J533

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J533</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J533&coll=lithang">see text in Tibetan script</a></table>97.227a<br><font size=+1>

@#/ /rgya gar skad du/  sarba ta thA ga toSh+NI Sha bi dza ya nA ma d+hA ra NI kal p+saM hi ta/  bod skad du/  de bzhin gshegs pa thaMd kyi gtsug tor rnam par rgyal ba zhes bya ba'i gzungs rtog pa dang bcas pa/ sangs rgyas dang byang chub sems dpa' thams cad la phyag 'tshal lo/ /'di skad bdag gi thos pa dus gcig na/ bcom ldan 'das tshe dpag tu med pa de bzhin gshegs pa dgra bcom pa yang dag par rdzogs pa'i sangs rgyas bde ba can gyi chos yang dag par sdud pa'i phug khang bzangs mchog na nye bar bzhugs so/ /byang chub sems dpa' sems dpa' chen po 'phags pa spyan ras gzigs dbang phyug la bka' stsal pa/ rig kyi bu sdug bsngal ba nad kyis yongasu gzir ba'i sems can tshe thung ba yod de/ de rnams kyi phyir 'khor gyi dkyil 'khor la nye bar gzigs te/ kun du gzigs pa'i dpal gyi mtshan de bzhin gshegs pa thams cad kyi gtsug tor rnam par rgyal ba zhes bya ba'i gzungs 'di bcang ba dang / bklag pa dang / gzhan la rgya cher yang dag par ston pa ni tshe ring ba sgrub par byed pa'i ched du'o/ /de nas byang chub sems dpa' sems dpa' chen po 'phags pa spyan ras gzigs dbang phyug stan las lang te thal mo sbyar bar gyur pas bcom ldan 'das la 'di skad ces gsol to/ /bcom ldan 'das bstan du gsol/ de bzhin gshegs pa thams cad kyi gtsug tor rnams par rgyal ba zhes bya ba'i gzungs bde bar gshegs pas bstan du gsol/ de nas bcom ldan 'das kyis thams cad dang ldan pa'i 'khor gyi dkyil 'khor la nye bar gzigs te/ kun du gzigs pa'i dpal zhes bya ba'i ting nge 'dzin la snyom par zhugs nas/ de bzhin gshegs pa thams cad kyi gtsug tor rnams par rgyal ba zhes bya ba'i gzungs 'di bka' stsal pa/ o~M na mo b+ha ga wa te sarba trai lo kya pra ti bi shiSh+Ta ya bud+ha ya te na ma/ tad+ya thA/ o~M b+h+rUM b+h+rUM b+h+rUM/ sho d+ha ya sho d+ha ya/ bi sho d+ha ya bi sho d+ha ya/ a sa ma sa man ta a ba b+hA sa s+pha raM Na ga ti/ </font><hr>97.227b<br><font size=+1>

ga ga na swa b+hA ba bi shud d+he/ uSh+NI Sha bi dza ya pa ri shud d+he/ a b+hi Shiny+tsa n+tu mAM/ sarba ta thA ga ta su ga ta ba ra ba tsa na/ a mri ta a b+hi She kai ra/ ma hA mu dra man tra pa dai/ A ha ra A ha ra/ ma ma A yur san d+hA ra ni/ sho d+ha ya sho d+ha ya/ bi sho d+ha ya bi sho d+ha ya/ ga ga na swa b+hA ba bi shud d+he/ uSh+NI Sha bi dza ya pa ri shud d+he/ sa ha sra rasmi saM tso di ti/ sarba ta tha ga tA a ba lo ki ni/ ShaT pA ra mi tA pa ri pu ra Ni/ sarba ta thA ga ta mA te da sha b+h+'u+u mi pra ti Sh+Thi te/ sarba ta thA ga ta hri da ya/ a d+hiSh+ThA na a d+hi Sh+Thi te/ mu dre mu dre/ ma hA ma dre/ badzra kA ya saM ha ta na/ pa ri shud d+he/ sarba karma a wa ra Na bi shud d+he/ pra ti ni bar ta ya/ ma ma A yur bi shud d+he/ sarba tA thA ga tA sa ma ya/ a d+hiSh+ThA na/ a d+hiSh+Thi te/ o~M mu ni mu ni/ ma hA mu ni/ bi mu ni bi mu ni/ ma hA bi mu ni/ ma ti ma ti/ ma hA ma ti/ ma ma ti/ su ma ti/ ta thA tA/ b+hU tA ko Ti/ pa ri shud d+he/ bi s+phu Ta/ bud d+he shud d+he/ he he/ dza ya dza ya/ bi dza ya bi dza ya/ sma ra sma ra/ s+pha ra s+pha ra/ s+pha ra ya s+pha ra ya/ sarba bud d+ha a d+hiSh+ThA na a d+hiSh+Thi ti/ shud d+he shud d+he/ b+hud d+he bud d+he/ badzre badzre/ ma hA badzre/ su badzre/ badzre gar b+he/ dza ya gar b+he/ bi dza ya gar b+he/ badzra dz+wA la gar b+he/ badzra ud b+ha be/ badzra saM b+ha be/ badzre badzri ni/ badzra m+b+ha ba tu/ ma ma sha ri raM sarba sa tA nAny+tsa kA ya pa ri shud d+hir b+ha tu/ me sa dA sarba ga ti pa ri shud d+hesh+tsa/ sarba ta thA ga tAsh+tsa mAM sa ma swa sa yan tu/ bud d+h+ya bud d+h+ya/ sid d+h+ya sid d+h+ya/ bo d+ha ya bo d+ha ya/ bi bo d+ha ya bi bo d+ha ya/ mo tsa ya mo tsa ya/ bi mo tsa ya bi mo tsa ya/ sho d+ha ya sho d+ha ya/ bi sho d+ha ya bi sho d+ha ya/ sa man ta mo tsa ya mo tsa ya/ sa man ta rasmi pa ri shud d+he/ sarba ta thA ga ta hr-i da yA a d+hiSh+Tha na a d+hiSh+Thi te/ mu dre mu dre/ ma hA mu dre ma hA mu drA man tra pa dai swA hA/ rigs kyi bu de bzhin gshegs pa thams cad kyi gtsug tor rnam par rgyal ba'i gzungs 'di ni 'chi bdag chen po'i dbyug pa 'dzin pa te/ dag byed sdig pa 'joms par byed pa 'di grog 'am gzhan zhig la bris te/ </font><hr>97.228a<br><font size=+1>

mchod rten gyi nang du bzhag la/ rab tu rgya che ba'i mchod pa ji ltar 'byor pas mchod de bskor ba stong phrag brgya byas na mchog gi tshe dang blo rno ba sbyin par byed par 'gyur ro/ /de ltar byas pas zhag bdun pa'i tshe ni lo bdun thub bo/ /lo bdun pa'i tshe lo bdun bcu thub bo/ /de ltar mchog gi tshe 'thob cing dran pa dang ldan pa dang / nad med pa dang / skye ba dran par 'gyur ro/ /mchod rten la bzhugs su gsol nas mgo la bcangs na nad chen po las grol bar 'gyur ro/ /gos sam shing shun la 'gi wang gis rang gis ming dang bcas pa'i gzungs bris te/ tsan dan gyi rang bzhin gyi mchod rten la bzhugs su gsol te rang gis khyim du bzhag la rgya chen ba stong gi mchod pas mchod cing zla ba re re zhing brgya phrag brgyad kyi bzlas pa'i mchog mchod pa'i cho ga byas na nad las grol zhing tshe lo brgya thub par 'gyur ro/ /med na 'dam pa'i rang bzhin la yang bya'i/ yang gos gtsang ma la sna tshogs rdo rje la gnas pa'i mchod rten bris la rdo rje'i phreng bas bskor bas brgyan pa de'i nang du rang gis mi dang gzung kyi tshig 'di gi'u wang gris la kham phor kha sbyar gyi nang du bzhugs su gsol la/ rang gis khyim du bzhag ste mchod pa rgya chen po mchod pa byas na rtag tu gasrungs bar 'gyur ro/ /gzhan yang cho ga ni sa la ma lhung ba'i gci bas maN Dal gru bzhir byas la me tog dkar po bkram te/ mtsham bzhir zhun mar gyi mar me bzhi bzhag la/ a ka ru dang du ru ka'i bdug pa byas la de bzhin du dri'i chu gang ba'i snod me tog dkar pos brgyan te/ gzungs kyi snying po can gyi mchod rten nam sku gzugs dbusu bzhugasu gsol la/ de la g.yon pa'i lag pas reg ste/ g.yas pa'i lag pa phreng ba 'dzin pas/ nyi ma re re zhing nyi shu rtsa gcig rtsa gcig dus gsum du bzlas pa byas la de'i chu khyor ba gsum 'thung na nad med pa dang / tshe ring ba dang / dgra yongs su nyal ba dang / 'dzin blo rno ba dang / ngag btsun</font><hr>97.228b<br><font size=+1>

par 'gyur ro/ /skye ba nas skye bar skye ba dran par 'gyur ro/ /de'i chus khang pa dang / phyug kyi ra ba 'am/ rta'i ra ba 'am/ rgyal po'i khab tu gtor na rkun po dang / sbrul dang / gnod sbyin dang / srin po la sog pa'i 'jigs pa mi 'byung zhing nad kyis yongs su gdungs par mi 'gyur ro/ /mgo la gtor na de nad de las grol bar 'gyur ro/ /de ltar tshe dpag tu med pa'i phan yon chen po'i gzungs 'di gang dang gang du rab tu sbyar na de dang de ru zhi ba chen por 'gyur ro/ /so shing la la lan nyi shu rtsa gcig yongs su bzlas te 'chos na nad med pa dang / blo rno ba dang / tshe ring bar 'gyur ro/ /chu khyor ba gsum la dus gsum du lan nyi shu rtsa gcig rtsa gcig yongs su bzlas te 'thung na nad thams cad las yongs su grol zhing yun ring du 'tsho bar 'gyur ro/ /gzhan yang byang chub sems dpa' sems dpa' chen po 'phags pa spyan ras gzigs dbang phyug gis bcom ldan 'das tshe dpag tu med pa la bskor ba byas nas 'di skad ces gsol to/ /bcom ldan 'das rig kyi bu 'am rig kyi bu mos mchod rten gyi las ji ltar bgyi/ sku gzugs la sog pa bsgrub pa ji ltar bgyi/ 'dir sbyin bsreg kyang ji ltar bgyi/ bcom ldan 'das kyi bka' stsal pa/ dri ba legs par smras pa ni/ /dpa' bo chen po legs so legs/ /sems can kun la phan brtse'i phyir/ /'dir ni rtse gcig yid kyis nyon/ /de nas bcom ldan 'das kun du 'od dpag tu med pa'i dpal zhes bya ba'i ting nge 'dzin la snyoms par zhugs de bzhin gshegs pa thams cad kyi tshe dpag tu med pa zhes bya ba'i gzungs 'di gsungs pa ni 'di lta ste/ o~M a mr-i te/ a mr-i tod b+ha be/ a mr-i ta bi krAn+te/ a m+r+mi+-i ta gA te+A/ a m+r+mi+-i ta ga mi ni/ a m+r+mi+-i ta a yur+d+ha te/ ga ga na kIrti ka re sarba kle sha k+Sha yang ka ri ye swA hA/ zhes bya ba'i gzungs 'di mchod rten byed pa'i 'jim pa blang ba dang / byug pa la sogs</font><hr>97.229a<br><font size=+1>

pa dang / gdugs gdags pa'i bar ji srid rdzogs par bya'o/ /'di'i cho ga ni/ mchod rten cho ga mchog gyur pa/ /de nas yang dag bshad par bya/ /gser dang / in dra ni la dang / dngul dang / pad ma rA ga la sog pa'i rang bzhin mang po'i rin po ches spras pa sor bcu gnyis kyi tshad pad ma'i steng na bzhugs pa/ de'i logs bzhir 'jig rten skyong ba bzhi lag na rgyal mtshan bsnams pa'o/ /me tog dang / bdug pa dang / dri lag na bzung ba'i gnas gtsang ma'i lha'i bu rnam dang / lha rnams kyi dbang po rgya byin lag na gdugs thogs pa dang / g.yas dang g.yon kyi logs gnyis na spyan ras gzigs dang / rdo rje 'chang gnyis rnga yab dkar po phyag na bsnams pa gnyis bya'o/ /de lta bu'i cho gas mchod rten la g.yas bskor gyi sbyor bas pad ma'i 'dab ma la bri bar bya'o/ /de bzhin gshegs pa thams cad kyi gtsug tor rnam par rgyal ba zhes bya ba'i gzungs bris la/ de'i ring bsril gyi snying po can du byas la dri zhim po dang bsres pa'i chu gtor zhing dri zhim po'i me tog gis mchod la stong phrag gcig gi mchod pa chen po byas te/ dkar po'i phyog kyi tshe brgyad kyi nyin zhag la bsnyung bar gnas shing / sems can thams la phan pa'i blos tshe dang blo ster ba'i yon byin te stong phrag gcig bzlas par bya'o/ /zla ba re re zhing byas na zla ba drug gis tshe lo stong thub par 'gyur ro/ /rtag tu lo gcig tu byas na tshe lo 'bum thub par 'gyur ro/ /rtag tu byas na tshe lo mi zad par thub cing stobs dang ldan pa dang / gang gis kyang mi thub cing lha dang lha ma yin dang bcas mi mnyam pa'i mkha' spyod kyi gtsug tor mchog tu 'gyur ro/ /de nas gzhan yang cho ga ni rab tu dge ba'i gnas su sa blangs la/ dri zhim pos bsres la mchod rten bya'o/ /stong phrag gcig nas brtsams te ji srid lnga 'am gcig gi bar du'o/ /</font><hr>97.229b<br><font size=+1>

nyi ma re re zhing mchod rten du gtogs pa gtsug tor rnams par rgyal ba yang dag par gzhugs su gsol la/ ji skad gsung pa'i mchod pa rgya chen po byas la stong phrag gcig nas brtsams te/ lan bdun gyi bar du bklags par bya'o/ /nyi ma re re zhing tshe dang blo ster bar byas pa'i gzungs kyi ched du byas te/ sems can thams cad la thun mong du dge ba'i rtsa ba sbyin par bya'o/ /sems can rnams la bcing ba dang brdang ba la sogs pa spang bar bya'o/ /zla ba bzhan re re la mchod pa nyis 'gyur du byas la brgyad brgya'i bzlas pa bya ba ni rang ngam rang dang 'dra bas bya'o/ /cho ga 'di yis ni dus ma yin par 'chi ba brgyad med par 'gyur ro/ /blo rno ba dang / nad med pa dang / tshe lo brgya thub cing 'gro ba thams cad kyi yid dus 'ong ba dang / skye ba dran par 'gyur ro/ /gang gi tshe 'chi ba'i dus byas pa'i tshe sbrul shun pa brjes pa dang 'dra bar rang gis lus bor te/ mdzes pa'i lus bde ba can kyi 'jig rten gyi khams su skye bar 'gyur ro/ /yang de ni dmyal ba dang / byol song gi skye gnas dang / gshin rje'i 'jig rten gyi ngan 'gror skye bar mi 'gyur ro/ /rna ba'i bu gar dmyal ba'i sgra yang thos par mi 'gyur na 'bras bu smin par lta ga la 'gyur/ 'di rnams kyi gnas su 'gro ba med do/ /de nas bcom ldan 'das tshe dpag tu med pas gzhan yang sgrub pa'i thabs bka' stsal pa/ gang gis sems can tshe dpag tu med par 'gyur ba dang nyam nga ba'i 'khor ba las grol bar byed pa ni gzhon nu mas bkal ba'i skud pa la tshad dang ldan pa'i mdzes pa'i ras mkhas pas bya'o/ /de nas gtsug tor rnam par rgyal ba zhes bya ba'i gzungs tshon sna ma lus pas gzungs kyis ye gi las sprul pa'i mchod rten kyi nang du bri bar bya'o/ /tshe dpag tu med pa 'od zer stong gis phreng ba can/ pad ma dang zla ba'i gdan la bzhugs pa/ ston ka'i zla ba</font><hr>97.230a<br><font size=+1>

lta bu'i 'od can/ rgyan thams cad kyi brgyan pa/ zhal gsum pa spyan gsum pa/ phyag brgyad pa/ g.yas pa'i zhal zhi ba gser kyi 'od zer dang ldan pa'o/ /g.yon pa ni mche bas ma mchu mnan pa mi zad pa ut+pa la sngon po'i 'od zer gyi 'od dang ldan pa'o/ /dbus ma ni sgeg pa dang bcas shing dkar ba'o/ /g.yas pa'i phyag gis snying kar sna tshogs rdo rje'i/ /de bzhin du pad ma la gnas pa'i 'od dpag tu med pa dang / mda' dang / mchog sbyin no/ /g.yon sdigs mdzub dang bcas pa'i zhags pa dang / de bzhin du bzhu dang / mi 'jigs pa dang / bum pa'o/ /yang mgo bor mchod rten la gnas pa'i o~M dang / mgrin par A dang / snying gar hUM ngo / /dpral bar traM ngo / /lte ba'i phyogs su hri'o/ /rkang pa gnyis la aM a/ yi ge 'di rnams bkod la rak+sha swA hA dang bcas pa 'di'i nang du rang gi ming dang spel ba'o/ /de'i logs gnyis su pad ma dang rdo rje 'chang gnyis rnga yab dkar po phyag na bsnams pa bya'o/ /steng du bdud rtsi'i char gyi rgyan 'beb bzhin pa'i gnas gtsang ma'i lha'i bu gnyis so/ /logs bzhir khro bo mi g.yo ba dang / 'dod pa'i rgyal po dang / byug pa sngon po dang / stobs po che zhes bya ba te/ ral gri dang lcag kyu dang / dbyug pa dang / rdo rje bsnams pa'o/ /g.yon pa gdug pa can 'jigs pa'i sdig mdzub ched du byed pa'o/ /de ltar 'bad pas rdzogs par byas la ring bsril dang bcas pa'i mchod rten la basmyung bar gnas pas mchod pa chen po stong phrag gcig gis mchod pa byas la 'bum phrag gcig bzlab pa bya'o/ /de nas dkar po'i phyogs kyi tshes gcig nas bzung ste/ ji srid bcwa lnga'i bar du stong stong bzlas par bya'o/ /de nas snga bar nam langs pa dang / bcom ldan 'das ma zhal mthong bar 'gyur ro/ /de nas ji ltar dngos grub 'dod pa ster ro/ /yang na ni thang ka de dri zhim po dang bsres pa'i chus byugs pa'i phyog gcig tu yang dag par bzhug</font><hr>97.230b<br><font size=+1>

su gsol la/ mchod pa rgya chen po byas te nyi ma re re zhing brgyad brgya'i bzlas pa bya'o/ /yang zla ba re re la stong stong gi mchod pa byas shing stong stong gis bzlas pa byad na tshe dpag tu med pa dang / stobs dpag tu med pas gzhan gnon pa dang / nam mkha' la 'gro ba dang / nad chen po med par byed do/ /sems can thams cad kyis nyi ma re re zhing tshig bcad stong 'dzin pa'i phyin ci ma log pa'i ngag tu 'gyur ro/ /yang na kha cig gis de lta bu byed par mi nus na de yis rang gi khyim du dri zhim po dang bsres pa'i sa'i char bzhugs su gsol/ ji ltar 'byor pa'i mchod pa byas la zla ba 'ong ngo cog gi tshes brgyad la brgyad brgya'i bzlas pa bya zhing / nyi ma re re la dus gsum du nyi shu rtsa gcig rtsa gcig brjod na blo rno ba dang / tshe ring ba dang / shes rab dang ldan pa dang / nad med pa dang / skyid pa dang / lo brgya 'tsho ba dang / skye ba dran par 'gyur ro/ /yang na rang gis ma nus na de'i tshe rang dang 'dra bas byas na tshe ring ba dang blo rno bar 'gyur ro/ /de nas bzhan yang sbyin sregi cho ga sems can thams cad la phan pa'i phyir nye bar bshad par bya te/ khru gang gi tshad kyi thab khung zlum po rdo rje phreng bas brgyan pa/ tsan dan dkar po 'am sa dkar gyis byugs la me tog dkar po bkram ste/ logs bzhir zhun mar gyi mar me bzhi bzhag la bdug spos la sogs pas yang dag par mchod la/ phyogs bzhir mtshan nyid dang ldan pa'i bum pa rab tu mdze sa pa gos dkar pos g.yogs la yal gas kha brgyan pa bzhi gzhag par bya'o/ /'o ma can gyi yam shing la me sbar la me lha bkug la/ dgang blugs gsum byin la bsang gtor byas te gshegs su gsol lo/ /de nas tshe dpag tu med pa gsal por thab khung gi dbus su bsams la/ gtsug tor rnam par rgyal ba bzlas shing dgang blugs gsum dbul lo/ /yang na/ o~M o~M a mr-i ta A yur dad te swA hA/ zhes bya bas</font><hr>97.231a<br><font size=+1>

tshe dang blo rno ba dang bcas pas brgyad brgya dus gsum du sbyin bsreg bya'o/ /gtsug tor rnams par rgyal ba la lan bdun du bzlas pa byas na tshe ring ba dang / blo rno ba dang / skyid pa dang / nad med par 'gyur ro/ /yang na zla ba re re'i dkar po'i phyogs kyi tshes brgyad la mchod pa rgya chen po byas la dus gsum du tshe lo stong thub par 'dod pa basbyin bsreg byas na mchog gis tshe ring ba dang / blo rno ba sbyin par byed do/ /sems can rnams la smad par mi bya'o/ /cho ga 'di rang gi lus nad kyis gos par mi 'gyur zhing lo brgya lnga bcu 'tsho ba dang / dgra las rnam par rgyal ba dang / blo rno bar 'gyur ro/ /dbyang snyan par 'gyur ro/ /gal te rang gis ma nus na de'i tshe rang dang 'dra bas byas na zhi ba chen por 'gyur ro/ /de nas gzhan yang sgrub par 'dod na gtsug tor gyi rgyal po chen po tshe dang blo rno ba dang bcas pas 'bum phrag gcig sbyin bsreg byas te/ dang po dang mthar stong stong gi mchod pa byas la yang 'bum phrag gcig bzlas pa byas na tshe lo 'bum phrag gcig thub par 'gyur ro/ /bye ba byas na bye ba thub bo/ /de ltar 'di'-i cho ga'i rim pas tshe lo dpag tu med par 'gyur zhing nam mkha' la 'gro ba dang / dpa' ba dang / dgra las rgyal bar 'gyur ro/ /dpal 'dod na 'bum phrag gcig sbyin sreg byas na dpal chen po thob par 'gyur ro/ /rgyal po 'dod na pad ma 'bum phrag gcig sbyin sreg byas na rgyal po chen po thob par 'gyur ro/ /bye ba gcig byas na 'khor los sgyur ba thob par 'gyur ro/ /yang na ral gri la sogs pa sgrub par 'dod na ring bsrel dang bcas pa'i mchod rten gyi mdun du thang sku bkram la stong gis mchod pa chen pos mchod la bzlas pa 'bum byas la yang lcags lnga'i rang bzhin gyi ral gri la bzlas pa 'bum byas te/ lag pa g.yas par bcangs na yid kyis 'gro ba 'am/ 'dod pa'i gzugs 'dzin pa dang / </font><hr>97.231b<br><font size=+1>

stobs che zhing gzhan gnon pa dang / sems can thams cad kyi gcig tu 'dren pa por gyur nas sman pa chen po'i mchog tshe dpag tu med par 'gyur ro/ /de ltar rdo rje dang / 'khor lo dang / rtse gsum la sogs pa yang bsgrub par bya'o/ /de ltar phan yon dpag tu med pa'i gzungs chen mo de bzhin gshegs pa thams cad kyi snying por gyur pa mchog tu rnyed par dka' ba 'di ji lta ji ltar sbyar ba de lta de ltar las grub par byed do/ /gang yang de bzhin gshegs pa thams cad kyi gtsug tor rnam par rgyal ba zhes bya ba'i gzungs 'di nyi ma re re la dus gsum du lan nyi shu rtsa gcig bzlas pa bya zhing mchod rten chen po byas te yang dag par bcang la gzhan la yang rgya cher gsal bar byas na de skyed pa 'thob cing stobs dang ldan pa dang / nad med pa dang / lo brgya thub pa dang / blo rno ba dang / skye ba dran par 'gyur ro/ /gang gi tshe 'chi ba'i dus byas pa de'i tshe sbrul shun pa rjes pa dang 'dra ba rang gi lus bor ste bde ba can gyis 'jig rten gyi khams su skye bar 'gyur ro/ /dmyal ba'i sgra rna bug du yang thos par mi 'gyur na 'bras bu smin par lta yang ga la 'gyur/ gang dang gang du skyes pa de dang de ru skye ba dran par 'gyur ro/ /bcom ldan 'das kyis de skad ces bka' stsal pa dang / thams cad dang ldan pa'i 'khor de dag dang / lha dang mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsung pa la mngon par stod do/ /de bzhin gshegs pa thams cad kyi gtsug tor rnam par rgyal ba zhes bya ba'i gzungs rtog pa dang bcas pa rdzogs so// // </font><hr>

</table>