@/ /rgya gar skad du/ ar+ya sarba ni ba ra Na bi ska~M b+hi nI nA mA Sh+Tot+ta ra sha ta ka d+hA rA NI man+t+ra sa hi ta/ bod skad du/ 'phags pa sgrib pa thams cad rnams par sel ba'i mtshan brgya rtsa brgyad pa gzung sngags dang bcas pa/ byang chub sems dpa' sems dpa' chen po sgrib pa thams cad rnam par sel ba la phyag 'tshal lo/ /\u0f00 a mr-i ta bin tu dza ba ma hA su ka swA hA/ de nas bcom ldan 'das de bzhin gshegs pa rnam par snang mdzad kyis phyag g.yas pa brkyang ste byang chub sems dpa' sems dpa' chen po sgrib pa thams cad rnam par sel ba la tshim par mdzad nas bka' stsal pa/ yon tan rin po che'i tshogs can khyod kyi gzung sngags 'di phyung bas sems can rnaMs kyi bde ba chen po bskyed pa leg so legs so/ /kye rgyal ba'i sras gang la la/ gzung sngags 'di thos pa de ni de bzhin gshegs pa gang gI klung bcu'i bye ma snyed kyi spyan sngar dge ba'i rtsa ba bskyed pa dang ldan par 'gyur ro/ /gang la la'i rna lam tu grags par gyur pa de yang sgrib pa dang bral bar 'gyuro/ /sku gdung dang ldan pa'i mchod rten gyi drung du zla ba yar gyi ngo tshes brgyad dam/ tshes bcwa lnga la smyung bar 'dug cing gso sbyong dang ldan par byas te/ spos dang / bdug pa dang / mar me dang / me tog dang / me tog phring dang / byug pa sogs pas mchod la bskor ba byas nas bzlas brjod byas na dam pa ci 'dod pa thob par 'gyur te/ sdig pa thams cad dang sdug bsngal ba dang / 'jigs pa thams cad las thar bar 'gyur ro/ /byang chub sems dpa' sgrib pa thams cad rnam par sel ba la spos la sogs pas mchod de 98.152a bzlas brjod byas na rmi lam du ston par 'gyur te/ bsam pa thams cad yongs su rdzogs par byed cing / /nyon mongs pa dang sdug bsngal ba thams cad sel bar byed do/ /de nas rdo rje me tog thod chen po sa gsum gyi dbang phyug dang thabs cig tu 'khor gyi dkyil 'khor chen po de'i nang nas/ stan las langs te/ byang chub sems dpa' chen po sgrib pa thams cad rnam par sel ba la btud nas mtshan brgya rtsa brgyad kyis mngon par stod pa/ sems can kun gyi gtso bo che/ /byang chub sems dpa'i tshul che ba/ /nyon mongs dri ma kun las 'das/ /chos dbyings khyod la phyag 'tshal lo/ /sgrib pa kun las nges par grol/ /nyon mong dri ma kun sel cing / /nyes pa kun las rnam par grol/ /skyon bral khyod la phyag 'tshal lo/ /lam srung cig sbu'i tshul ston cing / /theg pa cig pu'i tshul gcig pa/ /theg pa chen po'i tshul brnyes te/ /theg pa dag khyod la phyag 'tshal/ /snang ba chen po snang ba bsnyes/ /yon tan dkyil 'khor 'jig rten bdag /zla ba bzhin du 'od dkar ba/ /'jig rten 'das pa khyod phyag 'tshal/ /theg pa chen po dag pa che/ /sangs rgyas theg pa rtog gyur cing / /rdo rje'i dkyil 'khor rnams grags pa/ /rdo rje chen po khyod phyag 'tshal/ /dpa'o bo chen po bdud las rgyal/ /dar ba chen po nyon mongs choms/ /bgegs thub gshen rje thub pa ste/ /rin chen dra ba khyod phyag 'tshal/ /zla ba chen po nyi ma che/ /lhun po chen po dbang phyug che/ /lha chen mgon po chen po ste/ /'byor pa chen po khyod phyag 'tshal/ /sgrib pa thams cad gcod mdzad cing / /sgrib pa thams cad sel mdzad pa/ /kun mkhyen yon tan bdag nyid che/ /rnam sel khyod la phyag 'tshal lo/ /sangs rgyas spyod yul zhugs pa ste/ /chos kyi spyod yul gshegs pa lags/ /ye shes dbang phyug ye shes che/ /sred bral khyod 98.152b la phyag 'tshal lo/ /sku mdzes yon tan snying po mkhyen/ /rdo rje yi ni dkyil 'khor brgyan/ /sangs rgyas lam ste don yod che/ /ye shes dag pa khyod phyag 'tshal/ /bstan pa gnas pa dbang bdag po/ /bde mdzad thug kyang zhi ba ste/ /yangs pa dri med shes rab can/ /snang ba dag pa khyod phyag 'tshal/ /zab cing brtan la rnam par gnon/ /zhi la 'jig rten dag par mdzad/ /ston pa skyabs 'os srid gsum na/ /dpa' btsan khyod la phyag 'tshal lo/ /skal ba chen po nyon mongs bcom/ /'khor ba'i dkyil 'khor 'joms pa ste/ /zhi ba zhi mdzad bde 'byung ba/ /chu bo zhi mdzad khyod phyag 'tshal/ /thar pa'i rgyu ste chos lugs che/ /bde 'gror gnas pa dri ma med/ /rnam dag thugs mnga' zhi ba mkhyen/ /nyes sel khyod la phyag 'tshal lo/ /rtse mo yang par rnam par grags/ /sngags chen mang pos 'dul mdzad pa/ /snying po chen po dkyil 'khor mchog /dkyil 'khor mkhyen pa khyod phyag 'tshal/ /sdug bsngal gsum sel gsum gyi mchog /dkon mchog gsum dang spyod yul 'dra/ /rnam gsum mkhyen pa rnyed pa'i bdag /rnam thar gsum khyod phyag 'tshalo/ /byang chub sems dpa' yon tan gyi/ /'byor pa brnyes shing mnyam nyid brnyes/ /bskal pa dag ni grang med par/ /tshogs chen bsags pa khyod phyag 'tshal/ /sa la gnas pa sa chen brnyes/ /sa yi 'bras bu phun sum tshogs/ /yang dag sa 'dzin las byung ba/ /ye shes sa khyod phyag 'tshal lo/ /ting nge 'dzin la mnga' brnyes pa/ /nyes gsuM spangs zhing sdig pa sel/ /ting 'dzin mkhyen cing rgya che ba/ /mnyam pa nyid mnyam khyod phyag 'tshal/ /mgon po chen po snang ba che/ /sdug bsngal chen po'i dri ma sel/ /zhi gyur ma lus zhi mdzad pa/ /yon tan pha mtha' khyod phyag 'tshal/ /sangs rgyas kun mtshungs gsung ldan pa/ /chos kun zhi ba 98.153a phun sum tshogs/ /dkon mchog gsum rigs dpe med pa/ /rin chen mtha' yas khyod phyag 'tshal/ /rdo rje chen po dri med mchog /rdo rje'i mtshon bsnams sdig mi mnga'/ /nam mkha' ma lus yul dang ldan/ /ye shes spyod yul rgya mtsho mnga'/ /de bzhin gsheg dang yul gcig pa/ /sel ba po ste dri ma sbyong / /shes rab chen po rgyal ba'i sras/ /srid bcod khyod la phyag 'tshal lo/ /rdo rje'i dkyil 'khor rdo rje'i mchog /rdo rjes 'dul ba rdo rje 'chang / /rdo rje rtsal can rnams kyi rtsal/ /rdo rje snang ba khyod phyag 'tshal/ /rin chen chen po rin chen blo/ /rin chen rdo rje 'od che ba/ /rin chen 'od mdzes rin chen 'byung / /rin chen bstan pa bsrung mdzad pa/ /stong pa nyid kyi yul brnyes pa/ /ye shes stong pa nyid kyis ston/ /stong nyid longs spyod yul dang ldan/ /stong nyid mchog khyod phyag 'tshal lo/ /shes rab mtshungs med shes rab can/ /dge ba rnam dag sa dang bral/ /chos gcig las byung snang ba po/ /'jig rten 'das pa'i tshul chen lags/ /'jig rten snang mdzad smra mkhas pa/ /'jig rten chos las rnam par 'das/ /'jig rten mkhyen pa'i yon tan brnyes/ /brgyan par mdzad pa dkyil 'khor dag /nyes pa ma lus bsal ba te/ /phal chen skye bo kun la phan/ /sa 'dzin rnam par grags pa po/ /kun mkhyen khyod la phyag 'tshal lo/ /dga' mkhyen dga' la longs spyod pa/ /dga' ba'i rig mchog rnams kyi mchog /dga' bar mdzad pa'i rtog pa can/ /dga' la snang ba khyod phyag 'tshal/ /sgeg chen 'jam zhing dgongs par ldan/ /rnam par bsgeg la spyod pa brtan/ /rdo rje'i rig pa bsgeg pa'i mchog /sgeg chen khyod la phyag 'tshal lo/ /sangs rgyas byang chub sems dpa'i mchog /rdo rje mchog gi dkyil 'khor che/ /theg pa chen po'i tshul la gnas/ / 98.153b bla med mchog khyod phyag 'tshal lo/ /dpa' bo byang chub sems dpa'i mchog /sgrib pa thams cad sel mdzad la/ /rdo rje'i dkyil 'khor 'khor rnams kyi ni/ /ming brgya rtsa brgyad kyis bstod nas/ /rdo rje'i bstan pa rnam grags pa/ /bcom ldan rdo rje can gyis gsungs/ /kye ma 'byor chen snang ba yi/ /dkyil 'khor rgyal bas dkyil 'khor pa/ /gang zhig mi brgya rtsa brgyad pa/ /'di dag so sor brjod byed na na/ /nga ni nyes pa kun bzlog cing / /rtag tu de'i phyi bzhid 'brang / /nang par langs nas gtsang ma yis/ /sgrib pa thams cad sel ba la/ /blo ldan gang zhig bstod byed pa/ /de'i sdig pa med par 'gyur/ /gang zhig mi brgya rtsa brgyad mchog /nang par langs nas brjod byed pa/ /sdang ba thams cad de dbang 'gyur/ /gagegs rnaMs kyis kyang yongs su btang / /sdig pa dag pa 'thob pa dang / /de bzhin bsod nams 'phel ba dang / /ye shes rgya mtsho longs spyod cing / /sa mchog chen po thob par 'gyur/ /gang zhig nges par gnas byas la/ /ming rgya rtsa brgyad mchog 'don pa/ /des ni 'byor chen sangs rgyas sa/ /ring por mi thog thob par 'gyur/ /rgyud chen ldan zhing blo che ba/ /gang zhig ming mchog 'don pa ni/ /rdo rje'i dkyil 'khor bstan pa la/ /ring por mi thogs 'jug par 'gyur/ /byang chub sems dpa' chen po sgrib pa thams cad rnam par sel ba'i mtshan rgya rtsa brgyad pa gzung sngags dang bcas pa rdzogs s+ho// // |