@#/ /rgya gar skad du/ Ar+ya bi she Sha ba ti nA ma d+hA ra NI/ bod skad du/ 'phags pa khyad par can zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das sbrul gyi lo'i dgun zla ra ba'i tshes nyi shu la yul phug ron can na/ grong khyer siny+tso zhes bya ba'i gtsug lag khang na bzhugs te/ de'i tshe dge slong tshe brjod ces bya ba don cig gi phyir grong khyer gnas song zhes bya bar song ste/ dge slong de rgya yul gyi grong khyer nas dpag tshad brgya'i lam du phyin pa dang / dge slong des bar der mi lus chen po khrun du mtho sum cu yod pa/ bzhin mtho bzhi pa zhig rgyang ring po nas mthong ngo / /mthong nas kyang dge slong tshe brjod des mi de lta bu de la 'di snyam du bsams te/ kye ma mi 'di ni lus che ste/ 'di ni 'jam dpal gzhon nur gyur pa yin du nges so snyam nas/ des pus mo gnyis ka'i lha nga sa la btsugs te/ mi lus chen po ga la ba de logs su thal mo sbyar ba btud nas/ mi lus chen po de la 'di skad ces smras so/ /ji khyod 'jam dpal gzhon nur gyur pa ste/ 'di na gda' 'am/ 'jam dpal 95.34a gyis smras pa/ dge slong de de bzhin no/ /dge slong des smras pa/ 'jam dpal khyod ci'i slad du 'di na gda'/ 'jam dpal gzhon nur gyur pas smras pa/ dge slong 'dzam bu'i gling 'dir sems can rnams la nad rnam pa sna tshogs 'byung ste/ gnod sbyin dang / lha ma yin dang / nam mkha' lding dang / dri za rnams ri'i rgyal po ri rab kyi ngos gcig la gnas so/ /des nyi zla'i 'od kyang mi mngon/ nyi ma dang / zla ba dang / gza' dang / rgyu skar rnams kyang nam mkha'i bar skabs na mi snang ngo / /de'i tshe lha dang / lha ma yin kyang g.yul 'gyed de/ g.yul bkye ba dang / lha rnams ni pham/ lha ma yin rnams ni rgyal te/ de'i tshe 'byung po dang / yi dgas rnams bud med kyi gzugs kyis sems can rnams la nad gtong ste/ 'di lta ste/ lkog ma'i lha gor dang / 'brum phran dang / me dbal dang / lto na ba dang / rims nyin gcig pa dang / nyin gnyis pa dang / nyin gsum pa dang / nyin bzhi pa dang / rlung las gyur pa dang / mkhris pa las gyur pa dang / bad kan las gyur pa dang / 'dus pa las gyur pa dang / klad pa na ba dang / phol mig dang / g.yan pa dang / tshad pa dang / mig nad la sogs pa nye bar sgrub bo/ /'di lta ste/ char ches pa dang / than pa dang / dus ma yin pa'i char gyis lo tog phun sum tshogs pa'i 'ongs 'phrog sems can rnams kyi mdangs 'phrog /tshe dang / stobs dang / mdog dang / gzugs 'phrog ste/ de'i tshe 'dzam bu'i gling na sems can thams cad nad sna tshogs kyis yongs su nyen to/ /gtum po seng ge dang / spyang ki dang / stag dang / sbrul la sogs pa'i gzugs kyis sems can rnams kyi mdangs 'phrog ste/ 'dzam bu'i gling gi sems can rnams la dus ma yin par chud za ba nye bar gnas pas sems can rnams nad las thar bar bya ba yang dka' ste/ 'dzam bu'i gling 'dir sems can rgan pa dang / bar ma dang / gzhon pa dag las dkrigs phrag sum cu 'chi 95.34b bar 'gyur ro/ /de'i phyir nga dge slong khyod kyi gan du 'ongs kyis/ khyod kyis 'dzam bu'i gling gi sems can thams cad la chos kyi rnam grangs 'di sgrogs shig /de ci'i phyir zhe na/ 'dzam bu'i gling pa'i sems can thams cad ni 'di snyam du bdag cag ji ltar sdug bsngal gyis bcings pa thams cad las thar bar 'gyur snyam du re ba'i phyir ro/ /de lta bas na dge slong khyod kyis sems can thams cad la mdo 'di sgrogs te/ sems can thams cad la dge ba'i rtsa ba bskyed pa'i phyir nan tan gyis shig /dkon mchog gsum la rtag par rgyun du dad par gyis shig /lha rjed cig /de bzhin gshegs pa'i mchod rten rnams sam/ sku gzugs rnams la spos dang / me tog dang / bdug pa rnams kyis mchod par gyis shig /khyad par can gyi gzungs kyang lhogs shig /nyi ma bdun yan lag brgyad dang ldan pa'i gso sbyong la nye bar gnas par gyis shig /bcom ldan 'das de bzhin gshegs pa blo yangs zab mo 'brug bsgrags rgyal po la phyag 'tshal lo/ /tad+ya thA/ bi pu la gardzi te/ bi pu la swA re/ bi pu la yo ni she /a na la se/ a na la sam b+ha be/ a na la sa ga tiM ga te swA hA/ de bzhin gshegs pa sgrib pa thams cad rnam par sel ba la phyag 'tshal lo/ /tad+ya thA/ he ma he ma/ ha ma ha ma swA hA/ de bzhin gshegs pa 'od dpag med la phyag 'tshal lo/ /tad+ya thA/ a mi tod+b+ha be/ a mi ta sa~M b+ha be/ a mi ta bi krAn+te/ a mi ta bi krAn+ti ka re/ a mi ta ga ga na kIrti ka re swA hA/ de bzhin gshegs pa yon tan 'byung gnas la phyag 'tshal lo/ /tad+ya thA/ ga ga na sa A ka ra/ ga ga na sa~M b+ha bi/ ga ga na kIrte ka re swA hA/ de bzhin gshegs pa kun nas spos mchog la phyag 'tshal lo/ /tad+ya thA/ sa ma sa me swA hA/ de bzhin gshegs pa gzhan gyis mi thub pa'i rgyal mtshan gyis 'brug bsgrags gshegs pa la phyag 'tshal lo/ /tad+ya thA/ a sa ma sa me swA hA/ 95.35a de bzhin gshegs pa nga rgyal gnon la phyag 'tshal lo/ /tad+ya thA/ ma na bi shu/ pad+me shwa re/ pad+ma sa~M b+ha be/ king ka re/ hi ta~M ka rI ye swA hA/ sangs rgyas dang / byang chub sems dpa' thams cad la phyag 'tshal lo/ /de bzhin gshegs pa dgra bcom pa yang dag par rdzogs pa'i sangs rgyas sgrib pa thams cad rnam par sel ba la phyag 'tshal lo/ /tad+ya thA/ shwe ta ka ra b+he dz+wa li ne swA hA/ dza~M b+ha ne/ sta~M b+ha ne/ mo ha ne swA hA/ pauN+Ta ri kA ya swA hA/ ho me d+harme/ d+harmA tsan+tA ye swA hA/ d+ha re b+hi d+ha re/ ka la bing ka ru tA yai swA hA/ shAn+te/ kAn+ne/ ni rbA pa N+ye swA hA/ d+hu ru d+hu ru/ bi du ru d+hi ye swA hA/ bi ma la pra tsun+dA yai swA hA/ a ba lo ki ta/ bi lo ki tA ya swA hA/ Adz+nyA na bi d+ha ma n+yai swA hA/ pad+ma swa re/ pad+ma sa~M b+ha be/ king ka re hi tang ka ri ye swA hA/ sangs rgyas dang / byang chub sems dpa' thams cad la phyag 'tshal lo/ /tad+ya thA/ tsan+d+ra pra b+he/ tsan+d+ra na gar+b+he/ tsan+d+ra na ts+'ur+Ne/ ke kai la sa ba ti/ sarba bud+ha/ a d+hiSh+Thi ta a nu mo di te swA hA/ byang chub sems dpa' 'phags pa 'jam dpal la phyag 'tshal lo/ /tad+ya thA/ dza ye dza ye/ dza ya la b+he/ dza ya ma hA ma he swA hA/ byang chub sems dpa' sems dpa' chen po 'phags pa spyan ras gzigs dbang phyug la phyag 'tshal lo/ /tad+ya thA/ ga ga na a r+ye/ ga ga na sa mud+ga te/ ga ga na bi krAn+ta/ bi krAn+ta/ e dzi me dzi/ pad+mo dzi swA hA/ byang chub sems dpa' kun tu bzang po la phyag 'tshal lo/ /tad+ya thA/ he b+ha dre/ ma hA b+ha dre/ a ti b+ha dre/ sa man+ta b+ha dre/ bi ga ta rA dza se/ ma hA bi ga ta rA dza se/ a ti bi ga ta rA dza se/ he ma ba ti/ karma A ba ra Na bi sho d+ha ne swA hA/ byang chub sems dpa' 'phags pa byams pa la phyag 'tshal lo/ /tad+ya thA/ mai tri mai tri/ mai tri ma na se swA hA/ byang chub sems dpa' 'phags pa nam mkha'i snying po la phyag 'tshal lo/ /tad+ya thA/ gar+b+he/ gar+b+he/ gar+b+he/ gar+b+ha bi sho d+ha ne swA hA/ byang chub sems dpa' 'phags pa blo gros mi zad pa la phyag 'tshal lo/ /tad+ya thA/ ak+Sha ye nu/ ak+Sha ye phu/ ak+Sha ya 95.35b karma bi sho d+ha ne phu swA hA/ byang chub sems dpa' dri ma med par grags pa la phyag 'tshal lo/ /tad+ya thA/ kIrti tA/ sarba dzi nai/ a b+hi kIrti tA/ sarba dzi nai/ badzrA ka re/ badzra sa~M b+ha be/ badzra be dA kA re swA hA/ byang chub sems dpa' sgrib pa thams cad rnam par sel ba la phyag 'tshal lo/ /tad+ya thA/ sarbA pa ra Na bi b+hi n+yai swA hA/ d+hA tu bi ka ra N+yai swA hA/ me g+ha bi Ta me swA hA/ a pa rA dzi ta kA yai swA hA/ ba la dad n+yai swA hA/ bo d+h+yang da da n+yai swA hA/ karma nir+b+ha bi ta kA yai swA hA/ e kA rA mA yai swA hA/ yo ga tsA rA yai swA hA/ sarba bud d+ha b+hi Shik+tA yai swA hA/ bra pa ku tA yai swA hA/ sarba d+harmA b+hi Shi k+tA yai swA hA/ sarba bud d+ha b+hi Shik+tA yai swA hA/ e ka shring gA yai swA hA/ a shring gA yai swA hA/ b+hU tA yai swA hA/ a sa~M b+hU tA yai swA hA/ sarba duHkho pra sha ma n+yai swA hA/ zla 'od gzhon nur gyur pa la phyag 'tshal lo/ /tad+ya thA/ tsan+d+ra pra b+he/ su pra b+he/ pra b+hA ka re/ pra b+hong+ga te/ pra b+hong+ga te/ pra b+ha ba ti/ pra b+ha ba ti/ d+harma bi shu/ karmA bi shud d+hir+b+ha ba tu me swA hA/ tshe brjod gang la la zhig rig sngags 'dis nyin zhag bdun du nyin lan bdun mtshan lan bdun du byab pa byas na/ des las kyi sgrib pa ma lus par rnam par dag par 'gyur ro/ /dge slong bdun la zan sbyin no/ /me las me spel bar bya'o/ /mtshan mo mar me thogs te mchod rten la bsti stang du byas la bskor bar bya'o/ /dam pa'i chos bri ba dang bklag pa la brtson par bya'o/ /gal te yams kyi nad cher byung na khyim nas khyim dang / grong nas grong dang / grong khyer nas grong khyer du gan d+ha ra sa'i bdug pa dang gtor ma dang / lha bshos kyis mchod par bya'o/ /nad pa gang yin pa des kyang cho ga 'di bzhin byas na de myur du nad las thar bar 'gyur ro/ /de nas yang 'jam dpal gzhon nur gyur pas dge slong tshe brjod la 'di skad ces smras so/ /dge slong rigs kyi bu'am rigs kyi bu mo gang la la zhig chos kyi rnam grangs 'di 'dzin tam/ klog gam/ yi ger 'dri'am/ yi ger 'drir 'jug gam/ gzhan dag la yang rgya cher yang dag par ston na de bla na med pa yang dag par rdzogs pa'i 95.36a byang chub las phyir mi ldog par 'gyur ro/ /yang 'jam dpal gzhon nur gyur pas dge slong tshe brjod la 'di skad ces smras so/ /chos kyi rnam grangs 'di ci nas skye bo thams cad kyi rna lam du grag par 'gyur bar yul nas yul dang / grong khyer nas grong khyer dang / grong nas grong du bskur bar bya'o/ /yang 'jam dpal gzhon nur gyur pas dge slong tshe brjod la 'di skad ces smras so/ /tshe brjod rigs kyi bu'am rigs kyi bu mo gang la las chos kyi rnam grangs 'di lan gcig bklags na de bdag nyid thar bar 'gyur ro/ /sus lan gnyis bklags na de bu dang chung ma dang lhan cig thar bar 'gyur ro/ /sus lan gsum bklags na de rtsa lag gi tshogs kyi skye bo dang bcas te thar bar 'gyur ro/ /sus lan bzhi bklags na/ de yul 'khor thams cad kyang thar bar 'gyur ro/ /sus lan lnga bklags na/ de nye 'khor gyi rgyal po dang bcas pa thar bar 'gyur ro/ /yang 'jam dpal gzhon nur gyur pas/ dge slong tshe brjod la 'di skad ces smras so/ /chos kyi rnam grangs 'di myur du yul gzhan dag tu bskur bar bya ste/ der yang yon tan 'di dag 'byung bar 'gyur ro/ /tshe brjod gang gis chos kyi rnam grangs 'di thos la mi 'dzin tam/ mi klog gam/ yi ger mi 'dri'am/ yi ger 'drir mi 'jug gam/ kun chub par mi byed dam/ gzhan dag la yang rgya cher yang dag par rab tu mi ston tam/ yul gzhan du mi 'byin tam/ sems can thams cad dang thun mong du byas te mi nyan tam/ bla na med pa yang dag par rdzogs pa'i byang chub tu yongs su mi sngo na mtshams med pa lnga byed pa rnams kyi 'gro ba ci 'dra ba de 'dra bar mngon par 'grub ste/ sangs rgyas dang / byang chub sems dpa' thams cad kyis smad pa'o/ /yang 'jam dpal gzhon nur gyur pas dge slong tshe brjod la 'di skad ces smras so/ /tshe brjod su zhig 'di tshad mar mi byed pa de ni ngas thog ma nyid du dad par byas pa ma yin no/ /'di ltar 'dzam bu gling pa'i sems can 95.36b thams cad bde bar 'gyur bar bya ba'i phyir/ nga ri'i rgyal po ri rab la song ste/ lha dang / dri za rnams la rjes su bstan pa dang mthun par sbyar bar bya ba'i phyir nan tan bya'o/ /de skad ces smras nas/ 'jam dpal gzhon nur gyur pa de nyid du mi snang bar gyur to/ /dge slong tshe brjod kyis kyang / 'jam dpal gzhon nur gyur pas smras pa la mngon par bstod de bzung nas song ngo / /'phags pa khyad par can zhes bya ba'i gzungs rdzogs s+ho// //rgya gar gyi mkhan po dzi na mi tra dang / dA na shI la dang / zhu chen gyi lots+tsha ba ban+de ye shes sdes bsgyur cing zhus te skad gsar chad kyis kyang bcos nas gtan la phab pa/ / |