J55

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J55</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J55&coll=lithang">see text in Tibetan script</a></table>45.1a<br><font size=+1>

[(黃) 經藏第六部]</font><hr>45.1b<br><font size=+1>

@##/   /rgya gar skad du/ Ar+ya g+ha na byU ha nA ma ma hA yA na sU tra/  bod skad du/ 'phags pa rgyan stug po bkod pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das chos thams cad la mnga' sgyur ba 'dod pa nas/ gzugs dang / gzugs med pa dang / gzugs med pa'i sems can rnams las 'das te/ sangs rgyas kyi zhing stug po na stobs mnga' ba rnams dang / rdzu 'phrul gyi rkang pa rnams kyis rnam par 'phrul zhing rjes su spyod pa/ byang chub sems dpa' sems dpa' chen po rnal 'byor dam pa'i rnal 'byor can 'di lta ste/ byang chub sems dpa' sems dpa' chen po mur 'dug byed pa thams cad kyi gzhung rnam par 'jom pa dang / byang chub sems dpa'</font><hr>45.2a<br><font size=+1>

sems dpa' chen po blo gros chen po dang / byang chub sems dpa' sems dpa' chen po sangs rgyas kyi chos thams cad kyi rnam par dgod pa yang dag pa ji lta ba bzhin du ston pa dang / byang chub sems dpa' sems dpa' chen po spyan ras gzigs kyi dbang po dang / byang chub sems dpa' sems dpa' chen po mthu chen po brnyes pa dang / byang chub sems dpa' sems dpa' chen po rnam par 'phrul pa'i rgyal po dang / byang chub sems dpa' sems dpa' chen po 'jam dpal gzhon nur gyur pa dang / byang chub sems dpa' sems dpa' chen po rdo rje'i snying po dang / byang chub sems dpa' sems dpa' chen po rnam par grol ba'i zla ba dang / byang chub sems dpa' sems dpa' chen po shugs 'dzin dang / de dag la sogs pa sangs rgyas kyi zhing bcu'i rdul shin du phra ba bye ba snyed kyi byang chub sems dpa' sems dpa' chen po khams gsum pa'i yul las yongs su 'das pa sems dang / yid dang / rnam par shes pa dang / kun gzhi'i spyod yul las yongs su 'das pa/ ye shes dang yid kyi lus su gnas gyur pa/ sgyu ma lta bu dang / dpa' bar 'gro ba dang / chos kyi sprin gyi sa dang / ting nge 'dzin dang ldan pa/ sangs rgyas du ma'i phyag gi dbang bskur bas dbang bskur ba/ khams gsum pa'i yul las shin du 'das pa'i gzhal med khang gi pad mo chen po la 'khod pa rnams dang thabs cig tu bzhugs te/ de na mur 'dug dang / nyan thos dang / rang sangs rgyas thams cad kyi rgyu ba med do/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mthong ba'i chos la bde bar spyad pa bdag gi so so rang gi 'phags pa'i ye shes kyis mkhyen pa'i spyod yul btsun par dbyangs 'phyin pa sna tshogs kyi gzugs du ma ston pa'i ting nge 'dzin las</font><hr>45.2b<br><font size=+1>

bzhengs so/ /bzhengs nas kyang pho brang 'ja' dang glog gi 'od can rgyan dang / lhab lhub du mas brgyan pa nas mngon par byung ste/ zla ba dri ma med pa'i snying po zhes bya ba'i khang stengs su gshegs so/ /gshegs nas kyang stug po'i ris kyi rgyan seng ge'i gdan dam pa la byang chub sems dpa' dang thabs cig tu bzhugs so/ /bzhugs nas kyang bcom ldan 'das kyis phyogs bzhir gzigs te gtsug gi rin chen 'od kyi rgyan ces bya ba'i 'od zer stong phrag brgya'i 'khor can smin mtshams nas byung ste/ 'od zer gyi tshogs de byung bas sangs rgyas kyi zhing gi rgyan thams cad sangs rgyas kyi brgyan gcig dang 'dra bor yongs snang bar gyur to/ /mchog tu phra ba'i rdul gyi phra ba nyid du sangs rgyas kyi zhing thams cad kyi rang bzhin phra ba nyid kyang yongs su snang ngo / /sangs rgyas kyi zhing stug po yang sangs rgyas kyi zhing gzhan gyi rang bzhin rdul gyi phra ba nyid las 'das te gnas so/ /sangs rgyas kyi zhing stug po ni 'od dang / gza' dang / zla ba spangs pa ste/ 'dus ma byas kyi rang bzhin nyid kyis shin du phra ba'i rdul gyi phra ba nyid du mi snang gi/ gzhan du mya ngan las 'das pa dang / nam mkha' dang ma brtags par 'gog pa lta bur byang chub sems dpa' sems dpa' chen po de dag dang / sangs rgyas bcom ldan 'das rnams dang / sangs rgyas kyi zhing gzhan dag na spyod pa byang chub sems dpa' sems dpa' chen po rnams kyis gzigs so/ /de nas bcom ldan 'das kyis sangs rgyas kyi zhing gi rgyan dang / sangs rgyas dang byang chub sems dpa'i mthu phyung ba de dag gzigs nas sangs rgyas kyi spyan gyis phyogs bcur byang chub sems dpa'i 'khor dang bcas pa la gzigs nas byang chub sems dpa' sangs rgyas kyi chos thams cad rnam par dgod pa yang dag pa ji lta ba bzhin du ston pa la bka' stsal pa/ rnam par dgod pa yang dag pa ji lta ba bzhin du ston pa stug po'i rgyan zhes bya ba'i</font><hr>45.3a<br><font size=+1>

sangs rgyas kyi zhing 'di na 'dod pa dang / gzugs dang / gzugs med pa dang / 'du shes med pa'i sems can du gtogs pa'i gzugs sred pa dang / ma rig pa dang / ting nge 'dzin gyi 'bras bu ye shes kyi mes rnam par bsregs te gnas gyur pa'i phyir ye shes kyi ting nge 'dzin dang / yid bzhin gyi lus stobs dang / mngon par shes pa dang / rdzu 'phrul gyi rkang pa dang / dbang gis brgyan pa/ gseb med pa/ ring du gnas pa/ zla ba dang / nyi ma dang / nor bu dang / glog dang / 'ja' dang / byi ru dang / ba bla dang / ldong ros dang / mtshal dang / mgo nag gi 'bru dang / king shu ka dang / in dra go pa dang / gser dang / tsam pa ka dang / pad mo dang / dung dang / rma bya'i mgul dang / mdongs bu mi long gi nang na 'dug pa'i gzugs brnyan lta bu thob nas sa dang sar zag pa med pas sbyangs pa'i rgyu ting nge 'dzin la dbang sgyur ba'i phyir smon lam gyi mthar phyin pa bcu'i bsngo bas lus thob pa'i khyad par can dag sangs rgyas kyi zhing stug por 'ong ngo / /de nas byang chub sems dpa' sems dpa' chen po sangs rgyas kyi chos thams cad rnam par dgod pa yang dag pa ji lta ba bzhin du ston pa stan las langs te/ bla gos phrag pa gcig la gzar nas pus mo g.yas pa'i lha nga sa la gtsugs te/ bcom ldan 'das gang na ba de logs su thal mo sbyar bas phyag 'tshal te/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs gcig gcig bcom ldan 'das kyis bdag la zhu ba zhus pa lung bstan pa'i slad du skabs dbye bar gnang na bdag gis zhu'o/ /bcom ldan 'das kyis bka' stsal pa/ rnam par dgod pa yang dag pa ji lta ba bzhin du ston pa khyod kyis de bzhin gshegs pa</font><hr>45.3b<br><font size=+1>

dgra bcom pa yang dag par rdzogs pa'i sangs rgyas la dris shig dang / ngas ci dang ci 'dod pa de dang de'i dri ba dris pa lung bstan pas sems mgu bar byas/ khyod kyis ji ltar bzod pa de ltar smros shig /de nas sangs rgyas kyi chos thams cad rnam par dgod pa ji lta ba bzhin du ston pa'i byang chub sems dpa' sems dpa' chen po/ bcom ldan 'das kyis skabs phye ba dang / bcom ldan 'das la 'di skad ces gsol to/ /bcom ldan 'das sangs rgyas kyi zhing stug po 'ba' shig 'dod pa dang / gzugs dang / gzugs med pa dang / 'du shes med pa'i sems can las 'das te gnas sam/ sangs rgyas kyi zhing gzhan dag kyang de bzhin nam ci lags/ rigs kyi bu sangs rgyas kyi zhing stug po 'ba' shig 'dod pa dang / gzugs dang / gzugs med pa dang / 'du shes med pa'i sems can las 'das te gnas pa ma yin gyi/ sangs rgyas kyi zhing gzhan dag kyang yod do/ /rigs kyi bu 'di nas pha rol shin du 'ang pha rol sangs rgyas kyi zhing bye ba stong phrag brgya 'das pa'i steng gi phyogs cha na tshangs pa'i dbyangs de bzhin gshegs pa dgra bcom pa yang dag par rdzogs pa'i sangs rgyas kyi zhing dang / de bzhin du sa la'i dbang po'i rgyal po de bzhin gshegs pa dang / skar ma'i rgyal po de bzhin gshegs pa dgra bcom pa yang dag par rdzogs pa'i sangs rgyas kyi sangs rgyas kyi zhing dang / de bzhin du sangs rgyas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnams kyi pha rol shin du 'ang pha rol du 'das pa na/ sangs rgyas kyi zhing stong phrag brgya mang po byang chub sems dpa'i 'khor gyi tshogs kyis brgyan pa shin du yangs shing che ba dag yod de/ sangs rgyas bcom ldan 'das de dag kyang 'khor gyi tshogs de dang de dag tu byang chub sems dpa' sems dpa' chen po rnams la bdag gi so so rang gi 'phags pa'i ye shes kyi rtogs pa'i spyod yul gyi gtam</font><hr>45.4a<br><font size=+1>

dang / mthong ba'i chos la bde bar gnas pa'i chos tshig dang rnam par rtog pa'i spyod yul dang / yi ge dang bral ba de bzhin nyid dang / yang dag pa'i mtha' dang / mya ngan las 'das pa thob par byed pa phyi ma'i mtha'i mur btugs par ston te/ de ni rnam par bkod pa yang dag pa ji lta ba bzhin du ston te/ de ni gang rnam par dgod pa yang dag pa ji lta ba bzhin du ston pa khyod kyis 'di'i pha rol na 'jig rten gzhan dang sangs rgyas dag yod dam zhes smras pa de'i lan du ngas 'di smras so/ /rnam par dgod pa yang dag pa ji lta ba bzhin du ston pa khyod 'ba' shig sangs rgyas kyi zhing gi rgyan dang byang chub sems dpa' la ltad mo blta bar 'dod pa'i phyir de bzhin gshegs pa la dri bar sems par ma zad kyi/ byang chub sems dpa' sems dpa' chen po shugs 'dzin 'di yang sangs rgyas bcom ldan 'das rnams kyi sangs rgyas kyi zhing gi rgyan dang / sangs rgyas kyi sgra'i dbyangs kyi dkyil 'khor dang spyi gtsug tshad med pa la ltad mo blta bar 'dod pa'i phyir sangs rgyas kyi zhing bye ba stong phrag brgya song nas sangs rgyas kyi zhing chu bo gang gA'i bye ma snyed du rdzu 'phrul gyi mchog gis gyen du song yang byang chub sems dpa' sems dpa' chen po shugs 'dzin 'dis de bzhin gshegs pa gcig tsam gyi sangs rgyas kyi zhing gi rgyan tam/ sangs rgyas kyi gsung gi dbyangs kyi dkyil 'khor ram/ spyi gtsug tshad med pa yang ma mthong ste/ des ma mthong ba dang / ngo mtshar du gyur nas sangs rgyas kyi gsung gi dbyangs kyi dkyil 'khor dang / spyi gtsug ltar tshad med pa bsam gyis mi khyab pa yang dag par rjes su dan zhing mi mjed kyi 'jig rten gyi khams 'di nyid du phyin nas mnyan du yod par sangs rgyas bcom ldan 'das kyi spyin sngar 'dug ste/ nyes pa la nyes par bshags nas sangs rgyas rnams nam mkha' dang mnyam par shes te mngon par bstod nas/ bdag gi so so rang gi 'phags pa'i ye shes kyis rtogs pa'i spyod</font><hr>45.4b<br><font size=+1>

yul la mngon par mos shing sangs rgyas kyi zhing stug po nyid du song ste gnas par gyur to/ /de nas byang chub sems dpa' sems dpa' chen po rdo rje'i snying po sa dang sa'i mtshan nyid la mkhas pa phra ba dang dmigs su phebs pa dang / rnams par gdon mi za ba'i gtam zos pa stan las langs te bla gos phrag pa gcig la gzar nas pus mo g.yas pa'i lha nga sa la btsugs te/ bcom ldan 'das gang na ba der thal mo sbyar bas phyag 'tshal te/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la phyogs gcig cig bcom ldan 'das kyis bdag la zhu ba zhus pa lung bstan pa'i slad du skabs dbye bar gnang na bdag gis zhu'o/ /bcom ldan 'das kyis bka' stsal pa/ rdo rje'i snying po khyod kyis de bzhin gshegs pa dgra bcom pa yang dag par rdzogs pa'i sangs rgyas la dris shig dang / ngas ci dang ci 'dod pa de dang de'i dri ba dris pa lung bstan pas sems mgu bar byas khyod kyis ji ltar bzod pa de ltar smros shig /de skad ces bka' stsal pa dang / byang chub sems dpa' sems dpa' chen po rdo rje'i snying po la bcom ldan 'das kyis skabs phye nas/ bcom ldan 'das la 'di skad ces gsol to/ /bcom ldan 'das sangs rgyas sangs rgyas shes bgyi ba dang / 'tshang rgya bar bgyi ba zhes bya ba'i don ci lags/ bcom ldan 'das don dam pa 'phags pa'i yul chos nyid kyi sangs rgyas kyi rigs ston pa 'das pa dang / ma 'ongs pa dang / da ltar byung ba'i spyod pa'i sa la spyod pa dang / gzugs dang / mtshan nyid dang / yang dag par bsdu ba'i lta bar ltung ba rnams dang mur 'dug bzhin gyi smra ba la mngon par chags pa'i blo'i spyod yul la spyod pa rnams dang / rdul dang / gces pa dang / dbang po dang / phyogs dang / dus dang / nam mkha' dang / </font><hr>45.5a<br><font size=+1>

bdag dang / yid dang / dbang po dang / don nye bar 'du ba'i lta bar lhung ba rnams kyi blo rnam par bzlog pa'i slad du bshad du gsol/ bde bar gshegs pa bstan du gsol/ ma rig pa dang / sred pa dang / las dang / mig dang / gzugs dang / snang ba dang / de las skye ba'i yid la byed pa dang / gsum 'du ba'i rnam par rtog pa'i shes pa can dang / rgyu dang / de ma thag pa dang / dbang dang / dmigs pa'i rkyen las byung ba'i rnam par shes pa la chags par spyod pa dang / yod pa dang / med par smra ba'i rtogs pa can dang / chos 'di ba'i phung po dang / gang zag stong pa nyid du lta bar lhung ba rnams kyi yang blo rnam par bzlog pa'i slad du bcom ldan 'das bstan du gsol/ chos kyi dbang po thos par 'gyur gyis bde bar gshegs pa bstan du gsol/ rnam shes lnga yi rgyu la sogs/ /mnga' bdag dam pa ma gtogs par/ /sangs rgyas blo dang shes bya dang / /ji ltar gang gis 'tshang rgya zhing / /shes bya rnam pa lnga po rnams/ /thugs su chud pa sangs rgyas te/ /chos rnams thams cad mkhyen pas na/ /mya ngan 'da' dang mnyam gshegs pa/ /bcom ldan 'das kyis bka' stsal pa/ dge'o dge'o rdo rje'i snying po sa bcu la dbang ba/ rnam par rtog pa'i spyod yul las 'das pa/ mkhas pa chos nyid kyi sangs rgyas kyi rigs grags par byed pa dge'o/ /rnal 'byor dam pa la dbang ba/ sangs rgyas dang 'tshang rgya bar yongs su dri ba 'di la ni khyod 'ba' shig ltad mo byung ba ma yin gyi/ sgyu ma byed pa bzang po dang / rgyal ba'i bu gzhan dag kyang don 'di la ltad mo byung zhing sangs rgyas kyi dngos po 'dri ste/ de bzhin gshegs pa zhes bya ba'i tshig gi don 'di ci zhig /ci gzugs de bzhin gshegs pa'am/ 'on te gzugs las gzhan zhig de bzhin gshegs pa 'am/ de bzhin du phung po dang / khams dang / </font><hr>45.5b<br><font size=+1>

skye mched kyi 'du byed las kyang ste/ nang dang phyi'i mnyam pa nyid kyang mi mthong zhing byas pa'i rgyu dang 'jig pa'i chos can gyi phyir phung po rnams la de bzhin gshegs pa med de/ rdul phra mo med pa thugs su chud pa'i phyir shes rab dang / ye shes dang / ting nge 'dzin gyi spyod yul te/ mnyam par bzhag pa'i thugs kyis yang dag par rjes su ma gzigs shing phung po rnams skyes pa'i phyir de bzhin gshegs pa'i chos kyi sku yin pas na rtag pa nyid do snyam mo/ /kye rgyal ba'i bu chos kyi dbyings kyi shin du phye ba la mkhas pa de dge'o/ /kye rgyal ba'i bu de bas na dge bar shin du nyon de yid la gyis shig dang ngas khyod la bshad do/ /bcom ldan 'das dge'o zhes nas byang chub sems dpa' sems dpa' chen po rdo rje'i snying po bcom ldan 'das las phyir nyan to/ /bcom ldan 'das kyis de la bka' stsal pa/ rigs kyi bu rdo rje lta bu'i snying po ting nge 'dzin la dbang ba rdo rje'i snying po phung po rnams ni de bzhin gshegs pa ma yin/ phung po las gzhan na yang med de/ phung po la gnas pa yang ma yin/ phung po yang gnas ma yin/ skye ba dang 'jig pa yang gnas ma yin/ shes par bya ba yang ma yin/ shes pa yang ma yin/ don kyang ma yin/ dbang po rnams kyang ma yin no/ /de ci'i phyir zhe na/ phung po dang / khams dang / skye mched dang / yul rnams ni mno bsam med pa'i phyir te/ de bzhin gshegs pa ni 'di rnams las nang ngam phyir yang mi blta'o/ /gzugs ni skyod pa med cing sems med pa ste/ 'byung ba med pa'i chos can/ mthar 'jig pa/ rtswa dang shing dang bong rdo dang 'dra ba/ shin du phra ba'i rdul gyi tshogs dbu ba dang 'dra ba'o/ /tshor ba ni gnyis tshogs pa las chu'i chu bur dang 'dra bar skye'o/ /'du shes ni bum pa dang / snam bu dang / cod pan la sogs pa'i rgyu las byung ba ste/ de yang gnyis las skyes pa'i smig rgyu dang 'dra ba ste/ dper na dpyid gyis mngon par</font><hr>45.6a<br><font size=+1>

gdungs pa'i sa la nyi ma'i 'od zer bab pa gyen du langs pa rnams chu'i rlabs lta bur rlab cing ri dgas dang bya skom gyis nyen cing chu tshol ba rnams la chur rmongs par bya bas rmongs par byed do/ /de bzhin du 'du shes kyang de'i bdag nyid ma yin pa/ de'i bdag nyid ma yin pa'i gzugs su 'jug pa/ yang dag pa ma yin par yongs su brtags pa las skyes pa/ dpyod pa rnams kyis brjod pa las sogs shin tu mi dmigs pa/ bong bu'i rwa dang / mo sham gyi bu brjod pa ltar ming tsam du zad pa ste/ rmi lam gyis gzugs brjod pa ltar blta'o/ /dper na rmi lam na gzugs kyi 'du shes mthong bas sad pa'i tshe gzugs la sogs pa dang / bud med bzang mo yang dmigs su med do/ /de bzhin du mi shes pas log pa na bud med dang skyes pa la sogs pa mthong ba yang mngon par sangs rgyas na mi dmigs so/ /'du byed rnams ni chu shing gi snying po lta bu ste btsal na/ lus dang ngag dang yid las byung ba gzugs med pa rnams rnal 'byor can gyi dpyod pa pa rnams kyis mi rnyed do/ /rnam par shes pa ni sgyu ma lta bu de'i bdag nyid med pa ste/ sgyu ma byed pa'am/ de'i slob mas nan tan du rtswa dang shing dang bong rdo tsam la brten te gzugs kyi yan lag du ma las mngon par bsgrubs pa'i sgyu ma'i gzugs glang po dang / rta dang / shing rta dang / mi dang / rgyan ma btags pa'i gzugs kyi phyogs gcig ngo mtshar du bstan pa lta bu dang / gzhan yang mkhas pa rnams la ma yin gyi bus pa'i 'gro ba rnams la 'drin pa de bzhin du rnam par shes pa yang rnam pa gzhan du 'dug la/ rnam pa gzhan du shin du brtags shing shin du rtog ste de yang bdag bdag la 'dzin pa gnyis su shes nas/ sgyu mas mngon par grub pa'i gzugs gcig po'i ngo mtshar dang 'dra bar phyir ldog go/ /de bzhin gshegs pa ni rtag pa brtan pa ther zug mi 'jig pa ste/ sangs rgyas rjes su dran pa bsgom pa'i rnal</font><hr>45.6b<br><font size=+1>

'byor can rnams kyi yul yin te/ de bzhin gshegs pa'i snying po zhes bsgrags pa mya ngan las 'das pa'i dbyings dang / nam mkha' lta bur mi 'jig pa ste/ mya ngan las 'das pa'i sgra chos kyi dbyings kyi tshig gis 'das pa dang / byung ba dang / 'byung ba'i sangs rgyas bcom ldan 'das rnams kyis bstan te/ 'di ltar de bzhin gshegs pa rnams byung yang rung / ma byung yang rung / chos rnams kyi chos nyid chos kyi gnas nyid dang / chos kyi dbyings dang / chos skyon med pa gnyis po 'di ni de bzhin gnas pa'o/ /rdo rje'i snying po skyon med pa zhes bya ba ni yang 'byung ba'i nyes pa thams cad dang bral ba'o/ /rdo rje'i snying po skyon med pa ni nyes pa thams cad dang bral bar ma zad kyi ting nge 'dzin la yang 'jug go/ /skyon med par 'da' ba ni byang chub sems dpas spang bar bya ste/ de ci'i phyir zhe na/ 'di ltar ting nge 'dzin gyi sgo de nyid du myos te/ sems can la lta ba med par gyur cing yang dag pa'i mtha' mngon du byas nas lcags bsregs pa'i me dang 'dra bar mya ngan las 'da' bar gyur te/ de sems can gyi dgos pa la brtson 'grus btang zhing snying rje chen po dang / pha rol du phyin pa rnams dang bral bas sangs rgyas kyi gdung rnam par chad par byed cing nyan thos dang rang sangs rgyas mur 'dug byed pa'i lam du 'gro ste/ ting nge 'dzin gyi 'dam du glang po chen po 'dra bar rnam par thogs te/ rnam par shes pa'i yul rab tu zhum pas sangs rgyas kyi chos kyi skye mched thams cad kyis kun nas mi gnas shing rdzogs par mi byed par 'gyur ba'i phyir mngon du mi bya zhing / ma reg pa dang / nye bar mi bsgrub par gnas par bya'o/ /de ltar sangs rgyas kyi chos kyi sku'i rjes su zhugs te sangs rgyas kyi che ba nyid shes pas chos kyi 'khor lo bskor ba'i sangs rgyas rnam pa sna tshogs kyi tshul gyi yul la nye bar spyod pa/ sprul pa'i yul can/ de bzhin gshegs pa rnams kyis ting nge 'dzin las bslang ba'i sbyor ba/ sa brgyad pa las</font><hr>45.7a<br><font size=+1>

'das pa/ chos kyi sprin gyi sa la shes par rab tu byas pa/ sangs rgyas kyi che ba nyid myong nas de bzhin gshegs pa bdag gi so so rang gis rig pa 'phags pa'i ye shes kyis rtogs pa'i spyod yul gyi sar zhugs te thams cad du 'gro ba ma g.yos pa'i ting nge 'dzin spyod pa/ lhun kyis grub pa/ rtag pa/ ther zug pa/ brtan pa sangs rgyas kyi zhing stug po na gnas par 'gyur te/ rdo rje'i dbang po sa la dbang ba rnams la 'phrul pa'i 'jug pa ston par 'gyur te/ gnas gyur pa/ yid bzhin gyi ye shes dang ting nge 'dzin can/ stobs dang / mngon par shes pa dang / rdzu 'phrul gyi rkang pa dang / dbang la spyod pa/ ngang pa'i rgyal po dang 'dra bar ma zhugs pa'i chu bo zla ba lta bur 'gro ste/ blta ba'i don yod pa/ mi'i bdag po thams cad kyi tshogs kyi 'khor du sems can rnams kyi bsam pa ji lta bar 'dod pa'i gzugs dag gis sangs rgyas kyi zhing stug po bstan pa'i phyir sems can gyi bsam pa bzhin du 'jug par 'gyur ro/ /'dod pa'i khams kyi dbang po thams cad dang / dbang sgyur ba'i byang chub sems dpa' sems dpa' chen po nor bu rin po che'i snying po la sogs pa'i gnas dag tu bde ba rnams myong bar byas te sa'i rim pa rnams bstan nas zhing nas zhing du phun sum bde ba rnams rab tu ston cing phyi ma'i mthar thug par bsku ba grub pa'i sngags 'chang ltar mi snang zhing khang khyim gyi lha ltar de na gnas bzhin du mi snang ba'i gzugs su khyim na 'dug pa ltar de dag sprul pa'i 'od zer dang / 'phrul bas sprul pa la spyod cing 'gro'o/ /song nas kyang de bzhin gshegs pa'i sprul pa'i sku nub ste/ de bzhin gshegs pa'i sku la zhen nas gnas par 'gyur ro/ /de nas bcom ldan 'das kyis tshigs su bcad pa 'di dag gsungs so/ /dbang po phung po sprul yin te/ /sred dang ma rig las kyang yin/ /bag chags kyis bcings mi bzad pa/ /yul dang dbang po'i rgyu las byung / /rnams dpyod</font><hr>45.7b<br><font size=+1>

tshogs ni 'dod chags rnams/ /zhags pa sems bskyod de yin no/ /khro ba me lce mnyam pa ste/ /zhe sdang dug gi dngos po yin/ /thub spyod rnal 'byor bzang can gyis/ /'di dag rtag tu rnam gzhigs te/ /phung po rnams ni dor ba'i phyir/ /rnal 'byor can gyis rnal 'byor spyod/ /gzugs ni 'byung ba'i tshogs yin te/ /phung po lhag ma gzugs med pa/ /ji bzhin bar snang ri mo dang / /grib la sdong dum la sogs med/ /mkha' la rlung gzugs mi snang dang / /bya yi rjes rnams ji bzhin ni/ /mkhas pas so so rang rig pa/ /yang dag nyid dang yang dag mtha'/ /tshig gi spyod yul 'das pa ni/ /sangs rgyas dngos po mi snang ste/ /sangs rgyas sgras ni mya ngan 'das/ /mya ngan 'das kyang sangs rgyas te/ /rnam rtog rtog dang bral bas na/ /de ni bstan du mi nus pa'o/ /rgyu dang 'bras bu med pa ste/ /yod dang med kyis rnam par spangs/ /rdo ba phye mar btags pa la/ /gser ni yod par mi snang ste/ /sbyang ba'i las kyi khyad par gyis/ /gser ni snang bar 'gyur ba yin/ /gzugs rnams rdul du rnam gzhigs te/ /mkhas pas phung po lhag ma dang / /khams dang skye mched tshogs rnams dang / /rnam par shes dang dbang po dag /gcig dang tha dad dngos po yang / /rdul phran rnam par rab sbyangs na/ /dngos por sangs rgyas yod pa min/ /sangs rgyas med pa'ang ma yin te/ /rnal 'byor can rnams sangs rgyas mthong / /mtshan rab sum bcu rtsa gnyis can/ /gang na sdug bsngal de na bde/ /de nyid la ni snang ba yin/ /sangs rgyas med ces mi bya ste/ /sangs rgyas mnyam par bzhag pa yod/ /rgyu yi sangs rgyas dge ba can/ /rtsa ba mkhas pa nyid kyang ste/ /'jig rten kun gyi rgyal ba dang / /yang dag rdzogs pa'i sangs rgyas dang / /'di dag sangs rgyas lngar gsungs so/ /sprul pa'i rgyal ba lhag ma rnams/ /de bzhin gshegs pa'i snying po yod/ /mtshan rab sum cu rtsa</font><hr>45.8a<br><font size=+1>

gnyis can/ /de bas sangs rgyas yod pa ste/ /rnal 'byor can gyi thub pas mthong / /khams rnams gsum po 'das pa dang / /rnam pa du mar sangs rgyas zhing / /de bzhin gshegs kyi lha rdzas zhing / /rgyal sras bzang pos kun du gang / /de na thub chen sangs rgyas bzhugs/ /mtshan gyis kun nas yongs su rgyas/ /rnal 'byor rnal la mnyam par bzhag /chos dang bcas su rnam par mdzes/ /de bzhin phan tshun bsam gtan mdzad/ /shes rab ma shes shes byed la/ /stug po de na rnam par spyod/ /stug po de yi sems can su/ /sangs rgyas gzugs can de dag kun/ /skad cig 'jig par shin du 'das/ /ting nge 'dzin la rtag tu mos/ /dga' ldan nas babs 'phrul pa gang / /rtog pa can rnams kun gyis mthong / /stug po nas gshegs glang po ste/ /sangs rgyas gzugs ni stug na bzhugs/ /sna tshogs rnam mang gzugs tshul te/ /sems can bsam bzhin zhugs pa yis/ /de bzhin gshegs pa mnyam gzhag pa/ /chu yi zla ba bzhin du snang / /sna tshogs gzugs kyi nor bu ni/ /tshon gyi 'byor las rnam par mdzes/ /de bzhin sangs rgyas stug zhing na/ /mnyam par bzhag pas rnam par mdzes/ /thams cad chos la gzugs brnyan ltar/ /gcig dang tha dad spangs par te/ /dgos pa kun la 'jug pa ni/ /skyes bu dam pa thams cad mkhyen/ /rdul las ma yin dus las min/ /dbang po las min gces las min/ /rkyen gyis ma yin 'jig rten dang / /sangs rgyas ldan par rnam mdzes pa/ /rgyu yi tshul du sangs rgyas ni/ /'bras bu rnams la rnam par mdzes/ /'jig rten sku la 'khod bya ste/ /rgya mtsho ri dang shing dag dang / /de la 'gro ba sna tshogs bcas/ /mnyam par bzhag pas shin tu dgyes/ /bya ba thams cad phyi nang du/ /gza' zla la sogs mdzes pa'i rnams/ /phyir yang phyag gi mthil bkod de/ /yungs 'brur 'gro ba kun 'jud pa/ /sangs rgyas thub pa'i rnal 'byor mnga'/ /</font><hr>45.8b<br><font size=+1>

thub chen thub pa'i dam pa'o/ /'jig rten rnams la byed pa med/ /sangs rgyas 'phrul gyis sprul pa ste/ /'byung ba gsum po 'di dag kun/ /sangs rgyas 'od kyis rnam par sprul/ /rab rib mi shes myos mdongs pa'i/ /rtog pa can rnams 'phyan pa yin/ /bdag dang bdag med lta ba'i rnams/ /yod dang med pa'i smra bas bcom/ /'on tam thams cad 'jig pa dang / /cung zad 'jig pas smra ba rnams/ /'di la med dam cung zad dam/ /bdag dang bdag mad ga la yod/ /sangs rgyas sna tshogs 'byung kun na/ /rnal 'byor mkhan po rnam par mdzes/ /dri za'i grong la bya ba rnams/ /ji ltar snang ba 'jig rten na/ /rmi lam rnam pa sna tshogs gzugs/ /ri dgas rnams la smig rgyu bzhin/ /de bzhin 'jig rten sna tshogs dag /bdeg la sogs pa'i las rnams kyang / /rlung ldan sogs pa'i thag pa bzhin/ /sangs rgyas rnal 'byor mkhyen gyi mchog /mi la 'khrul 'khor skor ba ste/ /rgya mtsho'i skya ba 'dzin pa 'dra/ /stug po'i ris kyi ye shes kyi rgyan las byung zhes bya ba'i le'u ste dang po'o// // de nas 'jam dpal gzhon nur gyur pa stan las langs te/ bla gos phrag pa gcig la gzar nas pus mo g.yas pa'i lha nga sa la btsugs te/ bcom ldan 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas gang na ba de logs su thal mo sbyar te phyag 'tshal nas bcom ldan 'das la 'di skad ces gsol to/ /bcom ldan 'das mtshams med pa lnga bgyis pa rnams dang / dam pa'i chos spong ba rnams dang / 'phags pa spong pa rnams dang / mnar med pa la gzhol ba rnams dang / ma dang pha la snying ring ba rnams dang / tshangs pa 'gums pa rnams dang / ba lang dang / dgum pa 'gums pa'i sems can rnams ji ltar yongs su 'grol bar 'gyur/ bcom ldan 'das sems</font><hr>45.9a<br><font size=+1>

can de dag 'khor ba'i sdug bsngal la ji ltar yongs su 'grol bar 'gyur/ bcom ldan 'das kyis bka' stsal pa/ 'jam dpal sbyin pa gnyis byin pa'i sems can rnams 'khor ba'i sdug bsngal las yongs su 'grol bar 'gyur te/ de 'di ltar chos kyi sbyin pa dang / zang zing gi sbyin pa'o/ /chos kyi sbyin pas ni skye ba dran par 'gyur ro/ /zang zing gi sbyin pas ni sems can thams cad la phan btags par 'gyur ro/ /zang zing gi sbyin pas ni bkres pa dang / skom pa'i sdug bsngal yongs su sbyong ngo / /chos kyi sbyin pas ni sems can dmyal ba dang / byol song gi skye gnas dang / gshin rje'i 'jig rten gyi 'khor ba'i sdug bsngal las yongs su 'grel to/ /'jam dpal sbyin pa gnyis po 'di byin na sbyin pa thams cad 'dus par 'gyur ro/ /'jam dpal gzhan yang sbyin pa lngas sbyin pa dang nye ba'i sbyin pa thams cad 'dus par 'gyur te/ lnga gang zhe na 'di lta ste/ bzhon pa sbyin pa dang / gdugs sbyin pa dang / dar sbyin pa dang / gos sbyin pa dang / chos gos dang / bsod snyoms dang / mal cha dang / stan dang / nad kyi rkyen sman dang / yo byad sbyin pa rnams kyis sdug bsngal thams cad yongs su sbyangs par 'gyur ro/ /'jam dpal yang sems can la la mtshams med pa lnga dag gam/ dam pa'i chos spong ba dag gam/ 'phags pa spong ba dag gam/ mnar med pa la gzhol ba dag gam/ bskal par gnas pa dag gam/ sems can gang la la dkon mchog gsum la snying ring ba'am/ sangs rgyas dang chos dang dge 'dun la gnod par byed pa'am/ tshogs kyi nor la 'phrog pa dag gam/ chung ngu na lug gsod pa dag kyang rung / phyag dar ba yang rung / sme sha can yang rung ste/ 'jam dpal sus shin du rgyas pa chen po rmad du byung ba'i chos stug po'i rgyan rin po che 'di thos pa dang / 'dri ba dang / 'drir 'jug pa dang</font><hr>45.9b<br><font size=+1>

'dzin pa dang / klog pa dang / kun chub par byed pa dang / gzhan la'ang rgya cher yang dag par ston pa dang / chung ngu na yi ge gcig kyang rung ste rjod pa dang / su'ang chos de smra ba la mchod cing rim gro byed pa dang / nang par langs nas ngo phrad par byed cing lta bar sngar smra ba sbyin par byed pa dang / lag pas reg par byed pa'i sems can de dag thams cad 'jam dpal sems can dmyal ba dang / byol song gi skye gnas dang / gshin rje'i 'jig rten gyi sdug bsngal thams cad las yongs su 'grol bar 'gyur ro/ /'jam dpal sa'i phyogs gang na chos smra ba 'dug gam/ de'i dur ram/ ro 'am/ ro bam pa zhig yod la/ de'i ngo mthong na yang mtsham med pa'i las lnga rnams byang bar 'gyur ro/ /'jam dpal rgya mtsho chen po'i nang na yi dgas lto dpag tshad brgya stong du mar skyes pa yod de/ yi dgas de bdag gi las kyi sdug bsngal mi bzad pa'i tshor ba yod do/ /'jam dpal de bzhin du sems can su mdo sde chen po rin po che 'di spong ba de dag kyang sdug bsngal myong bar 'gyur ro/ /'jam dpal sus mdo sde rin po che 'di rim gror byas te/ me tog dang / bdug spos dang / mar me dang / spos dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / lha'i ba dan gyis mchod pa dang / chos smra ba de yang mchod par bya ste/ ji ste chos smra ba de mtshams med pa lnga byed na yang 'on kyang de'i sems 'khrugs par mi bya'o/ /chung ngu na byol song gi skye gnas su gtogs pa'i ri dgas dang / bya gang la las chos smra ba de shi ba'i ro bam pa dur khrod na 'dug pa'i sha zos kyang de dag thams cad phyir mi ldog par 'gyur te bla na med pa yang dag par rdzogs pa'i byang chub kyang 'thob par 'gyur ro/ /ri dgas dang bya gzhan po de dag thams cad sangs rgyas kyi zhing stug po 'di nyid du 'thob par 'gyur te/ de la nem nur dang / the tsom dang yid gnyis</font><hr>45.10a<br><font size=+1>

mi bya'o/ /sems can gang la la sngon dge ba'i rtsa ba bskyed pa/ sngon byang chub sems dpas yongs su bzung ba/ sngon gyi byang chub sems dpa'i sa bon las yongs su ma nyams pa de dag thams cad phyi ma'i tshe phyi ma'i dus na mdo sde rin po che 'di thos par 'gyur ro/ /thos nas kyang mchod pa chen pos mchod par 'gyur ro/ /mdo sde thams cad 'dus pa'i rgyan stug po rin po che las sbyin pa'i le'u ste gnyis pa'o// // mtha' yas yul can shin du phra/ /bsam gtan mkhyen pa skyes bu'i mchog /dbang po 'das pa mngon sum pa/ /chags dang dbang po rnam par spangs/ /bsam gtan bsam pa bsam gtan pa'i/ /de ni dgos pa'i tshul yin te/ /thub pa rnal 'byor mkhas pa'i rnams/ /kun gyi snying la gnas pa yin/ /yod dang med kyi phyogs dang bral/ /sangs rgyas phyogs ni dri ma med/ /blo dang shes bya bral ba ste/ /tshad dang dbang po spangs pa yin/ /sems shes rnams kyi yul ma yin/ /de ni grol ba rnams kyi yul/ /mtshan rnams kun kyang snang ba ste/ /de bzhin gshegs ni mtshan med pa'ang / /dregs can rnams kyi dregs med mdzad/ /mnyam par bzhag cing gos pa med/ /g.yo ba ma yin g.yo med min/ /chags med lam la gnas pa ste/ /lha yul byung ba'i lha rnams dang / /dri za lha min mi 'am ci/ /thub pa rnams dang mur 'dug gis/ /bstod kyang rtag tu yong mi g.yo/ /de la ngo mtshar sred pa med/ /'gro ba gang na'ang g.yo ba med/ /sngon nas dag pa'i rnal 'byor gyi/ /de ni pha rol yin pa'i phyir/ /sangs rgyas 'phrul pa'i spyod pa yis/ /bya ba tsam du lha rnams kyis/ /mthong yang de dang 'di na med/ /ji bzhin nyi zla de dang 'dra/ /rnal 'byor yul du gnas pa ni/ /dregs pa med mdzad 'gro bas mthong / /rnam par tha dad mur 'dug rnams/ /gang la gang gis dbang gyur pa/ /de la de lta'i chos ston te/ /rnal 'byor bskyed pa'i 'od zer gyis/ /rnal 'byor chos can rnam phye zhing / /</font><hr>45.10b<br><font size=+1>

rgyal ba'i tshul dang gsum po dag /rgyal po 'am rgyal po'i 'khor rnams dang / /rgyal po'i yul gyi bya ba dang / /dka' thub tshul dang zhing rnams kyi/ /phun sum tshogs pa de las byung / /lha rdzas rnams dang nam mkha' dang / rin chen 'byung khung rnam dag pa/ /lha yi lha yi mthu yis na/ /phyogs dang yul na 'bar ba yin/ /'byung ba gsum gyi thabs rnams gang / /rnam pa sna tshogs mkhas rnams kyis/ /gang rnams byed gzhug bya ba dag /sangs rgyas lhun gyis grub 'bras bu/ /de ni mdo 'dzin 'gro ba yi/ /dgos dang dka' thub can rig dang / /gad mo rtse ba'i sbyor ba dang / /gar mkhan rnams la rtag tu'o/ /dga' ldan gnas babs 'jig rten gyis/ /mthong ba bud med 'gro dang bcas/ /'phrog cing sbyin dang 'brel pa dang / /cod pan can dang lag na gzhur/ /dam pa rnams kyis kun du mthong / /stug po nas ni de ma bral/ /yul 'di thub pa de yis te/ /thams cad na'ang shin du snang / /rab rib can gyi rab rib bzhin/ /ri dgas rnams kyi smig rgyu 'dra/ /'jig rten rnams kyis sgyu ma la/ /ji ltar gzhan du mthong ba dang / /rmi lam na yang gzhan du ba'i/ /rmi lam bzhin du bus pas mthong / /khyad par rab tu mthong ba ni/ rnal 'byor can rnams log long bzhin/ /lha yi lha yi yul yin te/ /de yi sras kyi dus kun du/ /mi sbyin gu lang tshangs pa dang / /sa nan ta dang sa nan 'da'/ /sa nan gzhon nu ser skya dang / /ne tso la sogs rnams bsams kyang / /de yi yul la rnam par bslad/ /de dag rnal 'byor gyis mi mthong / /thub pa gang dag 'byung ba dang / /byung dang da ltar gang 'khod pa/ /de dag yul ni gang yang min/ /lta ba'i bag chags g.yogs pa'i phyir/ /sa dang sar ni rnam spyod pa'i/ /rdo rje'i snying po de la bstan/ /lha yi lhas ni byas pa yi/ /stug po'i zhing na yod pa yis/ /'di dag rdo rje'i snying po de/ /mnyam par bzhag la shin du bstan/ /rnal</font><hr>45.11a<br><font size=+1>

'byor can gyi rnal 'byor yul/ /ji ltar gang gis 'byor ba dag /dbyibs dang mdog dang khyad par dag /bzo bor gyur pas byas pa ni/ /gces dang rdul phran dag gi ste/ /brtags pa'i dngos po yod pa min/ /skye ba dag ni chos tsam ste/ /ldog par 'gyur ba'ang chos tsam mo/ /kun du phra ba'i bdag nyid kyi/ /yon tan dag tu dngos yod brtags/ /mar me bzhin du gsal byed pa/ /rgyu rnams dgos pa grub pa dag /mtshan nyid snga nas mi rnyed de/ /'jig dang bral bas mi gnas pa'o/ /'das pa 'das pa'i dngos por yang / /yod pa ma yin 'byung ba med/ /rkyen du bya rnams med par yang / /brtags pa'i dngos po gang yang med/ /rkyen rnams yin te 'dus pa la/ /dngos po yod pa ma yin te/ /rkyen rnams gang gi rkyen du 'gyur/ /yod dang med pa'i dngos mi snang / /med pa'ang snang ba yod ma yin/ /phra ba'i bdag gis rnam par brtags/ /phung po rdza ma ras la sogs/ /ri dgas skom gdungs smig rgyu bzhin/ /rmi lam dri za 'dra ba ste/ /gtsug lag nor pa drug dang bcas/ /rab tu smra ba sum brgya yis/ /'jug pa dag dang snang ba yin/ /mkhas pas rmi lam gang mthong ba/ /skye ba med cing 'chi med par/ /slar sang nas su sems pa ni/ /bu mo mkhas pa dag yin no/ /ji ltar ri ngang de rnams kyi/ /grib ma kun du snang ba bzhin/[ ]/de ltar 'jig rten rmi lam yang / /mkhas pa rnams ni de bzhin bsam/ /ji ltar skyes bu nyal ba zhig  /bud med lhan cig rtse dga' rmi/ /sna tshogs yid du 'ong ba dang / /lha rab btsun mo mnyam pa dang / /gzhan yang sna tshogs dngos po de/ /sang nas rnam par sems pa ni/ /ci zhig bden nam rmi 'am yin/ /rmi lam bud med lhan cig tu/ /rtses nas phyir ni bdag sad te/ 'di brdzun</font><hr>45.11b<br><font size=+1>

bus pa slu ba yin/ /de bzhin bdag gi gnyen pa kun / /rgyal srid stobs kyang de bzhin no/ /dmag pa gyos po bu dag dang / /ma dang phu nu po dag kyang / /rmi lam lta bur rig bya ste/ /rnal 'byor sbyar bar cis mi bya/ dka' thub tshal dang zhing rnams dang / /ri dang ri'i sman gshong dang / /'o ma 'byung dang ma la ya/ /lhun po byin dang dbang chen dang / /gangs kyi ri dang ke la sa/ /char 'bab dag la'ang gang gnas dang / /'dzam bu 'bras bu'i khu ba dang / /gang dag bdud rtsi za ba dang / /phan du kam bal par ya dra/ /ko bi dar na gang 'khod dang / /ri rab nang na gang gnas dang / /bsam dpag shing la gang gnas dang / /rang rgyal rgyal ba'i sras rnams dang / /nyan thos rdzu 'phrul chen po dang / /thams cad kyi ni rnal 'byor 'di/ /gang 'byung 'byung ba rnams kyi ste/ /pad mo gnas su brtan bcas te/ /skyil mo krung du mnyam bzhag cing / /rtag tu rnal 'byor sbyar bar gyis/ /'dod dang bde las rnam par dben/ /dbang po dbang po'i don gyis rnams/ /thams cad las kyang phyir zlog cing / /lcags lus glang po ji bzhin du/ /sems ni mnyam par bzhag par gyis/ /'jig rten 'jig rten 'das bsam gtan / /gang yang de bzhin gshegs pa'i dge/ /'dod dang dga' ba dben la sogs/ /yang na thams cad bsgrags pa dang / /khyad par du'ang gzugs med dang / /'du shes med pa'i bsam gtan rnams/ /nam mkha' rnam shes mtha' yas dang / /'du shes yod min med min rnams/ /nyi ma dang ni zla ba'i dbyibs/ /pad mo dang ni 'od 'dra zhing / /nam mkha' ri mo me 'dra bar / /rnal 'byor zhugs pas rab tu mthong / /'di dag thams cad spangs nas su/ /snang ba med par rab tu gnas/ /gang tshe mtshan med rnal 'byor can/ /rnam par mi rtag chags med na/ /sangs rgyas</font><hr>45.12a<br><font size=+1>

bye ba rnams kyang mthong / /zhing dang zhing na mnyam bzhag pa/ /de dag phyag gi dbang bskur bar/ /de yi spyi bor dbang bskur te/ /sangs rgyas sa la zhugs pa dang / /sna tshogs gzugs ni rab tu 'byung / /sna tshogs tshul gyi dngos thob nas/ /kun mkhyen thams cad rig par 'gyur / /stobs dang mngon shes dbang yang 'thob/ /gzungs dang thams cad ting nge 'dzin/ /thams cad kyi ni 'byung gnas 'gyur / /thub pa rnal 'byor skyed pa'i yang / /gzugs ni rdul du rnam gzhigs shing / /mchog rdul yan cad nyin dben phyir / /yod las med par 'gyur ba ste/ /bong bus ba lang rwa mthong zhing / /cha shas med cing cha shas can/ /phung po las ni phung can med/ /de bas las kyi 'bras gyur pa/ /'di ni sgyu ma'i 'bras byas bzhin/ /'di na las med 'bras bu med/ /las kyi grub pa'ang yod pa yin/ /'jig rten byed pas ma byas te/ /byed pa byed pa ma yin no/ /byed la byed pa yod na ni/ /'di rnams thug pa med par 'gyur/ /thug med byas pa'i nyes pa yis/ /thub pa dri ma can du 'gyur / /de ste lam rgyud sna tshogs rnams/ /chu dang nam mkha' sa gnas pa'i/ /lus can kun la kun gnas te/ /skye ba bzang po gnas su ste/ /ris su 'gro ba yod pas na/ /ji ltar 'dod par lus can 'gro/ /dbang po so so bya ba yang / /ji ltar 'dod par yul 'dzin te/ /'di ni rnam rtog rnam 'gyur ba/ /zho mar ji ltar 'o ma las/ /de bzhin skye dang gnas dang 'jig /las kyis byas par gyur sems na / /rmi lam dri za sgyu ma sprin/ /brag cha dang ni glog 'dra ba/ /smig rgyu ri dgas sred pa ltar/ /dngos po rnal 'byor rnal 'byor can/ /thog ma med nas bsags pa yi/ /mi yi rnam spros bag chags kyis/ /sna tshogs gnas ngan len pa dang / /sna tshogs rtog pas las su brtags/ /dbang po sgyu ma lta bu yin/ /yul</font><hr>45.12b<br><font size=+1>

rnams rmi lam phyir ldog dang / /mya ngan 'da' ba gang yang med/ /de nas sangs rgyas kyi chos thams cad rnam par bkod pa yang dag pa ji lta ba bzhin du ston pa sa'i dbang po/ lag pa'i phreng ba tshad med pa/ lus dpe med pa/ dpung rgyan dang / cod pan dang / gtsug gi nor bu dang / se mo dos shin du chas pa stan las langs te/ bla gos phrag pa gcig tu gzar nas pus mo g.yas pa'i lha nga sa la gtsugs te/ theg pa gsum dang 'jig rten dang mi 'gal ba/ lta ba'i chos la bdag gi so so rang gi 'phags pa'i ye shes kyis rig pa'i spyod yul bde ba la gnas pa rdo rje snying po'i dbang po rnal 'byor chen po'i rnal 'byor can/ rnal 'byor gyi mkhan po sa dang sa'i mtshams thams cad mi 'gal bar ston pa la 'di skad ces smras so/ /rdo rje'i dbang po khyod skye ba thams cad dang / rgyal po'i 'khor dag tu cod pan can dag la chos ston pa yin te/ de'i phyir rgyal ba'i sras khyod la gsol ba gdab kyis bdag gi so so rang gi 'phags pa'i ye shes kyis rig pa'i spyod yul la bde bar gnas pa'i phyir 'phags pa lta ba'i chos la bde bar gnas pa gzhan gyi dring mi 'jog par spyod pa'i gnas ston cig /des bdag dang cod pan can 'di dag gis bdag mngon sum du gyur pa'i spyod yul sangs rgyas kyi sa'i sgo'i bde ba nan tan gyis rab tu thob ste/ yid bzhin gyi lus rnam pa bcu la dbang sgyur zhing stobs dang / mngon par shes pa dang / rdzu 'phrul gyi rkang pa dang / dbang gi gzhal med khang gi gnas gyur te/ yang dag pa'i mtha' la gnas pa spangs te/ sna tshogs kyi lus yid bzhin gyi nor bu dang 'dra ba'i rang bzhin du gyur te/ rgyal po'i tshogs kyi 'khor thams cad dang stug por stug po na spyod pa rnams la chos sna tshogs ston par 'gyur ro/ /rdo rje snying pos smras pa/ rgyal po smros</font><hr>45.13a<br><font size=+1>

shig dge'o dge'o/ /cod pan can la khyad par du/ /chos la 'jug pa bdag med pa/ /stug po'i rgyan ni rab stan pa/ /sems kyi rang bzhin mtshan nyid dag /rnam rtog spyod yul yin shes na/ /rnam rtog don las phyir ldog pa/ /'gro ba rnam rtog mthong nas te/ /'gro ba'i rang bzhin mthong nas kyang / /ting nge 'dzin la gnas par 'gyur/ /chos kyi ngo bo nyid bstan gyis/ /rgyal po nga la de nyon cig /dpyid kyi smig rgyu ji bzhin pa/ /de yi rnam pa 'gro ba 'di/ /mtshan gzhi mtshan ma rgyu rnams las/ /rnam par rtog pa rnam mi rtog /blo dang rtogs byas bskyed pas te/ /rtogs bya de yi khyad gyur pa/ /gnyen por gyur pa gcig med pa/ /nyi ma dang ni grib ltar gnas/ /sems med tsam po'ang yod pa min/ /tshad dang gzhal dang gnyis ka med/ /rnam par rtog pa sems tsam ste/ /rnam par rtog pa rnam mi brtag /shes dang shes bya rnam rtog pa/ /sems tsam de ltar yin na ste/ /shes bya sems tsam yin pa ni/ /rtag tu tsam la shes yod min/ /sems chos kyi ni ngo bo nyid/ /gang zag dag dang g.yo ba rnams/ /gang tshe sems la rnam brtags na/ /rtog dang brtags pas spangs pa yin/ /brgyad po rnyed nas dag par 'gyur/ /dgu la bsam gtan spyod yul te/ /bcu la sangs rgyas sangs rgyas kyis/ /dbang bskur rgyal bar 'gyur ba yin/ /rgyal ba'i yul la chos rnams kyang / /mi zad chos kyi skur 'gyur ro/ /nam mkha'i zad dang 'dra ba ste/ /sems dang rnam shes de bzhin te/ /mi 'jigs pa yang ma yin zhing / /rtag cing zhi ba bde la brtan/ /'dus ma byas pa'i ye shes te/ /stug po'i zhing na rnam par mdzes/ /rnam shes 'byung gsum 'das pa ste/ /sna tshogs gzugs kyi rin chen bzhin/ /de bzhin sangs rgyas sa bsam med/ /stug bzhin</font><hr>45.13b<br><font size=+1>

rgyal ba'i gnas gyur pa/ /ji ltar gyo mo rnams kyi rgyu/ /rdza ma chag pas bstan pa bzhin/ /gyo mo rnams kyang rdul gyi ste/ /rdul yang mchog phra'i de bzhin du/ /dngos po rnams kyi rkyen rnams la/ /rgyu rnams ji ltar snang ba bzhin/ /zag pa med pa'i chos rnams kyi/ /rgyu ni de bzhin zag bcas pa'o/ /ji ltar shing las me 'byung ba/ /phyis kyang gzhan du 'bar bar bya/ /de bzhin ye shes byung ba'i me/ /phyis kyang gzhan du 'bar bar bya/ /gnas kyi lus las 'phos gyur cing / /sems dang rtog pas rnam spangs pa/ /chags pa med pa'i ye shes ro/ /stug po'i dbus na rnam par mdzes/ /bskyed med rnam pa sna tshogs gzugs/ /sa la gnas pa ma yin pa/ /lta ba thams cad zad byed pa'i/ /bdag med nyid la skyabs su song / /rgyud kyi rgyun rnams chad pa'i phyir/ /'jig pa med cing 'byung med pas/ /lta ba thams cad zag byed pa/ /bdag med nyid la skyabs su song / /zhing gyur zhi ba zhir ma byas/ /zhi bas zhi ba bden nyid du/ /lta ba thams cad rnam dag phyir/ /bdag med nyid la skyabs su song / /sa rnams sna tshogs byas pa ni/ /bdag med pa la bdag med pas/ /mi rtag tho bas bcom pa dang / /rnam par ston pa'i mdas kyang ste/ /bsreg pa tshig pa'i me bzhin du/ /bdag nyid zhir 'gyur de nyid du/ /de bzhin lta bas rnam brtags te/ /bdag med bsam gtan rab gnas pa/ /lta ba'i chos la bder gnas kyi/ /so so rang rig spyod yul la/ /thog ma med nas nyes dri med/ /'phags pa rnams kyi sa la gnas/ /'phags gnas 'jig rten pas spangs te/ /'jig rten 'das pa'i 'phags la gnas/ /sems kyi sa las rab gyur te/ /stug po'i dkyil na rnam par mdzes/ /mi bdag mi bdag dbang po rnams/ /thams cad kyis kyang</font><hr>45.14a<br><font size=+1>

yang smras pa/ /rdo rje'i snying po skyabs dang mgon/ /gang la skyabs su mchi bar bgyi/ /sangs rgyas yod min med pa min/ /phung po'i skye shing rnam bsregs te/ /dpung dang bcas pa'i bdud bcom nas/ stug po sangs rgyas sa la gnas/ /shes bya dri med zhi ba la/ /skyabs su song shig grogs po dag /rtag dang chad las bral ba ste/ /blo dang rtogs bya'i gnas ma yin/ /stug po'i dkyil bzhugs rnal 'byor can/ de yang grogs po mgon skyabs so/ /rnal 'byor can rnams kun gyi zhing / /zhing mchog bzang ba stug pa'o/ /rnal 'byor pa ni mang pos gang / /stug po de la skyabs su song / /spros pa kun dang bral ba ste/ /lta ba'i nyes pa rnam par spangs/ /ri mo'i thag thug lta bu dang / /rmi lam mo sham bu 'byung dang / /rmi lam bud med bzang mo ltar/ /thub pa rnams kyis 'gro ba mthong / /dri za'i grong khyer spyod pa bzhin/ /skra phung mgal pa bskor ba ltar/ /smig rgyu ri dgas sred mtshungs su/ /yod dang med pa rnam par spangs/ /sgyu ma'i lus gzugs sna tshogs dang / /'phrul pa'i sprul par de dag ni/ /'jig rten spyod tshe mthong ba ste/ /sa dang sa la thub pa rnams/ /bsdor med du ma'i gzugs gyur pa/ /sgyu ma'i shing gi 'bras bu ltar/ /sprin dang du ba glog ltar yang / /thub pas rnal 'byor rnam par mthong / /rdza la sogs pa'i bzo bzung ltar/ /'gro ba bdag gi rnam rtog byung / /yid dang yid kyi rnam shes dang / /chos lnga'i ngo bo nyid rnams dang / /'jug pa'i rnam shes spyod pa ni/ /bdag med mi gnyis brgyan pa ste/ /bag chags thog ma med pa'i/ /sems kyi gnas ngan len byung yod/ /'od pa'i dba' rlabs 'dra bar ni/ /kun gzhi sa la gnas pa yin/ /rlung gis ji ltar 'od pa la/ /phan tshun dag tu bskyod byas na/ /dba' rlabs</font><hr>45.14b<br><font size=+1>

rnams la 'jig pa med/ /'od pa'ang med par mi 'gyur te/ /snga med bag chags gnas can rnams/ /'jug pa'i yul la gzhol ba dag /sems brgyad rnams kyi 'jug pa ni/ /rnam par tha dad ma yin te/ /dus gcig tu yang de dag 'byung / /bar bar du ni rim gyis so/ /thog ma med nas sems 'jug pa/ /skar ma gza' yi dkyil 'khor dang / /lo ma me tog 'bras bu dang / /ri dang sde dang tshal sogs la/ /rtag tu dus gcig 'jug pa ste/ /rim gyis kyang ni shes par byos/ /yang dag ma yin snga ma'i yul/ /mal la gnas bzhin mthong ba yin/ /lus kyi 'jug pa rim gyis kyang / /srog la rten cing 'byung ba yin/ /rdzas dang grangs dang chos rnams la/ /tha dad rim gyis 'byung ba ste/ /mur zhing bcas dang bza' rnams la/ /tha dad rim gyis 'da' ba min/ /ro dang dri yi rnam pa la/ /rim gyis tha dad 'byung ba yin/ /rims kyis kha dog khyad par gyi/ /sna tshogs la'ang dus gcig tu/ /rgyal po sems ni bsam mi khyab/ /rtag tu rang bzhin 'od can no/ /de bzhin gshegs pa'i snying po ste/ /rdo ba rnams kyi gser bzhin gnas/ /yid ni kun gyi gzhi las byung / /yid kyi rnam shes de bzhin te/ /rnam shes drug po rnam pa mang / /sa yi khyad par byed pa'o/ /bag chags sems dang lhan cig tu/ /sa bon kun pa'i kun gzhi ni/ /kun nas nyon mongs rnam dag pa'i/ /rtag tu rang bzhin 'od can gyis/ /de ltar de bzhin gshegs kyi rigs/ /nges dang ma nges dge ba yin/ /rtag tu gnas ltar 'byung ba ni/ /rgya mtsho'i rlabs dag ji bzhin du/ /tha ma 'bring dang rab rnams su/ /de bzhin kun gzhis khyab par byed/ /sa dang sa la rnam dag cing / /gzhan du gyur nas rnam par mdzes/ /yang dag ji bzhin don ston la/ /rdo rje snying pos yang</font><hr>45.15a<br><font size=+1>

smras pa/ /mthong zhing thos te shes pas na/ /sa chen bdag po khyod nyid kyis/ /spobs pa can la bstan par gyis/ /khyad par du'o khyad par bdag /khams phran rnams kyi khams rnams dang / /sa la 'khor lo 'khor rnams dang / /kun gzhi rnam par dag gyur na/ /sa yi rgyal por 'gyur ba yin/ /'dzam bu'i gling la dbang ba yi/ /'khor lo 'khor bar yang 'gyur ro/ /dga' ldan la sogs gzhal med du/ /mtshe ma rab kyi dbang por 'gyur/ /dbang po'i gnas su dbang por te/ /dbang sgyur gnas su de bzhin no/ /'dod pa'i khams kyi dbang po'i bdag /gzugs khams bdag po'ang de bzhin te/ /gzugs med 'du shes med sems can/ /bsam gtan bde ba'i 'bras bur yang / /yang dag mngon bya ma chags pas/ /yang dag mtha' la ma reg par/ /'jigs med seng ge'i sgra sgrogs cing / /dga' dang ye shes yang dag ldan/ /bsam gtan dbang gi bde bas ngoms/ /de ni stug por smon pa yin/ /khams gsum spyod pa'i nyes pa yis/ /chags med mnyam par bzhag pa ste/ /mthar gyis stug por zhugs nas su/ /rnam par sangs rgyas sangs rgyas sar/ /chos kyi dbang por bdag gyur te/ /rten las gzhan du gyur cing bde/ /rtag pa brtan pa zhi ba'i chos/ /stug po'i dkyil na sras dang bcas/ /chos kyi bdag po rnam par mdzes/ /'jig pa med pa mi yi mchog /mya ngan 'das pa 'jig pa min/ /mur 'dug rnams kyis jir rjod bzhin/ /mchog dang tha ma bar ma yi/ /rgyal po bcu po'i las rnams kyis/ /theg pa gsum du gyur pa ste/ stug po tshol ba'i khyad par yang / /rgyal po yang dag skye bar 'gyur/ /sa dang sa la gnas pas so/ /'jig na 'dus byas nyes par 'gyur/ /'chi ba rnams la'ang de bzhin te/ /rgyal po 'jig pa mthar ma yin/ /</font><hr>45.15b<br><font size=+1>

de bzhin gshegs pa ye shes sku/ /sems can zad cing med 'gyur ba/ /de ste mya ngan 'das 'jig na/ /sngon gyi mtha' yang 'jig pa dang / /sems can 'byung ba med par 'gyur/ /sems can khams rnams zad gyur na/ rgyal ba'i shes bya dngos po med/ /mya ngan 'da' med shes bya med/ /sangs rgyas sangs rgyas nyid kyang med/ /me mar bsregs pa'i dpe rnams dang / /sa bon tshigs pa'i dpe dag gi/ /rtog can thar la mkhas pa rnams/ /lus can rnams la thar pa ston/ /yod dang med pa'i rnam thar gyis/ /thar pa'i bde las de dag ring / /bsam gtan gnas pa thams cad de/ /lugs su 'jug dang bzlog pa dag /gzugs med 'du shes med pa dang / /mngon pas dbang dang stobs rnams dang / /ma nyams nyam pa med pa dang / /chos kyi mtshan la mkhas pa rnams/ /sa yi khams la mkhas pa dag /mi yi dbang po stug por 'gro/ /yod dang med pa 'jig pas ni/ /de dag 'khor las mi 'byung ste/ /phrad pa gsum po 'jig med cing / /rgyu dang dmigs pa'i rgyen rnams dang / /de ma thag dang dbang yang ste/ /sa rnams bdag med phyi rol dag /mig dang gzugs dag rgyur byas te/ /phrad pas gang rnams 'jug gyur pa/ /gzugs rnams mngon byed ye shes dang / /de dag thams cad zhig par 'gyur/ /phyi dang nang gi sa rnams ni/ /phan tshun stobs kyis byung ba ste/ /yod dang med pa'i lta ba las/ /de ste grol nas 'jig na ni/ /sems dang dmigs las bral ba'i phyir/ /rnam par dmigs pas mi gnas te/ /mdun du rtog pa med gyur cing / /de'i rang bzhin mi gnas la/ /gang tshe dmigs pa spang ba la/ /rnam par rtog pa mi gnas shing / /gang tshe gnyis las rnam grol te/ /rtog med rtog pa spangs pas na/ /de tshe sems ni mnyam par bzhag /'gro ba rnam rtog med par mthong / /gzung dang 'dzin pa med pa ste/ /bsam gyis mi khyab shes</font><hr>45.16a<br><font size=+1>

la gnas/ /rten pa las ni gyur pa ste/ /ye shes gnas ngan lan pa spangs/ /yid bzhin rnam pa bcu po ni/ /sna tshogs gzugs kyis brgyan pa ste/ /sa gsum rgyal po rab byed cing / /rgyal po stug por rab tu 'gro/ /gzugs dang sems dang sems las byung / /mi ldan pa dang 'dus ma byas/ /nang dang phyi yi sa rnams dang / /tha dad rnam par rab mthong zhing / /so so rang gi ye shes mkhas/ /lta ba'i chos la rnam par gnas/ /rgyal po stug por 'dod pa ni/ /ye shes mkhas pa rnal 'byor can/ /mtshan ma ming dang de bzhin nyid/ /rnam par rtog dang ye shes dang / /yang dag mtha' yi gnas pa yis/ /so so rang rig spyod yul du/ /rgyal po dag dang rgyal po'i bu/ /rnal 'byor sems pa'i rnal 'byor can/ /rgyal po stug por 'dong ba na/ /sangs rgyas bstod pa'i zhing du'o/ /phrad pa gsum dang rkyen spangs te/ /bdag gi phyogs las 'phags gyur na/ /phyogs las nyams pas 'jig pa ni/ /rtog pa can dang mnyam par 'gro/ /ma grub pa dang yang dpe yi/ /rgyal po 'gal bar shin du 'gyur/ /rnam par rtog dang nyes pa'i 'tshang / /de dag rnam pa lngar 'gyur ro/ /phrad pa gsum po sun 'byin pa/ /chud zos bung ba ji bzhin du/ /de bzhin 'jin rten sun 'byin pa/ /yang dag ma yin rtog pa smra/ /de la nyes pa rnam lnga ste/ /rtog pa bslad pa'i mig can la/ /'dra chos mi 'dra'i chos skyon can/ /nor dang bzlog pa med pa dang / /bdag gi phyogs las nyams pa'i blo/ /pha rol phyogs la rten pa dang / /lta ba de dag 'byung ba ni/ /thog ma'i mtha' ni 'jig byed pa'o/ /sems can rnams kyi sngon gyi mtha'/ /rgyal po yod pa ma yin te/ /kun du rgyug cing 'khor ba dag /'byung ba dog par rgyug pa'o/ /de dang de yi lam rgyud du/ /thugs rje dbang gis rgyal ba gshegs/ /sprul pa'i 'od zer lha rdzas kyis/ /zla ba lta bur rgyu zhing</font><hr>45.16b<br><font size=+1>

'khor/ /snga ma'i las dang tshul 'thun par/ /pha skyabs chos rnams ston pa mdzad/ /rgyud dang rgyud du bying rnams la/ /chos kyang bstan par mi 'gyur te/ /de ste mya ngan 'da' 'jig na/ /rgyal bas yon tan ci zhig brnyes/ /dbang sgyur gsum po rnams dang yang / /rnam par thar dang bden pa mthong / /rdzu 'phrul rkang pa bzhi po dang / /dran pa mi bzhag stong pa nyid/ /tha dad yang dag shes bzhi dang / /'dri la lung bstan pa rnams dang / /dmigs pa dang ni de ma thag / /rgyu dang dbang yang de bzhin te/ /gzugs med pa dang spyod pa dang / /dbang po stobs rnams bcas pa yang / /mngon par shes dang dad rnams dang / /rnam par shes dang de rgyu dang / /'dus byas ma byas chos rnams dang / /byang chub yan lag gang zag dang / /rnam par thar dang skyes bu brgyad/ /sa rnams dag dang shes pa dang / /zil gyis gnon pa'i skye mched dang / /ye shes mngon du chud pa bcu/ /sdug bsngal chos nyid shes pa dang / /sdug bsngal gyis su so sor rtog /sdug bsngal nyid kyi rjes su shes/ /'dus pa rnams kyi chos shes dang / /'dus pa la ni kun rtog dang / /'dus la rjes su 'gro shes dang / /'gog pa dag la chos shes dang / /'gog pa dag la rtog pa dang / /'gog la rjes su 'gro shes dang / /lam la chos kyi shes pa dang / /lam la so sor rtog pa dang / /lam la rjes su 'gro ba shes/ /shes pa rnams dang slob pa bcu/ /brgyad pa mang na lan bdun dang / /rigs las rigs dang lan cig 'ong / /bar chad gcig po gang zag dang / /bar mar mya ngan 'da' ba dang / /gzhan skyes mya ngan 'da' ba dang / /mngon par 'du byed ma byas dang / /steng ma'i rgyud kyang de bzhin te/ /rgyal po de dag thams cad kyang / /ye shes spyod yul yin par gsungs/ /rnal 'byor can yul sna tshogs te/ /tha ma mchog dang bar ma'o/ /byang chub sems dpa' khyad par du/ /mchog dang bcas par de la sgom/ /rang sangs rgyas</font><hr>45.17a<br><font size=+1>

ni dbu mar te/ /nyan thos pa ni tha ma'o/ /bcu gcig pa dang bcu gnyis pa/ /lnga gsum bcwa lnga dag tu yang / /sems kyi tshogs kyi 'gog pa ni/ /rnal 'byor can rnams shin tu byed/ /gang 'das de ni 'gags pa yin/ /sems ni rang bzhin 'od snang can/ /zag pa gang yin de sems min/ /sems dang lhan cig gnas pa'ang med/ /ma 'ongs pa ni ma phyin te/ /da ltar byung ba gnas pa med/ /sems ni rkyen dang mi ldan par/ /'di dang gzhan du'ang skye ba med/ /bsam gtan bzhi na sems med de/ /'byung ba'i rgyu la gnod pa med/ /'byung ba'i rgyu ni rnam shes te/ /yid dang rnam shes lnga pa'o/ /rang gi rnam rtog mi shes pas/ /dba' rlabs bzhin du 'byung ba yin/ /brtag dang rtog las rnam grol ba/ /thub pa kun gyi kun gzhi'o/ /yod dang med las lha rdzas su/ /gzhin 'gyur 'jig pa ma yin zhing / /stug po dang ni stug dkyil du/ /zla ba lta bur rab tu mdzes/ /de ni mi 'jig bde bar gnas/ /stug po'i dkyil na sras dang bcas/ /tha dad ma yin mtshan nyid mkhyen/ /ye shes ro gcig nyid du gyur/ /bsam yas rnal 'byor yul can te/ /rgyal po zla ba lta bur spyod/ /rgyal po phun sum tshogs pa 'di/ /rnal 'byor khyer ba thub rnams kyi/ /rtag par rgyal po de yi phyir/ /khyod kyi yid kyang rnal 'byor shog /'dod gnas rnam pa drug po dang / /tshangs pa dag gi bcu gnyis dang / /gzugs med shes med sems can du/ /rgyal po khyod ni dbang por gyis/ /stug por 'dod pa'ang 'thob par te/ /bzang po'i stug por smon pa'i phyir/ /rgyal po'i ye shes bcu po rnams/ /bsgoms na stug por 'gro bar 'gyur/ /chos dang rjes su 'gro shes dang / /pha rol sems dang kun rdzob dang / /sdug bsngal 'dus pa'i shes pa dang / /'gog dang lam las skyes pa dang / /byang ba'i shes dang mi skye dang / /khong bzo bsgom pa de bzhin te/ /sha kun ta la'i rgyal rigs dang / /ig shwa khu dang so ma'i rigs/ /yang dag don</font><hr>45.17b<br><font size=+1>

ston rgyal po'i mchog /khyod kyi rigs ni khyad par 'phags/ /de yi rigs su khyod skyes shing / /zhum pa med par stug por song / /lta ba'i chos la gnas pa yi/ /rnal 'byor can gnas dri med du/ /sbud pa bzhin du dbugs rgyu zhing / /'gro rgyu lug dang 'dra ba ste/ /rnga brug bzhin du lus phyed kyis/ /'gro zhing 'ong ba byed pa ni/ /thams cad lus la yid yin te/ /sgyu ma'i ri dgas bzhin du gnas/ /sgyu ma'i shing ltar shin du snang / /chu bo'i nang gi me bzhin du/ /smin ma mig dang yan lag rnams/ /sgyur bas rgyal po bzhin du rtse/ /sems dang sems las byung dang yid/ /yid kyi rnam par shes pa dag /chos rnams 'di dag dngos po med/ /sprin gyi tshul du 'byung ba ste/ /kun gzhi thams cad sa bon 'di/ /bag chags rnams kyis yongs su dkris/ /sna tshogs gzugs kyi nor bu dang / /'ja' dang glog rnams ji bzhin du/ /lus can rnams kyi lus kyi yul/ /de lta'i gzugs su snang ba yin/ /lu ma'i pad mo lta bur dag /dri med ngang pa'i rgyal po bzhin/ /gsal ba gdon mi za ba'i rigs/ /sangs rgyas sprul pa bzhin du gnas/ /mtshan ma'i mthu las ming 'byung ste/ /mtshan ma rkyen las byung ba yin/ /mtshan ma ming dang 'brel ba yin/ /rkyen rnams kyis kyang rnam par brtags/ /mtshan ma'i tshul dang dbyibs dag las/ /rnam par rtog pa shin du 'byung / /rnam par rtog pa skyed pa yis/ /rgyu la rnam pa gnyis su gsungs/ /phyi rol mtshan ma sems rnams dang / /bag chags yid kyang de bzhin te/ /sems dang lhan cig ldan pa ni/ /khang pa la ni gnas pa yin/ /yid dang dbang por ldan pa ni/ /rnam shes lnga yi rgyu yin te/ /rtag tu yang dag ye shes kyis/ /'jig rten rgyu la rnam par lta/ /de ltar byed dang bya ba med/ /de bzhin nyid 'di rnam gzhan min/ /thams cad chos</font><hr>45.18a<br><font size=+1>

kyi de bzhin nyid/ /phan tshun stobs kyis 'byung ba ste/ /rnal 'byor can rnams de ltar lta/ /de bzhin nyid du gsal bar mthong / /rang bzhin yongs su grub pa ni/ /chos rnams chos nyid de yin te/ /brtags pa'i dngos po rang bzhin du/ /chos rnams thams cad ma skyes pa/ /stong pa ngo bo nyid med de/ /yod dang med pa'i phyogs spangs pa/ /sgyu ma rmi lam rnams dang 'dra/ /dri za'i grong khyer lta bu ste/ /skra tshogs rnams dang smig rgyu bzhin/ /du ba sprin stug lta bu ni/ /mtshan ma tshul dang dbyibs rnams kyis/ /ji ltar ming du 'jug pa yi/ /tshig dang yi ge mang po dang / /ming rnams mang po la yang ste/ /kun du brtags pa'i rang bzhin yin/ /gzhan gyi dbang ni de las gzhan/ /yid don dbang po 'dus pa las/ /sa bon kun can bag chags dang / /tha dad ma yin sems dang bcas/ /rnam par shes pa kun du 'byung / /gzhan gyi dbang gi rang bzhin yang / /phan tshun stobs kyi rgyu las so/ /so so rang rig shin du phra/ /mthong ba'i chos la gnas pa ste/ /rang bzhin yongs su rdzogs pa 'di/ /'phags pa rnams kyi spyod yul lo/ /'phags pa'i rang bzhin thugs chud pas/ /sangs rgyas rnams dang sangs rgyas sras/ /rang bzhin yongs su rdzogs pa ni/ /yang dag mtha' ru gzigs pas na/ /skye ba zad ces rnam par gsungs/ /tshangs pa'i lam yang non ches so/ /byas kyis bzod yang bya ba med/ /phyin chad 'byung ba med do zhes/ /sdug bsngal kun las rnam par grol/ /g.yo ba thams cad shin du byung / /bag chags ma lus bsregs pas na/ /rnam par rtog pa mi 'byung zhing / /bdag med shin du mthong ba ni/ /chos dang gang zag bsgrags pa ste/ /sa bon rnams dang bral bas na/ /sems kyi tshogs rnams mi 'jug go/ /</font><hr>45.18b<br><font size=+1>

thog ma med pa'i dus bsags pa'i/ /yid kyi gnas ngan len rtog pa'i/ /spros pa thams cad mngon bsal bas/ /mya ngan 'das pa lcags bsregs bzhin/ /ji ltar rab tu bsregs pa'i lcags/ bsil bar gyur kyang 'jig pa med/ /de bzhin grol ba thams cad kyang / /me zad bzhin du bsil ba yin/ /zag pa med pa'i chos dbyings su/ /zhugs pa stug po'i dkyil 'khor na/ /rgyal ba rnams dang rgyal sras bcas/ /ting nge 'dzin kyi zas gnas pas/ /mnyam par bzhag la mnyam bzhag cing / /mthong ba'i chos la bde bar gnas/ /rgyal po rnal 'byor can gyi yul/ /rnal 'byor 'di yin brtsam par gyis/ /de ste rgyal sras dge ba'i gnas/ /stug por 'gro bar 'dod na ste/ /sangs rgyas thams cad bzhugs pa'i gnas/ /zhing gi mchog ni stug pa'o/ /de phyir rgyal po dge bar rtsoms/ /rgyal po rnams la'ang dge bar bgyis/ /ming ni mtshan ma'i mthu las byung / /mtshan ma rkyen las byung ba ste/ /mtshan ma las kyang rnam rtog 'byung / /grub pa rnams ni ma gtogs par/ /rdza las sogs pa dbang po'i yul/ /phung po yon tan ldan pa'i rnams/ /rnam par rtog pa'i mtshan ma 'di/ /skye ba la ni rgyu yin no/ /khyad par byed pa rnam rtog ste/ /gnas kyang rnam par shes par byed/ /'gro dang mi 'gro 'gro ba yi/ gti mug rnams kyang shin du skye/ /ring po thung ngu kha dog dang / /rtsub pa dag dang 'jam pa'i rnams/ /sgra dang dri la sogs pa'i yul/ /mngar dang kha dang tsha ba dang / /yid kyi rnam par shes pa'i yul/ ji snyed dge dang mi dge dang / /'dus byas chos dang 'dus ma byas/ /mya ngan 'das pa ye shes yul/ /skad cig skad cig rab tu 'byung / /byung zhing phyir yang ldog pa ste/ /de ni mgyogs par shin du 'gro/ /</font><hr>45.19a<br><font size=+1>

rnam par shes pa rgyu las byung / /yid dang kun gzhi rab 'brel bas/ /khab long lta bur shin tu 'khor/ /kha gnyis sbrul ni ji bzhin pa/ /yid kyi spyod pa de bzhin te/ /kun gzhi rnam shes yog par byed/ /gcig tu 'on kyang rab tu 'byung / /yid kyi rnam par shes dang bcas/ /rgyu yi dgos pa byas nas ldog /bdag tu dgos pa'ang shin du byed/ /bdag gir bya ba'ang 'phel bar byed/ /lus la drod kyang skyes pa ste/ /sna tshogs rnam par rab tu spyod/ /zas dang skom dang longs spyod dang / /gos dang spos sogs rnam spyod dang / /mchod pa dag dang rgyug par yang / /mi yi lus ni 'dzin pa yin/ /gar dang gad mo rtsed mo dang / /yid kyang rtag tu byed pa ste/ /skra tshogs mgal ba bskor ba dang / /dri za'i grong khyer rmi lam dang / /smig rgya la'ang de bzhin du/ /rnam par rtog pa kun du 'jug /bab pa kun du 'khor ba'i sems bdag sems khong du mi chud pas/ /lus dang snod kyi rnam par yang / /phyang mo nyug ltar gnas pa'o/ /nyam chung snying po med pa ste/ /rnam par rtog pa rgyu med pa/ /bdag gis brtags pa'i don la spyod/ /mthong nas gnas pa gzugs brnyan bzhin/ /rgyal po rnam shes sa bon ni/ /lta ba'i yul du g.yo ba ste/ /bus pa'i tshogs rnams myos par byed/ /'phags la ma yin sa yi bdag /rgyal po rnam shes gsum po yi/ /'jug pa rab tu bstan pa ste/ /'di rnams dang bral grub pa yi/ /rang bzhin yang dag nyid yin no/ /bye ba phrag zhing ji snyed rnams/ /shugs 'dzin gyis ni mthong ba dang / /'phags pa maud gal bu yis kyang / /lus dang lus che mdzes pa rnams/ /de dag las ni 'di dag 'phags/ /stug po'i zhing na 'os yi bdag /thams cad zhing na ci 'dzes pa/ /de dag dpe 'am char mi rung / /bde ba yod dang mngon dga' dang / /'og gi</font><hr>45.19b<br><font size=+1>

zhing rnams bye ba dag /de dang de na gang bzhugs pa'i/ /sangs rgyas de dag stug la bstod/ /stug ces bya yod sngon mtha' med/ /rang byung 'phrul pa de yin te/ /zag pa med pa'i sangs rgyas sa/ /'byung ba gsum las 'das te gnas/ /de ni bde ba nyer len med/ /khyod dang nga yir spyod dang bral/ /ther zug mchog tu rtag pa ste/ /brtan pa stug por 'dus ma byas/ /yang dag sangs rgyas byang chub du/ /'tshang rgya 'og min gnas mchog du/ /sangs rgyas ma gyur 'dod khams su/ /sangs rgyas mdzad pa mi mdzad de/ /de dag stug po'i zhing gshegs nas/ /sangs rgyas sprul pa bye ba yis/ /rtag tu rnal 'byor mnyam par bzhag /sprul pa dag dang thabs cig rol/ /thams cad zhing du zla ba ltar/ /gang la gang gis dbang 'gyur ba/ /de la de ltar 'byung ba ste/ /'phrul pa'i sprul pa dag gis kyang / /sa bcu pa yi mdo mchog dang / sdong pos brgyan dang dru ma yi/ /gang yang rnam par sprul pa'i mdo/ /dpal gyi phreng ba la bshad dang / /rnam par snang ba'i mdo sde dang / /sgyu ma dpal las 'gro ba sogs/ /mdo sde rnam pa sna tshogs dag /stug po'i rgyan gyi mdo sde 'di/ /mdo sde kun las 'phags pa yin/ /rgyal po 'di la rim gror yang / /rgyal po rnams dang bcas pas gyis/ /gzugs med 'dod dang gzugs rnams dang / /'du shes med pa de bzhin te/ /gnas las 'das te sangs rgyas dbang / /bzhugs so stug po'i dkyil 'khor na/ /pad mo 'dra ba'i gzhal med khang / /gzugs mang rnam pa sna tshogs na/ /lha rdzas smad kyi ye shes te/ /de bzhin gshegs pa'i rnam dag gis/ /rnam grol rnal 'byor can rnams dang / /de na bcom ldan thabs cig bzhugs/ /stug po'i dkyil bzhugs bsam gtan zhugs/ /sangs rgyas sa mchog rnam</font><hr>45.20a<br><font size=+1>

bzhi la/ /de na bzhugs shing gzugs 'dzin pa/ /rnal 'byor mkhas pa nyid tshul gyis/ /de yi mtha' ma mi gzigs pa/ /gzugs rnams dang ni yul rnams kyi/ /thub pa rnal 'byor mkhas pa'i rnams/ /gzugs kyi rnam pa sna tshogs kyang / /stug po'i dkyil na rnam bzhugs shing / /thams cad rnal 'byor can gyis bstan/ /ba bla gser dang zla 'od tsam pa ka /rma bya'i mgrin pa pad mo 'dra/ /de yi sa la bzhugs pa'i lha/ /lha yi gzugs ni rnam par mdzes pa ste/ /de gzugs lha rgyal go pa ka dag glog dang 'ol ma byu ru'i 'od bzhin du/ /la las bal chung sku dang na bza' lo ma rtswa la sogs pa'i mal bzhugs par/ /mthong ngo nyi ma stong ltar shin du rnam par 'bar ba'i sku gzugs mnga' ba la/ /thub can la las rnal 'byor dbang la stug dbus chu skyes re rer bzhugs par mthong / /thub pa'i thor tshugs tshogs ni lag gis 'gro yi mgo bo glad pa bzhin du ste/ /la lar gzugs ni rdo rje an+da rnyil gyis spras pa'i cod pan brgyan par ro/ /la las la lar thub pa de la 'khor lo ri mo nya dung bcas par mthong / /la las ji ltar nam mkha'i rgyu ba'i lam la 'ja' zug bzhin du thub pa mthong / /lha rdzas phyag sor can gyi sna tshogs yul can ri rab phyag tu rab gzhog cing / /khams gsum chu srin gnas dang chu gnas de bzhin ba lang mig par shong bar mdzad/ /sbyin pa'i shugs kyis mi yi bdag po'i gtsug gi cod pan rnams kyis rab mchod cing / /la la dag na rgyal dang rgyal po'i 'khor na dgos pa rnams na mkhas gyur cing / /chad pas gcod par snang ngo stug po'i dbus na gzhan du rnam par snang ba ni/ /thub pa rnal 'byor mkhas pa'i ye shes rnal 'byor shin du byed pa rnams la ste/ /rang gi yul rnams sngon gyi rgyal</font><hr>45.20b<br><font size=+1>

bas gsungs pa de dag rnal 'byor gyis ston cing / /la las gnas dang lta ba yid dang blo rnams shin tu gzhan du gyur pa dang / /dbang dang ye shes rnam pa sna tshogs ting nge 'dzin dang yid bzhin sku mnga' bar/ /la las yul la chags med spyod yul rig pa'i blo yi bya ba gcod par te/ /'di dang gzhan med sreg med gyur pas tshig bya med phyir mya ngan 'das par ro/ /snum dang 'od 'phro med pas ji ltar 'jig rten 'di na me bzhin shin du mya ngan 'das/ /la las pha rol phyin pa'i mchod sbyin mchod bcug mchod sbyin byed pa dag tu ste/ /sbyin dang mchod dang thub pa dag kyang rnam pa tshul bzhin mdzad pa shin du mthong / /bde ba yod ces bya ba'i zhing mchog de na skyes bu yod pa de dag ni/ /mngal nas skyes pa ma yin bde bar 'bar ba'i 'od kyi dkyil 'khor can dag ste/ /lha rdzas gser ltar 'bar ba zla ba lta bu'i lus 'chang rnal 'byor can gyi bdag /lha rdzas 'od bzang de dang gang yang mi nang rnal 'byor can gyi dbang po'i yul/ /de dag brgya char mi phod rnal 'byor can gyi dbang po dag gi de bde la/ /gzhan du bdag cag nyid kyis bshams pa'i longs spyod pa yi zhing gi mi de dag /mtha' yas 'od kyi bde ba can na rgyal ba'i sras rnams lha rdzas 'od 'khor can/ /rnal 'byor yang dag nyid mos thub dbang khyu mchog bsam gtan bdud rtsi myong byed dang / /rnam pa tha dad sna tshogs rin po che dag yal ga sbyangs pa'i gnas tshal shing / /lha rdzas gser phye'i khams las bsags pa'i zhing gi mchog de shin du rnam par mdzes/ /gser dang rin chen sna tshogs me tog pad mo de ni mchog tu rab tu brgyan/ /'di ni sangs rgyas zhing gi gter yin dpe med de kun mi yang pad mo skyes/ /thub pa de la dad cing bsam gtan mkhas la sangs rgyas la ni rab tu mos/ /bdag gi ston pa la ni bdag bstan yid can pad mo dag las</font><hr>45.21a<br><font size=+1>

skye ba ste/ /sangs rgyas zhing gi mchog na gnas pa'i mi ni bzang po'i mtshan gyis kun nas brgyan/ /dpe byad bzang po bcas pas rmad du 'bar ba'i lus can dpal gyi be'u dang bcas/ /yod dang med pa'i rnam rtog rtog pa med pas dri med rdzu ba pa dag go/ /de ltar 'di dag rnam par bstan nas rdo rje khyu mchog mthe bo tsam du gyur/ /sro ma rdul phran shin du phra ba'i skra yi brgya cha'i gzugs su'ang de bzhin gyur/ /la lar bde gshegs rang rgyal nyan thos gzugs dang de bzhin sna tshogs gzhan dag kyang / /gang dang gang la sems kyi spyod pa ji bzhin de 'dra'i gzugs kyi khyad par dag /rnal 'byor mkhas pa rdo rje zhes byas tshad med gzugs kyi yul dag rnam par spangs/ /de skad bshad nas yang smras pa/ /sna tshogs gzugs can rgyal ba'i sras/ /sa rnams de bzhin dbang rnams dang / /ma nyams mngon par shes pa dang / /sgyu ma lta bu'i ting 'dzin dang / /de ltar yid bzhin lus kyang ste/ /gzungs dang rdzu 'phrul rkang pa dang / /rnam thar tha dad yang dag rig / /stobs dang 'jigs pa med pa dang / /phung po khams rnams zag med pa/ /'di dag gzhan du gyur nas 'thob/ /rtag pa'i sangs rgyas sa yang ngo / /chos rnams lnga yi rang bzhin dang / /rnam par shes pa brgyad rnams dang / /bdag med gnyis po rab rtogs nas/ /gzhan du 'gyur ba 'byung bar 'gyur/ /yid bzhin lus ni bcu po dag /sgyu ma dpa' bar 'gro bas bskor/ /mi zad smon lam bcu po dang / /lam gyi rnams kyis shin du sprul/ /rmi lam me long gzugs brnyan nam/ /chu yi zla ba bzhin du mthong / /rnal 'byor lam la thub pa'i rnams/ /sangs rgyas sa la zhugs pa dang / /rgyal ba pad mo'i gdan bzhugs pa/ /rgyal ba'i sras kyis mdun du byas/ /yod dang med pa phyogs bral ba/ /</font><hr>45.21b<br><font size=+1>

rdul phran rnam par 'jig rnams kyis/ /dri za grub pa'i rgyal po dang / /lha yi gnas na 'khod pa'i tshogs/ /ri rab sa la 'dong rgyu zhing / /nam mkha'i dkyil nas 'dod spyod kyang / /ji ltar snang bar ma gyur pa/ /de bzhin rgyal sras gces pa'i rnams/ /rnal 'byor med pas mi mthong ngo / /rnam pa sna tshogs gzugs dang ldan/ /sa dang zhing rnams bye ba na/ /rgyal ba mchod la mngon par mos/ /smon lam dbang la gnas pa'i rnams/ /pad mo'i khang par rab tu skye/ /dbang dang bsam gtan sems pa dag /zhing dang zhing du mya ngan 'da'/ /ting nge 'dzin las skyes pa ston/ /lhun kyis grub par thams cad du/ /chur byung zla ba 'dra bar te/ /nyi ma lta bur khyad med pa/ /snang ba sems can spyod yul du/ /yang dag mtha' la mi reg par/ /ting nge 'dzin la rab tu ldog /gru la gnas pa'i bung ba dag /gang chen mtsho la 'gro ba bzhin/ /gang du gru 'gro der rgyug te/ dpag tshad shin du mang bar yang / /thugs rjes nyon mongs dma' ba'i lus/ /sdug bsngal can gzigs de bzhin du/ /de dag 'byung ba rab tu ston/ /phyir ldog bdag med pa yang ste/ /'jig pa dag kyang rnam mkhyen nas/ /zad pa'i dus su mi gnas pa/ /gzung dang 'dzin gyis 'phangs pa'i rnams/ /gzung dang 'dzin la spyod pa'i rnams/ /gzung dang 'dzin gyis bskyed pas na/ /mtshan ma'i gzhi med mtshan nyid med/ /'khor ba'i rgyun gyis khyer ba'i rnams/ /yang dang yang zhing skye ba yin/ /bcags med mtsho yi gter gyur la/ /gcig la gcig 'ju'i spre'u ltar yang / /byed pa gru la gnas kyis mthong / /'ju ba'i gnas dang rten med par/ /de bzhin rgyal ba rgyal sras rnams/ /sred pas rnam par dkrugs pa yi/ /rnam rtog sdug bsngal gnas pa'i rnams/ /sa yi gnas nas nyon mongs phyir/ /rab tu 'byung dang phyir ldog dang / /</font><hr>45.22a<br><font size=+1>

sbyin dang mchod pa dag kyang 'byung / /'di 'dra rnal 'byor can gyi chos/ /rnam pa sna tshogs bsgom par gyis// //'phags pa rgyan stug po/ bam po gnyis pa/ kun du bzang po mi yi bdag /gzi brjid chen po sna tshogs gzugs/ /byang chub sems dpa' sems dpa' ches/ /rdo rje'i snying po la smras pa/ /'thun pa dag la dbang byed dang / /lha gnas 'khod pa gzhan dag dang / /rin chen khang pa sna tshogs na/ /gang yang stug po'i dkyil 'khor ba'i/ /rgyal sras rnal 'byor ldan pa dag /gang gis stug ces bya thos te/ /thos nas nan tan byed pa'i rnams/ /gzhan du 'gyur la gzhol ba dag /gzhan du 'gyur ba'i tshul thos shing / /ting 'dzin de yi tshul song ba/ /stug por ring por mi thogs 'gro/ /sangs rgyas yang dag 'gro la mos/ /'gro ba 'dzin dang shugs 'dzin dang / /'jam dpal rnam par 'phrul pa dang / /mthu chen 'phags pa 'jig rten dbang / /zla ba la sogs gzungs dbang rgyal/ /blo gros shin du zhi ba dang / /lte ba rdo rje rnal 'byor rig /dru ma nam mkha'i bdag po dang / /phyag na rdo rje blo chen dang / /rnam 'byor can dang rgyal sras rnams/ /gang yang bye ba'i zhing dag nas/ /chos mnyan phyir ni 'ongs pa'i rnams/ /stug po'i rgyan la gzhol ba dag /rgyal ba ma 'ongs mthong nas kyang / /khong nas snying rje snying brtse ste/ /rnal 'byor ldan can dbang po'i gtso/ /sna tshogs gzugs la rab tu smras/ /rnal 'byor can gyi gtso la dris/ /'jigs med rdo rje snying po la/ /rin chen khang pa sna tshogs dang / /dbang sgyur khang pa bzang por yang / /ji ltar gang gis sna tshogs byas/ /sna tshogs gzugs can khyod kyis smros/ /dngos po kun gyi sna tshogs nyid/ /'gro ba dag gi yang rab 'byung / /rdza la sogs pa'i dngos po dag /ji ltar chu 'jim thal sbyar las/ /las su</font><hr>45.22b<br><font size=+1>

bya ba thams cad bskyed/ /'gro ba 'di dag de bzhin byas/ /rnga dang pi bang sgra la sogs/ /las su bskyed las dbyangs 'byin te/ /de bzhin 'jig rten 'di yang ci/ /bskyod pa'i las las kun 'byung ngam/ /rang bzhin gsum pe ji bzhin du/ /dngos po gcig la kun du gnas/ /sa rnams 'di ltar thams cad du/ /dngos dang dngos la rab tu gnas/ /de bzhin 'di dag kun kyang ci/ /dngos po gcig la rab gnas sam/ /gang phyir 'di ltar rgyan dag snang / /khams gsum g.yo dang mi g.yor bcas/ /dga' ldan mtshe ma rab rnams dang / /dbang sgyur rnams kyis byas sam ci/ /mi 'am ci dang dru ma dang / /gya nom snang bas byas sam ci/ /'og min thor tshugs can gyis sam/ /'on tam gzugs med rnams kyis byas/ /lha rnams bdag po thams cad kyis/ /gcig tu 'dus te 'di byas sam/ /'phrul pa'i sprul pa dag gis sam/ /rgyal ba khyu mchog gis mdzad dam/ /'on tam rgyal ba rgyal sras rnams/ /zhing gzhan rnam par bzhugs pas sam/ /rnal 'byor la mkhas rnal 'byor can/ /sangs rgyas zhing du bzhugs rnams kyis/ /sa rnams thams cad byas sam ci/ /gang la nor pa rab tu gnas/ /gang 'di nor pa snang ba dag /smig rgyu rnams la chu bzhin te/ /rdza ma'i phyogs la yon tan bzhin/ /'gro ba gang gi phyogs la gnas/ /yon tan mi 'bral yon tan can/ /yon tan med dang yon tan gnas/ /ma yin phan tshun 'brel pas na/ /yon tan tshogs su rnam par gnas/ /nor pa sna tshogs de bzhin du/ /ga la'ang de bzhin gnas yin nam/ /'gro ba rnam pa sna tshogs rnams/ /sa rnams la ni gang snang ba/ /'on tam tshangs pas phyung ba'am/ /'gro ba mthu bo che yis sam/ /khyu mchog gis sam spun zas sam/ /ser skya yis sam rang gis sam/ /gces pa'i rkyen kyis byas sam pa/ /rang bzhin gyis sam dbang pos sam/ /dus dang phyogs kyis bskyed pa 'am/ /</font><hr>45.23a<br><font size=+1>

'on tam ma rig sred pas sam/ /lha yi drang srong the tsom za/ /lha yi tshogs kyang de bzhin te/ /grub dang dri za'i rgyal po rnams/ /sa la gnas pa'i rnal 'byor can/ /'on tam 'di dag mig 'phrul lam/ /'gro ba dri za 'dra zhig gam/ /rmi lam yin nam smig rgyu 'am/ /sngon med rnam par rtog yin nam/ /gzung dang 'dzin pa'i dngos por yang / /kha gnyis sbrul bzhin gnas pa 'am/ /'on tam rang bzhin 'di med dam/ /'khrul 'khor ro langs bzhin gnas sam/ /mgal pa bskor ba 'dra ba 'am/ /'on tam skra yi tshogs lta bu'am/ /byed dang las kyis ma byas shing / /dbang po ku be ras ma byas/ /mchod sbyin sbyin bsreg mchod 'bras sam/ /smrang gi gzhung gi lam gyis sam/ /rgyu rnams shin du phal che bas/ /nan tan rtag pa ma yin te/ /'gro ba 'dzin pa med pa'ang min/ /rgyu rnams kyi yang rgyu dag ste/ /'gro ba ngo bo nyid kyis grub/ /las kyi bag chags rnams las byung / /rnam shes brgyad po'i skyes bu ni/ /kun gzhi zhes kyang bya ba ste/ /des ni sna tshogs 'di dag kun/ /rdza ma'i 'khrul 'khor bzhin du bskor/ /til bkrum til mar ji bzhin du/ /lan tshwa'i tsha bro ji lta bar/ /gzugs la mi rtag nyid ji bzhin/ /skyes bu 'di yang de bzhin gnas/ /ji ltar bsung la sogs las dri/ /yon tan rnams la yon tan mtshan/ /nyi zla gnyis kyi 'od zer bzhin/ /de ltar skyes bu gnas pa yin/ /dgos dang byed pa med pa ste/ /yod dang med kyi phyogs kyis spangs/ /gcig dang tha dad med pa ste/ /mur 'dug phyogs kyis rnam par spangs/ /rjes su 'gro ba'i shes pa med/ /nam yang rnam par mi brtag ste/ /grol ba'i so so rang rig pa/ /sangs rgyas sar skyes thub can gyi/ /gzung dang 'dzin pa med pa ste/ /snga med sems dang sems byung gis/ /rnam shes brgyad dang bral ba ste/ /</font><hr>45.23b<br><font size=+1>

nam yang rnam par mi brtag pa'o/ /de la gnas pa chu rlabs bzhin/ /phan tshun mtshan nyid tha mi dad/ /'byung zhing phyir yang ldog pa ste/ /de yi ldan pa rig pa min/ /ji ltar thub pa'i rnal 'byor dang / /rdzu 'phrul can gyi rdzu 'phrul bzhin/ /mnyam par bzhag pas rab tu mthong / /rnal 'byor 'gro ba gzhan gyis min/ /de bzhin 'jug pa'i rnam shes rnams/ /de dag kun gzhi lhan cig gnas/ /rnal 'byor can gyis rtag tu mthong / /sangs rgyas sangs rgyas sras de bzhin/ /des ni 'di dag thams cad kyang / /ji ltar nor bu phug pa rnams/ /skud la brgyus dang 'khor lo bzhin/ /las kyi rlung gis skor byed pa/ /ji ltar rdza mkhan 'khor lo dang / /lag dang thal sbyor bskor ba yis/ /kun du bskor cing snod byed pa/ /yon tan sna tshogs rnam par ldan/ /de bzhin rnam shes brgyan kyi mi/ /khams kyi gzugs brnyan lhan cig tu/ /sa ni rnam par byed pa ste/ /phyi nang rgyu ba'i 'gro ba rnams/ /gang la 'jig rten 'di dag kun/ /nam mkha'i skar tshogs ji bzhin du/ /gnas shing rnam pa sna tshogs gnas/ /rlung gi rta yis shin du bskor/ /ji ltar mkha' la bya rnams kyi/ /rjes ni snang ba ma yin te/ /bar snang yod pa ma yin na'ang / /bya rnams rgyu ba'i byed pa med/ /de bzhin rnam par shes pa mi/ /bdag yod ma yin gzhan med min/ /rnam dag bar snang 'dra ba dang / /dba' rlabs bzhin du rab tu 'byung / /bag chags rnam pa'i nyes pa yis/ /mi chags pad mo'i zla ba bzhin/ /pad mo la ni chu med min/ /chu la zla gzugs med pa yang / /chu song zla ba yod pa ste/ /pad mo'i mdab la de bzhin chu/ /mig la bud med gzhon nu dag /mig gis mthong ba jir mi 'gyur/ /de bzhin kun gzhi rnam par shes/ /las rnams cig car byed pa ste/ /'gro ba dag gi lus la ni/ /khyab gnas sa bon kun can no/ /stug po'i sprin dang 'dra bar yang / /sa rnams yog par shin du gnas/ /</font><hr>45.24a<br><font size=+1>

tshe dang rnam shes kun nas yog /drod kyang de bzhin stobs chen gyis/ /sna tshogs gzugs kyi lus can gyi/ /rnam pa sna tshogs gzugs kyang ston/ /rdza mkhan ji ltar sa snod la/ /spyod pa ji bzhin de lta'o/ /ba lang sogs pa'i ru mthong zhing / /bong bu rwa ni med pa ste/ /ma mthong par ni med pa med/ /ba lang rwa yi med pa yang / /phyin ci log tu dmigs pas med/ /phyin ci log tu mnar sems la/ /shin du phra ba'i rdul gshig na/ /yod pa de dag med par 'gro/ /med pa yod pa'i rgyu las te/ /med pa yod ces rtog pa ni/ /yod pa med las bltas pa ste/ /phan tshun ltos pa'i rgyu las so/ /blo dang rtogs bya med pa ste/ /khong du chud pa skye ba med/ /mgal ba'i 'khor lo 'khor lo min/ /ji ltar skra tshogs mthong ba bzhin/ /dri za'i grong khyer sgyu ma dag /ci zhig mthong nas 'byung ba bzhin/ /blo yi 'byung ba rgyu med par/ /yod pa ma yin rnam rtog pa/ /rtog bya rnam par rtog pas bskyed/ /lus can rnams kyi yid skyes te/ /ming dang 'du shes 'brel ba dang / /rang bzhin gnyis kyi bag chags kyi/ /mi yi sems ni rab tu 'byung / /grub pa'i don ni mi skye'o/ /thog ma med pa'i dus na bsags/ /gnas ngan len gyi yul las byung / /rab tu spros pas bsgos yid las/ /sems kyi tshogs ni 'byung bar 'gyur/ /gzung dang 'dzin pa'i dngos por yang / /kun du skye ba mi yi sems/ /rdza la sogs pa'i gzugs kyi dbyibs/ /snang ba gzhan yod ma yin te/ /'di dag thams cad blo tsam pas/ /rtogs bya'i dngos po yod pa min/ /blo dang rtogs bya'i dngos por ni/ /bdag nyid rab tu 'jug pa ste/ /byis pa rnams kyis mi rigs pa/ /bag chags rnams kyis sems myos rnams/ /rnam pa brgyad dang rnam bdun dang / /dus gcig tu yang 'byung bar 'gyur/ /sngon med bag chags ldan pas na/ /kun gzhi sa bon thams cad can/ /</font><hr>45.24b<br><font size=+1>

rgya mtsho'i dba' rlabs ji bzhin du/ /rlung gi rkyen gyis bskyod pa ltar/ /gar byed cing ni rab tu 'byung / /rnam par rgyun kyang mi 'chad do/ /blo yi 'od pa de bzhin rtag /yul dang reg pas bskul ba'i phyir/ /sna tshogs bdag rtog rnam shes kyis/ /bdag la bdag gir 'dzin par byed/ /ji ltar sa la rnam rtog med/ /'gyur med rnam pa sna tshogs gzugs/ /dgos pa'i rnam par gyur pa ni/ /de 'dra kun gzhi rnam shes la'o/ /ji ltar mi zhig lag pa yis/ /rang gi lus la mnyed pa dang / /phyogs kyi glang po bdag lus la/ /bdag gis sna yis chu 'thor dang / /ji ltar shed can la la dag /bdag gi lus la sos 'debs pa/ /de bzhin blo ni brtags don la/ /don gnyis tshul du 'jug pa'o/ /blo yi yul du bya ba 'di/ /khams gsum rnam par khyab par gnas/ /phyi dang nang gi bya bar yang / /rnal 'byor mkhas pas mthong ba yin/ /sangs rgyas rnams kyis 'di kun gzigs/ /sa la ji snyed snang ba dag /rnam pa sna tshogs dbyibs kyi gzugs/ /sa la rnam pa sna tshogs so/ /chos 'di yang dag bshad pa dang / /rdo rje snying po 'jigs med pa/ /mi smra'i dngos la dgar gyur te/ /bsam gyis mi khyab chos dbyings kyi/ /lha yi bsam gtan mi g.yo ba/ /sangs rgyas spyod yul zhugs pa dang / /stug po nas ni 'ongs pa'i gzugs/ /mthong nas rnal 'byor lam gnas pa/ /thub pa de yi lha rdzas lus/ /rnal 'byor btang ste yang gnas so/ /'dod dang gzugs dang gzugs med dang / /'du shes med pa'i gnas rnams kyi/ /mun pa'i tshogs nas phyir byung ste/ /stug po de nas 'dir 'ongs so/ /sangs rgyas rnams kyi bzhugs pa'i gnas/ sangs rgyas zhing ni mchog rab nas/ /gzugs kyi rnam pa du ma yi/ /sangs rgyas sku yang rnam byung nas/ /mi yi khams na rnam par 'phrul/ /su blo ci 'dod phan par ro/ /stug po yi ni ming phyung nas/ /rgyal ba'i sras po thams</font><hr>45.25a<br><font size=+1>

cad kyang / /phan tshun gcig la gcig bltas te/ /gcig la gcig ni rab smras pa/ /stug po dri med bsod nams te/ /sdig pa thams cad 'jig par byed/ /rnal 'byor can gyi gnas kyi mchog /sangs rgyas zhing gi dam pa phul/ /yu bus de yi sgra thos te/ /thos nas bdag cag dga' ba'i yid/ /stug po rnal 'byor can gnas kyi/ /brtan lam bdag cag thob par bya/ /'og min tshangs pa thor tshugs can/ /gtsang ma'i gnas kyis rnam spangs pa/ /zhing gi ngo mtshar lha mo dang / /sangs rgyas rgyal ba'i sras kyi yang / /tshangs pas de tshe gsol nas su/ /gtsang ma'i gnas kyi 'jigs med rnams/ /de dag thams cad sems pa ni/ /tshangs pa stug por 'gro mi 'gro/ /tshangs pa rnal 'byor chen po can/ /mun pas de dag bslad par gyur/ /thub pa mi shes thub rig gi/ /ji ltar gnas ni thob par 'gyur/ /tshangs pa de na kun du sems/ /blo yis tshangs pa rig pa'i mchog /'dod dang gzugs kyi bdag po dag /rgyu ba de na med pa ste/ /nam mkha' khang pa gnas rnams dang / /'du shes med pa de bzhin te/ /mur 'dug gzhan la grags pa yi/ /rnal 'byor can rnams der mi 'gro/ /bdag gis bya ba byas sam ci/ /bsams te 'dir yang 'ongs par gyur/ /bdag 'gro'am brtan zhing rtag pa yi/ /ther zug 'dus ma byas stug tu/ /gal te yang na thub pa ste/ /rnal 'byor mnga' ba lha'i yang lha'i/ /mthu yis rnal 'byor mkhyen rnams kyi/ /pho brang stug po der 'gro 'am/ /thub pa de la phyag 'tshal lo/ /de skad smras nas thor tshugs can/ /mthong ba shin du 'bar ba yi/ /sangs rgyas lam na bzhugs pa rnams/ /gsungs shig gsungs shig thub pa'i rnams/ /khyed la ci 'tshal ci gyis shig /sangs rgyas dbang po bka' stsal gsol/ /stug po ji ltar 'thob par 'gyur/ /gzugs yul 'di</font><hr>45.25b<br><font size=+1>

las phyir log shig /der 'gro med pa gzugs can rnams/ /stug po de ni thub chen yul/ /bla na med pa'i sangs rgyas zhing / /'du shes med pas mi 'thob ste/ /de bzhin 'dod pa'i khams dbang gi/ /mur 'dug gzhan na grags pas kyang / /rnal 'byor rig lam stug mi 'thob/ /tshangs pa nyid kyis de gsung thos/ /mchod sbyin gsol ba'i zhal na ste/ /de ni de nas phyir log ste/ /tshangs pa'i gnas su yang song ngo / /de yi phyir na der 'gro ba/ /tshangs pa yis kyang mi thob pas/ /gzugs med 'dod dang gzugs can rnams/ /der 'gro yod pa yong ma yin/ /ci phyir dad pa 'di 'dra rnyed/ /stug po'i dkyil 'khor mthong ba yang / /rnal 'byor can gyi gnas kyi mchog /de phyir ngo mtshar thob par gyur/ /sgyu ma'i ting nge 'dzin kyi yul/ /rnal 'byor can gnas stug po de/ /'di ni gcig nas gcig tu thos/ /de nas byung bas rnam par bsnyad/ /sna tshogs tshig 'di thos pa ni/ /thub can rdo rje snying po yi/ /rgyal sras khyod kyis smra bar gyis/ /rgyal ba'i sras rnams nyan par 'dod/ /dbang sgyur rgyal po de bzhin gyis/ /gzi brjid chen po ma thogs shig /mtshe ma rab dang dga' ldan dang / /gtsang gnas 'jigs pa med pa'i rnams/ /thub pa'i bka' ni ma lus par/ /smra bar su zhig nus pa yod/ /gzhan du khyod dang sangs rgyas rnams/ /thub chen thub pa bsnams pa dag /sangs rgyas yul ni bsam mi khyab/ /mchog gi gtso bo sangs rgyas kyi/ /rnal 'byor rnal 'byor med pa la/ /su yis ji ltar bstan par nus/ /mtshe ma rab dang shugs 'dzin dang / /dbang sgyur rgyal ba'i sras po dag /gcig pa'i dbyangs su yang smras te/ /gsungs shig gsungs shig rgyal ba'i sras/ /rnam par 'phrul dang 'jam dpal dang / /byams pa mi 'am ci yi bdag /rnal 'byor can gzhan gang de ni/ /de dag smra ba smros shig sgrogs/ /</font><hr>45.26a<br><font size=+1>

nam mkha' las kyang sgra byung ste/ /lha dang sngags 'chang rnams kyis kyang / /de nas shin tu rnga brdungs pa/ /gsungs shig gsungs shig rgyal ba'i sras/ /de dag de skad smra ba na/ /thor tshugs can gyi tshangs pa 'ongs/ sa 'khod kun las smras pa ni/ /stan gyi mchog la 'dug nas de/ /ngo mtshar lha rdzas 'di ci zhig /thub pa rnams kyi tshogs 'khor na/ /rnal 'byor dbang po thams cad dang / /slob ma mkhas pa de dag kyang / /khyu mchog thub la 'dri bar 'dod/ /rgyal sras rdo rje dbang po la/ /skabs 'di ji zhig su zhig la/ /rgyal ba'i sras kyis gsungs pa yin/ /ku ru'i bu dang di li pa/ /'khor lo 'khor ba man mtha' ta/ /yang na yo ba na shwa la/ /lha rdzas mi yi gtam brjod dam/ /gnyi bu ig shwa ku la 'am/ /de bzhin gzhu stong bdog pa la 'am/ /'on tam gnas srung po la 'am/ /'khor lo 'khor ba gzhan dag la'am/ /'dod dang gzugs dang gzugs med la'am/ /'du shes med gnas gnas pa la'am/ /nam mkha' mtha' yas rnam shes sam/ /'on te cung zad med pa dag /thub chen rang sangs rgyas dag la'am/ /nyan thos rgyal ba'i sras la 'am/ /sangs rgyas sa la zhugs pa yi/ /rgyal dbang rnams la gtam 'di 'am/ /'di ci lha min lha rdzas sam/ /'on te skar ma'i de bzhin nam/ /ji ltar gyur pa khyod kyis gsungs/ /bdag cag slob ma phyogs su nyan/ /bla ma'i tshig ni thos nas kyang / /rgyal ba'i sras po thams cad dag /phan tshun shin du dpyod par byed/ /de yi ting 'dzin 'gro song rnams/ /rgyal ba'i sras rnams tshig thos pa/ /thor tshugs can las mngon du ste/ /slob mar bcas par nyan 'dod pa/ /gtsang gnas bdag po nyid kyang yin/ /thar zla blo gros mi zad dang / /nam mkha'i dbang po 'gro ba 'dzin/ /mthu chen spyan ras gzigs dbang dang / /rnal 'byor shes pa gzungs kyi dbang / /lha yi cod pan rnal 'byor dbang / /gtsug na</font><hr>45.26b<br><font size=+1>

rin chen blo gros shing / /lag na rdo rje zhi ba'i blo/ /lag na rin chen blo chen dang / /'di dag rgyal sras gzhan dag kyang / /bye ba'i zhing rnams kun nas 'ongs/ /rdo rje'i snying po blo can la/ /de dag kun gyis rnam bltas nas/ /pad mo'i stan la 'khod pa'i rnams/ /rgyal ba'i sras la gsol ba 'debs/ /blo chen rab tu bshad par gyis/ /rgyal ba'i sras rnams nyan par 'dod/ /'das pa dag dang ma 'ongs tshul/ /da ltar byung ba'i gang tshig kyang / /rgyu dang dpe yis rab gsal bar/ /khyod kyi zhal nas byung ba rnams/ /gdon myi za ba'i tshig 'di yang / /khyod kyis rgyal ba de zhal nas/ /thams cad ma lus thos pa ste/ /skyon med de bzhin gshegs pa'i mkhyen/ /ting 'dzin dbang sgyur rgyal po yis/ /thams cad blo gros rnam bltas nas/ /rdo rje snying po 'jigs med kyis/ /rnal 'byor can la tshig smras pa/ /rgyal ba'i gsung rab ma lus par/ /smra bar sus kyang nus pa med/ /de yi byin brlabs ma gtogs par/ /sangs rgyas rnams dang rgyal sras kyi/ /sangs rgyas kun la phyag 'tshal te/ /sangs rgyas byin gyis brlabs pa dag /nor bu rin chen sna tshogs khang / /dbang sgyur gnas bzang 'khod rnams la 'ang / /ye shes dad pas smra bar bya/ /sangs rgyas rigs byed tshul yin te/ /nga las 'di dag thams cad nyon/ /de bzhin gshegs kyi ye shes dge/ /rgyal po rnams la gtam 'di min/ /mi bdag mchog rnams 'das pa 'ang / /'di ni sangs rgyas rigs kyi gtam/ /stug dkyil phun sum tshogs rnams kyi/ /rnal 'byor can gyi rnal 'byor yul/ /sangs rgyas kun gyi phun sum tshogs/ /de bzhin gshegs kyi ye shes phra/ /rtog med rtog pa spangs pa ste/ /so so rang rig mkhas pa'i yul/ /brjod pa dang ni rnam par bral/ /de ni smra bar dad pa med/ /bdag gis de yi mthus thos pa/ /lha rdzas kyi ni ye shes dang / /ting nge</font><hr>45.27a<br><font size=+1>

'dzin gyi me tog gis/ /rdzogs pa'i sangs rgyas gsungs pa ni/ /stug po'i dkyil du mnyam bzhag pas/ /thams cad phyogs las rnam grol zhing / /yod dang med pa'i phyogs spangs pa/ /yod dang med pa'i phyogs dang bral/ /dbu ma'i lam ni dge ba ste/ /gzhan du 'gyur ba'i lha rdzas tshul/ /sangs rgyas sa la 'jug par byed/ /dbu ma'i lam po de nyid kyang / /mtha' bzhi rnam par spangs pa ste/ /rnam par rtog med dmyigs med pa/ /stug na gnas pas shin du mthong / /thub chen de nyid lam shes pa/ /bdag med ye shes mkhas rnams kyis/ /bla ma'i tshig 'di thos pa dang / /rnal 'byor can rnams thams cad kyang / /rkang pa gnyis la mnyam btud nas/ /rdo rje zhes la smras pa ni/ /rnal 'byor can rnams nyan par brtson/ /skom pa rnams ni chu tshol bzhin/ /khyod kyi zhal nas btung 'dod pa/ /tshig gi sbrang rtsi bung ba bzhin/ /rnal 'byor dbang po yang dag gsungs/ /rgyal ba'i sras rnams shin du nyan/ /rnal 'byor can rnams rnal 'byor blo/ /ye shes dbang po 'phrul chen rnams/ /zhing gi bdag po rgyal chen rnams/ /rnal 'byor lam la rtog byed pa/ /bde gshegs bka' ni nyan par ro/ /khyod kyi zhal nas rnam byung ba/ /rnam pa sna tshogs dka' ba'i sgra/ /khong du chud byed mtshan bzang dang / /tshangs pa'i yang dag gshegs pa dang / /dbang po'i don grags khyad par du'o/ /sna tshogs thub pa de yi gsung / /sgra yi don la mkhas pa yi/ /de phyir bdag ni smrar ma mos/ /brtag bya rtog pa rnam par spangs/ /bar snang ri mo ji bzhin dang / /grib ma stong la sogs pas spangs/ /de ste snang na rmad du rung / /de bzhin gshegs pa thub pa'i bka'/ /mkha' la bya rjes ji bzhin du/ /blta bar shin du dkon pa bzhin/ /de bzhin gshegs pa thub pa'i bka'/ /de ni bstan par mi nus so/ /</font><hr>45.27b<br><font size=+1>

sa rnams gsum du mkhas pa yis/ /dpe yis kun du rab bstan kyis/ /dpe dang bral ba'i de bzhin nyid/ /thub pa'i zhal nas rnam par 'byung / /de yi tshig la dpe med de/ /rmi lam lta bur bdag la snang / /rab rib mgal pa bskor ba dang / /skra yi tshogs dang de bzhin 'dra/ /ji ltar sgyu ma'i grong khyer dang / /rlung ni shin du blta dka' dang / /sgyu ma smig rgyu 'dra ba ste/ /rnam rtog gnyis po rab tu spangs/ /'on tam rnal 'byor sna tshogs pa/ /thub pa'i gsung ni de bzhin te/ /bdag gis rnal 'byor can dbus su/ /bshad par de phyir dad pa med/ /'di dag thams cad mkhas pa ste/ /de bzhin nyid blo shes pa'i rnams/ /sangs rgyas spyod yul bsam yas pa/ /de phyir smra bar dad pa med/ /'on kyang brjod do thub pa'i rnal 'byor gyis/ /de ring bdag las nyon cig rgyal sras rnams/ /sna tshogs tshig gi don ldan thub pa'i bka'/ /dpe med sems dang yid las rnam par 'das/ /ji ltar bung bas me tog ro 'thungs shing / /lhag ma gzhan dag 'thung bar byed pa bzhin/ /snying ku thub pa'i mchog rnams kyis 'thungs te/ /de yi 'thungs lhag bdag gis de ring bshad/ /de ni yid dang tshig gis kyang / /bstan par nus pa ma yin la/ /lha yi lha yi yul yin te/ /mkhas rnams dge ba 'phel bar byed/ /mi yi gzugs su byas nas su/ /sangs rgyas shes ni mtshan ldan pa/ /cod pan can dang gzhan la snang / /gzhal med khang gnas gzhan la yang / /'od kyi dkyil 'khor 'khor lo dang / /mtshan bzang rnam pa sna tshogs su/ /sa la sna tshogs snang ba ni/ mur 'dug 'dus pa'i dregs pa sel/ /dus rnams bzhi po thams cad du/ /sangs rgyas rnams kyi dus dus la/ /stug na bzhugs pas dus sprul te/ /rnam par phye ba rab tu mdzad/ /bzang dus de bzhin gsum pa dang / /</font><hr>45.28a<br><font size=+1>

gnyis kyi pha rol dus ngan dang / /de dag du'ang ci dgos pa/ /sa la lus can rnams kyis te/ /ldan pa de dag thams cad mdzad/ /stug po'i dkyil na bzhugs shing ste/ /stug po de ni dri med gnas/ /sbyor chen rnams kyi bde ba'i gzhi/ /ngan dang gnyis kyi pha rol mtshams/ /thub pa gzugs ni rnam bzung nas/ /dri med stug na rnal 'byor ldan/ /zla ba bzhin du 'gro la snang / /sna tshogs 'gro ba gang shas kyis/ /sna tshogs gzugs su mdzes pa ni/ /gang la gang snang gang gis kyang / /ji ltar gang la de bde ba/ /de dag de la thams cad du/ /de phyir cha yis mig la gnas/ /shes can yul can thub pa ni/ /rnal 'byor mkhyen pa shes pas snang / /dbang po che gzugs gzhan dag dang / /'jug 'dod kyi dang de bzhin gzhan/ /ser skya yi yang gzugs su ste/ /thub pa la lar mkha' bzhugs pa/ /shes byed shes la yang dag snang / /sa nad sa nan da na la/ /sa nad gzhon nu me dag dang / /sgra gcan mi ci tum bu ru/ /ig shwa ku dang zla ba'i rigs/ /thams cad sa yi rgyal po la/ /thams cad sa yang mchod pa ste/ /sku ni su su ci 'dod bzhin/ /la lar mur 'dug spyod sprul te/ /ston pa 'gro ba rnams kyis mthong / /tshul gyi gtsug lag ston par yang / /ci bzhin rigs par rab ston cing / /rdo rje dngul dang gser dag dang / /zangs dang lcags kyi 'byung khung dang / /ro nye zha nye mu tig dang / /pad ma ra dang an da rnyil/ /bai dUr+ya dang shel dag dang / /a sma gar ba mu sa ra/ /tshul dang brtags pa thams cad ldan/ /mkhan po bla ma kun 'gro dang / /gang gis lus can su su cir/ /sa la bde ba skye ba bzhin/ /de la de bde thams cad du/ /thub pa'i rnal 'byor rab las byung / /lha yi bu mos mi skyod do/ /de bzhin dri za'i bud med kyis/ /'dod khams dbang po'i bud med dang / /</font><hr>45.28b<br><font size=+1>

de bzhin klu yi bud med kyis/ /mi ci lha min bu mo dang / /gnod sbyin bu mos de bzhin no/ /de ni 'dod pa'i yul las rgyal/ /gzugs can rnams kyi yul de bzhin/ /nam mkha' rnam shes mtha' yas dang / /cung zad med pa'ang de bzhin te/ /'du shes yod min ma yin gyi/ /gnas na rnam par rmongs pa med/ /kun chu la sogs 'di dag lam/ /rnal 'byor can gyi 'ching ba'i dngos/ /ma zhi mi dge gzhan dag kyang / /srog chags rnams kyis yod pa/ /lus can rnams kyi lus kyi yul/ /stug na gnas la stug na med/ /zhing de dri med bsod nams te/ /stug po snying po shin du mdzes/ /de bzhin thar pa thar shes la/ /zhing gi nang na zhing gi mchog /sangs rgyas rnams kyi zhing rab ste/ /stug po de ni yun du brtag /mnga' rnams bcu po de dag dang / /stobs dang mngon mkhyen ting nge 'dzin/ /yid kyi rgyu las byung ba'i skus/ /sangs rgyas de na rnam par mdzes/ /sa rnams bcu po kun bsgoms te/ /rnam thar bden pa stong pa nyid/ /mtshan med smon pa med pa dang / /pha rol phyin drug de bzhin te/ /bsgom dang sbyin dang tshul khrims dang / /shes rab rnams kyis de sku 'thob/ /yan lag gzugs kun me tog gi/ /'dus ma byas pa sangs rgyas sku'o/ /rtog med rtog dang bral ba ste/ /bdag med yid dang dbang po rnams/ /shes rab dbang po'i sgor ldan zhing / /mtshan gyis kun nas shin du bsags/ /sbyin dang tshul khrims la sogs kyi/ /dkar po'i las rnams byas pas na/ /sangs rgyas sku yi gnas kyi mchog /stug po'i ris su 'thob par 'gyur/ /de bzhin gshegs pa'i lha rdzas gnas/ /nyi zla rnam par spangs pa ste/ /rgyu skar skar phran snang ba dang / /zla ba dus dang ltad mo med/ /rnal 'byor can gyi 'od 'char dang / /sangs rgyas rnams kyi 'od kyis kyang / /kun nas bzang po'i</font><hr>45.29a<br><font size=+1>

stug po de/ /nyi ma bzhin du kun nas snang / /dus kyi 'bri ba de na med/ /nad rnams gang yang yod pa min/ /'chi rga med pa'i gnas yin te/ /stug po de ni zhing gi mchog /thams cad gzugs ldan zhi ba'i gnas/ /dri med mthong ba'i chos can gyi/ /sangs rgyas zhing stug bsod nams te/ /lha rnams kun kyis smon par bya/ /rnal 'byor can rnams khyad par du/ /sa dang sa la gnas pa dag /sems tsam rang bzhin dngos po rnams/ /gang phyir rab tu bstan pas na/ /yid dang sems dang kun gzhi'i tshul/ /rang bzhin gsum po de bzhin te/ /chos la bdag med rang bzhin can/ /gnas ni gzhan du 'gyur ba ste/ /lus ni shin du gnas gyur pas/ /thub pa rnams ni der 'dong ste/ /rnal 'byor can gyi gnas kyi mchog /stug po zhing rab dam par ro/ /stug por 'jug pa zhes bya ba ste le'u gsum mo// //lus ni rdzas dgu'i rang bzhin can/ /'dus byas rdul phran tshogs yin te/ /yon tan tshogs kyis rnam sna tshogs/ /'byung dang 'byung gnas tshogs yin te/ /khu chu khrag las kun 'byung ba/ /sngon med rnam par 'phel ba ste/ /steng gzugs 'og tu 'gro ba yin/ /sdug bsngal 'khrul 'khor thog ma med/ /las kyi rnam pa brgyas kyang g.yogs/ /dug gi shing gi sa bzhin du/ /dpa' dang rdul gyis de bzhin du/ /mun pas kyang ni gsos pa ste/ /lam rgyud dog par shin du 'phyan/ /dus kyis bskul cing rab tu skye/ /yon tan las kyis 'da' ba ni/ /phyugs dang mi yi mngal skyes pas/ /klu dang yi dgas sha za dang / /'bar ba lha yi nang du yang / /skye 'am lha min 'jig rten nam/ /sngags 'chang rigs su de bzhin te/ /'on tam rnal 'byor can dbus su/ /bsam gtan zhig cing mngon skye ba/ /'khor lo 'khor rigs dam par</font><hr>45.29b<br><font size=+1>

yang / /bar bar du ni skye bar 'gyur/ /skyes nas rig pa 'dzin pa ni/ /gang tshe dbang po 'phel ba na/ /su yi gang gi gang tshe las/ /lhan cig skyes pa rab byung zhing / /lhan cig skyes pa'i las tshul gyis/ /lam dang lam du rab tu 'jug /brtag med rtog dang bral ba yi/ /gang tshe chos ni mngon rtogs na/ /thar pa rnams kyi thar gsum ste/ /yi ge yi ge med byas pa'o/ /'byung ba thams cad rgyu yi tshogs/ /de ni 'od snang mchog yin te/ /yang dag bla nas blar sbyangs pa/ /stug po'i dkyil na rnam par gnas/ /bye ba'i zhing dang mnyam lus kyis/ /sprul pas khyab par byas shing gnas/ /de ste de shes yod na ni/ /dog pa'i lam nas 'grol bar 'gyur/ /de lta'i skyes bu skyes pa ni/ /khyad par shes shes rnam par brjod/ /lha yi lha yis yang dag gsungs/ /rgyal ba'i sras kyis mdun byas shing / /mngal gyi skye ba 'byung ba ni/ /byas pa yin no mi rnams kyi/ /ma rig sred dang las skyes min/ /nyon mongs las las shin du byung / /mtshan ma med pa mngon gyur cing / /mtshan ma med las rab 'das te/ /yi ge med pa de byung nas/ /spros pa thams cad rab bral zhing / /stug po'i dkyil du rab tu 'gro/ /dmigs las sems zhig 'gyur ba ni/ /rnal 'byor can gyi sgra rmongs pas/ /rtsed mo la sogs lha rdzas dang / /mtho ris bud med bsten rmongs kyis/ /gang tshe thub chen ma 'dug pa/ /de tshe sems ni 'byung ba ste/ /lam las skyod ces bya ba yi/ /ting 'dzin 'dod pa'i khams skyes pa/ /gzugs dang gzugs med 'gro ba na/ /ting nge 'dzin ni rab tu skye/ /sems can 'du shes med song na/ /ting nge 'dzin las bral bar 'gyur/ /nam mkha' rnam shes mtha' yas kyi/ /ting nge 'dzin la dbang med 'gyur/ /rgyas la gang tshe thub dbang gyur/ /gnyis dang bral bas byang</font><hr>45.30a<br><font size=+1>

ba yi/ /sems ni mngon par ni 'byung ngo / /de bden de ni rnal 'byor te/ /bsam gtan pa yi bsam gtan yin/ /bsam gtan rtag tu bsam gtan bya/ /de ste stug dkyil 'dod na'o/ /mngal gyi skye ba 'byung ba zhes bya ba ste le'u bzhi'o// // rnam brgyad rnam pa dgu yi sems/ /ma rig 'jig rten rgyu yin te/ /'di ni sems dang sems 'byung mthu/ /gang gnas rnam pa sna tshogs pa'o/ /de yi mthus kyang 'jug pa ni/ /rnam shes rnams dang dbang po rnams/ /ma rig la sogs rnam pa 'di/ /rtsa ba'i sems ni brtan gnas pa/ /yan lag bcu gnyis thams cad dang / /'byung ba rnams dang 'byung gnas dang / /yul dang dbang po 'jig rten dang / /skad cig 'jig pa'i rgyu yin no/ /thub pa lha yi lhas gsungs pa/ /rgyu dang 'bras bu spangs pa ste/ /tshangs pa'i 'jig rten mthar thug gi/ /'gro ba dbang por bcas pa 'di/ /'jig rten btsal bas ma bskyed de/ /bdag nyid rdza ma bzhin 'jig pa/ /nang dang phyi dag rtag par te/ /'gro ba gnas dang g.yo ba dag /lha yi lha yi yul yin te/ /sa la sus kyang mi mthong ba/ /mur 'dug grags pa gzhan dag ste/ /thub grags mtshan ma can gyis so/ /phan tshun bcings pas bcings pa ni/ /sred pa sna tshogs rnam pas te/ /rnam shes myur du 'gro bas na/ /sems kyi rnam par mi rtogs so/ /lo stong mtha' ru thug pa yi/ /mchod sbyin rnams kyis tshangs pa'i thabs/ /thob nas slar du ldog pa ni/ /sa ma ya ru rigs sems pa/ /'dod sbyor bkag srog 'bras bu dang / /gang yang zla ba'i 'bras bu dang / /mer gzhug pa yi 'bras bu dang / /gang gzhan mchod sbyin 'bras bu dang / /phyugs bcing ba yi 'bras bu yang / /tshangs pa'i 'jig rten nas ldog go/ /chos gsum can gyi 'gro ba dag /</font><hr>45.30b<br><font size=+1>

ci nyes mi rig thor tshugs can/ /yon tan gsum gyi 'bru 'brel ba/ /chu skyes bzhin du snying po med/ /'di yis thar pa mi rnyed pa/ /stug po de bzhin gshegs pa'i gnas/ /de ni rnal 'byor gyis 'thob ste/ /stug po rnal 'byor rig pa'i gnas/ /de bas tshul gcig tshangs pa'i bdag /rnal 'byor can rnams 'jug brtson par/ /'di la bdag gnyen gang dag kyang / /skye zhing 'chi ba yod med de/ /mi chod gzhig tu med pa ni/ /lus can kun gyi rnam par shes/ /bag chags kyis ni mi gos pa/ /sngon med dus nas byung bas so/ /yid kyi gnas ngan len bsags pa'i/ /spros pas kyang ngo cir mi 'jug /ji ltar lha rdzas chu skyes dang / /nam mkha' la yang phyag dar dang / /sprin gyi dri mas nyi zla la/ /de bzhin mi gos rnal 'byor can/ /ma bshol rab tu brtson par gyis/ /thams cad sangs rgyas byin gyis brlabs/ /rnal 'byor bde gshegs lha yi rdzas/ /rnal 'byor can gyi tshul skyed pa/ /tshul khrims can gyi tshul 'thungs te/ /ye shes can gyis shes 'thungs shing / /mchog gi ye shes 'thungs nas kyang / /'khor ba las ni 'da' bar gyis/ /'di la khams rnams gang yang med/ /phung po lnga dang rnam shes kyang / /ming dang gzugs dag rgyur byas shing / /lus can rnams kyi yid kyang skye/ /ji ltar me ni shing dbang gis/ /'bar te 'bar bar rtog pa med/ /de bzhin phung po shing rta stong / /ci phyir rnal 'byor 'jug mi bya/ /ri dgas sred dang dri za yi/ /gnas dang sgra tshogs snang ba ru/ /ri dgas bus pa la sogs mthong / /yang dag ma yin ltas bslad pas/ /de bzhin yul las byung ba'i sems/ /khab long lta bur 'khor ba ste/ /gang yang 'di la dngos med pa/ /'byung ba rnams dang 'byung ba yi/ /g.yo ba dro ba bsher sra bar/ /bus pa rnams ni rtag tu rtog /'byung ba sems kyi</font><hr>45.31a<br><font size=+1>

tshogs las na/ /ci phyir rnal 'byor 'jug mi bya/ /ji tsam ma zhig lus yod dang / /ji tsam du ni blo 'byung ba/ /de bar rnal 'byor ye shes la/ /ma gshol bsam gtan rab tu gyis/ /thams cad sgyu ma rmi lam ltar/ /'byung ba gsum kun rab tu ltos/ /smig rgyu chu zla lta bu na/ /ci phyir rnal 'byor 'jug mi bya/ /ji bzhin dri za'i grong khyer na/ /'gro ba'i spyod pa rnam par snang / /de bzhin lus la phung po'i spyod/ /ci phyir rnal 'byor 'jug mi bya/ /rmi lam dag na 'gro ba'i tshogs/ /ji ltar rmi lam rmi bas mthong / /de bzhin phung po'i gnas yin na/ /ci phyir rnal 'byor 'jug mi bya/ /sa 'di sa la sogs pa'i tshogs/ /'dus pa rdul gyi phung po yin/ /'di sems sems byung tshogs yin par/ /rgyal ba'i sras rnams kun lto shig /'byung ba chen po bzhi po rnams/ /phan tshun kun nas 'dus pa ste/ /gdeg pa la sogs ldan pa yin/ /ci phyir rnal 'byor 'jug mi bya/ /'di ni rlung dang mkhris pas myos/ /ro bslab lta bur gnas pa ste/ /byed pa gang yang yod pa min/ /ci phyir rnal 'byor 'jug mi bya/ /dbu ba'i gong bu lta bu kun/ /'gro ba gnas shing g.yo ba'i rnams/ /smig rgyu 'dra ba'i 'du shes su/ /rdza la sogs pa shin du rtogs/ /tshor ba chu bur lta bu ste/ /bde dang mi bder rtog pa yin/ /chu shing 'dra ba'i 'du byed rnams/ /zhig pa grugs pa snying po med/ /rnam par shes pa sgyu ma 'dra/ /de yi dngos la gnas pa med/ /rtswa shing gnas pa ji bzhin na/ /ci phyir rnal 'byor 'jug mi bya/ /'di ni rmi lam rnam myos 'di/ /'di ni sgyu ma bus pa 'drid/ /'di dag thams cad smig rgyu ste/ /de bzhin dri za'i grong khyer ro/ /gang rgyan 'di dag snang ba yi/ /khams gsum 'gro dang mi 'gro ba/ /de kun blo yis rtogs bya ba/ /'jigs med rgyal ba'i sras rnams kyis/ /nyes pa'i rgyu ni rtswa dang bcas/ /ye shes me yis rab bsregs na/ /</font><hr>45.31b<br><font size=+1>

lha rdzas bde ba yod par 'gro/ /rnal 'byor can gnas stug por yang / /'jigs med 'di ni mtshan ma med/ /mtshan ma bcings pa'i ngo bo can/ /mtshan ma med pa rtag tu bde/ /mtshan ma sems kyi spyod yul lo/ /sems kyi spyod yul bden pa min/ /bden pa blo gros spyod yul te/ /sems ni shes rab spyod yul te/ /mtshan mar gnas pa med pa'o/ /kye ma mtshan ma 'di kun yin/ /gnas gsum tshangs par bsgrags pa ste/ /mtshan ma ming dang yul rnams dang / /sgra la sogs pa kun brjod pa'o/ /dbang po kun gyi yul rnams ni/ /lus can rnams kyi 'ching ba'i rgyu/ /'ching bar bya dang 'ching dang rgyu/ /gang 'grol gang gis 'grol ba dang / /thar dang thar pa'i bde ba dang / /mthong ba'i chos la gnas pa dang / /bdag med pa ru shes nyid kyang / /'dod chags bcom par gyur pa na'o/ /de nas mi bdag rin chen gtsug /blo chen byang chub sems dpa' yis/ /rnal 'byor can kun dbang la smras/ /rdo rje'i snying po 'jigs med la/ /bye ba'i zhing rnams thams cad la/ /rgyal sras khyod ni brtson pa ste/ /rgyal ba rnams la khyod tshad de/ /rnal 'byor can la nye bar gnas/ /rnal 'byor the tshom bcod pa ste/ /dpe rnams grub par bya ba'i phyir/ /brtag bya yan lag thams cad dag /lus can rnams kyi lus skyes pa/ /tshul ni sgra yis brjod par mdzad/ /tshigs tu brjod par cir mi bgyi/ /gnad dang zung gis rnam par mdzod/ /mi zin pa yi rgyu rnams dang / /bgab zungs dor gyis gzhom par gyis/ /phung po'i rgyu rnams bsal bar mdzod/ /yang dag 'gyur ba med pa dang / /dge ba yis kyang mkhas pas so/ /ring po mi thogs thar pa 'thob/ /phung po'i rgyu rnams bsregs nas su/ /chos min chos kyi tshe 'byung ste/ /'di dang gzhan du'ang 'thob par 'gyur/ /shes pas sdug bsngal rnams las 'grol/ /sred pa yis ni rtag tu bcings/ /mi shes</font><hr>45.32a<br><font size=+1>

las dang sred pa yis/ /lus can rgya cher shin du byas/ /gzugs dang snang ba yid byed dang / /rnam shes yul la mngon gyur pas/ /myur phyir khong du mi chud pa/ /spyod yul du ni sems rgyu ba'o/ /yid sngon 'gro ba chos rnams te/ /lus can kun gyi de bzhin no/ /yid 'gro yid ni gces pa dag /yid du 'ong bas cir mi bshad/ /gang dang gang gi rdzas kyis su/ /mi rnams stug por 'grub pa yi/ /des ni de yi dngos 'gyur ba/ /sna tshogs gzugs kyi nor bu bzhin/ /ji ltar nor bu sna tshogs gzugs/ /tshon dang 'byor na rnam par mdzes/ /rnal 'byor can dbus khyod de bzhin/ /de bzhin gshegs gzugs sna tshogs kyis/ /dbang sgyur pho brang dge ba na/ /thams cad dag na snang ba ni/ /rgyal ba'i sras kyi mdun du byas/ /mya ngan 'da' dang mya ngan 'das/ /stug po mthar mchog ye shes te/ /chos kyi dbyings dang rdzu 'phrul yang / /stug de rnal 'byor can gyi gnas/ /de ni mtshon gyis mi chod de/ /de ni mes kyang mi tshig pa/ /mi chod pa dang mi phyed pa/ /de ni yul gnas rtag pa'o/ /de ni chus kyang mi gsher te/ /rlung gis kyang ni mi skam mo/ /de ni rdza ltar 'jig pa dang / /nan tan byas shes byung ba min/ /rtag pa brtan pa mi 'jig pa/ /skye can kun kyi rnam par shes/ /rgyu yis sun dbyung ma yin pa/ /'dra dang mi 'dra rnams kyi ste/ /dam bcas yan lag rnams kyi yang / /mtha' ma thug pa med par 'gyur/ /dam bcas pa yi dam bca' dang / /rgyu yi khyad par rgyu dag ste/ /de bas de la rgal du med/ /rtog pa can gyi spyod yul min/ /rnam par shes pa gzhan gyur na/ /de ni stug po sems spangs pa'o/ /rtog can rnams kyi yul ma yin/ /de bzhin gshegs pa'i pho brang stug /ma skyes sngon dang tha ma med/ /lhun gyis grub pa'i stobs las byung / /rgyu med pa dang las skyes min/ /dbang po chen pos byas pa'ang min/ /gzugs med gzugs dang 'dod pa las/ /yang dag 'das te</font><hr>45.32b<br><font size=+1>

gnas pa yin/ /'dod pa'i khams las 'das nas su/ /gzugs dang gzugs med 'du shes med/ /mun pa'i rgyu las rab 'das nas/ /stug po'i zhing ni rnam par mdzes/ /phyogs 'di mkha' las grub pa ste/ /rgyu can rnams kyi spyod yul min/ /yod dang med pa'i phyogs dang bral/ /gcig dang gzhan pa spangs pa'o/ /gces pa dang ni rang bzhin min/ /'dod rgyal dang yang dbang po min/ /khyu mchog gi yang phyogs ma yin/ /de bzhin rig can gsum gyi yang / /rdul gyi rkyen las byung ma yin/ /sgra rnams kyis kyang brjod du med/ /ngo bo nyid kyis bskyed pa min/ /'dod rgyal gyis kyang mi rnyed do/ /ma rig las dang sred pas min/ /mi shes las kyang smos pa min/ /khur med khur gyi yul yin te/ /'di ni sangs rgyas rnams kyi yul/ /lha rdzas de bzhin gshegs kyis mkhyen/ /sa bcu dag tu rnam par sbyangs/ /rnal 'byor can gyi sna tshogs yul/ /don gyi dam pa ston pa'o/ /las ci las min gang zhes te/ /byis pa rnams ni myos par gyur/ /las dang las min bshad pa ni/ /rnal 'byor can rnams bder gyur pa/ /sna tshogs snang ba rang sems te/ /lus can rnams kyi bdag nyid gnyis/ /phyi dang nang dang thams cad du/ /gzung dang 'dzin pa lta bur gnas/ /sems kyis sems ni mthong yin yang / /khong du mi chud bus pa rnams/ /kha gnyis sems de lus can gyi/ /yin kyang shes par ma gyur pa/ /bdag gi byed pa'ang de bzhin byed/ /yul lta bur yang rab tu snang / /rdza ma la sogs gzugs su gnas/ /rdza la sogs pa'ang yod pa min/ /'di yi don la thub pa dag /rnal 'byor nyam chung rnam par myos/ /rnal 'byor de yang mi rtogs pa/ /bdag gi rnam rtog lam gnas pas/ /sems 'di gnyis ka'i bdag nyid de/ /me long zla ba bzhin du gnas/ /ji ltar rab rib rab rib can/ /skra tshogs ltos shig ltos shig kye/ /phan tshun</font><hr>45.33a<br><font size=+1>

dag tu ston mod kyi/ /bdag nyes dbang po zhan byung gi/ /'di na gang yang skra tshogs med/ /rgyan dang nor bu dag kyang ngo / /yod dang med pa'i dngos po ltar/ /dbang po'i nyes pas mthong ba yin/ /de bzhin rtog can dbang gis 'di/ /bdag gi blo ni rdza ltar gnas/ /tshangs la sogs pa'i gnas thug par/ /rtog pa med pas rab tu 'dzin/ /gang 'di mang po snang ba dag /sna tshogs tshangs la sogs pa'i mtshan/ /sna tshogs thams cad bdag gi sems/ /rdza las sogs pa'i yon tan mtshan/ /nang du gyur pa'i gzugs rnams dang / /mtho ris gnas pa'i gnas rnams dang / /gang 'di phyi nang bya ba rnams/ /thams cad sems las byung ba'o/ /rgyan stug rnal 'byor gang yin pa/ /de ni gud na yod pa min/ /rnal 'byor can gyi bsod nams kyis/ /zhugs pa 'di la bslab par gyis/ /dbang sgyur lha rdzas gnas dag dang / /yang na gzugs can rnams gnas dang / /'du shes med pa'i gnas su 'am/ /'og ma yin pa'i gnas su yang / /cung zad med dang rnam shes dang / /'du shes yod pa ma yin dang / /sna tshogs kyi ni gnas dag tu/ /'dod chags kyi ni phyogs bshig na/ /khyod ni myur du der gnas pa/ /stug po rnal 'byor can gnas su/ /rgyal ba'i sras kyis mdun byas te/ /stug po der ni 'gro bar gyis/ /rnal 'byor de la spyad par gyis/ /bdag gi gnyen gyis ci zhig bya/ /bdag gi gnyen ni rtag tu 'ching / /'khor ba'i lam rgyud rgyu yang yin/ /dbang po rnams ni g.yo ba ste/ /bud med rnams la'ang blo 'khrul pas/ /khu chu khrag mnam mi zhim pa'i/ /'ji bar srin bu skyes gyur pa/ /dgu 'am bcu zhig pa dang yang / khu chu smin nas mngon par skye/ /dbang po rnams kyis kun yog pa/ /srin bu g.yo ba ji bzhin te/ /rim pa de yi tshul gyis na/ /ji srid sems can gnas bar du'o/ /lus can rnams kyi skye la ltos/ /tshe tsher de dag</font><hr>45.33b<br><font size=+1>

byung ba ste/ /pha dang ma ni stong dag dang / /bu dang chung ma brgya dag kyang / /thams cad gnas su rnyed pa ni/ /lus can skye la gnas pa'o/ /rmi lam dag na bu med pa'i/ /mo sham bu 'byung ji bzhin du/ /bu rnyed pa yi dga' ba dang / /rmi lam rmi tshe de nyid ldan/ /de ni shir gyur de nas de/ /rmi lam shes nas sad pa dang / /rmi lam gyi ni bu shi med/ /gang yang skye ba yod pa min/ /chu bo rab tshal bu dang ni/ /grong khyer dag dang ri rnams dang / /grong dang tshong 'dus phyugs lhas dang / /dka' thub tshal bu'i gnas rnams dang / /'gro ba dag gis rgyas pa'i yul/ /zhing dang ba lang lug gis gang / /'jig rten gyi ni longs spyod kyang / /de dang 'di dang gzhan du'ang snang / /ji ltar 'jig rten 'dir rgyug pa/ /rmi lam rgyug pa de bzhin te/ /gdeg dang bskum la sogs pa yang / /de dang 'dir yang snang ba yin/ /mkhas pas rmi lam gang mthong ba/ /skye ba med cing 'chi med par/ /slar sad nas su sems pa ni/ /bu mo mkhas pa dag yin no/ /ji ltar ri dang de'u rnams kyi/ /grib ma kun du snang ba bzhin/ /de ltar 'jig rten rmi lam yang / /mkhas pa rnams ni de bzhin bsam/ /ji ltar skyes bu nyal ba zhig /bud med lhan cig rtse dga' rmi/ /sna tshogs yid du 'ong ba dang / /lha rab btsun mo mnyam pa dang / /gzhan yang sna tshogs dngos pos te/ /sad nas rnam par sem pa ni/ /ci zhig bden nam rmi lam yin/ /rmi lam bud med lhan cig tu/ /rtses nas phyir ni bdag sad de/ /'di brdzun bus pa slu ba yin/ /de bzhin bdag gi gnyen pa kun/ /rgyal srid stobs kyang de bzhin no/ /dmag pa gyos po bu dag dang / /ma dang phu nu po dag kyang / /rmi lam lta bur rig bya ste/ /rnal 'byor sbyar bar jir mi bya/ /dka' thub tshal dang zhing rnams dang / /ri dang ri yi sman gshong dang / /'o ma 'byung</font><hr>45.34a<br><font size=+1>

dang ma la ya/ /lhun po byin dang dbang chen dang / /gangs kyi ri dang ke'i la sa/ /char 'bab la yang gang gnas dang / /'dzam bu 'bras bu'i khu ba dang / /gang dag bdud rtsi za ba dang / /phan du kam bal par ya tra/ /ko bi dar na gang 'khod dang / /ri rab nang na gang gnas dang / /dpag bsam shing la gnas pa dang / /rang rgyal rgyal ba'i sras rnams dang / /nyan thos rdzu 'phrul chen po dang / /thams can kyi ni rnal 'byor 'di/ /gang 'byung 'byung ba rnams kyi ste/ /pad mo'i gnas su brten bcas te/ /skyil mo krung du mnyam bzhag cing / /rtag tu rnal 'byor sbyang bar gyis/ /'dod dang bde las rnam par dben/ /dbang po dbang po'i don gyi rnams/ /thams cad las kyang phyir bzlog cing / /lcags kyus glang po ji bzhin du/ /sems ni mnyam par bzhag par gyis/ /'jig rten 'jig rten 'das bsam gtan/ /gang yang de bzhin gshegs pa'i dge/ /'dod dang dga' ba dben la sogs/ /yang na thams cad bsgrags pa dang / /khyad par du yang gzugs med dang / /'du shes med pa'i bsam gtan rnams/ /nam mkha' rnam shes mtha' yas dang / /'du shes yod min med min rnams/ /nyi ma dang ni zla ba'i dbyibs/ /pad mo dang ni 'od 'dra zhing / /nam mkha' ri mo me 'dra bar/ /rnal 'byor zhugs pas rab tu mthong / /'di dag thams cad spangs nas su/ /snang ba med par rab tu gnas/ /gang tshe mtshan med rnal 'byor can/ /rnam par mi rtog chags med na/ /sangs rgyas bye ba rnams kyang mthong / /zhing dang zhing na mnyam bzhag pa/ /de dag phyag gis dbang bskur bar/ /de yi spyi bor dbang bskur te/ /sangs rgyas sa la zhugs pa dang / /sna tshogs gzugs ni rab tu 'byung / /sna tshogs tshul gyi dngos thob nas/ /kun mkhyen thams cad rig par 'gyur/ /stobs dang mngon shes dbang yang 'thob/ /gzungs dang thams cad ting nge 'dzin/ /</font><hr>45.34b<br><font size=+1>

thams cad kyi ni 'byung gnas 'gyur/ /thub pa rnal 'byor skyed pa'i yang / /gzugs ni rdul du rnam gzhigs shing / /mchog rdul yan chad nyin dben phyir/ /yod las med par 'gyur ba ste/ /bong bu'i ba lang rwa mthong bzhin/ /cha shes med phyir cha shas can/ /phung po las ni phung can med/ /de bas las kyi 'bras gyur pa/ /'di ni sgyu ma'i bus byas bzhin/ /'di na las med 'bras bu med/ /las kyi sgrub pa'ang yod pa min/ /'jig rten byed pas ma byas te/ /byed pa byed pa ma yin no/ /byed la byed pa yod na ni/ /'di rnams thug pa med par 'gyur/ /thug med byas pa'i nyes pa yis/ /thub pa dri ma can du gyur/ /de ste lam rgyud sna tshogs rnams/ /chu dang nam mkha' sa gnas pa'i/ /lus can lus la kun gnas te/ /skye ba bzang po gnas su ste/ /ris su 'gro ba yod pas na/ /ji ltar 'dod par lus can 'gro/ /dbang po so so bya ba yang / /ji ltar 'dod par yul 'dzin te/ /'di ni rnam rtog rnam 'gyur ba/ /zho mar ji ltar 'o ma las/ /de bzhin skye dang gnas dang 'jig /las kyis byas par 'gyur sems na/ /rmi lam dri za sgyu ma sprin/ /brag cha dang ni glog 'dra ba/ /smig rgyu ri dgas sred pa ltar/ /dngos po rnam bsgoms rnal 'byor can/ /thog ma med nas bsags pa yi/ /mi yi rnam spros bag chags kyis/ /sna tshogs gnas ngan len pa dang / /sna tshogs rtog pas las su brtags/ /dbang po sgyu ma lta bu yin/ /yul rnams rmi lam 'dra ba ste/ /byed dang las dang bya ba yang / /rnal 'byor sgrub pas mi brtag go/ /rtog pa nyams pa'i rtog pa can/ /rnam myos shes pa nyam chung bas/ /byed par rab tu rtog pa ni/ /bya bas 'gro bar byas par te/ /'jig rten gces pas byas ma yin/ /rdul gyi rkyen las byung ba'ang min/ /rgyu med pas kyang byas ma yin/ /ngo bo nyid kyis byung ba'ang min/ /rdo rje</font><hr>45.35a<br><font size=+1>

lcags dang khab long dang / /rin chen phreng ba rgyan rnams kyis/ /ji lta bu yi las shig byas/ /nor bu gser du ming btags pas/ /bya dang ri dgas khra bo dang / /tsher ma rnams kyi rno dngos dang / /'gro ba sna tshogs ngo mtshar ba/ /rnam rtog las las ma skyes so/ /las ci gang las ma yin zhes/ /rtog can bden la myos pa ni/ /bden pa'i dngos por mi shes pa/ /'di ni rnam rtog las min du/ /'o ma'i nang na yod pa'i dus rjes su mi bde rnam par 'gyur/ /rnam par rtog pa'ang thams cad du/ /de bzhin dngos po rnams la 'jug /dngos po skye ba ma yin te/ /dngos po rnam par 'jig pa'ang med/ /rnam rtog sna tshogs de dag ni/ /rtog pa can gyis mi rig go/ /'gro ba'i ris kyi dngos po dag /rnal 'byor spyod pas rnam par gzhig /sbyar zhing rnal 'byor de la zhugs/ /las dang las min ma sems par/ /ris su 'gro ba'i dngos po yis/ /zla ba nyi ma rnam mdzes pa/ /rlung gis shin du bskyod nas kyang / /mkha' la rten pa med par 'gro/ /shin du phra zhing shes dka'i las/ /stug por gnas par rab tu mthong / /las de ci zhig yod par 'gyur/ /zhugs brtson rnal 'byor can dag la/ /ji ltar me ni shing gi ri/ /thal bar byed pa skad cig tu/ /rnal 'byor can gyi thams cad las/ /ye shes mes tshig skad cig du/ /las dang bag chags lhan cig du/ /mang po'i dus nas bsags pa dag /rnal 'byor ye shes bag chags kyis/ /thams cad zhig byed skad cig du/ /ji ltar sgron mas mun pa'i tshogs/ /skad cig tu ni bsal byed pa/ /ye shes sgron mas thub pa de/ /mi shes rnam par sel bar bya/ /rgyan stug po theg pa chen po'i mdo las bdag gi las kyi bya ba spyad pa zhes bya ba ste/ le'u lnga pa'o// // 'phags pa rgyan stug po/ bam po gsum pa/ 'jim pa rtswa mig thag</font><hr>45.35b<br><font size=+1>

pa las/ /ji ltar gnas pa'i khyim gyi rnams/ /phan tshun kun nas 'dus 'byor cing / /sa yi dbus na snang ba ni/ /re re la yang khyim med de/ /rdzas dang dngos la rnam brtags na/ /rdzas kyi rnam pa 'dus pa la/ khyim zhes bdags shing brjod pa ste/ /sor mo phan tshun kun 'dus na/ /ji ltar lag pa'i phu dung du/ /lag pa gnyis ni bsdus las 'gyur/ /tha dad pa las mi 'byung ngo / /g.yul dang shing rta bsnyems bral khang / grong khyer nags tshal de bzhin te/ /ri dang sprin dang dba' rlabs kyang / /brag cha glog dang 'dra ba'o/ /smig sgyu chu zla sgyu 'dra ba/ /snam bu rdza sogs grags pa ste/ /mkhas la dngos po thams cad kyang / /rmi lam 'dra bar kun du snang / /de bzhin lus khyim sna tshogs pa/ /bus pa'i lam rgyud dog pa na/ /khams kyis ri bzhin gyur pa ste/ /khyim ltar rtag tu mi brtan la/ /'byung ba med cing 'jig pa med/ /bdag las ma yin gzhan las min/ /rtag dang chad las rnam par grol/ /gzung dang 'dzin pa yongs su spangs/ /ji ltar dri za'i grong khyer ni/ /mdog tu zad kyang grong ltar snang / /de bzhin rang rtog rnam brtags pa'i/ /dngos po rnams kyang rab tu 'byung / /chos rnams smig rgyu lta bu ste/ /yod med rnam bral dge ba yin/ /rmi lam sprin ltar snang ba ste/ /rtsig ngos ri mo'i phug lta bu'o/ /zha bo long ba 'dra ba ni/ /dngos kun gcig gis gcig rgyu ba/ /rang bzhin rtogs par mi rung ste/ /rnal 'byor can gyis yang dag mthong / /rdul phran rnam par gzhigs pa dang / /rdul gyi dngos po mi gnas te/ /rang bzhin kun gyi mchog yin pas/ /rdul phran mchog ces de phyir brjod/ /de phyir blo ni phyir ldog ste/ /sgra la sogs pa'i yon tan spangs/ /rnal 'byor mkhas pa'i rnal 'byor can/ /de tshe ngal bso'i yid du 'gyur/ /ngal bso'i yid ldan rnal 'byor can/ /bcings pa kun las grol bas na/ /</font><hr>45.36a<br><font size=+1>

'di dang pha bir mi skye ste/ /bsam gtan tshul la mos pa rnams/ /sna tshogs rin chen snying po yi/ /gnas na dbang can de dag rtse/ /yon tan dbang byung nyes pa med/ /rig 'dzin bud med mang po dang / /thub pa rnams kyis rab mchod cing / /rmi lam bzhin du gnas pa yin/ /'di na gnas kyang tshangs pa dang / /thub dang thub pa'i bu rnams dang / /rig 'dzin tshogs kyis de bzhin te/ /spyi gtsug blta bar mi nus so/ /'di ni thub pa'i rnal 'byor yul/ /de bas bsam gtan brtson par gyis/ /'di ni kun gyi yul ma yin/ /de phyir grogs po bstan par gyis/ /brtan pa sa rnams sna tshogs dang / /'od can rnams kyi gnas su yang / 'dod chags phyogs dang bcas pa dang / /gti mug zhe sdang de bzhin du/ /bcom ste stug po rab yangs pa/ /yid bzhin zhi ba'i gnas su 'gro/ /de ni 'chi bdag yul ma yin/ /rnam shes spyod yul de bzhin min/ /mtshan ma med pa'i gnas yin te/ /rtog pas de bsgrub ma yin no/ /'di ni lha rdzas gnas yin te/ /thub pa rnal 'byor ldan pa yi/ /de bas zhing mchog de 'dod na/ /thub pas bsam gtan de la gyis/ /'dod chags zhe sdang rnam bcom ste/ /nga med nga yi 'gro med du/ /'dod chags zhe sdang mi bsam par/ /bsam gtan mchog la bsgom par gyis/ /phan tshun yul la 'dzin pa'i phyir/ /gnyis kyi blo ni rab tu 'byung / /yod med rtog pas de bzhin du/ /rnam shes rnams la kun gzhi'o/ /bud med ro smad shas rgyas shing / /skra bzang mig kyang mdzes pa dang / /sna lags 'phral ba'i dbyibs sdug la/ /smin ma stug cing blta mdzes pa/ /ji ltar la la der chags pa'i/ /yid kyis rnam par myos pa'i sems/ /lta zhing rnam par rtog pa'i tshe/ /mkhas min de la shin du myos/ /'gro 'dug 'greng yang de bzhin te/ /snom za gnyid kyis log pa na'ang / /'dod can</font><hr>45.36b<br><font size=+1>

gzhan du mi sems te/ /'dod pa can mo yid la byed/ /de bzhin khyod blo rnyog pa can/ /rnam pa kun du yid la gnas/ /rdzab yul rnyog dang ldan pa yi/ /bcings pa'i dbang du ma 'gro shig /ji ltar la la rtog pa can/ /blo yi spyod yul rnam 'khrul ba/ /ma he dag dang bal glang dang / /glang po dag dang bse rnams dang / /rang ga kri sna sa ra dang / /sha ra ba dang su ra dang / /smyan dang g.yag kyang de bzhin te/ /mgo dkar rna dang khyu mchog gi/ /ru chen rnam par mthong ba dang / /'di bden gzhan du mi 'gyur zhes/ /seng stag bong bu sogs pa yi/ /rwa rnams la ni med ces te/ /yod dang med pa'i lta ba yang / /mi mkhas rnams la rab tu 'byung / /de ltar gzhan gyi rwa mthong zhing / /bong bu'i med ces rnam rtog 'byung / /ji ste gzhan gyis ma mthong na/ /bong ru med snyam de mi 'byung / /log par dmigs pa'i rgyu'i phyir/ /'di na med ces rtog pa 'byung / /de la dmigs pa med pas kyang / /gdon mi za bar med la rten/ /rnyog can nga rgyal rtog yul la/ /blo gros spyod yul ma rton cig /ba lang ba men ma he rnams/ /rtog pas brtags pa ji bzhin te/ /de ltar khyod kyis sems spyod dang / /phung po skye mched spyod yul dag /mngon sum tshad ma dag gis sam/ /shes rab kyis kyang rnam par ltos/ /rnam grol mtho ris 'gro ba 'am/ /ji ltar 'dod pa bzhin du'ang 'gyur/ /tshangs pa'i gnas su tshangs par ram/ /mtshe ma rab dang gnas dben dang / /rin chen sna tshogs gnas su yang / /dbang sgyur rnam par mdzes par 'gyur/ /'od cung rgyas pa dag tu 'am/ /'dod khams bdag po dbang can nam/ /nyi zla bdag bdag gnas su 'am/ /gzhan yang 'od 'bar gzar yang rung / /sum bcu rtsa gsum rgyal chen dang / /'phrul la dga' ba'i gnas su yang / /tshangs gnas bcu dang ldan pa yi/ /rnal 'byor can ni rnam par mdzes/ /gya nom snang dang shin du mthong / /</font><hr>45.37a<br><font size=+1>

'dod med mi dos de bzhin te/ /'og min gnas kyi lha rdzas na/ /'og min shin du rnam par mdzes/ /cung zad med mkha' rnam shes dang / /'du shes yod med ma yin dang / /de bzhin 'phrul gyi bde can dang / /zhing bzang gzhan du de bzhin te/ /mkha' la 'gro dang spobs pa bzhin/ /'khor lo 'khor ba'i rigs su gnas/ /grol ba rnams kyi grol yul la/ /su gnas de dag rnal 'byor can/ /'dod chags stobs las sngon rgyal ba/ /de dag bzang po'i sa la gnas/ /'di lta'i rnal 'byor ldan pas na/ /rnal 'byor la ni thub par rtse/ /rdza ma 'jig pa'i gyo mo yi/ /ji ltar rgyur yang 'gyur ba dang / /skad cig 'jig la skad cig ste/ /mi rtag nyid kyang rtag pa yi/ /sa bon ji bzhin myu gu la/ /rgyu rnams de dag 'dra ba yin/ /myu gu gzhan min sa bon las/ /sa bon nyid kyang myu gu min/ /sa snar rnams las rdza snar 'byung / /tshos dam dmar rur mngon par 'byung / /gnag dang snar dang 'dres pa dang / /gro bo dmar po dag kyang ste/ /'dam bu las ni sgog par 'gyur/ /rwa las lan tshwar de bzhin te/ /mi gtsang sbrang bu dag las kyang / /srin bur 'gyur gzhan mi 'dra mang / /rgyu dang 'dra ba'i 'bras bu ni/ /sa rnams gang na'ang yod pa min/ /gyur pa'i rgyu las 'bras bu 'byung / /rdul phran gang dag rgyur 'gyur ni/ /dngos po 'jig pa med par te/ /rnam par rtog la mi rtog cing / /rgyu yi bdag dang nang gi bdag /bdag gi mchog kyang med pa ste/ /bdag dang dbang po yid dang don/ /'dus pa'i rgyu ni ma yin te/ /phrad las 'byung dang rnam shes dang / /rkyen rnams yod pa ma yin no/ /shes can shes pas yul rnams la/ /mkhas pa'i stobs dang ldan pas ni/ /sde dpung stobs dang bzhon bcas pa'i/ /nyon mongs bdud rnams gdul bar bya/ /sred pa 'jig rten dma' bar byed/ /sbrang rtsis bad kan mang po bzhin/ /sred pa bcom zhing thub pa'i rnams/ /</font><hr>45.37b<br><font size=+1>

rnam pa mang las rnam par grol/ /sred pas rnam par dkrugs pa na/ /'khor las rnam par mi 'grol te/ /sred dang rnam bral 'thar bar 'gyur/ /de bas rnal 'byor sbyar bar gyis/ /yun ring yod pa'i bag chags ni/ /sbrul gdug khros pa ji bzhin yang / /'di dang pha bir 'drid pa ni/ /'khor ba'i lam rgyud dog par ro/ /'phags pa rgyan stug po las rnal 'byor rnam par phye ba'i spyod pa zhes bya ba'i le'u ste drug go/ // sangs rgyas rnal 'byor rnam phye dang / /bdag ldan de yi byin gyis brlabs/ /rgyal ba dag dang rgyal ba'i sras/ /bye ba'i zhing na bzhugs pa dang / /khams gsum gnas pa thams cad dang / /sa gnas rnal 'byor ldan pa dang / /bde yod zhing dang stug po ste/ /rnal 'byor can gyi zhing mchog dang / /sangs rgyas pad mo'i dbus bzhugs pa/ /rdul phran bzhin bzhugs bdag gis mthong / /rnal 'byor de las bdag langs nas/ /sa la rgyal ba de dag ni/ /stug po'i zhing na bdag bzhugs shing / /rgyal sras thabs cig bzhugs pa dag /me tog a ta si 'dra ba'i/ /mkha' la zla 'dra bzhin bzhugs mthong / /mthe bo'i tshigs dang rab 'dra ba/ /sa rnams dge la rab sbyor ba'i/ /rnam grol snying po bdag gis mthong / /'di na bu khyod su zhig ces/ /snying po de ltar sems gyur te/ /thub pa 'di ni gcig cig snyam/ /de tshe sku ru zhugs par gyur/ /'gro ba rnams kyang skur zhugs nas/ /thub pa pad mo'i snying po yis/ /sangs rgyas rnams kyi longs spyod dang / /khams gsum kun na gnas par yang / /gang tshe mthong ba de dus na/ /kye ma mtshar ces bsam pa dang / /de tshe thub pa lha yi lhas/ /rnal 'byor yul ni rab bsdus te/ /thub pas sngon bzhin bzhag par gyur/ /kye ma bsam yas lha rdzas 'di/ /rnal 'byor can gyi sna tshogs gzugs/ /sangs rgyas lha yi yul yin te/ /bsam gyis mi khyab bdag gis mthong / /chos kyi</font><hr>45.38a<br><font size=+1>

sprin gyi ting 'dzin dang / /dga' dang mi g.yo de bzhin te/ /ring song mngon du gyur pa dang / /'od byed pa yi ma lus par/ /sgyu ma dpa' bar 'gro la sogs/ /gzi brjid can yang ma lus par/ /gzugs rnams kyi yang yul yin te/ /'og min thabs las byung ba'o/ /de ni yid bzhin 'gyur sku yis/ /dbang gi yon tan brgyad po rnams/ /phra tshogs che ba'i yon tan dang / /'thob dang 'dod 'byor bsgrags pa dang / /bdag po dbang dang ldan pa dang / /ji ltar 'dod par rung ba'i rnams/ /thob nas stug po'i dbus yul na/ /rnam par gnas shing rab tu rtse/ /sprul pa'i lha rdzas stug po nas/ /phyin pa dge ba de dag kyang / /lhun gyis grub pa sangs rgyas kyi/ /'phrul pa rnams ni rab tu 'gyed/ /rgyal ba rnams dang rgyal sras su/ /thabs gcig bzhugs par kun na snang / /de ltar sa 'di sna tshogs te/ /rang gi gzugs ldan rnams kyang 'dres/ /cha las phyir ldog de yi tshe/ /bya ba byas pas stug po'i gzhi/ /shes pas bcad cing mkhas pa'i rnams/ /thub pa dag gis stug po mthong / /gzhal med pad mo 'dra ba na/ /me ltar rab tu 'bar ba yin/ /thub pa rnal 'byor bde mos pa/ /rnal 'byor can dang lhan cig gnas/ /dpal be'u mtshan dang thams cad ldan/ /phra ba'i lus can rang gi 'od/ /de dag dbus su thub pa'i dbang / /khyod ni gnas par rab tu 'gyur/ /ltos shig lha yi cod pan dang / /dru ma mi 'am ci yi bdag /gzhal med bye ba mang po yis/ /zla ba bzhin du rab tu 'bar/ /thub pa rnams dang rgyal ba'i sras/ /dga' ldan la sogs lha yi mchog /a ta sa yi me tog 'dra/ /shes rab bzung zhing mtshan mang ba/ /phreng ba cod pan thogs pa'i rnams/ /gzhal med mang pos gnas pa ste/ /lus ni rab tu 'bar ba dang / /kun mkhyen thams cad mngon gyur pa/ /thogs pa med pa'i spobs pa dang / /kun du bzang po stobs chen te/ /</font><hr>45.38b<br><font size=+1>

zla ba 'dra ba'i gzhal med kyis/ /stug po'i gang chen mtsho la gnas/ /rnam pa du mar thams cad nas/ /thub pa rnams kyis bstod pa ste/ /chags med tshangs pa'i khyu mchog dang / /grub dang dri za tshogs rnams dang / /mkhas dang nges par ldan pa yi/ /skyes bu'i tshogs kyi bdag po dang / /rgyal ba'i sras kyis mdun du byas/ /rnal 'byor spyod pas khyad par du/ /gzims pa lta bur mthong ba ni/ /de dag le lo bral bas te/ /gnyid dang snyom sogs bsrabs pa yis/ /sangs rgyas lha yi rjes su 'brang / /mur 'dug kun gyis mthong gyur cing / /de bzhin lha dang tshangs la sogs/ /'dzam gling pa dang 'og min dang / /'phrul gyis sprul pas thub mthong ba/ /'gro bas sna tshogs kun gzugs su/ /sa la kun nas zhugs par te/ /cho 'phrul rnam pa mang po yis/ /mgon po shin du rnam par mdzes/ /la la nyal zhing rab tu 'bar/ /de bzhin gzhan dag phan tshun 'chag /la la g.yen spyo brel cing sgom/ /de bzhin gzhan yang mya ngan 'da'/ /la la mngal du 'jug pa dang / /skye dang 'byung dang dka' spyod dang / /byang chub rnam par 'tshang rgya zhing / /chos kyi 'khor lo skor bar ro/ /sangs rgyas nyid dang sangs rgyas yul/ /sangs rgyas ye shes bla na med/ /rgyal ba'i sras po 'jigs med pa/ /de dag kun gyis 'thob 'gyur te/ /thub pa shAkya'i seng ge yis/ /ji ltar brnyes bzhin grogs po rnams/ /rgyal sras 'jigs pa med pa yis/ /'di dag kun la yid ches kyis/ /yid ches gyur na sangs rgyas sam/ /thar bar 'gyur ba the tsom med/ /'khor lo 'khor ba'i rgyal por 'gyur/ /spobs can khams kyi bdag po dang / /tshangs la sogs pa'i gnas su yang / /gnas 'gyur 'khor gyi bdag por 'gyur/ /dri med zhing gi pad mo la/ /thub pa'i dbus su skye bar 'gyur/ /pad mo'i dbus su skye ba yang / /brtson 'grus ldan pa'i sras kyis 'thob/ /brtson pas bdud las</font><hr>45.39a<br><font size=+1>

rgyal bar 'gyur/ /bags chags 'dod pa'i rgyu las kyang / /'dod bdag bdag po pham byas shing / /theg pa gcig la rab tu 'jug /brtson 'grus ldan zhing zhi med pa'i/ /rigs kyang thub pa rab tu ston/ /sras po yangs pa'i rigs gyur cing / /zhing dang zhing du bdag por 'gyur/ /sangs rgyas nyid du smon sems na/ /sangs rgyas rigs ni rnam par dag /rnam dag rigs ni rnam par dag /rnam dag rigs can sras de ni/ /sangs rgyas rnams kyis lung bstan te/ /myur du sangs rgyas ci 'dra ba/ /de bzhin thub pa 'tshang rgya'o/ /rnam sangs rgyas nas nyer 'tsho ba/ /tshangs la sogs dang rnal 'byor can/ /sa ltar rtag pa'i dus su yang / /lus can rnams la nye bar gnas/ /thams cad sman gyi rnal 'byor can/ /ji ltar grong dang grong gnas pa/ /nad rnams rab tu sel ba ltar/ /rab tu mkhas pa de byed pa/ /rnam rtog med pa'i yid kyis te/ /bcad kyang g.yo zhing 'gul ba med/ /'di ni rnam par rig pa tsam/ /yid ni nang dang phyir yang spyod/ /bdag dang bdag gi med pa ste/ /nor bar mthong zhing mi g.yo'o/ /yid kyi rnam shes yul can gyi/ /kun gzhi kun nas gnas pa ste/ /gcad dang gcod par byed pa dang / /de nyid gcad bya gcod pa'ang yin/ /lus can kun gyi kun gzhi ni/ /las kyi bag chags rnams kyis yog /khar ba nor bu nyi ma dag /ldan las me 'byung ji bzhin te/ /gtsub ma gtsub stan 'dus las min/ /mis kyang byas pa ma yin no/ /de bzhin sems yid rnam shes dang / /dbang po don dang yid dang las/ /sems rnams rab tu skyer gyur pa/ /rgya mtsho'i dba' rlabs ci bzhin no/ /smig rgyu nam mkha' sgyu ma dang / /rmi lam ma yin nor ba'ang min/ /sbal pa ru sbal spu dag dang / /ri bong rwa dang mnyam pa'ang min/ /me ni shing las skye bar 'gyur/ /glog ni de bzhin sprin las so/ /med la skyed pa su 'ang med/ /rdza sogs rdza mkhan lta bu'o/ /</font><hr>45.39b<br><font size=+1>

ji ltar rtswa dang shing dag la/ /brten cing lhan cig sgyu 'byung ba/ /de bzhin mos la sogs pa kun/ /sems dang sems byung lhan cig gnas/ /sems kyi yul ni bsam du med/ /stug na gnas pas legs par mthong / lha rdzas sngon med lhan cig skyes/ /mya ngan 'das dang nam mkha' bzhin/ /so sor ma brtags 'gog pa ltar/ /dus gsum rnam par spangs pa ste/ /'od can rtag tu dag pa ni/ /lus can kun gyi kun gzhi'o/ /dang po tshes pa'i zla mdog ltar/ /bye ba'i zhing du snang ba ste/ /ri rab gnas shing 'khor ba yang / /dngos po 'jig pa ma yin no/ /de bzhin yid sems rnam par shes/ /sems can khams na 'khor mod kyi/ /de la 'phel zhing 'bri med de/ /rtag tu rang bzhin 'od snang ba'o/ /ji ltar zla ba skye 'bri bar/ /mi shes 'gro ba rnam rtog kyang / /skye 'bri zla la yod pa min/ /gling dang gling du'ang rab tu snang / /de bzhin kun gzhi rnam shes la/ /byis pa mi shes 'gro rnams kyang / /rtag tu skye brir rnam rtog ste/ /de ni zag med sangs rgyas so/ /kun gzhi 'di la ji ltar yang / /'byung bas tha dad mi 'gyur te/ /'jug pa'i rnam shes song gnas pa/ /bag chags kyis ni zla ba bzhin/ /chu klung dbus kyi shing lta bur/ /chu bo'i klung dang 'grogs mod kyi/ /tha dad mtshan du'ang rab tu grub/ /rgya mtsho chen por de bzhin 'gro/ /de ltar kun gzhi rnam shes kyang / /rtag tu bag chags ldan 'gyur ba/ /rnam par shes pa bdun po dang / /'grogs kyang 'dre ba med pa ste/ /kun nas nyon mongs rnam byang dang / /rnam par dag pa'i rgyu yang de/ /chos mthong 'phags pa rnams kyi yang / /de ni rnal 'byor mnyam bzhag pa/ /byol song mi dang lhar skyes dang / /sha za lto 'phye yi dgas dang / /lha min dri za 'bar ba yi/ /lam rgyud kun kyang de yi dbang / /sangs rgyas kun kyi gzhi mdzes la'ang / /de nyid rgyur ni gyur pa ste/ /de rtogs nas ni sangs rgyas dang / /</font><hr>45.40a<br><font size=+1>

rigs dang theg pa gzhan min 'gyur/ /thams cad lus la rtag tu gnas/ /spyod 'os yod la rnam par 'dug /dpal dang ldan la khyad par du/ /thams cad kun kyang rab tu gnas/ /rab dang 'bring dang tha ma la'ang / /'gro ba dog pa thams cad na/ /de ni kun du gnas pa ste/ /lus can rnams kyi lus la rten/ /'bras bu'i bdag dang rgyu yi bdag /nang gi bdag kyang de nyid la/ /byis pa rnams kyis khor zug brtag /de yi dbyings la thog ma med/ /gnas ngan len dang las kyis bskyed/ /bag chags thog ma med pas bsags/ /'tsho zhing gso bar byed pa ni/ /rnam par shes pa bdun po ste/ /yid ni rtag tu rlung dang mnyam/ /g.yo zhing myur bar rab tu 'jug /lus can rnams kyi lus gnas shing / /khams kyi gong la gnas pa'o/ /las kyi rlung gis bskyed pa ni/ /dbang po rnams la khyab par gnas/ /rnam shes bdun dang lhan cig tu/ /dba' rlabs bzhin du rgyu ba ste/ /rdul phran dus dang gtso bo dang / /de bzhin skyes bu dbang bcas su/ /kun gzhi gcig pu dge ba de/ /rtog pa can gyis ther zug brtag /rtag tu sna tshogs rnam pa'i gzugs/ /g.yo zhing myur 'byung byed pa ste/ /kun gzhi sa rnams thams cad du/ /phyi nang bcas par gnas pa yin/ /de ni sa yi rgyu yin par/ /rgyu can rnams kyis brtag pa ste/ /de yi 'gro ba shin du phra/ /rtog pa can rnams myos par byed/ /bdag don dbang po yid mos pa'i/ /yang dag ma mthong myos par 'gyur/ /sngon gyi las kyis bskyod pa yi/ /rnam par shes pa sred pa'i rgyu/ /sna tshogs gzugs can 'gro ba dang / /mi rnams kyi yang rgyu yin no/ /'jigs med rgyal ba'i sras rnams la/ /rdo rje'i snying pos yang smras pa/ /kun gzhi dang lugs dge ba ni/ /rgyal sras rnams kyis mthong thos te/ /kun gzhi'i mchog tu dge ba ni/ /thams cad lus la zhen pa ste/ /sum bcu rtsa</font><hr>45.40b<br><font size=+1>

gnyis mtshan ldan zhing / /rnam pa sna tshogs gzugs mnga' ba'i/ /rgyal ba 'khor lo 'khor bar yang / /sa rnams la lar 'gro bas mthong / /ji ltar zla ba skar tshogs dang / /lhan cig mkha' la gnas pa ltar/ /rnam shes rnams dang kun gzhi yang / /de bzhin lhan cig lus la gnas/ /ji ltar dbang gis sgyur ba'i lha/ /lha yi bu mos mdun bdar cing / /rin chen dbus na rnam mdzes pa/ /de bzhin kun gzhi sa rnams la/ /ji ltar chu dbang chu yi lha/ /chu klung rgya mtsho mching rnams la/ /ji bzhin skye ldan sa yang ste/ /de bzhin sems ni rnam par mdzes/ /ji ltar gzhal med gnas pa'i gnyi/ /ri rab logs na rnam par mdzes/ /lha rnams kyis ni phyag kyang bya/ /de bzhin kun gzhi sangs rgyas sar/ /sa bcu dag la lhan cig tu/ /spyad pa spyod pa rgyal ba'i sras/ /theg pa chen pos phyung ba ste/ /lus la gnas pa rnam par mdzes/ /rjod pa'i zhal gyis rtag par yang / /rgyal ba rnams ni kun nas bstod/ /nyan thos rnams dang rang rgyal dang / /rgyal ba'i sras rnams khyad par du/ /sa dang sa la rnam dag pa/ /rgyal ba'i sras shes mngon bsgrags dang / /rgyal ba dag dang rgyal ba'i sras/ /de dag kun gzhi 'di la brjod/ /lung ston lung bstan 'gyur ba yi/ /rgyal sras rgyal ba de bzhin te/ /kun gzhi dri med bsod nams kyis/ /de bzhin gshegs par 'gyur ba yin/ /'di lta bu yi kun gzhi'i yul/ /stug na gnas pa'i rnal 'byor can/ /thub brtson rnal 'byor spyod pa yis/ /rab tu mthong gis rnal 'byor gyis/ /sangs rgyas dag dang rang sangs rgyas/ /nyan thos rnams dang mur 'dug gzhan/ /de nyid rtogs nas mthong ba ni/ /rnal 'byor 'jigs med rnal 'byor ro/ /rnam par shes pa'i spyod yul gang / /'di ltar snang ba ci 'ang rung / /rnam par shes par gyur pa ste/ /rdza la sogs pa sa ma yin/ /'di ltar nor pa gang snang ba/ /</font><hr>45.41a<br><font size=+1>

sna tshogs rdza grags ci 'ang rung / /de ni kun gzhi gyur pa ste/ /snang ba nor pa'i mtshan nyid do/ /kun gzhi chu klung de bzhin du/ /sna tshogs snang mngon 'gro bas mthong / /bag chags rnams kyis bsgos pa'i sems/ /gzung dang 'dzin pa rab tu 'khor/ /dngos po sgyu 'dra ma yin te/ /skra yi tshogs dang smig rgyu min/ /skyes dang ma skyes ma yin te/ /stong dang mi stong rnam par spangs/ /dngos su gcig med mi 'gyur te/ /ring dang thung la sogs pa bzhin/ /sgyu ma'i rang bzhin skyes pa ni/ /gang na ci 'ang yod pa min/ /de ni rig sngags sgyu ma ste/ /skyes bu rnams la rab tu snang / /smig rgyu sgra la sogs pa'i tshogs/ /gnyis las nye bar mngon pa ste/ /gcig med par ni gnyis po yang / /ma byung 'byung bar mi 'gyur te/ /sgyu la sogs pa rnam brtags pa/ /'di ni rnam shes gyur pa'o/ /sgyu med sgyu zhes bya ba yi/ /dngos po gang dang gang yang med/ /ci 'ang rung ste gang yod pa/ /sgyu mas byas pa'ang yod pa yin/ /myos par byed pa 'jig rten na/ /sems la dbang med rnams la yod/ /sgyu ma dag gam gyo mo dag /sna tshogs sgyu mas ma byas te/ /g.yo ba gang dag ci 'ang rung / /de ni snang min sus mi mthong / /'di la rnam rtog g.yo ba ni/ /khab len dag la lcags bzhin te/ /sems can med la mi rtog pa'i/ /shel sgong nor bu ji bzhin no/ /kun gzhi kun nas sna tshogs pa/ /byed pa bzhin du snang ba ste/ /skya zhing 'chi bar 'gyur mod kyi/ /'khor ba po ni gang yang med/ /rmi lam 'dra bar skye shi dag /rab tu mthong na rnam par 'grol/ /thub pa gang tshe gyur pa na/ /grol ba zhes ni brjod pa ste/ /rigs dang gzhung gis brtan pa ni/ /sangs rgyas khyu mchog de yin no/ /thams cad chos la me long bzhin/ /srang yin de bzhin tshad ma ste/ /dngos po kun la sgron ma bzhin/ /khab blang ba yi rdo ltar gnas/ /rnal 'byor lam gyi mtshan nyid de/ /'jig pa rnams kyang rnam par bzlog /</font><hr>45.41b<br><font size=+1>

bsam gtan pa yi bsam gtan mchog / rnam par byang ba'i rgyu yin no/ /kun nas nyon mongs zad par byed/ /lam yang rnam par sbyong ba'o/ /dam pa'i don gyi spyod yul te/ /'gyur ba rab tu ston pa'o/ /'phags pa rgyan stug po las le'u bdun no// // de nas byang chub sems dpa' sems dpa' chen po rdo rje'i snying pos phyogs bcur bltas te/ gtsug gi rin po che'i 'od zer gyis 'jig rten gyi khams thams cad dang / dbang byed kyi gnas dang / nor bu rin po che'i snying po'i pho brang na gnas pa'i rgyal po'i sras rnams la'ang snang bar byas te/ byang chub sems dpa' sems dpa' chen po yang dag pa ji lta ba bzhin du dgod pa ston pa la smras pa/ yang dag pa ji lta ba bzhin du 'god pa ston pa kha ba yod pa'i ngos la ri dgas thams cad gsod pa zhes bya ba'i ri dgas kyi rigs shig yod de/ de ni gcam sgyu brgya stong gis ri dgas mang po nye bar brid cing thabs la bab pa'i ri dgas rnams bsad cing za'o/ /ri dgas drus ma phru gu dang bcas pa mthong na'ang phru gu'i skad du 'bod do/ /ri dgas rwa can mthong na'ang rwa de dang 'dra bar bsgyur te gan du 'gro'o/ /de nas de dag de la bag rton pa dang / des de dag bag rton par rig nas bsad cing bsad cing za'o/ /rwa mthong na'ang rwa'i gzugs su bstan te/ de dag bag phab nas ji ltar 'dod par bsad cing bsad cing za ste/ ji ltar ri dgas zhes gtum pa'i ngang tshul can de rnam pa sna tshogs kyis ri dgas gsod pa de bzhin du kun gzhi rnam par shes pa'ang phas kyi rgol ba mur 'dug bdag tu smra ba la mngon par zhen pa/ bdag gi chos nyid kyi rnam par gnas pa/ 'dzin pa de dang de dag gis bcings pa de dang de dag la de lta de lta bu'i rang bzhin gyi bdag nyid kyis bdag tu smra ba yongs su rtog cing rdul phra mo yan chad du rab du shes par byed pa de dag la de'i bdag tu 'dzin pa nyid du gnas pa ni gzhan du rnam par shes pa tsam du mi gnas pa'i bar du ste/ bdag yongs su rtogs par byed pa rnams kyis ni yid dang dbang po dang don du ldan pa las shes pa skye ba mthong gi/ bdag dang yid dang / </font><hr>45.42a<br><font size=+1>

dbang po dang / don 'dus pa'i rgyu las ni ma yin no/ /dper na me tog dang gos su phrad na gsung gi khyad par du 'gyur gyi/ ma phrad par ni bsung dmigs par mi 'gyur ro/ /de bzhin du sems dang / sems las byung ba dang / yid dang rnam par shes pa rnams ma gtogs par don de ma yin par gyur pa snod dang bdar lta bu'am/ me mar dang rdza lta bu'am/ smig lo dang i shi ka lta bu gzhan ni gang yang med de/ rgyu dang rkyen las sems dang sems las byung ba'i tshogs rab tu 'byung zhing bdag med la phra ba dang / bskyed du mi rung ba dang / cha med pa dang / dag cing thog ma nas 'od snang ba dang / yul rnam par rig pa'i rnal 'byor can rnams kyi 'phags pa so so rang gis rig pa'i spyod yul ma gtogs par rtogs par byed pa rnams kyis mi dmigs so/ /'di nyid ni ri dgas kyi gcan zan zhe gtum po lta bur 'jig rten rnams la yod pa dang / med pa dang / gcig pa dang / mang po dang / thams cad dang / thams cad ma yin pa'i lta ba skyed par byed pa ste/ lus can rnam par rig pa tsam du khong du ma chud pa'i rnams bdag dang bdag gir smra ba la mngon par zhen par yang ltung bar byed do/ /mi shes pa'i phyir chos khong du chud pa'i blos 'khor ba'i rgyud kyi 'khor lo la zhon zhing 'di dang pha bi nas rab tu rgyug ste/ dge ba'i bshes gnyen sangs rgyas dang byang chub sems dpa' dang bral ba/ rang gi phyogs las ring ba bas kyang ches ring bar nyams pa'i blo can/ 'phags pa'i lam gyi yan lag brgyad thob par mi nus pa/ theg pa gsum las 'ga' tsam la'ang mi 'jug pa'i rnam pa 'dzin pa las rnam par phyir ldog pa ma skyes kyi bar du 'phags pa'i bden pa mi mthong bas/ stug po'i dkyil 'khor gyi skal ba can rnams kyang stug po'am stug po'i sgra yang mi thos so/ /yang dag pa ji lta ba bzhin du 'god pa ston pa 'di ni rnal 'byor can rnams kyi lta ba yongs su sbyang ba ste/ 'di la khyod dang byang chub sems dpa' gzhan gyis</font><hr>45.42b<br><font size=+1>

kyang brtson par gyis shig /sangs rgyas kyi zhing stug por 'jug pa'i gtam gyi tshul yang rnal 'byor can rnams la ston cig /rang gi rnam par rig pa'i yul zhes bya ba ste le'u brgyad do// // khab long rdo la ji ltar lcags/ /yongs kyis kun du rab 'khor ba/ /de bzhin phung po'i shing rta ste/ /stong zhing bags chag byung ba 'khor/ /rtswa dang 'jim pa shing smig dang / /thag pa rnams su 'dus tshogs las/ /khyim du ji ltar snang gyur pa/ /de bzhin phung po'i gzugs 'di'o/ /lcags dang khab long ro langs la/ /sems can nye bar dmigs med kyang / /thams cad sems can lta bur g.yo/ /de bzhin phung po bdag med pa'o/ /rgyal sras phyag na rin chen gyis/ /gzugs mang rgyal mchog la smras pa/ /mnyam bzhag rdo rje'i snying po la/ /rgyal po khyod kyis dri bar byos/ /rgyal sras 'jigs med mkhas pa'i rnams/ /kun gyis thos par 'gyur ba ni/ /brtag bral brtag par mi nus pa/ /brjod pas rnam par spangs pa ste/ /ming dang ming can rnam bral ba/ /'on kyang 'du ba de bzhin te/ /sna tshogs gyur pa'i sa 'di yi/ /rang bzhin ci dang cir gnas pa/ /de nas gzugs mang rgyal po yis/ /rdo rje snying po 'jigs med la/ /rjes su 'brel ba'i skabs dris pa/ /dngos po don gzhan brtag pa ste/ /rdo rje'i dbang po'i dngos po gang / /la la rab tu brtag bya ba/ /ming dang 'du shes sogs pa'i yul/ /yod dam rdo rje snying pos smros/ /ming rnams sus byas ji lta bu/ /ming ni ci la rab tu gnas/ /mi mgon tshig ni thos pa dang / /rdo rje'i snying pos de la smras/ /'di dag thams cad ming tsam ste/ /'du shes tsam la rab tu gnas/ /brjod las tha dad gyur pa yi/ /brjod par bya ba yod pa min/ /phung po bzhi po ming yin te/ /gzugs kyang tsam zhes rnam par brtag /</font><hr>45.43a<br><font size=+1>

tsam la ming du btags pa ni/ /skyes bu 'di zhes bya ba ste/ /tsam la mtshan ma zhes bya bar/ /rgyal ba rgyal sras dag gis gsungs/ /mtshan ma med par ming du ni/ /de dag rnam par rtog mi nus/ /de bas mtshan ma rten byas shing / /ming du kun nas brtag pa yin/ /ji ltar lding dang lnga byid dang / /bar pa nga yang yod pa min/ /mtshan ma med par ci yang rung / /byis pas de la rnam mi brtag /de bzhin sa 'di thams cad kyang / /mtshan ma med par yod pa min/ /ci yang mtshan mar mi rtog pa/ /mtshan ma yod na rnam par brtag /rdza dang snam bu shing rta dag /gzugs yod pa la rnam par brjod/ /'jig rten 'di ni 'di tsam ste/ /gzugs tsam rnam pa gzhan mi 'gyur/ /tsam la ming du brtags pa ste/ /'di la yang dag ming yod min/ /ming med rnam par bral bar yang / /sa rnams thub pas mthong ba na/ /rnam par rtog pa rab tu 'jug /rnam rtog med pa mi skye'o/ /tsher skye med pa gzhan gyur pa/ /mi zad de la skye bar 'gyur/ /rgyu med phyir na ming med de/ /'du shes tsam la rnam par rtog /de bas rgyal pos rtag par yang / /'du shes ma yin 'du shes sgoms/ /'di dag thams cad 'di tsam ste/ /thams cad las ni gzhan med do/ /tsam ni gzugs su shes par bya/ /de bzhin lus dang gzugs dang dbyibs/ /cha lugs ring dang sku yangs te/ /mtshan ma dang ni rnam grangs gcig /'du shes ming dang rnam rtog dang / /brjod dang khyad par lhan cig ste/ /tsam dang mtshan ma 'du shes su/ /spyod par rab tu gdags pa ste/ /tsam la gnas de ming rnams kyang / /kun rdzob don du rnam par brtags/ /brjod pa med par dngos po ni/ /ma byung 'byung bar mi 'gyur te/ /rnam shes rnams kyi 'byung ba yang / /rtogs bya med par yod pa min/ /rtogs bya ming dang tsam po ni/ /sa rnams thams cad de nyid de/ /dngos po gang la gang ming</font><hr>45.43b<br><font size=+1>

gis/ /brtag par bya ba de bzhin med/ /'di ni chos rnams chos nyid de/ /brtags na gnas pa med pa'o/ /'di dag thams cad ming tsam ste/ /'du shes can gyi dngos po med/ /de med pas na ming med de/ /ming med pas na rnam mi brtag /rnam par mi rtogs zhir 'gyur ba/ /bsreg pa tshig pa'i me bzhin te/ /khur tsas ji ltar khur bkur ba/ /de dang tha dad mtshan can te/ /de bzhin tsam ni ming gi khur/ /de dang tha dad mtshan nyid khyer/ /sems la tsam zhes rnam par brtags/ /ming gis tsam du sems tsam gyis/ /'di ni skyes bu sdong po zhes/ /ci yang rung ste ming tsam brtag /'byung ba rnams dang 'dus pa dang / /tsam yang gzugs la rnam par brtag /tsam po med par 'byung ba yi/ /tsam zhes bya ba mi dmigs te/ /bum pa'i ngos la yon tan ltar/ /tsam la ming ni rnam par gnas/ /bum pa bum pa'i dngos po yis/ rnam par dben zhing ming dang bral/ /bum pa bum pa'i dngos por ram/ /ming yang ming du gnas pa med/ /rnal 'byor can gyis gang gi tshe/ /ming tsam g.yo ba med pa dang / /rnam rtog gnyis dang 'brel pa yi/ /ming tsam yod med mthong ba na/ /ji ltar me ldan lcags rnams dang / /spra tshil dag kyang rgya skyegs kyang / /chu dang mnyam par khu bar 'gyur/ /'on kyang chu yi yon tan med/ /de bzhin kun gzhi rnam shes pa/ /rnam shes bdun dang lhan cig tu/ /rtag tu las su 'jug par byed/ /rnam par shes pas yun du spangs/ /khab long rdo las rten byas shing / /lcags ni sems can bzhin 'khor yang / /de dag gnyis ka byed pa med/ /sems can gson po bzhin du g.yo/ /sems ni bdun zhes bgrang ba yin/ /kun gzhi brgyad pa de bzhin no/ /bag chags srad bus brgyus pas na/ /sems can bzhin g.yo sems can med/ /lus na</font><hr>45.44a<br><font size=+1>

kun du rgyas par 'dug /'gro ba dog par 'khor ba ste/ /gcig las gcig gis mi shes pa/ /byed med lcags dang khab long bzhin/ /mgo bo du ma lce mang po/ /kha mang lag pa du ma dang / /lus kyang du mar rab bsgyur cing / /de bzhin gshegs la mchod byed pa/ /shin du mang ba'i zhing gi rnams/ /tshad med stong du 'gro byas shing / /de dang der yang mgon po'i rnams/ /de dag kun la rtag mchod byed/ /ri rab ri dang mnyam pa yi/ /me tog na bza' char mang po/ /sna tshogs rnam pa tha dad pas/ /de dag mchod pa rab tu byed/ /phreng ba phreng phyed cod pan dang / /rin chen brgyan pa sna tshogs kyis/ /thams cad mkhyen dang rgyal sras la/ /rtag par mchod pa rab tu byed/ /sprin lta bu yi gzhal med khang / /sna tshogs mang po'i gzugs 'gyur ba/ /mtha' ma nam mkha'i mu dang mnyam/ /gzhan yang rdul phran rdul snyed kyi/ /sprul mang lha yi bu mo yis/ /rol mo sil snyan rab bsgrags te/ /gzhal med dag la mngon gnas nas/ /de bzhin gshegs la mchod pa byed/ /stobs dang mngon shes dbang thob cing / /dog pa'i sa nas ma nyams pa/ /chos kyi sprin las 'thon gyur nas/ /sangs rgyas sa la zhugs pa'i rnams/ /sgyu ma dpa' bar 'gro la sogs/ /ting nge 'dzin la mnyam bzhag ste/ /gzungs la mkhas par gyur pa'i rnams/ /de bzhin gshegs la mchod pa byed/ /sangs rgyas yang dag brjod mos rnams/ /mtha' yas zhing du 'gro byas shing / /yang dag yon tan ldan pa dag /sangs rgyas yon tan rab tu rjod/ /dpung dang bcas pa'i bdud bcom ste/ /rgyal ba dag dang thabs gcig tu/ /rgyal sras so so rang rig pa'i/ /rtogs par bya ba'i ting 'dzin sgom/ /gnas gzhan gyur pa'i yon tan can/ chos la bdag med ston pa'i rnams/ /spros pa thams cad rgyun bcad cing / /</font><hr>45.44b<br><font size=+1>

dam pa'i don la rnam sgom pa/ /chos lnga rnams kyi rang bzhin dang / /rnam shes brgyad la'ang de bzhin te/ /mkhas pa byas par rtag gyur cing / /mnyam par bzhag rnams mchod par byed/ /shin du phra ba'i rdul 'dra dang / /de bzhin chen po'i lus kyis kyang / /sna tshogs pa yi gzugs gyur nas/ /de bzhin gshegs la mchod pa byed/ /sa rnams kun ka bdag lus dang / /yungs kar 'brur yang rab 'dzud byed/ /rgya mtsho ba lang rjesu byed/ /ba lang rjes kyang gang chen mtshor/ /spu gcig rtse mor brtan g.yo ba'i/ /'gro ba rab tu 'dzud byed kyang / /gnod par byed pa ma yin te/ /'gro ba dag na rnam par spyod/ /longs spyod can gyi skyid longs yul/ /nyi zla sa dang mnyam pa ste/ /'tshig med sa dang 'dra bar yang / /rnam pa kun gyis phan 'dogs shing / /me dang rlung dag 'dra ba ste/ /rtag tu chu dang sman 'dra ba/ /rin chen khams kyi 'byung khungs ltar/ /sems can kun kyang nye bar 'tsho/ /skyes pa med cing 'gags pa med/ /ma chad rtag pa'ang med pa ste/ /tha dad don min don gcig min/ /'gro med 'ong ba med pa'i rnams/ /rnam par brtags pa'i ming dag dang / /kun du brtags pa'i rang bzhin gyis/ /sems can rnams kyi don byed pa/ /ming dang ming med rnam spangs dag /sgyu ma lta bu rmi lam 'dra/ /dri za'i grong khyer dpe bzhin te/ /smig rgyu chu yi zla ba 'dra/ /rang bzhin kun du brtags pa dag /glog dang sprin dang du ba dang / /mgal pa'i 'khor lo smig rgyu 'dra/ /'di tshul brtags pa'i chos rnams ni/ /rang bzhin kun du brtags pa ste/ /gang dang gang gi ming rnams kyis/ /chos rnams gang dang gang brjod pa/ /de ni de na yod pa min/ /kun du brtags pa'i rang bzhin no/ /'di dag thams cad ming tsam ste/ /'gro ba 'di ni ming tsam mo/ /rjod pa dang ni tha dad pa/ /brjod par</font><hr>45.45a<br><font size=+1>

bya ba gang yang med/ /'di ni sa yi rang bzhin te/ /kun du brtags pa rab tu bstan/ /mig dang gzugs las brten byas shing / /gsum las yid de 'byung ba yin/ /rnga sgra me ni 'du 'phrod las/ /myu gu sa bon sa las rim/ /khang pa la sogs sna tshogs dang / /snam bu rdza la sogs pa dang / /lus can rnams dang chos rnams kyi/ /'di ni rang bzhin gzhan dbang ngo / /don rnams dor ba med pa dang / /gang yang zag pa med pa'i chos/ /so so rang rig rgyud rnams dang / /chos la bdag med nyid dang ni/ /thams cad chos gyi grub pa ste/ /rang bzhin du ni de brtags so/ /rang bzhin gyis ni chos kyi rnams/ /tha dad mtshan du bsgrags pa ste/ /chos rnams thams cad 'dres par ni/ /rang bzhin med na rab tu 'gyur/ /gcig min rdzas rnams 'dus pa las/ /sgyu ma'i mkhan pos gcig min gzugs/ /rtogs par sla ba ma yin pa'i/ /sgyu ma'i ri dgas byas pa bzhin/ /de ltar dngos po thams cad kyang / /rnam par rtog pas rnam par brtags/ /rtogs par mi rung mi gcig gzugs/ /kun du brtags pa'i rang bzhin no/ /sna tshogs nor bu 'dra ba yi/ /ri dgas rdzas kyi rgyu tshogs nas/ /sgyu ma'i mkhan pos rnam byas dang / /sems can kun gyi gzugs bzhin te/ /de ltar dngos po 'di dag kun/ /rnam par rtogs pas rnam par brtags/ /rang bzhin rtogs par dka' ba ste/ /kun du brtags pa'i rang bzhin no/ /ji ltar nor bu sna tshogs gzugs/ /tshon dang phrad na rnam par mdzes/ /de bzhin sa rnams kun ka ste/ /rtog pas rnam par brtags byas na/ /yon tan dngos su mi gnas te/ /sgyu ma rmi lam sprin dang 'dra/ /smig rgyu chu zla lta bu ste/ /kun du brtags pa'i rang bzhin no/ /ji ltar dri za'i khang pa dag /khang pa ma</font><hr>45.45b<br><font size=+1>

yin khang par snang / /rgyu med par yang mi snang ste/ /de bzhin sa rnams sna tshogs nyid/ /nyi zla gzhal yas khang rnams dang / /tha mal ri dang rin chen ri/ /du ba sprin gyi gnod pas ni/ /nams kyang nyes par mi 'gyur te/ /bdag dang gzhan dang gnyis ka las/ /rtog pas rnam par brtag byas na/ /dngos nyid mi 'grub dngos rnams kyi/ /rang bzhin kun du brtag pa'o/ /rgyu las dngos po mi 'byung ste/ /rgyu med las kyang ma yin no/ /rang bzhin zhes bya rnam rtog ste/ /dngos dang dngos med rnam par brtags/ /mtshan ma la ni ming rten te/ /gnyis la rnam par rtog pa gnas/ /yang dag shes dang de bzhin nyid/ /rnam par rtog pa zlog pa'o/ /sems ni mtshan ma 'dra ba ste/ /mtshan ma yid la gnas pa yin/ /yid la sems rnams lnga po ni/ /dba' rlabs bzhin du rab tu 'byung / /sems ni bag chags rgyu ba ste/ /bag chags rnams la thog ma med/ /thog ma med pa'i blo yi yul/ /yul ni sems kyi nor ba'o/ /sems ni yul dang 'dra ba ste/ /sa rnams yul zhes bya ba yin/ /thams cad sa bon kun gzhi la/ /rnam par shes pa kun kyang gnas/ /rnam shes bdun po kun gzhi las/ /rab tu 'byung ngo phan tshun dang / /sems kyi rnams dang kun gzhi la/ /rtag med chad pa'ang med pa ste/ /sa rnams thams cad kun gzhi yin/ /bar snang rnam par gnas pa ste/ /gsum po 'dus pa'i rkyen byung ba/ /bdag dang dbang po dag las byung / /lus can rnams kyi rnam shes ni/ /yul rnams rnyed nas 'byung ba ste/ /'di ni rtog pa can gyi tshul/ /rgyu dang las kyi rgyus byung ba/ /dbang po sa rnams thams cad dang / /tshangs la sogs pa phyi rol dang / /de dag lha min las kyang min/ /rdul phran gyis kyang sa ma byas/ /sa rnams lta bur kun gzhi nyid/ /lta ba'i yul du g.yo ba yin/ /rkyen rnams kun gzhi</font><hr>45.46a<br><font size=+1>

ma byas te/ /rkyen gyis kun gzhi byas pa min/ /'di dag la ni gsum 'dus med/ /rnam shes 'on kyang 'khor ba ste/ /shel 'dra zla ba bzhin du yang / /rnam shes rnams dang lhan cig rgyu/ /bag chags byung ba'i rnam shes dang / /kun gzhi rtag tu 'grogs pa ni/ /zla ba spyang gis zin pa bzhin/ /rnam shes rnams dang lhan cig rgyu/ /bag chags de las langs pa yis/ /rgyas par byed do yang dang yang / /rgyas pa gzhan yang rgyas byed de/ /de la'ang gzhan gyis yang dang yang / /de ltar rab tu 'jug pa'i sems/ /mthong nas sems de rnam par ldog /mi brtan yul la kun nas 'brel/ /khab long rdo la lcags bzhin te/ /kun gyi gzhi la sems yod pa/ /zag bcas zag pa med pa dag /bag chags dag gis bsgos pa'i rnams/ /'jug dang phyir ldog byed pa yin/ /ji ltar bsreg las me bus shing / /gzhan du me yang rab tu bud/ /de dang gzhan du de bzhin bud/ /de dag nas kyang spo bzhin dang / /de ltar kun gzhi rnam shes dang / /gzhan yang de las byung ba rnams/ /chos la rab tu rgyu ba ni/ /gtogs dang zag pa med pa dag /mthong ba'i chos la gnas pa yi/ /yul dang yul can de yin te/ /'phags pa mthong ba'i chos can gyi/ /ting nge 'dzin kyang 'di dag yin/ /'phags pa de dag de ldan zhing / /sgom dang mthong ba ldan pas na/ /chos kun de bzhin nyid shas pa/ /zhing nas zhing du rab tu 'dong / /ji ltar shin du bzang ba'i gser/ /gser gyi dbyings na mi snang ste/ /brtsal bas shin tu zhib btags nas/ /yongs su sbyangs na snang bar 'gyur/ /de bzhin kun gzhi rnam shes pa/ /rnam par shes pa bdun dang bcas/ /ting nge 'dzin gyis yongs sbyangs pa'i/ /</font><hr>45.46b<br><font size=+1>

rnal 'byor can gyis rtag tu mthong / /ji ltar ma bsrubs zho la yang / /de na mar yod mi snang ste/ /bsrub pa'i tshul gyis mthong bas na/ /mkhas pa rnams kyis de phyir bsrub/ /de bzhin kun gzhi rnam par shes/ /rnam shes bdun dang ldan pa yang / /rnam par bsrubs shing stug spyod pa'i/ /thub pa rnams kyis mthong ba yin/ /ma rig pa ni sdug ces bya/ /dkyil 'khor ye shes rnam grangs te/ /dkyil 'khor 'di la bslabs pa yi/ /rnal 'byor can rnams sdug por 'dong / /gzugs med gzugs yod nam mkha' dang / /rnam shes 'du shes ma yod dag /rnal 'byor can gyis yul bsgoms sam/ /de dag stug po'i zhing du 'dong / /nyi ma zla ba'i 'od bzhin du/ /'jigs pa med pa'i rgyal ba'i sras/ /rnam 'byor can gyi thub ston cing / /rnal 'byor spyod pa'i lam gnas pa/ /sangs rgyas kun kyi dbang bskur bas/ /de ni dbang bskur stug por song / /sangs rgyas rnal 'byor rjes su mthong / /gzhan du gyur nas stug por song / /stug na gnas shing sprul pa dang / /sprul pa'i sprul pa de dag gis/ /gang na gang chos su 'dod pa/ /de ni mkha' la 'dug cing ston/ /sngon med dus kyi gnas ngan len/ /bag chags rgyu yis bsags pa yi/ /kun gzhi rnam rtog byas pa yis/ /bcings pa kun du rab tu 'byung / /ji ltar rgya mtsho'i dba' rlabs rnams/ rlung gis rab tu bskyod pa dag /rgyun mi 'chad par rab tu 'byung / /rnam shes de bzhin kun gzhi la/ /rnam shes de ni des byas pa'i/ /bag chags rnams kyis rgyas par 'gyur/ /'byung zhing la la phyir ldog ste/ /chad med rtag pa med pa'o/ /rang sems khong du ma chud pas/ /yul la gzhol ba'i rnam shes rnams/ /rab tu zhugs kyang phyir ldog pa/ /'gro ba rang sems mthong ba'i tshe/ /de bzhin gzhan du</font><hr>45.47a<br><font size=+1>

gyur pa'i sems/ /me dang bsreg pa ji bzhin te/ /kun gzhi yul ltar snang ba yang / /gzhan du gyur nas zag pa med/ /zag med 'gros su song ba dang / /'phags pa'i rigs su skye bar 'gyur/ /kun gzhi yul ltar snang ba ni/ /sa rnams khyab par byas shing gnas/ /yid ni bdag la bdag ces te/ /ngar sems rab tu 'jug pa yin/ /rnam shes kha dog khyad par dang / /kun du gcod pa rab tu byed/ /sems ni las rnams sogs pa ste/ /yid ni khong du chud par byed/ /rnam par shes pas rnam par rig /lnga pos snang ba mthong bar 'gyur/ /rab rib ldan pa myos pa yis/ /ji ltar skra tshogs mthong ba bzhin/ /gzugs la sogs la gzugs med de/ /sems ni gzugs ltar gnas pa yin/ /nyi ma zla ba'i nor bu dag /yongs su dag pa'i mtshan nyid can/ /nyi zla'i zer gyis phog pa dang / /de dag rang gi yon tan 'byin/ /de bzhin kun gzhi rnam shes pa/ /de bzhin gshegs pa'i dge snying po/ /zag med legs dang ldan gyur te/ /gzhan du 'gyur na rab tu 'byin/ /'di ltar snang ba gang yang rung / mtshan ma gzugs su snang ba'i rnams/ /bag chags yog pa'i kun gzhi ste/ /sa rnams kun na gzugs ltar gnas/ ji ltar 'o mar gyur pa dang / /yon tan zho dang dar bar snang / /de bzhin kun gzhi rnam shes kyang / /rnam par gyur nas gzugs ltar gnas/ /ji ltar rab rib ldan pas skra/ /mig gi nyes pas rnam mthong ba/ /de bzhin bag chags nyes ldan pa'i/ /kun gzhi lus can rnam skyi ste/ /rtag tu mig gi nang song ba'i/ /gzugs kyis snang bar rab tu 'jug /'di dag snang ba ci 'ang rung / /smig rgyu chu yi dpe bzhin te/ /gzugs ni yod dang med kyis spangs/ /kun gzhi rjes su mthong ba'o/ /mig dang</font><hr>45.47b<br><font size=+1>

gzugs las rten byas shing / /de ni sgyu ma bzhin du 'byung / /rtag tu mig gi nang song ba/ /smig rgyu bzhin du rab tu g.yo/ /gzugs kyi yon tan ldan pa'i gzugs/ /kun gzhi gzugs ltar gnas pa ste/ /byis pa ji ltar brtags pa bzhin/ /gzugs ni gud na yod pa min/ /byed med sems pa'ang med pa ste/ /dbu ba'i phung po bzhin du gnas/ /gnyid log ra ro dregs pa dang / /'gro 'dug rnam par rgyug pa yi/ /lus can rnams kyi kun gzhi'o/ /ji ltar gdung bas bsar sa las/ /gyen du ldang ba'i smig rgyu rnams/ /dpyid ka'i chu ltar rab tu g.yo/ /ri dgas rnams la slu bar byed/ /de bzhin kun gzhi rnam shes kyang / /gzugs min lta ba'i spyod yul du/ /gzugs snang ji ltar rtog can gyis/ /brtags bzhin gzugs 'dra ma yin no/ /ji ltar khab long mthong ba dang / /lcags ni myur bar kun du 'khor/ /'on kyang de la sems pa med/ /sems ldan bzhin du'ang rab tu snang / /de bzhin kun gzhi rnam shes kyang / /sems med sems can ji bzhin du/ /'gro dang 'ong bar g.yo ba ste/ /sa rnams 'bri bar rab tu byed/ /ji ltar rgya mtsho dza ru ni/ /srog med par yang g.yo 'gul te/ /de bzhin kun gzhi rnam shes pa/ /lus la gnas shing g.yo bar gyur/ /glang po glang po'i gzugs brnyan dang / /ji ltar 'thab cing choms nas min/ /de bzhin kun gzhi rnam shes pa/ /'jug pa choms nas mi rgyu'o/ /ji ltar pad mo dri med pa/ /'dam gyi nang nas byung ba ni/ /mi dang lha dang btsun la 'os/ /lha yul gnas pa kun kyang 'dod/ /de bzhin kun gzhi rnam par shes/ /bag chags 'dam nas byung ba ni/ /rnam dag gzhan du gnas gyur pa/ /bdag nyid che rnams 'dod pa yin/ /</font><hr>45.48a<br><font size=+1>

ji ltar rin chen rnam par dag /ri brags mi yis bcags brdungs kyang / /rgyal po'i cod pan du 'ang 'os/ /cod pan la yang gdags pa yin/ /de bzhin kun gzhi rnam par shes/ /bag chags rnams kyis bcags brdungs pa/ /rnam dag sangs rgyas rigs yin te/ /sangs rgyas nyid du de gzung ngo / /ji ltar chu gting rdo ba dag /nya lcibs dag gis yongs dkris pa/ /de bzhin kun gzhi rnam shes kyang / /bag chags dri ma can du byas/ /gzung dang 'dzin pa'i gzugs su yang / /dngos po gnyis kyis rab tu 'jug /ji ltar kha gnyis yod pa'i sbrul/ /gang du 'dod pa der 'gro ste/ /de bzhin kun gzhi rnam par shes/ /rim dang cig car rgyu ba yin/ /rtag tu sna tshogs gzugs lta bu/ /de la rtog pas rnam par brtag /rtog can rnam par myos 'gyur ba/ /bdag dang bdag gir rnam rtog cing / /yod dang med kyi rgyu sdod pa'i/ /sa rnams la yang rnam rtog ste/ /'gyur ba'i yongs su gyur pa dang / /kun gzhi zab pa nyid dag kyang / /blo chung rnams kyis mi rigs pas/ /sgyu ma'i ri dgas bzhin du 'khor/ /rang bzhin gcig min shas par dka'/ /lus can kun la 'dra ba ste/ /de bzhin kun gzhi rnam shes kyang / /rtag tu sgyu ma'i ri dgas 'dra/ /sems can gcig min shes par dka'/ /yod dang med par rnam par brtag /rdul dang gtso bo skyes bu dang / /mi gsal tshangs pa'ang de yin te/ /rtog pas 'khrul pa'i rtog can rnams/ /kun gzhi la ni rtag tu rtog /sa rnams lta bur gnas pa la/ /sna tshogs sar yang de bzhin rtog /sa la gang gis rtogs gyur pa'i/ /yid ni kun nas rtog ces bya/ /ji ltar ri mo mthon man dang / /rnam pa sna tshogs sprin gyi gzugs/ /'ja' dang ri dgas sred byed dang / /</font><hr>45.48b<br><font size=+1>

sprin sgra 'brug kyang ji bzhin te/ /rab rib can gyi phreng ba dang / /bzang mo'i gdong yang de bzhin du/ /rmi lam dag ni rnam sna tshogs/ /dri za'i khang pa gnas rten dang / /ro langs chu yi shing rnams dang / /brag cha sprin dang du ba dang / /me long mig la gzugs brnyan dang / /chu la chu yi zla ba dang / /rnam rtog 'di dang mang por yang / /'gro ba rnams ni kun gzhi rtog /gang tshe kun gzhi 'di 'dra bar/ /rnam par sna tshogs kun mthong ste/ /'gro ba rang sems mthong ba dang / /de'i tshe sems ni phyir ldog go/ /chos rnams thams cad kun gyi gzhi/ /bag chags snyoms las sogs pa dang / /rtog pas rnyog pa can du byas/ /gzhan du gyur nas zag pa med/ /zag med rang lugs rab thob nas/ /de dag rtag cing brtan par 'gyur/ /nam mkha' mya ngan 'das dang mnyam/ /'gog dang 'dra ba de bzhin te/ /mnyam gzhag sems dang ldan pa la/ /mi zag chos rnams skye bar 'gyur/ /rdzu 'phrul bsam gtan rnam thar dang / /ting nge 'dzin dang stobs rnams dang / /mkhas dang stobs dang mngon shes dag /'bri med mi zad de bzhin te/ /nam mkha' zad kyi mtha' snyigs shing / /dbyings blo rnam shes rtag pa dang / /mthar phyin bcu yi gnas ldan zhing / /yid bzhin shin du brtan pa'i lus/ /rnal 'byor mkhas pa'i rnal 'byor can/ /gzhan du gyur nas rab tu 'thob/ /'jig pa mya ngan 'da' ma yin/ /sems can yod min skye ba med/ /'bri med gang ba med par yang / /rgyal ba rnams kyis 'gro bar bshad/ /zhing gzhan rnams dang zhing 'di yi/ /chos nyid gcig tu zad pa ste/ /skyes par gyur tam ma skyes kyang / /chos rnams chos nyid de bzhin gnas/ /rnal 'byor ldan pa grol ba la/ /rtag med chad pa med pa ste/ /sems can khams rnams zhig gyur na/ </font><hr>45.49a<br><font size=+1>

thams cad mkhyen pa mi snang ngo / /ma byon pa yi rgyal ba dang / /'das dang da ltar byung ba dag /mnyam pa ma yin 'thun pa min/ /shes bya zad nas de dag 'byung / /bdud rnams tshar bcad log pa ste/ /brjod dang bcas dang brjod med kyang / /de ste sems can 'jig na ni/ /sdug bsngal spungs las mi 'grol lo/ /lcags kyi gar bu bsregs pa las/ /me las byung ste bsil gyur cing / /lcags ni rtag par 'dug pa bzhin/ /de ltar rnal 'byor can dag 'khod/ /phung po'i khyim dang des byung ba'i/ /bag chags rnams kyang 'gag pa dang / /thub pa rnal 'byor brtson pa'i rnams/ /de dag rtag cing grol ba yin/ rnam shes rnams ni dba' rlabs bzhin/ /kun gzhi mtsho las 'byung ba ste/ /chos lnga'i rang bzhin rnam shes kyis/ /rab tu bskyod cing shin du rgyu/ /gnas ngan len gyi spros pa yis/ /bcom pa gnas med don gyi gzugs/ /lta ba'i yul du rnam par g.yo/ /de ltar shes nas phyir log ste/ /gzhan gyur mi bzad rtag pa'i rnams/ /mgon po dag ni stug por 'dong / /stug na gnas pa zla ba bzhin/ /rtag tu gzugs brnyan rnam par mdzes/ /phung po stug pa kun gzhi ste/ /yid ni de la nye phan no/ /rnam par shes pa rtogs par byed/ /gzugs dang las la sogs pa'i rgyu/ /rnam shes lnga yi tshogs rnams ni/ /dbang por bcas shing yul gzhol bas/ /sna tshogs yul la 'dzin par byed/ /kun gzhi yul can ma yin no/ /tshe ni kun gzhi rnam shes te/ /yid ni drod du rab tu gnas/ /yid kyi rnam shes de na ste/ lhag ma dbang po lngar yang gnas/ /sems dang yid dang rnam par shes/ /phung po'i dbus na rnam par gnas/ /bag chags las dang 'brel ba'i rnams/ /sngan chad byas pa rnams kyis 'byung / /'dod</font><hr>45.49b<br><font size=+1>

chags sred las byung ba yi/ /las kyis bya ba byed pa ste/ /sngon chad de dag las byas pas/ /rgyun du las rnams 'byung ba yin/ /lus las lus ni gzhan la 'gro/ /'pho ba srin bu pad ma bzhin/ /sems dang sems byung bcas pa'i rnams/ /rgyun chags par ni shin du 'dong / /yang zhing phung po'i tshogs rnams dang / /rnam shes srid pa dog par yang / /tshogs shing rab tu 'byung ba ni/ /las rnams shin du 'byung ba'i phyir/ /tshe dang drod dang rnam shes 'dis/ /gang tshe lus ni bor gyur pa/ /de tshe lus ni dor ba ste/ /shing bzhin tshor ba med pa'o/ /sems ni kun gzhi rnam par shes/ /ngar sems bdag nyid yid yin no/ /gang zhig yul la 'dzin byed pa/ /de ni rnam par shes shes bya/ /sems ni las rnams sogs pa ste/ /yid ni khong du chad par byed/ /rnam par shes pas rnam par rig /lnga pos snang ba rtogs par byed// //'phags pa rgyan stug po/ bam po bzhi pa ste tham pa/ lus ni sems kyis bzung ba yin/ /yid ni lam rgyud 'dod pa ste/ /rnam par shes pas rnam par rig /snang ba gcod pa lnga pa'o/ /rgyu la dmigs shing rnam shes rnams/ /skye ste gzhan ni de rjes 'brang / /yid la dmigs shing gzhan dag kyang / /mthar chags su ni rab tu 'byung / /yid rnyed nas kyang gzhan dag ni/ /dbang gi yon tan rnams kyis byas/ /dbang ni lnga dang lhan cig tu/ /rnams par shes pa rab tu byed/ /'du byed rgyu dang lhan cig tu/ /ro langs 'gro dang 'dra ba ste/ /smig rgyu dag gis gzugs dang mnyam/ /log pa ma yin bden pa yin/ /'di ni bdag med stong pa ste/ /srid pas kun du 'dra ba yin/ /'byung rnams lhan cig 'byung ba dag /thams cad dus yod lhan cig ste/ /sems byung yid ces bya ba dang / /lhan cig rnam par shes pa</font><hr>45.50a<br><font size=+1>

'byung / /rnam shes lnga po de dag dang / /yid kyi rnam shes ldan pa ni/ /gnas ngan len dang sred bsgos pa/ /rgyun mi 'chad par rab tu 'byung / /lus can kun gyi kun gzhi yang / /sems dang sems byung ldan pa 'byung / /kun gzhi rnyed nas de dag rgyu/ /rgyu nas rgyas par byed pa ste/ /sems rnams lam rgyud thams cad du/ /rtag par gcig las gcig rgyas 'gyur/ /sa 'di rnam pa sna tshogs pa/ rnam par shes pa rnams las 'byung / /kun bzhi sna tshogs gzugs can ni/ /rnam shes rnams kyi gnas yin no/ /phan tshun rgyu yi stobs ldan pa/ /rnam shes 'khor lo 'khor ba ste/ /kun gzhi mtsho la dba' rlabs bzhin/ /sa bon dag dang myu gu'i rgyud/ /chu bo'i rgyun kyang mtshams med cing / /rgyun mi 'chad par 'byung mad kyi/ /tha dad bye brag dag kyang snang / /de bzhin rnam shes spyod pa ste/ /mtshams med pa yi rgyun du yang / /rgyun mi 'chad par rab tu 'byung / /gsum dang ldan zhing gsum las yang / /sems dang yid dang rnam shes rnams/ /bag chags bde bas bskyed pa dang / /rang sems rnam par 'khrul pa yis/ /dba' rlabs bzhin du rtag tu 'byung / /chos rnams kun gyi 'byung ba dag /phyi dang nang yang rnam bsgoms te/ /thub pa'i rnams kyang rnam bsgoms nas/ /mnyam par gzhag par stug por 'gro/ /rdo rje'i snying po khyod dang yang / /rgyal sras 'jigs med gzhan dag kyang / /stug por 'jug pa byed pa'i chos/ /thams cad chos kyang rab ston pa/ /rgyal ba rnams dang rgyal sras rnams/ /thabs gcig rab tu rnam dgongs ta/ /chos kyi mtshan nyid dpe med pa/ /rmad du byung ba 'di bstan to/ /rdo rje snying po 'jigs med pa/ /rin chen sna tshogs zla snying gi/ /seng ge'i</font><hr>45.50b<br><font size=+1>

khri la rab 'dug ste/ /shes rab chen pos rnam bsgoms gyis/ /rgyal ba'i sras kyis mdun bdar ba/ /stug po'i rgyan la rnam par bsgoms/ /rnam par bsgoms nas rtag par 'di/ /rnal 'byor can gyi rnal 'byor ston/ /zla dbang rgyal ba des bstan la/ /bag med par ni ma byed cig /zla ba'i dpal gyi bcom ldan 'das/ /sprul par bye ba mang sprul cing / /'dod pa'i khams kyi bsnyengs bral dang / gzugs can rnams kyi gnas su yang / /rgyal sras rnams kyis kun nas bskor/ /lha rnams kyis kyang mdun bdar cing / /tshul gyis dam pa ston pa ni/ /'jigs med stug po'i rgyan yin no/ /rnal 'byor can gyis spyod pa'i mchog /tshul bzang rnal 'byor spyod pa ste/ /so so rang rig shes pa yi/ /ting nge 'dzin dang bde ba'i rnams/ /yang dag mtha' la mi rig par/ /rjes su myong bar byas nas kyang / /rnal 'byor bde las mngon langs shing / /gcig la gcig ni phan tshun lta/ /rnal 'byor spyod pa'i tshul dge 'di/ /gang gis shin du mthong bar gyur/ /rnam pa sna tshogs 'os pa yi/ /stan gyi mchog la 'khod pa'i rnams/ /kun kyang ngo mtshar rab tu rnyed/ /bsam byed bsam gtan bsam pa dang / /bsam gtan rnams kyi dgongs pa dag /rgyal sras 'jigs pa med pa'i rnams/ /kun kyang sems shing rab tu gnas/ /stug po'i rgyan dang rgyal po la/ /lta ba mnyam par bzhag pa'i rnams/ /mgo la cod pan thogs pa dag /mtshan rab sum cu rtsa gnyis kyi/ /yan lag bris pa de dag kun/ /bye ba'i zhing nas 'ongs pa ste/ /g.yo ba rnams dang shin du bral/ /thams cad gos bzang cha lugs mdzes/ /rnal 'byor spyod pa stobs chen te/ /lta'o rdo rje snying po la/ /rnam par rtog dang rnam dpyod la/ /chos la mos pa</font><hr>45.51a<br><font size=+1>

yang dag tu/ /mthong ste de nas de kun dang / /phyogs rnams bzhi por blta byas te/ /'dzum pa sngon du rab btang nas/ /'jam zhing snyan pa'i dbyangs su smras/ /rgyal sras mnyam par bzhag pa'i rnams/ rnal 'byor can gyi rnal 'byor yul/ /gang la rtog can myos 'gyur ba/ /de dag bdag las mnyan par gyis/ /gang bsam gang gis ji lta bur/ /bsam gtan bsam byed dgos pa dag /'dod dang sdig pa rnams kyis dben/ /rnam par rtog bcas rnam dpyod bcas/ /dga' bde dben las skyes par yang / /bsam gtan dang po skye ba yin/ /de lta bu yi rim tshul du/ /bzhi dang brgyad dang de bzhin bcu/ /mur 'dug bdag tu smra ba dang / /bsam gtan can rnams bsam gtan byed/ /nyan thos theg pa can rnams dang / /rang rgyal theg ldan de bzhin te/ /kun kyang rtag tu bsam gtan byed/ /chos rnams dang ni sa dag gi/ /rang gi mtshan nyid rtogs pa dang / /phung po skye mched tshogs kyi rnams/ /'di dag thams cad bdag med de/ /byed pa med cing g.yo ba med/ /gsum po 'dus las rab tu byung / /'khrul 'khor ro langs 'dra ba ste/ /byed pa rnams kyis rnam par spangs/ /thub pa phyi rol bsam gtan byed/ /stong par lta ba'i lta ba can/ /chos kyi mtshan la mos pa rnams/ /chud gson mtshan nyid ma yin no/ /phung po bdag med mkhas pa'i rnams/ /bsam gtan 'di 'dra bsam gtan byed/ /de bzhin gshegs kyi bsam gtan dag /lha rdzas bsod nams lta sbyong ba/ /rnal 'byor can dang rgyal ba'i sras/ /mnyam bzhag rtag par bsam gtan byed/ /'di dag thams cad sems tsam ste/ /mtshan can mtshan nyid yod pa min/ /phung po rnams med khams yod min/ /thams cad chos la mtshan nyid med/ /rdul phran rnam par gzhigs pa dang / /de dag de ltar mi gnas so/ /rtog pa</font><hr>45.51b<br><font size=+1>

bskyed pas brtags pa ni/ /dngos po sa dang chu la sogs/ /dngos po'i rang bzhin mi shes pa/ /mtshan nyid du yang rnam par rtog /kha dog sdug dang mi sdug dang / /kha dog snang bzhin de bzhin te/ /'ja' dang in dra go ba ltar/ /kha dog snang mang sprin lta bu'i/ /sangs rgyas sku dang 'dra ba yis/ /thams cad 'gro ba kun bkang ste/ /rgyas pa'i skye mched ces bya bas/ /'byung ba rnams kyang rnam gzhigs te/ /rnal 'byor shes pa gzugs can gyis/ /lus la rtag tu gzugs kyang mthong / /gang la dmigs te mnyam bzhag pa/ /de la dmigs shing rnam par ldang / /gang dang gang la rnam rtog pa/ /de dang de ni dmigs pa yin/ /rnal 'byor can med rnal 'byor med/ /de ltar rnam par rtog pa ni/ /rnal 'byor can gyi rnal 'byor nyid/ /kun gzhi sa rnams thams cad dang / /thub pa'i rnal 'byor bde la gnas/ /chos dang chos kyi mtshan nyid kyang / /rtag tu rab tu rtogs byas shing / /mnyam par bzhag pa'i khyed par dag /mnyam bzhag ldan pa rab tu ston/ /chos kyi rang bzhin rnam phye bas/ /rnal 'byor can gyi blo 'khrug pa/ /blo gros zhen pas rab tu skye/ /chos dang bdag la 'dzin par 'gyur/ /yid ches lung dang mi ldan par/ /chos rnams ston par byed pa ni/ /mtshan nyid rnam par rtog pa yis/ /bdag kyang chud zos gzhan chud gson/ /mtshan nyid can med mtshan nyid med/ /'dres pa'i phyir na rnam par snang / /mngar ba'i rnams ni mkhris pa sel/ /bad kan tsha skyur lan tshwa ste/ /ma zhu tsha ba'i rnam pa dang / /lan tshwa la sogs rnam par sel/ /mkhris pa bad kan 'khrugs pa las/ /rims rnams skye bar 'gyur ba dang / /lus can rnams kyi lus yul du/ /'dus pa rlung las byung ba dang / /rims dag rnam par gzhig pa'i phyir/ /thub pas bsdu ba byas pa ni/ /</font><hr>45.52a<br><font size=+1>

kha ra la sogs yan lag drug /sha dang skol ma khu ba dag /tha dad mchan gyis 'jig 'gyur ba/ /lus can rnams kyi rims kun to/ /rnam shes rnams ni kun gzhi la/ /phan tshun tha dad mi gnas te/ /gal te chos kyi rang bzhin nam/ /mtshan nyid gcig ni yod gyur na/ /de tshe chos dang mtshan nyid la/ /mtshan nyid mi 'dra med pa 'gyur/ /rdzas rnams bsdus pas sel mi nus/ /mi yang sos par mi 'gyur ro/ /sos dang rnam par bsal ba 'di/ /mkhas pa rnams kyis mthong ba ste/ /gzhan du kun gzhi rnam shes pa/ /rnam pa mang por gnas pa ste/ /sgyu ma'i ri dgas bzhin 'khor ba/ /rnal 'byor brtson pas brtags pa yin/ /mtshan med mtshan can med pa ste/ /phung po rnams las phung po can/ /gzhan med yan lag nying lag las/ /yan lag can med yan lag la/ /'jig rten rgyu yis ma byas te/ /'bras bu rnams la rgyu yang med/ /'jig rten rdul phran bsags pa men/ /phyogs dang gnas su mi 'gro'o/ /de dag sor gnyis sor gsum du/ /ci yang rtsom par mi byed de/ /dngos po yod pa phrad pa'i phyir/ rdul phran thams cad 'du bar 'dong / /de tshe yon tan khyad yod pa/ /yon tan rnams kyis yon tan du/ /'jig rten ma byas rang bzhin gyis/ /'jig rten rkyen las ma byung ste/ /'dod rgyal dngos kyis de bzhin min/ chos gsum pas kyang ma byas te/ /bag chags rnams kyis dkrugs pa'i sems/ /rnam par rtog pa mang po'i gnas/ /snying gi phyogs na gnas pa yi/ /lus can kun gyi kun gzhi dang / /sems dang yid dang rnam shes rnams/ /'gro ba dag gis sna tshogs brtags/ /'gro ba ma lus rab mnan te/ /sgyu ma'i ri dgas bzhin du gnas/ /sems tsam du ni 'jug pa las/ /gzhan du yongs su gnas 'pho ste/ /</font><hr>45.52b<br><font size=+1>

sa la stong zhes brjod par bya/ /sems ni dngos po'i tshul du gnas/ /rdza la sogs pa'i yul med de/ /sems ni rdza ma lta bu'o/ /sa la gzugs rnams yod pa dang / /lha yul gnas pa'i khyim rnams dang / /rnam pa sna tshogs gang snang ba/ /de dag kun gzhi snang ba yin/ /kun gzhi kun du lag pa ste/ /kun du kha mig mgo bo yang / /cig char ba dang rim gyis kyang / /sa rnams yog par rab tu gnas/ /bus pa rnam par myos byed de/ /gang gi snying la gang gnas pa/ /de ni de la gnyis tshul du/ /lus kun bkang ste rab tu gnas/ /stong min dngos po gang yang med/ /tho bas ji ltar rdza bzhin du/ /dngos po gang la gzhom bya ba'i/ /dngos po dngos su yod pa min/ /de ste stong pa'i dngos yod na/ /'jig byed ma yin gzhig par 'gyur/ /gzhig bya gzhig par byed pa gang / /de ni rnam par rtog pas brtags/ /ri rab ri bo tsam 'gyur ba'i/ /bdag tu lta ba mi gnod kyi/ /stong nyid lta ba gnod pa ni/ /nga rgyal mi bden brtags pa'o/ /rnal 'byor spyod pas stong pa nyid/ /gnas ma yin par sbyar mi bya/ /gnas min gal te sbyar gyur na/ /bdud rtsi dug tu 'gyur ba yin/ /lta ba ji snyed gang yang rung / /lus can rnams la yod pa yi/ /lta ba rnam par spang ba'i phyir/ /stong pa nyid kyi tshul bstan to/ /stong pa nyid kyi lta thos kyang / /la la'i lta ba ma zhig na/ /gsor mi rung ba'i lta can te/ /sman pas btang ba'i nad pa bzhin/ /ji ltar bsreg pa tshig pa'i me/ /bsreg pa med pas mi gnas so/ /de bzhin bsreg bya lta tshig na/ /stong nyid me yang 'gag par 'gyur/ /lta bas 'gog pa'i dus su yang / /ye shes yang dag med 'byung ste/ /nyon mongs thams cad bsreg par byed/ /nyon mongs bsregs nas rnam par mdzes/ /thub</font><hr>45.53a<br><font size=+1>

pa rnal 'byor ldan pa'i rnams/ /ye shes 'di ldan thub spyod dag /de bzhin gshegs pa'i gnas kyi mchog /stug po der ni rab tu 'dong / /ri bong rwa yis ri bo rnams/ /mngon par gzhig bya ma mthong ste/ /'di la mo sham bu yis kyang / /srog chags gang yang bsad pa med/ /ri bong rwa yi gzhu yis kyang / /su yang thab mo mi byed de/ /mo sham bu la su yang rung / /khyim gyi las su mi sko'o/ /stong pa nyid dang mi rtag nyid/ /rtag tu dngos dang gcig gyur te/ /yod dang med pa'i rang bzhin yang / /de bzhin gcig pa nyid du gyur/ /mngal na gnas dus tshun chad kyang / /gzugs rnams gzhig par brtson pa ste/ /gang na'ang de med gzugs yod min/ /gzugs med par yang de med de/ /khyad par med par 'byung ba ni/ /ma bsgribs zla dang 'od zer bzhin/ /de bzhin dngos rnams stong nyid dang / /lhan cig gcig tu 'byung ba ste/ /phan tshun rnam pa tha dad du/ /de dag dgos pa mi sgrub bo/ /rgyu dang rkyen rnams tshogs pa las/ /rnal 'byor can gyi las sgrub bo/ /lus 'di bdag yod ma yin te/ /ro langs 'khrul 'khor rab tu 'dra/ /sred pa'i srad bus bcings byas shing / /yul gyi rnams kyis drang ba yin/ /lha rdzas stong pa nyid bshad pa/ /lta ba thams cad sbyong ba ste/ /mtha' dgal stong pa nyid lta ba/ /rgyal ba rnams kyis lta med bshad/ /stong nyid lta ba sbyong ba ni/ /yod dang med pa gzhig pa'i phyir/ /blo ldan mnyam par bzhag pa yi/ /rnal 'byor can gyis rtag tu bsgom/ /rtswa dang shing dang gyo mo dag /sgyu ma'i mkhan pos rgyur byas te/ /sngags kyis ci dang cir 'dod par/ /gzugs kyi dngos su rab tu byed/ /gzugs dang snang ba yid byed dang / /sred dang mig rnams rgyur byas shing / /mig gi rnam shes sgyu ma bzhin/ /</font><hr>45.53b<br><font size=+1>

smig rgyu bzhin du de g.yo'o/ /gang gi yul du'ang 'ong ba med/ /yul gzhan dag tu'ang 'gro ba min/ /'di lta'i rnam shes 'byung ba la/ /yod dang med par brtag mi bya/ /skra yi tshogs dang bong bu'i rwa/ /mo sham bu dang smig rgyu dang / /dri za'i grong khyer rmi lam dag /ming du grag gi yod pa min/ /stag dang gzig dang dom dag dang / /rnga rta bong bu khyi rnams dang / /g.yi dang gsa' dang ru sbal la/ /rwa ni yod pa ma yin na/ /thub pa rtsod par brtson pa yis/ /de dag ci phyir mi brtag cing / /bong bu'i rwa la brtag par bya/ /ci go de dag bsgrub nus sam/ /shes rab can gyis sar bstan pa/ /de dag nyi tshe brtag par bya/ /rtog pa can rnams 'khor ba ni/ /blun po long ba 'on pa 'dra/ /sgrol ba'i ye shes de la med/ /so so rang rig yul yang med/ /gzhan gyis byas pa'i tshul dag la/ /rnam par rtog pas ci zhig nus/ /stug por gnas par rnam par rtogs/ /de la brtags shing dge ba 'thob/ /rnal 'byor mnyam bzhag rnal 'byor can/ /de na gnas pa bzhin du snang / /lha yul gnas pa'i bsnying bral dang / /zla ba gza' la sogs pa yang / /rlung gis rab tu bskyod pa'i rnams/ /ri rab rten cing rgyu ba yin/ /de bzhin rnam par shes pa bdun/ /bag chags rnams dang ldan pa yi/ /kun gzhi kun gyi sa bon can/ /de la brtag cing rab tu rgyu/ /ji ltar sa las kun brten cing / /sa skye kun kyang 'byung ba bzhin/ /sems can kun gyi gnas yin te/ /'byung khung kun gyi khyad par du/ /de bzhin kun gzhi rnam shes kyang / /rnam shes rnams kyi gnas yin te/ /sems dang sems las byung bar ldan/ /dba' rlabs bzhin du rab tu 'byung / /ji ltar rma bya'i 'dab sgro rnams/ /'od dang kha dog rnam mang ste/ /gtsug phud can rnam mdab bsgro</font><hr>45.54a<br><font size=+1>

yis/ /rma bya mo dang longs rtse ba/ /de bzhin kun gzhi rnam shes kyang / /sa bon mang can mtsho ltar gnas/ /thams cad chos kyi gzhi yin te/ /rnal 'byor can gyis rtag tu mthong / /ji ltar rgya mtsho chu bo yis/ /nyin gcig bzhin du dgang bya yang / /chu bo rnams ni rgyun mi 'chad/ /rgya mtsho rtog par yong mi byed/ /de bzhin kun gzhi rnam shes kyang / /zab cing mtsho ltar gnas pa ste/ /rnam shes rnams kyis nyin gcig bzhin/ /bag chags chu bos rab tu dgang / /ji ltar rin chen ldan pa'i sa/ /sna tshogs kun du phan 'dogs te/ /sems can rnams kyang nye bar 'tsho / /yon tan dngos su rtog pa yin/ /de bzhin kun gzhi rnam shes kyang / /rnam rtog rnams dang lhan cig 'byung / /de ni 'khor ba 'phel byed de/ /gyur na de bzhin gshegs pa yin/ /de bzhin gshegs pa stobs bcu can/ /spyod pa legs spyad gtsang ba ste/ /sa bcu pa las mngon byung ste/ /bde bar gshes pa'i sar zhugs nas/ /yang dag mtha' la rab gnas pa/ /sna tshogs sems can rnam sprul par/ /'jigs pa med par 'byung ba ni/ /rnam par rtog med sa bzhin no/ /sos ka me tog mang po'i gzugs/ /mi dang bya yi yid du 'ong / /de bzhin sna tshogs len pa'i sems/ /thub shes yid 'ong myos par byed/ /ji ltar don mkhas rgyal ba'i sras/ /'byung las byung ba ma yin pa/ /med pa'i blo can de bzhin te/ /log par smra la brtson pa dag /chos dang mi 'thun phra ma can/ /lce gnyis log par lta ba dag /rnam pa gzhan du gnas pa'i dngos/ /rnam pa gzhan du ston par byed/ /ji ltar sgyu ma'i skyes bu zhig /'bras bu sna tshogs ston byed pa/ /'bras bu me tog de na med/ /sngags dang khong</font><hr>45.54b<br><font size=+1>

bzos zo mdog bde/ /'jig rten rnam pa gzhan gnas pa/ /rnam pa gzhan du ston par byed/ /rgyal ba rnams dang rgyal ba'i sras/ /kun kyang thabs kyi dmigs la mkhas/ /bstan pa gzhan la ji snyed du/ /bstan pa byas pa de dag kun/ /bde gshegs rnal 'byor mkhas pa yis/ /bstan pa stug po'i rgyan la bstan/ /khams rnams drug dang bcwa brgyad bstan/ /skye mched bcu dang gnyis kyi mi/ /yid kyi srad bus btags pa dag /sems can kun du rab tu 'khor/ /rnam par shes pa brgyad kyi tshogs/ /khams dang skye ched phung po ste/ /yid kyi srad bus bcing byas shing / /lus dang lus la rab tu rgyu/ /'di ni 'gro ba'i skyes bu ste/ /'gro ba rnams kyi don tu bstan/ /lus can kun kyi skyes bu ni/ /'gro yang byung ba ma yin te/ /khams rnams drug po skyes bu yin/ /skye mched bcu gnyis de bzhin te/ /bcwa brgyad rnams la yid rgyu ba/ /dbang sgyur zhes ni bya ba ste/ /dbang sgyur pho brang sna tshogs pa/ /nor bu rin chen grong rdal dang / /dga' ldan la sogs bsnyems bral dang / /mtshe ma'i gnas su'ang de bzhin bshad/ /rdo rje snying po dbang can la/ /rgyal sras 'jigs pa med pa'i rnams/ /dge'o dge zhes dga' 'bod cing / /thams cad mgo bos phyag 'tshal lo/ /thub ldan rnal 'byor spyod pa dang / /rgyal ba dag dang rgyal ba'i sras/ /zhing dang zhing na bzhugs pa dang / /lha yul gnas pa'i rgyal sras dang / /rnal 'byor bdag po rnal 'byor can/ ye shes dbang po 'phrul chen dang / /dbang sgyur lha mo'i tshogs rnams kyang / /thal mo sbyar te gnas par gyur/ /phan tshun gcig la gcig lta zhing / /rgyal ba'i sras la smra ba ni/ /'gro ba'i lha rdzas skyes</font><hr>45.55a<br><font size=+1>

bu yang / /mur 'dug bdag smra spangs pa ste/ /thub can kun kyi skyes bu ni/ /thub pa'i khyu mchog khyod kyis bstan/ /'das dang da ltar byung ba yis/ /sngon byas ma byas thos pa ni/ /sngon gyi rgyal ba'i sras rnams kyis/ /khams drug skyes bu dge ba'o/ /ji ltar mkha' la bya rjes rnams/ /rnam par bzhag pa de bzhin du/ /sems tshogs ldan pa'i khams kyi rnams/ /gtan tshigs bcas pa rab tu bstan/ /ji ltar shing las med dag gi/ /me lce gnam du gnas par 'gyur/ /sregs pa gzhan pa ma rnyed cing / /rlung gis bab na gtan mi 'bar/ /bya rjes rnam par bzhag pa ni/ /mkha' la gnas pa mi snang ste/ 'khor ba'i 'khor lor 'khor ba yi/ /'gro ba'i skyes bu snang ba yin/ /bya rnams rkang pas mi 'dong ste/ /de dag sgro yi shugs kyis 'dong / /bya yi rjes dang 'dra ba ni/ /skyes bu'i sgo nas rab tu bstan/ /las kyi skyes bu bstan pa ni/ /'khor rnams rtag tu 'khor ba ste/ /bde dang sdug bsngal myong byed pa/ /byas pa'i las ni chud mi za/ /ji ltar zhing pa rnams kyi las/ /'bras bu med par mi 'gyur te/ /don dang ldan pa de dag ni/ /gzhan yang 'ong zhes rmo ba med/ /lha rdzas 'gro ba'i skyes bu ni/ /rnal 'byor can la rnal 'byor ston/ /lus can lus kyi nang nas zhing / /de ni dge ba'i las byed do/ /'di dang phyi ma'i bde ba dang / /lha yul gnas pa'i gnas mthong zhing / /'khor los sangs rgyas rgyur 'gyur ba'i/ /bsod nams rnams ni rtag tu byed/ /thar dang pha rol phyin rnams dang / /sangs rgyas bsam gtan spyod yul kun/ /'gro ba'i skyes bu med na ni/ /kun kyang 'bras bu med par 'gyur/ /lha yi bde ba thams cad dang / /dbang sgyur rnams kyi 'bras bu dang / /de bzhin nyid mthong thub pa yi/ /rnal 'byor rnams kyang med par 'gyur/ /las dang</font><hr>45.55b<br><font size=+1>

las kyi 'bras bu mthong / /las rnams don med ma yin te/ /'o dod 'bod la sogs pa dang / /mnar med mtha' dang lha rnams kyi/ /lam gyi rgyud kyang yod pa yin/ /'gro ba'i skyes bu de yod na/ /sred pa'i 'khor lo 'khor bar 'gyur/ /'khor dang bral na thar pa ste/ /blo zhan rnams kyis mi shes so/ /'jug pa'i skyes bu med na ni/ /mo sham bu yang 'gro bar 'gyur/ /bong bu'i rwa yang rno 'gyur te/ /bye ma las kyang til mar 'byung / /phyi dang nang gi sa rnams ni/ /phan tshun stobs kyis byung ba ste/ /gang dang gang du 'gro ba dag /de dang de dag 'grogs pa yin/ /lha dang lha yi bu mo'i tshogs/ /dbang sgyur rgyal ba'i sras rnams dang / /dri za grub pa'i rgyal po dang / /sngags 'chang chung ma'i tshogs rnams kyang / /thub la mchod par 'os pa yi/ /rdo rje'i snying po sras bcas la/ /mchod de gsol ba 'debs par byed/ /thams cad dge'o dge zhes smra/ /nyams pa med pa'i chos kyi tshul/ /rgyu dang dpe yis brgyan pa ni/ /gzhan gyi rgol ba 'joms pa ste/ /dpa' bo chen po khyod kyis bstan/ /'gab zungs ltag chod tshar gcod pa/ /bdag gi phyogs kyi yon tan ston/ /shes rab can gyis bstan du gsol/ /'gro ba 'di dag nyan par 'gyur/ /ji snyed rgyal ba'i sras rnams dang / /lha yi rgyal po kun kyang nyon/ /shin du dka' ba'i bsam yas rgyu/ /brtags 'das rtog dang bral ba yi/ /rgyu dang dpe yi me tog ste/ /rnal 'byor rnams kyi thub dge ba/ /stug po'i rgyan ni bshad par bya/ /de ni thub la rnal 'byor ston/ /stug po'i rgyan de sna tshogs te/ /stug na spyod pa'i thub pa yi/ /sangs rgyas rnams kyi gnas kyi mchog /thub pa kun gyi dam pa'o/ /sa stengs thub pa'i dru ma la/ /rdo rje snying pos yang smras pa/ /rtag par dru mar khyod kyis kyang / /chos kyi dngos nyid shes par gyis/ /</font><hr>45.56a<br><font size=+1>

dngos po rnams kyi rang bzhin ci/ /dngos su stong ngam rtag pa zhes/ /'di 'dra'i lta dang ldan pa yi/ /thub pa rnal 'byor mi 'khrul lo/ /tshos pa gcig pu rtogs pa yis/ /tshos par mngon du shes pa ste/ /dngos po kun gyi rang bzhin yang / /dngos po gcig gis shes par 'gyur/ /ji ltar ji bzhin bsrubs pa'i zho/ /sor mo'i rtse mos mngon shes pa/ /de bzhin dngos po thams cad kyi/ /rang bzhin dngos pos shes par 'gyur/ /dngos po ji med stong pa nyid/ /dngos po dngos por yod pa'ang med/ /'di dag kun gzhi rnam pa ste/ /stong nyid kun gzhi rnam pa'o/ /rgyal sras dru ma 'jigs med pas/ /rdo rje'i snying po de la smras/ /lus can rnams kyi khams kyi mi/ /ji lta bur na sems tsam 'gyur/ /'byung ba chen po rgyur byas shing / /'byung las 'byung ba'i ji lta bu/ /g.yo gsher tsha dang sra ba yi/ /khams rnams ji ltar 'byung bar 'gyur/ /rgyal sras rdo rje snying po yis/ /dru ma'i bdag po'i tshig thos nas/ /mi 'am ci bdag khyod dge ste/ /khyod ni dge 'o yang dge 'o/ /rnal 'byor can gyi snying po'i mchog /yid 'ong byed pa gang dris pa/ /sems kyi skyes bu'i lus can la/ /khams rnams skye 'gyur ji lta zhes/ /de phyir dbang sgyur rgyal sras la/ /de ni dge ba bshad par bya/ /de bas mi 'am ci yi bdag /pi bang slob dpon bdag las nyon/ /ji ltar mi 'am ci yi bdag /khyod dang mi ci mang bcas pa/ /snyems bral mang po sna tshogs kyis/ /nam mkha' las ni rang 'dong zhing / /rgyal ba nyan thos tshogs 'khor du/ /pi bang sgra dbyangs snyan blangs pas/ /thub pa dru ma ltos shig ces/ /phan tshun gcig la gcig kyang gsung / /snyems bral mang po sna tshogs na/ /mi 'am ci dang 'grogs rtse zhing / /pi bang bai dUr+yas spras pa/ /</font><hr>45.56b<br><font size=+1>

len cing mkha' la 'gro ba'i tshe/ /pi bang yid 'ong shin du snyan/ /dbyangs kyis yongs su sbyang ba ste/ /mi 'am ci yi bdag po yis/ /rab tu blangs par byas pa'i tshe/ /nyan thos rnams kyang gar byed de/ /nyan thos de dag gyur pa de/ /rgyal sras rnams kyis mthong ba dang / /'od srung rnal 'byor bzang can dang / /lha yi cod pan la smras pa/ /rnam rtog med pa'i sgra dbyangs kyi/ /pi bang sgra ni bsgrags pa yis/ /'dod chags bral ba ci phyir gar/ /'od srung khyod kyis nged la ston/ /rgyal sras stobs chen dmu rlung bzhin/ /ri dgas rnams dang 'dra ba ni/ /nyan thos g.yo ba'i blo can rnams/ /bag chags 'dam gyi dri ma can/ /nyon mongs rnams rtog byung bas mnar/ yang dag sangs rgyas sku rnyed nas/ /bag chags dri ma yongs bsal te/ /bdag med gnyis kyis yongs dag cing / /shes bya sgrib pa'i dri med na/ /sems kyi khams las gzhan gyur pa/ /de bzhin gshegs par rab tu 'gyur/ /khyod ni dbang chen phra yul ldan/ /shes rgya tsha zhing gtsug lag mkhas/ /dbang po 'jig rten phyal ba yi/ /gtsug la mtshan la khyod gnas te/ /mi 'am ci yi gtsug lag kyang / /de bzhin gshegs pa'i rnal 'byor dge/ /sa yi mtshan nyid mkhas bya la/ /bslab ste zla ba bzhin gnas pa/ /mi 'am ci yi dbang po khyod/ /sa dang zhing rnams bye bar mdzes/ /khyod ni de ltar rnam mdzes zhing / /thub can dbang sgyur tshogs dbus su/ /khams kyi sems las skyes pa'i mi/ /kho bo la ni sras kyis dris/ /mnyam sems mnyam par gzhag pa yis/ /thams cad lhan cig mnyan par gyis/ /khams rnams gang du ci tshul gang / /sems su grags pa'i skyes bu la/ /rgyu rnams gang gis 'byung ba yi/ /de tshul bdag gis bstan par bya/ /chu ni rlan rnams skyed par byed/ /drod ni me'o sra ba sa/ /gdeg la</font><hr>45.57a<br><font size=+1>

sogs pa'i bya ba rnams/ /rlung gi khams kyis kun nas rtsom/ /gzugs la sogs pa'i sa mtshams ni/ /nam mkha' kun nas rtsom par byed/ /rnam shes sna tshogs yul can ni/ /bag chags rnams kyis rab tu bskyed/ /srid kyi mtshams dang mig dag gis/ /skye ba'i sgo rnams byed pa ni/ /gzugs la sogs pa'i tshogs kun te/ /rgyal po mtshan ni rnam pa mang / /nor bu rin chen sna tshogs gnas/ /dbang sgyur pho brang bzang po na/ /rnal 'byor ldan chen shugs 'dzin pa/ /rgyal sras rnams kyis mdun bdar cing / /so so'i stan las kun langs te/ /yang dang yang zhing phyag 'tshal nas/ /rim gror rdo rje'i snying po la/ /mchod pa'i dam pas mchod pa byed/ /rin chen dra bas steng bkab cing / /yang dang yang du gsol ba byed/ /dge'o dge'o yang dag ste/ /dge ba ldan pa rab gnas zhing / /chos kyi sprin gyi tshul rnyed nas/ /sangs rgyas sa la rab bzhugs te/ /dbang sgyur rgyal ba'i sras rnams la/ /sangs rgyas yul rnams rab tu bstan/ /rgyal po lha mo bcas pa yis/ /de nas yang du mchod byas te/ /rnal 'byor che can dge'o dge/ /rdo rje'i snying po 'jigs med pa/ /lha rdzas de bzhin gshegs pa yi/ /chos de bdag la bstan pas na/ /nor bu rin chen sna tshogs nas/ /bkra shis gtsang bar rab tu byas/ /thub ldan 'phags pa spyan ras gzigs/ /blo gros chen po byams pa dang / /blo gros mi zad mthu chen dang / /'jam dpal rnam par 'phrul pa dang / /lha yi cod pan rnal 'byor bdag /shugs 'dzin dru ma blo gros dang / /gzugs kyi dbang po'i rgyal po dang / /rin chen gtsug pud 'phrul chen dang / /yang dag ji bzhin mthong ba dang / /mtshe ma'i</font><hr>45.57b<br><font size=+1>

rab dang 'gro 'dzin dang / /rnal 'byor slob dpon rnal 'byor che/ /rnal 'byor can la sems ston pa/ /thub pa thams cad don grub pa/ /thub sras 'jigs pa med pa'i rnams/ /'di dag gzhan yang mang po ste/ /rgyal ba'i sras po 'phrul chen rnams/ /so so'i stan las kun langs nas/ /de dag gcig la gcig bltas te/ /rdo rje'i snying po de la smras/ /chos kyi tshul ni brtan par gyis/ /khyod ni rgyal dbang byin gyis brlabs/ /rgyal sras rnams kyis rab tu mchod/ /sa yi mtshan la mkhas pa yang / /khyod la thams cad shin du gnas/ /khyod la gsol ba 'debs pa ni/ /rgyal sras stobs chen thams cad dang / /rnal 'byor can dang rnal 'byor bdag /sngags 'chang bud med thams cad do/ /rgyal ba rnams dang rgyal sras dang / /'jig rten rnams kyi ngo mtshar gzhi/ /mdo sde kun gyis dri med cing / /bstan dang bklag pa rnams spangs pa/ /stug po'i rgyan 'di bstan pa'i phyir/ /rnal 'byor bdag khyod spobs par gyis/ /sprul pas bshad pa spangs pa ste/ /de bzhin gtam dang sprul pas kyang / /zag pa med pa'i chos kyi dbyings/ /so so rang rig spyod pa'i yul/ /lha rdzas mthong ba'i chos la bde/ /'phags pa rnams la de ston cig /phung po lhag ma ma lus par/ /gtugs pa'i chos kyi dbyings ston cig /ting nge 'dzin dang gzungs kyi rnams/ /rnam par thar dang dbang rnams dang / /yid bzhin rnam pa bcu po yi/ /lus kyi tshogs kyang bstan par gyis/ /sangs rgyas rnams kyi bsam yas dang / /mgon po rnams kyi zhing gi rgyan/ /rgyal ba rnams dang rgyal sras kyi/ /rdul phran bzhin gyi sku phrad dang / /skra rtse brgya char phra ba dag /rgyal sras khyod kyis bshad par gyis/ /</font><hr>45.58a<br><font size=+1>

bstan dang bklag dang rnam bral zhing / /brjod pas rnam par spangs pa yi/ /stug po zhing gi dam pa der/ /ci nas thub pa 'dong ba'i phyir/ /rnal 'byor mkhas pas seng ge ltar/ /thub pas de dag kun bltas te/ /'gro ba'i tshogs rnams thams cad la/ /brtags par mi nus brtag bral ba'i/ /chos tshul rab tu bstan bya bar/ /blo yi mthu yang kun brtags na/ /rnal 'byor can dag chos kyi tshul/ /sngon gyi gzhung lugs nyan nus pas/ /tshangs pa'i sgra dang dbyangs su ste/ /ka la ping ka'i sgra skad du/ /rgya chen lce yis rab snyan par/ /rdo rje'i snying pos shin du bshad/ /seng ge ro stod lus 'chang ba/ /mtshan rab sum bcu rtsa gnyis dang / /dpe byad bzang pos brgyan pa'i lus/ /rdo rje'i snying pos shin du bstan/ /mi dka'i sgra la mkhas pas na/ /sgra yi mtshan nyid grags pa yis/ /mdor na de yi nyis gyur tu/ /rgyal sras de ni shin du ston/ /sang sang dag pa dbyangs la sogs/ /mthong zhing ring ba'i sgra skad dang / /gan da ra dang ran ldan par/ /rgyal ba'i sras pos rab tu bstan/ /r-i Sha b+ha dang d+hai ba ta/ /Sha Dadza ke shi lnga po yi/ /sgra skad mtshan nyid ldan pa yi/ /dbyangs kyis thub pa rnam par gsung / /rings dang ngal ba med pa'i tshig /zab cing snyan pa'i sgra dbyangs te/ /mtshan nyid mkhas dang dri za la/ /de bzhin sim par byed pa yi/ /tshig gi yon tan ldan pa'i tshig /rdo rje snying pos brjod pa ni/ /lhun gyis grub par byas pa ste/ /sprul pa'i bzhin du 'byung ba yin/ /thub sras rdo rje'i snying po ni/ /ci yang rjod par mi byed par/ /thams cad yan lag mtshan gyi sgra/ /yan lag rnams la mngon par 'byung / /smin ma 'phral ba spyi bo dang / /phrag pa sna rtse byin pa las/ /chos kyi tshul rnams rab ston cing / /dge ba'i sgra rnams byung bar gyur/ /rdo rje snying po</font><hr>45.58b<br><font size=+1>

thub pa yi/ /smon lam legs las byung ba ste/ /bre mo'i ngang pa'i rgyal po bzhin/ /rgyal ba'i sras rnams kun nas 'dus/ /dbang sgyur pho brang bzang po na/ /thams cad gzugs kyi rin chen bzhin/ /dpa' chen rdo rje'i snying po de/ /rnam par mdzes la kun lta'o/ /skar ma'i dbang po skar ma de/ /gza' yi dbus na mdzes pa bzhin/ /rdo rje'i snying po rnal 'byor can/ /dam pa'i stan la rnam par mdzes/ /ji ltar skar ma'i dbang po dang / zla ba'i 'od du bye brag med/ /de bzhin rdo rje'i snying po dang / /rgyal ba rnams su khyad par med/ /yang dag ji bzhin don mthong ba'i/ /rgyal ba'i sras po stobs po che/ /rnal 'byor can dang thub pa'i mchog  /stan las legs par ldang byas shing / /rgyal sras rnams la mngon bltas nas/ /tshig dge rnam par smras pa ni/ /kye ma theg chen theg pa ni/ /sangs rgyas spyod yul bsam mi khyab/ /de la gnas shing rgyal sras dang / rgyal ba bsam gyis mi khyab ston/ /bye ba'i zhing bzhugs rgyal ba dang / /rgyal sras de dag thams cad kyang / /dri med bsam gyis mi khyab chos/ /dgongs pas phyag bya 'os pa yin/ /theg pa chen po'i tshul dge ni/ mchog tu phra zhing dkon pa ste/ /gzhan du gyur pa'i tshul gyi mchog /rtog pa can gyi yul ma yin/ /rnam par shes pa brgyad kyi yul/ /rang bzhin rnams la khyad par byed/ /bdag med nyid ni lnga po yi/ /de bzhin khyad par byed pas na/ /bag chags spros pas 'phangs pa de/ /yun ring gnas ngan len pa dang / /sems dang sems las byung ldan zhing / /rnam shes rnams las rab tu byung / /lha rdzas tshul 'di mthong ba dang / /gser bzhin rnam par byang bar 'gyur/ /rnam dag rigs la gnas pa dag /sangs rgyas rigs su de dag 'gyur/ /de bzhin gshegs pa'i lha rdzas rigs/ /mur 'dug nyan thos rnams spangs pa/ /thob nas sangs rgyas zhing gi</font><hr>45.59a<br><font size=+1>

mchog /stug por de bzhin 'dong bar 'gyur/ /ting 'dzin 'di yi yul ni gang / /ting 'dzin 'di yi ming yang ci/ /rdo rje'i snying pos gang thob phyir/ /tshul dge 'di ni ston par 'gyur/ /rdo rje'i snying po'i rkang gnyis la/ /thub pa rnams kyis phyag byas nas/ /rdo rje'i snying po 'jigs med kyi/ /rdo rje'i blo la bshad par mdzod/ /ting 'dzin yul ni gang zhig yin/ /ting 'dzin 'di yi ming yang ci/ /gang la gnas shing tshul 'di yang / /rgyal sras khyod ni bshad pa mdzad/ /rgyal ba'i sras rnams nyan par 'dod/ /dbang sgyur bdag kyang de bzhin no/ /rdo rje'i snying po 'jigs med kyis/ /'khor du 'dus pa thams cad dang / /tshul 'di bsam gyis mi khyab dang / /rgyal ba'i sras kyi mthu stobs dang / /blo la 'dzin pa'i mthu kun dang / /nus sam mi nus zhes bltas nas/ /blo 'dzin mthu ldan mthong ba dang / /rgyal sras thams cad mthu ldan gyis/ thams cad ma 'gyur mnyan par byos/ /gzhan du gyur pa'i tshul dge ba/ /dbang sgyur lha yul gnas pa dang / /thub pa rnams la bshad par bya/ /theg pa chen po 'od can gyi/ /ting 'dzin yul ni 'di yin te/ /de la gnas shing rgyal sras rnams/ /tshul dge rab tu ston par byed/ /bye ba'i zhing rnams rab tu mthong / /de dag mgon po de bzhin no/ /rdul gyi mtha' mar thug pa rnams/ /de dag rang gi zhal ston to/ /dge'o dge zhes rab tu gsung / /'di ni rnal 'byor bzang ldan lam/ /lam 'dis nged rnams thams cad kyang / /ting nge 'dzin la dbang sgyur ba/ /thob nas sangs rgyas dri med gyur/ /gang yang sangs rgyas ting 'dzin skyes/ /theg pa chen po snang ba yi/ /ting nge 'dzin gyi phra sems pa/ /de la gnas shing rgyal sras pa/ /rgyal ba bsam yas spyod yul can/ /sprul pa bye ba mang po yis/ /so so rang rig spyod yul gyi/ /</font><hr>45.59b<br><font size=+1>

ting 'dzin sangs rgyas mthong ba ni/ /shin du phra ba'i rdul snyed do/ /so so rang gis rig tshul ni/ /gang la sangs rgyas gnas pa yin/ /chos 'di mchan ma med pa ste/ /sgra dang gzugs kyis rnam par spangs/ /ming ni mtshan mas bskyed pa yin/ /mtshan ma rkyen las byung ba ste/ /rnam par rtog pa gnyis las skyes/ /chos rnams kyi ni de bzhin nyid/ /de ni yang dag sus mthong ba/ /de yi ye shes yang dag mtshon/ /rang bzhin brtags pa ming yin te/ /mtshan ma gzhan gyi dbang las byung / /ming dang mtshan ma med pa na/ /rang bzhin don dam ma yin te/ /thams cad lus la kun nas gnas/ /kun gzhi de phyir 'byung ba ste/ /bag chags rnams kyi ri khrod gnas/ /yid kyi gnas ngan len gyis g.yogs/ /yid kyi rnam shes spyod pa yis/ /yid ni phyin phyogs rgyas par byas/ /rnam shes lnga po yul can dag /'byung zhing phyir yang ldog pa yin/ /rnam shes lnga yi yul rnams ni/ /sems can bzhin gnas lus can la/ /kun gzhir grags pa'i chu klung las/ /dba' rlabs bzhin du rab tu 'byung / /rnam shes kun gzhi mtshor gnas pa/ /bag chags rnams kyis brnyogs pa'i rnams/ /yul gyi rlung gis bskyod pa dag /rnam par rgyun chad med par rgyu/ /chos la bdag med mkhas pa yi/ /sangs rgyas rnams dang sangs rgyas sras/ /bde bar gshegs pa'i gnas 'thob ste/ /mngon sangs rgyas shing chos ston to/ /phung po gang zag bdag med par/ /rab tu rnam phye mthong gyur cing / /chos kyi dngos yod ma bshig par/ /nyan thos de dag mngon rtogs 'gyur/ /bdag med gnyis la mkhas pa nyid/ /rgyal ba'i sras rnams sgom par byed/ /rnam par bsgoms shing spong ba ni/ /tshul bzhin bzhin du yang dag mtha'/ /yang dag mtha yi bde myong zhing / /snying rje</font><hr>45.60a<br><font size=+1>

med pa'i sras rnams ni/ /sems can dgongs pa'i rgyud bcad pas/ /de dag sangs rgyas mi 'thob bo/ /bsam yas kye ma ye shes 'di/ /sems can rnams kyi bde ba skyed/ /mkhyen cing rgyal ba rgyal sras rnams/ /blo chung rnams la tshul ston to/ /ji ltar 'dam las byung ba yi/ /dge ba'i mtshan ldan pad mo dag /thub pa rnams dang lha dag gi/ /nye ba'i longs spyod rgyu yin no/ /de bzhin 'khor ba'i 'dam mtsho las/ /rgyal ba'i sras rnams 'byung ba ni/ /sangs rgyas dri med rab rnyed cing / /lha la yid du 'ong ba yin/ /byang chub sems dpa' mi rnams dang / /lha yi khrod du khyad par du/ /rgyal po'i khyu mchog 'gyur ba ste/ /'khor lo can du khyad par du'o/ /lha yul gnas pa'i bdag po dang / /dri za rnams kyi de bzhin te/ /theg chen yon tan ldan pa yi/ /lus can rnams kyis rtag tu 'thob/ /de phyir rgyal ba'i sras rnams kyis/ /theg pa che la brtson par gyis/ /mthar gyis bde gshegs gnas rab dang / /rgyal po dag tu'ang 'gyur bar 'ong / /kun nas nyon mongs chos rnams dang / /rnam par byung ba'i yod pa kun/ /rtag tu lus can thams cad kyi/ /sa la kun gzhi 'byung ba yin/ /spyi dang rgyu rnams lhan cig gam/ /'on tam spyi dang dbang pos kyang / /gtso bo rkyen dang rgyu rnams kyis/ /'jig rten rab tu bsgrub pa byas/ /khyad par can gyi sgyu brjod pa/ /ci nas 'byung bar 'gyur ba ste/ /rgyu med rang yang med par 'gyur/ /bya med byed pa'ang med par 'gyur/ /rnam par byang dang tha mi dad/ /kun gzhi tha dad 'gyur ba min/ /de ste rnam byang tha dad na/ /kun gzhi rtag pa ma yin 'gyur/ /sngon med 'jig med rtag pa ste/ /mtha' bzhi rnam par spangs pa yin/ /de bzhin gshegs pa'i snying po dag /sprul pa ye shes sgrar yang grag /phan tshun snying po tha</font><hr>45.60b<br><font size=+1>

mi dad/ /de ni sor gdub bzhin du gnas/ /sa rnams sna tshogs kun gzhi ste/ /bde gshegs snying po dge ba'ang de/ /snying po de la kun gzhi sgras/ /de bzhin gshegs pa ston pa mdzad/ /snying po kun gzhir bsgrags par yang / /blo zhan rnams kyis mi shes so/ /gser mgar mkhas pas rnam dag gi/ /gser las sor gdub byas pa ni/ /sor mo rnams la rnam par mdzes/ /phan tshun tha dad mtshan yin te/ /sor gdub ces kyang brjod mod kyi/ /las kyi mkhan pos yongs bsgyur bas/ /gser ni gzugs bzhin rab tu gnas/ /chos mthong rnal 'byor ldan pa yi/ /sems dang rnam par shes pa'i yul/ /bdun pa'i sa ni rnyed pa dang / /'byung ba las kyang rnam par ldog /'phags pa mthong ba'i chos ldan gyi/ /so so rang gis mthong ba dang / /spyi dang bdag gi legs 'phags pa/ /thams cad brjod par mi nus so/ ji snyed yul yod ci yang rung / /sems dang rnam shes spyod yul du/ /sna tshogs snang ba de dag kyang / /rnam shes yin te yul med do/ /sems ni rnam pa gnyis dngos su/ /gzung dang 'dzin par snang ba ste/ /rdza phru snam bu sogs pa yi/ /yul ni gang yang yod pa min/ /ji ltar ri rab rten byas shing / /nyi zla gza' yi tshogs kyi rnams/ /bral ba med par rtag tu 'khor/ /de bzhin rnam shes kun gzhi la/ /rnam dag 'phags pa'i spyod yul ni/ /rtag par gser bzhin rab tu 'bar/ /kun gzhi snying por bsgrags pa ni/ /rtog pa'i sems kyi yul ma yin / /rang bzhin rnam par brtags pa dag /brtag par nus pa ma yin dang / /yongs su grub pa'i rang bzhin yang / /rnal 'byor thub can rtag tu mthong / /yid kyi rnam shes yul can ni/ /bus pa rnams la 'ching ba'i dngos/ /smig rgyu sgra tshogs byung ba ste/ /'phags</font><hr>45.61a<br><font size=+1>

pa rnams kyis dri med gzigs/ /stong phrag bcu gnyis pa'i rgyan stug po las ji snyed pa'i mdo/ /rdzogs s+ho// </font><hr>

</table>