@/ /rgya gar skad du/ ma ha shI ta ba nA sU tra/ bod skad du/ bsil ba'i tshal chen po'i mdo/ dkon mchog gsum la phyag 'tshal lo/ /'jig rten mkhas pa rdzogs sangs rgyas/ /gang gis thog mar rig sngags rnams/ /'dzam bu'i gling du gsungs pa yi/ /sangs rgyas dpal la phyag 'tshal lo/ /da ltar byung dang 'das pa dang / /ma byon sangs rgyas gang lags pa/ /thaMd la yang bdag phyag 'tshal/ /de dag kun la skyabs su mchi/ /'khor lo bskor ba bla med pa/ /mar me mdzad la phyag 'tshal 97.148a lo/ /chos kyi rgyal po 'od mdzad pa/ /thams cad gnon la phyag 'tshal lo/ /thams cad mkhyen pa grags ldan pa/ /pad ma'i bla la phyag 'tshal lo/ /spyan dang ldan pa skyob mdzad pa/ /rab 'thor gshegs la phyag 'tshal lo/ /ded dpon bla na med pa po/ /grags pa'i bla la phyag 'tshal lo/ /nyi zla lta bur 'od mdzad pa/ /bde mdzad de la phyag 'tshal lo/ /chos kyi me long ston pa po/ /don gzigs la yang phyag 'tshal lo/ /dul ba'i tshul khrims 'jigs med pa/ /rgyal zhes bya la phyag 'tshal lo/ /mtshan mchog sum bcu rtsa gnyis ldan/ /skar rgyal la yang phyag 'tshal lo/ /rdzogs pa'i sangs rgyas dpaldan pa/ /rnaM par gzigs la phyag 'tshal lo/ /'od can gzi brjid ldan pa po/ /gtsug tor can la phyag 'tshal lo/ /legs par mchod pa grags ldan pa/ /thaMd skyob la phyag 'tshal lo/ /bdud dpung rab tu 'jom pa po/ /log dad sel la phyag 'tshal lo/ /bram ze dpal dang ldan pa po/ /gser thub de la phyag 'tshal lo/ /seMn kun la thugs brtse ba/ /'od srung de la phyag 'tshal lo/ /shAkya seng ge 'od mdzad pa/ /gser mdog can la phyag 'tshal lo/ /ser sna med pa thugs rje can/ /byams pa la yang phyag 'tshal lo/ /sangs rgya kun la yang phyag 'tshal te/ /de dag la ni bdag skyabs mchi/ /gang dag gi ni chos bstan pa/ /sangs rgyas kun la phyag 'tshal lo/ /gang la sangs rgyas gus mdzad pa'i/ /chos la bdag ni phyag 'tshal lo/ /gang la phul na don che ba'i/ /dge 'dun la yang phyag 'tshal lo/ /nyan thos shes rab mchog gyur pa/ /shA ri'i bu la phyag 'tshal lo/ /rdzu 'phrul can gyi mchog gyur pa/ /maud gal bu la phyag 'tshal lo/ /chos kyi gtam la 'jigs med pa/ /kAt+yA'i bu la phyag 'tshal lo/ /nyan thos sbyang pa'i mchog gyur pa/ /'od srung la yang phyag 'tshal lo/ /skyob pa yi ni dbang gyur pa/ /kauN+Ti n+ya la phyag 'tshal lo/ / 97.148b mang tu thos pa rig bsngags 'chang / /kun dga' bo la phyag 'tshal lo/ /lus ngan dang ni yul 'khor srung / /mig mi bzang dang 'phags skyes po/ /phyogs bzhi khor ra 'khor yug gi /rgyal chen rnams la phyag 'tshal lo/ /gnod sbyin rnams kyi sde dpon mchog /nyi shu brgyad la phyag 'tshal lo/ /pha ma mkhan po slob dpon dang / /lha rnams la ni phyag 'tshal lo/ /de dag la ni phyag 'tshal nas/ /rig sngags 'di ni grub gyur cig /gang gi don du bya ba'i/ /don de bdag la grub gyur cig /sdang bar sems shing gnod byed pa'i/ /mi ma yin rnams gud du deng / /gnod par 'dod pa glags blta rnams/ /ston pa'i bstan pa mnyan par gyis/ /byams par sems shing phan 'dod pa'i/ /mi ma yin pa gang yin rnams/ /thaMd 'dus shing mthun gyur nas/ /'jig rten skyong ba rnam kyi tshig /ston pas rjes su yi rang ba/ /dga' ba'i sems kyi bdag la nyon/ /bsil ba'i tshal gyi mdo chen po 'di ni rgyal po chen po bzhi'-i bsrung ba chen po ste/ 'khor bzhi po rnams la yongs su khyab pa'o/ /gnod sbyin dang / srin po dang / dri za dang / klu dang / nam mkha' lding dang / gsang ba pa dang / 'byung po dang / grul bum dang / yi dag dang / srul po dang sha za dang / lha ma yin dang / rlung lha dang / skem byed dang / 'tshe rgyu dang / smyo byed dang / mi 'am ci dang / gyen du rgyu dang / rgyu ba dang / 'dun pa dang / ngan byed dang / gzi byin 'phrog pa dang / brjed byed dang rims drag po dang / rims zhig gcig pa dang / zhag gnyis pa dang / zhag gsum pa dang / zhag bzhi pa dang / mi dang mi ma yin pa/ sdang bar sems pa dang / glags lta ba dang / mi phan par 'dod pa dang / gnod par byed pa/ sangs rgyas bcom ldan 'das kyis bstan pa la mi dga' ba dang / gnod par 'dod pa dang / phan par mi 'dod pa dang / bde bar mi 'dod pa dang / grub pa dang / bde bar mi 'dod pa dang / 'khor bzhi po rnams mi dga' ba dang / gnod par 'dod pa dang / phan par mi 'dod pa 97.149a dang / bde bar mi 'dod pa dang / grub pa dang / bde bar mi 'dod pa dang / ming 'di zhes bya ba la mi dga' ba dang / gnod par 'dod pa dang / phan par mi 'dod pa dang / bde bar mi 'dod pa dang / grub pa dang / bde bar mi 'dod pa gang yin pa de dag ni bsil ba'i tshal gyi mdo chen po 'di thos nas dengs shig /skrag par gyur cig /dngangs par gyur cig /kun du dngangs par gyur cig /'di na ma 'khod cig /mgo bo tshal pa bdun du 'gas sa re/ gnod sbyin dang / srin po dang / dri za dang / klu dang / nam mkha' lding dang / gsang ba pa dang / 'byung po dang / grul bu dang / yi dag dang / srul po dang / sha za dang / lha ma yin dang / rlung lha dang / skem byed dang / 'tshe rgyu dang / smyo byed dang / mi 'am ci dang / gyen du brgyu dang / rgyu ba dang / 'dun pa dang / ngan byed dang / gzi byin 'phrog pa dang / brjed byed dang / rims drag po dang / rims zhag gcig pa dang / zhag gnyis pa dang / zhag gsum pa dang / zhag bzhi pa dang / mi dang mi ma yin pa sdang bar sems pa ma yin pa rnams dang / glags mi lta ba dang / phan par 'dod pa dang / gnod par mi 'dod pa dag sangs rgyas bcom ldan 'das kyi bstan pa la dga' ba dang / don du 'gyur bar 'dod pa dang / phan par 'dod pa dang / bde bar 'dod pa dang / grub pa dang / bde bar 'dod pa dang / ming 'di zhes bya ba la dga' ba dang / don du 'gyur bar 'dod pa dang / phan par 'dod pa dang / bde bar 'dod pa dang / grub pa dang / bde bar 'dod pa gang yin pa de dag ni bsil ba'i tshal gyi mdo chen po 'di thos nas 'dir 'khod cig /ma skrag cig /ma dngangs par gyur cig /kun tu mngangs par ma gyur cig /mi 'jigs pa kho nar gyur cig /ming 'di zhes bya ba'i don dang / phan pa dang / dge ba dang / bde bar gnas par bya ba'i phyir/ bsil ba'i tshal gyi mdo chen po 'di bdag gis bstan cing bshad par bya'o/ /de la bsil ba'i tshal gyi 97.149b mdo chen po bdag la bsrung ba ni 'di yin te/ s+yAd ya the dan/ kha Te kha Te/ khat+t+ya si/ pa la ka ba Te/ ro ga b+ha dri ga Ne/ hi li hi li/ du ma te/ gr-it+ta ti/ a dza Ti/ ka tha ri/ ma sA ra kalpe/ sa man+te na/ tsa turti shi yo dza na sha ta/ At+ma rak+Sha/ a Na ti kra ma Ni/ sarba be he tha ke b+h+yeH /na mo b+ha ga ba te/ bud d+ha s+ya/ sid d+h+yan+tu man+t+ra pA dA/ da ra du bid+yA/ brah+ma No/ man du swA hA/ 'di skad bdag gis thos pa dus cig na/ bcom ldan 'das rgyal po'i khab na/ dur khrod chen po bsil ba'i tshal 'jigs su rung ba skye bung zhes byed pa na/ dge slong stong nyis brgya lnga bcu'i dge slong gi dge 'dun chen po dang thabs gcig tu bzhugs so/ /de nas rgyal po chen po bzhi lus ngan dang / yul 'khor srung dang / mig mi bzang dang / 'phags skyes po bu dang bcas/ blon po dang bcas/ 'khor dang bcas/ mngag gzhug pa dang bcas/ pho nya dang bcas/ g.yog 'khor dang bcas pa kha dog 'phags pa dag nam phyed na lhags nas gros 'thun par dur khrod chen po bsil ba'i tshal du dong ste/ rang bzhin gyi kha dog dang mthus 'od chen pos snang bar byas nas/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal nas lan gsuM skor bar byas nas thal mo sbyar te/ bcom ldan 'das 'ba' zhig la phyag 'tshal zhing phyogs gcig tu 'khod do/ /phyogs gcig tu 'khod nas rgyal po chen po bzhis bcom ldan 'das la tshigs su bcad pas bstod pa/ 'jig rten mkhes pa rdzogs sangs rgyas/ /dpa' chen khyod la phyag 'tshal lo/ /gau tam khyod kyis gang mkhyen pa/ /de ni lha rnams ma 'tshal te/ lan gnyis lan gsum du yang rgyal po chen po bzhis bcom ldan 'das la tshigs su bcad nas bstod pa/ 'jig rten mkhas pa rdzogs sangs rgyas/ /dpa' chen khyod la phyag 'tshal lo/ /gau tam khyod 97.150a kyis gang mkhyen pa/ /de ni lha rnams ma 'tshal to/ /de nas bcom ldan 'das la rgyal po chen po bzhis 'di skad ces gsol to/ /btsun pa bcom ldan 'das yul dang 'phrod lags sam/ 'tsho ba dang ldan lags sam/ btsun pa bcom ldan 'das sku bde lags sam/ bsnyun mi mnga' lags sam/ nyam nga ba ma mchis sam/ bcom ldan 'das kyi sku la gnod pa mi mnga' lags sam/ bcom ldan 'das la gnod sbyin dang / srin po dang / dri za dang / klu dang / nam mkha' lding dang / gsang ba pa dang / 'byung po dang / grul bum dang / yi dgas dang / srul po dang / sha za dang / lha ma yin dang / rlung lha dang / skem byed dang / 'tshe rgyu dang / smyo byed dang / mi 'am ci dang / gyen du rgyu dang / rgyu ba dang / 'dun pa dang / ngan bgyid dang / gzi byin 'phrog pa dang / brjed byed dang / rims drag po dang / rims zhag gcig pa dang / zhag gnyis pa dang / zhag gsum pa dang / zhag bzhi pa dang / mi dang / mi ma yin pa sdang bar sems pa dang / glags lta ba dang / phan par mi 'dod pa dang / gnod par bgyid pa dag las gnod par bgyid par sems pa lta ma mchis lags sam/ de skad ces gsol pa dang / bcom ldan 'das kyis rgyal po chen po bzhi la 'di skad ces bka' stsal to/ /kye rgyal po chen po dag nga la ni thams cad yod de/ yul dang yang 'phrod/ 'tsho ba dang yang ldan/ lus kyang bde/ nad kyang med/ nyam nga ba yang med do/ /kye rgyal po chen po dag nga'i lus la ni gnod pa yang med do/ /kye rgyal po chen po dag ngas ni 'jig rten lha dang bcas pa/ bdud dang bcas pa/ tshangs pa dang bcas pa/ dge sbyong dang / bram zer bcas pa'i skye dgu dang / lha dang mir bcas pa'i nang na gang de bzhin gshegs pa dgra bcom pa yang dag par rdzogs pa'i sangs rgyas la gnod par byed par sems pa yang dag par ma mthong ngo / /kye rgyal po chen po dag de lta mod kyi/ khyod kyi 97.150b 'khor rnams nga'i 'khor la gnod pa byed par sems so/ /de skad ces bka' stsal pa dang / bcom ldan 'das la rgyal po chen po bzhis 'di skad ces gsol to/ /btsun pa bcom ldan 'das bdag cag gsol ba mchis te/ de'i slad du bcom ldan 'das la blta ba dang phyag bgyi ba dang / bsnyen bkur bgyi ba dang / bcom ldan 'das nyid la zhu ba'i slad du bdag cag bcom ldan 'das kyi spyan sngar mchis lags so/ /de ci'i slad du zhe na/ btsun pa bcom ldan 'das dgon pa dang / bas mtha'i gnas mal 'di dag na shin du sdang ba'i gnod sbyin dang / srin po dang / dri za dang / klu dang / nam mkha' lding dang / gsang ba pa dang / 'byung po dang / grul bum dang / yi dgas dang / srul po dang / sha za dang / lha ma yin dang / rlung lha dang / skem byed dang / 'tshe rgyu dang / smyo byed dang / mi 'am ci dang / gyen du rgyu dang / rgyu ba dang / 'dun pa dang / ngan byed dang / gzi byin 'phrog pa dang / brjed byed dang / rims drag po dang / rims zhag gcig pa dang / zhag gnyis pa dang / zhag gsum pa dang / zhag bzhi pa dang / mi dang mi ma yin pa sdang bar sems pa dang / glags lta ba dang / phan par mi sems pa dang / gnod par bgyid pa dag mchis so/ /btsun pa bcom ldan 'das kyi nyan thos de dag kyang de na gnas te/ bcom ldan 'das kyi nyan thos de dag ni srod dang tho rangs mi nyal bar sbyor ba la brtson par gnas lags so/ /btsun pa bcom ldan 'das gnod sbyin nam srin po nas gnod par bgyid pa'i bar dag bcom ldan 'das kyi bstan pa 'di la dad pa'i sems dang ldan pa ni nyung zad cig mchis par bas so/ /gang dag bcom ldan 'das kyi bstan pa 'di la ma dad pa'i sems dang ldan pa ni ches mang lags te/ de dag ni btsun pa bcom ldan 'das kyi nyan thos srod dang tho rang la mi nyal zhing sbyor ba la brtson par gnas pa rnams la gnod par bgyid par sems lags te/ de dag dgag pa'i slad du gnod 97.151a sbyin ma rungs pa ma dad pa rnams dad par bgyi ba dang / dad pa rnams slar zhing dad par bgyi ba dang / 'khor bzhi po rnams bde legs dang / bde bar gnas par bgyi ba dang / ma lus par shin du mnyam par gzhog par 'gyur ba'i slad du bsil ba'i tshal gyi mdo chen po 'di bshad par 'tshal lo/ /mi ma yin pa sdang sems can/ /rgyal ba'i bstan pa ma dad pa/ /de dag bdag gis bzlog par bya/ /rgyal chen rnams ni bdag la nyon/ /mdo chen 'di ni thos nas kyang / /mi rnams la ni gnod ma byed/ /gnod sbyin srin po klu rnams dang / /nam mkha' lding dang gsang ba pa/ /phan par mi 'dod gang yang rung / /de dag thams cad bzlog par bya/ /lha dang lha min rlung lha dang / /lha mo'i tshogs kyi gang ba yi/ /gzhal med khang mdzes de dag ni/ /me dang 'dra bar 'od gsal zhing / /nyi ma zla ba'i tshul 'dra ba/ /rin chen las byas shin du snang / /bsod nams byas pa dag gis gang / /rab snang gdon rnams rnam par spangs/ /mi la gnod byed gang yin pa'i/ /'byung po grul bum srin po dang / /yi dgas srul po de dag gis/ /rmad byung de dag mi mthong ste/ /gzi byin ldan pa'i lha rnams kyi/ /grong khyer du yang de mi 'gro/ /'byung po chen po 'du ba na/ /de yang de dag 'dur mi dbang / /stan nam yang na chu yang rung / /zas dang skom yang mi dbang ngo / /lus ngan gyi ni pho brang du/ /nam yang de dag 'gro mi 'gyur/ /rgyal po chen po rnams kyi tshig /'byung po gang zhig mi nyan pa/ /de yi kha nas khrag dron dag /myur du rab tu 'bab par 'gyur/ /de yi brla yi g.yas rol nas/ /phol mig dag kyang 'byung 'gyur te/ /de ni nad kyis 'chi 'gyur zhing / /gnod sbyin gzugs kyang ston par 'gyur/ /'jig rten skyong gis bshad pa yi/ /mdo las gang zhig 'gal byed pa/ /'jigs pa thams cad de la 'ong / /mgo bo tshal pa bdun du 'gas/ /rgyal po chen po rnams kyi tshig /gnod sbyin gang dag mi nyan pa/ /'byung 97.151b po srin po gang yod pa/ /ngan phreng lhag pa'i ngan phreng rnams/ /lcags las byas pa'i 'khor lo yi/ /mtshon cha spu gri so 'dra bas/ /gnod sbyin de dag brlag par bya/ /rgyal po chen po dpal dang ldan/ /go cha sra zhing mtshon rno la/ /stan rnaMs la ni 'khod pa dag /shar phyogs na ni yul 'khor srung / /lho phyogs na ni 'phags skyes po/ /nub phyogs na ni mig mi bzang / /byang phyogs na ni lus ngan po/ /de dag de na 'khod pa yi/ /nye 'khor gnod sbyin 'di rnams gnas/ /seng ge'i gzugs dang stag gi gzugs/ /mi sdug pa dag 'gro zhing rgyu/ /glang chen gzugs dang rta'i gzugs/ /kha cig ma he'i gzugs can la/ /dred mo dang ni wa yi gzugs/ /lug dang spyang ki phag rgod rnaMs/ /rna ba 'phyang dang rna bo che/ /rna ba gcig pa tha dad pa/ /sgra cher 'byin cing 'jigs byed pa/ /sa gzhi rab tu g.yo bar byed/ /bong bu dang ni rnga mo khyi/ /cha lugs gzhan yang nye 'khor 'khod/ /rgyal po chen po stobs po che/ /de dag phan tshun 'du ba na/ /lha yi shing rta bcas pa yis/ /nam mkha' las ni 'gro bar byed/ /gnod sbyin dag gi bdag po yang / /mi rnams la ni bde legs byed/ /s+yad ya the dan/ ba ka hu mu le/ ha shi Na sha shi Na/ ba na mu ha le sa mu hA le/ u du hA le/ sa mu hA le/ pra sha ma mI/ rAk+Sha sa/ a ma nu Sh+yA/ bA re me/ yak+ShA ni/ bA rA mi pre ta ma b+hi thai/ du ma nu Sh+yA/ ma sa ba ha ha d+ha mur nan/ su hi sh+ya hi/ rgyal po chen po rnam thos bu/ /mi la zhon pa sder bcas pas/ /'di smras nas ni tshub ma langs/ /de bzhin ri yang g.yos par 'gyur/ /rgyal po chen po rnam thos bu'i/ /rin chen shing rta bcas pa na/ /lha dang mi yi sgra skad grag /rgyal po chen po mchi ba na/ /dngos po rnams kyang 'bar bar 'gyur/ /srin po 'dod dgur bsgyur ba'i gzugs/ /de yi mdun na rgyug par bgyid/ /mi ma yin pa'i gzugs rnams kyis/ /'jigs shing skrag pa bskyed par bgyid/ /che zhing gtum la mi bzad pa/ / 97.152a drag cing mthong na mi sdug la/ /spu yang ring zhing sen mo ring / /lag na ral gri tho ba thogs/ /so ni bzang can 'jigs par bgyid/ /sna che rnga mo stag gi 'dra/ /drag cing lag pa khrag dmar ba/ /yan lag ma tshang phyed tshal lus/ /mig ser lus kyang shin du ser/ /dri ma can la lus skem pa/ /skra brdzes lcags kyi mchu can la/ /mtshon cha tshabs cher 'debs par bgyid/ /rna ba gzhu rna gsus po che/ /sbrul gyi gzugs can be'u gzugs/ /phag ga gzugs can lto bo che/ /mgo bo che la lag ring ba/ /rna 'phyang ba la nu ma 'phyang / /de 'dra'i gnod sbyin mang po'i/ /g.yog 'khor dag gi yongasu bskor/ /gnod sbyin bye ba phrag stong rnams/ /de dag ma ni laMm log can/ /g.yog 'khor de dag lhan cig tu/ /bdag ni phyag 'tshal slad du mchi/ /gau tam dpa' bo khyod la ni/ /chos bzhin mthun par blta zhing mchis/ /drag cing rgod la gtum pa dang / /lto bo che la skra ring ba/ /mi rnaMs dang ni ri dgas dang / /bya rnaMs gzi byin 'phrog par bgyid/ /me 'bar za dang mang du za/ /mig cig pa dang mig ser dang / /sna dang rna ba bcad pa dang / /chad pa mang pos bcad pa dang / /mgo ma mchis dang mgo bcad dang / /lus kyang sgur la gnyer ma gdong / /mig la me 'bar rkang med pa/ /mi rnams 'jigs par bgyid pa ste/ /phel ka che la rgod bag can/ /de bzhin 'gro zhing rgyu bar bgyid/ /de 'dra'i gnod sbyin mang po yi/ /g.yog 'khor dag gis yongs su bskor/ /gnod sbyin bye ba phrag stong rnams/ /de dag ma ni rkun ma lags/ /g.yog 'khor de dag lhan cig tu/ /bdag ni phyag 'tshal slad du mchis/ /gau tam dpa' bo khyod la ni/ /chos bzhin mthun par blta zhing mchis/ /bdag cag gi ni gnas rnams na/ /shing rta zhes bgyi srid mo mchis/ /de la bu pho stobs ldan pa/ /stong phrag bcu yi grangs snyed mchis/ /de dag bdag gi g.yog lags te/ /de dag phyag 'tshal 97.152b slad du mchis/ /gau tam ba'o khyod la ni/ /chos bzhin mthun par blta zhing mchis/ /bdag cag gi ni gnas rnams na/ /mgrin rings zhes bgyi srin mo mchis/ /srin mo shin du gnag pa dang / /srin mo nag mo zhes bgyi dang / /srin mo rab gnag rnams mchis te/ /de dag gau tam mthun par blta/ /sa yi gnod sbyin bdag nyid che/ /de dag sa stengs gnas pa ste/ /g.yog 'khor de dag rnams kyi ni/ /yongs su skor ste 'dir mchis lags/ /de dag kun dang lhan cig tu/ /bdag ni phyag 'tshal slad du mchis/ /gau tam dpa' bo khyod la ni/ /chos bzhin mthun par blta zhing mchis/ /bdag gi mdun na rgyug pa yi/ /yi dgas gnod sbyin srin po rnams/ /lus chen shugs kyang drag po ste/ /so yang che la lto bo che/ /rna 'phyang 'jigs pa chen po ste/ /slob ma rna la rab tu 'phyang / /yan lag drug pa so brtan pa/ /gur gum mdog can tho ba 'dra/ /so yang rtsub cing rno ba dang / /mdung thung gsal zhing 'jigs par bgyid/ /glang chen mgo dang bum sna can/ /mgo bo stag dang seng ge 'dra/ /lcags kyi so can lcags kyi skra/ /gdon rnaMs rnaM par bskrag bgyi ba/ /lag na lcags kyi gtun bu thogs/ /lag na lcags kyi tho ba thob/ /so rnon lag pa ring ba ste/ /'jigs pa'i gzugs can lcags kyi mchu/ /mgo bo che la skra g.yengs pa/ /gnag cing mig ser sna zhom pa/ /bum pa'i mgrin dang mig dmar dang / /mig cig pa dang lto bo che/ /mchu 'phyangs pa dang lag gcig pa/ /rkang cig pa dang rkang gnyis pa/ /kha med kha gnyis drag po ste/ /mi rnams rab tu 'jigs par bgyid/ /lag na khar ba dbyug pa thogs/ /mdung rtse gsum pa skrag cing 'jigs/ /skrag cing 'jigs par byed pa ste/ /gdon rnams rnam par skrag bgyid pa/ /skrag par bgyid cing smra bar bgyid/ /sems kyang 'khrul bar bgyid pa ste/ /smyo bar bgyid cing rmongs par bgyid/ /de nas gzi byin 97.153a 'phrog par bgyid/ /de dag 'jig rten 'jigs pa ste/ /stobs po che la bsten par dka'/ /stong phrag drug bcu rtsa bzhi po/ /rgyal po chen po'i mdun na rgyug /de 'dra'i gnod sbyin mang po yi/ /g.yog 'khor dag gis yongs su bskor/ /gnod sbyin bye ba phrag stong rnams/ /de dag phyag 'tshal slad du mchis/ /gau tam dpa' bo khyod la ni/ /chos bzhin mthun par blta zhing mchis/ /sa ga lngas rtsen zla ba dang / /seng ge sde dang rab gnon dang / /ma la sbyin brtson drag po dang / /gang po dang ni nor 'dzin dang / /tsan dan dang ni 'dod mchog dang / /sna tshogs sde dang gtor ma len/ /yid bzhin rab 'byor bzhin bzang dang / /'dam bu can dang shin du rgyal/ /'dod pa thams cad 'byor ba dang / /dbang po rgyal ba khyu mchog dang / /nor bu bzang sras rdzogs bzang dang / /'dam bu sa mchog 'dam bu dga'/ /khab kyi spu can ring bzang dang / /lag mchog skye dgu'i bdag po dang / /'dam bu'i rgyud dang mdun ring dang / /rig pa stobs can nor bu dang / /'jog po nag po chen po dang / /la ba can dang dre'u dang gnyis/ /klu'i rgyal pos srungs bu/ /yan lag chen po rdzu 'phrul che/ /naM mkha' lding ni shugs chen ldan/ /'dod chags kun gyi mchog gyur pa/ /bya yi gzugs kyis mchi bgyid cing / /rgya mtsho kun du 'khrug par bgyid/ /lha dang lha min dri za rnaMs/ /'jigs par bgyid dang dge ba 'ang rung / /ma dad pa dang dad pa rnams/ /de dag thaMd 'dir mchis te/ /gau tam dpa' bo khyod la ni/ /chos bzhin mthun par blta zhing mchis/ /'phrog ma zhes bgyi gnod sbyin mo/ /'jigs par bgyid pa stong chen mo/ /de'i bu ni lnga brgya rnaMs/ /'jigs bgyid gnod sbyin mthu rtsal can/ /bdag nyid kyi ni g.yog lags te/ /de dag phyag 'tshal slad du mchis/ /gau tam dpa' bo khyod la ni/ /chos 97.153b bzhin mthun par blta zhing mchis/ /ma ga d+ha na thams cad mthong / /ka shi ga ni pad ma 'chang / /yang pa can na rgyal mchog gnas/ /gyad yul na ni grags 'dzin gnas/ /rgyal po'i khab na ku be ra/ /ser skya'i gnas na drag po ste/ /ta ma la na 'byor pa gnas/ /mi ti lan kun du rgyal/ /ma mo rgyal mo 'di brgyad ni/ /gnod sbyin rnaMs kyi sde dpon mchog /rdzu 'phrul chen po skal ba che/ /stobs chen de dag thaMd ni/ /yid dge dad pa'i seMs dang ldan/ /rdzogs sangs rgyas la skyabs mchis pas/ /de dag dang ni 'dus nas kyang / /rgyalo chen po stob chen gyi/ /yang dag rdzogs sang+yas stan pa/ /mi rnam la ni snying rtse'i slad/ /gnod sbyin 'byung po yi dgas dang / /sdang ba'i gdon rnaMs bzlog pa dang / /mi ma yin rnams bzlog pa'i/ /bsrung ba 'di ni legs par bgyis/ /de nas rgyal po rnaMs thos bu/ /thal sbyar 'dug te smras pa ni/ /'khon dang 'jigs pa kun 'das pa/ /rnam grol zag pa mi mnga' ba/ /gau tam dpa'o khyod la ni/ /chos bzhin mthun pa lta zhing mchis/ /khyod la lha dang grub pa dang / /bram ze thaMd phyag 'tshal te/ /gnod sbyin bye ba drug khri dang / /bzhi stong dag kyang lhags nas ni/ /'khor ra 'khor yug yongs bskor nas/ /thal mo sbyar te 'khod gyur lags/ /bdag ni rgyal po rnams thos bu/ /byang phyogs skyong bar bgyid pa ste/ /'jig rten mgon po'i nye 'khor du/ /gnod sbyin rgyu skar smyo byed dang / /rjed byed dang ni mi 'am ci/ /skem byed dang ni rim drag dang / /de bzhin rims nad zhag bzhi pa/ /de dag bdag gis bzlog par bgyi/ /s+yAd ya the dan/ u ha ha~M/ u ha ha~M/ ma hA ha~M/ u ha ma hA ha~M/ sa la mu dzi/ i lI mi li/ i lI mi li/ ki lI mi li/ tsi ri Ti/ u b+hi u tu b+hi/ pi ti li ye/ Ta ma li/ ma nin+da ye swA hA/ rgyal po chen po rnams thos kyi bu lus ngan lcang lo can gyi bdag po phyogs skyong bar gyur cig /gnod sbyin dang / rgyu skar dang / smyo byed dang / brjed byed dang / mi 'am ci dang / gyen du rgyu dang / rgyu ba dang / 97.154a 'dun pa dang / ngan byed dang / gzi byin 'phrog pa rnams bzlog par gyur cig /lha'i nang na lha'i rgyal po nor lha'i bu zhes bgyi ba mchis te/ de la bdag phyag 'tshal lo/ /de yang bac+doMs nyid la phyag 'tshal te/ rdzogs pa'i sang+yas dpa' bo ste/ /kun mkhyen kun gzigs khyod la 'dud/ /yang dag dpa' bo khyod la 'dud/ /chos bzhin mthun par lta zhing mchis/ /de nas rgyal po yul 'khor srung / /thal sbyar 'dug ste smras pa ni/ /chos kyis rgyal po 'od mdzad pa/ /sang+yas dpal la bdag phyag 'tshal/ /gau tam dpa'o khyod la ni/ /chos bzhin mthun par blta zhing mchis/ /gau tam khyod kyis gang mkhyen pa/ /de ni lha rnams ma 'tshal lto/ /srin po mthong na rab 'jigs pa/ /stong phrag drug bcu rtsa bzhi rnams/ /'khor ra khor yug yongs bskor nas/ /thal mo sbyar te 'khod gyur lags/ /bdag ni rgyal po yul 'khor srung / /shar phyogs skyong bar bgyid pa ste/ /'jig rten mgon po'i nye 'khor du/ /srin po rnams dang sha za dang / /dri za dang ni rlung lha rnams/ /de dag bdag gis bzlog par bgyi/ /s+yAd ya the dan/ i ti mi TI/ khu ra D+Te/ pu ra Te/ ma ti ba ma Ti/ u ma Ni a ka ke /ma ka ke /na ka ke /a Tu mi/ ba Tu mi/ ma b+he/ e ri Ti/ pi ri Ti swA hA/ rgyal po chen po yul 'khor sruMng phyogs skyong bar gyur cig /srin po dang / yi dgas dang / dri za dang / rlung lha dang / mi 'am ci dang / gzi byin 'phrog pa rnams bzlog par gyur cig /lha'i nang na lha'i rgyal po nor lha'i bu zhes bgyi ba mchis te/ de la bdag phyag 'tshal lo/ /de yang bcom ldan 'das nyid la phyag 'tshal te/ rdzogs pa'i sang+yas dpa' bo ste/ /kun mkhyen kun gzigs khyod la 'dud/ /yang dag pa'o khyod la 'dud/ /chos bzhin mthun pa blta zhing mchis/ /de nas rgyal po 'phags skyes po/ /thal sbyar 'dug te smras pa ni/ /'jig rten mgon 97.154b po skyabs mdzad pa/ /'jig rten kun la phan pa mdzad/ /gau tam dpa' bo khyod la ni/ /chos bzhin mthun pa blta zhing mchis/ /grul bum yi dgas srul po rnams/ /stong phrag drug bcu rtsa bzhi rnams/ /'khor ra 'khor yug yongs skor nas/ /thal mo sbyar te 'khod gyur lags/ /bdag ni rgyal po 'phags skyes po/ /lho phyogs skyong bar bgyid pa ste/ /'jig rten mgon po'i nye 'khor du/ /'byung po rgyu ba gzi byin 'phrog /grul bum yi dgas srul po rnams/ /de dag bdag gis bzlog par bgyi/ /s+yAd ya the dan/ a le/ a li la/ ki le ki li le/ ku pa ku pa sa/ si le si le le/ si li li li/ li li li li li/ hi ti si le/ ma ti sa ma ti/ su su ma te/ su su su su/ su su ma ti/ hi li Sha hi li Sha swA hA/ rgyal po chen po 'phags skyes po phyogs skyong bar gyur cig /grul bum dang / yi dgas dang / srul po dang / 'byung po dang / rgyu ba dang / gzi byin 'phrogs pa rnams bzlog par gyur cig /lha'i nang na lha'i rgyal po nor lha'i bu zhes bgyi ba mchis te/ de la bdag phyag 'tshal lo/ /de yang bac+doMs nyid la phyag 'tshal te/ rdzogs pa'i sangs rgyas dpa' bo ste/ /kun khyen kun gzig khyod la 'dud/ /yang dag dpa' bo khyod la 'dud/ /chos bzhin mthun par blta zhing mchis/ /de nas rgyal po mig mi bzang / /thal sbyar 'dug ste smras pa ni/ /mun par gyur pa'i 'jig rten la/ /bcom ldan lam rnaMs ston mdzad pa/ /gau tam dpa' bo khyod la ni/ /chos bzhin mthun par blta zhing mchis/ /'jig rten dag na nyi zla 'dra/ /rin chen snying po stobs po che/ /klu dang mkha' lding gsang ba pa/ /stong phrag drug bcu rtsa bzhi rnaMs/ /'khor ra 'khor yug yongs skor nas/ /thal mo sbyar te 'khod gyur lags/ /bdag ni rgyal po mig mi bzang / /nub phyogs skyong bar bgyid pa ste/ /'jig rten mgo po'i nye 'khor du/ /klu dang mkha' lding gsang ba pa/ /lha min dbang po stob po 97.155a che/ /de dag bdag gis bzlog par bgyi/ /s+yAd ya the dan/ da ge da ge/ su ba ti le/ pa Te/ a Ta/ ka mad Te/ bi ma bi da ma/ bi da da ma/ b+hi da da ma ni/ a b+hi na me/ gats+tsha b+hu te/ da la phi ye/ ba ra su r+t+ra tsi tsi le/ tsi li li li li li li swA hA/ rgyal po chen po mig mi bzang phyogs skyong bar gyur cig /klu dang / nam mkha' lding dang / gsang ba pa dang / lha ma yin dang / gzi byin 'phrog pa rnams gazlog par gyur cig /lha'i nang na lha'i rgyal po nor lha'i bu zhes bgyi ba mchis te/ de la bdag phyag 'tshal lo/ /de yang bcom ldan 'das nyid la phyag 'tshal te/ rdzogs pa'i sangs rgyas dpa' bo ste/ /kun mkhyen kun gzig khyod la 'dud/ /yang dag dpa' bo khyod la 'dud/ /chos bzhin mthun par blta zhing mchis/ /de nas rgyal po chen po bzhi bla gos phrag pa cig tu gzar nas pus mo g.yas pa'i lha nga sa la btsugs te thal mo sbyar nas/ bcom ldan 'das 'ba' zhig la phyag 'tshal zhing gros mthun pa dang / tshig mthun pa dang / skad mthun par bcom ldan 'das la 'di skad ces gsol to/ /btsun pa bcom ldan 'das bsil ba'i tshal gyi mdo chen po 'di ni rgyal po chen po bzhi'-i bsrung ba ste 'khor bzhi po rnams la yongs su khyab pa lagaso/ /gnod sbyin dang / srin po nas gnod pa bgyid pa'i bar du bzlog par bgyi ba dang / 'khor bzhi po rnams la srung ba dang / bskyob pa dang / sbed pa dang / bde legs su 'gyur ba dang / bde bar gnas par bgyid pa lagaso/ /de skad ces gsol pa dang / bac+doMs kyis rgyal po chen po bzhi la 'di skad ces bka' stsal to/ /kye rgyal po chen po dag rigs sngags kyi rgyal po chen po bzung zin no/ /bsil ba'i tshal gyi mdo chen po ngas yongs su bzung zin no/ /kye rgyal po chen po dag gzhan yang ngas bsil ba'i tshal gyi mdo chen po la rjes su yi rang ba'i rig sngags kyi rgyal mo chen mo brjod kyis/ de legs par rab tu nyon la yid la zung shig dang 97.155b ngas bshad do/ /bac+doMs de ltar 'tshal lo/ /zhes rgyal po chen po bzhis bac+doMs kyis bka' stsal pa nyan to/ /de nas bac+doMs kyis phyag rin po che g.yas pas na bza' chos gos phye nas 'byung po'i tshogs de dag la 'di skad ces bka' stsal to/ /ngas 'di bstan par bya'o/ /rgyal po chen po rnam thos kyi bu la dbye bar bya'o/ /thaMd la go bar bya'o/ /de nas bac+doMs yang dag par rdzogs pa'i sangs rgyas kyi rig sngags 'di bka' stsal to/ /s+yAd ya the dan/ hi lI hi lI/ b+hi si ni/ bka ke /a ha ra ye/ ta ma ti/ ti la bka ke /ba lI ta ke /da ri ti na/ da d+hi na da/ phu T+yi phu/ phu T+yi/ gu T+yi gu gu T+yi/ hi tsa kAn+ti/ nA mA/ kAn tI swA hA/ bac+doMs kyis rig sngags kyi rgyal mo chen mo 'di bka' stsal pa na sa 'di kun tu g.yos/ 'byung po thaMd rab tu 'dar nas kye ma kye hud kye ma sdug bsngal lo zhes sgra chen po byung ngo / /srin po rnaMs kyis kyang 'di skad ces smras te/ 'di ltar yang dag rdzogs sangs rgyas/ /seMn kun la thugs brtse na/ /'byung po kun 'jigs nyes pa yi/ /rig sngags 'di 'dra srung bar mdzad/ /de nas kun mkhyen ston pa po/ /seMn kun la thug rtse bas/ /gnod sbyin srin po dri za dang / /klu' 'dang kha lding gsang ba pa/ /'byung po rgyu ba gzi byin 'phrog /grul bum yi dgas srul po dang / /lha min gshed byed ro langs dang / /brjed byed dang ni mi 'am ci/ /skem byed dang ni rims drag dang / /de bzhin bram ze srin po dang / /smyo byed rims nad zhag gsum pa/ /de bzhin zhag ni bzhi pa rnaMs/ /skrag cing rab tu 'dar 'gyur te/ /phyogs bcu rgyug pa gzig nas kyang / /de dag la ni thug brtse'i phyir/ /rig sngags 'di ni brjod par mdzad/ /s+yAd ya the dan/ hi ri ma kha/ ti ri kha kha/ ka Ta ma TA/ sid d+ha ma hA/ ha ta ri/ u Ta ta ni/ da Ta da Ta/ da ti li/ da ma t+te/ da ma t+te/ d+hu d+hu ri/ da da ri/ da ra mi ra/ ki ri kI ye/ ka ta ba ra Ni/ su su mA le swA hA/ gsang sngags chen po rig sngags chen po 'di las 'gal bar ma byed cig /bcom ldan 'das kyi gsung gi chos la yang dag par so sor rtogs shig /khyed kun lus zhig ste shi ba'i 'og tu ngan song ngan 'gro log par 97.156a ltung ba sems can dmyal ba rnams su skye zhing 'khor bar 'gro ba re/ de nas rgyal po chen po bzhis bcom ldan 'das kyi rig sngags kyi rgyal mo chen mo sngon ma thos pa 'di thos nas skrag cing dngangs te mi dga' la skye bung zhes byas nas thal mo sbyar te/ bcom ldan 'das la phyag 'tshal zhing gros mthun pa dang / tshigs mthun pa dang / skad mthun par bcom ldan 'das la 'di skad ces gsol to/ /sdang ba'i 'byung po zad bgyid pa/ /rig sngags 'di ni legs par gsung / /mi yi 'jig rten bde bgyid pa'i/ /rig sngags bdag cag brjod par 'tshal/ /de la rig sngags 'di lags te/ /'jig rten mgon po bdag la gson/ /s+yAd ya the dan/ u hu ha la/ ku li dzi ba a b+hu ya/ ma su ra be la/ ad d+yA bad d+yA/ ad d+yA ba te/ nad da bad d+yA+e/ ma ru d+h+ya/ ma ru d+h+ya/ ba te ma ru da d+ya pha la swA hA/ bcom ldan 'das 'byung po thaMd bzlog pa 'di gzung bar gsol/ s+yAd ya the dan/ i li i li/ mi li mi li/ ki li ki li/ ba na ra/ ni la pa ya/ b+hu b+hu b+hu ra/ thi rU phu phu phu ra/ ga sha lI rau kha de ya ma la/ khu li khu li ba ya swA hA/ rig sngags kyi rgyal mo 'di ni lo cig gi bar du mtshams gcod pa dang / 'byung po thaMd bzlog pa dang / don thaMd grub pa lags so/ /de nas gnod sbyin dang / srin po dang / dri za nas gnod par bgyid pa'i bar rnams kyis/ bcom ldan 'das kyi rig sngags kyi rgyal mo chen mo sngon ma thos pa 'di yang thos/ rgyal po chen po bzhi'-i bsrung ba sngon ma thos pa 'di yang thos nas skrag cing dngangs la mi dga' ste/ skye bung zhes byed nas sa la 'dzul kun tu 'dzul/ kun du rab tu 'dzul bar byed do/ /de nas bcom ldan 'das kyis sa gzhi rdo rje sprul nas de dag phyogs bzhir rgyug go /de nas rgyal po chen po bzhi phyogs bzhir me'i phung po chen po sprul to/ /de nas nam mkha' la rgyug go /de nas bcom ldan 'das kyis nam mkha' gser du sprul to/ /de nas 'jig rten skyong ba rgyal po chen po rnam thos kyi bu lha dang dri zas bskor cing mdun du bdar te/ steng gi bar snang la 97.156b 'phags nas gnod sbyin dang srin po nas gnod par byed pa'i bar rnams gzhom pa dang / sems can thams cad la snying rtse ba dang / 'byung po thams cad bzlog pa dang / 'khor bzhi po rnams bsrung ba dang / bskyab pa dang / sba ba dang / bde legs su 'gyur ba dang / bde bar gnas par bya ba'i phyir rig sngags 'di brjod do/ /s+yAd ya the dan/ gi mi gi mi gi mi gi mi/ gi ni gi ni gi ni gi ni/ na khi mi na khi/ ni Sha ni Sha ni Sha/ u ba a/ di shwa di shwa/ bi di sha /sarba di shwa/ a d+hi ba te/ gi ra/ bi sa/ dza ni b+hu mi pa te/ i li li/ i li li/ ki li lI/ ki li ki li li/ ki li ki li le/ ki li ki li le/ ki li ki li le/ ki li ki li le/ ki li li li li li li/ ki li li li li li li li li/ ad d+yi/ nad d+yi/ ku nad d+yi/ ma hA ku nad d+yi/ ku lad d+yi khu lad d+yi/ khu khu lad+d+yi ma hA khu lad d+yi/ hu lu hu lu/ lu/ hu lu lu lu/ hu lu lu lu lu/ hu lu lu lu lu/ lu/ hu lu lu lu lu lu lu lu lu lu/ lu/ ha la ha la/ hi li hi li/ la ha ha lu/ hu le/ i ha/ hu le hu le/ u lad de/ hi le/ u ha hi le/ hi la hi le/ hu lu/ hi/ hu lu hu lu hu lu/ hu lu hu le/ ha ha ha ha ha ha/ swA hA/ rgyal po chen po rnam thos kyi bu phyogs skyong bar gyur cig /lha rnams kyi nang na lha'i rgyal po nor lha'i bu zhes bgyi ba mchis te/ de la bdag phyag 'tshal lo/ /de yang bcom ldan 'das nyid la phyag 'tshal te/ rdzogs pa'i sangs rgyas dpa' bo ste/ /kun mkhyen kun gzig khyod la 'dud/ /rdzogs pa'i sangs rgyas rkang gnyis mchog /shes rab chen po khyod la 'dud/ /gau tam khyod kyi gang mkhyen pa/ /de nas lha rnams ma 'tshal to/ /yang dag dpa' bo khyod la 'dud/ /chos bzhin mthun par blta zhing mchis/ /gnod sbyin dang / srin po dang / dri za nas gnod pa bgyid pa'i bar rnams ming 'di zhes bya ba'i lus la babs pa la gud du deng shig /gal te ming 'di zhes bya ba'i lus las myur du gud du ma dong na/ de dag la myur du 'jig pa chen po dang / nad drag pos 'deb par 'gyur la/ de'i rkyen gyis mgo bo dang / snying tshal pa brgyar 'gas par 'gyur te/ de'i mod la sdug bsngal du ma 'byung ba dang / 97.157a brlag pa dang / mtha' med par 'gyur ro/ /'brum bu'i gdon gang yin pa dang / skya reng 'char ka'i gdon gang yin pa dang / grib gnon gyi gdon gang yin pa de dag kyang bsil ba'i tshal gyi mdo chen po 'di thos nas ming 'di zhes bya ba'i lus las myur du gud du deng shig /gal te myur du gud du ma dong na de dag la myur du 'jigs pa chen po dang / nad drag pos 'debs par 'gyur la/ de'i rkyen gyis mgo bo dang / snying tshal pa brgyar 'gas par 'gyur te/ de'i mod la sdug bsngal du ma 'byung ba dang / brlag pa dang / mtha' med par 'gyur ro/ /gzi byin dang ni khrag za ba/ /nyin mtshan rgyu ba gang yin pa/ /de dag gis kyang legs gsungs pa'i/ /mdo bshad thos nas gtang bar gyis/ /sha za lus 'phags skem byed dang / /'byung po 'jigs byed srul po rnams/ /de dag gis kyang legs gsungs pa'i/ /mdo 'di bshad pa thos nas thong / /lha dang lha min rlung lha dang / /dri za dang ni gdon gyi bla/ /'byung po dang ni sha za dang / /de bzhin gnod sbyin srin po rnams/ /kun du 'khrug shing kun du g.yos/ /skrag cing kun tu rab tu 'gul/ /gdon sdang gnod pa byed pa rnams/ /ltung zhing rab tu pham par 'gyur/ /sa gzhi dag kyang rab tu g.yos/ /sgra bo che dag sgrogs par byed/ /yi dgas dang ni grul bum rnams/ /sdang ba'i gdon ni zlog byed pa'i/ /mdo 'di dag ni thos gyur nas/ /'jigs pa drag pos 'debs par 'gyur/ /sangs rgyas chos dang dge 'dun la/ /dad pa'i gnod sbyin gang yin pa/ /de dag mgu zhing yid dga' nas/ /legs par rjes su yi rang ngo / /de nas rgyal po chen po bzhi bar snang ba la babs nas bcom ldan 'das ga la ba der song ste lhag nas/ bcom ldan 'das kyi zhabs la mgo bos phyag 'tshal te thal mo sbyar nas bcom ldan 'das la phyag 'tshal zhing / gros mthun pa dang / tshig mthun 97.157b par bcom ldan 'das la 'di skad ces gsol to/ /btsun pa bac+doMs bsil ba'i tshal gyi mdo chen po 'di rgyal po chen po bzhis zhabs la phyag bgyis pa dang / 'khor bzhi po rnams bsrung ba dang / yongs su skyob pa dang / gnod sbyin dang / srin po nas gnod par bgyid pa'i bar rnams 'joms pa lags so/ /btsun pa bcom ldan 'das dge slong dang / dge slong ma dang / dge snyen dang / dge bsnyen ma gang la bsrung ba dang / de dag gis kyang bsil ba'i tshal gyi mdo chen po 'di gzung bar bgyi/ bcang bar bgyi/ brjod par bgyi/ kun chub par bgyi'o/ /btsun pa bac+doMs dge slong ngam/ dge slong ma'am/ dge bsnyen nam/ dge snyin ma gang la la bdag bsrung ba dang / bdag sba ba dang / gzhan gasrung ba dang / gzhan sba ba'i slad du bsil ba'i tshal gyi mdo chen po 'di 'dzin pa dang / 'chang ba dang / rjod pa dang / kun chub par bgyid pa de la ni gnod sbyin dang / srin po nas gnod par bgyid pa'i bar rnams nye 'khor du yang gnas par mi 'gyur na/ gnod par bgyid pa lta ga la sems lags/ de gang du mtshan gcig tsam gnas pa der yang gnod sbyin dang / srin po nas gnod pa bgyid pa'i bar rnams nye 'khor du yang gnas par mi 'gyur na/ de gang du rtag du gnas pa der lta smos kyang ci 'tshal lags/ btsun pa bcom ldan 'das gang la mi ma lags pa'i gnod pas thebs pa de'i mdun du bsil ba'i tshal gyi mdo chen po 'di brjod na/ de myur ba kho nar bde legs dang / nad ma mchis pa dang / bde bar 'gyur zhing thar bar 'gyur la/ mi ma lags pa rnams de la log pa mi bgyid cing myur du mchis bar 'gyur lags te/ btsun pa bcom ldan 'das bsil ba'i tshal gyi mdo chen po 'di de ltar don che ba lags so/ /btsun pa bcom ldan 'das dge slong ngam/ dge slong ma 'am/ dge bsnyen nam/ dge snyen ma gang la la bsil ba'i tshal gyi mdo chen po 'di 'dzin pa dang / 'chang ba dang / brjod pa dang / kun chub par bgyid pa dang / sbyor bar 97.158a bgyid pa de la ni dad pa can gyi gnod sbyin dge snyen rnams rgyal po chen po bzhi'-i gnas su mchis nas ming smos par bgyid de/ kye rgyal po chen po dag dge slong ngam/ dge slong ma'am/ dge bsnyen nam/ dge snyen ma che ge mo zhig bdag srung ba dang / bdag sba ba dang / gzhan bsrung ba dang / gzhan sba ba'i phyir bsil ba'i tshal gyi mdo chen po 'di 'dzin par byed/ 'chang bar byed/ brjod par byed/ kun chub par byed/ sbyor bar byed do zhes sgrogs par bgyid lags so/ /btsun pa bcom ldan 'das dad pa can gyi gnod sbyin dge bsnyen rnams rgyal po'i pho brang lcang lo can du mchis nas rgyal po chen po rnam thos kyi bu'i mdun du gnod sbyin rnams 'dus shing 'byung po thams cad tshogs pa'i nang du yang bsgrags nas/ der de dag mngon par dga' bar 'gyur te/ btsun pa bac+doMs bsil ba'i tshal gyi mdo chen po 'di ni de ltar don che ba lags so/ /btsun pa bcom ldan 'das dge slong ngam/ dge slong ma 'am/ dge bsnyen nam/ dge snyen ma gang la la bdag bsrung ba dang / bdag sba ba dang / gzhan bsrung ba dang / gzhan sba ba'i slad du bsil ba'i tshal gyi mdo chen po 'di 'dzin pa dang / 'chang ba dang / brjod pa dang kun chub par bgyid pa dang / sbyor bar bgyid pa de ni tshangs par spyad par bgyi'o/ /chang mi btung ba dang / dran pa dang / shes bzhin can du mchis pa dang / zas rnams pa lnga la 'di lta ste/ bu ram dang / sbrang rtsi dang / til dang / sha dang / nya sha rnams yongs su spang bar bgyi'o/ /de ci'i slad du zhe na/ btsun pa bac+doMs gnod sbyin dang / srin po nas gnod par bgyid pa'i bar bgyid pa'i bar rnams bsil ba'i tshal gyi mdo chen po 'di 'dzin pa dang 'chang ba dang / brjod pa dang kun chub par bgyid pa dang / sbyor ba de la de'i skabs kho nar brlag pa dang / mtha' ma mchis par bgyid pa dag mchis te/ de dag gzhom 97.158b pa'i slad du yi dam bgyi 'tshal lags so/ /btsun pa bcom ldan 'das dge slong ngam dge slong ma 'am/ dge bsnyen nam dge bsnyen ma gang la la bsil ba'i tshal pa'i tshal gyi mdo chen po 'di 'dzin pa dang / 'chang ba dang / brjod pa dang kun chub par bgyid pa dang / sbyor bar bgyid pa de la ni dad pa can gyi gnod sbyin dge bsnyen rnams gos dang / zas dang / mal cha dang / stan dang / bro gsol sman dang / yo byad rnams kyis spro ba bskyed par bgyid de/ btsun pa bac+doMs bsil ba'i tshal gyi mdo chen po 'di ni de ltar don che ba lags so/ /btsun pa bcom ldan 'das gzhan mu stegs can bac+doMs kyi gsung rab la ma dad pa dang / mngon par mi dga' ba dang / gnod par 'tshal ba dang / sman par mi 'tshal ba dang / grub pa dang / bde bar mi 'tshal ba gang la la bsil ba'i tshal gyi mdo chen po 'di 'dzin pa dang / 'chang ba dang brjod pa dang kun chub par bgyid pa dang / sbyor bar bgyid pa de la ni don de 'grub par mi bgyid de/ mi ma lags pa rnams kyis bar ma dor 'gums pa dang / sdug bsngal du ma 'byung ba dang / brlag pa dang / mtha' ma mchis par bgyid lags so/ /de ci'i slad du zhe na/ de ni de dag la gnod par 'tshal ba dang / sman par mi 'tshal ba dang / grub pa dang / bde bar mi 'tshal ba lags pa'i slad du ste/ de dag la ni logs par lta ba gang lags pa de brlag par bgyid lags so/ /btsun pa bcom ldan 'das 'jig rten na sems can rnams bsrung ba dang / bskyab pa dang / sba ba'i slad du rgyal po chen po bzhis bsrung ba bgyis pa gang ci yang rung ba'i bsrung ba de dag gi nang na ni 'di mchog dang / gtso bo dang rab mchog lags so/ /de nas bcom ldan 'das la rgyal po chen po bzhis tshigasu bcad pa 'di dag gsol to/ /mi mchog gang zhig mdo 'di dag /yongasu rdzogs par bsrung ba dang / /bde legs bgyid pa de la ni/ /srin po rnaMs kyang 'tshe mi bgyid/ /su yang rung te mdo 'di dag /mi mchog gis ni gsungs pa bzhin/ /yongs su 97.159a rdzogs shing ma chad par/ /shin du chang bar 'chang bgyid na/ /de la gnod sbyin yi dgas dang / /'byung po grul bum srin po dang / /smyo byed rgyu ba klu rnams dang / /de lta bu dag 'tshe mi bgyid/ /de la mi ma lags dang gdon/ /myur du gud du mchi bar 'gyur/ /de la cis kyang mi tshugs te/ /de la 'tshe bar yong mi nus/ /rgyal po chen po bzhi po yis/ /bcom ldan phyag 'tshal zhes brjod de/ /sangs rgyas zhabs la phyag 'tshal nas/ /de nyid du ni mi snang gyur/ /de nas bcom ldan 'das kyis de'i mtshan mo 'das te nam langs nas dge slong gi dge 'dun gyi gung la bzhugs te dge slong rnams la bka' stsal pa/ dge slong dag mdang gsum rgyal po chen po bzhi bu dang bcas/ blon po dang bcas/ 'khor dang bcas/ mngag gzhug dang bcas/ pho nya dang bcas/ g.yog 'khor dang bcas pa kha dog 'phags pa dag nam sros nas lhag nas gros mthun par dur khrod chen po bsil ba'i tshal du 'ongs te/ rang gi 'od kyis snang bar byas nas lus ngan dang / yul 'khor bsrung dang / mig mi bzang dang / 'phags skyes po rnams nga ga la ba der 'ongs te lhags nas/ nga'i rkang pa gnyis la mgo bos phyag 'tshal te phyogs gcig tu 'khod do/ /phyogs gcig tu 'khod nas/ rgyal po chen po bzhis nga'i thad du bsil ba'i tshal gyi mdo chen po 'di brjod nas dong ngo / /khyod kyis de legs par rab tu nyon la yid la zung shig dang ngas bshad do/ /btsun pa de ltar 'tshal lo zhes gsol te/ dge slong rnams kyis bcom ldan 'das kyis bka' stsal pa mnyan nas/ bcom ldan 'das kyis dge slong dang / dge slong ma dang / dge bsnyen dang / dge bsnyen ma rnams la bsil ba'i tshal gyi mdo chen po 'di rgyas par bshad do/ /bcom ldan 'das kyis de skad ces bka' stsal nas/ dge slong dang / dge slong ma dang / dge bsnyen dang / dge bsnyen ma de dag yi rangs te/ bcom ldan 'das kyis gsungs pa la mngon par 97.159b bstod do/ /'di'i cho ga ni zas dkar gsum za ba dang / legs par khrus byas pa dang smyung ba byas pa dang / tshul khrims dang ldan pa dang / bsam pa rgya chen po dang ldan pas rgyal po bzhi'i gzugs ldong ros sam btsag gis bris la/ spos thaMs cad dang ldan pa'i dkyil 'khor gru bzhi pa byas nas sangs rgyas kyi spyan sngar dus gsum du brjod par bya'o/ /bsil ba'i tshal gyi mdo chen po rdzogs so// //paN+Di ta shI len+d+ra bo d+hi dang / dz+nyA na sid+d+hi dang / shAkya pra b+ha dang / lo ts+tsha ba ban+de ye shes sdes bsgyur cing zhus te skad gsar chad kyis kyang bcos te gtan la phab pa'o/ /phyis 'gos gzhon nu dpal gyis phyag lo ts+tsa ba'i phyag dpe las zhus so/ / |