J548c

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J548c</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J548c&coll=lithang">see text in Tibetan script</a></table>97.288b<br><font size=+1>

@/ /rgya gar skad du/  Ar+ya rasmi bi ma la bi shud+he pra b+ha NA nA ma d+hA ra Ni/  bod skad du/  'phags pa 'od zer dri ma med pa rnams par dag pa'i 'od ces bya ba'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus cig na/ bcom ldan 'das grong khyer chen po ser skya'i gnas kyi pho brang gi 'khor gyi khyams chen po na dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs pa la 'di lta ste/ byang chub sems dpa' sems dpa' chen po sgrib pa thams cad rnam par sel ba dang / lag na rdo rje dang / 'phags pa spyan ras gzigs kyi dbang phyug dang / 'jam dpal dang / shes rab 'od dang / byams pa la sogs byang chub sems dpa' sems dpa' chen po grangs med pa rnams dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto phye chen po dang / mi dang mi ma yin pa la sogs pa grang med pas bcom ldan 'das la zhe sar byas/ ri mor byas/ bkur bstir byas te/ yongs su bskor ba la chos ston cing bzhugs so/ /de'i tshe ser skya'i grong</font><hr>97.289a<br><font size=+1>

khyer na gnas pa bram ze chen po ser skya'i zla ba zhes bya ba bcom ldan 'das kyi bstan pa la yid mi ches shing log par lta ba zhig gnas pa de dus gzhan zhig gi tshe gzhan zhig gi rmi ltas su rmis te bstan pa bram ze chen po khyod da ste zhag bdun na 'chi ba'i dus byed par 'gyur ro zhes zer ba thos nas/ bram ze de shin du yang mi dga' ste/ 'jigs skrag nas yid la bsam pa/ da bdag gis srog gi skyabs su la btsal bar bya/ yang dge sbyong gau ta ma thams cad mkhyen pa rdzu 'phrul dang ldan pa zhig yin no zhes grags na/ bdag de'i gan du song ste/ de thams cad mkhyen pa yin yang dag na de 'jigs pas nyam thag par 'gyur ba'i skyab mdzad pa'i phyir chos ston gor ma chag go snyam bsams nas/ bcom ldan 'das kyi gan du song ba dang / rgyang ring po nas bcom ldan 'das 'khor mang po dang thabs cig tu bzhugs pa mthong nas/ bcom ldan 'das la zhu bar ma spob te sems shing 'dug pa la/ bcom ldan 'das yang dag par rdzogs pa'i sangs rgyas dus gsum mkhyen pa/ thams cad gzigs pa/ sgrib pa mi mnga' bas bram ze de'i masam pa ma mkhyen nas byams pa'i thugs kyis brtse bar dgongs te/ bka' stsal pa/ bram ze chen po khyod da te zhag bdun na 'chi ba'i dus byas nas ngan song ngan 'gro mnar med pa'i sems can dmyal bar skye bar 'gyuro/ /de nas yang rim gyis sems can dmyal ba chen po bcu drug tu kha brgyud de skye bar 'gyur ro/ /de las thar nas kyang rigs ngan shan pa'i lus su skye bar 'gyur ro/ /de nas shi 'phos nas yang phag gi lusu skye bar 'gyur rtag tu ngan skyugs mi gtsang ba za zhing 'dam rdzab kyi nang du yang yun ring tu gnas te/ rgyun tu sdug bsngal myong bar 'gyur ro/ /de nas gal te mi'i lus thob na yang shin du dbul ba dang / mi gtsang ba dang / dri nga ba dang / </font><hr>97.289b<br><font size=+1>

mdog mi sdug cing gnas pa dang / lus rid cing nyams chung ba dang / mdze nad can du 'gyur te/ skye bo yongs la mi sdug cing rtag tu bkres pa nyam thag pa/ skye bo yongs kyis smad pa/ rtag par rdeg btsog bya zhing shin du sdug bsngal bar 'gyur ro zhes bka' stsal pa de thos nas/ bram ze de shin tu 'jigs skrag ste/ yid gdungs pas dus nas bcom ldan 'das kyi zhabs la mgo bos phyag 'tshal te gsol pa/ bcom ldan 'das yang dag par rdzogs pa'i sangs rgyas rnams ni sems can thams cad kyi mgon dang / skyabs mdzad pa lags na/ bdag ni sdig pa'i las thams cad 'chags te/ deng slan chad bcom ldan 'das kyi bka' bzhin du bgyid na bdag ngan song ngan 'gro sems can dmyal bar skye ba'i sdug bsngal las skyabs mdzad par gsol/ de skad ces gsol pa dang / bcom ldan 'das kyis bka' stsal pa/ bram ze chen po khyod song la grong khyer ser skya'i lam gyi sum mdo na mchod rten rings bsrel can rnying pa ral ba zhig yod pa de slar brtsig te/ mchod rten gyi rtse mor srog shing btsugs la/ gsang sngags yi ger bris pa de'i nang du bcug te mchod pa byas nas gsang sngags lan bdun bton na khyod kyi tshe yang phyir nur te 'phel bar 'gyur la/ 'chi ba'i dus byas nas kyang bde 'gro mtho ris kyi gnas long spyod che ba rnams su skye te/ bskal pa stong phrag brgya'i bar du bde ba'i longs spyod kyang phyir 'phel zhing rgyas par 'gyur/ de nas kyang de bzhin gshegs pa mi khrug pa'i sangs rgyas kyi zhing yongasu dag par skye bar 'gyur te/ bskal pa brgya stong du mar bde ba chen po myong bar 'gyur ro/ /de nas yang shi 'phos nas rgyal chen ris bzhi'i lha rnams kyi gnas su skye bar 'gyur ro/ /der yang bskal pa chen po stong phrag brgya'i bar du bde ba'i longs spyod mi zad pa myong bar 'gyur ro/ /tshe rabs</font><hr>97.290a<br><font size=+1>

gang du skyes pa'i gnas kun du yang yid gzhungs shing tshe'i bar chad med pa dang / las kyi sgrib pa thams cad zad nas nam du yang sems can dmyal bar ltung bar mi 'gyur ro/ /rtag tu yang dag par rdzogs pa'i sangs rgyas 'byung ba rnams dang phrad cing rjes su dgongs par mdzad do/ /bram ze chen po gzhan yang dge slong ngam/ dge slong ma 'am/ dge snyen nam/ dge bsnyen ma 'am/ rigs kyi bu 'am/ rigs kyi bu mo gang la la tshe thung ba 'am nad mang ba zhig yod na des mchod rten rnyed pa bcos sam/ gsar du brtsegs kyang rung ste/ gsang sngags 'di bris la nang du bzhugs nas dkyil 'khor byi dor byas te mchod na deg gis yon tan ni tshe zad pa yang tshe slar nur zhing ring ba dang / nad kyis btab cing sdug bsngal ba yang nad do cog las thar ba dang / nam du yang ngan song ngan 'gro sems can dmyal ba dang / byol song gi skye gnas dang / gshin rje'i 'jig rten du skye bar mi 'gyur te/ de dag gi sgra rna lam du yang grag par mi 'gyur na de dag tu skye ba lta ci smos de nas bram ze des de skad thos nas shin du yi rangs te/ mchod rten zhig pa bcos par bsams nas de 'khor de nas langs te song ngo / /de'i tshe 'khor de nyid na byang chub sems dpa' sems dpa' chen po sgrib pa thams cad rnam par sel ba zhes bya ba zhig stan las langs nas thal mo sbyar te/ bcom ldan 'das la 'di skad ces gsol to/ /bcom ldan 'das gsang sngags kyi cho ga 'di lta bur bgyis na yon tan dang / legs pa dang / dge ba'i rtsa ba bskyed par 'gyur/ de skad ces gsol pa dang / bcom ldan 'das kyis bka' stsal pa/ gsang sngags chen po rnaMs kyi yang mchog bdag nyid che ba dri ma med cing rnam par dag pa'i 'od ces bya ba 'di dkyil 'khor chen po'i cho ga bzhin byas nas de bzhin gshegs pa thaMd kyi byin gyis rlabs kyis sems can thams cad kyi phan pa dang bde bar</font><hr>97.290b<br><font size=+1>

'gyur ro/ /la la zhig gis gsang sngags 'di thos na mtshams med pa lnga byas pa'i sdig pa yang ma lus par 'byang bar 'gyur ro/ /ser sna dang / brnab sems dang / phrag dog la sogs pa mi dge ba'i rtsa ba thams cad kyang 'byang bar 'gyur te/ tshe zad pa las kyang tshe ring du nur ba dang / bkra shis dang / legs pa phun sum tshogs pa thams cad 'grub par 'gyur ro/ /de skad ces bka' stsal pa dang / yang byang chub sems dpa' sems dpa' chen po sgrib pa thams cad rnam par sel bas bcom ldan 'das la gsol pa/ bcom ldan 'das bcom ldan 'das kyis seMn thaMd kyi srog gi skyabs mdzad pa dang / las kyi sgrib pa tha~Md bsal ba'i slad du bcom ldan 'das kyi gsang sngags kyi cho ga 'di thaMd dang ldan pa'i 'khor la bka' stsal du gsol/ de skad ces gsol pa dang / bcom ldan 'das kyis gnang ste/ bcom ldan 'das kyis dbu'i gtsug tor gyi steng nas 'od zer gyi snang ba chen po byung nas stong gsum gyi stong chen po'i 'jig rten gyi khams thams cad 'od kyis khyab par mdzad de/ de bzhin gshegs pa thams cad la yang mkhyen par mdzad nas 'od zer de dag slar 'dus te/ bcom ldan 'das kyi dbu'i gtsug tor du nub bo/ /de nas bcom ldan 'das dgyes shing bya ka la ping+ka'i gsung dbyangs kyis gsang sngags bka' stsal pa/ na maHsa pa ta nAn/ sa~M myag sa~M bud+d+ha ko ti nan pa ri shud+he ma na si/ a b+ha tsi ta pa/ TiSh+Tha tu nAn/ na mo b+ha ga ba te/ a mri ta a yu ra Sha s+ya/ ta thA ga ta s+ya/ o~M sarba ta thA ga ta shud+d+hi/ A yur bi sho d+ha ne/ sa~M ha ra sa~M ha ra/ sarba ta thA ga ta bir+ya ba le Na pra ti sa~M ha ra/ A yuHsA ra sA ra/ sarba ta thA ga ta sa ma ya/ bo d+hi bo d+hi bu d+h+ye bu d+h+ye/ bo d+ha ya bo d+ha ya ma ma sarba pA pa a ba ra na bi shud+he/ bi ga ta ma la~M/ tsha ra su bud+he bud+he hu ru hu ru swA hA/ 'di ni rtsa ba'i sngags te/ gang la la 'di'i cho ga byed par 'dod na tshes brgyad dang bcu gsum dang bcu bzhi dang bcwa lnga rnams</font><hr>97.291a<br><font size=+1>

gang yang rungs ba la mchod rten ring bsrel can la lan bdun bcu rtsa bdun bskor la/ gsang sngags 'di lan bdun bcu rtsa bdun bzlas brjod byas te/ khrus byas la dkyil 'khor byas nas gsang sngags kyi yi ge bdun bcu rtsa bdun bris te de'i tshe gsang sngags 'don pa dang / yi ge 'dri ba/ yang khrus byas la gos gtsang ma gyon te/ lus spos kyis byugs nas kha zas gtsang ma zos la/ me tog dang / bdug pas mchod de/ de la rin po che sna bdun yang yon du phul la/ yang na bdag gi nyams kyis ci 'byor par phul yang rung ste/ sems mgu bar bya'o/ /chos btsun par bya ba'i phyir bsti stang dang / ri mo cher bya'o/ /gsang sngags kyi yi ge la yang dkon zhing rin po cher 'du shes bzhag ste/ mchod rten che chung ji tsam nus pa bdun bcu rtsa bdun gdab par bya zhing / de re re'i nang du gsang sngags bcug ste/ sems rtse gcig tu mchod pa chen po byas na tshe zad pa las tshe slar nur ste tshe ring bar 'gyur ro/ /sngon gyi las kyi sgrib pa tshe rabs grang med pa'i sdigs pa thams cad byang nas nam du yang sems can dmyal ba dang / dud 'gro dang / yi dgas kyi skye gnas thams cad du skye bar mi 'gyur ro/ /gang du skye ba'i gnas thams cad du yang sngon gyi tshe rabs rjes su dran par 'gyur/ yid la bsam pa thams cad kyang de bzhin du 'grub par 'gyur/ de bzhin gshegs pa 'bum phrag bdun bcu rtsa bdun snyed la dge ba'i rtsa ba bskyed par 'gyur/ nad dang sdug bsngal thams cad las thar bar 'gyur ro/ /gang la la zhig nad tshabs po ches btab ste/ 'chi ba'i dus byed pa la thug na dkyil 'khor gru bzhi par byas la/ de'i steng du tshon sna lngas ri mor bris te/ dbus kyi char ni 'khor lo dang / rdo rje dang dung dang mdung rtse gsum pa dang / g.yung drung ris dang pad mo rnams bri'o/ /grwa bzhir yang pad mo re re bris te de'i steng du spos chus bkang ba'i buM pa re re grwa bzhir bzhag go /bdug spos kyi snod bkang ba</font><hr>97.291b<br><font size=+1>

spos sna tshogs 'thul ba yang gzhag go /kha dog sna lnga'i snod du kha zas sna tshogs dang / zas dkar gsum dang 'bras chen du sbyar ba bzhag /yang dri'i chu dang / me tog dang / 'bras sam 'bru'i snod bkang ba phor bu re re blugs pa dang / yang kha zas sna tshogs sbyar ba'i gtor ma spos chu buM pa gang dang sbyar te/ dkyil 'khor gyi steng du gzhag go /gtor ma de dang 'bras kyi drung du nye bar tshogs kyi bdag po'i gzungs bris la de'i spyi bo'i steng du mar me gzhag go /de nas dkyil 'khor gyi nub phyogasu nad pa bzhag la/ dkyil 'khor gyi nang du kha stan pa'i nad pa'i mdun du yang mchod pa'i bshos bzhag ste dbul du gzhug go /de nas sngags mkhan gtsang sbra cher byas te/ nad pa de la gsang sngags bdun bcu tsa bdun gyis btab te/ cho ga 'di ltar byas na nad pa tshe zad de 'chi ba'i dus byed du nye ba zhag bdun nas dran pa nyams shing 'khrul bar 'gyur ba yang tshe slar nur zhing tshe ring por 'gyuro/ /rmi lam gyi sdug bsngal yang myong bar mi 'gyur ro/ /gang la la zhig gis gtsang sbra cher byas te/ nyin cig bzhin rtag par gsang sngags lan re re ji srid 'tsho ba'i bar du bton na de 'chi ba'i dus byas nas longs spyod dang / bde ba mi zad pa'i gnas su skye bar 'gyur ro/ /rtag par dus thams cad du bzlas brjod byas na sangs rgyas bzhugs pa'i zhing du skye bar 'gyur zhing / tshe rabs rjes su dran par yang 'gyur ro/ /dus ma yin pa'i 'chi ba dang / /sgrib pa thams cad byang bar 'gyur ro/ /yang gang la la zhig gis mi shi ba'i ched du phan par 'dod pas sems thag pa nas gsang sngags lan bdu cu rtsa bdun bzlas brjod byas na shi ba de ngan song gi gnas su ltung na yang de'i mod la las kyi sgrib pa rnam zad nas mtho ris kyi lha'i gnas su skye zhing bde ba myong bar 'gyuro/ /yang gang la la zhig gi gsang sngags yi ge bri ba gzhan gyi ming nas smos te/ mchod rten gyi nang du cug la nan tan du mchod pa byas na shi ba gang yin pa de ngan song gi gnas nas thar te</font><hr>97.292a<br><font size=+1>

mtho ris su skye bar 'gyuro/ /yang na dga' ldan gyi lha'i ris su skye bar 'gyur te/ sangs rgyas gyi byin kyi rlabs kyi ngan song du ltung bar mi 'gyur ro/ /rigs kyi bu 'am rigs kyi bu mo gang la la zhig gis mchod rten de la bskor ba byas sam/ phyag byas sam/ mchod pa phul yang rung ste/ de bzhin gshegs pa'i byin gyi rlab kyis bla na med pa'i byang chub kyi lam las phyir mi ldog par yang 'gyur/ sngon gyi las kyi sgrib pa rnams kyang ma lus par 'byang bar 'gyur ro/ /tha na bya dang ri dag la sog te gang dag la mchod rten de'i grib ma phog pa de dag kyang nam yang dud 'gro la sog pa ngan song gi gnas su skye bar mi 'gyur ro/ /gang la la mtshams med pa lnga'i sdig pa chen po dang ldan pa yang mchod rten de la reg gam/ de'i grib mas phog kyang rung ste/ de'i sdig pa thams cad byang zhing zad par 'gyur ro/ /mchod rten de'i gnas na 'byung po dang / gnod sbyin dang / srin po dang / yi dag dang / sha za la sog pa lus la 'jug cing gnod pa dang / gcan zan khro bo dang / thog 'bab pa dang / sdig sbrul kha gdug pa dang / sbyar dug la sogs pa thams cad kyis kyang mi tshugs shing med pa 'gyur ro/ /gzhan yang pha rol kyi dmag tshogs dang / mtshon dang / me dang / chu dang / ser ba dang / mu ge dang / dus ma yin par 'chi ba dang / rmi lam ngan pa dang / bkra mi shis pa dang / sdug bsngal gyi gnod pa thams cad med par 'gyur ro/ /yul der ltas ngan zhig byung na yang mchod rten dang / sangs rgyas kyi byin gyi rlabs kyis 'od zer chen mo byung bas/ ltas ngan dang / bkra mi shis pa thams cad zlog par 'gyur ro/ /gang gzhan zhig bsam pa ngan pas dmag dang / chom rkun gyi gnod pa byas bar sems sam/ dgra rgol ba zhig byung na yang gnas der mchod rten de la 'od zer chen po 'byung ste/ de bzhin gshegs pa'i rdzu 'phrul gyi me lce kun du 'bar bas bskor</font><hr>97.292b<br><font size=+1>

ba'i nang nas dmag gi dpung dang / mtshon cha'i char mngon par bstan pas pha rol gyi dmag tshogs thams cad zhi zhing phyir ldog par 'gyur ro/ /lha rnams kyis kyang bsrung ba dang bskyab pa byas te/ phyogs bzhir dpag tshad brgya tshun chad du mtshams cad de bsrungs pas de'i nang du 'khrug pa dang / nad 'go ba dang / phyugs nad thams cad mi 'byung ngo / /'thab cing rtsod pa mi 'byung / chos ma yin par spyod pa med par 'gyur ro/ /'di la gsang sngags gzhan gyis gcad pa dang / mnan par mi nus te/ gsang sngags thams cad kyi rtsa ba yin pa'i phyir ro/ /yang mchod rten de'i srog shing gi gsang sngags bshad pa/ o~M sarba ta thA ga ta bi pu la yaSh+Ti/ ma Ni ka na ka rA dza ta/ bi pu shi ta yaSh+Ti d+hu ru d+hu ru/ sa man+te bi lo ki te/ sa ra sa ra/ ma ma sarba pa pa bi sho d+ha Ni/ saM bo d+ha Ni/ pra ba ra yaSh+Ti/ pa ri ma Ni duSh+Ta hu ru tsi ra ma la bi shud+d+he hU~M hU~M swA hA/ rigs kyi bu ci nas kyang gsang sngags 'di nan tan du dgu bcu rtsa dgur yi ger bris te/ mchod rten gyi srog shing gis ngos bzhir gzhugs go /de yang cho ga'i gzhung 'di nyid kyang bris te srog shing gi nang du gzhug go /cho ga de ltar byas na mchod rten dgu khri dgu stong gi srog shing btsugs pa dang 'dra'o/ /de'i gong du yang mchod rten ring bsrel can dgu khri dgu stong bzhengs pa dang 'dra'o/ /de'i yang gong du rin po che sna bdun gyi mchod rten dgu khri dgu stong byas par 'gyur ro/ /de'i yang gong du de bzhin gshegs pa la mchod pa'i las kyi phyir chos bzang lha'i mdun sa dang 'dra ba'i gtsug lag khang gi mchod rten dgu khri dgu stong brtsig pa dang 'dra'o/ /yang gang la la zhig gis 'jim pa las mchod rten chung ngu zhig byas te/ de'i nang du gsang sngags 'di dag bcug na yang rin po che sna bdun gyi mchod rten dgu khri dgu stong rtsigs pa dang 'dra'o/ /yang gang la la zhig gis mchod rten 'di la skor ba byas sam/ phyag byas</font><hr>97.293a<br><font size=+1>

sam/ thal mo sbyar ram/ me tog phul lam/ byug pa dang / gdugs spos phul lam/ dril bu dang / ba dan dang / gdug 'ga' zhig phul na yang de bzhin gshegs pa dgu khri dgu stong gi mchod rten la phul ba'i bsod nams dang mnyam pa yin no/ /dge ba'i rtsa ba thams cad yongasu rdzog pa'i dpal dang / mthu stobs rgya chen po thob par 'gyur te/ tha na bya dang sbrang ma la sog pa mchod rten de'i grib mas phog na yang de bzhin gshegs pas mkhyen cing rjes su dgong par mdzad do/ /bla na med pa yang dag par rdzogs pa'i byang chub 'thob cing phyir mi ldog pa'i sa la gnas par yang 'gyur ro/ /yang gang la la zhig gis mchod rten 'di lta bu rmi lam du rmis sam/ rgyang nas mthong ngam/ dril bu'i sgra thos sam/ mchod rten bzhengs pa rna bar gtaM thos pa de dag kyang mtshams med pa lnga las sogs te/ sdig pa dang / sgrib pa thams cad byang ste/ rtag du de bzhin gshegs pa rnams kyis bsrung ba dang / rjes su dgong pa mdzad de/ bla na med pa yang dag par rdzogs pa'i byang chub kyi lam yongs su dag pa thob par 'gyur ro/ /gsang sngags 'di ni mchod rten gyi srog shing gi gsang sngags zhes bya'o/ /yang rigs kyi bu de bzhin pa'i mchod rten bya ba'i gsang sngags de dag gi snying po ni 'di yin no/ /o~M sarba ta thA ga ta/ ma la bi sho d+ha Ni/ ru d+ha ba le pra ti sa~M skA ra/ ta thA ga ta d+hA ru d+ha re/ d+ha ra d+ha ra/ san+d+ha ra san+d+ha ra/ sarba ta thA ga ta a d+hiSh+NA na a d+hiSh+ThI te swA hA/ dge slong ngam/ dge slong ma 'am/ dge bsnyen nam/ dge bsnyen ma 'am/ gang la la zhig gis mchod rten bdag nyid kyis byas sam/ gzhan byed du bcug gam/ mchod rten snying pa bcos legs byas kyang rung / sa 'jim las mchod rten chung ngu byas sam/ so phag gam/ rdo ba las byas kyang rung ste/ dang po gsang sngag kyi snying po stong rtsa brgyad tshad du bzlas brjod byas te/ de'i 'og tu mchod rten sen mo gang tsam gyi sa la byas sam/ khru gang gi chad du byas sam/ </font><hr>97.293b<br><font size=+1>

dpag tshad gcig tsam gyi tshad du byas na yang rung ste/ gsang sngags kyi mthu dang / sems rtse gcig du byas pa'i stobs kyis mchod rten de la yang spos kyi ngad ldang ste/ tsan dan dang / ga pur dang / gla rtsi dang / gur gum la sogs pa'i dri bro 'am/ lha'i spos dri zhim po'i ngad ldang bar 'gyur ro/ /bdag dang gzhan mchod rten gyi las byed pa dang / bzlas brjod byed pa de bsam pa thams cad kyang yid bzhin du 'grub par 'gyur ro/ /dge ba'i rtsa ba rgya chen po bsag par 'gyur te/ yon tan dang / legs pa phun sum tshogs pa yang 'thob par 'gyur tshe thung ba'i las shig yod na yang tshe nur zhing ring bar 'gyur/ nam 'chi ba'i dus byed pa na yang sangs rgyas bye ba khrag khrig 'bum phrag dgu bcu rtsa dgu'i zhal mthong zhing / de bzhin gshegs pa de dag gis rjes su dgong te/ skye gnas phyi mar sangs rgyas kyi zhing yongs su dag par skye bar 'gyur zhing mngon sum du lung ston par 'gyur/ der yang tshe lo bye ba khrag khrig brgya stong thus par 'gyur te/ sngon gyi gnas rjes su dran pa dang / lha'i mig dang / lha'i rna ba rnam par dag pa 'thob cing / pha rol gyi sems shes pa dang / 'chi 'pho ba dang skye ba shes pa 'thob bo/ /lus las tsan dan gyi dri'i ngad 'byung zhing kha nas ud pa la'i gsung ldang bar 'gyur te/ bla na med pa yang dag par rdzogs pa'i byang chub gyi lam thob nas phyir mi ldog pa'i sa yang thob par 'gyur ro/ /yang dri'i byug pa yungs 'bru tsam yang rung ste/ gsang sngags bzlas nas mchod rten la bskus na yang de dag gi yon tan dang / legs pa sngar bshad pa bzhin du thob par 'gyur ro/ /yang dge slong dang / dge slong ma dang / dge bsnyen dang / dge bsnyen ma gang la la zhig gis bdag nyid gtsang bar byas te/ gsang sngags gyi tshig 'di dag dkon pa dang / rin po cher 'du shes pas bzung na de de bzhin gshegs pa dang 'dra bar dad par bya ste/ gsang sngags rnams la gus pa bskyed nas yi ger bri bar bya ste/ gong du bshad</font><hr>97.294a<br><font size=+1>

pa bzhin du gsang sngags dang phyag rgya cho ga bzhin du bris nas mchod rten gyi srog shing gi rtsa bar snying po bcug ste/ mchod rte byas na de dge ba'i rtsa ba rgya chen po bsag par 'gyur to/ /yon tan dang legs pa thams cad thob par 'gyur ro/ /de nas bcom ldan 'das kyi gsang sngags kyi phyag rgya'i cho ga 'di dag bshad pa'i tshe phyog bcu'i 'jig rten gyi kham na bzhug pa'i de bzhin gshegs pa thams cad rjes su thugs rang par mdzad nas gsungs pa/ yang dag par rdzogs pa'i sangs rgyas shAkya thub pas sems can mnyam par dgongs shing / thams cad chos kyi dbyings la bkod nas gsang sngags chen po'i phyag rgya'i cho ga'i byin gyi brlabs 'thob par bstan pa ni legs so legs so/ /shin tu yang legs te/ dge ba'i rtsa ba de dag gi bla na med pa yang dag par rdzogs pa'i byang chub 'thob cing phyir mi ldog par yang 'gyur ro/ /de nas 'khor gyi dkyil 'khor de nyid na/ lha dang / klu dang / gnod sbyin dang / srin po dang / dri za dang / lha ma yin dang / mi 'am ci dang / lto 'phye chen po 'dus pa rnams dang / byang chub sems dpa' lag na rdo rje dang / rgyal po chen po bzhi dang 'jig rten skyong ba'i mes po tshangs pa dang / khyab 'jug dang / dbang phyug chen po dang / brgya byin dang / gshin rje dang / chu lha dang / ku be ra dang / de dag la sogs pa rdzu 'phrul che ba'i lha de dag gi bcom ldan 'das kyi gsungs pa de thos nas bdag cag rang rang gi spyod yul la skyong shing yid byung bar gyur te/ mthar gyis yon tan chen po thob par 'dod pa'i phyir gcig la gcig bos te smras pa/ kye ma yang dag par rdzogs pa'i sangs rgyas 'byung ba ni shin tu yang rnyed par dka'o/ /de'i bstan pa dam pa'i chos thos pa yang shin tu rnyed par dka'/ gsang sngags dang phyag rgya'i tshogs yang dag par rdzogs pa'i sangs rgyas kyi bstan pa thos pa yang shin du rnyed par dka' ste/ 'di ni shin du ngo mtshar to </font><hr>97.294b<br><font size=+1>

zhes smras so/ /de nas de'i tshe bram ze ser skya'i zla ba zhes bya ba bcom ldan 'das las de lta bu'i gsang sngags dang cho ga'i yon tan chen po de dag thos shing thob nas sems kyi sgrib pa'i rdul dang rnyog pa rnams dang bar gyur/ 'chi ba'i 'jigs pa dang / sdig pa dang / las kyi sgrib pa thams cad kyang dag par gyur/ tshe yang phyir nur te ring bar gyur nas dga' mgu yid rangs te yid bde ba chen po thos par gyur to/ /de nas 'byung po'i tshogs thams cad kyang sems dang zhing rjesu yi rang bar 'gyur to/ /de nas byang chub sems dpa' sems dpa' chen po sgrib pa thams cad rnams par sel bas de bzhin gshegs pa la mchod pa'i las kyi phyir 'khor der rin po che'i khang pa brtsegs pa nor bu sna tshogs kyi spras pa zhig mngon par sprul nas/ chos la dga' ba'i phyir bcom ldan 'das la phul te/ lan gsum bskor ba byas nas bcom ldan 'das kyi zhabs la mgo bos phyag 'tshal te/ bcom ldan 'das la gsol pa/ bcom ldan 'das kyi gsang sngags dang / phyag rgya dang / dkyil 'khor gyi cho ga shin du rnyed par dka' ba sems can thams cad la phan pa dang bde ba rnams kyi mchog 'dzam bu'i gling gi sems can sgrib pa che ba rnams kyi don du bshad de/ dge ba'i rtsa ba bskyed cing tshe ring ba dang / sdug bsngal gyi phung po thams cad las thar bar mdzad pa lags na/ de 'dir bdag cag byang chub sems dpa' rnams kyis kyangs sangs rgyas bcom ldan 'das thams cad la gsol te/ de bzhin gshegs pa'i spyan sngar yang dag pa'i ye shes chub par bgyid pa'i phyag rgya dang / gsang sngags gyi tshig bshad par 'tshal lo/ /na mo b+ha ga ba te/ na ba na ba Ti nA~M/ sa~M myag sa~M bud+d+hA ko tan pu ta sha ta sa ha srA nAM/ na maHsarba Ni ba ra Na bi ska m+bi Ni bo d+ti sa twA ya/ o~M tu ru tu ru ma ma sarba A ba ra Na bi sho d+ha Ni/ sarba ta thA ga ta A yur ba lA ni/ </font><hr>97.295a<br><font size=+1>

bi pu la ni ra mA le/ sarba sid+d+hi na ma skri twA/ ba ra ba ra/ sarba satwA a ba lo ki Ni/ o~M sarba Ni bA ra Ni/ bi skam bi Ni/ ma ma sarba pA pa bi sho d+ha ni ku ru swA hA/ bcom ldan 'das bdag gis sangs sngags 'di ni sangs rgyas bye ba phrag dgu bcu rtsa dgus bshad pa lags te/ gang la la zhig gi ma yengs pa'i sems kyis rtse bcig tu byas te/ skad cig gcig bton na yang sdig pa tham cad byang bar 'gyur ro/ /yang gang la la zhig gis gsang sngags 'di cho ga bzhin du dgu bcu rtsa dgu yi ger 'bris te mchod rten gyi nang du bcug na mchod rten de la/ la la zhig gis phyag byas sam/ tshig snyan pas bstod dam/ spos dang / me tog dang / byug pa dang / mar me 'bul na rig kyi bu de de'i tshe 'di nyid la sdigs pa thams cad byang zhing las kyi sgrib pa thams cad bsal te/ bsam pa thams cad yid bzhin du grub par 'gyur/ sangs rgyas bcom ldan 'das brgya stong grangs med pa gang gA'i klung gi bye ma snyed la mchod cing bsnyen bkur byas pa dang 'dra bar 'gyur ro/ /de bzhin du mchod rten ring bsrel gyi snying po can brgya stong bye ba khrag khrig gang gA'i klung gi bye ma snyed la mchod pa byas par 'gyuro/ /de'i dge ba'i rtsa ba rgya chen po sog par 'gyur ro/ /yang dge sbyong gang zhig gi tshes brgyad dang / bcu bzhi dang bcwa lnga gang yang rung ba la khrus dang gtsang sbra byas te/ gos gtsang ma gyon la zhag gcig smyung ba 'am/ yang na zas dkar gsum zos te/ mchod rten la bskor zhing gsang sngags 'di lan brgya tsa rgyad bzlas brjod byas na bskal pa brgya stong du bsag pa'i las kyi sgrib pa thams cad dang / mtshams med pa lnga byas pa yang yongs su 'byang bar 'gyur gzhan yang las dang nyon mongs pa'i sgrib pa thams cad rnam par dag par gyur nas byang chub sems dpa' sgrib pa tham cad rnam par sel ba bdag</font><hr>97.295b<br><font size=+1>

nyid kyi lus mngon par bstan te/ bsam pa thams cad dngos grub tu sbyin par mdzad cing / yang dag par rdzog pa'i sangs rgyas thams cad kyis zhal yang mthong bar 'gyuro/ /de bzhin du gang la la zhigis nyis brgya rtsa brgyad bton na ting nge 'dzin thob par 'gyur ro/ /gang gis sum brgya rtsa brgyad bton na sgrib pa thams cad byang te/ phyir mi ldog pa'i sa la gnas par 'gyur ro/ /yang gang gis bzhi brgya rtsa brgyad ston na rgyal chen ris bzhi'i rgyal po chen po dag kyang nye bar 'ongs nas lus mngon par bstan te/ bsrung ba dang / skyabs par byed cing shes rab kyi stobs kyang bskyed nas bsod nam thams cad nye bar bsgrub bo/ /gang gis lnga brgya rtsa brgyad bton na dge ba de nyid gyi 'dus ma byas kyi lam la gnas pa thob bo/ /yang gang gi drug brgya' rtsa brgyad bton na rig sngags 'chang du 'gyur te/ nam mkha' la rig 'dzin kyi gnasu 'gro bar 'gyuro/ /yang gang gis bdun brgya rtsa brgyad tshang bar bton na legs pa'i yon tan thams cad dang ldan par 'gyur ro/ /yang gang gis brgyad brgya rtsa brgyad bton na gzhan gyis bsgo ba med pa'i rang dbang 'thob ste/ sems rnam par dag par 'gyur ro/ /yang gang gis dgu brgya rtsa brgyad du bton na phung po lnga rnam par dag par 'gyur ro/ /yang gang gis stong rtsa brgyad du bton na rgyun tu zhugs pa'i 'bras bu 'thob bo/ /gang gi nyis stong tshang bar bton na lan cig phyir 'ong ba'i 'bras bu 'thob bo/ /gang gis sum stong tshang bar bton na phyir mi 'ong ba'i 'bras bu 'thob bo/ /gang gi bzhi stong tshang bar ton na dgra bcom pa'i 'bras bu thob par 'gyuro/ /gang gis lnga stong tshang bar ton na rang sang+yas kyi sa 'thob par 'gyuro/ /gang gis drug stong tshang bar bton na byang chub sems dpa'a'i rdzu 'phrul gyis gnas 'thob par 'gyuro/ /yang gang gis bdun stong tshang bar bton na byang chub sems dpa'i sa dang po 'thob par 'gyuro/ /yang gang gis brgyad</font><hr>97.296a<br><font size=+1>

stong tshang bar bton na byang chub sems dpa'i sa lnga pa gnon par 'gyuro/ /yang gang gis dgu stong tshang bar bston na rig sngags dang / gsang sngag rnams gyi bdag po gsang ba'i lus thob par 'gyuro/ /yang gang gis khri tshang bar bton na byang chub sems dpa'i sa brgyad pa mi g.yo ba gnon par 'gyuro/ /yang gang gis nyi khri tshang bar bton na bla na med pa yang dag par rdzogs pa'i sangs rgyas kyi sku thob par 'gyur te/ se ge'i sgra chen po sgrog par 'gyuro/ /yang gang la la zhig gis pha ma'i don gyi phyir bsod nams gyi las byang bar 'dod na/ mchod rten rnying pa ring bsrel can zhig ral du gyur pa gsol la bcos legs byas te/ g.yas phyogasu bskor ba byas cing sngag lan brgya rtsa brgyad tshang gis bar du bskor ba byas na bsam pa thams cad yid bzhin du 'grub par 'gyur ro/ /de nas bcom ldan 'das kyis byang chub sems dpa' sgrib pa tham cad rnam par sel ba la legs so zhes bya ba byin te/ legaso legs so/ /rigs kyis bu khyod gyi nga'i grog byas te/ de bzhin bshegs pa'i gsang sngags kyi cho ga tshul bzhin du bshad pa de kho na bzhin no/ /de nas gnod sbyin thams cad kyi rgyal po gsang ba pa'i bdag pos bcom ldan 'das la gsol pa/ bcom ldan 'das gsang sngags kyi rgyal po gsang sngags kyi cho ga 'di dag de bzhin gshegs pa rnams dang 'dra ba/ de bzhin gshegs pa'i chos kyi sku las byung ba lags na/ bcom ldan 'das snying po dam pa 'di dag 'dzam bu gling na gnas pa'i sems can rnam kyi las kyi sgrib pa dang / sdig pa thams cad bsal nas de phyin chad bcom ldan 'das kyi bstan pa la 'jug par 'gyur ro/ /de skad ces gsol pa dang / bcom ldan 'das kyi gsang ba'i bdag po la bka' stsal pa/ gsang ba pa'i bdag po gsang sngags kyi cho ga 'di dag ni ma 'ongs pa'i dus na yang</font><hr>97.296b<br><font size=+1>

de bzhin gshegs pa 'jig rten na bzhugs pa dang 'dra ba yin no/ /ngas cho ga ji skad bstan pa bzhin du byas na las kyi sbyor ba chung ngus kyang 'bras bu chen po 'grub cing phan yon che bar gnas par 'gyur na/ las kyi sgyor ba cher byas pa lta ci smos te/ dge ba'i rtsa ba thams cad bsags par 'gyur ro/ /de lta bas na de dag gi yon tan ni de bzhin gshegs pa brgya stong bye ba khrag khrig gang gA'i klung gi bye ma snyed kyi bshad kyang mi rdzogs te/ de bzhin gshegs pa de dag gi mkhyen cing gzig par zad do/ /gsang ba pa'i bdag pos gsol pa/ bcom ldan 'das las tshegs chung ngu ji lta bu zhig bgyi na bsod nams kyi 'bras bu chen po 'grub cing bsod nams chen po thob par 'gyur/ bcom ldan 'das kyis bka' stsal pa/ de'i phyir legs pa nyon cig dang bshad par bya'o/ /dge slong dang / dge slong ma dang / dge bsnyen dang / dge bsnyen ma gang la la zhig gi bsod nams gyi 'bras bu chen po thob cing yon tan thob par 'dod pa gsang sngag kyi rgyal po'i cho ga sngar bstan pa bzhin du byed te/ dgu bcu rtsa dgu yi ger bris la sangs rgyas kyi mchod rten gyi mdun du dkyil 'khor gru bzhir byas la ba'i lci bas byugs te/ grwa bzhir dri'i chu phor bu bkang ba re re gzhag /bdug spos kyi snod du ba 'thul ba yang bzhag nas snod chen po'i nang du me tog dang / dri'i chu dang / 'bras skam po rnams blugs te/ dkyil 'khor kyi steng du gzhag pa dang / yang til nag po dang / sran ma ma sha dang / 'bras rnams bsres te btsos pa'i 'bras thug kri sar zhes bya ba dang / zas dkar gsum dang / 'di rnams bum pa'i nang du blugs pa dang / yang shing tog sna tshog 'bras bu dgu bcu rtsa dgu dang / kha zas ming gis smos pa 'di rnams dang / spos dang / me tog la sogs pa dkyil 'khor gyi steng du bkram la/ gsang</font><hr>97.297a<br><font size=+1>

sngags kyi yi ge mchod rten gyi srog shing gi nang du bcug nas mchod rten gyi phyogs bzhir phyogs bcu'i de bzhin gshegs pa thaMd mngon du dmigs te phyag byas la sems rtse gcig pas gsang sngags 'di dag gdon par bya'o/ /'di lta ste/ o~M bi pu la bi ma le/ pra ba re dzi na ba re/ sa ra sa ra/ sarba ta thA ga ta d+hA tu gar b+he/ a d+hiSh+Thi te swA hA/ a ya ta to ba Ni swA hA/ sarba de ba Ni ba ha ya bi bud+d+ha a d+hiSh+Tha Na sa ma ye swA hA/ bdug spos 'thul ba rgyun mi 'chad par bya zhing / gsang sngags lan nyi shu rtsa brgyad bton na byang chub sems dpa' sems dpa' chen po brgyad dang / gnod sbyin gyi sde dpon chen po brgyad dang / gsang ba pa'i bdag po dang / rgyal po chen po bzhi dang tshangs pa dang / dbang phyug chen po dang / sred med kyi bu rnams de'i mod la mchod rten de la mchod pa dang / rim gro byed de srog shing brtan par byed do/ /de bas gong du yang sangs rgyas bye ba 'bum phrag dgu bcu rtsa dgu dang / gang gA'i klung gi bye ma snyed kyang gnas der gshegs te/ mchod rten de la mchod pa dang / chos kyi skur byin gyis rlob cing ring bsrel dang ldan par mdzad do/ /de ltar sems thag pa nas cho ga tshul bzhin du byas na yon tan de dag dang / gzhan yang mchod rten de yid bzhin gyi nor bu rin po che las byas pa'i bsod naMs thob par 'gyur te/ rin po che'i rnaM pa bye ba khrag khrig brgya stong du ma las mchod rten byas pa dang 'dra bar 'gyur te/ dge ba'i rtsa ba rgya chen po dang ldan zhing lus rnam par dag la tshe ring zhing nad med pa dang / bgegs thaMd kyis mi tshugs par 'gyuro/ /gang gzhan la la zhig mchod rten 'di mthong ngam/ mchod rten de'i dril bu'i sgra thos na yang las kyi sgrib pa dang / sdig pa thaMd byang bar 'gyur te/ mtshams med pa lnga byas pa yang yongasu byang nas 'chi ba'i dus byas pa'i 'og tu bde ba can gyi 'jig rten du skye'o/ /gang la la zhig gi mchod rten de'i ming tsam thos pa yang 'chi ba'i dus byas nas bla na med pa'i byang chub kyi lam 'thob par 'gyur/ </font><hr>97.297b<br><font size=+1>

tha na bya dang / ri dgas la sogs pa sems can gang gis mthong ba de yang tshe 'phos nas dud 'gro'i skye gnas spangs te/ bsod nams dang ldan pa'i lus thob par 'gyuro/ /gang la la zhig gis pha rol tu phyin pa drug yongasu rdzogs par spyod par 'dod pa des snga ma bzhin du dkyil 'khor gru bzhi pa byas te/ sa dang lci bas byugs la de'i steng du spos kyi brkyang nul gyis byugs te/ dkyil 'khor gyi grwa bzhir dri'i chus bkang ba'i snod re re gzhag la/ sngar bstan pa'i gsang sngags bzhi po dag las rnam pa gcig kyang dgu bcu rtsa dgu bris te/ rang gi lag gis mchod rten chung ngu dgu bcu rtsa dgu gdab cing gsang sngags rnams cig kyang re re de'i nang du gzhug go /de nas yang gsang sngags 'di dgu bcu rtsa dgu yi ger bris te/ mchod rten gyi 'phang lo rnams kyi nang du bcug la/ mchod rten rnams dkyil 'khor gyi steng du bzhag ste/ me tog dang / byugs pas mchod la/ lan bdun bdun du bskor zhing gsang sngags 'di yang gdon par bya'o/ /na maHna ba na bA Ti nA~M/ ta thA ga ta ga~M gA NA na~M/  Di bA lu kA~M/ ko Ti Na yu ta sha ta sa hA srA NA~M/ o~M bo bo ri/ tsa ri Ni tsa ri/ mo ri go ri tsa la bA ri swA hA/ cho ga 'di ltar byas na pha rol tu phyin pa drug yongasu rdzogs par spyad par yang ma zad de/ des ni rin po che'i mchod rten bye ba khrag khrig brgya stong gang gA'i klung gi bye ma snyed byas par 'gyuro/ /yang dag par rdzogs pa'i sangs rgyas bye ba khrag khrig brgya stong phrag dgu bcu rtsa dgu snyed la mchod cing bsnyen bkur byas par 'gyuro/ /de'i gong du yang lha thams cad kyis mchod pa'i sprin sna tshogs bsdus te/ mchod rten de la yo byad sna tshogs sbyar nas/ de bzhin gshegs pa'i pho brang dang / yo byad sna tshogs sbyar nas mchod par 'gyur te/ yang dag par rdzogs pa'i sangs rgyas de dag snyed kyis mkhyen cing gzigs te byin gyis rlob par mdzad do/ /rigs kyi bu 'am rigs kyi bu mo de'i dge ba'i rtsa ba rgya chen po'i</font><hr>97.298a<br><font size=+1>

bsod nams dang / yon tan thams cad thob par mdzad do/ /yang gang la la zhig gis gsang bsngags kyi rgyal po 'di snying po ma nor bar yi ger bris la rtag tu bton te/ mchod pa'i las byas la lus la thogs na rigs pa de nyid kyis bsrung ba dang / bskyab pa mdzad de/ phas kyi rgol ba'i dgra thaMd dang / shar gnyer ba rnams dang / gnod sbyin dang / srin po dang / yi dgas la sogs pa thaMd kyang gnod pa byed par mi 'gyur te/ 'jigs shing skrag nas so sor 'byer bar 'gyuro/ /gang la la zhig gis rigs pa 'don pa de dang gtam byas pa yang mtshams med pa lnga'i las kyi sgrib pa yang yongasu 'byang bar 'gyuro/ /gang la la zhig gis sngags pa de'i sgra thos sam/ grib mas phog gam/ lus la reg kyang rung ste/ de'i tshe rabs gzhan gyi las kyi sgrib pa dang / sdig pa thaMd yongasu byang bar 'gyuro/ /gang rig pa 'don pa de'i lus la dug gis mi tshugs/ mes mi tshugs/ chus khyer bar mi 'gyur/ gdon thaMd kyis kyang glags mi rnyed/ thog 'bab par mi 'gyur te/ sangs rgyas thaMd kyis bsrung ba dang / bskyab pa mdzad cing spyan ras kyis 'tsho bar mdzad do/ /lha thaMd dang / dam tshig can thaMd kyis kyang de la stong grogs byed par 'gyur te/ gzhan gyi rig sngags dang / byad dang / sbyor ba thaMd kyis mi tshugs par 'gyuro/ /de lta bas na rig pa 'don pa gnas gang na 'dug kyang gsang sngags 'di'i cho ga don du gnyer bar bya ste/ gsang sngags yi ger bris la lam gyi bzhi mdo 'am/ sum mdo skye bo mang po phan tshun 'gro ba'i gnasu mchod rten byas la/ de'i nang du bcug na 'gro ba thaMd dang / bya dang / sbrang ma dang / tha na grog sbur yan chad kyis mthong ba dang / thos pa dang / reg pa dang / de la phog pa'i sa dang / rdul dang / rlung dang / grib mas phog na ya~M byol</font><hr>97.298b<br><font size=+1>

song dang / yi dgas dang / ngan sems log par ltung ba sems can dmyal bar skye bar 'gyur ba'i sdig pa thams cad dang bral zhing / 'chi ba'i dus byas nas bde 'gro mtho ris lha rnams kyi nang du skye bar 'gyur te/ sngon gyi las kyi sgrib pa yongasu byang bas tshe rabs rjesu dran pa thob par 'gyur zhing phyir mi ltung ba'i chos can du 'gyuro/ /de nas bac+doMs kyis byang chub sems dpa' sems dpa' chen po sgrib pa thams cad rnam par sel ba dang / gsang ba pa'i bdag po lag na rdo rje dang / rgyal po chen po bzhi dang / tshangs pa mi mjed kyi bdag po dang / tshangs ris kyi lha rnams dang / dbang phyug chen po la sogs pa'i lha rnams la bka' stsal pa/ skyes bu dam pa dag ngas gsang sngags kyi rgyal po'i snying po'i 'di dag khyed rnams la yongasu gtad kyis rtag tu rim gror bya zhing yongasu bzung bar bya ste/ rin po che'i za ma tog gi nang du chug la gnas thaMd du bsgrags te/ nam du yang rgyun ma bcad par sems can la ston cig /mthong zhing thos par byas na mtshams med pa lnga'i sdig pa yang 'byang bar 'gyuro/ /de nas byang chub sems dpa' sems dpa' chen po sgrib pa thaMd rnam par sel ba dang / gsang ba ba'i bdag po lag na rdo rje dang / rgyal po chen po bzhi dag dang / tshangs pa dang / dbang phyug chen po dang / sred med kyi bu dang / lha dang / klu dang / gnod sbyin dang / srin po dang / lha ma yin dang / lto 'phye chen po la sogs pa thaMd kyis bac+doMs kyi zhabs la phyag 'tshal nas tshig 'thun par smras te/ gsol pa bac+doMs bcom ldan 'das kyis bdag cag la thugs brtse bar dgongs te gsang sngags 'di'i cho ga dang / mchod rten bgyi ba'i cho ga ji skad gsungs pa rnams sems can thaMd la sman pa'i slad du bdag cag kun gyis bsrung zhing rim gror bgyi/ rtag par gzungs su gzungs zhing mi bskyud par bgyi/ yi ger bri ba dang / </font><hr>97.299a<br><font size=+1>

bklag pa dang / mchod pa'i las rnams kyang bgyi ste/ ma 'ongs pa'i dus na sems can gang la las chos kyi rnams grangs 'di thos shing khong du chud nas ngan song ngan 'gro sems can dmyal ba la sogs pa dang / sdig pa thams cad las thar bar 'gyur bar bac+doMs kyis gsungs pas na/ bdag cag rnaMs kyis bac+doMs kyi bka' drin spyi bos blangs pa'i slad du gsang sngags kyi cho ga 'di dag rim gror bgyi/ btsun par bgyi gus par bgyi/ rin po che'i 'du shes bzhag par bgyi/ rgya cher 'phel bar bgyi/ bac+doMs kyi zhal dang 'dra bar lta bar bgyi/ nam du yang nub par mi 'gyur zhing ci nas kyang rgyas par bgyi ba'i slad du nan tan bgyi bar 'tshalo/ /de skad ces gsol pa dang / bac+doMs kyis bka' stsal pa/ skyes bu dam pa rnams dam tshig la gnas pas gsang sngags kyi cho ga 'di dag bsrung ba dang / rim gror bya ba dang / yongasu gzungs bar khas blangs pa ni legaso legs so/ /shin du yang legaso/ /bac+doMs kyis de skad ces bka' stsal nas/ thams cad dang ldan pa'i 'khor de dag yi rangs te/ bac+doMs kyis gsungs pa la mngon par bstod do/ /'phags pa 'od zer dri ma med pa rnam par dag pa'i 'od ces bya ba'i gzungs/ rdzogs s+ho// //rgya gar gyi mkhan po bid+ya ka ra si~M ha dang / zhu chen gyi lo tsa ba ban de dpal gyi lhun po'i sdes bsgyur cing zhus te gtan la phab pa'o/ /jo bo a ti sha dang dge bshes 'brom ston pas sngags rnams dag par bsgyur ro/ /  </font><hr>

</table>