J534b

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J534b</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J534b&coll=lithang">see text in Tibetan script</a></table>97.237a<br><font size=+1>

@#/ /rgya gar skad du/  sarba ta thA ga ta uSh+NI Sha bi dza ya nA ma d+ha ra Ni kal pa~M sa hi ta/  bod skad du/  de bzhin gshegs pa thams cad kyi gtsug gtor rnam par rgyal ba zhes bya ba'i gzungs rtog pa dang bcas pa/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das tshe dpag tu med pa de bzhin gshegs pa dgra bcom pa yang dag par rdzogs pa'i sangs rgyas bde ba can gyi chos yang dag par sdud pa'i phug khang bzangs mchog na nye bar bzhugs so/ /byang chub sems dpa' sems dpa' chen po 'phags pa spyan ras gzigs dbang phyug la bka' stsal pa/ rigs kyi bu sdug bsngal ba nad kyis gzir ba'i sems can tshe thung ba yod de/ de rnams kyi phyir 'khor gyi dkyil 'khor la nye bar gzigs te/ kun du gzigs pa'i dpal gyi mtshan de bzhin gshegs pa/  thams cad kyi gtsug gtor rnam par rgyal ba zhes bya ba'i gzungs 'di bcang ba dang / bklag pa dang / gzhan la rgya cher yang dag par ston pa ni tshe ring bar sgrub par byed pa'i ched du'o/ /de nas byang chub sems dpa' sems dpa' chen po 'phags pa spyan ras gzigs dbang phyug stan las langs te thal mo sbyar bar gyur pas/ bcom ldan 'das la 'di skad ces gsol to/ /bcom ldan 'das bstan du gsol/ de bzhin gshegs pa thams cad kyi gtsug tor rna~M par rgyal ba zhes bya ba'i gzungs bde bar gshegs pas bstan du gsol/ de nas bcom ldan 'das kyis thams cad dang ldan pa'i 'khor gyi dkyil 'khor la gzigs te/ kun du gzigs pa'i dpal zhes bya ba'i ting nge 'dzin la snyoms par zhugs nas/ de bzhin gshegs pa tha~Ms cad kyi gtsug tor rnam par rgyal ba zhes bya ba'i gzungs 'di bka' stsal pa/ o~M na mo b+ha ga wa te sarba trai lo kya pra ti bi ShiSh+TA ya bud d+hA ya te na maHtad+ya thA/ o~M b+h+rU~M b+h+rU~M b+h+rU~M sho d+ha ya sho d+ha ya/ bi sho d+ha ya bi sho d+ha ya/ a sa ma sa man ta a ba b+hA sa s+pha</font><hr>97.237b<br><font size=+1>

ra Na ga ti/ ga ga na swA b+hA ba bi shud d+he/ a b+hi Shiny+tsan+tu mA~M/ sarba ta thA ga tAHsu ga ta pa ra ba tsa na/ a mri ta a b+hi Shi kair/ ma hA mu drA man tra pa daiHA ha ra A ha ra/ ma ma A yuHsan d+ha ra Ni/ sho d+ha ya sho d+ha ya/ bi sho d+ha ya bi sho d+ha ya/ ga ga na swA b+hA ba bi shud d+he/ uSh+NI Sha bi dza ya pa ri shud d+he/ sa ha sra rasmi sa~M tso di te/ sarba ta thA ga ta a wa lo ki ni/ ShaT pA ra mi tA pa ri pU ra Ni/ sarba ta thA ga ta mA te/ da sha b+hU mi pra tiSh+Thi te/ sarba ta thA ga tA hr-i da ya a d+hiSh+ThA na a d+hiSh+Thi te/ mu dre mu dre ma hA mu dre/ badzra kA ya sa~M ha ta na/ pa ri shud d+he/ sarba karma A wa ra Na bi shud d+he/ pra ti ni bar ta ya/ ma ma A yur bi shud d+he/ sarba ta thA ga ta sa ma ya a d+hiSh+ThA na/ i d+hiSh+Thi te/ o~M mu ni mu ni/ ma hA mu ne/ bi mu ni bi mu ni/ ma hA bi mu ni/ ma ti ma ti/ ma hA ma ti/ ma ma ti/ su ma ti/ ta thA tA/ b+hu ta ko Ti/ pa ri shud d+he/ bi s+phu Ta/ bud d+hi shud d+he/ he he/ dza ya dza ya/ bi dza ya bi dza ya/ sma ra sma ra/ s+pha ra s+pha ra/ s+pha ra ya s+pha ra ya/ sarba bud d+ha a d+hiSh+ThA na a d+hiSh+Thi te/ shud d+he shud d+he/ bud d+he bud d+he/ badzre badzre/ ma hA badzre/ su badzre/ badzra gar b+he/ dza ya ga / bi dza ya gar b+he/ badzra dz+wA la gar b+he/ badzra ud b+ha be/ badzra sa~M b+ha be/ badzre badzrI Ni/ badzram+b+ha ban+tu/ ma ma sha rI ra~M sarba sa twA nAny+tsa kA ya pa ri shud d+hi ra b+ha ban+tu/ sa dA me sarba ga ti pa ri shud d+hish+tsa/ sarba ta thA ga tAsh+tsa mA~M sa mA swA sa yan tu/ bud d+h+ya bud d+h+ya/ sid d+h+ya sid d+h+ya/ bo d+ha ya bo d+ha ya/ bi bo d+ha ya bi bo d+ha ya/ mo tsa ya mo tsa ya/ bi mo tsa ya bi mo tsa ya/ sho d+ha ya sho d+ha ya/ bi sho d+ha ya/ bi sho d+ha ya/ sa man+tA mo tsa ya mo tsa ya/ sa man ta rasmi pa r-i shud d+he/ sarba ta thA ga tA hr-i da ya a d+hiSh+Tha na a d+hiSh+Thi te/ mu dre mu dre/ ma hA mu dre ma hA mu drA man tra pa daiHswA hA/ lha'i dbang po gtsug gtor rnam par rgyal ba zhes bya ba'i gzungs 'di ni ngan 'gro thams cad yongs su sbyong ba/ sdig pa'i las kyi sgrib pa thams cad rnam par sbyong ba/ bde 'gro'i lam du 'gro ba/ ngan 'gro thams cad rnam par 'jig par byed pa 'di ni sangs rgyas gang gA'i klung 'bum phrag bye ba brgyad bcu rtsa brgyad kyi bye ma snyed</font><hr>97.238a<br><font size=+1>

kyis gsungs pa/ byin gyis brlabs pa/ rjes su yi rang bar mdzad pa/ de bzhin gshegs pa thams cad kyi ye shes kyi phyag rgyas btab pa ste/ sems can thams cad bde 'gror 'gro bar bya ba dang / ngan 'gror lhung ba rnaMs bzlog pa dang / sems can dmyal ba dang / dud 'gro'i skye gnas dang / gshin rje'i 'jig rten la sogs pa'i sdug bsngal gyi gnas thams cad du sdug bsngal zhing nyam nga bar gyur pa rnams dang / sdug bsngal gyi rgya mtshor ltung ba'i sems can rnams rnam par grol bar bya ba'i phyir gsungs pa'o/ /de bzhin du sems can tshe thung zhing skal ba chung ba smad pa dang / rnam pa sna tshogs pa'i skye bar ltung ba rnams dang / bsam pa nyams pa dang / sems can lam las nyams pa rnams kyi don du gzungs 'di 'dzam bu'i gling du sems can rnams la gzungs 'di dang / phyag rgya dang / sngags yongs su gtad pa yin no/ /de'i phyir lha'i dbang po khyod kyis yang dag par gzung bar bya'o/ /lha'i dbang po gzungs 'di lan gcig thos ma thag tu bskal pa brgya stong du bsags pa'i las kyi sgrib pa yongs su byang bar 'gyur ro/ /skye bar skye ba sna tshogs pa sems can dmyal ba dang / dud 'gro'i skye gnas dang / gshin rje'i 'jig rten dang / yi dgas kyi yul dang / lha ma yin gyi ris dang / 'di lta ste/ gnod sbyin dang / srin po dang / 'byung po dang sha za dang / srul po dang / lus srul po dang / rjed byed dang / khyi dang / ru sbal dang / sbrul dang / gcan zan khro bo dang / bya dang / sbrang bu dang / sbrang ma dang / sdig sbrul dang / grog sbur la sogs pa srog chags kyi rigs rnams su phyis mi skye bar rig par bya'o/ /gzhan du de bzhin gshegs pa dang phrad pa dang / byang chub sems dpa'i rigs su skye ba dang / rigs chen por skye ba ste/ de la rigs chen po ni 'di lta ste/ bram ze'i rigs shing sa la chen po lta bu 'am/ rgyal rigs shing sa la chen po lta bu 'am/ khyim bdag gi rigs shing sa la chen po lta bu 'am/ tshong dpon gyi rigs shing</font><hr>97.238b<br><font size=+1>

sa la chen po lta bur skye'o zhes nga smra'o/ /lha'i dbang po de ltar na gzungs 'di'i mthus byang chub kyi snying po'i mthar thug gi bar du skye ba yongs su dag pa chen po 'thob ste/ lha'i dbang po gzungs 'di ni de ltar mthu che ba/ phan yon che ba/ mthu stobs che ba/ dge ba shis pa yin te/ lha'i dbang po sems can rnams kyi don gyi phyir gtsug gtor rnam par rgyal ba zhes bya ba'i gzungs ngan 'gro thams cad yongs su sbyong ba 'di bzhag go /'di lta ste/ dper na nor bu rin po che nyi ma'i snying po shin du dri ma med pa nam mkha' ltar yongs su dag pa 'od gsal ba ni 'od zer gyi snang bas 'bar zhing 'dug go /lha'i dbang po de bzhin du sems can de yang gos pa med par shes par bya'o/ /'di lta ste/ dper na 'dzam bu chu bo'i gser shin du dri ma med pa/ yongs su dag pa/ shin du mnyen pa/ shin du sdug pa'o/ /lha'i dbang po de bzhin du sems can chen po de yang shin du yongs su dag par rig par bya ste/ tshe rabs gzhan du yang de bzhin du skye bar 'gyur ro/ /lha'i dbang po gang na gzungs 'di rab tu ston pa dang / bye brag tu na yi ge 'drir 'jug pa dang / klog pa dang / 'don pa dang / kha ton tu byed pa dang / mchod pa dang / kun chub par byed pa dang / nyan pa dang / 'dzin par 'gyur ba de 'gro ba thams cad yongs su dag par 'gyur ro/ /sems can dmyal ba thams cad rgyun chad par 'gyur ro/ /lha'i dbang po gzungs 'di yi ger bris te rgyal mtshan gyi rtse mor gzhag par bya/ ri mthon po 'am/ khang pa mthon po 'am/ mchod rten gyi nang du gzhag par bya'o/ /lha'i dbang po dge slong ngam/ dge slong ma 'am/ dge bsnyen nam/ dge bsnyen ma 'am/ de las gzhan pa rigs kyi bu 'am/ rigs kyi bu mo gang gis rgyal mtshan gyi rtse mor gzhag pa mthong ngam/ de dang nye bar gnas par gyur na/ tha na de'i grib mas phog gam/ de'i rdul rlung</font><hr>97.239a<br><font size=+1>

gis btab pa phog na yang lha'i dbang po sems can de la sdig pa thams cad dang / ngan 'gror 'gro ba'i 'jigs pa thams cad mi 'byung ngo / /sems can dmyal ba dang / dud 'gro'i skye gnas dang / gshin rje'i 'jig rten dang / yi dgas dang / lha ma yin gyi ris thams cad du mi skye bar rig par bya'o/ /lha'i dbang po sems can de ni de bzhin gshegs pa thams cad kyis lung bstan cing bla na med pa yang dag par rdzogs pa'i byang chub las phyir mi ldog par rig par bya na/ lha'i dbang po shing bzo byed pa la yang phan yon chen por 'gyur na/ mchod pa dang / rim 'gror byed cing / me tog dang / bdug pa dang / spos dang / me tog phreng ba dang / byug pa dang / gdugs dang / rgyal mtshan dang / ba dan dang / spos dang / rgyan rnams kyis brgyan par byed pa dang / lam gyi bzhi mdor mchod rten byas la gzungs 'di gzhag la/ thal mo sbyar ba 'am/ phyag 'tshal ba 'am/ skor ba byed pa lta ci smos te/ lha'i dbang po sems can 'di ni sems can chen po yin par rig par bya'o/ /de bzhin gshegs pa'i sras su rig par bya'o/ /chos kyi gnas su rig par bya'o/ /de bzhin gshegs pa'i mchod rten du rig par bya'o/ /de nas chos kyi rgyal po gshin rje de'i nub mo de nam langs nas bcom ldan 'das ga la ba der song ste/ bcom ldan 'das la lha'i me tog dang / gos dang / rgyan la sogs pas mchod pa dang / sti stang du byas nas des bcom ldan 'das la lan bdun bskor ba byas te/ bcom ldan 'das kyi zhabs la gtugs nas 'di skad ces gsol to/ /bcom ldan 'das gzungs 'di ni mthu che zhing sman yon che ba lags te/ bcom ldan 'das bdag kyang rtag tu rgyun mi 'chad par sems can de'i slad bzhin 'brang zhing / dus kun du bsrung ba dang / yongs su bskyang pa'i slad du gnas par bgyi'o/ /sems can dmyal ba thams cad las de bzlog par bgyi'o/ /</font><hr>97.239b<br><font size=+1>

bcom ldan 'das bdag ni byas pa gzo bar bgyid kyi byas pa mi gzo bar mi bgyid do/ /de nas rgyal po chen po bzhis bcom ldan 'das la lan gsum bskor ba byas te/ bcom ldan 'das la 'di skad ces gsol to/ /bcom ldan 'das gzungs 'di'i cho ga zhib mo dang / bgyi ba'i cho ga'i tshul rgyas par bshad du gsol/ de nas bcom ldan 'das kyis rgyal po chen po bzhi po dag la 'di skad ces bka' stsal to/ /nyon cig dang gzungs 'di'i bya ba'i cho ga'i tshul bshad par bya'o/ /sems can tshe thung ba'i don gyi phyir rig kyi bu 'am/ rigs kyi bu mos tshes bcwa lnga'i zla ba la khrus byas te/ gos gtsang ma gyon nas bsnyung ba byas te/ lan stong bzlas brjod byas na de sems can tshe zad pa de yang phyir nur ro/ /nad dang bral bar 'gyur ro/ /sgrib pa thams cad rnam par dag pa thob par 'gyur ro/ /sems can dmyal ba la sogs pa ngan 'gro thams cad las yongs su thar bar 'gyur ro/ /tha na dud 'gro'i skye gnas su song ba'i srog chags bya'i rna lam du yang gzungs 'di'i sgra bsgrags par bya ste/ des ni de'i ngan 'gro 'di nyid tha ma yin par rig par bya'o/ /gang zhig nad chen pos btab ste sman pa rnams kyis bye brag phye te bor ba yang de ltar na nad de las yongasu thar bar 'gyur ro/ /de ni ngan 'gror skye ba thams cad rgyun chad par 'gyur ro/ /shi 'phos nas kyang bde ba can gyi 'jig rten gyi khams su skye bar 'gyur ro/ /de nyid de'i mngal gyi gnas tha ma yin par shes par bya'o/ /de gang dang gang du skye ba de dang der pad ma'i snying po kho na las rdzus te skye bar 'gyur ro/ /tshe rabs thams cad du yang tshe rabs dran par 'gyur ro/ /sems can sdig pa byed pa gang dag 'chi ba'i dus byas pa/ de dag gis don du gzungs 'di yungs kar la lan nyi shu rtsa gcig yongs su brjod de/ de dag gi rus gong rnams kyi steng du gtor na</font><hr>97.240a<br><font size=+1>

de dag sems can dmyal ba 'am/ dud 'gro'i skye gnas sam/ gshin rje'i 'jig rten nam/ yi dgas sam/ de las gzhan pa'i ngan 'gro rnams su skyes par gyur kyang rung ste/ de dag gzungs 'di'i mthus ngan 'gro de dag las thar bar 'gyur ro/ /de dag las thar nas kyang lhar skye bar 'gyur ro/ /su zhig 'di nyin gcig bzhin du lan nyi shu rtsa gcig rtsa gcig yongs su brjod pa de 'jig rten pa chen po rnams kyis mchod pa'i 'os su 'gyur ro/ /tshe ring bar 'gyur ro/ /nad med par 'gyur ro/ /bde ba myong bar 'gyur ro/ /rtag tu spro ba dang ldan pa dang / mya ngan las 'das pa chen po thob par 'gyur ro/ /shi 'phos nas kyang 'jig rten gyi khams bde ba can du skye bar 'gyur ro/ /de nas sangs rgyas kyi zhing sna tshogs pa tha dad du 'gro bar 'gyur ro/ /der yang de bzhin gshegs pa rnams dang phrad par 'gyur ro/ /de bzhin gshegs pa thams cad kyis kyang dbugs 'byin par 'gyur ro/ /de bzhin gshegs pa thams cad kyis kyang lung ston par 'gyur ro/ /sangs rgyas kyi zhing thams cad du yang 'jig rten la snang ba byed par 'gyur ro/ /phyag rgya bcing ba ni sor mo bcu'i thal mo la bsdigs mdzub gnyis bkug ste mthe bong gnyis dang sbyar la/ de nas gzungs 'di dran par bya'o/ /dkyil 'khor gru bzhi pa byas te me tog sna tshogs bkram la sna tshogs pa'i bdug pas bdug cing / pus mo g.yas pa'i lha nga sa la btsugs te/ de bzhin gshegs pa thams cad ting nge 'dzin gyis dmyigs la phyag bya zhing / de nas gzungs brgyad brgya bklag par bya'o/ /de ltar lan gcig bklags pa tsam gyis bye ba khrag khrig brgya stong phrag brgyad bcu rtsa brgyad kyi gang gA'i klung gi bye ma dang mnyam pa'i de bzhin gshegs pa thams cad la mchod cing bsnyen bkur ba dang ri mor byas</font><hr>97.240b<br><font size=+1>

pa ste/ de bzhin gshegs pa thams cad la mchod pa chen po'i sprin gyis mchod par 'gyur ro/ /de kun gyis kyang legs so zhes bya ba'i sgra brjod par 'gyur ro/ /sems can de ni de bzhin gshegs pa thams cad kyi bdag nyid las skyes pa'i sras su rig par bya'o/ /sgrib pa med pa'i ye shes dang ldan zhing byang chub chen po'i sems kyi rgyan dang mnyam pa thob par 'gyur ro/ /de la gzungs bsgrub pa'i cho ga'i thabs 'dis ni lha'i dbang po 'gro ba thams cad kyang sems can dmyal ba la sogs pa'i ngan 'gro las yongs su thar bar 'gyur ro/ /de dag gi 'gro ba thams cad kyang yongs su dag par 'gyur ro/ /tshe ring bar 'gyur ro/ /lha'i dbang po song la lha'i bu blo gros shin du brtan pa la gzungs 'di rjes su ston la sgrogs shig /lha'i dbang po des na zhag bdun na lha'i bu shin du brtan pa'i 'gro ba thams cad yongs su dag cing tshe ring bar 'gyur ro/ /stobs che bar 'gyur ro/ /de nas lha'i dbang po brgya byin gyis de bzhin gshegs pa las rjes su bstan pa 'di blangs te/ de'i gnas su phyin nas lha'i bu shin du brtan pa la gzungs 'di byin no/ /de nas lha'i bu des nyi ma bdun pa'i bar du nyin drug mtshan drug tu gzungs 'di la brtson par byas na/ de'i bsam pa thams cad phun sum tshogs te/ 'di lta ste/ ngan 'gro las ni yongs su thar/ bde ba'i lam la yang gnas/ tshe ring bar yang gyur nas/ a la la sangs rgyas/ a la la chos/ a la la gzungs 'di lta bu 'jig rten du byung ste/ des bdag 'jigs pa chen po las yongs su thar to/ /zhes ched du brjod pa brjod do/ /de nas lha rnams kyi dbang po brgya byin dang / lha'i bu shin du brtan pa 'khor che ba rnams kyis me tog dang / dri dang / bdug pa dang / phreng ba dang / gdugs dang / rgyal mtshan dang / ba dan dang / gos kyi rgyan bzang po'i bla re dang / lha'i tshogs kyi mthus bcom ldan 'das kyi drung du phyin ste</font><hr>97.241a<br><font size=+1>

thad du phyin pa dang / bcom ldan 'das la mchod pa chen po lha rdzas kyi gos kyi rgyan la sogs pa nye bar mkho ba'i mchod pa brgya stong phul te bskor ba byas nas bcom ldan 'das kyi mdun du 'dug ste/ de bzhin du ched du brjod pa byas nas bcom ldan 'das kyi mdun du 'dug ste chos nyan to/ /de nas bcom ldan 'das kyis phyag gser gyi mdog can brkyang ste lha'i bu shin du brtan pa dbugs phyung nas chos ston par byed cing sangs rgyas kyis bar du lung ston to/ /rigs kyi bu de bzhin gshegs pa thams cad kyi gtsug tor rnam par rgyal ba'i gzungs 'di ni 'chi ba chen po'i dbyug pa 'dzin pa ste/ dag byed 'jom par byed pa 'di grog 'am/ gzhan zhig la bris te/ mchod rten gyi nang du bzhag la rab tu rgya che ba'i mchod pa ji ltar 'byor pas mchod de bskor ba stong phrag brgya byas na mchog gi tshe dang blo rno ba sbyin par byed par 'gyur ro/ /de ltar byas pas zhag bdun pa'i tshe ni lo bdun thub bo/ /lo bdun pa'i tshe ni lo bdun bcu thub bo/ /de ltar mchog gi tshe thob cing dran pa dang ldan pa dang / nad med pa dang / skye ba dran par 'gyur ro/ /mchod rten la bzhugs su gsol te/ mgo la bcings na nad chen po las grol bar 'gyur ro/ /gos sam shing shun la 'gi hang gis rang gi ming dang bcas par gzungs bris te/ tsan dan gyi rang bzhin gyi mchod rten la bzhugs su gsol nas/ rang gi khyim du bzhag la rgya che ba'i stong gis mchod pas mchod de/ zla ba re re zhing brgya phrag brgyad kyi bzlas pa'i mchod pa'i cho ga byas na nad las grol zhing lo brgya thub par 'gyur ro/ /med na 'dam pa'i rang bzhin la yang bya'o/ /yang gos gtsang ma la sna tshogs rdo rje la gnas pa'i mchod rten bris la/ rdo rje phreng bas bskor bas brgyan pa de'i nang du rang gi ming dang gzungs kyi tshig 'di 'gi hang gis bris la/ kham pho kha sbyar gyi nang du bzhugs su</font><hr>97.241b<br><font size=+1>

gsol te rang gi khyim du bzhag la mchod pa rgya chen pos mchod pa byas na rtag tu bsrung bar 'gyur ro/ /gzhan yang cho ga ni sa la ma lhung ba'i lci bas maN+Da la gru bzhir byas la me tog dkar pos bkram ste/ mtshams bzhir zhun mar gyi mar me bzhi bzhag la/ a ka ru dang du ru ka'i bdug pa byas la/ de bzhin du dri'i chus gang ba'i snod me tog dkar pos rgyan te/ gzungs kyi snying po can gyi mchod rten nam sku gzugs dbus su bzhugs su gsol la/ de la g.yon pa'i lag pas reg ste g.yas pa'i lag pa phreng ba 'dzin pas nyi ma re re zhing nyi shu rtsa gcig rtsa gcig dus gsum du bzlas pa byas la/ de'i chu khyor ba gsum 'thung na nad med pa dang / tshe ring ba dang / dgra yongs nyams pa dang / 'dzin blo rno ba dang / ngag btsun par 'gyur ro/ /skye ba nas skye bar skye ba dran par 'gyur ro/ /de'i chus khang pa dang / phyugs kyi ra ba 'am/ rta'i ra ba 'am/ rgyal po'i khab tu gtor na/ rkun ma dang / sbrul dang / gnod sbyin dang / srin po la sogs pa'i 'jigs pa mi 'byung zhing nad kyis yongs su gdungs par mi 'gyur ro/ /mgo la gtor na de nad de las grol bar 'gyur ro/ /de ltar tshe dpag tu med pa'i phan yon che ba'i gzungs 'di gang dang gang du rab tu sbyar ba'i/ de dang de ru zhi ba chen por 'gyur ro/ /so shing la lan nyi shu rtsa gcig yongs su bzlas te/ 'chos na nad med pa dang / blo rno ba dang / tshe ring bar 'gyur ro/ /chu khyor ba gsuM la dus gsum du lan nyi shu rtsa gcig rtsa gcig yongs su bzlas te 'thungs na nad thams cad las yongs su grol zhing yun ring du 'tsho bar 'gyur ro/ /gzhan yang byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das tshe dpag tu med pa la bskor ba byas nas 'di skad ces gsol to/ /bcom ldan 'das rigs kyi bu 'am/ rigs kyi bu mos mchod rten gyi las ji ltar bya/ sku gzugs la sogs pa sgrub pa ji ltar bya/ 'dir sbyin sreg kyang ji ltar bgyi/ </font><hr>97.242a<br><font size=+1>

bcom ldan 'das kyis bka' stsal pa/ dri ba legs par smras pa ni/ /dpa' bo chen po legs so legs/ /sems can kun la phan rtse'i phyir/ /'dir ni rtse gcig yid kyis nyon/ /de nas bcom ldan 'das kun du 'od dpag tu med pa'i dpal zhes bya ba'i ting nge 'dzin la snyoms par zhugs nas de bzhin gshegs pa thams cad kyi tshe dpag tu med pa zhes bya ba'i gzungs 'di gsungs pa ni 'di lta ste/ o~M a mi te/ a mi tod b+ha bi/ a mi ta bi krAn te/ a mi ta gA dri/ a mi ta gA mi ni/ a mi ta a yur+d+ha te/ ga ga na kIn+ta ti ka re/ sarba kle sha k+Sha ya~M ka ri yi swA hA/ zhes bya ba'i gzungs 'dis mchod brten byed pa'i 'jim pa blang ba dang / byug pa la sogs pa dang / gdugs pa'i gdagi bar ji srid srid rdzogs par bya'o/ /'di'i cho ga ni/ mchod brten cho ga mchog gyur pa/ /de nas yang dag bshad bya ba/ /gser dang / in dra nI la dang / dngul dang / pad ma rA ga la sogs pa rang bzhin mang po'i rin po ches spras pa'i sor bcu gnyis kyi tshad pad ma'i sting na bzhugs pa/ de'i logs bzhir 'jig rten skyong ba bzhi lag na rgyal mtshan bsnaMs pa'o/ /me tog dang / bdug pa dang / dri lag na bzung ba'i gnas gtsang ma'i lha'i bu rnaMs dang / lha rnaMs kyi dbang po brgya byin lag na gdugs bsnaMs pa dang / g.yas dang g.yon gyi loganyis na spyan ras gzigs dang / rdo rje 'chang gnyis rnga yab dkar po phyag na bsnaMs pa gnyis bya'o/ /de lta bu'i cho gas mchod brten la g.yas skor gyis sbyor bas pad ma'i 'dab ma la bri bar bya'o/ /de bzhin gshegs pa thaMd kyi gtsug tor rnam par rgyal ba zhes bya ba'i gzungs bris la de'i ring bsrel gyi snying po can du byas te/ dri zhim po dang bsres pa'i chus gtor zhing dri zhim po'i me togis mchod la/ stong phrag cig gis mchod pa byas te/ dkar po'i phyogs kyi tshes brgyad kyi nyin zhag la bsnyung bar gnas shing / sems can thaMd la phan pa'i blos tshe dang blo ster ba'i yon byin te stong phragacig gcig</font><hr>97.242b<br><font size=+1>

bzlas par bya'o/ /zla ba re re zhing byas na zla ba drug gis tshe lo stong thub par 'gyuro/ /rtag tu lo gcig tu byas na tshe lo 'bum thub par 'gyuro/ /rtag tu byas na tshe lo mi zad pa thub cing stobs dang ldan pa dang / gang gis kyang mi thub cing lha dang lha ma yin dang mi mnyaM pa'i mkha' spyod kyi gtsug tor mchog tu 'gyuro/ /de nas gzhan yang cho ga ni rab tu dge ba'i gnasu sa blangs la dri zhim pos bsres la mchod rten bya'o/ /stong phragacig nas brtsaMs te ji srid lnga'am gcig gi bar du'o/ /nyi ma re re zhing mchod rten du gtogs pa gtsug tor rnam par rgyal ba yang dag par bzhugasu gsol la/ ji skad gsungs pa'i mchod pa rgya chen po byas la stong phragacig nas brtsaMs te lan bdun gyi bar du bklag par bya'o/ /nyi ma re re zhing tshe dang blo ster bar byed pa'i gzungs kyi ched du byas te/ sems can thaMd la thun mong du dge ba'i rtsa ba sbyin par bya'o/ /sems can rnaMs la bcing ba dang brdung ba la sogs pa spang bar bya'o/ /zla ba gzhan re re la mchod pa nyis 'gyur du byas la brgyad brgya'i bzlas pa bya ba ni rang ngam rang dang 'dra bas bya'o/ /cho ga 'di yis ni dus ma yin par 'chi ba brgyad med par 'gyuro/ /blo rno ba dang / nad med pa dang / tshe lo brgya thub cing 'gro ba thaMd kyis yid du 'ong ba dang / skye ba dran par 'gyuro/ /gang gi tshe 'chi ba'i dus byed pa de'i tshe sbrul shun pa rjes pa dang 'dra bar rang gi lus bor te mdzes pa'i lus bde ba can gyi 'jig rten gyi khaMs su skye bar 'gyuro/ /yang de nyid dmyal ba dang / byol song gi skye gnas dang / gshin rje'i 'jig rten gyi ngan 'gror skye bar mi 'gyuro/ /rna ba'i bug gar dmyal ba'i sgra yang thos par mi 'gyur na 'bras bu smin par lta ga la 'gyur/ 'di rnams kyi gnas su 'gro ba med do/ /de nas bac+doMs tshe dpag tu med pas gzhan yang sgrub pa'i thabs bka' stsal pa/ gang gis sems can tshe dpag tu med par 'gyur ba dang nyam nga ba'i 'khor ba las grol bar byed pa ni gzhon nu mas bkal ba'i</font><hr>97.243a<br><font size=+1>

skud pa tshad dang ldan pa mdzes pa'i ras mkhas pas bya'o/ /de nas gtsug tor rnam par rgyal ba zhes bya ba'i gzungs mtshon sna ma lus pas gzungs kyi yi ge las sprul pa'i mchod rten gyi nang du bri bar bya'o/ /tshe dpag tu med pa 'od zer stong gi phreng ba can pad ma dang zla ba'i gdan la bzhugs pa/ ston ka'i zla ba lta bu'i 'od can/ rgyan thaMd kyis brgyan pa/ zhal gsum pa/ spyan gsum pa/ phyag brgyad pa/ g.yas pa'i zhal zhi ba gser gyi 'od zer dang ldan pa'o/ /g.yon pa ni mche bas ma mchu mnan pa mi bzad pa ut+pa la sngon po'i 'od zer gyi 'od dang ldan pa'o/ /dbus ma ni sgeg pa dang bcas shing dkar ba'o/ /g.yas pa'i phyag gis snying kar sna tshogs rdo rje'o/ /de bzhin du pad ma la gnas pa'i 'od dpag tu med pa dang / mda' dang mchog sbyin pa'o/ /g.yon du sdigs mdzub dang bcas pa'i zhags pa dang / de bzhin du gzhu dang / mi 'jigs pa dang / bum ba'o/ /yang mgo bor mchod rten la gnas pa'i o~M dang / mgrin par AHdang / snying kar hU~M ngo / /dpral bar tra~M ngo / /lte ba'i phyogs su hri'o/ /rkang pa gnyis la o~M aHyi ge 'di rnams bkod la rak+Sha swA hA/ dang bcas pa 'di'i nang du rang gi ming dang spel ba'o/ /de'i logs gnyisu pad ma dang / rdo rje 'chang gnyis rnga yab dkar po phyag na bsnaMs pa'o/ /steng du bdud rtsi'i char gyi rgyun 'bebs bzhin pa'i gnas gtsang ma'i lha'i bu gnyis so/ /logs bzhir khro bo mi g.yo ba dang / 'dod pa'i rgyal po dang / dbyug pa sngon po can dang / stobs po che zhes bya ba ste/ ral gri dang / lcags kyu dang / dbyug pa dang / rdo rje bsnaMs pa'o/ /g.yon pa na gdug pa can 'jigs pa'i sdigs mdzub ched du byed pa'o/ /de ltar 'bad pas rdzogs par byas reng bsrel dang bcas pa'i mchod rten la snyung bar gnas pas mchod pa chen po stong phrag gcig gis mchod pa byas la 'bum phragacig bzlas pa bya'o/ /de nas dkar po'i phyogs kyi tshes gcig</font><hr>97.243b<br><font size=+1>

nas bzung ste ji srid bcwa lnga'i bar du stong stong bzlas pa bya'o/ /de nas snga bar nam nangs pa dang bcom ldan 'das ma zhal mthong bar 'gyuro/ /de nas ji ltar dngos grub 'dod pa ster ro/ /yang na ni thang ka de dri zhim po dang bsres pa'i chus byug pa'i phyogs gcig tu yang dag par bzhugasu gsol la mchod pa rgya chen po bya zhing nyi ma re re zhing brgyad brgya bzlas pa bya'o/ /yang zla ba re re la stong stong gi mchod pa bya zhing stong stong gi bzlas pa byas na tshe dpag tu med pa dang / stobs dpag tu med pa gnon pa dang / namakha' dang 'gro ba dang / nad chen po med par 'gyuro/ /sems can thaMd kyis nyi ma re re tshigs bcad stong 'dzin pa'i phyin ci ma log pa'i ngag tu 'gyuro/ /yang na kha gcig gis de lta bu byed par mi nus na de yis rang gi khyim du dri zhim po dang bsres pas sa'i char bzhugasu gsol la/ ji ltar 'byor pa'i mchod pa byed la zla ba 'ong ngo cog gi tshes brgyad la brgyad brgya'i bzlas pa bya zhing nyi ma re re dus gsum du nyi shu rtsa gcig rtsa gcig rjod na blo rno ba dang / tshe ring ba dang / shes rab dang ldan pa dang / nad med pa dang / skyid pa dang / lo brgya 'tsho ba dang / skye ba dran par 'gyuro/ /yang na rang gis ma nus na de'i tshe rang dang 'dra bas byas na tshe ring ba dang / blo rno bar 'gyuro/ /de nas gzhan yang sbyin sreg gi cho ga sems can thaMd la phan pa'i phyir nye bar bshad par bya ste/ khru gang gi tshad kyi thab khung zlum po rdo rje'i phreng bas brgyan pa/ tsan dan dkar po 'aM sa dkar gyis byug la me tog dkar po bkraM ste/ logs bzhir zhun mar gyi mar me bzhi bzhag la/ bdug spos la sogs pas yang dag par mchod la/ phyogs bzhir mtshan nyid dang ldan pa'i bum pa rab tu mdzes pa gos dkar pos g.yog pa yal gas kha brgyan pa dgod par bya'o/ /'o ma can gyi yam shing la me spar la der me lha bkug ste dgang blugs gsuM byin la gsang gtor byas te gshegasu gsol lo/ /de nas tshe dpag tu med pa gsal por thab khung gi dbusu bsaM la</font><hr>97.244a<br><font size=+1>

gtsug tor rnam par rgyal ba bzlas shing dgang blugs gsum dbul lo/ /yang na o~M a mri ta a yur+d+ha te swA hA/ zhes bya ba'i tshe dang / blo rno ba dang bcas pas brgyad brgya dus gsum du sbyin sreg bya'o/ /gtsug tor rnaMs par rgyal ba lan bdun du bzlas pa byas na tshe ring ba dang / blo rno ba dang / skyid pa dang / nad med par 'gyuro/ /yang na zla ba re re'i dkar po'i phyogs kyi tshes brgyad la mchod pa rgya chen po byas la dus gsum du tshe lo stong thub par 'dod pas sbyin sreg byas na mchog gis tshe ring ba dang / blo rno ba sbyin par byed do/ /sems can rnaMs la smad par mi bya'o/ /cho ga 'dis rang gi lus nad kyis gos par mi 'gyuro/ /lo brgya lnga bcur 'tsho ba dang / dgra las rgyal ba dang / blo rno bar 'gyuro/ /dbyangs snyan par 'gyuro/ /gal te rang gis ma nus na de'i tshe rang dang 'dra bas byas na zhi ba chen por 'gyuro/ /de nas gzhan yang sgrub par 'dod na gtsug tor gyi rgyal po chen po tshe dang blo rno ba dang bcas par 'bum phragacig sbyin sreg byas ste/ dang po dang mthar stong stong gi mchod pa byas la yang 'bum phragacig bzlas pa byas na tshe lo 'bum phragacig thub par 'gyuro/ /bye ba byas na byes ba thub bo/ /de ltar 'di'i cho ga'i rim pas tshe lo dpag tu med par 'gyur te/ namakha' la 'gro ba dang / dpa' ba dang / dgra las rgyal bar 'gyuro/ /dpal 'dod na dpal 'bras 'bum phragacig sbyin sreg byas na dpal chen po thob par 'gyuro/ /rgyal po 'dod na pad ma 'bum phragacig sbyin sreg byas na rgyal po chen po thob par 'gyuro/ /bye ba gcig byas na 'khor los sgyur ba thob par 'gyuro/ /yang na ral gri la sogs pa grub par 'dod na ring bsrel dang bcas pa'i mchod rten gyi drung du thung sku bkram la stong gi mchod pa chen pos mchod la bzlas pa 'bum byas te/ yang lcags lnga'i rang bzhin gyi ral gri la bzlas pa 'bum byas te lag pa g.yas par bcangs na yid kyis 'gro ba dang / 'dod</font><hr>97.244b<br><font size=+1>

pa'i gzugs 'dzin pa dang / stobs che zhing gzhan gnon pa dang / sems can thams cad kyi gcig tu 'dren pa por gyur nas sman pa chen po'i mchog tshe dpag tu med par 'gyur ro/ /de ltar rdo rje dang 'khor lo dang / rtse gsum la sogs pa la yang sgrub par bya'o/ /de ltar phan yon dpag tu med pa'i gzungs chen mo de bzhin gshegs pa thams cad kyi snying por gyur pa mchog tu rnyed par dka' ba 'di ji lta ji ltar sbyar ba de lta de ltar las 'grub par byed do/ /gang yang de bzhin gshegs pa thaMd kyi gtsug tor rnam par rgyal ba zhes bya ba'i gzungs 'di nyi ma re re la dus gsum du lan nyi shu rtsa gcig bzlas pa bya zhing / mchod rten chen por byas te yang dag par bcangs la gzhan la yang rgya cher gsal bar byas na/ de skyid pa 'thob cing stobs dang ldan pa dang / nad med pa dang / lo brgya thub pa dang / blo rno ba dang / skye ba dran par 'gyur ro/ /gang gi tshe 'chi ba'i dus byas pa de'i tshe/ sbrul shun pa brjes pa dang 'dra bar rang gi lus bor te bde ba can gyi 'jig rten gyi khams su skye bar 'gyur ro/ /dmyal ba'i sgra rna bug tu yang thos par mi 'gyur na 'bras bu smin par lta yang ga la 'gyur/ gang dang gang du skyes pa de dang de ru skye ba dran par 'gyur ro/ /bcom ldan 'das kyis de skad ces bka' stsal pa dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /de bzhin gshegs pa thams cad kyi gtsug tor rnam par rgyal ba zhes bya ba'i gzungs rtog pa dang bcas pa rdzogs s+ho// //paN Di ta chos kyi sde dang / khams pa lo ts+tsha ba dge slong ba ris bsgyur cing zhus te/ gtan la phab pa'o/ / </font><hr>

</table>