J650

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J650</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J650&coll=lithang">see text in Tibetan script</a></table>98.161a<br><font size=+1>

@#/ /rgya gar skad du/  ma hA sa mA dza su tran nA ma ma hA sU tra/  bod skad du/  mdo chen po 'dus pa chen po'i mdo zhes bya ba/ dkon mchog gsum la phyag 'tshal lo/ /'di skad bdag gis</font><hr>98.161b<br><font size=+1>

thos pa dus gcig na/ bcom ldan 'das shAkya rnams kyi ser skya'i gnas kyi nags tshal na/ dge slong lnga brgya tha~Md kyang dgra bcom pa/ zag pa zad pa/ bya ba byas pa/ byed pa byas pa/ khur bor ba/ bdag gi don rjesu thob pa/ srid par kun du sbyor ba yongasu zad pa/ yang dag pa'i shes pas sems shin du rnam par grol ba sha stag dang thabs gcig tu bzhugs so/ /de nas bac+do~Ms dge slong gi dge 'dun la mya ngan las 'das pa dang ldan pa'i chos kyi gtaM ston par mdzad de/ de'i tshe na phyogs bcu kun gyi 'jig rten gyi khaMs dag nas/ dbang che bar grags pa dbang che bar grags pa'i lha dag lhags nas/ bac+do~Ms dang dge slong gi dge 'dun la bsnyen bkur byed do/ /de nas tshangs rigs kyi lha tshangs pa'i 'jig rten gnas pa bzhi zhig 'di snyam du sems te/ sang+yas bac+do~Ms de ni shAkya rnaMs kyi ser skya'i gnas kyi nags tshal na/ dge slong lnga brgya tha~Md kyang dgra bcom pa zag pa zad pa/ bya ba byas pa/ byed pa byas pa/ khur bor ba/ bdagi don rjesu thob pa/ srid par kun du sbyor ba yongasu zad pa/ yang dag pa'i shes pas sems shin tu rnam par grol ba sha stag dang thabs gcig tu bzhugs so/ /de nas bcom ldan 'das dge slong gi dge 'dun la mya ngan las 'das pa dang ldan pa'i chos kyi gtaM ston par mdzad de/ de'i tshe na phyogs bcu kun gyi 'jig rten gyi khams dag nas dbang che bar grags pa dbang che bar grags pa'i lha dag lhag nas bcom ldan 'das dang /  dge slong gi dge 'dun la bsnyen bkur byed kyis bdag cag kyang song la/ bcom ldan 'das la re re nas tshigasu bcad pas mngon par bstod par bya gor ma chag snyam mo/ /de nas tshangs ris kyi lha bzhi po dag 'di lta ste/ dper na skyes bu stobs dang ldan pas lag pa bskum pa las brkyang ba 'am/ brkyang ba las bskum pa tsam gyis tshangs pa'i 'jig rten nas mi snang bar gyur cing / bac+do~Ms kyi spyan sngar lhags te/ </font><hr>98.162a<br><font size=+1>

phyogs gcig tu 'khod nas/ tshangs ris kyi lha gcig gis tshigasu bcad de gsol ba/ 'dus pa che la gzhol ba yi/ /lha tshogs kun nas lhags gyur pas/ /gzhan gyis mi thub dge 'dun la/ /blta ba'i slad du bdag cag mchis/ /tshangs ris kyi lha gnyis pas tshigasu bcad de gsol ba/ drang por gyur pa'i seMs kyis ni/ /'di na dge sbyong rab brtson pa/ /kha lo ba ltar mig blangs shing / /dbang po rnams ni legs sdom bgyid/ /tshangs ris kyi lha gsum pas tshigasu bcad de gsol ba/ dbang phur 'od ba 'obs 'dra ba'i/ /phur bu rab bcom bkrir mi tshugs/ /de dag sred bral dag spyod cing / /'dren pas glang po gzhon ltar btul/ /tshangs ris kyi lha bzhi pas tshigasu bcad de gsol ba/ gang dag sangs rgyas skyabs mchi ba/ /de dag ngan 'gror mi mchi zhing / /mi lus spangs par gyur nas kyang / /lha'i lus ni thob par 'gyur/ /tshangs ris kyi lha bzhi po dag gis de skad ces gsol nas de nyid na bag bcum ste 'khod do/ /de nas bac+doMs kyis lha'i 'khor tha~Md la rnam par gzigs nas/ dge slong rnams la bka' stsal pa/ dge slong dag kye ma lha rnams kyi 'dus pa 'di ni che ba yin no/ /dge slong dag kye ma lha rnaMs kyi 'dus pa 'di ni shin tu che ba yin te/ de bzhin gshegs pa dgra bcom pa yang dag par rdzogs pa'i sangs rgyas gang dag 'das pa'i dus na byung bar gyur pa'i sangs rgyas bac+doMs de dag la yang 'di lta ste/ dper na da ltar nga'i lha rnaMs kyi 'dus pa chen po 'di kho na lta bu dag 'dus par gyur to/ /de bzhin gshegs pa dgra bcom pa yang dag par rdzogs pa'i sangs rgyas gang dag ma 'ongs pa'i dus na 'byung bar 'gyur ba'i sang+yas bac+doMs de dag la yang 'di lta ste/ dper na da ltar nga'i lha rnaMs kyi 'dus pa chen po 'di kho na lta bu dag 'du bar 'gyuro/ /dge slong dag lha rnaMs kyi ming dag brjod par byas/ lha rnams kyi mi dag zung shig /gang dag sa la gnas pa dang / /gang dag ri khrod gnas</font><hr>98.162b<br><font size=+1>

pa rnams/ /seng ge bzhin du tha dad la/ /sems bsdus mnyam par bzhag byas shing / /kun nas 'dus par gyur pa ni/ /spu dag zing zhes byed pa yin/ /gang dag sa la gnas pa dang / /gang dag ri khrod gnas pa rnams/ /seng ge bzhin du tha dad la/ /sems bsdus mnyam par bzhag byas shing / /kun nas 'dus gyur spu zing zhes/ /byed pa bdagis brjod par bya/ /yid byad dag cing rab dang la/ /rnyog med 'chi bdag spangs ba rnams/ /tshangs pa'i 'jig rten mthar thug pa'i/ /lha dang mi yi bar na 'khod/ /slob ma lnga brgya phrag gnyis dang / /gzhan yang brgya dang bcu dag dang / /stong phrag du ma rnams dag gi /lha rnams 'dus par gyur pa dag /mtha' nas mtha' ma mi mthong zhing / /phyogs rnaMs tha~Md khyab gyur pa/ /sangs rgyas kyis ni de mkhyen nas/ /de bzhin gshegs pas rnaMs gzigs te/ /de nas ston pas bstan dga' ba'i/ /nyan thos rnams la dge slong dag /lha tshogs mngon par lhags gyur kyis/ /nges par rtogs shes bka' stsal pa/ /tshigasu bcad pas mthar chags kyis/ /de dag rnams kyi ming brjod kyis/ /rtse gcig gyur pa'i yid kyis ni/ /nga yi bshad pa mnyan par gyi/ /ser skya'i gnas kyi nags tshal gyi/ /gnod sbyin stong phrag bdun po dag /ser skya'i gnas kyi nag tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /gser can stong phrag drug po kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnaMs/ /dge slong rnams la phyag 'tshal zhing / /'dus pa'i tshul du mngon par zhugs/ /shar phyogs rnam rgyal tshal gyi ni/ /ri mnyam stong phrag gsum po dag /ser skya'i gnas kyi nags tshal ni/ /</font><hr>98.163a<br><font size=+1>

snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /de ltar stong phrag bcu drug kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnaMs dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnaMs/ /dge slong rnaMs la phyag 'tshal zhing / /'dus pa'i tshal du mngon par zhugs/ /gnod sbyin chu srin rgyal po'i khab/ /yangs pa la ni rtag gnas shing / /brgya stong phrag ni mang po yi/ /gnod sbyin bsnyen bkur byed pa dang / /gang dag de yi 'khor rnaMs dang / /de yang 'dus pa'i nang du 'ongs/ /rdzu 'phrul ldan zhing 'od dang ldan/ /kha dog ldan zhing grags ldan rnaMs/ /dge slong rnams la phyag 'tshal zhing / /'dus pa'i tshal du mngon par zhugs/ /kun gyi bshes gnyen lnga brgya dang / /rdzu 'phrul chen po kun gyi lha/ /gang dag de yi 'khor rnams dang / /de gnyis kyang ni 'dus par lhags/ /rdzu phrul ldan zhing 'od dang ldan/ /kha dog ldan zhing grags ldan rnaMs/ /dge slong rnaMs la phyag 'tshal zhing / /'dus pa'i tshal du mngon par zhugs/ /shar phyogs mngon par skyong byed pa/ /rgyal chen grags dang ldan pa ni/ /dri za'i bdag po rgyal po ste/ /ming ni yul 'khor srung zhes bya/ /de ni nye du lhan cig tu/ /glu dang gar gyis rtag tu rtse/ /gang dag de yi 'khor rnaMs dang / /de yang 'dus pa'i nang du 'ongs/ /rdzu 'phrul ldan zhing 'od dang ldan/ /kha dog ldan zhing grags ldan rnaMs/ /dge slong rnaMs la phyag 'tshal zhing / /'dus pa'i tshal du mngon par zhugs/ /de la bu ni mang yod de/ /brgyad bcu dang ni bcu dang gcig /de dag ming 'thun grags pa ni/ /dbang po zhes bya stobs po che/ /lha dang lha</font><hr>98.163b<br><font size=+1>

min g.yul 'gyed par/ /kun du gzhan gyis mi thub par/ /gang dag de yi 'khor rnaMs dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /lho phyogs mngon par skyong byed pa/ /rgyal chen grags dang ldan pa ni/ /grul bum bdag po rgyal po ste/ /ming ni 'phags skyes po zhes bgyi/ /de ni nye du lhan cig tu/ /glu dang gar gyis rtag tu rtse/ /gang dag de yi 'khor rnaMs dang / /de yang 'dus pa'i nang du 'ongs/ /rdzu 'phrul ldan zhing 'od dang ldan/ /kha dog ldan zhing grags ldan rnaMs/ /dge slong rnaMs la phyag 'tshal zhing / /'dus pa'i tshal du mngon par zhugs/ /de la bu ni mang yod de/ /brgyad bcu dang ni bcu dang gcig /de dag ming 'thun grags pa ni/ /dbang po zhes bgyi stobs po che/ /lha dang lha min g.yul 'gyed par/ /kun du gzhan gyis mi thub pa/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnaMs/ /dge slong rnaMs la phyag 'tshal zhing / /'dus pa'i tshal du mngon par zhugs/ /nub phyogs mngon par skyong byed pa/ /rgyal chen grags dang ldan pa ni/ /klu yi bdag po rgyal po ste/ /ming ni mig mi bzang zhes bgyi/ /de ni nye du lhan cig tu/ /glu dang gar gyis rtag tu rtse/ /gang dag de yi 'khor rnaMs dang / /de yang 'dus pa'i nang du 'ongs/ /rdzu 'phrul ldan zhing 'od dang ldan/ /kha dog ldan zhing grags ldan rnaMs/ /dge slong rnams la phyag 'tshal zhing / /'dus pa'i tshal du mngon par zhugs/ /de la bu ni mang yod de/ /brgyad bcu dang ni bcu dang gcig /de dag ming 'thun grags pa ni/ /dbang po zhes bgyi stobs po che/ /lha dang lha min g.yul 'gyed par/ /kun du gzhan gyis mi thub pa/ /gang dag de yi 'khor rnams dang / /de dag kyang ni 'dus par lhags/ /</font><hr>98.164a<br><font size=+1>

rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /byang phyogs mngon par skyong byed pa/ /rgyal chen grags dang ldan pa ni/ /gnod sbyin bdag po rgyal po ste/ /ming ni lus ngan po zhes bya/ /de ni nye du lhan cig tu/ /glu dang gar gyis rtag tu rtse/ /gang dag de yi 'khor rnams dang / /de yang 'dus pa'i nang du 'ongs/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /de la bu ni mang yod de/ /brgyad bcu dang ni bcu dang gcig /de dag ming 'thun grags pa ni/ /dbang po zhes bya stobs po che/ /lha dang lha min g.yul 'gyed par/ /kun du gzhan gyis mi thub pa/ /gang dag de yi 'khor rnaMs dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnaMs la phyag 'tshal zhing / /'dus pa'i tshal du mngon par zhugs/ /shar phyogs na ni yul 'khor srung / /lho phyogs na ni 'phags skyes po/ /nub phyogs na ni mig mi bzang / /byang phyogs na ni lus ngan po/ /rgyal po chen po de bzhi dag /'jig rten skyong ba grags dang ldan/ /rdzu 'phrul chen po stobs po che/ /phyogs bzhi dag ni skyong bar byed/ /gang dag de yi 'khor rnaMs dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /de dag gi ni khol po rnams/ /mchod rten mang la gnas bcas pa/ /slu byed g.yon can sgyu ma can/ /sgyu ma shes dang rnaMs shes dang / /ngan spong khro gnyer lhan cig tu/ /de tshe rdzu 'phrul ston cing lhags/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /</font><hr>98.164b<br><font size=+1>

kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /gnod sbyin dang / gnod sbyin chen po dang / gnod sbyin gyi sde dpon dang / dmag dpon 'di dag kyang der kun nas lhags te/ 'di lta ste/ dbang po zla ba chu lha dang / /b+ha ra dwa dza skye dgu'i bdag /dbang ldan tsan dan 'dod gtso dang / /mgrin ngan dang ni mgul nges dang / /spobs ldan nor bu nor spyod dang / /sgra rab dang ni nye lnga dang / /ri mnyam gser can gang po dang / /seng ldeng ba dang g.yon can dang / /gnod sbyin ba skyong 'brog gnas dang / /rgyal ba'i khyu mchog mi rgyal po/ /dri za sna tshogs sde dang ni/ /lcags mdung ring dang ma ldan dang / /tshigs lnga ser po yid dga' dang / /gnod sbyin ring po 'khor dang bcas/ /'bras bu gsum dang mgul gsum pa/ /'gro gnas ji snyed yod pa yin/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /lhan cig 'byung ba'i klu dang ni/ /'jog po dang ni yangs pa 'ang 'ongs/ /la ba dang ni mgyogs mchog dag /srung byed 'gro dang lhan cig lhags/ /klu bdag bran bzang bu dang ni/ /yul 'khor srung dang glang po che/ /'jigs byed che dang sa srung bu/ /rdzu 'phrul ldan pa'i klu yang 'ongs/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnaMs/ /dge slong rnams la phyag 'tshal zhing / /'dus pa'i tshal du mngon par zhugs/ /gang zhig klu rgyal zil mnan len/ /stobs ldan mig rnon 'dab chags bya/ /de min 'dab bzang khra bo yang / /mkha' las tshal du mngon par 'ongs/ /de tshe klu rgyal mi 'jigs byin/ /ston pas 'dab bzang bde mdzad cing / /gsung 'jam brjod pa de nyid la/ /</font><hr>98.165a<br><font size=+1>

sangs rgyas skyabasu nye bar song / /gang dag de yi 'khor rnams dang / /de yang 'dus pa'i nang du 'ongs/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /lag na rdo rjes pham byas shing / /rgya mtshor rten pa'i lha min rnams/ /thaMd nor lhas skrag gyur cing / /mtsho la skyabasu 'du shes pa/ /thags zangs ris dang rab bkra dang / /rab sim byed dang btang zung dang / /stobs ldan bu ni rgyal po kun/ /rnam snang byed pa'i bu rnams dang / /stobs ldan sde dang sgra gcan bzang / /dpa' chen khyod kyi dus lags shes/ /dge slong 'dus pa'i nags tshal du/ /go cha dgos te lhags pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phruldan zhing 'od dang ldan/ /kha dog ldan zhing grags ldan rnams/ /dge slong rnam la phyag 'tshal zhing / /'dus pa'i tshal du mngon par zhugs/ /chu lha mo dang bu mo dang / /zla ba mo yang phyi bzhin 'ongs/ /mdza' bshes ma dang chu lha can/ /lha mo grags ldan nyid kyang 'ongs/ /sa dang chu dang rlung gi dang / /me yi lha mo 'ang 'ongs gyur te/ /bcu tshan tshogs bcu de dag kun/ /kha dog sna tshogs ldan pa dag /ser skya'i gnas kyi nag tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnaMs/ /dge slong rnams la phyag 'tshal zhing / /'dus pa'i tshal du mngon par zhugs/ /khyab 'jug lha dang gshol can lha/ /'tshe ma gnyis kyang lhags par gyur/ /zla la gnas pa'i lha rnams kyis/ /zla ba nyid ni mdun du bdar/ /nyi la gnas pa'i lha rnams kyis/ /nyi ma nyid kyang mdun bdar cing / /char pa 'bebs par byed pa dag /rgyu skar rnams kyis mdun bdar lags/ /thaMd bzang po rdo rje can/ /brgya byin khyer 'jig 'ongs gyur te/ /bcu tshan tshogs bcu de dag kun/ /</font><hr>98.165b<br><font size=+1>

kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /lha mo tshogs can ma dang ni/ /me lce'i rtse 'dra 'chi ltas can/ /zhi ba mo dang dka' bzlog ma/ /me tog gos can 'ong gyur cing / /rgyu ba mo dang mtshan mchings bzang / /'chi med rnam pa du ma dang / /gang zhig phyogs su char 'bebs pa/ /'dod lha'i dbyangs can ma yang 'ongs/ /bcu tshan tshogs bcu de dag kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /sngo bsangs sngo bsangs chen mo dang / /mi 'dra mi 'dra dam pa dang / /rtsed mos myos dang de bzhin du/ /yid khrug ma yang 'ongs gyur cing / /phag mo phag mo chen mo dang / /slong ma nges ma lhan cig lhags/ /bcu tshan tshogs bcu de dag kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /dkar mo rgyags byed snying rje dang / /gos sngon mo yang 'ongs gyur cing / /skra dkar mo la sogs pa dang / /gos ser mo yang 'ongs par gyur/ /'phrog ma rtag tu myos pa dang / /spel ma rnams pa du ma dang / /</font><hr>98.166a<br><font size=+1>

dag pa dang ni 'od can ma/ /lha mo grags ldan rnams kyang lhags/ /bcu tshan tshogs bcu de dag kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /bde byed dga' ldan 'thab bral dang / /nag po btab pa du ma dang / /lum bi ni dang lum bi mchog /skar ma zhes bya legs smon dang / /'phrul dga' rnams dang de bzhin du/ /dbang bsgyur rnams kyang lhags par gyur/ /bcu tshan tshogs bcu de dag kun/ /kha dog sna tshogs ldan pa dag /ser skya'i gnas kyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /lha tshogs drug bcu de dag kun/ /kha dog sna tshogs ldan pa dag /ser skya'i gnas gyi nags tshal ni/ /snang bar byas te 'khod pa dang / /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /tshangs pa'i 'jig rten stong dag gi /tshangs pa chen po zhes bya ba/ /kun bged gzhon nu skar rgyal de/ /so sor dbang bsgyur dbang phyug bcu/ /rdzu 'phrul ldan pa de dag dang / /lhan cig 'grogs te der lhags pa/ /gang dag de yi 'khor rnams dang / /de dag kyang ni 'dus par lhags/ /rdzu 'phrul ldan zhing 'od dang ldan/ /kha dog ldan zhing</font><hr>98.166b<br><font size=+1>

grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /dbang bsgyur byed pa'i 'phrog ma mo/ /kha dog gzugs mchog ldan pa yang / /bu rnams kyis ni yongs bskor cing / /de dag rnams kyi phyi bzhin 'ongs/ /gang dag de yi 'khor rnams dang / /de yang 'dus pa'i nang du 'ongs/ /rdzu 'phrul ldan zhing 'od dang ldan/ /kha dog ldan zhing grags ldan rnams/ /dge slong rnams la phyag 'tshal zhing / /'dus pa'i tshal du mngon par zhugs/ /dbang por bcas dang dbang ldan bcas/ /skye dgu'i bdag dang bcas pa yi/ /lha rnams de dag der lhags shing / /dge slong rnams kyang der lhags so/ /nag pos smras pa'i tshig la ltos/ /'dod chags kyis ni 'di zung la/ /bcing ba gyis dang khyod la legs/ /'di dag kun nas yongs bsdus la/ /'di dag gson por ma btang zhes/ /de na nag po sde bo che/ /sde rnams la ni skul byed cing / /khros shing rang dbang med gyur nas/ /rang yang mngon par zhugs gyur te/ /lag pa sa la brdabs nas ni/ /shin du 'jigs pa'i sgra phyung ste/ /de nas lha yis sprin phreng dang / /glog dang bcas pa'i char yang phab/ /sangs rgyas kyis ni de mkhyen nas/ /de bzhin gshegs pas rnams gzigs te/ /de nas ston pas bstan dga' ba'i/ /nyan thos rnams la dge slong dag /bdud sde mngon par lhags gyur gyis/ /mngon par rtogs shes bka' stsal pa/ /brtson par byed pa de dag gis/ /sangs rgyas gsungs pa thos nas ni/ /de dag spu yang mi g.yo bas/ /de dag chags bral yin par rtogs/ /rgyal sras nyan thos de dag ni/ /slob ma rnams dang lhan cig dga'/ /de dag g.yul las rnam rgyal zhing / /'jigs bral grags dang ldan pa yin/ /bar gyi sdom ni/ bdun stong gser can ri mnyam dang / /de bzhin gnod sbyin chu srin dang / /kun gyi bshes dang rgyal po rnaMs/ /de bzhin khol po gnod sbyin dang / /</font><hr>98.167a<br><font size=+1>

klu dang 'dab bzang lha min dang / /chu lha mo dang khyab 'jug dang / /tshogs can ma dang sngo bsangs dang / /dkar mo bde byed dbang phyug dang / /kun bged gzhon dang 'phrog ma dang / /dbang bcas bdud dang dge slong ngo / /de nas gnas gtsang ma'i lha shin du dbang che bar grags pa rnams mdo sde bstan pas yid rangs par gyur nas de'i tshe tshig 'di dag gis 'dus pa chen po'i mdo bshad do/ /bac+do~Ms bdag cag gis kyang tshig 'di dag gis mdo sde 'di yang dag par bsnyad par bgyi zhing yang dag par brjod par bgyi lags so/ /de la gzung sngags kyi tshig ni 'di dag lagaso/ /tad+ya thA/ te dze te dza ba ti/ tsid tre tsid tra ba ti/ la te la ta ba ti/ kha me kha ma ba ti/ k+She me k+Sha ma ba ti/ b+ha dre b+ha dra ba ti/ ya she ya sha ba ti/ dU te dU ta ba ti/ tsa pa le tsa pa la ba ti/ kha tse kha tsa ba ti/ bac+doMs 'di dag ni gnas gtsang ma pa rnams kyi gsang sngags kyi tshig rnams lags te/ bac+doMs gang zhig mdo sde 'di dang / gsang sngags kyi tshig 'di dag rmongs pa ma mchis par 'dzin par bgyid na 'di ni ji srid 'tsho'i bar du 'byung po tha~Md las bsrung ba bgyis par 'gyur lagaso/ /'byung po tha~Md kyang dga' bar 'gyur lagaso/ /de la bro nad tha~Md kyis mi tshugs par 'gyur lags so/ /gang du klog pa der dge bar 'gyur zhing de dag la dgung lo bdun du bsrung ba bgyis par yang 'gyur lagaso/ /ji tsam 'tshal bar 'gyur ba de tsam gyis dgung char 'bab par yang 'gyur/ 'chad par yang 'gyur/ dgung ser 'bab par yang 'gyur/ 'chad par yang 'gyur lagaso/ /bro nad tha~Md la byab pa bgyis sam/ chab la bzlas brjod bgyis te stsal na/ des de'i bro nad tha~Md rab tu zhi bar 'gyur lagaso/ /de nas bac+doMs la tshangs pas gsol pa/ bac+doMs gnas gtsang ma pa dag ma gtogs pa gzugs na spyod pa'i lha'i ris gong ma rnaMs kyi rig sngags kyang 'di dag lags la/ gsang sngags kyi cho ga</font><hr>98.167b<br><font size=+1>

zhib mo yang 'di dag lags so/ /'di ni 'dir mdo sde yongasu 'dzin par bgyid pa lags so/ /tad+ya thA/ b+ha le b+ha la ma le/ du ra du le/ hi me/ phu ba phe se/ kA tsAk+Shi ku tse si/ ma mi Ni She re tho ra Ni/ bam phi bam pho Ti ste ke /ta ra ke /gu ru ga ro/ gu ga gu mi Ti/ tA re rak+Sha/ sU tra ma nu pA la ya tha/ 'di ni bdag cag gi rig sngags kyi cho ga zhib mo lags te/ gang la la zhig mdo sde 'di dang gsang sngags kyi tshig 'di dag dum bur ma gyur par 'dzin tam/ klog par bgyid na de la mi dang / mi ma lags pa dag mchi bar mi 'gyur zhing gdug pa yang mi mchi/ sbrul yang mi mchi/ dug kyang mi mchi la/ de'i lus la gnod pa dag gis mi tshugs par 'gyur lags so/ /'byung po tha~Md kyang dga' bar 'gyur lagaso/ /ji srid 'tsho'i bar du 'byung po tha~Md las bsrung ba bgyis par yang 'gyur lagaso/ /gang klog par bgyid pa dang / gang nyan par bgyid pa de la gung lo bdun du bsrung ba bgyis par 'gyur lags so/ /chab la bzlas brjod bgyis te gtor tam/ 'tshal du stsal na/ de'i bro nad tha~Md nye bar zhi bar 'gyur lagaso/ /de nas bac+doMs la 'dod pa'i bdag po tha~Md kyis gsol pa/ bac+doMs 'di ni bdag cag gi yul yang lags te/ mdo sde 'di yongasu gzung ba'i rig sngags ni 'di lagaso/ /tad+ya thA/ lin te/ li pe/ lo pe/ ba pe/ pad ke ka me/ kA tse kA tsA k+Shi/ kA tsa pi ga le/ du me du me/ ta Te tad tra Te/ tra TA k+Shi/ go la/ ki li/ ki ka ko li ke swA d+hU/ sU tra ma nu pA la ya tha/ ud gr-ih+Na ya tse ti/ bcom ldan 'das gang zhig gsang sngags kyi tshig 'di dag dang / mdo sde legs par gsungs pa 'di dum bur ma gyur pa dang / mnyam par bzung ste bsrung bar bgyid na de ni tha~Md las bsrung ba bgyis par 'gyur lagaso/ /'byung po tha~Md kyang dga' bar 'gyur lagaso/ /ji tsam 'tshal bar de tsam gyi dgung char 'beb par yang 'gyur/ 'chad par yang 'gyur/ dgung ser 'bab par yang 'gyur/ </font><hr>98.168a<br><font size=+1>

'chad par yang 'gyur lags so/ /'byung po dang gdon rnams las yongasu thar bar yang 'gyur lags so/ /dug 'byin par yang 'gyur lags so/ /chab la lan bdun bzlas brjod bgyis te gtor tam 'tshal du stsal na des bro nad tha~Md nye bar zhi bar 'gyur lagaso/ /de nas bac+doMs la lha'i dbang po brgya byin gyis gsol pa/ bac+doMs bdag cag gi rig sngags 'di yang de bzhin du mdo sde 'di yongasu 'dzin par bgyid cing / 'dod pa na spyod pa'i lha gong ma rnams kyis ni rjesu yi rang bar bgyis la/ 'og ma rnams kyis kyang legs par rjesu yi rang bar bgyis pa lagaso/ /tad ya thA/ bI re bI ra ba ti/ to Te to Ta ba ti/ b+ha dre b+ha dra ba ti/ go n-i go na ba ti/ me g+he me g+ha pa ti/ dz+wa la ne dz+wa la na pa ti/ b+hu ti b+hu ta pa ti/ kho ra te kho ra ta pa ti/ i dan sU tra ma nu gra N+ha Tha/ a nu pA la ya tha tse ti/ bac+doMs gang zhig mdo sde 'di dang gsang sngags kyi tshig 'di dag dum bur ma gyur par 'dzin par bgyid na de ji srid 'tsho'i bar du 'byung po tha~Md las bsrung bar bgyid par 'gyur lagaso/ /de la mi dang mi ma lags pa 'ga' yang 'tshe bar mi 'gyur lags so/ /gang du klog pa der ji srid 'tsho'i bar du bsrung ba bgyid par 'gyur lags so/ /sems can tha~Md kyang dga' bar 'gyur lagaso/ /de la zil gyis gnon pa 'ga' yang 'byung bar mi 'gyur lags so/ /de'i lus la bro nad rnams kyis mi tshugs par 'gyur lagaso/ /sems can tha~Md la phan 'dogs par yang 'gyur lagaso/ /gang du klogs par 'gyur ba der dgung lo bdun du bsrung ba bgyis par 'gyuro/ /'byung po dang gdon rnams las thar bar yang 'gyur lags so/ /dug 'joms par yang 'gyur lagaso/ /bro nad tha~Md sel bar yang 'gyur lagaso/ /skud pa'aM chab la bzlas</font><hr>98.168b<br><font size=+1>

brjod bgyis te bcings sam gtor na bro nad tha~Md dang bral bar yang 'gyur lags so/ /de nas bac+do~Ms la rgyal po chen po bzhis gsol pa/ bac+do~Ms bdag cag rgyal po chen po bzhi'i rig sngags 'di yang mdo sde 'di yongasu 'dzin cing grub par bgyid pa lagaso/ /rnam thos kyi bus gsol pa/ tad+ya thA/ ku re bu ra NI/ mo re mo ra NI/ kA tse kA tsa NI/ kri mi kri mi ni/ yul 'khor srung gis gsol pa/ pu re po re pu ra tI/ ho re ho ra NI/ pra ho re pra ho ra NI/ 'phags skyes pos gsol pa/ ke she ke she ba ti/ ka sha na mi ke /sha The ti The ni ma ri ti/ mig mi bzang gis gsol pa/ tsakre tsakri Ni/ tsakra ba gi Ni/ b+hi ti rirmi ni/ shi mi shi m-i/ sha ma ne ti/ bac+doMs gang zhig rgyal po chen po bzhis brjod pa'i rig sngags kyi cho ga zhib mo 'di bzhi dang / mdo sde 'di dum bur ma gyur pa dang / ma bkol bar legs par bzung ste bsrung bar bgyid na/ de ji srid 'tsho'i bar du bsrung ba bgyis par 'gyur lagaso/ /de la 'byung po tha~Md dang / bro nad tha~Md kyang slar ldog par 'gyur lagaso/ /gdug pas zin pa dang / dug tha~Md las kyang thar bar 'gyur lags so/ /skud pa 'am/ chab la bzlas brjod bgyis te/ bcings sam/ gtor cing 'tshal du stsal na/ cho ga des de la 'grub par 'gyur lags so/ /de nas bac+do~Ms la lha ma yin dang / rlung lhas gsol pa/ bac+do~Ms bdag cag gi rig sngags 'di yang yongasu 'dzin par bgyid pa lags so/ /tad+ya thA/ ga le ga ga ga le/ ga le ga ni/ khi ni khi ni/ g+hu She g+hu She g+hu g+hu Sh+ya/ kha na kha kha ne/ kha na kha ni/ lu pe lu pi/ lu pa lu pi ti/ bac+doMs gsang sngags 'di dag dang / mdo sde 'di dum bur ma gyur cing / ma bkol bar</font><hr>98.169a<br><font size=+1>

bzung na ji srid 'tsho'i bar du bsrung bar 'gyur lagaso/ /de'i bro nad tha~Md kyang rab tu zhi bar 'gyur lagaso/ /lus la dug gis mi tshugs par yang 'gyur lagaso/ /de nas bac+do~Ms la gnas gtsang ma'i ris kyi lha rnams kyis 'di skad ces gsol to/ /btsun pa mdo sde 'di'i dgongs pa yongasu gzung ba'i slad du phyogs bcu'i 'jig rten gyi khams nas lhags pa rnams kyis rig sngags dag smras lags na/ bac+do~Ms nyan thos kyi tshogs dang bcas pas kyang yang dag par rjesu yi rang bar mdzad cing / kun du gzung ba dang / bsrung ba dang / bsgrub pa dag legs par bshad du gsol/ de ltar na rigs kyi bu de dag gi sbyin par bgyi ba'i chos kyi mdo sde 'di 'bras bu dang bcas par 'gyur lagaso/ /de nas bac+doMs kyis bka' stsal pa/ khyed kyis gsang sngags kun du bzung ba 'di ni grub pa yin te/ nga nyan thos kyi tshogs dang bcas pas kyang mdo sde 'di'i grub pa dang / bsrung ba dang / bsgrub pa dag bshad par byas/ de nyon cig dang bshad par bya'o/ /gnas gtsang ma'i ris kyi lha rnams kyis bac+doMs de bzhin lags te/ bac+doMs nyan thos kyi tshogs dang bcas pas mdo chen po 'di grub par bgyi ba'i slad du bsrung ba dang / bsgrub pa dag bshad du gsol/ de nas bac+doMs kyis mdo sde 'di grub par bya ba'i phyir bsrung ba dang / bsgrub pa dag bka' stsal pa/ de la rgyun du zhugs pa rnams kyi grub pa ni 'di yin no/ /ta la ta la/ ta na ta la/ ta to ta le ma te/ lan cig phyir 'ong ba rnams kyi grub pa ni 'di yin no/ /sa les sa li ti/ phyir mi 'ong ba rnams kyi grub pa ni 'di yin no/ /la te la te lo la te/ dgra bcom pa rnams kyi grub pa ni 'di yin no/ /d+hu pu d+hu pu/ d+hu ru d+hu ru/ ka tsa bi ka tsi/ ka tsa bi ka tsa ti/ de nas bac+doMs kyis grub pa ni 'di yin no/ /d+ha me d+ha me/ d+ha me d+ha me/ d+ha se d+ha se/ d+ha re d+ha d+ha re/ d+ha ro d+hi d+hi ti/ de la bsrung ba ni 'di yin no/ /ti na ti ri tsa ri Sha / bing+ga la k+Shi rak+Sha/ mtshams</font><hr>98.169b<br><font size=+1>

bcad pa'i ni 'di yin no/ /bad d+ha bad d+ho ti/ bad d+ha si ri mi ti/ bad d+ha ku Sha bad d+ha/ g+hu g+hu She bad d+ha/ g+hu Sha ga She ya~M bad d+ha b+hi/ bsgrub pa ni 'di yin no/ /bi She sA d+ha ya/ tu tu le sA d+ha ye ti/ zhag gsum smyung ba byas pas tshes bcwa lnga'i nyin par gsang sngags kyi tshig 'di dag dang / mdo sde 'dis bac+doMs la mchod par byas te/ kha shar phyogasu bltas la bsrung ba lan brgya brjod par bya zhing / bzlas brjod lan brgya byas la/ mdud pa re re pa brgya rtsa brgyad byas na bsrung ba byas pa yin zhing / lan gsum spu zing zhes byed par yang 'gyur te/ sngon gyi las kyi rnam par smin pa ni ma gtogs so/ /zla ba yar gyi ngo'i tshes bcu gnyis la bac+doMs la mchod pa byas la skud pa de lag tu blangs te bzlas shing mtshams bcad par byas te/ lan brgya rtsa brgyad brjod cing mdud pa brgya rtsa brgyad byas te mtshams gcod par byed na lan bdun spu zing zhes byed par yang 'gyuro/ /lho phyogs nas ce spyang mos lan gsum sgra phyung ste 'dug par gyur na/ de nas mtshams bcad par shes par bya'o/ /des de bzhin du smyung ba byas te/ tshes bcwa lnga'i nyin par khrus byas la/ bac+do~Ms la mchod pa byas ste/ skud pa blangs la/ nyan thos kyi tshig rnams dang / bac+doMs kyi cho ga zhib mos lan bdun bzlas te/ bzlas brjod lan brgya rtsa brgyad brjod cing mdud pa brgya rtsa brgyad byas la/ skud pa lag tu blangs te/ rig sngags tha~Md lan cig bzlas brjod byas shing sgrub pa byas na char pa chen po dang / rlung chen po yang 'byung ste/ mtshams kyi phyi rol du ldang zhing 'bab par 'gyur la/ skad cig gis chad par yang 'gyur te/ lan bdun gyi bar du yang brjod par bya'o/ /de nas lha'i bu sprin chen zhes bya ba dang / sprin bzang shes bya ba gnyis 'ongs te/ de'i rkang pa la mgo bos phyag 'tshal zhing grub pa sbyin pa dang / rjesu yi rang bar yang 'gyuro/ /de la grub pa ni 'di dag yin te/ ku cu ku tsa zhes bya'o/ /sprin bzang</font><hr>98.170a<br><font size=+1>

kyi ni 'di yin te/ ka ra ka ra kA ra ra zhes bya'o/ /tshig 'di dag dang skud pa lag tu blangs pas mdo sde dang / gsang sngags rnams bsams na gang bya bar 'dod pa de dag thams cad byed par 'gyuro/ /bac+doMs kyi mdo sde dang / rig sngags 'di dag tha~Md kyis chu 'am skud pa la bzlas na gang byed par mi 'gyur ba de med de/ las tha~Md 'grub par 'gyuro/ /ji srid 'tsho'i bar du bdag dang / gzhan dag bsrung ba'i phyir mdo sde 'di bzung bar bya'o/ /bac+doMs kyis de skad ces bka' stsal nas/ dge slong de dag yid rangs te/ bcom ldan 'das kyis gsungs pa la mngon par bstod do/ /'byung po gang dag 'dir ni lhags gyur cing / /sa dang bar snang dag la 'khod pa rnaMs/ /skye dgu rnams la rtag tu byams byas cing / /nyin dang mtshan du chos kyang spyod gyur cig /mdo chen po 'dus pa chen po'i mdo zhes bya ba/ rdzogs s+ho// //rgya gar gyi mkhan po dzi na mi tra dang / pradz+nyA bar ma dang / zhu chen gyi lo tsa ba ban de ye shes sde la sogs pas bsgyur cing zhus te gtan la phab pa/ / </font><hr>

</table>