@#/ /rgya gar skad du/ sarba ta thA 97.245a ga toSh+NI Sha bi dza ya nA ma d+hA ra NI kalpa/ bod skad du/ de bzhin gshegs pa thams cad kyi gtsug tor rnam par rgyal ma'i gzungs zhes bya ba'i rtog pa/ gtsug tor rnam par rgyal ma la phyag 'tshal lo/ /'di skad bdag gis thos pa dus gcig na/ bcom ldan 'das bde ba can na bzhugs so/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas tshe dpag med chos yang dag par sdud pa'i phug chen po'i khang bzang gi tshal bde ba la nye bar bzhugs nas/ byang chub sems dpa' sems dpa' chen po 'phags pa spyan ras gzigs dbang phyug la 'di skad ces bka' stsal to/ /rigs kyi bu sems can sdug bsngal dang nad sna tshogs kyis yongasu gzer cing tshe thung ba yod de/ de rnams kyi don du tshe ring bar nye bar bsgrub par bya ba'i phyir/ de bzhin gshegs pa thams cad kyis gtsug tor rnam par rgyal ma zhes bya ba'i gzungs 'di gzung bar bya/ gzhan rnams la rgya cher yang dag par bstan par bya'o/ /de nas byang chub sems dpa' sems dpa' chen po 'phags pa spyan ras gzigs dbang phyug stan las langs te thal mo sbyar bar gyur pas bcom ldan 'das la 'di skad ces gsol to/ /bcom ldan 'das de bzhin gshegs pa thams cad kyi gtsug tor rnam par rgyal ma zhes bya ba'i gzungs bstan du gsol/ bde bar gshegs pa bstan du gsol/ de nas bac+doMs kyis thaMd dang ldan pa'i 'khor gyi dkyil 'khor la gzigs te/ kun du snang ba'i dpal zhes bya ba'i ting nge 'dzin la snyoms par zhugs nas de bzhin gshegs pa thaMd kyi gtsug tor rnaM par rgyal ma zhes bya ba'i gzungs 'di bka' stsal to/ /o~M na mo b+ha g+ha ba te sarba trai lokya pra ti bi shaSh+TI ya/ bud+d+hA ya te na maHtad+ya thA/ o~M b+h+rU~M b+h+rU~M b+h+rU~M/ sho d+ha ya sho d+ha ya/ bi sho d+ha ya bi sho d+ha ya/ a sa ma sa man+tA ba b+hA sa s+pha ra 97.245b Na ga ti/ ga ga na swa b+hA ba bi shud d+he/ a b+hi Shin+tsAn+tumA~M/ sarba ta thA ga tA/ su ga ta ba ra ba tsa nA mr-i tA b+hi She kairma hA mu drA man+t+ra pa daiH/ o~M A ha ra A ha ra ma ma/ A yuHsan+d+hA ra Ni sho d+ha ya sho d+ha ya/ bi sho d+ha ya bi sho d+ha ya/ ga ga na swa b+hA ba bi shud+he/ uSh+Ni Sha bi dza ya pa ri shud d+he/ sa ha srarasmi sa~M tso de ti/ sarba ta thA ga tA ba lo ki ni/ ShaT pA ra mi tA pa ri pU ra Ni/ sarba ta thA ga tA mA te/ da sha b+hU mi pra tiSh+Thi te/ sarba ta thA ga ta hri da yA d+hiSh+ThA nA d+hiSh+Thi te/ o~M mu dre mu dre ma hA mu dre badzra kA ya sa~M ha ta na pa ri shud+he/ sarba karma a wa ra Na bi shud+he pra te ni bar+t+ta ya ma mA yurbi shud+he/ sarba ta thA ga ta sa ma yA d+hiSh+ThI nA d+hiSh+Thi te/ o~M mu ni mu ni/ ma hA mu ni/ bi mu ni/ bi mu ni/ ma hA bi mu ni/ ma ti ma ti/ ma hA ma ti/ ma ma ti/ ma ma ti/ ma hA ma ma ti/ su ma ti su ma ti/ ma hA su ma ti/ ta thA tA b+hu ta ko Ti pa ri shud+d+he/ bi s+phu Ta bud+d+he shud+he/ o~M he he dza ya dza ya/ bi dza ya bi dza ya/ sma ra sma ra/ s+pha ra s+pha ra/ s+phA ra ya s+phA ra ya/ sarba bud+hA d+d+hiSh+ThA na d+hi Sh+Tha ti/ o~M shud+d+he shud+d+he/ bud+he bud+d+he badzre badzre ma hA badzre su badzre badzra gar+b+he dzre ya gar+b+he badza ya gar+b+he badzra dz+wA lA gar+b+he badzro d+b+ha be/ badzra sa~M b+ha be badzre badzri Ni badzra m+b+ha ba tu mi sha rI ra~M sarba satwA nAny+tsa/ kA ya pa ri shud+d+hi r+b+ha ba tu me sa dA/ sarba ga ti pa ri shud+hi sh+tsa/ sarba ta thA ga tA sh+tsa mA~M sa mA swA sa yan+tu/ o~M bud+d+h+ya bad+d+h+yu sid+h+ya sid+h+ya/ bo d+ha ya bo d+ha ya/ bi bo d+ha ya bi bo d+ha ya/ mo tsa ya mo tsa ya bi mo tsa ya bi mo tsa ya/ sho d+ha ya sho d+ha ya bi sho d+ha ya bi sho d+ha ya/ sa man+tA na mo tsa ya mo tsa ya sa man+ta rasmi pa ri shud+he/ sarba ta thA ga ta hri da yA d+hiSh+ThA nA d+hiSh+Thi te/ o~M mu dre mu dre ma hA mu dre ma hA mu drA man+t+ra pa daiHswA hA/ rigs kyi bu gang 'di de bzhin gshegs pa thams cad kyi gtsug tor rnam par rgyal ma zhes bya ba'i gzungs/ 'chi ba'i dbyug pa chen po 'dzin pa/ sdig pa zhi bar byed pa'i dag byed do/ /gang su dag tshe ring bar 'dod pas 'chad par 'gyur ba'i rig pas bklag par bya'o/ /sa phyogs ya~Mngs pa kha cig tu sa dang ba byung gis nye bar byugs la/ dri bzang gi chab kyis chag chag gdab par bya'o/ /steng du bla res kyis bres shing 'phyang du bcug nas/ de'i dbusu rdul tshon dkar pos 'khor lo rtsibs brgyad pa shin du brgyan par 97.246a gdab par bya'o/ /gang de'i dbusu/ rang bzhin gyi snying po 'byung ba'i gtsug tor ro/ /de ltar rim pa ji lta bar shar la sogs pa'i rtsibs rnamasu namakha' ltar 'dus pa'i bza' ston 'byung ba'i gtsug tor dang / sa'i snying po 'byung ba'i gtsug tor dang / nor bu'i snying po 'byung ba'i gtsug tor dang / ro bcud kyi snying po 'byung ba'i gtsug tor dang / snying po dpag med 'byung ba'i gtsug tor dang / gzi brjid snying po 'byung ba'i gtsug tor dang / rnga'i sgra dbyangs 'byung ba'i gtsug tor dang / ser bu 'byung ba'i gtsug tor te/ de bzhin gshegs pa rnams bzhugs su gsol lo/ /de'i yang phyi rol nyid du pad ma 'dab ma bcu drug pa legs par bri bar bya'o/ /'dab ma so so re rer rim pa ji lta bar thig le bcu drug las byung ba'i de bzhin gshegs pa rnams bzhugasu gsol lo/ /nang stong pa nyid 'byung ba'i gtsug tor dang / phyi stong pa nyid 'byung ba'i gtsug tor dang / phyi nang stong pa nyid 'byung ba'i gtsug tor dang / stong pa nyid stong pa nyid 'byung ba'i gtsug tor dang / don dam pa stong pa nyid 'byung ba'i gtsug tor dang / 'du byas stong pa nyid 'byung ba'i gtsug tor dang / 'du ma byas stong pa nyid 'byung ba'i gtsug tor dang / thog ma dang tha ma med pa stong pa nyid 'byung ba'i gtsug tor dang / dor ba med pa stong pa nyid 'byung ba'i gtsug tor dang / rang bzhin stong pa nyid 'byung ba'i gtsug tor dang / chos thams cad stong pa nyid 'byung ba'i gtsug tor dang / rang gi mtshan nyid stong pa nyid 'byung ba'i gtsug tor dang / mi dmigs pa stong pa nyid 'byung ba'i gtsug tor dang / dngos po med pa stong pa nyid 'byung ba'i gtsug tor dang / rang gi ngo bo nyid stong pa nyid 'byung ba'i gtsug tor dang / dngos po med pa'i rang gi ngo bo stong pa nyid 'byung ba'i gtsug tor ro/ /de bzhin gshegs pa bzhugs pa'i gdan gyi dkyil 'khor byas nas dus ji lta ba'i me tog gi rnam pa 'bul bar bya'o/ /de'i phyed kyi steng du khri btsugs te chu'i snod du rnaM par snang mdzad kyi snying po'i mchod rten 97.246b bzhugs par bya'o/ /shog gu 'am lo ma la sngags kyi yi ge sgrub pa po'i ming can yang bzhugs par bya'o/ /bum pa chu yis bkang ba yang bzhag par bya'o/ /pad ma'i phyi rol phyogs bzhir bum pa bzhi yang bzhag par bya'o/ /dar gyi lda ldi dang gdugs dang ba dan gyis nye bar mdzes par byas nas/ yang shar du bgegs rab tu 'joms pa'i gtsug tor rnam par rgyal ba'i lha mo dang / lhor 'chi ba rab tu 'joms pa'i gtsug tor rnam par rgyal ba'i lha mo dang / nub tu nyon mongs pa rab tu 'joms pa'i gtsug tor rnam par rgyal ba'i lha mo dang / byang du phung po'i nad rab tu 'joms pa'i gtsug tor rnam par rgyal ba'i lha mo dang / mer rdo rje phreng ba tshe sbyin ma dang / bden bral du sgyu ma chen mo dang / rlung du gser 'od ma dang / dbang ldan du gser gyi phreng ba can tshe sbyin ma'o/ /snod bzhi chu dri bzang dang bcas pas bkang ste/ me tog gi phreng ba 'phyang du gzhug par bya'o/ /'di'i mthar re kha gsum rdul tshon gyis bri bar bya'o/ /phreng dang po la skra la sogs pa med pa'i 'jim pa rlon pa la byas pa'i sats+tsha stong phrag gcig bsgrig par bya'o/ /ma grub na brgya nges par bzhugs par bya'o/ /phyogs bzhir bkur sti dang sti tang dang chen po'i mchod pa byas nas/ tshig gzhan mi smra ba'i dam bca' 'dzin pa'i chos smra ba rnams kyis gzungs 'di bklag par bya'o/ /lan re re zhing mchod rten gyi dbur mchod cing rab tu gnas par bya'o/ /stong phrag gcig tu glog pas dbus kyi mchod rten gyi dbur lag pa bskyod cing mchod par bya'o/ /me tog dang / bdug spos dang / mar me dang / dri chab dang / lha bshos la sogs pa mchod pa thams cad stong phrag so sor mchod rten gyi phreng ba'i rnam par byas nas mchod pa bya'o/ /ji srid yongs su ma rdzogs pa de srid du mar me'i phreng ba rlung gis mi nyams pa sbar bar bya'o/ / 97.247a mnyam par bzhag cing gtsang sbras rab tu 'jug par bya'o/ /de ltar byas na zhag bdun pa'i tshe lo bdun du 'tsho bar 'gyuro/ /lo bdun pa'i tshe ni de ltar tshe mchog 'thob cing nad las rnams par grol nas lo brgyar 'tsho bar 'gyur ro/ /dus ma yin pa'i 'chi ba yang thams cad du rnyed par mi 'gyur ro/ /de lta bu'i nye bar spyod pa'i rim pa las gzhan du byas na de yi 'grub pa ma yin no/ /rab du byed pa dang po'o// //rtog pa 'di yang dag pa'i dge ba'i bshes gnyen sdom brtson dam pa 'dul ba'i gtsug lag la zla med par smra ba ne'u mkhan po'i gsung bzhin du/ mang du thos pa'i lots+tsha ba gnas brtan dpal nyi ma rgyal mtshan bzang pos dpal thar pa gling gi gtsug lag khang du rang gis bsgyur ba'o/ / |