J478

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J478</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J478&coll=lithang">see text in Tibetan script</a></table>94.283b<br><font size=+1>

@#/ /rgya gar skad du/  Ar+ya ma hA ma Ni bi pu la bi mA na/ su pra tiSh+Thi su h+ya~M pa ra ma ra ha s+yan kalpa/ rA dzA nA ma d+hA ra NI/  bod skad du/  'phags pa nor bu chen po rgyas pa'i gzhal med khang shin tu rab du gnas pa gsang ba dam pa'i gsang ba'i cho ga zhib mo'i rgyal po zhes bya ba'i gzungs/ bam po dang po/ sangs rgyas dang / byang chub sems dpa' thams cad la phyag 'tshal lo/ /de nas bcom ldan 'das kyis rgyal po'i khab kyi grong khyer chen por 'dus pa dang po la bdud bye ba pham par mdzad/ dpyod pa pa dang / kun tu rgyu dang / gcer bu pa thams cad dang / mu stegs can gzhan rnams kyang btul nas pham par mdzad de/ 'khor ba'i skyon 'khor ba'i chu bo'i pha rol du gshegs so/ /gang gi tshe bdud kyi sde bye ba khrag khrig brgya stong phrag du ma g.yog bdud kyi sde phrag dkrigs pa can dag gis 'dzam bu'i gling bkang ba de'i tshe/ bcom ldan 'das kyis sa rdo rjer byin gyis brlabs nas sems can de dag gis 'jigs shing 'jigs su rung ba'i sgra yang ma thos shing mtshon cha'i char de dag thams cad kyang me tog sna tshogs su bab par gyur to/ /rgyal po'i khab kyi grong khyer gyi sum mdo'i dbus de'i sa de yang rdol nas rin po che sna bdun gyi pad ma 'dab ma stong pa/ sdong bu ni bai dUr+ya/ snying po ni 'dzam bu chu bo'i gser/ ze ba ni rdo'i snying po/ srid ni tshangs pa'i 'jig rten gyi bar la thug pa 'od dang ldan pa zhig byung ste/ pad ma de byung nas phyogs bcu thams cad du snang bar byas so/ /</font><hr>94.284a<br><font size=+1>

de nas pad ma de las nor bu rdo rje mchog ldan zhes bya ba'i gzungs kyis bskul ba'i sgra 'di byung ngo / /phyogs bcu na bzhugs pa'i de bzhin gshegs pa gang lags pa thams cad la phyag 'tshal lo/ /o~M ma Ni badzra hr-i da ya/ badzra mA ra se n+ya bi dra ba Ni/ ha na ha na/ badzra gar+b+he/ trA sa ya trA sa ya/ sarba mA ra b+hu ba na ni hU~M hU~M/ sa~M d+ha ra sa~M d+ha ra/ bud+d+ha/ mai tri sarba ta thA ga ta badzra kalpa a d+hiSh+Thi te swA hA/ pad ma de las yang legs so zhes bya ba'i sgra grag ste/ des stong gsum gyi stong chen po'i 'jig rten gyi khams 'di sgras bkang nas/ shAkya thub pa srid pa'i dgon pa las ni rgal/ bdud ni bcom/ nyon mongs pa'i rdul ni spangs/ ma rig pa'i sgo nga'i sbubs ni dral/ chos kyi sgron ma chen po ni sbar te/ gang gi phyir gzungs 'di'i mthus sa rdo rjer byin gyis brlabs nas bdud ni bcom pa legs so legs so/ /de nas gsang ba pa'i bdag po lag na rdo rje spu zing zhes byed cing lus 'dar nas/ bcom ldan 'das kyi zhabs gnyis la gtugs te/ bcom ldan 'das la 'di skad ces gsol to/ /bcom ldan 'das ci'i slad du/ rig sngags chen mo 'di 'dus pa dang po la 'dzam bu'i gling du byung ba lags/ bcom ldan 'das rig sngags 'di 'jig rten du sngon byung bar ma thos lags so/ /de nas bcom ldan 'das kyis gsang ba pa'i bdag po lag na rdo rje la bka' stsal pa/ lag na rdo rje nor bu chen po rgyas pa'i gzhal med khang shin tu rab tu gnas pa gsang ba zhes bya ba'i gzungs yod de/ de'i mthus stong gsum gyi stong chen po'i 'jig rten gyi khams 'di rdo rje'i rang bzhin du gyur nas/ mtshon cha'i char 'bab pa 'di yang me tog sna tshogs su gyur te 'bab po/ /gzungs 'di'i mthus bdud kyi 'khor bcom nas srog chags bye ba btul to/ /'di'i mthus sum mdo'i dbus su</font><hr>94.284b<br><font size=+1>

pad ma 'di byung bar gyur to/ /lag na rdo rje gzungs 'di med par mngon par rdzogs par byang chub par mi nus/ bdud bye ba pham par ma yin/ nyon mongs pa'i rgya mtsho skems par ma yin te/ chos kyi sgron ma sbar bar mi nus so/ /lag na rdo rje ngas dka' ba bye ba khrag khrig brgya stong phrag du ma spyad na ji srid ngas gzungs 'di mnyan pa dang / mngon par brtson pas brtson 'grus ma byas kyi bar du ngas sangs rgyas nyid thob par ma nus kyi/ phyis ngas sangs rgyas nyid thob bo/ /lag na rdo rje gzungs 'di ni mthu che zhing phan yon che ba yin no/ /lag na rdo rje 'di ni sangs rgyas bcom ldan 'das rnams kyi chos nyid de kho na nyid yang dag par sangs rgyas kyi sku yongs su sgrub pa yin no/ /lag na rdo rje 'di'i ming bzung ba tsam gyis de bzhin gshegs pa thams cad kyi mtshan gzung bar 'gyur ro/ /brjod cing bzlas pa tsam gyis de bzhin gshegs pa thams cad la mchod pa dang / bsnyen bkur dang / zhabs la phyag byas par 'gyur ro/ /de nas bcom ldan 'das la byang chub sems dpa' sems dpa' chen po lag na rdo rjes me tog sna tshogs dang / dri dang / bdug pa sna tshogs kyis mchod nas/ bcom ldan 'das la lan gsum bskor ba byas te/ bcom ldan 'das kyi zhabs la gtugs nas bcom ldan 'das la 'di skad ces gsol to/ /bcom ldan 'das mi mjed kyi 'jig rten gyi khams de na yon tan gyi khyad par ci 'dra ba dag gda' ba bstan du gsol/ bcom ldan 'das de bzhin gshegs pa'i sku yang dag pa'i chos kyi gzhi 'di dag las gzhan pa/ dge ba'i rtsa ba ngan ngon tsam gyis ni sems can rnams kyi tshogs bsags par mi bgyi lags so/ /de nas bcom ldan 'das kyis gsang ba pa'i bdag po lag na rdo rje la 'di skad ces bka' stsal to/ /lag na rdo rje sems can de dag ni snyoms las can/ brtson 'grus dman pa/ gti mug gis rmongs</font><hr>94.284c<br><font size=+1>

# pa/ 'dod pa'i dregs pas rmongs pa/ yid ches par dka' ba/ phar mi 'dzin pa dang / mar mi 'dzin pa dang / dge sbyong du mi 'dzin pa/ bram zer mi 'dzin pa/ rigs kyi gtso bo la bsnyen bkur mi byed de/ des ni gzungs 'di lag tu 'ong bar mi 'gyur zhing / bsod nams chung ba/ skal ba chung ba/ blo zhan pa rnams kyis kyang nyan par mi 'gyur/ 'chad par mi 'gyur zhing / sdig pa thams cad 'jig par byed pa/ de bzhin gshegs pa'i gsang ba'i gzungs 'di la dad pa bskyed par mi 'gyur ro/ /de nas bcom ldan 'das kyis gnod sbyin gyi sde dpon chen po lag na rdo rje la 'di skad ces bka' stsal to/ /rigs kyi bu nga ni 'di nas shar phyogs logs su sangs rgyas kyi zhing tshad med pa gang gA'i klung gi bye ma dang mnyam pa'i sangs rgyas kyi zhing bye ba khrag khrig 'das pa de na 'jig rten gyi khams nor bur sgron ma zhes bya ba grong khyer kho ra khor yug tu dpag tshad bcu gnyis pa'i ra ba rin po che sna bdun las byas pa/ rgyas pa/ bde ba/ nyams dga' ba/ lo legs pa/ skye bo dang / mi mang pos gang ba/ skyes pa dang / bu med dang / khye'u dang / bu mo dang / skye bo'i tshogs thams cad rgyan thams cad kyis brgyan pa nyid snang zhing nor bu dang / gser 'bar ba'i mgo rgyan sna tshogs kyis mgo brgyan pa/ lha'i gzugs can/ mthu dang brtson 'grus chen po dang ldan pa/ bshes gnyen thams cad dang ldan pa/ rig pa'i gnas rtogs par khong du chud pa/ snang ba yod par 'gro'o/ /'jig rten gyi khams de na rgyal po nor bu sna tshogs shes bya ba rgyal srid byed du 'jug ste/ blon po bye ba phrag brgyad cus yongs su bskor cing btsun mo dam pa gsal byed ma zhes bya ba bud med nyi khri'i 'khor can lha'i bu mo thams cad kyi lus la 'gran pa zhig yod do/ /'jig rten gyi khams de na yang me tog gi shing dang / 'bras bu'i shing dang / drang chu'i shing dang / dri'i shing gang yin pa de dag thams cad kyang rin po che sna bdun gyi rang bzhin yin no/ /chu las skyes pa'i me tog</font><hr>94.284d<br><font size=+1>

# gang yin pa de dag thams cad kyang rin po che sna bdun gyi rang bzhin yin no/ /thang las skyes pa'i me tog gang yin pa de dag thams cad ni 'dzam bu chu bo'i gser gyi rang bzhin no/ /mi rnams kyi tshe'i tshad ni bskal pa brgyad khri thub ste/ thams cad kyang dge ba bcu'i las kyi lam dang ldan pa/ sangs rgyas dang / chos dang / dge 'dun la mngon par dad pa yin no/ /rgyal po de yang chos dang mthun pas rgyal srid skyong bar byed kyis chos dang mi mthun pas ni ma yin te/ sems can thams cad la phan pa'i bsam pa can yin no/ /'jig rten gyi khams de na yang de bzhin gshegs pa dgra bcom pa yang dag par rdzogs pa'i sangs rgyas nor bu bzang chen po rnam par bkra ba rab gnas gtsang ma zhes bya ba byang chub sems dpa'i tshogs chen pos yongs su bskor cing rig sngags 'chang bye ba phrag mang pos yongs su bskor nas sangs rgyas kyi mdzad pa mdzad de de bzhin gshegs pa de ni gser gyi kha dog gi sku mtshan sum cu rtsa gnyis dang / dpe byad bzang po brgyad cu mnga' ba/ 'od 'dom gang gis kun nas bskor ba/ 'od rin po che sna bdun ltar shin tu gsal ba yin no/ /byang chub sems dpa' de dag thams cad kyang gser gyi kha dog gi lus 'od 'phro ba/ mtshan dang ldan pa/ rin po che sna bdun gyi pad ma'i stan la 'khod pa ste/ thams cad kyang spobs pa mi zad pa/ sgrib pa med pa'i ye shes spyod yul ba/ rig pa'i gnas rtogs par khong du chud pas 'di lta ste/ nor bu chen po rgyas pa'i gzhal med khang shin tu rab tu gnas pa'i gsang ba zhes bya ba'i gzungs sems shing gzungs de nyid kyi mthus yon tan gyi khyad par 'di byung bar gyur to/ /de bzhin gshegs pa de yang / gzungs 'di sems can thams cad la rab tu ston to/ /sems can de rnams kyang gzungs 'di'i mthus bde ba nyams su myong ba ste/ sems can de dag thams cad sems can dmyal ba dang / dud 'gro'i skye gnas dang / gshin rje'i 'jig rten dang / lha ma yin gyi ris rnams las yongs su thar bar gyur to/ /ngan song gi sgo thams cad</font><hr>94.285a<br><font size=+1>

kyang bcad par gyur to/ /mtho ris kyi sgo rnams phye'o/ /bde 'gro'i sgo rnams thams cad kyang phye ste/ 'jig rten gyi khams de'i sems can gang yin pa de dag thams cad bla na med pa yang dag par rdzogs pa'i byang chub la yang dag par zhugs so/ /'jig rten gyi khams de na sems can thams cad byams pa'i sems kyis gnas te/ 'di lta ste/ chu dang 'o ma gcig tu gyur pa bzhin no/ /de bzhin gshegs pa des kyang sngon byang chub sems dpar gyur pa na nor bu chen po rgyas pa'i gzhal med khang shin tu rab tu gnas pa'i gsang ba 'di sgrub pa na smon lam 'di skad ces/ bdag gi sangs rgyas kyi zhing du skye bar gyur pa'i sems can gang yin pa de dag thams cad nges par bla na med pa yang dag par rdzogs pa'i byang chub las phyir mi ldog par gyur cig ces smon lam btab ste/ gang dag gzungs 'di nyan pa dang / 'chang ba dang / klog pa dang / kun chub par byed pa dang / sgom pa dang / 'don pa dang / sems pa dang / sgrub par byed pa dang / chung ngu na ming nyan par byed dam/ lag pas reg gam/ lus la 'chang ngam/ mig gis mthong ba tsam mam/ glegs bam la bris pa 'am/ ras la bris pa 'am/ rtsig pa la bris pa mthong na mtshams med pa lnga byas pa 'am/ mnar med par gzhol ba 'am/ dam pa'i chos spangs pa 'am/ 'phags pa la skur pa btab pa 'am/ shan pa 'am/ gdol pa 'am/ rngon pa 'am/ bya ba 'am/ long ba 'am/ 'on pa 'am/ sha bkra can nam/ bkren pa 'am/ zhar ba 'am/ sgur po 'am/ dman pa 'am/ sngon gyi las kyis 'phangs pa'i sgrib pa can nam/ myong bar gyur par ma nges pa 'am/ bdud kyi zhags pas bcings pa 'am/ lta ba ngan par lhung ba 'am/ log 'dren gyis zin pa 'am/ rgyu skar dang / gza'i gnod par byas pa de dag thams cad nges par bla na med pa yang dag par rdzogs pa'i byang chub las phyir mi ldog par 'gyur ro/ /chung ngu na dud 'gro'i skye gnas pa ri dgas dang / bya dang / sbrangs bu mchu rings dang / sha sbrang dang / </font><hr>94.285b<br><font size=+1>

byi ba dang / grog sbur rnams dang / gzhan yang srog chags kyi rigs sna tshogs sgo nga las skyes pa 'am/ mngal nas skyes pa 'am/ drod gsher las skyes pa 'am/ rdzus te skyes pa la sogs te/ de dag thams cad bla na med pa yang dag par rdzogs pa'i byang chub las phyir mi ldog par 'gyur te/ 'di la the tshom dang / yid gnyis bskyed par mi bya'o/ /de nas bcom ldan 'das kyis tshig 'di gsungs ma thag tu 'khor de dag thams cad dga' zhing ba spu'i khung bu rnams g.yos par gyur to/ /lha'i me tog ud pa la dang / pad ma dang ku mu da dang pad ma dkar po dang man dA ra ba dang man dA ra ba chen po'i char yang rab tu bab bo/ /lha'i sil snyan rnams kyang sgra 'byin to/ /'khor gyi dkyil 'khor de dag thams cad kyi rang rang gi lus las kyang 'od zer byung bar gyur to/ /bcom ldan 'das kyi spyan sngar yang rin po che sna bdun gyi khang pa brtseg ma bkra ba/ blta na sdug pa/ shin tu rnam par phye ba/ nyams dga' ba/ ka ba bzhi zug pa/ sgo bzhi dong pa/ them skas bzhi dang ldan pa/ 'od 'bar ba/ gra bzhi na nor bu rin po che chen po bzhi nyi ma ltar 'bar ba/ nor bu dang / rin po che dang / mu tig gi dra ba du ma dpyangs pa/ dril bu mang pos mdzes par byas pa/ dar gyi ba dan mang pos kun nas brgyan pa/ me tog sna tshogs du ma'i chun pos mdzes par byas pa zhig byung ngo / /sa 'di rnam pa drug tu rab tu g.yos te/ 'gul ldeg la sgra 'byin cing mtho ba dang dma' bar gyur to/ /lha'i gnas thams cad kyang 'od kyis snang bar byas te/ lha'i gnas na gnas pa thams cad bskul to/ /rgyal po chen po bzhi yang bskul to/ /rigs sngags 'chang gi gnas thams cad kyang bskul te/ lha'i rigs thams cad kyang 'bar/ kun tu rab tu 'bar zhing me lce gcig tu gyur pa dang / bar chad byed pa'i log 'dren thams cad kyang dngangs skrag ste/ cho nges 'debs shing phyogs bcur byer ro/ /de nas bcom ldan 'das kyi mdzod spu nas/ 'od zer rab tu bkye ste/ phyogs bcu'i 'jig</font><hr>94.285c<br><font size=+1>

# rten gyi khams thams cad kun nas snang bar byas shing sangs rgyas kyi zhing thams cad snang bar byas te/ sangs rgyas bcom ldan 'das de rnams bskul nas slar dbu'i gtsug tu nub bo/ /de nas sangs rgyas bcom ldan 'das de rnams kyis de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la legs so zhes bya ba byin te/ bcom ldan 'das legs so legs so/ /bcom ldan 'das khyod de bzhin gshegs pa nor bu bzang po rnam par bkra ba rab gnas gtsang ma de gzigs pa dang / phyag bgyi ba dang / bsnyen bkur bgyi zhing bzhud pa'i dus la bab kyi bzhud la nor bu chen po rgyas pa'i gzhal med khang shin tu rab tu gnas pa gsang ba zhes bgyi ba'i gzungs de yang rgyas par gson cig /bcom ldan 'das gzungs de ni mthu che zhing phan yon che ba lags so/ /gzungs de ni sngon gyi de bzhin gshegs pa rnams kyis byin gyis brlabs pa lags te/ gang la la zhig nyan tam/ chung ngu na ming ngam/ lag pas reg na yang phyir mi ldog par 'gyur zhing bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /de nas bcom ldan 'das kyis phyogs bcu'i sangs rgyas kyi zhing thams cad nas gshegs pa'i sangs rgyas bcom ldan 'das rnams kyis gsol ba btab par thugs su chud nas yang 'od zer bye ba khrag khrig brgya stong bkye ste/ ji ltar lhags pa'i 'khor de la bos nas 'di skad ces bka' stsal to/ /rigs kyi bu tshur sheg /de bzhin gshegs pa'i brda byung ba ni 'di yin no/ /de nas bcom ldan 'das nyid kyis gdan las bzhengs pa dang / khang pa brtseg ma de'i dbus su rdo rje'i seng ge'i khri byung nas/ khri de'i steng du rin po che'i pad ma bkra ba/ blta na sdug pa/ yid du 'ong ba/ sdong bu ni gser/ pad ma'i snying po ni mu tig dmar po can zhig byung ste/ de la bcom ldan 'das bzhugs so/ /bcom ldan 'das bzhugs ma thag tu sa chen po 'di che</font><hr>94.285d<br><font size=+1>

# thang du g.yos par gyur to/ /bcom ldan 'das kyang nor bu chen po dag pa zhes bya ba'i ting nge 'dzin la snyoms par zhugs te/ 'khor thams cad dbugs phyung nas steng gi nam mkha'i dkyil du 'khor gyi dkyil 'khor thams cad 'khod de/ 'khor mang po dang / 'khod pa chen po dang / sangs rgyas kyi byin gyi brlabs chen po dang / rnam par sprul pa dang / byang chub sems dpa' mang po'i 'khor dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa mang po dang / rig sngags 'chang bye ba phrag mang po'i 'khor dang / gsang ba'i bdag po lag na rdo rje dang thabs cig tu/ brgya byin dang / tshangs pa dang / 'jig rten skyong ba thams cad dang / rgyal po chen po bzhi dag gshegs so/ /de thams cad shar phyogs logs su dong ba dang / tshad med pa'i gang gA'i klung gi bye ma dang mnyam pa'i sangs rgyas kyi zhing bye ba khrag khrig brgya stong 'das nas nor bu sgron ma zhes bya ba'i 'jig rten gyi khams su phyin par mthong ste/ bcom ldan 'das kyi rdzu 'phrul gyi mthus skad cig thang cig yud tsam gyis 'jig rten gyi khams der phyin to/ /'jig rten gyi khams der byon ma thag tu nam mkha' las babs nas/ bcom ldan 'das de bzhin gshegs pa nor bu bzang po rnam par bkra ba rab gnas gtsang ma de'i drung du gshegs so/ /der gshegs nas bcom ldan 'das gnod pa mi mnga' 'am/ bskyod pa yang ngam/ bde ba la reg par gnas sam zhes gsungs nas/ rin po che sna bdun gyi pad ma 'dab ma stong pa zhig byin no/ /de nas bcom ldan 'das lha'i gzhal med khang na 'khor dang bcas pa bzhugs pa dang / des phyag gser gyi kha dog can brkyang nas/ zab cing zab pas de bzhin gshegs pa dgra bcom pa yang dag par rdzogs pa'i sangs rgyas shAkya thub pa de yang dag par dgyes par mdzad de/ khang pa brtseg ma de nyid du bzhugs nas/ bcom ldan 'das</font><hr>94.286a<br><font size=+1>

'das kyis kyang zhus pa/ bcom ldan 'das khyod kyis chos kyi 'khor lo legs par bskor lags sam/ khyod kyis bdud dpung dang bzhon par bcas pa bcom pa lags sam/ khyod kyis chos kyi sgron ma sbar lags sam/ chos kyi rgyal mtshan bsgreng lags sam/ chos kyi rnga brdungs lags sam/ chos kyi dung rab tu bus lags sam/ bcom ldan 'das khyod kyis 'jig rten du sangs rgyas 'byung ba bla na med pa'i thams cad mkhyen pa mkhyen par bgyis lags sam/ bcom ldan 'das khyod kyis deng 'dzam bu'i gling du chos kyi 'khor lo chos kyi gter lan gnyis lan gsum du bskor ba mdzod cig /bcom ldan 'das kyis tshig 'di gsungs ma thag tu/ sangs rgyas kyi zhing 'jig rten gyi khams de thams cad rnam pa drug tu g.yos/ rab tu g.yos/ kun du rab tu g.yos/ 'gul/ rab tu 'gul/ kun du rab tu 'gul/ ldeg /rab tu ldeg /kun tu rab tu ldeg /'ur 'ur/ rab tu 'ur 'ur/ kun du rab tu 'ur 'ur/ chem chem/ rab tu chem chem/ kun tu rab tu chem chem ste/ me tog gi char chen po yang rab tu 'bab/ rdzu 'phrul gyi cho 'phrul chen po yang snang / sil snyan rnams kyang ma dkrol bar sgra 'byin/ steng gi nam mkha'i bar snang gi lha'i bu rnams kyang lha'i sil snyan shin tu yid du 'ong ba/ yan lag lnga pa dag dkrol bar byed/ klu chen po gang dag yin pa de dag kyang rin po che sna tshogs kyi char 'bebs par byed/ dri'i phye ma sna tshogs dang / tsan dan gyi chu sna tshogs kyi char yang 'bebs par byed/ gos sna tshogs dang / rgyan dang / lhab lhub sna tshogs kyi char yang rab tu 'bebs par byed/ lha'i mu tig dmar po dang / spug dang / nor bu rin po che chen po rnam par snang byed dang / nor bu rin po che chen po nyi ma'i snying po dang / chu shel dang / me shel dang / dpal gyi snying po'i char yang rab tu 'bebs par byed/ lha'i me tog ud pa la dang / pad ma dang / ku mu da dang / pad ma dkar po dang / man dA ra ba dang / man dA ra ba</font><hr>94.286b<br><font size=+1>

chen po'i char yang rab tu 'bebs par byed/ lha'i 'dzam bu chu bo'i gser las byung ba'i me tog dang / lha'i dngul las byung ba'i me tog gi char yang rab tu 'bebs par byed/ lha'i me tog gi phreng ba'i char yang rab tu 'bebs par byed/ nam mkha'i dkyil na gnas pa'i lha'i bu rnams kyang a la la zhes sgra snyan par 'byin cing dbyangs kyang rjes su sgrogs par byed/ legs so zhes bya ba yang sbyin par byed/ bcom ldan 'das shAkya thub pa 'jig rten du chos kyi 'khor lo lan gnyis su bskor ba dang / yid bzhin gyi nor bu rin po che chen po chos kyi rgyal mtshan 'dzam bu'i gling du bzhag pa dang / 'di lta ste/ nor bu chen po rgyas pa'i gzhal med khang shin tu rab tu gnas pa gsang ba'i rgyal po'i cho ga zhib mo chen po 'dzam bu'i gling du rab tu spyod par bgyis pa legs so legs so/ /de nas de bzhin gshegs pa dgra bcom pa yang dag par rdzogs pa'i sangs rgyas nor bu bzang po rnam par bkra ba rab gnas gtsang ma'i mdzod spu nas 'od zer sna tshogs bkye ste/ 'od zer de dag gis phyogs bcu'i 'jig rten gyi khams mtha' dag gi sangs rgyas kyi zhing thams cad du sangs rgyas bcom ldan 'das thams cad bskul zhing snang bar mdzad do/ /stong gsum gyi stong chen po'i 'jig rten gyi khams de yang snang bar mdzad/ lha'i gnas thams cad dang / klu'i gnas thams cad dang / dmyal ba dang / dud 'gro'i skye gnas dang / gshin rje'i 'jig rten dang / lha ma yin gyi ris rnams su yang bskul cing snang bar mdzad de/ slar log nas bcom ldan 'das de bzhin gshegs pa shAkya thub pa de la lan gsum bskor ba byas nas slar yang gtsug tor gyi gseb tu zhugs so/ /de nas phyogs bcu'i sangs rgyas kyi zhing de dag thams cad kyi sangs rgyas bcom ldan 'das de dag thams cad rang rang gi sangs rgyas kyi zhing dag nas rdzu 'phrul gyi rnam par 'phrul pa mdzad nas/ tshad med pa'i gang gA'i klung gi bye ma dang mnyam pa'i sangs rgyas bcom ldan 'das rnams sangs</font><hr>94.287a<br><font size=+1>

rgyas kyi zhing der gshegs nas so so'i rdzu 'phrul gyi cho 'phrul gyis rin po che sna bdun gyi khang pa brtsegs ma dag sprul nas/ khang pa brtseg ma'i nang du 'dzam bu chu bo'i gser las byung ba'i seng ge'i khri dag byung ba de la sangs rgyas bcom ldan 'das de dag thams cad rang rang gi 'khor dang / khang pa brtseg ma'i nang du bzhugs so/ /de nas de bzhin gshegs pa nor bu bzang po rnam par bkra ba rab gnas gtsang mas de bzhin gshegs pa de dag thams cad yang dag par dgyes par mdzad de/ rdzu 'phrul gyi cho 'phrul chen pos legs par mchod nas rang rang gi seng ge'i khri la bzhugs so/ /de nas byang chub sems dpa' sems dpa' chen po nor bu'i snying po de bzhin gshegs pa nor bu bzang po rnam par bkra ba rab gnas gtsang ma gang na ba der song ste phyin nas/ bcom ldan 'das kyi zhabs la mgo bos phyag byas te/ bcom ldan 'das la 'di skad ces gsol to/ /bcom ldan 'das sangs rgyas 'dus pa chen po yang rab tu gda'/ byang chub sems dpa'i 'dus pa chen po dang / lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma lags pa'i 'dus pa chen po thams cad kyang rab tu gda'/ rigs sngags 'chang gi tshogs 'dus pa chen po yang lhags nas/ 'di lta ste/ lag na rdo rje la sogs pa sems dpa' chen po'i tshogs kyang lhags/ bcom ldan 'das rdzu 'phrul gyi cho 'phrul chen po yang gda' lags pas bcom ldan 'das nor bu chen po rgyas pa'i gzhal med khang shin tu rab tu gnas pa gsang ba rab tu bstan pa'i dus ni 'di lags so/ /tshod ni 'di lags so zhes lan gnyis lan gsum du gsol ba btab pa dang / de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas nor bu bzang po rnam par bkra ba rab gnas gtsang mas byang chub sems dpa' sems dpa' chen po nor bu'i snying po la bka' stsal pa/ rigs</font><hr>94.287b<br><font size=+1>

kyi bu song la/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa la gsol ba thob cig dang / des khyod la rab tu ston par 'gyur ro/ /de nas byang chub sems dpa' sems dpa' chen po nor bu'i snying po bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa gang na ba der song ste phyin nas/ bcom ldan 'das la lan gsum bskor ba byas te spyan sngar 'dug nas/ bcom ldan 'das la byang chub sems dpa' sems dpa' chen po nor bu'i snying pos 'di skad ces gsol to/ /bcom ldan 'das nor bu chen po rgyas pa'i gzhal med khang shin tu rab tu gnas pa gsang ba 'di/ sems can thams cad la thugs brtse ba'i slad tu rab tu bstan du gsol/ de nas bcom ldan 'das de bzhin gshegs pa shAkya thub pas gsol ba btab par thugs su chud nas gsang ba pa'i bdag po lag na rdo rje la bka' stsal pa/ gsang ba pa'i bdag po song la 'khor mang po 'di'i dbus kyis phyogs su rdo rjes sa la bsnun cig /de nas gsang ba'i bdag po lag na rdo rjes bcom ldan 'das kyis bka' stsal pa mnyan nas/ 'khor gyi sa'i dkyil 'khor chen po'i dbus gang na ba der song nas sa phyogs de la rdo rjes bsnun te sa la bsnun ma thag tu de nas gru bzhir gas so/ /stong gsum gyi stong chen po'i 'jig rten gyi khams 'di yang rnam pa drug tu rab tu g.yos so/ /g.yos ma thag tu sa phyogs der rin po che sna bdun gyi khang pa brtseg ma gru bzhi pa/ ka ba bzhi pa zug pa/ sgo bzhi btod pa/ mnyam pa/ nyams dga' ba/ shin tu rnam par phye ba/ chas mdzes par byas pa/ bkra ba/ blta na sdug pa/ 'od 'bar ba/ them skas bzhi dang ldan pa/ 'phang du dpag tshad gsum yod la/ rgyar dpag tshad lnga yod pa zhig byung ngo / /khang pa brtseg ma'i dbus der yang 'dzam bu'i chu bo'i gser las byung ba'i mchod rten nor bu dang / rin po che dang / mu tig gi dra ba du mas</font><hr>94.288a<br><font size=+1>

brgyan pa/ rin po che sna bdun las byung ba'i dril bu g.yer ka'i dra bas g.yogs pa/ dril bu du ma 'phyang du bcug pa/ dar gyi chun po du mas mdzes par byas pa/ me tog gi chun po du mas mngon par brgyan pa zhig byung ngo / /mchod rten de'i dbus na de bzhin gshegs pa gsum gyi sku bzhugs so/ /de nas sangs rgyas bcom ldan 'das de dag thams cad kyis khang pa brtseg ma de dag la mchod pa mdzad do/ /byang chub sems dpa'i 'khor de yang khang pa brtseg ma de dang mchod rten la mchod par byed/ rjed par byed/ me tog dang / bdug pa dang / dri dang / phreng ba dang / byug pa de dang / gdugs dang / rgyal mtshan dang / ba dan dang / rol mo dang / thal mo sbyar ba dang / phyag 'tshal bar byed do/ /de nas lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa'i 'khor mang po de dag ngo mtshar skyes te ya mtshan du gyur/ spro bar gyur nas khang pa brtseg ma dang / mchod rten 'di ci'i phyir byung bar gyur ces ca co dang ga zha'i sgra mthon por 'byin cing mchod rten dang / khang pa brtseg ma de la bskor ba byed mchod par byed/ rjed par byed/ me tog dang / bdug pa dang / dri dang / phreng ba dang / byug pa dang / sil snyan sna tshogs dang / pheg rdob pa dag gis mchod par byed do/ /byang chub sems dpa' de dag thams cad dang / 'khor gyi dkyil 'khor thams cad kyang / thal mo sbyar nas 'khod de phyag 'tshal bar byed do/ /de nas khang pa brtseg ma de las sgra byung ba/ kye 'khor mang po dag bar snang la ci snang ltos shig ltos shig /de nas ji ltar 'dus pa'i 'khor mang po de dag thams cad kyis bar snang la bltas te bltas ma thag tu bai dUr+ya dang / nor bu rin po che chen po las byung ba'i sprin gyi phung po zhig byung ngo / /de nas sprin gyi phung po'i steng du nor bu chen po rgyas pa'i gzhal med khang shin tu rab tu gnas pa gsang ba zhes bya ba'i gzungs 'di yi ge gser gyi kha dog tu bris par</font><hr>94.288b<br><font size=+1>

mthong ngo / /nam mkha'i dkyil de nyid nas sgra byung ba/ sangs rgyas bcom ldan 'das thams cad nor bu chen po rgyas pa'i gzhal med khang shin tu rab tu gnas pa gsang ba zhes bya ba'i gzungs bklag tu gsol bklag tu gsol/ sgra byung ma thag tu de bzhin gshegs pa re re'i spyan sngar sprin gyi phung po las bris pa byung nas 'di skad ces kyang dbyangs su sgrogs so/ /bcom ldan 'das shAkya thub pa de la phyag 'tshal lo phyag 'tshal lo/ /mchod rten mchog 'di sgo phye shig dang / mchod rten de'i dbus na de bzhin gshegs pa gsum gyi sku bzhugs te/ de'i mthus cho 'phrul gyi rnam par sprul pa'i khyad par chen po 'di snang zhing de kho na'i mthus de bzhin gshegs pa thams cad kyi rdzu 'phrul rnam par 'phrul pa yang snang / nor bu chen po rgyas pa'i gzhal med khang shin tu rab tu gnas pa'i gsang ba'i gzungs kyi dkyil 'khor dang / cho ga dang / rig sngags dang / cho ga zhib mo'i yo byad dang bcas pa mtha' dag rdzogs shing rgyas par 'khor gyi dbus su legs par rab tu 'chad par 'gyur ro/ /de nas phyogs bcu nas 'dus pa'i sangs rgyas bcom ldan 'das de dag thams cad kyis de bzhin gshegs pa dgra bcom pa yang dag par rdzogs pa'i sangs rgyas shAkya thub pa la 'di skad ces gsungs so/ /bcom ldan 'das mchod rten rin po che 'di dang 'di na bzhugs pa 'di lta ste/ de bzhin gshegs pa dgra bcom pa yang dag par rdzogs pa'i sangs rgyas nor bu'i rgyal po me tog rgyal mtshan dang / nor bu rnam par bkra ba dang / rdo rje 'phags pa'i rgyal po zhes bya ba de dag bstan pa'i skabs dbye bar mdzod cig /de nas bcom ldan 'das de bzhin gshegs pa shAkya thub pas rdzu 'phrul gyi cho 'phrul chen pos khang pa brtseg ma'i mchod rten gang na bar bzhud de/ phyag g.yas pa gser gyi kha dog can/ bsod nams brgya'i mtshan gyis brgyan pa brkyang nas mchod rten mchog de'i sgo'i sgo 'phar phye ste/ de bzhin gshegs pa'i sku rnams bstan to/ /de nas de bzhin gshegs pa de rnams kyis de bzhin gshegs pa shAkya thub pa de la legs so zhes bya ba byin te/ </font><hr>94.289a<br><font size=+1>

shAkya thub pa legs so legs so/ /deng khyod kyis 'dzam bu'i gling du chos kyi 'khor lo lan gnyis pa bskor to/ /bcom ldan 'das seng ge'i khri 'di nyid la bzhugs shig /de nas de bzhin gshegs pa shAkya thub pa mchod rten gyi nang du khri de nyid la bzhugs so/ /de nas bcom ldan 'das la byang chub sems dpa' sems dpa' chen po lag na rdo rjes 'di skad ces gsol to/ /bcom ldan 'das de bzhin gshegs pa 'di dag khang pa brtseg ma'i mchod rten gyi nang du ci'i slad du byung gang nas gshegs/ bcom ldan 'das kyis bka' stsal pa/ lag na rdo rje sngon byung ba bskal pa bsam gyis mi khyab pa/ tshad med pa/ dpag tu med pa/ gzhal du med pa/ gzhal gyis mi lang ba/ tshad gzung du med pa/ ches grangs med pa na gang gi tshe 'dzam bu'i gling 'byor pa/ rgyas pa dang / lo legs pa dang / nyams dga' ba dang / skye bo dang / mi mang pos gang zhing ma rmos pa ma btab pa'i 'bras sA lu byung ste/ bdag gi ba med cing yongs su bzung ba med de/ 'jig rten thams cad bde ba dang ldan pa de'i tshe 'dzam bu'i gling na sangs rgyas med do/ /de'i tshe ri'i rgyal po rin chen ri bo zhes bya ba de la drang srong gsum zhig gnas te/ gcig gi ming ni nor bu'i gtsug tor/ gnyis pa ni gser gyi gtsug tor/ gsum pa ni rdo rje'i gtsug tor zhes bya ste/ de rnams bdag cag ji ltar sems can thams cad bsgral ba'i phyir 'di lta ste/ 'jig rten bla na med pa yang dag par rdzogs par byang chub pa'i sangs rgyas nyid 'thob par 'gyur snyam zhing gcig tu sangs rgyas yid la byed/ chos yid la byed/ dge 'dun yid la byed do/ /de nas drang srong de rnams de snyam du bsams nas yud tsam zhig cang mi smra bar gyur cing sems pa na/ de rnams kyis sems can thams cad mngon par dga' ba'i byams pa/ rnam par bkra ba'i gzhal med khang zhes bya ba'i ting nge 'dzin thob cing / lha'i mig skyes nas ji tsam na steng du bltas na/ gnas gtsang ma'i ris kyi lha'i bu bar snang la sgra 'byin pa/ skyes bu dam pa dag legs so legs so/ /</font><hr>94.289b<br><font size=+1>

khyod 'di lta ste/ bla na med pa yang dag par rdzogs pa'i byang chub tu sems bskyed pa 'di ni legs so/ /kye skyes bu dam pa dag nor bu chen po rgyas pa'i gzhal med khang shin tu rab tu gnas pa gsang ba sngon gyi de bzhin gshegs pa rnams kyis sems can thams cad la phan pa'i don du gsungs pa thos pa tsam gyis phyir mi ldog pa nas/ bla na med pa yang dag par rdzogs pa'i byang chub kyi bar thob par 'gyur/ chos thams cad mngon du 'gyur/ gzungs kyi sgo thams cad mngon du 'gyur/ bdud thams cad las rgyal bar 'gyur/ chos thams cad kyi sgron ma sbar bar 'gyur/ dge ba'i rtsa ba thams cad mngon du 'gyur/ pha rol tu phyin pa drug yongs su rdzogs par 'gyur/ dmyal ba dang / dud 'gro'i skye gnas dang / gshin rje'i 'jig rten dang / yi dgas kyi yul dang / lha ma yin gyi chos rnams las yongs su thar bar 'gyur/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su thar bar 'gyur ba thos sam phyi ma'i tshe phyi ma'i dus na 'dzam bu'i gling 'di na sems can gang dag phar mi 'dzin pa dang / mar mi 'dzin pa dang / dge sbyong du mi 'dzin pa dang / bram zer mi 'dzin pa dang / mi dge ba dang / dam pa'i chos spong ba dang / 'phags pa la skur pa 'debs pa dang / mnar med par gzhol ba dang / sangs rgyas dang byang chub sems dpa' la bslu ba dang / dgra bcom pa gsod pa dang / mtshams med pa lnga byed pa dang / bram ze gsod pa dang / ba lang gsod pa dang / chom rkun byed pa dang / g.yon can dang / sho gam sgugs pa dang / brdzun du smra ba dang / ma byin par len pa dang / 'dod pas log par spyod pa dang phra ma smra ba dang / tshig kyal pa smra ba dang / gzhal ba la sgyu byed pa dang / gzhal lugs la sgyu byed pa dang / srang la sgyu byed pa dang / gzhan gyi nor la 'phrog pa dang / gtams pa rnog pa dang / bshes pa la 'khu ba dang / </font><hr>94.290a<br><font size=+1>

sngon gyi las kyi sgrib pas zin pa dag 'byung bar 'gyur te/ de dag thams cad gzungs 'di'i mthus thos pa tsam 'am/ bklags pa 'am/ kun chub par byas pa 'am/ lus la thogs sam/ bris nas 'chang ngam/ rgyal mtshan gyi rtse mo la 'dogs sam/ glegs bam du byed dam/ ras la bris pa 'am/ dar la bris pa 'am/ rtsigs pa la bris pa 'am/ ra ba la bris pa 'am/ chung ngu na sgra nyan pa 'am/ lag pas reg gam/ grib mas phog gam/ sems can gzhan gyis reg na yang de dag thams cad gdon mi za bar phyir mi ldog par gyur pas bla na med pa yang dag par rdzogs pa'i byang chub mngon par rdzogs par sangs rgyas par 'gyur tshe 'di nyid la yang yon tan brgya stong mtha' yas pa thob par 'gyur ro/ /sdig pa thams cad dang bral bar 'gyur/ dge ba'i rtsa ba thams cad dang ldan par 'gyur/ bdud thams cad mthar byed par 'gyur/ 'jig rten thams cad dga' bar 'gyur/ sems can thams cad kyi mchod pa'i 'os su 'gyur/ rgyal po dang / rgyal bu dang / blon po dang / btsun mo'i 'khor dang bcas pa thams cad dga' bar 'gyur/ dge sbyong dang / bram ze thams cad dga' bar 'gyur/ tshig gzung bar 'os par 'gyur/ rtag tu lag pa dang / rkang pa dang / gzhon sha can du 'gyur/ tshig mnyen zhing snyan par 'gyur/ bkren par mi 'gyur te/ 'jig rten pa'i sdug bsngal nyams su myong bar mi 'gyur/ lus la dug gis mi tshugs te/ mtshon gyis ma yin/ me yis ma yin/ chus ma yin/ de la gcan zan khro bo'i 'jigs pas mi tshugs te/ mi rgod kyi 'jigs pas ma yin/ chom rkun gyi 'jigs pas ma yin/ kla klo'i 'jigs pas ma yin/ lam dang lam gol ba'i 'jigs pas ma yin/ gnod sbyin gyi 'jigs pas ma yin/ 'byung po'i 'jigs pas ma yin/ srin po'i 'jigs pas ma yin/ sha za'i 'jigs pas ma yin/ mkha' 'gro ma'i 'jigs pas ma yin te sbul gyi 'jigs pa mi 'byung / lus la rims kyis mi tshugs te/ zhag gcig pa 'am/ zhag gnyis pa 'am/ zhag gsum pa 'am/ </font><hr>94.290b<br><font size=+1>

po'i pas yin/ za'i ma mkha' ma'i pas te/ gyi pa la kyis tshugs gcig zhag pa'am/ gsum zhag bzhi pa 'am/ rtag pa'i rims sam/ rims thams cad kyis lus la mi tshugs par 'gyur/ mig gi nad mi 'byung ste/ rna ba'i nad ma yin/ sna'i nad ma yin/ lce'i nad ma yin/ kha'i nad ma yin/ so'i nad ma yin/ mchu'i nad ma yin/ mgrin pa'i nad ma yin/ rna bar zug pa ma yin/ lag pa'i nad ma yin/ ro rgyab kyi nad ma yin/ chu so'i nad ma yin/ gzhang 'brum gyi nad ma yin/ gcin nad ma yin/ 'khru ba'i nad ma yin/ shu ba'i nad ma yin/ brla'i nad ma yin/ byin pa'i nad ma yin/ rkang pa'i nad ma yin/ nad thams cad mi 'byung ngo / /'di lta ste/ bas bldags dang / lhog pa dang / me dbal dang / lto na ba dang / g.yan pa dang / phol mig dang / khyi rngo dang / mdze dang / rkang shu la sogs pa thams cad kyi thams cad du mi 'byung / klad pa na ba ma yin/ gzhogs phyed na ba ma yin/ long bar mi 'gyur/ zhar bar mi 'gyur/ sgur po ma yin/ pha rol gyi mthus 'chi bar mi 'gyur/ 'on par mi 'gyur/ sha bkra can du mi 'gyur/ brnyas shing gnas par mi 'gyur te/ yon tan gyi khyad par 'di dag chos dang ldan par 'byung bar 'gyur ro/ /'chi ba'i tshe na yang spobs pa mi zad par 'gyur/ sems 'khrugs pas dus byed par mi 'gyur/ de bzhin gshegs pa thams cad zhal mngon du bstan nas dbugs 'byin pa mdzad par 'gyur/ lus la byad dang / g.yengs byed kyis mi tshugs/ lus la sngags kyi sbyor bas mi tshugs/ bde bar gnyid kyis log par 'gyur/ bde bar sad par 'gyur/ rmi lam na yang sangs rgyas brgya stong mthong bar 'gyur/ de bzhin gshegs pa byang chub sems dpa'i tshogs kyis bskor ba thams cad mthong bar 'gyur te/ gsang ba'i gzungs kyi mthus yon tan gyi khyad par de lta bu 'byung ngo zhes smra ba mthong ngo / /de nas drang srong de rnams chos kyi dga' ba reg cing spro ba thob nas mar sar gyi gong bu bzhu ba bzhin du lus zhig nas zhu ba'i khu ba de sa'i nang du thim mo/ /de nas sa gzhi de las smyug ma'i mde'u gser gyi kha dog can/ rtsa ba rin po che sna</font><hr>94.291a<br><font size=+1>

bdun las byas pa/ lo ma gser las byas pa/ rtse mo mu tig las byas pa/ bkra ba/ blta na sdug pa stobs dang ldan pa/ gzi dang ldan pa/ dri zhim pa/ shin tu yid du 'ong ba gsum skyes so/ /smyug ma'i mde'u de rnams zla ba bcu lon pa dang gas te/ de rnams kyi dbus nas khye'u gzuDa bzang po mdzes pa/ blta na sdug pa/ kha dog rgyas pa/ mchog dang ldan pa gsum byung ngo / /de nas khye'u de rnams phyogs de nyid du de'i drung na skyil mo dkrung bcas te bsgom zhing 'khod do/ /ji tsam na zhag bdun lon pa'i nyin mo byang chub mngon par rdzogs par sangs rgyas te/ gser gyi kha dog gi lus skyes bu chen po'i mtshan sum bcu rtsa gnyis dang / dpe byad bzang po brgyad bcus spras pa/ 'od 'dom gang gis kun nas spras par gyur to/ /smyug ma'i mde'u de rnams kyang khang pa brtseg mar gyur to/ /nor bu chen po rgyas pa'i gzhal med khang shin tu rab tu gnas pa'i gsang ba'i gzungs 'di yang nam mkha' la gser gyi yi ger snang ngo / /rgyal po chen po bzhi yang steng nas gdugs 'dzin cing me tog gis gtor te/ 'di skad ces 'jig rten du sangs rgyas byung ngo zhes dbyangs su sgrogs shing 'di lta ste/ klu'i bdag po rgyal po chen po 'i nor bu zhes bya ba dang / grul bum gyi bdag po rgyal po chen po nor bu'i snying po zhes bya ba dang / brang 'gro'i bdag po rgyal po chen po nor bu'i 'od ces bya ba dang / gnod sbyin gyi bdag po rgyal po chen po nor bu'i rdo rje zhes bya ba 'khor gnod sbyin brgya stong phrag du ma dang / bcom ldan 'das de dag la mchod pa byed do/ /sa phyogs de yang rin po che sna bdun gyi rang bzhin du gyur to/ /me tog gi shing thams cad kyang rin po che'i rang bzhin du gyur to/ /lag na rdo rje de'i tshe de'i dus kyi tshe drang srong smyug ma'i mde'u rnams las byung ba byang chub mngon par rdzogs par sangs rgyas pa gang yin pa de dag gzhan zhig yin snyam na de ltar mi blta'o/ /de ci'i phyir zhe na/ lag na rdo rje de dag ni khang pa brtseg ma'i</font><hr>94.291b<br><font size=+1>

mchod rten gyi de bzhin gshegs pa 'di dag yin no/ /sa phyogs kyang 'di yin no/ /'jig rten gyi khams kyang 'di yin no/ /smyug ma'i mde'u yi khang pa brtseg ma yang 'di yin no/ /byang chub sems dpa'i 'khor 'dus pa yang 'di yin no/ /de rnams drang srong du gyur ba na gzungs 'di thos pa tsam 'am/ snying po sems la bsgoms pa tsam gyis drang srong gi lus spangs nas byang chub mngon par rdzogs par sangs rgyas so/ /lag na rdo rje de'i tshe de'i dus kyi nam mkha'i dkyil na gnas gtsang ma'i ris kyi lha'i bu gzungs 'di'i yon tan gyi khyad par bsngags pa smra ba gang yin pa de gzhan zhig yin snyam na de ltar mi blta'o/ /de ci'i phyir zhe na/ nga nyid de'i tshe de'i dus na gnas gtsang ma'i ris kyi lhar gyur to/ /lag na rdo rje de'i tshe de'i dus na gnas gtsang ma zhes bya ba gang gis drang srong de rnams dang / de bzhin gshegs pa de rnams la bkur sti dang / rim gro byas pa gang yin pa de gzhan zhig yin bsnyam na de ltar mi blta'o/ /de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas nor bu bzang po rnam par bkra ba rab tu gnas pa 'di gnas gtsang ma zhes bya ba rim gro bar gyur pa na/ de rnams kyis de bzhin gshegs par lung bstan to/ /de nas sangs rgyas bcom ldan 'das de dag thams cad kyis de bzhin gsheDa pa shAkya thub pa la legs so zhes bya ba byin no/ /shAkya thub pa khyod kyis sangs rgyas kyi yul gyi rnam par 'phrul pa'i byin brlabs 'di 'dra bas sngon gyi sbyor ba gsungs shing de bzhin gshegs pa'i gsang ba'i gzungs 'di yang dag par bstan te/ de bzhin gshegs pa thams cad kyi gsang ba'i gzungs 'di de bzhin gshegs pa thams cad kyi yum/ de bzhin gshegs pa thams cad kyi snying po gsang ba/ de bzhin gshegs pa thams cad kyi chos kyi 'khor lo bskor ba/ de bzhin gshegs pa thams cad kyi byang chub kyi snying por gsheDa pa'i gsang ba de bzhin gshegs pa thams cad kyi rdo rje'i seng ge'i khri la gshegs pa'i gsang ba de bzhin gshegs pa thams cad kyi rdzu 'phrul gyi cho 'phrul gyi gsang ba/ de bzhin gshegs pa thams cad kyi pha rol tu phyin pa drug yongs</font><hr>94.292a<br><font size=+1>

su rdzogs pa'i gsang ba/ de bzhin gshegs pa thams cad kyi shes rab kyi pha rol tu phyin pa'i dgongs pa'i gsang ba/ de bzhin gshegs pa thams cad kyi rig pa'i gnas kyi gsang ba/ de bzhin gshegs pa thams cad kyi dkyil 'khor gyi gsang ba/ de bzhin gshegs pa thams cad kyi phyag rgya yang dag par 'dzin pa'i gsang ba/ de bzhin gshegs pa thams cad kyi 'od zer bye ba rab tu 'gyed pa'i gsang ba/ de bzhin gshegs pa thams cad kyi yang dag pa'i mtha'i gsang ba/ de bzhin gshegs pa thams cad kyi ting nge 'dzin gyi rnam par 'phrul pa'i byin brlabs kyi gsang ba/ de bzhin gshegs pa thams cad kyi byang chub sems dpa'i byang chub kyi sems kyi rgyan gyi gsang ba/ byang chub sems dpa' thams cad sangs rgyas kyis thams cad la rab tu 'god pa'i gsang ba/ de bzhin gshegs pa thams cad kyi ting nge 'dzin rtogs pa khong du chud pa'i gsang ba/ sgrib pa thams cad 'jig par byed pa'i gsang ba 'di gsungs pa legs so legs so/ /de nas de bzhin gshegs pa dgra bcom pa yang dag par rdzogs pa'i sangs rgyas shAkya thub pas dgongs pa dang ldan zhing mkhyen bzhin du de bzhin gshegs pa thams cad la gzigs nas/ 'od zer kha dog sna tshogs bye ba khrag khrig brgya stong 'di lta ste/ sngon po dang / ser po dang / dmar po dang / dkar po dang leb rgan dang shel dang / dngul gyi kha dog dag bkye ste/ de rnams 'jig rten gyi khams mtha' yas mu med pa rnams su dong nas sangs rgyas kyi zhing thams cad snang bar byas te/ de bzhin gshegs pa thams cad la bskul nas slar log ste/ bcom ldan 'das la lan gsum bskor ba byas nas dbu'i gtsug tor gyi gseb tu zhugs so/ /'od zer de dag zhugs ma thag tu bcom ldan 'das kyis tshangs pa'i dbyangs chen pos bkang nas rig sngags chen mo 'di gsungs so/ /o~M sarba ta thA gA tA ma Na sha ta dip+ta/ dz+wa la dz+wa la/ d+harma d+hA tu gar+b+he/ ma Ni ma Ni ma hA ma Ni ta thA ga ta hr-i da ya ma Ni swA hA/ bcom ldan 'das kyis rig sngags kyi rgyal mo 'di gsungs ma thag tu ri dang / tshal dang / nags tshal du bcas pa'i sa rnam pa</font><hr>94.292b<br><font size=+1>

drug tu rab tu g.yos so/ /sangs rgyas bcom ldan 'das thams cad kyis kyang legs so zhes bya ba byin te/ shAkya thub pa khyod kyis mchog tu gsang ba 'di gsungs pa ni legs par gsungs te legs so legs so/ /bcom ldan 'das la mchod pa'i las kyi phyir 'dzam bu'i chu bo'i gser las byung ba'i sprin chen po nam mkha'i dkyil du chas so/ /phyogs bcu kun tu rin po che sna bdun gyi char bab bo/ /tsan dan sbrul gyi snying po'i phye ma'i char yang bab bo/ /u dum+ba ra'i me tog gi char bab bo/ /bcom ldan 'das la mchod pa'i las kyi phyir gzhan yang me tog sna tshogs pad ma dang / ku mu da dang / pad ma dkar po dang / dri ngad ldan pa dang / man dA ra ba dang / man dA ra ba chen po dang / me tog mdog mdzes dang / mdog mdzes chen po dang / many+dzu sha ka dang / many+dzu sha ka chen po dang / yid 'ong ba dang / pa ra sha ka dang / me tog tsam pa ka'i char dag bab bo/ /bdud kyi gnas thams cad kyang rab tu 'bar bar gyur te/ bdud kyi ris kyi lha thams cad skrag cing rmongs par gyur to/ /bgegs dang log 'dren thams cad kyi lus rngul cing lus dri mi zhim par gyur nas/ phyogs bcur rab tu 'bros par brtsams so/ /sangs rgyas kyi bstan pa la mngon par dad pa'i lha gang dag yin pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dag gis kyang rang rang gi gzhal med khang rnams bcom ldan 'das la mchod pa'i las kyi phul lo/ /de nas nor bu rab snang sems la sogs pa byang chub sems dpa' bye ba khrag khrig brgya stong nor bu dang rin po che sna tshogs thogs nas bcom ldan 'das gang na ba de logs su mchod pa byed do/ /de nas lag na rdo rje la sogs pa rig sngags 'chang bye ba khrag khrig brgya stong phrag du ma ras bcos bu'i gos brgya stong gis bcom ldan 'das la mchod pa byed do/ /rgyal po chen po bzhi yang rgyal chen bzhi'i ris kyi lha'i bu brgya stong phrag du ma me tog sna tshogs dang / bdug pa dang / dri dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dag</font><hr>94.293a<br><font size=+1>

thogs nas bcom ldan 'das la mchod pa byed do/ /tshangs pa la sogs te/ tshangs ris kyi lha'i bu rnams dang / brgya byin la sogs pa sum cu rtsa gsum gyi ris kyi lha'i bu brgya stong dag kyang bcom ldan 'das la mchod pa'i las la brtson par byed do/ /de bzhin du sred med kyi bu dang / dbang phyug chen po dang / nor bu bzang po dang / gang ba bzang po dang / stobs kyi lha la sogs pa yang bcom ldan 'das la mchod pa byed do/ /lha'i bu nyi ma dang / zla ba yang nam mkha'i dkyil nas bcom ldan 'das la mchod pa byed do/ /dpal lha mo chen mo dang / lha mo chen mo dbyangs can ma dang / lha mo chen mo dung can ma dang / gnod sbyin mo chen mo 'phrog ma yang 'khor brgya stong dang / lha mo chen mo 'jigs byed ma dang / rdo rje nag mo dang / me tog so dang / lha mo pho nya mo dag kyang rang rang gi gzhal med khang rnams kyis bcom ldan 'das la mchod pa byed do/ /dri za'i ris kyi lha'i bu du ma dag kyang sil snyan yan lag lnga dang ldan pa brgya stong bcom ldan 'das la mchod pa'i las kyi phyir brtson pas dkrol bar byed do/ /klu'i rgyal po brgya stong phrag du ma 'dus pa 'di lta ste/ klu'i rgyal po rgya mtsho dang / klu'i rgyal po dga' bo dang / nye dga' bo dang / chu lha dang / shin tu rab gnas dang / gtsug na nor bu dang / klu'i rgyal po rnam pa kun nas rdzogs pa'i 'od dag kyang rin po che nor bu skar 'od sna tshogs kyis bcom ldan 'das la mchod pa byed do/ /'khor chen po yang 'dus par gyur to/ /'khor los sgyur ba'i rgyal po chen po de yang blon po bye ba khrag khrig brgya stong phrag du ma'i 'khor dang / btsun mo'i tshogs kyi 'khor dang bcas shing bu stong du gcig gis ma tshang bas yongs su bskor te/ mdun gyis bltas so/ /sa de yang rdo rje'i rang bzhin du gyur to/ /de nas 'khor chen po de nyid kyi dbus bcom ldan 'das kyi spyan sngar sa la brtol nas rin po che sna bdun gyi pad ma 'dab ma stong pa zhig byung ste/ pad ma de'i steng du 'dzam bu chu bo'i gser las byas pa'i 'khor lo rtsibs stong pa/ mu khyud dang bcas pa/ lte ba dang bcas pa/ lhag pa'i 'od</font><hr>94.293b<br><font size=+1>

'phro ba/ nyi ma bzhin du gsal ba zhig byung ngo / /de'i 'od kyis stong gsum gyi stong chen po'i 'jig rten gyi khams snang bar byas nas/ 'khor lo de'i lte ba'i nang nas sgra byung ba/ shAkya thub pa gang 'di 'dra ba'i gzungs kyi gsang ba rnams gsungs pa ni legs so legs so/ /chos kyi 'khor lo bskor ba'i rig sngags kyi rgyal po/ /byang chub chen po'i snying por gshegs pa'i rig sngags/ de bzhin gshegs pa thams cad kyi rig sngags kyi snying po/ de bzhin gshegs pa rnams kyi yang dag pa'i tshul gyi rig sngags kyi snying po 'di/ bcom ldan 'das yang gsungs shig / nor bu chen po rgyas pa'i gzhal med khang shin tu rab tu gnas pa zhes bya ba'i gzungs gsungs shig dang / bcom ldan 'das kyis bskul ba'i snying po dang ldan pa zhes bya ba'i gzungs gsungs te/ de bzhin gshegs pa thams cad bskul cing 'khor gyi dkyil 'khor chen po 'dus pas bcom ldan 'das de bzhin gshegs pa'i gsang ba'i gsungs pa'i dus ni 'di lagaso/ /bcom ldan 'das 'di ni sangs rgyas nyid bsgrub pa'i rtsa ba/ sdig pa thams cad sel ba/ sdug bsngal thams cad kyi mtsho skems pa/ 'khor ba'i 'brog dgon pa las nges par 'byin pa lags/ 'di ni chu bo chen po las sgrol ba lags te/ gzungs 'di ma mchis par sangs rgyas nyid bsgrub par rngo mi thogs lagaso/ /'di ni sangs rgyas nyid kyi sa bon lags/ 'di ni chos kyi 'khor lo bskor ba lags/ 'di ni chos kyi sgron ma sbor ba lags/ 'di ni chos kyi rgyal mtshan bsgreng ba lags/ 'di ni chos kyi dung rab tu 'bud pa lags/ 'di ni chos kyi rnga rdung ba lags/ 'di ni chos kyi seng ge'i khri la mchis pa lags te/ de'i slad du bcom ldan 'das kyis cho ga zhib mo'i rgyal po chen po 'di'i dam tshig dang / dkyil 'khor cho ga dang bcas pa/ gsang ba dang bcas pa/ phyag rgya'i le'u dang bcas pa/ ras bcos bu zung dang bcas pa/ yo byad dang bcas pa'i cho ga leDa par</font><hr>94.294a<br><font size=+1>

rgyas par gsungs shig /de nas lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa'i 'khor 'dus pa rnams ya mtshan du gyur/ spro bar gyur nas/ thams cad kyis/ bcom ldan 'das la phyag byas te/ bcom ldan 'das kyi zhal du bltas shing 'khod do/ /de nas bcom ldan 'das kyis bskul ba yang dag pa 'di dang / gsol ba btab pa gsan nas/ rig sngags kyi cho ga zhib mo 'di rgyas par bka' stsal to/ /bskul ba'i le'u ste cho ga dang po'o// // 'phags pa nor bu chen po rgyas pa'i gzhal med khang shin tu rab tu gnas pa gsang ba dam pa'i cho ga zhib mo'i rgyal po/ /bam po gnyis pa/ de nas sdig pa kun ni sel byed pa'i/ /rig sngags lus kyi dri ma med byed pa/ /sangs rgyas byang chub bla na med pa yi/ /cho ga zhib mo'i rgyal po dge bar bshad/ /de bzhin gshegs pa thams cad la phyag 'tshal lo/ /o~M b-i pu la gar b+he ma Ni pra b+he/ ta thA ga ta niR+de sha ne/ ma Ni ma Ni/ su pra b+he/ bi ma le/ sA ga ra gam+b+hI re/ hU~M hU~M/ dz+wA la dz+wA la/ bud+d+ha bi lo ki te/ gu h+ya a d+hiSh+Thi ta/ gar+b+he swA hA/ de nas bcom ldan 'das kyis nor bu chen po rgyas pa'i gzhal med khang shin tu rab tu gnas pa gsang ba dam pa'i gzungs 'di bka' stsal pa na sa chen po 'di rnam pa drug tu g.yos so/ /rin po che'i char chen po bab par gyur to/ /me tog gi char chen po bab bo/ /'khor thams cad kyang 'dus te thams cad kyis ca co dang / ga zha'i sgra phyung nas thams cad sa bcu la gnas par gyur to/ /thams cad dge ba'i chos dang ldan par gyur to/ /de nas sangs rgyas bcom ldan 'das thams cad kyis/ shAkya thub pa la legs so zhes bya ba byin te/ shAkya thub pa gang byang chub kyi snying por 'gro ba'i gzungs 'di lta bu gsungs pa legs so legs so/ /thos pa tsam gyi mod la sdig pa dang / ngan 'gro thams cad 'jig par 'gyur ro/ /gzungs</font><hr>94.294b<br><font size=+1>

'di dran pas de bzhin gshegs pa thams cad la lha'i na bza' dang / bdug pa dang / me tog dang / dri dang / phreng ba dang / byug pas mchod par 'gyur ro/ /bklags pa tsam gyi mod la phyir mi ldog par gyur nas/ bla na med pa yang dag par rdzogs pa'i byang chub mngon par rdzogs par sangs rgyas par gyur to/ /de bzhin gshegs pa thams cad kyis bsod nams mngon par 'du byed pa/ bskal pa 'am/ bskal pa brgya 'am/ bskal pa stong ngam/ bskal pa brgya stong du yang brjod par mi spyod de/ de ltar gzungs 'di phan yon che ba lags so/ /bdud kyi ris kyi lha thams cad kyis bar chad bya bar mi nus te/ bgegs kyis bya bar ma yin/ phyir rgol bas ma yin/ mi mdza' bas ma yin/ 'byung pos ma yin/ gdon gyis ma yin/ gnod sbyin gyis ma yin/ srin pos ma yin/ mi dang / mi ma yin pas glags rnyed par mi 'gyur ro/ /de'i dge ba'i rtsa ba mang du 'phel bar 'gyur/ lan cig dran pa tsam gyis kyang de ltar yon tan gyi phan yon mang por 'gyur na shin tu bya ba mang po byed pa lta smos kyang ci dgos/ de nas gnod sbyin gyi sde dpon chen po lag na rdo rje dang / rgyal po chen po bzhi/ bcom ldan 'das ga la ba der song ste/ bcom ldan 'das la mchod pa byas nas 'di skad ces gsol to/ /bcom ldan 'das bdag cag gis sems can de rnams bsrung bar bgyi'o/ /yongs su bskyang bar bgyi'o/ /spro bar bgyi'o/ /rtag tu rgyun mi 'chad par bsrung ba dang / bskyab pa dang / sba bar bgyi'o/ /de nas bcom ldan 'das kyis phyag gser gyi kha dog can brkyang ste/ byang chub sems dpa' sems dpa' chen po lag na rdo rje'i mgo la bzhag nas rgyal po chen po bzhi po de rnams la dbugs phyung ste/ ngas gzungs 'di gtad do/ /sems can de yang gtad do/ /bcom ldan 'das bdag cag gis cho ga zhib mo'i rgyal po chen po 'di dang / sems can yongs su bskyang ba'i slad du yongs su gzung lags so/ /de nas bcom ldan 'das kyis gzungs kyi snying po bka' stsal pa/ o~M ma Ni badzre</font><hr>94.295a<br><font size=+1>

hU~M/ 'di ni snying po'o/ /o~M ma Ni d+ha ra hU~M phaT/ nye ba'i snying po'o/ /rtsa ba'i rig sngags kyi cho ga ni/ tshes grangs ma yin rgyu skar min/ /snyung ba yang ni bya mi dgos/  de bzhin gshegs pa'i sku gzugs sam/ mchod rten sku gdung dang bcas pa'i drung du bzlas brjod 'ba' shig khri byas nas tshes bcwa lnga'i zla ba nya la shin tu khrus byas te/ gos gtsang ma bgos nas mchod rten sku gdung dang bcas pa'i drung du ci 'byor pas mchod pa bya ste/ mar me bzhi dbul bar bya/ dri dang me tog la sogs pa yang dbul bar bya'o/ /zas dkar gsum bza' bar bya'o/ /mchod rten la bskor ba brgya rtsa brgyad bya'o/ /rig sngags brgya rtsa brgyad bzlas nas de nyid kyi drung du nyal na/ nam nangs kyi tshun chad de bzhin gshegs pa mthong bar 'gyur ro/ /'phags pa lag na rdo rje yang mthong bar 'gyur ro/ /bsam pa thams cad yongs su rdzogs par 'gyur ro/ /gang 'dod pa de rnyed par 'gyur ro/ /gal te mtshams med pa lnga'i las byas pa zhig yin na yang des dus gsum du bsgrubs na gdon mi za bar mthong bar 'gyur ro/ /som nyi dang / yid gnyis bskyed par mi bya'o/ /nang par langs te bzlas brjod brgya rtsa brgyad byas na don thams cad grub par 'gyur ro/ /de'i lus la dug gis tshugs par mi 'gyur te/ sbyor ba ngan pas ma yin/ chu yis ma yin/ me yis ma yin/ chom rkun gyis 'phrog par mi 'gyur te/ lus la nad kyis tshugs par mi 'gyur/ dgras 'jigs par mi 'gyur/ de'i lus la nad mi 'byung ste/ mig nad ma yin/ sna nad ma yin/ lce nad ma yin/ rna ba'i nad ma yin/ so nad ma yin/ glad nad ma yin/ yan lag dang nying lag gi nad ma yin/ rims ma yin te/ zhag gcig pa 'am/ zhag gnyis pa 'am/ zhag gsum pa 'am/ zhag bzhi pas lus la tshugs par mi 'gyur ro/ /sbrul gyi 'jigs pas ma yin/ gcan zan khro bo'i 'jigs pas ma yin zhing / lus la byad kyis tshugs par mi 'gyur ro/ /gzungs 'di ni yon tan de lta bu dang ldan pa yin te/ 'jigs</font><hr>94.295b<br><font size=+1>

pa thams cad rab tu 'joms par byed pa yin/ sdig pa thams cad 'jig par byed pa yin/ yon tan thams cad grub par byed pa yin/ pha rol tu phyin pa drug yongs su rdzogs par byed pa yin/ de bzhin gshegs pa'i de kho na nyid grub par byed pa yin te/ gzungs 'di ni bklags pas grub pa ste/ las thams cad byed do/ /ri khar 'dzegs te bzlas brjod byas na/ mig gis gang du bltas pa der sems can rnams kyi sdig pa thams cad 'jig par 'gyur ro/ /sems can dmyal ba thams cad las thar bar 'gyur ro/ /dud 'gro'i skye gnas su song ba thams cad kyang thar bar 'gyur ro/ /lha khang du zhugs te bzlas brjod byas na lha thams cad des ci bsgo ba bzhin byed par 'gyur ro/ /klu'i gnas su zhugs te bzlas brjod byas na klu rnams dbang du 'gyur ro/ /nyi ma la kha bltas te bzlas brjod byas na nyi ma mngon sum du babs nas mdun na 'dug cing mchog ci smra ba de sbyin par byed do/ /lag na rdo rje'i mdun du bzlas brjod byas na mchog thams cad ster cing mthong bar yang 'gyur ro/ /shu dag la sngags stong rtsa brgyad bzlas nas de zos nas rgyal po'i pho brang du zhugs na rgyal po'i btsun mo 'khor dang bcas pa dga' bar 'gyur ro/ /ci smras pa de sbyin par byed do/ /na le sham gyi 'bru la lan bdun bzlas te/ khar bcug na ci smras pa ster bar byed cing dbang du 'gyur ro/ /yungs kar la stong rtsa brgyad bzlas te nam mkha' la gtor na rlung dang / ser ba thams cad bkag par 'gyur ro/ /lan tshwa la lan brgya rtsa brgyad bzlas te/ bram ze rnams la byin na gang dang gang gis lan tshwa zos pa de dang de kho na dbang du 'gyur ro/ /rgyal rigs dbang du bya na yungs kar gyi sbyin bsreg bya'o/ /gu gul la sngags stong rtsa brgyad bzlas te/ gang dang gang gi gdon la bdugs na de dang de nyid 'bab par 'gyur ro/ /bdugs na gdon thams cad las thar bar 'gyur ro/ /char mi 'bab pa'i tshe klu'i gzugs byas te/ gnas gru bzhir byas la ba ser mo'i lci ba las klu mgo gsum pa byas la snying kar gser gyi sa klan par bya'o/ /</font><hr>94.296a<br><font size=+1>

lus ni li khris byug par bya'o/ /gnas kyi gzhi ni sngon pos bsku bar bya'o/ /gnas gru bzhi ni shing pa la sha ltar kha dog sngon por bya'o/ /bum pa gang ba bzhi gzhag par bya'o/ /pog por bzhi bzhag par bya'o/ /bum pa bzhi bzhag par bya ste/ gcig ni 'o ma/ gcig ni zho/ gcig ni 'o thug /gcig ni zhun mar bu ram can no/ /ba'i lci bas gling bzhi pa'i dkyil 'khor bri bar bya'o/ /grwa bzhi ru phyes pad ma bri bar bya'o/ /mda' bzhi btsugs la tshon skud sna lngas bskor bar bya'o/ /tshon sna lnga'i ba dan gdags par bya'o/ /bdug pa sna bzhi po gu gul dang / rtse bog dang / tsan dan dang / du ru ka bsreg par bya'o/ /sa bon bdun gtor bar bya'o/ /kha dog lnga'i gtor ma gzhag par bya'o/ /'bras bu dang me tog gzhag par bya'o/ /rig pa 'dzin pas kha shar phyogs su bltas te/ 'dug nas rig sngags stong rtsa brgyad bzlas te/ yungs kar re re nas spyi bor brdeg par bya'o/ /stong rtsa brgyad tshang bar bzlas na/ de nas klu rnams char gyi rgyun 'bebs par byed do/ /klu thams cad de'i dbang du 'gyur ro/ /yungs kar la bzlas brjod byas te/ klu'i mtshe'u gtor na char gyi rgyun 'bebs par byed do/ /seng ldeng gi phur bu la bzlas brjod byas te klu'i gnas su btsugs na rlung dang / ser ba thams cad bcings par 'gyur ro/ /yungs kar la brgya rtsa brgyad bzlas brjod byas te/ log 'dren gyi glad par btab na log 'dren thams cad bcings par 'gyur ro/ /'o mas bkrus na phyir sos par 'gyur ro/ /las gang dang gang kho na bya ba'i las de dang de dag 'grub par 'gyur ro/ /gtsang mas gos gtsang ma bgo bar bya ste/ 'di ni rtsa ba'i rig sngags kyi cho ga'i tshul yin no// //gnyis pa'o//  da ni snying po'i las rnams 'byung ste/ bzlas brjod 'bum byas na de bzhin gshegs pa thams cad mthong bar 'gyur ro/ /nyis 'bum byas na sangs rgyas kyi zhing thams cad mthong bar 'gyur ro/ /sum 'bum byas na dkyil 'khor thams cad tu zhugs par 'gyur ro/ /gsang</font><hr>94.296b<br><font size=+1>

sngags thams cad grub/ par 'gyur ro/ /bzhi 'bum byas na rig 'dzin thams cad kyi 'khor los sgyur bar 'gyur ro/ /lnga 'bum byas na lha ma yin gyi sgo thams cad 'byed par 'gyur ro/ /klu'i gnas thams cad 'byed par 'gyur ro/ /drug 'bum byas na gter thams cad 'bur bar 'gyur ro/ /bzlas brjod bdun 'bum byas na tshe rabs thams cad dran par 'gyur ro/ /bzlas brjod brgyad 'bum byas na rin chen phyag rgya'i ting nge 'dzin thob par 'gyur ro/ /bzlas brjod dgu 'bum byas na byang chub sems dpa' thams cad kyi rnam par sprul pa'i byin gyis brlabs thams cad 'thob par 'gyur ro/ /bzlas brjod sa ya byas na de bzhin gshegs pa thams cad kyis dbang bskur ba thob par 'gyur ro/ /de bzhin gshegs pa thams cad dang phrad par 'gyur te/ de la sogs pa gong nas gong du yon tan gyi khyad par thob par 'gyur ro/ /mtshams med pa lnga byas pa 'am/ 'phags pa la skur pa btab pa 'am/ dam pa'i chos spangs pa 'am/ mnar med par gzhol ba yang rung / de dag thams cad kyis bzlas brjod 'bum byas na las kyi sgrib pa thams cad byang bar 'gyur/ phyir mi ldog par 'gyur/ skye ba dran par 'gyur/ de bzhin gshegs pa thams cad kyis dgongs par 'gyur/ mig rnam par dag pa dang / rna ba rnam par dag pa dang / sna rnam par dag pa dang / lce rnam par dag pa dang / dbang po yongs su dag pa thob par 'gyur te/ de ltar gong nas gong du yon gyi khyad par dang / gong nas gong tu lus yongs su rnam par dag pa thob par 'gyur ro/ /gzhan yang 'jig rten gyi dngos grub tu bya ba rnams grub par 'gyur ro/ /de kho na grub pa bla na med pa ldong ros la bsgrub pa bshad de shin tu khrus byas pa gos gtsang ma bgos pa/ zas dkar gsum bza' bas ldong ros blangs te/ zangs kyi snod du bzhag nas sangs rgyas bcom ldan 'das kyi spyan sngar tshes bcu gsum nas/ tshes bcwa lnga'i nya'i bar du/ bzlas brjod 'bum byas na de nas rnam pa 'grub par rig par bya ste/ gal te nag por gyur na dpral ba la thig le</font><hr>94.297a<br><font size=+1>

bya'o/ /de nas mi snang bar 'grub par 'gyur te/ lha ma yin gyi sgo thams cad tu 'jug par 'gyur/ gnas thams cad du 'jug par 'gyur/ gang 'dod pa de byed par 'gyur ro/ /gal te dud pa byung na des mig bsku bar bya'o/ /de nas byang chub sems dpa'i gnas thams cad mthong bar 'gyur/ lag na rdo rje'i gnas thams cad mthong bar 'gyur/ nor dang 'bru thams cad rnyed par 'gyur te/ gang du 'dod pa der 'gro bar 'gyur ro/ /gal te 'bar bar gyur na nam mkha' la 'gro bar 'gyur/ 'bar ba'i sgron ma zhes bya ba'i gzungs kyi ting nge 'dzin thob par 'gyur/ lha'i gnas sum cu rtsa gsum gyi lha thams cad kyi dpon por 'gyur/ gang 'dod pa de byed par 'gyur/ ri'i rtse mor 'dzegs te bzlas brjod 'bum byas na 'jig rten thams cad kyi gtso bor 'gyur/ gang 'dod pa de byed par 'gyur/ 'dzam bu'i gling gi mi thams cad ci bsgo ba bzhin byed par 'gyur ro/ /mtshor zhugs te bzlas brjod stong rtsa brgyad byas na klu thams cad mthong bar 'gyur/ yungs kar blangs nas sngags stong rtsa brgyad bzlas nas nam mkha' la gtor na char chen po 'bab par 'gyur/ klu thams cad ci bsgo ba bzhin byed par 'gyur ro/ /rtag tu bzlas brjod byas na dpal chen po thob par 'gyur ro/ /bum pa chus bkang ste hab shang tshe'u dang / shing pa la sha dang / yungs kar dang / gur gum dang / tsan dan rnams lhan cig bum pa der blugs la bzlas brjod khri byas pas nad chen pos thebs pa bkrus na nad nad thams cad med par 'gyur/ nad thams cad dang bral bar 'gyur/ de'i sdig pa thams cad kyang 'jig par 'gyur/ byad thams cad 'jig par 'gyur/ dpal thams cad thob par 'gyur ro/ /mdze'i nad kyis thebs pa bkrus na mdze nad las yongs su thar bar 'gyur ro/ /sha bkra'i nad kyis thebs pa yang bkrus na sha bkra'i nad las yongs su thar bar 'gyur ro/ /bud med bu 'dod pa rnams des khrus byas na bu rnyed par 'gyur ro/ /dngos grub med pa khrus byas na dngos grub chen po thob par 'gyur ro/ /</font><hr>94.297b<br><font size=+1>

de la sogs pa gong nas gong du 'jig rten gyi dngos grub tu bya ba rnams kyang grub par 'gyur ro/ /gang 'dod pa de byed par 'gyur ro/ /nye ba'i snying po'i las rnams 'byung ste/ bzlas brjod 'bum byas na bgegs dang log 'dren thams cad rkang pa la gtugs nas kye rig pa 'dzin pa bdag cag skyobs shig /bdag cag gi srog chud ma gsan cig dang bka' ci stsal pa de bgyi'o zhes brjod par 'gyur ro/ /bzlas brjod nyi khri cig stong byas na lha thams cad dang / klu thams cad dbang du 'gyur/ rig sngags thams cad kyi bdag por 'gyur ro/ /ci bsgo ba de byed par 'gyur ro/ /bzlas brjod sum khri byas na 'byung po dang / gnod sbyin la sogs pa thams cad dbang du 'gyur ro/ /bzlas brjod lnga khri byas na gang dgug pa khugs par 'gyur te/ lha 'am/ klu 'am/ gnod sbyin nam/ dri za 'am/ nam mkha' lding ngam/ mi 'am ci 'am/ lha ma yin nam/ rig 'dzin nam/ bud med dam/ bram ze 'am/ rgyal rigs sam/ sa bdag gam/ blon po 'am/ btsun mo 'am/ khrom gyi rus sna 'am/ mdun na 'don nam/ gzhan yang sems can sna tshogs khugs par 'gyur ro/ /gu gul dang yung kar gyi sbyin sreg drug khri byas na dri ma med pa'i ting nge 'dzin thob par 'gyur ro/ /bdun khris ni rig 'dzin gyi 'khor los sgyur bar 'gyur ro/ /brgyad khris ni lag na rdo rje 'khor gyi tshogs dang bcas pa mdun na sdod par 'gyur ro/ /dgu khris ni byang chub sems dpa' thams cad kyis dbugs byin par 'gyur ro/ /'bum tshang bas ni de bzhin gshegs pa thams cad mthong bar 'gyur te/ rigs kyi bu khyod gsang sngags thams cad dang / bstan bcos thams cad grub kyis gang 'dod pa der song cig /de bzhin gshegs pa thams cad kyis byin gyis brlabs pas phyir mi ldog cing bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de bzhin gshegs pa rnams kyis gnang gis/ 'jig rten pa 'am/ 'jig rten las 'das pa'i dgos pa gzhan dag kyang ci 'dod pa bzhin khyod kyis las byos</font><hr>94.298a<br><font size=+1>

shig ces ston par 'gyur ro/ /o~M ma Ni kuN Da li hU~M hU~M phaT swA hA/ gdan gyi sngags so/ /o~M ma Ni bi dza ye d+ha rA d+ha ra hU~M phaT swA hA/ dkyil 'khor gyi sngags te/ yungs kar la lan bdun sngags bzlas pas so/ /o~M dz+wa li ta ma Ni ru tsi ra gri Ni hU~M hU~M phaT/ yungs kar dang / dri chur bsres pa la lan brgya rtsa brgyad bzlas te/ phyogs bzhi bcing ngo / /o~M ma Ni pra b+ha ba ti ha na ha na hU~M phaT swA hA/ thal ba dang / chu la lan nyi shu rtsa gcig bzlas pas log 'dren bcing ngo / /o~M badzra ma Ni tiSh+Tha tiSh+Tha hU~M phaT/ lan bdun bzlas te/ btsug tor bcing ngo / /o~M ma Ni bi pu la di ri di ri hU~M phaT/ gos kyi sngags so/ /o~M bi du ma ti ha ra ha ra ma Ni hU~M phaT/ nye reg gi sngags so/ /o~M su nir+m+ma la pa ti ha ra ha ra pA pa~M mi li hU~M hU~M phaT swA hA/ yungs kar la lan brgya rtsa brgyad bzlas te khrus bya'o/ /o~M ma Ni d+ha re hU~M hU~M phaT/ bsang gtor gyi sngags so/ /o~M di ri di ri bi ma la ka ri hU~M hU~M phaT/ mchod phyir thogs kyi sngags so/ /o~M sarba ta thA ga ta puSh+pa~M ma Ni hU~M hU~M phaT/ me tog gi sngags so/ /o~M sarba ta thA ga ta gan+d+ha ma Ni s+pha ra Na hU~M hU~M phaT/ dri'i sngags so/ /o~M dz+wa li ta ma Ni a ba pra kU Ta gA ra s+pha ra Na bi ga te hU~M/ bdug pa'i sngags so/ /o~M dz+wa li ta shi kha ri ta pa la hU~M hU~M phaT/ mar me'i sngags so/ /o~M pra pa ra gra ba li sa ra sa ra hU~M hU~M/ gtor ma'i sngags so/ /o~M ma hA ma Ni pU ra ya d+ha ra d+ha ra hU~M hU~M phaT/ mchod yon gyi sngags so/ /o~M ma hA bi ma le hU~M hU~M ba ra ba ra hU~M/ lha bshos kyi sngags so/ /o~M dz+wa la s+pha ra da ga ga na pra ta ra Ni hU~M hU~M/ sbyin bsreg gi bsngags so/ /o~M ru tsi ra ma Ni pra ba ra ta ya hU~M/ bgrang phreng gi sngags so/ /sngags 'dis lan bdun bgrang phreng la btab ste/ bzlas brjod byas na de bzhin gshegs pa thams cad kyis gsungs pa'i gsang sngags de dag thams cad bzlas par 'gyur zhing / bye ba khrag khrig brgya stong phrag du ma bzlas par yang 'gyur ro/ /o~M badzra ma Ni ka ra ki ka ri hU~M hU~M phaT/ skyil mo dkrung gi sngags so/ /o~M su pra bar+t+ti ta be ge ma Ni ma Ni swA hA/ bzlas brjod kyi sngags so/ /o~M sarba ta thA ga ta yu dza be ta ra</font><hr>94.298b<br><font size=+1>

hU~M ma Ni ka ra Ne swA hA/ de bzhin gshegs pa thams cad bskul ba'i sngags so/ /o~M su pi ru pu la la pra ba re du ru du ru hU~M hU~M/ spyan drang ba'i sngags so/ /o~M sarba ta thA ga ta a d+hiSh+ThA na tsi ta sa~M rak+Sha Na badzre hU~M hU~M/ gsol ba gdab pa'i sngags so/ /o~M su bi pu la ba da ni ha ra ha ra hU~M/ byang chub sems dpa' rnams la gsol ba gdab pa'i sngags so/ /o~M a b+hi sa ma yi badzra d+ha ra d+ha ra hU~M/ lha dang / klu la sogs pa thams cad bod pa'i sngags so/ /o~M ma Ni be ga ba ti hU~M/ rgyal po chen po bzhi bod pa'i sngags so/ /o~M shu ba ma Ni hU lu hU lu hU~M/ slob ma'i sngags so/ /o~M sarba ta thA ga ta hri da ya badzri Ni d+ha ra d+ha ra hU~M hU~M/ 'jug pa'i sngags so/ /o~M b+hi ra b+hi ra dze ga ga na pA hi ni li hU lu hU lu hU~M hU~M hU~M/ thams cad tu mkhyen par byas pa'i sngags so/ /o~M ma Ni sum+b+ha ni be ga ba ti/ bdag dang che ge mo la bsrungs shig hU~M/ bsrung ba'i sngags so/ /o~M sarba ta thA ga ta ga lo ti te sma ra Na bi ga te dz+wa la dz+wa la hU~M swA hA/ slar gshegs su gsol ba'i sngags so/ /thams cad la sbyar bar bya'o/ /snying po 'di rnams kyi phan yon ni 'di dag thams cad yin te dpag tu med do/ /thams cad du yang lan brgya rtsa brgyad bzlas brjod byas te/ de nas dgos pa brtsam par bya'o/ /'di bton pas ni thams cad 'grub/ /'dis ni 'gro ba'i sdig kun sel/ /sdig pa de kun zad byed cing / /sdug bsngal kun las rnam par grol/ /sangs rgyas byang chub sems dpa' dag /lung ston 'gyur te the tsom med/ /gang gis snga mar sdig pa'i las/ /mang po byas pa 'jig par 'gyur/ /rig pa bla med su 'dzin pa/ /de dag myur du sangs rgyas 'grub/ / ji ltar de bzhin gshegs pa'i rigs la sbyar ba ni/ o~M sarba ta thA ga ta hri da ya ma Ni dz+wa la ni A be shA ya hU~M/ de bzhin gshegs pa'i snying po dang phyag rgya'o/ /o~M sarba ta thA ga ta pra ba ra gra ma ni hU~M/ de bzhin gshegs pa'i dam tshig gi phyag rgya'o/ /o~M sarba ta thA ga ta bI sam bo dA na badzra</font><hr>94.299a<br><font size=+1>

hU~M hU~M/ de bzhin gshegs pa'i dbugs dbyung ba'i phyag rgya'o/ /o~M sarba ta thA ga ta a d+hiSh+ThA na ma Ni ma Ni hU~M hU~M phaT/ de bzhin gshegs pa'i byin gyi brlabs kyi phyag rgya'o/ /o~M sarba ta thA ga ta pra ba ra ma Ni ru tsi ru tsi hU~M hU~M phaT/ de bzhin gshegs pa'i rdo rje seng ge'i khri'i phyag rgya'o/ /o~M sarba ta thA ga ta bi pu la sa~M b+ha be hU~M hU~M phaT/ de bzhin gshegs pa'i dbang bskur ba'i phyag rgya'o/ /o~M sarba ta thA ga ta sa ma ya ma Ni badzra hU~M hU~M/ chos kyi 'khor lo'i phyag rgya'o/ /o~M sarba ta thA ga tA dza ya a pa rA dzi ta badzra hU~M hU~M/ gzhan gyis mi thub pa'i phyag rgya'o/ /o~M sarba ta thA ga ta d+harma d+hA tu ma hA ma Ni shi kha re ha ra ha ra hU~M hU~M/ de bzhin gshegs pa'i 'khor lo bskor ba'i phyag rgya'o/ /o~M sarba ta thA ga ta ma hA badzra ha ya ha ra ha ra hU~M phaT/ 'phags pa lag na rdo rjes gzung ba'i phyag rgya'o/ /o~M du ru du ru ma Ni ma Ni ma hA bin+du ta ma Ni swA hA/ yid bzhin gyi nor bu'i phyag rgya ste/ 'phags pa nor bu'i rdo rje'i phyag rgya'o/ /o~M lo ka pa li te tse ya dza ya hU~M hU~M/ rgyal po chen po bzhi rnams kyi phyag rgya gzung bar bya'o/ /o~M bi pu la gra pa ti pa ra hU~M/ dpal lha mo'i phyag rgya gzung bar bya'o/ /o~M da~M Sh+Ti ni sa~M hU~M/ dung can ma'i bsdigs pa'i phyag rgya'o/ /o~M o~M A ga ma ya drI ra muts+tsha tA hAsti ni hU~M/ pho nya mo'i phyag rgya bcing bar bya'o/ /o~M sa man ta a ka ri bi pU ra Ni ta ka hU~M hU~M phaT/ dkyil 'khor na gnas pa thams cad kyi phyag rgya'o/ /spyan drang ba'i phyag rgya gzung bar bya'o/ /o~M sa ra sa ra bi sa ra hU~M hU~M/ pad ma'i phyag rgya'o/ /phyag rgya rgyas pa'i le'u ste cho ga bzhi pa'o// // de nas don kun sgrub pa'i sku gzugs kyi cho ga bshad par bya ste/ ras kha tshar ma bcad pa/ skra med pa/ khru gang ba 'am/ khru do gru bzhi lham pa la ri mo mkhan smyung ba byas pas snod sar par tshon sbyin med pas bcom ldan 'das rgyan thams cad kyis brgyan pa/ pad ma'i steng na chos 'chad cing bzhugs pa/ khang pa brtseg mas yongs su bskor ba bri bar bya'o/ /g.yas su lag na rdo rje lag pa</font><hr>94.299b<br><font size=+1>

bcu gnyis pa ston ka'i 'dam bu mda' rgyu lta bu'i mdog can/ lag pa na mtshon cha sna tshogs thogs pa/ gdong bzhi pa bya ste/ gdong dang po ni zhi ba'o/ /gnyis pa ni khro bo'o/ /gsum pa ni mche ba gtsigs pa'o/ /bzhi pa ni gdong khro gnyer can gyen du lta ba ste/ ral pa'i thor tshugs kyis bzhags pa/ rgyan thams cad kyis brgyan pa/ pad ma'i steng na skyil mo dkrung phyed kyis 'dug pa bya'o/ /g.yon phyogs su ni byang chub sems dpa' nor bu rdo rje zhes bya ba gdong bzhi pa/ lag pa bcu drug pa bya ste/ lag pa g.yas na yid bzhin gyi nor bu thogs nas/ de bzhin gshegs pa la dbul ba/ lag pa g.yon na pad ma thogs pa/ lag pa gcig gis dbugs 'byin pa/ lag pa gnyis ni thal mo sbyar ba bya'o/ /lag pa gzhan ni mtshon cha sna tshogs thogs pa bya ste/ rtse gsum pa dang / 'khor lo dang / rdo rje dang / ral gri dang / me tog gi phur ma dang / bgrang phreng dang / ril ba spyi'u blugs dang / ral gri dang / glegs bam dang / mchod rten dang / ri rab bo/ /gdong dang po ni zhi ba'o/ /gdong g.yas pa ni nag po chen po dang 'dra ba'o/ /gdong g.yon pa ni mi'i seng ge'i dbyibs/ shing pa la sha'i kha dog lta bu'o/ /gdong gong ma ni bzhin bsgyur ba pad ma'i stan la skyil mo dkrung phyed kyis 'dug pa bya'o/ /de'i 'og tu dung can ma bri ste/ lag pa brgyad pa pus mo btsugs nas bcom ldan 'das la mchod pa'i las la mngon par brtson pa bya'o/ /lag na rdo rje'i 'og tu dpal lha mo chen mo pus mo btsugs nas nor bu rin po che sna tshogs kyi snod bcom ldan 'das de bzhin gshegs pa la 'bul ba bya'o/ /dpal lha mo chen mo'i rgyab tu pho nya mo bzhin 'dzum pa lag pa bzhi pa/ rgyan sna tshogs kyis brgyan pa/ mtshon cha sna tshogs 'dzin pa bya'o/ /dung can ma'i rgyab tu me tog so gos dkar po gyon pa/ me tog thogs nas bcom ldan 'das la gyen du blta ba bya'o/ /sangs rgyas bcom ldan 'das kyi spyan sngar rin po che sna bdun gyi kha dog can gyi pad ma 'dab ma brgyad pa/ sdong bu ni bai dUr+ya/ snying po ni gser las</font><hr>94.300a<br><font size=+1>

byas pa bya'o/ /de'i steng du 'dzam bu chu bo'i gser gyi 'khor lo shin tu rnam par phye ba lte ba dang bcas pa/ kun nas 'bar ba/ shin tu rnam par bkra ba bri bar bya'o/ /pad ma de'i drung du rgyal po chen po bzhi ya lad dang / go cha dang tshem tshem bgos pa/ rgyan thams cad kyis brgyan pa bri bar bya'o/ /pad ma de'i drung du rdzing bu rin po che sna tshogs kyis brgyan pa bya'o/ /rdzing de'i 'gram du rig pa 'dzin pa/ lag pa na pog por dang / me tog gi mgo lbogs thogs la lag pa gcig shos na bgrang phreng thogs te/ pus mo btsugs nas de bzhin gshegs pa la gyen du blta ba bya'o/ /khang pa brtseg ma'i nang du tshangs pa dang / khyab 'jug dang / dbang phyug chen po la sogs pa nam mkha'i dkyil na bcom ldan 'das la me tog sna tshogs kyis mchod pa byed pa bya'o/ /de la sogs pa sku gzugs kyi cho ga rnams bya'o/ /de nas rig pa 'dzin pa gos dkar po bgos te/ zas dkar gsum za bas tshes brgyad nas tshes bcwa lnga nya'i bar du sku gzugs kyi mdun du bzlas brjod 'bum tshang bar bya'o/ /de nas sku gzugs 'gul zhing bdag nyid 'bar bar mthong bar 'gyur/ sgrib pa med pa'i mig thob par 'gyur/ nor bu rnam dag spyod pa zhes bya ba'i ting nge 'dzin thob par 'gyur/ rig 'dzin thams cad kyi 'khor los sgyur bar 'gyur/ de bzhin gshegs pa thams cad mthong bar 'gyur/ bzlas brjod byas pa tsam gyi mod la dmyal ba dang / dud 'gro'i skye gnas las thar bar 'gyur/ 'dod chags dang / zhe sdang dang / gti mug la sogs pa thams cad spangs par 'gyur ro/ /ser sna'i dri ma dang bral bar 'gyur/ bsod nams thams cad dang ldan par 'gyur/ bde ba thams cad dang ldan par 'gyur/ dge ba'i rtsa ba thams cad yang dag par bzung bar 'gyur/ de bzhin gshegs pa thams cad kyis byin gyis brlabs par 'gyur/ sangs rgyas dang byang chub sems dpa' thams cad kyis dbugs 'byin par 'gyur/ lha thams cad kyis yang dag par bzung bar 'gyur/ gnod sbyin dang / srin po dang / </font><hr>94.300b<br><font size=+1>

yi dgas dang / sha za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa thams cad kyis kyang bsrungs bar 'gyur/ rgyal po'i pho brang thams cad tu mchod pa'i 'os su 'gyur/ 'jig rten thams cad la dbang bskur bar 'gyur/ yon tan dang pha rol tu phyin pa thams cad yongs su bzung bar 'gyur/ de la sogs pa yon tan gyi khyad par thob par 'gyur/ mthong ba tsam 'am/ bzlas brjod byas pa tsam 'am/ bklags pa tsam gyis yon tan dang / phan yon 'di dag yongs su bzung bar 'gyur na cho ga lhag par mang du byed pa lta smos kyang ci dgos/ gang zhig klog par byed pa dang / 'don par byed pa dang / bzlas brjod la mngon par brtson par byed pa dang / sgrub par byed pa dang / phyag rgya'i tshogs sgrub par byed pa dang / rig sngags sgrub par byed pa dang / ras zung sgrub par byed pa'i sems can de ni de bzhin gshegs pa kho nar brjod par bya ste/ mchod pa'i 'os su 'gyur/ lha dang / mi dang / lha ma yin du bcas pa'i 'jig rten gyis phyag bya ba'i 'os su 'gyur ro/ /sems can de ni de bzhin gshegs pa dang mtshungs par blta bar bya/ shes par bya/ de bzhin gshegs pa thams cad kyis lung bstan pa gnad sems can de ni phyir mi ldog par gyur nas/ bla na med pa yang dag par rdzogs pa'i byang chub tu gsal bar lung bstan pa yin no/ /phyin cad ma'i mngal du skye bar mi 'gyur/ 'jig rten gyi khams gang dang gang du 'gro ba de dang der pad ma las rdzus te skye bar shes par bya'o/ /phyin cad de bzhin gshegs pa dang 'bral bar mi 'gyur/ byang chub sems dpa' dang yang 'bral bar mi 'gyur te/ gang dang gang du skyes pa de thams cad du de bzhin gshegs pa dang phrad pa dang / byang chub sems dpa' dang phrad par 'gyur zhing byang chub kyi snying po'i bar du mthar phyin par 'gyur ro/ /sku gzugs rgyas pa chen po'i le'u ste cho ga lnga pa'o// // don kun grub par byed pa yi/ /sbyin sreg cho ga bshad par bya/ /sems can kun gyi bde thob pa/ /zhi ba yi ni las brtsam mo/ /rig pa 'dzin pas gsang bya ste/ /</font><hr>94.301a<br><font size=+1>

nges par tshangs par spyod pa yis/ /sems can thams cad yid dga' ba'i/ /de nas sbyin sreg dag bya'o/ /o~M swA hA pa ti b+hUR+b+hU ba hU~M hU~M phaT swA hA/ sngags 'dis til dang / yungs kar dang / mar las sbyin bsreg byas na rig sngags 'chang thams cad 'grub par 'gyur ro/ /bgegs dang / log 'dren thams cad tshar gcad par 'gyur ro/ /sdig pa thams cad dang / gnod pa thams cad dang / phyir rgol ba dang / mi mdza' ba thams cad rmugs par byas par 'gyur/ rengs par byas par 'gyur/ rmongs par byas par 'gyur/ rmi lam ngan pa dang / ltas ngan pa thams cad med par 'gyur ro/ /gu gul dang yungs kar dang mar las sbyin sreg stong rtsa brgyad byas na/ gdon thams cad kyi glad pa 'gas par 'gyur/ 'byung po thams cad kyis gnod pa byas pa las yongs su thar bar 'gyur/ rims nad la sogs pa thams cad zhi bar 'gyur ro/ /nad thams cad dang bral bar 'gyur ro/ /mar dang / yungs kar las sbyin sreg stong rtsa brgyad byas na/ yul thob par 'gyur ro/ /sa bon bdug pa dang / mar las sbyin sreg stong rtsa brgyad byas na/ bdud la sogs pa'i bdug pas 'jigs skrag pa dang / pha rol gyi dmag tshogs la sogs pa 'jig par 'gyur ro/ /sgron shing dang mar las sbyin sreg stong rtsa brgyad byas na/ rgyal po'i btsun mo'i 'khor dang bcas pa dga' bar 'gyur ro/ /ci 'dod pa de byed do/ /gang dang gang bslangs pa de dang de 'thob bo/ /ri khar sra rtsi pog dang / yungs kar dang / mar las sbyin sreg byas na/ lha ma yin gyi sgo thams cad 'byed par 'gyur/ rig 'dzin gyi rgyal por 'gyur ro/ /yungs kar dang / til mar dang / nA ga ge sar las sbyin bsreg stong rtsa brgyad byas na klu thams cad dbang du 'gyur ro/ /ci dga' ba byed do/ /dus su char gyi rgyun 'bebs par byed do/ /phyin cad ser ba'i 'jigs pa mi 'byung ngo / /kha zas la sbyin sreg stong rtsa brgyad byas na 'bru stong du 'phel zhing mang por 'gyur ro/ /lan tshwa la sbyin sreg stong rtsa brgyad byas na gnod sbyin mo thams cad lhags nas</font><hr>94.301b<br><font size=+1>

rje btsun srog dang ma dbral cig dang / bka' ci stsal pa de bgyi'o zhes rkang pa la gtug par 'gyur ro/ /'bras dang mar las sbyin sreg stong rtsa brgyad byas na dpal chen po thob par 'gyur ro/ /nyi ma la kha bltas te na le sham la sbyin sreg stong rtsa brgyad byas na de lta thams cad rtag tu rgyun mi 'chad par bsrung ba dang / skyob pa dang / sbed pa byed par 'gyur ro/ /dpal thams cad thob par 'gyur ro/ /dpal lha mo'i mdun du til dang yungs kar las sbyin sreg byas na nor mang po 'phel bar 'gyur ro/ /shing aR+ga'i yam sreg shing dang mar la sbyin sreg brgya rtsa brgyad byas na/ sangs rgyas dang byang chub sems dpa' thams cad bskul bar 'gyur ro/ /sdig pa thams cad dang bral bar 'gyur/ 'jig rten dang 'jig rten las 'das pa'i gsang sngags thams cad mngon du 'gyur/ nad thams cad dang bral bar 'gyur/ dgra thams cad las rgyal bar 'gyur/ 'jig rten gyi sdug bsngal thams cad 'byung bar mi 'gyur ro/ /rig sngags 'di'i mthus bde ba thams cad grub par 'gyur ro/ /rmi lam ngan pa dang / ltas ngan pa thams cad med par 'gyur/ byad thams cad dang / bcings pa thams cad dang / gnod pa thams cad nam yang 'byung bar mi 'gyur ro/ /de la sogs te sbyin sreg gi las rnams kyis mchog tu zhi bar byed do/ /bde ba rab tu sbyin par byed do/ /nor thob par byed/ don grub par byed cing lta ba ngan par ltung ba'i sems can thams cad nyams par byed do/ /sbyin sreg grub pa rgyas pa'i le'u ste cho ga drug pa'o// // de nas bcom ldan 'das kyis gsang ba pa'i bdag po lag na rdo rje la bka' stsal pa/ lag na rdo rje 'di ni cho ga zhib mo'i rgyal po yin/ 'di ni yon tan khyad par chen po can yin/ 'di ni de bzhin gshegs pa thams cad kyi snying po sangs rgyas thams cad bskyed pa'i yum yin/ 'di ni de bzhin gshegs pa thams cad kyi chos kyi 'khor lo bskor ba yin/ 'di ni de bzhin gshegs pa thams cad kyi byang chub kyi snying</font><hr>94.302a<br><font size=+1>

por gshegs pa yin/ 'di ni de bzhin gshegs pa thams cad kyi chos kyi rgyal mtshan 'dzugs pa yin/ 'di ni de bzhin gshegs pa thams cad kyi chos kyi dung rab tu 'bud pa yin/ 'di ni de bzhin gshegs pa thams cad kyi rdo rje'i gdan yin/ 'di ni de bzhin gshegs pa thams cad kyi bdud thams cad pham par byed cing 'joms par byed pa yin/ 'di ni de bzhin gshegs pa thams cad kyi gsang ba dam pa yin/ 'di ni de bzhin gshegs pa thams cad kyi gsang chen yin/ lag na rdo rje 'di ni 'dzam bu'i gling gi sems can thams cad kyi nyon mongs pa 'dul ba yin/ 'di ni de bzhin gshegs pa thams cad kyi sdig pa 'jig pa yin/ 'di ni 'dzam bu'i gling gi sems can thams cad kyi dmyal ba thams cad skems pa yin/ yi dgas kyi 'jig rten zlog pa yin/ dud 'gro'i skye gnas las thar bar byed pa yin no/ /'di ni 'dzam bu'i gling gi sems can thams cad kyi skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams skems par byed pa yin no/ /lag na rdo rje 'on kyang bsod nams kyi phung po 'byung ba lha'i mig gis blta ba 'am/ de bzhin gshegs pa'i thugs kyis kyang brjod kyis mi lang ste/ yon tan gyi khyad par de ltar rgya che zhing de ltar zab pa/ rab mchog gya nom pa la sogs pa de ltar gong nas gong du rnam par 'phrul pa chen po'i khyad par du 'phags pa yin no/ /nor bu chen po rgyas pa'i gzhal med khang shin tu rab tu gnas pa gsang ba'i gzungs kyi cho ga zhib mo'i rgyal po 'di ni sems can skal pa chung ba rnams kyi lag tu 'ong bar mi 'gyur te/ thos par mi 'gyur/ bsnyen bkur byed par mi 'gyur/ 'chang bar mi 'gyur ro/ /gang gis gang ga'i klung gi bye ma dang mnyam pa'i de bzhin gshegs pa rnams ma mthong ba de'i lag tu mchog tu gsang ba 'di 'ong ba 'am/ nyan pa 'am/ bsnyen bkur byed pa 'am/ 'dzin par lta ga la 'gyur/ </font><hr>94.302b<br><font size=+1>

lag na rdo rje de bzhin gshegs pa'i gsang ba 'di ni shin tu gting dpag dka' ste/ lag na rdo rje gang gis sangs rgyas bcom ldan 'das chu bo gang gA'i klung bye ba khrag khrig brgya stong gi bye ma dang mnyam pa rnams la bskal pa brgya stong du bde ba'i yo byad na bza' dang / bsod snyoms dang / gzims mal dang / snyun spyad kyi rkyen sman gyi yo byad dang / bza' ba dang / bca' ba dang / zhal zas dang / btung ba dang / bcibs pa dang / pho brang rnams de bzhin gshegs pa rnams la nyi ma re re 'bul zhing / de bzhin du me tog dang / bdug pa dang / dri dang / phreng ba dang / byug pa dang / gdugs dang / rgyal mtshan dang / ba dan gyis de ltar de bzhin gshegs pa rnams la nyi ma re re 'bul zhing / de bzhin du me tog dang / bdug pa dang / dri dang / phreng ba dang / byug pa dang / gdugs dang / rgyal mtshan dang / ba dan gyis de ltar de bzhin gshegs pa thams cad la mchod pa byed pa dang / gang gis stong gsum gyi stong chen po'i 'jig rten gyi khams rin po che sna bdun gyis byur bur bkang ste/ nyi ma re re sangs rgyas thams cad la dbul ba ni bsod nams kyi phung po chen po bskyed pa ma yin gyi/ lag na rdo rje gang gis de bzhin gshegs pa'i gsang ba 'di lan gcig bzlas brjod byas na bsod nams kyi phung po chen po dang ldan par 'gyur te/ de bzhin gshegs pa thams cad kyis kyang brjod kyis mi lang ngo / /gang gis de bzhin gshegs pa'i gsang ba'i gzungs kyi rgyal po 'di lan gcig dran par gyur na de gong du bshad pa'i yon tan gyi khyad par yongs su sgrags pas de bzhin gshegs pa thams cad mchod par 'gyur/ mkho ba'i yo byad khyad par du 'phags pa ji lta ba thams cad kyis de bzhin gshegs ba rnams la de ltar nyin gcig bzhin mchod par 'gyur ro/ /de nas 'khor 'dus pa de dag thams cad dang / lha dang / klu dang / gnod sbyin dang / srin po dang / lha ma yin dang / nam mkha' lding dang / mi 'am ci dang / lto 'phye</font><hr>94.303a<br><font size=+1>

chen po dang / mi dang / mi ma yin pa thams cad kyis a la la zhes ca co dang ga zha'i sgra cher bton nas/ bcom ldan 'das kyi zhabs la gtugs te/ bcom ldan 'das la 'di skad ces gsol to/ /kye ma'o sangs rgyas 'byung ba dang mchog tu brnyed par dka' ba gsang ba dam pa'i snying po 'dzam bu'i gling du bzhag lags so/ /de nas phyogs bcu'i de bzhin gshegs pa thams cad kyis shAkya thub pa la legs so zhes bya ba byin nas/ rang rang gi sangs rgyas kyi zhing rnams su gshegs so/ /de nas bcom ldan 'das de bzhin gshegs pa shAkya thub pa yang rdzu 'phrul gyi cho 'phrul chen pos mi mjed kyi 'jig rten gyi khams su gshegs so/ /'phags pa nor bu chen po rgyas pa'i gzhal med khang shin tu rab tu gnas pa gsang ba dam pa'i gsang ba'i cho ga bzhib mo'i rgyal po'i le'u ste bdun pa rdzogs s+ho/ /rgya gar gyi mkhan po bid+yA gar+b+ha pra b+ha dang / lo ts+tsha ba ban+de dpal gyi lhun pos bsgyur zhing / slad nas rgya gar gyi mkhan po bid+yA ka ra pra b+ha ba dang / zhu chen gyi lo ts+tsha ba ban de dpal brtsegs kyis zhus te gtan la phab pa// // #</font><hr>

</table>