo nas bstod pa/ lha mo dpaldan mkha'agro nag mo khyod la ni/ /rgyun du til mar gyis byugs lan bu gcig ma ste/ /ro nye rna chas bsgyings</font><hr>98.234b<br><font size=+1>

shing cha lugs mang po 'chang byed ma/ /rgyan du rkang sgrog lcags la byas pa gcig gis rkang la mdzes par brgyan pa ste/ /mtshan mo bong bu zhon nas 'gro ba de ni nag mo khyod nyid yin par shes/ /ral pas bdag nyid mdzes par brgyan te khyod kyi spyod pa mtsho chen don dag su yis shes/ /'khor ba 'jig pa'i tshe na mi rus dag la khrag dang zhag 'dzag du ba thul ba na/ /nag mo mche ba mi bzad khyod kyi zhal du 'gro kun skad cig tsam du zhugs par 'gyur/ /lha mo lag na mi thod thogs pa khyod ni rnal 'byor grub pa'i rnal 'byor can du dur khrod dgyes/ /khyod ni g.yog bcas mya ngan myed cing 'chi ba'i 'jigs pa med par dril bu'i sgra yang sgrogs/ /khyod ni dpa' bo dag gi mgo bcad g.yul du mtshon gyis bsad pa'i mgo phreng lag na thogs shing gar stabs skor zhing lag pa brkyang bskum che/ /rkub tshos che la klu dbang gshibs pa'i ska rags bcings shing lag na mdung dang ba dan thogs/ /khrag gi chang gis ra ro myos te mig rtsa dmar por byas nas mtshan mo dur khrod rgyu ba 'byung po phal chen kun gyis mthong / /rkang pa'i gos ni ko rlon mtshan pas drangs pas snam gyi phyed ni re ldes dkris/ /mi yi rgyu ma sar pa'i sbubs kyis zhal gyi zla ba brgyan cing khrag dang zhag gi tshom bus thig ler brgyan/ /mi yi sha la so sor chem chem za yin mi ro dag gi cod pan mgo la brgyan pa ste/ /bdag la skyob pa'i drag mo mi sha thogs pa khyod ni snga nas ma mthong gzod mthong na/ /bdud dang srin mo ma mo rnams kyang mig rtsa rig rig dngang zhing khyod la 'dud/ /lha mo bzang mo lus mdog gnag cing bzod par dka' ba khyod la brgya byin la sogs pas/ /bstod pa byed pa'i gshin rje'i rgyal po nyid kyang rtag tu 'dud/ /lha rnaMs dang ni 'gro ba ma lus mjug brtul bas na rna ba ya gcig la/ /brang gis 'gro ba sbrul mgo gdengs ka stong dang ldan zhing gcigis rgyab nas rgyan du byas/ /ya cig la ni seng ge mtshungs med</font><hr>98.235a<br><font size=+1>

thogs shing rgya mtsho bskor zhing sa gzhi gnon pa sa steng gi /phyogs nas rgyu ba'i nyi ma zla ba lha mo khyod kyi lte nas 'char zhing srid gsum zil gyis gnon/ /rgya mtsho klong nas me 'bar chu rnams skems par byed par nus pa'i bud med tha~Md zhi mdzad ma/ /lha chen sku dang 'tsham par bzhugs pa'i dka' bzlog nag mo mi nad phyugs nad kun la 'jigs pa med/ /ma gcig khyod nyid la ni bdag ni gus par phyag 'tshal mchod cing bstod par bgyi/ /de nas dpal lha mo nag mo la bram ze mchog srid kyis kun rdzob kyi bden pa brten par bstod pa/ ma cig lha mo dpal lha mo/ /rdo rje lha mo nag mo che/ /mthu chen khyod la phyag 'tshal bstod/ /bdag gis btsun par khyod bstod kyis/ /bkra shis mchog grub sems gter gnas/ /yid myur gzugs chen kun du grags/ /ma mor grags shing 'jig rten skyong / /dpa' brtul drag spyod brtson 'grus che/ /'thab mo g.yul las rtag tu rgyal/ /gshin rje'i sring mo yin par bstod/ /gos su dar gos sngon po gsol/ /sdug dang mi sdug cha lugs 'chang / /spyan mig mthong na mi sdug kun du sdang / /dad cing tshogs pa'i mi rnams sdud/ /res 'ga' ri brag zab mor gnas/ /res 'ga' tshal dang shing la gnas/ /re 'ga' dur khrod dbus na gnas/ /lha mo'i gnas rten de ru 'cha'/ /gnas de ri dang tshal dgon du/ /rtag tu lha mo khyod bstod na/ /de yis dgongs pa skongs bar byed/ /bdag gis rtag tu bstod byas na/ /bdag gi bsam pa 'grub par mdzod/ /rma bya'i sgro la rgyal mtshan byas/ /gang zhig rtag bsten bsung bar byed/ /gnag lug phyugs rnams 'phel bar byed/ /seng ge stag dang spyang gi yis/ /rtag tu kun nas bskor nas kyang / /rdo rje dril chen snyan par sgrogs/ /byin te dril chen snyan par sgrogs/ /lan 'ga' lag na tri sh+'ul thogs/ /lan 'ga' nyi zla'i ru mtshon phyar/ /mar gyi tshes dgu bcu gcig na/ /de yi dusu mchod byas na/ /lha mo khyod las lhag pa med/ /bdud 'dul lha min</font><hr>98.235b<br><font size=+1>

srin mor ston/ /dgra dang 'thab tshe rgyal bar byed/ /bud med nang na mchog yin te/ /tshig dbang 'jig rten mgon po 'dra/ /rgyal po'i khab na pad ma 'dra/ /zhal bzangs zla ba nya ba 'dra/ /chu la rgal na gru zam 'dra/ /phongs pa rnaMs kyi gnyen bshes 'dra/ /lha dang lha min g.yul 'gyed tshe/ /lha mo khyod kyi lte ba la/ /lha rnams kun gyi rdzong bcas nas/ /lha dmag dkar po rgyal bar byas/ /lha ma yin rnams pham par byed/ /lag na mdung dmar chems se chems/ /ru mtshon ba dan me ltar 'bar/ /dgra 'dul g.yul bzlog khyed la bstod/ /de nas drang srong chen po ko'u di n+yas dpal lha mo la dpe byad kyi sgo nas bstod pa/ 'jig rten gtso la rtag tu gus phyag 'tshal/ /ma rnams nang na khyod ni rtag tu mchog yin te/ /'jig rten gsum po thams cad khyod la bstod/ /byad bzhin sdug mdzes kun gyis blta bar mos/ /yon tan rnam pa sna tshogs lus rab brgyan/ /mig yangs 'dam skyes sngon po'i 'dab ma 'dra/ /bsod nams ye shes snang ba grags pas brgyan/ /dper na rin thang med pa'i nor bu 'dra/ /deng bdag pad mo khyod la sngags pas kyang / /sems la bsam pa tha~Md 'grub par 'gyur/ /yang dag ye shes gya nom bkra shis pa/ /pad ma lta bur shin du rnam par dag /lus mdog rab mdzes kun gyis lta bar mos/ /mtshan ma yon tan rnam pa sna tshogs brgyan/ /dri med ye shes rab mdzes pa/ /dran pa rnams kyi nang na mchog tu gyur/ /ci ltar seng ge gcan zan mchog gyur bzhin/ /bsngags bstod tshig ni 'di las 'byung ba yis/ /bsam pa'i dngos po thams cad grub par shog /ces bstod do/ /de nas dpal phyag na rdo rjes 'dus pa rnams la bka' stsal pa/ khyed kyis dpal lha mo la bstod pa legs so/ /nga yang bstod pa 'di dag gi don bsgoms shig /yid la rtag tu zlos cig /lha mo 'di la bstod pa ni nga la bstod pa yino/ /sangs rgyas tha~Md la bstod pa yino/ /lha mo des kyang mi</font><hr>98.236a<br><font size=+1>

'di bsrung bar byed do/ /skyob par byed do/ /ci 'dod pa'i dngos grub ster ro zhes bka' stsal pa dang / 'khor de rnams rab du dga' nas bcom ldan 'das phyag na rdo rje la rgyan gyi char chen po phab nas so so'i gnas su 'khod do/ /bstod pa'i rgyal po'i rgyud/   rdzogs s+ho// // </font><hr>

</table>