@##/ /rgya gar skad du/ gra ha mA tri ka nA ma d+hA ra NI/ bod skad du/ gza' rnams kyis yum zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das 'brog gnas kyi grong khyer chen po na/ lha dang / klu dang / gnod sbyin dang / srin po dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / bdud dang / nyi ma dang / zla ba dang / mig dmar dang / pa ba sangs dang / phur bu dang / gza' lhag dang / spen pa dang / sgra gcan 'dzin dang / 'jug rings rnams dang / rgyu skar nyi shu rtsa brgyad la sogs pa mang po rnams kyis bstod pa/ rdo rje chen po'i dam tshig gis byin gyis brlabs kyis rdo rje'i khri la bzhugs so/ /byang chub sems dpa' du ma dang yang thabs cig ste/ 98.215a 'di ltar byang chub sems dpa' sems dpa' chen po phyag na rdo rje dang / byang chub sems dpa' sems dpa' chen po rdo rje gtum po dang / byang chub sems dpa' sems dpa' chen po rdo rje sde dang / byang chub sems dpa' sems dpa' chen po phyag na rdo rje gzhu can dang / byang chub sems dpa' sems dpa' chen po rdo rje'i bdag po dang / byang chub sems dpa' sems dpa' chen po rdo rje'i rgyan dang / byang chub sems dpa' sems dpa' chen po rdo rje'i 'od dang / byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po kun tu gzigs dang / byang chub sems dpa' sems dpa' chen po 'jig rten dpal dang / byang chub sems dpa' sems dpa' chen po pad ma'i tog dang / byang chub sems dpa' sems dpa' chen po zhal ras rgyas pa dang / byang chub sems dpa' sems dpa' chen po pad ma'i snying po dang / byang chub sems dpa' sems dpa' chen po pad ma'i spyan dang / byang chub sems dpa' sems dpa' chen po 'jam dpal gzhon nu dang / byang chub sems dpa' sems dpa' chen po byams pa la sogs pa byang chub sems dpa'i dge 'dun rnams kyis bskor cing mdun gyis bltas pa la chos ston to/ /bkod pa chen po'i rgyan gyi nor bu zhes bya ba thog mar dge ba dang / bar du dge ba dang / tha mar dge ba dang / don bzang po dang / tshig 'bru bzang po/ ma 'dres pa/ yongasu dag pa/ yongasu byang ba'i chos ston to/ /de nas phyag na rdo rjes 'khor de dag la bltas te/ langs nas rang gi rdzu 'phrul gyi byin gyis brlabs kyis/ bcom ldan 'das la lan brgya stong du mar bskor ba 98.215b byas te phyag 'tshal nas spyan sngar 'dug ste/ snyems pa dang bcas pas skyil mo dkrung legs par bcas nas/ 'khor de dag la 'gying bag tu bltas te/ rdo rje'i thal mo rang gi snying gar bzhag nas/ bac+doMs la 'di skad ces gsol to/ /bcom ldan 'das gza' mi bzad pa/ mi bzad pa'i gzugs can/ drag shul gyi sems dang ldan pa/ khro ba/ khro ba'i gzugs can dag sems can tha~Md la 'tshe bar bgyid pa/ tho 'tsham par bgyid pa/ mdangs kyang 'phrog par bgyid cing / kha gcig nor zas 'phrog par bgyid/ kha cig ni srog 'phrog par bgyid/ sems can tshe ring ba kha cig ni tshe thung ngur bgyid do/ /de ltar sems can thams cad la gnod cing 'tshe bar bgyid pa de rnams kyi slad du bcom ldan 'das kyis chos kyi rnams grangs gang gis sems can thaMd la bsrung bar 'gyur ba bshad du gsol/ bcom ldan 'das kyis bka' stsal pa/ gang yang khyod kyis snying rje bskyed pas sems can thams cad la phan par bya ba'i phyir gsang chen bas kyang ches gsang ba de bzhin gshegs pa la zhu bar byed pa legs so legs so/ /de'i phyir legs par rab tu nyon la yid la zung shig dang / gza' mi bzad pa'i gzugs can shin du khro ba dang / shin du 'jigs par byed pa rnams kyis mchod pa dang / mchod yon dang / bzlas brjod bzang po gsang ba bas kyang ches gsang ba ngas bshad do/ /de dag mchod pas mchod gyur cing / /gnod pa byas na gnod byed dang / /gza' de kun gyi kha dog dang / /ji lta bur ni 'gyur ba dang / /lha rnams dang ni lha min dang / /mi 'am ci dang klu dag dang / /gnod sbyin rnams dang srin po dang / /mi rnams dang ni mi ma yin/ /drag po 98.216a gzi brjid chen po dang / /khros pa zhi bar byed pa de'i/ /gsang sngags rnams dang mchod pa dang / /rim pa bzhin du bshad par bya/ /de nas bcom ldan 'das de bzhin gshegs pa shAkya thub pa nyid kyi thugs ka nas snying rje rnam par rol pa zhes bya ba'i 'od zer bkye ste/ /gza' rnams kyi spyi bor zhugs so/ /de nas de'i mod la nyi ma la sogs pa'i gza' thams cad langs te/ bac+do~Ms de bzhin gshegs pa shAkya thub pa la lha rdzas kyi mchod pa byas te/ phyag 'tshal nas pus mo btsugs nas thal mo sbyar ba byas te/ bac+do~Ms la 'di skad ces gsol to/ /bac+do~Ms de bzhin gshegs pa dgra bcom pa yang dag par rdzogs pa'i sangs rgyas kyis bdag cag la sman yon btags par gyur to/ /bcom ldan 'das kyis chos kyi rnam grangs gang gis bdag cag rnams la sogs pas chos smra ba rnams la bsrung bar 'gyur ba dang / yongs su bskyab pa dang / zhi ba dang / bde legs su 'gyur ba dang / mtshon cha spang ba dang / chad pa spang ba dang / dug gzhil ba dang / dug gsad pa dang / mtshams bcad pa dang / sa bcing ba rnams bgyid par 'gyur ba bshad du gsol/ de nas bcom ldan 'das de bzhin gshegs pa shAkya thub pas gza' rnams mchod pa dang / gsang sngags bka' stsal to/ /o~M mai g+hol gA ya swA hA/ o~M shi ta~M sha be+e swA hA/ o~M raka ta o~M ga ku ma ra ya swA hA/ o~M bu da ya swA hA/ o~M b+h+r-i haspa ti ye swA hA/ o~M a su rod ta ma ya swA hA/ o~M kr-iSh+Na bar+N+Na ye swA hA/ o~M a mr-i ta pri yA ya swA hA/ o~M dz+h+yo ti ke ta bai swA hA/ lag na rdo rje 'di dag ni gza' dgu'i gsang sngags kyi snying po bklags pas grub pa yin te/ kha dog dang 'thun par spos kyis dkyil 'khor sor 98.216b bcu gnyis pa byas pa'i dbus su mchod par bya'o/ /kham pa 'am/ zangs la sogs pa 'am/ gser dang dngul gyi snod du mchod yon phul nas/ re re la yang bzlas brjod brgya rtsa brgyad bya'o/ /lag na rdo rje de'i 'og tu gza' rnams kyi yum zhes bya ba'i gzungs kyi gsang sngags kyi tshig lan bdun brjod par bya'o/ /de nas gza' rnams tha~Md bsrung ba byed par 'gyur ro/ /dbul ba'i gdon las thar bar 'gyur ro/ /tshe zad pa las tshe ring por byed par 'gyur ro/ /lag na rdo rje dge slong dang / dge slong ma dang / dge bsnyen dang / dge bsnyen ma dang / gzhan yang sems can gyi rigs gang yin pa dang / gang dag gis rna lam du grag pa de dag kyang dus ma yin par 'chi ba'i dus byed par mi 'gyur ro/ /phyag na rdo rje gza' rnams kyi dkyil 'khor gyi dbusu mchod par bya ste/ nyin gcig bzhin du klog par byed pa'i chos smra ba gang yin pa de la gza' tha~Md bdag nyid kun gyis bsam pa tha~Md yongasu rdzogs par byed par 'gyur ro/ /de dang rigs gcig pa rnams kyi dbul ba yang sel bar byed do/ /de nas bac+doMs de bzhin gshegs pa shAkya thub pas gza' rnams kyi yum zhes bya ba bka' stsal pa/ sangs rgyas la phyag 'tshal lo/ /rdo rje 'chang la phyag 'tshal lo/ /pad ma 'chang la phyag 'tshal lo/ /bsam pa tha~Md yongasu rdzogs par byed pa'i gza' rnams la phyag 'tshal lo/ /rgyu skar rnams la phyag 'tshalo/ /gza' khyim bcu gnyis po rnams la phyag 'tshalo/ /tad ya thA/ bud d+he bud d+he/ badzre badzre/ pad+me pad+me/ sa ra sa ra/ pra sa ra pra sa ra/ sma ra sma ra/ kri+A DA ya kri+A DA ya/ 98.217a mA ra ya mA ra ya/ mar+d+ha ya mar+d+ha ya/ g+hA ta ya g+hA ta ya/ sarba big+hA na~M/ ku ru ku ru/ ts+tshin d+ha ts+tshin d+ha/ k+ShA pa ya k+ShA pa ya/ shAn te shAn te/ dAn te dAn te/ dA ma ya dA ma ya/ bcom ldan 'das ma bdag nyid myur du bstan du gsol/ bdag 'khor dang bcas pa dang / sems can tha~Md la bsrung du gsol/ bsrung du gsol/ gza' tha~Md dang / rgyu skar rnams kyi gnod pa bzlog tu gsol/ bcom ldan 'das ma rdzu 'phrul chen po mnga' ba sdang ba'i sems can rnams bsal du gsol/ bdag gi sdig pa rnams skam du gsol/ /tsaN De tsaN De/ tu ru tu ru/ tsaN De ni tsaN De ni/ mu yu mu yu/ mu tsu mu tsu/ ba ha ba ha/ u gre u gra ta me/ pU ra ya me/ ma no ra tha~M pa ri pu ra ya/ sarba ta thA ga ta a d+hiSh+Thi te sa ma ye swA hA/ o~M swA hA/ hU~M swA hA/ hrIM swA hA/ d+h+ru~M swA hA/ d+h+r-i~M swA hA/ pad+ma d+ha rA swA hA/ a di t+ya ye swA hA/ sau ma ya swA hA/ d+ha ra Ni su tA ya swA hA/ b+hud ya swA hA/ b+h+r-i has+pha ti ye swA hA/ shu krA ye swA hA/ kr-iSh+Na brna ye swA hA/ ra ha be swA hA/ ke ta be+e swA hA/ bud d+ha ya swA hA/ badzra d+ha rA ya swA hA/ pad+ma d+ha rA ya swA hA/ ku ma ra ya swA hA/ sarba gra he b+h+ya swA hA/ sarba nak+Sha tre b+h+ya swA hA/ sarba dwa da sha rA shi naM b+h+ya swA hA/ sarba u pa tra be b+h+ya swA hA/ o~M sarba bi d+ye hU~M hU~M phaT phaT swA hA/ phyag na rdo rje 'di ni gza' rnams kyi yum zhes bya ba'i gzungs kyi gsang sngags kyi tshig dngos grub thams cad kyi gzhi yin no/ /phyag na rdo rje gang yang gza' rnams kyi gzungs kyi gsang sngags kyi tshig 'di dag ston zla tha chungs yar gyi ngo'i tshes bdun nas brtsams te gso sbyong dang ldan par byas te/ tshes bcu bzhi'i bar du gza' 98.217b rnams la mchod pa byas te gzungs bar bya'o/ /de nas zla ba nya'i nyin mtshan thog thag bklags na de dag la lo dgu'i bar 'chi ba'i 'jigs pa mi 'byung ngo / /gza'i 'jigs pa dang / skar mda' ltung ba dang / rgyu skar gyi gnod pas 'jigs par mi 'gyur ro/ /tshe rabs dran par 'gyur ro/ /gza' thams la mchod pa byas par 'gyur ro/ /tha~Md kyis ci 'dod pa sbyin par byed do/ /de nas bcom ldan la gza' rnams kyis phyag 'tshal te/ legs so legs so zhes gsol te mi snang bar gyur to/ /gza' rnams kyi yum zhes bya ba'i gzungs rdzogs s+ho// // |