@/ /rgya gar skad du/ ar+ya sarba an ta ra sa~M grA sa d+hA ra N-I man tra/ bod skad du/ 'phags pa bar du gcod pa thams cad sel ba'i gzungs sngags/ sangs rgyas dang byang chub sems dpa' thams cad la phyag 'tshal lo/ /bcom ldan 'das kyis byang chub sems dpa' sems dpa' chen po phyag na rdo rje la bka' stsal pa/ phyag na rdo rje gzungs bsngags 'di su 'dzin pa dang / 'chang ba dang / bzlas rjod byed pa de la ni dug dang / mtshon gyis 98.70b 'chi ba dang / ltogs pa dang / mtshon brgyab pa dang / gcan zan ma rungs pas za ba dang / mes tshig pa dang / chur 'chi ba dang / 'go ba'i r-ims gzhan ya nga ba dang / mdze'i nad dang / gsor mi rung ba'i nad ya nga ba dang / g.yang la lhung ba dang / gzhan gyi byad dang / zas kyis mnangs pa dang / bdag rang gis gsod pa dang / de ltar gshis ngan du 'chi ba bcu gsum gyis rkyen byed par mi 'gyur ro/ / phyag na rdo rje gzungs sngags 'di su 'dzin pa dang / 'chang ba dang / bzlas rjod byed pa de la ni sa dang nam mkha' la gnas pa'i bgegs dregs pa can ma rungs pa rnaMs kyis kyang glag rnyed par mi 'gyur ro/ /phyag na rdo rje gzungs sngags 'di su 'dzin pa dang / 'chang ba dang / bzlas rjod byed pa de la las kyi sgrib pa dang / nyon mongs pa'i sgrib pa dang / shes bya'i sgrib pa thams cad byang zhing dag ste/ bde ba can gyi 'jig rten du skye bar 'gyur ro/ /\u0f00 badzra tsan+Da ma hA ro Sha Na hU~M phaT/ a pra ti ha ta ba la hU~M phaT/ sarba big+ha~M an+ta rA ya bi nA sha ka ra mA ra ya hU~M phaT/ ces brgya tsa brgyad brjod na 'grub pa'o/ /nges par 'grub pa'o zhes gsungs so/ /'phags pa bar du gcod pa thams cad sel ba'i gzungs/ sngags/ rdzogs s+ho// // |