@#/ /rgya gar skad du/ Ar+ya nI lA~M ba ra d+ha ra badzra pA Ni kalpa nA ma d+hA ra NI/ bod skad du/ 'phags pa lag na rdo rje gos sngon po can gyi cho ga zhes bya ba'i gzungs/ dkon mchog gsum la phyag 'tshal lo/ /gnod sbyin sde dpon chen po lag na rdo rje gos sngon po can sangs rgyas gang gA'i klung gi bye ma snyed kyis rjes su gnang ba/ mche ba gtsigs pa dang 'tsham pa/ mig me mdag gi phung po 'dra ba/ dbugs me lce ltar 'bar ba/ 'jigs pa'i nga ro can/ lag pa dang rkang pa klu nor rgyas kyi bus brgyan pa klu nag po se ral khar thogs pa/ klu dga' bo dang nye dga' bo 'bar bas rna cha byas pa/ sbrul 'bar ba rin po che'i cod pan thogs pa/ sbrul gdug pa 'bar ba za ba/ bzhin rgyas pa/ smin ma dang dpral ba bsdus pa ya sos ma mchu mnan pa/ gshin rje'i cha byad can/ 94.169a lce glog ltar 'gyu ba gsus po che sbrul za ba/ lag pa brdabs pa'i sgras 'jigs par byed pa/ klu'i rgyal po 'dab bzangs ska rags su bcings pa/ a la la zhes sgrogs par byed pa/ rgya mtsho'i zabs su dpag tshad brgyad khri yod pas rkang pa'i pus mor phyin pa dbang po dang nyi ma phrag pa la khur ba/ klu thams cad brlag par byed pa gad rgyangs chen po rgod pas kun tu 'khrugs par byed pa/ gshin rje'i gzugs can khams gsum pa 'jigs par byed pa klu rnams 'ching bar byed pa la phyag 'tshal lo/ /de nas sangs rgyas bcom ldan 'das gang gA'i klung gi bye ma snyed kyis gsungs pa'i rig sngags 'di brjod par bya'o/ /tad+ya thA/ b+ho b+ho ban+nA gA d+hi pa ta ye/ i da~M nI lA~M ba ra d+ha ra sha rI ra~M/ badzra pA Ni hri da ya~M yaH sa mA ti kra ma tha/ ut+sA da na~M b+ha bi Sh+ya ti/ tad+ya thA/ bud+d+ha bud+d+ha/ bi bud+d+ha bi bud+d+ha/ ma hi prAb+ha/ ha ra ha ra nA gA nA~M/ pra ha ra pra ha ra nA gA nA~M/ ts+tshin+da ts+tshin+da nA ga hri da ya ni/ b+hin+da b+hin+da nA ga marmA Ni/ bi sIr+yan+tu nA ga sha rI ra~M bi s+pho Ta ya/ nA ga na ya nA ni/ tad+ya thA hU~M phaT/ nA ga bi dA ra NA ya phaT/ nA ga god sA da nA ya phaT/ nI lA~M ba sa nA ya phaT/ a pra ti ha ta ba la pa rA kra mA ya phaT/ kri tAn+tA ya phaT/ kri tAn+ta rU pA ya phaT/ ro Sha Na ya phaT/ trA sa nA ya phaT/ kusma N+dod+sA da nA ya phaT/ pre ta pi shA tsi bi nA sha ka rA ya phaT/ yak+ShA pasmA ra bi nA sha ka rA ya phaT/ ha sa ha sa dA ra dA ra mA ra ya mA ra ya/ nA sha ya nA sha ya/ sarba big+hA bi nA sha ka rA ya phaT/ sarba sha trU~M sa~M g+ha bi nA sha ka rA ya phaT/ nI la~M ba ra d+ha ra badzra pA Ni rA dz+nyA pa ya ti swA hA/ de'i cho ga la gnod sbyin gyis zin pa la chu la sngags kyis btab ste gtor na btang bar 'gyur ro/ /klu bzlog par 'dod na smyag 94.169b shad kyi lcug ma 'am bal po'i se'u'i lcug mas bya'o/ /yi dgas dang brjed byed rnams la skud pas bya'o/ /rims nad med par bya ba dang / gzhogs phyed na ba dang yi ga 'chus pa la ni skud pa sngon pos bya'o/ /nor 'dod na zhag gcig smyung bar 'dug ste spos phor gyis bdugs na rmi lam du dge ba dang mi dge ba'i don thams cad ston la gser gyi dong tshe bdun stong sbyin par byed do/ /rgyas btab pa dgrol bar 'dod na thal bas bya'o/ /sgo lcags dbye bar 'dod na yungs kar gyis bya'o/ /'jigs pa thams cad bsrung ba la ni mar rnying pa 'am thal ba 'am/ yungs kar gyis bya'o/ /nad kyi 'jigs pa thams cad la ni skud pa sngon po la bsrung ba'i mdud pa byas te mgul du btags na bsrung ba'i mchog tu 'gyur ro/ /byis pa gdon gyis nyen pa la ni tshon sna lnga'i skud pa la bsrung ba'i mdud pa byas te mgul du btags na bsrung ba'i mchog tu 'gyur ro/ /chom rkun bzlog par 'dod na sas bya'o/ /dug la ni rtswa ku shas byab par bya'o/ /bdag bsrung ba la ni yid kyis sam chus bya'o/ /gzhan bsrung ba la ni skud pa sngon pos bya'o/ /las de dag thams cad la sngags brjod pa ni lan gsum mam/ bdun nam bcu bzhi'am nyi shu rtsa gcig gam/ brgya rtsa brgyad brjod par bya'o/ /de ltar byas na 'grub par 'gyur ro/ /mchod rten sku gdung dang ldan pa'i drung du me tog sngon pos mchod de/ sngags stong bzlas brjod byas na 'grub par 'gyur ro/ /'phags pa lag na rdo rje gos sngon po can gyi cho ga zhes bya ba'i gzungs rdzogs s+ho// //rgya gar gyi mkhan po dI pam ka ra shrI dz+nyA na dang / bod kyi lots+tsha ba rgya brtson 'grus seng ges dpal nA len dA'i sgo 'gram du bsgyur/ /stag lung rgyud 'bum la gtugs zhus so/ / |