J517

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J517</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J517&coll=lithang">see text in Tibetan script</a></table>97.125b<br><font size=+1>

@#/ /rgya gar skad du/  Ar+ya ma hA pra ti sa rA bid+yA rA dz+nyI/  bod skad du/  'phags pa rig pa'i rgyal mo so sor 'brang ba chen mo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rdo rje'i lhun po chen po'i zom na/ khang pa brtsegs pa rdo rje chen po'i ting nge 'dzin gyi sa'i gnas/ rdo rje chen po'i</font><hr>97.126a<br><font size=+1>

dpag bsam gyi shing ljon pas legs par brgyan pa/ rdo rje chen po'i rdzing gi rin po che dang / pad ma'i 'od kyis snang bar byas pa/ sa phyogs rdo rje chen po'i bye ma bdal ba/ rdo rje chen por byin gyis brlabs pa/ 'khor gyi khyams rdo rje chen po las byas pa/ lha'i dbang po brgya byin gyi rdo rje'i seng ge'i khri chen po bye ba khrag khrig brgya stong gis rnam par mdzes pa/ chos bstan pa dang / cho 'phrul can sangs rgyas thams cad kyi byin gyi rlabs kyi byin gyi brlabs pa chos thams cad kyi mnyam pa nyid la 'jug pa thams cad mkhyen pa nyid kyi nges par 'byung ba na/ byang chub sems dpa' bye ba khrag khrig 'bum phrag brgyad bcu rtsa bzhi thams cad kyang skye ba gcig gis thogs pa bla na med pa yang dag par rdzogs pa'i byang chub las phyir mi ldog pa/ mthu chen po thob pa/ rdo rje chen po'i rnam par thar pa dang / ting nge 'dzin gyis sangs rgyas kyi zhing du mar rnam par 'phrul pa dang / cho phrul chen po kun du ston pa/ sems kyi skad cig brang cig yud tsam cig la sems can thams cad kyi sems dang / spyod pa'i rjesu 'jug pa'i chos stan pa sna tshogs snyan cing rgya che la zab cing yang ba dang / spobs pa dang / cho 'phrul dang ldan pa/ sangs rgyas kyi zhing du mar de bzhin gshegs pa la mchod pa chen po'i sprin gyis mchod pa dang / rnam par thar pa'i sgo dang / gzungs dang / ting nge 'dzin dang / dbang po dang / mngon par shes pa dang / ma 'dres pa dang / byang chub kyi yan lag dang / lam dang / sa dang / pha rol tu phyin pa dang / thabs la mkhas pa dang / bsdu ba'i dngos po dang / byams pa dang / snying rje dang / dga' ba dang / btang snyoms dang / byams pa'i stobs dang / bden pa dang / yongasu byang ba'i sems kyi rgyun dang ldan pa sha stag la 'di lta ste/ byang chub seMs dpa' sems dpa' chen po rdo rje'i snying po dang / </font><hr>97.126b<br><font size=+1>

rdo rje'i lus dang / rdo rje'i blo gros dang / lag na rdo rje dang / rdo rje 'dus pa dang / rdo rje mthu bo che dang / rdo rje rnam par 'phrul pa dang / rdo rje brtsegs pa dang / rdo rje phung po dang / rdo rje bzang po dang / byang chub sems dpa' sems dpa' chen po rdo rje'i tog dang / de dag la sogs pa byang chub sems dpa' bye ba khrag khrig 'bum phrag brgyad bcu rtsa bzhi dang / nyan thos chen po rab tu mang po thams cad kyang dgra bcom pa/ zag pa zad pa/ srid par kun du sbyor ba chad pa/ yang dag pa'i shes pas sems shin tu rnam par grol ba/ rdzu 'phrul gyi stobs dang / cho 'phrul bsam gyis mi khyab pas rnam par 'phrul pa'i mthu chen po thob pa/ lta ba chags pa med pa/ thams cad kyang dri ma dang bral ba thob pa/ kun nas nyon mongs pa'i bag chags kyi sa bon nges par bsregs pa sha stag la 'di lta ste/ tshe dang ldan pa shA ri'i bu dang / tshe dang ldan pa byams ma'i bu gang po dang / tshe dang ldan pa ka pe na dang / tshe dang ldan pa rab 'byor dang / tshe dang ldan pa mau gal gyi bu chen po dang / tshe dang ldan pa skul byed dang / tshe dang ldan dga' byed dang / tshe dang ldan pa 'od srung dang / tshe dang ldan pa 'od srung chen po dang / tshe dang ldan pa lteng rgyas 'od srung dang / de dag la sogs pa nyan thos chen po rab tu mang po dang / lha'i bu dbang phyug chen po la sogs pa gnas gtsang ma'i ris kyi lha'i bu grangs med dpag tu med pa/ brjod du med pa'i yang brjod du med pa dag dang / mi 'jed kyi bdag po tshangs pa la sogs pa tshangs ris kyi lha'i bu rnams dang / lha'i bu rab 'thab bral g.yog 'thab bral ris kyi lha'i bu dang bcas pa dang / yongasu dga' ldan dang / 'phrul dga' dang / gzhan 'phrul dbang byed dang / lha'i dbang po brgya byin lha'i</font><hr>97.127a<br><font size=+1>

bu thams cad kyi 'khor can dang / lha ma yin gyi dbang po thags zangs ris dang / stobs can dang / rab sim dang / sgra gcan dang / rnam par snang byed dang / de dag la sogs pa lha ma yin gyi dbang po tshad med/ grangs med/ dpag tu med pa rnams dang / klu'i rgyal po rgya mtsho dang / 'jog po dang / nor rgyal gyi bu dang / dung skyong dang / stobs kyi rgyu dang / pad ma dang / pad ma chen po dang / de dag la sogs pa klu'i rgyal po tshad med grangs med dpag tu med pa rnams dang / mi 'aM ci'i rgyal po ljon pa mi'aM ci'i rgyal po g.yog du ma can dang / dri za'i rgyal po zur phud lnga pa dri za'i rgyal po g.yog du ma can dang / rigs sngags 'chang gi rgyal po don thams cad grub pa rig sngags 'chang gi rgyal po g.yog du ma can dang / namakha' mkha' lding gi rgyal po gser mig namakha' lding gi rgyal po g.yog du ma can dang / gnod sbyin gyi rgyal po rnam thos kyi bu dang / nor bu bzang dang / gang ba bzang dang / lngas brtsen gnod sbyin gyi rgyal po g.yog du ma can dang / 'phrog ma bu lnga brgya'i g.yog du ma can dang / 'jig rten gyi ma bdun dang / srin mo chen mo bdun dang / drang srong gi mchog chen po bdun dang / bar snang la rgyu ba'i rgyu skar dang / gza' thams cad kyi lha rnams dang / phyogs kyi lha rnams dang / phyogs 'tshams kyi lha rnams dang / sa'i lha dang / dbyangs can dang / 'byung po rnams dang / bgegs rnams dang / log 'dren rnams dang / yi dgas rnams dang / 'byung po rdzu 'phrul chen po rnams dang / ri'i rgyal po thams cad dang / 'jig rten skyong ba chu lha g.yog rgya mtsho'i lha thams cad dang bcas pa dang / 'phags skyes po dang / mig mi bzang dang / lag na be con dang / bden bral dang / me'i lha dang / rlung gi lha chen po bdun dang / dbang bdag chung ma dang bcas pa g.yog bye ba khrag khrig 'buM phrag du ma can dang / sred med kyi bu</font><hr>97.127b<br><font size=+1>

g.yog dang bcas pa dang / byin pa po dang / phreng ba can dang / zla ba can dang / lcags can dang / tshogs kyi bdag po chen po dang / sprin ta la la dang / log 'dren gyi dbang po bgegs log 'dren gyi dbang po g.yog du ma can dang / shing bseb kyi lha drug bcu dang / sring mo bzhi ming po dang bcas pa dang / rdo rje'i lu gu rgyud dang / rdo rje'i pho nya mo drug bcu rtsa bzhi dang / rdo rje'i sde dang / lag bzang dang / gtsug gis 'gro rdo rje'i ris kyi 'khor du ma dang bcas pa dang / de las gzhan pa sangs rgyas dang / chos dang / dge 'dun la mngon par dad pa'i lha dang / klu dang / gnod sbyin dang / dri za dang / lha ma yin dang / namakha' lding dang / mi 'am ci dang / lto phye chen po dang / 'byung po dang / yi dgas dang / sha za dang / grib gnon dang / smyo byed dang / brjed byed dang / skem byed dang / sgrub pa dang / sbrul 'dzin bcas pa dang / gnon po tshad med grangs med dpag tu med pa dag dang / lha'i bu nyi ma dang / lha'i bu zla ba dang / nub ka'i lha dang / nang par gyi lha dang / dus kyi lha thams cad dang / sa'i lha dang thabs cig tu bzhugs te/ bcom ldan 'das des chos kyi 'khor lo ni shin du bskor/ sangs rgyas kyi mdzad pa ni shin du yongasu mthar phyin/ bsod nams dang ye shes kyi tshogs ni shin du yongasu rdzogs/ thams cad mkhyen pa ni shin du yongasu bzang / byang chub chen po'i phyir pha rol tu phyin pa dang sa ni brnyes/ skyes bu chen po'i tshan sum bcu rtsa gnyis kyi brgyan pa'i sku ni rab du 'bar/ yan lag dang nying lag thams cad ni dpe byad bzang po brgyad bcus rnam par spras/ dbu'i gtsug ni seMs can thaMd kyis bltar mi mthong / bdud kyi las thams cad la ni mkhas/ sems can thaMd kyi seMs dang spyod pa ni shes/ spyan rnaM pa lnga ni mnga'/ rnaM pa thaMd kyi mchog dang ni ldan/ thaMd mkhyen pa'i ye shes dang ni ldan/ sangs rgyas kyi chos thams cad dang ni ldan/ bdud dang phas</font><hr>97.128a<br><font size=+1>

kyi rgol ba'i tshogs thams cad ni bcom/ grags pa dang / sgra dang / tshigs su bcad pas ni 'phags/ khyu mchog dang / seng ge'i sgra ni sgrogs/ ma rig pa'i mun pa ni kun du bsal/ bskal pa bye ba khrag khrig 'bum phrag grangs med dpag tu med par sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / thabs dang / stobs dang / smon lam dang / ye shes kyi pha rol tu phyin pa dang / bya dka' ba'i spyod pa las ni phyir ma log /sku ni skyes bu chen po'i mtshan sum bcu rtsa gnyis dang / dpe byed bzang po brgyad bcus brgyan te/ rab tu mdzes shing rdo rje rin po che'i pad ma'i snying po'i seng ge'i khri chen po rdo rje rin po che dang / mu tig dang / dril bu g.yer ka'i dra ba du ma sgra 'byung ba/ rtsa ba'i drung na rdo rje rin po che'i stegs bu du ma shin du brtan par gnas pa/ rdo rje rin po che'i chu srin du ma'i kha nas byung ba'i mu tig dmar po'i phreng ba bres pa'i phang bshams pa/ rin po che du ma pad ma'i snying po la chags pa/ rin po che la chags pa/ rin po che ke ke ru dang / ke ke ru chen po dang / an da rnyil dang / an da rnyil chen po dang / dun las kyi 'od zer chen po 'tsher bas snang bar byas te kun nas mdzes pa/ gdugs rtsa ba dang bcas pa/ rdo rje rin po che'i shar bu du mas rnam par brgyan pa/ bye ba khrag khrig 'bum phrag du mas rnam par brgyan pa/ bye ba khrag khrig 'bum phrag du mas kun nas bskyabs pa/ dpag bsam gyi shing du mas rgyas par mdzes par byas pa/ rdo rje rin po che'i khri ri rab tsam la bzhugs te/ gser gyi ri bo'i rgyal po ltar dpal ni 'bar/ sa phyogs ni nyi ma stong bas lhag pa'i 'od kyi dkyil 'khor gyis rnam par brgyan/ zla ba nya ba ltar 'jig rten thams cad la sdug par ni snang / dpag bsam gyi shing ljon pa chen po ltar/ sangs rgyas kyi chos rnams ni shin du rgyas shing chos ston te/ tshangs par spyod pa/ thog mar dge ba/ bar du dge ba/ tha mar dge ba/ </font><hr>97.128b<br><font size=+1>

don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ yang dag par rab tu ston to/ /de nas bcom ldan 'das kyi smin mtshams kyi mdzod spu nas 'od zer gyi dra ba sangs rgyas thams cad kyi zhing kun du ston pa zhes bya ba bkye ste/ 'od zer gyi dra ba des stong gsum gyi stong chen po'i 'jig rten gyi khams 'di snang bas khyab par byas par gyur to/ /sangs kyi zhing gang dag na sangs rgyas bcom ldan 'das dag seng ge'i khri bkod pa du ma'i khang pa brtsegs pa'i gzhal med khang na nyan thos dang / byang chub sems dpa' sems dpa' chen po dang / dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po thams cad dang thabs gcig tu chos ston pa'i sangs rgyas kyi zhing gang gA'i klung gi bye ma snyed dang mnyam pa de dag thams cad kyang snang ba des khyab par gyur to/ /de nas bcom ldan 'das kyis 'khor phal po che la bka' stsal pa/ sems can kun la snying brtse'i phyir/ /nyes par byas dang gnod pa kun/ /rab 'jom so sor 'brang ba yi/ /gzungs 'di rab tu bshad par bya/ /'di ni thos pa tsam gyis kyang / /sdig pa kun ni zad par 'gyur/ /sems can kun la bde ba sbyin/ /nad do cog las grol bar byed/ /sems can kun la snying brtse bas/ /lus can ngan 'gror 'gro ba rnams/ /de dag thams cad skyab pa'i phyir/ /'jig rten dag gi mgon pos gsungs/ /'di yis bsrung ba byas na ni/ /lha ma yin gyi gnas su 'jug /de bzhin lcang lo can dang ni/ /srin po'i gnas kyi sar yang 'gro/ /'byung po klu dang sha za rnams/ /mi bzad 'jigs pa'i g.yul 'byed par/ /'byung po tshogs rnams thams cad dang / /dgra bo cog gis mi tshugs so/ /ming tsam bzung ste brjod byas kyang / /</font><hr>97.129a<br><font size=+1>

skem byed smyo byed brjed byed dang / /mkha' 'gro ma dang sha za dang / /gdon rnams rab tu brlag par 'gyur/ /so sor 'brang ba'i gzi brjid kyis/ /gzi chen mdangs rnams za ba dang / /mi yi skye dgu rnams 'tshe ba/ /de dag thams cad rengs byed 'gyur/ /byad stems mi bzad gang yin dang / /pha rol dmag tshogs phung bar byed/ /sngags kyi las kyis gnod mi 'gyur/ /rtsa ba'i las las rnam par grol/ /dug dang dug sbyar mes mi tshugs/ /mtshon dang chus kyang tshugs mi 'gyur/ /lce 'bab glog gis mi tshugs te/ /dus kyi rlung gis gnod mi 'gyur/ /rig pa'i rgyal mo'i gzi brjid kyis/ /dgra kun rab tu 'jom par 'gyur/ /de yi don rnams thams cad 'grub/ /rtag tu rgyal ba thob par 'gyur/ /gang gis rtag tu mgul pa 'am/ /lag par rig pa btags na ni/ /de yi dgos pa yod do cog /'grub 'gyur 'di la the rtsom med/ /byang chub sems dpa' chen po dang / /sangs rgyas rnams dang rang 'dren dang / /de bzhin klu'i rgyal po dang / /lha dbang rnams ni rtag tu bsrung / /so sor 'brang ba'i gzungs 'dzin la/ /nyan thos sangs rgyas thams cad dang / /rig pa'i lha mo rdzu 'phrul che/ /rtag tu bsrung ba byed par 'gyur/ /lag na rdo rje gnod sbyin dbang / /de bzhin rgyal po bzhi rnams kyang / /de la nyin dang mtshan rnams su/ /bsrung bar byed de the tsom med/ /brgya byin lha dang bcas pa dang / /tshangs pa khyab 'jug dbang chen dang / /dga' ba'i dbang po nag po che/ /smin drug bu dang tshogs kyi dbang / /ma mo'i tshogs rnams thams cad dang / /de bzhin bdud ris gzhan rnams dang / /drang srong gzi brjid che rnams dang / /rdzu 'phrul chen po'i lha rnams dang / /de kun so sor 'brang ba yi/ /gzungs 'dzin de la bsrung bar byed/ /sangs rgyas bdag nyid che rnams dang / /rig pa'i lha mo stobs chen dang / /bdag gi ma dang khro gnyer dang / /lha mo sgrol ma lcags kyu dang / /rdo rje lu gu rgyud</font><hr>97.129b<br><font size=+1>

dang dkar/ /de bzhin dkar mo chen mo dang / /nag mo che dang pho nya dang / /de bzhin rdo rje pho nya gzhan/ /zhags pa bzang dang rdo rje zhags/ /lag na rdo rje stobs po che/ /rig pa lha mo rdo rje phreng / /bdud rtsi thabs sbyor byed pa dang / /gzhan gyis mi thub lha mo che/ /rna ba nag mo stobs chen mo/ /dpal yon ldan pa skal chen dang / /rna cha gdub kor pad ma 'dra/ /me tog so can nor bu gtsug /skra mdog mdzes dang kham pa mo/ /lha mo gzi brjid chen mo dang / /dpal yon ldan pa glog phreng can/ /srin mo ral pa gcig pa dang / /sangs rgyas bsrungs shes bya ba dang / /skal ba chen po mi thod can/ /lang ka'i bdag po dpal yon can/ /gzhan yang lha mo mang po rnams/ /sems can rjes su 'dzin byed dag /rig pa gang gi lag na gnas/ /de la bsrung ba byed par 'gyur/ /'phrog ma dang ni lngas brtsen dang / /dung can dang ni so brtsegs ma/ /dpal gyi lha mo dbyangs can yang / /de'i rjes 'gro rtag tu bsrung / /so sor 'brang ba chen mo 'di/ /bud med gang zhig rtag 'chang na/ /de'i thams cad 'grub par 'gyur/ /rtag par mngal na bu pho chags/ /mngal rnams na yang bde bar skye/ /sbrum ma dag kyang bde bar 'gyur/ /nad dang sdig pa thams cad kyang / /'jig par 'gyur te the tsom med/ /bsod nams ldan zhing stobs dang ldan/ /nor dang 'bru yang rtag tu 'phel/ /tshigs kyang gzung du 'os pa dang / /mchod pa'i 'os su 'gyur ba yin/ /bud medang ni skyes pa 'ang rung / /gtsang ma gang zhig 'chang bsrel na/ /de ni sems can thams cad dag /thar bar bya phyir brtson par 'gyur/ /rtag tu bde bar 'gyur ba yin/ /nad do cog kyang rnam par spangs/ /slas dang skye bo mang bcas pa'i/ /rgyal po 'ang de yi dbang du 'gyur/ /phun sum tshogs pa rtag tu 'bar/ /bsod nams phung po rnam par 'phel/ /deng yi bsam pa thams cad 'grub/ /dkyil 'khor kun du</font><hr>97.130a<br><font size=+1>

zhugs pa yin/ /rgyal ba rnams kyi bka' bzhin du/ /de ni kun du dam tshig shes/ /rmi lam ngan pa rmi mi 'gyur/ /sdig pa thams cad 'phrog pa'i mchog /sdig pa rnams dang de bzhin du/ /dgra yang rab tu phung bar byed/ /gza' kun rnam par gzhig pa'i phyir/ /ye shes dbang phyug chen pos gsungs/ /'dod pa thams cad sbyin par byed/ /de phyir rtag tu bcang bar bya/ /'byung po'i tshogs rnams nga la nyon/ /da ni rab tu 'di brjod do/ /de bzhin gshegs pa thams cad la phyag 'tshal lo/ /sangs rgyas dang / byang chub sems dpa' thams cad dang / sangs rgyas dang / chos dang / dge 'dun la phyag 'tshal lo/ /tad+ya thA/[ \u0f00] bi pu la bi pu la/ gar+b+he/ bi pu la bi ma le/ bi pu la gar+b+he/ bi ma le/ dza ya gar+b+he/ badzra dz+wA lA gar+b+he/ ga ti ga ha ne/ ga ga na bi sho d+ha ne/ sarba pA pa bi sho d+ha ne/[ \u0f00] gu Na pa ti/ ga ga na/ pi tsA ri Ni/ ga ga re Ni/ gi gi gi ri/ gi ri Ni gi ri ni/ ga ma ri/ ga ma ri/ ga ha ga ha/ garga ri garga ri/ ga ga ri/ ga ga ri/ ga~M b+ha ri/ ga~M b+ha ri/ ga b+hi ga b+hi/ ga hi ga hi/ ga ma ni/ ga ma ni/ ga ma ni/ ga ri ga ri/ gu b+ha gu b+ha/ gu ha gu ha/ gu ru gu ru gu ru Ni/ tsa le gu ha Ni/ gu ha ni/ gu ru Ni/ tsu lu tsu lu/ tsa le tsa le/ mu tse le mu tse le/ dza ye bi dza ye/ sarba b+ha ya bi ga te/ satwa sarba gar+b+ha sa~M rak+Sha Ni/ si ri si ri/ b+hi ri b+hi ri/ mi ri mi ri/ gi ri gi ri/ g+hi ri g+hi ri/ g+hi ri g+hi ri/ sa man+ta mar+sha ni/ bcom ldan 'das ma sems can 'dren ma kun nas 'dren ma/ dgra thams cad 'joms par mdzad ma/ bdag 'jigs pa thams cad dang / gnod pa thams cad dang / nad 'go ba thams cad dang / nad thams cad las bsrung du gsol/ bsrung du gsal/ tsi ri tsi ri/ bi ri bi ri/ d+hi ri d+hi ri/ bi ga ta/ A ba ra Na/ bi sho d+ha ne/ bi bi d+ha/ A pa ra Na/ bi nA sha ni/ mu ri mu ri/ mu tsi mu tsi/ mu li mu li/ tsi li tsi li/ ki li ki li/ mi li mi li/ ka ma le/ bi ma le/ dza ye bi dza ye/ dza yA/ ba he dza ya ba ti/ bi she</font><hr>97.130b<br><font size=+1>

Sha ba ti/ bcom ldan 'das ma rig pa chen po'i cod pan dang / phreng ba mnga' ba cha byad rnam pa sna tshogs mang po mnga' ba/ bcom ldan 'das ma rig pa'i lha mo chen mo/ sdig pa thams cad rnam par sbyong ba/ bdag la thams cad du kun nas bsrung du gsol/ bsrung du gsol/ hu ru hu ru/ mu ru mu ru/ rak+Sha rak+Sha ma ma/ mgon ma mchis pa/ skyabs ma mchis pa/ dpung gnyen ma mchis pa/ bdag la bsrungs du gsol/ bsrung du gsol/ bdag sdug bsngal thams cad las thar bar mdzad du gsol/ tsan+De tsan+De/ tsan+De tsan+De/ tsaN+De Ni/ tsan+De Ni/ be ga ba ti/ sarba duSh+Ta ni bA ra Ni/ bi dza ya/ bA hi ni/ hu ru hu ru/ mu ru mu ru/ tsu ru tsu ru/ tu ru tu ru/ A yuHpA li ni/ su ra ba ra pra ma tha ni/ sarba de ba ga Na pU dzi te/ tsi ri tsi ri/ d+hi ri d+hi ri/ sa man+ta a ba lo ki te/ pra b+he pra b+he/ su pra b+he/ su pra b+ha/ bi shud d+he/ sarba pA pa bi sho d+ha ne/ d+hu ru d+hu ru/ d+ha ra ni/ d+ha re d+ha re d+ha ra/ su mu su mu/ su mu su mu mu su mu su/ ru ru tsa le/ tsA la ya/ dpal gyi sku mnga' ba/ bdag la gnod par sems pa las bskyab du gsol/ bdag gi bsam pa rdzogs par mdzad du gsol/ dza ya ka ma le/ k+Shi Ni k+Shi ni/ pa ra da/ a~M ku she/[ \u0f00] pad+ma bi shude d+he/ sho d+ha ya sho d+ha ya/ shud d+he shud d+he/ b+ha ra b+ha ra/ b+hi ri b+hi ri/ b+hu ru b+hu ru/ ma~M ga la bi shud d+he/ pa bi tra mu khi/ khaD+ge ni khaD+ge ni/ kha ra kha ra/ dz+wa le ta shi kha re/ sa man+ta a ba lo ki ta pra b+he/ su pra b+ha bi shud d+he/ sa man+ta pra sA ri ta/ A bA ba si ta shud d+ha/ dz+wa la dz+wa la/ sarba d+he ba ga Na/ gra ha na k+Sha tra/ sa ma A kaR+Sha ni/ sa t+ya pra ti/[ \u0f00] hrI traM ta ra ta ra/ tA ra ya tA ra ya/ glang po che'i lta ltangs kyis gzigs ma/ bdag sgral du gsol/ la hu la hu/ hu lu hu lu/ hu du hu du/ tu ru tu ru/ ki Ni ki Ni/ k+Shi Ni k+Shi Ni/ hu Ni hu Ni/ sarba gra ha b+ha k+Sha Ni/ ping ga li ping ga li/ mu tsu mu tsu/ tsu mu tsu mu/ su mu su mu tsu mu tsu mu su bi tsa re/ ta ra ta ra/ bcom ldan 'das ma glang po che'i</font><hr>97.131a<br><font size=+1>

blta stangs kyis gzigs ma/ thams cad du kun nas phyogs thams cad bcing ba dang / rdo rje'i ra ba dang / rdo rje'i zhags pa'i bcing bas bdag 'jigs pa chen po brgyad las bsgral du gsol/ badzra dz+wA lA bi shud d+he/ b+hu ri b+hu ri/ b+ha ga ba ti/ gar+b+ha saM sho d+ha ni/ ku k+Shi sam pU ra Ni/ dz+wa la dz+wa la/ tsa la tsa la/ dz+wA li ni/ lha'i chus kun du char dbab tu gsol/ a mr-i ta baR+Sha Ni de ba ta/ a ba tA ra Ni/ bde bar gshegs pa'i gsung rab bdud rtsi mchog gi sku dang ldan pa bdag la dbang bskur du gsol/ 'thab pa dang / 'thab mo dang / rtsod pa dang / 'gyed pa dang / rmi lam ngan pa dang / ltas ngan pa dang / bkra mi shis pa dang / sdig pa thams cad rnam par sbyong ba/ gnod sbyin dang / srin po dang / klu thams cad 'joms pa/ gnod pas 'jigs skrag pa/ bdag 'jigs pa thams cad dang / gnod pa thams cad dang / nad 'go ba thams cad dang / nad thams cad las thams cad du rtag par bsrung du gsol/ bsrung du gsol/ ba la ba la/ ba la ba ti/ dza ya dza ya/ bi dza ya/ bi dza ya/ thams cad du dus kun du bdag rgyal bar mdzad du gsol/ bdag la rig pa chen mo 'di grub par mdzad du gsol/ dkyil 'khor chen po bsgrub tu gsol/ gsang sngags rnams bsgrub tu gsol/ bgegs rnams gzhom du gsol/ dza ya dza ya/ sid d+h+ya sid d+h+ya/ sid+d+h+ya sid+d+h+ya/ bud+d+ha bud+d+ha/ s+'u tsa ya s+'u tsa ya/ pU ra Ni pU ra Ni/ bdag gi bsam pa rdzogs par mdzad du gsol/ rig pa thams cad las byung ba'i sku can/ rgyal ba lhag par rgyal ba can/ de bzhin gshegs pa'i snying po rnam par dag pa bcom ldan 'das ma bzhugs su gsol/ bzhugs su gsol/ dam tshig bskyang du gsol/ 'jigs pa mi bzad pa chen po brgyad las bdag la gzigs su gsol/ sa ra sa ra/ pra sa ra pra sa ra/ sarba A ba ra Na bi sho d+ha ni/ sa man+ta A ka</font><hr>97.131b<br><font size=+1>

ra man+Da la bi shud d+he/ bi ga te bi ga ti/ bi ga ta ma le/ sarba ma la bi sho d+ha ni/ k+Shi Ni k+Shi Ni/ sarba pA pa bi shud d+he/ ma la bi ga ti/ dza ya ba ti/ te dzo te dzo ba ti/ badzra badzra ba ti/ 'jig rten gsum du byin gyis brlabs pa la swA hA/ de bzhin gshegs pa thams cad kyis spyi bo nas dbang bskur ba la swA hA/ byang chub sems dpa' thams cad kyis dbang bskur ba la swAhA/ lha thams cad kyis dbang bskur ba la swA hA/ de bzhin gshegs pa thams cad kyi snying pos byin gyis brlabs pa la swA hA/ de bzhin gshegs pa thams cad kyi dam tshig grub pa la swA hA/ dbang po dang ldan pa dbang pos rnam par bltas pa la swA hA/ tshangs pa dang tshangs pa gnas pa la swA hA/ khyab 'jug gis phyag byas pa la swA hA/ dbang phyug chen pos phyag 'tshal zhing mchod pa la swA hA/ rdo rje 'dzin lag na rdo rje'i stobs dang / brtson 'grus kyis byin gyis brlabs pa la swA hA/ yul 'khor srung la swA hA/ 'phags skyes po la swA hA/ mig mi bzang la swA hA/ rnam thos kyi bu la swA hA/ rgyal po chen po bzhis phyag byas pa la swA hA/ gshin rje la swA hA/ gshin rjes mchod cing phyag byas pa la swA hA/ chu lha la swA hA/ rlung lha la swA hA/ rlung la chen po la swA hA/ me lha la swAhA/ klus rnam par bltas pa la swA hA/ lha'i tshogs rnams la swA hA/ klu'i tshogs rnams la swA hA/ gnod sbyin gyi tshogs rnams la swA hA/ gshin rje'i tshogs rnams la swA hA/ srin po'i tshogs rnams la swA hA/ dri za'i tshogs rnams la swA hA/ lha ma yin gyi tshogs rnams la swA hA/ nam mkha' lding gi tshogs rnams la swA hA/ mi 'am ci'i tshogs rnams la swA hA/ lto 'phye chen po'i tshogs rnams la swA hA/ mi rnams la swAhA/ mi ma yin pa rnams la swA hA/ gdon thams cad la swA hA/ 'byung po thams cad la swA hA/ yi dgas la swA hA/ sha za la swA hA/ brjed byed la swA hA/ gnod byed la swA hA/ grul buM la swAhA/[ \u0f00] d+hu ru d+hu ru swA hA/ </font><hr>97.132a<br><font size=+1>

tu ru tu ru swA hA/ mu ru mu ru swA hA/ ha na ha na sarba sha t+r+'uM swA hA/ da ha da ha sarba duSh+TA nAM swA hA/ pa tsa pa tsa sarba pra t+yar+thi kA pra t+ye mi hrA tAM swA hA/ gang dag bdag la mi phan par 'dod pa de dag thams cad kyi lus dz+wa la ya sarba duSh+TaM tsit+tA ni swA hA/ 'bar ba la swA hA/ rab tu 'bar ba la swA hA/ rdo rje 'bar ba la swA hA/ me lce 'bar ba la swA hA/ kun du 'bar ba la swA hA/ nor bu bzang la swA hA/ gang ba bzang po la swA hA/ nag po chen po la swA hA/ ma mo'i tshogs la swA hA/ gnod sbyin mo rnams la swA hA/ srin mo rnams la swA hA/ nam mkha'i ma mo rnams la swA hA/ rgya mtsho na gnas pa rnams la swA hA/ mtshan mo rgyu ba rnams la swA hA/ nyin mo rgyu ba rnams la swA hA/ dus gsum du rgyu ba rnams la swA hA/ dus ma yin par rgyu ba rnams la swA hA/ zas su mngal za ba rnams la swAhA/ mngal 'dzin pa la swA hA/ hu lu hu lu/ swA hA/[ \u0f00] swA hA/ swaHswA hA/ b+hu swA hA/ b+hu ba swA hA/ b+hur b+hU ba swA hA/ tsi Ti tsi tsi Ti swA hA/ bi Ti ba Ti swA hA/ d+hA ra Ni swA hA/ d+hA ra ni swA hA/ ag+ni swA hA/ te dzo ba bu swA hA/ tsi li tsi li swA hA/ mi li mi li swA hA/ si li si li swA hA/ bud+d+h+ya bud+d+h+ya swA hA/ sid+d+h+ya sid+d+h+ye swA hA/ maN+da la ban d+he swA hA/ sI mA ban d+he swA hA/ d+ha ra Ni b+han d+he swA hA/ sarba sha truM NAM b+hany+dza ya swA hA/ dzam+b+ha ya dzam+b+ha ya swA hA/ stam+b+ha ya stam+b+ha ya swA hA/ ts+tshin+da ts+tshin+da swA hA/ b+hin+da b+hin+da swA hA/ b+hany+dza b+hany+dza swA hA/ ban+d+ha ban+d+ha swA hA/ mo ha ya mo ha ya swA hA/ ma Ni bi shud d+he swA hA/ sUr+ye swA hA/ sUr+ya bi shud d+he swA hA/ sho d+ha ni swA hA/ bi sho d+ha ni swA hA/ tsan+De tsan+De pa ri pU ra Na tsan+d+re swA hA/ gra he b+h+yaHswA hA/ nak+Sha tre b+h+yaHswA hA/ shi bi b+h+ye swA hA/ shAn+ti b+h+yaHswA hA/ pu Sh+Ti b+h+yaHswA hA/ sba s+t+ya ya ne b+h+yaHswA hA/ shi ba ka ri swA hA/ sha~M ka ra swA hA/ shAn+ti ka ri swA hA/ puSh+Ti ka ri swA hA/ ba la bar+d+hi ni ka ri swA hA/ shrI ka ri swA hA/ shrI bar+d+hi ni swA hA/ shrI dz+wA le ni swA hA/ mu tsi swA hA/ na mu tsi swA hA/ ma ru tse swA hA/ be ga ba ti swA hA/[ \u0f00] bcom ldan 'das ma de bzhin gshegs pa thams cad kyi sku mchog dri ma dang bral ba/ bdag gi</font><hr>97.132b<br><font size=+1>

sdig pa thams cad zhi bar mdzad du gsol/ bdag bde legs su gyur cig /o~M mu ni mu ni/ bi mu ni bi mu ni/ d+ha ri tsa la tsa la ni/ b+ha ga ba ti/ b+ha ya bi ga te/ b+ha ya ha ri Ni/ bo d+hi bo d+hi/ bo d+ha ya bo d+ha ya/ bud d+hi li bud d+hi li/ sarba ta thA ga ta hr-i da ya dzuSh+Te swA hA/[ \u0f00] mu ni mu ni mu ni ba re/ de bzhin gshegs pa thams cad kyi rig pa'i dbang bskur ba/ rdo rje'i go cha chen po'i phyag rgyas btab pa thams cad kyis bdag la dbang bskur du gsol/ sarba ta thA ga ta hr-i da ya/ a d+hiSh+ThA ti badzre swA hA/ bram ze chen po rig pa'i rgyal mo so sor 'brang ba chen mo/ kun nas me lce'i phreng ba rnam par dag pas rgyas pa yid bzhin gyi nor bu phyag rgya dang / snying po gzhan gyis mi thub pa'i gzung 'di rig kyi bu 'am/ rigs kyi bu mos thos ma thag tu sdig pa thams cad las rnam par grol bar 'gyur ro/ /bram ze chen po rig pa 'di gang gi snying la gnas par gyur pa de'i lus rdo rjer rig par bya'o/ /de'i lus la mes mi tshugs so/ /ci mngon zhe na/ gang gi tshe grong khyer chen po ser skya'i gnas na/ gzhon nu sgra gcan zin bzang po mngal du zhugs pa de'i tshe shAkya'i bu mo sa 'tsho ma bdag nyid me'i nang du mchongs pa dang / der pad ma dag byung ste/ de'i tshe gzhon nu sgra gcan zin bzang po mngal na gnas bzhin du rig pa 'di yid la byas so/ /rig pa 'di rjes su dran pa tsam gyis me de skad cig de nyid la bsil bar gyur to/ /de nas shAkya'i bu mo sa 'tsho ma'i lus la mes ma reg go /de ci'i phyir zhe na/ rig pa 'di ni de bzhin gshegs pa thams cad kyis byin gyis brlabs pa'o/ /bram ze chen po rgyu des na mes mi tshig go /dug gis kyang srog dang 'bral bar mi nus so/ /de ci lta zhe na/ bram ze chen po gang gi tshe grong khyer chen po bde bar pha rol tu 'gro ba zhes bya ba na/ tshong dpon mdzod stobs can gyi bu rig pa smra bar</font><hr>97.133a<br><font size=+1>

gyur to/ /de'i rig pa'i stobs des klu'i rgyal po 'jog po bkug go /bkug nas kyang bag med pa'i dbang gis ma bcings pas des khros nas de la bzung ba dang / de tshor ba mi bzad pa myong nas ji ltar yang bdag ni srog dang bralo snyam du sheso/ /de nas smra ba can mang po bos kyang 'ga' tsaM gyis kyang dug las gso bar ma nuso/ /de nas grong khyer chen po bde bar pha rol tu 'gro ba na dge snyen ma dri ma med par dag pa zhes bya ba snying rje chen po dang ldan pa zhig gnas pa des rig pa'i rgyal mo chen mo 'di kha ton du sheso/ /de de'i gnasu song te phyin pa dang / rig pa chen mo 'di rjod do/ /des de la lan cig brjod pa tsam gyis de dug med par byas shing de dran pa rnyed par byas te/ sdug bsngal chen po de las yongasu thar bar byas nas rig pa chen mo'i snying po 'di cho ga ci ltar bka' stsal ba bzhin du tshongs dpon gyi bu de'i snying la gnas par byasaso/ /bram ze chen po gzhan yang ci ltar yongasu shes na/ rgyal po tshangs pas byin zhes bya ba'i grangasu chud pa zhig grong khyer chen po bA ra NA si na sngon yongasu rgyu ba'i tshe/ de'i shar phyogs kyi 'tshams kyi stobs kyi 'khor los sgyur ba'i rgyal po des dpung gi tshogs yan lag bzhi pa go bskon te/ grong khyer chen po bA ra NA si kun nas skor te/ gzhom par bshamaso/ /de nas rgyal po tshangs pas byin de la blon po rnams kyis smras pa/ lha pha rol gyi dmag tshogs kyis grong khyer 'phrog la thug na thabs gang gis pha rol gyi dmag tshogs gzhom par bgyi/ bka' stsal du gsol zhes byas pa dang rgyal pos khyed 'tsher 'grib chung ngur gyis shig /rig pa'i rgyal mo so sor 'brang ba chen mo zhes bya ba yod do/ / ngas des dpung gi tshogs yan lag bzhi pa 'di pham par bya'o/ /thal ba bzhin du bya'o zhes bsgo ba dang / blon po rnams kyis mgo btud de rgyal po chen po sngon bdag cag gis nam</font><hr>97.133b<br><font size=+1>

yang ma thos pa 'di ci zhig lags shes smras pa dang / rgyal pos ngas de mngon sum du bya'o zhes bsgo'o/ /de nas rgyal po tshangs pas byin spos chu sna tshogs kyi mgo bkrus te/ gos gtsang ma bgos nas rig pa'i rgyal mo chen mo 'di cho ga bzhin du bris te/ mgo'i gtsugi skra'i nang du bzhag nas rig pa'i rgyal mo chen mo 'di nyid kyis go cha byas te/ g.yul gyi nang du zhugs pa dang / gcig pu dpung gi tshogs yan lag bzhi pa thaMd phaM par byas te/ ji srid skyabasu dong ba de srid du 'dis tshar bcad nas stobs kyi 'khor los sgyur ba'i rgyal po de cig pu btang ngo / /braM ze chen po de ltar na rig pa'i rgyal mo chen mo de bzhin gshegs pa thaMd kyi snying po dang / phyag rgyas byin gyis brlabs pa/ mthu chen po 'di mngon sum du gyur pa yin te/ mngon sum du gyur to snyam du gzung bar bya'o/ /de bzhin gshegs pa thaMd dang mtshungs pa nyid du blta bar bya'o/ /phyi ma'i tshe phyi ma'i dus na seMs tshe thung ba rnams dang / bsod naMs chung ba rnaMs dang / longs spyod chung ba rnaMs la phan par 'gyur blta'o/ /braM ze chen po gang la la zhig rig pa'i rgyal mo so sor 'brang ba chen mo 'di cho ga bzhin du bris te lag pa 'aM/ mgul du gtags na de de bzhin gshegs pa thaMd kyis byin gyis brlabs par rig par bya'o/ /de de bzhin gshegs pa thams cad kyi skur rig par bya'o/ /rdo rje'i lus yin par rig par bya'o/ /de de bzhin gshegs pa thams cad kyi ring bsrel gyi snying po can yin par rig par bya'o/ /de de bzhin gshegs pa thaMd kyi spyan yin par rig par bya'o/ /de rdo rje chen po'i lusu rig par bya'o/ /de 'bar ba 'od 'phro ba'i lus dang ldan par rig par bya'o/ /de mi shig pa'i go cha can du rig par bya'o/ /de dgra thams cad rab tu 'jom par rig par bya'o/ /de sgrib pa dang sdig pa thaMd 'jom par rig par bya'o/ /de seMs can dmyal ba'i</font><hr>97.134a<br><font size=+1>

'gro ba rnams sbyong bar rig par bya'o/ /de ci'i phyir zhe na/ sngon yongasu shes pa yin te/ bram ze chen po phyogs gzhan zhig na dge slong ma dad pa/ de bzhin gshegs pa'i rigs la bslab pa 'dral ba/ ma byin par len pa/ bza' ba 'du ba'i sgo 'phrog pa/ dge 'dun gyi dang / phyogs bzhi dang / tshogs kyi rdzasu gyur pa de thaMd gang dag gir byin gyis brlabs te za ba zhig du gzhan zhig na nad tshab chen pos btab pa dang / bsdug bsngal chen po'i tshor ba myong ngo / /nyon mongs te skyabs med dpung gnyen med nas ku co'i sgra chen po 'byin to/ /bram ze chen po de nas phyogs de na dge bsnyen zhig gnas pa des sgra de thos so/ /thos nas kyang dge slong ga la ba der song ste phyinas rig pa'i rgyal mo so sor 'brang ba chen mo 'di bris te/ dge slong de'i mgul du btags so/ /rig pa'i rgyal mo so sor 'brang ba chen mo dge slong de'i mgul du btags ma thag du tshor ba thaMd ni rab tu zhi/ nad thaMd las ni yongasu thar te/ sos par gyur nas de'i mtshan mo zad pa dang / dran pa shin tu nye bar bzhag ste 'chi ba'i dus byas so/ /lus de bor ba dang / seMn dmyal ba chen po mnar med par skyes so/ /de'i ro de yang dge slong dag gis sgang bu zhig la bzhag go /rig pa chen mo so sor 'brang ba chen mo de yang de'i mgul du btags pa bzhin du gnaso/ /dge slong de mnar med pa der skyes ma thag tu sems can dmyal ba'i sems can de dag gis sdug bsngal gyi tshor ba thams cad rab tu zhi nas sems can dmyal ba'i seMs de dag thaMd bde ba thaMd kyis tshim par gyur to/ /mtshaMs med pa'i me phung po chen po gang yin pa de dag thaMd kyang yongasu zhi bar gyur to/ /de nas gshin rje'i mi de dag thaMd ngo mtshar skyes nas chos kyi rgyal po gshin rje la nges pa'i tshigs 'di dag rgyas par brjod do/ /seMs can las las skyes pa yi/ /sdug bsngal</font><hr>97.134b<br><font size=+1>

mi bzad rab tu zhi/ /shin tu ngo mtshar 'di ni lha/ /sems dmyal nyam nga rnaMs na gda'/ /lus can lus la rtag gnas pa'i/ /me ma mur de rab tu zhi/ /sog le rnams kyis gsheg ma mchis/ /spu gri'i sos yang gcod mi bgyid/ /lcags sdong shal ma ri yang chag /lcags zangs thaMd rab tu zhi/ /ral gri lo ma can nags na/ /las skyes lo ma gnod mi 'gyur/ /chos kyi rgyal po gshin rje khyod/ /mi rnaMs la ni chos kyi ston/ /rgyu 'di mi chung bdag cag la/ /khyod kyis brjod par mdzad pa'i rigs/ /de nas chos kyi bdag nyid can/ /chos nges chos kyi rgyal po des/ /snying rje'i bsam pa nyaMs rnaMs kyi/ /'di 'dra'i tshig de thos gyur nas/ /myur du 'di ni ci yin smros/ /'di ni ci 'dra yang smros shig /de nas mi bzad gshin rje'i mi/ /gnod pa'i rgyun can de dag gis/ /chos kyi rgyal po gshin rje la/ /'di skad kyi ni tshig smraso/ /mnar med rab tu nyam nga bar/ /sems can chen po 'di skyes lha/ /gang gi ming ni mnar med pa/ /des na de ni nyam ngar brjod/ /gang gis sems can bde bgyis pa/ /rnam pa sna tshogs las la gzigs/ /'di ni kun du bde gyur nas/ /slar yang lha'i gnasu mchis/ /chos kyi rgyal po gshin rjes kyang / /mthong nas ngo mtshar smras pa ni/ /'di ni rdzu 'phrul che ba ste/ /'di ni tshe rabs snga lus tshe/ /ci ltar sku gdung brgya mang pos/ /ston pa'i mchod rten mdzes pa ltar/ /so sor 'brang ba mgul btags pas/ /de yi lus ni de bzhin mdzes/ /de nas sems can dmyal ba'i bsrung ma gnod sbyin de dag gis chos kyi rgyal po gshin rje la 'di skad ces smraso/ /lha ci ltar na 'di so sor 'brang ba zhes bgyi/ chos kyi rgyal pos smras pa/ gang gi tshig rnaMs so sor dran/ /de ni ngan 'gror 'gro mi 'gyur/ /so sor 'brang ba bsgoMs</font><hr>97.135a<br><font size=+1>

pa yi/ /shes rab can de bde 'gror 'gro/ /sems can dmyal ba'i srungs ma khyed/ /rab tu rgyas dang ldan par dong / /der ni sgang bu mthon po la/ /lha rnams kyis ni bskor ba ltos/ /de thong seMs can thaMd la/ /byams pa'i seMs su 'gyur bar gyis/ /de nas gshin rje'i mi de dag de nyid kyi nub mo rgyas pa dang ldan pa dong ngo / /de tshe der ni de dag gis/ /rgyal po'i pho brang nye ba na/ /sgang bu de yi khor yug na/ /'bar ba gcig gis gang bar mthong / /mi ro zhig gi mgul pa na/ /so sor 'brang ba btags pa 'ang mthong / /lha dang klu dang dri za dang / /gnod sbyin srin po mi 'am cis/ /kunas 'khor bar bskor nas ni/ /bla na med pa'i mchod pa byed/ /de la gnod sbyin de dag gis/ /so sor 'brang ba'i sgang zhes btags/ /de nas gnod sbyin de dag gis chos kyi rgyal po gshin rje'i nges pa de rtogs te slar log nas lha khyod kyis bka' stsal pa bzhino zhes rgyas par brjod do/ /de skad ces smras ma thag tu tshigs de smras pa'i tha ma la seMs can chen po de sems can dmyal ba'i lus de bor nas sum bcu rtsa gsuM pa'i lha rnaMs kyi nang du skyeso/ /rgyu des na sngon so sor 'brang ba'i lha'i bu zhes bya'o/ /bram ze chen po des na sngon chad yongasu sheso/ /de'i phyir so sor 'brang ba chen mo 'di gdon mi za bar gzung bar bya'o/ /yi ger bri bar bya/ bklag par bya'o/ /cho ga bzhin du rtag tu lus la btags nas bcang bar bya ste/ de rtag du sdug bsngal zhing nyams thag pa thaMd las yongasu thar bar 'gyur/ ngan 'gro'i 'jigs skrag pa thaMd las rgal bar 'gyuro/ /glogis 'gyel bar byed mi nuso/ /glog gis ci ltar mi nus zhe na/ braM ze chen po sngon yongasu shes te/ grong khyer chen po chog shin kun rdzub na/ tshong dpon chen po dri med dung zhes bya ba nor mang ba/ gser shin tu 'byor pa/ mdzod dang / bang ba kun gang zhing phun suM tshogs pa zhig gnas te/ ded dpon zhes bya bar</font><hr>97.135b<br><font size=+1>

grags so/ /de nas ded dpon chen po de gru bo che de rnyed nas/ rgya mtsho chen por zhugs pa dang / nya mid rnams kyis de'i gru de bzung nas/ rnam par gzhig par 'dod pa'i klu rnams kyang 'khrugs te/ 'brug sgra chen po sgrog go /glog dang skar mda' yang gtong ngo / /rdo rje'i lce 'bebs par yang bshamaso/ /de nas tshong pa de dag sdug bsngal chen pos seMs non to/ /klu 'khrugs pa chen po de dang / glog dang skar mda' dang / rdo rje'i lce 'bebs pa dang / nya mid de dag gis kyang gru bo che bzung bar mthong nas ku co'i sgra chen po bton te/ de dag lha khyad par can rnaMs la gsol ba btab kyang 'ga' tsam yang de dag gi dpung gnyen du ma gyur to/ /de nas de dag tshong dpon sems rab tu brtan pa'i gan du song nas de dag gis snying rje rje skad du tshig 'di skad smraso/ /seMs can chen po khyod kyis bdag cag skyab cing 'jigs pa chen po las thar bar mdzad du gsol/ de nas ded dpon chen po seMs brtan pa blo gros chen po des tshong ba khrugs 'khrugs par gyur pa rnams la tshig 'di skad smras so/ /ma 'jigs ma 'jigs tshong pa rnams/ /khyed cag brtan par deng shig dang / /khyed rnaMs sdug bsngal chen po yi/ /rgya mtsho che las ngas sgral lo/ /de nas yid ni brtan gyur nas/ /tshong pa rnams kyis tshig 'di smras/ /seMs can chen po 'di ci lags/ /bgegs bral myur du bka' stsol cig /blo gros chen po khyod kyi mthus/ /bdag cag ji srid 'tsho ba'i tshe/ /ye shes che ba'i bdag nyid gsungs/ /slad na khyod kyis ci zhig bgyi/ /de nas 'dron mang bdag po yis/ /de dag la ni tshig 'di brjod/ /nga la so sor 'brang ba yi/ /rig pa chen por grags pa yod/ /gnod byed thaMd sel bar byed/ /stobs chen pha rol gnon byed pa/ /des ni rab tu sdug bsngal ba'i/ /'jigs pa che las ngas sgral lo/ /de nas ded dpon chen po de'i tshe rig pa'i rgyal mo chen mo 'di bris nas</font><hr>97.136a<br><font size=+1>

rgyal mtshan gyi rtse mo la btags pa dang / rig pa'i rgyal mo chen mo so sor 'brang ba chen mo rgyal mtshan gyi rtse mo la btags ma thag tu nya mid de dag thams cad kyis gru bo che de me lce gcig tu gyur pa mthong ngo / /de nas klu de dag byams pa'i yid kyis de dag gi drung du lhags nas mchod pa bya bar bshamaso/ /nya myid de dag kyang rig pa'i rgyal mo so sor 'brang ba chen mo 'di nyid kyi mthus tshig nas byer te zhi bar gyur to/ /'dron po phal po che de dag kyang klu chen po de dag gis rin po che'i gling chen por phyin par byas so/ /de ltar na ye shes dang ldan pa rig pa chen mo so sor 'brang ba chen mo ni de bzhin gshegs pa thaMd kyi byin gyis brlabs pa ste/ bram ze chen po rgyu des na 'di rig pa chen mo zhes gragaso/ /'di ni nges par rgyal mtshan gyi rtse mo la btags te bceng bar bya'o/ /rlung dang / grang ba dang / dus ma yin pa'i sprin dang / glog dang / lce 'bab pa thaMd rab tu zhi bar byed do/ /lha dang / mi dang / lha ma yin gyi 'thab pa dang / brtsod pa las yongasu thar bar byed do/ /sbrang bu mchu ring dang / sha sbrang dang / byi ba dang / srog chags kyi rigs gzugs rnam pa sna tshogs lo tog ma rung bar byed pa thaMd mthu med cing rab tu zhi bar 'gyuro/ /ri dgas dang / bya dang / gcan zan gnod par sems pa thams cad rnam par 'jig par 'gyuro/ /me tog dang / 'bras bu dang / lo ma dang / nags tshal dang / sman dang / lo tog la sogs pa thaMd 'phel bar 'gyur te/ rab tu bro zhing zhim pa dang / 'jam par 'gyuro/ /legs par yongasu smin par 'gyuro/ /ha cang char che ba dang / char dkon pa'i nyes pa rnaMs yongasu mi 'byung ngo / /char dusu 'bab cing / dus ma yin par mi 'bab par 'gyuro/ /yul de'i klu chen po gang yin pa de dag kyang dus dusu char gyi rgyun legs par 'bebaso/ /yul gang na rig pa'i rgyal mo so sor 'brang ba chen mo zhes bya ba 'di spyod pa'i yul der seMn de dag gis shes par bya te/ spos sna tshogs dang / bdug pa sna tshogs dang / me tog sna tshogs</font><hr>97.136b<br><font size=+1>

kyis mchod cing bsti stang byas la/ tshon sna tshogs gyis dkris te rgyal mtshan gyi rtse mo la btags nas glu dbyangs dang / rol mo sil snyan byas te/ bskor ba byas nas lha rnams dang / brgya byin dang / tshangs pa la sogs pas sems can chen po de dag gis bsaMs pa ji lta ba bzhin du/ re ba yongasu rdzogs par byed par 'gyuro/ /cho ga ci lta ba bzhin du de lta de lta bur 'grub ste/ bu pho 'dod na'ang khye'u 'grub/ /mngal na 'dzin pa dam par 'gyur/ /mngal na bde bar skyes ba dang / /mngal nas bde bar btsas par 'gyur/ /mngal na dus bzhin skye ba dang / /dus bzhin rab tu btsas par 'gyur/ /cis mngon zhe na/ braM ze chen po snga ma bzhin du de nyon cig /yul mA ga d+ha 'di nyid na/ rgyal po lag brkyang zhes bya ba de bu med par gyur to/ /ci'i phyir lag brkyang zhes bya zhe na/ rgyal po de btsas ma thag tu lag pa brkyang nas ma'i nu zho la bzung ste/ nu zho ngoms ngoms su 'thungaso/ /nu ma de gnyis la reg ma thag tu gser gyi kha dog tu gyur to/ /dus kun tu nu zho 'phel bar gyur to/ /rgyu des na rgyal po lag brkyang zhes bya bar btags par gyur to/ /gzhan yang gang gi tshe rgyal po'i gan du skye bo slongs mo pa 'ongs pa de'i tshe rgyal po de lag pa g.yas pa bar snang la brkyang ba dang / rgyal po byang chub sems dpa' de rgyu des sangs rgyas la mngon par dad pa'i lha rnaMs kyis lha'i rin po che khyad par du 'phags pa gser dang / nor bu rnaMs kyis lag pa gang bar byed do/ /rgyal po des kyang skye bo slong mo pa lhags pa rnaMs la rab tu byin no/ /bsams pa tsam gyis slongs mo pa thaMd la 'dod pa bzhin du bde ba phun suM tshogs pa thaMd byin no/ /bu pho 'dod pa'i phyir lha rnams la mchod pa dang / bsti stang cher byas kyang bu pho ma rnyed nas de sngon gyi de bzhin gshegs pa dag gis mchod rten rnaMs kyi mdun du bsti stang bya bar brtsaMs te mchod pa dang / bsti stang chen po byaso/ /sbyin pa yang byin to/ /</font><hr>97.137a<br><font size=+1>

bsnyen gnas la yang nye bar gnas so/ /bsod nams chen po byaso/ /sbyin pa chen po de dag kyang mi zad par byin no/ /de ci'i phyir zhe na/ bram ze chen po sngon byung ba yul ma ga d+ha 'di nyid na/ gyad yul zhes bya ba'i grong khyer ku sha'i tshong dus chen po'i mchog na bac+doMs rin chen mang gi bstan pa la zhugs pa tshong dpon chos kyi blo gros zhes bya ba chos la sems dpa'i sems can chen po zhig gnas pa de seMs can thaMd la snying rje chen po'i seMs nye bar gzhag nas rig pa chen po so sor 'brang ba 'di nyid las brtsaMs te chos ston to/ /de nas mi dbul po zhig gis chos de thos nas tshong dpon chen po de la tshig 'di skad ces bdag jo bo'i khab tu gla bgyi'o/ /chos kyang nyan to/ /gang gi tshe bdagis cung zad rnyed par gyur pa de'i tshe bdag chos la mchod pa bgyid do/ /zhes smras nas/ de'i khyim na las byed cing chos kyang nyan to/ /dus gzhan zhig na/ de la tshong dpon des bi na ra gcig byin pa dang / des sems can thaMd yongasu bskyab pa'i phyir byang chub kyi sems bskyed nas/ seMs can thaMd dang thun mong du byas nas rin po che snyim pas so sor 'brang ba chen mo la phul nas sbyin pa'i 'bras bu chen po 'dis bdag dang sems can thaMd kyi dbul ba kun tu gcod par gyur cig ces smon lam de dag kyang btab bo/ /rgyu des na sbyin pa de yongasu mi zad par gyur to/ /de ltar bsod naMs mngon par 'du bya ba rnam pa mang po rnam pa du ma byas te/ lha rnams kyang mchod pa nas sangs rgyas bcom ldan 'das kyi bar du mchod pa dang / de'i tshe gnas gnas gtsang ma'i ris kyi lha rnams kyis rmis bltas su bstan te/ 'di skad du/ kye rgyal po chen po so sor 'brang ba chen mo zhes bya ba kun nas me lce'i phreng ba rnam par dag pas rgyas pa yid bzhin gyi nor bu phyag rgya dang / snying po gzhan gyis mi thub pa'i</font><hr>97.137b<br><font size=+1>

gzungs chen mo rig pa'i rgyal mo cho ga las ji skad 'byung ba bzhin du cho ga bzhin bris la btsun mo dam pa basmyung ba byas la/ cho ga bzhin du lus la btags na khyod bu pho yod par 'gyuro zhes bsgo'o/ /de nas rgyal po de sad de mtshan mo zad nas rtsis dang / yi ge'i 'bru dang / rgyu skar dang / gza' rnam par 'byed pa'i bram ze rnams bsogs nas cho ga las 'byung ba bzhin du rgyu skar gyi rgyal po rgyal gyi nyin par btsun mo dam pa lus shin tu legs par bkrus te/ basmyung ba byas nas rig pa'i rgyal mo chen mo so sor 'brang ba 'di yang cho ga bzhin du bri ste btsun mo dam pa'i mgul du btags so/ /sangs rgyas kyi mchod rten rnaMs la mchod pa chen po byas so/ /rin po che khyad par can du ma yang seMs can rnams la sbyin pa byin no/ /de nas zla ba dgu lon pa dang / bu pho gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa zhig btsas so/ /bram ze chen po de ltar shes nas rig pa'i rgyal mo chen mo de bzhin gshegs pa thams cad kyis mchod pa/ 'dod pa thams cad du 'gro ba/ gzhan gyis mi thub pa so sor 'brang ba chen mo dkon mchog ces grags so/ /'di ni rtag tu brgya byin gyi gtsug gi nor bu yin no/ /gang gi tshe lha'i dbang po brgya byin lha ma yin rnams dang / g.yul chen po 'gyed par 'dod pa de'i tshe 'di nyid kyis go cha byas nas spyi gtsug tu btags te/ lha ma yin thams cad pham par byas/ pha rol pham par byas nas dge ba dang / bde bas bde bar lha'i grong khyer du 'jug te/ lha ma yin thaMd kyis mi tshugs pa yin no/ /bram ze chen po de ltar na seMs dang po skyed pa nas bzung ste/ rig pa'i rgyal mo chen mo so sor 'brang ba chen mo 'di 'chang ba'i byang chub seMs dpa' la bdud thaMs</font><hr>97.138a<br><font size=+1>

cad kyis mi tshugs so/ /'di gang gi lus la btagasam/ mgul du btags pa de de bzhin gshegs pa thams cad kyis byin gyis brlabs par 'gyur ro/ /de la byang chub sems dpa' thams cad yang dag par bsrung bar 'gyur ro/ /lha dang / mi dang / rgyal po dang / rgyal po'i blon po dang / bram ze dang / khyim bdag thams bcad kyis kyang rtag par rgyun tu phyag bya zhing mchod pa dang / rim gro byed par 'gyur ro/ /lha dang lha ma yin dang / nam mkha' lding dang / mi 'am ci dang / lto 'phye chen pos rjed cing mchod par 'gyur ro/ /bcom ldan 'das bdud kyi dpung rab tu 'joms pas kyang de la sems can chen po zhes gsungs so/ /nad thams cad dang bral bar 'gyur ro/ /de la yam gyi nad dang / gnod pa thams cad dang / nad 'go ba thams cad rab tu zhi bar 'gyuro/ /seMn chen po de mya ngan thaMd dang bral bar 'gyur ro/ /de la lha thams cad kyang rtag par rgyun tu bsrung ba dang / bskyobs pa dang / sbed par byed par 'gyur ro/ /des gzhan gyis mi thub pa'i gsang sngags chen po'i snying po 'di dag bris te/ rtag par rgyun tu lus la gdags shing bcang bar bya/ rtag par rgyun du yid la bya'o/ /kha ton du bya'o/ /bsam pa thag pa nas bsgoms par bya'o/ /sdug bsngal ba dang / rmi lam ngan pa dang / ltas ngan pa dang / bkra mi shis pa'i dngos po thams cad rnams par 'jom par 'gyur ro/ /bde ba phun sum tshogs pa thams cad 'byung bar 'gyur ro/ /'di ni gsang sngags kyi gzhi las thams cad byed pa dge ba rnam grub pa'o/ /tad ya thA/[ \u0f00] a mr-i te a mri ta ba re/ ba ra ba ra/ pra ba ra bi shud d+he/ hU~M hU~M phaT phaT swA hA/ \u0f00 a mr-i ta be la ki n-i gar+b+ha sa~M rak+Sha Ni/ a kaR+Sha N-i hU~M hU~M phaT phaT swA hA/ gzhan gyi mi thub pa'i snying po'o/ /\u0f00 bi ma le bi pu le/ dza ya ba re/ dza ya bA hi ni/ a mri te/ bi ra dze/ hU~M hU~M phaT phaT swA hA/[ \u0f00] b+ha ra b+ha ra/ sa~M b+ha ra sa~M b+ha ra/ in+d+ri ya ba la bi</font><hr>97.138b<br><font size=+1>

sho d+ha ni/ ru ru tsa le hU~M hU~M phaT phaT swA hA/ nye ba'i snying po'i rig pa'o/ /\u0f00 ma Ni d+ha ri badzri Ni ma hA pra te sa re hU~M hU~M phaT phaT swA hA/ rab tu bsang ba'i snying po'o/ /sangs rgyas dang byang chub sems dpa' ma lus pa thams cad thabs cig tu 'dus nas sgra dbyangs gcig tu gzungs kyi gsang sngags kyi gzhi 'di dag gsungs te/ gsang sngags 'di dag ni rig pa'i rgyal mo chen mo so sor 'brang ba chen mo'-i snying po dang go cha'o/ /de bzhin gshegs pa thaMd kyi phyag rgyas btab pa'o/ /'di thos par yang rab tu dka' na yi ger bri ba dang / tshig tu 'don pa dang / klog pa dang / 'chang ba dang / gzhan la yang ston pa lta ci smos te/ de nas sangs rgyas la bya ba byas par rig par bya'o/ /'di ni de bzhin gshegs pa thams cad kyis rab tu sngags so/ /rjes su yi rang ngo / /lung stan to/ /so sor 'brang ba chen mo gzhan gyi mi thub pa'i gzung 'di mchog du dkon pa'o/ /so sor 'brang ba chen mo 'di'-i ming thos par yang shin tu dka' ste/ gzungs chen mo 'di ni sdig pa thams cad byang bar byed pa/ stobs che ba pha rol gnod pa/ gzi rjid che ba/ 'od che ba/ yon tan brjod par che ba/ mthu che ba/ bdud kyi ris kyi lha thaMd rnaM par 'jom par byed pa/ bag chags kyis mtshams sbyor ba'i bdud kyi zhag pa gcod pa/ pha rol gyi sngags dang / phyag rgya dang / dug dang / byad dang / g.yeng byed kyi sbyor ba dang / 'khon par bya ba dang / drag shul tu spyod pa gnod pa'i seMs dang ldan pa rnams rnam par sbyong bar byed pa/ sangs rgyas dang / byang chub sems dpa' dang / 'phags pa'i tshogs thams cad la mchod pa dam pa byed par mngon par dga' ba rnams la yongs su sbyong bar byed pa/ theg pa chen po 'dzin pa dang / yi ger 'dri ba dang / klog pa dang / tshig tu 'don pa dang / kha ton byed pa dang / nyan pa dang / 'chang bar mngon par brtson pa rnam la yongs su skyong ba'o/ /bram ze chen po so sor 'brang ba chen mo rig pa'i</font><hr>97.139a<br><font size=+1>

rgyal mo 'di ni sangs rgyas kyis byang chub kyi bar du yongs su rdzogs par byed pa ste/ gang du yang thog pa med do/ /ston pa dgra las rgyal ba nga ci lta ba bzhin du thaMd du yang mchod pa chen po thob par 'gyur ro/ /cis mngon zhe na/ rig pa chen mo bgegs dang log 'dren thams cad rnam par 'jom par byed pa 'di ni sngon yongs su shes te/ gang gi tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rgya cher rab tu bzhad pa'i zhal nor bu dang / gser dang / rin po che 'bar ba'i 'od zer snang ba mngon par 'phags pa'i rgyal po dang po mngon par sangs rgyas nas byang chub kyi snying po ga la ba der gshegs te/ sangs rgyas thams cad kyi bsngags pa'i chos kyi 'khor lo rab tu skor bar bzhed pa de'i tshe/ bcom ldan 'das de la bdud g.yog dang bcas pa bdud bye ba khrag khrig rgya stong du mas bskor ba gzugs sna tshogs mi sdug pa/ 'jigs 'jigs ltar 'dug pa/ sgra mi snyan pa/ bdud kyi yul rnam pa sna tshogs rnam par 'phrul bar byin gyi rlob pa/ mtshon cha rnam pa sna tshogs kyi char 'beb pa/ mngon par sprul nas lhags te/ phyogs bzhi nas skor nas bar chad bya bar brtsaMs pa dang / de nas bac+doMs rgya cher rab tu gzhad pa'i zhal nor bu dang / gser dang / rin po che 'bar ba'i 'od zer snang ba mngon par 'phags pa'i rgyal po yud tsam zhig cang mi gsung bar bzhugs nas rig pa'i rgyal mo so sor 'brang ba chen mo 'di yid kyis lan bdun brjod do/ /rig pa'i rgyal mo chen mo so sor 'brang ba chen mo 'di brjod ma thag tu skad cig de nyid la bdud sdig can de dag thams cad kyi bcom ldan 'das kyi ba spu'i bu ga re re nas skye bu go cha gyon pa bye ba khrag khrig rgya stong du ma ral gri dang / dgra sta dang / zhags pa dang / tho ba dang / rtse gsum pa 'bar ba lag na thogs pa sha stag tshig 'di skad du gang dag bcom ldan 'das la gnod par byed pa/ bdud gnod seMs can rnams</font><hr>97.139b<br><font size=+1>

zung shig zung shig /chings shig chings shig /gnod par sems pa thams cad rab tu chom shig /gnod seMs can dang / gza' dang / bgegs dang / log 'dren thams cad kyi srog phye mar gyis shig ces 'dzer cing 'thon pa mthong ngo / /de nas bdud de dag thams cad byams pa'i ral gris mngon par btul nas/ la las ni bslab pa'i gzhi rnams bzung ba nas/ la las ni bla na med pa yang dag par rdzogs pa'i byang chub tu lung bstan pa'i bar du'o/ /de la mthu che ba gzhan dag ni de bzhin gshegs pa'i ba spu'i bu ga nas 'thon pa'i skyes bu chen po de dag mthong nas/ grong khyer de nyid du spa gong bar gyur/ rdzu 'phrul yongs su nyams shing spobs pa dang / stobs dang rtsal med par gyur cing / mda' gzhu dag kyang chag nas byer ro/ /de nas bcom ldan 'das kyi bgegs dang / log 'dren dang / bdud sdig can thaMd rab tu bcom nas sad+yas bzhan sang+yas ba zhan dag ji lta ba bzhin du chos kyi 'khor lo rab tu bskor ro/ /brgal to pha rol du rab tu gshegs so/ /bram ze chen po de ltar na rig pa'i rgyal mo so sor 'brang ba chen mo stobs kyi drag shul che ba/ rdzu 'phrul kyi pha rol tu phyin pa 'di dran pa tsam gyis seMs bsam pa yongasu dag pa rnams dang / gzhan gnod sems can rnam kyang sdug bsngal ba dang / 'jigs skrag pa thams cad las yongs su thar bar byed do/ /bram ze chen po de lta bas na rtag par rjes su dran pa'i yid la byed pas yid la bya'o/ /yi ger bris te rtag tu lus la gdags shing bcang bar bya'o/ /cis mngon zhe na/ snga ma bzhin du nyon cig rgyal po tshang pas byin gyi yul na grong khyer chen po 'phags rgyal du mi zhig la nyes pa byung nas rgyal po tshangs pas byin gyis gshed ma'i mi rnams la khyed kyis mi 'di sod cig ces bsgo'o/ /de nas gshed ma'i mi de dag gis rgyal pos bsgo ba</font><hr>97.140a<br><font size=+1>

bzhin du mi de khrid de ri sul zhig du phyin nas/ ral gri shub nas phyung ste bsad par bshams pa dang / de'i tshe mi des rig pa'i rgyal mo so sor 'brang ba chen mo 'di yid la dran no/ /yi ger bris nas lag pa g.yas pa la btags shing 'dug go /sems can chen por de'i rig pa 'di'-i mthus/ ral gri me lce gcig du gyur nas rdul gtor ba bzhin du dum bur gyur to/ /de nas gshed ma'i mi de dag gis nges pa 'di rgyal po la zhib tu bsnyad do/ /de nas rgyal po de rab tu 'khrugs nas/ kye mi dag sa phyogs zhig na gnod sbyin gyi phug yod de/ de na gnod sbyin rgya stong mang po sha rjen za ba gnas kyis/ der khrid de 'or cig ces bsgo'o/ /de nas mi de gshed ma mi de dag gis gnod sbyin gyi phug der bor ro/ /gnod sbyin gyi phug der bor ma thag tu de nas gnod sbyin de dag thams cad yid dga' ste/ mi sha bza'o snyam du brgyugs pa dang / de dag gis so sor 'brang ba 'di'i mthus mi de la me lce gcig tu gyur pa'i 'od 'phro bar rab tu 'bar bar mthong ngo / /mthong nas kyang thams cad dngangs nas rang rang gi lus tshig par yang mthong ngo / /de nas gnod sbyin de dag ngo tshar skyes nas mi de khrid de sgo'i phyi rol tu bzhag nas bskor ba bya bar brtsams pa nas gshed ma'i mi de dag gis rgyal po la zhib tu bsnyad pa'i bar du snga ma bzhin no/ /de nas rgyal po cher 'khrugs te rngams nas gal te de ltar na khyed cag deng la mi 'di chings te/ chur bor cig ces bsgo ba dang / gshed ma'i mi de dag gis khrid de chur bor ro/ /mi de chu bor ma thag tu mi de ji ltar thang la 'dug pa bzhin tu chu med par gyur to/ /chings ma de dag kyang dum bur chad do/ /rgyal pos de skad thos pa dang / de nas rgyal po ngo mtshar du gyur nas mig tshugs su bltas te/ /e ma 'o mi 'di ngo mtshar to/ /'di la rgyu ci zhig yod snyams tu rnam par rtog par gyur to/ /zhes smras so/ /</font><hr>97.140b<br><font size=+1>

de nas rgyal po des mi des bkug ste/ kye mi khyod ci zhig shes zhes de skad smras so/ /mi des smras pa rgyal po chen po rig pa chen mo so sor 'brang ba chen mo 'chang ba las gzhan ni ci yang ma 'tshal te/ lha de ni de'i mthus lags so/ /rgyal pos smras pa ngo tshar che'o/ /rigs pa chen mo dge bar gsung / 'chi bdag nan tur rmongs byed pa/ /sangs rgyas kun gyis byin gyis brlabs/ /sems can thams cad rab tu sgrol/ /nad dang sdug bsngal thar bar byed/ /rig pa chen mo gzi rjid che/ /dus min 'chi las rab tu sgrol/ /nad chen rnam ni bzlog byed pa/ /mgon po thugs rje can gyis gsungs/ /de nas rgyal po rab tu dga' ba'i yid kyi rig pa'i rgyal mo chen mo so sor 'brang ba chen mo la mchod nas mngon par bstod do/ /mi de yang blon thabs byin te/ rang gi gnyen gyi mdun tu grong khyer gyi gtso bor dbang bskur to/ /bram ze chen po de ltar na rig pa'i rgyal mo so sor 'brang ba chen mo 'dis thams cad tu yang mchod pa chen po rnyed do/ /seMn gnod seMs can thaMd kyis kyang 'gal bar mi bya'o/ /de ltar na rig pa'i rgyal mo chen mo 'di yongs su shes te gang du yang thogs pa med do/ /de lta bas na gdon mi za bar rtag tu lus la gdags shing bcang bar bya'o/ /bram ze chen po skar ma bzang po la cho ga leg par byas te/ rig pa'i rgyal mo 'di bri bar bya'o/ /de nas bram ze chen po de yid rab tu dga' nas bac+doMs la yan lag lngas phyag 'tshal te zhus pa/ btsun pa bac+doMs rig pa'i rgyal mo chen mo 'di'-i cho ga ni ji ltar bgyis te bri bar bgyi/ bcom ldan 'das kyis bka' stsal pa/ bram ze chen po khyod nyon cig /sems can kun la snying rtse'i phyir/ /ngas ni khyod la bshad par bya/ /gang gi sems can bde byed cing / /nyam nga ba'i las las 'grol/ /nad rnams las kyang thar bya dang / /bud med sbrum mar 'gyur ba dang / /sems can</font><hr>97.141a<br><font size=+1>

rnams kyi dbul ba'i/ /rma rnams gso bar bya phyir ro/ /bsnyen gnas dag la gnas gyur nas/ /rgyu skar rgyal du shes pa la/ /sangs rgyas mchod la brtson byas te/ /byang chub phyir ni seMs kyang skyed/ /snying rjes kun tu brlan sems dang / /byams pa dang yang ldan gyur nas/ /rtag tu sems can thams cad la/ /phan pa skyed pa brtson par bya/ /tsan dan dang ni gur gum dang / /gla rtsir bsres pa'i chus bkrus te/ /bdug pa rnams kyi gdug pa'i/ /gos gtsang rnams ni bgo bar bya/ /sa dang lci ba bsres pa yi/ /de yi 'og tu dkyil 'khor bya/ /bum pa gang ba bzhi bzhag ste/ /lnga pa dkyil 'khor dbus su gzhag /de la rin thang chen po yi/ /me tog bdug pa spos rnams gsol/ /tsan dan spri ka de bzhin du/ /a ka ru dang du ru ka /sha kha ra dang lnga sbyar ba'i/ /bdug pa cho ga bzhin du 'bul/ /cho ga ci bzhin dus bzhin bya/ /lo rtog rnam pa sna tshogs rnaMs/ /me tog 'bras bu sa bon dang / /spos rnam kun gyi legs par rgyan/ /mar dang sbrang rtsi 'o ma dang / /nas thug 'o thug la sogs pas/ /gtor ma'i bum pa dgang bar bya/ /mtshan mang shin du bkra shis pa/ /phyogs bzhi rnams su gzhag par bya/ /lnga pa dkyil 'khor dbus su gzhag /spos kyi bkang ba'i phor pa rnams/ /grwa bzhi dag tu gzhag par bya/ /dkyil 'khor gyi ni 'gram logs su/ /seng ldeng phur bu bzhi btsugs la/ /tshon skud kha dog sna lnga yis/ /'khor bar dam du bri bar bya/ /gal te bdag 'grub 'dod na ni/ /bram ze de ltar byas nas bri/ /kha zas dkar po zos nas su/ /phan par 'dod pas bri bar bya/ /dar ram ras sam gro ga 'am/ /ci yang rung ba gzhan la bri/ /bud med dag la bu 'dod na/ /gi'u hang gi ni legs par bri/ /dbusu khye'u zhig bris nas ni/ /rgyan rnaMs kun gyi rnam par brgyan/ /de bzhin rin chen gang ba'i snod/ /lag pa g.yon na thog par bya/ /pad ma rab tu rgyas gyur cing / /brgyan pa la</font><hr>97.141b<br><font size=+1>

ni de 'dug bya/ /nor bu do shal gser dag dang / /rin chen sna tshogs rnam kyis brgyan/ /gdul bar shin du dka' ba bri/ /grwa bzhi dag tu ri bo bri/ /gal te bde bar 'tsho 'dod na/ /rab tu bsgrims te de ltar bri/ /bye brag tu ni skyes pa rnams/ /gur gum gyis ni bri bar bya/ /de yi dgos pa 'dod pa rnaMs/ /'grub 'gyur 'di la the tsom med/ /pad ma gnyis sam yang na gsum/ /bzhi 'am yang na lnga bris te/ /pad ma la ni phyag rgya'i mtshan/ /rnam pa snatshogs gzugs su bris/ /de bzhin du ni pad ma rnams/ /ze bas kun du 'khor bar bri/ /pad ma 'dab ma rab rgyas la/ /sdong bu dar gyis bcings par bris/ /pad ma la ni rtse gsum pa/ /zur brgyad la ni dar spyang bri/ /de bzhin pad ma dgra star bcas/ /'dab ma brgyad dang ldan par bri/ /pad ma bcas pas ral gri bri/ /pad ma de ni dkar por bya/ /pad ma'i steng du dung yang bri/ /thams cad du yang rgyas par bya/ /kun du cho ga'i mtshan ma rnaMs/ /mkhas pa dag gis bri bar bya/ /gang la gnod pa'i seMs 'byung ba/ /byis pa'i gzugs rnaMs mi bri'o/ /sna tshogs rgyan gyis rgyan pa'i/ /lha'i gzugs ni bri bar bya/ /dge slong phyir ni rdo rje 'chang / /gnod sbyin bsdegs par brtson par bri/ /rgyal po chen po bzhi rnams kyang / /ngos bzhi rnams su bri bar bya/ /bram ze'i phyir ni dbang ldan no/ /rgyal rigs la ni dbang phyug che/ /dmangs rig phyir ni rtag zhi ba/ /khyab 'jug legs par bri bar bya/ /rje'u rigs phyir ni rnam thos bu/ /lha'i dbang phyug dbang po bri/ /khye'u yi phyir ni skye dgu'i bdag /blo gros chen po bri bar bya/ /sngo bsangs mdog ni gang yin pa/ /de yi ched du khros pa bri/ /dkar mo'i phyir ni grags ldan pa/ /phun sum tshogs pa'i gzugs su bri/ /sbom ma'i phyir ni nor bu bzang / /rab tu bsgrims te bri bar bya/ /skem mo'i phyir ni gang ba bzang / /rang 'byung</font><hr>97.142a<br><font size=+1>

nga yi bstan par bri/ /sbrum ma'i phyir ni nag mo che/ /tshangs lha rnams kyang bri bar bya/ /gzhan yang ci ltar cho ga las/ /gong du bshad pa bzhin du bri/ /las kyi cho ga mthong nas ni/ /rab tu bsgriMs te de bzhin bri/ /rtag tu mgul du btags na ni/ /de ni bde bar 'gyur ba yin/ /rgyal mtshan rtse mo'i pad ma la/ /yid bzhin nor bu 'bar ba bri/ /pad ma'i snying por zhags pa dang / /de bzhin 'khor lo 'ang bri bar bya/ /pad ma'i steng du rdo rje dang / /pad ma'i snying po tho ba bri/ /cho ga las ni 'byung ba bzhin/ /pad ma'i steng du mdung thung bri/ /cho ga las ni brjod pa bzhin/ /nor bu thams cad rtse mo 'bar/ /'od zer 'phro bas rgyas pa dang / /dar gyi bcing pa bri bar bya/ /klu mgo gdeng ka dgu yod la/ /nor bu rab tu 'bar ba dang / /de dag kun gyi snying gar yang / /rdo rje gnas par bsgrims te bri/ /rgyal po rnams phyir stobs can dang / /ded dpon mkhas pas rtag tu bri/ /rig pa 'dzin pa thams cad kyi/ /rig pa'i lha mo rnam kyang bri/ /zla ba nyi ma rgyu skar bcas/ /sgra can 'jug rings bza' rgyad bri/ /cho ga bzhin du nges bri la/ /blo gros ldan pa'i mi bsrel na/ /za ma dang ni ma ning yang / /bu po rnyed par 'gyur ba yin/ /'di ni thams cad 'grub par byed/ /shis shing sdeg pa zhi bar byed/ /rang 'byung gi ni dka' bzhin du/ /gnas kyi dam pa thob par 'gyur/ /'jig rten 'di na 'ang mchog du bde/ /'jig rten pha rol shin du bde/ /sum bcu rtsa gsum gnas la sogs/ /lha gnas de yi gnas su 'gyur/ /'dzam gling bzang zhing nyams dga' bar/ /khyad par rje rig grags pa dang / /rgyal rigs khyad par 'phags pa dang / /bram ze khyad par 'phags rnaMs su/ /bdag nyid chen po de skyes</font><hr>97.142b<br><font size=+1>

te/ /rtag tu rig dang bde bar 'gyur/ /so sor 'brang ba 'chang ba'i mis/ /bsod nams thob pa gang yin pa/ /sangs rgyas dag ni thaMd kyi/ /bsod nams phung po brjod mi nus/ /sems can dmyal ba'i sgo rnams bcad/ /mtho ris sgo rnaMs rab tu phye/ /bde ba phun suM tshogs pa dang / /blo gros chen por 'gyur ba yin/ /sang+yas byub seMda'as kyang / /rtag tu dbugs ni 'byin par 'gyur/ /lus kyi bde ba phun suM tshogs/ /stobs kyang che bar 'gyur ba yin/ /rgyal bas ci skad gsungs pa ltar/ /'khor lo sgyur bar 'gyur ba yin/ /mi dang lha rnams dbugs 'byin te/ /gnod par seMs dpa' skrag par byed/ /gang phyir rig pa legs bshad pa/ /de ni ring por mi thogs so/ /de ni mtshon gyis mi tshugs te/ /dug dang mes kyang tshugs mi 'gyur/ /dus min 'chi ba'i sdig pa yang / /de las thag ni ring du 'gro/ /rnam pa kun du nyan pa 'am/ /mthong ba dang ni reg pa 'ang rung / /'byung po gdon dang rtsod pa dang / /chu dang me'i 'jigs pa dang / /gcan zan sbrul dang seng ge dang / /klu dang nad ni mi bzad rnams/ /gang la rig pa legs bshad pa/ /de la de dag kun mi 'byung / /de dag sems can kun mchog 'gyur/ /bdud rnams kun gyis thams cad du/ /mchod par 'gyur ba'i 'os yin te/ /yang dag bshad kyis mnyan par byos/ /rigs pa'i rgyal mo so sor 'brang ba chen mo'i cho ga /rdzogs so// //de nas sems can thams cad la snying brtse ba'i phyir rigs sngags 'chang ba bsrung ba'i tshul gyi cho ga bshad par bya'o/ /bsrung ba'i cho ga gang zhig gis/ /dngos grub chen po 'grub 'gyur ba/ /gang dang gang du bsrung byas na/ /don yod 'gyur te the tshom med/ /'jigs med rims kyis mi btab ste/ /gza' rnaMs thams cad bzlog par byed/ /rgyu skar rnams kyang 'thun par 'gyur/ /las kyi lu gu rgyud kyang gcod/ /gza' nyes pa dang sgom nyes dang / /dgra tshogs kun gyis byas pa dang / /gnod par ltas dang bri nyes dang / /byad dang gang yang mi bzad dang / /</font><hr>97.143a<br><font size=+1>

phye ma sngags kyis btab pa dang / /dug 'thung ba dang sbyar ba'i dug /gang zhig bsrung ba 'chang de la/ /de dag thams cad zhi bar 'gyur/ /gang zhig rig las 'gal byed pa/ /yan lag rnams la rnam par smin/ /so sor 'brang ba'i dmod bsdigs na/ /pha rol 'khor ni mi bzad dang / /'jigs pa chen po dgra yi rnams/ /de dag thams cad rab tu 'bros/ /sangs rgyas thams cad mkhyen pa dang / /byang chub seMs dpa' des bas bsrung / /nyan thos dka' thub chen po dang / /rang sangs rgyas gyis bsrung bar 'gyur/ /gzhan yang rnam pa mang po yi/ /lha klu rdzu 'phrul chen po rnaMs/ /'di la rtag tu btson byed pa/ /de la bsrung ba byed par 'gyur/ /rig pa yi ni rgyal mo 'di/ /thos pa tsam gyis mi mchog rnams/ /kun tu 'jigs pa med 'gyur zhes/ /thub pa yi ni de skad gsungs/ /rmi laM ngan dang ngan byas dang / /gang yang nad mgo mi bzad dang / /nad kyi btab dang nad chen gyis/ /gang dag zin cing khrag skyug dang / /gzhan yang rnam pa mang po'i nad/ /'bras dang shu ba skem po dang / /gang yang gnod pa mi bzad pas/ /mi yi skye dgu zin pa dang / /mi rnams ma rung bya ba'i phyir/ /mchog tu mi bzad gnod byed rnams/ /bsrung ba stobs chen ga la bar/ /de dag thams cad mi 'byung ngo / /'di las bsrung ba byas nas ni/ /bcings pa dag kyang grol bar 'gyur/ /so sor 'brang ba bris pas kyang / /gal te dus kyi zhag pa yis/ /gzung nas gshin rje'i gnas khrid pa/ /de yi tshe ni rnam par 'phel/ /gang zhig tshe ni zad gyur tam/ /zhag bdun na ni 'chi 'gyur ba/ /yi ge bris pa'i bar tsam gyis/ /'tsho bar 'gyur te the tshom med/ /cho ga bzhin du bsrung byas pa 'am/ /yang na thos pa tsam gyis kyang / /kun du dge ba thob par 'gyur/ /'dod pa bzhin du bde bar 'tsho/ /gang dag sum bcu rtsa gsum lha/ /stong phrag drug bcu rtsa brgyad dang / /bye ba khrag khrig</font><hr>97.143b<br><font size=+1>

phrag brgya dang / /brgya byin mdun nas 'gro ba kun/ /sems can de la bsrung ba'i phyir/ /phyi bzhin 'brang zhing gnas par byed/ /'jig rten skyong ba bzhi po dang / /lag na rdo rje stobs chen yang / /rig pa'i rigs ni brgya dag dang / /lhan cig rtag tu bsrung bar byed/ /zla ba yid bzang nyi ma dang / /tshangs pa khyab 'jug dbang phyug che/ /nor bu bzang dang gshin rje dang / /stobs kyi lha ni stobs chen dang / /gang ba bzang po dpal chen dang / /'phrog ma bu dang bcas pa dang / /lnga 'dzin pa dang lngas rtsen dang / /smin drug bu dang tshogs dbang dang / /lha mo chen mo dpal can dang / /rnam thos bu dang dbyangs can dang / /dung can dang ni me tog so/ /de bzhin ral pa gcig pa dang / /gnod sbyin chen po dpal yon can/ /rtag tu bsrung ba byed par 'gyur/ /za ma rnams kyi bu yang skyed/ /mngal na gnas pa bde bar byed/ /de ni ji srid 'tsho ba'i bar/ /'di ni bsrung ba chen por 'gyur/ /'jigs med 'thab mo'i g.yul 'gyed par/ /dpa' bo rnams la rtag rgyal sbyin/ /chos la nges pa'i lha rnaMs la/ /'di ni snang ba sbyin par byed/ /sdig pa rnam par gzhig pa'i phyir/ /gus par byed te bris na ni/ /de bzhin gshegs dang de bzhin du/ /byang chub sems dpa' 'ang blta bar 'gyur/ /de yi grags pa rnam par 'phel/ /bsod nams dang ni tshe yang 'phel/ /nor rnaMs dang ni 'bru dag kyang / /'byor bar 'gyur te the tshom med/ /bde bar gnyid kyis log pa dang / /bde bar rab du sad par 'gyur/ /'byung po'i tshogs rnaMs thaMd dang / /dgra kun gyis kyang mi rdzi'o/ /g.yul 'gyed pa yi tshe na yang / /rig pa sgrub pa byas na ni/ /bsrung ba bla na med pa 'dis/ /rtag tu rgyal bar 'gyur bar byed/ /bde bar rig pa bsgrub byed cing / /de la bgegs ni 'byung mi 'gyur/ /de yi bsaM pa thaMd 'grub/ /dkyil 'khor kun du zhugs pa yin/ /skye ba dag ni thaMd du/ /de ni myur du daM tshig shes/ /rgyal ba'i yon tan 'dzin</font><hr>97.144a<br><font size=+1>

pa'i phyir/ /de ni yid brtan 'os yin no/ /bkra shis thams cad rab tu rdzogs/ /bsams pa thams cad grub par byed/ /'di ni bris pa tsam gyi kyang / /bde ba thams cad 'byor par 'gyur/ /bde bar 'chi ba'i dus byas nas/ /mtho risu ni 'gro bar 'gyur/ /'thab pa dang ni brtsod pa dang / /'gyed pa mchog tu mi bzad par/ /'jigs pa kun las grol 'gyur te/ /rgyal bas ji skad gsungs bzhin no/ /skye ba rnaMsu skye ba na/ /rtag tu skye dran the tshom med/ /rgyal po btsun mo 'khor bcas pa/ /'di yi dbang du 'gyur ba yin/ /'jig rten dge bar grags pa yin/ /rtag tu thun mong 'gyur ba yin/ /de ni kun la sdug par 'gyur/ /lha dang mi ni gang yang rung / /nyin dang mtshan rnams rtag par yang / /de la bsrung ba byed par 'gyur/ /yang dag rdzogs pa'i sangs rgyas gsungs/ /sngags tshig 'di dag 'dir 'grub bo/ /sangs rgyas la phyag 'tshal lo/ /chos la phyag 'tshalo/ /dge 'dun la phyag 'tshalo/ /bac+doMs de bzhin gshegs pa dgra bcom pa ya~M dag par rdzogs pa'i sangs rgyas thugs rje chen po dang ldan pa shAkya thub pa la phyag 'tshal lo/ /yang dag par rdzogs pa'i sang+yas thaMd la phyag 'tshal lo/ /sang+yas bstan pa 'phel bya'i phyir/ /de la gus pas phyag 'tshal nas/ /seMs can kun la snying brtse'i phyir/ /da ni nga yis brjod par bya/ /rig pa gzi brjid chen po 'di/ /stobs chen pha rol gnon pa te/ /rdo rje gdan la thugs pa yis/ /'di ni gsungs ma thag tu yang / /bdud dang bdud kyi ris rnaMs dang / /gza' dang log par 'dren pa dang / /bgegs rnaMs ji snyed gang yod pa/ /thams cad de yi mod la byer/ /tad ya thA/ o~M gi ri gi ri/ gi ri Ni gi ri Ni/ gi ri ba ti/ gu Na ba ti/ A kA sha ba ti/ A kA sha bi shud+he/ sarba pA pa bi ga te/ A kA she /ga ga na ta le/ A kA sha bi tsA ri Ni/ dz+wA li ta shi kha re/ /ma Ni muk+ti ka /</font><hr>97.144b<br><font size=+1>

kha tsi ta mo li d+ha re/ su ke she/ me ke she su Sha su bak+te/ su ne tre/ su bar+N+Na gau ri/ a tI te/ a nud+pan+ne/ a nA ga te/ prat+yut+pan+ne na ma/ na maHsarbe ShAn/ bud+d+hA nA na dz+wa li ta/ te dza sA na/ bud+hA+e/ su bud+hA+e/ b+ha ga ba ti/ su rak+Sha Ni/ su k+She me/ su pra b+he/ su da me/ su dan+te ba re brte/ b+ha ga ba ti/ b+ha dra ba ti/ b+ha dri su b+ha dre/ bi ma le/ dza ya b+ha dre/ pra tsaN+De/ tsaN+De/ pra tsaN+De/ pra tsaN+De/ badzra tsaN+De/ ma hA tsaN+De/ ma hA tsaN+De/ gau ri/ gan+d+hA ri/ gau ri/ tsau ri/ tsaN+Da li/ mA tA~M gi/ brtsa si/ puk+ka si/ su ma ti/ sha ba ri/ shA ba ri/ sha~M ka ri/ drA mi Di/ drA mi Di/ rau tri Ni/ sarba gra ha bi dA ri Ni/ ar+tha sA d+ha ni/ ha na ha na/ sarba sha t+r+'u NAM/ da ha da ha/ sarba duSh+Tan/ pre ta bi shA tsa DA ki nI nAM/ ma nu Sh+yA/ a ma nu Sh+yA nAny+tsa/ pa tsa pa tsa/ hri da yan/ gdon ma rung pa rnaMs kyis srog gzhom du gsol/ bcom ldan 'das ma bdag gi sdig pa thaMd gzhig du gsol/ gzhig du gsol/ thams cad du 'jigs pa dang / gnod pa thaMd las bdag la bsrung du gsol/ bsrung du gsol/ ma rungs pa thaMd bcing du gsol/ sarba kilpi Sha nA sha ni/ mArtaN+Da/ mri t+yu daN+Da ni bA ra Ni mA na na/ daN+Da mA na ni/ ma hA mA ni ni/ ma hA bi Ni Ti tsa le tsa le/ tsi Ti tsi Ti/ bi Ti bi Ti/ ni Ti ni Ti/ ti Ti ti Ti/ na tu Ti/ gau ri ni/ bI ri NI/ pra ba ra sa ma re/ tsaN+DA li/ mA ta~M gi/ run+d+ha si/ sa ra si/ brtsa si/ su ma ti/ puk+ka/ si sha ba ri/ shA ba ri/ sha~M ka ri/ dra mi Di/ drA mi Di/ da ha ni pa tsa ni/ ma tha ni/ marda ni/ sa ra li/ sa ra le/ sa ra ba~M b+he/ hI na ma d+h+yod kriSh+Ta/ bid+hA ra Ni/ bi d+hA ri Ni/ ma hi le/ ma hi le/ ma hA ma hi le/ ni ga De/ ni ga Da/ b+hany+dze/ mat+ta/ mat+ti ni/ dAn+ti/ tsakre/ tsakra bA ki ni/ dz+wa le dz+wa le/ dz+wA le dz+wA le/ dz+wA la ni/ sha ba ri sha ba ri/ shA ba ri shA ba ri/ sarba byA d+hi ha ra ni/ ts+'u Di ts+'u Di/ ts+'u Da ni ts+'u Da ni/ ma hA ts+'u Di ni/ ni mi ni mi/ ni min+d+ha ri/ tri lo ka /da ha ni/ tri lo ka A lo ka kA ri/ trai d+hA tu ka byA ba lo ki n-i/ badzre/ pa ra shu/ pA sha /mung+ga ra/ khaD+ga/ sha~M kha/ tsa kra/ tri sh+'u la/ tsin tA ma Ni/ ma hA bid+yA d+ha ri Ni/ bdag thams cad du gnas thaMd na gnas pa na ma rungs pa thaMd dang / mi dang mi ma yin pa'i 'jigs pa thaMd dang / nad thams dang / </font><hr>97.145a<br><font size=+1>

'jigs pa thams cad las bsrung du gsol bsrung du gsol/ badzre badzre badzra pa ti/ badzra pA Ni d+ha re/ hi li hi li/ mi li mi li/ ki li ki li/ tsi li tsi li/ bi li bi li/ si li si li/ ba ra ba ra/ ba ra de/ sarba tra/ dza ya la ba d+he swA hA/ sarba pA pa bi dA ri ni swA hA/ sarba tra/ sarba byA d+hi ha ra Ni swA hA/ sarba tra/ sarba sha tru~M b+ha ya ha ra Ni swA hA/ sarba b+ha ra Ni swA hA/ swa stir b+ha ba tu ma na swA hA/ shAn+ti ka ri swA hA/ puSh+Ti ka ri swA hA/ ba la bar d+ha ri Ni swA hA/ dza ya tu/ dza ye dza ye/ dza ya b+ha ti/ ka ma le/ bi ma le/ bi pu le swA hA/ sarba ta thA ga ta mur te swA hA/[ \u0f00] b+hu ri ma hA shA~M ti swA hA/[ \u0f00] b+hu ri b+hu ri/ badzra ba ti/ sarba ta thA ga ta hri da ya/ pu ra Ni/ a yuHsan d+hA ra Ni/ ba la ba la/ ba la ba ti/ dza ya bid+ye/ hU~M hU~M/ phaT phaT swA hA/ bram ze chen po gang la la zhig gis de bzhin gshegs pa'i sku rigs pa'i gsang sngags kyi gzhi yis gzungs 'dis yongasu bsrung ba byas shing yongasu su bskyab pa dang / yongasu bzung ba dang / yongasu bskyang ba dang / zhi ba dang bzha bde legasu 'gyur ba dang / dbyug pa spang ba dang / mtshon cha spang ba byas na/ de tshe yongasu zad pa las kyang rnam par 'phel te ring du bde bar 'tsho bar 'gyur ro/ /dran pa phun sum tshogs par 'gyuro/ /bskrad pa tsam dang / rdo rje byabs pa tsam gyi dus ma yin par 'chi ba dang / nad chen po las yongasu thar bar 'gyuro/ /de'i nad thams cad kyang rab tu zhi bar 'gyuro/ /rgyun ring du na ba la yang byabs pa tsam gyis rab tu zhi bar 'gyur ro/ /nyin gcig bzhin du kha ton du bton na shes rab chen por 'gyuro/ /gzi brjid dang / stobs dang / brtson 'grus dang / spobs pa phun sum tshogs par 'gyur ro/ /de'i sdig pa dang las kyi sgrib pa gdon mi za bar myong bar 'gyur ba thams cad kyang ma lus par yongasu su zad par 'gyuro/ /sangs rgyas dang / byang chub seMs</font><hr>97.145b<br><font size=+1>

dpa' dang / lha dang / klu dang / gnod sbyin la sogs pa thams cad kyang de'i lus la gzi brjid dang / stobs dang / brtson 'grus snon par 'gyuro/ /dga' ba chen po mang bar 'gyur ro/ /bram ze chen po tha na rigs pa chen mo'i gsang sngags kyi gzhi 'di dud 'gro'i skye gnas su song ba ri dgas dang / bya'i rna laM du thos na yang de dag thams cad bla na med pa yang dag par rdzogs pa'i byang chub las phyir mi ldog par 'gyur na/ so sor 'brang ba chen mo'i gzungs 'di la dad pa'i rigs kyi bu 'am rigs kyi bu mo 'am/ dge slong ngam/ dge slong ma'aM/ dge bsnyen naM/ dge snyen ma 'am/ rgyal po'am/ rgyal po'i blon po 'am/ braM ze 'am/ rgyal rigs sam/ de las gzhan pa 'ga' zhig gis lan cig thos te/ thos nas kyang dad pa chen po dang / gus pa dang / lhag pa'i bsams pas yi ger 'dri 'am/ yig ger 'drir 'jug gam/ 'chang ngam/ klog gam/ yid drag pos sgo pa 'am/ gzhan dag la yang rgya cher yang dag par rab tu ston pa lta ci smos te/ bram ze chen po de la dus ma yin par 'chi ba brgyad rnam pa thams cad du 'byung du ma dogs shig /de'i lus la nad chen po rnams 'byung bar mi 'gyur ro/ /de'i lus la mes mi tshugs/ dug gis ma yin/ mtshon gyis ma yin/ dug sbyar mas ma yin/ byad kyis ma yin/ g.yengs byed kyis ma yin/ yin/ sngags kyi las kyis ma yin/ phye mas sbyor bas ma yin/ yan lag na bar mi 'gyur/ rims kyis btab par mi 'gyur/ glad pa na ba dang / nyin gcig pa dang / nyin gnyis pa dang / nyin gsum pa dang / nyin bzhi pa dang / nyin bdun pa'i rims rnaMs de'i lus la 'byung bar mi 'gyur ro/ /dran bzhin du bde bar gnyid log cing dran bzhin du bde bar sad par 'gyur ro/ /yongasu mya ngan las 'das pa chen po yang 'thob</font><hr>97.146a<br><font size=+1>

par 'gyur ro/ /lan gcig gis chos dang ldan pa'i dbang phyug chen po thob par 'gyur ro/ /de gang dang gang du skye ba'i skye ba de dang der skye ba dran par 'gyur ro/ /sems can thams cad kyang byams par 'gyur ro/ /phyag bya ba'i gnasu 'gyur ro/ /sems can dmyal ba dang / dud 'gro'i skye gnas kyi 'gro ba thibs po kun dang / yi dgasu skye ba rnams las yongasu thar 'gyuro/ ji ltar nyi ma'i dkyil 'khor seMn thams cad la snang bar byed pa de bzhin du 'od zer gyis snang ba byed par 'gyuro/ /ji ltar zla ba'i dkyil 'khor bdud rtsi'i mthus sems can thams cad kyi lus sim par byed pa de bzhin du/ chos kyi bdud rtsis sems can thaMd kyi rgyud sim par byed par 'gyuro/ /rig pa'i rgyal mo chen mo so sor 'brang ba chen mo'i mthus de la gnod sbyin dang / srin po dang / 'byung po dang / yi dgas dang / sha za dang / skeM byed dang / brjed byed dang / mkha'agro ma dang / gdon ma rung ba pa thams cad dang / bgegs dang / log 'dren la sogs pa thams cad kyis btse bar mi nus so/ /de dag 'ongs na yang rig pa'i rgyal mo chen mo 'di dran par bya'o/ /'on kyang 'di lta ste/ rig pa'i rgyal mo chen mo so sor 'brang ba chen mo 'di nyid kyi mthus ma rungs pa de dag thaMd rigs pa 'dzin pa'i dbang du 'gyur te/ bsgo ba bzhin du ngag nyan par 'gyur ro/ /de la dgra'i 'jigs pa mi 'byung ngo / /dgra'i tshogs thams cad dang / rgyal po dang / rgyal po'i blon po chen po dang / bram ze dang / khyim bdag rnams kyang 'gal bar byed par mi 'gyuro/ /tha na bsad par 'os pa zhig la gshed ma mi rnaMs kyis mtshon gdab par gzas na yang mtshon rnaMs rdul bzhin duM bu duM bur chag par 'gyur ro/ /deg nyid kyi dus na de la chos thams cad mngon sum du 'gyur ro/ /de'i dran pa'i</font><hr>97.146b<br><font size=+1>

stobs kyang cher 'gyur ro/ /'di ni srin po 'joms pa'i mchog /gtsang zhing sdig pa 'jig par byed/ /dpal du byed cing blo yang byed/ /yon tan thams cad rnam par 'phel/ /'di ni bkra shis thams cad byed/ /bkra shis ma yin rnam par 'jig /rmi lam bzang po rmi bar byed/ /rmi lam ngan pa rnam par 'jig /rig pa mthu stobs chen mo 'di/ /skyes pa bud med bsrung ba'i mchog /'grog dgon dang ni mya ngan las/ /rtag tu de yi mod la thar/ /rdzogs pa'i sangs rgyas bka' bzhin du/ /'dod pa dag ni kun kyang rnyed/ /lam las lam gol zhugs na yang / /rigs pa 'di ni rjes dran na/ /myur du lam dang bza' ba dang / /btung ba mchog kyang rnyed par 'gyur/ /lus dang ngag dang yid rnams kyis/ /mi dge mang po gang yang rung / /tshe rabs snga mar ci byas pa/ /de dag thams cad byung bar 'gyur/ /dran pa dang ni 'chang ba dang / /'dzin dang yig ger 'bri ba dang / /tshig tu 'don tam klog pa dang / /bzlas brjod byed dam gzhan ston na/ /de ni ring por mi thogs par/ /chos kun rtogs par khong du chud/ /de ltar chos kyi ro rnyed na/ /sdig pa rnams ni zad par 'gyur/ /yid kyis ci dang ci 'dod pa/ /dgos pa thams cad grub par byed/ /'chi ba'i 'jigs pa thams cad dang / /rgyal po dang ni me dang chu/ /glog dang de bzhin kun 'joms las/ /'di ni de las skyob par 'gyur/ /rig pa 'bum du bzlas na ni/ /g.yul 'gyed pa dang brtsod pa dang / /gang yang gcan zan ma rungs pa/ /de dag thaMd 'bros par 'gyur/ /sang+yas kun gyis gsungs pa yi/ /dngos grub mchog gi rig pa 'di/ /brjod na sgyid lug mi 'gyur bar/ /byang chub tshogs rnaMs rdzogs par byed/ /bdag dang gzhan gyi don bsgrubs</font><hr>97.147a<br><font size=+1>

phyir/ /gnas kyi rnam pa thams cad du/ /rig pa 'di la sbyor na ni/ /'dod pa'i las rnams gang yin pa/ /bsgrim mi dgos par rig 'di las/ /'grub 'gyur 'di la the tshom med/ /nad pa rnaMs ni gso bya ba/ /da ni rab tu bshad par bya/ /sa dang lci ba bsres pa yis/ /dkyil 'khor gru bzhi lham par bya/ /tshon gyi phye ma sna lnga yis/ /dkyil 'khor sdug gur bri bar bya/ /mkhas pa rnams kyi cho ga bzhin/ /bum pa gang ba bzhi yang bzhag /de la me tog sil mas gtor/ /bdug pa mchog gis bdug par bya/ /sems can chen po gdul ba'i phyir/ /gtor ma yi ni las kyang bya/ /snga ma bzhin du me tog spos/ /cho ga bzhin du 'di la mchod/ /dar gyis bcings pa'i mda' gzhi yang / /dkyil 'khor grwa bzhir gzugs par bya/ /de yi 'og du nad pa yang / /dri zhim spos kyi lus bskus te/ /gtsang ma'i gos rnams bskon nas ni/ /dkyil 'khor dbusu gzhag par bya/ /de nas shar phyogs kha stan te/ /rig pa 'di ni brjod par bya/ /lan bdun bzlas brjod byas nas su/ /mkhas pas de la bsrung bar bya/ /de nas nad pa'i don gyi phyir/ /lan grangs nyi shu rtsa gcig tu/ /rig pa 'di ni brjod byas na/ /des nas nad kun zhi bar 'gyur/ /de nas gtor ma'i bum pa la/ /lan bdun legs par sngags kyis gdab/ /de lan nas bshos kyang sngags gdab ste/ /gtor ma me tog cho ga bzhin/ /de ltar lho phyogs ngos su ni/ /lan bdun kho nar gtor bar bya/ /nub phyogs su yang bdun nyid de/ /byang phyogs su yang de bzhin no/ /'og dang steng du'ang lan bdun te/ /bsrung ba byas par 'gyur ba yin/ /bram ze dam pa de lta bur/ /byas na sdug bsngal kun las grol/ /skyob pa shAkya seng ge yis/ /bsrung ba 'di n-i yang dag bshad/ /'di ma gtog par khams gsuM na/ /bsrung ba'i rig pa gzhan med do/ /de ni mi 'chi mi rgas te/ /nad kyis mi btab mi sdug min/ /sdug pa dang ni 'bral mi 'gyur/ /rig pa</font><hr>97.147b<br><font size=+1>

'di ni bdag gi lus/ /shin du bsgom pa byas na ni/ /de la 'chi bdag tshogs kyis mchod/ /chos kyi rgyal po dam pa gshin rje yang / /gus dang bcas pas de la mchod par 'gyur/ /skad cig nga'i seMs dmyal 'di byos la/ /lha'i grong khyer song zhes smra bar 'gyur/ /de nas gzhal med khang pa rnam mang pos/ /rdzu 'phrul chen po lha gnas bzang por 'gro/ /de ltar der ni lha mi gnod sbyin dang / /srin po rnams kyis de la rtag mchod 'gyur/ /lag na rdo rje gnod sbyin dbang / /bde sogs bdag po dbang po dang / /'phrog ma dang ni lngas rtsen dang / /'jig rten skyong ba 'phrul chen dang / /zla ba nyi ma rgyu skar bcas/ /mchog tu mi bzang bza' rnams dang / /gang yang klu chen thaMd dang / /lha dang de bzhin drang srong dang / /lha min mkha' lding dri za dang / /mi 'am ci dang lto 'phye che/ /bsrung phyir rtag tu 'brang bar byed/ /gang gi rig pa stobs chen mo/ /rdzu 'phrul chen mo bris nas ni/ /shes rab can gyi lag la gdags/ /mchod pa chen po 'thob par 'gyur/ /rtag tu phun suM tshogs par 'ong / /'phags pa rig pa'i rgyal mo so sor 'brang ba chen mo/ rdzogs so// //rgya gar gyi mkhan po dzi na mi tra dang / dA na shI la dang / zhu chen gyi lo tsa ba ban de ye shes sdes zhus te/ skad gsar chad kyis kyang bcos nas gtan la phab pa'o/ /slar yang lo tsa ba gzhonu dpal gyis chos rje phyag lo'i rgya dpe dang bstunas zhus dag par bgyiso/ / </font><hr>

</table>