@#/ /rgya gar skad du/ shrI ma hA kA la tan tra/ bod skad du/ dpal nag po chen po'i rgyud/ dbang gi rta mchog sku la phyag 'tshalo/ /'di skad bdag gis thos pa dus gcig na/ shar lho'i dur khrod chen po ha ha grag du rgod pa'i gnas shing tsan dan gyi nags 'tshal rab du dga' ba'i ming zhes bya ba mi ma yin pho mo mang po 'dus pa'i pho brang du/ dpal nag po chen po zhes bya ba bi nA ya ka la sogs te/ de'i tshe 'khor gdug pa can rnams kyi dbus na/ skye 'gro sems can rnams kyi srog dbugs la dbang byed pa'i nag po chen po zhes bya ba cig yod do/ /de'i tshe de'i dus na nub phyogs kyi 'jig rten gyi khams na/ mthar byed 98.225b pa'i rta'i rgyal po zhes bya ba/ rgyal po chen po bzhi la sogs pa'i 'khor gyis bskor te/ dreg pa can 'dul ba'i ting nge 'dzin la snyoms par zhugs nas lcags kyu'i phyag rgya bcas nas/[ \u0f00] badzra kro d+ha ha ya grI ba hU~M hu lu hu lu hU~M ba~M zhes brjod pas dur khrod ha ha drag du rgod pa'i gnas nag po chen po/ rang dbang med par mthar byed rta'i rgyal po'i mngon du byung ste las ci bya zer zhing rang rtags srog gi snying po 'di mdongs gsol du phul ba/ o~M badzra ma hA kA la k+Shi~M k+She tra big+ha nan bi nA ya ka hU~M hU~M phaT ces phul lo/ /dpal nag po chen po'i rgyud las gleng gzhi'i le'u ste dang po'o// // de nas rgyal po mig mi bzang gis mthar byed rta'i rgyal po la 'di skad ces gsol to/ /e ma pad ma khros pa'i bdag /nag po chen po drag shul can/ /gsang ba'i sgrub pa bshad du gsol/ /mgon po sgrub par bya ba gang / /bsad cing lus srog dbye ba dang / /ma grub shi sa bstan pa dang / /mgon po'i rtags dang ser ba rnams/ /rta mchog chen pos bdag la gsol/ /zhes zhus pas/ de nas pad ma khros pa yis/ /nag po'i sgrub thabs ched du brjod/ /dam tshig ldan pa'i sngags pa yis/ /sangs rgyas bstan pa bsrung slad du/ /gza' skar tshes grangs shis pa la/ /dur khrod la sogs shing gcig tu/ /bsod nams tshogs ni bsags byas la/ /nag po chen po bsgrub par bya/ /phung ba 'am sa nag dag la ni/ /stegs bu gru bzhi byas nas ni/ /dri spos khrag gis chag chag bya/ /dbusu gru gsum zla kham ldan/ /phyi rol pad ma 'dab brgyad bri/ /de dbus thod chen nang du ni/ /sha lnga snying snas brgyan pa yi/ /gtor ma bshos bu khru gang tshad/ /de la mda' gzugs dmar nag dar/ /gri snying tsa ka li yang gzugs/ /de nyid mgon po'i rten du bzhag / 98.226a Da ma ru yi lpags pa'i nang / /mgon po'i srog sngags bri bar bya/ /ldo yi nang du bla rdos dril/ /spos dang rgyun gtor gtang bar bya/ /dkon mchog spyi la mchod pa bsham/ /de nas pad mar bdag bsgoms la/ /thugs ka'i hrI las 'od 'phros pas/ /bla ma sangs rgyas la sogs pa/ /rang gi mdun du bsam byas la/ /mchod pa rnam lnga dbul bar bya/ /rnam dag bdun gyi 'og tu ni/ /tshad med bzhi po bsgom par bya/ /btang snyoms la sogs ba~M ra~M tri/ /pad stengs yi ge hU~M las ni/ /nag po zhal gcig phyag drug pa/ /gri gug phreng ba Da ma ru/ /thod pa mdung dang zhags pa bsnams/ /g.yas g.yon rim pas bsnams pa'o/ /sbrul dang rin chen rgyan gyis brgyan/ /sku smad ba ti khra bo gsol/ /stag lpags zhing gi sham thabs can/ /gtum po spyan gsum mche ba gtsigs/ /dpral bar dri yi thig les brgyan/ /spyi gtsug mi bskyod sprul sku brtan/ /de ltar bdag mdun gsal bsgoms nas/ /spyan drangs mchod dang bzlas pa bya/ /gtor ma pU dza la sogs pas/ /nag po che la sbyin par bya/ /mgon po'i thugs ka'i hU~M las ni/ /srog gi yi ges g.yas nas bskor/ /khor yug dag gis bzlas par bya/ /\u0f00 badzra ma hA kA la k+Shi~M k+She tra big+ha nan bi nA ya ka hU~M hU~M phaT/ de skad ces ni rab brjod pas/ /nag po grub pa'i rtags rnams 'byung / /dpal nag po chen po'i rgyud las bsnyen cing bsgrub pa'i le'u ste gnyis pa'o// // de nas yang dag bshad bya ba/ /sang+yas bstan pa bshig pa dang / /rnal 'byor bar chad byed pa rnams/ /nag po chen pos bsgral 'dod na/ / 98.226b stegs bu gru bzhi byas nas kyang / /drag po e yi nang du ni/ /pho mo rabs chad thod pa'i nang / /gzugs ni spra tshil dag la bya/ /ming rus dag ni bkod nas kyang / /bsad dang na ba skabs dang sbyar/ /mgon po'i sku dang dam rdzas rnams/ /kha dang kha la dgod par bya/ /phag thod nang du thun rdzas blugs/ /rta gtor rgyun gtor g.yas dang g.yon/ /gsang sngags 'di yis bsad par bya/ /\u0f00 badzra ma hA kA la k+Shi~M k+She tra ya big+ha nan bi nA ya ka hU~M hU~M phaT/[ \u0f00] ma hA kA la ya shA sa na u pa ka ri Ni Sha A pa ma kA lo yang ida~M rat+Na tra yA ya a pa kA ri Na~M ya di pra ti dz+nyA sma ra si ta dA i da~M duSh+Ta na kha kha kh+hI kh+hI/ mA ra mA ra/ g+h+r-ih+Na g+h+r-ih+Na/ ban d+ha ban d+ha/ ha na ha na/ da ha da ha/ pa tsa pa tsa/ di na me ke na mA ra ya hU~M hU~M phaT phaT/ hU~M bi nA ya ka bi las tra~M bi hri hU~M dza si ma bu bi nA ya ka a mu ka bri srog hur thums dza ma ra ya rbad/ drag sngags bzlas shing thun gyis brab/ /zhag bdun bar du smra mi bya/ /de la rtags rnams rdzogs par 'gyur/ /dpal nag po chen po'i rgyud las lus srog dbye ba'i le'u ste gsum pa'o// // de nas yang dag bshad bya ba/ /las mtha' sbyin sreg dag gis brtul/ /gru gsum dbusu gdug pa'i shing / /dbusu nag po 'khor bcas bskyed/ /ling ka gtor ma dam rdzas rnams/ /nag po'i zhal du dbul bar bya/ /sngags 'di bzlas shing bsreg par bya/ /ag ne dz+wa la ra~M las rdzogs/ /thal ba rlung dmar dag la bskur/ /a mo g+ha ni myur du klog /dpal nag po chen po'i rgyud las mtha' brtul ba'i le'u ste bzhi pa'o// // 98.227a de nas yang dag bshad bya ba/ /de ltar bsgrubs kyang ma grub na/ /gcig dang gnyis la nan tan bskyed/ /de ltar byas kyang ma grub na/ /sa gsum khrag gsum dugasum la/ /khru gang ba'i gzugs kyi tshad/ /gru gsum dbusu nag po'i gzugs/ /spyi tshar dag tu lding du gzhug /bris sku dam rdzas bla rdo rnams/ /rang gi gru gsum mal gyi 'og /dug dang tsher mas steng nas dgab/ /thun rdzas brab cing sngags 'di bzlas/ /o~M badzra kro d+ha ha ya gr-I ba hU~M hu lu hu lu hU~M phaT/ phaT hU~M hU~M ka ya nA bi ga nan g+ha bi tra k+She k+Shi~M la kA hA ma badzra \u0f00/ de skad brjod cing thun gyi brab/ /de la rtags rnams rdzogs pa dang / /de nas gso ba'i cho ga bya/ /bris sku bla rdo dam rdzas rnams/ /spos chus bkru zhing sngags 'di bzlas/ /\u0f00 badzra ma hA kA la k+ShiM k+She tra big+ha nan bi nA ya ka hU~M hU~M phaT sos sos swA hA/ de skad byas la gnasu ni/ /mgon po'i gzugs kyang spos chus bkru/ /gru gsum dbusu blangs byas la/ /dgra bo'i ming rus snying gar gzhug /zhag bdun bsgrubs la dgra la bskyal/ /a mo g+ha ni myur du bklag /dpal mgon po nag po'i rgyud las ma grub na spogs pa'i cho ga dang gso ba'i le'u ste lnga pa'o// //de nas yang dag bshad bya ba/ /bya nag 'phur zhing lding ba dang / /mos pa a tsa ra dang ni/ /dge bshes ban de slob dpon dang / /'od dang sgra dang khang pa 'tshigs/ /mgon po'i sku dag dngosu mthong / /dgra la dmag drangs sems can bsad/ /mi nag bdag la snying stobs dang / /mdze po dang ni sprang po dang / /bya nag thang la lhung ba 'byung / /dpal mgon po nag po'i rgyud las rtags kyi rim pa'i le'u 98.227b ste drug pa'o// // de nas yang dag bshad bya ba/ /ser ba dbab pa'i las bya na/ /mon nam mdze can thod pa ru/ /'khor lo rtsibs bzhi bris nas kyang / /rigs lnga klu yi sa bon dgod/ /rtsibs chen ser srung ming rus dang / /yul du phob ces bya ba bris/ /de mthar 'khor lo rtsibs dgu la/ /dregs pa'i sngags dag bri bar bya/ /rgyab du gang yin yul ming dang / /rlung gi snying po bri bar bya/ /bdag nyid pad ma khros par bsgom/ /gsang sngags 'di yis gnad la bor/ /\u0f00 badzra ma hA kA la k+Shi~M k+She tra big+ha nan bi nA ya ka hU~M hU~M phaT/ nA ga snying gzir/ phu hur thums dza phro shar hril b+h+yo/ /de skad ces ni rab brjod la/ /yungs dkar yungs nag ske tshe dang / /khrag dang dug gis thod par brab/ /lo 'bras rlung khyer rtags byung na/ /dgra yi yul du dbab par bya/ /gal te 'jig rten phung ba ba'o/ /dpal mgon po nag po'i rgyud las ser ba dbab pa'i le'u ste bdun pa'o// // de nas yang dag nges gsungs pa/ /e ma 'khor 'dus ngo mtshar can/ /ma 'ongs dam can bsgrub byed na/ /dam tshig la gnas sdom pa gzungs/ /gtor ma dag la brtson par bya/ /dam rdzas bla rdo lus la bsrel/ /zhes gsungs pas rgyal po mig mi bzang la sogs pa'i 'khor rnaMs yi rang nas nag po chen pos bstan pa bsrung bar khas blangs nas mi snang bar gyur to/ /dpal nag po chen po'i rgyud las le'u brgyad pa rdzogs s+ho// // rgya gar gyi mkhan po a mo g+ha badzra dang / bod kyi 98.228a lo tsa ba phur bu 'od kyis bsgyur ba'o// // |