J637

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J637</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J637&coll=lithang">see text in Tibetan script</a></table>98.110b<br><font size=+1>

@#/ / @#/ /rgya gar skad du/  Ar+ya badzra kro d+ha rA dzA kal pa la g+hu tan tra nA ma/  bod skad du/  'phags pa rdo rje khro bo'i rgyal po'i rtog pa bsdus pa'i rgyud ces bya ba/ dpal 'jam pa'i dbyang la phyag 'tshalo/ /'di skad bdag gi thos pa dus gcig na/ bcom ldan 'das gzhan 'phrul dbang byed kyi nam mkha'i rlung gi dkyil 'khor rdo rje snying por byin gyi brlabs pa'i steng du rin po che sna bdun las grub pa lha'i gzhal med khang bye ba phrag brgyad bcus bskor ba'i dbu su dpag tshad 'bum phrag khyab pa'i khang pa brtsegs ma shin du mtho ba/ kun kyang rin po che du ma'i khri pad ma dang / seng ges mtho ba/ dbu rtse rin po che'i zur mangs kyi mchod rten pad ma dang / 'khor lo dang / gdugs mtho bar drangs pa la dar gyi dpyangs lding ba/ de 'i grib ma sa gzhi la bkod pa na byang chub sems dpa'i tshogs rnams lha'i bzhon pa las babs nas nang du gshegs pa/ sna tshogs pa'i dril bu dang / ba dan dang / rin po che'i me tog gi phreng ba dang / dra ba dang / dra ba phyed pa dang / rnga yab dang / zla ba phyed pa dang / rdo rje phyed pa dang / chun 'phyang shar bu la sogs pa du mas mdzes pa/ sgo khyud khyams dang / sgo glegs dang / rin po che'i me long dang / gdugs la sogs pa du mas khyab pa/ rin po che'i pha gu brtsegs te mdzes par byas pa du ma de thams cad kyi dbus su</font><hr>98.111a<br><font size=+1>

'khor kyi dkyil 'khor chen po dang lhan cig tu bzhugs so/ /de yang 'di lta ste/ byang chub sems dpa'i tshogs ni 'phag pa spyan ras gzig kyi dbang phyug dang / 'jam dpal dang / kun du bzang po dang / byams pa dang / sgrib pa thams cad rnam par sel ba dang / zhi ba'i blo gros dang / sna tshogs bkram pa dang / mkha' 'od me tog 'chang dang / nam mkha'i snying po dang / gzugs mdzes dag pa dang / sa'i snying po dang / phyag na rdo rje la sogs pa byang chub sems dpa' sems dpa' chen po bye ba phrag bdun dang / shA ri'i bu dang / maud gal dang / rta thul dang / 'od srung la sog pa bye ba phrag bzhi dang / grags chen snyan pa chen po brgya byin dang / tshangs pa dang / khyab 'jug dang / dbang phyug dang / lus ngan dang / gshin rje dang / dga' rab dbang phyug la sogs pa lha'i rig sum brgya dang lhan cig tu chos kyi rnam grangs gangs sngags zhes bya ba la 'jug pa gang zhig byang chub sems dpa' dang / nyan thos dang / 'jig rten skyong ba la sogs pa rnam pa du ma dang ldan pa'-i 'khor rnam la dgongs pa thaMd kyi bsam pa dang 'thun pa'i bkod pa chen po bskyed pa dang / cho 'phrul du ma bsgyur ba dang / 'od zer du ma 'gyed cing thabs gcig tu bzhugaso/ /de nas bcom ldan 'das kyis 'dzum bzhin du 'khor la gzigs nas ljags kyi dbang po bkram ste/ byang chub sems dpa' sems dpa' chen po phyag na rdo rje la bka' stsal pa/ yi ge ming tshig ngag gi bsgos/ /sngags dbyib chos su byin brlabs kyi/ /yi ge sgra tsam phyed dam gcig /mngon sum rjes 'jug ring thung dang / /dbyang dang gsal byed mtshan mas mtshon/ /sa bcu pha rol phyin bcu bdag /dbang bcu don bcu rnam pa bcu/ /mi 'jigs bzhi dang ma 'dren chos/ /byams dang thugs rje chen po dag /dbyangs cig</font><hr>98.111b<br><font size=+1>

gi ni sngags kyis su/ /bsdug bsngal sna tshogs rab zhi dang / /yid 'phrog dpal 'byor dbang phyug dang / /mthu stobs du ma bskyed pa dang / /rtag gnas thob dang don nges thob/ /rdo rje bla na med sems bskyed/ /mdor na gang gis gang 'dod pa/ /bsam pas sems rnams rdzogs pa'i phyir/ /rdo rje bla na med pa gsor/ /chos sgra bla na med pa sgrogs/ /'khor lo bla na med pa bskor/ /ral gri bla na med pa zung / /pad ma bla na med pa chongs/ /rin chen bla med gsal bar gyis/ /dkyil 'khor tshul du spros nas kyang / /chos rten tshul du bsdu bar gyis/ /lha klu gnod sbyin dri za dang / /lha min mkha' lding mi 'am ci/ /srin po sha za brjed byed tshogs/ /'jigs pa dag kyang 'jigs 'gyur ba'i/ /rnam 'phrul du ma 'di bsgyur cig /gsung mchog de skad thos ma thag /lag na rdo rje mthu bo ches/ /dga' mgu thal mo rab sbyar te/ /snyan pa'i tshigs gis 'di gsol to/ /gser dang rin chen lnga po las/ /rab mchog ri bor gyur pa las/ /'gro rnam kun gyis rten gnas dang / /rtags su yang dag 'dzin pa ltar/ /rnam par shes dang phung po bzhi/ /'byung ba rnam par dag bsgrubs pas/ /lha dang phyag rgya phrin las su/ /sngags shes rnam kyis gzung byas nas/ /brdul ba'i ye shes byang chub rim/ /khyad par de la ldan par 'gyur/ /de nas bcom ldan thub pa che/ /kun mkhyen ye shes gtso bo ches/ /sku las sna tshogs mdangs 'od can/ /'od zer du ma byung nas kyang / /gzhi dang snying po me tog gis/ /brgyan pa'i zhing rnams khyab byas tshe/ /sa yang rnam pa drug tu g.yos/ /'jig rten skyong dang bdud kyi tshogs/ /ma lus</font><hr>98.112a<br><font size=+1>

pa rnams brgyal bar 'gyur/ /nyan thos rang rgyal 'dar bar 'gyur/ /byang chub sems dpa' blo ldan gyi/ /tshogs rnams shin du skrag par gyur/ /de tshe phyog bcu'i zhing rnams nas/ /sangs rgyas kun gyi mdzod spu nas/ /khro bo chen po'i tshogs byung pa/ /'od zer rtse mos drangs nas su/ /zhing dbus dkyil 'khor 'di ru lhags/ /'od zer tshogs kyang rab 'dus nas/ /dpal be'u nyid du thim par gyur/ /de tshe 'od de'i byin brlabs las/ /mkha' la sgra 'di grag par gyur/ /shAkya'i mgon po rdzogs sangs rgyas/ /gang du gzi brjid che bzhugs slad/ /chos kyi dbyings las byung ba yi/ /rgyal ba'i sras po thams cad gshegs/ /dri ma med pa'i dam chos mchog /gsang sngags spyod pa'i tshul dge ba/ /thos nas byang chub 'dus ma byas/ /'jig rten mgon po brnyes par gyur/ /de nas lag na rdo rje tshogs/ /'khor gyi dkyil 'khor thams cad kyang / /snyim pa me tog bkang byas te/ /gtor nas phyag 'tshal bskor ba byas/ /dang zhing gus pa'i tshul gyis su/ /pus btsugs thal sbyar gsol ba 'debs/ /mi gnas ye shes che ba'i mchog /yon tan rgya mtsho 'byung ba'i gtso/ /mtshan nyid thams cad rab brgyan pa/ /mtshan min spangs pa'i thub pa che/ /dri med dge ba ji ltar lags/ /gsang sngags tshul du spyod pa ci/ /'dus ma byas pa'i byang chub gang / /'jig rten mgon po ci ltar 'gyur/ /bdag cag rnams la sman rab dang / /'gro la thugs rje che mdzad phyir/ /mgon po bcom ldan thub pa ches/ /yang dang yang du bshad du gsol/ /de nas yang dag rdzogs sangs rgyas/ /rkang gnyis gtso bos bka' stsal pa/ /gsang ba'i dbang phyug rdo rje 'dzin/ /shes rab chen po'i spyan ldan pas/ /bdag gzhan phan don la btson phyir/ /legs par nyon la yid la zung / /yang dag yang dag mtha' min tshul/ /de ni nga yis bshad par bya/ /</font><hr>98.112b<br><font size=+1>

srog gcod ma byin len brdzun 'khrig /tshig rtsub dbyen dang ngag kyal smra/ /brnab sems gnod sems log lta chang / /dri ro ngan pa'i zas skom dang / /srog can sha khrag log 'tshor bcas/ /slob dpon dge 'dun mchod rten sogs/ /khyad par yul can yo byad dang / /dman zhing nyams thag phrog dgu pa/ /glegs bam 'tshong dang chos kyi zong / /g.yang sa ral gri so dug sog /me 'obs ltar mthong spangs nas kyang / /rnam par dkar la sogs par bya/ /yi ge 'dri mchod sbyin stsol dang / /nyan dang 'dzin dang klog pa dang / /mchod pa dang ni kha ton dang / /de dag sems dang sgom pa ste/ /dkar bcu lam la yun rings dang / /nus bcas rgyun mi 'chad du 'bad/ /gtan pa med pa'i byang chub sems/ /shel ltar dri ma med pa'o/ /mchog 'di spyad pas sdug bsngal tshogs/ /myur du gcod pas dge ba'o/ /chos bdag med dang mnyam nyid dang / /rang sems gdod nas dag pa gang / /rgyu 'dra 'du byed med pa dang / /zag bcas bde dang bral ba las/ /byang chub phyog chos ma lus pa/ /chos nyid bdag med spyod pa ni/ /chos dbyings ye shes mngon byas nas/ /ma 'dres chos rnam rdzogs gsal ba/ /'dus ma byas kyi byang chub te/ /chos rnams kun kyi gzhi lus so/ /'dod pa'i khams sogs yon tan la/ /shin du bde rol spyad pa spyod/ /sangs rgyas mu stegs can rnams kyi/ /lkog tu gyur pa gsang ba ste/ /bskal pa bsam yas dpag med du/ /bslab dka' yangs zab rgya chen rnams/ /sngags dang phyag rgya ting 'dzin du/ /lus ngag yid la gang gnas pa/ /dbyer med tshul du skyob pas na/ /sangs rgyas kun gyis sngags su brjod/ /mtshan dang dpe byad ldan pa'i sku/ /yon tan mtha' dag rdzogs pa ni/ /bden pa gnyis la gnas pa yi/ /byang chub sems dpa' rnam kyi mgon/ /</font><hr>98.113a<br><font size=+1>

la la 'khor los sgyur ba'i gzugs/ /la lar dge sbyong chen po'i gzugs/ /la lar srin po sren mo'i gzugs/ /la lar 'gro ba bzang po'i gzugs/ /chos kyi 'khor lo bskor ba dang / /seng ge ltar gzigs mdzad la sogs/ /sna tshogs du ma mdzad pa ni/ /rkang gnyis lha min rnam gnyis sogs/ /'gro ba'i mgon por gyur pa'o/ /rtag dang 'dra dang nges med pa'i/ /gtso bo bsam pas gyur pa rnams/ /'jig rten phal pa'i mgon po ste/ /gzugs byad kha dog tha dad pa/ /yul du rnam pa'i bye brag gis/ /grangs ma byung ba mchod 'os so/ /thub pas gsungs pa'i de ma thag /rdo rje can gyis bzhengs nas kyang / /phyag 'tshal bskor ba byas nas ni/ /spyan sngar 'dug nas 'di skad gsol/ /'dren pa gtso bo bcom ldan 'das/ /sngags zhes pa ni gang gang yin/ /phyag rgya zhes ni ci lta bu/ /ting 'dzin zhes ni ji ltar bshad/ /lus ngag yid la ji ltar gnas/ /dbyer med tshul du ji ltar skyob/ /bdag la phan pa'i don phyir dang / /gzhan la brtse phyir bshad du gsol/ /de nas rgyal ba gtso mchog ni/ /ljags kyi dbang po bkraM byas te/ /tshang pa chen po'i gsung snyan gyis/ /rnam rtog zad phyir 'di gsungaso/ /snying po nye snying rtsa ba'i sngags/ /las kyi sngags su gyur pa ste/ /snying po brjod dang sa bon no/ /nye snying ye shes mchog dang ni/ /gsang ba'i snying po zhes grags so/ /las kyi sngags ni gnyis yin te/ /bdag nyid brtan byed las sngags dang / /sbyor tshogs grub par byed pa'i/ /phyag rgya lag pa'i 'du byed dang / /rkang pa stabs kyi 'gyur ba'o/ /rtags su mtshon dang 'ded pa dang / /'gyur ba med par byed pas na/ /phyag rgya zhes su bshad pa'o/ /rang gi rtse gcig sems bsdus na/ /sems la lhag pa'i chos 'bebs ba/ /de ni ting nge</font><hr>98.113b<br><font size=+1>

'dzin zhes bya/ /de ltar de dag la brten nas/ /snga ma'i gnas de yongs gyur nas/ /sgo nga bral ba'i 'dab bzangs ltar/ /lus 'di mkha' la cher song nas/ /rgyal ba'i zhing kham thams cad du/ /rgyal la dam chos mnyan nas kyang / /rgyal sras kun la bshad pa dang / /skad cig mkhyen pa'i shes pas kyang / /shes bya ma lus phyogs khyab pa/ /lus ngag yid la gnas pa'o/ /sems dang yid ni 'dres pa'i tshe/ /ye shes bde bar shar ba ni/ /dus gsum sangs rgyas thams cad kyi/ /dbyer med tshul du skyob ces gsungs/ /'phags pa khro bo'i rgyal po'i rtog pa bsdus pa'i rgyud las lhag par gnas pa'i don yongs su bkod pa'i le'u ste/ dang po'o// // zhi bas gdul dka' bgegs chen dang / /log 'dren de rnams 'dul ba'i phyir/ /sems kyi bye brag thugs chud nas/ /de dang gzugs 'dras gzhom pa'i phyir/ /rtog med nam mkha'i lam gnas te/ /rdzogs sangs gdul dka' 'dul mdzad sku/ /rab 'phag khro bo stobs chen dpal/ /sangs rgyas kun gyi sras kyi sras/ /mi g.yo'i mtshan grags de la 'dir/ /rgyal dang rgyal sras rtag phyag 'tshal/ /tshangs sogs lha dang lus can kun/ /de la rtag tu mchod par byed/ /rgyal bas byas gzo rgyal sras kyi/ /smon rdzogs bsam gyis mi khyab pa'i/ /ye shes rdzogs nas mi g.yo'i sa/ /thob pas mi g.yo ba zhes bya/ /phas kyis rgol 'joms dpa' bo ste/ /tshar gcod pa ni khro bo yin/ /sngags kyi bden tshig mi slu bas/ /nyan thos bdud tshogs kyis mi g.yo/ /rtog med bdud la khro bas rgyal/ /rdzu 'phrul bskyod med mi g.yo ba/ /de bzhin nyid kyi snying po mchog /stong nyid las byung rgyal ba'i sku/ /chos dbyings bdag nyid la bzhugs nas/ /sprul 'dis srid pa'i khams sbyong</font><hr>98.114a<br><font size=+1>

mdzad/ /mkha' ltar dri med spros bral bas/ /dus gsum sangs rgyas thams cad 'byung / /spros med nam mkha'i rang bzhin la/ /tha snyad tsam du gsang sngags zhes/ /brjod kyang ngag gi spyod yul 'das/ /skyob pas tha snyad rtogs phyir gsungs/ /sems med rang bzhin med stong nyid/ /sgyu 'drar yid kyis bsgom pa yin/ /dngos med mnyam mdzes 'dod don rnams/ /gsang sngags mgon 'di brjod pas stsal/ /mu stegs bdag dang srog gang zag /gtso bo skyes bu khyab gnas pas/ /'khor ba rtag 'dod nga rgyal rmongs/ /log pa'i zhags bcings sdug bsngal bskyed/ /bdag med srog med sems can med/ /byed po med cing gtso bo med/ /khyab gnas med cing dngos po med/ /rdzas la rdzogs pa'i rang bzhin med/ /log rtog srid 'ching zhags bcad phyir/ /dngos med sna tshogs gzugs bsgom pas/ /dngos grol stong nyid go 'phang 'thob/ /phyi nang khyad par der goms pa'o/ /dbu ba chu bur sgyu 'drar bsgom/ /stong nyid las ldang ting 'dzin gyis/ /rnam rtog sdig bcings las grol nas/ /'chi med ye shes go 'phang 'thob/ /phung po khams dang skye mched med/ /kun gzhi med de gang zag med/ /gzung 'dzin med de bcings med par/ /rgyal ba rnams kyis rtag tu bshad/ /kun med kun bral kun spangs pa'i/ /stong nyid byang sems rgyu 'dra bar/ /bag yod pas ni rtag bsgoms na/ /byang chub sems kyi myu gu 'char/ /yid bzhin nor 'dra rdzu 'phrul che/ /mkha' ltar gos pa med pa'i sku/ /sngags spyod byang chub sems dpa' yis/ /byang chub sems kyi sgom pa 'thob/ /ngo mtshar gsungs te thos ma thag /khro bo rnams kyi gtso la bstod/ /rtag tu dag cing dri med pa/ /rnam rtog rgyun 'gag kun rtog med/ /brtag rtog med la zhugs pa yi/ /</font><hr>98.114b<br><font size=+1>

dpa' bo chen po phyag 'tshal bstod/ /chos kun g.yo ba med pa khyod/ /spyod yul kun du legs sbyar bas/ /kun mkhyen g.yo ba med pa rtag /rang bzhin spros bral khyod phyag 'tshal/ /sems can sna tshogs phan don du/ /mdzad spyod sna tshogs gsung pa'o/ /dag pa'i lam rnam yang dag 'byung / /rnam dag sems la phyag 'tshal bstod/ /mun pa phra rab rdul spangs ba'i/ /sprin bral nam mkha' dag pa ltar/ /mgon po khyod sku shel sgong ltar/ /kun rtog spangs la phyag 'tshal bstod/ /spros med nam mkha' lta bu la/ /dngos po thams cad dang bral bas/ /phung khams skye mched shin du dag /ye shes rgya mtsho phyag 'tshal bstod/ /mkha' la 'ja' shar sna tshogs ltar/ /gtso khyod dag pa'i sems can gzigs/ /ngan 'gro kun sgrol dpa' chen 'khrungs/ /go cha chen po phyag 'tshal bstod/ /chos nyid las byung snying po ni/ /yi ge gcig pa gzi brjid che/ /sems can sdug bsngal sa gzhi la/ /mun 'khrigs sel la phyag 'tshal bstod/ /sngags mchog gtso bo'i gsang ba 'dis/ /rgyal sras chos 'phel shes rab bskyed/ /bla med go 'phang myur 'gro gsungs/ /gtso bo khyod la phyag 'tshal bstod/ /dngos kun gyur dang bcas pa yi/ /las dang skye las rnam par grol/ /rgyal ba rgyu med bdag nyid 'khrungs/ /gtso mchog khyod la phyag 'tshal bstod/ /dngos med ye shes me lce yis/ /'dus byas ri bo kun bsregs nas/ /chos dbyings rang bzhin gcig tu rgyal/ /bla med sku la phyag 'tshal bstod/ /bstod pa'i don de thugs chud nas/ /'gro la phan phyir cho ga gsungs/ /gsang sngags log par spyod pa dang / /ser sna log par goms pa las/ /'dod pas non pa'i sems rtog gis/ /sngags pa yi dgas gnas su skye/ /dang pos mar me me rtog dang / /zhal zas gtor ma phreng ba sogs/ /mchod pa'i rdzas dang yo byad dang / /mi yi lus dang kha zas la/ /</font><hr>98.115a<br><font size=+1>

'tshe zhing sgrub pa'i bar du bcod/ /mi sdug nad bskyed lo rtog 'tshe/ /gnyis pa gnod sbyin drag gyur nas/ /sha khrag chang la snom zhing rgyug /thos sam bsgrub pa'i bar gcod cing / /nad bskyed tshe len log lta bskyed/ /rig sngags 'chang gi gdon gzhom phyir/ /sgrub pos 'bad de sngags brjod bya/ /sngags mthu bskyed pa gtor ma dang / /sbyin bsreg phyag rgya sngags bcas dang / /mnan pa'i las kyis nags ma ltar/ /thogs pa med par 'joms par 'gyur/ /de dag brtan byed lha yin te/ /de gsal byed pa ras ris yin/ /de kun rnam dag gsol byed pa/ /byang chub sems mchog zhi ba ni/ /log rtog 'khor ba'i zo chun la/ /ral gri gnon po'i sta re ltar/ /'phags pa khro bo'i rgyal po'i rtog pa bsdus pa'i rgyud las de bzhin nyid kyi le'u ste gnyis pa'o// // de nas sngags dang phyag rgya dag /'byung bar rab tu bshad par bya/ /na maH/ sarbA sa pa ri pu ra ke b+h+yaH/ sarba ta thA ga te b+h+ya/ sarba tha hAM/ snying po dam pa'o/ /na maHsarbA sa pa ri pu ra ke b+h+yaH/ sarba ta thA ga te b+h+yaH/ sarba thA tsaN Da ma hA ro Sha Na spo Ta ya hUM/ T+ra ta haM maM snying po'o/ /na maHsarbA sa pa ri pu ra ke b+h+ya/ sarba ta thA ga te b+h+yoH sarba thA hra ta a mo ka tsaN Da ma hA ro Sha Na s+pho Ta ya hU~M/ tra ma ya hU~M/ Ta Ta haM maM nye ba'i snying po'o/ /na ma sarbA pa ri pu ra ke b+h+ya/ sarba ta tha ga te b+h+ya/ sarba thA a tsa lArga na/ naT+Ta naT+Ta/ moT+Ta moT+Ta/ saT+Ta saT+Ta/ taT+Ta taT+Ta/ tiSh+Tha tiSh+Tha/ A be sha aHmaT+Ta/ ma la ka /d+ha Na d+ha na/ ti Ni ti Ni/ khA da khA da/ bi g+ha nAn/ mA ra mA ra du Sh+Tan/ rak+Sha rak+Sha sa traM/ ku ru ku ru/ ki ri ki ri/ ma hA bi dza ya badzra phaT hU~M hU~M hU~M/ tri bi la ta ra ga /nar ta ga ka haM haM haM a tsa la/ te tsa/ phaT phaT/ a hU~M/ a sa maM ta ka /Ta Ta/ ma hA ba la sa tA ma na ya/ traM maM haM/ shu r+ya du lo ka /duSh+Ta na du badzri na ma swA pra ti ha ta ba le b+h+yo/ dza la ma tra ta/ a sa ta na ma swA hA/ gsang ba'i snying po'o/ /de nas phyag rgya stangs stabs kyis/ /</font><hr>98.115b<br><font size=+1>

sngags brjod pa ni 'dir gasrungs so/ /na maHsarbA sa pa ri pu ra ke b+h+yaH sarbA ta thA ga te b+h+yaH sarba tha/ o~M ha na ha na mA ra mA ra ya dz+nyA na/ khaDa ga hU~M phaT/ ral gri'i phyag rgya'i sngags so/ /na maHsarbA sa pa ri pu ra ke b+h+yaH/ sarba ta thA ga te b+h+yaH/ sarba tha/ o~M gr-ih+Na gr-ih+Na/ khA da khA da/ ba sha na/ ban d+ha ban d+ha/ ma hA ad+ya te/ d+harma te swA hA/ zhags pa'i 'o/ /na maHsarbA sa sa pa ri pu ra ke b+h+yaH/ sarba ta thA ga te b+h+yaH/ sarba thA/ o~M rak+Sha rak+Sha/ ha na ha na/ kuT+Ta kuT+Ta/ mA ra ya duSh+Ta bi nA ya kaM hU~M dza go cha'i 'o/ /na maHsarbA sa pa ri pu ra ke b+h+yaH/ sarba ta thA ga te b+h+yaH/ sarba tha/ o~M d+ha ra d+ha ra badzra na li/ khaDa ga pA sha d+ha ra swA hA/ gtsug tor gyi 'o/ /na maHsarbA sa pa ri pu ra ke b+h+yaH/ sarba ta thA ga te b+h+yaH/ sarba thA/ o~M b+hany+dza ban d+ha da ha pa tsa b+ha smi ku ru ku ru ha na ha na badzra/ gr-ih+Na gr-ih+Na phaT/ tho ba'i'o/ /na maHsarbA sa pa ri pu ra ke b+h+yaH/ sarba ta thA ga te b+h+yaH sarba tha/[ \u0f00]Sh+Ta na ta mur ti/ da ha da ha/ sA d+ha ya sA d+ha ya/ bi dza ya bi dza ya/ bi dza ya kir ti swA hA/ mgon po'i phyag rgya'o/ /na maHsarbA sa pa ri pu ra ke b+h+yaH/ sarba ta thA ga te b+h+yaH/ sarba tha/ o~M b+hu d+ha ra d+ha ra/ a tsan d+ya ba la bi kra ma NaM/ bu ra bu sa la ya/ rak+Sha rak+Sha sarba swA hA/ rdo ba'i phyag rgya'o/ /na maHsarbA sa pa ri pu ra ke b+h+yaH sarba ta thA ga te b+h+yaH sarba tha/ o~M badzra hr-i da ya/ badzra ma ti gi swA hA/ snying ga'i phyag rgya'o/ /na maHsarbA sa pa ri pu ra ke b+h+yaH/ sarba ta thA ga te b+h+yaH sarba tha/ o~M hU~M da ha da ha/ kin tsi rA ya si/ A na ya shI g+h+raM/ rak+Sha rak+Sha/ ban d+ha ban d+ha/ duSh+TaM/ da ma da ma swA hA/ phyogs bcing pa'o/ /na maHsarba sa pa ri pu ra ke b+h+yaH sarba ta thA ga te b+h+yaH sarba tha/ o~M du na du na ma hA pA sha khaDa ga d+ha ra/ sa pa ri pu ra ke swA hA/ bka' rtags kyi'o/ /na maH</font><hr>98.116a<br><font size=+1>

sarbA sa ba ri p+'u ra ke b+h+yaH sarba ta thA ga te b+h+yaH sarba tha/ o~M ga ga na gan dod b+ha ba/ ma hA sa ma ya/ pa ri pu ra ke swA hA/ gri'i phyag rgya'o/ /na maHsarbA sa pa ri pu ra ke b+h+yaH/ sarba ta thA ga te b+h+yaH/ sarba tha/ o~M bi shud d+ha dz+nyA na rA dzi saM b+ha be ga ga nA naM hA swA hA/ ma mo'i phyag rgya'o/ /na maHsarba sa pa ri pu ra ke b+h+yaH/ sarba ta thA ga te b+h+yaH/ sarba tha/ o~M shud d+ha d+harma te/ shud d+ha shud d+ha/ gr-ih+Na gr-ih+Na/ sarbA sa pa ri pu ra ke b+h+yaHswA hA/ gtor ma'i phyag rgya'o/ /na maHsarba sa pa ri pU ra ke b+h+yaH sarba ta thA ga te b+h+yaH/ sarba thA/ o~M shud d+ha ma hA dz+nyA na swa b+ha ge tiSh+Tha tiSh+Tha/ ma hA na ye swA hA/ bdug pa'i 'o/ /na maHsarbA sa pa ri pu ra ke b+h+yaH/ sarba ta tha ga te b+h+yaH/ sarba thA/ o~M ga ga na bi krAn ta gA ma ni ma dA shud d+ha ye swA hA/ me tog gi'o/ /na maHsarba sa pa ri pu ra ke b+h+ya/ sarba ta thA ga te b+h+yaH sarba thA/ o~M ha na ha na/ pa ra ma bi shud+he/ d+harma na ya pa ri pu ra ke b+h+yaHswA hA/ zhal zas kyi'o/ /na maHsarba sa pa ri pu ra ke b+h+yaH sarba ta tha ga te b+h+yaH/ sarba tha/ o~M a pra ti di don d+ya ta/ da ma da ma/ sarba thA/ sa pa ri pu ra ke b+h+ya swA hA/ dpa' bo spyan drang ba'i 'o/ /na maHsarba sa pa ri pu ra ke b+h+yaH/ sarba ta tha ga te b+h+yaH sarba thA/ o~M b-i shud d+ha bi shud d+ha/ sa kra swa b+ha be A na ya/ ma hA na ye swA hA/ byang chub sems dpa' spyan drang ba'o/ /na maHsarbA sa pa ri pu ra ke b+h+yaH/ sarba ta tha ga te b+h+yaH sarba thA/ o~M bi shud d+ha swA hA/ ha na ha na/ da ma da ma/ ma hA na ye swA hA/ nyan thos spyan drang ba'i 'o/ /na maHsarbA sa pa ri pu ra ke b+h+yaH sarba ta thA ga te b+h+ya/ sarba thA/ o~M badzrA kar ShA ya/ shI g+h+raM/ da ha da ha/ pa tsa pa tsa/ ma hA pa ri wA ra swA hA/ pho nya pho mo spyan drang ba'o/ /na ma/ sarba sa pa ri pu ra ke b+h+yaHsarba ta tha ga te b+h+yaH/ sarba tha/ o~M ma thA ma thA/ A na ya A na ya/ </font><hr>98.116b<br><font size=+1>

pra be sha ya/ pra be sha ya/ sarba ta thA ga ta sarba de be ta ma ta ma/ ma hA na ya pa ri wa ri hU~M swA hA/ 'jig rten pa rnams spyan drang ba'o/ /na maHsarba sa pa ri pu ra ke b+h+yaH/ sarba ta thA ga te b+h+yaH sarba tha/ o~M sa d+ya sa d+ya/ ma hA sA d+h+ya ya/ da ma da ma/ ma hA da ma/ A kar ShA ya A kar ShA ya/ a d+ya ba ma hA na ya shud d+he swA hA/ drang srong spyan drang ba'o/ /na maHsarba sa pa ri pu ra ke b+h+yaH/ sarba ta thA ga te b+h+yaH/ sarba thA/ o~M dza ya dza ya/ bi dza ya bi dza ya/ ma hA sa d+ya ba ti ni/ sarba hA+e te swA hA/ sring mo rnams spyan drang ba'o/ /na maHsarba sa pa ri pu ra ke b+h+yaH/ sarba ta thA ga te b+h+yaH sarba thA/ o~M hri hA dA/ ma tha ma tha/ da ma da ma/ da na da na/ ma ha na ye/ ma ra ma ra/ ha swA hA/ ma mo rnams spyan drang ba'o/ /na maHsarba sa pa ri pu ra ke b+h+yaH/ sarba ta thA ga te b+h+ya/ sarba thA/ o~M da na badzra hU~M phaT/ sarba duSh+Ta gra daM/ ma tha ma tha/ b+hany+dza b+hany+dza/ sarba big+h+na/ da ma da ma/ sarba duSh+TaM o~M hU~M phaT swA hA/ rkang stabs tsham ngam gyi sngags so/ /na maHsarbA sa pa ri pu ra ke b+h+yaH/ sarba ta thA ga te b+h+yaH/ sarba thA/ o~M A hUM/ A kA sha ga ga na s+pha ra Na khaM swA hA/ 'o thug 'khur ba 'bru sna tshogs/ /spos dang me tog la sogs pa/ /ci 'byor 'byor pa'i gtor ma ni/ /sngags des spro zhing spel bar bya/ /na maHsarbA sa pa ri pu ra ke b+h+yaH/ sarba ta thA ga te b+h+yaH/ sarba thA/ o~M swa b+ha ba sarba tha b+h+yaM bAM swA hA/ na maHsarba sa pa ri pu ra ke b+h+yaH/ sarba ta tha ga te b+h+yaH sarba tha/ o~M la ba d+he sarba ga ga na la ba d+ha ya swA hA/ na maHsarba sa pa ri pu ra ke b+h+yaH/ sarba ta thA ga te b+h+yaH/ sarba thA/ o~M sarba sid d+hi dwa mi haM swA hA/ byin brlabs bzhin du bsgyur ba dang / /kun gyis thim par bya ba dang / /'dod pa'i las rnams gang dang gang / /grub par bya ba'i sngags yin no/ /gza' chen brgyad dang rgyu skar dang / /nyi shu rtsa brgyad rnams kyi sngags/ /na maHsarba sa ba</font><hr>98.117a<br><font size=+1>

ri pu ra ke b+h+yaH/ sarba ta thA ga te b+h+yaH/ sarba thA/ A di t+ya/ so ma aM gA ra bud+haH/ br-i haspa ti/ shu kra sha na sh+tsa ra rA huH ke tu/ krit+ti ka /ro hi NI/ mri ga shi rAH Ar tra pu nar ba su/ su Sh+ya a sh+le ShA/ ma g+ha purbA phal gu Ni uta ta ra phal gu Ni/ hasta/ tsi tra swa sti/ bi shA khA/ a nu rA d+ha/ dzeSh+Tha mu la/ pu rA Sha D+ha/ u ta ta ra ShA D+hA shra ba NA a b+hi dzi ta/ shata b+hi Sha/ d+ha niSh+Tha/ purba b+ha dra ba dA/ uta ta ra b+ha dA/ rai ba ti/ a shwa ni/ b+ha ra nI/ o~M dang swA hAr bcas pa n-i/ /rang rang snying po'i sngags yin te/ /gang 'dod las kyang sbyar bar bya/ /mchod pa'i rigs kyang tha dad bya/ /na maHsa man ta kA ya bAka tsi t+ta badzrA NAM/ o~M a tsa la ka Na tsaN Da ma hA ro Sha na s+pho Ta ya tra ka kha haM maM/ na maHsa man ta kA ya bAka tsi t+ta badzrA NAM/ o~M badzra ka ba tsa duM baM/ o~M na maHsarba ta thA ga te b+h+yaH/ sarba b+da ya bi ga te b+h+yaH/ bi sha mu khe b+h+yaH/ sarba tha khaM rak+Sha/ ma hA ba li/ sar+b+ba ta thA ga te pu n+ya ni rdza te hU~M hU~M tra thA a pra ti ha te swA hA/ khro bo spyan gcig drag shul can/ /bsrung dang bcas par mchod pa dang / /sngags bzlas dngos grub blangs pas 'grub/ /ci 'dod las la cho gas sbyar/ /lag g.yas gung mdzub gshibs te brkyang / /srin lag mthe chung mthe bos mnan/ /shugs drangs tshul phyung mkha' la sbyar/ /ral gri phyag rgyas bdud tshogs 'joms/ /g.yon pa khu tshur sdigs mdzub bsgreng / /slar bsgyur byed pa zhags pa'i rgya/ /gung mo mthe'u chung so sor sprad/ /'dzub mo ming med nang du dgug /mthe bo gshibs pa gung 'gram sbyar/ /snying ga bkod de go cha'i rgyan/ /sor 'khyud khu tshur nang du bsdam/ /mtheb gnyis cung bsgyur mgo thod rgya/ /g.yon pa'i khu tshur mthe bo ni/ /g.yas pa'i khu tshur nang bcug nas/ /mthe bong g.yas bsgreng tho ba'i rgya/ /phyogs bcur brdungs pa ltar bya'o/ /g.yas pa khu tshur gung mo bsgreng / /spyi gtsug phyag rgya btsug tu bzhag /g.yon pa khu tshur gung</font><hr>98.117b<br><font size=+1>

mdzub bsgreng / /bka' rtags phyag rgya rtag tu phyar/ /khu tshur gnyis gshibs lto sbyar ba/ /rdo ba lta bu'i phyag rgya'o/ /g.yas pa'i khu tshur snying gar gzhag /snying ga brgyan pa'i phyag rgya'o/ /lag gnyis sor mo so sor brkyang / /phyogs bcu ba'i phyag rgya'o/ /lag sbyar gung gnyis nang bcug pa/ /dri yi phyag rgyar bshar pa'o/ /khu tshur rgyab sprad gung mthe bong / /mthe bong gung mdzub sprad dang 'khyud/ /gtor ma sbyin pa'i phyag rgya'o/ /thal mo khong stong shubs ltar gdon/ /bdug spos 'bul ba'i phyag rgya'o/ /lag gnyis so sor gung srin bkug /mtheb mnan bzhag brkyang me tog rgya/ /thal sbyar gung srin mdzub mo bkug /mthe'u chung mtheb brkyang zhal zas rgya/ /skyil dkrung 'dug ste snyim pa zed/ /mthe bo gnyis ni nang du bkug /sor gshibs nas g.yab byed pa ni/ /dpa' bo gtso bo spyan drang rgya/ /thal sbyar mdzub bkug mthe bos mnan/ /byang chub sems tshogs 'gugs pa'-i rgya/ /snyim bskyed mthe'u chung bshibs te brkyang / /lhag ma brgyad pa so sor gug /nyan thos rang rgyal rdzu 'phrul can/ /ma lus thams cad 'gugs pa'i rgya/ /khu tshur g.yas pa g.yon stengs bzhag /mdzub gnyis garkyang ste so sor dgug /cung zad bskyed par byed pa ni/ /pho nya pho mo 'gugs pa'i rgya/ /khu tshur rgyab sprad gung mdzub ni/ /so sor drang por gshibs te brkyang / /mtheb gnyis cung zad sprad de dgug /'jig rten pa rnams 'gugs pa'i rgya/ /g.yon min g.yas pas de ltar bya/ /brtul zhugs drang srong dgug pa'i rgya/ /g.yon pa khur tshur gung mo bsgreng / /dngos grub sring mo 'gug pa'i rgya/ /lag g.yas bkan te brkyang nas kyang / /mthe bos mdzub mnan gsum po g.yab/ /ma bdun la sogs ma mo rnams/ /las kyi dus su 'gugs par 'gyur/ /res kyis bteg cing drang po yi/ /</font><hr>98.118a<br><font size=+1>

pus mo dag la rkang mthil sbyar/ /spyi bor me tog thal sbyar yang / /phyogs der g.yob cing 'bri tshugs lta/ /zlum pa'i stabs kyis 'di kun gyis/ /bgegs tshogs 'joms shing rnal 'byor bsrung / /lag pa g.yas ni gyen du brkyang / /g.yon pa snying gar sdigs mdzub ste/ /rkang gnyis sprad nas rting pa rdebs/ /hU~M brjod drag skad mdun du lta/ /sa gsum g.yo byed zla gam stabs/ /rkang g.yon brkyang ba'i stabs dang ni/ /ha ha brjod cing zhabs rgya bcing / /phan tshun bsnol nas bgeg la bsnun/ /'khor lo phyag rgya phye mar bya/ /rkang g.yas brkyang ba'i stabs dang ni/ /rdo rje thal mo mkha' la bsnun/ /khro gnyis mig can ma mchu mnan/ /yan lag gnyis gnyis me ltar sprad/ /rkang pa mnyam stabs hUM sgra can/ /lag gnyis sdigs mdzub phyag rgya'o/ /rkang gnyis mnyam du bzhags pa las/ /g.yas kyi g.yon bskor lte ba yin/ /mdun du g.yas te rgyab du g.yon/ /gya tshom gsum gsum mnan pa ni/ /rtse gsum yin te rtse gsum rgya/ /lag pa steng brkyang dbyig bsgreng ltar/ /bgegs la bsnun zhing 'bri tshugs blta/ /g.yas su tho ba hUM brjod brdeg /g.yon pa snying ga'i sdigs mdzub ste/ /gnyis ka bgrad pa 'khor lo bya/ /gnub bltas rkang pa mnyam bzhag nas/ /mdun g.yas rgyab dang g.yon phyogs su/ /g.yon pas bgeg gsum mnan bya zhing / /rim pas me dang ral gri dang / /sdigs mdzub zhags pa phyog bzhir bcing / /ha hU~M drag brjod brjid gnon rgya/ /rkang gnyis pus 'khyud lag pa gnyis/ /grub mo bsgyur na thig gis mnan/ /bgegs bskrad phyir ni 'bru tshugs blta/ /rtse gcig rdo rje stabasu bcad/ /</font><hr>98.118b<br><font size=+1>

rkang pa g.yas g.yon res kyi bskor/ /lho byang g.yon te shar nub g.yas/ /brkyang zhing drag du brdab par bya/ /rgyab nas drang dang tho ba dang / /rdo rje dang ni zhags pa'i rgya/ /phyogs bzhir bya ste 'khor lo stab/ /phyag rgya dang ni stang stabs kyis/ /phyog skyong rnams kyang sgrag byed na/ /'byung po'i tshogs 'jom smos cing dgos/ /thams cad dbang du sdud par byed/ /de nas phyogs bcu bcing ba yi/ /rkang stabs khyad par bshad par bya/ /shar du rkang pa mnyam pa yis/ /rdo rje thal mo gyen du brdeg /lhor ni rkang rting sprad de gdang / /hU~M sgrogs thal mo mdun rgyab sbyar/ /nub du rkang sprad lag pa gnyis/ /so sor sdigs mdzub gyen du brkyang / /byang du ral gri'i phyag rgya dang / /rkang pa ya gcig sa la bsgreng / /khu tshur mdzub sbyar dpral bar bzlog /kang gnyis mnyam byas res kyis phyar/ /mche gtsigs hU~M sgrogs khro gnyer blta/ /byang shar thig ler grags pa'i rgya/ /khu tshur mthe'u chung mche ba'i rgya/ /rkang pa res bteg shar lhor phye/ /lho nub rkang gnyis res kyis brdab/ /zhags pas 'debs dang ral gris gcod/ /nub byang rkang gnyis brdab pa dang / /lag gnyis 'theb sprad 'khor lo bskor/ /yang na tshe gcig phyag rgyas gdab/ /stang stabs thams cad ha hU~M sgrogs/ /de nas rig sngags bzlog pa yi/ /phyag rgya cho ga bshad par bya/ /khu tshug gung mo brkyang rtse sprad/ /mdzub gnyis de yi 'gram du bcang / /sngags dang phyag rgya thams cad kyis/ /lha klu srin po gnod sbyin dang / /mkha' 'gro 'byung po mi ma yin/ /gsod dang skrod de me ltar mdzad/ /'phag pa khro bo'i rgyal po'i rtog pa bsdus pa'i rgyud las sngags dang phyag rgya'i le'u ste gsum pa'o// //</font><hr>98.119a<br><font size=+1>

bla na med pa'i ras ris sku/ /cho ga de nas bshad par bya/ /bris sku 'dod pas thams cad du/ /dge ba'i ras bzangs btsal nas kyang / /bkrus te sngags kyis bsrung byas la/ /ngur smrig tu ni bsgyur bar bya/ /rgyud bzangs dal zhing dul bag yod/ /chos thos ri mo mkhas la bsgrin/ /sred chung yid gzhungs khro med pas/ /sen rtsi shun kan tsha la sbyar/ /spangs dang mu zi kran ltar ljang / /ba bla kra t-i sla na ser/ /li khri sgo nga mtshal spags dmar/ /rams dang mthing shug bru nir sngo/ /sbyig dang any+dza nag po ste/ /she t+w+wa dag kyang dkar por 'gyur/ /sa snod so btang skags snyig byug /pir 'jam rab 'bring tha ma bri/ /rgyal dang sa ri nam gru dang / /snron snrums smin drug lha mtshams shis/ /de nas yang dag rab bshad pa/ /thub pa'i dge ba ras ris la/ /dbus su byang chub shing mchog drung / /gser mdog 'khor lo sgyur ba'i chas/ /chos 'chad phyag rgya ngur smrig mnabs/ /logs su 'dab bzangs rgyal po gnyis/ /snyim pa me tog bkang ba'i gzugs/ /g.yas su 'jig rten dbang po dkar/ /ngur smrig gyon pas thal mo sbyar/ /de yi zhabs su mi g.yo ba/ /spyan gsum khros pa klu yi brgyan/ /na ra'i stod g.yog stag smad dkris/ /rin chen rgyan can do ker can/ /rdo ba dmar po'i khri stengs na/ /ral gri dang ni zhags pa dang / /g.yon pa cung zad brkyang ste bzhengs/ /gtso bo'i g.yon gyi phyog cha la/ /rdo rje 'dzin sngo ngur smrig can/ /rdo rje dang ni zhag pa 'chang / /de yi 'og tu sgrub po ni/ /pus btsug spos kyi khang bu 'dzin/ /gtso bo zhabs su khro bo che/ /nag po khams gsum brtan pa yi/ /lag gnyis rin chen khri la bteg /gtso bo'i sna tshogs pad ma ste/ /mjig rten dbang dang khro bo yi/ /rdo rje 'dzin dang bsgrub pa'i sngo/ /yan lag lnga pa sdong po gcig /klu yi bu mo</font><hr>98.119b<br><font size=+1>

mdzes ma gnyis/ /pang gis 'khyud de 'dzin par mdzad/ /zhi ba rgyas pa dbang gi phyir/ /de nas bris sku yang dag bshad/ /dbus su shAkya thub pa dang / /g.yas su 'phags pa 'jam dpal te/ /g.yon du phyag na rdo rje'o/ /bsnyen pa'i don du ras ris ni/ /shin du blta dka' gsus po che/ /zhal gcig phyag bzhi klu yis brgyan/ /kha nas khrag 'dzag lce 'dril ba/ /mche gtsig hrIHsgra cher sgrogs pa/ /spyan gsum nyi ma shar ka'i 'od/ /ngur smrig mnabs pa char sprin mdog /sku la thod rlon phreng ba can/ /dbu la thod pa tshar bzhis brgyan/ /g.yon du rin chen zur phud 'phyang / /bskal pa'i med 'od 'bar ba yis/ /phyogs kyi bgegs tshogs sreg par mdzad/ /g.yas kyi dang po rdo rje ste/ /gnyis pas ral gri 'od 'bar 'chang / /g.yon gyi dang po rdo rje zhags/ /gnyis pa bsdigs mdzub brkyang ste mdzad/ /rin chen rdo yi khri stengs su/ /bgegs kyi rgyal po mnan nas kyang / /g.yon brkyang pa yi gar gyis gnas/ /de yi mdun du zhi ba'i byad/ /spos khang bzung ba'i sgrub po bri/ /ci 'byor rgyun du mchod par bya/ /mngon spyod bsgrub pa'i ras ris ni/ /de nas yang dag bshad par bya/ /dur khrod ras la mi g.yo ba/ /mdog nag spyan gsum zur mig lta/ /ngur smrig gos gyon khro gnyer ldan/ /ral gri dang ni zhag pa 'chang / /bris nas bdag gi khrag g-is ni/ /spyan phye gsol ba btab par bya/ /ri mo 'di ni rigs 'dzin kyang / /sgrub po mngon spyod smos ci dgos/ /yang na sna tshogs las kyi phyir/ /mthing ga na ra'i rgyan can ni/ /brkyang skum rdo rje dril bu 'dzin/ /pad ma zla ba la bzhugs bri/ /dmag dpung rengs pa'i ras ris ni/ /gser mdog khro bo mi g.yo ba/ /mi sdug mche ba gtsigs pa'i sku/ /'bar phyeng 'khrigs pa'i 'od ldan pa/ /zhal bzhi phyag kyang bzhi pa ste/ /ral gri zhags pa dang por 'dzin/ /rin po che dang sdigs mdzum</font><hr>98.120a<br><font size=+1>

'og /zhabs bzhi bdud bzhi snying gar ro/ /de nas rig 'dzin dngos grub kyi/ /ras ris bri ba yang dag bshad/ /mi g.yo khro bo zhal gcig pa/ /mdangs bzang zar ma'i me tog mdog /ral gri zhag pa sdig mdzub can/ /pus mo g.yas bteg g.yon pa ni/ /sa la cung zad btsugs par mdzad/ /mkha' la lha yi bu gnyis kyis/ /dbugs 'byin mdzad pa nyams dga'i gzugs/ /g.yas su rnam snang mdzad bri ste/ /g.yon du 'od dpag med pa'o/ /de mdun sgrub po nyid kyang bri/ /gang yang ris ma thams cad la/ /mchod de me tog gtor nas kyang / /spyan phye na bza' gsol byas te/ /rten 'brel sngags kyis rab gnas bya/ /de rjes smon lam gdab pa ni/ /o~M ldan bdag gis bsags pa yi/ /bsod nams grangs med gzhal mi lang / /des ni 'gro ba ma lus pa/ /bla med go 'phang thob par shog /sems can dmyal ba dud 'gro dang / /yi dgas gang dag grangs med rnams/ /bdag gi bsod nams mthu yis ni/ /thams cad bde dang ldan gyur cig /gang yang lha mi dbul phongs dang / /mi nad mu ge dgra chom sogs/ /bdag gis bsod nams mthu yis ni/ /de dag thams cad bral gyur shog /ji snyed sems can thams cad rnams/ /de snyid sdug bsngal rgya mtsho kun/ /sna tshogs de dag kun zhi nas/ /'ga' yang sdug bsngal med par shog /sems can gang dag lus ngag yid/ /mi dge spyod pa bral gyur nas/ /dge ba phun tshogs spyod gyur te/ /kun kyang bde ldan thob gyur shog /de nas rgyal sras kun bdud de/ /lag na dri dang me tog sogs/ /mchod pa'i yo byad kun thogs nas/ /bla 'og tha dad gsal bya'i phyir/ /bde gshegs bsdu don 'di skad brjod/ /o~M bde bar gshegs pa'i bcom ldan 'das/ /skyob pa dngos su bzhugs pa rnams/ /bdag la slar yang</font><hr>98.120b<br><font size=+1>

brtse ba'i phyir/ /rgyal ba sras bcas la mi mnga'/ /bdag don grub par 'gro ba la/ /brtse phyir slar yang byon par mdzod/ /de nas gtor ma me tog dri/ /dkyil 'khor rgyan dang rdul tshon rnams/ /dngos grub dam tshig gnod spang phyir/ /lag pas reg par mid bya te/ /gos kyi phur ma la sogs pa/ /ci bde bas ni phyags nas kyang / /skye 'gag med pa'i sngags brjod nas/ /chu bo la ni dor bar bya/ /'bras dang 'o ma sha ka ra/ /mar dang bcas pa bskol byas te/ /'bras zan dang ni lhan gcig tu/ /dga' bskyed phyir du dge 'dun dang / /bram ze la ni ston mo bya/ /de nas bris sku brtan par ni/ /gsang ba'i gnas su mchod par bya/ /khyad par tshes brgyad dus su mchod/ /bla ma la ni yon dbul zhing / /rtag tu sngags 'dzin thams cad kyang / /mnyes par bya pa'i khros pa min/ /sems can ma mos spang bar bya/ /dkon mchog gsum la nges bskyed de/ /the tshom le lo spang bar bya'o/ /rang gi phung po bsnyen bkur phyir/ /khrus dang gtsang sbra ldan byas nas/ /gos sbra dri ma med pa bgo /zas kyang 'bras sogs dri med la/ /nyung ngu bza' zhing btung bar bya/ /mangs pas gnyid dang le lo dang / /dri nga ba ni bskyed par 'gyur/ /tho rangs dang por lang nas ni/ /srod thal bar du brtson par bya/ /nam gyi gung la gnyid pa'i tshe/ /'gro la phan bya'i sems kyis nyal/ /'phags pa khro bo'i rgyal po'i rtog pa bsdugs pa'i rgyud las bris sku'i le'u ste bzhi pa'o// // de nas yang dag bshad bya ste/ /lha bsgom pa'i rim pa ni/ /rang gzugs stong par byas nas su/ /yi ge phreng ba'i 'khor lo las/ /sgra grags pa ni rig pa che/ /zla ba'i gzugs brnyan lta bur snang / /der son pa ni rdo rje sogs/ /rang gi phyag rgya nyid yin no/ /</font><hr>98.121a<br><font size=+1>

de nas/ de las gyur pa'i sku mchog ni/ /'ja' tshon shar ba ji ltar bar/ /mtshan dpe mdangs 'od yang dag ldan/ /brjid cing dgyes pa'i mdangs dang ldan/ /sgeg cing rol pa'i cha byad ni/ /byis pa gzhon nu'i lang tsho 'dra/ /ri chen rgyan dang na bza' ni/ /gzugs mdzes lha yi ci lta ba/ /khros pa'i srin po lta bu ste/ /skra dang kha spu la sogs pa/ /spu sogs ser zhing rtsub la 'khyil/ /sna tshogs dur khrod rgyan rnams ni/ /rtsub cing blo ldan rab tu khros/ /na bza' rlon pa khrag can ni/ /steng gi khyamasu yod par mdzad/ /ha ha hU~M hU~M phaT phaT kyi/ /ngar skad 'brug skra spyugs glu ni/ /ri rab 'bum bsnyil chal chom ltar/ /lus rab ltos 'gros brgyan pa ni/ /gzi ldan 'khyud cing phaT sgra 'don/ /'phro 'du 'od kyi dkyil 'khor ni/ /nyi 'bum dus me'i bskal pa 'dra/ /rab gdug mtshon cha du ma n-i/ /lha min dus kyi 'khrug pa'i cha/ /khro bo khro mo'i tshogs 'byung ba/ /thams cad yi ge hU~M sgra can/ /ma mo dang ni mkha' 'gro rnams/ /b+h+yo yig drag po'i bdag nyid can/ /thub pa yi ge muM las bskyed/ /rgyal sras rig ma nyan thos dang / /'jig rten skyong rnams sngag 'di bskyed/ /na maHsarba ta thA ga te b+h+yaHsa pa ri pu ra ke b+h+yaHsarba thA/ o~M sarba saM ska ra pa ri shud d+he/ d+harma te ga ga na sa mud ga te swa b+ha ba pa ri shud d+he/ ma hA na ya pa ri wa re swA hA/ /rang gi lus la sems btsug nas/ /sdigs pa thams cad rab tu zhi/ /ngang tshul bzang por yang dag byung / /rig par gyur pa'i sems ldan nas/ /drang srong rdzu 'phrul can du 'gyur/ /gzhan yang sdug bsngal zhi nus na/ /rang gi bde thob smos ci dgos/ /rang rang rigs kyi lha rnams kyi/ /gzugs brnyan phyag mtshan kha dog ni/ /dkyil 'khor ram ni ris ma las/ /gsung ba ji ltar bsgom par bya/ /de nas mi g.yo khro bo che/ /rdo rje 'dzin pa phyag 'tshal nas/ /dag cing gsal</font><hr>98.121b<br><font size=+1>

la snyan pa yis/ /tshig gi yang ni 'di gsol to/ /rdo rje 'dzin pa bcom ldan 'das/ /gtum po mtshan nyid rab ldan pa'i/ /nga yi mtshan nyid khyed bshad nas/ /de tshe rdo rje 'dzin rgyal pos/ /gtum mo'i cha byad ldan byas nas/ /rang gzugs sngags dang bcas pa yis/ /gsang chen brda 'di bka' stsal to/ /dag pa'i sems nyid hU~M rdo rje/ /mthing ga'i mdog las rdo rje 'dzin/ /mthing ga brkyang skum khro sems nan/ /na ra'i rgyan bcas 'jigs byed sku/ /gyen skru kha spu gyong ser dmar/ /pad ma zla ba'i steng du ni/ /me yi nang bzhugs rdor dril 'ching / /rnam snang 'dzin dang gnyis dang po/ /bzhi pa'i lnga pa de'i gsum pa/ /lnga pa'i lnga pa bdun pa'i bzhi/ /me yi sa bon dgug pas mnan/ /bdun pa'i dang po gsum pa yin/ /gsum pas bteg go hU~M phaT bcas/ /gsang sngags rgyal po bla med 'di/ /dgos pa thams cad 'grub pa dang / /khyad par du ni 'byung po sel/ /klu 'dul ba ni dkar po che/ /nam mkha' lding gi cha byad che/ /grub pa'i gter gyi don du ni/ /ser po 'od dang ldan pa yi/ /dmar po dag ni ljang nag dag /drog po'i gdon rnams sel ba dang / /tshe ring ba la shis pa'o/ /lhag pa bskyed pa'i sku mchog ni/ /'byung bar gyur pa de ma thag /sa steng thams cad mun nag 'khrig /bdud rnams thams cad rab tu tshig /ye shes me 'od chen po 'di/ /bzod par sla la gcig ma mchis/ /bgeg chen log par 'dren pa rnams/ /dog pa'i sems kyi thag rings 'bros/ /gsang sngags yi ge hU~M sgra can/ /glog 'khrug pa yi 'od zer 'dra/ /klad par yi ge haM gi gzugs/ /gru gsum me yi gzug brnyan can/ /'od dmar tshal pa rab 'thor bas/ /bgegs tshogs sreg cing bros par byed/ /bong bu rnga mo khyi spre'u gzugs/ /ro lang ma lus thams cad kun/ /ha ha brjod cing bros par byed/ /rlung gis</font><hr>98.122a<br><font size=+1>

g.yengs pa'i rul dang mtshungs/ /gyen thur hU~M gi 'phro 'du dang / /khro bcu sa bon yi ge hU~M/ /me dang rlung gis tshul du 'bar/ /mngon sum rtsa la me bzhin du/ /snying gi hU~M gis 'das nas kyang / /klad pa'i hU~M gis sreg par byed/ /'od dang phyag rgya lha yi sku/ /bskrad dang bcing dang myos byed bsam/ /seng ge dang ni glang chen 'brug /drag po'i sgra skad ci 'dra bar/ /rtsa ba'i gsang sngags zlos pa ni/ /bgegs dang log 'dren ma lus pa/ /sreg cing phye ma rdul du rlog /snying nang snying po bstan pa ni/ /'od 'bar 'od gyis sdig pa'i tshogs/ /du ma rnams kyang zad par mdzad/ /lus ngag yid brtan 'khor lo sngags/ /A+oM dang A dang hU~M sbyor gyis/ /dpal 'phel dbang phyug bskyed pa dang / /go cha chen po bskon par byed/ /na ma s+t+rai ya da d+h+wi nAM/ ta thA ga tA nAM haM go cha chen po'i gsang sngags 'di/ /rgyal sras rnams kyang 'dar 'gyur na/ /bgeg rnam sreg pa smos ci dgos/ /sa ma ya s+t+waM a haM g-is/ /ye shes lha dang 'brel par bya/ /rgyal bas dbang bskur sbyor bas ni/ /ye shes dbu rgyan brtag par bya/ /gtso la mi bskyod dbu rgyan can/ /'khor kun mi g.yos rgyas gdab bya/ /bdag nyid yi ger byas nas su/ /me gzug shin tu phra bas ni/ /mtshan mo dus su nyams par bya/ /sdang ba hUM gi sgra las so/ /'phags pa rdo rje khro bo'i rgyal po'i rtog pa bsdus pa'i rgyud las lha 'byung ba'i le'u ste lnga pa'o// // de nas yang dag bshad bya ba/ /sngags spyod tshul gyi cho ga nyon/ /dad pa dang yang mi ldan zhing / /byang chub sems kyang ma bskyed de/ /dbang bskur rjes gnang ma thob la/ /sdom tshul dam tshig bral ba'i mi/ /gsang sngags rang nyid len pa ni/ /byis pa lcags bsregs mid pa 'dra/ /thog ma med sgrib bkru ba'i phyir/ /rdo rje slob dpon 'di skad brjod/ /o~M sngags mchog</font><hr>98.122b<br><font size=+1>

ting 'dzin rnam dag chu/ /bskal pa du mar bsag pa yi/ /sdigs pa'i tshogs rnam dag gyur nas/ /rang bzhin dag pa'i sems su byed/ /o~M sarba ta thA ga ta badzra a d+hiSh+Tha na kA ya bA ga tsita ta bi sho d+ha na a b+hi shiny+tsa hU~M/ A+oM sangs rgyas kun gyis rab bsngags pa'i/ /rin chen sngags las byung ba yi/ /dbu rgyan lha rdzas cod pan 'dis/ /dbang bskur ren chen mchog tu 'gyur/ /o~M badzra d+ha ra shrI badzra sa ma ya s+t+waM a haM/ rat+na mu ku Ta a b+hi Shiny+tsa hUM/ rdo rje chen po bla na med/ /bzung bas phyog las rgyal gyur te/ /rdo rje lta bur brtan phyed pas/ /khyod kyis kyang ni rtag tu gzung / /o~M sarba badzra a b+hi Shiny+tsa hU~M/ dril bu dbyangs snyan bla na med/ /sku yi rdo rje rab bskyed pas/ /khyod kyis kyang ni rtag tu gzang / /kham gsum srid pa'i rgyal por 'gyur/ /o~M sa ma ya g+haN+Ta/ badzra a b+hi Shiny+tsa hU~M/ o~M snying rje shes rab dbyer med rgya/ /gang gis thos pa nang gi su/ /de yi ming mtshan bdag por 'gyur/ /rtog pa'i ngang gnas blang bar mdzod/ /o~M badzra na ma a b+hi She ka ta/ thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ /rdo rje bsnyem bdag bdag mdzod cig /sangs rgyas kun gyi dril bu rgya/ /shes rab dbyang kyi rjes 'gror bshad/ /rtag tu khyod kyi gzung byas na/ /byang chub mchog thob rgyal bas gsungs/ /o~M shes rab ral gri bla na med/ /gang gis 'chang ba rgyal 'gyur te/ /bdud kyi dpung ni gshegs nas kyang / /mkha' la ye shes 'od 'bar 'gyur/ /o~M sarba ta thA ga tA badzra dz+nyA na khaDa ga a b+hi Shiny+tsa hU~M/ a rdo rje zhag pa thugs rje can/ /nyon mong srid pa'i sdong po rnams/ /thabs kyi zhags pas bcing nas kyang / /srid pa'i 'ching ba las grol mdzod/ /o~M sarba ta thA ga ta badzra pA she na a b+hi Shiny+tsa hU~M/ dbang dang rjes gnang ma thob cing / /dam tshigs</font><hr>98.123a<br><font size=+1>

sdom pa mi ldan la/ /bla ma mnyes par mi byed na/ /sgrub pa 'bras med ngan song 'gro/ /log lta can gang bla ma 'tshe/ /dmyal ba'i gnas su 'gro bar nges/ /'dir nyams pas ni nad yams dang / /dgra bo mu ges rtag du 'tshe/ /dkyil 'khor sa gzhi nyams dga' ba/ /chu klung mtsho 'gram ri ljongs dang / /'bras bu me tog bskyed mos tshal/ /kun dga' ra ba khang bzangs mchog /bzhi mdo ri sul shing gcig drung / /phyugs lhas khang brtsegs glang chen bres/ /gtsug lag khang dang dgon pa dang / /chu gling mtshe'u 'gram ne'u bsing du/ /bsnyen dang dbang bskur byed pa dang / /dur khrod sogs su las rnams bsgrub/ /las kyi dkyil 'khor khru gang ste/ /dbang gi dkyil 'khor chen po la/ /thub pa'i dkyil 'khor gru bzhi pa/ /yang na drug gam brgyad kyang bya/ /gzhan ni khru gsum tshad du bya/ /yang na lnga 'am bdun du bya/ /gza' yi dkyil 'khor khru gnyis te/ /yang na phyed dang gsum par bya/ /kun du bzhi cha pho brang ste/ /khang pas tshad kyi phyed yin te/ /khang pa gnyis pa cha gsum pa/ /rta babs rdo rje pad ma'o/ /lha snam bzhi cha dag tu 'gyur/ /thub pa'i sgo ni bzhi yin te/ /gzhan du sgo gcig pa nyid shis/ /'jam pa'i dbyangs ni byang gi sgo/ /chos ni nub sgo rdo rje lho/ /gza' dang 'jig rten skyong sogs shar/ /dbang sgyur lha yi gnas rnamasu/ /bum pa phyag rgyar bcas pa 'am/ /sku 'am rang rang phyag rgya gzhag /thub pa'i dkyil 'khor dbus su ni/ /pad dkar steng du lhung bzed do/ /gtso bo'i sa ni sor drug ste/ /lhag ma rnam ni sor bzh-i'o/ /rigs kyi mtshan mas yang yang bskor/ /byang du 'jig rten dbang sdud ni/ /pad dkar rdo rje gdengs por bcas/ /dbang ldan spyi blugs byams pa'o/ /shar du 'jam dpal ud pal sngo/ /mer ni kun bzang yid bzhin nor/ /lhor ni rdo rje rdo rje 'dzin/ /bden</font><hr>98.123b<br><font size=+1>

bral mkha' snying pad dkar te/ /nub du pad ser rdo rje chos/ /nub byang sa snying pad ma dmar/ /gtsug tor gnod mdzes steng 'og char/ /gtsug tor dang ni gtun shing ngo / /shar du rnam rgyal thod pa ste/ /mer ni 'dod rgyal rtse gsum mo/ /rdo rje rtse gcig gshin gshed lhor/ /bden bral ral gri stobs po che/ /nub du rta mgrin pad ma te/ /byang du bgegs dgra rdo rje rgya/ /nub tu dbyug pa sngon po ste/ /dbang ldan du ni mi g.yo ba/ /de yi rgyab tu nyan thos ni/ /shA ri'i bu dang rab 'byor dang / /maud gal bu dang 'od srungs dang / /rgyal mchog dang ni sa steng skyong / /rta thul dang ni ba blang bdag /drag shul dbang chen changs bu can/ /ba ra d+h+wa dza lteng rgyas dang / /dga' bo nye dga' sgra gcan no/ /de ltar bcu drug phyag rgya'o/ /pad ma'i steng du lhung bzed do/ /de nas yang dag bshad bya ba/ /'jam dpal dkyil 'khor bzang po yi/ /dbus su ral gri me 'od can/ /rin chen rdo brag steng du bri/ /byang du rdo rjes mtshan pa'i/ /bum pa bri ba byam pa'o/ /shar du kun du bzang po yi/ /rdo rje dkar po bri bar bya/ /lhor ni me 'od ldan pa yi/ /lag na rdo rje'i rdo rje bri/ /nub tu 'jig rten dbang po ste/ /pad dkar 'od dang ldan pa bri/ /yid bzhin nor 'dzin mdzes gzugs can/ /rin chen rdo steng dbang ldan bri/ /mer ni rab 'bar rdo rje yi/ /bgrang phreng pad ma la gnas bri/ /bden bral du ni rab brjid pa'i/ /go cha 'bar ba bri bar bya/ /rlung du mdzes pa gzhon nu'i lha/ /rin chen sgrom ni bri bar bya/ /steng du brtul phod ces khro bo'o/ /pad ma'i steng du khro bo yi/ /'og tu khro rgyal mngag gzhug gi/ /rdo rje brag steng zhags pa bri/ /khro bo lhag ma sngon gyi ni/ /tshul gyis rgyal bar dgod par bya/ /brtan pa zhes pa'i pho nya mo'i/ /chu gri byang du bri bar bya/ /zla ba'i dkyil 'khor 'chang ba yi/ /mkha' sor ma ni shar du'o/ /nyi ma'i dkyil 'khor 'chang ba yi/ /rnam 'jigs ma ni lho ru'o/ /nub kyi phyogasu bri bar bya/ /mdzod spu ma zhes rin phreng 'dzin/ /rin chen rdo steng shar lhor bri/ /shar lhor dgegs</font><hr>98.124a<br><font size=+1>

'dzin ma zhes pa/ /'khor lo me 'bar rdo rje bri/ /'bar ba'i gtun shing bden bral du/ /'jom pa'i tho ba rlung du bri/ /thal sbyar gung mo nang du bcug /pad ma mdzod kyi phyag rgya dang / /sngags 'dis dkyil 'khor byin kyi brlab/ /na maHsarba ta tha ga te b+h+yaH/ sarba mu khe b+h+yaH hUM hUM ba ba maM maM swA hA/ spyan drangs gshegs su gsol ba dang / /bsrung ba mchog gi sngags yin no/ /na maHsarba ta thA ga te b+h+yaH/ sarba bi shwa mu khe b+h+yaH/ he he he/ A dz+nya pa ra ma da ga ga na a gats+tsha gats+tsha b+ha ga bAn shI g+h+raM swA hA/ bsnyen pa 'bum la byin brlabs dang / /lha bsgrub pa dang mchod pa'o/ /de nas yang dag bshad bya ba/ /rdo rje chos kyi dkyil 'khor ni/ /dbus su 'jig rten dbang sdud nyid/ /pad ma dmar po 'chang ba'o/ /shar du don yod zhags pa ni/ /bgrang phreng sngon po 'chang ba'o/ /lhor ni nam mkha' dri med de/ /rdo rje sngon po 'chang ba'o/ /nub tu gar gyi dbang pad ma/ /byang du thugs rje shugs po che/ /rdo rje nag po 'dzin pa bri/ /sgrol ma khro gnyer ral gcig dang / /yid bzangs ma ni mtshamasu bri/ /khro bo dang ni pho nya mo/ /'jam pa'i dbyangs kyis rim pas dgod/ /de nas phyag na rdo rje yi/ /dkyil 'khor yang dag bshad par bya/ /dbus su phyag na rdo rje nyid/ /rdo rje dkar po 'chang ba'o/ /shar du sangs rgyas spyan ma yin/ /lhor ni pad 'dzin mA ma kI/ /nub tu gos 'chang na bza' dkar/ /byang du sgrol ma dau pa la 'chang / /phyog bzhir nam mkha' dri med dang / /shugs po che dang rdo rje tog /snyem tshul chen po zhes pa rnams/ /rigs kyi mtshan ma 'dzin pa'o/ /der yang sngon ltar khro bo rnams/ /rim pa bzhin du bri bar bya/ /de yi cha rgyab dkyil 'khor la/ /drag po lha rnams bkod pa ni/ /dpung bzangs la sog rdo rje can/ /brgyad po byang gi phyogs su bri/ /tshogs 'chang bshes gnyen 'gro skyong dang / /mthong dkar rig byed bden bral med/ /ngan spong brgyad de drang srong shar/ /lhor ni rdo rje dgra sta ma/ /rdo rje tho ba drag shul ma/ /rta rna ma dang khro gnyer</font><hr>98.124b<br><font size=+1>

ma/ /ro langs ma dang lcag sgrog ma/ /mthong dkar ma ste brgyad po bri/ /dug sel rma bya 'od zer can/ /nor rgyun ral gcig dpung rgyan ma/ /dbyang ldan dril sgrol brgyad nub phyogs/ /kun kyang rang rig phyag rgya can/ /sgo yi phyogs su dgod bya ba/ /thub pa'i 'jig rten skyong ba bzhi/ /brgya byin khyab 'jug dbang phyug che/ /tshangs pa 'jam dpal dkyil 'khor la'o/ /rgyal dang rnam rgyal mi thub ma/ /gzhan mi thub ma spyan ras gzigs/ /nag mo che dang u ts+tsha Sh+ma/ /gzhon nu 'phrog mo gter 'dzin gyi/ /khro bo mi g.yo sgo bzhi la/ /nag po che dang dga' byed dang / /ngan spong dang ni tshog bdag go /mi g.yo dbang bskur dgyes pa yi/ /dbus su khro bo mi g.yo ba'i/ /ral gri me 'od 'bar ba'o/ /phyogs bzhir khro bo mdog bzhi'o/ /'khor los sgyur ba'i cha byad can/ /rdo rje rin chen pad ma dang / /rgya gram g.yas pa'i phyag tu 'chang / /g.yon pa sdig mdzub zhags pa 'chang / /rin chen brag la sku bzhugs nas/ /zhabs gnyis pad ma'i steng du'o/ /mtshamasu khro mo bzhi po yang / /gtso bo dang mtshungs sgeg pa'i nyams/ /de rgyab sngon ltar khro bo bcu/ /sku 'am phyag rgya'i phreng ba bri/ /dkyil 'khor cha yi rgyab tu ni/ /'jig rten skyong bcu drag shul can/ /khros pas rang rig 'khor bcas bri/ /bum pa tshad ldan ras kyis dkri/ /dri bzang chus bkang lha grangs sam/ /bcu gnyis sam ni drug kyang rung / /kha rgyan dang bcas bzhag par bya/ /bla re ba dan gdugs rgyal mtshan/ /yon chab bdug spos me tog dang / /sgron ma byug chab zhal zas dang / /gling bu sil snyan na bza'i tshogs/ /gtor ma'i dri bzang sman dang bcas/ /yid 'ong dri zhim zas skom tshogs/ /dkyil 'khor spras nas mchod par bya/ /sa la pus mo tshad brkos nas/ /'bu srin shing rdo dum bu sogs/ /skyon mang bral nas sa yis dgang / /ba yi rnam lngas byug pa'i sar/ /me tog bcal bkram mchod sog bkod/ /lha ni spyan drang mchod nas kyang / /</font><hr>98.125a<br><font size=+1>

dge mi dge ba'i rmi lam rtag /rmi lam bzang na spro gyur nas/ /sa bdag mo la gsol ba gdab/ /khyad par du yang gtor mas mchod/ /bu tshur shog ces theg chen gyi/ /tshul chen khyod ni snod yin pas/ /gsang sngag spyod tshul cho ga rnams/ /khyod la yang dag bstan par bya/ /dus gsum sangs rgyas 'byung ba rnams/ /mi g.yo mgon por rab bsgom pas/ /ye shes mtshungs pa med pa brnyes/ /skyob pa shAkya seng ges kyang / /gsang sngags sbyor ba mnyam med 'di/ /bdud sde shin du mi bzad pa/ /dpung chen rnams kyang dpa' bos bcom/ /'jig rten 'dul phyir chos rnams kyi/ /'khor lo bskor nas mya ngan 'das/ /de 'dra kun mkhyen thob bya'i phyir/ /bu khyod blo gros 'di gyis shig /u dum ba ra'i me tog ltar/ /brgya lam na ni re 'ga' zhig /'byung 'gyur yang ni mi 'byung te/ /skyob pa 'jig rten mgon po che/ /rnyed dka' rnyed par gyur na yang / /gsang sngag skyob pa'i tshul 'byung ba/ /shin du dka' ste rmad byung phyir/ /sdug bsngal shin du mi bzad pa/ /'khor ba'i rgya mtsho cher 'jig las/ /myur du sgrol ba gsang sngags las/ /sa steng gsang sngags nor bu 'dra/ /rga nad 'chi 'jigs spong ba dang / /nyes mdzad grogs gcug 'thun 'dod dang / /mu ge dgra choms bral bde dang / /zas skom gos rgyan long spyod rtag /bde bskyed dpal 'byor thob pa dang / /myur du sangs rgyas 'dod pa yi/ /gsang sngag thab la myur brtson bsgrubs/ /ji ltar dus gsum mgon po rnams/ /byang chub tu ni nges mdzad pa'i/ /byang chub sems ni bla med pa/ /dam pa bdag gi skyed par bya/ /sdom pa yi ni tshul khrim dang / /dge ba'i chos ni sdud pa dang / /sems can don byed tshul khrim gsum/ /deng nas mchog tu rtan par bzung / /'gro la lhag pa'i sems skyed nas/ /bla ma la ni yon phul zhu/ /yid bzhin nor 'dra bla med sku/ /zhi ba sangs rgyas go 'phang thob/ /srog gcod rku</font><hr>98.125b<br><font size=+1>

brdzun mi tshangs spyod/ /myos byed 'thung dang glu gar rol/ /rgyan byug mal chen mtho ba dang / /phyi dro kha zas spangs pa ste/ /brgyad dang bcu bcig bcwa lnga dang / /khyad par du ni gnam stong la/ /dal 'byor thob pa shin tu dkon/ /sangs rgyas stan pa shin du dkon/ /sdom pa blang nas srog bzhin du/ /g.yeng med sdams te bsrung bar bya/ /gsum la rtag tu skyab 'gro bya/ /lha mi bde ldan lus thob nas/ /dmyal ba dud 'gro yi dgas gnas/ /thob nas spang dka' de dag ni/ /nam yang thob par mi bya'o/ /bdag ni dpa' bo ral gri 'chang / /gsang ba'i 'khor lo sbyor byed pas/ /bka' las 'das pa'i gdug can rnam/ /dum bu phye mar 'gas par 'gyur/ /slob ma gzung phyir thog mar ni/ /bsnyen pas sngags kyi 'thu bskyed bya/ /longs spyod 'phel phyir gtor ma gtang / /bsod nams 'dod phyir mchod pa brtson/ /bla ma thos bsam sgom la gnas/ /gtong phod dul zhing chos spyod mkhas/ /nad med bzod des snying rje che/ /sngags sgrub brtson dpa' shes rab can/ /brtags nas slob ma lnga 'am bdun/ /dad brtson zhi dul bla ma bkur/ /sdig 'jigs nad med dbang po tshang / /dbyibs sdug snying rjer ldan pa gzung / /'phag pa rdo rje khro bo'i rgyal po'i rtogs pa sdus pa'i rgyud las skye bo gzung ba'i thabs kyi le'u ste drug pa'o// // de nas yang dag bshad bya ba/ /rig 'dzin pa yi dngos grub che/ /gzhan du med pa phul byung ba/ /rgyud 'dir bshad pa mnyan par byos/ /mi ni rin chen dang po te/ /gang gang bsgrub pa de dang de/ /'grub par 'gyur kyi gzhan du min/ /ral gri lcags sam shing nyid la/ /sor bzhi pa 'am sor brgyad bya/ /yu bar rigs kyi rgya lnga bri/ /ba yi rnam lnga dri zhim chus/ /bkrus te dri dang me tog mchod/ /zla drug sngag bzlas khro bo sgom/ /ral gri dud 'thul 'od du 'bar/ /blangs pas mkha' spyod yul 'gro 'gyur/ /tshe ni bar gyi bskal pa te/ /lha yi bzhon pa sna tshogs bcibs/ /sangs rgyas zhing rnams 'gro bar 'gyur/ /gser</font><hr>98.126a<br><font size=+1>

dngul zangs kyi zhags pa'am/ /shing gis zhag pa'ang te ltar 'grub/ /rgyal mtshan nor bu gi'u wang gdugs/ /lcags kyu rnam kyang de bzhin bsgrub/ /lha rnam bsgrub na thang shing la/ /gang 'dod lha yi gzugs byas te/ /sngags bzlas tsam gyis mdun du 'ong / /ci 'dod gsol 'debs 'dod pa smra/ /klu la nA ga ge sar shing / /gnod sbyin la ni gser las gzugs/ /dri za la ni 'o ma'i shing / /mkha' lding 'jim pa'i gzug kyis so/ /srin po la ni dur khrod shing / /gang yang gzugs byas rkang pa ni/ /g.yon pas de yi ske mnan te/ /sum 'bum bzlas na mdun du 'ong / /ci 'dod smra tshe dgos pa blang / /shar du ras ris kha sprad drung / /dus gsum khrus bya gos rlon byon/ /sum 'bum bzlas na mar ngo yi/ /brgyad la 'byung po gtor ma sbyin/ /maN Dal steng du ro bzhag nas/ /rang nyid rin chen khri steng du/ /snying po khri brjod ro 'gul 'gyur/ /mi skrag kha y-i nang du lce/ /pad ma kha phye lte can mthong / /bcad na ral gri rig 'dzin 'gyur/ /lha yi gzugs kyis tshangs pa yi/ /'jig rten khams kyi gnas rnams rgyu/ /gi'u wang bdun bzlas thig les ni/ /skye bo kun gyis mi mthong ngo / /mi g.yo pus mo btsugs pa'am/ /'jam dpal ris ma'i drung du ni/ /'jam dpal sngags 'di sa ya bzlas/ /nya la khyad par mchod pa bya/ /mtshan rangs bzlas pa'i tho rangs nas/ /dang po rtags sa g.yo bar 'gyur/ /gnyis pa nyi ma 'gyur ldog byed/ /phyog bzhir mkha' la sgra chen po/ /ha ha 'brug skad grag par 'gyur/ /gsum par mkha' la rig 'dzin rnams/ /me tog char 'bebs chun 'phyang sbreng / /de rjes rig 'dzin ma lus dang / /'jig rten skyong bas rab bskor nas/ /khro rgyal byon nas gsung snyan gyis/ /ci 'dod bu khyod gsung bar 'gyur/ /rig 'dzin rgyal po mi snang sogs/ /ci 'dod par ni smra bar bya/ /'grub nas brgyad gnyis cha byad can/ /rgyan bzang lag na ral gri thogs/ /</font><hr>98.126b<br><font size=+1>

lha yi bzhon pa la bcibs nas/ /rig 'dzin tshogs mang lhan cig tu/ /sangs rgyas zhing mang phyin pa'i tshe/ /rgyal sras rnams kyis phyag byas nas/ /mchod pa chen po thob 'gyur te/ /bskal pa du mar tshe gnas 'gyur/ /ud pal sngon po lig bu mig /ru rta zangs snod ri lu bzhag /zla ba gzas zin par bzlas nas/ /mig bskus 'dod pa'i khams gsal 'gyur/ /bdag ni sus kyang mi thong ngo / /gnam lcags rdo rje sor bcu drug /nges gnyis rtse gsum dbyibs can te/ /tsan dan dmar dang dri bzangs byug /cho 'phrul tshes gnyis nya yi bar/ /mchod cing bzlas na tha mar ni/ /mar me brgyad sog kyis mchod de/ /ku sha khres kyi steng 'dug nas/ /rdo rje lag gnyis gzung ma thag /dud 'thul 'od du 'bar nas kyang / /'khor bcas rig pa'i 'dzin pa yi/ /'khor los sgyur ba thob par 'gyur/ /'khor lo bdun sog mtshon cha dang / /gser dang mal lham tshangs skud sogs/ /dgos pa tham cad de ltar sgrub/ /sngon gyi tshul du dngos grub 'byung / /tshes gcig nyin par sku gzugs kyi/ /mthe bor dza ti sngags brjod brdeg /stong phrag brgyad kyi mthe bo las/ /'od zer phyung nas reg ma thag /dbu skra lcang lo 'khyil gyur nas/ /'khor bcas rig 'dzin rgyal po 'thob/ /sus kyang mi thub lus grub 'gyur/ /tshe ni bskal pa'i bar du gnas/ /sa la pad 'dab brgyad pa bri/ /bum pa skud pa nag pos dkri/ /tsan dan gyis byug dris kyang dgang / /pad ma'i steng bzhag pad steng 'dug /stong phrag brgyad bzlas sa gzhi gas/ /pad mar snang zhing sa gzhir snang / /chu des gtor la khru gang brko/ /blangs pas bskal pa'i tshe tshad 'thob/ /grog mkhar sa la seng ge bya/ /gi'u wang gis byugs dkyil 'khor gzhag /g.yo 'gul bar du mchod cing bzla/ /seng ger gyur nas rgyab zhon nas/ /'dod gzugs lha gnas kun du 'gro/ /</font><hr>98.127a<br><font size=+1>

sangs rgyas zhing yang mthong bar 'gyur/ /tshe lo khri phrag gcig bskor nas/ /rig 'dzin chen po'i gnas su 'gro/ /'dir gsung pa 'am ma gsungs pa/ /sngags dang lha 'di bsgrub pa yis/ /rig 'dzin grub par grags pa rnams/ /ma lus thams cad 'grub par 'gyur/ /'phags pa rdo rje khro bo'i rgyal po chen po'i rtog pa bsdus pa las rig 'dzin bsgrub pa'i le'u ste bdun pa'o// // de nas yang dag bshad bya ba/ /phran tshegs las kyi sbyor ba gtso/ /gza' yi cho ga 'di yin te/ /gnod pa sel dang phan bskyed mdzad/ /ba yi rnam lngas byug pa yi/ /dkyil 'khor dbus su pad ma ni/ /kha dog sna tshog nyis brtseg gi /dbus su sangs rgyas de bzhin lhor/ /chos ni rdo rje chos dkar po/ /shar du dge 'dun ljang gu'o/ /nub du 'jig rten dbang phyug dmar/ /byang du phyag na rdo rje te/ /byang shar du ni 'jam dpal ser/ /mer ni gshin rje'i gshed ngo gnag /dbyug chang ma he zhon pa'o/ /mi g.yo mgon po srin po phyogs/ /rta mgrin rlung gi phyogs su'o/ /dkon mchog gsum po chos 'chad rgya/ /sems dpa' khro bo rang rtags so/ /kun kyang rin chen khri la bzhugs/ /de rgyab cha la gza' rnams ste/ /shar du nyi ma dkar ser ni/ /rta la zhon te pad ma 'chang / /nub tu zla ba dkar po ni/ /ku mu da 'chang ngang pa zhon/ /lhor ni mig dmar kha dog dmar/ /ril ba'i steng bzhugs me sgron bsnams/ /lag pa mdog ser ud pal 'chang / /byang du pad steng bzhugs pa yi/ /phur bu mdog sngon gleg bam thogs/ /shar lho phyogs su klu la bcibs/ /pa wa sangs dkar shing thog 'chang / /lho nub gser gyi khri la bzhugs/ /byang shar spen pa mdog nag ni/ /tshangs pa'i steng na dbyug pa thogs/ /nub byang sgra can dud ka ni/ /sbrul gyi steng na 'khor lo 'dzin/ /rnon po ljang gu ral gri 'chang / /gtso bo'i drung du pad steng bzhugs/ /</font><hr>98.127b<br><font size=+1>

na maHsarba ta thA ga te b+h+yaH  sarba pa ri pu ra ke b+h+yaH/ sarba thA/ o~M b+ha gi naM swA hA/ nyi ma'i snying po'o/ /na maHsarba ta thA ga te b+h+yaH/ sarba pa ri pu ra ke b+h+yaHsarba thA/ A+oM sarba tra yaM a swA hA/ zla ba'i'o/ /na maHsarba ta thA ga te b+h+yaHsarbA pa ri pu ra ke b+h+yaH sarba thA/ o~M a b+hir+ya ya swA hA/ rnon pa'i'o/ /na maHsarba ta thA ga te b+h+yaH/ sarba pa ri pu ra ke b+h+yaH/ sarba thA/ /o~M su b+hi shud d+ha swA hA/ mig dmar gyi'o/ na maHsarba ta thA ga te b+h+yaHsarbA pa ri pu ra ke b+h+yaH sarba thA/ o~M bi su tra ba kA ya swA hA/ gza' lhag gi'o/ /o~M na maHsarba ta thA ga te b+h+yaH/ sarba pa ri pu ra ke b+h+yaH sarba thA/ o~M b+hi ka mya d+ha ya swA hA/ phur bu'i'o/ /na maHsarba ta thA ga te b+h+yaHsarba pa ri pu ra ke b+h+yaH sarba thA/ o~M su d+harma r+Na ra ho swA hA/ pa ba sangs kyi'o/ /na ma sarba ta thA ga te b+h+yaH sarbA pa ri pu ra ke b+h+yaH sarba thA/ o~M kr-iSh+Na bar+Na pha ka swA hA/ spen pa'i'o/ /na maHsarba ta thA ga te b+h+yaH sarba pa ri pu ra ke b+h+yaH sarba thA/ o~M bi kr-i ta la ku ru tsi swA hA/ sgra gcan gyi'o/ /sngags re brgyad stong brgyad brgya bzlas/ /ci 'byor mchod de gsol ba gdab/ /long spyod spel cing 'jigs pa sel/ /nad med bgegs rigs 'joms par 'gyur/ /rim sog gzas zin nad la yang / /sku yi drung du gsol tab sel/ /zhi rgyas dbang drag gang sbyar ba/ /de dag thams cad 'grub par 'gyur/ /mi dang bya rgod sbrul rus pa/ /skabs su btums nas dgra khyim sba/ /dgra bo nad bskyed nor rnams brlag /rtag tu 'thab mo 'byung bar nges/ /stag spu thod rus 'ug pa'i spu/ /dgra bo'i sgor sbas skrad par byed/ /ne'u le nag po wa sbal rus/ /rang khrag gtsangs pa'i mgo bo rnam/ /gong bu ming bcas dgra sgor sba/ /dgra bo 'khor bcas shi bar 'gyur/ /mi tshil dur thal rgya skyegs ni/ /thod pa so can nang blugs nas/ /gang gi sgor bzhag khang pa 'jig /ku sha'i gzug brnyan rkang pas mnan/ /dbang sbyar 'dod pa'i sngags bzlas na/ /rgyal po che yang dbang 'gyur na/ /'byung</font><hr>98.128a<br><font size=+1>

po gzhan lta smos ci dgos/ /bud med skyes phyug la sogs la/ /rang mi ldan pa'i gzug byas te/ /rkang pa g.yon mnan ming bcas bzla/ /gang dang gang yang nges par 'grub/ /sa la bgegs kyi gzug bris te/ /sngags kyi brdungs na brlag par 'gyur/ /'jim pas bgegs kyi gzugs byas te/ /gdab cing brdungs na sel bar nges/ /phur bu gdab dang mtshon chas brab/ /rdo rje ri rab cog brgyad ldan/ /sa la byas pa'i them bar du/ /gzug brnyan bcug te rkang pas mnan/ /gzas zin nub mo ba'i maN+Dal/ /dri bzang me tog sil ma bkram/ /pha rol phyin pa'i gleg bam bzhugs/ /zangs ma'i snod du mar bzhag ste/ /seng ldeng mes ni bskor bar bya/ /dngos grub rnam gsum 'grub pa dang / /gter mthong bar yang 'di 'gyur ro/ /khros pas spyan gyi phyag rgya bya/ /hU~M mtha' gsang sngags drag tu brjod/ /dur khrod thal ba gang byin pa/ /gdon gyis 'dzin nam bran du 'gyur/ /de nas mi g.yo spyan gcig pa'i/ /sngags kyi cho ga bshad par bya/ /ris ma'i drung du 'bum phrag gsum/ /brjod pas 'di yi bsnyen pa rdzogs/ /dben par zan gyi chang bu sbyin/ /des na rtag tu 'brel bar 'gyur/ /mdzub mo'i rtse la hU~M bkod nas/ /brjod pas sprin rnams 'dral bar byed/ /dgra bo lhar bcas gzug brnyan la/ /rkang g.yon mnan bzlas lcags phur gdab/ /bka' nyan 'gyur ro gtubs na shi/ /skud pa ser pos bcing nad dag /spang leb mnan na mnan par 'gyur/ /ra pags brabs na bka' nyan 'gyur/ /srad bu yung kar la bzlas te/ /'chang na gang 'dod srung bar byed/ /na maHsarba ta thA ga te b+h+yaH/ sarba bi shwa ma khe b+h+yo/ / sarba thA/ o~M tsaN Da ma dA ro Sha Na hU~M traM thA ma hA tsaN Da/ a tsa la ka na hU~M hU~M hU~M a pa ti ha ha/ ta thA ga ti dza/ /sma ra hU~M hU~M phaT swA hA rgya mtshor 'bab pa'i chu klung du/ /tsan dan spras pa'i pad ma ni/ /sngags bcas ci tsam bsgyur ba'i grangs/ /gser gyi dong rtse rnyed par 'gyur/ /bram ze 'am ni dge 'dun ras/ /</font><hr>98.128b<br><font size=+1>

rgyal po ras sam gro ba la/ /pad ma mu khyud gnyis ldan bri/ /lte bar o~M hUM ming dang bcas/ /tsaN Da ma ha ro Sha Na/ /phaT dang bcas pa 'dab mar bkod/ /mu khyud dang por rtsa sngags te/ /gnyis pa 'jam dpal sngags nyid bri/ /dri dang me tog sogs mchod nas/ /kogs kyis dril nas lus la bcangs/ /gdon dang nad dang mu ge sel/ /g.yul du phyin na rgyal bar 'gyur/ /yang na ral gri sor bzhir bri/ /'od kyi ri mo nang chud pa/ /ye d+harma la sog kyis bskor/ /dbus su ming dang bcas pa yi/ /snying po sngags ni khrigs su bri/ /'dis kyang sngon gyi yon tan 'gyur/ /mtho lngas 'khor ba'i par bu ni/ /mtho gang 'phang du yod par bya/ /nang du mtshal gyis 'jam dpal sngags/ /mgo ni gyen du bltas pa bri/ /kha la nye bar rten 'brel sngags/ /spra tshil las byas dgra yi gzugs/ /dug dang gri khrag gis bris nas/ /ming yig bsod par bcas pa ni/ /ling kha'i snying gar bcug byas te/ /dkyil 'khor gru gsum nag po yi/ /dbusu mtho gang brus byas te/ /nang bzhag steng du spar bu sbub/ /ci srid mar gyi tshes gcig nas/ /zla ba mi snang zhag bar du/ /nyin mo rten 'brel sngags bzlas te/ /mtshan dus khro bo spyan gcig pa'i/ /sngags ni drag du brjod par bya/ /mtshams dang ci srid mtshams bar du/ /g.yon du bskor zhing rtsa ba'i sngags/ /drug cu rtsa bzhi'i grangs su brjod/ /'jam dpal sngags kyis chos gos sru/ /bde gshegs yi ge brgya pas ni/ /mchod rten la ni bseg bshang bsil/ /sangs rgyas bstan pa 'jig pa dang / /sngags la 'phya zhing sems can 'tshe/ /log lta log par spyod byed cing / /sems can la 'tshe byed pa ni/ /rgyal po khro bo che bcu dang / /'jig rten skyong dang rgyal chen bzhi/ /ma tshogs gza' dang rgyu skar tshogs/ /bstan dga' rnams kyis myur du sgrol/ /rgyud gzhan dag la grags pa yi/ /bden pa'i mthu yang du ma brjod/ /dur khrod sa la mchod rten ni/ /nag po gru gsum khru gang ba'i/ /srog shing nag</font><hr>98.129a<br><font size=+1>

po gru gsum la/ /bde gshegs yi ge brgya pas dkri/ /gur kum li khris bris pa'o/ /mya ngan med shing gru gsum la/ /rgya gram dbang chen rim par bca'/ /laM dang staM b+ha ya nan brgyad/ /phyogs brgyad bri ba'i rwa dbus la/ /nye snying ming dang bcas pa bri/ /de yi ste bar snying po ni/ /bsad pa ming bcas bri ba'o/ /tshogs kyi bdag po gtor mas mchod/ /ma mo rnams dang leg ldan sras/ /sha khrag me tog nag pos mchod/ /ji srid gsum dang bdun bar du/ /le lo med par byas gyur na/ /dge slong dge tshul bsnyen ldan gang / /sdom brtson de ni ldan gyur te/ /sdig ldan myur du shi bar 'gyur/ /de nas yang dag bshad bya ba/ /gtum po rdo rje 'dzin pa yi/ /sna tshogs las rnams thun mong ste/ /khyad par sbyor ba cung zad bshad/ /yungs kar bsnun pas 'byung po 'bros/ /ser ba bsrung na 'khor lo 'am/ /rnga dang dung la bri bar bya/ /g.yul du 'jug na ral gri sogs/ /nad la 'khor lo chu yungs kar/ /thod lo kor gyis sa phor la/ /bris te sgor spyangs sri'u bsrung / /spra tshil gzugs brnyan sor bzhi pa/ /dur khrod thal bzlas sgo ste bzhag /nad pa gdon las bsrung par nges/ /snying gar ming sngags spel bcug nas/ /tsher ma khar btsugs ngag rengs byed/ /snying la btsug nas khros pa zh-i/ /nan tan sems kyis gsod par nges/ /ling gas rtags kyi nus pa med/ /yang na rabs chad thod pa la/ /ming sngags bris te mi khrag bkang / /rabs chad dur sbas rig rgyud 'chad/ /khyi nag thod par ming sngags bcas/ /dug bkang klu gnas sbas mdzes 'dzin/ /dgra yi sgor sbas 'byed par byed/ /zhing du sbas na lo nyes byed/ /phyugs gnas god 'byung zla dang 'byed/ /chu dong sbas na chu skems 'gyur/ /me dur sbas na rims kyis 'dzin/ /yang na dgra ming khrag gis bri/ /spra tshil gzug kyi snying gar bcug /mchod rten nag po mtho gang ba'i/ /nang bcug dong bzhag lhung bzed spub/ /</font><hr>98.129b<br><font size=+1>

bram ze rigs bzhis sngags brjod cing / /nag po tshes nas phyis bskor zhing / /bden pa'i mthu brjod gzugs brnyan bsreg /dgra bo shi 'gyur the tshom med/ /gri khrag bya rog 'ug pa'i khrag /ka tra ta yi lte ba la/ /ka ro ka yi dus su ni/ /gzugs la ming dang sngags bcas bris/ /rkang pas mnyes na rdul du 'gyur/ /rdo rje 'dzin pa'i bka' bzhin no/ /mtshon gyis bsad pa'i thod pa la/ /sngags dang yul lha'i ming spel bri/ /lha yi gnas gcug de steng du/ /sngags bzlas phur pa snying gar gdab/ /gdug pa'i tsher ma'i hom sbar te/ /mi rta ba lang khyi ma he/ /sna tshogs khrag bsres 'di skad brjod/ /lha khyod yul 'dir thog ser phob/ /med na bskal par khyod nyid sreg /de rjes dkar dang mngar mchod do/ /'phags pa rdo rje khro bo'i rgyal po chen po'i rtog pa bsdus pa'i rgyud las/  sbyor ba phran tshegs kyi le'u ste brgyad pa'o// // de nas sbyin bsreg las rnams kun/ /myur 'grub thabs ni bshad par bya/ /mngar gsum dur ba bsregs pa yis/ /gnod rigs thams cad sel bar byed/ /yam shing 'bras bu gsum bsregs shing / /gdon nad thams cad zhi bar byed/ /'o ma can gyi yam shing la/ /'o ma dur ba til dang 'bras/ /snying rje'i sems kyi brgya bsregs na/ /gnod pa thaMd zhi bar 'gyur/ /ga pur mngar gsum 'bru thams cad/ /dur ba dkar po'i yam shing rnams/ /'o ma can gyi shing la bsreg /nad dang gdon rnams thams cad zhi/ /'o ma sbyin bsreg brgya rtsa brgyad/ /phyugs ngas chen po zhi bar 'gyur/ /dur ba mngar gsum ming bcas pas/ /bsregs pas rta phyugs nad zhi byed/ /shar lho nub byang phyogs kyi ni/ /dkar nag dmar ser kha dog 'grub/ /khru gang khru gnyis tshad kyi thab/ /sor bzhi kha khyer rim pas btang / /sems dpa' pad ma'i rdo rje dang / /gcig pus zhi rgyas dbang drag 'grub/ /de nas</font><hr>98.130a<br><font size=+1>

rgyas pa'i sbyin bsreg ni/ /ci 'dod thob pa bshad par bya/ /pad ma'i chu ba 'bum phragacig /rgyal po 'thob ste blon po ni/ /ku mu da la 'bum phrag gsum/ /zho dang mngar gsum dang bcas pa'o/ /a ba mar ga'i 'bras bu dang / /mngar gsum 'buM gyis yul bdag 'thob/ /rigs bzang 'buM phrag bdun gyis ni/ /yid la ci 'dod thob par 'gyur/ /dur ba til dang 'bras sogs bsreg /bud med bu bzang thob par 'gyur/ /nor 'dod pas ni rkun po yi/ /lag pa g.yas pa mdzod bzhag nas/ /mchod cing gsol ba btab pas ni/ /nor rnams myur du thob par 'gyur/ /yang na rgya yi lpags pa la/ /gur gum gi'u wang yung bas ni/ /byi ba cher brjid ser po bri/ /shar na mdzod phugs bltas par gzhag /zas kyi lhag mas mchod bya zhing / /gsol ba btab pas nor rnyed 'gyur/ /pad ma'i ze ba ka li ka /pri yang ku ni nor rnyed do/ /'bras bsregs pas kyang nor chen 'thob/ /ku mu da yi 'bras sogs sregs/ /longs spyod che dang sa gzhi 'thob/ /pad ma zho dang sbrang rtsi mar/ /sbyin sreg 'bum gyis mchog stsol ba/ /gsum pa dag kyang mthong bar 'gyur/ /bil ba'i 'bras bu mngar gsum bcas/ /'bum phrag gsum du bsregs pas ni/ /rang nyid rgyal po chen por 'gyur/ /mar dang yungs kar dkar pos ni/ /nim pa'i shing la 'bum bsreg na/ /snying po rnying pa rgyas par 'gyur/ /nas la sogs pa 'bru rigs rnams/ /gang bsregs gsol btab de rgyas 'gyur/ /gang 'dod gos kyi kha dog can/ /me tog bsregs na gos rnyed 'gyur/ /spos shing bsregs na 'khor g.yog 'phel/ /zho mar seng ldeng me la stong / /bsregs na nor rnams rnyed par 'gyur/ /de nas dbang gi bsreg lugs bshad/ /til dang 'bras sogs phub ma bsreg /bud med dbang du byed pa'o/ /pri yang ku yi sbyin bsreg gis/ /byis pa rnams ni dbang du 'gyur/ /'o ma sbrang rtsi a</font><hr>98.130b<br><font size=+1>

ru ra'i/ /shing la bsregs na lha dbang byed/ /gsum po de dang gu gul bsreg /gnod sbyin rnams ni dbang du 'gyur/ /mya ngan med pa'i yam shing gis/ /gnod sbyin mo rnams dbang du 'gyur/ /rgyal po'i yungs kar yungs mar bcas/ /bsreg pas rgyal po dbang du 'gyur/ /de nas drag po'i las grub pa'i/ /sbyin bsreg yang dag bshad par bya/ /ming bcas tshad dang nim pa bsreg /bstan sdang dgra bo myur du 'chi/ /dgra ming dug gis nim pa la/ /bris te dug dang lhan cig tu/ /sbrul shun thum po lnga byas nas/ /thod pa lnga yi nang bzhag ste/ /lnga po yungs mar gyis bkang nas/ /gsum ni sgyed bu gnyis brtsegs la/ /khros pas gcig tu skra grol bas/ /sngags brjod thal bar gyur par du/ /nyin phyed bsregs na dgra 'chi nges/ /'chi ltas 'dab ma rtsa ba shun/ /ra khrag yungs mar rtswa rgya skyegs/ /tsha ba'i bud shing yam shing la/ /bdun phrag ming dang bcas pa bsreg /stong phrag gnyis kyi rta phyugs 'chi/ /bzhis ni bu dang chung ma 'chi/ /drug gis nye du gnyen 'dun brlag /brgyad kyis dgra yi rang srog 'chad/ /gal te skyabs su 'ong gyur na/ /'o ma stong bsregs rnal du sos/ /khrag dang dug phye nim pa'-i 'bras/ /yungs mar la sbags brgya rtsa brgyad/ /myo byed la bsregs dgra bo 'chi/ /yang na rus phye nim pa'i lnga/ /rang gi khrag gam yungs mar sbrag / yang na ske tshe dug dang ni/ /nim pa'i 'bras bus bsad par bya/ /yang na gri khrag gis bsregs pas/ /byad ma myur du gsod par 'gyur/ /nim pa'i lnga dang ra khrag dug /dri ma lnga bcas gzugs snying gar/ /ming yig bcug nas phur bus gdab/ /rig sngags byad ma nyid ldog 'gyur/ /rgya skyegs mi rus phye ma yis/ /mi lpags rlon la dgra gzugs bri/ /dug dang ske tshe cung zad byugs/ /nim pa'i me la khros pas bsro/ /bsregs pas tsha ba'i rims kyi 'chi/ /</font><hr>98.131a<br><font size=+1>

dur ba 'o mas sos par 'gyur/ /dug dang nim pa sgog skya dang / /mi rus phyi bsreg phyug rnams brlag /tsha gsum lan tshwa dur rang skyur/ /yungs mar ro skra sbrul shun dang / /nim pa'i lnga dang mi rus phye/ /skye tshe dug phye sgog btsong dang / /sgog skya tsher ma'i me la bsreg /dgra bo khrag tu skyug te 'chi/ /rgya skyegs lan tshwa ba glang mkhris/ /bsregs na mchin gas nad kyis 'chi/ /sge'u gsher lan tshwa tsha ba gsum/ /gzugs brnyan dur khrod mgal dum la/ /mgo nas rkang pa'i bar du bsreg /thig nag gis ni gsod par 'gyur/ /'o ma can gyi yam shing la/ /dkar gsum bsregs na sos par 'gyur/ /dri chus spangs pa'i sa las ni/ /thab khung byas te dug gis byug /nim pa'i 'dab mar dgra bo'i ming / /ra khrag gis bris rgyus pas dkris/ /tsha gsum shing gi mer bsregs pas/ /rgyal po myur du 'chi bar nges/ /dug khrag lan tshwa tsha ba gsum/ /ming bcas gzugs brnyan nim pa'i mer/ /gasregs na dgra bo dmu rdzing ngam/ /mdze nad kyis ni gsod par 'gyur/ /tsha gsum nim pa dug dang dur/ /khrag dang lan tshwa'i gzugs brnyan ni/ /lan tshwa nim pa tsha ba'i mar/ /byugs nas arga'i shing la bsreg /mdze nad chen pos bzung nas 'chi/ /ra khrag tsha gsum yungs mar sos/ /nim pa'i lo ma na le sham/ /yungs mar dug bsregs tsha bas 'chi/ /ne'u le sha'am dug dang tsha/ /d+ha du ra lnga tsha ba gsum/ /sol ba la ni dgra gzugs bya/ /yungs mar byugs te bsregs na 'chi/ /tsha gsum pa yi 'bras bu yis/ /nim pa'i 'dab mang dgra ming bri/ /thod par dug yungs lhan cig gzhag /d+ha du ra lnga btsos nas 'ching / /ris ma byang du bltas nas kyang / /rang nyid lho phyogs blta bar bya/ /tshangs pa la sogs lha tshogs dang / /'jig rten skyong ba rdzu 'phrul can/ /ma mo mkha' 'gro sha za sogs/ /</font><hr>98.131b<br><font size=+1>

sa bcu'i dbang phyug byang chub sems/ /rig 'dzin khro bo'i rgyal po dang / /sangs rgyas dkyil 'khor lha rnams gson/ /sdig can nga rgyal gdug cing khro/ /chad lta sngags 'phya dkon mchog bcom/ /bstan la sdang zhing sems can 'tshe/ /mtshams med can 'di bsgral du gsol/ /rlung gis 'dar zhing char gyis gsher/ /mes gdung rdul tshub skam 'dir skye/ /seng ge mkha' lding stag khro bos/ /bcom zhing 'bu sbrang bung rgod kyis/ /khrag 'jib bya tshogs mkha' la khyer/ /mngon spyod las kyi bsam tan no/ /de nas sna tshogs las bshad pa/ /mi rus phye ma tshe ske tshe/ /gnod sbyin 'khrig pa dug shing la/ /tha dad ming bcas bsregs pas ni/ /bskrad dang dbye dang smyo bar byed/ /dur ba'o mar bcas pas sos/ /d+ha dur yan lag lnga 'bras bu/ /tsher ma'i mes bsregs smyo bar byed/ /tshwa gsum lan tshwas tsha rims bskyed/ /yang na shing skam lta bur skams/ /dzam ba'i ri dang rang skyur bcas/ /dgra bo grang ba'i rims kyis 'debs/ /khwa'i sgro e raN Da'i mar khus/ /byug pa d+ha dur me la bsreg /lag stobs khwa ta lta bur ni/ /dgra bos mtha' ma kun du 'khyam/ /ske tshe mi rus lan tshwa dug /yungs mar nim ba'i me la bsreg /dgra bo rtag tu 'thab pa dang / /nad rnams kun kyis 'debs par 'gyur/ /dur khrod thal ba sol bar bcas/ /dgra bo'i gzugs byas dum bur gnon/ /tsham ngam phur bur 'debs pa ni/ /phol mig nad ngan bskyed par byed/ /bya rgod 'ug pa byi la sha /ne'u le'i spu rnams khyer ba'i mer/ /drug cu rtsa brgyad bsregs pa yis/ /thun gnyis myur du 'byed par nges/ /khrag can ras la gzugs bris na/ /rkang g.yon sker mnan tsham ngam bcas/ /'dod bcas sngags ni drag po yis/ /rgyal dang rims nad mcher nad bskyed/ /dgra yi skra dang rkang rjes sa/ /dgra gzugs dug dang ske tshes byug /tsher mes bsregs na rengs par 'gyur/ /</font><hr>98.132a<br><font size=+1>

dgra yi pha rus dug rang skyur/ /gzugs byad nim pa'i mer bsregs na/ /dgra bo gdon chen nad kyis 'debs/ /phag rtug snu ha arga'i shing / /tsher mes bsregs na mgo 'khor 'gyur/ /ne'u le byi la byi tsher spu/ /bsregs na bud med bu brlag 'gyur/ /mi dang ne'u le khwa rus pa/ /yungs mar nim pa'i me la bsregs/ /grong dang grong khyer bskrad par byed/ /stag spu thod rus 'ug pa'i spu/ /sa ha me tog na le sham/ /nim pa'i lo ma dug bsregs byed/ /nim pa'i 'bras bu dug lan tshwa/ /d+ha dur 'bru bsregs nad bskyed byed/ /dug khrag d+ha dur 'bras bu yis/ /nim pa'i shing la dgra ming bri/ /tsha gsum lan tshwa khrag gis byug /lcags snod yungs mar nang bzhag nas/ /nim pa'i shing gi me yis btso/ /dgra bo lha dang 'byed par 'gyur/ /mi khyi bya rgod rus phye dug /ske tshe yungs mar sbrul shun dang / /nim pa'i lnga dang skags lan tshwa/ /tsher mes bsregs na nad kyis 'debs/ /ske tsher dug skegs sbrul shun tsha ba'i mar/ /gzugs byas tsha ba'i me la gdung / /char ches pa dang thog 'bab 'gyur/ /'phags pa rdo rje khro bo'i rgyal po'i rtog pa sdus pa'i rgyud las/ /sbyin bsreg gi le'u ste dgu pa'o// // de nas tshangs pa khyab 'jug sogs/ /'khor gyi dkyil 'khor thams cad kyis/ /bzhengs te thal mo sbyar nas kyang / /snyan pas ched du 'di brjod do/ /e ma sangs rgyas thams cad la/ /thabs dang shes rab bsam du med/ /thugs rjes gyur pa'i thugs kyis ni/ /mtshung med rgya che dam chos gsungs/ /dug gi 'jigs pas sa stengs 'khrigs/ /nyon mongs mun 'jigs med pa yi/ /bdud rtsi 'od bzang 'dir gus na/ /ngan 'gro'i 'jigs pa stongs bar 'gyur/ /de nas tshangs sogs 'jig rten skyong / /rdzu 'phrul ldan rnams kun 'dus nas/ /ngan zhing ched du brjod pa 'di/ /snyan pa'i tshigs gis rab tu gsol/ /e ma sangs rgyas che ba'i bdag /sems can kun la sman par dgyes/ /skyob chen 'jig</font><hr>98.132b<br><font size=+1>

rten mgon po yi/ /mtshungs med bsam gyis mi khyab thabs/ /gsungs pa 'di la gang gnas pa/ /'khor ba'i sdug bsngal rgya mtsho sbyong / /'gro la sman mthong bsgrubs pas ni/ /lhag pa'i bde ba 'byung bar 'gyur/ /de nas rdo rje 'dzin pa sogs/ /byang chub sems dpa'i tshogs rnams kyis/ /ngo mtshar spyan ni gdangs nas su/ /ched du brjod pa 'di brjod do/ /e ma sangs rgyas bsam mi khyab/ /gdod nas thugasu 'gro don chud/ /rtog med rang bzhin las grol nas/ /bsam mi khyab pa'i go 'phang gsungs/ /'chang byed dang po ngan 'gro gcod/ /gnyis pa mthong chos dngos grub byed/ /de rjes 'jig med nga yi med/ /dogs pa spangs na zad par gyi/ /sa la bzhugs nas sems can don/ /ma bsams thogs pa med par byed/ /gsang sngags rgyal po skyob kun la/ /sbyangs nas 'dod don kun grub ste/ /nam mkha' chu gser dag pa ltar/ /bsgom pa bla med yid rgyas byed/ /de nas rig pa 'dzin pa'i tshogs/ /ma lus pa rnams 'dus nas kyang / /gtso la me tog gtor byas te/ /ched du brjod pa 'di brjod do/ /e ma sangs rgyas bsam mi khyab/ /dam pa'i chos kyang bsam mi khyab/ /'gro la phan dang don byed pa'i/ /cho ga'i ming dang shes rab dang / /snying rje'i dbye bas rgyas gyur nas/ /mnar med la sogs ngan 'gro yi/ /'jigs rnams las brgal pad ma ltar/ /rnal 'byor can de mdzes par spyod/ /de nas mthu stobs cher ldan pa'i/ /phyogs bcu'i khro bo'i kun 'dus nas/ /shin du ngam pas snyan tshig gis/ /ched du brjod pa 'di brjod do/ /e ma sangs rgyas chos chen dang / /dge 'dun dkon mchog bsam mi khyab/ /'khor ba'i mun pa chen por ni/ /bying bas blta dka' rtogs pa yis/ /sngags dang phyag rgya bsam mi khyab/ /mthong dang thos pa rtsam gyis kyang / /blta dka' 'byung po drag po rnams/ /lhag pa'i sems ni skyes par 'gyur/ /de nas rig pa'i lha mo che/ /spyan la sogs pa rgya chen rnams/ /ngo mtshar</font><hr>98.133a<br><font size=+1>

gyur nas spyan gdangs te/ /snyan pas ched du 'di brjod do/ /e ma sangs rgyas rmad du byung / /e ma sangs rgyas dpa' bo che/ /e ma sangs rgyas rab tu zab/ /chos rnams skye med 'gag pa med/ /sgyu 'phrul sna tshogs rol ba ltar/ /rgyu ma gdul bya tshim mdzad pa/ /spros pa dang bral spros pa bral/ /sgyu ma rab tu 'phel bar mdzad/ /de nas phyogs bcu'i sangs rgyas rnams/ /stong gsum mi mjed 'jig rten khams/ /gdul ba dag la rab gzigs nas/ /'dul mdzad rdo rje 'chang ba la/ /ngo mtshar rmad kyi gsung gis ni/ /ched du brjod pa 'dis bstod do/ /o~M zhes dang po phyag 'tshal bkra shis ster byed pa/ /ser sna rnam par dag nas yo byad dbang thob dang / /gnas dang gnas ma yin pa mkhyen pa'i stobs dang ni/ /rab dga' ye shes khro bo khams gsum rnam rgyal 'dud/ /tsaN yig dri bzangs tsan dan byugs dang ngang tshul mtshungs/ /tshul khrims rnam par dag pas tshe la dbang ba dang / /las dang rnam par smin pa mkhyen pa'i stobs dang ni/ /dri med ye shes khro rgyal mi g.yo phyag 'tshal lo/ /Da yig nyon mongs sgrib pa gtor ba'i zhi gnas dang / /bzod pa dag pa skye ba la dbang thob pa dang / /mos pa sna tshog mkhyen pa zhes pa'i stobs dang ni/ /'od 'phro ye shes khro bo dbyug sngon phyag 'tshal lo/ /ma yig sgyu 'phrul chen po lhag mthong che ba'i bdag /brtson 'grus dag pas sems la yang dag dbang thob dang / /khams kyi rnam pa sna tshog mkhyen pa'i stobs dang ni/ /'od byed ye shes gshin rje gshed po phyag 'tshalo/ /hA yig ma chags shes bya'i sgrib 'phrog sbyangs sa che/ /bsam gtan dag pas rdzu 'phrul la ni dbang thob dang / /thams cad dag tu 'gro ba'i lam dag stobs dang ni/ /sbyang dkar ye shes rta mgrin khro bo phyag 'tshal lo/ /ro yig 'khor 'das nad bral shes dag las dbang thob/ /bsam gtan rnam thar ting 'dzin dang ni</font><hr>98.133b<br><font size=+1>

snyoms zhugs pa'i/ /kun nas nyon mongs rnam byang lta ba kun mkhyen stobs/ /mngon gyur ye shes 'dod pa'i rgyal po phyag 'tshal lo/ /Sha yig mnyam nyid sdom chen dbang phyug chen po rgyal/ /stobs chen dag las mos pa la ni dbang thob dang / /sngon gyi gnas rnams rjes su dran pa mkhyen pa'i stobs/ /ring du song ba'i ye shes bdud rtsi 'khyil la 'dud/ /Na yig skyes bu chen po sgra chen klu mchog gtso/ /smon lam dag pas smon lam che la dbang thob dang / /dbang po mchog dang mchog ma yin pa mkhyen pa'i stobs/ /mi g.yo ye shes khro bo stobs chen phyag 'tshal lo/ /hUM yig hu lu sprin gdengs 'brug sgra gad rgyangs can/ /thabs dag pas ni ye shes che la dbang thob dang / /'chi 'pho dang ni gang zhig skye ba mkhyen pa'i stobs/ /legs pa'i blo gros ye shes khro bo hUM mdzad 'dud/ /phaT sgras bag chags kun gtor dag pas shel dang mtshungs/ /ye shes dag pas chos la dbang ni thob pa dang / /zag pa thams cad yang dag zad pas mkhyen pa'i stobs/ /chos kyi sprin gyi ye shes khro bo gnod mdzes 'dud/ /de nas chos rje thub pas ni/ /ljags kyi dbang po bkram byas nas/ /'dzum pa mdzad pas rab gzigs te/ /'khor gyi dkyil 'khor chen po'i dbus/ /lag na rdo rje mthu chen la/ /snyan pa'i gsung gis bka' stsal pa/ /mchog tu brtan par rab bsngags pa/ /rdo rje theg pa bla na med/ /mi gang bsod nams dman pa 'am/ /mtshams med la sogs byed pa yang / /rgyud 'dir zhugs pa'i de ma thag /gser 'gyur gyi ni rtsi bzhin du/ /log rtog ma lus dag nas kyang / /rtog med bde ba'i skur byung ste/ /rmi lam bzang po'i sems bzhin du/ /rnam 'phrul sna tshogs cir yang snang / /mu mtha' med pa'i 'khor ba'i mtsho/ /brgal ba'i gzings chen bla med 'di/ /chag gsang med pa'i tshul du ni/ /khyod kyis rtag tu gzung bar bya/ /</font><hr>98.134a<br><font size=+1>

lag na rdo rje stobs po ches/ /ston pa la ni 'di gsol to/ /rgyud 'di phyung ma thag tu ni/ /gdul dka' ba ni rab tu zhi/ /sa stengs nad dang gdon mu ge /bar chad gnod pa kun dang bral/ /slar yang stan pa 'phel ba'i phyir/ /brtan por bdag gis gzung bar bgyi/ /dpa' bo mkha' 'gro drag po rnams/ /yid kyis brtul zhugs phyung nas kyang / /rgyud 'di 'dzin pa'i rjes su 'brang / /lha dang 'jig rten pa dang ni/ /ma mo srin mo mkha' 'gro ma/ /sha za gnod sbyin srin mo rnams/ /rgyud 'di 'dzin pa skyong bar byed/ /rgyud 'dzin long spyod spel bar byed/ /ston pas gsungs pa rdo rje 'dzin/ /legs so shin tu cher legs so/ /rgyud 'dzin rnal 'byor can chen de/ /rgyun du bsrung zhing blo 'phel mdzod/ /de skad kyi ni gsung thos nas/ /byang chub sems dpa' nyan thos dang / /mkha' 'gro ma mo 'jig rten skyong / /lha klu gnod sbyin dri zar bcas/ /thams cad ldan pa'i 'khor de rnams/ /dgyes te thal sbyar mngon par dga'i/ /mi g.yo thugs rje'i lcags kyu bzung bas 'khor ba'i btson ra nas/ /lha klu 'bum phrag 'tshe bral dkar po dge ba'i kun slong sems/ /skye gnas byang chub rin chen nor thob mdzad pas rmad byung mtshar/ /rgyal ba'i tshul bsdus bstan pa'i chos 'di dman la shin du gsang / /'phags pa rdo rje khro bo'i rgyal po'i rtog pa bsdus pa las/ /mngon par dga' ba'i le'u ste bcu pa'o/ /'phags pa rdo rje khro bo'i rgyal po'i rtog pa bsdus pa rdzogs s+ho// //</font><hr>

</table>