de nas bcom ldan 'das nor rgyun ma'i rtog pa bshad par bya ste/ dang po re shig dpyid zla tha chungs kyi dkar po'i phyogs kyi tshes gcig la rgya mtshor 'bab pa'i chu bor song ste/ de nas nu ma'i bar chu'i nang du nub par byas te 'dug la nyi ma la mngon du phyogs par yongasu brtags la ji snyed gnas kyi bar du bzlas pa bya'o/ /bza' ba tha~Md spangs te/ nyon mongs shing smra bcad byas te/ nub bdun du bzlas pa bya'o/ /de nas bcom ldan 'das ma'i thang sku yang dbu skra ma gtog pa gur gum dang / tsan dan gyis byug par bya ba ni nub mo snga bar la~Ms te/ mchur khru bdun zheng du khru gsum ste/ khru bcu dang bcas pa la tshon sna ma lus pa gso sbyong dang ldan pa'i lha bzos bac+doMs ma mdog ljang ser sna tshogs pa'i rgyan gyis brgyan pa/ phyag g.yas pa na 'bras bu chen po bsnams pa/ phyag g.yon pa na sgrub pa po rnams la ster ba'i rin po che'i za ma tog mu tig dang / rdo rje pha lam dang / bai dUr+ya'i 'bras bu can bsnam pa'i phyag dang ldan pa bya'o/ /steng du lha'i bu rin po che'i char mngon du 'bebs bzhin pa bya'o/ /g.yas logasu dpal chen mo pad+ma'i phyag can sgrub pa po la nye bar dgongs pa la gnas bzhin pa bya'o/ /g.yon logs 98.222b su pad+ma'i dpal rin po che yis snyim pa gang ba bya'o/ /'og tu sgrub pa po pad+ma'i lag pa can bya'o/ /de nas thang sku sku gdung dang bcas pa'i mchod rten gyi drung du nub phyogasu kha stan la bkra~M ste/ de nas nye bar spyod pa'i gtor ma ma gtogs pa mdzod kyi bzhes pa yang dbul zhing dri zhim po'i me tog gis mchod pa chen po byas la tsan dan dang a ga ru'i bdug pas bsreg par bya'o/ /zhun 'bar gyi mar me brgya dbul bar bya'o/ /de nas stan gcig la gnas te bcom ldan 'das ma'i zhal la dmigs la nub mo mtshan bzlas pa byas na/ de nas skya reng shar ba'i dusu skyes bu chen po tsam gyi nor rin po che tha~Md kyi rgyun 'bab cing khang pa gang bar 'gyur ro/ /yang na mtshan mo phyed na chu'i nang du zhugs la brgyad brgya bzlas par bya'o/ /zla ba gcig du gcig gi sbyor bas nor gyi rgyun 'bab par 'gyur te/ mi shes par kha cig 'phel bar 'gyur ro/ /yang na rgyal po'i skor mngon par 'dod na nyin mo chu'i nang du bzlas pa bya zhing mtshan mo'i phyed ni til gyi sbyin sreg brgyad brgya byas na rgyal rigs las rnyed pa chen po thob po/ /yungs kar mar las bsres nas sbyin sreg byas na rgyal po dbang du byed do/ /kun du ra'i sbyin sreg byas na rgyal po'i blon po dbang du byed do/ /kha cig gis sbyor ba gang gis mtshan mo bac+doMs pad+ma'i gdan byas na sbyin bdag chen por 'gyuro/ /yang na sgrub thabs chen po bshad par bya ste/ cho 'phrul gyi dkar po'i phyogs kyi tshes gcig nas brtsams te/ zas ci srid du bcad nas gdung dang bcas pa'i mchod rten gyi drung du thang ka nub phyogasu bstan la dgram zhing / 98.223a nyin mo shes rab kyi pha rol tu phyin pa bklag cing mtshan mo stan gcig la gnas pas nub yal gyis bzlas pa byas na nor gyi phung po chen po rnyed de/ 'thor gnod byas kyang mdzad par mi 'gyur te/ lha khang chen po bya'o/ /cho ga 'di'i cho 'phrul gyi dkar po'i phyogs la bzlas pa byas na 'khor los sgyu ba thob cing / bac+doMs ma nor rgyun ma dngosu mthong zhing phyir mi ldog pa'i byang chub sems dpar 'gyuro/ /ci ltar de ltar tshangs spyod bya zhing kha na ma tho ba'i zas chang dang / nya sha la sogs pa spang zhing mtshan mo bzlas pa byas na dbul por mi 'gyuro/ /de nas bcom ldan 'das la 'phags pa kun dga' bo dang / zla ba bzang po yongasu dga' nas khyim bdag zla ba bzang po'i don du gsungs pa la mngon par bstod do/ /bac+doMs ma nor rgyun ma'i rtog pa rdzogs s+ho// |