J500

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J500</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J500&coll=lithang">see text in Tibetan script</a></table>95.45a<br><font size=+1>

@##/ /rgya gar skad du/  Ar+ya many+dzu shrI m+'u la tan tra/  bod skad du/  'phags pa 'jam dpal gyi rtsa ba'i rgyud/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das gnas gtsang ma'i steng gi nam mkha'i dkyil na/ byang chub sems dpa' 'dus pa 'khor gyi tshogs so so tha dad pa bsam gyis mi khyab pa ngo mtshar rmad du byung ba/ so sor rab tu gnas pa dang thabs cig tu bzhugs te/ de nas bcom ldan 'das kyis gnas gtsang ma'i ris kyi lha'i bu rnams la bka' stsal pa/ lha'i bu dag khyed cag nyon cig /byang chub sems dpa' sems dpa' chen po 'jam dpal gzhon nur gyur pa'i cho 'phrul gyi spyod pa bsam gyis mi khyab pa ngo mtshar rmad du byung ba'i ting nge 'dzin gyi bye</font><hr>95.45b<br><font size=+1>

brag dang / rdzu 'phrul dang / rnam par thar pa'i dkyil 'khor byang chub sems dpa'i rnam par 'phrul pa dang / byang chub sems dpa' thams cad kyi nye bar 'tsho ba/ tshe dang nad med pa dang dbang phyug dang / yid la bsam pa yongs su rdzogs par byed pa'i sngags kyi gzhi dag sems can rnams la phan pa'i phyir bshad par bya ste/ de shin du legs par nyon la yid la zung shig dang / ngas bshad par bya'o/ /de nas gnas gtsang ma'i ris kyi lha'i bu de dag gis thal mo sbyar ba btud nas/ bcom ldan 'das la legs so zhes gsol te/ byang chub sems dpa' rnams kyi spyod pa ting nge 'dzin gyi khyad par dang / sa chen po thob par bya ba dang / rdo rje'i gdan gnon pa dang / bdud gdul ba dang / chos kyi 'khor lo bskor ba dang / nyan thos dang rang sangs rgyas thams cad kyi nges par 'byung ba dang / lha rnams dang mi rnams su skye bar bya ba dang / sdug bsngal dang / dbul ba dang / nad thams cad zhi bar byed pa/ longs spyod kyis phyug pa 'dren par byed pa/ 'jig rten dang 'jig rten las 'das pa'i sngags kyi spyod pas phongs par mi byed pa/ re ba thams cad yongs su rdzogs par byed pa de bzhin gshegs pa thams cad kyi gsung 'bras bu med par byed pa ma yin pa/ bcom ldan 'das kyis byams pa'i thugs dang / phan pa'i thugs dang bdag dang sems can thams cad la thugs brtse ba nye bar bzung nas bcom ldan 'das de bshad du gsol/ de nas bcom ldan 'das shAkya thub pas thams cad dang ldan pa'i 'khor rnams dang gnas gtsang ma'i gnas la sangs rgyas kyi spyan gyis gzigs nas/ dag pa'i yul la 'od rnam par spros te/ yul rnam par 'jigs pa zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs ma thag tu mdzod spu nas me tog kun tu skyes pa zhes bya ba dang / byang chub sems dpa' yang dag par bskul ba zhes bya ba'i 'od phyung ste/ </font><hr>95.46a<br><font size=+1>

'od bye ba khrag khrig phrag brgya stong du ma'i 'khor gyis bcom ldan 'das la lan gsum bskor ba byas nas/ stong gsum gyi stong chen po'i 'jig rten gyi khams su song nas/ byang shar gyi phyogs su brgya stong gi gang gA'i klung gi 'jig rten gyi khams 'das nas/ me tog dang ldan pa zhes bya ba'i 'jig rten gyi khams su rjes su zhugs te/ gang na me tog kun du skyes pa'i rgyal po'i dbang po zhes bya ba'i de bzhin gshegs pa bzhugs par ro/ /der yang 'jam dpal gzhon nur gyur pa sngon gyi smon lam gyi dbang gis byang chub sems dpa' sems dpa' chen po'i spyod pa dang ldan pa rnams dang lhan cig gnas par gyur to/ /'jam dpal gzhon nur gyur pas 'od zer gyi snang ba de mthong nas/ bzhin cung zad 'dzum pa dang ldan par gyur nas byang chub sems dpa'i tshogs de dag la smras pa/ rgyal ba'i sras dag 'od 'di ni nga la yang dag par bskul ba'i phyir 'ongs pa yin gyis/ khyed cag g.yeng ba med par gyis shig ces smras so/ /de nas byang chub sems dpa' sems dpa' chen po 'jam dpal gzhon nur gyur pa mig mi 'dzums shing kha bye bas/ 'od gang na ba de logs su mngon du bltas nas 'dug go /de nas bskul ba'i 'od des me tog dang ldan pa zhes bya ba'i 'jig rten gyi khams snang ba chen pos snang bar byas te/ me tog kun du skyes pa rgyal po'i dbang po de bzhin gshegs pa la lan gsum bskor ba byas te/ byang chub sems dpa' sems dpa' chen po 'jam dpal gzhon nur gyur pa'i spyi bor nub par gyur to/ /de nas 'jam dpal gzhon nur gyur pa stan las langs te/ bac+do~Ms me tog kun du yang dag par skyes pa rgyal po'i dbang po de bzhin gshegs pa la lan gsu~M bskor ba byas te/ spyi bos phyag 'tshal nas/ </font><hr>95.46b<br><font size=+1>

pus mo g.yas pa'i lha nga sa la btsugs te/ bcom ldan 'das me tog kun du skyes pa rgyal po'i dbang po la 'di skad ces gsol to/ /bcom ldan 'das shAkya thub pa zhes bya ba de bzhin gshegs pa dgra bcom pa yang dag par rdzogs pa'i sangs rgyas kyis bdag la dgongs te/ bcom ldan 'das bdag ni bcom ldan 'das shAkya thub pa la blta ba dang phyag bya ba dang bsnyen bkur bya ba dang / sngags thams cad kyi spyod pa dang / sgrub thabs dang / dkyil 'khor dang / cho ga dang / gsang ba dang / cho ga zhib mo dang / cho ga'i ngo bo dang / de bzhin gshegs pa thams cad kyi thugs dang / gsang ba dang / phyag rgya dang / dbang bskur ba bstan pa dang / sems can thams cad kyi bsam pa thams cad yongs su rdzogs par bya ba'i phyir/ mi mjed kyi 'jig rten gyi khams 'di nas mchi bar 'tshal lo/ /de skad ces bcom ldan 'das me tog kun du skyes pa rgyal po'i dbang po de bzhin gshegs pa la gsol pa dang / 'jam dpal gzhon nur gyur pa ting nge 'dzin gang la snyoms par zhugs pa na/ phyogs bzhi mtha' yas mu med pa steng dang 'og dang thad ka thams cad dang ldan pa'i phyogs sangs rgyas bcom ldan 'das rnams kyis yang dag par gang bar gyur to/ /'jig rten gyi khams de dang bcom ldan 'das dang bcas pas/ rgyal ba'i sras legs so legs so/ /'di lta bu'i ting nge 'dzin gyi khyad par la snyoms par zhugs pa ni/ nyan thos dang rang sangs rgyas thams cad kyis kyang mi nus/ byang chub sems dpa' spyod pa la zhugs pa dang / sa bcu la gnas pa dag gis kyang snyoms par zhugs par mi nus so/ /de nas bcom ldan 'das me tog kun du yang dag par skyes pa rgyal po'i dbang po de bzhin gshegs pa sangs rgyas bcom ldan 'das de rnams dang lhan cig tu yang dag par bgros te/ 'jam dpal gzhon nur gyur pa 'di'i snying po mchog tu gsang ba/ </font><hr>95.47a<br><font size=+1>

don thams cad sgrub pa'i snying po gsungs pa ni yi ge gcig pa zhes bya ba mchog tu gsang ba/ sems can thams cad kyi las thams cad byed pa sngags kyi spyod pa khyad par can bzang po yang sgrub par byed pa'o/ /de nas bcom ldan 'das me tog yang dag par skyes pa rgyal po'i dbang po de bzhin gshegs pa yud tsam zhig cang mi gsung bar gyur te/ thams cad dang ldan pa'i 'jig rten thams cad la sangs rgyas kyi spyan gyis gzigs te/ sangs rgyas bcom ldan 'das de dag la yang yang dag par dgongs nas/ byams pa'i thugs kyis sngags gsungs so/ /na maHsarba bud+d+hA nA~M aM maM/ 'di ni 'jam dpal gyi snying po mchog yin te las thams cad byed pa'o/ /de nas 'jam dpal gzhon nur gyur pa ting nge 'dzin de las langs nas/ dper na skyes bu stobs dang ldan pa lag pa bskum pa las brkyang ba dang / brkyang ba las bskum pa'am sel gol gtogs pa tsam mam / mig 'byed 'dzums tsam la rdzu 'phrul gyi stobs kyi shugs blo ting nge 'dzin ces bya ba'i ting nge 'dzin gyi khyad par rnam par 'phrul pa zhes bya ba la snyoms par zhugs te/ mi mjed kyi 'jig rten gyi khams su chas te slar 'khod nas/ steng gi nam mkha'i dkyil na nor bu rin po che rab tu gnas pa'i gnas gtsang ma'i ris kyi lha rnams gnas su 'dug ste/ gnas gtsang ma'i gnas de thams cad 'od chen po'i snang bas gsal bar byas te/ 'od kyi rin po ches rab tu brgyan cing gsal ba zhes bya ba'i ting nge 'dzin la snyoms par zhugs so/ /'jam dpal gzhon nur gyur pa snyoms par zhugs ma thag tu rin po che rnam pa tha dad pa du ma'i khang pa brtsegs pa dang / rin po che'i gdugs dang dpag tshad brgya stong phrag du ma rgya che ba'i lha'i gos dang / dar mang po'i tshogs kyis nye bar mdzes par byas pa'i</font><hr>95.47b<br><font size=+1>

'jam dpal gzhon nur gyur pa la 'di skad ces bka' stsal to/ /'jam dpal gzhon nur gyur pa de'i dus la bab par shes na song shig /'on kyang nga'i bkas bcom ldan 'das shAkya thub pa la gnod pa nyung ngam/ nyam nga ba chung ngam/ bskyod pa yang ngam/ bde ba la reg par gnas sam zhes zhu bar bya'o/ /de nas bcom ldan 'das me tog yang dag par skyes pa rgyal po'i dbang po de bzhin gshegs pas 'jam dpal gzhon nur gyur pa la 'di skad ces bka' stsal to/ /gzhan yang gzhon nu gang gA'i klung brgya stong gi bye ma snyed kyi de bzhin gshegs pa dgra bcom pa yang dag par rdzogs pa'i sangs rgyas kyis khyod kyi sngags kyi spyod pa dang / dkyil 'khor dang cho ga zhib mo dang gsang ba dang / dbang bskur ba dang phyag rgya'i tshogs dang cho ga dang sbyin sreg dang / bzlas pa dang brtul zhugs bsam pa thams cad yongs su rdzogs par byed pa sems can thams cad dga' bar byed pa/ 'od rin po che'i tshogs kyis rab 'byam 'das pa dang da ltar byung ba dang ma 'ongs pa'i shes pa rgyal po'i dbang phyug lung ston par byed pa/ sngags bzla ba yul gyi mthar 'gro bar byed pa mi snang bar byed pa dang / dus dang dam tshig rab 'byam gyi tshogs thams cad dang / 'jig rten pa ma lus pa dang / 'jig rten las 'das pa'i sangs rgyas dang / byang chub sems dpa' dang 'phags pa nyan thos dang rang sangs rgyas kyi nges par 'byung ba'i spyod pa mthar thug pa gsungs pa dang / gsung ba dang / gsung bar 'gyur ba yin te/ de ltar rjes su yi rang ba nyid de/ 'jam dpal gzhon nur gyur pa de'i dus la bab par shes na song shig /shAkya thub pa'i spyan sngar mngon sum du chos kyi rnam grangs 'di thos par 'gyur te/ khyod kyang ston par 'gyur ro/ /'dir yang gsungs pa/ na maHsarba ta thA ga tA nA~M/ </font><hr>95.48a<br><font size=+1>

a tsin t+ya a pra ti ha ta shA sa nA nA~M/[ \u0f00] sma ra sma ra a pra ti ha ta shA sa na ku mA ra rU pa ha ri Na/[ \u0f00] hU~M hU~M phaT phaT swA hA/ 'di ni 'jam dpal gzhon nur gyur pa'i rtsa ba'i sngags so/ /de bzhin gshegs pa thams cad kyi snying po ste/ de bzhin gshegs pa thams cad kyis gsungs la/ gsung zhing gsung bar 'gyur la/ khyod kyang mi mjed kyi 'jig rten gyi khams su song nas/ dbye ba dang rnam par dbye ba rgya cher ston par 'gyur te/ de bzhin gshegs pa shAkya thub pa zhes bya bas kyang las thams cad byed pa 'di rjes su gnang bar 'gyur ro/ /'dir snying po mchog tu gyur pa ni/[ \u0f00] bA kye daM na maH/ 'dir nye ba'i snying po ni bA kye hU~M/ de nas 'jam dpal gzhon nur gyur pa bcom ldan 'das me tog yang dag par skyes pa rgyal po'i dbang po de bzhin gshegs pas gnang nas/ bkod pa thams cad kyi rgyan byang chub sems dpa'i spyod pa dang rgyu mthun pa/ byang chub kyi snying po thob pa zhes bya ba'i ting nge 'dzin la snyoms par zhugs so/ /bcom ldan 'das shAkya thub pa la mchod pa bya ba'i phyir lha'i me tog rnam par bkod pa dang / rgyal mtshan dang ba dan dang phreng ba'i tshogs dang / rin po che'i dril bu'i dra bas 'brel pa snyan pa'i sgra sgrogs pa/ phyir mi ldog pa'i byang chub sems dpa'i sa thob par byed pa/ lha'i dri dang byug pa dang phreng ba dang phye ma'i char 'bab par mngon par sprul to/ /de nas gnas gtsang ma'i ris kyi lha'i bu rnams kyis byang chub sems dpa'i ngo mtshar rmad du byung ba'i cho 'phrul gyi rnam par 'phrul pa mthong nas/ ba spu ldang zhing gnas g.yo ba mthong nas snying 'dar zhing dngangs te/ ci bdag cag gi 'byor pa nyams par ma gyur tam zhes phan tshun du rings par 'gro zhing skad mthon pos smra ba rtsom par byed de/ 'di skad du bcom ldan 'das yongs su bskyab tu gsol/ shAkya thub pa yongs su bskyab tu gsol zhes gsol to/ /de nas bcom ldan 'das kyis thams cad dang ldan</font><hr>95.48b<br><font size=+1>

pa'i gnas gtsang ma'i 'khor rnams la bka' stsal pa/ grogs po dag ma 'jigs shig ma 'jigs shig /byang chub sems dpa' sems dpa' chen po 'jam dpal gzhon nur gyur pa 'di ni me tog yang dag par skyes pa'i rgyal po de bzhin gshegs pa de'i spyan snga nas nga la blta ba dang / phyag bya ba dang bsnyen bkur bya ba dang / don chen po'i spyod pa dang sngags kyi tshig dang / rgya che zhing rmad du byung ba'i chos kyi tshig ston pa'i phyir 'ongs pa yin no/ /de nas 'jam dpal gzhon nur gyur pas bcom ldan 'das shAkya thub pa la lan gsum bskor ba byas te/ mig mi 'dzums par bcom ldan 'das la blta zhing zhabs gnyis la btud de/ tshig 'bru 'di dag gis bcom ldan 'das la bstod pa/ skyes bu bskyed pa khyod phyag 'tshal/ /skyes mchog khyod la phyag 'tshal lo/ /skyes bu gtso bo khyod phyag 'tshal/ /spyod pa thams cad don sgrub pa/ /skyes bu seng ge khyod phyag 'tshal/ /phung khrol thams cad zlog byed pa/ /dpa' bo chen po khyod phyag 'tshal/ /ngan 'gro thams cad 'jig byed pa/ /skyes bu pad dkar khyod phyag 'tshal/ /kun nas bsod nams dri ldan pa/ /skyes bu pad+ma khyod phyag 'tshal/ /srid gsum 'dam ni rnam dag byed/ /rnam grol khyod la phyag 'tshal lo/ /sdug bsngal ma lus rnam grol byed/ /zhi gyur khyod la phyag 'tshal lo/ /thams cad ldan pa legs 'dul byed/ /thams cad grub pa khyod phyag 'tshal/ /sngags kyi spyod pa'i don sgrub byed/ /bkra shis khyod la phyag 'tshal lo/ /bkra shis kun gyi bkra shis pa/ /sangs rgyas kun la khyod phyag 'tshal/ /chos kun rnam par rtogs mdzad pa/ /chos thams cad kyi de bzhin nyid spros pa med pa'i ngo bo la yang dag par rjes su zhugs shing ston par byed pa'i de bzhin gshegs pa khyod la phyag 'tshal lo/ /shes pa dang shes bya'i dngos po thams cad dang / 'dus byas dang 'dus ma byas dang / theg pa gsum gyi lam dang / mya ngan las 'das pa'i lam la</font><hr>95.49a<br><font size=+1>

'jog par byed pa dang / gnas par byed pa thams cad mkhyen pa khyod la phyag 'tshal lo zhes tshig 'bru 'di dag brjod pa'i bstod pa'i tshig gis bcom ldan 'das la mngon sum du bstod nas 'di skad ces gsol to/ /bcom ldan 'das 'di nas gang gA'i klung brgya phrag stong gi bye ma snyed kyi 'jig rten gyi khams 'das nas/ byang shar gyi phyogs mtshams na me tog yang dag par skyes pa zhes bya ba'i sangs rgyas kyi zhing mchis te/ de na me tog dang ldan pa zhes bya ba'i 'jig rten gyi khams na gang du bcom ldan 'das me tog yang dag par skyes pa dbang po'i rgyal po de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ lha dang mi rnams kyi ston pa de chos ston te/ thog mar dge ba/ bar du dge ba/ tha mar dge ba/ don bzang po tshig 'bru bzang po/ ma 'dres pa yongs su rdzogs pa/ yongs su dag pa/ yongs su dkar ba tshangs par spyod pa yang dag par ston to/ /de da ltar bzhugs te 'tsho zhing gzhes la chos kyang ston to/ /sngags kyi spyod pa dang byang chub sems dpa'i sde snod dang / lam gsum gyi spyod pa'i lam sgrub par byed pa/ skyob pa dang gnas dang skyabs dang dpung gnyen dang / bde ba dang shin tu mthar thug pa dang shin tu yongs su mthar phyin par byed pa sems can rnams la ston te/ bcom ldan 'das de nyid kyis rjes su gnang nas/ bcom ldan 'das kyi zhabs drung 'dir mchis so/ /bcom ldan 'das me tog yang dag par skyes pa rgyal po'i dbang po de yang / bcom ldan 'das la gnod pa nyung ngam/ bskyod pa yang ngam/ bde ba la reg par gnas sam zhes 'dri'o/ /'di skad kyang gsung ste/ gang du 'di lta bu'i snyigs ma lnga'i dus su sangs rgyas bcom ldan 'das shAkya thub pa 'byung ba ni ngo mtshar to zhes so/ /de yang lam gsum dang byang grol dang mir skye ba thob pa nyid kyi chos ston par byed do/ /gang du'ang</font><hr>95.49b<br><font size=+1>

sems can gyi ris skal ba med pa dang / srid pa gsum yang dag 'joms par byed pa'i lam dang gtan tu grub pa dang bde ba dang / mthun pa'i mya ngan las 'das pa la sems can rnams dgod par byed pa'i bcom ldan 'das shAkya thub pa'i brtson 'grus ni ngo mtshar to/ /bcom ldan 'das bsam gyis mi khyab bo/ /sangs rgyas bcom ldan 'das kyi thugs ni/ sangs rgyas bcom ldan 'das kyis mkhyen par 'gyur gyi/ bdag gis ci zhig 'tshal ba rngo thogs/ dbang phyug gis rnam par 'phrul pa bsam gyis mi khyab pa/ rmad du byung ba'i sangs rgyas bcom ldan 'das rnams kyi sangs rgyas kyi rnam par 'phrul pa shes par ram/ 'tshal bar ram/ thugs kyi spyad pa spyod pa'i rjes su 'jug pa'i sgrub pa dang / spyod pa 'tshal bar ram mdor na bskal pa bye ba khri phrag brgya stong gi bar du'ang bstan par mi nus so/ /gang yang de bzhin gshegs pa rnams kyis de bzhin gshegs pa'i mdzad pa bsdus pa'am/ tha dad ma lus pa'i ngo bo 'di ni chos 'dus ma byas su blta bar bya ste/ mthong bas spang bar bya ba la brten pa'am/ yon tan ni bcom ldan 'das de bzhin gshegs pa kho nas mkhyen pa yin gyi bdag gis ni ma lags so/ /de nas 'jam dpal gzhon nur gyur pas rang gi rdzu 'phrul gyi rnam par 'phrul pas rin po che'i pad+ma sprul pa la bcom ldan 'das shAkya thub pa la blta zhing 'dug go /de nas bcom ldan 'das shAkya thub pas byang chub sems dpa' sems dpa' chen po 'jam dpal gzhon nur gyur pa la de bzhin gshegs pa dang rjes su mthun pa'i gtam rnam pa sna tshogs sngon du 'gro ba mdzad nas chos bstan pa dang rjes su mthun pa dang / byang chub sems dpa'i spyod pa sgrub pa dang rjes su mthun pas tshangs pa'i dbyangs dang / ka la ping ka'i skad dang 'brug sgra dang / rnga bo che'i sgra skad kyi gsung gi dbyangs kyis 'jam dpal gzhon nur gyur pa la bka' stsal pa/ 'jam dpal gzhon nur gyur pa khyod legs par 'ongs sam/ /</font><hr>95.50a<br><font size=+1>

sems dpa' chen po'i spyod pa sangs rgyas thams cad kyis byin gyis brlabs pa bsgrub pas byang chub sems dpa' thams cad kyi don thob par byed pa/ sngags thams cad kyi tshig dang gsang ba dang bcas pa dang / dbang bskur ba dang phyag rgya dang / dkyil 'khor dang cho ga dang / dbang bskur ba dang tshe dang nad med pa dang / dbang phyug dang bsam pa thams cad yongs su rdzogs par byed pa/ sgrub pa'i thabs thams cad dang ldan pa rgyud shes pa dang / shes bya dang dus dang mi snang ba dang / rgyal po'i zhing du gyur pa 'das pa dang ma 'ongs pa dang da ltar byung ba shes par byed pa mdor na sems can thams cad kyi bsam pa thams cad yongs su rdzogs par byed pa/ rang gi yon tan dang mthun pa'i sngags kyi spyod pa rjes su 'jug pa/ sems can gzhan dga' bar byed pa mi snang bar 'gro ba/ nam mkha' la 'gro ba/ chu la mi nub par 'gro ba/ yid gzhungs par byed pa/ 'gugs par byed pa/ sa 'og tu 'jug pa/ mngon du spyod par byed pa/ 'dod pa thams cad thob par byed pa/ gnod sbyin dang / gnod sbyin mo thams cad dang / mngag gzhug pa dang sha za dang 'byung po thams cad 'gugs par byed pa/ byis pa dang / rgan po dang gzhon nu gnas ci lta ba bzhin 'jog par byed pa/ mdor na las thams cad byed pa ste/ yid la re ba thams cad rdzogs par byed pa/ mngon spyod dang rgyas pa dang / zhi ba'i las dag rab tu byed pa ji lta ji ltar rab tu sbyar ba de lta de ltar byang chub sems dpa'i sde snod phal po che/ bskal pa chen po'i rin po che'i le'u rab 'byam 'di ngas kyang rjes su gnang zhing sangs rgyas thams cad kyis kyang gsungs te/ sems can dag pa'i rang gi sngags spyod pa'i don gyi chos kyi mdzod/ skye bo mang po la phan pa dang / skye bo mang po la bde ba dang / lha dang mi rnams dang / sems can thams cad kyi don du bstan pa'i phyir ro/ /de nas 'jam dpal gzhon nur gyur pa/ sangs rgyas thams cad kyis byin gyis brlabs pa'i 'od kyi snang ba bkod pa'i rgyan yang dag par bskul</font><hr>95.50b<br><font size=+1>

ba zhes bya ba byang chub sems dpa'i ting nge 'dzin la snyoms par zhugs ma thag tu dag pa'i sems can gyi 'od kyi snang bas gang gA'i klung gi bye ma snyed du ma'i 'jig rten gyi khams kyi sangs rgyas kyi zhing / 'og min gyi gnas kyi bar dang / mnar med pa'i dmyal ba chen po'i bar du khyab par byas te/ sems can gang su dag shin tu sdug bsngal ba de dag thams cad kyi sdug bsngal rab tu zhi bar gyur to/ /nyan thos dang rang sangs rgyas thams cad dang / byang chub sems dpa' dang / sangs rgyas bcom ldan 'das rnams yang dag par bskul nas/ 'od de yang 'jam dpal gzhon nur gyur pa'i spyi bo'i gtsug tu nub par gyur to/ /'dir gang dag shar phyogs na rnam par gnas pa'i sangs rgyas kyi zhing der 'od zer rlung gi dkyil 'khor gyi reg pa'i bya bas sangs rgyas bcom ldan 'das rnams yang dag par bskul te/ de bzhin gshegs pa 'od zer gyi zla ba dri snang ba'i dpal zhes bya ba dang / de bzhin gshegs pa sman gyi lha bai DUr+ya'i 'od dang / de bzhin gshegs pa dpal kun tu snang ba zhes bya ba dang / de bzhin gshegs pa rgyal po yang dag par 'phags pa zhes bya ba dang / de bzhin gshegs pa sA la'i dbang po'i rgyal po zhes bya ba dang / de bzhin gshegs pa 'jig rten gyi dbang po'i rgyal po zhes bya ba dang / de bzhin gshegs pa tshe dpag tu med pa ye shes rnam par nges pa'i rgyal po zhes bya ba dang / de bzhin gshegs pa snang ba mtha' yas dbang po'i rgyal po zhes bya ba dang / de bzhin gshegs pa snang ba'i 'od kyi rgyal po zhes bya ba dang / de dag la sogs pa sangs rgyas bcom ldan 'das byang chub sems dpa'i tshogs kyis yongs su bskor ba/ mtha' yas mu med pa'i 'jig rten gyi khams dag nas de bzhin gshegs pa dgra bcom pa yang dag par rdzogs pa'i sangs rgyas bcom ldan 'das 'dus pa dag la mi mjed kyi 'jig rten gyi khams kyi gnas gtsang ma'i khang bzangs na/ </font><hr>95.51a<br><font size=+1>

de bzhin gshegs pa dgra bcom pa yang dag par rdzogs pa'i sangs rgyas shAkya thub pa dang / 'jam dpal gzhon nur gyur pa lhan cig tu byang chub sems dpa'i spyod pa ston pa dang / sngags kyi tshig gi don gyi le'u rab 'byam ston te/ de bzhin du lho dang / nub dang byang gi phyogs dang phyogs mtshams dang steng dang 'og dang thad ka thams cad dang ldan pa'i sangs rgyas kyi zhing snang bar byas te/ sangs rgyas kyi zhing thams cad du bdud kyi gnas thams cad spa gong bar byas nas byang chub sems dpa'i tshogs thams cad kyis yongs su bskor cing / nyan thos kyi dge 'dun dang bcas pas mdun gyis bltas te/ gnas gtsang ma'i gnas su sangs rgyas kyi 'phrul pa dang byang chub sems dpa'i bdag nyid chen po blta bar 'dod pa dang / sngags kyi spyod pa bsgrub pa dang / ting nge 'dzin gyi khyad par dang / le'u'i tshogs dang de bzhin gshegs pa'i bstan pa thogs pa med pa/ gsal bar 'dod pas chas pa ni 'di lta ste/ lag bzang dang / rin chen bzang po dang / brtul zhugs bzang po dang / spyan mdzes dang / bzang dga' dang / chos bzang dang / don thams cad grub pa dang / thams cad du 'phags pa dang / chos 'phags dang / rin chen 'phags dang / rin chen dpal dang / lhun po'i dpal dang / bsam gyis mi khyab pa'i dpal dang / 'od byed dpal dang / 'od dpal dang / don thams cad kyi dpal dang / thams cad phyag na rin po che dang / phyag na gtsug gi rin po che dang / phyag na lhun po'i rgyal mtshan dang / rnam par snang mdzad snying po dang / rin chen snying po dang / ye shes snying po dang / bsam gyis mi khyab pa'i don gyi snying po dang / chos 'phags kyi snying po dang / rgyal mtshan gyi tog dang / tog bzang dang / mtha' yas tog dang / dri ma med pa'i tog dang / mtha' dag gi tog dang / nam mkha'i tog dang / rin po che'i tog dang / 'brug sgra dang rnga bo che'i skad kyi rgyal po dang / mtha' yas par</font><hr>95.51b<br><font size=+1>

snang ba'i ye shes kyi rgyal po dang / mun pa mun nag thams cad 'joms pa'i rgyal po dang / gnod pa thams cad rnam par 'jig pa'i rgyal po dang / spyod pa thams cad kyi yul shes pa'i rgyal po dang / 'jig rten gyi dbang po'i rgyal po dang / mngon par rtogs pa'i dbang po'i rgyal po dang / rnam par 'joms par byed pa'i rgyal po dang / nges par g.yo bar byed pa'i rgyal po dang / nyi ma'i rgyal po dang / dngos po med pa yang dag par 'phags pa'i rgyal po dang / dngos po med pa'i ngo bo nyid yang dag par 'phags pa'i rgyal po dang / mi mthun pa'i phyogs med pa'i rgyal po dang / rang bzhin gyi 'od dang / bsod nams 'od dang / 'jig rten 'od dang / dpag med 'od dang / mtha' yas 'od dang / spyan bzang 'od dang / 'byung med 'od dang / don gyi 'od dang / mi tshugs pa dang / bzod par dka' ba dang / las med dang / 'og min dang / dri med dang / me dang / 'od dang / blo dang / rtogs pa dang / bde ba dang / bde ba'i mu khyud dang / mu khyud tog dang / 'dod pa'i lha dang / lha dang lha yul na yod pa dang / lte ba dang / rgyas pa dang / 'jig rten zhi ba dang / nye bar 'dod pa dang / rnga bo che dang / grub pa dang / dkar po dang / grags bzang dang / bzod par dka' ba dang / gdul bar dka' ba dang / bsnyen par dka' ba dang / ring du song ba dang / ring ba'i don dang / ring ba la gnas pa dang / mtho ba dang / shin tu mtho ba dang / srin bu me khyer dang / kun tu snang ba dang / snang med dang / khyu mchog dang / kun nas 'od dang / shin tu yid du 'ong ba dang / yid bzang dang / lha chen po dang / dri med bzang po dang / dri ma mthar byed dang / dul ba dang / zhi ldan dang / mtshan bzang dang / rgyal mtshan dkar po dang / tshad ldan dang / ci smra dang / tha chungs dang / sel byed dang / 'tsho ba dang / legs skyes dang / du ba'i tog dang / rgyal mtshan tog dang / dkar ba'i tog dang / tog bzang dang / nor lha'i tog dang / nor lha'i bu dang / mes po dang / pha dang / mthar byed dang / 'jig rten grags pa dang / kun nas grags pa dang / grags pa chen po dang / dpal ldan dang / </font><hr>95.52a<br><font size=+1>

pham byed dang / 'od byed dang / mngag gzhug pa dang / zhi byed dang / 'jig rten byed dang / lha byed dang / mtho ris byed dang / mar me mdzad dang / 'byung po mthar byed dang / don thams cad mdzad dang / grub mdzad dang / gsal mdzad dang / snang bar mdzad pa dang / rnga bo che'i sgra dang / skad kyi sgra dang / sgra snyan dang / mtha' yas pa'i sgra dang / tog gi sgra dang / ngan spong gi bu dang / gser thub dang / 'khor ba 'jig dang / 'od srung dang / gtsug tor can dang / thams cad skyo ba dang / rnam par gzigs dang / shAkya thub pa dang / 'di dag dang / gzhan yang sangs rgyas bcom ldan 'das mang po dag gis gnas gtsang ma'i gzhal med khang snang bar byas te pad+ma'i gdan dag la bzhugs par gyur to/ /byang chub sems dpa'i tshogs kyang de lta bu'i tshul du lhags par gyur te/ 'di lta ste/ phyag na rin chen dang / phyag na rdo rje dang / mnyam pa'i phyag dang / nam mkha'i phyag dang / mtha' yas phyag dang / sa'i phyag dang / snang ba'i phyag dang / dri med bzang po dang / bzang brtsegs dang / rab mang brtsegs dang / nor bu brtsegs dang / rin chen brtsegs dang / rin chen phyag dang / kun nas phyag dang / dri ldan phyag dang / legs 'gro dang / dri med 'gros dang / 'jig rten 'gros dang / mdzes pa'i 'gros dang / mtha' yas 'gros dang / grags pa mtha' yas dang / grags pa bzang po dang / grags pa'i dri ma bral dang / grags pa'i 'gro ba dang / grags pa dri ma med pa dang / grags pa dang / grags pa 'dren pa dang / mgon po dang / mgon por gyur pa dang / kun nas mgon po dang / rgyun shes kyi bu dang / mtha' yas rgyun shes kyi bu dang / kun nas rgyun shes kyi bu dang / byams pa'i bu dang / byams pa bzang po'i bu dang / byams pa'i bu ma yin pa dang / dus gsum rgyun shes kyi bu dang / rgyun shes kyi bu 'bras bu dang bcas pa dang / rgyun shes kyi bu dkon mchog gsum dang / rgyun shes kyi bu skyabs gsum dang / </font><hr>95.52b<br><font size=+1>

rgyun shes kyi bu theg pa gsum dang / rnam par 'phrul pa dang ldan pa dang / yid 'ong bzang po dang / gsung snyan ldan dang / chos kyi dbang phyug dang / dngos med dbang phyug dang / 'jig rten dbang phyug dang / spyan ras gzigs dbang phyug dang / legs gzigs dbang phyug dang / rnam gzigs dbang phyug dang / 'jig rten mchod 'os dang / legs mchod dang / sgra sgrogs dbang phyug dang / rnga chen dbang phyug dang / sna tshogs sgra'i dbang phyug dang / rnam 'jig dbang phyug dang / mthon ka bzang po dang / sku mdzes dang / grags ldan dang / nyi ma'i 'od dang / khyab 'jug bdag po dang / bdag po'i ngang tshul dang / nam mkha' dang / nam mkha'i snying po dang / don thams cad kyi snying po dang / thams cad 'byung ba dang / ngan song spong ba dang / phyir mi ldog pa dang / chos ma yin pa gcod par byed pa dang / de dag dang / gzhan yang byang chub sems dpa' sems dpa' chen po rnams dang lhan cig bcom ldan 'das shAkya thub pa gnas gtsang ma'i gzhal med khang na bzhugs so/ /gzhan yang byang chub sems dpa' sems dpa' chen po bud med kyi gzugs 'chang ba rnams te/ spyod pa mtha' yas pa'i don/ 'jig rten sgrub pa'i don/ sems can thams cad kyi bsam pa phyir mi ldog pa'i lam la dgod pas bsam gyis mi khyab pa'i rig pa'i tshig dang / sngags kyi tshig dang / gzungs dang / sman gyi cha byad 'dzin pa dang / 'dab chags kyi tshogs rnam pa sna tshogs dang / gnod sbyin dang / srin po dang / nor bu dang / sngags dang / rin po che'i rgyal po dang / sems can thams cad kyi lus kyi grangs su rjes su yang dag par 'jug pa'i spyod pa thams cad kyi rjes su 'jug pa dang / sems can gyi bsam pa ci ltar 'dul bar byed pa de bzhin du byed pa rnams dang / de dang rjes su mthun pa'i ming dang 'brel ba rnams dang / rig pa'i rgyal po'i nye bar bstan pa dang / chos ci lta ba bzhin du rtog pa las nges par 'byung ba dang / de bzhin gshegs pa dang / pad+ma</font><hr>95.53a<br><font size=+1>

dang / rdo rje'i rigs dang / 'jig rten dang 'jig rten las 'das pa'i rigs kyi rjes su zhugs pa/ dam tshig las mi 'da' zhing tshig gis lam la 'jog par byed pa/ dkon mchog gsum gyi gdung rgyun mi gcod par byed pa yin te/ 'di lta ste/ gtsug tor dang / mngon par 'phags pa dang / mngon par mtho ba dang / gdugs dkar po dang / 'dab ma mtha' yas dang / 'dab ma brgya pa dang / rgyal ba'i gtsug tor dang / 'jig rten mthon po dang / rnam par rgyal ba'i gtsug tor dang / mngon par 'phags pa'i gtsug tor dang / pad+ma'i 'od dang / me tog pad+ma'i 'od dang / me tog ka ta ka'i 'od dang / 'od dkar po dang / bkod pa'i gtsug tor dang / gser gyi phung po dang / dkar po'i phung po dang / gzi brjid phung po dang / nor bu'i phung po dang / kun nas phung po dang / rnam par grags pa'i phung po dang / 'byung ba'i phung po dang / bden pa'i phung po dang / dngos po med pa'i ngo bo'i phung po dang / de kho na nyid kyi phung po dang / de dag dang gzhan yang gtsug tor gyi rgyal po chos kyi dbyings mtha' yas pa la rab tu zhugs pa/ sems can gyi bsam pa rab tu rdzogs par byed pa rgyal ba thams cad kyi snying po dang ldan pa gtsug tor gyi rgyal mo bskal pa bye ba khri phrag brgya stong gi bar du yang bgrang zhing mthar thug par mi nus so/ /stobs dang pha rol gnon pa bsam gyis mi khyab pa'i bdag nyid kyang bstan par mi nus so/ /mdor bstan par bya ste brjod pa ni rig pa'i rgyal mo'i 'dus pa brjod par bya ste/ 'di lta ste mdzod spu dang smin ma dang spyan dang rdzi ma dang / rna ba dang mgrin pa dang / mi 'jigs pa dang snying rje dang byams pa dang / brtse ba dang shes rab dang 'od zer dang sems pa dang / 'od dang dri ma med pa dang sgrib pa dang / mchog sbyin thams cad dang / de dag dang gzhan yang rig pa'i rgyal mo mtha' yas mu med pa dag de bzhin gshegs pa'i sku las spros pa dag ni 'di lta ste/ </font><hr>95.53b<br><font size=+1>

de bzhin gshegs pa'i snod dang / de bzhin gshegs pa'i chos kyi 'khor lo dang / de bzhin gshegs pa'i gzims mal dang / de bzhin gshegs pa'i snang ba dang / de bzhin gshegs pa'i gsung dang / de bzhin gshegs pa'i zhal dang / de bzhin gshegs pa'i brla dang / de bzhin gshegs pa'i rgyal mtshan dang / de bzhin gshegs pa'i tog dang / de bzhin gshegs pa'i phyag mtshan dang / de dag dang gzhan yang de bzhin gshegs pa'i sngags brjod pa rig pa'i rgyal po dang / rgyal mo dang mngag gzhug pa dang / bran pho dang / bran mo dang / pho nya dang / pho nya mo dang / gnod sbyin dang / gnod sbyin mo dang / sems can dang / sems can ma yin pa dang / ting nge 'dzin gyi khyad par rgyu mthun pa las byung ba'i rgyan gyi tshogs kyi khyad par dang / 'khor brgya stong bye ba khrag khrig dpag tu med pa dang / rig pa'i rgyal po rig pa'i tshogs thams cad kyi gong nas gong du yongs su gnas pa de dag kyang gnas gtsang ma'i gzhal med khang der gnas par gyur to/ /rig pa'i rgyal po pad+ma'i rigs kyang 'di lta ste/ bcom ldan 'das phyag bcu gnyis pa dang / phyag drug pa dang / phyag bzhi pa dang / hA la hA la dang / don yod zhags pa dang / rta mgrin dkar po dang / mgrin pa mtha' yas dang / mgrin sngon dang / mgrin bzang dang / mgul bzang dang / mgul dkar dang / mgul sngon dang / 'jig rten mgul pa dang / rnam par lta ba dang / lta ba dang / kun tu lta ba dang / dbang phyug dang / 'od zer stong ldan dang / yid dang / yid las byung ba dang / rnam par grags pa'i yid dang / pad+ma dang / phyag na pad+ma dang / yid la bsam pa dang / dbugs 'byin dang / rab tu rgod pa dang / skra bzang dang / skra mthar byed dang / rgyu skar dang / rgyu skar gyi rgyal po dang / zhi ba dang / bskal pa bzang po dang / 'dul byed mchog ste/ de dag dang gzhan yang rig pa'i rgyal po pad+ma'i gtsug tor la</font><hr>95.54a<br><font size=+1>

sogs pa dang / bsgrub pa mtha' yas pa'i chos kyi tshogs kyi rgyu mthun pa'i ting nge 'dzin thob pa/ rig pa'i 'khor bye ba brgya stong phrag du ma dag dang / rig pa'i rgyal mo du ma dag dang / 'jig rten dbang phyug gi sku'i ting nge 'dzin las byung ba / 'di lta ste/ sgrol ma dang / sgrol ma bzang po dang / gar mkhan ma dang / khro gnyer ma dang / 'gro ba mtha' yas dang / 'jig rten 'gro ma dang / sa thob par 'gro ba dang / dri ma med par 'gro ba dang / dkar mo dang / dkar mo ma dang / dkar mo chen mo dang / gos dkar mo dang / 'jig rten gnas pa dang / dri ma med pa'i gnas ma dang / byang chub kyi yan lag gi gnas ma dang / pad+ma la gnas ma dang / stobs bcu la gnas ma dang / grags ldan ma dang / longs spyod ldan ma dang / longs spyod che ldan ma dang / 'ug pa ma dang / 'ug pa ma ma yin pa dang / dri med mtha' yas ma dang / kun nas mthar byed ma dang / sdug bsngal mthar byed ma dang / 'byung po mthar byed ma dang / dpal byed ma dang / dpal byed chen mo dang / mchod dpal dang / mtha' yas dpal dang / 'jig rten dpal dang / rnam par grags pa'i dpal dang / 'jig rten ma dang / kun tu ma dang / sangs rgyas yum dang / chu bo ma dang / shing rta bzang mo dang / shing rta ldan ma dang / glang po 'dul byed ma dang / 'dul byed ma dang / 'byung po ldan ma dang / dpal byed ma dang / phreng ba ma dang / longs spyod phreng ba ma dang / 'gugs byed ma dang / rmad byung ma dang / 'od can ma dang / ro bzang ma dang / nor chang ldan ma dang / dga' ldan ma dang / 'od ldan ma dang / dpa' mo dang / kun 'gro ma dang / zla 'od ma dang / zla ba ma dang / zla ldan ma dang / rma bya ma dang / rma bya chen mo dang / nor ldan ma dang / nor sbyin ma dang / lha ldan ma dang / 'jig rten ldan ma dang / me chen ma dang / chen mo nyid dang / skra mdzes ma dang / dga' bzang ma dang / nor sbyin ma dang / dpal mo dang / dpal ldan ma dang / nad mthar byed ma dang / nad thams cad gso bar byed ma dang / mnyam med ma dang / lha mo dang / grags byed ma dang / dbang du byed ma dang / myur du</font><hr>95.54b<br><font size=+1>

byed ma dang / bde sbyin ma dang / bkra shis ma dang / bkra shis byed ma dang / zla ba ma dang / zla mdzes ma dang / zla ldan ma dang / bdag dang gzhan yang rig pa'i rgyal mo dag la ri khrod ma lo ma gyon ma dang / mya ngan las skyes ma dang / yid las skyes ma la sogs pa grub pa mtha' yas pas chos kyi dbyings nam mkha' dang 'dra ba'i ngo bo dang / sems can gyi spyod pa'i rnam par 'phrul pa gnas pa las byung ba'i yid dang / pho nya dang / pho nya mo dang / bran pho dang / bran mo dang / mngag gzhug pa dang / mngag gzhug ma dang / gnod sbyin dang / gnod sbyin mo dang / srin po dang / srin mo dang / sha za dang / sha za mo dang / pad+ma'i rigs dam tshig la rjes su zhugs shing rjes su spyod pa rnams dang / gnas gtsang ma'i lha'i gzhal med khang sems can dag pa gang na 'dug pa der phyin par gyur to/ /phyin nas kyang bcom ldan 'das shAkya thub pa la mchod pa'i las la brtson pa'i yid kyis gnas par gyur to/ /der gnas pa na bcom ldan 'das shAkya thub pa'i nye ba na gnas pa'i byang chub sems dpa' phyag na rdo rjes rang gi rig pa'i tshogs rnams la smras pa/ nga'i rig pa'i tshogs kyis bskor ba'i rig pa'i rgyal po dang rgyal mo khro bo'i rgyal po dang / pho nya chen mo dang bcas pa khyed cag 'dir 'dus par gyis shig /dran pa tsam nyid kyis rig pa'i tshogs thams cad 'dus par gyur pa ni 'di lta ste/ rig pa mchog dang / rig pa bzang po dang / grub pa bzang po dang / dpung bzang dang / sde bzang dang / lha mthar byed dang / so bzang dang / gang ba bzang po dang / rdo rje sde dang / rdo rje mthar byed dang / rdo rje byed pa dang / rdo rje dpung pa dang / rdo rje lag pa dang / rdo rje rgyal mtshan dang / /rdo rje ba dan dang / rdo rje rtse mo dang / rdo rje mche ba dang / dag pa'i rdo rje dang / rdo rje ba spu dang / rdo rje mkhregs pa dang / rdo rje zhal dang / rdo rje go cha dang / rdo rje mgrin pa dang / rdo rje mthon ka dang / rdo rje lte ba dang / rdo rje rtse mo dang / rdo rje dra ba dang / rdo rje ra ba dang / rdo rje mtshon cha dang / rdo rje gzhu dang / rdo rje mda' dang / rdo rje lcags mda' dang / rdo rje sa mtshon pa dang / rdo rje lcags sgrog dang / rdo rje sa 'og dang / rdo rje 'jigs byed</font><hr>95.55a<br><font size=+1>

spyan dang rdo rje khro mo dang / chu nang spyod dang / 'byung ba'i nang spyod dang / 'ching ba'i nang spyod dang / khro bo chen po'i nang spyod dang / dbang phyug chen po'i nang spyod dang / lha ma yin gyi dbang po'i nang spyod dang / reg pa thams cad kyi nang spyod dang / mi bzad pa dang / shin tu mi bzad pa dang / 'phen pa dang / nye bar 'phen pa dang / rkang pa 'phen pa dang / log 'dren gyi nang du 'phen pa dang / logs par rnam par 'jog pa'i 'phen pa dang / chol par 'phen pa dang / stobs dang stobs po che dang / ne tso dang / bung ba dang / b+h+ring gi ri ti dang / khro bo dang / khro bo chen po dang / khro bo thams cad dang / rga ba med pa dang / klu chen po dang / rims dang / skem byed dang / klu mthar byed dang / dbyug pa dang / dbyug sngon dang / dpung rgyan dang / lus dmar dang / rdo rje dbyug pa dang / sprin dang / sprin chen po dang / dus dang / dug dang / sha za gu dang / nad dang / 'byung po thams cad yang dag par 'khrug par byed pa dang / gzer nad dang / gzer nad chen po nyam thag pa dang / nyam thag pa chen po dang / gshin rje dang / nyi ma'i bu dang / dus mthar byed dang / nag po'i phyogs dang / mi bzad pa'i gzugs can dang / pa Ti s+ya dang / mda' bo che dang / sgra rnam par 'joms pa dang / za bar byed pa dang / tshogs dang / nyi ma dang / dus kyi mtha'i nyi ma dang / srog 'phrog byed dang / srog 'joms byed dang / zhe sdang dang / phrag dog dang / thab sbyor can dang / thab sbyor bzang po can dang / bdud rtsi thab sbyor can dang / mtha' yas thab sbyor can dang / thab sbyor dmar po can dang / lag pa dang / lag pa chen po dang / khro bo chen po dang / ma rungs pa dang / sbrul dang / 'go ba'i nad dang / mdze dang / rgyal byed shing rta dang / 'jigs byed shing rta dang / rnam par zhu byed dang / za byed dang / mi ngoms pa dang / 'chol ba dang / bran te de dag dang / gzhan yang rig pa'i rgyal po khro bo chen pos sems can ma lus pa mtha' dag 'dul bar byed pa/ bskrad pa dang / 'jig pa dang / mgo 'gas par byed pa dang / 'chi bar byed pa dang / rnam par nyams par byed pa dang / gus pa dag la ni mchog sbyin par byed</font><hr>95.55b<br><font size=+1>

pa zhi ba dang rgyas pa dang mngon spyod kyi las rnams ston par byed pa rig pa'i rgyal po bye ba khri phrag brgya stong du mas yongs su bskor ba/ bcom ldan 'das shAkya thub pa dang 'jam dpal gzhon nur gyur pa la nges par sems shing bdag nyid kyi rig pa'i rgyal po phyag na rdo rje la phyag 'tshal zhing bka' rab tu sdod cing 'dug ste/ rang gi rigs dang mthun pa'i gnas la 'dug cing rang rang gi stan la 'dug par gyur to/ /gang bcom ldan 'das phyag na rdo rje gang yang pho nya mo'i rig pa'i rgyal mo de dag kyang 'khor brgya stong du mas bskor ba yang rang gi chos kyi dbyings nam mkha'i rang bzhin spros pa med pa la dmigs nas gnas der 'dus pa la 'di lta ste/ 'og pag ma dang / 'og pag bzang mo dang / lu gu rgyud ma dang / rdo rje 'od ma dang / rdo rje lce ma dang / rdo rje'i sbyin ma dang / rdo rje spyan ma dang / rdo rje'i thal gong ma dang / rdo rje khro gnyer ma dang / rdo rje rna ba ma dang / rdo rje yi ge ma dang / rdo rje kha ba ma dang / rdo rje khu tshur ma dang / rdo rje lcags kyu ma dang / rdo rje ral gri ma dang / rdo rje thog 'bab ma dang / rdo rje lu gu rgyud ma dang / gnas dang ldan ma dang / gnas ma dang / rnam par brjod ma dang / dga' bral ma dang / 'dod ldan ma dang / rdo rje 'dod ldan ma dang / 'dod pa'i rdo rje dang ldan ma dang / mthong byed ma dang / mthong ldan ma dang / mthong ldan chen mo dang / rtse mor gnas ma dang / stug po ma dang / phug ldan ma dang / phug gnas ma dang / sgor gnas ma dang / yid mgyogs ma dang / rab tu mgyogs ma dang / myur mgyogs ma dang / spyan mdzes ma dang / ro bzang ldan ma dang / bung ba ma dang / bung ba'i bu ma dang / 'gro ma dang / grub ma dang / rlung ma dang / rtseg ma dang / skra can ma dang / skra bzang ma dang / bshugs pa ma dang / sdigs mdzub ma dang / pho nya mo dang / pho nya mo bzang mo dang / bdag gi ma dang / mi'u thung ma dang / gzugs ldan ma dang / gzugs can ma dang / rgyal ma dang / rnam par rgyal ma dang / gzhan gyis mi thub ma dang / dpal ldan ma dang / bzhad ldan ma dang / rdo rje bzhad ma dang / 'jig rten ldan ma dang / grags ldan ma dang / rdo rje ldan ma dang / sbyin med dang / </font><hr>95.56a<br><font size=+1>

srid gsum dbang byed ma dang / dbyug pa ma dang / dbyug pa chen mo ma dang / snyan par smra ba ma dang / skad bzang ldan ma dang / don ldan ma dang / theg chen ma dang / sreg pa ma dang / sreg pa dkar po ma dang / dkar mo dang / sprul byed bzang mo dang / dri med bzang mo dang / dril bu ma dang / ral gri ma dang paT+Ti sa dang / rgyal byed ma dang / sgra med ma dang / 'dud ma dang / gsang ldan ma dang / dbugs 'byin ldan ma dang / gtum ma dang / 'byung po thams cad dbang du byed ma dang / de dag dang gzhan yang pho nya chen mo'i dag pho nya mo'i tshogs du mas yongs su bskor ba dang / 'khor gyi dkyil 'khor der 'dus par gyur to/ /ting nge 'dzin gyi rgyu mthun pas yongs su bsgos pa'i thugs las byung ba'i gzungs kyi lha mo du ma rnams sems can ma rungs pa tshar gcod pa sgrub par byed pa la 'di lta ste/ rdo rje'i mes rab tu rmongs par byed pa'i gzungs kyi lha mo dang / lhun po'i rtse mo'i khang pa brtsegs pa'i gzungs dang / rin po che'i rtse mo'i khang pa brtsegs pa'i gzungs dang 'dzin ma dang / legs brtsegs ma dang / lag brtsegs ma dang / me tog brtsegs ma dang / chad pa'i gzungs ma dang / tshar gcod pa'i gzungs ma dang / 'gugs par byed pa'i gzungs ma dang / dpung rgyan ma dang / dpung rgyan ldan pa dang / rgyal mtshan mchog gi dpung rgyan ma dang / rin chen mchog gi dpung rgyan ma dang / 'jig rten mchog gi dpung rgyan ma dang / ba dan mchog gi dpung rgyan ma dang / le'u gsum ma dang / 'jig rten 'khyil ma dang / stong 'khyil ma dang / gshin rje 'khyil ma dang / 'byung po thams cad 'khyil ma dang / tog ldan ma dang / rin chen ldan ma dang / nor bu rin po che'i gtsug ma dang / byang chub yan lag ma dang / stobs ldan ma dang / mtha' yas tog ma dang / kun tu tog ma dang / rin chen tog ma dang / rnam grags tog ma dang / 'byung po thams cad kyi tog ma dang / 'khor sa ldan ma dang / sgra snyan ma dang / dri bral bzang mo dang / gdong drug ma dang / dri bral ma dang / 'jig rten grags pa ma dang / de dag dang gzhan yang gzungs kyi lha mo brgya stong du mas yongs su bskor ba dang</font><hr>95.56b<br><font size=+1>

'khor gyi dkyil 'khor der 'dus par gyur to/ /sangs rgyas mtha' yas pas byin gyis brlabs pa dang / byang chub sems dpa' chen po'i ting nge 'dzin gyis byin gyis brlabs pa dang / sangs rgyas kyi zhing gzhan gyi sangs rgyas yongs su spangs pa'i rang sangs rgyas bcom ldan 'das bse ru lta bu dang / tshogs na spyod pa rnams sems can rnams kyi don mdzad pa ni cang mi gsung ba goms pas chos kyi tshul yang dag par ston pa yin te/ 'khor ba'i rjes su 'khor bas rtag tu yid skyo la/ rgyud la snying rje chen po spangs shing sems la bag chags bsgos pa kho na sngon byang chub tu sems bskyed pa nyid yongs su bsgos par sems pa ste/ sa gcig dang / sa gnyis dang / sa gsum dang / byang chub sems dpa'i sa brgyad kyi bar du 'jug pa'i sems dang 'khor bas skyo zhing 'jigs la 'jigs par byed pa de dag kyang dkyil 'khor chen po der 'dus par gyur to/ /'di lta ste spos kyi ngad ldang dang kun nas skye mched dang / kun du 'od dang / dga' bo dang dus dang / nye ba'i dus dang mu khyud dang / nye ba'i mu khyud dang / 'dod pa dang nye ba'i 'dod pa dang / pha rol phyin rta dang / legs par pha rol phyin rta dang / rnga bo che dang / nye ba'i rnga bo che dang / 'jig rten rnam par 'jigs par byed pa dang / rdul med dang / rdul dang / nye ba'i rdul dang / cha shas dang / nye ba'i cha shas dang / phyag mtshan dang / phyag mtshan bzang po dang / nyin byed dang / bzang byed dang / 'od ldan dang / 'od byed dang / 'jig rten byed dang / rnam grags dang thos med dang / sdug mdzes dang / dbyangs mdzes dang / dul mdzes dang / mtha' yas mtha' dang / rgyu mtha' dang / tog dkar po dang / tog gi phyag mtshan dang / tog dang / nye ba'i tog dang / rgyal dang / pad+ma dang / pad+ma 'byung ba dang / rang 'byung dang / skyes pa dang / yid du 'ong ba dang / yid las byung dang / dbang chen dang / brtsegs pa'i mtshan dang / ru rta dang / ma lus spyan dang / bde byed dang / phan byed dang / zhi ba dang / zhi ba'i yid dang / chos dang / nye ba'i chos dang / rnam par snang mdzad dang / </font><hr>95.57a<br><font size=+1>

me tog dang / legs sngo dang / dpal ldan dang / gnyen las thag ring byed dang / bzod par dka' ba dang / gser dang / dri med tog dang / zla ba dang / zla bzang dang / sde bzang dang / brtul zhugs legs spyad dang / brgya byin dang / chos byin dang / 'dod pa dang / nye dbang nor lha dang / de dag dang gzhan yang rang sangs rgyas bye ba khrag khrig brgya stong bsam gyis mi khyab pa gzhal du med pa/ smon pa med pa'i chos kyi dbyings nam mkha'i ngo bo spros pa med cing / 'dus ma byas pa theg pa 'bring la rab tu zhugs shing lung bstan te rab tu gnas pa/ rjes su chags pa dang / khong khro ba dag dang / bral ba dag dang thabs cig tu sangs rgyas bcom ldan 'das bzhugs par gyur to/ /nyan thos kyi dge 'dun chen po nyan thos bye ba phrag brgya stong du ma'i 'khor dang lhan cig pa la 'di lta ste/ 'od srung chen po'i bu dang / chu klung 'od srung gi bu dang / lteng rgyas 'od srung gi bu dang / ba ra dwa dza'i bu dang / ba ra dwa dza bsod snyoms len dang / maud gal gyi bu dang / maud gal gyi bu chen po dang / shA ri'i bu dang / shA ri'i bu chen po dang / rab 'byor dang / rab 'byor chen po dang / ba lang bdag dang / kA t+yA ya na dang kA t+yA ya na chen po dang / nye ba 'khor bzang po dang / ka pi na dang / dga' bo dang / kun dga' bo dang / mdzes dga' bo dang / nye dga' bo dang / 'jig rten gyur pa dang / mtha' yas 'jig rten gyur pa dang / snyan pa dang / nye ba'i snyan pa dang / dga' ldan dang / nye ba'i dga' ldan dang / ma 'gags pa dang / gang ba dang / yongs su gang ba dang / nye ba'i gang ba dang / rgyal dang / nab so dang / ru ru dang / drag po'i bu dang / ru ru'i bu dang / ku ru dang / lngas rtsen dang / nye ba'i lngas rtsen dang / dus dang / dus bzang dang / lha 'dzin dang / sgra gcan 'dzin dang / ljang sngon dang / nye ba'i ljang sngon dang / bsam bya dga' dang / bsam byed dang / 'char ba dang / nye ba'i 'char ba dang / dpal ldan dang / rdzas dang / gyad kyi bu dang / nye rdzas dang / dum bu ldan dang / rgyal dang / nye rgyal</font><hr>95.57b<br><font size=+1>

dang / rgyal chen po dang / kun nas rgyal dang / 'bod byed dang / grags sbyin dang / grags ldan dang / nor can dang / nye ba'i nor can dang / pi lin da la dang / 'dun pa dang / pib pa la dang / kib pa la dang / nye ba'i 'bras bu dang / mtha' yas 'bras bu dang / 'bras bu dang bcas pa dang gzhon nu dang gzhon nu 'od srung gi bu dang / chos sbyin dang bcu drug sde pa'i dga' byed dang / nye dga' dang / yon po dang / lce ldan dang / rgyal ba'i zhags pa dang / dbugs 'byin chen po dang / be'u'i bu dang / ku ru ku la dang / nye ba'i ku ru ku la dang / gro zhin skyes rna ba bye ba ri dang / rgyun gyi pha rol mthar byed dang / gang gA'i bu dang / ri'i rna ba dang / bye ba'i ze ba dang / dbyar can dang / gzi brjid can dang / gzi brjid bzang po dang / dpal sbas dang / 'jig rten sbas dang / bla ma sbas dang / lhur byed dang skar ma la dga' ba dang / zhi byed dang / byi ba dang / nye ba'i byi ba dang / se gol nyi shu pa dang / mgon med sbyin dang / nye bar gnas dang / ldog par gnas dang / smyo byed dang / 'od ldan dang / kun tu yod dang / me tog ka dam li dang / legs par rab sad dang / nye bar 'ongs dang / 'jig rten 'ongs dang / sdug bsngal mthar byed dang / skal bzang yod dang / skal bzang yod chen po dang / don spyod dang / mes po dang / 'gro yod dang / rgyal skyong dang / rgyal dang yul ka shi can dang / nye ba'i ka shi can dang / sman chen po can dang / gzi brjid chen po can dang / gzi brjid chen po dang / lha mtshams dang / sgrub byed dang / tshogs can dang / tshangs pa bzang po dang / dge bzang dang / 'jig rten bzang po dang / mnyam pa dang / mnyam bcas dang / de dag dang gzhan yang chos kyi dbyings mtha' yas pa/ rnam par grol ba'i ro'i ro myong ba/ theg pa gsum las nges par 'byung ba las theg pa chung ngu'i lam thob pa/ 'khor ba las 'jigs pa dag dang / rnam par thar pa'i sgo gsum gyis bsam gtan la bsam gtan pa dang spyod lam bzhir tshangs pa'i gnas bzhi la gnas pa dang ldan zhing legs par mnyam par bzhag pa/ legs par bsnyen par rdzogs pa theg pa chung ngu'i mya ngan las 'das pa'i dbyings la zhugs shing nges par 'byung ba/ mnyam pa nyid spros pa med pa de dag dang</font><hr>95.58a<br><font size=+1>

yang 'khor gyi dkyil 'khor der bcom ldan 'das shAkya thub pa/ dkon mchog gsum sa bcu la gnas pa dag dang thabs cig tu bzhugs so/ /nyan thos chen po nges par 'byung ba'i mya ngan las 'das pa'i dbyings la yang dag par rjes su zhugs pa du ma dag 'dus ma byas kyi lam gyi theg pa la dmigs pa dang / dag cing 'dod chags dang bral ba dang / kun nas snang ba kun tu thob pa dang / sbyin pa'i gnas su gyur pa yon tan gyi zhing yon tan skyed par byed cing yongs su sbyong ba dag dang / sems can gyi snying po'i snying por gyur pa 'jig rten mchog gi bdag po/ lha dang mi rnams kyis mchod pa/ bsod nams kyi zhing rkang gnyis dang / rkang bzhi dang / rkang mang dang sems can thams cad kyi mchog la 'di lta ste/ grags 'dzin ma dang / grags sbyin ma dang / skye dgu'i bdag mo chen mo dang / legs skyes ma dang / dga' ma dang / sbom dga' mo dang / mdzes dga' mo dang / sgom pa mo dang / mdzes ma dang / mtha' yas ma dang / sa ga ma dang / bsam pa ma dang / rgyal ldan ma dang / gtsug phud ma dang / nye ba'i gtsug phud ma dang / lha mo ma dang / legs lha mo dang / gnas ma dang / dpal mo dang / rab mchog ma dang / rab dga' ma dang / smra dga' ma dang / snar ma ma dang / yul 'khor srung ba ma dang / bdag po ma dang / phun sum tshogs ma dang / lus can ma dang / dad ma dang / dga' ma dang / ral pa ma dang / nye ba'i ral pa ma dang / kun nas ral pa ma dang / don 'byung ma dang / 'od ma dang / yid mgyogs ma dang / skrag ldan ma dang / khyab 'jug 'dzin ma dang / khyab 'jug dga' ma dang / yid bzang ma dang / yid mang ma dang / dpal ldan ma dang / nyam thag sdug bsngal ma dang / las sbyin ma dang / las 'bras ma dang / rnam rgyal ldan ma dang / nor bdag ma dang / nor sbyin ma dang / chos sbyin ma dang / rtsed mo sbyin ma dang / 'dud ma dang / legs 'dud ma dang / snyan ldan ma dang / yid ldan ma dang / rab bzhad ma dang / srid gsum mthar byed ma dang / dri ma gsum mthar byed ma dang / sdug bsngal</font><hr>95.58b<br><font size=+1>

ston par byed ma dang / yid 'byung ma dang / kha dog gsum ma dang / pad+ma'i kha dog ma dang / pad+ma ldan ma dang / pad+ma'i 'od ma dang / dka' zlog rkang spyod ldan ma dang / 'dab gsum ma dang / 'dab bdun ma dang / ut+pa la'i 'dab ma dang / de dag dang gzhan yang gnas brtan ma chen mo nyan thos chen mo dag bcom ldan 'das kyi zhabs la phyag 'tshal ba'i phyir nye bar lhags par gyur to/ /'khor gyi dkyil 'khor chen po de dag byang chub sems dpa' sems dpa' chen po'i rnam par 'phrul pa mthong bar 'dod nas 'dus shing 'khod par gyur te/ chos mnyan pa'i phyir dang sngags kyi spyod pa sgrub pa gsal bar 'dod par gyur to/ /de nas bcom ldan 'das shAkya thub pas thams cad dang ldan pa'i 'khor gyi dkyil 'khor la gzigs nas/ lhag pa'i bsam pa dag dang dngos po med pa'i ngo bo nyid nam mkha'i ngo bo dang / chos kyi dbyings dus gsum las yang dag par 'das par mkhyen nas 'jam dpal gzhon nur gyur pa la bka' stsal pa/ 'jam dpal sems can gyi don spyod pa la yang dag par soms shig /bsam pa ci lta ba bzhin du mngon par dga' ba'i 'dod pa'i las kyi 'bras bu la dad pa dang ldan pa la sngags kyi spyod pa'i don yang dag par thob pa zhes bya ba'i chos kyi tshig dang / las kyi tshig dang zhi ba'i tshig dang thar pa'i tshig dang / cho ga zhib mo sgrub pa dang rnam par mi rtog pa'i mnyam pa nyid thob par byed pa dang / de bzhin gshegs pa'i stobs bcu kun gyi stobs dang / bdud thams cad kyi stobs zil gyis gnon pa zhes bya ba'i byang chub sems dpa'i ting nge 'dzin sgoms shig ces so/ /de nas bcom ldan 'das kyis bka' stsal ma thag tu 'jam dpal gzhon nur gyur pa snyoms par zhugs par gyur to/ /'jam dpal gzhon nur gyur pa snyoms par zhugs ma thag tu/ de nas stong gsum gyi stong chen po 'di dang 'jig rten gyi khams brgya phrag stong du ma'i rdul phra rab kyi rdul dang mnyam pa'i stong gsum gyi stong chen po'i 'jig rten gyi khams</font><hr>95.59a<br><font size=+1>

yang dag par rab tu g.yos te/ snang ba chen pos gsal bar yang byas nas/ rang gi rdzu 'phrul gyi stobs skyed pa ston te/ rang gi sngags kyi tshig kyang ston pa la/ na maHsa man+ta bud+d+hA nA~M/ a b+hA ba swa b+hA ba mung+ga tA nA~M/ namaHpra t+ye ka bud d+hA nA~M Ar+ya shra ba kA nA~M/ na mo bo d+hi sa twA nA~M/ da sha b+hU mi pra ti te shwa rA nA~M/ bo d+hi sa twA nA~M/ ma hA sa twA nA~M/ tad+ya thA/[ \u0f00] kha kha khA hi khA hi/ duSh+Ta sa twa da ma ka a si mu sa la pam+tu pA sha hasta/ tsa tu dza/ tsa turmu kha/ Sha Ta tsa ra Na/ gats+tsha gats+tsha/ sarba big+h+na bin+ta ka /bi krI tA nan/ sarba b+hU ta b+ha yaM kar/ aT+TAT+Ta hA sa ni nA di ne/ bya g+h+ra tsarma ni bA sa na/ ku ru ku ru/ sarba d+harmA na/ ts+tshin+da ts+tshin+da/ sarba man+t+rAn/ b+hin+d+ha b+hin+d+ha/ pa ra mu drAn/ A kaR+Sha ya/ A kaR+Sha ya/ sarba b+hU tA na/ nirma tha ni rma tha/ sarba duSh+TA na/ pra be sha ya pra be sha ya/ maN+Da la ma d+h+ye/ bai ba swa ta dzI bi tAn+ta ka ra/ ku ru ku ru ma ma sarba kAr+yam/ da ha da ha/ pa tsa pa tsa/ mA bi lam+ba/ mA bi lam+ba/ sa ma ya ma nu smar/ hU~M hU~M phaT/ s+pho Ta ya s+pho Ta ya/ sarba A sha pa ri pU ra ka /he b+ha ga bAn kiny+tsi rA ya si ma ma sarbA R+tha~M sA d+ha ya swA hA/ 'di ni bac+doMs 'jam dpal gzhon nur gyur pa'i khro bo chen po gshin rje'i gshed ces bya ba yin te/ gshin rje'i rgyal po yang 'aj+so~M pa dang / 'gugs par byed pa yin na/ sems can gzhan lta smos kyang ci dgos/ khro bo'i rgyal po chen pos gzungs sngags 'di smras ma thag tu sems can thams cad bcom ldan 'das kyi spyan sngar lhags par gyur te/ 'jigs pa dang nyam thag pa dang / dngangs pa dang yid skyo ba dang snying 'gas par 'gyur te/ sangs rgyas bcom ldan 'das dang 'jam dpal gzhon nur gyur pa ma gtogs par skyabs gzhan med skyob pa gzhan med dpung gnyen gzhan med par gyur to/ /de nas gang su dag sa la gnas pa dang chu la gnas pa dang / nam mkha' la gnas pa dang / brtan par gnas pa dang / mi brtan par gnas pa dang / mngal nas skyes pa dang / sgo nga las skyes pa dang / drod gsher las skyes pa dang rdzus te skyes pa'i</font><hr>95.59b<br><font size=+1>

sems can gyi grangs su gtogs pa/ 'jig rten gyi khams mtha' yas pa dag na rnam par gnas pa steng dang / 'og dang thad ka dang phyogs dang phyogs mtshams dag tu skad cig de dang yud tsam de la gab cing gnas pa dag skad cig de nyid la/ khro bo'i rgyal po chen pos 'di nyid du bkug par gyur to/ /khro bo'i rgyal po'i sngags 'di ni 'dod chags dang ma bral ba rnams kyi mdun du brjod par mi bya ste/ de ci'i phyir zhe na/ de yang 'chi bar 'gyur ba'am/ skam par 'gyur ba'i phyir ro/ /dam tshig la dmigs par byas nas sangs rgyas kyi sku gzugs sam sku gdung dang bcas pa'i mchod rten nam/ 'jam dpal gzhon nur gyur pa'i sku gzugs kyi spyan sngar bzlas par bya'o/ /yang na las gzhan gyi ched du brjod par bya ste/ gang de dang de dag tu ni brjod par mi bya ste/ de ci'i phyir zhe na/ ltas ngan chen po dang / mya ngan chen po dang / bdag nyid 'jigs pa chen por 'gyur ba'i phyir ro/ /thugs rje mchog dang ldan pa'i sangs rgyas bcom ldan 'das dang byang chub sems dpa' sems dpa' chen po ni thams cad mkhyen pa'i ye shes kho na'i spyod pa rjes su bsgrub cing bstan pa dang / sems can thams cad dbang du bya ba dang / chos kyi tshul yang dag par gnas par bya ba dang / sems can gyi khams mtha' dag mya ngan las 'das pa yang dag par thob par bya ba dang / bstan pa med pa dag tu bstan pa dang / lam gsum la yang dag par sbyor ba dang dkon mchog gsum gyi gdung mi bcad pa dang / sngags kyi spyod pa bstan pa'i phyir dang / thugs rje chen po'i mthu'i rgyu mthun pa'i thugs kyi bdud kyi stobs zil gyis gnon pa dang / bgegs chen po rnam par gzhig pa dang / rgyal po ma rungs pa rnam par gzhom pa dang / bdag gi stobs rnam par 'phel bar bya ba dang / gzhan gyi stobs rnam par gzhig</font><hr>95.60a<br><font size=+1>

pa dang / rengs par bya ba dang gsad pa dang / mi snang bar bya ba dang / rab tu bstan pa dang / nye bar sgom pa dang / dga' bar bya ba dang / rang gi sngags kyi spyod pa rab tu bstan pa dang / tshe dang nad med pa dang dbang phyug mngon par 'phel bar bya ba dang / myur ba'i las rjes su bsgrub pa dang / byams pa chen po dang snying rje chen po dang btang snyoms chen po dang / dga' ba chen po'i yang dag par sdom pa la gnas pa dang de dag gi rgyu mtshan du rtog pa dang / rnam par rtog pa thams cad dang bral ba'i sems kyis smras so/ /de nas klu dang klu chen po de dag dang / gnod sbyin dang gnod sbyin chen po dang / srin po dang srin po chen po dang / sha za dang sha za chen po dang srul po dang srul po chen po dang lus srul po dang lus srul po chen po dang / ma mo dang ma mo chen mo dang / grul bum dang grul bum chen mo dang / gcan gzan dang gcan gzan chen po dang / ro langs dang ro langs chen po dang / ka tse'i mi dang / ka tse'i mi chen po dang / srin mo dang sring mo chen mo dang / mkha' 'gro ma dang mkha' 'gro ma chen mo dang / gzhib pa dang gzhib pa chen po dang / g.yengs byed dang g.yengs byed chen po dang / byis pa dang byis pa chen po dang / bran pa dang bran pa chen po dang / nad dang nad chen po dang / brjed byed dang brjed byed chen po dang / gdon dang gdon chen po dang / nam mkha'i ma mo dang nam mkha'i ma mo chen mo dang / gzugs can ma dang gzugs can ma chen mo dang / ngu 'bod dang ngu 'bod chen po dang / grib gnon dang grib gnon chen po dang / sbod gtong dang sbod gtong chen po dang / mngag gzhug ma dang mngag gzhug ma chen mo dang / gnod sbyin mo dang gnod sbyin mo chen mo dang / sha za mo dang sha za mo chen mo dang / rims nad dang rims nad chen po dang / rims nyin bzhi pa dang nyin bzhi pa chen po dang / rtag pa'i rims dang rims mi bzad pa dang / rtag pa las byung ba'i rims dang / yud tsam las byung ba dang rlung las gyur pa dang / </font><hr>95.60b<br><font size=+1>

mkhris pa las gyur pa dang / bad kan las gyur pa dang / 'dus pa las gyur pa dang / gcong chen po dang / grub pa dang grub pa chen po dang / rnal 'byor dang ldan pa dang / rnal 'byor dang ldan pa chen po dang / drang srong rnams dang / drang srong chen po rnams dang / mi 'am ci dang / mi 'am ci chen po dang / brang 'gro dang brang 'gro chen po dang / dri za dang dri za chen po dang / lha dang lha chen po dang / mi dang mi chen po dang / yul mi dang yul mi chen po dang / rgya mtsho dang rgya mtsho chen po dang / chu bo dang chu bo chen po dang / ri dang ri chen po dang / gter dang gter chen po dang / sa dang sa chen po dang / shing dang shing chen po dang / 'dab chags can dang 'dab chags can chen po dang / rgyal po dang rgyal po chen po dang / brgya byin dang brgya byin chen po dang / nor lha'i bu dang / ngu zhig dang 'byung ba chen po'i bdag po dang / dbang ldan dang / gshin rje dang / tshangs pa dang tshangs pa chen po dang / lha sna tshogs bzo bo dang / nor sbyin dang / yul 'khor skyong dang / 'phags skyes po dang / mig mi bzang dang / lus ngan po dang / gang ba bzang dang / nor bu bzang dang / lngas rtsen dang / dzam b+ha la dang / stam b+ha la dang / kum b+ha la dang / sngon po dang / skra sngon po dang / seng ge dang / 'phrog ma dang / ser skya ma dang / dga' byed dang / nor byed dang / chu dbang dang / 'jig rten dbang po dang nye dbang dang / gsang ba pa dang / gsang ba pa chen po dang / g.yo dang / g.yo byed dang / chu na spyod pa dang / g.yung drung ri dang / zla ba'i ri dang / ri bo chen po dang / brtsegs mig dang / mgo bo gsum pa ste/ de dag dang gzhan yang gnod sbyin gyi sde dpon chen po gnod sbyin bye ba khri phrag brgya stong du ma'i 'khor de dag dang / byang chub sems dpa' chen pos byin gyis brlabs pa'i gnas gtsang ma'i gzhal med khang gi 'khor</font><hr>95.61a<br><font size=+1>

gyi dkyil 'khor chen po der rdzu 'phrul gyi stobs bskyed pas 'dus par gyur te chos mnyan pa'i phyir 'khod do/ /gang yang srin po'i rgyal po chen po de dag gnod sbyin bye ba khri phrag brgya stong du ma 'i 'khor dang ldan pa/ khro bo'i rgyal po chen pos bkug pa la 'di lta ste/ sgra sgrogs dang nor ldan dang rnam par 'ju byed dang / gzer rna dang bum rna dang kun nas rna ba dang / gshin rje dang rnam par 'jigs byed dang 'jigs byed dang mi bzad pa dang sdig ldan dang / dbang po rgyal dang 'thab pa dang legs par 'thab pa dang / mdung dang mdung rtse gsum pa dang / mgo gsum pa dang mgo mtha' yas pa yang chos mnyan pa'i phyir 'dus par gyur to/ /gang yang sha za chen po/ sha za'i 'khor bye ba khri phrag brgya stong du ma dang ldan pa de dag kyang 'di lta ste/ pI lu dang nye ba'i pI lu dang / pI lu bzang po dang / pI lu mtha' yas dang / bsam pa dang bsam pa ma yin pa dang / gdung ba bzang po dang za byed dang / gzi brjid bzang po dang mi bzad pa dang mi bzad pa'i gzugs can yang chos mnyan pa'i phyir 'dus par gyur to/ /gang yang klu'i rgyal po chen po klu bye ba khri phrag brgya stong du ma'i 'khor dang ldan pa/ khro bo'i rgyal po chen pos byang chub sems dpa' chen po'i rdzu 'phrul gyi stobs kyis bkug pa la 'di lta ste/ dga' bo dang / nye dga' bo dang / la ba dang nye ba'i la ba dang / nor ldan dang / mtha' yas dang / 'jog po dang pad+ma dang / pad+ma chen po dang 'dus pa skyong dang / dung dang dung skyong dang kak+kU Ta dang / rigs ldan dang / rigs med ldan dang / nga rgyal can dang / bum chu can dang / rdo rje can dang me tog tsam pa ka las byung ba dang nor ldan klu dang / nga rgyal 'joms dang / mtshon dpus dang nye ba'i dpus dang / dbyig pa dang dbyig pa chen po dang / dkar po dang dkar po bzang dang / sngo ba dang chu sbyin sngo ba dang 'o ma'i chu dang sog ma med dang / rgya mtsho dang nye ba'i rgya mtsho ste/ de dag dang gzhan yang klu'i rgyal po brgya stong phrag du ma'i 'khor dang ldan pa de dag kyang chos mnyan pa'i phyir</font><hr>95.61b<br><font size=+1>

'khor gyi dkyil 'khor chen po der 'dus shing 'khod par gyur to/ /gang yang drang srong dang drang srong chen po de dag la 'di lta ste/ rgyun shes kyi bu dang / gnas 'jog dang / gau ta ma dang / b+ha go ra tha dang / dza h+nu dang / ang gi ra sa dang / a ma ti dang / pu la sti dang / ri byi dang / rgyas pa dang / nag po dang / gau ta ma nag po dang / me dang / me'i rgyud dang / dza ma da g+ni dang yod pa pa dang thub pa mchog dang / gos can dang bai sham pA yA na dang rtsib logs skyes dang / mo mtshan gnyis las skyes dang dgra sta dang rnal 'byor dbang phyug dang / shing pi pa la gnas pa dang / shing pi pa la za ba dang / grog mkhar skyes dang nyi ma'i rigs te/ de dag dang gzhan yang drang srong chen po brgya stong phrag du ma'i 'khor dang ldan pa de dag kyang / 'khor gyi dkyil 'khor der nye bar phyin te/ bcom ldan 'das shAkya thub pa la phyag 'tshal nas sngags spyod pa'i don byang chub sems dpa'i sde snod mnyan pa'i phyir dang / rjes su yi rang ba'i don du 'khod par gyur to/ /gang yang lto 'phye chen po'i rgyal po de dag kyang 'khor gyi dkyil 'khor chen po der chos mnyan pa'i phyir rab tu zhugs te/ 'khod pa la 'di lta ste/ e raN+Da dang / te raN+Da dang / 'od zer gyi bu dang 'od zer dang snang ba dang snang ba bzang po'o/ /gang yang nam mkha' lding gi rgyal po de dag kyang nam mkha' lding brgya stong du ma'i 'khor dang ldan pa 'khor gyi dkyil 'khor der 'dus pa la 'di lta ste/ 'od bzang dang / 'dab dkar dang / rkang med 'gro dang / 'dab 'gro dang / 'dab bzangs skyes dang / 'dab med skyes dang / yid ltar mgyogs dang / klu rnam 'jigs dang / rnam 'dud bu dang / ba ra dwa dza dang / bya dang / bya chen po dang / 'dab ldan tshogs te/ de dag kyang 'khor gyi dkyil 'khor du 'du bar gyur to/ /gang yang mi 'am ci'i rgyal po mi 'am ci'i 'khor brgya stong phrag du ma dang ldan pa de dag kyang 'khor gyi dkyil 'khor der 'dus pa la 'di lta ste/ ljon pa dang nye ba'i ljon pa dang ljon pa bzang po dang / ljon pa mtha' yas dang 'jig rten ljon pa dang ljon pa bral dang / brang rgyas dang brang chen po dang gzi brjid chen po</font><hr>95.62a<br><font size=+1>

dang rdzu 'phrul chen po dang / khyad par sgra dang / skad snyan dang yid du 'ong ba'i sems skyed par byed pa dang rigs mtho ba dang mtho sgra dang / btang snyoms pa dang / snying rje ldan dang chu lha dang / de dag dang gzhan yang mi 'am ci'i rgyal po rdzu 'phrul che ba mi 'am ci'i 'khor brgya stong phrag du ma dang ldan pa chos mnyan pa'i phyir 'khor gyi dkyil 'khor der 'dus par gyur to/ /de bzhin du mi mjed kyi bdag po tshangs pa dang / tshangs pa chen po dang / 'od gsal dang / 'od kyi sgra dang / dag pa'i 'od dang / bsod nams 'od dang mi che ba dang / mi gdung ba dang / 'og min dang 'og bzang dang / ci yang med pa dang / ci yang med min dang / nam mkha' mtha' yas dang legs ldan dang legs ldan mthong dang / sprul pa bzang po dang yongs su sprul pa dang gnas gtsang ma dang / dga' ldan dang 'thab bral dang sum cu rtsa gsum dang rgyal po chen po bzhi'i ris dang / rtag tu myos dang phreng thogs dang gzhong thogs dang pi bang gsum pa dang ri bor gnas pa dang khang rtseg gnas pa dang / rtse mor gnas pa dang lcang lo can na gnas pa dang grong khyer na gnas pa dang gzhal med khang na gnas pa dang bar snang la gnas pa dang / sa la gnas pa dang shing la gnas pa dang khyim na gnas pa dang / de bzhin du lha ma yin gyi dbang po rab tu tshim byed dang / stobs ldan dang thags bzangs ris dang shin tu bkra dang bde bkra dang rig byed bkra dang / sgra gcan dang lag pa dang de dag la sogs pa lha ma yin bye ba khri phrag brgya stong du ma'i 'khor dang ldan pa 'gros sna tshogs dang / nor sna tshogs dang lha dang 'thab pa'i lha ma yin de dag kyang sangs rgyas kyi byin gyis brlabs dang / byang chub sems dpa'i rnam par 'phrul pa blta ba dang / phyag bya ba dang bsnyen bkur bya ba'i phyir 'khor gyi dkyil 'khor der 'dus par gyur to/ /gang yang gza' dang gza' chen po de dag 'jig rten gyi khams su spyod pa/ bar snang la spyod pa la 'di lta ste/ nyi ma dang zla ba dang mig dmar dang gza' lhag dang phur bu dang pa pa sangs dang spen pa dang sgra gcan dang sa 'gul dang mjug rings dang / gnam lcags 'byin dang skar ma dang rgyal mtshan dang / mi bzad dang dud ldan dang dud pa dang</font><hr>95.62b<br><font size=+1>

rdo rje dang 'byor pa dang / char 'bebs dang nye ba'i char 'bebs dang / nor 'dzin dang mi snang byed dang rgod ldan dang rting bar ldan dang 'dod pa dang / ma rungs pa dang 'jig rten mthar byed dang rnam par ltung byed dang / kun du ltung byed dang / rtog pa dang gla sgang can dang dus kyi mtha' dang dur khrod dang sha drag ldan dang dkar po dang / byi bzhin dang byi bzhin gyi bu dang byams ldan dang gzer bu dang / gzer bu gsum dang rngon pa dang gseng phrom dang / brtan pa dang 'jig byed dang stobs ldan dang mi bzad pa dang skya rengs dang rnam par rgod pa dang 'chi ltas min dang / skem byed dang kun bged dang / nye ba'i kun bged dang / gzhon nu dang / rtse med dang / rgod byed dang / rab tu rgod byed dang / sems par byed pa dang / gar byed dang / 'theng po dang / gzugs ngan te/ gza' chen po de dag kyang rgyu skar brgya stong phrag du ma'i 'khor gyi dkyil 'khor dang ldan pa la 'di lta ste/ tha skar dang / bra nye dang / smin drug dang / snar ma dang / mgo dang / lag dang / nab so dang / rgyal dang / skag dang / mchu dang / gre dang / dbo dang / me bzhi dang / nag pa dang / sa ri dang / sa ga dang / lha mtshams dang / na dang / snrubs dang / chu stod dang / chu smad dang / gro bzhin dang / mon gru dang / mon gre dang / khrums stod dang / khrums smad dang / nam gru dang / lha mo 'dra dang / byi bzhin dang pu na rna ba dang / 'od dang / ang gi ra si dang / rgyu skar dang nye ba'i gre dang / gre ldan dang / 'jig rten rab mchog dang / rab mchog ldan dang / dpal ldan dang / 'jig rten mgon po dang / chang ldan dang / rgyal byed dang / nor ldan dang lha don te/ de ltar rgyu skar gyi rgyal po de dag kyang de'i tshe gnas gtsang ma'i gzhal med khang du rgyu skar brgya stong phrag du ma'i 'khor dang ldan pa/ sangs rgyas kyi byin gyis brlabs kyis 'khor gyi dkyil 'khor chen po der 'dus te 'khod par gyur to/ /khyim sum cu rtsa drug la 'di lta ste/ lug dang / glang dang / sbyor ba dang / sbal pa dang / seng ge dang / bu mo dang / srang dang / sdig pa dang / gzhu dang / chu srin dang / bum pa dang / nya dang / mi'u thung dang / nye ba'i bum pa dang / b+h+ring ga ra dang / ral gri dang / glang po che dang / ma he dang / lha dang / mi dang / dge ltas dang / dri za dang / 'jig rten dang / g.yung drung rgyal dang / </font><hr>95.63a<br><font size=+1>

drag po'i gzi brjid dang / zla ba'i 'od dang / sa dang / mun pa dang / rdul dang / nye ba'i rdul dang / sdug bsngal dang / bde ba dang / byang chub dang / so so gcig dang / nyan thos dang / dmyal ba'i rig pa 'dzin pa dang / gzi brjid chen po dang / gzi brjid chen po ldan dang / dud 'gro dang / yi dgas dang / lha ma yin dang / sha ldan dang / sha za dang / /gnod sbyin srin po dang / 'byung po thams cad pa dang / 'byung ba pa dang / phyogs kyi glang po dang / steng 'gro dang / thad kar 'gro dang / kha bye ba dang / bsam gtan 'gro dang / rnal 'byor 'gro dang / rab tu gnas dang / mchog dang / bar ma dang tha ma ste/ khyim chen po de dag kyang khyim brgya stong phrag du ma'i 'khor dang ldan pa gang na gnas gtsang ma'i gzhal med khang gang na bar 'khor gyi dkyil 'khor chen po der lhags shing phyin te/ bcom ldan 'das kyi zhabs gnyis la btud nas rang rang gi gnas su 'khod par gyur to/ /gang yang gnod sbyin mo dag gnod sbyin mo brgya stong phrag du ma'i 'khor dang bcas pa la 'di lta ste/ mig bzang ma dang / smin bzang ma dang / skra bzang ma dang / skad snyan ma dang / blo bzang ma dang / dge ldan ma dang / sna tshogs mig ldan ma dang / rdzogs byed ma dang / gsang ba ma dang / bzang po ma dang / ska rags bzang po ma dang / pad+ma ltar smra ba dang / 'jigs byed ma dang / mi 'jigs sbyin ma dang / rgyal ma dang / rnam par rgyal ma dang / nam gru ma dang / sgra gcan ma dang / sgra mthar byed ma dang / rlung ma dang / yid 'phrog ma dang / yid ldan ma dang / me tog ldan ma dang / me tog gi grong khyer la gnas ma dang / ser skya ma dang / 'phrog ma dang / dpal ldan ma dang / dpa' mo dang / dpa' bzang mo dang / shin tu mi bzad ma dang / mi bzad ldan ma dang / lha mdzes ma dang / ro bzang ma dang / gsang ba dam pa ma dang / shing la mu la gnas ma dang / mya ngan med ma dang / mun par mdzes ma dang / snang bar mdzes ma dang / 'od ldan ma dang / lhag par ldan ma dang / gzugs mdzes ma dang / dkar med ma dang / zhi ba ma dang / phyogs mtshams ma dang / stug ma dang / dga' byed</font><hr>95.63b<br><font size=+1>

ma dang / nye ba'i dga' byed ma dang / 'jig rten las 'das ma ste/ gnod sbyin mo chen mo 'di dag gnod sbyin mo brgya stong phrag du ma'i 'khor dang ldan pa 'khor gyi dkyil 'khor chen po der rgyang ring po nyid nas bcom ldan 'das shAkya thub pa la phyag 'tshal zhing 'khod par gyur to/ /gang yang sha za mo dag sha za mo brgya stong phrag du ma'i 'khor dang ldan pa/ 'khor gyi dkyil 'khor chen po der rgyang ring po nyid nas bcom ldan 'das shAkya thub pa la phyag 'tshal zhing 'khod par gyur pa la 'di lta ste/ sdud ma dang phyag dar khrod kyi sha za mo dang / sha za mo drag mo dang sha za mo skar mda' ma dang sha za mo 'bar ma dang thal ba za ma dang sha za ma dang / dug ma dang bung ba ma dang rmongs byed ma dang sdigs mdzub ma dang / dmar ldan ma dang glang dmar ma dang 'jig rten nye gnas ma dang thal bar nye gnas ma dang shing pi lu dang ldan ma dang / mang ldan ma dang mang ma dang gdul dka' ma dang / e la ma dang mtshon byed ma dang du ba la gnas ma dang du ba ma ste/ sha za mo chen mo 'di dag sha za mo'i 'khor bye ba brgya stong phrag du ma dang bcas pa de dag kyang 'khor gyi dkyil 'khor chen po der 'dus shing rab tu zhugs par gyur to/ /gang yang ma mo dang ma mo chen mo dag 'jig rten gyi rjes su rnam par spyod cing / sems can rnams la 'tshe bar byed cing / gtor ma dang / me tog dman ma la spyod par byed pa dag la 'di lta ste/ tshangs pa ma dang / dbang phyug chen mo ma dang / khyab 'jug ma dang / gzhon nu ma dang / rgan byad ma dang / phag mo dang / dbang mo dang / gshin rje mo dang / me phyogs ma dang / nyi ma'i bu mo dang / 'jig rten mthar byed ma dang / chu lha ma dang / dbang ldan ma dang / rlung phyogs ma dang / gzhan gyi srog 'phrog ma dang / mgo bregs ma dang / bya ma dang / bya ma chen mo dang / srul mo dang / lus srul mo dang / skem byed ma ste/ </font><hr>95.64a<br><font size=+1>

ma mo chen mo de dag kyang ma mo'i 'khor bye ba khri phrag brgya stong du ma dang bcas pa de dag kyang 'khor gyi dkyil 'khor chen po der sangs rgyas la phyag 'tshal lo zhes bya ba'i tshig 'don cing 'khod par gyur to/ /de bzhin du mi dang mi ma yin pa bye ba khri phrag brgya stong du ma dang / sems can dang sems can ma yin pa nas dmyal ba chen po mnar med pa nas srid pa'i rtse mo'i bar du thams cad kyang skabs 'dir nam mkha'i dkyil du snang bar gyur to/ /sems can gyi ris na srog chags su la yang phan tshun mi mthun pa med par gyur to/ /sangs rgyas kyi byin gyi rlabs dang byang chub sems dpa'i cho 'phrul gyi rgyan gyis sangs rgyas bcom ldan 'das dang 'jam dpal gzhon nur gyur pa sems can thams cad kyi spyi bo'i gtsug na bzhugs par mthong bar gyur to/ /de nas bcom ldan 'das shAkya thub pas thams cad dang ldan pa'i 'jig rten gyi khams su sangs rgyas kyi spyan gyis rnam par gzigs nas 'jam dpal gzhon nur gyur pa la bka' stsal pa/ dag pa'i sems dpa' sngags kyi spyod pa'i don rnam par gtan la dbab pa dang ting nge 'dzin gyi le'u rab 'byam byang chub sems dpa'i sde snod gang 'di bshad pa'i dus la bab par sems na shod cig /de nas 'jam dpal gzhon nur gyur pa bcom ldan 'das shAkya thub pas rjes su gnang bar mdzad pa na/ nam mkha'i ngo bo dang 'dra ba'i rdo rje mthug cing sra ba'i rgyud bkod pa'i rgyan zhes bya ba'i ting nge 'dzin la snyoms par zhugs te/ 'jam dpal gzhon nur gyur pa de snyoms par zhugs ma thag tu gnas gtsang ma'i gzhal med khang de dpag tshad brgya stong du ma rgya che ba'i rdo rje'i rang bzhin du lhag par gnas par gyur to/ /gang du gnod sbyin dang srin po</font><hr>95.64b<br><font size=+1>

dang dri za dang rlung lha dang sha za de dag dang / mdor na sems can gyi khams thams cad byang chub sems dpa'i byin gyi rlabs kyis gzhal med khang de dag rdo rje'i nor bu rin po che lta bur gyur te/ der rab tu zhugs nas 'khod par gyur kyang phan tshun rnam par 'tshe bar byed pa med do/ /de nas 'jam dpal gzhon nur gyur pas 'khor gyi dkyil 'khor chen po de 'dus par gyur par shes nas khro bo'i rgyal po gshin rje'i gshed la smras pa/ kye khro bo chen po sangs rgyas dang byang chub sems dpa' thams cad kyi rjes su nges par 'byung bar byed pa/ 'khor gyi dkyil 'khor chen po 'dus pa 'di'i sems can thams cad la srungs shig srungs shig /dbang du gyis shig ma rungs pa gdul bar gyis shig sems can zhi ba dag sad par gyis shig /sems can thams cad dad par gyis shig /ci srid du nga'i rang gi sngags kyi spyod pa rjes su sgrub pa/ byang chub sems dpa'i sde snod rgya che ba dag las sngags spyod pa'i dkyil 'khor gyi cho ga 'chad par byed pa de srid kyi bar du 'di dag gi phyi rol du song la srung ba gyis shig /de skad ces smras pa dang / khro bo'i rgyal po chen pos bka' mnyan nas/ khro bo chen po'i gzugs kyis sems can thams cad rjes su bsrung ba dang rjes su bstan pa'i phyir 'khor gyi dkyil 'khor thams cad du khro bo'i rgyal po gshin rje gshed khro bo'i 'khor brgya stong phrag du ma phyogs bzhi kun dang steng dang 'og dang thad ka dag tu shin tu mi bzad pa'i sgra rab tu 'don cing gnas par gyur to/ /de nas sems can de dag zhi ba dang yid dang sems bzang po dang ldan par gyur te bka' las mi 'da' bar byed par gyur to/ /'di lta bu'i sgra yang thos par gyur te/ gang dam tshig 'di las 'da' bar byed pa de dag ni a rdza ka'i dog pa bzhin du mgo tshal pa brgyar 'gas par 'gyur te/ de ni byang chub sems dpa'i byin gyi rlabs kyang de yin no/ /de nas 'jam dpal gzhon nur gyur pas rang gi sngags kyi spyod pa'i don du chos</font><hr>95.65a<br><font size=+1>

kyi tshig smras pa/ chos gcig la yang dag par bsams na byang chub sems dpa' sems dpa' chen po'i sngags 'grub par 'gyur te/ gcig po gang zhe na 'di lta ste/ chos thams cad spros pa med pa'i rnam par rjes su mthong ba'o/ /byang chub sems dpa' sems dpa' chen po chos gnyis la rab tu gnas na sngags 'grub par 'gyur te/ gnyis po gang zhe na byang chub kyi sems mi gtong ba nyid dang / sems can thams cad la sems mnyam pa'o/ /chos gsum dang ldan na sngags kyi spyod pa yongs su rdzogs par 'gyur te/ gsum po gang zhe na/ sems can thams cad yongs su mi gtong ba nyid dang / byang chub sems dpa'i tshul khrims kyi sdom pa srung ba dang / rang gi sngags yongs su mi gtong ba nyid do/ /chos bzhi dang yang dag par ldan na dang po sems bskyed pa'i byang chub sems dpa'i sngags 'grub par 'gyur te/ bzhi po gang zhe na/ rang gi sngags yongs su mi gtong ba nyid dang / gzhan gyi sngags rjes su spyod pa med pa nyid dang / sems can thams cad la byams pas gnas pa nyid dang / snying rje chen pos yongs su bsgos pa'i sems pa nyid do/ /chos bzhi po 'di dag dang ldan na dang po sems bskyed pa'i byang chub sems dpa'i sngags 'grub par 'gyur ro/ /chos lnga dang ldan na byang chub sems dpa'i sde snod la 'jug cing sngags kyi spyod pa sgrub pa yongs su rdzogs par 'gyur te/ lnga po gang zhe na/ rnam par dben pa'i phyogs yang dag par bsten pa nyid dang / /bas mtha' dgon pa sten par byed pa nyid dang / sems can gzhan la zhe sdang med pa nyid dang / 'jig rten pa'i sngags la mi lta ba nyid dang / tshul khrims dang thos pa dang spyod pa la gnas par byed pa nyid de chos lnga po 'di dag dang ldan na sngags spyod pa'i don 'grub cing yongs su rdzogs par 'gyur ro/ /chos drug dang ldan na sngags kyi spyod pa 'grub cing yongs su rdzogs par 'gyur te/ drug po gang zhe na/ dkon mchog gsum la dad pa rjes su mi gcod pa nyid dang / </font><hr>95.65b<br><font size=+1>

byang chub sems dpa' la dang ba rjes su mi gcod pa nyid dang / 'jig rten dang 'jig rten las 'das pa'i sngags la kun du dga' ba nyid dang / chos kyi dbyings spros pa med pa la lta ba nyid dang / theg pa chen po'i mdo sde zab pa'i tshig gi don mi spong zhing skyo ba med pa'i sems nyid dang / sngags kyi spyod pa yongs su btsal ba dang / dge ba'i phyogs yongs su mi gtong ba nyid de/ chos drug po 'di dag dang ldan na rig pa'i spyod pa dang sngags 'grub cing yang dag par sgrub pa nyid du 'gyur ro/ /chos bdun dang ldan na rig pa sgrub pa'i dus kyi thabs thob par 'gyur zhing / sngags kyi spyod pa la rjes su spyod pa nyid du 'gyur te/ bdun po gang zhe na/ theg pa zab mo shes rab kyi pha rol tu phyin pa nyid sgom pa dang / klog pa dang / ston pa dang / 'don du 'jug pa dang / 'dri ba dang / byang chub sems dpa'i spyod pa la mos pa nyid dang / dus dang / phyogs dang / nges par sdom pa dang / bzlas pa dang / sbyin sreg dang / mi smra ba dang / dka' thub la gzhol ba nyid dang / rtogs pa dang / blo dang / dran pa dang / shes rab dang / bstan pa la bsnyen pa nyid dang / byang chub kyi tshogs dang / theg pa chen po dang zab pa'i chos kyi tshul la yang dag par rab tu zhugs pa nyid dang rang dga'i sngags dgug pa'i bya ba la mkhas pa nyid dang / snying rje chen po dang / byams pa chen po dang / btang snyoms chen po dang / dga' ba chen po nyid yongs su bsgom pa nyid dang spros pa med pa'i sems can gyi khams kyi chos kyi dbyings kyi de bzhin nyid la 'jug pa gnyis su med pa'i ngo bo'i thams cad mkhyen pa'i ye shes yongs su tshol ba nyid dang / sems can thams cad yongs su mi gtong ba nyid dang theg pa dman pa la dga' ba med pa nyid de/ chos bdun po de dag gis ni rig pa dang sngags 'grub cing yongs su rdzogs par 'gyur ro/ /chos brgyad dang ldan na rig pa dang sngags kyi spyod pa'i don 'grub cing lam du 'gro bar 'gyur te/ brgyad po gang zhe na/ mthong ba dang ma mthong ba'i 'bras bu dag la blta ba dang sems par 'dod pa nyid dang / </font><hr>95.66a<br><font size=+1>

byang chub sems dpa'i 'bras bu dang bcas pa'i rdzu 'phrul dang rnam par 'phrul pa nyid la the tshom med cing dang ba nyid dang / phyin ci ma log pa'i sngags gzung ba dang bla ma la gus pa nyid dang / sangs rgyas dang byang chub sems dpa' nyid kyi sngags dang / rgyud dang spyod pa bstan pa mi slu ba bzung zhing bdog pa thams cad yongs su gtong ba nyid dang / sangs rgyas kyi zhing gnas dang gnas ma yin pa rmi lam na mthong ba rab tu ston pa la mkhas pa nyid dang / ser sna dang gnyid dang rmugs pa mtha' dag dang bral bar byed cing rtag tu brtson 'grus rtsom la/ sangs rgyas dang byang chub sems dpa' la bdag nyid 'bul bar byed pa nyid dang / mdor bsdu na dge ba'i rtsa bas chog mi shes shing go cha chen po bgos pa dang / bgegs thams cad rab tu sel bar 'dod pa nyid dang / byang chub kyi snying po gnon pa dang longs spyod chen po dang / dbang che bar grags par bdag nyid 'dod pa nyid dang dbang che bar grags pa'i gang zag la bsnyen pa dang dge ba'i bshes gnyen dang mi 'bral bar bya ba dang / byang chub sems dpa' 'jam dpal gzhon nur gyur pa la nye bar gnas pa nyid de/ chos brgyad po 'di dag dang ldan na sngags spyad pa'i don 'grub pa'i yang dag pa'i lam du 'gyur ro/ /grogs po dag mdor na byang chub kyi sems dang mi 'bral ba dang / dkon mchog gsum la dad pa dang mchog tu sdug bsngal zhing tshul khrims nyams pa la yang mi skyo ba'i yid kyis rtag tu mngon par brtson pa la/ nga'i sngags kyi le'u rab 'byam mtha' yas shing rmad du byung ba/ byang chub sems dpa'i spyod pa'i rgyu mthun pa'i yid las byung ba 'grub par 'gyur te de las gzhan du shes par bya ba ma yin no/ /rnam par rtog pa med pa'i yid du byas nas nyam sad pa'i phyir yang bsgrub par bya ba yin no/ /de nas thams cad dang ldan pa'i 'khor sangs rgyas dang byang chub sems dpa' dang rang sangs rgyas</font><hr>95.66b<br><font size=+1>

dang 'phags pa nyan thos rnams kyis byin gyis brlabs pa dag gis 'di skad du tshig rjod par byed de kye rgyal ba'i sras legs so legs so/ /sngags kyi spyod pa'i don rnam pa sna tshogs pa'i bya ba chos kyi tshul la rjes su 'jug pa dang mthun zhing chos bstan pa legs par bstan pa ni sems can thams cad kyi don gyi phyir ro/ /de nas 'jam dpal gzhon nur gyur pas chos rnam pa sna tshogs bstan pa dang rjes su mthun zhing sngags kyi spyod pa dang rjes su mthun pa legs par bstan pa nyid do/ /rgyal po chen po gang la la zhig 'dus pa'i le'u 'di klog par 'gyur ba dang / 'dzin par 'gyur ba dang / yid la byed par 'gyur ba'am/ g.yul gyi thog mar glang po che'i steng du bzhag pa dang / me tog dang bdug pa dang / dri dang / phreng ba dang / byug pa rnam pa sna tshogs kyis mchod par byed na/ de la bdag cag byin gyis rlob par byed cing phyir rgol ba dang / dgra bo dag kyang dbang du 'gyur la gzhan gyi dmag gi dpung yang gzhig par bgyi'o/ /glegs bam la bris pa byas te rang gi khyim tu bzhag na de la rigs kyi bu'am rigs kyi bu mo'am rgyal po'am rgyal po chen po'am rgyal mo'am rgyal mo chen mo'am/ dge slong ngam dge slong ma'am/ dge bsnyen nam dge bsnyen ma dag la srung ba chen po dang longs spyod chen po dang ldan pa dang / tshe ring ba nyid dang / nad med pa nyid dang / longs spyod rtag tu mngon par 'phel ba nyid kyang bgyi'o/ /de skad ces smras nas thams cad dang ldan pa'i 'khor cang mi smra bar gyur to/ /theg pa chen po sngags kyi spyod pa bstan pa'i cho ga zhib mo chen po las/ byang chub sems dpa' 'jam dpal gzhon nur gyur pa'i rnam par 'phrul pa'i le'u rab 'byam rtsa ba'i cho ga zhib mo las 'dus pa'i le'u ste dang po'o// // de nas 'jam dpal gzhon nur gyur pas thams cad dang ldan pa'i 'khor gyi dkyil 'khor la bltas nas/ /sems can thams cad kyi dam tshig la rjes su 'jug cing kun du lta ba zhes bya</font><hr>95.67a<br><font size=+1>

ba'i ting nge 'dzin la snyoms par zhugs so/ /'jam dpal gzhon nur gyur pa snyoms par zhug ma thag tu lte ba'i dkyil 'khor gyi phyogs nas 'od zer bye ba brgya stong du ma'i 'khor dang ldan pa'i 'od zer phyung ste/ sems can gyi khams thams cad kun du snang bar byas nas slar log ste/ gnas gtsang ma'i gzhal med khang snang bar byas nas 'khod par gyur to/ /de nas byang chub sems dpa' sems dpa' chen po phyag na rdo rjes 'jam dpal gzhon nur gyur pa la smras pa/ sems can thams cad kyi dam tshig la rjes su zhugs pa zhes bya ba'i dkyil 'khor gyi le'u rab 'byam gyi spyod pa sgrub pa/ sems can tha~Md kyi thun mong du gyur pa/ khyod kyi sngags kyi tshogs gang du sems can yang dag par zhugs na 'jig rten dang 'jig rten las 'das pa tha~Md kyi sngags 'grub pa yang dag par thob par 'gyur bas/ sems dpa' chen po khyod smros shig smros shig /de skad ces smras pa dang / gsang ba pa'i bdag po gnod sbyin gyi bdag po la 'jam dpal gzhon nur gyur pas mchog tu gsang ba'i dkyil 'khor gyi rgyud smras so/ /rig pa thams cad yang dag par bskul ba zhes bya ba'i rdzu 'phrul gyi rnam par 'phrul pa ston par yang byed do/ /lag pa g.yas pa bteg nas sor mo'i rtse mos 'khor gyi dkyil 'khor la ston par byed de/ sor mo'i rtse mo de las rig pa'i rgyal po bye ba khri phrag brgya stong du ma byung ste/ byung nas kyang gnas gtsang ma'i gnas kyi gzhal med khang thams cad snang ba chen pos gnas par gyur to/ /de nas 'jam dpal gzhon nur gyur pas khro bo'i rgyal po gshin rje gshed kyi snying po las thams cad byed pa dang / dpa' bo gcig pa spyan drang ba dang gshegs su gsol ba dang / zhi ba dang rgyas pa dang / mngon spyod dang mi snang ba dang / nam mkha' la 'gro ba dang / sa 'og tu 'jug pa dang / </font><hr>95.67b<br><font size=+1>

chu la mi nub par 'gro ba dang dgug pa dang / rnam par dbye ba dang dbang du byed pa dang / dri thams cad dang phreng ba dang / mar me dag kyang rang gi rgyud kyi sngags kyis sbyin par byed de/ mdor na ji lta ji ltar sbyar ba de lta de ltar sgrub par byed pa ni yi ge gsum zhes bya ba/ stobs chen po don thams cad sgrub par byed pa/ khro bo'i rgyal po'i sngags smras pa de gang zhe na/[ \u0f00] AHhU~M/ 'di ni khro bo chen po de'i snying po ste las thams cad byed pa dkyil 'khor thams cad dang sngags thams cad kyi spyod pa la sems dpa' chen po 'jam pa'i dbyangs kyis smras te/ bgegs thams cad 'jigs par byed pa'o/ /de nas 'jam dpal gzhon nur gyur pas lag pa g.yas pa bteg ste/ khro bo'i spyi bor gzhag pa byas so/ /'di skad du yang smras te/ sangs rgyas thams cad la phyag 'tshal lo/ /sangs rgyas bcom ldan 'das rnams dgongs su gsol/ gang su dag phyogs bcu'i 'jig rten gyi khams na rnam par gnas shing mtha' yas mu med pa'i rdzu 'phrul dang ldan pa'i byang chub sems dpa' rnams dam tshig la lhag par gnas par gyis shig /de skad ces smras nas/ khro bo'i rgyal po la lag pa bskor nas btang bar gyur to/ /khro bo'i rgyal po chen po btang ma thag tu thams cad dang ldan pa'i 'jig rten gyi khams dag tu song nas/ skad cig tsam gyis gang dag sdang ba'i bsam pa dang ldan pa'i sems can rdzu 'phrul che ba dag tshar bcad cing der bkug par gyur nas/ 'khor gyi dkyil 'khor chen po gnas gtsang ma'i gzhal med khang der yang dag par bcug ste/ gnas ji lta ba bzhin du gnas par byas nas sems can ma rungs pa dag la yang kun nas 'bar ba'i phreng ba'i tshogs su byas shing / spyi bo la yang dag par gnas par byas so/ /de nas 'jam dpal gzhon nur gyur pas 'khor gyi dkyil 'khor de la yang bltas nas/ </font><hr>95.68a<br><font size=+1>

sems can khyed cag thams cad nyon cig /gang yang dam tshig 'di las 'das par gyur na de la khro bo'i rgyal po 'dis chad pa gcod par 'gyur te gang gi phyir zhe na/ sangs rgyas bcom ldan 'das kyi dam tshig ni 'da' bar bya ba ma yin te/ sngags kyi don gyi tshig gsang ba byang chub sems dpa' rdzu 'phrul chen po dang ldan pa rnams kyi mdor bstan pa brjod par bya yis/ de legs par rab tu nyon la yid la zung shig dang bshad par bya'o/ /na maHsarba bud d+hA nA~M/[ \u0f00] ra ra smra ra a pra ti ha ta shA sa na/ ku mA ra rU pa d+hA ri Ne hU~M hU~M phaT swA hA/ grogs po dag 'di ni rtsa ba'i sngags yin te 'phags pa 'jam dpal zhes bya ba yin no/ /phyag rgya ni gtsug phud lnga pa zhes grags te de la rab tu sbyar bar bya'o/ /rtsa ba'i sngags 'di ni las thams cad pa zhes bya'o/ /snying po'i sngags 'di ni las thams cad byed cing shes pa yin te/[ \u0f00] bA kye daM na maH/ 'dir phyag rgyar 'gyur ba ni gtsug phud gsum zhes bya ba yin te/ longs spyod thams cad mngon par 'phel bar byed pa'o/ /'dir nye ba'i snying por 'gyur ba ni/ bAkye hU~M/ 'dir phyag rgyar 'gyur ba ni gtsug phud gsum pa zhes grags pa yin te/ sems can thams cad 'gugs par byed pa yin no/ /'dir snying po mchog tu 'gyur ba ni ma~M/ 'dir phyag rgyar 'gyur ba ni rma bya'i gdan zhes bya bar bstan pa yin te/ sems can thams cad dbang du byed pa'o/ /gzhan yang phyag rgya thams cad kyi snying po dpa' bo chen po zhes bya ba yi ge brgyad yod de/ dpal mchog tu byed pa/ dag byed chen po srid pa gsum gyi chos nye bar gcod par byed pa/ ngan 'gro thams cad zlog par byed pa/ zhi ba thams cad byed pa/ las thams cad byed pa/ mya ngan las 'das pa'i bde ba thob par byed pa/ sangs rgyas mngon sum du mthong ba bzhin du nye bar gnas pa/ byang chub sems dpa' 'jam dpal gzhon nur gyur pa nyid bzhin du nye bar gnas pa/ sems can thams cad kyi don gyi phyir/ mchog tu gsang ba'i ngo bos nye bar gnas pa re ba thams cad</font><hr>95.68b<br><font size=+1>

yongs su rdzogs par byed pa/ gang du dran pa tsam gyis mtshams med pa lnga yang yongs su sbyong bar byed na bzlas pas lta smos kyang ci dgos/ de yang gang zhe na/[ \u0f00] A bI ra hU~M/ khe tsa ra/ grogs po dag 'di ni yi ge brgyad po dpa' bo chen po zhes bya ba/ gsang ba'i snying po'i bdag nyid yin te/ sangs rgyas nyid bzhin du rab tu nye bar gnas pa yin no/ /mdor na bya ba thams cad la yon tan gyi mtha' rgya chen po brjod par ni bskal pa bye ba khri phrag brgya stong du mar yang mi nus te/ 'dir phyag rgya yang stobs po che zhes par rnam par grags pa/ re ba thams cad yongs su rdzogs pa'o/ /spyan drang ba'i sngags ni/[ \u0f00] he he ku mA ra bi shwa rU pi NI/ sarba bA la b+hA Shi ta pra bo d+ha ne/ e h+ye hi b+ha ga bAn/ e h+ye hi ku mA ra/ Tha~M Da nut+pa la d+hA ri Ne maN+Da la ma d+h+ye tiSh+Tha tiSh+Tha sa ma ya ma nu sma ra/ a pra ti ha ta shA sa nA nA~M hU~M/ mA bi baM ba ku ru phaT swA hA/ 'di ni bcom ldan 'das 'jam dpal gyi spyan drang ba'i sngags so/ /sangs rgyas thams cad dang / byang chub sems dpa' thams cad dang / rang sangs rgyas thams cad dang / 'phags pa nyan thos dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / sha za dang / srin po dang / 'byung po thams cad kyi'ang yin no/ /tsan+dan gyi chur byas te/ lan bdun bsngags nas/ phyogs bzhi dang / steng dang / 'og dang / thams cad du gtor na sangs rgyas dang / byang chub sems dpa' dang / 'jam dpal gzhon nur gyur pa rang nyid 'khor dang bcas pa thams cad dang / 'jig rten dang 'jig rten las 'das pa thams cad dang / sngags dang de bzhin du 'byung po'i tshogs dang sems can thams cad 'gugs par 'gyur ro/ /na maHsarba bud d+hA nA~M/ a pra ti ha ta shA sa nA nA~M/[ \u0f00] d+hu d+hu ra d+hu ra d+hu ma bA si ni/ d+hu ma ra tsi shi hU~M tiSh+Tha sa ma ya ma nu sma ra swA hA/ bdug pa'i sngags so/ /tsan+dan dang / ga pur dang / gur gum gcig tu byas te/ bdug pas bdugs na de bzhin gshegs pa</font><hr>95.69a<br><font size=+1>

rnams dang / byang chub sems dpa' thams cad dang / sems can thams cad bdug pas tshim zhing dgyes nas bzhugs par 'gyur ro/ /'dir yang phyag rgyar 'gyur ba ni/ /pad+ma'i phreng ba zhes grags pa/ /thams cad 'gugs byed zhi ba yin/ /spyan drang ba yi sngags la yang / /pad+ma'i phreng ba bzang po zhes/ /bya ba'i phyag rgya 'di nyid do/ /sangs rgyas dang byang chub sems dpa' thams cad dang / sems can thams cad byon pa la mchod yon dbul bar bya ste/ ga bur dang tsan+dan dang gur gum chu dang sbyar nas/ me tog ku su dang mA li ka dang / dbyar gyi me tog dang me tog pun nA ga dang me tog ba ku la dang / me tog paN+DI ta ga ru 'di dag gang yang rung ba'i me tog gam/ dus ci lta ba'i me tog dri zhim po bcug ste/ sngags 'dis mchod yon dbul bar bya'o/ na maHsarba bud d+hA nA~M/ a pra ti ha ta shA sa nA nA~M/ tad+ya thA/ he he ma hA kA ru Ni ka bi shwa rU pa d+hA ra ni/ ar+g+ham pra tIts+tsha pa ya/ sa ma ya ma nu sma ra/ tiSh+Tha tiSh+Tha/ maN+Da la ma d+h+ye pra be sha ya pra be sha ya/ sarba b+hu tA nu kaM pa ka grIh+na grIh+na hU~M/ aM ba ra bi tsA ri Ne swA hA/ 'dir yang phyag rgya ni gang ba zhes bya bar grags pa sems can thams cad dang rjes su mthun zhing brtan pa'o/ /'dir yang dri'i sngags su 'gyur ba ni/ na maHsa man+ta bud d+hA nA~M/ na maHsa man+ta gan+d+hA ba b+hA sa shri ye/ ta thA ga tA ya/ tad+ya thA/ ga ga ga na de/ gan+d+ha ma no ra the/ pra tIts+tsha pra tIts+tsha ma~M/ ga sa ma tA nu tsA ri Ni swA hA/ 'dir phyag rgyar 'gyur ba ni lo ma zhes bya ba re ba thams cad yongs su rdzogs par byed pa'o/ /'dir me tog gi sngags su 'gyur ba ni/ na maHsa man+ta bud d+hA nA~M/ a pra ti ha ta shA sa nA nA~M/ na maHsa~M ku su mi ta rA dza s+ya/ ta thA ga ta s+ya/ tad+ya thA/ ku su me ku su me ku su mA d+h+ye/ ku su ma pU ra bA si ni/ ku su ma ba ti swA hA/ bdug pa'i sngags 'di nyid dang gong du bstan pa'i bdug pas bdug par bya'o/ /sku ni rmad byung bsam mi khyab/ /sangs rgyas thams cad phyag 'tshal te/ /rdzogs sangs rgyas kyis gsungs pa yi/ /</font><hr>95.69b<br><font size=+1>

gtor ma'i sngags ni bshad par bya/ na maHsarba bud d+hA nA~M/ a pra ti ha ta shA sa nA nA~M/ tad+ya thA/ he he b+ha ga bAn/ ma hA sa twa sarbA lo ki te i ma~M ba li grIh+NA pa ya grIh+NA pa ya hU~M hU~M/ sarba bi shwa ra ra Ta Ta s+pha Ta swA hA/ 'dis ni bshos dbul bar bya ste/ 'byung po thams cad kyi gtor ma yang bya'o/ /'dir yang phyag rgyar 'gyur ba ni/ /mdung zhes bya ba ma rungs pa/ /thams cad zlog par byed pa'o/ /na maHsa man+ta bud+d+hA nA~M/ a pra ti ha ta shA sa nA nA~M/ sarba ta mo \u0f85n+d+ha kA ra bi d+hAn sa nA~M/ na maHsa man+ta dz+yo ti gan d+hA ba b+hA sa shri ye/ ta thA ga tA ya/ tad+ya thA/ he he b+ha ga bAn/ dz+yo ti ra smi sha ta sa ha sra pra ti maN+Di ta sha rI ra bi kurba bi kurba ma hA bo d+hi sa twA sa man+ta dz+wa lod d+yo ti ta mUr ti khurda khurda/ a ba lo ka ya/ a ba lo ka ya mAn/ baM sarba/ sa twA nA~M tsa swA hA/ mar me'i sngags te 'dis mar me dbul bar bya'o/ /kha bye ba zhes bya ba'i phyag rgya ni/ sems can kun gyis mthong ba'o/ /na maHsa man+ta bud d+hA nA~M/ a pra ti ha ta shA sa nA nA~M/ tad+ya thA/ dz+wa la dz+wa la/ dz+wa lA ya dz+wa lA ya/ hU~M bi b+ho da ka ha ri krISh+Na ping+ga la swA hA/ me'i bya ba byed pa'i sngags so/ /'dir yang phyag rgyar 'gyur ba ni/ /sems can kun la 'od gsal byed/ /kha sbyar zhes byar 'jig rten grags/ /byang chub sems dpa' blo ldan gyir/ /thub pa mchog gis sngon bshad pa'o/ /de nas 'jam dpal gzhon nur gyur pas byang chub sems dpa' phyag na rdo rje la smras pa gsang ba pa'i bdag po sngags kyi tshig 'di ni gsang ba dang bcas shing mchog tu gsang bar bya ba yin te/ khyod bu 'jig rten rnams grags pa'i/ /mi bzad pa ni gang yin pa/ /sngags rnams dag ni thams cad kyis/ /mkhas pa rnams kyis bsgrubs pa ste/ /spyi bo'i gdu bu zhes grags pa/ /rdo rje pad+ma'i rigs kyang yin/ /de ni rnam par gzhig bya'i phyir/ /rig pa 'di ni yang dag brjod/ /</font><hr>95.70a<br><font size=+1>

na maHsa man+ta bud d+hA nA~M/ a pra ti ha ta shA sa nA nA~M/[ \u0f00] ka ra ka ra/ ku ru ku ru/ ma ma kAr+ya~M b+hany+dza b+hany+dza/ sarba big+h+na da ha da ha sarba badzra bi nA ya kan/ m+'ur d+ha dzI b-i tAn+ta ka ra ma hA bi krI ta r+'u pa d+hA ri Ni/ pa tsa pa tsa sarba duSh+TA na/ ma hA ga na pa ti dzI bi tAn+ta ka ra ban d+ha ban d+ha sarba gra hAn/ ShaT mu kha ShaT b+hu dza/ ShaT tsa ra Na ru dra mA na ya/ biSh+Nu mA na ya bra d+ya de ba mA na ya mA bi baM ba/ la hu la hu maN+Da la ma d+h+ye pra be sha ya/ sa ma ya ma nu sma ra hU~M hU~M hU~M hU~M hU~M hU~M s+pha Ta s+pha Ta swA hA/ gsang ba pa'i bdag po 'di ni 'jam dpal gzhon nur gyur pa'i mchog tu gsang ba'i sngags chen po gdong drug pa zhes bya ba yin te/ khro bo'i rgyal po bgegs thams cad 'jig par byed pa ste/ 'di brjod pa tsam gyis sa bcu'i dbang phyug la gnas pa'i byang chub sems dpa' yang 'jigs par byed pa yin na/ bgegs ma rungs pa lta smos kyang ci dgos 'di brjod pa tsam nyid kyis srung ba chen po byas par 'gyur ro/ /'dir yang phyag rgyar 'gyur ba ni/ /nag po chen po zhes bya ba'i/ /bgegs rnams thams cad 'jig byed pa'o/ /'di nyid kyi khro bo'i rgyal po'i snying po ni/[ \u0f00] hrIHSh+TIHbi krI tA na na hU~M sarba sha tru~M nA sha ya sta~M b+ha ya phaT phaT swA hA/ sngags 'di brjod pas dgra thams cad zug gzer chen po dang / nad chen po dang nyin bzhi pa'i rims kyis thebs par 'gyur ro/ /rtag tu dga' ba med pa dang / byams pa med pa dang / snying rje'i sems thob par mi 'gyur te/ bzlas pa zin gyi bar du grol bar mi 'gyur zhing 'chi bar 'gyur ro/ /dkon mchog gsum la gnod pa byed pa dag la bya'i/ zhi ba'i sems yod pa gzhan dag la ni ma yin no/ /phyag rgya ni rtse gsum chen po zhes bya ba sbyar bar bya'o/ /'dir nye ba'i snying por 'gyur ba ni/[ \u0f00] tri kA la rU pa hU~M kha~M swA hA/ phyag rgya ni rtse gsum chen po zhes bya ba nyid sbyar bar bya'o/ /ma rungs pa thams cad la gang 'dod pa de byed par 'gyur ro/ /snying po'i mchog sangs rgyas thams cad</font><hr>95.70b<br><font size=+1>

kyis byin gyis brlabs pa'i yi ge gcig pa zhes bya'o/ /hU~M/ 'di ni las thams cad byed pa'o/ /phyag rgya yang rtse gsum chen po zhes bya bar sbyar bar bya'o/ /phung khrol thams cad zlog par byed pa/ 'byung po thams cad dbang du byed pa ste/ mdor na khro bo'i rgyal po 'di ni las thams cad la sbyar bar bya'o/ /dkyil 'khor gyi dbus su bzlas pa byas na grub pa'i dus su khyad par du 'phags par 'gyur ro/ /'dir gshegs su gsol ba'i sngags su 'gyur ba ni/ na maHsarba bud d+hA nA~M/ a pra ti ha ta shA sa nA nA~M/ tad+ya thA/ dza ya dza ya su dza ya/ ma hA kA ru Ni ka bi shwa rU pi Ni gats+tsha sarba bud d+hAsh+tsa/ bi sar dza ya sa pa rI pA ram swa b+hA ba nA~M tsa pra be sha ya sa ma ya ma nu sma ra sarbA sh+tsa me sid d+h+yan+tu man+t+ra pa da ma no ra thany+tsa/ me pa ri pU ra yan+tu swA hA/ 'di ni gshegs su gsol ba'i sngags te/ las thams cad la sbyar bar bya'o/ /phyag rgya ni bzang po'i gdan zhes bya ba yin te/ 'dis gdan la yang sbyar bar bya'o/ /yid kyis bzlas pa bdun byas te gshegs su gsol lo/ /'jig rten dang 'jig rten las 'das pa thams cad kyi dkyil 'khor dang sngags dang sngags grub pa dag dang / dam tshig dang / bzlas pa dang / dus dang nges par sdom pa dag la yang sbyar bar bya'o/ /de nas 'jam dpal gzhon nur gyur pas gnas gtsang ma'i gzhal med khang la yang bltas te/ 'khor gyi dkyil 'khor chen po dang / rang gi rig pa'i tshogs kyi sngags kyi le'u rab 'byam smras so/ /na maHsa man+ta bud d+hA nA~M/ a pra ti ha ta gA trA NA~M/[ \u0f00] ri Ti ni swA hA/ 'di ni 'jam dpal gyi rjes su 'brang ba skra can ma zhes bya ba'i rig pa/ las thams cad byed pa/ phyag rgya chen po gtsug phud lnga zhes bya ba dug gi las thams cad la sbyar bar bya'o/ /na maHsarba bud d+ha nA~M/ a pra ti ha ta shA sa nA nA~M/[ \u0f00] ni ti Ti/ 'di ni nye ba'i skra can ma zhes bya ba'i rig pa yin te las thams cad byed pa'o/ /phyag rgya ni kha bye ba zhes bya ba gza' thams cad kyi las</font><hr>95.71a<br><font size=+1>

la sbyar bar bya'o/ /na maHsa man+ta bud d+hA nA~M/ a pra ti ha ta ga tI nA~M/ baM ni/ rig pa 'di ni pad+ma can zhes bya ste/ las thams cad byed cing dge ba'o/ /phyag rgya bzang po'i gdan zhes bya ba dang ldan pas gnod sbyin mo nges par dgug par bya'o/ /na maHsa man+ta bud d+hA nA~M/ a tsin t+yAd b+hu ta rU pI NA~M/[ \u0f00] Sh+Tai Sh+Tai swA hA/ phyag rgya mdung ni bsdam pa yis/ mkha' 'gro ma rnams 'joms par byed/ /sangs rgyas dag ni thams cad kyis/ /thams cad gzugs can rab bsngags pa/ /rig pa thod can zhes bya ba/ /'jam pa'i dbyangs kyis bshad pa yin/ /na maHsa man+ta bud d+hA nA~M/ a pra ti ha ta tsa rI NA~M/ tad+ya thA/[ \u0f00] ba ra de swA hA/ phyag rgya gtsug phud gsum nyid ni/ /dpal sbyin byed pas sbyar bar bya/ /gzugs mnga' 'chang ba lha mo ni/ /myur du longs spyod sgrub byed pa'o/ /na maHsa man+ta bud d+hA nA~M/ a tsin t+yAd b+hu ta rU pI NA~M/[ \u0f00] b+hu ru swA hA/ phyag rgya mdung rtse yang dag sbyar/ /rims nad thams cad rnam 'jig yin/ /na maHsa man+ta bud d+hA NA~M/ a tsin t+yAd b+hu ta rU pI NA~M/[ \u0f00] tA re swA hA/ rig pa phug ron zhes bya ba/ /las rnams kun la rab tu bsngags/ /phyag rgya mdung dang ldan pa yis/ /bgegs ni 'joms par byed pa yin/ /na maHsa man+ta bud d+hA nA~M/ a tsin t+yAd b+hu ta rU pI NA~M/ tad+ya thA/[ \u0f00] bi lo ki ni swA hA/ /rig pa snang ldan zhes bya ba/ /'jig rten thams cad dbang du byed/ /bde ba thams cad sbyin byed pa/ /gdong gi phyag rgya sbyar bar bya/ na maHsa man+ta bud d+hA nA~M/ a tsin t+yAd b+hu ta rU pI NA~M/ tad+ya thA/[ \u0f00] bi shwe bi shwe sa~M b+hA be bi shwa rU pI Ni ka ha ka ha A be shwa be sha sa ma ya ma nu sma ra ru ru tiSh+Tha swA hA/ rig pa chen po stobs chen 'di/ /'jig rten 'dren pas bstan pa ste/ /mche ba'i phyag rgya ldan byas na/ /</font><hr>95.71b<br><font size=+1>

sems can thams cad 'bebs shing dge/ /'byung po kun la mchog sbyin pa/ /thams cad ces ni yang dag bsgrags/ /na maHsa man+ta bud d+hA nA~M/ a tsin t+yAd b+hu ta rA pI nA~M/[ \u0f00] shwe te shrI ba su swA hA/ rma bya'i gdan gyi phyag rgya yis/ /rnam dgod las ni thams cad byed/ /dkar mo chen mo zhes bya ba/ /rmad byung bsam med gzugs can te/ /'jig rten rnams kyi skal ldan byed/ /skyes pa bud med dbang du 'gyur/ /na maHsa man+ta bud d+hA nA~M/ a tsin t+yAd b+hu ta rU pI NA~M/ tad+ya thA/[ \u0f00] khi khi ri khi ri b+hang gu ri sarba sha truM sta~M b+ha ya dzam b+ha ya mo ha ya ba sha mA na ya swA hA/ rig pa 'di ni rig chen po/ /rnal 'byor ma zhes rab tu bstan/ /phyag rgya gdong gsum sbyar byas na/ /ma rungs sems can 'dul bar byed/ /na maHsa man+ta bud d+hA nA~M/ a pra ti ha ta shAk+ti pra tsa rI NA~M/ tad+ya thA/[ \u0f00] shrIH/ rig pa 'di ni dpal chen mo/ /'jig rten mgon gyis bstan pa ste/ /phyag rgya kha sbyar sbyar byas na/ /rgyal srid chen po sbyin byed pa'o/ /na maHsa man+ta bud d+hA nA~M/ sarba satwA b+ha ya pra da yi nA~M/[ \u0f00] a dzi te ku mA ra rU pI NI e h+ye hi A gats+tsha ma ma kAr+yaM ku ru swA hA/ rgyal byed ma zhes rnam grags pa/ /gzhon nu bdud rtsi las byung ba/ /rdzogs pa'i phyag rgya ldan pa yis/ /dgra rnams thams cad zlog par byed/ /na maHsa man+ta bud d+hA nA~M/ a tsin t+yAd b+hu ta rU pI NA~M/ tad+ya thA/[ \u0f00] dza ye swA hA/ bi dza ye swA hA/ a dzi te swA hA/ a pa rA dzi te swA hA/ sring mo bzhi zhes rnam grags pa/ /byang chub sems dpa'i rjes 'gro ba/ /sa rnams thams cad kun 'gro zhing / /kun la rjes su 'dzin byed pa'o/ /ming po gtum bu ru zhes grags/ /'di dag gi ni rjes su 'brang / /gru yi bzhon pa la zhon nas/ /rgya mtsho la ni gnas pa yin/ /khu tshur phyag rgya bcings pa yis/ /bsam pa thams cad yongs rdzogs byed/ /na maHsa man+ta bud d+hA nA~M/ lo kA grA d+hi pa tI nA~M/ tad+ya thA/[ \u0f00] ku mA ra ma hA ku mA ra kri Da kri Da/ shaM mu kha bo d+hi satwA</font><hr>95.72a<br><font size=+1>

nu dz+nyA ta/ ma yU rA sa na/ shak+to d+ya ta pA Ne/ ra ga rak+ta gan d+hA nu le pa na pri ya/ kha kha khA hi khA hi hU~M nrI t+ya nrI t+ya/ rak+ta puSh+pA rtsi ta mUrti sa ma ya ma nu sma ra/ b+h+ra ma b+h+ra ma/ b+h+rA ma ya b+h+rA ma ya/ lA hu lA hu mA bi lam+ba sarba kA Ni me ku ru ku ru/ bi tsi tra rU pa d+hA ri NA~M/ tiSh+Tha tiSh+Tha hU~M sarba bud d+hA nu dz+nyA ta swA hA/ skyob pa byang chub sems dpa' ni/ /'jam pa'i dbyangs kyis bshad pa na/ /sa rnams ma lus rnam drug tu/ /kun nas yongs su rab tu g.yos/ /sems can kun gyi don phyir dang / /ma rungs sems can zlog pa'i phyir/ /mi bzad dbang phyug bu'i gzugs su/ /gdul ba'i don du 'dir ston te/ /skem byed dang ni mig dmar gyi/ /phyag mtshan gyis ni mtshon pa ste/ /snying rjes thugs ni brlan pa yis/ /'jam pa'i ngag gis gsungs pa yin/ /sems dpa'i nang na bdag nyid che/ /byis pa rnams la phan byed gang / /sems can spyod phyir brtson pa ni/ /'gro ba kun la rnam par spyod/ /phyag rgya mdung dang ldan pa yis/ /bdag nyid chen pos sbyar na ni/ /tshangs pa sogs pa'ang 'gugs byed na/ /mi rnams la ni smos ci dgos/ /gzhon nu'i sems su mtha' dag ni/ /bsdus nas yongs su bshad par bya/ /smin drug bu dang 'jam dpal gyi/ /sngags su 'di ni yang dag bstan/ /sems can rjes su gzung ba'i phyir/ /byang chub sems dpar 'di ston to/ /yig gsum zhes bya'i snying po ni/ /'di yi sngags su brjod pa yin/ /sems can kun la phan pa'i phyir/ /longs spyod 'dren pa'i mchog de yin/ /phyag rgya mdung dang ldan pa yis/ /bkod na las kun byed pa yin/ /\u0f00 hU~M dz+dzaH/ sngags 'di mdo ru bsdu byas na/ /mi rnams kyi ni don byed do/ /na maHsa man+ta bud d+hA nA~M/ sa man+ta d+yo ti ta mU rtI nA~M/[ \u0f00] bi krI ta gra ha hU~M phaT swA hA/ 'di yang nye ba'i snying po ste/ /de bzhin phyag rgya mdung ldan pas/ /</font><hr>95.72b<br><font size=+1>

'byung po thams cad 'gugs byed cing / /de bzhin gza' dang ma mor bcas/ /phyag rgya kun gyis phyag rgya la/ /bkod na 'bras bur bcas par 'gyur/ /'byung po rnams ni dngangs byed cing / /ma rungs 'jug pa zlog par byed/ /'jam dpal gzhon nur gyur pa 'di'i gdong drug gi bu zhes bya ba'i 'jam dpal gzhon nu'i rjes su 'brang ba ste/ las thams cad byed pa ste/ bzlas pa tsam kho nas las thams cad byed par 'gyur ro/ /'byung po thams cad dngangs par byed pa dang / skrag par byed pa dang / 'gugs par byed pa dang / dbang du byed pa dang skem par byed pa dang / 'jig par byed pa dang rig pa 'dzin pa ji ltar 'dod pa de thams cad sgrub par byed pa'o/ /na maHsa man+ta bud d+hA nA~M/ a pra ti ha ta shA sa nA nA~M/ tad+ya thA/[ \u0f00] brash+pu brash+pu bar tsa sa shAn+tiM ku ru swA hA/ sngags 'di tshangs pa chen po ste/ /byang chub sems dpas bshad pa yin/ /'byung pos zhi gyur rab tu thob/ /skad cig nyid la bsil bar gyur/ /phyag rgya gtsug phud lnga sbyar na/ /myur du dge legs thob par 'gyur/ /mngon spyod dag ni thams cad la/ /srid srung gi ni rig byed 'dod/ /'di ni mdor bsdu bstan pa ste/ /'di yi cho ga bsdus pa yin/ /na maHsa man+ta bud d+hA nA~M/ a pra ti ha ta shA sa nA nA~M/ tad+ya thA/[ \u0f00] ga ru Da bA ha na tsa kra pA Ni/ tsa tur b+hu dza hU~M hU~M sa ma ya ma nu sma ra/ b+ho d+hi satwa A dz+nyA pa ya ti swA hA/ 'jam pa'i dbyangs kyis bka' stsal pa/ /zhi ba'i don ni myur byed yin/ /'byung po rnams ni rnam 'jig cing / /khyab 'jug gzugs kyi lus can yin/ /phyag rgya gtsug phud gsum sbyar na/ /las rnams kun byed brtan pa yin/ /gang dag khyab 'jug rgyud la ni/ /bya ba rgya cher bstan pa dag /thabs kyis gdul bya'i sems can la/ /'jam pa'i dbyangs kyis bshad pa yin/ /na maHsa man+ta bud d+hA nA~M/ a pra ti ha ta shA sa nA nA~M/ tad+ya thA/[ \u0f00] ma hA ma he shwa ra b+hU</font><hr>95.73a<br><font size=+1>

tA d+hI pa ti brI Sha b+ha d+h+wa dza pra baM ba dza TA dza Ta mu ku Ta d+hA ri Ne/ si ta b+hasma d+hu sa ri ta mUrti hU~M hU~M phaT phaT bo d+hi sa twa Adz+nyA pa ya ti swA hA/ sems can rnams la phan 'dod pas/ /sngags 'di bdag gis smras pa ste/ /phyag rgya mdung rtse gsum sbyar na/ /'byung po thams cad rnam 'jig pa'o/ /bdag gis sngon ni gang bstan pa/ /'di yi cho ga sngon byung ba/ /sems can sa steng gnas pa la/ /zhi ba pa zhes brjod pa ste/ /yon tan sna tshogs rgya che ba/ /zhi ba'i rgyud las nga yis bstan/ /na maHsa man+ta bud d+hA nA~M/ a pra ti ha ta shA sa nA nA~M/ tad+ya thA/[ \u0f00] shA ku na ma hA shA ku na/ pad+ma bi dA ta pa k+Sha sarba pan+nA ga na shA ga kha kha khA hi khA hi sa ma ya ma nu sma ra hU~M tiSh+Tha bo d+hi sa twa A dz+nyA pa ya ti swA hA/ sngags 'di'i mthu ni chen po ste/ /nam mkha' lding zhes rnam par grags/ /gdul dka' 'dul byed rnams kyi mchog /gdengs ka can gyi dug rnams 'joms/ /phyag rgya che dang sbyar byas na/ /phung khrol shin tu mi bzad 'joms/ /gnas dang 'gro ba'i dug dag ni/ /gso bar byed la the tshom med/ /sems can gdul bya'i thabs su ni/ /byang chub sems dpa'i yang dag bka'/ /nam mkha' lding gzugs sa la spyod/ /'dab chags dbang po 'od chen ldan/ /ci srid nam mkha' lding rgyud du/ /cho ga rgya cher bstan de dag /sems can rnams la phan pa'i phyir/ /thams cad nga yis bstan pa ste/ /byang chub sems dpa' nam mkha' lding / /dul ba'i don du 'di bstan to/ /gdengs can dug ni gzhom bya'i phyir/ /'dab chags tshul gyis rnam par rgyu/ /'jig rten sngags ni ji srid pa/ /cho ga 'di ni bstan pa na/ /sems can gdul bya'i don du ni/ /de lta de ltar rnam par rgyu/ /gang yang de bzhin gshegs sngags dang / /rdo rje pad+ma'i rigs dag kyang / /nga yis cho ga rab 'byam dang / /mdo dag kyang ni bstan pa yin/ /ji ltar ma mo mang po ni/ /'bad pas byis pa rnams srung ba/ /de bzhin byis pa'i blo can la/ /sngags kyi tshul gyis nga yis bshad/ /sngon ni stobs bcu ldan pas bstan/ /da ni nga yis bstan pa yin/ /</font><hr>95.73b<br><font size=+1>

sngags rgyud don ni ma lus pa/ /'od chen gzhon nus bstan pa yin/ /rgyal ba mchog gis gang gsungs dang / /stobs bcu ldan pa'i sras gsungs dang / /rmad byung bsam mi khyab tshul gyis/ /'jam dbyangs kyis gsungs de dag go /de nas 'jam dpal gzhon nur gyur pas thams cad dang ldan pa'i gnas gtsang ma'i gzhal med khang dang / 'khor gyi dkyil 'khor chen po la gzigs nas/ dam tshig thams cad yang dag par bskul ba zhes bya ba'i ting nge 'dzin la snyoms par zhugs so/ /gang du ting nge 'dzin la snyoms par zhugs pa na sems can mtha' dag gi sgrub pa'i spyod pa sems la rab tu zhugs par gyur to/ /'jam dpal gzhon nur gyur pa snyoms par zhugs ma thag tu thams cad dang ldan pa'i gnas gtsang ma'i gzhal med khang nor bu rin po che sna tshogs pa'i rgyan bkod pa'i dkyil 'khor du gyur te/ bsam gyis mi khyab cing rmad du byung ba'i byang chub sems dpa'i rnam par 'phrul pa rang sangs rgyas thams cad dang / 'phags pa nyan thos dang / byang chub sems dpa' spyod pa la zhugs pa dang / sa bcu'i dbang phyug la gnas pa dag gis kyang dkyil 'khor de bri ba'am 'drir gzhug par mi nus na so so'i skye bor gyur pa'i sems can gyis lta smos kyang ci dgos/ 'phags pa'i dkyil 'khor bzang po de grub pa'i gnas skabs la gnas pa 'jam dpal gzhon nur gyur pas gzigs nas/ sangs rgyas bcom ldan 'das thams cad dang / rang sangs rgyas thams cad dang / 'phags pa nyan thos thams cad dang / byang chub sems dpa' sa bcu la rab tu gnas pa/ rgyal tshab tu dbang bskur ba thams cad dang / spyod pa la zhugs pa thams cad dang / zag pa dang bcas pa dang / zag pa med pa thams cad 'jam dpal gzhon nur gyur pa'i byin gyis brlabs kyis sangs rgyas dang / byang chub sems dpa'i mdzad pa bsam gyis mi khyab pa'i rgyu mthun pa dang ting nge 'dzin gyi khyad par gyi thugs las byung ba'i dkyil 'khor la zhugs par bdag</font><hr>95.74a<br><font size=+1>

nyid kyis yang dag par shes par gyur to/ /sems can so so'i skye bo'i yid kyis kyang de dmigs par mi nus na bri ba'am 'drir 'jug pa lta smos kyang ci dgos/ de nas 'jam dpal gzhon nur gyur pas dkyil 'khor chen po bzang po de la rab tu zhugs pa'i sems can de dag la smras pa/ grogs po dag nyon cig 'di ni de bzhin gshegs pa rnams dang / byang chub sems dpa' rnams kyis 'da' bar bya ba ma yin na/ sems can gzhan 'phags pa dang / 'phags pa ma yin pa rnams kyis lta smos kyang ci dgos/ de nas 'jam dpal gzhon nur gyur pas gsang ba pa'i bdag po phyag na rdo rje la smras pa/ kye rgyal ba'i sras mi las 'das pa'i dkyil 'khor dam pa/ yid las byung ba ni bstan to/ /mi rnams kyi dkyil 'khor bstan par bya ste/ de bzhin gshegs pa rnams yongs su mya ngan las 'das na'ang / sems can rnams gang du yang dag par zhugs na/ 'jig rten dang 'jig rten las 'das pa'i sngags thams cad 'grub par 'gyur ro/ /de nas gsang ba pa'i bdag po lag na rdo rjes 'jam dpal gzhon nur gyur pa la smras pa/ rgyal ba'i sras gang de dus la bab par shes na gsungs shig gsungs shig /shAkya seng ge mgon po ni/ /yongs su mya ngan 'das 'og na/ /sems can rnams kyi sangs rgyas nyid/ /sa steng khyod kyi dkyil 'khor byed/ /mthong ba tsam gyis 'jig rten na/ /sngags ni rab tu 'grub par 'gyur/ /mi shes cho ga nyams pa'am/ /dam tshig bdag por ma gyur na/ /bdag nyid chen po tshangs pa yang / /sngags rnams 'grub par mi 'gyur ro/ /sngags la dad pa med pas ni/ /'bad pa du ma byas gyur kyang / /sngags rnams 'grub par mi 'gyur bas/ /ma rungs dam tshig mi bstan to/ /</font><hr>95.74b<br><font size=+1>

dam tshig sbyor ba nyams pa ni/ /rab 'byam brgya byin yin na yang / /sngags rnams 'grub par mi 'gyur na/ /mi rnams smos kyang ci zhig dgos/ /dam tshig bstan bcos de nyid shes/ /las kyi spyod pa sgrub pa la/ /'jig rten 'jig rten 'das pa yi/ /sngags rnams thams cad 'grub par 'gyur/ /'jam pa'i dbyangs kyi dkyil 'khor ni/ /las kun byed la rab zhugs na/ /bstan pa la ni gzhon nu bzhin/ /sngags rnams 'grub par 'gyur ba yin/ de nas gsang ba pa'i bdag po lag na rdo rjes sems dpa' chen po de la gsol ba btab pa/ kye sems can chen po sems can gyi don gyi phyir mdor bsdus pa'i dkyil 'khor gsungs shig ces so/ /gsang ba pa'i bdag pos de skad ces smras pa dang / 'jam dpal gzhon nur gyur pas sems can gyi don gyi phyir/ dkyil 'khor gyi cho ga smras pa/ re zhig dang po cho 'phrul gyi zla phyed dam dpyid zla 'bring po 'am dpyid zla tha chungs sam zla ba yar ngo'am/ nyin zhag dge ba dang gza' bzang po bltas te/ rgyu skar bzang po dang ldan pa yar ngo'i tshes gcig dang / zla ba nya ba'am dus gzhan la dbyar gyi dus spangs la/ snga dro sa byin gyis brlab par bya ste/ gang du grong khyer chen po la brten pa'am/ dkyil 'khor gyi slob dpon rang nyid 'dug par bya'o/ /rgya mtsho chen por 'jug pa'i gnas sam/ rgya mtsho'i ngogs dang nye ba'i grong khyer chen po'i byang shar gyi phyogs su ha cang yang mi ring ha cang yang mi nye bar dkyil 'khor gyi slob dpon song ste lo ma'i spyil bu byas pa la zhag bdun nam zla ba phyed kyi bar du gcig pu rab tu gnas par bya ste/ gang gnas de dag tu'ang gtsang ma'i sa phyogs rdo ba med pa/ gyo mo dang thal ba dang sol ba dang / /phub ma dang rus pa spangs pa shin tu gtsang ba shin tu yongs su sbyangs pa'i sa phyogs su srog chags med pa'i chu la ba'i rnam lnga'am/ tsan+dan dang ga pur dang / gur gum gyi chus bsres pa</font><hr>95.75a<br><font size=+1>

khro bo gshin rje gshed kyi sngags stong rtsa brgyad bzlas te/ gtsug phud lnga'i phyag rgya chen po dang ldan pas sa phyogs der phyogs bzhi dang steng dang / 'og dang thad ka dang phyogs mtshams thams cad du bsang gtor bya'o/ /de nas phyogs der kun nas gru bzhir khru bcu drug gam khru bcu gnyis sam khru brgyad pa bya ste/ de la chen po ni khru bcu drug pa'o/ /'bring ni khru bcu gnyis pa'o/ /chung ngu ni khru brgyad pa'o/ /dkyil 'khor 'di ni rnam pa gsum/ /thams cad gzigs pas gsungs pa yin/ /rgyal po 'dod pas chen po ste/ /'bring ni longs spyod 'phel byed pa/ /chung ngu'i dam tshig yang dag srung / /las rnams kun byed zhi ba yin/ /de dag las yid la gang 'dod pa'i dkyil 'khor bri ba ni de la sa phyogs der khru do tsam brkos la/ der rdo ba dang sol ba dang thal ba dang rus pa dang skra la sogs pa dang / srog chags kyi rigs rnam pa sna tshogs gal te mthong na/ sa'i phyogs gzhan du brko ba byas na gnod pa med pa dang 'tshe ba med par 'gyur ro/ /ri bo'i rtse mo dang chu bo'i ngogs dang rgya mtsho'i 'gram dang chu bo chen po'i ngogs su bye ma'i phung po chen po rnams 'bad pas/ shin tu so sor brtags te/ shin tu gtsang ba dang srog chags med par byas la bri bar bya'o/ /sa phyogs de yang srog chags med pa'i chu la ba'i rnam lnga bsres te/ chu bo'i klung gis gtsang ma'am/ grog mkhar gyi sa gang du srog chags med pa'i sa des dgang bar bya'o/ /bkang nas kyang legs par brdungs te kun nas mnyam par byas la dkyil 'khor rnam pa gsum gang 'dod par bya'o/ /seng ldeng gi phur ba bzhi la khro bo'i rgyal po'i sngags lan bdun bzla zhing phyogs bzhir gdab bo/ /tshon sna lnga'i skud pa la khro bo'i snying po lan bdun bzlas pa byas te/ dkyil 'khor phyogs bzhi kun nas bskor bar bya'o/ /de bzhin du dbus kyi gnas su nang du yang zur bzhir bya'o/ /dbus na gnas pa'i dkyil 'khor gyi slob dpon gyis rang gi rig pa rtsa ba'i sngags stong rtsa brgyad bzla bar bya'o/ /gtsug phud lnga'i phyag rgya</font><hr>95.75b<br><font size=+1>

chen po bcings nas rtsa ba'i sngags kyis grogs po dang / bdag nyid bsrung bar byas la/ sngags zlo bzhin du dkyil 'khor gyi phyi rol tu byung ste/ dkyil 'khor de la g.yas su bskor ba byas nas kha shar phyogs su bltas te/ ku sha'i stan la 'dug par bya'o/ /sangs rgyas dang byang chub sems dpa' thams cad yid la byas te/ dkyil 'khor de'i gru bzhi kun du ku shas bskor zhing dgram par bya'o/ /de nyid kyi phyi rol du yang ba rnams zhag gcig gnas pas bsnyal zhing dbyung bar bya'o/ /de la dkyil 'khor gyi slob dpon gyis sngon du bya ba rnams byas nas rang gi rgyud kyi sngags la mkhas pa dang / sems can gyi don gyi thabs kyi phyir theg pa chen po la mos pa dang / zhag gcig smyung bar byas pa dang grogs bzang po dang ldan pa dang / bstan bcos sna tshogs kyi las mthong bas/ tshon sna lnga'i phye ma zhib mo shin tu gsal zhing legs par sbyar bar byas la/ yi ge drug pa'i snying po mngon par bzlas pa'i phye ma dkyil 'khor gyi dbus su gzhag par bya'o/ /phyi rol du yang rgyal mtshan dang ba dan bsgreng ba dang rta babs bzhis brgyan pa chu shing 'bras bu'i tshogs kyis g.yur za ba dang rnga bo che dang rdza rnga brdung ba dang dung gi sgra dang dga' ba dang / bkra shis pa'i sgra sgrogs pa dag bya'o/ /zur bzhi nas chos mnyan pa dag la bshad par bya'o/ /phyogs bzhir theg pa chen po'i mdo sde bklag par bya ba la 'di lta ste/ bcom ldan 'das yum shes rab kyi pha rol tu phyin pa lho phyogs su bklag par bya'o/ /'phags pa zla ba'i sgron ma'i ting nge 'dzin nub phyogs su bklag par bya'o/ /'phags pa sdong pos brgyan pa byang phyogs su bklag par bya'o/ /'phags pa gser 'od dam pa'i mdo sde shar phyogs su bklag par bya'o/ /glegs bam dag med na mdo sde bzhi po shes pa'i gang zag chos 'chad pa po la chos mnyan pa'i phyir bskul bar bya'o/ /de nas dkyil 'khor gyi slob dpon langs nas tsan+dan dang ga pur dang gur gum bsres pa'i me tog dri zhim pa dkar po la rtsa ba'i sngags bzlas te/ dkyil 'khor de thams cad du chal bar dgram par bya'o/ /mngon par</font><hr>95.76a<br><font size=+1>

bkram pa byas nas phyi rol tu byung ste/ zhag bdun gyi bar du 'dod pa'i kha zas bsten pa'i ri mo mkhan gnyis sam gsum byang chub tu sems bskyed pa gso sbyong nye bar bsten pa mkhas pa dag bcug ste/ rtsa ba'i sngags kyis gtsug phud bcing ba byas la/ de nas gser dang dngul dang zangs dang rin po che rnam pa sna tshogs las tshon sna lnga shin tu mdzes pa yid du 'ong ba'i phye ma zhib mo rab tu blangs te longs spyod chen po dang ldan pa dang chos dang ldan pa'i rgyal po dag 'drir gzhug pa byas na/ dkyil 'khor mthong ba tsam gyis nges par byang chub 'thob pa yin na/ sngags sgrub par byed pa lta smos kyang ci dgos/ shAkya'i skyes mchog 'das gyur nas/ /sems can bsod nams chung ba la/ /'di 'dra'i longs spyod ga la yod/ /de bas cho ga 'di bstan bya/ /'jam dbyangs 'od chen ldan pa yis/ /skye bo phongs par gzigs nas ni/ /nyung zhing dkyil bsdus dkyil 'khor ni/ /mdor bsdus nas ni bstan pa yin/ /'bras sA lu dang thug po che'i phye ma shin tu zhib pa'i tshon sna lnga bzang po/ /dkar ba dang ser ba dang dmar ba dang nag po dang ljang gu dag gis bsgyur te/ sngar bzhag pa'i tshon gyi phye ma slob dpon rang gis blangs nas/ gtsug phud lnga'i phyag rgya chen po bcings te/ rtsa ba'i sngags kyi bzlas pa byas nas phye ma de la phyag rgya bcing ngo / /sgrub pa'i grogs mchog gi slob dpon gyis dkyil 'khor gyi phyi rol shar lho mtshams kyi phyogs su cho ga mthong ba'i las kyis thab khung bya ste/ rgyar khru do la zabs su khru gang ba kun nas 'khor bar pad+ma'i ze ba 'dra ba/ phyi rol yang pad+ma'i ze ba 'dra ba shing pa la sha'i yam shing gis me sbar bar bya/ shing bil ba'i yam shing mtho gang tsam rlon pa la zho dang sbrang rtsi dang / mar la btags pa la rtsa ba'i sngags 'bru drug pa'am snying pos khu tshur gyi phyag rgya bcings te me lha spyan drang bar bya'o/ /spyan drangs nas sngar bstan pa nyid kyi rtsa ba'i sngags yi ge gcig pa'i snying pos phyir yang brgya rtsa brgyad</font><hr>95.76b<br><font size=+1>

sbyin sreg bya'o/ /de nas dkyil 'khor gyi slob dpon gyis cod pan dang 'tshog chas byas nas bdag nyid dang ri mo mkhan yang rtse gcig par byas nas sbyin sreg byed du gzhug go /de nas dkyil 'khor gyi slob dpon sangs rgyas dang byang chub sems dpa' rnams yid la byas te/ sngar bstan pa'i bdug pas bdugs nas thal mo sbyar te byang chub sems dpa' thams cad la rab tu btud nas/ 'jam dpal gzhon nur gyur pa la yang phyag byas te/ tshon gyi phye ma blangs nas sku'i gzugs kyis bcad pa la/ ri mo mkhan gyis yongs su rdzogs par bya'o/ /cho ga 'di dag gis dang por sangs rgyas bcom ldan 'das shAkya thub pa nyid rnam pa thams cad kyi mchog dang ldan pa/ seng ge'i khri la bzhugs pa gnas gtsang ma'i gzhal med khang na chos ston cing bzhugs pa bri bar bya'o/ /dkyil 'khor gyi slob dpon ri mo 'dri ba na 'dir sgrub pa'i grogs mchog gis slob dpon bdag nyid bsrung ba'i phyir/ rtsa ba'i sngags kyis 'byung po thams cad pa'i gtor ma gtang bar bya ste/ phyi rol gyi phyogs bzhi dang steng dang 'og dag tu gtor bar bya'o/ /de nas khrus byas te thab khung du nye bar song nas gos gtsang ma bgos te/ gtsang sbra dang srung ba'i cho ga byas nas gur gum dang bsres pa'i mar gyi sbyin sreg stong rtsa brgyad bya'o/ /de nas ku sha'i khres la 'dug nas bzlas pa bya ste/ de nyid du gnas par bya'o/ /yungs kar la khro bo'i rgyal po gshin rje gshed kyi sngags brgya rtsa brgyad kyis mngon par bsngags la kham phor kha sbyar gyi nang du gzhag par bya'o/ /bgegs kyi rnam pa 'jigs su rung ba'i gzugs can mi bzad pa'i sgra rnam pa du ma rlung dang char dang yul ngan gzhan dang gzhan gang gi</font><hr>95.77a<br><font size=+1>

yang rung ba mthong na/ khros pas yungs kar kham phor nas phyung la chang par bcangs te lan bdun sbyin sreg byas pa des ni bgegs rab tu 'joms par 'gyur ro/ /mi'i bgegs la ni lan lnga chang pa nas sbyin sreg byas na skyes bu de rengs par 'gyur ba'am/ nus pa med par 'gyur ba'am/ 'chi bar 'gyur ba'am/ skad cig de nyid la mi ma yin pas zin par 'gyur ba la nams kyang the tshom med de/ brgya byin yang 'chi bar byed na ma rungs pa'i sems dang ldan pa'i mi'am/ bgegs tha mal pa lta smos kyang ci dgos/ khro bo gshin rje gshed kyi 'jigs pas bgegs rnams phan tshun du 'bros shing mi snang bar 'gyur ro/ /de nas sgrub pa'i grogs mchog gis de nyid du ku sha'i khres la gnas nas khro bo'i rgyal po gshin rje gshed kyi bzlas pa byed cing gnas par bya'o/ /de nas dkyil 'khor gyi slob dpon gyis bcom ldan 'das shAkya thub pa'i sku gzugs kyi g.yas ngos su/ rang sangs rgyas nyid pad+ma'i gdan la bzhugs par bya'o/ /de gnyis kyi 'og tu nyan thos chen po gnyis chos nyan par bya'o/ /de dag gi yang g.yas su bcom ldan 'das 'phags pa spyan ras gzigs dbang phyug rgyan thams cad kyis brgyan pa/ ston ka'i 'dam bu'i mdog ltar dkar ba/ pad+ma'i gdan la bzhugs pa/ phyag g.yon pa na pad+ma bsnams pa/ phyag g.yas pa na mchog sbyin pa/ de'i yang g.yas na bcom ldan 'das ma yum gos dkar mo phyag g.yon pa na pad+ma bsnams pa/ phyag g.yas pas bcom ldan 'das shAkya thub pa la phyag 'tshal ba pad+ma'i gdan la bzhugs pa gser gyi cod pan 'chang ba dar la dkar po'i na bza' mnabs pa/ thal ba nag pos thig le gsum byas pa de bzhin du sgrol ma dang / khro gnyer can yang rang rang gi gnas su spyod lam</font><hr>95.77b<br><font size=+1>

dag gis gnas par bya'o/ /de dag gi steng du ni bcom ldan 'das yum shes rab kyi pha rol tu phyin ma dang / de bzhin gshegs pa'i spyan dang gtsug tor gyi rgyal mo rnams bya'o/ /de bzhin du byang chub sems dpa' bcu drug bya ba la 'di lta ste/ kun tu bzang po dang / sa'i snying po dang / nam mkha' mdzod dang / sgrib pa thams cad rnam par sel ba dang / ngan song rnam par sbyong ba dang / byams pa rnga yab lag na thogs shing sangs rgyas bcom ldan 'das la blta ba dang / dri ma med par 'gro ba dang / dri ma med pa'i tog dang / nor bzang dang / zla ba'i 'od dang / dri ma med par grags pa dang / nad thams cad gso bar byed pa dang / chos thams cad kyi dbang phyug gi rgyal po dang / 'jig rten 'gro ba dang / blo chen po dang / blo bzang po ste/ sems dpa' chen po 'di dag ni lus shin tu zhi ba dang rgyan thams cad kyis brgyan pa bri bar bya'o/ /rig pa'i rgyal po'i gtso bo dang / rig pa'i rgyal mo dang pad+ma'i rigs gzugs dang phyag rgya lung ci lta ba bzhin du gnas ci lta ba ma lus pa dag tu bri bar bya'o/ /mtha'i gru bzhi'i gnas dag tu ni gnas rnams gzhag par bya'o/ /pad+ma'i me tog legs par byas pa dang rig pa'i lha gang dran pa yang de dag tu gzhag par bya'o/ /de bzhin du lho phyogs su bcom ldan 'das shAkya thub pa dang rang sangs rgyas gnyis ni/ ri spos kyi ngad ldang ba la bzhugs pa bri bar bya'o/ /de bzhin du dkyil 'khor gyi shar du bdag nyid blta ba dang / thams cad la yang 'jug pa'i sgo rnams bya'o/ /bcom ldan 'das shAkya thub pa'i g.yon gyi phyogs su rang sangs rgyas gzhan gnyis te/ tsan+dan dang grub pa zhes bya ba gnyis bri bar bya'o/ /de gnyis kyi 'og tu nyan thos gnyis ni 'od srung chen po dang kA t+yA ya na chen po bri bar bya'o/ /de dag gi'ang g.yon du 'phags pa phyag na rdo rje ut+pa la ltar mdog sngo bsangs gzugs shin tu mdzes pa rgyan thams cad kyis brgyan pa/ lag pa g.yas pa na</font><hr>95.78a<br><font size=+1>

rnga yab thogs pa/ g.yon pa khro bo'i lus kyis gnas pa rdo rje khu tshur ma rdo rje lcags kyu ma rdo rje lu gu rgyud ma dpung bzang ma rdo rje sde ma cha byad ci lta ba bzhin du bgegs kyi gdan la gnas pa/ rig pa'i rgyal po thams cad dang rig pa'i rgyal mo 'khor dang bcas pa bzlas pa dang / phyag rgya dang ldan pa ji ltar shes pa bzhin bri bar bya'o/ /de dag gi yang g.yon du zur bzhir sna tshogs rdo rje'i phyag rgya bri bar bya ste/ bris nas kyang gnas gang du rig pa'i tshogs ma dran pa'i gnas de dag kyang 'dir bzhugs shig ces brjod par bya'o/ /de'i steng du pha rol tu phyin pa drug dang / bcom ldan 'das yum mA ma kI bri bar bya ste rgyan thams cad kyis brgyan pa/ gzugs shin tu mdzes par bya'o/ /de dag gi steng du gtsug tor gyi rgyal po brgyad kun nas 'bar ba'i phreng ba'i phyag rgya bcings nas rang rang dag gi 'khor los sgyur ba'i rgyal po chen po'i gzugs su bri bar bya ste/ gser gyi mdog can dbang po shin tu dul la rgyan thams cad kyis brgyan pa/ de bzhin gshegs pa la zur gyis blta ba dag la/ 'di lta ste/ gtsug tor 'khor los sgyur ba dang / gtsug tor mngon par 'phags pa dang / gtsug tor gdugs dkar po dang / rgyal ba'i gtsug tor dang / pad+ma'i gtsug tor dang / rnam par rgyal ba'i gtsug tor dang / gzi brjid phung po'i gtsug tor dang / gtsug tor mthon po ste/ brgyad po 'di dag ni gtsug tor gyi rgyal po rnams so/ /g.yon du bri ba ni rang sangs rgyas rnams so/ /'jug pa'i phyogs kyi sgor ni byang chub sems dpa' gnyis bya ste/ g.yas phyogs su ni 'jig rten las 'das par 'gro ba zhes bya ba ral pa'i cod pan 'chang ba/ lus zhi ba lag pa g.yas pa mchog sbyin pas phreng ba 'dzin pa/ lag pa g.yon pas spyi blugs 'dzin cing sgo la mngon du phyogs pa bzhin cung zad</font><hr>95.78b<br><font size=+1>

khro gnyer dang bcas pa bri bar bya'o/ /'jug pa'i sgo'i g.yon phyogs su ni byang chub sems dpa' chen po ma rgyal ba las rgyal ba zhes bya ba bri bar bya ste/ lus rab tu zhi ba ral pa'i cod pan 'chang ba/ lag pa g.yon pa na dbyig pa dang spyi blugs 'dzin pa/ lag pa g.yas pa na mchog sbyin pa phreng ba 'dzin pa bzhin cung zad khro gnyer dang ldan pa sgo la mngon du phyogs pa bri'o/ /seng ge'i khri'i 'og tu chos kyi 'khor lo kun tu 'bar bas khyab pa/ de'i 'og tu rin po che'i gzhal med khang de la gnas pa bcom ldan 'das byang chub sems dpa' chen po 'jam dpal gzhon nur gyur pa/ gzhon nu'i gzugs can sku mdog dmar skya zhi ba'i gzugs dang / mdzes pa'i gzugs can cung zad zhal 'dzum pa/ phyag g.yon pa na ut+pa la sngon po bsnams pa phyag g.yas pa na bil ba bsnams pa/ byis pa'i rgyan thams cad kyis brgyan pa/ gtsug phud lngas nye bar mdzes par gyur pa mu tig gi phreng bas mchod phyir thogs pa dar la'i stod g.yogs mnabs pa dar gyi na bzas smad g.yogs mdzad pa 'od kun nas 'phro ba 'bar ba'i phreng bas kun nas khyab pa pad+ma'i gdan la nye bar bzhugs pa khro bo'i rgyal po gshin rje gshed la gzigs pa dkyil 'khor du 'jug pa'i sgo la mngon du phyogs pa blta na sdug pa bri bar bya'o/ /de'i g.yas phyogs kyi ngos kyi pad+ma'i 'og tu khro bo'i rgyal po gshin rje gshed bri bar bya ste/ mi sdug pa chen po'i gzugs can kun nas 'bar ba'i phreng bas khyab pa/ bka' len cing 'dzin pa/ byang chub sems dpa' chen po'i phyogs su lta ba'o g.yon phyogs kyi pad+ma'i 'og tu gnas gtsang ma'i ris kyi lha'i bu'i gzugs can/ byang chub sems dpa' lnga bri bar bya ba la 'di lta ste/ shin tu dri med dang shin tu dul ba dang dag pa dang mun sel</font><hr>95.79a<br><font size=+1>

dang kun tu snang ba'o/ /de dag thams cad kyang gnas gtsang ma'i gzhal med khang na 'dug pa/ rin po che du ma 'bar ba'i rdo'i steng dang 'dra ba kun nas 'bar ba me tog sna tshogs kyis gcal bkram pa shin tu mdzes pa bri bar bya'o/ /phyi rol 'khor yug tu zur bzhi'i rnam par byas te/ rta babs bzhi dang ldan pa phyogs bzhi nas rnam pa sna tshogs pa'i tshon sna lnga gsal bas ri mo shin tu drang ba dang ldan pa nang gi dkyil 'khor bri bar bya'o/ /shar gyi bcom ldan 'das shAkya thub pa'i steng du ri mo'i dbus su me tog kun nas skyes pa'i rgyal po'i dbang po pad+ma'i gdan la bzhugs pa/ de bzhin gshegs pa'i gzugs cung zad chung bar bya'o/ /'od kun nas 'bar ba'i phreng bas khyab pa/ mchog sbyin gyi phyag rgya dang ldan pa/ skyil mo krung gis bzhugs pa/ de'i g.yas su gtsug tor 'khor los sgyur ba'i phyag rgya bri bar bya'o/ /g.yon du ni gzi brjid phung po'i phyag rgya bri bar bya'o/ /de bzhin gshegs pa'i spyan gyi steng du ni shes rab kyi pha rol tu phyin pa'i phyag rgya bri bar bya'o/ /bcom ldan 'das 'phags pa spyan ras gzigs dbang phyug gi steng dang / shes rab kyi pha rol tu phyin ma'i phyag rgya'i g.yas su bcom ldan 'das 'od dpag tu med pa de bzhin gshegs pa'i gzugs can bya ste/ phyag mchog sbyin pa/ pad+ma'i gdan la bzhugs pa kun nas 'od 'bar ba'i phreng bas khyab pa/ de'i yang g.yas phyogs su ni lhung bzed dang chos gos kyi phyag rgya bya'o/ /de bzhin du mthar gyis 'jug pa'i gnas la ni pad+ma'i phyag rgya bya'o/ /bcom ldan 'das me tog yang dag par skyes pa'i rgyal po'i dbang po de bzhin gshegs pa'i g.yon phyogs su gtsug tor gzi brjid phung po'i phyag rgya bri ste kun nas 'od 'bar ba'i phreng bas khyab pa/ de'i g.yon phyogs su de bzhin gshegs pa rin chen tog bya ste/ rin po che'i ri bo'i steng du chos ston cing bzhugs pa/  bai DUr+ya sngon po dang margad dang pad+ma rA ga</font><hr>95.79b<br><font size=+1>

rnam pa sna tshogs 'bar ba'i 'od 'phro ba'i kun nas 'od dang ldan pa bri bar bya'o/ /de'i yang g.yon phyogs su rgyal ba'i gtsug tor gyi phyag rgya kun nas 'bar ba'i phreng bas khyab pa bri'o/ /de'i yang g.yon phyogs su chos kyi 'khor lo'i phyag rgya kun nas 'bar ba dang ldan pa bri'o/ /de'i yang g.yon phyogs su 'khar gsil dang / spyi blugs dang phreng ba dang bzang po'i gdan gyi phyag rgya bri'o/ /mthar gyis sgo'i gnas su rdo rje rtse gsum pa gnyis ka la yang kun nas 'bar ba bri'o/ /bcom ldan 'das 'jam dpal gzhon nur gyur pa'i 'og tu phyag rgya chen po gtsug phud lnga zhes bya ba dang / ut+pa la'i phyag rgya kun nas 'bar ba 'di gnyis phan tshun 'brel ba bya'o/ /dkyil 'khor kun nas sgo bri bar bya'o/ /sgo dag ni rgyab kyis lta ba dang / 'jug pa na ni mdun gyis blta bar bya'o/ /phyi rol gyi dkyil 'khor thams cad du 'gyur ba yang kha dog lnga'i tshon shin tu gsal ba sna tshogs blta na sdug pa/ zur bzhis rnam par 'byes pa/ rta babs bzhi'i rnam pa phyogs bzhir khru gnyis tsam nang gi dkyil 'khor gyi phyi rol gyi shar phyogs su tshangs pa chen po bri bar bya ste/ gdong bzhi pa gos dkar po bgos pa la stod g.yogs gos dkar po dang / tshangs skud dkar po thogs pa/ kha dog gser 'dra ba/ ral pa'i cod can 'dzin pa/ lag na dbyug pa dang / spyi blugs 'dzin pa/ de'i g.yas phyogs su 'od gsal gyi lha'i bu bya ste/ mdog gser 'dra ba bsam gtan khyad par can gyi gzugs can/ dar la'i gos bgos pa dar la'i stod g.yogs byas pa/ bzhin shin tu gsal ba ral ba'i cod can 'dzin pa mchod phyir thogs dkar po can/ skyil mo krung gis 'dug pa lag g.yas pas mchog sbyin pa/ de'i g.yas phyogs su 'og min gyi lha'i bu bya ste/ rgyan thams cad kyis brgyan pa/ lus rab tu zhi ba bsam gtan gyi rnam pa'i cha byad can/ dar la'i gos bgos pa dar la'i gos kyis stod g.yogs byas pa/ skyil mo krung gis 'dug pa lag pa g.yas pas mchog sbyin pa/ mchod phyir thogs</font><hr>95.80a<br><font size=+1>

dkar pos byas pa/ de'i rim gyis dga' ldan dang / 'phrul dga' dang / gzhan 'phrul dbang byed dang / 'thab bral dang / brgya byin la sogs pa'i lha'i bu bri bar bya ste/ go rims ji lta ba dang cha byad dang dbyibs ci lta ba bzhin du'o/ /brgya byin gyi 'og tu rgyal po chen po bzhi'i ris la rtag tu myos dang / phreng thogs dang / lag na gzhong thogs dang / pi bang gnyis pa dang sa bla'i lha'i bu dag go rims ji lta ba dang / cha byad ji lta ba bzhin du bri bar bya'o/ /de bzhin du lho phyogs su mi che ba dang / mi gdung ba dang shin tu mthong ba dang gya nom snang dang / dge chung dang bsod nams skyes la sogs pa'i lha'i bu cha byad dang dbyibs ci lta ba bzhin bri bar bya'o/ /nub phyogs dang byang phyogs su yang de bzhin te/ de dag ni rim pa 'og ma gnyis la brten te bri bar bya'o/ /dkyil 'khor gnyis kyi phyi rol du dkyil 'khor gsum par 'gyur ba la/ mthar gyis phyogs bzhir rgyal po chen po bzhi ste/ byang phyogs nas 'jug pa'i g.yas ngos su gter nye bar gnas pa la/ nor sbyin rgyan thams cad kyis brgyan pa/ gtsug phud cung zad 'dud pa gnod sbyin gyi gzugs can/ de'i g.yas su nor bu bzang po dang gang ba bzang po gnod sbyin gyi bdag po gnyis bri'o/ /de bzhin du mthar gyis gnod sbyin ma chen mo 'phrog ma yang bri'o/ /de bzhin du mthar gyis nub phyogs su chu lha lag na zhags pa thogs pa dang / klu dga' bo dang / nye dga' bo dang / 'jog po dang / nor rgyas la sogs pa klu'i rgyal po chen po brgyad po bri'o/ /de bzhin du rim pa gnyis la gnas pa'i mthar gyis gnod sbyin dang / srin po dang / mi 'am ci dang / lto 'phye chen po dang / drang srong dang / grub pa dang / yi dgas dang / sha za dang / nam mkha' lding dang mi dang mi ma yin pa la sogs pa dang / sman dang nor bu rin po che'i bye brag dang ri dang chu bo dang gling dang mthar gyis gtso bo thams cad bri bar bya'o/ /lho phyogs su ni gshin rje ma mo bdun gyi 'khor dang bcas pa bri bar bya'o/ /shar lho mtshams su me kun nas 'bar ba'i phreng bas khyab pa/ dbyug pa dang spyi blugs dang phreng ba</font><hr>95.80b<br><font size=+1>

lag na thogs pa/ ral pa'i cod pan 'dzin pa/ gos dkar po bgos pa/ dar la'i stod g.yogs byas pa/ mchod phyir thogs dkar po thogs pa/ mdog gser 'dra ba thal ba'i thig le gsum byas pa/ de bzhin du rgyan dang mtshon cha dang cha byad dang dbyibs dang kha dog rnam pa sna tshogs pa rim pa gnyis pa la brten te bri bar bya'o/ /thams cad kyi dkyil 'khor du 'jug pa'i sgo'i phyi rol du dka' zlog gi bdag po khyu mchog la zhon pa/ lag na mdung rtse gsum thogs pa lha mo dka' zlog ma kha dog sna tshogs pa rgyan thams cad kyis brgyan pa/ smin drug gi bu rma bya'i stan la 'dug pa mdung thogs pa/ gzhon nu'i gzugs can gdong drug pa lus dmar por snang ba/ gos ser po bgos pa/ gos ser po'i stod g.yogs can lag pa g.yon pa na dril bu dang ba dan dmar po thogs pa/ mthar gyis b+h+ring gi ri ti shin tu rid pa 'dra ba dang / tshogs kyi bdag po chen po dang / dga' byed dbang phyug dang nag po chen po dang / ma mo bdun po rgyan dang mtshon cha dang kha dog dang dbyibs ci lta ba bzhin bri bar bya'o/ /nor lha brgyad dang drang srong bdun dang khyab 'jug lag pa bzhi na 'khor lo dang dung dang ga dA dang ral gri thogs pa/ gdan nam mkha' lding rgyan thams cad kyis brgyan pa/ gza' brgyad dang rgyu skar nyi shu rtsa bdun dang / gang yang nye ba'i gza' brgyad sa steng gi dkyil 'khor na rab tu rgyu ba yang bri bar bya'o/ /mthar gyis tshes grangs bcwa lnga dang yar ngo dang mar ngo'i phyogs dang / khyim bcu gnyis dang dus drug dang zla ba bcu gnyis dang lo tshigs dang / sring mo bzhi gru la zhon pa dang ming po lnga gru la zhon zhing chu la gnas pa ste/ mdor na phyag rgyar gzhag par bya ba yang yin no/ /lha mo de dag mthar gyis rim pa gnyis pa la brten te bya ba yin no/ /slob dpon bdag nyid phyi rol du byung nas dkyil 'khor de la g.yas phyogs su bskor ba byas te/ </font><hr>95.81a<br><font size=+1>

mdor na dkyil 'khor gsum yang dkyil 'khor la brten cing bri bar bya ste/ dkyil 'khor gsum char yang gru bzhir rnam par gnas par bya ba yin no/ mdor na 'di ltar sangs rgyas bcom ldan 'das sems can rnams kyi mgon po ni nges par bri bar bya'o/ /pad+ma'i rigs 'phags pa spyan ras gzigs dbang phyug kyang nges par bri bar bya'o/ /rdo rje'i rigs 'phags pa phyag na rdo rje'ang nges par bri bar bya'o/ /byang chub sems dpa' rnams kyi gtso bo 'phags pa kun du bzang po'ang nges par bri bar bya'o/ /'jam dpal gzhon nur gyur pa'ang nges par bri bar bya'o/ /lhag ma rnams ni ji ltar rnam par bzhag pa bzhin phyag rgya bri bar bya'o/ /'di ni nang gi dkyil 'khor ro/ /dkyil 'khor bar ma la yang shar phyogs su ni mi mjed kyi bdag po tshangs pa bri bar bya'o/ /de bzhin du 'od gsal ba ni lho phyogs su'o/ /'og min gyi gzugs can rnams lha'i dkyil 'khor gyi rnam par ro/ /'du shes med 'du shes med min gyi skye mched kyi bar ni brjod par mi bya'o/ /byang phyogs su brgya byin lha'i rgyal po dang / rab 'thab bral dang / yongs su dga' ldan dang / rab 'phrul dga' dang / gzhan 'phrul dbang byed dang / 'od chung la sogs pa'i lha'i bu rnams nges par lha'i rgyal po re re bya'o/ /lhag ma rnams ni phyag rgyar gnas par bya'o/ /de bzhin du dkyil 'khor gsum par yang byang phyogs su 'byung po'i bdag po dbang ldan dka' thub zlog ma dang bcas pa nges par bri'o/ /'jam dpal gyi sgo gnyis pa'i sgo'i drung du ni smin drug gi bu rma bya'i stan yod pa lag na mdung thogs pa/ lus kyi kha dog dmar ba/ gos ser pos stod g.yogs dang gos byas pa lag pa g.yas pa na dril bu dang ba dan thogs pa/ gzhon nu'i gzugs can gyi 'khor la lta ba'o/ /shar phyogs su ni nam mkha' lding 'dab chags kyi gzugs can dang / drang srong gi nang nas mar ka Na Da nges par bri bar bya'o/ /lhag ma ni ji ltar gnas pa bzhin phyag</font><hr>95.81b<br><font size=+1>

rgyar bri bar bya'o/ /shar lhor ni gzhon nu ma bzhi dang / ming po gzhon nu dang bcas pa/ gru'i bzhon pa la gnas pa/ rgya mtsho chen po la rnam par rgyu ba dang / me lha'i rgyal po yang nges par bri bar bya'o/ /de bzhin du lho phyogs su ni srin po'i bdag po las ni grong khyer lang ka'i bdag po bi b+hi sha na shing pi tsu marda la gnas pa dang / dzam b+ha la chu dbang zhes bya ba gnod sbyin gyi gzugs can byang chub sems dpa' nges par bri bar bya'o/ /de bzhin du mthar gyis gshin rje'i rgyal po yi dgas rdzu 'phrul chen po nges par bri bar bya'o/ /de bzhin du sha za'i rgyal po rnam par g.yengs byed ces bya ba nges par bri bar bya'o/ /lhag ma ni ji ltar gnas pa bzhin phyag rgyar bri bar bya'o/ /de bzhin du lho nub kyi mtshams su ni klu'i gtso bo dga' bo dang / nye dga' bo nges par bri bar bya'o/ /gza'i gtso bo nyi ma bri bar bya'o/ /nub phyogs su ni drang srong thub pa'i mchog gcer bu pa mu stegs kyi mchog gcer bu'i gzugs bri bar bya'o/ /lhag ma ni ci ltar gnas pa bzhin phyag rgyar bri bar bya'o/ /nub byang mtshams su ni gnod sbyin gyi rgyal po mchog sbyin dang / dri za'i rgyal po gtsug phud lnga pa dang / mi 'am ci'i rgyal po ljon pa nges par bri bar bya'o/ /lhag ma ni gnas ji lta ba dang / dbyibs ci lta ba bzhin du phyag rgyar bri bar bya'o/ /dkyil 'khor bzhi po phyi rol du ri mo lngar bkod de/ phyag rgya'i phreng bas nye bar mdzes par byas pa/ zur bzhi nas rta babs bzhi dang rgyal po chen po bzhis brgyan pa ci ltar gnas pa la 'di lta ste/ phyag rgyar 'gyur ba ni sgor 'jug pa la ut+pal sngon po bri'o/ /g.yas dang g.yon gyi phyogs su ni pad+ma rdo rje dgra sta/ ral gri mdung dang mdung rtse gsum pa dang / ga dA dang 'khor lo dang swa sti ka dang / bum pa dang / nya dang / dung dang / gdub kor dang / spyi blugs dang / rgyal mtshan dang / ba dan dang / zhags pa dang / dril bu dang / chu gri dang / gzhu dang / tho ba dang / </font><hr>95.82a<br><font size=+1>

'di dag rnam pa 'di dag 'dra ba'i mtshon cha'i mchog gi phyag rgyas dkyil 'khor gyi phyogs su kun nas khyab par bya'o/ /de nas phyi rol gyi phyogs bzhir rgya mtsho chen po gzhag par bya ste/ byang phyogs su ni dkyil 'khor gru bzhir bya ste/ sna tshogs rdo rje rtse gsum yod pa kun nas 'bar ba bya'o/ /shar phyogs su ni dkyil 'khor gzhu'i dbyibs can byas te bzhag la kun nas 'bar ba'i pad+ma'i phyag rgyas mtshan pa'o/ /lho phyogs su ni dkyil 'khor zur gsum pa byas te kun nas 'bar ba'i lhung bzed kyis mtshan pa'o/ /nub phyogs su ni dkyil 'khor kun nas zlum por byas te/ ut+pa la sngon po sdong bu dang 'dab ma dang bcas pa kun nas 'bar bas mtshan pa'o/ /phyogs mtshams bzhir yang phyag rgya bri bar bya ste/ nub byang gi phyogs su ni dkyil 'khor zlum po bya ste/ zhags pa kun nas 'bar bas mtshan pa'o/ /lho nub mtshams su ni dkyil 'khor gzhu 'dra ba bya ste dbyug pa kun nas 'bar bas mtshan pa'o/ /shar lho mtshams su ni dkyil 'khor gru gsum pa bya ste/ dgra sta 'od zer kun nas 'bar bas mtshan pa'o/ /byang shar gyi mtshams su ni ral gri 'od kun nas 'bar ba gzhag par bya'o/ /de ltar thams cad bris nas steng dang 'og dang thad kar phyag rgya gsum dkyil 'khor gyi phyi rol sgo dang nye bar phye ma dang bri bar bya la 'di lta ste/ na bza' dang rnga yab dang lham 'od zer kun nas 'bar ba bri bar bya'o/ /'jam pa'i dbyangs ni blo can gyis/ /sems can rnams la phan bzhed nas/ /dkyil 'khor gyi ni cho ga rnams/ /'dir ni mdor bsdus bstan pa yin/ /de nas dkyil 'khor gyi slob dpon gyis dang po nyid du slob ma gzung bar bya ba la/ dbang po ma tshang ba med pa dang yan lag thams cad mdzes pa dang / bram ze dang rgyal rigs dang rje'u rigs dang dmangs rigs dang / byang chub tu sems bskyed pa dang / theg pa chen por zhugs pa'i rang bzhin can dang theg pa dman pa mi 'dod pa'i ngang tshul can dang / sems dpa'</font><hr>95.82b<br><font size=+1>

chen po dang dad pa dang ldan pa dang / dge ba'i chos can dang rgyal po chen po mngon par 'dod pa dang longs spyod chung ba la smod pa dang / longs spyod chen po mngon par 'dod pa dang ldan pa dang / bzang ba dag dang dul ba dang ldan pa dang / tshul khrims dang ldan pa'i dge slong dang dge slong ma dang / dge bsnyen dang dge bsnyen ma rnams yang dag par sdom pa la nges par gnas pa dang / gso sbyong la nye bar gnas shing sdom pa la gnas pa dang / byang chub sems dpa' chen po la zhe mi sdang ba dang / phyogs chen po dang rigs mthon po dang rang bzhin nyid kyis chos spyod pa dang zhag gcig smyung ba byas pa dang / gos gtsang ma bgos pa dang skra dri zhim pa dang / dus gsum du khrus byed pa dang / de'i nyin zhag la ga pur dang gur gum dang li shi la wang ga'i dri zhim pos dri zhim par byas pa/ rtag tu nye reg dang ldan pa dang / ku sha'i khres la 'dug pa dang srung ba'i cho ga byas pa dang / tshangs par spyod pa dang bden pa dang ldan pa dang dus mtshams las rgyal ba'i dkyil 'khor gyi phyi rol de nyid du ha cang yang mi nye ha cang mi ring bar gzhag par bya'o/ /shin tu gtsang ba dang shin tu gtsang sbra dang ldan pa gcig nas brgyad kyi bar te de las gzhan ma yin pa de dag kyang phan tshun gnyen du 'brel ba/ rgyal po rgyal rigs spyi bo nas dbang bskur ba'i rgyal po chen po dag gi bu gzhon nu ma'am gzhon nu ma grong gi chos mi shes pa'o/ /de ci'i phyir zhe na/ bcom ldan 'das gzhon nu'i gzugs can byang chub sems dpa' 'jam dpal ni byis pa'i skye bo dga' bar byed pa/ gzhon nu'i rol pa la dgyes pa des na dang po nyid du gzhon nu nang du gzhug par bya'o/ /rgyal po chen po mngon par 'phel ba dang tshe dang nad med pa dang / dbang phyug dang skal ba chen po mngon par 'phel ba yin te/ khyad par du byis pa rnams la nges par sngags grub pas grub pa gnas pa yin</font><hr>95.83a<br><font size=+1>

te/ de dag sngar bzhag pa byas nas/ grogs po bag yod pa bzang po dang ldan pas/ dkyil 'khor gyi slob dpon gyis ga pur gyi bdug pas bdugs te/ rgyab kyis phyogs pa ma yin pas phyi rol du byung bar bya ste/ byung nas dus dang ci ltar mthun pa'i chu legs par gtsang sbra byas pa dang / srog chags med pa la rtsa ba'i sngags brgya rtsa brgyad mngon par bzlas te/ gtsug phud lnga'i phyag rgya chen pos phyag rgyar byas pa'i chus khrus byas la nye reg byas nas/ gos gtsang ma bgos pa'i gtsang bas me thab kyi drung du song ste/ ku sha'i khres la 'dug nas byang shar gyi phyogs su mngon par bltas te/ mar gyi sbyin sreg ga pur dang gur gum dang / tsan+dan dang bsres pas stong rtsa brgyad bya'o/ /sngar bshad pa'i cho gas spyan drang ba dang gshegs su gsol ba byas te/ yang dkyil 'khor du 'jug par bya'o/ /nges par yang bum pa gang ba brgyad ras gtsang ma'i gos dang ldan pa/ shing a mra'i lo ma dang 'bras bu dang ldan pa gser dang / dngul dang rin po che dang / 'bras dang 'bru nang du bcug pa gcig bcom ldan 'das shAkya thub pa la dbul lo/ /gnyis pa ni sangs rgyas thams cad la'o/ /gsum pa ni rang sangs rgyas thams cad dang 'phags pa nyan thos la'o/ /bzhi pa ni byang chub sems dpa' chen po thams cad la'o/ /lnga pa ni byang chub sems dpa' chen po 'phags pa 'jam dpal la'o/ /drug pa ni lha thams cad la'o/ /bdun pa dang brgyad pa ni dkyil 'khor gnyis pa'i sgo khang la gzhag par bya ste/ /gcig ni 'byung po thams cad la'o/ /gcig ni sems can thams cad kyi thun mong du gyur par bsngos nas gzhag par bya'o/ /de bas na sngar bshad pa'i cho gas spyan drang bar bya'o/ /de bzhin du me tog dang bdug pa dang dri dang / mar me dang lha bshos kyang sngar bstan pa nyid kyi las kyis dbul bar bya ste/ thams cad kyi thams cad</font><hr>95.83b<br><font size=+1>

du go rims bzhin du bya'o/ /mar me 'dzin pas mar gyi mar me gzung bar bya'o/ /'phags pa dang 'phags pa ma yin pa thams cad la lha bshos zhes smos pa ni/ 'bras sA lu'i chan zho dang bcas pa dang sbrang rtsi dang ldan pa'i 'o thug khyad par can gyis nye bar sbyar ba'i mar la btsos pa'i snum khur gyi 'breng bu la sogs pa dang / khaN+Da la sogs pa'i bza' ba thams cad ni de bzhin gshegs pa rnams la dbul bar bya'o/ /mar gyis gang ba dang tsan+dan gyi thang chu sbrang rtsi'i snying po dang 'o mar btsos pa'i bza' ba ni rang sangs rgyas thams cad dang / 'phags pa nyan thos dang byang chub sems dpa' chen po dang 'phags pa'i lha thams cad la dbul bar bya'o/ /de bzhin du gad u lo pi ka ri ka dang / khyad par du snum khur gyi yo byad 'byung po thams cad dang / sems can thams cad la sngags dang ldan pa'i cho gas sbyin par bya'o/ /de bzhin du me tog dri zhim pa sna ma'i me tog dang rgya spos dang / klu'i me tog dang me tog pun nA ga la sogs pa sngar bstan pa sangs rgyas dang / rang sangs rgyas thams cad dang 'phags pa nyan thos dang / byang chub sems dpa' chen po dang 'phags pa dang 'phags pa ma yin pa'i lha thams cad la dbul bar bya'o/ /khyad par du ni de bzhin gshegs pa'i rigs la ni sna ma'i me tog dang / pad+ma'i rigs la ni me tog pad+ma dang / de bzhin du rdo rje'i rigs la ni me tog ut+pal dang / lha gzhan dag la ni gzhan gang yang rung bas dbul bar bya'o/ /ga pur gyi bdug pa ni de bzhin gshegs pa'i rigs la'o/ /tsan+dan ni pad+ma'i rigs la'o/ /de bzhin du gu gu la ni gsang ba'i bdag po phyag na rdo rje la shes par bya'o/ /lha gzhan thams cad ni bdug pa tha mal pas bya'o/ /mar gyi mar me 'phags pa rnams/ /thams cad la ni dbul bar bya/ /'phags min lha ni thams cad la/ /dri zhim</font><hr>95.84a<br><font size=+1>

'bru mar dbul bar bya/ /cho ga ji bzhin rim pas ni/ /bdug pa mthong ba'i rgyu yis so/ /de ltar gsungs pa de bzhin dri/ /sngags rnams kun la rtag tu bya/ /spyan ras gzigs la gang gsungs dang / /gang gsungs phyag na rdo rje la/ /rang rang gi ni sngags dag gis/ /sngags spyod don du bsgrub pa'o/ /cho ga gcig pu blta bya ste/ /rtag tu rjes su mthun par bya/ de nas dkyil 'khor gyi slob dpon gyis sngar mthong ba'i cho gas spyan drang ba dang / mchod pa dang bdug pa la sogs pa byas nas/ gtsor mthun pa'i bya ba byas te de'i 'og tu sgrub pa'i grogs mchog gis mkhas pa dang / myur bas 'byung po thams cad pa'i gtor ma sha med pa/ kun nas rnga pa Ta ha dang dung gi sgra dga' ba'i sgra sgrogs pa la sogs pa des bdug pa dang spos dang me tog dang phreng bas brgyan pa'i phyogs bzhi mtshams brgyad steng dang 'og dang thad ka thams cad du dkyil 'khor gyi phyi rol du bskor ba bya zhing / 'byung po thams cad pa'i gtor ma rgya cher gtong bar bya'o/ /de nas khrus byas te yang zho dang sbrang rtsi dang / mar gyis bsgos pa'i sA lu dang / 'bras thug po che'i sbyin sreg rtsa ba'i sngags yi ge drug pa dang snying pos stong rtsa brgyad bya'o/ /sbyin sreg byas nas dkyil 'khor la rjes su bcug cing sngar bzhag pa'i sems dpa' chen po la srung ba byas nas/ dkyil 'khor gyi slob dpon gyi slob ma nyid du khas blangs pa/ byang chub tu sems bskyed pa gso sbyong byas pa/ sangs rgyas dang byang chub sems dpa' la bdag nyid kyi lus phul ba/ dngos grub kyi phyir sems can thams cad kyi nye bar longs spyod pa dang yongs su longs spyod pa thun mong du gyur pa dang / dge ba'i rtsa ba bla na med pa'i byang chub kyi snying po gnon par bya ba dang / thams cad mkhyen pa'i ye shes kyi sangs rgyas thob par bya ba la</font><hr>95.84b<br><font size=+1>

dkyil 'khor bstan par bya'o/ /bstan pa tsam nyid kyis sdig pa'i rnyog pa thams cad las grol bar 'gyur te/ mtshams med pa lnga byed pa'i skye bo yang de ma thag tu grol bar 'gyur ro/ /de nas dkyil 'khor gyi slob dpon gyis ras ma nyams pa tha ga mas btags ma thag pa skra med pa la/ rtsa ba'i sngags kyis lan gsum bzlas te/ dri zhim po'i tsan+dan dang gur gum gyis bsgos pa'i ras kyis gdong g.yogs par bya'o/ /dang por byis pa lo gsum nas lo bcu drug pa'i bar zur phud lngas nye bar mdzes pa'am/ gtsug phud gcig gis nye bar mdzes pa'am/ gtsug phud gsum gyis nye bar mdzes pa skra dang ldan pa/ rgyal po'i bu spyi bo nas dbang bskur ba'am/ rgyal rigs kyi bu'am gzhan bdag nyid chen po rgyal po chen po 'dod pa dkyil 'khor du gzhug par bya'o/ /dkyil 'khor gnyis pa la phyin pa na gdong g.yogs par bya ste/ uta pa la'i phyag rgya bcings nas/ 'jam dpal gzhon nur gyur pa'i rtsa ba'i sngags lan cig brjod du gzhug ste/ me tog dri zhim po tsan+dan dang gur gum dang bsres pa shin tu gtsang bar byas pa/ lag pa gnyis su byin la me tog 'dor du gzhug go /gang du de'i me tog babs pa der de'i sngags sbyin par bya ste/ sngags 'di ni de'i yin par bstan te/ skye ba brgyud pa nas de dang rjes su 'brel pa yin te/ de nyid dge ba'i bshes gnyen byang chub kyi snying po la gnon pa/ byang chub sems dpa' chen po thams cad mkhyen pa'i ye shes yongs su rdzogs pa'i don du mngon par sgrub par byed pa/ longs spyod chen po dang rgyal po chen po dang grags pa chen po dang / gang zag rtse gcig par mngon par sgrub pa yin no/ /tshe 'di nyid la yang chos thams cad la yang the tshom med par bsgrub par bya ba 'grub par 'gyur ro/ /de bzhin du mthar gyis dngos grub</font><hr>95.85a<br><font size=+1>

'dod pas brgya rnyed kyi bar du bya ste gzhan la ni ma yin no/ / gzhan dag la ci ltar sdig pa spang ba'i phyir dam tshig tsam sbyin par bya'o/ /dkyil 'khor gyi slob dpon gyis dbang bskur na/ dang por re zhig dkyil 'khor gyi phyi rol ha cang yang mi nye ha cang yang mi ring bar byang shar gyi phyogs su rtsa ba'i sngags kyis dag par byas pas byin gyis brlab par bya'o/ /rgyal po dbang bskur ba bzhin du bdag nyid sems pa dang gcig tu sangs rgyas dang chos dang dge 'dun la dad cing dad pa dang / spro ba chen po dang ldan pa dang / byang chub kyi sems dang ma bral ba dang / theg pa chen po la zhugs pa dang / dkon mchog gsum la phan par byed pa dang / dbang po ma tshang ba med pa dang ma smad pa dang / tshe 'di nyid la sngags grub par 'dod pa dang / bsam pa bzang po dang sngags kyi spyod pa la spro ba dang / blta bar 'dod pa'i rang bzhin can dang sad par 'dod pa'i phyir yang sngags kyi don la rnam par rtog pa med pa dang / der gtad pa'i yid dang gcig la sogs pa nas lnga'i bar du dbang bskur bar bya'o/ /lhag ma ni spang bar bya'o/ /shes rab can dang spyod pa la rmongs pa med pa'i khyad par dang ldan pa la dbang bskur bar bya'i/ gzhan dag ni ma yin no/ /de nas rgyal po thams cad dbang bskur ba bzhin du yo byad thams cad bsogs te/ slob dpon mkhan po mnyes na/ de nas bla re chen po bres te/ rgyal mtshan dang ba dan mthon po bsgreng zhing gdugs dkar po dbu la 'dzin pa dang / rnga yab dkar pos g.yob pa dang / bkur sti chen pos dung dang / rnga bo che'i dga' ba'i sgra sgrogs shing rgyal ba'i sgra dang / bkra shis kyi tshigs su bcad pa dang bde legs dang rab tu bsngags pa'i tshigs su bcad pa/ rgyal bas gsungs pas mngon par bstod pa dang / dkyil 'khor de la bskor ba byas te/ sangs rgyas dang byang chub sems dpa' thams cad la phyag byas nas/ 'di skad du slob dpon</font><hr>95.85b<br><font size=+1>

bdag ni sangs rgyas dang byang chub sems dpa'i sngags kyi spyod pa sgrub pa la yang dag par 'jug pa dang / 'jig rten pa thams cad las yang dag par 'das pa'i gsang ba'i rnam par thar pa'i dkyil 'khor la yang dag par 'jug pa dang / chos kyi rgyal srid thams cad kyi sangs rgyas nyid rtogs par 'dod pa dang / mdor na sangs rgyas nyid du 'gyur bar bya ba'i phyir ro zhes brjod par bya'o/ /de nas ku sha'i khres la 'dug ste/ shar gyi phyogs su phyogs te dkyil 'khor la blta zhing / dang por re zhig rig pa'i dbang bskur ba byin te phyag rgya chen po gtsug phud lnga 'ching du gzhug par bya'o/ /de nas rang 'dod pa'i sngags gang dang gang la dga' ba gro ga'i 'dab ma la gi wang gis bri bar bya ste/ bris nas kyang tsan dan dang gur gum gyi chus lag pa dang kham phor kha sbyar bkrus la/ de nas gro ga'i 'dab ma de kham phor kha sbyar ba'i nang du gzhag par byas pa dkyil 'khor gyi nang du byang chub sems dpa' 'jam dpal gyi zhabs drung du gzhag par bya'o/ /de nas ku sha de la gnas nas rig pa'i rtsa ba'i sngags brgya rtsa brgyad snga ma nyid du bzla bar bya'o/ /de nas ku sha'i khres la 'dug pa la dbang bskur bar bya ste/ phyi rol gyi dkyil 'khor la gang sems can thams cad dang thun mong du gyur pa'i bum pa gang ba sgo dang nye bar sngar bzhag pa blangs te/ slob dpon gyis rtsa ba'i sngags brjod pas spyi bo nas dbang bskur bar bya'o/ /gzhan dag la ni ci ltar 'dod pa'i chus so/ /de nas kham phor kha sbyar de de la sbyin par bya ste mar me la klog tu gzhug par bya'o/ /gal te de nyid yin na ni rim gyis 'bad pas 'grub par 'gyur ro/ /yang na ci ste gzhan na ni sngags bzlas pa kho nas 'grub par 'gyur ro/ /yang na yi ge'i yan lag nyams pa'am/ lhag pa byin na ni dang po sgrub pa kho na la 'grub par the tshom med do/ /de ltar slob dpon gyis sngar bris pa'i sgrub pa gsum gyis nges par 'grub par the tshom med do/ /de bzhin du dang pos ni rig pa'i dbang bskur ba sbyin par bya'o/ /dkyil 'khor gnyis pa la dbang bskur ba ni gnyis pa'i dkyil 'khor du lha thams cad la bstabs pa'i sngar gyi bum pa des dbang bskur bar bya'o/ /</font><hr>95.86a<br><font size=+1>

spyi bo la sngar gyi cho ga ci lta ba de nyid kyis byas na sdig pa'i rnyog pa thams cad las grol bar 'gyur te/ sangs rgyas bcom ldan 'das thams cad kyis gnang zhing / sangs rgyas dang byang chub sems dpa' thams cad kyis 'jig rten dang 'jig rten las 'das pa thams cad kyi dam tshig dang / dkyil 'khor dang sngags dang phyag rgya thams cad sgrub pa la byin gyis brlabs par 'gyur zhing / slob dpon du dbang bskur ba sbyin no/ /dkyil 'khor gsum pa la ni rang sangs rgyas thams cad dang / nyan thos thams cad la phul ba'i bum pa gang ba de nyid kyi cho gas spyi bo nas dbang bskur bar bya'o/ /sangs rgyas dang byang chub sems dpa' rdzu 'phrul chen po dang ldan pa thams cad kyis 'jig rten dang 'jig rten las 'das pa thams cad kyi sngags rgyud dag 'don pa dang / dkyil 'khor bri ba dang ston pa dang phyag rgya dang spyod pa ston pa dang rang nyid spyod cing ston par khyod la rjes su gnang zhing brjod par bya ba yang tshe 'di nyid la yin la/ phyi nas skye ba brgyud pa dag la ni sangs rgyas nyid thob par 'gyur ba yin no/ /de bzhin du rgyal ba dang rnam par rgyal ba'i dbang bskur ba yang sngar bstan pa'i cho gas/ sangs rgyas bcom ldan 'das la sngar phul ba'i bum pa dang / byang chub sems dpa' la phul ba'i bum pa gang bas kyang de bzhin du dbang bskur ro/ /sangs rgyas bcom ldan 'das thams cad dang / byang chub sems dpa' chen po dang / nyan thos rnams kyis kyang de bzhin du brjod par bya zhing khyod la rjes su gnang ba yin no/ /'byung po thams cad kyis rab tu thub par dka' zhing lus can thams cad kyis mi pham pa dang sngags pa thams cad las khyod rgyal ba dang ci ltar 'dod pa sgrubs shig pa'o/ /de nas dkyil 'khor gyi slob dpon gyis re re la yang ci ltar 'dod pa bzhin du dbang bskur ba lnga sbyin par bya'o/ /sems can rnams la yang lnga po nyid kyis bya'o/ /de dag mthar gyis dkyil 'khor la bcug ste/ sangs rgyas dang byang chub sems dpa' thams cad la bdag nyid</font><hr>95.86b<br><font size=+1>

phul nas dkyil 'khor la bskor ba lan gsum byas te slar gtang bar bya'o/ /de las gzhan pa'i nyin zhag la mthar gyis sngags kyi spyod pa la bslab par bya zhing sbyar bar bya'o/ /skad cig de nyid la bcom ldan 'das byang chub sems dpa' chen po 'jam dpal gzhon nur gyur pa la sngar phul ba'i bum pa gang ba blangs nas dkyil 'khor du zhugs pa de dag la chu khyor ba gsum shar du mngon par blta bar byas la blud par bya'o/ /'di skad du brjod par bya ste/ kye byang chub sems dpa' 'jam dpal gzhon nur gyur pa'i gsang ba'i dam tshig las 'das par gyur na bsod nams ma yin pa mang po skye bar ma byed cig /sngags thams cad kyang 'dor bar ma byed cig /sangs rgyas dang byang chub sems dpa' dag kyang slu bar ma byed cig /bla ma mnyes par gyis shig /gzhan du dam tshig las 'das par gyur na sngags 'grub par mi 'gyur zhing / bsod nams ma yin pa mang por 'gyur ro/ /zhes de ltar smras la gtang bar bya'o/ /de nas dkyil 'khor gyi slob dpon gyis kyang zho dang sbrang rtsi dang mar gyis btags pa'i sA lu dang 'bras thug po che'i sreg blugs kyis yi ge brgyad pa'i snying po dang sbyin sreg bya'o/ /de nas langs nas dkyil 'khor gyi dbus su zhugs te/ sngar bstan pa'i me tog gis/ sngar bstan pa'i cho gas lha thams cad yid la byas te mchod yon dbul lo/ /bdug pas sangs rgyas dang byang chub sems dpa' thams cad dang / rang sangs rgyas dang 'phags pa nyan thos thams cad dang / lha dang / klu dang / gnod sbyin dang / nam mkha' lding dang / dri za dang / mi 'am ci dang / lto 'phye chen po dang / srin po dang / sha za dang / 'byung po dang / rnal 'byor pa dang grub pa dang / drang srong rnams dang sems can thams cad yang dag par bdug nas me tog gtor te/ tsan dan dang gur gum gyis bsangs la sngar bstan pa'i cho gas slar gshegs su gsol bar bya ste/ sems kyis thams cad btang ba yin no/ /de nas</font><hr>95.87a<br><font size=+1>

dkyil 'khor gyi slob dpon gyis bshos dang gtor ma dang / sa tshon thams cad chu bor dor bar bya ba'am/ srog chags sdug bsngal ba rnams la sbyin par bya'o/ /sa phyogs de legs par byugs shing 'jam par byas te/ legs par phyag pa byas nas ba lang gi lci bas byug tu gzhug pa'am/ chus byug par bya ba'am/ shin tu gtsang ba'i sas byug pa'am/ bye mas gtor bar byas la/ de nas ci ltar 'dod par 'gro bar bya'o/ /dkyil 'khor la zhugs pa des bdag nyid 'o ma dang / 'bras chan gyi zas sam/ lha la dbul ba'i kha zas bza' bar bya'o/ /byang chub sems dpa'i sde snod cho ga zhib mo'i rgyal po'i dbang po las/ 'jam dpal gzhon nur gyur pa'i rnam par 'phrul pa byang chub sems dpa'i le'u rab 'byam las/ dkyil 'khor gyi cho ga bstan pa ste le'u gnyis pa rdzogs so// // de nas gzhan yang 'jam dpal gzhon nur gyur pas gnas gtsang ma'i gzhal med khang gi 'khor gyi dkyil 'khor chen po 'dus pa la gzigs nas/ sangs rgyas dang byang chub sems dpa' thams cad la phyag 'tshal te/ yi ge gcig pa mchog tu gsang ba dug thams cad 'joms par byed pa/ las thams cad byed pa sngags dang dkyil 'khor chung ngu sgrub pa'i thabs dang / las phran tshegs thams cad la nye bar sbyar bar bya ba smras so/ /de yang gang zhe na/ na maHsa man+ta bud d+hA nA~M/ tad+ya thA/[ \u0f00] dza/ grogs po dag 'di ni 'byung po thams cad nyon cig /sngags 'di nyid ni yi ge gcig gi dkyil 'khor gnyis pa'i cho ga thams cad du dgos pa/ khru brgyad dam khru bzhi sa'i phyogs yang dag par byas la tshon sna lnga'i phye mas rang nyid kyis bri bar bya ste/ gzhan gyis ni ma yin te/ gang de dang de dag tu yang 'dir ni nges pa med do/ /dkyil 'khor gru bzhi mnyam pos nye bar mdzes pa/ gtsug phud lnga'i phyag rgya chen po dang por re zhig bri'o/ /bcom ldan 'das 'jam dpal gzhon nur gyur pa'i ut+pa la'i phyag rgya dang / mche ba'i</font><hr>95.87b<br><font size=+1>

phyag rgya dang zhal gyi phyag rgya dang dbyug pa'i phyag rgya ste/ phyag rgya 'di dag dkyil 'khor gyi nang du shar gyi char bri bar bya'o/ /de nas pad ma dang rdo rje dang ut+pal dang phyag mtshan dang ba dan dang gdugs dang rta babs dang / shing rta dang glang po che dang rta dang glang dang ma he dang / swa sti ka dang rma bya dang ra dang lug dang / skyes bu gzhon nu'i gzugs can phyi rol gyi sgo'i rtsa bar bri bar bya ste/ mthar gyis rim pa la brten nas bris te/ dkyil 'khor gsum la brten nas de ltar bri bar bya'o/ /de nas yi ge gcig pa'i sngags nyid kyis shar lho'i phyogs kyi char me'i las bya ste/ shing a pa marga'i yam shing zho dang sbrang rtsi dang / mar la btags pas stong rtsa brgyad sbyin sreg bya'o/ /de nas me tog gi mchod yon dbul lo/ /yi ge gcig pa'i sngags kyis ci ltar 'dod par gtor ma dang lha bshos dang mar me dang bdug pa dang spyan drang ba dang gshegs su gsol ba rnams bya'o/ /de nas rgyal srid 'dod pas ni grong khyer gyi dbus su bri bar bya'o/ /longs spyod 'dod pas ni shing a mra'i drung du'o/ /bu 'dod pas ni bo de tse'i shing gi drung du'o/ /chung ma dang glang po che dang rta 'dod pas ni glang po che'i bres skyu'am/ rta'i bres skyur ro/ /chu 'dod pas ni mtsho chen po'am klu'i gnas su'o/ /nyin bzhi pa'i rims sam/ rtag pa'i rims sam/ rims thams cad la rtag gcig pa'am/ grong gi g.yas phyogs su'o/ /srin pos zin pa ni dur khrod dam khang pa stong par bya'o/ /yang srin pos zin pa la ni ba ru ra'i shing gi drung ngam/ e raN+Da'i shing gi drung du bya'o/ /ma mo thams cad kyis zin pa la ni bzhi mdo'am shi ba'i khyim dang bu btsas pa'i khyim du nye bar bya'o/ /tshangs pa'am srin pos zin pa la ni ta la'i shing drung du'o/ /sbyar ba'i dug 'byin pa la ni yi ge gcig pa'i sngags kyis chu la lan gsum bsngags pa byas te/ dkyil 'khor de nyid du blud pa byas na grol bar 'gyur ro/ /de bzhin du bud med dam skyes pa grags pa 'dod</font><hr>95.88a<br><font size=+1>

pa la ni bzhi mdo'am bram ze gnas par bri bar bya'o/ /bu shi ba la ni shing 'bras bu can nam 'o ma can gyi shing drung du'o/ /'bras sA lu smin pa'i sa dang zhing gi dbus su ni bu med pa la bri bar bya'o/ /nad rnam pa gsum bdag gir byas pa dang gzhan gyis nyams pa la ni 'jug ngogs la sogs pa la'o/ /nad chen pos btab pa la ni dkyil 'khor chu bo'i ngogs dang 'gram du bya'o/ /nad thams cad kyis thams cad du btab pa la ni ri'i rtse mor bri bar bya'o/ /mkha' 'gro mas byas pa la yang bram ze'i ldum ra'am/ khang pa stong pa'am/ gnas dben par gzhol ba'i sa phyogs su bya'o/ /de bzhin du las thams cad la nam phyed dam dus thams cad du mngon par bri bar bya'o/ /yi ge gcig pa de nyid kyi sngags kyis me tog gi mchod yon phul te gshegs su gsol lo/ /dkyil 'khor la chus gtor ba byas na nad thams cad bsrung ba chen po byas par 'gyur te nad thams cad las grol bar yang 'gyur ro/ /bu med pas ni bu rnyed cing / /skal med rnams kyang skal ldan 'gyur/ /dbul po rnams kyis nor 'thob pa/ /dkyil 'khor mthong ba tsam gyis so/ /skyes pa'am yang na bud med kyang / /thos nas the tshom med byas na/ /ci 'dod rnam pa sna tshogs ni/ /thob 'gyur rtag tu phun sum tshogs/ /byang chub sems dpa'i sde snod kyi cho ga rab 'byam las/ /'jam dpal gzhon nur gyur pa'i rtsa ba las kyi dkyil 'khor gsum pa'i le'u ste gsum pa rdzogs so// // de nas 'jam dpal gzhon nur gyur pas thams cad dang ldan pa'i gnas gtsang ma la gzigs nas/ gzhan yang 'khor gyi dkyil 'khor chen po der 'dus pa la yang gzigs te/ bcom ldan 'das shAkya thub pa'i zhabs gnyis la btud nas zhal 'dzum pa dang ldan pas bcom ldan 'das la 'di skad ces gsol to/ /bcom ldan 'das sems can thams cad la phan pa'i phyir sngags kyi spyod pa'i cho ga'i sgrub pa'i rgyu mthun pa/ chos kyi char ci ltar 'dod pa'i 'bras bu sgrub pa'i cho ga rab 'byam las ras kyi ri mo'i</font><hr>95.88b<br><font size=+1>

cho ga bsod nams bla na med pa skyed pa yang dag par rdzogs pa'i byang chub kyi sa bon mngon par sgrub par byed pa/ mdor na bsam pa thams cad yongs su rdzogs par byed pa sngags thams cad kyi 'bras bu la rab tu sbyor zhing 'bras bu dang bcas par byed pa/ don med pa ma yin pa grub cing sgrub par byed pa/ byang chub sems dpa' thams cad kyi spyod pa yongs su rdzogs par byed pa/ byang chub sems dpa' chen po'i go cha bgos pa/ bdud thams cad kyi stobs zil gyis mnan cing rgyab kyis phyogs par byed pa bdag dang sems can thams cad la thugs brtse ba'i phyir de legs par bshad du gsol/ 'jam dpal gzhon nur gyur pas de skad ces gsol pa dang / de nas bcom ldan 'das shAkya thub pas 'jam dpal gzhon nur gyur pa la 'di skad ces bka' stsal to/ /'jam dpal gzhon nur gyur pa khyod skye bo mang po la phan pa'i phyir zhugs pa dang / 'jig rten la snying brtse ba'i phyir gang khyod de bzhin gshegs pa la don 'di 'dri bar sems pa ni legs so legs so/ /de shin du legs par nyon la yid la zung shig dang / ngas bshad par bya'o/ /khyod kyi ras ris kyi cho ga rab 'byam sngags thams cad sgrub par byed pa la rab tu 'jug pa mthar gyis ngas bshad par bya'o/ /sngon yang de bzhin gshegs pa thams cad kyis bstan te da ltar yang ngas bshad par bya'o/ /dang por re zhig sa'i phyogs gtsang ba rdul med pa las ras bal yang dag par blangs la/ dam tshig la zhugs pa'i sems can rnams kyis ras bal de yang dag par byas te/ yang sngags 'dis dkyil 'khor gyis brgya rtsa brgyad tu bsngags par bya'o/ /na maH sa man+ta bud d+hA nA~M/ bo d+hi sa twa a pra ti ha ta ga ti ma ti pra tsA ri NA~M/ na maHsa~M shod+ha na duHkha pra sha ma nen+d+ra rA dzA ya/ ta thA ga tA ya ar+ha te samyak+sa~M bud d+hA ya/ tad+ya thA/[ \u0f00] sho d+ha ya sa~M sho d+ha ya/ sarba big+h+na~M g+ha ta ka ma hA kA ru Ni ka ku mA ra rU pa d+hA ri Ni/ bi kuR+ba bi kuR+ba sa ma yam nu sma ra tiSh+Tha tiSh+Tha hU~M hU~M phaT phaT swA hA/ de nas grong gi chos mi shes pa'i gzhon nu ma/ bram ze'i rigs dang rgyal rigs su skyes</font><hr>95.89a<br><font size=+1>

pa dang / rje'u'i rigs su skyes pa dang rigs ngan pa'i skyes gnas yongs su spangs pa/ dbang po ma tshang ba med pa/ yan lag thams cad mdzes pa pha dang mas rjes su gnang ba/ gso sbyong byas pa/ byang chub tu sems bskyed pa/ snying rje dang ldan pa/ bzhin dkar ba/ kha dog gzhan rnam par spangs pa/ mdor na bud med kyi mtshan nyid rab tu zhi ba'i mtshan nyid kyis mtshan pa/ shin tu nyin zhag shis pa dang / zla ba yar ngo dang gza' bzang po bltas te/ du ba dang khug rna med cing sprin dang bral ba rlung med cing gtsang ba'i sa phyogs su sngar bstan pa'i gzhon nu ma khrus byas shing gos gtsang ma bgos te/ gos kyis legs par bkab pa byas pa la sngags 'di phyag rgya chen po dang ldan pas bsrung bar bya ste/ tsan dan dkar po dang / gur gum srog chags med pa'i chu dang sbyar bas ras bal de dang bu mo de sngags de nyid kyis yang dag par sbyangs te gtor la/ tsan dan dkar po dang / gur gum gyi chus steng dang 'og dang phyogs bzhir yang gtor bar bya'o/ /tsan dan dkar po dang gur gum dang ga pur gcig tu byas pa'i bdug pas bdug par bya ste/ rang nyid kyis sbyin pa'am/ sgrub pa'i grogs mchog gi slob dpon gyis sbyin par bya'o/ /sangs rgyas bcom ldan 'das dang sa bcu'i dbang phyug la gnas pa'i byang chub sems dpa' chen po rnams/ ras kyi dog pa 'di la lhag par gnas par mdzod cig ces lan gsum brjod par bya'o/ /de nas sangs rgyas bcom ldan 'das dang byang chub sems dpa' chen po rnams dgongs su gsol zhes byas nas/ bdug pas bdug pa de'i dus su rma bya dang / khrung khrung dang ngang pa dang bzhad dang ngur pa rnam pa sna tshogs bya dge ba thang la gnas pa'am/ chu la spyod pa rnams nam mkha' la 'gro bar 'gyur ba'am/ dge ba'i skad 'don na las 'di ni 'bras bu dang bcas pa yin no zhes sgrub pa pos shes par bya'o/ /sangs rgyas bcom ldan 'das dang byang chub sems dpa' chen po rnams kyis bdag gi ras</font><hr>95.89b<br><font size=+1>

skud 'di la byin gyis brlabs te/ bdag gi skye ba dam pa ni legs par 'tsho ba yin te/ bdag gi sngags sgrub pa 'bras bu med par mi 'gyur ro/ /rnga pa Ta ha dang rnga bo che dang rdza rnga dang dung dang pi bang dang gling bu dang khar rnga dang rdza rnga chen po'i sgra thos pa'am/ bud med dang khye'u'am/ bu mo'am skyes pa rnams bcos ma'am bcos ma ma yin pa de'i dus su blo bur du 'di skad ces/ rgyal ba dang grub pa dang sbyin pa dang byin pa dang khyer cig ces pa dang / dpal dang 'bras bu dang / 'bras bu yod pa dang / cho ga dang brgya byin dang / mang po dang de dag la sogs pa'i sgra gzhan rab tu dge ba 'don pa'am dril bu'i sgra dang dga' ba'i sgra thos na/ des na rig pa 'dzin pas shes par bya ba ni/ sangs rgyas bcom ldan 'das dang byang chub sems dpa' chen po rnams kyis byin gyis brlabs pa ni 'di yin te/ don yod pa'i grub pa ni 'di yin zhing gzhan du ma yin no zhes so/ /ci ste de'i dus su ma rungs pa'i tshig 'don pa khyer cig zo shig zung shig /nyams pa rnam par nyams pa/ kyi hud ring ba shin tu ring ba med pa zhes bya ba la sogs pa'i sgra 'don pa'am/ spre'u dang ma he dang ce spyang dang bong bu dang byi la dang / ba lang dang dud 'gro smad pa rkang gnyis sam rkang bzhi pa'i sgra 'don par gyur na/ des ni sgrub pa pos bdag gi dngos grub ni med pa yin no zhes shes par bya ste/ skabs der brtul bar bya zhing yang snga ma bzhin du yang brtsam par bya'o/ /de bzhin du lan bdun gyi bar du byas la/ bdun pa'i las kyi bya ba la ni mtshams med pa lnga byas pa yang 'grub par 'gyur ro/ /de nas sgrub pa pos gzhon nu ma de bsrung ba byas la ku sha'i khres la gzhag par bya ste/ shar ram byang phyogs su phyogs par bzhag la bdag nyid srung ba dang lha la dbul ba'i kha zas zas su sbyin no/ /sngar sbyang ba byas pa'i ku sha'i khres de nyid kyi cho gas ras bal la yang bya'o/ /dog pa de 'jam pa dang legs par bsgrims</font><hr>95.90a<br><font size=+1>

pa dang sngar bslabs pa'i bu mos yang dag par blangs te/ gcig dang gsum dang lnga dang brgyad la sogs pa nas bcu drug gi bar ram/ kar sha'i grangs legs par bgrangs pa dang ldan pas bya'o/ /de la rab ni bcu drug bya/ /de bzhin brgyad ni bar ma ste/ /phran tshegs las la sgrub pa ni/ /gcig dang lnga ni tha ma'o/ /las rnams kun la sngags rig pas/ /ci ltar nus pa bzhin du bya/ /de nas brtsams te gang cung zad/ /sdig pa sngar ni byas pa dag /dog par sems kyis dmigs pa na/ /de yi mod la 'jig par 'gyur/ /dog pa 'di dag yang dag blangs/ /gtsang ma'i snod du gzhug par bya/ /de nas bzhag pa byas nas de/ /ga bur gyi ni bdug pas bdug /srog chags yan lag byung ba'am/ /gur gum tsan dan la sogs dang / /me tog ma le tsam pa ka /dri zhim sogs pas yongs su bsgo/ /bsrung ba'i cho ga byas nas ni/ /gtsang ma'i phyogs su yang dag bzhag /sngags rig las kun shes pa yis/ /shin du mnyam gzhag bzlas pa bya/ /de nas tha ga par song nas/ /ci 'dod pa yi rin sbyin no/ /rang dbang yan lag ma nyams dang / /dkar po'i chos la rtag tu dad/ /rgan min nad kyis gdungs pa min/ /lud pa dbugs mi bde ba spangs/ /ma ning smad pa ma yin dang / /'phye bo ma yin skra dkar spangs/ /kun gyis bkur ba'i mtshan nyid ldan/ /rab bsngags blta na sdug pa dang / /blo dang yang dag spyod pa dge/ /'jig rten pa yi tshul la brten/ /dngos grub 'dod pas de la ni/ /ras bzang btags pa'i ched du bskul/ /grogs po rigs bzang rab bsngags shing / /blo ldan bzo ni mkhas pa dang / /shin tu khyad par mchog gyur pa'i/ /ras thag bzang la bskul bar bya/ /rab ni rab tu bsgrub par bya/ /'bring ni 'bring la bsgrub par bya/ /tha mal phran tshegs las la ni/ /dman pa nyid ni thams cad la/ /bzo bo ci ltar smra ba bzhin/ /rin ni de ltar sbyin par bya/ /dang po'i</font><hr>95.90b<br><font size=+1>

tshig ni yang dag 'byung / /bzo bo la ni sngags rigs pas/ /de nas myur du rin byin pa/ /dpa' bo'i tshong zhes de la brjod/ /don du gnyer med de la ni/ /rin du smra byed sgrub pa po/ /'di ni myur du 'grub byed pa'i/ /ras ni bzang po bla na med/ /las kun byed cing mchod pa ste/ /lha dang mi yi bde ba sbyin/ /'byung po kun gyi dpal 'gyur zhes/ /yang dag rdzogs sangs rgyas kyis gsungs/ /de nas rig pa 'dzin pas tha ga pa la rgyu skar bzang po'am/ cho 'phrul gyi zla ba phyed dam nyin zhag dge ba'am gza' dge ba bltas te gso sbyong sbyin/ yang na dus kyi mchog dpyid kyi dus kyi zla ba yar gyi ngo la shing a mra'i me tog skyes shing shing gi mchog rnams kyi yal ga dang me tog rgyas pa de'i dus mtshams su/ snga dro nyi ma 'char ba la sngar bstan pa'i tha ga pa lha la dbul bar 'os pa'i kha zas bsten cing / gos gtsang ma bgos la mgo la cod pan bcings nas khrus legs por byas te/ tsan dan dkar po dang gur gum gang yang rung bas lus byugs nas ga pur gyi dris kha la bsgos te yid dga' ba dang bkres pa dang skom pa med par byas te/ thags kyi lag cha tha ga pa la sogs pa'i yo byad thams cad kyang sar pa la sa dang ba lang gi lci bas bkrus te/ yang ba'i rnam lngas bkru bar bya'o/ /de nas srog chags med pa'i chus kyang bkru bar bya'o/ /tsan dan dkar po dang gur gum gyi chus kyang gtor bar bya'o/ /gtsang ma'i sa phyogs su ca co med cing skye bo dang bral ba dben pa'i gnas su bkab pa dang gsang bar me tog gis mchod do/ /de nas sgrub pa pos yang dag par dag par byed pa'i sngags kyis brgya rtsa brgyad mngon par bsngags pa'i yungs kar gyis phyogs bzhi steng 'og phyogs mtshams su gtor bar bya'o/ /de nas tha ga pa la yungs kar gyis gtor bar bya zhing / phyag rgya chen po gtsug phud lnga bcings te/ gtsug phud bcing ba byas na srung ba chen po byas par 'gyur ro/ /gal te ras ris rab yin na ni/ zur bzhir zheng du khru bzhi chur khru brgyad de/ tha ga pas de tsam la</font><hr>95.91a<br><font size=+1>

yongs su goms par bya'o/ /'bring ni zheng du khru do chur khru lnga pa'o/ /tha ma ni zheng du bde bar gshegs pa'i mtho gang chur ni khru brgyad kyi phyed do/ /de la sangs rgyas bcom ldan 'das kyi mtho gang la ni yul dbus kyi skyes bu tshad dang ldan pa'i khru gcig ste/ 'di la bde bar gshegs pa'i mtho zhes bsgrags te/ tshad 'dis tshad du bstan pa yin no/ /ras ni rab kyis dngos grub mchog /'jig rten gang zag mchog gis gsungs/ /thub pa mya ngan 'das 'og tu/ /rgyal srid 'dod la bar ma yin/ /longs spyod che 'dod skyes bu dang / /lha mi lha min gdengs can ni/ /tha ma la ni grub par bshad/ /'bring gis 'bring ni grub pa'o/ /las rnams phran tshegs dag la ni/ /ras ni tha mas rtag tu 'grub/ /rdzas rnams kun la rtag tu ni/ /las rnams thams cad 'grub par 'gyur/ /ras gsum gyis kyang bstan pa ni/ /skal 'dod mi la 'grub pa yin/ /brgya byin bde sogs bdag po la'ang / /cho ga nyams na 'grub mi 'gyur/ /cho ga yang dag ldan na ni/ /mi yi skye ba tha ma la'ang / /las rnams thams cad 'bad med par/ /myur ba nyid du 'grub par byed/ /rgyal ba rgya mtsho sras dag gis/ /lam 'di dag ni yang dag bstan/ /phongs pa mgon med sdug bsngal ba'i/ /sems can kun la legs sbyin pa'o/ /byang chub lam ni ma lus kyang / /de nyid gzigs pas bstan pa ste/ /byang chub rgyu yi chos 'di ni/ /sngags kyi lam gyis bstan pa yin/ /'jig rten dkyil 'khor ma lus dang / /'jig rten 'das pa'ang 'grub 'gyur te/ /dkyil 'khor gang dag bstan pa yis/ /'bad pa med par sngags rnams 'grub/ /gang zhig byang chub rgyu 'dod pas/ /de la rtag tu dngos grub 'gyur/ /'gro la phan sems rtag med pa/ /gzhan la 'grub par mi 'gyur ro/ /bdag nyid chen po 'jam dpal ni/ /gzhon nur gyur pas khyad par du/ /byang chub 'jug pa'i khyad sems la/ /ras ris 'grub</font><hr>95.91b<br><font size=+1>

par gsungs pa yin/ /bya ba myur du 'grub pa'i phyir/ /thams cad 'dir ni thob pa yin/ /de nas mthar gyis bzo bos ni/ /ras ni 'bad pas btags par bya/ /nyin zhag lnga dang brgyad dang ni/ /bcu drug gnyis dang bzhi dang ni/ /nyin zhag gcig gis myur du ni/ /myur bar ras kyi tha ga bya/ /grub pa mchog ni 'dod pa yis/ /nyin zhag gcig pa dge ba yin/ /gtsang sbra'i spyod pa phun sum tshogs/ /bzo bo rtag tu byin brlabs ldan/ /gnas nas thag ring song nas ni/ /bshang dang gci ba yongs su dor/ /de nas gos bcas khrus byas te/ /gos gzhan dag kyang bgo bya zhing / /gos dkar phreng ba ldan par 'chang / /yang dang yang du nye reg bya/ /lus ni tsan dan dkar pos byugs/ /bzo bos lag pa gnyis kyang byugs/ /legs 'jam rtag tu dri med par/ /'bad pas kyang ni tha ga bya/ /de la sogs pa'i sbyor ba 'am/ /gzhan ni rgyal bas gsungs pa dang / /rnam dpyad rang bzhin 'bad pa yis/ /ras ni ma lus tha ga bya/ /ras kyi tha ga zin pa dang / /sngar gsungs las kyis legs byas pa/ /tshad ldan nyams pa med pa ni/ /nyin zhag bzang la bltab ste bzhag /yar ngo'i shin tu bzang po la/ /de la sngags ni gzhug par bya/ /ras ni yongs su gsal byas pa/ /kha tshar mthar ni mdud mdzes bya/ /'od ma'i shing la btags nas ni/ /de nas ras ni blangs te 'gro/ /bzo bo bde legs byas nas ni/ /nor mang pos ni bgo bsha' bya/ /brtul zhugs bzang po legs spyod pa'i/ /sngags pa ci ltar 'dod song nas/ /me tog dri zhim gyis mchod de/ /gtsang ba'i phyogs su gzhag par bya/ /'di nyid kyi ni sngags kyis su/ /srung ba'i cho ga rab tu bya/ /sngon ni ras bal gang de yis/ /lan mang du ni yongs sbyangs la/ /bdag nyid dang ni ras dag la/ /de nyid kyis ni bsrung bar bya/ /dpa' bo chen po 'jam dpal gyis/ /sngags</font><hr>95.92a<br><font size=+1>

kyi bzlas pa gsungs pa dang / /'das pa'i sangs rgyas mang po dang / /ngas kyang da ltar gsungs pa yin/ /de nyid sngags ni thams cad kyi/ /sngags kyi ngo bos rnam par spyod/ /brtson 'grus che zhing gzi brjid che/ /sngags kyi don kun sgrub byed pa/ /cha byad rnam pa sna tshogs byed/ /skyob pa rnam pa sna tshogs rgyu/ /'dzam gling gnas pa'i sems can rnams/ /rmongs pa spyod cing sems pa med/ /ma dad phyin ci log par byed/ /log spyod shin tu brkam chags kyis/ /rdzas rnams ma lus pa dag dang / /sngags rnams kyis kyang 'grub mi byed/ /'khor ba'i mun pa'i btson rar ni/ /de nyid kyis ni 'khor bar 'gyur/ /gang yang rtag tu yid dag cing / /dad ldan bkra shis dag la dga'/ /sngags rnams kun la spro ba dang / /rtag tu 'dzin dang 'chang ba dang / /bdag nyid chen po dngos grub 'dod/ /spro ba che zhing gzi brjid che/ /rgyal bas gsungs pa'i sngags dag ni/ /'bad pa med par 'grub par 'gyur/ /dad pa med pa'i skye bo la/ /dkar po'i chos rnams mi skye ste/ /sa bon tshwa sgor btab pa la/ /myu gu skye ba med pa bzhin/ /dad pa'i rtsa ba rtag tu chos/ /chos don gzigs pas gsungs paste/ /chos don spyod pa de dag la/ /sngags rnams rtag tu 'grub par gsungs/ /de nas sgrub pa pos bzo bo legs par bslab pa'i ri mo mkhan nam/ bdag nyid 'dri ba la mkhas pas/ tshon ma 'dres shing kha dog gsal ba dang ldan pa'i tshon rtsi rnams blangs te/ sngar tha ga pa la byas pa'i cho ga ci lta ba de nyid kyi mtshan nyid dang ldan pas/ ri mo mkhan la snga ma bzhin sbyar bar bya ste/ sngar ci ltar tha ga pa la byas pa de nyid kyis ras la ri mo 'drir gzhug go /yang na bdag nyid kyis bri bar bya'o/ /ga pur dang tsan dan dang gur gum la sogs pa'i dris tshon rtsi la bsgo bar bya zhing bdug spos bsregs te/ de nyid kyi sngags kyis lan brgya rtsa brgyad</font><hr>95.92b<br><font size=+1>

'khor dang bcas pa la yang bzla ste/ me tog nA ga ge sar dang pun nA ga dang ba ku la dang tsam pa ka dang dbyar gyi me tog dang d+hA nush+ka ri dang mA la ti'i me tog la sogs pas ras de gcal bkram pa byas la/ shar du mngon par phyogs pas ku sha'i khres la 'dug ste blo legs par gnas pa dang / sangs rgyas dang byang chub sems dpa' la dmigs pa'i sems kyis pir phra mo lag par blangs nas/ 'khrug pa med pa'i sems kyis ras de la bri bar bya'o/ /dang por re zhig bcom ldan 'das shAkya thub pa bri bar bya ste/ rnam pa thams cad kyi mchog dang ldan pa skyes bu chen po'i mtshan sum cu rtsa gnyis kyis mtshan pa/ sku dpe byad bzang po brgyad cus nye bar mdzes pa rin po che'i pad ma la bzhugs pa kun nas 'od 'bar ba/ sku 'od 'dom gang gis nye bar mdzes pa chos 'chad bzhin pa/ sku dang zhing rnam pa thams cad kyi mchog dang ldan pa/ dbus na gnas pa'i pad ma bai DUr+ya'i sdong bu can 'og na ni klu'i rgyal po gnyis kyi gdan chen po'i pad ma'i sdong bu la 'dzin cing / de bzhin gshegs pa la blta ba/ lag pa g.yas pas phyag 'tshal ba/ mdog dkar po rgyan thams cad kyis brgyan pa mi dang 'dra ba/ phyed sbrul gyi gzugs can dga' bo dang nye dga' bri bar bya'o/ /kun nas pad ma'i mtsho pad ma'i 'dab ma dang me tog cung zad kha bye ba dang / rnam par kha bye ba dang chu las skyes pa'i srog chags rnams dang / bya dang nya la sogs pas khyab pa yangs shing mdzes par skyes pa bri bar bya'o/ /gang bcom ldan 'das kyi rtsa ba'i pad ma'i sdong bu de las 'phros pa'i yal ga las pad ma'i me tog du ma mthar gyis mtho ba bya'o/ /g.yon gyi phyogs su pad ma'i me tog brgyad byas te/ pad ma de dag la byang chub sems dpa' chen po brgyad kyi gzugs bzhugs pa bri bar bya'o/ /dang po la re zhig 'phags pa 'jam dpal cung zad kha dog pad ma'i ge sar bzhin du ser skya'am gur gum mam gser gyi mdog 'dra ba gzhon nu'i cha byad byis pa dang / khye'u'i gzugs can skra zur phud lnga dang ldan pa/ gzhon nu'i rgyan gyis</font><hr>95.93a<br><font size=+1>

brgyan pa/ lag pa g.yon pa na ut+pal sngon po bsnams pa/ lag pa g.yas pas de bzhin gshegs pa la phyag byed pa/ sku mdzes pa zhi ba'i cha byad kyis de bzhin gshegs pa la blta ba/ bzhin cung zad rgod pa 'od 'bar ba dang ldan pas dkyil 'khor kun du khyab pa bri'o/ /pad ma gnyis pa la 'phags pa zla ba'i 'od shin tu gzhon sha can de bzhin du bri bar bya'o/ /gsum pa la ni nor bzang ngo / /bzhi pa la ni sgrib pa rnam par sel ba'o/ /lnga pa la ni nam mkha' mdzod do/ /drug pa la ni sa'i snying po'o/ /bdun pa la ni sdig med do/ /brgyad pa la ni spyan bzang yin te/ de dag thams cad kyang gzhon nu khye'u'i cha byad can/ gzhon nu'i rgyan gyis brgyan pa bri bar bya'o/ /bcom ldan 'das kyi g.yas phyogs su ni/ byang chub sems dpa' chen po brgyad byams pa ma gtogs pa rgyan thams cad kyis brgyan pa/ 'phags pa byams pa ni bcom ldan 'das dang nye bar bri bar bya ste/ tshangs par spyod pa'i cha byad 'dzin pa/ mgo ral pa'i cod pan bcings pa/ mdog gser 'dra ba/ ga sha dmar po gyon pa/ dar la dmar po'i stod g.yogs byas pa/ thal ba'i thig le gsum gyis mtshan pa/ gzugs mdzes pa dang ldan pa dbyig pa dang spyi blugs 'dzin pa krISh+Na sa ra'i pags pa thal gong g.yon par bgos pa/ lag pa g.yon pas phreng ba 'dzin cing de bzhin gshegs pa la phyag byed pa/ der gtod pa'i lta ba sems kyi spyod pa bsam gtan la dmigs pa'i rnam pa can no/ /pad ma gnyis pa la 'phags pa kun du bzang po mdog me tog pri yang ku ltar sngo sangs/ lus rgyan thams cad kyis brgyan pa/ lag pa g.yon pa na nor bu rin po che thogs pa/ lag pa g.yas pa na bil ba thogs shing mchog sbyin pa/ gzugs mdzes pa dang ldan pa de bzhin du bri bar bya'o/ /gsum pa la ni 'phags pa spyan ras gzigs dbang phyug 'dam bu'i mdog 'dra ba/ rgyan thams cad kyis brgyan pa/ ral pa'i cod pan 'chang ba/ mchod phyir thogs dkar pos byas pa/ 'phags pa 'od dpag med gzugs mdzes shing yid du 'ong ba/ stobs bcu dang ldan pa/ ral pa'i mthar skyil mo krung gis bzhugs shing cod pan du byas pa/ lag pa</font><hr>95.93b<br><font size=+1>

g.yon na pad ma bsnams pa/ lag pa g.yas pa mchog sbyin pa/ sems kyi spyod pa bsam gtan la dmigs pa'i rnam pa can/ lus kun nas 'od kyis gsal bar byas pa'o/ /bzhi pa la ni 'phags pa phyag na rdo rje lag pa g.yon na rdo rje 'dzin pa/ lag pa g.yas na bil ba thogs pas mchog sbyin pa mdog gser 'dra ba/ rgyan thams cad kyis brgyan pa/ gzugs mdzes pa/ zhi ba'i lta ba dang ldan pa dang / dra ba dang dra ba phyed pas lus nye bar dkris pa mu tig gi phreng bas mchod phyir thogs byas pa/ cod pan rin po che 'bar bas rnam par 'phro ba gos g.yo ba dang ldan pa bgos pa dar la dkar po'i stod g.yogs byas pa'o/ /'phags pa spyan ras gzigs dbang phyug dang kun du bzang po'i na bza' stod g.yogs kyang 'di bzhin du bya'o/ /cha byad ni ci ltar sngar bstan pa bzhin bya'o/ /de bzhin du pad ma lnga pa la ni 'phags pa blo gros chen po/ drug pa la ni blo gros zhi ba/ bdun pa la ni rnam par snang mdzad snying po/ /brgyad pa la ni ngan song spong ba ste/ byang chub sems dpa' 'di dag bri bar bya ste/ bil ba'i 'bras bu dang glegs bam lag na thogs pa/ rgyan thams cad kyis shin tu mdzes pa/ dar las stod g.yogs byas pa/ rgyan thams cad kyis brgyan pa/ g.yo ba dang ldan pa'i gos bgos pa'o/ /de dag gi steng du'ang rang sangs rgyas brgyad bri bar bya ste/ dge slong gi cha byad 'dzin pa lus skyes bu chen po'i mtshan dang ldan pa/ chos gos dmar po gyon pa/ skyil mo krung gis nye bar gnas pa/ rin po che'i ut+pal la 'dug pa cha byad zhi ba'i bdag nyid kun nas 'od 'phro ba'i phreng bas khyab pa/ me tog dri zhim pos gcal bkram pa la 'di lta ste/ me tog mA li ta dang dbyar gyi me tog dang / d+hA nuSh+ka ri ka dang pun nA ga dang nA ga ge sar la sogs pa'i me tog gis ras ris kun nas gcal bkram par bri bar bya'o/ /bcom ldan 'das shAkya thub pa'i g.yon phyogs su 'phags pa 'jam dpal gyi steng du rin po che du mas nye bar spras pa/ shin tu yangs pa'i gzhal med khang gi</font><hr>95.94a<br><font size=+1>

dkyil 'khor brag gi tshogs kyis shin tu nye bar mdzes par byas pa/ rin po che'i ut+pa las shin tu bkab pa ri'i rnam pa lta bu bri bar bya'o/ /gnas der sangs rgyas bcom ldan 'das brgyad bri bar bya ste/ 'di lta ste rin chen gtsug tor can rin po che bai DUr+ya'i 'od rnam par 'phro ba/ kun nas 'od 'dom gang ba/ rin po che pad ma rA ga dang in+d+ra nI la dang / margad la sogs pa dang / bai DUr+ya dang asma gar b+ha la sogs pa nor bu rin po che chen po'i bye brag kun nas 'od 'phro ba dang ldan pa nyi ma 'char ka'i mdog 'dra ba/ de bzhin gshegs pa'i sku lhung bzed dang chos gos dang bla gos dang ldan pa/ skyil krung gis bzhugs shing chos 'chad pa/ na bza' ser po mnabs pa/ skyes bu chen po'i mtshan gyis sku la khyab pa/ dpe byad bzang po brgyad cus sku nye bar mdzes pa/ zhi ba'i gzigs pa dang ldan pa/ rnam pa thams cad kyi mchog dang ldan pa'i de bzhin gshegs pa rin chen gtsug tor can bri bar bya'o/ /gnyis pa de bzhin gshegs pa me tog yang dag par skyes pa'i dbang po'i rgyal po kha dog gser 'dra ba bri bar bya'o/ /gsum pa pad ma'i gtsug tor pad ma'i ge sar dang 'dra ba chos 'chad pa bri bar bya'o/ /bzhi pa spyan bzang po yang bri bar bya'o/ /lnga pa bsnyen par dka' ba dang / drug pa rgyal ba rnam par snang mdzad dang / bdun pa sman gyi bla bai DUr+ya'i 'od kyi rgyal po dang / brgyad pa de bzhin gshegs pa sdug bsngal thams cad zhi bar byed pa'i spyan gyi rgyal po bri bar bya'o/ /'di dag thams cad kyang gser gyi mdog can de bzhin gshegs pa'i sku'i gzugs su bri bar bya'o/ /de bzhin gshegs pa de dag gi steng gi phyogs su g.yas g.yon nas sprin gyi gseb nas gnas gtsang ma'i lha'i bu gnyis lus mi snang bar me tog gi char 'bebs pa bri bar bya ste/ bar snang la gnas nas sangs rgyas dang byang chub sems dpa' thams cad dang / rang sangs rgyas dang 'phags pa nyan thos rnams la phyag 'tshal ba bri bar bya'o/ /rang sangs rgyas thams cad kyi 'og tu</font><hr>95.94b<br><font size=+1>

nyan thos chen po brgyad byang chub sems dpa'i mgo la 'dug pa spangs te bri bar bya ba la 'di lta ste/ gnas brtan shA ri'i bu dang maud gal gyi bu chen po dang 'od srung chen po dang / rab 'byor dang sgra gcan 'dzin dang / dga' bo dang bzang ldan dang / ka pi na'o/ /rang sangs rgyas dag kyang 'di lta ste/ spos kyi ngad ldang dang dman pa dang nye ba'i 'chi ltas dang / dkar po dang dkar po'i tog dang / mu khyud dang mu khyud bzang po'o/ /'di dag thams cad kyang shin tu mdzes pa/ zhi ba'i cha byad kyi bdag nyid can shin tu dul ba'i cha byad can no/ /nyan thos chen po dag kyang sangs rgyas bcom ldan 'das shAkya thub pa la lta ba'o/ /steng du gnas gtsang ma'i lha'i bu gzhan gnyis nye bar kun nas gos kyi bla re chu zhing yangs pa shin tu mdzes pa 'dzin cing sangs rgyas dang byang chub sems dpa' thams cad dang / rang sangs rgyas dang 'phags pa nyan thos rnams kyi steng du lha'i gos dang phreng ba 'dzin pa bri bar bya'o/ /bcom ldan 'das shAkya thub pa'i steng dbu'i steng du mu tig gi phreng ba dang / thag gu dmar po pad ma rA ga dang / in+d+ra nI la la sogs pa'i mdud pa byas pa rin po che'i thag gu'i tshogs bya'o/ /de la yang gos kyi bla re shin tu legs par kun nas bkod pa dang / mu tig gi phreng ba 'phyang bas mdzes pa bri bar bya'o/ /sangs rgyas bcom ldan 'das kyi 'og tu ni pad ma'i mtsho las 'phags pa 'jam dpal gyi zhabs drung dang nye ba na/ klu'i rgyal po nye dga'i phyogs su rin po che chen po'i ri bo pad ma'i mtsho las mngon par 'thon pa rin po che'i myu gu dang phug dang ri sul dang byi ru'i yal ga dang rin po che'i shing gis yongs su bskor ba/ drang srong chen po'i gnas dang grub pa dag gis de la brten pa/ ri'i rtse mo'i steng du khro bo'i rgyal po gshin rje gshed shin tu mi bzad pa'i gzugs can/ lag pa g.yas pa na zhags pa thogs pa/ lag pa g.yon pa na gzhu thogs pa/ bzhin khro gnyer dang ldan pa/ bka' nyan cing 'phags pa 'jam dpal la</font><hr>95.95a<br><font size=+1>

phyogs te lta ba gsus pa 'phyang ba/ skra gyen du brdzes pa/ mig sman nag po dang sprin nag po dang 'dra ba/ kha spu ser ba sen mo ring ba mig dmar ba/ mgul ba'i phyogs sbrul gyis brgyan pa/ stag gi pags pa mnabs pa bgegs thams cad rnam par 'joms par byed pa rab tu mi bzad pa chen po khro bo'i rgyal po chen po kun nas 'bar ba khro bo'i rgyal po gshin rje'i gshed bri bar bya'o/ /ri de'i 'og tu rdo'i steng na 'dug pa/ lus sa la btud de spos kyi snod lag na thogs pa/ cha byad dang dbyibs ci lta ba bzhin rtags 'dzin pa/ ji ltar rjes su mthun pa'i spyod pa dang / 'phags pa 'jam dpal gyi rjes su lta ba'i sgrub pa po bri bar bya'o/ /klu'i rgyal po dga' bo dang nye bar bcom ldan 'das shAkya thub pa'i 'og de'i g.yas ngos su pad ma'i mtsho las mngon par byung ba'i rin po che'i ri'i rgyal po/ ji ltar sngar ri'i rgyal por bstan pa de bzhin du bri bar bya'o/ /khro bo'i rgyal po gshin rje'i gshed med pa lha'i me tog gis khyab pa bri bar bya'o/ /ri de yang 'phags pa spyan ras gzigs dbang phyug gi 'og tu bri'o/ /ri de yang shin tu mtho ba rin po che pad ma rA ga'i them skas 'dra ba/ bai DUr+ya'i rang bzhin rtse mo myu gu 'dra ba bri bar bya'o/ /de la brten pa'i lha mo 'phags pa spyan ras gzigs dbang phyug gi thugs rje'i ngo bo 'phags ma sgrol ma rgyan thams cad kyis brgyan pa/ dar la dmar pos stod g.yogs byas pa kha dog rnam pa sna tshogs dang ldan pa'i gos can/ bud med kyi rgyan thams cad kyis lus brgyan pa/ lag pa g.yon pa na ut+pa la thogs pa/ gser gyi kha dog can rked pa phra ba ha cang yang mi skem ha cang yang mi sbom ha cang yang mi rgan/ sems bsam gtan la zhugs pa/ bka' nyan cing 'dug pa/ kun nas 'bar ba'i 'od kyi phreng bas yongs su bskor ba/ der yang bai DUr+ya rin po che'i rtse mo la shing pun+nA ga'i yal gas kun nas bskor ba/ yal ga dag la yang</font><hr>95.95b<br><font size=+1>

me tog 'phel zhing kha bye bas legs par rgyas pas bcom ldan 'das ma sgrol ma mngon par bkab pa/ yal ga mngon par 'dud pa de nyid kyang shin tu kha dog sna tshogs pa byi ru'i myu gu'i 'brel ba rnam pa sna tshogs kyi ngo bo'i tshon 'bar ba na/ lha mo sgrol ma mngon du phyogs shing lta ba bri bar bya'o/ /lha mo bgegs rnams ma lus 'joms/ /'jigs pa sel bar byed pa'i mchog /sgrub pa po ni srung don du/ /des ni dam pa sbyin zhing dge/ /stobs bcu ldan sras thugs rje ni/ /bud med gzugs 'chang lha mo yin/ /'byung po kun gyi dpal don dang / /mchog sbyin byed pa bri bar bya/ /'jam pa'i dbyangs can 'od chen ni/ /gzhon nu'ang lha mo 'di la dgyes/ /bgegs rnams thams cad bsal ba'i phyir/ /sgrub pa pos kyang yang dag bkur/ /mi yi bdag po srung don dang / /dpal sgrub phyir yang ri mo bri/ /khro bo'i rgyal po gang yin te/ /ri yi rtse mor gzhag bris pa/ /bgegs rnams thams cad gzhig pa'i phyir/ /rgyal ba mchog dang sras kyis gsungs/ /mi bzad chen po 'khyil ba che/ /gtum chen 'od chen ldan pa po/ /ma rungs sems can tshar gcad phyir/ /sgrub pa la ni rab tu brtags/ /sgrub pa po ni srung ba dang / /bgegs rnams thams cad sel bar byed/ /mi bzad khro bo'i ngang tshul can/ /sngags kyi lha dag 'gugs par byed/ /shin tu mi bzad drag po'i gzugs/ /brtse ba med pa thams cad 'dul/ /sdig dang drag por spyod pa rnams/ /dbang du mi 'gyur dbang du byed/ /mkha' spyod sa la spyod pa dang / /sa 'og spyod pa thams cad kyi/ /thub pa'i bstan la 'gal byed gang / /ma rungs thams cad 'dul bar byed/ /ras ni kun nas gru bzhi dang / /zur bzhi dag tu bri ba yin/ /ras kyi 'og tu tha mar ni/ /chu bo rgya che'i gnas bya ste/ /klu yi gdengs ka yan lag can/ /gcig ni kun du bya ba yin/ /yan lag bzang po dkar po dang / /lus phyed mi yi rnam par skyes/ /byang du mgo ni gzhag bya ste/ /rtag tu thal mo sbyar byed pa/ /stobs chen</font><hr>95.96a<br><font size=+1>

gdengs ka bdun dang ldan/ /mtha' yas zhes ni bya ba yin/ /de bzhin gshegs la nges par lta/ /nor bu rin chen gyis mdzes pa/ /legs par mdzes dang gzugs mdzes dang / /rin chen rgyan gyis yongs brgyan pa'i/ /'bar ba'i phreng can bri ba ni/ /klu rgyal chen por rnam par grags/ /'jig rten kun la phan par brtson/ /sangs rgyas bstan la rab tu zhugs/ /bgegs rnams thams cad rnam gzhig phyir/ /chu bo la brten bri bar bya/ /ras kyi cho ga dam pa 'di/ /rgyal ba rnams kyis gsungs pa yin/ /de bzhin gshegs pas sngon gsungs pa/ /rgyas bstan ngas ni mdor bsdus yin/ /mkhas pa gang zhig 'dri byed pa/ /de yi bsod nams mtha' yas 'gyur/ /bskal pa bye bar byas pa yi/ /sdig pa shin tu mi bzad pa/ /sa steng ri mo mthong ba tsam/ /de yi mod la 'byang bar byed/ /mtshams med lnga po byed pa dang / /tshul khrims nyams dang smad pa dang / /sdig pa kun la 'jug pa dang / /'khor ba'i mun par spyod pa dang / /'gro ba'i skye gnas ngan pa dag /der ni ras ris gzhag mi bya/ /ras ris mthong ba'ang don ldan zhes/ /thub pa'i dbang pos gsungs pa yin/ /mthong ba tsam gyis dag 'gyur te/ /de bas skad cig de tsam gyis/ /yid dag lus ni dag 'jug dang / /rjes su bzlas pa byed pa dang / /sngags rten nyid la rtag brtson pa'i/ /mi rnams grub 'dod smos ci dgos/ /bskal pa bye bar sangs rgyas la/ /mchod pa'i bsod nams gang yin pa/ /sa steng ras ris 'dri ba yi/ /sngags pas bsod nams de 'thob 'gyur/ /gang gA yi ni bye ma dag /tshad du bstan pa gang yin pa/ /de dang mnyam pa'i sangs rgyas dang / /rang rgyal dang ni byang chub sems/ /bse ru nyan thos 'jig rten na/ /lan mang dag tu mchod ston byas/ /ras ris mthong ba tsam gyis ni/ /mi yis de bzhin bsod nams 'thob/ /cho ga klog pa tsam dang ni/ /mchod dang rjes su yi rang ba/ /cho ga thams cad rab brtags pa/ /de la sngags kyi dngos grub des/ /'jig rten sngags rnams ci snyed pa/ /</font><hr>95.96b<br><font size=+1>

gang dag rgyal ba skyes mchog dang / /de'i slob bse ru byang chub sems/ /bdag nyid chen pos gang gsungs pa/ /ri mo 'di ni mdun bzhag na/ /sngags rnams ma lus grub par 'gyur/ /byang chub sems dpa'i sde snod phal po che theg pa chen po'i mdo sde las/ ras ris chen mo dang po'i cho ga'i le'u ste bzhi pa rdzogs so// // de nas bcom ldan 'das shAkya thub pas thams cad dang ldan pa'i 'khor la gzigs nas/ 'jam dpal gzhon nur gyur pa la bka' stsal pa/ gzhan yang khyod kyi 'bring gi ras kyi cho ga de ngas bshad par bya yis/ legs par rab tu nyon la yid la zung shig /dang por re zhig sngar bstan pa'i dog pa dang / sngar bstan pa'i cho ga dang / sngar bstan pa'i bzo bo dang sngar gyi tshad bar ma dang ldan pa/ ras shin tu bzang ba dang 'jam pa dang shin tu bkrus pa kha tshar dang bcas pa dang / tshon ma 'dres pa dang skra la sogs pa med par byas la/ tshad ma gtogs pa dang po ci lta ba de bzhin du byas pa'i ras de la phyi nas bri bar bya ste/ dang por re zhig gnas gtsang ma kun nas mdzes pa/ rin po che shel gyi rang bzhin lta bu mu tig dkar pos brgyan pa/ de'i dbus su bcom ldan 'das shAkya thub pa bri bar bya ste/ rin po che'i seng ge'i khri la rnam pa thams cad kyi mchog dang ldan pa chos 'chad cing bzhugs pa'o/ /g.yas phyogs na 'phags pa 'jam dpal pad ma'i ge sar ram/ gur gum mam/ nyi ma'i mdog 'dra ba g.yon pa'i dpung pa'i phyogs su ut+pal bsnams shing thal mo sbyar bas bcom ldan 'das shAkya thub pa la blta ba/ bzhin cung zad rgod pa gzhon nu'i gzugs can/ zur phud lngas mgo mdzes par byas pa/ byis pa gzhon nu'i rgyan gyis brgyan pa/ pus mo g.yas pa'i lha nga dang mgo 'dud pa'o/ /bcom ldan 'das shAkya thub pa'i g.yon logs su 'phags pa spyan ras gzigs dbang phyug ston ka'i zla ba'i mdog ltar dkar ba/ snga ma ci lta ba de bzhin du bri bar bya ste/ 'on kyang</font><hr>95.97a<br><font size=+1>

bcom ldan 'das la rnga yab g.yob par bya'o/ /de'i phyogs su 'phags pa byams pa dang / kun du bzang po dang phyag na rdo rje dang / blo gros chen po dang zhi bar gshegs pa dang nam mkha' mdzod dang / sgrib pa thams cad rnam par sel ba ste/ 'di dag kyang snga ma bzhin du bri bar bya'o/ /dang po ci lta ba de bzhin du rgyan thams cad kyis brgyan par bri bar bya'o/ /'di dag gi steng du sangs rgyas bcom ldan 'das brgyad bri bar bya ste/ bzhengs pa dang lag pa g.yas pas mchog sbyin pa dang / sku la na bza' ser pos stod g.yogs byas pa/ lag pa g.yon pas chos gos kyi dkyil nas 'dzin pa/ chos gos kyi kha dog cung zad dmar ba mnabs pa/ kun nas 'od dang ldan pa rnam pa thams cad kyi mchog dang ldan pa la 'di lta ste/ de bzhin gshegs pa me tog yang dag par skyes pa'i rgyal po'i dbang po dang / rin chen gtsug tor dang / gtsug tor can dang / thams cad skyob dang / log par dad sel dang / gser thub dang / 'od srung dang / spyan bzang ste/ sangs rgyas bcom ldan 'das de dag bri bar bya'o/ /bcom ldan 'das kyi g.yas phyogs su 'phags pa 'jam dpal gyi mdun du 'khor chen po'i dkyil 'khor bri bar bya ste/ nyan thos chen po brgyad dang / rang sangs rgyas brgyad snga ma ci lta ba de bzhin du bri ste/ 'on kyang 'phags pa maud gal gyi bu chen po dang / shA ri'i bu ni bcom ldan 'das shAkya thub pa la rnga yab kyis g.yob pa 'greng bag tu bri bar bya'o/ /de bzhin du gnas gtsang ma'i ris kyi lha'i bu bri bar bya'o/ /lha rnams kyi dbang po brgya byin dang 'thab bral dang dga' ldan dang 'phrul dga' dang dag pa dang / dri ma med pa dang 'jam pa dang mi gdung ba dang 'od gsal dang / tshangs pa mi mjed kyi bdag po dang 'og min dang de la sogs pa'i lha'i bu gzugs na spyod pa dang / 'dod pa na spyod pa'i lha'i bu dag mthar gyis bri bar bya'o/ /'phags pa 'jam dpal dang nye bar 'khor gyi dkyil 'khor legs par dgod par</font><hr>95.97b<br><font size=+1>

bya ste/ rang rang gi gzugs dang cha byad du bri bar bya'o/ /bcom ldan 'das kyi seng ge'i khri'i 'og tu ni/ rgya mtsho chen po las mngon par byung ba'i kun nas rin po che'i ri bo ras kyi mtha' mar bri bar bya'o/ /ras ris kyi phyogs gcig gi mtha' la sgrub pa po cha byad dang dbyibs ci lta bu'i rnam pa pus mo'i lha nga dang mgo btud pa/ spos snod lag na thogs pa bri bar bya'o/ /rin po che'i ri bo de'i steng 'phags pa 'jam dpal gyi 'og tu khro bo'i rgyal po gshin rje'i gshed ci ltar bstan pa de ltar bri bar bya'o/ /bcom ldan 'das kyi g.yon phyogs seng ge'i khri'i 'og tu 'phags pa spyan ras gzigs dbang phyug gi zhabs drung dang nye ba der/ rin po che'i ri bo'i steng du lha mo sgrol ma sngar ci ltar bstan pa de bzhin du bri bar bya ste/ ras ris de'i kho ra khor yug tu me tog gtor ba bri bar byas la gcal bkram par bya ba la me tog tsam pa ka dang nI lod pa la dang pad ma dang dri mchog dang mA la ti dang / bAr shi ka dang d+dA nu Sh+kA ri ka dang pun nA ga dang / nA ga ge sar la sogs pa'i me tog gis ras ris de la kho ra khor yug tu gtor bar bya'o/ /ras ris kyi steng gi mtha'i zur gnyis su lha'i bu gnyis me tog gi tshogs 'thor ba/ gzugs rnam par bkra ba bar snang la gnas pa/ char 'byin pa'i sprin gyi nang nas mgo tsam 'thon pa lding bzhin pa/ kha dog dkar po bri bar bya'o/ /ras ris 'bring du gsungs pa 'di/ /dpal don gnyer la yang dag 'byung / /sa yi steng gi mi rnams la/ /grub pa 'bring ni 'di la brten/ /'khor bar sngon chad 'khor ba na/ /sdig pa cung zad gang byas pa/ /'dir ni ras ris mthong tsam gyis/ /de yi mod la rnam par 'jig /'gro ba lngar ni 'khor ba na/ /sems can rmongs pas mi shes te/ /'jam pa'i dbyangs kyi ras ris ni/ /'bring po mthong bar mi byed pa'o/ /mtshams med lnga po byed pa dang / /sdig pa'i rnyog pa byed gyur pa/ /sngags rnams sna tshogs gsungs gyur pas/ /tshul khrims nyams pa'ang 'grub par 'gyur/ /myur du rtogs pa'ang 'grub</font><hr>95.98a<br><font size=+1>

pa ni/ /bzlas pas thob par byed pa yin/ /ras ris 'bring po mthong bas ni/ /nad pa dag kyang nad las thar/ /dbul po dag kyang nor thob byed/ /bud med rnams kyang bu 'thob 'gyur/ /de tshe mthong ba tsam gyis ni/ /bsod nams rgya chen thob par 'gyur/ /nges par lha dang mi rnams kyi/ /bde ba mi yis bsten par 'gyur/ /skye ba gzhan du nges par ni/ /sangs rgyas nyid ni nges thob 'gyur/ /klog dang 'dri ba nyid dang ni/ /de bzhin mchod dang phyag 'tshal dang / /mthong dang reg pa tsam gyis ni/ /sdig pa'i rnyog pa kun las grol/ /ras ris 'di ni mthu chen la/ /don du gnyer dang bskul bas ni/ /myur du skye ba don yod 'thob/ /rjes su yi rang de bzhin no/ /ras ris mthong ba'i skye bo yi/ /bsod nams thob pa don yod pa/ /bskal pa bye ba rnams su yang / /brjod par yang ni mi nus so/ /byang chub sems dpa'i sde snod phal po che theg pa chen po rgya che ba'i mdo las/ 'phags pa 'jam dpal gyi rtsa ba'i cho ga zhib mo le'u lnga pa'i cho ga rab 'byam las ras ris gnyis pa'i cho ga rdzogs so// // de nas gzhan yang bcom ldan 'das shAkya thub pas 'jam dpal gzhon nur gyur pa la bka' stsal pa/ 'jam dpal gzhon nur gyur pa gzhan yang khyod kyis ras ris gsum pa'i cho ga rab tu gsungs pa zhes bya ba yod de/ gang sems can rnams la 'bad pa med par 'grub par 'gyur ba sngar bstan pa'i bzo bo dang / cho ga dang bde bar gshegs pa'i mtho gang tsam thad kar de bzhin du kun nas zur bzhi snga ma bzhin du ras la ri mo bya'o/ /sngar bstan pa'i tshon gyis dang por re zhig 'phags pa 'jam dpal seng ge'i khri la bzhugs pa snga ma bzhin du byis pa khye'u'i gzugs mdzes pa'i gzugs can 'od zer 'phro ba dang ldan pa chos 'chad pa bri</font><hr>95.98b<br><font size=+1>

bar bya'o/ /g.yon gyi phyogs su 'phags pa kun du bzang po rin po che'i ri la gnas pa/ rnga yab lag na thogs pa lag pa g.yon pa na nor bu rin po che thogs pa/ me tog pri yang ku ltar sngo sangs snga ma bzhin du bri bar bya'o/ /'phags pa 'jam dpal gyi g.yas phyogs su 'phags pa spyan ras gzigs dbang phyug snga ma bzhin rin po che'i ri la gnas pa/ rnga yab lag na thogs pa lag pa g.yon pa na pad ma 'dzin pa/ lus kun nas 'od dang ldan pa bri bar bya'o/ /seng ge'i khri'i 'og tu rin po che'i ras ris kyi mtha'i bar du bri bar bya'o/ /ras kyi mtha' ma dang nye ba'i zur du 'phags pa 'jam dpal gyi seng ge'i khri'i 'og g.yas phyogs su khro bo'i rgyal po gshin rje gshed snga ma bzhin du bri bar bya'o/ /de'i 'og tu sgrub pa po snga ma bzhin du bri bar bya ste/ spos snod lag na thogs pa thams cad kyang snga ma ji lta ba bzhin du bya'o/ /'phags pa 'jam dpal gyi steng du de bzhin gshegs pa me tog yang dag par skyes pa'i dbang po'i rgyal po bri bar bya ste/ rin po che'i ri'i phug sor bcu drug gi tshad tsam gyi nang na bzhugs pa/ ri'i stod kyi cha khang pa brtsegs pa 'dra ba bri bar bya'o/ /ras ris kyi kho ra khor yug tu ri'i rnam pas yongs su 'khor ba bri bar bya'o/ /steng gi ras kyi mtha' gnyis la gnas pa'i ri'i stod kyi cha la lding ba bzhin du me tog gi tshogs 'thor ba'i gnas gtsang ma'i ris kyi lha'i bu dag pa dang rnam par dag pa zhes bya ba gnyis snga ma bzhin du bri bar bya zhing / /ras la me tog rnam pa sna tshogs kyi gcal bkram pa yang bri bar bya'o/ /rnam gsum ras ris mtshan nyid ni/ /thams cad 'dir ni bstan pa las/ /'di ni tha ma zhes bya ste/ /phran tshegs las rnams dag la shes/ /bskal pa bye bar mi bzad las/ /ras ris mthong ba tsam gyis grol/ /ras ris mthong ba tsam gyis ni/ /skad cig de la grol bar 'gyur/ /sangs rgyas bye ba stong</font><hr>95.99a<br><font size=+1>

phrag ni/ /mthong ba tsam gyis grol 'gyur te/ /ras ris mthong ba tsam gyis kyang / /de yi mod la grol bar 'gyur/ /sangs rgyas bye ba stong phrag la/ /blo dang ldan pas bsnyen bkur bas/ /ras ris tha ma mthong ba ni/ /bcu drug char yang mi phod do/ /sangs rgyas skyob pa kun la ni/ /mchod byas bsod nams gang yin pa/ /mkhas pas bsod nams gang thob de/ /ras ris mtha' ma mthong ba'i yin/ /dge ba dag gi las rnams la/ /longs spyod phyir yang 'dir spyad do/ /sngags rnams gang dag ci yod pa/ /tshangs dbang drang srong gis bshad dang / /nam mkha' lding gis gang bshad dang / /chu lha nyi ma lus ngan dang / /nor sbyin sogs dang srin po dang / /lha min dbang po lto 'phye dang / /zla ba rlung dang gshin rje sogs/ /khyab 'jug lha chen sogs bshad pa/ /sngags rnams 'dir ni bkug pa dag /ras ris mdun du dngos grub 'gyur/ /'dir ni zhi ba bya ba ste/ /de bzhin du ni rgyas pa bya/ /'dir ni mngon spyod spang bya ste/ /thub pa mchog gis smad pa yin/ /byang chub sems dpa'i sde snod phal po che theg pa chen po'i mdo sde shin tu rgyas pa las/ 'jam dpal gyi rtsa ba'i cho ga zhib mo le'u drug pa'i cho ga rab 'byam las/ ras ris chung ngu gsum pa'i cho ga rdzogs s+ho//   // de nas 'jam dpal gzhon nur gyur pa stan las langs te/ bcom ldan 'das kyi zhabs la phyag 'tshal nas/ bcom ldan 'das shAkya thub pa la lan gsum bskor ba byas te/ bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis chos kyi rnam grangs 'di bshad pa ni legs so legs so/ /rig pa thams cad kyi brtul zhugs spyad pa'i don dang / phan pa dang bde ba dang 'jig rten la snying brtse ba'i phyir dang / byang</font><hr>95.99b<br><font size=+1>

chub sems dpa' rnams kyi thabs la mkhas pa ston pa/ phung po lhag ma dang bcas pa'i mya ngan las 'das pa'i grong khyer du 'gro bar byed pa/ byang chub sems dpa' rnams kyi rgyud nges par byang chub sgrub par byed pa/ sngags kyi spyod pa thams cad kyi don sgrub par byed pa/ bdag gi gsang sngags 'di skye bo thams cad la rgyas par byed par 'gyur ro/ /ma 'ongs pa'i dus na 'jig rten gyi bla ma 'das pa na/ de bzhin gshegs pa'i nyi ma'i rigs nub pa dang / sangs rgyas kyi zhing thams cad spangs pa dang / sangs rgyas dang byang chub sems dpa' thams cad dang / 'phags pa nyan thos dang rang sangs rgyas rnams kyis mun par gyur pa dang / snod kyi 'jig rten rnam par 'jig pa dang 'phags pa'i lam dang / rig pa thams cad dang sngags dang sman dang / nor bu rin po che med pa dang / skye bo dam pa rnams kyis 'jig rten na yongs su ma zin pa dang / sems can gyi khams thams cad 'byung bar 'gyur te/ le lo can dang dran pa nyams pa dang / ma dad pa dang mi srun pa dang mi dge ba'i bshes gnyen gyis yongs su zin pa dang g.yo sgyu dang ldan pa dang / slu ba spyod pa de dag chos kyi rnam grangs 'di thos nas skrag par 'gyur te/ le lo la mngon par 'dod cing dad par mi 'gyur la/ 'dod pa tshol zhing yid ches par mi 'gyur ro/ /log pa'i lta ba skye zhing bsod nams ma yin pa 'phel bar 'gyur ro/ /mtshams med par gzhol zhing shin tu mi bzad pa'i yang shin tu mi bzad pa 'thob pa sdug bsngal ba de dag gi don dang dbang med pa la dbang du bya ba'i don dang / dbang du gyur pa la mi 'jigs pa sbyin pa'i phyir dang / thabs mkhas pas bsdu ba'i sbyor ba/ sngags kyi ras kyi ri mo'i cho ga gang de'i dus la bab par mkhyen na bcom ldan 'das kyis bshad du gsol/ de nas bcom ldan 'das shAkya thub pas 'jam dpal gzhon nur gyur pa la legs so zhes bya ba byin te/ 'jam dpal</font><hr>95.100a<br><font size=+1>

gzhon nur gyur pa de bzhin gshegs pa la don 'di 'dri bar sems pa legs so legs so/ /'jam dpal khyod kyi mchog tu gsang ba rig pa'i brtul zhugs spyod pa'i le'u ras ris kyi cho ga rab 'byam yod de/ snying po mchog rnams kyi don mchog tu gsang ba dam pa don chen po sngags thams cad kyi cho gar gyur pa drug po 'di dag yi ge drug gi snying po'i mchog /the tshom med pa de'i tshe 'grub par 'gyur te/ sems can de dag gdul ba'i phyir dang / thabs la mkhas pa la yang dag par rab tu zhugs pa'i phyir dang / nges par yang dag pa'i byang chub thob pa'i phyir/ sangs rgyas bye ba phrag bdun cu rtsa drug gis sngar gsungs shing da ltar yang ngas bshad de/ ma 'ongs pa'i skye bo'i tshogs la phan pa'i phyir legs par nyon la yid la zung shig dang / ngas bshad par bya'o/ /de gang zhe na/ de nas bcom ldan 'das shAkya thub pas sngags gsungs pa/ \u0f00 bAkye \u0f85ratha dza ya/[ \u0f00] bAkye she sha swA/[ \u0f00] bAkye baM dza ya/[ \u0f00] bAkye ni ya/[ \u0f00] bAkye ya na maH/[ \u0f00] bAkye daM na maH/ de ltar 'di dag 'jam dpal gzhon nur gyur pa khyod kyi sngags drug dang yi ge drug pa mthu chen po dang stobs mnyam pa/ snying po dam pa mchog tu grub pa/ sangs rgyas bzhin du 'byung ba sems can thams cad kyi don gyi phyir/ sangs rgyas thams cad kyis rab tu gsungs pa/ dam tshig nyams pa dang dam tshig g.yos pa rnams kyi las thams cad byed pa/ byang chub kyi lam rjes su ston pa/ de bzhin gshegs pa'i rigs la sngags kyi mchog tu gyur pa/ mchog dang 'bring dang tha ma gsum la rab tu sbyor ba/ legs par sbyangs pa'i las kyi 'bras bu'i rnam par smin pa sbyin pa/ bstan pa nub pa'i dus su yang dngos grub thob par 'gyur ro/ /las kyi tshul dang bcas pa la yang dag par gzhol ba la/ skad cig gis don bsgrub par 'gyur ba de dag myur du shin tu myur bar</font><hr>95.100b<br><font size=+1>

de'i tshe dang de'i dus su 'grub par 'gyur ro/ /nyam sad pa'i phyir yang snying po dam pa 'di dag bsgrub par bya ste/ mdor na ji lta ji ltar rab tu sbyar ba de lta de ltar 'grub par 'gyur ro/ /des na ras ris kyi cho ga 'di bya ba yin te/ de'i tshe de'i dus na 'jigs pa chen po dang / snyigs ma la sems can bsod nams chung ba 'byung bar 'gyur te/ grags pa chung ba dang / tshe thung ba dang longs spyod chung ba dang / chos spyod pa chung bas shin tu rgya che ba'i ras ris kyi cho ga'i sgrub pa la sogs pa rtsom par mi nus te/ de dag gi phyir shin tu mdor bstan par bya'o/ /dang por re shig dpa' bo'i tshong gis dog pa srang gcig gam srang phyed kyis nyos la chur khru gang / zheng du khru phyed tsam gyi ras kha tshar dang bcas pa thag pa la 'thag tu gzhug go /yang na skra med pa'i ras kyi dum bu sar pa gzhan steng dang 'og tu ci ltar 'dod pa khru gnyis dang bzhi dang drug dang lnga dang bcu dang brgyad pa'i ras blangs te/ ci ltar 'dod pa'i ri mo bas ri mo bri bar bya'o/ /tshon ma 'dres pa dang tsan dan dang ga pur dang / gur gum gyis bsgos te/ ras kyi tsan dan dang ga pur dang / gur gum gcig tu byas pa srog chags med pa'i chu rdul med pa dang bsres te/ snod sar pa'i nang du bkrus la zhag gsum gyi bar du legs par bkab ste/ bzhag nas gtsang ba'i phyogs su srung ba byas shing bdag nyid kyang gtsang bar byas te/ zla ba yar ngo'i tshes bcwa lnga la ras snod kyi mdun du shar du mngon par phyogs te/ ku sha'i khres la 'dug nas/ sngags kyi tshig lan brgya rtsa brgyad brjod par bya ba la 'di lta ste/[ \u0f00] he he b+ha ga bAn ba hu rU ba d+hA ra di bya tsak+Shu She/ a ba lo ka ya/ a ba lo ka ya/ mAM sa ma ya ma nu sma ra ku mA ra rU pa d+hA ri Ne/ ma hA bo d+hi sa twa kiny+tsi rA ya si hU~M s+pha Te s+pha Te swA hA/ sngags 'di bzlas pa byas la de nyid du nyal bar bya'o/ /gnyid log pa'i rmi lam du 'grub pa'am mi 'grub pa ston par 'gyur ro/ /de nas langs nas rmi lam du grub pa'i mtshan ma</font><hr>95.101a<br><font size=+1>

mthong na ring po mi thogs par ras ris bri bar bya'o/ /gal te grub pa'i mtshan ma rmi lam du ma mthong na/ ras de snod de las phyung la nyi ma la bskams nas yang snod sar pa gzhan du bcug la/ shin tu dben par legs par bsrung ba byas la bzhag go /de nas yang snying po'i mchog de dag las gang yang rung ba'i sngags blangs la/ gang 'dod pa'i yi ge drug pa yang yi ge 'bum bzla bar bya'o/ /des na ras mi dge ba yang 'grub par 'gyur ro/ /dang por re zhig ras de blangs la cho 'phrul gyi zla phyed dam/ yar ngo'i nyin zhag la rgyu skar bzang po dang ldan pa'i tshes grangs bzang po la/ 'phags pa 'jam dpal byis pa khye'u yi gzugs can mgo zur phud lnga dang ldan pa/ byis pa'i rgyan gyis brgyan pa mdog gser 'dra ba/ na bza' sngon po g.yo bzhin pa mnabs pa/ na bza' dar la sngon pos stod g.yogs byas pa/ chos 'chad pa seng ge'i khri la skyil mo krung phyed pas bzhugs la/ zhabs g.yas pas rin po che'i zhabs rten la bzhag pa/ g.yon pa seng ge'i gdan la bzhugs pa/ rgyan thams cad dang ldan pa bzhin cung zad 'dzum pa dang bcas pa/ sgrub pa po la lta ba bri bar bya'o/ /g.yas phyogs su 'phags pa kun du bzang po rnga ma dkar po g.yob pa/ pri yang ku'i mdog ltar sngo bsangs lag pa g.yon pa na nor bu rin po che thogs pa/ yan lag thams cad mdzes pa/ rgyan thams cad kyis brgyan pa/ na bza' sngon po g.yo ba mnabs pa/ mu tig gi phreng bas mchod phyir thogs pa/ pad ma dkar po'i gdan la 'dug pa bri bar bya'o/ /'phags pa 'jam dpal gyi g.yon phyogs su 'phags pa spyan ras gzigs dbang phyug ston ka'i zla rgyu'i mdog ltar dkar ba/ na bza' sngon po g.yo ba mnabs pa/ yan lag thams cad mdzes pa/ rgyan thams cad kyis brgyan pa/ mu tig gi phreng bas mchod phyir thogs byas pa/ lag pa g.yon pa na pad ma dkar po 'dzin</font><hr>95.101b<br><font size=+1>

pa/ lag pa g.yas pa na rnga yab gser gyi yu ba can dkar po thogs pa/ zhi ba'i cha byad can 'phags pa 'jam dpal la lta ba/ de bzhin du 'phags pa kun du bzang po pad ma dkar po la gnas pa/ gnyi ga yang de ltar bri bar bya'o/ /de nas sdong bu gcig las skyes pa'i pad ma gsum la dbus kyi rtsa ba'i pad ma'i ge sar la ni 'phags pa 'jam dpal gyi seng ge'i khri dang rin po che'i zhabs rten no/ /gnyis pa'i pad ma la ni 'phags pa kun du bzang po'o/ /gsum pa'i pad ma la ni spyan ras gzigs dbang phyug go /pad ma'i sdong bu mdzes pa rin po che margad 'dra ba/ pad ma'i me tog du ma kha ma bye ba dang / phyed tsam bye ba dang kha bye ba dang ldan pa/ mtsho chen po ma dros pa las skyes pa klu'i rgyal po dga' bo dang nye dga' gnyis pad ma'i sdong bu la 'dzin pa/ klu'i rgyal po de dag gi kha dog dkar ba/ gdengs ka bdun gyis nye bar brgyan pa/ lus rgyan thams cad kyis brgyan pa/ lus kyi stod mi la sbrul gyi gdengs kas mtshan pa/ 'phags pa 'jam dpal la lta ba/ lus phyed chu'i nang du nub pa nor bu rin po che dang gos kyis nye bar mdzes pa bri bar bya'o/ /mtsho chen po kun gyi 'og tu sgrub pa po ras ris kyi g.yas phyogs kyi mtha'i zur du 'phags pa 'jam dpal gyi zhal gyi dkyil 'khor la lta ba/ spos snod lag na thogs pa mgo dang pus mo'i lha nga 'dud pa/ cha byad dang kha dog snga ma ci lta ba bzhin bri bar bya'o/ /'phags pa 'jam dpal gyi steng ras kyi zur gnyis su lha'i bu me tog gi phreng ba 'dzin pa/ nam mkha' la lding ba/ sprin gyi nang nas byung ba/ me tog gi tshogs chen po 'thor ba shin tu mdzes pa bri bar bya'o/ /ras ris kyi 'khor yug tu me tog nA ga ge sar la sogs pas rab tu gtor bar bri bar bya'o/ /ci ltar 'dod pa'i gzugs de bzhin du bri bar bya'o/ /</font><hr>95.102a<br><font size=+1>

'phags pa 'jam dpal chos 'chad pa dang / 'phags pa kun du bzang po dang 'phags pa spyan ras gzigs lag na rnga yab g.yob pa bri bar bya'o/ /yang na sgrub pa po ci ltar 'dod pa bzhin du ras ris kyi gzugs nges par bri bar bya ste/ ci ltar 'dod pa'i cha byad dam/ ci ltar 'dod pa'i dbyibs sam/ sgrub pa po ci lta ci ltar 'dod pa de lta de ltar bri bar bya'o/ /dbus su 'phags pa 'jam dpal g.yas g.yon du 'phags pa 'jig rten dbang phyug dang / kun du bzang po ci ltar 'dod par nges par bri bar bya'o/ /yang na ci rnyed pa'i ras kyi dum bu mtho gang ngam/ khru gang la bdag nyid dam gzhan gyis sam/ ri mo mkhan gso sbyong byas pa'am gso sbyong ma byas pa dad pa'am ma dad pa'am/ gtsang ba'am mi gtsang ba'am/ tshul khrims dang ldan pa'am tshul khrims 'chal pa'i ri mo mkhan gyis kyang bri bar bya'o/ /bdag nyid dam sgrub pa pos nges par sngon du bsnyen pa byas pa dang / dad pa dang byang chub tu sems bskyed pa ni nges par bya'o/ /de ltar byas na sngags 'grub par 'gyur gyi gzhan du sdig pa'i las can gyis ni mi 'gyur te/ de ltar dad pa dang de ltar gyur pas bsgrub par bya'o/ /sngags kyi rgyal po dang sngags kyi lha dag 'dir dad pa dang ldan pas 'grub par 'gyur gyi gzhan dag gis ni ma yin no/ /gang phyir dad pa theg pa mchog /gang gis rnam par 'dren pa mchog /dad pa med pa'i mi la ni/ /dkar po'i chos rnams mi skye ste/ /sa bon tshig par gyur pa las/ /myu gu sngon po ci bzhin no/ /dad dang ldan pa'i mi dag la/ /sangs rgyas las ni 'grub 'gyur te/ /sngags rnams thams cad khyad par du/ /dad pa med la mi 'grub bo/ /gang yang 'jig rten lha dag dang / /de bzhin 'jig rten 'das pa dag /dad ldan kun la 'grub 'gyur te/ /sdig pa dag dang bral phyir ro/ /byang chub der song yid kyis ni/ /de dag myur du nges 'grub ste/ /gzhan la 'grub</font><hr>95.102b<br><font size=+1>

par mi 'gyur zhing / /bstan pa 'di la rnam par bzlog /ras ni chung dang chen po dang / /'bring du nye bar bsgrags pa yin/ /las rnams kun la sgrub pa ni/ /da ni rab tu bstan par bya/ /byang chub sems dpa'i sde snod phal po che theg pa chen po shin tu rgyas pa'i mdo las/ 'phags pa 'jam dpal gyi rtsa ba'i cho ga bdun pa'i le'u rab 'byam las/ ras ris kyi cho ga bzhi pa'i le'u rab 'byam rdzogs so// // de nas bcom ldan 'das shAkya thub pas 'jam dpal gzhon nur gyur pa la bka' stsal pa/ 'jam dpal gzhon nu gang khyod kyis bstan pa'i sems can de dag gi phyir/ le'u'i cho ga rab 'byam 'di thabs sla bas 'grub par 'gyur ba ngas kyang bstan te/ de dag gi don gyi phyir yon tan rgya che ba'i bye brag gi dbye ba/ las rnam par 'byed pa sems can thams cad kyi don gyi phyir yang dag par bshad par bya yis/ de legs par shin tu rab tu nyon cig dang bshad par bya'o/ /de nas 'jam dpal gzhon nur gyur pas/ bcom ldan 'das la 'di skad ces gsol to/ /bdag gi tshig gi nus pa gsal bar mdzad cing / sngags kyi spyod pa'i yon tan grub par mdzad pa ni legs so legs so zhes gsol to/ /bcom ldan 'das de'i dus la bab par mkhyen na bdag la thugs brtse ba'i slad du de bshad du gsol/ de nas bcom ldan 'das shAkya thub pa thams cad dang ldan pa'i 'khor la gzigs te 'dzum pa mdzad do/ /de nas bcom ldan 'das shAkya thub pa'i zhal gyi sgo nas 'od zer sngon po dang / ser po dang ljang gu dang shel gyi kha dog lta bu byung ste/ 'od zer de byung ma thag tu thams cad dang ldan pa'i dkyil 'khor snang bar byas nas stong gsum gyi stong chen po'i 'jig rten gyi khams kyi bdud thams cad zil gyis mnan nas/ rgyu skar gyi 'od dang ri bo'i tshogs thams cad kyi 'od dang / </font><hr>95.103a<br><font size=+1>

gang 'di zla ba dang nyi ma rdzu 'phrul che zhing mthu che ba de dag gi 'od kyang zil gyis mnan te/ mi gsal zhing 'od med par 'gyur ba dang / rnam par mdzes par mi 'gyur zhing gsal bar mi 'gyur ro/ /nor bu thams cad dang / sngags dang sman dang / rin po che'i 'od thams cad 'od med par byas nas slar log ste/ bcom ldan 'das shAkya thub pa'i zhal gyi sgor nub par gyur to/ /de nas byang chub sems dpa' sems dpa' chen po phyag na rdo rje 'khor gyi dkyil 'khor de nyid du 'dus shing 'khod par gyur pa de stan las langs nas/ rings pa'i tshul gyis bcom ldan 'das kyi zhabs gnyis la btud de/ bcom ldan 'das la 'di skad ces gsol to/ /bcom ldan 'das ni rgyu ma mchis rkyen ma mchis par 'dzum pa mi mdzad na/ bcom ldan 'das 'dzum pa mdzad pa'i rgyu gang lags/ rkyen gang lags/ de skad ces gsol pa dang / bcom ldan 'das kyis byang chub sems dpa' phyag na rdo rje la bka' stsal pa/ phyag na rdo rje de de bzhin no/ /de de bzhin te/ ci skad smras pa de bzhin no/ /bcom ldan 'das ni rgyu med pa dang / rkyen med par 'dzum pa mi mdzad de/ rgyu yod rkyen yod do/ /gang zhig mdo sde'i dbang po'i rgyal po 'di 'jam dpal gyi rtsa ba'i cho ga rig pa'i spyod pa rjes su sgrub pa las sgrub pa'i thabs la yang dag par gzhol ba/ chos kyi sprin la rten pa la yang dag par 'jug cing rjes su 'brang bar byed pa dang / 'dzin par 'gyur ba dang / klog par 'gyur ba dang / dad par 'gyur ba dang / glegs bam la 'dri ba byas nas mchod par 'gyur ba dang / tsan dan gyi phye ma dang byug pa dang / bdug pa dang / phreng ba dang / gdugs dang / rgyal mtshan dang / ba dan rnam pa sna tshogs pa'am/ tshig gi bye brag gis sam/ sil snyan rnam pa sna tshogs dang / pheg rdob pa dag gam tha na rjes su yi rang ba dang ldan pa'i sems rgyud la thob pa'am/ ba spu ldang bar byed pa'am/ rig pa'i mthu thos nas</font><hr>95.103b<br><font size=+1>

dga' ba skyes pa'am/ rjes su yi rang bar 'gyur ba'am/ spyod pa thob par 'gyur ba de dag ni ngas bla na med pa yang dag par rdzogs pa'i byang chub tu sangs rgyas bcom ldan 'das su 'gyur bar lung bstan te/ des na rgyal ba de ltar 'dzum pa mdzad kyi gzhan du ni ma yin no/ /'dir dang por re zhig cho ga'i rgyal po 'di la dam tshig mthong ba sngon du bya ba rnams byas pa dang dbang bskur ba thob pa/ rtsa ba'i sngags sam snying po'am nye ba'i snying po'am/ sngags gang yang rung ba bzung nas yi ge gcig pa'am/ gang 'dod pa dgon pa chen por song ste 'bum phrag gsum bzla bar bya'o/ /'bras bu dang chus 'tsho ba'am/ rtsa ba dang / lo ma'i bza' ba byas na/ sngon du bya ba byas par 'gyur ro/ /de nas ri'i rtse mor 'dzegs nas ras ris chen po'i tshad nub phyogs su mngon du lta ba bzhag pa byas la bdag nyid shar du bltas te/ ku sha'i khres la 'dug nas/ pad ma dkar po la tsan dan dang gur gum gyis btags te/ bcom ldan 'das shAkya thub pa dang / sangs rgyas dang byang chub sems dpa' thams cad dang / rang sangs rgyas dang nyan thos dag la 'bum phrag gcig ri mo'i ras ris kyi 'og tu dbul bar bya'o/ /ga pur gyi bdug pa yang ci 'byor pas bdug go /lha'i bu dang klu rnams la yang ci rnyed pa'i me tog gis mchod par bya'o/ /de nas mtshan phyed kyi dus su cho 'phrul gyi zla phyed kyi zla ba nya ba la/ ras ris kyi mdun du pad ma'i rnam pa lta bu'i me thab byas pa la/ tsan dan dkar po'i shing gis me sbar nas/ gur gum dang ga pur bsres pas sreg blugs ci 'byor pas stong rtsa brgyad sbyin sreg bya'o/ /de nas bsrung ba bya'o/ /de nas bcom ldan 'das shAkya thub pa las 'od zer byung ste/ ras kyi ri mo'i 'khor yug nas gcig tu 'bar bar 'gyur te/ sgrub pa pos gur gum dang / tsan dan gyis btags pa'i tsan dan</font><hr>95.104a<br><font size=+1>

dkar po'i me tog gis mchod yon dbul lo/ /de nas sgrub pa pos rings pa'i tshul gyis ras ris la lan gsum bskor ba byas te/ sangs rgyas dang byang chub sems dpa' thams cad dang / rang sangs rgyas thams cad dang 'phags pa nyan thos rnams la phyag byas nas/ sgrub pa pos bris pa'i ras ris kyi mtha' ma'i phyogs nas 'jigs pa med pas ras ris gzung bar bya'o/ /de nas bzung ba tsam gyis 'phur te/ se gol gtogs pa tsam gyis tshangs pa'i 'jig rten du phyin par 'gyur te/ me tog can gyi 'jig rten gyi khams su rab tu gnas par 'gyur te/ gang du bcom ldan 'das me tog yang dag par skyes pa'i rgyal po'i dbang po de bzhin gshegs pa de bzhugs te/ 'tsho zhing gzhes la chos kyang ston to/ /'phags pa 'jam dpal yang mngon du mthong ngo / /chos kyang thos so/ /byang chub sems dpa' du ma dag kyang mthong zhing / de dag la bsnyen bkur yang byed de bskal pa chen po stong du rga ba dang 'chi ba med cing gnas par 'gyur ro/ /ras ris kyang de na gnas par 'gyur ro/ /sangs rgyas dang byang chub sems dpa' thams cad kyis byin gyis brlabs par 'gyur ro/ /de dag gis byin gyis brlabs par yang yang dag par shes so/ /sangs rgyas kyi zhing stong yang 'da' bar byed do/ /lus stong yang ston par byed do/ /rdzu 'phrul gyi mthu du ma yang 'byin par byed do/ /'phags pa 'jam dpal yang dge ba'i bshes gnyen du 'gyur ro/ /nges par byang chub la gzhol bar 'gyur ro/ /byang chub sems dpa'i sde snod phal po che theg pa chen po rgya che ba'i mdo las/ 'phags pa 'jam dpal gyi rtsa ba'i cho ga zhib mo rab 'byam sgrub pa'i thabs mchog gi las kyi le'u brgyad pa las dang po rdzogs s+ho// // de nas bcom ldan 'das shAkya thub pas thams cad dang ldan pa'i 'khor gyi dkyil 'khor gyi lha 'dus pa rnams la bka' stsal pa/ </font><hr>95.104b<br><font size=+1>

grogs po dag khyed cag nyon cig /'jam dpal gzhon nur gyur pa'i spyod pa'i dkyil 'khor sngags sgrub pa'i thabs kyi las byed pa/ sgrub pa po bsrung ba'i phyir/ mchog tu gsang ba dam pa snying po dam pa de bzhin gshegs pa thams cad kyis gsungs pa rig pa'i rgyal po chen po bzlas pa gang gis sngags thams cad bzlas par 'gyur te/ kye lha'i tshogs dag 'di ni 'da' bar bya ba ma yin te/ rig pa'i rgyal po 'di ni 'jam dpal gzhon nur gyur pa yang rig pa'i rgyal po 'dis 'gugs shing dbang du byed la/ 'byor pa med par byed na byang chub sems dpa' gzhan lta smos kyang ci dgos/ 'jig rten dang 'jig rten las 'das pa'i sngags tha~Md dang / bgegs thams cad kyang 'jig par byed de/ 'di ni stobs che ba dang mthu che ba dang dpa' bo gcig pa dang sngags thams cad kyi mchog gcig tu bstan pa dang / yi ge gcig pa rnams kyi nang na gcig par bstan pa dang / yi ge gcig gis don thams cad sgrub par byed pa/ bya ba thams cad byed pa/ sngags thams cad gcod par byed pa/ ma rungs pa'i las rnams kyi sdig pa thams cad rab tu 'jig par byed pa/ sngags thams cad yongs su rdzogs par byed pa/ dge bar byed pa dang / 'jig rten dang 'jig rten las 'das pa'i sngags rnams kyi gong nas gong du 'dug pa/ thogs pa med pa de bzhin gshegs pa thams cad kyi snying po bsam pa thams cad yongs su rdzogs par byed pa de gang zhe na/[ \u0f00] n+thI grogs po dag 'di nyid ni mchog tu gsang ba dam pa las thams cad byed pa/ yi ge gcig pa zhes bya ba rig pa'i rgyal po 'da' bar bya ba ma yin pa/ sems can thams cad kyis thub par dka' ba 'byung po thams cad kyi bkra shis pa/ sangs rgyas tha~Md sgrub par byed pa/ sngags thams cad kyi mnga' bdag 'jig rten tha~Md kyi dbang phyug /rnam par sdang ba rnams la byams pa'i bdag nyid dang skye bo tha~Md la snying brtse bar</font><hr>95.105a<br><font size=+1>

byed pa/ bgegs thams cad 'jig par byed pa ste/ mdor na ci lta ci ltar rab tu sbyar ba de lta de ltar las byed de/ bsgrubs pa med kyang las 'grub par 'gyur ro/ /sngags 'di bzlas la reg pas de dbang du 'gyur ro/ /gos la bsngags nas gyon na skal ba bzang por 'gyur ro/ /so shing la bsngags na so nad nye bar zhi bar 'gyur ro/ /ka ra bI ra dkar po'i so shing la/ lan bdun bsngags te zos na don du ma gnyer bar yang kha zas 'byung bar 'gyur ro/ /mig gi nad la rgyam tshwa btags te lan bdun mngon par bsngags la mig bkang na mig gi nad sel to/ /rna ba'i nad la 'brug sgrogs pa las skyes pa'i rtswa tsha tri ka zhes bya ba/ glang po che'i rgyab tu reg par byas la/ rang gi lo ma'i nang du btums nas me chung ba la bsregs te shin tu 'jam par byas la/ rgyam tshwa'i phye ma chu dro 'jam tsam dang sprus te lan bdun bsngags pas rna ba bkang ba dang / skad cig de nyid la rna ba na ba nye bar zhi bar 'gyur ro/ /bud med bu 'byung ba'i dus su mngal nas mthon te/ na zhing nyam thag pa la ni shing A DA ru sha ka'i rtsa ba srog chags med pa'i chu la btags te lte ba'i phyogs su bskus na nye bar zhi bar 'gyur ro/ /mtshon nang du lus pa'i skyes bu la ni mar rnying pa la lan brgya rtsa brgyad mngon par bsngags te/ btung ba'am byugs na phyogs de nas de'i skad cig la zug rngu med par 'gyur ro/ /ma zhu ba dang gsud pa dang / 'khru ba'i nad la ni lan tshwa nag po'am rgyam tshwa'am tshwa gzhan gang yang rung ba la lan bdun bsngags te zos na nad de las grol bar 'gyur te/ de nyid kyi nyin par bde legs su 'gyur ro/ /ldan pa'i nad kyi tshad pas 'khru ba'am/ 'khru ba la ni ma du lung ga'i rtsa ba btags te/ lan gcig gam gnyis bzlas pa byas nas srog chags med pa'i chu dang 'thungs na gnod pa med par de las grol bar 'gyur ro/ /bud med mo sham bu mi skye ba skye bar 'dod na/ a shwa gan d+ha'i rtsa ba mar bzang po dang lhan cig</font><hr>95.105b<br><font size=+1>

bskol la/ ba'i 'o ma dang lhan cig bskol te ba'i 'o ma dang bsres la lan nyi shu rtsa lngar bzlas la zla mtshan gyi dus su blud la khrus byas pa'i 'og tu khyim bdag gzhan gyi chung ma spangs shing 'dod pas log par g.yem pa spangs pas/ rang gi chung ma la mngon par song na rang gi khyo dang 'dra ba'i bu skye bar 'gyur ro/ /lo gsum mam lo lnga'i bar du bu btsa' ba'i dus su khrag 'byung ba'am/ lo du ma'i bar du bu ma chags pa'am/ gzhan gyi sngags rgyud dang sman dang gzhan gyi phyag rgyas bcings pa dang / gzhan gyis ma rungs par byas pa'am/ bu zla ba ma tshang bar byung ba'am/ nad las yang dag par byung ba'am/ gzhan gyi sbyor bas yang dag par byung ba'am/ gzhan gang yang rung ba cung zad gzhan gyis byas pa'i nad dang / gnas pa dang 'gro ba dang bcos ma dang / bcos ma ma yin pa'i dbyig dug la sogs pa byin pa'am rtsa ba dang sman dang sngags thams cad dang / mdza' ba dang mi mdza' bas sbyor ba byas pa la lan nyi shu rtsa bdun bsngags te/ mar rnying pa la rma bya'i sgro zla ba 'dra ba dang bsres te btags la de nas shin tu zhib par byas la sha kha ra dang lhan cig sbyar te/ a ru ra tsam bza' bar bya'o/ /zhag bdun gyi bar du kha ra dang ldan pa'i bskol ba btung bar bya ste/ yang dang yang du sngags kyang bzla bar bya'o/ /mgo bo'i nad la ni khwa'i gshog pa la lan bdun bsngags te byabs na bde legs su 'gyur ro/ /bud med la spyad drags pa la sogs pa'i nad ni shing a la ma bu sa'i rtsa ba'i lo ma dang lhan cig btags nas/ sman ni li ka'i rtsa ba dang ldan pa la brgya rtsa brgyad bsngags te 'o ma de dang bsres la btung bar bya'o/ /de bzhin du rims nyin gcig pa dang nyin gnyis pa dang nyin gsum pa dang nyin bzhi pa dang / ther zug pa'i rims dang / rtag pa'i rims dang rims mi bzad pa la sogs pa la 'o thug mar dang ldan pa la brgya rtsa brgyad mngon par bsngags te blud pa byas na bde bar gnas par</font><hr>95.106a<br><font size=+1>

'gyur ro/ /de bzhin du mkha' 'gro ma'i gdon gyis zin pa dag la ni/ bdag nyid kyi gdong la lan brgya rtsa brgyad mngon par bsngags te nad pa la bltas na bde bar gnas par 'gyur ro/ /de bzhin du ma mo dang byis pa dang lus srul po dang ro langs dang gzhon nu'i gdon la sogs pa mi ma yin pa'i mi bzad pa'i gdon thams cad kyis zin pa la ni/ bdag nyid kyi lag pa la lan brgya rtsa brgyad mngon par bsngags pa byas nas gdon gyis zin pa'i mgo la reg par byas na bde bar gnas par 'gyur ro/ /lan cig bzlas pas bdag nyid bsrung bar 'gyur ro/ /lan gnyis bzlas pas grogs po bsrung bar 'gyur ro/ /lan gsum bzlas pas khyim bsrung bar 'gyur ro/ /lan bzhi bzlas pas ni grong bsrung bar 'gyur ro/ /lan lnga bzlas pas ni grong gi spyod yul gyi 'gro ba bsrung bar 'gyur ro/ /de bzhin du lan stong gi bar du bzlas na dmag gi tshogs bsrung ba byas par yang 'gyur ro/ /de dag dang gzhan yang ma bsgrubs par las thams cad byed par 'gyur ro/ /ci ste sgrub par 'dod na ni las phran tshegs rnams bya ba ma yin te/ gcig pu dben pa'i gnas su song nas rgya mtshor 'bab pa'i chu bo 'byung ba'i gnas dang / rgya mtsho'i ngogs dang chu bo gang gA'i ngogs dang / gzhan gang yang rung ba'i chu bo chen po'i ngogs la brten nas/ gtsang ma'i gnas su lo ma'i spyil po byas te/ khrus lan gsum bya zhing gos lan gsum brjes la/ thub par gnas shing slong mo'i kha zas bza' ba'am tshod rngad dam/ khyor gang tsam mam 'o ma'am/ 'bras bu za zhing bzlas pa sum 'bum byas te/ grub pa'i mtshan ma mthong na de nas sgrub pa brtsam par bya'o/ /phyogs de nyid du ras ris chen po bzhag la/ ras ris la mchod pa chen po byas te/ mar me'i snod gser ram dngul lam zangs sam sa'i rang bzhin la/ shing du ru ska'i 'bru mar gyis bkang ba'am dri zhim po'i 'bru mar gyis bkang ba'am</font><hr>95.106b<br><font size=+1>

ba'i mar gyis yongs su bkang ba'i mar me ras kyi dum bu sar pa'i snying po byas te ras ris kyi mdun du 'bum phrag gcig gi mar me dbul bar bya'o/ /kho ra khor yug tu mar me'i phreng ba phul ma thag tu ras ris las 'od 'byung ste/ 'od byung ma thag tu ras ris kyi kho ra khor yug tu 'od 'bar ba'i phreng bas kun nas khyab par 'gyur ro/ /steng gi nam mkha' bar snang las rnga bo che'i sgra sgrogs shing legs so zhes bya ba'i sgra yang thos te/ de nas rig pa 'dzin pas rings pa'i tshul gyis sgrub pa pos ras ris kyi mtha' la sngar bris pa'i ras ris kyi mtha' nas mchod yon gsol/ lan gsum bskor ba byas te sangs rgyas thams cad la phyag 'tshal nas gzung bar bya'o/ /de nas de bzung ba tsam gyis mar me thams cad 'dzin pa'i sems can rnams gcig gis lhag pa'i gzhal med khang 'bum dang lhan cig 'phur bar 'gyur ro/ /lha'i sil snyan dang yang dag par ldan pa dang / glu snyan pa'i sgra la sogs pa dang ldan pa dang / gar dang ldan pa'i rig pa 'dzin ma 'khor yug tu khyab pa dag gis mar me thogs pa dang lhan cig sgrub pa po rig pa 'dzin pa'i 'khor los sgyur ba'i rgyal por dbang skur bar byed do/ /rga ba dang 'chi ba med pas rol par 'gyur zhing / bskal pa chen por gnas shing nyi ma dang 'dra ba dang / lha'i yan lag lta bur mdzes pa dang / gos rnam pa sna tshogs kyis brgyan pa dang / 'khor de dag dang yang 'di lhan cig tu spyad par 'gyur ro/ /rig pa 'dzin pa thams cad kyang 'di'i bran bzhin du nye bar gnas par 'gyur te/ rig pa 'dzin pa'i 'khor los sgyur bar 'gyur ro/ /ring du 'tsho ba dang grub pa thams cad kyis mi tshugs par 'gyur ro/ /rig pa 'dzin pa rnams kyi bu mo rnams la mchog tu yid du 'ong bar 'gyur ro/ /rdzas thams cad la dbang du 'gyur ro/ /sangs rgyas dang byang chub sems dpa' rnams rgyal mtshan gyi rtse mo la bzhugs par 'gyur ro/ /skad cig gis tshangs pa'i 'jig rten du 'gro</font><hr>95.107a<br><font size=+1>

zhing brgya byin la yang bgrang ba med na/ rig pa 'dzin pa gzhan lta ci smos/ 'di ni mthar yang sangs rgyas nyid du 'gyur zhing / 'phags pa 'jam dpal yang 'di'i dge ba'i bshes gnyen du 'gyur ro/ /gzhan yang las kyi sgrub pa po yod de/ de nas shin tu brtson pas gcig pu dben pa/ skye bo med la 'dres pa med cing 'dres pa dang bral bas dgon pa chen por zhugs te/ gnas gang du pad ma chen po yod pa'i mtsho dang ldan pa'i r-i'i rtse mo gcig tu brten nas/ ri'i rtse mo de'i steng du 'dzegs te/ rig pa'i rgyal po yi ge gcig pa 'jam dpal gyi cho ga las bshad pa'am/ de bzhin gshegs pa'am/ gzhan byang chub sems dpas bshad pa'am/ gang yang rung ba'i sngags 'dod pa de dag bzung ste/ pad ma'i rtsa ba'am 'o ma'i kha zas kyis 'tsho zhing / rig pa 'bum phrag sum cu rtsa drug bzlas la/ bzlas pa'i mthar cho ga de nyid kyis sngar bstan pa'i ras ris kyi ri mo chen po rab tu bzhag ste/ me tog pad ma la tsan dan dkar po dang / gur gum gyis btags la seng ldeng gi shing gi me sbar te/ sngar yongs su btags pa'i me tog gis stong phrag drug cu rtsa drug gi sbyin sreg bya'o/ /de nas sbyin sreg gi mthar bcom ldan 'das shAkya thub pa'i ras ris las 'od zer 'byung ngo / /de nas sgrub pa po snang bar byas te/ spyi bor zhugs par 'gyur la des reg ma thag tu sgrub pa pos mngon par shes pa lnga thob par 'gyur ro/ /byang chub sems dpa'i sa thob par 'gyur/ lha'i lus kyis ci ltar 'dod pa bzhin du 'gro bar 'gyur/ bskal pa sum cu rtsa drug gi bar du 'tsho bar 'gyur/ sangs rgyas kyi zhing sum cu rtsa drug gnon par 'gyur/ de dag gi mthu yang dag par rjes su mthong bar 'gyur/ sangs rgyas sum cu rtsa drug gi gsung rab 'dzin par 'gyur/ de la mchod cing bsnyen bkur ba la mngon par dga' bar 'gyur/ mthar yang byang chub la</font><hr>95.107b<br><font size=+1>

gzhol bar 'gyur/ 'phags pa 'jam dpal gyis byang chub kyi mthar thug pa/ mya ngan las 'das kyi bar du dge ba'i bshes gnyen du yongs su 'dzin par 'gyur ro/ /byang chub sems dpa'i sde snod phal po che theg pa chen po shin tu rgyas pa'i mdo sde 'phags pa 'jam dpal gyi rtsa ba'i cho ga dgu pa'i le'u rab 'byam las/ gnyis pa sgrub pa'i thabs dam pa'i las kyi le'u rab 'byam rdzogs s+ho// // de nas bcom ldan 'das shAkya thub pas sgrub pa'i las dam pa gzhan yang gsungs te/ cho ga'i rgyal po 'di las gang yang rung ba'i sngags bzung nas/ gang gA'i klung chen por zhugs te/ dkyil du gru'i bzhon pa la 'dug ste/ 'o ma dang sbyar ba'i 'bras chan za zhing ci ltar 'dod pa'i nyi ma la bzlas pa sum 'bum bya'o/ /de nas bzlas pa'i tha ma la klu thams cad mthong ste/ de nas bsgrub pa brtsam par bya'o/ /gru'i steng de nyid kyi nang du me thab pad ma'i rnam pa 'dra ba byas nas/ me tog nA ga ge sar dag gis ras ris la mchod pa chen po byas te/ ras ris chen po nub du bstan pas bzhag la/ bdag nyid shar du bltas nas ku sha'i khres la 'dug ste/ me tog nA ga ge sar re re la yang lan bdun bdun bsngags pa byas nas/ shing seng ldeng gis me sbar ba la sbyin sreg bya ste/ tsan dan dkar po dang gur gum dang bsres pa'i me tog nA ga ge sar gyis lan stong phrag sum cu rtsa drug gi bar du bya ste/ gzhan gyis ni ma yin no/ /klu rnams mthong ba yang don yod pa yin te/ grub pa'i rdzas rnams la rab tu chags pas blang bar mi bya ste/ grub pa'i rdzas rnams la chags pas len par mi byed na/ des na sbyin sreg rdzogs pa dang gru'i bzhon pa dang bcas par 'phur bar 'gyur te/ rig pa 'dzin pa'i 'khor los sgyur bar 'gyur la/ </font><hr>95.108a<br><font size=+1>

klu'i rgyal po'i dbang po thams cad kyang rjes su 'brang zhing bran bzhin du gnas par 'gyur ro/ /bar gyi bskal pa sum cur 'tsho bar 'gyur ro/ /'di rang dbang du'ang spyod par 'gyur ro/ /'gro ba la thogs pa med par 'gyur ro/ /'phags pa 'jam dpal mngon sum du mthong bar 'gyur ro/ /spyi bo la phyag gis reg par mdzad de/ reg pa tsam gyis mngon par shes pa lnga thob par 'gyur ro/ /nges par sangs rgyas nyid kyang 'thob par 'gyur ro/ /las kyi mchog gzhan yang bstan pa ni bil ba'i shing gcig gi rang bzhin las gru'i bzhon pa shin du brtan pa dang / legs par byas te de la zhon nas gang gA'i klung chen por zhugs te/ bil ba'i shing las rlung yor byas te/ de nyid kyis gru de rlung yor 'dzin pa mkhas pa gsal ba des phyag par bya'o/ /gang gA'i klung chen po mi dor bar yongs su thad ka'am/ chur phyag par bya'o/ /de nas gzhan gang yang rung ba'i sngags rtsa ba'i sngags sam/ 'bru drug pa'am/ 'bru gsum pa'am/ 'bru brgyad pa'am 'bru gcig pa'am/ khro bo'am pho nya'am/ 'khor gyi sngags bzung nas/ dang por ras ris chen po de nyid nub tu bltas pas bzhag la/ sgrub pa po shar du blta bar bya'o/ /de nas ci ltar 'dod pa'i 'o ma dang / nas chan khyor gang ngam 'bras bu'i kha zas sam/ chu dang rtsa ba dang / 'bras bu'i kha zas kyis 'tsho la mi smra ba'i dka' thub dang / dus gsum du khrus bya zhing gos lan gsum brjes nas dge ba'i las bzang po yang dag par spyod pa dang / blo dge ba bzang po dang ldan pa'o/ /dang por re zhig ras ris kyi mdun du sngar ci ltar bstan pa'i sngar bshad pa'i cho gas rig pa 'bum phrag drug cu bzla'o/ /bzlas pa zin pa na gru de rgya mtsho chen por 'gro bar 'gyur ro/ /sgrub pa po'i yo byad yang dag par blangs te</font><hr>95.108b<br><font size=+1>

sngar gyi gnas su gzhag par bya'o/ /de nas gru'i bzhon pa rgya mtsho chen por 'gro ba na 'jigs par mi bya ste bzlog par yang mi bya'o/ /sgrub pa po ma gtogs pas zlog par nus pa yang ma yin no/ /de nas dpag tshad stong du gnas pa'i rgya mtsho chen por yang yud tsam gyis 'jug par 'gyur na/ lam thung ngu lta smos kyang ci dgos/ rgya mtsho chen po der phyin pa na sgrub pa pos bsgrub pa'i las brtsam par bya'o/ /de nas seng ldeng gi shing gi me sbar la/ sngar byas pa'i me thab bam/ rdza mkhan gyis byas pa'i sa'i snod la/ me tog nA ga ge sar tsan dan dkar po dang ga pur gyis bsres pa'i sreg blugs kyis shin tu nyung ba'am rab tu mang ba yang rung 'bum phrag drug cu sbyin sreg bya'o/ /sbyin sreg byed pa na yang lang ka'i grong khyer na gnas pa'i srin po gzugs dang cha byad mang po 'dzin pa ha ha zhes bya ba'i sgra sgrogs pa dang / klu'i grong khyer gdengs ka dang ldan pa na gnas pa'i rgyal po rnams langs par 'gyur te/ cha byad rnam pa sna tshogs 'dzin pa rab tu drag pa dang / rab tu zhi ba'i klu de rnams dang / srin po de rnams 'di skad du khyed bzhengs shig bzhengs shig /bdag cag gi bdag po mdzad du gsol zhes brjod do/ /de bzhin du lha ma yin dang gnod sbyin dang / lha dang lto 'phye chen po dang grub pa dang mi ma yin pa thams cad kyang rab tu chags par byed na ldang bar mi bya/ 'jigs par mi bya'o/ /de nas rig pa 'dzin pas sngags zlo zhing / lag pa g.yon pa'i mdzub mos sdigs mdzub byas na/ de nas phan tshun du 'gro ba dang 'byor ba dang 'bros par byed do/ /de nas sbyin sreg zin pa na gru de sgrub pa po des blangs na skad cig gis 'og min du 'gro bar 'gyur ro/ /'jig rten gyi khams gzhan du yang 'gro ba dang 'ong bar 'gyur ro/ /byang chub sems dpa'i sems dang mthu mnyam par 'gyur/ mngon par shes pa lnga dang rdzu 'phrul chen po dang mthu chen po dang ldan par 'gyur ro/ /'dis 'phags pa</font><hr>95.109a<br><font size=+1>

'jam dpal yang rtag tu mthong bar 'gyur ro/ /sangs rgyas dang byang chub sems dpa' dang / rang sangs rgyas dang 'phags pa nyan thos ma gtogs pa/ klu'i rgyal po thams cad dang srin po thams cad dang gnod sbyin thams cad dang / lha thams cad dang lha ma yin thams cad dang / sems can thams cad kyang 'di'i bka' bzhin byed cing dbang du 'gyur ro/ /'di'i sngags grub pa de dag la yang byams pa'i bdag nyid du 'gyur zhing rjes su dga' bar 'gyur ro/ /sems can thams cad kyis kyang mi thub pa'i bar du 'gyur ro/ /gzhan yang las sgrub pa'i thabs dam pa yod de/ shing bil ba chen po las gru'i bzhon pa byas la yang shing gcig gi shing gi tshogs las gnas chen po byas te/ gang gA'i dbus kyi gling der gru'i bzhon pa'i gnas byas la/ der yang gru'i bzhon pa la zhon pa'i skyes bu brgya nyi shu rnams mar me lag na thogs pa/ gos dkar po bgos pa srung ba byas pa/ cho ga snga mas yang dag par bzhag pa'i ras ris mdun du gzhag par bya ste/ de nas ras ris la mchod pa chen po byas nas/ nA ga ge sar gyi phye ma tsan dan dkar po dang gur gum dang ga pur gyis bsres pa'i sreg blugs kyis seng ldeng gi me la stong phrag sum cu rtsa drug sbyin sreg bya'o/ /de nas sbyin sreg zin pa na/ skad cig gis tshangs pa'i 'jig rten du 'gro ba dang 'ong bar 'gyur ro/ /ci ltar 'dod pa bzhin du rnam par rgyu bar byed do/ /'phags pa 'jam dpal gzhon nur gyur pa mngon sum du mthong bar 'gyur te/ mthong ba tsam gyis sa thob par yang 'gyur ro/ /mngon par shes pa lnga 'thob pa dang yun ring du 'tsho zhing bskal pa chen por gnas par yang 'gyur ro/ /rig pa 'dzin pa'i 'khor los sgyur bar yang 'gyur ro/ /mar me 'dzin pa de dag kyang rig pa 'dzin pa 'di'i grogs por 'gyur te/ de dag dang lhan cig ci ltar 'dod pa bzhin du rgyu zhing rang dbang du 'gro bar yang 'gyur ro/ /sangs rgyas bcom ldan 'das rnams la mchod pa dang bsnyen bkur byed par mngon par dga' bar 'gyur zhing / </font><hr>95.109b<br><font size=+1>

'phral yang sangs rgyas nyid du nges par 'gyur ro/ /gzhan yang sgrub pa'i thabs kyi las dam pa yod de/ chu klung rgya mtsho'i 'gram dag gam/ /de bzhin ri bo kha ba can/ /ri yi rgyal po 'bigs byed la/ /las kyi mchog ni bsgrub par bya/ /ma la ya ri sa ha dang / /spos kyi ngad ldang ar bu dang / /ri yi rgyal po sum brtsegs la/ /las kyi mchog ni bsgrub par bya/ /de bzhin rgya mtsho chen po dang / /ri ni shing ldan me tog yod/ /'di dag gi ni phyogs dag tu/ /sngags grub par ni rgyal bas gsungs/ /gtsang zhing bas mtha' dben phyogs su/ /grong gi chos ni rnam par spangs/ /de bzhin ri yi tshang tshing du/ /sngags kyi rgyal po thams cad 'grub/ /bas mtha'i gnas mal nyams dga' dang / /rgyal bas de bzhin bsngags pa dang / /ma rungs sems can thams cad la/ /sngags kyi rgyal po thams cad 'grub/ /chos ldan rgyal po yod pa dang / /gtsang sbra spyod pa'i skye bo yod/ /pha dang ma la gus pa dang / /bram ze'i rigs ni yod pa yi/ /gnas der lha rnams 'grub 'gyur te/ /gzhan du 'grub pa ma yin no/ /chu bo gang gA'i 'gram dang ni/ /de bzhin legs mdzes ya mu na/ /sin+du nar ma dA nang dang / /zla ba'i cha ni gtsang ngogs dang / /de bzhin kA ba'i sa ra swad/ /chu bo chen po sI ta rnams/ /'di dag grub pa'i zhing du ni/ /stobs bcu ldan sras rnams kyis bshad/ /stobs bcu ldan pas bshad pa'i zhing / /byang phyogs yod pa'i ri dag dang / /kha che dang ni rgya yul dang / /bal po de bzhin mang yul dang / /rgya yul che dang li yul dag /de dag ma lus grub pa'i zhing / /byang phyogs la ni gnas pa dang / /nas dang gro la spyod pa dang / /ri dang chu bo dag la yang / /bsod nams yul du bstan pa yin/ /sems can snying rje ldan gang gnas/ /de dag la ni nges 'grub 'gyur/ /dpal gyi ri bo'i ri chen ni/ /lho yi phyogs na yang dag gnas/ /dpal ldan 'bras phung mchod rten ni/ /rgyal ba'i ring bsrel gnas pa'i sa/ /thams cad don gyi gnas dag la/ /der ni sngags rnams myur du 'grub/ /mchod rten</font><hr>95.110a<br><font size=+1>

chen po rdo rje gdan/ /chos kyi 'khor lo rab bskor dang / /thub mchog zhi bar rab gshegs pa/ /der yang grub par rab tu snang / /lha las babs pa'i mchod rten dang / /nai ka sha dang cho 'phrul bstan/ /grong mchog ser skya zhes bya dang / /nags tshal lum bi nir 'khrungs la/ /sngags kyi rgyal po 'grub 'gyur zhes/ /rgyal bas rab bsngags brjod pa yin/ /bya rgod phung po'i ri dang ni/ /de bzhin sa steng bsil ba'i tshal/ /grong mchog me tog ces bya dang / /rtag tu de bzhin ga sha dang / /bcom brlag kan+ya kub dza dang / /sa steng grong ni 'phags rgyal dang / /de bzhin yangs pa can mchod rten/ /mi thi la yi grong khyer sa/ /grong dang grong khyer mchog dag ni/ /gang gzhan skye bo yang dag 'byung / /rab bsngags bsod nams yul dag ni/ /de dag la ni bsgrub pa bya/ /de dang gzhan yang yul dag dang / /grong dang ljongs dang ri bor dang / /gnas dang grong mchog gtso bo ni/ /bsod nams gnas la rab brten nas/ /der ni slong mos rjes 'tsho zhing / /bzlas dang sbyin sreg dga' ba dang / /gnas khang bla gab med pa dang / /rtag tu khyim ni stong pa la/ /sngags rnams las ni thams cad la/ /thog ma nyid du bya ba yin/ /sngags pas rtag tu yul dbus su/ /sngags bzlas mngon par 'dod pas bya/ /bzlas la rab zhugs rtag tu brtson/ /sngags rig gtong ba dag la goms/ /tshul khrims spyod cing shin tu dben/ /'byung po kun la phan par dga'/ /sngags spyod pa la dga' ba yi/ /sdom brtson gyis ni sngags bzlas bya/ /gtsang zhing gtsang sbra yod phyogs dang / /kla klo rkun ma rnam par spangs/ /sems can sdig sbrul la sogs pa/ /spangs pa'i sa phyogs 'dod pa yis/ /'bras bu me tog yang dag ldan/ /dri med rab bsngags chu yod par/ /sngags rigs sngags ni brten byas na/ /sbyor ba thams cad rab tu 'grub/ /gzhan yang dur khrod chen po ni/ /der ni bzlas pa rtag tu bya/ /dri med</font><hr>95.110b<br><font size=+1>

chu dang 'bab chu ni/ /srog chags dag kyang rnam par spangs/ /der ni de nyid bzla bya ste/ /mnyam par bzhag pas sngags bzlas bya/ /'jig rten spyod pa'i bsod nams min/ /der ni cung zad mi mthong ste/ /'on kyang sngags ni bstan pa yis/ /cung zad dus ni bstan pa'o/ /dam tshig tshogs pa'i rgyu ldan na/ /de las gzhan du'ang 'gro bya ste/ /der ni dam tshig thob bsten pa/ /cung zad dus te gzhan du min/ /de nas gzhan du'ang myur du ni/ /sngags rig pas ni ci nus 'gro/ /bde gshegs mchod rten bzhugs pa yi/ /sa steng dag la rtag tu bsten/ /'jig rten mu stegs thams cad ni/ /lta ba log par ltung ba dang / /gzhan yang stegs su gyur pa rnams/ /sngags rig pas ni rtag tu spang / /rgyu ngan 'gro ba ngan yod par/ /sngags rig pas ni der mi bsten/ /gang du rgyal ba mchog bzhugs dang / /sa steng bse ru rang rgyal dang / /byang chub sems dpa' skal ba che/ /nyan thos rgyal ba'i sras dag ni/ /de dag gnas pa'i phyogs dag tu/ /zlos pa sngags rig ldan pas bsten/ /'bad pas snga ma nyid du ni/ /gnas de la ni rtag tu spyod/ /sngags shes cho ga mthong ba yis/ /yang dang yang du sngags zlos bya/ /lus can sdig pa ma lus dag /bzlas dang sbyin sreg dag gis sel/ /de bas 'bad pa kun gyis ni/ /mnyam bzhag sngags ni bzla bar bya/ /las thams cad la gnas 'di dag gsungs pa las sgrub pa mchog gi las kyi thabs sgrub pa la gnas 'di dag ma rnyed na/ gang yang rung ba'i gnas de dag tu gtsang sbra byas te sngon du bsnyen pa byas la/ dad cing mos pas sgrub pa'i thabs kyi lam dam pa brtsam par bya ste/ dang por re zhig ras ris chen po nub tu bltas pas bzhag ste/ bdag nyid shar du bltas la/ grog mkhar gyi sa'am/ gang gA'i klung gi ngogs na yod pa'i sa blangs te/ rtswa u shi ra dang tsan dan dkar po dang gur gum dang ga pur la sogs pas bsre ba bya ste/ rma bya'i gzugs byas la</font><hr>95.111a<br><font size=+1>

ras ris de'i mdun du bzhag go /ku sha'i rtse mo ma nyams pa sa phyogs gtsang mar skyes pa 'khor lo'i gzugs su byas te/ ras ris kyi mdun du lag pa g.yas pas bzung zhing / lag pa g.yon pas rma bya bzung la/ yar ngo'i zla ba nya ba'i mtshan mor ras ris la mchod pa chen po byas te/ ga pur dang tsan dan gyi dud pa bsregs la/ nam langs kyi bar du bzlas pa byas na/ de nas nyi ma shar ba'i dus su lha'i rang bzhin gyi rma bya ni rma bya chen po'i rgyal mor 'gyur ro/ /'khor lo ni kun du 'bar bar 'gyur zhing / bdag nyid kyang lha'i lus su 'gyur ro/ /de nas lha'i phreng ba dang gos dang rgyan gyis brgyan par 'gyur ro/ /nyi ma shar ba dang 'dra ba'i 'dod pa'i gzugs mdzes par 'gyur ro/ /sangs rgyas dang byang chub sems dpa' la phyag byas nas/ ras ris la g.yas phyogs su bskor ba byas la/ ras ris blangs te rma bya'i stan de la 'dug na yud tsam gyis tshangs pa'i 'jig rten gnon par 'gyur ro/ /rig pa 'dzin pa bye ba khri phrag brgya stong gi 'khor du ma dang ldan pa'i rig pa 'dzin pa'i 'khor los sgyur bar 'gyur ro/ /bar gyi bskal pa drug cur 'tsho bar 'gyur ro/ /ci ltar 'dod par 'gro zhing spyod par 'gyur ro/ /'gro ba la thogs pa med pa dang lha'i phun sum tshogs pa dang ldan par 'gyur ro/ /'phags pa 'jam dpal yang mngon sum du 'gyur zhing / de nyid 'di'i dge ba'i bshes gnyen du 'gyur ro/ mthar yang sangs rgyas nyid thob par 'gyur ro/ /de bzhin du dbyug pa dang / spyi blugs dang tshangs skud dang ldong ros dang gi wang dang ral gri dang / lcags mda' dang mtshon rtse gcig pa dang dgra sta dang / mtshon rnam pa sna tshogs kyi khyad par sa'i rang bzhin nam/ rkang gnyis dang rkang bzhi dang bya dang bzhon pa'i bye brag seng ge dang stag dang dom la sogs pa'am/ grog mkhar gyi sa'i rang bzhin la dri zhim po'i dris bsres pa las/ gdan dang bzhon pa dang gnas mal dang / gdugs dkar po dang cod pan dang</font><hr>95.111b<br><font size=+1>

rgyan gyi bye brag thams cad dang rin po che'i bye brag thams cad dang / rab tu byung ba'i yo byad kyi bye brag phreng ba dang lham dang shing lham dang / lhung bzed dang chos gos dang khar gsil dang khab dang / gri la sogs pa lcags khyad par can gyi rang bzhin nam/ gzhan yang gang cung zad sems can gyi yo byad snod la sogs pa/ lcags bzang po'i rang bzhin nam/ grog mkhar gyi sa'am/ chu bo'i ngogs kyi sa las byas pa de dag thams cad pa'i rnam lngas bkrus pa'am/ chus gtor ba tsam byas la snga ma bzhin du yongs su dag par byed pa'i sngags sam/ yi ge gcig pa'i sngags sam/ gzhan gang yang rung ba'i sngags cho ga'i rgyal po sgrub pa'i thabs kyi sngags ma gtogs pas lan brgya rtsa brgyad mngon par bsngags pa byas te/ ci ltar 'dod par bdag nyid bsrung ba byas pa dang grogs po yang yongs su bskyab pa byas pa dang shin tu gsang ba'i sngags dang rgyud shes pa sngar bstan pa'i gnas dag tu ras ris nub tu bltas pas gzhag la/ bdag nyid snga ma bzhin du byas te/ ras ris la mchod pa chen po byas nas ras ris chen po la ga pur gyi bdug pas bdugs te/ sngar bstan pa'i mtshon dang yo byad dang sems can gyi khyad par sngar bstan pa'i bcos mar byas pa la/ yar ngo'i zla ba nya ba'i mtshan mo gong ma'i rdzas gang yang rung ba de dag blangs te/ mtshan mo nyi ma shar ba'i dus kyi bar du bzla bar bya'o/ /bar 'dir 'od chen po'i phreng ba ras ris la yang dag par mthong la/ gal te bzhon pa'i khyad par sgrub pa pos gzung bar gyur na ni/ de la zhon nas ci ltar 'dod par 'gro bar 'gyur ro/ /gal te rgyan gyi khyad par ram tshon gyi khyad par de blangs pas de bcangs na/ rig pa 'dzin pa'i 'khor lo 'dzin par 'gyur te/ ci ltar 'dod par 'gro zhing lha'i gzugs dang ldan pa dang / nyi ma shar ba dang 'dra bar 'gyur ba dang 'od kyi phreng ba chen po dang ldan pa dang / lus</font><hr>95.112a<br><font size=+1>

shin tu gsal bar 'gyur ba dang rig pa 'dzin pa thams cad kyi mnga' bdag tu 'gyur ro/ /ring du 'tsho zhing bskal pa chen por gnas pa dang rig pa 'dzin pa bye ba khri phrag brgya stong gi 'khor du ma dang ldan pa dang / lha'i nor bu rin po che'i gzhal med khang la spyod pa dang bzhon pa gang sngar yongs su brtags pa sa'i rang bzhin grub na/ de nyid 'dir mthu chen po dang ldan par 'gyur te bzhon pa de nyid 'di'i grogs por 'gyur ba dang gzhan gyi sngags 'gugs par byed pa grub pa rnams kyi brten pa'i gnas su gyur pa/ bdag gi sngags kyi grub pa la yang dag par sbyor bar byed pa/ byams pa'i bdag nyid dang phan par 'dod pas rab tu 'brel ba gang 'di nyid kyi mtshon dang rgyan dang rin po che'i khyad par dang / stan dang gnas mal dang sems can la sogs pa nyid 'di la srung ba chen po nyid dang sba ba dang sbed pa la rtag tu 'brang bar 'gyur ro mthu chen po dang brtson 'grus chen po dang lus chen po dang ldan par 'gyur ro/ /'jam dpal gzhon nur gyur pa mngon sum du mthong bar 'gyur zhing legs so zhes bya ba yang sbyin par mdzad la/ spyi bo la reg par mdzad cing byang chub kyi snying po thob kyi bar du dge ba'i bshes gnyen du sgrub par mdzad do/ /stobs bcu nyid kyang nges par thob par mdzad cing / sems can thams cad zil gyis gnon cing mchod par yang 'gyur ro/ /'byung po thams cad kyis mi tshugs par 'gyur ro/ /yang dag pa'i rgyud kyi mtha' gcod pa med par 'gyur ba dang sa thob par 'gyur ba dang stobs bcu dang / byang chub sems dpa'i sa nges par thob par 'gyur te/ mdor na las dam pa thams cad gnas dam pa dag tu gnas nas/ ras ris dam pa dag gi mdun du mchod pa dam pa la mngon par dga' bas las dam pa gzhan dag kho na bya'o/ /rig pa 'dzin pa nyid du nam mkha' la 'gro ba dang / byang chub sems dpa'i rjes su zhugs pa dang mngon par shes pa lnga nyid dang sa dang sngags</font><hr>95.112b<br><font size=+1>

thob pa nyid dang lus 'di nyid kyis 'jig rten gyi khams dag tu 'gro ba nyid dang stobs bcu'i rgyud yongs su rdzogs par bya ba'i phyir dang / 'phags pa 'jam dpal mngon sum du mthong ba nyid kyi phyir dang 'bras bu yod par mthong ba'i chos ston pa mnyan pa'i phyir dang / sangs rgyas kyi gdung rgyun mi gcad pa'i phyir dang / thams cad mkhyen pa'i ye shes mthar gyis rjes su thob pa nyid kyi phyir dang / chos kyi sprin las byung ba'i sngags bzang po la 'jug pa nyid kyi phyir dang / nyon mongs pa bskam pa dang bdud rtsi'i char gyis nyon mongs pa zhi bar bya ba'i phyir dang / 'jig rten rjes su gzung ba la rab tu 'jug par rjes su sgrub pa nyid kyi phyir dang / de bzhin du chos kyi tshul gzung ba'i phyir dang / de bzhin gshegs pa'i gsung don yod par bya ba'i phyir dang / sngags kyi thabs kyi sgrub pa'i cho ga rab tu gsang ba nyid kyi phyir dang / sangs rgyas dang byang chub sems dpa' thams cad dang rang sangs rgyas dang 'phags pa nyan thos kyi bdag nyid chen po 'byung ba nyid kyi phyir/ cho ga'i rgyal po rab 'byam sngags kyi mthu dang rab tu rnam par ldan pa 'di ras ris chen po'i mdun du nye bar gnas la bsgrub par bya ste/ 'jig rten dang 'jig rten las 'das pa'i sngags kyi cho ga dang / sngags rgyud thams cad kyi cho ga'i lam gyi ste/ mdor na 'dir cho ga gzhan du gsungs pa'i las kyis kyang cho ga'i rgyal po 'di bsgrub par bya ste/ myur du de dag gi sngags rnams 'grub par 'gyur te/ gang ngas bstan pa de dag nges par 'grub par 'gyur ro/ /byang chub sems dpa'i sde snod phal po che theg pa chen po shin tu rgyas pa'i mdo las/ 'phags pa 'jam dpal gyi rtsa ba'i cho ga bcu pa ras ris chen po'i cho ga'i le'u rab 'byam rdzogs s+ho// // de nas bcom ldan 'das shAkya thub pas yang gnas gtsang ma'i gzhal med khang la gzigs nas/ 'jam dpal gzhon nur gyur pa la bka' stsal pa/ </font><hr>95.113a<br><font size=+1>

'jam dpal khyod kyi ras ris bar ma'i cho ga gzhan sgrub pa'i thabs kyi cho ga yod de/ mdor bsdus nas bshad kyis de legs par rab tu nyon la yid la zung shig dang bshad do/ /de nas 'jam dpal gzhon nur gyur pas bcom ldan 'das la 'di skad ces gsol to/ /bcom ldan 'das 'jig rten la thugs brtse ba dang ston pa sems can thams cad la phan par dgyes pa dang / bdag cag la thugs brtse ba'i phyir dang / ma 'ongs pa'i skye bo rnams la gzigs nas/ de'i dus la bab par mkhyen na de bshad du gsol/ de skad ces gsol pa dang / 'jam dpal gzhon nur gyur pa la 'di skad ces bka' stsal to/ /'jam dpal nyon cig dang por re zhig tshul khrims dang brtul zhugs dang / gtsang sbra'i spyod pa dang nges par sdom pa dang bzlas pa dang / sbyin sreg dang bsam gtan dang cho ga gang du legs par rab tu gnas pa la sngags thams cad kyi spyod pa sgrub pa'i las 'bras bu dang bcas shing don yod par 'gyur te/ sngags thams cad kyi sbyor ba 'grub par 'gyur ro/ /ngas bshad pa de gang zhe na/ gzhon nu nyon cig /dang por re zhig rig pa dang brtul zhugs dang / tshul khrims kyi yi dam dang po nyid du blang bar byas la/ dang po re zhig dkyil 'khor gyi slob dpon gyis bstan pa'i dam tshig khyod kyi cho ga'i rgyal por bstan cing sngar bshad pa la rjes su 'jug par bya'o/ /blo gsal ba yid gzhungs pa dang ldan pa/ slob dpon du dbang bskur ba khyod kyis bstan pa'i cho ga shes pa/ dge ba gsal ba'i chos dang ldan pa/ bden par smra ba spro ba chen po dang ldan pa byas pa gzo ba/ yid gzhungs pa dang ldan pa/ 'dris brten pa ha cang mi rgan ha cang mi gzhon pa rnyed pa dang / bkur sti la chags pa med pa tshangs par spyod pa/ snying rje dang ldan pa rnyed pa tsam mam/ longs spyod kyi rgyu tsam mam/ rjes su chags pa'i rgyur yang rdzun mi smra na cung zad tsam mam/ chags pa'am rmongs pa tsam gyis</font><hr>95.113b<br><font size=+1>

rnam par lta smos kyang ci dgos/ dam bcas pa brtan pa dang sems can thams cad la sems mnyam pa dang / snying rje dang ldan pa dang tshul khrims dang ldan pa dang / sngon du spyad pa byas pa dang khyod kyi gsang ba'i sngags rjes su zlos pa dang snga ma nyid du rig pa goms par byas pa dang / khyod kyi dkyil 'khor la mthar gyis yang dag par zhugs pa dang / 'jig rten shes pa dang cho ga shes pa dang yang dag par rjes su 'dzin par byed pa dang / 'bras bu dang ldan zhing mkhas pa dang legs pa la rab tu zhugs pa dang gzugs mdzes pa dang 'dod pa med pa dang / chags pa med pa dang dpa' ba dang brtson 'grus brtan pa dang nad med pa ste/ nad gang gis las mi nus pa'i ngang tshul can gyi nad med pa dang rigs mthon por skye ba'o/ /yon tan de dag dang ldan na ni dkyil 'khor gyi slob dpon du 'gyur la/ sgrub pa po yang de dang mnyam pa ste/ yan lag lhag pa'am ma tshang ba cung zad kyang med pa'o/ /de lta bu'i dkyil 'khor gyi slob dpon la mchod pa byas shing don du gnyer bar byas te/ slob dpon dang lhan cig byang chub sems dpa' chen po 'phags pa 'jam dpal gzhon nur gyur pa'i dam tshig la rjes su 'jug par 'tshal na/ slob dpon gyis bdag la thugs brtse ba'i slad du/ phan pa'i thugs dang brtse ba'i thugs kyis de bshad du gsol/ de nas dkyil 'khor gyi slob dpon des sngar bstan pa'i cho gas slob ma la snga ma ci lta bu bzhin du brtags nas rab tu gzhug par bya ste/ sngar ci ltar dbang bskur ba bzhin du phyis kyang sbyin par bya'o/ /go rims ci lta ba bzhin du dam tshig bstan te/ gsang ba'i phyag rgya dang rgyud dang sngags dang las kyang dus ring po nyid nas nges par brtags te/ bsam pa shes nas bstan par bya ste/ sngags la sogs pa'i las rnams kyang thams cad du gzhan du ma yin no zhes cho ga 'di ltar bstan pa yin no/ /de nas slob mas dkyil 'khor</font><hr>95.114a<br><font size=+1>

gyi slob dpon la ci nus pas/ gang gis slob dpon dgyes pa bdag dang longs spyod rab tu dbul bar bya'o/ /de nas dkyil 'khor gyi slob dpon des bu'i 'du shes nye bar gzhag par bya ste/ bu bzhin du bsgrub par bya zhing ma bzhin du yang longs spyod kyis nye bar bsdu bar bya'o/ /de nas sgrub pa po des sngags gang yang rung ba bzung ste/ gcig pu dben par song nas sngar bstan pa gong ma bzhin du rgya cher sbyar te/ de dag nyid kyis sngags dag gis ni spyan drang ba dang gshegs su gsol ba dang / mar me dang dri dang bdug pa dang gtor ma dang lha bshos dkyil 'khor la gsungs pa nyid kyi cho gas rgya cher bya ste / spyan drangs nas gdan dang mchod yon phul la/ dus mtshams gsum du khrus lan gsum bya zhing / gos lan gsum brje zhing nyin re bzhin du bzlas pa bya'o/ /de la dus gsum zhes bya ba ni mtshan mo'i mtha' nas brtsams pa yin te/ zung tsam nas nyi ma 'char ba'i bar 'dir dang po'i dus su brjod do/ /nyi ma gung ni nyi ma gnyi ga'i gung tsam gyi tshad du nam mkha' la gnas pa'i nyi ma'i dkyil 'khor la ni nyi ma gung gi dus zhes brjod do/ /nyi ma nub pa'i dus su lhag ma zung tsam lus pa'i dus gsum pa zhes brjod do/ /tshul khrims brtul zhugs yang dag ldan/ /slob dpon mkhas pa chen po dang / /mthon po'i rigs su skyes pa dang / /rnam pa kun du brtson 'grus brtan/ /sngags rgyud dag la mngon brtson dang / /bya ba kun la blo gros dge/ /zhib cing mkhas la chog shes dang / /chos kyi dbyings ni rtag tu 'dzin/ /spro ba che zhing gzi brjid che/ /'jig rten chos la ltos pa med/ /thub mchog chos la dad pa dang / /'jig rten na ni yongs su bsngags/ /dben pa shes shing bzlas pa byed/ /sngon du bsnyen pas rjes bsnyen byed/ /'jam pa'i dbyangs kyi sngags shes shing / /mthong bas nges 'dzin de mchog byed/ /sangs rgyas gsungs pa'i sngags rnams</font><hr>95.114b<br><font size=+1>

la/ /'jig rten pa yi sbyor ba shes/ /srung byed mthu ni brtan pa dang / /rtag tu gtsang sbra'i spyod la dga'/ /sangs rgyas bstan pa'i lam la ni/ /thams cad du ni 'jug par byed/ /rab bsngags rgyal bas bstod pa yi/ /sngags zlos pa la brtson par byed/ /las 'bras dag la rtag yid ches/ /'jig rten pha rol de bzhin no/ /sdig pa kun la 'jigs byed pa/ /shin tu phra ba'ang de bzhin no/ /gtsang zhing grims dang le lo med/ /yid gzhungs blta na sdug pa dang / /stobs bcu ldan pas sngags bshad dang / /de bzhin rgyal ba'i sras dang ni/ /gang dag 'jig rten sngags dag dang / /rdo rje pad ma'i rigs dag gis/ /de la rtag tu brtson byed dang / /gzhung dang bstan bcos don klog pa/ /nad med pa dang stobs ldan dang / /rgan dang gzhon pa rnam par spangs/ /sngags grub de bzhin shes nyen can/ /kun nas myur du byed pa dang / /las mtha' mi ring nga rgyal chung / /zur tsam gyis go khyad par can/ /tshangs par spyod cing shes rab che/ /gcig pu 'dre bar mi byed dang / /'jam dpal gyis gsungs rgyud dag la/ /dbang bskur thob cing dpa' ba dang / /bzlas pa'i mthar byas ldan pa dang / /de bzhin rig pa goms byas dang / /sems dpa' che zhing 'jig rten shes/ /'gro ba'i de nyid rjes sems dang / /legs pa'i lam nyid rab sbyar byed/ /sbyin byed 'byung po phan la dga'/ /khyad par can de'i slob dpon la/ /rtag tu don du gnyer bar bya/ /dkyil 'khor de ni bris pa la/ /sngags rnams grub pa ster bar 'gyur/ /de nyid kyis ni dbang bskur na/ /'bras bu chen po ster bar 'gyur/ /grub pa 'dod pa'i slob mas kyang / /thub mchog de ni rtag tu mchod/ /de yi bka' ni mi 'gom par/ /slob mas 'bad nas bya ba yin/ /ci ltar 'byor pa yod pa bzhin/ /longs spyod de la sbyin par bya/ /nyung ba'ang yang na mang ba'ang rung / /gang gis dga' ba thob 'gyur ba/ /lus dang srog gi don</font><hr>95.115a<br><font size=+1>

phyir ni/ /nor ni ci ltar sbyin pa bzhin/ /slob ma chos rig de bzhin du/ /slob dpon phyir ni nor sbyin na/ /tshe dang nad med de bzhin du/ /grags pa thob par 'gyur ba yin/ /slob mas bla ma de mchod na/ /dag pa'i 'gro ba thob par 'gyur/ /lam ni sna tshogs nyer bstan pas/ /de la sngags ni 'grub par 'gyur/ /de la bsten dang bsnyen bkur byas/ /ri mo byas dang mchod pas ni/ /sangs rgyas rnams dang de bzhin du/ /rgyal ba'i sras rnams mnyes par 'gyur/ /bla ma rtag tu bsnyen bkur na/ /lha rnams thams cad dga' bar 'gyur/ /bla ma sngags rnams mthong ba yis/ /de ltar thams cad bstan pa yin/ /sgrub pa pos ni dang por yang / /dam tshig la ni 'jug par bya/ /dma' ba'am de dang mnyam pa'ang rung / /gal te khyad par gyur na yang / /rmongs pa'am lhag pa yin yang rung / /rtag tu bla ma brnyas mi bya/ /ci ltar de nyid rjes mthong la/ /sngags 'grub pa la bya ba yin/ /sngar bstan pa yi slob ma yis/ /de la phrag dog bya ba min/ /lus can brtse ba 'phel byed pa'i/ /mig ni gang la yod gyur pa/ /de ni slob ma nyid bya ste/ /slob dpon rgyur yang bya ba yin/ /gang du phan tshun rgyud la ni/ /brtse ba'i phreng ba yod pa dang / /brtse ba'i rgyud ni 'dzin pa la/ /de la sngags ni sbyin par bya/ /slob dpon la ni slob ma 'am/ /bla mas slob ma mthong ba'ang rung / /rtag tu spro bar 'gyur ba la/ /gnyi ga la ni grub pa gnas/ /de dag la ni rtag tu yang / /sngags spyod lam ni bstan par bya/ /gnyi gas pha dang bur shes la/ /sngags ni 'bras bcas gnas pa yin/ /slob ma bla mas rtag tu ni/ /brtan dang dga' ba de bzhin thob/ /bu ni chos dang rjes mthun la/ /'bad pas rtag tu bsrung bar bya/ /de dag la ni sangs rgyas chos/ /rtag tu rgyun mi chad par 'gyur/ /gal te de med mgon bral la/ /sngags rnams ci skad gsungs pa bzhin/ /sems can dbul po rnams la ni/ /khyad par du yang</font><hr>95.115b<br><font size=+1>

sngags byin na/ /sems can kun la'ang sbyin pa bas/ /sngags kyi spyod pa khyad par 'phags/ /mchog dang bar ma tha ma ni/ /dus rnams kun du bya ba ste/ /rtag tu sems can kun la ni/ /rjes su gzung ba'i phyir bya'o/ /'gro ba'am skye gnas rnam brtags nas/ /'dod pa dag la sbyin par bya/ /de ni ci ltar 'dod pa'i sngags/ /slob mas de la blang bar bya/ /de nyid kyis bstan lam yin te/ /gzhan du de lta ma yin no/ /'jig rten pha rol pa la ni/ /grub pa de las bslang bar bya/ /pha bzhin mgo bos phyag byas nas/ /de nas ci ltar 'dod bzhin 'gro/ /de nas gcig pu 'gro byas nas/ /mnyam par bzhag ste bzlas pa bya/ /slong mo slong bas rjes 'tsho zhing / /thub pa dus gsum zlos par byed/ /sngar ni ci ltar bstan pa bzhin/ /lam du rab tu 'jug par byed/ /de la rjes 'jug bsten pa dang / /'dug pa dang ni gnas pa'o/ /dben pa chen po ri rtse dang / /de bzhin chu bo'i ngogs gtsang dang / /ba lang gnas dang mtsho chen dang / /dben pa skye bo rnam spangs dang / /lha khang stong dang shing dang ni/ /mtshan gcig ri ni mthon po dang / /rgya mtsho che ngogs dga' ba dang / /gling rnams chen po dag dang ni/ /rnam pa sna tshogs sngar bstan pa'i/ /yul ni yid du 'ong ba dang / /'di dag las ni phyogs gzhan du/ /mnyam bzhag sngags ni bzla bar bya/ /grogs po mtshan nyid ldan pa ni/ /sngags don lugs dang tshad mar ldan/ /zur gyi rnam pa de nyid shes/ /bdag dang de yang 'dra ba'o/ /dpa' zhing g.yul las rnam rgyal dang / /snying stobs che zhing bzod dang ldan/ /rgyal bas gsungs pa'i bstan pa dang / /sngags kyi spyod pa la dad cing / /sngags pa'i mtshan nyid dang ldan la/ /bzod dang ldan pa'i grogs po la/ /de la 'bad pa med par ni/ /sngags kyi las rnams 'grub par 'gyur/ /tho rangs mal nas langs nas ni/ /mtsho chen las byung chu bo las/ /byung chu srog chags skyon med pa'i/ /bzang pos</font><hr>95.116a<br><font size=+1>

khrus ni rab tu bya/ /sa dang lci ba phye ma yis/ /sngags shes pas ni lus dril bya/ /sngags kyis de bzhin dag byas pa'i/ /dri med gtsang sbrar byas pa'i chus/ /sngags ldan bdag nyid khrus bya zhing / /ha cang ring bar 'dug mi bya/ /de nas langs nas chu ngogs 'dug /sa dag gis kyang lag gnyis bkru/ /bdun dang bdun dang yang bdun ni/ /nyi shu rtsa gcig bar du'o/ /de bzhin du yang nye reg bya/ /so shing dag kyang yang dag byed/ /so shing rnam par bor nas ni/ /de nas skyob la phyag kyang bya/ /'jig rten mgon la phyag 'tshal nas/ /mchod pa yid du 'ong bar bya/ /rnam pa sna tshogs mchod bstod dang / /yang dag bstod pa yang yang bya/ /dri zhim me tog de bzhin du/ /ston la zlos pas mchod yon dbul/ /sangs rgyas rnams dang de'i slob la/ /spyi bos rab tu phyag 'tshal lo/ /'jig rten mgon po de dag gi/ /mdun du sdig pa bshags par bya/ /ras ris bar ma'i mdun du ni/ /bdag nyid dag kyang dbul bar bya/ /ku sha'i khres ni byas pa der/ /legs par mnyam gzhag 'dug nas ni/ /des ni phreng ba thogs nas su/ /'bad pas bzlas pa bya ba yin/ /ci ltar rnyed pa'i sngags kyis bya/ /de tshe sngags gzhan bzlas mi bya/ /ha cang ngan pa spang bya ste/ /ha cang bzang po'ang de bzhin no/ /bar ma bar ma'i las dag la/ /sdom chen sngags ni rtag tu bzla/ /ha cang skad mthon 'bad pas spang / /tshig ni dma' ba'ang ma yin no/ /bar ma dbus kyi yul dag tu/ /rjes mthun rgyal bas bsngags pa'o/ /ha cang skad mtho dma' ba'ang min/ /bar mas rtag tu bzlas pa bya/ /sangs rgyas snga ma kun gyis ni/ /tshig ni legs ldan yin zhes gsungs/ /rtag tu gzhan gyi rna lam dang / /gzhan gyi drung du mi bzla'o/ /dben pa'i phyogs su'ang bdag rig pas/ /sngags kyang bar ma bzla bar bya/ /de ltar sngags bzlas rab sbyar na/ /sngags ni gang yang myur du 'grub/ /bar ma'i sngags</font><hr>95.116b<br><font size=+1>

ni 'grub 'dod na/ /yang dang yang du bzlas pa bya/ /de bas bzlas pa rnam bral dang / /sngags kyi de nyid don legs thos/ /dben zhing gdung ba med par ni/ /zlos pas sngags ni bzla bar bya/ /mtshan mo yi ni bzhi cha dang / /de phyed de bzhin phyed nyid dang / /skya rengs dmar po zung tsam la/ /nyi ma'i dkyil 'khor 'char ba na/ /dang po'i bar ma nyid du ni/ /thub pa mchog gis gsungs pa yin/ /zung tsam khru ni bzhi pa ste/ /bar mar yongs su bsgrags pa yin/ /de nas nyi ma phyed shar na/ /sngags bzlas de tshe spang bar bya/ /sngags bzlas de tshe btang ba na/ /sdom brtson mchod yon slar gshegs gsol/ /de tshe btang ba'i lhag dus la/ /thub pa'i bstan la dge ba bya/ /dam chos bklag la sogs pa ni/ /shes rab pha rol phyin la sogs/ /glegs bam sa bcu zhes bya ba/ /mchod dang bklag pa rtag tu bya/ /de nas dus la bab gyur na/ /rang sngags sngags kyi mgon po dang / /thub pa mchog la phyag 'tshal nas/ /de nas 'tsho ba'i don du 'gro/ /dus gsum spyod dang de bzhin ldan/ /dus su zas spyod dbang po thul/ /chos can sgrub la brtson pa dang / /sangs rgyas bstan la rab tu dad/ /mi smra grong gi nang du 'dug /rtag tu gtsang sbra spyod la dga'/ /chos ldan sems can khyim du ni/ /slong dus rtag zlos byed cing 'dug /srog chags med chos grub pa yi/ /zas ni gtsang bar grags pa dang / /yang dag lta ba'i khyim dag dang / /sangs rgyas bstan la dad pa yi/ /de 'dra'i khyim la rtag tu ni/ /slong ba'i don du slong mo blang / /ci ltar dpa' bos go bgos te/ /nyam nga'i g.yul du 'jug pa na/ /rtag tu dgra ni 'joms byed de/ /dgra yis 'joms kyang mi nus pa/ /de bzhin sngags pa rtag grong du/ /slong mo'i 'tsho bas 'jug pa na/ /gzugs sgra la sogs bzang po ni/ /de ltar mthong bas chags gyur na/ /'dod chags zhi ba'i don gyi phyir/ /dge ba mi gtsang bsgom par bya/ /lang tsho'i rnam pas brgyan pa yi/ /bud med gzugs ni mthong ba na/ /</font><hr>95.117a<br><font size=+1>

mi gtsang dri ngan bsgom bya zhing / /shin tu smad pa rnag dang gcin/ /srin bus zos dang dur khrod gnas/ /lus ni mi rtag sdug bsngal yin/ /byis pa sngags la rmongs pa yis/ /'gro ba lnga po dag tu 'khor/ /las kyi skud pas bcings nas ni/ /yun ring dus su mya ngan byed/ /mi shes sgrib pas rmongs pas na/ /dmus long sdug bsngal rgyu yang yin/ /gang du blo ni phyin ci log /skye bo chags pas phongs par 'gyur/ /rnam pa sna tshogs las gar gyi/ /rnam pa du mar chags byed pas/ /yun ring res kyis gnas nas ni/ /'gro dang 'ong bar spyod par byed/ /gar byed bzhin du spyod pa yis/ /bran bzhin du ni gtong bar byed/ /mi gtsang dga' ba'i sems can gang / /yun ring lam du phongs par 'gyur/ /'khor ba'i rgya mtsho'i chu 'byung ba/ /zo chun gyi ni rnam pa bzhin/ /'gro ba de dag mi bzad pa'i/ /sdug bsngal chu yis khyab pa yin/ /sangs rgyas kyis ni bud med dag /ma 'dres sdug bsngal rtsa bar gsungs/ /nyan thos byang chub sems dpa' dang / /rang rgyal thub pas de bzhin gsungs/ /'khor ba'i rgya mtsho mi 'khrugs pa/ /rgya mtsho 'di ni skam par dka'/ /bud med sems kyis bslus pas na/ /gang du sems can bying gyur nas/ /dmyal ba dud 'gro'i 'jig rten dang / /yi dgas 'jig rten lha ma yin/ /de bzhin mi yi 'jig rten dang / /lha yi 'gro ba'i 'gro bar 'gro/ /bud med chags pas bslus pas na/ /kun nas yongs su 'khor 'gyur zhing / /'dam chen nang du 'bying 'gyur la/ /'khor ba'i rgya mtsho btson ra yin/ /bud med chags pa'i blun po'i mi/ /rul ba'i ro la wa bzhin no/ /gang du mi ni chags byed pa/ /shin tu mi bzad sdug bsngal bzod/ /dkar po'i chos ni des nyams byed/ /sangs rgyas bstan la zhugs pas ni/ /sdug bsngal 'khor ba'i rgya mtsho nyid/ /</font><hr>95.117b<br><font size=+1>

thams cad yongs su zlog byed cing / /sngags zlos dga' zhing brtson pa dang / /grags pa che zhing chags dang bral/ /gzi brjid ldan zhing kun dang mdza'/ /de dag la ni sdug bsngal med/ /yang dag sdom dang tshangs bden shes/ /bla ma lha la mchod byed dang / /ma dang pha la gus pa rnams/ /de dag la ni sdug bsngal med/ /dam pa'i don la brten na ni/ /mi rtag sdug bsngal stong pa dang / /de bzhin dbyig dug zug rngu bzhin/ /zlos pas bud med lus bsam bya/ /blo ngan phung po'i lcags kyus zin/ /'khor ba las ni 'byung mi nus/ /rtag tu bud med chags gyur pa/ /de la grub pa yod ma yin/ /zlos pa 'di la tshul khrims nyams/ /de la grub pa mchog med cing / /grub pa 'bring yang yod med de/ /grub pa tha ma'ang yod ma yin/ /tshul khrims 'chal la thub dbang gis/ /sngags grub par ni ma gsungs te/ /mya ngan 'das grong 'gro ba yi/ /yul dang phyogs kyang ma yin no/ /byis pa ngan pa 'di la ni/ /sngags grub pa ni ga la yod/ /skye bo tshul khrims 'chal 'di la/ /de la bde 'gro ga la yod/ /mtho ris su yang mi 'gyur zhing / /bde ba mchog tu'ang mi 'gyur na/ /rgyal bas gsungs pa'i sngags rnams ni/ /'grub par 'gyur ba smos ci dgos/ /ta la'i shing gi mgo bo ni/ /gang tshe bcad par gyur pa na'ang / /sngon po nyid kyi skal med na/ /myu gu nam zhig 'byung bar 'gyur/ /de bzhin sngags grub rmongs pa dang / /tshul khrims nyams shing sdig las byed/ /rtag tu bud med chags pa la/ /'dir ni rab tu bstan pa yin/ /mi dge'i bshes gnyen bsten pa la/ /sngags kyi rgyal po ga la 'grub/ /de bas dul dang rtag bzlas byed/ /bud med skyon ni rnam spyod la/ /de la chags pa rnam spang ba/ /de la grub par brjod pa yin/ /byis pa bud med la brgyal ba/ /gzhan la grub pa</font><hr>95.118a<br><font size=+1>

bsten pa min/ /blo ldan g.yeng ba med la dga'/ /gtsang zhing ma chags shes nyen can/ /rigs mtho brtan dang dpa' ba dang / /brtser ldan mthong na dga' ba dang / /chos dang chos min rnam dpyod shes/ /de la grub pa rnyed mi dka'/ /de ltar sngags shes zhugs pa ni/ /grong du slong phyir rab tu 'jug /sngar ni brtags pa'i gnas dag tu/ /ci ltar 'dod bzhin song nas ni/ /blo ldan dag pas bslang ba'i snod/ /gtsang ba'i phyogs su yang dag gzhag /phyi rol song nas rkang gnyis bkru/ /de nas yang ni yan lag ste/ /de tshe srog chags med pa'i chus/ /lag pa g.yas pas byin pa g.yas/ /lag pa g.yon pas byin pa g.yon/ /yang na gnyi ga dus gcig bkru/ /sa ni lag g.yon yang bzhag nas/ /sngar ni yang dag bzhag pa yi/ /bdug pa gtsang ma'i sa dag gis/ /lag pa gnyis ni rab tu bkru/ /de nas sngags kyi dag byas pa'i/ /dri med gtsang sbra dag snod la/ /ba ni ser skyas bor ba yi/ /lci ba sar pa blang bar bya/ /srog chags med pa'i chur sbyar bas/ /ston pa la ni dkyil 'khor bya/ /dang po thub pa mchog la ni/ /khor yug khru gang tsam du bya/ /gnyis pa rang sngags mgon po la/ /gsum pa rang rig lha la'o/ /sngags pa bzlas pa gang byed pa/ /rtag tu'ang de nyid bya ba yin/ /yang ni sems can thams cad kyi/ /longs spyod phyir ni bstan pa yin/ /g.yas su 'jig rten mgon po yi/ /dkyil 'khor 'di ni rtag tu bya/ /dkon mchog gsum gyi dkyil 'khor ni/ /gru bzhi dag tu bya ba yin/ /gnyis pa rang sangs rgyas rnams la/ /gsum pa stobs bcu ldan pa'i sras/ /dkyil 'khor bdun po 'di dag ni/ /kun nas gru bzhir bya ba yin/ /khru gang ngam ni khru phyed du/ /nyin re zhing ni bya ba yin/ /sdig pa 'jig byed bzlas pa ni/ /dben pa'i phyogs su nyin re bya/ /sngags pa de nas langs nas ni/ /</font><hr>95.118b<br><font size=+1>

'bad pas lag gnyis rab tu bkru/ /gtsang ba'i chu yis nye reg bya/ /dag cing srog chags spangs pa yi/ /dri med gtsang sbras 'bad nas ni/ /gtsang ba'i snod ni de tshe blang / /mtsho chen dang ni 'bab chu 'am/ /chu mig chu bo la gnas dang / /gtsang ba'i phyogs nas byung ba yi/ /sems can dag pa lag blangs la/ /gnyis sam gsum du rtag tu yang / /sngags pas nye reg bya ba yin/ /de nas chus reg gdong dang ni/ /de bzhin du ni rna khung dag /mig dang sna dang lag gnyis dang / /spyi bo lte ba'i phyogs reg bya/ /dge ba spyod pas lan lnga'am bdun/ /cho ga ji bzhin thams cad bya/ /gtsang sbra'i spyod pa legs ldan pas/ /zlos pa gtsang bar gyur pa yis/ /slong snod yang dag blangs nas ni/ /chu yi gzhir ni 'gro bar bya/ /gang du chu yi rgyun 'bab gnas/ /de bzhin du ni chu mig dang / /chu bo rab tu 'bab pa la/ /rtag tu zas ni bkru bar bya/ /gtsug lag khang ngam gnas khang du/ /de nas langs nas 'gro bar bya/ /gang du sngon ni brten pa dang / /gang du gnas pa der 'gro bya/ /de nas zlos pas lhung bzed de/ /song nas phyogs ni der gzhag bya/ /de nas nye reg myur byas nas/ /de bzhin yang ni lhung bzed blangs/ /lhung bzed sa 'am lo ma 'am/ /dngul dang gser gyi snod dang ni/ /zangs ma shing shun dag kyang rung / /ston pa la ni dbul bar bya/ /ston pa la ni bshos phul nas/ /rang sngags sngags kyi rgyal po'ang brjod/ /'gron gcig sdug bsngal gyur 'ongs nas/ /ci nus par ni sbyin pa bya/ /rnam pa kun du kha zas ni/ /ha cang mang ba sbyin mi bya/ /sngags rig lus gdung mi bya ste/ /rnam pa kun du ci rigs bya/ /lto ba'i tshad tsam gzhag byas te/ /lhag ma'i zas ni rtag tu sbyin/ /bkres dang skom pas nyen gyur na/ /sngags kyi don la rten mi nus/ /kha zas mang dang nyung zos na/ /sngags rnams mnyes par mi nus so/ /de nyid phyir na thub dbang gis/ /sems can zas kyis gnas pa'o zhes/ /lus can rnams la gsungs pa ste/ /gang gis mi rnams</font><hr>95.119a<br><font size=+1>

'tsho ba dang / /lha dang lha min dri za dang / /klu dang gnod sbyin mi 'am ci/ /srin po yi dgas sha za dang / /'byung po skar ma gza' rnams dag /gang zhig kha zas mi za ba/ /de ni gang yang yod ma yin/ /rags pa'i zas ni gang yin pa/ /kham gyi zas su rnam par bsgrags/ /sems can phra ba'i zas can yang / /de bzhin gshegs pa nyid kyis gsungs/ /bsam gtan zas can rnams la ni/ /gzugs kyi khams na spyod pa'o/ /gzugs med khams kyi lha dag ni/ /ting 'dzin 'bras bu la spyod pa'o/ /srid pa bar ma'i sems can rnams/ /dri yi zas su rab tu bsgrags/ /de bzhin 'dod khams sems can dag /sna tshogs zas la spyod pa yin/ /de nyid phyir ni thub dbang gis/ /las kyi rgyu yis gsungs pa ni/ /sems can zas kyis gnas pa zhes/ /thams cad la ni rab tu bsgrags/ /zlos la rtag tu brtson pas ni/ /zas kyi tshod rig bya ba yin/ /gang phyir sngags brten nus pa ni/ /kha zas la ni rab tu gnas/ /spyod pa yongs su dag pa dang / /dge zhing tshangs par spyod pa dang / /kha zas tshod ni rig pa la/ /de la grub pa rnyed mi dka'/ /ci ltar shing rta'i shing rta pas/ /mig ni yongs su bskus pa ni/ /yun ring dus su brten phyir dang / /khal ni 'degs par bya phyir ro/ /de bzhin sngags pa sngags shes pas/ /kha zas gnas phyir 'dzin byed dang / /lus kyang tshim par bya ba'i phyir/ /zlos pas rtag tu gso bar bya/ /sngags rnams bsgrub pa'i phyir dang ni/ /byang chub tshogs ni bya ba'i phyir/ /de bzhin du ni sngags bzla ba/ /mi yi 'jig rten bsrung bya ba'o/ /de nyid phyir na thub mchog ni/ /'od srung zhes bya sngon byung ba/ /de tshe de dus sa steng 'dir/ /'od chen ldan pa des gsungs pa/ /'byung po rnams la legs don du/ /sngags 'di rab tu gsungs pa ni/ /'jig rten ma lus sdug bsngal dang / /dman dang dbul dang skyo ba dang / /'bad rtsol dag la nyon mongs pa/ /de dag don phyir gsungs pa ni/ /'byung po rnams la legs don dang / /de bzhin gnas par 'dod pa yang / /'byung po rnams la zas don du/ /sngags mchog 'di ni gsungs pa yin/ /nyan thos</font><hr>95.119b<br><font size=+1>

dag ni thams cad dang / /byang chub la gnas thams cad nyon/ /bdag gis sngags 'di rab brjod kyis/ /nad rnams 'jig byed zung shig dang / /gang yang bkres nad kyis nyen dang / /gang yang sems can skom pa rnams/ /kun gyi sdug bsngal nyer zhi'i phyir/ /'byor pa 'dod rnams rab nyon cig /'od srung 'od ni chen po pa/ /thub pa mchog gis de skad gsungs/ /nyan thos rnams ni yid dga' nas/ /khyab bdag la ni gsol ba 'debs/ /chos mkhyen sngags ni bshad du gsol/ /chos kyi rgyal po thub pa che/ /sems can brtse ba'i mchog gyur pa/ /dus ni rab tu nye bar gnas/ /de skad gsol nas thub mchog gis/ /ka la ping ka'i sgra skad dang / /rnga bo che yi sgra skad dang / /tshangs dbyangs stobs ni chen po dang / /tshangs shes rgyal ba sngon 'dren pas/ /'byung po'i tshogs ni gang su dag /'dir lhags gyur pa kun nyon cig /rkang med dang ni rkang mangs dang / /rkang gnyis pa dang rkang bzhi pa/ /mdor na sems can kun gyi phyir/ /bde 'byung sngags ni bshad par bya/ /'das dang ma 'ongs da ltar gyi/ /sems can gang dag 'dir lhags pa/ /'byor pa 'dod rnams da nyon cig /mdor na bdag gis rab bshad bya/ /na maHsarba bud d+hA nAM/ a pra ti ha ta shA sa nA nAM/ tad+ya thA/ ga ga ne ga ga na gany+dza A na ya sa la hu la hu sa ma ya ma nu sma ra/ A kaR+Sha Ni/ mA bi baM ba mA bi baM ba/ ya the pe staM me saM pa dA ya swA hA/ bcom ldan 'das 'od srung gis de skad ces gsungs nas cang mi gsung bar gyur to/ /yang dag par rdzogs pa'i sangs rgyas bcom ldan 'das 'od srung gis/ bar der rig pa'i sngags kyi tshig rgya cher gsungs pa na/ nam mkha' de thams cad chen po la 'os pa'i zas kyi sprin gyis yongs su khengs par gyur to/ /stong gsum gyi stong chen po'i 'jig rten gyi khams thams cad kyi nam mkha'i dkyil kun du zas kyi sprin gyis khyab par snang bar gyur to/ /sems can gyi bsam pa</font><hr>95.120a<br><font size=+1>

ci ltar mngon par 'dod pa'i bza' ba dang ci ltar 'dod pa'i zas de dag la char bzhin du bab par gyur to/ /ci ltar 'dod pa'i zas dang bza' ba'i bya ba ni bkres pa'i sdug bsngal zhi ba'i don dang / skom pa rnams kyis btung bar bya ba ni/ yan lag brgyad dang ldan pa'i chu'i rgyun yid la 'dod pa bzhin du der bab par gyur to/ /de'i tshe de'i dus kyi skad cig de nyid la bkres pa'i nad thams cad rab tu zhi ba dang skom pa thams cad dang bral bar gyur to/ /thams cad dang ldan pa'i 'khor de yang ngo mtshar dang rab tu dga' ba thob par gyur nas/ bcom ldan 'das kyis gsungs pa la mngon par bstod de rjes su yi rangs nas/ bcom ldan 'das kyi zhabs gnyis la spyi bos phyag 'tshal te de nyid du mi snang bar gyur to/ /bcom ldan 'das de bzhin gshegs pa 'od srung yang de bzhin gshegs pa'i gnas su rnam par bzhugs so/ /bcom ldan 'das shAkya thub pa ngas kyang de'i tshe de ltar bshad cing rjes su yi rang bar byas so/ /sngags kyi rgyal po'i mchog 'di la sems can thams cad kyi don du bkres pa dang skom pa sel ba'i phyir dang / sngags thams cad zlos pa dag la yang khyad par du sel bar 'gyur ro/ /dang por re zhig zlos pas sngags 'di bsgrub par bya ste/ gal te bsod snyoms la 'gro bar spro ba med na/ ri'i rtse mor 'dzeg ste 'bum phrag bdun bzla bar bya zhing / zas dkar gsum mam 'o ma 'i zas bza' zhing ri'i rtse mo de nyid du 'phags pa 'jam dpal gyi ras ris bar ma gong ma bzhin bzhag ste/ mchod pa chen po byas nas shin tu rgya che ba'i gtor ma phul te/ yang dag par rdzogs pa'i sangs rgyas 'od srung 'di nyid kyis gsungs pa'i sngags kyis seng ldeng gi yam shing gi me rab tu sbar te/ shing u dum bA ra'i yam shing la mar dang sbrang rtsis btags pa'i shing rlon mtho gang tsam mam/ bil ba'i 'bras bu'i yam shing stong rtsa brgyad kyis</font><hr>95.120b<br><font size=+1>

sbyin sreg bya'o/ /de nas nam phyed kyi dus mtshams su sprin nag po chen po dang rlung gi dkyil 'khor byung na 'jigs par mi bya/ langs te gzhan du 'gro bar mi bya zhing / 'phags pa 'jam dpal gyi yi ge brgyad kyi snying pos bdag nyid bsrung ba dang / dkyil 'khor bcing ba dang grogs bsrung ba yang byas na/ snga ma lta bu'i sprin nag po chen po de dang rlung nag po de yang mi snang bar 'gyur te/ bud med yang rgyan thams cad kyis brgyan pa/ 'od kyi dkyil 'khor gyis phyogs thams cad snang bar byas te sgrub pa po'i mdun du 'dug nas smra ba ni/ kye sems can chen po longs shig /khyod ni grub pa yin no zhes so/ /de nas sgrub pa pos sna ma'i me tog gis bsres pa'i dri zhim po'i chus mchod yon sbyin no/ /de nas de nyid du mi snang bar gyur to/ /gang de'i nyin mo nas bdag nyid dang grogs po nyi shu rtsa lnga'am/ yang na ci 'dod pa'i grogs po dag la ci 'dod pa'i kha zas dang ci ltar 'dod pa'i yo byad rnams yang dag par ster bar byed do/ /de nas sgrub pa pos ras ris la gshegs su gsol ba'i mchod yon dbul te/ lan gsum bskor ba byas nas ras ris blangs te/ sangs rgyas dang byang chub sems dpa' rnams la phyag byas nas/ sngar bstan pa'i sgrub pa'i thabs ci lta bu'i gnas dgon pa chen po'am/ ri'i rtse mo'am mi med pa'i gnas su 'gro bar bya'o/ /der lo ma'i spyil po byas te bdag nyid dang grogs po gnyi gar bcas te rab tu gnas par bya'o/ /der gnas pa dang gnas de la nam mkha' la 'gro ba la sogs pa'i las byas te/ de nas sgrub pa pos snga ma bzhin du ku sha'i khres la 'dug nas/ ras ris bar ma snga ma bzhin du bzhag ste/ seng ldeng gi yam shing gis me rab tu sbar la/ dus gsum du me tog pad ma dkar po zho dang sbrang rtsi dang mar gyis btags pa stong rtsa</font><hr>95.121a<br><font size=+1>

brgyad nyi ma nyi shu rtsa gcig gi bar du sbyin sreg bya'o/ /de nas mtshan phyed kyi dus su sbyin sreg gi mthar 'phags pa 'jam dpal mngon sum du mthong bar 'gyur ro/ /'dod pa'i mchog stsol bar yang 'gyur ro/ /nam mkha' la 'gro ba dang mi snang ba dang byang chub sems dpa'i sa dang rang sangs rgyas nyid dam nyan thos nyid dam/ tshe ring ba nyid dam rgyal srid chen po dang / longs spyod chen po nyid dam rgyal po dga' ba nyid dam/ 'phags pa 'jam dpal dang lhan cig rjes su spyod par 'gyur te mdor na gang 'dod pa de thams cad stsol bar 'gyur ro/ /gang don du gnyer ba de yang rjes su stsol bar 'gyur ro/ /grub pa'i rdzas thams cad kyang 'grub par 'gyur ro/ /sems can chen po rnams kyang 'gugs par byed par 'gyur ro/ /mdor na ji lta ji ltar brjod pa de thams cad byed par 'gyur ro/ /sngon gyi las kyi nyes pa yang yang dag par sbyong bar byed do zhes bcom ldan 'das shAkya thub pas gsungs so/ /gzhan yang las kyi thabs bar ma sgrub pa yang yod de dang por re zhig de ltar khyad par du gyur pa'i gnas sam gtsang ba'i sa phyogs sam/ chu bo'am chu gling gi ngogs su snga ma bzhin du thams cad bya ste/ ras ris nub tu bstan te bzhag la bdag kyang shar du mngon par phyogs par byas nas ku sha'i khres la 'dug ste/ snga ma bzhin du rgya cher sbyar bar byas nas dus gsum du yi ge drug pa bzla bar bya ste/ bzlas pa rdzogs pa dang dong ka'i me tog la tsan dan dkar po'am gur gum gyis bsgos pas snga ma bzhin du sbyin sreg stong phrag brgya bya'o/ /de bzhin du me sbar nas sbyin sreg gi mjug tu ras ris rab tu 'gul ba na ni blon po nyid thob par 'gyur ro/ /ras ris las 'od kyi snang ba byung na ni 'od las rgyal srid thob par 'gyur ro/ /ras ris 'od 'bar ba'i phreng bas kun du khyab na ni</font><hr>95.121b<br><font size=+1>

rgyal po chen po bzhi'i rgyal srid thob par 'gyur ro/ /ras ris las me stag byung na ni sum cu rtsa gsum gyi dbang phyug brgya byin nyid thob par 'gyur ro/ /ras ris las chos 'chad pa'i sgra byung na ni/ byang chub sems dpa' sa gsum gyi dbang phyug nyid thob par 'gyur ro/ /ras ris kyi phyag gis mgo la byug par mdzad na ni/ mngon par shes pa lnga dang / sa bdun pa thob pa dang stobs bcu la gnas pa mthar gyis thob pa yin no/ /de nas sgrub pa po la bcom ldan 'das 'od srung gis gsungs pa'i sngags bsgrubs te/ bkres pa dang skom pa rab tu bsal ba'i don rjes su thob pa de nyid kyi 'tshog chas/ sngags spyod pa'i don sgrub pa'i thabs kyi chos la yang dag par rjes su bsgrub par bya'i/ gzhan du ni 'di 'grub par mi 'gyur ro/ /de ltar mthar gyis sngags kyi spyod pa la rjes su 'jug cing / mdor na nges par 'bad pa la ni rdzas dang sman dang yo byad kyi khyad par dang / nor bu rin po che sngar ji skad bshad pa rnams 'grub par 'gyur ro/ /sngags rig sngags ni zlos pa dang / /sems ni chog la mkhas pa dang / /sngags pa de tshe de yul du/ /de tshe gtsang ba'i kha zas bza'/ /zos nas yid ni dga' ba dang / /rtag tu dbang po rgyas pa dang / /lhung bzed lhag ma blangs nas ni/ /chu bo gtsang ba dag du 'gro/ /dben par yongs su bor nas ni/ /sdom can gyis sbyin dud 'gro la/ /dud 'gro la ni byin nas kyang / /'bad pas snod ni bkru bar bya/ /de nas 'bad pa byas nas ni/ /sa yi snod kyang bsreg par bya/ /lhag ma lhung bzed bya ba ni/ /snum med zas ni med pa dang / /dri nyid yongs su spang bya zhes/ /lhag ma lhung bzed thub pas gsungs/ /gang du slong ba'i lhung bzed la/ /der ni kha zas mi spyad do/ /shing thog dngos rnams thams cad dang / /bca' ba rnams kyang der mi spyad/ /pad ma'i lo mar bza' mi bya/ /ut+pal snod la bza' ba min/ /me tog dri mchog la min te/ /sngags pas de la bza' mi bya/ /gang yang lo ma ku mu dang / /p+lak+sha u dum</font><hr>95.122a<br><font size=+1>

bAr las byung / /pa Ta shing gi lo ma'ang min/ /tsher ma'i shing dang ri khrod byung / /a mra'i lo ma dag la'ang min/ /de bzhin pa Ta la las byung / /sa la shri sha'i lo ma dang / /byang chub shing las yang dag byung / /gang du bcom ldan sangs rgyas ni/ /shAkya seng ge bzhugs pa yi/ /shing de 'bad pas spang bya ste/ /so shing du yang bca' mi bya/ /klu shing gi ni ge sar dang / /lo ma dag kyang mi btu zhing / /gang du'ang nam yang bza' mi bya/ /mkhas pas de kun rnam par spongs/ /thub pa'i lo ma'i spyil po las/ /rmongs pas nam yang 'gong mi bya/ /sngags pa dam tshig nyams 'gyur bas/ /lo ma de dag la mi bza'/ /lo ma gzhan la bza' bya ste/ /sngags pas der ni bza' bar bya/ /sa dang zangs mar bstan pa dang / /de bzhin dngul dang gser las byung / /shel dang rdo yi rang bzhin las/ /rtag tu bza' ba blang bar bya/ /lo ma'i rgyab tu mi bza' ste/ /lag pa'i mthil du'ang de bzhin no/ /stobs bcu ldan dang de yi sras/ /gang yang rang rgyal bse ru dang / /nyan thos gang zag dag la ni/ /phul ba'i lo ma gang yin pa/ /de dag zlos pas spang bya ste/ /rkang pas kyang ni mi 'gong ngo / /zas snod rnam pa sna tshogs dang / /de bzhin btung dang bza' ba rnams/ /thams cad de ltar phul bas na/ /sngags pas 'bad pas blang mi bya/ /rgyal dang rgyal ba'i mchog rnams dang / /de bzhin nyan thos gang zag dang / /dkon mchog gsum la phul ba yang / /zlos pas de dag rtag tu spang / /cung zad tsam yang lus can la/ /sngags rnams de la mi 'grub ste/ /bkra shis thams cad 'dod pa dang / /legs pa bzang po smos ci dgos/ /rgyas pa dang ni zhi ba dang / /bsam pa thams cad rdzogs byed pa/ /bshos ni za bar byed de la/ /de tshe 'grub par mi 'gyur ro/ /gtsang zhing shes rab tshul khrims ldan/ /snying rjes snying rje'i las can dang / /gtsang sbra'i spyod la dga' ba nyid/ /sngags rnams kun du 'grub par 'gyur/ /sems can gzhan la sbyin pa'i zas/ /zlos pas de ni bza' mi bya/ /gzhan gyis rab tu ma bstabs pa'i/ /zas gzhan bza' bar mi bya'o/ /cung zad tsam gyi</font><hr>95.122b<br><font size=+1>

kha zas kyang / /rang la byin pa blang bar bya/ /sngags shes de ltar 'jug gang yin/ /de la grub pa dpag na gnas/ /zlos pa 'di yi cho ga yis/ /sdom can bza' ba blang bar bya/ /thub pa rnams kyis bsngags pa yi/ /sngags rnams ma lus bsgrub par bya/ /mdor na cho ga mthong bas ni/ /bza' ba kun bya las rnams la/ /de nas gzhan yang bshad bya ba/ /sngags kyis ma lus dbang du byed/ /de nas zlos pas nye reg byas/ /de tshe sngags ni bzlas par bya/ /sngags pas de tshe lan bdun du/ /lus sbyang phyir ni bzlas nas su/ /'byung po'i tshogs dang lha rnams dag /de don rgya cher rab nyon cig /lus kun nye reg byas nas ni/ /thub pa'i sngags 'di brjod par bya/ /na maHsarba bud d+hA nAM/ a pra ti ha ta shA sa nA nAM/ tad+ya thA/ sarba kilbi Sha nA sha ni/ nA sha ya nA sha ya/ sarba duSh+Ta pra yug+tan/ sa ma ya ma nu sma ra hUM dzaHswA hA/ sngags 'dis bslangs pa'i zas ji ltar yongs su spyod pa'i kha zas la lan bdun du bsngags te yongs su spyad par bya'o/ /zos nas kyang snga ma bzhin du nye reg bya ste/ spyi bo la sogs pa lus thams cad tu nye reg byas nas/ de nas ngal bso bar bya ste/ ngal sos nas yud tsam gyi phyed dam thun gcig ste/ de nas ras ris dang sangs rgyas thams cad la phyag 'tshal nas dam pa'i chos kyi glegs bam bklag par bya'o/ /'phags pa shes rab kyi pha rol tu phyin pa dang / 'phags pa zla ba'i sgron ma'i ting nge 'dzin dang / 'phags pa sa bcu pa dang / 'phags pa gser 'od dam pa dang / 'phags pa rma bya chen mo dang / 'phags pa rin po che tog gi gzungs dang 'di dag las gang yang rung ba bklag par bya'o/ /nyi ma'i dkyil 'khor zung tsam gyi tshad kyi dus na/ de nas yongs su grub pa ni ji ltar nus pa de bzhin du bklag par byas nas/ glegs bam brtul ba'am gos gtsang ma bgos te/ dam pa'i chos la phyag byas nas/ de nas khrus kyi don du chu bo'i ngogs sam/ mtsho chen por song ste 'jug par bya'o/ /phyin nas srog chags med pa'i sa blangs te/ lan bdun bzlas te de chu la gdab bo/ /</font><hr>95.123a<br><font size=+1>

de yang gang zhe na/ na maHsarba bud d+hA nAM/ a pra ti ha ta shA sa nA nAM/ tad+ya thA/ sarba du staM b+ha ya hUM/ na di ba rA bA ra Ni/ ku mA ra krI Da rU pi Ne ban+d+ha ban+d+ha/ sa ma ya ma nu sma ra phaT phaT swA hA/ 'dis bsrung ba byas nas phyogs rnams bcing ba dang / grogs rnams dang dkyil 'khor dang thab khung bcing ba dang / ma rungs pa dang rab tu ma rungs pa thams cad 'gugs par byed pa dang / skud pa dkar po la lan bdun bzlas te rked pa'i phyogs su bcings na thams cad du 'gro bar 'gyur ro/ /bzlas pa'i dus thams cad dang khrus kyi dus thams cad du yang bgegs ma rungs pa rnam par 'jig pa dang / rab tu zhi bar bya ba'i phyir sngags 'di 'bum phrag gcig bzlas na/ des ni las thams cad byed par 'gyur ro/ /gtsug phud lnga'i phyag rgya chen po dang ldan pa dgod par bya'o/ /las thams cad byed par 'gyur te gzhan du ma yin no/ /de nas sgrub pa pos sa dang lci ba'i phye ma la sogs pa blangs te/ ci bde bar khrus byas te/ srog chags med pa'i chus kyang bkrus te/ las thams cad la yang srog chags med pa'i chus bya'o/ /de nas sa dang lci ba'am gzhan yang dri zhim po dang ldan pa'i yo byad kyi khyad par gyis byugs te de'i 'og tu khrus bya'o/ /chu'i nang du bshang gci yang dor bar mi bya'o/ /chu gtor zhing dor bar yang mi bya'o/ /chu la rtse bar yang mi bya'o/ /snying rjes bdag dang sems can thams cad la so sor brtag par bya'o/ /bdag med pa dang stong pa dang / sdug bsngal gyis khyab pa/ tshor bas mngon par gnod pa dang / sdug bsngal thob pa bzhin du 'gro ba dang 'ong ba'i sbyor bas sdug bsngal ba/ de bzhin du sems can sgrub pa dang bral ba/ sngags rig pas 'di lta bur 'jig pa dang rnam par g.yeng ba dang / rnam par 'jig pa la sogs pa'i sdug bsngal gyi tshogs kyis nye bar khyab pa/ 'khor ba'i rgya mtsho brgal dka' ba la gnas pa'i</font><hr>95.123b<br><font size=+1>

bdag nyid du mthong zhing gnas med pa dang / skyob pa med pa dang skyabs med pa dang shin tu dman pa'i yid can du bdag nyid brtags la/ sgom pa pos mi gang tsam gyi chu'am lte ba tsam gyi chu la gnas te chu de nyid kyi dbus su sems rtse gcig tu nye bar gnas par bya'o/ /dang po re zhig pad ma chen po'i rtsa lag la me tog pad ma chen po dang ldan pa/ pad ma chen po'i 'dab mas nye bar mdzes pa blta na sdug pa/ sdong bu rin po che bai DUr+ya'i rang bzhin las byung ba/ pad ma'i ge sar rin po che margad las grub pa/ 'dab ma stong shel las byas pa/ shin tu rnam par kha bye ba/ de'i rjes su skyes pa'i shel dang pad ma rA ga'i me tog gis mdzes par byas pa de'i steng du seng ge'i khri rin po che'i rang bzhin las grub pa rin po che du mas nye bar mdzes pa/ ras bcos bu zung gis rab tu bkab pa de'i steng du bzhugs pa'i sangs rgyas bcom ldan 'das bsgom par bya ste/ chos 'chad cing bzhugs pa gser gyi mdog ltar snang ba/ kun nas 'od 'bar ba'i phreng ba can 'od 'dom gang ba'i phreng ba can 'od 'dom gang gi dkyil 'khor gyis brgyan pa/ sku'i tshad chen po nam mkha' la thug pa dang 'dra ba/ skyil mo krung gis bzhugs pa g.yas su'ang 'phags pa 'jam dpal rgyan thams cad kyis nye bar mdzes par byas pa/ pad ma'i gdan la bzhugs pa rnga yab thogs pa/ bcom ldan 'das bzhugs pa'i zur na gnas pa/ sku'i kha dog dmar skya'am gur gum bdar ba lta bu'o/ /g.yon du yang 'phags pa spyan ras gzigs dbang phyug kha dog ston ka'i zla rgyu 'dra ba rnga yab thogs pa de bzhin du byang chub sems dpa' brgyad la 'phags pa byams pa dang kun tu bzang po dang sa'i snying po dang nam mkha' mdzod dang sgrib pa thams cad rnam par sel ba dang / ngan song sbyong ba dang 'phags pa phyag na rdo rje dang khams bzang can te/ </font><hr>95.124a<br><font size=+1>

byang chub sems dpa' bcu po de dag gi g.yas logs su rang sangs rgyas brgyad bsgom par bya ste/ tsan dan dang spos kyi ngad ldang dang tog dang legs tog dang tog dkar dang 'dod pa dang nye ba'i 'dod pa dang mu khyud de 'di brgyad do/ /de nyid du nyan thos chen po brgyad gnas pa la 'di lta ste/ 'phags pa maud gal gyi bu chen po dang shA ri'i bu dang ba lang bdag dang ba ra dwa dza bsod snyoms len dang / pi lin da'i bu dang 'phags pa sgra gcan 'dzin dang / 'od srung chen po dang 'phags pa kun dga' bo'o/ /nyan thos chen po de dag dang nye bar dge slong gi dge 'dun mtha' yas pa bsgom par bya'o/ /rang sangs rgyas dang nye ba na rang sangs rgyas bsam gyis mi khyab pa bsgom par bya'o/ /byang chub sems dpa' chen po brgyad kyi gnas su yang byang chub sems dpa'i dge 'dun bsam gyis mi khyab pa bsgom par bya'o/ /de bzhin du nam mkha'i dkyil thams cad du 'khor gyi dkyil 'khor chen po dang ldan pa bsgom par bya ste/ bdag kyang lte ba tsam gyi chu la gnas bzhin du lha dang mi'i me tog rnam pa sna tshogs pa la me tog man dA ra ba dang / man dA ra ba chen po dang pad+ma dang pad+ma chen po dang / d+ha nu ska ri dang bar shi ka dang ut+pal sngon po dang / me tog rnam pa sna tshogs la tshad chen po dang / tshan chen por gyur pa ri rab tsam gyi me tog gi snyim bas bcom ldan 'das la yang dag par mchod de nyan thos dang rang sangs rgyas thams cad dang byang chub sems dpa' rnams la lha dang mi'i phye ma dang gos dang / gdugs dang rgyal mtshan dang ba dan dag dang mar me rab tu mang po bye ba khri phrag brgya stong yid du 'ong bas yang dag par mchod par byed la/ de bzhin du lha dang mi'i gtor ma dang / bdug spos dang bshos la sogs pa bsnyen bkur thams cad dang yo byad rnams nye bar dbul bar bya'o/ /bcom ldan 'das shAkya thub pa'i mdzod spu nas kyang 'od zer byung ste/ bdag nyid dang phyogs thams cad kyang snang bas khyab par bsgom mo/ /zlos pa po bsam gtan la zhugs ma thag tu</font><hr>95.124b<br><font size=+1>

tshangs pa'i bsod nams dang mnyam pa'i 'bras bu thob par 'gyur nges par byang chub la yang gzhol bar 'gyur ro/ /de la sogs pa'i bsam gtan ni/ /'jig rten gang zag mchog gis gsungs/ /'byung po kun la legs pa dang / /sngags pa rnams la phan pa'i don/ /bsam gtan de tshe dang po'i gtsos/ /sngags pa rnams la phan don du/ /gsungs pa sems can rnams la ni/ /de nas thub mchog bdun pa yis/ /dkyil 'khor rnam pa de nyid ni/ /gang yin dang po thub pas gsungs/ /gnyis pa yi ni dkyil 'khor yang / /gsum par yang ni de las gzhan/ /dang po mchog gi grub pa yin/ /gnyis pa de bzhin de las gzhan/ /tha ma grub pa phra mo zhes/ /thub pa mchog gis nges par gsungs/ /mchog dang bar ma tha ma ni/ /de bzhin ras ris bar ma bsgom/ /mdor na rnam gsum sgom pa ni/ /sdig pa'i rnyog pa ma lus 'jig /mkhas pas sgom pa'i rnam pa ni/ /de las gzhan du mi bsten te/ /sngags rnams de la 'grub par 'gyur/ /bsam gtan de la rab tu gnas/ /ci 'dod cho ga bstan nas ni/ /zlos pas bsam gtan byas nas su/ /sngags kyi lha ni gshegs gsol te/ /mchod yon gsol nas ci bde bar/ /chu bzhi de las byung nas ni/ /ci bde bar ni 'gro bar bya/ /gnas kyang sngar ni bstan pa yi/ /cho ga legs dben mthong ba yi/ /sngags pas sngags ni de tshe bzla/ /ci bzhin las ni sngar bstan pa'o/ /rang gi lha ni spyan drangs pa/ /der ni sngags kyis gshegs su gsol/ /de nas rang nyid bsrung bya zhing / /de bzhin grogs po dag kyang bsrung / /dge ba'i las kyi de nyid shes/ /cho ga'i las la dga' zhing 'dod/ /bstod pa'i rnam pa mang pos mchod/ /gang zag mchog la bstod nas ni/ /rang sngags sngags kyi mgon po dang / /nyan thos rang rgyal bse ru dang / /byang chub sems dpa' sems dpa' che/ /'jig rten gsum la</font><hr>95.125a<br><font size=+1>

rjes gzung mdzod/ / sngags zlos pas ni gnas de nas/ /de nas kyang ni langs nas su/ /gnas ni thag ring song nas ni/ /phyi rol rlung ni rnam spangs par/ /snabs dang mchil ma rnam par dor/ /bshang dang gci ba'ang de bzhin te/ /nyin par byang du kha bltas te/ /mtshan mo lhor ni blta bar bya/ /der ni don rnams mi bsam ste/ /sngags zlos nam yang bya ba min/ /der ni sngags kyang mi bzla zhing / /las bcas rigs kyang bshad ma yin/ /rab sngags 'gros dang mtshan sogs kyis/ /de tshe sa la 'dug par bya/ /gtsang phyir gos mtha' chur gzhug bya/ /chu gtsang gis ni nye reg bya/ /'bad pas rkang gnyis bkru bya ste/ /sa ni khyor ba bdun blangs nas/ /lan bdun sa de nyid kyis so/ /bshang ba la ni sum cus bya/ /mchil ma dor dang de bzhin du/ /snabs dor ba la re re'o/ /de nas nye reg bya ba yin/ /sgra med de bzhin song nas ni/ /lam la sogs pa spangs pa'o/ /de nas gzhan yang ci 'dod par/ /lho phyogs mtha' ni phyi rol du/ /g.yang sa zhing dang tshwa sgo dang / /de bzhin bye mas khyab pa la/ /chu bo spang zhing ngogs kyang spang / /mi gtsang ba yang spang bar bya/ /rab tu bkab dang dben yid ches/ /bas mtha' skye bo rnam spangs pa/ /sngags pas de 'dra'i sa dag tu/ /mi gtsang ba ni dor bar bya/ /sngags zlos dus ni shes pa yis/ /ci ltar 'dod pa'i shugs dag min/ /de nas gtsang mtha'i phyogs song nas/ /bshang gci'i bya ba byas nas ni/ /de nas gnas su ci bder gnas/ /gsal ba'am dben pa'am g.yogs pa'am/ /skye bo med pa'i sa phyogs su/ /mi smra lus reg spangs nas ni/ /rtag tu bshang gci bya ba yin/ /bshang dang gci ba med byas nas/ /sdom can gtsang sbra rtag tu bya/ /reg na 'jam dang 'dod pa yi/ /srog chags rnam par spangs pa yi/ /sa gsum yongs su blangs nas su/ /gcig gis bshang ba'i phyogs su bya/ /</font><hr>95.125b<br><font size=+1>

sa yi cha gnyis dag gis kyang / /lag pa gnyis ni bkru bar bya/ /sngags pas sa dag rtag tu ni/ /sngar bstan pa dag blang bar bya/ /'bad pas rkang g.yon bkru bya ste/ /de nas g.yas pa bkru bar bya/ /phan tshun nyid du bshibs nas ni/ /zlos pas rkang pa bkru bar bya/ /sngags zlos pas ni gtsang sbra dag /sngar ni rgya cher bstan pa yin/ /dri nga med pa'i gtsang sbra yang / /thub pas sngar ni bstan pa yin/ /sngags zlos pa yi gtsang sbra ni/ /'dir ni mdor bsdus bstan pa yin/ /dri ma bral ba'i gtsang sbra yi/ /gtsang sbra nyid ni rtag tu bya/ /rgyud rnams kun la snang ba zhes/ /thub pa'i dbang pos gsungs pa yin/ /de nas zlos pas nye reg bya/ /sdom can gyis grub las kyang bya/ /sngar bstan pa yi cho ga yis/ /yid ni nang gi dag pa yin/ /rgyud rnams kun la bsngags pa yi/ /gtsang sbra lnga yi cho ga gsungs/ /lus kyi dag dang ngag dag dang / /yid kyi dag pa yin par bstan/ /bzhi pa bden pa'i dag pa ste/ /chu yi dag pa lnga par bshad/ /bden pa'i chos can khro ba thul/ /de nyid shes shing bstan bcos mthong / /phra ba'i de nyid don la mkhas/ /sngags shes las la grags pa dang / /phyi dang nang la mkhas pa dag /de la dngos grub rnyed mi dka'/ /bden pa'i chos ni rnam spangs pa'i/ /rdzun gyi tshig ni smra mi bya/ /de nyid thams cad rnam spangs pa'i/ /ma rungs rab tu ma rungs dang / /rnam par sdang dang 'khrug bcas dang / /rtsub dang gnad rnams smra ba dang / /bden pa'i chos ni rnam nyams pa/ /sems can gzhan la gnod byed pa/ /phra ma nyon mongs can sems dang / /chos kun rnam par spangs pa dang / /rtag tu 'tshe ba'i bdag nyid dang / /khrims 'chal chos min spyod pa dang / /zlos pa'i sngags pas rtag tu spang / /grong gi chos kyang de bzhin no/ /khro ba log par 'byung ba yi/ /'jig rten pha rol 'jigs rnams la/ /</font><hr>95.126a<br><font size=+1>

sangs rgyas byang chub sems dpa' dang / /blo ldan rnams kyis yongs su smad/ /rtag tu rang rgyal bse ru dang / /nyan thos kyis kyang rtag tu smad/ /brdzun pa de bzhin 'jig rten na/ /sa steng grub pa 'dod rnams la'o/ /brdzun pa nye bar smra ba dag /shin tu mi bzad dmyal bar 'gro/ /de bzhin dud 'gro yi dgas dang / /gshin rje'i 'jig rten rtag tu 'gro/ /brdzun ni nye bar smra ba yis/ /der ni rtag tu gnas pa yin/ /blo ngan mi bzad ltung ba ni/ /thig nag rab tu tsha ba dang / /yang sos ral gri'i lo ma dang / /de bzhin shal ma li nags su/ /brdzun smra ba yi gang zag ni/ /bskal pa mang por der gnas so/ /log par smra bar gyur pa dang / /rmongs pas log par brjod pa yis/ /'byung po rnams la slu byed pa/ /de la sngags grub ga la yod/ /des na rmongs pa'i las de yis/ /sngags ni grub par ma mthong nas/ /'di skad du ni tshig smra ba/ /sngags las grub pa med do zhes/ /de skad kyi ni tshig smra ba/ /gang gis sangs rgyas bstan pa 'di/ /sa steng 'dir ni spangs pa yin/ /bskal pa bye ba mang por yang / /de la grub pa ga la yod/ /des na mi bzad dmyal bar 'tshed/ /mnar med 'jigs pa chen po dang / /yang sos dang ni thig nag dang / /rab tu tsha ba'i dmyal bar ni/ /dam pa'i chos la brnyas pa yis/ /der ni bskal pa chen por gnas/ /gang yang dmyal ba mi bzad par/ /byis pa'i skye bo 'tshed byed pa/ /dam pa'i chos la brnyas byed dang / /zhe sdang mun pas bsgribs pa'o/ /mi shes byis pa'i ngo bo 'am/ /rmongs pa log pa'i nga rgyal gyis/ /rig pa'i rgyal po brnyas byed pa/ /mi bzad dmyal bar 'gyur ba yin/ /de bas sdig pa mi bya zhing / /log par smra ba'ang smad pa dang / /dam pa'i</font><hr>95.126b<br><font size=+1>

chos kyang mi brnyas shing / /lta ba log pa'ang smad par bya/ /de bas rtag tu dad gyur nas/ /sngags kyi cho ga rtag tu bsten/ /chos shes bden par smra ba dang / /sems can rnams la phan par dga'/ /sngags dang sngags shes bsten gyur pa/ /nges par de la grub pa yin/ /mchog dang bar ma tha ma las/ /rnam pa sna tshogs las byed de/ /las ni bya bas byed pa ste/ /bya ba mi byed rtag tu ni/ /bya ba las ni ldan pa las/ /rtag tu de las grub par 'gyur/ /bya phyir las rnams thams cad phyir/ /las phyir rtag tu bya ba yin/ /bya ba'i don du bya ba min/ /bya ba las la sbyar ba yin/ /don bcas nyid kyi bya ba la/ /bya ba nyid kyis rtag tu bya/ /bya ba las dang 'bras bu nyid/ /bya ba las 'bras rtag tu bya/ /'bras med pa las 'bras 'byung zhing / /'bras bu nyid kyang rtag 'bras 'gyur/ /'bras med 'bras bur bcas pa yang / /thams cad 'bras bu kho nar 'gyur/ /yang dag ldan pas sngags grub ste/ /yang dag ldan pas sngags grub pa'o/ /ldan pas rnam par bral ba ni/ /mi ldan ldan pa grub pa min/ /bsgrub bya sgrub pa med pa ni/ /de la grub pa mi 'grub bo/ /grub pa'i rdzas ni thams cad kyang / /grub pa'i rgyu dang 'gal ba yin/ /sngags pa ma grub sgrub byed pa/ /sngags ni sgrub par byed pa yin/ /byed pa rab 'dod las yin te/ /las la 'dod pa bya bar 'dod/ /las min las ni thams cad la/ /las kyi rgyur ni mi bya'o/ /sngags dang rgyud kyi don ldan pa'i/ /'bras bcas las ni brtsam par bya/ /brtsam pa'i las ni brtsam par bya/ /las med nyid la brtsam mi bya/ /ma brtsams bya ba'i sngags rnams ni/ /lus can kun la 'grub mi 'gyur/ /sems can kun la thugs brtse bas/ /thub pa mchog gis sngon gsungs pa/ /sngags ni rgyu yi sgo dag nas/ /rgyal ba'i sras la dam tshig bshad/ /sgrub pa sngags ni kun shes shing / /sngags kyi rgyal po mchog 'di ni/ /sngags kyi tshul du rab bstan</font><hr>95.127a<br><font size=+1>

yin/ /yang dag rdzogs lam rgyu yin pas/ /gang du rigs pa rtags yod la/ /sngags rnams thams cad 'grub par 'gyur/ /dus ni ring po mi thogs par/ /mkhas pas grub pa thob pa yin/ /'byung po rnams la zhi don du/ /rdzogs sangs rgyas kyis rab tu bstan/ /lam yang sngags kyi tshul gyis ni/ /mya ngan 'das grong 'gro ba yin/ /de bzhin rtag tu byang chub lam/ /las don thams cad rdzogs par byed/ /de yi mthar thug dpung gnyen ni/ /dang po'i gnas ni sangs rgyas nyid/ /de bzhin 'bad med grub pa ni/ /'di las 'bras bcas thob pa yin/ /sna tshogs las dang las shes yin/ /sngags bzlas dag ni byed par 'gyur/ /tshul khrims bsam gtan rnam thar rnams/ /mdor bsdus 'di yis thob pa ste/ /don kun sgrub byed grub pa ste/ /rgyal ba mchog gis gsungs pa yin/ /nor rnams rgyas par 'thob 'gyur te/ /dam pa'i 'gro bar gnas pa dang / /de bzhin rtag tu gnod sbyin spyan/ /lha mi'i rgyal srid byed par 'gyur/ /mi lha lha min 'jig rten gyi/ /de bzhin bdag po thob 'gyur te/ /bdag po ma lus de dag gi/ /sngags pas thams cad 'thob pa dang / /'bras bcas bya ba byed par 'gyur/ /gtsang sbra'i spyod dang ldan pa dang / /tshul khrims bsam gtan rtag tu dga'/ /rgyud rnams kun las gsungs pa yi/ /sngags pas bzlas pa rtag tu bya/ /sngags pa 'byor pa 'dod pa yis/ /las rnams sna tshogs bya ba ste/ /de bzhin mchog dang bar ma dang / /tha ma nyid kyang bya ba yin/ /tha mas longs spyod 'phel pa'i gnas/ /'bring gis gong ma'i lus thob cing / /mchog gis rab tu 'gro ba ste/ /zlos pas rtag tu thob par 'gyur/ /sngags pas zlos mthar ngal bso zhing / /ji srid dus su bsdad par bya/ /zlos pas dus la bab pa na/ /der ni bsgrub pa bya ba yin/ /de ltar mod kyi de la sngags pas las rnams bsgrub pa na der rtag tu bzlas na/ skyes bu rnams kyi sdig pa zad par byed cing / las</font><hr>95.127b<br><font size=+1>

rnam pa sna tshogs skye ba brgyud pa dag tu gang du gang byas pa de dag la grub pa gnas par nam zhig 'gyur zhe na/ skyes bus ji srid tshogs pa rnyed pa na/ sngags pa'i ngo bos sngags bzlas pa na sdig pa zad pa'i don dang las bsrabs pas sngags 'grub par 'gyur te/ de bzhin du mchog dang bar ma dang tha ma dang 'jig rten gyis mchod pa dang / bzlas pas sdig pa mtha' dag zad par byed cing / lus can thams cad kyi skye ba brgyud pa dag tu gang byas pa'i sdig pa de dag thams cad 'jig par byed de/ de bzhin gshegs pa rnams kyi sngags bzlas na lus rgyan rnam pa sna tshogs kyis brgyan pa yid dga' zhing / yon tan thams cad kyis grags par 'gyur ba dang / gnod sbyin gyi tshogs kyi rgyal po nyid dang rtag tu don thams cad thob pa dang ldan pa yin no/ /byang chub sems dpa'i sde snod phal po che theg pa chen po shin tu rgyas pa'i mdo las/ 'phags pa 'jam dpal gyi rtsa ba'i cho ga rab 'byam las/ sgrub pa'i thabs kyi las kyi gnas bzhi pa las bzlas pa dang nges par sdom pa dang sbyin sreg dang bsam gtan dang / gtsang sbra'i spyod pa dang las thams cad kyi cho ga sgrub pa'i le'u rab 'byam bcu gcig pa rdzogs s+ho// // de nas bcom ldan 'das shAkya thub pas thams cad dang ldan pa'i gnas gtsang ma'i gzhal med khang la gzigs nas/ 'jam dpal gzhon nur gyur pa la bka' stsal pa/ 'jam dpal nyon cig /khyod kyi rig pa'i sngags rjes su spyod pa/ sems can thams cad kyi don la rjes su brtson pa/ sems can rnams gang zlos par byed pa dang gang gis zlos par byed pa dang / de'i phreng ba'i cho ga de thams cad rgyud thams cad kyi spyi sngags thams cad kyi sgrub pa'i thabs legs par rab tu nyon la yid la zung shig /de skad ces bka' stsal pa dang / 'jam dpal gzhon nur gyur pas bcom ldan 'das la 'di skad ces gsol</font><hr>95.128a<br><font size=+1>

to/ /bcom ldan 'das legs so legs so/ /bdag la thugs brtse ba'i don dang / sngags thams cad kyi spyod pa dang dam tshig la zhugs pa rnams kyis sems can rnams kyi slad du de bshad du gsol/ de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ /'jam dpal nyon cig /rnam par dbye ba rgya cher bshad par bya ste/ sngags thams cad kyi spyod pa la mngon par brtson pa na sems can thams cad kyi don sgrub par byed de/ dang por re zhig sngags su 'gyur ba de gang zhe na/ na maHsarba bud d+hA nA~M/ a tsin t+yAd bud d+ha rU pI NAM/ tad+ya thA/ ku ru ku ru/ sarbA sA d+ha ya/ sarba duSh+TaM bi mo ha ni/ ga ga nA bi la bi sho d+ha ya swA hA/ sngags 'dis phreng ba thams cad la las bya'o/ /sbyang ba dang dgug pa dang blang ba dang rgyu ba la sogs pa'i las bya'o/ /dang po phreng ba'i shing la ni/ /sngags kyis lan grangs nyi shu bdun/ /mngon par bsngags pa byas nas ni/ /sdom brtson rtag tu bsrung ba bya/ /mtshan gcig der ni nyal byas na/ /rmi lam nang du des mthong ba/ /mi ma yin gzugs grub pa ni/ /mi sdug mche ba gtsigs pa'o/ /sngags pa la ni des smras pa/ /nor ni ci 'dod khyer cig ces/ /sgrub byed nang par langs nas ni/ /shing de las ni 'gro bar byed/ /sngags pas shing de bor nas ni/ /gzhan dag tu ni 'gro byed na/ /mi sdug gzugs can 'jigs byed pa/ /rmi lam du yang mthong mi 'gyur/ /dang por ru drAk+Sha yin te/ /in drAk+Sha ni gnyis pa yin/ /tha ma bo de tse yin la/ /gzhan yang 'bras bu yod pa'o/ /shing la legs par 'dzeg mkhas pa'i/ /grogs po med par gyur na ni/ /rang nyid de la 'dzeg par bya/ /steng gi yal ga'i 'bras gnas su/ /sdom brtson brtul zhugs can 'dzegs te/ /rtag tu de la bag yod pas/ /steng gi yal ga la byung nas/ /yal ga'i steng gi 'bras</font><hr>95.128b<br><font size=+1>

blangs te/ /steng gi las la sbyar bar bya/ /steng gi grub pa mchog tu ni/ /gang zag mchog gis gsungs pa yin/ /bar ma bar ma'i grub pa ste/ /grub pa tha ma'ang tha ma'i yin/ /rtag tu srog chags ma zos pa'i/ /'bras bu yang dag blang bar bya/ /nub kyi yal ga las thob pa/ /rdzas kyi rgyur ni grub pa yin/ /byang gi gnod sbyin la sogs dang / /lha rnams rtag tu 'gugs par byed/ /skad cig 'gugs par byed bsten pa'i/ /'byung po thams cad zhi phyir dang / /lha dang lha min dri za dang / /mi 'am ci dang srin po rnams/ /dbang du bya ba'i las byed de/ /'byung po kun yang rgyas par byed/ /don yod las ni byed pa ste/ /las rnams sna tshogs ma lus byed/ /shar phyogs yal ga las skyes shing / /yang dag 'byung ba'i 'bras bu ni/ /de tshe 'bad de byas gyur na/ /tshe ni ring ba'i rgyu yang yin/ /rtag tu sngags grub 'bras bu ni/ /rnam pa sna tshogs byed pa yin/ /gang zhig lhor ni 'gro ba yi/ /yal ga lo mar rab ldan pa'i/ /sngags pas de ni 'bad de spang / /sems can rnams kyi srog 'phrog byed/ /lhor brten pa yi yal ga dang / /'bras bu gang dag skyes pa ni/ /blangs na gdung byed dgra rnams kyi/ /srog ni 'jig par byed pa yin/ /zlos pas 'bad de spang bar bya/ /bsod nams ma yin mang po'i rgyu/ /yal ga 'og tu 'phyang gnas la/ /'bras bu gang zhig rab bsgrags pa/ /lha min bu mo gnas pa yi/ /sa yi 'og tu 'gro bar 'gyur/ /de yi 'bras bu'i phreng ba ni/ /blangs nas 'og tu 'gro brten pa/ /sa yi 'og tu gnas par ni/ /des na de ni 'gro bar byed/ /der zhugs lha yi bde ba ni/ /zlos pas thob par 'gyur ba yin/ /lha min bu mo chags bzhin du/ /bskal par de ni gnas par byed/ /me tog phreng ba kun blangs nas/ /de nas zlos pa slar log bya/ /grogs dang lhan cig bsrung byas nas/ /de nas ji ltar bde bar 'gro/ /gnas nas thag ring song nas ni/ /de bzhin</font><hr>95.129a<br><font size=+1>

gtsang phyogs cho ga bzhin/ /de nas sngags pas rtag tu 'dug /phreng ba yongs su sbyang bar bya/ /brtson pas phreng ba'i 'bras blangs te/ /kun nas yongs su dag byas nas/ /sngags pa bzang pos phreng ba dbug /gsum bdun brgyad dang gcig gam ni/ /nyi shu dang ni rtsa gcig tu/ /sngags kyi de nyid shes pas bkru/ /snga ma'i sngags kyis rtag tu yang / /bdun nam brgyad du bzlas par bya/ /de nas dag par yang dag 'dod/ /pad ma'i rtsa lag dag las ni/ /bu mos bkal ba'i skud pa dag /gsum dang lnga ldab byas pa yi/ /sdom can gyis ni phreng skud bya/ /sngags kyi de nyid shes pas brgyu/ /'bru ni phra zhing shin tu zlum/ /rtag tu srog chags bu ga med/ /legs 'jam smad pa'ang med pa yin/ /mdzes dang kha dog mdzes pa dang / /de bzhin gas med bu ga med/ /ru drAk+Sha dang bo de tse/ /in drAk+Sha yi 'bras bu nyid/ /rtag tu lung tang mdzes pa dang / /gzhan yang 'bras bu 'dod pa dag /'bad pa yis ni phreng ba dag /sngags pas brtson byas de tshe brgyu/ /gser ram yang na dngul dag gam/ /nor bu shel las byas pa dang / /dung dang mu sa ra dag dang / /mu tig las kyang bya ba yin/ /byi ru rnam pa sna tshogs kyi/ /phreng ba dag kyang bya ba yin/ /gzhan yang rin chen bzang po yi/ /phreng ba legs par rab tu bya/ /sa ni rab bzlums ril bu dag /mnyam par bzhag nas skud pas brgyu/ /gzhan yang ril bu cung zad gang / /'bras bu 'byung khung dag las bya/ /ku sha'i rtse mo'i mdud pas kyang / /sngags pas 'bad de bya ba yin/ /brgya rtsa brgyad dam nyi shu 'am/ /lnga bcu nyid ni bar ma yin/ /sngags pa mnyam par bzhag nas ni/ /tshad 'dis phreng ba brgyu ba yin/ /rtsa brgyad stong du bya ba ni/ /phreng ba'i mchog tu bya ba yin/ /phreng ba'i rnam pa 'di bzhi yang / /sngags pas rtag tu brgyu ba yin/ /de ltar brgyu ba byas nas ni/ /rim pa gsum mam gnyis su bya/ /lcags bzang rang bzhin</font><hr>95.129b<br><font size=+1>

gdu bur bya/ /de bzhin gser dngul dag dang ni/ /de bzhin zangs ma'i gdu bu yis/ /phreng ba kun yang bcing bar bya/ /de nas yang mig kun mthar ni/ /kun la'ang de bzhin gdags par bya/ /'bad pas dam du bcing bya ste/ /ji ltar dam por 'gyur bar ro/ /yongs su gsal bar byas nas ni/ /dkyil 'khor lta bur mthong ba yin/ /de ltar sbrul gyi gdengs ka ltar/ /yongs su 'khor bas brgyan pa yin/ /mu tig phreng ba 'dra ba yis/ /mgul bar brgyan pa lta bur bya/ /chu bo dag ni dri med pa'i/ /chu gtsang dag gis khrus bya zhing / /ji ltar go rims khrus byas nas/ /chu bzhi las ni ldang nas su/ /'bad pas de bzhin nye reg bya/ /phreng ba rjes su blangs nas ni/ /ba yi rnam lngas rab tu bkru/ /de bzhin sa yi phye ma dang / /chu gtsang dag gis rab bkrus te/ /dri zhim dag gis rjes byugs shing / /rab tu bsngags pa'i kha dog kyang / /tsan dan dkar dang gur gum mo/ /de nas de bzhin gnyi ga 'gro/ /'bad pa yis ni rab tu bkru/ /de bzhin khrus byas song nas ni/ /gang na ras ris bar ma de/ /rgyal ba gtso bo thub mchog ni/ /shAkya seng ge mi yi mchog /de bzhin rtag tu ston pa'i gzugs/ /sa steng rgyal ba'i ring bsrel can/ /de yi mdun du phreng ba ni/ /de dang nye bar gzhag par bya/ /de dang nye bar bzhag nas ni/ /de yi mdun du nyer gnas nas/ /stong phrag gcig dang brgyad dang ni/ /brgya dang rtsa brgyad bzlas nas kyang / /nyin zhag gcig ni smyung byas te/ /bdun pa thub la phreng ba dbul/ /snga ma de bzhin bzlas byas nas/ /tshad kyang de dang mnyam par bya/ /de nas phreng ba la bzlas nas/ /de yi mtshan mo nyal bar bya/ /ku sha bting ba'i sa la ni/ /sngags shes der ni nyal bar bya/ /gal te des ni rmi la~M na/ /dge ba'i rmi la~M mthong na ni/ /'bras bcas rmi lam ston pa ste/ /de la grub par bstan pa yin/ /sangs rgyas nyan thos bse ru ni/ /gal te 'di yis rmi lam mthong / /sngags pa de yi bya ba ni/ /'bras bcas nges par 'grub par 'gyur/ /gzhon nu'i gzugs</font><hr>95.130a<br><font size=+1>

can byis pa ni/ /rnam pa sna tshogs mdzes mthong ba/ /gal te rmi lam nges mthong dang / /phreng ba stsol ba'ang de bzhin te/ /don yod de ni 'grub 'gyur te/ /sngags kyi don rnams sgrub byed pa'o/ /byang chub sems dpa'i sde snod theg pa chen po shin tu rgyas pa'i mdo las/ 'phags pa 'jam dpal gyi rtsa ba'i cho ga las ras ris bar ma la brten pa cho ga rab 'byam las/ phreng ba'i cho ga rab 'byam bcu gnyis pa rdzogs s+ho// // de nas bcom ldan 'das shAkya thub pas/ gzhan yang thams cad dang ldan pa'i gnas gtsang ma'i gzhal med khang la gzigs nas/ 'jam dpal gzhon nur gyur pa la bka' stsal pa/ 'jam dpal khyod kyi sngags mtha' dag rnam par dgod pa'i khyad par gyi cho ga dang sbyin sreg gi las la rab tu sbyor ba'i rig pa sgrub pa yod de/ me la nye bar spyod pa'i khyad par gyi cho ga'i phyir/ gang gi rig pa thams cad kyi spyod pa la mngon par brtson pa'i sems can rab tu 'jug cing gnas par 'gyur ro/ /de gang zhe na/ gsang ba'i rig sngags kyi gzhi ni 'di lta ste/ ut+tiSh+Tha ha ri ping ga la lo hi tA k+Sha/ de hi da dA pa ya hU~M s+pha Ta s+pha Ta sarba bi bi nA sha ya swA hA/ 'jam dpal 'di ni me'i snying po'i mchog las thams cad byed pa 'dod pa thams cad ster bar byed pa yin te/ dang po re zhig sgrub pa pos me'i snying po 'di lan cig bzlas pas/ sreg blugs gsum gyis me la sbyin sreg byas nas me spyan drang bar 'gyur ro/ /de ltar rab tu sbyar na zhi ba dang rgyas pa dang / drag po'i las dag la yam shing rnam pa gsum du 'gyur te/ mya ngan med shing zhi don du/ /rlon pa nyid ni rab tu bsngags/ /mtho gang 'am ni khru gang tsam/ /sor gsum srid du bya ba yin/ /snum pa'i rnam pa rab tu bsngags/ /cho ga 'di ni bya ba yin/ /bu ga med cing nang stong min/ /de bzhin ne tso'i 'dab ma dang / /ljang dang dkar ba'i kha dog gam/ /kha dog nag pa spang bar bya/ /srin bu rnams kyis zos pa'ang spang / /bu ga yod pa'ang rnam par bzlog /gzhan yang kha dog</font><hr>95.130b<br><font size=+1>

rab bsngags min/ /tha ma nyid kyang rnam par spangs/ /ha cang skam min rlon pa'ang min/ /tshig min las ni brtsam par bya/ /rul ba dang ni yo ba'ang min/ /shin tu ring ba'ang spang bar bya/ /de nas me thab bya ba ni/ /kun nas gru bzhir bya ba ste/ /'og nyid du yang brko ba ni/ /'bad pas khru ni bzhi yi tshad/ /khru gsum dang ni khru gnyis dang / /de bzhin khru gcig tshad du bya/ /rtag tu srog chags spangs pa dang / /bye mas legs par sbyar ba gang / /de nas pad 'dra'i lan kan ni/ /kun nas dkyil 'khor 'dra ba'o/ /yang na 'bad pas zur bzhi yang / /de bzhin lan kan dbyibs su bya/ /rdo rje'i rnam pa 'dra ba yi/ /rtse mo gnyis su'ang rtse gsum bya/ /me thab kyi ni thad ka la/ /khru gnyis thad kar bya ba yin/ /gtsang dang de bzhin gsal ba'i gnas/ /chu klung de bzhin chu dbus dang / /shing gcig gi ni phyogs dag dang / /dur khrod dang ni khang stong du/ /sbyin sreg legs par yang dag brtsam/ /de bzhin ri bo'i rtse dag tu'o/ /rtag tu lha khang stong pa dang / /dgon pa chen po'ang de bzhin no/ /gang yang sgrub pa'i phyogs dag tu/ /gang zag mchog gis rab gsungs pa/ /sbyin sreg gnas ni thams cad la/ /gnas de dag ni thams cad gsungs/ /ku sha'i khres ni khru gang tsam/ /de la 'dug par byas nas ni/ /sngags shes der ni sbyin sreg las/ /khyad par du yang bya ba yin/ /gnas de dag la 'dug na ni/ /myur du 'grub par the tshom med/ /shar dang byang du bltas pas kyang / /zhi ba dang ni rgyas par bya/ /lhor bltas nas ni drag po'i las/ /sngags pas de ni spang bar bya/ /shar du bltas pas zhi ba 'grub/ /byang du bltas pas rgyas pa'o/ /'di yis sngags pa dus rtag tu/ /sngags kyi ngo bo yang dag brtsam/ /bil ba p+lag sha n+ya gro d+has/ /rgyas pa'i las ni yongs su bya/ /mngon spyod shing las bya ba ni/ /dkar dang tshwa dang skyur dang rno/ /de dag thams cad spang bya ste/ /thub pa rnams kyis rtag tu bkag /zhi dang rgyas pa'i las la ni/ /shing rlon dag ni rab tu bsngags/ /drag po'i las la</font><hr>95.131a<br><font size=+1>

shing skam ste/ /thub pa rnams kyis rtag tu spangs/ /yam shing de dag med na ni/ /tha mal shing dag kun du brtag /gnyi ga'i rtse mor bya ba ni/ /ku shas kun du yang dag dkri/ /sngo dang snum pa 'dra ba dang / /rma bya'i mgrin pa 'dra ba dang / /de 'dra'i ku shas rtag tu ni/ /zhi ba dang ni rgyas pa bya/ /margad rnam pa 'dra ba dang / /rtswa skam gyis ni rtag tu yang / /sdig pa'i las rnams bya ba yin/ /'dir ni thub pa mchog gis bkag /dri med chu ni yongs dag pa/ /srog chags dag gis rtag spangs pa/ /des ni kun nas gtor byas nas/ /g.yas phyogs su ni bskor byas te/ /sdom brtson gyis ni me sbar bya/ /cho ga ji bzhin nye reg bya/ /gtsang ba'i rtswa yi rtsa bas ni/ /me sgron tshad dang ldan byas nas/ /de nas chang par bcangs nas ni/ /'bad pas me ni spar bar bya/ /kha yi rlung gis mi bya ste/ /rtag tu gos kyi mthas kyang min/ /sham thabs bla gos rnam par spangs/ /gos gzhan dag ni bkag ma yin/ /shin tu drag pas de mi bya/ /gnod par dga' ba'i ma yin na/ /rlung yab gtsang dang de bzhin gos/ /lo mas kyang ni rlung yab bya/ /rlung gis khyad du mi gsod pa/ /me ni rab tu sad byas nas/ /sngags shes pas ni me sbar te/ /sbyin sreg don du legs mnyam gzhag /lag pa de ni g.yon pa yis/ /lan gsum bar du chus gtor nas/ /der ni ba yi mar gyis ni/ /sreg blugs gsum ni des sbyin bya/ /de nas kyang ni phyag bya ste/ /sangs rgyas kun dang skyob pa dang / /rang sngags sngags kyi mgon po la/ /de nas ci 'dod phyag bya'o/ /de tshe me yi snying po yis/ /sngags kyis lan bdun rtag bzlas pa'i/ /dri zhim me tog dag gis ni/ /sdom brtson me ni spyan drang bya/ /sngags shes rtag tu spyan drangs nas/ /mkhas pas gnas ni sbyin par bya/ /gdan dang gnas ni sbyin byed na'ang / /de nyid sngags yin gzhan pas min/ /zho dang mar gyis sbags</font><hr>95.131b<br><font size=+1>

pa dang / /sbrang rtsis sbags pa'i yam shing gis/ /rgyas pa'i las ni bya ba'i phyir/ /sngags kyis kun du sbyin sreg bya/ /mar dang sbrang rtsir ldan pa 'am/ /yang na zho dang ldan pa yi/ /yam shing rdzas dang ldan pa yis/ /gnyi ga la gnas de tshe bya/ /stong ngam yang na 'bum mam ni/ /yang na brgya rtsa brgyad du brtag /de tshe sngags pas sngags bzung nas/ /lan re bzlas shing me la dor/ /'bar ba'i me yi phreng ba 'am/ /de bzhin me lce gcig gyur la/ /zhi ba'i las kyi sbyin sreg bya/ /dud pa med la rgyas pa'ang bya/ /dud bcas drag po'i las la bya/ /de ni rgyal bas smad cing spangs/ /gal te me ni mdog ldan na/ /sbyin sreg las ni rab tu sbyar/ /zhi la kha dog dkar po ni/ /rgyal ba mchog gis rtag tu bsngags/ /gal te me dkar sbyin sreg byas/ /der ni sngags rnams 'grub par 'gyur/ /de bzhin rtag tu mdog dmar la/ /rgyas pa 'grub par 'dod pa yin/ /gnag dang du ba'i kha dog dang / /ser skya la ni sdig ldan las/ /kha dog rnam gsum bstan pas ni/ /rnam gsum grub pa 'di dag yin/ /mdog gzhan sprin gyi kha dog gam/ /rnam pa sna tshogs mdog ldan pa/ /sa steng 'di la sngags rnams ni/ /grub pa yod pa ma yin no/ /de 'dra'i kha dog 'dra ba 'am/ /rnam pa sna tshogs mdog ldan pa'i/ /me ni 'bar ba de mthong na/ /las kyi sbyor ba'ang brtsam par bya/ /gal te sngags ni grub 'dod na/ /phyi rol me ni sbar bar bya/ /cho ga mthong ba'i las kyis ni/ /phyir yang sbyin sreg rab tu bya/ /me yi sngags ni zlos pa yis/ /gshegs gsol spyan drang nyid kyang bya/ /dkyil 'khor 'dir ni cho ga bzhin/ /sngar ni rab tu brtags pa yis/ /de nyid kyis ni sbyin sreg bya/ /gshegs gsol spyan drang la sogs pa'ang / /de nyid kyi ni las dag gis/ /las rnams thams cad nyid kyang bya/ /me yi las dang de bzhin gzugs/ /</font><hr>95.132a<br><font size=+1>

ras ris mdun du brtsam byas na/ /der ni sngags rnams 'grub 'gyur zhes/ /sngon gyi bde gshegs rnams kyis gsungs/ /rgyal bas bsngags pa'i las rnams dag /der ni rnam pa kun du bya/ /sdig pa dag ni khyad par du/ /gang yang rgyal bas smad pa dang / /'jig rten 'gro bas smad pa dag /gzhan gyis smad pa'ang bya ba min/ /'khor los sgyur bzang nyid dang ni/ /byang chub sems dpa'i sa 'thob dang / /de bzhin mngon shes lnga 'thob dang / /de nas lha nyid thob pa'o/ /ras ris la rtag brtson zhing gshegs/ /sbyin sreg las la 'jigs med dang / /sa 'og gi ni bdag po 'am/ /yang na bar snang spyod par 'gyur/ /sa bdag lha dang gnod sbyin nyid/ /rtag tu gnod sbyin mo 'gugs byed/ /rgyal srid bdag po nyid dang ni/ /yul nyid dang ni grong dag dang / /rig pa 'dzin dang lha min nyid/ /sems can thams cad dbang du byed/ /bdag nyid che dang sems can che/ /'byung po rnams ni 'gugs par byed/ /byang chub sems dpa' sems dpa' che/ /sa bcu la ni yang dag gnas/ /sbyin sreg las kyis 'gugs byed na/ /sa steng mi rnams smos ci dgos/ /sde dpon dag dang de bzhin du/ /khyad par 'jig rten dbang phyug 'gyur/ /dbang 'gyur cig car 'byung po kun/ /de bzhin mi yi dbang po nyid/ /sems can kun la dbang don dang / /yang na rgyal po dbang du 'gyur/ /de bzhin rtag tu las kun la/ /sbyin sreg gis ni kun du bya/ /thams cad kun la brtson bdag nyid/ /las kun las ni bsten byas na/ /de ni nges par 'grub 'gyur te/ /las dge'i don ni dam pa yin/ /bar ma nyid kyang 'grub par 'gyur/ /tha ma'i las kyang de bzhin no/ /rdzas rnams dag ni de bzhin du/ /grub dang ldan pa'ang rnam pa gsum/ /'bras dang bcas par grub snang ste/ /sbyin sreg las la rab tu bstan/ /phyag rgya gtsug phud lnga bcings nas/ /sngags kyang skra can mas byas na/ /las rnams kun ni bya ba dang / /sngags pas bdag nyid bsrung ba bya/ /</font><hr>95.132b<br><font size=+1>

sbyin sreg las la rab 'jug pas/ /de nas sngags 'di brjod par bya/ /bdun nam brgyad du bzlas pa yis/ /las 'di la ni rtag tu bya/ /na maHsarba bud d+hA bo d+hi satwA nA~M/ a pra ti ha ta ga tiM ga tA nA~M/ tad+ya thA/ dz+wa la tiSh+Tha hU~M ru ru bi shwa saM b+ha ba saM b+ha be swA hA/ sngags kyi sbyor ba 'di yis ni/ /yang dang yang du shing la bzla/ /gnyis sam bdun du bzlas pa yis/ /sngags rig des ni sbyin sreg bya/ /me tog bdug pa dri yang rung / /ma lus thams cad dag dang ni/ /chu la sngags rnams bzlas pa yang / /'di nyid kyis ni sbyin par bya/ /las rnams kun gyi rgyu yi phyir/ /de nas cho ga brtsam par bya/ /las rnams dag ni thams cad la/ /snga ma'i sbyor ba nyid kyis bya/ /snga ma'i gtsug pud lnga bcings te/ /phyag rgya chen po grags ldan ma/ /snga ma'i gtsug pud lnga bcings bya/ /skra can ma nyid rab bzlas pas/ /des na srung ba byed par 'gyur/ /grub pa'i rgyu la 'jigs med pas/ /las rnams thams cad brtsam par bya/ /gal te la nye bzang mthong ba'am/ /rtag tu dge ba'i sgra thos na/ /de la sngags ni don yod de/ /ji ltar 'dod bzhin mchog stsol 'gyur/ /dang po'i las la rab sbyor dang / /sngags kyi rgyu la rab 'jug na/ /thams cad 'bras bu bcas pa dang / /de la grub par brjod pa yin/ /rgyal sgra rnga ni pa Ta ha/ /rnga bo che yi sgra dag ni/ /brtson byas grub pa ma lus 'gyur/ /sbyin sreg las la yang dag bsten/ /gzhan yang la nye bzang po dang / /'dab chags dge ba'i sgra dag dang / /rnam pa sna tshogs nges pa'i sgra/ /rgyal ba rnams kyis bsngags pa dang / /bkra shis bzang po rab bsngags dang / /rnam pa sna tshogs yid 'ong sgra/ /gdugs dang rgyal mtshan ba dan dang / /bud med rgyan gyis brgyan pa dang / /de bzhin mchod yon bum pa gang / /mthong na 'grub pa'i rgyu rnams yin/ /rnam pa du ma'i kha dog gam/ /'jig rten gyis mchod rab bsngags pa/ /de dag</font><hr>95.133a<br><font size=+1>

mthong na 'grub 'gyur ba/ /sngags rnams du ma'i spyod yul yin/ /byang chub sems dpa'i sde snod phal po che theg pa chen po shin tu rgyas pa'i mdo las/ 'phags pa 'jam dpal gyi rtsa ba'i cho ga bcu gsum pa ste/ sbyin sreg gi cho ga rab 'byam rdzogs s+ho// // de nas bcom ldan 'das shAkya thub pas gzhan yang gnas gtsang ma'i gzhal med khang la gzigs te/ 'jam dpal gzhon nur gyur pa la bka' stsal pa/ 'jam dpal khyod kyi gsang ba'i rig pa yod de/ sngags thams cad kyi sgrub pa po'i thabs/ de bzhin gshegs pa rnams kyis yang dag par rjes su gnang ba/ chos kyi mdzod las byung ba/ chos kyi sprin gyi rjes su zhugs pa/ nam mkha'i ngo bo nyid 'jig rten dang 'jig rten las 'das pa'i sngags thams cad kyi mnga' bdag shin tu gtso bor gyur pa/ gzhon nu ji ltar de bzhin gshegs pa ni sems can thams cad kyi mchog tu brjod de/ shin tu gtso bor gyur cing dam pa yin la/ lha dang mi rnams kyi skyes bu khyu mchog sangs rgyas bcom ldan 'das yin no/ /gzhon nu de bzhin du rig pa'i rgyal po 'di ni sngags thams cad kyi mchog tu bstan cing shin tu gtso bo yin te/ de bzhin gshegs pa gang gA'i klung gi bye ma snyed kyi sangs rgyas bcom ldan 'das brjod du med pa dag gis sngon gsungs so/ /de bzhin gshegs pa rin chen tog gi snying po mchog tu gsang ba kun nas bkra shis par 'dod pa/ sangs rgyas thams cad kyis yang dag par bstod pa rab tu bsngags pa sems can thams cad yang dag par dbugs 'byin pa sdig pa thams cad rab tu 'jig par byed pa 'dod pa thams cad sbyin par byed pa re ba yongs su rdzogs par byed pa de yang gang zhe na/ bar 'dir bcom ldan 'das shAkya thub pas smin mtshams kyi</font><hr>95.133b<br><font size=+1>

mdzod spu nas sangs rgyas thams cad yang dag par bskul ba zhes bya ba'i 'od zer phyung bar gyur to/ /gang 'di phyogs bcu steng 'og thams cad dang ldan pa'i sangs rgyas kyi zhing snang bas khyab par mdzad de/ sems can thams cad kyi yid tshim par mdzad nas slar log ste/ bcom ldan 'das shAkya thub pa'i dbu'i gtsug tor du nub par gyur to/ /bcom ldan 'das kyi gtsug tor nas kun nas 'bar ba'i 'od dang ldan pa'i lus can blta bar mi nus pa/ sems can thams cad kyis mi thub pa 'od chen pos yang dag par 'phags pa 'od kyi dkyil 'khor gyis lus brgyan pa rnam pa sna tshogs kyi gzugs dang ldan pa/ 'khor los sgyur ba chen po'i gzugs can rig pa'i rgyal po yi ge gcig pa zhes bya ba byung bar gyur to/ /byung nas nam mkha'i dkyil thams cad snang bar byas te/ rig pa'i rgyal po thams cad kyis yongs su bskor ba rig pa du ma bye ba khri phrag brgya stong 'byin par byed pa/ yi ge gcig pa'i sgra 'don cing 'od zer chen po 'bar ba rab tu 'byin pa steng gi phyogs nas bcom ldan 'das shAkya thub pa la mngon du blta ba dang thams cad dang ldan pa'i gnas gtsang ma'i gzhal med khang gi 'khor gyi dkyil 'khor chen po yang snang bar byas nas bar snang la gnas par gyur to/ /de nas bcom ldan 'das shAkya thub pas yi ge gcig pa rig pa'i 'khor los sgyur ba/ de bzhin gshegs pa thams cad kyi snying po de bzhin gshegs pa rin chen tog ces bya ba'i snying po mchog tu rab tu gsang ba/ de bzhin gshegs pa thams cad las bcom ldan 'das rin chen tog gis yang dag par thob pa/ sA la'i dbang po'i rgyal po dang 'od dpag med dang bsnyen par dka' ba dang spyan bzang dang tog bzang dang me tog dbang po dang gnyid mthar phyin dang 'jig rten thub pa dang / gser thub la</font><hr>95.134a<br><font size=+1>

sogs pa'i de bzhin gshegs pa de dag gis gsungs shing rjes su yi rang ba dang 'das pa'i yang dag par rdzogs pa'i sangs rgyas thams cad kyis kyang gsungs shing rjes su yi rang ba de yang gang zhe na/ tad+ya thA/ b+h+ru~M/ 'jam dpal 'di ni snying po dam pa de bzhin gshegs pa thams cad kyi mchog sngags thams cad kyi rig pa'i 'khor los sgyur ba yi ge gcig pa zhes bya ba dag byed chen po 'di yang dag par bsgrubs na sngags thams cad 'grub par 'gyur te/ gzhon nu gang yang khyod kyi cho ga'i rgyal po'i mchog la sngags thams cad dang rjes su mthun pa/ mchog tu gsang ba'i mchog yang dag par rjes su gnang ba las kyi sgrib pa thams cad yang dag par sbyong bar byed pa/ dang po re zhig sgrub pa pos nges par 'bum phrag gsum bzlas brjod bya'o/ /de nas las rnams sngags dang bcas pa 'dir gzhon nu khyod kyi cho ga'i rgyal po la 'jig rten dang 'jig rten las 'das pa'i sngags dang rgyud rnams bsgrub par bya'o/ /'dis bsrung ba byas na 'byung po thams cad kyis tshugs par mi 'gyur ro/ /'jig rten dang 'jig rten las 'das pa'i bgegs thams cad kyis zil gyis non par mi 'gyur ro/ /bcom ldan 'das shAkya thub pas de gsungs ma thag tu stong gsum gyi stong chen po'i 'jig rten gyi khams 'di thams cad rnam pa drug tu g.yos par gyur te/ sangs rgyas kyi zhing thams cad du yang snang bas khyab cing sangs rgyas bcom ldan 'das thams cad kyang 'khor gyi dkyil 'khor der 'dus par gyur te/ gnas gtsang ma'i gzhal med khang du 'khod par gyur to/ /sa bcu thob pa'i byang chub sems dpa' thams cad dang bla na med pa yang dag par rdzogs pa'i byang chub las phyir mi ldog pa dang nyan thos dang rang sangs rgyas thams cad dang rdzu 'phrul chen po dang ldan pa'i sems can thams cad dang</font><hr>95.134b<br><font size=+1>

rig pa'i rgyal po rnams 'od zer gyis yang dag par bskul nas lhags par gyur to/ /'jig rten gyi khams mtha' yas mu med pa dag na rnam par gnas pa'i sems can mang po dbang du gyur to/ /dmyal ba dang dud 'gro dang yi dgas kyi ngan 'gro la gnas pa rnams 'od zer chen po'i snang bas reg cing snang bar byas pas sdug bsngal gyi tshor ba'i rgyun la gnas pa yid shin tu bde bas tshim zhing skyo ba med par gyur te/ nges par theg pa gsum la gnas par gyur to/ /de nas bcom ldan 'das shAkya thub pas 'khor gyi dkyil 'khor de la gzigs nas 'jam dpal gzhon nur gyur pa la bka' stsal pa/ 'jam dpal nyon cig rig pa'i rgyal po 'di rdzu 'phrul che ba dpa' bo gcig pu las thams cad byed pa/ rig pa thams cad kyi rgyal po 'khor los sgyur ba/ sems can thams cad kyi bsam pa yongs su rdzogs par mdzad pa cho ga zhib mo thams cad yongs su rgyas pa/ khyod kyi sngags dang rgyud dang / cho ga rab 'byam la yang dag par zhugs pa/ sngags thams cad sgrub par byed pa/ thun mong du gyur pa/ grags pa che ba dang / spro ba che ba dang / sems can sgrub pa po'i khyad par gyi thabs dang shes rab la mkhas pa byang chub kyi lam thams cad yongs su sbyong bar byed pa/ mya ngan las 'das pa la rab tu 'jug par byed pa/ bdud zil gyis gnon par byed pa/ byang chub kyi snying po la gnas par byed pa/ dge ba'i tshogs yang dag par 'byung bar byed pa'o/ /'di nyid mdor bsdu na/ cho ga zhib mo rgyas pa ras ris kyi cho ga'i dkyil 'khor sgrub pa'i thabs/ sngon gyi sngags kyi spyad pa rjes su spyod pa/ gang la rab tu gnas na sems can gyi rig pa'i rgyal po 'khor los sgyur ba chen po sgrub par 'gyur te/ rmad du byung ba chen po sngags thams cad kyi dbang phyug dam pa/ 'od byed pa/ thams cad kyi bsam pa yongs su rdzogs par byed pa/ rnam par 'dren pa/ 'gro ba thams cad la phan par byed pa/ sangs rgyas bzhin du mngon sum du nye bar bzhugs pa rang byung du</font><hr>95.135a<br><font size=+1>

gyur pa mchog dang bar ma dang tha ma'i las thams cad byed pa shin tu bde ba dam pa shis pa dang zhi bar byed pa sdig pa thams cad rab tu 'jig par byed pa'o/ /lha rnams kyi yang lha nyid de/ /thub pa rnams kyi thub pa mchog /sangs rgyas nyi ma'i gnyen gyur pa/ /dag pa 'jig rten rnam par grags/ /chos kun rang gi ngo bo mkhyen/ /yang dag mthar gyur rnyog pa med/ /de yi cho ga mchog bshad bya/ /'byor pa 'dod pas mnyan par gyis/ /re zhig dang por ras bzang po/ /skyon rnams dang ni ma 'dres pa/ /sar pa phra ba'i khyad par ldan/ /kha tshar dang bcas nyid la bri/ /chur ni khru do'i tshad yin la/ /zheng du khru gang tshad du bya/ /de 'dra'i bzang po kho na la/ /dri med blta na sdug pa dang / /bcos bu dkar po de bzhin du/ /phra dang legs bkrus ras bal spangs/ /phyag dar dri ma med pa yi/ /du gu la yi ras nyid la/ /rgyu ni shing kun nyid dang ni/ /dag la rgyud ni rnam spangs pa/ /chu ngan las ni bkrus min dang / /skye bos zhal mthong phul ba'ang min/ /ma bgos pa dang de bzhin du/ /gzhan yang cung zad dam pas bsngags/ /de 'dra'i ras ni bzang po la/ /gzhal med khang ni bri bar bya/ /'od kyi dkyil 'khor phreng ba can/ /ston pa'i gzugs ni yang dag bri/ /de bzhin gser gyi mdog can ni/ /'od zer phreng ldan bri bar bya/ /gcig pu phug na bzhugs pa ni/ /ri bo la gnas grags pa che/ /dar la'i bla re bre ba ni/ /rin chen phreng ba 'phyang ba'o/ /steng du lha ni gnyi ga yang / /'dzin pa dag ni yang dag bri/ /ri rnams kyi ni steng dag tu/ /rin chen phreng ba rab tu bya/ /bla re'i 'khor yug mu tig gi/ /dra ba dra phyed dag gis brgyan/ /ri rgyal steng du 'bad pa yis/ /'di dag thams cad bri bar bya/ /ri bo dag gi rtsa ba yang / /rgya mtsho chen por nub par bya/ /ras ris mthar yang me tog ni/ /kun nas 'khor bar</font><hr>95.135b<br><font size=+1>

yang dag bri/ /nA ga ge sar pun nA ga /ba ku la dang zhu ti ka /sna ma'i me tog pri yang ku/ /de bzhin ku ra ba ka dang / /ut+pa la dang dri mchog dang / /de las gzhan yang pad ma dkar/ /me tog rigs ni sna tshogs dang / /de bzhin gzhan yang drir ldan pa'i/ /me tog dag ni 'di dag nyid/ /gang yang rung ba rtag blangs nas/ /ston pa la ni mchod don du/ /yid du 'ong ba'i mchod yon dbul/ /sngar bstan cho gas ras ris ni/ /mchog dang de bzhin gzhan dag kyang / /dog pa tha ga pa dag dang / /ri mo mkhan yang de bzhin 'dod/ /cho 'phrul gyi ni zla phyed kyi/ /nyi ma dge ba dag la ni/ /dus ni de ltar gyur pa la/ /bzlas pa nyid kyang bya ba yin/ /'di la sems can thams cad kyis/ /sngar bstan bzhin du yang dag spyad/ /tshon gsal rnam pa sna tshogs kyis/ /ston pa'i gzugs ni bri bar bya/ /rnam pa du mar ldan pa yi/ /dong ka'i me tog mdog 'dra dang / /tsam pa ka yi mdog 'dra dang / /gser gyi mdog dang 'dra bar bri/ /de lta'i rnam pa ldan pa yi/ /rin chen rigs skyes thub pa bri/ /chags pa chen po rin chen tog /gtso bo thub mchog dam pa ni/ /chos rnams thams cad yongs thob pa'i/ /sangs rgyas dkon mchog de bri bya/ /rin chen ri bor gnas pa dang / /rin chen phug gis nyer mdzes shing / /skyil krung gis ni bzhugs pa dang / /chos ni rjes su 'chad cing stsol/ /cung zad 'dzum zhing brtan pa dang / /thugs ni bsam gtan la dmigs dang / /phyi rol phug ni yang dag bri/ /'og dang de bzhin 'khor yug tu'o/ /ras mtha'i zur du sgrub pa pos/ /pus mo'i lha nga yang dag btsugs/ /bdug spos lag na thogs bzhin du/ /lus ni cung zad 'dud pa dang / /bla gos gcig tu byas nas ni/ /cha byad ji lta bzhin du yang / /bcom ldan 'das kyi g.yas phyogs kyi/ /'og gi rgya mtsho che steng du/ /sngags pas</font><hr>95.136a<br><font size=+1>

dge ba'i don gyi phyir/ /sdom brtson rtag tu bri bar bya/ /las kyi cho ga 'di dag ni/ /'jig rten gyi sngags bstan pa yin/ /dkyil 'khor de yi lha dag kyang / /da ni rab tu brjod par bya/ /de tshe sngags pas rig pa'i sngags/ /de tshe sngags ni rig pa des/ /sngags la rtag tu bsnyen byas dang / /bzlas pa phun sum tshogs mngon shes/ /'jam dbyangs cho ga 'di la ni/ /de tshe sngags pa dbang bskur ba/ /dkyil 'khor rnam pa la mkhas shing / /rtag tu gtsang sbra byed pa dang / /sngags rnams kun la dbang bskur dang / /dkyil 'khor 'di la 'jigs pa med/ /rig pa'i sngags dang sngags bcas dang / /bdag nyid bsrung dang phan 'dod dang / /grogs kyang de bzhin bsrung shes dang / /yongs su legs brtags 'od chen ldan/ /slob dpon legs par yang dag rtsom/ /rtsom zhing sbyangs yon bsten pa dang / /shes rab che zhing legs 'jam dang / /dpal ldan snying rjer rtag tu ldan/ /grogs po dag ni thams cad kyang / /mtshan nyid de bzhin kun tu bstan/ /gcig gnyis gsum dang de bzhin du/ /gzhan yang de bzhin brgyad kyi bar/ /slob ma legs par sbyang bar bya/ /mang po dag ni spang bar bya/ /sngar bstan cho ga ji lta bar/ /dkyil 'khor 'di la'ang yang dag spyad/ /stobs bcu ldan pas dang por ni/ /dkyil 'khor gang dag rab bstan pa/ /'jam pa'i dbyangs las gzhan min dang / /rgyu gzhan dag gis bri mi bya/ /dkyil 'khor 'od chen ldan pa yi/ /tshad ni rab tu bstan par bya/ /khru bzhi'am khru ni gnyis pa dang / /de bzhin gzhan yang khru brgyad par/ /gtsang ba'i phyogs sam chu klung ngam/ /khyad par du ni ri bo'i rtser/ /tshon sna lnga yi phye ma dang / /sngar bstan pa yi las kyis so/ /gru bzhi sgo ni bzhi pa dang / /rta babs bzhi yis brgyan pa dang / /zur bzhi mnyam zhing bzang ba dang / /lha yi rnam pa 'dra ba'i mdog /</font><hr>95.136b<br><font size=+1>

tshon rtsi gsal ba sna tshogs dang / /mdzes pa'i kha dog legs mdzes dang / /dri zhim bzang dang gzugs bzang dang / /grogs bzang dag gis yang dag brtsam/ /thub pa'i brtul zhugs yang dag spyad/ /yan lag brgyad pa'i brtul zhugs bsten/ /nyon mongs med sems zas tshod rig /chos ldan rtag tu zlos pa byed/ /sdig med las dang yongs srung byed/ /de bzhin zhi dang rgyas pa shes/ /de nas dkyil 'khor dbus zhugs nas/ /bstan bcos las gsungs bzhin du bri/ /rin chen lha tshogs kyis brgyan pa'i/ /ri mo dang por bri bar bya/ /der bzhugs gzi brjid chen po ni/ /de bzhin gshegs pa rin chen tog /skyil krung gis ni legs bzhugs pa/ /chos kyi 'khor lo rjes bskor ba'o/ /ras ris la ni ji lta bar/ /bstan bcos la sngags thams cad bri/ /ri mo'i phreng ni gsum dag dang / /phyag rgyas rab tu brgyan pa dang / /gser mdog rim pas khor yug tu/ /yongs su bri bar bya ba yin/ /gsal dang yongs su rdzogs pa dang / /drang po de yi rnam pa'o/ /'khor los sgyur ba'i bdag po che/ /de yi dbus su bya ba yin/ /nyi ma 'char ka 'dra ba dang / /gur gum rnam pa 'dra mdog can/ /'khor lo chen po'i rjes 'brang ba/ /'bad par gnas pas kun tu bri/ /rgyal po chen po mnyam 'dra ba/ /gzhal med khang bcas rgyan gyis brgyan/ /sems dpa' chen po'i cod pan can/ /rgyan rnams kun gyis rab tu brgyan/ /dar la mdzes pa'i smad g.yogs can/ /sna tshogs dar las stod g.yogs shing / /phreng ldan zhi ba'i kha dog 'od/ /gos dang phreng bas brgyan pa dang / /me tog phreng ba bak+ku la/ /lag pa g.yas pas snoms par byed/ /bzhin ni cung zad 'dzum pa'i lha/ /mthu chen 'od dang ldan pa'o/ /gzugs bzang gzugs ni mdzes pa dang / /byis pa rgan po rnam par spangs/ /lag pa g.yon na 'khor lo ste/ /'bar ba'i 'od kyi phreng ba can/ /de ni yongs su bskor ba dang / /skyil krung phyed kyis</font><hr>95.137a<br><font size=+1>

gnas pa bri/ /gzugs bzang gzugs la bsten nas ni/ /lha yi gzugs 'dra bri bar bya/ /ri bo 'od chen ldan pa'i steng / /rin chen du ma'i steng du gnas/ /sngags rnams kun la che ba dang / /rtag tu mchog sbyin la 'jug byed/ /'bar ba'i me dang 'dra ba dang / /'od kyi dkyil 'khor gyis mdzes pa/ /rlung gis sbar ba'i me bzhin du/ /kun nas me ni 'bar ba'o/ /de bzhin sngags kyi sbyor ba yis/ /khyab bdag me yis 'bar bar byed/ /stobs chen de dang 'dra ba yi/ /sngags kun rab tu sgrub byed pa/ /gang gis bdag nyid chen po mthong / /sdig pa kun las yongs su grol/ /mtshams med lnga po byed pa dang / /tshul 'chal blo ni chung ba dang / /sdig pa kun la 'dzud byed pa/ /khyab bdag mthong ba tsam gyis grol/ /lha yi lha ni 'khor lo'i bdag /dkyil 'khor mthong ba tsam gyis ni/ /gzhan yang sdig tu yongs bstan pa/ /de yi mod la grol bar 'gyur/ /sngags pas rtag tu khyab bdag gi/ /de nas shar sgo yang dag sbyar/ /rta babs kun nas yongs bsgreng ste/ /ba dan dag gis nyer mdzes bya/ /mtha' dag gzugs ni mdzes pa yi/ /dkyil 'khor yongs su gsal byas nas/ /bshos dang bdug pa dri dang ni/ /rtag tu phreng ba bzang po yis/ /cho ga snga ma kho na ltar/ /de dag thams cad gus par bya/ /dbus kyi bum pa gang ba ni/ /'khor lo can gyi mdun du dgod/ /de'i bum rnam par rgyal zhes bya/ /sngags shes pas ni de mi bteg /cho ga mthong ba'i las kyis ni/ /me thab snga ma bzhin du bya/ /sbyin sreg cho ga yang dag brtsam/ /cho ga sngags ni gzhan pas min/ /sbyin sreg kyang ni brgya rtsa brgyad/ /seng ldeng bud shing me la ni/ /pa la sha dang bil ba'i shing / /bil ba u dum arka dang / /'bad pas las rnams kun la ni/ /a pa margas sbyin sreg bya/ /til la mar gyis btags pa 'am/ /zho la sbrang rtsis bsres pa yis/ /</font><hr>95.137b<br><font size=+1>

las rnams kun la sbyin sreg ni/ /stong rtsa brgyad ni rtag tu bya/ /dus gsum dus ni kun bstan pa/ /khrus dang gos ni brje ba dang / /dkar gsum rgyu skar bzang po ni/ /mkhas pa rnams kyis bstan pa yin/ /las rnams sngar ni bstan pa yi/ /bzlas dang sbyin sreg de bzhin gzhan/ /sngags dang yang dag ldan pas sam/ /'khor los sgyur ba'i rigs kyis bya/ /las rnams dag ni kun la yang / /yi ge gcig pa'i sngags kyis bya/ /de ni mthu chen don ldan te/ /dpa' bo gcig pu rtag pa mchog /de la rtag tu zlos byed pa/ /sngags rnams kun gyi cho ga spyod/ /'jig rten pa yi 'jig rten 'dod/ /cho ga thams cad 'grub par 'gyur/ /'jig rten 'das pa'i brtson 'grus che/ /rig pa'i rgyal po dka' thub che/ /sngags kun 'grub par 'gyur ba ni/ /cho ga 'di las gzhan pas min/ /thub pa rnams kyis sngags gsungs dang / /de bzhin stobs bcu ldan sras dang / /'jig rten skyong ba brgya byin sogs/ /khyab 'jug dbang ldan tshangs pa dang / /zla ba nyi ma de bzhin gzhan/ /gnod sbyin dbang po srin po dang / /lto 'phye che dang mi 'am ci/ /de bzhin sa steng drang srong mchog /nam mkha' lding dang rlung lha dang / /sems can ming ldan 'jig rten gzhan/ /gang gis bshad pa'i sngags rnams ni/ /'dir yang 'grub par 'gyur ba yin/ /sngags rnams kun la 'gugs byed dang / /las rnams kun la ston byed dang / /'byung po kun gyi sngags rgyud ni/ /rgyas dang bcas pa dbang du byed/ /yi ge gcig pa'i sngags 'di ni/ /sngags pa kun gyi rab byed pa/ /bzlas pa tsam gyis don ldan te/ /lha rnams kun ni 'gugs byed la/ /cho ga rnams ni dbang du byed/ /yi ge gcig chen bdag po yin/ /dam pa rnams kyis rab bsngags pa'i/ /rnam pa sna tshogs byed pa yin/ /'jig rten 'jig rten 'das pa'i sngags/ /yang dag sbyar na sgrub par byed/ /ma lus mthong na mdzes pa yi/ /ras ris gsal ba byas nas ni/ /gtsang ba'i phyogs dang 'bab chu'i ngogs/ /</font><hr>95.138a<br><font size=+1>

ri bo'i rtser yang gzhag par bya/ /snga ma'i las kyi sbyor ba yis/ /nub kyi phyogs su rtag tu bstan/ /cho ga mthong ba'i las kyis ni/ /sgrub pa po ni shar du blta/ /dUr ba'i khres la 'dug nas ni/ /'du 'dzi med par bzlas pa bya/ /sgra ni drag min ngal bas min/ /gzhan la ngan sems med gyur na/ /sangs rgyas ma lus kun gyi yang / /'di la myur du 'grub pa yin/ /rtag tu 'jig rten byams sems dang / /sdug bsngal can la snying brtser ldan/ /mgon med sems ni dman pa dang / /phongs pas nyam thag stobs chung dang / /mi bzad 'khor bar ltung ba la/ /snying rje'i sems ldan 'grub par 'gyur/ /'bad pas ras ris mdun dag tu/ /mchod pa chen po rtag tu gzhag /dngos su 'byor dang yid kyis sprul/ /bzang po sems las byung ba dang / /rgyal dbang gzugs kyi ri mo ni/ /bsam pa'am yang na bya ba yin/ /de nyid kyi ni cho ga yis/ /de nyid du ni me thab bya/ /me ni shin tu 'bar ba la/ /sgrub pas sreg blugs sbyin sreg bya/ /tsan dan dkar dang ga pur dang / /gur gum gyis bsres mang po ni/ /brgya ni rtsa brgyad sreg blugs kyis/ /sngags rig me 'bar sbyin par bya/ /seng ldeng p+lag sha n+ya grod+ha/ /pa la sha ni gang yin pa/ /de dag las byung shing dag gis/ /me chen rtag tu sbar bar bya/ /shing de dag ni med gyur na/ /shing gzhan yongs su gzung bar bya/ /pi tsu mar da tsha dang skyur/ /po son cha las byung ba'i shing / /tsher ma can sogs spang bya ste/ /sdig pa'i las la rab tu bsgrags/ /yi ge gcig pa'i sngags nyid kyis/ /zhi dang rgyas pa byas gyur na/ /de ni myur bar 'grub par 'gyur/ /sdig pa'i las ni spyang mi bya/ /sngags mchog kun kyang 'di la ni/ /las rnams cho ga rgya chen kun/ /rnam rtog med pas rab sbyar na/ /rtag tu 'grub par 'gyur ba yin/ /de tshe sngags ni 'grub 'gyur zhing / /mchog sbyin nyid du'ang 'gyur ba yin/ /yam shing p+lag sha u dum bar/ /yang na p+lag sha n+ya grod+ha/ /mar gyis btags dang sbrang rtsir ldan/ /zho dang</font><hr>95.138b<br><font size=+1>

ldan pas mnyam bzhag nas/ /sa steng rgyal thabs 'dod pa yi/ /sngags pas dus kun sbyin sreg bya/ /lha yi rgyal po 'dod pas ni/ /gur gum tsan dan sbyin sreg bya/ /rig pa 'dzin pa'i lha dag gi/ /bdag po nyid ni 'dod gyur na/ /pad ma'i sbyin sreg 'bum phrag ni/ /sum cu rtsa drug ge sar bcas/ /sbyin sreg mthar ni mchod yon yang / /bstan bcos las byung bzhin du dbul/ /rgyal bas bsngags pa'i ras ris mchog /der ni kun nas yongs su 'bar/ /de la reg pa tsam gyis ni/ /tshangs pa'i 'jig rten dag dang ni/ /'og min gyi ni bar dag gnas/ /yang na sa 'og rim par 'gro/ /bar skabs 'dir ni grub rnams kyi/ /der ni rgyal por rtag tu 'gyur/ /stobs chen brtan zhing pha rol gnon/ /'byung po rnams ni 'byer bar byed/ /rtag tu rig 'dzin rgyal por 'gyur/ /las rnams yongs su sbyong bar byed/ /de ni yun ring 'tsho 'gyur te/ /bskal pa tsam du'ang gnas pa yin/ /gang tshe lus ni shi 'phos nas/ /nges par byang chub gzhol bar 'gyur/ /gzhan yang las ni 'di dag kyang / /mdo dang rgyas pa bstan par bya/ /pad ma dkar po yongs blangs nas/ /tsan dan dkar dang ldan pa yi/ /sbyin sreg 'bum phrag brgya byas na/ /des ni rin chen tog mthong 'gyur/ /rgyal ba dam pa de mthong na/ /de tshe mngon shes lnga thob 'gyur/ /bskal pa chen por ring 'tsho zhing / /sangs rgyas rjes su 'gro bar 'gyur/ /mtha' yas phyogs na bzhugs pa yi/ /sangs rgyas de nas mthong bar 'gyur/ /de dag la ni rtag mchod cing / /de dag nyid dang lhan cig gnas/ /rin chen ldan zhes 'jig rten khams/ /gcig na bcom ldan de bzhugs pa/ /thub gtso mchog ni dam pa ste/ /de bzhin gshegs pa rin chen tog /de la de ni rtag gnas te/ /sngags kyis dag par the tshom med/ /gzhan yang las ni 'dod pa dag /gang zag mchog gis gsungs pa ni/ /nA ga ge sar ga pur dang / /tsan dan</font><hr>95.139a<br><font size=+1>

gur gum cha mnyam pa/ /sngags pas de tshe gcig byas nas/ /sbyin sreg 'bum phrag bdun cu brgyad/ /de tshe lha ni sbyin sreg mthar/ /'khor lo can de 'dir byon nas/ /rtag tu dgyes nas mchog stsol te/ /sgrub byed spyi bor byug par mdzad/ /de tshe reg pa tsam gyis ni/ /sngags pa sa bdun bdag por 'gyur/ /rgyal sras thugs las skyes pa yi/ /byang chub sems dpar de brjod do/ /nges pa'i byang chub sems dpa' yang / /de ni lung bstan 'gyur ba yin/ /de nas brtsams nas cung zad gang / /shes dang shes bya rgyal ba'i sras/ /shes 'gyur sngags rnams ma lus ni/ /rtogs pa'i bdag nyid cher rgyas yin/ /de la reg pa tsam gyis ni/ /mngon shes lnga ldan sngags rgyal 'gyur/ /rtag tu bdag dang gzhan bdag nyid/ /rnam pa sna tshogs byed par 'gyur/ /rnam pa kun mchog ldan pa yi/ /mchod pa'i las la rtag tu dga'/ /skad cig de nyid kho na la/ /byang chub las la brtson par 'gyur/ /de tshe skad cig tsam gyis ni/ /'jig rten sangs rgyas zhing der 'gro/ /'jig rten khams ni stong dag tu/ /thams cad du yang 'gro bar 'gyur/ /sangs rgyas byang chub sems dpa' ni/ /de tshe spyod bcas mthong bar 'gyur/ /de las chos ni thos pa dang / /mchod pa'i las la brtson par 'gyur/ /rgyal ba 'khor los sgyur gsungs pa'i/ /'dir ni las rnams gzhan yod de/ /mar me yon du dbul ba ni/ /mar bcas snying po gtsang ba ni/ /gser dang dngul gyi snod dag dang / /zangs ma sa dag nyid yin na/ /der ni mar me rab sbar te/ /skyes bu grangs ni 'bum dag gis/ /grangs kyi tshad tsam nges bzhag ste/ /brgya phrag stong las lhag pa min/ /bud med spangs pa'i skyes pa yis/ /kho ra khor yug mar me 'dzin/ /mchod pa'i las kyi don du ni/ /ston pa'i ras ris</font><hr>95.139b<br><font size=+1>

sku la dbul/ /sngags rnams re re'ang 'dod bzhin du/ /thams cad mnyam par rab zhugs nas/ /ston pa la ni 'bul byed na/ /de yi mod la grub par ston/ /kun nas sgra ni sgrogs byed cing / /rnga bo che yi sgra yang sgrogs/ /gang phyir lha tshogs du ma ni/ /legs so zhes pa'i sgra rab 'don/ /sangs rgyas byang chub sems dpa' yang / /de tshe nam mkha' la bzhugs nas/ /shes rab can khyod legs so legs/ /legs byas las ni yongs su byas/ /'khor ba'i rgya mtshor nub pa dang / /sdug bsngal yang ni mthong mi 'gyur/ /bde dang zhi ba mya ngan 'das/ /'jigs med sangs rgyas nyid kyang 'thob/ /lam ni dge dang dri ma med/ /yan lag brgyad la legs par spyod/ /yi ge gcig pa mnyes byas nas/ /sngags kyi ngo bo'i mgon po mnyes/ /gzhan yang las ni 'di yod de/ /dam pa'i 'gro ba la gnas nas/ /mthu chen por ni rnam shes pa'i/ /rdzogs pa'i sangs rgyas rnams kyis gsungs/ /nim pa'i rang bzhin shing blangs nas/ /rtse gsum rdo rje gnyis mthar bya/ /dbus kyi phyogs su bya ba ni/ /rdo rje rigs te mi bskyod pa/ /de nas sngags kyis dag byas nas/ /de ni ras ris sngon du bzhag /de nas sngags pas lag reg nas/ /sngags ni mnyam par bzhag nas bzla/ /rtsa brgyad 'bum phrag bcu drug ni/ /yongs su rdzogs nas grub par 'dod/ /de nas rdo rje gcig 'bar te/ /kun nas de ni rab tu 'bar/ /de nas rdo rje de blangs nas/ /'di ltar de ni steng 'gro'o/ /de nas tshangs pa'i 'jig rten nam/ /gzhan yang lha gnas gang 'dod 'gro/ /de nas nam mkhar 'gro 'gyur te/ /grub pa kun gyi sngon du 'dren/ /grub pa'i rig 'dzin la sogs kyi/ /bdag po nyid kyang byed par 'gyur/ /lha yi 'dus pa mang po yi/ /'khor los</font><hr>95.140a<br><font size=+1>

sgyur ba'i rgyal por 'gyur/ /bdag nyid kyi ni spyod pa yang / /rnam pa sna tshogs byed par 'gyur/ /bar gyi bskal pa bcu yi bar/ /yun ring gnas te bar chad med/ /bde ba la brten rtag tu mchod/ /rtag tu skyes bu dam par ldan/ /byang chub sems kyi yang dag spyod/ /skye ba'i sdug bsngal rnam par spangs/ /grub pa'i dbang phyug 'gyur ba ste/ /sdig pa thams cad rnam par spangs/ /de las shi 'phos mir skye zhing / /bde ba mang la rab tu gzhol/ /'gro ba ma lus skyo byas nas/ /byang chub yang dag gzhol bar 'gyur/ /rnam pa sna tshogs las mtha' yas/ /mang po 'jig rten don mchod pa/ /sngags kyi rgyal po 'dir brjod pa/ /cho ga rgya chen cho gar bcas/ /sa bdag brgya byin nyid dang ni/ /'khor los sgyur nyid yang dang yang / /rig 'dzin rnams dang de bzhin du/ /lha nyid dang ni bdag po'ang byed/ /rnam pa du ma'i ngo bo'am/ /las ni gang dag 'di gsungs pa/ /thams cad grub pa thob 'gyur te/ /sngags pa legs par sbyor byed na'o/ /mtshan mo skyil mo krung bcas te/ /sdom can don yod bzlas byas na/ /tho rangs grub pa thob 'gyur te/ /zlos pa mngon shes lnga thob 'gyur/ /dur khrod ro la 'dug nas ni/ /sdom can 'gul med zlos pa ni/ /yi ge gcig po don chen te/ /tho rangs grub par 'dod pa yin/ /rig pa'i rgyal po rdzu 'phrul che/ /gal te dur khrod gnas nas bzlas/ /zla ba drug gis grub thob ste/ /ji ltar 'dod pa'i 'bras bu byed/ /gang yang rung ba'i gnas dag tu/ /rdzu 'phrul chen po zlos byed na/ /der gnas grub pa thob 'gyur te/ /sngags pa legs par sbyor byed pa'o/ /gdugs dkar de bzhin ral gri dang / /nor bu'i lham dang gdub kor dang / /mu tig phreng ba dpung rgyan dang / /gdu bu dang ni sor gdub dang / /'og pag dang ni de bzhin gos/ /</font><hr>95.140b<br><font size=+1>

so shing dang ni spyi blugs dang / /mchod phyir thogs dang zhwa dang ni/ /khrab dang go cha nyid dang ni/ /g.yang gzhi dang ni ril ba dang / /phreng ba dang ni mchil lham dang / /'jig rten gnyis na 'dod pa yi/ /rgyan gyi gtso bo thams cad de/ /lha dang mi dang de bzhin du/ /gzhan yang rgyan 'gyur 'di la brgyan/ /de dag thams cad thob 'gyur te/ /ras ris mdun du zlos byed la'o/ /rdzas rnams kun dang 'byung khung dang / /rgyan dang nor bu rnams dang ni/ /mtshon cha thams cad du ma ni/ /ras ris mdun du bzhag nas ni/ /dag byas cig car bzla bya ba/ /'bum phrag brgyad kyis g.yo ba dang / /thams cad bcas te 'bar ba dang / /zlos pa reg pas gyen du 'gro/ /rnam pa sna tshogs gzugs ldan pa/ /sems can rang bzhin yin yang rung / /rgyan dang mtshon cha yin yang rung / /ngo bo nyid dam sa rang bzhin/ /rang tshul spyod dam bcos ma dang / /'dab chags sna tshogs tshogs kyang rung / /gang dag 'byung po kun la grags/ /bcos ma'am bcos ma ma yin pa/ /'du shes can nam 'du shes med/ /sngags pa mchod pas grub par 'gyur/ /rnam pa sna tshogs rdzas bzhag dang / /rnam pa sna tshogs khams las byung / /rang byas byed du bcug pa dang / /'gro ba'i skye gnas dag na bsngags/ /sngar bstan cho ga bzhin du ni/ /ras ris mdun du rnam par gzhag /lan ni drug gam bdun dag gis/ /sngags pas reg nas bzla bar bya/ /bzlas mthar de dag rab 'bar te/ /grub pa rgyas pa thob par 'gyur/ /de ni de la reg tsam gyis/ /phyogs bzhi dag tu 'gro bar 'gyur/ /'dir ni lha yul thob nas ni/ /ring du 'tsho zhing bde bar 'gyur/ /rdzu 'phrul chen po rig rgyal la/ /ji lta ji ltar rab sbyor ba/ /de lta de ltar dga' 'gyur zhing / /rtag tu mchog kyang ster bar 'gyur/ /gzhan yang las la rab sbyor ba/ /las rnams dus ni yun</font><hr>95.141a<br><font size=+1>

ring ba/ /rig pa'i rgyal po rdzu 'phrul che/ /de nyid kyis ni myur 'grub 'gyur/ /gtsang zhing sems ni gtsang ba dang / /gtsang ba'i las la rtag tu dga'/ /gtsang ba'i phyogs dang sngags shes pa/ /gtsang ba'i grub pa thob par 'gyur/ /las gang byed pa de 'bras thob/ /mchog gi mchog tu 'gyur ba dang / /'bring gi las kyi 'bring du 'gyur/ /tha mas kyang ni tha mar ro/ /ma bsgrubs las kyis grub pa yang / /cung zad tsam gyis 'bras 'byin te/ /bu mo'am nor ni mang po dag /yang dag spyod pas byed par 'gyur/ /rtag tu bzlas pa tsam gyis ni/ /longs spyod che zhing stobs kyang che/ /rgyal po dga' zhing blon po nyid/ /rtag tu bzlas pas byed par 'gyur/ /sngags kyi rgyal po lan cig bzlas/ /de yis sdig pa rab tu 'jig /gnyis su bzlas sam bdun bzlas pas/ /bdag nyid srung ba chen por 'gyur/ /lan brgyad de ni bzlas pa yis/ /grogs po thams cad srung bar byed/ /gos la lan gnyis mngon bsngags na/ /sngags pa dag ni rtag tu yang / /nad rnams kun las shin tu grol/ /gos ni gnyis ka la bsngags nas/ /gos dag la ni reg byas na/ /lus can nad ni med par 'gyur/ /gdong dang mig gnyis dag la ni/ /'bad pas mngon par rab bsngags na/ /khros pa rnams kyi khro ba ni/ /sngags pas bltas pa tsam gyis 'jig /gang yang 'byung tshogs ma rungs pa/ /'tshe byed sdig pa'i las can la/ /sngags rgyal sum cu rab bzlas te/ /de dag gdong la blta ba 'am/ /rang lag nyid la yang dang yang / /mngon par bsngags pa byas nas ni/ /de dag thal mo brdabs na ni/ /lus can kun ni grol bar 'gyur/ /byis pa la ni rtag bya ba/ /khrus dang bza' dang btung ba la/ /sngags mchog drug cu bzlas nas ni/ /lha yi dam pa mchod byas na/ /sha za ma mo dag gi gdon/ /ma rungs kun las grol bar 'gyur/ /sngags kyi 'jigs pas 'jigs byed cing / /rtag tu byis pa gtong bar byed/ /</font><hr>95.141b<br><font size=+1>

de ltar rnam pa du ma'i las/ /sa steng myur du rtag 'jig na/ /mi rnams la ni de bzhin byed/ /gang dag 'byung po sdig sbrul ni/ /rnam pa sna tshogs gnas 'gro ba/ /dug bcas dug ni med pa nyid/ /sngags kyi mthu yis 'jig par byed/ /gang dag sdug bsngal sna tshogs dang / /gang dag 'tshe ba thams cad ni/ /sngags kyi rgyal po bzlas pa yis/ /myur du zhi bar rab tu 'gro/ /rnam pa sna tshogs gnod sdug bsngal/ /mang po 'chi ba 'go ba'i nad/ /sngags kyi rgyal po drug brgya bzlas/ /myur ba nyid du sel bar 'gyur/ /sbyin sreg las ni bya ba la/ /zho dang mar gyis thams cad bsre/ /ut+pal sngon po dri bzang ni/ /rtsa brgyad stong gis bzlas pa bya/ /zhi zhing 'byung po rnam song nas/ /'gro ba rnams ni bde gnas thob/ /de ltar rnam pa du ma ni/ /mang po'i las ni yang dag 'byung / /sngags pa legs par rab sbyor na/ /myur du thams cad byed par 'gyur/ /bzlas pa tsam gyis byed pa ni/ /dgra rnams kyi ni khro ba sel/ /sngags 'di don dang ldan gyur pas/ /cho ga mang po rgya che ba/ /de dag cho ga mthong ba yis/ /de dag 'dir ni grub pa yin/ /'dir ni sngags rnams zlo byed pa/ /phran tshegs las kyang don yod 'gyur/ /thams cad la yang bzlas pa yis/ /myur du don rnams rtag tu byed/ /'byung po rnams ni dbang byed 'dod/ /dus gsum du ni bzlas pa yin/ /rtag tu sna ma'i me tog gis/ /sbyin sreg las kyang bya ba yin/ /tsan dan dkar dang ga pur dang / /gur gum gyis kyang bya ba yin/ /bzlas nas sngags pa mchog sbyin zhing / /rtag tu 'bras bcas byed par 'gyur/ /rtag tu zlos pas sbyin sreg byas/ /yid la 'dod pa'i don sgrub byed/ /ga bur la sogs ldan pa yis/ /rtag tu sbyin sreg rab tu brtag /ji ltar 'dod par yongs brtags pa'i/ /rnam pa sna tshogs cho ga bsgrub/ /tha ma las ni tha ma dang / /chen po las ni chen po 'byung / /bar ma bar ma'i las dag las/ /rtag tu grub par bstan pa yin/ /de bas</font><hr>95.142a<br><font size=+1>

las rnams kun la ni/ /khyad par du ni sbyin sreg bya/ /byang chub sems dpa'i sde snod phal po che theg pa chen po shin tu rgyas pa'i mdo las/ 'phags pa 'jam dpal gyi rtsa ba'i cho ga las/ le'u bcu bzhi pa 'khor los sgyur ba'i ras ris kyi cho ga'i dkyil 'khor sgrub pa'i thabs rab 'byam rdzogs s+ho// // de nas byang chub sems dpa' sems dpa' chen po phyag na rdo rje 'khor gyi nang der 'dus shing 'khod par gyur te/ 'dug pa de stan las langs nas lan gsum bskor ba byas te/ bcom ldan 'das kyi zhabs gnyis la btud nas/ bcom ldan 'das la 'di skad ces gsol to/ /bcom ldan 'das legs so legs so/ /legs par rab tu bstan pa dang / mchog tu legs par gsungs pa'i rig pa thams cad kyi sngags kyi sbyor ba/ chos chen po'i sprin las nges par byung ba/ de bzhin gshegs pa thams cad kyi snying po/ rig pa chen po'i rgyal po 'khor los sgyur ba/ cho ga chen po rgya che ba don thams cad yongs su rdzogs par byed pa/ 'bras bu dang bcas pa sgrub par byed pa/ byang chub kyi lam bla na med pa/ bya ba'i bye brag yang dag par sdom pa dang bzlas pa dang sbyin sreg dang / rig pa dang spyod pa'i rjes su 'brang ba rnams kyi lam 'bras bu brten pa'i las kyi rkyen skyed pa'i rgyu dang mtshan ma/ rmad du byung ba'i stobs bcu/ nod par byed pa'i dge ba'i rtsa ba/ byang chub kyi snying po nod par byed cing / nges par pha rol du 'gro bar byed pa de bcom ldan 'das de ni legs so/ /sngags sgrub par byed pa dang / rjes su mthun pa'i rmi lam na mthong bar byed pa'i mtshan ma de ston pas bshad du gsol/ gang gis rig pa thams cad sgrub pa'i rjes su dpyod pa'i sems can grub pa'i mtshan ma'i las rtsom par byed par 'gyur ba dang / 'bras bu dang bcas pa'i rig pa thams cad kyi mtshan mar 'gyur ba'o/ /</font><hr>95.142b<br><font size=+1>

de skad ces gsol pa dang / bcom ldan 'das shAkya thub pas byang chub sems dpa' phyag na rdo rje la 'di skad ces bka' stsal to/ /gnod sbyin gyi bdag po khyod skye bo mang po la phan pa dang skye bo mang po la bde ba dang 'jig rten la snying brtse ba dang skye bo'i tshogs chen po'i don dang phan pa dang bde ba dang rig pa thams cad sgrub par byed pa'i sems can rnams kyi don gyi phyir legs so legs so/ /de legs par rab tu nyon la zung shig dang ngas khyod la bshad do/ /dang por re zhig las thams cad kyi sngar 'du 'dzi med pa'i gnas su song ste/ ri'i rtse'am chu bo'i 'gram mam phug gi nang ngam gtsang ba'i phyogs su lo ma'i spyil po byas la/ de nyid kyi cho ga snga ma bzhin du ras ris gzhag cing mchod pa chen po byas la/ las thams cad la yar ngo'i zla phyed dam/ cho 'phrul chen po'i zla phyed la nges par nyin zhag bzang po'i mtshan mo'i thun dang po la/ tsan dan dkar po dang gur gum dang ga pur gcig tu byas la/ tsan dan gyi shing gis me rab tu sbar zhing / ras ris kyi mdun du khru bzhi'i tshad tsam gyi me thab la du ba dang sol ba med pa'i me la sreg blugs stong rtsa brgyad kyis sbyin sreg bya'o/ /de nas yang sbyin sreg gi mthar pad ma'i me tog tsan dan dkar po'i chus bsang gtor byas pa stong rtsa brgyad sbyin sreg bya'o/ /sbyin sreg gi mthar yang bzang po'i gdan dang gdong bkab la rang gi lha la rang gi sngags kyis spyan drang bar bya zhing / sngags 'dis sbyin sreg bya'o/ /na maHsarba bud d+hA nA~M/ a pra ti ha ta shA sa nA nA~M/ tad+ya thA/ ku mA ra rU pi Ne dar+sha ya dar+sha ya/ At+ma no b+hu mi mu ba swa me ni be da ya wA b+hu taM/ hU~M hU~M phaT phaT swA hA/ sngags 'dis srung ba byas shing sbyin sreg gi las thams cad la las bya'o/ /de nas ku sha'i rtse mo gnyis ka phyi rol du bstan te bting la ku sha'i khres kyi sngas byas te mgo shar phyogs su bstan la</font><hr>95.143a<br><font size=+1>

ras ris kyi mdun nas ha cang yang mi ring ha cang yang mi nye bar nyal bar bya'o/ /thun dang po la mi nyal ba'i sbyor bas rjes su brtson par byas nas sangs rgyas dang byang chub sems dpa' rnams la phyag byas nas sdig pa rnams so sor bshags te/ sangs rgyas thams cad la bdag nyid phul la/ de nas ji ltar bde bar gnyid kyi dbang du 'gro bar bya'o/ /dang po'i thun gyi rmi lam gang / /bad kan las byung shes par bya/ /gnyis par gang byung mkhris pa ste/ /'jig rten la yod smad pa yin/ /gsum pa rlung byung shes par bya/ /bzhi pa bden par 'byung ba yin/ /bad kan rmi lam dang po ni/ /'di 'drar rtag tu mthong ba yin/ /nor bu shel gyi khang pa ni/ /kun nas mu tig phreng ba can/ /a mra'i shing tshogs rab mang po/ /bdag nyid chu nang 'bying bar mthong / /kun nas 'bab chus khyab pa dang / /rgya mtsho chen pos khyab pa dang / /gang du bdag gi lus gnas pa/ /de nyid du ni mthong bar byed/ /gang du phyogs der rdzing dag gis/ /kun nas yongs su khyab pa dang / /gru dang chu ni 'thung ba dang / /btung ba'i khang pa khang pa dang / /kun nas yongs su 'khor bar ni/ /chu chen gyis ni khyer bar mthong / /kha ba can ni byis pa dang / /chu bo chen por shel gnas pa/ /shing dang ri yi rgyal po dang / /shel gyis yongs su bcings pa dang / /mu tig dra bas legs g.yogs dang / /mu tig phung po mthong ba dang / /char chen 'bab dang chu yi tshogs/ /mthong na bad kan las gyur yin/ /gdugs ni dkar po dag dang ni/ /rgyan rnams kun kyang dkar ba dang / /ban glang dag ni dkar po'i gzugs/ /bad kan rmi lam dag tu brjod/ /rnga ma dkar ram skyes bu 'am/ /yang na gos dag mthong ba 'am/ /lan tshwa la sogs reg pa ni/ /kun du gal te mthong ba ni/ /ras bal btso ma'i gos dag gam/ /ra gan dngul dang a ga ru/ /reg dang za bar byed pa nyid/ /bad kan rmi lam</font><hr>95.143b<br><font size=+1>

dag tu 'dod/ /mon sran gre'u za ba dang / /til btags bu ram 'bras can dang / /mon sran rnam mang za ba ni/ /bad kan rmi lam dag tu 'dod/ /swa sti ka dang u lo pi/ /kri sa ra dang 'o thug dang / /de dag za byed rmi lam ni/ /bad kan rmi lam bya ba yin/ /'breng bu sa bcud bza' ba sogs/ /rnam pa sna tshogs snum khur ni/ /reg dang za bar byed pa nyid/ /bad kan 'phel ba'i rmi lam yin/ /snum khur rnam pa du ma ni/ /bza' dang spyad par rjes 'dod dang / /zos dang reg par byed de dag /bad kan rmi lam shes par bya/ /gnas dang gnas mal theg pa dang / /bzhon pa sems can las byung ba/ /reg dang 'dzeg par byed pa nyid/ /dang po'i thun la mthong ba nyid/ /gal te rmi lam mthong gyur na/ /thams cad bad kan can du brjod/ /rnam pa de lta'i rmi lam dang / /chu la 'byung dang spyod pa dang / /rnam pa sna tshogs bza' la spyod/ /mthong na bad kan can du brjod/ /de dag rmi lam dag tu mthong / /bad kan can gyi spyod pa yin/ /rmi lam ma lus du ma ni/ /'jig rten mgon pos gsungs pa yin/ /gnyis pa'i thun la lus can gyi/ /rmi lam mkhris pa can gyi yin/ /'bar ba'i me yi gzugs mthong dang / /sna tshogs rin chen mthong ba dang / /mes tshig skar mda' ltung ba dang / /ri dang phyogs ni rab 'bar ba/ /skye bo gang gis rab mthong ba/ /de ni mkhris par gyur pa yin/ /rin chen pad ma rA ga dang / /gzhan yang rin chen gang yin pa/ /gang du rmi lam mthong na ni/ /lus can mkhris pa las gyur yin/ /me dang tsha ba sten pa dang / /reg dang za bar byed pa dang / /rnam pa sna tshogs kha dog ser/ /rmi lam mkhris pas brgyal ba yin/ /rtag tu tsha ba'i nyi ma dang / /nyi ma rtag tu 'de bar ni/ /gang gis rmi lam mthong gyur na/ /lus can mkhris pa las gyur yin/ /nam mkha' gser gyi mdog gyur dang / /sa yi steng ni kha dog ser/ /rmi lam na ni</font><hr>95.144a<br><font size=+1>

gang gis mthong / /mkhris pa las gyur na ba yin/ /me ni kun nas 'bar ba yis/ /nam mkha'i ngos nas rab gsal bar/ /rmi lam dus su mthong ba ni/ /mkhris pas gnod pa'i lus can yin/ /sa dang de bzhin ri bo dang / /brag ni mthon po'ang gser gyi mdog /shing chen de bzhin theg pa ni/ /rtag tu thams cad gser rang bzhin/ /rtag tu rmi lam gnas mthong na/ /mkhris pa las gyur rmi lam yin/ /theg pa rgyan dang bzhon pa dang / /snod rnams gser gyi rang bzhin dang / /stan rnams dang ni gnas mal rnams/ /sa le sbram gyi rang bzhin la/ /reg dang 'gro bar byed pa nyid/ /rmi lam mthong na mkhris gyur yin/ /phreng ba ser po thogs pa dang / /ser po'i gos kyis nyer mdzes dang / /ser po'i 'od dang dri yis byugs/ /ser po'i mchod phyir thogs pa dang / /bdag nyid ser po'i rnam pa dang / /gang gis rmi lam la mthong ba/ /gnyis pa'i thun du mthong na ni/ /mkhris pa las gyur shes par bya/ /de bzhin rnam pa sna tshogs pa/ /gang gzhan rmi lam dag tu brjod/ /rnam pa sna tshogs ser por snang / /rmi lam mkhris las yang dag byung / /mkhris pas lus can rab gnon pa/ /gnyis pa'i thun la bstan pa yin/ /rnam pa du ma'i gzugs can ni/ /ser por snang ba yang dag 'byung / /'jig rten gtso bos gsungs pa ni/ /rmi lam mkhris las yang dag byung / /gang yang rlung byung rmi lam ni/ /gsum pa'i thun du bstan pa yin/ /'khor yug tu ni 'od 'phro ba/ /phyogs rnams kun du rab tu snang / /nam mkha' la ni 'gro ba dang / /nam mkha'i dkyil du thad drang 'gro/ /bar snang nam mkha'i dkyil du ni/ /kun nas 'khor bar rtag tu 'gro/ /rlung byung rmi lam zhes bstan pa/ /'di lta bu la bya ba yin/ /rgal dang mchong dang de bzhin du/ /shing rnams la ni mngon par 'dzeg /bstan bcos ma lus 'don pa dang / /khyad par du ni sngags rnams dang / /bshad dang brjod par byed pa dag /phal cher</font><hr>95.144b<br><font size=+1>

yang ni rlung las gyur/ /shing rnams tsher ma can 'dzeg dang / /kha ba dag kyang za ba dang / /bza' ba ma lus tsha dang skyur/ /zos pa rlung las gyur pa yin/ /gtsor yang rlung ni yang dag 'byung / /shing thog rlung ni rab bskyed pa/ /de dag za bar rmi lam mthong / /rlung las byung bar yang dag bstan/ /dngos rnams rlung ni skyed pa yi/ /bza' dang bca' ba khyad par ldan/ /de bzhin skye bo sems 'khrugs dang / /reg par byed dang smra bar byed/ /'byung po rnams ni gar byed dang / /bdag nyid kyang ni gar byed pa/ /gang gis rmi lam mthong na ni/ /de 'dra rlung nad can du shes/ /rnam pa sna tshogs spyod pa dang / /rnam pa sna tshogs 'khyud dang smra/ /rnam pa sna tshogs mi bzad gzugs/ /rmi lam rlung nad can gyis mthong / /de la sogs pa'i rmi lam ni/ /'jig rten mchog gis gsungs pa yin/ /rnam gsum sbyor ba rab ldan pa/ /'dod chags zhe sdang gti mug yin/ /chags can bad kan can shes bya/ /zhe sdang las byung mkhris pa can/ /rmongs pa rlung las gyur pa yin/ /'dres pa'ang rnam par 'dres pa'o/ /grong gi chos ni mthong ba las/ /rmi lam chags pas sa bon byung / /der ni bud med la chags pa/ /bad kan las byung rmi lam yin/ /rtsod bcas dang tshul zhe sdang can/ /mkhris pa las byung rmi lam yin/ /ma rig las byung rmongs rnam pa/ /dran pa nyams par mthong ba yin/ /rnam 'dres rnam par 'dres pa ni/ /rmi lam na ni rtag tu mthong / /de bas rnam pa thams cad kyis/ /rmi lam zhes bya yod pa spangs/ /bya ba dus kyi rim pa nyid/ /de nyid gzigs pas bstan pa yin/ /sems can bad kan can gsungs pa/ /mdog ldan snyan par smra ba dang / /tshe ring yid ni gzhungs pa dang / /kha dog snum zhing 'jigs pa med/ /bong tshod ring zhing dkar ba dang / /bud med la phrad rtag tu dga'/ /chos ldan rtag tu dpa' ba dang / /btung ba mang la rtag tu dga'/ /rgyal rigs su ni bstan pa yin/ /ser sna ldan</font><hr>95.145a<br><font size=+1>

zhing mtshon pa med/ / de bzhin sa yi bdag po dang / /dmag dpon don du gnas pa ste/ /longs spyod chen po skye 'gyur zhing / /rang gi las kyis nye bar 'tshe/ /rang gi las 'bras bstan pa ni/ /las kyi sngags ni spang ba min/ /las min sngags ni gtso bo zhes/ /'jig rten 'dren pas gsungs pa yin/ /de bas sems can bad kan can/ /sa steng grub pa byed pa ni/ /sa bdag 'dod pa byed pa la/ /de la grub pa thob par 'gyur/ /zlos pas bad kan can gyi zas/ /ma lus bsten par mi bya'o/ /gang phyir shin tu bsten gyur na/ /rmi lam don gyis stong 'gyur bas/ /grub pa'i don du ma brjod pas/ /sngags pas de tshe de mi bsten/ /mkhas pa rigs pa ldan pa yis/ /de yi dus su gnyid log min/ /mkhris pa can gyi sems can gyi/ /rtag tu spyod pa brjod par bya/ /zhe sdang gis ni rnam 'khrugs na/ /kha dog nag dang stobs chung dang / /drag pa drag pa'i las dang ni/ /rtag tu yon por byed pa yin/ /dpa' dang bab col rtag tu byed/ /stobs dang blo dang ldan pa dang / /mang du smra zhing grogs po mang / /bstan bcos ting 'dzin mang po rtogs/ /chos ldan las kyi mtha' brtan zhing / /zhe sdang slong ba rjod par byed/ /yid ldan dgra ni mang ba dang / /zhe sdang mtshon pa skye bar 'gyur/ /nor mang dpa' bo la sdang dang / /'jig rten shes shing mthong na dga'/ /des grol chags pa med pa dang / /brtan cing sdug bsngal rtag tu bzod/ /nga rgyal phrag dog ma rungs pa/ /bud med rnams la dga' bar byed/ /spro chen brtan dang blon po dang / /longs spyod chen por skye bar 'gyur/ /shes bzhin las kyis nyer spyod pa'i/ /sems can zil gyis mnan nas spyod/ /sngags ni srog la gnod byed pa/ /de ni de la myur 'grub 'gyur/ /mi bzad thub pas spangs pa'i don/ /myur du sgrub par byed</font><hr>95.145b<br><font size=+1>

pa yin/ /sems can gnod phyir byed pa'i las/ /lus can de la grub par 'gyur/ /cho ga sbyar ba'i chos rnams gang / /sngags pas thams cad rab sbyar na/ /spyod pa des ni 'grub 'gyur te/ /gzhan las sems can de la min/ /sngags pa zhe sdang can dag la/ /sems can gzhan la gnod pa dang / /de bzhin gzhan gyi sngags gcod pa/ /sems can khro ba la grub 'gyur/ /gzhan gyi rdzas ni 'phrog don dang / /gzhan gyi srog ni gcod pa la/ /khro ba'i sngags kyis grub 'gyur te/ /sngags gzhan dag la sbyar mi bya/ /zhe sdang rigs kyi sems can 'di/ /bdag po nyid kyang byed par 'gyur/ /mdog nag pa'am sngo bsangs sam/ /dkar ba'am yang na 'dres pa yi/ /mi ni khro ldan gser gyi mdog /rnam par spangs pa skye bar 'gyur/ /mi ni rtsub mdog du ba'i mdog /ser skya'i mdog tu'ang skye ba yin/ /dpa' dang de bzhin drag pa dang / /'dab chags sdig pa'i khyim las skyes/ /gza' ni mig dmar zhing bdag gnas/ /bad kan can la phur bu'i bdag /skye 'gyur nyung ngu za ba dang / /tsha dang skyur ba'i ro bsten cing / /de yi tshe ni ring 'gyur zhing / /dran dang ldan pa skye bar 'gyur/ /spyod pa dang ni rjes spyod pa/ /rlung nad can gyi bshad par bya/ /mdog mi sdug dang rtsub mdog dang / /bong tshod med cing shin tu rjud/ /blo nyams shes rab med pa dang / /mi brtan gnas pa med pa dang / /lus ni 'gul dang 'khor ba dang / /skyug cing bshang gci mang du 'byung / /mang du za zhing rtag par za/ /de dag gang phyir nad mang 'gyur/ /'jig rten rigs dang mi mthun zhing / /dgra ni mang po skye bar 'gyur/ /de ni sa steng 'di dag tu/ /tshul 'chal sdug bsngal skye 'gyur te/ /mi snang ba yi sngags dag ni/ /de la 'grub par bstan pa yin/ /gang zhig rlung nad 'khrug byed pa'i/ /zas la de ni dga' bar 'gyur/ /zlos pa las ni grub 'dod pas/ /de ni yongs su bsten mi bya/ /</font><hr>95.146a<br><font size=+1>

sems can rlung nad 'khrug pa la/ /gti mug nye bar zhi ba dang / /rmongs pa'i rigs can la gsungs pa/ /rmongs pa'i sngags ni rab sgrub pa/ /rtag tu de dag rmongs pa la/ /rmongs pa dag ni 'grub par 'dod/ /rgyu skar khyim ni chu skyes dang / /gza' ni bdag po spen par blta/ /rlung nad skyes pa'i sems can ni/ /dge ba'i las la mi spyod de/ /'byung po dbang dang 'gugs par byed/ /de bzhin rmongs dang rengs pa'o/ /rlung nad can gyi sems can la/ /gti mug can de sdig pa byed/ /rmi lam bden par mthong ba ni/ /mtshan nyid 'di dag gsungs pa ni/ /sems can rnams kyi don sgrub pa/ /thub pa rnams kyi sngon gsungs pa'o/ /lug glang dang ni sbyor ba dang / /sbal pa seng ge nyid dang ni/ /srang dang bu mo sdig pa dang / /de bzhin gzhu dang chu srin dang / /bum pa nya dang glang po dang / /lha dang spre'u lha ma yin/ /grub dang dri za gnod sbyin sogs/ /mi rnams gang gis rab bsgrags pa/ /sems can rnams kyi khyim mang po/ /gang zag mchog gis gsungs pa yin/ /rnam pa mang po sna tshogs don/ /rnam pa sna tshogs las bstan pa/ /de dag las ni thams cad la/ /yon tan rgya cher sman par 'gyur/ /las las gol ba med par ni/ /lus can yon tan mi smin te/ /yon tan kho na las ldan pas/ /skye bar yang ni byed pa yin/ /yon tan chos don ldan pa ni/ /sngags la 'grub pa skye bar 'gyur/ /zlos pa sems can yon tan shes/ /yon tan yon tan min las 'ching / /yon tan med la bya min gang / /de yi las ni bya ba min/ /gang phyir bya ba las byed de/ /bya ba yon tan med ma yin/ /bya ba las dang yon tan nyid/ /yang dag ldan pa sgrub par 'gyur/ /cho ga sngon 'gro bya ba'i las/ /stobs bcu ldan pas sngon bstan to/ /rdzas dang sems can spyod pa gzhan/ /</font><hr>95.146b<br><font size=+1>

bya ba las dang yon tan yin/ /rnam pa sna tshogs rmi lam tshul/ /las las 'byung bar snang ba yin/ /de bas rmi lam mtshan ma yis/ /rgya che las la rab sbyar bya/ /rnam pa sna tshogs rnam pa dang / /yid 'ong blta na sdug pa dang / /bgegs kyi gzugs dang gzugs med pa/ /rmi lam rgyur ni snang ba yin/ /mthu che spro ba che ba ni/ /mi ni grub pa 'dod pa yin/ /mchog dang tha ma 'bring dag ni/ /de dag la ni grub par brtag /drag cing ma rungs las rnams ni/ /rmi lam rtag tu 'phral du smin/ /bzang po brtan pa'i las dag ni/ /yun ring dus su grub phyir ro/ /'jig rten 'jig rten 'das rnams kyis/ /yon tan skye bar yang dag 'byung / /rmi lam rnam pa sna tshogs snang / /zlos pas sngags rnams 'grub par 'gyur/ /mi 'grub don du sngags rnams ni/ /gnyid dang snyom pa rab tu brtag /bgegs 'joms byed pa'i sngags rnams ni/ /de yi dus su rab tu brtag /de tshe sngags ni rigs tshul gyis/ /zlos pas de tshe rab tu sbyar/ /khro bo chen po phyag drug dang / /zhal drug nyid du brtag par bya/ /sngags chen yi ge bzhi pa ni/ /gzhon nu'i gzugs la gnas pa yin/ /drag po'i gzugs ni gzugs chen po/ /phag gi rnam par yang dag 'byung / /bgegs kun rnam par gzhig bya'i phyir/ /dus mtshan de ni lha yi rgyal/ /stag gi pags pa'i sham thabs can/ /sbrul gyi gdengs ka rnam par 'phyang / /lag na ral gri sems dpa' che/ /gzi brjid chen po gshin rje'i gzugs/ /bgegs rnams kun la gtse bar byed/ /log 'dren rnams kyi srog 'phrog byed/ /'byung po kun ni rab nyon cig /mi bzad sngags ni bshad par bya/ /cho 'phrul chen po bgegs rnams kun/ /ma rungs sems can 'jig par byed/ /sngags rnams kun ni sgrub byed pa/ /lha yi tshogs rnams nga la nyon/ /</font><hr>95.147a<br><font size=+1>

na maH sa man+ta bud d+hA nA~M/ a pra ti ha ta shA sa nA nA~M/ tad+ya thA/ he he ma hA kro d+ha Sha Na mu khA Sh+Ta tsa ra Na/ sarba big+ha na big+hA na g+hA ta ka hU~M hU~M/ kiny+tsi ra ya si bi nA ya ka dzI bi tAn+ta ka ra duHswA me nA sha ya/ la hu la hu sa ma ya ma nu sma ra phaT phaT swA hA/ khro bo'i rgyal po chen pos 'di gsungs ma thag tu bgegs dang log 'dren thams cad 'jigs shing nyam thag nas/ snying gas te yid shin tu skrag nas/ bcom ldan 'das shAkya thub pa dang 'jam dpal gzhon nur gyur pa la phyag 'tshal bar byed cing dam tshig la gnas par gyur to/ /de nas bcom ldan 'das shAkya thub pas thams cad dang ldan pa'i gnas gtsang ma'i gzhal med khang la gzigs nas/ 'khor gyi dkyil 'khor chen po de la 'di skad ces bka' stsal to/ /kye kye lha'i tshogs chen po dag khro bo'i rgyal po 'di ni/ 'jig rten dang 'jig rten las 'das pa thams cad kyi sngags rnams 'don par byed pa na gang zhig ma rungs pa'i sems can gyi gzugs can gyis rnam par 'tshe bar byed pa de la/ khro bo'i rgyal po 'dis ni rigs rgyud thams cad 'dul bar byed cing / srog kyang 'dzin par mi byed de/ yongs su gdung bar byed cing / yongs su skem par byed pa'i rnam par gzhag par bya ba la 'jog par byed cing / zlos pa dag la yang srung ba dang sba ba dang sbed pa la gnas par 'jog par byed cing / rjes su 'phel bar byed pa dang gang zhig dam tshig 'di las 'da' bar byed pa dang khro bo'i rgyal pos sgrub pa po srung bar byas pa la rnam par tho 'tsham par byed na/ mgo bo a rdza ka'i dog pa bzhin du rnam pa bdun du 'gas par 'gyur ro/ /thub pa mchog gis de gsungs nas/ /'jam pa'i dbyangs la de tshe gsungs/ /gzhon nu khyod kyi sngags rnams la/ /ma lus don ni rgya chen don/ /sngags rgyud don dang ldan pa dang / /sgrub pa rnams la khyad par du/ /</font><hr>95.147b<br><font size=+1>

bgegs rnams ma lus 'joms pa yi/ /rgyud la khro rgyal bstan pa yin/ /'jig rten mgon gyis sngon 'di ni/ /de bzhin du ni yang dag sbyar/ /ma lus bgegs rnams 'jig bya'i phyir/ /dgra rnams kyi ni khro ba sel/ /zlos pas rtag tu 'don byas na/ /sems can rnams ni srung don dang / /rmi lam ngan pa sel bar byed/ /sngags rnams ma lus sgrub pa la/ /'jig rten mchog gis gsungs pa yin/ /de nas gzhan yang rab bshad pa/ /skyes bu'i mtshan nyid bzang po yin/ /gang la sngags rnams 'grub 'gyur ba/ /mchog dang tha ma bar ma'o/ /gzi brjid ldan dang shes ldan dang / /gser mdog gsus pa che ba dang / /dkyus ring mig dang snum pa dang / /chags chung khro ba rnam par spangs/ /mig mtha' dmar zhing snyan par smra/ /de la grub pa mchog tu 'gyur/ /pags pa srab cing sngo bsangs mdog /ha cang ring min yan lag phra/ /spro ba che zhing gzi brjid che/ /chog shes kun nas dge ba byed/ /skye gnas bzang po dag pa dang / /'dod pa chung zhing cung zad dge/ /las rnams kun du snang ba ni/ /de la nges par grub pa mchog /yan lag thams cad ma tshang med/ /dUr ba sngo sangs gzi brjid che/ /nyon mongs med sems shes pa can/ /rtag tu gtsang zhing tshangs par spyod/ /phra ba'i gos la rtag tu dga'/ /chos kyi ngang tshul 'jig rten shes/ /grogs mang rtag tu gtong ba dang / /zas tshod rig dag rtag gtsang ldan/ /shes nyen tshul khrims spyod pa dang / /gtsang ba'i spyod la rtag tu dga'/ /bden par smra zhing snying rje can/ /de la grub pa mchog tu 'gyur/ /yon tan rgya che yan lag tshang / /rigs ldan rtag tu chos dang ldan/ /ma dang pha la gus pa dang / /bram ze la ni mchod pa byed/ /shin tu snying rje ldan zhing brtan/ /de la'ang grub pa mchog tu 'gyur/ /sngo sangs dkar dang snum pa dang / /rtag tu gtsang zhing nyung ngu smra/ /</font><hr>95.148a<br><font size=+1>

bsod pa'i kha zas la dga' zhing / /gtsang ba'i spyod pas mngon par 'gro/ /mang 'dod sems can 'jig rten shis/ /de la'ang grub pa mchog tu 'gyur/ /ha cang mi thung ring ba'ang min/ /sku ni mig sman bzhin du gnag /mig dang mig 'bras rab tu snum/ /gtsang zhing rtag tu khrus la dga'/ /dkon mchog gsum la shin tu dad/ /de yi grub pa mchog tu 'gyur/ /mchog gi las ni rab ston cing / /sems can rnams kyi bsam pa shes/ /bzod ldan snyan par smra ba dang / /rgyal ba'i sras la rab tu dga'/ /de tshe 'jig rten 'das pa grub/ /de la 'bras bcas grub par 'gyur/ /sems dpa' che zhing brtson 'grus che/ /gzi brjid che zhing brtul zhugs che/ /longs spyod che zhing sngags rnams shes/ /sngags rnams kun la de nyid rig /rigs kyi mchog ni rgyal rigs sam/ /bram ze shes dang ldan pa dang / /bud med la brten de la chags/ /de bzhin gser gyi mdog dang ldan/ /bong tshod che zhing dkar ba dang / /sna ni mtho zhing lag pa che/ /dpa' zhing lag pa ring ba dang / /rgyal po che la mngon par 'dod/ /rgyal ba'i sras la dad pa dang / /bud med mig ldan lha la mchod/ /dkon mchog gsum la gus pa dang / /byang chub sems kyis brgyan pa yin/ /lhag par snying rje brtan pa dang / /cung zad khro zhing cung zad rmongs/ /longs spyod che zhing gtong ba che/ /gzi brjid che zhing thul bar dka'/ /bud med rnams ni dga' dang dpa'/ /de yi grub pa'ang mchog yin no/ /shin tu btung dang dga' dang dpa'/ /rtag tu bud med la chags dang / /gser gyi mdog dang byin pa phra/ /rked pa che zhing gtsang ba dang / /brtse dang snying rje ldan mkhas pa/ /yon tan mang 'dod 'jig rten shes/ /rtag tu sngags rnams zlos la gus/ /rgyal ba la ni srog kyang gtong / /de bzhin nyan thos sras rnams dang / /bse ru la yang rtag tu gtong / /stobs ldan 'jig rten</font><hr>95.148b<br><font size=+1>

gtso bo dang / /rigs ni gnyis pa bzang po yin/ /yan lag thams cad ma tshang med/ /ma rungs rtag tu bab col byed/ /gtong ldan tshul ldan dgra las rgyal/ /chos dang chos min rnam dpyod byed/ /ha cang sbom min rjud pa'ang min/ /ha cang ring min thung ba'ang min/ /bar ma'i mi ni mchog yin te/ /de yi grub pa mchog tu 'gyur/ /sen mo zangs mdog legs snum dang / /lag mthil dmar dang gtsang ba dang / /rkang pa'i mtha' dmar snum pa dang / /'khor lo swa sti kas brgyan dang / /rgyal mtshan rta babs nya dang ni/ /ba dan pad ma tho ba dang / /mi gang rkang pa lag pa la/ /mtshan ni 'di dag yod gyur pa/ /de 'dra'i skyes bu dam pa la/ /grub pa mchog tu brtag par bya/ /mche ba dkar zhing bzang ba dang / /mtho ba'i ri bo dang 'dra dang / /sna bzang mtho zhing mig dkyus ring / /smin ma stug cing kos ko bzang / /ba yi rdzi ma 'jig rten mtshan/ /nag pa'i lta ba'i mig 'bras mtshan/ /dpral ba'i dbyes gang rgya che zhing / /mgo bo gdugs 'dra'i rnam pa bzang / /mgo bo gtsug tor 'dra ba dang / /rna ba bzang ba dam pa yin/ /rtag tu seng ge'i 'gram 'dra dang / /ma mchu bim pa smin 'dra'i mdog /gang gi lce ni rab snang ba/ /pad ma 'dab ma dmar 'dra'i mdog /mgrin pa bum pa 'dra ba dang / /thal gong rgyas shing yang dag 'phags/ /mchan khung thong ka bzang ba mchog /de bzhin brla ni rgya che dang / /lte ba'i phyogs kyang chung ba dang / /rked pa rgya che bzang ba dang / /lte ba zab cing g.yas su 'khyil/ /kun nas dkar med ba spu dang / /lag ring lag ni che ba dang / /rked pa seng ge 'dra ba'i mtshan/ /gang gi brla ni zlum pa dang / /gru mo nyams med zlum pa dang / /byin pa e na ya lta bur/ /zlum pa'i nang ni zlum por grub/ /rkang pa sha dang ldan pa dang / /sor mo rnams kyi ring ba dang / /dmar zhing sen dmar snum pa dang / /sha rgyas pas ni snum pa yin/ /</font><hr>95.149a<br><font size=+1>

nang stong ma yin mthil mnyam gnas/ /dge zhing mthong na dga' ba dang / /'jam zhing kha dog dag pa dang / /rab bsngags 'jig rten bkra shis dang / /de dag gi ni steng dag tu/ /rtsa yi dra ba mngon pa med/ /bshang ba 'byung ba'i lam dag tu/ /ri mo zab cing g.yas su 'khyil/ /mchig pa rab bsngags shin tu chud/ /rtag tu zlum zhing dge ba yin/ /ma 'brel dum bu ma yin dang / /gcig min nyid du bstan pa yin/ /gang tshe skyes dbang gtsang ba dang / /rtse mo dmar la yang dag gnas/ /skye bo nyal khar kha zas ni/ /ro ni rtsa bar byed pa za/ /bshang ba kha dog sngo ba 'am/ /gal te dmar por rab snang zhing / /mang po ma yin snum pa dang / /dge ba'i mtshan gyi rab mtshan pa/ /de lta'i sems can gang yin pa/ /grub pa mchog tu 'dod pa yin/ /lan gsum bshang zhing sngags drug dran/ /gtsang sbra'i spyod dga' yongs su gtsang / /gang zhig thun ni tha mar nyal/ /tho rangs ldang ba'i skye bo rnams/ /de yi grub pa rtag tu mchog /las kun byed par snang ba yin/ /'bras bu rnam pa sna tshogs dang / /phun tshogs rnam pa mang po la/ /mi rnams rjes su 'dod pa yang / /mtshan nyid kyis ni mngon mtshan pa'o/ /rgyu skar dag la'ang skyes pa ni/ /rgyal dang nam gru gre dbo dang / /mchu dang lha mtshams dag dang ni/ /nag pa snar ma smin drug dang / /nus pa'i gza' rnams kyis mtshan pa/ /de dag la ni skyes mthong dang / /nyi ma'i dkyil 'khor 'char kha ni/ /tho rangs dus su gang skyes dang / /gang tshe de yi dus su skyes/ /de la grub pa rab tu snang / /nyin phyed dang ni tho rangs dang / /nyi ma'i mthar yang gza' bzang po/ /dkar ba zla ba pa wa sangs/ /ser ba gza' lhag phur bu yin/ /skye bo rnams kyis mthong na ni/ /'bras bu 'grub phyir nus pa yin/ /mi ni gang zhig dge las kyis/ /'di la skyes par gyur pa yi/ /sngags don ma lus sgrub pa la/ /</font><hr>95.149b<br><font size=+1>

de dag 'bad med 'grub par 'gyur/ /nyi ma phyed ni 'das pa dang / /rtag tu nyi ma nub pa na/ /lus can rnams kyi rtag de la/ /ma rungs gza' mthong gang yin pa/ /ma rungs nyi ma mig dmar dang / /mjug rings sgra gcan spen pa dang / /gang yang gza' ni gtso bo dang / /las ni ngan 'joms skar mda' can/ /skar ma shin tu mi bzad nyid/ /de bzhin nag po 'chi ltas dang / /dus min 'chi ba sa la ni/ /mi bzad de tshe snang ba yin/ /nyi ma 'char ba'i dus su ni/ /gza' lhag gis ni sa rnams mthong / /gnya' shing gang tsam nyi mas phyin/ /phur bus sa de mthong bar 'gyur/ /de nas pha rol gnya' shing tsam/ /pa sangs nor spyan gyis de mthong / /nyi ma phyed ni yongs rdzogs na/ /zla bas lus can ma lus mthong / /gza' lhag dus su rgyal thabs thob/ /phur bus nor dang longs spyod byed/ /pa sangs nor ni nges sgrub dang / /rgyal srid tshe dang longs spyod ldan/ /zla ba de bzhin tshe ring zhing / /dbang phyug dang ni 'bras bu bcas/ /de bzhin nyin phyed nyi ma ni/ /nyi ma phyed du mnyam par mthong / /rtag tu nyin phyed rnam 'das na/ /nyi mas phyogs ni mthong bar byed/ /thung 'gyur nyi ma gnya' shing tsam/ /byed pa nyid du bstan pa ni/ /sgra gcan spen pa nyid dag yin/ /mun pa dus dang dus mthar byed/ /de nas phar ni thung ba na/ /'chi ltas skar mda' sa 'gul byed/ /li khri tshogs kyis mdog bsgyur ba'i/ /nyi ma nub kar zangs ma'i mdog /gza' yi gtso bo gang yin de/ /byis pa gzhon nu'i tshul 'dzin cing / /lag na mdung thogs ma rungs pa/ /mig dmar nyid kyis mthong ba yin/ /de nas nyi ma gnya' shing 'das/ /dge ba'i gza' ni 'byung ba yin/ /nyi mas mthong ba las skyes pa/ /ma rungs bab col byed par 'gyur/ /spen pa mig dmar las skyes pa/ /khro ldan skam zhing nga rgyal can/ /mjug rings</font><hr>95.150a<br><font size=+1>

'chi ltas dud rnams la/ /skyes pa nad ni yang dag 'byung / /dbul zhing nad btab glen pa dang / /de bzhin du ni rtag tu rmongs/ /dus dang mun pa 'gul byed dang / /skar mda' can dang gza' ngan dang / /'gul byed sgra drag dmar ba'i mdog /gnam lcags nyid kyang rab rdung byed/ /de bzhin rdo rje 'chi ltas dang / /gzhan yang khyim sogs rab tu mthong / /skye bo kun gyis sgra gcan ni/ /mi bzad rab tu mthong gyur na/ /dbul zhing mgon med tshul khrims 'chal/ /mi ni rtag tu sdig pa spyod/ /mi ni sdug bsngal skye 'gyur te/ /nad kyi gzhi ni skye bar 'gyur/ /mdze can nad ni mang ba dang / /long ba 'theng bo shu bar bcas/ /za ma ma ning mo sham dang / /bud med mtshan ni ngan pa dang / /skyes pa bud med de bzhin gzhan/ /gza' ni ngan pa mthong ba yin/ /de ltar skyes gyur skyes pa dang / /'jig rten mang po skye ba yin/ /dkar dang ser ba'i gza' mchog ni/ /de dag las skyes dge ba yin/ /mdog ni dkar dang ser ba dag /rgyal bas rab tu bsngags par gsungs/ /gza' ni gtso bo bzhir bshad pa/ /pa sangs zla ba bla ma lhag /zlos pa las rnams kun la ni/ /de dag mthong na 'grub pa'i don/ /sems can byis pa rnams la yang / /rtag tu de dag skye ba bzang / /lo ni kun la 'dod pa'ang zhes/ /'jig rten mchog gis gsungs pa yin/ /skad cig tsam la'ang de bzhin du/ /mig 'byed mi 'dzum se gol gtogs/ /'di ni mdor bsdus skye ba zhes/ /'jig rten mchog gis gsungs pa yin/ /'di tsam gyi ni tshad dag tu/ /gza' kun 'jig rten dgongs pa yin/ /de dag de bzhin rtag tu 'char/ /'di dag dus kyi de nyid yin/ /'di dag dge dang sdig pa'i gza'/ /'khor lo bzhin du rtag tu 'khor/ /'jig rten dge dang mi dge byed/ /de nyid 'jig rten gnas pa yin/ /des na de dag gang cung zad/ /</font><hr>95.150b<br><font size=+1>

sdig pa'i blo yang skye bar 'gyur/ /sems can dge dang mi dge'i 'bras/ /mang po yang ni skye bar 'gyur/ /gza' rnams las la spyod pa zhes/ /des na 'di ni mthong zhes gsungs/ /myur ldan myur bcas 'od 'gyur zhing / /myur bar 'ong bas myur ldan yin/ /mig gis mthong dang ma mthong ba'i/ /se gol gtogs pa'i myur 'gros yin/ /'di tsam gyi ni tshad dag tu/ /blo mchog rnams kyis bstan pa yin/ /de nas gzhan yang rab bshad pa/ /nges par zlos pas rtag tu bya/ /yud tsam dag ni bcu gnyis dang / /dus dang dus min 'gro ba'i rgyu/ /grub pa'i rgyu 'am ma yin pa/ /'gro ba min pa'ang bshad par bya/ /'jig rten la nye bzang ba dang / /char dang char min yang dang yang / /yul 'khor 'jig dang mu ge dang / /lo legs nyi ma gsal mthong dge/ /dus dang de bzhin dbang po'i gzhu/ /skye bo rnams la rtag zhi byed/ /mjug rings sa 'gul gnam grum dang / /skar mda' dang ni lho 'ur dang / /rgyu skar gza' dang skar rnams kyi/ /spyod pa dge dang mi dge ba/ /'byung po rnams kyi spyod pa ni/ /dge dang mi dge'i spyod pa yin/ /sha za dang ni ma mo dang / /drag po ma rungs nyer 'joms byed/ /sha za rnams kyi spyod pa ni/ /de bzhin ma rungs sems can brjod/ /gang du lha la rab dad dang / /rin chen chos dang blo mchog dang / /dge ba'i las dang rtag tu ldan/ /byams sems brtse bar ldan pa dang / /legs par spyod pa'i don ldan blo/ /gzhan gyi sdug bsngal dag la sems/ /sngags dang rig pa rnams kyis drangs/ /sman gyi don du kha zas spyod/ /gang du mtshan nyid la brten pas/ /spyod pa rgya cher bstan pa yin/ /gzhan gyi lus la gnas nas ni/ /mi lus brten nas gnas pa yin/ /lha ni mchod pa zhes bshad de/ /lha min nga rgyal can gyi rgyus/ /gnas der gnas pa'ang rnam pa gnyis/ /rim bzhin lha dang lha ma yin/ /de yang der ni rnam gnyis te/ /drag pa dang ni thun mong yin/ /de yang der</font><hr>95.151a<br><font size=+1>

ni rnam gnyis 'gro/ /dge dang mi dge 'gro ba lnga/ /der gnas rnam gsum 'gro ba ste/ /nyi shu sum cu grangs med pa'o/ /lha dbang dang ni 'og min par/ /go rims ji bzhin sa med pa'o/ /'jig rten khams ni mtha' med pa/ /dge dang mi dge 'jig rten yin/ /'khor spyod sems can ji snyed dang / /'phags pa nyan thos ji snyed dang / /sangs rgyas rang sangs rgyas rnams dang / /de yi thugs las skyes sras dang / /byang chub sems dpa' sems dpa' che/ /sa bcu la ni rab gnas dang / /rtag tu sems can thams cad kyi/ /sems can skye gnas yang dag brten/ /byis pa'i skye bo thams cad kyi/ /'gro ba'i skye gnas rten pa dang / /rtag tu 'phags rnams thams cad kyi/ /mtshan nyid dang ni spyod pa dang / /tshig dang brda dang de nyid kyang / /rgya cher rab tu bshad par bya/ /sngags dang rgyud ni rig bcas pas/ /'byung po kun ni dgug par bya/ /dbab dang dgug pa'i sngags shes pas/ /gzhan gyi lus la yang dag brten/ /dge dang mi dge'i las shes zhing / /bag yod rigs ni bzang ba dang / /mi blun spyod pa'i sems can dang / /tshar gcad rjes gzung spyod pa dang / /'jig rten sa steng 'gugs byed pa/ /mi ni sngags zlos byed pa dag /de dag grub pa'i mtshan ma ni/ /de nyid thams cad bshad par bya/ /mi rnams kyi ni mdor bsdu na/ /de dag gi ni lus bzung nas/ /rtag tu shin tu chos don dang / /thar pa'i don du rnam par brtag /ma rungs rnams ni tshar gcad dang / /rnam dag rnams ni mchod pa ste/ /tshar gcad rjes gzung nyid la ni/ /sngags dang rgyud ni rab tu brtag /rlung dang bad kan mkhris can ni/ /rnam gsum dag la spyod pa'ang gsum/ /de dag zhi bar rab brtags la/ /rnam gsum nyid du rim par 'dod/ /mi rnams kyi ni gso ba la/ /sngags dang rgyud kyis rtag tu bya/ /'byung ba chen por rnam brtags pa/ /'byung dang 'byung min la sogs shes/ /'byung ba min dang 'byung ba dang / /</font><hr>95.151b<br><font size=+1>

lhag par 'byung ba de la brjod/ /skye bo gang tshe lhag 'byung zin/ /de tshe bde ba med par 'gyur/ /'byung dang 'byung min rnam pa ni/ /rnam pa gnyis su rab tu brtag /rtag tu sems can 'byung ba che/ /sems can ma yin rab tu brtag /mkhris pa bad kan de bzhin rlung / /gang gzhan rnam pa sna tshogs byas/ /'byung ba chen po bzhi dang ni/ /lnga pa dag ni nam mkhar brjod/ /chu dang me dang ldan pa dang / /sa dang rlung du yang dag ldan/ /blo dang ldan pas rtag tu yang / /sems can min pa'i grangs su bstan/ /'jig rten mchog gi bdag po dang / /'od chen ldan pas gsungs pa yin/ /sems can ma yin grangs su bstan/ /sems can grangs 'gro mi ma yin/ /blo mchog smra ba dam pa yis/ /mi rnams sems can nyid du gsungs/ /mi ma yin dang mi dag kyang / /rtag tu sems can grangs nyid do/ /sems can rnams la dge don du/ /thams cad mkhyen pa'i gsung yang yin/ /'das dang ma byon sangs rgyas dang / /de bzhin da ltar byung rnams kyis/ /dge ba'i las kyi las byung phyir/ /las 'di dag ni yongs su gsungs/ /sangs rgyas rnams kyi gsung dag pa/ /las ni don med mi byed de/ /de yi rgyu mtshan rigs dang spyi/ /grub pa nyid du rab snang ste/ /thams cad mkhyen pa'i ye shes dang / /bde zhing zhi la rtag tu gtsang / /mthar thug dag dang bdag med dang / /don dam thar pa 'dod pa ste/ /de nyid chos ni btsal bya'i phyir/ /rgyud 'di yongs su bshad pa yin/ /rgyud dang sngags dang sman bzang po/ /bka' ni yang dag gsungs pa yin/ /byung dang 'byung 'gyur da ltar gyi/ /bstan bcos thams cad legs bsngags dang / /'jig rten mchog dang chos bdag med/ /rtag tu zhi dang shis pa'i gnas/ /'di ni thams cad mkhyen pa'i gsung / /de yi go 'phang mchog gnas pa/ /thams cad mkhyen pa'i ye shes 'byung / /</font><hr>95.152a<br><font size=+1>

ma 'dres rab tu brtags pa yin/ /sangs rgyas rnams kyi mthu dang ni/ /byang chub sems dpa' blo ldan dang / /sngags rnams kun gyi cho ga la/ /grub pa kun tu bstan pa yin/ /des na 'di nyid thub dbang gis/ /cho ga'i rgyal por gsungs pa yin/ /lus can rnams ni sngags tshul gyi/ /'di nyid kyi ni lam gyis 'gro/ /zhi ba nad med phun sum tshogs/ /mya ngan 'das grong phyin par 'gyur/ /mya ngan med dang rdul med dang / /rtag tu byang chub gzhol zhing shis/ /gang 'di bstan pa dag la ni/ /sngags kun 'don par byed pa na/ /kun mkhyen shes dang shes bya yi/ /las kyi rgyud ni 'brel pa dang / /sngags zlos pa yi ched du ni/ /rgyud rnams mtha' dag sa steng gsungs/ /sngags rgyud ma lus don dag ni/ /byang chub rnam gsum gzhol ba ste/ /sangs rgyas rnams kyi ye shes dag /cho ga 'dir ni rab tu bstan/ /sems can rnams la'ang phan pa'i phyir/ /'jig rten kun la rab tu bskor/ /gzhan la cho ga rab snang ba/ /cho ga'i rgyal po 'di la'ang yod/ /thub mchog thub pa'i sras dag gis/ /gzhan du cho ga gang bstan pa/ /sngags rnams thams cad 'di la yod/ /de na cho ga rgya chen yin/ /de nyid phyir na thub dbang gis/ /lus can kun la gsungs pa yin/ /gang du cho ga'i rgyal po 'dis/ /dbang 'gyur min dang bkug min pa/ /sa steng 'jig rten gsum 'di na/ /rig pa'i sngags rgyal de yod min/ /thub pa'i zla ba rab nub cing / /sa yi dkyil 'khor stongs pa na/ /cho ga 'jig rten 'dir gnas pa/ /bstan pa'i don ni byed par 'gyur/ /'jam pa'i dbyangs ni rtag tu dge/ /'byung po kun la gzhon nu ni/ /de tshe sangs rgyas mdzad pa ni/ /'jig rten bstan la byed par 'gyur/ /cho ga'i rgyal po mthu la ni/ /yun ring dus su 'dod pa rnams/ /</font><hr>95.152b<br><font size=+1>

lan cig thos kyang grol 'gyur te/ /rtag tu de la 'grub par 'gyur/ /sangs rgyas kun gyi gsung dag ni/ /rtag tu dge ba don yod 'gyur/ /sngags rnams kun la sngags pa ni/ /bzlas dang sbyin sreg rtag 'dod pa'o/ /dus gsum dag tu shes bya la/ /mkhyen pa gang du rab 'jug pa/ /de bzhin 'di la 'jug byed pa/ /cho ga'i rgyal po dam pa yin/ /sangs rgyas rnams kyi bstan pa ni/ /sngags su rab gnas de 'dir gsungs/ /sngags de rnam par mi rtog par/ /cho ga de 'dir gsungs pa yin/ /don dang don min sems can gyi/ /dge dang mi dge byed par 'gyur/ /de tshe 'gro ba blo bzhin du/ /'jig rten kun gyi dge mi dge/ /de nyid cho ga 'dir spros pa/ /de bzhin gshegs pa spros pa med/ /'jig rten 'das pa rdzogs sangs rgyas/ /'jig rten phyir ni 'dir gsungs so/ /las rnams kun la shin tu lhag /'jig rten las las rab tu 'das/ /chos rnams rnam pa sna tshogs byed/ /'jig rten kun gyis rab tu bsngags/ /sngags rgyal las la brtson par byed/ /de bzhin sems can tshogs la phan/ /gzhon nu 'jam pa'i dbyangs de ni/ /sangs rgyas mdzad pa byed par 'gyur/ /de don yon tan nges grub dang / /'jig rten khams kyi dge mi dge/ /bag med ma bskul ma yin te/ /bskul nas ngas ni chos bshad do/ /sems can ma lus phan nyid phyir/ /sangs rgyas kyis ni bshad pa yin/ /'das pa'i sangs rgyas kun gyis kyang / /bshad cing ngas kyang bshad pa yin/ /sangs rgyas gdung ni mi gcod phyir/ /bdag gis kyang ni bshad pa yin/ /sngags pa'i las rnams kun la ni/ /kun mkhyen ye shes 'byung don du'o/ /kun</font><hr>95.153a<br><font size=+1>

mkhyen ye shes rab 'jug la/ /las rnams gcig tu bsngags pa yin/ /'jig rten sngon las bdag yin te/ /de ni da ltar yongs su spyod/ /de bas las rnams rab tu bya/ /tshe 'dir dka' ba legs spyad cing / /las ldan tshe ni 'di la yang / /'bad pa med par sngags rnams 'grub/ /las ni 'di la'ang snang 'gyur na/ /skye ba 'di la 'grub par 'gyur/ /de bas sangs rgyas thams cad kyis/ /las ni gcig pu rab tu bsngags/ /las de cho gar ldan pa na/ /de ni 'di la myur du 'grub/ /sems can byis pa cho ga nyams/ /rab tu rmongs pa 'khor bar 'gyur/ /de bas rnam pa kun gyis ni/ /las ni gcig pu rab bsngags yin/ /cho ga las ni yang dag ldan/ /sgrub pa pos ni bsgrub par bya/ /de bzhin cho ga nyams pa'i las/ /shin tu yun ring dag gis 'grub/ /bsam gtan med par thar pa med/ /thar pa med par bsam gtan med/ /de bas bsam gtan thar pa ni/ /yang dag ldan pa byang chub brjod/ /'phags pa 'jam dpal gyi rtsa ba'i cho ga /byang chub sems dpa'i sde snod phal po che theg pa chen po shin tu rgyas pa'i mdo las/ las thams cad kyi bya ba'i don gyi le'u rab 'byam bcwa lnga pa rdzogs s+ho// // de nas bcom ldan 'das shAkya thub pas gzhan yang gnas gtsang ma'i gzhal med khang la gzigs nas 'jam dpal gzhon nur gyur pa la bka' stsal pa/ blo dang ldan pa gnod sbyin gyi bdag po lag na rdo rjes nga la dris nas/ 'jam dpal khyod kyi don thams cad bya ba'i las kyi le'u rab 'byam 'khor gyi dkyil 'khor gyi nang du rgya cher sngar bstan pa yin no/ /sngags kun don dang ldan pa yi/ /rmi lam dge dang mi dge yin/ /des na zhar la 'di kun ni/ /sngags kyi zlos pa bstan pa yin/ /gnod sbyin</font><hr>95.153b<br><font size=+1>

bdag po yid dga' nas/ /thal sbyar spyi bor byas nas ni/ /ston la mgo bos phyag 'tshal nas/ /de tshe tshig ni 'di skad zhus/ /'jig rten rjes su gzung don du/ /blo mchog rnams kyis gsungs pa dang / /bdag la'ang rjes su thugs brtse dang / /sems can rnams ni bde don du/ /zlos pa'i sngags ni thams cad la/ /rmi lam dge dang mi dge dang / /sems can mchog dang tha ma yi/ /spyod pa'i yon tan rgya cher bstan/ /bzang po'i 'gro ba'i skye gnas dang / /rgyu dang shes pa'i rnam pa spyod/ /'das dang ma 'ongs shes pa dang / /dge dang mi dge da ltar gyi/ /thams cad kun 'gro'i shes pa dang / /kun mkhyen ye shes spyod pa dang / /snang med dmigs pa med pa dang / /spros med rab tu spros pa yin/ /rnam pa kun mchog ldan pa dang / /shis pa zhi ba bstan pa yin/ /sangs rgyas kun gyi mthu rnams ni/ /blo mchog gis ni bstan pa yin/ /khyad par du ni zlos pa la/ /sngags rnams don dang ldan par bshad/ /las dang las 'bras sems can gyi/ /bya ba dus dang de bzhin du/ /de bzhin snod dang gnas dang ni/ /cha byad rmi lam zhar la gsungs/ /gnod sbyin bdag po thub mchog ni/ /de bzhin gshegs pa bdun pa la/ /gang zhig bskal bzang sangs rgyas pa/ /shAkya'i skyes mchog bdun pa 'di/ /shAkya'i seng ge dgra las rgyal/ /'di ni bdun par rab tu brtags/ /dus kyi tha mar rdzogs sangs rgyas/ /'jig rten mgon po 'od byed pa/ /brtson 'grus che zhing shes rab che/ /thub pa mthu ni chen po thob/ /lag na rdo rje gnod sbyin bdag /byang chub sems dpa' phyag byas te/ /rang gi gnas su 'dug gyur nas/ /blo ldan de nas cang mi smra/ /de nas 'jam dpal shes rab che/ /de tshe thub pas dris pa ni/ /rdzogs sangs rgyas la bskul ba ni/ /thub mchog dam pa tha ma la/ /legs so bcom ldan rdzogs sangs rgyas/ /</font><hr>95.154a<br><font size=+1>

las dang shes pa rgya cher bcas/ /bcas pa'i gza' ni gtso bo ste/ /dge dang mi dge legs tshul bshad/ /las dang shes pa rgyur bcas pa'i/ /sems can mang po'i spyod pa gsungs/ /mchog dang tha ma'i spyod pa dang / /dge ba'i don dang ldan pa dang / /zlos pa grub pa'i mtshan ma dang / /bsgrub bya sgrub min rnam par brtags/ /'byor pa 'dod dang de bzhin du/ /'jig rten dbang phyug longs spyod 'dod/ /rgyal po khyad par can 'dod dang / /rig pa 'dzin pa grub 'dod dang / /thams cad kun 'gro'i ye shes kyis/ /mdor bsdus nas ni bshad du gsol/ /rgyal ba'i sras kyis gsol btab nas/ /thub pa mchog gis gsungs pa ni/ /blo ldan ka la ping ka'i skad/ /lha yi rnga sgra'i skad dang ni/ /brtson 'grus chen po tshangs pa'i sgra/ /'brug sgra yi ni sgra skad kyis/ /thub pa bdun pas tshig bshad nas/ /sangs rgyas gsung ni dag pas gsungs/ /gzhon nu 'di ni dngos don khyab rgyur cing / /ma byung 'jig rten phan pa sgrub byed la/ /'gro ba kun la phan pa dge phyir ston/ /thar pa shes shing dag pa'i gnas su 'dug /bden dang brtse dang bzod pa phan sems dang / /gang zhig rtag tu byams dang sbyin la dga'/ /de dag rtag tu grub pa thob par byed/ /kye ma gzhan la'ang grub pa yod ma yin/ /rtag tu sngags mchog la ni dga' dad dam/ /bstan dang 'khor lo 'dzin dang 'jam mchog dang / /de ni bdud 'dul chos kyi 'khor lo bskor/ /'khor lo 'dzin par 'dir ni rigs pa yin/ /gang gi gsung ni bzang po yid 'ong zhing / /rtag tu byis pa'i skye bo rnam spangs yin/ /yid 'ong bzang po rnar ni snyan pa dang / /dga' skyed snyan pa dang ni rjes su mthun/ /sems ni tshim byed bde ba rab tu sbyin/ /'jam zhes bya bar sangs rgyas yang dag gsung / /de dag de bzhin gshegs pa'i khyad par gyis/ /gang gis mthu ni mkhyen</font><hr>95.154b<br><font size=+1>

par mi spyod de/ /de dag gi sras de bzhin sar zhugs pa/ /'jig rten 'das pa de bzhin bcu yi grangs/ /khyod kyang lha yi dbang phyug 'jig rten khyad par gyis/ /thub bzang shes par nus pa ma yin no/ /gzugs dang gzugs med de bzhin sa gnas dang / /'dod ldan lha dang mi ni yid las skyes/ /rnal 'byor grub pa thob dang 'jig rten na/ /khyad par can kun de bzhin mi yi gtso/ /de yi che ba gang gis shes gyur pa/ /sems can gang de yod pa ma yin te/ /khyod kyi che ba 'di ni yongs shes pa/ /'jam zhes bya bar rab shes sangs rgyas yin/ /'jam dpal zhes byar yongs su brtags pa ni/ /khyod kyi ming ni sngon gyi rgyal bas mdzad/ /khyod kyi ming du 'di ltar brtags byas pa/ /'das dang ma byon da ltar sangs rgyas kyi/ /gzhan du ma yengs rtse gcig yid dag pas/ /khyod kyi ming ni 'khor gyi nang du thos/ /des ni 'di la shis dang zhi ba thob/ /srid mthar byang chub mchog ni khyad par thob/ /sngags rnams ma lus 'grub par 'gyur ba dang / /'gro ba'i skye gnas mchog ni rab thob cing / /rtag tu chos mchog la ni yang dag gnas/ /bgegs rnams rnam par spang shing grub pa thob/ /'dod pa'i sngags rnams ma lus 'grub par byed/ /byang chub shing dbang drung du myur du 'gro/ /song nas byang chub mchog ni thob par byed/ /song nas sems can phan phyir der 'dug ste/ /sangs rgyas byang chub 'khor lo rab tu skor/ /de ltar rgyal ba'i gtso bos yon tan gsungs/ /'jam dpal zhes ni khyod kyi ming dran pa/ /yon tan bsam mi khyab ces rgyal bas gsungs/ /rgyal ba'i gtso bo sngar gshegs thams cad kyis/ /rtag tu khyod kyi mthu ni bstan pa yin/ /gzhon nu dag pa khyod kyi sngags rtogs pa/ /bskal pa grangs med rtag tu'ang ston mi nus/ /'jam dpal</font><hr>95.155a<br><font size=+1>

khyod kyi sngags kyi spyod pa ni/ /sangs rgyas ma lus dag gis rab tu bshad/ /gzhon nu 'di ni thams cad kun tu 'gro/ /nga yi bstan la khyod ni mi mchog bstan/ /dag pa'i gnas la gnas pa'i skye bo rnams/ /'dir ni ma lus mtha' dag zhi bar 'gyur/ /khyod kyi sngags ni nam yang 'da' ma gyur/ /khyod kyi sngags ni nam yang nyams ma gyur/ /'phags pa 'jam dpal gyi rtsa ba'i cho ga /byang chub sems dpa'i sde snod phal po che theg pa chen po shin tu rgyas pa'i mdo las/ /tshigs su bcad pa'i le'u rab 'byam bcu drug pa rdzogs s+ho// // de nas bcom ldan 'das shAkya thub pas de bzhin gshegs pa thams cad kyi rnam par 'phrul pa zhes bya ba'i ting nge 'dzin la snyoms par zhugs so/ /bcom ldan 'das shAkya thub pa snyoms par zhugs ma thag tu/ smin mtshams kyi mdzod spu nas 'od zer sngon po dang ser po dang dkar po dang le brgan dang shel gyi kha dog lta bu byung ste/ sangs rgyas kyi zhing 'di thams cad kyang snang bar byas shing / 'jig rten gyi khams gzhan dag kyang snang bar mdzad nas/ gza' dang rgyu skar thams cad kyang yud tsam gyis zil gyis mnan te bkug par gyur to/ /bkug nas kyang rang rang gi gnas la yang dag par sbyar nas/ 'khor gyi dkyil 'khor der sangs rgyas kyi byin gyis brlabs kyis bkug nas bcom ldan 'das kyi mdzod spu de nyid du mi snang bar gyur to/ /gza' dang rgyu skar dang skar ma thams cad kyi 'od med par byas nas nyam thag pa dang 'jigs pas bcom ldan 'das shAkya thub pa la skyabs su 'gro zhing thal mo sbyar nas 'dug par gyur te/ de ltar rab tu 'dar zhing yang dang yang sa'i steng du</font><hr>95.155b<br><font size=+1>

'gyel bar gyur to/ /de nas bcom ldan 'das shAkya thub pas gza' dang rgyu skar dang skar ma thams cad la mkhas pa rnams dang / byis pa'i skye bo'i blo dang ldan pa'i sems can rjes su gzung ba'i phyir bka' stsal pa ni/ lha'i tshogs mi dang bcas pa'i grogs po dag khyed cag nyon cig /'jig rten sna tshogs ni las nyid la sems can rnams rnam par rten par byed de/ gang yang sangs rgyas bcom ldan 'das kyi rdo rje'i sku yang mngon par grub la/ gang yang lha dang lha ma yin du bcas pa'i 'jig rten yang 'khor zhing / 'khor ba'i 'brog dgon pa chen por rab tu zhugs la/ 'jig rten rnam pa sna tshogs kyi lus mngon par grub ste/ thams cad kyang las dge ba dang mi dge ba dang 'brel ba las skyes la/ de la byed pa'i byed pa po'am dbang phyug gam gtso bo'am skyes bu'am grangs can gyis rab tu 'byin par byed pa ni gang yang med do/ /las las skyes pa ni ma gtogs te/ de yang las kyi rkyen gyis skyed pa rgyu la ltos pa yin te/ de yang rgyu dang rkyen la ltos pa'o/ /de bzhin du rten cing 'brel bar 'byung ba'i rkyen phan tshun du 'byung ba nye bar 'brel ba yin te/ lhag ma 'byung po rnams mngon par 'grub pa ni 'byung ba chen po las skyes pa yin te/ 'byung ba chen po de yang ma 'ongs pa'i phung po gzhan dag tu 'gro bar skye bar 'gyur zhing / skyes nas kyang 'gro ba dang / yul gzhan rgya che ba'i rnam par dbye ba dag tu skye bar 'gyur te/ dus gzhan na lugs las bzlog ste 'gag pa na ye shes kyi mes bskul te/ las kyis bsags pa'i bag chags mtha' dag mngon par bsregs nas/ theg pa rnam pa gsum mnyam zhing spros pa med par yang dag par bsgrub par 'gyur ro/ /theg pa chen po ni dus ring por nye bar chags pa'i las bdag gir byed pa dang / dus bar ma ni rang rgyal ba bse</font><hr>95.156a<br><font size=+1>

ru lta bu rang byung gi shes rab rab tu 'byung ba dang / gzhan gyi sgra'i rjes su 'jug pa nyan thos ni dus thung ngus mngon par 'tshang rgya ba'o/ /chos gzhan la blo nyid 'jug par 'gyur ba ni ma yin te/ byis pa rnams kyi rnam par rmongs pa nyid dang ji ste yang 'jig rten sna tshogs gnas pa 'di ni las las skyes pa yin te/ phyogs dang cha byad zhig na nad med pa'i go 'phang mya ngan med pa/ rdul med pa las kyis 'jig rten grub pa la ltos pa yin te/ dri ma med pa'i lam rnam par grol ba/ yan lag brgyad dang ldan pa/ shin tu bsil ba'i las nyid kyis byed de/ las gzhan la ltos pa ma yin zhing las dang las ma yin pa las rnam par grol te/ spros pa med pa la nye bar gnas pa yin no/ /theg pa rnam gsum rab 'jug las/ /zhi ba gzhan yang yod min te/ /sngags kyang rnam pa gsum du 'gyur/ /rnam gsum las su yang dag bsgrags/ /de las rnam zlos rnam gsum las/ /rnam pa gsum du rab tu snang / /rigs kyang rnam gsum gsungs pa ni/ /sngags rnams kun gyi gzhi yang yin/ /rigs gsum rnam pa brgyad du yang / /rgyud dag la ni rab tu snang / /rnam pa gcig tu'ang rigs snang ste/ /sngags rnams kun gyi gnas kyang yin/ /sangs rgyas rnams kyi dag pa'i thugs/ /rigs ni zhi ba mya ngan 'das/ /yan lag so so de nyid las/ /sngags rnams kun tu rab tu bstan/ /'jig rten skar mkhan yan lag ni/ /grub pa'i rgyur ni rab tu brtag /de nyid yan lag las yin te/ /rkyen gyi yan lag dag la 'jug /ji ltar sA lu'i 'bru rnams ni/ /myu gus rnam par shes par byed/ /de bzhin grub pa'i rdzas rnams ni/ /mtshan nyid kyis ni rnam par shes/ /ji ltar kha dog dkar po ni/ /tha snyad kyis ni rnam par brtags/ /de bzhin skar ma ldan pas ni/ /tha snyad don du rab tu brtag /thams cad du ni thams cad ldan/ /</font><hr>95.156b<br><font size=+1>

las ni gcig pu rab tu bsngags/ /las rnams med par mtshon pa med/ /gang na'ang lus ni yod ma yin/ /rgyu mtshan dang ni spyod pa dang / /skye ba dang ni rigs dang gnas/ /rtag tu la nye sna tshogs pa/ /las de las ni nye bar dmigs/ /las ni gang du'ang lus can min/ /nang na gnas shing mtshon pa med/ /kun nas skye bo rgas pa na/ /rnam par 'gyur las nye bar dmigs/ /de bzhin lus la brten nas ni/ /las ni lus can dag la snang / /'bras bu dge dang mi dge'i rtags/ /skye bar yang ni rab brjod dang / /rnam pa sna tshogs la nye bzang / /las rnams sna tshogs dag las byung / /dus tshod de bzhin 'gro ba dang / /rnam pa sna tshogs srog chags sgra/ /grub dang ma grub mtshan ma ni/ /rkyen gyi don la ltos pa yin/ /rgyu mtshan spyod dang mtshan ma ni/ /rkyen la mngon par rab tu brtag /de bas rnam kun 'bad nas ni/ /rkyen la rag las bya ba yin/ /zlos pa'i sngags rnams rtag tu ni/ /grub pa rgyu la ltos pa yin/ /'di dag rkyen gyi yan lag ni/ /las ni bdag gir byed pas mtshon/ /mi mtshon sngags rnams thams cad ni/ /bgegs las shin tu mi bzad 'gyur/ /de bas 'di dag thams cad kyi/ /yan lag tu ni thub pas gsungs/ /sa dbang rgyal po thams cad mkhyen/ /byang chub snying por ting 'dzin thob/ /sngags ni yongs su gsungs pa na/ /bgegs rnams ma lus rab tu 'jig /rmi lam ngan dang mtshan ma ngan/ /bzod par dka' ba'ang rnam par 'joms/ /kun mkhyen bdag nyid chen po yi/ /de thugs byang chub la zhugs pa/ /ma rungs bdud kyi sems kyis ni/ /bgegs chen 'jigs par ga la 'gyur/ /de nas 'jigs pa chen po ni/ /des ni rgyu mtshan med par snang / /rnam pa sna tshogs 'jigs pa rnams/ /de la rgyu mtshan med par 'byung / /de ni bsod nams stobs bskyed pa/ /</font><hr>95.157a<br><font size=+1>

yun ring dus su yongs su bsngags/ /de yi sngags kyi stobs kyis ni/ /de tshe bdud ni bcom par 'gyur/ /rdzu 'phrul ldan zhing brtson 'grus che/ /de ni 'od chen ldan par gyur/ /de yi sngags kyis mthu yis ni/ /byang chub dam pa thob par gyur/ /rmi lam ngan pa nyer 'jig pa/ /sngags de 'dir ni bshad par bya/ /gang dag sa la spyod pa yi/ /'byung po'i tshogs kun rab nyon cig /rmi lam ngan pa bzod dka' dang / /ma rungs sems can zlog byed pa/ /rgyal ba sA la'i dbang po yi/ /sngon ni sngags rgyal yongs gsungs pa/ /lha yi tshogs dang gza' rnams dang / /rgyu skar skar mkhan rnams nyon cig /gza' dang rgyu skar skar ma rnams/ /ma rungs tshar gcad don dang ni/ /'byung po rnams ni thams cad kyang / /zhi ba'i sems ni rab bskyed phyir/ /gang dag sa la spyod pa dag /rkang med rkang mang dag dang ni/ /rkang gnyis dang ni rkang bzhi dang / /mdor na sems can thams cad ni/ /'gro ba dang ni gnas pa yi/ /'byung po'i tshogs rnams kun nyon cig /na maH sarba bud+d+ha nA~M/ a pra ti ha ta shA sa nA nA~M/ kha kha khA hi khA hi hU~M hU~M dz+wa la dz+wa la/ pra dz+wa la pra dz+wa la/ tiSh+Tha tiSh+Tha Sh+Ti phaT phaT swA hA/ gtsug tor 'bar ba zhes bsgrags pa'i/ /sngags 'di sngags rnams kun gyi mchog /gang zhig las rnams stong phrag ni/ /dgu bcu rtsa bzhi dag dang ni/ /bkra shis thams cad 'dod pa yi/ /rnam pa sna tshogs las rnams byed/ /rmi lam ngan dang mtshan ma ngan/ /lan cig bzlas pas sel bar byed/ /las rnams gzhan yang byed pa ni/ /sngags rnams kun gyi bdag po yin/ /'byung po kun la dbang byed pa/ /bla ma mnga' bdag sangs rgyas 'di/ /sngags 'di dran pa tsam gyis ni/ /sngags rnams ma</font><hr>95.157b<br><font size=+1>

lus rab tu sems/ /rdzogs sangs rgyas pa lha yi lha/ /thub mchog gis ni de gsungs nas/ /yud tsam mi gsung bzhugs nas ni/ /cung zad dus ni bzhes par mdzad/ /de tshe gnas gtsang gnas pa yi/ /lha tshogs dag kyang 'dug par 'gyur/ /lha rnams gtso bo thams cad ni/ /rgyu skar gza' dang skar ma rnams/ /gtsug tor sngags kyi byin rlabs kyis/ /'jigs shing dam tshig la gnas phyir/ /gtsug tor zhes bya mthu bo che/ /mthu mnyam mthu ni chen po ste/ /brgya phrag lnga 'am bzhi 'am ni/ /de bzhin bdun nam brgyad dang dgu/ /gnyis dang drug dang lnga dang bdun/ /gtsug tor dbang por rab tu bsgrags/ /de ltar grangs dang grangs med ni/ /gtsug tor rgyal po dge ba yin/ /de dag dang ni sngags 'di mtshungs/ /sngon gyi rgyal ba rnams kyis bshad/ /'phags pa 'jam dpal gyi rtsa ba'i cho ga byang chub sems dpa'i sde snod phal po che theg pa chen po shin tu rgyas pa'i mdo las/ las bdag gir byas pa'i rkyen gyi le'u rab 'byam las bcu bdun pa rdzogs s+ho// // de nas bcom ldan 'das shAkya thub pas rgyu skar dang gza' dang skar ma dang skar mkhan thams cad 'jig rten gyi khams thams cad du gtogs pa dang / phyogs thams cad du rnam par gnas pa'i rdzu 'phrul chen po dang ldan pa'i mchog rnams la bka' stsal pa/ grogs po dag khyed cag nyon cig /gza' dang rgyu skar thams cad kyi mthu'i tshig khyed cag thams cad dag la yang ston cig /khyed kyi sngags bya ba'i don thams cad kyang sgrubs shig /khyed kyis dam tshig la yang gnas par gyis shig /sngags kyi rgyal po 'jam pa'i dbyangs kyis bstan pa 'di grub na/ de nas gzhan cho ga'i rgyal po grub pa la yang khyed cag yid dad par gyis shig</font><hr>95.158a<br><font size=+1>

ces so/ /de nas bcom ldan 'das shAkya thub pas/ gza' rnams kyi spyod pa sems can thams cad kyi don du gsungs te/ zlos pa thams cad la phan pa'i phyir dang sngags kyi don yang rab tu bsgrubs pa'i phyir thams cad kyang thams cad mkhyen pas gsungs so/ /tha skar dang ni bra nye dang / /smin drug dang po'i rgyu skar te/ /rgyu skar gsum po 'di dag la/ /mig dmar gza' ni bdag po yin/ /lug ni khyim du bstan pa ste/ /'di la grub pa yod ma yin/ /grub mchog bar ma tha ma nyid/ /grub pa yin par 'dod pa yin/ /las rnams kun tu'ang mi 'gro zhing / /ma rungs gza' ni rnam par zlog /snar ma mgo dang de bzhin du/ /lag tu rgyu skar brjod pa yin/ /rgyu skar nab so rgyal dang ni/ /skag tu'ang rab tu brjod pa yin/ /mchu dang de bzhin gre dang dbo/ /de bzhin me bzhi nag pa dang / /sa ri sa ga lha mtshams dang / /na dang de bzhin snrubs dang ni/ /chu ni stod smad dge ba ste/ /zlos pa la phan rab tu bsngags/ /rgyu skar gro bzhin mon gru ni/ /drag po'i las la rab tu bsngags/ /mon gre khrums ni stod smad gnyis/ /rgyu skar grub pa'i rgyu yin no/ /nam gru las skye dpal dang ldan/ /'thab la dga' zhing 'jigs pa med/ /rgyu skar lhag ma gtso bo ni/ /dus kyi tha mar 'byung ba min/ /byi bzhin legs par spyod pa dang / /grub dang bsod nams rab tu bsgrags/ /nye rgyal dang ni tha chungs dang / /'dod pa dag ni nyid yin no/ /yang dag bden dang 'jig rten dang / /snang bar yang ni brjod pa yin/ /longs spyod sbyin dang dge sbyin dang / /ma 'gags pa dang 'gags pa nyid/ /grags sbyin gzi brjid rgyal po dang / /de bzhin rgyal po 'jig rten dang / /rgyu skar mang po gsungs pa ste/ /stong phrag drug cu rtsa bzhi'o/ /dus kyi tha ma 'di la ni/ /'di dag</font><hr>95.158b<br><font size=+1>

gi ni nus pa yod/ /cho ga rgyal 'di bde don du/ /de tsam shes par gsungs pa yin/ /rang nyid 'od ldan sems can ni/ /de yi dus su rdzogs ldan yin/ /thams cad nam mkha' la 'gro zhing / /rga dang 'chi ba rnam par spangs/ /de yi dus su rgyu skar med/ /nyi ma zla ba skar ma med/ /lha dang lha min 'jig rten med/ /dang po'i dus ni dus mchog yin/ /ming med rigs kyang yod ma yin/ /tshes dang skye ba'i skar ma med/ /smyung ba med cing sngags kyang med/ /dge dang mi dge'i las kyang med/ /'di dag rang dgar spyod pa ste/ /bza' dang bza' bar bya ba'ang med/ /'di dag nad med dag pa ste/ /rtag tu sems can rnam mang po/ /de nas dus ni bri ba na/ /'jig rten snod min rab tu 'jug /sngon gyi las kyis drangs nas ni/ /de nas sa yi steng du 'gro/ /sa steng lha gnas gzhal med khang / /lha dang lha min yang dag byung / /bar ma'i dus su phyin gyur nas/ /mi yi lus la yang dag brten/ /bza' dang btung la brkam chags pas/ /'od de dag ni rab tu nyams/ /lus ni sra ba nyid gyur cing / /dge dang mi dge rnam par spyod/ /de nas nyin zhag zla ba dang / /gza' yi 'od ni byung bar gyur/ /de nas bzung nas gang cung zad/ /skar ma'i dpyad shes pa nyid dang / /sems can rjes su gzung bar brjod/ /ngas ni de dag bstan pa yin/ /sngon ni drang srong cha byad gyur/ /blo ldan tshangs pa'i cha byad dang / /dbang phyug chen po'i lus bstan cing / /yang na khyab 'jug cha byad kyis/ /nam mkha' lding gi lus spyad dang / /gnod sbyin srin po dri za dang / /sha za dag gis lus nyid gyur/ /skye dang skye bar bdag nyid skyes/ /byang chub sems dpa' mkhas par ni/ /de dang der ni skye ba la/ /byang chub sems dpa'i spyod don phyir/ /rtag tu skye ba'i dbang gis so/ /bdag nyid de tshe dus dag tu/ /sngon ni byang chub sems dpar gyur/ /mi shes mun pas bsgribs pa yi/ /</font><hr>95.159a<br><font size=+1>

bdag ni de tshe byis par gyur/ /'jig rten ji snyed yod pa yi/ /khyab 'jug gis byas gzo spyad dang / /lugs kyi bstan bcos sngon gyi rabs/ /de bzhin rig byed brda sprod pa/ /sdeb sbyor skar ma'i dpyad nyid dang / /rtsis dang sgyu rtsal 'dod pa dang / /log shes de bzhin shes pa dang / /de bzhin log par spyod nyid dang / /'jig rten bstan bcos thams cad ni/ /yun ring bdag gis sngon bstan to/ /zhi ba thub bdag ji lta bar/ /ye shes bdag gis thob ma yin/ /byang chub rgyu ni grol don dang / /de bzhin du ni thar pa'i phyir/ /'khor ba'i btson rar rab bcings pas/ /las rnams las kyang bdag ma grol/ /zhi ba rnam rgyal sangs rgyas nyid/ /ma nyams go 'phang mya ngan 'das/ /yun ring don du mngon 'dod cing / /legs par yongs su btsal bas thob/ /de ltar bdag gis rig ldan pas/ /tshegs chung bya bas thob pa yin/ /rgyal bas sngon ni bstan pas na/ /rang byung ye shes thob pa yin/ /de 'dra'i gnas ni rab mthong ba/ /phyi rol lam gyis thob ma yin/ /byang chub rgyu ni rnyed dka' bas/ /'khor ba'i dgon par 'khyams pa yin/ /bdag gi rang byung 'di 'dra ba/ /ye shes bdag gis thob pa min/ /rig pa bzang po'i las dga' bas/ /da ni mya ngan 'das pa thob/ /bdag gis bstan bcos 'di dag ni/ /bsdus pa 'ba' zhig byas pa yin/ /las las grol ba med par ni/ /grub pa'i rgyu ni rnyed ma yin/ /'khor ba'i yun ring zhags pa 'dis/ /las kyi 'ching bas nges par bcings/ /de yi 'gro 'di bdag nyid che/ /dge dang mi dge'ang smin par 'gyur/ /rgyu skar gza' dang skar ma'i dpyad/ /mtshon par byed pa kho nar zad/ /chos dang mi ldan mi rnams dang / /gzhan la rtags ni snang mi 'gyur/ /de nyid kyis na gza' gsungs pa/ /dge dang mi dge'i rjes gzung phyir/ /'jig rten skyong ba bzhi dag</font><hr>95.159b<br><font size=+1>

dang / /khams ni bzhi po dag dang ni/ /chu dang sa dang rlung dang me/ /nam mkhar yongs su bstan pa yin/ /'byung ba yang dag bsdu ba'i phyir/ /'di dag 'byung ba chen po yin/ /sems can yang dag bsdu ba'i phyir/ /bag med las kyis byas pa yin/ /de dag dus ni nges pa yis/ /sngags rnams grub par 'gyur ba yin/ /de yi skye ba 'bad pa yis/ /dge dang mi dge bsrung bar bya/ /rang bzhin gyis ni 'jig rten gtso/ /lha yi dbang phyug brgya byin sogs/ /de yang de tshe de dus su/ /dus kyi mthar ni yongs su brtags/ /dus kyi tha ma dag la ni/ /sngags rnams grub pa nges pa yin/ /de nyid kyis na thub dbang gis/ /gzhon nu yongs su brtags pa ni/ /shes rab chen po 'jam pa'i dbyangs/ /byis pa gzhon nu'i gzugs dang ldan/ /'jig rten 'dir ni kun tu rgyu/ /sems can rjes su gzung bar bzod/ /de yi dus su grub pa ni/ /'jam pa'i dbyangs ni rab tu mthong / /rgyu skar skar ma'i dpyad shes pa/ /de yi tshe na 'byung bar 'gyur/ /nyi shu rtsa bdun rgyu skar dang / /yud tsam dag tu rab tu bsgrags/ /dus kyi tha ma de la ni/ /bcu gnyis khyim yang yod pa yin/ /rgyu skar tshogs la brten nas ni/ /de dag gza' ni rnam par dbye/ /thams cad so sor gyur pa ni/ /'jam dpal gyis ni so sor mdzad/ /skye ba dang ni spyod pa nyid/ /khyim rnams kun la rab tu gnas/ /skye bo rmongs pas khyab 'gyur la/ /dge dang mi dge'i 'bras bu 'byung / /de nyid las kyi 'ching ba yis/ /de dag khyim ni yang dang yang / /sems can rnams kyis grub pa tsam/ /dge dang mi dge rtog par byed/ /rgyu skar snar mar ldan par ni/ /skye bar yongs su rab brtags pa/ /dpal ldan bzod pa phun sum tshogs/ /tshe ring bu ni mang ba dang / /rtag tu de tshe nor skal ldan/ /de ni dmag gi bdag po byed/ /'di ni khyu mchog</font><hr>95.160a<br><font size=+1>

khyim skyes na/ /khyu mchog nyid la yongs su 'chi/ /mgo nyid la ni 'jig rten shes/ /chos ldan mthong na dga' bar 'gyur/ /smin drug char skyes rtag tu ni/ /sa bdag rgyal por snang ba ste/ /yang dag skye ba de la brten/ /rtag tu rgya mtsho gsum bdag 'gyur/ /phyogs gcig skyes pa bgrod dka' ba'i/ /phyogs gcig rgyal por 'gyur ba yin/ /gza' ni bla mas mtshan pa yi/ /gal te skye bar 'byung 'gyur na/ /sa ni khor yug ma lus par/ /rjes su spyod par 'gyur ba yin/ /lo ni bcu dang lnga po nyid/ /de yi rgyal thabs byed par 'gyur/ /tha skar bra nye nyid dang ni/ /smin drug cha las skyes gyur pa/ /khyim 'di dag gi nus pa ni/ /tshong gi don gyis nor sgrub 'gyur/ /gal te skyes pa des byung na/ /dbang phyug longs spyod phun sum tshogs/ /rgyu skar 'di la skyes pa na/ /nyi ma'i dkyil 'khor dmar bar 'gyur/ /de bzhin nyi ma nub pa na/ /de ni 'chi bar 'gyur ba yin/ /ma rungs tsham tshom med pa dang / /bden par smra ba ma yin dang / /lus kyi lpags srab dmar ba'i mdog /sa yi steng na de snang ngo / /'di yi 'gro ba skad cig ni/ /mig 'byed 'dzums su rab tu bstan/ /'di yi bar du gang skyes pa/ /rgya che yon tan de 'di yin/ /se gol gtogs gnas tsam du ni/ /'di yi 'gro ba rab tu bstan/ /des na de dag 'gro ba nyams/ /gza' rnams kyis ni mthong ma yin/ /skye ba rnam par 'dris gyur pa'i/ /sems can rnam pa sna tshogs skye/ /'dres pa'i 'gro ba phun sum tshogs/ /'dren pa'i longs spyod ldan pa yin/ /de nyid kyis na mi skye ste/ /skye ba nyid na brjod pa yin/ /skye ba'i skar ma sum cu ni/ /dge dang mi dge'i 'bras bu 'byung / /gza' ni mig dmar gyis mtshan pa/ /'di ni ma rungs skye bar 'gyur/ /</font><hr>95.160b<br><font size=+1>

gsus che lus ni snum pa dang / /mig dkyus ring zhing snyan par smra/ /gza' ni phur bus bltas pa ni/ /rtag tu brtan ldan skye bar 'gyur/ /chu tshod zung tsam nyi ma dang / /zla ba'i lha ni rab bshad pa/ /de bzhin rtag tu nyin mtshan la/ /yang dag skye bar 'dod pa yin/ /phyin ci log pa'i skye ba gzhan/ /phyin ci log tu'ang brtags pa yin/ /gza' ni mi dge mthong ba dang / /mi dge'i skye ba dge mi dge/ /mi dge'i 'bras bu grub pa dang / /yang dag skye ba bzang po 'byung / /'gro ba'i skye gnas la brten nas/ /khyim la skye bar rab tu gnas/ /gza' ni ngan spong bus mtshan pa/ /sbyin byed sems dpa' che ba ste/ /lag dang nab so dag dang ni/ /skag gi cha la rab tu brjod/ /'di dag la skyes gtong ba che/ /g.yo sgyu can ni bab col byed/ /don dang don med 'byor ba la/ /rtag tu brkam chag bud med chags/ /gzhan gyi bud med mngon 'gro zhing / /de nyid nag po la spyod dang / /dud pa'i mdog 'drar skye 'gyur te/ /drag cing 'khrig pa la yang dga'/ /sbyor ba'i khyim la rab brten nas/ /de ni spen pa dag la skye/ /nyin dang mtshan du yang dang yang / /der gnas spen pa rgyu bar byed/ /de las skyes pa nyi ma phyed/ /sems ni stobs dang ldan par 'gyur/ /de yi dus la gang skyes pa/ /de yi mtshan nyid brjod par bya/ /nor ni grub par 'gyur ba dang / /dbang phyug gis ni legs mtshan pa'o/ /rgyu skar de bzhin rgyal dang ni/ /skag la yang ni gang skyes pa/ /'di ni sbal pa'i khyim yin te/ /dge dang ldan zhing rdzu 'phrul che/ /mdog ni ser po dang ldan zhing / /de ni skye ba mchog tu bstan/ /rtag tu de bzhin mtshan phyed du/ /'di ni skye bar bstan pa yin/ /de yi dus kyi tshad la ni/ /gal te sems can skye bar 'dod/ /cho ga mthong ba'i rgyu yis na/ /'di ni don rnams thams cad sgrub/ /de ni shin tu gzhon pa nas/ /</font><hr>95.161a<br><font size=+1>

rgyal thabs byed cing nor rnams thob/ /mdog ni ser dang sngo bsangs ni/ /kha dog rgyas pa snang bar 'gyur/ /gtsang sbra'i spyod la dga' ba dang / /de ni dpal ldan 'jigs med skye/ /mchu dang de bzhin gre dang ni/ /de bzhin dbo yi cha dag ni/ /snang byed kyi ni zhing du 'gyur/ /seng ge'i khyim du bya ba yin/ /de la skyes pa dpa' bo che/ /sha yi kha zas de la dga'/ /ri yi rdzong la brten nas ni/ /rgyal thabs dbang phyug byed par 'gyur/ /gal te der skyes thob gyur na/ /zhing la gnas shing des sdom rten/ /de bzhin nyi ma 'char ba na/ /skyes pa 'di la brjod pa yin/ /rgyu skar dbo yi cha dang ni/ /de bzhin me bzhi nag pa nyid/ /rgyu skar de la skye gnas pa/ /mi ni yongs su dpa' bar 'gyur/ /sdom min gzhan gyi bud med 'gro/ /de ni dmag dpon byed par 'gyur/ /gal te skye ba thob 'gyur na/ /nges par rgyal thabs byed par 'gyur/ /gang du skar ma de dag gnas/ /'di ni bu mo'i khyim du 'gyur/ /'di yi bdag po gza' lhag ste/ /kha cig tu ni gzhan yang yin/ /'di dag skar ma mchog la ni/ /gza' ni mi bzad bsrung bar 'gyur/ /zla ba yang ni bzang ba ste/ /yang na zla ba'i bu bdag yin/ /nyin phyed rdzogs na skye ba ni/ /'di yi skye bar snang ba yin/ /nag pa'i cha dang sa ri dang / /sa ga'i phyed kyis lhag pa la/ /srang gi khyim ste bzang po'i don/ /zla ba la spyod sems can gyi/ /'di ni mi bzad zhing yin te/ /skal med ma yin nor gyi gnas/ /'di yi skye ba skye gyur gnas/ /mtshan mo'i thun gyi tha ma'o/ /mi ni 'di la skyes gyur pa/ /rtag tu btung ba dag la dad/ /spyi mtshan ma yin ngo tsha med/ /mang pos bkur cing mchod pa dang / /la lar rgyal srid longs spyod dang / /nor chen thob par 'gyur ba yin/ /nges med skye ba yongs snang zhing / /byis par mas ni spangs pa yin/ /gal te</font><hr>95.161b<br><font size=+1>

skye ba thob 'gyur na/ /bu mang bde ba skye bar 'gyur/ /rgyu skar lha mtshams las skyes pa/ /bzo yi las ni sgrub pa dang / /byams pa'i bdag nyid grogs po mang / /rtag tu dpa' zhing rtul phod che/ /'jig rten snron la skyes pa ni/ /mi ni rab gtum brtan pa yin/ /sdug bsngal mang po bzod pa dang / /mi ni ma rungs skye bar 'gyur/ /khyim ni sdig par bshad pa ste/ /rtag tu rno zhing bab col byed/ /'di dag nyid la rtag skyes pa/ /skye bar yang dag brjod pa yin/ /de bzhin nyin phyed nyi ma la/ /gal te mi ni skye gyur na/ /drag cing g.yul las rnam rgyal ba'i/ /rgyal por de ni nges par 'gyur/ /byis pa gzhon nu'i gzugs yod pa'i/ /de yi skad cig gzas mthong 'gyur/ /sa yi lha mo'i bur gyur pa/ /gang yin de ni mig dmar gsungs/ /de nyid phyir na sa la spyod/ /rang bu nyid kyis gsod par byed/ /de las gzhan pa bzlog pas ni/ /dge dang mi dge'i skye ba nyid/ /tshe ring gzi brjid ldan pa dang / /shes ldan nyid du'ang skye bar 'gyur/ /lha mtshams la ni rab skyes pa/ /shes rab che zhing grogs la byams/ /mig dmar gyi ni zhing 'di yin/ /yang na rtag tu gza' 'dres yin/ /rgyu skar snrubs las skyes pa dang / /de bzhin du ni chu stod dang / /chu smad kyi ni cha dag la/ /gzhu yi khyim du rab tu bstan/ /de yi skye ba'i skye ba ni/ /phur bu'i zhing der brtan pa yin/ /nyi ma phyi dror gyur pa dang / /zla ba nam smad gyur pa la/ /de yi skye ba zhes bstan pa/ /gang zhig skyes pa skye ba'i rgyu/ /snrubs las skyes pa rang rigs 'jig /tha mar bzang por 'gyur ba yin/ /skye gnas bar mar longs spyod ni/ /thob par de ni the tsom med/ /gzhon pa yongs su 'das pa na/ /snang byed dkyil 'khor ji lta bar/ /rgas par gyur na rgyal por 'gyur/ /longs spyod che zhing nor cher 'gyur/ /</font><hr>95.162a<br><font size=+1>

dma' ba'i phyogs su lus 'gyur gyi/ /gzhan gyi phyogs su ma yin no/ /de las gzhan du bzlog par ni/ /rnam pa sna tshogs skye bo snang / /chu smad kyi ni cha dag dang / /gro bzhin nyid du brtan pa dang / /mon gru rgyu skar mchog nyid ni/ /khyim 'di chu srin kho na yin/ /'di ni spen pa'i zhing yin te/ /yang na gza' gzhan gyis mtshan pa'o/ /rtag tu 'di la skye gnas pa/ /de yang sa steng 'di la snang / /dang po'i mtha' dang bar ma'i mtha'/ /mtshan mo'i cha ni 'das pa la/ /de dag las skyes longs spyod cher/ /kun nas snang bar gyur pa yin/ /mtho dang dma' ba'i rigs gnas shing / /de dag sa yi bdag por 'gyur/ /rab gtum kha dog nag po'am/ /sngo bsangs mdog tu de dag 'gyur/ /mig mtha' dmar zhing 'jam pa dang / /rtag tu dpa' zhing rtul yang phod/ /de bzhin chu yis khyab pa yi/ /phyogs su rgyal po byed par 'gyur/ /tshe ring bu ni med pa dang / /sdug bsngal mang po bzod par 'gyur/ /de las gzhan pa bzlog pa la/ /skye bo rnam par bzlog pa snang / /mon gru'i phyed dang mon gre dang / /de bzhin khrums stod phyed dag ni/ /de yi khyim du 'gyur ba ni/ /bum pa zhes ni brjod pa yin/ /'di la gza' yi gtso bo ni/ /zhing du rtag tu brten pa yin/ /de bzhin 'dres pa'ang zla ba dang / /blo ldan pa wa sangs nyid yin/ /'di dag skye bar 'gyur ba ni/ /mtshan mo'am nam ni langs par snang / /rtag tu skye 'di bzang po ste/ /'jig rten spyod pa dag pa yin/ /mi ni ma rungs las byed cing / /blo dang ldan par brjod pa yin/ /longs spyod sna tshogs phun sum tshogs/ /sa steng rjes su spyod par 'gyur/ /de las gzhan du bzlog na ni/ /dbul zhing nad rnams snod du 'gyur/ /rgyu skar khrums smad nyid dang ni/ /nam gru zhes ni brjod pa dang / /khrums stod kyi ni bzhi cha la/ /khyim ni nya ru rab tu brtags/ /skye ba de dag rtag gnas</font><hr>95.162b<br><font size=+1>

pa/ /kun tu ji ltar snang zhe na/ /mtshan mo'i thun gyi bar ma dang / /nyin par nyi ma shar ba dang / /nyi ma thun phyed 'das pa dang / /nyin phyed cung zad 'das pa dang / /lhag ma khru gang tsam 'das par/ /'di yi dus su'ang skyes pa ni/ /dag pa dang ni rab dag nyid/ /pa sangs nyid kyis rab tu mchod/ /pa wa sangs kyi zhing zhes pa/ /lha yi rigs zhes tshangs par spyod/ /ser dang dkar ba'i mdog dag gi/ /gza' yis kyang ni rab tu bsten/ /des shing rtag tu dge ba dang / /chos ldan mchog tu bzang ba yin/ /mi ni de la skyes gyur pa/ /yan lag kun kyang shin tu mdzes/ /brtson 'grus che zhing rgyal po 'dod/ /gnyen dang bshes ni brtan pa dang / /tshe ring longs spyod che ba dang / /dma' ba'i yul la yang dag brten/ /shar gyi phyogs la brten nas ni/ /de dag rtag tu skye bar 'gyur/ /de dag mya ngam phyogs su ni/ /rtag tu skye bar mi 'gyur te/ /nya ni thang la yongs spyod par/ /nam yang snang ba ma yin no/ /drang srong rnams kyi chu gnas dang / /chu bo dag tu 'phel bar 'gyur/ /de la skye bar rab brtan pa/ /khyim nyid du ni rab tu bstan/ /mi ni de dag las skyes pa/ /dma' ba'i yul du rnam par 'phel/ /rtag tu shar gyi phyogs gnas pa'i/ /sa bdag skal ba chen por 'gyur/ /phur bu dang ni spen pa dag /gza' mchog gi ni mngon par bltas/ /shar gyi phyogs kyi bdag po byed/ /de dag las skyes the tshom med/ /khyim ni rnam pa mang po dang / /rgyu skar du ma gsungs pa yang / /rnam pa sna tshogs gza' mchog kyang / /sngon gyi dus yin da ltar min/ /mi rnams de las skyes pa yang / /de bzhin tshes grangs bco lnga dang / /nyin zhag sum cu dag nyid de/ /des na zla bar rab tu bstan/ /zla phyed nyin mtshan bco lnga ste/ /zla phyed gnyis la zla bar brjod/ /des na zla ba bcu gnyis la/ /lo gcig tu ni rab tu bsgrags/ /'di tsam</font><hr>95.163a<br><font size=+1>

dus kyi tshod la ni/ /dus kyi tha mar yongs su brtags/ /rtsod pa'i dus su phyin pa na/ /'di yi grangs su rab tu bstan/ /mi rnams tshe ni de bzhin du/ /lo brgya dag tu bsgrags pa yin/ /de dag lo tshigs phyin pa na/ /dus ni drug tu rab tu brjod/ /dang po bar dang tha mar ni/ /de dag gsum du rab tu bstan/ /lha mtshams la ni sa 'gul na/ /mi rnams 'dir ni tshe ring 'gyur/ /de dag mi yi 'jig rten 'dir/ /skye zhing 'phel bar 'gyur ba yin/ /mi ma yin pa 'jig rten 'dir/ /phan tshun du ni 'byer bar 'gyur/ /de dag rnam skrag 'jigs pa dang / /phan tshun du ni rnam par rgyu/ /lha dang lha min gtso bo ni/ /gang tshe 'thab par rab 'jug pa/ /de tshe mi yi 'jig rten 'dir/ /nad ni 'byung bar byed pa yin/ /mjug rings las dang skar mda' dang / /gnam lcags dang ni rdo rje dang / /dud pa phyogs ni mtha' dag tu/ /du ba mjug rings rab tu snang / /zla ba nyi ma'i dkyil 'khor la/ /mun nag gis ni khebs par gnas/ /nyi zla rdzu 'phrul chen po dag /bug pa yod par snang ba dang / /de ltar rnam pa sna tshogs pa/ /rnam mang yang ni snang gyur na/ /mu ge tshe ni nyams pa dang / /de bzhin yul 'khor 'jig pa dang / /mi yi bdag po 'chi ba dang / /sdom brtson 'jigs pa chen po 'byung / /sdom brtson 'jig pa chen po 'byung / 'jig rten dag ni thams cad la/ /der ni 'jigs su rung ba 'byung / /mchu dang tha skar dag dang ni/ /nab so la ni sa 'gul na/ /de tshe dbus kyi yul dag tu/ /rkun ma bab col byed la gnod/ /lho yi phyogs la gnas pa yi/ /rgyal po chen po rnam par 'jig /bra nye smin drug nyid dang ni/ /gang tshe snar ma dang ni mgo /'gul na 'jig rten 'jigs pa che/ /de la dogs pa rab tu 'byung / /nub phyogs na ni gnas pa yi/ /de tshe rgyal po 'chi bar 'gyur/ /gang yang mtha' 'khob gnas pa yi/ /</font><hr>95.163b<br><font size=+1>

kla klo rku bas 'tsho byed dang / /de bzhin 'bigs byed steng gnas dang / /nang du mi yi dbang phyug gnas/ /de yang de yi dus dag tu/ /nad kyis brgyal zhing gnod par 'gyur/ /de dag la ni dgra rnams 'byung / /gcig la gcig ni yul 'phrog 'gyur/ /rgyu skar lag dang rgyal dang ni/ /skag dang de bzhin gre dang dbo/ /'di dag la ni sa 'gul na/ /mi bdag kun ni mi mthun nas/ /phan tshun gnod pa byed 'gyur ba/ /gsod dang 'ching dang gnod pa dang / /mu ge dag kyang rab tu 'byung / /me bzhi nag pa sa ri dang / /de bzhin lha mtshams na nyid la/ /snod kyi 'jig rten sar gyur pa/ /'di la gang tshe 'gul gyur na/ /kha ba can gnas kla klo dang / /rkun ma kun nas gnas pa dang / /bal yul gyi ni bdag po dang / /kha sha'i lung par gnas pa yi/ /der ni mi bdag ma lus pa/ /phan tshun du ni mi mthun nas/ /thams cad g.yul la spyod 'gyur bar/ /'dir ni the tshom med pa yin/ /rgyu skar gang yin snrubs dang ni/ /chu ni stod smad gnyi ga la/ /sa yi steng du 'gul bar ni/ /'di dag la ni rab mthong na/ /shar gyi phyogs kyi mi rnams dang / /pon dra o Ta kA ma ru/ /b+hang+ga la bdag rgyal po ni/ /'chi bar 'di la the tshom med/ /gau TA'i bdag po dpal dang ldan/ /yul 'khor gzhan gyis yongs bskor ba'am/ /'phral la na bar gyur pa dang / /la lar yang na 'chi bar 'gyur/ /'jig rten rgya mtsho'i ngogs gnas dang / /gang+gA'i 'gram du yang dag gnas/ /chu yis thams cad khyer ba'am/ /nad rnams mang po kun gnod byed/ /gro bzhin dang ni mon gru dang / /mon gre dang ni chu stod dang / /de bzhin du ni chu smad dang / /gal te nam gru las skyes pa/ /rab tu 'gul ba nyin phyed la/ /snod kyi 'jig rten yang dag 'gul/ /sa rnams thams cad rab 'gul ba/ /ri bo dang ni nags su bcas/ /rtag tu nam mkha' la snang ba/ /</font><hr>95.164a<br><font size=+1>

'phar zhing 'og tu 'byung byed na/ /byang phyogs kyi ni yul dag dang / /nub phyogs la ni yang dag gnas/ /lho yi phyogs ni thams cad dang / /phyogs rnams kun la gnas byed pa'i/ /mi mchog sa ni mang spyod pa/ /phan tshun du ni gnod pa byed/ /sems can rnams ni gnod chen ldan/ /mu ges yul 'khor 'byer bar 'gyur/ /tho rangs sa ni 'gul gyur na/ /lus can shis dang zhi bar 'gyur/ /de las cung zad phyi dus na/ /drag po'i 'gul ba rab tu skye/ /de nas cung zad phyis 'gul na/ /yul ni ma ga d+hAr gnod dang / /ang+ga'i yul du gnod 'gyur te/ /ma ga d+hA rgyal de bzhin no/ /de nas cung zad nyin phyed dam/ /phyi dro'i dus su gyur pa na/ /gal te sa ni 'gul bar gyur/ /sa steng ma lus nyid dag gi/ /rab tu byung ba thams cad la/ /rtag tu nad ni 'byung ba 'thob/ /rims dang yi ga 'chus dang gzer/ /de bzhin nad ni 'brum bu yis/ /zhag bdun btab par gyur nas ni/ /de nas de dag sos par 'gyur/ /de nas nyi ma yang 'das nas/ /sa ni gal te 'gul gyur na/ /rigs bzhi dag gi mchog gyur pa/ /bram ze rtswa ni so ma 'thung / /nyon mongs rgyal po'i blon po ni/ /'chi bar 'gyur bar the tshom med/ /mdun na 'don ni chos dang ldan/ /blon po'am zham 'bring byed pa na/ /gzhan yang sdom can gtso bo ni/ /sngags rgyud don la mkhas pa dang / /bram ze dang ni rgyal rigs dang / /de bzhin dmangs rigs rje'u rigs dang / /brtan pa mkhas pa dag dang ni/ /bstan bcos de nyid don lugs ldan/ /gsod dang rab tu nyams pa'am/ /dran ldan thos dang de nyid shes/ /sngon byung ba ni sems pa dag /myur du nad kyis 'jigs 'gyur te/ /gnam lcags rdo rjes shing la bzhin/ /de nas nyi ma nub pa na/ /de nas yang ni song ba na/ /phyi dro dus kyi mtha' la ni/ /gal te sa ni rab tu</font><hr>95.164b<br><font size=+1>

'gul/ /de bzhin sems can 'dres pa dang / /dud 'gro dag gi 'gro ba dang / /mi yi 'jig rten gtso bo dag /de tshe 'gum dang rnam par 'jig /mtshan mo'i thun ni dang po la/ /gal te sa ni 'gul gyur na/ /sems can 'dres pa sna tshogs dang / /dud 'gro'i skye gnas rnams dang ni/ /mi ni 'jig rten gtso rnams su/ /char chen rab tu 'byung bar 'gyur/ /cung zad thun de bri gyur la/ /sa ni 'gul bar gyur pa yi/ /de tshe rtags de snang gyur na/ /rlung dang char pa'i 'jigs chen 'byung / /de nas thun de zad pa'i mthar/ /'gul snang las ni mi bzad pa/ /nub phyogs mi yi bdag po yi/ /pha rol dmag tshogs 'byung bar shes/ /thun ni gnyis pa dang po la/ /gal te sa ni 'gul ba byung / /gzhan gyi dmag tshogs nad dang 'chi/ /khong pa'i nad ni mi bzad 'byung / /mkhris pa bad kan las gyur nad/ /skye bo rnams la 'byung bar 'gyur/ /'byung po rnams ni skyo 'gyur zhing / /de tshe phyogs dang phyogs su 'gro/ /de nas gnyis pa'i thun dkyil du/ /sa ni rab tu 'gul byung na/ /rlung chen 'byung bar shes bya ste/ /shing dang lha khang 'gyel bar 'gyur/ /yang thog ra ba ri rnams kyi/ /rtse mo 'jig par the tshom med/ /gnas dang 'dug gnas bzang po dang / /khang pa dang ni rta babs dang / /dud 'gro rnams kyi 'dug gnas kyang / /sa la myur du ltung bar 'gyur/ /de nas mtshan phyed dus dag tu/ /gal te sa ni 'gul ba byung / /de tshe shar phyogs yul gyi bdag /mi mchog gtso bo 'chi ba'am/ /de bu 'chi bar 'gyur ba'am/ /mu ge 'byung bar rab tu ston/ /bar ma'i thun ni bri gyur nas/ /tha mar nye la 'gul ba byung / /sa rnams dag ni ma lus la/ /zhi zhing nad med nges par ston/ /de nas mtshan phyed mthar gyur la/ /gal te sa</font><hr>95.165a<br><font size=+1>

ni 'gul bar snang / / gsher chen yul gyi dbus dag tu/ /mi yi bdag po nad kyis gnon/ /phan tshun mi mthun gyur nas ni/ /sdug bsngal mi bzad 'chi bar 'gyur/ /thun ni gsum par phyin nas 'gul/ /byis pa rnams la bde ba 'byung / /sbrang bu sha sbrang phye leb dang / /rkun po rnams ni 'jig par 'gyur/ /tho rangs 'gul bar gyur na ni/ /tshe ring nad med lo legs byed/ /grong khyer gyi ni khor yug dag /me yis tshig par shes par bya/ /nyi ma 'char ba'i dus dag tu/ /sa ni rab tu 'gul ba byung / /dbus kyi yul ni thams cad du/ /rkun mas rnam par 'tshe bar 'gyur/ /de tshe zhag ni bdun dag las/ /rgyal po 'chi bar snang ba yin/ /gang du stobs ni rab che ba/ /sa ni 'gul bar gyur pa yin/ /de tshe gnas ni de dag tu/ /dge dang mi dge'i spyod pa snang / /skar mda' gnam grum sa 'gul ni/ /skar mda' dkar po 'bar gyur na/ /des ni sngar bstan sel bar byed/ /de bzhin dkar mdog rtag tu ni/ /dge zhing rab tu bsngags pa yin/ /mi bzad chen po kha dog dmar/ /me yis tshig par nye bar ston/ /dud ka'i mdog nag nag po ni/ /rgyal po 'chi bar ston pa yin/ /ser ba'am yang na ser skya'am/ /'dres pa'i mdog ni snang gyur na/ /de tshe 'dres pa'i las 'gyur ba/ /skar mda' ltung bas rnam par ston/ /gnam grum nyid du bstan pa ni/ /gar byung der ni ston pa ste/ /gal te dbus na de tshe dbus/ /yul nyid du ni rab tu bstan/ /sgra brnyan snyan pa byung na ni/ /bde zhing nad med ston par byed/ /ma rungs mi bzad 'jig rten du/ /rnga sgra yis ni dge ba sbyin/ /'jigs dang shin tu 'jigs rung sgra/ /der ni mu ge ston pa yin/ /de la sogs par sbyor ba ni/ /rtag tu gza' rnams 'dod pa yin/ /rgyu skar 'di</font><hr>95.165b<br><font size=+1>

dag mthong ba la/ /grub pa'i las ni de tshe bya/ /tha skar snar ma nyid dang ni/ /rgyal dang khrums ni stod smad gnyis/ /nam gru dang ni lha mtshams dag /bzlas pa'i dus su rab tu bsngags/ /'di dag la ni sngags rnams 'grub/ /grub pa'i don yang ster bar byed/ /skar ma dag ni 'di dag la/ /dkyil 'khor nyid kyang bri bar bya/ /gza' yi res kyi gtso bo ni/ /ser dang dkar bar snang ba yin/ /tshes ni 'di dag la dge ste/ /rtag tu zla ba nya ba yin/ /yul gzhan dag tu 'gro byed dang / /dkyil 'khor dag kyang bri bar bya/ /dang po gsum pa lnga pa dang / /bcu pa dang ni bdun pa dang / /bcu gsum pa la ci bde bar/ /mi yi bdag po 'gro bar brtag /skye bo kun la dge ba sbyin/ /chas shing 'gro bar rab tu bsngags/ /dkyil 'khor gyi ni sngags rgyud dag /sngags rnams thams cad mi bri'o/ /'di dag la ni sngags mi 'grub/ /bgegs kyi rgyur ni bstan pa yin/ /'gro dang sbyin sreg grub pa la/ /tshes grangs gza' ni dam par ldan/ /phur bu pa sangs zla ba dang / /gza' lhag mchog ni las kun la/ /gza' mchog 'di dag rtag tu ni/ /bzhi po tshes dang ldan pa ni/ /sa steng 'jig rten kun tu ni/ /'gro ba'i las ni grub par byed/ /ma rungs 'chi ltas bral ba yi/ /nyi ma la ni brtag par bya/ /yud tsam bcu gnyis kho na ni/ /de yi dus su rab tu sbyar/ /dkar dang byams ldan nyid dang ni/ /mig dmar du yang rab tu bstan/ /drag bu dbang chen dag pa dang / /byi bzhin nyid dang legs mdzes dang / /'khor dang 'khor bar byed pa nyid/ /dge ba sbyin zhes bstan pa yin/ /zla ba mchog ni sbyin pa nyid/ /'di dag bcu gnyis mtshan nyid yin/ /yud tsam dag tu bstan pa ni/ /nyin zhag sum cu nyid la'o/ /bcu pa char ni 'bab</font><hr>95.166a<br><font size=+1>

'gyur te/ /bcu bzhi pa ni yul 'khor 'jig /brgyad pa bcu gnyis pa nyid dang / /bzhi pa nyid ni spang bar bya/ /myur la sogs pa'i grangs dang ldan/ /mar ngo la ni mtshan mo yin/ /lhag ma bgegs ni byed pa yang / /log 'dren yin te bzhi pa'o/ /'di dag grangs ni ldan pa la/ /dus 'di dag tu rab tu bstan/ /mig ni 'byed dang 'dzums pa dang / /se gol myur ba'i 'gros 'di ni/ /'di dag dus kyi tshad dag ni/ /rgya cher yang ni bstan par bya/ /se gol brgya yi tshogs dag la/ /rtsa rgyun gcig tu bstan pa yin/ /rtsa rgyun bzhi la chu tshod bstan/ /chu tshod bzhi la thun zhes bya/ /thun bzhi la ni nyin par te/ /mtshan mo dag kyang de bzhin bstan/ /de ltar brgyad dang ldan pa la/ /nyin mtshan du ni rab tu brtags/ /mig gi 'byed 'dzums bcu la ni/ /skad cig tsam du rab tu brtags/ /skad cig bcu zhes bshad pa ni/ /yud tsam du ni yongs su brtags/ /yud tsam bzhi la thun gcig ces/ /sngags rig pas ni yongs su brtags/ /'di tsam dus kyi tshad la ni/ /gsum gyi grangs su yongs su brtags/ /sbyin sreg dus dang bzlas pa yi/ /grub pa'i dus dang sbyar bar bya/ /nyal ba'i dus dang mi nyal dang / /rtag tu nyin zhag phrugs btungs la/ /nyin dang mtshan ni nyi ma zhes/ /de ltar ming ni 'jug pa yin/ /nyi ma bcwa lnga nyid la ni/ /zla ba phyed du rab tu bstan/ /zla phyed gnyis la zla ba zhes/ /rtsis shes 'jigs pa med pas bstan/ /de bzhin zla ba zla drug gis/ /sgra gcan gyis kyang 'dzin pa yin/ /de nas zla ba bcu gnyis la/ /lo yi sgrar ni rab tu bsgrags/ /de nas lo ni bcu gnyis la/ /lo chen zhes ni de la bya/ /gza' dang rgyu skar phyin ci log /lha min dbang po thams cad kyang / /de nas lo ni bcu gnyis la/ /'dir ni dge dang mi dge byed/ /</font><hr>95.166b<br><font size=+1>

gang tshe yar ngor lha min dbang / /sgra gcan rab tu snang 'gyur zhing / /zla ba nyi ma'i dkyil 'khor ni/ /ma lus rab tu zin gyur na/ /mtshon gyi tshogs ni chen po yang / /sa yi steng du snang bar 'gyur/ /de la sogs pa chen po ni/ /dus dang dus su rab sbyor 'gyur/ /rnam pa du ma mang po yi/ /bgegs ni mi bzad snang bar 'gyur/ /dus kyi tha mar phyin pa na/ /'jig rten snod ni chos min la/ /rgyu skar snrubs la gnas pa la/ /zla ba ma lus 'dzin 'gyur zhing / /mtshan mo ma lus 'dzin pa nyid/ /zla ba 'dzin pa nub bzhin dang / /gal te nyi ma nyin par ni/ /nub bzhin du ni 'dzin 'gyur dang / /nyi ma dang ni zla ba nyid/ /mtshan phyed dag tu gzung gyur nas/ /lha min dbang po'i grib ma yis/ /gal te 'jigs shing nub gyur na/ /shar phyogs gnas pa'i rgyal po ni/ /sdang bas gsod par the tshom med/ /rang nyid 'chi ba'i 'jigs pas sam/ /gzhan gyis de ni gsod par 'gyur/ /kla klo yi ni bdag po nyid/ /shar phyogs su ni gsod par byed/ /o Da'i yul gyi mi rnams dang / /de tshe rdo rje zhes bdag kyang / /gal te tha skar snar ma dang / /de bzhin du ni bra nye dang / /smin drug dag la nyi zla ni/ /gang tshe 'dzin par snang 'gyur na/ /rnam pa sna tshogs bad kan dang / /mkhris pa dang ni rlung gyur dang / /de bzhin 'dres par gyur pa ni/ /gzhan yang lus can kun la 'byung / /byis pa dag ni thams cad la/ /rnam pa du ma'i nad rnams 'byung / /gal te rgyu skar mchu dang ni/ /gre dang de bzhin dbo nyid dang / /me bzhi nag pa sa ri dang / /sa ga dag gi rgyu skar ni/ /de la nyi zla shar ba na/ /'dzin par the tshom med 'gyur zhing / /nyi zla gnyis ni shar phyogs su/ /sgra gcan gyis ni zin gyur na/ /shar phyogs mi yi bdag po dang / /lA Da yul gyi bdag po dang / /ang+ga ma ga d+hA</font><hr>95.167a<br><font size=+1>

rgyal po/ /mig gi nad kyis 'debs pa'am/ /bu rnams 'chi bar 'gyur ba'am/ /de rnams 'chi bas nyer 'jigs 'gyur/ /dgra rnams sdang ba'i sems ldan pa'i/ /tshogs kyang de tshe 'byung bar 'gyur/ /mgo dang lag dang nab so dang / /de bzhin rgyal dang skag nyid dang / /nyi ma zla ba 'di dag la/ /sgra gcan gyis zin snang gyur na/ /ma ga d+hA rgyal gnod 'gyur zhing / /de bzhin yul mi dag la'ang gnod/ /blon po nad 'jigs shes par bya/ /'ching dang nyon mongs grong khyer 'gyur/ /lha mtshams dang ni na dag la/ /sgra gcan gyis zin kun la snang / /de tshe nad rnams kun tu 'gro/ /yul mi kun la'ang nad rnams 'byung / /gsod dang 'ching dang nyon mongs dang / /gnod pa rnam pa du ma 'byung / /'ching dang gzhan gyi dmag tshogs ni/ /skye bo'i gtso la de dag skye/ /chu stod dang ni gro bzhin dang / /de bzhin chu smad kho na la/ /nyi ma'i dkyil 'khor dbus gnas dang / /zla ba la ni dmar bar snang / /gza' ni 'dzin par snang gyur pa/ /rtag tu mu ge 'byung bar 'gyur/ /gro bzhin mon gre'i rgyu skar dang / /de bzhin du ni khrums stod dang / /gang tshe mon grub dag la ni/ /gal te nyi zla gzas zin te/ /gza' ni byung bar shes gyur na/ /kha dog nag pa la brten nas/ /mya ngan chen po nyon mongs dang / /mu ge kun tu 'byung bar ni/ /yul mi kun la 'byung ba dang / /rgyal po rkun ma'i 'jigs chen 'byung / /nam gru rgyu skar nyid dang ni/ /gang tshe khrums smad dag la ni/ /zla ba nyi ma'i dkyil 'khor du/ /shar nas sgra gcan 'dzin pa na/ /nub phyogs nas ni nyi ma 'dzin/ /ma ga d+hAr ni mi yi bdag /sems can rgyal po'i thabs nyams par/ /zla phyed gcig gis snang bar 'gyur/ /rtag tu sgra gcan 'gro ba yi/ /mtshan ma 'di dag bstan pa yin/ /zla ba nyi ma'i dkyil 'khor</font><hr>95.167b<br><font size=+1>

gyis/ /phyogs ni gang nas zin gyur pa/ /de dang de yi phyogs dag tu/ /dge dang mi dge 'byung bar 'gyur/ /gang nyid sa steng 'gul ba ni/ /'jig rten mtshan mas bstan pa dag /dge dang mi dge de dang der/ /de bzhin gzas zin shes par bya/ /khug rna ser ba mjug rings ni/ /nyi ma lnga yi bar du yod/ /de 'og 'jig rten sems las 'byung / /ngogs la spyod cing gnas pa yi/ /yul mi thams cad 'jig 'gyur zhing / /nad kyi gzhi ni 'byung ba yin/ /byang phyogs gang gA'i 'gram gyi ni/ /rgyal po dag kyang 'jig par 'gyur/ /de bzhin kha ba can gyi dbus/ /bgrod dka' khrad khrod la gnas dang / /sa yi bdag po la gnas dang / /kho ra yug na rtse rje dang / /byang phyogs gang gA'i 'gram dag na/ /de tshe 'gram spyod bdag po dag /mya ngan gdung ba du ma yis/ /skye bo'i bdag po de 'ching 'gyur/ /rgyu skar gang la sa 'gul ba/ /de la khug rna yang dag bstan/ /phyogs rnams ma lus khug rna ni/ /mi bzad 'od ni spangs pa dang / /nyin zhag lnga yi bar du yang / /rtag tu nyin zhag mang por ni/ /phan tshun chos ni mi mthong dang / /mi yi spyod yul mthong ba min/ /mi rnams dag ni phan tshun du/ /der ni mthong bar 'gyur ma yin/ /der ni 'jig chen 'byung bar shes/ /rgyal po yul 'khor bcas te 'jig /skar mda' 'khor yug dag tu ni/ /gang dag las kyis byung gyur pa/ /phyogs kyi mthar ni rab snang ba/ /gnyis dang gsum ni mi bzad yin/ /mtshan mo dbang po'i gzhu nyid dang / /bya rog gal te 'dab ma dkar/ /dkar ba'am yang na kha dog nag /yang na dkar dang nag par mthong / /phyin log 'dab chags kha dog dang / /phyin ci log gi dus sgra dang / /phyin ci log gi bya rnams yod/ /</font><hr>95.168a<br><font size=+1>

gang du der ni 'jigs chen 'byung / /rkang gnyis rkang pa bzhi nyid dang / /rkang med dang ni rkang mang dang / /'dab chags dud 'gro srog chags rnams/ /phyin ci log 'gyur 'jigs chen byung / /khyi ni gyen du gdong bltas te/ /yang dang yang du zugs gyur pa/ /nyin par ram ni mtshan mo ru/ /gang du der ni 'jigs chen 'byung / /de ltar rnam pa du ma dang / /rnam mang gang du rab brtags pa/ /der ni char mi 'bab par 'gyur/ /rgyal po'i tshogs kyang rnam par 'jig /ji ltar skye ba'i skar ma ni/ /dge dang mi dge'i srog chags yin/ /de bzhin mtshan ma gang skyes pa/ /dge dang mi dge byed pa yin/ /sngon gyi rgyu ni ma yin pa/ /rgyu mtshan cung zad mi mthong ste/ /rgyu med rab tu 'jug byed pa'i/ /bgegs 'byung ba ni yod ma yin/ /'phags pa 'jam dpal gyi rtsa ba'i cho ga byang chub sems dpa'i sde snod phal po che theg pa chen po shin tu rgyas pa'i mdo las/ skar ma'i dpyad kyi rgyu mtshan shes pa'i le'u rab 'byam las bcwa brgyad pa rdzogs s+ho// // de nas bcom ldan 'das shAkya thub pas gzhan yang gza' dang rgyu skar dang skar ma dang skar mkhan gyi tshogs rnams la bka' stsal pa/ kye kye gza' dang rgyu skar kyi tshogs rnams khyed cag thams cad nyon cig /'jam dpal gzhon nur gyur pa'i cho ga'i rgyal po 'di las 'da' bar ma byed cig /sngags dang / rgyud dang / dbang bskur ba dang / dkyil 'khor dang / cho ga rnams dang / bzlas pa dang / nges par sdom pa dang / rig pa sgrub pa la 'jug pa dang / rig pa 'dzin pa rnams kyi cho ga dang / rgyu skar kyi spyod pa dang / rtsis mngon par shes pa rnams kyi cho ga'i rgyal po de la khyed cag rnams kyis der bgegs ma byed</font><hr>95.168b<br><font size=+1>

cig /bstan pa la rab tu zhugs pa rnams la lha'i tshogs thams cad kyis kyang de la srung bgyis shig /sems can ma rungs pa thams cad kyang dgag par gyis shig /bstan par gyis shig /thams cad kyi thams cad du gsod par ma byed cig /stobs bcu dang ldan pa rnams kyi bstan pa la rnam par gzhag par gyis shig /de nas bcom ldan 'das shAkya thub pas sems can thams cad kyi ma rungs pa thams cad bzlog pa'i phyir/ de bzhin gshegs pa thams cad kyi gtsug tor mngon par 'phags pa zhes bya ba'i ting nge 'dzin la snyoms par zhugs so/ /bcom ldan 'das shAkya thub pa snyoms par zhugs ma thag tu/ phyogs bcu'i 'jig rten gyi khams na rnam par bzhugs pa'i de bzhin gshegs pa thams cad bcom ldan 'das shAkya thub pa gnas gtsang ma'i gzhal med khang na bzhugs pa la rnam par blta ba'i phyir nye bar lhags par gyur to/ /bsam gyis mi khyab pa'i sangs rgyas nye bar lhags pa rang rang gi byin gyis brlabs kyis bcom ldan 'das shAkya thub pa la bos te/ gsungs shig gsungs shig dpa' bo che/ /'jig rten rnams la'ang phan pa'i phyir/ /sngags rgyud cho ga ji lta bar/ /sngags rnams kun la rab 'jug phyir/ /rig pa'i rgyal po rdzu 'phrul che/ /sangs rgyas kun gyis gsungs pa yi/ /gtso mchog yi ge gcig pa ni/ /dus nyams rtsod pa'i dus dag tu/ /sngags rnams kun gyi rab mchog ni/ /sangs rgyas kun gyis gsungs pa yin/ /gtsug tor rgyal po stobs po che/ /'byung po kun ni zlog par byed/ /gza' dang rgyu skar ma mo rnams/ /ma rungs sems ldan 'gog par byed/ /'jig rten bgegs rnams ji snyed dang / /de bzhin gzhan yang gdug sems ldan/ /sems can rnams ni rjes gzung dang / /zlos pa</font><hr>95.169a<br><font size=+1>

rnams ni bde bya'i phyir/ /bstan pa 'di la cho ga mchog /stobs chen 'khor los sgyur ba yin/ /gtsug tor rgyal po mthu bo che/ /kun la dbang phyug dam pa ni/ /gang gi dus ni 'di yin pa/ /de bzhin gshegs pa khyod kyis gsungs/ /de skad gsungs nas sangs rgyas rnams/ /mi gsung bar ni bzhugs par gyur/ /de nas sangs rgyas 'dus pa de rnams kyis/ stong gsum gyi stong chen po'i 'jig rten gyi khams thams cad du sems can thams cad snod kyi 'jig rten rnams gcig tu 'bar bar gyur la/ sangs rgyas kyis byin gyis brlabs kyis sems can gcig la yang gnod par ma gyur te/ snang ba chen po yang dag par snang bar gyur to/ /de nas bcom ldan 'das shAkya thub pas thams cad dang ldan pa'i gnas gtsang ma'i gzhal med khang la gzigs te/ byang chub sems dpa' sems dpa' chen po de dag dang de na gnas pa'i lha'i bu rnams dang nyan thos dang rang sangs rgyas thams cad dang bcom ldan 'das dang 'khor chen po 'dus pa la bka' stsal pa/ sangs rgyas bcom ldan 'das dang nyan thos dang rang sangs rgyas thams cad dang byang chub sems dpa' rnams dgongs su gsol/ yi ge gcig pa 'di ni rig pa'i 'khor los sgyur ba/ de bzhin gshegs pa thams cad kyi gtsug tor gong nas gong du gnas pa bstan pa thogs pa med pa/ dpag tu med pa'i stobs dang pha rol gnon pa/ bcom ldan 'das gtsug tor gyi rgyal po 'khor los sgyur ba'i cho ga yang ngas bshad par bya'o/ /bstan pa nub pa'i dus su rtsod pa'i dus 'di la bcom ldan 'das gtsug tor 'khor los sgyur ba de bstan pa 'di la srung ba gcig pur 'gyur zhing dus thams cad du grub par yang 'gro ste/ sangs rgyas thams cad kyi bstan pa nub pa'i dus tshod la 'di nyid sangs rgyas bcom ldan 'das yin te/ bstan pa'i don byed par 'gyur ro/ /</font><hr>95.169b<br><font size=+1>

yi ge gcig po 'di la bcom ldan 'das de bzhin gshegs pa thams cad kyi chos kyi mdzod 'dus par 'gyur ro/ /kye lha'i tshogs dang sems can thams cad nyon cig /b+h+rUM/ bcom ldan 'di ni thams cad mkhyen/ /sangs rgyas sngags gzugs rnam par gnas/ /ston pa thugs rje che dang ldan/ /sems can kun la rnam par spyod/ /sngags rnams bdag po dpal dang ldan/ /gtsug tor las byung bstan pa yin/ /snying rje dbang la brten nas ni/ /'di ni yi ge gcig tu gnas/ /chos kyi dbyings la brten nas ni/ /'di ni sna tshogs gzugs la gnas/ /ji ltar sangs rgyas sku rnams ni/ /skye bo rnams la sku gdung gyur/ /'jig rten gyis mchod zang zing bcas/ /zang zing med pa'ang khyad par du/ /dam chos sku gdung dag tu bstan/ /'jig rten zang zing med pa'i rgyu/ /sku ni zang zing bcas par gsungs/ /thub pa'i zla ba zag pa med/ /zang zing bcas dang zang zing med/ /'jig rten rgyur ni gsungs pa yin/ /chos kyi dbyings la brten nas ni/ /thugs rje'i dbang gis sems can la/ /'jig rten mgon po 'od byed pa/ /sngags kyi tshul gyis bzhugs pa yin/ /sna tshogs gzugs can thams cad mkhyen/ /sa steng 'di la snang ba yin/ /sems can rnams kyis sngags sgrub pa/ /sangs rgyas rnams kyis gsungs pa yin/ /sngags 'di yongs su mdor bsdu na/ /rang gis cho gas 'dir bzlas na/ /sngags rnams ji ltar 'dod pa bzhin/ /rtag tu 'bras bcas byed par 'gyur/ /'di yi cho ga mdor bsdus nas/ /dus su yang ni bshad par bya/ /dus mthar thub mchog 'jig rten du/ /de bzhin gshegs pa nub pa na/ /de yi dus su cho ga 'grub/ /sngags 'grub par ni gsungs pa yin/ /de nas bcom ldan 'das 'khor</font><hr>95.170a<br><font size=+1>

los sgyur ba de bzhin gshegs pa'i gtsug tor gzhan gyi las kyis sbyor ba rnam par 'jig par byed pa/ ma rgyal ba las rgyal ba/ sngags thams cad kyi bdag po/ byang chub sems dpa' thams cad kyis don du gnyer ba gtsug tor 'khor los sgyur ba'i cho ga yi ge gcig pa sngar rgya cher bstan nas/ yang mdor na re zhig dang po bzlas pas gang du gnas pa las/ dpag tshad lnga'i nang nas ma rungs pa'i gdon thams cad 'byer bar 'gyur ro/ /grub pa thams cad kyang nus pa med par 'gyur zhing lha thams cad kyi nus pa dang bral bar 'gyur ro/ /sgrub pa po'i 'dod pa ma gtogs par lha thams cad kyang gnas par mi 'gyur ro/ /'jig rten dang 'jig rten las 'das pa'i sgrub pa po gzhan rnams kyis grub pa 'phrog par byed cing / gzhan gyi sbyor bas gsang sngags bcad pa dang bcom pa dang phur bus btab pa'ang thar bar byed do/ /bdag gis gzhan gyi rig sngags gcod par 'dod na/ rtswa ku sha sngon po chang pa gang blangs la/ lan brgya rtsa brgyad mngon par bsngags pa byas nas mtshon gyis bcad na/ rig pa gang gi phyir dmigs te bcad pa de gcod par 'gyur ro/ /gzugs brnyan byas te 'dis seng ldeng gi phur pas snying la btab na gnad la bab par 'gyur ro/ /le brgan du btsos pa'i skud pa la lan bdun bzlas brjod byas te/ mdud pa bor na bcing bar 'gyur ro/ /kham phor kha sbyar gyi nang du brgya rtsa brgyad bzlas te kha bkab pa byas na rengs par 'gyur ro/ /mtshon chas snying dum bu gnyis su byas na gnyis su gas par 'gyur ro/ /ske tshe la dug dang khrag gis btags pas bsku ba byas na 'chi bar 'gyur ro/ /ka ra bI ra'i lcug mas kun tu brdeg na gnod par 'gyur ro/ /gzhan gyi rig pa thams cad la mngon spyod bya ba ni ci dgar byar rung ngo / /sngar gsungs pa'i las</font><hr>95.170b<br><font size=+1>

thams cad la 'o mas khrus byas nas sbyin sreg byas na zhi bar 'gyur ro/ /mar gyi sbyin sreg gis ni thams cad zhi bar 'gyur zhing nyams rtas pa byas par yang 'gyur ro/ /khu tshur bcings pas sngags thams cad rengs par 'gyur ro/ /yid kyis ni dgrol bar bsams pas bkrol bar 'gyur ro/ /sngags sgrub par 'dod pas kyang 'di nyid kyis bcing ba byas te bsgrub par bya'o/ /cho ga gang sgrub par 'dod pas kyang de nyid 'dis bsgrub par bya'o/ /sngags sgrub pa dang 'di nyid kyi sngags kyis spyan drang ba bya ba dang yang slar gshegs su gsol ba bya ba yin no/ /gang 'di nyid kyis srung bar byed pa thub par dka' bar 'gyur ro/ /gang gis sngags 'di ma grub bam lan ma thob na 'di nyid dang lhan cig tu bzlas brjod byas na/ myur du 'grub bam lan thob cing / gal te ma grub bam lan ma byin na de ring por mi thogs pa nyid du 'jig par 'gyur ro/ /sngags gang la dmigs te zho dang sbrang rtsi dang mar gyis til la btags te brgya rtsa brgyad sbyin sreg dus gsum du zhag bdun byas pa de 'di'i dbang du 'gyur zhing / gang brjod pa de'i las byed par 'gyur ba'am lan thob par 'gyur ro/ /lha dbang du bya bar 'dod na thang shing gi yam shing gi brgya rtsa brgyad sbyin sreg byas na zhag bdun gyis dbang du 'gyur ro/ /klu dbang du bya bar 'dod na mngar gsum gyi sbyin sreg bya'o/ /dri za dang dri za mo thams cad dbang du bya bar 'dod na shing mya ngan med pa dang pri yang ku'i yam shing ngam me tog gi sbyin sreg byas na dbang du 'gyur ro/ /gnod sbyin mo dang klu mo'i gdon rnams la ni ske tshes bya'o/ /rgyal po rnams la ni yungs dkar gyi bya'o/ /bram ze rnams la ni me tog gi sbyin sreg bya'o/ /rje'u rigs la ni zho dang 'o ma dang mar gyi bya'o/ /dmangs rigs la ni phub ma'i rdul gyi bya'o/ /bud med la ni lan tshwa'i sbyin sreg bya'o/ /gdol pa la ni mon sran gre'u dang dzam bu li ka'i sbyin sreg bya'o/ /bu mo gzhon nu ma la ni 'bras</font><hr>95.171a<br><font size=+1>

yos kyi sbyin sreg bya'o/ /sems can thams cad la ni mar dang til gyi sbyin sreg byas na dbang du byed do/ /thams cad du yang dus gsum du zhag bdun du bya'o zhes gsungs nas/ rgyal ba'i mchog cang mi gsung bar gyur to/ /thub mchog bdun pas sngags 'di ni/ /de tshe lha yi tshogs la gsungs/ /'jig rten chos shes grol ba dang / /de tshe de ni chags bral zlos/ /de tshe thub pa mchog gis ni/ /sangs rgyas sras po thu bo lha/ /byang chub sems dpa' rdzu 'phrul che/ /'jam dpal la ni de tshe gsung / /lha yi lha ni blo ldan pa/ /mgon po 'khor lo'i bdag po yi/ /cho ga 'di ni rgya che bas/ /gang gi bskal pa'i tshad du yang / /rgyal bas kyang ni bshad mi nus/ /mi rnams la ni phan pa'i phyir/ /cho ga yi ni phyogs gcig tsam/ /mdor bsdus nas ni bshad pa yin/ /de tshe de skad gsungs nas ni/ /dpal ldan 'jam dbyangs rdzu 'phrul che/ /gtsang ma'i gnas kyi steng bzhugs pa'i/ /sangs rgyas de la skul bar byed/ /gsungs shig gsungs shig dpa' bo che/ /rkang gnyis dam pa rdzogs sangs rgyas/ /dus mtha' 'jigs pa'i dus su ni/ /mi rnams bde ba skyed pa'i phyir/ /mthu chen sngags kyi rgyal po ste/ /gzi brjid chen po 'di yis ni/ /ras ris ji ltar grub par 'gyur/ /myur du ras ris 'grub par gsungs/ /'phags pa 'jam dpal gyi rtsa ba'i cho ga byang chub sems dpa'i sde snod phal po che theg pa chen po shin tu rgyas pa'i mdo las/ yi ge gcig pa 'khor los sgyur ba 'byung ba'i le'u rab 'byam las ba cu dgu pa rdzogs s+ho// // de nas bcom ldan 'das shAkya thub pas gnas gtsang ma'i gzhal med khang la gzigs nas/ 'jam dpal gzhon nur gyur pa la bka' stsal pa/ 'jam dpal nyon cig /mdor na yi ge gcig pa 'khor</font><hr>95.171b<br><font size=+1>

los sgyur ba rdzu 'phrul chen po'i ras ris kyi cho gar 'gyur ba rgya che ba ni sngar bstan to/ /de ni dus kyi tha ma'i dus su sems can rnams brtson 'grus chung bar 'gyur zhing / shes rab chung ba dang / yid gzhungs pa dman pa 'i phyir ras ris kyi tshad rgya che ba'i sbyor ba sgrub pa nyams par 'gyur bas/ sems can rnams la phan par 'dod pas zlos pa pos ji ltar dngos grub mchog thob par 'gyur ba de ltar ngas mdor bshad par bya ste/ sgrub pa mchog byed par 'dod pas ras ma nyams pa kha tshar ma bcad pa skra dang bral ba dag la tshon ma 'dres pa dag gis bcom ldan 'das 'drir gzhug par bya ste/ chos kyi rgyal po chos kyi 'khor lo rab tu bskor ba 'jig rten thams cad kyi bdag po skyes bu dam pa rkang gnyis rnams kyi mchog /de bzhin gshegs pa rin chen tog ces bya ba rgyal ba'i mchog chos 'chad pa kun nas 'bar ba'i 'od kyi dkyil 'khor dang ldan pa'o/ /'og tu ni tshangs pa dang 'phags pa phyag na rdo rje/ steng du ni phreng ba 'dzin pa'i lha'i bu gnyis 'og tu sgrub pa po de'i mdun du dus gsum du a ga ru sreg cing 'bum phrag bcu bzlas pa bya'o/ /de nas las su bya ba ni dang po 'khor lo'i sgrub pa byed par 'dod na/ lcags bzang po'i rang bzhin las rtsibs bcu gnyis pa'i 'khor lo byas te/ cho 'phrul gyi zla phyed la bcom ldan 'das kyi spyan sngar dus gsum du a ga ru'i dud pas bdug cing 'bum phrag bcu bzlas pa bya'o/ /tha mar zla ba nya ba la mchod pa rgya chen po byas nas lag pas bzung ste/ ji srid rab tu 'bar ba'i bar du bzlas pa bya'o/ /de bzung na rig pa 'dzin pa'i 'khor los sgyur bar 'gyur ro/ /gang gis mthong ba de dang lhan cig nam mkha' la 'gro bar 'gyur ro/ /de nas gdugs bsgrub par 'dod na/ gdugs kha dog sna tshogs pa sar pa byas la gser gyi 'khor los mtshan pa ka shi ka'i gos 'phyang</font><hr>95.172a<br><font size=+1>

ba/ de nyid kyi cho gas mgo la gdugs bzung bar byas te/ bzlas pa byas na rig pa rang nyid nye bar bzhugs par 'gyur ro/ /'di nyid kyis bcom ldan 'das kyi spyan sngar dus gsum du a ga ru'i dud pas bdugs te/ 'bum phrag bcu bzlas pa byas la/ tha mar zla ba nya ba la mchod pa rgya chen po byas nas lag pas bzung ste/ ji srid du rab tu 'bar ba'i bar du bzlas pa bya'o/ /de thogs na rig pa 'dzin pa'i 'khor los sgyur bar 'gyur ro/ /zla ba re re zhing zla ba nya ba dang cho 'phrul gyi zla ba phyed lnga'i bar gyis 'grub par 'gyur ro/ /'di grub pa tsam gyis chos thams cad mngon sum du 'gyur ro/ /mngon par shes pa thams cad rab tu thob par 'gyur ro/ /sangs rgyas dang byang chub sems dpa' thams cad mngon par dgyes pa dang / sangs rgyas dang byang chub sems dpa' thams cad kyis rjes su bsngags pa 'grub par 'gyur ro/ /'jig rten gyi khams gzhan dag gi 'khor los sgyur ba stong gi g.yog 'khor dang ldan par 'gyur ro/ /de nas gtsug tor 'khor los sgyur ba bsgrub par 'dod na/ gser dang / dngul dang / zangs ma dang / nor bu'i rang bzhin gyi dbyug pa khru gang tsam byas la ji srid rab tu 'bar ba'i bar du bzlas pa byas nas de blang na nam mkha' la 'gro ste/ thams cad la chos ston par 'gyur ro/ /bskal pa chen por 'tsho bar 'gyur ro/ /ci ste bum pa bzang po bsgrub par 'dod na/ gser gyi bum pa bzang po byas la 'bru thams cad dang rin po che dang sman gyis yongs su bkang la/ ras dkar pos bcings te de la sngags 'dis bsgrub par bya ste/ cho 'phrul gyi zla phyed gcig la brtsams na gnyis pa la 'grub par 'gyur ro/ /de la lag pa rab tu bcug na ni 'dod pa de thob cing mi zad par yang 'gyur ro/ /ji ste nor bu rin po che bsgrub par 'dod na gser gyi dbyug pa'am/ nor bu bzang po dang shel gyi nor bu byas te/ gos 'phyang bar byas la cho ga 'di nyid kyis bsgrubs na</font><hr>95.172b<br><font size=+1>

gang bsams pa de thams cad 'grub par 'gyur te/ lha dang mi'i nang du thogs pa med cing stobs dang pha rol gnon par 'gyur ro/ /ci ste bcom ldan 'das la bzlas pa bye ba byas na rang gi lus kyis nam mkha' la 'gro bar 'gyur ro/ /lha'i lus thob cing bskal pa chen por 'tsho bar 'gyur ro/ /gzhan gang yang gtsug tor gyi rgyal po gdugs dkar po la sogs pa de yang 'dis bcom ldan 'das la 'bum phrag bcu bzlas pa byas na las rnams byed par 'gyur ro/ /de ltar thogs pa med pa de bzhin gshegs pa'i gtsug tor gzhan gyi rtog pa'i cho gas ji lta ji ltar rab tu sbyar ba de lta de ltar ring po mi thogs par 'grub par 'gyur ro/ /bcom ldan 'das gtsug tor 'khor los sgyur ba'i rgyal po la 'bum phrag bcu bzlas na/ thams cad la 'grub par 'gyur ba rig pa dang sngags thams cad kyi bdag po 'khor los sgyur bar 'gyur ro/ /ji ste rdo rje bsgrub par 'dod na tsan+dan dmar po la rdo rje rtse gcig pa'am yang na lcags bzang po las byas te/ ba'i rnam lngas bkrus la yar gyi ngo'i bcwa lnga la ras ris kyi mdun du mchod pa chen po bya zhing mar gyi mar me brgya sbar la dri'i chus rdo rje bkrus te/ sangs rgyas dang byang chub sems dpa' thams cad la bdag nyid phul nas/ gtsug tor gyi rgyal po'i 'khor ram gzi brjid phung po'am/ gtsug tor gdugs dkar po'i sngags 'dis bsrung ba byas la/ dkyil 'khor gyi nang du grogs la yang bsrung ba byas nas rdo rje lag pa g.yas pas blangs te/ thun dang po 'das shing thun gnyis pa la nye bar 'dug ste/ sems rtse gcig pas ji srid rab tu 'bar ba'i bar du bzlas pa bya'o/ /skabs 'dir rig pa 'dzin pa lha dang klu dang gnod sbyin thams cad 'dus te/ rig pa 'dzin pa'i rgyal po thams cad kyang 'ong bar 'gyur ro/ /de dag rig pa 'dzin pa'i bstod pa byed cing khyim du 'gro bar</font><hr>95.173a<br><font size=+1>

'gyur ro/ /rig pa 'dzin pa'i 'khor los sgyur bar 'gyur ro/ /lus phyag na rdo rje dang 'dra zhing phyag na rdo rje dang 'dra bar mgyogs pa'i mtshan nyid du 'gyur ro/ /skad cig gis 'og min gyi lha'i gnas su 'gro bar 'gyur ro/ /bskal par gnas par 'gyur ro/ /bcom ldan 'das 'phags pa byams pa mthong zhing chos nyan par 'gyur ro/ /shi nas gang du 'dod pa der skye bar 'gyur ro/ /gal te phyag na rdo rje'i zhabs drung du yang skye bar 'gyur ro/ /ci ste ral gri bsgrub par 'dod na skyon med pa'i ral gri blangs nas nyin zhag gcig smyung bar byas te/ bcom ldan 'das la mchod pa rgya chen po byas nas ji srid du rab tu 'bar ba'i bar du bzlas pa bya'o/ /de grub na g.yog 'khor dang bcas pa nam mkha' la 'gro bar 'gyur ro/ /skra rna cha gdub kor dang 'dra bar 'khyil ba dang / lo bcu drug pa'i cha byad can dang mi mthun pa'i phyogs med cing / rig pa 'dzin pa thams cad kyis mi tshugs pa dang bar gyi bskal par 'tsho bar 'gyur ro/ /ci ste ldong ros bsgrub par 'dod na dpa' bo'i tshong gis nyos te/ rgyal dang ldan pa'i dus su zhag gsum smyung ba byas te/ dge slong bzang po'i dge 'dun la bshos drangs nas bka' lung stsal par bskul lo/ /sgrub pa po la der rjes su gnang nas rang gi gnas su rab tu zhugs te/ mchod pa rgya chen po byas nas mar gyi mar me stong rab tu sbar nas zhag gsum smyung ba byas la/ sems can thams cad la byams pa bskyed nas bdag nyid phul te ldong ros blangs nas/ ji srid grub pa rnam gsum thob pa de srid du bzlas pa byas te/ dro ba dang du ba 'thul ba dang 'bar bas sngar gang bsams pa nyid du grub par 'gyur te/ dro bar gyur pas dpral bar thig le byas na/ lha dang / klu dang / gnod sbyin dang / 'byung po thams cad dang / sha za la sogs pa dang / 'dzam bu'i gling na gnas pa'i sems can bran du 'gyur zhing gang cung</font><hr>95.173b<br><font size=+1>

zad thams cad sgrub par byed par 'gyur ro/ /lo stong gi bar du 'tsho bar 'gyur ro/ /du ba 'thul ba la ni dpral bar thig le byas na mi snang bar 'gyur te/ gal te 'dod na lha rnams kyis kyang mi mthong bar 'gyur ro/ /skad cig thang cig yud tsam la snang zhing yang mi snang bar 'gyur ro/ /mi snang ba thams cad kyi rgyal por 'gyur zhing lo sum stong gi bar du 'tsho bar 'gyur ro/ /'bar bas ni rig pa 'dzin par 'gyur te/ g.yog 'khor dang bcas pa nam mkha' la 'gro bar 'gyur ro/ /rig pa 'dzin pa'i rgyal por 'gyur te/ lha gzhon nu'i lus su 'gyur zhing lha thams cad kyis kyang mi thul bar 'gyur na/ rig pa 'dzin pa rnams kyis lta smos kyang ci dgos te/ bskal par yang gnas par 'gyur ro/ /dus byas nas dga' ldan gyi lha'i ris su skye bar 'gyur ro/ /ji ste mdung rtse gsum bsgrub par 'dod na lcags bzang po las byas pa'i mdung rtse gsum pa byas te/ lo'i bar du bzlas pa bya'o/ /de nas bye ma'i rang bzhin gyi mchod rten khru gang tsam gyi tshad byas te/ /de la mchod pa chen po bya zhing gtor ma rgya chen po btang la lag pa g.yas pas mdung rtse gsum pa blangs la skyil mo krung bcas nas ji srid du spros pa na/ 'od zer stong byung ba de'i bar du bzlas pa byas na skabs 'dir dbang phyug chen po la sogs pa lha rnams 'byung bar 'gyur ro/ /rig pa 'dzin pa thams cad me tog gi char 'bebs pa dang lha thams cad kyang me tog gi char rab tu 'bebs par 'gyur ro/ /de nas de thams cad kyis yongs su bskor nas/ gang dag gis mthong ba dang gang mthong ba de dang lhan cig tu nam mkha' la 'gro bar 'gyur/ rig pa 'dzin pa'i rgyal po mig gsum par 'gyur te/ dbang phyug chen po gnyis pa dang 'dra ba'o/ /rig pa 'dzin pa thams cad kyis phyag byas shing / bskal pa chen por gnas par 'gyur la/ bltas pa tsam gyis gdug pa'i sems dang ldan pa rnams ltung bar 'gyur ro/ /lha dang bcas pa'i</font><hr>95.174a<br><font size=+1>

'jig rten gang gis kyang mi tshugs par 'gyur na/ rig pa 'dzin pa rnams kyis lta smos kyang ci dgos/ shi 'phos nas bde ba can du skye bar 'gyur ro/ /ji ste ro langs bsgrub par 'dod na/ yan lag rma med pa'i skyes bu'i ro blangs te/ seng ldeng gi phur bu bzhis btab la brang gi steng du rin po che'i phye mas gtor cing mchod na/ de'i lce'i rtse mo la nor bu rin po che snang bar 'gyur te/ de blangs na rig pa 'dzin pa'i 'khor los sgyur bar 'gyur ro/ /mtshon gang dag yid la bsams pa tsam gyis de dag 'byung bar 'gyur ro/ /'od dpag tshad brgya tsam du snang bar 'gyur ro/ /'dod na dus byed par yang 'gyur ro/ /gang du 'dod pa der 'gro bar 'gyur ro/ /'jig rten gyi khams gzhan dag tu yang rig pa 'dzin pa'i 'khor los sgyur bar yang 'gyur ro/ /shi 'phos nas kyang dri ma med pa'i 'jig rten gyi khams su skye bar 'gyur ro/ /ro langs gnyis pa sgrub pa ni rma med pa'i lus kyi ro blangs la/ rgya shug gi shing gi phur bus btab la de'i khar lcags kyi phye mas gtor zhing byin na/ de'i lce 'byin par 'gyur te/ de bcad na g.yog 'khor brgya dang bcas te nam mkha' la 'gro bar 'gyur/ bar gyi bskal par gnas par 'gyur/ ri rab kyi rtse mor rtse zhing dga' bar 'gyur/ gang gi tshe 'chi ba de'i tshe phyogs gcig gi rgyal por 'gyur ro/ /ji ste lcags kyu bsgrub par 'dod na/ rtswa ku sha'i rang bzhin gyi lcags kyu bya ste/ thab mo ba mdog nag po'i lag pa'i mthil gyis ba'i rnam lngas bkrus te/ mtshan mo gcig smyung ba byas nas lcags kyu khru gang gi tshad du byas la/ mchod pa rgya chen po byas nas phyag na rdo rje la mar gyi mar me brgya sbar bar bya'o/ /rdo rje lcags kyu dang bdag nyid la gdugs dkar pos bsrung bar bya'o/ /gzi brjid phung pos ni dkyil 'khor bcing bar bya'o/ /phur bu la lan bdun mngon par bsngags pa byas te/ phyogs</font><hr>95.174b<br><font size=+1>

bzhir gtor la phur bus btab na 'og tu bcing ba byas shing gnas yongs su gzung ba byas par yang 'gyur ro/ /de nas thun gnyis pa la rtse gcig pa'i yid kyis skyil mo krung bcas la/ lcags kyu la me tog dang dri dang bdug pas mchod na de bsrung ba byas pa yin no/ /sangs rgyas dang byang chub sems dpa' thams cad la phyag 'tshal nas/ skabs 'dir lcags kyu lag pas bzung nas ji srid du dmyal ba'i sems can rnams 'tshe ba nye bar zhi ba'i bar du bzlas la/ sangs rgyas dang byang chub sems dpa' thams cad la phyag 'tshal na nam mkha' la 'gro bar 'gyur ro/ /rig pa 'dzin pa'i rgyal po 'gro ba la thogs pa med pa lcags kyu lag na thogs pa lha thams cad dang klu dang gnod sbyin la sogs pa yang thag ring po nyid nas mthong na phyag 'tshal bar byed do/ /bskal par gnas par 'gyur ro/ /gang gi tshe 'chi ba de'i tshe phyag na rdo rje'i gnas su 'gro zhing phyag na rdo rje mthong bar 'gyur ro/ /gal te ras ris sgrub par gyur na/ de 'bar ba na rig pa 'dzin par 'gyur/ cho ga gang bsgrub par 'dod kyang de'i sngags kyi ming bzung la 'bum bzla zhing / de nas nub gcig smyung ba byas te/ mchod pa rgya chen po byas la/ shing arka'i me rab tu sbar te til dag la zho dang mar gyis btags pa'i sbyin sreg stong rtsa brgyad byas na/ sbyin sreg gi mthar 'ongs nas nor gang 'dod pa de ster bar 'gyur zhing mngag gzhug pa dbang du byed pa bzhin du nye bar gnas par 'gyur ro/ /ji ste dbang phyug chen po dbang du byed par 'dod na/ dbang phyug chen po la mchod pa rgya chen po byas la/ lho phyogs su yud tsam gyis shing arka'i me rab tu sbar la sbyin sreg stong rtsa brgyad byas pa na/ ha ha zhes pa'i sgra byung bar gyur na 'jigs par mi bya/ de nas de 'ong bar 'gyur te/ bdag gis ci zhig bya zhes smra</font><hr>95.175a<br><font size=+1>

bar 'gyur ro/ /dbang phyug chen po'i rig pa thams cad bdag la grub par gyur cig ces smras pa dang / mchog gang 'dod pa de ster bar 'gyur te/ de bzhin du gyur cig ces byas nas mi snang bar 'gyur ro/ /de bzhin du khyab 'jug dang tshangs pa la sogs pa gang yang 'gugs par 'gyur te/ mchog gang 'dod pa de'ang 'di bzhin te/ cho ga 'di bzhin du byas la legs par bsrung ba yang bya'o/ /ci ste gnod sbyin mo dgug par 'dod na/ de'i ming bzung la zhag bdun du shing mya ngan med kyi me tog gis sbyin sreg byas na 'ong zhing mchog ster bar byed do/ /zhag bdun gyis ma dang sring mo dang chung ma gang 'dod pa de'i cha byad du nges par 'ong bar 'gyur ro/ /ji ste mi 'ong na mgo 'gas par 'gyur ro/ /klu mo dbang du byed par 'dod na klu shing gi me tog gis cho ga 'di bzhin du bya'o/ /srin mo dgug par 'dod na/ zla ba gsum du zho dang 'bras chan gyi sbyin sreg bya'o/ /sbyin sreg gi mthar zhag gcig smyung ba byas la/ bcom ldan 'das la mchod cing gnod sbyin la gtor ma chan rnams sbyin par byas shing gnod sbyin dgug par bya'o zhes yid la byed cing / /a mra'i shing gi yam shing zho dang sbrang rtsi dang mar gyis btags pa stong rtsa brgyad sbyin sreg byas na/ skabs 'dir lus ngan po la sogs pa'i gnod sbyin 'ong bar 'gyur la/ de dag la shing arka'i me tog gi mchod yon byin na de dag ci zhig bya zhes smra bar 'gyur ro/ /des brjod par bya ba ni nyin re zhing gnod sbyin lung bzhin du byed pa dgos so zhes brjod par bya ste/ des gnod sbyin re re ster bar 'gyur ro/ /des lung bsgo bar bya ba ni dpag tshad brgya nas bud med rnams 'dir 'ong bar gyis la tho rangs de nyid du khyer cig ces pa dang 'khor brgya la yang 'bras chan byin cig ces brjod na/ rgyab tu khur nas gang du 'dod pa der 'gro zhing khyer bar 'gyur ro/ /lung stsal ba thams cad byed par 'gyur ro/ /ci ste phyag na rdo rje</font><hr>95.175b<br><font size=+1>

bsgrub par 'dod na bzhi 'gyur dang bdun 'gyur gyi sngon du bsnyen pa byas la/ cho 'phrul gyi zla ba phyed po ma lus pa la rab tu rgya che ba'i mchod pa byas la ji srid zla ba nya ba'i bar du ste/ zla ba nya ba'i bar du mchod pa byas la dge slong gi dge 'dun khyad par can dag la bshos gsol nas/ 'phags pa rdo rje 'dzin kho na la rjes su yi rang bar byed du gzhug go /de nas mchod pa rgya chen po byas nas dang po'i thun 'das te gnyis pa'i thun la skyil mo krung bcas te 'dug la/ sems rtse gcig pas rdo rje 'dzin blta bar bya'o/ /zhes sems la kun tu brtags te/ gu gul gyi ril bu rgya shug gi 'bras bu'i tshad tsam gyi mtshan mo thun gcig tu sbyin sreg bya'o/ /de nas bcom ldan 'das kyi yul bskyod par 'gyur zhing / sa 'gul ba dang sprin gyi sgra sgrogs par 'gyur ba dang / rig pa 'dzin pa thams cad me tog gi char rab tu 'bebs par 'gyur ro/ /skabs 'dir bcom ldan 'das phyag na rdo rje rig pa thams cad kyis yongs su bskor ba dang rig pa mchog la sogs pa'i rig pa'i rgyal pos yongs su bskor ba byon par 'gyur ro/ /lha thams cad dang / klu thams cad dang / gnod sbyin thams cad dang / dri za dang mi'am cis byang chub sems dpa' yongs su bskor ba byon par 'gyur ro/ /de'i mod la dmyal ba'i sems can rnams kyi shin tu drag pa'i tshor ba'i sdug bsngal nye bar zhi bar 'gyur ro/ /dri'i chus mchod yon dbul zhing phyag 'tshal te 'dug par bya'o/ /de nas rdo rje 'dzin gyis gsungs pa ni mchog ci zhig sbyin par bya/ rig pa 'dzin pa'i 'khor los sgyur ba nyid dam sa 'og tu 'gro ba'am rgyal srid dam mi snang bar 'gro ba'am gang 'dod pa de nyid bcom ldan 'das las thob par 'gyur ro/ /gang 'dod pa'i rig pa 'dzin pa'i 'khor los sgyur ba nyid dang rig pa 'dzin pa thams cad kyi 'khor los sgyur ba rdo rje'i sku dang / phyag na rdo rje dang 'dra ba dang bsams pa tsam gyis mtshan ma thams cad 'byung bar 'gyur ro/ /bskal pa chen por gnas par 'gyur ro/ /gang gi tshe 'dzin pa de'i tshe rdo rje'i gnas su 'gro bar 'gyur ro/ /</font><hr>95.176a<br><font size=+1>

rig pa 'dzin pa gzhan dag gi yang cho ga 'di bzhin te/ mdor na phyag na rdo rje'i cho ga gang yin pa dang / 'phags pa spyan ras gzigs dbang phyug gi cho ga gang yin pa dang / bcom ldan 'das kyis gsungs pa'i cho ga gang yin pa dang / tshangs pa'i cho ga gang yin pa dang / dbang phyug chen po'i cho ga gang yin pa dang / mdor na 'jig rten dang 'jig rten las 'das pa'i sgrub pa gang yin pa de dag kyang 'di nyid kyis sgrub pa byas na 'grub par 'gyur ro/ /sngags gang gis sgrub pa byas kyang ma grub pa ni 'dis lus la bzlas pa byas na/ nub bdun gyis nges par mthong ba sbyin par byed do/ /ji ste mi sbyin na ni rnam par nyams par 'gyur ro/ /dbang phyug chen po la sogs pa'i lha'i mdun du gal te zlos pa byed na nub bdun gyi nang du mthong ba sbyin par byed do/ /gal te sbyin par mi byed na mgo tshal pa bdun phrag gsum du 'gas par 'gyur ro/ /zla ba dang nyi ma gzas zin pa na mar dang shu dag dang mig sman dang dag byed dang so shing dang mchod phyir thogs dang ba bla dang ldong ros la sogs pa bsgrub par bya'o/ /ji ste rdzas rnams bsgrub par 'dod na/ ldong ros blangs te mi'i 'o ma dang sbyar ba byas la ril bu lngar bya zhing / a ga ru'i snod kha sbyar gyi nang du bcug cing yungs kar dang lhan cig bsgrub par bya'o/ /zla ba dang nyi ma gzas zin pa'i dus su gtor ma'i cho ga byas te/ gang gi tshe yungs kar tsi ti tsi ti zhes sgra 'don pa de'i tshe grub pa dang po yin te/ skye bo thams cad dbang du 'gyur la de'i tshe 'di thams cad dbang du byed par 'gyur te/ gang smras pa de thams cad byed do/ /ji ste du ba 'thul bar byed na mi snang bar byed pa thams cad kyi rgyal por 'gyur ro/ /bar gyi bskal par 'tsho bar 'gyur ro/ /gang gi tshe 'bar bar gyur pa de'i tshe ni lha gzhon nu'i gzugs su 'gyur zhing / nyi ma 'char ka'i gzi brjid dang ldan la rig pa 'dzin pa'i rgyal por 'gyur/ bskal pa chen por</font><hr>95.176b<br><font size=+1>

'tsho bar 'gyur/ de bzhin du gi wang dang ba bla la sogs pa la'ang bsgrub par bya'o/ /ci ste mig sman bsgrub par 'dod na/ lig bu mig dang ut+pa la sngon po dang ru rta dang tsan+dan dag gcig tu byas te/ zangs ma'i snod du gzhag la zla ba gzas zin pa'i dus su ci srid du ba 'thul ba de srid kyi bar du bzlas pa bya'o/ /de nas mig la bskus na mi snang bar 'gyur te/ ci ltar 'dod pa'i gzugs dang mi snang bar byed pa thams cad kyi rgyal por 'gyur ro/ /ji ste ral gri bsgrub par 'dod na ral gri ma nyams pa blangs la/ mar ngo'i tshes brgyad dam bcu bzhi la ras ris la mchod pa rgya chen po dang gtor ma btang zhing bsrung ba byas na/ ral gri lag pa g.yas pas bzung ste/ ji srid 'od 'phro ba dang 'bar ba de srid kyi bar du bzlas pa byas na/ gal te 'od 'phro na ni rig pa 'dzin pa gcig pur 'gyur ro/ /'bar bas ni de rig pa 'dzin pa rnams kyi rgyal por 'gyur ba dang / stobs dang pha rol gnon pa thogs pa med pa dang gang gis mthong ba dang gang mthong ba de dang lhan cig nam mkha' la 'gro bar 'gyur ro/ /ci ste rdo rje bsgrub par 'dod na lcags bzang po'i rang bzhin las rdo rje byas te/ sor bcu drug pa rtse mo gnyi ga yang rtse gsum pa tsan+dan dmar pos byugs la/ cho 'phrul gyi zla phyed kyi tshes nas brtsams nas ras ris la mchod pa rgya chen po byas te bzlas pa bya zhing / tshes nas nyi ma re re zhing re res bskyed pa'i dge slong dag la bshos drang bar bya'o/ /tha mar nub gsum smyung ba byas la sku gdung dang bcas pa'i mchod rten gyi mdun du ras ris rab tu bzhag cing / mchod pa rgya chen po byas la/ mar gyi mar me brgya rab tu sbar zhing ku sha'i khres la nye bar 'dug par bya'o/ /lag pa gnyis kyis rdo rje bzung la ji srid 'bar ba de'i bar du bzlas pa bya zhing / de bzung na de 'khor dang bcas pa nam mkha' la 'gro bar 'gyur/ </font><hr>95.177a<br><font size=+1>

rig pa 'dzin pa'i 'khor los sgyur bar 'gyur/ phyag na rdo rje dang 'dra bar pha rol gnon par 'gyur/ bskal pa chen por 'tsho bar 'gyur/ lus zhig nas phyag na rdo rje'i gnas su 'gro bar 'gyur ro/ /de bzhin du mdung rtse dang 'khor lo dang mda' dang mdung la sogs pa mtshon thams cad dang mchil lham dang so shing dang mchod phyir thogs la sogs pa gzhan gyi cho ga'i bya bas bsgrub par bya zhing / thams cad kyang grub pa rnam pa gsum yin no/ /zhi ba byed par 'dod pa la pad ma'i rnam pa 'dra ba'i thab khung byas la/ mchod sbyin la 'os pa'i yan lag gis me rab tu sbar la blugs gzar gyis zas mchog dang zho dang sbrang rtsi dang mar dang sbyar ba'i sbyin sreg stong rtsa brgyad zhag gsum byas na/ bdag dang gzhan zhi bar 'gyur ro/ /zhag bdun gyis ni grong ngam grong khyer gyi 'chi ba mang po'i nye bar 'tshe ba zhi bar 'gyur ro/ /shing sha ma'i yam shing la zho dang sbrang rtsi dang mar gyis btags pa'i sbyin sreg stong rtsa brgyad kyang bya'o/ /yang na shing u dum bA ra'i yam shing la zho dang sbrang rtsi dang mar gyis btags pa'i sbyin sreg stong rtsa brgyad kyang bya'o/ /char mi 'bab pa la ni mngar gsum gyi sbyin sreg byas na thams cad du mchog tu zhi ba chen por 'gyur ro/ /slong mo'i zas za zhing cho 'phrul chen po'i zla phyed kyi zla ba nya'i bar du nub gsum smyung ba byas la/ zla ba gzas zin pa na ba nag mo'i 'o ma la lan brgya rtsa brgyad mngon par bsngags te 'thungs na bcud kyis len gyi yon tan dang ldan par 'gyur ro/ /rtswa dUr ba'i 'jag ma la zho dang sbrang rtsi dang mar gyis btags pas stong rtsa brgyad nub bcu'i bar du sbyin sreg byas na dus ma yin par 'chi ba rab tu zhi zhing tshe ring bar 'gyur ro/ /rgyal mtshan dang dung la sogs pa la mngon par bsngags na/ mthong ba dang thos pas pha rol gyi sde dpung gis mi g.yo bar byas par 'gyur ro/ /bum pa sar pa 'bru thams</font><hr>95.177b<br><font size=+1>

cad dang spos chus bkang ba la lan brgya rtsa brgyad bzlas brjod byas pas log 'dren gyis gtses shing zin pa bkrus te dbang bskur na dpal dang ldan par 'gyur ro/ /'dis dbang bskur na sdig pa kun las grol bar 'gyur te/ dkyil 'khor gyi las dang gdon gyi las rnams kyang byed par 'gyur ro/ /rma bya'i mjug ma la lan 'bum bzlas brjod byas na dug thams cad sel bar 'gyur ro/ /de nyid kyis rims dang mig gi nad dang gzer thabs la sogs pa sel bar byed do/ /srung ba'i skud pas ni nad thams cad las grol bar 'gyur ro/ /phyag rgya dang ldan pa'i ji skad gsungs pa'i sngags kyis seng ldeng gi yam shing la zho dang sbrang rtsi dang mar gyis btags pa'i sbyin sreg stong rtsa brgyad byas na lha ma yin gyi sngags 'joms par byed do/ /dus gsum du nyin mtshan nyi shu rtsa gcig la 'bras thug po che la zho dang sbrang rtsi dang mar gyis btags pa'i sbyin sreg stong rtsa brgyad byas na longs spyod thob par 'gyur ro/ /lha dbang du bya bar 'dod na a ga ru'i yam shing la zho dang sbrang rtsi dang mar gyis btags pa'i sbyin sreg dus gsum du nyin zhag nyi shu rtsa gcig la stong rtsa brgyad bya'o/ /'bras thug po che la zho dang sbrang rtsi dang mar gyis btags pa gcig tu byas pas sbyin sreg byas na zas mi zad par 'gyur ro/ /gnod sbyin dbang du byed na gu gul gyi ril bu la zho dang sbrang rtsi dang mar gyis btags pa'i sbyin sreg stong rtsa brgyad bya'o/ /shing mya ngan med kyi yam shing gi ni gnod sbyin mo rnams la bya'o/ /klu rnams la ni klu shing gi me tog gis bya'o/ /'phags pa phyag na rdo rje la ni a ka ru'i yam shing gis bya'o/ /rig pa 'dzin pa la ni po son cha'i shing gi yam shing gis so/ /a ga ru'i yam shing la tu ru ska'i 'bru mar gyis btags pas ni dri za la sbyin sreg bya'o/ /yi dgas rnams la ni bil ba'i shing gi yam shing gis so/ /mi'am ci rnams la ni sra rtsi pog gi sbyin sreg gis so/ /</font><hr>95.178a<br><font size=+1>

log 'dren thams cad la ni zhag bdun du sbyin sreg brgya rtsa brgyad bya'o/ /rgyal po'i bu la ni yungs kar til mar gyis btags pa dus gsum du zhag bdun la sbyin sreg brgya rtsa brgyad bya zhing / nyi ma la mngon du phyogs nas bzlas brjod 'bum byas na sdig pa thams cad las rab tu grol bar 'gyur ro/ /rig pa thams cad tshim par byed par 'dod na ba gcin dang nas kyi kha zas za zhing rtswa u shi ra las gzugs brnyan byas te/ me tog dkar pos mchod cing 'o ma brgya rtsa brgyad kyis sbyin sreg byas nas 'o mas khrus byas te/ bzlas pa brgya rtsa brgyad bzlas shing a ga ru'i dud pas bdugs na tshim zhing rgyas par byas par 'gyur ro/ /lan gcig bzlas pas bdag bsrung ba byas par 'gyur ro/ /lan gnyis bzlas pas gzhan bsrung ba byas par 'gyur ro/ /lan gsum bzlas pa byas pas rdzas bsrung ba byas par 'gyur ro/ /lus chad pa dang zhom pa dang dug gis reg pa dang phur bus btab pa rnams la rtas par byed par 'dod na sman u shi ra las gzugs brnyan du byas te/ me tog dkar pos mchod la 'dis gtsug tor gyi rgyal po'i ras ris kyi mdun du yungs kar gyi rgyal po la zho dang sbrang rtsi dang mar gyis btags la sbyin sreg stong rtsa brgyad byas na rig pa nye bar dmigs nas phur bu 'byung bar 'gyur ro/ /ji srid du bzlas kyang rig pa 'bras bu med par shes na gi wang gis gro ga la bris te/ gro ga de la brgya rtsa brgyad mngon par bsngags pa byas nas/ bcom ldan 'das la mchod pa rgya chen po byas la/ bcom ldan 'das 'di dang lhan cig stong rtsa brgyad bzlas la/ ku sha'i stan de nyid du gnyid log na rmi lam du 'ongs te 'bras bu med pa'i rgyu ston par 'gyur ro/ /ci ste me tog pad ma bsgrub par 'dod na/ tsan+dan dmar po las pad ma byas te/ mchod pa rgya chen po byas nas zhag gsum smyung</font><hr>95.178b<br><font size=+1>

ba byas te/ pad ma lag pa g.yas pas bzung la ji srid 'bar ba de srid kyi bar du bzlas pa byas na/ g.yog 'khor nyi shu dang nam mkha' la 'gro bar 'gyur/ rig pa 'dzin pa'i 'khor los sgyur bar 'gyur/ thogs pa med par 'gro bar 'gyur/ gang gi tshe 'chi ba de'i tshe bde ba can du skye bar 'gyur ro/ /ci ste rdo rje bsgrub par 'dod na/ grog mkhar gyi sa dang bye ma bsres nas rdo rje byas la/ bslangs pa'i kha zas kyis 'tsho zhing mi smra ba'i dka' thub dang lam 'gog par byed cing rdo rje bzung ste/ myur du bzlas pa 'bum bya'o/ /rdo rje ni rtse gcig par byas te/ rdo rje de yungs kar gyi nang du gzhag la/ yungs kar de ji srid du tsi ti tsi ti'i sgra sgrogs pa de srid du bzlas pa byas na rdo rje 'grub par 'gyur ro/ /rdo rje de blangs nas las thams cad byed par 'gyur te/ ri'i rtse mo yang phye mar byed la klu'i shing yang skem par byed cing chu bo yang rgyun phyogs las zlog par byed do/ /klu rnams 'byer bar byed do/ /dug rnams dug med par byed do/ /srog chags thams cad rengs par byed do/ /rmongs par byed do/ /ltung bar byed do/ /sngags phye mar byed do/ /shing rta la sogs pa yang rengs par byed do/ /de la sogs pa'i las thams cad byed par 'di nyid kyi rtse gsum pa'i rdo rjes sgrub par byed de/ gtsug spyod kyis kyang mngon sum du bgegs byed par mi nus so/ /'di'i cho gas rtag tu bzlas pa byed pa'i dus su sangs rgyas kyi spyan gyi sngags kyis thog ma dang tha mar lan re re bzlas pa byed na/ de dag zhi ba nyid du 'gyur zhing grub pa yang mngon sum du 'gyur ro/ /de nas rgya mtsho chen por 'bab pa'i chu bo la yi ge gcig pas pad ma 'bum dor na/ dpal rang 'ongs nas mchog dang rgyal srid kyang sbyin par byed de/ ci ste 'bru gcig pa dang bcas pa'i pad ma 'bum phrag gsum dor na sa kun la dbang ba'i rgyal por 'gyur ro/ /lnga 'bum bzlas na 'dzam bu'i gling gi bdag por</font><hr>95.179a<br><font size=+1>

'gyur ro/ /sa 'og tu 'jug pa'i sgor rkang pa bzhag ste/ 'bum phrag gsum bzlas na 'khrul 'khor thams cad bcom nas dogs pa med par 'gyur zhing / zhugs nas kyang bcud kyis len thams cad 'byin par 'gyur ro/ /ji ste de nyid du 'dug na'ang khyab 'jug gi 'khor lo'i 'jigs pa med par 'gyur ro/ /ci ste 'khor lo nang du byung na yang sngags dran pa tsam gyis thal bar 'gyur ro/ /bsams pa tsam gyis phyir gso bar yang nus so/ /nam yang phyis rab tu 'jug par yang mi 'gyur ro/ /yar ngo de dang de'i tshes gcig nas brtsams te/ dus gsum du sna ma'i me tog la lan gcig bzlas nas/ bcom ldan 'das kyi zhabs kyi mthe bo'i drung du gzhag pa byas nas/ ci tsam na zhabs kyi mtho bo nas 'od zer byung nas/ sgrub pa po de'i lus la zhugs par 'gyur gyi bar du byas na/ de'i mod kho na la skra 'khyil zhing 'khor dang ldan par yang 'gyur ro/ /'khor dang bcas pa nam mkha' la 'gro zhing rig pa 'dzin pa'i rgyal por yang 'gyur ro/ /bskal par yang gnas par 'gyur ro/ /de nas rgya mtsho'i ngogs su ras ris nub phyogs su bstan te bzhag la klu shing gis me rab tu sbar nas/ rgya mtsho la dmigs nas klu shing gi me tog gis sbyin sreg 'bum byas na/ rgya mtsho'i rlabs 'byung bar 'gyur te/ de ni grub pa'i mtshan ma yin pas 'jigs par mi bya'o/ /ji srid rgya mtsho las bram ze'i gzugs kyis 'ong bar 'gyur ro/ /bdag gis ci zhig bya zhes smra ba na khyod nga'i dbang du gyis shig ces smra bar bya'o/ /de nas gang ci bsgo ba de thams cad byed par 'gyur ro/ /sa la pad ma 'dab ma stong dang ldan pa bris te/ de'i steng du 'dug nas brgya phrag stong bzlas pa byas na pad ma de sa las 'phags nas g.yog 'khor stong dang bcas pa nam mkha' la 'gro bar 'gyur ro/ /bskal pa chen por gnas pa'i rig pa 'dzin pa'i rgyal</font><hr>95.179b<br><font size=+1>

por yang 'gyur ro/ /lam gcod par byed par yang mi nus so/ /'od dpag tshad lngar snang bar byed par 'gyur ro/ /cho 'phrul chen po'i zla ba phyed la sna ma'i me tog dang ldan pas re re zhing bzlas shing / bcom ldan 'das kyi gtsug tor gyi steng du 'bum phrag gcig phul na/ ji srid gtsug tor nas 'od zer 'byung bar 'gyur te/ sgrub pa po'i lus la zhugs kyi bar du byas na de'i mod kho na la mngon par shes pa lnga thob par 'gyur ro/ /'bum phrag bcu bzlas pa byas na ji lta ji ltar rab tu sbyar ba ste de lta de ltar las byed par 'gyur ro/ /bcom ldan 'das 'di nyid dang lhan cig gal te rig pa zlo bar byed na de nges par 'ong bar 'gyur ro/ /mngon sum du bzlas na yang 'ong bar 'gyur ro/ /gal te 'ong bar mi byed na de'i mgo 'gas pa'am skem par 'gyur ro/ /yi ge gcig pa 'di ni gzhan ci zhig yin te/ gtsug tor 'khor los sgyur ba de bzhin gshegs pa 'di nyid mngon sum yin te/ lha dang bcas pa'i 'jig rten na sngags dang rig pa thams cad kyi rgyal po de bzhin gshegs pa nyid do/ /gdugs dkar po dang gzi brjid phung po la sogs pa ni 'di'i g.yog 'khor yin te/ gtsug tor gyi rgyal po thams cad kyis kyang bsgrub par bya ba yin te/ cho ga thams cad 'di nyid la sbyar bar bya zhing / gtsug tor gyi rgyal po thams cad kyis kyang 'di bsgrub par bya'o/ /cho ga thams cad kyis kyang 'di bsgrub par bya'o/ /dngos grub dam pa 'dod pas kyang gnas ma yin par sbyar bar mi bya'o/ /gal te sbyor bar byed na grub pa dam par 'gyur ba ma yin zhing / mdor na lha thams cad kyang 'dis 'gugs par byed do/ /de nas gter 'byin par 'dod na gang du gter yod pa der song la/ rtsa ba mi gnag pa'i bum pa blangs nas dri zhim po thams cad kyi lde gus byugs te/ tsan+dan dkar po dang chu'i nang du bcug ste/ stong rtsa brgyad mngon par bsngags pa byas</font><hr>95.180a<br><font size=+1>

nas gal te gter yod na sa de rang bye bar 'gyur ro/ /gal te gter de mi gang tsam na yod na chus gtor la khru gang tsam brkos la blang bar bya'o/ /ci ste seng ge bsgrub par 'dod na grog mkhar gyi sa dang gi wang gi lde gus bsres pa'i gong bu las byas nas bzhag ste/ mchod pa rgya chen po byas la ji srid 'gul ba de srid kyi bar du bzlas pa byas na 'grub par 'gyur te 'gul ba na 'grub par 'gyur ro/ /rgyab tu zhon na rna cha gdub kor dang 'dra zhing 'khyil ba'i skra dang bdag dang bcas pa'i 'khor lnga bcu dang nam mkha' la 'gro bar 'gyur ro/ /tshangs pa ji lta bar lo stong phrag dgur 'tsho bar 'gyur/ rig pa 'dzin pa thams cad kyis mi thub par 'gyur ro/ /de bzhin du glang po che dang ma he bsgrub par bya'o/ /gang gi tshe seng ge seng ge'i sgra sgrogs pa de'i tshe lha rnams stan las sa la ltung bar 'gyur ro/ /pad ma'i mtshor phyin nas pad ma 'bum gyis mchod na sa kun gyi rgyal thabs thob par 'gyur ro/ /shing ka ra bI ra'i me tog kha ma 'bus pa'i sbyin sreg 'bum byas na rgyal po'i bu mo thob par 'gyur ro/ /sna ma'i me tog 'bum gyis rgya mtshor 'gro ba'i chu bo la sngags dang bcas pas gtor na/ gang 'dod pa'i bu mo thob par 'gyur zhing grub pa mchog thams cad kyang 'grub par 'gyur ro/ /gtsug tor 'khor los sgyur ba 'di'i sngags kyis ni de gang du 'ongs pa der dbang po yang de la stan stobs par 'gyur ro/ /lha'i rgyal po thams cad kyis kyang ring po nas mthong na 'jigs pas dga' bar 'gyur ro/ /lha rnams kyi rgyal po thams cad du yang 'gyur ro/ /de ltar rgya cher bcom ldan 'das shAkya seng ge mi mchog gis gsungs pa yin no/ /'phags pa 'jam dpal gyi rtsa ba'i cho ga /byang chub sems dpa'i sde snod phal po che theg pa chen po shin tu rgyas pa'i mdo las/ yi ge gcig pa'i 'khor los sgyur ba'i las kyi cho ga dang ras ris bstan pa'i le'u rab 'byam</font><hr>95.180b<br><font size=+1>

las nyi shu pa rdzogs s+ho// // de nas bcom ldan 'das shAkya thub pas gzhan yang gnas gtsang ma'i gzhal med khang la gzigs nas/ de na gnas pa'i lha'i tshogs thams cad dang / sangs rgyas dang byang chub sems dpa' dang / rang sangs rgyas dang / nyan thos dang / 'jam dpal gzhon nur gyur pa la bka' stsal pa/ 'jam dpal bstan pa 'di ni de bzhin gshegs pa thams cad kyi nor du gyur pa/ chos kyi mdzod 'jig rten pa rnams kyi bsam pa 'bras bu dang bcas pa byed pa 'i phyir nor bu rin po che lta bur gyur pa'o/ /dus kyi tha ma'i dus de'i tshe de bzhin gshegs pa rnams yongs su mya ngan las 'das shing sangs rgyas kyi zhing dag stongs pa na dam pa'i chos kyi tshul nub pa'i dus tshod na/ de bzhin gshegs pa thams cad kyi sngags kyi mdzod yang dag par bsrung ba'i phyir gzhon nu khyod kyi sngags dang rgyud rnams kyi cho ga'i rgyal po ni thun mong du gyur cing gter du gyur par 'gyur ba yin te/ sems can thams cad kyi bsams pa yongs su rdzogs par bya ba'i phyir cho ga bzhin du bzlas pa byas na thob pa yin no/ /'jam dpal de bzhin gshegs pa thams cad kyi sngags dang rgyud rnams kyi 'di ni snying por gyur pa yin te/ gzhon nu khyod kyi cho ga'i rgyal po 'di ni mchog tu gyur pa yin no/ /yi ge gcig pa'i 'khor los sgyur ba 'di bzlas pas ni de bzhin gshegs pa thams cad kyi rig pa'i rgyal po bzlas par 'gyur ro/ /'jam dpal gzhan yang khyod kyi cho ga'i rgyal po gter du gyur pa/ snying por gyur pa/ mchog tu gyur pa/ gtso bor gyur pa/ yi ge gcig pa sngon byung bar 'gyur ro/ /'das pa'i dus dang 'das pa'i dus tshod du gang gA'i klung gi bye ma drug cu rtsa gnyis snyed kyi de bzhin gshegs pa dang tshe dang ye shes dpag tu med pa rnam par nges pa'i dbang po'i rgyal po zhes bya ba/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ </font><hr>95.181a<br><font size=+1>

'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa/ sangs rgyas bcom ldan 'das gang gis dran pa tsam mam mtshan 'dzin pas kyang mtshams med pa lnga'i las kyang zad par 'gyur ro/ /gang gi mtshan thos pa tsam gyis kyang sems can mang po nges par byang chub la gzhol bar 'gyur na sngags 'grub pa lta smos kyang ci dgos/ sngags zlos pa thams cad kyis kyang nges par tshe dang ye shes dpag tu med pa rnam par nges pa'i dbang po'i rgyal po bcom ldan 'das de bzhin gshegs pa 'di la dang por ngag gis kyang phyag byas te/ bcom ldan 'das tshe dang ye shes dpag tu med pa rnam par nges pa'i dbang po'i rgyal po de bzhin gshegs pa dgra bcom pa yang dag par rdzogs pa'i sangs rgyas de la phyag 'tshal lo/ /de bzhin du de nas 'od dpag med dang rin chen tog la phyag bya'o/ /de nas sangs rgyas thams cad la phyag byas nas ci 'dod pa'i sngags bzlas pa byas na myur du grub pa stsol bar 'gyur te/ gang gi phyir zhe na/ de bzhin gshegs pa gsum gyi mtshan yongs su bsgrags pa dang phyag 'tshal bas ni bsod nams chen po 'phel ba'i phyir dang / de bzhin gshegs pa thams cad la yang phyag 'tshal bas ni nges par byang chub la gzhol ba dang dge ba'i tshogs 'di yongs su rdzogs par 'gyur te/ byang chub sems dpa'i grangs su 'gro zhing de'i sngags kyang myur du 'grub pa stsol bar 'gyur ro/ /tshe dang ye shes dpag tu med pa rnam par nges pa'i dbang po'i rgyal po de bzhin gshegs pa dgra bcom pa yang dag par rdzogs pa'i sangs rgyas kyis yi ge gcig pa'i sngags 'di gsungs te/ de bzhin gshegs pa thams cad kyi snying po sngags dang rgyud thams cad kyi mngon par 'dod pa/ sngags thams cad kyi don sgrub par byed pa/ 'jam pa'i dbyangs khyod kyi cho ga'i rgyal po mchog tu gtsang ba dang gtsang ba dam pa dang 'jig</font><hr>95.181b<br><font size=+1>

rten rnams la phan pa'i phyir rab tu sbyar bar bya'o/ /slob ma ma yin pa dang chos dang mi ldan pa dang de bzhin du ston pa dang bstan pa la ma dad pa dang gzhan gyis pham pa dang ma rungs pa dang nga rgyal can dang ston pa dang bstan pa la nyes pa tshol ba la ni nam yang rab tu sbyar bar mi bya'o/ /rgyal ba'i sras la rab tu mi dang ba dang nyan thos dang rang sangs rgyas rnams la yang mchod pa dang rjes su gzung ba mi bzod pa de la ni ngas sbyin par mi bya'o/ /de la ni sngags grub pa mi snang ste/ dad cing zhi ba'i sems ldan dang / /sangs rgyas bstan la rab tu dang / /byang chub sems la rtag tu ni/ /mchod dang rjes bzung de gtsor byed/ /de la sngags 'di 'grub 'gyur zhes/ /cho ga 'dir ni yang dag bstan/ /sngags chen yi ge gcig pa ni/ /'jam pa'i dbyangs kyis nges par sbyar/ /'jig rten mgon 'dis sngags 'di ni/ /re ba skyed byed stsol ba yin/ /sangs rgyas kun gyi snying po yin/ /sngags rnams ma lus 'byung ba'i gnas/ /bdun cu rtsa drug bye ba ni/ /rang byung nyid kyis sngon gsungs pa/ /lus can sdig pas rmongs rnams la/ /sngags rnams dge ba'i don du yin/ /de bzhin gshegs rnams kun gyi sngags/ /ston pa'i gzugs su yang dag gnas/ /de dag la 'di snying por 'gyur/ /rig pa'i rgyal po rdzu 'phrul che/ /yi ge gcig por rtag par gnas/ /ther zug tu yang 'di rab 'jug /'dir ni chos kyi mthar gnas te/ /'gro la phan phyir sangs rgyas yin/ /chos kyi tshul la yang dag gnas/ /'di ni yi ge gcig pa yin/ /sngags ni don rnams ma lus sgrub/ /rgyal po ma rungs zlog byed yin/ /las ni sna tshogs byed pa yin/ /las kun ma lus sgrub pa'o/ /las ni rtsa brgyad stong po rnams/ /nges par yang ni byed par 'gyur/ /cho ga mthong ba'i las kyis ni/ /phun sum tshogs pa sna tshogs ster/ /'jam dpal gyi ni snying po ni/ /yi ge ma dang yang dag ldan/ /yi ge u dang rtag 'gro zhes/ /</font><hr>95.182a<br><font size=+1>

'jig rten na ni rtag 'jug 'gyur/ /tshe dang ye shes dpag med rgyal/ /dbang pos nges pa'i don du gsungs/ /'jam pa'i dbyangs la sangs rgyas kyis/ /dbang gi don du 'di rab sbyin/ /des na dus mtha'i 'jig rten 'dir/ /ston pa mya ngan 'das pa na/ /cho ga mthong ba'i rgyu yis ni/ /myur du grub par 'gro bar 'gyur/ /tshe ni dpag med ces bya bas/ /rnam par brtags par gyur pa yin/ /der ni bcom ldan sangs rgyas te/ /chos kyi 'khor lo skor byed pa/ /dpag med bskal par gnas pa dang / /tshe la dbang bar byin gyis brlabs/ /de nyid phyir na de mtshan gyur/ /dpag med tshe dang ye shes nges/ /'jig rten kun gyi rgyal po'i dbang / /rdzu 'phrul che 'di de bzhin gshegs/ /de ni sngags mchog gtso 'di byin/ /sangs rgyas sras po blo dang ldan/ /sras kyi gtso bo dam pa ni/ /rdzu 'phrul che zhing stobs kyang che/ /de nas sras po de nyid kyis/ /'di ni kun tu bzang la sbyor/ /de nas sangs rgyas sras rnams la/ /de ni de bzhin gshegs dag gis/ /sngags rnams kyi ni mchog gyur pa/ /chos kyi rgyal pos gsungs pa ni/ /'byung po rnams la phan don du/ /sngags rnams ma lus gsungs pa yin/ /tshe dang ye shes dpag tu med pa rnam par nges pa'i dbang po'i rgyal po de bzhin gshegs pa dgra bcom pa yang dag par rdzogs pa'i sangs rgyas la phyag 'tshal lo/ /sA la'i dbang po'i rgyal po tshe dpag tu med pa dang 'od dpag tu med pa dang rin chen tog la sogs pa sangs rgyas thams cad la phyag 'tshal lo/ /de rnams la phyag 'tshal nas lan gsum sngags bzla bar bya'o/ /yi ge gcig po de gang zhe na/ mu/ grogs po dag 'di ni tshe dang ye shes dpag tu med pa rnam par gdon mi za ba'i dbang po'i rgyal po de bzhin gshegs pa dgra bcom pa yang dag par rdzogs pa'i sangs rgyas kyi bkod pa dpag tu med pa dang ldan pa'i 'jig</font><hr>95.182b<br><font size=+1>

rten gyi khams su bzhugs te gsungs pa ni sems can thams cad kyi don dang phan pa dang bde ba dang 'jig rten la snying brtse ba'i phyir dang skye bo'i tshogs chen po'i don dang ma 'ongs pa'i skye bo dag la gzigs nas bstan pa nub pa'i dus tshod du mkhyen nas dus kyi tha ma la dkon mchog gsum la gnod pa byed pa'i ma rungs pa'i rgyal po bzlog pa'i phyir dang / de bzhin gshegs pa thams cad kyi thugs kyi sras kyi gtso bo mthu chen po thob pa'i byang chub sems dpa' sems dpa' chen po la sbyin pa'i phyir dang sangs rgyas kyi byin gyis brlabs kyis kun tu bzang po la byin no/ /byang chub sems dpa' sems dpa' chen po kun tu bzang po des kyang 'jam dpal gzhon nur gyur pa la byin no/ /'jam dpal gzhon nur gyur pa des kyang sems can thams cad rjes su gzung ba'i phyir snying rje chen po'i dbang gis snying gi gnas su rang gi lus la bzhag go /ma 'ongs pa'i dus la bltos nas dus kyi tha ma bstan pa nub pa'i dus tshod la de bzhin gshegs pa'i tha ma bdag gis kyang bstan te/ rtsod pa'i dus dang bstan pa 'jig pa'i dus su nga'i bstan pa yang dag par bsrung ba'i don byed par 'gyur ro/ /'di'i cho ga gzhan yang mdor bsdus nas brjod par bya ba ni 'jam pa'i dbyangs gzhon nu nyon cig /bdag nyid chen po'i cho ga rgya che ba 'di'i cho ga'i rgyal po'i dbang po brjod par bya ste/ dang por re zhig ri'i rtse mor 'dzegs te/ 'bum phrag sum cu bzlas pa byas na sngar bsnyen pa byas par 'gyur ro/ /'o mas 'tsho zhing mi smra ba'i brtul zhugs dang sngags gzhan la mi rten pa dang / gzhan la mi sems pa dang / skyabs gsum yongs su blangs pa dang / byang chub tu sems bskyed pa dang / khrims lnga'i sdom pa yang dag par blangs pa dang / byang chub sems dpa'i sdom pa yang dag par blangs pas bzlas pa byas la des las rnams bya ba ste/ dang por re zhig ras la ri mo bya ba ni ri mo mkhan gso sbyong byas la tshon ma 'dres pa dag gis</font><hr>95.183a<br><font size=+1>

bri'o/ /gtsang ma'i ras kyi dum bu gang yang rung ba'am dar la tsan+dan dang ga pur dang gur gum gyi chus gtor la/ gtsang ba'i sa phyogs su gtsang ba'i ri mo byed pa dkar gsum za zhing gos dkar po gyon pas zla ba nya ba'i bcwa lnga la nyi ma 'char ba'i dus su rnam par dag pa'i rgyu skar la nyi ma phyed pa'i bar du bri bar bya ste de nas bri ba spang bar bya'o/ /de bzhin du nyin re zhing yang yongs su rdzogs kyi bar du bya'o/ /dang por re zhig ras la tshe dpag tu med pa'i 'jig rten gyi khams bri bar bya'o/ /ras khru gang tsam mam bde bar gshegs pa'i mtho gang gi tshad dam/ ras khru bzhi pa la kho ra yug tu tshe dpag tu med pa'i 'jig rten gyi khams bri'o/ /pad ma rA ga dang in+d+ra nI la dang shel dang rin po che margad kyi ras ris kyi 'og gi phyogs su mdzes par bya'o/ /de dag gi steng gi phyogs su rin po che'i gzhal med khang mdzes pa'i rnam pa dang rgyal mtshan dang ba dan mdzes pa'i rnam par bsgreng ba dang de'i dbus su tshe dpag tu med pa rnam par gdon mi za ba'i dbang po'i rgyal po de bzhin gshegs pa chos 'chad pa seng ge'i khri la bzhugs pa/ kun nas 'od kyi phreng ba rab tu 'bar ba/ kha dog cung zad dmar zhing dkar ba/ g.yon phyogs su mthing shing gi rdo la bzhugs pa byang chub sems dpa' sems dpa' chen po mthu chen thob phyag g.yas na rnga yab thogs shing de bzhin gshegs pa la gtod pa'i lta ba dang lag pa g.yon na skyur rtsi chen po'i shing thog thogs pa/ me tog pri yang ku ltar sngo sangs gzhon nu'i rgyan gyis lus brgyan pa/ kun nas khor yug tu 'od 'phro ba/ g.yas ngos su byang chub sems dpa' sems dpa' chen po kun tu bzang po rin po che'i ri la bzhugs pa/ lag pa g.yas pa na rnga yab thogs shing g.yob pa/ lag pa g.yon pa na rin po che thogs pa/ rgyan thams cad kyis brgyan pa/ rin po che'i cod pan gyis brgyan pa/ me tog pri yang ku ltar cung zad dkar ba/ ras sngon po g.yo ba dang ldan pas</font><hr>95.183b<br><font size=+1>

g.yogs pa/ mu tig gi phreng ba dang rin po ches mchod phyir thogs byas pa/ khor yug rab tu 'bar bas 'brel ba de'i g.yas ngos su 'phags pa 'jam dpal rin po che'i ri la gnas pa/ gzhon nur gyur pa zur phud lngas mgo legs par mdzes par byas pa/ byis pa gzhon nu'i rgyan gyis brgyan pa/ gser gyi mdog dang 'dra ba/ dar sngon po g.yo ba can mnabs pa/ mu tig gi phreng ba dang rin po che 'dzin cing 'dres pa'i mchod phyir thogs byas pa/ de bzhin gshegs par song ba'i lta ba cung zad bzhin 'dzum pa dang ldan pa/ zhi ba'i rnam pa gzugs mdzes pa/ thal mo sbyar ba rnam pa thams cad kyi mchog dang ldan pa bri bar bya'o/ /de'i 'og tu rtags dang cha byad dang dbyibs 'dzin pa'i sgrub pa po me tog gi phreng ba 'dzin cing / pus mo'i lha nga sa la btsugs nas yang dag par 'dug pa dang mgo mngon par btud pa ras ris kyi zur gyi mtha' ma'i phyogs su bri bar bya'o/ /bcom ldan 'das kyi steng du sangs rgyas bcom ldan 'das bzhi bri bar bya'o/ /g.yas phyogs su de bzhin gshegs pa gnyis bri bar bya ba la/ sA la'i dbang po'i rgyal po dang rin chen tog khor yug tu kun nas 'bar ba'i 'od dang ldan pa/ g.yon phyogs su gser thub dang 'od srung rnam pa thams cad kyi mchog dang ldan pa/ me tog thams cad kyis gcal bkram pa/ pad ma'i gdan gnyis la bzhugs pa/ ha cang mi ring ba na chos 'chad cing skyil mo krung gis bzhugs pa/ zhi ba'i rnam pa dang ldan pa/ bcom ldan 'das kyi steng nas me tog gi char rab tu 'bebs pa/ sprin gyi nang nas ro stod byung ba/ de bzhin gshegs pa'i sku nam mkha' la lding ba spyan mdzes zhes bya ba mngon par bri bar bya ba ni/ rnam pa thams cad kyi mchog dang ldan pa/ kun nas 'bar ba'i 'od kyi phreng ba dang ldan pa/ phyag g.yas pas mchog sbyin pa/ phyag g.yon pas chos gos kyi tha ma la 'dzin pa/ 'di ni tshe dang ye shes dpag tu med pa rnam par gdon</font><hr>95.184a<br><font size=+1>

mi za ba'i rgyal po'i dbang po de bzhin gshegs pa dgra bcom pa yang dag par rdzogs pa'i sangs rgyas kyi ras ris cho ga bcom ldan 'das 'di nyid yi ge gcig pa'i sngags kyi mchog 'di yin te/ 'di ni gtsug tor gyi rgyal po gtsug tor 'khor los sgyur ba dang rab tu 'gran pa/ brtson 'grus mtshungs pa/ stobs mtshungs pa 'di'i yon tan rgya che ba'i mthu ni bsam gyis mi khyab ste/ rdzu 'phrul che zhing stobs che ba/ mdor na de bzhin gshegs pa thams cad kyi gtsug tor gyi rgyal po 'khor los sgyur ba yin no/ /yi ge gcig pa la cho ga rgya cher bstan pa gang yin pa de thams cad kyang byed do/ /ma bsgrubs kyang bzlas pa tsam gyis kyang las rnams byed na bsgrubs pas lta smos kyang ci dgos/ ji ltar 'dod pa'i 'bras bu phun sum tshogs pa dang 'dod pa yang thob par 'gyur ro/ /yid kyis gang mngon par 'dod pa de ras ris mthong ba tsam gyis 'grub par 'gyur ro/ /nges par byang chub la gzhol bar 'gyur ro/ /de nyid bcom ldan 'das tshe dang ye shes dpag tu med pa rnam par gdon mi za ba'i rgyal po'i dbang pos byin gyis brlabs pa ni de bzhin gshegs pa thams cad kyi snying po zhes brjod do/ /de bzhin gshegs pa thams cad kyi gtsug tor gyi rgyal po zhes brjod do/ /'khor los sgyur ba zhes brjod do/ /'khor los sgyur ba'i rgyal po chen po zhes brjod do/ /'jam dpal gzhon nur gyur pa'i snying po zhes brjod do/ /yi ge gcig pa zhes brjod do/ /mdor na 'di'i mthu ni bsam gyis mi khyab ste/ gang gi phyir sangs rgyas rnams kyis byin gyis brlabs pa ni bsam gyis mi khyab bo/ /sangs rgyas kyi rnam par 'phrul ba ni bsam gyis mi khyab bo/ /sgrub pa med pa dang sngon du spyod pa ma byas pa dang khyim gyi rtsom pa thams cad la rab tu gnas pa dang bza' ba thams cad sha dang chang dang grong gi chos la rab tu zhugs pa dag la yang 'grub ste/ dad pa med pa dang byang chub tu</font><hr>95.184b<br><font size=+1>

sems bskyed pa med pa ni ma gtogs te 'di dag la ni grub pa med do/ /dkon mchog gsum la gnod pa byed pa dang de la zhugs pa la gnod pa byed pa dang 'di dag la yang las phra mo yang grub pa med na/ grub pa 'bring dang rab la ni lta smos kyang ci dgos/ 'dod pa thams cad dang bza' ba dang spyod pa gtsor byed pa'i sgrub pa po la ni las stong rtsa brgyad kyi las phran tshegs la rab tu sbyar bas 'grub par 'gyur ro/ /de dag kyang gang zhe na/ dang por re zhig lan gcig bzlas pas bdag bsrung ngo / /lan gnyis bzlas pas gzhan bsrung bar 'gyur ro/ /lan gsum bzlas pas srung ba dam par 'gyur ro/ /byang chub sems dpa' sems dpa' chen po sa bcu la rab tu gnas pas kyang yang dag par bskyod par mi nus na/ de las gzhan pa'i sems can gyis lta smos kyang ci dgos/ tshon sna lnga'i skud pa la lan bzhi bzlas nas rked par bcings na sa bon bsdams par 'gyur ba yin te/ rmi lam na yang 'di la sa bon 'byung bar mi 'gyur ro/ /rang 'dod pa ni ma gtogs te de nyin par ram mtshan mo gcig la gal te 'dod pa na nyi ma re re zhing bya'o/ /ci ste mi 'dod na thal ba la lan bdun bsngags pa byas nas lte ba'i phyogs su bskus na zhag bdun phrag gsum du sa bon bsdams pa byas par 'gyur ro/ /lan lnga bzlas te sangs rgyas bcom ldan 'das bsgoms na gang la reg pa de dbang du 'gyur ro/ /zla ba gzas zin cing zla ba'i dkyil 'khor thams cad 'dzin pa na/ shing arka'i me rab tu sbar la ras ris med kyang shar du mngon par bltas te/ mar gyi sreg blugs stong phrag bcus sbyin sreg bya'o/ /rgyal po'i pho brang dang nye ba chu bos bar ma bcad pa/ lha'i gnas su ma byas pa/ phyogs gang du rgyal po gnas pa de dang nye bar sbyin sreg rab tu sbyar na tho rangs rgyal po dbang du 'gyur ro/ /gang smras pa de thams cad byed par 'gyur ro/ /gal te dbang du ma gyur pa de'i tshe/ de'i sems phyin ci log tu 'gyur ba'am</font><hr>95.185a<br><font size=+1>

sems g.yeng ba thob par 'gyur na phyir yang bzlog par bya ste/ 'o ma'i sreg blugs stong rtsa brgyad kyis sbyin sreg byas na gang de'i dus de nas brtsams nas rang bzhin du gnas par 'gyur ro/ /las de dag ni dad pa dang ldan pa dang dkon mchog gsum la dad pa dang byang chub tu sems bskyed pa rnams la ni mi bya ste/ gal te byed na shin tu bsod nams ma yin pa'i phung po chen po 'byung bar 'gyur ro/ /gzhan dag la gnod pa byed pa/ ma rungs pa'i sems dang drag po'i sems dang ldan pa rnams la ni bya ba yin no/ /nyin re zhing yang mthong ba sbyin par byas na sems zhi bar 'gyur ro/ /gal te zhi bar ma gyur na phung khrol chen po dang ldan par 'gyur te/ srog gi lhag ma tsam lus par 'gyur ro/ /gzhan yang las su 'gyur ba ni zla ba gzas zin gyi dus su shing pa la sha'i yam shing gis me rab tu sbar te/ mar gyi sreg blugs stong rtsa brgyad byas na tho rangs yul gyi bdag po'i rgyal po spyan drangs par 'gyur ro/ /de dang lhan cig tu gros byas na bsam pa bden pa nye bar ston par 'gyur te/ de la bstan ngag byas na zla ba drug gi nang du bsod snyoms stong yod pa'i grong ster bar 'gyur ro/ /gal te mtshan phyed du sbyin sreg byas na zla ba gsum gyis ster bar 'gyur ro/ /gal te thun thams cad kyi mtshan mo sbyin sreg byas na zla ba gcig gis thob par 'gyur ro/ /gal te zla ba gcig gi mtshan mo re re la sbyin sreg byas na yul thob par 'gyur ro/ /yang na yul dang 'dra ba'i grong ngam yang na gzhan cung zad nor yod pa la yang dgra yod par mi 'gyur te/ gal te dgra yod na yang las rnams byas pa yin te/ zla ba gzas zin pa na shing a pa margas me rab tu sbar la/ shing pa la sha'i yam shing la zho dang sbrang rtsi dang mar gyis btags pas bram ze'i skra la sbyin sreg stong rtsa brgyad bya'o/ /de'i tha mar shing pi tsu marda'i lo ma la ske tshe'i 'bru mar gyis btags pa'i sreg blugs</font><hr>95.185b<br><font size=+1>

kyis sbyin sreg stong rtsa brgyad byas na tho rangs bram ze'i dgra zhi bar 'gyur ro/ /gal te rgyal po sdang bar 'gyur na las gzhan yang yod de/ zla ba gzas zin la shing ci rnyed pas me rab tu sbar la mar gyi sreg blugs kyis sbyin sreg stong rtsa brgyad byas la sbyin sreg gi tha mar phyogs gang na rgyal po yod pa de'i phyogs su thal ba de gtor na de dbang du 'gyur ro/ /dus gang la longs spyod gang 'dod pa rgya che ba de dag gi grogs kyang byed par 'gyur ro/ /grong nyung ba'am mang po rab tu ster bar 'gyur te/ nges par zla ba drug gis don yod par 'grub par yang 'gyur ro/ /de nas rigs bzhi las gang yang rung ba rtags gtso bo dang ldan pa'am lha gzhan nam 'jig rten pa la dad pa dag sems 'khrugs par gyur na/ phyogs gang na gnas pa der thal ba de gtor na yul gzhan du 'gro bar 'gyur ba'am skyo bar 'gyur ba'am mtshan mo glal bar 'gyur ba'am nye du la gnod par 'gyur ro/ /de phyir gso ba ni 'o ma'i sreg blugs stong rtsa brgyad kyis sbyin sreg byas na sos par 'gyur ro/ /yang na gza' bzhi po nyid kyi cho gas sangs rgyas dang byang chub sems dpa'i sku gzugs dang ras ris sam dam pa'i chos kyi glegs bam mam sku gdung dang bcas pa'i mchod rten la gos gtsang ma bgos shing nyin zhag gcig smyung ba byas te/ srog chags med pa'i chus las bya zhing me tog dkar po dri zhim po dang gur gum dang ldan pa dang ga pur gyi dud pas bdug par bya'o/ /gang du las la sbyar ba ni bram ze'i dgra la ni shing pa la shas bya'o/ /rgyal rigs kyi dgra la ni shing a shwat+thas bya'o/ /rje'u rigs kyi dgra la ni shing seng ldeng gis bya'o/ /dmangs rigs kyi dgra la ni de las gzhan pa'i shing gi me rab tu sbar la de nyid kyi las bya'o/ /bram ze la ni shing pa la sha'i yam shing dang rgyal rigs la ni a shwat+tha'i yam shing dang rje'u rigs la ni seng ldeng gi yam shing dang dmangs</font><hr>95.186a<br><font size=+1>

rigs la ni a pa marga'i yam shing ngam de las gzhan pa ji snyed pas mar gyi sbyin sreg bya'o/ /de bzhin du las gzhan yang bya ba ni/ rgyal po chen po la ni shing a pa ra dzi ta'i rtsa ba'i yam shing dang mar gyi sreg blugs stong rtsa brgyad kyis sbyin sreg bya'o/ /tha mar yang de nyid kyi thal bas gtor bar bya'o/ /gang gi phyogs nas sdang ba'i sems dang ldan pa 'ong ba de'i phyogs su gtsug tor 'khor los sgyur ba yi ge gcig pa'i phyag rgya bcings nas gtor ro/ /yang na ut+pa la'i phyag rgya bcings na de 'jigs nas ldog pa'am/ dmag gi tshogs nyams par 'gyur ba'am/ gzhan gang cung zad rnam par ltung ba chen por 'gyur ba'am/ 'go ba'i nad chen po'am/ sems sdug bsngal bar gnas pa'am/ gang gis 'di'i ngag ldog par 'gyur ba'am/ 'di dag dang gzhan yang ji ltar 'dod pa'i las rnams byed par 'gyur ro/ /gos la mngon par bsngags te bgos na skal ba bzang por 'gyur ro/ /mig sman la mngon par bsngags te mig la bskus na skye bo thams cad dga' bar 'gyur ro/ /mig dang gdong la lan bdun bsngags pa byas la khros pa'i gdong la bltas na zhi ba dang dbang du 'gyur ro/ /me tog dang 'bras bu'am gzhan gang cung zad dri zhim pa la lan bdun mngon par bsngags pa byas la rgyal po la byin na de bsnams pa tsam gyis dbang du 'gyur ro/ /gzhan sems can gang la la mthong ba tsam gyis de dbang du 'gyur ro/ /yan lag thams cad na ba la brgya rtsa brgyad mngon par bzlas pa byas la/ chu dron pos khrus byas na bde legs su gnas par 'gyur te las 'di rnams ni bya ba yin no/ /sems can sdug bsngal ba thams cad dang / mgon med par gyur pa dang / bkren pa dang / bstan pa 'di'i brtul zhugs can dang / dkon mchog gsum la dad pa la ni 'di lta bu'i las mi bya'o/ /bud med la yang las mi bya'o/ /de bzhin du byis pa dang</font><hr>95.186b<br><font size=+1>

rgan po dang nad pa dang dbul po dang sdug bsngal ba dang sems can phra mo dang skye gnas ngan par skyes pa 'di dag la yang mi bya ste/ las 'di dag ni sems can chen po dag la rab tu sbyar bar bya'o/ /dpa' zhing brkam chags bab chol med/ /phyogs chen nor ni che ba dang / /mngon pa'i nga rgyal rab gtum la/ /las ni 'di 'dra bya ba yin/ /bstan la zhe sdang khro ba dang / /gzhan gyi nor ni 'phrog byed dang / /sngags rnams kun dang sman rnams dang / /rnal 'byor ldan la ma dad dang / /spyis brtsan gdug pa'i sems ldan dang / /'jig rten gyis smad rgyal po ste/ /'di dag la ni las sbyar bya/ /chos dang ldan la rnam par spang / /las rnams gzhan yang 'di skad brjod/ /blo yis de ni yongs su spang / /de nyid khros pas thal ba ni/ /bzlas pas phyogs su gtor byas na/ /de rnams dgra ni rab khros dang / /rgyal po dag kyang rnam 'jig 'gyur/ /nges par skye bo de dag kyang / /yun ring nad kyis thebs par 'gyur/ /de dag phyogs su 'chi ba mang / /'go ba'i nad kyang rab tu snang / /shin tu nyon mongs cher gyur kyang / /las rnams 'di dag bya min te/ /der ni skye bo'i bdag po kun/ /zhag bdun gsum gyis nyams par 'gyur/ /las rnams brtsams nas sngon du ni/ /bdun phrag gnyis la yang dag brtul/ /bdun pa dang pos sems rnams g.yeng / /zhag bdun gnyis pas nad kyis 'debs/ /bdun pa gsum gyis 'chi bar 'gyur/ /de bas de ni yongs su spang / /dang po 'di dag rnam par 'byer/ /gnyis par phyogs su rnam par 'khyam/ /zhag bdun gsum par rnam par 'jig /de bas las 'di bya ba min/ /sems can gdul bya'i don nyid la/ /'jig rten 'dren pas bstan pa yin/ /sangs rgyas thugs ni dag pa yis/ /gdug pa'i las 'di gsung mi 'gyur/ /srog la gnod par byed pa'i las/ /sangs rgyas kun gyis smad pa yin/ /grub pa mchog ni rab 'dod pa'i/ /zlos pa</font><hr>95.187a<br><font size=+1>

de dag bya ba min/ /dmyal ba dag tu skye ba'i las/ /'di dag nyid la rab tu snang / /dkar nag 'bras bur 'byung byed pa/ /'di dag kho na bstan pa yin/ /las rnams sna tshogs bdag nyid che/ /rkang gnyis mchog gis ji bzhin gzigs/ /rtag tu dkar las dkar ba byung / /nag las nag pa rab tu smin/ /'dres las 'dres pa'i las rnams ni/ /'dres pa dag tu rnam par smin/ /de bzhin las 'di sna tshogs su/ /de nyid sangs rgyas gzigs pa yi/ /thugs rje can gyis gsungs pa'o/ /de las zlos pa spang bya ba/ /nag dang 'dres pa'i las nyid do/ /dge byed dkar po bsten par bya/ /dge ba'i las kyi 'bras bu 'byung / /srog gcod pas ni zlos pa dag /yang dang yang du dmyal bar 'gro/ /de bzhin de las log pa'i chos/ /'tshe med las ni dam pa yin/ /dge ba'i blos ni sngags rnams dang / /de bzhin mtho ris thar pa 'grub/ /legs byas las kyis thob pa yin/ /'gal ba'i las kyis 'gal bar gsungs/ /ji ltar chos dang chos min gsungs/ /thams cad mkhyen nyid spyod pa yin/ /zlos pa grub par 'dod pa yis/ /dge ba'i las ni brtsam par bya/ /zlos pa dge la gnas pa la/ /de yi sngags ni 'grub par 'gyur/ /dkar po'i las la gzhol byed la/ /de yi thar pa mi ldog 'gyur/ /sngags kyis dge ba 'grub 'gyur zhes/ /de bzhin gshegs pas rab tu gsungs/ /las rnams sna tshogs gsungs pa ni/ /sgrub pa rnams la bsdus don yin/ /ci 'dod las ni stong phrag brgyad/ /phra mo'i las ni byed pa na/ /sgrub pa po ni mi 'grub ste/ /grub pa mchog ni mi 'thob bo/ /'bad pas bzlas dang sbyin sreg bya/ /grub pa 'bring ni 'grub par 'gyur/ /cho ga mthong ba'i las kyi ni/ /tha ma myur du 'grub par 'gyur/ /mchog dang tha ma bar ma yi/ /las ni rnam pa gsum du bstan/ /dka' thub can ni</font><hr>95.187b<br><font size=+1>

zlos mchog gis/ /de bzhin grub pa mchog thob 'gyur/ /de bzhin bzlas pa bar ma yis/ /bar ma las grub thob pa yin/ /de bzhin zlos pa tha mas ni/ /tha ma'i las la yang dag brten/ /grub pa phra mo thob par yang / /gzhan gyi grub pa thob ma yin/ /dus dang tshod dang bzlas pa dang / /sbyin sreg mthong bas de bzhin 'grub/ /mchog gis mchog ni 'grub pa dang / /bar mas bar ma'i grub pa snang / /tha mas tha ma'i las dag la/ /phran tshegs grub pa thob pa yin/ /'phags pa 'jam dpal gyi rtsa ba'i cho ga byang chub sems dpa'i sde snod phal po che theg pa chen po shin tu rgyas pa'i mdo las/ yi ge gcig pa rtsa ba'i rgyud 'phags pa 'jam dpal gyi snying po'i cho ga rab 'byam las/ le'u nyi shu rtsa gcig pa rdzogs s+ho// //   de nas bcom ldan 'das shAkya thub pas gzhan yang gnas gtsang ma'i gzhal med khang la gzigs nas/ 'jam dpal gzhon nur gyur pa la bka' stsal pa/ 'jam dpal gzhan yang khyod kyi ras ris kyi cho ga sgrub pa'i thabs la las thams cad kyi don sgrub pa nyon cig /'di nyid kyi yi ge gcig pa'i snying po'i sngags sam yi ge drug po ma'i mtha' can khyod kyi sngar bstan pa'i yi ge drug pa'i snying po'am dang po na yod pa'i yi ge gcig pa'i ras ris dang po 'di nyid kyi cho gar 'gyur ba ni phyi ma'i dus phyi ma'i tshe na/ de bzhin gshegs pa nga yongs su mya ngan las 'das te/ sangs rgyas kyi zhing stongs shing rtsod pa'i dus tha mar phyin pa na/ 'jig rten skyob pa med pa dang skyabs med pa dang gnas med pa dang / dpung gnyen med pa na/ cho ga'i rgyal po 'di nyid skyob par gyur pa dang / skyabs su gyur pa dang / gnas su gyur pa dang / dpung gnyen du gyur par 'gyur ro/ /dang por re zhig snga ma bzhin du ras ma nyams pa skra shad dang bral ba/ zhag bdun nam zhag bdun gsum gyi bar du tha ga pas btags pa kha tshar dang bcas pa/ gur gum</font><hr>95.188a<br><font size=+1>

dang tsan dan gyi chus bsang gtor byas te/ sangs rgyas bcom ldan 'das shAkya thub pa pad ma'i gdan la bzhugs shing chos 'chad pa/ 'jam dpal gzhon nur gyur pa la gzigs pa bri bar bya'o/ /g.yas phyogs su nor bzang dang 'phags pa blo gros mi zad pa dang 'jam dpal yang bcom ldan 'das la phyag 'tshal bar byed pa/ gzhon nu'i gzugs can lus rgyan thams cad kyis brgyan pa bri bar bya'o/ /g.yon phyogs su kun tu bzang po dang 'phags pa spyan ras gzigs dbang phyug dang bzang skyong dang legs skyes kyang bri bar bya'o/ /bcom ldan 'das kyi sku las shin tu chung bar 'drir gzhug par bya'o/ /'phags pa spyan ras gzigs dbang phyug dang nor bzang ni lag na rnga yab thogs par bya'o/ /'og tu ni sa'i lha mo rin po che'i za ma tog lag na thogs pa/ ro stod sa las byung ba 'drir gzhug par bya'o/ /steng du ni rig pa 'dzin pa gzhon nu gnyis phreng ba 'dzin pa sprin gyi nang nas char gtong ba rig pa dang bcas pa bri bar bya'o/ /byang chub sems dpa' thams cad kyang lag na me tog thogs pa/ bcom ldan 'das kyi zhal la rnam par lta ba dang rgyan dang ldan pa/ dang ba'i lta ba dang ro stod bcom ldan 'das kyi zhabs la 'dud pa dang bcas pa 'drir gzhug par bya'o/ /de 'di lta bu'i ras ris sku gdung dang ldan pa'i mchod rten gyi drung du nub tu bstan te bzhag la 'jam dpal 'di'i yi ge gcig pa bzlas pa 'bum bya'o/ /shing bzhin du mi smra ba'i dka' thub dang dus gsum du khrus byed pa dang gos lan gsum brje ba dang rtag tu gso sbyong byed pa dang / tshod rngad dang nas chan khyor gang tsam dang 'o ma dang slong mo'i zas kyis 'tsho ba'o/ /zas kyang cha rnam pa bzhir bya ste/ cha gcig ni dkon mchog gsum la'o/ /gnyis pa ni 'jam dpal la'o/ /gsum pa ni sems can thams cad la'o/ /bzhi pa ni bdag nyid nye bar spyad par bya'o/ /</font><hr>95.188b<br><font size=+1>

mi dub pa'i lus kyis bcom ldan 'das yid la bya ste/ sems can thams cad la dmigs pa'i yid dang bdag nyid kyi don ci yang mi byed cing gzhan sems can thams cad kyi don 'dir bya'o zhes bsgoms nas bzlas pa bya'o/ /khrus dang dri dang me tog dang spos dang bshos dang mar me dag kyang dbul bar bya'o/ /khrus ni ras ris kyi grib ma'am gzugs brnyan la bya'o/ /dri ni 'og tu gtor bar bya'o/ /me tog dang bshos kyang rtag tu dbul lo/ /de nyid du 'di dag la sngar mchod par bya ste/ dang po dkon mchog gsum dang / de'i 'og tu byams pa dang / de'i 'og tu spyan ras gzigs dbang phyug dang / 'phags pa kun tu bzang po dang / nam mkha'i snying po dang / 'phags pa blo gros mi zad pa dang / zla 'od gzhon nu dang / sgrib pa thams cad rnam par sel ba dang / 'phags pa rdo rje 'dzin dang / 'phags ma sgrol ma dang / 'phags ma rma bya chen mo dang / 'phags ma gzhan gyis mi thub ma dang / bcom ldan 'das ma shes rab kyi pha rol tu phyin ma la dri dang / me tog dang spos dang gtor ma dang mar me 'di dag thams cad la sngar mchod nas phyis ras ris la mchod par bya ste/ de nas phyi rol gyi phyogs 'ga' zhig tu sbrul dang rnga mo dang bong bu dang glang po che dang log 'dren gyi gzugs grog mkhar gyis las byas te de dag gi lhag ma sbyin par bya'o/ /sems kyis dran par bya ba ni til gyi tshigs ma dang gu gul gyi tshigs ma dang til las byas pa'i bza' ba dang rgya sran dang nya dang sha dang skyu ru ra dang bcas pa dang ba ra ta ka'i bza' ba dang pad ma'i lo ma dang khar ba'i snod rnams kyang yongs su spang bar bya'o/ /ku sha'i khres la 'dug cing de nyid du gnas nas/ sangs rgyas rjes su dran pa bsgom par bya ste yid kyis bzlas pa bya'o/ /dben pa'i gnas gzhan du ku sha stan du gding bar bya'o/ /ha cang btung ba mang ba dang ha cang bza' ba mang ba dang ha cang 'gro ba mang ba dang ha cang lta ba dang ha cang</font><hr>95.189a<br><font size=+1>

nyal ba spang bar bya'o/ /dus gsum du sangs rgyas rjes su dran par bya'o/ /sa bon bsdam par yang bya'o/ /rmi lam bzang po rnams gzhan la rab tu bstan par mi bya ste/ bcom ldan 'das kyi spyan sngar brjod par bya'o/ /de bzhin du mthar gyis ha cang mi myur bar yi ge gcig pa'i bzlas pa 'bum bya'o/ /tha mar yang bcom ldan 'das ma shes rab kyi pha rol tu phyin ma bklag par bya'o/ /bzlas pa'i dus su bcom ldan 'das sam yang na 'jam dpal gzhon nur gyur pa'i zhal du bltas la/ tshig dang yi ge ma 'khrugs pas bzlas brjod bya zhing bgrang phreng la phyag byas te dbul bar bya'o/ /cho ga 'dis sngon du bsnyen pa byas te/ gang du yid dge ba yod pa'i gnas dag tu ras ris de gzhag par bya'o/ /ras ris kyi cho ga dang po rdzogs s+ho// // de nas bcom ldan 'das 'jam dpal tsan dan dkar po las byas pa pad ma'i gdan la bzhugs pa/ bcom ldan 'das ma shes rab kyi pha rol tu phyin ma phyag gcig na 'dzin pa/ phyag g.yas pa na ma du lung ga'i 'bras bu 'dzin pa bya'o/ /de gtsang ba'i phyogs gcig tu nub phyogs su bstan la gzhag par byas la de'i mdun du me thab byas te/ las thams cad la zur bzhi pa mtho do tsam gyi tshad du bya zhing 'og tu 'bru thams cad gzhug par bya'o/ /de nas de'i steng du bya ba ni cho ga 'dis me sar pa bskyed de/ shing a shwat+tha'am mya ngan med kyi yam shing dang mar dang 'bras thug po che'i chan dang 'o ma dang zho dang sbrang rtsi thams cad blangs te/ zangs ma'i snod du gzhag par byas la stong rtsa brgyad yongs su bzlas shing blugs gzar gyis sbyin par bya'o/ /phyi nas nyin zhag gzhan la yar ngo'i tshes nas brtsams te las bya'o/ /shing a shwat+tha'i yam shing gi me rab tu sbar la du ba med par mthong na me spyan drang bar bya ste/ A gats+tsha ha ri ping+ga la/ dIp+ta dzi hwa lo hi tAk+Sha/ de hi da dA pa ya swA hA/ sngags 'dis</font><hr>95.189b<br><font size=+1>

sreg blugs gsum dbul lo/ /de nas bcom ldan 'das 'jam dpal gzhon nur gyur pa spyan drang bar bya ste/ A gats+tsha/ A gats+tsha/ ku mA ra b+hU ta sarba sa twAr tha mu d+ya to\u0f85 haM/ sA hA kalpa ya/ ga d+hU paM tsa pra ti grIh+Na swA hA/ gang sbyin par byed pa de sngags 'dis sbyin par bya'o/ /byon na mchod yon dri zhim po'i me tog dang chu dbul bar bya ste de nas sbyin sreg bya'o/ /sreg blugs la lan bdun bzlas te lan cig gtor ro/ /de bzhin du nyi ma bdun gyi bar du mar dang 'bras thug po che'i chan gyis tshim par bya'o/ /skabs 'dir nges par 'jam dpal gzhon nu'i gzugs mthong bar 'gyur ro/ /tsan dan gyi yam shing sor gnyis tsam gyi tshad kyis stong rtsa brgyad byas na rgyal po dbang du 'gyur ro/ /me tog pad ma la zho dang sbrang rtsi dang mar gyis btags nas sbyin sreg stong rtsa brgyad byas na nor rnyed par 'gyur ro/ /shing shri sha'i me'i yam shing gis me rab tu sbar la til gyi sbyin sreg byas na nor gyi bdag por 'gyur ro/ /rtag tu chus chu la sbyin sreg byas te nang par langs na skye bo thams cad dga' bar 'gyur ro/ /shing arka'i yam shing dang zho dang sbrang rtsi dang mar gyis btags la sbyin sreg 'bum byas na/ grong bsod snyoms stong dang ldan pa thob bo/ /shing ba hu pu tri ka zhes bya bas sbyin sreg byas na bu mo gang 'dod pa de rnyed do/ /shing a pa margas sbyin sreg byas na nad rnams rab tu zhi bar 'gyur ro/ /'o ma can gyi shing gi me rab tu sbar la til gyi sbyin sreg byas na gang sems par byed pa de thob bo/ /yul 'dod pas pad ma'i sbyin sreg 'bum byas na yul rnyed par 'gyur ro/ /nang gi sbyin sreg 'bum byas na zas mi zad pa thob par 'gyur ro/ /gu gul dang me tog pri yang ku mar dang lhan cig sbyin sreg bya'o/ /shing arka dang sna ma'i me tog gis chu la sbyin pa byas na zhag bdun gyis grong thob par 'gyur ro/ /sna ma'i me tog gi</font><hr>95.190a<br><font size=+1>

chu la me tog re re blangs te sbyin pa byas pa dang lhag ma dkyil 'khor la bzhag na/ gang la snom du bcug pa de bsnams pa tsam gyis dbang du 'gyur ro/ /gur gum dang gla rtsi dang li shi'i me tog khar bcug ste/ bzlas pa byas na gang dang lhan cig gtam byed pa de dbang du 'gyur ro/ /na le sham la stong rtsa brgyad mngon par bsngags pa byas te khar bcug na khros pa yang tshig gis dga' bar 'gyur ro/ /gtsug pud la 'di nyid kyi sngags kyis bcings na mi snang bar 'gyur ro/ /yid la rjes su dran na dgras mthong na yang khro ba med par 'gyur ro/ /rtag tu bzlas pa byas na skye bo thams cad dga' bar 'gyur ro/ /tho rangs chen po nas langs nas gtsang ba'i phyogs su sna ma'i me tog dang ldan par chu la sbyin pa byas na tshig btsun par 'gyur ba'i blon por 'gyur ro/ /'jigs pa yang dag par byung bar gyur na yid la byas pas 'jigs pa med par 'gyur ro/ /pha rol khros par gyur pa la yang byams pa bsgoms nas rjes su dran zhing gdong la rnam par bltas na khro ba med par 'gyur ro/ /dri zhim po'i me tog gis sbyin sreg byas na gang gi ched du byas pa de dbang du 'gyur ro/ /tho rangs lan bdun chu la bsngags te 'thungs na nges par myong bar 'gyur ba'i las kyang zad par 'gyur ro/ /lan bdun bsngags pa'i chus gdong rab tu bkrus na skye bo thams cad dga' bar 'gyur ro/ /me tog la lan bdun bsngags pas gzhan la byin na de dbang du 'gyur ro/ /'bras thug po ches sbyin sreg 'bum phrag gcig byas na slob dpon nyid du 'gyur ro/ /til gyi sbyin sreg gis ni yul gyi bdag por 'gyur ro/ /pad ma'i sbyin sreg stong byas na ti na ra stong thob par 'gyur ro/ /gu gul dang sra rtsi pog dang gan da ra sa dang ga pur rnams dpa' bo'i nyo tshong gis nyos nas gcig tu byas la/ sbyin sreg byas te tshes lnga lnga zhing zla ba drug yongs su</font><hr>95.190b<br><font size=+1>

tshang bar byas na stong 'gyur thob par 'gyur ro/ /dri thams cad pa'i gzugs brnyan byas te mtshon rnon po so gcig pas skyes pa yi ni rkang pa g.yas pa bud med kyi ni rkang pa g.yon pa bcad cing sbyin sreg byas na gang 'dod pa de dbang du 'gyur ro/ /zhag bdun la dus gsum du dar du ra ka'i me tog gis sbyin sreg byas na ba rnams thob par 'gyur ro/ /arka'i me tog gis byas na 'bru rnams thob par 'gyur ro/ /shri sha'i me tog gis byas na rta rnams thob par 'gyur ro/ /shing mya ngan med kyis byas na gser thob par 'gyur ro/ /nad 'joms par byed pa'i me tog gis byas na gos rnams thob par 'gyur ro/ /gang dang gang 'dod pa de dang de thams cad ni sna ma'i me tog gi sbyin sreg byas na byed par 'gyur te/ me tog ci 'dra ba'i kha dog gis chu la nyi ma shar ba'i dus su sbyin sreg byas na de dang kha dog 'dra ba'i gos thob par 'gyur ro/ /mig sman la lan bdun bzlas pa byas te/ slong mo la 'gro na slong mo mi zad pa thob bo/ /rmi lam ngan pa mthong nas langs te bdag nyid kyis bzlas pa byas nas yang nyal na rmi lam bzang po mthong bar 'gyur ro/ /de nas rgyal po dbang du byed par 'dod na de'i rkang pa'i rdul rnams blangs te/ yungs kar dang til dang bsres nas zhag bdun la dus gsum du sbyin sreg byed na dbang du 'gyur ro/ /rgyal mo dbang du byed par 'dod na lcam pa'i lo ma dang shud ti dang sman bA rA hi rnams gcig tu byas te/ zhag bdun la dus gsum du sbyin sreg byas na dbang du 'gyur ro/ /blon po dbang du byed par 'dod na go bye dang til dang shu dag rnams kyis gzugs brnyan byas te/ zhag bdun la dus gsum du sbyin sreg byas na dbang du 'gyur ro/ /mdun na 'don dbang du byed par 'dod na spos pra ma tsa ri dang shu ti gcig tu byas te/ zhag bdun la dus gsum du sbyin sreg byas</font><hr>95.191a<br><font size=+1>

na dbang du 'gyur ro/ /bram ze rnams dbang du byed par 'dod na ni/ 'o thug mar dang lhan cig pas zhag bdun la dus gsum du sbyin sreg byas na dbang du 'gyur ro/ /de nas rgyal rigs dbang du byed par 'dod na/ 'bras sA lu'i chan mar dang ldan pas zhag bdun la dus gsum du sbyin sreg bya'o/ /rje'u rigs dbang du byed par 'dod na/ nas chan khyor gang bu ram dang ldan pas zhag bdun la dus gsum du sbyin sreg byas na dbang du 'gyur ro/ /til gyi tshigs sam mar gyis sbyin sreg byas na dmangs rigs dbang du 'gyur ro/ /thams cad gcig tu byas te sbyin sreg byas nas bzhi mdo'am khang stong ngam shing gcig pa dag tu gtor ma btang na nad pa de de las rnam par grol bar 'gyur ro/ /gdong la bltas te bzlas pa byas na nad dang bral bar 'gyur ro/ /brgya rtsa brgyad bzlas nas gtsug pud la bcings na nad thams cad las yongs su grol lo/ /nad thams cad la ni skud pa la mdud pa bya zhing gtsug pud bcing ba byas te/ bzlas pa byas na nad thams cad las grol bar 'gyur ro/ /nad kyis btab pa la ni bzlas pa tsam gyis yongs su thar bar 'gyur ro/ /mgul pa'i nad la ni grog mkhar gyi sa la bzlas pa byas te/ 'de gus byug pa byas na nad las grol bar 'gyur ro/ /mig gi nad la ni zar ma'i me tog gi sbyin sreg byas na nye bar zhi bar 'gyur ro/ /ras ris kyi cho ga'i las gzhan yang sngar bstan pa'i cho gas ras ma nyams pa/ skra med pa la 'phags pa 'jam dpal gzhon nur gyur pa 'drir gzhug par bya ste/ rgyan thams cad kyis brgyan pa/ kha dog dmar ba/ gzhon nu'i gzugs can/ pad ma'i gdan la bzhugs pa/ g.yas ngos su 'phags pa spyan ras gzigs dbang phyug /g.yon ngos su kun tu bzang po 'phags pa 'jam dpal las cung zad chung ba/ </font><hr>95.191b<br><font size=+1>

ras ris de bzhag la bzlas pa bye ba byas na rgyal por 'gyur ro/ /tsan dan gyi yam shing la gur gum gyis btags pas sbyin sreg 'bum byas na rgyal por 'gyur ro/ /sna ma'i me tog mar gyis btags pas sbyin sreg bye ba byas na rgyal por 'gyur ro/ /gang gi tshad dang ldan pa'i pad ma'i tshogs kyis sbyin sreg byas pa de'i tshad kyi ti na ra'i tshogs rnyed par 'gyur ro/ /ji srid du bzlas pa de tsam gyi tshad dang ldan pa'i ti na ra ma blangs pa de ni rig pa 'dzin pa'i 'khor los sgyur bar 'gyur ro/ /go bye'i sbyin sreg 'bum byas na ti na ra stong sbyin par byed do/ /nad 'joms par byed pa'i 'bras bus sbyin sreg 'bum byas na nor bdag chen por 'gyur ro/ /gu gul gyi yam shing stong rtsa brgyad kyis sbyin sreg byas na nor dang 'bru rnams thob par 'gyur ro/ /rtag tu til gyis sbyin sreg byas na 'bru rgyun mi chad par rnyed par 'gyur ro/ /ba glang gi lci ba las byung ba'i 'bras thug po che zho dang bcas pas sbyin sreg 'bum byas na ba stong thob par 'gyur ro/ /bo de tse'i 'bras bu dang sho ma'i 'bras bu gcig tu byas te sbyin sreg byas na gang 'dod pa'i bu mo rnyed par 'gyur ro/ /sho ma'i lo mas sbyin sreg byas na 'dod pa thams cad ster bar 'gyur ro/ /zar ma'i me tog la 'o mas btags pas sbyin sreg bya ba ni bram ze dbang du bya ba la'o/ /shing ka ra bI ra'i me tog la shing 'o ma can 'o ma med pas sbyin sreg bya ba ni rgyal rigs dbang du bya ba la'o/ /dong ka'i me tog gis sbyin sreg bya ba ni rgyal po dbang du bya ba la'o/ /d+ha du ra'i me tog gis sbyin sreg bya ba ni dmangs rigs dbang du bya ba la'o/ /shing arka'i me tog la zho dang sbrang rtsi dang mar gyis btags pas sbyin sreg 'bum byas na nad thams cad las yongs su grol bar 'gyur ro/ /'di nyid kyi cho gas me tog dri zhim pa la lan 'bum bzlas te/ zhabs kyi drung du</font><hr>95.192a<br><font size=+1>

bzhag na rtag tu bde bar 'gyur ro/ /shing a shwat+tha'i yam shing gis me rab tu sbar la sha ma'i me tog gis sbyin sreg byas na/ rgyu skar gyi gnod pa nye bar zhi bar 'gyur ro/ /gi wang la sngags mngon par bris te spyi bo la bcings nas g.yul du 'jug na/ mtshon gyis reg par mi 'gyur ro/ /bcom ldan 'das 'jam dpal gzhon nur gyur pa'i ras ris glang po che'i mtshog ma la bzhag ste/ dpung gi tshogs kyis sngon du btang na mthong ba tsam gyis gzhan gyi dpung 'jig par 'gyur ro/ /gzhon nu'i gzugs can gser gyi rma bya'i gdan la bzhugs pa bya ste/ rgyal mtshan gyi rtse mor btags nas g.yul du zhugs na mthong ba nyid kyis gzhan gyi dpung 'jig par 'gyur ro/ /sna ma'i me tog la lan 'bum bzlas te zhabs drung du bzhag la de nyid du ku sha bting ba'i stan byas na rmi lam du 'di la ji ltar 'dod pa ston par 'gyur ro/ /mar me stong la de bzhin du mar me re re la yang pad ma'i skud pa'i snying po byas te/ shing mngar gyis dkri ba byas la me rab tu sbar nas phul na/ nges par 'jam dpal gzhon nur gyur pa ji lta ba mthong bar 'gyur ro/ /ras ris kyi cho ga gnyis pa rdzogs s+ho// //  gser ram dngul las gzhon nu'i gzugs byas te phyag g.yas pa mchog sbyin pa dang / g.yon pa bcom ldan 'das ma shes rab kyi pha rol tu phyin ma'i glegs bam 'dzin pa 'di lta bu sku gdung gi za ma tog mdun du bzhag la yi ge gcig pa'i bzlas pa 'bum bya'o/ /mchod pa rnams ni nyin par bya'o/ /zhabs g.yon pa'i mdun du bu mo la kha zas sbyin par bya'o/ /glu dang rol mo dang glegs bam bklag par yang bya'o/ /bzlas pa yongs su rdzogs pa dang me tog gsum gyis mchod yon gsol te slar gshegs su gsol lo/ /cho ga snga</font><hr>95.192b<br><font size=+1>

ma bzhin du spyan drang ba dang gshegs su gsol bar bya'o/ /pad ma'i phyag rgya bcings nas ni bzlas pa bya'o/ /rgya mtshan gyi phyag rgyas ni spyan drang bar bya'o/ /bkra shis ldan gyi phyag rgyas ni bzhugs su gsol lo/ /gang ba'i phyag rgyas ni mchod yon no/ /rtags gcig pa'i phyag rgyas ni me tog dbul lo/ /yid la re ba'i phyag rgyas ni mar me'o/ /g.yo ba'i phyag rgyas ni spos so/ /rma bya'i gdan gyi phyag rgyas ni dri'o/ /srog shing gi phyag rgyas ni bshos so/ /cho ga 'di nyid kyis mtshan mo dang nyi ma re re zhing ji srid bzlas pa rdzogs kyi bar du bya'o/ /phyi nas ni las rnams bya'o/ /sna ma'i me tog gis rgya mtshor 'gro ba'i chu bo la 'bum gyis gtor na yul thob par 'gyur ro/ /mtshan mo sna ma'i me tog gi tshogs bcom ldan 'das kyi mdun du byas nas nyal na/ bcom ldan 'das byang chub sems dpas yongs su bskor ba chos 'chad pa mthong bar 'gyur ro/ /gang gi don du byed pa de nyid kyi las bya'o/ /gso sbyong byas shing yar ngo'i tshes nas brtsams te/ ga pur sbrang rtsi dang bsres pa'i spos kyis sbyin sreg byas na rgyal thabs thob par 'gyur ro/ /bzlas pa bye ba byas na 'jam dpal rang nyid mthong bar 'gyur ro/ /chos 'chad par yang mdzad de/ de dang lhan cig smra ba dang mngon sum du snang bar yang 'gyur ro/ /phyir mi ldog pa'i byang chub sems dpar 'gyur ro/ /ras ris kyi cho ga gsum pa rdzogs s+ho// // tsan dan dmar po las byas pa'i gzhon nu'i gzugs can phyogs gcig na gnod sbyin dga' bar byed pa/ phyogs gnyis pa na ni 'phrog ma shing mya ngan med kyi rtsa na 'dug pa de 'dra ba bzhag la/ lan tshwa dang yungs kar dang ske tshe dang bsres pa'i tsan dan dmar po'i gzugs brnyan byas nas bcad cing bcad cing sbyin sreg byas na</font><hr>95.193a<br><font size=+1>

gang gi ming bzung ba de dbang du 'gyur ro/ /shing u dum bA ra'i 'bras bus gang gi ming bzung zhing sbyin sreg byas na de dbang du 'gyur ro/ /rgya shug gi 'bras bus sbyin sreg byas na gang gi ming bzung ba de dbang du 'gyur ro/ /khwa dang 'dra ba'i shing u dum bA ras sbyin sreg byas na gang gi ming bzung ba de dbang du 'gyur ro/ /shing sring ga ta gas sbyin sreg bya ba ni bram ze dbang du bya ba la'o/ /pad ma'i rtsa ba ni rgyal rigs dbang du bya ba la'o/ /ut+pa la'i rtsa bas sbyin sreg bya ba ni dmangs rigs dbang du bya ba la'o/ /lan tshwa dang sha kha ras sbyin sreg stong rtsa brgyad nyi ma bdun la dus gsum du byas na gang gi ming gis sbyin sreg byas pa de dbang du 'gyur ro/ /nim pa'i lo ma la yungs mar gyis btags pa'i sreg blugs kyi sbyin sreg stong rtsa brgyad zhag bdun la dus gsum du byas na gang gi ming gis byas pa de dbang du 'gyur ro/ /thams cad kyi sbyin sreg byas na thams cad dbang du 'gyur ro/ /sman bri ha ti'i me tog gis sbyin sreg 'bum byas na gser rnyed par 'gyur ro/ /shing ka lany+dzA ri ka'i me tog la sbyin sreg stong rtsa brgyad byas na grong chen po thob par 'gyur ro/ /ba ta la'i me tog gis sbyin sreg byas na 'bru mi zad pa thob par 'gyur ro/ /bil ba'i me tog gis sbyin sreg byas na gser rnyed par 'gyur ro/ /shu dag la zho dang sbrang rtsi dang mar gyis btags te sbyin sreg byas na rgol ba thams cad la lan 'debs nus par 'gyur ro/ /sman bram hi'i khu bcud mar dang ldan pa zangs ma'i snod du bzhag la/ bzlas pa khri rdzogs pa'i bar du bzlas nas de nas 'thungs na rgol ba thams cad las rnam par rgyal bar 'gyur ro/ /shin tu zhe sdang ba la ni stong rtsa brgyad bong ba la mngon par bsngags te khros pa'i mdun du bor na khro ba med par 'gyur ro/ /ras ris kyi cho ga bzhi pa rdzogs s+ho// /</font><hr>95.193b<br><font size=+1>

ras mnyam pa skra med pa la ri mo mkhan gso sbyong byas pa/ tshon ma 'dres pa dag gis 'phags pa 'jam dpal pad ma'i gdan la bzhugs shing chos 'chad pa 'drir gzhug par bya'o/ /g.yon phyogs su 'phags pa 'og pag chen mo/ g.yas phyogs su 'phags pa shes rab kyi pha rol tu phyin pa gzugs can ma rgyan thams cad kyis brgyan pa/ gos dkar po bgos pa bri bar bya'o/ /de'i 'og tu pad ma'i mtsho me tog rnam pa sna tshogs kyis khyab pa na klu'i rgyal po gnyis ro stod chu'i nang nas byung ba/ pad ma'i sdong bu la lag pas 'dzin pa'o/ /'phags pa gzhan gyis mi thub ma phyogs gcig tu bri bar bya ste/ log 'dren gyi bgegs 'jigs par byed pa/ me 'bar bar mngon par 'byin pa/ spyan khro gnyer can du byas pa/ phyogs gzhan du ri khrod ma lo ma gyon pa/ zhags pa dang dgra sta lag na thogs pa/ kha dog nag pa/ mig dmar ba/ rma bya'i rgyab tu zhon pa/ sgrub pa po la srung bar byed pa bri bar bya'o/ /sgrub pa po yang pad ma'i phreng ba lag na thogs shing / bcom ldan 'das 'jam dpal gyi zhal la rnam par blta bar bya'o/ /steng du ni rnga yab dang me tog gi phreng ba dang rnga 'dzin pa'i lha'i bu rnams bri bar bya'o/ /ras ris de nub tu bstan te bzhag la sku gdung dang bcas pa'i mchod rten gyi mdun du bzlas pa bye ba bya'o/ /bzlas pa'i mtha' mar me'i mchod pa chen po bya zhing / bcom ldan 'das ma shes rab kyis pha rol tu phyin ma bklags la bzlas pa stong phrag bcu 'jam dpal gzhon nu'i zhal la lta zhing bzlas pa bya'o/ /de nas ras ris 'gul bar gyur na rgyal srid thob par 'gyur ro/ /lha'i mig thob cing rig pa 'dzin par 'gyur ro/ /'khor los sgyur ba chen por yang 'gyur ro/ /bzlas shing bzlas na byang chub sems dpa'i sa dang po thob par 'gyur ro/ /'di'i chos ston pa yang thob par 'gyur ro/ /ras ris de nyid kyi mdun</font><hr>95.194a<br><font size=+1>

du ba ser mo be'u yod pa'i mar khu blangs la zangs ma'i snod du bzhag nas ji srid du dro bar 'gyur ba dang du ba 'thul bar 'gyur ba dang rab tu 'bar bar 'gyur ba de srid du bzlas pa byas na/ dro bar gyur pa na 'thungs na ni mchog tu yid gzhungs pa dang thos pa 'dzin par 'gyur ro/ /du ba 'thul ba na 'thungs na ni mi snang bar 'gyur ro/ /rab tu 'bar ba na 'thungs na ni nam mkha' la 'gro bar 'gyur ro/ /kham phor so ma btang ba kha sbyar la shu dag sna ma'i me tog gis dkris pa bzhag la/ ji srid myu gu 'byung ba de'i bar du bzlas brjod bya ste de zos na thos pa 'dzin par 'gyur ro/ /bzlas brjod gzhan bye ba byas na 'jam dpal mngon sum du mthong zhing chos ston pa yang thos la de la dad par yang 'gyur ro/ /gser gyi pad ma 'dab ma brgyar bya ste/ pus mo g.yas pa'i lha nga sa la btsugs te/ ji srid 'bar gyi bar du bzlas pa byas na de blangs pa tsam gyis rig pa 'dzin pa'i 'khor los sgyur bar 'gyur ro/ /gzhan gyis mi thub par 'gyur ro/ /ldong ros sam ba bla'am lig bu mig gam bil ba'i lo ma chu la bcug ste ji srid khu la khu la zhes bya ba'i sgra byed pa de srid du bzlas na/ de blangs pa tsam gyis sa la spyod pa'i srin po dang sha za rnams kyi bdag po dang mi snang bar 'gyur ro/ /mtshan nyid dang ldan pa rma med cing ma 'dres pa'i ral gri blangs la ji srid sbrul gyi gdengs ka bzhin du byas te/ 'dug pa de srid du bzlas pa byas la de nas de blangs na rig pa 'dzin pa'i 'khor los sgyur bar 'gyur ro/ /bskal par tshe gnas pa dang gzhan gyis mi thub par 'gyur ro/ /ldos ros lcags gsum gyis dkri ba byas te khar bcug la ji srid tsu lu tsu lu 'i sgra byung ba de srid du bzlas pa byas na thub pa med par 'gyur ro/ /dgra thams cad 'joms par byed par 'gyur ro/ /rigs thams cad dbang du byed de 'dod pa dbang du byed pa ni ma gtogs so/ /shing sha mi las</font><hr>95.194b<br><font size=+1>

skyes pa'i shing a shwat+tha'i snying po blangs la/ lcags gsum gyis dkri ba byas nas khar rab tu bcug na ji srid tsu lu tsu lu'i sgra 'byung ba de srid du bzlas pa byas na mi snang bar 'gyur ro/ /lo stong du 'tsho bar 'gyur ro/ /dngul gyi 'khor lo byas te lha ma yin gyi khung bu'i sgor bzhag la/ ji srid du 'khor los lha ma yin gyi 'khrul 'khor bcad nas rab tu 'jug pa de'i bar du bzlas pa byas na de'i mod la lha ma yin gyi na chung rnams byung nas/ de dang lhan cig rab tu zhugs nas bskal par gnas par 'gyur ro/ /lcags las byas pa'i mdung rtse gsum byas te/ khung bu de dag gi sgor bzlas pa byed na/ der 'khrul 'khor thams cad 'jig par 'gyur zhing / ji snyed sgrub pa'i grogs mchog dang lhan cig 'dod pa de snyed dang lhan cig rab tu 'jug cing bskal par gnas par 'gyur ro/ /byams pa yang bzhugs shing de mthong bar yang 'gyur ro/ /ras ris kyi cho ga lnga pa'o// //  shing arka dkar po las mthe bo tsam gyi bcom ldan 'das 'jam dpal byas la/ shing arka'i me tog 'bum phul na blon po chen po thob par 'gyur ro/ /shing ka ra bI ra dkar po'i rtsa ba las mthe bo tsam byas te/ 'di nyid kyi me tog bye ba gcig phul na bka' la gtogs par 'gyur ro/ /shing ka ra hA Ta las mtho gang gi tshad tsam du byas la de'i me tog 'bum phul na dmag dpon thob par 'gyur ro/ /tsan dan dkar po las mtho phyed tsam gyi bcom ldan 'das 'jam dpal byas la sna ma'i me tog 'bum phul na mdun na 'don thob par 'gyur ro/ /shing a shwat+tha las sor gcig tsam gyi tshad du byas la/ rnyog pa med pa'i chus bum pa bkang ba phul na skye bo mang pos bkur bar 'gyur ro/ /dri thams cad las byas la</font><hr>95.195a<br><font size=+1>

me tog thams cad phul na gang 'dod pa de thob par 'gyur ro/ /rtag tu yul ma ga d+hA'i yam shing ma nyams pas sbyin sreg byas na blon po skye bo mang pos bkur bar 'gyur ro/ /rtag tu bzlas pa byas na mtshams med pa lnga yang 'byang bar 'gyur ro/ /shi ba'i dus su yang 'jam dpal gyi zhal mthong bar 'gyur ro/ /'di la chos ston par yang mdzad do/ /langs shing langs shing brgya rtsa brgyad bzlas na sems can thams cad kyis mi thub par 'gyur ro/ /mig la yongs su bzlas na bdag po mthong zhing bka' drin stsol bar 'gyur ro/ /gang gi ched du las byas pa nyin zhag bdun gyis de dbang du 'gyur ro/ /grong gzhan du gnas pa la ni zhag nyi shu rtsa gcig gis so/ /yul gzhan la gnas pa la ni zla ba gnyis so/ /gzhon nu'i bdag po'i cho gas yin gyi/ sngags gzhan gyi cho gas ma yin na/ las ma lus par byed par 'gyur ro/ /'dod pa dang mngon spyod dbang du byed pa ni ma gtogs so/ /cho ga drug pa 'di bstan pa/ /dus kyi mtha' la sems can rnams/ /bsod nams chung la phan don du/ /thub pas sngon ni bstan pa yin/ /shAkya seng ge skyob pa yi/ /bstan pa nub par gyur pa na/ /dus ni mi bzad 'jigs pa na/ /de tshe grub par 'gyur ba yin/ /cho ga'i rgyal po bde byed pa/ /bdun pa 'dir ni bshad par bya/ /de tshe dus ni mi bzad la/ /cho ga 'di ni nga yis bshad/ /sems can bsod nams chung ba la/ /lam ni 'di dag rab tu bstan/ /byang chub tshogs kyi rgyu don du/ /theg gsum lam la rab tu gzhol/ /de yi dus su sems can la/ /thabs la mkhas pa bstan pa yin/ /sred pas rmongs pa'i sems can dang / /'dod chags zhe sdang gis 'khrugs pa/ /srid pa mthar ni gtug bya'i phyir/ /de dag la bstan lam 'di yin/ /sred pa'i 'ching bas bcings pa la/ /dge ba'am dge ba'i</font><hr>95.195b<br><font size=+1>

las kyi rgyur/ /grub dang sgrub dang de bzhin rdzas/ /sngags dang rgyud ni nga yis bstan/ /sgrub pa zlos pa rnams la 'dir/ /cho ga'i rgyal po bdag nyid che/ /sems can rnams ni gdul don du/ /'jig rten 'dren pa rnams kyis gsungs/ /shAkya seng ge mi yi mchog /thub pa mchog gis de gsungs nas/ /de tshe dus kyi tha ma la/ /grub pa don yod bstan pa dang / /sngags dang rgyud kyi stobs dang ni/ /brtson 'grus rgya che ldan bstan nas/ /de tshe gnas gtsang lha tshogs la/ /rgyal ba mchog gis gsungs pa ni/ /cho ga'i rgyal po rgya che ba/ /'jig rten kun la phan pa'i phyir/ /'jam pa'i dbyangs kyis bstan pa la/ /grogs po de ni nga yis bstan/ /'phags pa 'jam dpal gyi rtsa ba'i cho ga byang chub sems dpa'i sde snod phal po che theg pa chen po shin tu rgyas pa'i mdo las/ cho ga'i bya ba 'jam dpal gyi cho ga rab 'byam las/ le'u nyi shu rtsa gnyis pa rdzogs s+ho// // de nas bcom ldan 'das shAkya thub pas gzhan yang gnas gtsang ma'i gzhal med khang la gzigs nas 'jam dpal gzhon nur gyur pa la bka' stsal pa/ 'jam dpal khyod kyi las kyi cho ga'i le'u las ras ris kyi cho ga bdun pa yod de/ gang gis dus kyi mtha' ma de la bsgrub par gyur na de la don yod par 'grub par 'gyur te/ 'bras bu dang bcas pa bde ba 'byung ba/ /bde bar rnam par smin pa/ mthong ba'i chos la myong bar 'gyur ba/ ngan song thams cad las zlog par byed pa/ nges par byang chub la gzhol bar byed pa 'grub par 'gyur ro/ /de nas bcom ldan 'das shAkya thub pas 'jam dpal gzhon nur gyur pa'i snying po gsungs pa ni/ yi ge drug pa 'gro ba drug las grol bar byed pa'i bdag nyid bsam gyis mi khyab pa/ mi mnyam pa/ zla med pa/ rdzu 'phrul che ba/ </font><hr>95.196a<br><font size=+1>

srid pa'i rgya mtsho thams cad dang sdug bsngal gsum gyi sdug bsngal las grol bar byed pa/ 'byung po thams cad kyis bzod par dka' ba/ 'jig rten thams cad kyis ma gos pa/ 'byung po thams cad kyis mi thub pa/ sred pa'i las thams cad rnam par sbyong bar byed pa/ sangs rgyas kyi chos rnams thob par byed pa/ ma rungs pa thams cad zlog par byed pa/ sangs rgyas thams cad kyis rjes su yi rang bar mdzad pa/ phun sum tshogs pa thams cad byed pa/ 'jam dpal gyi bstan pa la sngags thams cad kyi mchog de gang zhe na/ bA kye da~M na maH/ 'di'i cho gar 'gyur ba ni/ tshod rngad dam/ nas chan khyor gang ngam/ slong mo'i zas kyis 'tsho la/ dus gsum du khrus byed cing gos lan gsum brje bas yi ge 'bum byas na sngar bsnyen pa byas par 'gyur ro/ /kha tshar gyi rtse mo ma bcad pa'i ras la ri mo mkhan gso sbyong byas pas/ tshon ma 'dres pa dag gis 'phags pa 'jam dpal pad ma'i gdan la chos 'chad cing bzhugs pa/ rgyan thams cad kyis brgyan pa/ gzhon nu'i gzugs su 'dug pa bla gos phrag par gzar ba 'drir gzhug par bya'o/ /g.yon du 'phags pa spyan ras gzigs dbang phyug phyag na pad ma bsnams pa/ g.yas su ni 'phags pa kun tu bzang po/ /steng du ni rig pa 'dzin pa gnyis phreng ba thogs shing sprin gyi nang nas byung ba bri bar bya'o/ /'og tu ni sgrub pa po lag na spos snod thogs pa'o/ /kho ra yug tu ni ri'i rtse mo'i 'og tu ni pad ma'i mtsho 'drir gzhug par bya'o/ /sku gdung dang bcas pa'i mchod rten dang ras ris nub tu bstan te rab tu bzhag la mchod pa rgya chen po byas nas mar gyi mar me yang rab tu sbar zhing sna ma'i me tog la re re la yang mngon par bzlas nas me tog stong rtsa brgyad 'jam dpal gyi zhal la gtor ro/ /</font><hr>95.196b<br><font size=+1>

de nas zab pa chen po'i yi ge hUM gi sgra thos pa'am ras ris rab tu 'gul bar 'gyur ro/ /yi ge hUM gi sgras ni sa kun la dbang ba'i rgyal por 'gyur ro/ /ras ris 'gul bas ni rgol ba thams cad la lan 'debs nus pa dang / 'jig rten pa thams cad kyi bstan bcos shes par 'gyur ro/ /ci ste ma grub kyang las thams cad la nus pa dang ldan par 'gyur ro/ /'di ni cho ga dang po'o/ /a ga ru'i yam shing sor phyed dang gnyis kyi tshad la/ tu ruSh+ka'i thang chus sil ha ra sa btags pas seng ldeng gi mdag ma du ba med pa la mtshan thog thag tu sbyin sreg byas na/ skya rengs 'char ba tsam na 'phags pa 'jam dpal mthong bar 'gyur zhing / de ci 'dod pa'i mchog stsol bar 'gyur te/ 'dod pa dbang du bya ba ni ma gtogs so/ /de nyid kyi ras ris kyi mdun du tsan dan gyi spos kyi rgyun chad pa med par mtshan thog thag tu bdugs te/ bzlas pa byas na de'i 'og tu 'phags pa 'jam dpal mngon sum du gshegs te zab mo'i chos ston pa de la mos par 'gyur ro/ /mos nas kyang nad thams cad las rnam par grol bar 'gyur/ dbang thob par 'gyur/ byang chub sems dpa'i sa rjes su thob par 'gyur ro/ /tsan dan dmar po las byas pa'i pad ma rtsa lag dang bcas pa sor drug tsam tsan dan dmar po'i 'de gus bskus nas/ lan stong bsngags shing dgang gzar gyis lan stong blug pa byas la/ zla ba nya la ras ris kyi mdun du pad ma'i snod bzhag la lag pas bzung nas ji srid rab tu 'bar ba de srid du bzlas pa byas na/ de bzung bas lo bcu drug gi na tshod dang mdog gser btso ma 'dra ba dang nyi ma bas lhag pa'i gzi brjid dang ldan pa dang lha gzhon nu lta bur 'gyur ba dang rig pa 'dzin pa thams cad kyis phyag byas pa dang bskal pa chen por 'tsho bar 'gyur ro/ /lus zhig nas mngon par dga' bar skye bar 'gyur ro/ /zla ba gzas zin pa la shu dag dkar po blangs la ba'i rnam lngas bkrus te/ shing a shwat+tha'i</font><hr>95.197a<br><font size=+1>

lo mas bkab pa byas la ji srid drod dang du ba 'thul ba dang 'bar ba de srid kyi bar du bzlas pa byas na/ dro ba byung bas ni skye bo thams cad dbang du 'gyur ba dang rgol ba thams cad las rgyal bar 'gyur ro/ /du ba 'thul bas ni mi snang ba dang stong phrag sum cur 'tsho bar 'gyur ro/ /'bar bas ni nam mkha' la 'gro ba dang bskal pa chen por 'tsho bar 'gyur ro/ /ba ser skya'i be'u dang bcas pa'i mar khu blangs la/ zangs ma'i snod du shing a shwat+tha'i lo ma bdun gyis bkab ste bzhag la/ ji srid grub pa rnam gsum thob pa de srid kyi bar du bzlas pa byas la de 'thungs na thos pa 'dzin pa dang mi snang bar 'gyur ba dang nam mkha' la 'gro bar 'gyur ro/ /sman pu skar mU la'i sa bon zla ba gzas zin pa la khar bcug na ji srid du tsu lu tsu lu zhes bya ba'i sgra 'byung ba de srid du bzlas pa byas la/ sman de phyung nas lcags gsum gyis yongs su dkri ba byas la yang khar rab tu bcug na mi snang bar 'gyur ro/ /sman de skyugs na ni snang bar 'gyur ro/ /li shi dri zhim po khar bcug la bzlas pa 'bum byas na gang dang smra ba de dbang du 'gyur ro/ /'o ma dang nas chan khyor gang za zhing bzlas pa 'bum phrag bcu gnyis byas na rig pa 'dzin par 'gyur ro/ /slong mo'i zas kyis 'tsho la shing bzhin du mi smra ba'i dka' thub byed cing bzlas pa 'bum byed na mi snang bar 'gyur ro/ /bzlas pa bya ba byas na ji ltar srid pa tha ma pa'i byang chub sems dpa' 'phags pa 'jam dpal chos ston pa de bzhin du 'gyur ro/ /rtag tu bzlas pa byas na don thams cad 'grub par 'gyur ro/ /gang gi gzugs brnyan dri thams cad pas byas la bcad cing sbyin sreg byas na zhag bdun gyis dbang du 'gyur ro/ /gu gul gyi ril bu rgya shug gi tshig gu'i tshad tsam la mar gyis btags pas brgya phrag stong gi sbyin sreg byas na rgyal po dbang du 'gyur ro/ /til la zho dang mar gyis btags pas sbyin sreg 'bum phrag stong byas na thams cad kyi dam pa'i khyim gyi bdag po</font><hr>95.197b<br><font size=+1>

chen por 'gyur ro/ /ba'i lci ba sa la ma lhung bas dkyil 'khor byas la/ de la me tog gis gcal du bkram ste/ bzlas pa brgya rtsa brgyad byas la de nas dam pa'i chos kyi glegs bam bklag par byas na/ zla ba gcig gis mchog tu yid gzhungs par 'gyur ro/ /gi wang la brgya rtsa brgyad bzlas te dpral bar thig le byas na skye bo thams cad dga' bar 'gyur ro/ /gtsug pud la lan bdun bzlas pa byas na sems can thams cad kyi gnod pa med par 'gyur ro/ /me tog gi ri ma las sbyin sreg 'bum byas na nad thams cad las grol bar 'gyur ro/ /nyin re zhing bzlas pa bdun bdun byas na nges par myong bar 'gyur ba'i las rnams zad par 'gyur ro/ /bzlas pa brgya rtsa brgyad byas na 'chi ba'i dus kyi tshe 'phags pa 'jam dpal gyi zhal thams cad mthong bar 'gyur ro/ /le'u bdun pa'i ras ris kyi cho ga'o/ /'phags pa 'jam dpal gyi rtsa ba'i cho ga byang chub sems dpa'i sde snod phal po che theg pa chen po shin tu rgyas pa'i mdo las 'jam dpal gyi ras ris kyi cho ga'i le'u rab 'byam las/ nyi shu rtsa gsum pa rdzogs s+ho// // de nas bcom ldan 'das shAkya thub pas gzhan yang gnas gtsang ma'i gzhal med khang la gzigs nas 'jam dpal gzhon nur gyur pa la bka' stsal pa/ 'jam dpal khyod kyi sngags dang rgyud dang rig pa'i rgyal po dang 'khor los sgyur ba la sogs pa dang de bzhin gshegs pa thams cad kyi gtsug tor la sogs pa dang sngags thams cad kyi grub pa'i gnas yod de/ de yang mdor na byang phyogs su de bzhin gshegs pa thams cad kyi rig pa'i rgyal po 'grub par 'gyur te/ rgya dang rgya ni che nyid la/ /'jam pa'i dbyangs ni rab 'grub 'gyur/ /gang yang de yi sngags rnams ni/ /der ni rab tu 'grub par 'gyur/ /gtsug tor rgyal po thams</font><hr>95.198a<br><font size=+1>

cad dang / /de dag tu ni grub par snang / /kA bi she dang bag kha la/ /o Ti ya ni 'khor yug yul/ /kha che dang ni sin d+hu'i yul/ /kha ba can gyi mtshams kun dang / /byang phyogs su ni gnas brten la/ /dge ba'i sngags ni 'grub par 'gyur/ /gang yang sangs rgyas sngon gsungs dang / /da ltar yang ni gsungs pa dang / /ma 'ongs sangs rgyas rnams kyis kyang / /zhi ba'i rgyur ni gsungs pa ste/ /kha ba can ri'i nang byung ba/ /der ni thams cad 'grub par 'gyur/ /skye bo skal ldan bzang po ni/ /zhi ba'i las ni rtsom par byed/ /de bzhin sngags ni yul dbus su/ /pad ma'i rigs ni 'grub par 'gyur/ /mdzod dang nor bu'i rigs dag kyang / /der ni 'grub par rab tu snang / /gnod sbyin lngas rtsen dag dang ni/ /'phrog ma gnod sbyin skye gnas dang / /gang dag dri za'i sngags rnams ni/ /de dag tu ni grub par gsungs/ /de nas rtag tu ku sha'i grong / /ma ga d+hA ni khor yug dang / /ngogs dga' chu bo snar ma dang / /bang ga'i yul ni thams cad du/ /de bzhin nor bu'i rigs gsungs pa'i/ /dzam b+ha la ni 'grub par 'gyur/ /rgya mtsho dang na gling ngogs dang / /chu yi gzi ni thams cad dang / /dga' ba'i grong khyer sing ha lar/ /sngags kyi lha ni 'grub par 'gyur/ /sgrol ma khro gnyer can dag dang / /dpal chen ma dang grags chen ma/ /gdugs dkar rnams kyi sngags rnams dang / /zla ba'i grong khyer rgya mtsho dang / /shar gyi yul ni kho ra yug /der gnas pa la 'grub par 'gyur/ /'bigs byed ri nang gnas pa dang / /yul ni mchog dbang khor yug tu/ /smin drug bu bzhin 'jam dpal ni/ /khor yug tu grub pa yin/ /ri rtse tshang tshing nang dang ni/ /ri sul dang ni nags bcas la/ /log 'dren bgegs ni byed pa yi/ /bzlas</font><hr>95.198b<br><font size=+1>

pa dag ni 'grub par 'gyur/ /glang po'i cha byad yang dag ldan/ /mche ba gtsigs pa gzi brjid che/ /de bzhin rta gzugs du ma dang / /du ma'i rnam par grags pa yin/ /lha ni dbang dang ldan pa'i bu/ /rnam pa sna tshogs bgegs byed pa/ /de bstan sngags dang ldan pa yi/ /grub pa'i zhing du rab tu snang / /ma mo mi bzad rnam sna tshogs/ /gza' nyid shin tu mi bzad dang / /yi dgas skye gnas bstan pa yin/ /mi yi zas byed bden bral dang / /yi dgas rgyal por bstan pa dang / /de dag zhing du grub par gsungs/ /de la sogs pa'i 'byung po kun/ /grub pa'i zhing du gsungs pa yin/ /rdo rje khro bo brtson 'grus che/ /de dag phyogs su grub pa yin/ /lha min sngags kyi gtso bo dang / /gang gzhan de bzhin 'jig rten pa'i/ /sngags rgyud lho phyogs dag tu ni/ /brten pa dag la 'grub par 'gyur/ /rtag tu yi dgas rgyal po dang / /gshin rjes kyang ni bstan pa dang / /zhi ba khyab 'jug gis bstan pa'i/ /sngags gzhan dag kyang 'grub par 'gyur/ /gdug cing gdug pa'i las dag ni/ /lha yi gnas su bstan pa yin/ /sngags rnams gdug pa'i las rnams ni/ /lag na rdo rjes bstan pa dag /lho yi phyogs la bsten na ni/ /sdig pa'i las ni 'grub par 'gyur/ /de dag gi ni phyogs dag tu/ /myur du yang dag 'grub par snang / /nyi mas bshad pa'i sngags rnams ni/ /nyi ma'i sngags zhes rab tu bsgrags/ /nub phyogs na ni gang yod pa/ /sngags dang rgyud ni rab tu 'grub/ /gnod sbyin dbang po rdzu 'phrul che'i/ /der ni rang sngags 'grub par 'gyur/ /byis pa rnams ni rmongs pa yi/ /'byung po kun la nor sbyin zhing / /cho ga mthong ba'i rgyu yis ni/ /skye bo rnams la nor sbyin byed/ /longs spyod ldan zhing mdzod 'phel ba/ /nub kyi phyogs su 'grub par 'gyur/ /nor</font><hr>95.199a<br><font size=+1>

sbyin zhes bya'i ming gis ni/ /sa yi steng du rnam par grags/ /gnod sbyin lag na rdo rje rang / /byang chub sems dpa' rdzu 'phrul che/ /sngags pa mchog ni dam pa ste/ /rang nyid sa bcu'i bdag po yin/ /rdo rje pad ma'i rigs dag gi/ /de dag sngags ni grub pa yin/ /de bzhin rigs brgyad sngags dag ni/ /phyogs brgyad dag tu gnas pa yin/ /rgyal ba'i rigs kyi sngags dag ni/ /byang gi phyogs su 'grub pa yin/ /pad ma'i rigs las byung ba'i sngags/ /de bzhin shar gyi phyogs su 'grub/ /lho yi phyogs su gnas pa la/ /rdo rje'i rigs ni 'grub par 'gyur/ /nub phyogs su ni mdzod 'grub gsungs/ /phyogs mtshams dag tu rin chen rigs/ /de bzhin nub byang mtshams su ni/ /de dag 'grub par rab tu brtags/ /lho nub kyi ni mtshams dag tu/ /de bzhin gnod sbyin rigs kyang 'grub/ /shar lho dag gi cha dag tu/ /nyan thos rnams ni gzi brjid che/ /de dag rigs su snang ba ni/ /der gnas pa la 'grub par 'gyur/ /byang shar dag gi cha dag tu/ /rang rgyal rnams su yang dag 'byung / /rigs ni 'jig rten kun gyis mchod/ /de dag der ni 'grub pa yin/ /'og gi phyogs kyi cha dag tu/ /'jig rten pa yi sngags rnams 'grub/ /sa 'og 'jug par gyur pa'i sngags/ /rigs brgyad kun la 'grub par 'gyur/ /de bzhin 'jig rten 'das pa'i sngags/ /gtsug tor la sogs rab bsgrags pa/ /steng du 'gro ba'i grub par ni/ /rgyal ba 'khor lo sgyur bas gsungs/ /thad kar kun nas khor yug tu/ /rdo rje can gyi 'grub pa yin/ /de bzhin gzhan yang sngags rgyal kun/ /pad ma'i rigs las byung ba ni/ /thams cad du ni thams cad 'grub/ /sngags rnams kun kyang longs spyod ster/ /rdo rje pad ma'i rigs dag kyang / /dus rnams kun tu 'grub par 'gyur/ /</font><hr>95.199b<br><font size=+1>

'di dag zhing du bstan pa ste/ /de yi dus ni yongs su bstan/ /rgyal ba'i rigs kyi sngags grub pa/ /sangs rgyas rnams la sngon byung ba'o/ /pad ma rdo rje'i rigs dag ni/ /sangs rgyas rnams kyi bar ma'i dus/ /gzhan gyi dus su sngags dag ni/ /de las gzhan pa'i rigs 'grub yin/ /de dag grub pa'i dus su gsungs/ /dus gzhan rab tu bstan ma yin/ /dka' thub kyis ni grub pa mchog /skye ba gsum gyis thob par 'gyur/ /rtag tu sngags rnams zlos pa dang / /der dang yid ni der sems dang / /rgyal sras rnams la rab dang ba/ /skye ba 'di la'ang 'grub par 'gyur/ /dkon mchog gsum la gus pa dang / /byang chub sems kyis brgyan pa dang / /shes rab che zhing sdom la gnas/ /sngags dang rgyud la 'jigs pa med/ /byang chub sdom la gnas pa dag /'bad pa med par sngags rnams 'grub/ /sems can rnams kyis las grub dang / /bdag kyang grub par nyer bstan pa/ /rtag tu sngags nyid grub pa yin/ /rmongs pa'i sems can 'grub pa med/ /de nyid phyir na rgyal dbang gis/ /cho ga'i rgyal po gsungs pa ni/ /sangs rgyas gtso bo bdun pa yis/ /sngags rnams rgya che'i las dag bstan/ /sangs rgyas sras kyi thu bo ni/ /'jam pa'i dbyangs ni gzi chen la/ /thub pa'i zla ba rdzu 'phrul che/ /des ni gsung mchog rab tu bstan/ /sngags rnams kyi ni mthar thug mthu/ /gzhon nu rab tu nyon cig dang / /gang tshe sangs rgyas rtag tu ni/ /'jig rten 'dren pa bzhugs gyur pa/ /de tshe de bzhin grub pa ni/ /gtsug tor la sogs rab grags pa/ /de bzhin 'khor los sgyur ba dang / /gzi brjid phung por rab bstan dang / /rgyal ba gtsug tor gdugs dkar po/ /rgyal bas mang por gsungs pa ni/ /de la sogs pa'i gtsug tor ni/ /de yi tshe ni 'grub par 'gyur/ /gang tshe 'khor los sgyur ba ni/ /'dzam bu'i gling du 'byung 'gyur zhing / /chos kyi rgyal po rdzogs sangs rgyas/ /</font><hr>95.200a<br><font size=+1>

rkang gnyis dam pa bzhugs pa na/ /sngags rnams ma lus bshad pa dag /de yi tshe na 'grub par 'gyur/ /'phags pa 'jam dpal gyi rtsa ba'i cho ga byang chub sems dpa'i sde snod phal po che theg pa chen po shin tu rgyas pa'i mdo las/ zhing dang dus kyi cho ga nges pa'i le'u rab 'byam las/ nyi shu rtsa bzhi pa rdzogs s+ho// // de nas bcom ldan 'das shAkya thub pas gzhan yang gnas gtsang ma'i gzhal med khang la gzigs nas 'jam dpal gzhon nur gyur pa la bka' stsal pa/ 'jam dpal gzhon nur gyur pa ras ris ni sngar bstan te/ sems can la yod pa'i spyod pa dge ba dang mi dge ba'i mtshan ma rnams ni bshad par bya yi nyon cig / de nas 'jam dpal gzhon nur gyur pa stan las langs te/ bcom ldan 'das kyi zhabs gnyis la spyi bos btud nas thal mo sbyar te 'di skad ces gsol to/ /bcom ldan 'das sems can rnams ni gzhan gyi lus la 'jug pa'i sems can rnams te/ 'phags pa dang lha'i skye gnas dang grub pa dang dri za dang gnod sbyin dang srin po dang sha za dang lto 'phye chen po la sogs pa las sna tshogs kyis byas pa'i lus rnam pa sna tshogs la brten cing gnas pa/ cha byad rnam pa sna tshogs dang rtags sna tshogs dang mi dang mi ma yin pa dang 'byung po thams cad kyi sems kyi spyod pa bcom ldan 'das bstan pa'i dus lags/ bde bar gshegs pa bstan pa'i dus ni lags te/ de'i dus la bab par mkhyen na legs par bshad du gsol/ de skad ces rgyal ba'i mchog 'jig rten gyi 'dren pa gau ta ma bdun pa la gsol ba btab nas/ 'jam dpal gzhon nur gyur pa cang mi smra bar gyur te/ rang gi stan la 'dug par gyur to/ /de nas bcom ldan 'das shAkya thub pas sems can rnams kyi sems kyi spyod pa dang mtshan ma shes pa dang rtags dang dus gsungs pa/ </font><hr>95.200b<br><font size=+1>

gzhan gyi lus zhugs sems can ni/ /sngags kyi sbyor bas drang bar bya/ /kha cig zas la chags pa yi/ /sa steng mi ni 'dzin par byed/ /gzhan dag khro ldan sems kyis ni/ /sa steng dag tu mi bzad pas/ /rtag tu chags dang bral ba dag /snying rje'i dam tshig dag gis ni/ /mi yi 'jig rten dag 'jug pa/ /dge ba'i mi la 'dzin par byed/ /rab bsngags dge dang g.yo ba med/ /mi rnams kyi ni mdog kyang sgrub/ /nyi ma dag ni 'char ba la/ /de dag 'jug par brjod pa yin/ /mi rnams nyi ma nub pa yi/ /de yi dus su 'jug par 'gyur/ /mtshan mo'i thun gyi dang po la/ /yar ngo la ni snang bar 'gyur/ /rab bsngags dge ba'i las dag dang / /rtag tu gang zhig chos ldan mi/ /gang zhig shes nyen ldan pa ni/ /de dag la ni 'jug par snang / /'dod chags bral ba rdzu 'phrul che/ /des na mi la 'jug pa yin/ /phyogs gtsang skye bo gtsang ba dang / /rgyu skar skar ma bzang ba dang / /nyin zhag sngags dang zla res bzang / /yar ngo dge ba'i nyin zhag dang / /gza' bzang yang dag ldan pa dang / /tshes grangs rdzogs dang yang dag ldan/ /de bzhin zla ba nya ba la/ /de dag la ni 'jug par snang / /chags bral rdzu 'phrul chen po ni/ /'jug par 'gyur ba'i mtshan ma yang / /nam mkha' la ni ta la tsam/ /sa las 'phags te 'dug pa yin/ /de ni skyil krung 'dug nas kyang / /nam mkha' la ni gnas par snang / /tshig kyang bzang po mtshungs med dang / /tshangs dbyangs de bzhin rnar snyan dang / /gang du 'dod chags bral de gnas/ /sems dpa' chen po de dag smra/ /gtsug tor phyag rgyas drangs pa yi/ /sa yi steng du 'dug par gyur/ /sa steng de la 'dug pa na/ /de yi mod la mchod yon sbyin/ /sna ma'i me tog dag la ni/ /tsan dan bzang po gur gum bsres/ /bsres pa'i chu dang chu gtsang ni/ /de yi mod la dbul bar bya/ /</font><hr>95.201a<br><font size=+1>

sngags pas sa la rab btud nas/ /phan pa'i blo yis gsol ba gdab/ /dpa' ba'i rang bzhin sems kyis ni/ /sems can des ni gsol ba gdab/ /tshig ni bzang po 'don byed cing / /rnar snyan de bzhin rmongs pa med/ /sngags shes cho ga 'jigs med pas/ /de nas ji ltar 'dod pa 'dri/ /'jam dbyangs yang dag dran nas ni/ /de yi dus su 'jigs med bya/ /gtsug pud lnga pa'i phyag rgya 'am/ /gtsug tor las byung gzhan pa'ang bcing / /de nas phyogs ni bcing bya ste/ /steng dang 'og tu'ang de bzhin no/ /de nas de yi 'byung ba kun/ /bar dang tha mar rab tu brjod/ /de bzhin dang po bar ma'i dus/ /byung dang ma 'ongs dus dag dang / /de bzhin da ltar byung gyur pa/ /'od ldan des ni ston par 'gyur/ /de bzhin 'dzum med mig gis ni/ /chags bral des zin rab tu lta/ /gang yin des bstan tshig gis ni/ /bden par 'gyur gyi gzhan du min/ /de bzhin grub dang bsgrub bya'i rdzas/ /gang zhig tshogs kyi rnam pa dang / /rang rgyal byang chub dgra bcom dang / /nges par byang chub chen po'ang de/ /nges par sangs rgyas nyid rig nyid/ /de bzhin byang chub sems rigs dang / /rigs med nyid dang dus dang ni/ /sems can skal ldan brjod pa'ang yin/ /dam tshig gis ni mngon mtshon pas/ /bden pa kun ni des ston 'gyur/ /skad cig tsam ston rnal 'byor la/ /dus ring dus su sdod ma yin/ /skad cig de la gang cung zad/ /yid la bsams shing don du gnyer/ /myur du sngags grub kho na la/ /de dag thams cad ston par byed/ /ci 'dod mngon par re ba dag /phun sum tshogs pa thams cad thob/ /sngags pas slar ni gshegs gsol ba/ /myur du mchod yon phul nas 'gyel/ /cho ga mthong ba'i las kyis ni/ /snod ni yang dag bsrung ba bya/ /sems can lus ni 'gyel ba yang / /sa yi steng du nyal ba nyid/ /gtsug</font><hr>95.201b<br><font size=+1>

tor sngags dang ldan pa yi/ /sngags ni cho gar gsungs pa dag /de nyid kyis ni bsrung ba dang / /phyag rgya gtsug phud lnga yis so/ /de tshe lus ni bde legs 'gyur/ /sa yi steng las ldang bar 'gyur/ /sems can kun la'ang 'jug pa yi/ /srung ba 'di ni rab tu brtag /snod la brten te 'tshe byed par/ /gdug pa'i sems can gyis mi nus/ /skye bo snod du gyur pa la/ /'di ni srung ba chen po yin/ /de yi tshig ni bar mar gnas/ /dbus kyi yul gyir rab tu bsgrags/ /lha yi skye gnas la brten pa'i/ /'og min gzugs dang ldan pa dang / /de dang de yi rtags rnams dang / /gzugs ni rab tu snang ba yin/ /'dod pa'i khams kyi dbang phyug dang / /'dod dang ldan pa'i lha dag dang / /de las dman pa'i 'gro ba'i rtags/ /tshig nyid kyang ni shin tu snyan/ /de nas sa la gnas pa dang / /gzhal med khang gnas lha rnams kyi/ /tshig ni ku sha'i grong khyer mtshungs/ /ma ga d+hA yi gnod sbyin tshig /de bzhin ang+ga'i yul gyi tshig /lto 'phye chen por rab tu bstan/ /gzi brjid chen po nam mkha' lding / /de dag shar phyogs tshig tu 'gyur/ /bang ga'i yul du yang dag skyes/ /gang dag tshig tu bstan pa ni/ /de bzhin mi'am ci yi tshig /de yi tshig tu rab brtag bya/ /rtag tu piN+Da'i tshig gyur pa/ /grub dang ral gri'i rig pa 'dzin/ /de tshig rig pa 'dzin pa dang / /drang srong 'dod pa'i gzugs can yin/ /de tshig mngon shes lnga dang ni/ /drang srong rnams kyis yongs su brtags/ /gang yang yul tshig ma ga d+hA/ /gang yang ha ri ki la'i tshig /mi gsal mi dod nyid dang ni/ /yi ge ta la shin tu brten/ /la yi yi ge mang ba'i tshig /sha za'i tshig tu brjod pa yin/ /las tshon zhes bya'i gling dang ni/ /na li ke ra 'byung ba'i gnas/ /gling ni rtsub par byed nyid dang / /gcer bu stobs ldan bu</font><hr>95.202a<br><font size=+1>

gnas kyang / /sems can dag byed gnas pa dag /de bzhin 'di dag gling las byung / /yi ge la mang tshig dag dang / /tshig ni gsal ba'i rnam pa med/ /mi gsal bsri ba med nyid dang / /khro bcas yi dgas skye gnas tshig /lho phyogs pa yi tshig dag dang / /an+d+ra kar Na dra bi DA/ /sems can ko sa la 'brog gnas dang / /sing ga la yi gling dag na/ /yi ge ga dang rar bcas pa/ /de ni srin po'i tshig tu shes/ /de dag gling la gnas pa de'i/ /ming ni gang zhig brjod pa yang / /ma mo rnams ni gzi brjid che/ /de yi tshig 'dir gsungs pa yin/ /tshig ni nub phyogs phyogs mtshams dang / /ma la ba yi tshig dag dang / /be'u nya dang rgya mtsho'i tshig /shu ra se yi rnam brtags dang / /rgya mtsho bcu 'dus chu bo 'dus/ /dpal mgrin dang ni ko dz+wa ri/ /'di dag tshig ldan 'jug pa ni/ /nyi ma la sogs gza' mchog gdon/ /de las gzhan gdon gtso bo ni/ /yul ni ba ri ya tra'i tshig /yul ni ar bu ta sa h+ya/ /ri ni mA la yar gnas dang / /lang ba'i yul du yang dag skyes/ /tshig ni ci 'dra yod pa yi/ /de 'dra'i tshig tu smra ba ni/ /grul bum skye gnas 'dzin pa yin/ /yi ge sha Sha sa dang ni/ /ra la ba las yang dag byung / /yi ge g+ha dang ldan pa'i tshig /lha ma yin du nges par bstan/ /kha che'i yul las byung ba dang / /skye ba'i gnas ni ka bi sha /gnod sbyin rgyal po'i rigs las byung / /phyag na rdo rje'i rigs su bstan/ /de dag lnga yi gtso bo ni/ /kun gyi tshig tu 'dod pa yin/ /de bzhin dbus kyi phyogs gnas dag /pad ma'i rigs kyi skye gnas rten/ /tshig dang 'gros dang mtshan ma yang / /pad ma'i rigs su snang ba yin/ /rgyal ba'i sras kyis rnam brtags pa/ /snga ma nyid du bstan pa yin/ /'dod chags bral ba'i mtshan ma gang / /rgyal ba'i mtshan mar rab tu 'byung / /yul phyogs gang gi tshig smra ba/ /der gnas</font><hr>95.202b<br><font size=+1>

'gros dang spyod pa yin/ /der bstan sems can nyid dang ni/ /'gros dang mtshan ma'ang kun tu bstan/ /kha ba can gyi nang gnas pa/ /dri za drang srong skye bo'i tshig /gang gA'i ngogs kyi byang phyogs pa/ /gnod sbyin tshig tu rab tu snang / /ri ni 'bigs byed la gnas pa/ /gang gA'i 'gram gyi lho phyogs dang / /dpal gyi ri bor skyes gyur dang / /gang yang skye bo rnam dag ni/ /srin pa skar ma yi dgas dang / /ma mo cha lugs ngan pa dang / /mi bzad gzugs can bgegs chen po/ /gdon ni shin tu ma rungs pa/ /brkam zhing gzhan gyi srog 'phrog byed/ /de yi tshig ni yang dag 'byung / /gang dag yul ni de dag brtag /de dag yul gyi 'gros dang spyod/ /de dag tshig tu smra ba ni/ /ma rungs gdon 'jug rnam spyod yin/ /'di dag gzhan yang mang po ni/ /gang gi spyod 'gros spyod pa dang / /rnam pa sna tshogs tshul dang ni/ /rnam pa sna tshogs mtshan nyid dang / /rnam pa sna tshogs sems can gtso/ /rnam pa sna tshogs skye gnas 'dod/ /de ltar gdon 'jug mtshan ma ni/ /mtshan nyid 'gros dang spyod pa yin/ /mi rnams kyi ni bde skyed pa/ /sems can du yang bya ba ste/ /gzhon nu sna tshogs yang dag 'byung / /bsrung ba'i don du rab sbyar bya/ /yi ge drug pas bya ba ni/ /phyag rgya chen po dang ldan pa'i/ /sngags nyid kho na bzlas byas na/ /bsrung ba chen por 'gyur ba yin/ /'phags pa 'jam dpal gyi rtsa ba'i cho ga byang chub sems dpa'i sde snod phal po che theg pa chen po shin tu rgyas pa'i mdo las/ gdon 'jug pa'i spyod pa'i cho ga'i le'u rab 'byam las/ nyi shu rtsa lnga pa rdzogs s+ho// // de nas bcom ldan 'das shAkya thub pas/ gzhan yang gnas gtsang ma'i gzhal med khang la gzigs nas 'jam dpal gzhon nur gyur pa la bka' stsal pa/ 'jam dpal khyod kyi sngags rnams rgyud thams cad la yang dag par</font><hr>95.203a<br><font size=+1>

'jug pa/ rig pa thams cad la 'os pa/ dus dpag tu med pa'i yon tan ma lus pa'i 'bras bu 'byung ba yang rjes su 'brel ba'i mtshan ma'i tshad yod de/ de 'grub par bya ba'i rgyur bshad pa ni 'di lta ste/ skye ba gzhan gyis 'grub pa nyid/ /dus kyi rgyus ni 'grub pa med/ /de yi tshad dang sbyor ba ni/ /sngon byung rgyu las byung ba yin/ /rtse gcig bdag gir byed pas 'grub/ /grub pa rigs pa rnam dpyod pa'o/ /rigs pa gzhon nu khyod bsten na/ /lus can kun la rab tu snang / /mthar gyis byas pa'i las rnams ni/ /rigs pa zhes ni bya ba yin/ /dpa' bo'i rigs ldan de sbyor bas/ /grub pa mchog ni thob par 'gyur/ /grub med bsgrub bya'i las rnams med/ /las rnams med par 'grub pa'ang med/ /las dang byed par yang dag ldan/ /yang dag ldan pas grub pa 'thob/ /cho ga ldan pa'i rgyu yis ni/ /gnas pa mchog ni thob par 'gyur/ /sngags pa sngags ni mi sgrogs na/ /sngags min pa yang sngags par 'gyur/ /thub pa'i las ni yang dag spyod/ /grub pa rgyas pa thob par 'gyur/ /rigs kyi sa bon la brten na/ /blo yi mchog la gnas par 'gyur/ /gnas mchog dam par nges sdom na/ /dang po'i bgrod pa thob par 'gyur/ /blo dang bsam pa legs gnas na/ /nad med go 'phang 'thob par 'gyur/ /gang gi dus dang mtshan ma las/ /dus min grub par 'dod pa ni/ /mdor na brgya byin yin na yang / /de yi sngags rnams mi 'grub bo/ /'byung po skye bo mi phan dang / /dus min par yang rtsom pa yang / /bdag nyid chen po tshangs pa yang / /de la grub pa mi snang ngo / /snyom dang sred dang yang dag ldan/ /dregs dang nga rgyal ldan pa dang / /lhod dang yun ring 'thab la dga'/ /grong gi skye bo la rtag dga'/ /le lo phan tshun sbyor ba la/ /'di la grub pa ga la yod/ /gang yang lha yi bla ma dang / /gang yang rtag tu lha min bla/ /sngags rnams de dag gis bsgrub kyang / /cho ga spangs na nus med yin/ /de bzhin</font><hr>95.203b<br><font size=+1>

cho ga'i las nyams na/ /sems ni rnam par rmongs par byed/ /de bas sngags ni bzla mi bya/ /cho ga med par rigs pa min/ /byis pa rnams kyis mthong ba rmongs/ /de lta bus ni skyed par 'gyur/ /de bas byis pa rmongs pa yang / /shin tu dka' ba'i 'gro bar lhung / /de nas de dag sngags spyod pa/ /de las de dag drang ba yang / /mthar gyis de dag grub pa ni/ /dge ba 'gro ba rab tu 'theb/ /de las zlos pa'i sngags pas ni/ /mi g.yo zhi ba'i gnas su 'jog /de bzhin gshegs pa'i sngags bzlas pa/ /de ltar sngags rnams don yod de/ /sems can mig zur gyis bltas pa'ang / /rjes su gzung ba nyid du 'gyur/ /de dag dge ba'i bshes gnyen te/ /'di dag sems can mnyes gshin pa'o/ /'di dag grub par bstan pa ste/ /theg gsum mnyam pa nyid zhi ba/ /de bas rnam kun rab 'bad nas/ /mnyam par bzhag cing sngags zlos bya/ /sngags zlos rab tu sbyor byed pa/ /sngags ni cho ga med par spyod/ /yun ring dus su 'khor ba na/ /nam zhig cig na grub par 'dod/ /shin tu yun ring dus song nas/ /sngags rnams grub par snang ba'o/ /cho ga ldan pa'i sngags kyis ni/ /myur du grub pa rab tu 'thob/ /'bras bu 'grub par mthong ba ste/ /'bras med sngags ni gsung ba min/ /gsang sngags 'bras bu ldan pa ni/ /tshe 'di nyid la grub par gsungs/ /grub byed 'bras bu las ma yin/ /las med par yang 'bras mi 'dod/ /'bras bu las dang yang dag ldan/ /'bras bcas las su bstan pa yin/ /de bas skye dang rga spangs pa/ /de ltar yang dag byung gyur pa/ /'jig rten zhi bar gsungs pa ste/ /zhi ba srid las rnam grol yin/ /bdag nyid chen po der 'gror gtogs/ /sangs rgyas chos ni rjes su bstan/ /'jig rten phyin ci log dus su/ /de la grub pa rab tu snang / /tshe 'di nyid la'ang grub 'gyur te/ /tshe rabs gzhan du'ang 'byung bar 'gyur/ /zhi ba'i lam ni 'dus ma byas/ /mthar thug zhi ba'i bar</font><hr>95.204a<br><font size=+1>

du 'gyur/ /gang du 'jig rten rnam bstan pa/ /zhi ba'i gnas ni dri med bzang / /sangs rgyas nyid ni legs bstan pa/ /rgyal bas kun tu bstan pa yin/ /de la mthar ni de dag phyin/ /sngags grub par ni gsungs pa yin/ /rang rig so so'i rgyal ba yis/ /sngags 'di bstan pa ma yin te/ /thub zla rdzu 'phrul chen po yis/ /'jig rten dag la sngags bstan to/ /tshe 'dir lus can rnams la ni/ /mngon sum du ni grub pa bstan/ /de nyid stong pa rig pa yis/ /sngags ni sangs rgyas nyid du ston/ /rtsod dus tha ma'i dus dag tu/ /zhi ba'i de nyid khyad par du/ /sngags 'grub par ni mi 'gro zhing / /myur ba'i las la'ang 'grub pa med/ /de yi dus su sbyor ba ni/ /cho ga mthong ba'i las dag gis/ /sngags rgyud shes pas sgrub bo zhes/ /bstan pa 'di la thub pas gsungs/ /de bzhin gshegs pa bzhugs pa na/ /grub mchog myur du grub par 'dod/ /de bzhin bar ma'i dus dag tu/ /bar ma'i grub pa nye bar bstan/ /tha ma'i dus la brten nas ni/ /tha ma'i grub par gsungs pa yin/ /bzang po yi ni dus dag la/ /de bzhin nam mkhar 'gro ba dang / /sngags rnams kun ni rab 'grub par/ /'jig rten 'dren pas bstan pa yin/ /de dus rgyal ba'i dbang po ni/ /rigs kyi mchog de rab tu 'grub/ /pad ma'i rigs ni bar mar 'grub/ /dus kyi mtha' la rdo rje'i rigs/ /kha cig smon lam dbang gis ni/ /thams cad du ni sngags rnams 'grub/ /spyan ras gzigs dang 'jam dpal dang / /sgrol ma khro gnyer gnod sbyin rgyal/ /rin chen rigs spyod gnod sbyin ni/ /dus rnams kun tu 'grub par 'gyur/ /lha rnams kun gyi sngags gzhan ni/ /gang yang chags can gyis rab sbyar/ /rtsod pa'i dus su 'grub 'gyur zhing / /'jig rten pa yi bstan pa'ang 'grub/ /lha dang mi dang lha min gyi/ /dbang po gnod sbyin srin po dang / /drang srong nam mkha' lding dang ni/ /sha za 'byung po gza' tshogs dang / /mi dang mi ma yin pa</font><hr>95.204b<br><font size=+1>

dang / /'dod pa'i khams na gnas pa yi/ /bsod nams ldan pa rdzu 'phrul che/ /ma rungs las ni mi bzad ldan/ /brgya byin tshangs pa drag po dang / /dbang ldan de bzhin gzhan dag kyang / /khyab 'jug 'byung po thams cad dang / /rdzu 'phrul chen po'i sngags bstan pa/ /de dag dus kyi tha ma la/ /bzlas pas 'grub par 'gyur ba yin/ /de dus 'jigs pa chen po la/ /sdang ba'i las ni de bzhin 'grub/ /'byung po dbang dang dgug bya ba/ /sa steng sha za 'i las dag 'grub/ /don med grub par snang ba ste/ /'jig rten pha rol dag tu smod/ /des na rgyal ba'i dbang po yi/ /de dus 'jigs pa chen po yang / /'jam pa'i dbyangs kyis yang dag bstan/ /kun la rjes gzung gtsor byas nas/ /zlos pa la ni sngags gzugs kyis/ /zlos pa bstan pa la dad cing / /dkon mchog gsum la mchod byed la/ /de tshe sems can sngags gzugs kyis/ /gdul bar byed par 'gyur ba yin/ /'phags pa 'jam dpal gyi rtsa ba'i cho ga byang chub sems dpa'i sde snod phal po che theg pa chen po shin tu rgyas pa'i mdo las cho ga nges par sdom pa'i dus kyi le'u rab 'byam las/ nyi shu rtsa drug pa rdzogs s+ho// // de nas bcom ldan 'das shAkya thub pas gzhan yang thams cad dang ldan pa'i gnas gtsang ma'i gzhal med khang la gzigs nas 'jam dpal gzhon nur gyur pa la bka' stsal pa/ 'jam dpal khyod kyi cho ga'i rgyal po chos kyi dbyings kyi mdzod/ de bzhin gshegs pa'i snying po/ chos kyi dbyings kyi rgyu mthun pa'i rjes su spyod pa/ mdo chen po'i mchog /rin po che'i le'u de bzhin gshegs pa'i gsang ba'i mchog rjes su gnang ba/ sngags kyi mchog sgrub pa la rgyu mtshan shes pa dang rtags dang dus gzhan shes pa'i sgrub pa'i thabs rnams nges par bstan cing yang dag par bstan no/ /'byung po thams cad kyi sgra sgrogs pa dang sems can dang sems can</font><hr>95.205a<br><font size=+1>

ma yin pa'i ming gi sgrar 'gyur ba ni/ sgra las byung ba'i ming du shes pa dang sgra las byung ba ma yin par bstan pa dang de bzhin du 'dren ma dang ldan pa'i sngags rnams ni rnam pa gsum du bya ba yin te/ sgra bzang yang dag ldan pa dang / /rtag tu don dang rab tu 'brel/ /zur chag tshig dang rtag tu bral/ /legs par sbyar don gyis brgyan pa/ /phyi rol grub mtha' yod ma yin/ /'phags pa'i sngags su rab tu bsgrags/ /rtag tu tshig don ldan pa ste/ /rnam pa gsum gyi dbye bar 'gyur/ /ring dang thung dang de bzhin du/ /bar ma'i yi ges brgyan pa'ang yin/ /sngags kyi lha mor gyur pa ni/ /dbyangs yig sdeb sbyor gyis brgyan pa/ /ngag ni legs sbyar legs sbyar min/ /ci ste don dang don med min/ /don ldan tshig dang don med tshig /sngags don rnam par gsungs pa yin/ /rnam rtog mang po'i tshig dag ni/ /'jig rten pa rnams kun gyi sngags/ /gcig dang gnyis kyi yi ge dag /sdeb sbyor dbyangs yig bzang po'i gzhi/ /gsum dang bzhi dang lnga dang drug /de bzhin bdun pa brgyad pa yin/ /dgu pa bcu pa de bzhin du/ /yi ge dag ni grub par 'dod/ /yi ge bcu dang yang dag ldan/ /yi ge rnams kyi gnas pa mnyan/ /ji srid 'di dag bcu 'gyur ni/ /sa steng 'di la yi ge mthong / /yi ge drug dang nyi shu dang / /yi ge gcig gi bar du 'gyur/ /'di tsam tshad kyi yi ge ni/ /sngags kyi tshig ni rtag tu sbyar/ /rkang pa bzhi dang yang dag ldan/ /sngags ni don kun sgrub pa'o/ /mchog ni rab mchog don ldan pa/ /sngags ni gang zhig rgyal bas gsungs/ /de sras rgyal ba'i sras dag gis/ /gsungs pa dag ni bar ma yin/ /'jig rten kun gyis bstan pa yi/ /sngags ni tha mar gyur pa yin/ /bden bral gyis bstan ngan pa'ang yin/ /bcwa brgyad bdun nam nyi shu'am/ /brgya dang lnga bcu dag gi bar/ /'di tsam tshad kyi sngags rnams ni/ /rgyal ba</font><hr>95.205b<br><font size=+1>

'phags pas gsungs pa yin/ /gcig dang gnyis kyi yi ge dang / /lnga brgya'i yi ge'i bar 'gyur ba/ /de tsam tshad kyi sngags rnams ni/ /byang chub sems dpas rab tu gsungs/ /de nang tshig ni dgod pa dang / /sngags dang ldan par brjod pa yin/ /sdeb sbyor ldan zhing dbyangs yig ldan/ /khams kyi don gyis rnam par brgyan/ /tshig dang legs par rab ldan dang / /rgyud dang rigs par ldan pa dang / /sgra dang dbyangs yig rnam bral ba/ /nam zhig na ni grub par 'gyur/ /legs par rab ldan sgra rnams kyang / /skye bo drod gnas rkan dad ni/ /so mchu lkog ma'i sgra dag ni/ /sbyar ba bzhin du rim gyis 'byung / /mi gsal brjod las ldog gyur pa/ /legs par rab ldan brjod pa yin/ /yongs rdzogs tshig dang sgra dag dang / /yang dag ldan pas bsgrub par 'gyur/ /sgrub pa nyams dang bya ba nyams/ /sgra dang don dang rnam bral na/ /myur du sngags rnams mi 'grub ste/ /yun ring dus su 'gor ba yin/ /de la grub pa yong med min/ /log par yang ni de mi byed/ /skye ba gzhan du'ang snang ba ste/ /sngags grub mchog kyang ster bar 'gyur/ /yun ring dus su bzlas pa yi/ /de yi sngags kyi mthu yis ni/ /sngags rig skye bo'i sngags de ni/ /don med las ni byed ma yin/ /sngags rnams kun kyi tha ma ni/ /mi ma yin pa'i 'jig rten pa/ /'byung po kun ni ser snar bcas/ /gang yin des ni sngags bstan pa'o/ /yi ge gang dag des bstan pa/ /gcig dang gnyis kyi grangs dag dang / /rnam pa sna tshogs kla klo'i skad/ /yul gyi skad du bstan pa ste/ /phreng du bsdebs dang ldan pa dang / /sgra ni 'dres par gyur pa yin/ /de dag yi ge gcig pa nas/ /rtsa brgyad stong gi bar du'o/ /tshig rkang bzhi dang rkang med dang / /rkyang pa tshigs su sbyar des bstan/ /tshigs bcad rgyun chags cha dag dang / /tshigs bcad tshigs su brjod pa yin/ /yang dang yang ni brjod don ldan/ /gsal ba'i don gyis brgyan</font><hr>95.206a<br><font size=+1>

pa yin/ /zur chag legs sbyar sgra nyams kyang / /don ni rab tu brtag pa yin/ /mi gsal gsal ba med pa dang / /yi ge nyams kyang 'dod pa yin/ /'gro ba yul dang rnam bral ba/ /de la'ang sngags ni 'grub par brjod/ /de ltar sngags rnams kun la ni/ /rtag tu phan pas rigs par gsungs/ /zag med zag bcas thams cad kyi/ /sngags rnams 'di yi mtshan 'di yin/ /gang la yi ge sa mang zhing / /ni ta yis brgyan pa ni/ /de las de yi mod la ni/ /de dag la ni nges 'grub 'gyur/ /dang po sngags ni yi ge / /mtha' na yi ge ma yod la/ /yi ge sa ni rkang par ldan/ /de bzhin ta yis bar mdzes shing / /ta yi rnam pa zur bzhir ldan/ /mtha' gnas yi ge rnam par spangs/ /ra gnyis ldan pa yi ge ta/ /sngags rnams kyi ni grub pa byed/ /dang por ra gnyis mang ba dang / /yi ge hU~M gi yon tan yod/ /yi ge tsa ni gru bzhir snang / /de dag yi ge sgrub par brjod/ /yi ge b+ha ni rar ldan zhing / /yig mthar ma dang yi ge gnas/ /dang por ma dang mang yi ge/ /de ni sngags kyi mchog tu bstan/ /gang yang yi ge na mang zhing / /rgyud rnams kun la snang ba yin/ /sngags de dag ni zhi bar gsungs/ /gshin rje hU~M gis brgyan pa yis/ /yi ge b+ha ni mang ba de/ /dbang po rlung gi phyogs su gsungs/ /yi ge ba ni chu lhar gsungs/ /'jig rten phan zhing rgyas byed yin/ /sngags gang yi ge e mang ba/ /dbang chen de ni rab tu snang / /dang po dkon mchog gsum skyabs 'gro/ /gang yin sngags ni de bzhin du/ /phyag 'tshal ba la rab 'jug dang / /zhi ba'i rgyu dang bde ba byed/ /de las gzhan pa'i lha rnams la'ang / /phyag 'tshal don du rab tu sbyar/ /sngags dang rgyud la rang gi sngags/ /rang sngags las ni thams cad pa/ /gang la yi ge ra mang zhing / /mtha' na yi ge phaT hU~M bcas/ /'di dag sngags ni gdug pa che/ /gzi brjid ldan zhing gzi mdangs che/ /mi zhi srog gcod byed pa ste/ /gdug pa'i sems can dag la sbyar/ /khyad par du ni sdig yod pas/ /</font><hr>95.206b<br><font size=+1>

de bas las de mi bya'o/ /rtag tu thub pas spangs pas na/ /'bad de zlos pos spang bar bya/ /sngags ni zhi dang rgyas pa dag /gnyis kyi don ni 'grub 'gyur te/ /las la ji srid gsungs pa dag /skad cig gis ni thams cad 'grub/ /'di dag sngags ni legs bzlas na/ /gzi brjid ldan zhing rdzu 'phrul che/ /rgyal bas gsungs pa'i sngags kyis ni/ /zhi ba'i las ni bya ba yin/ /rin chen rigs kyi bya ba ni/ /rgyas pa'i las ni thams cad do/ /gang dag sdig pa'i las rnams kun/ /mngon spyod la ni rab tu sbyar/ /mngon par spyod pa'i las rnams ni/ /rdo rje'i rigs kyis bya ba yin/ /'jig rten mgon gyis bkag na yang / /gnod sbyin dbang la rab tu bstan/ /sems can rnams ni gdul ba'i phyir/ /sngags kyi che ba'i bdag nyid gsungs/ /rigs gsum nyid kyis thams cad du/ /rnam pa gsum du bstan pa yin/ /thub pa nyid kyis rigs dag ni/ /gang yang brgyad du yang dag bstan/ /grub pa de dag rnam gsum 'gyur/ /rnam pa gsum du yang dag bstan/ /mchog dang bar ma tha ma ni/ /de dag rnam pa gsum 'byed pa/ /zhi dang rgyas pa dag dang ni/ /mngon spyod par ni 'dod pa yin/ /sngags dang ldan pa nyid dag dang / /rgyud dang ldan pa kho nar bstan/ /sngags kyi 'gro ba'i bdag nyid che/ /mngon par spyod la sbyar ba yin/ /'di dag las ni mi 'dod de/ /thub pa mchog gis smad pa yin/ /shin tu nyam ngar gyur kyang ni/ /srog la gnod las mi bya'o/ /mdor bsdu na ni ma 'dres par/ /las kyi bdag nyid chen por bstan/ /der ni rigs dang cho ga sngags/ /las ni rgya che rgya che ba/ /cho ga'i rgyal po 'di la gsungs/ /rgyud gzhan dag la'ang snang ba yin/ /las nyams rnams ni mi bsten cing / /sngags rnams kun la rigs par ldan/ /'jig rten sngags rnams ji snyed pa/ /de bzhin cha bcas cha med pa'o/ /'jig rten 'das pa thams cad kyang / /'di 'dra'i yon tan shes par bya/ /sngags grub grangs</font><hr>95.207a<br><font size=+1>

ni med gyur kyang / /de grangs yongs su brjod par bya/ /dang po grangs gcig 'byung ba ste/ /de bzhin nyi shu'ang ldan par 'byung / /de nas mdor na sum cu ste/ /de las gzhan yang bzhi bcu yin/ /de phyed bsnan na drug cu ste/ /de bzhin bcus bsnan bdun cu yin/ /de steng bcus ni bsnan pa la/ /brgyad cu'i grangs su gsungs pa yin/ /de la bcus bsnan dgu bcur gsungs/ /bcu gzhan gyis bsnan brgya yin te/ /brgya yi grangs kyis bgrang ba yi/ /de dag bcu la stong phrag gcig /stong phrag bcu la khri yin te/ /khri bcu la ni 'bum phrag gcig /'bum phrag bcu la sa ya ste/ /sa ya bcu la bye ba yin/ /bye ba bcu la dung phyur ste/ /dung phyur bcu la ther 'bum yin/ /de bcu ther 'bum chen por bstan/ /de bcu la ni shu rdog ste/ /shu rdog bcu la mchog nyal yin/ /mchog nyal bcu la rkyang phye ste/ /rkyang phye chen po de bcu yin/ /de bcu la ni khyad phyin yin/ /khyad phyin chen po de bcu yin/ /de dag bcu la sgyu mar brjod/ /sgyu ma chen po de bcu yin/ /de bcu la ni mtsho yas zhes/ /'jig rten 'dren pas gsungs pa yin/ /mtsho yas chen po de dag bcu/ /mtsho yas chen po de bcu la/ /dug chen pa yi rgya mtsho yin/ /de dag nyi shu'i phyed la ni/ /dug chen rgya mtsho chen po yin/ /dug chen rgya mtsho bcu la ni/ /mchog yas zhes ni brjod pa yin/ /mchog yas bcu zhes bstan pa ni/ /ban bun dag tu rab tu bstan/ /ban bun de dag bcu la ni/ /de ni ma lus pa zhes brjod/ /de dag nyi shu phyed la ni/ /ma lus chen po zhes su brjod/ /de tshe grangs kyi tshad du ni/ /'jig rten 'dren pas gsungs pa yin/ /bcu yi grangs kyis bcur byas na/ /grangs ni grangs med ces su brjod/ /grangs med bcur ni bsgyur byas na/ /de las gzhan du dpag med yin/ /dpag med stong du bsgyur byas na/ /'jig rten zhes ni yongs su bstan/ /'jig rten de bcu 'jig rten che/ /'jig</font><hr>95.207b<br><font size=+1>

rten chen po bsgres byas na/ /de 'og mun pa zhes su brjod/ /mun pa las ni snang bar brjod/ /snang ba chen po de dag bcu/ /de bcu la ni phung por brjod/ /phung po de bcu bsgres na ni/ /phung po chen por de brjod do/ /phung po chen po de bcu la/ /'di ni zab pa zhes brjod do/ /zab pa las ni brtan par brjod/ /brtan pa la ni rab brtan 'gro/ /de nas gong du mang ldan yin/ /mang por 'dod pa gnas su brjod/ /rtsis shes dam pas gnas su brjod/ /de nas gnas ni chen por 'gro/ /chen po'i gnas zhes 'dod pa yin/ /dpag dang dpag med mnyam byas nas/ /de don chen por yongs su bsgrags/ /don chen rab 'byor gnas dang ni/ /de nas rgya mtsho chen por 'gro/ /dang po rgya mtsho chen por bstan/ /dang po'i dang por phan pa dang / /dang po mchog ces bya bar bstan/ /mchog las gtso bor brjod pa ste/ /gtso las khyim gyi ming yin no/ /de ni bsam mi khyab par brjod/ /bsam mi khyab las mi bzad gzugs/ /mi bzad gzugs las rgyal thabs 'dod/ /rgyal thabs las gzhan gter yin te/ /de yi 'og ma dge ba yin/ /dge ba'i pha rol sems las byung / /de las gzhan pa sems byung che/ /sems las sems ni rnam par g.yeng / /brjod pa zhes ni de la bya/ /brjod pa las ni brjod med nas/ /bsnyad yas su yang brjod pa yin/ /bsnyad yas las gzhan bsnyad yas che/ /de tshe phyar phyur zhes kyang brjod/ /phyar phyur las ni phyar phyur che/ /shu rdog de bzhin shu rdog che/ /rtsis kyi pha rol phyin pa'i gnas/ /dge zhing zhi ba zhes su bstan/ /de nas bgegs chen mthong ba ste/ /chu 'byung zhes ni de las brjod/ /chu 'byung de las sems 'phrul nas/ /de las gzhan pa dam pa yin/ /de las pha rol sangs rgyas yul/ /de las gzhan ni 'phel byed sa/ /'jig rten mi yi rtsis dag ni/ /bgrang bar yang ni mi nus so/ /de las gzhan du sangs rgyas kyi/ /go 'phang dang ni spyod yul yin/ /sangs rgyas</font><hr>95.208a<br><font size=+1>

zhing ni gang gA'i klung / /bye ma snyed du brjod pa ni/ /bsdus nas rdul gyi tshogs dag ni/ /'dren pas bstan pa mdzad pa yin/ /'di dag dper ni byas pa ste/ /tshad ma shes pa'i spyod yul min/ /rgyu yis dngos po bsgrub bya ste/ /rtsis kyi pha rol phyin mi nus/ /'di tsam rdzogs pa'i sangs rgyas la/ /sngon ni nga yis bsnyen bkur byas/ /dpag med bskal pa dag tu ni/ /de dag la ni mnyes byas nas/ /de tsam dus kyi mthar thug par/ /nga ni byang chub sems dpar gyur/ /sems can don ni bsgrub bya'i phyir/ /sangs rgyas nyid du'ang yang dag bstan/ /de dang der ni bdag gi sngags/ /cho ga rgya chen bstan pa yin/ /cho ga yi ni rab mchog 'di/ /sangs rgyas 'di dag kun gyis gsungs/ /'di tsam tshad kyi sangs rgyas kyis/ /sngon chad 'di ni gsungs pa yin/ /dus kyi tha ma'i skye bo la/ /gzhon nu nga yang nga yis bstan/ /ji snyed 'jig rten sngags rnams dang / /cho ga'i rgyal po'i snod dang ni/ /de bzhin 'jig rten 'das pa dang / /mi dang lha dang lha min dang / /thams cad kun gyi sngags rnams ni/ /rgyud dang rigs par rab tu bstan/ /cho ga'i rgyal po rdzu 'phrul che/ /gang du kun gyis yongs su bkur/ /de dag cho ga zhib mo yis/ /'jam pa'i ngag ni 'grub par 'gyur/ /'jam pa'i dbyangs kyi cho ga ni/ /'di nyid kyi ni zhib mo zhes/ /de dag 'grub par gsungs pa ste/ /thams cad kun pas mthu ldan 'gyur/ /gang yang mi yi 'jig rten dang / /gang gzhan sngags kyi lha mo dang / /'jig rten 'das pa'i sngags kun dang / /'jig rten rdzu 'phrul che dang bcas/ /'di nyid tshul gyi cho ga yis/ /cho ga'i rgyal pos 'grub pa nyid/ /sngags rnams kun dang cho ga kun/ /'di yi dbang du 'gyur bar bstan/ /cho ga'i rgyal po bla med 'di/ /gang du 'jam dpal gyis rab bzhed/ /gang yang bzo ni rnam par shes/ /'jig rten pa yi 'jig rten 'dod/ /rgyu mtshan shes dang la nye bzang / /skar ma'i dpyad kyi rtags dang ni/ /</font><hr>95.208b<br><font size=+1>

rgyu mtshan shes dang spyod pa dang / /sgra skad dge dang mi dge dang / /'byung po kun gyi skad shes dang / /spyod dang sems kyi spyod pa dang / /zur gyis shes pa dag kyang bshad/ /de bzhin gter lta nor sgyur byed/ /rtsis dang brda sprod bstan bcos dang / /gos kyi rim pa'i cho ga dang / /nang rig gso ba rig pa dang / /de nyid thams cad phan dang bde/ /gtan tshigs lugs kyi bstan bcos dang / /gzhan yang sgra yi bstan bcos bstan/ /sdeb sbyor rig byed dri za'i glu/ /spos sbyor dag kyang bstan pa yin/ /bdag gis byang chub sems kyis ni/ /sems can don phyir bshad pa yin/ /bdag ni byang chub sems sngon gyur/ /'khor ba'i rgya mtshor sngar gnas tshe/ /sems can rnams la phan pa'i phyir/ /bdag gis su ni bshad pa yin/ /'khor ba'i dgon pa'i tshang tshing du/ /bdag ni yun ring dus su gnas/ /ji ltar gdul bya'i sems can la/ /de ltar bdag gis de bzhin byas/ /ji lta ji ltar sems can rnams/ /phan pa'i las ni len pa dag /phan don las kyis dge ba'i gzhi/ /de lta de ltar 'di dag byas/ /sna tshogs las kyis bsgyur ba yi/ /sems can 'gro ba'i skye gnas dag /'di dag bya ba sna tshogs byas/ /sna tshogs skye gnas rab tu bstan/ /las rnams sna tshogs ldan pa yis/ /sna tshogs don gyi bstan bcos bstan/ /rnam pa sna tshogs gzugs ldan pas/ /'di la de bzhin byas pa yin/ /sna tshogs 'gro ba'i skye gnas su/ /bdag gis de bzhin cha byad byas/ /phan pa'i bsam pas sems can la/ /sna tshogs gzugs ni bdag gis sprul/ /dbang phyug brgya byin tshangs pa sogs/ /khyab 'jug nor sbyin bden bral dang / /sna tshogs gza' yi gzugs sogs kyang / /de tshe sngon ni nga yis sprul/ /thugs rje chen po'i dbang gyur thugs/ /sems can bsam pa'i spyod yul can/ /de dag la ni rim gyis su/ /zhi ba'i gnas la bzhag pa yin/ /'khor bar phan tshun 'gro ba na/ /yun ring dus su thogs pa ni/ /</font><hr>95.209a<br><font size=+1>

sems can rnams kyi don bsgrub phyir/ /sngags kyi tshul gyis bstan pa yin/ /yun ring 'khor ba'i skye bar ngas/ /sangs rgyas rigs la brten nas ni/ /ye shes sngags dang cho ga ni/ /mthar gyis bstan par byas pa yin/ /byed pa dang ni bdag po'ang rung / /nga la gang yang yod min te/ /nges pa'i rigs la brten nas ni/ /nga ni sangs rgyas byang chub mchog /bde ba nad med yang dag zhi/ /dri med mya ngan med zhi ba/ /ngas thob mya ngan 'das zhi ba/ /skye ba'i 'ching las nga rab grol/ /yang na 'khor lo rab bskor zhing / /yang dag mtha' la brten nas ni/ /sngags kyi tshig ni rgya chen dang / /cho ga 'di ni nga yis bstan/ /las dang cho ga rgya che ba/ /zlos pas don med mi bya'o/ /'jig rten ji snyed sngags rnams dang / /cho ga dag kyang rab bstan pa/ /de kun mchod cing ri mor bya/ /de dag la ni brnyas pa spang / /cho ga rgya chen de dag kyang / /des na sngags pas brnyas mi bya/ /rgyu mtshan shes dang rig pa dang / /skar ma'i dpyad shes skad shes pa/ /'di dag don med mi bya ste/ /bkra shis don du bstan pa yin/ /mthong ba'i chos kyi don du yang / /grub pa'i rdzas sogs sman dang ni/ /zang zing bcas par mig sman 'grub/ /de las bkra shis 'grub pa yin/ /rab bsngags rgyal ba'i tshigs bcad dang / /bde legs tshigs bcad kyis brgyan pa/ /rab bsngags zhag ni bzang po dag /yar ngo dag gis legs mtshan pa/ /gza' mchog dkar ba dag ldan la/ /sngags sgrub pa ni brtsam par bya/ /de la sogs pa'i dge dang ldan/ /mi dge dag kyang spang bya ba/ /nga nyid kyis ni sngon bstan te/ /de bas zlos pas gzung bar bya/ /'jig rten ji snyed gang su dag /skar ma'i dpyad la mkhas pa dang / /gzhan gyi rgyud la mkhas pa dang / /lugs kyi bstan bcos gtan tshigs bcas/ /rig pa'i bstan bcos legs 'brel ba/ /sems can rnams la phan byed gang / /de kun nga yis sngon gsungs te/ /sngags</font><hr>95.209b<br><font size=+1>

zlos pas ni gzung bar bya/ /lam 'di grub pa'i rgyu yin par/ /de nyid gzigs pas bstan pa yin/ /grub pa'i mtha' ni mtha' dag kun/ /gang yin thar pa'i rgyur gsungs pa/ /sngags kyi lam gyi grub pa'i rgyur/ /nga nyid kyis ni byas pa yin/ /sngags kyi rig pa mtha' dag ni/ /zlos pas don med mi bya'o/ /'jig rten pa yi sngags kun dang / /dam par yang ni rab bstan dang / /de bzhin 'jig rten 'das bzang po/ /thams cad kun la rab sbyar bya/ /sems ni log par mi bya ste/ /yid kyis nam yang sun mi dbyung / /sngags rnams kun la mchod byed pa/ /dam tshig shes pas rab tu bstan/ /sangs rgyas dgongs shing phan pa yin/ /de bzhin ston pa'i bstan pa la/ /rab zhugs rgyal ba'i sras rnams kyang / /zhugs par rab tu shes pa yi/ /thub zla'i dkyil 'khor dag la ni/ /'di ni dam tshig shes par gsungs/ /rtag tu sngags rnams don yod de/ /yang dag bsams pa thob pa yin/ /gzhan dbang ngas ni ma byas te/ /brnyas pa dag kyang spyad ma yin/ /sngags rnams 'phags pa ma yin pa'ang / /de dag don med byas min brjod/ /'jig rten ji srid sngags rnams sam/ /yang na gzugs su byung ba'ang rung / /kun nas nyon mongs mthong lam mtha'/ /de dag 'bras bu yod par bstan/ /khros dang zhe sdang ldan pa yis/ /don med par ni mi bya'o/ /mi 'dod gus pa med pa yi/ /las ni mi bya 'bras bu med/ /de dang 'brel ba'i sems la ni/ /nam yang de la sbyin mi bya/ /rtag tu mnyam par bzhag nas ni/ /sngags tshig ldan par bzlas byas shing / /cho ga ji bzhin gzung byas na/ /'bras bu mtha' dag thob par 'gyur/ /yid ni g.yo med byas nas kyang / /sngags gcig de ni bzla bar bya/ /sngags ni don kun sgrub pa ste/ /rtse gcig sems kyis 'grub par 'gyur/ /rmongs pa'i bdag nyid g.yeng ba'i sems/ /de la grub pa 'grub mi 'gyur/ /gang la yid ni dag pa dang / /bstan pa la ni rab dad pa/ /'bras bu</font><hr>95.210a<br><font size=+1>

mtha' dag 'grub pa ste/ /'gro ba dam pa 'thob par 'gyur/ /dkon mchog gsum la dad pa ni/ /'dod pa'i grub par nye bar bstan/ /'phags pa 'jam dpal gyi rtsa ba'i cho ga byang chub sems dpa'i sde snod phal po che theg pa chen po shin tu rgyas pa'i mdo las/ las dang bya ba dang cho ga dang rgyu mtshan shes pa'i le'u rab 'byam las/ nyi shu rtsa bdun pa rdzogs s+ho// //   de nas bcom ldan 'das shAkya thub pas gzhan yang gnas gtsang ma'i gzhal med khang la gzigs nas 'jam dpal gzhon nur gyur pa la bka' stsal pa/ 'jam dpal khyod kyi phyag rgya dang sngags rab 'byam mchog tu shin tu gsang ba nyon cig /ma dad pa'i sems can dang / de bzhin gshegs pa'i bstan pa la mngon par dad pa med pa dang / dam tshig med pa dang / gnang ba med pa dang / dkon mchog gsum gyi gdung rgyun gcod par byed pa dang / mi dge ba'i bshes gnyen gyis yongs su zin pa dang / bsod nams mi 'dod pa dang / skye bo sdang ba dang / 'grogs shing 'dres pa dang / sdig pa'i grogs pos yongs su zin pa dang / sangs rgyas dang chos las thag ring du gyur pa dang / cho ga 'di la 'bras bu med par gyur pa dang / slob dpon gyi man ngag med pa dang / gzhon nu khyod kyi gsang ba'i dkyil 'khor la dbang ma bskur ba dang / de bzhin gshegs pa'i rigs la dam tshig ma mthong ba dang / skye bo mngon par mi 'dod pa dang / snod du ma gyur pa'i sems can rnams la bstan par mi bya'o/ /sangs rgyas chos la ma dad dang / /byang chub lam ni ring gyur la/ /de la phyag rgya mi sbyin zhing / /rgyud nyid kyang ni bstan mi bya/ /bag med rmongs par gyur pa'am/ /yang na gal te chags pas byin/ /zlos pa phyin ci log byed la/ /de la sngags ni mi 'grub bo/ /phyag rgya nye bar mi 'gyur zhing / /sngags nyid kyang ni gzhan du 'gyur/ /myur du grub pa mi 'thob cing / /de yi lus kyang nyams par 'gyur/ /zhi zhing dad pa'i sems ldan dang / /der ni dam tshig mthong ba dang / /rgyud dang sngags la rab zhugs la/ /</font><hr>95.210b<br><font size=+1>

phyag rgya rgyud ni bstan par bya/ /dkon mchog gsum la mchod byed dang / /rgyal ba'i bstan la rab dad dang / /cho ga'i sbyor ba mthong ba dag /de dag la ni phyag rgya bstan/ /byang chub sems kyi cho ga shes/ /byang chub sems kyis rnam par brgyan/ /rtag tu byang chub lam la gnas/ /de dag la ni phyag rgya bstan/ /sngags dang rgyud la rab brtson zhing / /phan tshun brgyud pas dam tshig mthong / /byang chub chen por dam bcas pa/ /de la phyag rgya rab tu bstan/ /rgyal ba'i sras po dag dang ni/ /de bzhin nyan thos rang rgyal dang / /mthong ba'i chos kyi 'bras thob gang / /de la phyag rgya rab tu bstan/ /chos rnams la ni rnam rtog med/ /dad cing ser sna bral ba dang / /ston pa'i bka' la rigs par shes/ /de la phyag rgya rab tu bstan/ /rtsa brgyad brgya yi tshad du ni/ /'di dag phyag rgya phyag rgyas btab/ /lhag dang nyung ba ma yin par/ /mngon sum sangs rgyas kyis rab bshad/ /'jam dpal gang gi cho ga la/ /sngags kyang de dang mnyam pa yin/ /brgyad bcas brgya zhes gsungs pa dang / /sngags rnams de dang mnyam par bstan/ /phyag rgya'ang brgya ni rtsa brgyad du/ /thub pa mchog gis sngon gsungs so/ /'di tsam tshad du cho ga la/ /phyag rgya sngags ni yang dag 'byung / /sangs rgyas kun gyi mdzod nyid ni/ /sngags kyi mdzod du nye bar bstan/ /phyag rgya sngags ni mnyam ldan na/ /yang dag ldan pas las myur byed/ /'khor lo med pa'i shing rta ni/ /rigs par 'gro bar mi 'byung ste/ /de bzhin sngags rnams ma lus pa/ /phyag rgya med par las mi byed/ /sngags dang phyag rgya mnyam ldan zhing / /yang dag ldan pas myur las byed/ /lha dang lha min bcas pa yi/ /'jig rten gsum kun 'gugs byed na/ /las gzhan dag gis legs sbyar ba'i/ /mi yi 'jig rten smos ci dgos/ /mthong chos 'bras bu 'di dag gi/ /phyag rgya sngags la snang ba yis/ /gnyi ga ldan zhing dag pa dang / /cho ga ldan pa'i don bstan na/ /rgyal ba mchog dang sras rnams dang / /'byung po rnams ni 'gugs par byed/ /</font><hr>95.211a<br><font size=+1>

sngags dang phyag rgya dka' thub nyid/ /rnam gsum las ni legs gnas dang / /ci 'dod phun sum tshogs pa kun/ /de bzhin zlos pas thob par 'gyur/ /sngags rnams phyag rgyas phyag rgya btab/ /sngags kyis kyang ni de rgya btab/ /sngags ni phyag rgya med pas min/ /sngags kyang phyag rgya spangs pas min/ /phyag rgya sngags ni mnyam ldan na/ /yang dag ldan pas las kun byed/ /'di dag phan tshun 'bras bu ste/ /phan tshun 'bras bu 'byung ba yin/ /sgrub pas rigs ldan sbyar byas na/ /bsgrub bya min pa'i las rnams med/ /phyag rgya ldan pa'i zlos pa pos/ /sngags rnams ma lus 'grub par 'gyur/ /cho ga mthong bas rab brtson zhing / /sngags dang phyag rgya kun byas na/ /gang du 'gugs 'gyur mi 'grub pa/ /de gnas de ni yod ma yin/ /srid rtse mnar med bar dang ni/ /'jig rten khams kyi 'gro ba gzhan/ /gang du mi 'bebs mi 'gugs dang / /bsgrub bya ma yin gang yang med/ /sems can skye gnas las skyes dang / /byang chub sems dpa' mi snang ba'ang / /cho gas bskul nas mi 'gugs pa/ /de ni gang yang yod ma yin/ /srung ba'i cho ga'i rgyud dag gam/ /las 'grub bzlog par bya ba la/ /sa bcu la ni gnas pa yi/ /byang chub sems dpas kyang mi nus/ /sngags dang phyag rgya la gnas la/ /'byung po kun gyis mi tshugs so/ /dka' thub bzlas pa cho ga'i lam/ /sbyin sreg las la rab sbyar na/ /'di las skye zhing de las grub/ /phyag rgya sngags la snang ba yin/ /zlos pa rtag tu 'bad brtson zhing / /rtag tu de dag la gnas na/ /sngags rnams grub par 'gyur ba ste/ /don yod 'gyur bar thub pa'i bka'/ /sangs rgyas kun gyi gsung dag ni/ /de dag gis ni gzhan du byed/ /sngags dang rgyud ni rigs pa la/ /gang zhig rtag tu mi 'jug pa'o/ /sngags dang phyag rgya mtha' dag ni/ /gang zhig cho ga ldan byed pa'o/ /'jam dpal gzhon nu 'di dag ni/ /yang dang yang du</font><hr>95.211b<br><font size=+1>

bstan pa yin/ /sngags kyi rig pa mtha' dag ni/ /phyag rgyas sngags ni phan pa 'byung / /de srid las la cho ga'i rgyal/ /'dis ni 'bras bu rgya chen 'byung / /'jig rten gsang mchog phan pa dang / /sngags dang phyag rgyas dam bcas pa/ /de nas rigs ldan 'jam dpal te/ /khyab par byed pa byis pa'i gzugs/ /cung zad 'dzum pa'i bzhin gyur gnas/ /gzhon nu sna tshogs yang dag 'byung / /byang chub sems dpa' brtson 'grus che/ /sa bcu la ni gnas pa yis/ /sangs rgyas nyi ma'i gnyen gyur pa/ /thub pa mchog la rab tu zhus/ /bcom ldan sngags kyi rgyud dag ni/ /gang yin 'di ni 'jig rten bstan/ /sngon gyi sangs rgyas dag gis kyang / /de yang bdag la gsungs pa yin/ /de ltar shAkya seng ge yis/ /ci yi phyir na rab tu gsungs/ /bdag ni de ltar the tshom 'tshal/ /thub pa mchog gis bdag la gsungs/ /blo ldan ka la ping ka'i skad/ /tshangs pa yi ni gsung dbyangs kyis/ /sa bcu la ni rab gnas pa'i/ /byang chub sems dpa' la gsungs pa/ /sngon ni bskal pa mang po ru/ /nga ni 'khor bar 'khor ba na/ /thub dbang me tog kun skyes las/ /cho ga'i rgyal po'ang nga yis thob/ /de dang der ni sems can la/ /phan pa mang po byas pa yin/ /thugs rje'i dbang du song nas ni/ /de tshe bdag gi smon lam byas/ /sangs rgyas mchog tu de tshe bdag /dus kyi mthar ni yang dag byung / /chos kyi 'khor lo bskor nas ni/ /bstan pa'i don ni byas pa yin/ /phyi ma yi ni dus dag tu/ /de tshe nga ni mya ngan 'da'/ /de na cho ga'i rgyal dbang po/ /khyod kyi drung du nga yis bstan/ /nga yang 'jig rten mya ngan 'das/ /'dzam bu'i gling ni rab stongs shing / /de bzhin ston pa'i chos kyi mdzod/ /rtsod dus thag ring gyur pa na/ /sems can rnams la bstan pa'i don/ /cho ga'i rgyal po gcig byed 'gyur/ /cho ga'i rgyal po rgya chen la/ /de bzhin 'di ni yang dag 'jug /sems can rnams ni don la brtson/ /de yi tshe na 'byung bar 'gyur/ /de dus 'jigs su rung ba yi/ /de tshe sems can chos</font><hr>95.212a<br><font size=+1>

ldan min/ /rtag tu lus la mi gnas shing / /rgyal po rnams ni ma rungs yid/ /mi dang mi ma yin rnams ni/ /kun kyang bstan la rnam par sdang / /ngas bshad chos kyi mdzod rnams ni/ /nga yi thams cad 'jig par 'gyur/ /de dag gdul ba'i don gyi phyir/ /sngags kyi mdzod ni nye bar bstan/ /bskal pa bsam mi khyab par sngon/ /gzhon nu khyod kyi smon lam 'di/ /sangs rgyas ji snyed gang su dag /'jig rten gnyen gyur mya ngan 'das/ /de dag bstan pa'i don du ni/ /dus dang dus su bya'o zhes/ /bdag ni byis pa gzhon nu'i gzugs/ /dus kun tu ni rnam par spyod/ /sngags kyi gzugs kyis sems can la/ /de dang der ni rnam par 'dul/ /gzhon nu khyod kyi smon lam 'di/ /sngon chad du ni byas pa yin/ /nga ni byis pa'i gzugs thob gyur/ /des na khyod la bshad par bya/ /skye bo skyabs ni med pa dang / /sangs rgyas zhing ni stongs pa na/ /sngags kyi gzugs kyis sems can la/ /byis pa'i tshul gyis yang dag shod/ /sems can mang po 'dul byed cing / /phun sum tshogs pa sbyin byed pa/ /dus kyi tha ma de la ni/ /sems can kun la mchog sbyin byed/ /'jig rten nga ni mya ngan 'das/ /sa yi steng ni stongs gyur na/ /khyod nyid byis pa'i gzugs kyis ni/ /sangs rgyas mdzad pa byed par 'gyur/ /de tshe dgon chen rab dga' ba/ /kha ba can nang yod pa yi/ /chu bo gser dang ldan 'gram du/ /da ni mya ngan 'da' bar 'gyur/ /'phags pa 'jam dpal gyi rtsa ba'i cho ga byang chub sems dpa'i sde snod phal po che theg pa chen po shin tu rgyas pa'i mdo las/ phyag rgya bskul ba'i cho ga 'jam dpal gyis yongs su zhus shing bstan pa'i le'u rab 'byam las/ nyi shu rtsa brgyad pa rdzogs s+ho// // de nas bcom ldan 'das shAkya thub pas gzhan yang gnas gtsang ma'i gzhal med khang la gzigs nas/ de bzhin gshegs pa'i phyag rgya'i mdzod yang dag par bskul ba zhes bya ba'i ting nge 'dzin la snyoms par zhugs so/ /snyoms par zhugs ma thag</font><hr>95.212b<br><font size=+1>

tu bcom ldan 'das shAkya thub pa'i mdzod spu nas 'od zer du ma bye ba khri phrag brgya stong grangs med pa'i 'khor dang bcas pa byung ste/ /'od zer gyi dra ba du ma des sangs rgyas kyi zhing du ma gsal bar byas nas/ sangs rgyas thams cad la yang dag par bskul nas/ phyir yang bcom ldan 'das shAkya thub pa'i mdzod spur zhugs par gyur to/ /sangs rgyas bcom ldan 'das la yang dag par bskul ma thag tu nam mkha'i ngo bo nyid kyi ting nge 'dzin la snyoms par zhugs te/ gnas gtsang ma'i steng gi nam mkha'i dkyil du bzhugs par gyur to/ /de nas bcom ldan 'das shAkya thub pas sangs rgyas thams cad la mchod nas 'jam dpal gzhon nur gyur pa la bka' stsal pa/ 'jam dpal phyag rgya'i le'u'i cho ga'i mdzod sangs rgyas thams cad kyi byin gyis brlabs pa bshad kyis nyon cig /de nas 'jam dpal gzhon nur gyur pas sangs rgyas thams cad kyi zhabs la btud de phyag 'tshal nas/ bcom ldan 'das shAkya thub pa la 'di skad ces gsol to/ /de bzhin gshegs pa thams cad kyi mdzod kyi phyag rgya mchog tu shin tu gsang ba gang yin pa de dus la bab par mkhyen na/ bcom ldan 'das de ni legs te bshad du gsol/ skye bo mang po la phan pa dang skye bo mang po la bde ba dang 'jig rten la snying brtse ba dang skye bo'i tshogs mang po'i don dang phan pa dang bde ba'i phyir dang lha dang mi rnams dang sems can thams cad la phan pa dang bde ba dang bde ba'i rnam par smin par 'gyur ba'i slad du'o/ /de nas bcom ldan 'das shAkya thub pa la 'jam dpal gzhon nur gyur pas gsol ba btab nas/ phyag rgya thams cad la gzigs shing sangs rgyas thams cad la mkhyen par byas nas/ byang chub sems dpa' thams cad rab tu dga' bar byed pa/ 'phags pa nyan thos dang rang sangs rgyas thams cad yang dag par tshim par byed pa/ 'phags pa'i</font><hr>95.213a<br><font size=+1>

sngags rnams la yid brtson par byed pa la yang dag par gzengs stod pa/ ma rungs pa thams cad zlog par byed pa/ 'jigs pa thams cad dbugs 'byin par byed pa/ 'khor bar gnas pa dag la bde ba dang shis pa dang mya ngan las 'das pa la rab tu 'jog par byed pa/ sems can sdug bsngal ba thams cad la bde ba'i don gyi phyir phyag rgya'i le'u'i cho ga ngas bshad kyis 'jam dpal gzhon nu nyon cig /dang po gtsug phud lnga pa ni/ /de ni phyag rgya chen por 'dod/ /gnyis pa gtsug phud gsum pa yin/ /ral pa gcig pa gsum pa ste/ /bzhi pa ut+pa lar gsungs pa/ /rkang gnyis dam pa rdzogs sangs rgyas/ /lnga pa bkra shis ldan du brjod/ /drug pa rgyal mtshan zhes su brjod/ /bdun pa gang ba zhes bstan te/ /sngags shes dag la legs mdzes shing / /brgyad pa srog shing zhes brjod pa/ /sngags shes dag la legs mdzes yin/ /dgu pa gdugs zhes bstan pa ste/ /bcu pa mdung du brjod pa yin/ /de bzhin bcu gcig sangs rgyas kyis/ /kha sbyar zhes ni yang dag bstan/ /bcu gnyis pa ni phub ces gsungs/ /bcu gsum pa ni da pus yin/ /bcu bzhi pa ni ral grir bshad/ /de bzhin dril bu bcwa lnga pa/ /bcu drug pa ni zhags par bstan/ /bcu bdun pa ni lcags kyur shes/ /bcwa brgyad pa ni bzang po'i gdan/ /bcu dgu pa ni gdan du brjod/ /nyi shur bstan pa rma bya'i gdan/ /nyi shu gcig pa paT+Ti saM/ /rtags gcig nyi shu gnyis pa ste/ /rtags gnyis nyi shu gsum pa yin/ /de bzhin phreng ba nyi shu bzhi/ /nyi shu lnga pa gzhu yin te/ /nyi shu drug par gsungs pa ni/ /lcags mda' dag tu rnam par brtags/ /nyi shu bdun par gsungs pa ni/ /rtags kun dag tu rab tu bstan/ /nyi shu brgyad pa gsal shing ste/ /nyi shu dgu pa tho ba yin/ /sum cu pa ni mda' bo che/ /sum cu gcig pa mche bar bstan/ /sum cu gnyis pa de bzhin kha/ /sum cu gsum pa ras kyi</font><hr>95.213b<br><font size=+1>

gos/ /sum cu bzhi pa bum pa ste/ /sum cu lnga pa 'khar gsil yin/ /sum cu drug pa bya ma bum/ /sum cu bdun pa gtun shing ste/ /sum cu brgyad pa skyil krung yin/ /sum cu dgu pa pa Ta ha/ /bzhi bcu par ni rab bstan pa/ /chos kyi dung zhes nye bar bstan/ /bzhi bcu dag ni gcig pa yang / /lcags thag ces ni yongs su bsgrags/ /gnyis par 'dod pa mang por gsungs/ /gsum pa yid la re ba rdzogs/ /bzhi pa skyed byed snang ba ste/ /shes rab pha rol phyin par 'dod/ /lnga pa ma mo zhes bshad pa/ /rkang gnyis rdzogs pa'i sangs rgyas kyis/ /drug pa rta babs zhes byar gsungs/ /bdun pa rta babs bzang po yin/ /brgyad pa sgra skad dag tu bstan/ /dgu pa rgyal ba'i sgra yang yin/ /lnga bcu pa ni rnga bo che/ /lnga bcu gcig pa chos kyi rnga/ /lnga bcu gnyis pa ba lang bshad/ /gsum pa lag pa mchog yin te/ /lnga bcu bzhi par shes bya ba/ /phyag rgya de ni 'khrul med yin/ /lnga bcu lnga pa mjug rings yin/ /lnga bcu drug pa mda' yin te/ /bdun pa dag ni dgra star bstan/ /brgyad pa 'jig rten gyis mchod yin/ /lnga bcu rtsa dgur shes bya ba/ /mdor na mtshon ni rtse gcig yin/ /drug cu par ni 'gyur ba yang / /mdor na gshol du shes par bya/ /drug cu gcig pa pad ma ste/ /drug cu gnyis pa rdo rjer bshad/ /chos kyi 'khor lo skor byed pa/ /'jig rten drug cu gsum par gsungs/ /drug cu bzhi par shes bya ba/ /mdor na pad ma dkar po yin/ /drug cu lnga par shes bya ba/ /phyag rgya mchog sbyin dam pa yin/ /de nas drug cu drug pa ni/ /theg pa'i phyag rgyar sangs rgyas gsungs/ /drug cu bdun par 'jig rten du/ /mkhas pas mdung du bstan pa yin/ /drug cu brgyad par bya ba ni/ /rdo rje dbyug pa'i phyag rgyar gsungs/ /drug cu rtsa dgur 'gyur ba ni/ /dgra 'joms byed par rab tu bstan/ /bdun cu par ni shes bya ba/ /mdor na klu yi phyag rgya yin/ /bdun cu gcig par</font><hr>95.214a<br><font size=+1>

gsungs pa ni/ /gzhal med phyag rgya mchog bzang yin/ /bdun cu gnyis pa mdor bsdu na/ /shing rta zhes ni de la brjod/ /mdor na bdun cu gsum pa ni/ /'jig rten mgon gyi gdan du gsungs/ /de bzhin bdun cu bzhi dang ni/ /bdun cu lnga ru bstan pa dag /tshes brgyad zla ba pi bang dag /phyag rgya gnyis su bstan pa yin/ /bdun cu rtsa drug 'jig rten du/ /phyag rgya pad ma 'dra ba yin/ /bdun cu bdun pa'i phyag rgya mchog /ut+pa la ni 'byung ba'i gnas/ /bdun cu brgyad pa'i phyag rgya ni/ /phyag 'tshal ba zhes bstan pa yin/ /bdun cu rtsa dgu mchod yon rgya/ /dgra bcom phyag rgya brgyad cu pa/ /mar me brgyad cu gcig par shes/ /thal sbyar brgyad cu gnyis par 'dod/ /gsum pa phreng ba zhes bya ba'o/ /bzhi pa gdan zhes gsungs pa yin/ /lnga pa gnas kyi phyag rgyar bstan/ /drug pa rab gnas gsungs pa ste/ /bdun pa dbang gi phyag rgyar brjod/ /brgyad cu brgyad pa mchog tu 'dod/ /dgu dang dgu bcu'i grangs dag ni/ /phyag rgya gnyis ni dge ba mchog /kha sbyar zung gi phyag rgya ste/ /grangs ni dgu bcu 'byung ba ste/ /dgu bcu rtsa gcig ces gsungs pa/ /me tog gi ni phyag rgyar bstan/ /gnyis pa gtor ma'i phyag rgya ste/ /gsum pa rtag tu spos kyi yin/ /bzhi pa dri yi phyag rgya ste/ /lnga pa mar mer shes par bya/ /drug pa sbyor bar shes par bya/ /bdun pa skyil krung phyed kyi gnas/ /brgyad pa dag ni bong ba ste/ /dgu pa dag ni gshegs su gsol/ /de bzhin brgya rdzogs phyag rgya ni/ /thams cad pa yi las shes bya/ /brgya las rtsa gcig gsungs pa ni/ /phyag rgya chen po zhes bya ste/ /gtsug tor 'jig rten mgon po ni/ /rtag tu bla ma 'khor los sgyur/ /phyag rgya de ni dang por gsungs/ /gnyis pa gdugs dkar las byung yin/ /gsum pa rtsa ba'i phyag rgya ste/ /'jam pa'i dbyangs su snang ba yin/ /bzhi pa chos kyi mdzod kyi gnas/ /chos kyi phyag rgyar shes par bya/ /lnga pa dge 'dun zhes bya ste/ /de ni phyag rgya chen po'ang yin/ /</font><hr>95.214b<br><font size=+1>

drug pa 'byung po zhi byed pa/ /rang rgyal lag pa'i phyag rgya nyid/ /bdun pa byang chub sems dpa' ni/ /sa bcu dag la zhugs pa yi/ /phyag rgya pad ma'i phreng ba ste/ /phyag rgya chen por de shes bya/ /'jig rten pa ni thams cad kyi/ /phyag rgya sngags rnams mchog sbyin byed/ /mthu chen gtso bo chen po ste/ /gtso bo 'jig rten gsum gyis mchod/ /brgyad pa yang dag rab sbyar ba/ /phyag rgya srid gsum skye gnas yin/ /phyag rgya rnams kyi grangs bstan pa/ /rgyud 'di las ni rab 'byung ba/ /brgya gcig de bzhin rtsa brgyad du/ /phyag rgya'i grangs su brtags pa yin/ /rdzogs sangs rgyas kyis 'di tshad du/ /sa steng sngon ni bstan pa yin/ /ston dang bstan pa 'jig pa na/ /lus can rnams ni rab spyod 'gyur/ /dang po re zhig lag pa gnyis/ /thal mo sbyar te rtse mo sprad/ /sor mo phan tshun nang du gshib/ /sor mo phan tshun sbyar nas ni/ /de nas yang dag sbyar nas kyang / /lag gnyis yang dag ldan pa la/ /gtsug pud lngas ni legs mtshan bya/ /sor mo rnams kyi rtse mo dag /de nas de dag rnam bzlog pa/ /phyag rgya gtsug pud lngar shes bya/ /gtsug pud lnga pa nyid dag ni/ /phyag rgya chen po zhes su bsgrags/ /byang chub sems dpa'i dbu la yod/ /'di ni phyag rgya mthu bo che/ /rab sbyar las kun byed pa yin/ /'jam dpal gyi ni sngags dag gam/ /snying po nyid ni rab tu sbyar/ /skra can ma yi sngags dag gam/ /rtsa ba'i sngags kyis rtag tu bya/ /cho ga mthong bas sbyar ba'am/ /sngags rnams kun gyis byas na ni/ /las rnams kun ni don yod par/ /thub pa'i bkas ni bstan pa yin/ /de bzhin lag pa rnam bkod nas/ /de yi lag pa kha sbyar bya/ /de bzhin rtse mo gsum bya ste/ /sor mo rnams ni rab sbyar nas/ /lag gnyis mthe bo spyod pa dang / /rab tu phyung ste drang por bya/ /gung mo dang ni srin lag dag /phyin ci log tu 'brel pa bya/ /'di ni gtsug pud gsum zhes bya/ /ral pa gsum pa zhes bya'ang yin/ /'jam pa'i dbyangs ni blo ldan gyi/ /phyag rgya 'di ni phyag rgya</font><hr>95.215a<br><font size=+1>

che/ /gang dag cho ga mthong ba yi/ /las rnams kun ni byed pa yin/ /'jam dpal gsang sngags gang yin pa/ /de dag kun la sbyar bar bya/ /zlos pa yid la gang 'dod pa/ /don de myur du grub par byed/ /lag pa de bzhin rnam bkod nas/ /de bzhin gtsug pud gcig par bya/ /sor mo gung mo yang dag sbyar/ /nges par gtsug pud gcig par 'gyur/ /rgya 'di phyag rgya chen po ste/ /rdzogs pa'i sangs rgyas rnams kyis gsungs/ /gzhon nu'i sngags ni rab bkod dang / /gang yang 'jig rten kun gyi yang / /de dang sbyar na 'grub 'gyur te/ /myur ba nyid du 'grub par 'gyur/ /de bzhin 'di yis bsgrub bya ni/ /sngags mchog rgyal bas bshad pa yin/ /cho ga mthong ba'i las kyis ni/ /'di don myur du bsgrub par bya/ /de bzhin lag pa yang dag sbyar/ /sor mo'i rtse mo dgug cing dgod/ /mdzub mo gnyis ni rtse sprad dgug /sor mo gzhan ni rang bzhag la/ /mthe mo gnyis ni rab gshib nas/ /gung mo gnyis ni rab brkyang bya/ /srin lag gnyis ni rtse sprad bkug /ut+pa la ru bstan pa yin/ /'di ni byang chub sems dpa' yi/ /rtsa ba'i sngags ni brjod cing bya/ /gtsug pud lnga par bstan pa yi/ /las rnams gang yin de dag nyid/ /de kun ut+pa la yis ni/ /myur du sgrub par byed pa yin/ /'di ni mchog sbyin phyag rgya ste/ /myur du longs spyod sgrub byed pa'o/ /rtsa ba'i sngags dang ldan byas na/ /myur du nor ni byed par 'gyur/ /lag gnyis de bzhin sbyar byas nas/ /lag pa gnyis po rab bkan la/ /kho ra yug tu sor mo yis/ /de nyid kha ni yang dag sbyar/ /bkra shis ldan pa'i rnam par 'byung / /mdzes pa'i rnam par dgod par bya/ /gung mo'i sor mo'i dbus su ni/ /mthe'u chung gnyis ni yang dag sbyar/ /mthe bo gnyi ga rnam sbyar ba/ /phyag rgya bkra shis ldan du brjod/ /don kun byed pa'i phyag rgya 'di/ /zhi ba'i las la rab tu sbyar/ /snying po'am yi ge drug ldan pas/ /las rnams kun ni byed par 'gyur/ /de bzhin lag</font><hr>95.215b<br><font size=+1>

gnyis sbyar nas ni/ /sor mo phan tshun rab sbyar ba/ /'gro ba'i khyad par mkhyen pa yis/ /gang ba bzang zhes gsungs pa yin/ /rtse mo'i phyogs kyi sor mo rnams/ /kun nas yongs su 'gyed byas pa/ /gang ba bzang zhes sangs rgyas kyis/ /zlos pa rnams la gsungs pa yin/ /de 'di sdug bsngal dag dang ni/ /dbul ba'i sdug bsngal rab zhi byed/ /rtsa ba'i sngags kyis bskul byas na/ /myur du nor gyis phyug par byed/ /'jig rten mkhyen cing legs spyod pas/ /phyag rgya gzhan yang gsungs pa ni/ /lag gnyis de bzhin byas nas ni/ /g.yon pa phab cing de la brten/ /lag pa g.yas pas bya ba ni/ /de yi sor mo dgug cing gzhag /mdzub mo gung mo nyid dag ni/ /bsgreng ba rgyal mtshan zhes brjod de/ /rgyal mtshan phyag rgya zhes grags pa/ /bsgreng bas dgra ni zlog par byed/ /phyag rgya 'di yi bya ba ni/ /rim gyis gtor ma sbyin sreg sogs/ /phyag rgya 'di yis bya ba ni/ /rtsa ba'i sngags kyis rab bskul na/ /'di ni las kun byed pa yin/ /lag pa de bzhin rnam sbyar ba/ /thal mo sbyar ba'i phyag rgya ste/ /bgegs rnams ma lus rnam 'jig cing / /sngags shes mnyam par brjod pa ni/ /rim gyis las rnams byed par 'gyur/ /cho ga mthong ba'i ldan pas ni/ /myur du don ni sgrub par byed/ /'jam pa'i dbyangs kyi snying po ni/ /snying gi gnas las yang dag byung / /'jig rten ma lus bsam pa yi/ /las rnams yang dag ldan pas byed/ /lag pa de bzhin sbyar byas nas/ /g.yon pa'i steng du g.yas pa bzhag /g.yas kyi mdzub mo blangs nas ni/ /g.yon pa'i mdzub mo bsgreng byas pa/ /'di ni srog shing phyag rgya yin/ /dgra rnams kun ni zlog byed cing / /mi bzad shin tu 'jigs rung ba'i/ /bgegs rnams thams cad zhi bar byed/ /sngags zlos pa yis bstan pa ni/ /ma rungs thams cad gsad don phyir/ /rtsa ba'i sngags dang yang dag ldan/ /myur du las ni byed par 'gyur/ /de bzhin lag</font><hr>95.216a<br><font size=+1>

pa sbyar byas la/ /srog shing 'dra bar btsugs byas nas/ /de steng lag g.yas brkyang byas pa/ /phyag rgya gdugs zhes bya bar brjod/ /phyag rgya 'di yis bya ba ni/ /bdag gi spyi bor bsrung bar bya/ /sngags rnams kun gyis byed pa ste/ /las ni srung bar byed pa yin/ /dgra rnams kyi ni gdong 'gebs shing / /mi 'dod pa dag rengs par byed/ /mi ma yin dang ma rungs pa/ /ci ltar 'dod par byed pa yin/ /gdugs kyi phyag rgya de mthong bas/ /bgegs rnams kun ni rnam par 'jig /lag gnyis de bzhin byas nas ni/ /lag pa dag ni mdzes sbyar nas/ /mthe bo mdzub mo rtse sprad ldan/ /gung mo gnyis ni rab brkyang zhing / /srin lag gnyis ni rtse sprad bkug /gung mo'i tshigs gnyis sbyar bar bya/ /de nyid mdung gi phyag rgyar bstan/ /ma rungs thams cad zlog par byed/ /srin po gdon rnams 'jig byed nas/ /'jig rten mgon gyis gsungs pa yin/ /khro bo'i rgyal po gshin rje gshed/ /khros pas rab tu bstan pa yin/ /mi bzad sdig pa'i las byed pa'i/ /'jig rten la ni rab myur byed/ /srog la gnod par byed pa'i las/ /sangs rgyas rnams kyis spangs pa yi/ /las 'di dag ni mi bya ste/ /'jig rten dam pas bkag pa yin/ /yang na kun 'gro'i sngags sbyar ba'i/ /mdung gi phyag rgya dam pa yin/ /gang dag 'jig rten sngags rnams dang / /de bzhin rgyal bas rab bshad pa/ /de dag gi ni sngags rnams sbyar/ /mdung gi phyag rgya legs mnyam bzhag /sngags kyi mchog ni mi bzad mthong / /bden bral thams cad 'jig par 'gyur/ /sha za skar ma yi dgas dang / /srul po dang ni ma mo dang / /byis pa'i gdon dang mi sdug gzugs/ /byis pa rnams la gnod byed pa/ /gang dag gdug pa'i las ldan pa/ /ma rungs thams cad 'joms par byed/ /de bzhin lag ni sbyar byas nas/ /thal mo'i rnam par byas pa dag /de nyid rnam</font><hr>95.216b<br><font size=+1>

par bzlog bya ste/ /sor mo phan tshun 'byar ba ni/ /rdzogs sangs rgyas pa zhe sdang bral/ /de nyid kha sbyar zhes ni gsungs/ /yi ge gcig pa'i sngags dang ni/ /phyag rgya 'di yi las kyis bya/ /'di nyid phyag rgyas phyogs kun bcing / /de ni phyogs bcing zhes bya'o/ /phyag rgya 'di ni bsrung ba che/ /kha sbyar byas nas 'dug pa yin/ /gzhan yang gang dag gnod byed pa'i/ /ma rungs thams cad 'jig par byed/ /lus dang sems can 'khor dang ni/ /spyod yul dag kyang 'dzin par byed/ /gang du zlos pa rtag gnas pa/ /ma lus tshogs ni srung bar byed/ /de la sdig pa ci yang med/ /phan pa med pa'ang 'byung mi 'gyur/ /bde dang lo legs nad med na/ /pha rol dmag tshogs 'jigs pa gang / /de nas lag gnyis yang sbyar nas/ /bzlog par yang ni bya ba yin/ /g.yas pa 'og tu byas nas ni/ /g.yon pa'ang steng du bkan par bya/ /lag gnyis phan tshun bsnol ba 'di/ /rgyal ba mchog gis mchog sbyin gsungs/ /sdig pa yang dag 'byung byed pa'i/ /ma rungs dgra rnams zlog par byed/ /yi ge gcig gnyis gsum dag gi/ /yi ge ldan pa brjod pa dang / /sngags ni 'dod pa dang ldan pas/ /'di ni myur du las rnams byed/ /dgra las byung ba'i sdig dag la/ /don gyi las rnams sna tshogs byed/ /rtsa ba'i sngags dang ldan pa yis/ /sprul gyi dug ni sel bar byed/ /yang na gzhan gyis sbyar ba yi/ /lus can skyon ni sel bar byed/ /sangs rgyas rkang gnyis mchog dag gis/ /'di ni phyag rgya mchog tu gsungs/ /lag pa de bzhin sbyar byas nas/ /sor mo rnams ni sbyar ba las/ /de tshe da pus 'dra bya ba/ /rtsa bar yang ni bcing ba ste/ /mthe bo gnyis kyi dbus su ni/ /mthe'u chung dag gis legs par dkri/ /sor mo drug gis bya ba ni/ /rtse mo sbyar te legs mdzes bya/ /'di ni da pus phyag rgyar gsungs/ /lha min thams cad 'joms par byed/ /lha ma yin dang gdug</font><hr>95.217a<br><font size=+1>

sems ldan/ /mthong bas sems ni zhi 'gyur zhing / /phyag rgya brjod na 'jig par 'gyur/ /da pus phyag rgya legs mchod pa/ /rtsa ba'i sngags ni rab sbyar na/ /myur du don rnams byed cing zhi/ /de bzhin ral gri bstan pa yang / /srin lag mdzub mo bkug pas so/ /de bzhin lag gnyis byas nas ni/ /rab brkyang dang po dgug par bya/ /sor mo dag gis 'khor yug tu/ /kham phor mnyam pa'i dbyibs su bya/ /dril bur sangs rgyas kyis mkhyen cing / /lus can rnams la yang dag bstan/ /lag gnyis de bzhin sbyar nas ni/ /gnyi ga kha sbyar rab bcings nas/ /phan tshun bsre ba byas nas ni/ /de bzhin gung mo'i sor mo gnyis/ /dkyil 'khor 'dra bar byas pa yis/ /zhags pa 'dra bar 'byung ba ni/ /de nas mdzub mo gnyis po dag /dbu ma'i tshigs su bcing bya ba/ /'di ni zhags pa zhes bya ste/ /rgya 'di sangs rgyas kyis sprul pa'o/ /sems can rnams ni gdul don du/ /mi bzad 'ching ba byed par gsungs/ /gang yang ma rungs gdug pa'i gza'/ /gang yang gnod sbyin srin po rnams/ /'di ni cung zad rab bskul bas/ /'dir ni ma mor bcas pa 'ching / /chings shig chings shig ces brjod pas/ /brgya byin bcas pa'ang 'dir 'ching na/ /sha za sha ni za ba dang / /mi yi 'jig rten smos ci dgos/ /lag gnyis de bzhin byas nas ni/ /de ni gnyi ga mnyam byas nas/ /de bzhin lag pa g.yas pa ni/ /g.yon pa'i steng du yongs su gzhag /gung mo dang ni mdzub mo dag /de nyid lcags kyu 'dra bar bya/ /tshigs ni bar ma la brten nas/ /mdzub mo nyid ni lcags kyur bya/ /rtsa ba'i sngags la 'di rab sbyar/ /lcags kyur 'di ni rab tu bya/ /yid la gang zhig zlos par 'dod/ /myur du las ni rab tu byed/ /myur du lha dbang tshangs pa sogs/ /brgya byin bcas pa'ang 'gugs par byed/ /phyag rgya gtso mchog rab sbyar ba/ /</font><hr>95.217b<br><font size=+1>

lcags kyu 'gugs pa dge ba yin/ /lag gnyis de bzhin rab sbyar nas/ /bzlog pa'i rnam pas nang bcings la/ /g.yon pa'i lag pa'i sor mo ni/ /gung mo srin lag dgug par bya/ /g.yas pa'i lag pa'i sor mo ni/ /gung mo srin lag rnam par dgug /mdzub mo mthe'u chung dag kyang ni/ /gnyi ga sdigs mdzub bya ba ni/ /de nas rnam bzlog bzhag pa la/ /mthe bo gnyis ni dgug cing sbyar/ /de nyid bzang po'i gdan gsungs pa/ /phyag rgya mchog ni dge ba yin/ /sangs rgyas kun gyi gdan yin te/ /khro ldan sems can zlog pa yin/ /rgyal ba mchog gi rigs las byung / /sngags rnams kun la rab tu sbyar/ /sangs rgyas byang chub sems dpa' kun/ /rdzu 'phrul chen po 'joms byed cing / /lha dang bcas pa'i 'jig rten dag /thams cad g.yo ba med byed pa'o/ /bzang po'i stan ni de nyid la/ /gung mo la ni yang dag brten/ /steng du rnam par dgod pa ni/ /gung mo srin lag rab brkyang ba'o/ /de nyid gdan du gsungs pa ni/ /thub pa dgra rgyal seng ges so/ /de bzhin lag gnyis sbyar nas ni/ /sor mo rnams ni bcing bar bya/ /de nas yal ga 'dra bar ni/ /'og tu mthe'u chung rtse mor sbyar/ /gung mo yang dag dgug bya zhing / /pad ma'i 'dab ltar yangs pa bya/ /mthe bo gnyis ka spyar bzhag nas/ /rtag tu bsgreng ste bzhag pa yin/ /zhe sdang bral ba'i sangs rgyas kyis/ /'di ni rma bya'i gdan du gsungs/ /'di ni blo ldan 'jam pa'i dbyangs/ /byang chub sems dpa' 'di yi ni/ /byis pa rtag tu rtse byed pa'i/ /gdan du thub pa mchog gis gsungs/ /mthu chen phyag rgya chen po 'di/ /rang byung rnams kyis sngon bshad pa'o/ /'jam dbyangs sngags kyis rab bskul na/ /rnam pa sna tshogs las rnams byed/ /sha za sha ni za ba rnams/ /gdug pa rnams ni 'jig par byed/ /nyi shu de bzhin tshang bar ni/ /de dag phyag rgyar 'dod pa ste/ /rdzogs sangs rgyas pa rkang gnyis mchog /</font><hr>95.218a<br><font size=+1>

'jig rten gtso bos gsungs pa yin/ /de nas gzhan yang bshad bya ba/ /phyag rgya rnams kyi cho ga rnams/ /lag pa dge zhing dag pa dang / /dri med chu yis bkrus pa dang / /tsan+dan dkar dang ga pur dang / /gur gum chu dang ldan pa yi/ /dri yi khyad par mang po yis/ /byugs shing me la bskams pa yi/ /lag pa ma nyams gtsang ba dang / /ma smad shu ba med pa yis/ /dang por phyag bya rkang gnyis mchog /de yi phyag rgya bcing bar bya/ /sa la me tog kun skyes dang / /'od dpag med dang rin chen tog /dpag med tshe shes mi g.yo dbang / /'jig rten mgon po nyin byed dang / /bde byed 'jig rten mgon po dang / /spyan bzang chos kyi tog dang ni/ /'od kyi phreng ba zhes grags pa/ /gtso bo mchog ni dam pa dag /'di dag ga pur sangs rgyas ni/ /rkang gnyis mchog la phyag byas nas/ /gtsang ba'i gnas su gtsang byas nas/ /zlos pa'i dus su phyag rgya bcing / /slob dpon la ni yang dag dris/ /the tshom don las rnam par grol/ /de 'dra'i spyod pa de ldan na/ /ci ltar bde bar phyag rgya bcing / /rnam sbyangs rnam par dben pa dang / /gnas kyang mngon par bsngags byas pa/ /khros min zas lhag bcas pa min/ /gzhan dag gis ni sems g.yeng min/ /sol ba thal ba'i nang dag tu/ /nam yang phyag rgya bshad mi bya/ /gzhan gyi bud med la chags dang / /gzhan nor chags la'ang bshad mi bya/ /langs dang nyal ba dag la ni/ /phyag rgya bde 'byung bshad mi bya/ /lhor bltas 'dug la'ang ma yin te/ /nub tu bltas te 'dug par min/ /steng dang 'og gi phyogs dag tu'ang / /phyag rgya bcing bar mi bya'o/ /byang dang shar du bltas pa dang / /phyogs mtshams dag ni de dag tu/ /dkyil 'khor bdag po'i sngags dran nas/ /sngags shes pas ni phyag rgya bcing / /phyag rgya ma lus bcing ba la/ /cho ga mchog 'di 'dod pa yin/ /de yi 'og tu brjod bya ba/ /phyag rgya</font><hr>95.218b<br><font size=+1>

nyi shu gcig pa yin/ /lag gnyis mnyam par byas nas ni/ /sor mo rnams ni sbyar bar bya/ /de nas sor mo gung mo ni/ /rtse mo sbyar bar bya ba yin/ /mdzub mo dang ni mthe'u chung gi/ /rtse mo tshigs ni bar mar gzhag /phyag rgya shes pas rtag bya ba/ /mthe bong gnyis ni bkug rten cing / /rtse mo gsum sbyar yang dag ldan/ /paT+Ti saM du mkhas pas shes/ /phyag rgya 'di ni mchog yin te/ /myur du gzhan gyi sngags rnams gcod/ /de nas gzhan gyi phyag rgya gcod/ /ma rungs sems can la sbyar bya/ /gza' dang ma mo srul po yi/ /'byung po kun ni skrag par byed/ /las rnam sna tshogs byed pa ste/ /zhi ba'ang myur du 'gugs par byed/ /drag po khyab 'jug tshangs pa dag /gang dag rang gis smras pa'i sngags/ /cho ga mthong ba'i las kyis ni/ /sngags shes pas ni de dag gcod/ /bdag nyid chen po paT+Ti sa'i/ /phyag rgya dang ni ldan pa dang / /rgyal ba'i zhal nas byung ba yi/ /sngags nyid dang yang ldan gnas na/ /rnam pa sna tshogs las byed de/ /de bzhin gcod dang dral ba'i las/ /sems can gzhan gyis byas pa'i skyon/ /ma lus mtha' dag 'jig par byed/ /lag gnyis de bzhin sbyar nas ni/ /gung mo srin lag bsgreng bya ste/ /lag gnyis yang dag ldan pa ni/ /mtshan dang 'dra bar yang dag 'byung / /sor mo bzhi ni yang dag ldan/ /mtshan gyi phyag rgya zhes 'dod do/ /lha yi bu ni dbang phyug che/ /rang gi rgyas ni phyag rgya btab/ /thub pas sngon ni bkug pa la/ /rgyud 'di las ni gsungs pa yin/ /cho ga mchog 'dir dam tshig dang / /bdag nyid sngags ni ma lus dag /de bzhin phyag rgya rgya cher bcas/ /bkug nas rab tu bstan pa yin/ /phyag rgya yi ni rab mchog 'di/ /'jig rten dag la rab tu bstan/ /phyag rgya dag ni gang ji snyed/ /drag pos sa steng rab bstan pa/ /de dag gi ni bdag po mchog /phyag rgya 'di ni rtags gcig yin/ /'jam pa'i dbyangs ni blo ldan pa/ /byang chub sems dpa'i mthu yis ni/ /</font><hr>95.219a<br><font size=+1>

dkyil 'khor 'dir ni bsdus pa ste/ /sbyin sreg las ni rab sgrub pa'o/ /gang dag ji snyed gdug pa pa/ /sa yi steng na rgyu ba yi/ /gdon dang sha rjen sha za dang / /ma mo dang ni lus srul po/ /drag pos bgegs ni byas pa dag /de dag bzlog pa'i don ched du/ /mtshan mo gtor ma'i las dag la/ /phyag rgya mchog 'di gsungs pa yin/ /sangs rgyas byin rlabs rdzu 'phrul gyis/ /las rnams ma lus byed par 'gyur/ /de bzhin de ni rnam gnyis byas/ /rtags ni gnyis su yang dag bstan/ /de bzhin sor mo phreng bar byas/ /phreng ba zhes ni yongs su bsgrags/ /de nyid phreng ba yang dag bsdus/ /kha sbyar 'dra bar yang dag 'byung / /mdzub mo gnyis kyi rtse sprad pa/ /gzhu dang 'dra bar bya ba yin/ /mthe bo gnyis ni chang par gnon/ /de ni gzhu yi phyag rgyar mtshon/ /de bzhin sor mo byas nas ni/ /g.yas pa'i mdzub mo nges par brkyang / /g.yon pa'i mdzub mo'ang brkyang byas te/ /mthe bo'i tshigs ni chang bas gnan/ /lcags mda'i phyag rgya zhes bstan te/ /mtshan ma mnyam par yang brjod do/ /de bzhin lag gnyis byas nas ni/ /sor mo rnams ni phan tshun bcing / /mdzub gnyis bslang bar yang dag sbyar/ /mdung dang 'dra bar byas pa yang / /ma rungs thams cad rjes skrag pa/ /'di ni mdung zhes rab tu gsungs/ /de bzhin lag gnyis byas nas ni/ /gnyi ga'ang khu tshur bcing bya zhing / /mthe bo gnyis ni bsgreng byas pa/ /tho ba'i phyag rgyar bstan pa yin/ /kha sbyar tho ba de nyid las/ /cung zad rab tu bskyod pa ni/ /mda' chen mchog tu gsungs pa ste/ /phyag rgya dgra ni 'jig byed pa'o/ /de nas ud pa la bcings byas te/ /de bzhin mthe'u chung sor mo gnyis/ /mthe bo'i 'og gi nang dag tu/ /dgod cing mdzub mo bstan par bya/ /'di ni mche ba zhes gsungs te/ /rnam par bye ba zhal zhes brjod/ /sor mo dag ni</font><hr>95.219b<br><font size=+1>

kun nas kyang / /de dag mnyam par byas nas su/ /g.yas pa'i lag pa'i dkyil dag tu/ /g.yon pa'i lag bzhag ba dan brjod/ /lag pa dag ni gnyi ga yang / /kha sbyar dag ni mdzes par gzhag /sor dang sor mo dag kyang ni/ /phan tshun rtse mo dag sbyar bya/ /de nas srin lag rtse gnyis dgug /bum pa'i phyag rgyar yang dag bstan/ /de nyid khu tshur sbyar nas ni/ /mdzub mo gnyis ni sngon du bsgreng / /rtse mo dgug pa'i rnam par bya/ /'khar gsil 'dra bar 'gyur ba yin/ /phyag rgya 'di ni yang dag bstan/ /'khar gsil sgra ni sel bar byed/ /'khar gsil de nyid cung zad tsam/ /legs par rab tu btud pa ni/ /mthe bo gnyis la rnam par sbyar/ /de 'dir bya ma bum du brjod/ /mdzub mo dang ni srin lag gnyis/ /bsgreng bar yang ni bya ba ste/ /de dag gi ni rtse bzhi sprad/ /gtun shing 'dra bar yang dag 'gyur/ /sngags shes yang dag ldan pa yis/ /gtun shing gi ni phyag rgyar bshad/ /lag gnyis de bzhin sbyar nas ni/ /gung mo srin lag 'og dang ni/ /steng du de dag rnam par dgod/ /g.yas pas g.yon pa bcing bar bya/ /sor mo mdzub mo mthe'u chung dag /phan tshun du ni yang dag sbyar/ /khor yug skyil krung 'dra ba yi/ /phyag rgyar de bzhin gshegs pas gsungs/ /'di ni skyil krung phyag rgya zhes/ /'jig rten kun tu grags pa yin/ /phyag rgya 'di dang ldan pa dang / /de bzhin sngags dang rab ldan pa/ /rgyal ba kun gyis gsungs pa dang / /rdo rje pad ma'i rigs las byung / /'di dag gi ni sngags ldan 'di/ /zhi ba'i las kun byed pa yin/ /gtun shing la sogs mdung gi bar/ /gang yang phyag rgya de bzhin gsungs/ /thams cad khro bo'i rgyal po ni/ /gshin rje gshed 'di'i bstan pa yin/ /mtshon cha drag po 'di dag ni/ /thams cad gdul phyir sprul ba</font><hr>95.220a<br><font size=+1>

yin/ /byang chub sems dpa'i mthu yis ni/ /de tshe bsgrub bya sgrub pa yin/ /gdul bya gdug pa thams cad la/ /bum pa la sogs phyag rgya gsungs/ /lag gnyis de bzhin bkod nas ni/ /pa Ta ha yi rnga 'dra bya/ /sor mo rnams ni mnyam par sbyar/ /thams cad kyis kyang rim par bsnol/ /mthe bong yang ni rim par bya/ /de nas lag pa'i nang du gzhug /gung mo mdzub mo gnyis po ni/ /gyen du bsgreng ba dag tu bya/ /'di ni pa Ta ha zhes bya/ bstan/ /phyag rgya ma rungs zlog byed pa'o/ /lag gnyis de bzhin byas nas ni/ /sor mo rnams ni legs par sbyar/ /gdub kor 'dra bar mdzes pa yi/ /mdzub mo gnyis ni rnam bkug la/ /mthe bo gnyis ni 'og mthar bya/ /mthe bo gnyis kyang smad par bya/ /gung mo sbyar la rab gzhug gzhag /dung ni mdzes par 'gyur ba yin/ /'di ni chos kyi dung zhes pa'i/ /lag pa'i phyag rgyar rab tu bstan/ /thub mchog gsungs pa'i sngags ldan na/ /las ni thams cad byed pa yin/ /rnam pa sna tshogs las byed pa/ /rtsa ba'i sngags dang rab sbyar na/ /mche ba'i dug can thams cad dang / /sbrul gyi dug rnams thams cad sel/ /rig pa'i rgyal po rdzu 'phrul che/ /phyag rgya dung ni 'bud bzhin bzlas/ /dug gis brgyal ba'i skye bo ni/ /myur du dug ni med par 'gyur/ /phyag rgya mchog ni rdzu 'phrul che/ /bzhi bcu dag ni yang dag bstan/ /de nas gzhan yang phyag rgya yi/ /mtshan zhing yang dag bshad bya ba/ /lag gnyis de bzhin rnam bkod pa/ /sor mo'i rtse mo legs par sbyar/ /g.yon min lag pa'i nang du ni/ /'bad pas lag g.yon gzhug par bya/ /thams cad 'og tu byas pa yi/ /lu gu rgyud du bstan pa yin/ /'di ni phyag rgya rab mchog ste/ /gdug pa ma lus 'ching bar byed/ /thub pa mchog gis gsungs pa yi/ /sngags 'di dag dang ldan byas na/ /gza' dang ma mo sdig ldan rnams/ /'byung po ma lus</font><hr>95.220b<br><font size=+1>

'ching bar 'gyur/ /lag gnyis de bzhin kun bsdus nas/ /bkrol zhing rim par yang dag bsgreng / /gung mo'i tshigs su mthe bo ni/ /'di nyid cho gas gzhag par bya/ /mthe bo gnyis kyi rtse mo yang / /gung mo'i bar tshigs yang dag sbyar/ /me la mngon phyogs bstan byas nas/ /me yi sngags dang legs par sbyar/ /me yi las la thams cad du/ /me la spyan ni drang bya ste/ /me yi phyag rgya rab sbyar na/ /myur du me ni spyan drang 'gyur/ /'di nyid phyag rgya sngags kyis gshegs su gsol/ /mdzub mo'i rtse mo nyid la ni/ /mthe bo'i rtse mo rab sbyar bas/ /me yi lha ni gshegs gsol ba'i/ /phyag rgya 'di ni kun gyis bzhed/ /me yi las ni rab sgrub pa'o/ /zlos pa sngags ni gang 'dod pa'i/ /lha rnams dag ni spyan drang 'gyur/ /phyag rgya kun gyi bzhed pa 'di/ /sangs rgyas byin brlab gsungs pa yin/ /sngags mchog dang ni ldan pa yis/ /las rnams rnam pa sna tshogs byed/ /lag gnyis de bzhin byas nas ni/ /sor mo tshang bar sbyar nas ni/ /sor mo'i rtse mo'i mthong dbye zhing / /lhod cing zlum par yang dag bya/ /de nas pad ma yongs rdzogs pa/ /kha ni bye bar ma gyur bya/ /'di ni re ba rdzogs byed pa'i/ /phyag rgya don kun sgrub byed ces/ /phyag rgya 'di ni rab mchog ste/ /sngon gyi de bzhin gshegs pas gsungs/ /sems can rnams la phan 'dod nas/ /'jam pa'i dbyangs kyis sbyar ba yin/ /sems can yid la 'dod pa dag /yid la re ba'i phan 'dod gang / /rdzu 'phrul chen po sngags ldan pas/ /myur du de dag sgrub par byed/ /phyag rgya 'di ni rab mchog ste/ /yid la re ba rdzogs zhes brjod/ /'di ni phyag rgya rab mchog ste/ /las kun rab tu sgrub byed pa'o/ /myur du sngags rnams sgrub byed cing / /rgya che nyid kyi rdzas dang bcas/ /thub pa'i zla ba de yis ni/ /zla ba'i 'od la rab tu bstan/ /zla bas pad ma'i rigs dag la/ /des ni phyag rgya</font><hr>95.221a<br><font size=+1>

'di la sbyar/ /sngags mkhan ji ltar 'dod pa bzhin/ /rnam pa sna tshogs las rnams byed/ /lag gnyis de bzhin bsdu byas nas/ /mdzub mo gnyis ni bsgreng bar bya/ /gung mo'i sor mo'i rtse mo gnyis/ /cung zad smad pa rta babs yin/ /de nyid yang dag bsgreng byas na/ /rta babs bzang por gsungs pa yin/ /de nyid phan tshun sbyar byas pa/ /sangs rgyas ru dung sgra ru bstan/ /mthe bo'i gtso bo bsgreng byas pa/ /mkhas pas rgyal ba'i sgra ru shes/ /lag gnyis de bzhin yang dag sbyar/ /mdzub mo'i rtse mo yang dag dgug /sor mo thams cad sbyar byas la/ /cung zad yangs par 'byung ba ni/ /de ni sangs rgyas rnga chen mkhyen/ /chos kyi rnga ni bsgreng byas pa'o/ /de nas lag gcig thal mo ni/ /g.yas pa g.yon pa'i steng du bsgreng / /'og tu rab tu sbyar ba ni/ /glang po'i rnam par yang dag sbyar/ /g.yas pa'i gung mo'i sor mo ni/ /glang po'i sna 'drar rab tu bya/ /'khor ba'i pha rol phyin pa yis/ /phyag rgya de ni glang por bstan/ /phyag rgya 'di ni phyag rgya che/ /rdzogs sangs rgyas kyis rab tu bstan/ /las rnams mtha' dag byed pa ste/ /'jig rten kun gyis mchod pa yin/ /lag g.yas brkyang zhing rab bsgreng ba/ /de ni mi 'jigs sbyin par brtags/ /lag pa g.yon pa brkyang byas pa'i/ /mkhrig ma'i tshigs la rab bzhag pa'o/ /gung mo mdzub mo sbyar byas la/ /mthe bo gnyis ni bar du gzhug /gung mo gnyis ni bsgreng bar bya/ /'khrul pa med pa'i rgya de yin/ /de nyid sor mo rnam sbyar zhing / /mthe bo steng du gnas byas te/ /tshigs kyi 'og tu rab bzhag pa/ /mjug rings kyi ni rgya zhes bstan/ /de nyid mdzub rtse rab bsgreng ba/ /mda' yi phyag rgyar bstan pa yin/ /mdzub rtse gnyis ni yang dag ldan/ /phan tshun rtse mo rnam sprad cing / /de gnyis tshigs su mtheb gnyis sbyar/ /mthe'u chung gnyis ni yang dag brkyang / /</font><hr>95.221b<br><font size=+1>

de nyid dgra star bstan pa ste/ /phyag rgya don kun sgrub byed pa'o/ /thams cad yang dag bsdu ba yang / /phyag rgya kun gyis mchod pa yin/ /de bzhin du ni rab bsgreng ba/ /mdzub gnyis rtse mo sbyar byas pa/ /de ni mtshon cha rtse gcig rgya/ /de bzhin 'khor lo mda' chen gshol/ /mdzub mo 'khor lo bzhin bya dang / /phyag rgya dam pa gshol yang bya/ /phyag rgya drug cu 'di dag ni/ /cho ga dang bcas gsungs pa'ang yin/ /'di dag ma lus mtshon cha'i rgya/ /sngags dang yang dag ldan par gsungs/ /dman pa kun gyis byas pa'i skyon/ /gza' dang grul bum ma mo dang / /srin mo kun gyi gtso bo rnams/ /byis pa'i sems can 'jigs byed pa/ /phyag rgya'i mtshon cha las byung bas/ /de dag thams cad des 'jig 'gyur/ /phyag rgya drug cu 'di dag gi/ /mtshan nyid nye bar bstan pa yin/ /de nas gzhan yang bshad bya ba/ /phyag rgya'i cho ga yang dag 'byung / /lag gnyis de bzhin rnam bkod pa/ /pad ma 'dra bar yang dag bsgreng / /sor mo thams cad kyis bsgrubs pa/ /phyag rgya pad ma zhes bya'o/ /phyag rgya 'di ni mchog ces bya/ /pad ma'i rigs la yang dag sbyar/ /pad ma'i rigs ni ji snyed pa/ /sngags dang ldan pas dge bar 'gyur/ /sangs rgyas byin rlabs las byung ba/ /myur du las rnams byed par brjod/ /ji snyed pad ma'i rigs gsungs pa/ /sngags rnams ma lus sgrub par byed/ /pad ma rnams kyi phyag rgya 'di/ /phyag rgya'i pad ma zhes su brjod/ /lag gnyis yang dag sbyar nas ni/ /mdzub mo gnyis ni yang dag bsgreng / /gung mo'i sor mo sbyar byas nas/ /rdo rje rtse gsum yang dag 'byung / /gung mo'i sor mo'i tshigs dbus su/ /mthe bo gnyis kyi rtse mo sbyar/ /de nyid rdo rje zhes gsungs te/ /phyag rgya dam pa tha ma yin/ /ji snyed rdo rje'i rigs kyi sngags/ /de dag phyag rgya 'di sgrub 'gyur/ /cho ga ldan par rab zhugs na/ /myur ba nyid du 'grub par</font><hr>95.222a<br><font size=+1>

'gyur/ /sgrub pa las dang yang dag ldan/ /bsgrub bya rtag tu sgrub pa na/ /grub mchog tha ma bar ma ni/ /de la rtag tu 'grub par 'gyur/ /'jig rten sngags rnams ma lus pa'ang / /the tshom med par 'grub par 'gyur/ /lag gnyis yang dag sbyar byas nas/ /gung mo gnyis ni yang dag bsgreng / /srin lag mthe bo dag kyang dgug /mthe'u chung gnyis ni sbyar byas la/ /mdzub gnyis rtse mo sprad nas ni/ /mdzub mo'i dbus tshigs gnyis dgug bya/ /gung mo gnyis kyi rtse mo sbyar/ /'khor lo 'dra bar yang dag 'byung / /'di ni chos kyi 'khor lo ste/ /'dir ni phyag rgya'i rgyal por bstan/ /de tshe chos rgyal gyis gsungs te/ /chos kyi 'khor lo rab tu bskor/ /thub pa'i zla ba bdun pa yis/ /de tshe zhi ba'i 'khor lor gsungs/ /phyag rgya'i rgyal po rab sbyar nas/ /dus gsum rgyun mi chad bzlas na/ /'jig rten pa yi sngags kun dang / /khyab 'jug dbang ldan gyis bshad pa/ /zlos pa phyag rgyar yang dag ldan/ /mthong ba tsam gyis de dag gcod/ /'di ni phyag rgya rab mchog ste/ /chos kyi dbyings las rnam par byung / /sems can rnams ni ci 'dod pa/ /thams cad las ni byed par 'gyur/ /chos kyi rgyal pos zhi don du/ /phyag rgya 'di ni yang dag bstan/ /cho ga'i rgyal pa'i mchog 'di ni/ /las rnams ma lus rab tu sgrub/ /'jam pa'i dbyangs kyis bstan pa la/ /chos kyi 'khor lo'i phyag rgya 'di'o/ /ma zhi ba yi phyag rgya kun/ /zhi ba'i las la rab tu sbyar/ /sngags pas rtag tu mgo bor ni/ /'khor lo'i phyag rgya brtag par bya/ /lag gnyis de bzhin byas nas ni/ /kha sbyar 'dra bar bya ba yin/ /sor mo lhod cing yangs par bya/ /lag gnyis sor mo'i rtse dgug pa/ /'di ni pad ma dkar po yi/ /phyag rgya sems can don sgrub shes/ /de las lag pa gcig btang nas/ /khu tshur phye zhing sor mo bsrings/ /lag pa brkyang ba lta bu ni/ /mchog</font><hr>95.222b<br><font size=+1>

sbyin gyi ni phyag rgyar brjod/ /lag gnyis kyang ni de bzhin byas/ /kun nas sor mo rnams kyis ni/ /phreng ba bzhin du gshib byas pa/ /rgyal ba'i phyag rgyar 'di brjod do/ /de bzhin lag gnyis sbyar nas ni/ /gung mo mdzub mo gnyis dag ni/ /khab kyi rnam par bya ba yin/ /de las gzhan pa'i sor mo ni/ /cung zad dgug par bya ba yin/ /de nas mdzub mo gnyis dag ni/ /gnas pa'i rnam par legs dgod bya/ /de yang yang dag sbyar byas te/ /srin lag gi ni tshigs su brten/ /'jig rten mang po'i 'dren pas ni/ /rus sbal phyag rgyar 'di bstan to/ /de bzhin lag gnyis rnam par dgod/ /sor mo dag ni kun nas kyang / /gnyi ga khu tshur mnyam byas nas/ /mdzub mo gnyis ni sbyar bya ba/ /mkhas pas phyag rgya de nyid ni/ /rdo rje dbyug par yang dag brjod/ /lag gnyis de bzhin yang dag par/ /kha sbyar 'dra bar byas nas ni/ /phan tshun sbyar ba la brten nas/ /sor mo thal mor rnam par dgod/ /mthe bong gnyis ni nang gzhug pa/ /dgra 'jig phyag rgyar brjod pa yin/ /de nas lag gnyis mnyam byas te/ /de nas thal mor byas nas ni/ /kun nas gzhol bar rab tu bya/ /gru yi bzhon par rab tu 'byung / /'jig rten gsum gyi skyob pa yis/ /gru yi phyag rgyar 'di rab bstan/ /'khor ba'i rgya mtsho chen po las/ /'byung po rnams ni yang dag sgrol/ /sor mo de nyid bsgreng nas ni/ /de tshe lag gnyis sna tshogs bya/ /phyag rgya gzhal med khang zhes bya/ /sems can steng du rjes su 'dzud/ /de bzhin lag gnyis yang dag bsdus/ /shing rta zhes ni de la brjod/ /theg gsum 'gro ba'i gtso bo ste/ /skyob pa rnams kyis shing rtar gsung / /zlos pa sngags ni 'dod pa la/ /'byung po kun ni 'dren par byed/ /theg pa mchog la brten nas ni/ /sangs rgyas go 'phang 'thob par byed/ /de nyid lag gnyis rab bsgred nas/ /gnyi ga yang ni kha sbyar bya/ /lag mthil</font><hr>95.223a<br><font size=+1>

gnyis ni mnyam byas brkyang / /lan kan 'dra bar yang dag 'byung / /'di ni phyag rgya rab mchog ste/ /'jig rten mgon gyis legs mchod pa'o/ /sangs rgyas kun gyi gnas rnams su/ /thub pa'i zla bas yang dag gsungs/ /gang du 'das pa'i sangs rgyas dang / /ma 'ongs da ltar bzhugs pa dang / /mya ngan 'das pa'i dbyings la bzhugs/ /gang du gnas mal la bzhugs pa/ /phyag rgya gnas mal zhes bya bar/ /'jig rten 'dren pas de 'dir mkhyen/ /lag gnyis de bzhin byas nas ni/ /sor mo rnams ni yang dag sbyar/ /kha sbyar du ni rnam par dgod/ /g.yas pa'i mdzub mo gcig gis ni/ /g.yon pa'i rtse mor gtug bya ba/ /de ni zla ba phyed du brjod/ /lag gnyis de bzhin byas nas ni/ /g.yas pa'i sor mos khu tshur bya/ /lag pa g.yon la yod pa yi/ /sor mo kun ni mnyam bsgreng ste/ /sor mo'i rtse mos khu tshur bcing / /g.yas dang g.yon pa ldan pa yi/ /sor mo rnams ni sbyar byas nas/ /mthe'u chung gnyis ni brkyang byas pa/ /pi bang phyag rgyar nye bar bstan/ /lag gnyis de bzhin byas nas ni/ /sor mo cung zad kha bye yang / /mthe bo gnyis kyi bar du ni/ /mdzub mo gnyis ni brten par bya/ /'di ni pad mtsho'i phyag rgya ste/ /rdzogs sangs rgyas kyis 'gro la gsungs/ /rtag tu mthe bo gnyis brkyang ba/ /ut+pa la yi phyag rgya zhes/ /rkang gnyis dam pa sangs rgyas kyis/ /'jig rten du ni gsungs pa yin/ /de nyid thal mo sbyar byas pa/ /'gro ba phyag 'tshal 'dra ba ste/ /bla ma phyag 'tshal rgya 'di zhes/ /'jig rten kun tu rnam par grags/ /rgya de nyid ni bsngam byas na/ /lag gnyis zung du yang dag 'byung / /rgya 'di lag pa gnyis gzung zhes/ /'jig rten gsum du rnam par grags/ /cung zad mthe bo rtsar bzhag ste/ /mtheb rtsar phan tshun legs gnon pa/ /de ni kha sbyar rgya ru 'gyur/ /mya ngan 'khrug pa rnam par 'jig /gang</font><hr>95.223b<br><font size=+1>

dag mtshon cha las byung rnams/ /phyag rgya 'di dag gsungs pa yin/ /me tog gdan dang bzhon pa dang / /gzhan yang gdon ni 'jigs byed pa/ /thams cad las kun byed ldan pa/ /skyob pa'i sngags kun thams cad yin/ /tshes grangs dang ni rgyu skar dang / /smyung ba dag kyang mi bya ste/ /phyag rgya sngags su rab ldan na/ /las rnams myur du grub par byed/ /zlos pa dka' thub ldan pa dang / /sngags zlos pa la mkhas pa dang / /phyag rgyar sngags su rab bstan na/ /bsgrub bya min pa'ang cung zad med/ /lag pa gnyis po bya ba ni/ /phan tshun thal mo yang dag sbyar/ /mthe'u chung srin lag mthe bo yi/ /tshigs ni bar ma sbyar bar bya/ /gung mo sbyar ba'i tshig gsum par/ /mdzub mo bkug ste sbyar bar bya/ /rigs gsum gyi ni spyi la yang / /mchod yon gyi ni phyag rgyar bstan/ /sor mo zung ni gsum po dag /de bzhin phan tshun yang dag sbyar/ /mdzub mo'i rtse gnyis yang dag sprad/ /mthe bo gnyis kyi 'gram du bskum/ /thal mo 'dra bar yang dag ldan/ /me tog phyag rgyar bstan pa yin/ /lag pa'i thal mo bkan byas nas/ /mthe'u chung sbyar byas rgyab tu ni/ /srin lag yang dag sbyar bar bya/ /de yi rgyab tu gung mo sbyar/ /mdzub mo gnyis ni sbyar bar bya/ /sa la thal sbyar bya ba yin/ /mthe bo gnyis ni 'gram bzhag pa/ /chos kyi phyag rgyar bstan pa yin/ /thal mo gzhan gyi sbyor ba yi/ /mdzub gnyis cung zad bkug pa ni/ /gtor ma spyi yi phyag rgya ru/ /'jig rten skyob pas de gsungs so/ /ji ltar cho ga bzhin du ni/ /nang du me tog gzhug byas na/ /gtor ma kun gyi las la ni/ /gsang sngags kun la byin par 'gyur/ /g.yas pa mi 'jigs sbyin pa'i lag /g.yon pa'ang de bzhin bya ba yin/ /mkhrig mar sbyor ba'i bya ba yis/ /g.yas g.yon dag ni bsnol bar bya/ /'di ni sngags rnam+sa ma</font><hr>95.224a<br><font size=+1>

lus pa'i/ /dri yi phyag rgyar brjod pa yin/ /lag g.yas khu tshur bcings nas ni/ /mthe bo dang ni gung mo gnyis/ /de nas rab tu sbyar bar bya/ /mar me'i phyag rgyar brjod pa yin/ /srin lag dang ni mthe bo nyid/ /bgrang phreng dag tu yang dag gnas/ /rtag tu mthe'u chung rnam par brkyang / /de 'og gung mo'ang brkyang bar bya/ /mdzub mo bskums te bzhag pa la/ /bgrang phreng gi ni phyag rgyar brjod/ /de nas thal sbyar nang du ni/ /sngags rig pas ni phreng ba gzhug /ci 'dod sngags ni bzla byas na/ /myur du grub pa'i mchog rab ster/ /cho ga 'di ni rtag mthong na/ /sngags rnams kun ni spyod par byed/ /me la lag pa g.yas pa ni/ /mi 'jigs sbyin pa'i phyag rgyar bya/ /me la mngon du bltas bzhag nas/ /mdzub mo rtag tu dgug par bya/ /mthe bo lag pa'i dbus su ni/ /bkug nas yang dag rab tu dgod/ /me ni yongs su spyan drang ba'i/ /phyag rgyar 'di ni bstan pa yin/ /mdzub mo yi ni rtse mo dang / /mthe bo gcig tu sbyar bya ba/ /me dang las rnams kun la ni/ /gshegs su gsol bar rab tu snang / /sngags rnams kun la mkhas pa yis/ /sbyin sreg las la bya ba yin/ /rgya 'di dag dang ldan pa yis/ /sngags ni me la legs par sbyar/ /phyag 'tshal thal mo byas pa las/ /sor mo kun nas nang du gzhug /de nyid rnam par bzlog byas nas/ /mthe bo gnyis kyang gshib par bya/ /mdzub mo phyi rol yang dag bkug /gung mo dag la yang dag brten/ /phyag rgya 'di ni mchog tu gsungs/ /mchod pa'i las la sbyar bar bya/ /sngags rnams kun la phyag 'tshal dang / /sngags kyi mgon po rgyal sras sbyar/ /sngags rnams kun la sbyang ba dang / /gdan dag la yang rab tu sbyar/ /me tog med par gyur na yang / /phyag rgya bcings la mchod par bya/ /cho ga 'di yis mchod na ni/ /sngags rnams</font><hr>95.224b<br><font size=+1>

don kun sgrub par byed/ /mchod yon phyag rgya byas pas ni/ /mchod pa bzang po byas par 'gyur/ /gnyis pa sems kyi mchod pa ste/ /me tog ci 'dra yod pas so/ /rdzogs sangs rkang gnyis dam pa yis/ /mchod pa'i cho ga 'di gsungs so/ /me tog med par gyur na yang / /mchod pa rnam pa gnyis su brjod/ /sngags rnams rab tu 'grub bya'i phyir/ /las rnams kun la sbyar bar bya/ /sngags kun byed pa'i phyag rgya ni/ /sangs rgyas kun gyis gsungs pa'ang yin/ /gnas dang mal dang bzhon pa dang / /khrus dang btung dang bza' ba dang / /mar me spos dang sngags khrus dang / /dkyil 'khor dag ni byed pa la/ /sngags rnams kun gyi dam tshig dang / /sngags pa rnams kyis byin rlabs byed/ /'jig rten mgon gyis gsungs pa yi/ /phyag rgya 'di ni las kun byed/ /phyag rgya rnams kyi nges byung ba/ /yongs rdzogs brgyar ni gsungs pa yin/ /de nas gzhan yang bshad bya ba/ /phyag rgya dag ni brgyad po ste/ /lag gnyis de bzhin sbyar nas ni/ /gnyi ga kun nas mnyam byas la/ /de dag nyid las mdzub mo dang / /gung mo gnyis ni sbyar bar bya/ /mthe bo gnyis kyi sen mo ni/ /gsum pa'i tshigs char sbyar bar bya/ /cung zad nang du bkug nas ni/ /rab tu sbyar ba dag tu bya/ /bdag nyid chen po 'khor lo can/ /sngags kyi bdag po'i phyag rgya yin/ /'di nyid las ni mdzub mo dgug /gung mo dag ni mnyam par sbyar/ /srin lag gnyis kyi sen mo ni/ /sbyar ba'i rnam par dgod par bya/ /'di ni gtsug tor phyag rgyar ni/ /rgyal ba'i dbang pos gsungs pa yin/ /lag gnyis de bzhin bkod nas ni/ /gung mo'i sor mo bcings byas pa/ /mthe'u chung sor dang yang dag ldan/ /gdugs dkar po las rgya 'di byung / /gung mo mnyam par byas nas ni/ /sor mo gnyis ni yang dag sbyar/ /gdub kor zlum po 'dra ba ni/ /phyag rgya chen</font><hr>95.225a<br><font size=+1>

por de la brjod/ / de nyid las ni mdzub mo yi/ /tshigs ni skam kha lta bur bya/ /de nas gung mo sbyar te dgod/ /lag pa'i 'og gi char sbyar nas/ /de las gsum pa'i tshigs dag tu/ /mthe bo'i sor mos gnon par bya/ /'jam pa'i dbyangs ni blo ldan gyi/ /'di ni phyag rgya mchog tu gsungs/ /lag gnyis de bzhin bkod nas ni/ /cho ga mthong la yang dag gnas/ /sor mo de nyid kun gyis ni/ /kun nas gang ba'i mdzod ltar gnas/ /lag pa gnyis ni rnam bskyed nas/ /lag sor brgyad ni rab tu brkyang / /skyes bu brgyad po de nyid shes/ /zung bzhi dag tu gyur pa ni/ /rdzogs sangs rkang gnyis dam pa yis/ /de nyid dge 'dun zhes kyang gsungs/ /de nyid 'phags pa'i dge 'dun rgyar/ /srid pa'i gnas 'dir gsungs pa yin/ /phyag rgya 'di ni rab mchog ste/ /phyag rgya ma lus rab tu sgrub/ /lag gnyis de bzhin kha sbyar te/ /thal mo sbyar ba'i rnam par gnas/ /mdzub mo gcig ni rab brkyang ba/ /lag pa g.yas pa yang dag brkyang / /de 'di 'byung po zhi byed par/ /de nyid gzigs pa rnams kyis bstan/ /phyag rgya 'di ni mchog ces bya/ /las rnams kun gyi don sgrub byed/ /lag gnyis de bzhin sbyar nas ni/ /sor rtse rim bzhin mtshan pa yi/ /bsdus nas kha sbyar dag tu bya/ /mthe bo gnyis ni bsgreng nas bskum/ /de 'di pad ma'i phreng ba zhes/ /dang po'i sangs rgyas dag gis gsungs/ /lag pa dag ni de gnyis kyis/ /sor mo kun nas bkan la brkyang / /sor mo gsum gnyis bsgreng nas ni/ /me tog kha bye'i rnam par bya/ /gnyis pa'i tshigs la bzhag pa ni/ /mthe bo dang ni mdzub mo gnyis/ /de 'dir srid pa gsum gnas kyi/ /phyag rgyar rdzogs sangs rgyas kyis gsungs/ /phyag rgya 'di ni phyag rgya che/ /las kun byed kyi phyag rgya brgyad/ /mthu mnyam brtson 'grus chen por ni/ /</font><hr>95.225b<br><font size=+1>

rdzogs sangs rgyas kyis yang dag gsungs/ /muSh+Ti gtams phrag bye ba ni/ /stong phrag brgyad cu yang dag 'byung / /thub mchog grangs med 'das pa yis/ /phyag rgya 'di dag rab tu gsungs/ /phyag rgya cho ga yang dag 'byung / /rtsa brgyad brgya ni rab tu gsungs/ /'di dag kun gyi sngags kun dang / /las rnams dag kyang grub pa yin/ /sangs rgyas rdzu 'phrul che kun gyi/ /phyag rgya 'di ni bzhed cing gsungs/ /cho ga 'di dag sbyar ba yis/ /don rnams myur du sgrub par byed/ /shAkya seng ge mi yi mchog /thub pa mchog gis de gsungs nas/ /byang chub sems dpa' rdzu 'phrul che/ /'jam pa'i dbyangs la de bzhin gsungs/ /'jam dpal gyi ni cho ga 'di/ /phyag rgya dag ni yang dag byung / /sa steng bstan pa bsrung don du/ /phyag rgya 'di ni rab tu gtad/ /dus mtha' nye bar 'od 'gyur zhing / /dus mthar mya ngan 'das pa na/ /nga yi bstan pa bsrung don du/ /nga yis 'di dag thams cad bshad/ /sngags rnams dag ni rgya cher bcas/ /phyag rgya rnams kyi mtshan nyid bshad/ /'jig rten kun la gsang ba dang / /shin tu gsang ba'ang brjod pa yin/ /mdo 'dir cho ga lhag pa ste/ /yon tan rgya chen gsal bar byas/ /sngags rnams du ma'i tshig dang ni/ /yon tan brjod pa yang dag 'byung / /phyag rgya rnam pa mang por ldan/ /rigs pa'i rgyud ni rab tu bstan/ /mthu dang yon tan grub mtha' dang / /zlos pa'i rgyu ni yang dag 'byung / /'gro ba'i skye gnas sems can gyi/ /dge ba'i 'bras bu 'byung ba'ang gsungs/ /gzhon nu khyod kyi sngags rnams kyi/ /grub pa'i gtan tshigs rab tu sbyar/ /de skad gsungs nas 'jam dpal ni/ /gzhon nu nam mkhar gnas pa yis/ /'jig rten mgon po 'od byed pa/ /rdzogs sangs rgyas la mgos phyag 'tshal/ /dbugs ring phyung nas snying rjes brlan/ /mchi ma de nas phyis nas kyang / /</font><hr>95.226a<br><font size=+1>

sangs rgyas zhabs drung gnas nas kyang / /de la myur du zhus pa ni/ /bcom ldan 'jig rten 'das pa na/ /sngags kyi mdzod 'di sa steng du/ /bdag nyid chen po'i sems can la/ /de tshe ji ltar 'byung bar 'gyur/ /de skad gsungs nas sangs rgyas kyis/ /de tshe 'jam pa'i dbyangs la gsungs/ /gzhon nu khyod kyis yongs zhus pa/ /bu khyod 'jam dpal rab tu nyon/ /nga ni 'jig rten mya ngan 'das/ /sa steng stongs par gyur pa dang / /chos kyi mdzod kyang 'jig pa dang / /nyan thos rnams kyang 'das pa na/ /rkang gnyis dam pa ston pa yi/ /gzugs brnyan mchod rten dag kyang bya/ /spos dang dri dang byug pa yis/ /mchod dang bsnyen bkur bya ba dang / /rnam pa sna tshogs gos mchog dang / /gzhan yang nor bu'i gdub kor rgyan/ /rnam pa sna tshogs bza' dang bca'/ /yang dag sbyar ba dbul bar bya/ /rnam pa sna tshogs phun sum tshogs/ /ci 'dod kha zas byas pa la/ /de bzhin sngags ni bzlas byas dbul/ /sems can dge ba'i skyes gnas 'gyur/ /dam pa'i 'gro ba'i skye gnas su/ /grong mchog dag tu skye bar 'gyur/ /mthar ni byang chub gzhol 'gyur zhing / /phyi nas zhi bar de dag 'gro/ /de skad gsungs nas 'jam dpal ni/ /sangs rgyas kyis ni gsungs la dga'/ /byang chub sems dpa' rdzu 'phrul che/ /blo ldan de nas cang mi smra/ /chos kyi 'khor lo skor byed pa'i/ /sangs rgyas 'dus par sangs rgyas kyi/ /gtsang ba'i gnas kyi steng gnas nas/ /'di dag sangs rgyas snga mas gsungs/ /de tshe chos kyi 'khor lo bskor/ /yun ring dus su 'das pa yin/ /'phags pa 'jam dpal gyi rtsa ba'i cho ga byang chub sems dpa'i sde snod phal po che theg pa chen po shin tu rgyas pa'i mdo las/ phyag rgya'i cho ga'i le'u rab 'byam las/ nyi shu rtsa dgu pa rdzogs s+ho// // de nas bcom ldan 'das shAkya thub pas gzhan yang gnas gtsang ma'i gzhal</font><hr>95.226b<br><font size=+1>

med khang la gzigs nas 'jam dpal gzhon nur gyur pa la bka' stsal pa/ 'jam dpal mchog tu rab tu gsang ba khyod kyi phyag rgya dang ldan pa'i phyag rgya'i mtshan nyid 'khor dang bcas pa yod de/ las thams cad la nye bar sbyar ba phun sum tshogs pa thams cad sbyin par byed pa/ 'bras bu dang bcas pa/ sngags thams cad kyi rjes su 'gro ba/ las thams cad sgrub pa/ mdor na 'jam dpal nyon cig /dang por re zhig thal mo rab tu brkyang la mdzub mo dang mthe'u chung gnyis rtse sprad de tshigs bar ma btud nas so so so sor rjes su bcug pa yin te/ /de la 'di ni 'jam dpal khyod kyi rtsa ba'i phyag rgya zhes bya ba las thams cad byed par 'gyur ba'o/ /lag pa gnyis de bzhin du byas la srin lag gnyis sbyar la de bzhin du gung mo dang mdzub mo yang bya zhing mthe'u chung gnyis kyi ri mo gong ma la mthe bo'i rtse mo bzhag pa ste/ 'jam dpal 'di ni khyod kyi gdong gi phyag rgya zhes bya ba ste gnyis pa'o/ /phan tshun du sor mo bsnol ba khu tshur du byas la gung mo'i sor mo gnyis rnam par bkrol la rtse mo sbyar te/ de'i 'gram gnyis su mdzub mo gnyis dkri zhing mthar gzhag par bya'o/ /de la 'di ni 'jam dpal khyod kyi mche ba'i phyag rgya zhes bya ba gzhan yin no/ /mche ba'i phyag rgya'i 'gram du mthe bo gnyis bzhag pa'i phyag rgya 'di ni mngon sum du 'jam dpal gzhon nu khyod nyid yin no/ /gnas de dang lag pa'i kha sbyar der nye bar bzhugs shing dam tshig gis byin gyis rlob par byed do/ /lag pa'i sor mo phan tshun khu tshur du byas la mdzub mo gnyis bkrol te/ mthe bo gnyis gung mo'i nang du chung bar byas pa 'di ni 'jam dpal khyod kyi gtsug pud kyi phyag rgya zhes bya ba ste/ gzhan yin no/ /thal mo'i tshigs rnams brkyang ba byas la srin lag dang / mdzub mo gnyis kyi rtse mo gung mo'i nang du rtse sprad de bzhag pa 'di ni</font><hr>95.227a<br><font size=+1>

'jam dpal mngon sum khyod nyid kyi rtsa ba'i sngags su bstan pa yin no/ /'di nyid kyi phyag rgya la mdzub mo gnyis brkyang bar byas pa ste/ de la 'di ni 'jam dpal khyod kyi phyag rgyar 'gyur ro/ /mthe'u chung dang srin lag gnyis bsnol ba byas nas lag pa kha sbyar gyi nang du bzhag la gung mo'i phyi rol tu mdzub mo'i rtse mo yongs su bkug la/ mthe bo gnyis kyi rtse mo yang dag par bcar ba'o/ /gzhan 'di yang 'jam dpal khyod kyi zhal gyi phyag rgya yin no/ /las thams cad pa yang yin te 'di nyid kyi rim gyis sor mo re re bkrol ba mthe bo dang bcas pa byas na ma rungs pa'i gdon thams cad rab tu 'byer bar 'gyur ro/ /de bzhin du rna ba dang mgrin pa dang lag ngar dang snying dang lag pa dang lkog ma dang rked pa dang lte ba dang brla dang byin pa dang rkang pa dang mig dang kha dang lce rnams te/ de ltar sor mo bcu rnams mthar gyis brkyang na/ rim bzhin du phyag rgya'i mtshan nyid du 'gyur te/ mthar gyis kyang las byed do/ /zhal gyi phyag rgyas ni kha 'ching bar byed do/ /mche ba'i phyag rgyas ni gdon ma rungs pa las grol lo/ /lce'i phyag rgyas ni tshig ngan pa zlog par byed do/ /snying gi phyag rgyas ni mi'i bdag po'i khro ba sel bar byed pa'am/ sems can gzhan lha dang lha ma yin dang mi dang mi ma yin pa dang 'gro ba rnam pa sna tshogs la brten pa'i khros pa rnams kyi khro ba 'jig par 'gyur te/ de bzhin du mthar gyis thams cad du las thams cad byed par 'gyur ro/ /de ltar rim pa 'dis phyag rgya grangs med par 'gyur te/ /las grangs med pa dag kyang byed par 'gyur ro/ /'jam dpal khyod kyis rnam pa thams cad du phyag rgya thams cad kho na las thams cad byed par 'gyur ro/ /dpa' bo chen po de bzhin gshegs pa grangs las 'das pa dag gis phyag rgya 'di dag bcings so/ /phyag rgya chen po dpa' bo chen po sa chen po la gnas pas kyang bcings so/ /</font><hr>95.227b<br><font size=+1>

gang du gtams pa phrag bye ba sum bcu rtsa gsum mam brgyad cu'am dgu bcu rtsa lnga'am khri phrag drug cu'i grangs la sogs pa 'jig rten las 'das pa'i yang 'das pas phyag rgya bcings so/ /'jig rten bya ba gang gzhan ni/ /kun kyang phyag rgya rnams su 'dus/ /'di dag gang yang rung ba yi/ /phyag rgyas don kun sgrub byed pa'o/ /dkyil 'khor bsgrub pa'i dus dag tu/ /lag pa gnyis kyis bcing bar bya/ /sngon du bsnyen pa la brtson pas/ /sbyin sreg bzlas pa dag la'ang bya/ /'dug pa'am 'greng ba dag gis kyang / /zlos pas ci 'dod bar du bzla/ /srung ba chen po'i cho gas kyang / /myur du grub pa thob par 'gyur/ /dus kun phyag rgya kun gyis ni/ /las rnams kun ni bya ba yin/ /'phags pa 'jam dpal gyi rtsa ba'i cho ga byang chub sems dpa'i sde snod phal po che theg pa chen po shin tu rgyas pa'i mdo las/ phyag rgya'i cho ga'i le'u rab 'byam gnyis pa las/ sum bcu pa rdzogs s+ho// // de nas bcom ldan 'das shAkya thub pas gzhan yang gnas gtsang ma'i gzhal med khang la gzig+sa nas 'jam dpal gzhon nur gyur pa la bka' stsal pa/ 'jam dpal khyod kyi rtsa ba'i cho ga la phyag rgya mchog tu shin tu gsang ba gzhan yang yod de/ phyag rgya dang rgyud thams cad kyi cho ga sngags thams cad kyi mngon par 'dod pa/ sngags thams cad dang lhan cig yang dag par sbyar na/ las thams cad rab tu sgrub par byed pa/ yang dag par rdzogs pa'i byang chub kyi lam rnam par sbyor bar byed pa/ sems can thams cad kyi lam du gyur pa yin no/ /mdzub mo gnyis kyi rtse mo dang gung mo gnyis kyi rtse mo dag yongs su sbyar ba ni gtsug tor 'phags pa zhes bya ba'i phyag rgya yin te/ 'dir sngags ni/ o~M dz+wA la dz+wA la dIp+tod ga toSh+NI Sha dU ra dU ra hU~M ha~M/ srin lag de nyid bkug pa dang gung mo sbyar ba de</font><hr>95.228a<br><font size=+1>

gnyis kyi sor mo'i rtse mo'i sen mo gshibs la/ rna cha gdub kor zlum po ltar bya ba ni gtsug tor gdugs dkar po'i phyag rgya yin te/ 'dir yang sngags su 'gyur ba ni/ ma ma ma ma hU~M ni/ mdzub mo de nyid phan tshun mnyam par sbyar la gung mo gnyis sbyar ba ni gzi brjid phung po'i phyag rgya'o/ /'dir sngags ni/ ta thA ga toSh+NI ShA ba lo ki te/ mUr+t+ti te dzo rA shi hU~M dz+wA la dz+wA la/ d+ha ka d+ha ka /da ra bi da ra/ ts+tshin+da ts+tshin+da/ hU~M hU~M phaT phaT swA hA/ mdzub mo de nyid yang dag par sbyar ba dkyil 'khor lta bur bya ba ni rgyal ba'i gtsug tor gyi phyag rgya'o/ /'dir sngags su 'gyur ba ni/ dza ya dza yo Sh+NI Sha dz+wA la dz+wA la ban+d+ha ban+d+ha da ma da ma/ hU~M hU~M hU~M ho ha na hU~M/ rgyal ba'i gtsug tor gyi sngags so/ /mdzub mo de gnyis kyi rtse mo btud pa byas pa gung mo sbyar ba la/ mdzub mo'i sen mo gung mo'i tshigs gsum pa'i char sbyar ba ni 'khor los sgyur ba'i phyag rgya'o/ /na mo a pra ti ha ta ta thA ga toSh+NI ShA ya/ a na ba lo ki te mUr+d+ha na tsakra brti hU~M dz+wA la dz+wA la/ d+ha ka d+ha ka /d+hu na d+hu na/ bi d+hu na trA sa ya mA ra yo ta sA d+ha ya/ ha na ha na/ AM AM A/ ka ka /dro khi Ni dro khi Ni/ kuN+Da li ni/ a pa rA dzi tA tra pa ri Ni hU~M phaT/ 'khor los sgyur ba'i sngags so/ /mdzub mo de nyid kyi rtse mo mdud pa byas la/ gung mo sbyar ba byas pa la mdzub mo sen mo'i 'og gi gsum pa'i cha la sbyar ba ni sngags kyi bdag po 'khor los sgyur ba'i phyag rgya'o/ /mdzub mo de nyid kyi rtse mo yang dag par bkug pa gung mor sbyar ba'i 'og tu yang dag par bcar ba ni sngags kyi bdag po'i phyag rgya'o/ /mdzub mo de nyid kyi rtse mo yang dag par bkug la gung mo sbyar ba'i sen mo dang tshigs nang du yang dag par sbyar ba ni 'khor los sgyur ba chen po'i phyag rgya'o/ /mdzub mo de nyid kyi rtse mo gnyis yang dag par bkug la gung mo sbyar zhing 'og tu yang</font><hr>95.228b<br><font size=+1>

dag par sbyar te/ gdub kor ltar byas pa ni 'khor los sgyur ba chen po'i phyag rgya'o/ /mdzub mo de nyid kyi rtse mo yang dag par bkug la gung mo'i tshigs gsum pa'i nang du yang dag par sbyar ba ni sngags kyi bdag po 'khor los sgyur ba chen po'i phyag rgya ste/ srid pa'i las thams cad rnam par 'jig par byed pa/ sems can thams cad kyi nye bar 'tsho ba tshe dang nad med pa dang dbang phyug dang bsam pa thams cad yongs su rdzogs par byed pa/ byang chub kyi phyogs kyi chos thams cad yongs su rdzogs par byed pa/ sems can thams cad yongs su dga' bar byed pa/ sems can thams cad kyi yid la mngon par 'dod pa 'bras bu dang bcas par byed pa/ las thams cad byed pa/ sngags thams cad rab tu sgrub par byed pa/ phyag rgya dang sngags thams cad dang ldan pa yin te/ 'jam dpal gzhon nur gyur pa khyod de nyon cig /dang po re zhig gtsug tor gyi mtshan nyid du gyur pa ni/ lag pa gnyis mnyam por bkan cing brkyang bar bya'o/ /mthe bo dang srin lag gnyis lag pa'i dkyil du sen mos bzung zhing mthe bo'i rtse mo sbyar bar bya'o/ /mthe'u chung gnyis kyi rtse mo gtug cing sbyar bar bya'o/ /de bzhin du gung mo gnyis kyi sen mo dang rtse mo gnyis sbyar bar bya zhing mdzub mo dang mdzub mo yang sbyar bar bya'o/ /kun tu snang ba'i gtsug tor gyi mtshan nyid chen po zhes bya ba'i phyag rgya yin te/ 'dir sngags ni/ aM mu ha~M/ mdzub mo de nyid yang dag par bkug ste/ sen mo dang sen mo'i rtse mo'i dkyil 'khor ltar sbyar bas ni/ lta ba ngan pa'i zug rngu'i phyin ci log sel ba zhes bya ba chos kyi 'khor lo chen po'i phyag rgya'o/ /'dir sngags su 'gyur ba ni/ o~M badzrA sha ni hU~M phaT/ 'di ni skyil krung gi phyag rgya ste/ sngags dang yang dag par</font><hr>95.229a<br><font size=+1>

ldan na las thams cad byed pa/ ji ltar ston ka'i sprin bzhin du bgegs thams cad 'jigs par byed pa/ gang yang bdud bzhis byams pa dang gang yang lha dang lha ma yin gyi bgegs rnams ni skyil krung gi phyag rgya dam pa mthong ba tsam gyis 'jigs par 'gyur ro/ /'og ma gnyis kyang rtse mo mnyam par gshibs na khu tshur gyi phyag rgyar 'gyur ro/ /sngags kyang 'di dag gang yang rung ba dang phyag rgya lag pa gnyis kyis bcings te sgrub pa'i dus sam sngon du bsnyen pa'i dus su 'dug pa'am langs te/ lan cig gam ji srid 'dod kyi bar du bzlas par bya'o/ /de ltar byas na bgegs dang log 'dren thams cad kyis glags rnyed par mi 'gyur zhing grub pa yang mngon du 'gyur ro/ /mdzub mo de nyid kyi rtse mo gnyis sbyar la kun nas zlum por bya zhing gung mo gnyis sbyar te/ gung mo'i tshigs gsum pa'i 'og tu sbyar ba ni gzhan gyis mi thub pa gtsug tor 'khor los sgyur ba'i snying po'i phyag rgya'o/ /'dir snying po ni/ o~M a pa rA dzi tA d+hi ka /gtsug tor gyi rtsa ba'i phyag rgya de nyid la gzhan gang yang rung ba dang lhan cig pa'i spyod pas bkod na las thams cad byed par 'gyur ro/ /de las mthe bo'i rtse mo bteg la srin lag gi rtse mo gtugs nas yang dang yang bteg pa ni bod pa'i phyag rgya'o/ /'dir sngags ni/ na mo b+ha ga ba te a pra ti ha toSh+NI ShA ya/ e h+ye h+yi b+ha ga bAn d+harma rA dza pra tIts+tshe da ar+g+haM/ ga / pu d+hU pa~M ba liM dI pa~M mAM tsA b+hi rak+Sha/ a pra ti ha ta/ ba la pa rA kra mA ya swA hA/ me tog dkar pos spyan drang bar bya'o/ /rang gi gzugs kyi mchod yon dang zhabs bsil ba dbul bar bya'o/ /gdan dang bzhugs su gsol ba yang bya'o/ /de la 'di nyid kyi phyag rgya dang sngags kyis phyogs dang phyogs mtshams dang steng 'og bcing bar bya'o/ /de nyid kyi srin lag dang mthe bo'i rtse mos gtugs shing smad pa byas la/ tshigs bar ma la mthe bos gtugs shing yang dang</font><hr>95.229b<br><font size=+1>

yang bteg par byas nas/ mchod yon phul na rang gis lha gshegs su gsol bar 'gyur ro/ /phyag rgya g.yon phyogs su bskor na phyogs bcings pa las grol bar 'gyur ro/ /'dir sngags ni/ na mo a pra ti ha toSh+NI ShA ya/ gats+tsha gats+tsha b+ha ga bAn d+harma rA dza pra tIts+tshe daM ar+g+haM/ ga pu/ d+hU pa~M mAM tsA b+hi rak+Sha/ a pra ti ha ta ba la pa rA kra mA ya/ phyag rgya dang sngags gshegs su gsol ba ni mchod yon gyis so/ /mdzub mo de nyid gung mo'i tshigs gsum pa'i 'og tu bzhag ste/ gung mo yang dag par sbyar la mthe bo gnyis dang mthe'u chung gnyis phan tshun mnan cing khu tshur du bya'o/ 'dir sngags ni/ /na mo b+ha ga ba te a pra ti ha toSh+NI ShA ya/ drA ban+d+ha hU~M phaT/ a pra ti ha toSh+NI ShA ya/ bi ki ri Ni/ bi ki ri Ni/ d+hu na d+hu na d+hu/ rnam par 'jig par byed pa/ bcom ldan 'das rig pa'i rgyal po'i gtsug tor gyi sngags bgegs dang log 'dren thams cad kyis zin pa dag dang dbang bskur ba dang bdag bsrung ba dang phyogs bcing ba dang dkyil 'khor bcing ba la sogs te las thams cad la rab tu sbyar ro/ /mdzub mo de gnyis kyi rtse mo gnyis bkug cing yang dang yang brkyang ba ni me lha spyan drang ba'o/ /de nas sbyin sreg gi las bya ste/ 'di nyid kyis slar gshegs su gsol ba ni bzlog pa'o/ /mdzub mo gnyis kyang 'bar ba'i phreng bar bsam mo/ /gtsug tor gyi phyag rgya 'di ni las thams cad la thogs pa med pa'o/ /'dir sngags ni/ na mo b+ha ga ba te/ a pra ti ha toSh+NI ShA ya/ e h+ye hi te dzo mA li ni ag+na ye swA hA/ mdzub mo de nyid kyi rtse mo gnyis cung zad bkug par bya zhing gung mo sbyar la gung mo'i tshigs gsum pa'i nang du sbyar bar bya'o/ /gtsug tor gyi stobs shin tu drag po'i phyag rgya yin no/ /'dir sngags ni/ na mo b+ha ga ba ti/ a pra ti ha toSh+NI ShA ya/ i ma~M ga / d+hU pa~M/ pu ba liM dI pa~M tsa pra tIts+tsha ha ra sarba bud+d+ha a d+hi te/ d+harma rA dza a pra ti ha tA ya swA hA/ dri la sogs pa'i</font><hr>95.230a<br><font size=+1>

sngags so/ /srin lag gnyis bzlog ste/ tshigs gsum pa la mthe bo gnyis yang dag par sbyar zhing mdzub mo gnyis kyang sbyar ba ni gzi brjid gtsug tor gyi phyag rgya ste/ log 'dren thams cad kyis 'joms par mi nus so/ /phyag rgya 'di ni srung ba dang bzlas pa'i dus dang / sgrub pa'i dus dang dkyil 'khor dang las thams cad la yang bya ba yin no/ /'dir sngags ni/ na mo b+ha ga ba te/ a pra ti ha toSh+NI ShA ya/ sarba bi g+h+naM bi d+hA na sa na ka rA ya kro d+hA ya swA hA/ srin lag gnyis kyi rtsa bar mthe bong gnyis gtugs te/ de bzhin du gdub kor ltar bya zhing mdzub mo gnyis kyi nang stong pa'i rnam par bya'o/ /'di ni thams cad du thogs pa med cing gzhan gyis mi thub pa'i gtsug tor gyi phyag rgya yin no/ /'dir sngags ni/ na mo b+ha ga ba te/ a pra ti ha toSh+NI ShA ya/ sarba tra a pa rA dzi tA ya/ sha ma ya sha ma ya/ shAn+te dAn+te d+harma rA dza ba shi te/ ma hA bid+yA+e sarbAr+tha sA d+ha ni swA hA/ mar gyi sbyin sreg la sogs pas zhi ba dang rgyas pa la sogs pa'i las bya'o/ /srin lag gnyis kyis gdub kor ltar bya zhing mdzub mo'i rtse mo gnyis bkug pa ni thogs pa med pa'i bde byed kyi gtsug tor gyi phyag rgya'o/ /'dir sngags ni/ na mo b+ha ga ba te/ a pra ti ha toSh+NI ShA ya/ o~M shang ka re swA hA/ las thams cad srung bar byed do/ /mthe bo gnyis kyi rtse mos srin lag gnyis kyi gsum pa'i tshigs la mnan la/ de bzhin du mdzub mo gnyis kyi rtse mo yang rdo rje'i rtse mo dang 'dra bar bya'o/ /'di ni dam tshig thogs pa med pa'i spyi gtsug gi phyag rgya ste/ dam tshig thams cad kyi thun mong ngo / /'dir sngags ni/ na mo b+ha ga ba te/ a pra ti ha toSh+NI ShA ya/ o~M shang ka re sa ma ya~M swA hA/ mthe bo gnyis kyi rtse mos srin lag gnyis</font><hr>95.230b<br><font size=+1>

kyi bar ma'i tshigs la bcar la mdzub mo gnyis kyi rtse mo dgug par bya zhing gung mo gnyis kyi rtse mo dang tshigs bar ma sbyar ba ni dam tshig thogs pa med pa gtsug tor gyi phyag rgya yin te/ lha dang lha ma yin la sbyar na dam tshig la 'jog par byed do/ /'dir sngags ni/ na mo b+ha ga ba te/ a pra ti ha toSh+NI ShA ya/ o~M shang ka re ma hA sa ma yaM swA hA/ 'dis dkyil 'khor bcing ba byas nas bzlas na 'khor los sgyur ba yang dam tshig la gnas par 'gyur zhing 'khor los sgyur ba gzhan yang zil gyis gnon par 'gyur ro/ /gnas de nyid du bzlas pa byas na rig pa'i mthu stobs kyis 'jig rten dang 'jig rten las 'das pa thams cad kyi sngags rnams kyis phan tshun gnod pa byed par nus pa ma yin no/ /bzlas pa ni gnas gcig tu rnam pa thams cad du bya'o/ /de la sogs pa gtsug tor gyi rgyal po grangs med pa yod de/ de bzhin gshegs pa thams cad kyi rigs la rgya cher bya'o/ /'jam dpal cho ga'i rgyal po 'di la ni sngags tshad med pa yod de/ phyag rgya yang rnam pa sna tshogs nyid de ngas 'di mdor bsdus nas bshad pa yin no/ /ngas gal te rgya cher bshad na ni mi dang mi ma yin pa thams cad kyis bskal pa stong gi tshad du yang 'dzin pa'am 'chang bar nus pa ma yin no/ /'jam dpal de lta bas na mdor bsdus nas bshad par bya yis/ mdor na yid la nye bar gzung bar gyis shig /dang po thub pa'i phyag rgya mchog /'dir ni rab tu gsungs pa yin/ /lha yi lha ni de nas kyang / /'khor los sgyur ba'i phyag rgya dang / /byang chub sems dpa' blo ldan ni/ /spyan ras gzigs ni zla ba dang / /de nas phyag na rdo rje'i rgya/ /gnod sbyin dbang po'i bstan pa yin/ /de nas gzhan yang phyag rgya ni/ /dpag med chen po'i gzi brjid ldan/ /pho nya pho nya mo tshogs kun/ /bran pho bran mo de bzhin gzhan/ /de bzhin</font><hr>95.231a<br><font size=+1>

gnod sbyin gnod sbyin mo/ /klu dang klu mo de bzhin gzhan/ /mngag gzhug mngag gzhug mo dag dang / /rdzu 'phrul chen po sha za mo/ /de bzhin gzhan yang srin mo dang / /lha dang lha min bu mo dang / /grub dang rig pa 'dzin rnams dang / /mi rnams ma lus pa dag dang / /skye bo thams cad dag gi ni/ /so so so sor phyag rgya bstan/ /sngags kyang rnam pa sna tshogs dang / /las dang ting 'dzin sna tshogs dang / /glang po nor bu'i rigs dag dang / /de dag so so'i phyag rgya dang / /dgra bcom dang ni rang rgyal dang / /legs 'byung phyag rgya de nyid dang / /sa bcu la ni rab gnas pa'i/ /byang chub sems dpa' thams cad kyi/ /phyag rgya snying po sngags dag ni/ /gcig pa nyid du yongs su bsgrags/ /lha dang gnod sbyin rigs dang ni/ /drang srong dri zas mchod pa dang / /phyag rgya dri zas bstan pa dang / /bdun pa'i rigs kyis gsungs pa dang / /de bzhin brgyad pa'i phyag rgya ni/ /gnod sbyin rigs su yongs su bstan/ /phyag rgya thams cad yang dag bstan/ /gzhan yang bder gshegs bka' dag gis/ /rgyud rnams dag ni so so dang / /'jig rten pa yi yang 'dir gzung / /phyag rgya ldan pa'i sngags dag ni/ /las rnams la ni gsal bar 'gyur/ /phyag rgya 'ching la sogs mkhas na/ /log 'dren dag gis gnod mi 'gyur/ /de nas phyag rgya chen po la sogs pa'i mtshan nyid bshad par bya ste/ sangs rgyas bcom ldan 'das kyi snying po'i phyag rgya'i mtshan nyid du 'gyur ba ni/ lag pa gnyis kyi sor mo phan tshun bsdams la mthe bo gnyis bstan par bya'o/ /'di ni de bzhin gshegs pa rnams kyi thugs kyi phyag rgya'o/ /'di nyid la mthe bo g.yas pa gcig bstan pa ni pad ma 'dzin pa'i phyag rgyar 'gyur ro/ /lag pa g.yas g.yon snga ma bzhin du khu tshur bcangs te/ gung mo'i sor mo gnyis rab tu phyung zhing brkyang bar byas la gcig tu byas shing rdo rje'i rtse</font><hr>95.231b<br><font size=+1>

mo 'dra ba 'di ni rdo rje 'dzin gyi phyag rgya'o/ /de las gcig bkug pa 'di ni byang chub sems dpa' spos kyi glang po'i phyag rgya'o/ /yang de nyid brkyang nas gung mo gnyis gdub kor ltar byas pa 'di ni byang chub sems dpa' glang po'i spos kyi phyag rgya'o/ /lag pa gnyis po thams cad bsdus te/ khu tshur du byas pa 'di ni rin po che'i rigs kyi phyag rgya'o/ /nor bu la spyod pa thams cad dang dzam b+ha la chu dbang la sogs pa'i sngags dang phyag rgya 'di nyid sbyar bar bya'o/ /mdzub mo gnyis kyi tshigs gnyis bkug nas sen mo gnyis phan tshun du sprad pa 'di ni gnod sbyin gyi rigs lngas rtsen la sogs pa'i gnod sbyin rdzu 'phrul chen po'i phyag rgya'o/ /lag pa gnyis snga ma bzhin du khu tshur bcing ba byas la mthe bo'i sen mo gnyis phan tshun sprad cing steng du bzhag la gung mo gnyi ga'i rtse mo rdo rje'i rtse mo dang 'dra bar byas pa 'di ni lha thams cad de lha'i rigs 'og min la sogs pa'i phyag rgya yin no/ /lag pa gnyis de bzhin du bsngams la khu tshur bcangs nas mthe bo gnyis bstan pa 'di ni rang sangs rgyas rnams dang 'phags pa nyan thos kyi phyag rgya'o/ /khu tshur bcang bar byas pa 'di dag ni 'phags pa'i gang zag brgyad kyi phyag rgya'o/ /rgyal ba'i sras thams cad kyi phyag rgya ni gcig tu brjod par bya ste/ thal mo brkyang ba sbyar nas cung zad rtse mo bskum par byas pa 'di ni byang chub sems dpar grags pa'i phyag rgyar bstan pa yin no/ /nor bu rin po che dang / 'khar gsil dang / snam sbyar dang / lhung bzed dang / chos gos dang / mche ba dang / mi 'jigs pa'i lag pa ste/ bdun po de dag ni thub pa'i phyag rgya'o/ /spyan dang byams pa dang 'od kyi dra ba dang chos ston pa dang mdzod spu'i nor bu dang gnas pa dang</font><hr>95.232a<br><font size=+1>

phyag rgya bdun po 'di dag kyang rgyal ba'i sku nyid las skyes pa'o/ /bdun gnyis kyi tshogs gnyis pa 'di dag dang phyag rgya lnga ngas bshad pa dang thub pa'i snying po dang ldan pa nyi shu ni dang po'i rang byung gis kyang bstan pa yin te 'khor los sgyur ba nyi shu'i 'khor gyi phyag rgya yang bstan to/ /phyag rgya dang sngags byung ba 'di grangs kyi mthar yang byas pa yin no/ /thal mo sbyar ba byas nas gdub kor ltar byas pa ni nor bu rin po che'i phyag rgya'o/ /skyil mo krung gi g.yas g.yon brla'i nya'i phyogs su khu tshur rgyal mtshan du 'dzin pa ni 'khar gsil gyi phyag rgyar 'gyur ro/ /lag pa thal mo sbyar la phan tshun du mngon par phyogs pa ni snam sbyar gyi phyag rgyar 'gyur ro/ /lag pa thal mo sbyar ba las bzed pa ltar byas pa ni lhung bzed kyi phyag rgya'o/ /chos gos ni lag pa g.yon pas so/ /thugs kyi phyag rgya bzhin du g.yon pa'i mthe bo bteg pa ni mche ba'i phyag rgya'o/ /lag pa g.yas pas mi 'jigs pa sbyin pa dang g.yon pas chos gos la 'dzin pa ni mi 'jigs pa'i lag pa'o/ /thal mo sbyar ba las gung mo gnyis rdo rje'i rtse mo ltar byas la/ de'i rgyab tu mdzub mo gnyis cung zad bkug cing bzhag la/ mthe bo gnyis nang du bcug pa 'di ni sangs rgyas spyan gyi phyag rgyar 'gyur ro/ /'di nyid kyi gung mo'i tshigs bkug la mdzub mo gnyis gcig tu byas pa 'di ni sangs rgyas byams pa'i phyag rgya'o/ /thal mo sbyar ba yangs par byas la mdzub mo dang srin lag gnyis bkug la rdo rje rtse gsum du byas pa 'di ni mA ma kI'i phyag rgyar 'gyur ro/ /thal mo sbyar ba byas nas mdzub mo gnyis gung mo gnyis kyi tshigs gsum pa la bkug nas bzhag la mthe bo gnyis so sor bskyed nas thal mo'i rnam par bya ba 'di ni longs spyod ldan pa zhes bya ba'i phyag rgya yin no/ /lag pa gnyis thal mo sbyar nas mdzub mo gnyis dang gung mo</font><hr>95.232b<br><font size=+1>

gnyis sbyar ba ni rnam par rgyal ba'i phyag rgya'o/ /g.yas pa'i sor mo gsum rdo rje'i rtse mo ltar byas la rked pa'i phyogs su brten pa 'di ni gnas pa'i phyag rgya'o/ /de ltar bdag nyid kyi mgo bor rig pa'i rgyal po 'i phyag rgya dang phyag rgya chen po brgyad bcings la las thams cad bya zhing dam tshig gzung ba'am dkyil 'khor bya ba dag la'ang me tog gtor bar bya'o/ /yang na sngar bstan pa'i cho ga ji lta ba bzhin du byas na ci 'dod pa'i las thams cad byed par 'gyur ro/ /sngags dang phyag rgya dang rig pa brjod pas ni dam tshig thams cad du 'gyur ro/ /legs par phyag rgya bcing na ni phyag rgya'i mthu 'byung bar 'gyur gyi/ gang phyag rgya bab col du byas pa dang gnas ma yin par bcas pa des ni 'di'i dam tshig nyams par 'gyur ro/ /gang rdo rje'i phyag rgya de nyid ni mdud rtse'i phyag rgya yin mod kyi/ rtse gsum dang rdo rje ni khyad par yod de/ gang gyen du bstan pa de ni rdo rje 'dzin gyi phyag rgyar 'gyur la/ 'og tu bltas pa ni dbang phyug chen po'i phyag rgya yin no/ /bar du bzhag pa ni sbyin gnas su 'os pa'i slob dpon dang bla ma la ni phyag rgya dbus su gzung bar bya'o/ /mi thams cad la ni sor mo gcig gdeg par bya'o/ /mi ma yin pa thams cad dang rkang gnyis dang rkang bzhi dang rkang mang dang srid pa gsum la gnas pa'i sems can rnams kyi phyag rgyar 'gyur ba ni sor mo gnyis bsgreng ba'o/ /gnod sbyin dang gnod sbyin mo thams cad kyi phyag rgyar 'gyur ba ni gsum bsgreng ba'o/ /rig pa 'dzin pa dang rig pa 'dzin ma thams cad kyi phyag rgyar 'gyur ba ni sor mo bzhi bsgreng ba'o/ /lha dang lha ma yin thams cad kyi bu mo'i phyag rgyar 'gyur ba ni lag pa'i mthil mnyam por bzhag pa'o/ /thal mo sbyar ba legs par byas te bzhag pa ni gzugs na spyod pa'i lha thams cad kyi phyag rgya'o/ /thal mo de nyid legs par byas</font><hr>95.233a<br><font size=+1>

pa las khu tshur bcing ba byas pa ni 'dod pa'i khams kyi dbang phyug la sogs pa 'dod pa'i khams na gnas pa thams cad kyi yin no/ /dmyal ba dang dud 'gro dang yi dgas dang gshin rje'i 'jig rten gyi sems can thams cad kyi phyag rgyar 'gyur ba ni de nyid las sor mo gcig yang dag par bsgreng ba'o/ /sha za dang sha za mo la sogs pa thams cad kyi phyag rgyar 'gyur ba ni sor mo gnyis bsgreng ba'o/ /srin po dang srin mo rnams kyi ni gsum bsgreng ba'o/ /sha rjen za ba thams cad dang gdon dang ma mo dang grul bum la sogs pa dang / sha za rnams dang mkha' 'gro ma thams cad dang sdig pa'i sems dang ldan pa thams cad la ni sor mo bzhi bsgreng ba'o/ /sdig pa thams cad kyi phyag rgyar 'gyur ba ni sor mo thams cad bsdus pa'o/ /lag sor bsdus pa'i phyag rgya ni dgug pa'o/ /lag sor brkyang ba ni slar gtang ba'i phyag rgya'o/ /las thams cad ni rang gi sems kyis bya'o/ /ci 'dod pa'i phyag rgya 'di dag la rang rang gi sngags sbyar bar bya'o/ /gzhan gyi phyag rgyar gzhan gyi las ni mi bya'o/ /gang gi sngags gang la yod pa de dang de'i phyag rgyar sbyar bar bya'o/ /phyag rgya 'di dag ni rin thang mnyam pa med pa yin te/ sangs rgyas thams cad kyis byin gyis brlabs pa sems can thams cad kyis phyag rgya mthong bas khro bar byed mi nus so/ /phyag rgya las 'da' bar byed pa ni rnam par nyams pa thob par 'gyur ro/ /phyag rgya nyams pa las ni dam tshig nyams pa dang rig pa thams cad las rnam par 'das par 'gyur ro/ /mthar yang ngu 'bod kyi 'gro ba thob par 'gyur ro/ /dmyal ba chen po mnar med par yang shin tu brtan par skye ba thob par 'gyur ba ni phyag rgya la bgegs byed pas so/ /gang yang phyag rgya dang dam tshig la gnas pa de dag ni yun ring po mi nyung bar bde bar 'gyur te/ lha'i gnas chen po'i</font><hr>95.233b<br><font size=+1>

'gro bar skye bar 'gyur ro/ /mthar yang nges par byang chub la gzhol bar 'gyur ro/ /mdor na dang po'i sangs rgyas dang byang chub sems dpa' rdzu 'phrul chen po dag gis phyag rgya rnam pa mang po rnams rab tu gsungs so/ /sems can thams cad kyis kyang 'di'i mtha' rtogs par ram gzung bar ram grangs rtsi bar byed par mi nus so/ /mdor na rgyal ba'i rigs kyi rig pa'i rgyal po 'khor los sgyur ba'i yi ge gcig pa de'i phyag rgyar 'gyur ba ni lag pa g.yas g.yon snga ma bzhin du khu tshur du byas la/ gung mo gnyis phyir phyung la brkyang ste gcig tu rtse sprad la/ gnyi ga'i yang rtse mo'i tshigs bkug la mdzub mo gnyis kyi tshigs gnyis bkug cing sen mo gnyis phan tshun rtse sprad de/ mthe bo gnyis kyi sen mo'i steng du bzhag pa 'di ni 'khor los sgyur ba'i phyag rgya ste/ las thams cad byed pa phyag rgya thams cad kyi rab mchog 'jig rten gyi skyob pa rnams kyis gsungs pa/ 'khor los sgyur ba'i yi ge gcig pa dang yang dag par ldan na las thams cad byed par 'gyur ro/ /'dis bsgrubs na de bzhin gshegs pa thams cad kyi rigs dang 'jig rten dang 'jig rten las 'das pa thams cad kyi sngags grub par 'gyur ro/ /'dis bzlas pa byas na sngags thams cad bzlas par 'gyur ro/ /sgrub pa pos nges par sngon du cho ga'i rgyal po 'dir gsungs pa'i sngags kyi mchog brgyad stong bzlas pa bya'o/ /de ltar byas na rig pa 'di thams cad mngon du 'gyur zhing myur du grub pa rab tu ster bar 'gyur ro/ /myur du mchog kyang ster bar 'gyur ro/ /nges par byang chub la gzhol bar 'gyur ro/ /pad ma 'dzin pa'i phyag rgya dang spyan ras gzigs kyi snying po yi ge gcig pa dang ldan par byas na las thams cad byed par 'gyur ro/ /yang na gos dkar mo'i rig pa phyag rgya dang ldan par byas na'ang de bzhin du las thams cad byed par 'gyur ro/ /rdo rje 'chang gi</font><hr>95.234a<br><font size=+1>

phyag rgya dang de nyid kyi snying po yi ge gcig pa dang ldan par byas na yang de bzhin du las thams cad byed par 'gyur ro/ /yang na mA ma kI'i rig pa chen mo dang ldan par byas na'ang las thams cad byed par 'gyur ro/ /de bzhin du glang po'i rigs kyi yi ge gcig pa byang chub sems dpa' glang po'i spos kyi snying po dang de bzhin du de nyid kyi phyag rgya dang rin po che'i rigs dang gnod sbyin gyi rigs dang lha dang 'phags pa dang 'di dag la yang 'dir snying po yi ge gcig pa nyid la phyag rgya dang sngags thams cad dang ldan par byas na las thams cad bya ba yin no/ /ji ltar rigs par rig pa dang sngags kyi stobs bskyed pa mtha' dag bya'o/ /de bzhin du drang srong rnams la ni dmod pa 'debs pa'i lag pa'i phyag rgya'o/ /de bzhin du dri za dang lha dang lha ma yin dang bcas pa rnams la ni lag pa g.yon pa'i mthe bo nang du bcug pa byas pa'o/ /grub pa bstan pa'i khu tshur du gnas pa'i rgya ni gzhon nu ma bzhi'i phyag rgya dang de nyid kyi sngags kyis so/ /de bzhin du smin drug gi bu la ni mdung gi phyag rgyas so/ /de bzhin du gshin rje dang chu lha dang lus ngan dang gnod sbyin dang srin po dang sha za dang lto 'phye chen po la sogs pa sems can srid pa gsum la yang dag par gnas pa thams cad dang 'gro ba thams cad du gtogs pa dang khams thams cad na gnas pa dang sems can thams cad kyi gdon dang ma mo dang sha rjen za ba dang sdig pa can gyi sems can thams cad dang thams cad kyi phyag rgya dang sngags kyang thams cad du gsungs pa yin no/ /rim gyis sbyar zhing mthar gyis thams cad kyi thams cad du 'gyur gyi gzhan du ni ma yin no/ /dang por re zhig sgrub pa pos cho ga'i rgyal po 'di la de bzhin gshegs pa las byung ba'i phyag rgya chen po dang phyag rgya de'i yan lag tu gyur pa las byung ba dang 'phags pa kun tu bzang po dang mthu chen thob dang dri ma med par grags pa dang 'jam dpal khyod kyi ut+pa la'i phyag</font><hr>95.234b<br><font size=+1>

rgya dang byang chub sems dpa' 'di dag gi phyag rgya shar du mngon par bltas te gnas pa dang nyi ma la mngon du bltas te gnas nas/ tho rangs langs la gtsang zhing gtsang ba'i gnas la gnas nas sgrub pa pos nges par 'di dag gi phyag rgya gang yang rung ba bcings la rang gi spyi bo'i steng du gzhag par bya'o/ /'di dag gang yang rung ba'i sngags brgya rtsa brgyad bzlas pa byas na nad thams cad las rnam par grol bar 'gyur ro/ /tshe ring ba dang bgegs thams cad kyis zil gyis gnon par mi 'gyur ro/ /sems can thams cad kyis mi tshugs par 'gyur ro/ /myur du grub pa ster bar 'gyur ro/ /sangs rgyas thams cad kyis byin gyis brlab par 'gyur ro/ /nges par byang chub la gzhol bar 'gyur ro/ /byang chub kyi snying po'i bar du 'jam dpal gzhon nur gyur pa 'di'i dge ba'i bshes gnyen du 'gyur ro/ /snying po dang phyag rgyar 'gyur ba de yang gang zhe na/ dang por re zhig dpa' bo chen po'i phyag rgya bca' bar bya ste/ lag pa gnyis sbyar bar byas la sor mo rnams nang du bsdus te/ mthe bo gnyis bteg la tshigs gsum pa'i cha bkug pa 'di ni dpa' bo chen po'i phyag rgya de bzhin gshegs pa rnams kyis gsungs so/ /'dir sngags ni/ a bI ra hU~M baM/ sngags 'di dang yang dag par ldan na phyag rgya 'di ni las thams cad byed pa yin no/ /lag pa gnyis de bzhin du yang dag par sbyar ba byas la phyir yang rnam par phye zhing / kun nas sor mo rnams pad ma kha bye ba ltar byas pa 'di ni kha bye ba zhes bya ba'i phyag rgya mchog yin te/ dang po'i sangs rgyas kyis rab tu bstan to/ /'dir sngags ni/ ga ga na sam+b+ha be dIp+ta dIp+ta dz+wA la ya dz+wA la ya/ bud+d+ha a d+hi te bi kA sA ya sarba b+hu tA / hU~M hU~M bi kA si ni phaT phaT swA hA/ 'di ni pad ma kha bye ba'i sngags te/ phyag rgya 'di dang yang dag par ldan na las thams cad par 'gyur ro/ /gdon zhugs pa la sogs pa yang rab tu shes pa yin no/ /smra bar byed par 'gyur ro/ /gdon gyis zin pa rnams dang sha za sdig pa dang ldan</font><hr>95.235a<br><font size=+1>

pas zin pa dang dug gis brgyal ba rnams la ji lta ji ltar rab tu sbyar ba de lta de ltar de thams cad byed do/ /'di ni mdor na rig pa me tog kha bye ba'i phyag rgya dang ldan par byas na don thams cad sgrub par byed do/ /ma grub pa nyid kyang myur du 'grub par 'gyur ro/ /lag pa gnyis sbyar ba byas la sor mo rnams nang du mnyam par byas te bcug pa ni snying po'i phyag rgya ste/ snying pos lan bdun mngon par bsngags la bkrol bar bya ste/ de bzhin du thams cad du yang bya'o/ /'dir sngags ni/ go da ro bI ra swA hA/ de bzhin gshegs pa'i snying po'o/ /lag pa de nyid khu tshur du bya ste sor mo rnams brkyang la sor mo'i rtse mo phan tshun sprad cing nang du stong pa ni gtsug tor gyi phyag rgya'o/ /'dir sngags ni/ ban+d+ha swA hA/ 'di ni las thams cad byed pa ste/ lag pa g.yas pa'i mthe bo bteg la khu tshur bcangs pa ni 'khar gsil gyi phyag rgya'o/ /'dir sngags ni/ d+hu na dzi ta ra NI hU~M/ 'khar gsil gyi sngags ni las thams cad pa'o/ /'di nyid kyi phyag rgya dang ldan pas lag pa g.yon pa chos gos la 'dzin par byas pa ni chos gos kyi phyag rgya'o/ /'dir sngags ni/ rak+Sha rak+Sha sarba bud+d+ha a d+hi ta da ma tsI ba ra swA hA/ de bzhin gshegs pa'i chos gos kyi sngags so/ /'di nyid kyi phyag rgya dang ldan par byas na las thams cad byed par 'gyur ro/ /gos la mngon par bsngags nas gos bgos na bsrung ba chen po byas par 'gyur ro/ /gdon thams cad dang ma mo dang sha za dang sha rlon za ba dang sdig pa can rnams dang bgegs thams cad kyang mthong ba tsam gyis rab tu 'byer ro/ /mthe bo g.yas g.yon dang mthe'u chung gnyis phan tshun sprad pa byas la lag pa'i kha sbyar thur du bstan pa ni lhung bzed kyi phyag rgya'o/ /'dir sngags ni/ lo ka bA la a d+hi ta~M ba ra d+hA rA ya/ ma hA nu b+ha ba nu d+ha bA trA swA hA/ phyag rgya 'di dang sngags 'di yang dag par ldan par byas na las thams cad byed do/ /kha zas za ba'i dus su dran par byas na sbyar ba'i dug thams cad nus pa med par</font><hr>95.235b<br><font size=+1>

'gyur ro/ /lag pa gnyis khu tshur bcang la mdzub mo gnyis dang gung mo bkug pa 'di ni yid bzhin gyi nor bu'i phyag rgya'o/ /'dir sngags ni/ te dzo dz+wA la sarba ar+tha sA d+ha ka sid d+h+ya tsin tA ma Ni d+ha ra na hU~M/ nor bu rin po che 'i sngags so/ /phyag rgya 'di nyid dang yang dag par ldan na las thams cad byed cing dge ba yin no/ /rgyan gyi khyad par thams cad la 'di nyid kyis mngon par bsngags te rgyan du byas na bdag nyid la bsrung ba chen po byas par 'gyur ro/ /mchog tu skal ba bzang po dang ldan par 'gyur ro/ /go cha la mngon par bsngags te rang nyid kyis bgo bar byas nas g.yul du 'jug na/ 'di ni lus la mtshon gyis mi phog cing mi tshugs par 'gyur ro/ /dgra thams cad kyi rang gi dpung 'byed par byed cing pha rol gyi sde yang rab tu gnon par byed de/ de la sogs pa tshad med pa'i las ma grub pa nyid kyang grub par byed do/ /rin po che pad ma rA ga dang margad ta la sogs pa gang yang rung ba'i rin po che'i khyad par blangs la/ brgya rtsa brgyad mngon par bsngags pa byas nas rgyal mtshan gyi rtse mo'am rang gi mgo bo'am glang po che'i mchog mar bcing ba byas nas g.yul gyi thog mar zhugs na nges par pha rol gyi dpung dang 'thab pa med pa kho nar mthong bas 'jigs par 'gyur ba'am rmugs pa chen po nyid du 'gyur ba'am bdag po dpung dang bcas pa de dag rab tu 'byer bar 'gyur ro/ /sor mo rnams phan tshun bsdus nas khu tshur du byas la sor mo gung mo'i gnas kyi gsum pa'i tshigs kyi cha la mdzub mo'i rtse mo bkug pa 'di ni chos kyi 'khor lo'i phyag rgya'o/ /'dir sngags ni/ ts+tshin+d+ha ts+tshin+d+ha ha na da ha/ tsakra dI hU~M/ chos kyi 'khor lo'i sngags so/ /rkang pa g.yon pa bteg la rkang pa g.yas pas la bzhag ste/ g.yon pa'i rkang pa'i bol gyis g.yas pa brkyang ba'i brla la bzhag la/ lag pa g.yas pas brdeg pa'i tshul du nga rgyal gyis brtan par byas</font><hr>95.236a<br><font size=+1>

pa 'di ni gzhan gyis mi thub pa'i phyag rgya'o/ /'dir sngags ni/ o~M hu lu hu lu tsaN+Da li ma tang gi swA hA/ gzhan gyis mi thub pa'i sngags so/ /chos kyi 'khor lo dang gzhan gyis mi thub pa'i sngags 'di dag nyid dang yang dag par ldan pas las thams cad par 'gyur ro/ /mdor na sdug bsngal thams cad nges par gcod par byed do/ /ji lta ji ltar rab tu sbyar ba de lta de ltar las thams cad byed par 'gyur ro/ /lag pa g.yon pa brla'i steng du dkur brten la/ lag pa g.yas pas chos ston pa'i phyag rgya ni de bzhin gshegs pa'i mdung gi phyag rgya yin no/ /'dir sngags ni/ o~M bi dza ye ma hA sha ka ti d+hu ra d+ha ri hU~M phaT/ bi dza yi ni phaT/ mang ga lA ya phaT/ de bzhin gshegs pa'i mdung gi sngags so/ /'di nyid kyi phyag rgya dang yang dag par ldan na las thams cad par 'gyur ro/ /bgegs thams cad dang ma rungs pa thams cad dang dgra thams cad dang lha dang bcas pa yang rengs par byed do/ /'di'i yon tan ni mtha' yas te ji lta ji ltar rab tu sbyar ba de lta de ltar las thams cad byed par 'gyur ro/ /lag pa'i sor mo rnams phan tshun de bzhin du byas la/ lag pa gnyis bkan te mdzub mo gnyis kyi rtse mo sbyar la de nyid bzlogs la thur du bstan te dpral bar bzhag pa 'di ni sangs rgyas bcom ldan 'das dang po'i sangs rgyas kyi mdzod spu'i phyag rgyar gsungs so/ /'dir sngags ni/ na maHsarba ta thA ga te b+h+yaH/ a te b+h+yaH/ samya ka sam bud d+he b+h+yaH he he ban d+ha ban d+ha tiSh+Tha tiSh+Tha d+hA ra ya d+hA ra ya/ ni run d+ha ni run d+ha/ Ur+Na ma Ni swA hA/ de bzhin gshegs pa'i mdzod spu'i sngags 'di nyid kyi phyag rgya dang / yang dag par ldan na las thams cad par 'gyur ro/ /gi wang gi lde gus dpral ba la thig ler byas la sngags bzlas na dgra'i nang du zhugs kyang mi tshugs par 'gyur ro/ /ma rungs pa thams cad kyis</font><hr>95.236b<br><font size=+1>

kyang mi 'tshe bar 'gyur ro/ /g.yul gyi nang du zhugs na yang mthong ba tsam gyis gzhan gyi sde 'jig par byed do/ /ma mthong yang las tshad med pa byed par 'gyur ro/ /sangs rgyas bcom ldan 'das tshad med pas kyang gsungs so/ /rgyun mi chad par phan tshun thal mo sbyar ba byas la mdzub mo gnyis phan tshun rtse sprad la/ tshigs bar ma bkug cing mthe bo gnyis kyang bkug pa 'di ni de bzhin gshegs pa'i spyan gyi phyag rgya'o/ /'dir sngags ni/ o~M ru ru s+phu ru dz+wA la tiSh+Tha sid+d+ha lo tsa ni sarbA R+tha/ sA d+ha ni swA hA/ 'di ni de bzhin gshegs pa'i spyan gyi sngags so/ /'di nyid kyi phyag rgya dang yang dag par ldan pas las thams cad byed par 'gyur ro/ /mig gnyis la mngon par bsngags te dgra'i nang du zhugs na/ dgra rnams mthong ba tsam gyis byams pa'i sems dang phan pa'i bsam pa dang ldan par 'gyur ro/ /bshes gnyen nyid du'ang 'gyur/ yang na g.yul gyi thog mar mig gnyis la mngon par bsngags nas pha rol gyi dpung la bltas na/ zhi ba'i sems dang ldan par 'gyur zhing mtshon brdeg par rab tu nus pa ma yin no/ /'thab pa med pa nyid du'ang ldog par 'gyur te/ /grogs nyid du'ang rab tu sgrub par byed do/ /lag pa gnyis kyi sor mo de bzhin du glegs bam lta bur phan tshun gyi rtse mo sbyar la/ thad kar bzhag pa 'di ni shes rab kyi pha rol tu phyin pa'i phyag rgya'o/ /'dir sngags ni/ na mo b+ha ga ba te tsu ru daR+sha ne o~M thA/ 'di ni bcom ldan 'das ma shes rab kyi pha rol tu phyin pa'i sngags so/ /'di nyid kyi phyag rgya dang yang dag par ldan na las thams cad byed par 'gyur ro/ /sngags 'di bzlas nas snying la byugs shing myangs na dran pa dang ldan par 'gyur ro/ /dgra ma rungs pa'i nang du bzlas pa byas na de dag gi sems 'phrog par 'gyur ro/ /yang na g.yul gyi nang du rkang gnyis dang / </font><hr>95.237a<br><font size=+1>

rkang bzhi la sogs pa phyir rgol ba thams cad rnam par rmongs par byed pa'am sems rnam par g.yengs par byed par 'gyur ro/ /mdor na bcom ldan 'das ma 'di ni ji lta ji ltar rab tu sbyar ba de lta de ltar las thams cad byed par 'gyur ro/ /mdor na yon tan mtha' yas pa dang 'di'i las mtha' yas par 'gyur ro/ /de bzhin gshegs pa rnams kyi phyag rgya dang sngags ni mtha' yas par 'gyur te/ ji ltar de bzhin gshegs pa rnams kyi 'khor 'dus pa'i le'ur gsungs pa de bzhin du sngags dang phyag rgya thams cad la yang rab tu sbyar bar bya'o/ /yang na gzhan dag tu sngags dang phyag rgya'i cho ga grangs med par 'gyur ba de dag kyang cho ga'i rgyal po 'dir nges par sbyar bar bya'o/ /de bzhin du pad ma'i rigs la pad ma'i phyag rgya dang ldan pa'i sngags su 'gyur te/ o~M dzi dzi dzi nA~M ga ta~M ya te di ne swA hA/ sngags 'di ni byang chub sems dpa' spyan ras gzigs dbang phyug gi pad ma'i phyag rgya dang yang dag par ldan na las thams cad par 'gyur ro/ /'di bzlas na pad ma'i rigs thams cad bzlas pa yin no/ /'di grub na pad ma'i rigs thams cad grub par 'gyur ro/ /de nas gos dkar mo'i rig pa chen po gang yin pa de'i sngags ni/ a ka Te bi ka Te ni ka Te/ ka Ta~M ka Te swA hA/ rang gi phyag rgya'am pad ma'i phyag rgya sbyar na las thams cad par 'gyur ro/ /dur khrod thams cad du song nas bsrung ba yang bya'o/ /de bzhin du sgrol ma dang khro gnyer can dang skul byed ma dang rta mgrin la'ang sbyar bar bya'o/ /rig pa 'dus pa'i le 'ur gang gsungs pa'i pad ma'i rigs grangs med pa thams cad kyang 'dir sbyar bar bya'o/ /phyag rgya dang sngags kyi cho ga rgya cher pad ma dag kyang sbyar bar bya'o/ /de bzhin du rdo rje'i rigs kyi rdo rje'i phyag rgya dang bcas pa yin no/ /'dir yang sngags ni/ o~M ku la~M ba ri ban+d+ha ban+d+ha hU~M phaT/ 'di</font><hr>95.237b<br><font size=+1>

ni mA ma kI zhes bya ba'i rig pa chen mo las thams cad byed par sangs rgyas thams cad kyis bstan to/ /sngar rab tu sbyar ba'i phyag rgya dang rig pa chen mo mA ma kI dang yang dag par ldan na sgrub pa po 'dod pa bzhin du las thams cad byed par 'gyur ro/ /gleng gzhi'i le'u sngar bstan pa'i phyag na rdo rje'i 'khor rdo rje'i rigs ma lus pa thams cad kyi phyag rgya dang sngags dang ldan pa yang 'dir rab tu sbyar bar bya'o/ /de bzhin du glang po'i rigs la glang po'i spos kyi byang chub sems dpa'i sngags su 'gyur ba ni/ ga dza a hwa ye hU~M khe tsa ra swA hA/ sngar bstan pa'i phyag rgya dang yang dag par ldan na las thams cad par 'gyur te/ snga ma de bzhin du thams cad glang po'i rigs la grub par 'gyur ro/ /de bzhin du kun tu bzang po'i sngags ni/ sa ma ya sa ma dzin su ra ta mA bi baM ba hU~M phaT/ mthu chen thob kyi sngags ni/ o~M tiSh+Tha tiSh+Tha ma hA ma ga ta bo d+hi/ sa ma ya ma nu sma ra hU~M phaT phaT swA hA/ dri ma med par grags pa'i sngags ni/ bi ma le bi ma le bi ma la mUrte/ o~M d+ha ka d+ha ka sa ma ya ma nu sma ra swA hA/ nam mkha' mdzod kyi sngags ni/ byang chub sems dpa' thams cad kyi phyag rgya dang yang dag par ldan na las thams cad par 'gyur ro/ /de bzhin du ngan song kun spong dang rtag tu ngu dang sa'i snying po dang rin chen lag pa dang byams pa la sogs pa sa bcu rab tu thob pa rnams dang byang chub sems dpa' chen po rnams dang byang chub sems dpa' rnams kyang grangs med cing phyag rgya dang sngags kyang grangs med par 'gyur te/ de dag kyang cho ga'i rgyal po 'di la rab tu sbyar ba bya bar 'gyur ro/ /'jig rten dang 'jig rten las 'das pa thams cad kyi shin tu rgya che ba dang bcas pa'i sngags dang phyag rgya thams cad kyi cho ga rgya che ba dang dam tshig chen po dang dam tshig la rab tu zhugs pa cho ga dang cho ga'i rnam pa thams cad kyi bye brag cho ga'i rgyal po 'dir gsungs te/ sngags thams cad kyang 'di la sgrub pa byar rung ba yin no/ /de bzhin du rin po che'i rigs dang gnod sbyin gyi rigs dang lha'i rigs</font><hr>95.238a<br><font size=+1>

dag la yang sngags dang rgyud dang phyag rgya thams cad rab tu sbyar ba 'dir bstan pa yin no/ /rigs gcig kho nar 'gyur zhing gzhan du ma yin pa ni 'di lta ste/ de bzhin gshegs pa'i rigs te de yang 'jam dpal gzhon nu de bzhin gshegs pa'i rigs su blta bar bya ste/ sangs rgyas dang byang chub sems dpa' thams cad dang / 'phags pa nyan thos dang / rang sangs rgyas dang / 'jig rten dang 'jig rten las 'das pa thams cad dang / zag pa dang bcas pa dang / zag pa med pa'i phyag rgya dang / cho ga dang cho ga'i rnam pa rnams ni de bzhin gshegs pa'i rigs kyi nang du gtogs so zhes gzung bar gyis shig /'jam dpal rig pa dang rgyud thams cad dang sngags kyi gsang ba gang de bzhin gshegs pa'i dam tshig la ma chud pa de ni gang yang med do/ /'jam dpal gzhon nu de rab tu rtogs pa nyid du zung shig /gang gi phyir de bzhin gshegs pa mchog tu gsungs te de bas na de bzhin gshegs pa'i rigs kyang mchog nyid du brjod do/ /'jam dpal gzhon nu de ltar na cho ga'i rgyal po 'di yang rigs kyi mchog rin po cher dang po dang po'i sangs rgyas kyis rab tu bstan pa dang ston pa dang rab tu gzhag pa dang rnam par 'grel par mdzad pa ni/ bcom ldan 'das me tog kun tu skyes pa'i rgyal po dang / bcom ldan 'das sA la'i dbang po'i rgyal po dang / bcom ldan 'das me tog kun nas skyes pa'i dri mchog rgyal po dang / bcom ldan 'das rin chen tog dang / bcom ldan 'das 'od dpag tu med pa dang / bcom ldan 'das bsod nams kyi 'od dang me tog dam pa dang / yang dag pa'i me tog dang / me tog bzang po dang / tshe dang ye shes dpag tu med pa rnam par nges pa'i rgyal po'i dbang po dang / gser thub dang / 'od srung dang / 'khor ba 'jig dang / gtsug tor can dang thams cad skyob dang / da ltar shAkya thub pa ngas kyang rab tu bstan te/ de bzhin du de ltar sangs rgyas gcig</font><hr>95.238b<br><font size=+1>

nas gcig tu brgyud de 'ongs pa 'di ni 'jam dpal gzhon nu cho ga'i rgyal po'o/ /de bzhin gshegs pa'i rigs kyi mchog rin po cher gyur pa/ phan yon che ba nges par chos kyi dbyings la brten pa/ bskal pa stong du'ang 'di'i phan yon bstan par ni mi nus so/ /yon tan chen po rgya che ba'i yon tan 'byung ba ni mthong ba'i chos dang 'jig rten pha rol du'ang yin no/ /dad pa can gang zhig gis the tshom med par 'chang ba dang klog pa dang / the tshom med par rgyud 'di la brtson pa byed cing sngags sgrub pa dang zlos pa dang phyag rgya 'ching ba dang rtag tu mngon par brtson par byed pa de la ni mthong ba'i chos kho na la yon tan gyi phan yon brgyad rab tu 'thob ste/ 'khrul pa med par 'gyur ba dang phyir rgol ba thams cad dang dgra'i 'jigs pa 'di la mi 'byung ba dang / 'di'i lus la dug mi 'byung ba dang / sangs rgyas dang byang chub sems dpas kyang 'di la byin gyis brlabs par 'gyur ba dang tshe ring ba dang / bde ba la brten par 'gyur ba dang / 'jam dpal gzhon nur gyur pa'ang 'di'i dge ba'i bshes gnyen du 'gyur ba dang mtshan mo'ang 'di la nyin re zhing rmi lam du mthong ba stsol ba dang sngags thams cad kyang 'di la bsrung bar 'gyur ro/ /phyag rgya'ang 'di la rmi lam du ston par 'gyur ro/ /rgyal po ma rungs pa dang sems can ma rungs pa dang mi phan pa 'dod pa rnams kyis kyang gnod pa med par 'gyur ro/ /nges par byang chub la gzhol bar 'gyur ro/ /dad cing the tshom med la mngon par brtson pa'i phan yon ni brgyad po 'di dag yin te/ khyim pa'am rab tu byung ba'am bud med dam skyes pa'am sems can chen po bstan pa la phan par byed pa rnams kyi yin gyi/ sdig pa la zhugs pa gzhan gyi ni ma yin te/ de las bzlog pa de'i 'gro ba ni ngu 'bod la sogs par skye bar 'gyur ro/ /phyag rgya snga dro bcing ba byas na tshe ring bar 'gyur ro/ /zhes bya ba ni de bzhin gshegs pa'i sngags dang 'khor gyi snying po dang gtsug tor la sogs pa'i sngags</font><hr>95.239a<br><font size=+1>

dang spyan la sogs pa gzhan gyi phyag rgya de bcing bar bya'o/ /yang na 'jam dpal gzhon nu khyod kyi phyag rgya bya ste/ 'di dag ni brtson 'grus dang stobs mnyam pa yin no/ /gtsang zhing gtsang ba'i gnas su 'dug ste zhes bya ba ni gnas gtsang ma'i phyogs su zug rngu med pa'i gnas la ba'i lci ba sa la ma lhung bar byugs la me tog dkar po'i dri zhim po dag gis gcal bkram pa der 'dug la sngags bzla zhing phyag rgya bcing bar bya'i gzhan du ni ma yin no/ /gzhan dag tu ni phyag rgya dang lhan cig bzlas pa gcig kyang mi bya'o/ /gtsang ba zhes gang gsungs pa ni nyi ma nub pa na srog chags med pa'i chu gtsang mas khrus byas te gos sar pa bgos la/ gtsug tor gyi sngags kyis srung ba byas la/ grong gi chos rnam par spangs shing gtsang zhing gtsang sbra la dga' zhing dge ba ska rags dkar pos bcings pa de bzhin gshegs pa bsgoms la thun gcig 'das pa dang der nyal bar bya'o/ /bram ze mo'i bu mo gtsang mas bkal ba'i skud pa blangs la/ sngags 'di brgya rtsa brgyad mngon par sngags pa bya'o/ /ha ra ha ra ban+d+ha ne shu kra d+hA ra NI sid d+hAR+the swA hA/ mA ma kI'i phyag rgya dang bzlas pa bya'o/ /de nas skud pa rked pa la lan gsum dkris nas bcing ba byas na sa bon bcing ba byas par 'gyur te/ 'dod pa'i dbang phyug gis kyang rmi lam du yid la gnod pa byed par mi nus na/ rmi lam du log 'dren rnam pa sna tshogs kyis lta smos kyang ci dgos/ de bzhin du cho ga 'di 'dod chags dang ldan pas kyang mi nus na/ 'dod chags dang bral bas lta smos kyang ci dgos/ 'dod pa'i dbang phyug dga' ldan gyi bu mo gzugs rnam pa sna tshogs 'chang ba'i 'dod chags can gyis kyang yid la gnod pa skyed par mi nus na de las gzhan pa'i mi dang mi ma yin pa'i bud med kyis kyang lta smos kyang ci dgos/ de lta bu'i cho gas nang par langs la so shing bca' zhing gdong rab tu bkrus la/ cho ga snga ma bzhin du srog chags med cing dri ma med pa'i chus khrus byas te/ shar phyogs su</font><hr>95.239b<br><font size=+1>

bltas la phyag rgya bcing zhing sngags bzlas pa byas na tshe ring bar 'gyur zhing las thams cad la nus pa dang nad chen po las grol te skye bo thams cad dga' bar 'gyur ro/ /dgra rnams kyang bshes gnyen nyid du 'byung bar 'gyur ro/ /mthong ba tsam gyis gdon thams cad dang sha rjen za ba dang sdig pa can la sogs pa rab tu 'byer bar 'gyur ro/ /dgra rnams rengs par 'gyur ro/ /mthong ba tsam gyis gtsang ba'am mi gtsang ba'i cho gas las thams cad byed par 'gyur ro/ /de bzhin du cho ga'i rgyal po 'di'i phyag rgya dang sngags kyi tshogs kyi 'khor 'di yang grangs med pa yin te/ sangs rgyas bcom ldan 'das grangs med pas gsungs pa dang gsungs pa yin te/ shAkya thub pa ngas kyang da ltar de bzhin gshegs pa dgra bcom pa yang dag par rdzogs pa'i sangs rgyas kyis kyang 'khor gyi dkyil 'khor gyi nang du gsungs te/ 'jam dpal gzhon nu khyod la yang bstan pa yongs su bsrung ba'i phyir dang chos kyi dbyings yun ring du yang dag par bsrung ba'i phyir 'di khyod la yongs su gtad do/ /nga yongs su mya ngan las 'das te chos kyi de nyid la brten cing yang dag pa'i mtha'i tha mar gyur te zhi bar gyur pa na/ sems can snying rje chen po dang bral ba'i sems dang ldan pa la phan pa'i phyir gsungs shing dus kyi mtha' 'jigs pa chen po'i dus la bab pa na/ dkon mchog gsum la gnod pa byed pa'i sems can rnams kyang bzlog pa'i don dang gdul ba'i don gyi phyir cho ga'i rgyal po 'di ngas gsungs la rgya cher rnam par dbye ba byas na sems can thams cad kyi don gyi phyir yin no/ /'phags pa 'jam dpal gyi rtsa ba'i cho ga byang chub sems dpa'i sde snod phal po che theg pa chen po shin tu rgyas pa'i mdo las/ sngags dang phyag rgya dang nges par sdom pa dang las dang cho ga'i le'u rab 'byam las/ sum bcu rtsa gcig pa rdzogs s+ho// // de nas bcom ldan 'das shAkya thub pas gzhan yang thams cad dang ldan pa'i gnas gtsang ma'i gzhal med khang la</font><hr>95.240a<br><font size=+1>

gzigs nas 'jam dpal gzhon nur gyur pa la bka' stsal pa/ 'jam dpal mdor na nyon cig phyag rgya'i mtshan nyid dang sngags rnams kyi rgya che ba dang dkyil 'khor gyi cho ga'i mdor bsdus pa dang dam tshig la rjes su 'jug cing phyag rgya'i gnas dang sngags thams cad dang rgyud de dag thams cad la gsang ba dang bcas pa'i dkyil 'khor ni/ rdzu 'phrul che kun sangs rgyas kyis/ /'di kun sngar ni gsungs pa yin/ /sngags shes bdag nyid chen po dang / /yon tan kun kyang bstan pa yin/ /dang po'i sangs rgyas dag gis sngar/ /sems can rnams la phan pa'i phyir/ /sngags kyi 'khor lo dag dang ni/ /chos kyi 'khor lo bla med bskor/ /yang dag mtha' la brten nas ni/ /zhi ba'i 'khor lo'i rjes su song / /'jig rten sangs rgyas rdzu 'phrul che/ /sangs rgyas de kun zhi bar gshegs/ /dang po'i de bzhin gshegs rnams kyis/ /'di kun sngon ni bstan pa yin/ /ngas kyang phyi ma'i dus dag tu/ /'jam pa'i blo ldan khyod la bstan/ /sangs rgyas 'od can de yi bka'/ /de tshe 'di ni thos nas kyang / /'jam pa'i dbyangs ni gzhon nu yang / /thal mo sbyar byas spyan sngar 'dug /rkang gnyis rdzogs sangs rgyas pa la/ /smra ba'i mchog gis yongs su zhus/ /'jig rten rnams la phan pa'i phyir/ /shes rab chen po chos gsungs shig /mdor bsdus rgya ni mi che bar/ /yon tan bdag nyid che 'bras 'byung / /'jam dpal gyis ni de skad gsol/ /de nas cang mi smra bar gnas/ /de nas dpal ldan tshangs pa'i dbyangs/ /ka la ping ka'i sgra skad kyis/ /dkyil 'khor dgod pa'i phyag rgya ni/ /de dag kun ni ston pa yin/ /gnas gtsang steng du gnas pa'i dus/ /de tshe sngags dang rgyud dag ni/ /shAkya seng ge mi mchog ni/ /rdzogs sangs rgyas kyis yang dag gsungs/ /phyag rgya'i cho ga 'byung ba dang / /phyag rgya rgyud dang ldan pa yi/ /</font><hr>95.240b<br><font size=+1>

yon tan bdag nyid rgya che ba/ /'jam dpal gzhon nu khyod nyon cig /sems can sems can ma yin pa'ang / /dang po'i rtags mtshan bzhin du bya/ /rnam pa spyad dang spyod pa dang / /zur gyis thams cad smra ba dang / /lag gnyis rkang gnyis spyi bo dang / /lag gcig sor mo'i sbyor ba dag /sngon gyi sangs rgyas de dag gis/ /de kun phyag rgya zhes su gsungs/ /bya bum gdugs dang de bzhin du/ /pad ma rgyal mtshan ba dan dang / /nya dang rdo rje dung dang ni/ /de bzhin bum pa 'khor lo dang / /'jig rten sna tshogs mtshon cha ni/ /ji srid yongs su bstan pa dang / /ut+pal 'dra ba'i phyag rgya dang / /de kun phyag rgya dkyil 'khor dgod/ /de dag go rims gnas pa dang / /cho ga ldan par bstan pa yin/ /rtag tu de dag nyid la ni/ /rang gzugs 'dra bar bri bar bya/ /dkyil 'khor phyag rgyar gsungs pa ni/ /thams cad du ni spyir gsungs pa'o/ /de dag phyag rgyar yongs bstan pa/ /gnas ni ji bzhin dag la dgod/ /dkyil 'khor dag ni kun la yang / /rang dang 'dra ba nyid du sbyar/ /'khor los sgyur la 'khor lo dang / /gtsug tor gdugs dkar nyid la ni/ /gtso bor gdugs ni dkar po yin/ /dkyil 'khor la ni rtag tu bri/ /chos kyi 'khor lo sangs rgyas la/ /pad ma pad ma'i rigs dag la/ /rdo rje rdo rje'i rigs la gsungs/ /glang po glang po'i rigs zhes bya/ /nor bu'i rigs la bum pa ste/ /dkyil 'khor kun la rab tu sbyar/ /lha gzhan gyi ni rigs dag la/ /dpal be'u bkra shis ldan pa bri/ /tshangs pa che la ngang pa bri/ /brgya byin la yang rdo rje dang / /dbang phyug che la bri ba ni/ /rtse gsum khyu mchog yang dag bya/ /skem byed rtse gsum paT+Ti sa/ /mdung dang bcas pa nyid kyang yin/ /khyab 'jug 'khor lo bri ba ste/ /lha ma yin la da pus dang / /rnam pa sna tshogs brgya phrag ni/ /lha yi mtshon cha sna tshogs dang / /de dag gzhan yang bzhon pa ni/ /rnam pa sna tshog+sa</font><hr>95.241a<br><font size=+1>

de tshe bri/ /gzugs brnyan ji ltar gnas pa ni/ /rang gzugs 'phos pa bzhin du bri/ /dkyil 'khor dag ni thams cad du/ /gang yang rung ba 'di cig bri/ /gcig dang gnyis dang yang dag ldan/ /grangs med gsum la sogs pa bya/ /dkyil 'khor rgyal ba mchog gsungs pa/ /lan kan phreng ni de dang mnyam/ /gang gi ched du dkyil 'khor gsungs/ /de ni dbus su nges par sbyar/ /rgyal ba'i rigs ni nang du bri/ /nang gi dbus su'ang sangs rgyas te/ /de tshe nang du'ang gzugs brnyan ni/ /ston pa yi ni kun tu bri/ /gnyis par pad ma'i rigs dgod cing / /gsum par rdo rje'i rigs kyang bri/ /mthar gyis lha dang lha ma yin/ /de bzhin de tshe thams cad ni/ /de nas sa kun la gnas pa'i/ /gnod sbyin srin po mi dang bcas/ /mthar gyis ji ltar gnas pa yi/ /mu stegs rnams kyang de nas bri/ /cho ga bzhin du thams cad kyang / /phyogs skyong de bzhin bri bar bya/ /mdor na gzugs brnyan gcig dang ni/ /gnyis dang gsum sogs grangs med pa/ /mtha' yas phyogs la gnas pa yi/ /dkyil 'khor ji srid kun tu bri/ /ma mo'i dkyil 'khor nyid dag ni/ /tshad med de tshe bri bar bya/ /gzugs brnyan gcig la sogs pa ni/ /mtha' yas sa yi steng dag tu/ /dkyil 'khor cho ga gsungs pa ni/ /rnam pa gsum du nges bstan pa/ /mchog dang bar ma de bzhin du/ /tha ma nyid du'ang bstan pa yin/ /mchog la mchog dag grub pa dang / /'bring la 'bring du nye bar bstan/ /tha mas phran tshegs grub par ni/ /rgyal ba mchog gis sngon gsungs so/ /sems can yid ni rnam gsum gyis/ /rgyal ba mchog gis grub par gsungs/ /sems can chen pos chen po 'grub/ /sems can 'bring gis 'bring dang ni/ /gsum pa skye bo phra mo yi/ /las ni phra mor nye bar bstan/ /sangs rgyas nyid du sems dang la/ /phun sum tshogs pa dam pa ni/ /nges par thob par 'gyur ba ste/ /sems can dkyil 'khor mthong</font><hr>95.241b<br><font size=+1>

bas so/ /de dus sems ni bar ma yis/ /rang rgyal byang chub thob par byed/ /gus pa med pas nyan thos nyid/ /tha mas nges par thob par byed/ /bdag nyid chen po don bcas 'bras/ /zhi ba'i 'gro bar nye bar bstan/ /dkyil 'khor mthong bas mtho ris su/ /nges par de ni 'gro bar 'gyur/ /de bzhin phyag rgya mchog kun dang / /sngags rnams kyang ni rgya cher bcas/ /rnam gsum nyid kyang rab sbyar ba/ /rnam gsum bde ba rab tu byed/ /phyag rgya dkyil 'khor gsungs pa dang / /sngags rnams bstan pa'ang phan pa'i don/ /de dag rnam pa gsum du 'gyur/ /sngags kyang rnam gsum mnyam par bstan/ /ji ltar dkyil 'khor bstan pa bzhin/ /phyag rgya sngags kyang de bzhin te/ /'di dag cho gar yang dag ldan/ /'jig rten 'dren pas nges par bstan/ /de bzhin de yang rnam gsum 'gro/ /stong phrag dag ni du ma nyid/ /rnam gsum rnam pa gsum dag kyang / /rnam pa gnyis dang grangs med pa'o/ /gang phyir sngags ni sems la ltos/ /sngags ni sems kyis spangs mi bya/ /sems dang sngags ni yang dag ldan/ /lhan cig tu ni bsgrub par bya/ /de bzhin gshegs kyi rigs sngags dang / /gang yang pad ma'i rigs dag dang / /gang yang rdo rje'i rigs gsungs dang / /mi yi rigs ni nyid dag dang / /'jig rten pa yi sngags rnams kun/ /de dag ma lus 'di las byung / /gang zhig rgyal dang rgyal sras sngags/ /sems can phyir ni gsungs pa rnams/ /gang zhig de zlos mngon brtson pa'ang / /de nas nges par sangs rgyas 'gyur/ /gang yang sngags ni bar ma dag /gang zhig zlos pa de zlo byed/ /rang sangs rgyas su yang dag bstan/ /nges par de yi rigs kyang yin/ /sngags ni tha mar rab zhugs pa/ /nyan thos dgra bcom gyis bshad dang / /'jig rten ma lus kun la yang / /sngags zlos pa la mngon brtson pa/ /nyan thos rdzu 'phrul chen po yis/ /nges par rigs su de gnas yin/ /mchog dang</font><hr>95.242a<br><font size=+1>

tha ma bar ma yi/ /der yang las ni rab sbyar bya/ /zhi bas sangs rgyas byang chub 'gyur/ /rgyas pa yis ni rang rgyal te/ /gzhan pa phran tshegs las kyis ni/ /nyan thos kyi ni byang chub brjod/ /de ni rnam gsum dbye ba ste/ /der yang sems ni blta bar bya/ /mang por yang ni dbye bya ste/ /grangs med par yang dbye bas so/ /'phags pa 'jam dpal gyi rtsa ba'i cho ga byang chub sems dpa'i sde snod phal po che theg pa chen po shin tu rgyas pa'i mdo las phyag rgya dang / sngags dang / las thams cad dang nges par sdom pa'i le'u rab 'byam las sum bcu rtsa gnyis pa rdzogs s+ho// // de nas gnod sbyin gyi sde dpon phyag na rdo rje 'khor der 'dus par gyur te/ 'dug pa de stan las langs nas bla gos phrag pa gcig tu gzar te/ pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar te/ bcom ldan 'das la 'di skad ces gsol to/ /gang bcom ldan 'das kyis 'jam dpal gzhon nur gyur pa'i khro bo'i rgyal po gshin rje'i gshed ces bya bas bshad pa de'i cho ga rgya che ba bcom ldan 'das kyis bka' stsal pa/ 'jam dpal gzhon nur gyur pa la'ang bka' ma stsal bas/ bcom ldan 'das bdag dang phyi ma'i skye bo la gzigs nas/ bcom ldan 'das yongs su mya ngan las 'das te/ bstan pa nub pa'i dus la bab ste/ 'jigs pa chen po rtsod pa'i dus tha ma la nyan thos dang rang sangs rgyas dag med pa na/ sangs rgyas kyi zhing du de bzhin gshegs pa'i bstan pa yang dag par bsrung ba'i phyir dang / chos kyi khams yun ring du gnas par bya ba'i phyir dang / rgyal po ma rungs pa thams cad bzlog pa'i phyir dang / dkon mchog gsum la gnod pa byed pa dag tshar gcad pa'i phyir dang / gdul bya'i sems can la bsam gyis mi khyab pa'i thabs mkhas pa bstan pa'i phyir dang / byang chub sems dpa'i</font><hr>95.242b<br><font size=+1>

spyod pa yongs su rdzogs par bya ba'i phyir dang / bsam gyis mi khyab pa'i sems can yongs su smin pa mngon par bsgrub pa'i phyir dang / bcom ldan 'das phyi ma'i dus dang phyi ma'i dus su bstan pa rnam par 'jig par 'gyur ba na/ gang 'di khro bo'i rgyal po gshin rje gshed kyi cho ga ji lta ba bzhin gsungs pa rab tu sbyar na de la grub par 'gyur te/ nges par rgyal po ma rungs pa bstan pa la gnod pa byed pa dang / sems can phyogs chen po dang ldan pa dang spro ba chen po dang ldan pa rnams tshar gcad pa dang rjes su gzung ba la rab tu zhugs pa dang snying rje chen po dang bral ba de dag la khro bo'i rgyal po 'di rab tu sbyar bar bya'i gzhan dag la ni ma yin no/ /de nas bcom ldan 'das cang mi gsung bar gyur te/ sangs rgyas kyi rnam par 'phrul ba'i byin gyis rlabs zhes bya ba'i ting nge 'dzin la snyoms par zhugs so/ /'jam dpal gzhon nur gyur pa'ang cang mi smra bar gnas par gyur to/ /thams cad dang ldan pa'i 'khor gyi dkyil 'khor yang rnam pa drug tu rab tu 'gul bar gyur to/ /lha tshogs dag kyang 'jigs par gyur/ /byis pa kun kyang rab tu dngangs/ /lha rnams kun dang klu dag dang / /lha min dbang dang ma mor bcas/ /gza' rnams kun gyi gtso bo dang / /lha tshogs mi dang bcas pa dang / /ma rungs sems ldan srul po dag /rab 'gul yid ni mi brtan gyur/ /mi yi bdag po gdug ldan sems/ /de dag nyam thag 'jigs par gyur/ /chos kyi rgyal po'i bstan pa la/ /de tshe de dag skyabs su song / /gnod sbyin gsang ba'i bdag po ni/ /'od chen phyag na rdo rje dang / /gzhon nur gyur pa'i sngags rgyal dang / /'jam dpal dbyangs la'ang de 'jigs nas/ /'jam pa'i dbyangs kyi drung du ni/ /de tshe de dag dam tshig blangs/ /ma rungs sngags ni mi bzad</font><hr>95.243a<br><font size=+1>

pas/ /kye ma bdag cag nges bsreg cing / /de ring khro bos brgyal 'gyur zhing / /sa yi steng du 'gyel 'gyur bas/ /sems can thugs la thugs brtse bas/ /yongs su bskyab cing bsrung du gsol/ /de nas 'od chen byis pa'i gzugs/ /byang chub sems dpa' des smras pa/ /lha dang gnod sbyin srin po dang / /lha min thams cad ma 'jigs shig /mi dang mi ma yin pa dang / /'byung po ma lus lha rnams kun/ /khyod kyi dam tshig ngas bshad bsrung / /rtag tu byams sems gyur nas ni/ /rtag tu rang gi sngags kyang dran/ /shAkya seng ge mi yi mchog /rkang gnyis mchog ni rdzogs sangs rgyas/ /de nyid kyis gsung sngags dang ni/ /gtsug tor spyan la sogs pa'o/ /'jig rten gsum la 'khor lo rgyal/ /gzi brjid phung po dam pa rgyal/ /rnam rgyal gtsug tor gsang sngags dang / /phyag na pad ma rnam gzigs dang / /kun tu gzigs pa'i mgon po dang / /khro gnyer sgrol ma grags ldan ma/ /lha mo gos dkar mo dang ni/ /dkar chen ma dang snyan ldan ma/ /rigs ma longs spyod ldan ma dang / /rta mgrin sngags kyi rgyal po dang / /de dag pad ma'i rig sngags dang / /gtsor ni rgyal bas gsung ba dang / /yi ge gcig dang 'khor los sgyur/ /sngags rnams bdag po'i mnga' bdag dang / /'od chen sngags kyi mgon po ni/ /'di dag de bzhin dran par gyis/ /gshin rje gshed ces bya ba yi/ /khro bo'i gtso bo de yang dran/ /mgon po spyan ras gzigs pa yi/ /thugs ni thugs rje byung ba dang / /thugs rje chen pos thugs brlan par/ /sangs rgyas snga mas gsungs pa'ang dran/ /sgrol ma skye bo sgrol bar ni/ /spyan ras gzigs kyis gsungs pa dang / /rtag dang ting 'dzin skyes 'phags ma/ /ming gi gzugs ni bstan pa'ang yin/ /byang chub sems bzhin spyod</font><hr>95.243b<br><font size=+1>

pa ste/ /byang chub spyod byed dam pa'ang yin/ /'jig rten khams ni stong dag tu/ /grangs med rnam pa mang por yang / /sems can rnams la phan pa'i phyir/ /de tshe lha mo rgyu bar byed/ /bud med gzugs ni bzung nas kyang / /sngag+sa kyis tshul gyis lus can la/ /de tshe sems can 'dul byed cing / /byang chub theg par sbyor bar byed/ /byang chub sems dpa'i spyod pa ni/ /bsam zhing bstan par mi nus so/ /phyag na rdo rje dpa' bo ni/ /sngags rnams kun gyi bdag po'ang dran/ /bdag ma rig 'dzin lha mo ni/ /'jig rten gsum gyis rab mchod dang / /lu gu rgyud dang 'og bag ma/ /rdo rje khu tshur snyan ldan ma/ /khro dbang thig le dkar mo dang / /dbyug sngon 'jigs par byed dang bcas/ /'di dag khro mo pho nya'i tshogs/ /rigs ma'i spyan du rab tu bstan/ /rdo rje'i rigs la gtso bo ste/ /gang zhig dran na phan zhing srung / /byang chub sems dpa' rdzu 'phrul che/ /'jig rten dag na spos glang dang / /byang chub sems dpa' rdzu 'phrul che/ /blo ldan mthu chen thob dang ni/ /sras kyi thu bo gtso bo ni/ /kun tu bzang po dge ba ste/ /de tshe gang gis dran gyur pa/ /de la 'jigs pa yod ma yin/ /rtag tu de tshe nor bzang dang / /gnod sbyin dam pa dzam b+ha la/ /nyan thos rang rgyas ma lus pa/ /dran na 'jigs pa ga la yod/ /kun nas de dag mchod byas na/ /srung ba chen por rab tu bstan/ /de tshe 'bras bu che lha dang / /bsod nams skyes dang 'du shes med/ /gzugs med gzugs can lha dag dang / /rdzu 'phrul chen po 'dod chags bral/ /dkon mchog gsum la mchod byed dang / /rgyal ba'i bstan la rab dang ba/ /sngags dang dgra la rtag 'jigs pa/ /de dag la ni cung zad med/ /de ltar dam tshig rgyud gsungs pa/ /sngags pa kun gyis sgom min te/ /'di ni khro rgyal mchog ces pa/ /gshin</font><hr>95.244a<br><font size=+1>

rje gshed kyis brjod pa yin/ /sems can dam tshig la gnas na/ /mi ni ma lus gnod mi nus/ /lha dang lha min thams cad dag /de nas yid ni dga' gyur nas/ /rgyal ba'i sras kyis rab bskul nas/ /thams cad dam tshig bstan gnas gyur/ /gnod sbyin bdag po khro ldan pas/ /khyad du gsod tshig brjod par byed/ /'jig rten khams ni grangs med pa/ /de tshe thams cad rab tu 'gul/ /don med khro bo'i rgyal po yis/ /ci yi phyir na 'di bstan byas/ /sems can rnams ni gdul don du/ /de tshe sngon gyi rgyal ba'i sras/ /khro bo'i rgyal po'i nus pa ni/ /sngon chad bstan pa ma yin nam/ /rdo rje can gyis de smras nas/ /rdo rje sa la dor zhing gnas/ /rdzu 'phrul chen po byis pa'i gzugs/ /blo dang ldan pa 'jam pa'i dbyangs/ /gzhon nu rab tu bzhad gyur nas/ /tshig 'di dag ni smras pa ste/ /lag na rdo rje rdzu 'phrul che/ /gnod sbyin chen po sdad ma byed/ /khro bo'i rgyal po rdzu 'phrul che/ /'di ni nga yis rab tu bstan/ /de bzhin rjes su sbyin par bya/ /ji ltar 'dod bzhin rab tu ston/ /khyod kyis khro bo'i mthu dag ni/ /yongs su bstan par mi nus te/ /'di ni khyod nyid la gnas te/ /lus 'dir gnas shing snang ba yin/ /de nyid khyod kyis drangs pa ste/ /khyod nyid kyi ni snying la dris/ /khro bo'i mthu ni khugs pa dag /'dir ni bzlog par nus pa min/ /ji ltar 'dod bzhin khyod la bstan/ /gzhan du dam tshig btang ba yin/ /khrus med rab tu nyal ba dang / /grong gi chos la rjes 'jug dang / /til mar gyis byugs srung med dang / /rtag tu gdug pa'i sems ldan dang / /sngags mchog thams cad spangs pa dang / /bstan pa la ni ma zhugs dang / /de bzhin mi ni the tshom ldan/ /dad pa med cing 'gyod par gnas/ /dam chos the tshom thob pa dang / /de spong mnyam par ma bzhag dang / /gcer bu rtag par lhag mar ldan/ /mi gtsang spyod pa'i spyod yul dang / /mi brtson sngags dang mi ldan dang / /rtag tu brtse med lhag</font><hr>95.244b<br><font size=+1>

mar ldan/ /lha yi gnas dang mchod rten dang / /lha gang 'khor sa dkyil 'khor du/ /'khrig pa la ni mngon dga' ba/ /khro bos de dag rnam par 'jig /dam tshig nyams dang dad med dang / /sngags kyi rigs pa mi shes dang / /cung zad shes pa 'khrul pa dang / /spyod pa 'khrul pa de dag la/ /khro bos rnam par 'jig par byed/ /mi yi 'jig rten rnam kun du/ /bag yod pa ni med pa dang / /bag med shin tu 'dod chags can/ /dam tshig nyams shing skyon ldan la/ /sngags rnams legs par sbyar ba yis/ /khro bo'i rgyal pos 'joms par byed/ /bag med rigs min 'gro ba yi/ /byis pa rnams kun thams cad dang / /rtag tu 'dod chags bral gyur pa'i/ /rang rgyal dgra bcom nyan thos kun/ /khro bo yi ni rgyal po yis/ /thams cad du ni 'ching dang gcod/ /de skad smras nas 'jam dpal ni/ /snying rje yi ni brlan sems kyis/ /sangs rgyas byang chub sems dpa' yi/ /rdzu 'phrul spyod pa bsam mi khyab/ /de skad smras nas de dag kun/ /cang mi smra bar gyur nas gnas/ /de nas dpal ldan rdo rje 'chang / /phyir yang rdo rje rab tu blangs/ /de tshe rdo rje blangs nas kyang / /khro rgyal mthu ni shes nas dga'/ /'phags pa 'jam dpal gyi rtsa ba'i cho ga byang chub sems dpa'i sde snod phal po che theg pa chen po shin tu rgyas pa'i mdo las/ gshin rje gshed kyi yongs su bsngags pa dang sngags kyi bdag nyid chen po'i nges par sdom pa'i le'u rab 'byam las sum bcu rtsa gsum pa rdzogs s+ho// // de nas gsang ba'i bdag po lag na rdo rjes thams cad dang ldan pa'i 'khor gyi dkyil 'khor chen po la bltas te/ gnas gtsang ma'i steng na 'dug par gyur pa'i tshogs de dag la smras pa/ dang po re zhig grogs po khyed cag khro bo'i rgyal po gshin rje gshed kyi stobs dang pha rol gnon pa dpag</font><hr>95.245a<br><font size=+1>

tu med pa/ gdul dka' 'dul bar byed pa/ gshin rje'i 'tsho ba mthar byed pa/ sems can ma rungs pa tshar gcod pa de gtsor byed pa byang chub sems dpa' 'jam dpal gyis smras pa/ de'i ras ris kyi cho ga yod de de nyon cig /tshes grangs dang ni rgyu skar dang / /smyung ba dag kyang mi bya ste/ /dgra yi 'jigs pa byung ba na/ /ras ris 'di ni bri bar bya/ /mar ngo'i zla phyed dag gnas te/ /tshes grangs bcu bzhi'am brgyad dag la/ /bram ze dam pa mchog dag gi / dur khrod shi ba'i ro rnyed na/ /de ni mtshan mo mun par blangs/ /de yi khrag gis tshon rtsi bya/ /ras ni chu yis lan gsum bkru/ /de nas de ni bskam par bya/ /'dri byed gdug sems khro ldan zhing / /'jigs par byed pas bri bar bya/ /mar ngo'i zla phyed dur khrod du/ /zhag ni gsum mam bdun du bri/ /tshes brgyad bcu bzhi'i nub mor ni/ /zhag chen mar me sbar ba la/ /der gnas ri mo byed pa ni/ /rtag tu g.yas kyi phyogs su blta/ /mi yi thod pas gdan byas shing / /mnyam par bzhag ste bsrung ba bya/ /dgra yi sdug bsngal gyis nyen na/ /yang na sngags pa rang gis bri/ /dang po'i mtshan mor rtsom pa na/ /dgra rnams lus la tsha ba 'byung / /gnyis par tsha ba chen po yis/ /dgra rnams brgyal bas gnod par 'gyur/ /gsum pa'i mtshan mor srog 'dor zhing / /'jig rten pha rol 'gro bar 'gyur/ /sngags pa rab tu ma dang na/ /de la zhi ba ga la yod/ /dgra yi lus ni bskam 'gyur zhing / /khyim la 'jigs pa'ang 'byung bar 'gyur/ /gshin rje gshed ni 'jigs chen gyi/ /ras ris 'di ni bris tsam gyis/ /zhal drug zhabs drug phyag drug bri/ /kha dog sngo zhing gsus pa 'phyang / /khro ldan thod pa'i phreng ba 'chang / /stag gi pags pa rab tu mnabs/ /mtshon cha sna tshogs mi bzad ldan/ /lag na dbyug to 'jigs par byed/ /</font><hr>95.245b<br><font size=+1>

spyan ni dmar zhing khro dang bcas/ /spyan gsum dag gis rnam par mtshan/ /skra 'bar gyen du brdzes pa ni/ /de bzhin la lar du ba'i mdog /mig sman nag po mi bzad dang / /dbyar gyi sprin nag 'dra ba'i mdog /gshin rje'i gzugs dang 'dra ba yi/ /ma he la zhon yang dag bri/ /gdug pa'i las can 'jigs pa che/ /drag cing drag po 'joms byed pa/ /sems can 'jigs par byed pa yi/ /gshin rje'i 'tsho ba 'jigs byed brjod/ /shin tu gdug pa'i las can dang / /'jigs shing shin tu mi bzad pa/ /lus can thams cad gsod byed pa/ /'jigs pa'ang 'jigs shing dngangs byed pa/ /bdag gi khrag gi tshon dag gis/ /khro bo mchog 'di bri bar bya/ /zhag chen po yi zhag dang ni/ /shin tu dmar ba'i tshon bsres bri/ /mtshon rtsi'i snod du thod pa bya/ /mi yi rus pas pir shing bya/ /shi ba'i skra las byas pa yis/ /pir dang pir ni bcing ba'ang bya/ /rang ngam ri mo mkhan gyis kyang / /de nas zas mi bza' bar bri/ /gtor ma me tog mang po sogs/ /phreng ba dmar dang tsan+dan dmar/ /sha chen tshil gyi spos dang ni/ /zhag gi spos kyis mchod par bya/ /ras ris dam pa de la ni/ /dang po bar mthar mchod par bya/ /ras ris yongs su rdzogs byas na/ /ri mo mkhan la sbyin pa'ang bya/ /nor ni rab tu mang po'am/ /yang na gang gi dge ba'ang sbyin/ /las kyang 'jigs pa chen po bas/ /de yi don med mi bya'o/ /mdor na dpa' bo'i rin du ni/ /ji ltar 'dod pa de la bya/ /bzo yi las ni 'bras bcas bya/ /kha zas med pa'ang rnam par spang / /ji ltar de ni yang dag dga'/ /de lta de ltar rab tu sbyar/ /srung ba chen po 'ang rab tu bya/ /gzhan du de ni 'chi 'gyur zhing / /bzo bo bza' dang bcas 'jigs pas/ /bdag gis kyang ni mngon par bsrung / /rigs pa bzlas nas bya ba ste/ /gzhan du cho gar brjod pa min/ /ras ris yongs su gsal byas pa'am/ /</font><hr>95.246a<br><font size=+1>

yid la 'dod pa byas mthong na/ /gdug pa'i dgra rnams 'joms byed pa'i/ /las ni thams cad byed par 'gyur/ /ras ris mchog blangs 'gro ba ni/ /ji ltar 'dod pa'am gar 'dod pa'o/ /phyogs chen rgyal po chen po dang / /sems can de ni dregs bcas dang / /mngon pa'i nga rgyal nga rgyal che/ /gdug dang gdug pa'i las rnams dang / /dkon mchog gsum la gnod byed dang / /chad par smra dang sngags spangs dang / /sngags rnams mchod par mi byed dang / /de la dad rten smod pa dang / /gang yang zlos pa smod byed dang / /de bzhin mchod rten khyad du gsod/ /cho ga mthong ba'i las kyis ni/ /de dag la ni sbyor ba bya/ /sems can kun dang skyob pa la/ /rtag tu de bzhin chos mi ldan/ /de dag la ni las rab sbyar/ /'phral du srog ni 'gag par byed/ /lung tang 'bras bu sngags bzlas blangs/ /rtsa ba dang ni shun pa'ang blang / /'bras bu'i rang skyur yang dag ldan/ /mi yi rus phye legs btags dang / /yungs mar dang ni dug nyid dang / /star bu dad ni lang tang tshe/ /ske tshe dang yang khrag nyid kyang / /mi las yang dag byung ba dag /thams cad blangs nas yang dag ldan/ /ras ris dben pa'i phyogs su bzhag /sgrub po lho phyogs mngon bltas nas/ /ris ris kyang ni byang du bstan/ /me thab ji 'dod byas nas ni/ /tsha zhing skam pa'i shing dag gis/ /me thab de la mnyam bzhag nas/ /dur khrod me yi sbar bar bya/ /thams cad ldan pas bsreg byas na/ /cho gar bstan pa'i sbyin sreg yin/ /khro bo'i rgyal po'i sngags kyis ni/ /me lha dag ni spyan drang bya/ /las rnams dag ni kun la'ang 'dir/ /mdung gi phyag rgya bcing bar bya/ /me thab la ni khror bcas pas/ /rtsa brgyad stong gis sreg blugs sbyin/ /dang por bu dag 'chi ba ni/ /sems can zhugs nas de bzhin 'gyur/ /gnyis pa la ni chung ma dang / /'khor dang gtso bor bcas pa'ang yin/ /de la gsum par 'chi ba ni/ /gang gi ched du de byas pa'o/ /gang tshe mtshan</font><hr>95.246b<br><font size=+1>

phyed bzlas pa ni/ /ras ris mdun du byed pa yang / /dgra rnams gsad par bya phyir te/ /de ni de dang mthun par 'gyur/ /de yi yul 'khor 'jig par 'gyur/ /dpung yang 'chi bar 'gyur ba ste/ /mes tshig rlung ni chen po dang / /char chen dag kyang 'byung bar 'gyur/ /thams cad bsdus pa'i tshogs dag ni/ /pha rol tshogs kyis gnod par 'gyur/ /de la gnod pa sna tshogs dang / /nad chen dag gis yang dag khyab/ /rgyal po de yi lus kun kyang / /skam par 'di la the tshom med/ /de yi khyim ni thams cad kyang / /mi ma yin pas yang dag dkrugs/ /mal du brtan pa mi rnyed cing / /sa yi steng du'ang 'khor bar 'gyur/ /srin po yi dgas sha rjen zas/ /de yi khyim ni yongs su bskor/ /thams cad du ni nyam thag 'jigs/ /sdug bsngal drag pos sdug bsngal 'gyur/ /sa steng lha yi dbang phyug sogs/ /de yi srung ba byed mi nus/ /'jig rten skyong ba tshangs sogs dang / /brgya byin sogs pa sum cu'i dbang / /sngags kun lha dang bcas pa dang / /'jig rten kun las byung ba'ang rung / /nga rgyal gyis 'khrugs ma rungs dgra/ /de yi 'tsho ba de mthar byed/ /mtshan phyed nyi ma gung dag la/ /gang du khros nas zlos byed pa/ /gshin rje khros pa mngon sum ltar/ /bsrung bar yang ni rung ma yin/ /mar ngo'i zla phyed ci 'dod par/ /sa steng ras ris bzhag nas ni/ /gtor ma mchod pa che bya ba/ /dur khrod dgon pa'i gnas dang ni/ /shing gcig de bzhin rtags dang ni/ /brag dang bas mtha' phug kyang rung / /gcig pu gnyis su med par yang / /rtag tu las rnams yang dag brtsams/ /dgon pa chen po dben pa dang / /lha yi khang pa stong pa dang / /khang stong dang ni chu bo dang / /rgya mtsho'i 'gram la brten pa dang / /grong khyer de dang nye ba dang / /der gnas yang na ci 'dod par/ /dpag tshad brgya yi tshad tsam nas/ /rtag tu las rnams bya ba yin/ /gtsang ba'i yul ni brgya dag dang / /tshad med yul du gnas pa'ang rung / /sngags kyi rdzu 'phrul bsam mi khyab/ /zlos</font><hr>95.247a<br><font size=+1>

pa'i grub pa bsam mi khyab/ /las ni bsam mi khyab par snang / /'bras bu'ang bsam gyis mi khyab pa'o/ /gshin rje gshed ni bdag nyid che/ /khro bo'i rgyal po bsam mi khyab/ /las dang rdzu 'phrul yul dang ni/ /rnam par 'phrul ba che 'byung ba/ /bsam gyis mi khyab zlos pa yis/ /sa steng 'di la grub pa snang / /byang chub sems dpa' rdzu 'phrul che/ /kun gyis bsrung bar yong mi nus/ /'jig rten pa yi sngags rnams dang / /gza' dang ma mo smos ci dgos/ /dbang ldan dang ni khyab 'jug gam/ /skem byed dang ni brgya byin dang / /rgyal dang rgyal ba'i sras dag ni/ /dam tshig 'dzin par byed pa dang / /sa bcu la ni yang dag gnas/ /byang chub sems dpa' bdag nyid che/ /gang zhig dgra bcom rang rgyal dang / /rdzu 'phrul chen po chags bral ba/ /dam tshig sngon byas de dag gis/ /bsrung bar yang ni mi nus so/ /mdor bsdus nas ni bshad par bya/ /'byor pa 'dod pas mnyan par gyis/ /zlos pa sems ni ma dang na/ /gzhan gyis nus par mi 'gyur ro/ /sngags pa mchog ni mi dga' na/ /de 'dir zhi ba ga la yod/ /bdag nyid chen po gshin rje gshed/ /khro bo'i rgyal po zlos pa po/ /gang tshe yid ni dang ba dang / /gang tshe snying rje brlan gyur pa/ /de tshe de ni zhi thob pa'am/ /brtan pa'am 'tsho ba 'dzin par 'gyur/ /pirtsu marda yung mar dang / /rang skyur dug dang ldan pa ni/ /khrag dang mi yi sha dang ni/ /lan tshwa tsha ba gsum dang ni/ /ske tshe dug gi phye ma dang / /star bu dang ni sram gyi sha /lang tang tse yi rtsa ba dang / /de bzhin ko sha ta ka'i dang / /e ren da rtsa nas tshig thal/ /le brgan rtsi dang gze ma dang / /po son cha yi rtsa ba dang / /de bzhin sgog skya ke'u dang / /gzhan gyi zhag dang chu dang ni/ /kun dong chang ni btung bar bcas/ /'di kun cha mnyam byas nas ni/ /ras ris nye bar sbyin sreg bya/ /sbyin sreg stong rtsa brgyad byas na/ /zla ba phyed kyi nang du ni/ /bu dang gnyen sdug bcas pa yi/ /dgra rnams rtsad nas 'jig 'gyur te/ /'khor kun ma lus 'joms par byed/ /gnyis pa'i nang du sbyin sreg byas/ /de yi rtsad nas 'byin par byed/ /zlos pas me nang sbyin sreg</font><hr>95.247b<br><font size=+1>

byas/ /gsum pa'i dus su phyin pa na/ /de yi grong rdal bcas de la/ /mu ge dag ni 'byung ba dang / /char mi 'bab cing 'chi ba mang / /srin pos kun tu khyab pa dang / /mes tshig rdo yi char 'bab dang / /rdo rje dang ni thog kyang 'bab/ /ljongs dang phyogs dang yul dang ni/ /ji snyed rgyal po de la yod/ /'tshe ba mang po rab 'byung zhing / /de bzhin gzhan gyi dmag tshogs 'byung / /de yi yul du 'tshe ba ni/ /du ma mang po dag kyang 'byung / /dpal min mang po rab ston pa/ /rnam pa sna tshogs 'byung bar 'gyur/ /lad tang rtsa bas sbyin sreg byas/ /de la rims nad 'byung bar 'gyur/ /tsha bas rtag tu sbyin sreg byas/ /tsha ba chen po skye bar 'gyur/ /shin tu skyur bas sbyin sreg byas/ /grang ba'i rims ni yang dag 'byung / /ma rungs rgyal po stobs kyis dregs/ /de yi lus la de dag 'gyur/ /phyogs che nor dang ldan pa dang / /gdug cing dpung chen yang dag gnas/ /de yi 'tsho ba tha ma ni/ /nub gnyis yang na bdun gyis so/ /gang zhig gang la dad lha'am/ /skyes pa'i skar ma ming yang rung / /ras ris mdun du gzugs bya ba/ /dur khrod sol bas bris pa la/ /mgo la rdog pas mnan nas ni/ /khro bas bzlas pa brtsam par bya/ /glo bur rnam pa sna tshogs pa'i/ /mi yi bdag po zug gzer 'byung / /nad chen pos ni thebs 'gyur te/ /de yi mod la'ang 'chi bar 'gyur/ /yang na dgra stas gcod pa'am/ /yan lag kyang ni mi tshang 'gyur/ /sdig can mi ma yin pa yi/ /srin po gdug pas za bar 'gyur/ /bdag gi 'khor dang bcas pa dag /sha rjen za dang srul po dang / /sha za yi dgas ma mo yis/ /de yi mod la'ang gsod par byed/ /de nas dpal ldan rdo rje 'chang / /de tshe 'khor la 'di skad smras/ /sangs rgyas kun la phyag 'tshal nas/ /de nas cang mi smra bar gnas/ /'jig rten rnams la phan 'dod phyir/ /'di skad du ni yang smras pa/ /gnod sbyin mo ni thams cad dang / /gnod sbyin kun tshogs bos nas ni/ /de tshe gnod sbyin bdag po ste/ /byang chub sems dpa' smras pa ni/ /gnod sbyin rnams kyis ras ris smras/ /'dod pa kun dang nye bar ldan/ /'gugs par byed dang dbang</font><hr>95.248a<br><font size=+1>

byed kun/ /zug rngu ma lus yang dag 'byin/ /sngags pa gang tshe 'khrig pa 'dod/ /'dod chags ldongs pa'am rmongs pa'i blos/ /bder gshegs bkas kyang bzlog pa dang / /gnyen pos kyang ni mi nus so/ /thog ma med pa'i 'khor ba nas/ /shin tu sdug bsngal rgyu sngon byas/ /de dag sdug bsngal sdug bsngal bar/ /snying rje chen pos 'gro ba gdungs/ /tshangs spyod dbang po dul bas ni/ /bde 'gro dag ni thob par 'gyur/ /bzang po shis par bstan pa dang / /mthar ni zhi ba'ang thob par 'gyur/ /theg pa gsum la brten nas ni/ /mya ngan 'das pa legs pa 'thob/ /bzlog pa blo ngan gyis zin pa/ /'dod chags kyis ldongs bka' thub med/ /'khor ba mi zad tshang tshing gi/ /'gro ba lngar ni 'khor bar 'gyur/ /de dag sdug bsngal ldan don du/ /'dod pa'i longs spyod rjod par byed/ /khro bo 'di ni mnyes byas na/ /sdig pa kun las ldog par 'gyur/ /'phags pa 'jam dpal gyi rtsa ba'i cho ga byang chub sems dpa'i sde snod phal po che theg pa chen po shin tu rgyas pa'i mdo las/ khro bo'i rgyal po gshin rje gshed kyi mngon spyod dang legs par sdom pa'i le'u rab 'byam las sum cu rtsa bzhi pa rdzogs s+ho// // de nas byang chub sems dpa' sems dpa' chen po zhi ba'i blo gros zhes bya ba 'khor de nyid du 'dus shing 'dug par gyur pa de stan las langs te/ sangs rgyas thams cad la phyag 'tshal nas/ 'khor gyi dkyil 'khor gyi dbus su 'dug ste/ bcom ldan 'das shAkya thub pa la lan gsum bskor ba byas nas zhabs gnyis la btud de/ gnod sbyin gyi sde dpon chen po lag na rdo rje de la bltas nas tshig 'di smras so/ /phyag na rdo rje gang khyod sems can thams cad la gnod par byed pa dang / 'dod pa dang ldan pa'i sngags dang rgyud bshad na/ kye rgyal ba'i sras byang chub sems dpa' sems dpa' chen po rnams kyi nges par chos 'di ni ma yin te/ byang chub sems dpa' sems dpa' chen po ni gang gi phyir snying rje chen pos rab tu phye zhing / byang chub sems dpa'i spyad pa spyod cing sems can thams cad kyi don gyi</font><hr>95.248b<br><font size=+1>

phyir/ phan pa'i lhag pa'i bsam pa la rab tu zhugs na 'khor ba'i 'ching ba las grol bar 'gyur ro/ /kye rgyal ba'i sras gzhan yang sems can la gnod par byed pa'i chos ston pa ni/ de bzhin gshegs pa dgra bcom pa yang dag par rdzogs pa'i sangs rgyas dang byang chub sems dpa' rnams kyis ni sems can thams cad kyi ched du gsungs pa ma yin te/ snying rje chen po dang ldan pa'i phyir sems can thams cad la phan pa'i lhag pa'i bsam pa la rab tu zhugs pa yin no/ /de nas byang chub sems dpa' sems dpa' chen po lag na rdo rjes byang chub sems dpa' zhi ba'i blo gros la smras pa/ ji ltar khyod smras pa dang ji ltar khyod rab tu ston pa de bzhin du zhi ba'i blo gros byang chub sems dpas bslab par bya/ de bzhin du bsgrub par bya/ ji ltar sangs rgyas dang byang chub sems dpa' rdzu 'phrul chen po dang ldan pa de bzhin du bdag gis kyang bstan par bgyi'o/ /don dam par ni yang dag pa'i mtha' la yang dag par brten nas chos kyi mtha' las grol ba thob par 'gyur ro/ /sems can mtha' ni bsam mi khyab/ /rnam par smin pa'ang bsam mi khyab/ /sangs rgyas chos kyang bsam mi khyab/ /byang chub spyod pa 'ang bsam mi khyab/ /gdul ba'i sems can la brten nas/ /phan pa'i spyod pa bsam mi khyab/ /byang chub sems dpa'i spyod pa rnams/ /bsam mi khyab par yongs su bstan/ /rgyud rnams kun la rgyud 'di yi/ /mthu ni bsam gyis mi khyab yin/ /gshin rje gshed ni bdag nyid che/ /khro bo'i rgyal po'i sngags dag dang / /yul gsum dag kyang bsam mi khyab/ /rtogs pa'i bdag nyid bsam mi khyab/ /zhi ba'i blo gros byang chub sems dpa' sems dpa' chen po'i spyod pa ni bsam gyis mi khyab ste/ chos kyi dbyings kyi rgyu mthun pa las byung ba'i sgrub pa yang bsam gyis mi khyab bo/ /zhi ba'i blo gros byang chub sems dpa' sngags zlos pa na 'di ltar sems bskyed par bya ste/ 'phags pa ma yin pa'i</font><hr>95.249a<br><font size=+1>

sems can 'dod pa la lhag par chags pas bsod nams ma yin pa shin tu rab tu mang por 'phel bas dmyal ba chen por skye zhing sems can 'di dag ni bsod nams kyi phung po shin tu mang po 'di 'phel bar mi 'gyur ro/ /sems can 'di dag byang chub rnam pa gsum gyi skal ba med par mi 'gyur bar bya ba'i phyir/ zhi ba'i blo gros de ltar na byang chub sems dpa' sngags zlos pas sems nye bar gzhag par bya zhing thabs mkhas pa 'di la mngon spyod kyi las rab tu sbyar bar bya'o/ /las thams cad la yang mtshan mar 'dzin par mi bya'o/ /mi dge bar 'dzin par mi bya zhing snying rjes brlan pa'i sems kyis sems can gdul ba'i thabs la yang bslab par bya'o/ /kye rgyal ba'i sras gzhan yang chos dang chos ma yin pa dang / dkar po dang / nag po dang / dge ba dang / mi dge ba dang / 'gro ba'i bdag nyid chen po sems can 'dul ba'i thabs sgrub pa dang / chos kyi dbyings sgrub pa sangs rgyas bcom ldan 'das kyis rab tu rtogs par 'gyur te/ de nyid chos ston pas sems can smin pa'i thabs kyang rab tu sgrub par byed do/ /kye rgyal ba'i sras de bzhin du bdag cag gis bslab par bya zhing / 'di lta ste/ sems can gdul ba dang sems can smin pa dang bstan par bya ba'i phyir dang de la rgyal ba'i sras khyed cag gang 'khor gyi dkyil 'khor 'dir dam tshig chen po la zhugs pa de thams cad kyis mnyan par bya/ dad par bya de nyid dge ba dang mi dge ba tshol ba nyid du bya ste/ 'di lta ste/ de bzhin gshegs pa chos ston pa la mngon par dga' bar bya'o/ /de nas byang chub sems dpa' sems dpa' chen po zhi ba'i blo gros kyis gnod sbyin gyi sde dpon chen po lag na rdo rje la rnam par bltas nas cang mi smra bar gyur te/ /sangs rgyas kyi chos rnams ni bsam gyis mi khyab bo zhes yid la byas nas/ sangs rgyas bcom ldan 'das la rnam par lta bzhin du rang gi stan la 'dug par gyur to/ /de nas</font><hr>95.249b<br><font size=+1>

gsang ba pa'i bdag po phyag na rdo rjes thams cad dang ldan pa'i 'khor de la rnam par bltas nas khro bo'i rgyal po'i cho ga yang smras pa/ gang dag lha'i tshogs dang sems can gyi khams la brten pa'i 'byung po'i tshogs khyed cag nyon cig /dang por re zhig bsrung ba byas la khro bo'i rgyal po'i ras ris de yongs su blangs la/ gnas dben par song nas dbang phyug chen po'i rtags gcig pa'i gnas su rtags de la dug dang khrag dang ske tshe dang / rang skyur gyis gtor la shing bi tsu mar da'i me tog gis mchod cing mi'i rgyu ma rlon pa dag gis bdag nyid la mchod phyir thogs byas la/ mi'i mgo bo'i thod pa g.yas pa'i lag pa na thogs pas brdegs pa lta bur byas la/ lag pa g.yon pa'i sdigs mdzub kyis mtshon gcig po la sdigs pa bzhin du byed cing gtsor khro ba'i dbang du gyur pa dang rgyal po ma rungs pas brnyas pa chen po'i sems kyis byas pa'am/ gzhan skyon can gyi skyes bu phyogs chen po dang ldan pa dang nor chen po dang ldan pa dang rab tu gtum pa chen po dang gtso bo chen po dag gis khyad du gsod par 'gyur na/ sgo bcad pa byas la/ gcer bur byas shing skra bshig pas dbang phyug chen po'i mtshan la khro bo'i sngags ji srid dbang phyug chen po'i mtshan dkyil du gas par gyur pa de srid du bzlas pa bya'o/ /dum bu gnyis su gyur na yi ge hU~M gi sgra chen po yang thos par 'gyur te de la 'jigs par yang mi bya'o/ /de thos pa'i dbang gis rgyal po ma rungs pa'am gzhan gang la la dpung chen po dang ldan pa'i dgra de'i mod la rims chen pos zin par 'gyur ba'am/ srin po la sogs pa mi ma yin pas zin par 'gyur ro/ /de nyid du ji srid yud tsam du bzlas pa byas na de'i mod la dgra rnams kyi 'tsho ba ni tha mar 'chi bar 'gyur ro/ /gal te mtshan mo bzlas na ni gza' 'khor dang bcas pa 'jig par 'gyur ro/ /gzhan yang las su 'gyur ba ni de bzhin du dbang phyug chen po'i gnas su nyi ma phyed la song ste/ nim pa'i lo mas mchod cing sha chen po'i spos kyis bdug la</font><hr>95.250a<br><font size=+1>

ji srid dgra'i khyim du mes tshig pa'i bar du bzlas pa byas na dgra yang 'dar ba'i rims chen pos thebs par 'gyur ro/ /yang na khros pas bzlas pa ma btang zhing g.yas phyogs su rtags kyang yod na dgra de 'chi bar 'gyur zhing rigs rgyud 'jig par 'gyur ro/ /ji ste slar gso bar byed na ni rtags de chus phyir yang rab tu bkrus la shin tu bsil ba'i 'o mas khrus byas na slar yang sos par 'gyur ro/ /las gzhan yang yod de dbang phyug chen po'i mtshan g.yas phyogs su bzhag la po son cha'i shing dang tsher ma can gyi shing gis me rab tu sbar la/ shing pA ka~M ta ka'i yam shing la dug dang khrag dang ske tshe la mngon par btags la stong rtsa brgyad kyi sbyin sreg byas na/ dgra thams cad nad chen pos thebs par 'gyur te/ las thams cad kyis kyang nus pa med par 'gyur ro/ /zhag gnyis pa la ni rims nad chen po dang zug gzer chen pos thebs pa'am nad rnam pa sna tshogs sam mi ma yin pas zin cing mthar 'chi bar 'gyur ro/ /zhag gsum pa la grangs gsum gyis byas na ni 'tsho ba thams cad kyi thams cad du 'dor bar 'gyur ro/ /slar gso bar byed na ni 'o ma'i sbyin sreg byas na zhi bar 'gyur ba ni yul mi thams cad dang dgra thams cad kyang sos par 'gyur ro/ /de bzhin du lha thams cad dam lha mo thams cad dam 'byung po thams cad gang zhig gang gi lha la dad pa de rkang pas mnan pa'i las bya ba'am/ /yang na de'i rgyu skar ram sngags sam ming dag la rkang pas mnan la las bya ste/ de bzhin gshegs pa'i rig pa ni ma gtogs te/ thams cad kyis kyang zhabs kyi mthe bo g.yon pa bzung ste las bya'i/ mnan par yang mi bya bgom par yang mi bya'o/ /gang yang 'jig rten pa thams cad kyi sngags ni mnan nas las bya'o/ /khro bo'i rgyal po'i bzlas pa ma grub pa nyid kyang bzlas pa tsam kho nas las rnams byed par 'gyur/ sngags thams cad rnam par 'jig par 'gyur/ dgra thams cad 'joms par 'gyur/ sngags thams cad nus pa med par 'gyur ro/ /mdor na 'jig rten dang 'jig rten las 'das pa'i sngags kyi cho gas kyang ji lta ji ltar rab</font><hr>95.250b<br><font size=+1>

tu sbyar ba de lta de ltar thams cad sgrub par 'gyur/ bzlas pa tsam gyis re ba thams cad yongs su rdzogs par 'gyur ro/ /khro bo'i rgyal po'i sngags 'di bzlas pa tsam kho nas grub pa nyid de grub pa dam pa'ang rjes su rab tu sbyin no/ /yid la 'dod pas dgra rnams 'joms par byed do/ /mdung rtse chen po'i phyag rgya dang ldan par byas na las thams cad byed par 'gyur ro/ /las gzhan du'ang 'gyur ba ni nyi ma phyed la dur khrod du song ste/ sreg pa'i sar mtshan gcig smyung ba byas te/ mar ngo'i bcu bzhi la dur khrod kyi shing gis me rab tu sbar la/ dug dang khrag gis btags pa'i ske tshes sbyin sreg byas na/ de las ha ha zhes pa'i sgra sgrogs shing / yi dgas thams cad 'ong bar 'gyur na 'jigs par mi bya zhing dgra la gnod par gyis shig ces byas na/ de bzhin du bya'o zhes smras nas mi snang bar 'gyur ro/ /de nas yud tsam gyis dpag tshad stong du yang song nas/ dgra rnams 'joms par byed cing rigs rgyud kyang rlag par byed do/ /de la sogs pa'i las mang po byed par 'gyur ro/ /gzhan yang las su 'gyur ba ni dben pa'i phyogs gtsang mar gos gtsang ma bgos te/ /khang stong du rab tu zhugs nas mi'i rus pa'i sreg blugs kyis stong rtsa brgyad sbyin sreg byas te/ de nas thal ba de lag pa gnyi gas blangs la/ gos gtsang ma'i dum bu la so sor bcings te thum po gnyis su byas la/ kham por kha sbyar gnyis kyi nang du so sor bzhag la/ bdag nyid srung ba chen po byas nas rdzas de blangs la/ khyim du slar zhugs nas mtshan mo dur khrod chen por song nas/ mar ngo'i bcu bzhi'am tshes brgyad la mi sreg pa'i sar bzhag cing lho phyogs su bltas nas kham por kha sbyar gnyis blangs la langs shing gcer bur byas te skra bshig pa dang khro ba dang bcas pas 'jigs pa med par bya ste/ rig pa stong phrag bcu bzlas pa byas na thal ba de grub par 'gyur ro/ /mi gang su dag rdzas de slong bar gyur na sbyin par mi bya'o/ /gal te tshan khar slong bar byed na ni khro bo'i</font><hr>95.251a<br><font size=+1>

rgyal po dran nas yi ge hU~M rab tu sbyar ba byas na de'i mod la 'byer bar 'gyur ro/ /bgegs thams cad rnam par 'joms pa yang cho ga 'di nyid do/ /lag pa g.yon pa dang g.yas pas blangs pa'i thal bas ni rtags mtshan bya zhing bag yod pas bsrung ba yang bya la/ tho rangs nyi ma 'char ba'i dus su slar 'ong bar bya ba na khrus byas shing gtsang zhing gtsang ba'i gos bgos te rang gi khyim du 'jug par bya ste/ rang gi gnas sam ji ltar 'dod par 'gro bar bya'o/ /de nas lag pa g.yas pa gang gis blangs pa'i thal ba des mi dang rkang gnyis dang rkang bzhi dang srog chags 'byung po thams cad dang / lha dang bcas pa'i klu dang gnod sbyin rnams kyi spyi bor gtor na dbang du 'gyur ro/ /gang lag pa g.yon pas blangs pa'i thal ba des ni mi'i bud med thams cad kyi spyi bor gtor na dbang du 'gyur ro/ /lag pa g.yas pas blangs pa'i thal ba gang yin pa des mi rnams kyi lte ba'i phyogs sam/ pho mtshan gyi phyogs su gtor na grong pa'i chos bsten pa la nus pa med par 'gyur ro/ /gang zhig bud med la mngon par chags pa de'i gsang ba'i gnas su thal ba'i phye mas gtor na skyes bu gzhan brten pa la nus pa med par 'gyur ro/ /skyes bu gzhan brten pa na rma med par yang 'gyur ro/ /ji srid rang gi skyes pa nyid thob na ni phyir yang de'i rma'i sgo de rab tu 'byung bar 'gyur ro/ /'dod pas log par g.yem pa bsten pa la yang nus pa med par 'gyur ro/ /de bzhin du skyes pa la yang skyes pa'i dbang po la lag pa g.yas pas thal ba'i phye mas gtor na/ de yang gzhan gyi bud med la 'gro ba'i nus pa med par 'gyur te/ yongs su rnying pa bzhin du de'i de nyid 'byung zhing gnas par 'gyur ro/ /ji srid du rang gi chung ma de nyid dang yang phrad na phyir yang rnying pa med par 'gyur ro/ /skyes pa'am bud med gang la thal ba gtor bar gyur pa de med par 'gyur ba'am med par mi 'gyur ba'o/ /yang na ni ji ltar 'dod pa bzhin du byed do/ /gal te nan gyis byed na ni gsang ba'i phyogs su srin bu</font><hr>95.251b<br><font size=+1>

rnams rab tu 'byung bar 'gyur zhing / de dag gis zos pa na 'tsho ba yang 'gag par 'gyur la/ zla ba gcig gi nang du rul par 'gyur te/ dri mi zhim zhing ro myags pa 'dra bar 'gyur ro/ /gcin sri ba'i nad la sogs pas skyes bu zin par 'gyur la/ skrangs nad chen po yang 'byung bar 'gyur te/ gang de dag gi nad kyis dus byed par 'gyur ro/ /yang na gzhan gyi bud med la bsten par 'dod na yang nus pa med par 'gyur ro/ /ji lta ji ltar mngon par 'dod pa de dag thams cad byed par 'gyur ro/ /gal te gtor ba tsam gyis thal ba dang phrad par ma gyur na/ mthong ba'am ma mthong ba la yang mthun pa'i rlung dang sbyar te thal ba gtor te/ de la thal ba cung zad kyang babs par 'gyur ba'am gtor bar byed pas yid kyis bsams te thal ba gtor na/ gang brtsams par 'gyur ba de dag thams cad kyi las rnams byed par 'gyur ro/ /bdag nyid dam gzhan gyi lag pas gtor na ji ltar 'dod pa de thams cad kyi las byed par 'gyur gyi gzhan du ni ma yin no/ /ji ste gnas mal la sogs pa dang stan dang gos la sogs pa rnam pa sna tshogs sam bzhon pa dang theg pa dang lham dang gdugs la sogs pa yo byad thams cad dang lhag ma ni bza' ba dang / btung ba dang / bca' ba la sogs pa dang lus thams cad la dgos pa'i cha byad thams cad dang / me tog dang so rtsi dang 'bras bu dang spos la sogs pa 'di dag thams cad la thal ba'i phye mas gtor na dgra de dag gi lus la shig dang ma ku ta'i srin bu rnams kyis kun nas khyab par 'gyur te/ shing ji lta ba bzhin du za bar 'gyur ro/ /rmi lam ngan pa yang mthong bar 'gyur ro/ /zhag bdun gyis kyang 'chi bar 'gyur te/ sman pa thams cad dang lha thams cad kyis kyang bzlog par mi nus so/ /sngags thams cad kyis kyang bsrung bar mi nus te/ gang gis thal ba gtor bar byed pa ni ma gtogs so/ /ji ste slar gso ba byed na ni shing mngar dang ut+pa la sngon po dang tsan+dan dkar po gcig tu byas la chu grang mo la btags te/ de nas spyi bo nas</font><hr>95.252a<br><font size=+1>

bzung ste rkang pa'i mthil gyi bar du de'i lus la byugs shing 'phags pa 'jam dpal gyi rtsa ba'i sngags bzlas na sos par 'gyur ro/ /gzhan yang bud med rnams la/ las su bya ba ni/ 'thun pa'i rlung gi phyogs gang du 'dod pa der song nas bud med mkha' 'gro ma ma rungs pa nga rgyal can thams cad la yang sbyor ba bya ste gzhan la ni ma yin no/ /mthun pa'i rlung yod pa de nyid la gnas nas/ bcom ldan 'das yid la bsams te thal bar gtor na mo mtshan dang nu ma thams cad mi snang bar 'gyur ro/ /skyes pa la'ang kha spu dang ba spu med pa dang mo mtshan dang nu ma yang rab tu 'byung bar 'gyur ro/ /de lta bur rnam pa mang po du ma'i las kyang byed pa'am/ gzhan byed du bcug par 'gyur ro/ /yang na gang dga' ba skye ba de byed du gzhug par 'gyur ro/ /bud med dam skyes pa gang la sems dga' ba skye ba de la thal ba de byin na ji ltar 'dod pa'i las byed du gzhug par 'gyur ro/ /sbyor ba'ang bslab par bya'o/ /de ltar nad chen po dag gis kyang 'debs su gzhug par bya'o/ /bcom ldan 'das yid la bsams nas/ thal ba'i lag pas spyi bor reg na klad pa zug gzer skye bar 'gyur ro/ /kha la reg par byas na kha'i nad 'byung bar 'gyur ro/ /de bzhin du mthar gyis snying gi bar du rig par byas na snying gi nad dam/ lto ba'i nad 'byung bar 'gyur ro/ /de bzhin du rkang pa gnyis dang rje ngar gnyis la reg par byas na'ang khrag las byung ba'i nad khrag khrug pa la sogs pa'i nad kyis 'debs par byed par 'gyur ro/ /mdor na 'chi bar byed pa dang dbang du byed par yang 'gyur te/ ji lta ji ltar rab tu sbyar ba de lta de ltar de thams cad byed par 'gyur zhing / gsad pa dang dgug pa dang dbang du byed par yang 'gyur ro/ /shin du thag ring po na gnas kyang las thams cad byed do/ /mkhar shin tu bgrod dka' ba dang nye ba mthun pa'i rlung yod par gnas par byas la/ lag pa gnyis kas thal ba de nyid blangs la yang dag par gtor na/ rab dang sgo khang dang yang thog kyang</font><hr>95.252b<br><font size=+1>

rab tu ltung bar 'gyur te/ mkhar srung ba yang ltung bar 'gyur zhing mes tshig pa chen po yang 'byung bar 'gyur/ dpung rnams kyang 'jig par 'gyur/ rnam par 'tshe ba chen pos kyang nye bar 'tsho bar 'gyur/ thams cad bor nas rab tu 'byer bar yang 'gyur/ yang na skyabs su mngon par 'gro bar 'gyur/ de ltar gzhan gyi dpung la yang mthun pa'i rlung yod pa'i phyogs su thal ba gtor na/ dpung dang sde chen po yang 'jig par 'gyur zhing / tshig pa chen po'am/ nad kyis 'debs par 'gyur ba'am/ glang po dang / rta dang / shing rta dang / rkang thang la sogs pa'i sde dpon yang 'jig par 'gyur ba'am skyabs su mngon par 'gro bar 'gyur ro/ /de ltar rnam pa du ma'i ci 'dod pa rnams kyi dgra rnams 'jig par bya ba'i phyir las byed par 'gyur ro/ /bdag nyid dang rang gi dpung ngam grogs po dag la yang srung ba chen po'i don du 'gyur ro/ /ji ste slar gso ba byed na ni thams cad du 'o ma'i zas kyis 'tsho zhing / thams cad la ras ris kyi mdun du 'o ma'i sreg blugs stong gis sbyin sreg byas na sos par 'gyur zhing mi snang bar yang 'gyur ro/ /ji ste gnod sbyin mo bsgrub par 'dod na/ gar byed 'dud ma rje btsun ma/ /nam gru mar yang rnam par grag /mdzes ma mun pa snang byed ma/ /'og pag ma dang 'og pag bzang / /brgyad po 'di dag gnod sbyin mo/ /'dod pa thams cad rab sgrub pa'o/ /gar byed ma'i sngags ni/[ \u0f00] na Ti ma hA na Ti A gats+tsha A gats+tsha/ di bya rU pa NI swA hA/ 'di'i cho ga ni spang leb bam ras la mngon par bris la sha'am 'o ma'i zas za zhing rig pa stong rtsa brgyad bzlas pa bya zhing / a mra'i shing gi rtsa bar gnas shing rgyan thams cad kyis brgyan pa sngo sangs su gnas pa bri bar bya'o/ /ro smad gos gcig pa skra bshig pa mig gnyi ga dmar ba cung zad bzhin 'dzum pa lag pa g.yas pas sgrub pa po la sdigs mdzub byed pa/ lag pa g.yon pas shing gi yal ga 'dzin pa yan lag thams cad mdzes pa/ dar la rnam pa sna tshogs kyi gos bgos pa/ khro bo'i rgyal po de nyid kyi ras ris kyi mdun</font><hr>95.253a<br><font size=+1>

du bdag byang du mngon par bltas te 'dug la shing pa la shas me rab tu sbar la gu gul gyi ril bu dag la zho dang / sbrang rtsi dang / mar dag gis btags la dus gsum du zhag bdun gyi bar du sbyin sreg stong rtsa brgyad byas la/ de nas zhag bdun pa la gtor ma rgya chen po byas la mar gyi mar me yang rab tu sbar la/ ji srid nam phyed pa de'i bar du bzlas pa byas te 'dug na/ de'i 'og tu gnod sbyin mo de rang nyid snang ba chen por byas te/ rang gi gzugs kyis 'ong bar 'gyur ro/ /'ongs nas kyang smra bar bya ba ni ngas ci zhig bya zhes so/ /de nas sgrub pa pos brjod par bya ba ni/ khyod nga'i chung mar gyis shig ces bya'o/ /de ltar bgyi'o zhes byas nas mi snang bar 'gyur ro/ /de nas bzung nas chung mar gyur te rang gi gnas su khyer nas 'dod pa thams cad ster bar byed cing bcad kyis len yang rab tu ster bar byed de/ gang 'thungs pas lha'i gzugs su 'gyur zhing / gnod sbyin chen po dang rab tu 'gran par 'gyur ro/ /gal te ma 'ongs na ni lan gnyis pa la khro bo'i sngags dang lhan cig bzlas pa byas na nges par 'ong bar 'gyur ro/ /gal te ma 'ongs na ni khro bo 'chol ba'i rgyal pos 'chi bar 'gyur ro/ /'dud ma'i sngags ni 'di yin te/[ \u0f00] na shu mA ba ra mA l+ya d+hA ri Ne mai thu na pri ye swA hA/ 'di'i cho ga yang 'di nyid do/ /rje btsun ma'i sngags ni 'di yin te/ b+had tre b+had tre a ba lo ki ni kiny+tsi rA ya si/ e h+ya hi A gats+tsha A gats+tsha ma ma kA r+yaM ku ru swA hA/ de nyid kyis ni ras ris med kyang 'grub par 'gyur te/ ri'i rtse mor dkyil 'khor byas la gu gul gyi du bas bdugs te/ gcig pu mi smra bar gnas shing gtsang sbra byas te sgo bcad la rig pa stong rtsa brgyad bzlas pa byas na/ zla ba gcig gi mtshan mo nges par 'ong bar 'gyur zhing 'ongs nas kyang 'dod pa spyod par byas na/ chung mar 'gyur zhing 'dod pa thams cad ster bar 'gyur ro/ /gal te de khyim du zhugs na ni lo stong phrag lnga'i bar du 'tsho bar 'gyur ro/ /gal te ma zhugs na ni 'dzam bu'i gling du lo lnga brgya 'tsho bar 'gyur zhing rnam par spyod par 'gyur ro/ /de dang lhan cig rtse bar byed cing lung thams cad la yang dag par 'grub par byed do/ /de</font><hr>95.253b<br><font size=+1>

dang lhan cig gang du 'dod pa der 'gro zhing bcud kyis len rab tu sbyin par byed la/ sdug pa'i chung ma bzhin du phan pa'i lhag pa'i bsam pa yang rab tu byed do/ /nam gru ma'i sngags ni/ na maHsarba yak+Shi NAM/[ \u0f00] rak+te rak+tA ba b+hA si rak+ta rak+ta le ba ni swA hA/ gnod sbyin mchog ni nam gru ma/ /sbyor ba la dga' rjod par byed/ /cung zad dmar ba'i gos gyon zhing / /sngo zhing 'khyil ba'i skra yang yod/ /yan lag kun mdzes gnod sbyin mo/ /'dod pa spyod la rtag tu dga'/ /'dod dang longs spyod rtag tu sbyin/ /mchog sbyin par ni rtag tu ston/ /snga ma bzhin du ras la mngon par bris la 'di'i khyad par ni 'di yin te/ dar la dmar po gyon zhing dar la dmar pos stod g.yogs byas shing / kha dog dmar bar yang snang ba yin no/ /'og pag ma'i sngags ni/[ \u0f00] me kha le ma hA yak+Shi NI ma ma kA sam+pA da ya swA hA/ 'og pag ma bzang mo'i sngags ni/[ \u0f00] me kha le su me kha le ma hA ya k+Shi NAM sarba ar+tha/ sA d+ha ni hU~M/ sa ma ya ma nu sma ra Ne swA hA/ snang ba ma'i sngags ni/ a~M A lo ki ni lo ka ba te swA hA/ 'di dag ni cho ga yang de nyid do/ /mun pa mdzes ma'i sngags ni/[ \u0f00] shrI Nu gu h+ya ke shrI Nu gu h+ya ke e h+ya hi gu h+yai hi guh+ya ke swA hA/ 'di'i cho ga la ni ras ris kyi cho ga ni 'di la med do/ /dang por re zhig gtsang zhing gos gtsang ma bgos te/ zla ba nya ba la gnas dben par 'dug nas sgo bcad de snang ba med par mun pa'i gnas su rig pa stong phrag bcu bzlas na sngon du bsnyen pa byas par 'gyur ro/ /de nas sgrub pa pos brtsam par bya ba ni zla ba nya nas brtsams nas zla ba nya gnyis pa'i bar 'dir las su bya ba ni/ mtshan mo nyal ba'i dus su mal du 'dug nas mi snang zhing dben pa'i sa phyogs su gcig pu sgo bcad la/ dong ka dang bA na ka'i me tog legs par kha 'bus pa yungs mar dang bsres pas/ lag pa dang rkang pa la byugs la/ lag pa g.yas pa la brgya rtsa brgyad mngon par bsngags pa bya ste/ mi smra ba'i dka' thub kyis bzlas pa bya'o/ /de bzhin du nyin re zhing ma chad par zla ba nya'i bar du byas na de nas mtshan phyed tsam na nges par 'ong bar 'gyur ro/ /'ongs nas kyang mi smra bar bya zhing / cang mi smra bar gyur pas 'dod pa bsten</font><hr>95.254a<br><font size=+1>

par bya'o/ /gang gi tshe zla ba drug na smra ba de'i tshe smra bar bya ste/ de nas bzung nas chung mar 'grub par 'gyur te/ 'dod pa thams cad ster ba dang 'di la lha'i reg pa bzang po yang sbyin par byed do/ /nyin par ma mthong ba kho nar yang las thams cad sgrub par byed do/ /ro dang bcud kyis len rnams kyang rab tu ster bar byed do/ /rgyab tu zhon na ni ri rab tu yang khyer bar byed do/ /mtshan mo 'dzam bu'i gling kun tu yang 'khor bar byed do/ /dpag tshad brgya na yod pa'i dgra de dag kyang 'joms par byed do/ /ji skad bstan pa de thams cad sgrub par byed do/ /gzhan gyi bud med la 'gro ba ni ma gtogs so/ /gzhan gyi bud med la 'gro bar byed pa'i cho ga ni 'di dag thams cad la yang sbyar te/ de nyid dang lhan cig yang dag par bsten par bya'o/ /gal te gzhan gyi bud med la 'gro bar 'gyur na ni 'chi ba skyed par yang 'gyur ro/ /'di ni mun nag mdzes ma zhes bya ba gnod sbyin ma stong phrag du mas yongs su bskor bas sgrub pa pos 'grub par 'gyur na nyin re zhing gnod sbyin mo'i bran mo re re gtong bar byed do/ /blon po'i 'khor du ma dang ldan pa dang gnod sbyin mo thams cad na yang rdzu 'phrul che ba dang mun pas bskor ba 'di dag thams cad kyang cho ga tha dad pa ma yin mod kyi 'on kyang gzhan de dag ni mthong bar 'gyur ro/ /mun nag chen po na gnas pa zhes bya ba'i gnod sbyin mo rdzu 'phrul che ba dang phug gnas ma dang mi'i dpa' mo dang gzhon nu ma 'jig rten rnam par grags pa dang / mna' ma gnod sbyin mo dang yid du 'ong ma dang bdun pa lha mdzes ma dang 'di dag ni gnod sbyin mo bdun dag ste/ sems can rnams rjes su 'dzin par byed pa'o/ /sa rnams ma lus dag tu ni/ /'jig rten 'dir ni yongs su rgyu/ /cung zad kyi ni dus dag tu'ang / /lha'i gnas su yang 'gro bar byed/ /lha dang lha min g.yul dag tu'ang / /rdzu 'phrul chen pos 'thab par byed/ /chos ldan snying ni brtse ba dang / /sems can 'dod cing mnyes gshin bzang / /</font><hr>95.254b<br><font size=+1>

sems can phan pa'i 'dod don du/ /sa steng dag tu yongs su rgyu/ /de la bsgrub dka' cung zad med/ /dge ba'i las rnams ma lus byed/ /sems can longs spyod don du ni/ /byang chub sems dpas bshad pa yin/ /phug gnas ma'i sngags ni/[ \u0f00] gu hi li gu ha pa ti gu ha bA si ni A na ya b+ha ga ba ti ma mA ti ka~M sa ma ya ma nu smar swA hA/ seng ldeng gis me rab tu sbar la/ pri yang ku'i me tog la mar gyis btags te/ zla ba gcig gi bar du dus gsum du sbyin sreg stong rtsa brgyad byas na sngon du bsnyen pa byas par 'gyur ro/ /de nas de'i 'og tu sgrub pa brtsam par bya ste/ dang por re zhig byang bu'am ras sam rtsig pa la tshon ma 'dres pa snod sar pa dag gi nang du bcug pa'i pir dag gis ri'i rgyal po ri rab zur bzhi dang rtse mo bzhi dang ldan pa/ ri bdun gyi phreng bas yongs su bskor ba/ ri de dag gi mtha' mar ri bo dag la brten pa'i phug kun tu bri bar bya'o/ /der gnas pa lha'i gzugs dang ldan pa rgyan thams cad kyis brgyan pa/ gcig pu gnod sbyin ma phug gnas ma zhes bya ba ro smad dar la gon pa/ stod g.yogs dar la gyon pa/ gser gyi mdog can rnam pa sna tshogs gzugs mdzes pa bri bar bya ste/ de lta bu'i ras ris bri bar bya'o/ /gtsang ba'i gnas su gtsang bas 'o ma'i zas kyis 'tsho zhing / rig pa stong phrag bcu bzlas par bya ste/ ci nus pa'i mchod pa chen po byas na bzlas pa'i tha mar lha'i gzugs dang ldan pa'i gnod sbyin mo snang ba chen po dang ldan par byas nas rang nyid 'ong bar 'gyur ro/ /'ongs pa na sna ma'i me tog dang tsan+dan dkar po bsregs nas mchod yon dbul bar bya'o/ /de nas des bu ci zhig bya/ zhes smra bar byed do/ /des smra bar bya ba ni bdag gi mar mdzod cig ces so/ /de bzhin du bya'o zhes byas nas mi snang bar 'gyur ro/ /de la sems 'gyod par ni mi bya ste/ de la 'dod pa dang ldan pa yang don du gnyer bar yang</font><hr>95.255a<br><font size=+1>

mi bya'o/ /de la 'phags ma rdzu 'phrul che ba don du gnyer na 'grub par 'gyur te/ de phan cad de la ma dang 'dra bar bya ba thams cad byed par 'gyur ro/ /'khor brgyad brgya dang bcas pa la zas dang gos rab tu ster bar 'gyur ro/ /gnas yang ba las kyang skyob par byed do/ /dgon pa chen po dang ri'i steng du gnas na yang las thams cad yang dag par sgrub par byed do/ /bza' ba ci 'dod pa yang rab tu sbyin no/ /ro dang bcud kyis len la sogs pa thams cad kyang rab tu sbyin zhing ci 'dod pa yang rjes su sgrub par byed do/ /khang pa dang khang pa rtseg ma yang mngon par sprul par byed do/ /gser stong phrag kyang nyin re zhing rab tu sbyin par byed do/ /de nyid kyi nyin par thams cad zad par byas te/ gal te mi byed na rnam par chad par 'gyur te/ thams cad kyi thams cad du med par 'gyur ro/ /gzhan yang 'di'i las ni ras ris 'di nyid kyi mdun du seng ldeng gi me rab tu sbar la/ 'bar ba dang du ba dang bral ba'i mdag ma la lag pa g.yas pa'i mthil du ldong ros kyis gzugs brnyan du bris te/ skyes pa'am bud med kyi ming lag pa g.yon pa'i mthil du bris la me mdag gi phung po de la bdugs shing sngags bzlas pa byas na dpag tshad brgya na gnas kyang 'ong bar 'gyur te/ gang smras pa de thams cad byed du gzhug par 'gyur ro/ /tho rangs ni de nyid du khyer bar 'gyur ro/ /las 'di nyid ni mtshan mo bya ba yin gyi nyin par ni ma yin no/ /mi dpa' mo'i sngags ni/[ \u0f00] na ra bI re swA hA/ de bzhin du 'di'i ras ris kyang bri bar bya ste/ phug gi gnas ni ma gtogs te/ shing mya ngan med la brten pa bri bar byas la 'di'i khyad par ni 'di'o/ /las gzhan thams cad ni phug gnas ma de bzhin du bya'o/ /'di la ni sring mo zhes kyang brjod par bya'o/ /'di la las gzhan yang yod de/ zla ba gzas zin pa la btsag yug snam gro ba la btums te khar bcug nas ji srid du zla ba gzas btang gi bar du bzlas na/ de nas btsag yug snam gyi bud med dam skyes pa gang gi ming bris pa de dpag tshad brgya na gnas kyang de nas</font><hr>95.255b<br><font size=+1>

'ong bar byed do/ /tho rangs ni de nyid du khyer bar byed do/ /sring mo bzhin du bya ba rnams kyang byed do/ /phongs pa'i dus su yang srung ba chen po byed do/ /bzlas pa tsam gyis bud med thams cad dbang du byed par 'gyur ro/ /mi'i dbang mo'i cho ga ni 'di'o/ /gnod sbyin gzhon nu ma'i sngags ni/[ \u0f00] yak+Sha ku mA ri ke swA hA/ 'di'i cho ga ni gro ba la gi wang gis bri bar bya ste/ gzhon nu ma mgo'i skra phyed bcings pa rgyan thams cad kyis brgyan pa/ gos gcig pa lag pa g.yas pa na ma du lung ga'i 'bras bu 'dzin pa lag pa g.yon pas shing mya ngan med la 'dzin pa/ de lta bu'i gro ba'i 'dab ma mgo'i gnas kyi steng du gzhag par byas nas/ dgon pa'i phyogs su gcig pu nyal bar byas te/ tsan+dan dkar po'i lde gus dkyil 'khor byas la dus gsum du sna ma'i me tog gis gcal bkram par byas la gu gul gyi bdug pas bdugs nas/ rig pa stong rtsa brgyad zla ba gcig gi bar du bzlas te/ de nas zla ba nya ba la sna ma'i me tog gis mchod pa chen po byas la/ mar gyi mar me dang lha bshos kyang phul nas ku sha'i khres la nye bar 'dug nas/ ji srid du rnam thos sras kyi bu mo rang gi gzugs nyid kyis gzhon nu ma lnga brgyas yongs su bskor ba 'ong zhing phyogs de thams cad snang bar byas nas/ rang gi gzugs kyi nam mkha' la 'dug par 'gyur zhing / de yang 'di skad du bdag gis ci zhig bya zhes smras pa dang / de nas sgrub pa pos smra bar bya ba ni/ mchog gsum las gang yang rung ba gcig don du gnyer bar bya ba ni/ ma nyid dang sring mo nyid dang chung ma nyid do/ /gal te mar gyur na ni sems la 'gyod par mi bya ste/ 'gyod na ni rnam par 'jig pa 'byung bar 'gyur bas ma bzhin du bsgrub par bya'o/ /ma des kyang bsams pa tsam gyis 'khor lnga brgya dang bcas pa'i zas dang / gos dang rgyan gyi khyad par thams cad kyang yang dag par sgrub par byed do/ /nyin re zhing yang ti na ra stong ster bar 'gyur zhing gal te 'dzam bu'i gling thams cad du rnam par rgyu na yang thams cad yang dag par sgrub par byed do/ /gang gi tshe</font><hr>95.256a<br><font size=+1>

sring mor gyur na yang de'i tshe dpag tshad brgya las kyang bud med 'gugs par byed cing de nyid du yang khyer bar byed de/ sring mo'i las thams cad kyang yang dag par sgrub par byed do/ /ci ste chung mar gyur na ni rang gi khyim du khyer zhing lo stong du 'tsho bar yang byed do/ /gang gi tshe 'chi bar gyur pa de'i tshe yang rigs bzang por skye bar 'gyur te/ ngag thams cad kyang chung ma bzhin du yang dag par sgrub par byed do/ /chung ma gnod sbyin ma'i sngags ni/ /niH/ chung ma gnod sbyin mo 'di'i cho ga ni tsan+dan dkar po'i lde gus lag pa g.yas pa dang g.yon pa gur gum gyi lde gus nye bar byugs la/ lan stong du mngon par bsngags pa byas nas/ mtshan mo gcig pu mi smra ba'i dka' thub dang dben pa'i sa phyogs su sgo bcad la/ ba ru ra'i 'bras bu lnga'am brgyad til mar gyi nang du bcug la btsos te/ til mar de las ba ru ra'i 'bras bu blangs nas de la yongs su bzlas te/ gser dang / dngul dang / zangs ma dang / sa las byas pa'i snod sar pa la bcug nas/ nyal ba'i rkang pa'i mthar bzhag la/ gnod sbyin 'di nyid kyi sngags yi ge gcig pa stong gis mngon par bsngags pa byas nas/ gnas dben zhing mun pa'i phyogs su me tog gis gcal bkram pa la nyal bar byas na/ mi ma yin pa 'ongs nas rkang pa gnyis la lha'i bde ba'i reg pa 'jam pa'i lag pa'i mthil gyis bsku zhing byug par byed de/ gang gis reg pa tsam gyi lha'i bde ba'i reg pas gnyid 'byung bar 'gyur te/ gang gi nyi ma shar na yang mtshan mo'i mthar dka' ba'i gnyid sad par 'gyur te/ rab tu sad na yang de nyid sems par 'gyur te/ de dang lhan cig 'dod pa spyad par yang mi bya smra bar yang ma byas na zla ba drug gis 'grub par 'gyur ro/ /de nas de lha'i gzugs dang ldan pa'i bag ma sar pa 'dra ba/ g.yog 'khor gyis yongs su bskor ba/ lag na mar me thogs pa/ 'jig rten rnams 'od bzang po dag gis gsal bar byas pa/ mal stan yongs su</font><hr>95.256b<br><font size=+1>

'dzin pa/ rgyan sna tshogs 'bar ba dang ldan pa 'ongs nas kyang tshig rjod par byed la/ 'dod pa la longs spyod pa'i yo byad yongs su 'dzin pa 'ongs nas kyang / sgrub pa po la mgul pa nas 'khyud par byed de/ de nas bzung nas chung ma sdug pa bzhin du rjes su mthun par byed do/ /'ongs na yang 'dod pa la brten par bya'o/ /mtshan mo yongs su spyad nas tho rangs mi snang bar 'gyur te/ gser srang stong ri ba'i mu tig gi phreng ba mal du nyin re zhing yongs su bor nas 'gro bar yang byed do/ /lhag ma ma lus par thams cad nyin re zhing zad par byas te/ gal te cung zad 'jog par byed na yang yod par mi 'gyur ro/ /su la yang brjod par mi bya ste/ gal te rjod par byed na phyir yang 'ong bar mi 'gyur ro/ /yang na 'chi ba'i mtha'i bar du phung khrol byed par 'gyur ro/ /'di dag ni mchog tu gsang zhing mchog tu sba bar bya ba ste/ sems can gnyis pa la brjod pa ni bzod pa ma yin te/ tha na ma dang pha dang / gnyen bshes dang bdag po la yang smra bar mi bya'o/ /dud 'gro'i skyes gnas su song ba'i phyugs kyi srog chags la yang brjod par mi bya ste/ 'di ni mchog tu gsang ba yin te gsang ba pa thams cad dang gnod sbyin mo thams cad kyi'ang mchog 'di nyid do/ /gal te gzhan la brjod na ni grub pa yang mi 'grub par 'gyur ro/ /bud med gzhan dang rang gi chung ma la yang 'gro ba rtag tu spang bar bya'o/ /yid du 'ong ma'i sngags ni/[ \u0f00] ma no ha re ma dod sa ba ka ri pi tsitra/ ru bi Ne mai thu na pri ye swA hA/ de'i cho ga ni skyed mos tshal shing mya ngan med kyi rtsar shin tu dben par khang pa byed du bcug la shin tu rab tu dben par bya zhing / ra ba shin tu mtho ba la gser gyi sgo 'phar bya zhing gtsang mar byas la/ bzlas pa 'bum phrag gcig byas nas de nas las brtsam par bya ste/ zhag chen po blangs la dur khrod kyi skras snying po bya zhing sgo bcad la mar me sbar bar bya'o/ /ras kha tshar dang bcas shing</font><hr>95.257a<br><font size=+1>

skra dang bral bar ba tu gsar ba sgo'i phyi rol tu bzhag na/ mtshan mo de gcer bur 'ongs nas gos de bgos nas nang du 'jug cing / mi'i bud med kyi gzugs su byas shing de nas sgrub pa po de dang lhan cig ji srid mar me 'bar gyi bar du dga' bar byed do/ /mar me zad nas ni mi snang bar 'gyur ro/ /de la gos gcig bcings te gos yongs su bzhag nas mal stan nas 'gro bar byed do/ /yang na sgrub pa pos lag pa'i sor gdub bzhag pa las sor gdub gnyis pa yang bzhag nas 'gro bar byed do/ /yang na gdu bu dang rked pa'i 'og pag dang rkang pa gnyis kyi rkang gdub dang mgo'i nor bu dang de bzhin du gzhan dang / gzhan lha'i rgyan gcig cig gang de khyer ba de dang de rjes su ster bar byed do/ /'gro ba dang 'ong ba yang don med par mi byed do/ /de bzhin du nyin re zhing yang ma lus par thams cad zad par bya'o/ /de bzhin du zla ba drug na smra bar byed na/ de'i tshe smra bar byas na chung mar 'gyur ro/ /rtag tu gnas na bcud kyis len yang rab tu sbyin zhing / gang 'thungs pas dus rings por 'tsho bar 'gyur ro/ /yid kyis bsgoms nas seng ldeng gi phur bus sa brkos na lha'i gzhal med khang 'byung bar 'gyur la phyung na ni mi snang bar 'gyur ro/ /'di'i sngags gnyis pa yod pa ni/[ \u0f00] ma hA nag+ni nag+ni dze swA hA/ de nyid kyis mar me rab tu sbar la/ sngags 'dis lan brgya rtsa brgyad mngon par bsngags pa byas na nges par 'ong bar 'gyur ro/ /phur bus mngon par bsngags pa byas nas brko bar bya'o/ /phur bu phyung zhing mar me zad na mi snang bar 'gyur ro/ /phur bu dang mi'i zhag gi mar dang ba'i rwa'am ma he nag po'i rwa dang dur khrod kyi ras kyi snying po 'chang na/ yul gzhan du gang ci 'dod pa de yang ster bar byed do/ /yang na rang nyid bya ste sngags kyang gzhan la mi sbyin no/ /ci ste byin na ni rig pa chad par 'gyur ro/ /gang la byin pa de'i phun sum tshogs par 'gyur te/ gang 'dod pa de yang gnas dben par byed na 'di'i grub pa don</font><hr>95.257b<br><font size=+1>

med par mi 'gyur ro/ /yang na gzhan dang rtse bar ni byed de/ 'on kyang de dang lhan cig smra bar ni mi byed do/ /bud med gzhan dang phrad par mngon par 'dod pa'am yid la sems na yang de'i tshe zlos pa de'i gan du 'ong bar mi 'gyur te/ bud med gzhan dang ma phrad pa de'i dbang du 'gyur ba yin no/ /lha mdzes ma'i sngags ni/[ \u0f00] su ra sun+da ri swA hA/ 'di'i cho ga ni seng ldeng gi shing gis me rab du sbar la/ mar gyi sreg blugs kyis zla ba gcig la dus gsum du sbyin sreg stong rtsa brgyad bya zhing / de nas yar ngo'i zla ba nya la bsang byed kyi khres la 'dug ste/ gtsang zhing gtsang ba'i sa phyogs dben par ji srid nam phyed pa de srid du sngags bzlas pa byas na nges par 'ong bar 'gyur zhing de nas ma dang sring mo dang chung ma sngar ji lta ba de thams cad byed par 'gyur te/ thams cad kyang rgya cher brjod par bya'o/ /bdun po 'di dag gnod sbyin ma/ /phyag na rdo rje'i bka' yis kyang / /lha dang lha min khams gsum du/ /sa rnams kun tu yongs su rgyu/ /mi yul dag na sbyor bar dga'/ /snying rjer ldan zhing rnam par rgyu/ /kha cig phag ma byis pa dang / /gnod sbyin ma gzhan blun pa'o/ /gzhan dag phan byed 'tshe ba yang / /de bzhin mtshan mo yongs su rgyu/ /byis pa'i 'tsho ba 'phrog pa'i phyir/ /bskam zhing sha ni za byed gzhan/ /gang phyir 'dzam gling 'ongs pa ni/ /de bzhin khrag la chags byed pa'o/ /rtag tu srog la gnod byed pa'i/ /khrag la dga' ba'i gnod sbyin mo/ /srung byed 'chi dang bcas gyur pa'i/ /khyim ni kun tu yongs su rgyu/ /de dag tshar bcad bsgrub don du/ /dam tshig 'di ni rab tu bstan/ /ji ltar 'dod chags 'ching ba la/ /byis pa rnams ni bsdus pa'i don/ /sems can rnams la phan pa'i phyir/ /de ltar 'di kun gsungs pa yin/ /'dod chags kyis ldongs sems rmongs pa'i/ /gang tshe sngags pa 'khrig don gnyer/ /sngags kyis bkug byas longs spyad pa/ /gnod sbyin mo'am srin mo'am/ /klu mo'am yang na dri za'am/ /mi'am ci'am</font><hr>95.258a<br><font size=+1>

lha min ma/ /lha min lha bas mchog gyur pa'i/ /sa 'og gnas ni nyams dga' bar/ /gang du bud med grangs med pa/ /sngags shes der ni rab tu 'jug /sngags shes sngags ni zlos pa dag /der song bskal par gnas par 'gyur/ /byams pa zhes bya'i rdzogs sangs rgyas/ /sangs rgyas chen po 'byung 'gyur te/ /de tshe de ni dam chos thos/ /thos nas rab tu grol bar 'gyur/ /lha dang lha min bu mo dang / /rig 'dzin bu mo dam pa dag /sngags kyis bkug nas spyod byed cing / /de tshe lha yi bde bas dga'/ /sngags pa 'dzam bu'i gling gnas pas/ /de nyid du ni rtag 'dren pa/ /gang tshe gtsang gnas gsang ba dang / /gtsang sbra spyod la rtag dga' ba'o/ /grub pa dam pa rmongs rnams la/ /nam yang sems la 'byung mi 'gyur/ /bshang gci mi gtsang gnas dang ni/ /rtag tu dri nga rul ba dang / /nad kyis sdug bsngal mya ngan dang / /tha mar 'chi zhing sdug bsngal snod/ /bral ba'i rnam par yang dag ldan/ /mi yi bud med reg mi bya/ /mi rtag sdug bsngal stong pa dang / /stong pa gsog dang ther zug med/ /byis pa rnams ni rjes brid dang / /kun tu rtogs las byung ba la/ /thog ma med las 'dod kun 'byung / /sngags pas 'dod pa bsten mi bya/ /de dag chags bral zhes gsungs te/ /rnam grol de dag grub pa nyid/ /gang zhig 'dod la chags bral ba/ /'di yi sngags ni 'grub par 'gyur/ /bshang gci khrag gis brlan pa dang / /rul bas kun tu khyab pa dang / /rga dang 'chi dang mya ngan bcas/ /mi yi lus la reg mi bya/ /rmongs pa'am chags pa'i sems kyis ni/ /der ni 'khrig pa brten mi bya/ /de dag rtag tu mi gtsang brten/ /sngags kyi grub pa rnyed mi 'gyur/ /sngags shes sngags kyi gzugs can dang / /shes ldan dbang po thul ba dang / /dpa' bo gtsang ba'i spyod la dga'/ /rtag tu de yi sngags kyang 'grub/ /pad ma mtho ma rab dga' ma/ /mi pham ma dang rtag</font><hr>95.258b<br><font size=+1>

rgyal dang / /sngo bsangs ldan pa'i gnod sbyin mo/ /rdzu 'phrul che 'di gnod sbyin mo/ /pad ma mtho ma'i sngags ni/[ \u0f00] pad ma uts+tshe swA hA/ 'di'i cho ga ni gang gA'i ngogs sam rgya mtsho'i ngogs sam skyed mos tshal gyi me tog gi ldum ra'i nang du lo ma'i spyil po byas te rab tu gtsang zhing bdag nyid kyang gtsang bar byas la/ rdo 'am sa'i sgo glegs byas la de nyid du mtshan mo sgo bcad nas 'dod pa'i yo byad kyi longs spyod rnams bsogs te/ de nyid du bdag nyid dang nye bar gnod sbyin mo'i mal yang bsham par bya ste/ rig pa stong phrag bcu bzlas pa byas la/ de bzhin du zla ba gcig byas na nges par 'ong bar 'gyur ro/ /'ongs nas kyang 'dod pa la longs spyad par byas na/ mu tig gi phreng ba bzang po mal du yongs su bor nas tho rangs 'gro bar 'gyur te/ ji srid zla ba drug gi bar du nyin re zhing rtag tu gnas par 'gyur ro/ /gal te mu tig gi phreng ba de len na ni de tsam kho nar yod par 'gyur la/ phreng ba rin po che chen pos nye bar mdzes par byas pa de ni ti na ra 'bum ri ba yin no/ /zla ba drug 'das nas ni rtag tu gnas par 'gyur ro/ /chung ma 'dod pa thams cad ster bar byed pa ji ltar rjes su mthun pa 'dod pa de ltar rjes su mthun par byas te/ nye bar gnas par byed do/ /sgrub pa pos 'dod pa bzhin du ji ltar 'dod pa bdag nyid kyis mngon par sprul bar byed do/ /gnod sbyin mo thams cad kyi cho ga yang 'di yin no/ /ji ltar bstan pa 'di dang gzhan du yang sbyar bar bya'o/ /rgyal ba ma'i sngags ni/[ \u0f00] dza ye su dza ye dza ya ma ti sarba kA Ni me ku ru swA hA/ gser mdog lus ni sna tshogs lus/ /sngo zhing 'khyil pa'i skra dang ldan/ /lha mo yan lag kun mdzes ma/ /zhi ba'i 'od ldan skal ldan dge/ /snyan smra sgeg ldan gtso mo ste/ /mu tig 'od ldan mthong na mdzes/ rab bsngags gzugs ldan smin ma mdzes/ /</font><hr>95.259a<br><font size=+1>

'jig rten kun gyis legs par mchod/ /cung zad dmar ba'i gos gyon pa/ /de ni rgyal mar mngon par ston/ /'di'i cho ga ni dang po 'bum phrag gcig bzlas pa byas na sngon du bsnyen pa byas par 'gyur ro/ /de nas dgon pa chen por rab tu zhugs nas/ 'bras bu'i zas za zhing ji srid du rang nyid kyi gzugs kyis 'ong ba de'i bar du bzlas pa bya'o/ /'ongs nas kyang smra ba ni ci zhig bya zhes so/ /gal te mar gyur na ni ma bzhin du re ba thams cad yongs su rdzogs par byed cing / rgyal thabs ster bar byed la nor gyi bdag po chen po yang byed la tshe ring ba nyid du yang gnas par 'gyur ro/ /ci ste sring mor 'gyur na ni dpag tshad stong du gnas kyang ji ltar 'dod pa'i bud med 'gugs par byed de nyin re zhing yang ti na ra 'bum sbyin par byed de de yang zad par bya'o/ /ci ste chung mar gyur na ni rang gi gnas su khyer te/ lha'i gzhal med khang du 'dzegs nas/ de dang lhan cig dga' bar byed cing / dus ring por lo stong phrag sum cu'i bar du ji ltar 'dod par rnam par spyod de/ gnod sbyin chen po dang 'dra bar 'gyur ro/ /rab tu dga' ma'i sngags ni/ /\u0f00 hrI Sh+TI ma hA nag+ni hU~M phaT swA hA/ 'di'i cho ga ni mtshan phyed kyi bar du bzlas pa grangs med pa byas te/ phyir yang gnyid log par ma byas na zla ba gcig gi nang du nges par 'ong bar 'gyur ro/ /chung mar 'gyur na ni 'dod pa thams cad sbyin par byed de/ nyin re zhing ti na ra nyi shu rtsa lnga rab tu sbyin par byed do/ /rang gi mdzod nyid kyang ston par byed do/ /dus ring por yang 'tsho bar byed do/ /de bzhin du gnod sbyin mo brgya stong phrag du ma yang yod do/ /de bzhin du sha za mo dang sha za mo rdzu 'phrul che ba dang / klu'i bu mo dang / lha ma yin gyi bu mo dang / lha'i bud med dang / lha ma yin gyi bud med dang / de bzhin du rig pa 'dzin pa thams cad kyi bud med dang mi dang mi ma yin pa</font><hr>95.259b<br><font size=+1>

thams cad kyi sngags grangs med pa dag kyang yod do/ /de bzhin du gnod sbyin rnams dang / lha rnams dang / klu rnams dang / drang srong rnams dang / dri za rnams dang / lha ma yin rnams dang / yi dgas rnams dang / srin po rnams dang / tshangs pa chen po dang / dbang phyug chen po dang / khyab 'jug dang / ma mo rnams dang / dbang mo dang / rgan byad ma dang / phag mo la sogs pa'i sngags rnams kyang yod de/ so so so sor thams cad dam tshig gis 'dir bkug nas khro bo'i rgyal po gshin rje gshed kyis zos pa dang dam tshig la bzhag cing / 'jam pa'i dbyangs la nye bar gtad nas rjes su 'brang bar 'gyur te/ go rims bzhin du gnas shing bsnyen bkur yang byed do/ /thams cad kyi yang mdor bsdu na 'khrul 'khor gyi gzugs sam de nyid kyi gzugs brnyan byas nas khro bo'i rgyal po gshin rje gshed kyi rig pa ci srid gzugs brnyan rab tu 'gul ba'am rab tu g.yo ba'am rdul 'byung ba'i bar du bzlas pa byas na rang nyid kyi gzugs kyis 'ong bar 'gyur te/ gang smras pa de thams cad yang dag par sgrub par byed do/ /de bzhin du gang gzhan yang gzhon nu ma bzhi gnod sbyin ma chen po'i ming po tum bu ru zhes bya ba yang dag par rten pa/ gru'i theg pa la yang dag par zhon pa/ 'jig rten thams cad kyis rab tu mchod pa/ sems can rnams rjes su 'dzin par byed pa de dag kyang cho ga 'di bzhin du bya'o/ /dper na ras sam rtsig pa'am spang leb la mtsho'i dkyil du bri bar bya ste/ gru'i theg pa la zhon pa phu bo ming po'i rjes su 'gro ba bu mo bzhi po nyid kyang rgya mtsho'i nang du zhugs shing mnyam par 'dug pa'o/ /de dag mi snang gnas bzhag nas/ /khro bo'i bzlas pa yang dag brtsam/ /de tshe g.yo 'gul rdul 'byung bar/ /de dag kun ni skye 'gyur bar/ /de tshe grub pa yin shes nas/ /sngags kyi bzlas pa yongs su btang / /</font><hr>95.260a<br><font size=+1>

mtshan mo'i tha mar rang tshul nyid/ /dge dang mi dge ston par 'gyur/ /skad cig gis ni zlos pa yis/ /don rnams thams cad sgrub par 'gyur/ /khro bos bkug cing rgyas byas nas/ /smras pa thams cad byed par 'gyur/ /rtag tu nyi ma sogs kyi gza'/ /de bzhin drang srong srin po dang / /nam mkha' lding dang sha zas kyang / /rdzu 'phrul chen po de dag mchod/ /dbang phyug che sogs 'byung pos kyang / /rdzu 'phrul chen po de dag mchod/ /de dag gis bshad cho ga dang / /sngags rgyud rgya che bcas pa yi/ /thams cad de dag khro rgyal gyi/ /'bad pa med par dbang du 'gyur/ /gang dag sngags ni ci yod pa/ /khro bo 'chol ba rnyog 'byung ba/ /de kun khro bo'i rgyal po yi/ /de dag bsgo ba mnyan par bstan/ /gang yang 'phags pa'i sngags dag ni/ /thams cad kun 'gro'i khyad par can/ /mchog dang rab mchog drag po dang / /gang yang de bzhin rgyal bas gsungs/ /de bzhin pad ma 'dzin sngags dang / /bdag nyid kyis kyang rab bshad dang / /gang yang gzhan gyi sngags mchog ni/ /rigs lnga dag gis gsungs pa dang / /rdzu 'phrul chen po 'jig rten pa'i/ /rgyal ba'i sras kyis gsungs pa dag /khro bo'i rgyal po rdzu 'phrul ches/ /thams cad de dag yang dag 'gugs/ /sngags dang rgyud ni thams cad kun/ /bstan pa 'di la nges par 'brel/ /gang zhig gang dag cho gar bstan/ /de nyid 'dir ni nges par sbyar/ /gshin rje gshed ni khro rgyal gyi/ /las kun byed pa'i mchog yin no/ /sgrol ma khro gnyer can nyid dang / /de bzhin gos dkar mo dang ni/ /de bzhin dkar chen rigs ma dang / /rdo rje'i rigs 'byung mA ma kI/ /gtsug tor 'byung ba thams cad dang / /lha mo spyan ni nyid dag dang / /de bzhin gshegs kun rig pa dang / /mthu chen thob dang kun bzang dang / /pad ma 'dzin pa'i mnga' bdag dang / /bdag kyang 'jig rten gnod sbyin bdag /byang chub sems dpa' rdzu 'phrul che/ /rgyal sras rmad du byung ba dang / /dpung bzang 'jig rten rnam par grags/ /</font><hr>95.260b<br><font size=+1>

rdo rje'i sde dang sde bzang dang / /blo ldan chos kyis 'phags pa dang / /bdag gis kyang ni bshad pa'i sngags/ /zlos pas brnyas par mi bya'o/ /sngon du rtag tu mchod bya zhing / /legs gsungs de dag bgom mi bya/ /khro bo'i rgyal po legs mchod cing / /der ni zlos pas sbyar mi bya/ /dus rnams kun tu sngags dag la/ /de dag rig pa bcad mi bya/ /ji bzhin las ni kun la yang / /'jig rten sngags kyi lha dag ni/ /dka' zlog bde byed tshangs sogs dang / /lha chen la yang legs par mchod/ /ji ltar rgyud la sngags rnams ni/ /de bzhin nyid du'ang kun la bya/ /thams cad sngags ni kun la yang / /thams cad nyid du'ang yang dag bstan/ /sngags kun rab tu 'jug pa yang / /khro bo las ni yang dag 'byung / /sngags 'di khro bo chen po ni/ /gshin rje gshed ces bya ming gis/ /bdag nyid chen po gshin rje yang / /myur du bkug nas 'joms par byed/ /nyi ma'i bu ni gshin rje dang / /brgya byin bdag nyid chen po yang / /bkug nas dbang med mi bzad pa/ /gdul dka' 'dul byed mnga' bdag yin/ /sngags 'di sngags ni chen po ste/ /'jam pa'i dbyangs kyis bshad pa yin/ /ma rungs las rnams thams cad byed/ /sngags kun rab tu sgrub par byed/ /de skad smras nas dpal ldan ni/ /lag na rdo rje rdzu 'phrul ches/ /shAkya seng ge mi yi mchog /dpa' chen sangs rgyas la btud nas/ /sngags 'khor rten pa'i rdo rje can/ /rdzu 'phrul can gyis sngags rnams gsungs/ /'byung po kun tshogs dge ba ni/ /sems can kun gyis mnyan pa yin/ /sngags rnams kun tshogs lha byed pa/ /sngags kyi mchog ni bdag gis bshad/ /blo dang ldan pa 'jam pa'i dbyangs/ /byang chub sems dpas bshad pa yin/ /mi bzad gdul dka' 'dul byed pa/ /ma rungs thams cad zlog par byed/ /'phags pa 'jam dpal gyi rtsa ba'i cho ga byang chub sems dpa'i sde snod phal po che theg pa chen po shin tu rgyas pa'i mdo las/ gnod sbyin mo sgrub pa'i cho ga rab 'byam las le'u sum cu</font><hr>95.261a<br><font size=+1>

rtsa lnga pa rdzogs s+ho// // de nas gzhan yang bshad bya ba/ /sdug bsngal spang zhing bde bya ba/ /sdug bsngal spang zhes bstan pa ni/ /mdor bsdus na ni bzlog pa yin/ /de nyid theg pa rnam gsum du/ /nga yi 'di ni bstan pa yin/ /mi rtag sdug bsngal bdag med dang / /'dus byas thams cad skad cig nyid/ /gsob dang rtag tu kun stong par/ /'khor ba'i 'ching ba nges par bstan/ /de las chags bral rnam gsum 'gro/ /sems can dge la brten pa yin/ /byang chub sems dang sangs rgyas dang / /rang rgyal byang chub la brten dang / /'dod chags bral ba rdzu 'phrul che/ /de bzhin gzhan dag dgra bcom nyid/ /nyan thos byang chub la brten nas/ /rnam gsum zhi ba thob par byed/ /chos 'di dag ni mdor bsdu na/ /dge dang mi dge bstan pa yin/ /rtag tu mi dge spang bya ste/ /dus rnams kun tu dge ba spyad/ /'byung po kun la mi 'tshe bar/ /ngas ni chos kyang rab tu bstan/ /'gro ba lnga po'i lam nyid du/ /chos 'di nyid ni 'gyur ba yin/ /gang zhig zag med chos rnams ni/ /yang dag mtha' la yang dag brten/ /dang po'i sangs rgyas snga ma yis/ /'di nyid lam du gsungs pa yin/ /zhi ba mya ngan 'das 'gro bar/ /ngas kyang thams cad bstan pa yin/ /chos kyi mtha' la brten nas ni/ /yang dag mtha' ni thob pa yin/ /chos rnams kun gyi mtha' med pa/ /yang dag mtha' zhes brjod pa yin/ /chos 'di dag ni mdor bsdus nas/ /nyon cig lha ni thams cad dang / /byang chub sems dpa' rdzu 'phrul che/ /dgra bcom nyan thos dag kyang nyon/ /nga ni sa steng mya ngan 'da'/ /kha ba can gyi nang dag tu/ /sA la'i nags ni yang dag 'byung / /gser dang ldan pa'i chu bo dang / /gyad rnams kyi ni nye 'khor du/ /sA la zung gi nags nang du/ /nga ni mya ngan 'da' bar 'gyur/ /grong khyer ming ni sdig pa can/ /cod pan bcings pa'i mchod rten dang / /chu bo'i 'gram ni rtag nyams dga'/ /der ni sa steng mya ngan 'da'/ /byang chub sems dpa' thams cad dang / /</font><hr>95.261b<br><font size=+1>

rdzu 'phrul che ldan nyan thos dang / /lha dang klu dang gnod sbyin dang / /'jig rten skyong ba rdzu 'phrul che/ /brgya byin tshangs bcas 'dab bzang dang / /gzhan yang 'og min la sogs lha/ /der ni thams cad 'dus par ni/ /rab tu 'byung bar 'gyur ba yin/ /der ni gyad kyi nye 'khor dang / /gang gA'i byang phyogs 'gram dag ni/ /chu bo chen po de las gzhan/ /kha ba can ri'i lho phyogs char/ /sA la'i nags zhes bya ba 'byung / /de tshe nub phyogs bltas pa'i mal/ /de yi gnas su 'byung bar 'gyur/ /de tshe chu bo rab dga' ba/ /bzang po gser ldan 'gram dag tu/ /lha rnams kun gyi tshogs la sogs/ /'dus pa dag ni 'byung bar 'gyur/ /mi dang rgyal po'i mchog rnams dang / /mi dang mi ma yin pa 'byung / /de tshe mi dang 'byung po kun/ /de tshe byis pa 'phags pa dang / /dga' ston chen po dga' chen ltar/ /gnas de la ni yang dag 'dus/ /rang lus zang zing bcas par ni/ /bzang po chen po'i bkod pa'ang byas/ /chos kyi mtha' ni yongs spangs nas/ /yang dag mthar ni yang dag zhugs/ /de tshe sngon gyi skye ba ni/ /ser skya'i grong khyer gzhi dag tu/ /shAkya'i rigs kyi gtso bo ni/ /nga ni 'khor ba'i btson rar skyes/ /bdag gi sdug bsngal bdag nyid kyis/ /khyim las nges 'byung yongs su spangs/ /de tshe mu stegs mang po bsten/ /bdud rtsi dag kyang thob ma gyur/ /dka' ba dag kyang bdag gis spyad/ /lus kyi gdung ba'ang yun ring ba/ /lo drug tu ni bsten pa yis/ /lus kyang zhig cing rnam par skams/ /shes dang shes bya gsal ba ni/ /ngas ni cung zad thob pa med/ /de nas nga ni langs nas kyang / /'bras chen dkar ba'i zas kyang zos/ /lha rnams kyis mchod lam dag ni/ /der ni sa steng nga yis bgrod/ /chu bo nai rany+dza na'i 'gram/ /shing gi rgyal po legs mdzes pa/ /me tog rnam pa du mas khyab/ /de 'gram sa ni nyams dga' ba/ /nags chen 'bras bu ldan pa</font><hr>95.262a<br><font size=+1>

dang / /rnam pa sna tshogs shing dag 'byung / /chu bo chen pos yongs bskor ba'i/ /shing gi rtsar ni nga yis phyin/ /sa yi cha ni mthong tsam gyis/ /bdag gi sems ni brtan pa thob/ /de lta'i shing ni bdag gis mthong / /yal ga lo ma nyer mdzes pa'i/ /shing chen grib ma chen po ni/ /rtsa ba mi mngon nyer spyad 'os/ /shing rtsa a shwat+thar 'dug nas/ /sems ni shin tu dang bar gyur/ /bsam gtan dang ni ting 'dzin dang / /der ni brtan pa'ang mngon par 'thob/ /mtshan mo'i mthar ni skye mthar byed/ /der ni snang ba med pa'ang 'thob/ /bdud kyi bgegs ni rnam mang po/ /rnam pa du ma rab tu sbyar/ /sde rnams bcom nas slar ldog cing / /rang gi gnas su'ang de dag song / /sngags dang rgyud ni 'di don du/ /rnam pa mang po'ang gsungs pa yin/ /rnam pa du ma'i sbyor ba dang / /bsam gtan shes pa'ang bstan pa yin/ /der ni theg pa gsum yang spyad/ /gzhan dag sems can rten la 'dzud/ /nyes pa rnam pa gsum nyid kyi/ /gnyen po dag kyang rab tu bstan/ /de nas langs nas yang song nas/ /grong khyer lteng rgyas chu bzang gis/ /khrus byas der gnas drang srong rnams/ /slob mar bcas pa'ang rab tu phyung / /sems can rnam mang don byas nas/ /de nas nga ni yang dag 'das/ /ka shi'i grong ni nyams dga' bar/ /mthar gyis su ni yang dag zhugs/ /rdzu 'phrul chen po sngar sangs rgyas/ /de yi gnas su'ang bzhugs pa yin/ /ka shi skye bo'i yul dag tu/ /der ni rang bdag nyid gnas 'gyur/ /zhi ba mya ngan 'das byed pa'i/ /dam chos chos kyi 'khor lo bskor/ /'jig rten lha dang lha min bcas/ /'gro ba lnga la yang dag brten/ /'byung po kun la bde ba'i phyir/ /der ni chos kyang rab tu bstan/ /der ni snga ma'i sangs rgyas kyis/ /chos kyi 'khor lo rab tu bskor/ /chos kyi 'khor lo bla na med/ /de ni nga yis rab tu bstan/ /srid las grol zhing bde don dang / /sems can nyes pa bzlog pa'i</font><hr>95.262b<br><font size=+1>

phyir/ /bde zhing zhi bar gzhol ba'o/ /tshangs pa'i 'khor lo rab tu bskor/ /srid pa'i lam ni gzhig don dang / /bden bzhi'i ting 'dzin las byung ba'i/ /'phags lam yan lag brgyad pa ni/ /tshangs pa'i gnas bzhis rnam par brgyan/ /rten cing 'brel bar 'byung dang bcas/ /rnam pa bcu gnyis byas pa yin/ /ma rig 'gag par yang dag ldan/ /rig pa bskyed pa'i rim las byung / /yang dag mtha' yi legs mthar skyes/ /de nyid mthar ni bstan pa yin/ /lugs su 'byung dang bzlog pa dag /tha mar bdag nyid rtogs chen skyes/ /sems can mang po thar don du/ /zhi ba'i 'khor lo yang dag ldan/ /nyams dga' ka shi'i grong spangs nas/ /de tshe bdag ni mnyan yod song / /de tshe mu stegs gdul bya'i phyir/ /cho 'phrul chen po'ang byas pa yin/ /mi yul dag tu rdzu 'phrul ni/ /de tshe yang dag bstan par byas/ /mu stegs mang po'i gnas dag tu'ang / /de tshe'ang rab tu dga' bar byas/ /yul ming me thab ces bya bar/ /lha las babs pa bzang po byas/ /sum cu rtsa gsum dag tu yang / /chos nyid la ni brgya byin sbyar/ /de nas 'og min lha sogs dang / /tshangs sogs brgya byin bcas pa dang / /rnam thos gnod sbyin dbang dang bcas/ /rgyal chen bzhi yi ris dag dang / /rtag tu myos dang gzhong thogs dang / /pi wang gsum pa phreng thogs dang / /lha dang gnod sbyin tshogs rnams kun/ /sa bla lha dang bar snang gnas/ /'phags pa gnod sbyin tshogs bdag dang / /lha dang lha min thams cad kyang / /chos kyi 'bras bu ldan par byas/ /mya ngan 'das gsum rjes 'gro byas/ /sems can bsam gyis mi khyab pa'ang / /de tshe legs pa nyid la btsud/ /de dag rtsis kyi grangs med pa/ /'khor ba'i mtha' bzhin de mtha' med/ /stong chen po yi 'jig rten gyi/ /khams dang 'dra bar bsam mi khyab/ /rtag tu sems can mang po ni/ /bden pa'i don la yang dag sbyar/ /de tshe der ni nga 'ongs nas/ /gnas</font><hr>95.263a<br><font size=+1>

gtsang steng du gnas nas kyang / /theg pa gsum la rjes 'jug pa'i/ /dam chos sngags ni rab tu bskor/ /sems can gdul bya la brten nas/ /nga yis cho ga'i rgyal po 'di/ /'jig rten mang la rab bstan nas/ /'jam pa'i dbyangs la'ang gtad pa yin/ /nga ni 'jig rten mya ngan 'das/ /sa steng stongs par gyur pa na/ /de nas 'jam dpal sems can la/ /sangs rgyas mdzad pa byed par 'gyur/ /thub dbang yongs su mya ngan 'das/ /dam pa'i chos ni bsrung ba'i phyir/ /de tshe rtag tu srung bar ni/ /'jam pa'i dbyangs ni 'gyur ba yin/ /sngags ni rab tu dbye don du/ /cho ga rgya chen bstan pa yin/ /de tshe dus kyi tha ma la/ /ma rungs mi bzad chen po yi/ /mi bdag gdug pa chen po ni/ /phan tshun gsod pa dag la dga'/ /sdig pa'i las can spyod pa ngan/ /de tshe longs spyod chung ba dang / /de tshe dus kyi tha ma la/ /'byung bar 'gyur bar the tshom med/ /sA la zhes bya'i nags su ni/ /de dag mchod don rtsom par byed/ /chu bo gser ldan 'gram dang ni/ /cod pan 'ching ba'i mchod rten du/ /zhi ba'i dbyings la brten pa'i phyir/ /nga ni mya ngan 'das mal 'cha'/ /lus ni sreg pa'i shing la bzhag /rdzogs longs spyod pa longs spyod spangs/ /de'i sngon mdzad pa nyid dang ni/ /nga yi rmad byung spyod mthong nas/ /nga yi gdul bya'i spyod yul dang / /sangs rgyas gdul bya'i mdzad pa dang / /spyod pa dge ba sna tshogs de/ /mi yi bdag po kun dran nas/ /thams cad mchod pa byed par 'gyur/ /lha dang lha min mir bcas pa/ /de nas sa bdag kun 'dus nas/ /de tshe nga yi drung du ni/ /dga' ston chen po mchod pa kun/ /byed par 'gyur bar the tshom med/ /sku ni shing la rab bteg nas/ /zang zing yon tan 'byung ba'i gnas/ /dge ba dang ni mi dge dang / /bsod nams bsod nams ma yin spangs/ /yang dag mtha' don stong nyid mtha'/ /phung po lnga ni 'byung ba che/ /sems can mang pos de rjes mthong / /</font><hr>95.263b<br><font size=+1>

bsod nams che ba'i don du sbyar/ /rdzu 'phrul chen po 'dod chags bral/ /nyan thos chen po bdag nyid che/ /byang chub sems dpa' thams cad kyang / /sa bcu la ni yang dag gnas/ /yang dag mtha' ni rtogs nas kyang / /chos kyi mtha' la yang dag gnas/ /sems can kun la snying brtse bar/ /kun gyis yongs su bskor nas gnas/ /lha yi tshogs ni thams cad dang / /'phags dang so so'i skye bo dang / /'di kun bsod nams chen po'i gnas/ /mchod rten la ni 'dus par 'gyur/ /mi rtag sdug bsngal don gnas nas/ /dang ba'i sems ni rab tu thob/ /mchod rten mtha' yi nyen kor du/ /'byung po'i tshogs kyang 'dug pa yin/ /mchod pa chen po byas nas ni/ /smre sngags 'don cing ngu bar byed/ /dbugs 'byin snying rjes brlan nas ni/ /mchi ma'i thigs pa'ang rab tu 'dzag /smre sngags 'di ltar kun 'don pa/ /mi rtag sdug bsngal stong pa yi/ /sangs rgyas chos ni sngar ston mdzad/ /da ltar sa steng 'di la ni/ /de 'dir thub mchog dam pa ni/ /drang srong mchog gyur bdun pa dang / /sems can kun mchog shAkya'i rgyal/ /de mthong ba yi tha ma yin/ /sdug bsngal mi rtag ston pa yi/ /bcom ldan de 'di gzims pa yi/ /mthong ba yi ni tha ma 'am/ /stong nyid don dam ston byed dang / /thog ma nas zhi don ston pa/ /lha yi tshogs dag ci yi phyir/ /kye ma mnga' bdag sad mi byed/ /rdzu 'phrul chen po lha yi bu/ /thams cad 'dir ni lhags par 'gyur/ /dpa' bo chen po chos don gnyer/ /rdzu 'phrul chen po nyan thos dang / /sems can kun ni sdug bsngal ba'i/ /mi dang lha dang lha ma yin/ /chos kyi 'khor lo rjes bskor ba'i/ /de yi dus ni 'di dag yin/ /bcom ldan khyod ni myur du bzhengs/ /sangs rgyas dus kyi rjes 'gro ba/ /rgya mtsho chen po'i dus bzhin du/ /thub pas de 'drar mi 'da' mdzod/ /yun ring dus nas brten mdzad pa'i/ /</font><hr>95.264a<br><font size=+1>

sems can mang po'i don mdzad stsol/ /zhi ba mya ngan 'das lam mam/ /bsam gtan rnam thar bstan du gsol/ /de ltar rnam pa du ma yi/ /smra ba mang po'i tshig brjod nas/ /rdzu 'phrul chen po'i lha yi tshogs/ /de nas thams cad cang mi smra/ /mtshungs med smre sngags byas nas ni/ /bdud dang bcas pas rab tu 'dug /yun ring ngu zhing smre byas nas/ /'gul nas mchi bcas sgra 'dzer bcas/ /mya ngan yid mi bde dang bcas/ /tshangs sogs lha dang lha min bcas/ /mi dang mi yi bdag po kun/ /sa steng de la gnas par 'gyur/ /gzhan yang shAkya'i rigs skyes pa/ /rdzu 'phrul chen po 'dod chags bral/ /bdag nyid chen po sangs rgyas ni/ /lha yi lha yi gnyen gyur pa/ /dge slong ma 'gags pa zhes bya/ /de gcung mi yi nang na dge/ /shin tu phra la mkhas shing gsal/ /chags bral lugs la mkhas pa dang / /dgra bcom gtso bo rgyal po ni/ /du ma'i 'khor gyis yongs su bskor/ /mya ngan gyis bskyed dbugs phyung nas/ /shin tu yun ring tshig kyang smras/ /snying rje yid mi bdes drangs pas/ /rgyal po dang bcas gyad rnams la/ /grogs po re zhig shing la ni/ /me ni 'jug par ma byed cig /ji srid bcom ldan sras po ni/ /mchog gyur chos nyid las byung ba/ /de ni nyan thos rdzu 'phrul che/ /'od srung chen po zhes bya ba/ /thub pa chen po blo yi mchog /bram ze'i rigs skyes zang zing med/ /ma ga d+hA yi mi nang skyes/ /ri bo der ni mnyam par bzhag /grong khyer rgyal po'i khab mchog tu/ /pi ba la yi khyim du gnas/ /de ni myur du 'dir 'ong bar/ /byed kyi gzhan du ma yin no/ /lha ni gang zhig der dang ba/ /sku la me 'bar nges bzlog pas/ /de bar sku la me gtong ba/ /ngal ba don med ma byed cig /ji srid rdzu 'phrul che ba'i mchog /nyan thos thub pa thugs dgyes des/ /'jig rten gsum mchod sangs rgyas dang / /ston pa 'jig rten gyis mchod la/ /zhabs la spyi bos phyag 'tshal nas/ /bla ma g.yas su bskor byas pa/ /de tshe sku 'di</font><hr>95.264b<br><font size=+1>

sbar don du/ /der ni kun gyis rab byos shig /gang tshe sngar ni sbar gyur na/ /kun tu 'bar ba'ang don med 'gyur/ /thams cad don med ma byed cig /'dir ni ngal ba kho na 'byung / /blo dang ldan pa ma 'gags pas/ /kun la de skad smras nas ni/ /mi dang mi yi bdag po dang / /gyad rnams kun kyang 'dug par gyur/ /mi yi rigs su nga skyes shing / /mi rnams kyis kyang rab tu skyed/ /longs spyod rnam mang gzhan dang ni/ /bzo dang sgyu rtsal dge ba'ang bskyed/ /sa steng shing gi rtsa dag tu/ /mi yi gzugs kyis byang chub thob/ /sangs rgyas kun gyi mdzad pa ni/ /mi rnams la ni chos kyang bstan/ /de nyid phyir na mi rnams kyis/ /sku sbyang don phyir me yang sbar/ /nga ming 'byung po kun gyi ni/ /mchog nyid du ni gyur pa yin/ /mi yi 'jig rten zhi ba dang / /nga ni mya ngan 'das par brtags/ /gang dag sangs rgyas thams cad ni/ /'das dang ma 'ongs da ltar gyi/ /thams cad mi yi 'jig rten du/ /mi yi lus su yang dag 'byung / /skye dang byang chub de bzhin du/ /dam chos 'khor lo dge ba spyod/ /zhi ba yang dag kun gshegs par/ /de bzhin rang rgyal dgra bcom pa/ /mi yi lus la brten nas ni/ /bla med zhi bar gshegs pa yin/ /bskal pa bsam gyis mi khyab par/ /de dag la ni ngas phan byas/ /nga ni phyi mar zhi ba dang / /bsil bar gyur cing 'gog par gyur/ /sa steng stongs par gyur pa na/ /der ni sku gdung rab bzhag pa/ /mi rnams la ni phan don du/ /mchod pa rjes su gzung 'dod pas/ /'jig rten lha dang lha min bcas/ /mi dang gnod sbyin mkha' lding bdag /srin po yi dgas grul bum dang / /rdzu 'phrul chen po'i sha za rnams/ /'byung po dag ni thams cad dang / /gzar bcas ma mo rnams dang ni/ /de bzhin 'jig rten thams cad ni/ /grangs med bsam gyis mi khyab khams/ /srog chags thams cad nyid dag ni/ /mchod pa'i don phyir sku gdung dag /sa steng stongs par gyur pa na/ /de yi tshe na yang dag bzhag /kha cig sa steng mi dag dang / /lha yi rgyal po de bzhin gzhan/ /lha min dbang po rdzu 'phrul che/ /sa 'og gnas pa gzhan dag dang / /</font><hr>95.265a<br><font size=+1>

de bzhin klu rgyal lha min dag /sku gdung so so so sor ni/ /yon tan ldan pa rdzu 'phrul ches/ /phyogs nas thams cad bdag gir byas/ /rang gi gnas su khyer nas ni/ /de tshe mchod pa byed 'gyur zhing / /rdzu 'phrul chen po sangs rgyas su/ /thams cad the tshom med par 'gyur/ /mchog dang tha ma bar gnas pa'i/ /sems ni dad pa rnam gsum gyis/ /'jig rten rnam gsum 'gyur ba ni/ /sangs rgyas bse ru dgra bcom thob/ /theg pa rnam gsum 'jig rten gsum/ /rnam gsum yang dag bstan pa yin/ /theg chen la 'jug lam gyis ni/ /de la brten nas nges par 'byung / /rang rgyal byang chub la brten pa/ /de bzhin 'jig rten 'gyur ba yin/ /de las gzhan pa nyan thos kyang / /rdzu 'phrul chen po 'dod chags bral/ /de bzhin 'jig rten 'gyur ba yin/ /rnam gsum rigs kyis rnam par brgyan/ /sa bdag longs spyod chen po dang / /bde chen don du 'khor los sgyur/ /lha dang mi yi phun sum tshogs/ /yun ring de tshe rjes myong nas/ /mthar ni 'chi ba la brten nas/ /de dag zhi ba rnam gsum 'gro/ /dang por sngar ni sangs rgyas dang / /da ltar ma 'ongs pa dag kyang / /thams cad la ni 'di nyid de/ /'di ni yang dag ji bzhin bstan/ /mya ngan 'das pa'i sa de la/ /lha rnams thams cad 'dug nas ni/ /yid byung sems ni skyo nas kyang / /skad 'dzer bcas pas smra ba ni/ /de tshe thams cad 'di skad smra/ /kye ma'o kyi hud mi rtag pa/ /'jig rten sangs rgyas rdzu 'phrul che/ /de 'dir yongs su mya ngan 'das/ /lha yi rgyal po rdzu 'phrul che/ /de dag kun gyis de smras nas/ /snying ni mya ngan bcas gyur nas/ /de nas cang mi smra bar gnas/ /ma ga d+hA yi skye bo mchog /ku sha'i mchog gi grong gnas pa/ /de dang nye ba'i ri bo ni/ /phag rgod ces bya'i ming du grags/ /dge slong bsam gtan der byed pa/ /pi pa li yi phug zhugs pa/ /'di ni nyan thos nga yi bu/ /thugs skyes chos las byung ba gang / /de ni 'od srung chen po yin/ /de tshe phug mchog la 'dug nas/ /de nas bsod snyoms la spyad de/ /</font><hr>95.265b<br><font size=+1>

'dug nas rang nyid sems par byed/ /dus ring bdag gis sangs rgyas la/ /bdag gis kyang ni de phyag byas/ /rang byung gyur pa mi yi mchog /bdag gis da ltar de blta bya/ /shAkya'i rigs skyes thub pa mchog /bcom ldan de ni ga la bzhugs/ /bram ze'i rgyal po 'od srung che/ /der ni yang dag dgongs par gyur/ /thub pa'i thub pa kho na ni/ /sems kyis de ltar bsam par gyur/ /lha yi mig gis 'jig rten la/ /'jig rten ma lus lta bar byed/ /'og min de bzhin 'jig rten mtha'/ /srid rtse'i 'jig rten khams kyi bar/ /'jig rten ma lus thams cad dang / /stong chen sred pa las byung ba/ /nyan thos spyod yul ji tsam par/ /lha yi mig gis blta byas na/ /mya ngan 'das gzims zhi ba dang / /bsil bar gyur cing nad med pa/ /rdzu 'phrul chen po lha tshogs kyis/ /kun nas yongs su bskor ba dang / /mi dang mi yi bdag po dang / /lha min gnod sbyin srin po dang / /'byung po'i tshogs ni thams cad dang / /byang chub sems dpa' rdzu 'phrul che/ /grags chen nyan thos chen po yang / /shes rab gtsor ni gyur pa dang / /'dod chags bcas dang 'dod chags bral/ /lha dang bcas pa'i mi rnams kyis/ /dpa' bo shing la bteg pa ni/ /sangs rgyas nyi ma'i rigs las byung / /de bzhin lha yi lhar gyur gtso/ /thub pa dam pa'i mnga' bdag ni/ /sa bdag gling la gnas rnams kyis/ /kun nas yongs su bskor gyur nas/ /mi yi dbang mchog gyad dag gis/ /lag na rtswa sgron yang dag thogs/ /de dag me sbar mi nus par/ /lha rnams kyis ni bzlog 'gyur zhes/ /dge slong ma 'gags pa yang ni/ /brtul zhugs can gyis de skad smras/ /'chi mas brnangs shing smre sngags 'don/ /sa rnams sgra ni chen pos gang / /ha ha zhes bya'i sgra nyid dang / /rnga bo che yi sgra yang thos/ /lha dang drang srong tshogs kyis khyab/ /lha yi bu mo'i tshogs kyis bstod/ /grub pa rig 'dzin klu dang ni/ /mi 'am ci klu rgya che ba/ /snyan pa'i sgra ni sgrogs par</font><hr>95.266a<br><font size=+1>

byed/ /bya yi skad ni dge ba dang / /yid 'ong sna tshogs rol mo dang / /lha dang mi yis rjed pa dang / /lha yi bu mo'i tshogs kyis gang / /grub pa rig 'dzin dag dang ldan/ /de tshe sA la'i nags dag tu/ /rnal 'byor dag gis kun tu khyab/ /thub mchog gzims mal dam pa ni/ /kun nas yongs su bskor bar mthong / /rdzu 'phrul chen po mya ngan bral/ /de nas dbugs 'byin mya ngan bcas/ /de tshe bram ze 'od srung ni/ /mchi ma'i thigs pa'ang rab tu 'don/ /nga yi nyan thos mchog gyur pa/ /de tshe sa yi steng du 'gyel/ /tshig kyang myur du brjod pa ni/ /kye ma'o dka' ba rab tu byung / /gang du sangs rgyas zhes bya ba/ /zag med mya ngan 'das gyur tam/ /mi rtag sdug bsngal stong pa zhes/ /de nyid kyis ni 'dir gsungs pa/ /skye ba gzhan gyi rjes 'gro ba/ /bdag gis ston pa'i sku mi mthong / /de nas langs nas myur du ni/ /ma ga d+hA yi rgyal por song / /sdug bsngal nyam thag ma skyes dgra/ /pha yi mya ngan gyis non pa'i/ /de tshe de yi phug 'ongs nas/ /mi yi bdag po de la smras/ /rkang gnyis dam pa rdzogs sangs rgyas/ /rgyal po chen po mya ngan 'das/ /bzhon pa myur du sbyor mdzod dang / /nga ni ston pa'i drung 'gro ba/ /sA lar gzims mal bzhugs pa ni/ /nad med sems dang rnam par bral/ /bstan pa thams cad las 'das shing / /sku yi dam pa longs spyod rdzogs/ /ma rungs de tshig thos nas ni/ /rgyal po de yang sdug bsngal zhing / /nyam thag smre bar gyur pa yi/ /de tshe tshig ni rgyal po 'don/ /ston pa dang ni pha dag dang / /gnyi ga las kyang bdag nyams gyur/ /gnyen rnams kun gyis spangs pa ste/ /de tshe skye bo yid ches med/ /dmyal ba mi bzad ltung 'gyur na/ /bdag ni su yi skyabs la brten/ /</font><hr>95.266b<br><font size=+1>

nyan thos ston pa'i mchog gyur pa/ /dpa' bo chen po skyabs mdzod cig /nyan thos chen po gzi brjid che/ /bdag gi 'tsho ba 'di na med/ /ma ga d+hA yi mi yi bdag /de nas de skad smras pa dang / /nyan thos mchog gi rkang gnyis la/ /de yi mod la spyi bos gtugs/ /der ni sems med brgyal gyur pa/ /de yi tshe na gzhon nu ni/ /rdzu 'phrul chen po 'jam pa'i dbyangs/ /dbugs 'byin pa ni byed par 'gyur/ /sems can rjes su gzung 'dod pas/ /'jig rten kun tu rgyu bar gyis/ /gang tshe sA la'i nags su ni/ /nga lus shing gi steng bzhag pa/ /byang chub sems dpa'i tshogs bskor nas/ /de tshe khyod ni 'dug par 'gyur/ /gang phyir nga lus mchod pa'i phyir/ /sa steng 'dir ni khyod kyis byas/ /'jig rten kun tu bltas nas ni/ /su zhig sdug bsngal gang las drang / /gzhon nu zab pa'i blo ldan pa/ /de ltar sa la 'gyel bar gyur/ /'jam dpal gyis ni de yi tshe/ /sa bdag de ni sdug bsngal ba/ /der gnas pa la khyod kyis ni/ /khyod nyid kyis ni de 'dul 'gyur/ /byang chub sems dpas rtogs 'gyur gyis/ /lha dang drang srong rnams dang ni/ /nyan thos rang rgyal gzhan dag dang / /rdzu 'phrul chen pos mi nus so/ /'jam pa'i dbyangs kyis mi bdag ni/ /rmi lam gnas pa bzhin du mthong / /khyod kyi rdzu 'phrul byin rlabs kyis/ /rgyal po mya ngan gyis brgyal des/ /de tshe de ni rmi lam du/ /mngon sum byis pa lta bur mthong / /rdzu 'phrul chen po 'jam pa'i dbyangs/ /gzhon nu bdag nyid sna tshogs pa/ /de bzhin chos ni rnam par 'phrul/ /byang chub sems dpa' byis pa'i gzugs/ /sna tshogs rdzu 'phrul bsam mi khyab/ /'jam dpal gyis bstan sems dang byas/ /rgyal po mnar med 'gro ba las/ /</font><hr>95.267a<br><font size=+1>

myur du de las ldang bar 'gyur/ /rnam pa sna tshogs las dang ni/ /ngan song mtho ris bzang po dang / /'gro ba bdag nyid che yon tan/ /nyan thos thams cad rnam spangs pa/ /de nas rgya cher byas pa ni/ /mdo sde 'gyod pa sel ba ste/ /rgyal po ma skyes dgra yi ni/ /shin tu rgya cher gsal ba'o/ /rgya che don gyis brgyan pa yi/ /mdor bsdus nas ni 'di gsungs so/ /dang po bar ma tha ma yi/ /sangs rgyas kun gyi gsung dag ni/ /sems can kun la phan pa'i phyir/ /cho ga rgya cher gsungs pa yin/ /de nas 'jam dpal dus kun tu/ /gzhon nu khyod ni de yi tshe/ /sdig pa'i las la rjes 'jug pa'i/ /sa bdag rnams ni 'dul bar 'gyur/ /khyod ni rdzu 'phrul bsam mi khyab/ /gdul bya dag kyang bsam mi khyab/ /'byung po'i tshogs rnams ma lus pa/ /khyod ni 'dul byed nyid du 'gyur/ /sangs rgyas dpa' bos de gsungs nas/ /'od chen ldan pa 'jam dbyangs la/ /gnas gtsang steng bzhugs de tshe gzigs/ /rkang gnyis dam pa rdzogs sangs rgyas/ /smra ba'i mchog gis de la gsungs/ /bskal pa mang po 'das pa na/ /khyod ni rdzogs sangs rgyas par 'gyur/ /grangs kyis mnyam med bsam mi khyab/ /mi yis grangs dang mnyam med par/ /'jam pa'i rgyal mtshan zhes bya ba/ /sangs rgyas 'jig rten 'byung bar 'gyur/ /rtag tu yang ni mthar gyis kyang / /sangs rgyas mdzad pa de tshe byed/ /sems can mang po rnam bkrol nas/ /mya ngan 'das pa nyid du 'gyur/ /gzhon nu'i gzugs can rdzu 'phrul che/ /gzhon nu la ni de gsungs nas/ /brtse bas brlan pa'i sems kyis ni/ /yun ring dbugs phyung rnam par skyo/ /yun ring rdzogs sangs rgyas bltas nas/ /mchi ma'i thigs pa'ang rnam 'dzag cing / /thal mo sbyar dang bcas nas ni/ /de nas kyang ni 'dug par gyur/ /de nas de ni sa gnas pa/ /mi yi dam pa ma skyes dgras/ /rmad byung 'od srung chen po ni/ /bram ze la ni mgos btud nas/ /dran pa</font><hr>95.267b<br><font size=+1>

rnyed cing sems sad nas/ /rkang gnyis skyil krung bcas nas 'dug /de nas yun ring dbugs phyung la/ /don ni rgya cher nges bstan byas/ /dbang phyug chen po ma skyes dgra/ /rgyal po'i bu ni 'dug par gyur/ /de nas 'od srung ches smras pa/ /nga ni spur sbyong gnas su 'gro/ /mi rnams la ni phan phyir dang / /mchod rten gzugs gnas mchod don du'o/ /nyan thos mchog ni gnas de ru/ /rdzu 'phrul nyid kyis nye bar lhags/ /de dang 'brel bar sems skye ba/ /bdag gi rdzu 'phrul rigs pa min/ /mchod rten chen po mthong bar ni/ /rkang gnyis bdag ni 'gro bar 'tshal/ /de nas lam gyi bar 'dug nas/ /'khor ba'i stegs ni rab tu bstan/ /ji tsam de nas 'ongs gyur pa/ /dge 'dun kun dga' rar gnas pa'i/ /dge slong rgan zhugs gsar bu ni/ /sdig pa nyid kyis rnam rmongs pas/ /mthong nas rgan zhugs rnams 'khrugs te/ /gang phyir de dang nye bar 'ongs/ /grags pa che zhing skal ba che/ /sems can dag pa rims nad med/ /bram ze de yi drung lhags nas/ /de tshe rkang gnyis phyag byas nas/ /de la smras pa skal ba che/ /legs 'ongs khyod ni ci phyir byon/ /myur du khyod ni gang du 'gro/ /yid byung ci phyir rab tu 'dug /de smras khro ldan byis pa la/ /tshe ldan khyod kyis ma thos sam/ /rkang gnyis dam pa rdzogs sangs rgyas/ /'jig rten kun gyi ston pa ni/ /sangs rgyas bdag gi pha zhes smra/ /mar me 'bar bzhin mya ngan 'das/ /dpa' bo chen po nub par gyur/ /sa yi steng ni stongs par gyur/ /de bzhin 'jig rten ma lus stongs/ /bdag gi phyogs rnams kun stongs gyur/ /byis de phyin ci log sems kyis/ /der ni rgan zhugs rab dga' nas/ /rab rgod tshig tu smras pa ni/ /rab tu ring de 'das gyur tam/ /phyag ring lus ni che ba dang / /mgo ni gdugs kyi rnam pa 'dra/ /bdag cag rnams kyi gtso bo mchog /bslab dang bslab min rjes su ston/ /da ltar de ni mya</font><hr>95.268a<br><font size=+1>

ngan 'das/ /ci 'dod bzhin du bdag cag spyod/ /rgan zhugs kyis ni de smras nas/ /rdzu 'phrul chen po rab 'khrugs nas/ /gdong la khro gnyer byas nas ni/ /yi ge hU~M ni rab tu sbyar/ /sdom brtson bag chags bslang nas ni/ /bram ze de mod rab 'khrugs nas/ /rkang pa'i mthe bos de ma thag /sa yi steng du rab bsnun pas/ /sa rnams dang ni ri rab kyang / /rab tu 'gul bar gyur pa dang / /rgya mtsho rnams dang shing rnams dang / /ri rab kun kyang 'khrugs par gyur/ /klu rgyal dang ni lha rnams dang / /ri sul phug kyang rnam par 'gyel/ /zla ba dang ni nyi ma dang / /sa steng de tshe snang ba nyams/ /rlung yang rgyu ba med par gnas/ /skar mda' dag kyang sa la ltung / /de nas de ni sngags zhes brjod/ /nyan thos rnams kyi rigs las byung / /yi ge hU~M de yi ge gcig /las rnams ma lus byed cing dge/ /sngags kyi rgyal po bzlas tsam gyis/ /'di ni bzlas pa tsam gyis byed/ /'gro dang gnas pa'i dug dang ni/ /de bzhin dgra kun rengs par byed/ /sems can gdug pa thams cad la/ /bzlas pa tsam gyis rengs par byed/ /rnam pa sna tshogs las byed cing / /khyad par du yang gzhan nyid byed/ /rgan zhugs tshig kyal rab smras pa/ /der ni mi smrar mthur bltas 'dug /de yi rdzu 'phrul la dad nas/ /de yi mod la rnam par btul/ /de tshe nyan thos mchog gi ni/ /gdung sbyong shing gi drung du khyer/ /rdzu 'phrul chen po 'dod chags bral/ /dge slong de ni rkang gis song / /der song des ni thub pa'i sku/ /shing la yod par rab tu mthong / /lha yi tshogs ni du mas kyang / /mchod pa chen po byed pa dang / /gau ta ma ni thub pa yi/ /sku ni shing gi steng bzhag mthong / /'od srung chen po rmad byung ba/ /skal ba chen po de mthong nas/ /rdzu 'phrul chen pos dge slong rnams/ /thams cad smre sngags 'don par byed/ /lha dang 'byung po'i tshogs kun ni/ /ha ha'i rnam pa rab 'don cing / /de ltar mya ngan skyes pa yi/ /nyam thag sgra ni shin tu che/ /rdzu 'phrul chen po lha dang klu/ /de nas kun gyis rab bsu nas/ /rkang</font><hr>95.268b<br><font size=+1>

gnyis mchog la phyag byos zhes/ /skal ba che la'ang rab tu smras/ /lha tshogs mi dang bcas pa dang / /'byung po kun gyi tshogs dag dang / /mi bdag drang srong gnod sbyin dag /khyod la sdod cing gzhol ba yin/ /shing la me gtong 'bad gyur kyang / /sku sbyong shing ni sbar mi nus/ /de nas de ni skyon bral ba/ /rdzu 'phrul chen po skal ba ches/ /gdung sbyong shing gi smad cha la/ /rdzu 'phrul chen po des phyag byas/ /de bzhin gshegs pa rjes dran nas/ /bskor ba dag kyang mang du byas/ /de tshe lcags kyi sgrom dral nas/ /zhabs gnyis dag kyang rnam brkyang la/ /yang dang yang du zhabs byugs nas/ /zhabs gnyis spyi bos phyag byas nas/ /thub mchog mchog gi zhabs gnyis la/ /lan mang dag tu rnam par bltas/ /des ni zhabs gnyis yang zhugs te/ /lcags kyi sgrom la yang dag gnas/ /rdzu 'phrul chen po 'dod chags bral/ /de ni de nas langs 'dug pa/ /rdzu 'phrul chen po 'dod chags bral/ /dgra bcom rnams kyis yongs su bskor/ /ma ga d+hA gtso rgyal po yang / /sku sbyong shing gi thad 'ongs pa/ /glang po shing rta bzhon rta dang / /mthar gyis de nas theg pa yis/ /de nas dpung chen sa yi bdag /kun kyang stobs dang bzhon par bcas/ /de tshe thub pa shAka thub la/ /de ni phyag 'tshal don du lhags/ /sa steng zhi ba'i gzims mal du/ /bas mtha' dgon par mya ngan 'das/ /chu bo gser ldan 'gram dang ni/ /cod pan bcings pa'i mchod rten du/ /zhi ba'i dbyings la yang dag zhugs/ /yang dag mtha' la yongs su brten/ /ma ga d+hA yi rgyal po der/ /dpung chen ldan pas yang dag lhags/ /rnam pa sna tshogs spyod pa yis/ /de yang nga la stod par byed/ /phan yon che zhing stobs dang ldan/ /ngo mtshar sa yi rgyan gyur pa/ /thub pa'i sku sbyangs las byung ba'i/ /der ni sku gdung mchod rten byas/ /dge slong kun dga' bo zhes bya/ /slob pa nga yi bsnyen bkur ba/ /mi yi dam pa mnyes gshin pa/ /nga la rtag</font><hr>95.269a<br><font size=+1>

tu yongs su dad/ /yid ni zhum zhing mya ngan gdungs/ /de yi tshe na 'byung bar 'gyur/ /de nas 'od srung thad song nas/ /rkang pa gnyis la rab btud nas/ /sdug bsngal nyam thag 'dar ba yis/ /'di skad sgra ni 'dzer bas smras/ /deng 'dir nga yi ston pa 'das/ /da ltar bdag ni mgon med gyur/ /nga yi rten dang gnas dang skyabs/ /khyod nyid du ni rab tu bstan/ /thub pa'i zla ba de nyid kyis/ /nye gnas khyod kyir lung yang bstan/ /nyon mongs kun ni rnam spangs pa/ /khyod kyi nye gnas dgra bcom pa/ /thun gyi phyi ma mtshan mtha' la/ /rgyal ba des ni bstan pa yin/ /nga nyid mya ngan 'das pa na/ /rtag tu khyod ni yod par 'gyur/ /sangs rgyas mdzad pa'i don du ni/ /phan par 'dod pas khyod byed 'gyur/ /sdug bsngal can bdag spangs nas kyang / /thub pa chen po zhi bar gshegs/ /blo ldan ma 'gags pa zhes pas/ /sdom chen de ni dbugs 'byin byed/ /khyod ni mya ngan du ma byed/ /mya ngan dag kyang ma byed cig /gnas ni gang du'ang 'gro ma byed/ /'di nyid du ni gnas par gyis/ /'jig rten mig ni 'das gyur nas/ /'di nyid ston par 'gyur ba yin/ /'dir ni ston pas lung bstan nas/ /sangs rgyas mdzad pa byed par 'gyur/ /nga yang bcom ldan lhan cig tu/ /'od srung rjes su 'gro bar bya/ /ston pa gnyis po dag gi yang / /sa yi steng na gzugs brnyan yin/ /rdzu 'phrul chen po'i nyan thos ni/ /'od srung chen po gtso bo ni/ /'tsho zhing yongs su gzhes pas na/ /khyod ni mya ngan ma byed cig /rdzu 'phrul chen po snying rjes non/ /rnal 'byor chen po 'dod chags bral/ /rdzu 'phrul chen po thub pa'i sras/ /thams cad de bzhin smre bar byed/ /gyad dang rgyal po dag gis ni/ /pur sbyong shing la me btang bas/ /'khor yug kun nas me 'bar nas/ /pur sbyong shing de thal bar gyur/ /de mthong lha yi tshogs dag dang / /gdengs can brang 'gro rnams</font><hr>95.269b<br><font size=+1>

kyis ni/ /pur sbyong shing gnas zhi ba'i phyir/ /tsan+dan chu yi rgyun dag gi/ /char chen rab tu gtong zhing gnas/ /de nas de yi mod la yang / /sa steng du yang de bzhin du/ /me tog tshogs kyi char yang btang / /rgyal ba'i ring bsrel mchod pa'i phyir/ /de yi mod la kun der lhags/ /thams cad phan tshun 'thab pa'i phyir/ /de yi mod la bya ba rtsom/ /tshangs sogs brgya byin 'thab bral dang / /lha tshogs kun kyang de bzhin no/ /nyan thos chen po 'dod chags bral/ /rdzu 'phrul chen pos zlog par byas/ /sku gdung rgyal ba'i ring bsrel ni/ /'od srung chen pos rnam bgos pa/ /mchod pa'i don du thams cad la/ /cung zad cung zad nges par byin/ /theg pa gsum las mi ldog dang / /zhi ba mthar phyin bya phyir ro/ /rnal 'byor de tshe 'od srung che/ /rdzu 'phrul chen po 'dod chags bral/ /rgan zhugs kyis ni smras pa'i tshig /de ni yongs su sems par byed/ /'dir ni gsung rab ma lus pa/ /yan lag bcu gnyis bde 'byung gnas/ /mdo dang 'dul ba mngon pa'i chos/ /nam mkha'i dud bzhin ma gyur tam/ /dpa' bo chen po nub gyur nas/ /bstan pa 'jig par 'gyur bas na/ /sangs rgyas gsung ba'i bka' 'di ni/ /ma lus bdag gis bsdu bar bya/ /rdzu 'phrul chen po 'dod chags bral/ /ma lus lhan cig bgro bar bya/ /ma ga d+hA yi grong mchog tu/ /grong khyer bzang po rgyal po'i khab/ /ku sha'i grong khyer nyams dga' dang / /ri ni rdo 'jog mtho ba dang / /yul bzang yangs pa can dang ni/ /mchod rten gnas ni legs mdzes pa/ /de bzhin rnam pa du ma'i gnas/ /bstan pa bsdu ba'i ched dag tu/ /'dus nas smra ba kun smra ba/ /rdzu 'phrul chen po byed par 'gyur/ /nga yang 'dir ni nub pa dang / /de tshe dus kyi tha ma la/ /phan tshun gsod par dga' ba yi/ /sa bdag rnams ni 'byung bar 'gyur/ /las kyi mtha' mang dge slong rnams/ /</font><hr>95.270a<br><font size=+1>

sems can rnams ni chags pas rmongs/ /de bzhin dge bsnyen dge bsnyen ma/ /dus kyi mtha' la ma zhir 'gyur/ /phan tshun skyon ni 'tshol byed cing / /phan tshun gsod la mngon par zhen/ /rma ldan skyon ni ma rungs ltar/ /skyon la rtag tu rtog par byed/ /thub pa de dus nub pa na/ /dge slong rnams ni ma bsdams 'gyur/ /de tshe sa steng bstan pa ni/ /bsrung ba'i don du bzhag gyur pa/ /chags bral zag med 'jig rten du/ /rdzu 'phrul chen po rnam pa brgyad/ /de tshe dgra bcom thu bo yang / /sgra gcan 'dzin sogs rab tu bsgrags/ /de tshe dus kyi tha ma la/ /de dag kyang ni snang ba med/ /sngags pa grub pa'i dus su ni/ /de dag mthong ba don yod 'gyur/ /rdzu 'phrul ldan zhing rdzu 'phrul che/ /ngas kyang thams cad bzhag pa yin/ /grags pa chen po chad pa'i las/ /de dag la ni ngas bstan pa/ /de dag bka' las 'das pa 'am/ /cung zad bslab las rnam 'das na'o/ /ji srid dam chos yang dag mtha'/ /zang zing med par gnas par gyis/ /nga yi gsung gi bsod nams 'di/ /ji srid bstan pa stobs dang ldan/ /des na bdag nyid zhir 'gyur zhing / /zag med mya ngan 'da' bar 'gyur/ /de tshe thub pa'i bstan pa ni/ /yongs su nub par 'gyur ba na/ /dge slong rnams dang dge tshul rnams/ /dge slong ma rnams ser snar bcas/ /rtag tu ngan spyod g.yo sgyu can/ /de tshe yongs su ma dag pa'o/ /nga yi bstan la mi gnas shing / /khyim dang chung ma tshol bar byed/ /de yi tshe na dge bsnyen rnams/ /gzhan gyi bud med la rtag dang / /lhag ma rnam pa bzhi po nyid/ /de tshe rtags dang ming tsam yod/ /'khon</font><hr>95.270b<br><font size=+1>

'dzin thams cad goms byed cing / /gcig la gcig ni rnam 'tshe byed/ /phal cher mu stegs kyis non cing / /lha rnams kun kyang gnod par 'gyur/ /de tshe bram ze'i rigs la ni/ /skye bo rnams ni dga' bar 'gyur/ /de bzhin log spyod rmongs pa dang / /mi rnams srog chags 'tshe bar dga'/ /nga ni yongs su mya ngan 'das/ /rtsod dus 'di la lung bstan yin/ /mi ni rnam mang gzhan dag kyang / /rtag tu gzhan gyi bud med dga'/ /mi dge kun la dga' ba dang / /dge ba'i don ni rnam spangs pa/ /nga ni sa steng zhir gshegs nas/ /sems can mang po 'byung bar 'gyur/ /nga yi sku ni mchod pa'i phyir/ /gzi brjid chen po lha tshogs dang / /bdag nyid chen po mi rnams dang / /de bzhin gnod sbyin 'byung po'i tshogs/ /lha min dang ni dri za dang / /rdzu 'phrul chen po mi 'am ci/ /de nas mkha' lding klu dang ni/ /de bzhin srin po drang srong rnams/ /rnal 'byor pa dang grub pa dang / /gzi brjid chen po gza' rnams dang / /rnam pa sna tshogs skye gnas dang / /rnam pa sna tshogs sems can rnams/ /srid pa'i 'ching bas bcings pa dang / /blo ldan 'ching ba bcad pa dang / /sku gdung nad bral 'di la ni/ /de tshe mchod pa byed par 'gyur/ /chu bo gser ldan 'gram dang ni/ /sA la zung gi tshal dang ni/ /cod pan bcings pa'i mchod rten dang / /gyad rnams kyi ni nyen 'khor du/ /nga ni der yang mya ngan 'da'/ /'jig med zhi bar yongs su 'gro/ /nga yi sku gdung de blangs nas/ /de bzhin gzhan gyis 'phrog par byed/ /lha dang lha ma yin rnams dang / /de tshe 'byung po'i tshogs kun gyis/ /so sor cha ni rnam phye nas/ /rnam par gzhag pa byas par gyur/ /mi yi rgyal po dpung chen ldan/ /ma ga d+hA yi ma skyes dgra/ /rdzu 'phrul che ldan nyan thos ni/ /kun la'ang gsol ba rab 'debs pa/ /bsod nams bdag gis ma byas pas/ /</font><hr>95.271a<br><font size=+1>

bdag gi pha yang shi bar gyur/ /bdag ni sdug bsngal ltung gyur pas/ /bdag nyid chen pos drang du gsol/ /de nas blo ldan nyan thos mchog /sangs rgyas thugs las skyes pa'i sras/ /'od srung chen po zhes grags pa/ /skye dgu rnams la phan byed pas/ /ma skyes dgra ni ngo tsha ldan/ /sems zhum gyur te mthong nas ni/ /rdzu 'phrul nyid la rab gnas nas/ /de yi dus su yang dag dgongs/ /rgyal ba'i ring bsrel sku gdung ni/ /cha gcig khyod kyis blang bar gyis/ /rgyal po gzhan ni stobs ldan gyis/ /gzhan dag rab tu khyer bar gyur/ /phan tshun bab col 'khrugs nas ni/ /gcig la gcig ni 'khon byas nas/ /de tshe nam mkhar sku gdung khyer/ /rang gi gnas su'ang bzhag par 'gyur/ /de tshe thub pa'i nyan thos mchog /dge slong 'od srung chen po de/ /kye ma'o kyi hud sems pa ni/ /sa steng 'dir ni rab stongs pa/ /sangs rgyas dang ni rang rgyal dang / /rdzu 'phrul chen po'i nyan thos kyis/ /sems can 'jigs par snang ba ste/ /srid pa'i btson rar spyod pa yin/ /rnam pa sna tshogs sdug bsngal drag /yun ring rjes su myong bar 'gyur/ /'jig rten mgon po skyob pa yi/ /ring bsrel yang dag mchod byas nas/ /de dag lha yi 'jig rten du/ /yun mi thung bar bde ba myong / /rgyal srid de nas longs spyod dang / /rnyed par dka' ba'i sngags rnams ni/ /'gro ba sna tshogs spyod pa yis/ /rnam pa sna tshogs thob par 'gyur/ /phun tshogs 'dod pa 'jig rten mchog /rnam thar gsum gyis rnam par brgyan/ /sku gdung rnams ni mchod byas na/ /grub pa mchog ni thob par 'gyur/ /'jig rten rnams grags bram ze zhes/ /thub pa mchog ni nyan thos gtso/ /'od srung zhes ni bya ba yis/ /'di ltar de ni bsams nas ni/ /de tshe sa las ma phye bar/ /de yi sku gdung blangs nas ni/ /ma ga d+hA bdag ma skyes dgras/ /'bad nas cung zad yongs su byin/ /de bzhin rgyal po kun la yang / /'od chen po ni ma mthong yang / /</font><hr>95.271b<br><font size=+1>

nyan thos bdag nyid chen po des/ /kun la'ang thams cad rab tu byin/ /kun la'ang mi rtag 'du shes kyis/ /de na yang ni gnas par gyur/ /snying rjes brlan pa'i sems kyis ni/ /sems can rnams la mya ngan byed/ /shAkya'i skyes mchog bstan pa ni/ /'jig rten dam chos nub pa na/ /bskal pa rnam pa mang por ni/ /yun ring sems can dud par 'gyur/ /'di dag dud bzhin mi 'gyur bar/ /'di dag gsung ni bsdu bar bya/ /dpa' bo de las langs nas ni/ /sems kyi stobs ni nyams pa med/ /rgyal po ma skyes dgrar gyur pa'i/ /mi yi dbang pos mgron du bos/ /ston pa'i bstan pa bya ba'i phyir/ /rgyal po'i khab kyi grong khyer 'dir/ /'bad pas sku gdung myur du ni/ /gser gyi snod kyi nang du bcug /de dag sngon du yang dag btang / /de tshe rgyal po'i khab myur 'gro/ /'od ma'i tshal du phyin nas ni/ /sku gdung dag ni yang dag bzhag /'jig rten mgon po skyob pa yi/ /mchod rten rmad byung chen po byas/ /mchod rten de ni mchod byed pa/ /rnam pa sna tshogs rgyan dang ni/ /phreng ba gos dang gdugs dang ni/ /dar la rol mo byug pa dang / /rnam pa sna tshogs du ma dang / /mar me me tog phreng ba yis/ /phyag 'tshal rjes song sems kyis ni/ /rgyal po rab tu mchod pa byed/ /mchod rten de la mgos btud nas/ /de yi tshe na smon lam btab/ /'jig rten mchog la mchod pa yis/ /bdag gi dge ba mang po gang / /de bzhin gshegs la mchod pa 'dis/ /bsam gyis mi khyab mchog thob shog /de nas rgyal po langs nas ni/ /'od srung che la rab tu smras/ /mig ni mchi mas kun khyab nas/ /mig gi mchi ma phyis nas ni/ /snying ni brtse bas rab brlan nas/ /de tshe pha ni yang dag dran/ /shes rab chen po 'phags pa khyod/ /khyod ni bdag gi dbang 'gyur mdzod/ /bdag gi sdig pa gang byas pa/ /nges par mnar med rab tu gzhol/ /ston pa'i bka' yi lam gnas pa/ /de 'dra'i chos kyi rgyal po yi/ /pha yi srog la gnod bcas pa'i/ /</font><hr>95.272a<br><font size=+1>

mya ngan bsal bar mi nus pas/ /'phags pa dge ba'i bshes gnyen gyis/ /bdag la chos don bstan par rigs/ /de skad smras nas bdag nyid che/ /rgyal ba'i nyan thos mchog gyur pa/ /blo ldan 'od srung zhes bya bas/ /'di dag tshig ni rab tu smras/ /rgyal po chen po ma 'jigs shig /khyod kyi dge ba mang du byas/ /skye ba brgya phrag du mar yang / /khyod la goms pa rab tu yod/ /sangs rgyas 'byung ba med pa na/ /rang rgyal gcig ni yang dag byung / /grong khyer bA rA Na sI ru/ /de tshe tshong dpon bu zhig byung / /mi shes byis pa g.yo ba yis/ /de tshe shing rta zhon nas byung / /bcom ldan de nyid de ru ni/ /rang rgyal yongs su byung ba ni/ /'jig rten rjes su gzung 'dod pas/ /der ni slong mo'i don du rgyu/ /byis pa des ni de mthong nas/ /sems ni yang dag dang gyur nas/ /rkang gnyis la gtugs dris pa ni/ /dge slong khyod ni ci zhig byed/ /bse ru lta bur skye ba med/ /bcom ldan de ni mi smrar 'dug /de tshe byis pa de yi ni/ /gos la bzung nas yang dag gnas/ /'deng ngo 'deng ngo khyim bzang 'dir/ /rgyal mtshan gyis ni rab mtshan pa'o/ /'di ni bdag gi khyim yin te/ /zhabs bkrus nas ni bshos gsol te/ /ji ltar dus bzhin myur gsol nas/ /ci 'dod par ni rtse bar bgyi'o/ /de nas nyes dang bral ba de/ /nyes gsum mthar byed 'joms pa po/ /gzhan dag rjes gzung de dag gtsor/ /mthar gyis kyang ni rab 'gro zhing / /song nas sgo yi rtsa ba la/ /'od chen der ni 'dug par gyur/ /de nas byis pa nang zhugs nas/ /ma la yang ni 'di skad smras/ /ma ni bdag la 'bras chan stsol/ /bza' ba rnam mang dag kyang stsol/ /yun ring sa rdul la rtse ba'i/ /bdag gi grogs po 'dir 'ongs gyur/ /yun ring bdag ni dgar 'gyur ba/ /sgor ni 'ongs nas 'dug pa yin/ /de tshe de ni rab rings par/ /de yi mod la sgor yang byung / /rdzu 'phrul chen po zhi ba'i gzugs/ /bdag nyid</font><hr>95.272b<br><font size=+1>

chen po de yang mthong / /de tshe de ni myur 'ongs nas/ /snod ni bzang po blangs nas kyang / /lag pa legs par rab bkrus nas/ /me tog spos sogs sngon 'gro bas/ /'bras chan gtsang ma blangs nas ni/ /du ma'i ro yis rnam brgyan pa'i/ /rnam pa sna tshogs bza' ba dang / /dngul gyi snod du rab tu bcug /de tshe myur du phyir byung ste/ /de yi lhung bzed la blugs nas/ /khyor bcas chos la dad pa yis/ /de yi rkang pa gnyis la gtugs/ /de yis bsod snyoms blangs nas ni/ /nam mkha' la ni mngon par song / /de nas de ni rab 'bar zhing / /mar me'i phreng ba bzhin du snang / /bse ru ltar spyod gang yin pa/ /de dag ngag gis chos ston min/ /rdzu 'phrul 'od kyis sems can la/ /bdag nyid chen po ston par byed/ /de yang lhag par snying rje can/ /sems can 'gro ba ser snar ldan/ /pha rol don du sems can la/ /de nas rdzu 'phrul ston par byed/ /de yi rnam smin las kyis ni/ /ma dang lhan cig byis pa yang / /stong phrag lnga yi skye bar ni/ /lha nyid kyang ni byas par gyur/ /lha rnams kyi ni lha rgyal der/ /ma de nyid ni yang dag gyur/ /'khor los sgyur nyid mi rnams kyi/ /mi yi bdag por de tshe gyur/ /yun ring bde ba rjes myong nas/ /gzugs can snying po'i bur 'di gyur/ /gang gi bcom ldan de smras dang / /gos kyi tha ma la bzung dang / /tshig ngan smra ba smras pa ni/ /dge slong smra bas smras pa dang / /sa rdul bdag dang rtse ba zhes/ /de tshe sngon ni khyod ces smras/ /tshig gi las ni de yis ni/ /mi 'dod pa dang tsha ba yi/ /drag cing rab tsha'i sdug bsngal ba/ /yun ring mang po rjes myong ba/ /mi 'dod sdug bsngal bzod dka' ba/ /mi bzad dmyal bar ltung bar 'gyur/ /las kyi zhags pas bcings nas ni/ /sems can ngan 'gror 'gro bar 'gyur/ /rgod pas las ni byed pa yis/ /du bas rjes su myong bar 'gyur/ /de bzhin byis pa'i rang bzhin gyis/ /nyan thos</font><hr>95.273a<br><font size=+1>

rgyal ba skyob pa la/ /tshig ni ma rungs rgya che ba/ /de yi las ni 'di 'dra'o/ /dmyal ba las ni thar nas kyang / /mi nyid du ni 'dir yang 'ongs/ /rnam smin skyes pa mi yi bdag /dmyal ba yang ni dran par gyur/ /de yi khro ba bdo ba yis/ /khyod kyis pha yi srog kyang bcad/ /rang rgyal dag gi spyod pa yang / /sngon gyi bag chags kyis dran pas/ /sangs rgyas mngon sum mthong nas ni/ /skye dgu dag kyang de bzhin byas/ /de nyid rgyu ni dran byas pas/ /'dir ni rgyal thabs nyid kyang byas/ /de ltar 'od ma'i tshal du ni/ /phan tshun de dag sa steng smra/ /nga yi slob ma mchog 'di dang / /gnyis pa mi yi bdag po yis/ /mchod rten lan brgyar phyag 'tshal nas/ /de tshe rang gi khyim du song / /de nas slob ma'i mchog gyur pa/ /pi pal phug na gnas pa de/ /rdzu 'phrul chen po 'dod chags bral/ /thub pa ma lus 'dus nas ni/ /gsung rab yan lag bcu gnyis dang / /'dul ba ma lus sdud par byed/ /gang zhig chos ni ngas bstan dang / /de bzhin sngon gyi rgyal ba mchog /de nas slob ma'i mchog des kyang / /rnam pa gsum du yang dag bstan/ /'dul ba dang ni mngon pa dang / /mdo sde'i dbye bas gzhung du byas/ /sems can 'ching ba gsum las bkrol/ /nyes pa gsum yang skem par byed/ /dpa' bo sdug bsngal gsum las 'grol/ /rtag tu theg pa gsum la dgod/ /sangs rgyas rnams kyis bstan pa'i don/ /blo yi mchog ni byed par 'gyur/ /rgyal chen ma skyes dgra zhes pa'i/ /ma ga d+hA pa mi yi bdag /ang ga ma ga d+hA dang ni/ /bA rA Na sI de las gzhan/ /byang du yangs pa can dang ni/ /rgyal chen stobs po che bar ni/ /the tshom med par 'gyur ba yin/ /bstan pa'i don ni byed par 'gyur/ /gzhon nu khyod ni 'dul byed cing / /zhi ba dam pa ston par 'gyur/ /de yi bu yang rgyal po ni/ /yi ge u zhes bya bar</font><hr>95.273b<br><font size=+1>

bsgrags/ /de tshe 'byung bar 'gyur ba ni/ /myur du bstan pa'i don la brtson/ /des ni ston pa'i gsung rab 'dir/ /rgya cher 'dri bar byed 'jug 'gyur/ /mchod pa chen po'ang byas nas ni/ /phyogs rnams kun tu rgyas par byed/ /phyir yang ngan song 'di mi 'gro/ /lhar skye bar ni de 'gyur ro/ /lo ni nyi shu sum cur ni/ /pha dang lhan cig 'grogs par 'gyur/ /grong khyer stobs ldan mtshan phyed du/ /rigs las skyes pa'i nad kyis ni/ /mngon par zil gyis non par 'gyur/ /nyin zhag sum cu rtsa drug tu/ /nad chen dag gis nyam thag 'gyur/ /nad rnams kun gyis btab nas de/ /rnam pa sna tshogs brgyal nas ni/ /rgyal po de myur shi 'phos nas/ /lha rnams su ni skye bar 'gyur/ /de ni mthar gyis 'bad nas ni/ /nges par byang chub thob par 'gyur/ /'di dang gzhan yang mang po ni/ /'das pa dang ni ma 'ongs par/ /rang rgyal skyob pa dag la ni/ /rnam pa sna tshogs byas pa yis/ /de bzhin lha dang mi rnams kyis/ /'dod dang khyad par phun tshogs 'thob/ /de dag mthar gyis 'gro 'gyur ba/ /zhi ba nad med go 'phang 'thob/ /rgyal po mchog dang dman pa dang / /mi yi bdag po bar ma rnams/ /rgyal po na hu sha la sogs/ /dang po'i dus su bstan pa dag /des kyang de bzhin gshegs mchod dang / /rjes yi rang bas mtho ris song / /nges par de dag sangs rgyas gyur/ /kha cig nyan thos theg pa la/ /nges par kha cig nyan thos nyid/ /de kun thar la mngon par gzhol/ /dus kyi rnam gzhag rjes mthun par/ /tshe yang rnam par brtag pa yin/ /dam pa tshe yang ring ba ste/ /de bzhin bar ma bar ma yin/ /shin tu dka' ba'i dus mtha' la/ /dus kyi tha ma rtsod dus la/ /rgyal po rtsod pa la dga' bas/ /gzhan ni tha mar bstan pa yin/ /phan tshun khon du 'dzin chags pas/ /gcig la gcig ni rnam 'tshe byed/ /dman pa'i skye ba thob pa dang / /mtshon gyi reg pas 'chi bar 'gyur/ /mtshon gyis 'tsho bas yang dag dga'/ /</font><hr>95.274a<br><font size=+1>

de bzhin gzhan gyi bud med chags/ /rgyal po 'jig rten smod par ni/ /the tsom med par 'gyur ba yin/ /g.yon can las ngan can dang ni/ /de bzhin 'phags min ser sna can/ /de yi tshe na 'byung bar 'gyur/ /cha gnyis ldan dang rtsod dus bar/ /mdor bsdus nas ni bshad par bya/ /gzhon nu de ni rtogs par gyis/ /dus gang 'byung bar 'gyur ba na/ /sa steng rgyal po 'byung ba yi/ /de dag gzugs dang mtshan ma dang / /kha dog kyang ni rtogs par gyis/ /ko sa'i rgyal po gsal rgyal dang / /gzugs can snying po de bzhin gzhan/ /rgyal rigs gtso bo 'char ba dang / /dmag brgya pa ni yang dag 'byung / /lag bzang gzhu bzang zhes bya dang / /de bzhin dbang chen tsa ma sha /de bzhin lits+tsha bIr skyes pa'i/ /shAkya'i rigs skyes seng ge dang / /cher ldan gsal dang rab gsal dang / /sde chen du yang bstan pa'o/ /de bzhin 'phags rgyal gtum po dang / /ser skya'i grong gi rgyal po ni/ /zas gtsang zhes ni bya ba dang / /dpa' bo zhes bya stobs chen dag /'di dag rgyal po'i rigs su gsungs/ /sa srung ston pa mchod byed pa'o/ /shAkya seng ge mi yi mchog /sangs rgyas mngon du lta bar 'gyur/ /de yang de nas chos thos nas/ /yun ring phun sum tshogs pa 'thob/ /nges par byang chub 'dod nas kyang / /shi nas zhi ba 'thob par 'gyur/ /sa bdag sa yi dkyil 'khor du/ /'di dag 'jig rten rnam par grags/ /rigs ni rgyal rigs dag tu bstan/ /'du shes ming gis mtshon pa yin/ /sa steng nga yis bstan pa'i tshig /de dag mchod pa byed par 'gyur/ /gzhon nu byis pa'i gzugs can gyis/ /khyod kyis 'jig rten lung bstan pa/ /ma skyes zhes bya'i rgyal po de/ /nges par byang chub gzhol bar 'gyur/ /nga ni sa steng mya ngan 'das/ /lo brgya dag ni 'das pa na/ /snang ba med cing nyes par bcas/ /mi shes mun pas rab tu bsgribs/ /de tshe sa ni stongs pa ste/ /rgyal ba</font><hr>95.274b<br><font size=+1>

rnams kyis spangs pa yin/ /de tshe mi bzad chen po yi/ /grong khyer me tog can du ni/ /mya ngan med ces bya ba yi/ /rgyal po sa ni skyong byed pa/ /khro bcas las ni drag po byed/ /de tshe de ni snying rje med/ /rdzu 'phrul chen po 'dod chags bral/ /nad med ser sna bral ba dang / /dge slong tshul khrims ldan pa yi/ /dge ba'i bshes gnyen thad du lhags/ /sngon gyi bag chags rgyu dang ni/ /sa rdul byin pa'i byin rlabs kyis/ /rigs ni nges par 'gyur ba dang / /rgyal po nor chen ldan par 'gyur/ /chos dang chos min rnam dpyod cing / /brtse ldan snying rje ldan pa dang / /chags bral rdzu 'phrul chen po des/ /rgyu ni phye zhing bstan par byas/ /sngon ni khyod kyang rgyal po ste/ /mi shes byis pa g.yo ba yi/ /rgyal ba shAkya seng ge la/ /sa yi rdul ni snyim gang phul/ /zhing de la ni rab phul bas/ /lha yul phun sum tshogs pa thob/ /lha yi 'jig rten shi 'phos nas/ /sa yi 'jig rten 'dir 'ongs gyur/ /'dzam gling nags tshal phun sum tshogs/ /rgyal po yi ni rgyal thabs spyod/ /bdag nyid chen po dzam b+ha la/ /gnod sbyin gyi ni sngags kyang bsgrubs/ /bdag nyid chen po sa yi bdag /de nas gnod sbyin shing rta grub/ /de la gnod sbyin 'dug pa ni/ /bka' dang mthun par yid kyang 'jug /klu rnams kyang ni 'dug pa ste/ /bran dang bka' bzhin byed pa'i rgyu/ /de ltar rdzu 'phrul che bdag nyid/ /de tshe stobs kyi 'khor sgyur 'byung / /ci 'dod de ni 'gro ba na/ /gang du 'ang 'gog pa med par 'gyur/ /rgyal ba'i sku gdung mchog sa la/ /gang yang sngon ni rab bzhag pa/ /rgyal po'i khab kyi grong khyer gyi/ /de tshe 'od ma'i tshal du'o/ /sku gdung mchog ni blangs nas kyang / /dge ba la dmigs yid can gyis/ /ji ltar sngon gyi byas pa bzhin/ /mchod rten de la mchod pa byas/ /sku gdung bum pa de blangs nas/ /de ni de bzhin rnam bgos nas/ /blo ldan des ni skad cig gis/ /de nas gnod sbyin la yang smras/ /'dzam bu'i</font><hr>95.275a<br><font size=+1>

gling 'di ma lus pa/ /mchod rten rgyan gyis brgyan pa dang / /sa rnams sku gdung snying por ni/ /khyod kyis kyang ni rab tu bya/ /'bad pa yis ni mtshan phyed du/ /gnod sbyin gyis ni bka' yang blangs/ /mi ma yin pa'i bya ba byas/ /sa steng rdo yi srog shing bsgreng / /ka ba stong phrag du ma ni/ /de tshe yongs su btsugs par gyur/ /mchod rten rnams la mchod don du/ /lus can rnams la mtshon par gyur/ /'jig rten mgon po skyob pa yis/ /mchod rten sna tshogs byas nas ni/ /skad cig gcig gis gnod sbyin rnams/ /rgyal po yi ni drung du lhags/ /de nas gnod sbyin rab btud nas/ /dben par tshig ni rab tu smras/ /ji skad bka' stsal ma lus byas/ /sa bdag ji ste gzigs mi mdzad/ /de nas myur du sa bdag de/ /de tshe shing rta de la zhon/ /rnam pa sna tshogs mchod don du/ /rnam pa sna tshogs mdzes pa'i phyir/ /gser dang de bzhin dngul dag dang / /rnam pa sna tshogs mchod rten brgyan/ /de nas gnod sbyin shing rta dang / /myur du rgyal po rab tu song / /gang na rgyal ba'i mchod rten yod/ /skad cig gis ni de yul du'o/ /rnam pa sna tshogs mchod pa yis/ /rgyal po des ni de la mchod/ /de tshe rgyal ba'i mchod rten gyis/ /sa rnams ma lus mdzes par byas/ /bdag nyid chos rgyal mya ngan med/ /smon lam dag ni 'debs par brtson/ /dge ba'i rtsa ba 'di don gyis/ /bla na med pa'i sangs rgyas shog /de bzhin des kyang rig nas ni/ /rgyal po chos ni ston par byed/ /de ni shi nas lha ru 'gro/ /nges par byang chub gzhol bar 'gyur/ /lo ni brgyad cu rtsa bdun du/ /sa steng mchod rten mchod par 'gyur/ /lo ni brgya dang lnga bcur 'tsho/ /gnod pa med pa'i rgyal thabs byed/ /de rang las las byung ba yi/ /lus la nad ni yongs su 'byung / /nad des gnod cing sdug bsngal nas/ /shi nas mtho ris 'gro bar 'gyur/ /lha yi phun sum tshogs pa che/ /thob nas rjes su myong bar byed/ /de ni yid gzhungs rim gyis su/ /rnyed par dka' ba'i byang chub thob/ /rdo rje pad</font><hr>95.275b<br><font size=+1>

ma'i rigs dag ni/ /sngags kyang de tshe 'grub par 'gyur/ /dzam b+ha la sogs gnod sbyin yang / /'di yi bstan pa'i rjes su 'jug /rdzu 'phrul chen po 'phrog ma sogs/ /gnod sbyin mo yang yang dag 'grub/ /'khor los sgyur bas bskyed pa yi/ /'khor los sgyur ba'i sngags kyang grub/ /gang dag rgyal bas bstan pa'i sngags/ /rig pa'i rgyal po rdzu 'phrul che/ /gtsug tor la sogs thams cad dang / /gang gzhan rgyal bas gsungs pa'ang yin/ /de yi dus ni rab bzang la/ /sgrub pa dam pa dag kyang bya/ /dam pas tha ma bsgrub mi bya/ /dam pa thob par bya phyir ro/ /di lI pa dang na hu sha /nga las nu dang dug chen mtsho/ /rgyal bas bshad pa'i 'khor los sgyur/ /sngags ni de dag sgrub par byed/ /bdag nyid chen po na hu sha /de tshe gzi brjid phung po grub/ /rgyal po chen po dug chen pa/ /gdugs dkar po yang grub pa yin/ /de bzhin rgyal po di lI pa/ /yi ge gcig pa'i sngags kyang grub/ /nga las nu ni 'jig rten dang / /de bzhin gtsug tor dam pa grub/ /rgyal mchog d+hun du ma ra ni/ /de bzhin rgyal ba'i gtsug tor grub/ /de bzhin 'dam gyi rgyal po ni/ /rnam rgyal gtsug tor grub pa'o/ /de bu skye dgu'i bdag po ste/ /de yang sa steng spyan sngags grub/ /skye dgu'i bdag po skye ba ste/ /de yang mdzod spu'i sngags kyang grub/ /lte ba'i bu ni khyu mchog ste/ /de ni las grub brtul zhugs brtan/ /kha ba can gyi ri dag tu/ /de yang nor spyod gnod sbyin grub/ /khyu mchog bu ni rgyas pa ste/ /de yang de tshe sngags bzlas byed/ /de tshe sa steng de mthar gyis/ /dpa' bo chen po'ang rab tu grub/ /'di dag gzhan yang mang po yi/ /rgyal pos 'jig rten rnam grags pas/ /sngags rnams rab tu bsgrubs nas ni/ /rgyal srid byas nas lha yul 'gro/ /rig pa'i rgyal po rdzu 'phrul che/ /rgyal ba'i dbang pos gang gsungs pa/ /de kun dus ni bzang po ste/ /</font><hr>95.276a<br><font size=+1>

lo ni stong phrag brgyad cu pa/ /sngags dang rgyud kyi don mkhas pas/ /grub pa dag ni sgrub par 'gyur/ /'di dag gzhan yang rab mang ba'i/ /sa bdag 'jig rten rnam grags pa/ /de nas stong phrag brgyad cu 'i sngags/ /de bzhin yang dag bsgrubs nas ni/ /rgyal srid byas nas mtho ris 'gro/ /nges par byang chub gzhol bar 'gyur/ /de tshe bar ma'i dus dag tu/ /lha mo rdzu 'phrul chen mo dang / /lha rnams kyi ni sngags dang ni/ /pad ma'i rigs kyi sngags dang ni/ /blon po mi yi gtso bo dang / /sa bdag sa kun bdag po'o/ /bA rA Na sI grong khyer na/ /rgyal po tshangs pas byin pa yang / /'jig rten 'jig rten dbang phyug grags/ /phyag na pad ma rab tu grub/ /bdag nyid chen po brtson 'grus che/ /lhag par snying rje chen po de/ /sems can rnams la sngags tshul gyis/ /chos rnams ston pa byin pa yin/ /rgyal po yang ni tshangs byin gyis/ /mi yi bde ba rjes myong nas/ /de nas de ni sngags grub ste/ /lus dang bcas pas mtho ris song / /de yi bu yang blo ldan ni/ /bsod nams las ni brtul zhugs brtan/ /brtson 'grus chen po rta mgrin zhes/ /rnam par grags pa de yang grub/ /de yis sngags kyis mthu yis ni/ /de tshe brgya byin las rgyal gyur/ /de bu dkar po zhes bya ba'i/ /rgyal po thams cad gtong ba 'byung / /de yang nor ni sbyin pa'i sngags/ /dkar mo che zhes bya ba yang / /sngags ni rab tu bsgrubs pas kyang / /lo ni sum brgya dag tu 'tsho/ /de yi sngags kyi mthu yis ni/ /bde ba can tu yang dag 'gro/ /nges par byang chub 'di nges thob/ /de bzhin gzhan yang ngas lung bstan/ /de tshe bar ma'i dus dag tu/ /bar ma'i sngags ni rab tu 'grub/ /dka' ba tha ma'i dus dag tu/ /nga ni sangs rgyas nyid thob nas/ /rdo rje pad ma'i rigs dag gi/ /sngags kyang rab tu 'grub par 'gyur/ /gzhon nu khyod kyi sngags dag ni/ /gang zhig sa steng sngon bstan pa/ /sngags</font><hr>95.276b<br><font size=+1>

ni longs spyod rgyu nyid du/ /de yang rab tu grub par 'gro/ /'jig rten rnam pa sna tshogs pa'i/ /phal pa dag gi sngags dag ni/ /mi sdug gzugs can rnyog par ldan/ /bar snang dang ni nam mkhar spyod/ /sa blar gnas pa'i gnod sbyin mo/ /de bzhin sna tshogs sha za mo/ /mi 'am ci dang mkha' lding dang / /yi dgas srin pos bshad pa rnams/ /sha za lto 'phye gnod sbyin dang / /rdzu 'phrul chen po klu rnams kyi/ /dus ngan de tshe tha ma la/ /sngags ni rab tu grub par 'gyur/ /gzhon nu'i gzugs kyi sngags dang ni/ /gzhon nu ma yi gzugs kun yang / /dus ni 'jigs rung de yi tshe/ /de yang grub par rab tu 'gro/ /de bzhin sngags ni rnam pa gsum/ /sgrub pa'ang rnam pa gsum yin no/ /rnam gsum nyid kyis dus kyi ni/ /rnam gsum grub pa 'dod pa yin/ /rgya che'i gtam dang ldan pa dag /mdor bsdus nas ni bshad par bya/ /gtso bo mya ngan med pa yi/ /de 'og rgyal po byung ba ni/ /mya ngan bral zhes rnam par grags/ /'jig rten chos kyis spyod par ldan/ /lha mo gos dkar mo yi ni/ /de yi sngags 'di yongs su 'grub/ /mya ngan rnam bral gyis bsgrubs nas/ /lha yi gnas su rab tu song / /yun ring bde ba mtho ris su/ /rgyal po chen po rjes su myong / /phyir yang mi yul phyin nas ni/ /blo ldan chos kyi ngang tshul ldan/ /rgyal thabs rnam pa sna tshogs ldan/ /'od chen pos ni rjes su myong / /lo ni bdun cu rtsa drug tu/ /dpal ldan mchod rten mchod pa byed/ /de nas de ni nad btab nas/ /lus zhig nas ni lha ris 'gro/ /de yi 'og tu rgyal po ni/ /dpa' bo'i sde zhes rab tu brjod/ /chos la spyod cing rnam par grags/ /bstan pa 'di la mnyam par bzhag /lha mo mchod rten dpal chen ma/ /de yi sngags kyang rab tu bsgrubs/ /des kyang ston pa'i khang chen ni/ /de yi tshe na byas par 'gyur/ /sa rnams rgyal mtsho'i mthar thug par/ /ma lus</font><hr>95.277a<br><font size=+1>

mchod rten rnams kyis brgyan/ /de la rnam smin las kyis ni/ /lus las skyes pa'i nad kyang 'byung / /zla phyed gcig tu sdug bsngal nas/ /de nas shi 'phos lus zhig 'gyur/ /lo ni bdun cu dag tu yang / /mi yi nang du rgyal thabs byas/ /shi 'phos de ni mtho ris 'gro/ /nges par byang chub gzhol bar 'gyur/ /de yi 'og tu rgyal po ni/ /dga' bo zhes bya 'byung bar 'gyur/ /dpal ldan grong khyer me tog ces/ /sde chen stobs ni che bar gnas/ /sha za pi lu zhes bya ba'i/ /sngags kyang des ni bsgrubs pa yin/ /de yi sngags kyi mthu yis ni/ /longs spyod chen po yod par 'gyur/ /rgya yi gtso bo zhes bya ba/ /'jig rten 'dir ni 'byung bar 'gyur/ /de nor thob pas blon por 'gyur/ /'jig rten rgyal po nyid du'ang 'gyur/ /de yi dus su 'byung ba ni/ /bram ze tshad ma shes pa'o/ /log pa'i nga rgyal dag la zhen/ /ma ga d+hA yi grong khyer gnas/ /log pa'i nga rgyal gyis dregs rnams/ /'byung ba nyid du the tshom med/ /de dag gis ni rgyal po bskor/ /de dag la ni des nor byin/ /nor ni mang po de dag gis/ /dge ba'i bshes la rab mchod nas/ /de yi nor ni zad par byed/ /ma 'dres de la goms pa dang / /sbyin la zhum med rgyu yis ni/ /blo ldan de yi lha khang ni/ /nyi shu rtsa bzhi byed du bcug /grong khyer me tog ces bya bar/ /bdag nyid chen po blon po'i gtso/ /bram ze bzang po snying rjer ldan/ /de yi tshe na 'byung bar 'gyur/ /rgyal po dang ni rab mdza' ba'i/ /chos kyi bdag nyid 'byung bar 'gyur/ /gnod sbyin ma ni dpa' mo ldan/ /sa steng de yi sngags kyang 'grub/ /des kyang sa steng dag tu ni/ /mchod rten bzang po byed du bcug /gnod sbyin ma yi mthu yis ni/ /shes rab rab tu che bar 'gyur/ /de yi bag chags las kyis ni/ /sngon gyi bag chags yong bskul nas/ /blo dang ldan pas mthar gyis ni/ /rnyed par dka' ba'i byang chub 'thob/ /</font><hr>95.277b<br><font size=+1>

mchog sred ces ni rnam grags pa'i/ /de tshe 'dod chags shas che 'byung / /bud med byas pa'i skyon gyis ni/ /bram ze'i khye'us 'chi ba thob/ /dpal ldan rgyal po dga' bo yang / /snga ma'i las kyi nyes pa yis/ /me tog ces bya'i grong khyer gyi/ /mi rnams 'chad pas gnod par byed/ /blon po'i tshogs kyang ma dad gyur/ /stobs chen bden par smra ba yang / /sngon gyi las kyi nyes pa yis/ /nad chen dag gis thebs 'gyur te/ /rims nad chen pos sdug bsngal gdung / /nam phyed tsam na shi bar 'gyur/ /rgyal po de yi tshe tshad ni/ /de bzhin lnga bcu rtsa drug go /de ni nyan thos byang chub tu/ /rgyal po nges par 'gyur ba yin/ /de yi grogs po gzhan gyur pa/ /bram ze'i khye'u pa Ni ni/ /nges par nyan thos byang chub tu/ /nga yis lung bstan byas pa yin/ /'jig rten dbang phyug bdag nyid che/ /de yang de yi sngags grub pa'o/ /bram ze shes rab 'dod pas kyang / /khro bo ha la ha la bsgrubs/ /rgyal po de las gzhan pa yang / /zla ba sbas zhes bya ba 'byung / /gnod sbyin chu dbang grub pa ste/ /rgyal srid gnod pa med par byed/ /longs spyod che zhing bden par smra/ /chos kyi bdag nyid sa yi bdag /mi dge'i bshes gnyen rab brten nas/ /srog chags mang po gsod par byed/ /las kyi rnam smin de yis ni/ /'brum bu'i nad 'byung rab tu brgyal/ /de ni mtshan phyed sad nas ni/ /rgyal srid la ni bu bzhag pa/ /snying po thig le zhes bya ba/ /blon po la sdang byis pa de/ /de nas zla ba sbas pa de/ /shi 'phos sa steng dus las 'das/ /mi yi 'gro ba spangs pa yi/ /de tshe yi dgas 'jig rten song / /'gro ba las grol sngags goms pas/ /de nas lha yi gnas su song / /dge ba'i sems kyis dmigs nas ni/ /sngags kyi rgyus ni yang dag bskyed/ /rgyal po des ni mthar gyis kyang / /nyan thos kyi ni byang chub 'gro/ /snying po thig le rgyal po yis/ /byis pa mi gsal blo yis ni/ /bye ma las byas srid gzhan du/ /sngon ni mchod rten dag kyang</font><hr>95.278a<br><font size=+1>

byas/ /de yi rnam smin mthu yis ni/ /ma smad lha yi gnas su song / /skye ba stong phrag lnga brgyar ni/ /lha yi nang du bde ba myong / /mtho ris 'jig rten shi 'phos nas/ /mi yi nang du rab skyes pa/ /blo ldan zla ba sbas pa yi/ /rgyal po dga' ba'i rigs su skyes/ /byis pa nyid nas rgyal por 'gyur/ /yun mi thung bar bde ba myong / /'jigs med bstan dang yang dag rig /spyi brtsan pa dang snyan par smra/ /de nyid rang dbang rgyal srid ni/ /lo ni bdun cur yongs su byas/ /skra can zhes bya'i sngags dag kyang / /rgyal po de la rab tu grub/ /khyod nyid kyi ni sngags nyid kyang / /de tshe grub par byed par 'gyur/ /khyod nyid kyis bshad sngags dag kyang / /de yi tshe na grub par 'gyur/ /byis pa'i tshul can sna tshogs gzugs/ /byis pa rnams la mthu dang ldan/ /sngags kyi gzugs kyis lus can la/ /the tshom med par 'byung bar 'gyur/ /sems can rnams la phan 'dod pas/ /gang zhig khyod kyis bstan pa'i sngags/ /de tshe de yi dus dag tu/ /brjod pa tsam gyis 'grub par 'gyur/ /blo ldan snying po thig le yi/ /rgyal po de yi blon po ni/ /tsa nag kya zhes rnam bsgrags pa/ /bram ze'i khye'us khro bo 'grub/ /gshin rje gshed ces bya ba ni/ /blo ngan des ni de yang 'grub/ /des ni khro bas zil non nas/ /srog chags dag gi 'tsho ba bcad/ /de tshe rgyal po gsum gyi bar/ /shin tu mi bzad sdig pa byas/ /de ni dus ring 'tsho ba yi/ /bram ze ngan pa 'byung bar 'gyur/ /de yi sngags kyi mthu yis ni/ /lus des lha min brten par byed/ /lha min lus la zhugs nas ni/ /de ni dus ring 'tsho bar byed/ /de nas lus de zhig nas kyang / /mnar med dmyal bar yang dag 'gro/ /de nas dmyal ba'i sdug bsngal de/ /blo ngan des ni rjes su myong / /dmyal ba'i sdug bsngal sna tshogs pa/ /mi 'dod de tshe las las byung / /las gcig sdug bsngal des zad nas/ /khro bo'i sngags kyis rab bskul te/ /dmyal ba las ni de 'chi 'phos/ /dud 'gro dag tu nye bar skyes/ /</font><hr>95.278b<br><font size=+1>

klu yi skye gnas brten nas ni/ /'jigs pa'i gzugs can dag tu 'gyur/ /khro ldan chen po klu yi rgyal/ /gdengs can dug gis dregs byed dang / /mi bzad las ni rab byed pas/ /ma rungs las las de 'chi 'phos/ /rdzu 'phrul chen po yi dgas kyi/ /gshin rje'i rgyal por rab tu 'gyur/ /de ltar sdug bsngal stong phrag ni/ /yang dang yang du rjes su myong / /blo ngan de ni mthar gyis su/ /bram ze'i khye'ur sa steng 'ongs/ /mi yi skye bar 'ongs nas ni/ /'jigs pa yi ni gzugs can 'gyur/ /khro ba dang ni dbul ba nyid/ /grags pa chung ba nyid du 'gyur/ /gang yang 'jig rten rang sangs rgyas/ /'dod med bse ru lta bur spyod/ /dman pa la ni rjes brtse ba/ /sa yi steng na rnam par rgyu/ /sems can rnams la phan 'dod phyir/ /bsod snyoms spyod la rab tu zhugs/ /de tshe gzhan sems rig pa des/ /blo ngan de ni rab tu mthong / /snying rjes yin gyis gzhan min des/ /de yi thad du byon par 'gyur/ /des ni zan dron gsol ched du/ /bse ru lta bu la ni khyer/ /des ni sngags la rab brnyas nas/ /de tshe rgyu ni yang dag bstan/ /de las gcig gi bdag nyid la/ /bsod snyoms de ni yang dag bstabs/ /kye 'di rab byung ma lus pa/ /ji ltar bde ba bzhin du gsol/ /de la rjes brtse rang sangs rgyas/ /de tshe rdzu 'phrul bstan par 'gyur/ /de yi mthu yis yid bskyod nas/ /de nas ngo mtshar rab skyes te/ /sangs rgyas bse ru lta bu la/ /spyi bos kun la rab tu btud/ /ji ltar 'dod par nyes bral rnams/ /dge ba'i rtsa ba de yi mthus/ /rang rgyal byang chub smon lam btab/ /bdag nyid chen po ci 'dra ba/ /rdzu 'phrul chen po zhi ba'i gzugs/ /sdug bsngal blo ngan mi 'gyur bar/ /de 'dra bdag ni 'jig rten shog /las kyi lhag ma zad pa dang / /'chi 'phos de tshe mtho ris song / /chos kyi bdag nyid de mthar gyis/ /nyan thos de ni byang chub thob/ /de bas sngags kyi sgrub pa</font><hr>95.279a<br><font size=+1>

ni/ /mngon spyod dag ni yong mi bya/ /sangs rgyas byang chub sems dpa' yis/ /mngon spyod rab tu bkag pa yin/ /snying rje mchog ldan sangs rgyas dang / /byang chub sems dpa' rdzu 'phrul che/ /sngags rnams mthu bstan don du ni/ /las rnams thams cad bstan pa yin/ /de bzhin nor bu lta bu'i sngags/ /gang zhig de bzhin gshegs pas gsungs/ /khro dang chags pas zil mnan pa'i/ /byis pa rmongs pa'i sems dag gis/ /de dag sngags ni mngon spyod la/ /phan tshun rab tu sbyor bar byed/ /sangs rgyas byang chub sems dpa' ni/ /blo dang ldan pas de bzhin bkag /rnam pa thams cad sngags rnams ni/ /sems can longs spyod 'phel ba dang / /de nas rgyal po dam pa dang / /srung ba che dang dbang phyir dang / /skye gnas sna tshogs la gnas pa'i/ /sems can rnams ni dgug don du/ /sngags kyang bsgrub par bya ba ste/ /'tsho ba dgag phyir ma yin no/ /dge slong mang du thos pa ni/ /de yi tshe na 'byung 'gyur ba/ /ma khol zhes kyang bya ba ste/ /nga nyid kyi ni stod byed pa/ /ji bzhin yon tan bzang po ni/ /ji lta bzhin du brjod par 'gyur/ /kun nas sems ni rab dang zhing / /sangs rgyas rnams kyi bstan la dad/ /sgrub dka'i sngags ni rab bsgrub cing / /'jam pa'i dbyangs kyi de bzhin no/ /yon tan ldan zhing tshul khrims ldan/ /mang du thos shing chos kyang smra/ /dud 'gror sngon ni gyur pa na/ /nga yi bstod pa yongs su smra/ /nyams dga' grong khyer rgyal po'i khab/ /'od ma'i tshal gyi sa steng du/ /slob ma'i tshogs dang lhan cig tu/ /ji ltar bde bar bzhugs pa na/ /der ni bya rog cig yod pas/ /nga la sems ni rab dad byas/ /sems ni nga la dad byas pas/ /lus zhig nas ni mtho ris song / /lha rnams las ni shi 'phos nas/ /mi rnams nang du nye bar skyes/ /mi yi nang du skyes nas kyang / /nga yi bstan la rab tu 'byung / /rab byung bdag nyid chen po de/ /ji bzhin de tshe 'byung bar 'gyur/ /ma khol zhes bya'i brtul</font><hr>95.279b<br><font size=+1>

zhugs can/ /de ni de tshe 'byung bar 'gyur/ /ji bzhin don ni bstod pas mchod/ /rnam pa sna tshogs dpe dag gis/ /'byung po kun la phan pa'i phyir/ /legs par spyod pa rab byed pa'o/ /sems can rjes su gzung ba'i phyir/ /bstod pa brjod pa de gtsor byed/ /dus mtha'i 'jig rten smad pa la/ /de yi tshe na 'byung bar 'gyur/ /rnam par smin pa de yis ni/ /lus zhig nas ni bde 'gror 'gro/ /blo ldan de ni mthar gyis kyang / /rnam pa sna tshogs bde myong nas/ /bsam gyis mi khyab mchog gsungs pa'i/ /thams cad mkhyen pa'i byang chub thob/ /de bzhin gshegs pa nga 'das nas/ /lo ni bzhi brgya lon pa na/ /dge slong klu zhes de 'bod 'byung / /bstan pa la ni dad cing phan/ /rab tu dga' ba'i sa thob pa/ /lo ni drug brgya dag tu 'tsho/ /rig pa rma bya chen mo ni/ /bdag nyid chen po des kyang grub/ /bstan bcos sna tshogs don dang ni/ /dngos po med pa'i don de rigs/ /gang tshe lus de bor ba na/ /bde ba can du'ang skye bar 'gyur/ /de nas mthar gyis sangs rgyas nyid/ /nges pa kho nar yang dag 'thob/ /thogs med ces bya'i dge slong ni/ /bstan bcos de ni don la mkhas/ /mdo sde des don drang ba'i don/ /rnam pa mang po'ang rab tu 'byed/ /'jig rten rig pa ston bdag nyid/ /gzhung byed ngang tshul can du 'gyur/ /de yi rig pa grub pa 'di/ /sA la'i pho nya mo zhes rjod/ /de yi sngags kyi mthu yis ni/ /blo ni bzang po skye bar 'gyur/ /bstan pa yun ring gnas pa'i phyir/ /mdo yi de nyid don sdud byed/ /lo ni brgya dang lnga bcur 'tsho/ /de lus zhig nas lha yul 'gro/ /'khor ba rnams su 'khor ba na/ /yun ring bde ba rjes myong nas/ /bdag nyid chen po mthar gyis de/ /byang chub thob par 'gyur ba yin/ /de ltar rnam pa mang po yi/ /nga yi bstan la dge slong rnams/ /shes rab ldan nyid chos kyang spyod/ /dus kyi mtha' la de tshe 'byung / /phyi ma de tshe dus dag tu/ /dge slong dgra bcom zhes bya ba/ /de ni sngags don bdag nyid ldan/ /rgyud shes de bzhin mang du thos/ /</font><hr>95.280a<br><font size=+1>

gnod sbyin sngags ni rab brjod pas/ /de la bum pa bzang po 'grub/ /sngon ni ngas ni gang bshad pa'i/ /theg pa chen po'i mdo sde yang / /de yi tshe na bum pa las/ /dka' thub chen po 'dren par byed/ /glegs bam de la des bltas nas/ /de la sngags ni zlos pa na/ /gnod sbyin bsgrub pa'i bum pa la/ /der ni bsrung ba ma byas pa'i/ /bag med dran pa nyams pa yis/ /gtsug spyod kyis ni bum pa phrogs/ /de ni de nas sngags grub pa'i/ /dge slong sngags ni zlos byed pa'i/ /bum pa dag ni bltas pa na/ /der ni mngon par mthong ma gyur/ /de nas khro bas mig dmar zhing / /rnam g.yo tshig tu smra ba ni/ /tshangs pa dka' ba'i mthar gyur par/ /brgya byin sogs bcas dbang phyug che/ /sngags kyis ma bkug ma 'ongs na/ /sngags pa bdag min sngags rgyal min/ /gang zhig sangs rgyas sras sngags dang / /rgyal ba mchog gis sngags dag ni/ /tshar gcod don du gang gsungs pa'am/ /gdul dka' 'dul bar byed pa'ang rung / /gal te kun rnams ma bkug na/ /sa steng ma lus de dag med/ /de nas sngags pa chen po langs/ /brtul zhugs brtan zhing las rnams grub/ /ji ltar sngags ni byas pa yi/ /sbyor ba mthong bas rgyud dag kyang / /rkun ma dgug pa de don gtsor/ /sbyor ba rab tu byas par gyur/ /skad cig dran pa tsam gyis ni/ /sdom brtson de ni las myur byed/ /yi ge hU~M gi sngags gcig gis/ /tshangs sogs sa steng 'dren par byed/ /lha rnams ma lus rab bkug pa/ /tshangs sogs brgya byin dang yang bcas/ /ha ha zhes bya'i sgra 'don cing / /nyam thag 'jigs pa'i sgra yang sgrogs/ /ci bgyi zhes bya'i blo byed cing / /bdag cag 'dir ni nyes med smra/ /myur zhing rab tu rings par yangs/ /blo ldan dge slong 'jigs med pas/ /lha rnams la ni rab smras pa/ /'dir ni bum pa slar byin zhes/ /lha rnams phan tshun</font><hr>95.280b<br><font size=+1>

thams cad la/ /dge slong des ni rab tu smras/ /gang gis bum pa bzang po khyer/ /khyod kyis myur du rab tu smros/ /lha rnams kun gyis bltas pa na/ /kun tu yang ni ma mthong gyur/ /bum pa 'di ni su yis khyer/ /lha yi dbang pos yang dag dgongs/ /byang chub sems dpa' 'od chen po/ /dpal ldan lag na rdo rje can/ /de yi bu ni mi bzad yod/ /khro ba che zhing shin tu gdug /bgegs kyi gzugs kyis sngags pa la/ /'gro ba kun la rnam par rgyu/ /bum pa de ni des khyer mthong / /lha yi bdag pos de yang smras/ /rdo rje'i rigs kyi bgegs yod pa/ /sa steng rtse zhing rol par byed/ /'dis ni bdag la ma mchod pas/ /des ni bum pa de 'dir khyer/ /lha yi bdag pos de smras nas/ /phyir yang lha yi gnas su song / /de tshe rang nyid sngags kyis ni/ /lha rnams ma lus slar gshegs gsol/ /skad cig yud tsam nyid kyis ni/ /shin tu legs par yang dag bkug /de tshe dbang med bum par bcas/ /bgegs de nyid dang bcas par 'ongs/ /de nas de ni bgegs de yis/ /yi dgas rnams la bum pa byin/ /de nas de yi bgegs des ni/ /tshig 'di dag ni rab tu smras/ /yi dgas 'jig rten bum pa khyer/ /nga ni de la dga' ba med/ /sngags pa des ni dka' ba dang / /dka' bas btud de bgegs la smras/ /song shig song shig bgegs chen po/ /phyin cad 'di ltar ma byed cig /de nas des ni yi dgas dag /de yi mod la bkug par gyur/ /ltogs shing ngal ba'i sems dang ni/ /dman zhing de dag khab tsam kha/ /shin tu mi bzad chen po de/ /nyam thag skad kyang rab tu 'don/ /snying rje'i tshig tu smra ba ni/ /bdag nyid chen po yongs su skyobs/ /khyod kyi bum pa 'dir 'ongs kyis/ /ji ltar 'dod bzhin bdag la byos/ /sngags pa snying rje cher ldan pas/ /yang dag 'dar ba rab tu skyes/ /snying rjes brlan pa'i sems kyis ni/ /tshig ni 'di</font><hr>95.281a<br><font size=+1>

dag rab tu smras/ /khyod kyi 'jig rten sdug bsngal ci/ /yun mi ring par rab tu smon/ /dman pa'i yid kyis de smras pa/ /bkres pas yang dag gdungs par gyur/ /yi dgas 'jig rten skom pa yis/ /bdag nyid chen po yin yang rung / /dge slong snying rje chen pos ni/ /de dag la ni bum pa byin/ /de nas de dag yid dga' nas/ /myur bar rang gi gnas su song / /de dag bsam pa tsam gyis ni/ /bum pa las ni bza' btung byung / /dge slong dga' bo'i 'og tu ni/ /tsan+dan skyong ni 'byung bar 'gyur/ /de tshe dus ni tha ma la/ /lo ni sum brgya dag tu 'tsho/ /bdag nyid chen po byang chub ni/ /bgegs med myur du rnyed dka' thob/ /rgyal po btsun pa zhes bya ba/ /nga yi bstan pa nub byed pa/ /dus kyi tha ma de yi tshe/ /the tshom med par 'byung bar 'gyur/ /shar phyogs nas ni brtsams nas su/ /kha che'i yul gyi bar dag tu/ /rmongs pas lha khang mchod rten rnams/ /de tshe de bzhin 'jig par 'gyur/ /dge slong tshul khrims ldan pa rnams/ /blo ngan des ni gsod par byed/ /byang gi phyogs su brten nas ni/ /de ni 'chi bar 'gyur ba yin/ /mi ma yin pa nyid 'khrugs nas/ /yul 'khor phyugs dang gnyen rnams dang / /ri yi dum bus bcom par 'gyur/ /blo ngan de ni sa 'og 'gro/ /de ni 'og nas 'og tu 'gro/ /dmyal las dmyal ba rab drag par/ /sdug bsngal sdug bsngal drag par ni/ /mi bzad par ni yang dag ltung / /mnar med zhes ni bya ba yi/ /sdig pa'i las kyis dmyal ba ni/ /de nas bskal ba cher 'tshed pa/ /bdag nyid ngan pa go mi shan/ /mi dge'i bshes gnyen la brten nas/ /sdig pa shin tu mi bzad byas/ /de ni nga yi bstan pa la/ /rnam pa kun gyis 'bad nas ni/ /sems ni ma lus rab btang nas/ /phun sum tshogs dang de nas spyod/ /nges par sangs rgyas nyid lam ni/ /yan lag brgyad kyi theg pas ni/ /de tshe de ni rab 'gro zhing / /mya ngan nad</font><hr>95.281b<br><font size=+1>

med dam pa thob/ /de yi 'og tu sa srung ba/ /sangs rgyas phyogs zhes rnam par grags/ /phyogs che gtong ba che ba dang / /sangs rgyas rnams kyi bstan la dad/ /de tshe dus kyi tha ma la/ /'byung bar 'gyur bar the tshom med/ /thams cad mngon dga'i rgyal po ste/ /ston pa'i bstan pa de gtsor byed/ /kun dga' ra ba mchod rten gnas/ /ston pa'i gzugs brnyan bla na med/ /mtshe'u rdzing dang khron pa dang / /mtsho rnams dag ni du ma dag /rgyal po chen pos byas nas ni/ /tshe zad lha yi gnas su song / /des kyang sa steng grub pa ni/ /pad ma 'chang ba brtson 'grus che/ /bdag nyid chen po sems dpa' la/ /sa yi bdag por don du gnyer/ /de yi sngags kyi mthu yis ni/ /lo ni sum brgya dag tu 'tsho/ /de yi las kyi lhag ma yis/ /myur du byang chub 'thob par 'gyur/ /de yi bu ni rgyal po yang / /sde chen stobs ni che ba yi/ /zab mo'i phyogs zhes rnam par grags/ /grong khyer sa ni lnga len 'byung / /rig pa'i bdag nyid rgyal po de'ang / /de yi tshe na 'byung bar 'gyur/ /gtsug lag khang dang gnas khang dang / /mchod rten rdzing dang khron pa ni/ /'od chen sa yi bdag po de/ /du ma byed par the tshom med/ /blo dang ldan pa 'jam dbyangs kyi/ /sngags kyang des ni rab bsgrubs pa/ /de dag yi ge drug ces bya/ /don chen longs spyod 'phel byed pa'o/ /de yi sngags kyi mthu yis ni/ /de ni longs spyod che bar 'gyur/ /blo dang ldan pa mthar gyis ni/ /myur du byang chub gzhol bar 'gyur/ /de bzhin gshegs pa'i bstan 'di la/ /rnam pa sna tshogs bya ba byed/ /byang gi phyogs la brten nas ni/ /de yi tshe na 'byung bar 'gyur/ /lha ldan yul zhes bya ba yi/ /gangs can ri yi nang gnas pa'i/ /rgyal po mi yi lha zhes pa/ /lits+tsha bI rnams rigs su byung / /de yang sngags kyi don bsgrubs te/ /longs spyod che dang ldan par 'gyur/ /rig pa longs spyod ldan zhes bya/ /mi yi bdag pos de yang grub/ /lo ni brgyad cur rgyal srid byas/ /des ni rkun</font><hr>95.282a<br><font size=+1>

ma rnam par spangs/ /rgyal po de ni srog spangs nas/ /der yang sngags ni myur 'grub ste/ /zhi dang rgyas pa bsil byed pa'o/ /'jig rten sgrol ma zhes grags dang / /lha mo gos dkar ma dang ni/ /dkar mo chen mo gzhan phan brtson/ /rtag tu yid ni mi skyo ba'o/ /de la sogs pa gsungs pa yi/ /de bzhin rgyal po mang po ni/ /rnam pa du ma mang po dag /kha dog sna tshogs sna tshogs gzugs/ /kha ba can gnas kla klo'i rgyal/ /de yang ston pa mchod byed pa'o/ /khyu mchog khyu mchog bzang po dang / /sa 'od de bzhin sa 'od bzang / /de bzhin pha rol gnon nyid dang / /rkang pa'i 'gros zhes bstan pa yin/ /sa srung dang ni be'u dang / /'od ldan nyid ni phyi ma yin/ /tha mar char rgyal ngang tshul te/ /kla klo rnam pa sna tshogs yin/ /de 'og lugs ni rnam zhig cing / /phyi rol skye dgus nye bar spyod/ /de tshe bal yul bdag po ni/ /mtshon gyis 'thab pas rnam par 'jig /kla klo'i rkun po bsten pa yi/ /der ni rgyal po rnam par 'jig /sa bdag du ma gsungs pa rnams/ /sna tshogs lha dang bram ze dag /de yi tshe na 'byung bar 'gyur/ /rgya yul kun la brten pa yi/ /rgyal po dbyig gi snying zhes bya/ /sde chen stobs kyang che ba dang / /blon po rgya che nyid dang ni/ /skye bo rtsa lag rab tu mang / /kla klos btud dang rnam par rgyal/ /ston pa'i bstan pa de gtsor byed/ /gzhon nu bdag nyid chen po nyid/ /de yi sngags ni rab bsgrubs pa/ /mthu ni chen po dang ldan pa'i/ /rig pa'i rgyal po yi ge brgyad/ /dpa' bo che zhes rnam par grags/ /phun sum tshogs pa'i gnas chen yin/ /de yi byis pa'i blo yis ni/ /rgyal srid phyir ni rab smon byas/ /gang gis dran pa tsam gyis ni/ /sangs rgyas nyid du nges 'gyur ba/ /mi bdag rgyal thabs nyid kyi phyir/ /de ni skal ba mi nyung 'gyur/ /mchog gi sbyin pa bla na med/ /bsam pa tsam gyis thob pa nyid/ /tshangs sogs lha rnams thams cad la/ /ma lus lung ni</font><hr>95.282b<br><font size=+1>

rtsol byed na/ /lha ngan phal pa dag dang ni/ /mi yi 'jig rten smos ci dgos/ /lo ni brgya dang lnga bcur 'tsho/ /grags chen lha yi gnas su 'gro/ /chos kyi bdag nyid de mthar gyis/ /byang chub dam pa thob par 'gyur/ /gzhon nus yongs su bshad pa yi/ /rig pa 'di ni de yul du/ /de ni myur du 'grub 'gyur gyis/ /rig pa gzhan ni nam yang min/ /byang chub sems dpa' dpa' bo che/ /'jam pa'i dbyangs ni 'od chen po/ /mngon sum de yi yul dag na/ /byis pa'i gzugs kyis bzhugs pa yin/ /grub pa'i zhing mchog dam pa la/ /mi ni yongs su sgrub par 'gyur/ /rgyal po tu ruSh+ka zhes bya/ /byang phyogs la ni yang dag brten/ /sde chen brtson 'grus che ba ste/ /de yi gnas su 'byung bar 'gyur/ /shing shun gyon yul ma gtogs pa/ /kha che'i mthar thug ka shir bcas/ /de ni dpag tshad bdun brgya dang / /'bum phrag gnyis kyi sa bdag tu/ /de tshe dus kyi tha ma la/ /de tshe the tshom med par 'gyur/ /de yang sngags ni grub pas na/ /lo ni sum brgya dag tu 'tsho/ /blo ldan mi yi spyan gyur pas/ /skra can ma yi rig pa bsgrubs/ /bdag nyid dge bar bya ba'i phyir/ /lha khang dag ni mang po byas/ /stong phrag brgyad cu rtsa gcig gi/ /mchod rten mchog ni de bzhin byas/ /theg pa chen po mchog chos dang / /de bzhin sangs rgyas rnams kyi yum/ /'jig rten shes rab pha rol phyin/ /de yi yul du rab gnas byas/ /rgyal po de ni lus zhig nas/ /mtho ris 'jig rten 'gro bar 'gyur/ /sa bdag de ni mthar gyis su/ /rdzogs pa'i byang chub bla med 'thob/ /de 'og sa bdag rgyal po ni/ /chen po tu ruSh+ka zhes bya/ /blo ldan mang pos bkur zhes bya/ /rtag tu dge zhing mchod la dga'/ /lha mo sgrol ma rdzu 'phrul che/ /de yi sngags kyang rab tu bsgrubs/ /des kyang sngags ni rab bsgrubs pa/ /sa steng rgyal po'i ched du'o/ /phyogs che dpung ni chen po dang / /rgyal po grags pa chen po ste/ /gnyen dang rigs dang rgyal pos kyang / /de ni bkur ba nyid du 'gyur/ /</font><hr>95.283a<br><font size=+1>

rtsa brgyad stong gi gtsug lag khang / /de yi dus su yod par 'gyur/ /de yi sngags kyi mthus yis ni/ /lo ni nyis brgya dag tu 'tsho/ /gang tshe de lus zhig pa na/ /dga' ldan du ni skye bar 'gyur/ /byang chub sems dpa' rdzu 'phrul che/ /lha yi bus kyang bkur bar 'gyur/ /chos kyi bdag nyid de mthar gyis/ /byang chub yan lag mngon rdzogs nas/ /'bad pas de ni mthar gyis kyang / /mnyam med byang chub thob par 'gyur/ /dus kun de yi yul du ni/ /gsung rab mang po gnas 'gyur ba/ /sngon gyi rgyal ba dag gis gsungs/ /da ltar ngas kyang gsungs pa yin/ /rdzu 'phrul chen po klu dang ni/ /'dod chags bral bas rnam par gnas/ /de bzhin 'jig rten skyong ba dang / /gnod sbyin bstan pa srung byed dang / /sa steng dam chos srung byed pa/ /de yi tshe na 'byung bar 'gyur/ /de ltar rnam pa mang po bstan/ /sa bdag 'jig rten rnam grags pa/ /bstan dang ston par 'gyur ba yin/ /nub phyogs yul ni mtha' yas pa/ /'phags rgyal zhes bya'i pha rol tu/ /la da'i yul gyi skye bo ni/ /ngang tshul zhes bya'i rgyal po yod/ /sangs rgyas rnams kyi bstan la dad/ /grong khyer phyin nas yang dag zhugs/ /chos kyi rgyal por 'gyur ba ste/ /mchod rten sna tshogs gtsug lag khang / /de bzhin srog chags dge bar ni/ /sa bdag chos la mnyes gshin pas/ /rig pa'i bdag nyid byed par 'gyur/ /rgyal ba'i gzugs brnyan yid 'ong la/ /rnam pa sna tshogs mchod pa byed/ /'jig rten mgon po grags chen gyi/ /mchod rten mchog la'ang mchod pa byed/ /des na de ni sngags kyang grub/ /rgyal po las skyes kho na ni/ /de yi yul du yang dag grags/ /dge slong bsod snyoms byed pa ni/ /tshul khrims ldan zhing blo dang ldan/ /sangs rgyas rnams kyi bstan la dad/ /bdag nyid chen po dus su rgyu/ /de ni bsod snyoms rab zhugs rgyu/ /rgyal po'i khab bzang rab mthong ba/ /</font><hr>95.283b<br><font size=+1>

rgya che skye bos gang ba la/ /bslang ba'i don du der yang zhugs/ /bkres pa dang yang yang dag ldan/ /ngal zhing ltogs pa'i yid gyur kyang / /de tshe bsod snyoms rnyed ma gyur/ /rgyal po'i skyes bus de myur bzung / /khyim de las ni phyung bar 'gyur/ /de nas de ni yid byung nas/ /rgyal po'i mi la rab khros te/ /grong khyer de las nges byung nas/ /mod la de yi rang gnas phyin/ /ltogs shing skom pa nyid gyur pas/ /sdug bsngal yid mi bde bar gyur/ /de nas de ni zas chad nas/ /mtshan phyed du ni langs gyur nas/ /sdom brtson de ni sems chud pas/ /de tshe srog ni gtang bar rtsom/ /de tshe smon lam byed pa ni/ /la da'i yul gyi bdag por shog /de nas dge slong dus las 'das/ /spu gri zhes bya'i rgyal rigs su/ /bdag nyid chen po de skyes gyur/ /ston pa'i bstan pa mchod par byed/ /lo ni sum cu dag tu yang / /rgyal srid gnod pa med par byas/ /brkam chags rang mi'i sbyor ba yis/ /ma zhu'i nad kyis btab par gyur/ /de tshe rgyal po lus zhig nas/ /dus byas lha yi gnas song ba/ /byams pa gang du bzhugs pa yi/ /dga' ldan lha yi gnas mchog tu/ /bdag nyid chen pos chos 'chad par/ /de nyid du ni skye bar 'gyur/ /'od chen byams pa chen po la/ /bsnyen bkur byed cing chos kyang nyan/ /bdag nyid chen po de mthar gyis/ /rnyed par dka' ba'i byang chub thob/ /tshul khrims zhes bya'i rgyal po'i 'og /g.yo ba zhes bya 'byung bar 'gyur/ /lo ni lnga bcu rtsa lnga dang / /de bzhin zla ba lnga ru 'tsho/ /de srid rgyal srid des byas nas/ /mtshon chas 'tsho bas rab bsad pa/ /bud med byas pa'i skyon nyid kyis/ /de ni mtshon chas bsad par 'gyur/ /de yi nu bo brtan zhes bya/ /brtan pa chos ni brtan par 'gyur/ /sngon ni bkren pa zham ring gyur/ /yul ni la da'i bdag por gyur/ /lhag ma rgyal po thams cad dang / /skye dgu kun kyang zham ring pa'o/ /tshul khrims zhes bya rab 'das nas/ /de ni de dag kun gyi sngar/ /sa bdag thams cad 'byung 'gyur</font><hr>95.284a<br><font size=+1>

ba/ /dpa' bo rgya mtsho'i pha rol 'gro/ /rgyal po dbang po zla mdzes dang / /de bzhin du ni gzhu dang tog /me tog gzhu dang rgyal po'i bu/ /res ldan grong las byung ba yin/ /dang po'i dang po snga ma dag /ba la'i grong du 'byung ba yin/ /'od ces bya ba stod rnams dang / /de bzhin khyab 'jug ces bya ba/ /rgyal po mtha' yas gsungs pa ni/ /ya nga ba yi rigs su 'byung / /de dag phyi ma'i rgyal po ni/ /khyab 'jug ces ni bya ba 'byung / /grong dang skye bo gnyen dang bcas/ /drang srong dmod pas gnod gyur pas/ /blo ldan rgyal po med par 'gyur/ /grong khyer chu yis rab tu gang / /de tshe de yi res ldan grong / /rgya mtsho chen pos rab tu gang / /byang gi phyogs ni thams cad du/ /rtsom pa sna tshogs ri zhol brtan/ /sna tshogs rigs la gnas pa yi/ /rgyal po rnams ni mtha' yas gsungs/ /nyi shu gcig dang sum cu yi/ /mi yi rgyal por shes par bya/ /bcwa brgyad sa yi bdag po zhes/ /bar ma'i sa kun bdag po yin/ /mtha' yas klu yi sde la sogs/ /de las tha ma rnam par zhig /de nas khyab 'jug 'phrog byed dang / /mdung zhes bya ba 'phrog byed gzhan/ /dbang ldan dang ni phreng kun dang / /bza' dang brtul zhugs bzang po gzhan/ /dus kun chos lugs rnam par nyams/ /rgyal po de dag dus las 'das/ /des ni bram ze rigs byung ba/ /de tshe longs spyod che nor dang / /bar mthar yi ge dang po b+ha/ /de tshe blon po gnyi ga gtso/ /gnyi ga nor ldan dpal ldan grags/ /bstan pa la ni phan par dga'/ /gzhon nu khyod kyi sngags rgyal po/ /blon pos de tshe sngags kyang bzlas/ /de nas bzung nas sa yi bdag /gnyi ga mi yi dbang phyug gyur/ /bdun dang brgyad dang de bzhin gsum/ /de tshe dpal mgrin gnas na 'dug /ston pa nyi ma zhes bya ba'i/ /gnas na dbang phyug rab tu gnas/ /thams cad gnas su sa yi bdag /'byung bar 'gyur bar the tshom med/ /yi ge ha zhes rab gsungs pa/ /sa rnams kun la mi yi bdag /de yi yul du sngags 'di dag /de tshe grub par 'gro ba yin/ /zhi dang rgyas pa'i rig pa rnams/ /</font><hr>95.284b<br><font size=+1>

gang zhig chos rgyal gyis gsungs pa/ /longs spyod rnam pa sna tshogs tshogs/ /de bzhin rnam pa sna tshogs ldan/ /sna tshogs gzugs kyi gzungs dang ni/ /rdzu 'phrul chen po gnod sbyin mo/ /de tshe dus kyi tha ma la/ /der ni grub par 'gyur ba yin/ /lho yi phyogs la yang dag bstan/ /rgya mtsho'i 'gram gyi sa dag la/ /rgyal po dkar dang zla mdzes dang / /sa la yi ni bzhon pa dang / /dbang chen dang ni bde byed dang / /sa bdag de bzhin yid du 'ong / /longs spyod skra bzang skra zhes su/ /lho yi phyogs su rnam par grags/ /bkra shis dang ni rnyed sla dang / /ba lang rnyed dang khyu nyid dang / /gru bzang de bzhin gru dag dang / /dbang chen dang ni zla ba nyid/ /ba lang srung dbang zla ba'i sde/ /'dod lha de bzhin ma ga d+hA/ /grong byed bde byed nyid dang ni/ /stag dang seng ge gza' lhag dang / /sangs rgyas dag pa bum pa dang / /bum pa ma lus nyid du brjod/ /mnyam dang legs par 'jam pa dang / /skra bzang skra ni ldan pa dang / /lho yi phyogs su sa yi bdag /mtha' yas mang por bstan pa yin/ /'das dang ma 'ongs pa dag dang / /da ltar dag tu rtogs par gyis/ /rnam pa sna tshogs nad btab nas/ /'di dag rnam pa sna tshogs 'chi/ /mtshon gyis 'debs dang mu ge yis/ /'chi zhing kha cig phyogs gzhan 'gro/ /de ltar 'di dag rgyal po rnams/ /kan tsi pu rar gnas par bstan/ /de bzhin stong phrag rnam grags pa/ /de tshe 'byung bar 'gyur ba yin/ /de dus de tshe phyogs dag tu/ /sngags rnams grub par 'dod na ni/ /khro bo rdo rje'i rigs bstan pa'i/ /sngags 'di dag ni bsgrub par bya/ /mngon par spyod pa'i las dag dang / /de bzhin dbang gi don yang 'grub/ /gzhon nu byis pa'i gzugs can ni/ /'jam pa'i dbyangs ni bdag nyid che/ /de tshe dus mthar phyin pa na/ /de tshe yul der 'grub par 'gyur/ /ri bo 'bigs byed la brten nas/ /rgya mtsho ba tshwa can 'gram du/ /gdong drug ces ni yang dag bsgrags/ /sems can rnams la mchog sbyin byed/ /'jam pa'i dbyangs ni blo dang ldan/ /byang chub sems</font><hr>95.285a<br><font size=+1>

dpas bka' stsal pa/ / sems can rnams la phan 'dod phyir/ /lho yi phyogs su gnas par gyis/ /gdong drug gang gi sngags dag ni/ /'jam pa'i dbyangs kyis rab bstan pa/ /de tshe de phyogs de dus su/ /grub par 'gyur bar the tshom med/ /de tshe dpal gyi ri bo'i phyogs/ /'bigs byed nang dang ri zhol dang / /gling nyid rnam pa thams cad dang / /ka ling ka zhes rab bsgrags dang / /yon tan gsum dang kla klo dang / /kho ra 'khor yug ko sa la/ /rgya mtsho'i nang dang 'gram dag tu/ /rgyal po dag ni mtha' yas yod/ /cha shas kA ma rU zhes pa/ /kha ba can gyi nang na gnas/ /o Da yul gyi mtshams kun na/ /rgyal po rnams ni mang po gsungs/ /sna tshogs kla klo'i rgyal po ni/ /ston pa mchod byed de gtso byed/ /dbang po zla ba dga' ba yi/ /rgyal po kla klo'i gnas na gnas/ /da las rgyal po gnyis dag ni/ /bstan pa la ni lo brgyad dang / /ston pa'i sku gzugs mchod byed pa'o/ /de las skyes pa thams cad ni/ /rgyal ba'i bstan la rab dad par/ /the tshom med par 'byung bar 'gyur/ /shar gyi phyogs la brten pa yi/ /rgyal po'i mchog ni mang po gsungs/ /gang zhig 'das dang ma 'ongs dang / /da ltar byung ba thams cad du'o/ /dang po'i rgyal po mchog bshad bya/ /go DA'i rgyud du sa steng skyes/ /grong khyer 'phel byed nyams dga' bar/ /grags ldan de ni rab tu skye/ /de ming 'jig rten zhes bya ba/ /rgyal po go DA 'phel byed byung / /nga ni 'jig rten skyes med 'dir/ /de ni chos la sems pa byung / /sa bdag mang po rnams mnan nas/ /zho shas 'tsho ba dag tu byas/ /bar ma'i dus su 'di dag mnyam/ /bar ma bar ma'i chos dang ldan/ /rtsod pa'i dus kyi tha ma la/ /mi yi dbang po de nyid nyon/ /rgyal po rgya mtsho zhes bya dang / /rnam par gnon pa nyid dang ni/ /rgyal mchog gtso bo dbang chen dang / /de 'og yi ge sa zhes bya/ /lha yi rgyal po zhes bya ste/ /tha ma'i dus la 'byung bar 'gyur/ /rgyal po'i gtso bo sna tshogs zhes/ /blo ldan chos ni 'phel byed pa'o/ /de yi nu bo byis zhes bya/ /bstan pa 'di la phan zhing dga'/ /shar phyogs rgya mtsho'i mthar thug par/ /mchod rten gyis brgyan mdzes pa ni/ /</font><hr>95.285b<br><font size=+1>

de tshe sa rnams ma lus par/ /byed par 'gyur bar the tshom med/ /lha khang kun dga' ra ba rdzing / /skyed mos tshal dang bkad sa ni/ /de tshe dpal ldan byed 'gyur zhing / /gzings dang zam pa byed pa po/ /de tshe ston pa'i gzugs brnyan mchod/ /de la zhugs pa'ang mchod par byed/ /rgyal srid sa yi bdag po byed/ /gnod pa med cing 'gran zla med/ /lo ni sum brgya dag tu'ang 'tsho/ /zhag ni sum cur rab byung nas/ /pha rol rgol bas pham byas te/ /de nas rgyal pos rang srog bcad/ /de 'og de nas lus zhig nas/ /dmyal ba dag tu rab skyes te/ /zhag gsum dang ni gcig dag tu/ /dmyal ba dag gi 'gro bar gnas/ /de nas dmyal ba'i lus bor nas/ /rtag tu rgyal po lha gnas 'gro/ /lha rnams legs spyad 'jig rten du/ /gtsang ma'i gnas zhes rab tu dran/ /der ni lha rgyal zhes byar 'gyur/ /dag pa'i bdag nyid byang chub gzhol/ /brgya phrag dang ni stong phrag tu/ /lha yi bde ba rjes su myong / /phyir yang mi lus thob nas ni/ /srid pa gzhan la sangs rgyas 'gyur/ /skye ba gzhan du sems can la/ /de nyid kyis ni las kyang byas/ /grong khyer 'phags rgyal zhes bya ba/ /de tshe ma la bar skye'o/ /de ni tshong dpon mchog gyur pa/ /ma la bar skyes nor chen ldan/ /'jig rten stong zhing gnas med pa/ /sangs rgyas 'byung ba med dus su/ /rang sangs rgyas ni 'jig rten du/ /rdzu 'phrul chen po rnam par rgyu/ /sems can rnams la phan don du/ /sa yi steng du rnam spyod de/ /grong khyer 'phags rgyal phyin nas ni/ /bsod snyoms spyod la rab tu zhugs/ /bdag nyid chen po tshogs spyod pas/ /de tshe lam chen grong bar ru/ /de tshe tshong pa de nyid kyis/ /thub pa mngon du mthong bar gyur/ /'bras chan la ni mgron bos nas/ /de tshe rang gi khyim du khyer/ /de nas thub mchog myur khyer nas/ /stan dag la ni bzhugs su gsol/ /zas kyi dus ni nyer gnas pas/ /bcom ldan de ni dgongs su gsol/ /bdag nyid chen po de dag kyang / /de tshe cang mi smra bar gyur/ /de tshe tshong pa de la ni/ /lhung bzed dag</font><hr>95.286a<br><font size=+1>

ni zed par gyur/ /tshong pa zur gyis go ba dang / /de tshe blo dang ldan gyur pas/ /rnam pa sna tshogs bza' ba yis/ /lhung bzed rnams ni yongs su bkang / /de nas des ni rang lag gis/ /de dag la ni 'bad pas byin/ /thogs nas de dag thams cad ni/ /mar me'i phreng ba bzhin du mthong / /nam mkha' la ni lus brten nas/ /de dag de yi mod la song / /de nas ba spu langs nas ni/ /de tshe skyo ba mang po gyur/ /yid ni rdzu 'phrul la dad nas/ /sa de la ni rab tu 'gyel/ /smon lam de tshe byed pa yang / /ji ltar tshig tu smra ba ni/ /dge ba'i rtsa ba 'di yis ni/ /de ring bdag gis gang thob pa/ /des ni thub pa rab mchog ni/ /'jig rten blo yi mchog 'gyur shog /de tshe sa steng 'khor los sgyur/ /skye ba stong phrag bcu ru 'gyur/ /de nas de yi lus spangs nas/ /bye ba drug cur lha gnas 'gro/ /der ni yun ring bde myong nas/ /lha gnas skye ba yongs bor te/ /de tshe mi yi skye ba ni/ /gzhan gyi dbang gis 'dir yang phyin/ /de ni rgyal po'i rigs skyes pa/ /thams cad du ni 'dir yang 'gyur/ /rgyal po byis pa zhes bya de/ /shar gyi phyogs su 'byung bar 'gyur/ /skye ba stong phrag brgyad du ni/ /bde ba sgrib med thob 'gyur ba/ /dpal ldan rgyal pos thob pa'o/ /thams cad mkhyen nyid mthar thob 'gyur/ /de ltar rnam mang sems can dang / /de bzhin phun tshogs rgya che ba/ /de tshe mchod dang skul byed pa/ /ston pa la ni su mi byed/ /rig pa dge ba byed pa yi/ /byang chub lam la nges par sbyor/ /de las gzhan pa'i rgyal po ni/ /go DA nus pa'i ngang tshul can/ /gzhon nu zhes bya'i rgyal por gsungs/ /de yang shin tu chos dang ldan/ /de nas gzhan pa dpal ldan bcas/ /yi ge u zhes rnam par grags/ /de las gzhan ni rnam 'byed cing / /de bzhin phan tshun 'jigs par byed/ /de dag go DA drag sems kyis/ /'di dag 'byed pa chen por</font><hr>95.286b<br><font size=+1>

byed/ /de nas lha zhes bya ba yi/ /rgyal po lam ni byed par shes/ /dgra rnams kun gyis yongs khyab nas/ /de ni dgra yis bsnun nas shi/ /de'i 'og zla ba zhes ni bya/ /des ni rgyal po nyid kyang byas/ /sngon gyi las kyis bskul nas ni/ /de nas mtshon gyis rmas nas shi/ /de yi bu ni bcu gnyis grangs/ /lo brgyad bcas pa dag tu 'tsho/ /de yang mtshon gyis rab btab nas/ /de tshe byis pa nyid du shi/ /de dag gcig la gcig sems shing / /drag po phan pa med la dga'/ /rgyal mchog yi ge ta zhes bya/ /de yi tshe na 'byung bar 'gyur/ /go DA'i 'jig rten rnams kyi gtso/ /chen po'i nad kyis yang dag btab/ /nad de nyid kyis nyam thag nas/ /dus byas nas ni 'og tu song / /de 'og yi ge da zhes bya/ /nyin zhag cung zad rgyal po byed/ /go DA'i yul du byung gyur pa/ /gang gA'i 'gram du yang dag gnas/ /de 'og yi ge b+ha zhes bya/ /zhag gsum du ni rgyal po byas/ /de nas sa srung rgyal po ni/ /thams cad du ni de tshe 'byung / /rgyal po de ni snyan par smra/ /byas pa gzo zhing stobs kyang che/ /bud med dbang 'gyur bkren zhing glen/ /dgra las rgyal zhing mi phyed 'gyur/ /dge ba'i bshes gnyen la brten nas/ /de tshe gtong ba chen por 'gyur/ /mchod rten nyams dga' gtsug lag khang / /kun dga' ra ba rnam mang po/ /rdzing yang chu ni phun sum tshogs/ /bsod nams gang ni legs mdzes pa/ /de dag mang po ston byed cing / /grags dang snyan pa'i don la brtson/ /lha yi stegs ni nyams dga' dang / /phug dang gnas khang dag kyang byas/ /ya mtshan can gyis yang dag gnon/ /sna tshogs mu stegs gnas kyis ni/ /rgya mtsho'i 'gram gyi mthar thug par/ /phyogs de thams cad rnam par gnon/ /brtse ldan longs spyod ldan dpag med/ /rgyal po de ni</font><hr>95.287a<br><font size=+1>

chos la dga'/ /shar gyi phyogs su rgyas par ni/ /the tshom med par 'byung bar 'gyur/ /rtag tu cho gar yang dag ldan/ /ka ba nye bar gnas gyur tshe/ /gang gA'i 'gram la yang dag brten/ /de tshe rgyal thabs byas pa ni/ /lo ni sum cu dag dang bdun/ /lo ni brgyad cu dag ni 'chi/ /de nas de yi lus zhig nas/ /lha rnams dag tu nye bar skye/ /de nas dpal ldan klu yi rgyal/ /chos kyi bdag nyid chos la dga'/ /mchod rten gang zhig 'di byas dang / /ston pa'i gzugs brnyan yid du 'ong / /de tshe sa steng dge 'dun ched/ /logs su gtsug lag khang dag byas/ /rnam par smin pa de yis ni/ /srid pa tha ma la brten nas/ /nges par sangs rgyas nyid lam dang / /mi g.yo go 'phang thob par 'gyur/ /de yi 'og tu go DAr ni/ /de dag gtsor ni mu stegs gnon/ /shar gyi phyogs su 'byung ba ni/ /grong khyer du ni mu stegs gnas/ /rgyal po'i ming ni bcom ldan zhes/ /go DA'i nang na mthu dang ldan/ /brtul zhugs can ni mthur ldan pa/ /sbyin gnas zhes pas dbang yang bskur/ /der ni rgyal srid byas nas su/ /nub kyi phyogs su yang dag song / /ci 'dod sgrub pa zhes bya ba'i/ /grong khyer nyams dgar rab tu zhugs/ /ma zhu pas ni rab btab nas/ /phyir yang rab tu log par 'gyur/ /shar phyogs rgya mtsho'i mthar thug bar/ /rkun ma rnams kyis yang dag khyab/ /mtshon gyi gnod pas rab bshig nas/ /shi nas yi dgas 'gro bar song / /sa bdag rgyal po mi mang ba/ /des ni lo gsum bar du byas/ /de nas de ni rkun pos bsad/ /rdzu 'phrul che ba'i yi dgas song / /de nyid du ni lo gsum bar/ /yi dgas rgyal thabs yongs su byas/ /yi dgas 'jig rten mi bzad pa/ /de nas de ni lus kyang btang / /skye ba de las rnam grol nas/ /rtag tu mtho ris 'jig rten song / /de yi 'og tu rgyal po ni/ /rgya mtsho zhes ni bya bar grags/ /blo ngan lo ni</font><hr>95.287b<br><font size=+1>

gsum gyi bar/ /blo gros ngan pas rgyal srid thob/ /de yi nu bor rnam grags pa/ /thal ba zhes bya'i rgyal po 'byung / /srog gcod pa dang yang dag ldan/ /bab col chen po rab tu byed/ /'bad pas rang gi lus la yang / /brtse med bag ni med pa'o/ /byis par gyur pas 'di nyid sems/ /pha rol don ni de mi sems/ /mi dge'i bshes gnyen la brten nas/ /sdig pa'i las ni mang po byas/ /g.yo ldan de bzhin bkren pa yi/ /bram zes rgyal srid dag kyang gnon/ /mi dang mi ma yin dag gi/ /longs spyod rnam pa sna tshogs dang / /rnam pa sna tshogs phun sum tshogs/ /rgyal po des kyang rab tu thob/ /de ni mthar gyis song ba dang / /rgyal po nub kyi phyogs dag tu/ /kha che'i sgo yi mthar thug bar/ /byang gi phyogs la brten nas ni/ /der yang g.yul las rnam rgyal nas/ /rgyal thabs de tshe byas pa ni/ /bcu gnyis lo dang zla ba lngar/ /sa la rgyal srid de tshe byas/ /de nas de ni nad kyis btab/ /yang dang yang du brgyal bar gyur/ /sdug bsngal chen pos zil mnan nas/ /lus ni zhig nas shi 'phos 'gyur/ /rgyal srid phyir ni rab chags nas/ /de dag phan tshun zhe sdang zhing / /mtshon chen tshogs kyis 'phen pa ni/ /de dag phan tshun byas par 'gyur/ /yi ge sa ming byis pa khye'u/ /de tshe rgyal srid dbang yang bskur/ /mtshan ma tsam zhig de byas nas/ /phyir yang de ni 'byung bar 'gyur/ /bram ze'i gtso bo gnyis kyis ni/ /de dag phan tshun phye nas ni/ /ma ga d+hA yi yul phyin zhing / /u dum bA ra'i grong zhes par/ /bram ze'i gtso bo byis pa gnyis/ /sa steng rang gis dbang yang bskur/ /de nas mthar gyis de song nas/ /shar phyogs su ni yang dag brten/ /go DA'i yul gyi mir yang phyin/ /de tshe 'gran zla med par gyur/ /bdag nyid ngan pa'i rtsod rgyal gyis/ /byis pa'i gtso bo de gnyis pos/ /</font><hr>95.288a<br><font size=+1>

mi dge'i bshes gnyen la brten nas/ /srog chags mang po rab tu bsad/ /gang zhig sngon gyi rgyal pos bkur/ /dpa' bas nga rgyal byed pa gang / /go DAr skye bo gnas pa dag /thams cad dag ni gsod par rtsom/ /de nas rgyal po zla ba zhes/ /dpa' bo gcig pu 'byung bar 'gyur/ /gang gA'i 'gram gyi mthar thug dang / /bA rA Na sI de las gzhan/ /ston pa'i gzugs brnyan nyams dga' ba/ /blo ngan gyis ni 'jig par 'gyur/ /chos kyi stegs ni mi nyung ba/ /rgyal ba rnams kyis sngon bstan pa/ /blo ngan dag gis bsreg 'gyur zhing / /mu stegs rnams ni gsod par dga'/ /de nas de ni khro dang chags/ /mi sdom log pa'i nga rgyal can/ /mchod rten kun dga' ra ba gnas/ /sa steng gcer bu'i gnas dag kyang / /de nas thams cad 'jig byed cing / /'tsho ba 'gog pa'ang byed par 'dod/ /yul gyi dbus su rgyal po gzhan/ /de yi dus su 'byung 'gyur ba/ /yi ge ra ming rigs bdag nyid/ /rje rigs kyis 'tsho de las gzhan/ /ston pa'i bstan pa 'di la dad/ /zla ba zhes bya'i rgyal mchog des/ /gcer bu'i rigs gyur rgyal po ni/ /da yang rab tu bsad par gyur/ /yi ge ha ming de'i nu bo/ /dpa' bo gcig pu 'byung bar 'gyur/ /dpung ni chen por yang dag ldan/ /dpa' zhing zil gnon rnam par gnon/ /rgyal po yi ge ha bya bas/ /zla bar rnam grags gnas las bton/ /de nas rgyal po rje'u rigs spyod/ /sde chen stobs ni che ba dang / /de tshe shar gyi phyogs dag ni/ /bsod nams che ba'i grong mchog song / /rgyal rigs chos la gnas nas ni/ /chos kyi don shes brtser ldan pas/ /de ni nga rgyal khro tshul gyis/ /srog chags mang po gsod byed cing / /sems can gnod pa byed pa dang / /chad pa byed la rab dga' zhing / /las ngan rjes su spyod byed pa'i/ /zla ba zhes bya pham par byas/ /zla ba zhes bya de phyung nas/ /rang gi gnas na rab tu 'dug /yi ge ha ming slar log nas/ /kla klo'i rgyal pos rab tu mchod/ /yi ge ha bya dge dang ldan/ /dge ba'i</font><hr>95.288b<br><font size=+1>

don gyi las kyis ni/ /ji ltar 'dod pa'i 'gros dag gis/ /rang gi yul ni nyid du phyin/ /de nyid kyis ni las byas pas/ /rgyal srid dga' dang ldan pa thob/ /yang na rgyal srid spyod gnas pas/ /longs spyod rab tu thob ldan pa/ /snga mar rang sangs rgyas la ni/ /bza' dang gos ni byin pa dang / /de tshe lham ni byin pa dang / /gos kyis brgyan pa'i gdugs kyang byin/ /de yi las kyi mthu yis ni/ /lha mi'i rgyal srid chen po thob/ /lha dang mi yi phun sum tshogs/ /longs spyod phun sum tshogs ldan spyod/ /zla ba zhes bya'i bram ze'i rigs/ /longs spyod cher ldan gang phyir de/ /bram ze dag la longs spyod byin/ /de tshe rgyal thabs byed pa ni/ /lo ni bcu dang bdun dag dang / /de bzhin gzhan ni zla ba gcig /nyin zhag bdun dang brgyad dag tu/ /kha yi nad kyis yang dag btab/ /srin bu rnams kyis zos nas ni/ /dus byas nas ni 'og tu 'gro/ /mi ma yin pas zil mnan nas/ /de tshe grong de bshig par 'gyur/ /mi ma yin pas nyen pa yi/ /rims kyis nyam thag nad kyis brgyal/ /sngags kyi sbyor bas 'chi ba ste/ /de tshe rgyal po dus las 'das/ /mnar med pa zhes bya ba yi/ /dmyal bar sdig pa'i las byed rnams/ /sdig pa'i las rnams rjes spyod pa/ /de ni de ru skye bar 'gyur/ /dmyal bar de tshe bskal chen du/ /ma rungs sems ldan 'tshed par 'gyur/ /de nas so thams kyi hud zer/ /yang sos dang ni thig nag dang / /mi bzad ral gri'i nags tshal yang / /yang dang yang du myong bar 'gyur/ /yi dgas 'jig rten dud 'gro nyid/ /de bzhin gshin rje'i 'jig rten du'ang / /de ltar skye ba stong rnams su/ /'khor bar yang ni 'khor 'gyur yang / /des ni bde ba mi thob cing / /rtag tu sdug bsngal bsten par 'gyur/ /de bzhin gshegs pa'i bstan pa la/ /de bas 'bad pa thams cad kyis/ /sems ni kun gyis dad byas te/ /nad med phun sum tshogs par song / /sangs rgyas phan 'dogs byed pa yis/ /'bras bu mtha' yas</font><hr>95.289a<br><font size=+1>

'byung 'gyur bas/ /sangs rgyas la ni dang bar bya/ /chos dang dge 'dun de bzhin no/ /rgyal pos dkon mchog gsum mchod na/ /'jig rten gyi ni mchog tu 'gyur/ /rgyal thabs chen po'i grags pa thob/ /nor gyi dbang phyug longs spyod che/ /rgyal pos phun tshogs rgya che ba'i/ /bde ba rnam pa sna tshogs 'thob/ /'jig rten mchog ni mchod byas na/ /'jig rten dbang phyug nyid du 'gro/ /de nas brgya byin 'thab bral nyid/ /tshangs pa nyid du'ang yang dang yang / /nyan thos rang rgyal nyid dang ni/ /sa steng sangs rgyas nyid du 'gyur/ /theg pa gsum gyi mchog thob cing / /theg pa la ni chags med 'gyur/ /de ltar sangs rgyas bsam mi khyab/ /sangs rgyas ye shes bsam mi khyab/ /de dag 'bras bus bsam mi khyab/ /rnam par smin pa'ang bsam mi khyab/ /de nas gzhan yang rgyal po ni/ /zla ba sa steng med pa na/ /phan tshun 'khrug pa'i ngang tshul du/ /go DA'i rgyud ni 'byung bar 'gyur/ /phan tshun ltos pa med par ni/ /de tshe mtshon ni 'debs par 'gyur/ /zhag ni bdun po gcig dang ni/ /de bzhin gzhan ni zla ba gcig /de tshe tshogs kyi rgyal srid rgyud/ /de tshe sa steng byed par 'gyur/ /gang gA'i 'gram gyi grong der ni/ /gtsug lag khang gi gnas kyang byas/ /de nas zla ba zhes bya ba'i/ /bram ze'i khye'u de yi bu/ /zla ba brgyad dang zhag lnga dang / /phyed dang gnyis zhag 'das nas 'chi/ /de'i mthar rgyal po 'dug pa ni/ /klu yi rgyal po zhes bya ba/ /go DA'i yul gyi rgyal po 'byung / /dang por dza ma'i rigs bram ze/ /kun nas rje'u rigs kyis bskor ba'i/ /klu zhes bya ba de yang 'byung / /de yang mu ges gnod pa dang / /de bzhin pha rol dmag tshogs gnod/ /de dag rgyal srid thob pa na/ /chom rkun chen pos kun tu khyab/ /des kyang de yi lugs nyams te/ /der ni lo ni lnga dang gcig /rgyal srid kun nas 'khrugs bzhin spyod/ /srog gcod mang po byas nas ni/ /de tshe srog la gnod par byed/ /snga ma'i</font><hr>95.289b<br><font size=+1>

las kyi nyes pa yis/ /rje'u rigs spyod pa de dag byed/ /phan tshun 'khrugs pa'i ngang tshul du/ /de tshe de ni 'byung bar 'gyur/ /de dag de tshe nus ldan tshul/ /rgyal rigs spyod la gnas pa yi/ /go DA'i rgyud kyi mi yi bdag /'byung bar 'gyur bar the tshom med/ /kha cig de tshe mtshon gyis 'chi/ /nad rnams kyis kyang yang dag 'debs/ /de nas dus byas rgyal po rnams/ /dmyal ba rnams su 'gro bar 'gyur/ /bud med gtso bo'i byis pa ni/ /de yang phyis ni rgyal por 'gyur/ /de dag de bzhin zla phyed nas/ /mtshon gyis bsnun nas de nyid bsad/ /mu ge chen po yang dag 'byung / /pha rol dmag tshogs dag gis dkrugs/ /yid ni skrag par gyur pa yis/ /shar phyogs yul mi nyams par gyur/ /de yi yul du mi bdag ni/ /the tshom med par 'byung 'gyur ba/ /bcom brlag skyes pa'i rgyal po mchog /yangs pa can gyi tshong pa sngon/ /de yang lus la mchod pa yi/ /ma ga d+hA yi rgyal por 'gyur/ /de'i yang nu bo yi ge b+ha/ /shar gyi phyogs la yang dag gnas/ /de bu yi ge pra zhes bya/ /shar phyogs nyid du yang dag skyes/ /rgyal rigs mchog tu skyes par bstan/ /legs par spyod pas byis par bcings/ /lo ni bcu dang bdun dag tu/ /'ching ba dag la yang dag bzhag /glang rdzi zhes bya'i rgyal pos bcings/ /bcom ldan zhes bya des ni bkrol/ /yi ge ha zhes rgyal chen ni/ /nub kyi phyogs na yang dag 'ongs/ /shar gyi phyogs ni mtha' med par/ /gang gA'i 'gram du gnas par gyur/ /dmangs rigs gzi brjid che ba dang / /sde chen stobs ni che ba dang / /de ni de yul 'gram gnas nas/ /kun tu yang ni rab tu gnas/ /go DA'i skye bo zhes grags grong / /mu stegs zhes kyang rnam par grags/ /rgyal pos de ni rnam mnan nas/ /stobs chen de ni 'dug par gyur/ /der ni rgyal rigs byis pa de/ /tshong pa dang ni lhan cig 'ongs/ /</font><hr>95.290a<br><font size=+1>

der ni nam phyed zhugs nas ni/ /nam gyi mthar ni de yang mchod/ /dmangs rigs rgyal po zhes bya bas/ /slar nyid du ni ldog par byed/ /gang gA'i 'gram gyi mthar thug par/ /grong khyer dga' ba zhes bya bar/ /de tshe rgyal srid ma ga d+hAr/ /byis pa de ni bzhag par gyur/ /bA rA Na sI'i pha rol tu/ /kA shi yul gyi mir yang phyin/ /stobs chen sa yi bdag po ni/ /dmangs rigs der ni zhugs par gyur/ /sdug bsngal nyam thag nad chen pos/ /de tshe bu ni dbang yang bskur/ /byis pa khye'u phug ces pa/ /de tshe rgyal thabs dbang yang bskur/ /chen po'i nad kyis zil mnan nas/ /de tshe sa yang 'khor bar mthong / /de nas 'bad pas shugs nar phyung / /lus zhig nas ni dud 'gror song / /de tshe zla ba bdun dang brgyad/ /dud 'gro dag tu gnas par gyur/ /de yi skye ba las grol nas/ /lha rnams kyi ni nang du skyes/ /de tshe skye ba nyi shur ni/ /lha yi phun sum tshogs pa thob/ /chos kyi bdag nyid de mthar gyis/ /rang rgyal byang chub thob par byed/ /sngon gyi skye ba'i dus dag tu/ /'di nyid las ni nye bar bsags/ /bdag nyid chen po rang rgyal la/ /gos kyis kun nas bkab pa dang / /glang po rta dang shing rta'i rgyur/ /lham ni rab tu phul bar gyur/ /de las blo ldan sems dang bas/ /de tshe de la bza' ba byin/ /rnam par smin pa de yis ni/ /lha yi rgyal po brgya byin du/ /skye ba bye ba phrag dgur ni/ /lha yi 'jig rten dag tu gyur/ /sa steng 'ong nas rgyal po ni/ /de nas skye ba 'di la gyur/ /gzhan gyis rjes bsgrubs rgyal thabs ni/ /rjes su spyod par 'gyur ba yin/ /de yi bu yang rgyal po ni/ /bA rA Na sIr rab tu gnas/ /chags 'og rgyal phran gyis bcom pa'i/ /rgyal thabs rnam 'jig 'byung bar 'gyur/ /de yi rgyal srid dgra dang ni/ /bram zes phal chen gnod par 'gyur/ /bag med 'dod pa spyod pa dang / /rgyal po de ni gdon gyis 'dzin/ /phyi ma yi ni dus dag tu/ /de nas mtshon gyi brgyab nas 'chi/ /ma ga d+hA rgyal de dag ni/ /phan tshun</font><hr>95.290b<br><font size=+1>

du ni gnod byed pas/ /zla ba zhes bya'i rgyal po 'das/ /shar gyi phyogs kyi kun nas kyang / /gang gA'i 'gram gyi mthar thug par/ /bA rA Na sI de las gzhan/ /yi ge pra zhes rgyal rigs ni/ /de yi tshe na rgyal po 'byung / /gang zhig dmangs rigs gyur pa ni/ /yi ge ha yis yongs su mchod/ /grong khyer dga' ba zhes bya bar/ /gang gA'i 'gram la yang dag rten/ /sngon gyi las kyis yongs bskul nas/ /rgyal rigs rgyal por 'byung bar 'gyur/ /de nyid las byas byed bcug dang / /rjes su yang ni yi rang byas/ /de tshe dus ni 'das pa na/ /gser thub ces bya'i ston pa 'byung / /bA rA Na sI'i grong khyer du/ /nor chen ldan pa'i tshong dpon yod/ /tshong dpon bu ni byis pa de/ /byis pa dag gis yang dag bskor/ /sa rdul dag la rtse ba'i phyir/ /lam chen dag tu zhugs par gyur/ /rang khyim mchod rten mchog mthong la/ /pha dang ma ni mchod byed pa/ /de nyid yid la bzung byas nas/ /sa rdul gyi ni mchod rten byas/ /de tshe me tog sman mas ni/ /mchod pa yang ni byed par gyur/ /sangs rgyas dad pa'i dran pa yis/ /sangs rgyas de la'ang bstod pa byas/ /byis pa rnams kyis yongs bskor nas/ /der ni byis pa rtse bar gyur/ /ston pa gser thub rgyal ba yi/ /nyan thos mchog de gcig pu zhig /skyon bral bdag nyid grol ba dang / /khams gsum las ni rnam grol blo/ /de tshe dang por skyon bral ba/ /bsod snyoms la ni rgyu bar gyur/ /bA rA Na sI legs mdzes pa'i/ /de tshe grong khyer rab tu zhugs/ /gang du sa steng byis pa yod/ /de tshe chags bral phyogs der phyin/ /der ni byis pa de kun gyis/ /kun nas yongs su bskor bar gyur/ /'dir gshegs dge slong 'dir spyon cig /ston pa'i mchod rten phyag byos mdzod/ /bdag cag gis ni 'bad byas na/ /bzang po 'di la mi gzigs sam/ /de nas tshong dpon bu khye'us/ /rtsa yi thag pa blangs nas ni/ /rdzu 'phrul chen po'i 'dod chags bral/ /rtse ba'i tshul</font><hr>95.291a<br><font size=+1>

gyis de bcings khrid/ /rdzu 'phrul chen po chags bral bas/ /der gnas rnams la yang dag dgongs/ /sa steng dag tu gzigs pa na/ /de dag gis ni mchod rten byas/ /byis pa'i spyi bor lag byugs nas/ /blo ldan de la 'di skad smras/ /gang du khyod kyi mchod rten byas/ /thong shig khye'u bdag cag 'deng / /gang du sa steng mchod rten ni/ /der yang thams cad 'ong gyur nas/ /de tshe byis pa dang lhan cig /bdag nyid chen po des phyag byas/ /bsod snyoms don du ci 'dod par/ /dpa' bo de ni phyir yang chas/ /de nas tshong dpon byis pa yis/ /chos gos mtha' nas bzung nas ni/ /dge slong de ni bzung khyer ba/ /bshos gsol bya ba'i ched du'o/ /de nas tshong dpon gtso bo des/ /byis pa khye'u de mthong nas/ /rdzu 'phrul chen po chags bral ba'i/ /chos gos mtha' la 'dzin byed la/ /'jigs shing ba spu ldang ba dang / /nga yi khyim du mchog kyang gshegs/ /myur du rkang gnyis la btud de/ /byis pa yis ni 'dzin pa btang / /bu de yis kyang bzung byas la/ /'bad pa yis ni bzod gsol byas/ /skye bo'i mchog gyur phan 'dod pa/ /de yi lhung bzed blangs nas ni/ /sA lu'i tshod ma bza' ba yis/ /lhung bzed dag ni bkang byas nas/ /bu la bos nas smras pa ni/ /yang dag long la 'di la byin/ /de nas byis pa shes ldan pas/ /'bad pas lag gnyis bkrus nas ni/ /lhung bzed gang ba blangs nas su/ /'dod chags bral ba la ni phul/ /phul nas myur ba nyid du ni/ /rkang pa gnyis la phyag kyang byas/ /'dod chags bral bas blangs nas ni/ /gtsug lag khang song zas la spyad/ /bde bar rig pa'i sems kyis ni/ /de tshe 'dod chags bral bar gyur/ /de las byis pa gzhan zhig ni/ /phrag dog sems su gyur nas ni/ /mu stegs rnams la rab dad nas/ /bstan pa la ni de mi mchod/ /khro ba'i sems ni kho na yis/ /'dod chags bral la nyin zhag</font><hr>95.291b<br><font size=+1>

gzhan/ /bza' ba bca' ba rnam mang po/ /khyer nas de la rab tu byin/ /khyod la byin pa'i bsod snyoms kyis/ /dge ba cung zad gang yod pa/ /tshong dpon bu ni de bas kyang / /sa steng bdag ni dam par shog /de nas mu stegs de kun dang / /de tshe bram ze'i chung ma rnams/ /de nas thams cad 'dus nas ni/ /tha dad par ni 'thab mo'ang byas/ /byis pa khyed cag yong mi shes/ /ci phyir mgo reg gam du 'gro/ /'di dag bdag la'ang gnas med na/ /gzhan dag gang du mya ngan zlo/ /byis pa de yi sems can la/ /de lta bu yi zhe sdang skyes/ /ston pas nye bar bsngags pa yi/ /chos kyi zam pa grags pa dang / /sa steng lha khang mchod rten mchog /mu stegs rnams kyis de dag bshig /tshong dpon mchog gi bu de la/ /kun nas 'khrug pa'i sems kyang byas/ /mgo reg 'di la byin pa yi/ /sbyin pa'i 'gro ba gang du 'gro/ /ngan 'gro'i 'gro bas zin sems la/ /rnam par gnod pa bdag gis bya/ /gnyis pa byis pa gang yin de/ /zla ba zhes bya'i rgyal po yin/ /rnam smin de yis mi 'dod pa/ /yun ring sdug bsngal rjes su myong / /tshong dpon mchog gi bu de ni/ /lus zhig nas ni bde 'gror song / /de dang der ni lha gnas su/ /yun ring bde ba rjes su myong / /de tshe de tshe de dang der/ /shi 'phos lha yi 'jig rten gnas/ /de tshe tha ma'i skye ba la/ /thams cad du ni 'ching ba gcod/ /tha ma'i skye ba thob pa na/ /mir gyur sa yi bdag por 'gyur/ /las kyis de tshe tshe 'phos na'ang / /de tshe de tshe de dang der/ /'jig rten dag tu skyes gyur pa/ /sa steng mi yi bdag por byed/ /gang zhig me tog dman ma ni/ /byis pa g.yo ba des phul ba/ /des na longs spyod nyon mongs can/ /de 'di'i 'bras bu nyon mongs ldan/ /sdug bsngal longs spyod thob pa yang / /rgyal po de yi bstan pa nyams/ /mi brtan byis pa'i rang bzhin dang / /ji lta de ltar g.yo sems kyis/ /sa steng ston pa'i mchod rten la/ /mchod pa chen po yongs su byas/ /rnam par smin pa'i las de yis/ /</font><hr>95.292a<br><font size=+1>

byis pa rgyal po'i dbang phyug byed/ /med par rgyal po byed par 'gyur/ /yod pa rab tu 'jig par 'gro/ /byang dang nub kyi bar dag tu/ /de ni rgyal po byed par 'gyur/ /blo gros gang de bcings pa dang / /byis pas yang ni rab dang ba/ /byis pas bcings dang grol ba yi/ /rnam smin las ni de yis su/ /skye ba dag ni lnga brgyar yang / /byis pa bcings dang bkrol bar 'gyur/ /tha ma'i skye ba de yi tshe/ /thams cad du ni 'ching ba bcad/ /lo ni lnga bcu lnga dag gam/ /bdun cu rtsa bdun dag tu 'gyur/ /shar phyogs rgya mtsho'i mthar thug par/ /sa steng de ni rgyal por 'gyur/ /'bigs byed ri yi nang gnas pa/ /mtha' 'khob kla klo'i rkun ma rnams/ /de dag kun la dbang sgyur ba'i/ /yi ge ba ming rgyal por 'gyur/ /gangs can ri yi nang gnas pa/ /byang gi phyogs la brten pa yi/ /de tshe rgyal rigs rgyal po de/ /yul mi kun la spyod par 'gyur/ /mi shes byis par gyur pa yi/ /mchod rten sa rdul gyis byas pas/ /'gran zla med cing gnod med par/ /ma ga d+hA yi rgyal por 'gyur/ /shar phyogs rgya mtshor brten nas ni/ /de 'di 'brog gi mthar thug par/ /blo ldan lo hi ta las gzhan/ /byang du de bzhin kha ba can/ /nub tu kA shi'i nyams dga'i grong / /rtse mo zhes bya'i grong de bzhin/ /'di yi nang du rgyal po ni/ /ston pa'i bstan pa gsal byed pa/ /de ni seng ge lnga zhes bya/ /pham nas rgyal pos gzhan yang pham/ /seng ge las skyes thams cad de'ang / /de tshe rtsa nas rnam par bshig /gangs can nang dang shar phyogs dang / /rgya mtsho bcu yi 'gram gnas nas/ /de tshe rgyal rigs brgyad po de/ /yul mi dag ni kun la spyod/ /lha sogs seng ge rgyal po ni/ /g.yon can gzhan la brten pa dang / /'bigs byed nang na gnas pa la/ /des kyang rang gi rgyal po byas/ /bgrod dka' zhes bya'i yul dbus su/ /dug chen rgyal bas rnam rgyal byas/ /byang shar kun la gnas pa yi/ /seng ge zhes bya de bzhin gzhan/ /zla ba zhes bya'i rgyal po 'das/ /de tshe go DA'i skye bo'ang</font><hr>95.292b<br><font size=+1>

'jig /de tshe rgyal rigs sa yi bdag /'byung bar 'gyur bar the tshom med/ /rgyal po mngon 'phel skye zhes bya/ /de yi longs spyod 'phel bar 'gyur/ /de tshe rgan por gyur pa na/ /de yang g.yo ba med par song / /lo ni brgyad cur 'tsho ba ste/ /de bzhin gzhan ni bdun dang bdun/ /de nas 'khogs pas zil mnan nas/ /dus byas lha yi gnas su song / /yun ring lha yi bde ba ni/ /de tshe rgyal pos rjes su myong / /sngon ni kun nas nyon mongs pas/ /las kyi yang ni shi 'phos te/ /rdzu 'phrul chen po klu yi rgyal/ /blo ldan dud 'gro'i nang du gnas/ /tshong pa sngags ni grub pa ste/ /ji ltar 'dod pa'i blo byed cing / /de tshe rig pa'i rgyal po dang / /de tshe bde 'gro dag tu gyur/ /de yi tshe na 'khor los sgyur/ /sna tshogs tog ces rgyal por 'gyur/ /de bzhin du ni blo ldan de/ /de tshe rig 'dzin chos kyang 'chad/ /lo ni bye ba brgyad cu dang / /de tshe dgu dang bdun du 'gyur/ /lha dang mi yi bde ba yis/ /'khor los sgyur bar 'gyur ba yin/ /de yi 'khor du bu mo ni/ /bye ba drug cu skye bar 'gyur/ /de nas de ni lus zhig nas/ /lha mo sgrol ma mnyes byas te/ /lha rnams bdag por song nas ni/ /der ni chos kyang ston par byed/ /rgyal po de ni mthar gyis su/ /myur du byang chub gzhol bar 'gyur/ /de yang lo ni gsum dag tu/ /rgyal po'i dbang phyug byas nas ni/ /yi ge pa yi rgyal po 'das/ /de tshe dus kyi tha ma la/ /phan tshun rgyud ni byas nas su/ /rtsod pa chen po la yang gnas/ /de yi nu bo yig pa zhes/ /brtul zhugs can du rnam par gnas/ /lo ni gsum dang gcig dag tu/ /rgyal srid yongs su 'phel bar byas/ /de ma thag tu 'khru bas btab/ /'di dag gnyi ga 'chi bar gyur/ /'jig rten dus 'das shi nas ni/ /gnod sbyin dag gi nang du skyes/ /de gnyis mthar gyis chos ldan pas/ /rang rgyal byang chub thob par 'gyur/ /de'i yang nu bo yig pa zhes/ /rgyal rigs kyi ni chos la dga'/ /de yang rgyal po lo gsum du/ /mi yi bdag po byed par 'gyur/ /de'i yang nu bo rgyal po ni/ /yi ge dza zhes rnam par bsgrags/ /de yang yul ni 'di dag tu/ /sa kun</font><hr>95.293a<br><font size=+1>

gyi ni bdag por 'gyur/ /rta dang shing rta glang po dmag /kun nas gru dang theg pa yis/ /g.yul du nye bar gnas nas ni/ /dgra yi tshogs ni kun las rgyal/ /des ni yul 'di ma lus dang / /sa rnams thams cad nyid la ni/ /ston pa'i gzugs brnyan lha khang dang / /de bzhin rgyal ba'i mchod rten dang / /sa rnams dag ni thams cad la/ /thams cad mdzes par byas par gyur/ /de tshe sngon gyi rgyal po de'i/ /bram ze de bzhin shAg rigs skye/ /nga rgyal shes rab ldan zhing rno/ /byang chub mthar byed nga rgyal blo/ /de tshe dus kyi tha ma la/ /de nyid 'di yi grogs nyid 'gyur/ /rgyal po chos la dga' ba yi/ /rgyal rigs kyi ni mchog tu gsungs/ /lo ni nyi shu bdun dang brgyad/ /de ni de tshe 'tsho bar 'gyur/ /bud med byas pa'i skyon nyid kyis/ /dus byas nas ni lha gnas 'gro/ /blo ldan de ni mthar gyis kyang / /bla med byang chub thob par 'gyur/ /de nas grags pa dpal zhes bya/ /de bzhin sa yi bdag po ni/ /u DI ya na rgyal po che/ /chos la dga' ba 'byung bar 'gyur/ /u DI yan gyi grong mchog la/ /grong khyer yi ge pa zhes bya/ /der ni rgyal po byed pa ste/ /kun nas dgra las rgyal bar 'gyur/ /der ni de tshe brgyad dag gi/ /gtsug lag khang yang byed par 'gyur/ /bram ze'i gtso bo de bzhin ldan/ /shAkya'i skyes zhes yang dag brten/ /de yi grogs la brten nas ni/ /'khor yug tu ni rgyal srid byas/ /lo ni brgyad cu gcig bcas par/ /mi yi bdag po der 'tshor 'gyur/ /las byed skyon gyis chos bdag nyid/ /dus byas nas ni lha gnas 'gro/ /lha rnams kyi ni rgyal thabs kyang / /de bzhin mthar gyis byed par 'gyur/ /de nas lus de zhig nas kyang / /mtho ris las kyang mtho ris 'gro/ /de yi byang chub rgyu dag ni/ /dge ba'i chos ni yongs rdzogs byas/ /de yi bran nyid rgyal po ste/ /rgyal srid gnod med byed par 'gyur/ /yi ge'i dang po ya zhes bya/ /sa yi bdag po 'byung bar 'gyur/ /lo ni bdun dang gcig dag tu/ /de yi dus su rgyal srid byed/ /de gcig bud med rnams kyis ni/ /brdegs nas kyang ni shi bar 'gyur/ /yi ge pa</font><hr>95.293b<br><font size=+1>

rgyud yang byung ba/ /rgyal rigs rgyal por 'gyur ba yin/ /des ni bran tshogs rnams bsad nas/ /rang dbang du ni yongs su gyur/ /mi dge'i bshes gnyen la brten nas/ /rnam mang srog ni gcod pa yin/ /dpa' zhing 'byor la rmongs par ni/ /'jig rten kun la 'byung bar 'gyur/ /g.yo zhing myur du byed pa na/ /chang dang g.yo sgyu can la dga'/ /chang gis bag med rnam rmongs nas/ /des na de ni sa la nyal/ /dgra rnams kyis ni brtson byas nas/ /mtshon chas bsnun nas de gsod 'gyur/ /de nas de ni lus zhig nas/ /dus byas nas ni 'og tu 'gro/ /de yi spun zla gnyis pa ni/ /ming ni yi ge ra zhes shes/ /nyin zhag bzhi bcu rtsa brgyad du/ /de tshe sa la rgyal srid byas/ /bram ze rnams la nor byin nas/ /the tshom med par dus kyang byas/ /de nas gzhan yang sa bdag ni/ /de tshe rgyal po bzang po byung / /de yang dmangs rigs skye nas ni/ /yan lag ma tshang ngan pa nyid/ /chos min phal cher tshul khrims 'chal/ /'thab pa la yang rtag tu dad/ /bram ze'i tshogs dang rgyal phran dang / /sdom brtson de bzhin rab byung ba/ /kun la yang ni gnod byed cing / /rtag tu tshar gcod dag la'ang dga'/ /drag pos 'dul bar byed pa dang / /de bzhin rkun ma rnams kyang gsod/ /ma rungs thams cad gnod byed cing / /ya mtshan can gyi brtul zhugs sten/ /rnam par grol la'ang sbyin mi byed/ /de tshe rgyal srid byed par 'gyur/ /lo ni bcu dang bdun gyi bar/ /der ni sa bdag 'tsho bar 'gyur/ /mdze yi nad kyis sdug bsngal nas/ /de nas dus byas dud 'gror 'gro/ /dud 'gro dag las klu rgyal du/ /gdengs ka che ldan mgyogs par 'gro/ /mchog tu 'jigs rungs lus ldan zhing / /de tshe sgra ni drag par sgrogs/ /de la lor ni mi 'dod pa/ /yun ring sdug bsngal rjes su myong / /sa srung 'jig rten 'phel byed pa/ /'jig rten kun gyis shes pa ste/ /lus can shar phyogs gnas</font><hr>95.294a<br><font size=+1>

pa yin/ /rgyal po yi ge pa zhes pa'i/ /rgyud rnams rgyud du skyes pa gzhan/ /rgyal rigs dpa' bo rnam par gnon/ /de bzhin rgya mtsho gsum gyi bdag /bde chen stobs ni che ba dag /shar gyi phyogs su 'byung bar 'gyur/ /ston pa'i mchod rten bzang po dang / /gtsug lag khang dang 'dug gnas khyim/ /rnam pa sna tshogs skyed mos tshal/ /rdzing dang khron pa bkad sas bskor/ /de bzhin rtag tu bsod nams khang / /sa ni mdzes par byed par 'gyur/ /de nas thub mchog dam pa dang / /theg pa bla na med la brten/ /shAkya'i rab byung de nyid ni/ /rtag tu de ni rab gnas byed/ /mi khom rnams ni spong byed cing / /dal ba nyid kyang legs par thob/ /yi ge ka zhes rnam par bsgrags/ /'jig med dran dang ldan pa nyid/ /lo ni nyi shu gcig bar du/ /sa skyong rgyal srid byas par 'gyur/ /de nas gsud nad kyis btab ste/ /dus byas nas ni lha gnas 'gro/ /blo ldan de ni mthar gyis su/ /myur du byang chub gzhol bar 'gyur/ /de yi lhag ma'i rgyud las kyang / /gzhan la rab gnas 'tsho byed pa/ /de yi 'og tu sa skyong ba/ /sa srung 'tsho bas gnas pa yin/ /bram ze bkren pa'i skye bo ni/ /the tshom med par 'byung bar 'gyur/ /de yi dus su chos min ldan/ /ston pa'i bstan pa nges par nyams/ /sngags kyi bstan pas sems can rnams/ /dge ba'i don du nges par sbyor/ /gang zhig gzhon nus bstan pa yi/ /sngags ni longs spyod 'phel byed pa/ /rgyal po'i dbang phyug don du ni/ /de tshe de'i yul phyogs su yang / /grub pa mchog ni bsgrub bya min/ /chos kyi 'khor lo nyams dga' dang / /de bzhin 'od ma'i tshal chen dang / /gang du bcom ldan de zhi bar/ /phung po med par rab zhugs pa/ /sngags gnyis 'di dag bsgrub bya ba/ /lha mo sgrol ma khro gnyer can/ /rtag tu rgya mtsho'i 'gram dang ni/ /snying po med pa'i 'bab chu mchog /gang gA'i 'gram ni thams cad du/ /pad ma</font><hr>95.294b<br><font size=+1>

'byung ba bsgrub par bya/ /sa bcu thob pa'i bdag po ni/ /gang yang byang chub sems de yang / /sems can rnams ni 'dul byed pa/ zla ba zhes ni rnam par bsgrags/ /rig pa'i rgyal mo rdzu 'phrul che/ /de ni sgrol ma zhes kyang bstan/ /bud med gzugs 'chang lha mo ni/ /'gro ba kun tu rnam par rgyu/ /snying rjes brlan pa'i sems kyis ni/ /sems can rnams la phan don du/ /mi mjed 'jig rten khams gnas nas/ /bud med ming gis 'jug par byed/ /sa bcu la ni rab gnas thob/ /byang chub sems dpa' rdzu 'phrul che/ /sems can rnams ni 'dul byed pa/ /lha mo sgrol ma zhes su bstan/ /'di ni 'bad med grub pa ste/ /srung dang skyob dang sbed par byed/ /longs spyod dbang phyug 'phel byed pas/ /'di ni lha mo bsgrub par bya/ /byang chub tshogs kyi ched du ni/ /skyed pa nyid nas brtsam par bya/ /snying rjes brlan pas lus can la/ /de tshe lha mo rjes 'brang ba/ /sngags kyi gzugs kyis sems can la/ /byang chub tshogs ni bya phyir ro/ /re ba thams cad dga' rgyas phyir/ /shar gyi phyogs su gnas pa yin/ /bdag nyid rnam pa stong dang ni/ /rnam pa mang por byas nas kyang / /rgya mtsho bzhi yi mthar thug par/ /sa rnams kun tu rnam par rgyu/ /de nas shar gyi phyogs su 'am/ /yang na bA rA Na sIr 'grub/ /lha mo de yi zhing du ni/ /shar gyi phyogs su rab tu bstan/ /'od chen po ni dzam b+ha la/ /gnod sbyin rgyal po yang dag 'grub/ /de tshe longs spyod ma lus 'dod/ /de tshe dus kyi tha ma la/ /lha mo sgrol ma gnod sbyin rgyal/ /de nor rgyas pa 'dod pas sgrub/ /de tshe khro bo'i sngags dag ni/ /lho phyogs dag tu bsgrub par bya/ /kla klo rkun ma'i gling dang ni/ /de bzhin rgya mtsho'i nang du ni/ /stobs chen sgrol ma gnod sbyin rgyal/ /de bzhin du yang 'grub par 'gyur/ /ha ri kel ka da raM tsa/ /kA ma rU pa gA dA hA ya hi/ pho nya mo tshogs rnam mang dang / /gnod sbyin rdzu 'phrul chen mo 'grub/ /'jam pa'i dbyangs kyis gang gsung sngags/ /longs spyod kyi ni rgyur</font><hr>95.295a<br><font size=+1>

'gyur ba/ /de bzhin yul der grub pa ste/ /gzhan yul de bzhin ma yin no/ /shar phyogs dang ni phyogs mtshams su/ /rnam pa sna tshogs sngags kyi rgyur/ /de yi dus su bstan pa ni/ /lus can rnams kyis bsgrub par bya/ /dbus kyi yul du de bzhin sngags/ /de bzhin sa srung mang po ni/ /rgya che thams cad nyam chung ba'i/ /blo chung rnams kyis rtogs par byed/ /rgyal po'i gtso bo mdor bsdus nas/ /ming ni 'di dag nges par brjod/ /dang po'i yi ge sha dang na/ /dang po'i yi ge par yang bstan/ /dang po'i yi ge ba dang e/ /dang po'i yi ge ar yang bstan/ /dang po'i yi ge har bstan te/ /dang po'i yi ge par yang bsgrags/ /dang po'i yi ge dza dang ba/ /dang yig d+ha ni zla ba'i rigs/ /yi ge ha nyid rnam bsgrags dang / /de bzhin yang ni dang po'i a/ /dang po'i yi ge sa la yang / /bud med rigs min 'jig rten sdang / /dang po'i yi ge a dang ma/ /'jig rten rnams la mthu dang ldan/ /rim gyis rim gyis rigs dag ni/ /bram ze rje'u rigs dag tu 'jug /phal cher chos min las byed cing / /rnam sdang bud med la brkam chags/ /sa srung skyon ni rab mang bar/ /de tshe dus kyi tha ma la/ /yul gyi dbus su mi yi bdag /'byung bar 'gyur bar the tshom med/ /dus kyi tha mar 'di dag tshe/ /lo ni brgya dang nyi shu nyid/ /de yi tshe na mi rnams kyi/ /tshe ni ring bar rab tu bstan/ /de dag bar ma bzang po las/ /khyad par ring dang thung ba yin/ /rgyal po rnams ni tshe thung bar/ /de tshe dus su bstan pa ni/ /gang gA'i 'gram gyi ngogs dang ni/ /gangs can gyi ni ri zhol dang / /de tshe kA ma rU yul du/ /de 'dra'i rgyal po 'byung bar 'gyur/ /dang po bar ma tha ma yi/ /rigs kyi lhag ma brjod bya ste/ /dang po'i gtso bo chen po ni/ /rna can rgyal por rab tu bsgrags/ /tha ma ang ga'i bdag po dang / /der ni 'byor bzad 'byor pa dang / /legs byin srid pa byin pa ni/ /kA ma rU pa'i yul du byung / /tha mar legs 'byor gzhon nu dang / /yi ge ba dang tha gnyis ni/ /yangs pa can du yang dag byung / /gang du thub pa de skyes pa/ /ser skya zhes bya'i grong mchog tu/ /tha mar</font><hr>95.295b<br><font size=+1>

zas gtsang shAg rigs kyi/ /nyi ma bu ram rigs skyes pa/ /tha mar zas gtsang rnam bsgrags pa/ /shAkya shAkya'i rnam 'phel byed/ /sems can brtson 'grus chung bar ni/ /'jig rten skyes mchog bstan pa yin/ /gang zhig rgyal bas gsung sngags dang / /de bzhin bran po'i tshogs kun dang / /pho nya'i tshogs kun du ma dang / /rdo rje pad ma'i rigs dag kyang / /rgyud rnams kun gyi don rig pas/ /bsgrubs na 'grub par 'gyur ba yin/ /'jig rten kun gyi sngags dag ni/ /yul gyi dbus der grub par 'gyur/ /dbus yul gnas par khyad par du/ /rgyal bas gsungs pa bsgrub par bya/ /rnam pa sna tshogs rtags dang ni/ /rnam pa sna tshogs rgyud dag dang / /rnam pa sna tshogs sbyor bar ldan/ /lus can rnam pa sna tshogs 'grub/ /dbus kyi yul du de bzhin sngags/ /longs spyod 'phel ba bsgrub par bya/ /de bzhin lus can bsrung don dang / /skyob dang dbang dang dgug pa 'grub/ /dbus kyi yul du mi yi bdag /'das dang ma 'ongs rab tu gsungs/ /rnam pa sna tshogs rtags dang ni/ /rnam pa sna tshogs tshe dang rigs/ /rgyal po thams cad gsungs pa ni/ /mchog dang tha ma bar ma yin/ /de bzhin rnam gsum grub pa ste/ /dus kyang gsum du sbyar bar bya/ /de bzhin sngags kyang rnam gsum du/ /de bzhin thub pa mchog gis gsungs/ /rgyal po mtha' yas gsungs pa ni/ /dbus kyi yul dang nub phyogs dang / /byang phyogs dang ni shar phyogs dang / /de bzhin phyogs mtshams thams cad dang / /rnam pa bzhi ru mtshon pa yi/ /gling dag de bzhin kun tu yang / /sa bdag mtha' yas rab gsungs pa/ /mtha' yas sngags ni sgrub pa dang / /mtha' yas yul la gnas pa dag /mtha' yas sngags ni yongs su 'grub/ /thub pa'i bstan pa nub pa na/ /tshar gcad rjes su gzung bar byed/ /dus su rgyal po dag la sngags/ /'jam dpal gyis ni gsungs pa yin/ /rdzu 'phrul rtse dang rnam 'phrul dang / /'dir ni dus kyi spyod pa'ang bstan/ /sngags kyi bdag nyid sems can gyi/ /'gro ba skye gnas rgyal po'i ming / /sngags ni sgrub par 'dod rnams la/ /yul dang dus ni</font><hr>95.296a<br><font size=+1>

yang dag bstan/ /bstan pa nub pa'i 'og tu ni/ /zhar la rgyal po rnams kyis bstan/ /yon tan bdag nyid che sngags rnams/ /tha mar 'bras bu rtogs par byas/ /rgyal po gzhan ni theg pa dang / /sngon ni 'gal ba med par bstan/ /dus kyi tha ma de dus su/ /rab tu gnas par the tshom med/ /de dag phyogs la gnas par ni/ /rgyal po thams cad gsungs pa yin/ /de bzhin shAkya'i gsung rab la/ /nges par rab byung gnas nas ni/ /'jig rten mig gcig gyur pa yi/ /thub pa mchog ni med pa na/ /rtag tu sngags smra la dad pas/ /bstan pa'i don ni byed par 'gyur/ /de dag gzhon nu bshad par bya/ /rtse gcig yid kyis mnyan par gyis/ /ston pa'i gsung rab sa steng du/ /dus mthar 'jig rten nyams pa na/ /sdom brtson rgyal po'i tshul gyis ni/ /'byung bar 'gyur bar the tshom med/ /dper na ma khol zhes bya dang / /me tog ces byar rnam par grags/ /yi ge ma zhes gzhon nu zhes/ /dang por tha mar chos la dga'/ /klus bos zhes bya rnam par grags/ /rin chen 'byung zhes bya ming dang / /yi ge ga zhes gzhon nu zhes/ /yi ge ba zhes chos sems byed/ /yi ge a ming bdag nyid che/ /ston pa'i bstan pa gces 'dzin byed/ /blo ldan yon tan kun gyis bkur/ /dang po'i yi ge la zhes bstan/ /rgyal po sangs rgyas pa yi phyogs/ /ston pa'i bstan pa gsal bar byed/ /sdom brtson yi ge a zhes bsgrags/ /bram ze las ni rab tu byung / /grong khyer gnas bcas gnas pa ste/ /de bzhin tshe ni brgyad cur 'tsho/ /dang yig yi ge a dge slong / /lho yi phyogs su 'byung bar 'gyur/ /blo ldan tshe ni drug cur 'tsho/ /ka shi zhes bya'i grong du gnas/ /yi ge d+ha zhes sdom brtson nyid/ /lho yi phyogs su rnam par bsgrags/ /pha rol rgol ba bzlog nas kyang / /de bzhin sdom brtson sngags kyang grub/ /gzhan yang rab byung dam pa ni/ /sing ga la yi grong na gnas/ /</font><hr>95.296b<br><font size=+1>

'phags pa min la 'phags pa'i ming / /sing ga la yi gling na gnas/ /pha rol rgol ba bzlog nas ni/ /mu stegs rnams kyi sngags sun phyung / /de dus 'jigs su rung ba yi/ /dus kyi mtha' las 'byung bar 'gyur/ /yi ge da dang la dang por/ /sdom brtson gang zhig rab gsungs dang / /yi ge ra dang ba dang por/ /dge slong gang zhig rab byung gsungs/ /ston pa'i bstan pa gsal byed pa/ /'byung bar 'gyur bar the tshom med/ /rgyal po nag po zhes bya bar/ /yi ge sa zhes sdom brtson 'byung / /mchod rten kun dga' ra ba gnas/ /rdzing dang khron pa'ang thams cad du/ /ston pa'i gzugs brnyan de bzhin rtags/ /gzings dang zam pa nyid rnams ni/ /byed par 'gyur bar the tshom med/ /mtshon gyis lus zhig mtho ris 'gro/ /de nas yi ge sa dang ka /dang po dag tu brjod pa dang / /de bzhin yi ge ra dang g+ha/ /dang po dag tu rab brjod dang / /dang por yi ge ba dang ni/ /legs byin legs de sde zhes bstan/ /sbyin byed sbyin par byed pa nyid/ /gzhan gyi grub mtha' sun byed pa/ /tshong pa sngon dang sman pa sngon/ /gnyi ga sbyin byed sna tshogs byed/ /yi ge ba zhes sdom brtson bsgrags/ /de las gzhan pa dang yi ger/ /dang por yi ge ba grags dang / /ston pa'i gzugs brnyan don yang byed/ /blo ldan dang por yi ge ma/ /de bzhin sdom brtson dad pa 'byung / /rnam pa du ma sdom brtson gsungs/ /de tshe mtha' yas 'byung bar 'gyur/ /sdom brtson thams cad bsgrags pa yang / /ston pa'i bstan pa gsal byed pa'o/ /bstan pa de tshe sa steng du/ /rnam par nyams shing snang med la/ /ston pa'i gzugs brnyan yid du 'ong / /byed par 'gyur bar the tshom med/ /thams cad byang chub lung bstan</font><hr>95.297a<br><font size=+1>

te/ /nga yi byang chub mchog thob 'gyur/ /de bzhin 'jig rten sbyin gnas 'gyur/ /srid pa gsum gyi mthar yang byed/ /sngags dang rgyud la mngon brtson pas/ /grags pa 'dzin par shes par bya/ /bram ze chos kyi ngang tshul can/ /de ni rab tu brjod par bya/ /sngags dang rgyud la mngon brtson pas/ /rgyal po'i lugs la nye bar gnas/ /de tshe mi bzad dus dag tu/ /'jig rten kun la 'byung bar 'gyur/ /yi ge ba zhes bram ze mchog /phyug cing rig byed pha rol phyin/ /de 'dir sa rnams ma lus par/ /rtsod pa'i phyir ni rab tu rgyu/ /mtsho gsum sa yi mthar thug par/ /pha rol mu stegs rtsod la dga'/ /gang phyir dang po gtso bo'i tshig /sems can rnams la phan 'dod pas/ /gzhon nus yongs su gsungs gyur pa/ /yi ge drug pa'i sngags kyang zlos/ /cho ga rab 'byam 'di dag las/ /des ni de phan de la bsten/ /rgyal dang legs par rgyal ba dang / /grags ldan dge ba de las gzhan/ /rigs ldan chos dang ldan pa dang / /brtson ldan legs pa khyab 'jug dang / /sbrang rtsi sbrang rtsi bzang po dang / /de bzhin grub dang dregs bral dang / /ra g+ha ba dang dmangs rigs dang / /de bzhin ka shir skyes pa gzhan/ /gzhon nu 'di yi bzlas pa la/ /thams cad kun yang 'byung bar 'gyur/ /de dag kun kyang bzang po ste/ /blo ldan mang du thos pa yin/ /de kun sngags ni mngon du gyur/ /rgyal po'i 'tsho bas yang dag gnas/ /de 'og rnam par grags pa ni/ /bram ze dang po'i yi ge bi/ /grong khyer me tog ces bya bar/ /de ni khro bo grub par gyur/ /dbul bas yongs su zil mnan pas/ /rgyal po rnams ni tshar bcad byas/ /khro rgyal gshin rje gshed de yi/ /'jam pa'i dbyangs kyis 'dir gsungs pa/ /sems can ma rungs rnams dang ni/ /gdul dka' 'dul bar byed pa dang / /phan pa min las bzlog don dang / /phan pa nye bar</font><hr>95.297b<br><font size=+1>

'phel phyir dang / /sems can rnams ni rjes gzung dang / /sems can srog 'chad dgag phyir ro/ /bram ze'i khye'u rmongs pa de/ /dbul ba khro ba chags pa yis/ /rgyal po'i srog la gnod pa'i phyir/ /khro bo'i sngags ni zlos par byed/ /de 'og rnam par grags pa ni/ /bram ze yi ge dang po a/ /chos don dge ba ldan bdag nyid/ /bden par smra zhing dbang po thul/ /mnga' bdag mang pos bkur ces pa/ /de tshe sngags ni zlos par 'gyur/ /sngags ni bsgrub par gyur pa la/ /dbang 'gyur yin gyis gzhan ma yin/ /'byung po dbang du gyur pa na/ /de tshe nor dang ldan par 'gyur/ /de 'og rnam par grags pa ni/ /bram ze chos don sems byed pa/ /de nas mthar ni dang yig sha /ma la'i yul du de ni 'byung / /sa steng sngags ni zlos par grags/ /bstan pa mchog la'ang rab tu dad/ /rig pa rjes bzung ma rungs dang / /tshangs pa'i srin po srin po dang / /'byung po shin tu ma rungs bcas/ /rnam pa sna tshogs sha za dang / /bstan dang 'gro ba sna tshogs ni/ /de dag ma lus de dbang 'gyur/ /de bzhin bram ze'i mtshan ldan pa/ /thams cad de yi dbang du 'gyur/ /de 'og rnam par grags pa ni/ /lho yi phyogs su bram ze ni/ /yi ge dang por ba bstan pa/ /ston pa'i bstan la de gtsor byed/ /mchod rten kun dga' ra ba gnas/ /ston pa'i gzugs brnyan yid 'ong gis/ /sa ni rgya mtsho gnyis mthar thug /thams cad kyi ni rgyan du byas/ /de 'og rnam par grags pa ni/ /bram ze gtso bo nor chen ldan/ /dang po'i yi ge na zhes pa/ /lho yi phyogs su yang dag bstan/ /bdag nyid chen po sngags zlos ldan/ /nges par byang chub gzhol bar 'gyur/ /dbus kyi yul du bstan pa ni/ /bram ze gang ba bzang zhes pa/ /'dul ba dang ni tshul bzang nyid/ /gang ba bcom brlag dag tu gnas/ /dang yig b+ha ni nor gyi spyan/ /rgyal po rnams ni sngags mchod byed/ /bram ze 'di dag bstan pa ni/ /ston pa'i bstan pa mchod byed pa'o/ /thog ma bar mthar gtso bo ste/ /rnam pa</font><hr>95.298a<br><font size=+1>

sna tshogs gnas dang rigs/ /sna tshogs phyogs kyi bram ze rnams/ /bram ze gzhan gyis mchod par byed/ /mu stegs sna tshogs rigs dang ni/ /rnam pa sna tshogs spyod yul spyod/ /gnas ni kun tu gsungs paste/ /bram ze'i khye'u mang thos yin/ /rang byung sangs rgyas chos kyi rgyal/ /sems can kun gyi don sgrub pa/ /sems can rnams ni ma lus dang / /lha gnas kyis kyang mchod pa'o/ /rgyal po chen po bzhi po yang / /'jig rten kun la grags pa ste/ /'phags skyes po dang mig mi bzang / /yul 'khor srung dang gnod sbyin rgyal/ /brgya byin de nas lha rnams kyi/ /nges pa'i tshig ni rab tu bsgrags/ /'thab bral lha yi bu dang ni/ /'phrul dga' gzhan 'phrul dbang byed dang / /rgyal po dga' ldan gsungs pa dang / /'dod pa'i khams kyi dbang phyug mchog /gcig gi ming ni brgya byin sogs/ /de bzhin 'dod khams dbang phyug yin/ /de yang rtag tu gcig gnas te/ /rdzu 'phrul chen po gcig gi gzugs/ /de yang mtha' yas dag tu bstan/ /rnam pa sna tshogs gzugs 'chang lha/ /de las gong du thams cad mnyam/ /de yang thams cad rdzu 'phrul che/ /lha yi gtso bo ming gcig ste/ /'du shes med pa'i mthar yang bstan/ /de dag gtso bo med pa ste/ /mnyam pa'i tshul du yang dag gnas/ /'og tu mnar med mthar thug par/ /der ni rgyal po yod ma yin/ /'jam dpal de bas na/ de ltar phyi ma'i tshe phyi ma'i dus su rigs kyi bu'am/ rigs kyi bu mo gang la las de bzhin gshegs pa rnams kyi chos kyi mdzod 'di glegs bam du chud par byas te/ 'dri bar 'gyur/ klog par 'gyur/ kha ton du byed par 'gyur ba'am glegs bam du byas te 'chang bar 'gyur/ /gus par byas te yid la byed par 'gyur/ /gos rnam pa sna tshogs dang / phye ma dang / gdugs dang / rgyal mtshan dang / ba dan dang / dril bu dang / rol mo dang / phreng ba dang / byug pa dang / spos dang / dri dang / dri zhim po dag gis mchod par byed</font><hr>95.298b<br><font size=+1>

par 'gyur/ /ri mor byed par 'gyur/ yang dag par 'dzin par byed par 'gyur/ /yid rtse gcig pa'i sems kyis chos byed par 'gyur ba de la ni/ /phan yon bcu po 'di dag tu 'gyur te/ /bcu gang zhe na/ der 'di la pha rol gyi dmag tshogs kyi 'jigs pa 'byung bar mi 'gyur/ /char 'bab pa mi mkhas pa dang gza' dang 'ching ba chen po'i 'tshe ba 'byung bar mi 'gyur/ /mi ma yin pa'i 'jigs pa'am/ der 'di la mi'i 'jigs pa 'byung bar mi 'gyur/ /phyir rgol ba thams cad kyi 'jigs pa'am/ der 'di la nad kyi 'jigs pa 'byung bar mi 'gyur ro/ /dus ma yin par 'chi ba'i 'jigs pa'am/ der 'di la dus ma yin pa'i char gyi 'jigs pa 'byung bar mi 'gyur ro/ /char ches pa'i 'jigs pa'am/ der 'di la rlung chen po'i dkyil 'khor gyi 'jigs pa 'byung bar mi 'gyur ro/ /sha za thams cad kyi 'jigs pa'am/ der 'di la dgra'i 'jigs pa 'byung bar mi 'gyur ro/ /de bzhin du g.yon can rkun po'i 'jigs pa'am/ der 'di la 'chi ba'i 'jigs pa 'byung bar mi 'gyur ro/ /gshin rje'i rgyal pos khyer ba'i 'jigs pa'am/ der 'di la chom rkun gyi 'jigs pa 'byung bar mi 'gyur ro/ /lha thams cad dang klu dang gnod sbyin dang dri za'i 'jigs pa'am/ der 'di la gzhan gyi sngags kyi 'jigs pa 'byung bar mi 'gyur ro/ /sbyar ba'i dug thams cad kyi 'jigs pa'am/ der 'di la nad kyi 'jigs pa dang / rims dang / tshad par 'khru ba dang / ma zhu ba dang / yan lag dang / nying lag gi nad kyi 'jigs pa 'byung bar mi 'gyur te/ phan yon bcu po 'di dag tu shes par bya'o/ /gang du de bzhin gshegs pa rnams kyi cho ga chen po rab 'byam chos kyi mdzod 'di glegs bam du byas te/ bzhag la 'dri ba dang / klog pa dang / mchod pa dang / 'dzin pa dang kha ton du byed na de bzhin gshegs pa rnams kyis shin tu bzung zhing chos kyi mdzod mngon du 'gyur ro/ /dam tshig gi spyod pa la rjes su ma zhugs pa dang dam tshig mi shes pa gzhan dag la ni rnam pa thams cad du bstan par mi bya ste/ gang gi phyir 'di ni gsang ba yin pa'i phyir te/ 'dis ni thams cad mtshon pa yin na sems can rnams kyi dran pa med par ma byed cig /'on kyang</font><hr>95.299a<br><font size=+1>

khyod kyis shes par 'gyur mchod pa byed par 'gyur yang dag par 'dzin par 'gyur zhing bsod nams chen po yang rab tu skye bar 'gyur ro/ /sems can skal ba med pa rnams la bstan par mi bya ste/ gzhan du na dbul ba dang / nad dang / mdze dang / 'tshe ba dang / 'go ba'i nad nyid byed par 'gyur ro/ /de bas na gzhan dag la yang bstan par mi bya'o/ /dam tshig dang gsang ba pa dang gsang ba'i sngags kyi spyod pa la rjes su zhugs pa'i sems can rnams dang de bzhin gshegs pa'i bstan pa la legs par bslab pa rnams dang legs par rnam par bzhag pa'i dran pa dang ldan pa rnams dang / chos kyi don la mkhas pa rnams dang bsam gtan la rab tu zhugs pa dang chos la gnas pa dang bden par smra ba dang sems can gyi spyod pa la rab tu gnas shing snying rje'i spyod pa dang rab tu ldan pa rnams te/ sems can 'di dag la bstan par bya'i gzhan dag la ni ma yin no/ /de nas byang chub sems dpa' 'jam dpal gzhon nur gyur pa stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ /thal mo sbyar ba byas nas bcom ldan 'das la 'di skad ces gsol to/ /bcom ldan 'das chos kyi rnam grangs 'di'i ming ci zhes bya/ /'di bdag gis ji ltar gzung bar bgyi/ bcom ldan 'das kyis bka' stsal pa/ byang chub sems dpa' thams cad kyi rnam par 'phrul pa byang chub sems dpa'i sde snod ces bya bar yang zung shig / ngo mtshar rmad du byung ba'i chos kyi man ngag legs par bstan pa'i le'u zhes bya bar yang zung shig /byang chub sems dpa'i spyod pa'i rjes su 'jug pa rgyud thams cad kyi mdzod ces bya bar yang zung shig /theg pa chen po shin tu rgyas pa nges par bstan pa nyams pa med pa zhes bya bar yang zung shig /byang chub sems dpa'i sde snod ces bya bar yang zung shig /'phags pa 'jam dpal gyi rtsa ba'i cho ga zhes bya bar yang zung shig /chos thams cad kyi don rdzogs pa nges par bstan pa zhes bya bar yang zung shig /'jig rten</font><hr>95.299b<br><font size=+1>

ma lus thams cad la/ /chos dang chos min rnam spyod cing / /byang chub sems dpa' rdzu 'phrul che/ /gang khyod kun tu rnam par rgyu/ /de bzhin chos kyi dam pa mchog /gsang ba gzhan ni ma mthong ngo / /sngags rgyud don dang mdo rnams dang / /'gro ba yul ni skyon med dang / /byang chub chos la rab gzhol ba/ /dpa' bo gzhan ni ma mthong ngo / /gang 'di bla ma gsang ba dang / /drang don mdo yis yongs su brgyan/ /rnam pa sna tshogs mdo don dang / /sngags dang rgyud kyi rjes 'jug pa/ /cho ga rab 'byam 'di las gzhan/ /ma byung gang yang yod ma yin/ /rgyal srid chen po longs spyod che/ /lha gnas dag tu'ang phun sum tshogs/ /de bzhin lha dang mi rnams kyi/ /grags pa rgyas pa'ang thob par 'gyur/ /mi khom brgyad ni spong byed cing / /dal ba dag ni thob par byed/ /theg pa rnam gsum bdag po dang / /de nges sangs rgyas nyid thob 'gyur/ /mdo 'di 'dzin pa'i bsod nams dang / /de bzhin du ni phan yon 'di/ /'di yi lus la mtshon mi 'byung / /dug dang mes kyang ma yin no/ /ro langs dang ni gdon dang ni/ /de bzhin srul po ma mo dang / /srin po sha zas 'tshe byed pa'ang / /gang zhig mdo 'di 'don la min/ /'chang ba dang ni klog pa dang / /yang dang yang du mchod byed dang / /'jigs pa med pas mchod byed dang / /rnam pa sna tshogs mchod byed de/ /phan yon 'di ni rab bstan pa/ /'jig rten 'dir ni thob 'gyur ba/ /nad pa rnams ni nad las grol/ /sdug bsngal can ni bde bar 'gyur/ /dbul pos nor ni rnyed 'gyur te/ /bcings pa rnams ni 'ching las grol/ /'gro ba lnga dang ldan pa yi/ /'khor ba'i sdug bsngal ltung ba rnams/ /bde ba zhi ba mya ngan 'das/ /mi g.yo go 'phang 'thob par 'gyur/ /rang rgyal sangs rgyas</font><hr>95.300a<br><font size=+1>

nyid dang ni/ /nyan thos mthar ni phyin par 'gyur/ /mdo sde 'di ni bklag pa yis/ /sangs rgyas sku mdog thob par 'gyur/ /gang gA'i bye ma mnyam pa yis/ /rgyal ba mchog ni mtha' yas pa/ /mchod pas thob pa'i bsod nams dang / /mdo 'di bton pa'i bsod nams mnyam/ /'jig rten ji snyed gang su dag /zhing ni bye ba mtha' yas pa/ /de srid phra rab rdul snyed kyi/ /sangs rgyas rnams la rtag mchod pa/ /rnam pa sna tshogs bza' btung dang / /na ba rnams kyi gso sman dang / /rnam pa sna tshogs gnas mal rnams/ /rtag tu thams cad rab sbyin dang / /rnam pa sna tshogs gos dang ni/ /phye ma dag ni kun gyis kyang / /bsod nams skye bos thob gang yin/ /'di dag 'chang dang klog pas so/ /gang zhig rang sangs rgyas rnams dang / /'jig rten nyan thos rdzu 'phrul che/ /byang chub sems dpa' bdag nyid che/ /sa bcu la gnas de las gzhan/ /de rnams tshad ni de mnyam la/ /de dag mchod pa'ang de bzhin te/ /gang gi lag par glegs bam chud/ /mi yis de mnyam bsod nams thob/ /'jig rten ji snyed bstan pa yang / /'jig rten khams na gnas pa yi/ /grangs med sems can ma lus pa/ /thams cad nad ni med byas te/ /skye bo gang zhig yang dang yang / /bkur stir byas nas de mchod pa/ /chos mchog 'di la mchod na ni/ /blo ldan de yis bsod nams 'thob/ /bskal pa bye ba mtha' yas par/ /rgyal ba mchog gis rtag par yang / /'jig rten mgon chos mdzad mchog 'di/ /mchod par yang ni mi nus so/ /chos mchog 'di ni sa steng du/ /yid bzhin nor bu rin chen 'dra/ /'jam pa'i cho ga 'dir gsungs pa/ /bklags pa dang ni 'chang ba yis/ /</font><hr>95.300b<br><font size=+1>

des ni 'dod 'jo'i ba 'drar 'gyur/ /longs spyod che nor phun sum tshogs/ /yid ni skyo ba med byas nas/ /sa steng 'di ni rab tu sgrub/ /sngags dang rgyud don drang ba'i don/ /don yod tshig ni rab bshad pa/ /bya ba dus la brten nas ni/ /sa steng rig pa 'dzin bsgrub na/ /rin chen phun tshogs rab gang ba/ /de yi phyogs kun dag tu gsungs/ /'bras bcas 'gro ba'i bdag nyid che/ /spyod pa bzang bar brjod pa yin/ /gang zhig cho ga mchog 'di las/ /rgyal po sngags gcig 'chang byed pa/ /rgyal srid phun sum tshogs don bcas/ /tshe ring phun sum tshogs par 'gyur/ /rnam pa sna tshogs longs spyod tshogs/ /rgyal mchog dam pas 'thob par 'gyur/ /'gro dang gnas pa'i dug dag dang / /gzhan gyis byas pa'i rig pa dang / /ro langs sngags kyis sgrub pa dang / /mtshon gyis kyang ni gnod mi 'gyur/ /gzhan gyi gnod byed gtsor byed pas/ /sa steng 'jig rten gnod mi byed/ /chom rkun nad ni gzhan dag dang / /me yi 'jigs pa de la med/ /rgyal po skye bo dag kyang rung / /su zhig de la mchod mi byed/ /gang zhig mdo sde dkon mchog 'di/ /'chang dang klog pa'ang de bzhin no/ /rgyal po rgyal rigs spyi bo nas/ /dbang bskur yul du nyer gnas tshe/ /mdo sde mgo la nges bcings nas/ /yang dang yang du phyag 'tshal na/ /de la rkun pos mi gnod cing / /mtshon gyis de la phog mi 'gyur/ /gzhon nu'i gzugs su yang dag byung / /rma bya'i gdan la legs bkod pa/ /glang po'i mtshog ma'i steng bzhag nas/ /g.yul du yang dag zhugs byas na/ /skye bo rnams sdang de dag kun/ /mthong ba tsam gyis ldog par byed/ /byis pa'i gzugs can bzang po ni/ /gzhon nu'i rgyan gyis yongs su brgyan/ /gser dang dngul dang ra gan gyis/ /rgyal mtshan yu ba bsgreng ba la/ /rgyal mtshan ba dan btags nas ni/ /legs dgod legs par mnyam par bzhag /g.yul du dgras ni legs gang</font><hr>95.301a<br><font size=+1>

ba/ /mtshon cha sna tshogs thogs byed pa/ /thams cad g.yul du 'dus pa la/ /de yi tshe na 'jug par bya/ /rgyal mtshan sgreng la gnas pa yi/ /gzhon nu las ni sna tshogs pa/ /rnam pa du ma'i gzugs dang ldan/ /bdag nyid chen po 'jam pa'i dbyangs/ /sa bcu'i bdag po'i bdag po ni/ /mthong ba tsam gyis 'jigs par byed/ /rgyal rigs rgyal po chen po ni/ /'jig rten sa srung sa gnas pa/ /dad ldan yid gnyis the tshom ni/ /rnam bral chos la mnyes gshin pa/ /bde bar gshegs la dad bskyed nas/ /snying rjes brlan pa'i yid kyis ni/ /'dir bshad 'di dag bya ba ni/ /grub par 'dod pas rab tu bya/ /cho ga'i sbyor ba'i sngags dang ni/ /rgyud dang ldan pa sa steng du/ /chos dbyings tshogs pa'i rgyal ba yis/ /gsung rab 'di dag nges par bstan/ /chos kyi dbyings dang mnyam gnas pa'i/ /rgyal mchog snga ma grangs med pas/ /sa yi steng gi mi rnams la'ang / /chos kyi mdzod ni gsungs pa yin/ /lha dang lha min sngon g.yul 'thab/ /pha rol 'jigs pa byung ba na/ /gang tshe brgya byin sngon gyur pa/ /dpung ni pham byas zhe sdang bas/ /de tshe gcig tu song nas ni/ /sa steng rnam par du bar gyur/ /rgyal mchog 'od srung de la ni/ /thub pa mchog la de tshe zhus/ /ji ltar bya zhes tshig tu ni/ /bde sogs bdag pos rnam par smras/ /mi bzad lha min gyis pham nas/ /bdag kyang 'dir ni yang dag lhags/ /de skad bcom ldan gsol nas ni/ /lha yi dbang po brgya byin gyis/ /de tshe thub mchog zhabs gnyis la/ /spyi bo'i gtsug gis rab btud nas/ /mig stong kau shi ka ni/ /de yi spyan sngar 'dug par gyur/ /de skad gsol nas thub mchog ni/ /bram zer gyur pa 'od srung gis/ /de tshe gsung du bka' stsal pa/ /ka la ping ka'i sgra skad du/ /rgyal ba mchog gis sngon gsungs pa/ /gzhon nu sna tshogs yang dag byung / /bdag nyid chen po 'jam dpal ni/ /rnyed dka' sku ni 'bum gyur pa/ /yang dag mtha' la gnas nas ni/ /zab mo'i don</font><hr>95.301b<br><font size=+1>

gyi don ston byed/ /spros med rnam pa med pa dang / /gnas med pa las gzugs byas nas/ /shin tu don ldan chos kyang ston/ /lha yi dbang phyug de ni dran/ /de nas de ni de dran pas/ /byang chub sems dpa' dran tsam gyis/ /gzhon nu sna tshogs gzugs can ni/ /der ni de yi mod la lhags/ /der ni bcom ldan 'das dang ni/ /bcom ldan lha yi dbang phyug bcas/ /lhags nas byang chub sems dpa' des/ /de tshe rgyal ba mchog la btud/ /rgyal ba mchog kun phyag 'tshal nas/ /'od chen 'od srung la yang btud/ /de tshe thub pas rjes gnang nas/ /sngags kyi tshig ni 'di smras so/ /na maHsarba bud+d+ha bo d+hi satwe b+h+yaH/ a pra ti ha ta shA sa ne b+h+yaH/ ha na ha na/ sarba b+ha yot+sA da ya trA sa ya/ mo Ta ya/ tshin+da/ b+hin+da/ dz+wa la dz+wa la/ hU~M hU~M phaT phaT swA hA/ byang chub sems dpa' sems dpa' chen po 'jam dpal gzhon nur gyur pas sngags 'di smras ma thag tu sa chen po 'di ri dang rgya mtsho'i mthar thug pa dang bcas pa rnam pa drug tu g.yos te/ sangs rgyas bcom ldan 'das thams cad kyi zhing mtha' yas pa 'jig rten gyi khams kyi phyogs kyi mthar thug pa thams cad dang bcas pa yang rab tu 'gul bar gyur to/ /sangs rgyas bcom ldan 'das thams cad kyis kyang sngags kyi tshig 'di dag byin gyis brlabs so/ /de nas lha'i dbang po brgya byin 'jigs pa dang bral nas ba spu langs te ngo mtshar rmad du byung ba thob nas/ mig gnyis phye ste/ stan las langs nas/ bcom ldan 'das kyi zhabs gnyis la btud nas lan gsum bskor ba byas shing / 'jam dpal gzhon nur gyur pa la mngon du bltas nas sngags kyi tshig de dag bzung ste/ yid la byas nas phyir yang shing rta la zhon te/ lha ma yin gang yin pa de logs su phyin par gyur to/ /de nas lha ma yin thams cad rgya mtsho chen po'i mtha'i 'gram du gang rang gi grong khyer gang yin pa der mngon du phyogs shing song bar gyur te/ sems</font><hr>95.302a<br><font size=+1>

zhum zhing nyams la dpung gi 'jigs pas sems dkrugs shing gdong gi mdog nyams shing nga rgyal dang dregs pa la sogs pa dang bral bar gyur la/ /mtshon cha dang bral zhing ri 'bigs byed 'bar ba bzhin du lha'i dbang phyug de mthong nas byer bar gyur to/ /de nas lha yi dbang po brgya byin gyis sum cu rtsa gsum gyi lha rnams la smras pa/ grogs po dag ma 'jigs shig /ma 'jigs shig /sangs rgyas kyi mthus lha ma yin las bdag cag nges par rgyal bas rang gi gnas su 'gro bar bya'o/ /rang rang gi gnas ci lta ba bzhin du song nas khyod cag rtse ba dang dga' ba yongs su spyod par gyis shig /de nas lha de dag thams cad yid shin tu dga' nas phyir yang rang gi gnas su log par gyur to/ /de nas lha rnams kyi dbang po brgya byin 'di snyam du sems par gyur te/ gang bdag gis gzhon nu'i gzugs can gyi gzugs brnyan gyi rnam pa de byas la rgyal mtshan gyi rtse mo la'ang btags na/ des na gang gi lha ma yin gyi 'jigs pa mi 'byung ngo / /zhes bstan to/ /de nas lha rnams kyi dbang po brgya byin gyis chen po la 'os pa'i nor bu rin po che nang 'od dang ldan zhing gsal ba'i phreng ba blangs nas/ gzhon nu'i cha byad kyi gzugs brnyan byas te/ steng gi khang bzang du grong khyer chen po blta na sdug pa'i dbus na/ lha rnams kyi 'dun sa chos bzang kyi rtse mor rgyal mtshan bsgreng ba legs par bkod pa byas nas bzhag par gyur to/ /de nas lha ma yin de dag rab tshim byed dang / thags bzangs ris la sogs pa de dag lha rnams kyi steng du mi 'gro zhing / lha de dag kyang zil gyis gnon par mi 'gyur la/ rdzu 'phrul las rnam par 'phrul pa'am/ g.yul mngon du phyogs par 'gro bar mi nus so/ /de ltar lo bye ba khri phrag du ma mi ma yin pa'i grangs kyis bgrang bar yang lha ma yin gyi 'jigs pa 'byung bar mi 'gyur ro/ /de bzhin du phan</font><hr>95.302b<br><font size=+1>

yon dpag tu med pa bstan pa dang / tshe dang / nad med pa 'phel bar/ sangs rgyas bcom ldan 'das dang / byang chub sems dpa' sems dpa' chen pos kyang sngon du gsungs pa yin no/ /de bzhin du phan yon gyi yon tan mchog 'di dag rgya che ba dang / mtha' yas shing mu med pa sngon gsungs pa yin no/ /gang zhig chos kyi rnam grangs 'di spangs sam/ rnam par rtog par byed na/ bsod nams ma yin pa dpag tu med pa 'phel bar 'gyur zhing / dmyal bar yang skye bar 'gyur la/ dud 'gro dang / yi dgas dang / gshin rje'i 'jig rten gyi skye ba ngan par yang 'gro bar 'gyur ro/ /sman dang / sngags rnams med do/ /byang chub sems dpa' med do/ /de rnams kyi bdag nyid chen po rdzu 'phrul che ba dang / rnam par 'phrul ba yang med do/ /cho ga rgya che ba yang med do/ /'phags pa ma yin pas bshad do/ /zhes byas nas spong ba'am/ /yang na 'gro zhing 'di nyan par mi nus so/ /zhes gnas de las gzhan du 'gro na/ de dag la bsod nams ma yin pa chen po 'byung bar 'gyur ro/ /ci ste blo chung ba gang gis chos 'di ni thub pa mchog dang / thub pa'i sras blo dang ldan pa ma yin no/ /zhes rab tu spong bar byed do/ /mi de dmyal bar 'gro 'gyur zhing / /de nyams nas ni dud 'gror 'gro/ /thig nag dang ni yang sos dang / /spu gri so dang me ma mur/ /ro myags chu bo rab med skye/ /de nas phyir yang spu gri sor/ /lo ma ral gri lta bu'i nags/ /yang na kyi hud zer de bzhin/ /'jig rten grags pa so thams thams/ /sdig pa'i las kyi dmyal ba ru/ /gang gis chos ni sun byed pa/ /de ni skye ba de dag 'gro/ /'jig rten smad par rab bstan pa/ /mi bzad mnar med pa zhes bya/ /ma dad sems kyis chos spangs pa/ /sdig pa'i las can gnas yin te/ /gang zhig</font><hr>95.303a<br><font size=+1>

chos ni 'di 'jigs pa/ /de la skye bo de 'tshed 'gyur/ /kun gyi mthar thug mnar med pa/ /de nyams de bzhin dmyal chen skye/ /dmyal ba'i sa mtha' mtha' yas par/ /rtag tu blo med de ni 'gro/ /mdo sde de ni rgya cher bcas/ /chos kyi nor kun rab spangs nas/ /de ni 'jig rten ngan par 'gro/ /dbang med rtag par dbang du 'gro/ /gang zhig mdo sde'i cho ga 'di/ /sngags dang rgyud kyis legs par brgyan/ /grub pa sna tshogs brgya rnams 'thob/ /yang dag mtha' ni sgrib pa med/ /chos kyi dbyings kyi sku nyid yin/ /dmigs su med pa'i ngo bo nyid/ /cho ga cho ga rgya chen bcas/ /le'u rab 'byam 'dis 'dren byed/ /'jam pa'i dbyangs ni legs dgod pa/ /phun tshogs dpal dang blo gros mchod/ /rtsa ba'i cho ga mi nyung ba/ /rgya che mang por bstan pa yin/ /rtag dang chad dang thog mtha' ni/ /gnyi ga'i mtha' don rnam par spangs/ /rim bcas rim ni nges par bstan/ /sngags kyi lus ni btus pa yin/ /me dang rlung dang nam mkha' dang / /stong pa'i de nyid legs gsungs pa/ /spangs pa rtag tu 'gro ba ni/ /'og nas 'og tu de tshe 'gro/ /bskal pa rnam mang gsum gyi grangs/ /de tshe bsod nams yongs bsags nas/ /de tshe byang chub thob nas ni/ /bdag dang rgyal ba mchog rnams kyis/ /sngags dang rgyud kyi don gsungs pa/ /'gro ba yul ni sdig med la'o/ /rtsa ba'i cho ga dag byed dang / /sdig pa med cing bkra shis pa'i/ /le'u rab 'byam rab gsungs pa/ /nges pa'i mdo sde bzang po yin/ /sa bdag yon tan bdag nyid che/ /yul dang dus kyi sbyor ba dang / /rgyal sras mi ru skyes pa yis/ /sa steng dam pa'i chos bstan ces/ /'jig rten gtso bo thub pa ni/ /rgyal ba bdun pas bstan pa yin/ /cho ga rgya cher gsungs pa ni/ /blo dang dpal ni mngon par 'phel/ /</font><hr>95.303b<br><font size=+1>

rtsa ba rab 'byam le'u zhes/ /sngags dang rgyud dang ldan pa de/ /gang zhig mdo mchog gtso bo 'di/ /rgyal bas mchod pa'i chos kyi mdzod/ /sa steng mis ni spong byed pa/ /de ni mnar med dmyal bar 'gro/ /bskal pa chen por de 'tshed ces/ /rnam pa du mar dbye bar bstan/ /nam zhig gang du 'byung ba ni/ /mi yi lus su skyes na yang / /dbul zhing nad mang glen pa dang / /kla klo dag tu skye bar 'gyur/ /'jig rten smad par 'gro ba ste/ /de ni mdze can nad par 'gyur/ /lkugs shing 'on pa yan lag nyams/ /blo nyams long ba nyid dang ni/ /rtsub cing rtag tu 'jigs pa'i gzugs/ /sa steng yi dgas lta bur snang / /gos ngan sems ni zhan pa dang / /sen mo dang ni lus kyang ngan/ /srin bu rnams kyis zos pa dang / /shu ba g.yan par yang dag ldan/ /mdo sde 'di ni rab spangs na/ /gang dang gang gis 'gro bar 'gro/ /de dang der ni skye ba na/ /blo ngan rmongs par skye bar 'gyur/ /de nas byang chub sems dpa' sems dpa' chen po 'jam dpal gzhon nur gyur pa stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ mig phye zhing mi 'dzums par thams cad dang ldan pa'i gnas gtsang ma'i gzhal med khang na gnas pa'i lha'i bu rnams dang / 'byung po'i tshogs du ma chos mnyan pa'i phyir 'dus par shes nas/ bcom ldan 'das shAkya thub pa la 'di skad ces gsol to/ /bcom ldan 'das ji tsam du chos kyi rnam grangs 'di ni ngo mtshar te/ mchog tu legs par gsungs pa lags na/ de la bcom ldan 'das ma 'ongs pa'i dus na sems can mi rigs pa'i chags pas zil gyis non pa slu bar byed pa nga rgyal can ma dad pa gya gyu can dmu rgod tshul khrims 'chal pa dag 'byung bar 'gyur te/ de dag sngags rnams kyi rtog pa'i bdag nyid chen po rgyas pa</font><hr>95.304a<br><font size=+1>

grub pa dang / dus dang / yul dang / nges par sdom pa dang / sngags dang / spyod pa dang / /sbyin sreg dang / bzlas pa nges par sdom pa dang / cho ga rab 'byam dag la ma dad par 'gyur/ yid la mi byed par 'gyur te/ sangs rgyas kyi bka' ma yin no/ /zhes byas nas spong bar 'gyur te/ de dag nyon mongs pa'i sems su gyur nas dus byed par 'gyur zhing / sdug bsngal drag cing tsha ba'i tshor ba myong zhing de dag dmyal ba chen por skye bar 'gyur ro/ /bcom ldan 'das sdug bsngal ba'i sems can de dag la ji ltar bsgrub par bya/ sangs rgyas bcom ldan 'das ni thugs rje chen po dang ldan pa lags so/ /de nas bcom ldan 'das kyis 'jam dpal gzhon nur gyur pa la spyi bor byugs nas bka' stsal pa/ /'jam dpal khyod sems can thams cad kyi don gyi phyir rab tu zhugs pa khyod yang legs so legs so/ /'jam dpal gzhon nur gyur pa khyod de bzhin gshegs pa la don 'di yongs su zhu bar sems pa de khyod yang legs so/ /'jam dpal gzhon nur gyur pa de'i phyir legs par shin tu rab tu nyon la yid la zung shig dang / sems can thams cad kyi don dang / phan pa dang / bde ba'i phyir zhugs pa dang / lha dang / mi rnams dang / 'jig rten la rab tu brtse ba'i phyir ngas khyod la bshad do/ /spyod pa thams cad la zhugs pa dang / byang chub kyi lam dang / thams cad shes pa dang / chos kyi dbyings la 'jug pa dang / 'phags pa 'jam dpal gyi sku la gnas par 'dod pa rnams kyis rig pa'i rgyal po mchog tu gsang ba/ gzhon nu khyod kyi rtsa ba'i cho ga'i le'u rab 'byam 'chi ba'i dus kyi tshe yang 'di dran par bya'o/ /de gang zhe na/ na ma s+t+rai ya d+h+wa ta thA ga te b+h+yaH/ ar had b+h+yaH/ samya k+sa~M bu b+h+yaH/ ku mA ra rU pi Ne/ bi shwa sa~M b+ha ba/ A gats+tsha/ A gats+tsha/ la hu la hu/ b+h+rU~M b+h+rU~M/ dzi na dzi ka many+dzu shri ye/ su shri ye/ tA ra ya / sarba duHkhe b+h+yaH/ phaT phaT/ sha ma ya sha ma ya/ </font><hr>95.304b<br><font size=+1>

a mrI tod+b+ha ba/ pA paM me nA sha ya swA hA/ 'jam dpal 'di ni khyod kyi snying po dam pa yin te/ zhi ba thams cad byed pa/ sdig pa thams cad zad par byed pa/ sdug bsngal thams cad las rab tu grol bar byed pa/ tshe dang / nad med pa dang / dbang phyug dang / skal ba bzang po mchog dang / ngag gi dbang phyug skyed par byed pa/ rig pa'i rgyal po thams cad gzengs stod par byed pa/ sangs rgyas bcom ldan 'das shAkya thub pas 'di gsungs ma thag tu sa chen po ri dang rgya mtsho dang bcas pa/ sems can dang snod nye ba'i mthar thug pa rnam pa drug tu rab tu g.yos par gyur to/ /'gro ba thams cad de yi dgas kyi 'gro ba dang / dud 'gro dang / gshin rje'i 'jig rten dang / dmyal ba'i sems can thams cad kyi sdug bsngal rab tu sbyangs shing / bde ba rnams kyang rab tu thob par 'gyur la/ 'jam dpal rig pa'i rgyal po 'di yang yid la byed cing / de'i tshe dam pa'i chos spong ba'i sems kyang med par 'gyur na/ bdud sdig to can gyis kyang glags rnyed par mi 'gyur la/ bgegs dang log 'dren thams cad kyang 'byer bar 'gyur ro/ /'di ltar yang sems bskyed par bya ste/ /sangs rgyas bcom ldan 'das kyi sangs rgyas dang / chos ni bsam gyis mi khyab ste/ bsam pa'am/ gzhal ba'am/ spang bar ni bdag gis ci zhig nus te/ sangs rgyas bcom ldan 'das nyid kyis mkhyen par 'gyur ro/ /'phags pa 'jam dpal gyi rtsa ba'i cho ga byang chub sems dpa'i sde snod phal po che theg pa chen po shin tu rgyas pa'i mdo las/ phan yon dang nyes dmigs kyi nus pa rab 'byam bstan pa'i le'u sum cu rtsa drug pa rdzogs s+ho// //bcom ldan 'das kyis de skad ces bka' stsal nas/ dge slong de dag dang / byang chub sems dpa' de dag dang / thams cad dang ldan pa'i 'khor de dag dang / gnas gtsang ma'i steng na</font><hr>95.305a<br><font size=+1>

gnas pa'i lha'i bu'i tshogs rnams dang / sems can bye ba khri phrag brgya stong du ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / grub pa dang / rig 'dzin dang / drang srong mchog dam pa du ma dang / 'jam dpal gzhon nur gyur pa dang / spyan ras gzigs dang / byams pa dang / mthu chen thob dang / mthu chen gnas dang / phyag na rdo rje la sogs pa byang chub sems dpa' sems dpa' chen po rnams dang / 'jig rten gyi khams grangs med pa dang / chos kyi dbyings mtha' yas pa na bzhugs pa'i sangs rgyas bcom ldan 'das nyan thos dang / rang sangs rgyas kyi 'khor dang bcas pa dang / sangs rgyas bcom ldan 'das nam mkha'i ngo bo dang 'dra bar bzhugs pa'i sangs rgyas dang / byang chub sems dpa' sems dpa' chen po bsam gyis mi khyab pa rnams thugs rangs te/ bcom ldan 'das kyis gsungs pa la mngon par bstod do/ /'phags pa 'jam dpal gyi rtsa ba'i rgyud rdzogs s+ho// //dpal lha btsan po lha btsun pa byang chub 'od kyi bkas/ rgya gar gyi mkhan po dge bsnyen chen po ku mA ra ka la sha dang / sgra sgyur gyi lo ts+tsha ba dge slong shAkya blo gros kyis bsgyur cing zhus te gtan la phab pa'o/ /bkra shis par gyur cig /zhus te dag go/ // #</font><hr>

</table>