@#/ /rgya gar skad du/ ka ru Na a gra nA ma d+hA ra NI/ bod skad du/ snying rje'i mchog ces bya ba'i gzungs/ thams cad mkhyen pa la phyag 'tshalo/ /phyag na pad ma bsnam pa/ sems can sdug bsngal rnam pa sna tshogs kyi tshang tshing du nub pa rnams yang dag par bskul ba'i phyir blo gros shar ba la phyag 'tshalo/ /de bzhin gshegs pa'i gsang sngags kyi mchog snying rje chen po'i rtse mo 'char ba/ thogs pa med pa'i don yod pa'i las kyi dngos grub de bzhin gshegs pa'i zhal nas byung ba/ sems can kyi dkyil 'khor ma lus pa'i las kyi sgrib pa dang / ngan song gis sdug bsngal rnams pa sna tshogs zhi bar byed pa/ byed pa ma yin pa dang / bkra mi shis pa dang / rmi lam ngan pa dang / ltas ngan pa thams cad dang / nad rnam pa du ma dang / dus ma yin par 'chi ba rnam pa sna tshogs rab tu zhi bar byed pa/ stong chen po rab tu 'joms par byed pa bshad par ste/ thog mar bcom ldan 'das bsod nams kyi tshogs du ma bye ba phrag 'bum gyis brgyan pa'i sku mnga' ba la phyag 'tshal nas brtsam par bya'o/ /na mo b+ha ga ba te/ bai ro tsa nA ya/ ta thA ga ta ya/ a ra ha te samyag saM bud 98.90a d+ha ya/ sarba a dz+nya na d+ha ka ra sha ma yid tre/ tad+ya thA/ sA d+ha ni sA d+ha ni/ sid+d+ha bid d+ha ri/ b+ha ga ba te pa ram pA ra/ kle sha d+ha ba hi/ a dz+nyA na sha ma nI sha mA ya/ sarba pa paM bi shud+d+ha d+ha rme nir ma la dz+nyA na go tsa re/ a saM ga tsa ri ni pra sha ma mUrti su kha pra te sarba kle sha d+ha ba ti/ sarba paM bi sho d+ha ni/ bi d+ha mA ni bi na shA ni bi na shA ni bi na shA ya bi na sha ya/ b+ha ga ba ti su ra sa bi ma la bud+d+ha/ sa ra sa ra/ bi sa ra bi sa ra/ su ru su ru/ sU ra sU ra/ pra sa ra pra sa ra/ bi sa ra bi sa ra/ a dz+wa na ma ko Ti sa ha sra saM tsaM ta na/ karma A ba ra NaM k+Sha pa ya/ k+She ma ba ti bud+d+ha bi shA ya/ ba sha brti ni pA ra mi tA dz+nyA na go tsa re/ bi she sha ba ti/ a she sha ma li n-i/ kA ru Na go tsa re/ ma hA dz+nyA na a b+hi She ka ba ti/ su bi ni sh+tsi ta d+harme/ he he b+ha ga ba ti/ ma hA ka ru Ne ku ru ku ru bi shA d+ha ya/ saM sarba satwa sh+tsa/ ma hA ka ru Nod se ke na sa na sin tsA ya/ sa ma ba d+hA ya/ sa ma b+ha la ya/ pra ro hA ya me/ ma hA ka ru Na bi dza na pa ri shud+d+ha ya/ a mo g+ha me ku ru dzi bi ta na rak+Sha rak+Sham/ b+ha ga ba ti ma mA ma bo d+h-i tsita taM saM mU h+yed ma san+tu shud bi ti mi ka ru Ni/ bud d+ha bo d+hi pra te/ na ra ka pre ta tir+ya ga ti du khen mu la ni/ dA+e ba ma nu Sh+ya ga ti/ saM ba ha na bi ga to ba kle she/ sarba bud d+ha d+harma pa ri pU ra Ni swA hA/ bcom ldan 'das kyi snying rje chen po'i mchog ces bya ba'i gzungs/ bamom ldan 'das kyi gtsug tor nas byung ba 'di ni gzungs grangs med pa phrag stong gi 'khor dang ldan pa'o/ /sdig pa dang / las dang nyon mongs pa tham cad 'jom pa'o/ /bkra mi shis pa dang / rmi lam ngan pa dang / ltas ngan pa dang / dus ma yin par 'chi ba thaMd zhi bar byed pa'o/ /tshe dang bsod nams dang / gzugs dang / stobs dang / bde ba dang / spobs pa dang / nad med par byed pa'o 'byung po dang / rjed byed dang / gnod sbyin dang / srin po dang / nam mkha' lding dang / lha ma yin dang / mi 'am ci'i gdon thams cad nges par 'joms pa'o/ /gzung 'di'i ming gzung ba dang / thos pa dang / brjod pa tsam gyis kyang tshe rabs 98.90b bye ba phrag 'bum gyi bar du bsags pa'i las kyi sgrib pa yang 'byang bar 'gyur ro/ /nyon mongs pa thams cad bsrabs par 'gyur ro/ /de'i ngan song gi 'gro ba thams cad kyang rgyun chad par 'gyur ro/ /sangs rgyas dang byang chub sems dpa' thams cad kyis kyang yongs su gzung bar 'gyur ro/ /byang chub sems dpa'i dge ba dang yang ldan par 'gyur ro/ /yongs su mi nyams pa'i chos can du yang 'gyur ro/ /snying rje las kyang nyams par mi 'gyur ro/ /sems can thams cad kyis kyang mngon par dga' bar bya bar 'gyur ro/ /nyin dus gsum mtshan dus gsum du lan bdun bdun brjod na sdig pa thams cad las rnam par thar bar 'gyur la/ byang chub sems dpa'i yon tan stong phrag dpag tu med/ grangs med pa dag kyang thob par 'gyur ro/ /nam nangs pa'i dus su skyil mo krung bcas te bde bar 'dug la/ lag pa gru gsum gyi phyag rgya byas nas/ sangs rgyas dang / byang chub sems dpa' thams cad la dmigs te/ de bzhin gshegs pa yon tan bdag nyid chen po mngon du bsams nas de bzhin gshegs pa la phyag 'tshal lo zhes smras te/ yid kyis phyag 'tshal nas lan nyi shu rtsa gcig brjod na/ de la yid la ji ltar 'dod pa'i bsam pa thams cad yongs su rdzogs par 'gyur te/ don ji lta ba bzhin du 'grub pa thob par 'gyur ro/ /tshes brgyad dang / bcu bzhi dang / bcwa lnga la bcom ldan 'das la mchod pa byas la/ bsnyen gnas blang nas gos dkar po bgos te/ sbyin pa byas la byang chub kyi sems chen po blangs nas mi sdug pa med par lag pa brkyang ba des rang gi lag gis dkyil 'khor byugs la/ me tog kha dog sna gsum gyis mchod nas tsan dan dkar pos bdugs la/ 'jig rten gyi khams stong phrag mtha' yas pa dag na mchod pa dang / bkur sti chen po rnam pa sna tshog yod pa/ de bzhin gshegs pa rnam la 'os pa rnam yid la bsam te/ sangs rgyas dang / byang chub sems dpa' thams cad la 98.91a phul nas/ de bzhin gshegs pa'i snying po stong chen po 'bar ba 'byung ba 'di nam dga' ba chen po skyes kyi bar du brjod na/ bdag nyid de bzhin gshegs pa rnams kyi drung na 'dug par shes shing / de bzhin gshegs pa rnams kyi zang zing med pa'i chos gyi longs spyod chen po'i dga' ba thob par 'gyur te/ de phyin chad de bzhin gshegs pa'i rigs su phyir mi ldog par skyes pa yin no/ /tshe rabs gzhan du song na yang byang chub sems dpa'i sa chen po thob par 'gyur ro/ /rig sngags 'chang chen po'i 'khor los sbyar ba yang thob par 'gyur ro/ /gzungs kyang thob par 'gyur ro/ /de bzhin gshegs pa rnam kyang mnyes par byed do/ /mngon par shes pa mi nyams pa yang thob par 'gyur ro/ /tshe 'di la yang sems can thams cad dga' bar 'gyur ro/ /lha thams cad kyis kyang bsrung bar 'gyur ro/ /klu dang / lha ma yin dang / nam mkha' lding dang / mi 'am ci dang / gnod sbyin dang / srin po thams cad kyis kyang bsrung bar 'gyur te/ gang la smras pa de de'i bya ba sgrub par 'gyur ro/ /des ci bsam pa dang / byed du bcug pa rnam kyang lha la sogs pa rnams byed par 'gyur ro/ /de'i 'dod pa thams cad kyang yongs su rdzog par 'gyur ro/ /sus kyang ngag mi gcog par yang 'gyur ro/ /lha rnam kyis kyang de'i stob dang / gzugs dang / bsod nams dang / lang tsho dang / nad med pa dang / rgyas pa 'phel bar byed do/ /bgegs thams cad kyis kyang mi tshugs par 'gyuro/ /mdor na de bzhin gshegs pa'i grong khyer du 'jug par 'dod pa rnam dang / de bzhin gshes pa'i sangs rgyas kyi sku chen po mthong bar 'dod pa rnam dang / yon tan phun sum tshogs pa tham cad thob par 'dod pa rnam dang / gzhan yang byang chub sems dpa' chen po'i bslab pa'i gang zag byed pa la 'jug par 'dod pa rnam dang / byang chub sems dpa' chen po'i chos nyid kyi dam tshig thob par 'dod pa rnams dang / rtag par rgyun mi 'chad pa dang / bar chad med par rgyud chen po'i de kho na rtogs par 'dod pa rnams dang / de bzhin 98.91b gshegs pa'i yon tan gyi rgyan kyi bdag nyid rgyan par 'dod pa rnam kyis yon tan gyi tshogs chen po bsags pa'i phyir de bzhin gsheg pa rnams kyis bstod cing / byang chub sems dpa' sems dpa' chen po rnam kyi yang dag par rten pa 'di thog mar sgrim pa chen pos de bzhin gsheg pa tham cad bsam pa'i cho ga ji skad bstan pa bzhin du blang bar bya'o/ /snying rje'i mchog ces bya ba'i gzungs/ rdzogs s+ho// // |