J512

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J512</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J512&coll=lithang">see text in Tibetan script</a></table>96.21b<br><font size=+1>

@#/ /rgya yi skad du/ ta'i ching gim gom mang dza'i shing wang gying /  bod skad du/  'phags pa gser 'od dam pa mchog tu rnam par rgyal ba'i mdo sde'i rgyal po theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab bya rgod spungs pa'i ri shin tu rnam par dag pa chos kyi dbyings zab mo sangs rgyas thams cad kyi spyod yul de bzhin gshegs pa'i gnas na dge slong chen po'i dge 'dun khri phrag dgu khri brgyad stong dang thabs gcig tu bzhugs te/ thams cad kyang dgra bcom pa sha stag /glang po che'i rgyal po ltar shin tu rnam par byang ba sha stag /zag pa zad pa sha stag /nyon mongs pa med pa sha stag /sems shin tu rnam par grol ba sha stag /shes rab shin du rnam par grol ba sha stag /bya ba byas pa sha stag /khur bor ba sha stag /bdag gi don rab tu rnyed pa sha stag /srid pa'i sbyor ba yongs su zad pa sha stag /dam pa'i dbang mchog thob pa sha stag /tshul khrims rnam par dag pa la gnas pa sha stag /thabs dang shes rab tu ldan par mkhas pa'i rgyan gyis brgyan pa sha stag /rnam par thar pa brgyad dang ldan pa sha stag /pha rol du yongs su phyin pa sha stag ste/ de dag gi ming la 'di lta ste/ tshe dang ldan pa kun shes kau Din+ya dang / tshe dang ldan pa rta thul dang / tshe dang ldan pa rlangs pa dang / tshe dang ldan pa ming chen dang / tshe dang ldan pa bzang po dang / tshe dang ldan pa 'od srung chen po dang / tshe dang ldan pa lteng rgyas 'od srung dang / tshe dang ldan pa ga yA 'od srung dang / tshe dang ldan pa chu bo 'od srung dang / tshe dang ldan pa shA ri'i bu dang / tshe dang ldan pa maud gal gyi bu chen po dang / de la gcig ma gtogs pa de ni tshe dang ldan pa kun dga' bo ste/ de la sogs te nyan thos kyi dge 'dun chen po rnams phyi dro'i dus na so so'i ting nge 'dzin las langs nas bcom ldan 'das gang na ba der lhags te/ bcom ldan 'das kyi zhabs gnyis la spyi bos phyag byas nas/ g.yas phyogs nas lan gsum bskor ba byas te phyogs gcig tu</font><hr>96.22a<br><font size=+1>

'khod do/ /gzhan yang 'di lta ste/ byang chub sems dpa' sems dpa' chen po bye ba khrag khrig brgya stong snyed kyang de na 'dus par gyur te/ thams cad kyang klu'i rgyal po chen po ltar gzi brjid kyi byin gyi mthu che ba/ shin du grags pa dang ldan pa/ cang shes dang ldan pa/ sbyin pa dang tshul khrims yongs su dag pa mchod pa dang / rim gro byed pa dang / yongs su dag pa/ bskal pa grangs med pa nas bzod pa dang / brtson 'grus su ldan pa/ bsam gtan thams cad las yongs su 'das pa/ dran pa mngon par bzhag pa/ shes rab kyi sgo yongs su 'byed pa/ rnal 'byor dang thabs dang dbang gis rnam par rol pa/ mngon par shes pa dang / gzungs dang ldan pa/ spobs pa yongs su mi zad pa nyon mongs pa thams cad yongs su spangs pa/ nyon mongs pa'i bshal thag yongs su gcod pa/ ring po mi thogs par thams cad mkhyen pa'i ye shes dang ldan par 'gyur ba/ bdud dang bdud kyi dmag yongs su 'jom pa/ chos kyi rnga rab tu sgrogs pa mu stegs thams cad yongs su zlog pas bsam pa rnam par dag par sbyor ba/ dam pa'i chos kyi 'khor lo bskor ba/ lha dang mi thams cad yongs su sgrol ba/ phyogs bcu'i sangs rgyas kyi zhing gi rgyan yongs su sgrub pa/ rgyud drug gi skye bo yongs la phan 'dogs pa/ ye shes chen po phun sum tshogs pa/ bzod pa chen po dang yongs su ldan pa/ byams pa chen po dang / snying rje chen po dang ldan pa'i sems la gnas pa/ gzhan gyi mi thub pa'i stobs chen po dang ldan pa/ sangs rgyas kyi zhing thams cad du rgyu zhing mchod pa byed pa/ yongs su mya ngan las 'da' bar mi 'jug pa/ ma 'ongs pa'i bskal pa'i mthar yongs su mi zad pa'i yi dam gyi smon lam chen po bskyed pa/ sangs rgyas mang po las shin du zab mo'i rgyu rnam par dag pa bskyed pa/ dus gsum gyi chos ma skyes pa'i bzod pa thob pa/ nyan thos dang / rang sangs rgyas kyi spyod yul las yongs su 'das pa/ 'jig rten gyi don sbyor ba la mkhas pa/ ston pa chen pos dgongs te gsungs pa'i chos shin du bkod</font><hr>96.22b<br><font size=+1>

pa rgya cher ston pa/ stong pa'i mtshan nyid rnam par dag pa'i zab mo la mkhas pa/ the tshom yongs su spangs pa sha stag ste/ de dag gi ming la 'di lta ste/ bsgribs pa med pa'i chos kyi 'khor lo bskor ba'i byang chub sems dpa' dang / chos kyi 'khor lo yongs su bskor bar sems bskyed pa'i byang chub sems dpa' dang / brtson 'grus yongs su ldan pa'i byang chub sems dpa' dang / yongs su mi skyo ba'i byang chub sems dpa' dang / byams pa'i byang chub sems dpa' dang / 'jam dpal byang chub sems dpa' dang / spyan ras gzigs byang chub sems dpa' dang / gzungs kyi dbang po'i rgyal po byang chub sems dpa' dang / spobs pa chen po'i rgyan gyi rgyal po byang chub sems dpa' dang / ri rab mchog gi rgyal po byang chub sems dpa' dang / rgya mtsho chen po zab mo'i rgyal po byang chub sems dpa' dang / rin po che'i rgyal mtshan byang chub sems dpa' dang / rin po che'i rgyal mtshan chen po'i byang chub sems dpa' dang / sa'i snying po'i byang chub sems dpa' dang / nam mkha' snying po'i byang chub sems dpa' dang / rin po che'i phyag dbang byang chub sems dpa' dang / rdo rje'i thal mo byang chub sems dpa' dang / dga' ba'i stobs byang chub sems dpa' dang / chos kyi stobs byang chub sems dpa' dang / 'od rgyan chen po byang chub sems dpa' dang / gser gyi 'od rgyan chen po byang chub sems dpa' dang / tshul khrims rnam par dag pa'i byang chub sems dpa' dang / rtag tu ting nge 'dzin byang chub sems dpa' dang / shes rab rnam par dag pa'i byang chub sems dpa' dang / brtson 'grus dka' thub byang chub sems dpa' dang / bsam pa nam mkha' ci bzhin byang chub sems dpa' dang / smon lam chen po yongs su mi gcod pa'i byang chub sems dpa' dang / sman gtong byang chub sems dpa' dang / nyon mongs pa'i nad rnam par sel ba'i byang chub sems dpa' dang / sman gyi rgyal po byang chub sems dpa' dang / 'phags par dga' ba'i byang chub sems dpa' dang / gong du lung bstan pa thob pa'i byang chub sems dpa' dang / sprin chen 'od gtsang byang chub</font><hr>96.23a<br><font size=+1>

sems dpa' dang / sprin chen chos skyong byang chub sems dpa' dang / sprin chen grags can dga' byang chub sems dpa' dang / sprin chen mtha' yas grags byang chub sems dpa' dang / sprin chen seng ge sgra byang chub sems dpa' sprin chen glang po che'i rgyal po'i sgra byang chub sems dpa' dang / sprin chen bkra shis byang chub sems dpa' dang / sprin chen rin chen yon tan byang chub sems dpa' dang / sprin chen nyi ma'i snying po byang chub sems dpa' dang / sprin chen zla ba'i snying po byang chub sems dpa' dang / sprin chen skar ma'i 'od byang chub sems dpa' dang / sprin chen me 'od byang chub sems dpa' dang / sprin chen glog 'od byang chub sems dpa' dang / sprin chen 'brug sgra byang chub sems dpa' dpa' dang / sprin chen shes rab char yongs su snyoms pa'i byang chub sems dpa' dang / sprin chen char gyi rgyal po yongs su dag pa'i byang chub sems dpa' dang / sprin chen me tog sdong po'i rgyal po byang chub sems dpa' dang / sprin chen pad ma'i sngon po'i bsung byang chub sems dpa' dang / sprin rin po che'i tsan dan sku rnam par bsil ba byang chub sems dpa' dang / sprin chen mun pa rnam par sel ba'i byang chub sems dpa' dang / sprin chen lta ba'i rab rib rnam par sel ba'i byang chub sems dpa' dang / byang chub sems dpa' sems dpa' chen po'i 'khor de dag phyi dro'i dus na so so'i ting nge 'dzin las langs nas bcom ldan 'das gang na ba der lhags te/ bcom ldan 'das kyi zhabs gnyis la spyi bos phyag byas nas g.yas phyogs nas lan gsum du bskor ba byas te phyogs gcig tu 'khod do/ /gzhan yang 'di lta ste/ lid tsa bi gzhon nu 'bum phrag 'bum brgyad stong yang der 'dus par gyur te/ de dag gi ming la gzhon nu seng ge'i 'od dang / gzhon nu seng ge'i blo gros dang / gzhon nu chos byin dang / gzhon nu dbang po sbyin dang / gzhon nu 'od chen dang / gzhon nu dpal chen dang / gzhon nu sangs rgyas skyabs dang / gzhon nu chos skyabs dang / </font><hr>96.23b<br><font size=+1>

gzhon nu dge 'dun skyabs dang / gzhon nu rdo rje skyabs dang / gzhon nu nam mkha' skyabs dang / gzhon nu nam mkha' sgra sgrogs dang / gzhon nu rin po che'i snying po dang / gzhon nu bkra shis mchog gi snying po dang / de dag gzhon nu thams cad kyi gtso bor gyur nas/ bla na med pa'i byang chub tu gnas te theg pa chen po'i dad pa so sor rnyed nas/ phyi dro'i dus na bcom ldan 'das gang na ba der lhag ste/ bcom ldan 'das kyi zhabs gnyis la spyi bos phyag byas nas/ g.yas phyogs su lan gsum bskor ba byas nas/ phyogs gcig tu 'khod do/ /gzhan yang 'di lta ste/ lha'i sras po bzhi khri nyis stong yang der 'dus par gyur te/ de dag gi ming la 'di lta ste/ lha'i sras po mthong na dga' ba dang / sras po yid dga' ba dang / lha'i sras po nyi ma'i 'od dang / lha'i sras po zla ba'i gtsug tor dang / lha'i sras po nam mkha'i blo gros rnam par dag pa dang / lha'i sras po nyon mongs pa yongs su spangs pa dang / lha'i sras po rnam bar bkra shis dang / de dag thams cad kyang lha'i sras po rnams kyi gtso bor gyur pa/ theg pa chen po'i chos yongs su skyong ba'i yi dam chen po'i smon lam 'debs pa/ dam pa'i chos yongs su mi nub par gdung 'tshob pa de dag thams cad phyi dro'i dus na bcom ldan 'das gang na ba der lhags nas bcom ldan 'das kyi zhabs gnyis la spyi bos phyag byas nas g.yas phyogs su lan gsum du bskor ba byas nas phyogs gcig tu 'khod do/ /gzhan yang 'di lta ste/ klu'i rgyal po nyi khri brgyad stong yang der 'dus par gyur te/ de dag gi ming la pad ma'i klu'i rgyal po dang / e la'i lo ma klu'i rgyal po dang / stobs po che klu'i rgyal po dang / sgra bo che klu'i rgyal po dang / dba' rlabs chung ngu'i klu'i rgyal po dang / chu'i rgyu 'dzin klu'i rgyal po dang / gser gyi bzhin klu'i rgyal po dang / yid bzhin klu'i rgyal po dang / de dag thams cad kyang klu'i rgyal po'i gtso bor gyur pa/ theg pa chen po'i chos yongs su skyong bar yongs su dga'</font><hr>96.24a<br><font size=+1>

ba dang / yongs su 'dzin pa dang / lung nod pa dang / shin tu zab mo'i bsam pa la mos pa dang / rjes su yi rangs pa dang / rnam par skyong zhing 'tsho bar byed de/ phyi dro'i dus na bcom ldan 'das gang na ba der lhags te/ bcom ldan 'das kyi zhabs gnyis la spyi bos phyag byas nas g.yas phyogs nas lan gsum du bskor ba byas te/ phyogs gcig tu 'khod do/ /gzhan yang 'di lta ste/ gnod sbyin gyi 'khor sum khri drug stong yang der 'dus par gyur to/ /de dag gi gtso bo thog mar lha'i rgyal po mig mi bzang gis drangs nas a mra'i gnod sbyin dang / a mra thogs pa'i gnod sbyin dang / pad ma 'od kyi snying po'i gnod sbyin dang / pad ma'i bzhin gnod sbyin dang / khro gnyer gnod sbyin dang / 'jigs pa mngon du ston pa'i gnod sbyin dang / sa kun g.yo ba'i gnod sbyin dang / zas kyi ril ming gnod sbyin dang / de dag thams cad kyang gnod sbyin gyi gtso bor gyur pa sha stag ste/ de bzhin gshegs pa'i dam pa'i chos la shin tu dad pa'i sems bskyed pa/ dam pa'i chos yongs su skyong zhing bsrung ba'i sems bskyed pa mi skyo ba/ phyi dro'i dus na bcom ldan 'das gang na ba der lhags te/ bcom ldan 'das kyi zhabs gnyis la spyi bos phyag byas te g.yas phyogs nas lan gsum du bskor ba byas nas phyogs gcig tu 'khod do/ /gzhan yang 'di lta ste/ nam mkha' lding gi 'khor bzhi khri dgu stong yang der 'dus par gyur te/ nam mkha' lding gi rgyal po spos kyi glang po che'i byin gyi mthu dang ldan pas gtso bor gyur pa dang / gzhan yang 'di lta ste/ dri za'i 'khor dang / lha ma yin gyi 'khor dang / mi'am ci'i 'khor dang / grul bum dang / lto 'phye chen po'i 'khor dang / ri dang / nags tshal dang / chu bo dang rgya mtsho rnams kyi lha dang / drang srong dang / yul khams chen po thams cad kyi rgyal po dang / pho brang 'khor dang / btsun mo dang / slas dang / dad pa rnam par bskyed pa'i bu pho dang / bu mo dang / </font><hr>96.24b<br><font size=+1>

lha dang / mi la sogs pa yongs su 'dus shing lhags nas thams cad kyang bla na med pa theg pa chen po'i chos 'di yongs su klog pa dang / 'don pa dang / 'chang ba dang / 'dzin pa dang / yi ge 'dri ba dang / kun du spel zhing bskyed pa dang / yongs su 'tsho ba dang / skyong ba'i dam tshig bcas te/ phyi dro'i dus na bcom ldan 'das gang na ba der lhags te bcom ldan 'das kyi zhabs gnyis la spyi bos phyag byas nas g.yas phyogs nas lan gsum bskor ba byas nas phyogs gcig tu 'khod do/ /de ltar nyan thos dang / byang chub sems dpa' dang / lha dang / mi dang / klu dang / gnod sbyin la sogs pa thams cad 'dus par gyur nas so so nas sti stang dang / rim gro'i sems bskyed de/ thal mo sbyar nas rab tu 'dzum pa'i mig gis bcom ldan 'das la blta zhing cung zad kyang mi yengs par dam pa'i chos shin du thos par smon to/ /de nas bcom ldan 'das phyi dro'i dus kyi tshe ting nge 'dzin las bzhengs nas 'khor gyi dkyil 'khor la gzigs te tshigs su bcad pa 'di dag gsungs so/ /'phags pa gser 'od dam pa'i chos/ /mdo sde kun gyi rgyal po 'di/ /sangs rgyas kun gyi spyod yul te/ /shin tu mnyan cing thos par dka'/ /ngas deng dkyil 'khor khyed rnams la/ /dam pa'i mdo sde 'di bstan pas/ /phyogs bzhi sangs rgyas rnams kyis kyang / /byin gyis rlabs kyis brlabs par 'gyur/ /shar phyogs sangs rgyas mi 'khrugs dang / /lho phyogs sangs rgyas dkon mchog dpal/ /nub phyogs sangs rgyas snang mtha' yas/ /byang phyogs sangs rgyas rnga sgra skyabs/ /ngas deng chos mchog 'di bstan pas/ /bkra shis 'chags pa'i dam pa ste/ /sdig pa thams cad gzhom pa'i phyir/ /sdig pa'i las kun zad par 'gyur/ /sdug bsngal thams cad 'joms par byed/ /bde ba thams cad sbyin byed cing / /ye shes rtsa ba ku mkhyen dang / /</font><hr>96.25a<br><font size=+1>

dpal kun gyis kyang brgyan par 'gyur/ /sems can gang dag dbang po nyams/ /dpal med pas ni gang zin cing / /lha rnams kyang ni 'phang bar 'gyur/ /gnyen sdug kun kyang sdang ba dang / /bu smad 'khor dang bral ba dang / /phan tshun du ni mi 'phrod cing / /nor stor bas ni rab gtses te/ /gza' dang skar mas gnod byas shing / /byad stem mi bzad zin pa dang / /mya ngan nyon mongs las rnams kyis/ /shin tu mi bzad gzir ba dang / /rmi lam ltas sdig mthong ba las/ /mya ngan rab tu 'khrug pa rnams/ /gtsang mar lus kyis khrus gyis la/ /gos gtsang sar pa de bgos nas/ /mdo sde dam pa'i rgyal po 'di/ /sangs rgyas zab mo'i spyod yul te/ /glog 'don rab tu 'dzin pa la/ /gus pa'i sems kyis nyon cig dang / /mdo sde 'di yi byin brlabs kyis/ /rmi ngan ltas sdig 'jom pa dang / /sdug bsngal thams cad bzlog pas ni/ /yongs su ma lus zad par 'gyur/ /'jig rten skyong ba'i rgyal po bzhi/ /blon po dang ni 'khor bcas dang / /gnod sbyin bye ba mang po rnams/ /shin tu gus pas rim gro bskyed/ /spobs pa'i lha mo chen mo dang / /nai ra dza na ra gnas pa'i lha/ /de bzhin 'phrog ma 'byung po'i ma/ /sra ba sa yi lha mo dang / /tshangs pa'i dbang po brgya byin dang / /klu yi rgyal po mi 'am ci/ /nam mkha' lding gi rgyal po dang / /lha ma yin gyi 'khor rnams bcas/ /de ltar mthu chen de dag kun/ /rang gi 'khor rnams khrid nas ni/ /nyin mtshan rtag tu mi 'brel bar/ /gang zag de la srung bar byed/ /zab mo sangs rgyas spyod yul dang / /sangs rgyas dgongs te gsungs pa'i bka'/ /mdo sde gang yin ngas bshad pa/ /bskal pa bye bar phrad dka' bas/ /gang gis mdo sde 'di thos nas/ /gzhan la rgya cher ston pa dang / /gal te sems kyis</font><hr>96.25b<br><font size=+1>

yi rangs dang / /mchod pa bshams nas mchod byed na/ /de 'dra'i gang zag de dag ni/ /bskal pa tshad med snyed du yang / /rtag par lha dang mi rnams dang / /klu la sogs pas mchod bkur 'gyur/ /'di yi bsod nams tshad med pas/ /gang gA'i bye snyed grangs las 'das/ /mdo sde 'di ni gang klog pa/ /yon tan 'di dag thob par 'gyur/ /phyogs bcu'i bcom ldan 'das rnams dang / /spyod zab byang chub sems dpa' rnams/ /mdo sde 'dzin la yongs bsrungs nas/ /sdug bsngal bgegs dang bral bar mdzad/ /mdo sde 'di ni gang mchod pas/ /snga ma bzhin du lus bkrus nas/ /zas dang me tog spos mchod cing / /byams dang snying rje'i sems bskyed de/ /mdo sde 'di ni nyan 'dod pas/ /sems gtsang dri ma med byas te/ /rtag par dga' ba'i sems skyed na/ /yon tan mang po skye bar 'gyur/ /gang zhig gus pa'i sems dag gis/ /mdo sde 'di ni nyan byed na/ /legs par mi yi 'gror skye zhing / /sdug bsngal bgegs dang 'bral bar 'gyur/ /de ni dge rtsa smin pas na/ /sangs rgyas rnams kyis bsngags pa yi/ /mdo sde 'di ni thos pa dang / /'gyod tshangs chos ni thos pa yin/ /gser 'od dam pa mchog tu rnam par rgyal ba'i/ /mdo sde'i rgyal po las gleng gzhi'i le'u ste dang po'o// // de nas de'i tshe rgyal po'i khab kyi grong khyer chen po na/ byang chub sems dpa' sems dpa' chen po mdzes pa'i tog ces bya ba 'das pa'i sangs rgyas bye ba phrag brgya stong tshad med pa rnams la bsnyen bkur dang rim gro byas nas dge ba'i rtsa ba bskyed pa zhig yod de/ de'i tshe byang chub sems dpa' mdzes pa'i tog gcig pu dben par gnas pa de 'di snyam du rgyu dang rkyen gang gi phyir de bzhin gshegs pa shAkya thub pa sku</font><hr>96.26a<br><font size=+1>

tshe thung ste lo brgyad cur gyur snyam mo/ /gzhan yang 'di snyam du bcom ldan 'das kyis ji skad gsungs pa ltar na rgyu dang rkyen rnam pa gnyis kyis tshe ring por 'gyur ro/ /zhes gsungs te/ gnyis gang zhe na sems can gyi srog mi gcod pa dang / gzhan dag la yang bza' ba dang btung ba yongs su btang ba'o/ /de bzhin gshegs pa shAkya thub pa ni 'das pa'i bskal pa chen po bye ba khrag khrig brgya stong grangs med pa snyed du sems can gyi srog ma bcad cing dge ba bcu'i las kyis lam spyod pa dang / rtag par bza' ba dang / btung ba dag bkres pa'i sems can thams cad la sbyin pa btang ste/ nyid kyi sha dang khrag dang / rus pa dang / rkang la sogs pa yang yongs su btang nas rab tu tshim par mdzad na/ bza' ba dang / btung ba gzhan lta smos kyang ci dgos snyam mo/ /byang chub sems dpa' des bcom ldan 'das la de snyam du bsams pa'i tshe/ bcom ldan 'das kyis byin gyi brlabs kyi mthus de'i khang khyim de ma thag tu yangs shing rgya che ba dang / bkod pa dang ldan zhing yongs su gtsang ba dang / bai dU r+ya sngon po dang / rin po che rnam pa sna tshogs kyis rab tu brgyan pas sangs rgyas kyi zhing ji lta ba bzhin du spos mchog dam pa'i dri lha'i spos las 'das pa dag 'thul zhing gang ba dang / phyogs bzhin seng ge'i gdan khri mchog dam pa rin po che sna bzhi las mngon par grub pa/ lha'i rin po che'i gos kyis g.yog pa dang / gzhan yang gdan de la pad ma dam pa rin po che sna tshogs kyis brgyan pa tshad de bzhin gshegs pa dang mnyam pa dag rang rang gi ngang gis snang bar gyur te/ pad ma de dag gi steng na de bzhin gshegs pa bzhi po shar phyogs kyi mi 'khrugs pa dang / lho phyogs kyi rin chen mtshan dang / nub phyogs kyi tshe dpag med dang / byang phyogs kyi lha'i rnga sgra dbyangs bzhugs par gyur to/ /de bzhin gshegs pa bzhi po de dag so so nas gdan de dag la skyil mo dkrung bcas te bzhugs nas</font><hr>96.26b<br><font size=+1>

'od zer chen po bkye bas rgyal po'i khab kyi grong khyer chen po dang / stong gsum gyi stong chen po'i 'jig rten gyi khams 'di dang / phyogs bcu'i sangs rgyas kyi zhing gang gA'i klung gi bye ma dang / mnyam pa snyed kyi bar du yang snang bas kun tu khyab par mdzad de/ lha'i me tog gi char yang mngon par phab lha'i rol mo'i sil snyen rnams kyang dkrol bar gyur te/ de'i tshe 'dzam bu'i gling 'di dang stong gsum gyi stong chen po'i 'jig rten gyi khams 'di na/ sems can ji snyed yod pa dag bcom ldan 'das kyi byin gyi brlabs kyis mthus bde ba mchog dam pa myong bar gyur pas phongs pa ci yang med par gyur to/ /lus kyi yan lag ma tshang ba dag ni tshang bar gyur/ long ba dag ni mthong bar gyur/ 'on pa rnams ni thos par gyur/ lkugs pa dag ni smra bar gyur/ glen pa dag ni shes rab dang ldan par gyur/ sems 'khrugs pa dag ni sems nyid thob par gyur/ bgo ba med pa dag ni gos dang ldan par gyur/ rab tu smad cing bshungs pa dag ni gzhan gyis bkur bar gyur/ dri ma dang bcas pa dag ni lus gtsang bar gyur te/ 'jig rten gyi khams 'dir phan 'dogs pa'i dngos po ngo mtshar rmad du che ba sngon ma byung ba rnams kyang mngon du byung bar gyur to/ /de nas byang chub sems dpa' mdzes pa'i tog de bzhin gshegs pa bzhi dang / ngo mtshar rmad du byung ba'i dngos po de dag mthong bas dga' mgu rangs par gyur nas thal mo sbyar te/ sems rtse gcig tu de bzhin gshegs pa rnams kyi mtshan khyad par du 'phags pa dag la rnam par bltas nas/ gzhan yang 'di snyam du de bzhin gshegs pa shAkya thub pa yon tan tshad med pa dang ldan yang / sku tshe'i tshad 'ba' zhig la the rtsom gyi sems skyes par gyur nas/ ci'i phyir de bzhin gshegs pa yon tan tshad med pa mnga' yang sku tshe thung ste lo brgyad bcu kho na bzhugs par gyur snyam mo/ /de nas bcom ldan 'das bzhi po de dag gis byang chub sems</font><hr>96.27a<br><font size=+1>

dpa' mdzes pa'i tog la 'di skad ces bka' stsal to/ /rigs kyi bu nged kyis ni bla na med pa'i thams cad mkhyen pa ma gtogs par lha dang bcas pa'i 'jig rten dang / tshangs pa dang / bdud dang / dge sbyong dang / bram ze dang / mi dang mi ma yin pa gang gis kyang de bzhin gshegs pa'i sku tshe'i tshad kyi mtha' shes shing dpag par 'gyur ba yang dag par ma gzigs so/ /de bzhin gshegs pa bzhi po de dag gis bcom ldan 'das shAkya thub pa'i sku tshe'i tshad bstan par bzhed pa na/ bcom ldan 'das kyis byin gyis brlabs kyi mthus 'dod pa dang gzugs kyi khams kyi lha rnams dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / byang chub sems dpa' sems dpa' chen po bye ba khrag khrig brgya stong tshad med pa snyed 'dus te lhags nas byang chub sems dpa' mdzes pa'i tog gi khyim yongs su dag cing gya nom pa der zhugs par gyur to/ /de nas bcom ldan 'das bzhi po de dag gis 'khor mang po'i nang du de bzhin gshegs pa shAkya thub pa'i sku tshe'i tshad ji snyed pa dag bstan par bzhed pa'i phyir tshigs su bcad de bka' stsal pa/ /rgya mtsho thams cad kun gyi chu/ /thigs pa'i grangs ni shes rung gi /shAkya thub pa'i sku tshe'i tshad/ /gang gis kyang ni bgrang mi nus/ /ri rab thams cad rdul brlags te/ /yungs 'bru bzhin du bgrang shes kyang / /shAkya thub pa'i sku tshe'i tshad/ /gang gis kyang ni bgrang mi nus/ /sa chen rdul ni thams cad kun/ /rdul grangs ci yod shes rung yang / /shAkya thub pa'i sku tshe'i tshad/ /gang gis kyang ni bgrangs mi nus/ /gal te nam mkha'i tshad btsal te/ /mtha' kun dpag par rung srid kyang / /shAkya thub pa'i sku tshe'i tshad/ /gang gis kyang ni dpag mi nus/ /mi zhig bskal pa bye bar gnas/ /</font><hr>96.27b<br><font size=+1>

mthas gtugs rtag par rtsig bgrangs kyang / /bcom ldan 'das kyi sku tshe'i tshad/ /yongs su shes par mi 'gyur ro/ /sems can srog ni ma bcad cing / /bza' btung sbyin pa btang ba yin/ /rgyu ni rnam pa 'di gnyis kyis/ /sku tshe ring po brnyes pa yin/ /de bas thub pa chen po yi/ /sku tshe'i tshad ni shes par dka'/ /bskal pa'i mtha' ni med pa ltar/ /sku tshe'i tshad kyang de bzhin no/ /mdzes pa'i tog khyod shes byos la/ /the tsom som nyi ma bskyed cig /rgyal ba'i sku tshe'i tshad med pas/ /de yi grangs ni shes mi nus/ /de nas byang chub sems dpa' mdzes pa'i tog gis/ de bzhin gshegs pa bzhi po de dag gis bcom ldan 'das shAkya thub pa'i sku tshe'i tshad dpag tu med par bka' stsal pa thos pa dang / bcom ldan 'das de dag la 'di skad ces gsol to/ /ci'i slad du de bzhin gshegs pa de lta bu'i sku tshe thung bar bstan par mdzad lags/ de nas bcom ldan 'das bzhi po de dag gis byang chub sems dpa' mdzes pa'i tog la bka' stsal pa/ rigs kyi bu bcom ldan 'das shAkya thub pa de snyigs ma lnga'i dus 'jig rten du byung ba na mi rnams tshe lo brgya par gyur cing rang bzhin dman pa dang / dge ba'i rtsa ba phra zhing chung ba dang / mos pa med par gyur pas sems can de dag las phal cher bdag tu lta ba dang / gang zag tu lta ba dang / sems can dang / srog dang / gso ba po dang / log par lta ba dang / bdag dang / bdag gir blta ba dang / rtag pa dang chad par lta ba la sogs pa dang ldan pas sems can mang po de dag dang / mu stegs can mang po de dag la phan gdags shing yang dag pa'i shes pa bskyed nas myur du bla na med pa'i byang chub yongs su rdzogs par bya ba'i phyir de lta bas na de bzhin gshegs pa shAkya thub pas de lta bu'i sku tshe thung ba bstan pa yin no/ /rigs kyi bu gzhan yang</font><hr>96.28a<br><font size=+1>

de bzhin gshegs pa des sems can rnams kyi yongs su mya ngan las 'da' ba mthong bar gyur na shin tu mthong bar dka' ba'i 'du shes dang / mya ngan dang / sdug bsngal ba la sogs pa'i 'du shes bskyed nas sangs rgyas bcom ldan 'das kyis gsungs pa'i mdo sde'i bstan pa dag myur du len pa dang / 'dzin pa dang / 'chang ba dang / klog pa dang / kha ton du 'don pa dang / kun chub par byas nas gzhan dag la yang dag par bstan pa dang / skur ba 'debs par mi 'gyur bar mdzad par bzhed pa'i phyir de lta bas na de bzhin gshegs pas de lta bu'i sku tshe thung ba bstan pa yin no/ /de ci'i phyir zhe na/ sems can de dag gis gal te de bzhin gshegs pa yongs su mya ngan las mi 'da' ba mthong bar gyur na gus pas rim gro yang mi byed/ shin tu phrad par dka' ba'i 'du shes kyang mi bskyed la de bzhin gshegs pas gsungs pa'i mdo sde zab mo dag kyang len pa dang 'dzin pa dang / klog pa dang / kha ton du 'don pa dang / kun chub par byas nas gzhan dag la ston par yang mi byed pas so/ /de ci'i phyir zhe na/ 'di ltar rtag par sangs rgyas mthong bas gus par mi byed pa'i phyir ro/ /rigs kyi bu 'di lta ste/ dper na mi zhig gis bdag gis pha la nor dang / rin po che mang zhing 'phel ba dag mthong bar gyur na/ nor rdzas dag la ngo mtshar dang / mthong bar dka' ba'i 'du shes skye bar mi 'gyur ro/ /de ci'i phyir zhe na/ pha'i nor rdzas dag la rtag pa'i 'du shes skyed pa'i phyir ro/ /rigs kyi bu sems can mang po de dag kyang de bzhin du gal te de bzhin gshegs pa yongs su mya ngan las mi 'da' ba mthong bar gyur na ngo mtshar dang mthong bar dka' ba'i 'du shes skye bar mi 'gyur ro/ /de ci'i phyir zhe na/ rtag par mthong ba'i phyir ro/ /rigs kyi bu 'di lta ste/ dper na mi zhig pha ma dbul zhing nor rdzas kyis phongs par gyur pa las mi dbul po</font><hr>96.28b<br><font size=+1>

de rgyal po'i pho brang ngam/ blon po chen po'i khyim dag tu phyin te/ bang mdzod rin po che sna tshogs dang / nor rdzas kyi yongs su gang ba mthong bar gyur na/ ngo mtshar dang phrad par dka' ba'i 'du shes bskyed nas de'i tshe mi dbul po de nor rdzas yongs su gnyer ba'i phyir sbyor ba'i thabs rgya cher bshams nas le lo mi byed par rab tu brtson par byed do/ /de ci'i phyir zhe na/ dbul phongs pa spangs shing bde ba'i longs spyod nyams su myong bar bya ba'i phyir ro/ /rigs kyi bu sems can mang po de dag kyang de bzhin gshegs pa yongs su mya ngan las 'da' ba mthong bar gyur na/ mthong bar dka' ba'i 'du shes nas mya ngan dang sdug bsngal ba la sogs pa'i 'du shes kyi bar dag kyang bskyed nas gzhan yang 'di snyam du de bzhin gshegs pa rnams ni bskal pa grangs med tshad med pa snyed 'das nas gdod 'jig rten du 'byung bas/ u dum ba ra'i me tog bzhin du brgya la rgya lam na lan cig 'byung bar 'gyur ro/ /zhes sems can mang po de dag ngo mtshar gyis bsam pa bskyed nas shin du mthong bar dka' ba'i 'du shes bskyed par byed de/ gal te de bzhin gshegs pa mthong bar gyur na yang sems kyis gus pa dang dang ba bskyed par byed la/ yang dag pa'i chos bstan pa thos par gyur na yang dag pa'i bka' yin no snyam pa'i 'du shes bskyed nas/ mdo sde ji snyed pa thams cad kyang yang dag par 'dzin cing skur ba 'debs par mi byed do/ /rigs kyi bu rgyu dang rkyen des na bcom ldan 'das de yun ring du 'jig rten na mi bzhugs par yongs su mya ngan las 'da' ba yin te/ rigs kyi bu de bzhin gshegs pa rnams ni de lta bu'i thabs mkhas pa mkhyen nas sems can yongs su smin par mdzad pa yin no/ /de'i tshe de bzhin gshegs pa bzhi po de dag gis de skad ces bka' stsal nas de nyid du mi snang bar gyur to/ /de nas byang chub sems dpa' sems dpa' chen po mdzes pa'i tog byang chub</font><hr>96.29a<br><font size=+1>

sems dpa' brgya stong tshad med pa snyed dang / sems can bye ba khrag khrig brgya stong tshad med pa dag dang lhan cig tu bya rgod phung po'i ri ga la der dong ste/ de bzhin gshegs pa shAkya thub pa thams cad mkhyen pa'i spyan sngar lhags nas bcom ldan 'das kyis zhabs la mgo bos phyag byas te phyogs gcig tu 'khod do/ /de nas byang chub sems dpa' mdzes pa'i tog gis dngos po gong du bstan pa de dag bcom ldan 'das la rgyas par gsol pa dang / de'i tshe de bzhin gshegs pa bzhi po de dag kyang bya rgod phung po'i ri bcom ldan 'das shAkya thub pa gang na ba der gshegs te/ so so'i phyogs ji lta ba bzhin du gdan la bzhugs nas zhabs 'brings ba'i byang chub sems dpa' dag la 'di skad ces bka' stsal to/ /rigs kyi bu khyed bcom ldan 'das shAkya thub pa ga la ba der dong la nged kyi tshig gis cung zad mi bsnyung ngam/ cung zad mi gdung ngam/ bzhings shing bzhugs pa yang ngam/ spyod lam thams cad du bde bar spyod dam zhes snyun gsol cig /gzhan yang 'di skad du de bzhin gshegs pa shAkya thub pas sems can thams cad la phan gdags shing mu ge'i bgegs yongs su bsal nas bde ba la 'god par bzhed pa'i phyir deng gser 'od dam pa'i mdo sde shin tu zab mo'i chos kyi don bstan pa legs so legs so/ /bdag cag rnams kyang rjes su yi rang ngo zhes gsol cig /de nas zham ring ba de dag so so nas bcom ldan 'das shAkya thub pa ga la ba der dong ste/ bcom ldan 'das kyi zhabs gnyis la mgo bos phyag byas nas/ phyogs gcig tu 'khod de/ gcig char bcom ldan 'das la 'di skad ces gsol to/ /lha dang mi'i ston pa de dag tshad ma mchis pa'i gsungs gis cung zad mi bsnyung ngam/ cung zad mi gdung ngam/ bzhings shing bzhugs pa yang ngam/ spyod lam thams cad</font><hr>96.29b<br><font size=+1>

du bde bar spyod dam zhes snyun gsol lags so/ /gzhan yang 'di skad du de bzhin gshegs pa shAkya thub pas sems can thams cad la phan gdags shing mu ge'i bgegs yongs su bsal nas bde ba la 'god par bzhed pa'i phyir deng gser 'od dam pa'i mdo sde shin tu zab pa'i chos kyi don bstan pa legs so legs so zhes gsungs so/ /de nas de bzhin gshegs pa dgra bcom pa yang dag par rdzogs pa'i sangs rgyas shAkya thub pas zhabs 'bring ba'i byang chub sems dpa' de dag la 'di skad ces bka' stsal to/ /de bzhin gshegs pa bzhi po de dag gis sems can thams cad la phan pa dang bde bar bzhed pa'i phyir nga la yang dag pa'i chos bstan par bskul ba legs so legs so/ /de nas de'i tshe bcom ldan 'das kyis tshigs su bcad de bka' stsal pa/ nga ni rtag par bya rgod ri gnas nas/ /mdo sde rin chen 'di ni 'chad par mdzad/ /sems can yongs su smin par mdzad pa'i phyir/ /yongs su mya ngan las 'da' bstan pa yin/ /so so'i skye bo log lta bskyed nas ni/ /ngas bstan dag la mngon par yid mi ches/ /de dag yongs su smin par bya ba'i phyir/ /yongs su mya ngan 'da' bar bstan pa yin/ /de nas 'khor 'dus pa chen po de nyid du bram ze kau di n+yas chos kyi slob dpon gyis lung bstan pa zhes bya ba zhig yod pa de bram ze'i 'khor brgya stong tshad med pa dag dang lhan cig tu bcom ldan 'das la mchod pa byas nas/ bcom ldan 'das kyis yongs su mya ngan las 'da' bar gshegs pa bkas bshad pa thos pa dang mchi ma blags te ngus nas mdun du 'phags te bcom ldan 'das kyis zhabs la phyag byas nas bcom ldan 'das la 'di skad ces gsol to/ /gal te de bzhin gshegs pa yang dag par sems can rnams la byams pa dang / thugs rje chen po mnga' ste/ thugs brtse bas phan 'dogs shing bde ba 'thob par mdzad de/ </font><hr>96.30a<br><font size=+1>

pha ma lta bur gyur pas gzhan de dang mtshungs pa ma mchis pa dang / 'jig rten thams cad kyi mgon dang skyabs mdzad pas zla ba yongs su rgyas pa ltar gsal zhing rnam par dag par gyur pa dang / mkhyen pa chen pos gsal bar mdzad pas gdugs dang po shar ba lta bur gyur pa dang / sems can rnams la snyoms par gzigs par mdzad de sgra gcan zin la ci lta ba bzhin du thugs brtse ba la mi snyoms pa mi mnga' ba zhig lags na bcom ldan 'das kyis bdag la smon lam gcig gnang bar mdzad du gsol/ de nas de'i tshe bcom ldan 'das cang mi gsung bar gyur pa dang / bcom ldan 'das kyis byin gyi brlabs kyi mthus 'khor de nyid du lid tsa bi gzhon nu sems can thams cad kyis mthong bar dga' ba zhes bya ba zhig 'dug par gyur pa des bram ze kau di n+yas la 'di skad ces smras so/ /kye bram ze chen po khyod deng bcom ldan 'das las smon lam ji lta bu zhig yongs su gnyer bar 'dod/ bdag gis khyod la sbyin par bya'o/ /bram zes smras pa/ kye gzhon nu bdag ni bla na med pa'i bcom ldan 'das la mchod pa byed 'dod pas de bzhin gshegs pa las ring bsrel yungs 'bru tsam zhig gsol ba 'debs pa yin no/ /de ci'i phyir zhe na/ bdag gis sngon rigs kyi bu'am rigs kyi bu mo gang la la zhig sangs rgyas kyi ring srel du yungs 'bru tsam zhig thob nas gus pas rim gro dang mchod pa byas na gang zag de sum bcu rtsa gsum pa'i lha'i nang du skyes nas lha'i dbang po brgya byin byed par 'gyur ro zhes thos pas so/ /de nas gzhon nu des bram ze de la 'di skad ces smras so/ /gal te sum bcu rtsa gsum gyis lhar skyes nas rnam par smin pa mchog la longs spyod par 'dod na sems rtse gcig tu gser 'od dam pa mchog tu rnam par rgyal ba mdo sde'i rgyal po mnyan par bya ste/ </font><hr>96.30b<br><font size=+1>

mdo sde thams cad kyi nang na mchog tu khyad par du 'phags pa yin pas shes par dka' zhing 'jug par dka' bas nyan thos dang rang sangs rgyas kyis kyang khong du chud par mi nus so/ /mdo sde 'di ni bsod nams kyi 'bras bu rnam par smin pa tshad med pa bskyed pa nas bla na med pa'i byang chub kyi bar du yang mngon par 'grub par byed de/ deng bdag gis khyod la don gyis dngos po mdo tsam zhig bstan pa yin no/ /bram zes smras pa/ gzhon nu legs so/ /gser 'od dam pa'i mdo sde 'di ni shin tu zab cing mchog tu gyur pas shes par yang dka' la 'jug par yang dka' bas nyan thos dang rang sangs rgyas kyis kyang khong du chud par mi 'gyur na bdag cag mtha' 'khob kyi mi dmangs rigs shes pa shin du phra zhing chung bas rig par mi 'gyur ba lta ci smos te/ de'i phyir deng bdag gis bcom ldan 'das kyi ring bsrel yungs 'bru tsam yongs su gnyer ba yin te/ rang gi gnas su khyer nas rin po che'i za ma tog gi nang du bcug ste gus pas mchod pa dang rim gro byas na tshe 'das pa'i 'og tu brgya byin lha'i dbang po byas nas rtag par bde ba myong bar 'gyur na khyod kyis deng ci'i phyir bdag gi ched du rig pa dang zhabs su ldan pa la smon lam 'di gcig gsol ba 'debs par mi byed/ de skad ces smras pa dang / de'i tshe gzhon nu des bram ze de la tshigs su bcad de 'di skad ces smras so/ /gang gA'i 'ba' chu drag po las/ /pad ma dkar po skye 'gyur zhing / /'jol mo dung ltar gyur pa dang / /bya rog dmar por 'gyur ba 'am/ /gal te 'dzam bu'i ljon shing las/ /ta la'i 'bras bu chags pa dang / /khardzu ra yi yal ga las/ /a mra'i lo ma skye 'gyur ba/ /ya mtshan dngos po 'di dag ni/ /phan tshun rung bar 'gyur srid kyi/ /bcom ldan 'das kyis ring bsrel ni/ /mthar ni nams kyang dmigs mi 'gyur/ /</font><hr>96.31a<br><font size=+1>

gal te ru sbal spu las ni/ /gos mchog dam pa rab btags nas/ /grang tshe bgo bar rung 'gyur na/ /bcom ldan ring bsrel btsal bar bya/ /gal te sbrang bu'i rkang pa las/ /khang pa brtsegs ma byas 'gyur te/ /rab brtan mi g.yo gyur pa na/ /bcom ldan ring bsrel btsal bar bya/ /gal te chu yi dza lu ka /kha nas so dkar skyed gyur nas/ /ring che mtshon ltar rno gyur na/ /bcom ldan ring bsrel btsal bar bya/ /gal te ri bong rwa thogs nas/ /them skas rab gtsang mngon bsgrubs te/ /mtho ris gnas su 'dzeg rung na/ /bcom ldan ring bsrel btsal bar bya/ /byi bas them skas de 'dzegs te/ /lha ma yin la bsngo ba dang / /nam mkha'i zla ba sgrib nus na/ /bcom ldan ring bsrel btsal bar bya/ /gal te sbrang bu ra ro nas/ /grong khyer kun tu rab rgyu zhing / /khang khyim rgya cher byas gyur na/ /bcom ldan ring bsrel btsal bar bya/ /gal te bong bu'i mchu yi mdog /bim pa'i 'bras ltar dmar 'gyur zhing / /glu gar la ni mkhas gyur na/ /bcom ldan ring bsrel btsal bar bya/ /gal te bya rog 'ug pa gnyis/ /gnas gcig lhan cig rab brtse zhing / /de dag phan tshun mdza' 'gyur na/ /bcom ldan ring bsrel btsal bar bya/ /gal te pa la'i 'dab ma las/ /gdugs dang bla re mngon bsgrubs te/ /char chen skyabs ni byas gyur na/ /bcom ldan ring bsrel btsal bar bya/ /gal te gru chen thams cad las/ /nor dang rin chen rab bkang ste/ /thang bu skam la 'gro nus na/ /bcom ldan ring bsrel btsal bar bya/ /gal te sbrang bu lcags phye</font><hr>96.31b<br><font size=+1>

mchus/ /spos kyi ri bo khyer nas ni/ /dga' mgur 'phur zhing 'gro gyur na/ /bcom ldan ring bsrel btsal bar bya/ /de nas de'i tshe bram ze chos kyi slob dpon gyis lung bstan pas tshigs su bcad pa 'di dag thos nas gzhon nu sems can thams cad kyis mthong bar dga' ba la tshigs su bcad de smras pa/ legs so gzhon nu chen po khyod/ /'khor 'di kun gyi bkra shis yin/ /thabs la mkhas pa'i sems kyis ni/ /bla med sangs rgyas lung bstan thob/ /de bzhin gshegs pa gzigs chen gyis/ /'jig rten dag ni skyob mdzad pas/ /khyod kyis rtse gcig nyon cig dang / /deng bdag rim bzhin bshad par bya/ /sangs rgyas spyod yul bsam dka' bas/ /'jig rten dag na bsams pa med/ /chos sku ngo bo rtag bzhugs pas/ /rnal 'byor sgom la khyad par med/ /sangs rgyas sku kun mtshungs pas na/ /chos gsungs pa yang de bzhin te/ /sangs rgyas rnams la mdzad mi mnga'/ /bzod ma nyid nas skye ba med/ /bcom ldan rdo rje'i sku yin yang / /thabs kyis sprul pa'i sku ston pas/ /de phyir bcom ldan ring bsrel ni/ /yungs 'bru tsam yang yod pa min/ /bcom ldan sha khrag sku min na/ /ji ltar ring bsrel yod par 'gyur/ /sems can rnams la phan gdags phyir/ /thabs kyis sku gdung bzhags pa yin/ /chos sku yang dag sangs rgyas pas/ /chos dbyings de bzhin gshegs pa yin/ /yang dag sku ni 'di yin pas/ /de 'dra'i chos ni gsungs par mdzad/ /de nas 'khor 'dus pa de nyid du lha'i bu sum khri nyis stong gis de bzhin gshegs pa'i sku tshe'i tshad shin tu ring bar bstan pa thos nas</font><hr>96.32a<br><font size=+1>

thams cad bla na med pa yang dag par rdzogs pa'i byang chub tu sems bskyed nas ngo mtshar rmad du byung ba'i dga' ba dang / mgu ba dang / rangs pa thob pas thams cad mgrin gcig tu tshigs su bcad de smras pa/ sangs rgyas mya ngan mi 'da' ste/ /yang dag chos kyang nub mi 'gyur/ /sems can rnams la phan gdags phyir/ /mya ngan 'da' bar bstan pa yin/ /bcom ldan bsam gyis mi khyabs cing / /sku mchog tha dad mtshan med kyang / /sems can rnams la phan gdags phyir/ /bkod pa sna tshogs ston par mdzad/ /de nas byang chub sems dpa' mdzes pa'i tog gis bcom ldan 'das kyis spyan sngar de bzhin gshegs pa bzhi dang / skyes bu chen po de gnyis dang / lha'i bu rnams las de bzhin gshegs pa shAkya thub pa'i sku tshe'i tshad bstan pa mngon sum du thos pas yang 'dug pa'i stan las langs te thal mo sbyar nas gus pas bcom ldan 'das la 'di skad gsol to/ /bcom ldan 'das gal te yang dag par 'di ltar de bzhin gshegs pa rnams yongs su mya ngan las mi 'da' zhing ring bsrel yang mi mnga' ba zhig lags na ci'i slad du mdo sde las yongs su mya ngan las 'da' ba dang / sangs rgyas la ring bsrel mnga' bar gsungs shing / lha dang mi rnams kyis rim gro dang / bkur sti dang / mchod pa bgyid par 'gyur ba'i ched du 'das pa'i sangs rgyas rnams kyis kyang sku gdung mnga' bar bstan cing 'jig rten na bzhugs pas lha dang mi rnams kyis mchod cing rim gro bgyis na bsod nams dpag tu ma mchis pa thob par 'gyur ro/ /zhes gsungs la/ deng ni ma mchis so zhes gsungs pas the tsom dang som nyis 'tshal bar gyur na/ bcom ldan 'das bdag cag la thugs brtse bar dgongs</font><hr>96.32b<br><font size=+1>

te rgya cher rnam par dbye bar gsol/ de nas bcom ldan 'das kyis byang chub sems dpa' mdzes pa'i tog dang / 'khor mang po rnams la bka' stsal pa/ khyod kyis 'di ltar shes par bya ste/ yongs su mya ngan las 'da' zhing ring bsrel yod do/ /zhes gsungs pa ni dngos po'i dbang gis gsungs pa yin pas 'di ltar de'i don gang yin pa sems rtse gcig tu nyon cig /rigs kyi bu byang chub sems dpa' sems dpa' chen po rnams kyis 'di ltar chos rnam pa bcus de bzhin gshegs pa yang dag par rdzogs pa'i sangs rgyas kyi de kho na nyid kyi don gyi tshul gyis mthar phyin pa'i mya ngan las 'das pa chen po yod par gsungs pa gang yin pa shes par 'gyur bar rig par bya'o/ /bcu gang zhe na/ dang po ni da de bzhin gshegs pa rnams nyon mongs pa'i sgrib pa dang shes bya'i sgrib pa ma lus par spangs shing zad par gyur pa'i phyir yongs su mya ngan las 'das pa zhes bya'o/ /gnyis pa ni de bzhin gshegs pa rnams sems can ngo bo nyid med pa dang chos ngo bo nyid med par legs par thugs su chud pa'i phyir yongs su mya ngan las 'das pa zhes bya'o/ /gsum pa ni lus kyi gnas dang chos kyi gnas yongs su gyur pa'i phyir yongs su mya ngan las 'das pa zhes bya'o/ /bzhi pa ni sems can rnams la don mdzad pa'i rgyu dang rkyen rang gis ngang gis nye bar zhi bar gyur pa'i phyir yongs su mya ngan las 'das pa zhes bya'o/ /lnga pa ni de kho na nyid kyi mtshan nyid tha dad pa med pa mnyam pa nyid kyis chos kyi sku mngon sum du brnyes pa'i phyir yongs su mya ngan las 'das pa zhes bya'o/ /drug pa ni 'khor ba dang mya ngan las 'das pa la ngo bo nyid gnyis med par thugs su chud pa'i phyir yongs su mya ngan las 'das pa zhes bya'o/ /bdun pa ni chos thams cad kyi rtsa ba thugs su chud nas</font><hr>96.33a<br><font size=+1>

rnam par dag pa mngon sum du gyur pa'i phyir yongs su mya ngan las 'das pa zhes bya'o/ /brgyad pa ni chos thams cad la skye ba med cing 'gag pa med par rnal 'byor legs par bsgoms pa'i phyir yongs su mya ngan las 'das pa zhes bya'o/ /dgu pa ni de bzhin nyid dang / chos kyi dbyings dang / yang dag pa'i mtha' mnyam pa nyid kyis yang dag pa'i ye shes brnyes pa'i phyir yongs su mya ngan las 'das pa zhes bya'o/ /bcu pa ni chos rnams kyi ngo bo nyid dang / mya ngan las 'das pa'i ngo bo nyid la bye brag med pa brnyes pa'i phyir yongs su mya ngan las 'das pa zhes bya ste/ rigs kyi bu 'di dag ni yongs su mya ngan las 'das pa yod par bstan pa'i chos rnam pa bcu zhes bya'o/ /gzhan yang rigs kyi bu byang chub sems dpa' sems dpa' chen po rnams kyis 'di ltar chos rnam pa bcus de bzhin gshegs pa dgra bcom pa yang dag par rdzogs pa'i sangs rgyas kyis de kho na nyid kyi don gyis mthar phyin pa'i mya ngan las 'das pa chen po yod par gsungs pa gang yin pa shes par 'gyur bar rig par bya'o/ /bcu gang zhe na/ dang po ni nyon mongs pa thams cad ni 'dod pas gzhi byas pa yin pas 'dod pa las skyes pa yin la sangs rgyas bcom ldan 'das rnams ni 'dod pa yongs su bcad pa'i phyir yongs su mya ngan las 'das pa zhes bya'o/ /gnyis pa ni de bzhin gshegs pa rnams nyon mongs pa'i 'dod pa rnams yongs su bcad pas chos 'ga' yang len par mi mdzad la/ len par mi mdzad pa'i phyir gshegs pa yang mi mnga' byon pa yang mi mnga' zhing len pa mi mnga' ba'i phyir yongs su mya ngan las 'das pa zhes bya'o/ /gsum pa ni 'di ltar gshegs pa dang byon pa mi mnga' zhing len pa mi mnga' ba gang yin pa de ni chos kyi sku skye ba med cing 'gag pa med</font><hr>96.33b<br><font size=+1>

pa yin pas skye ba dang 'gag pa med par gyur pa'i phyir yongs su mya ngan las 'das pa zhes bya'o/ /bzhi pa ni skye ba dang 'gag pa med pa gang yin pa de ni tshig gis brjod par bya ba ma yin te/ tshig gi lam yongs su chad par gyur pa'i phyir yongs su mya ngan las 'das pa zhes bya'o/ /lnga pa ni bdag dang gang zag med kyi chos tsam 'ba' zhig skye 'gag tu gyur pa brnyes pa'i phyir yongs su mya ngan las 'das pa zhes bya'o/ /drug pa ni nyon mongs pa dang / nye ba'i nyon mongs pa gang yin pa de dag thams cad ni blo bur gyi rdul yin la chos nyid gang yin pa de bdag po yin te/ 'gro ba med cing 'ong ba med par sangs rgyas rnams kyis thugs su chud pa'i phyir yongs su mya ngan las 'das pa zhes bya'o/ /bdun pa ni de bzhin nyid gang yin pa de ni yang dag pa yin la gzhan thams cad ni yang dag pa ma yin pa yin pas yang dag pa'i ngo bo nyid gang yin pa de ni de bzhin nyid yin la/ de bzhin nyid gang yin pa de ni de bzhin gshegs pa yin pas yongs su mya ngan las 'das pa zhes bya'o/ /brgyad pa ni yang dag pa'i mtha'i ngo bo nyid gang yin pa de la ni spros pa med de/ de bzhin gshegs pa nyag gcig gis yang dag pa'i mtha'i chos mngon sum du gyur nas spros pa gtan du bcad pas na yongs su mya ngan las 'das pa zhes bya'o/ /dgu pa ni skye ba med pa gang yin pa de ni yang dag pa yin la/ skye ba gang yin pa de ni mi bden pa yin pas byis pa blun po rnams 'khor bar bying zhing 'dod pas khyer ba yin na/ de bzhin gshegs pa'i sku la ni yang dag par mi bden pa mi mnga' bas yongs su mya ngan las 'das pa zhes bya'o/ /bcu pa ni yang dag</font><hr>96.34a<br><font size=+1>

pa'i chos ma yin pa gang yin pa de ni rkyen las byung ba yin la yang dag pa'i chos gang yin pa de ni rkyen las byung ba ma yin te/ de bzhin gshegs pa'i chos kyi sku'i ngo bo nyid gang yin pa de ni yang dag pa yin pas yongs su mya ngan las 'das pa zhes bya ste/ rigs kyi bu 'di dag ni yongs su mya ngan las 'das pa yod par bstan pa'i chos rnams pa bcu zhes bya'o/ /gzhan yang rigs kyi bu byang chub sems dpa' sems dpa' chen po rnams kyis 'di ltar yang chos rnam pa bcus de bzhin gshegs pa dgra bcom pa yang dag par rdzogs pa'i sangs rgyas kyi de kho na nyid kyi don gyi tshul gyis mthar phyin pa'i mya ngan las 'das pa chen po yod par gsungs pa gang yin pa shes par 'gyur bar rig par bya'o/ /bcu gang zhe na/ dang po ni de bzhin gshegs pas sbyin pa dang sbyin pa'i 'bras bu la bdag dang bdag gi ba med par legs par thugs su chud pas sbyin pa dang sbyin pa'i 'bras bu de la log par rtog pa gtan du bsal nas zhi bar gyur pa'i phyir yongs su mya ngan las 'das pa zhes bya'o/ /gnyis pa ni de bzhin gshegs pas tshul khrims dang tshul khrims kyi 'bras bu la bdag dang bdag gi ba med par legs par thugs su chud pas tshul khrims dang tshul khrims kyi 'bras bu de la log par rtog pa gtan du bsal nas zhi bar gyur pa'i phyir yongs su mya ngan las 'das pa zhes bya'o/ /gsum pa ni de bzhin gshegs pas bzod pa dang bzod pa'i 'bras bu la bdag dang bdag gi ba med par legs par thugs su chud pas bzod pa dang bzod pa'i 'bras bu de la/ /log par rtog par gtan du bsal nas zhi bar gyur pa'i phyir yongs su mya ngan las 'das pa zhes bya'o/ /bzhi pa ni de bzhin gshegs</font><hr>96.34b<br><font size=+1>

pas brtson 'grus dang / brtson 'grus kyi 'bras bu la bdag dang / bdag gi ba med par legs par thugs su chud pas brtson 'grus dang brtson 'grus kyi 'bras bu de la log par rtog pa gtan du bsal nas zhi bar gyur pa'i phyir yongs su mya ngan las 'das pa zhes bya'o/ /lnga pa ni de bzhin gshegs pas bsam gtan dang bsam gtan gyi 'bras bu la bdag dang bdag gi ba med par legs par thugs su chud pas bsam gtan dang bsam gtan gyi 'bras bu de la log par rtog pa gtan du bsal nas zhi bar gyur pa'i phyir yongs su mya ngan las 'das pa zhes bya'o/ /drug pa ni de bzhin gshegs pas shes rab dang shes rab kyi 'bras bu la bdag dang bdag gi ba med par legs par thugs su chud pas shes rab dang shes rab kyi 'bras bu de la log par rtog pa gtan du bsal nas zhi bar gyur pa'i phyir yongs su mya ngan las 'das pa zhes bya'o/ /bdun pa ni de bzhin gshegs pas sems can dang sems can ma yin pa thams cad dang chos thams cad la ngo bo nyid med par legs par thugs su chud pas log par rtog pa gtan du bsal nas zhi bar gyur pa'i phyir yongs su mya ngan las 'das pa zhes bya'o/ /brgyad pa ni gang gis bdag nyid la sred cing mngon par zhen pa des ni yongs su tshol bar byed pa la yongs su tshol ba'i phyir ni sdug bsngal mang po myong bar 'gyur ba yin na/ de bzhin gshegs pa rnams ni bdag nyid la sred pa spangs pa'i phyir yongs su tshol ba gtan du bcad de yongs su tshol ba mi mnga' ba'i phyir yongs su mya ngan las 'das pa zhes bya'o/ /dgu pa ni 'dus byas kyi chos thams cad ni grangs dang tshad yod pa yin la 'dus ma byas kyi chos gang yin pa de ni grangs dang tshad spangs pa yin te/ de bzhin</font><hr>96.35a<br><font size=+1>

gshegs pa ni 'dus byas kyi chos spangs shing 'dus ma byas kyi chos mngon du mdzad pas grangs dang tshad mi mnga' ba'i phyir yongs su mya ngan las 'das pa zhes bya'o/ /bcu pa ni de bzhin gshegs pas sems can dang chos kyis ngo bo nyid thams cad stong zhing stong pa nyid las gud na stong pa'i ngo bo nyid yod pa ma yin pa gang yin pa de nyid la yang dag pa'i chos kyi sku yin par thugs su/ chud pa'i phyir yongs su mya ngan las 'das pa zhes bya ste/ rigs kyi bu 'di dag ni mya ngan las 'das pa yod par bstan pa'i chos rnam pa bcu zhes bya'o/ /gzhan yang rigs kyi bu de bzhin gshegs pa yongs su mya ngan las mi 'da' ba gang yin pa de yang ci ngo mtshar rmad du byung ba ma yin nam/ gzhan yang ngo mtshar gyi chos rnam pa bcu dang ldan pa gang yin pa de ni de bzhin gshegs pa'i mdzad pa yin te/ bcu gang zhe na/ 'khor ba ni nyes dmigs dang bcas pa yin la mya ngan las 'das pa ni nye bar zhi ba yin yang 'khor ba dang mya ngan las 'das pa mnyam pa nyid du mkhyen pa'i phyir 'khor bar mi gnas par yang mi 'gyur la/ mya ngan las 'das pa la gnas par yang mi mdzad pas sems can rnams la yongs su skyo ba mi skyed par gang yin pa de ni de bzhin gshegs pa'i mdzad pa zhes bya'o/ /de bzhin gshegs pa ni sems can rnams la 'di snyam du byis pa so so'i skye bo 'di dag ni phyin ci log gi lta ba la spyod pas nyon mongs pa rnams kyis dkris shing nyon mongs par gyur pas ngas deng rnam par phye ste khong du chud par byas nas rnam par thar bar bya'o snyam du mi dgongs mod kyi/ 'on kyang sngon gyi byams pa'i dge ba'i rtsa ba'i mthus sems can de dag gi dbang po dang / rang bzhin dang bsam pa dang mos pa ji lta ba bzhin du rnam par rtog pa mi skyed par yang rang gi ngang gis yongs su sgrol bar mdzad cing / phyi ma'i mthar thugs pa'i bar du yang dag pa'i bstan pa bshad nas phan 'dogs shing dga' bar mdzad pa la mthar thug</font><hr>96.35b<br><font size=+1>

pa med pa gang yin pa de ni de bzhin gshegs pa'i mdzad pa zhes bya'o/ /de bzhin gshegs pa la ngas deng gsung rab yan lag bcu gnyis bstan nas sems can la phan gdags par bya'o snyam pa'i dgongs pa mi mnga' mod kyi/ 'on kyang sngon gyi byams pa'i dge ba'i mthus phyi ma'i mthar thug pa'i bar du sems can de dag la rgya cher bstan pa mdzad pa la mthar thugs pa med pa gang yin pa de ni de bzhin gshegs pa'i mdzad pa zhes bya'o/ /de bzhin gshegs pa la ngas deng grong dang khyer dang / grong rdal de dag tu song ste rgyal po dang blon po dang bram ze dang / rgyal rigs dang / dmangs rigs la sogs pa'i pho brang dang / khyim dag tu bsod snyoms bslang bar bya'o/ /snyam pa'i dgongs pa mi mnga' mod kyi/ 'on kyang sngon sku dang gsung dang thugs kyi spyod pa goms par gyur pa'i mthus rang gi ngang gis de dag tu gshegs nas phan pa'i dngos po mdzad cing bsod snyoms slong ba gang yin pa de ni de bzhin gshegs pa'i mdzad pa zhes bya'o/ /de bzhin gshegs pa'i sku la bkres pa dang / skom pa dang bshang ci dang / nyam chung ba'i mtshan ma yang mi mnga' la bsod snyoms slong bar mdzad kyang bshos gsol ba mi mnga' zhing rnam par rtog pa yang mi mnga' mod kyi/ 'on kyang rang gi ngang gis sems can la phan gdags pa'i phyir bshos gsol ba mnga' ba'i mtshan ma ston pa gang yin pa de ni de bzhin gshegs pa'i mdzad pa zhes bya'o/ /de bzhin gsheg gshegs pa la sems can mang po 'di dag la rab dang 'bring dang / tha ma yod pa de dag gi dbang po dang rang bzhin ji lta ba bzhin du chos bstan par bya'o snyam pa'i dgongs pa mi mnga' mod kyi/ 'on kyang sangs rgyas bcom ldan 'das rnam par rtog pa mi mnga' bar yang de dag gi snod dang dbang po'i rkyen ji lta ba bzhin du shin tu 'tsham par de dag la chos ston par mdzad pa gang yin pa de ni de bzhin gshegs pa'i mdzad pa zhes bya'o/ /</font><hr>96.36a<br><font size=+1>

de bzhin gshegs pa la sems can 'di dag ni nga la bkur sti dang rim gro mi byed cing rtag par nga la smod pa'i tshig 'byin par byed pas de dag dang lhan cig tu gtam smra bar mi bya'o/ /sems can 'di dag ni nga la bkur sti dang rim gro byed cing rtag par bsngags pa brjod par byed pas ngas de dag dang lhan cig tu gtam smra bar bya'o snyam pa'i dgongs pa mi mnga' mod kyi/ 'on kyang de bzhin gshegs pas byams pa dang thugs rje'i dgongs pa mnyam pa bskyed nas gnyis su med par gyur pa gang yin pa de ni de bzhin gshegs pa'i mdzad pa zhes bya'o/ /de bzhin gshegs pa rnams la byams sdang dang nga rgyal dang 'dod pa dang ser sna dang / nyon mongs pa rnams mi mnga' mod kyi/ 'on kyang de bzhin gshegs pa rtag par rab tu dben pa la dgyes shing 'dod pa chung ba dang / 'du 'dzi spangs pa la bsngags pa brjod par mdzad pa gang yin pa de ni de bzhin gshegs pa'i mdzad pa zhes bya'o/ /de bzhin gshegs pa ni chos gcig tsam yang mi mkhyen pa'am/ legs par thugs su ma chud pa mi mnga' bas thams cad du me long gi ye shes mngon sum du gyur cing rnam par mi rtog pa mi mnga' mod kyi/ 'on kyang de bzhin gshegs pas sems can de dag gis las kyi dngos po mngon par 'du byed pa gzigs nas de dag gi yid dang 'thun par 'jug cing thabs mkhyen pas drangs te nges par 'byung ba thob par mdzad pa gang yin pa de ni de bzhin gshegs pa'i mdzad pa zhes bya'o/ /de bzhin gshegs pa ni gal te sems can kha cig phyug cing longs spyod dang ldan par gyur pa gzigs na yang dgyes pa skye bar mi 'gyur la/ de dag rgud cing phongs par gyur pa gzigs na yang yongs su gdung ba skye bar mi 'gyur mod kyi/ 'on kyang de bzhin gshegs pas sems can de dag yang dag pa'i spyod pa mngon par bsgrubs pa gzigs par gyur nas thogs pa mi mnga' ba'i thugs rje chen pos rang gi ngang</font><hr>96.36b<br><font size=+1>

gis yongs su skyob cing sdud par mdzad pa dang / gal te sems can de dag log pa'i spyod pa mngon par bsgrub pa gzigs par gyur na thogs pa mi mnga' ba'i thugs rje chen pos rang gi rang gis yongs su skyob cing sdud par mdzad pa gang yin pa de ni de bzhin gshegs pa'i mdzad pa zhes bya'o/ /rigs kyi bu de ltar na de bzhin gshegs pa yang dag par rdzogs pa'i sangs rgyas ni de lta bu'i yang dag pa'i mdzad pa dpag tu med pa mnga' bar ston pa yin par rig par bya zhing khyed kyis 'di dag ni yongs su mya ngan las 'das pa'i yang dag pa'i mtshan nyid yin par rig par bya'o/ /res 'ga' yongs su mya ngan las 'das pa yod par mthong ba gang yin pa de yang thabs mkhyen pas bstan pa yin la ring bsrel bzhag nas sems can rnams kyis bkur sti dang rim gro byas te mchod pa byed par 'gyur ba yang de bzhin gshegs pa'i byams pa'i dge ba'i rtsa ba'i mthu las gyur pa yin pas gang gis mchod pa byas pa de dag ma 'ongs pa'i dus na mi khom pa brgyad dang bral zhing de bzhin gshegs pa rnams la bsnyen bkur byed pa dang / dge ba'i bshes gnyen dang phrad nas dge ba'i sems stor bar mi 'gyur ba dang / bsod nams kyi rnam par smin pa dpag tu med pa dang ldan zhing myur du nges par byung nas 'khor ba dag gis blags shing 'ching bar mi 'gyur bas 'di lta bu'i spyod pa gya nom pa gang yin pa de khyod kyis nan tan gyis bsgrub par bya zhing bag med par mi bya'o/ /de nas byang chub sems dpa' mdzes pa'i tog gis bcom ldan 'das la mngon sum du yongs su mya ngan las mi 'da' ba dang / shin tu zab pa'i mdzad pa bkas bshad pa thos nas gus pas thal mo sbyar nas 'di skad ces bdag ni deng gdod de bzhin gshegs pa ston pa chen po yongs su mya ngan las mi 'da' ba dang / ring bsrel bzhag pa yang sems can rnams la sman par bgyi ba lags par khong du</font><hr>96.37a<br><font size=+1>

chud pas lus dang sems dga' mgu rangs shing ngo mtshar rmad du gyur to zhes gsol to/ /de bzhin gshegs pa'i sku tshe'i tshad bstan pa'i le'u 'di bstan pa na sems can tshad med grangs med dpag tu med pa snyed mi mnyam pa dang mnyam pa'i bla na med pa yang dag par rdzogs pa'i byang chub tu sems bskyed par gyur to/ /de bzhin gshegs pa bzhi po yang de nyid du mi snang bar gyur to/ /byang chub sems dpa' mdzes pa'i tog kyang bcom ldan 'das kyi zhabs la phyag byas nas 'dug pa'i stan las langs te slar sngon gyi gnas su song ngo / /gser 'od dam pa mchog tu rnam par rgyal ba mdo sde'i rgyal po las de bzhin gshegs pa'i sku tshe'i tshad bstan pa'i le'u ste gnyis pa'o// // gser 'od dam pa mchog tu rnam par rgyal ba'i mdo sde'i rgyal po/ bam po gnyis pa/ de nas byang chub sems dpa' sems dpa' chen po nam mkha'i snying po 'khor mang po'i nang nas 'dug pa'i stan las langs te bla gos phrag pa gcig tu gzar nas pus mo g.yas pa'i lha nga sa la btsugs te gus pas thal mo sbyar nas bcom ldan 'das kyi zhabs la mgo bos phyag byas te/ gser dang rin po che'i me tog dang rin po che'i rgyal mtshan dang ba dan dang / gdugs mchog dam pas mchod pa byas nas bcom ldan 'das la 'di skad ces gsol to/ /bcom ldan 'das byang chub sems dpa' sems dpa' chen pos ji ltar de bzhin gshegs pa rnams kyi shin tu zab pa'i gsang ba dag la chos bzhin du mngon par bsgrub par bgyi lags/ bcom ldan 'das kyis bka' stsal pa/ rigs kyi bu legs par nyon la shin du yid la zung shig dang ngas khyod la rnam par phye ste bstan par bya'o/ /rigs kyi bu de bzhin gshegs pa thams cad la sku rnam pa gsum mnga' ste gsum gang zhe na/ </font><hr>96.37b<br><font size=+1>

sprul pa'i sku dang longs spyod rdzogs pa'i sku dang chos kyi sku gang yin pa'o/ /'di ltar sku rnam pa gsum po 'di dag gis ni bla na med pa yang dag par rdzogs pa'i byang chub phun sum tshogs pa yongs su sdud par byed de/ gang gis yang dag par rtogs shing khong du chud par gyur na myur du 'khor ba las nges par 'byung bar 'gyur ro/ /byang chub sems dpas ji ltar sprul pa'i sku khong du chud par bya zhe na/ rigs kyi bu de bzhin gshegs pa pa ni sngon spyod pa'i sa la gnas pa na sems can thams cad kyi ched du chos rnam pa sna tshogs mngon par bsgrubs so/ /de ltar mngon par bsgrubs pa yang rnal 'byor yongs su rdzogs pa'i bar du mngon par bsgrubs pas rnal 'byor bsgoms pa'i stobs kyis ni mnga' chen po brnyes la/ mnga' chen po brnyes pa'i mthus ni sems can gyi bsam pa ji lta ba dang sems can gyi spyod pa ji lta ba dang sems can gyi khams ji lta ba bzhin du thams cad thugs su chud pas dus la yang mi gzhes shing / dus dang gnas las kyang yol bar mi mdzad pas dus dang 'thun zhing spyod pa dang 'thun par rjes su 'thun pa'i chos ston pa dang / sku rnam pa sna tshogs ston pa de ni gang yin pa de ni sprul pa'i sku zhes bya'o/ /rigs kyi bu byang chub sems dpas ji ltar longs spyod rdzogs pa'i sku khong du chud par bya zhe na/ 'di ltar de bzhin gshegs pa rnams byang chub sems dpa' rnams kyis mngon par brtogs pa 'thob par bya ba'i phyir dang / don dam pa'i bden pa bstan nas 'khor ba dang mya ngan las 'das pa/ ro gcig pa nyid du shes par bya ba'i phyir dang / 'jig tshogs la lta ba yongs su</font><hr>96.38a<br><font size=+1>

bsal nas 'jigs shing skrag pa dang rab tu dga' ba bskyed pa'i phyir dang / sangs rgyas kyi chos mtha' med pa'i gzhi mdzad pa'i phyir dang / yang dag pa ji lta ba bzhin du de bzhin nyid dang / de bzhin nyid kyi ye shes dang / sngon gyi smon lam gyi stobs dang rjes su 'thun pa'i phyir sku gang gis mtshan sum bcu rtsa gnyis dang dpe byad bzang po brgyad cu phun sum tshogs pa dang / dbu dang / rgyab kyi 'od yongs su rdzogs pa ston pa gang yin pa de ni longs spyod rdzogs pa'i sku zhes bya'o/ /rigs kyi bu byang chub sems dpa' sems dpa' chen pos ji ltar chos kyi sku khong du chud par bya zhe na/ nyon mongs pa'i sgrib pa la sogs pa yongs su bsal nas dge ba'i chos rnams yongs su rdzogs par gyur pa'i phyir de bzhin nyid dang / de bzhin nyid kyi ye shes kho na dang ldan par gyur pa gang yin pa de ni chos kyi sku zhes bya'o/ /sku snga ma rnams pa gnyis ni btags pa tsam du yod pa yin la sku gsum pa 'di ni yang dag par yod pa yin te/ sku snga ma gnyis kyi rtsa bar gyur pa'i phyir ro/ /de ci'i phyir zhe na/ chos kyi de bzhin nyid dang / rnam par mi rtog pa'i ye shes las ma gtogs par sangs rgyas thams cad las gud na chos gzhan mi mnga' ste/ sangs rgyas thams cad ni mkhyen pa phun sum tshogs par gyur na nyon mongs pa thams cad gtan du nye bar zhi zhing zad nas sangs rgyas kyi sa rnam par dag pa brnyes par 'gyur ro/ /de'i phyir chos kyi de bzhin nyid dang de bzhin nyid kyi ye shes kyis ni sangs rgyas kyi chos thams cad yongs su sdud par 'gyur ro/ /gzhan yang rigs kyi bu sangs rgyas thams cad ni bdag dang gzhan la phan 'dogs pa'i mthar byon pa yin pas/ bdag la phan 'dogs pa ni chos kyi de bzhin nyid do/ /</font><hr>96.38b<br><font size=+1>

gzhan la phan 'dogs pa ni de bzhin nyid kyi ye shes so/ /bdag dang gzhan la phan 'dogs par mdzad pa la mnga' brnyes nas mdzad pa mtha' yas pa rnam pa sna tshogs yongs su rdzogs par gyur pa'i phyir de lta bas na sangs rgyas kyi chos thams cad bye brag tha dad pa rnam pa sna tshogs tshad med cing mtha' med pa snyed yod par rnam par phye ba yin no/ /rigs kyi bu 'di lta ste dper na yang dag pa ma yin pa'i rnam par rtog pa la brten nas nyon mongs pa rnam pa sna tshogs dang / las kyi rgyu rnam pa sna tshogs dang / 'bras bu rnam par smin par sna tshogs bstan pa de bzhin du chos kyi de bzhin nyid dang / de bzhin nyid kyi ye shes la brten nas kyang sangs rgyas kyi chos rnams pa sna tshogs dang / rang sangs rgyas kyi chos rnam pa sna tshogs dang / nyan thos kyi chos rnam pa sna tshogs ston par mdzad do/ /chos kyi de bzhin nyid dang / de bzhin nyid kyi ye shes la brten nas sangs rgyas kyi chos thams cad la rang dbang thob nas phun sum tshogs par 'gyur bas 'di ni mchog tu bsam gyis mi khyab pa zhes bya'o/ /'di lta ste dper na nam mkha' la ri mo bris te rgyan du byed pa gang yin pa de ni bsam gyis mi khyab pa yin no/ /de bzhin du de bzhin nyid dang / de bzhin nyid kyi ye shes la brten nas sangs rgyas kyi chos yongs su rdzogs par byed pa yang bsam gyis mi khyab pa yin no/ /rigs kyi bu ji ltar na chos kyi de bzhin nyid dang / de bzhin nyid kyi ye shes gnyis la rnam par rtog pa mi mnga' bar yang rang gi ngang gis mdzad pa'i dngos po dag phun sum tshogs par 'gyur zhe na/ rigs kyi bu 'di lta ste dper na de bzhin gshegs pa yongs su mya ngan las 'das par smon lam la mnga' brnyes pa'i phyir mdzad pa'i dngos po rnam pa sna tshogs pa phun sum tshogs par 'gyur ba de bzhin du chos kyi de bzhin nyid dang / </font><hr>96.39a<br><font size=+1>

de bzhin nyid kyi ye shes mdzad pa'i dngos po de dag yongs su grub pa la mnga' brnyes pa yang de bzhin no/ /gzhan yang byang chub sems dpa' sems dpa' chen po rnams sems med pa'i ting nge 'dzin la snyoms par 'jug kyang sngon gyi smon lam la brten nas ting nge 'dzin las langs te bya ba mang po rnams mngon par 'du byed do/ /de bzhin du chos gnyis po dag la rnam par rtog pa mi mnga' bar yang rang gi ngang gis mdzad pa dag yongs su rdzogs par 'gyur ro/ /rigs kyi bu 'di lta ste dper na nyi ma dang zla ba la yang rnam par rtog pa med/ chu dang me long la yang rnam par rtog pa med/ 'od snang ba la yang rnam par rtog pa med mod kyi 'on kyang gsum 'dus pa las gzugs brnyan 'byung bar 'gyur ro/ /de bzhin du chos kyi de bzhin nyid dang / de bzhin nyid kyi ye shes la yang rnam par rtog pa mi mnga' mod kyi 'on kyang smon lam la mnga' brnyes pa'i phyir sems can skal pa dang ldan pa dag la longs spyod rdzogs pa dang / sprul pa'i sku nyi zla'i gzugs brnyan 'dus pa las snang ba bzhin du ston par mdzad do/ /gzhan yang rigs kyi bu 'di lta ste dper na tshad med dpag tu med pa'i chu dang me long dag 'od snang ba la brten pa'i phyir nam mkha' la gzugs brnyan mtshan ma tha dad pa rnam pa sna tshogs ston par byed kyang nam mkha' ni mtshan ma med pa nyid do/ /rigs kyi bu de bzhin du slob ma rnams 'dul ba gang yin pa de ni chos kyi sku'i gzugs brnyan yin te/ smon lam gyi mthus sku rnam pa gnyis las mtshan ma rnam pa sna tshogs snang yang chos kyi sku'i sa la ni tha dad pa'i mtshan ma mi mnga'o/ /rigs kyi bu sku gnyis po de dag la brten nas ni sangs rgyas thams cad kyis lhag ma dang bcas</font><hr>96.39b<br><font size=+1>

pa'i mya ngan las 'das pa bstan to/ /chos kyi sku de la brten nas ni lhag ma med pa'i mya ngan las 'das pa bstan to/ /de ci'i phyir zhe na/ chos thams cad ni mthar zad par 'gyur ba'i phyir ro/ /sku gsum po 'di dag la brten nas ni sangs rgyas thams cad kyis mi gnas pa'i mya ngan las 'das pa bstan to/ /sku gnyis kyi phyir ni mya ngan las 'das pa la mi gnas te/ chos kyi sku las gud na yang sangs rgyas gzhan med pas so/ /ci'i phyir sku gnyis mya ngan las 'das pa la mi gnas shes na/ sku gnyis po de dag ni btags pa tsam ste/ yang dag pa ma yin pas skad cig mar skye zhing 'gag pa dang bcas pas nges par mi gnas pa'i phyir yang dang yang du 'byung zhing nges pa med pa'i phyir ro/ /chos kyi sku ni de lta ma yin pas de'i phyir sku gnyis po mya ngan las 'das pa la mi gnas so/ /chos kyi sku ni gnyis su med pas de'i phyir mya ngan las 'das pa la mi gnas te/ de lta bas na sku gsum po dag la brten nas mi gnas pa'i mya ngan las 'das pa bstan pa yin no/ /rigs kyi bu so so'i skye bo thams cad ni mtshan nyid gsum dang ldan pa'i phyir 'ching ba dang bcas shing sgrib pa dang bcas pas sku gsum po dag thag ring du spong zhing sku gsum po dag dang nye bar mi 'gyur ro/ /gsum gang zhe na/ kun tu brtags pa'i mtshan nyid dang / gzhan gyi dbang las byung ba'i mtshan nyid dang yongs su grub pa'i mtshan nyid do/ /'di ltar mtshan nyid 'di dag yongs su ma shes pa'i phyir dang zhi bar ma gyur pa'i phyir dang yongs su ma dag pa'i phyir te/ de blta bas na sku gsum po 'di dag dang nye bar ma gyur pa</font><hr>96.40a<br><font size=+1>

yin no/ /'di ltar mtshan nyid gsum po 'di dag shes shing nye bar zhi ba dang yongs su dag par gyur pa'i phyir de lta bas na sangs rgyas bcom ldan 'das rnams sku gsum dang ldan par 'gyur ba yin no/ /rigs kyi bu byis pa so so'i skye bo rnams ni sems rnam pa gsum po 'di dag ma spangs pa'i phyir sku gsum po dag thag ring du spangs nas nye bar mi 'gyur ba yin no/ /gsum gang zhe na/ bya ba slong ba'i sems dang / rtsa ba la brten pa'i sems dang / rtsa ba'i sems gang yin pa'o/ /thul bar byed pa'i lam rnams la brten nas ni bya ba slong ba'i sems zad par 'gyur ro/ /chos kyis spong ba'i lam la brten nas ni rtsa ba la brten pa'i sems zad par 'gyur ro/ /bya ba slong ba'i sems nye bar zhi bar gyur pa'i phyir ni sprul pa'i sku ston par 'gyur ro/ /rtsa ba la brten pa'i sems nye bar zhi bar gyur pa'i phyir ni longs spyod rdzogs pa'i sku ston par 'gyur ro/ /rtsa ba'i sems nye bar zhi bar gyur pa'i phyir ni chos kyi sku 'thob par 'gyur bas de'i phyir de bzhin gshegs pa thams cad sku gsum dang ldan par gyur pa yin no/ /rigs kyi bu sangs rgyas thams cad ni sku dang po'i dbang gis sangs rgyas rnams dang mdzad pa mtshungs pa dang / sku gnyis pa'i dbang gis sangs rgyas rnams dang dgongs pa mtshungs pa dang / sku gsum pa'i dbang gis sangs rgyas rnams dang sku mtshungs par gyur pa yin no/ /rigs kyi bu sangs rgyas rnams kyi sku dang po gang yin pa de ni sems can gyi mos pa'i rjes su rnam pa mang po dang ldan pa'i phyir mtshan nyid sna tshogs ston par mdzad pas de'i phyir mang por bstan pa yin no/ /sangs rgyas kyi sku gnyis pa gang yin pa de ni slob</font><hr>96.40b<br><font size=+1>

ma rnams yid gcig tu gyur pa'i phyir mtshan nyid gcig kho na ston par mdzad pas de'i phyir gcig tu bstan pa yin no/ /sangs rgyas kyi sku gsum pa gang yin pa de ni mtshan ma gnyis kyi rnam pa thams cad kun tu khyab cing mtshan nyid du 'dzin pa'i spyod yul ma yin pas de'i phyir gcig pa yang ma yin tha dad pa yang ma yin pa zhes bstan to/ /rigs kyi bu sku dang po gang yin pa de ni longs spyod rdzogs pa'i sku la brten nas rab tu snang bar 'gyur ro/ /sku gnyis pa gang yin pa de ni chos kyi sku la brten nas rab tu snang bar 'gyur ro/ /chos kyi sku gang yin pa de ni yang dag par yod pa ma yin pas brten pa'i gnas ci yang mi mnga'o/ /rigs kyi bu 'di ltar chos gsum po de dag ni rtag pa'i don dang ldan pa'i phyir ni rtag pa zhes bya'o/ /bstan la mi rtag pa'i don dang ldan pa'i phyir ni mi rtag pa zhes bstan te/ sprul pa'i sku gang yin pa de ni rtag par chos kyi 'khor lo bskor zhing de dang de dag tu rkyen ji lta ba bzhin thabs mkhas pa ston pa la rgyun 'chad pa med pa'i phyir de lta bas na rtag pa zhes bstan to/ /rtsa ba ma yin pa'i phyir dang phun sum tshogs pa'i mdzad pa chen po mngon du mi 'byung ba'i phyir de lta bas na mi rtag pa zhes bstan to/ /longs spyod rdzogs pa'i sku gang yin pa de ni thog ma med pa'i dus rnams rgyun 'chad pa med par sangs rgyas thams cad kyis ma 'dres pa'i chos rnams yongs su sdud cing 'dzin pa'i phyir dang / sems can zad pa med pa bzhin du mdzad pa las yang zad pa mi mnga' ba'i phyir rtag pa zhes bstan to/ /rtsa ba ma yin pa'i phyir dang phun sum tshogs pa'i mdzad pa chen po mngon du mi 'byung ba'i phyir mi rtag pa zhes bstan to/ /chos kyi sku gang yin pa de ni mngon par 'du byed pa'i chos kyang ma yin la</font><hr>96.41a<br><font size=+1>

tha dad pa'i mtshan nyid kyang mi mnga' zhing rtsa ba yin par gyur pa'i phyir dang / nam mkha' dang mtshungs par gyur pa'i phyir rtag pa zhes bstan to/ /rigs kyi bu rnam par mi rtog pa'i ye shes las gud na mchog tu gyur pa'i ye shes med la chos kyi de bzhin nyid las gud na yang mchog tu gyur pa'i spyod yul med pas chos kyi de bzhin nyid gang yin pa de dang / shes rab kyi de bzhin nyid gang yin pa de'i de bzhin nyid rnam pa gnyis po gang yin pa de ni de bzhin nyid gcig pa yang ma yin/ tha dad pa yang ma yin te/ de'i phyir chos kyi sku ni shes rab rnam par dag par gyur pa'i phyir dang / 'gog pa rnam par dag par gyur pa'i phyir dang / 'gog pa rnam par dag par gyur pa'i phyir gnyis rnam par dag par gyur pa yin pas des na chos kyi sku ni rnam par dag pa phun sum tshogs par gyur pa yin no/ /gzhan yang rigs kyi bu sku gsum po dag rab tu rnam par dbye na tha dad pa rnam pa bzhir 'gyur te/ sprul pa'i sku yin la longs spyod rdzogs pa'i sku ma yin pa yang yod/ longs spyod rdzogs pa'i sku yin la sprul pa'i sku ma yin pa yang yod/ sprul pa'i sku yang yin la longs spyod rdzogs pa'i sku yang yin pa yang yod/ sprul pa'i sku yang ma yin la longs spyod rdzogs pa'i sku yang ma yin pa yang yod do/ /sprul pa'i sku yin la longs spyod rdzogs pa'i sku ma yin pa gang zhe na 'di lta ste/ de bzhin gshegs pa rnams yongs su mya ngan las 'das pa'i 'og tu smon lam la mnga' brnyes pa'i phyir rkyen ji lta ba bzhin du phan 'dogs pa gang yin pa de ni sprul pa'i sku zhes bya'o/ /longs spyod rdzogs pa'i sku yin la sprul pa'i sku ma yin pa gang zhe na/ sa'i mdun rol gyi sku gang</font><hr>96.41b<br><font size=+1>

yin pa'o/ /sprul pa'i sku yang yin la longs spyod rdzogs pa'i sku yin pa gang zhe na/ 'di lta ste/ lhag ma dang bcas pa'i mya ngan las 'das pa la gnas pa'i sku gang yin pa'o/ /sprul pa'i sku yang ma yin la longs spyod rdzogs pa'i sku yang ma yin pa gang zhe na/ 'di lta ste/ chos kyi sku gang yin pa'o/ /rigs kyi bu chos kyi sku gang yin pa de ni gnyis su med pas rab tu phye ba'i phyir ro/ /gnyis su med pa zhes bya ba yang gang zhe na/ chos kyi sku de la mtshan nyid kyi gnas dang mtshan nyid kyi gnas shes bya ba gnyi ga med pas yod pa yang ma yin med pa yang ma yin/ gcig pa yang ma yin tha dad pa yang ma yin/ grangs kyang ma yin grangs ma yin pa yang ma yin/ snang ba yang ma yin/ mun pa yang ma yin te/ de lta bu'i de bzhin nyid kyi ye shes des ni mtshan nyid dang mtshan nyid kyi gnas kyang mi gzigs/ yod pa yang ma yin med pa yang ma yin pa yang mi gzigs/ gcig pa yang ma yin tha dad pa yang ma yin pa yang mi gzigs/ grangs kyang ma yin grangs ma yin pa yang mi gzigs/ snang ba yang ma yin/ mun pa yang ma yin pa yang mi gzigs pas de'i phyir spyod yul rnam par dag pa dang / shes rab rnam par dag pa la rnam par brtag tu yang mi rung la 'dir spyod pa zhes bya ba med kyang 'gog pa dang lam gyi gzhi byed pa'i phyir chos kyi sku 'di la de bzhin gshegs pa'i mdzad pa rnam pa sna tshogs snang bar 'gyur bar rig par bya'o/ /rigs kyi bu sku 'di'i rgyu dang rkyen dang spyod yul dang gnas dang 'bras bu dang rtsa ba dpag par dka' ba'i phyir gang gis</font><hr>96.42a<br><font size=+1>

khong du chud par gyur na sku de nyid theg pa chen po'o/ /de bzhin gshegs pa'i rang bzhin no/ /de bzhin gshegs pa'i snying po'o/ /sku 'di nyid la brten nas dang po bskyed pa'i sems kyang thob par 'gyur ro/ /rnal 'byor sgom pa'i sa pa'i sems kyang rab tu snang bar 'gyur ro/ /phyir mi ldog pa'i sa pa'i sems kyang rab tu snang bar 'gyur ro/ /tshe gcig gis thogs pa'i sems dang / rdo rje'i sems dang / de bzhin gshegs pa'i sems kyang rab tu snang bar 'gyur ro/ /de bzhin gshegs pa'i chos gya nom pa tshad med cing mtha' med pa thams cad kyang rab tu snang bar 'gyur ro/ /chos kyi sku 'di la brten nas bsam gyis mi khyab pa'i ting nge 'dzin chen po rnams kyang rab tu snang bar 'gyur ro/ /chos kyi sku 'di la brten nas ye shes chen po thams cad rab tu snang bar 'gyur bas de'i phyir sku gnyis po 'di dag ni ting nge 'dzin dang / shes rab la brten nas mngon du snang bar 'gyur ro/ /chos kyi sku 'di lta bu 'di ni rang gi ngo bo nyid la gnas pas rtag pa zhes kyang bstan to/ /nga zhes kyang bstan to/ /ting nge 'dzin chen po la gnas pa'i phyir skyid pa zhes kyang bstan to/ /ye shes chen po la gnas pa'i phyir yongs su gtsang ba zhes kyang bstan te/ de lta bas na de bzhin gshegs pa ni rtag par bzhugs pa dang / mnga' dbang brnyes pa dang / bde zhing skyid pa dang / yongs su gtsang bar gyur pa yin no/ /</font><hr>96.42b<br><font size=+1>

ting nge 'dzin chen po la brten nas dpa' bar 'gro ba'i ting nge 'dzin la sogs pa ting nge 'dzin thams cad dang / chos dran pa chen po la sogs pa dran pa nye bar gzhag pa thams cad dang / byams pa chen po dang / thugs rje chen po dang / gzungs thams cad dang / mngon par shes pa thams cad dang / dbang thams cad dang / chos mnyam pa thams cad yang dag par sdud cing de lta bu'i sangs rgyas kyi chos thams cad kyang mngon du 'byung bar 'gyur ro/ /ye shes chen po 'di la brten nas stobs bcu dang / bsnyengs pa mi mnga' ba bzhi dang / so so yang dag par rig pa bzhi dang / ma 'dres pa'i chos brgya brgyad cu dang / ngo mtshar rmad du byung ba'i chos bsam gyis mi khyab pa thams cad kyang rab tu snang bar 'gyur ro/ /'di lta ste dper na yid bzhin gyi nor bu rin po che la brten nas rin po che tshad med cing mtha' med pa rnam pa sna tshogs snang bar 'gyur ba de bzhin du ting nge 'dzin chen po'i rin po che dang / shes rab chen po'i rin po che la brten nas kyang sangs rgyas kyi chos gya nom pa tshad med cing mtha' med pa rnam pa sna tshogs mngon du 'byung bar 'gyur ro/ /rigs kyi bu de lta bu'i chos kyi sku'i ting nge 'dzin dang / shes rab gang yin pa de ni mtshan ma thams cad las yang dag par 'das shing mtshan ma la mngon par zhen par mi 'gyur bas rnam par brtag tu mi rung la/ rtag pa yang ma yin chad pa yang ma yin pas dbu ma'i lam zhes bya'o/ /rnam par rtog pa mnga' yang ngo bo nyid la rnam par rtog pa mi mnga'o/ /gsum du bgrang ba yod kyang ngo bo nyid la gsum du 'gyur ba med pas 'phel ba yang med/ 'grib pa yang med/ rmi lam dang sgyu</font><hr>96.43a<br><font size=+1>

ma lta bur gzung ba yang med/ 'dzin pa yang med pas chos kyi sku'i de bzhin nyid rnam par grol ba'i gnas 'chi bdag gi rgyal po'i yul las yang dag par 'das pa skye shi'i mun pa las mngon par 'phags pa/ sems can thams cad kyis bsgrub par mi nus shing bgrod par mi nus pa/ sangs rgyas dang byang chub sems dpa' rnams kyi bzhugs pa'i gnas su gyur pa'o/ /rigs kyi bu 'di lta ste dper na mi zhig gser 'dod pas de dang de dag tu gser gyi rdo yongs su btsal ba las gser gyi rdo de rnyed nas zhib mor btags te snying po gang yin pa blangs nas so mal du bzhus btul nas gser yongs su dag pa rnyed par gyur na yid bzhin du bsgyur te/ gdu bu la sogs pa rgyan gyi rnam pa sna tshogs su byas nas spyod pa mang po dang ldan par gyur kyang gser gyi rang bzhin la ni 'gyur ba ci yang med do/ /gzhan yang rigs kyi bu 'am/ rigs kyi bu mo gang la la zhig rnam par grol ba mchog yongs su gnyer ba'am/ 'jig rten pa'i dge ba mngon par bsgrubs pas de bzhin gshegs pa 'am de'i slob ma'i 'khor mthong na nye bar bsnyen te/ bcom ldan 'das la 'di skad du bcom ldan 'das dge ba ni gang lags mi dge ba ni gang lags yang dag pa'i rnal 'byor bsgoms pas rnam par dag pa'i spyod pa 'thob par 'gyur ba ni gang lags shes gsol pa dang / de bzhin gshegs pa dang slob ma'i 'khor rnams des de skad du zhu ba gsol ba gzigs par gyur na de'i tshe 'di snyam du rigs kyi bu 'am rigs kyi bu mo 'di ni rnam par dag pa yongs su gnyer ba'i phyir yang dag pa'i chos yongs su mnyan par 'dod pa yin no/ /snyam du dgongs nas de la rnam par phye ste bstan pa nyid kyis go bar mdzad par 'gyur bas des thos nas kyang yang dag pa'i dran pas mi brjed par bzung ste/ rnal 'byor bsgom par sems bskyed pas</font><hr>96.43b<br><font size=+1>

brtson 'grus kyi stobs thob nas le lo'i sgrib pa yongs su bsal te sgrib pa thams cad yongs su sbyong bar byed pas bslab pa'i gnas rnams la ma gus pa spangs nas rgod pa dang 'gyod pa'i sems nye bar zhi bar byas te sa dang po la 'jug par 'gyur bas sa dang po'i sems la brten nas sems can la phan 'dogs pa'i sgrib pa yongs su bsal nas sa gnyis par 'jug pa 'thob par 'gyur ro/ /sa der yang rnam par mi 'tshe ba'i sgrib pa yongs su bsal nas sa gsum par 'jug par 'gyur ro/ /sa der yang sems mnyen zhing rnam par byang ba'i sgrib pa yongs su bsal nas sa bzhi par 'jug par 'gyur ro/ /sa der yang thabs mkhas pa'i sgrib pa yongs su bsal nas sa lnga par 'jug par 'gyur ro/ /sa der yang don dam pa dang / kun rdzob tu mthong ba'i sgrib pa yongs su bsal nas sa drug par 'jug par 'gyur ro/ /sa der yang mtshan ma la mthong bar spyod pa'i sgrib pa yongs su bsal nas sa bdun par 'jug par 'gyur ro/ /sa der yang mtshan ma nye bar zhi bar mi mthong ba'i sgrib pa yongs su bsal nas sa brgyad par 'jug par 'gyur ro/ /sa der yang skye ba'i mtshan mar mi mthong ba'i sgrib pa yongs su bsal nas sa dgu par 'jug par 'gyur ro/ /sa der yang mngon par shes pa drug gi sgrib pa yang yongs su bsal nas sa bcu par 'jug par 'gyur ro/ /sa der yang shes bya'i sgrib pa dang rtsa ba'i sems yongs su bsal nas de bzhin gshegs pa'i sa la 'jug par 'gyur ro/ /de bzhin gshegs</font><hr>96.44a<br><font size=+1>

pa'i sa gang yin pa de ni rnam pa gsum yongs su dag par gyur pa'i phyir shin du rnam par dag pa zhes bya ste gsum gang zhe na/ nyon mongs pa rnam par dag pa dang / sdug bsngal rnam par dag pa dang / mtshan ma rnam par dag pa gang yin pa'o/ /'di lta ste dper na gser yang dag par bzhus sbyangs brdungs te dri ma med par bya ba yang gser gyi rang bzhin gzod ma nyid nas rnam par dag pa gsol bar byed pa yin pa'i phyir gser gyi ngo bo nyid yongs su dag pa'i dbang gis gser med par 'gyur ro/ /zhes byar mi rung ngo / /'di lta ste dper na chu rnyog ma can yongs su dang ste dri ma med par bya ba yang chu'i rang bzhin gzod ma nyid nas yongs su dag par gsal bar byed pa yin pa'i phyir chu med par 'gyur ro zhes byar mi rung ba de bzhin du chos kyi sku yang nyon mongs pa dang 'dres par gyur pas sdug bsngal ba dang kun 'byung ba yongs su bsal nas bag chags lhag ma med par bya ba yang sangs rgyas kyi rang bzhin gzod ma nyid nas rnam par dag pa gsal bar byed pa yin pa'i phyir ngo bo nyid med par 'gyur ro zhes byar mi rung ngo / /'di lta ste dper na nam mkha' la du ba dang / sprin dang / rdul dang / khug rna rnams bsgribs pa dag gal te yongs su dang bar gyur na nam mkha'i khams yongs su dag par gyur pas nam mkha' med par 'gyur ro/ /zhes byar mi rung ba de bzhin du/ chos kyi sku yang sdug bsngal mang po thams cad yongs su zad par gyur pa'i phyir rnam par dag pa zhes brjod kyang ngo bo nyid med par 'gyur ro zhes byar mi rung ngo / /'di lta ste dper na skyes bu zhig gnyid log pa'i rmi lam na chu chen pos khyer ba las rkang lag bskyod de lus dang sems le lo ma byas pa'i phyir chu bo thad kar bcad de pha rol gyi 'gram du phyin par mthong ba las rmi lam sang nas chu bo dang tshu rol dang pha rol gyi 'gram tha dad par 'gyur ba mi mthong yang sems med do zhes byar mi rung ngo / /'di lta ste dper na 'khor ba'i yang dag pa ma yin pa'i rnam par rtog pa yongs su zad nas blo rnam par dag par</font><hr>96.44b<br><font size=+1>

gyur kyang blo med do zhes byar mi rung ba de bzhin du chos kyi dbyings kyang yang dag pa ma yin pa'i rnam par rtog pa thams cad mi skye ba'i phyir rnam par dag pa zhes brjod kyang sangs rgyas rnams kyi yang dag pa'i ngo bo nyid med ces byar mi rung ngo / /gzhan yang rigs kyi bu chos kyi sku gang yin pa de nyon mongs pa'i sgrib pa rnam par dag par gyur pas ni longs spyod rdzogs pa'i sku ston par mdzad do/ /las kyi sgrib pa rnam par dag par gyur pas ni sprul pa'i sku ston par mdzad do/ /shes bya'i sgrib pa rnam par dag par gyur pa'i phyir ni chos kyi sku ston par mdzad do/ /'di lta ste dper na nam mkha' la brten nas ni glog 'byung la/ glog la brten nas ni 'od 'byung ba de bzhin du chos kyi sku la brten pa'i phyir ni longs spyod rdzogs pa'i sku ston par mdzad do/ /longs spyod rdzogs pa'i sku la brten nas ni sprul pa'i sku ston par mdzad do/ /rang bzhin yongs su dag par gyur pa'i phyir ni chos kyi sku ston par mdzad do/ /shes rab rnam par dag par gyur pas ni longs spyod rdzogs pa'i sku ston par mdzad do/ /ting nge 'dzin rnam par dag par gyur pas ni sprul pa'i sku ston par mdzad do/ /de gsum rnam par dag par gyur pa gang yin pa de ni chos kyi de bzhin nyid dang tha mi dad de/ de bzhin nyid dang ro gcig pa'i de bzhin nyid dang / rnam par grol ba'i de bzhin nyid dang / mthar thug pa'i de bzhin nyid yin pas de'i phyir sangs rgyas rnams kyi sku la tha dad par gyur pa med do/ /rigs kyi bu 'am/ rigs kyi bu mo gang la la zhig 'di skad du de bzhin gshegs pa ni bdag gi ston pa chen po yin no zhes de ltar nges par mngon par yid ches pa'i gang zag des ni shin du dad pa'i bsam pas de bzhin gshegs pa'i sku tha dad pa mi mnga' bar khong du chud par gyur par/ rigs kyi bu don de'i phyir spyod yul rnams la yang dag pa ma yin pa'i yid la byed pa rnams yongs su bsal bar gyur na chos de dag la mtshan nyid gnyis med par khong du chud cing rnam par rtog pa yang med par 'gyur ro/ /'phags</font><hr>96.45a<br><font size=+1>

pa'i rnal 'byor sgom pa la de bzhin nyid de mtshan nyid gnyis su gyur pa med cing yang dag par rnal 'byor sgom pa'i phyir 'di ltar de bzhin du sgrib pa thams cad yongs su bsal bas nye bar zhi bar 'gyur ro/ /de bzhin nyid sgrib pa thams cad zhi bar gyur pas 'di ltar de bzhin du de bzhin nyid dang / de bzhin nyid kyi ye shes mchog tu rnam par dag pa thob par 'gyur ro/ /de bzhin nyid dang / chos kyi dbyings dang / yang dag pa'i ye shes rnam par dag par gyur pas 'di ltar de bzhin du rang dbang phun sum tshogs pa thams cad kyang yongs su sdud par 'gyur/ sgrib pa thams cad nye bar zhi ba yang yongs su rdzogs par 'gyur te/ sgrib pa thams cad rnam par dag pa thob par gyur pa'i phyir de bzhin nyid dang / yang dag pa'i ye shes dang / yang dag pa'i mtshan nyid ces bya'o/ /de ltar mthong ba gang yin pa de ni 'phags pa'i lta ba zhes bya bas de ni yang dag pa nyid du sangs rgyas mthong ba zhes bya'o/ /de ci'i phyir zhe na/ yang dag pa ji lta ba bzhin du chos kyi de bzhin nyid mthong ba'i phyir de lta bas na de bzhin gshegs pa rnams kyis de bzhin gshegs pa thams cad ma lus par gzigs par 'gyur ro/ /de ci'i phyir zhe na/ nyan thos dang / rang sangs rgyas khams gsum las nges par byung nas yang dag pa'i spyod yul yongs su tshol bas kyang khong du mi chud cing mthong bar mi nus pas so/ /de lta bu'i 'phags pa'i gang zag dag gis kyang mi rig cing mi mthong bas so so'i skye bo thams cad the tsom dang som nyi bskyed nas phyin ci log tu rnam par rtog par byed pas yongs su 'da' bar mi 'gyur ro/ /'di lta ste dper na ri bong rgya mtsho la rkyal bar byed kyang gdon mi za bar pha rol du phyin par mi 'gyur ro/ /de ci'i phyir zhe na/ nyams stobs shin du chung ba'i phyir ro/ /byis pa so so'i skye bo rnams kyang de bzhin du chos kyi de bzhin nyid mngon par mi rtogs so/ /de</font><hr>96.45b<br><font size=+1>

bzhin gshegs pa rnams ni rnam par rtog pa'i dgongs pa mi mnga' bar yang chos thams cad la mnga' chen po brnyes shing shes rab shin du zab cing rnam par dag pa phun sum tshogs par gyur pa'i phyir dang / rang gi spyod yul du gyur cing gzhan dang yang thun mong du ma gyur pa'i phyir de lta bas na de bzhin gshegs pa rnams bskal pa grangs med tshad med dpag tu med pa nas nyid kyi sku srog la phangs pa mi mnga' bar dka' bar spyod pas dpe zla med pa bsam gyis mi khyab pa/ tshig gi spyod yul las yang dag par 'das pa/ rab tu dben pa/ 'jigs pa rnams dang bral ba'i sku mchog dam pa 'di brnyes pa yin no/ /rigs kyi bu de ltar chos kyi de bzhin nyid rig cing mthong ba gang yin pa de ni skye ba dang rga ba dang 'chi ba med pa/ tshe'i tshad kyang dpag tu med/ gnyid kyang med/ bkres pa dang / skom pa yang med de/ rtag par ting nge 'dzin la gnas pa'i sems rnam par g.yeng zhing g.yo ba yang med do/ /gang gis de bzhin gshegs pa la rtsod pa'i bsam pa skyed pa des de bzhin gshegs pa mthong bar mi 'gyur ro/ /de bzhin gshegs pa rnams ni gang ci gsung yang rung ste thams cad la phan 'dogs par 'gyur bas gang gis mnyan cing thos pa de dag rnam par mi grol ba gang yang med do/ /gcan zan ma rungs pa dang / mi ma rungs pa dang / 'dre srin ma rungs pa dag dang yang phrad par mi 'gyur te/ chos thos pa'i dbang gis 'bras bu rnam par smin pa yang zad par mi 'gyur ro/ /de bzhin gshegs pa rnams la lung du mi bstan pa'i dngos po yang mi mnga'/ spyod yul thams cad la mkhyen par bya'o snyam pa'i dgongs pa yang mi mnga'/ 'khor ba dang mya ngan las 'das pa la tha dad pa'i 'du shes kyang mi mnga'o/ /de bzhin gshegs pa ni gang ci yang rung ste ma nges pa mi mnga'o/ /de bzhin gshegs pa rnams ni spyod lam bzhi po thams cad du ye shes kyis yongs su ma bzung ba mi mnga'o/ /chos thams cad la byams pa dang thugs rjes yongs su ma zin pa mi mnga' bas sems can thams</font><hr>96.46a<br><font size=+1>

cad la phan pa dang bde ba'i phan mi 'dogs gang yang med do/ /rigs kyi bu 'am/ rigs kyi bu mo gang la la zhig gser 'od dam pa'i mdo sde 'di thos nas mngon par yid ches pa gang yin pa de dag ni sems can dmyal ba dang / yi dgas dang / dud 'gro'i skye gnas dang / lha ma yin gyi 'gro ba dag tu ltung bar mi 'gyur zhing rtag par lha dang mi'i nang du skye bar 'gyur bas ma rabs dag tu skye bar mi 'gyur la/ rtag par de bzhin gshegs pa rnams la bsnyen bkur dang rim gro byas nas yang dag pa'i chos mnyan cing len par 'gyur/ rtag par sangs rgyas kyi zhing yongs su dag pa rnams su skye bar 'gyur ro/ /de ci'i phyir zhe na/ chos zab mo 'di thos par gyur pa'i phyir ro/ /rigs kyi bu dang / rigs kyi bu mo de dag ni de bzhin gshegs pas mkhyen cing lung bstan par 'gyur bas bla na med pa yang dag par rdzogs pa'i byang chub las phyir ldog par mi 'gyur ro/ /rigs kyi bu 'am/ rigs kyi bu mo gang la la zhig shin du zab pa'i chos gya nom pa 'di lan cig rna bas thos par gyur na gang zag de ni de bzhin gshegs pa la skur pa mi 'debs pa dang / yang dag pa'i chos la mi smod pa dang / 'phags pa'i tshogs la mi brnyas pa dang / sems can rnams dge ba'i rtsa ba ma bskyed pa ni skyed par byed la/ dge ba'i rtsa ba bskyed pa ni 'phel zhing yangs pa dang / yongs su smin par byed pa'i phyir 'jig rten gyi khams thams cad du sems can ji snyed pa de dag pha rol tu phyin pa drug po rnams mngon par sgrub par skul bar 'gyur bar rig par bya'o/ /de nas byang chub sems dpa' nam mkha'i snying po dang / tshangs pa dang / brgya byin dang / rgyal po chen po bzhi dang lha'i 'khor mang po rnams 'dug pa'i stan las langs te bla gos phrag pa gcig tu gzar nas thal mo sbyar te gus pas bcom ldan 'das kyi zhabs la mgo bos phyag byas nas/ bcom ldan 'das la</font><hr>96.46b<br><font size=+1>

'di skad ces gsol to/ /bcom ldan 'das gnas gang yang rung ba dag tu 'dir gser 'od dam pa'i mdo sde shin du gya nom pa 'di yang dag par ston par bgyid na yul der phan yon rnam pa bzhi dang ldan par 'gyur lags so/ /bzhi gang zhe na/ dang po ni rgyal po'i dmag tshogs rnams btsan zhing dar bas phas kyi rgol ba'i dgra rnams ma mchis pa dang / bro nad dang bral zhing tshe ring ba dang / bkra shis dang ldan zhing bde skyid pa dang / dam pa'i chos dar zhing rgyas par 'gyur ba'o/ /gnyis pa ni pho brang nang gi btsun mo dang / slas dang / rgyal bu dang / blon po rnams 'dum zhing rtsod pa ma mchis pa dang / g.yo sgyu dang phra ma spangs pas rgyal pos gnang zhing bkur bar 'gyur ro/ /gsum pa ni dge sbyong dang / bram ze dang / yul gyi mi rnams yang dag pa'i chos spyod pas bro nad ma mchis shing bde skyid pa dang / blo bur du 'gum pa ma mchis pa dang / bsod nams mang po mngon par sgrub pa'o/ /bzhi pa ni dus gsum po dag tu 'byung ba chen po bzhi po dag 'phrod cing rtag par lha rnams kyis byin gyis brlabs nas yongs su srung bar 'gyur ba dang / byams pa dang snying rje mnyam par gyur pas gdon pa mi bgyid cing rnam par 'tshe ba'i bsam pa ma mchis pa dang / skye bo rnams dkon mchog gsum la bskyabs su mchi zhing thams cad kyis byang chub kyi spyod pa mngon par sgrub par 'gyur ba ste/ 'di dag phan yon rnam pa bzhi zhes bgyi lags so/ /bcom ldan 'das bdag cag kyang rtag par mdo sde 'di rgya cher spel ba'i slad du 'di ltar mdo sde 'di yongs su 'dzin pa'i gang zag de'i slad du rjes su 'brang zhing gang na gnas pa'i gnas der sman pa dag bgyid lags so/ /bcom ldan 'das kyis bka' stsal pa/ rigs kyi bu dag legs so legs so/ /de de bzhin no de de bzhin te khyod kyi rab tu brtson pa'i sems kyi mdo' sde'i rgyal po shin du</font><hr>96.47a<br><font size=+1>

gya nom pa 'di spel ba nyid kyis yang dag pa'i chos yun ring du 'jig rten na gnas par 'gyur ro/ /gser 'od dam pa mchog tu rnam par rgyal ba mdo sde'i rgyal po las sku gsum rnam par 'byed pa'i le'u ste gsum pa'o// // de byang chub sems dpa' mdzes pa'i tog bcom ldan 'das kyi spyan sngar mngon sum du shin du gya nom pa'i chos thos pas dga' mgur rangs par gyur te/ sems rtse gcig tu yid la bsams nas rang gi gnas su phyin pa dang / mtshan mo nyal ba'i rmi lam na gser gyi rnga bo che 'od zer shin du 'bar ba nyi ma'i dkyil 'khor dang mtshungs pa zhig mthong ste/ 'od zer de las phyogs bcu'i sangs rgyas tshad med pa rnams rin po che'i shing drung na bai dUr+ya'i gdan la bzhugs nas 'khor brgya stong du mas yongs su bskor ba la chos 'chad pa yang mthong / bram ze zhig gis gser gyi rnga brdungs pa las sgra chen po byung ste/ sgra de las sdig pa bshags pa'i chos kyi tshigs su bcad pa shin du gya nom pa dag bstan pa yang mdzes pa'i tog gis thos pas thams cad ma lus par yid la bzung ste dran pa rtse gcig tu gnas par gyur to/ /nam langs pa dang 'khor brgya stong tshad med pa mang pos yongs su bskor te mchod pa'i yo byad rnams thogs nas rgyal po'i khab kyi grong khyer nas phyir byung ste/ bya rgod phung po'i ri ga la ba der dong nas bcom ldan 'das kyi spyan sngar phyin pa dang / bcom ldan 'das kyi zhabs la phyag byas nas me tog dang spos dag bkram ste/ g.yas phyogs su lan gsum bskor ba byas nas phyogs gcig tu 'khod de thal mo sbyar nas gus pas bcom ldan 'das kyi zhal du bltas nas bcom ldan 'das la 'di skad ces gsol to/ /bcom ldan 'das bdag gi g.yar lam na bram ze zhig gis gser gyi rnga shin du gya nom pa brdungs pa las sgra chen po byung ste/ </font><hr>96.47b<br><font size=+1>

sgra de las sdig pa bshags pa'i chos kyis tshigs su bcad pa shin du gya nom pa dag bstan pa bdag gis thams cad yongs su bzung ste dran lags na/ bcom ldan 'das thugs rje chen pos bshad par gnang bar mdzad du gsol/ de nas bcom ldan 'das kyi spyan sngar tshigs su bcad de gsol pa/ /bdag gis mdang sum g.yar lam na/ /gser gyi rnga ni chen po zhig /dbyibs ni shin du khyad par 'phags/ /kun nas 'od zer khyab par ldan/ /nyi ma'i dkyil 'khor mtshungs pas na/ /snang bas kun du khyab par bgyis/ /phyogs bcu'i 'jig rten gang bar mthong / /sangs rgyas mang po thams cad kun/ /rin chen ljon shing drung dag tu/ /bai dUr+ya yi gdan bzhugs te/ /'khor ni brgya stong tshad med snyed/ /gus pas yongs su bskor bar mthong / /de nas bram ze zhig gis ni/ /gser gyi rnga chen brdungs pas na/ /rnga chen de yi sgra las ni/ /tshigs bcad gya nom 'di skad smras/ /gser 'od rnga las gya nom sgra byung bas/ /stong gsum chen po'i 'jig rten kun khyab nas/ /ngan song gsum gyi sdug bsngal mi bzad dang / /mi yi sdug bsngal mang po gang yin pa/ /gser gyi rnga sgra mthu stobs dbang gis ni/ /nyon mongs sgribs pa thams cad gtan zhi nas/ /dper na thub dbang bcom ldan ji bzhin du/ /'jigs pa bsal nas bde ba nyid du shog /bcom ldan 'khor ba'i rgya mtsho chen por ni/ /spyod bsags thams cad mkhyen ni bsgrubs pas na/ /sems can byang chub yan lag ldan mdzad nas/ /mthar ni yon tan rgya mtsho phyogs par mdzad/ /gser 'od dam pa'i rnga chen sgra 'di ni/ /thos pa kun ni tshangs dbyangs thob par shog /bla med byang chub 'bras bu thob gyur nas/ /chos kyi 'khor lo gya nom rtag bskor shog /tshe ni bskal pa bsam mi khyab gnas nas/ /ji bzhin chos bshad skye dgu phan byed shog /nyon mongs sdug bsngal mang po rgyun bcad nas/ /'dod sdang gti mug la sogs zhi bar shog /sems can</font><hr>96.48a<br><font size=+1>

gang zhig ngan 'gro gnas gyur nas/ /me chen rab 'bar lus kun khyab pa dag /rnga sgra dam pa 'di ni thos gyur na/ /sdug bsngal bral nas sangs rgyas skyabs 'gro shog /thams cad sngon gnas shes pa grub gyur nas/ /'das pa'i tshe rabs brgya stong dran par shog /thub pa'i gtso bo yang dag dran gyur nas/ /de bzhin gshegs bstan zab mo thos par shog /gser gyi rnga dbyangs dam pa thos pa'i dbang / /rtag par sangs rgyas rnams ni nyer bsten nas/ /thams cad sdig pa'i las ni yongs spangs te/ /rnam dag dge phyogs 'ba' zhig spyod par shog /lha dang mi yi srog chags thams cad kun/ /gus pa'i smon lam rtse gcig 'debs pa dag /gser gyi rnga sgra dam pa thos gyur nas/ /bsam pa rnams ni yongs su rdzogs par 'gyur/ /sems can gang zhig mnar med lhung gyur nas/ /dmyal ba'i 'bar mes lus ni nyon mongs te/ /mgon skyabs med cing 'khor bar gnas gyur pa/ /thos par gyur na sdug bsngal zhi bar 'gyur/ /lha mi yid dgas dud 'gro'i skye gnas su/ /sdug bsngal bgegs mang mngon du myong 'gyur ba/ /gser gyi rnga dbyangs dam pa thos gyur na/ /sdug bsngal spangs nas thar pa thob par 'gyur/ /da ltar phyogs bcu'i 'jig rten na/ /rtag tu bzhugs pa rkang gnyis gtso/ /thugs rje chen po thugs kyis ni/ /brtse bas bdag la dgongs su gsol/ /sems can gang zhig skyabs ma mchis/ /mgon ni bgyid pa ma mchis pa/ /de lta bu'i rnam pa la/ /skyabs chen dag ni bgyid par shog /bdag gis sngon ni bgyis pa'i sdig /las ngan shin du lci ba rnams/ /ding bdag stobs bcu'i spyan sngar ni/ /thams cad rtse gcig rab tu bshags/ /bdag gis sangs rgyas yid ma ches/ /bla ma gnyen bshes</font><hr>96.48b<br><font size=+1>

ma gus dang / /dge ba mang po ma spyad pas/ /rtag tu las ngan bgyis pa 'am/ /bdag gis mtho btsun rus rigs dang / /longs spyod dag ni snyems pa dang / /dar la bab pas dregs gyur nas/ /rtag tu las ngan bgyis pa'am/ /rtag tu log pa'i bsam bskyed nas/ /ngag gis tshig ngan smras pa dang / /kha na ma tho ma mthong nas/ /rtag tu las ngan bgyis pa 'am/ /rtag tu byis pa'i blo spyad nas/ /ma rig mun pas sems g.yogs dang / /mi dge'i grogs po'i rjes 'brangs nas/ /rtag tu las ngan bgyis pa 'am/ /rtsed mo dga' ba rnams kyi rgyus/ /mya ngan dag dang ldan 'gyur zhing / /'dod chags zhe sdang dkris pas na/ /de slad sdig rnams bgyis pa 'am/ /mi dge'i grogs po bsten pa dang / /phrag dog ser sna bsam pa dang / /dbul phongs gya gyu spyad pas na/ /de slad sdig rnams bgyis pa 'am/ /sdig mang dag la mi mos kyang / /'jigs skrag dag dang bcas pa 'am/ /rang dbang dag ni ma mchis pas/ /de slad sdig rnams bgyis pa 'am/ /rnam par g.yeng ba'i bsam pa dang / /khong khro mkhon du 'dzin pa dang / /bkres skom dag gis gdungs pa'i rgyus/ /de slad sdig rnams bgyis pa 'am/ /bza' dang btung dang gos dag dang / /bud med dag la chags srid pa'i/ /nyon mongs mes ni bsregs pas na/ /de slad sdig rnams bgyis pa 'am/ /sangs rgyas chos dang dge 'dun la/ /gus pa'i sems ni ma skyed pa'i/ /'di 'dra'i sdig mang gang bgyis pa/ /ding bdag thams cad so sor bshags/ /rang rgyal byang chub sems dpa' la/ /gus pa'i sems ni ma mchis pa'i/ /'di 'dra'i sdig mang gang bgyis pa/ /ding bdag thams cad so sor bshags/ /mi shes dam chos skur pa dang / /pha ma srid zhu ma bgyis pa'i/ /de 'dra'i sdig mang gang bgyis pa/ /deng bdag thams cad</font><hr>96.49a<br><font size=+1>

so sor bshags/ /gti mug dang ni nga rgyal dang / /'dod chags zhe sdang mthu yis ni/ /de 'dra'i sdig mang gang bgyis pa/ /ding bdag thams cad so sor bshags/ /bdag gis phyogs bcu'i 'jig rten khams/ /sangs rgyas grangs med gang mchod pa/ /sems can rnams ni rab drangs nas/ /sdug bsngal bgegs rnams bral bgyid shog /sems can dag ni thams cad kun/ /sa bcu la ni gnas gyur te/ /bsod nams ye shes yongs rdzogs nas/ /mngon sangs skye dgu 'dren par shog /bdag gis sems can kun gyi slad/ /bskal pa brgya stong dka' spyad nas/ /shes rab chen po'i stobs kyis ni/ /sdug bsngal rgya mtsho mthar bgyid shog /bdag gis srog chags kun gyi slad/ /gser 'od mchog tu rnam par rgyal/ /zab mo'i mdo sde bshad nas ni/ /las ngan rnams ni bsal bar shog /gang zhig bskal pa brgya stong du/ /sdig lci dag ni bgyis pa rnams/ /skad cig tsam zhig 'thol bshags na/ /sdig pa mang po ma lus byang / /gser 'od dam pa 'di bzhin du/ /de ltar bshags pa bgyis gyur na/ /sdug bsngal las mang thams cad kun/ /'di yi dbang gis myur du byung / /ting 'dzin mchog ni brgya stong dang / /bsam gyi mi khyab gzungs rnams dang / /dbang stobs byang chub lam yan lag /rtag tu sgom yang skyo mi 'gyur/ /bdag gis rin chen phun tshogs nas/ /sa bcu la ni phyin gyur nas/ /sangs rgyas yon tan yongs rdzogs te/ /'khor bar 'bab pa sgrol bar shog /bdag gis sangs rgyas mtsho las ni/ /shin du zab mo yon tan mdzod/ /gya nom ye shes bsam dka' ba/ /phun sum tshogs pa thob par shog /phyogs bcu'i sangs rgyas thams cad kun/ /bdag la so sor</font><hr>96.49b<br><font size=+1>

gzigs dgongs nas/ /thugs rje chen po'i thugs kyis ni/ /bdag gis bshags pa bzhes su gsol/ /bdag gis bskal pa mang por ni/ /las ngan mang po bgyis pas na/ /de yi dbang gis sdug bsngal myong / /thugs rjes byang bar mdzad par smon/ /bdag gis las ngan mang bgyis pa/ /rtag tu mya ngan 'jigs sems skyes/ /spyod lam bzhi po kun du yang / /dga' ba'i 'du shes yod ma mchis/ /sangs rgyas thugs rje chen po ldan/ /sems can 'jigs pa sel mdzad na/ /bdag gis bshags pa bzhes nas ni/ /mya ngan sdug bsngal bral bar smon/ /bdag la nyon mongs sgrib pa dang / /rnam smin las ni ci mchis pa/ /thugs rje chen po'i chab kyis ni/ /rab bkrus byang bar mdzad par smon/ /bdag gis sngon chad sdig pa dang / /da ltar las ngan bgyis pa rnams/ /rtse cig sems kyis 'thol bshags na/ /thams cad rab tu byang bar shog /ma 'ongs pa'i las ngan rnams/ /bsdams te slong bar yong mi bgyid/ /gal te 'gal ba mchis na yang / /nams kyang 'chab par yong mi bgyid/ /lus gsum ngag gi rnam pa bzhi/ /yid kyi las ni rnam pa gsum/ /sems can rnams ni 'ching bgyid pas/ /thog ma med nas rgyun mi 'chad/ /spyod pa 'di gsum dbang gis na/ /mi dge las bcu bgyis gyur pas/ /de 'dra'i nongs pa mang po rnams/ /de dag thams cad so sor bshags/ /bdag gis las ngan mang bgyis pas/ /sdug bsngal rnam smin rang nyid myong / /sangs rgyas rnams kyi spyan sngar ni/ /bsam pa thag pas so sor bshags/ /'dzam bu'i gling ni 'di dag dang / /'jig rten khams ni gzhan dag tu/ /dge ba'i las mang ci mchis pa/ /deng bdag thams cad yi rang ngo / /mi dge las bcu rab spangs nas/ /dge bcu lam ni mngon bsgrubs te/ /sa bcu dag la rab gnas nas/ /phyogs bcu'i sangs</font><hr>96.50a<br><font size=+1>

rgyas rtag mthong smon/ /bdag gis lus dang ngag yid kyis/ /bsod nams ye shes las bsgrubs pa'i/ /dge ba'i rtsa ba 'di yi mthus/ /bla med ye shes myur grub shog /deng bdag stobs bcu'i spyan sngar mngon sum du/ /sdug bsngal bgegs mang sna tshogs mthol zhing bshags/ /byis pa srid gsum rmongs pa'i bgegs dag dang / /rtag par las ngan lci bar bgyis pa'i bgegs/ /bdag gis log pa'i 'dod pas bsags pa'i bgegs/ /rtag tu srid bskyed 'khor bar 'gyur ba'i bgegs/ /'jig rten 'di la mngon zhen chags pa'i bgegs/ /byis pa thams cad kun gyi nyon mongs bgegs/ /sems myos rnam g.yeng phyin ci log pa'i bgegs/ /mi dge grogs po dag la brten pa'i bgegs/ /'khor ba dag la 'dod chags zhen pa'i bgegs/ /zhe sdang gti mug glen pas sdig bgyis bgegs/ /mi khom brgyad skye mi dge grogs po'i bgegs/ /bsod nams yon tan ma bsags pa yi bgegs/ /ding bdag rgyal ba kun gyi spyan sngar ni/ /sdig pa'i las ngan mtha' yas bgyis pa bshags/ /deng bdag bde gshegs kun la skyabs su mchi/ /bla med yon tan mtsho la bdag phyag 'tshal/ /gser gyi ri ltar phyogs bcu gsal mdzad pa/ /byams dang thugs rjes bdag ni gzung du gsol/ /sku ni gser mdog rnam dag dri mi mnga'/ /spyan ni rnam dag bai dUr+ya dang 'dra/ /dpal dang gzi brjid grags dang ldan pa'i gtso/ /thugs rje shes rab nyi mas mun sel ba/ /sangs rgyas nyi ma'i 'od kyis kun gsal mdzad/ /shin du rnam dag dri med rdul dang bral/ /thub pa'i zla bas gsal mdzad rab bsil ba/ /sems can nyon mongs gdung ba sel bar mdzad/ /sum bcu rtsa gnyis mtshan gyis rab brgyan cing / /dpe byad bzang po brgyad cu yongs su rdzogs/ /yon tan bsam dka' mtshungs pa ma mchis pas/ /nyi 'od lta</font><hr>96.50b<br><font size=+1>

bur 'jig rten gsal bar mdzad/ /kha dog bai dUr+ya 'dra dri med mnga'/ /zla ba nya ltar nam mkha' dag la bzhugs/ /shel mchog dam pa'i dra bas gser sku sgribs/ /'od zer sna tshogs dag gis rab tu brgyan/ /'khor ba'i sdug bsngal chu bo'i nang du ni/ /rga nad mya ngan chu yis ded pas na/ /de 'dra'i sdug bsngal rgya mtsho bzod dka' ba/ /sangs rgyas nyi ma'i 'od kyis gtan du bskams/ /ding bdag stong gsum 'jig rten rmad byung gtso/ /thams cad mkhyen pa spyi btud phyag 'tshal lo/ /'od zer rab gsal gser mdog 'dra ba'i sku/ /dpe byad dam pa sna tshogs dag gis brgyan/ /ji ltar rgya mtsho'i chu tshad shes bka' zhing / /sa chen rdul ni bgrang du ma mchis dang / /ji ltar ri rab srang grangs gzhal dka' zhing / /nam mkha' dag la mu mtha' ma mchis ltar/ /sangs rgyas rnams kyis yon tan de bzhin te/ /sems can thams cad kun gyis rig mi 'gyur/ /bskal pa tshad med snyed du rab bsams kyang / /yon tan rgya mtsho'i pha mtha' rtogs mi 'gyur/ /sa chen 'di yi ri brags ji snyed pa/ /rdul phran bzhin du gses kyang brtsir rung zhing / /rgya mtsho'i chab ni spu rtses gzhal rung yang / /sangs rgyas yon tan bgrang bar rngo mi thog /sems can thams cad lhan cig 'dus nas ni/ /bcom ldan grags pa'i chos ni thams cad dang / /mtshan bzangs rnam dag dkon mchog bsngags brjod kyang / /de yi pha mtha' dpag par yongs mi 'gyur/ /bdag gi dge ba'i las mang ci mchis pas/ /myur du bla na ma mchis gtso grub nas/ /yang dag chos bshad skye dgu phan btags te/ /thams cad sdug bsngal mang las thar bgyid shog /bdud kyi dmag tshogs stobs kyang rab btul nas/ /bla med dam chos 'khor lo bskor bar shog /bskal pa grangs med bsam mi khyab gnas nas/ /bdud</font><hr>96.51a<br><font size=+1>

rtsi'i ro yis sems can tshim bgyid shog /'das pa'i rgyal ba rnams ni ji lta bzhin/ /pha rol phyin drug yongs su rdzogs bgyid shog /'dod chags zhe sdang gti mug zhi gyur nas/ /nyon mongs btul te sdug bsngal bsal bar shog /bdag gis rtag tu tshe rabs dran gyur nas/ /'das pa'i skye ba brgya stong dran pa dang / /rtag par thub pa'i gtso bo dran gyur te/ /sangs rgyas zab mo'i chos ni thos par shog /bdag gi dge ba'i las ni 'di rnams kyis/ /rgyal ba tshad med dag la bsnyen bkur nas/ /mi dge ba yi rgyu kun yongs spangs te/ /yang dag dam chos rtag tu sgrub par shog /'jig rten thams cad sems can ji snyed pa/ /sdug bsngal spangs nas bde ba thob par shog /dbang po ma tshang ji snyid mchis pa dag /de dag lus kyi mtshan rnams yongs rdzogs shog /sems can gang zhig nad kyi sdug bsngal gyis/ /lus ni nyam chung skyabs bgyid ma mchis pa/ /thams cad nad kyi sdug bsngal rab zhi nas/ /dbang po kha dog mthu ni rgyas par shog /gang gis rgyal chos 'gal bgyis bsad la thug /sdug bsngal mang gtses mya ngan rab skyes nas/ /de yis sdug bsngal mi bzad myong ba'i tshe/ /mgon skyabs dag ni bgyid pa ma mchis dang / /gang dag gzhu brdeg mtshon cas bcings pa dang / /gnod byed yo byad sna tshogs lus nyon mongs/ /mya ngan brgya stong tshad med myong ba na/ /lus sems rab gzer bde ba cung zad med/ /de dag thams cad bcings shing brdegs pa dang / /sdug bsngal nyon mongs dag las thar bar shog /bsad la thug pa dag ni srog thob nas/ /sdug bsngal mang po thams cad gtan zad shog /sems can gang zhig bkres skom gdungs gyur pa/ /ro mchog dam pa sna tshogs</font><hr>96.51b<br><font size=+1>

'thob par shog /long bas gzugs mthong 'on pas sgra thos dang / /thing pos 'gro nus lkugs pa smra nus shog /dbul phongs sems can rin chen gter thob nas/ /bang mdzod rab rgyas rgud pa ma mchis te/ /thams cad bde mchog dam pa rab rnyed nas/ /sems can sdug bsngal myong ba ma mchis shog /lha mi thams cad mthong bar mos pa yi/ /byad bzhin dam pa rab mdzes thob gyur nas/ /bde ba tshad med mngon sum myong gyur te/ /longs spyod 'byor rgyas bsod nams ldan par shog /sems can de dag rol mo bsams pa bzhin/ /sgra mchog mang po mngon du 'byung bar shog /chu 'dod gser gyi me tog steng 'phyo ba/ /rab bsil rdzing bu mngon du snang bar shog /sems can de dag rol mo bsams pa bzhin/ /sgra mchog mang po mngon du 'byung rnams dang / /gser dngul dang ni rin chen bai dUr+ya/ /rgyan phreng thams cad phun sum tshogs par shog /sems can mi snyan thos par mi 'gyur zhing / /phan tshun mi mthun mthong bar ma gyur cig /lus kyi byad bzhin thams cad rab mdzes shing / /so sor byams pa'i sems kyis brtse bgyid shog /'jig rten bde ba'i yo byad longs spyod rnams/ /yid la bsams tshe thams cad 'byor par shog /nor rnams rnyed pa phongs pa ma mchis par/ /bgo bsha' bgyis te sems can gtong bar shog /bdug spos phye ma dang ni byug spos dang / /me tog sna tshogs kha dog gcig min pa/ /nyin re dus gsum shing las lhung gyur nas/ /yid bzhin longs spyod dga' ba skyed par shog /sems can thams cad phyogs bcu'i rgyal gtso dang / /theg gsum rnam dag gya nom chos kyi sku/ /byang chub sems dpa' dang ni rang rgyal dang / /nyan thos dge 'dun</font><hr>96.52a<br><font size=+1>

mchod pa bgyid par shog /rtag tu ma rabs dag tu mi skye zhing / /mi khom brgyad po dag tu mi ltung dang / /dal 'byor mi yi gtso bor skyes gyur te/ /phyogs bcu'i sangs rgyas rim gro bgyid par shog /rtag par phyug po dag gi khyim skyes te/ /nor dang rin chen bang mdzod rgyas pa dang / /byad bzhin grags pa dpe zla ma mchis te/ /tshe ring bskal pa'i grangs snyed gnas par shog /bud med thams cad kun ni phor gyur nas/ /dpa' zhing sems rno blo gros shin du che/ /thams cad byang chub sems dpa'i lam spyad nas/ /pha rol phyin drug sgrub la brtson par shog /rtag par phyogs bcu'i sangs rgyas tshad med snyed/ /rin chen shing rgyal drung du gshegs nas ni/ /bai dUr+ya yi gdan la rab bzhugs te/ /chos kyi 'khor lo bskor ba mthong bar shog /gal te 'das pa dang ni da ltar tshe/ /srid gsum 'khor nas las rnams bgyis pas na/ /yid du mi mchi ngan 'gro thob gyur pa/ /thams cad ma lus gtan du byang bar shog /sems can thams cad srid pa'i rgya mtshor ni/ /'khor ba'i zhags pas dam tu bcings pa ni/ /shes rab ral gri dag gis bcad bsal te/ /sdug bsngal spangs nas byang chub myur thob shog /sems can gang gis 'dzam gling 'di dag dang / /yang na 'jig rten gzhan dag tu yang rung / /bsod nams rgyun mchog sna tshogs ci bsgrubs pa/ /de dag thams cad kun la yid rang ngo / /bsod nams dngos po dag la yi rang dang / /lus dang ngag yid dge ba mang bgyis des/ /las mchog dam pa 'di dag rtag 'phel nas/ /bla med byang chub chen po myur thob smon/ /phyag bgyis sangs rgyas yon tan bsngags pa dang / /bsam pa dang zhing rnyog pa ma mchis pas/ /bsngo zhing smon lam btab pa'i bsod nams des/ /bskal pa drug bcu'i ngan 'gro 'das par smon/ /rigs kyi bu dang rigs kyi bu mo dang / /</font><hr>96.52b<br><font size=+1>

bram ze la sogs rigs mchog dam pa rnams/ /thal sbyar rtse gcig sangs rgyas bsngags brjod na/ /skye ba rtag par kun tu tshe rabs dran/ /dbang po tshang zhing lus ni yongs rdzogs te/ /yon tan dam pa thams cad phun tshogs 'gyur/ /ma 'ongs pa yi skye ba thams cad du/ /rtag par lha mi rnams kyis blta bar shog /sangs rgyas gcig dang sangs rgyas bcu dag las/ /dge ba'i rtsa ba bsgrubs nas thob pa min/ /sangs rgyas brgya stong dge rtsa bskyed pas na/ /'gyod tshangs chos 'di thos par gyur pa yin/ /de nas bcom ldan 'das kyis de skad ces gsol pa gsan pa dang / byang chub sems dpa' mdzes pa'i tog la legs so legs so zhes bsngags pa brjod nas/ /rigs kyi bu khyod kyis ji ltar rmi lam du gser gyi rnga bo che las byung ba'i sgras de bzhin gshegs pa'i yon tan bsngags pa brjod pa dang / 'gyod tshangs bya ba'i chos bstan pa mthong ba gang yin pa de gang la la zhig gis thos par gyur na bsod nams shin tu mang po 'thob par 'gyur zhing sems can la rgya cher phan 'dogs pa dang / kha na ma tho ba'i sgrib pa yongs su byang bar 'gyur ro/ /khyod kyi las mchog dam pa 'di dag thams cad ni 'das pa'i dus su bsngags pa brjod cing smon lam btab pa'i sngon gyi bag chags kyi rgyu rkyen dang / de bzhin gshegs pa rnams kyis byin gyis brlabs pa'i mthus rgyu rkyen 'di dag khyod la bstan pa yin par rig par bya'o/ /de'i tshe 'khor mang po rnams de skad ces bka' stsal pa thos nas thams cad rab tu dga' zhing mngon par yid ches nas bka' bzhin tu spyod par gyur to/ /gser 'od dam pa mchog tu rnam par rgyal ba mdo sde'i rgyal po las rmi lam na 'gyod tshangs byed pa mthong ba'i le'u ste bzhi pa'o// // gser 'od dam pa mchog tu rnam par rgyal ba mdo sde'i rgyal po/ bam po gsum pa/ </font><hr>96.53a<br><font size=+1>

de nas bcom ldan 'das yang dag pa'i rnam par rtog pa la bzhugs te shin du zab cing gya nom pa'i ting nge 'dzin la snyoms par zhugs pa dang / sku'i spu'i bu ga nas kha dog rnam pa sna tshogs brgya stong tshad med pa snyed dang ldan pa'i 'od zer chen po bkye bas phyogs bcu'i gang gA'i klung gi bye ma dag gi tshad dang dper byar med pa'i sangs rgyas kyi zhing rnams 'od zer gyis rab tu snang bar gyur to/ /snyigs ma lnga'i 'jig rten dag tu 'od zer gyis snang bar byas pas sems can gang dag mi dge ba bcu'i las dang / mtshams med pa lnga'i kha na ma tho ba dang / dkon mchog gsum la skur pa btab pa dang / bla ma dang nye ba dag la sri zhu ma byas pa dang / mkhan po dang bram ze dag la brnyas shing nga rgyal byas pas sems can dmyal ba dang / yi dgas dang / dud 'gro'i skye gnas su ltung bar gyur pa de dag so so nas 'od zer gyi snang ba de dag gi gnas su phyin par gyur pas sems can de dag 'od zer de mthong ba dang / 'od zer gyi mthus thams cad kyis bde ba dang / shin du sdug cing mdzes pa'i gzugs kyis mtshan phun sum tshogs pa dang / bsod nams dang ye shes kyis brgyan nas sangs rgyas rnams mthong bar gyur to/ /de'i tshe brgya byin dang / lha'i 'khor thams cad dang / ga gA'i lha mo dang / 'khor mang po rnams 'od zer rmad du byung ba mthong ba dang / thams cad bcom ldan 'das kyi spyan sngar lhags te g.yas phyogs su lan gsum bskor ba byas nas phyogs gcig tu 'khod do/ /de nas brgya byin lha'i dbang po bcom ldan 'das kyis byin gyi brlabs kyi mthus stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar nas/ bcom ldan 'das la 'di skad ces gsol to/ /bcom ldan 'das rigs kyi</font><hr>96.53b<br><font size=+1>

bu 'am/ rigs kyi bu mo gang gis bla na med pa yang dag par rdzogs pa'i byang chub gnyer zhing theg pa chen po mngon par bsgrubs pas ji ltar phyin ci log tu gyur pa'i sems can thams cad yongs su gzung bar bgyis lags/ sngon mngon par 'dus bgyis pa'i las kyi sgrib pa'i kha na ma tho ba ji ltar bshags na yongs su 'byang bar 'gyur lags/ bcom ldan 'das kyis brgya byin lha'i dbang po la bka' stsal pa/ rigs kyi bu deng khyed kyis tshad med dpag tu med pa'i sems can rnams rnal 'byor bsgom nas/ rnam par dag pa'i rnam par grol ba'i bde ba 'thob par bya ba dang / 'jig rten thams cad la snying brtse zhing phan par 'dod pa legs so legs so/ /sems can gang la la zhig las kyi sgrib pa'i dbang gis sdig pa rnams mngon par 'dus byas pa gang yin pa des nan tan brtson 'grus bskyed de nyin mtshan dus drug tu/ bla gos phrag pa gcig tu gzar te/ pus mo g.yas pa'i lha nga sa la gtsugs nas gus pas thal mo sbyar te/ sems brtse gcig tu dran pa nye bar bsdus nas ngag gi sgo nas bdag nyid kyis 'di skad du phyogs bcu na da ltar bzhugs pa'i sangs rgyas bcom ldan 'das bla na med pa yang dag par rdzogs pa'i byang chub brnyes nas dam pa'i chos kyi 'khor lo yongs su bskor ba/ chos kyi 'khor lo 'dzin cing gsal bar mdzad pa/ chos kyi char chen po phab pa/ chos kyi rnga chen po brdung ba/ chos kyi dung chen po bus pa/ chos kyi rgyal mtshan chen po btsugs pa/ chos kyi sgron ma chen po 'dzin pa/ thams cad sems can rnams la sman cing bde bar mdzad pa'i slad du rtag par chos kyi sbyin pa gtong ba/ skye dgu rmongs pa rnams drangs nas 'bras bu chen po thob pa la bkod de/ rtag tu bde ba mngon sum du mdzad pa bzhed pa de lta</font><hr>96.54a<br><font size=+1>

bu'i sangs rgyas bcom ldan 'das rnams la skyabs su mchi ste mgo bos phyag 'tshal lo/ /sangs rgyas bcom ldan 'das gang dag yang dag pa'i shes rab dang / yang dag pa'i spyan dang / yang dag pa'i mkhyen pa dang / yang dag pa'i mnyam pas sems can gyi dge sdig gi las mkhyen cing gzigs pa thams cad la lus dang ngag dang yid kyis sems rtse gcig tu spyi bos btud de gus par phyag 'tshal lo/ /bdag gis thog ma ma mchis pa'i dus nas sdig pa'i rjes su 'brangs te sems can rnams dang lhan cig tu las kyi sgrib pa kha na ma tho ba bgyis pa dang / 'dod chags dang / zhe sdang dang / gti mug gis kun du dkris shing bcings pas sangs rgyas ma 'tshal ba'i dus dang / chos ma 'tshal ba'i dus dang / dge 'dun ma 'tshal ba'i dus na dge sdig ma 'tshal ba'i dbang gis lus dang ngag dang yid kyi sgo nas mtshams ma mchis pa ngan sems kyis de bzhin gshegs pa'i sku la mtshal phyung ba dang / yang dag pa'i chos la skur pa btab pa'am/ dge 'dun 'thun pa'i dbyen bgyis pa dang / dgra bcom pa bkum pa 'am/ pha ma bkum pa 'am/ lus kyi rnam pa gsum dang / ngag gi rnam pa bzhi dang / yid kyi spyod pa rnam pa gsum gyi dbang gi mi dge ba bcu'i las bdag nyid kyis bgyis pa dang / gzhan bgyid du stsal ba dang / gzhan bgyid pa la rjes su yi rang ba dang / dge ba'i gang zag rnams la nan gyis skur pa btab pa dang / bre srang gis bslus pa dang / yang dag pa ma lags pa la yang dag pa bzung ba dang / mi gtsang ba'i bza' ba dang btung ba gzhan dag la stsal ba dang / 'gro ba drug po de dag tu mchis pa'i pha ma ji snyid pa dag la phan tshun gnod pa bgyis pa dang / mchod rten gyi dkor brkus pa dang / phyogs bzhi'i dge 'dun gyi dkor dang / mngon</font><hr>96.54b<br><font size=+1>

sum gyi dge 'dun gyi dkor rang dbang bgyis te yongs su spyad pa dang / bcom ldan 'das kyis gsung pa'i chos dang 'dul ba la bslab par ma mos pa dang / mkhan po dang / bla ma'i gdams ngag gi rjes su mi 'brang ba dang / nyan thos dang / rang sangs rgyas dang / theg pa chen po'i spyod pa mngon par bsgrubs pa dag la smad par dga' bas rnal 'byor sgom pa'i gang zag rnams sems la 'gyod pa bskyed pa dang / bdag pas khyad par du 'phags pa zhig mthong na phrag dog bskyed pa dang / chos kyi sbyin pa dang / zang zing gi sbyin pa dag la rtag par ser sna dang / phangs pa'i sems bskyed pa dang / ma rig pas bsgribs shing log par lta bas sems rmongs par gyur pa dang / dge ba'i rgyu ma bskyed pas sdig pa 'phel bar gyur pa dang / de bzhin gshegs pa rnams la smod pa'i bsam pa bskyed pa dang / chos la chos ma lags par bshad pa dang / chos ma lags pa la chos su bshad pa la sogs pa 'di lta bu'i sdig pa mang po rnams bcom ldan 'das yang dag pa'i shes rab dang / yang dag pa'i spyan dang / yang dag pa'i mkhyen pa dang / yang dag pa'i mnyam pas thams cad mkhyen cing thams cad gzigs pa dag la deng bdag srog phyogs nas bcom ldan 'das rnams kyi spyan sngar thams cad mthol zhing bshags so/ /thams cad mngon du phyung nas 'chab cing sbed par mi bgyid do/ /sngar ma bgyis pa'i kha na ma tho ba rnams slan chad mi bgyid do/ /sngar bgyis pa'i kha na ma tho ba rnams deng thams cad mthol zhing bshags so/ /ngan 'gro sems can dmyal ba dang / dud 'gro'i skye gnas dang / yi dgas kyi 'gro ba dang / lha ma yin gyi 'khor dang / mi khom pa brgyad po dag tu ltung bar 'gyur ba'i las kyi sgrib pa ci mchis pa dang / bdag gis tshe 'di la bgyis pa'i las kyi sgrib pa ci mchis pa thams cad zhu byang nas sdig pa'i rnam par smin pa ci mchis pa ma 'ongs pa na mi myong bar smon to/ /</font><hr>96.55a<br><font size=+1>

ji ltar 'das pa'i byang chub sems dpa' sems dpa' chen po rnams kyis byang chub kyi spyod pa spyad pa na las kyi sgrib pa ci mchis pa ma lus par mthol zhing bshags pa de bzhin du bdag gi las kyi sgrib pa ci mchis pa yang mthol zhing bshags so/ /thams cad mngon du phyung ste 'chab cing sbed par mi bgyid do/ /sngar bgyis pa'i sdig pa rnams zhu byang bar smon to/ /ma 'ongs pa'i sdig pa rnams yang bgyid pa'i thugs mi thub bo/ /ma 'ongs pa'i byang chub sems dpa' sems dpa' chen po rnams byang chub kyi spyad pa spyod pa na las kyi sgrib pa ci mchis pa ma lus par mthol zhing 'chags pa de bzhin du bdag gi las kyi sgrib pa yang mthol zhing bshags so/ /thams cad mngon du phyung nas 'chab cing sbed par mi bgyid do/ /sngar bgyis pa'i sdig pa rnams zhu byang bar smon to/ /ma 'ongs pa'i sdig pa rnams yang bgyid pa'i thugs mi thub po/ /da ltar phyogs bcu'i 'jig rten na byang chub sems dpa' sems dpa' chen po rnams kyi byang chub kyi spyod pa spyad pa dag las kyi sgrib pa ci mchis pa mthol zhing 'chags pa de bzhin du bdag gi las kyi sgrib pa yang mthol zhing bshags so/ /thams cad mngon du phyung nas 'chab cing sbed par mi bgyid do/ /sngar bgyis pa'i sdig pa rnams zhu byang bar smon to/ /ma 'ongs pa'i sdig pa rnams yang bgyid pa'i thugs mi thub bo zhes brjod par bya'o/ /rigs kyi bu rgyu dang rkyen de'i phyir gang gis sdig pa byas pa zhig yod na/ skad cig tsam du yang 'chab cing sbar mi rung na nyin gcig gam/ mtshan gcig nas dus ring po'i bar du lta smos kyang ci dgos/ gang la la zhig gis sdig pa byas nas rnam par dag pa yongs su tshol bar 'dod cing sems la ngo tsha ba dang bcas ma 'ongs pa na gdon mi za bar sdig pa'i rnam par smin pa yod do zhes mngon par yid ches nas 'jigs shing skrags pa</font><hr>96.55b<br><font size=+1>

chen po skyes pa des 'di ltar bshags par bya'o/ /'di lta ste dper na mi la la zhig mes mgo thod bsregs sam gos bsregs par gyur na myur ba kho nar me gsod par byed de/ gal te me zhi bar ma gyur na sems kyis bde ba thob par mi 'gyur ro/ /gang gis sdig pa byas na yang de bzhin du mthol zhing bshags nas myur ba kho nas yongs su sbyang bar bya'o/ /gang la la zhig phyug po'i khyim du skyes nas nor dang rin po che mang po dang ldan par 'dod pa dang / gzhan yang sems bskyed nas theg pa chen po bsgom par 'dod na yang 'gyod tshangs byas nas las kyi sgrib pa yongs su sbyang bar bya'o/ /cho rigs btsun pa'i bram ze dang / rgyal rigs dang / 'khor los sgyur ba'i rgyal po rin po che snang bdun dang ldan pa'i khyim bdag tu skye bar 'dod na yang 'gyod tshangs byas nas las kyi sgrib pa yongs su sbyang bar bya'o/ /rigs kyi bu gal te rgyal chen bzhi'i ris kyi lha dang / sum bcu rtsa gsum pa'i lha dang / 'thab bral gyi lha dang / dga' ldan gyis lha dang / 'phrul dga'i lha dang / gzhan 'phrul dbang byed kyi lhar skye bar 'dod na yang 'gyod tshangs byas nas las kyi sgrib pa yongs su sbyang bar bya'o/ /gal te tshangs ris dang / tshangs pa'i mdun na 'don dang / tshangs chen gyi lha dang / 'od chung dang / tshad med 'od dang / 'od gsal gyi lha dang / dge chung dang / tshad med dge dang / dge rgyas gyi lha dang / sprin med dang / bsod nams skyes dang / 'bras bu che ba dang / mi che ba dang / mi gdung ba dang / gya nom snang dang / shin tu mthong dang / 'og min gyi lhar skye bar 'dod na yang 'gyod tshangs byas nas las kyi sgrib pa yongs su sbyang bar bya'o/ /gal te rgyun tu zhugs pa'i 'bras bu dang / lan gcig phyir 'ongs ba'i 'bras bu dang / phyir mi 'ong ba'i 'bras bu dang / dgra bcom pa'i 'bras bu yongs su gnyer bar 'dod</font><hr>96.56a<br><font size=+1>

na yang 'gyod tshangs byas nas las kyi sgrib pa yongs su sbyang bar bya'o/ /gal te rigs pa gsum dang / mngon par shes pa drug dang / nyan thos dang / rang sangs rgyas kyi rang dbang thob pa'i byang chub yongs su gnyer ba dang / mthar thug pa'i sar phyin nas thams cad mkhyen pa'i ye shes dang / yongs su dag pa'i ye shes dang / bsam gyi mi khyab pa'i ye shes dang / mi g.yo ba'i ye shes dang / yang dag par rdzogs pa'i byang chub thams cad mkhyen pa yongs su gnyer bar 'dod na yang 'gyod tshangs byas nas las kyi sgrib pa yongs su sbyang bar bya'o/ /de ci'i phyir zhe na/ rigs kyi bu chos thams cad ni rgyu dang rkyen las skye bas de bzhin gshegs pas kyang tha dad pa'i mtshan nyid 'gag par 'gyur ro/ /zhes gsungs te/ rgyu rkyen tha dad pa'i phyir 'di ltar 'das pa'i chos rnams 'gag cing zad par 'gyur bas las kyi sgrib pa ji snyed pa ma lus par 'gyur ba yang 'du byed kyi chos rnams mngon du ma skyes pa gang yin pa de dag deng gdod skye bar 'gyur bas ma 'ongs pa'i las kyi sgrib pa yang ldang bar mi 'gyur ro/ /de ci'i phyir zhe na/ rigs kyi bu chos thams cad stong zhing de bzhin gshegs pas kyang bdag dang / gang zag dang / sems can dang / srog med pa dang / skye ba dang / 'gag pa med pa dang / 'du byed kyi chos kyang med do zhes gsungs pas so/ /rigs kyi bu chos thams cad ni ngo bo nyid kyi gzhi la brten pas brjod du yang med do/ /de ci'i phyir zhe na/ mtshan ma thams cad yang dag par 'das pa'i phyir ro/ /rigs kyi bu 'am/ rigs kyi bu mo gang la la zhig 'di ltar yang dag pa'i don shin du gya nom pa la zhugs nas mngon par yid ches pas gus pa'i sems skyes par gyur pa gang yin pa de ni sems can med cing ngo bo nyid kyi gzhi yod pa zhes bya ste/ don de'i phyir 'gyod tshangs kyi las kyi sgrib</font><hr>96.56b<br><font size=+1>

pa yongs su sbyang bar bya'o zhes bstan pa yin no/ /rigs kyi bu gang gis chos rnam pa bzhi dang ldan par gyur na las kyi sgrib pa yongs su bsal nas gtan du yongs su byang bar 'gyur ro/ /bzhi gang zhe na/ log pa'i bsam pa mi skye zhing yang dag pa'i dran pa phun sum tshogs par gyur pa dang / shin du zab pa'i don dag la skur pa mi 'debs pa dang / spyod pa dang po'i byang chub sems dpa' dag thams cad mkhyen pa yin no/ /snyam pa'i bsam pa bskyed pa dang / sems can rnams la byams pa tshad med pa skyes pa ste/ 'di dag ni rnam pa bzhi zhes bya'o/ /de nas bcom ldan 'das kyis tshigs su bcad de bka' stsal pa/ rtse gcig sems kyis theg gsum srung / /zab mo'i chos la skur mi 'debs/ /thams cad mkhyen pa'i 'du shes skyed/ /byams sems las kyi sgrib pa sbyong / /rigs kyi bu shin du bsal bar dka' ba'i las kyi sgrib pa ni rnam pa bzhi yod de/ bzhi gang zhe na/ byang chub sems dpa'i sdom pa las shin du lci ba'i kha na ma tho ba byas pa dang / theg pa chen po'i mdo sde la sems kyis skur pa btab pa dang / rang gi dge ba'i rtsa ba 'phel bar mi byed pa dang / srid pa gsum la mngon par zhen nas nges par 'byung ba'i sems med pa gang yin pa'o/ /gzhan yang las kyi sgrib pa'i gnyen por gyur pa rnam pa bzhi yod de/ bzhi gang zhe na/ phyogs bcu'i 'jig rten na bzhugs pa'i de bzhin gshegs pa thams cad bsam pa thag pa nas nye bar bsnyen nas kha na ma tho ba thams cad bshags par byed pa dang / sems can thams cad kyi ched du de bzhin gshegs pa rnams la dam pa'i chos zab mo bshad par gsol ba 'debs pa dang / sems can thams cad kyi bsod nams ji snyed pa dag la rjes su yi rang ba dang / bsod nams kyi dge ba'i rtsa ba ji snyed pa thams cad bla na med pa yang dag par rdzogs pa'i byang chub tu yongs su bsngo ba gang yin pa'o/ /</font><hr>96.57a<br><font size=+1>

de nas bcom ldan 'das la brgya byin lha'i dbang pos 'di skad ces gsol to/ /bcom ldan 'das 'jig rten na skyes pa dang / bud med ji snyed mchis pa dag las theg pa chen po'i spyod pa spyod par rngo thog pa yang mchis spyod par rngo mi thog pa yang mchis na ji ltar sems can thams cad kyi bsod nams kyi dge ba'i rtsa ba dag la rjes su yi rang bar bgyi lags/ bcom ldan 'das kyis bka' stsal pa/ rigs kyi bu sems can gang la la zhig theg pa chen po sgom par mi nus mod kyi 'on kyang nyin mtshan dus drug tu bla gos phrag pa gcig la gzar te pus mo g.yas pa'i lha nga sa la btsugs nas gus pas thal mo sbyar te sems rtse gcig tu dran pa nye bar gzhag nas rjes su yi rang bar byed nas bsod nams tshad med pa snyed 'thob par 'gyur bas 'di skad du phyogs bcu'i 'jig rten gyi khams na sems can gang dag da ltar sbyin pa dang / tshul khrims dang / sems kyi shes rab mngon par sgrub pa ji snyed pa de dag thams cad la deng bdag shin du dang bas rjes su yi rang ngo / /zhes brjod par gyur na de ltar rjes su yi rang ba'i bsod nams kyi dbang gis gdon mi za bar shin du btsun zhing khyad par du 'phags pa bla na med pa mtshungs pa med pa mchog tu gya nom pa'i 'bras bu thob par 'gyur ro/ /de bzhin du 'das pa dang ma 'ongs pa'i sems can thams cad kyi dge ba'i rtsa ba ji snyed pa thams cad la yang rjes su yi rang bar bya'o/ /gzhan yang da ltar byang chub sems dpa'i spyod pa dang po bas/ byang chub tu sems bskyed pa las byung ba'i bsod nams ji snyed pa dag dang / bskal pa chen po brgya 'das nas byang chub sems dpa'i spyod pa spyad pa las byung ba'i bsod nams chen po gang yin pa dang / mi skye ba'i bzod pa thob pa nas phyir mi ldog pa dang / tshe gcig gis dbang bskur bar 'gyur ba'i bar dag las byung ba'i bsod nams kyi phung po gang yin pa de dag thams cad la yang 'di ltar bsam pa thag pa nas</font><hr>96.57b<br><font size=+1>

rjes su yi rang zhing bsngags pa brjod par bya'o/ /de bzhin du 'das pa dang / ma 'ongs pa'i byang chub sems dpa' thams cad kyi bsod nams ji snyed pa dag la yang rjes su yi rang zhing bsngags pa brjod par bya'o/ /gzhan yang da ltar phyogs bcu'i 'jig rten na yang dag pa'i thams cad mkhyen pa/ byang chub gya nom pa brnyes pa'i sangs rgyas bcom ldan 'das thams cad sems can mtha' yas pa rnams yongs su bzla ba'i phyir bla na med pa'i chos kyi 'khor lo bskor ba/ thogs pa mi mnga' ba'i chos kyi sbyin pa btang ba/ chos kyi rnga brdungs pa/ chos kyi dung bus pa/ chos kyi rgyal mtshan btsugs pa/ chos kyi char phab pa dag gis thugs brtse bas sems can thams cad la bskul zhing yongs su btul bas thams cad mngon par yid ches par gyur nas chos kyi sbyin pas tshim par mdzad pa'i dbang gis zad mi shes pa'i bde ba thob pa la bkod pa gang yin pa dang / gzhan yang byang chub sems dpa' dang nyan thos dang rang sangs rgyas kyis bsod nams bsags pa las byung ba'i dge ba'i rtsa ba gang yin pa dang / sems can gang gis 'di 'dra ba'i bsod nams da dung phun sum tshogs par ma gyur pa dag thams cad phun sum tshogs par 'gyur ba gang yin pa de dag la bdag rjes su yi rang ngo / /de bzhin du 'das pa dang / ma byon pa'i sangs rgyas dang / byang chub sems dpa' dang / nyan thos dang / rang sangs rgyas rnams kyi bsod nams ji snyed pa thams cad la yang bsam pa thag pa nas rjes su yi rang ngo zhes brjod par bya'o/ /rigs kyi bu de ltar na rjes su yi rang ba gang yin pa des bsod nams kyi phung po tshad med pa rnyed thob par 'gyur ro/ /gang gA'i klung gi bye ma snyed dang mnyam pa'i stong gsum gyi stong chen po'i 'jig rten gyi khams na sems can ji snyed yod pa de dag thams cad nyon mongs pa spangs te dgra bcom pa mngon par grub par</font><hr>96.58a<br><font size=+1>

gyur la/ rigs kyi bu mo gang la la zhig nam 'tsho'i bar du rtag par gos dang / bza' ba dang / btung ba dang / mal cha dang / gsos sman mchog dam pa rnams kyis mchod pa dang rim gro byas pas 'thob pa'i bsod nams gang yin pa des 'di ltar snga ma lta bur rjes su yi rang ba'i bsod nams de dang bskrun na stong gi cha gcig tsam du yang nye bar mi 'gro'o/ /de ci'i phyir zhe na/ mchod pa byas pa'i bsod nams gang yin pa de ni grangs dang bcas shing tshad dang bcas pas bsod nams thams cad yongs su sdud par mi 'gyur la rjes su yi rang ba'i bsod nams gang yin pa de la ni tshad med cing grangs med pas dus gsum gyi bsod nams thams cad yongs su sdud par byed pas de'i phyir gang la la zhig dge ba'i rtsa ba khyad par can 'phel bar 'dod pas 'di ltar rjes su yi rang ba'i bsod nams mngon par bsgrub par bya'o/ /bud med gang la la zhig bud med kyi lus yongs su bsgyur nas skyes pa'i lus yongs su 'grub par 'dod na yang rjes su yi rang ba'i bsod nams mngon par bsgrub par byed na gdon mi za bar yid la bsams pa bzhin du tshe 'di nyid la skyes pa'i lus mngon par 'grub par 'gyur ro/ /de nas bcom ldan 'das la brgya byin lha'i dbang pos 'di skad ces gsol to/ /bcom ldan 'das rjes su yi rang ba'i bsod nams gang lags pa de ni 'tshal bar gyur na slad ma'i byang chub sems dpa' thams cad chos kyi 'khor lo skor bar 'gyur ba dang / da ltar gyi byang chub sems dpa' rnams yang dag pa'i rnal 'byor sgom par 'gyur bar bgyid pa'i slad du bskul ba dang / gsol ba btab pa'i bsod nams gang lags pa bshad du gsol/ bcom ldan 'das kyis bka' stsal pa/ lha'i dbang po rigs kyi bu'am rigs kyi bu mo gang la la zhig bla na med pa yang dag par rdzogs pa'i byang chub</font><hr>96.58b<br><font size=+1>

yongs su gnyer ba gang yin pa des nyan thos dang / rang sangs rgyas dang / theg pa chen po'i lam bsgom par 'dod na yang gang zag des nyin mtshan dus drug tu snga ma lta bu'i spyod lam gyis sems rtse gcig du dran pa nye bar gzhag nas 'di skad du deng phyogs bcu na sangs rgyas bcom ldan 'das bla na med pa yang dag rdzogs pa'i byang chub brnyes par gyur kyang bla na med pa'i chos kyi 'khor lo da dung ma bskor ba dang rnam par smin pa'i sku spangs nas yongs su mya ngan las 'da' bar bzhed pa gang lags pa de dag thams cad la bdag bsam pa thag pa nas spyi bos btud te phyag bgyis nas sems can thams cad yongs su bsgral zhing bde bar bgyi ba dang / sngar gong du bstan pa ltar bas pa ma mchis pa'i bde ba 'thob par bgyi ba'i slad du chos kyi 'khor lo chen po yongs su bskor ba dang / chos kyi char pa chen po dbab pa dang / chos kyi sgron ma chen mo sbar ba dang / don gyi tshul gsal bar mdzad pa dang / thogs pa mi mnga' ba'i sbyin pa btang nas yongs su mya ngan las mi mda' zhing 'jig rten na yun ring du bzhugs par bskul zhing gsol ba 'tshal lo/ /deng bdag gis bskul zhing gsol ba btab pa'i bsod nams gang lags pa 'di dag thams cad bla na med pa yang dag par rdzogs pa'i byang chub tu yongs su bsngo bar bgyi'o/ /ji ltar 'das pa dang / da ltar gyi byang chub sems dpa' chen po rnams kyis bskul ba dang / gsol ba btab pa'i bsod nams de dag byang chub tu yongs su bsngos pa de bzhin du bdag gis kyang bskul ba dang gsol ba btab pa'i bsod nams gang lags pa de dag bla na med pa yang dag par rdzogs pa'i byang chub tu yongs su bsngo bar bgyi'o zhes brjod par bya'o/ /rigs kyi bu gal te gang la la zhig gis stong gsum gyi stong chen po'i 'jig rten gyi khams rin po che sna bdun/ </font><hr>96.59a<br><font size=+1>

gyis yongs su bkang ste/ de bzhin gshegs pa la mchod pa byas pa bas gang la la zhig gis de bzhin gshegs pa la chos kyi 'khor lo chen po bskor bar gsol ba btab pas 'thob pa'i bsod nams gang yin pa de snga ma bas ches khyad par du 'phags te/ de ci'i phyir zhe na/ de ni zang zing gi sbyin pa yin la 'di ni chos kyi sbyin pa yin pas so/ /rigs kyi bu stong gsum gyi stong chen po'i 'jig rten gyi khams rin po che sna bdun gyis bkang ste sbyin pa btang ba lta re shig zhog gi gal te gang la la zhig gis gang gA'i klung gi bye ma snyed kyi stong chen po'i 'jig rten gyi khams rin po che sna bdun gyis yongs su bkang ste/ sangs rgyas thams cad la mchod pa byas pa bas bskul zhing gsol ba btab pa'i bsod nams gang yin pa de bas kyang ches khyad par du 'phags so/ /chos kyi sbyin pa ni khyad par du 'phags pa'i phan yon rnam pa lnga dang ldan te/ lnga gang zhe na dang po chos kyi sbyin pa gang yin pa de ni bdag dang gzhan la phan 'dogs par byed la zang zing gi sbyin pa ni de lta ma yin pas so/ /gnyis pa chos kyi sbyin pa gang yin pa de ni sems can khams gsum nas 'byin par byed pa yin la zang zing gi sbyin pa'i bsod nams gang yin pa de ni 'dod pa'i khams las mi 'da' bas so/ /gsum pa chos kyi sbyin pa gang yin pa de ni chos kyi sku yongs su dag par byed pa yin la zang zing gi sbyin pas ni gzugs 'ba' zhig 'phel bar byed pas so/ /bzhi pa chos kyi sbyin pa gang yin pa de ni der mthar thug pa med pa yin la zang zing gi sbyin pa ni zad par 'gyur bas so/ /lnga pa chos kyi sbyin pa gang yin pa de ni ma rig pa yongs su gcod par byed la zang zing gi sbyin pa ni 'dod pa'i srid pa tsam thul bar 'gyur bas so/ /de lta bas na rigs kyi bu bskul ba dang / gsol ba btab pa'i bsod nams ni tshad med</font><hr>96.59b<br><font size=+1>

dpag tu med pas dpe byar sla ba ma yin no/ /nga sngon byang chub sems dpa'i spyad pa spyod pa na de bzhin gshegs pa rnams la chos kyi 'khor lo chen po yongs su bskor bar bskul bas dge ba'i rtsa ba de'i dbang gis de lta bas na deng brgya byin dang / tshangs pa'i rgyal po la sogs pas nga la chos kyi 'khor lo chen po yongs su bskor bar gsol ba btab pa yin te/ rigs kyi bu chos kyi 'khor lo yongs su bskor bar bskul ba ni sems can rnams yongs su sgrol zhing bde bar byed pa yin pa'i phyir ro/ /nga sngon byang chub kyi spyad pa spyod pa na de bzhin gshegs pa rnams 'jig rten na yun ring du bzhugs shing yongs su mya ngan las mi 'da' bar gsol ba btab pas na dge ba'i rtsa ba de la brten nas ngas stobs bcu dang / bsnyengs pa mi mnga' ba bzhi dang / so so yang dag par rig pa bzhi dang byams pa chen po dang / snying rje chen po dang / ma 'dres pa'i chos grangs med pa snyed brnyes par gyur pa yin te/ nga lhag ma med pa'i yongs su mya ngan las 'das par 'gyur yang nga'i yang dag pa'i chos 'jig rten na yun ring bar gnas par 'gyur ba yin no/ /nga'i chos kyi sku gang yin pa de ni rnam par dag cing dpe zla med pas mtshan mchog dam pa sna tshogs dang / mkhyen pa tshad med pa dang / dbang tshad med pa dang / yon tan bsam gyis mi khyab pa'i tshad med pa dang ldan zhing sems can thams cad la phan 'dogs par mdzad pas bskal pa bye ba brgya stong snyed du brjod kyang mthar thug par mi 'gyur ro/ /chos kyi skus ni chos thams cad yongs su sdud par mdzad la chos thams cad kyis ni sku yongs su sdud par mi byed do/ /chos kyi sku rtag par gnas kyang rtag pa'i lta bar lhung bar mi 'gyur ro/ /'gag par 'gyur yang chad pa'i lta bar 'gyur ba ma yin pas sems can gyi tha dad pa'i lta ba rnam pa sna tshogs rnam par bshig nas sems can gyi yang dag pa'i</font><hr>96.60a<br><font size=+1>

lta ba rnam pa sna tshogs bskyed par mdzad do/ /sems can thams cad kyi 'ching ba dgrol bar mdzad kyang dgrol bar bya ba ci yang mi mnga'o/ /sems can rnams kyi dge ba'i rtsa ba rnams bskyed pas yongs su ma smin pa gang yin pa de ni yongs su smin par mdzad la/ yongs su smin pa gang yin pa de ni rnam par grol bar mdzad kyang mngon par 'du mdzad pa yang mi mnga'/ /g.yo ba yang mi mnga' bas 'du 'dzi las thag ring du gyur pa rab tu dben zhing mdzad pa mi mnga' bas rang dbang du gyur cing bde bar gyur pa/ dus gsum las yang dag par 'das kyang dus gsum ston par mdzad pa nyan thos dang / rang sangs rgyas kyi spyod yul las nges par 'byung ba/ byang chub sems dpa' chen po rnams kyis bsgrub par bya ba/ de bzhin gshegs pa thams cad dang sku tha dad par gyur pa med pa yin te/ 'di dag thams cad kyang bskul zhing gsol ba btab pa'i dge ba'i rtsa ba'i stobs kyis brnyes pa yin pa'i phyir 'di lta bu'i chos kyi sku ngas deng brnyes pa yin te/ de lta bas na gang dag bla na med pa yang dag par rdzogs pa'i byang chub yongs su gnyer bar 'dod pas chos kyi rnam grangs 'di las tshig gcig gam/ tshigs su bcad pa gcig tsam gzhan dag la ston par byed pa'i dge ba'i rtsa ba gang yin pa de yang tshad med par gyur pa yin na/ de bzhin gshegs pa rnams la chos kyi 'khor lo chen po yongs su bskor bar bskul zhing 'jig rten na yun ring du bzhugs nas yongs su mya ngan las mi 'da' bar gsol ba 'debs pa lta smos kyang ci dgos/ de nas bcom ldan 'das la brgya byin lha'i dbang pos yang 'di skad ces gsol to/ /bcom ldan 'das rigs kyi bu'am/ rigs kyi bu mo gang la la zhig bla na med pa yang dag par rdzogs pa'i byang chub</font><hr>96.60b<br><font size=+1>

yongs su gnyer zhing theg pa gsum gyi lam bsgom par 'tshal bas dge ba'i rtsa ba ci mchis pa ji ltar thams cad mkhyen pa'i ye shes su yongs su bsngo bar bgyi ba lags/ bcom ldan 'das kyis lha'i dbang po brgya byin la bka' stsal pa/ rigs kyi bu sems can gang dag byang chub yongs su gnyer zhing theg pa gsum gyi lam bsgom pas dge ba'i rtsa ba ci yod pa yongs su bsngo bar 'dod pa des nyin mtshan dus drug tu gus pas sems rtse gcig tu 'di skad ces/ bdag gis thog ma med pa'i 'khor ba nas dkon mchog gsum po dag gi thad du rnal 'byor bsgoms pas yongs su rdzogs par gyur pa las byung ba'i dge ba'i rtsa ba ci yod pa dang / tha na dud 'gro'i skye gnas kyi srog chags dag la zan changs gcig tsam byin pa dang / dge ba'i rtsa ba gang gis rtsod pa dag gi sdums byas pa dang / dkon mchog gsum la skyabs su song nas bslab pa'i gnas rnams yang dag par blangs pa dang / 'gyod tshangs byas pa dang / bskul zhing gsol ba btab pa dang rjes su yi rang ba'i dge ba'i rtsa ba ji snyed pa de dag deng bdag gis thams cad gcig tu bsdus te 'gyod cing phangs pa med pa'i sems kyis sems can thams cad la yongs su btang ngo / /rnam par grol ba'i phyogs kyis yongs su bzung ba'i dge ba'i rtsa ba gang yin pa de dag kyang sangs rgyas bcom ldan 'das kyis mkhyen cing gzigs pa/ dpag tu med pa dang / thogs pa mi mnga' ba'i rnam par dag pas 'di ltar bsod nams kyi dge ba'i rtsa ba ji snyed pa dag thams cad mtshan ma'i sems la mi gnas shing mtshan ma'i sems kyang mi spong bar sems can thams cad la yongs su btang ba de bzhin du/ bdag gis bsod nams las byung ba'i dge ba'i rtsa ba ci yod pa de dag thams cad kyang sems can thams cad la yongs su gtong ste/ thams cad</font><hr>96.61a<br><font size=+1>

kyis yid bzhin gyi lag pa thog nas nam mkha' las rin po che phyung ste sems can thams cad kyi re ba yongs su bskang bar gyur cig /longs spyod zad mi shes pa dang / shes rab thar thug pa med pa dang / dam pa'i chos kyi spobs pa thogs pa med pa thob nas sems can thams cad thun mong du bla na med pa yang dag par rdzogs pa'i byang chub mngon par rdzogs par sangs rgyas nas thams cad mkhyen pa thob par gyur cig /dge ba'i rtsa ba 'di'i rgyus dge ba'i chos tshad med pa bskyed pa gang yin pa de dag thams cad kyang bla na med pa'i byang chub tu yongs su bsngo'o/ /gzhan yang 'das pa'i byang chub sems dpa' chen po rnams spyad pa spyod pa na bsod nams kyi dge ba'i rtsa ba thams cad rnam pa thams cad mkhyen par yongs su bsngos pa dang / da ltar dang / ma 'ongs pa dag gis ji ltar yongs su bsngos pa de bzhin du bdag gis bsod nams kyis dge ba'i rtsa ba ji snyed pa thams cad kyang bla na med pa'i byang chub tu yongs su bsngo'o/ /dge ba'i rtsa ba 'di dag gi dbang gis sems can thams cad dang dus cig tu yang dag par rdzogs pa'i byang chub mngon par rdzogs par sangs rgyas nas sangs rgyas gzhan dag ji lta ba bzhin du byang chub kyi shing drung du byang chub kyi snying po la gnas te bsam gyis mi khyab pa thogs pa med pa'i rnam par dag pa dang / zad mi shes pa'i chos kyi gzungs dang / dpa' bar 'gro ba'i ting nge 'dzin la gnas nas bdud sdig can gyi dmag tshogs tshad med pa dag pham par byas te mkhyen pa dang / gzigs pa mngon par rtogs nas 'di ltar de dag thams cad skad cig gcig la gsal bar rtogs te nam gyi cha smad la bdud rtsi'i chos thob nas zil mngar gyi don mngon sum du gyur te/ bdag dang sems can thams cad</font><hr>96.61b<br><font size=+1>

sangs rgyas tshe dpag tu med pa dang / sangs rgyas 'phags pa'i 'od dang / sangs rgyas dam pa'i 'od dang / sangs rgyas mi 'khrugs pa dang / sangs rgyas yon tan legs pa'i 'od dang / sangs rgyas seng ge'i 'od dang / sangs rgyas 'od brgya pa dang / sangs rgyas dran pa'i 'od dang / sangs rgyas rin chen mtshan dang / sangs rgyas rin chen 'bar dang / sangs rgyas 'bar ba'i 'od dang / sangs rgyas rgyas par 'bar ba'i 'od dang / sangs rgyas bkra shis bla ma'i rgyal po dang / sangs rgyas dam pa'i sgra dang / sangs rgyas bkod pa'i mchog dang / sangs rgyas chos kyi rgyal mtshan dang / sangs rgyas bla ma 'phags pa'i sku dang / sangs rgyas mngon par dga' ba'i gzugs sku dang / sangs rgyas 'od zer kun du snang mdzad dang sangs rgyas tshangs pa rnam dag rgyal po dang / sangs rgyas bla ma'i rang bzhin la sogs pa ji lta ba bzhin du gya nom par mngon par rdzogs par sangs rgyas nas 'di ltar de bzhin gshegs pa yang dag par mkhyen pa de dag 'das pa dang / ma 'ongs pa dang da ltar longs spyod rdzogs pa dang / sprul pa'i sku bstan te bla na med pa yang dag par rdzogs pa'i byang chub brnyes nas bla na med pa'i chos kyi 'khor lo yongs su bskor te sems can yongs su bzlas pa bzhin du bdag kyang de bzhin du gyur cig ces rgya cher gong du bstan pa bzhin du brjod par bya'o/ /rigs kyi bu shin du dang ba'i dad pa dang ldan pa'i skyes pa 'am bud med gang la la zhig gser 'od dam pa mchog tu rnam par rgyal ba mdo sde'i rgyal po las las kyi sgrib pa yongs su sbyang ba'i le'u 'di len pa dang / 'dzin pa dang / klog pa dang / kha ton du 'don pa dang / dran pas mi brjid par byas te gzhan dag la rgya cher yang dag par ston par byed na bsod nams kyi phung po tshad med dpag tu med pa snyed thob par 'gyur ro/ /'di lta ste dper na/ </font><hr>96.62a<br><font size=+1>

stong gsum gyi stong chen po'i 'jig rten gyi khams na sems can ji snyed yod pa thams cad dus gcig tu mi'i lus mngon par grub par gyur la/ mi'i lus thob nas kyang thams cad rang sangs rgyas kyi lam mngon par grub par gyur te/ skyes pa 'am/ bud med gang la la zhig gis nam 'tsho'i bar du bkur sti dang / bla mar byas te yo byad rnam pa sna bzhi po dag gis mchod par byas te/ rang sangs rgyas re re la yang so so nas ri'i rgyal po ri rab dang mnyam pa'i rin po che sna bdun gyis yongs su bkang ste/ rang sangs rgyas de dag yongs su mya ngan las 'das pa'i 'og tu yang rin po che las mchod rten brtsegs nas mchod pa byas te mchod rten de dag kyang dpag tshad bcu gnyis kyi tshad tsam du mtho zhing me tog dang spos dang rin po che'i rgyal mtshan dang ba dan dang gdugs mang po dag gis rtag par mchod pa byas na rigs kyi bu 'di ji snyam du sems/ gang zag de dag gis thob pa'i bsod nams gang yin pa de ni ci mang ba yin snyam 'am/ lha'i dbang pos gsol pa/ bcom ldan 'das shin du mang lags so/ /rigs kyi bu gal te gang la la zhig gis gser 'od dam pa mchog tu rnam par rgyal ba mdo sde'i rgyal po las las kyi sgrib pa yongs su sbyong ba'i le'u 'di len pa dang / 'dzin pa dang / klog pa dang / kha ton tu 'don pa dang / dran pas mi brjed par byas te gzhan dag la rgya cher yang dag par ston pas 'thob pa'i bsod nams gang yin pa de sngar bstan pa'i mchod pa byas pa'i bsod nams gang yin pa de dang bsgrun na brgya'i char yang nye bar mi 'gro/ /brgya stong dang / bye ba'i char yang nye bar mi 'gro ba nas/ tshad dang dpe dang rgyu'i bar tu yang nye bar mi 'gro'o/ /de ci'i phyir zhe na/ rigs kyi bu dang / rigs kyi bu mo de dag yang dag pa'i spyod pa la gnas nas phyogs bcu'i sangs rgyas bcom ldan 'das rnams la bla na med</font><hr>96.62b<br><font size=+1>

pa'i chos kyi 'khor lo yongs su skor bar gsol ba 'debs par byed na sangs rgyas bcom ldan 'das rnams rab tu dgyes nas bsngags pa brjod par 'gyur bas so/ /rigs kyi bu ngas ji skad bstan pa bzhin du sbyin pa thams cad kyi nang na chos kyi sbyin pa ni mchog tu gyur pa yin pas de'i phyir rigs kyi bu dkon mchog gsum la mchod pa byas pas kyang dpe byar mi nus so/ /gsum la bskyabs su 'gro zhi bslab pa thams cad bsrungs bar bskul nas nyams par ma byas pa dang / las gsum stongs par ma gyur pas kyang dpe byar mi nus so/ /'jig rten thams cad kyi mthu dang nus pa dang mos pa ji lta ba bzhin du theg pa gsum po dag tu byang chub kyi sems bskyed par bskul bas kyang dpe byar mi nus so/ /dus gsum gyi 'jig rten gyi khams thams cad na sems can ji snyed yod pa thams cad thogs pa med pa thob nas bsod nams tshad med pa myur du yongs su rdzogs par gyur pas kyang dpe byar mi nus so/ /dus gsum gyi zhing dag na yod pa'i sems can thams cad thogs pa med par byang chub gsum po dag thob par byas pas kyang dpe byar mi nus so/ /dus gsum gyi zhing dag na yod pa'i sems can thams cad myur du ngan 'gro bzhi po'i sdug bsngal las 'byung bar bskul bas kyang dpe byar mi nus so/ /dus gsum gyi zhing dag na yod pa'i sems can thams cad mi dge ba'i las kyi sgrib pa shin du lci ba dag yongs su sbyang bar bskul bas kyang dpe byar mi nus so/ /sdug bsngal thams cad las thar bar bya bar bskul bas kyang dpe byar mi nus so/ /'jigs shing skrag pa dang sdug bsngal gyi gzer cing nyon mongs pa thams cad las grol bar byas pas kyang dpe byar mi nus so/ /dus gsum gyi sangs rgyas rnams kyi spyan sngar sems can thams cad kyi bsod nams ji snyed pa dag la rjes</font><hr>96.63a<br><font size=+1>

su yi rang bar bskul nas byang chub kyi smon lam btab pas kyang dpe byar mi nus so/ /sdig pa'i spyod pa dang / gshe zhing spyo ba'i las yongs su bsal bar bskul ba dang / yon tan thams cad yongs su rdzogs par smon pa dang / skye ba thams cad du dkon mchog gsum po thams cad la mchod pa dang / bla mar bya ba dang bsngags pa brjod par bskul ba dang / sems can rnams bsod nams kyi spyod pa yongs su dag pa mngon par sgrub par bskul nas byang chub yongs su rdzogs par byas pas kyang dpe byar mi nus pas de'i phyir 'jig rten gyi khams thams cad kyi dus gsum gyi dkon mchog gsum la bskul zhing gsol ba btab pa dang / pha rol tu phyin pa drug yongs su rdzogs par bya bar bskul ba dang / bla na med pa'i chos kyi 'khor lo yongs su bskor bar bskul zhing gsol ba btab pa dang / bskal pa tshad med pa snyed du 'jig rten na bzhugs nas chos mchog dam pa zab mo bshad par bskul zhing gsol ba btab pa'i bsod nams gang yin pa de ni shin du zab pas gang gi kyang dpe byar mi nus par rig par bya'o/ /de nas brgya byin lha'i dbang po dang / gang gA'i lha mo dang / tshangs pa'i rgyal po dang / rgyal chen ris bzhi'i lha tshad med pa rnams stan las langs te bla gos phrag pa gcig tu gzar nas pus mo g.yas pa'i lha nga sa la btsugs te thal mo sbyar nas mgo bos phyag byas te/ bcom ldan 'das la 'di skad ces gsol to/ /bcom ldan 'das bdag cag kyang gser 'od dam pa mchog tu rnam par rgyal ba mdo sde'i rgyal po 'di thos pas thams cad yongs su bzung ste klog pa dang / g.yar ton du 'don pa dang / kun chub par bgyis te/ gzhan dag la rgya cher yang dag par bstan nas chos 'di la brten te rab tu gnas par bgyid do/ /de ci'i slad du zhe na/ bcom ldan 'das bdag cag bla na ma mchis pa'i yang</font><hr>96.63b<br><font size=+1>

dag par rdzogs pa'i byang chub yongs su gnyer bar 'tshal bas don 'di mtshan nyid khyad par du 'phags pa'i rjes su 'brangs nas chos bzhin du spyod pa'i slad du'o/ /de nas tshangs pa dang / brgya byin la sogs pas chos bshad pa'i gnas de nyid du me tog man dA ra ba rnam pa sna tshogs kyis bcom ldan 'das la mngon par gtor bas stong gsum gyi stong chen po'i 'jig rten gyi khams kyi sa chen po thams cad rab tu g.yos par gyur to/ /lha'i rnga bo che dang / rol mo thams cad kyang ma dkrol bar sgra rang byung ste/ gser gyi kha dog gi 'od zer bkye bas 'jig rten gyi khams kun du khyab par bkang ste sgra dbyangs dam pa byung bar gyur pa dang / de nas bcom ldan 'das la lha'i dbang pos 'di skad ces gsol to/ /bcom ldan 'das 'di dag thams cad ni gser 'od dam pa'i mdo sde'i byin gyi brlabs kyi mthu lags pas byams pa dang thugs rjes rnam pa sna tshogs kyis yongs su skyob cing phan 'dogs pa dang rnam pa sna tshogs kyis byang chub sems dpa'i dge ba'i rtsa ba 'phel zhing las kyi sgrib pa rnams yongs su sbyong ba mdzad lags so/ /bcom ldan 'das kyis bka' stsal pa/ de de bzhin no de de bzhin te khyod kyis ji skad smras pa bzhin no de ci'i phyir zhe na/ rigs kyi bu ngas mngon par dran te sngon byung ba 'das pa'i bskal pa brgya stong tshad med pa snyed 'das pa/ de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rin po che'i rgyal po 'od chen snang mdzad ces bya ba 'jig rten du byung ste/ bskal pa 'bum phrag drug brgya brgyad bcu'i bar du 'jig rten na bzhugs so/ /de'i tshe de bzhin gshegs pa rin po che'i rgyal po 'od chen snang mdzad kyis lha dang / mi dang / brgya byin dang / tshangs pa dang / dge sbyong dang / bram ze dang / sems can thams cad</font><hr>96.64a<br><font size=+1>

yongs su mya ngan las bzlas nas bde bar mdzad pa'i phyir 'jig rten du byung ba na 'dus pa dang po la chos bstan pas srog chags bye ba khrag khrig 'bum phrag brgya stong snyed yongs su mya ngan las bzlas nas thams cad kyis dgra bcom pa'i 'bras bu thob pas zag pa rnams zad nas rig pa gsum dang / mngon par shes pa drug dang / thogs pa med pa'i rang dbang dang ldan par gyur to/ /'dus pa gnyis pa'i tshe yang srog chags bye ba khrag khrig 'bum phrag brgya stong dgu bcu yongs su mya ngan las bzlas nas thams cad kyis dgra bcom pa'i 'bras bu thob nas zag pa rnams zad nas rig pa gsum dang / mngon par shes pa drug dang / thogs pa med pa'i rang dbang dang ldan par gyur to/ /'dus pa gsum pa'i tshe na yang srog chags bye ba khrag khrig 'bum phrag brgya stong dgu bcu yongs su mya ngan las bzlas nas thams cad kyis dgra bcom pa'i 'bras bu thob pas shes bya ba yang rgyas par gong ma bzhin no/ /rigs kyi bu nga de'i tshe bud med kyi lus su gyur te/ ming ni bsod nams rin po che'i 'od ces bya'o/ /'dus pa gsum pa'i tshe yang bcom ldan 'das de la nye bar bsnyen nas gser 'od dam pa'i mdo sde 'di yongs su bzung ste bklag pa dang / kha ton du bton nas gzhan dag la rgya cher yang dag par bstan te/ bla na med pa yang dag par rdzogs pa'i byang chub yongs su gnyer ba'i phyir de'i tshe bcom ldan 'das des nga la bu mo bsod nams rin po che'i 'od 'di ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa bla na med pa'i skyes bu 'dul ba'i kha lo sgyur ba lha dang mi rnams kyi ston pa sangs rgyas bcom ldan 'das shAkya thub pa zhes bya bar 'gyur ro zhes lung bstan te/ bud med kyi lus spangs</font><hr>96.64b<br><font size=+1>

nas de tshun chad ngan 'gro bzhi las yang dag par 'das te/ lha dang mi'i nang du skyes nas bde ba'i mchog myong bar gyur to/ /tshe rabs stong phrag bzhi brgya brgyad cu'i bar du 'khor los sgyur ba'i rgyal po byas te/ deng yang dag par mngon par rdzogs par sangs rgyas pa'i bar du yang grags pa 'jig rten gyi khams kun du gang zhing rgyas par gyur pa yin no/ /de nas de'i tshe 'khor 'dus pa chen po thams cad kyi de bzhin gshegs pa rin po che'i rgyal po 'od chen snang mdzad bla na med pa'i chos kyi 'khor lo yongs su bskor nas chos mchog dam pa bshad pa mthong bar gyur to/ /rigs kyi bu 'jig rten gyi khams mi mjed 'di nas shar phyogs su sangs rgyas kyi zhing gang gA'i klung gi bye ma brgya stong snyed 'das pa na 'jig rten gyi khams rin po che'i bkod pa zhes bya ba yod de/ de bzhin gshegs pa rin po che'i rgyal po 'od chen snang mdzad ces bya ba da ltar de na bzhugs te/ yongs su mya ngan las 'das pas chos mchog dam pa bshad nas skye dgu rnams la phan 'dogs par mdzad pas khyod kyis mthong ba ni sangs rgyas de yin no/ /rigs kyi bu 'am rigs kyi bu mo gang la la zhig de bzhin gshegs pa rin po che'i rgyal po 'od chen snang mdzad ces mtshan thos par gyur na/ byang chub sems dpa'i sa las ldog par mi 'gyur zhing / yongs su mya ngan las 'das pa chen po thob par 'gyur ro/ /bud med gang la la zhig de bzhin gshegs pa de'i mtshan thos par gyur na 'chi ka'i dus kyi tshe de bzhin gshegs pa de de'i thad du gshegs par 'gyur te/ de bzhin gshegs pa mthong ba'i dbang gis nams kyang bud med kyi lus len par mi 'gyur ro/ /rigs kyi bu gser 'od dam pa shin du gya nom pa'i mdo sde 'di ni rnam pa sna tshogs kyis phan 'dogs shing rnam pa sna tshogs kyis byang chub sems dpa'i dge ba'i rtsa ba</font><hr>96.65a<br><font size=+1>

'phel ba dang / las kyi sgrib pa rnams yongs su sbyong bar byed do/ /rigs kyi bu dge slong ngam/ dge slong ma 'am/ dge bsnyen nam/ dge bsnyen ma gang la la zhig gang na gnas pa'i gnas der gser 'od dam pa shin du gya nom pa'i mdo sde 'di gzhan dag la yang dag par ston par byed na yul de ni bsod nams kyi phan yon rnam pa bzhi thob par 'gyur ro/ /bzhi gang zhe na/ yul de'i rgyal po nad med cing bgegs rnams dang bral ba dang / tshe ring zhing thogs pa med par 'gyur ba dang / phas kyi rgol ba'i dgra med cing dmag tshogs dpa' bar 'gyur ba dang / bde ba'i longs spyod rgyas shing yang dag pa'i chos 'phel bar 'gyur ba gang yin pa'o/ /de ci'i phyir zhe na/ 'di ltar mi'i rgyal po de la brgya byin dang / tshangs pa dang / rgyal po chen po bzhi dang / gnod sbyin gyi 'khor rnams kyis rtag par lhan cig srung bar byed pa'i phyir ro/ /de nas bcom ldan 'das kyis lha'i 'khor rnams la bka' stsal pa/ rigs kyi bu dag dngos po 'di dag bden nam/ de nas brgya byin dang / tshangs pa dang / rgyal po chen po bzhi dang / gnod sbyin gyi 'khor rnams kyis skad 'thun par bcom ldan 'das la 'di skad ces gsol to/ /de de bzhin no de de bzhin te yul gang dag na mdo sde'i rgyal po dam pa 'di yang dag par bshad pa dang / klog pa dang / kha ton du 'don par bgyid na yul gyi bdag po de dag la bdag cag rgyal po chen po bzhi la sogs pas rtag par mchis nas yongs su srung bar bgyid pas mchi ba dang / gnas pa na yang lhan cig gnas par bgyid do/ /rgyal po de la gdon bgegs dang rgol ba'i dgra zhig mchis na yang de dag thams cad bdag cag rgyal po chen po bzhi la sogs pas rab tu zhi bar bgyid do/ /mya ngan dang rims nad</font><hr>96.65b<br><font size=+1>

la sogs pa yang bsal zhing sos par bgyid pa nas tshe 'phel ba dang / dge ba'i rtags 'byung ba dang / smon pa rnams bsams pa bzhin 'grub pa dang rtag tu dga' ba bskyed par bgyid do/ /bdag cag gis yul de na dmag tshogs ji snyed mchis pa de dag thams cad dpa' zhing brtson par bgyid do/ /bcom ldan 'das kyis bka' stsal pa/ rigs kyi bu dag legs so legs so/ /khyed kyis ji skad smras pa de bzhin du khyed kyis mngon par bsgrub par bya'o/ /de ci'i phyir zhe na/ yul gyi bdag po de dag chos bzhin du spyod pa'i dus na 'bangs thams cad kyang rgyal po'i rjes su mngon par sgrub cing chos bzhin du spyod par byed pas khyed la sogs pa yang gzugs dang stobs dang phan yon mchog thob par 'gyur zhing gzhal med khang 'od dang ldan pa dang 'khor rnams kyang brtson zhing rgyas par 'gyur bas so/ /de nas bcom ldan 'das la brgya byin dang / tshangs pa la sogs pas bcom ldan 'das de de bzhin no zhes gsol to/ /bcom ldan 'das kyis bka' stsal pa/ gnas gang du mdo sde dam pa 'di yang dag par ston cing klog pa dang spel ba'i yul de'i blon po chen po dang / nang blon rnams phan yon rnam pa bzhi thob par 'gyur te/ bzhi gang zhe na/ dang po ni phan tshun 'dum zhing nye bar sems pa dang / bla mar byed cing sdug par sems pa'o/ /gnyis pa ni rtag par mi'i rgyal po snying du sdug cing bkur ba dang / dge sbyong dang / bram ze dang / yul chen po dang / yul chung ngu'i mi rnams kyis btsun par byed pa'o/ /gsum pa ni nor la yang bar 'dzin cing chos la btsun par byed pa dang / 'jig rten pa'i khe mi tshol bas snyan pa'i sgra kun du grags nas mang po kun gyi bkur bar 'gyur ba'o/ /bzhi pa ni tshe ring zhing bde skyid par 'gyur ba ste 'di dag ni phan yon rnam pa bzhi zhes bya'o/ /gal te</font><hr>96.66a<br><font size=+1>

yul gyi bdag po gang la la zhig gis mdo sde 'di yang dag par ston par byed na dge sbyong dang / bram ze rnams phan yon khyad par du 'phags pa rnam pa bzhi thob par 'gyur ro/ /bzhi gang zhe na/ dang po ni gos dang / bza' ba dang / btung ba dang / mal cha dang / na ba'i gso sman rnams kyis phongs pa med pa gang yin pa'o/ /gnyis pa ni thams cad sems bde bar yid la sems shing klog pa dang kha ton 'don par 'gyur ba'o/ /gsum pa ni ri dang nag 'tshal dag la gnas pa na bde bar gnas pa phob par 'gyur ba'o/ /bzhi pa ni sems kyis ji ltar smon pa bzhin thams cad yongs su rdzogs par 'gyur ba ste/ 'di dag ni khyad par du 'phags pa'i phan yon rnam pa bzhi zhes bya'o/ /gal te yul la lar mdo sde 'di yang dag par ston par byed na mi thams cad dar zhing skyid pa dang / rims nad rnams med pa dang / tshong pa dang mgron po phan tshun 'gro ba'i nor dang rin po che mang du thob pa dang / bsod nams khyad par du 'phags pa thob par 'gyur te/ 'di dag ni yon tan gyi phan yon rnam pa sna tshogs shes bya'o/ /de nas bcom ldan 'das la tshangs pa dang / brgya byin dang / rgyal po chen po bzhi dang / 'khor mang po rnams kyis 'di skad ces gsol to/ /bcom ldan 'das mdo sde zab mo 'di lta bu mngon du gnas par gyur na de bzhin gshegs pa'i byang chub kyi phyogs kyi chos sum bcu rtsa bdun yang 'jig rten na gnas shing nub par mi 'gyur la nam mdo sde 'di lta bu nub par gyur pa na yang dag pa'i chos kyang nub par 'gyur bar rig par bgyi lags so/ /bcom ldan 'das kyis bka' stsal pa/ rigs kyi bu de de bzhin no/ /de de bzhin te/ de lta bas na khyed kyi gser 'od dam pa'i mdo sde 'di las tshig gcig gam sde gcig kyang rung ste/ thams cad sems rtse gcig tu yang dag par bklag par bya/ yang dag par kha ton du 'don par bya/ </font><hr>96.66b<br><font size=+1>

yang dag par mnyan par bya/ yang dag par gzung bar bya/ yang dag par yid la bsam par bya zhing yang dag par bsgoms nas sems can mang po'i ched du rgya cher yang dag par bstan te yongs su spel bar byed na yun ring por bde ba bskyed cing bsod nams kyi phan yon mtha' med do/ /de nas 'khor mang po rnams kyi bcom ldan 'das kyis de skad ces bka' stsal pa thos nas thams cad phan yon khyad par 'phags pa thob par gyur pas rab tu dga' zhing mgu bas yang dag par gzung bar gyur to/ /gser 'od dam pa mchog tu rnam par rgyal ba mdo sde'i rgyal po las las kyi sgrib pa rnam par sbyong ba'i le'u ste lnga pa'o// // gser 'od dam pa mchog tu rnam par rgyal ba mdo sde'i rgyal po/ bam po bzhi pa/ de nas byang chub sems dpa' sems dpa' chen po seng ge'i mtshan thogs pa med pa'i 'od zer 'bar ba 'khor bye ba phrag tshad med pa snyed dang lhan cig tu stan las langs te bla gos phrag pa gcig tu gzar nas pus mo g.yas pa'i lha nga sa la btsugs te gus pa'i thal mo sbyar nas/ bcom ldan 'das kyi zhabs la mgo bos phyag byas nas me tog dang spos dang rin po che'i rgyal mtshan dang ba dan dang gdugs rnam pa sna tshogs kyis mchod pa byas nas bcom ldan 'das la 'di skad ces gsol to/ /bcom ldan 'das rgyu dang rkyen du zhig gis ni byang chub kyi sems 'thob par 'gyur/ gang ni byang chub kyi sems shes bgyis lags/ bcom ldan 'das byang chub gang lags pa de la ni da ltar gyi sems kyang dmigs su ma mchis/ ma 'ongs pa'i sems kyang dmigs su ma mchis/ 'das pa'i sems kyang dmigs su ma mchis lags so/ /byang chub las gud na yang byang chub kyi sems dmigs su ma mchis</font><hr>96.67a<br><font size=+1>

lags so/ /byang chub ces bgyi ba ni tshig gis brjod du ma mchis pas sems kyang gzugs ma mchis pa/ mtshan ma ma mchis pa/ dngos po dang las ma mchis pa/ mngon par 'du bgyi ba ma lags pa/ sems can yang dmigs su ma mchis shing khong du chud par mi 'gyur na/ bcom ldan 'das ji ltar chos zab mo 'di'i don gang lags pa rig par 'gyur lags/ bcom ldan 'das kyi bka' stsal pa/ rigs kyi bu de de bzhin no/ /de de bzhin te byang chub kyi dngos po dang las ni shin du gya nom pas mngon par 'du bya bar yang dmigs par mi 'gyur la byang chub las gud na yang byang chub kyi sems dmigs par mi 'gyur bas byang chub ces bya ba ni brjod du med pa/ sems kyang brjod du med pa/ gzugs dang mtshan ma med pa/ dngos po dang las med pa/ sems can thams cad kyang dmigs su med pa'o/ /de ci'i phyir zhe na/ byang chub dang sems gnyis ga yang de bzhin nyid du mtshungs pa'i phyir dang / mngon du byed pa dang / mngon du bya ba mnyam par gyur pa'i phyir te/ 'on kyang chos rnams shes par bya ba med pa ni ma yin no/ /rigs kyi bu byang chub sems dpa' sems dpa' chen po gang gis de ltar shes pa gang yin pa de ni chos rnams mngon par rtogs pa dang / byang chub dang byang chub kyi sems legs par bshad pa zhes bya'o/ /byang chub kyi sems gang yin pa de ni 'das pa yang ma yin/ ma 'ongs pa yang ma yin/ da ltar byung ba yang ma yin te/ sems kyang de bzhin no/ /sems can yang de bzhin te/ 'di la mtshan nyid gnyis yang dag par dmigs su med do/ /de ci'i phyir zhe na/ chos thams cad la skye ba med pa'i phyir ro/ /byang chub kyang dmigs su med/ byang chub kyi ming yang dmigs su med/ sems can dang sems can gyi ming yang dmigs su med/ nyan thos dang nyan thos kyi ming</font><hr>96.67b<br><font size=+1>

yang dmigs su med/ rang sangs rgyas dang rang sangs rgyas kyi ming yang dmigs su med/ byang chub sems dpa' dang byang chub sems dpa'i ming yang dmigs su med/ sangs rgyas dang sangs rgyas kyi mtshan yang dmigs su med/ spyod pa dang spyod pa ma yin pa yang dmigs su med/ spyod pa dang spyod pa ma yin pa'i ming yang dmigs su med de/ 'di ltar dmigs su med pa'i phyir rab tu dben pa'i chos thams cad la rab tu gnas pa yin te/ 'di yang bsod nams kyi dge ba'i rtsa ba la brten nas skye bar 'gyur ba yin no/ /rigs kyi bu 'di lta ste dper na/ rin po che'i ri'i rgyal po ri rab thams cad la phan 'dogs par byed pa de bzhin du byang chub gyi sems 'di yang sems can la phan 'dogs pa'i phyir 'di ni dang po sbyin pa'i pha rol du phyin pa'i rgyu zhes bya'o/ /rigs kyi bu 'di lta ste dper na/ sa chen po bzhin du dngos po mang po yongs su 'dzin par byed pa'i phyir 'di ni gnyis pa tshul khrims kyi pha rol tu phyin pa'i rgyu zhes bya'o/ /'di lta ste dper na/ seng ge gzi byin chen po'i mthu dang ldan pa gcig pu 'gro ba la 'jigs pa med pa bzhin du skrag cing dngang ba dang bral bar gyur pa'i phyir 'di ni gsum pa bzod pa'i pha rol du phyin pa'i rgyu zhes bya'o/ /'di lta ste dper na rlung gi dkyil 'khor stobs po che shugs drag cing myur ba bzhin du sems la nur ba med pa'i phyir 'di ni bzhi pa brtson 'grus kyi pha rol du phyin pa'i rgyu zhes bya'o/ /'di lta ste dper na rin po che sna bdun gyi gzhal med khang brtseg ma them skas bzhi dang ldan pa/ sgo bzhi nas shin du bsil ba'i rlung gis bus pas shin du bde ba myong ba bzhin du bsam gtan gyi chos kyi gter yongs su btsal nas gang zhig rgyas par byed par phyir 'di ni lnga pa bsam gtan gyi pha rol tu phyin pa'i rgyu zhes bya'o/ /'di lta ste dper na nyi ma'i dkyil 'khor 'od zer rgyas par gyur pa bzhin du sems</font><hr>96.68a<br><font size=+1>

'dis kyang myur ba kho nar 'khor ba'i ma rig pa'i mun nag 'joms par byed pa'i phyir 'di ni drug pa shes rab kyi pha rol du phyin pa'i rgyu zhes bya'o/ /'di lta ste dper na tshong dpon gyis thams cad kyi sems la smon pa yongs su rdzogs par byas pa bzhin du sems 'dis kyang 'khor ba'i lam nyam nga ba las yongs su bzlas nas yon tan gyi rin po che 'thob par byed pa'i phyir 'di ni bdun pa thabs mkhas pa'i ye shes khyad par du 'phags pa'i pha rol tu phyin pa'i rgyu zhes bya'o/ /'di lta ste dper na zla ba yongs su dag cing shin tu rgyas pa la rab rib med pa bzhin du sems 'dis kyang spyod yul thams cad las rnam par dag pa phun sum tshogs par byed pa'i phyir 'di ni brgyad pa smon lam gyi pha rol tu phyin pa'i rgyu zhes bya'o/ /'di lta ste dper na 'khor los sgyur ba'i rgyal po'i dmag la dbang ba'i blon po chen po yid bzhin du dbang byed pa bzhin du sems 'dis kyang sangs rgyas kyi zhing yongs su dag pa shin du brgyan pa dang yon tan tshad med pas skye dgu rnams la rgya cher phan 'dogs par byed pa'i phyir 'di ni dgu pa stobs kyi pha rol tu phyin pa'i rgyu zhes bya'o/ /'di lta ste dper na nam mkha' la 'khor los sgyur ba'i rgyal po bzhin du sems 'dis kyang spyod yul thams cad la thogs pa med cing gnas thams cad du rang dbang thob nas dbang bskur ba'i sar phyin par byed pa'i phyir 'di ni bcu pa ye shes kyi pha rol du phyin pa'i rgyu zhes bya ste/ 'di lta bu'i rgyu bcu la khyed kyis rab tu brtson pas bslab par bya'o/ /rigs kyi bu byang chub sems dpa' sems dpa' chen po rnams ni chos rnam pa lnga la brten nas sbyin pa'i pha rol tu phyin pa yongs su rdzogs par byed do/ /lnga gang zhe na/ dad pa'i dbang po dang / snying rje dang 'dod pa yongs su tshol ba'i sems med pa dang / sems can thams cad yongs su sdud pa dang / thams cad mkhyen pa'i ye shes yongs su tshol ba gang yin pa ste/  </font><hr>96.68b<br><font size=+1>

rigs kyi bu 'di ni byang chub sems dpa' sems dpa' chen po rnams sbyin pa'i pha rol du phyin pa yongs su rdzogs par byed pa zhes bya'o/ /rigs kyi bu yang byang chub sems dpa' sems dpa' chen po rnams ni chos rnam pa lnga la brten nas tshul khrims kyi pha rol du phyin pa yongs su rdzogs par byed do/ /lnga gang zhe na/ las rnam pa gsum yongs su dag par gyur pa dang / sems can thams cad kyi nyon mongs pa'i rgyu dang rkyen mngon par 'du mi byed pa dang / ngan 'gro'i sgo rnams gcod cing bde 'gro'i sgo 'byed pa dang / nyan thos dang rang sangs rgyas kyi sa las yang dag par 'da' ba dang / bsod nams thams cad yongs su rdzogs par byed pa gang yin pa ste/ rigs kyi bu 'di ni byang chub sems dpa' sems dpa' chen po tshul khrims kyi pha rol tu phyin pa yongs su rdzogs par byed pa zhes bya'o/ /rigs kyi bu yang byang chub sems dpa' sems dpa' chen po rnams ni chos rnam pa lnga la brten nas bzod pa'i pha rol du phyin pa yongs su rdzogs par byed do/ /lnga gang zhe na/ 'dod chags dang zhe sdang gi nyon mongs pa gdul bar nus pa dang / lus dang srog la phangs pa med par bde ba yongs su mi tshol zhing 'du shes nye bar zhi bar byed pa dang / sngon gyi las la bsams nas sdug bsngal dang phrad par gyur na yang dang du len par nus pa dang / byams pa dang snying rje'i bsam pa bskyed nas sems can gyi dge ba'i rtsa ba rnams yongs su smin par byed pa dang / mi skye ba'i chos kyi bzod pa zab mo thob par gyur pa gang yin pa ste/ rigs kyi bu 'di ni byang chub sems dpa' sems dpa' chen po rnams kyi bzod pa'i pha rol du phyin pa yongs su rdzogs par byed pa zhes bya'o/ /rigs kyi bu yang byang chub sems dpa' sems dpa' chen po rnams ni chos rnams pa lnga la brten nas brtson 'grus kyi pha rol tu phyin pa yongs su rdzogs par byed do/ /lnga gang zhe na/ nyon mongs pa rnams dang lhan cig gnas par mi mos pa dang bsod</font><hr>96.69a<br><font size=+1>

nams yongs su rdzogs par ma gyur gyi bar du bde ba nyams su len par mi byed pa dang / dka' ba sna tshogs spyod pa la yongs su skyo ba'i bsam pa mi skye ba dang / byams pa dang snying rje chen pos yongs su bsdus nas phan 'dogs pa'i thabs mkhas pas sems can thams cad yongs su smin par byed pa dang / phyir mi ldog pa'i sa yongs su gnyer bar smon pa gang yin pa ste/ rigs kyi bu 'di ni byang chub sems dpa' sems dpa' chen po rnams brtson 'grus kyi pha rol du phyin pa yongs su rdzogs par byed pa zhes bya'o/ /rigs kyi bu yang byang chub sems dpa' sems dpa' chen po rnams ni chos rnam pa lnga la brten nas bsam gtan gyi pha rol du phyin pa yongs su rdzogs par byed do/ /lnga gang zhe na/ dge ba'i chos rnams yongs su bsdus nas rnam par rtog par mi byed pa'i phyir dang / rtag par rnam par grol bar smon cing mtha' gnyis la mngon par zhen par mi byed pa'i phyir dang / mngon par shes pa thob nas sems can rnams kyi dge ba'i rtsa ba yongs su smin par byed par smon pa'i phyir dang / chos kyi dbyings yongs su sbyangs nas sems kyi dri ma sel bar byed pa'i phyir dang / sems can gyi nyon mongs pa'i rtsa ba yongs su gcod pa'i phyir te/ rigs kyi bu 'di ni byang chub sems dpa' sems dpa' chen po rnams bsam gtan gyi pha rol tu phyin pa yongs su rdzogs par byed pa zhes bya'o/ /rigs kyi bu yang byang chub sems dpa' sems dpa' chen po rnams ni chos rnam pa la brten nas shes rab kyi pha rol tu phyin pa yongs su rdzogs par byed do/ /lnga gang zhe na/ rtag par sangs rgyas dang byang chub sems dpa' dang / gsal zhing thabs mkhas pa thams cad la mchod cing nye bar brten nas yongs su skyo ba mi bskyed cing rgyab kyis phyogs par mi byed pa dang / de bzhin gshegs pa rnams kyis chos zab mo bshad pa de dag sems kyis rtag tu</font><hr>96.69b<br><font size=+1>

thos par mos shing yongs su skyo ba dang chog pa'i bsam pa med pa dang / don dam pa dang kun rdzob kyi shes rab dam pas rab tu rnam par 'byed par mos pa dang / bsgoms pas spang bar bya ba'i nyon mongs pa thams cad myur du spong ba dang / 'jig rten pa'i mkhyud dpyad dang rig pa'i gnas lnga'i chos thams cad mngon par rtogs pa gang yin pa ste/ rigs kyi bu 'di ni byang chub sems dpa' sems dpa' chen po rnams shes rab kyi pha rol tu phyin pa yongs su rdzogs par byed pa zhes bya'o/ /rigs kyi bu yang byang chub sems dpa' sems dpa' chen po rnams ni chos rnam pa lnga la brten nas thabs mkhas pa'i pha rol du phyin pa yongs su rdzogs par byed do/ /lnga gang zhe na/ sems can thams kyi mos pa dang / nyon mongs pa dang / sems kyi spyod pa'i bye brag thams cad rtogs par khong du chud pa dang / chos tshad med pa rnams kyi gnyen po'i sgo thams cad sems kyis gsal bar rtogs pa dang / byams pa dang snying rje chen po'i ting nge 'dzin las 'byung zhing 'jug pa dag la rang dbang thob pa dang / pha rol tu phyin pa rnams bsgom nas yongs su smin cing phun sum tshogs par bya bar mos pa dang / sangs rgyas kyi chos thams cad ma lus par yongs su bsdus nas mngon par rtogs par smon pa gang yin pa ste/ rigs kyi bu 'di ni byang chub sems dpa' sems dpa' chen po rnams thabs mkhas pa ye shes dam pa'i pha rol du phyin pa yongs su rdzogs par byed pa zhes bya'o/ /rigs kyi bu yang byang chub sems dpa' sems dpa' chen po rnams ni chos rnam pa lnga la brten nas smon lam gyi pha rol du phyin pa yongs su rdzogs par byed do/ /lnga gang zhe na/ chos thams cad gzod ma nas mi skye mi 'gog /yod pa ma yin/ med pa yang ma yin pa dag la sems bde bar gnas pa dang / chos thams cad kyi don gyi tshul mchog dam pa dag la</font><hr>96.70a<br><font size=+1>

dri ma dang bral zhing rnam par dag par so sor brtags nas sems bde bar gnas pa dang / mtshan ma thams cad las yang dag par 'das pa'i sems kyi de bzhin nyid mngon par/ 'du bya ba med pa/ spyod pa med pa/ tha dad pa ma yin pa/ mi g.yo ba dag la sems bde bar gnas pa dang / sems can rnams la phan gdags par 'dod pa'i phyir kun rdzob kyi bden pa dag la sems bde bar gnas pa dang / zhi gnas dang lhag mthong dus gcig tu mnyam par spyod pa dag la sems bde bar gnas pa gang yin pa ste/ rigs kyi bu 'di ni byang chub sems dpa' sems dpa' chen po rnams smon lam gyi pha rol du phyin pa yongs su rdzogs par byed pa zhes bya'o/ /rigs kyi bu yang byang chub sems dpa' sems dpa' chen po rnams ni chos rnam pa lnga la brten nas stobs kyi pha rol du phyin pa yongs su rdzogs par byed do/ /lnga gang zhe na yang dag pa'i ye shes kyi stobs kyis sems can thams cad kyi sems kyi spyod pa dang legs nyes rab tu shes pa dang / sems can thams cad kyi shin du zab cing gya nom pa'i chos la gzung bar byed pa dang / sems can thams cad thams cad kyi 'khor bar 'khor ba dag gi las kyi rkyen yang dag pa ji lta ba bzhin du rab tu shes pa dang / sems can rnams kyi dbang po dang rang bzhin rnam pa gsum yang dag pa'i ye shes kyi stobs kyi rnam par 'byed cing khong du chud par byed pa dang / sems can rnams la tshul bzhin du yang dag par bstan nas dge ba'i rtsa ba bskyed de/ yongs su smin par byas nas ye shes kyi stobs kyis yongs su sgrol ba gang yin pa ste/ rigs kyi bu 'di ni byang chub sems dpa' sems dpa' chen po rnams stobs kyi pha rol du phyin pa yongs su rdzogs par byed pa zhes bya'o/ /rigs kyi bu yang byang chub sems dpa' sems dpa' chen po</font><hr>96.70b<br><font size=+1>

rnams ni chos rnam pa lnga la brten nas ye shes kyi pha rol tu phyin pa yongs su rdzogs par byed do/ /lnga gang zhe na/ chos rnams kyi legs nyes rab tu rnam par 'byed par byed pa dang / nag po dang dkar po'i chos yongs su spong zhing yang dag par sdud par byed pa dang / 'khor ba dang mya ngan las 'das pa dag la yongs su mi skyo zhing mngon par mi dga' ba dang bsod nams dang ye shes kyi spyod pa dang ldan pas mthar thug pa'i gnas su phyin par gyur pa dang / dbang bskur ba mchog thob pa dang / sangs rgyas kyi chos ma 'dres pa la sogs pa dang / thams cad mkhyen pa'i ye shes thob par gyur pa gang yin pa ste/ rigs kyi bu 'di ni byang chub sems dpa' sems dpa' chen po rnams ye shes kyi pha rol tu phyin pa yongs su rdzogs par byed pa zhes bya'o/ /rigs kyi bu pha rol du phyin pa'i don gang yin zhe na/ 'di lta ste phan 'dogs pa mchog mngon par sgrub pa gang yin pa de ni pha rol du phyin pa'i don to/ /shin du zab pa'i ye shes chen po tshad med pa yongs su rdzogs par byed pa gang yin pa de ni pha rol du phyin pa'i don to/ /spyod pa dang spyod pa ma yin pa'i chos dag sems kyis mngon par zhen pa med pa gang yin pa de ni pha rol du phyin pa'i don to/ /'khor ba'i nyes dmigs dang / mya ngan las 'das pa'i yon tan yang dag par rig cing yang dag par so sor rtog pa gang yin pa de ni pha rol tu phyin pa'i don to/ /gti mug dang ldan pa'i gang zag dang / shes rab dang ldan pa'i gang zag thams cad yongs su sdud par byed pa gang yin pa de ni pha rol tu phyin pa'i don to/ /chos rin po che gya nom pa rnam pa sna tshogs rab tu ston pa gang yin pa de ni pha rol du phyin pa'i don to/ /thogs pa med pa'i rnam par grol ba dang / shes rab yongs su rdzogs par gyur pa gang yin pa de ni pha rol du phyin pa'i don to/ /chos kyi khams dang sems can gyi khams yang dag par rnam par phye nas shes par gyur pa gang yin pa de ni pha rol</font><hr>96.71a<br><font size=+1>

du phyin pa'i don to/ /sbyin pa la sogs pa nas ye shes kyi bar dag phyir mi ldog pa'i gnas su phyin par gyur pa gang yin pa de ni pha rol du phyin pa'i don to/ /mi skye ba'i chos kyi bzod pa yongs su rdzogs par byed pa gang yin pa de ni pha rol tu phyin pa'i don to/ /sems can thams cad kyi bsod nams kyi dge ba'i rtsa ba yongs su smin par byed pa gang yin pa de ni pha rol du phyin pa'i don to/ /mngon par byang chub nas sangs rgyas kyi stobs bcu dang / bsnyengs pa mi mnga' ba bzhi dang / ma 'dres pa'i chos la sogs pa yongs su rdzogs par byed pa/ gang yin pa de ni pha rol du phyin pa'i don to/ /'khor ba dang mya ngan las 'das pa la mtshan nyid gnyis su med par rtogs pa gang yin pa de ni pha rol du phyin pa'i don to/ /thams cad la phan 'dogs shing yongs su zlos pa gang yin pa de ni pha rol du phyin pa'i don to/ /mu stegs can thams cad nye bar 'ongs nas gang 'dri ba dag la legs par rnam par bshad nas 'dul bar byed pa gang yin pa de ni pha rol tu phyin pa'i don to/ /chos kyi 'khor lo shin du gya nom pa rnam pa bcu gnyis yongs su bskor ba gang yin pa de ni pha rol du phyin pa'i don to/ /mngon par zhen pa med cing mthong ba med pa dang / skyon dang brel ba med pa gang yin pa de ni pha rol du phyin pa'i don to/ /rigs kyi bu byang chub sems dpa'i sa dang po la snga rtags kyi mtshan ma snang ba 'di lta ste/ stong gsum gyi stong chen po'i 'jig rten gyi khams tshad med dpag tu med pa rnams rin po che'i gter rnam pa sna tshogs kyis kun du gang ba dag byang chub sems dpa' thams cad rab tu mthong bar 'gyur ro/ /rigs kyi bu byang chub sems dpa'i sa gnyis pa la snga rtags kyi mtshan ma sna ba 'di lta ste/ stong gsum gyi stong chen po'i 'jig rten gyi khams sa gzhi lag mthil ltar mnyam pa kha dog shin du gya nom pa tshad med pa dpag tu med pa rnam pa sna tshogs dang ldan pa dang / </font><hr>96.71b<br><font size=+1>

yongs su dag pa'i rin po che'i rgyan gyi rnam pa dag byang chub sems dpa' thams cad rab tu mthong bar 'gyur ro/ /rigs kyi bu byang chub sems dpa'i sa gsum pa la snga rtags kyi mtshan ma snang ba 'di lta ste/ bdag nyid kyi lus shin du dpa' la go chas rab tu brgyan pas phyir rgol ba thams cad pham par byed pa dag byang chub sems dpa' thams cad rab tu mthong bar 'gyur ro/ /rigs kyi bu byang chub sems dpa'i sa bzhi pa la snga rtags kyi mtshan ma snang ba 'di lta ste/ phyogs bzhi nas rlung gis dkyil 'khor gyis me tog dam pa rnam pa sna tshogs mngon par gtor bas sa gzhi kun du khyab par bkram pa dag byang chub sems dpa' thams cad rab tu mthong bar 'gyur ro/ /rigs kyi bu byang chub sems dpa'i sa lnga pa la snga rtags kyi mtshan ma snang ba 'di lta ste/ rin po che'i phreng ba sna tshogs kyi lus kun du khyab par brgyan pa mgo me tog gi cod pan gyis brgyan pa dag byang chub sems dpa' thams cad rab tu mthong bar 'gyur ro/ /rigs kyi bu byang chub sems dpa'i sa drug pa la snga rtags kyi mtshan ma snang ba 'di lta ste/ rin po che sna bdun gyi me tog gi rdzing bu them skas kyi lam bzhi dang ldan pa/ gser gyi phye ma kun tu bdal ba/ yongs su dang zhing dri ma med pa/ yon tan brgyad dang ldan pa'i chus kun du gang ba/ me tog ud pa la dang ku mu da dang / pun da ri kas kun du bkram pa/ me tog gi rdzing bu'i nang na rnam par rtsen pa dag shin du bde skyid pa dang / yongs su dag cing dpe zla med pa dag byang chub sems dpa' thams cad rab tu mthong bar 'gyur ro/ /rigs kyi bu byang chub sems dpa'i sa bdun pa la snga rtags kyi mtshan ma snang ba 'di lta ste/ byang chub sems dpa'i mdun du sems can rnams sems can dmyal bar lhung bar 'gyur ba'i rigs pa dag 'di ltar byang chub sems dpa'i mthus ltung bar yang mi 'gyur la smras pa yang med/ 'jigs shing skrag</font><hr>96.72a<br><font size=+1>

pa yang med par gyur pa dag byang chub sems dpas thams cad rab tu mthong bar 'gyur ro/ /rigs kyi bu byang chub sems dpa'i sa brgyad pa la snga rtags kyi mtshan ma snang ba 'di lta ste/ bdag nyid kyi lus kyi g.yas g.yon na seng ge'i rgyal pos yongs su bsrungs pas gcan zan mang po thams cad skrag cing 'jigs par gyur pa dag byang chub sems dpa' thams cad rab tu mthong bar 'gyur ro/ /rigs kyi bu byang chub sems dpa'i sa dgu pa la snga rtags kyi mtshan ma snang ba 'di lta ste 'khor los sgyur ba'i rgyal po 'khor 'bum phrag tshad med pas yongs su bskor nas mchod pa byed pa dang / spyi bo'i gdugs dkar po rin po che sna tshogs tshad med pa dag gis rab tu brgyan pa dag byang chub sems dpas thams cad rab tu mthong bar 'gyur ro/ /rigs kyi bu byang chub sems dpa'i sa bcu pa la snga rtags kyi mtshan ma snang ba 'di lta ste/ de bzhin gshegs pa'i sku gser gyi kha dog kun du 'phro ba/ 'od zer yongs su dag pa/ tshad med pa/ thams cad phun sum tshogs par gyur pa la tshangs pa'i rgyal po 'bum phrag tshad med pa dag gis yongs su bskor nas bkur sti dang mchod pa byas pas bla na med pa'i chos kyi 'khor lo shin tu gya nom pa yongs su bskor ba dag byang chub sems dpas thams cad rab tu mthong bar 'gyur ro/ /rigs kyi bu sa dang po la ci'i phyir rab tu dga' ba zhes bya zhe na/ 'di ltar thog ma kho nar 'jig rten las 'das pa'i sems sngon ma thob pa ding gdod thob nas sgrub pa chen po dag ji ltar smon pa bzhin du mngon par grub par gyur pas rab tu dga' ba skye bar 'gyur ba'i phyir sa dang po ni rab tu dga' ba zhes bya'o/ /dri ma shin du phra mo dang 'chal ba'i tshul khrims kyi nyes pa thams cad yongs su dag par gyur pas de'i phyir sa gnyis pa dri ma med pa zhes bya'o/ /shes rab dang ting nge 'dzin tshad med pa'i 'od zer snang bar</font><hr>96.72b<br><font size=+1>

bsgul bar mi nus shing thul bar mi 'gyur ba dang / thos pa 'dzin pa'i gzungs rtsa bar gyur pas de'i phyir sa gsum pa ni 'od byed pa'i sa zhes bya'o/ /shes rab kyi sems nyon mongs pa rnams bsregs nas 'od kyi snang ba 'phel bar byed pa dang / byang chub kyi phyogs sgom par byed pas de'i phyir sa bzhi pa ni 'od 'phro ba'i sa zhes bya'o/ /thabs mkhas pas bsgoms pa'i ye shes mchog rang dbang du gyur pa shin tu 'thob par dka' ba'i phyir dang / mthong ba dang bsgoms pas spang bar bya ba'i nyon mongs pa gdul bar dka' ba thul bar gyur pa'i phyir sa lnga pa ni shin du rgyal bar dka' ba zhes bya'o/ /spyod pa'i chos rgyun chad pa med par gsal bar mngon sum du gyur pa dang / mtshan ma med pa'i yid la byed pa thams cad mngon sum du gyur pas de'i phyir sa drug pa ni mngon sum du gyur pa zhes bya'o/ /zag pa med pa la bar chad med pa dang / mtshan ma med pa yid la byed pa dang / rnam par grol ba'i ting nge 'dzin yun ring po nas bsgoms pa'i phyir dang / sa de rnam par dag cing thogs pa med par gyur pa'i phyir sa bdun pa ni ring du song ba zhes bya'o/ /mtshan ma med pa'i yid la byed pa bsgoms pas rang dbang du gyur nas nyon mongs pa rnams kyis bsgul bar mi nus pas de'i phyir sa brgyad pa ni mi g.yo ba zhes bya'o/ /tha dad par gyur pa'i chos rnam pa sna tshogs thams cad bstan pa la rang dbang thob nas nyes pa med cing 'brel ba med par shes rab 'phel bar byed pa dang / dbang du gyur cing thogs pa med par gyur par de'i phyir sa dgu pa ni legs pa'i blo gros shes bya'o/ /chos kyi sku nam mkha' dang 'dra ba dang / shes rab sprin chen po lta bur gyur nas thams cad kun du khyab par g.yog par byed pa'i phyir de lta bas na sa bcu pa ni chos kyi sprin zhes bya'o/ /rigs kyi bu bdag dang chos la mtshan ma yod par mngon par zhen pa'i ma rig pa dang / 'khor ba'i ngan 'gro la skrag cing 'jigs</font><hr>96.73a<br><font size=+1>

pa'i ma rig pa ste/ ma rig pa 'di gnyis kyis ni sa dang po la sgrib par byed do/ /bslab pa'i gnas shin du phra mo dag la shes bzhin med pas nyams par byas pa'i ma rig pa dang / las kyi 'du byed rnam pa sna tshogs slong bar byed pa'i ma rig pa ste/ ma rig pa 'di gnyis kyis ni sa gnyis pa la sgrib par byed do/ /ma thob pa thob par 'dod pa la sred cing mngon par zhen pa'i ma rig pa dang / gzungs khyad par du 'phags pa dag la sgrib par byed pa'i ma rig pa ste/ ma rig pa 'di gnyis kyis ni sa gsum pa la sgrib par byed do/ /snyoms par 'jug pa'i ro myang ba la mngon par dga' ba'i ma rig pa dang / shin du gya nom pa'i chos rnam par dag pa la sred cing mos pa'i ma rig pa ste/ ma rig pa 'di gnyis kyis ni sa bzhi pa la sgrib par byed do/ /'khor ba la rgyab kyis phyogs pa'i ma rig pa dang / mya ngan las 'das pa la mngon par gzhol ba'i ma rig pa ste/ ma rig pa 'di gnyis kyis ni sa lnga pa la sgrib par byed do/ /rnal 'byor mngon du rgyu ba'i ma rig pa dang / mtshan ma rigs pa mngon du snang ba'i ma rig pa ste/ ma rig pa 'di gnyis kyi ni sa drug pa la sgrib par byed do/ /mtshan ma shin du phra mo rnams la mngon sum du spyod pa'i ma rig pa dang / mtshan ma med pa'i yid la byed pa la mngon par dga' ba'i ma rig pa ste/ ma rig pa 'di gnyis kyis ni sa bdun pa la sgrib par byed do/ /mtshan ma med par sgom pa la mngon par rtsol ba'i ma rig pa dang / mtshan ma la dbang thob pa la mngon par zhen pa'i ma rig pa ste/ ma rig pa 'di gnyis kyis ni sa brgyad pa la sgrib par byed do/ /bstan par bya ba'i don tshad med pa dang ming dang tshig dang / yi ge tshad med pa gnyis po 'di dag la mi mkhas pa'i ma rig pa dang / tshig gi spobs pa yid bzhin du ma gyur pa'i ma rig pa ste/ ma rig pa 'di gnyis kyi ni sa dgu pa la sgrib par byed do/ /rdzu 'phrul</font><hr>96.73b<br><font size=+1>

chen po ston pa la rang dbang ma thob pa'i ma rig pa dang / shin du phra ba'i gsang ba'i las kyi dngos po khong du ma chud pa'i ma rig pa ste/ ma rig pa 'di gnyis kyis ni sa bcu pa la sgrib par byed do/ /spyod yul thams cad la shes bya phra mos bsgrib pa'i ma rig pa dang / nyon mongs pa shin du phra ba'i gnas ngan len gyi ma rig pa ste/ ma rigs pa 'di gnyis kyis ni sangs rgyas kyi sa la sgrib par byed do/ /rigs kyi bu byang chub sems dpa' sems dpa' chen po rnams ni sa dang po la sbyin pa'i pha rol du phyin pa la spyod par byed do/ /sa gnyis pa la tshul khrims kyi pha rol du phyin pa la spyod par byed do/ /sa gsum pa la bzod pa'i pha rol du phyin pa spyod par byed do/ /sa bzhi pa la brtson 'grus kyi pha rol tu phyin pa spyod par byed do/ /sa lnga pa la bsam gtan gyi pha rol du phyin pa spyod par byed do/ /sa drug pa la shes rab kyi pha rol tu phyin pa spyod par byed do/ /sa bdun pa la thabs mkhas pa'i ye shes mchog gi pha rol tu phyin pa spyod par byed do/ /sa brgyad pa la smon lam gyi pha rol du phyin pa spyod par byed do/ /sa dgu pa la stobs kyi pha rol du phyin pa spyod par byed do/ /sa bcu pa la ye shes kyi pha rol du phyin pa spyod par byed do/ /rigs kyi bu byang chub sems dpa' sems dpa' chen po rnams ni sems bskyed pa dang pos rin chen mchog gi ting nge 'dzin yongs su sdud cing skyed par byed do/ /sems bskyed pa gnyis pas yid du 'ong ba'i ting nge 'dzin yongs su sdud cing skyed par byed do/ /sems skyed pa gsum pas shin du bsgul bar dka' ba'i ting nge 'dzin yongs su sdud cing skyed par byed do/ /sems skyes pa bzhi pas phyir mi ldog pa'i ting nge 'dzin yongs su sdud cing skyed par byed do/ /sems bskyed pa lnga pas rin po che'i me tog gi ting nge 'dzin yongs su sdud cing skyed par byed do/ /sems skyed pa drug pas nyi ma'i dkyil 'khor 'od zer 'bar ba'i ting nge 'dzin yongs su sdud cing skyed par byed do/ /</font><hr>96.74a<br><font size=+1>

sems bskyed pa bdun pas smon lam thams cad yid bzhin du mngon par grub pa'i ting nge 'dzin yongs su sdud cing skyed par byed do/ /sems skyed pa brgyad pas mngon sum du gnas par byed pa'i ting nge 'dzin yongs su sdud cing skyed par byed do/ /sems bskyed pa dgu pas ye shes kyi snying po'i ting nge 'dzin yongs su sdud cing skyed par byed do/ /sems skyed pa bcu pas dpa' bar 'gro ba'i ting nge 'dzin yongs su sdud cing skyed par byed do/ /rigs kyi bu 'di dag ni byang chub sems dpa' sems dpa' chen po rnams kyi sems bskyed pa rnam pa bcu zhes bya'o/ /rigs kyi bu byang chub sems dpa' sems dpa' chen po rnams kyis sa dang po la thob pa'i gzungs gang yin pa de ni yon tan la gnas pa'i stobs shes bya'o/ /de nas bcom ldan 'das kyis gzungs sngags bka' stsal pa/ tadaya thA/ pUm+dza ma no ra the/ do ho do ho/ yA bad sUr+ya/ a ba b+hA sa tA/ yA btsan+d+ra/ dau data te/ tA bAd rak+Sha mAn daN+Da pa ri hUM raM ku ru swA hA/ rigs kyi bu gzungs 'di ni gang gA'i klung gi bye ma snyed kyi grangs las 'das pa'i sangs rgyas rnams kyis sa dang po'i byang chub sems dpa' yongs su bsrung ba'i phyir gsungs pa yin te/ gang la la zhig gis gzungs sngags 'di kha ton du 'don cing yongs su 'dzin par byed na 'di lta ste/ stag dang / spyang ki dang / seng ge dang / gcan zan ma rungs pa'i rigs kyi rnam pa dang / yi dag ma rung pa dang / mi dang / mi ma yin pa la sogs pa phyir rgol ba dang / gdon bgegs dang / sdug bsngal gyi 'tshe ba'i 'jigs pa thams cad las thar bar 'gyur zhing sgrib pa las rnam par grol nas sa dang po mi brjid cing rjes su dran par 'gyur ro/ /rigs kyi bu byang chub sems dpa' sems dpa' chen pos sa gnyis pa la thob pa'i gzungs gang yin pa de ni shin du bde ba'i gnas zhes bya'o/ /tad ya thA/ ut+to li/ tsi ri tsi ri/ ut+to rA to rA NAm/ shAn to/ shAn</font><hr>96.74b<br><font size=+1>

to/ ut+to li/ hu lu hu lu swA hA/ rigs kyi bu gzungs sngags 'di ni gang gA'i klung gnyis kyi bye ma snyed kyi grangs las 'das pa'i sangs rgyas rnams kyis sa gnyis pa'i byang chub sems dpa' yongs su bsrung ba'i phyir gsungs pa yin te/ gang la la zhig gzungs sngags 'di kha ton du 'don cing yongs su 'dzin par byed na gcan zan ma rungs pa dang / yi dgas ma rungs pa dang / mi dang mi ma yin pa la sogs pa phyir rgol ba dang / gdon bgegs dang / sdug bsngal gyis 'tshe ba'i 'jigs pa thams cad las thar bar 'gyur zhing sgrib pa lnga las rnam par grol nas sa gnyis pa mi brjed cing rjes su dran par 'gyur ro/ /rigs kyi bu byang chub sems dpa' sems dpa' chen pos sa gsum pa la thob pa'i gzungs gang yin pa de ni shin du rgyal bar dka' ba'i stobs shes bya'o/ /tad ya thA/ dan+thi ke /pan+thi ke /ka ra thA/ kau ra thi/ ke+e y+'u re/ dan te le swA hA/ rigs kyi bu gzungs 'di ni gang gA'i klung gsum gyi bye ma snyed kyi grangs las 'das pa'i sangs rgyas rnams kyis sa gsum pa'i byang chub sems dpa' yongs su bsrung ba'i phyir gsungs pa yin te/ gang la la zhig gzungs sngags 'di kha ton du 'don cing yongs su 'dzin par byed na gcan zan ma rungs pa dang / yi dgas ma rungs pa dang / mi dang mi ma yin pa la sogs pas phyir rgol ba dang / gdon bgegs dang / sdug bsngal gyis 'tshe ba'i 'jigs pa las thar bar 'gyur zhing sgrib pa lnga las rnam par grol nas/ sa gsum pa mi brjed cing rjes su dran par 'gyur ro/ /rigs kyi bu byang chub sems dpa' sems dpa' chen pos sa bzhi pa la thob pa'i gzungs gang yin pa de ni rgya cher phan 'dogs pa zhes bya'o/ /tad ya thA/ shi ri shi ri/ di ma di ma ni/ d+ha ri d+ha ri Ni/ shi ri shi ri Ni/ ba sha lA bi shi lA ba sha ba sha ni/ ban d+ha ni ye swA hA/ </font><hr>96.75a<br><font size=+1>

rigs kyi bu gzungs 'di ni gang gA'i klung bzhi'i bye ma snyed kyi grangs las 'das pa'i sangs rgyas rnams kyis sa bzhi pa'i byang chub sems dpa' yongs su bsrung ba'i phyir gsungs pa yin te/ gang la la zhig gzungs sngags 'di kha ton du 'don cing yongs su 'dzin par byed na gcan zan ma rungs pa dang / yi dgas ma rungs pa dang / mi dang mi ma yin pa la sogs pa phyir rgol ba dang / gdon bgegs dang / sdug bsngal gyis 'tshe ba'i 'jigs pa rnams las thar bar 'gyur zhing sgrib pa lnga las rnam par grol nas sa bzhi pa mi brjed cing rjes su dran par 'gyur ro/ /rigs kyi bu byang chub sems dpa' sems dpa' chen pos sa lnga pa la 'thob pa'i gzungs gang yin pa de ni yon tan sna tshogs kyis rab tu brgyan pa zhes bya'o/ /tad ya thA/ ha ri ha ri Ni/ tsi ri tsi ri Ni/ ka ri mA Ni/ saM ka ri mA Ni/ sAm bA sa ni/ dzam b+ha ni/ stam b+ha ni/ mo ha ni/ swa yam b+huk+ke swA hA/ rigs kyi bu gzungs 'di ni gang gA'i klung lnga'i bye ma snyed kyi grangs las 'das pa'i sangs rgyas rnams kyis sa lnga pa'i byang chub sems dpa' sems dpa' chen po yongs su bsrung ba'i phyir gsungs te/ gang la la gzungs sngags 'di 'don cing 'dzin par byed na 'jigs shing skrag pa rnams las thar ba dang / gcan zan ma rungs pa dang / yi dgas ma rungs pa dang / mi dang mi ma yin pa la sogs pa dgra dang rkun po dang / glo bur gyi gnod pa dang / nyon mongs pa dang / sdug bsngal rnams dang / sgrib pa lnga las rnam par grol te sa lnga pa mi brjed par dran no/ /rigs kyi bu byang chub sems dpa' sems dpa' chen po sa drug pa la gzungs thob pa'i ming yongs su rgyas pa'i ye shes shes bya ste/ /gzungs la/ tad ya thA/ bi to ri/ bi to ri/ ma ri Ni/ ka li ka li/ bi d+ho han te/ lu lu lu lu tsu lu tsu lu to lU ba to lU ba sha sha shats+tsha/ pa ri sha / swa sti sarba satwA nA~M/ </font><hr>96.75b<br><font size=+1>

si d+h+yan tu mA ma man tra pA da ni swA hA/ rigs kyi bu gzungs 'di ni gang gA'i klung gi bye ma snyed kyi grangs las 'das pa'i sangs rgyas rnams kyis sa drug pa'i byang chub sems dpa' sems dpa' chen po rnams yongs su bsrung ba'i phyir gsungs te/ gang la la gzungs sngags 'di 'don cing 'dzin na 'jigs shing skrag pa las thar ba dang / gcan zan ma rungs pa dang / yi dgas ma rungs pa dang / mi dang mi ma yin pa la sogs pa dgra dang / rkun po dang / blo bur gyi gnod pa dang / nyon mongs pa dang / sdug bsngal rnams dang / sgrib pa lnga las rnam par grol te/ sa drug pa mi brjed par dran no/ /rigs kyi bu byang chub sems dpa' sems dpa' chen po sa bdun pa la gzungs thob pa'i ming rgyal ba'i chos kyi spyod pa zhes bya ste/ gzungs la/ tad ya thA/ dza ha dza ha ru/ dza ha dza ha dza ha ru/ bai lu ke bai lu ke /a mri ta ga Ni pu ru Sha Ni be ru te ke pa ru bad ta/ bi d+he he ke bin da bi le ni/ a mri lu te ki/ bai dzu yu bai dzu yu swAhA/ rigs kyi bu gzungs 'di ni gang gA'i klung bdun gyi bye ma snyed kyi grangs las 'das pa'i sangs rgyas rnams kyis sa bdun pa'i byang chub sems dpa' yongs su bsrung pa'i phyir gsungs te/ gang la la gzungs sngags 'di 'don cing 'dzin na 'jigs shing skrag pa rnams las thar ba dang / gcan zan ma rungs pa dang / yi dgas ma rungs pa dang / mi dang mi ma yin pa la sogs pa dgra dang / rkun po dang / glo bur gyi gnod pa dang / nyon mongs pa dang / sdug bsngal gyi rnam pa dang / sgrib pa lnga las rnam par grol te/ sa bdun pa mi brjed par dran no/ /rigs kyi bu byang chub sems dpa' sems dpa' chen po sa brgyad pa la gzungs thob pa'i ming ni mi zad pa'i mdzod ces bya ste/ gzungs la/ tad ya thA/ shi ri shi ri shi ri Ni/ mi te mi te/ ka ri ka ri/ he ru he ru/ tsu ra tsu ru ban+d+ha ni swA hA/ rigs kyi bu</font><hr>96.76a<br><font size=+1>

gzungs 'di ni gang gA'i klung brgyad kyi bye ma snyed kyi grangs las 'das pa'i sangs rgyas rnams kyis sa brgyad pa'i byang chub sems dpa' yongs su bsrung ba'i phyir gsungs te/ gang la la gzungs sngags 'di 'don cing 'dzin na 'jigs shing skrag pa rnams las thar ba dang / gcan zan ma rungs pa dang / yi dgas ma rungs pa dang / mi dang mi ma yin pa la sogs pa dgra dang / rkun po dang / glo bur gyi gnod pa dang / nyon mongs pa dang / sdug bsngal dang / sgrib pa lnga las rnam par grol te sa brgyad pa mi rjed par dran no/ /rigs kyi bu byang chub sems dpa' sems dpa' chen po sa dgu pa la gzungs thob pa'i ming dpag tu med pa'i sgo zhes bya ste/ gzungs la/ tad ya thA/ ha ri tsan Da li ke /ku la ma b+ha dri/ to ra si pa ta pa ta si/ shi ri shi ri ga shi ri gA pi shi ri swa sti/ sarba sa twA nAM swA hA/ rigs kyi bu gzungs 'di ni gang gA'i klung dgu'i bye ma snyed kyi grangs las 'das pa'i sangs rgyas rnams kyis sa dgu pa'i byang chub sems dpa' yongs su bsrung ba'i phyir gsungs te/ gang la la gzungs sngags 'di 'don cing 'dzin na 'jigs shing skrag pa rnams las thar pa dang / gcan zan ma rungs pa dang / yi dgas ma rungs pa dang / mi dang mi ma yin pa la sogs pa dgra dang / rkun po dang / glo bur gyi gnod pa dang / nyon mongs pa dang / sdug bsngal ba dang / sgrib pa lnga las rnam par grol te sa dgu pa mi brjed par dran no/ /rigs kyi bu byang chub sems dpa' sems dpa' chen po sa bcu pa la gzungs thob pa'i ming rdo rje'i ri 'joms pa zhes bya ste/ gzungs la/ tad ya thA/ sid d+he su sid d+he mo tsa ni mo k+Sha ni mu k+te bi mu k+te/ a ma le bi ma le da ma le mAng ga le hi ra N+ya gar b+he/ rat+na gar b+he/ sa man ta b+ha dre/ sarba ar+tha sA d+ha ni ma na se ma hA ma na se ata b+hu te/ </font><hr>96.76b<br><font size=+1>

a t+yad b+hu te a ra dze bi ra dze a ts+tshu te a mri te a ra dze bi ra dze brah+ma brah+ma sA re pU ra Ni pU ra Na ma no ra the swA hA/ rigs kyi bu gzungs 'di ni dbang bskur ba'i bkra shis kyi tshig ste/ 'di ni gang gA'i klung bcu'i bye ma snyed kyi grangs las 'das pa'i sangs rgyas rnams kyis sa bcu pa'i byang chub sems dpa' yongs su bsrung ba'i phyir gsungs te/ gang la la gzungs sngags 'di 'don cing 'dzin na 'jigs shing skrag pa las grol te/ gcan zan ma rungs pa dang / yi dgas ma rungs pa dang / mi dang mi ma yin pa la sogs pa dgra dang / rkun po dang / glo bur gyi gnod pa dang / gdug cing gnod pa thams cad bsal cing zad nas sgrib pa lnga las grol te sa bcu pa mi brjed par dran no/ /de nas byang chub sems dpa' seng ge'i mtshan nyid 'od 'phro bas sangs rgyas kyis bsam gyi mi khyab pa'i gzungs bshad pa 'di thos nas 'dug pa'i stan las langs te/ bla gos phrag pa gcig tu byas nas pus mo g.yas pa lha nga sa la btsugs te thal mo sbyar nas gus par sangs rgyas kyi zhabs la spyi bos phyag 'tshal te tshigs su bcad pa 'di sangs rgyas la bstod do/ /dpe med de la gus phyag 'tshal/ /shin du zab pa'i mtshan nyid chos/ /skye bo yang dag shes stor ba/ /sangs rgyas nyag gcig 'dren cing sgrol/ /de bzhin gshegs pa shes rab spyan/ /chos kyi mtshan nyid gcig mi gzigs/ /yang dag chos kyi spyan gyis ni/ /yongs su brtags pa bsam mi khyab/ /chos gcig kyang ni skye ba med/ /chos gcig kyang ni 'gog pa med/ /de ltar mnyam par gzigs pas na/ /bla na med pa'i gnas su son/ /'khor ba dag kyang mi 'jigs te/ /mya ngan 'das la yang mi gnas/ /mtha' gnyis la yang mi chags pas/ /de phyir mya ngan 'das pa thob/ /dag dang ma dag phyogs la yang / /bcom ldan 'das</font><hr>96.77a<br><font size=+1>

kyi ro gcig mkhyen/ /rnam par mi rtog dbyings kyis ni/ /mchog tu rnam dag thob par 'gyur/ /bcom ldan 'das ni mtha' med sku/ /yi ge 'bru gcig ma bshad kyang / /slob ma mang po rnams dag la/ /chos kyi char gyis rgyas par mdzad/ /skye bo mtshan ma sangs rgyas gzigs/ /sna tshogs thams cad kun kyang mkhyen/ /'on kyang sdug bsngal de dag la/ /rtag par 'dren cing skyob par mdzad/ /skyid sdug rtag dang mi rtag dang / /bdag yod bdag med la sogs pa/ /gcig dang tha dad ma yin te/ /mi skye 'gog pa 'ang ma yin no/ /de la sogs pa'i gzhung mang po/ /bshad pa'i phyir ni rnam pa yod/ /dpe ru lung stong brag ca 'dra/ /sang+yas nyag gcig mngon par mkhyen/ /chos kyi dbyings la bye brag med/ /de phyir theg pa tha dad med/ /skye bo dag ni bsgral ba'i phyir/ /bstan pa rnam pa gsum yang yod/ /de nas tshangs pa'i rgyal po chen po 'dug pa'i stan las langs te bla gos phrag pa gcig tu byas nas pus mo g.yas pa'i lha nga sa la btsugs te/ thal mo sbyar nas gus par sangs rgyas kyi zhabs la spyi bos phyag 'tshal nas sangs rgyas la 'di skad ces gsol to/ /bcom ldan 'das gser 'od dam pa mchog tu rnam par rgyal ba mdo sde'i rgyal po dkon zhing dpag tu med pa 'di thog ma dang bar ma dang tha mar dge gzhung dang tshig 'bru bzang po sangs rgyas kyi chos thams cad grub par nus pa 'di 'dzin cing 'chang ba'i mi ni sangs rgyas thams cad la lan glon pa zhes bgyi'o/ /sangs rgyas kyis 'di skad ces bka' stsal to/ /rigs kyi bu de de bzhin te/ de de bzhin no/ /khyed kyis smras pa bzhin te/ rigs kyi bu mdo sde 'di mnyan cing thos pa ni kun kyang bla na med pa yang dag par rdzogs pa'i byang chub las phyir mi ldog go /de ci'i phyir zhe na/ rigs kyi bu mdo sde 'dis ni phyir mi ldog pa'i sa'i byang chub sems dpa' mchog gi dge ba'i rtsa ba smin</font><hr>96.77b<br><font size=+1>

cing grub par nus so/ /'di ni mchog gi chos kyi phyag rgya'o/ /'di ni mdo sde thams cad kyi rgyal po ste/ mnyan cing thos pa dang / 'chang zhing 'dzin pa dang / klog cing 'don par bya'o/ /de ci'i phyir zhe na/ rigs kyi bu skye bo rnams dge ba'i rtsa ba ma skyed pa/ dge ba'i rtsa ba ma smin pa/ sangs rgyas rnams la ma bsnyen pas ni mchog gi mdo sde 'di mnyan cing thos par mi nus so/ /rigs kyi bu 'am/ rigs kyi bu mo la las nyan cing 'chang na sdig pa mi dge ba'i las kyi sgrib pa thams cad byang zhing zad nas mchog tu rnam par dag cing rtag par sangs rgyas mthong nas sangs rgyas rnams dang / dge ba'i bshes gnyen mchog tu spyod pa'i ming dang mi 'bral zhing rtag par dam pa'i chos thos nas phyir mi ldog pa'i sa la gnas pa dang / mchog gis gzungs kyis sgo mi zad mi 'grib par thob par 'gyur te/ 'di lta ste/ rgya mtsho'i phyag rgya mchog gi yon tan 'byung ba'i gzungs mi zad mi 'grib pa dang / sems can thams cad kyi yid dang / spyod pa dang / tshig la thogs pa med pa'i gzungs mi zad mi 'grib pa dang / nyi ma'i dkyil 'khor dri ma med pa mtshan nyid kyi 'od kyi gzungs mi zad mi 'grib pa dang / zla ba rgyas pa'i mtshan nyid 'od kyi gzungs mi zad mi 'grib pa dang / slad pa thams cad thul nas yon tan 'phel ba'i gzungs mi zad mi 'grib pa dang / rdo rje'i ri bsnyil ba'i gzungs mi zad mi 'grib pa dang / bshad du mi rung ba rgyu rkyen gyi snying po bshad mi nus pa 'chang ba'i gzungs mi zad mi 'grib pa dang / bden par smra ba'i chos la thogs pa med pa'i sgra'i gzungs mi zad mi 'grib pa dang / nam mkha'i dri ma med pa'i sems dang / spyod pa'i phyag rgya'i gzungs mi zad mi 'grib pa dang / mtha' med pa'i sangs rgyas kyi sku thams cad mngon du snang ba'i gzungs mi zad mi 'grib pa dang / rigs kyi</font><hr>96.78a<br><font size=+1>

bu 'di la sogs te mi zad mi 'grib pa'i gzungs thams cad kyi tshad kyi sgo grub cing thob pa'i phyir byang chub sems dpa' sems dpa' chen po phyogs bcu'i sangs rgyas kyi zhing thams cad du sangs rgyas kyi skur sprul nas bla na med pa dam pa'i chos 'chad do/ /chos kyi de bzhin nyid ni mi g.yo mi gnas mi 'gro mi 'ong ba'i phyir ro/ /skye bo thams cad kyi dge ba'i rtsa ba grub cing smin par byas kyang skye bo gcig smin par yang mi mthong ngo / /chos sna tshogs 'chad mod kyi tshig 'bru la mi g.yo mi gnas mi 'gro mi 'ong ngo / /skye zhing 'gog pa ston kyang skye shing 'gog pa med par khong du chud do/ /ci'i rgyus na 'du byed kyi chos rnams la 'gro ba dang 'ong ba med ce na/ chos so cog gi ngo bo nyid tha dad pa med pa'i phyir ro/ /chos 'di 'chad pa'i tshe byang chub sems dpa' sems dpa' chen po 'bum phrag sum khri mi skye ba'i chos la bzod pa thob po/ /dpag tu med pa'i byang chub sems dpa' byang chub kyi sems las phyir mi nur ba thob po/ /dpag tu med mtha' med pa'i dge slong dang dge slong ma chos la chos kyi mig gtsang ma thob po/ /dpag tu med pa'i skye bo byang chub tu sems bskyed do/ /de nas bcom ldan 'das kyis tshigs su bcad pa 'di gsungs so/ /rgyal po'i chos kyis 'khor kun bzlog /zab cing yangs mchog mthong bar dka'/ /skye bo dmus long 'dod pas khebs/ /mi mthong phyir ni sdug bsngal len/ /de nas phal mang po lhan cig tu 'dug pa langs te sangs rgyas kyi zhabs la spyi bos phyag 'tshal nas sangs rgyas la 'di skad ces gsol to/ /bcom ldan 'das gnas gang ma gser 'od dam pa mdo sde'i rgyal po 'di 'chang ba dang / klog cing kha ton du bgyid pa der bdag cag la sogs pa phal mang po rnams thams cad der mchis te nyan pa'i 'khor bgyi'o/ /chos 'chad pa'i mkhan po de la</font><hr>96.78b<br><font size=+1>

phan pa dang / bde zhing skyid pa dang / bsgribs pa med pa dang / lus dang yid bag yangs su bgyi'o/ /bdag cag la sogs pas sems thag pa nas mchod cing yang phal mang po nyan pa de dag bde zhing skyid par bgyi'o/ /ga la gnas pa'i yul de na dgra dang / 'jigs shing skrag pa dang / gnod pa dang / mu ge dang / nyon mongs pa ma mchis par bgyi'o/ /yul gyi mi dar zhing rgyas par bgyi'o/ /chos 'di bshad pa'i gnas kyi dkyil 'khor gyi sa der lha dang / mi ma yin pa dang / skye bo rnams kyis mi rdzi/ mi 'chag /mi gtsang ba la sogs pas mi bsgo'o/ /de ci'i slad du zhe na/ chos 'chad pa'i gnas de mchod rten nyid lags pas na bdug pa dang / me tog dang ba dan dang / gdugs kyis mchod par bgyi'o/ /bdag cag la sogs pas rtag par bsrungs nas rgud cing dmas pa las bral bar bgyi'o/ /sangs rgyas kyis phal mang po la 'di skad ces bka' stsal to/ /rigs kyi bu khyed la sogs pas mdo sde mchog 'di la brtson par bsgoms na de ni dam pa'i chos 'jig rten na yun du bzhugs pa zhes bya'o/ /'phags pa gser 'od dam pa mchog tu rnam par rgyal ba'i mdo sde'i rgyal po las shin tu rnam par dag pa'i gzungs kyi le'u ste drug pa'o// // gser 'od dam pa mchog tu rnam par rgyal ba mdo sde'i rgyal po/ bam po lnga pa/ de nas sangs rgyas kyis byang chub shing gi lha dge ba'i lha mo la 'di skad ces bka' stsal to/ /da khyod kyis shes par gyis shig /bzang po dpal byang chub sems dpa'i mtshan mo'i rmi lam du gser gyi rnga las sgra chen po byung ste/ sangs rgyas kyi yon tan bstod pa dang / 'gyod tshangs kyi chos mthong ba de'i rgyu khyed la sogs pa la rgya cher bshad pa 'di shin du legs par nyon la yid la zung shig dang / 'das pa'i tshe</font><hr>96.79a<br><font size=+1>

rgyal po gser klu'i dbang po zhes bya bas rtag par pad mo ka ma la lta bus phyogs bcu dus gsum gyi sangs rgyas rnams la bstod cing bsngags so/ /de nas phal mang po la bstod pa'i tshigs su bcad pa 'di gsungs so/ /gang rgyal snga ma gang dag byung ba dang / /phyogs bcu dag na gang dag bzhugs pa dang / /rgyal ba de dag rnams la phyag 'tshal lo/ /rgyal ba de dag kun la bdag bstod do/ /thub dbang zhi ba rab zhi rnam par dag /kha dog gser dang 'dra bar snang ba'i sku/ /sangs rgyas dbyangs ni dbyangs kun nang na snyan/ /tshangs pa'i sgra skad shin du bsgrags pa'i gsung / /rkang drug rma bya snag tsha 'dra ba'i dbu/ /sngon po rab bskums bya dang 'dra bar mdzes/ /dung dang kha ba lta bur dkar ba'i tshems/ /gser gyis spras pa lta bur rtag tu snang / /sngo zhing yangs la shin du dri med spyan/ /me tog uta pal sngon po kha 'bus 'dra/ /ljags kyi kha dog bzang yangs pad ma 'dra/ /pad ma skyes par snang ba'i pad mo 'dra/ /smin tshams dung dang pad mo'i rtsa ba 'dra/ /g.yas phyogs 'khyil pa kha dog bai dU r+ya/ /zla ba tshes shing zla ba phra ba 'dra/ /thub pa mgon sku 'bar ba bung ba 'dra/ /'jam bzangs gser gyi thur ma 'dra ba yi/ /zhal las 'phags zhing lham mer gyur pa'i shangs/ /rab mchog dam pa 'phags pa ri yi mchog /rgyal ba kun gyi rtag tu 'jam pa'o/ /ba spu'i khung nas re re 'byung ba ste/ /spu byung ba ni g.yas phyogs su 'khyil ba/ /sngon po zlum po lta bur skyes pa'o/ /sngon po brgyan pa rma bya'i mgul ltar mdzes/ /skyes ma thag tu rab tu snang ba'i sku/ /phyogs bcu'i 'jig rten thams cad gang bar 'gyur/ /'jig rten gsum na sdug bsngal thams cad zhi/ /bde ba kun gyis sems can ngoms par mdzad/ /sems can dmyal dang byol song 'gro ba dang / /yi dgas lha gnas mi yi 'gro ba dang / /sems can bde ba kun gyis tshogs par mdzad/ /</font><hr>96.79b<br><font size=+1>

ngan song 'gro ba thams cad rab zhi mdzad/ /kha dog bzang po gser dang 'dra ba'i mdzes/ /shin du sbyangs pa'i gser dang 'dra ba'i sku/ /bde gshegs zhal ni dri med zla ba 'dra/ /mdzes par gyur cing shin du dri med zhal/ /yan lag gzhon par gyur cing 'jam pa'i sku/ /'gro zhing gnon pa'i seng ge'i mchog dang 'dra/ /phyag phyang dpang pa rab tu 'phyang bar gyur/ /rlung gis sa la'i lcug ma bskyod pa bzhin/ /'dom gang 'khor bar 'bar ba'i 'od zer gtong / /nyi ma stong dang 'dra bar shin du lhan/ /thub pa'i dbang po dri ma med pa'i sku/ /thams cad mtha' yas zhing kun snang bar gyur/ /zla ba lta bur snang byed 'dra bar gyur/ /zhing rnams mtha' yas brgya phrag stong kun du / /de dag 'od ni thams cad med par gyur/ /sangs rgyas lham mer snang bar gyur pa'i phyir/ /sangs rgyas nyid byed 'jig rten sgron mar gyur/ /sangs rgyas nyin mo nyi ma brgya stong gis/ /brgya phrag stong gi zhing rnams kun du yang / /de bzhin gshegs pa'i nyi ma sems can mthong / /bsod nams brgya phrag stong gis bsgrubs pa'i sku/ /yon tan thams cad kyis ni brgyan pa'i sku/ /rgyal phyag bal glang rgyal po'i sna dang 'dra/ /rab 'bar shin du dri med rkang lag mchog /sa yi steng gi rdul dang mnyam pa dang / /sangs rgyas gang 'das rdul phran mnyam pa dang / /gang dag 'byung ba rdul phran mnyam pa dang / /gang dag bzhugs pa rdul phran mnyam pa dang / /rgyal ba de dag rnams la phyag 'tshal ba/ /lus dang ngag dang yid ni dang bas so/ /me tog rab tu sbyin dang dri rab sbyin/ /kha dog brgya yang shin du sems bzang gis/ /bdag gi lce brgyas sangs rgyas yon tan rnams/ /bskal pa stong du brjod par mi nus so/ /rgyal ba dag gi dge ba gang rdzogs pa/ /snying po mchog rab sna tshogs du ma dag /rgyal ba gcig gi yon tan brjod mi nus/ /lce stong gis kyang chung zad bshad par ni/ /</font><hr>96.80a<br><font size=+1>

rgyal ba kun gyi nus pa ci zhig smon/ /yon tan gcig la rgya cher bshad pa yang / /lha dang 'jig rten thams cad rgya mtshor gyur/ /srid pa'i thog ma man chad kun chu gang / /tshad gzungs bar ni ba spu'i rtse mos nus/ /bde bar gshegs pa'i yon tan gcig mi nus/ /bshad pa mchod pa bstod pa thams cad kyang / /lus dang ngag yid dag ni dang ba ste/ /bdag gis bsod nams 'bras bu mchog gang bsags/ /de yis sems can rgyal ba thob par shog /rgyal pos sangs rgyas de ltar bstod nas su/ /rgyal po smon lam 'di ltar 'debs par byed/ /ga la ga lar bdag skyes gyur pa na/ /ma 'ongs pa yi bskal pa mtha' med par/ /rnga 'di 'dra ba'i rmi lam mthong bar shog /bshags pa 'di 'dra der ni thos par shog /rgyal bstod pad ma'i 'byung gnas 'di dang 'dra/ /skye ba brgyar yang de na thob par shog /sangs rgyas yon tan mtha' yas mnyam pa med/ /gang de bskal pa stong du dkon pa ste/ /de dag rmi lam du yang thos par shog /de dag nyin mor gyur na bshad par bya/ /sdug bsngal rgya mtsho las ni sems can dgrol/ /pha rol phyin pa drug ni rdzogs par bya/ /byang chub bla med phyi nas thob par shog /dgra med zhing ni bdag gi thob par shog /rnga rab byin pa'i rnam smin 'bras bu dang / /rgyal ba thams cad bstod pa'i rgyu yi phyir/ /shAkya thub pa'i dbang po mngon mthong shog /bdag gis lung bstan pa yang der thob shog /gang 'di bdag gi bu pho gnyis po dag /gser gyi dpung pa'i dbang dang gser gyi 'od/ /khye'u 'di gnyis kyang de nas thob par shog /byang chub bla na med pa'i lung bstan kyang / /sems can gang dag skyabs dang dpung gnyen med/ /mgon med sdug bsngal song bar gyur pa dag /ma 'ongs bskal pa kun du de dag</font><hr>96.80b<br><font size=+1>

la/ /mgon dang skyabs dang dpung gnyen gyur par shog /sdug bsngal 'byung ba zad par byed pa dang / bde ba kun gyi 'byung gnas gyur par shog /ma 'ongs skal par byang chub spyad pa ni/ /de dag ji tsam thog ma'i mtha' yod par/ /gser 'od dam par bshags pa byas pas na/ /bdag gi sdig pa'i rgya mtsho skems par shog /bdag gi rgya mtsho las ni byang bar shog /bdag gi bsod nams rgya mtsho rdzogs par shog /bdag gi ye shes rgya mtsho rnam dag shog /ye shes dri ma med pa'i 'od rab kyis/ /yon tan kun gyi rgya mtshor 'gyur bar shog /byang chub yon tan rin chen rdzogs par shog /gser 'od bshags pa byas pa'i stobs kyis su/ /bdag gi bsod nams 'od ni thob par shog /bdag gi byang chub rnam dag 'di thob shog /dri med ye shes snang ba dam pa yi/ /bdag gi lus kyi 'od ni thob par shog /bsod nams 'od ni lham mer gyur pas na/ /'jig rten gsum po kun gyi gtso bor shog /bsod nams stobs dang rtag tu ldan par shog /sdug bsngal rgya mtsho las ni sgrol ba dang / /bde ba thams cad rgya mtsho 'dra ba dang / /ma 'ongs bskal par byang chub spyod par shog /ji tsam thog ma'i mthar ni gyur pa dang / /'jig rten gsum na zhing mchog ci 'dra ba/ /rgyal ba kun gyi yon tan mtha' yas ldan/ /yon tan mtha' yas pa yi zhing de 'dra/ /bdag gis ma 'ongs dus na thob par shog /bzang dpal khyod kyis shes par gyis/ /gser dpung dbang po yul rgyal pos/ /smon lam 'di 'dra bskyed myong ba/ /de ni khyod kyi lus nyid yin/ /sngon gyi dus na bu gnyis yod/ /gser gyi dpung dang gser gyi 'od/ /de ni dngul gzugs dngul 'od de/ /nga las lung bstan thob pa'o/ /phal mang pos bshad pa de thos nas kun gyis byang chub tu sems bskyed de/ da ltar dang ma 'ongs pa'i dus na yang 'gyod tshangs</font><hr>96.81a<br><font size=+1>

'di spyod smon lam btab/ gser 'od dam pa mchog tu rnam par rgyal ba'i mdo sde'i rgyal po las pad+ma lta bu dpe sngags pa brjod pa'i le'u ste bdun pa'o// // de nas bcom ldan 'das 'khor mang po'i nang nas byang chub sems dpa' sems dpa' chen po rab gnas la 'di skad ces bka' stsal to/ /rigs kyi bu gser rgyal ba zhes bya ba'i gzung yod do/ /rigs kyi bu 'am rigs kyi bu mo gang la la zhig 'das pa dang ma byon pa dang da ltar bzhugs pa'i sangs rgyas rnams mngon sum du mthong zhing bkur stir dang mchod pa byed par 'dod pas gzungs 'di yongs su gzungs bar bya'o/ /de ci'i phyir zhe na/ gzungs 'di ni 'das pa dang ma byon pa dang da ltar bzhugs pa'i sangs rgyas rnams kyi yum bas so/ /de lta bas na gzungs 'di yongs su 'dzin par byed pa gang yin pa de ni bsod nams chen po dang ldan zhing 'das pa'i sangs rgyas tshad med pa rnams las dge ba'i rtsa ba bskyed pa deng yongs su 'dzin par 'gyur ba yin no/ /tshul khrims yongs su dag pa mi zhig mi nyams shing thog pa med pa dang gdon mi za bar chos zab mo'i sgor 'jug par 'gyur ba rig par bya'o/ /bcom ldan 'das kyi sngags kyis sgrub pa'i cho ga bka' stsal pa/ sngar sangs rgyas dang byang chub sems dpa' rnams kyi mtshan nas brjod do/ /sems rtse cig tu gus pas phyag byas nas/ de'i 'og tu sngags 'don par bya'o/ /phyog bcu'i sangs rgyas thams cad la phyag 'tshal lo/ /byang chub sems dpa' sems dpa' chen po rnams la phyag 'tshal lo/ /nyan thos dang rang sangs rgyas dang 'phags pa rnams la phyag 'tshal lo/ /sangs rgyas shAkya thub pa la phyag 'tshal lo/ /shar phyog kyis sangs rgyas mi 'khrugs pa la phyag 'tshal lo/ /lho phyog kyi sangs rgyas rin po che'i tog la phyag 'tshal lo/ /nub phyogs kyi</font><hr>96.81b<br><font size=+1>

sangs rgyas tshe dpag med la phyag 'tshal lo/ /byang phyogs kyi sangs rgyas lha'i rnga sgra'i rgyal po la phyag 'tshal lo/ /steng gi phyogs kyi sangs rgyas yangs pa'i yon tan mang po la phyag 'tshal lo/ /'og gi phyogs kyi sangs rgyas yon tan snang la phyag 'tshal lo/ /sangs rgyas rin chen snying po la phyag 'tshal lo/ /sangs rgyas kun tu 'od la phyag 'tshal lo/ /sangs rgyas kun tu snang la phyag 'tshal lo/ /sangs rgyas stobs brtse rgyal po la phyag 'tshal lo/ /sangs rgyas rnam par rgyal ba'i pad+ma la phyag 'tshal lo/ /sangs rgyas mnyam par gzigs la phyag 'tshal lo/ /sangs rgyas rin chen gtsug phud la phyag 'tshal lo/ /sangs rgyas rin chen bla ma la phyag 'tshal lo/ /sangs rgyas rin chen 'od la phyag 'tshal lo/ /sangs rgyas dri ma med pa'i 'od zer la phyag 'tshal lo/ /sangs rgyas stobs rab dgongs la phyag 'tshal lo/ /sangs rgyas rnam dag zla ba'i 'od zer mtshan grags rgyal po la phyag 'tshal lo/ /me tog bkod pa'i 'od la phyag 'tshal lo/ /sangs rgyas snang ba'i rgyal po la phyag 'tshal lo/ /sangs rgyas legs 'od dri med grags pa'i rgyal po la phyag 'tshal lo/ /sangs rgyas rtog pa 'jig med dbang phyug la phyag 'tshal lo/ /sangs rgyas snyengs pa mi mnga' ba'i grags pa la phyag 'tshal lo/ /sangs rgyas mchog tu rnam par rgyal ba'i rgyal po la phyag 'tshal lo/ /byang chub sems dpa' sems dpa' chen po spyan ras gzigs dbang phyug la phyag 'tshal lo/ /byang chub sems dpa' sems dpa' chen po sa'i snying po la phyag 'tshal lo/ /byang chub sems dpa' sems dpa' chen po nam mkha'i snying po la phyag 'tshal lo/ /byang chub sems dpa' sems dpa' chen po 'phags pa 'jam dpal la phyag 'tshal lo/ /byang chub sems dpa' sems dpa' chen po lag na rdo rje la phyag 'tshal lo/ /byang chub sems dpa' sems dpa' chen po</font><hr>96.82a<br><font size=+1>

kun du bzang po la phyag 'tshal lo/ /byang chub sems dpa' sems dpa' chen po mi zad pa'i yid la phyag 'tshal lo/ /byang chub sems dpa' sems dpa' chen po mthu chen po thob pa la phyag 'tshal lo/ /byang chub sems dpa' sems dpa' chen po byams pa la phyag 'tshal lo/ /byang chub sems dpa' sems dpa' chen po dge ba'i blo la phyag 'tshal lo/ /gzungs la/ na mo rad na tra yA ya/ tad ya thA/ ku Ti/ ku Ti ni/ i mi ri to/ ko Sha Ni i mi ri Ne/ i rI swA hA/ sangs rgyas kyis dge gnas byang chub sems dpa' la 'di skad ces bka' stsal to/ /gzungs 'di dus gsum gyi sangs rgyas kyi yum ste/ rigs kyi bu 'am/ rigs kyi bu mo la la zhig gzungs 'di 'chang zhing 'dzin na bsod nams kyi tshogs dpag tu med mtha' med par skye bar 'gyur ro/ /grangs med pa'i sangs rgyas rnams la bkur sti dang mchod pa dang btsun zhing bstod pa byas pa yin no/ /sangs rgyas de rnams kyis kyang bla na med pa'i byang chub tu lung bstan to/ /dge gnas la la gzungs sngags 'di 'chang na gos dang / zas dang / nor bu dang / rin po che dang / mang du thos shing mkhas pa dang / nad med cing tshe ring ba yid bzhin du 'thob ste/ bsod nams shin du mang du 'phel lo/ /ji ltar smon cing sgrub bo cog kyang yid bzhin du mi 'grub pa med do/ /dge gnas sngags 'di 'chang zhing 'dzin pa ni bla na med pa'i byang chub ma grub kyi bar du rtag par byang chub sems dpa' gser mkhar ri dang / byang chub sems dpa' byams pa dang / byang chub sems dpa' rgya mtsho dang / byang chub sems dpa' kun du spyan ras gzigs kyi dbang po dang / byang chub sems dpa' 'jam dpal dang / byang chub sems dpa' ma hA ping ga la la sogs pa dang lhan cig gnas te/ byang chub sems dpa' de rnams</font><hr>96.82b<br><font size=+1>

kyis srung bar byed do/ /dge gnas shes par gyis shig /gzungs sngags 'di 'don pa'i tshe cho ga 'di ltar bya'o/ /thog mar khri rtsa brgyad tshang bar bton nas bsnyen pa'i cho ga bya'o/ /de nas khang pa dben pa'i nang du dkyil 'khor brgyan nas tshes gcig gi nyin par khrus byas gos sar pa gyon bdug pa bsregs me tog bkram mchod pa sna tshogs dang kha zas kyis mchod pa rnam pa sna tshogs pa byas te/ dkyil 'khor gyi nang du zhugs nas thog mar sngar smos pa'i sangs rgyas dang byang chub sems dpa' rnams kyis mtshan nas brjod de/ shin du sems thag pa nas sngon gyi nyes pa 'gyod nas pus mo g.yas pa sa la btsugs te sngags stong rtsa brgyad rdzogs par 'don to/ /lus drang por 'dug ste ci la smon pa de la bsam mo/ /de nas nyi ma shar ba dang dkyil 'khor gyi nang du kha zas gtsang ma za gcig tu bza'o/ /zhag bcwa lnga lon nas dkyil 'khor de nas de phyung na mi de bsod nams dang gzi brjid bsam gyis mi khyab ste/ smon cing sgrub bo cog mi 'grub pa med do/ /gal te yid bzhin du ma grub na yang dkyil 'khor der zhugs nas yid bzhin du ma grub phyin cad rtag par gdon cing mi brjed par bya'o/ /'phags pa gser 'od dam pa mchog tu rnam par rgyal ba'i mdo sde'i rgyal po las gser rgyal gyi gzungs kyi le'u ste brgyad pa'o// // de nas bcom ldan 'das kyis gzungs sngags de bka' stsal nas byang chub sems dpa' sems dpa' chen po rnams dang / lha dang mi dang 'khor mang po rnams la phan gdags shing de kho na nyid kyi don dam pa shin du zab pa khong du chud par mdzad par bzhed pa'i phyir stong pa nyid kyi rang bzhin yang bstan pa'i ched du tshigs su bcad de bka' stsal pa/ nga yis mdo sde zab mo gzhan dag las/ /yang dag stong nyid dam chos rgyas bshad pa/ /deng 'dir mdo sde'i rgyal po 'di las kyang / /stong nyid bsam gyi mi</font><hr>96.83a<br><font size=+1>

khyab mdo tsam bshad/ /zab mo'i chos ni rgya chen mang po la/ /sems can shes med rig par mi nus pas/ /de phyir ngas 'dir mdo 'di bstan pas na/ /stong pa'i chos ni rab tu rtogs par 'gyur/ /thugs rje chen pos sems can brtse ba'i phyir/ /shin du thabs mkhas rgyu rkyen mchog dag gis/ /ngas deng 'khor 'dus chen po 'di nang du/ /bstan pas de dag stong don gsal rtogs 'gyur/ /lus 'di grong stong 'dra bar shes byas te/ /rgyal po drug gnas phan tshun yong mi shes/ /yul drug rkun po tha dad dbang gnas pa/ /so sor phan tshun mi shes de bzhin no/ /mig gi dbang po rtag par gzugs la blta/ /rna ba'i dbang po sgra snyan rgyun mi 'chad/ /sna yi dbang pos rgyun du dri yul mnom/ /lce yi dbang pos rtag par ro zhim myong / /lus kyi dbang pos yang 'jam reg bya len/ /yid kyi dbang pos chos rig skyo mi shes/ /dbang po 'di drug dbang po'i rjes 'brang bas/ /so so rang yul dag pa rtog pa bskyed/ /rnam shes sgyu sprul bar dge yang dag min/ /dbang po gnas nas mi bde 'dod pas tshol/ /dper na mi zhig grong stong rgyug pa ltar/ /rnam shes drug po dbang gnas de bzhin no/ /sems ni kun tshal gnas kyi rjes su 'jug /dbang rten yul dmigs dngos po rnam rig pas/ /rtag par gzugs sgra dri ro reg la sred/ /chos la spyod pas skad cig tsam mi gnas/ /rkyen ni ji bzhin dbang drug kun rgyug pas/ /mkha' la bya 'phur thogs pa med par 'dra/ /dbang po rten byed de la ltos nas ni/ /phyi rol yul ni rnam par rig par nus/ /lus 'di shes med byed pa po yang med/ /rang bzhin mi brtan rkyen las ltos nas 'grub/ /yang dag ma yin rnam rtog las skyes pas/ /'khrul 'khor bzhin du las kyi dbang gis 'jug /sa</font><hr>96.83b<br><font size=+1>

chu me rlung lhan cig lus bsgrubs pas/ /rgyu rkyen ji bzhin tha dad 'bras bu thob/ /lhan cig gnas kyang phan tshun gnod byas pas/ /sbrul gdug bzhi po gzeb gcig gnas pa 'dra/ /'byung chen sbrul bzhi rang bzhin tha dad pas/ /lhan cig gnas kyang mtho dang dma' ba yod/ /steng 'og 'gro zhing lus ni kun du khyab/ /'di dag mthar ni zad pa'i chos su 'gro/ /sbrul gdug rnam pa bzhi po 'di dag las/ /sa chu sbrul gnyis phal cher mthur du 'bying / /me rlung sbrul gnyis rang bzhin yang bas na/ /mi mthun 'di dbang nad mang skye bar 'gyur/ /sems dang rnam shes lus 'di gnas nas ni/ /dge sdig las ni sna tshogs byed pas na/ /lha mi ngan 'gro gsum du song nas ni/ /las stobs ji bzhin lus ni len par byed/ /nad dang phrad nas lus ni shi ba'i 'og /bshang gci mi gtsang thams cad kun du gang / /rul myags 'bus gtses blta bar yong mi mos/ /dur khrod bor nas shing rul 'dra bar 'gyur/ /khyod kyi chos rnams de ltar blta bar byos/ /ci phyir bdag dang sems can yod par 'dzin/ /chos rnams thams cad mdzad pas mi rtag ste/ /thams cad ma rig rkyen gyi mthu las byung / /'byung chen de dag yang dag min pas na/ /yang dag yod min rang bzhin skye med pas/ /de phyir 'byung chen ngo bo stong par bshad/ /'di dag stong shing yang dag min rig byos/ /ma rig rang bzhin gzod ma nyid kyi med/ /rkyen mang mthu ltos tshogs las yod pa min/ /dus rnams kun du yang dag blo ston pas/ /de phyir nga yis ma rig yin par bshad/ /'du byed rnam shes rkyen byas ming gzugs yod/ /skye mched drug dang reg tshor rjes su skye/ /sred len srid rkyen rga shi skyed pas na/ /mya ngan smre sngags 'khrug pa rjes su 'brang / /sdug bsngal sna tshogs las ngan rtag dkris gzer/ /'khor bar 'khor ba dag la tshad dus med/ /</font><hr>96.84a<br><font size=+1>

rang bzhin yod min ngo bo nyid stong yang / /tshul bzhin ma yin rnam par rtog pa skyed/ /nga yis nyon mongs thams cad rab spangs nas/ /rtag par yang dag ye shes mngon rgyu bas/ /lnga phung khang khyim thams cad stong rtogs nas/ /byang chub yang dag gnas ni btsal ba yin/ /nga yis bdud rtsi grong chen sgo phye nas/ /gya nom bdud rtsi snod ni bstan pa yin/ /yang dag bdud rtsi ro ni brnyes nas kyang / /rtag par bdud rtsi skye dgu sbyin pa btang / /ngas ni chos kyi rnga chen dam pa brdungs/ /ngas ni chos kyi dung chen mchog kyang bus/ /ngas ni chos kyi sgron chen rab kyang sbar/ /ngas ni chos kyi char chen dam pa phab/ /nyon mongs dgra rnams rab tu pham byas te/ /bla med chos kyi rgyal mtshan chen po bsgreng / /'khor ba'i mtsho las skye dgu rmongs pa bzlas/ /nga yis ngan 'gro gsum gyi sgo yang bcad/ /nyon mongs 'bar mes sems can rab bsregs te/ /mgon dang skyabs byed med pa dag la ni/ /rab bsil bdud rtsi de dag tshim byas nas/ /lus dang sems kyi gdung ba zhi bar byas/ /des na ngas ni bskal pa tshad med snyed/ /de bzhin gshegs pa rnams la gus mchod byas/ /tshul khrims rab bsrungs byang chub gzhol nas ni/ /chos sku bde ba'i gnas su btsal ba yin/ /gzhan la mig dang rkang lag rna ba dang / /bu dang chung ma bran btang phangs pa med/ /nor dang rin chen bdun gyi rgyan phring dag /slong ba dag la thams cad yongs su btang / /bzod sogs pha rol phyin pa kun bsgoms pas/ /sa bcu yongs rdzogs yang dag mngon sangs rgyas/ /de phyir nga ni thams cad mkhyen brjod kyang / /sems can gang yang gzhol bar nus pa med/ /gal te stong gsum stong chen 'jig rten khams/ /sa chen 'di las skyes pa'i dngos rnams dang / /nags tshal ljon shing sA lu til rnams dang / /'od ma la sogs yal ga ji snyed pa/ /'di la</font><hr>96.84b<br><font size=+1>

sogs pa'i dngos po bcad gtubs te/ /thams cad rdul phran phye mar byas pa dag /gang ni bsdus spungs tshad ni shes dka' dang / /de bzhin nam mkha'i khams ni gang ba yi/ /phyogs bcu'i zhing rnams dag ni thams cad na/ /stong gsum stong chen 'jig rten ji snyed pa'i/ /sa rnams rdul gyi phye mar byas gyur na/ /rdul kyi tshad ni bgrang bar mi nus pas/ /sems can thams cad shes pa ci yod pa/ /shes pa de kun mi gcig rab byin nas/ /'di ltar de yi shes pa tshad med pas/ /rdul phran de yi grangs ni shes rung yang / /bcom ldan thub pas skad cig gang mkhyen pa/ /shes ldan de dag lhan cig gzhal bcug na/ /bskal pa bye ba mang po'i grangs snyed du/ /chung zad tsam yang brtsi zhing shes mi nus/ /de'i tshe 'khor mang po rnams bcom ldan 'das kyis stong pa nyid kyi rang bzhin zab mo 'di lta bu bkas bshad pa thos pa dang / sems can tshad med pa snyed 'byung ba chen po bzhi dang / phung po lnga po dag rang bzhin nyid kyis stong pa dang / dbang po drug dang yul drug po dag yang dag pa ma yin pas 'ching ba bskyed par mngon par rtogs par gyur nas/ 'khor ba yongs su spangs te/ nges pa 'byung ba yang dag par sgrub par smon lam btab nas shin du dang ba'i sems kyis rab tu dga' bar gyur pas ji skad bstan pa bzhin du gus pas spyod par gyur to/ /gser 'od dam pa mchog tu rnam par rgyal ba'i mdo sde'i rgyal po las stong pa nyid kyi rang bzhin bstan pa'i le'u ste dgu pa'o// // de nas lha'i bu mo yid bzhin rin chen 'od 'phro 'khor mang po'i nang du chos zab mo thos pas dga' mgu' rangs par gyur nas stan las langs te bla gos phrag pa gcig la gzar nas pus mo g.yas pa'i lha nga sa la btsugs te gus pas thal mo sbyar nas bcom ldan 'das la 'di skad ces gsol to/ /bcom ldan 'das kyi don gyi tshul zab mo dag la rnal</font><hr>96.85a<br><font size=+1>

'byor bsgoms pa'i chos gang lags pa bkas bshad du ci gnang zhes gsol nas tshigs su bcad de gsol pa/ bdag gis 'jig rten snang mdzad dang / /rkang gnyis gtso bo mchog la ni/ /byang chub sems dpa' yang dag spyod/ /zhu na thugs rjes gnang bar smon/ /bcom ldan rigs kyi lha mo la/ /gal te the tsom yod gyur na/ /khyod kyi yid bzhin zhus shig dang / /rnam phye bstan pa bya zhes gsungs/ /de nas lha mos bcom ldan 'das la 'di skad ces gsol to/ /byang chub sems dpa' ji lta bur/ /byang chub yang dag spyad spyod na/ /bdag dang gzhan la sman slad du/ /'khor ba mya ngan 'das spangs 'gyur/ /bcom ldan 'das kyis rigs kyi lha mo la bka' stsal pa/ chos kyi dbyings la brten te byang chub kyi chos spyad nas mnyam pa nyid kyi chos spyod pa bsgom par bya'o/ /ji ltar chos kyi dbyings la brten te byang chub kyi chos la spyad nas mnyam pa nyid kyi spyod pa bsgom par bya zhe na/ 'di ltar phung po lnga po dag gis chos kyi dbyings ston par byas pas chos kyi dbyings gang yin pa de nyid phung po lnga yin yang phung po lnga yang brjod du med la phung po lnga ma yin pa yang brjod du med do/ /de ci'i phyir zhe na/ gal te chos kyi dbyings phung po lnga yin par gyur na ni chad pa'i lta bar 'gyur la gal te phung po lnga dang tha dad par gyur na ni rtag pa'i lta bar 'gyur bas mtshan nyid gnyis dang bral ba/ mtha' gnyis la mngon par ma chags pa bltar med pa/ blta bar bya ba las yang dag par 'das pa/ ming med pa/ mtshan ma med pa gang yin pa de ni chos kyi dbyings bstan pa zhes bya'o/ /rigs kyi lha mo ji ltar phung po lnga po dag gis chos kyi dbyings ston par byed ce na/ 'di ltar phung po lnga dag ni rgyu dang rkyen las skye ba ma yin no/ /de ci'i phyir zhe na/ gal te rgyu dang rkyen las skyes pa zhig yin par gyur na skyes zin pa'i phyir skye 'am/ ma skyed pa'i phyir skye/ gal te skyes zin pa zhig yin na ni rgyu dang rkyen</font><hr>96.85b<br><font size=+1>

dgos pa ci zhig yod/ gal te ma skyes pa zhig skye na ni nams kyang skye ba dmigs par mi 'gyur ro/ /de ci'i phyir zhe na/ ma skyes pa'i chos gang yin pa de ni yod pa ma yin pa ming med pa mtshan ma med pa dpag par bya ba ma yin pa dper byar mi rung ba/ rgyu dang rkyen gyis bskyed par bya ba ma yin pa'i phyir ro/ /rigs kyi lha mo 'di lta ste dper na rnga'i sgra gang yin pa de ni shing la yang brten/ ko ba dang dbyug gu dang lag pa la sogs pa la brten pa'i phyir sgra 'byung bar 'gyur yang 'di ltar rnga'i sgra gang yin pa de ni 'das pa yang stong / ma 'ongs pa yang stong / da ltar byung ba yang stong ngo / /de ci'i phyir zhe na/ rnga'i sgra gang yin pa de ni shing las kyang mi 'byung / ko ba las kyang mi 'byung dbyug gu dang lag pa las kyang mi 'byung / dus gsum las kyang mi 'byung bas de ni ma skyes pa'o/ /ma skyes pa gang yin pa de ni 'gag par yang mi 'gyur ro/ /'gag par mi 'gyur ba gang yin pa de ni gang nas kyang mi 'ongs ngo / /gang nas kyang ma 'ongs pa de ni gang du yang 'gro bar mi 'gyur ro/ /gang du yang 'gro ba med pa gang yin pa de ni rtag par yang ma yin/ chad par yang ma yin no/ /rtag par yang ma yin chad par yang ma yin pa gang yin pa de ni gcig pa yang ma yin tha dad pa yang ma yin pas so/ /de ci'i phyir zhe na/ gal te 'di gcig pa zhig yin na ni chos kyi dbyings dang tha mi dad par 'gyur ro/ /gal te de lta yin na ni so so'i skye bo rnams kyang yang dag pa'i bden pa mthong nas bla na med pa'i bden pa dang ldan pa'i mya ngan las 'das pa thob par 'gyur ba'i rigs na/ de lta ma yin pas de'i phyir gcig pa yang ma yin par rig par bya'o/ /gal te tha dad do zhe na/ sangs rgyas dang byang chub sems dpa' rnams kyi 'du byed kyi mtshan nyid thams cad kyang mngon par zhen pa dang bcas pa yin pas nyon mongs pa'i 'ching ba las</font><hr>96.86a<br><font size=+1>

rnam par grol bar mi 'gyur zhing bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur ro/ /de ci'i phyir zhe na/ 'phags pa'i gang zag thams cad ni 'du byed dang 'du byed ma yin pa dag la yang dag pa'i ngo bo nyid du mnyam par rtogs pas de'i phyir tha dad pa yang ma yin te/ de lta bas na phung po lnga po dag ni yod pa ma yin/ med pa yang ma yin/ rgyu dang rkyen las ma skyes pa/ rgyu dang rkyen med pa las skyes pa yang ma yin par rig par bya'o/ /'phags pas shes par bya ba yin gyi gzhan gyi spyod yul ma yin pa'i phyir tshig dang tha snyad kyis rig par mi 'gyur ba/ ming med pa/ mtshan ma med pa/ rgyu med pa/ rkyen med pa/ dpe med pa/ thog ma dang tha mar rab tu dben pa/ gzod ma nyid nas rang bzhin gyi stong pa yin pas de'i phung po lnga po dag gi chos kyi dbyings ston par nus pa yin no/ /rigs kyi lha mo rigs kyi bu 'am/ rigs kyi bu mo gang la la zhig bla na med pa yang dag par rdzogs pa'i byang chub yongs su gnyer bar 'dod pas don dam pa dang kun rdzob las gud na yongs su tshol bar byed na de ni shin du dpag cing bsam par dka' ba yin te/ so so'i skye bo dang 'phags pa'i spyod yul gyi ngo bo nyid ni gcig pa yang ma yin/ tha dad pa yang ma yin pas kun rdzob kyang mi spong la don dam pa dang yang mi 'bral bar chos kyi dbyings la brten nas byang chub kyi spyod pa spyad par bya'o/ /de'i tshe bcom ldan 'das kyis de skad ces bka' stsal pa dang / rigs kyi lha mo dga' mgu rangs par gyur nas stan las langs te bla gos phrag pa gcig la gzar nas pus mo g.yas pa lha nga sa la btsugs te gus pas thal mo sbyar nas sems rtse gcig tu mgo bos phyag byas te bcom ldan 'das la 'di skad ces gsol to/ /bcom ldan 'das gong du ji skad bka' stsal pa'i byang chub kyi yang dag pa'i spyod pa gang lags pa de dag la deng bdag gis bslab par bgyi'o/ /</font><hr>96.86b<br><font size=+1>

de nas mi mjed kyi 'jig rten gyi khams kyi bdag po tshangs pa'i rgyal po 'khor mang po'i nang du lha mo yid bzhin rin chen 'od 'phro la 'di skad ces smras so/ /byang chub kyi spyod pa 'di ni shin du bsgrub par dka' ba yin na deng khyed kyis ji ltar byang chub kyi spyod pa la rang dbang thob par 'gyur/ de nas rigs kyi lha mos tshangs pa'i rgyal po la 'di skad ces smras so/ /kye tshangs pa'i rgyal po chen po bcom ldan 'das kyis ji skad gsungs pa ltar na 'di ni yang dag par shin du zab pa yin pas so so'i skye bo thams cad kyis de'i don shes par mi 'gyur gyi 'di ni 'phags pa'i spyod yul yin pas shin du gya nom zhing shes par dka' ba yin no/ /gal te deng bdag gis chos 'di la brten nas bde bar gnas par thob pa bden te mi rdzun par gyur na dus ngan pa'i snying ma lnga'i sems can tshad med grangs med/ mtha' med pa thams cad gser gyi kha dog tu gyur nas mtshan sum bcu rtsa gnyis dang ldan te skyes pa yang ma yin bud med kyang ma yin par gyur nas rin po che'i pad ma la 'dug ste bde ba tshad med pa myong ba dang / lha'i me tog dam pa'i char mngon par 'bab pa dang / lha'i rol mo'i cha spyad rnams ma dkrol bar rang sgra 'byung ba dang / mchod pa'i yo byad thams cad phun sum tshogs par gyur cig ces de'i tshe rigs kyi lha mos de skad ces smras ma thag tu dus ngan pa'i snying ma lnga'i sems can ji snyed pa thams cad gser gyi kha dog tu gyur nas skyes bu chen po'i mtshan dang ldan te skyes pa yang ma yin bud med kyang ma yin par gyur nas rin po che'i pad ma la 'dug ste bde ba tshad med pa dag la longs spyod par gyur pas gzhan 'phrul dbang byed kyi lha'i gzhal med khang ji lta ba bzhin du ngan 'gro rnams kyang med de/ rin po che'i ljon shing phred du dkris shing rin po che sna bdun gyi me tog gis 'jig rten gyi khams kun du gang bar gyur to/ /gzhan yang lha'i rin po che sna bdun gyi me tog gis char yang mngon</font><hr>96.87a<br><font size=+1>

par bab/ lha'i rol mo rnams kyang byas te/ rigs kyi lha mo yid bzhin rin chen 'od 'phro yang bud med kyi lus yongs su bsgyur nas tshangs pa'i lha'i lus su gyur to/ /de nas tshangs pa'i rgyal po chen pos byang chub sems dpa' yid bzhin rin chen 'od 'phro la 'di skad ces smras so/ /khyod ji ltar byang chub kyi spyad pa spyod pa yongs su spyod par byed/ smras pa/ kye tshangs pa'i rgyal po gal te chu'i zla ba byang chub kyi spyad pa spyod par byed na bdag kyang byang chub kyi spyad pa spyod par byed do/ /gal te rmi lam byang chub kyi spyad pa spyod par byed na bdag kyang byang chub kyi spyad pa spyod par byed do/ /gal te smig rgyu byang chub kyi spyad pa spyod par byed na bdag kyang byang chub kyi spyad pa spyod par byed do/ /gal te lung pa'i brag ca byang chub kyi spyad pa spyod par byed na bdag kyang byang chub kyi spyad pa spyod par byed do/ /de nas tshangs pa'i rgyal po chen pos de skad ces smras pa thos pa dang / byang chub sems dpa' de la 'di skad ces smras so/ /khyod don gang la brten nas tshig 'di skad smra bar byed/ smras pa/ kye tshangs pa'i rgyal po chos gcig 'ga' tsam yang de kho na nyid kyi mtshan nyid ma yin pa med mod kyi 'on kyang rgyu dang rkyen gyi dbang gis mngon par grub pa yin no/ /tshangs pa'i rgyal pos smras pa/ gal te de lta bu yin par gyur na 'o na ni byis pa so so'i skye bo rnams kyang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i rigs so/ /smras pa/ khyod ci la bsams te 'di skad du smra bar byed/ ci gti mug dang ldan pa'i gang zag tha dad/ shes rab dang ldan pa'i gang zag kyang tha dad/ byang chub kyang tha dad/ byang chub ma yin pa yang tha dad/ rnam par grol ba yang tha dad/ rnam par grol ba ma yin pa yang tha dad pa zhig yin snyam 'am/ tshangs pa'i rgyal po 'di ltar chos rnams ni mnyam zhing tha dad pa med de/ chos kyi dbyings 'di la de bzhin nyid tha dad</font><hr>96.87b<br><font size=+1>

par 'gyur ba med pas mngon par zhen par bya ba'i bar zhes bya ba yang med de 'phel ba med cing 'grib pa med par 'gyur ba yin no/ /kye tshangs pa'i rgyal po 'di lta ste dper na sgyu ma mkhan nam/ sgyu ma mkhan gyi slob ma sgyu ma ston pa la shin du mkhas pa zhig gis lam gyi bzhi mdor gseg ma dang rtswa dang shing gi lo ma la sogs pa blangs te phung po gcig tu spungs nas sgyu rtsal rnams kyis glang po che'i tshogs dang / rta'i tshogs dang / shing rta dang / dmag la sogs pa'i tshogs dang / rin po che sna bdun gyi phung po dang / bang mdzod rnam pa sna tshogs skye bo mang po rnams kyis mthong bar 'gyur ba mngon par sprul par gyur na sems can gang dag glen zhing gti mug can du gyur pa/ dpyod par mi nus pa/ sgyu ma'i rtsa ba mi shes pa dag gis mthong zhing thos par gyur na/ 'di snyam du bdag gis mthong zhing thos pa'i glang po che dang rta la sogs pa'i tshogs gang yin pa de dag ni yang dag par yod pa ma yin gyi gzhan ni brdzun pa yin no snyam du sems pas phyis legs par so sor rtog cing sems pa yang med do/ /gang blo dang ldan pa dag ni de lta ma yin te/ sgyu ma'i rtsa ba rab tu shes pas gal te mthong ngam thos par gyur na yang 'di snyam du bdag gis ji ltar mthong ba'i glang po che dang / rta la sogs pa'i tshogs gang yin pa de dag ni yod pa ma yin gyi sgyu ma'i dngos po mig slu bar byed pa tsam zhig yod par zad de/ mi bden pas glang po che la sogs pa dang bang mdzod rnams yod do snyam du mi sems pas ming tsam zhig yod par zad kyi yang dag par ni ci yang med do snyam du sems pas bdag nyid kyis ji ltar mthong zhing thos pa de dag la yang yang yang dag pa nyid du 'dzin par yang mi byed la/ phyis dpyod cing sems pa'i tshe yang yang dag pa ma yin par rab tu shes par 'gyur ro/ /de bzhin du blo dang ldan pa dag gis kyang chos thams cad la</font><hr>96.88a<br><font size=+1>

yang dag pa'i ngo bo nyid med par rtogs pas kun rdzob kyi rjes su ji ltar mthong ba dang / ji ltar thos pa bzhin du dngos po ston cing rjod par byed kyi bden pa'i tshul yid la byed pa'i tshe ni de lha ma yin te/ btags pa tsam du yang dag pa'i don rab tu ston par byed pa'i phyir ro/ /tshangs pa'i rgyal po byis pa so so'i skye bo 'jig rten las 'das pa'i 'phags pa'i shes rab kyi mig ma thob pa dag ni chos thams cad kyi de bzhin nyid brjod du med pa mi shes pa'i phyir byis pa so so'i skye bo dag 'du byed dang 'du byed ma yin pa'i chos mthong ngam thos par gyur na 'di ltar yang dag par yod pa yin no snyam du bsams nas mngon par zhen pa bskyed nas don dam par chos rnams kyi de bzhin nyid brjod du med pa yin par mi shes so/ /'phags pa'i gang zag gang yin pa de dag ni 'du byed dang 'du byed ma yin pa'i chos mthong ngam thos par gyur na ci nus ci lcogs kyis yang dag par yod pa yin no snyam du mngon par zhen pa bskyed par mi byed pas thams cad du yang dag pa'i 'du byed kyi chos dang yang dag pa'i 'du byed ma yin pa'i chos med kyi mi bden pas bsams pa'i 'du byed dang / 'du byed ma yin pa'i mtshan nyid gang yin pa de dag ni ming tsam zhig yod pas yang dag pa'i ngo bo nyid ci yang med do snyam du rig cing khong du chud par gyur kyang 'phags pa'i gang zag de dag kun rdzob kyi rjes su gzhan dag yang dag pa'i don rtogs par bya bar 'dod pa'i phyir yang dag par ston par byed pa yin no/ /de bzhin du tshangs pa'i rgyal po 'phags pa'i gang zag de dag kyang 'phags pa'i shes pa dang mthong bas chos rnams kyi de bzhin nyid brjod du med par rtogs par gyur kyang 'du byed dang 'du byed ma yin pa'i chos 'di ltar gzhan dag rtogs par bya ba'i phyir kun rdzob kyi ming dang tha snyad rnam pa sna tshogs ston par byed pa yin no/ /de nas tshangs pa'i rgyal po chen pos byang chub sems dpa'</font><hr>96.88b<br><font size=+1>

yid bzhin rin chen 'od 'phro la 'di skad ces smras so/ /sems can ji snyed cig gis yang dag pa'i chos zab mo 'di lta bu khong du chud par 'gyur/ smras pa/ kye tshangs pa'i rgyal po sgyu ma'i skyes bu mang po'i sems dang sems las byung ba'i chos kyis yang dag pa'i chos zab mo 'di lta bu khong du chud par 'gyur ro/ /tshangs pa'i rgyal pos smras pa/ sgyu mas sprul pa'i skyes bu gang yin pa de dag ni ngo bo nyid kyis yod pa ma yin na 'di dag gi sems las byung ba gang las skyes par 'gyur/ smras pa/ gang gis chos kyi dbyings yod pa yang ma yin med pa yang ma yin par shes pa'i sems can de dag gis don zab mo 'di shes par 'gyur ro/ /de nas bcom ldan 'das la tshangs pa'i rgyal pos 'di skad ces gsol to/ /bcom ldan 'das byang chub sems dpa' yid bzhin rin chen 'od 'phro 'di ni bsam gyis mi khyab pas don zab mo 'di lta bu mngon par rtogs par 'gyur lags so/ /bcom ldan 'das kyis bka' stsal pa/ de de bzhin no de de bzhin te/ tshangs pa'i rgyal po khyod kyis ji skad smras pa de bzhin du yid bzhin rin chen 'od 'phro 'dis bstan nas khyed mi skye ba'i chos kyi bzod pa sgom zhing bslab par sems bskyed pa yin no/ /de nas tshangs pa'i rgyal po chen po tshangs pa'i 'khor mang po dang lhan cig tu stan las langs te bla gos phrag pa gcig la gzar nas gus pas thal mo sbyar te byang chub sems dpa' yid bzhin rin chen 'od 'phro'i rkang pa la mgo bos phyag byas nas 'di skad du shin du dkon zhing ngo mtshar che'o/ /bdag cag ni deng skyes bu chen po 'di dang 'phrad pas yang dag pa'i chos thos par gyur to zhes smras so/ /de nas bcom ldan 'das kyis tshangs pa'i rgyal po la 'di skad ces yid bzhin rin chen 'od 'phro 'di ni ma 'ongs pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ bla na med pa'i skyes bu 'dul ba'i kha lo sgyur</font><hr>96.89a<br><font size=+1>

ba/ lha dang mi rnams kyi ston pa sangs rgyas bcom ldan 'das rin chen 'bar ba dpal gyi snying po zhes bya bar 'gyur ro zhes bka' stsal to/ /le'u 'di bstan pa na byang chub sems dpa' 'bum phrag sum stong bla na med pa yang dag par rdzogs pa'i byang chub las phyir mi ldog pa thob par gyur to/ /lha'i bu 'bum phrag brgyad stong dang / rgyal po dang blon po dang / mi phal pa tshad med grangs med pa snyed ni rdul spangs shing dri ma dang bral nas chos kyi mig rnam par dag pa thob par gyur to/ /de nas de'i tshe 'khor mang po de'i nang nas dge slong 'bum phrag lnga bcu byang chub sems dpa'i spyad pa spyod pa las byang chub kyi sems las phyir mi ldog pa rnams byang chub sems dpa' yid bzhin rin chen 'od 'phros chos bstan pa thos pas thams cad shin du brtan par gyur nas bsam gyis mi khyab pa'i smon lam mchog yongs su rdzogs par 'gyur bas yang byang chub tu sems bskyed nas/ so so nas rang gi gos phud de byang chub sems dpa' la mchod pa byas nas mchog tu brtson pa'i sems bla na med pa bskyed de/ smon lam 'di skad du bdag cag bsod nams kyi dge ba'i rtsa ba ci bsags pa thams cad bla na med pa yang dag par rdzogs pa'i byang chub las phyir mi ldog par yongs su bsngo'o zhes smon lam btab bo/ /tshangs pa'i rgyal po dge slong mang po 'di dag ni bsod nams 'di la brten nas ji skad bstan pa bzhin du mngon par bsgrubs pas bskal pa chen po dgu bcu 'das nas khong du chud cing go bar 'gyur bas 'khor ba las nges par 'byung bar 'gyur ro/ /de nas bcom ldan 'das kyis dge slong mang po de dag la khyed bskal pa grangs med pa sum bcu 'das nas mngon par rdzogs par 'tshang rgya bar 'gyur te/ bskal pa'i ming ni rgyal bar dka' ba'i 'od kyi rgyal po zhes bya'o/ /zhing gi ming ni dri ma med pa'i 'od ces bya ste/ dus gcig tu bla na med pa yang</font><hr>96.89b<br><font size=+1>

dag par rdzogs pa'i byang chub tu mngon par rdzogs par 'tshang rgya bar 'gyur bas thams cad ming 'thun par smon lam gyi bkod pas brgyan pa'i rgyal po zhes bya bar 'gyur zhing mtshan rnam pa bcu dang ldan par 'gyur ro zhes lung bstan to/ /tshangs pa'i rgyal po gser 'od dam pa shin du gya nom pa'i mdo sde 'di gang gis yang dag par mnyan nas yongs su 'dzin par byed na gzi byin chen po'i stobs dang ldan par 'gyur bas gang la la zhig bskal pa chen po brgya stong du ma'i bar du thabs dang mi ldan par pha rol du phyin pa drug yongs su spyad pa las rigs kyi bu'am rigs kyi bu mo gang la la zhig gis gser 'od dam pa'i mdo sde 'di yi ger bris nas zla ba phyed phyed cing sems rtse gcig tu klog gam/ kha ton du 'don par byed na 'di'i bsod nams gang yin pa de snga ma'i bsod nams dang bsgrun na brgya'i char yang nye bar mi 'gro ba nas bgrang ba dang dpe dang rgyu'i bar du yang nye bar mi 'gro'o/ /tshangs pa'i rgyal po de'i phyir ngas deng khyod kyis bslab par bya zhing dran pa yongs su bzung nas gzhan dag la rgya cher bstan par bya'o zhes bstan pa yin no/ /de ci'i phyir zhe na/ ngas sngon byang chub sems dpa'i lam yongs su spyad pa na ji ltar dpa' bo g.yul ngor 'jug pa bzhin du lus dang srog la phangs pa med par 'di ltar mdo sde'i rgyal po mchog dam pa 'di yongs su spel zhing yang dag par bzung bklags kha ton du bton nas gzhan dag la yang dag par bstan te tshangs pa'i rgyal po 'di lta ste dper na 'khor los sgyur ba'i rgyal po gal te 'jig rten na 'dug par gyur na rin po che sna bdun yang nub par mi 'gyur la/ gal te rgyal po tshe zad par gyur na rin po che sna bdun yod pa dag kyang de nyid du nub cing zad par 'gyur ro/ /tshangs pa'i rgyal po de bzhin du gser 'od dam pa mchog tu rnam par rgyal ba mdo sde'i rgyal po 'di gal te 'jig rten na gnas par gyur na ni bla na med pa'i chos kyi rin po che rnams kyang nub par mi 'gyur la/ gal te mdo sde 'di med par gyur</font><hr>96.90a<br><font size=+1>

na ni gnas de nyid du nub par 'gyur ro/ /de lta bas na mdo sde'i rgyal po 'di sems rtse gcig tu mnyan nas yongs su gzung bar bya bklag par bya kha ton du gdon par bya gzhan dag la bstan par bya zhing yi ger 'dri bar bskul nas brtson 'grus kyi pha rol du phyin pa spyad de/ lus dang srog la yang phangs pa med par rab tu brtson par byed na bsod nams kyi nang na mchog tu 'gyur bas nga'i slob ma rnams kyis de bzhin du rab tu brtson pas rnal 'byor bsgom par bslab par bya'o/ /de nas tshangs pa'i rgyal po chen po tshangs pa'i 'khor tshad med pa snyed dang / brgya byin dang / rgyal po chen po bzhi dang / gnod sbyin rnams dang lhan cig tu stan las langs te bla gos phrag pa gcig la gzar nas pus mo g.yas pa'i lha nga sa la btsugs te/ gus pas thal mo sbyar nas bcom ldan 'das la 'di skad ces gsol to/ /bcom ldan 'das bdag cag gis gser 'od dam pa mchog tu rnam par rgyal ba'i mdo sde 'di dang / chos 'chad pa'i mkhan po gang lags pa de dag yongs su bsrung zhing spel bar bgyid la gal te bgegs bgyid pa zhig mchis na yang bdag cag gis yongs su bsal nas dge ba mang po dang ldan pa dang / kha dog dang / mthu stobs dang ldan pa dang / spobs pa la thogs pa ma mchis pa dang / lus dang sems bag yangs su 'gyur ba dang / nyan pa'i 'khor rnams bde ba myong bar bgyid do/ /yul gang na gnas pa der mu ge dang / phyir rgol ba'i dgra dang / mi ma lags pa dag gis 'tshe zhing gnod pa bgyid par gyur na bdag cag lha'i 'khor rnams kyis yongs su bsrungs nas skye bo rnams bde skyid cing longs spyod rgyas pa dang / glo bur gyi gnod pa rnams ma mchis par bgyid de/ 'di dag thams cad kyang bdag cag dang lha'i 'khor rnams kyi mthu lags so/ /</font><hr>96.90b<br><font size=+1>

gang la la zhig gis mdo sde 'di la mchod pa bgyis na bdag cag kyang sangs rgyas ji lta ba bzhin du tha dad pa ma mchis pa'i bsam pas bkur sti dang mchod pa bgyid do/ /de nas bcom ldan 'das kyis tshangs pa'i rgyal po chen po dang tshangs pa'i 'khor rnams nas rgyal po chen po bzhi dang gnod sbyin la sogs pa'i bar dag la bka' stsal pa legs so legs so/ /khyed kyis chos zab mo gya nom pa thos nas mdo sde'i rgyal po mchog dam pa 'di dang mdo sde 'dzin pa dag la yongs su bsrung zhing yongs su bskyabs pas bsod nams khyad par du 'phags pa mtha' med pa snyed thob nas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de nas de'i tshe tshangs pa'i rgyal po la sogs pas bcom ldan 'das kyis de skad ces bka' stsal pa thos nas rab tu dga' ste spyi bos blangs par gyur to/ /gser 'od dam pa mchog tu rnam par rgyal ba mdo sde'i rgyal po las stong pa nyid la brten nas smon lam yongs su rdzogs par 'gyur ba'i le'u ste bcu pa'o// // de nas lha'i rgyal po rnam thos dang / lha'i rgyal po yul 'khor srung dang / lha'i rgyal po 'phags skyes po dang / lha'i rgyal po mig mi bzang gcig char stan las langs te bla gos phrag pa gcig la gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar nas bcom ldan 'das kyi zhabs la mgo bos phyag byas te bcom ldan 'das la 'di skad ces gsol to/ /bcom ldan 'das gser 'od dam pa mchog tu rnam par rgyal ba mdo sde'i rgyal po 'di ni sangs rgyas thams cad kyis rtag par dgongs shing gzigs pa/ byang chub sems dpa' thams cad kyis bkur sti bgyis pa lha dang klu thams cad kyis rtag</font><hr>96.91a<br><font size=+1>

par mchod pa/ lha'i 'khor rnams kyis rtag par dga' ba skyed pa/ 'jig rten skyong ba thams cad kyis rtag par bsngags pa brjod pa/ nyan thos dang rang sangs rgyas rnams kyis yongs su bzung ba/ lha'i gzhal med khang thams cad gsal bar bgyid pa/ sems can thams cad la khyad par du 'phags pa'i bde ba stsol ba/ sems can dmyal ba dang / yi dgas dang / dud 'gro'i skye gnas kyi 'gro ba rnams kyi sdug bsngal nye bar zhi bar bgyid pa/ 'jigs shing skrag pa thams cad rab tu sel ba/ phas kyi dgra thams cad phyir zlog par bgyid pa/ mu ge'i dus ngan pa'i tshe lo legs par bgyid pa/ rims nad kyi sdug bsngal thams cad zhi bar bgyid pa/ ltas ngan thams cad dang / sdug bsngal gyi gnod pa brgya stong rab tu zhi bar bgyid pa lags so/ /bcom ldan 'das gser 'od dam pa mchog tu rnam par rgyal ba mdo sde'i rgyal po 'di ni 'di lta bu'i bde ba stsol cing bdag cag la yang sman pa bgyid pa lags na bcom ldan 'das kyis 'khor mang po'i nang du rgya cher bkas bshad du gsol/ bdag cag rgyal po chen po bzhi 'khor dang bcas pas bla na ma mchis pa'i bdud rtsi'i chos kyi ro 'di thob par gyur na mthu stobs dang ldan zhing gzi byin 'phel ba dang / brtson 'grus dang ldan zhing dpa' bar 'gyur ba dang / rdzu 'phrul yang ches lhag cing khyad par du 'phags par 'gyur lags so/ /bcom ldan 'das bdag cag rgyal po bzhi yang chos yang dag pa mngon par sgrub cing rtag par yang dag pa'i chos bstan nas chos kyis 'jin rten 'dul bar bgyid pas bdag cag gis lha dang / klu dang gnod sbyin dang dri za dang lha ma yin dang nam mkha' lding dang grul bum dang mi 'am ci dang lto 'phye chen po dag dang mi'i rgyal po rnams kyang rtag par yang dag pa'i chos kyis 'jig rten 'dul ba la dgod par bgyid pas sdig pa rnams 'gog cing yongs su sel bar bgyid do/ /mi'i mdangs 'phrog</font><hr>96.91b<br><font size=+1>

par bgyid pa'i 'dre srin byams pa dang snying rje ma mchis pa ci mchis pa thams cad kyang thag ring du mchi bar 'gyur lags so/ /bcom ldan 'das bdag cag rgyal po bzhi yang gnod sbyin gyi sde dpon chen po nyi shu rtsa brgyad dang / gnod sbyin brgya stong tshad ma mchis pa snyed dang bcas pas lha'i mig rnam par dag pa mi las yang dag par 'das pas 'dzam bu'i gling 'dir lta bar bgyid cing yongs su bskyab pa dang yongs su bsrung bar bgyid de/ bcom ldan 'das rgyu dang rkyen des na bdag cag rgyal po rnams kyang 'jig rten skyong ba zhes bgyi ba lags so/ /gzhan yang 'dzam bu'i gling 'dir yul gyi rgyal po gang la la zhig la phas kyi rgol ba'i dgra rnams rtag par nye bar mchis te gnod pa bgyis par gyur tam/ mu ge dang rims nad mang pos gnod par gyur tam/ ltas ngan gyi dngos po brgya stong tshad ma mchis pa snyed byung bar gyur na bcom ldan 'das bdag cag rgyal po chen po bzhi po dag gser 'od dam pa mchog tu rnam par rgyal ba mdo sde'i rgyal po 'di la bkur sti dang mchod pa bgyid pa'i dge slong chos smra ba gang la la mdo sde 'di len pa dang / 'dzin pa dang / klog cing 'don pa zhig mchis par gyur na bdag cag rgyal po chen po bzhi de'i thad du mchis te go bar bgyis nas de la skul zhing gsol ba 'debs par bgyid de/ chos smra ba de yang bdag cag gi rdzu 'phrul gyis go bar bgyis pa'i mthus yul khams der mchis nas gser 'od dam pa shin du gya nom pa'i mdo sde 'di rgya cher yang dag par spel bar bgyid pas mdo sde 'di'i mthus gnod pa dang / ltas ngan gyi dngos po brgya stong tshad ma mchis pa de dag thams cad nye bar zhi zhing yongs su spel bar 'gyur lags so/ /bcom ldan 'das mi'i rgyal po gang gi yul du mdo sde 'di yongs su 'dzin pa'i dge slong chos smra ba yul der mchis par gyur na mdo sde 'di yang yul der gshegs par rig par bgyi lags so/ /bcom ldan</font><hr>96.92a<br><font size=+1>

de'i tshe yul de'i rgyal po de chos smra ba'i thad du mchis nas des chos bstan pa gang lags pa mnyan par bgyi'o/ /thos nas kyang rab tu dga' bas chos smra ba de la bkur sti dang / mchod pa dang / rim gro bgyis te/ shin du dang ba'i bsam pas yongs su bsrungs nas mya ngan dang gnod pa ma mchis par bgyis te/ mdo sde 'di yang dag par bstan nas thams cad la phan gdags par bgyi'o/ /bcom ldan 'das rgyu dang rkyen des na bdag cag rgyal po chen po bzhi po thams cad sems rtse gcig tu mi'i rgyal po de dang / yul gyi mi thams cad yongs su bsrungs nas gnod pa rnams spong zhing rtag par bde ba la 'god par bgyid lags so/ /bcom ldan 'das dge slong ngam/ dge slong ma'am/ dge bsnyen nam/ dge bsnyen ma gang la la zhig mdo sde 'di yongs su 'dzin par bgyid pa zhig mchis par gyur na de'i tshe mi'i rgyal po des ci dang ci 'tshal ba sbyar te/ mchod pa bgyis nas phongs pa ma mchis par bgyid par gyur na bdag cag rgyal po chen po bzhis yul gyi bdag po de dang yul gyi mi thams cad rab tu bde bar bgyid cing gnod pa rnams thag ring du spong bar bgyid do/ /bcom ldan 'das gang la la zhig mdo sde 'di len pa dang / 'dzin pa dang / klog pa dang / kha ton du 'don par bgyis pa la mi'i rgyal po des mchod pa dang / bkur sti dang / bla mar bgyis te bsngags pa brjod par bgyid na bdag cag rgyal po de rgyal po rnams kyi nang na mchog tu btsun pa dang gus pas bla mar bgyis pas yul gyi rgyal po gzhan rnams kyis kyang bsngags pa brjod par 'gyur ro/ /'khor mang po rnams de skad ces thos pa dang rab tu dga' bas yongs su 'dzin par gyur to/ /gser 'od dam pa mchog tu rnam par rgyal ba mdo sde'i rgyal po las rgyal po chen</font><hr>96.92b<br><font size=+1>

po bzhis lha dang mi rnams la blta zhing brtag pa'i le'u ste bcu gcig pa'o// // gser 'od dam pa mchog tu rnam par rgyal ba'i mdo sde'i rgyal po/ bam po drug pa/ de nas bcom ldan 'das kyis rgyal po chen po bzhi po dag gis gser 'od dam pa mchog tu rnam par rgyal ba'i mdo sde la bkur sti dang / mchod pa byas pa dang / mdo sde 'dzin pa dag la yongs su skyob pa dang / yongs su srung bar byed pa gsan pa dang / legs so legs so zhes bsngags pa brjod nas rgyal po chen po bzhi po khyed cag ni 'das pa'i sangs rgyas 'bum phrag brgya stong tshad med pa snyed la bkur sti dang / rim gro dang / mchod pa dang / bla mar byas nas bsngags pa brjod de dge ba'i rtsa ba bskyed pa dang / yang dag pa'i chos mngon par bsgrubs nas rtag par yang dag pa'i chos bstan te/ 'di ltar chos kyis 'jig rten 'dul ba yin pas khyed cag yun ring po nas sems can rnams la rtag par phan 'dogs shing byams pa chen po'i sems bskyed nas bde ba sbyin par smon pa'i rgyu dang rkyen des na khyed cag da ltar rnam par smin pa mchog la longs spyod pa yin no/ /mi'i rgyal po gang la la zhig gser 'od dam pa mchog tu rnam par rgyal ba'i mdo sde 'di la bkur sti byas nas mchod pa byed pa zhig yod na khyed kyis nan tan bskyed de yongs su bsrungs nas bde ba 'thob par bya'o/ /khyed cag rgyal po chen po bzhi dang / 'khor gzhan rnams dang / gnod sbyin brgya stong tshad med grangs med pa snyed kyis mdo sde 'di yongs su srung bar byed na des 'das pa dang / ma 'ongs pa dang / da ltar bzhugs pa'i sangs rgyas rnams kyi yang dag pa'i chos yongs su bsrung bar 'gyur bas khyed cag rgyal po chen po bzhi dang / lha'i 'khor gzhan rnams dang / gnod sbyin rnams lha ma yin dang 'thab pa'i tshe rtag tu rgyal ba'i phan yon 'thob par 'gyur ro/ /khyed cag mdo sde 'di yongs</font><hr>96.93a<br><font size=+1>

su bsrung zhing yongs su 'dzin par byed na mdo sde 'di'i mthus sdug bsngal mang po dang / phyir rgol ba'i dgra dang / mu ge dang / nad dang / rims nad thams cad rab tu zhi zhing yongs su sel bar byed pas de'i phyir khyed kyis gal te 'khor bzhi po dag mdo sde'i rgyal po 'di len pa dang / 'dzin pa dang / klog pa dang / kha ton du 'don pa mthong bar gyur na rab tu brtson pa'i sems kyis yongs su bsrungs nas gnod pa bsal te bde ba sbyin par bya'o/ /de nas rgyal po chen po bzhi stan las langs te bla gos phrag pa gcig la gzar nas pus mo g.yas pa'i lha nga sa la btsugs te/ gus pas thal mo sbyar nas bcom ldan 'das la 'di skad ces gsol to/ /bcom ldan 'das gser 'od dam pa mchog tu rnam par rgyal ba mdo sde'i rgyal po 'di slad ma'i dus kyi tshe yul lam/ grong ngam/ grong khyer ram/ ri 'am/ nags tshal lam/ 'brog dgon pa'i gnas gang yang rung ba dag tu yongs su spel zhing gnas par gyur pa na yul de'i rgyal pos mdo sde 'di sems rtse gcig tu mnyan nas yongs su bzung ste bsngags pa brjod nas mchod par bgyid pa dang / mdo sde 'di 'dzin pa'i 'khor bzhi po dag la yo byad sbyar te mchod pa bgyis nas shin du dang ba'i sems kyis yongs su bsrungs te gnod cing mi bde ba dag yongs su spong bar bgyid na rgyu dang rkyen des bdag cag rgyal po de dang mi mang po rnams yongs su bsrungs nas bde ba la bkod de/ mya ngan dang / sdug bsngal rnams thag ring du spangs nas tshe 'phel ba dang gzi byin phun sum tshogs par bgyid do/ /bcom ldan 'das yul gyi rgyal po des 'khor bzhi po dag mdo sde 'di yongs su 'dzin pa mthong nas gus pas yongs su bsrungs te pha ma bzhin du ci 'tshal ba thams cad sbyar te mchod par bgyid na bdag cag rgyal po chen po bzhis rtag par yongs su bsrungs nas sems can mang po kun gyis bkur bar 'gyur bar bgyid pas de'i slad du bdag cag gnod sbyin dang 'dre srin</font><hr>96.93b<br><font size=+1>

tshad ma mchis pa dang bcas par mdo sde'i rgyal po 'di gang du srel ba'i gnas der lus sbas nas yongs su skyob pa dang / yongs su bsrung ba bgyid pas bgegs rnams dang bral bar 'gyur ro/ /mdo sde 'di nyan pa'i gang zag dang rgyal po la sogs pa la yang yongs su srung zhing rjes su dran par bgyid pas gnod pa yongs su bsal nas bde ba la 'god pa dang / phyogs gzhan nas mchis pa'i dgra rnams kyang slar zlog par bgyid par bgyid do/ /mi'i rgyal po gang la la zhig mdo sde 'di nyan pa'i tshe nye 'khor na gnas pa'i dgra phyir rgol ba dmag rnam pa bzhi bshams te/ yul de dag gzhom mo snyam du sems par gyur na yang bcom ldan 'das 'di ltar mdo sde'i rgyal po 'di'i byin gyi brlabs kyi mthus de'i tshe nye 'khor gyi dgra de la phyir rgol ba'i dgra tha dad pa gzhan mchis nas gzhom par bgyid cing de'i yul khams su ltas ngan mang po dang rims nad rnams 'byung bar 'gyur bas de'i tshe rgyal po des de lta bu mthong ba dang / dmag rnam pa bzhi bshams nas yul der chas te gzhom par bgyid pa na bdag cag kyang de'i tshe gnod sbyin dang 'dre srin gyi 'khor tshad ma mchis shing mtha' ma mchis pa snyed dang bcas par so so nas rang gi lus sbas te yongs su bsrungs nas grogs bgyis pas de nyid kyis phyir rgol ba'i dgra de rang dul bar 'gyur bas yul khams der mchi ba'i thugs kyang mi thub na phan tshun dmag dang mtshon gyis 'thab pa lta smos kyang ci 'tshal lags/ de nas bcom ldan 'das kyis rgyal po chen po bzhi po dag la bka' stsal pa/ rgyal po chen po bzhi po khyed kyis 'di ltar mdo sde 'di yongs su skyob cing yongs su srung bar byed pa legs so legs so/ /nga sngon 'das pa'i bskal pa bye ba khrag khrig brgya stong du ma 'das pa na dka' ba rnam pa sna tshogs spyad nas bla na med pa yang dag par rdzogs pa'i byang chub mngon par rdzogs par sangs rgyas te/ thams cad mkhyen pa nyid</font><hr>96.94a<br><font size=+1>

brnyes nas chos 'di bstan pa yin pas mi'i rgyal po gang la la zhig mdo sde 'di yongs su bzung nas bkur sti dang mchod pa byed na gnod pa rnams nye bar zhi nas rab tu bde bar 'gyur/ grong dang / grong khyer dang / grong rdal rnams yongs su srung bar 'gyur/ phyir rgol ba'i dgra rnams zlog par 'gyur/ 'dzam bu'i gling du gtogs pa'i rgyal po thams cad la gnod pa dang / 'thab pa dang / rtsod pa'i dngos po rnams gtan med par 'gyur ro/ /rgyal po chen po bzhi po dag 'dzam bu'i gling 'di na yod pa'i grong dang / grong khyer dang / ri dang / grong rdal brgyad khri bzhi stong dag gi mi'i rgyal po brgyad khri bzhi stong po rnams kyang so so nas rang rang gi yul du longs spyod kyi bde ba myong zhing rang dbang dang ldan par 'gyur/ nor dang rin po che 'byor cing rgyas pa dag la longs spyod par byed pas phan tshun 'phrog par mi byed cing sngon gyi rgyu ji lta ba bzhin du rnam par smin pa dag la longs spyod par byed pas bsam pa ngan pa bskyed nas gzhan gyi yul la 'dod pas yongs su tshol ba med de/ thams cad 'dod pa chung zhing phan 'dogs pa'i bsam pa skye bar 'gyur/ 'thab pa dang / rtsod pa dang / bcing ba la sogs pa'i sdug bsngal yang med par 'gyur/ yul de dag na gnas pa'i mi rnams kyang rang bzhin gyis bde ba myong bar 'gyur/ bla 'og 'thun zhing chu dang 'o ma 'dres pa lta bur sems kyis phan tshun sdug cing bkur bar 'gyur/ rab tu dga' bas rnam par rtse bar 'gyur/ byams pa dang snying rjes phan 'dogs shing dge ba'i rtsa ba 'phel bar byed pas rgyu dang rkyen des na 'dzam bu'i gling 'di rab tu bde zhing lo legs pa dang / mi rnams rgyas shing rab tu gang bar 'gyur/ sa chen po mthu dang ldan par 'gyur/ grang dro ran par 'gyur/ dus tshigs</font><hr>96.94b<br><font size=+1>

mi mthun pa med par 'gyur/ nyi ma dang zla ba dang / gza' dang / rgyu skar rnams kyang sngon gyi gnas las 'pho zhing 'gyur ba med par 'gyur/ rlung dang char pa yang dus bzhin du ldang zhing 'bab par 'gyur/ ltas ngan rnams dang 'bral bar 'gyur/ nor dang rin po che rnams 'byor cing rgyas par 'gyur/ sems la ser sna'i 'jungs pa med cing rtag par sbyin pa gtong bar 'gyur/ dge bcu'i las dang ldan par 'gyur/ mi rnams tshe 'phos par gyur na yang phal cher mtho ris su skye bar 'gyur bas lha'i 'khor rnams rab tu 'phel bar 'gyur bar rig par bya'o/ /rgyal po chen po dag ma 'ongs pa'i dus na mi'i rgyal po gang la la zhig mdo sde 'di mnyan te yongs su bsrungs nas gus pas mchod pa byed pa dang / mdo sde 'dzin pa'i 'khor bzhi po dag la bla mar byed cing bsngags pa brjod par 'dod pa dang / gzhan yang khyed 'khor dang bcas pa dang / gnod sbyin gyi 'khor brgya stong tshad med pa snyed la phan pa dang bde bas phan 'dogs par 'dod na de'i phyir rgyal po des rtag par mdo sde'i rgyal po dam pa 'di mnyan nas yongs su gzung bar byas te yang dag pa'i chos kyi chu bdud rtsi'i ro mchog dam pa 'di thos pa'i dbang gis khyed la sogs pa'i lus dang sems kyi mthu stobs 'phel bar byed pas brtson 'grus dang ldan zhing dpa' ba dang / bsod nams dang gzi byin rnams rab tu rgyas par 'gyur ro/ /mi'i rgyal po de dag gal te sems rtse gcig tu mdo sde 'di mnyan nas yongs su 'dzin par byed na de ni yangs shing rgya che ba dang / shin du dkon pa'i mchod pas yang dag par rdzogs pa'i sangs rgyas shAkya thub pa nga la mchod pa byed par 'gyur te/ gang gis nga la mchod pa byas pa gang yin pa de ni 'das pa dang / ma byon pa dang / da ltar bzhugs pa'i sangs rgyas bye ba khrag khrig brgya stong mang po rnams la mchod pa byas par 'gyur ro/ /gang gis dus gsum gyi</font><hr>96.95a<br><font size=+1>

sangs rgyas rnams la mchod pa byas nas bsam gyis mi khyab pa'i bsod nams kyi phung po tshad med pa snyed 'thob par 'gyur bas rgyu dang rkyen des na khyed la sogs pas rgyal po de dang / btsun mo dang / sras dang / 'khor rnams yongs su bsrungs nas gnod cing nyam nga ba med par byas te pho brang bsrung ba'i lha rnams kyang rtag tu bde ba'i longs spyod myong ba la 'god par byed na bsod nams bsam gyis mi khyab pa dang ldan par 'gyur/ yul de dag na gnas pa'i mi rnams kyang 'dod pa lnga'i bde ba rnam pa sna tshogs myong bar 'gyur/ dngos po ngan pa thams cad kyang rab tu zhi bar 'gyur ro/ /de nas bcom ldan 'das la rgyal po chen po bzhi po dag gis 'di skad ces gsol to/ /bcom ldan 'das slad ma'i dus kyi tshe mi'i rgyal po gang la la zhig 'di ltar gser 'od dam pa'i mdo sde 'di nyan par mos pa dang / bdag nyid dang / btsun mo dang / rgyal bu nas pho brang nang gi slas la sogs pa'i bar dag dang / grong khyer dang / grong rdal dang / pho brang yongs su bsrung zhing skyob pa dang / bsam gyis mi khyab pa'i dga' ba mchog dam pa dang / rab tu dben pa'i bde ba 'thob par 'tshal ba dang / tshe 'di nyid la rgyal thabs btsun zhing mtho ba dang / dbang phyug dang ldan zhing dar ba dang / rtag tu 'phel bar 'tshal ba dang / gzhan yang bsam gyis mi khyab pa'i bsod nams kyi phung po tshad ma mchis shing mtha' ma mchis pa yongs su sdud pa dang / rang gi yul du phyir rgol ba'i dgra dang / mya ngan dang / 'khrug pa dang / gdon bgegs kyi dngos po rnams ma mchis par 'tshal na bcom ldan 'das/ 'di ltar mi'i rgyal po des bag ma mchis pas sems g.yeng bar mi bgyi zhing shin du gus pa bskyed de bsam pa thag pa nas mdo sde'i rgyal po mchog dam pa 'di mnyan cing yongs su gzung bar bgyi'o/ /chos nyan par 'tshal</font><hr>96.95b<br><font size=+1>

ba'i tshe sngar rgyal po la gces pa'i pho brang mchog dam pa rab tu brgyan te gsal ba'i phyogs su spos chab kyis chag chag btab ste/ me tog mchog dam pa sna tshogs mngon par gtor nas seng ge'i khri chos kyi gdan khyad par du 'phags pa btsugs te/ rin po che sna tshogs kyis rab tu brgyan nas rin po che sna tshogs kyi gdugs dang / rgyal mtshan dang / ba dan bsgreng ste/ rin thang ma mchis pa'i spos bsregs nas rol mo rnams bgyi'o/ /rgyal po des de'i tshe yongs su dag par khrus bgyis te/ spos kyi byug pas lus bkrus nas gos sar pa gtsang ma bgos te/ rgyan phreng rnams kyis brgyan nas stan dma' ba la mchis te/ mtho ba'i bsam pa mi bskyed par dbang phyug gi thabs yongs su spang bar bgyi'o/ /nga rgyal rnams spangs te sems rtse gcig tu dran pa nye bar gzhag nas mdo sde'i rgyal po 'di mnyan par bgyi'o/ /chos smra ba'i mkhan po la ston pa chen po'i 'du shes bskyed par bgyi'o/ /pho brang nang gis btsun mo dang / rgyal bu dang / slas dang / 'khor rnams la byams pa dang brtse ba'i sems bskyed nas rab tu dga' bas phan bar blta bar bgyi'o/ /shin du 'thun pa'i gdangs kyis tshig 'jam por smra bar bgyi'o/ /bdag nyid kyi lus dang sems la dga' ba chen pos kun du khyab par bgyi'o/ /deng bdag ni shin du bsam par dka' zhing khyad par du 'phags pa'i phan yon chen po yangs shing rgya che ba 'di lta bu 'thob par 'gyur ro snyam du bsams nas mdo sde'i rgyal po de la rab tu mchod par bgyi'o/ /de ltar bshams lags nas chos smra ba'i mkhan po der mchis pa mthong bar gyur na shin du gus pas dkon pa'i 'du shes bskyed par bgyi'o/ /de nas bcom ldan 'das kyis rgyal po chen po bzhi po dag la bka' stsal</font><hr>96.96a<br><font size=+1>

pa/ 'di ltar chos smra ba'i mkhan po de mi bsu bar mi bya'i de'i tshe mi'i rgyal po des gos sar pa gtsang ma bgos nas rgyan dang / phreng ba rnam pa sna tshogs kyis rab tu brgyan te/ bdag nyid gdugs dkar po dang / spos dang / me tog thogs nas dmag gi dpung bshams te/ rol mo rgyas par byas nas rkang gis grong khyer nas phyir phyung ste/ bkra shis kyi dngos po thob par bya ba'i phyir gus pa'i 'du shes bskyed nas chos smra ba'i mkhan po de bsu bar bya'o/ /rgyal po chen po bzhi po dag rgyu dang rkyen gang gi phyir mi'i rgyal po des bdag nyid kyis bkur sti dang / mchod pa de lta bu bya dgos shes na/ mi'i rgyal po de rkang pa bteg cing rkang pa bzhag pa na gom pa re re zhing sangs rgyas bcom ldan 'das bye ba khrag khrig brgya stong po rnams la bkur sti dang / mchod pa dang / rim gro dang / bla mar byed par 'gyur zhing / gzhan yang bskal pa'i grangs de snyed kyi 'khor ba'i sdug bsngal las yang dag par 'da' bar 'gyur bas so/ /gzhan yang ma 'ongs pa'i dus na bskal pa'i grangs de snyed du 'khor los sgyur ba'i rgyal po'i longs spyod mchog khyad par du 'phags pa dag la longs spyod par 'gyur/ gom pa re re bor ba'i dbang gis tshe 'di nyid la yang bsod nams 'phel bas rang dbang du rgyal po byed cing bsam gyi mi khyab pa'i rnam par smin pa dang ldan pa dang mang po kun gyis bkur bar 'gyur/ bskal pa 'bum phrag brgya stong tshad med pa snyed du lha dang mis yongs su spyad pa'i rin po che sna bdun gyi gzhal med khang dag la longs spyod par 'gyur/ skye ba thams cad du rgyal po byed par 'gyur/ tshe ring bar 'gyur/ tshig gi spobs pa dang ldan pas lha dang mi kun gyis mngon par yid ches par 'gyur/ 'jigs shing skrag pa med par 'gyur/ grags pa chen po dang ldan zhing mang po kun gyis yongs su blta bar 'gyur/ lha dang mi'i</font><hr>96.96b<br><font size=+1>

nang du khyad par du 'phags pa'i bde ba dag la longs spyod par 'gyur/ mthu stobs chen po thob par 'gyur/ gzi byin chen po'i yon tan dang ldan par 'gyur/ lus kyi mtshan ma gya nom zhing shin du mdzes pas dpe zla med par 'gyur/ lha dang mi'i ston pa mthong bar 'gyur/ dge ba'i bshes gnyen dang phrad par 'gyur/ bsod nams kyi phung po tshad med pa mngon par grub cing phun sum tshogs par 'gyur ro/ /rgyal po chen po dag 'di ltar shes par bya ste/ mi'i rgyal po de dag gis yon tan gyi phan yon rnam pa sna tshogs tshad med pa de lta bu mthong ba'i phyir bdag nyid dpag tshad gcig nas dpag tshad brgya stong du ma'i bar du chos smra ba'i mkhan po bsu bar bya zhing chos smra ba'i mkhan po la sangs rgyas kyi 'du shes bskyed par bya'o/ /slar grong dang / grong khyer du phyin nas kyang deng de bzhin gshegs pa dgra bcom pa yang dag par rdzogs pa'i sangs rgyas shAkya thub pa bdag gi pho brang du gshegs nas bdag gi mchod pa bzhes te bdag la chos ston par mdzad do/ /bdag kyang chos thos pa'i dbang gis bla na med pa yang dag par rdzogs pa'i byang chub las phyir ldog par mi 'gyur bas 'di nyid sangs rgyas bcom ldan 'das bye ba khrag khrig brgya stong du ma dang phrad par gyur pa yin no/ /deng bdag gis ni shin du yangs shing rgya che ba mchog tu khyad par du 'phags pa'i bde ba'i yo byad rnam pa sna tshogs kyis 'das pa dang / ma byon pa dang / da ltar bzhugs pa'i sangs rgyas rnams la mchod cing rim gro byas so/ /deng bdag gis ni gshin rje'i 'jig rten dang / sems can dmyal ba dang / yi dgas dang / dud 'gro'i skye gnas kyi sdug bsngal thams cad rtsa ba nas bton to/ /deng 'khor los sgyur ba'i rgyal po dang / brgya byin dang / tshangs pa bye ba khrag khrig brgya stong tshad med pa snyed kyi dge ba'i rtsa ba</font><hr>96.97a<br><font size=+1>

rab tu bskyed do/ /deng sems can bye ba khrag khrig brgya stong tshad med pa snyed 'khor ba'i sdug bsngal las bton nas mya ngan las 'das pa'i bde ba la bkod do/ /deng tshad med mtha' med cing bsam gyis mi khyab pa'i bsod nams kyi phung po rab tu bsags so/ /pho brang nang gi slas dang skye bo mang po bde ba la bkod nas yul rnams rab tu zhi bar byas pas gnod pa dang / dug gdug pa dang / mi ma rungs pa med cing phyogs gzhan nas 'ong ba'i dgra rnams nye bar 'ongs nas gnod pa mi byed pa dang / mya ngan dang nad rnams med par 'gyur ro snyam du bsam par bya'o/ /rgyal po chen po dag 'di ltar rig par bya ste/ de'i tshe mi'i rgyal po de dag gis de ltar yang dag pa'i chos la btsun par byas shing bla mar byas pa dang / mdo sde dam pa 'di yongs su 'dzin pa'i dge slong dang / dge slong ma dang / dge bsnyen dang / dge bsnyen ma dag la mchod pa dang / bkur sti dang / bla mar byas shing bsngags pa brjod pa las byung ba'i dge ba'i rtsa ba gang yin pa de dag dang / bsod nams mchog gang yin pa de dag thog ma kho nar khyed 'khor dang bcas pa las yongs su bsngo bar byed na mi'i rgyal po de dag bsod nams chen po'i dge ba'i las kyi rgyu dang / rkyen dang ldan par 'gyur bas tshe 'di nyid la dbang chen po thob nas gzi byin chen po rab tu 'phel bar 'gyur/ dpal dang mtshan mchog rnams kyis rab tu brgyan par 'gyur/ phyir rgol ba thams cad yang dag pa'i chos kyis tshar gcod par 'gyur ro/ /de nas bcom ldan 'das la rgyal po chen po bzhi po dag gis 'di skad ces gsol to/ /bcom ldan 'das mi'i rgyal po gang la la zhig de ltar yang dag pa'i chos la gus pas bkur sti bgyis nas mdo sde 'di mnyan par bgyid pa dang / mdo sde 'di 'dzin pa'i 'khor bzhi po dag la bkur sti dang / mchod pa dang / bla mar bgyis</font><hr>96.97b<br><font size=+1>

nas bsngags pa brjod par bgyid pa na de'i tshe mi'i rgyal po des bdag cag rnams dga' bar bgyi ba'i slad du chos kyi gdan dang nye ba'i phyogs gcig tu spos chab kyis chag chag btab ste/ me tog mchog dam pa mang po mngon par gtor nas rgyal po chen po bzhi mchis pa'i stan yang bshams te bting bar gyur na bdag cag kyang rgyal po de dag dang lhan cig yang dag pa'i chos nyan par bgyid do/ /rgyal po des kyang bdag cag la phan 'dogs pa'i dge ba'i rtsa ba ci mchis pa'i bsod nams kyi skal pa gang lags pa bdag cag la yang yongs su bsngo bar bgyi'o/ /bcom ldan 'das de'i tshe mi'i rgyal po des chos smra ba la chos bshad par gsol ba btab nas stan la mchis pa'i tshe bdag cag gi slad du spos mchog dam pa sna tshogs bsregs nas mdo sde 'di la mchod par bgyi'o/ /bcom ldan 'das de'i tshe spos kyi bdug pa de dag skad cig ma gcig la nam mkha' la mngon par 'phags nas bdag cag rnams kyi gzhal med khang du mchis te spos kyi gdugs su 'gyur bas bdag cag lha'i 'khor rnams kyis kyang spos kyi dri mchog de tshor bar 'gyur/ spos kyi du ba de yang gser gyi 'od dang ldan pas bdag cag gnas pa'i khang khyim nas tshangs pa'i gnas dang / brgya byin lha'i dbang po dang / lha mo spobs pa chen mo dang / lha mo dpal chen mo dang / sa'i lha mo brtan ma dang / sde dpon chen po yang dag shes dang / gnod sbyin gyi sde dpon chen po nyi shu rtsa brgyad dang / lha'i rgyal po dbang phyug chen po dang / lag na rdo rje gsang ba'i bdag po dang / sde dpon chen po rin chen bzang dang / 'phrog ma'i bu 'khor lnga brgya pa dang / klu'i rgyal po ma dros pa dang / klu'i rgyal po rgya mtsho'i gnas kyi bar thams cad kyang rab tu gsal bar bgyid do/ /bcom ldan 'das 'di lta bu la sogs pa'i 'khor rnams kyis rang rang gi</font><hr>96.98a<br><font size=+1>

gzhal med khang du spos kyi bdug pa des skad cig yud tsam cig la spos kyi gdugs su gyur par yang mthong la spos kyi dri yang tshor bar 'gyur/ 'od zer gyi kha dog gis lha'i gzhal med khang thams cad gsal bar bgyid pa yang mthong bar 'gyur lags so/ /bcom ldan 'das kyis rgyal po chen po bzhi po dag la bka' stsal pa/ spos kyi 'od zer des gzhal med khang de dag 'ba' zhig gsal bar byas nas spos kyi gdugs su gyur te 'od zer chen po 'gyed pa ma yin te/ mi'i rgyal po de dag lag pas pog phor bzung ste/ spos mchog dam pa bsregs nas mdo sde 'di la mchod pa byed pa'i tshe spos kyi du ba de thang cig yud tsam gcig la stong gsum gyi stong chen po'i 'jig rten gyi khams na yod pa'i nyi ma dang / zla ba bye ba phrag brgya dang / ri'i rgyal po ri rab bye ba phrag brgya dang / gling bzhi pa bye ba phrag brgya dang / stong gsum gyi stong chen po'i 'jig rten gyi khams 'di'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po'i khang khyim thams cad gsal bar byas nas nam mkha' kun du gang zhing rgyas pa dang / spos kyi bdug pa rnam pa sna tshogs gang yin pa de dag sprin gyi gdugs su gyur te/ gdugs de yang gser gyi kha dog dang ldan pas lha'i khang khyim thams cad gsal bar byed de/ 'di ltar stong gsum gyi stong chen po'i 'jig rten gyi khams na spos kyi sprin dang / spos kyi gdugs rnam pa sna tshogs ji snyed yod pa thams cad ni gser 'od dam pa mchog tu rnam par rgyal ba mdo sde'i rgyal po'i gzi byin gyi mthu las gyur pa yin no/ /mi'i rgyal po de dag lag tu pog phor thogs nas mdo sde 'di la mchod par byed pa'i tshe spos kyi bdug pa rnam pa sna tshogs gang yin pa de dag stong gsum gyi stong chen po'i 'jig</font><hr>96.98b<br><font size=+1>

rten gyi khams 'di 'ba' zhig tu khyab par 'gyur ba ma yin gyi/ skad cig yud tsam gcig gis phyogs bcu'i sangs rgyas kyi zhing gang gA'i klung gi bye ma dang mnyam pa bye ba khrag khrig brgya stong tshad med mtha' med pa kun du khyab cing / sangs rgyas kyi zhing rnams kyi nam mkha' kun du spos kyi gdugs su gyur nas kun du gsal bar byed pa yang de bzhin te/ de'i tshe sangs rgyas mang po de dag spos gya nom pa'i dri gang yin pa de dag kyang rig cing mkhyen/ spos kyi bla re dang / gser gyi kha dog de dag kyang gzigs nas phyogs bcu'i 'jig rten gyi khams gang gA'i klung gi bye ma dang mnyam pa'i sangs rgyas bcom ldan 'das rnams kyis cho 'phrul bstan nas sangs rgyas bcom ldan 'das mang po de dag gis 'thun par gzigs shing so sor brtags te/ gsung 'thun par chos smra ba'i mkhan po de la skyes bu chen po khyod kyis shin du zab pa'i mdo sde gya nom pa 'di rgya cher yongs su spel nas/ bsod nams kyi phung po tshad med mtha' med cing bsam gyis mi khyab pa yongs su rdzogs par gyur pa legs so legs so zhes bsngags pa brjod par 'gyur ro/ /gang la la zhig mdo sde 'di lta bu mnyan nas thos pa'i bsod nams gang yin pa de'i tshad kyang shin du mang ba yin na/ yi ger 'dri ba dang / len pa dang / 'dzin pa dang / klog pa dang / gzhan dag la yang dag par ston pa dang / ji skad bstan pa bzhin du mngon par sgrub pa lta smos kyang ci dgos/ de ci'i phyir zhe na/ rigs kyi bu dag sems can gang la la zhig gser 'od dam pa mchog tu rnam par rgyal ba mdo sde'i rgyal po 'di thos par gyur pa gang yin pa de dag ni bla na med pa yang dag par rdzogs pa'i byang chub las phyir ldog par mi 'gyur bas so/ /de'i tshe phyogs bcu'i sangs rgyas kyi zhing bye ba khrag khrig brgya stong tshad med grangs med pa gang gA'i klung gi bye ma dang mnyam pa'i sangs rgyas kyi zhing dag na bzhugs pa'i de bzhin</font><hr>96.99a<br><font size=+1>

gshegs pa rnams gsung gcig tu chos kyi stan la 'dug pa'i chos smra ba'i mkhan po de la legs so legs so zhes bsngags pa brjod nas rigs kyi bu khyod ma 'ongs pa'i dus na brtson 'grus kyi stobs kyis dka' ba brgya stong tshad med pa snyed mngon par bsgrubs te tshogs yongs su rdzogs par byas nas 'phags pa mang po las yang dag par 'das te khams gsum las nges par byung nas gtso bo mchog tu gyur te byang chub kyi shing gi rgyal po'i drung du 'dug nas khyad par du 'phags pa rnams kyis yongs su brgyan par 'gyur/ stong gsum gyi stong chen po'i 'jig rten gyi khams na rkyen dang ldan pa'i sems can rnams yongs su skyob par 'gyur/ shin du 'jigs su rung ba'i bdud kyi dmag tshogs rnams tshar gcod par 'gyur/ shin du rnam par dag pa'i chos rnams dang shin du zab pa'i bla na med pa yang dag par rdzogs pa'i byang chub rab tu rtogs par 'gyur ro/ /rigs kyi bu khyod rdo rje'i stan la 'dug nas sangs rgyas rnams kyis rab tu bsngags pa'i chos kyi 'khor lo bla na med pa/ shin du zab pa gya nom pa rnam pa bcu gnyis yongs su bskor bar 'gyur/ bla na med pa'i chos kyi rnga chen po mchog tu gyur pa rab tu rdung bar 'gyur/ bla na med pa'i chos kyi dung shin du gya nom pa 'bud par 'gyur/ bla na med pa'i chos kyi rgyal mtshan khyad par du 'phags pa sgreng bar 'gyur/ bla na med pa'i chos kyi sgron ma shin du gsal bar spar bar 'gyur/ bla na med pa'i bdud rtsi'i chos kyi char rab tu 'bebs par 'gyur/ nyon mongs pa'i dgra'i 'ching ba tshad med pa yongs su gcod par 'gyur/ sems can bye ba khrag khrig brgya stong tshad med pa snyed mtha' med cing 'jigs su rung ba'i rgya mtsho las yongs su bzlas par 'gyur/ mu med pa'i skye shi'i 'khor ba las thar bar 'gyur/ sangs rgyas bye ba khrag khrig brgya stong tshad med pa rnyed dang</font><hr>96.99b<br><font size=+1>

phrad par 'gyur ro zhes gsung bar 'gyur ro/ /de nas bcom ldan 'das la rgyal po chen po bzhi po dag gis yang 'di skad ces gsol to/ /bcom ldan 'das gser 'od dam pa mchog tu rnam par rgyal ba mdo sde'i rgyal po 'di ni slad ma dang da ltar gyi tshe yon tan tshad ma mchis pa 'di lta bu yongs su rdzogs par bgyid pas de'i slad du mi'i rgyal po gang gis mdo sde shin du gya nom pa 'di thos par gyur pa de ni sangs rgyas bye ba khrag khrig brgya stong tshad ma mchis pa snyed las dge ba'i rtsa ba bskyed pa lags pas mi'i rgyal po de dag la bdag cag rnams yongs su bsrung zhing rjes su dran par bgyid do/ /gzhan yang bsod nams kyi phan yon tshad ma mchis pa snyed mthong ba'i slad du bdag cag rgyal po chen po bzhi dang / 'khor gzhan rnams dang / yi dgas 'bum phrag brgya stong tshad ma mchis pa snyed rang rang gi gzhal med khang rnams su spos kyis bdug pa'i sprin gyi gdugs dang / cho 'phrul rnam pa sna tshogs pa de dag mthong ba de'i tshe bdag cag rang gi lus mi snang bar bgyis nas chos nyan pa'i slad du rgyal po de'i pho brang yongs su gtsang zhing mdzes par brgyan pa chos 'chad pa'i gnas su mchi bar 'tshal lo/ /de bzhin du tshangs pa dang / brgya byin dang / lha mo spobs pa chen mo dang / dpal gyi lha mo chen mo dang / sa'i lha mo brtan ma dang / sde dpon chen po yang dag shes dang / gnod sbyin gyi sde dpon chen po nyi shu rtsa brgyad dang / lha'i bu dbang phyug chen po dang / lag na rdo rje gsang ba'i bdag po dang / sde dpon chen po rin chen bzang dang / 'phrog ma'i bu 'khor lnga brgya pa dang / klu'i rgyal po ma dros pa dang / klu'i rgyal po rgya mtsho dang / lha dang gnod sbyin la sogs pa'i 'khor bye ba khrag khrig brgya stong tshad ma mchis pa snyed kyang chos nyan pa'i slad du so so nas rang rang gi lus mi</font><hr>96.100a<br><font size=+1>

snang bar bgyis te mi'i rgyal po de'i pho brang shin du khyad par du 'phags pa chos kyi gdan shin du mdzes par bgyis pa chos bshad pa'i gnas su mchi bar 'gyur lags so/ /bcom ldan 'das bdag cag rgyal po chen po bzhi dang / 'khor gzhan rnams dang / gnod sbyin rnams thams cad sems rtse gcig tu mi'i rgyal po de dag dang lhan cig tu dge ba'i bshes gnyen bgyis nas bla na ma mchis pa'i chos kyi sbyin bdag chen por 'gyur ba'i rgyus bdud rtsi'i ros bdag cag tshim par gyur pas de'i slad du bdag cag rgyal po de la yongs su bsrungs nas gnod pa rnams yongs su bsal te bde ba thob par bgyid do/ /de'i pho brang dang / grong dang / grong khyer dang / yul rnams su yang sdig pa dang ltas ngan pa thams cad rab tu zhi bar bgyid do/ /de nas rgyal po chen po bzhi gcig car thal mo sbyar te/ bcom ldan 'das la 'di skad ces gsol to/ /bcom ldan 'das mi'i rgyal po gang la la zhig rang gi yul du mdo sde 'di bzhugs par gyur kyang yongs su spel bar yang mi bgyid la sems kyis kyang spong bar bgyid cing nyan par yang mi mos/ mchod par yang mi bgyid/ bla mar yang mi bgyid/ bsngags pa brjod par yang mi bgyid la/ 'khor bzhi po dag mdo sde 'dzin pa mthong bar gyur na yang bla mar mi bgyid cing mchod pa dang / rim gro yang mi bgyid na bdag cag dang / 'khor gzhan rnams dang / lha tshad ma mchis pa rnams kyang shin du zab cing gya nom pa'i chos 'di thos par mi 'gyur bas bdud rtsi'i ro la rgyab kyis phyogs shing yang dag pa'i chos kyi rgyud kyang stor bar 'gyur/ gzi byin dang mthu stobs kyang ma mchis par 'gyur/ ngan 'gro 'phel bar bgyid cing lha dang mi rnams yongs su nyams par 'gyur/ 'khor ba'i chu bor bying bar 'gyur zhing / mya ngan las 'das pa'i shul dang gol bar 'gyur bas bcom ldan 'das bdag cag rgyal po chen po bzhi dang / 'khor</font><hr>96.100b<br><font size=+1>

gzhan rnams dang / gnod sbyin la sogs pa de lta bu'i dngos po mthong bar gyur na yul de yongs su spong bar bgyid la yongs su skyob cing yongs su bsrung ba'i sems kyang ma mchis par 'gyur ba lags so/ /bdag cag 'ba' zhig rgyal po de spong bar bgyid pa ma lags kyi yul skyong ba'i lha dge ba chen po tshad ma mchis pa rnams kyang yal bar bor nas mchi bar 'gyur lags so/ /de ltar yal bar bor ba'i dbang gis yul der gnod pa rnam pa sna tshogs 'byung bar 'gyur zhing rgyal thabs kyang stor bar 'gyur/ mi'i tshogs thams cad kyang dge ba'i sems ni ma mchis kyi gcig la gcig 'ching ba dang / gsod pa dang / gshe ba dang / rtsod pa dang / phan tshun phra ma dang / gya gyu bgyid cing nongs pa ma mchis pa la chad pa gcod pa 'ba' zhig sems pas nad dang rims nad rnams 'byung bar 'gyur/ gza' mjug rings yang nas yang du 'byung bar 'gyur/ gdugs gnyis gcig car 'char bar 'gyur/ gza' mjug pa la rgyun chad pa ma mchis par 'gyur/ gzha' dkar nag gis bkra shis pa ma lags pa'i mtshan ma ston par 'gyur/ skar mda' ltung zhing sa g.yo bar 'gyur/ khron pa'i nang nas sgra 'byung bar 'gyur/ char dang rlung drag po dus ma lags par 'bab cing ldang bar 'gyur/ rtag par mu ge'i gnod pa 'byung bar 'gyur/ 'bru rnams yongs su smin par mi 'gyur/ phas kyi rgol ba'i dgra mang pos gces pas yul gyi mi rnams sdug bsngal gyi gnod pa mang po myong bar 'gyur/ yul gyi sa phyogs kyang yid du mi mchi zhing mngon par dga' ba ci yang ma mchis par 'gyur lags so/ /bcom ldan 'das bdag cag rgyal po chen po bzhi dang lha brgya stong tshad ma mchis pa dang / sngon yul skyong ba'i lha dge ba chen po rnams kyis yongs su spangs nas mchi ba'i tshe ltas ngan pa'i dngos po brgya stong tshad ma mchis pa de lta bu dag 'byung bar 'gyur lags so/ /bcom ldan 'das mi'i rgyal po gang</font><hr>96.101a<br><font size=+1>

la la zhig yul skyong zhing rtag par bde ba'i longs spyod myong bar 'tshal ba dang / skye bo mang po rnams bde ba la 'god par 'tshal ba dang / phas kyi rgol ba thams cad tshar bkum nas rang gi yul khams gtan du rgyas shing dar bar 'tshal ba dang / yang dag pa'i bstan pa 'jig rten du gnas nas sdug bsngal gyi gnod pa dang / sdig pa mi dge ba'i chos rnams nye bar zhi bar 'gyur bar 'tshal na/ bcom ldan 'das yul gyi bdag po de dag gis gdon mi 'tshal bar mdo sde'i rgyal po dam pa 'di mnyan nas yongs su gzung bar bgyi zhing mdo sde 'di klog pa dang / 'don pa dang / len pa dang / 'dzin pa dag la yang bsnyen bkur ba dang / rim gro dang / mchod par bgyid na/ bdag cag dang / tshad ma mchis pa'i lha'i 'khor gzhan rnams chos mnyan pa'i dge ba'i byin gyi brlabs kyi mthus bla na ma mchis pa'i bdud rtsi'i chos kyi ro myong bar 'gyur bas bdag cag 'khor dang bcas pa la sman par 'gyur zhing lha gzhan rnams kyang sman yon mchog thob par 'gyur lags so/ /de ci'i slad du zhe na/ 'di ltar mi'i rgyal po des sems rtse gcig tu mdo sde 'di mnyan nas yongs su bzung ba'i slad du'o/ /bcom ldan 'das 'di ltar tshangs pa chen pos kyang sems can rnams la rtag par 'jig rten dang / 'jig rten las 'das pa'i bstan bcos yang dag par bstan/ brgya byin lha'i dbang pos kyang bstan bcos rnam pa sna tshogs yang dag par bstan/ mngon par shes pa lnga dang ldan pa'i drang srong rnams kyis kyang bstan bcos mang po bstan te/ bcom ldan 'das tshangs pa dang / brgya byin dang / mngon par shes pa lnga dang ldan pa'i drang srong gis bstan bcos bye ba khrag khrig brgya stong tshad ma mchis pa snyed bstan mod kyi 'on kyang sangs rgyas bcom ldan 'das kyis byams pa dang thugs rjes thugs brtse bar</font><hr>96.101b<br><font size=+1>

dgongs nas lha dang mi'i tshogs rnams kyi ched du gser 'od dam pa'i mdo sde shin du gya nom pa bkas bshad pa gang lags pa sngar bstan pa de dag dang bsgrun na bye ba khrag khrig brgya stong 'gyur snyed kyis ches khyad par du 'phags pas dper bgyir yang ma mchis lags so/ /de ci'i slad du zhe na/ 'di'i dbang gis 'dzam bu'i gling na rgyal po ji snyed mchis pa de dag yang dag pa'i chos kyis 'jig rten btul nas sems can la bde ba'i dngos po stsal ba dang / bdag dang 'khor rnams yongs su bsrungs nas sdug bsngal gyi gnod pa ma mchis par bgyid pa dang / gzhan yang phas kyi rgol bas gnod pa bgyid pa ma mchis pa dang / sdig pa mi dge ba ci snyed pa thams cad thag ring du spong ba dang / yul gyi gnod bgegs rnams yongs su bsal nas yang dag pa'i chos kyis 'dul zhing rtsod pa ma mchis par bgyid pa'i slad du'o/ /de'i slad du mi'i rgyal po rnams so so nas rang gi yul du chos kyi sgron ma spar te mtha' yas pa rnams gsal bar bgyis nas lha'i tshogs dang rang rang gi 'khor rnams la sman par bgyi'o/ /bcom ldan 'das bdag cag rgyal po chen po bzhi dang / lha dang / gnod sbyin gyi 'khor tshad ma mchis pa dang / 'dzam bu'i gling na lha dang / yi dgas ci mchis pa thams cad rgyu dang rkyen 'di'i dbang gis bla na ma mchis pa'i bdud rtsi'i chos kyi ro myong bar 'gyur zhing gzi byin chen po'i mthu stobs dang ldan pa/ 'od kyi snang ba phun sum tshogs pa dang / sems can thams cad bde bar 'gyur ba dang / gzhan yang slad ma'i dus kyi tshe bskal pa bye ba khrag khrig brgya stong tshad ma mchis shing bsam gyis mi khyab pa snyed du rtag par shin du bde ba'i longs spyod myong ba dang / gzhan yang sangs rgyas tshad ma</font><hr>96.102a<br><font size=+1>

mchis pa snyed mnyes par bgyis nas dge ba'i rtsa ba bskyed de/ de nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bas 'di lta bu'i sman yon tshad ma mchis shing mtha' ma mchis pa thams cad kyang thugs rje chen po tshangs pa'i 'khor las yang dag par 'das pa mkhyen pa chen po brgya byin bas lhag pa/ dka' ba rnam pa sna tshogs yongs su spyad pa mngon par shes pa lnga dang ldan pa'i drang srong las khyad par du 'phags par gyur pas bye ba khrag khrig brgya stong 'gyur snyed kyis ches lhag par gyur te brjod du ma mchis pa'i de bzhin gshegs pa dgra bcom pa yang dag par rdzogs pa'i sangs rgyas kyis sems can rnams kyi ched du 'di lta bu'i mdo sde shin du gya nom pa yang dag par bkas bshad nas 'dzam bu'i gling gi yul gyi bdag po thams cad dang / mi'i tshogs mang po rnams 'jig rten na chos kyi cho ga dang yul yongs su skyong zhing mi rnams gdul ba dang bskul bar bya ba'i dngos po ji snyed pa de dag gsal bar khong du chud pa las gyur pa lags te/ mdo sde'i rgyal po 'di'i byin gyi brlabs kyi mthus thams cad bde ba thob pa'i bsod nams kyi phan yon 'di dag thams cad kyang ston pa chen po shAkya thub pas byams pa dang thugs rje'i mthus mdo sde 'di rgya cher yang dag par spel ba las gyur pa lags pas/ bcom ldan 'das rgyu dang rkyen de'i slad du mi'i rgyal po rnams kyis mdo sde dam pa 'di yongs su bzung ste/ mchod pa dang / bkur sti dang / bla mar bgyis nas bsngags pa brjod par bgyi'o/ /de ci'i slad du zhe na/ 'di lta bu la sogs pa'i yon tan khyad par du 'phags pa/ bsam gyis mi khyab pa dag gis thams cad la sman par bgyis pas de'i slad du mchog tu rnam par rgyal ba mdo</font><hr>96.102b<br><font size=+1>

sde'i rgyal po zhes bgyi ba lags so/ /de nas bcom ldan 'das kyis rgyal po bzhi po dag la yang 'di skad ces bka' stsal to/ /khyed cag rgyal po chen po bzhi dang / 'khor gzhan rnams dang lha'i 'khor bye ba khrag khrig brgya stong tshad med pa rnams mi'i rgyal po de dag gal te sems rtse gcig tu mdo sde 'di mnyan nas mchod pa dang / bkur sti dang / bla mar byas te/ bsngags pa brjod pa mthong nas yongs su bsrungs te/ gnod pa rnams yongs su sel bar byed na khyed cag rab tu bde ba myong bar 'gyur bar byed do/ /gal te 'khor bzhi po dag gis mdo sde'i rgyal po 'di rgya cher yang dag par spel bar byed na des ni lha dang mi'i nang na sangs rgyas kyi mdzad pa rgya cher yang dag par byas pa yin pas sems can tshad med pa snyed la phan btags pa yin te/ 'di lta bu'i gang zag gang yin pa de la khyed kyis rtag par bsrung zhing yongs su bskyab par bya'o/ /'di lta bu'i 'khor bzhi po dag rkyen gzhan gyis phan tshun gnod pa byed pa med par byos la de dag lus dang sems rab tu dben zhing bde bas mdo sde'i rgyal po 'di yang dag par spel nas phyi ma'i mtha' ji srid pa'i bar du sems can phan 'dogs pa la rgyun chad pa med par byos shig /de nas lha'i rgyal po rnam thos stan las langs te bcom ldan 'das la 'di skad ces gsol to/ /bcom ldan 'das bdag la yid bzhin gyi nor bu rin po che'i gzungs kyi cho ga mchis te/ sems can gang la la zhig yongs su 'dzin par mos na yon tan tshad ma mchis pa dang ldan par 'gyur zhing bdag gis rtag par bsrungs pas sems can de sdug bsngal spang nas bde ba thob par 'gyur/ bsod nams dang ye shes kyi tshogs rnam pa gnyis yongs su rdzogs par 'gyur lags so/ /gang zhig yongs su 'dzin par 'tshal bas sngar lus bsrung ba'i sngags 'di gdon par bgyi'o/ /sngags ni 'di lta ste/ na mo bai shra ba NA ya/ </font><hr>96.103a<br><font size=+1>

ma hA rA dzA ya/ tad ya thA/ ra ra ra ra/ ku no ku no/ khu no khu no/ ru No ru No/ sa ba sa ba/ ka ra ka ra/ ma hA bi karma/ ma hA bi karma/ ma hA kA la/ ma hA rA dza/ rak+Sha rak+Sha/ bdag nyid kyi ming brjod par bya/ du mAM sarba satwA nAM tsa swA hA/ bcom ldan 'das sngags 'di 'don pas skud pa dkar po la lan bdun sngags kyis btab ste lan re mdud pa re re bor nas dpung pa la bcings na de'i don gdon mi 'tshal bar 'grub par 'gyur lags so/ /spos mang po 'di lta ste/ gu gul dang / tsan dan dang / du rus ka dang / ta ka ba ra'i pog 'di rnams cha mnyam par gcig tu bsres te sug par pog phor thogs nas pog bsregs te mchod par bgyi'o/ /khrus yongs su dag par bgyis te gos sar pa gtsang ma bgos nas khang pa dben par sngags bzlas te lha'i rgyal po rnam thos bdag g.yar drang bar bgyi lags so/ /sngags ni 'di lta ste/ na mo bai shra ba NA ya/ ma hA dA na dA ya/ tsaN+De shwa rA ya/ A kaR+Sha/ a pa ra mi ta tsaN+De shwa ra pa ra ma kA ru Ni ka sarba sa twA hi da tsin+tA/ bdag gi ming brjod/ ma ma dA na bar+d+ho/ pa ra ye shwa/ swa ya~M A kaR+Sha ya swA hA/ sngags 'di lan bdun tshang bar bzlas na de'i rjes la sngags kyi snying po gdon par bgyi'o/ /sngags 'don pa'i tshe sngar dkon mchog gsum la gus par phyag bgyis nas lha'i dbang po rnam thos kyi ming nas 'don par bgyid na nor rdzas rnams stsol cing sems can rnams ci dang ci smon pa thams cad yongs su rdzogs par bgyis nas bde ba stsol bar bgyid do/ /de ltar phyag bgyis nas de'i rjes la rgyal po rnam thos kyi yid bzhin gyi nor bu rin po che'i sngags kyi snying po 'don par bgyid na yid bzhin gyi bde ba stsol bar bgyid do/ /de nas lha'i rgyal po rnam thos kyis bcom ldan 'das kyi spyan sngar yid bzhin gyi nor bu rin po che'i sngags kyi snying po</font><hr>96.103b<br><font size=+1>

smras pa/ na mo rad na tra yA ya/ na mo bai shra ba NA ya/ ma hA rA dzA ya/ tad+ya thA/ si mi si mi/ su mu su mu/ tsaN+Da tsaN+Da/ tsa ra tsa ra/ sa ra sa ra/ ka ra ka ra/ ki li ki li/ ku ru ku ru/ mu ru mu ru/ tsu ru tsu ru/ san+d+hA ya/ At+ma nAM nid t+yan an+tar+d+hA tu swA hA/ na mo bai shra ba NA ya swA hA/ d+ha na dA ye swA hA/ na mo ra tha pa ri pU ra ya swA hA/ sngags 'don pa'i tshe sngar lan stong tshang bar bzlas nas/ de'i rjes la khang pa gtsang ma dag tu ba lang gi lci bas dog sa la zhal zhal bgyis te dkyil 'khor chung ngu zhig bgyis nas zas ci 'byor pas sems rtse gcig tu mchod par bgyi'o/ /rtag par pog spos dam pa bsregs nas dud pa rgyun mi 'chad par bgyi'o/ /sngags kyi snying po snga ma gdugs mtshan du sems dran pa nye bar gzhag nas bdag nyid kyis thos pa tsam du zlos shing gzhan gyis rig par mi bgyid na de'i tshe rnam thos kyi bu sha na shi zhes bgyi ba gzhon nu'i gzugs nye bar bstan te drung du mchis nas 'di skad du ci'i phyir bdag gi pha 'bod ces 'dri bar 'gyur bas lan du 'di skad ces bdag dkon mchog gsum mchod pa'i don du nor 'tshal na de bzhin du stsal bar gsol zhes smra bar bgyi'o/ /de'i tshe sha ni shi tshig de thos pa dang slar pha'i thad du mchis nas pha la 'di skad du deng dge ba spyod pa'i mi zhig sems rtse gcig tu dkon mchog gsum mchod de/ nor gyis phongs pa'i slad du yab la gsol ba 'debs so zhes bgyis pa dang / phas khyod myur du song la nyin gcig bzhin du de la kar sha ni brgya brgya byin cig ces mchi bar 'gyur te sngags 'don pas de lta bu'i mtshan ma mthong bar gyur na don 'grub par 'gyur bar rig par bgyis nas gcig pu khang pa gtsang ma'i nang du bdug spos bsregs te mchis nyal ba'i khri'i drung du spos kyi sprog ma gcig bzhag nas rtag par nam nangs pa'i tshe sprog ma'i nang du nor ci thob</font><hr>96.104a<br><font size=+1>

pa blta bar bgyi'o/ /rtag par nor thob pa'i tshe de nyid kyi gdugs la spos dang me tog dang / zhal zas kyis dkon mchog gsum la mchod cing dbul phongs pa rnams la stsal nas bas par bgyi'o/ /bsris te bzhag par mi bgyi'o/ /sems can rnams la byams pa dang snying rje'i bsam pa bskyed par bgyi/ zhe sdang dang g.yo sgyu dang / gnod sems kyi bsam pa bskyed par mi bgyi'o/ /gal te zhe sdang skyes par gyur na dngos grub kyi mthu stor bar 'gyur bas rtag par sems bsrungs te zhe sdang bskyed par mi bgyi'o/ /gzhan yang sngags 'dzin pas rtag par lha'i rgyal po rnam thos bdag dang bu dang bu mo dang 'khor rnams rjes su dran par bgyis te bsngags pa brjod na rtag par dge ba bcu po dag gis bstangs te/ lha de dag bsod nams kyi mthu 'phel zhing rgyas pa dang / dge ba mang po kun du 'phel nas byang chub mngon par rtogs par 'gyur bar bgyid na/ lha mang po de dag gis dngos po de lta bu mthong ba dang thams cad rab tu dga' bas lhan cig tu nye bar mchis te/ sngags 'don pa'i gang zag de la yongs su bsrung bar bgyi'o/ /gzhan yang sngags 'dzin pa de tshe ring zhing lo tshad ma mchis pa snyed du gnas par 'gyur/ ngan song gsum dang rtag tu bral zhing rtag par gnod pa ma mchis par 'gyur/ yid bzhin gyi nor bu rin po che dang gter rnams 'thob par 'gyur/ mngon par shes pa dang / dbang phyug dang / smon pa thams cad mngon par 'grub par 'gyur/ gal te blon thabs 'tshal na yang yid bzhin du 'grub par 'gyur/ gcan zan thams cad kyi skad kyang 'tshal bar 'gyur lags so/ /bcom ldan 'das gal te sngags 'don pa'i tshe bdag gi lus mngon du ston par mthong bar 'tshal na tshes brgyad dam bcwa lnga'i gdugs la ras dkar po la sangs rgyas kyi sku gzugs shig sbyin dang tshon sna tshogs</font><hr>96.104b<br><font size=+1>

kyis brgyan pa bri bar bgyi'o/ /sku gzugs 'dri ba'i ri mo mkhan de yang bslab pa'i gnas brgyad yang dag par blang bar bgyi'o/ /sangs rgyas kyi g.yon phyogs su dpal gyi lha mo'i gzugs bri bar bgyi'o/ /sangs rgyas kyi g.yas phyogs su rgyal po rnam thos bdag dang / bu dang / bu mo dang / 'khor rnams kyi gzugs bris nas mchis pa'i stan legs par bshams te me tog sna tshogs bkram nas spos mchog dam pa bsregs te gdugs mtshan rgyun chad pa ma mchis par mar me sbar bar bgyi'o/ /bza' ba dang btung ba mchog dam pa sna tshogs kyis gus pa'i sems bskyed de dus gsum du mchod pa bgyis nas sngags gdon par bgyi'o/ /brnyas pa'i sems bskyed par mi bgyi'o/ /bdag g.yar 'dren pa'i tshe sngags 'di gdon par bgyi'o/ /na mo shri ri kaN+Tha ya/ bud d+hA ya/ na mo bai shra ba NA ya/ yak+Sha rA dzA ya/ ma hA rA dzA ya/ A ti rA dzA ya/ na maHshrI ma hA de bi ye/ tad+ya thA/ ta ra ta ra/ tu ru tu ru/ ba ra ba ra/ su shud+ho su shud+ho/ ha na ha na/ ma Ni ka na ka /badzra bai dUr+ya/ muka ti kA lang kr-i ta/ sha rI rA ya/ sarba sa twA hi ta kA ma/ bai shra ba Na/ shrI ya de bi pra b+hA ya/ e hi e hi/ ma bi lam+ba/ g+'ur+Na g+'ur+Na/ pa ra s+ya/ pa ra s+ya/ da da hi ma ma a mu ka nA ma s+ya/ dar+sha na kA ma s+ya da ri sha NaM/ ma ma man pra la ha da ya swA hA/ bcom ldan 'das bdag gis sngags 'don pa'i mi de dang / gzhan yang de lta bu'i mchod pa rgyas par bgyis mthong bar gyur na byams shing sdug pa dang / rab tu dga' ba'i sems bskyed nas bdag byis pa gzhon nu'i gzugs sam/ rgan po 'am/ dge slong gi gzugs su lus bsgyur nas sug pa na yid bzhin gyi nor bu rin po che</font><hr>96.105a<br><font size=+1>

dang gser gyi snod thogs te/ dkyil 'khor gyi nang du zhugs te lus kyi gus pa bstan te/ sangs rgyas kyi mtshan nas brjod de sngags 'don pa de la khyod kyis bsam pa bzhin du smon pa rnams 'grub par bya'o zhes mchi bar 'gyur lags so/ /nags tshal gyi nang du mi snang bar 'tshal lam/ rin po che mngon par 'grub par bgyid pa dang / skye bo mang po kun gyi snying du sdug cing bkur bar 'tshal lam/ gser dang dngul la sogs pa'i nor rnams yongs su gnyer bar 'tshal lam/ sngags kyi dngos grub 'grub par 'tshal lam/ mngon par shes pa dang / tshe shin du ring ba dang / longs spyod mchog dam pa yongs su gnyer bar 'tshal na yang bsam pa bzhin du mi 'grub pa gang yang ma mchis par 'gyur lags so/ /deng bdag gis re shig dngos po 'di tsam zhig bstan pa lags te/ gal te yang gzhan dag yongs su gnyer bar bgyid na yang thams cad ji ltar smon pa bzhin du mngon par 'grub cing rin po che'i gter bas pa ma mchis pa dang / yon tan mthar thug pa ma mchis pa yang mngon par 'grub par 'gyur lags so/ /gal te nyi ma dang zla ba dog sa la ltung bar 'gyur yang srid/ sa chen po res 'ga' gzhan du 'gyur yang srid kyi bdag gi bden pa'i tshig 'di ni nam yang chab 'tshal bar mi 'gyur bas rtag par yid bzhin gyi bde ba 'thob par 'gyur lags so/ /bcom ldan 'das gang la la zhig gis mdo sde'i rgyal po 'di len pa dang 'dzin pa dang klog pa dang / kha don du 'don pa des sngags 'di 'don par bgyid na/ ngal ba ma mchis par cho ga rnams myur du 'grub par 'gyur lags so/ /bcom ldan</font><hr>96.105b<br><font size=+1>

'das deng bdag gis dbul phongs pa dang / sdug bsngal gyi gnod par 'gyur ba'i sems can de dag gi ched du sngags 'di bstan pas phan yon chen po thob nas thams cad phyug cing skyid pa dang rang dbang dang ldan zhing gnod pa ma mchis pa 'thob par 'gyur lags so/ /bdag gis nam 'tsho'i bar du gang zag de'i rjes su 'brangs nas yongs su bsrungs te/ gnod pa rnams yongs su sel bar bgyid do/ /gzhan yang gser 'od dam pa mchog tu rnam par rgyal ba mdo sde'i rgyal po 'di yongs su bzung nas spel bar bgyid pa dang / sngags 'don pa'i gang zag de la gom pa brgya tshun chad du 'od kyis kun du gsal bar bgyid lags so/ /bdag gis gnod sbyin brgya stong ji snyed mchis pa yang rtag par rim gro bgyid cing ji ltar mos pa bzhin du g.yog bgyis pas yid bzhin du mi 'grub pa gang yang ma mchis lags so/ /bdag gis bden tshig smra ba la mi mad pa ma mchis par ni bcom ldan 'das nyag gcig dpang du gyur cing mkhyen par gyur pa lags so/ /de'i tshe lha'i rgyal po rnam thos kyis sngags 'di smras pa dang / bcom ldan 'das kyis bka' stsal pa/ rgyal po chen po khyod kyis sems can thams cad kyi dbul phongs pa'i sdug bsngal gyi dra ba dral nas bde ba 'thob par bya ba dang / mdo sde 'di 'jig rten du rgya cher spel ba'i phyir rig sngags 'di bshad pa legs so legs so/ /de nas rgyal po chen po bzhi po gcig ltar stan las langs te/ bla gos phrag pa gcig la gzar nas bcom ldan 'das kyi zhabs gnyis la mgo bos phyag byas te/ pus mo g.yas pa'i lha nga sa la btsugs nas gus pas thal mo sbyar te/ tshigs su bcad pa gya nom pa dag gis bcom ldan</font><hr>96.106a<br><font size=+1>

'das kyi yon tan la mngon par bstod pa/ bcom ldan zhal ni zla gtsang nya 'dra zhing / /nyi ma stong gis 'od zer bkye dang mtshungs/ /spyan ni dag yangs pad ma sngon po 'dra/ /tshems dkar gtams pa dper na dung dang mtshungs/ /bcom ldan yon tan mtha' med rgya mtsho 'dra/ /rin chen gya nom tshad med de na bsags/ /mkhyen pa'i yon tan chab kyis rtag rgyas shing / /ting 'dzin dam pa brgya stong rab tu gang / /zhabs 'thil 'khor lo'i mtshan ni thams cad mdzes/ /lte ba mu khyud rtsibs stong kun rab mnyam/ /phyag dang zhabs kyi dra bas kun brgyan pas/ /ngang pa'i rgyal bzhin mtshan ni phun sum tshogs/ /bcom ldan sku 'od gser gyi ri bo 'dra/ /rnam dag khyad 'phags dpe zla yod ma mchis/ /ri rab bzhin du yon tan kun rgyas pas/ /bcom ldan ri rgyal khyod la bdag phyag 'tshal/ /mtshan dang dpe byad mkha' bzhin dpag mi rig /zla ba stong bas lhag par 'od zer bkye/ /smig rgyu sgyu ltar bsam gyis mi khyab pas/ /thugs zhen mi mnga' khyod la bdag phyag 'tshal/ /de'i tshe rgyal po chen po bzhi po dag gis bcom ldan 'das la mngon par bstod pa dang / bcom ldan 'das kyis kyang tshigs su bcad de bka' stsal pa/ gser 'od dam pa'i mdo sde mchog 'di ni/ /bla med stobs bcu dag gis rab tu gsungs/ /khyed cag rgyal po bzhi yis rab srungs la/ /rab dga' nur ba med pa'i sems skyed cig /mdo sde'i rin chen gya nom zab mo 'di/ /sems can thams cad bde ba sbyin par byed/ /sems can de dag bde bar gyur pa'i phyir/ /rtag tu 'dzam gling rab tu spel bar 'gyur/ /stong chen 'jig rten khams ni 'di dag tu/ /sems can rnam pa thams cad ji snyed pa/ /yi dgas dud 'gro sems can dmyal ba yi/ /sdug bsngal 'gro ba de kun sel bar byed/ /'dzam gling 'di na gnas pa'i</font><hr>96.106b<br><font size=+1>

rgyal po dang / /gzhan yang sems can rnam pa thams cad kun/ /mdo sde'i mthu yis rtag tu rab dga' zhing / /nad mang sdug bsngal bsal bas chom kun med/ /yul der mdo sde rgya cher spel ba'i phyir/ /rab bde lo legs mi mthun gnod pa med/ /gang zhig mdo sde'i rgyal po 'di mnyan nas/ /cho rigs btsun zhing don ni gnyer ba dang / /yul na lo legs rtsod pa med 'dod na/ /sems la bsams bzhin thams cad 'grub par 'gyur/ /pha rol dgra rnams phyir ni zlog byed cing / /rang gi yul khams rtag tu bde bar 'gyur/ /mdo sde'i rgyal po dam pa 'di yi mthus/ /sdug bsngal mang spong mya ngan 'jigs pa med/ /rin chen shing rgyal khyim na gang gnas pa/ /bde ba'i yo byad thams cad skyed pa ltar/ /mdo sde'i rgyal po dam pa'ang de bzhin te/ /mi rgyal dag la yon tan mchog sbyin byed/ /dper na rab dang chu ni grang mo yis/ /skom pa'i gdung ba rnams ni sel ba ltar/ /mdo sde'i rgyal po dam pa'ang de bzhin te/ /bsod nams mos pa'i sems ni yongs rdzogs byed/ /mi zhig gya nom rin chen gzeb bdog na/ /longs spyod sems la bsams bzhin 'byor pa ltar/ /mdo sde'i rgyal po dam pa'ang de bzhin te/ /bsod nams bsams bzhin 'grub pas rgud pa med/ /lha yi bdag po khyed dang lha tshogs kyis/ /mdo sde'i rgyal po 'di la mchod pa gyis/ /gal te bstan bzhin mdo sde 'dzin byed na/ /shes rab gzi byin thams cad phun tshogs 'gyur/ /da ltar phyogs bcu bzhugs pa'i sangs rgyas kun/ /mdo sde'i rgyal po 'di ni gsung dgongs pas/ /klog 'don 'dzin pa dag ni gzigs gyur na/ /legs so ngo mtshar che zhes bsngags par 'gyur/ /gang zhig mdo sde 'di ni nyan byed na/ /lus dang sems ni dga'</font><hr>96.107a<br><font size=+1>

rangs mgu ba skye/ /rtag par gnod sbyin brgya phrag mang po yis/ /gang du gnas pa der ni de srung byed/ /'jig rten khams 'di'i lha ni mang po rnams/ /de yi grangs ni tshad med bsam mi khyab/ /thams cad mdo sde'i dbang po 'di nyan pas/ /rab dga' bsrung byed nur ba ci yang med/ /gang zhig mdo sde'i rgyal po 'di mnyan na/ /mthu che rab dga' rtag par dbang dang ldan/ /mi yi 'khor mang thams cad phan 'dogs pas/ /gnod pa rab spong snang ba 'phel bar byed/ /de nas rgyal po chen po bzhi po dag gis tshigs su bcad pa 'di dag thos nas/ dga' mgu rangs par gyur pas bcom ldan 'das la 'di skad ces gsol to/ /bcom ldan 'das bdag cag gis ni sngon chad nam yang mdo sde zab mo shin du gya nom pa 'di lta bu ma thos so zhes rab tu dga' ba'i shugs kyis mchi ma blags te ngus nas lus kyi yan lag 'dar zhing g.yo bar gyur te/ ngo mtshar rmad du byung ba'i dngos po bsam gyis mi khyab pa mngon du gyur pas lha'i me tog man dA ra ba dang / man dA ra ba chen po dag gis bcom ldan 'das la mngon par gtor te/ khyad par du 'phags pa'i mchod pa byas nas yang bcom ldan 'das la 'di skad ces gsol to/ /bcom ldan 'das bdag cag rgyal po chen po bzhi la so so nas gnod sbyin gyi 'khor lnga brgya lnga brgya mchis pas rtag par gnas de dang de dag tu mdo sde 'di dang / chos smra ba de dag la yongs su bsrung zhing yongs su skyob par byed pas ye shes kyi snang bas yongs su skyob par bgyid do/ /gal te mdo sde 'di'i tshig dang / don bskyud pa zhig mchis na yang bdag cag gis de dag rjes su dran zhing mi bskyud par bgyi ba'i slad du gzungs kyi sgo shin du khyad par du 'phags pa stsal nas yongs su rdzogs par bgyid do/ /gzhan yang mdo sde'i rgyal po mchog dam pa 'di gang du gnas pa der sems can rnams</font><hr>96.107b<br><font size=+1>

la rgya cher spel zhing myur du nub par mi 'gyur bar bgyid lags so/ /de'i tshe bcom ldan 'das kyis 'khor mang po'i nang du chos 'di bstan pa na sems can tshad med pa snyed shes rab chen po'i spobs pa thob nas bsod nams kyi phung po tshad med pa snyed yongs su bsdus te mya ngan gyi gnod pa dang bral nas rab tu dga' ba'i sems thob par gyur pas bstan bcos sna tshogs la rab tu mkhas pa dang / nges par 'byung ba'i lam thob nas phyir mi ldog par gyur pas myur du byang chub mngon par rtogs par gyur to/ /gser 'od dam pa mchog tu rnam par rgyal ba mdo sde'i rgyal po las rgyal po chen po bzhi po dag gis yul bsrung ba'i le'u ste bcu gnyis pa'o// // gser 'od dam pa mchog tu rnam par rgyal ba mdo sde'i rgyal po/ bam po bdun pa/ de nas bcom ldan 'das kyis tshe dang ldan pa shA ri'i bu la bka' stsal pa/ shA ri'i bu chos kyi rnam grangs mngon par zhen pa med pa'i gzungs shes bya ba yod de/ de ni byang chub sems dpa' rnams kyis mngon par bsgrub par bya ba'i chos/ 'das pa'i byang chub sems dpa' rnams kyis yongs su bzung ba/ byang chub sems dpa' rnams kyi mar gyur pa yin no zhes bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das gzungs shes bgyi ba gang gi tshig dang don zhig lags/ bcom ldan 'das gzungs shes bgyi ba ni phyogs dang gnas ma lags pa/ phyogs dang gnas ma lags pa yang ma lags so zhes de skad ces gsol pa dang / bcom ldan 'das kyi tshe dang ldan pa shA ri ri bu</font><hr>96.108a<br><font size=+1>

la bka' stsal pa/ shA ri'i bu khyod theg pa chen po la yang dag par gzhol zhing / theg pa chen po la mngon par yid ches nas/ theg pa chen po la bla mar byas pa legs so legs so/ /khyod kyis ji skad smras pa bzhin du gzungs shes bya ba ni phyogs dang gnas yod pa yang ma yin/ phyogs dang gnas med pa yang ma yin/ chos kyang ma yin/ chos ma yin pa yang ma yin/ 'das pa yang ma yin/ ma 'ongs pa yang ma yin/ da ltar byung ba yang ma yin/ dngos po yang ma yin/ dngos po ma yin pa yang ma yin/ rkyen yang ma yin/ rkyen ma yin pa yang ma yin/ 'du byed kyang ma yin/ 'du byed ma yin pa yang ma yin/ chos skye bar 'gyur ba yang med/ chos 'gag par 'gyur ba yang med mod kyi/ 'on kyang byang chub sems dpa' rnams la phan gdags pa'i phyir de skad du bstan pa yin te gzungs 'di'i yon tan gyi nus pa dang yang dag pa'i lam gyi tshul dang mthu stobs rnam par gzhag pa gang yin pa de ni sangs rgyas rnams kyi yon tan dang / sangs rgyas rnams kyi tshul khrims dang / sangs rgyas rnams kyi bslab pa dang / sangs rgyas rnams kyi gsang ba'i dgongs pa dang / sangs rgyas rnams kyi skye ba'i 'byung gnas yin pa'i phyir mngon par zhen pa med pa'i gzungs mchog tu gya nom pa'i chos kyi rnam grangs shes bya'o/ /de skad ces bka' stsal pa dang / bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das bde bar gshegs pas bdag la gzungs 'di'i cho ga gang lags pa bkas bshad du gsol/ gal te byang chub sems dpa' rnams kyis 'di la gnas par gyur na bla na ma mchis pa'i byang chub las ldog par mi 'gyur zhing yang dag pa'i smon lam yongs</font><hr>96.108b<br><font size=+1>

su rdzogs nas gnas ma mchis pa dang / rang bzhin gyi spobs pa 'thob par 'gyur ba dang / ngo mtshar rmad du byung ba'i dngos po thob nas 'phags pa'i lam la gnas par 'gyur ba 'di dag thams cad kyang gzungs 'di thob par 'gyur ba'i slad du'o/ /bcom ldan 'das kyis bka' stsal pa/ shA ri'i bu legs so legs so/ /de de bzhin no/ /de de bzhin te/ khyod kyis ji skad smras pa bzhin du byang chub sems dpa' gang la la zhig gis gzungs 'di thob par gyur na/ gang zag de ni sangs rgyas dang tha dad pa med par rig par bya'o/ /gang la la zhig gis byang chub sems dpa' de la mchod cing bkur sti byed pa dang / bla mar byed cing yo byad sbyin par byed na de ni sangs rgyas rnams la mchod pa byas pa yin par rig par bya'o/ /shA ri'i bu gang zag gzhan gang la la zhig gzungs 'di thos nas len pa dang / 'dzin pa dang / klog pa dang kha ton du 'don pa dang / mngon par yid ches par gyur pa de la 'di ltar sangs rgyas dang tha dad pa med par bkur sti byas nas mchod cing rim gro byas na rgyu dang rkyen des bla na med pa'i 'bras bu thob par 'gyur ro/ /de nas bcom ldan 'das kyis gzungs sngags bka' stsal pa/ tad ya thA/ san d+ha ra Ni/ uta d+ha ra NaM/ su sam pra tiSh+Thi ta/ su nA ma/ su pra tiSh+Thi ta/ bi dza ya ba la/ sad t+ya pra ti dz+nyA/ su a ro ha/ dz+hA na ba ti/ ut+pA da nI/ a ba nA ba nI/ a b+hi Shiny+tsa ni/ a b+hi ba yA hA ra/ shu b+ha ba ti/ su niHshri ta/ ba hu guM b+ha/ a b+hi bA da swA hA/ bcom ldan 'das kyis bka' stsal pa/ shA ri'i bu mngon par zhen pa med pa'i gzungs kyi tshig 'di la byang chub sems dpa' gang la la zhig rab tu gnas nas yang dag par 'dzin par byed na/ gang zag de ni</font><hr>96.109a<br><font size=+1>

bskal pa gcig gam/ bskal pa brgya 'am/ bskal pa stong ngam/ bskal pa brgya stong gi bar du yang dag pa'i smon lam bskyed pa mthar thug pa med cing ral gri dang / dbyug pa dang dug dang chu dang me dang gcan zan ma rungs pa rnams kyis de'i lus la gnod par byed mi nus par rig par bya'o/ /de ci'i phyir zhe na/ shA ri'i bu mngon par zhen pa med pa'i gzungs 'di ni 'das pa'i sangs rgyas rnams kyi yum dang / ma byon pa'i sangs rgyas rnams kyi yum dang / da ltar bzhugs pa'i sangs rgyas rnams kyi yum yin pas so/ /shA ri'i bu gang la la zhig gis grangs med pa bcu'i stong gsum gyi stong chen po'i 'jig rten gyi khams rin po che sna bdun gyis yongs su bkang ste de bzhin gshegs pa la phul nas bskal pa grangs med pa'i bar du na bza' dang / zhal zas mchog dam pa rnam pa sna tshogs kyi mchod pa byas pa bas gang la la zhig gis gzungs 'di la tha na tshig gcig tsam yang dag par bzung ba las las byung ba'i bsod nams gang yin pa de ches rab tu mang ngo / /de ci'i phyir zhe na/ shA ri'i bu mngon par zhen pa med pa'i gzungs shin du zab pa'i chos kyi rnam grangs 'di ni de bzhin gshegs pa rnams kyi yum yin pa'i phyir ro/ /de'i tshe tshe dang ldan pa shA ri'i bu dang / 'khor mang po rnams la de skad ces bka' stsal pa thos nas thams cad rab tu dga' bar gyur pas thams cad kyis yongs su 'dzin par mos par gyur to/ /gser 'od dam pa mchog tu rnam par rgyal ba mdo sde'i rgyal po las mngon par zhen pa med pa'i gzungs kyi le'u ste bcu gsum pa'o// // de nas bcom ldan 'das kyis 'khor mang po'i nang du tshe dang ldan pa kun dga' bo la bka' stsal pa/ khyod kyis 'di ltar shes par bya ste/ yid bzhin</font><hr>96.109b<br><font size=+1>

gyi nor bu rin po che zhes bya ba'i gzungs gnod pa thams cad ring du spong ba 'brug dang glog ma rungs pa thams cad 'gog cing 'jil bar byed pa yod de/ de ni 'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis gsungs pa yin pas ngas kyang deng mdo sde 'di lha dang mi rnams la phan pa dang / 'jig rten la brtse ba dang / thams cad yongs su bsrungs nas bde ba 'thob par bya ba'i phyir 'khor mang po khyed la yang dag par bstan par bya'o/ /de nas 'khor mang po dang / tshe dang ldan pa kun dga' bos bcom ldan 'das kyis de skad ces bka' stsal pa thos pa dang / so so nas sems rtse gcig tu bcom ldan 'das kyi zhal du bltas nas rig sngags mnyan par gyur to/ /bcom ldan 'das kyis bka' stsal pa/ khyed cag legs par nyon cig 'di nas shar phyogs na glog 'od snang ba'i rgyal po a ga da zhes bya ba dang / lho phyogs na glog 'od snang ba'i rgyal po sha te ru zhes bya ba dang / nub phyogs na glog 'od snang ba'i rgyal po tsu te kwang zhes bya ba dang / byang phyogs na glog 'od snang ba'i rgyal po su ta ma ni zhes bya ba yod de/ rigs kyi bu 'am rigs kyi bu mo gang la la zhig glog gi rgyal po 'di dag gi ming thos shing phyogs shes par gyur na/ gang zag de 'jigs shing skrag pa'i dngos po thams cad dang bral bar 'gyur zhing blo bur gyi gnod pa thams cad rab tu zhi bar 'gyur ro/ /gal te gang du gnas pa'i gnas der phyogs bzhi'i glog gi rgyal po 'di dag gi ming yi ger bris par gyur na gang du gnas pa'i gnas de dag tu 'brug dang glog gis 'jigs pa med cing gdon bgegs dang gnod pa'i sgrib pa med par 'gyur/ dus ma yin par blo bur du 'chi</font><hr>96.110a<br><font size=+1>

ba thams cad thag ring du spong bar 'gyur ro/ /de nas bcom ldan 'das kyis gzungs sngags bka' stsal pa/ tad+ya thA/ ni me ni me ni min+d+ha re in dre s+t+rai lo ka / lo ka ni/ shi ri sho la ba ti/ ha rak+Sha ha rak+Sha/ bdag ming 'di zhes bya ba'i gnas 'dir 'jigs shing skrag pa thams cad dang / sdug bsngal thams cad kyis 'tshe ba dang 'brug dang glog dang thog 'bab pa dang blo bur du 'chi bar 'gyur ba ji snyed pa thams cad dang bral bar gyur cig swA hA/ de nas byang chub sems dpa' sems dpa' chen po spyan ras gzigs kyi dbang phyug 'khor mang po'i nang du 'dug pa'i stan las langs te/ bla gos phrag pa gcig la gzar nas gus pas thal mo sbyar te/ bcom ldan 'das la 'di skad ces gsol to/ /bcom ldan 'das bdag kyang deng lha dang mi rnams la sman par bgyi ba dang / 'jig rten la brtse ba dang / thams cad yongs su bsrungs nas bde ba 'thob par bgyi ba dang / mthu chen po'i stobs dang ldan zhing smon pa rnams yid bzhin du 'grub par bgyi ba'i slad du bcom ldan 'das kyi spyan sngar yid bzhin gyi nor bu rin po che'i gzungs gang lags pa mdo tsam zhig bstan par bgyi'o/ /de nas gzungs sngags smras pa/ tad+ya thA/ ka Te/ bi ka Te/ ni ka Te/ pra t+yar+thi ke /pra t+ya n+yi te/ shud d+he/ mu ke ta/ bi ma le/ pra b+hA swa re/ aN+Da re/ paN+Da re/ shwe te/ paN+Da ra bA si ni/ ha ri kaN+Da ri/ ping ga la/ a k+Shi da hI mu khi rak+Sha rak+Sha/ bdag ming 'di zhes bgyi ba'i gnas 'dir 'jigs shing skrag pa thams cad dang / sdug bsngal gyis 'tshe ba nas blo bur du 'chi ba'i bar thams cad bral bar gyur cig /bdag gis sdig pa'i dngos po</font><hr>96.110b<br><font size=+1>

ngan pa thams cad mi mthong zhing rtag par byang chub sems dpa' 'phags pa spyan ras gzigs dbang phyug gi thugs rje chen po'i byin gyi brlabs kyis dgongs shing yongs su bsrung bar gyur cig swA hA/ de nas byang chub sems dpa' lag na rdo rje gsang ba'i bdag po stan las langs te gus pas thal mo sbyar nas bcom ldan 'das la 'di skad ces gsol to/ /bcom ldan 'das bdag cag kyang deng lha dang mi rnams la sman pa cher bgyi ba dang 'jig rten la brtse ba dang thams cad yongs su bsrungs nas gzi byin chen po'i mthu dang ldan pa dang / smon pa rnams yid bzhin du 'grub par bgyi ba'i ched du mi pham pa zhes bgyi ba'i gzungs bshad par bgyi'o/ /de nas gzungs sngags smras pa/ tad+ya thA/ mu ni mu ni mu ni/ ri re mu ne/ ma ti ma ti su ma ti/ ma hA ma ti/ hA hA hA hA ma b+ha yan ti ti ba b+ha/ badzra pA Ni a ha drab bi Da swA hA/ bcom ldan 'das bdag gis gzungs sngags 'di ni mi pham par bsrung ba zhes bgyi ste/ skyes pa 'am bud med gang la la zhig sems rtse gcig tu yang dag par bzung ste yi ger 'dri ba dang / klog pa dang / 'don pa dang mi bskyud cing rjes su dran par bgyid na bdag gdugs mtshan du de la yongs su bsrung bar bgyid pas 'jigs shing skrag pa thams cad nas blo bur du 'chi ba thams cad thag ring du spong bar 'gyur lags so/ /de nas mi 'jed kyi 'jig rten gyi khams kyi bdag po tshangs pa chen po stan las langs te/ gus pas thal mo sbyar nas bcom ldan 'das la 'di skad ces gsol to/ /bcom ldan 'das bdag la yang shin du gya nom pa'i chos kyi rnam grangs kyi gzungs lha dang mi rnams la rgya cher phan 'dogs pa/ 'jig rten la rab tu 'tshe ba thams cad yongs su bsrung bar bgyid pa/ gzi byin chen po'i mthu dang ldan pa/ smon pa rnams yid bzhin du 'grub par bgyid pa mchis te/ gzungs</font><hr>96.111a<br><font size=+1>

sngags de bshad par bgyi'o/ /tad+ya thA/ hi li mi li/ tsi li swA hA/ brah+ma pu re swA hA/ brah+ma swa re swA hA/ brah+ma b+hi su gar+b+he/ puSh+pa san+ta re swA hA/ bcom ldan 'das bdag gi gzungs 'di ni tshangs pa'i chad pas bcad pa zhes bgyi ste gzungs 'di 'dzin pa dag la yongs su bsrung bar bgyid pas mya ngan gyis gnod pa dang / sdig pa'i las rnams thag ring du spong zhing blo bur du 'chi ba'i bar thams cad kyang yongs su spong bar bgyid do/ /de nas brgya byin lha'i dbang po stan las langs te gus pas thal mo sbyar nas bcom ldan 'das la 'di skad bces gsol sto/ /bcom ldan 'das bdag la yang badzra sha ni zhes bgyi ba'i gzungs rig sngags chen mo 'jigs shing skrag pa dang / gdon bgegs thams cad rab tu sel ba/ blo bur du 'chi ba'i bar thams cad thag ring du spong ba/ sdug bsngal las drangs nas bde ba stsol ba lha dang mi rnams la sman par bgyid pa mchis te gzungs de bshad par bgyi'o/ /tad+ya thA/ ni ba rA Ni/ ban d+ha mA d+hani ti/ ma ti ti ta ti/ gau rI gan d+ha ri/ tsaN DA li/ mA tang gi/ puk+ka si/ pa ra Na le hi na ma d+h+ya ma d+ha ri Ni/ ma la ni/ da la ma da de/ tsa tra bA krI/ sha ba ri sha ba ri/ swA hA/ de nas lha'i rgyal po rnam thos dang / lha'i rgyal po yul 'khor bsrung dang / lha'i rgyal po 'phags skyes po dang / lha'i rgyal po mig mi bzang cig car stan las langs te gus pas thal mo sbyar nas bcom ldan 'das la 'di skad ces gsol to/ /bcom ldan 'das bdag la yang sems can thams cad la mi 'jigs pa sbyin pa zhes bgyi ba'i gzungs sdug bsngal gyis nyon mongs pa las rtag par yongs su bskyabs nas bde ba thob par</font><hr>96.111b<br><font size=+1>

bgyid pa tshe 'phel bar bgyid cing nad kyi sdug bsngal ma mchis par bgyid pa blo bur du 'chi ba'i bar thams cad thag ring du spong bar bgyid pa mchis te gzungs sngags de brjod par bgyi'o/ /tad+ya thA/ puSh+pe/ su puSh+pe/ d+h+'u ma pa ri hA re/ Ar+ya pra sha ste shAn te/ nir mu ka te/ mang ga le/ stu te/ stu bi te swA hA/ de nas yang klu'i rgyal po chen po mang po 'di lta ste/ klu'i rgyal po ma na si dang / klu'i rgyal po glog 'od dang / klu'i rgyal po ma dros pa dang / klu'i rgyal po glog lce dang / klu'i rgyal po gya nom 'od la sogs pa stan las langs te gus pas thal mo sbyar nas bcom ldan 'das la 'di skad ces gsol to/ /bcom ldan 'das bdag cag la yang yid bzhin gyi nor bu rin po che zhes bgyi ba'i gzungs glog ma rungs pa 'gog par bgyid pa/ 'jigs shing skrag pa rnams rab tu sel ba/ lha dang mi rnams la rgya cher phan 'dogs pa/ 'jig rten la snying brtse ba thams cad yongs su skyob pa/ gzi byin chen po'i mthu dang ldan pa/ smon pa rnams yid bzhin du 'grub pa/ blo bur du 'chi ba'i bar thams cad thag ring du spong ba/ dug thams cad rab tu zhi bar bgyid pa/ byad stem dang sngags dang / bkra mi shis pa'i dngos po thams cad yongs su sel bar bgyid pa mchis te/ bdag cag gzungs sngags 'di bcom ldan 'das la 'bul na thugs rje thugs brtse bar dgongs te/ bdag cag klu'i 'gro ba 'di dang bral nas ser sna'i 'dod pa gtan du spang ba'i slad du bzhes su gsol/ de ci'i phyir zhe na/ ser sna'i 'dod pa 'di'i dbang gis 'khor ba na sdug bsngal mang po myong bar 'gyur bas bdag cag ser sna'i 'dod pa sa bon yongs su gcod par 'tshal</font><hr>96.112a<br><font size=+1>

lags so/ /de nas gzungs sngags smras pa/ tad+ya thA/ a tsa le/ a ma re/ a mr-i te/ a k+Sha ye/ a be ye/ pu N+ye pa ra yA ba/ sarba pA pa pra/ sa mA ni ye swA hA/ ar+Ya pu N+ya so bA ki ye swA hA/ bcom ldan 'das rigs kyi bu 'am/ rigs kyi bu mo la la zhig rig sngags 'di g.yar kha nas brjod par bgyid dam/ yi ger bris te glegs bam du bgyis nas 'chang zhing 'dzin par bgyid dam/ klog cing 'don par bgyid dam gus pas mchod par bgyid dam/ 'brug dang glog dang thog mi 'bab cing skrag pa dang 'jigs pa dang sdug bsngal gyis nyon mongs pa dang / mya ngan dang nad dang glo bur du 'chi ba'i bar thams cad thag ring du spong bar 'gyur/ dug dang byed stem dang mi la gnod pa bgyid pa'i stag dang seng ge dang spyang ki dang sbrul gdug pa rnams dang / sbrang ma dang sbrang bu mchu rings la sogs pas kyang gnod pa bgyid par mi 'gyur lags so/ /de nas bcom ldan 'das kyis 'khor mang po rnams la bka' stsal pa legs so legs so/ /gzungs sngags 'di dag thams cad mthu chen po dang ldan pas sems can gyi mos pa ji lta ba bzhin du sems la bsam pa'i dngos po rnams yongs su rdzogs par byed/ rgya cher phan 'dogs par byed do/ /sems rtse gcig tu ma byas pa ni ma gtogs so/ /khyed cag the tsom ma za shig /de nas 'khor mang po rnams bcom ldan 'das kyis de skad ces bka' stsal pa thos pa dang / rab tu dga' bas mngon par yid ches par gyur nas bka' yang dag par bzung bar gyur to/ /gser 'od dam pa mchog tu rnam par rgyal ba mdo</font><hr>96.112b<br><font size=+1>

sde'i rgyal po las yid bzhin gyi nor bu rin po che'i gzungs kyi le'u ste bcu bzhi pa'o// // de nas lha mo spobs pa chen mo 'khor mang po'i nang nas stan las langs te bcom ldan 'das kyi zhabs la mgo bos phyag byas nas bcom ldan 'das la 'di skad ces gsol to/ /bcom ldan 'das chos smra ba'i mkhan po gang la la zhig gser 'od dam pa mchog tu rnam par rgyal ba mdo sde'i rgyal po 'di yang dag par ston par bgyid na bdag gis shes rab 'phel bar bgyis nas rgyan dang ldan pa'i tshig gis spobs pa phun tshogs par bgyid do/ /gal te chos smra ba'i mkhan po de mdo sde 'di'i tshig 'bru dang yi ge dang / tshig gi don bskyud pa zhig mchis na yang thams cad rjes su dran zhing legs par khong du chud par bgyis nas gzungs kyi kun 'dzin thogs pa ma mchis pa stsal bar bgyi'o/ /gzhan yang gser 'od dam pa mchog tu rnam par rgyal ba mdo sde'i rgyal po 'di sems can gang dag sangs rgyas brgya stong du ma las dge ba'i rtsa ba bskyed nas yongs su 'dzin par bgyid pa de dag gis 'dzam bu'i gling 'dir rgya cher spel nas myur du nub par mi 'gyur zhing sems can tshad ma mchis pa snyed mdo sde 'di thos pa'i dbang gis thams cad shin du myur ba'i spobs pa dang / bas pa ma mchis pa'i shes rab chen po bsam gyis mi khyab pa thos nas bstan bcos sna tshogs dang / sgyu tsal rnams la rab tu mkhas pa dang / 'khor ba las myur du nges par byung nas bla na med pa yang dag par rdzogs pa'i byang chub mngon par rdzogs par 'tshang rgya bar bgyid do/ /tshe 'di nyid la yang tshe 'phel zhing 'tsho ba'i yo byad rnams phun sum tshogs</font><hr>96.113a<br><font size=+1>

par bgyid do/ /bcom ldan 'das bdag gis mdo sde 'dzin pa'i chos kyi mkhan po de dag dang sems can gzhan gang mdo sde 'di mnyan par mos pa de dag gi ched du sman la sngags kyis btab nas khrus bgyi ba'i cho ga bshad par 'tshal te/ des de dag la gza' ma rungs pa ltas ngan ston pa ci mchis pa dang / dang po btsas pa'i gza' skar dang / phan tshun mi mthun par gyur pa dang / nad kyi sdug bsngal dang / 'thab pa dang / rtsod pa dang / g.yul 'gyed pa dang / rmi lam ngan pa dang / gnod bgegs dang / byad stem dang / dug dang / ngan du bgyis pa dang / sngags dang / ro langs dang / 'di lta bu la sogs pa'i sdig pa rnams kyi sgrib pa dang bgegs bgyid pa thams cad yongs su bsal nas rab tu zhi bar bgyid pas blo dang ldan pa rnams kyis khrus kyi cho ga 'di ltar bgyis te/ des sman spos kyi ro dang ldan pa sum bcu rtsa gnyis po 'di lta ste/ shu dag 'gi'u wang dang ni spri ka spos/ /gla rtsi ba ba bla dag dang shi ri sha /in dra ha sta sha ma ka sha mi/ /thang chu dang ni shing tsha gla sgang dang / /a ga ru dang tsan dan ha ka ra/ /sa la ki dang gur kum ha la sa/ /na tra smig bcud su ki ma le dang / /thang shing pa tra dang ni on sha la/ /sa la ke dang spra ba gu gul dang / /yungs kar go snyod nA ga ge sa ra/ /sa rdza ra sa ru rta cha mnyam bgyi/ /skar ma rgyal la gcig tu btags nas ni/ /spos kyi phye ma de dag rab blangs te/ /sngags 'dis lan brgya rtsa brgyad gdab par bgyi/ /sngags ni 'di lta ste/ tad+ya thA/ su te/ kr-i te/ ka ma hA li/ na li/ dzA na kar te/ hang+ka ra De/ in dra dza li/ sha ka da dre/ pa shAd dre/ a brta/ ka si ke na/ ku tra ku ka /kha ke ba bi r+ye/ bi la ka bi la</font><hr>96.113b<br><font size=+1>

ma ti/ shI la ma ti/ shI la ma ti/ sin+d+ha d+hu d+hu ma ba ti/ pa pang ku/ pan tsi le/ shi ri sha ri/ sad+h+ya s+thi ti swA hA/ gal te chos bzhin khrus ni bgyid 'tshal na/ /dkyil 'khor gru bzhi khru brgyad pa bgyis nas/ /rab tu dben zhing bde ba'i gnas dag tu/ /don gang sgrub pa sems la dran par bgyi/ /ba lang lci bas dkyil 'khor byugs nas ni/ /steng du me tog kun du bkram par bgyi/ /gser dngul snod ni shin du gtsang ma dag /ro mchog 'o ma sbrang rtsis bkang ba bgyi/ /dkyil 'khor de yi sgo bzhi dag tu yang / /skyes bu bzhi zhig chos bzhin bsrung du stsal/ /gzhon nu bzhi zhig lus ni rab brgyan nas/ /so sor grwa rer chab kyi bum pa thogs/ /der ni rtag par gu gul bsregs nas ni/ /dbyangs lnga'i rol mo rgyun mi 'chad par bgyi/ /dkyil 'khor de yi ngos bzhi dag tu yang / /ba dan gdugs dang lda ldis mdzes par bgyi/ /dkyil 'khor nang du me long gsal ba dang / /ral gri rnon po mda' bzhi gzhag par bgyi/ /dkyil 'khor dbus su gzhong khung cher stsal nas/ /'dzeg pa'i shing leb de yi steng du bzhag /snga ma'i phye ma chab dang sbyar nas ni/ /dkyil 'khor de'i nang du gzhag par bgyi/ /de ltar bkram zhing rnam par gzhag nas ni/ /de nas sngags bzlas dkyil 'khor mtshams bcad bgyi/ /mtshams bcad pa yi sngags ni 'di lta ste/ /sad+ya the dan/ a ra ke /na ye ne/ hi le mi le gi le/ khi khi le swA hA/ de ltar mtshams ni rab bcad nas/ /dkyil 'khor nang du zhugs nas ni/ /nyi shu rtsa gcig chab bsngags te/ /phyogs bzhi dag tu gtor bar bgyi/ /de nas spos chab dag la ni/ /brgya rtsa brgyad tshang sngags btab ste/ /</font><hr>96.114a<br><font size=+1>

ngos bzhir yol bas bskor nas ni/ /de 'og lus ni bkru bar bgyi/ /chab dang spos chab la gdab pa'i sngags ni 'di lta ste/ tad+ya thA/ sa ga De bi ga De/ bi ga tA ba ti swA hA/ khrus bgyis lags nas khrus bgyis pa'i chab dang / dkyil 'khor gyi nang du mchod par bgyis pa'i bza' ba dang / btung ba ci mchis pa gtsang po 'am/ rdzing gi nang du dor bar bgyi zhing gzhan ni bsdu bar bgyi'o/ /de ltar khrus bgyis lags nas gos gtsang ma bgos te/ dkyil 'khor nas phyir byung nas khang pa gtsang ma'i nang du zhugs te/ sngags mkhan gyis de dag yi dam rgya chen po blang du stsal nas sdig pa sna tshogs gtan du bcad cing dge ba sna tshogs rtag par spyad nas sems can rnams la snying rje chen po bskyed par bgyi ste rgyu dang rkyen des na yid bzhin gyi bsod nams kyi rnam par smin pa tshad ma mchis pa snyed thob par 'gyur lags so/ /yang tshigs su bcad de gsol pa/ sems can gang zhig nad kyi sdug bsngal nyen/ /sman spyad sna tshogs gsol kyang ma sos pa/ /khrus kyi cho ga 'di bzhin khrus bgyis te/ /gzhan yang mdo sde 'di ni klog bton nas/ /gdugs mtshan rtag par sems ni mi g.yeng bar/ /rtse gcig gus pas dang sems bskyed bgyis nas/ /nad kyi sdug bsngal bas par zhi bar 'gyur/ /dbul phongs thar nas nor dang ldan par 'gyur/ /phyogs bzhi yi gza' skar nyi zla yi lha/ /mthu yis rab bsrungs tshe ni ring bar 'gyur/ /bkra shis rab bde bsod nams yongs su 'phel/ /ltas ngan gnod pa thams cad sel bar bgyid/ /de'i 'og tu lus bsrung ba'i sngags lan nyi shu rtsa gcig bzla bar bgyi'o/ /sngags ni 'di lta ste/ tad+ya thA/ sa me/ bi sa me swA hA/ sa ga De/ </font><hr>96.114b<br><font size=+1>

bi ga De swA hA/ sA ga ra sam bud d+hA ya swA hA/ skan d+ha ma tA ya swA hA/ nI la kaN ThA ya swA hA/ a pa rA dzi ta bi r+yA ya swA hA/ hi ma bad sam b+hu tA ya swA hA/ a ni bi la bak+tA ya swA hA/ na mo b+ha ga ba te/ brah+ma Ne swA hA/ na maHsa ra swa t+yai ma hA de bi ye swA hA/ si d+h+yan tu man dra pa tA swA hA/ d+ha ra to/ bi tsi ta/ brah+mA nu ma n+ya tu swA hA/ de nas lha mo spobs pa chen mo khrus kyi cho ga dang / dkyil 'khor gyi sngags bshad nas bcom ldan 'das kyi zhabs la phyag byas te bcom ldan 'das la 'di skad ces gsol to/ /bcom ldan 'das dge slong ngam/ dge slong ma 'am/ dge bsnyen nam/ dge bsnyen ma gang la la zhig mdo sde'i rgyal po dam pa 'di len pa dang 'dzin pa dang klog pa dang kha ton du 'don pa dang yi ger bris nas spel ba dang / ji skad bstan pa bzhin du spyod par bgyid na/ grong khyer ram/ grong rdal lam/ 'phrog dgon pa'am/ ri 'am/ nags tshal lam/ dge slong ngam/ dge slong ma'i gnas gang yang rung ba dag tu gnas kyang rung ste/ bdag de'i ched du 'khor rnams dang lhan cig lha'i 'khor mo bgyis nas de'i thad du mchis te/ yongs su skyob pa dang bsrung ba bgyis nas nad kyi sdug bsngal dang / skar mda' ltung ba dang / ltas ngan dang / rims nad dang / 'thab cing rtsod pa rnams sel bar bgyid/ rgyal po'i khrims kyis gzung ba dang / rmi lam ngan pa dang / 'dre srin ma rungs pas gnod par bgyid pa dang / byad stems thams cad rab tu zhi bar bgyis nas/ mdo sde 'dzin pa'i gang zag dge slong la sogs pa'i 'khor dang / nyan pa'i 'khor rnams myur du 'khod pa'i rgya mtsho chen</font><hr>96.115a<br><font size=+1>

po las yongs su bzlas nas byang chub las ldog par mi 'gyur bar phan 'dogs par bgyid do/ /de nas bcom ldan 'das kyis de skad ces gsol pa gsan pa dang / lha mo spobs pa chen mo la lha mo khyod kyis sems can tshad med cing mtha' med pa dag la phan pa dang / bde bar bya ba'i ched du rig sngags de dag dang / spos chus khrus bya ba dang / dkyil 'khor gyi cho ga rnam par smin pa'i 'bras bu bsam gyis mi khyab pa dang ldan pa yang dag par bshad pa legs so legs so zhes bsngags pa brjod nas khyod kyis mdo sde'i rgyal po mchog dam pa 'di bsrungs nas myur du nub par mi 'gyur zhing rtag par rgya cher gnas par 'gyur bar byos shig /de nas lha mo spobs pa chen mos bcom ldan 'das kyi zhabs la mgo bos phyag byas nas rang gi stan la 'dug par gyur to/ /de nas bram ze kau di n+yas chos kyi slob dpon gyis lung bstan pa bcom ldan 'das kyi byin gyi brlabs kyi mthus 'khor mang po'i mdun du lha mo spobs pa chen mo la mngon par bstod pa/ shes rab gsal dpa' spobs pa'i lha mo khyod/ /lha mi'i mchod pa dag gis mchod par 'os/ /grags pas 'jig rten kun du rgyas pas na/ /sems can thams cad re ba rdzogs par byed/ /ri rtse mthon po'i gnas mchog dag tu ni/ /rtsa bsdus khyim byas de na rab tu gnas/ /rgyun du rtsa 'jam mdun nas gos byas te/ /rtag par rkang pa ya gcig bkug ste bgreng / /lha 'khor mang po thams cad 'dus nas lhags/ /thams cad rtse gcig sems kyis khyod la bsngags/ /shes rab spobs pa ldan pa'i lha mo khyod/ /tshig snyan gya nom thams cad sbyin par gyis/ /de nas lha mo spobs pa chen mo des gsol ba</font><hr>96.115b<br><font size=+1>

btab pa mnyan nas gzungs sngags smras pa/ sAd+ya the dan/ mu re tsi re/ a ba dza/ a ba dza ba ti/ hing gu le/ ming gu le/ ping gu la ba ti/ maM gu she/ ma rI tsa/ swa ma ti/ da sha ma ti/ a g+h+ri ta ma g+h+ri ta ra tsi/ ta ra tsa ba ti/ tsi tsi ri/ shi rI mi ri/ man nan+d+hi/ da ma khi/ ma rI tsi/ prA na ye/ lo ka je Sh+The/ lo ka shreSh+The/ bi ra tse/ lo ka pi ye/ sid d+ha bra te/ b+hI ma mu khi/ shu tsi tsa ri/ a pra te ha te/ a pra ti ha ta bud d+hi/ na mu tsi/ na mu tsi/ ma hA de bi/ pra ti/ grI na/ na ma skar na bdag gi ming brjod/ ma ma bud d+hi/ dra sha hi bud d+hi/ a pra ti ha ta/ b+ha tu/ si b+ha me/ bi shud tsi to/ sha sh+tha sho lo ka /man tra bi d+hi ka /ka pi ya d+hi sho /tad+ya thA/ ma hA pra b+hA ba/ hi li hi li/ mi li mi li/ bi tsa ro/ bi tsa to/ bi bud d+hi/ bdag gi ming brjod/ ma ma bud d+hi bi shud d+hi/ b+ha ga bad t+ya~M/ be ba ya~M/ spa ra sa t+ya/ ka ra re/ ke y+'u re/ ke y+'ur ma ti/ hi li mi li/ a ba ya me/ ma hA de be/ bud d+ha sa t+ya na/ d+harma sa t+ya na/ saM g+h+ra sad te na/ in dra sad te na/ ba ru Na sad te na/ ye lo ke /sa t+ya sad te / te sha ma sad te na/ sad ti bad tsa ni ni/ a ba ha ya mi/ ma hA de be/ hi li mi li/ hi li mi li/ bi tsa ra to/ bdag gi ming brjod/ ma ma bud d+hi/ na mo b+ha ba ti/ ma hA de be sa ra sa ta si d+h+yan tu man tra pa dA ni swA hA/ /de nas lha mo spobs pa chen mos gzungs sngags 'di bstan nas bram ze de la 'di skad ces kye skyes bu chen po sems can rnams kyi ched du spogs pa gya nom pa dang / rin po che dang / rdzu 'phrul dang / shes rab yongs su gnyer nas thams cad la rgya cher phan btags te myur du byang chub mngon du byed par 'dod pa legs so legs so/ /de ltar shes</font><hr>96.116a<br><font size=+1>

par byas nas cho ga 'di gzung bar bya'o zhes smras nas yang tshigs su bcad de smras pa/ thog ma kho nar gzungs 'di kha ton du/ /byang zhing nor ba med par bslabs nas ni/ /byin gyis rlob cing smon pa rdzogs bya'i phyir/ /dkon mchog gsum dang lha rnams skyabs 'gro zhing / /sangs rgyas chos dang byang chub sems dpa' dang / /rang rgyal nyan thos tshogs la gus phyag byas/ /de 'og tshangs dang brgya byin lha dbang dang / /'jig rten skyong dang rgyal po chen po bzhis/ /rtag par tshangs par spyod pa thams cad la/ /rtse gcig yid kyis gus par phyag byas nas/ /dgon pa rab tu dben pa'i gnas dag tu/ /skad cher snga ma'i sngags dang cho ga gdon/ /sangs rgyas sku gzugs lha klu mdun dag tu/ /ji tsam 'byor pas mchod pa bsgrub par bya/ /sems can rnam pa de dag thams cad la/ /byams dang snying rjes brtse ba'i sems kyang bskyed/ /bcom ldan gser sku shin du gya nom mtshan/ /g.yeng ba med sems rtse gcig dran par bya/ /bcom ldan yang dag chos ston dgongs mdzad pas/ /dbang po ji bzhin ting 'dzin sgom la 'god/ /de yi tshig gi don ni legs soms la/ /stong pa nyid brten rab tu bsgom par gyis/ /bcom ldan sku gzugs dag gi spyan sngar ni/ /rtse gcig yang dag dran pas gnas byed na/ /gya nom ye shes ting nge 'dzin dag dang / /gzungs mchog dam pa dag kyang 'thob par 'gyur/ /bcom ldan gser zhal yang dag chos bstan nas/ /gya nom dbyangs kyis lha mi 'dul bar mdzad/ /ljags mtshan rkyen bzhin ngo mtshar rab ston pas/ /yangs rings stong gsum 'jig rten khyab par mdzad/ /bcom ldan gsung dbyangs gya nom de 'dra ba/ /rtse gcig dran na sems la 'jigs med 'thob/ /bcom ldan smon lam rgya chen btab pa'i dbang / /ljags</font><hr>96.116b<br><font size=+1>

mtshan bsam gyis mi khyab 'di brnyes nas/ /chos rnams yod pa ma yin gsung mdzad pas/ /dper na nam mkha' chags pa med pa 'dra/ /bcom ldan gsung dbyangs dag dang ljags mtshan rnams/ /dran pa nye gzhag gzhal byed smon rdzogs 'gyur/ /gal te lha mo spobs chen mchog mthong ngam/ /slob mas slob dpon rjes slob mthong nas ni/ /gsang ba'i cho ga 'di blangs sgom byed dam/ /bla mar byed na sems la bsams pa 'grub/ /gang zhig ye shes dam pa mchog 'dod na/ /rtse gcig sems kyis chos 'di gzung bar bya/ /bsod nams ye shes yon tan 'phel byed pas/ /nges par 'grub 'gyur the tsom yongs ma bskyed/ /nor tshol dag ni nor mang rnyed par 'gyur/ /grags pa gnyer ba grags chen thob par 'gyur/ /nges 'byung tshol ba rnam par grol 'gyur bas/ /nges par 'grub 'gyur the tsom yongs ma bskyed/ /yon tan tshad med mtha' las ji snyed pa/ /sems la bsams bzhin yongs su sdud par byed/ /gal te de ltar chos bzhin spyod nus na/ /nges par 'grub 'gyur the tsom yongs ma bskyed/ /gtsang ma'i gnas su gos sar bgos nas ni/ /dkyil 'khor che chung ci tsam nus par bya/ /bum pa gtsang ma bzhir ni ro zhim bkang / /me tog pog spos ci 'byor mchod par bya/ /lda ldi ba dan dag dang gdugs bris te/ /byug spos phye ma kun du khyab brgyan nas/ /sangs rgyas lha mo spobs chen mchod byed na/ /lha lus mthong bar 'dod na'ang smon bzhin 'grub/ /lha mo spobs chen mdun du snga ma'i sngags/ /zhag ni nyi shu rtsa gcig gdon par bya/ /gal te lha de mthong bar ma gyur na/ /rtse gcig sems kyis zhag dgu dran par byed/ /</font><hr>96.117a<br><font size=+1>

nam gyi cha smad 'on kyang ma mthong na/ /gnas gtsang dam pa gzhan dag btsal nas ni/ /lha mo spobs chen gzugs ni rab bris te/ /mchod gnas bzlas brjod sems kyis mi btang zhing / /gnyid dang le lo sems ni mi bskyed na/ /bdag dang gzhan la phan 'dogs mthar thug med/ /rnam smin gang thob skye dgu smin byed na/ /smon pa thams cad yongs su rdzogs par 'gyur/ /gal te yid bzhin ma grub zla ba gsum/ /yang na drug dang dgu dang lo gcig par/ /rab brtson gsol 'debs sems ni mi g.yo na/ /lha yi mig dang gzhan sems shes thob 'gyur/ /de nas bram ze kau di n+yas de skad ces bstan pa thos pa dang / dga' mgur rangs shing ngo mtshar du gyur pas 'khor mang po rnams 'di skad ces khyed cag lha dang mi'i 'khor mang po thams cad shes par byos la sems rtse gcig tu deng bdag gis kun rdzob kyi bden pa'i chos la brten nas lha mo spobs pa mchog dam pa de dag las bsngags pa brjod pa nyon cig ces smras nas tshigs su bcad de smras pa/ 'jig rten dag na dbang phyug thob 'gyur ba/ /lha mo mthu chen thob la gus phyag 'tshal/ /deng bdag gtso mo de la bsngags pa yang / /sngon gyi drang srong ji skad bstan pa bzhin/ /bkra shis yongs rdzogs sems ni bde bar gnas/ /sems gsal ngo tsha khrel yod grags dang ldan/ /ma ma byas te 'jig rten rab tu bskyed/ /rab dpa' rtag par brtson 'grus chen po spyod/ /thab mo'i g.yul du rtag par rgyun du rgyal/ /rab dul byams sems bzod pa gsol bar byed/ /da ltar gshin rje'i sring mo chen mor gyur/ /gos su rtag par dar tshon sngon po gyon/ /sdug dang mi sdug byad bzhin kun dang ldan/ /mig ni mthong ba thams cad rab</font><hr>96.117b<br><font size=+1>

tu dngang / /spyod mchog dam pa tshad med 'jig rten 'das/ /phyogs shing mngon dang mi kun yongs su sdud/ /res 'ga' ri brag zab mo dag na gnas/ /res 'ga' brag phug gtsang po'i 'gram na gnas/ /res 'ga' ljon shing nags tshal chen por gnas/ /lha mo phal cher de dag kun du gnas/ /ri dang nags tshal mi rgod ji snyed pa/ /rtag par lha mo la ni mchod par byed/ /rma bya'i sgros ni rgyal mtshan ba dan byed/ /dus so cog tu rtag par 'jig rten skyong / /stag dang seng ge spyang kis rgyun du bskor/ /gnag lug bya la sogs pas rten yang 'cha'/ /dril chen bsgrags nas sgra ni phyung bas na/ /bin d+ha'i ri la sgra ni kun du grags/ /res 'ga' rtse gsum tri shul thogs byed cing / /g.yas g.yon rgyun du nyi zla ru mtshon 'dzin/ /zla ba nag po'i tshes dgu bcu gcig la/ /de yi dus su rtag par mchod par bya/ /res 'ga' ba su lha chen sring mor ston/ /g.yul 'gyed mthong na rtag par snying yang brtse/ /sems can thams cad rnam par lta ba la/ /lha mo mchog tu gyur pas 'das pa med/ /res 'ga' ba rdzi'i bu mo dga' mor ston/ /lha dang 'thab tshe rtag par rgyal ba 'thob/ /'jig rten dag na yun rings gnas par byed/ /rab dul bzod dang khro gtum ston par byed/ /bram ze chen po rig pa'i chos bzhi dang / /sgyu 'phrul sngags sogs thams cad rab tu rtogs/ /drang srong nang na rang dbang dag dang ldan/ /sa bon dang ni sa chen byed par nus/ /lha mo bu mo la sogs 'dus pa'i tshe/ /rgya mtsho'i rlabs ltar nges par der yang 'du/ /klu dang gnod sbyin mang po'i tshogs kun gyi/ /gtso bor gyur pas rab tu dul bar byed/ /bud med nang na tshangs spyod mchog dang ldan/ /tshig byung dper na</font><hr>96.118a<br><font size=+1>

'jig rten bdag po 'dra/ /rgyal po'i gnas na pad ma dag dang mtshungs/ /chu bo'i 'gram na gnas tshe gru zab bzhin/ /byad bzhin sdug mdzes zla ba nya ba 'dra/ /mang thos phun tshogs gnas dang rten yang byed/ /spobs pa mchog byung ri rtse mthon po 'dra/ /dran pa thams cad kun gyi gling yang byed/ /lha ma yin la sogs te lha tshogs rnams/ /thams cad 'di yi yon tan bsngags par byed/ /mig stong brgya byin lha yi dbang pos kyang / /gus pa'i sems kyis lta zhing rab tu rtog /sems can gang zhig re zhing tshol ba yod/ /de dag thams cad myur du 'grub par byed/ /yid myur spobs dang chos 'dzin ldan byed pas/ /sa chen steng na mchog tu gyur pa yin/ /phyogs bcu'i 'jig rten khams ni 'di dag tu/ /mar me che ltar rtag par kun gsal byed/ /tha na lha 'dre gcan zan dag la yang / /de dag bsams bzhin thams cad rdzogs byed 'gyur/ /bud med rnams kyi nang na ri rtse 'dra/ /sngon gyi drang srong ji bzhin yun ring gnas/ /lha mo gzhon nu ji bzhin 'dod chags spangs/ /'jig rten bdag po ji bzhin bden tshig smra/ /'jig rten kun gyi khyad par gyun rnams dang / /'dod khams lha yi khang pa kun bltas na/ /lha mo 'ba' zhig gtso mor grags pas na/ /sems can mchog tu gyur pa yong mi snang / /gal te g.yul 'gyed 'jigs pa'i gnas dag dang / /me dong ltung ba bdag ni mthong bar gyur/ /chu bo nyam nga chom rkun 'jigs pa'i tshe/ /'jigs pa de dag thams cad sel bar nus/ /gal te rgyal po'i khrims kyis bcings bsgribs sam/ /gal te sha chags gsod par byed pa'i tshe/ /sems ni rtse gcig mi g.yo gnas gyur na/ /nges par mya ngan sdug bsngal kun las thar/ /dge sdig mi kun yongs su skyob pas na/ /</font><hr>96.118b<br><font size=+1>

byams dang snying rje'i brtse ba rtag mngon snang / /de phyir bdag ni bsam pa rtse gcig tu/ /lha mo che la phyag 'tshal skyabs su mchi/ /de nas bram ze des sngags dang / bsngags pa brjod pa'i tshig gis lha mo de la mngon par bstod pa/ 'jig rten gtso la phyag 'tshal gus phyag 'tshal/ /mi rnams nang na kun gyi mchog gyur pas/ /'jig rten gsum po thams cad khyod la mchod/ /byad bzhin rab mdzes kun gyis blta bar mos/ /yon tan rnam pa sna tshogs lus rab brgyan/ /mig yang pad ma sngon po'i 'dab ma 'dra/ /bsod nams ye shes snang ba'i grags pas rgyas/ /dper na rin thang med pa'i nor bu mtshungs/ /deng bdag dam pa khyod la bsngags pas na/ /sems la bsams pa thams cad 'grub par 'gyur/ /yang dag yon tan bkra shis gya nom pa/ /pad ma lta bur shin du rnam par dag /lus mdog rab mdzes kun gyis blta bar mos/ /mtshan mang ngo mtshar bsam gyis yong mi khyab/ /dri med ye shes 'od zer rab 'gyed pas/ /dran pas kun gyi nang na mchog tu gyur/ /ji ltar seng ge gcan zan mchog gyur ltar/ /rtag par lag pa brgyad kyis bdag nyid brgyan/ /so sor mda' gzhu ral gri sta re dang / /tho rings lcags kyi 'khor lo zhags pa thogs/ /rab mdzes lha mo zla ba nya ba 'dra/ /tshig la thogs med dbyangs snyan 'byin par byed/ /sems can gang zhig sems la smon yod na/ /skyes bu dam pas bsams bzhin rdzogs par byed/ /brgya byin lha mang kun gyis khyod mchod nas/ /thams cad bsngags brjod skyabs su 'gro bar byed/ /bsam gyis mi khyab yon tan bskyed byed pas/ /dus rnams rtag tu gus pa bskyed par byed swA hA/ /gal te spobs chen lha mo gsol 'dod na/ /</font><hr>96.119a<br><font size=+1>

bsngags bstod tshig ni 'di las 'byung ba bzhin/ /nang par rnam dag sems kyis rtse gcig gdon/ /bsam pa'i dngos po thams cad bsams bzhin 'grub/ /de nas bcom ldan 'das kyis bram ze de la khyod kyis sems can rnams la phan gdags shing bde ba sbyin pa'i ched du lha mo de la bsngags pa brjod pas byin gyis rlob par gsol ba btab nas bsod nams dpag tu med pa 'thob par 'gyur ba legs so legs so zhes bka' stsal to// //gser 'od dam pa mchog tu rnam par rgyal ba'i mdo sde'i rgyal po/ / bam po brgyad pa/ de nas bram ze kau di n+yas gong du bstan pa de lta bu'i mngon par bstod pa'i tshig dang / sngags kyi tshig gis lha mo spobs pa chen mo la mngon par bstod nas 'khor mang po rnams la 'di skad ces smras so/ /khyed cag lha mo spobs pa chen mo la gsol ba btab nas snying brtse bas byin gyis brlabs nas tshe 'di nyid la thogs pa med pa'i sems myur ba dang / ye shes chen po dang / tshig la shin du mkhas pa dang / shes pa rgya chen po 'thob pa dang / 'bel pa'i gtam gyis phan tshun lan 'debs pa dang / tshig 'bru'i rgyan yid bzhin du grub nas thogs pa med par 'dod na sems rtse gcig tu gus pas 'di ltar gsol ba gdab par bya'o/ /sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /byang chub sems dpa'i tshogs dang / rang sangs rgyas dang / nyan thos dang / 'phags pa thams cad dang / 'das pa dang / ma byon pa dang / phyogs bcu'i sangs rgyas yang dag pa'i bden tshig mngon par grub pa dang / dbang po ji lta ba bzhin du yang dag pa'i</font><hr>96.119b<br><font size=+1>

bden tshig gsung ba mi slu ba'i tshig gsung ba/ bskal pa chen po bye ba tshad med pa snyed du rtag par yang dag pa'i bden tshig gsung zhing yang dag pa'i bden tshig dang ldan pa thams cad la rjes su yid rang nas phyag 'tshal lo/ /mi bden pa'i tshig mi gsung ba'i phyir yangs shing ring ba'i ljags phyung nas nyid kyi zhal dang / 'dzam bu'i gling dang gling bzhi pa dang stong dang stong gnyis pa dang / stong gsum gyi 'jig rten gyi khams dang / phyogs bcu'i 'jig rten gyi khams bsam gyis mi khyab pa thams cad kun du khyab par g.yogs nas nyon mongs pa'i gdung ba thams cad rab tu sel bar mdzad pa la gus par phyag 'tshal lo/ /sangs rgyas ljags kyi mtshan de lta bu dang ldan pa thams cad la gus par phyag byas nas bdag ming 'di zhes bya ba shin du gya nom pa'i spobs pa thams cad dang ldan par smon nas sems rtse gcig tu srog phyogs so/ /sangs rgyas rnams kyi spobs pa dam pa dang / /byang chub sems dpa'i spobs pa dam pa dang / /rang rgyal 'phags pa'i spobs pa dam pa dang / /zhugs bzhi 'bras bzhi'i spobs pa dam pa dang / /'phags pa'i bden pa'i tshig gi spobs mchog dang / /drang srong drang lta'i spobs pa dam pa dang / /tshangs 'khor drang srong spobs pa dam pa dang / /lha chen u ma'i spobs pa dam pa dang / /skan d+ha lha yi spobs pa dam pa dang / /rgyal po ma na si yi spobs mchog dang / /yid bzhin lha yi spobs pa dam pa dang / /rgyal chen bzhi yi spobs pa dam pa dang / /rab gnas lha yi bu'i 'i spobs mchog dang / /rdo rje gsang ba'i bdag po'i spobs mchog dang / /khyab 'jug lha yi spobs pa dam</font><hr>96.120a<br><font size=+1>

pa dang / /lha mo bi ma'i spobs pa dam pa dang / /biSh+Nu'i lha mo'i spobs pa dam pa dang / lha mo bzang mo'i spobs pa dam pa dang / /shi ri ma ta'i spobs pa dam pa dang / /ha ri tshig gi spobs pa dam pa dang / /ma dang ma chen spobs pa dam pa dang / /ha ri ta ma'i spobs pa dam pa dang / /gnod sbyin rnams kyi spobs pa dam pa dang / /phyogs bcu'i rgyal po'i spobs la gus phyag 'tshal/ /las mchog ci mnga' thams cad bdag bstangs nas/ /spobs mchog dam pa mtha' med 'thob par shog /bslu ba med la gus phyag 'tshal/ /rnam par grol la gus phyag 'tshal/ /'dod chags spangs la gus phyag 'tshal/ /'ching sgrib spangs la gus phyag 'tshal/ /rnam dag sems la gus phyag 'tshal/ /'od dang ldan la gus phyag 'tshal/ /bden tshig smra la gus phyag 'tshal/ /rdul chags med la gus phyag 'tshal/ /don mchog gnas la gus phyag 'tshal/ /'khor mang bdag la gus phyag 'tshal/ /spobs pa'i lha la gus phyag 'tshal/ /bdag gi tshig la thogs med shog /bdag gis smon cing gnyer ba'i dngos/ /thams cad myur du grub par shog /nad med rtag tu rab bde zhing / /tshe ring lo nur 'thob par shog /rigs sngags kun la rab mkhas shing / /nan tan byang chub lam bsgoms nas/ /skye dgu rgya cher phan btags te/ /bsam pa myur du grub par smon/ /bdag gis bden tshig smras pa dang / /bdag gis bslu med smras pa yis/ /lha</font><hr>96.120b<br><font size=+1>

mo'i spobs pa gang yin pa/ /bdag la grub par mdzad du gsol/ /lha mo khyod ni 'dir gshegs te/ /tshig thogs ma mchis bgyi slad du/ /bdag lus khar ni myur zhugs nas/ /yid myur spobs dang ldan par mdzod/ /bdag gi lce yi dbang po yis/ /de bzhin gshegs pa'i spobs thob nas/ /tshig de'i mthu stobs dbang gis ni/ /sems can rnams ni 'dul bar shog /bdag ni tshig dag smras pa'i tshe/ /don ni ji bzhin grub gyur cig /thos pa dag ni gus bskyed nas/ /byas pa chud gzon ma gyur cig /bdag gis spobs pa gnyer ba yi/ /dngos po gal te ma grub na/ /lha mo'i bden tshig gang yin pa/ /thams cad brdzun pa nyid du 'gyur/ /gang gis mtshams med sdig byas pa/ /sangs rgyas gsung gis 'dul bar 'gyur/ /de bzhin dgra bcom gang yin dang / /drin gzo'i tshig ni ji snyed dang / /shA ri'i bu dang mau gal bu/ /bcom ldan 'khor mang mchog gyur pa/ /'di la sogs pa'i bden tshig rnams/ /thams cad bdag la grub par mdzod/ /deng bdag sangs rgyas nyan thos 'khor/ /thams cad 'dir ni spyan 'dren na/ /thams cad myur du 'dir gshegs te/ /bdag gi smon pa rdzogs mdzad smon/ /yang dag bden tshig gang gnyer ba/ /thams cad bslu ba ma mchis smon/ /gong du 'og min lha man chad/ /gnas gtsang ris kyi lha dag dang / /tshangs chen tshangs lha nye phan dang / /tshangs pa'i rgyal po'i 'khor rnams dang / /stong gsum 'jig rten kun khyab dang / /mi mjed 'jig rten bdag po dang / /'khor ni mang po thams cad kun/ /deng bdag thams cad spyan 'dren na/ /byams dang thugs rje rab bskyed de/ /thams cad brtse bas gzung du gsol/ /</font><hr>96.121a<br><font size=+1>

gzhan 'phrul dbang byed lha rnams dang / /'phrul dga'i lha ni de dag dang / /dga' ldan pa yi lha tshogs dang / /byams pa mngon par rdzogs 'gyur dang / /'thab bral ba yi lha rnams dang / /sum bcu rtsa gsum lha dag dang / /rgyal chen ris bzhi'i lha tshogs dang / /lha mang 'khor ni thams cad dang / /sa chu me rlung lha rnams dang / /ri rab brten nas gnas pa dang / /mtsho bdun ri yi lha tshogs rnams/ /'khor ni mang por bcas pa dang / /nor rgyas dang ni mgo lnga dang / /nyi zla gza' skar lha dag dang / /'di la sogs pa'i lha mang po/ /'jig rten bde bar byed pas na/ /'di la sogs pa'i lha mang po/ /sdig pa'i las ni mi byed mos/ /sangs rgyas gus pa 'phrog ma dang / /de yi bu sdug tha chungs dang / /lha dang klu dang gnod sbyin dang / /dri za dang ni lha ma yin/ /mi 'am ci yi 'khor rnams dang / /lto 'phye chen po la sogs pa/ /bdag ni bcom ldan mthu stobs kyis/ /de dag thams cad spyan 'dren na/ /byams dang snying rje'i sems bskyed nas/ /bdag la thogs med spobs pa stsol/ /lha dang mi yi 'khor rnams las/ /gzhan gyi sems ni rig gyur pa/ /thams cad byin gyis brlabs nas ni/ /bdag la spobs pa dam pa stsol/ /nam mkha'i khams ni mthar thug dang / /chos kyi dbyings kyis klas pa na/ /sems can rnam pa ji snyed pas/ /bdag la spobs pa dam pa stsol/ /de nas lha mo spobs pa chen mos de skad ces gsol ba btab pa thos pa dang bram ze de la 'di skad ces smras so/ /kye skyes bu chen po legs so/ /skyes pa 'am/ bud med gang la la zhig sngags de dang / </font><hr>96.121b<br><font size=+1>

sngags kyi bden par bstod pa de dag la brten nas sngar gong du bstan pa bzhin du cho ga yang dag par blangs te/ dkon mchog gsum la gus pas skyabs su 'gro zhing sems rtse gcig tu dran pa nye bar 'jog par byed na ci dang ci bsgrubs pa thams cad chud za bar mi 'gyur ro/ /gzhan yang gser 'od dam pa shin du gya nom pa'i mdo sde 'di yang dag par bzung ste/ klog cing 'don par byed na smon pa thams cad 'bras bu dang ldan par 'gyur zhing myur du mngon par 'grub par 'gyur te/ sems rtse gcig tu ma byas pa ni ma gtogs so/ /de'i tshe bram ze de shin du dang ba'i sems kyis rab tu dga' bar gyur pas thal mo sbyar nas spyi bos yang dag par blangs par gyur to/ /de nas bcom ldan 'das kyis lha mo spobs pa chen mo la bka' stsal pa/ rigs kyi lha mo khyod kyis mdo sde'i rgyal po dam pa 'di rgya cher spel nas mdo sde yang dag par 'dzin pa dag la yongs su skyob pa dang / yongs su bsrung ba byas pa dang / sems can thams cad la phan gdags shing bde ba thob par bya ba'i ched du chos de lta bu bstan nas bsam gyis mi khyab pa'i spobs pa byin te/ bsod nams tshad med pa thob par gyur pa dang / sems bskyed pa rnams myur du byang chub la gzhol bar byas pa legs so legs so/ /gser 'od dam pa mchog tu rnam par rgyal ba mdo sde'i rgyal po las lha mo spobs pa chen mo'i le'u ste bcwa lnga pa'o// // de nas dpal gyi lha mo stan las langs te/ bcom ldan 'das kyi zhabs la phyag byas nas gus pas thal mo sbyar te/ bcom ldan 'das la 'di skad ces gsol to/ /bcom ldan 'das gal te dge slong ngam/ dge slong ma 'am/ dge bsnyen nam/ dge bsnyen ma gang la la zhig gser</font><hr>96.122a<br><font size=+1>

'od dam pa mchog tu rnam par rgyal ba mdo sde'i rgyal po 'di len pa dang / 'dzin pa dang / klog pa dang / 'don pa dang / gzhan dag la yang dag par ston par bgyid pa zhig mthong bar gyur na bdag gi sems rtse gcig tu gus pas bkur sti dang mchod pa bgyid do/ /chos smra ba de la 'di lta ste/ bza' ba dang btung ba dang gos dang mal cha dang gsos sman dang yo byad ci 'tshal ba thams cad phun sum tshogs par sbyar te brel cing phongs pa ma mchis par bgyid do/ /gdugs mtshan du mdo sde'i rgyal po 'di'i tshig gi don ji snyed pa dag la so sor brtags te/ yid la bsams shing yongs su bsal nas bde bar gnas pa dang / mdo sde 'di 'dzam bu'i gling du rgya cher spel ba'i slad du sems can gang la la dag sangs rgyas brgya stong tshad ma mchis pa snyed las dge ba'i rtsa ba bskyed pa de dag rtag tu thos par 'gyur zhing / myur du nub par mi 'gyur bar bgyid na bskal pa bye ba khrag khrig brgya stong tshad ma mchis pa snyed du lha dang mi'i longs spyod mchog rnam pa sna tshogs myong bar 'gyur lags so/ /rtag par lo legs shing mu ge'i rgud pa gtan du sel bar 'gyur bas skye bo rnams gtan du bde ba myong bar 'gyur/ sangs rgyas bcom ldan 'das rnams dang mjal bar 'gyur/ slad ma'i dus kyi tshe myur du byang chub chen po'i 'bras bu 'thob par 'gyur bas ngan 'gro gsum dang / 'khor ba'i sdug bsngal gyi bgegs gtan du gcod par 'gyur lags so/ /bcom ldan 'das bdag mngon par dran lags te/ 'das pa'i dus kyi tshe de bzhin gshegs pa dgra bcom pa yang dag par rdzogs pa'i sangs rgyas bai dU r+ya dang gser gyi ri bo rin po che'i me tog snang ba dpal gyi yon tan rgya mtsho zhes bgyi ba mtshan</font><hr>96.122b<br><font size=+1>

rnam pa bcu dang ldan pa zhig byung ste bdag de las dge ba'i rtsa ba bkrun te/ de bzhin gshegs pa des byams pa dang thugs rje'i byin gyi brlabs kyi mthus brtse bar dgongs par gyur pa'i slad du deng bdag gang du bsams pa'i gnas de dang / gang du bltas pa'i phyogs de dang gang du mchis pa'i yul de dang de dag tu sems can bye ba khrag khrig brgya stong tshad ma mchis pa snyed shin du bde ba'i longs spyod myong zhing gos dang / bza' ba dang btung ba dang 'tsho ba'i yo byad dang gser dang dngul dang bai dU r+ya dang spug dang rdo'i snying po dang byi ru dang 'gron bu dang mu tig la sogs pa rin po che ci 'tshal ba thams cad phun sum tshogs par 'gyur ba lags so/ /gang la la zhig sems rtse gcig tu gser 'od dam pa mchog tu rnam par rgyal ba mdo sde'i rgyal po 'di klog cing 'don pa des gdugs gcig bzhin du spos sna tshogs bsregs nas me tog dam pa rnams kyis bdag gi ched du de bzhin gshegs pa dgra bcom pa yang dag par rdzogs pa'i sangs rgyas bai dUr+ya dang / gser gyi ri bo rin po che'i me tog snang ba dpal gyi yon tan rgya mtsho de la mchod pa bgyi'o/ /gzhan yang gdugs gcig bzhin du dus gsum du bdag gi ming nas brjod cing rjes su dran par bgyis nas logs shig tu spos dang / me tog dang / zas mchog rnams kyis bdag la mchod cing rtag par mdo sde'i rgyal po dam pa 'di nyan par bgyid na bsod nams 'di lta bu dag 'thob par 'gyur lags so/ /de nas tshigs su bcad de gsol pa/ 'di ltar mdo sde 'di ni 'dzin pa'i slad/ /bdag dang 'khor rnams gnod pa kun dang 'bral/ /gos zas ci 'tshal phongs pa ma mchis 'gyur/ /gzi byin ldan zhing tshe yang dpag par dka'/ /sa yi ro yang rtag par 'phel bar 'gyur/ /</font><hr>96.123a<br><font size=+1>

lha rnams dus bzhin char ni rab tu 'bebs/ /lha 'khor de dag rab tu dga' bar 'gyur/ /bskyed mos tshal dang 'bru yi lha rnams kyis/ /nags tshal ljon shing 'bras bu rab 'phel zhing / /'bru rnams thams cad yongs su smin par bgyid/ /rin chen nor tshol bsam pa rdzogs 'gyur zhing / /ci dang ci smon bsams bzhin 'grub par 'gyur/ /bcom ldan 'das kyis dpal gyi lha mo la bka' stsal pa/ khyod kyis 'di ltar sngon gyi rgyud rjes su dran nas drin rjes su bsab pa'i phyir mchod pa byas pa dang / mtha' yas pa'i sems can rnams la phan gdags shing bde bar bya ba'i ched du mdo sde 'di yongs su spel nas yon tan zad mi shes par byas pa legs so legs so/ /gser 'od dam pa mchog tu rnam par rgyal ba mdo sde'i rgyal po las dpal gyi lha mo chen mo'i le'u ste bcu drug pa'o// // de nas bcom ldan 'das la dpal gyi lha mo chen mos yang 'di skad ces gsol to/ /bcom ldan 'das byang phyogs na lha'i rgyal po rnam thos kyi bu'i grong khyer nor ldan zhes bgyi ba mchis te/ grong khyer de las mi ring ba na me tog dam pa'i bsod nams kyi 'od ces bgyi ba'i kun dga' ra ba mchis pa de na gzhal med khang mchog dam pa rin po che sna bdun las mngon par grub pa zhig mchis te/ bcom ldan 'das bdag ni rtag par de na gnas lags pas gang la la zhig 'bru rnam pa lnga gdugs gcig bzhin du 'phel ba dang / bang mdzod rnams rgyas shing gang bar 'tshal bas gus pas dang ba'i sems bskyed de khang pa gcig gtsang mar byas nas ba lang gi lci bas dog sa la zhal zhal bgyis te/ bdag gi gzugs rgyan rnam pa sna tshogs kyis rab tu brgyan pa ri mor bris nas lus legs par bkrus te/ gos gtsang ma bgos nas byug pa dam pas byugs te khang pa</font><hr>96.123b<br><font size=+1>

gtsang ma'i nang du zhugs te/ bdag gi ched du gdugs re zhing dus gsum du sangs rgyas de'i mtshan dang / mdo sde 'di'i mtshan nas brjod par sems bskyed de de bzhin gshegs pa bai dUr+ya dang gser gyi ri bo rin po che'i me tog snang ba dpal gyi yon tan rgya mtsho la phyag 'tshal lo zhes brjod nas me tog dang spos rnams thogs te/ zhal zas gda' ba sna tshogs sems rtse gcig tu dbul bar bgyi'o/ /gzhan yang spos dang me tog dang bza' ba dang btung ba rnams kyis bdag gi gzugs brnyan la mchod par bgyi'o/ /gzhan yang bza' ba dang btung ba dag thogs te/ phyogs gzhan du gtor nas 'dre srin rnams la stsal bar bgyi'o/ /yang dag pa'i bden tshig gis dpal gyi lha mo chen mo la gsol ba btab nas ci dang ci gnyer ba'i smon lam gdab par bgyi'o/ /gal te ji skad smras pa bzhin du brdzun pa ma lags na gsol ba btab pa don dang ldan par mdzad du gsol zhes brjod par bgyi'o/ /de'i tshe dpal gyi lha mos dngos po rig nas brtse ba'i sems skye bar 'gyur bas de'i khyim du nor dang 'bru rnams rab tu 'phel bar bgyid do/ /de nas sngags bzlas nas bdag g.yar drang bar bgyis te/ sngar sangs rgyas kyi mtshan dang byang chub sems dpa'i ming nas brjod de sems rtse gcig tu gus pas phyag bgyi'o/ /phyogs bcu dus gsum gyi sangs rgyas thams cad la phyag 'tshal lo/ /sangs rgyas rin chen gtsug pud la phyag 'tshal lo/ /sangs rgyas dri ma med pa'i 'od zer rin po che'i tog la phyag 'tshal lo/ /sangs rgyas gser tog 'od la phyag 'tshal lo/ /sangs rgyas gser brgya'i 'od kyi snying po la phyag 'tshal lo/ /</font><hr>96.124a<br><font size=+1>

sangs rgyas gser gdugs rin po che brtsegs pa la phyag 'tshal lo/ /sangs rgyas gser gyi me tog 'od zer rgyal mtshan la phyag 'tshal lo/ /sangs rgyas sgron ma chen po'i 'od la phyag 'tshal lo/ /sangs rgyas rin po che chen po'i tog la phyag 'tshal lo/ /shar phyogs kyi sangs rgyas mi 'khrugs pa la phyag 'tshal lo/ /lho phyogs kyi sangs rgyas rin chen tog la phyag 'tshal lo/ /nub phyogs kyi sangs rgyas tshe dpag med la phyag 'tshal lo/ /byang phyogs kyi sangs rgyas lha'i rnga sgra la phyag 'tshal lo/ /byang chub sems dpa' mdzes pa'i tog la phyag 'tshal lo/ /byang chub sems dpa' gser 'od la phyag 'tshal lo/ /byang chub sems dpa' gser mdzod la phyag 'tshal lo/ /byang chub sems dpa' rtag tu bshums la phyag 'tshal lo/ /byang chub sems dpa' chos 'phags la phyag 'tshal lo/ /byang chub sems dpa' shin du bde bar gnas pa la phyag 'tshal lo/ /de ltar sangs rgyas dang byang chub sems dpa' rnams la gus par phyag bgyis nas de'i rjes la sngags bzlas te/ dpal gyi lha mo chen mo bdag g.yar 'dren par bgyid na sngags 'di'i mthus yongs su gnyer ba'i dngos po rnams thams cad mngon par 'grub par 'gyur ro/ /dpal gyi lha mo chen mo la phyag 'tshal lo/ /sngags ni 'di lta ste/ sAd+ya the dan/ pra ti pUr+Na tsa re/ sa man+ta/ dar sha Ne/ ma hA bi ha ra ga ti/ sa man ta/ bi mA na ga ti/ ma hA kAr+ya/ pra ti pra ba Ne/ satwA arta sa ma tA nu pu pU re/ </font><hr>96.124b<br><font size=+1>

a yA na/ d+harma tA/ ma hA b+ho gi ni/ ma hA mai tra/ u pa saM hi te/ hi tai Shi/ saM gri hI te/ sa mAr+tha a nu pA li ne swA hA/ /bcom ldan 'das gang la la zhig gzungs sngags 'di 'don cing yongs su bzung bas bdag g.yar 'dren par bgyid na/ bdag gis g.yar 'dren pa thos nas de'i thad du mchis te smon pa rnams 'grub par bgyid do/ /bcom ldan 'das 'di ni dbang bskur ba'i cho ga'i tshig /ting nge 'dzin mngon par 'grub pa'i tshig /yang dag pa'i tshig /bslabs ba ma mchis pa'i tshig /yang dag pa'i spyod pa sems can rnams kyi yang dag pa'i dge ba'i rtsa ba lags pas gang la la zhig sngags 'di yang dag par 'dzin cing klog pa dang / 'don pa des gdugs mtshan bdun gyi bar du yan lag brgyad dang ldan pa'i sdom pa yang dag par blangs nas snga dro'i dus kyi tshe sngar so shing bcas te dag par bkrus nas snga dro'i dus kyi tshe spos dang / me tog gis sangs rgyas thams cad la mchod pa bgyis te/ bdag nyid kyis dngos sdig bshags nas bdag dang sems can rnams smon pa myur du 'grub par bgyi ba'i slad du yongs su bsngo zhing smon lam gdab par bgyi'o/ /khang pa gcig gtsang mar bgyis pa 'am/ yang na dben pa'i gnas sam/ dgon pa'i gnas kyang rung ste ba lang gi gci bas dkyil 'khor bgyis nas tsan dan bsregs te mchod par bgyi'o/ /stan mchog gcig bting ste ba dan dang gdugs kyis brgyan par bgyi'o/ /me tog dam pa rnams kyis dkyil 'khor gyi nang bkram te sems rtse gcig tu sngags bzlas nas bdag der mchi bar</font><hr>96.125a<br><font size=+1>

re bar bgyi'o/ /bdag de'i tshe de la rjes su sems shing lta bar bgyid pas de'i khang par zhugs te stan la mchis nas de'i mchod pa len par bgyid do/ /de slan chad mi des g.yar lam na bdag mthong bar 'gyur bas ci dang ci smon pa'i dngos po rnams yang dag pa'i tshig gis bsgo nas go bar bgyid do/ /grong ngam/ grong khyer ram/ 'brog dgon pa 'am/ dge 'dun gyi gtsug lag khang yang rung ste/ ci dang ci smon pa thams cad yongs su rdzogs par bgyid pas gser dang / dngul dang / nor dang / rin po che dang / ba lang dang / lug dang / 'bru rnams dang / bza' ba dang / btung ba dang / gos rnams yid bzhin du 'thob par 'gyur zhing / bde ba dang longs spyod mchog la yongs su longs spyod par 'gyur lags so/ /de ltar 'bras bu rnam par smin pa mchog dam pa thob nas kyang skal pa mchog gang lags pa des dkon mchog gsum la mchod cing bdag la yang stsal bar bgyi'o/ /chos kyi 'dus pa rgya cher bshams nas bza' ba dang btung ba rnams sbyar te/ spos dang me tog gcal du bkram nas mchod par bgyi'o/ /mchod pa bgyis nas mchod par bgyis pa'i zas lhag ma ci mchis pa btsongs te/ rin blangs nas yang mchod par bgyid na bdag nam 'tsho'i bar du rtag tu de na gnas nas gang zag de la bsrung zhing bskyab pa dang / phongs shing brel ba ma mchis pa dang smon pa rnams yid bzhin du 'grub par bgyid do/ /dus dus su dbul phongs pa rnams la yang stsal bar bgyi zhing bdag gcig pu'i ched du ser snas phangs par mi bgyi'o/ /rtag par mdo sde 'di</font><hr>96.125b<br><font size=+1>

bklags nas rgyun 'chad pa ma mchis par bgyi ste/ bsod nams ci mchis pa de yang thams cad la gtong zhing byang chub tu yongs su bsngos nas 'khor ba las nges par 'byung zhing myur du rnam par grol ba thob par 'gyur bar smon par bgyi'o/ /de nas bcom ldan 'das kyi dpal gyi lha mo la khyod kyis de ltar mdo sde 'di rgya cher spel nas bdag dang gzhan gnyis ka la phan pa bsam gyis mi khyab pa byas pa legs so legs so zhes bsngags pa brjod par gyur to/ /gser 'od dam pa mchog tu rnam par rgyal ba'i mdo sde'i rgyal po las dpal gyi lha mo chen mos nor 'phel bar byed pa'i le'u ste bcu bdun pa'o// // de nas sa'i lha mo brtan ma 'khor mang po'i nang nas stan las langs te gus pas thal mo sbyar nas bcom ldan 'das la 'di skad ces gsol to/ /bcom ldan 'das gser 'od dam pa mchog tu rnam par rgyal ba'i mdo sde'i rgyal po 'di ltar ram/ slad ma'i dus kyi tshe gal te grong ngam/ grong khyer ram/ grong rdal lam/ rgyal po'i pho brang ngam/ dgon pa'i gnas sam/ ri 'am/ phug gam/ nags tshal dag na yang rung ste mdo sde'i rgyal po 'di spel bar bgyid na/ bcom ldan 'das bdag der mchis nas mchod pa dang / bkur sti dang yongs su bsrung ba dang / yongs su bskyab pa bgyis te rgya cher spel bar bgyid do/ /sa phyogs gang yang rung ba dag tu chos smra ba'i</font><hr>96.126a<br><font size=+1>

mkhan po'i ched du khri mthon po btsugs te mdo sde 'di 'chad par bgyid na/ bdag rdzu 'phrul gyi mthus lus mi gda' bar bgyis nas der mchis te/ de'i rkang pa nas spyi bos 'degs par bgyid do/ /bdag chos thos par gyur nas kyang shin du dang ba'i bsam pas rab tu dga' bar bgyid do/ /chos kyi ro thob pa'i dbang gis gzi byin 'phel bar 'gyur bas mgu ba tshad ma mchis pa thob par 'gyur te/ bdag nyid de lta bu'i phan yon thob pa nyid kyis sa chen po 'di yang dpag tshad stong phrag brgyad bcu rdo rje'i dkyil 'khor la thug pa tshun chad sa'i bcud thams cad rab tu 'phel bar bgyid do/ /rgya mtsho bzhi tshun chad kyi sa chen po ji snyed pa de dag sa'i bcud rgyas shing rab tu gshin pas sngon bas kyang lhag pa dang / ches khyad par du 'phags par bgyid do/ /'dzam bu'i gling 'di na chu bo dang / rdzing dang / rdzing bu dang / ljon shing dang / sman dang / nags tshal dang / me tog dang / 'bras bu dang / rtsa ba dang / sdong bu dang / yal ga dang / lo ma dang / 'bru rnam pa sna tshogs ci mchis pa de dag kyang dbyibs mdzes shing yid du mchi ba dang / mang po kun gyis blta bar mos pa dang / kha dog dang / dri phun sum tshogs pa dang longs spyod du rung bar bgyid do/ /sems can gang gis bza' ba dang / btung ba mchog de lta bu dag la longs spyod pa rnams kyang tshe ring zhing kha</font><hr>96.126b<br><font size=+1>

dog dang / stobs dang ldan pa dang / dbang po rnams bde zhing gzi byin 'phel ba dang / bro nad rnams ma mchis pa dang / sems kyi shes rab dpa' zhing ci yang rtsol rngo thog par 'gyur lags so/ /gzhan yang sa chen po 'di las ji tsam du yongs su spyad par bgyi ba'i dngos po brgya stong ji snyed pa thams cad kyang phun sum tshogs par bgyid lags so/ /bcom ldan 'das rgyu dang rkyen des na 'dzam bu'i gling rnams su rab tu bde zhing lo legs pa dang / mi rnams dar zhing rgyas pa dang / gnod pa rnams ma mchis pas sems can ji snyed mchis pa de dag thams cad bde ba myong bar 'gyur lags so/ /de ltar lus dang sems kyi bde ba myong bar gyur nas kyang mdo sde'i rgyal po 'di la shin du gus pa bskyed nas gang du gnas kyang rung ste/ thams cad kyis yongs su bzung ba dang / mchod pa dang / bkur sti dang / bla mar bgyis shing bsngags pa brjod par smon par bgyi'o/ /gzhan yang chos 'chad pa'i mkhan po chen po de dag gang du chos 'chad pa'i gnas der yang mchis te/ sems can rnams kyi ched du mdo sde'i rgyal po dam pa 'di 'chad par gsol ba gdab par bgyi'o/ /de ci'i slad du zhe na/ bcom ldan 'das mdo sde 'di bshad pa'i dbang gis bdag cag 'khor dang bcas pa thams cad la sman par 'gyur zhing 'od dang / kha dog dang / mthu stobs dang / dpa' zhing gzi byin dang ldan pa dang / byad bzhin shin du sdug cing sngon bas ches khyad</font><hr>96.127a<br><font size=+1>

par du 'phags par 'gyur bas so/ /bcom ldan 'das bdag sa'i lha mo brtan ma yang chos kyi ros tshim par gyur pa'i dbang gis 'dzam bu'i gling dpag tshad bdun stong tshun chad sa thams cad bcud dang ldan pa dang / snga ma bzhin du sems can ji snyed pa thams cad kyang bde ba myong bar bgyid lags so/ /de lta bas na bcom ldan 'das de'i tshe sems can de dag gis kyang bdag gi drin bsab pa'i slad du bdag cag gdon mi 'tshal bar mdo sde 'di mnyan nas bkur sti dang / rim gro dang / mchod pa dang / bla mar bgyis nas bsngags pa brjod par bgyi'o snyam du bsam par bgyi'o/ /de ltar bsams nas kyang gnas nas byung ste grong dang / grong khyer dang / grong rdal dang / khang khyim dang / dgon pa'i gnas gang du chos bshad pa'i 'dus pa der mchis nas chos bshad pa'i mkhan po la spyi bos btud de phyag bgyis nas mdo sde 'di mnyan par bgyi'o/ /mdo sde mnyan nas kyang so so nas rang gi gnas su mchis te rab tu dga' ba'i sems bskyed de/ 'di skad du bdag cag deng shin du zab cing bla na ma mchis pa'i chos gya nom pa thos pas 'di ni bsod nams kyi phung po bsam gyis mi khyab pa snyed yongs su bsdus par gyur to/ /mdo sde'i mthu stobs kyi dbang gis bdag cag sangs rgyas bye ba khrag khrig brgya stong tshad ma mchis shing mtha' ma mchis pa snyed la mchod cing rim gro bgyis pas ngan song gsum gyi sdug bsngal mi bzad pa dang bral bar gyur to/ /ma 'ongs pa'i tshe rabs brgya stong gi bar du yang rtag par mtho ris dang mi'i nang du skyes nas bde ba mchog myong bar 'gyur ro zhes brjod par 'gyur ro/ /de'i tshe mi mang po de dag so so nas slar rang</font><hr>96.127b<br><font size=+1>

rang gi gnas su mchis nas kyang skye bo mang po rnams la mdo sde'i rgyal po 'di las gsungs pa'i dpe gcig tsam mam/ le'u gcig tsam mam/ sngon gyi gtam rgyud gcig tsam mam/ de bzhin gshegs pa gcig gi mtshan tsam mam/ byang chub sems dpa' gcig gi ming tsam mam/ tshig bzhi pa'i tshigs su bcad pa gcig tsam mam/ yang tshig gcig tsam zhig sems can rnams la yang dag par ston par bgyid dam/ tha na mdo sde 'di'i mtshan tsam zhig brjod par bgyid na/ bcom ldan 'das sems can de dag gang na gnas pa'i sa phyogs de dag thams cad bcud dang ldan zhing gzhan bas lhag par 'gyur ba dang / sa chen po las skye bar 'gyur ba'i dngos po thams cad kyang rgya cher rab tu 'phel zhing rgyas par 'gyur bas sems can rnams shin du bde ba'i longs spyod myong bar 'gyur ro/ /rin po che dang nor mang bar 'gyur/ sbyin pa legs par gtong bar 'gyur/ rtag par sems brtan zhing dkon mchog gsum la shin du mngon par yid ches par 'gyur lags so/ /de skad ces gsol pa dang / de nas bcom ldan 'das kyis sa'i lha mo brtan ma la 'di skad ces bka' stsal to/ /sems can gang la la zhig gser 'od dam pa mchog tu rnam par rgyal ba mdo sde'i rgyal po 'di las tha na tshig gcig tsam zhig thos par gyur na yang tshe 'phos pa'i 'og tu sum bcu rtsa gsum dang / lha'i gnas gzhan dag tu skye bar 'gyur ro/ /sems can gang la la zhig mdo sde'i rgyal po 'di mchod par 'dod pa'i phyir khang khyim dag rab tu brgyan nas bla re gcig bre bar byed dam/ ba dan gcig tsam spyod par byed na rgyu dang rkyen des lha'i ris drug</font><hr>96.128a<br><font size=+1>

po dag tu ji ltar bsams pa bzhin du skye bar 'gyur bas rin po che sna bdun gyi gzhal med khang mchog dam pa dag la yid bzhin du longs spyod par 'gyur/ so so nas lha'i bu mo bdun stong dang phan tshun lhan cig rtse zhing nyin mtshan rtag par khyad par du 'phags pa'i bde ba bsam gyis mi khyab pa dag la longs spyod par 'gyur ro/ /de skad ces bka' stsal pa dang / de nas bcom ldan 'das la sa'i lha mo brtan mas 'di skad ces gsol to/ /bcom ldan 'das rgyu dang rkyen des na 'khor bzhi po las gang la la zhig chos kyi stan la mchis nas chos 'di yang dag par ston pa na/ bdag gdugs mtshan du gang zag de la yongs su srung zhing yongs su skyob par bgyid rang gi lus mi gda' bar bgyis nas chos kyi stan gyi drung du mchis te de'i rkang pa la 'degs par bgyid lags so/ /bcom ldan 'das mdo sde 'di lta bu 'di ni sems can de dag gis sangs rgyas brgya stong du ma las dge ba'i rtsa ba bskrun pas na 'dzam bu'i gling 'dir rgya cher 'phel zhing nub par mi 'gyur ba lags so/ /sems can gang gis mdo sde 'di mnyan par bgyid pa de dag ni slad ma'i dus kyi tshe bskal pa bye ba khrag khrig brgya stong tshad ma mchis pa snyed kyi bar du lha dang mi'i nang du rtag par bde ba mchog la longs spyod par 'gyur/ sangs rgyas mang po dang mjal nas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ ngan song gsum dang 'khor ba'i sdug bsngal myong bar mi 'gyur lags so/ /de nas bcom ldan 'das la sa'i lha mo brtan mas yang 'di skad ces gsol to/ /bcom ldan 'das bdag la sngags kyi snying po lha dang mi</font><hr>96.128b<br><font size=+1>

rnams la phan 'dogs shing thams cad la bde bar bgyid pa mchis te/ skyes pa dang / bud med dang / 'khor bzhi po dag las gang la la zhig bdag gis lus yang dag pa mngon sum du mthong bar 'tshal ba des sems rtse gcig tu gzungs 'di yongs su 'dzin par bgyid na/ ji ltar smon pa thams cad yid bzhin du 'grub par bgyid do/ /'di lta ste/ nor dang rin po che'i gter dang / mngon par shes pa dang / tshe ring ba'i sman dam pa gnyer ba dang / sems can gyi nad mang po gso ba dang / phyir rgol ba'i dgra pham par bgyi ba dang tha dad par smra ba rnams tshar gcod par 'tshal na khang pa gtsang mar bgyis te dkyil 'khor bgyi'o/ /lus bkrus te gos sar pa gtsang ma bgos nas rtswa'i stan gyi steng du mchis te ring bsrel dang sku gzugs kyi spyan sngar ram/ yang na ring bsrel dang bcas pa'i mchod rten gyi drung du bdug pa bsregs te/ me tog gtor nas bza' ba dang / btung ba dag gis mchod pa bgyis te/ zla ba yar gyi ngo tshes brgyad la skar ma rgyal rdzogs pa na g.yar 'dren pa'i sngags 'di bzla bar bgyi'o/ /tad+ya thA/ tsi li tsi li/ tsu ru tsu ru/ ku ru ku ru/ ku Tu ku Tu/ to Tu to Tu/ ba ha ba ha/ ba ri sha ba ri sha swA hA/ /bcom ldan 'das rig sngags 'di 'khor bzhi po las gang la la zhig gis lan brgya rtsa brgyad bzlas nas bdag g.yar 'dren par bgyid na bdag gis de'i ched du g.yar 'dren pa der mchi bar 'gyur lags so/ /gzhan yang bcom ldan 'das sems can gang la la zhig bdag dngos mthong zhing lhan cig gtam bgyid</font><hr>96.129a<br><font size=+1>

par 'tshal na yang snga ma bzhin du cho ga bshams nas gzungs 'di bzlas par bgyi'o/ /tad+ya thA/ any+tsa ni/ kya li k+ka ni/ shi shi d+ha ri/ ha ha hi hi/ ku ru ba re swA hA/ /bcom ldan 'das gang la la zhig sngags 'di 'don pa na lan brgya rtsa brgyad bzlas nas sngags snga ma yang 'don par bgyid na bdag gdon mi 'tshal bar lus mngon du bstan nas des ji ltar smon pa thams cad yongs su rdzogs par bgyid pas nam yang chab mi 'tshal bar bgyid do/ /gal te sngags 'di 'don par 'tshal na sngar lus bsrung ba'i sngags 'di 'don par bgyi'o/ /t+yad+ya thA/ shi ri shi ri/ bA sha ka ti/ ta ti kuT+Ti/ pU ta/ pU de ri/ pU de ri/ Ti Te ba Ti/ ku ku Ti/ ka ba tsi li swA hA/ bcom ldan 'das sngags 'di 'don pa'i tshe tshon sna lnga'i skud pa blangs nas sngags lan nyi shu rtsa gcig bzlas te/ mdud pa nyi shu rtsa gcig bgyis nas/ dpung pa g.yon pa la bcings na slan chad lus bsrung ba bgyis pas 'jigs pa ma mchis par 'gyur ro/ /gang la la zhig sems rtse gcig tu sngags 'di zlos par bgyid na/ bsams pa rnams yid bzhin du 'grub par 'gyur te bdag sho be mi mchi ste/ bdag gi dbang du sangs rgyas dang chos dang dge 'dun dkon mchog gsum bzhugs pas mad pa nyid du rab tu mkhyen par 'gyur lags so/ /de nas bcom ldan 'das kyis sa'i lha mo brtan ma la bka' stsal pa/ khyod yang dag pa'i bden tshig gi sngags kyis btab pa'i rgyal po 'di dang / </font><hr>96.129b<br><font size=+1>

chos smra ba dag la bsrung bar byas pa legs so legs so/ /rgyu dang rkyen 'dis khyod bsod nams kyi rnam par smin pa tshad med pa snyed 'thob par 'gyur ro/ /gser 'od dam pa mchog tu rnam par rgyal ba mdo sde'i rgyal po las sa'i lha mo brtan ma'i le'u ste bcwa brgyad pa'o// // de nas gnod sbyin gyi sde dpon chen po yang dag shes zhes bya ba gnod sbyin nyi shu rtsa brgyad po dag dang lhan cig tu 'khor mang po'i nang nas stan las langs te bla gos phrag pa gcig la gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar nas bcom ldan 'das la 'di skad ces gsol to/ /bcom ldan 'das gser 'od dam pa mchog tu rnam par rgyal ba'i mdo sde'i rgyal po 'di da ltar ram/ slad ma'i dus kyi tshe grong ngam/ grong khyer ram/ grong rdal lam/ ljongs sam/ ri'am/ dgon pa 'am/ nags tshal lam/ rgyal po'i pho brang ngam/ dge 'dun gnas pa'i gnas dag tu yang rung ste/ yang dag par bstan nas rgya cher spel bar bgyid na/ bcom ldan 'das bdag gnod sbyin gyi sde dpon chen po yang dag shes gnod sbyin sde nyi shu rtsa brgyad dang lhan cig tu der mchis nas so so nas rang gi lus mi gda' bar bgyis te/ ci rigs par chos smra ba'i mkhan po de dang / chos nyan pa'i 'khor de dag yongs su bsrungs nas gnod pa rnams spangs te rtag par bde ba myong ba bgyid do/ /skyes pa 'am/ bud med dam/ khye'u dang bu mo gang la la zhig mdo sde 'di las tha na tshig bzhi pa'i tshigs su bcad pa gcig tsam yang dag par 'dzin par bgyid dam/ tshig gcig tsam yang dag par 'dzin par bgyid dam/ </font><hr>96.130a<br><font size=+1>

mdo sde'i rgyal po 'di'i mtshan tsam smos par bgyid dam/ mdo sde 'di las gsungs pa'i de bzhin gshegs pa gcig gi mtshan tsam mam/ byang chub sems dpa' gcig gi ming tsam brjod par sems bskyed nas gus pas rim gro dang / mchod pa bgyid na bdag gis yongs su bsrung zhing byin gyis brlabs nas gnod pa ma mchis par bgyis te sdug bsngal spangs nas bde ba 'thob par 'gyur ro/ /bcom ldan 'das ci'i slad du bdag gi ming yang dag shes zhes bgyi ba'i rgyu dang rkyen gang lags pa de ni bcom ldan 'das nyid kyis mngon sum du mkhyen pa lags te/ bdag gis chos rnams rig pa dang / bdag gis chos thams cad kyi ji snyed pa dang / chos thams cad kyi ji lta ba dang / chos thams cad kyi rnam pa dang / ngo bo nyid dang / bye brag ji snyed pa thams cad gsal bar rtogs pa lags so/ /bcom ldan 'das 'di ltar chos rnams bdag gis khong du chud par gyur pas bdag dpag par dka' ba'i ye shes kyi snang ba dang ldan pa dang / bdag dpag par dka' ba'i ye shes kyi sgron ma dang ldan pa dang / bdag dpag par dka' ba'i ye shes kyi spyod pa dang ldan pa dang / bdag dpag par dka' ba'i ye shes kyi phung po dang ldan pa dang / bdag dpag par dka' ba'i ye shes kyi spyod yul rnams mngon par rtogs par gyur pa lags so/ /bcom ldan 'das bdag gis 'di ltar chos thams cad yang dag par rig /yang dag par gsal bar rtogs/ yang dag par khong du chud/ yang dag par so sor rtogs par bgyid pas bcom ldan 'das rgyu dang rkyen de'i slad du gnod sbyin gyi sde dpon chen po yang dag shes zhes bgyi ba lags te/ don de'i slad du bdag gis chos smra ba'i mkhan po de'i tshig gi spobs pa gsal zhing rgyan dang ldan pa dang / gzi byin dang mdangs ba spu'i bu ga kun nas 'jug pa dang / lus kyi mthu stobs dang ldan pa dang / gzi byin dang ldan zhing dpa' ba dang / dpag par dka' ba'i ye shes kyi snang ba thams cad</font><hr>96.130b<br><font size=+1>

phun sum tshogs pa dang / yang dag pa'i dran pa thob nas dpa' gong ba ma mchis pa dang / de'i lus la phan 'dogs shing nyams pa ma mchis pa dang / dbang po rnams bde zhing rtag par dga' ba bskyed par bgyi'o/ /rgyu dang rkyen de'i slad du sems can gang dag sangs rgyas brgya stong du ma las dge ba'i rtsa ba bskyed nas bsod nams kyi las mngon par sgrub pa dag gi ched du 'dzam bu'i gling dag tu rgya cher spel nas myur du nub par mi 'gyur bar bgyid pas sems can de dag gis mdo sde 'di thos nas bsam gyis mi khyab pa'i ye shes kyi snang ba chen po dang / bsod nams kyi phung po tshad ma mchis pa 'thob par 'gyur zhing slad ma'i dus kyi tshe yang bskal pa bye ba khrag khrig tshad ma mchis pa'i bar du bsam gyis mi khyab pa'i lha dang / mi'i bde ba myong ba dang / rtag par sangs rgyas mang po dang mjal nas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bas gshin rje'i 'jig rten dang / ngan song gsum gyi sdug bsngal shin du mi bzad pa dag kyang myong bar mi 'gyur lags so/ /de nas bcom ldan 'das la gnod sbyin gyi sde dpon chen po yang dag shes kyis 'di skad ces gsol to/ /bcom ldan 'das bdag la gzungs mchis te/ sems can rnams la sman par bgyi zhing brtse ba'i slad du deng bcom ldan 'das kyi spyan sngar bdag nyid kyis bshad par bgyi'o/ /de nas sngags smras pa/ na mo bud d+hA ya/ na mo d+harmA ya/ na maHsa~M g+hA ya/ na mo bra h+mA ya/ na ma in drA ya/ na ma sh+tsa hur NaM ma hA rA dzA nAM/ tad+ya thA/ hi li hi li/ mi li mi li/ gu li ma hA gau ri/ gan+d+ha ri/ ma hA gan d+ha ri/ dri mi Di/ ma hA dri mi Di/ dan da khu khun te/ ha ha ha ha ha/ hi hi hi hi hi/ hu hu hu hu hu/ ha lo d+ha me/ gud+d+ha me/ tsa tsa tsa tsa/ tsi tsi tsi tsi/ tsu tsu tsu tsu/ tsaN+De shwa ra/ shi kha ra shi kha ra/ </font><hr>96.131a<br><font size=+1>

u tiSh+Tha ti/ b+ha ga bAn sang rad dz+nyA ya swA hA/ gang la la zhig rig sngags 'di 'dzin par bgyid na bdag gis 'tsho ba'i yo byad sman dang / bza' ba dang / btung ba dang / gos dang / me tog dang / 'bras bu dang / rin po che ngo mtshar che ba dag gis rim gro bgyid do/ /gal te skyes pa dang / bud med dang / khye'u dang / bu mo dang / gser dang / dngul dang / rin po che dang / rgyan phreng gi rnam pa rnams yongs su gnyer bar bgyid na yang bdag gis thams cad sbyar nas ji ltar smon pa bzhin rgud cing phongs pa ma mchis par bgyid do/ /rig sngags 'di mthu chen po dang ldan pas sngags 'don pa'i tshe bdag myur du de'i thad du mchis nas thogs pa ma mchis par yid bzhin du 'grub par bgyid do/ /sngags 'di 'don pa'i tshe cho ga ci rigs par bgyis nas thog ma kho nar gnod sbyin yang dag shes kyi gzugs 'phang du chag bzhi lnga tsam mchis pa sug pa na dgra sta thogs pa ri mor bri bar bgyi'o/ /gzugs brnyan de'i mdun du dkyil 'khor gru bzhi bgyis nas bum pa bzhi sbrang rtsi'i chab bam/ bu ram gyi chab kyis bkang ste gzhag nas byug spos dang / phye ma dang / bdug spos dang / me tog dang / phreng ba rnams kyang bkram par bgyi'o/ /gzhan yang dkyil 'khor gyi mdun du thab gcig bgyis te/ de'i nang du sol ba'i zhugs stsal nas mar dang yungs kar bsregs te/ snga ma'i sngags de lan brgya rtsa brgyad bzlas nas sngags lan re zhing lan gcig bsregs na/ bdag gnod sbyin gyi sde dpon chen po rang nyid drung du mchis nas lus mngon du bstan te/ sngags 'don pa'i mi de la khyod ci dang ci dgos pa dang / yid la ci 'dod pa'i dngos po gang yin pa de smros shig ces 'dri bar bgyid do/ /bdag gis ji skad</font><hr>96.131b<br><font size=+1>

mchi ba bzhin yongs su gnyer ba'i dngos po rnam pa thams cad phun sum tshogs par bgyid do/ /gal te gser dang / dngul dang / gter 'tshal bar gyur tam/ yang na lha'i drang srong du gyur nas nam mkha' la mchi bar 'tshal lam/ lha'i mig gi mngon par shes pa dang / gzhan gyi sems 'tshal ba dang / sems can thams cad la yid bzhin du rang dbang thob nas nyon mongs pa bcad de myur du rnam par grol ba thob pa la dgongs par 'tshal na yang thams cad phun sum tshogs par bgyid do/ /de nas bcom ldan 'das kyis gnod sbyin gyi sde dpon chen po yang dag shes la bka' stsal pa/ khyod kyis 'di ltar sems can thams cad la phan gdags pa'i phyir rig sngags 'di bshad de/ yang dag pa'i chos yongs su bsrungs bsod nams kyis mtha' yas pa rnams la phan btags pa legs so legs so/ /gser 'od dam pa mchog tu rnam par rgyal ba mdo sde'i rgyal po las gnod sbyin gyi sde dpon chen po yang dag shes kyi le'u ste bcu dgu pa'o// // de nas sa'i lha mo chen mo brtan ma zhes bya ba 'khor mang po'i nang nas stan las langs te/ bcom ldan 'das kyi zhabs la mgo bos phyag byas nas gus pas thal mo sbyar te/ bcom ldan 'das la 'di skad ces gsol to/ /bcom ldan 'das yul rnams su mi'i rgyal po bgyid pa la gal te yang dag pa'i chos ma mchis par gyur na yul skyong zhing skye bo mang po rnams kyang gso ba'i rngo mi thog la bdag nyid kyang yun ring du khyad par du 'phags pa'i rgyal thabs la gnas par mi 'gyur na/ bcom ldan 'das byams pa dang / thugs rjes thugs brtse bar dgongs te/ </font><hr>96.132a<br><font size=+1>

bdag la rgyal po'i chos lugs yang dag pa'i bstan bcos yul skyong bar bgyid pa'i don gang lags pa bkas bshad du gsol/ des na mi'i rgyal po rnams chos 'di thos pa'i dbang gis ji skad bstan pa bzhin du mngon par sgrub cing yang dag par 'jig rten 'dul ba dang / khyad par du 'phags pa'i rgyal thabs gtan du bde zhing zhi ba dang / yul na gnas pa'i skye bo thams cad la yang sman par 'gyur lags so/ /de nas bcom ldan 'das kyis 'khor mang po'i nang du sa'i lha mo brtan ma la bka' stsal pa/ khyod legs par nyon cig /sngon 'das pa'i dus kyi tshe rgyal po stobs kyi gtso bo'i tog ces bya ba byung ngo / /rgyal po de'i bu mdzes pa'i tog ces bya ba zhig yod de/ spyi bo nas dbang bskur nas ring po ma lon par de nas rgyal po yab kyis mdzes pa'i tog la 'di skad ces smras so/ /rgyal po'i chos lugs yang dag pa'i bstan bcos lha'i bdag po'i man ngag ces bya ba yod de/ nga sngon spyi bo nas dbang bskur nas yul gyi bdag po byas pa'i tshe nga'i yab shes pa'i stobs kyi gtso bo'i tog ces bya bas nga la rgyal po'i chos lugs yang dag pa'i bstan bcos 'di bstan pas/ ngas bstan bcos 'di la brten nas lo nyi khri'i bar du yul legs par bskyangs te/ ngas skad cig gcig tsam gyi bar du yang chos ma yin pa spyad par bya'o snyam pa'i bsam pa byung ma myong ngo / /deng khyod kyang de bzhin du chos ma yin pas yul skyong bar ma byed cig /ci'i phyir rgyal po'i chos lugs yang dag pa'i bstan bcos shes bya zhe na/ khyod deng legs par nyon cig dang khyod la bstan par bya'o/ /de nas de'i tshe rgyal po stobs kyi gtso bo'i tog</font><hr>96.132b<br><font size=+1>

gis rgyal bu de la tshigs su bcad pa gya nom pa dag gis yang dag par bstan bcos mngon par bstan pa/ ngas ni sems can bde bya dang / /'jig rten the tsom bcad pa dang / /nyes dmigs mang po bsal ba'i phyir/ /rgyal khrims bstan bcos bshad par bya/ /lha yi bdag po thams cad dang / /mi yi rgyal po gang yin pa/ /dga' ba'i sems ni rab skyed la/ /thal mo sbyar nas ngas bshad nyon/ /sngon byung lha 'khor mang po rnams/ /rdo rje'i ri la 'dus pa na/ /rgyal bzhi stan las langs nas ni/ /tshangs chen la ni 'di skad zhus/ /tshangs bdag mchog tu gtsor gyur cing / /lha yi nang na dbang phyug che/ /bdag cag la ni brtser dgongs nas/ /the tsom rnams ni gcad du gsol/ /ji ltar mi yi 'jig rten skyes/ /rgyal po zhes ni bgyi bar 'gyur/ /gzhan yang rgyu rkyen gang gi slad/ /lha yi bu zhes bgyi bar 'gyur/ /ji ltar mir ni skyes pa la/ /gcig pu mi yi bdag po 'thob/ /ji ltar mtho ris gnas dag tu/ /lha yi rgyal po bgyid par 'gyur/ /de ltar 'jig rten skyong dag gis/ /tshangs rgyal de la zhus pa dang / /de tshe tshangs pa'i bdag po yis/ /de dag la ni 'di skad smras/ /'jig rten skyong khyed shes par byos/ /sems can la ni phan bya'i phyir/ /nga la yul skyong chos dris pas/ /ngas bshad khyod kyis legs par nyon/ /sngon gyi las kyi mthu yis ni/ /lhar skyes rgyal por gyur pa yin/ /gal te mi nang gnas gyur nas/ /dbang sdud mi yi bdag po byed/ /lha rnams lhan cig byin brlabs nas/ /de 'og ma yi mngal du 'jug /ma yi mngal na gnas pa na/ /</font><hr>96.133a<br><font size=+1>

lha rnams kyis ni srung bar byed/ /mi yi 'jig rten skyes gyur kyang / /gtso mchog gyur phyir lha zhes bya/ /lha rnams kyis ni bsrungs pas na/ /lha yi bu zhes brjod pa yin/ /sum bcu rtsa gsum bdag po yis/ /stobs bgos mi rgyal stongs par byed/ /lha ni mang po thams cad kyis/ /rang dbang stobs ni rab bstangs nas/ /chos min kun ni rab bsal te/ /sdig pa'i las ni skyed mi byed/ /sems can dge ba sgrub bskul nas/ /mtho ris gnas su skye bar byed/ /mi dang lha min 'khor dag dang / /dri za dang mi srin po dang / /gdol pa la sogs thams cad kyis/ /stobs kyi phyed ni stong par byed/ /pha mas stobs phyed bstangs nas ni/ /sdig spong dge ba sgrub la 'dzud/ /lha rnams lhan cig rab bsrungs nas/ /dge sdig rnam smin ston par byed/ /dge sdig las ni byas gyur na/ /da ltar tshe 'di nyid la ni/ /lha rnams lhan cig rab bsrungs nas/ /dge sdig rnam smin ston par byed/ /yul mis sdig pa'i las byas la/ /rgyal spangs nan tur mi byed na/ /'di ni yang dag rigs pa min/ /chos bzhin chad pas gcad par bya/ /gal te nyes mthong mi 'gog na/ /chos min rab tu 'phel 'gyur bas/ /rgyal po de yi yul khams su/ /g.yo sgyu mang du 'phel bar 'gyur/ /rgyal pos nyes byed mthong ba la/ /gal te zlog par mi byed na/ /sum bcu rtsa gsum lha 'khor rnams/ /thams cad khong khro'i sems skye 'gyur/ /rgyu des rgyal khrims nyams 'gyur zhing / /g.yo sgyu 'jig rten 'phel 'gyur bas/ /pha rol dgra 'khor dag gis ni/ /yul de bcom nas 'jig par byed/ /gnas pa'i khyim dang yo byad dang / /nor bsags</font><hr>96.133b<br><font size=+1>

thams cad stor bar 'gyur/ /g.yo sgyu sna tshogs skyes pas na/ /phan tshun gcig la gcig kyang 'phrog /yang dag chos kyis rgyal thob kyang / /chos bzhin du ni mi spyod pas/ /yul mi thams cad 'thor 'gyur te/ /glang pos pad ma'i rdzing brdzis 'dra/ /rlung drag ldang la dus kyang med/ /mi 'phrod char ni dus min 'bab/ /rgyu skar ltas ngan mang po ston/ /nyi zla gcan zin 'od kyang med/ /rgyal pos yang dag chos spongs pas/ /'bru rnams me tog 'bras bu dang / lo tog thams cad mi smin cing / /yul na mu ge 'byung bar 'gyur/ /rgyal pos yang dag chos spangs nas/ /sdig chos mi ni ston byed na/ /gzhal med khang gnas lha rnams kyis/ /mthong nas mya ngan skye bar 'gyur/ /lha rgyal 'khor bcas de dag gis/ /'di skad du ni smra bar 'gyur/ /rgyal 'dis chos min rab spyad nas/ /sdig pa'i grogs po bsten pas na/ /rgyal srid yun ring brtan mi 'gyur/ /lha rnams thams cad rab mi dga'/ /de dag khros par gyur pa'i phyir/ /yul de 'jig par 'gyur zhes zer/ /chos min mi ni rab bstan pas/ /yul khams 'phel bar 'gyur bas na/ /'thab rtsod g.yo sgyu mang por 'gyur/ /rims nad sdug bsngal mang po skye/ /lha yi bdag po srung mi byed/ /lha gzhan thams cad spong bar byed/ /de yi yul ni rang zhig nas/ /rgyal po sdug bsngal myong bar 'gyur/ /pha ma chung ma bu rnams dang / /phu nu dang ni sring mo rnams/ /gcig car sdug dang bral 'gyur zhing / /tha mar bdag kyang 'chi bar 'gyur/ /ltas ngan skar mda' dag kyang ltung / /nyi ma gnyis ni</font><hr>96.134a<br><font size=+1>

gcig car 'char/ /pha rol dgra ni nyer 'ongs pas/ /yul mi 'chi bar 'khrug phrad 'gyur/ /yul bkur blon po chen po rnams/ /nyes med blo bur 'chi bar 'gyur/ /glang po rta sogs gces pa rnams/ /thams cad 'thor zhing stongs par 'gyur/ /yul yul kun du dgra yod pas/ /mi ni phal cher dus min 'chi/ /'dre srin mang po yul zhugs pas/ /rims nad kun du 'phel bar 'gyur/ /yul mi blon po chen po dang / /nye phan mang po thams cad kyang / /sems ni g.yo sgyu bcas pas na/ /thams cad chos min spyod par 'gyur/ /chos min spyod pa mthong gyur na/ /snying du sdug cing bkur bar byed/ /dge chos spyod pa'i mi dag la/ /sdug bsngal nyon mongs chad pas gcod/ /ma rungs byams shing bkur ba dang / /dge ba chad pas bcad pa'i phyir/ /gza' skar rlung dang char pa rnams/ /thams cad dus su rgyu mi 'gyur/ /nyes dmigs rnam gsum skye bar 'gyur/ /yang dag chos ni nub 'gyur zhing / /sems can kha dog 'od mi ldan/ /sa yi bcud ni thur du 'bab/ /sdig bkur dge la brnyas pas na/ /gzhan yang nyes dmigs rnam gsum 'byung / /dus min sad dang ser ba 'bab/ /mu ge'i sdug bsngal kun du khyab/ /lo tog 'bras bu mang po rnams/ /thams cad ro zhim nyams par 'gyur/ /de dag gi ni yul khams na/ /sems can phal cher na bar 'gyur/ /de yi yul na ljon shing rnams/ /sngon chad 'bras bu zhim chags pa/ /de yi dbang gis nyams par 'gyur bas/ /kha rtsub ro mchog med par 'gyur/ /sngon gyi kun dga' nags tshal mchog /snying du sdug cing rtse ba'i gnas/ /thams cad</font><hr>96.134b<br><font size=+1>

skams shing rnyings 'gyur bas/ /mthong ba kun gyis mya ngan skye/ /sA lu nas dang lo tog rnams/ /ro zhim khad kyis med gyur pas/ /bza' tshe sems kyang mi dga' na/ /'byung chan 'phel byed ga la nus/ /sems can kha dog 'od nyams shing / /mthu stobs zad cing nyams par 'gyur/ /kha zas mang po zos kyang ni/ /'drangs pa nyid du yong mi 'gyur/ /yul khams de na yod pa yi/ /sems can rnam pa ji snyed pa/ /stobs chung dpa' bshor med pas na/ /bya ba dag ni byed mi nus/ /yul mi phal cher nad thebs pas/ /sdug bsngal sna tshogs lus gzir 'gyur/ /'dre srin kun du khyab pas na/ /thams cad kun du srin por skye/ /rgyal pos chos min rab spyad nas/ /mi dge'i grogs po bsten pas na/ /'jig rten rnam pa gsum po kun/ /des na gnod pa sna tshogs myong / /de 'dra'i nyes dmigs mtha' med pa/ /yul nas 'byung bar 'gyur ba yang / /sdig can mi ni mthong 'gyur yang / /yal bor ma bskrad pa las gyur/ /lha rnams kun gyis byin brlabs nas/ /yul gyi rgyal po byas gyur kyang / /yang dag dam pa'i chos dag gis/ /yul khams yongs su bsrung mi byed/ /gang zhig dge spyod bsgrub byed na/ /rtag tu mtho ris gnas su skye/ /gal te sdig pa'i las byas pa/ /tshe 'phongs nges par ngan 'gros ltung / /gal te rgyal pos yul mi rnams/ /thal rangs nyes pa byed 'jug na/ /sum bcu rtsa gsum lha tshogs rnams/ /thams cad rab gdungs sems skye 'gyur/ /lha rnams dang ni pha ma yi/ /bstan dag bzhin du mi byed pa/ /'di ni chos min mi yin pas/ /rgyal po sri zhu'i bu ma yin/ /gal te rang gi yul khams su/ /chos min spyod pa mthong ba'i tshe/ /chos</font><hr>96.135a<br><font size=+1>

bzhin chad pas gcod byed cing / /yal dor sems ni mi bskyed na/ /de phyir lha tshogs mang po kun/ /rgyal po de la skyob par byed/ /byang chub spyod pa bsgrub pa'i phyir/ /sdig pa'i chos rnams zhi byed na/ /rgyal po tshe 'di nyid la ni/ /mthong ba'i rnam smin nges par myong / /dge dang mi dge'i las dag la/ /spyod spong sems can bskul nas ni/ /dge sdig rnam smin bstan pas na/ /de phyir mi rgyal thob nas kyang / /lha rnams lhan cig byin brlabs nas/ /thams cad yi rang 'gyur ba yin/ /bdag dang gzhan la phan gdags phyir/ /yang dag chos kyis yul bskyang bya/ /g.yo sgyu byed pa mthong gyur na/ /chos bzhin chad pas gcad par bya/ /gal te rgyal thabs stor ba dang / /srog 'bab rkyen zhig byung na yang / /nams kyang sdig chos mi spyod cing / /sdig pa mthong na spang bar bya/ /gnod pa'i nang na mchog lci bas/ /rgyal srid stor las lhag pa med/ /'di kun g.yo sgyu mi las gyur/ /des na chad pas gcad par bya/ /g.yo sgyu byed pa yod gyur na/ /rgyal srid dag kyang stor 'gyur zhing / /rgyal srid dag kyang nyams 'gyur bas/ /glang chen me tog tshal zhugs 'dra/ /de yis mi rgyal byas kyang ni/ /chos kyis yul ni ma bskyangs pas/ /lha dbang thams cad mi dga' zhing / /lha ma yin yang de bzhin no/ /de lta bas na chos bzhin du/ /sdig pa byed pa chad pas gcad/ /dge bas sems can gdul bya zhing / /chos min rjes su 'brang mi bya/ /lus dang srog ni spang bla yi/ /mi dge grogs rjes 'brang mi bya/ /nye ba dang ni nye min pa/ /thams cad mnyam pa nyid du blta/ /yang dag chos kyis rgyal byed na/ /yul mi mi drang med pa'i phyir/ /chos rgyal grags dang ldan 'gyur bas/ /khams gsum kun du grags par 'gyur/ /</font><hr>96.135b<br><font size=+1>

sum bcu rtsa gsum lha tshogs rnams/ /dga' nas 'di skad smra bar 'gyur/ /'dzam gling chos rje gang yin pa/ /de ni bdag gi bu yin te/ /dge bas sems can 'dul byed cing / /yang dag chos kyis yul bskyangs nas/ /yang dag chos spyod bskul bas na/ /bdag cag gnas su skye 'gyur zer/ /lha dang lha yi bu rnams dang / /lha ma yin gyi 'khor rnams kyang / /rgyal pos yang dag chos 'dul rgyus/ /rtag tu sems ni dga' bar 'gyur/ /lha tshogs thams cad rab dga' nas/ /mi rgyal de la bsrung bar byed/ /gza' skar rang gi lam rgyu zhing / /nyi zla tshad las 'da' mi byed/ /rlung ni rtag par dus bzhin ldang / /bdud rtsi'i char ni dus bzhin 'bab/ /lo tog thams cad smin legs pas/ /mi rnams mu ge med par 'gyur/ /lha tshogs mang po thams cad kun/ /rang gi pho brang gang 'gyur bas/ /de phyir mi rje khyod kyis ni/ /lus spangs yang dag chos spel byos/ /rin chen chos la bkur byed na/ /des na mang po bde 'gyur bas/ /rtag par yang dag chos bsten nas/ /yon tan bdag nyid brgyan par bya/ /'khor rnams rtag par rab dga' zhing / /sdig pa rnams ni spong bar byed/ /chos kyis sems can 'dul byed pas/ /rgyun du bde ba 'thob par 'gyur/ /mi rnams de dag thams cad kun/ /dge ba bcu ni spyod byed na/ /yul khams rtag par lo legs shing / /yul ni zhi ba nyid du 'gyur/ /rgyal po chos kyis mi 'dul zhing / /dge bas sdig spyod 'dul byed na/ /snyan pa'i grags pa 'thob 'gyur zhing / /sems can rnams ni bde bar byed/ /de nas de'i tshe sa chen po la gnas pa'i mi'i rgyal po thams cad dang 'khor mang po rnams bcom ldan 'das kyis sngon gyi mi'i rgyal pos yul skyong ba'i chos kyi don bkas bshad pa</font><hr>96.136a<br><font size=+1>

thos pas thams cad ngo mtshar rmad du gyur pa dang / rab tu dga' ba thob par gyur pas shin du dang ba'i mngon par yid ches pa dag gis bka' yang dag par blangs te spyod par gyur to/ /gser 'od dam pa mchog tu rnam par rgyal ba mdo sde'i rgyal po las rgyal po'i chos lugs yang dag pa'i bstan bcos bstan pa'i le'u ste nyi shu pa'o// // gser 'od dam pa mchog tu rnam par rgyal ba'i mdo sde'i rgyal po/ bam po dgu pa/ de nas bcom ldan 'das kyis 'khor mang po rnams la rgyal po'i chos lugs yang dag pa'i bstan bcos bkas bshad nas yang 'khor mang po rnams la bka' stsal pa/ khyed la sogs pa legs par nyon cig dang / ngas deng khyod la sngon chos yang dag par spyod pa'i rgyu dang rkyen bshad par bya'o/ /de nas de'i tshe tshigs su bcad de bka' stsal pa/ ngas sngon 'khor los sgyur rgyal byas pa na/ /sa chen 'di dang rgya mtshor bcas pa btang / /gling bzhi rin chen gyis ni rab bkang ba/ /thams cad de bzhin gshegs pa rnams la mchod/ /ngas sngon bskal pa dag ni tshad med snyed/ /rnam dag yang dag chos sku gnyer ba'i phyir/ /phangs pa'i nor dang rang gi lus srog kyang / /ser sna med pa'i sems kyis yongs su btang / /gzhan yang 'das pa'i bskal pa bsam dga' na/ /yang dag mkhyen pa rin chen gtsug pud byung / /de bzhin gshegs de mya ngan 'das pa'i 'og /rgyal po legs skyes zhes bya 'jig rten byung / /'khor los sgyur rgyal byas nas gling bzhi btul/ /rgya mtsho'i mthar thug tshun chad skyabs su dong / /grong khyer ming ni gya nom sgra zhes bya/ /de tshe 'khor los sgyur rgyal de na gnas/ /rmi lam sangs rgyas bsod nams ye shes thos/ /</font><hr>96.136b<br><font size=+1>

chos smra rin chen bsags pa zhes bya ba/ /nyi ma'i dkyil 'khor ltar mdzes stan 'dug nas/ /gser 'od dam pa'i mdo sde 'chad pa'ang mthong / /de tshe rgyal de rmi lam sad pa dang / /rab tu dga' ba skyes nas lus kun khyab/ /nam langs rgyal po'i pho brang phyir byung nas/ /dge slong dge 'dun rnams kyi thad du song / /'phags pa'i tshogs la gus pas rab mchod nas/ /tshogs chen mang po de la 'di skad dris/ /chos smra rin chen bsags pa zhes bgyi ba/ /yon tan phun tshogs sems can 'dul mchis sam/ /de tshe chos smra chen po rin chen bsags/ /gnas khang gcig pur yang dag gnas nas ni/ /dran pa nyer gzhag mdo sde 'di bton pas/ /drang 'dug mi g.yo lus dang sems kyang bde/ /de tshe dge slong zhig gis rgyal khrid nas/ /rin chen bsags pa de yi gnas su phyin/ /gnas khang nang du lus ni drang bsrang ste/ /'od dang mtshan mchog lus kun khyab par mthong / /rgyal po de la 'di ni rin chen bsags/ /mdo sde'i rgyal po mchog gyur 'di lta ste/ /gser 'od dam pa shin du gya nom mchog /sangs rgyas spyod yul zab mo 'dzin ces smras/ /rgyal pos rin chen bsags la phyag byas nas/ /gus pas thal mo sbyar nas 'di skad smras/ /zla ba nya ltar zhal mdog mdzes gyur pa/ /gser 'od dam pa'i chos 'di bshad du gsol/ /rin chen bsags kyis rgyal po'i tshig mnyan nas/ /gser 'od dam pa 'di ni bshad gnang ngas/ /stong gsum 'jig rten khams 'di kun khyab pa'i/ /lha mi thams cad rab tu dga' bar 'gyur/ /rgyal pos sa phyogs yangs shing gtsang ma'i gnas/ /rin chen gya nom mchog gis rab brgyan te/ /spos chu dam pa dag gis chag chag btab/ /me tog sna tshogs dag ni bcal du bkram/ /</font><hr>96.137a<br><font size=+1>

gnas mchog der ni stan mtho rab bting ste/ /ba dan bla re bres nas mdzes par byas/ /phye ma phyug spos rnam pa sna tshogs kyis/ /bdug pa dag ni kun du khyab par byas/ /lha klu lha ma yin dang mi 'am ci/ /lto 'phye chen po dang ni gnod sbyin dang / /lha rnams man dA ra ba'i char phab nas/ /thams cad nyer 'ongs stan mchog de la mchod/ /gzhan yang lha ni 'bum phrag brgya stong rnams/ /dam chos nyan mos thams cad der ni 'dus/ /chos smra dang po stan las langs pa'i tshe/ /thams cad lha yi me tog dag gis mchod/ /de tshe chos smra chen po rin chen bsags/ /shin du lus bkrus gos gtsang rab bgos te/ /tshogs chen chos stan de drang song nas ni/ /thal sbyar rtse gcig sems kyis gus phyag byas/ /lha dbang lha tshogs lha'i bu mo rnams/ /thams cad me tog man dA ra yang gtor/ /lha'i rol mo brgya stong bsam mi khyab/ /mkha' la gnas nas sgra dbyangs snyan par phyung / /de tshe chos smra chen po rin chen bsags/ /stan la 'dug ste skyil mo dkrung bcas nas/ /phyogs bcu'i zhing na bzhugs pa'i byams chen gtso/ /bye ba brgya stong de dag yid la bsams/ /sdug bsngal sems can thams cad ji snyed pa/ /thams cad byams sems mnyam pa nyer gzhag nas/ /gsol 'debs bdag po rgyal po legs pa'i phyir/ /gser 'od dam pa'i mdo sde rab tu bshad/ /rgyal pos de 'dra'i chos ni thos gyur nas/ /thal sbyar rtse gcig rjes su yi rang smras/ /ya mtshan chos thos mchi ma blags te ngus/ /lus dang sems ni dga' chen kun khyab gyur/ /de tshe yul bdag rgyal po legs skyes kyis/ /mdo sde 'di ni mchod par 'dod pa'i phyir/ /lag na yid bzhin nor bu</font><hr>96.137b<br><font size=+1>

thogs nas ni/ /sems can kun phyir smon lam 'di skad btab/ /'dzam gling 'di ni kun du khyab par yang / /rin chen rgyan phreng char ni rab phab nas/ /nor dang yo byad rgud phongs ji snyed pa/ /thams cad yid bzhin bde ba myong bar shog /de nas rin chen sna bdun char phab nas/ /gling bzhi kun du chog cing tshim byas pas/ /lus kyi rgyan phreng gos dang zas skom dang / /ci dang ci 'dod phongs pa med par gyur/ /de tshe yul bdag rgyal po legs skyes kyis/ /gling bzhi rin chen char bab mthong ba dang / /thams cad sangs rgyas rin chen gtsug pud kyi/ /bstan la zhugs pa'i dge slong dge 'dun mchod/ /'das pa'i rgyal po legs skyes gang yin pa/ /shAkya thub pa nga yin shes par byos/ /sngon yang sa chen mang po rab btang ste/ /rin chen dag gis gling bzhi yongs su bkang / /sngon tshe chos mkhan chen po rin chen bsags/ /legs skyes de la gya nom chos bshad de/ /mdo sde'i rgyal po de dag bshad pa'i phyir/ /shar phyogs sangs rgyas mi 'khrugs grub pa yin/ /ngas ni mdo sde'i rgyal po 'di mnyan nas/ /thal sbyar rtse gcig yi rang brjod pa dang / /rin chen sna bdun btang ba'i bsod nams kyis/ /rdo rje sku mchog 'di ni brnyes pa yin/ /gser 'od bsod nams brgya yi mtshan brgyan pas/ /mthong ba thams cad kun ni rab dga' zhing / /sems can thams cad kun gyi snying du sdug /lha tshogs mang po bye ba kun de bzhin/ /'das tshe bskal pa bye ba dgu bcu dgu/ /'khor los sgyur ba'i rgyal po dag kyang byas/ /yul khams chung ngur mi yi rgyal po byas/ /gzhan yang bskang pa brgya stong tshad med snyed/ /brgya byin lha'i dbang po dag kyang byas/ /tshangs pa'i rgyal po chen po dag byas te/ /phyogs bcu'i</font><hr>96.138a<br><font size=+1>

byams chen gtso la mchod pa yi/ /de'i grangs tshad shin du mthar thug dka'/ /ngas sngon mdo thos rjes su yi rang dge/ /bsod nams phung po ci yod tshad shes dka'/ /bsod nams de dbang byang chub mngon rtogs nas/ /chos sku yang dag ye shes dam pa brnyes/ /de nas 'khor mang po rnams de skad ces bka' stsal pa thos pas ngo mtshar rmad du gyur nas thams cad kyis mdo sde gser 'od dam pa spel zhing rgyun mi 'chad par spyad par mos par gyur to/ /gser 'od dam pa mchog tu rnam par rgyal ba mdo sde'i rgyal po las rgyal po legs skyes kyi le'u ste nyi shu gcig pa'o// // de nas bcom ldan 'das kyis dpal gyi lha mo chen mo la 'di skad ces bka' stsal to/ /shin du dang ba'i sems dad pa dang ldan pa'i rigs kyi bu 'am/ rigs kyi bu mo gang la la zhig gis 'das pa dang / ma byon pa dang / da ltar bzhugs pa'i sangs rgyas rnams la mchod pa'i yo byad bsam gyis mi khyab pa dang / yangs shing rgya che ba dag gis mchod par byed par 'dod pa dang / dus gsum gyi sangs rgyas kyi spyod yul zab mo shes shing rtogs par 'dod pa gang yin pa des gdon mi za bar sems rtse gcig tu mdo sde'i rgyal po 'di grong khyer ram/ grong rdal lam/ ri 'am nags tshal gang yang rung ste/ gnas de dang de dag tu sems can rnams la rgya cher yang dag par bstan nas yongs su spel bar bya'o/ /chos nyan pa gang yin pa de yang rnam par g.yeng ba'i 'du shes spangs nas rna blags te sems rtse gcig tu gzhag par bya'o/ /de nas bcom ldan 'das kyis lha mo de dang 'khor mang po rnams la tshigs su bcad de bka' stsal pa/ gang zhig sangs rgyas mang po la/ /bsam gyis mi khyab mchod pa dang / /de bzhin gshegs pa thams cad kyi/ /spyod yul zab mo shes 'dod na/ /gal te gser 'od</font><hr>96.138b<br><font size=+1>

dam pa 'di/ /yang dag phye bshad mthong gyur na/ /de yi phyogs su nyer song nas/ /de yi drung du 'gro bar bya/ /mdo 'di bsam gyis mi khyab pas/ /yon tan mang po spyod byed cing / /sdug bsngal rgya mtsho mtha' med las/ /sems can rnams ni thar bar byed/ /nga yi mdo 'di rnam bltas na/ /thog ma bar dang tha mar dge/ /shin du zab pas dpag par dka'/ /dpe dag gis ni zla byar med/ /gang ga'i bye ma sa chen rdul/ /rgya mtsho'i chu dang nam mkha' dang / /ri brag thams cad gang gis kyang / /cha shas tsam yang dper byar med/ /chos dbyings zab mor 'jug 'dod na/ /mdo 'di sngar ni mnyan par bya/ /chos nyid mchod rten gang na bar/ /zab mo shin du bde bar gnas/ /mchod rten 'di yi nang dag tu/ /shAkya thub pa nga yis ni/ /yid 'ong sgra dbyangs dam pa yis/ /mdo sde 'di bshad mthong bar 'gyur/ /des na grangs tshad bsam dka' ba'i/ /bskal pa bye ba snyed du ni/ /lha dang mi yi nang skyes nas/ /rtag tu bde ba mchog myong 'gyur/ /mdo sde 'di ni mnyam pa yis/ /bdag ni bsam gyis mi khyab pa'i/ /bsod nams phung po 'thob 'gyur zhes/ /de snyam du ni bsam par bya/ /gal te me chen phung po dag /dpag tshad brgya ni gang 'gyur kyang / /mdo sde'i rgyal po 'di mnyan phyir/ /dka' ba med par 'gro bar bya/ /de yi gnas su phyin nas ni/ /'di 'dra'i mdo 'di thos gyur na/ /sdig pa'i las rnams 'byang 'gyur zhing / /rmi lam ngan pa sel bar 'gyur/ /gza' skar ma rungs ltas ngan dang / /byad stems log pa'i gdon la sogs/ /mdo sde 'di ni thos pa'i tshe/ /sdig pa mang po spong bar byed/ /stan mtho mchog ni rab brgyan nas/ /rab gtsang pad ma 'dra ba la/ /chos smra steng du phyin nas ni/ /klu chen lta bur 'dug par bya/ /de la bde bar 'dug nas ni/ /zab mo'i mdo 'di bshad par bya/ /yi ger bris nas klog</font><hr>96.139a<br><font size=+1>

'dzin dang / /de yi don ni bshad par bya/ /chos smra ba stan ni spangs nas ni/ /phyogs gzhan dag tu song gyur kyang / /khri stan mthon po de las ni/ /cho 'phrul mtshan ma mang 'byung ba/ /res 'ga' chos smra mkhan po'i gzugs/ /stan mtho steng na 'dug par mthong / /res 'ga' sangs rgyas bcom ldan 'das/ /byang chub sems dpa' rnams kyang mthong / /res 'ga' kun du bzang po'i gzugs/ /res 'ga' 'jam dpal lta bu dang / /res 'ga' byams pa gtso bo'i gzugs/ /stan mtho'i steng na 'dug par mthong / /res 'ga' ya mtshan mtshan ma dang / /lha ni mang po rnams kyi gzugs/ /yud tsam du ni mthong gyur kyang / /de ma thag tu mi snang 'gyur/ /bkra shis mang po rdzogs byed pas/ /byas pa thams cad yid bzhin 'grub/ /yon tan rnams ni yongs rdzogs par/ /bcom ldan 'das kyis de skad gsungs/ /mchog tu rnam rgyal grags dang ldan/ /nyon mongs mang po zhi bar byed/ /pha rol dgra rnams rab tu sel/ /g.yul 'gyed tshe na rtag par rgyal/ /rmi lam ngan pa thams cad med/ /dug dang gnod pa mang po zhi/ /las gsum sdig pa ci byas pa/ /mdo sde'i mthu yis byang bar byed/ /'dzam bu'i gling ni 'di dag kun/ /grags pa kun du rgyas par 'gyur/ /'khon 'dzin dgra ni ji snyed pa/ /phan tshun 'khon ni gtong bar 'gyur/ /gal te dgra ni phyin gyur kyang / /ming thos tsam gyis ldog 'gyur bas/ /mtshon cha g.yo ba mi ltos pas/ /dgra gnyis dga' ba skye bar 'gyur/ /sangs rgyas dang ni brgya byin dbang / /'jig rten skyong dang rgyal chen bzhi/ /lag na rdo rje gnod sbyin dang / /sde dpon chen po yang dag shes/ /klu yi rgyal po ma dros dang / /klu yi rgyal po rgya mtsho dang / /mi 'am ci dang rol mo'i lha/ /lha ma yin dang gser 'dab bdag /lha mo spobs pa chen mo dang / /dpal gyi lha mo</font><hr>96.139b<br><font size=+1>

chen mo dang / /'di la sogs pa lha yi gtso/ /so sor lha tshogs khrid nas ni/ /sangs rgyas rnams la mchod par byed/ /dkon mchog chos ni bsam mi khyab/ /rtag par dga' ba'i sems kyis ni/ /mdo sde la ni bkur sti byed/ /'di la sogs pa'i lha mang po/ /thams cad lhan cig 'grogs nas ni/ /bsod nams sgrub pa rnam bltas nas/ /lhan cig 'di skad smra bar byed/ /sems can 'di dag rab tu ltos/ /bsod nams yon tan che ldan zhing / /dge rtsa brtson 'grus stobs kyis ni/ /bdag cag lha gnas skye 'gyur zer/ /mdo sde zab mo mnyan pa'i phyir/ /gus pa'i sems kyis der 'ongs nas/ /yang dag chos ni bkur ba'i phyir/ /chos kyi mchod rten mchod par byed/ /sems can kun la snying brtse bas/ /phan pa chen po byed pas na/ /mdo sde zab mo 'di dag gi /chos kyi rin chen snod kyang byed/ /chos kyi sgo 'dir gang zhugs pa/ /chos nyid la ni 'jug 'gyur bas/ /mdo sde gser 'od dam pa 'di/ /rtse gcig sems kyis mnyan par bya/ /sangs rgyas brgya stong tshad med la/ /gang zag de dag mchod pas na/ /dge ba'i rtsa ba de dbang gis/ /mdo sde 'di ni thos pa yin/ /'di ltar lha yi bdag po dang / /lha mo spobs pa chen mo dang / /dpal gyi lha mo de dang ni/ /rgyal chen ris bzhi'i lha rnams dang / /gnod sbyin 'khor ni grangs med pa/ /dpa' zhing rdzu 'phrul ldan pa rnams/ /so sor phyogs bzhi dag nas ni/ /rtag tu 'ongs nas skyob par byed/ /nyi zla brgya byin lha dbang dang / /rlung dang chu dang me yi lha/ /khyab 'jug dang ni phrag chen dang / /gshin rje spobs pa lha mo dang / /'jig rten mgon po la sogs pa/ /rab dpal gzi ldan thams cad kun/ /mdo sde 'dzin pa bsrung byed pas/ /nyin mtshan rtag par yong mi 'bral/ /gnod sbyin rgyal po stobs</font><hr>96.140a<br><font size=+1>

po che/ /mthu chen dang ni dbang phyug dang / /gtso bo yang dag shes la sogs/ /gnod sbyin nyi shu rtsa brgyad dang / /gzhan yang gnod sbyin brgya stong rnams/ /rdzu 'phrul stobs chen ldan pa dag /rtag par 'jigs pa'i gnas rnams su/ /nyer 'ongs gang dag de bsrung byed/ /lag na rdo rje gnod sbyin rgyal/ /'khor ni lnga brgya bcas pa dang / /byang chub sems dpa' chen po'i tshogs/ /rtag par nyer 'ong de bsrung byed/ /rin chen rgyal po gnod sbyin dbang / /de bzhin rdzogs bzang rgyal po dang / /'brog gnas dang ni ku be ra/ /zas sbyin kha dog ser po dang / /'di la sogs pa'i gnod sbyin rgyal/ /so sor g.yog 'khor lnga brgyar bcas/ /thams cad nyer 'ong bsrung bar byed/ /sna tshogs sde dang dri za dang / /'dam bu rgyal po rtag tu rgyal/ /nor bu gtsug dang ne gan dang / /char pa'i dbang po de dag dang / /mchog tu rgyal ba nag po che/ /su ba na dang ke sha dang / /pan tsi ka dang ra rkang dang / /de bzhin bskal pa chen po dang / /pra ma li chung chos skyong dang / /spre'u rnams kyi ni rgyal po dang / /khab spu dang ni nyi ma'i gnyen/ /rin chen gtsug pud srung bar byed/ /pra ni li chen na ku la/ /bdun pa dang ni 'dod mchog dang / /mthu bo che dang gangs ri dang / /bde ba'i ri yang de bzhin te/ /thams cad rdzu 'phrul che ldan zhing / /rab dpal mthu stobs ldan pa yang / /mdo sde 'di 'dzin mthong gyur na/ /thams cad 'ongs nas bsrung bar byed/ /ma dros klu yi rgyal po dang / klu yis rgyal po rgya mtsho dang / btang bzung dang ni e la'i 'dab/ /dga' bo dang ni nye dga' bo/ /klu ni brgya stong mang po'i nang / /rdzu 'phrul dang ni gzi byin ldan/ /mdo sde 'dzin pa bsrung byed pas/ /nyin mtshan rtag par yong mi 'bral/ /ba li dang ni sgra gcan dang / /thags zangs ris dang sdom</font><hr>96.140b<br><font size=+1>

pa pa/ /bong bu phung dang phrag chen dang / /de bzhin du ni rab dga' dang / /lha min rgyal po gzhan rnams dang / /lha yi tshogs ni grangs med pa/ /stobs chen rab tu dpa' ba rnams/ /thams cad 'ongs nas de bsrung byed/ /'phrog ma 'byung po rnams kyi ma/ /gnod sbyin 'khor ni lnga brgya rnams/ /mi de gnyid log sad kyang rung / /rtag par 'ongs nas bsrung bar byed/ /ma rungs pa dang gdug pa dang / /gnod sbyin lag na dbyug thogs dang / /dung chen dang ni so brtsegs ma/ /sems can kun gyi mdangs 'phrog pa/ /de 'dra'i lha tshogs mang po rnams/ /mthu chen rdzu 'phrul ldan pa kun/ /mdo sde 'dzin pa rtag bsrung bas/ /nyin mtshan rtag par yong mi 'bral/ /gtso mo spobs pa chen mo dang / /lha yi bu mo tshad med dang / /dpal gyi lha mo gtso mo dang / /de yi 'khor ni mang po dang / /sa chen 'di yi lha mo dang / /lo tog kun dga' nags tshal lha/ /shing gi lha dang chu klung lha/ /mchod rten lha la sogs pa dang / /de la sogs pa'i lha mang po/ /dga' chen sems ni rab bskyed nas/ /mdo sde 'di ni 'dzin pa la/ /thams cad 'ongs nas bsrung bar byed/ /mdo sde 'dzin pa mthong gyur na/ /tshe dang kha dog stobs 'phel byed/ /gzi byin dang ni yon tan dang / /mtshan mchog gis ni brgyan par 'gyur/ /gza' skar ltas ngan ston pa dang / /de la nyam thag byur byung dang / /rmi lam ltas ngan mthong ba yang / /thams cad rab tu zhi bar byed/ /sa chen 'di yi lha mo yang / /rab brtan gzi byin mthu stobs ldan/ /mdo sde 'di yi mthu yis ni/ /chos kyi ro yis rtag tshim pas/ /sa bcud mthur du song ba yang / /dpag tshad brgya ni yan chad du/ /sa bcud gyen du 'phags byas nas/ /sa chen 'di ni snum par byed/ /sa yi rngams su</font><hr>96.141a<br><font size=+1>

dpag tshad ni/ /'bum phrag drug bcu rtsa brgyad nas/ /rdo rje'i gzhi la thug pa'i bar/ /sa bcud thams cad gyen du 'phags/ /mdo sde'i rgyal po 'di thos dbang / /bsod nams phung po che thob pas/ /lha yi 'khor ni mang po rnams/ /thams cad phan yon thob par 'gyur/ /gzhan yang lha tshogs mang po rnams/ /mthu stobs 'od dang ldan 'gyur zhing / /rab dga' rtag tu bde byed pas/ /nyams pa'i mtshan ma spong bar 'gyur/ /'dzam bu'i gling ni 'di nang gi /nags tshal 'bras bu lo tog lha/ /mdo sde 'di yi byin brlabs kyis/ /sems ni rtag tu dga' thob pa/ /lo tog thams cad legs 'gyur zhing / /kun du me tog dam pa dang / /'bru rnams thams cad 'phel 'gyur bas/ /sa chen kun du rgyas par 'gyur/ /'bras bu'i ljon shing mang po dang / /thams cad lo tog mchog skyes nas/ /dri zhim rtag pa'i kun du 'thul/ /rtswa mang ljon shing rnams las kyang / /me tog dam pa skye 'gyur zhing / /'bras bu zhim po skye 'gyur bas/ /thams cad kun du gang bar 'gyur/ /'dzam bu'i gling ni 'di dag tu/ /klu yi bu mo tshad med snyed/ /rab tu dga' ba'i sems bskyed nas/ /thams cad kun du zhugs nas ni/ /me tog rnam pa du ma dang / /de bzhin pad ma dkar po dang / /pad ma sngon po dmar po gnyis/ /bskyed nas rdzing kun gang bar 'gyur/ /mdo sde 'di yi byin brlabs kyis/ /nam mkha' gtsang zhing sgrib pa med/ /sprin dang khug rna yongs su sel/ /mun nag thams cad snang bar 'gyur/ /nyi ma'i 'od zer stong 'gyed pas/ /dri med 'od ni rnam par dag /mdo sde rgyal po 'di yi mthus/ /gling bzhi yongs bskor gsal bar byed/ /mdo sde 'di yi byin brlabs kyis/ /</font><hr>96.141b<br><font size=+1>

lha yi bu rnams bstangs pas na/ /thams cad 'dzam bu'i gser dag gis/ /gzhal med khang ni byed par 'gyur/ /nyi zla dang po 'char ba'i tshe/ /gling 'di mthong na rab dga' bas/ /rtag par snang ba chen po yis/ /thams cad kun du gsal bar byed/ /sa chen 'di la yod pa yi/ /pad ma'i rdzing ni ji snyed pa/ /nyi mas dus bzhin gsal byed pas/ /kha ni mi 'byed gang yang med/ /'dzam bu'i gling ni 'di dag tu/ /lo tog 'bras bu sman rnams kun/ /thams cad legs shing smin 'gyur bas/ /sa chen kun du gang bar 'gyur/ /mdo sde 'di yi byin brlabs kyis/ /nyi zla snang bar byed pa'i gnas/ /rgyu skar tshad las mi 'da' zhing / /rlung char dus bzhin ldang 'bab pas/ /'dzam gling 'di dag kun du yang / /yul rnams lo legs skyid par 'gyur/ /gang na mdo sde 'di bzhugs pa/ /phyogs gzhan dag pas khyad par 'phags/ /gser 'od dam pa'i mdo sde 'di/ /gang du spel zhing 'don pa dang / /rnam phye 'chad pa byed pa'i gnas/ /bsod nams gong ma thob par 'gyur/ /de nas dpal gyi lha mo chen mo dang / lha la sogs pa mang po de dag bcom ldan 'das kyis de skad ces bka' stsal pa thos nas/ de thams cad rab du dga' bas mdo sde'i rgyal po 'di dang / dang / yongs su 'dzin par byed pa de dag la sems rtse gcig tu yongs su bsrung nas mya ngan gyi gnod pa med cing rtag tu bde ba thob par 'gyur bas mos par gyur to/ /gser 'od dam pa mchog tu rnam par rgyal ba'i mdo sde'i rgyal po las lha dang gnod sbyin rnams kyis yongs su bsrung zhing 'dzin par byed pa'i le'u ste nyi shu gnyis pa'o// // de nas de bzhin gshegs pas 'khor mang po'i nang du rgya cher yang dag par chos bshad nas byang chub sems dpa' mdzes pa'i tog dang / de'i bu gnyis po dngul gyi tog dang / dngul gyi 'od ces bya ba gnyis po bla na</font><hr>96.142a<br><font size=+1>

med pa yang dag par rdzogs pa'i byang chub tu lung bstan par bzhed par gyur pa dang / de'i tshe lha'i bu stong phrag bcu mchog tu rgyal ba'i 'od ces bya ba gtso bor gyur pa dang lhan cig tu sum bcu rtsa gsum lha'i gnas nas babs te/ bcom ldan 'das kyi spyan sngar lhags nas bcom ldan 'das kyi zhabs la mgo bos phyag byas te phyogs gcig tu 'khod nas bcom ldan 'das kyis bkas bshad pa'i chos nyan par gyur to/ /de nas bcom ldan 'das kyis byang chub sems dpa' mdzes pa'i tog la 'di skad ces bka' stsal to/ /khyod ma 'ongs pa'i dus bskal pa bye ba khrag khrig 'bum phrag brgya stong tshad med grangs med pa snyed 'das pa na gser 'od ces bya ba'i 'jig rten gyi khams su bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bas de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu kha lo sgyur ba/ lha dang mi rnams kyi ston pa/ sangs rgyas bcom ldan 'das gser dang rin po che'i ri bo'i rgyal po zhes bya bar gyur nas 'jig rten du 'byung bar 'gyur ro/ /de bzhin gshegs pa de yongs su mya ngan las 'das pa'i 'og tu bstan pa'i chos rnams nub par gyur pa dang / de'i tshe 'di'i bu chen po dngul gyi tog ces bya ba 'jig rten gyi khams de nyid du de bzhin gshegs pa'i rgyal tshab du gyur te/ de'i tshe de'i ming bsgyur nas rnam dag tog ces bya bar 'gyur zhing mngon par rdzogs par 'tshang rgya bar 'gyur bas de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ bla na med pa'i skyes bu kha lo sgyur ba/ lha dang mi rnams kyi ston pa/ </font><hr>96.142b<br><font size=+1>

sangs rgyas bcom ldan 'das gser tog 'od ces bya bar 'gyur ro/ /de'i tshe de bzhin gshegs pa de yongs su mya ngan las 'das pa'i 'og tu bstan pa'i chos rnams nub par gyur pa dang / 'di'i bu chung ngu dngul gyi 'od de bzhin gshegs pa de'i rgyal tshab tu 'gyur bas 'jig rten gyi khams de nyid du mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas rig pa dang / zhabs su ldan pa bde bar gshegs pa/ 'jig rten mkhyen pa/ bla na med pa'i skyes bu kha lo sgyur ba/ lha dang mi rnams kyi ston pa/ sangs rgyas bcom ldan 'das gser 'od ces bya bar 'gyur ro zhes lung bstan to/ /de nas de'i tshe lha'i bu stong phrag bcu po de dag gis skyes bu chen po gsum po de dag gis lung bstan pa yang thos/ 'di ltar mdo sde'i rgyal po mchog dam pa 'di yang thos pas sems rab tu dga' ba skyes nas rnam par dag cing dri ma med par gyur pas dper na nam mkha' lta bur gyur to/ /de nas de bzhin gshegs pas lha'i bu stong phrag bcu po de dag dge ba'i rtsa ba yongs su smin par thugs kyis mkhyen pas byang chub chen por lung bstan nas/ 'di skad du lha'i bu khyed cag ma 'ongs pa'i bskal pa bye ba khrag khrig 'bum phrag brgya stong tshad med grangs med pa snyed 'das pa na/ 'jig rten gyi khams dbang po'i tog mngon par 'phags pa zhes bya bar bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ rus rigs kyang 'thun/ ming yang 'thun par 'gyur bas thams cad zhal dang spyan rnam par dag cing ut+pa la dri'i ri mo zhes bya ba mtshan rnam pa bcu phun sum tshogs par 'gyur te/ 'di ltar rim bzhin du sangs rgyas stong phrag bcu 'jig</font><hr>96.143a<br><font size=+1>

rten du 'byung bar 'gyur ro zhes lung bstan to/ /de nas bcom ldan 'das la byang chub kyi shing gi lha mos 'di skad ces gsol to/ /bcom ldan 'das lha'i bu stong phrag bcu po 'di dag ni sum bcu rtsa gsum lha'i gnas nas chos mnyan pa'i slad du bcom ldan 'das kyi spyan sngar mchis pa lags na/ ci'i slad du de bzhin gshegs pas mngon par rdzogs par 'tshang rgya bar 'gyur ro zhes lung bstan par mdzad lags/ bdag gi ni lha'i bu 'di dag pha rol du phyin pa drug phun sum tshogs par bsgoms nas dka' ba spyad de/ lag pa dang / rkang pa dang / mgo dang / mig dang / rkang dang / klad rgyas dang / g.yog 'khor dang / bu dang / mchis brang dang / glang po che dang / rta dang / shing rta dang / bran po dang / bran mo dang / mngag gzhug bgyid pa dang / khang khyim dang / kun dga' ra ba dang / nags tshal dang / gser dang / dngul dang / bai dUr+ya dang / spug dang / rdo'i snying po dang / byi ru dang / man shel dang / dung dang / bza' ba dang / btung ba dang / gos dang / mal cha dang / gsos sman dag sbyin pa yongs su gtong bar yang ma thos te/ byang chub sems dpa' brgya stong tshad ma mchis pa gzhan dag ni mchod pa'i yo byad mang pos 'das pa'i sangs rgyas 'bum phrag khrag khrig brgya stong grangs ma mchis pa snyed la mchod pa bgyis nas/ 'di ltar byang chub sems dpa' de dag so so nas bskal pa tshad ma mchis shing mtha' ma mchis pa snyed lon nas gdod de'i rjes la byang chub tu lung bstan pa 'thob par 'gyur ba lags na/ bcom ldan 'das lha'i bu 'di dag rgyu rkyen ni gang / spyod pa mchog ni ji lta bu zhig mngon par bsgrubs/ dge ba'i rtsa ba ni ji lta bu zhig bskrun na lha'i gnas de nas 'dir mchis te/ yud tsam zhig chos thos pa 'di nyid kyis lung bstan pa thob par gyur lags/ </font><hr>96.143b<br><font size=+1>

bcom ldan 'das bdag la bkas bshad de the tsom gyi dra ba gcad du gsol/ bcom ldan 'das kyis shing gi lha mo la bka' stsal pa/ rigs kyi lha mo khyod kyis ji skad smras pa bzhin te/ 'di dag thams cad ni dge ba'i rtsa ba mchog dam pa'i rgyu dang rkyen dang nan tan brtson 'grus kyis dka' ba bsgrubs nas gdod lung bstan pa thob pa yin pas lha'i bu mang po 'di dag lha'i gzhal med khang mchog dam pa nas 'dod pa lnga'i bde ba spangs te/ ched du gser 'od dam pa'i mdo sde 'di du 'ongs pa yin pas chos thos par gyur nas kyang mdo sde 'di la sems kyis gus pa bskyed de/ bai dUr+ya yongs su dag pa ltar skyon gyi dri ma med par gyur pa dang / gzhan yang byang chub sems dpa' sems dpa' chen po gsum po 'di lung bstan pa'i dngos po yang thos pa dang / gzhan yang 'das pa'i dus kyi tshe yun ring por yang dag pa'i spyod pa bsgrubs nas yi dam chen po blangs pa'i rgyu dang rkyen de'i phyir ngas ma 'ongs pa'i dus na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes lung bstan pa yin no/ /de dag shing gi lha mo des bcom ldan 'das kyis de skad ces bka' stsal pa/ thos nas rab tu dga' bas mngon par yid ches par gyur to/ /gser 'od dam pa mchog tu rnam par rgyal ba mdo sde'i rgyal po las lung bstan pa'i le'u ste nyi shu gsum pa'o// // bcom ldan 'das kyis byang chub kyi shing gi lha mo la bka' bstsal pa/ rigs kyi lha mo legs par nyon la shin du yid la zung shig dang / lha'i bu stong phrag bcu po 'di dag gi sngon gyi smon lam gyi rgyu dang rkyen gang yin pa deng khyod la bshad par bya'o/ /rigs</font><hr>96.144a<br><font size=+1>

kyi lha mo sngon byung ba 'das pa'i dus kyi bskal pa grangs med pa/ tshad med cing bsams gyis mi khyab pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu kha lo bsgyur ba/ lha dang mi rnams kyi ston pa/ sangs rgyas bcom ldan 'das rin chen gtsug pud ces bya ba 'jig rten du byung ste/ rigs kyis lha mo de'i tshe bcom ldan 'das de yongs su mya ngan las 'das pa'i 'og tu yang dag pa'i chos nub par gyur nas gzugs brnyan gyi chos kyi tshe rgyal po lha'i dbang phyug gi 'od ces bya ba zhig yod de/ rtag par yang dag pa'i chos kyis pha ma bzhin du mi rnams la rjes su ston par byed do/ /rgyal po de'i yul na tshong dpon chu 'dzin ces bya ba sman gyi rig pa la shin du mkhas pa/ shes pa'i yan lag brgyad legs par khong du chud pa/ sems can gyi nad kyi sdug bsngal 'byung ba chen po bzhi mi mthun pa las gyur pa thams cad yongs su skyob cing gso bar byed pa zhig yod de/ rigs kyi lha mo de'i tshe tshong dpon chu 'dzin de la bu chu 'bebs shes bya ba byad bzhin sdug cing mdzes pa/ mang po kun gyis blta bar mos pa/ rang bzhin gyis sems myur ba/ gtsug lag rnams legs par rtogs pa/ yi ge dang / ri mo dang / rtsis dang / grangs rnams mngon par mi rtog pa gang yang med pa zhig yod par gyur to/ /de'i tshe rgyal po de'i yul khams na sems can brgya stong tshad med pa snyed nad kyi sdug bsngal sna tshogs kyis rab tu gzir bar gyur pas tha na dga' bar gyur pa'i sems cung zad tsam yang med par gyur to/ /de nas tshong dpon gyi bu chu 'bebs sems</font><hr>96.144b<br><font size=+1>

can brgya stong tshad med pa de dag nad kyi sdug bsngal myong bar gyur pa mthong ba dang / snying rje chen po'i sems bskyed nas 'di snyam du sems can tshad med pa 'di snyed sdug bsngal mi zad pas nyon mongs par gyur te/ bdag gi pha tshong dpon sman dpyad la shin du mkhas shing shes pa'i yan lag brgyad legs par khong du chud de/ 'byung ba chen po bzhi 'phel zhing 'grib pa las byung ba'i nad sna tshogs gso bar nus kyang rgas 'khogs pas lus kyi nyam chung zhing dma' ba dang / mkhar ba la brten nas gdod 'gro bas grong dang / grong khyer dang / grong rdal rnams su song nas nad kyi sdug bsngal rnams yongs su skyob par byed mi nus la/ deng sems can brgya stong tshad med pa snyed ni nad tshabs chen pos thebs pas yongs su skyob par nus pa med na/ deng bdag pha sman pa chen po'i drung du song la nad gso ba'i sman dpyad gsang ba dris te/ gal te shes par gyur na grong dang / grong khyer dang / grong rdal dag tu song la sems can gyi nad rnam pa sna tshogs gsos te yun ring por bde ba myong bar bya'o snyam mo/ /de nas tshong dpon gyi bus de snyam du bsams nas pha'i thad du song ste/ rkang pa la mgo bos gtugs nas phyag byas te gus pas thal mo sbyar nas phyogs gcig tu 'khod de/ tshigs su bcad pa 'di dag gis pha la 'di skad ces dris so/ /bdag ni sems can bskyab pa'i slad/ /sman dpyad rnams ni zhu lags na/ /byams pa'i yab kyis brtser dgongs te/ /bdag la bkas ni bshad du gsol/ /ji ltar lus ni 'jig pa na/ /'byung chen rnams ni 'phel 'grib 'gyur/ /gzhan yang dus ni gang gi tshe/ /nad mang rnams ni skye 'gyur lags/ /ji ltar zas skom 'tshal 'gyur na/ /bde ba dag ni myong 'gyur zhing / /lus kyi nang gi me yi mthu/ /nyams</font><hr>96.145a<br><font size=+1>

shing gnod par mi 'gyur lags/ /sems can nad ni bzhi mchis te/ /rlung dang mkhris pa bad kan dang / /kun 'dus pa yi nad lags na/ /de dag ji ltar gso bar bgyi/ /gang gi tshe ni rlung nad ldang / /gang gi tshe ni mkhris nad slong / /gang gi tshe ni bad kan g.yo/ /gang gi tshe ni kun 'dus skye/ /de nas tshong dpon gyi bus gsol ba btab pa thos pa dang / tshigs su bcad de smras pa/ ngas deng drang srong rnying pa yi/ /nad gso dpyad la brten nas ni/ /rim bzhin khyod la rab bstan gyis/ /legs par nyon la sems can skyobs/ /zla ba gsum ni dpyid kyi dus/ /zla ba gsum ni dbyar zhes bya/ /zla ba gsum ni ston gyi phyogs/ /zla ba gsum ni dgun zhes bya/ /'di ni lo gcig las brtsams pas/ /gsum gsum so sor bshad par bya/ /gnyis gnyis dus tshigs gcig byas na/ /lo gcig dus ni drug tu 'gyur/ /dang po gnyis ni me tog dus/ /gsum dang bzhi pa tsha ba'i dus/ /lnga dang drug pa char pa'i dus/ /bdun dang brgyad pa ston gyi dus/ /dgu dang bcu pa grang ba'i dus/ /phyi ma gnyis ni kha ba'i dus/ /de ltar bye brag shes gyur na/ /'gal ba med par sman btang bya/ /dus ni 'di dag rjes 'thun par/ /zas skom legs par sbyor byed na/ /ltor ni myur du 'ju 'gyur bas/ /nad mang dag ni skye mi 'gyur/ /dus tshigs gal te log 'gyur zhing / /'byung chen bzhi ni 'phos gyur la/ /de tshe gsos sman med gyur na/ /nges par nad kyi sdug bsngal skye/ /sman pas dus bzhi shes bya zhing / /dus tshigs drug kyang shes par bya/ /lus kyi khams bdun rig byas nas/ /'gal ba med par zas sman gtong / /ro yi khams dang</font><hr>96.145b<br><font size=+1>

khrag dang sha /rus dang rkang dang glad rgyas su/ /nad ni 'di dag zhugs pa'i tshe/ /gsor rung mi rung shes par bya/ /nad ni tha dad rnam bzhi yod/ /rlung dang mkhris pa bad kan dang / /kun 'dus pa yi nad yin te/ /g.yo ba'i dus ni shes par bya/ /dpyid ka'i dus su bad kan g.yo/ /dbyar ni rlung nad skye bar 'gyur/ /ston gyi dus su mkhris pa rgyas/ /dgun ni gsum po cig car ldang / /dpyid ni tsha rtsub dro ba bza'/ /dbyar ni snub dro lan tshwa skyur/ /ston ni grang dang mngar dang snum/ /dgun ni rtsub skyur snum dang mngar/ /dus ni bzhi po 'di dag tu/ /sman dang zas skom gang bza' ba/ /gal te de bzhin za byed na/ /nad mang dag ni skye mi 'gyur/ /zos 'og na ba bad kan dbang / /zhu tshe na ba mkhris las gyur/ /zhu 'og ldang ba rlung gi dbang / /dus dang sbyar nas nad shes bya/ /nad kyi rtsa ba shes gyur nas/ /nad ni ji bzhin sman gtong bya/ /nad dbyibs bye brag tha dad kyang / /sngar ni rtsa ba shes par bya/ /rlung nad dag la snum bag btang / /mkhris pa'i nad ni 'khru na bzang / /bad kan nad ni skyug par bya/ /kun 'dus la ni sman gsum dgos/ /rlung mkhris bad kan gsum ldan pa/ /de ni kun 'dus pa zhes bya/ /nad ldang dus ni shes gyur kyang / /rang bzhin dag ni shes par bya/ /de ltar brtags te shes gyur nas/ /dus bzhin du ni sman btang bya/ /zas skom sman ni 'gal med pa/ /de ni sman pa mkhas shes bya/ /shes pa'i yan lag brgyad rig na/ /sman dpyad rnams ni kun bsdud pas/ /'di dag la ni gsal byas nas/ /sems can nad ni gso bar bya/ /gtar ba dang ni rmas snad dang / /lus kyi nad dang 'dre gdon dang / /ma rung dug dang byis pa dang / /tshe bsring dang ni mthu skyed yin/ /sngar ni de yi kha dog dang / /smra tshigs rang bzhin rab brtags</font><hr>96.146a<br><font size=+1>

nas/ /de 'og rmi lam dris gyur na/ /rlung mkhris bad kan bye brag shes/ /skem rid mgo yi skra ngan cing / /sems kyi rang bzhin mi brtan la/ /tshig mang rmi lam 'phur mthong ba/ /de ni rlung gi rang bzhin can/ /gzhon nur skra dkar skye ba dang / /rngul che gsher ba mang ba dang / /yid gzhungs rmi lam me mthong ba/ /de ni mkhris pa'i rang bzhin can/ /sems brtan lus ni mnyam la drang / /zhib rtog mgo dag snum zhing rlan/ /rmi lam chu dang rdzas dkar mthong / /bad kan rang bzhin shes par bya/ /kun 'dus rang bzhin kun ldan pas/ /kha cig gnyis dang gsum dang ldan/ /phyogs gcig lhag par gang mang ba/ /de yi rang bzhin shes par byos/ /rang bzhin rig par gyur nas ni/ /nad bzhin sman ni btang bar bya/ /'chi ba'i mtshan ma med gyur na/ /mi de gsor rung ba zhes bya/ /dbang pos log par yul 'dzin cing / /bla ma sman pa dag la brnyas/ /nye du dag la khong khro na/ /'chi ba'i mtshan mar shes par bya/ /mig yon kha dog dkar 'gyur zhing / /lce gnag sna zur yo ba dang / /rna ba'i 'khor lo sngon las gyur/ /ma mchu mthur 'phyang 'chi ba'i mtshan/ /a ru ra ni rnam gcig la/ /ro ni rnam pa drug ldan te/ /nad ni thams cad sel byed pas/ /nyes med sman rnams kun gyi rgyal/ /'bras bu gsum dang tsha ba gsum/ /sman rnams nang na rnyed par sla/ /bu ram sbrang rtsi 'o ma mar/ /'di dag nad mang gso bar nus/ /de las gzhan pa'i sman rnams ni/ /nad dang sbyar te bskyed par bya/ /sngar ni brtse ba'i sems bskyed nas/ /nor dang khe la blta mi bya/ /ngas ni khyod la nad gso ba'i/ /gces pa'i don ni bstan pa yin/ /'di yis sems can gso byas na/ /mtha' med 'bras bu thob par 'gyur/ /rigs kyi lha mo de nas tshong dpon gyi bu chu 'bebs pha las mngon</font><hr>96.146b<br><font size=+1>

sum du shes pa'i yan lag brgyad kyi don gces pa dang / 'byung ba chen po bzhi 'phel zhing 'grib pa dang / dus tshigs mi mthun pa dang / sman dpyad kyi cho ga thos pas legs par khong du chud par gyur nas/ bdag nyid nad mang po gso nus par rig par gyur pas grong dang / grong khyer dang / grong rdal kun du khyab par de dang de dag tu song ste/ nad kyi sdug bsngal dang ldan pa'i sems can 'bum phrag brgya stong du ma de'i thad du lhags pa rnams la legs pa'i tshig gis spro ba bskyed nas 'di skad du nga ni sman pa'o/ /nga ni sman pa ste/ sman dpyad la shin du mkhas pas deng khyed cag gi nad mang po gsos nas thams cad sos par bya'o zhes smras so/ /rigs kyi lha mo de'i tshe mi mang po rnams tshong dpon gyi bus legs pa'i tshig gis spro ba bskyed nas nad gso bar gnang ba thos pa dang / de nas sems can nad tshabs chen pos btab pa brgya stong tshad med pa snyed cig tshig de skad smras pa thos nas lus dang sems dga' mgu rangs shing ngo mtshar rmad du byung ba thos par gyur pas rgyu dang rkyen des nad kyi sdug bsngal ji snyed pa thams cad sos shing zhi bar gyur pas nyams stobs rtas te snga mkho bzhin du sos par gyur to/ /rigs kyis lha mo de'i tshe gzhan yang nad kyi sdug bsngal shin du lci zhing gso bar dka' ba'i sems can brgya stong tshad med pa rnams kyang lhan cig tu tshong dpon gyi bu'i thad du lhags nas nad gso bar gsol ba btab pa dang / de'i tshe tshong dpon gyi bus sman gya nom pa dag btang nas thams cad sos par gyur te/ rigs kyi lha mo de'i tshe tshong dpon gyi bu des yul khams de kun gyis nad kyi sdug bsngal gyis nyen pa'i sems can bye ba khrag khrig brgya stong du ma sos par byas so/ /gser 'od dam pa mchog tu rnam par rgyal ba mdo sde'i rgyal po las nad rab tu zhi bar byas pa'i le'u ste nyi shu bzhi</font><hr>96.147a<br><font size=+1>

pa'o// // de nas bcom ldan 'das kyis byang chub kyi shing gi lha mo la 'di skad ces bka' stsal to/ /rigs kyi lha mo de'i tshe tshong dpon gyi bu chu 'bebs kyis sngon rgyal po lha'i dbang phyug gi 'od kyi yul khams su sems can gyi nad kyi sdug bsngal ji snyed yod pa dag gsos nas snga mkho bzhin du rtas te bde ba myong bar gyur pa dang / de'i tshe sems can mang po de dag nad sos par gyur pa'i phyir bsod nams kyi las mang du bsags nas sbyin pa rgya cher btang ba la bdag nyid longs spyod par gyur pas thams cad lhan cig tshong dpon gyi bu'i thad du dong ste/ thams cad gus pa bskyed nas 'di skad du tshong dpon chen po'i bu bsod nams kyi dngos po shin du legs par bskyed de bdag cag la phan btags nas bde bar 'tsho bar byas pa legs so legs so/ /khyod ni yang dag pa'i mthu chen po dang ldan pa'i sman pa'i rgyal po byams pa dang snying rje dang ldan pa'i byang chub sems dpa' yin te/ sman dpyad la shin du mkhas pas sems can gyi nad kyi sdug bsngal tshad med pa dag legs par gsos so zhes grong dang grong khyer kun du khyab par bsngags pa brjod par gyur to/ /rigs kyi lha mo de'i tshe tshong dpon gyi bu de'i chung ma chu'i dpung pa'i mdzod ces bya ba la bu gnyis yod de/ gcig gi ming ni chu rgyas shes bya'o/ /gcig gi ming ni chu'i mdzod ces bya'o/ /de nas chu 'bebs kyis bu gnyis khrid nas mthar gyis grong dang / grong khyer dang / grong rdal rgyu zhing dong ba las dgon pa'i gnas shin du nyam nga ba zhig 'das pa dang / de na 'phar ba dang / spyang ki dang / wa dang / spra chen dang / bya rgod la sogs pa gcan zan gyi rnam pa sha khrag za zhing 'thung ba mang po phyogs gcig tu rgyug cing 'phur te dong ba mthong ngo / /de nas tshong dpon gyi bu de 'di</font><hr>96.147b<br><font size=+1>

snyam du gcan zan 'di dag rgyu dang rkyen gang gi phyir phyogs gcig tu 'phur zhing rgyug par gyur/ bdag gis skad cig phyi bzhin du brtag go snyam du bsams nas/ phyi bzhin du song ba las rdzing chen po dgon pa skyes zhes bya ba de ni chu zad la thug pas rdzing de'i nang na nya mang po yod pa mthong bar gyur to/ /chu 'bebs kyis mthong nas kyang snying rje chen po'i sems skyes pa dang / de'i tshe shing gi lha zhig gis lus phyed tsam bstan nas 'di skad du legs so legs so/ /rigs kyi bu khyod ni yang dag pa'i don dang ldan pa'i phyir chu 'bebs zhes bya bas nya 'di dag la snying brtse bas chu sbyin pa'i rigs so/ /rgyu dang rkyen rnam pa gnyis dang ldan pa'i phyir chu 'bebs zhes bya ste/ chu 'bab par byed pa dang / chu sbyin par byed pa'o/ /deng khyod kyis ming ji lta ba bzhin du byos shig /de nas chu 'bebs kyis shing gi lha la smras pa/ nya 'di dag gi grangs ji tsam zhig yod/ shing gi lhas smras pa/ grangs ni stong phrag bcu tshang ba snyed yod do/ /rigs kyi lha mo de nas tshong dpon gyi bus grangs de snyed yod par thos pa dang / lhag par snying rje'i bsam pa skyes par gyur to/ /de'i tshe rdzing chen po de yang nyi mas gdungs nas chu'i lhag ma chung zad cig lus par gyur pas nya stong phrag bcu po de dag kyang 'chi ba'i sgor zhugs te lus kyis 'dre ldog byas pa na tshong dpon des mthong ba dang / sems la re ba dang bcas pas mig mi 'dzums par rjes su 'brang zhing lta bar gyur to/ /de nas tshong dpon gyi bus dngos po de mthong nas phyogs bzhir brgyugs te/ chu btsal bar 'dod kyang rnyed par ma gyur pas yang phyogs gcig tu rnam par bltas pa las ljon shing chen po zhig mthong ba dang / steng du 'dzegs nas yal ga dang lo ma bcad de bsil grib byas</font><hr>96.148a<br><font size=+1>

so/ /gzhan yang rdzing 'di'i chu gang nas 'ongs zhes yongs su btsal ba las chu bo chen po chu skyes shes bya ba zhig mthong ngo / /de'i tshe chu bo de'i 'gram na nya pa mang po yod pas nya blang ba'i phyir chu bo de'i gong du g.yang sa chen po yod pa'i gnas su chu bo nas 'bab tu mi ster bas chu dral ba'i gnas de yang shin du bcos dka' bar gyur pas 'di snyam du gang ba 'di ni shin du zab cing g.yang sa che bas mi brgya stong gis zla ba gsum gyi bar du yang gcod par mi nus na bdag gcig bus nus pa lta smos kyang ci dgos snyam mo/ /de nas tshong dpon gyi bu myur du rang gi grong khyer du song ste rgyal po chen po'i drung du phyin nas mgo bos rkang pa la phyag byas te phyogs gcig tu 'khod nas gus pas thal mo sbyar te/ 'di skad du bdag gis rgyal po chen po'i mnga' ris na 'bangs la bro nad sna tshogs ci mchis pa gsos nas/ thams cad bde bar bgyis te/ mthar gyis ljongs rgyur mchis pa las 'brog dgon pa zhig tu mchis pa dang / rdzing dgon pa skyes shes bgyi ba de'i chab bas su nye bas de na nya stong phrag bcu mchis pa yang gdugs kyis skams pas ring po mi thogs par 'gum par 'gyur ba dag mthong lags na/ rgyal po chen po byams pa dang thugs rjes thugs brtse bar dgongs te glang po che nyi shu zhig chab dgal bar skad cig stsal du gsol/ ji ltar bdag gis nad pa mang po dag la srog stsal ba de bzhin du nya de dag gi srog gi skyabs bgyid pa lags so zhes gsol to/ /de nas rgyal po chen pos kyang blon po chen po la sman pa'i rgyal po 'di la myur du glang po che byin cig ces bsgo'o/ /de'i tshe blon po chen pos kyang rgyal po'i bka' khyer nas tshong dpon gyi bu la 'di skad ces smras so/ /kye skyes bu chen po legs so/ /khyod bdag</font><hr>96.148b<br><font size=+1>

nyid glang po che'i lhas su song ste/ yid la ji ltar 'dod pa bzhin du glang po che nyi shu zhig bdams te khyer la sems can la phan btags nas bde ba thob par gyis shig /de nas chu 'bebs bu gnyis dang lhan cig tu glang po che nyi shu khrid de chang pa'i khyim nas rkyal pa mang po g.yar te/ chu dral ba'i gnas su phyin nas rkyal pa chus bkang ste glang po che la bkal nas rdzing gi drung du phyin te/ rdzing gi nang du blug pa dang snga mkho bzhin du gang zhing rgyas par gyur to/ /rigs kyi lha mo de'i tshe tshong dpon gyi bus rdzing gi ngos bzhir 'khor bar bltas pa dang / de nas nya mang po de dag kyang phyi bzhin 'brangs nas 'gram du rgyu bar gyur to/ /de nas tshong dpon gyi bu yang 'di snyam du nya mang po 'di dag ci'i phyir bdag gi phyi bzhin 'brang / gdon mi za bar bkres pa'i mas gdungs nas bdag la zas slong ba yin pas bdag gis sbyin par bya'o snyam du bsams nas tshong dpon gyi bu chu 'bebs kyis bu la 'di skad ces smras so/ /khyod kyis glang po che mchog tu stobs dang ldan pa zhig blangs te myur du khyim du deng la yab tshong dpon la gsol te/ khyim na bzar rung ba'i dngos po ci yod pa dang / pha ma za ba'i skal ba dang / bu dang chung ma dang / bran dang / bran mo'i skal ba ci yod pa thams cad kyang bsdus te khyer la shog shig /de nas bu gnyis pha'i bstan pa mnyan nas glang po che mchog la zhon te/ rings par khyim du song nas mes po'i drung du phyin pa dang / dngos po gong ma rgyas par smras nas khyim na bzar rung ba'i dngos po ci yod pa blangs te glang po che la bkal nas myur zhing rings par pha 'dug pa'i rdzing drung du phyin pa dang / de nas chu 'bebs bu 'ongs pa mthong nas lus dang sems dga' mgur rangs par gyur te/ zas rnams blangs</font><hr>96.149a<br><font size=+1>

nas rdzing kun du khyab par gtor ba dang / nya rnams zas thob pa dang thams cad 'drangs shing tshim par gyur to/ /yang 'di snyam du deng bdag gis zas yongs su btang nas nya rnams srog thob par gyur pas ma 'ongs pa'i dus kyi tshe yang chos kyi zas yongs su btang nas sems can mtha' yas pa rnams tshim par byed par gyur cig snyam mo/ /gzhan yang 'di snyam du bdag gis sngon dgon pa'i nags tshal na dge slong zhig theg pa chen po'i mdo sde klog pa las rten cing 'brel bar 'byung ba yan lag bcu gnyis pa'i chos zab mo'i don gces pa ston pa yang mthong zhing thos/ gzhan yang mdo sde las sems can gang la la zhig 'chi ka'i dus kyi tshe de bzhin gshegs pa rin chen gtsug pud kyi mtshan thos par gyur na mtho rigs su skye bar 'gyur ro zhes gsungs pas/ deng bdag gis nya stong phrag bcu po de dag la rten cing 'brel bar 'byung ba yan lag bcu gnyis pa'i chos zab mo yang bstan la de bzhin gshegs pa rin chen gtsug pud kyi mtshan yang brjod par bya'o/ /'dzam bu'i gling 'di na sems can rnam pa gnyis yod de/ theg pa chen po la shin du mngon par yid ches pa dang / yid mi ches shing smod par byed pa ste/ de dag kyang mngon par yid ches pa'i sems 'phel bar bya'o snyam mo/ /de'i tshe tshong dpon gyi bu 'di snyam du bdag rdzing gi nang du zhugs te nya mang po de dag la chos zab mo shin du gya nom pa bshad par bya'o snyam du bsams nas chu'i nang du zhugs te/ 'di skad ces 'das pa'i de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa'i skyes bu kha lo sgyur ba/ lha dang mi rnams kyi ston pa/ sangs rgyas bcom ldan 'das rin chen gtsug pud la phyag 'tshal lo/ /de bzhin gshegs pa</font><hr>96.149b<br><font size=+1>

'di sngon byang chub sems dpa'i spyad pa spyod pa na 'di ltar thugs dam bzhes te/ phyogs bcu'i 'jig rten gyi khams na sems can ji snyed pa gang dag 'chi ka'i dus kyi tshe nga'i ming thos par gyur na shi 'phos pa'i 'og tu sum bcu rtsa gsum gyi lhar skye bar 'gyur ro zhes bka' stsal to zhes bsgrags so/ /de nas chu 'bebs kyis rdzing gi nya de dag la chos zab mo gya nom pa yang 'di skad du 'di yod pa'i phyir de yod/ 'di skyes pa'i phyir de skye bar 'gyur ba 'di lta ste/ ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyi ming dang gzugs/ ming dang gzugs kyis rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis srid pa/ srid pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / 'khrug pa 'byung ste/ sdug bsngal gyi phung po 'di 'ba' shig 'byung bar 'gyur ro/ /'di 'gags pa'i phyir de 'gag par 'gyur ba 'di lta ste/ ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas srid pa 'gag /srid pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi 'gag /rga shi 'gags pas mya ngan dang / smre sngags 'don pa dang / sdug bsngal ba dang / 'khrug pa rnams 'gag</font><hr>96.150a<br><font size=+1>

par 'gyur te/ 'di ltar sdug bsngal gyi phung po 'di 'ba' shig 'gag par 'gyur ro zhes bshad do/ /chos 'di dag bshad nas gzhan yang rten cing 'brel bar 'byung ba'i yan lag bcu gnyis dang mtshungs par ldan pa'i gzungs 'di bstan to/ /tad ya thA/ bi tsa ni/ bi tsa ni/ bi tsa ni/ sa~Msh+tsa ni/ sa~Msh+tsa ni/ sa~Msh+tsa ni/ b+hi shi ni/ b+hi shi ni/ b+hi shi ni swA hA/ tad ya thA/ na mi ni/ na mi ni/ na mi ni/ sha d+hi ni/ sha d+hi ni/ sha d+hi ni/ sa pra shi ni/ sa pra shi ni/ sa pra shi ni swA hA/ tad ya thA/ be tra ni/ be tra ni/ be tra ni/ tri shi ni ni/ tri shi ni ni/ tri shi ni ni/ u pa d+hi ni/ u pa d+hi ni/ u pa d+hi ni swA hA/ tad ya thA/ b+ha bi ni/ b+ha bi ni/ b+ha bi ni/ sha ti ni/ sha ti ni/ sha ti ni/ sha ma ni ni/ sha ma ni ni/ sha ma ni ni swA hA/ de'i tshe bcom ldan 'das kyis 'khor mang po rnams la tshong dpon gyi bu'i sngon gyi rgyu 'di bstan pa na lha dang mi'i 'khor rnams kyis shin du ngo mtshar che'o zhes sngags pa brjod par gyur to/ /de nas rgyal po chen po bzhi po dag so so nas gnas de nyid du mgrin gcig tu 'di skad ces smras so/ /legs so shAkya thub pa'i gtso/ /yan lag bcu gnyis mtshungs ldan pa/ /dam chos rig sngags bkas bshad nas/ /sdig bsal bsod nams 'phel bar mdzad/ /bdag cag kyang ni sngags brjod nas/ /dam pa'i chos ni srung bar bgyid/ /gang zhig 'gal bar bgyis nas ni/ /legs par rjes su mi 'brang na/ /a rdza ka yi yal ka bzhin/ /mgo ni tshal pa bdun du 'gas/ /bdag cag bcom ldan spyan sngar ni/ /rig sngags lhan cig brjod par bgyi/ /tad ya thA/ hi ri mi gA te/ gan d+ha ri/ tsan d+ha ri/ d+ha ri dze b+ha re/ shi hi b+ha ri/ pu re pu re/ gu gum ti/ khi ra ma ti/ d+ha d+hi mu khi/ lau ru b+ha/ mu ru b+hi/ ku tsa mu ru gan d+ti/ </font><hr>96.150b<br><font size=+1>

tu ru tu ru tu ru bi r+ye/ a d+hi sid d+hi/ da ba bye/ d+ha da ba bye/ u ste/ u sta bad d+he/ an le bad d+he/ pa du ma bad d+he/ a su ma bad d+he swA hA/ bcom ldan 'das kyis bka' stsal pa/ rigs kyi lha mo de'i tshe tshong dpon gyi bu chu 'bebs dang bu gnyis kyis rdzing de'i nya dag la chu dang zas byin nas chos bshad de slar rang gi khyim du dong ngo / /tshong dpon bu chu 'bebs de dus gzhan zhig na ston mo la 'dus te/ rol mo sna tshogs byas nas chang gis ra ro ste nyal ba dang / de'i tshe nya stong phrag bcu po de dag dus gcig tu tshe 'das nas sum bcu rtsa gsum gyi lhar skyes pas/ de dag 'di snyam du bdag cag dge ba'i las kyi rgyu dang rkyen gang gis lha'i gnas 'dir skyes par gyur ces bsams nas phan tshun gcig la gcig 'di skad du bdag cag ni sngon 'dzam bu'i gling du dud 'gro'i skye gnas su lhung nas nya'i lus blangs pa las/ tshong dpon gyi bu chu 'bebs kyis bdag cag la chu dang zas byin nas/ gzhan yang bdag cag la rten cing 'brel bar 'byung ba yan lag bcu gnyis pa'i chos zab mo dang gzungs kyang bshad/ de bzhin gshegs pa rin chen gtsug pud kyi mtshan nas kyang brjod pa'i rgyu dang rkyen des bdag cag lha'i gnas 'dir skyes pa yin pas/ de'i phyir bdag cag thams cad tshong dpon gyi bu de'i thad du dong la drin bsab pa'i phyir mchod pa bya ba'i rigs so zhes smras so/ /de nas lha'i bu stong phrag bcu po de dag lha'i gnas de nas mi snang bar gyur te 'dzam bu'i gling du sman pa'i rgyal po chen po'i thad du lhags so/ /de'i tshe tshong dpon gyi bu de yang thog mthon po'i steng du bde bar gnyid log pa las lha'i bu stong phrag bcu po de dag gis mu tig gi phreng ba stong phrag bcu ni mgo drung du gzhag /yang stong phrag bcu ni</font><hr>96.151a<br><font size=+1>

rkang pa'i drung du bzhag /yang stong phrag bcu ni g.yas phyogs su gzhag /yang stong phrag bcu ni g.yon phyogs su gzhag ste/ me tog man dA ra ba dang / man dA ra ba chen po'i char pus nub tsam du phab nas 'od kyis kun du snang bar byas te/ lha'i rol mo rnam pa sna tshogs las sgra dbyangs snyan pa dag byung bas 'dzam bu'i gling du gnyid log pa thams cad sad par byas so/ /tshong dpon gyi bu chu 'bebs kyang gnyid log pa las sad par gyur pa dang / de nas lha'i bu stong phrag bcu po de dag gis mchod pa byas nas nam mkha' la 'phur te dong ngo / /rgyal po lha'i dbang phyug gi 'od kyi yul khams su yang gnas de dang de dag thams cad du lha'i me tog pad ma dam pa'i char mngon par phab bo/ /lha'i bu mang po de dag sngon gyi gnas dgon pa'i rdzing drung du dong nas lha'i me tog sna tshogs kyi char mngon par phab ste/ de nas mi snang bar gyur nas slar lha'i gnas su dong ste/ yid bzhin du ci dga' bar 'dod pa lnga'i bde ba dag la longs spyod par gyur to/ /rgyal po lha'i dbang phyug gi 'od kyang nam langs pa dang blon po chen po de dag la mdang sum rgyu dang rkyen gang gi phyir ya mtshan gyi mtshan ma de lta bu dag snang zhing 'od zer chen po dag kyang bkye bar gyur ces smras so/ /blon po chen pos gsol ba/ rgyal po chen po mkhyen par mdzod cig /lha'i tshogs mang po rnams kyis tshong dpon gyi bu chu 'bebs kyi sdum par mu tig gi phreng ba stong phrag bzhi bcu dang / me tog man dA ra ba'i char mngon par phab pa pus nub tsam du bgyis lags so/ /rgyal pos blon po la sgo ba/ tshong dpon gyi khyim du song la de'i bu bos shig /blon po chen pos bka' mnyan nas de'i khyim du song ste/ rgyal po'i bka' bzlas nas/ tshong dpon gyi bu bkug go /</font><hr>96.151b<br><font size=+1>

de nas tshong dpon gyi bu rgyal po'i drung du phyin pa dang / mdang sum rgyu dang rkyen gang gi phyir ya mtshan che ba'i mtshan ma de lta bu dag byung bar gyur ces dris so/ /tshong dpon gyi bus smras pa/ bdag gis dpyad pa ltar na gdon mi 'tshal bar rdzing de'i nang gi nya mang po de dag mdo sde las gsungs pa bzhin du tshe 'das nas sum bcu rtsa gsum gyi lhar skyes pas de dag drin la lan glan pa'i slad du ya mtshan che ba'i mtshan ma de lta bu bstan snyam bgyid lags so/ /rgyal pos smras pa/ ji ltar shes/ chu 'bebs kyis smras pa/ lhas pho nya 'ga' zhig dang / bdag gi bu gnyis rdzing de'i drung du btang ste/ nya stong phrag bcu po de guma'am 'tsho brtags na mad dam mi mad mkhyen par 'gyur lags so/ /rgyal pos de skad smras pa thos nas pho nya dang / de'i bu gnyis rdzing de'i drung du btang ba las rdzing gi nang na me tog man dA ra ba mang po phung po chen por gyur pa dang / nya mang po thams cad dus las 'das par mthong ngo / /mthong nas kyang slar myur du log ste rgyas par rgyal po la gsol pa dang / rgyal po yang de ltar gyur pa thos pas rab tu dga' bar gyur nas sngon chad de lta bu ma byung ngo zhes bsngags pa brjod par gyur to/ /de nas bcom ldan 'das kyis shing gi lha mo la 'di skad ces bka' stsal to/ /rigs kyi lha mo khyod kyis 'di ltar shes par bya ste/ sngon byung ba tshong dpon gyi bu chu 'bebs shes bya ba de ni nga nyid yin no/ /tshong dpon chu 'dzin ces bya ba de ni mdzes pa'i tog yin no/ /de'i bu gnyis las bu chen po chu rgyas shes bya ba de ni dngul gyi tog ces bya ba 'di nyid do/ /de'i bu chung ngu chu'i mdzod ces bya ba de ni dngul gyi 'od ces bya ba 'di nyid yin no/ /rgyal po lha'i dbang phyug gi 'od ces bya ba de ni byang chub kyi shing gi lha mo khyod nyid yin no/ /nya stong phrag bcu po de dag ni lha'i bu stong</font><hr>96.152a<br><font size=+1>

phrag bcu po 'di nyid yin no/ /ngas sngon nya de dag la chu dang zas byin te tshim par byas/ rten cing 'brel bar 'byung ba yan lag bcu gnyis pa'i chos zab mo dang mtshungs par ldan pa'i gzungs 'di bshad pa'i rgyu de dang / gzhan yang de bzhin gshegs pa rin chen gtsug pud de'i mtshan nas brjod de bstan pa'i dge ba'i rtsa ba de'i rgyus mtho ris su skyes par gyur pas/ deng nga'i thad du 'ongs nas rab tu dga' bas chos mnyan pas ngas thams cad bla na med pa yang dag par rdzogs pa'i byang chub tu lung bstan nas de dag gi ming bstan pa yin no/ /rigs kyi lha mo ji ltar ngas sngon srid pa rnams su 'khor ba na 'khor ba'i tshe sems can tshad med pa snyed la rgya cher phan btags nas thams cad rim gyis bla na med pa yang dag par rdzogs pa'i byang chub tu lung bstan pa de bzhin du khyed cag thams cad kyis kyang nan tan brtson 'grus kyis nges par 'byung ba yongs su gnyer nas/ bag med par mi bya'o/ /de nas 'khor mang po rnams de skad ces bka' stsal pa thos pa dang / thams cad kyis byams pa dang / snying rje chen pos thams cad yongs su skyobadang / nan tan brtson 'grus kyi dka' ba spyad nas/ gdod bla na med pa'i byang chub rtogs shing mngon du byed par 'gyur bar khong du chud par gyur pas shin du dang ba'i sems kyis mngon par yid ches shing rab tu dga' bar gyur to/ /gser 'od dam pa mchog tu rnam par rgyal ba mdo sde'i rgyal po las tshong dpon gyi bu chu 'bebs kyi le'u ste nyi shu lnga pa'o// // gser 'od dam pa mchog tu rnam par rgyal ba mdo sde'i rgyal po/ bam po bcu pa ste tha ma/ de nas bcom ldan 'das kyis 'khor mang po rnams la lha'i bu stong phrag bcu po de dag gi rgyu dang rkyen bkas bshad nas/ </font><hr>96.152b<br><font size=+1>

yang byang chub kyi shing gi lha mo dang 'khor mang po rnams la bka' stsal pa/ ngas 'das pa'i dus kyi tshe byang chub sems dpa'i lam spyod pa na chu dang zas sbyin pa btang nas nya de dag gi srog la phan btags pa 'ba' shig byas pa ma yin gyi/ shin du phangs pa'i lus kyang yongs su btang ste/ de'i rgyu dang rkyen gang yin pa lhan cig lta bar bya'o/ /de nas de bzhin gshegs pa dgra bcom pa yang dag par rdzogs pa'i sangs rgyas lha'i gnas kyi steng dang / lha'i gnas kyi 'og thams cad na mchog tu rnam par rgyal ba/ mchog tu btsun pa/ 'od zer brgya stong du mas phyogs bcu'i 'jig rten gyi khams gsal bar mdzad pa/ mkhyen pa thams cad phun sum tshogs par gyur pa/ yon tan yongs su rdzogs par gyur pa des dge slong rnams dang / 'khor mang po rnams dang thabs gcig tu pany+tsa la'i ljongs su byon nas/ nags tshal sa gzhi shin du mnyam la tsher ma rnams med pa me tog mchog dam pa dang rtswa 'jam po dag gis kun du khyab par bkram par gshegs te/ bcom ldan 'das kyis tshe dang ldan pa kun dga' bo la bka' stsal pa/ khyod kyis shing 'di'i drung du nga'i ched du stan thing shig /de nas tshe dang ldan pa kun dga' bos bka' mnyan nas gdan bting ngo / /bting zin nas bcom ldan 'das la 'di skad ces gsol to/ /bcom ldan 'das gdan bshams lags na 'phags pas dus mkhyen par mdzad du gsol/ de nas bcom ldan 'das gdan gyi steng du skyil mo dkrung bcas te sku drang por bsrang nas/ yang dag pa'i dran pa nye bar gzhag ste bzhugs nas dge slong rnams la bka' stsal pa/ khyed cag sngon dka' ba spyad pa'i byang chub sems dpa'i sngon gyi lus kyi ring bsrel blta</font><hr>96.153a<br><font size=+1>

bar 'dod dam/ dge slong rnams kyis gsol ba/ bdag cag mthong bar mos lags so/ /de nas bcom ldan 'das bsod nams brgyas rab tu brgyan pa/ mtshan dang dpe byad dang ldan pa'i phyag gis sa la mnan pa dang / de'i tshe sa chen po rnam pa drug tu rab tu g.yos par gyur pas sa gas shing bye bar gyur pa dang / rin po che sna bdun gyi mchod rten rin po che sna tshogs kyi dra bas rab tu brgyan pa zhig mngon par 'phags te byung ba 'khor mang po kun gyis mthong nas ngo mtshar che ba'i bsam pa skyes par gyur to/ /de nas bcom ldan 'das gdan las bzhengs te/ phyag mdzad nas g.yas phyogs su bskor ba mdzad de slar gdan la bzhugs nas tshe dang ldan pa kun dga' bo la bka' stsal pa/ khyod kyis mchod rten 'di'i sgo phye shig /de nas tshe dang ldan pa kun dga' bos sgo de phye ste/ rin po che sna bdun las byas pa'i sgrom bu rin po che mchog dam pas brgyan pa zhig mthong ba dang / bcom ldan 'das la 'di skad ces gsol to/ /bcom ldan 'das rin po che sna bdun las bgyis pa'i sgrom bu rin po che rnam pa sna tshogs kyis rab tu brgyan pa zhig gda' lags so/ /bcom ldan 'das kyis bka' stsal pa/ khyod kyis sgrom phye shig de nas tshe dang ldan pa kun dga' bos bka' mnyan nas phye ba dang ring bsrel kha dog dung dang me tog ku mu da 'dra ba zhig mthong nas bcom ldan 'das la gsol ba/ sgrom gyi nang na ring bsrel kha dog dam pa gzhan las khyad par du 'phags pa zhig gda' lags so/ /bcom ldan 'das kyis bka' stsal pa/ kun dga' bo khyod kyis skyes bu chen po'i rus pa 'dir khyer te shog shig /de nas tshe dang ldan pa kun dga' bos ring bsrel de blangs nas bcom ldan 'das la phul lo/ /bcom ldan 'das kyis bzhes</font><hr>96.153b<br><font size=+1>

nas dge slong rnams la khyed kyis dka' ba spyad pa'i byang chub sems dpa' lus kyi ring bsrel bzhag pa la ltos shig ces bka' stsal nas tshigs su bcad de bka' stsal pa/ byang chub sems dpa' yon tan mchog ldan blo/ /rab dpa' brtson pas pha rol phyin drug rdzogs/ /rtag sgom byang chub phyir ni rgyun 'chad med/ /btang snyoms che bstan sems la ngal ba med/ /dge slong dag khyed cag thams cad kyis byang chub sems dpa'i sngon gyi lus kyi ring bsrel la gus pas phyag byos shig /ring bsrel 'di ni tshul khrims dang / ting nge 'dzin dang / shes rab kyi dri tshad med pa dag gis yongs su bdugs pa/ bsod nams kyi zhing mchog dam pa yin pas shin du phrad par dka'o/ /de nas dge slong rnams dang / 'khor mang po rnams kyis sems rtse gcig tu gus pas thal mo sbyar te mgo bos ring bsrel la phyag byas nas/ sngon chad nam yang de lta bu ma byung ngo zhes bsngags pa brjod par gyur to/ /de nas tshe dang ldan pa kun dga' bo mdun du 'phags te/ bcom ldan 'das kyi zhabs la phyag byas nas bcom ldan 'das la 'di skad ces gsol to/ /bcom ldan 'das de bzhin gshegs pa ston pa chen po ni thams cad las mngon par 'phags pa lags pas sems can kun gyis bsnyen bkur bgyi ba lags na rgyu dang rkyen gang gi slad du lus kyis rus pa 'di la phyag mdzad lags/ bcom ldan 'das kyis tshe dang ldan pa kun dga' bo la bka' stsal pa/ kun dga' bo nga ni rus pa 'di'i rgyus myur du bla na med pa yang dag par rdzogs pa'i byang chub mngon par rdzogs par sangs rgyas par gyur pas sngon gyi drin bsab pa'i phyir deng ngas phyag byas pa yin no/ /yang tshe dang ldan pa kun dga' bo la bka' stsal pa ngas deng khyod dang 'khor mang</font><hr>96.154a<br><font size=+1>

po'i the tsom dang som nyi bcad pa'i phyir ring bsrel 'di'i sngon gyi rgyu dang rkyen gang yin pa yang dag par bshad kyis khyed cag legs par yid la byos la sems rtse gcig tu nyon cig /tshe dang ldan pa kun dga' bos gsol ba/ bdag cag shin du thos par mos lags na rnam par phye ste bkas bshad du gsol/ bcom ldan 'das kyis bka' stsal pa/ kun dga' bo sngon byung ba 'das pa'i dus kyi tshe yul gcig gi rgyal po shing rta chen po zhes bya ba shin du phyug cing nor mang ba/ bang mdzod rgyas pa/ dmag gi dpung rab tu dpa' ba/ mang po kun gyis pa bkur zhing ngag nyan pa/ rtag par yang dag pa'i chos kyis skye bo 'dul ba/ mi rnams dar zhing rgyas pa/ phyir rgol ba'i dgra med pa zhig yod de/ btsun mo dam pa la byad bzhin shin du sdug cing mdzes pa/ mang po kun gyis blta bar mos pa'i bu gsum yod de/ bu chen po'i ming ni sgra chen po zhes bya'o/ /bu 'bring po'i ming ni lha chen po zhes bya'o/ /bu tha chungs kyi ming ni sems can chen po zhes bya'o/ /de'i tshe rgyal po chen po de rtse zhing ltad mo blta ba'i phyir ri dang nags tshal kun du blta bar chas pa dang / bu gsum po de yang phyi bzhin du dong ngo / /me tog dang 'bras bu btsal ba'i phyir pha spangs te kun du 'khyam pa las 'od ma'i tshal chen po zhig tu phyin te ngal bsos so/ /de nas rgyal bu chen pos 'di skad du deng bdag ni sems skrag cing 'jigs par gyur na/ nags tshal 'dir gcan zan ma rungs pa dag gis bdag cag gsod par mi 'gyur ram zhes smras so/ /rgyal bu 'bring pos yang 'di skad du bdag ni rang gi lus la dang po nas phangs pa med na snying du sdug pa 'di dang 'bral ba'i sdug bsngal zhig 'byung</font><hr>96.154b<br><font size=+1>

du dogs so zhes smras so/ /rgyal bu tha chungs kyis pho bo gnyis la smras pa/ 'di ni lha dang drang srong 'du ba'i gnas/ /bdag la 'jigs dngangs 'bral ba'i mya ngan med/ /lus sems kun khyab dga' ba skyes pas na/ /khyad par 'phags pa'i yon tan 'thob par 'gyur/ /de'i tshe rgyal bu rnams so so nas rang gi sems la ci bsams pa'i dngos po dag smras nas mthar gyis mdun du dong ba las stag mo zhig bu bdun btsas nas zhag bdun lon pa bu rnams kyis bskor ba/ bkres pa dang skom pa dag gis rab tu gzir ba/ lus rid cing nyam chung ba ring po mi thogs par 'chi bar 'gyur ba zhig mthong ba dang / rgyal bu chen pos 'di skad du kye ma stag mo 'di ni bu btsas nas zhag bdun lon te/ bu bdun gyis yongs su bskor bas zas btsal yang mi khom ste/ bkres pa dang skom pa dag gis rab tu gzir bas gdon mi za bar bu rnams za bar 'gyur ro zhes smras so/ /rgyal bu sems can chen pos smras pa/ stag 'di dag rtag par zas ji lta bu zhig za/ rgyal bu chen pos smras pa/ stag dang seng ge phar spyang rnams/ /sha khrag dron mo 'ba' zhig za/ /de las gzhan pa'i zas skom gyis/ /'di yi nyam chung sel mi nus/ /rgyal bu 'bring pos de skad smras pa thos pa dang 'di skad ces smras so/ /stag mo 'di ni rid cing nyam chung la bkres skom gyis nyon mongs pas srog gi lhag ma chung zad tsam zhig lus na/ bdag cag gis ji ltar 'di ltar rnyed par dka' ba'i zas dang skom btsal bar nus/ su zhig ni 'di dag gi ched du rang gi lus dang srog spangs nas bkres pa dang skom pa'i sdug bsngal sel bar byed/ rgyal bu chen pos smras pa/ spang bar dka' ba thams cad kyi nang na bdag gi lus las lhag pa gang yang med do/ /rgyal bu sems can chen pos</font><hr>96.155a<br><font size=+1>

smras pa/ deng bdag cag ni so so nas rang gi lus la sred cing mngon par zhen pa dang / shes rab med pas gzhan la phan 'dogs par mi nus kyi/ skyes bu dam pa dag ni snying rje chen po'i sems dang ldan pas rtag par gzhan la phan gdags pa'i phyir rang gi lus khyad du bsad nas sems can rnams la phan 'dogs par byed do/ /gzhan yang 'di snyam du bdag gi lus 'di ni tshe rabs brgya stong du ma'i bar du don med par rul cing myags te bor bas phan pa ci yang byas pa med na/ ci'i phyir deng mchil snabs bzhin du yongs su spangs nas bkres pa dag gis nyen pa'i sdug bsngal sel bar mi byed snyam mo/ /de'i tshe rgyal bu de dag tshig de lta bu dag smras nas so so nas byams shing brtse ba'i sems bskyed de/ stag mo nyam chung ba de la mig mi g.yeng bar bltas nas ring zhig tu bskor te cig char spangs nas dong ngo / /de nas rgyal bu sems can chen po 'di snyam du bdag gi lus dang srog btang ba'i dus ni deng yin te/ de ci'i phyir zhe na/ bdag gis yun ring lus 'di rab bzung yang / /mi gtsang mnam la rnag 'dzag yid mi 'ong / /yo byad gos zas shing rta glang po rta/ /nor dang rin chen rim gro byas kyang ni/ /'gyur zhing 'jig chos ngo bo nyid mi rtag /rtag tshol dgang dka' bsrung bar rab tu dka'/ /rtag tu mchod cing rim gro byas kyang ni/ /nams kyang bdag 'dor byas pa'i drin mi shes/ /gzhan yang lus 'di ni mi brtan pas bdag la phan pa med pa/ 'jigs su rung bas dgra dang 'dra ba/ mi gtsang bas lud dang mtshungs pa yin pas deng bdag gi lus 'dis yangs shing rgya che ba'i las mngon par bsgrubs nas skye shi'i rgya mtshor gru gzings chen po byas te/ 'khor ba yongs su spangs nas nges par 'byung ba thob par bya'o snyam mo/ /gzhan yang 'di snyam du gal te lus 'di</font><hr>96.155b<br><font size=+1>

spangs par gyur na 'di nyid 'bras dang / nad ma rungs pa tshad med pa dang / 'jigs shing skrag pa brgya stong du ma spangs pa yin no/ /lus 'di ni bshang gci 'ba' zhig dang ldan pa/ chu bur lta bur mi brtan pa/ srin bu mang po 'dus pa/ rtsa rgyus dang rus pa phan tshun 'brel pa/ shin du yongs su skye bar bya ba/ nyes dmigs dang bcas pa yin pas de'i phyir deng bdag gis lus yongs su spangs nas bla na med pa mthar phyin pa'i mya ngan las 'das pa yongs su btsal te/ mya ngan gyi nyes pa dang / mi rtag pa'i sdug bsngal dang / 'khrug pa gtan du spangs nas 'khor ba rgyun bcad de/ nyes pa rnams spangs nas ting nge 'dzin dang / shes rab kyi stobs kyis phun sum tshogs par bsgoms nas bsod nams brgya stong mang pos brgyan pa/ thams cad mkhyen par gyur pa/ sangs rgyas mang pos rab tu bsngags pa'i chos kyi sku shin du gya nom pa 'thob par bya'o/ /thob par gyur nas kyang sems can rnams la chos kyis sman tshad med pa btang bar bya'o snyam mo/ /de'i tshe rgyal bu de shin du brtul ba'i dpa' sran dang / smon lam chen po btab nas snying rje chen po'i bsam pas sems rtas shing 'phel bar gyur kyang phu bo gnyis skrag cing dngangs pas bar chad kyi bgegs byas nas smon pa mi 'grub par dogs pas/ phu bo gnyis la gcen gnyis slar gshegs shig /bdag ni re shig slar mchi'o zhes smras so/ /de nas rgyal bu sems can chen po slar tshal gyi nang du zhugs nas stag mo'i drung du phyin te/ gos phud nas 'od ma'i steng du bzhag ste smon lam 'di skad du btab bo/ /bdag ni ches mkhas sems can kun gyi phyir/ /bla med byang chub gnas ni gnyer bas na/ /snying rje chen po'i sems bskyed g.yo ba med/ /skye bos phangs pa'i</font><hr>96.156a<br><font size=+1>

lus ni gtong bar byed/ /byang chub nad med gdung ba med pas na/ /blo dang ldan pa kun gyis rab tu mos/ /khams gsum sdug bsngal rgya mtsho'i sems can kun/ /deng bdag drangs nas bde la 'god par shog /de nas rgyal bus tshig de skad smras nas stag mo ltogs pa'i mdun du lus bor te nyal ba dang / byang chub sems dpa' de'i byams pa dang snying rje'i gzi byin gyi mthus stag mos ci yang byed ma nus so/ /byang chub sems dpas de lta bu mthong ba dang ri mthon po'i steng du 'dzegs te lus bor nas yang 'di snyam du stag mo 'di ni nyam chung zhing dma' bas bdag la bza' bar mi nus so snyam du bsams nas langs te mtshon btsal na yang ma rnyed pas 'od ma skam po'i tshal bas lkog mar khrag phyung ste/ mthar gyis stag mo'i drung du nye bar bsnyen pa dang / de'i tshe ji ltar rlung gis chu bo bskyod pa bzhin du sa chen po yang rnam pa drug tu rab tu g.yos par gyur/ nyi ma yang sgra gcan gyis bsgribs pa bzhin du 'od dang mi ldan pas phyogs bcu kun du mun nag tu gyur nas 'od dang mi ldan par gyur/ lha rnams kyis kyang me tog dam pa dang / spos mchog dam pa'i phye ma'i char yang mngon par phab pas tshal gyi nang du kun du khyab cing gang bar gyur to/ /de'i tshe bar snang la gnas pa'i lha'i tshogs mang po rnams kyis dngos po de lta bu mthong ba dang / rjes su yi rang ba'i sems bskyed nas sngon chad nam yang 'di lta bu ma byung ngo zhes bsngags pa brjod de thams cad kyis skyes bu chen po legs so legs so zhes bsngags pa brjod nas tshigs su bcad de smras pa/ skyes chen yongs skyob snying rje'i sems bskyed nas/ /bu gcig bzhin du sems can mnyam par lta/ /rab dpa' dga' chen sems la 'jungs med pas/ /lus spangs phongs skyob</font><hr>96.156b<br><font size=+1>

bsod nams dpag par dka'/ /nges par rtag bde gya nom gnas phyin nas/ /'khor ba'i 'ching ba mang po gtan du spong / /ring por mi thogs byang chub 'bras 'thob nas/ /nyer zhi bde ba skye med mngon rtogs 'gyur/ /de'i tshe stag mo ltogs pa des byang chub sems dpa'i l+k+yog ma nas khrag zag pa mthong ba dang khrag ldags te sha ma lus par zos pas rus pa 'ba' shig lus par byas so/ /de nas rgyal bu chen pos sa g.yos pa dang nu bo la smras pa/ sa chen ri klungs kun kyang rab tu g.yos/ /phyogs kun mun nag nyi ma'i 'od mi ldan/ /lha yi me tog lhung bas mkha' khyab pas/ /'di ni nu bos nges par lus spangs rtags/ /rgyal bu 'bring pos phu bos de skad smras pa thos pa dang tshigs su bcad de smras pa/ stag mo lus ltogs shin du nyam chung ba/ /bkres gzer bu phrug bza' dogs mthong nas ni/ /sems can chen po smre ba dag thos pas/ /nu bos lus btang deng bdag the tsom 'tshal/ /de nas rgyal bu gnyis mya ngan dang / sdug bsngal chen po skyes pas smre sngags bton te ngus nas gnyis ka lhan cig tu slar stag mo'i drung du phyin te/ nu bo'i gos ni 'od ma'i yal ga la bkal/ rus pa dang / skra ni kun du 'thor/ khrag babs pas ni rdzab du gyur nas sa gzhi kun du khyab par gyur pa mthong ba dang brgyal nas rang gi lus kyang gzung ma nus pas rus pa'i drung du lus brdabs te/ ring zhig lon nas dran pa slar thob pa dang / langs nas lag pa bteg ste rab tu ngus nas smre sngags bton pa/ bdag cag nu bo byad sdug mdzes/ /pha ma gnyis ka lhag par byams/ /ci phyir lhan cig phyir byung nas/ /lus spangs slar ni ma log gyur/ /gal te pha mas dris gyur na/ /bdag cag lan ni ji skad gdab/ /lhan cig srog ni btang bla na/ /rang gi lus ni ci phyir gzhag /de nas rgyal bu gnyis ga smre sngags bton te ngus nas yid la bcags bzhin du mthar gyis spangs te dong ngo / /de'i tshe rgyal bu tha chungs</font><hr>96.157a<br><font size=+1>

kyis khrid pa'i g.yog 'khor rnams phan tshun gcig la gcig 'di skad du rgyal bu gang na yod pa lhan cig btsal ba'i rigs so zhes smras par gyur to/ /de'i tshe rgyal po'i btsun mo dam pa yang thog mthon po'i steng du nyal ba'i rmi lam na ltas ngan gyi mtshan ma mthong ba 'di lta ste/ nu ma gnyis gzhan gyis bcad pa dang / so lhung ba dang / phug ron phru gu gsum thob pa las gcig ni khras khyer/ gnyis ni dngangs shing skrag par gyur pa dag mthong bar gyur to/ /sa g.yos pa'i tshe btsun mo sad de sems la mya ngan chen po skyes nas 'di skad du smras so/ /ci phyir deng ni sa chen rab tu g.yos/ /chu klung nags tshal ljon shing kun kyang 'gul/ /nyi ma'i 'od med g.yogs shing bsgrigs pa 'dra/ /mig 'gul nu g.yo sngon chad yod mi 'dra/ /snying la mdas phog bzhin du sdug bsngal gzir/ /lus kun rab g.yo bde ba ci yang med/ /bdag gis rmi lam ltas ngan mthong bas na/ /nges par sngon med ltas ngan dngos po yod/ /btsun mo'i nu ma gnyis las zho zags pa dang 'di snyam du 'di ni gdon mi za bar ltas ngan kyi dngos po ston pa yin no snyam mo/ /de'i tshe nang 'khor ma zhig phyi rol gyi mi rnams rgyal bu btsal ba las da dung ma rnyed do zhes zer ba thos pa dang / sems la shin du skrag cing 'jigs pa skyes pas pho brang gi nang du song ste btsun mo la 'di skad ces smras so/ /lha mo mkhyen lags sam/ slad rol gyi mi rnams las kun du so sor rgyal bu btsal ba las da dung ma rnyed ces mchi ba thos lags so/ /de nas btsun mo des tshig de skad smras pa thos pa dang / mya ngan chen po skyes pas smre sngags bton te/ mig mchi mas gang bzhin du rgyal po'i drung du phyin nas rgyal po la 'di skad ces gsol to/ /lha chen po bdag gis slad rol gyi mi rnams las 'di skad du bdag gi bu sdug tha chungs stor ces mchi ba thos</font><hr>96.157b<br><font size=+1>

lags so/ /rgyal pos tshig de thos pa dang shin du skrag par gyur pas brnangs bzhin du smre tshig 'di skad du kyi hud sdug bsngal lo/ /deng nga'i bu yid du 'ong ba stor bar gyur to zhes smras nas mchi ma phyis te/ btsun mo la spro ba bskyed nas 'di skad du bzhin bzangs ma khyod mya ngan ma byed cig /ngas deng lhan cig phyir byung ste bu sdug btsal bar bya'o zhes smras nas/ rgyal po btsun mo dang / skye bo'i tshogs mang po dang lhan cig tu grong khyer nas phyir byung ste/ so sor gyes te phyogs kun du btsal ba las ring po ma lon par blon po chen po zhig nye bar mdun du 'ongs te rgyal po la 'di skad ces gsol to/ /lha rgyal bu mi bzhugs shes thos pas thugs ngan mi mdzad du gsol/ rgyal bu tha chungs ni da dung mi gda' lags so/ /rgyal pos tshig de thos pa dang smre sngags bton nas 'di skad du kyi hud nga'i bu yid du 'ong ba stor bar gyur to zhes smras par gyur to/ /dang po bu yod tshe na dga' ba chung / /phyis ni bu stor tshe na sdug bsngal che/ /gal te nga'i bu'i srog ni slar thob na/ /nga'i lus shi 'ang sdug bsngal ci yang med/ /btsun mos de skad thos pa dang / dper na mdas phog pa bzhin du mya ngan gyis kun du dkris par gyur pas smre tshig 'di skad ces smras so/ /bdag gi bu gsum 'khor dang bcas par ni/ /nags tshal dong ste lhan cig rtse ba las/ /bu sdug tha chungs gcig pu ma 'ongs pas/ /nges par 'bral ba'i ltas ngan dngos yod 'gyur/ /de'i 'og tu yang blon po 'bring po rgyal po'i drung du nye bar 'ongs pa la rgyal pos blon po de la bu sdug gang na 'dug ces smras pa las/ blon po 'bring pos de yid la bcags te ngus pas lkog ma dang lce yang skams nas tshig 'byin cing lan 'debs kyang ma nus pa dang btsun mos 'di skad ces dris so/ /bu chung da ltar gang na myur du smros/ /bdag gi lus kun rab tu bsregs par gyur/ /myos</font><hr>96.158a<br><font size=+1>

'khrugs rmongs pas nang gi sems nyid stor/ /bdag gi brang ni de ring gas la la byed/ /de nas blon po 'bring pos rgyal bus lus yongs su btang ba'i dngos po de dag zhib tu rgyal po la gsol te shes par byas pa dang / rgyal po dang / btsun mos gtam de thos nas smre zhing mchi mas brnangs bzhin du lus yongs su btang ba'i sa phyogs su myur zhing rings par dong ste/ 'od ma'i tshal byang chub sems dpas lus btang ba'i gnas su phyin nas rus pa rnams kun du 'thor ba mthong ba dang cig car sa la 'gyel te/ shi ba dang 'dra bar brgyal bar gyur pas dper na rlung drag pos ljon shing chen po bsgyel bzhin du sems rmongs shing dran pa stor bas shes pa ci yang med par gyur to/ /de nas blon po chen po la sogs pas chus kun du gtor ba dang / rgyal po dang btsun mo ring zhig lon nas gdod dran pa thob par gyur to/ /de nas lag pa bteg ste 'dug nas smre tshig smras pa/ kyi hud bu sdug mdzes pa'i mtshan dang ldan/ /ci'i phyir 'chi ba'i sdug bsngal sngar 'ongs gtses/ /gal te khyod kyi mdun du bdag shi na/ /'di 'dra'i sdug bsngal mthong bar ga la 'gyur/ /de nas btsun mo myos shing brgyal ba khad kyis zhi bar gyur nas kyang skra long long por gyur te lag pa gnyis kyis brang brdungs nas nya skams la 'gre ba bzhin du sa la 'gres te/ ba bu stor ba bzhin du ngus nas smres tshig smras pa/ bdag gi bu ni sus btubs na/ /rus pa lhag ma sa la gtor/ /bdag gi bu sdug stor bas na/ /mya ngan smre ba rang mi theg /kyi hud bu ni sus bsad na/ mya ngan dngos po 'di 'dra myong / /bdag snying rdo rje ma yin na/ /ci yi phyir ni gas ma gyur/ /bdag gi rmi lam nu ma gnyis/ /gzhan dag gis ni bcad pa dang / /so rnams lhung bar mthong bas na/ /deng ni sdug snga bsngal chen po myong / /phug ron phru gu gsum las ni/ /gcig ni khras khyer mthong bas na/ /deng ni</font><hr>96.158b<br><font size=+1>

bu sdug stor gyur pas/ /ltas ngan ston la mi bden med/ /de nas rgyal bu chen po de btsun mo dang / bu gnyis dang bcas par brtse bas gtugs te ngus nas rgyan thams cad bkrol te skye bo'i tshogs mang po dang lhan cig tu byang chub sems dpa' bzhag pa'i lus kyis ring bsrel bsdus te mchod pa bya ba'i phyir mchod rten gyi nang du bzhag go /kun dga' bo khyod kyis 'di nyid ni byang chub sems dpa' de'i ring bsrel yin par rig par bya'o/ /yang tshe dang ldan pa kun dga' bo la bka' stsal pa/ nga sngon 'dod chags dang / zhe sdang dang / gti mug la sogs pa'i nyon mongs pa dang ldan pa'i tshe na yang sems can dmyal ba dang / yi dgas dang / dud 'gro'i skye gnas la sogs pa'i 'gro ba lnga po dag tu yang rkyen ji lta ba bzhin du yongs su bskyabs nas phan btags te nges par 'byung ba thob par byas na/ da ltar nyon mongs pa thams cad zad nas bag chags kyi lhag ma med de lha dang mi'i ston par gyur nas thams cad mkhyen pa dang ldan pas sems can re re'i phyir yang bskal pa mang po'i bar du sems can dmyal ba dang / gnas gzhan dag tu gnas te/ sdug bsngal sna tshogs dang du blangs nas skye shi dang nyon mongs pa'i 'khor ba las nges par 'byung ba 'thob par byed pa lta smos kyang ci dgos/ de nas bcom ldan 'das kyis don nyid yang bstan pa'i phyir tshigs su bcad de bka' stsal pa/ nga sngon 'das pa'i dus kyi tshe/ /bskal pa grangs med tshad med snyed/ /res 'ga' yul gyi rgyal po byas/ /res 'ga' rgyal bu byas pa na/ /rtag par sbyin pa cher btang bas/ /shin tu phangs pa'i lus btang nas/ /'khor ba las ni nges byung ste/ /byang chub dam par phyin par smon/ /sngon byung yul chen zhig tu ni/ /yul bdag shing rta che zhes bya/ /rgyal bu dpa' bo zhes bya ba/ /rtag par sbyin gtong ser sna med/ /de la bu pho gnyis yod de/ /sgra chen lha chen</font><hr>96.159a<br><font size=+1>

po zhes bya/ /gsum po lhan cig phyir byung ste/ /mthar gyis ri dang nags tshal phyin/ /stag mo bkres pas nyen mthong nas/ /'di 'dra'i sems ni skyes par gyur/ /stag mo bkres mes rab bsregs kyang / /gzhan bzar rung ba ci yang med/ /skyes chen de 'dra mthong nas ni/ /de yis bu ni zos dogs phyir/ /chags med lus ni rab btang nas/ /bu skyabs smas pa med par byas/ /sa chen dang ni ri rnams kyang / /dus gcig thams cad rab tu g.yos/ /chu klung rgya mtsho shin du 'khrugs/ /rlabs drag chu ni gyen du 'bab/ /gnams sa 'og ni stor bas na/ /mun nag ci yang mthong ba med/ /nags tshal dgon pa'i gcan zan rnams/ /'phur rgyug gnas ni yongs su spangs/ /phu gnyis ci phyir ma log ces/ /mya ngan brtse ba'i sdug bsngal skyes/ /g.yog 'khor mang po rnams dang ni/ /nags tshal kun du yongs su btsal/ /spun gnyis lhan cig rab 'grogs te/ /ri gzar nags su phyin nas ni/ /phyogs bzhir bltas kyang ci ma mthong / /stag mo mthong ba'i nags stong du/ /ma dang bu bdun bcas par ni/ /thams cad khrag gis kha bskus dang / /rus pa lhag ma skra rnams ni/ /sa la kun du 'thor ba mthong / /gzhan yang khrag ni zags pa rnams/ /'od ma'i tshal kun sbags pa dag /phu bo gnyis kyis mthong nas ni/ /sems la 'jigs skrag chen po skyes/ /gnyi ga brgyal nas sa la 'gyel/ /'khrugs myos ci yang mi dran pas/ /sa rdul dag gis lus kun gos/ /rnam shes drug ni dran pa nyams/ /rgyal bu g.yog ni mang po rnams/ /cho nge sems la mya ngan skyes/ /chus gtor dran pa thob nas kyang / /lag bteg skad cher phyung ste ngus/ /byang chub sems dpas lus btang tshe/ /</font><hr>96.159b<br><font size=+1>

byams pa'i ma ni pho brang na/ /bud med lnga brgya rnams dang ni/ /lhan cig longs spyod myong ba las/ /btsun mo dam pa'i nu ma gnyis/ /rang gi nu zho zags gyur pas/ /lus kun khab kyis phug pa bzhin/ /shin du sdug bsngal rab mi bde/ /bu stor 'du shes skyes pas na/ /mya ngan zug rngu sems la zug /rgyal po chen po shes byas nas/ /sdug bsngal dngos po de dag bshad/ /cho nges smre ba mi bzod pas/ /brtse ba'i skad kyis rgyal po la/ /rgyal po chen po mkhyen par mdzod/ /deng bdag sdug bsngal chen po skyes/ /nu zho gnyis ni rang byung bas/ /bkag kyang bsam pa bzhin ma grub/ /khab kyis lus kun phug pa bzhin/ /mya ngan brang ni gas la thug /bdag gi g.yar lam snga ltas ngan/ /nges par bu sdug stor bar gyur/ /lhas ni bdag gi srog skyobs la/ /bu ni gum gson mkhyen par mdzod/ /g.yar lam phug ron gsum mthong ba/ /chung ngu de ni bu sdug lags/ /khras ni phrogs te 'tshal bas ni/ /mya ngan rdzogs par gsol bar dka'/ /deng bdag mya ngan mtshor bying bas/ /'chi bar 'gyur ba ring mi thogs/ /bu srog mi gson blo ba chung / /myur ba nyid du btsal bar gsol/ /gzhan yang slad rol mi rnams las/ /bu chung ma rnyed thos pas na/ /deng bdag sems ni rab mi bde/ /lhas ni bdag la brtse bar mdzod/ /btsun mos de skad smras nas ni/ /lus bteg sa la rab tu brdabs/ /rab brtse na bas sems brgyal myos/ /rab rmongs shes pa ci yang med/ /nang 'khor bud med btsun mo de/ /brgyal te sa la 'gyel mthong ste/ /skad chen phyung ste rab tu ngus/ /mya ngan dngangs skrag gnas kyang</font><hr>96.160a<br><font size=+1>

stor/ /rgyal pos tshig de thos pas na/ /mya ngan rang nyid gzung ma nus/ /blon po thams cad bkug nas ni/ /bu sdug tshol ba yongs su bkye/ /thams cad grong khyer phyir byung ste/ /de dang de dag kun du btsal/ /ngus nas mi ni mang po la/ /rgyal bu gang na yod ces smras/ /da ltar gson nam 'on te shi/ /gang du song ba su yis shes/ /ji ltar byas na mthong gyur nas/ /bdag cag mya ngan bsal bar 'gyur/ /skye bo mang po thams cad kun/ /rgyal bu de ni shi zer bas/ /thos pa thams cad rab tu gdung / /smre sngags sdug bsngal brjod par dka'/ /de tshe rgyal po shing rta che/ /cho nges smras nas stan las langs/ /btsun mo'i drung du nyer song ste/ /de yi lus la chus kyang gtor/ /btsun mo chus ni gtor bas na/ /ring zhig lon nas dran pa thob/ /rab smres rgyal po la zhus pa/ /bdag bu da lta gang na mchis/ /rgyal pos btsun mo la bsgo ba/ /ngas ni pho nya mang bkye ste/ /phyogs bzhir rgyal bu tshol bcug na/ /da dung gtam skyes yong ma 'ongs/ /rgyal pos btsun mo yang bsgo ba/ /khyod ni mya ngan ma byed par/ /re shig rang nyid bde bar byos/ /lhan cig phyir byung btsal bar bya/ /de nas rgyal po btsun mor bcas/ /bzhon pa zhon nas mdun du chas/ /smre ba'i skad kyis cho nges btab/ /gdung sems me ni 'bar ba 'dra/ /ya rabs ma rabs brgya stong rnams/ /rgyal po'i rjes su grong khyer byung / /brtse ba'i ngu sgra mi 'chad par/ /so sor rgyal bu yongs su btsal/ /rgyal pos bu sdug btsal ba'i phyir/ /mig gis phyogs bzhir bltas pa las/ /skra bshig khrag gis lus bskus te/ /lus kun rdul gyis gos pa dang / /ngus nas mdun bcad 'ong ba yi/ /mi zhig kyang ni mthong bar gyur/ /rgyal pos ltas ngan de mthong nas/ /lhag par mya ngan skyes par 'gyur/ /rgyal pos lag pa gnyis bteg nas/ /brtse bas ngus te bkag ma nus/ /thog mar blon po chen po zhig /rings brtabs rgyal po'i drung 'ongs nas/ /rgyal po de la 'di skad smras/ /</font><hr>96.160b<br><font size=+1>

lha ni thugs ngan mi mdzad gsol/ /lha yi thugs brtse sras bu de/ /da dung rnyed par ma gyur kyang / /ring por mi thogs phyin par mchi/ /lha ni thugs ngan mi mdzad gsol/ /rgyal po yang ni song ba las/ /blon po 'bring po 'ongs pa mthong / /blon po rgyal po'i drungs 'ongs nas/ /gal te rgyal la 'di skad smras/ /rgyal bu gnyis ni bzhugs pa yang / /mya ngan zhugs kyis yongs su gdungs/ /rgyal bu tha chungs gang lags pa/ /de ni mi rtag pa yis zin/ /bu btsas stag mo ltogs pa zhig /bu 'tshal snyam pa gzigs nas ni/ /rgyal bu sems can chen po yis/ /thugs rje chen po'i sems bskyed de/ /bla med lam ni gnyer ba dang / /mang po thams cad bzla ba'i slad/ /byang chub mchog la 'du shes bcings/ /shin du zab yangs rgya mtsho bzhin/ /ri mtho rtse la 'dzegs nas ni/ /stag mo ltogs mdun sku yang bor/ /nyam chung 'tshal rngo ma thogs nas/ /'od mas mgur du khrag phyung bas/ /rgyal bu'i sku ni 'tshal bas na/ /sku gdung lhag ma tsam zhig lus/ /de tshe rgyal po btsun mor bcas/ /de skad thos nas rgyal bar gyur/ /sems ni mya ngan mtshor bying ste/ /nyon mongs me yis rab tu bsregs/ /blon pos tsan dan chu dag gis/ /rgyal po btsun mo gtor bas na/ /gcig car langs nas rab tu ngus/ /lag btegs brang dag la yang brdungs/ /blon po chung ngu 'ongs nas ni/ /rgyal po de la 'di skad smras/ /bdag gis rgyal bu gnyis po ni/ /tshal na brgyal bar gyur pa mthong / /bdag gis chab grang gtor bas na/ /dran pa cung zad thob par gyur/ /phyogs bzhi dag tu gzigs pa ni/ /rab tu 'bar me kun khyab 'dra/ /skad cig bzhengs kyang slar yang 'gyel/ /cho nges bdag nyid 'dzin mi spyod/ /</font><hr>96.161a<br><font size=+1>

phyag bteg brtse ba'i tshig dag gis/ /gcung gi ya mtshan bsngags par mdzad/ /rgyal pos de skad thos nas kyang / /mya ngan me yis lhag par btsos/ /btsun mos rab tu ngus nas ni/ /skad cher phyung ste 'di skad smras/ /bdag gi bu sdug lhag par byams pa de/ /mi rtag srin po dag gis mid par gyur/ /da ltar bu gnyis lus par gyur pa yang / /mya ngan me yis rab bsregs nyon yang mongs/ /bdag deng ri drung dag tu myur song la/ /spro bskyed srog gi lhag ma bsrung bar bya/ /de nas bzhon zhon lam du myur zhugs nas/ /rtse gcig sems kyis lus spangs brag drung song / /bu gnyis yid bcags brang brdungs spyod tshul nyams/ /'gro bzhin ngu ba dag dang lam du phrad/ /pha mas bad blangs mya ngan smre sngags bton/ /cig car lus btang ri dang nags su dong / /byang chub sems dpas lus spangs nags phyin nas/ /lhan cig 'dus nas rab ngus sdug bsngal che/ /rgyan phreng bkrol te snying tshim ngus nas ni/ /byang chub sems dpa'i rus bu lhag ma bsdus/ /skye bo mang pos lhan cig mchod pa byas/ /rin chen sna bdun mchod rten brtsigs nas ni/ /ring bsrel de ni sgrom gyi nang du bzhag /mya ngan bcas bzhin slar ni grong khyer dong / /kun dga' la ni bka' stsal pa/ /sngon byung sems can chen po ni/ /shAkya thub pa nga yin pas/ /gzhan yin snyam du bsam mi bya/ /rgyal po zas gtsang yab yin te/ /btsun mo nga yum sgyu 'phrul yin/ /rgyal bu chen po byams pa yin/ /rgyal bu 'bring po 'jam dpal yin/ /stag mo skye dgu'i bdag mo yin/ /bu lnga dge slong lnga po yin/ /gcig ni maud gal chen po'i bu/ /gcig ni shA ri'i bu yin no/ /</font><hr>96.161b<br><font size=+1>

ngas ni khyed cag thams cad la/ /sngon gzhan phan btags pa yi gtams/ /byang chub sems dpa'i spyod pa bshad/ /sangs rgyas 'grub rgyu 'di slob byos/ /byang chub sems dpas lus btang tshe/ /smon lam rgya chen 'di skad btab/ /bdag lus rus pa lhag ma yis/ /ma 'ongs sems can phan 'dog shog /'di ni lus btang gnas yin te/ /rin chen sna bdun mchod rten de/ /lo ni tshad med bar du gnas/ /de nas sa 'og bying bar gyur/ /sngon gyi smon lam mthu stobs kyis/ /rkyen ni ji bzhin sems can zlos/ /lha mi kun la phan gdags phyir/ /sa las 'phags te byung ba yin/ /de'i tshe bcom ldan 'das kyis sngon gyis rgyud 'di bstan pa na lha dang mi'i skye bo'i tshogs tshad med grangs med pa snyed yongs su gdung ba dang dga' ba chen po skyes te/ sngon chad nam yang 'di lta bu ma byung ngo zhes bsngags pa brjod nas thams cad bla na med pa yang dag par rdzogs pa'i byang chub tu sems bskyed par gyur to/ /byang chub kyi shing gi lha mo la bka' stsal pa/ ngas ni drin la lan glan pa'i phyir gus pas phyag byas pa yin no/ /bcom ldan 'das kyis rdzu 'phrul gyi mthus mngon par bsdus pa dang / mchod rten de yang slar sa'i 'og tu bying bar gyur to/ /gser 'od dam pa mchog tu rnam par rgyal ba mdo sde'i rgyal po las lus yongs su btang ba'i le'u ste nyi shu drug pa'o// // de'i tshe de bzhin gshegs pa shAkya thub pas chos kyi rnam grangs 'di bka' stsal ba na/ phyogs bcu'i 'jig rten gyi khams nas byang chub sems dpa'i tshogs bye ba khrag khrig brgya stong tshad med pa snyed so so nas rang rang gi zhing khams nas bya rgod phung po'i rir phyin te/ bcom ldan 'das kyi spyan sngar lhags nas yan lag lnga sa la gtugs te/ bcom ldan 'das la phyag byas nas sems rtse gcig tu thal mo sbyar</font><hr>96.162a<br><font size=+1>

te mgrin gcig tu tshigs su bcad pa 'di dag gis mngon par bstod pa/ /bcom ldan sku mchog gser gyi kha dog ldan/ /'od zer kun gsal gser gyi ri bo 'dra/ /rnam dag rab mnyam pad ma dag dang mtshungs/ /mtshan mchog dam pa tshad med kun du bkod/ /mtshan ni sum bcu rtsa gnyis rab brgyan te/ /dpe byad bzang po brgyad bcu yongs su rdzogs/ /'od zer rab gsal dpe zla yongs ma mchis/ /dri bral dper na rnam dag zla nya 'dra/ /gsungs dbyangs rab dang shin du gya nom pas/ /seng ge bzhin du 'brug sgra sgrogs par mdzad/ /dam pa rnam brgyad dbang po 'thun mdzad pas/ /ka la ping ka'i sgra sgrogs kun las 'phags/ /bsod nams brgya yi mtshan mchog sku brgyan pas/ /'od zer phun tshogs dri ma yongs mi mnga'/ /mkhyen blo rab gsal dper na rgya mtsho 'dra/ /yon tan rgya chen nam mkha' dag dang mtshungs/ /yongs rdzogs 'od zer phyogs bcu'i 'jig rten bkang / /rkyen ni ji bzhin sems can sgrol bar mdzad/ /nyon mongs sred pa'i bag chags kun bsal bas/ /chos kyi sgron ma rtag par rgyun mi 'chad/ /thugs brtses sems can dag la phan 'dogs pas/ /da ltar slad ma'i dus tshe bde ba stsol/ /rtag par don mchog dam pa rab bshad nas/ /yang dag rab dben mya ngan 'das la 'god/ /bcom ldan bdud rtsi'i chos mchog rab bstan nas/ /bdud rtsi'i gya nom don ni stsal mdzad pas/ /bdud rtsi'i grong khyer dag tu rab drangs nas/ /bdud rtsi 'dus ma bgyis kyi bde la 'god/ /rtag par 'khor ba'i rgya mtsho chen po nas/ /sdug bsngal sems can thams cad thar bar mdzad/ /de dag bde ba'i shul du rab btsud de/ /yid bzhin bde ba bsam mi khyab pa stsol/ /</font><hr>96.162b<br><font size=+1>

bcom ldan yon tan rgya mtsho zab la yangs/ /dpe ni mang po dag gis rig mi 'gyur/ /rtag par kun la thugs rje cher gzigs pas/ /thabs mkhyen brtson 'grus dag ni rgyun mi 'chad/ /bcom ldan yon tan rgya mtsho mtha' ma mchis/ /bskal pa bye ba brgya stong bar du ni/ /lha mi thams cad lhan cig dpag bsams kyang / /cha shas tsam yang rig par yong mi 'gyur/ /bdag cag sangs rgyas yon tan rgya mtsho las/ /thigs pa 'ga' zhig bsngags pa brjod pa yi/ /bsod nams de dag skye dgu yongs bsngos nas/ /thams cad byang chub 'bras bu myur thob smon/ /de nas bcom ldan 'das kyis byang chub sems dpa' mang po de dag la bka' stsal pa/ legs so legs so/ /khyed kyis 'di ltar de bzhin gshegs pa'i yon tan gyi bsngags pa brjod pa nyid kyis sems can la phan 'dogs shing sangs rgyas kyi mdzad pa rgya cher byed par 'gyur bas sdig pa rnams yongs su byang nas bsod nams tshad med pa snyed skye bar 'gyur ro/ /gser 'od dam pa mchog tu rnam par rgyal ba mdo sde'i rgyal po las phyogs bcu'i byang chub sems dpa' rnams kyis bsngags pa brjod pa'i le'u ste nyi shu bdun pa'o// // de nas byang chub sems dpa' mdzes pa'i tog stan las langs te bla gos phrag pa gcig tu la gzar nas pus mo g.yas pa'i lha nga sa la gtsugs te/ bcom ldan 'das ga la ba de logs su thal mo sbyar nas tshigs su bcad pa dag gis mngon par bstod pa/ thub pa bsod nams rgya yi mtshan rdzogs shing / /yon tan tshad ma mchis pas sku rab brgyan/ /rnam dag rgya chen sems can lta mos pas/ /nyi ma stong bzhin 'od kyis snang bar mdzad/ /kha dog mtha' yas 'od ni rab tu rgyas/ /rin chen pad ma'i phung bzhin mtshan rnams mdzes/ /dper na gdugs shar nam mkha' snang bgyid bzhin/ /kha dog dkar gsal gser</font><hr>96.163a<br><font size=+1>

gyi mdog kyang gnon/ /gser gyi ri bzhin 'od kyis gsal mdzad pas/ /zhing ni brgya stong mang po kun du khyab/ /sems can sdug bsngal tshad med zhi mdzad nas/ /bde ba dam pa mtha' yas stsal bar mdzad/ /mtshan rnams phun tshogs rnam dag rab mdzes pas/ /sems can lta smos skyo ba yong ma mchis/ /dbu skra rab mnyen kha dog mthon mthing gnas/ /bung ba nag po me tog bsdus pa 'dra/ /dgyes dang btang snyoms chen po dag pas brgyan/ /byams dang thugs rje chen po phun sum tshogs/ /mtshan dang dpe byad dam pa rab mdzes pa/ /byang chub yan lag chos las grub pa lags/ /bcom ldan bsod nams phan pa mang btang bas/ /de dag rtag tu bde ba chen po 'thob/ /yon tan rnam pa sna tshogs rab brgyan pas/ /'od kyi zhing ni brgya stong snang bar mdzad/ /bcom ldan 'od zer shin du rdzogs pas na/ /dper na gdugs kyis nam mkha' kun khyab 'dra/ /bcom ldan ri rab bzhin du yon tan ldan/ /phyogs bcu kun du khyab par ston pa mdzad/ /bcom ldan gser zhal dam pa rab tu mdzes/ /tshems dkar gtams pa dung gi kha dog 'dra/ /bcom ldan zhal mdzes dpe zla yong ma mchis/ /smin mtshams ba spu rtag par g.yas su 'khyil/ /'od mnyen dkar gsal chu shel dag dang mtshungs/ /dper na zla nya nam mkha'i khams gnas 'dra/ /de nas bcom ldan 'das kyis byang chub sems dpa' mdzes pa'i tog la bka' stsal pa/ khyod kyis 'di ltar de bzhin gshegs pa'i yon tan gyi bsngags pa brjod pa ni bsam gyis mi khyab pa yin pas thams cad la phan 'dogs par 'gyur zhing / gang dag khong du ma chud pa de dag kyang rjes su 'thun par rnal 'byor sgom pa la slob par 'gyur ro/ /</font><hr>96.163b<br><font size=+1>

gser 'od dam pa mchog tu rnam par rgyal ba mdo sde'i rgyal po las byang chub sems dpa' mdzes pa'i tog gis bsngags pa brjod pa'i le'u ste nyi shu brgyad pa'o// // de nas byang chub kyi shing gi lha mos kyang tshigs su bcad pa dag gis bcom ldan 'das la mngon par bstod pa/ bcom ldan rnam dag blo la gus phyag 'tshal/ /rnam dag chos gnyer blo la gus phyag 'tshal/ /yang dag chos gnyer blo la gus phyag 'tshal/ /chos min spong ba'i blo la gus phyag 'tshal/ /rnam dag mi mnga' blo la gus phyag 'tshal/ /kye ma ngo mtshar bcom ldan mtha' yas spyod/ /kye ma mthong dka' u dum ba ra 'dra/ /kye ma ngo mtshar rgya mtsho'i ri rgyal 'dra/ /kye ma ngo mtshar rgya mtsho bde gshegs 'od tshad med/ /kye ma ngo mtshar kha bsgyur smon lam che/ /kye ma ngo mtshar shAka rigs nyi ma 'dis/ /'di 'dra'i mdo sde dkon mchog bkas bshad nas/ /brtse bas skye dgu rnams la phan 'dogs mdzad/ /thub pa rab dben dbang po mnyam 'jog pas/ /rab zhi mya ngan 'das pa'i grong khyer gshegs/ /rab dben gzungs kyi sgo la bzhugs pas na/ /rab dben spyod yul zab mo dag kyang mkhyen/ /rkang gnyis gtso bo rab dben bzhugs pas na/ /nyan thos slob ma lus kyang de bzhin stong / /chos rnams thams cad ngo bo ma mchis pas/ /sems can thams cad kyang ni stong zhing dben/ /bdag ni rtag tu bcom ldan dran par bgyid/ /bdag ni rtag tu bcom ldan mthong bar mos/ /bdag ni rtag tu gus sems bskyed pas na/ /rtag par</font><hr>96.164a<br><font size=+1>

de bzhin gshegs pa'i gdugs dang mjal/ /bdag ni rtag tu bcom ldan phyag bgyis nas/ /rtag par zhal lta sems kyis mi spong smon/ /rab tu gdung sems bar chad ma mchis par/ /rtag par rim gro bgyis kyang skyo mi bgyid/ /bcom ldan thugs rje'i thugs ni rab bskyed nas/ /mdangs ldan zhal ni bdag gis rtag mthong mdzod/ /bcom ldan nyan thos dge 'dun rnam dag pas/ /rtag par lha mi dag ni bsgral bar smon/ /sku ni rang bzhin rnam dag nam mkha' 'dra/ /sgyu ma smig rgyu chab kyi zla ba mtshungs/ /bdud rtsi mya ngan 'das pa'i chos bshad nas/ /yon tan phung po thams cad skyed par smon/ /bcom ldan rnam dag spyod yul byams pa dang / /thugs rje yang dag spyod yul bsam mi khyab/ /nyan thos rang rgyal gzhal bar mi 'gyur zhing / /drang srong byang chub sems dpas dpogs mi 'gyur/ /de bzhin gshegs pas bdag la thugs brtse nas/ /thugs rje chen po'i sku ni rtag mthong smon/ /las gsum ngal med byams gtso mchod nas ni/ /myur du nges 'byung yang dag mtha' phyogs smon/ /de nas bcom ldan 'das kyis de skad ces bsngags pa brjod pa gsan pa dang / tshangs pa'i dbyangs kyis shing gi lha mo la bka' stsal pa/ rigs kyi lha mo khyod kyis nga'i yang dag pa'i mi brdzun pa'i chos kyi sku rnam par dag pa'i bsngags pa brjod nas bdag dang gzhan la phan gdags pa'i phyir mtshan mchog gya nom pa yang dag par bsgrags pa legs so legs so/ /bsod nams 'dis khyod myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing sems can thams cad mtshungs par rnal 'byor bsgom par 'gyur la/ gang gis thos pa de dag thams cad kyang bla na med pa'i bdud rtsi'i chos kyi sgor 'jug par 'gyur ro/ /gser 'od dam pa</font><hr>96.164b<br><font size=+1>

mchog tu rnam par rgyal ba mdo sde'i rgyal po las byang chub kyi shing gi lha mos bsngags pa brjod pa'i le'u ste nyi shu dgu pa'o// // de nas lha mo spobs pa chen mo stan las langs te gus pas thal mo sbyar nas yang dag pa'i tshig gis bcom ldan 'das la mngon par bstod pa/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa sku yang dag par gser gyi kha dog dang ldan pa/ mgur dung gi dbyibs dang 'dra ba/ zhal zla ba nya ba lta bu spyan pad ma sngon po dang mtshungs pa/ sgros dmar zhing bzang ba/ chu shel gyi kha dog dang 'dra ba/ shangs kyi dbyibs mtho zhing drang bas gser gyi gar bu bcad pa lta bur gyur pa/ tshems dkar zhing thags bzang ba me tog ku muta dang mtshungs pa/ 'od kyis kun du snang bar mdzad pas nyi ma brgya stong lta bur gyur pa/ 'od kyi kha dog kun du khyab pas 'dzam bu'i gser dang 'dra ba tshig gsung ba la nor zhing 'khrul pa mi mnga' ba/ rnam par thar pa'i sgo gsum yang dag par bstan nas byang chub rnam pa gsum gyi lam yang dag par 'byed pa/ thugs rtag tu rnam par dag cing thugs kyi mos pa yang de bzhin du gyur pa/ bcom ldan 'das bzhugs pa'i gnas dang spyod yul rnams rtag par rnam par dag par gyur pa/ spyod lam ma lags pa spangs pas gshegs shing bzhugs pa dag la 'khrul pa mi mnga' ba/ lo drug dka' ba mdzad nas chos kyi 'khor lo lan gsum du bskor ba/ sdug bsngal ba'i sems can yongs su bzlas nas pha rol gyi 'gram du phyin par mdzad/ sku'i mtshan yongs su rdzogs pa n+ya gro d+ha'i ljon shing lta bur gyur pa/ pha rol du phyin pa drug yongs su bsgoms pas phrin las</font><hr>96.165a<br><font size=+1>

rnam pa gsum la skyon mi mnga' ba/ thams cad mkhyen pa dang ldan pas bdag dang gzhan gyi don phun sum tshogs par mdzad pa/ gang ci gsung yang rung ste rtag par sems can gyi don du 'gyur bar mdzad pas don ma mchis par mi gsung ba/ shAkya'i rigs kyi nang nas seng ge chen por gyur pas rab tu brtan zhing dpa' ba/ rnam par thar pa brgyad phun sum tshogs par gyur pa la phyag 'tshal lo/ /ding bdag gi nyams kyis ji tsam lcogs pa'i rjes su de bzhin gshegs pa'i yon tan gyi phyogs las cung zad tsam zhig bsngags pa brjod pa ni 'di lta ste/ dper na sbrang bus rgya mtsho chen po'i chab /   /'tshal ba dang 'dra yang bsod nams de'i dbang gis sems can thams cad 'khor ba gtan du spangs nas bla na ma mchis pa'i lam mngon par grub par smon to/ /de nas bcom ldan 'das kyis lha mo spobs pa chen mo la bka' stsal pa/ khyod kyis yun ring po nas bsgoms pas spobs pa chen po dang ldan par gyur nas deng nga'i yon tan rgya cher bsngags pa brjod pa legs so legs so/ /'di'i dbang gis khyod myur du bla na med pa'i chos kyi sgo mo mngon par rtogs nas mtshan dang dpe byad bzang po phun sum tshogs par gyur te thams cad la rgya cher phan 'dogs par 'gyur ro/ /gser 'od dam pa mchog tu rnam par rgyal ba mdo sde'i rgyal po las lha mo spobs pa chen mos bsngags pa brjod pa'i le'u ste sum bcu pa'o// // de nas bcom ldan 'das kyis byang chub sems dpa' tshad med pa snyed rnams dang / lha dang / mi rnams dang / 'khor mang po thams cad la bka' stsal pa/ khyed kyis 'di ltar rig par bya ste/ ngas bskal pa chen po tshad med grangs med pa nas nan tan brtson 'grus kyis dka' ba spyad de thob pa'i chos shin du zab pa byang chub kyi rgyu yang dag pa gang</font><hr>96.165b<br><font size=+1>

yin pa de ni khyed la yang dag par bstan zin na/ khyed cag las su zhig rab tu brtul ba'i sems bskyed nas nga yongs su mya ngan las 'das pa'i 'og tu chos kyi rnam grangs 'di gus pas yongs su bsrungs nas rgya cher yang dag par spel te yang dag pa'i chos 'jig rten na yun ring du gnas par byed/ de nas 'khor mang po'i nang nas byang chub sems dpa' chen po bye ba phrag drug bcu dang / lha'i 'khor phal mang po bye ba phrag drug bcus mgrin gcig tu 'di skad ces bcom ldan 'das bdag cag thams cad la yang mos pa'i sems mchis pas bcom ldan 'das kyis bskal pa chen po tshad ma mchis pa nas nan tan brtson 'grus kyis dka' ba mdzad de brnyes pa'i chos shin du zab pa byang chub kyi rgyu yang dag pa gang lags pa de la gus pas yongs su bsrungs nas/ bcom ldan 'das yongs su mya ngan las 'das pa'i slad na yang lus dang srog la phangs pa ma mchis par chos kyi rnam grangs 'di rgya cher spel te yang dag pa'i chos 'jig rten na yun ring du gnas par bgyid do zhes gsol to/ /de nas byang chub sems dpa' sems dpa' chen po de dag gis bcom ldan 'das kyi spyan sngar tshigs su bcad de gsol pa/ bcom ldan yang dag bden tshig gsung / /yang dag chos la rab tu bzhugs/ /yang dag bden pa de dbang gis/ /mdo sde 'di ni srung 'dzin bgyid/ /thugs rje chen po'i go bsnams nas/ /thugs rje che la rab tu bzhugs/ /byams dang thugs rje de stobs kyis/ /mdo sde 'di ni bsrung 'dzin bgyid/ /bsod nams tshogs ni yongs rdzogs nas/ /ye shes tshogs ni rab tu bskyed/ /tshogs rnams yongs su rdzogs pa'i slad/ /mdo sde 'di ni bsrung 'dzin bgyid/ /bdud rnams thams cad rab btul te/ /log smra thams cad rnam par bshig /ngan lta thams cad bsal ba'i slad/ /mdo sde 'di</font><hr>96.166a<br><font size=+1>

ni bsrung 'dzin bgyid/ /'jig rten skyong dang brgya byin dang / /tshangs pa dang ni lha ma yin/ /klu dang gnod sbyin la sogs pas/ /mdo sde 'di ni bsrung 'dzin bgyid/ /sa yi steng dang mkha' gnas pa/ /yun ring 'dir ni gnas pa rnams/ /bcom ldan bstan pa 'dzin bgyid pa/ /mdo sde 'di ni bsrung 'dzin bgyid/ /tshangs pa'i bzhugs bzhi mtshungs ldan zhing / /'phags bden bzhi yis rab brgyan nas/ /bdud bzhi dag ni pham mdzad slad/ /mdo sde 'di ni bsrung 'dzin bgyid/ /nam mkha' thogs bcas 'gyur yang srid/ /thogs bcas nam mkhar 'gyur srid kyi/ /sangs rgyas rnams kyis bsrungs bzung ba/ /sus kyang bsgul zhing bskyod mi 'gyur/ /de nas rgyal po chen po bzhis bcom ldan 'das kyis dam pa'i chos 'di bsrung ba bkas bshad pa thos pa dang / so so nas rjes su yi rang ba'i sems bskyed nas yang dag pa'i chos yongs su bsrung ba'i sems kyis gcig car mgrin gcig tu tshigs su bcad de gsol pa/ bdag cag mdo sde 'di la ni/ /bu dang bu mo 'khor dang bcas/ /thams cad rtse gcig rab bsrungs nas/ /rgya cher yang dag spel bar bgyid/ /gang zhig mdo 'di rab bzung nas/ /byang chub rgyu ni sgrub bgyid na/ /bdag cag rtag par phyogs bzhi nas/ /bsrung skyob rim gro dag kyang bgyid/ /de nas brgya byin lha'i dbang pos gus pas thal mo sbyar nas tshigs su bcad pa gsol pa/ sangs rgyas chos ni thugs chud nas/ /drin ni bsab par bzhed pa dang / /byang chub sems dpa' phan gdags slad/ /'jig rten 'das kyang mdo sde gsungs/ /bdag kyang sangs rgyas de dag la/ /drin bsab slad du rtag mchod nas/ /'di 'dra'i mdo sde 'di dang ni/ /mdo sde 'di la bsrung bar bgyid/ /de nas dga' ldan pa'i lha'i bu rnams kyis gus pas thal mo sbyar nas tshigs</font><hr>96.166b<br><font size=+1>

su bcad de gsol pa/ bcom ldan gsungs pa'i mdo sde 'di/ /gang zhig 'dzin par bgyid pa ni/ /byang chub gnas skabs gnas pas na/ /dga' ldan lhar ni rab tu 'gyur/ /bcom ldan bdag cag rab dga' nas/ /lha yi rnam smin mchog spangs nas/ /'dzam gling dag tu gnas nas ni/ /mdo sde 'di ni sgrogs par bgyid/ /de nas mi 'jed kyi 'jig rten gyi khams kyi bdag po tshangs pa lha'i rgyal pos gus pas thal mo sbyar nas tshigs su bcad de gsol pa/ bsam gtan rnams dang theg rnams dang / /rnam thar tshad med thams cad kyang / /mdo sde 'di las byung bas na/ /de slad mdo 'di rab tu gsungs/ /mdo sde 'di ni ston pa'i gnas/ /tshangs pa'i bde ba bdag spangs nas/ /mdo sde 'di ni mnyan pa'i slad/ /rtag par yongs su bsrung skyob bgyid/ /de nas bdud kyi rgyal po'i bu tshong dpon zhes bya bas yang gus pas thal mo sbyar nas tshigs su bcad de gsol pa/ yang dag don dang ldan pa'i mdo/ /bdud spyod rjes su mi 'brang zhing / /bdud kyi las ngan sbyong bgyid pa/ /'di ni gang zhig 'dzin bgyid na/ /bdag kyang mdo sde 'di la ni/ /brtson pa dag gi rab bsrungs nas/ /brtson 'grus chen po'i sems bskyed de/ /kun du rgya cher spel bar bgyid/ /de nas bdud kyi rgyal pos gus pas thal mo sbyar nas tshigs su bcad de gsol pa/ gang zhig mdo sde 'di bzung nas/ /nyon mongs rnams ni pham bgyid pa/ /de 'dra'i sems can de dag la/ /bsrung skyob bde la 'god par bgyid/ /mdo sde 'di ni gang 'chang ba/ /bdud rnams kyis ni glags mi rnyed/ /bcom ldan byin gyi brlabs kyi mthus/ /bdag gis de la bsrung bar bgyi/ /de nas lha'i bu bkra shis dam pas bcom ldan 'das kyi spyan sngar tshigs su bcad de gsol pa/ sangs rgyas rnams kyi byang chub mchog /mdo sde 'di las bstan pas na/ /gang zhig mdo sde 'dzin bgyid pa/ /de</font><hr>96.167a<br><font size=+1>

bzhin gshegs la mchod par 'gyur/ /bdag gis mdo sde 'di bzung nas/ /bye ba'i lha la rab bshad nas/ /gus pas nyan par bgyid pa dag /byang chub gnas su bskul bar bgyid/ /de nas byang chub sems dpa' byams pas gus pas thal mo sbyar nas tshigs su bcad de gsol pa/ byang chub la ni rab gnas nas/ /gsol ba ma btab grogs mthong na/ /lus srog dag kyang rab spangs nas/ /mdo sde rgyal po 'di bsrung bgyid/ /'di 'dra'i chos ni bdag thos nas/ /dga' ldan lha gnas mchis nas kyang / /bcom ldan byin brlabs dbang gis na/ /lha mi rgya chen ston par bgyid/ /de nas gnas brtan 'od srung chen pos gus pas thal mo sbyar nas tshigs su bcad de gsol pa/ bcom ldan nyan thos theg par ni/ /bdag ni shes rab chung bar gsungs/ /deng bdag rang gi stobs kyi mthus/ /mdo sde 'di ni bsrung 'dzin bgyid/ /gang zhig mdo 'di 'dzin bgyid na/ /bdag gis de ni rab bsrungs te/ /tshig dang spobs pa'i mthu stsal nas/ /rjes 'brang rtag par legs shes brjod/ /de nas tshe dang ldan pa kun dga' bos thal mo sbyar nas tshigs su bcad de gsol pa/ bdag gis bcom ldan mngon sum du/ /mdo sde tshad med thos gyur kyang / /chos mchog rgyal po 'di 'dra ba/ /nam yang thos par yongs ma gyur/ /deng bdag mdo 'di bcom ldan las/ /mngon thos yongs su bzung bas na/ /gang dag byang chub mos pa la/ /rgya chen rab tu spel bar bgyid/ /de nas bcom ldan 'das kyis byang chub sems dpa' rnams dang / lha dang / mi'i 'khor mang po de dag so so nas mdo sde 'di rgya cher spel zhing yongs su bskyab pa dang / yongs su bsrung bar sems bskyed nas byang chub sems dpa' rnams la yang dag par bskul te/ sems can la rgya cher phan 'dogs pa gzigs pa dang legs so legs so zhes bsngags pa brjod nas/ khyod kyis 'di ltar mdo</font><hr>96.167b<br><font size=+1>

sde'i rgyal po mchog dam pa 'di/ sems rtse gcig tu rgya cher spel nas/ nga yongs su mya ngan las 'das pa'i 'og tu yang 'thor zhing nub par mi 'gyur bar byed pa de ni bla na med pa'i byang chub kyi rgyu yang dag pa yin pas bsod nams ji snyed cig 'thob par 'gyur ba ni bskal pa gang gA'i klung gi bye ma snyed du brjod kyang mthar thug par mi 'gyur ro/ /dge slong ngam/ dge slong ma 'am/ dge bsnyen nam/ dge bsnyen ma 'am/ gzhan yang rigs kyi bu 'am/ rigs kyi bu mo la sogs pa gang la la zhig mchod pa dang bkur sti byas nas yi ger bris te rgya cher spel ba dang / gzhan dag la yang dag par ston pas thob pa'i bsod nams gang yin pa de yang de bzhin no/ /de lta bas na khyed kyis yang dag pa'i brtson pas rnal 'byor bsgom par bya'o zhes bka' stsal to/ /de nas tshad med mtha' med pa'i gang gA'i klung gi bye ma dang mnyam pa'i 'khor mang po rnams bcom ldan 'das kyis de skad ces bka' stsal pa thos pas thams cad rab tu dga' bar gyur nas shin du dang ba'i dad pas yang dag par blangs nas bka' bzhin du spyod par gyur to/ /gser 'od dam pa mchog tu rnam par rgyal ba mdo sde'i rgyal po las yongs su gtang pa'i le'u ste sum bcu gcig pa'o/ /'phags pa gser 'od dam pa mchog tu rnam par rgyal ba mdo sde'i rgyal po zhes bya ba theg pa chen po'i mdo rdzogs s+ho// //zhu chen gyi mkhan po dang / lots+tsha ba bcom ldan 'das kyis ring lugs ban de chos grub kyis rgya'i dpe las bsgyur cing zhus te gtan la phab pa/ dge'o/ /ma~M gA la ku ru/ </font><hr>

</table>