@/ /rgya gar skad du/ pradz+nya bar d+ha ni nA ma d+hA rA nI/ bod skad du/ shes rab bskyed pa zhes bya ba'i gzungs/ thams cad mkhyen pa la phyag 'tshal lo/ /'di skad bdag gi thos pa dus cig na/ bcom ldan 'das byang chub sems dpa' blo ldan zhes bya ba ri rab kyi ngos la bzhugs te/ ri rab la gnas pa'i lha'i bu thams cad kyi bskor nas mdun du byas te chos ston to/ /de nas byang chub sems dpa' sems dpa' chen po gzhon nu'i 97.311b gzugs can gyis thal mo sbyar te/ byang chub sems dpa' blo ldan la sogs pa/ bcom ldan 'das sems can shes rab rtul po/ blo zhan pa/ yid mi gzhungs pa rnams kyi slad du shes rab bskyed pa zhes bya ba'i gzungs bshad du gsol/ bshad pa/ hU~M pi tsu pi tsu/ pradz+nyA bar d+ha ni dz+wa la dz+wa la/ me d+ha bar d+ha ni/ d+hi ri d+hi ri/ bud+d+hi bar d+ha ni swA hA/ gang zhig gzungs 'di 'dzin pa dang / klog pa dang / 'dri ba dang / 'drir 'jug pa dang / chung ngu ni yi ge 'bru gcig tsam thos na yang de'i tshe 'di nyid la shes rab chen po 'gyur ro/ /gang gi zla ba drug gi bar du nyin re zhing rtsabs khyor gang la rig pa 'di lan bdun btab te nyi ma shar ba'i tshe 'thung na tshigs su bcad pa stong stong 'dzin to/ /lan cig 'thung na lnga brgya 'dzin te nyin cig bzhin shes rab 'phel bar 'gyur nyin cig bzhin du rjod pa tsam gyis dran pa dang yid bzhungs par 'gyuro/ /shes rab bskyed pa zhes bya ba'i gzungs rdzogas+ho// //rgya gar gyi mkhan po dz+nyA na gar+b+ha dang / lo ts+tsha ba ban de klu'i dbang pos bsgyur/ rgya gar gyi mkhan po bid+ya ka ra siM ha dang / zhu chen gyi lo ts+tsha ba ban de de ba tsan dras zhus te gtan la phab pa/ / |