J466

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J466</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J466&coll=lithang">see text in Tibetan script</a></table>93.117b<br><font size=+1>

@##/ /rgya gar skad du/  ma hA bai ro tsa na a b+hi sam bo d+hi bi kur+b+ba ti a d+hiSh+tA na bai pul+l+ya~M sU tra in dra rA dzA nA ma d+har+m+ma par+ya ya/  bod skad du/  rnam par snang mdzad chen po mngon par rdzogs par byang chub pa rnam par sprul pa byin gyis rlob pa shin tu rgyas pa mdo sde'i dbang po'i rgyal po zhes bya ba'i chos kyi rnam grangs/ bcom ldan 'das ngag gi dbang phyug la phyag 'tshal lo/ /'di skad bdag gis thos pa dus gcig na/ bcom ldan 'das de bzhin gshegs pa thams cad byin gyis rlob pa/ rdo rje chen po rgya che ba/ chos kyi dbyings kyi pho brang / rdo rje 'dzin thams cad 'du ba/ de bzhin gshegs pa'i mos pas rnam par rol pa/ mtha' dang dbus med cing rtse mo mtho ba/ rin po che'i rgyal pos shin tu legs par brgyan pa 'byung ba'i khang bzang chen po rin po che'i rgyal po'i nang na/ byang chub sems dpa'i lus kyi seng ge'i khri la bzhugs te/ 'di lta ste/ rdo rje 'dzin nam mkha' dri ma med pa dang / nam mkha' la rnam par 'gro ba dang / nam mkha' 'byung ba dang / gos sna tshogs gyon pa dang / sna tshogs su rgyu ba dang / chos thams cad mnyam pa nyid la gnas pa dang / sems can gyi khams mtha' yas pa yongs su skyob pa'i rdo rje dang / sred med kyi bu'i stobs can dang / sred med kyi bu chen po'i stobs can dang / rdo rje bzang dang / rdo rje mchog gi shugs 'chang ba dang / dri ma med pa'i rdo rje dang / rdo rje mchog 'chang ba dang / de bzhin gshegs pa'i go cha dang / de bzhin gshegs pa'i go 'phang du 'byung ba dang / spros pa med pa la gnas pa dang / de bzhin gshegs pa'i stobs bcu las nges par skyes pa dang / dri ma med pa'i mig dang / gsang ba pa'i bdag po phyag na rdo rje dang / de dag la sogs te/ sangs rgyas kyi zhing bcu'i</font><hr>93.118a<br><font size=+1>

[This is a blank page without image]</font><hr>93.118b<br><font size=+1>

[This is a blank page without image]</font><hr>93.119a<br><font size=+1>

rdul phra rab kyi rdul snyed kyi rdo rje 'dzin rnams dang thabs cig tu bzhugs so/ /byang chub sems dpa' chen po kun tu bzang po dang / byams pa dang / 'jam dpal dang / sgrib pa thams cad rnam par sel ba la sogs pa dag gis kyang bskor cing mdun gyis bltas pa la 'di lta ste/ de bzhin gshegs pa'i nyi ma dus gsum las 'das par byin gyis brlabs nas/ sku dang / gsung dang / thugs mnyam pa nyid kyi gzhi zhes bya ba'i chos kyi sgo'i chos ston to/ /de nas byang chub sems dpa' kun tu bzang po la sogs pa de dag dang / gsang ba pa'i bdag po la stsogs pa rdo rje 'dzin de dag bcom ldan 'das rnam par snang mdzad kyi byin gyis brlabs kyis/ sku mnyam pa nyid bkod pa mi zad pa'i mdzod rnam par bsgyings pa la zhugs so/ /de bzhin du gsung dang thugs mnyam pa nyid bkod pa mi zad pa'i mdzod rnam par bsgyings pa la zhugs te/ bcom ldan 'das rnam par snang mdzad kyi sku 'am gsung ngam thugs la ni 'jug pa 'am ldog pa mi dmigs so/ /thams cad du yang bcom ldan 'das rnam par snang mdzad kyi sku'i phrin las thams cad dang / gsung gi phrin las thams cad dang / thugs kyi phrin las thams cad sems can gyi khams thams cad la kun tu gsang sngags kyi tshul gyi tshig gis chos ston par mthong ba ni 'di lta ste/ sems can las kyi tshe rnam par bskyed pa rnams sems dang po bskyed pa nas bzung ste/ sa bcu'i bar la gnas pa 'di nyid la yongs su rdzogs par bya ba dang / las kyi tshe bkag pa rnams kyang srid pa'i myu gu mngon par 'grub par bya ba'i phyir/ rdo rje 'dzin pa'i lus 'dra ba dang / byang chub sems dpa' kun tu bzang po dang / phyag na pad ma'i lus 'dra ba phyogs bcu na gsang sngags kyi tshul gyi tshig rnam par dag pa'i tshig dag gis chos ston pa dag kyang mthong ngo / /de nas yang bcom ldan 'das la/ </font><hr>93.119b<br><font size=+1>

gsang ba pa'i bdag po phyag na rdo rje 'khor 'dus pa de nyid na 'dug pa des 'di skad ces gsol to/ /bcom ldan 'das/ ci ltar de bzhin gshegs pa dgra bcom pa yang dag par rdzogs pa'i sangs rgyas rnams kyis thams cad mkhyen pa'i ye shes brnyes nas/ thams cad mkhyen pa'i ye shes de/ sems can rnams la rnam par phye ste/ tshul sna tshogs dang / bsam pa sna tshogs dang / thabs sna tshogs dag gis ston cing / kha cig la ni nyan thos kyi theg pa'i tshul/ kha cig la ni rang sangs rgyas kyi theg pa'i tshul/ kha cig la ni theg pa chen po'i tshul/ kha cig la ni mngon par shes pa lnga'i tshul/ kha cig la ni lhar skye bar bya ba dang / kha cig la ni mir skye bar bya ba nas lto 'phye chen po dang / klu dang / gnod sbyin dang / dri za dang / lha ma yin dang / nam mkha' lding dang / mi 'am cir skye bar bya ba'i bar du chos ston lags/ de la sems can la la sangs rgyas kyis gdul bar bya ba dag gis ni sangs rgyas kyi gzugs su mthong / la las nyan thos kyi gzugs su/ la las ni rang sangs rgyas kyi gzugs su/ la las ni byang chub sems dpa'i gzugs su/ la las ni dbang phyug chen po'i gzugs su/ la las ni tshangs pa'i gzugs su/ la las ni sred med kyi bu'i gzugs su/ la las ni rnam thos kyi bu'i gzugs su nas/ la las ni lto 'phye chen po dang / mi dang mi ma yin pa'i bar du mthong ste/ rang rang gi tshig brjod pa'i tshul dag dang / spyod lam sna tshogs su mthong la/ thams cad mkhyen pa'i ye shes de yang 'di ltar de bzhin gshegs pa'i rnam par grol ba'i ror ro gcig pa lags so/ /bcom ldan 'das 'di lta ste/ dper bgyi na nam mkha'i khams ni rtog pa dang / rnam par rtog pa thams cad dang bral ba ste/ mi rtog rnam par mi rtog pa lags so/ /bcom ldan 'das de bzhin du/ thams cad mkhyen pa'i ye shes kyang rtog pa thams cad dang bral ba ste/ mi rtog rnam par mi rtog pa lags so/ /bcom</font><hr>93.120a<br><font size=+1>

ldan 'das 'di lta ste dper na/ sa chen po 'di ni sems can thams cad kyi gsos su gyur pa lags so/ /bcom ldan 'das/ de bzhin du thams cad mkhyen pa'i ye shes kyang / lha dang mi dang lha ma yin du bcas pa'i 'jig rten gyi gsos su gyur pa lags so/ /bcom ldan 'das/ 'di lta ste dper bgyi na/ me'i khams ni bud shing thams cad bsreg pas nam yang yongs su bas par mi 'gyur lags so/ /de bzhin du/ thams cad mkhyen pa'i ye shes kyang mi shes pa'i bud shing thams cad bsreg pas nam yang yongs su bas par mi 'gyur lags so/ /bcom ldan 'das 'di lta ste dper bgyi na/ rlung gi khams ni rdul thams cad sel bar bgyid pa lags so/ /bcom ldan 'das/ de bzhin du thams cad mkhyen pa'i ye shes kyang mi shes pa'i rdul thams cad sel bar mdzad pa lags so/ /bcom ldan 'das 'di lta ste dper bgyi na/ chu'i khams ni sems can thams cad kyi lus sim par bgyid pa legs so/ /de bzhin du thams cad mkhyen pa'i ye shes kyang lha dang bcas pa'i 'jig rten rab tu sim par bgyid pa lags na/ bcom ldan 'das/ ye shes 'di'i rgyu ni gang lags/ rtsa ba ni gang lags/ mthar thug pa ni gang lags/ de skad ces gsol pa dang / bcom ldan 'das rnam par snang mdzad kyis/ phyag na rdo rje la 'di skad ces bka' stsal to/ /lag na rdo rje legs so legs so/ /lag na rdo rje gang khyod nga la don 'di 'dri ba ni yang legs so/ /de'i phyir nyon la legs par rab tu yid la zung shig dang / ngas khyod la bshad do/ /rgyu ni byang chub kyi sems so/ /rtsa ba ni snying rje chen po'o/ /mthar thug pa ni thabs so/ /gsang ba pa'i bdag po/ de la byang chub gang zhe na/ rang gi sems yang dag pa ci lta ba bzhin yongs su shes pa ste/ de yang bla na med pa yang dag par rdzogs pa'i byang chub bo/ /gsang ba pa'i</font><hr>93.120b<br><font size=+1>

bdag po/ de la ni chos rdul tsam yang med cing mi dmigs so/ /de ci'i phyir zhe na/ byang chub de ni nam mkha'i mtshan nyid de/ de la byang chub par byed pa yang med la/ byang chub par bya ba 'ga' yang med do/ /de ci'i phyir zhe na/ byang chub la mtshan nyid med pa'i phyir te/ gsang ba pa'i bdag po chos thams cad kyang mtshan nyid med pa 'di lta ste/ nam mkha'i mtshan nyid do/ /de nas yang bcom ldan 'das la phyag na rdo rjes 'di skad ces gsol to/ /bcom ldan 'das thams cad mkhyen pa nyid ni gang nas yongs su btsal bar bgyi/ gang gis ni byang chub mngon par rdzogs par 'tshang rgya bar bgyi/ bcom ldan 'das kyis bka' stsal pa/ gsang ba pa'i bdag po/ byang chub dang thams cad mkhyen pa nyid ni rang gi sems las yongs su btsal bar bya'o/ /de ci'i phyir zhe na/ sems de ni rang bzhin gyis yongs su dag pa yin te/ de ni nang na med/ phyi rol na yang med/ gnyis ka'i bar na yang mi dmigs so/ /gsang ba pa'i bdag po sems ni de bzhin gshegs pa dgra bcom pa yang dag par rdzogs pa'i sangs rgyas rnams kyis ma gzigs/ gzigs par mi 'gyur te/ sngon por ma yin/ ser por ma yin/ dmar por ma yin/ dkar por ma yin/ kha dog le brgan du ma yin/ shel gyi kha dog tu ma yin/ thung ngur ma yin/ ring por ma yin/ zlum por ma yin/ gru bzhir ma yin/ snang bar ma yin/ mun par ma yin bud med du ma yin/ skyes par ma yin/ ma ning du ma yin no/ /gsang ba pa'i bdag po sems de ni 'dod pa'i khams kyi rang bzhin ma yin/ gzugs kyi khams kyi rang bzhin ma yin/ gzugs med pa'i khams kyi rang bzhin ma yin no/ /lha dang klu dang gnod sbyin dang dri za dang lha ma yin dang nam mkha' lding dang mi'am ci dang / lto 'phye chen po dang mi dang mi ma yin pa'i 'gro ba sems can ris mthun pa'i rang bzhin</font><hr>93.121a<br><font size=+1>

ma yin no/ /gsang ba pa'i bdag po sems de ni mig la mi gnas/ rna ba ma yin/ sna la ma yin/ lce la ma yin/ lus la ma yin/ yid la mi gnas so/ /de ci'i phyir zhe na/ sems de ni nam mkha'i mtshan nyid de/ de'i phyir rtog pa dang / rnam par rtog pa thams cad dang bral ba'o/ /de ci'i phyir zhe na/ nam mkha'i rang bzhin gang yin pa de ni sems kyi rang bzhin no/ /sems kyi rang bzhin gang yin pa de ni byang chub kyi rang bzhin te/ gsang ba pa'i bdag po/ de ltar na sems dang / nam mkha'i dbyings dang / byang chub 'di ni gnyis su med de gnyis su byar med do/ /de yang snying rje'i rtsa ba can/ thabs kyi pha rol tu phyin pas yongs su gzung ba ste gsang ba pa'i bdag po/ de bas na rnam grangs 'dis kyang 'di ltar nga byang chub sems dpa'i 'khor gyi nang du chos gang dang gang ston pa de thams cad ni/ byang chub kyi sems yongs su dag par bya ba dang / sems yongs su shes par bya ba'i phyir yin par rig par bya'o/ /gsang ba pa'i bdag po de lta bas na rigs kyi bu 'am rigs kyi bu mo byang chub yongs su shes par 'dod pas rang gi sems nyid yongs su shes par bya'o/ /gsang ba pa'i bdag po/ ci ltar rang gi sems yongs su shes par bya zhe na/ 'di lta ste/ rnam par ram kha dog tu 'am/ dbyibs su 'am yul du 'am gzugs su'am tshor bar 'am 'du shes su 'am/ 'du byed du'am rnam par shes par 'am/ bdag tu 'am bdag gir ram gzung bar ram 'dzin par 'am/ dag par ram ma dag par ram/ khams su 'am/ skye mched du 'am/ rnam pa thams cad kyi bar du yongs su btsal kyang mi dmigs pa yin te/ gsang ba pa'i bdag po 'di ni byang chub sems dpa'i byang chub kyi sems rnam par dag pa'i sgo zhes bya ba/ chos snang ba'i sgo chos snang</font><hr>93.121b<br><font size=+1>

ba'i tshul dang po ste/ gang la gnas na byang chub sems dpa' rnams tshegs chung ngus sgrib pa thams cad spong ba'i ting nge 'dzin 'thob cing / de thob pas byang chub sems dpa' rnams sangs rgyas thams cad dang lhan cig 'grogs pa 'thob par 'gyur/ mngon par shes pa lnga dag kyang thob par 'gyur/ skad dang sgra dang dbyangs mtha' yas pa'i gzugs kyang thob par 'gyur/ sems can gyi bsam pa rjes su shes pa dang / de bzhin gshegs pa thams cad kyis byin gyis brlabs shing 'khor ba na yongs su mi nyams pa'i chos can du 'gyur/ sems can gyi don bya ba dag la yongs su mi skyo bar 'gyur/ 'dus ma byas kyi tshul khrims la rab tu gnas pa dang / log par lta ba rnam par spangs pa dang / yang dag par lta ba rtogs par khong du chud par 'gyur ba yin no/ /gsang ba pa'i bdag po/ gzhan yang sgrib pa thams cad spong ba'i ting nge 'dzin 'di la gnas pa'i byang chub sems dpa' ni/ mos pa'i stobs skyes pas/ tshegs chung ngus sangs rgyas kyi chos thams cad yongs su rdzogs par byed de/ gsang ba pa'i bdag po/ mdor na rigs kyi bu 'am rigs kyi bu mo de ni yon tan dpag tu med pa dang ldan par 'gyur ro/ /de nas yang bcom ldan 'das la phyag na rdo rjes yongs su zhus pa/ bcom ldan 'das ci ltar byang chub tu sems bskyed pa zhes bgyi ba lags/ byang chub 'byung ba'i sems skyes pa'i/ /mtshan nyid ji ltar 'tshal bar bgyi/ /sems mkhyen pa ni rnams kyi mchog /dpa' chen ye shes las byung ba/ /ci snyed cig las 'das nas ni/ /skye bar 'gyur ba bstan du gsol/ /mgon po sems kyi mtshan nyid dang / /dus kyang rgya cher bshad du gsol/ /de dag bsod nams ci 'dra dang / /spyod pa ci 'drar 'gyur ba dang / /sems la sems kyi khyad par yang / /thub pa chen pos bstan du gsol/ /de skad gsol nas de'i tshe/ /bcom ldan rnam par snang chen gyis/ /phyag na rdo rje cher 'byung la/ /legs so bu zhes 'di skad gsungs/ /</font><hr>93.122a<br><font size=+1>

theg pa chen po'i go 'phang mchog /sems kyi rgyud kyi mtshan nyid ni/ /rdzogs sangs rgyas kyi gsang ba'i mchog /rtog ge kun gyis mi shes pa/ /thams cad khyod la bshad par bya/ /yid gcig bsdus la mnyan par gyis/ /sems ni brgya rtsa drug bcu las/ /'das nas byang chub nyid kyi phyir/ /bsod nams ches 'byung snying po ste/ /byang chub 'byung ba skye bar 'gyur/ /nam mkha' lta bur dpag med cing / /gos pa med de ci bzhin gnas/ /chos kun gyis ni mi sgul te/ /gzod nas zhi zhing mtshan nyid med/ /dpag med ye shes kyis bsgrubs pa/ /yang dag rdzogs sangs rgyas ston pa/ /mchod dang spyod pas bsgrubs pa'i phyir/ /byang chub phyir ni dang por 'dod/ /gsang ba pa'i bdag po de la 'khor ba thog ma med pa na byis pa so so'i skye bo rnams ngar 'dzin pa dang nga yir 'dzin pa la mngon par zhen pas bdag gi khyad par grangs med pa rab tu brtags te/ gsang ba pa'i bdag po de la bdag gi ngo bo nyid la ma dpyad par bdag go zhes ngar 'dzin pa kun nas bslang ngo / /gzhan dag ni dus las byung ba dang / 'dzin pa pos sprul pa dang nges par 'byung ba dang 'di lta ste/ dbang phyug dang 'byin pa po dang dus dang gtso bo dang / byed pa po dang byed pa po ma yin pa dang rnal 'byor dang /  tshad ma dang dag pa dang ma dag pa dang nang gi bdag dang skyes bu dang / khyab bdag dang srog dang gang zag dang rnam par shes pa dang kun gzhi dang / shes pa po dang mthong ba po dang gzung ba dang 'dzin pa dang / shes pa dang shes bya dang khong du chud par bya ba dang / shed las skyes pa dang shed bu dang brjod par bya ba dang brjod par bya ba ma yin par rtog ste/ gsang ba pa'i bdag po/ bdag gi khyad par de lta bu la sogs pa rnal 'byor 'dod pa'i rnal 'byor pa dag gis thar par 'dod pas sngon brtags pa yin no/ /gsang ba pa'i bdag po/ gzhan yang byis pa so so'i skye bo phyugs dang mtshungs</font><hr>93.122b<br><font size=+1>

pa rnams las/ brgya lam na res 'ga' zhig chos kyi 'du shes 'byung ba ni 'di lta ste/ smyung bar gnas pa la gnas par bya'o/ /zhes de tsam zhig sems la byas te/ mgu ba bskyed nas/ phyi phyir zhing de nyid la goms par byed de/ gsang ba pa'i bdag po/ de ni dge ba'i las skye ba'i sa bon lta bu ste/ sems dang po'o/ /de rgyu de nyid kyi mtshan ma dang bcas pa'i nyi ma de dang de dag la/ pha ma dang bu dang bu mo dang mdza' bshes dang nye du dag la sbyin pa sbyin par byed de/ 'di ni myu gu lta bu ste gnyis pa'o/ /gzhan yang sbyin pa de nyid mi shes pa dag la yang sbyin par byed de/ 'di ni sdong bu lta bu ste gsum pa'o/ /gzhan yang sbyin pa de nyid snod du rung ba yongs su tshol zhing sbyin par byed de/ 'di n-i lo ma lta bu ste bzhi pa'o/ /gzhan yang sbyin pa de nyid bla ma 'am rol mo mkhan la dga' bzhin du sbyin par byed de/ 'di ni me tog lta bu ste lnga pa'o/ /gzhan yang sbyin pa de nyid yid dga' ba dag la sbyin par byed de/ 'di ni 'bras bu lta bu ste drug pa'o/ /gsang ba pa'i bdag po/  gzhan yang mtho ris su skye bar bya ba'i phyir tshul khrims bsrung ste/ 'di ni gsos su gyur pa ste bdun pa'o/ /gsang ba pa'i bdag po/ gzhan yang sems de lta bu nyid kyis 'khor bar rgyu ba na/ dge ba'i bshes gnyen la la zhig las tshig 'di skad thos te/ lha 'di dag ni lha chen te/ /thams cad la ni bde ba ster/ /de la khyod kyis gus mchod dang / /thams cad 'byor pa nyid du 'gyur/ /de dag kyang ni 'di lta ste/ /dbang phyug dang ni tshangs pa dang / /de bzhin khyab 'jug bde byed dang / /drag po skem byed de bzhin du/ /nyi ma zla ba chu lha nyid/ /lus ngan nor sbyin brgya byin dang / /mig mi bzang dang sna tshogs 'byung / /gshin rje dus mtshan mya ngan 'das/ /'jig rten gtso zhes bya ba dang / /me dang rnam par 'dud pa'i bu/ /de bzhin lha mo dka' thub zlog /pad ma dang</font><hr>93.123a<br><font size=+1>

ni 'jog po klu/ /nor ldan dang ni dung zhes bya/ /kar ko Ta ka pad ma che/ /rigs can dang ni gdengs ka mang / /rtag tu mtha' yas thog ma'i lha/ /de bzhin lha dang drang srong mchog /rig byed rig byed skyes bu yin/ /mkhas pas mchod pa gyis shig ces/ /de las de 'dra'i tshig thos nas/ /yid ni yang dag mgu gyur te/ /de tshe rab tu gus ldan pas/ /de dag la ni nan tan byed/ /gsang ba pa'i bdag po/ 'di ni byis pa so so'i skye bo 'khor ba na kun tu 'khyam pa rnams kyi dbugs 'byin pa'i mchog yin te/ 'di ni stobs su gyur pa ste sems brgyad par rgyal ba rnams kyis bshad do/ /gsang ba pa'i bdag po/ gzhan yang khyad par rtogs pa ci skad du yongs su bsgrags pa'i khyad par de dang de dag la khyad par du gnas pa rnams la 'ba' zhig pa nyid kyi don du blo skye zhing / de yang yod do yod do zhes stong pa nyid kho na la dngos por sems te/ gsang ba pa'i bdag po de dag gis ni stong pa nyid rab tu mi shes so/ /stong pa nyid ni dngos po yang ma yin/ dngos po med pa yang ma yin/ yod pa yang ma yin/ med pa yang ma yin/ gnyi ga yang ma yin te/ de la rtog pa 'am/ mi rtog pa yang med na/ de la ci ltar stong pa zhes brtag par bya/ gang dag stong nyid mi shes pa/ /de dag mya ngan 'das mi shes/ /de phyir dngos dang dngos med pa/ /'jig pas stong nyid shes par bya/ /de nas yang bcom ldan 'das la phyag na rdo rjes gsol ba btab pa/ bcom ldan 'das sems kyi khyad par de dag bshad du gsol/ de skad ces gsol pa dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/ sems kyi khyad par gyi mtshan nyid nyon cig /gsang ba pa'i bdag po/ de la sems 'di ni 'dod chags kyi sems dang 'dod chags dang bral ba'i sems dang / zhe sdang</font><hr>93.123b<br><font size=+1>

gi sems dang byams pa'i sems dang / gti mug gi sems dang / shes rab kyi sems dang / gtan la bab pa'i sems dang / the tsom gyi sems dang / mun par gyur pa'i sems dang / snang bar gyur pa'i sems dang / sdud pa'i sems dang / 'thab pa'i sems dang rtsod pa'i sems dang / mi rtsod pa'i sems dang / lha'i sems dang / lha ma yin gyi sems dang / klu'i sems dang / mi'i sems dang / bud med kyi sems dang / dbang phyug gi sems dang / tshong pa'i sems dang / zhing pa'i sems dang / chu bo'i sems dang / lteng ka'i sems dang / khron pa'i sems dang / kun tu bsrung ba'i sems dang / ser sna'i sems dang / khyi'i sems dang / byi la'i sems dang / nam mkha' lding gi sems dang / byi ba'i sems dang / glu'i sems dang / gar gyi sems dang / sil snyan gyi sems dang / khyim gyi sems dang / seng ge'i sems dang / 'ug pa'i sems dang / bya rog gi sems dang / srin po'i sems dang / tsher ma'i sems dang / sa 'og gi sems dang / rlung gi sems dang / chu'i sems dang / me'i sems dang / 'dam gyi sems dang / rnyog pa'i sems dang / mtshon rtsi'i sems dang / shing leb kyi sems dang / 'khrul pa'i sems dang / dug gi sems dang / zhags pa'i sems dang / lcags sgrog gi sems dang / sprin gyi sems dang / zhing gi sems dang / lan tshwa'i sems dang / spu gri'i sems dang / ri rab lta bu'i sems dang / rgya mtsho lta bu'i sems dang / phug lta bu'i sems dang / skye bar gyur pa'i sems so/ /gsang ba pa'i bdag po/ de la 'dod chags kyi sems gang zhe na chags pa can chos kun tu bsten pa'o/ /'dod chags dang bral ba'i sems gang zhe na/ 'dod chags dang bral ba'i chos kun tu bsten pa'o/ /zhe sdang gi sems gang zhe na/ sdang bas chos kun tu bsten pa'o/ /byams pa'i sems gang zhe na</font><hr>93.124a<br><font size=+1>

byams pa dang ldan pas chos sten pa'o/ /gti mug gi sems gang zhe na gang mi dpyod par chos bsten pa'o/ /shes rab kyi sems gang zhe na khyad par las khyad par gzhan rtogs par bya ste chos bsten pa'o/ /gtan la bab pa'i sems gang zhe na bka' dang bla ma'i tshig bzhin byed pa nyid do/ /the tshom gyi sems gang zhe na ci ltar yongs su gzung ba nges pa dag la som nyi bsten pa nyid do/ /mun par gyur pa'i sems gang zhe na som nyi med pa la som nyir 'du shes pa'o/ /snang bar gyur pa'i sems gang zhe na som nyi med pa la som nyi med par bsten pa'o/ /sdud pa'i sems gang zhe na du ma gcig tu byed pa'o/ /'thab pa'i sems gang zhe na phan tshun rtsod pa nyid do/ /rtsod pa'i sems gang zhe na gang bdag nyid dang bdag nyid du rtsod pa'o/ /mi rtsod pa'i sems gang zhe na mnyam pas mtshungs par lta ba'o/ /lha'i sems gang zhe na yid kyis bdag nyid la rlom sems su byed pa'o/ /lha ma yin gyi sems gang zhe na gang 'khor ba nyid la smod pa'o/ /klu'i sems gang zhe na gang longs spyod chen po nyid du bya ba'i phyir sems pa'o/ /mi'i sems gang zhe na de nyid kyi don du sems pa'o/ /bud med kyi sems gang zhe na 'dod pa kho na'i phyir chos bsten pa'o/ /dbang phyug gi sems gang zhe na gang bdag gis thams cad bsams so snyam du rlom sems su byed pa'o/ /tshong pa'i sems gang zhe na gang bsdu ba byas ste rnam par spel nas phyis bsten pa'o/ /zhing pa'i sems gang zhe na gang thos pa rnam pa du ma tshol zhing phyis bsten pa'o/ /chu bo'i sems gang zhe na gang mtha' gnyis la ltos shing bsten pa'o/ /ldeng ka'i sems gang zhe na gang sred pas bsten pa'o/ /khron pa'i sems gang zhe na gang mi zab pa la zab par bsten pa'o/ /kun tu srung ba'i sems gang zhe na 'di nyid bden gyi gzhan ni gti mug go snyam du sems pa'o/ /ser sna'i sems gang zhe na bdag nyid bsten cing gzhan la mi ster ba'o/ /byi la'i sems gang zhe na gang mchod pa la ltos te bsten</font><hr>93.124b<br><font size=+1>

pa'o/ /khyi'i sems gang zhe na gang chung ngus kyang mgu bar 'gyur ba'o/ /nam mkha' lding gi sems gang zhe na gang phyogs 'dzin pas chos la bsten pa'o/ /byi ba'i sems gang zhe na 'ching ba thams cad gcad pa'i phyir sems pa'o/ /glu'i sems gang zhe na bdag gis dbyangs sgra sna tshogs kyi glus sems can rnams gzung bar bya'o snyam pa'o/ /gar gyi sems gang zhe na bdag gis rdzu 'phrul sna tshogs kyis gzhan dag yang dag par 'dzin pa gzhug go snyam du sems pa'o/ /sil snyan gyi sems gang zhe na bdag gis chos kyi rnga brdung ngo snyam pa'o/ /khyim gyi sems gang zhe na bdag gi lus kun tu bsrung ba'i phyir bsten pa'o/ /seng ge'i sems gang zhe na gang thams cad zil gyis gnon pa bsten pa'o/ /'ug pa'i sems gang zhe na gang mtshan mo sems pa'o/ /bya rog gi sems gang zhe na gang thams cad du skrag pas sems pa'o/ /srin po'i sems gang zhe na dge bas mi dge ba rnams bsgrub pa'o/ /tsher ma'i sems gang zhe na gang thams cad du 'gyod pa sems pa'o/ /sa 'og gi sems gang zhe na sa'i 'og gi don du sems pa'o/ /rlung gi sems gang zhe na gang thams cad du thams cad bsgrub pa'o/ /chu'i sems gang zhe na gang mi dge ba thams cad bkru ba'i phyir bsten pa'o/ /me'i sems gang zhe na gang dka' thub nyid kyis gdung bar byed pa'o/ /'dam gyi sems gang zhe na gang bdag gi nyes pas gzhan la skur ba'o/ /rnyog pa'i sems gang zhe na gang pha rol gyi nyes pa 'dzin pas sems la rnyog pa bskyed pa'o/ /tshon rtsi'i sems gang zhe na gang de la chags pa nyid du bsten pa'o/ /shing leb kyi sems gang zhe na gang dge ba'i gzhan spong bas bsten pa'o/ /nor ba'i sems gang zhe na gzhan bzung zhing gzhan kho nar sems pa'o/ /dug gi sems gang zhe na gang shin tu dngos po med pa nyid sems pa'o/ /zhags pa'i sems gang zhe na gang thams cad du bdag nyid bcings shing 'dug pa'o/ /lcags sgrog gi sems gang zhe na gang</font><hr>93.125a<br><font size=+1>

rkang pa gnyis la 'dug ste sems pa'o/ /sprin gyi sems gang zhe na gang chu dag la sems pa'o/ /zhing gi sems gang zhe na rang gi lus nyid yongs su sbyong bar byed pa'o/ /lan tshwa'i sems gang zhe na gang zhig gang gis sems par byed pa de la yang sems pa'o/ /spu gri'i sems gang zhe na gang rab tu byung ba tsam la bsten pa'o/ /ri rab lta bu'i sems gang zhe na gang mtho bar gyur nas sems pa'o/ /rgya mtsho lta bu'i sems gang zhe na gang rang gi lus nyid la mchog tu 'dzin cing 'dug pa'o/ /phug lta bu'i sems gang zhe na gang sngar nges par gyur la/ phyis de nyid kyis 'gyur bar bsten pa'o/ /de la skye bar gyur pa'i sems gang zhe na gang gi sems 'du byed gang kho na dang skyes pa de kho na dang lhan cig tu 'gro ba'o/ /gsang ba pa'i bdag po/ de ltar na gcig gnyis gsum bzhi lnga gnyis su bsgyur ba byas pas/ 'jig rten pa'i sems brgya drug bcu bskal pa gsum gyis 'das nas/ 'jig rten las 'das pa'i sems skye ste/ 'di lta ste/ 'di ni pha rol tsam nyid de/ /bdag ni nam yang yod ma yin/ /dbang po'i grong khyer khams rnams kyis/ /'jig rten don med rnam par nyams/ /yan lag bcu gnyis rten 'brel 'di/ /nyon mongs las kyis kun nas bslang / /ma rig sa bon las byung ba/ /byed po la stsogs rnam par spangs/ /de ltar zhi zhing shin tu zab/ /rtog ge kun gyis shes par dka'/ /nyes pa thams cad rnam spangs pa/ /sangs rgyas rnams kyis sngon bstan pa'o/ /gsang ba pa'i bdag po/ de la 'jig rten las 'das pa'i sems la gnas pa rnams la yang phung po la yod do snyam pa'i blo nye bar skye'o/ /nam phung po dag la 'dod chags dang bral bar skyed pa de'i tshe/ lbu ba dang chu'i chu bur dang sgyu ma dang smig rgyu dang mtshungs par 'jig pas rnam par grol bar 'gyur to/ /'di lta ste phung po dang khams dang skye mched dang gzung ba dang 'dzin pa rnam par spangs pa/ chos nyid kyi rang gi ngo bo zhi ba'i dbyings rtogs</font><hr>93.125b<br><font size=+1>

par 'gyur ro/ /gsang ba pa'i bdag po/ 'jig rten las 'das pa'i sems phyin ci log dang / phyin ci ma log pa'i sems kyi khyad par brgyad dang 'brel pa/ las dang nyon mongs pa'i dra ba dang bral ba 'di ni rnal 'byor pa dag bskal pa gcig gis 'da' bar byed do/ /gsang ba pa'i bdag po /gzhan yang theg pa chen pos bgrod pa gzhan gyi dring mi 'jog pa rnams la chos la bdag med pa'i sems skye'o/ /de ci'i phyir zhe na/ 'di ltar de dag sngon spyad pa spyod cing phung po'i gnas rnam par 'jig pa na ngo bo nyid yongs su shes pa'i phyir sgyu ma dang / smig rgyu dang / gzugs brnyan dang / brag cha dang / mgal me'i 'khor lo dang / dri za'i grong khyer lta bu'i 'du shes skyes so/ /gsang ba pa'i bdag po/ de'i phyir de dag gi sems kyi dbang du byas pas chos la bdag med pa nyid kyang spang bar bya ste/ rang gi sems ni gzod ma nas ma skyes pa'o/ /de ci'i phyir zhe na/ gsang ba pa'i bdag po/ ngo bo nyid yongs su shes pa'i phyir sems la sngon gyi mtha' dang / phyi ma'i mtha' mi dmigs te/ rnal 'byor pa dag 'di yang bskal pa gnyis kyis 'da' bar byed do/ /gsang ba pa'i bdag po/ gzhan yang byang chub sems dpa' gsang sngags kyi sgo nas byang chub sems dpa'i spyad pa spyod pa/ bskal pa bye ba khrag khrig brgya stong dpag tu med par bsod nams dang ye shes kyi tshogs dpag tu med pa bsags pa rnams la shes rab dang thabs dpag tu med pas yongs su bzung ba/ lha dang lha ma yin du bcas pa'i 'jig rten gyis phyag byas pa/ nyan thos dang / rang sangs rgyas thams cad kyi sa las yang dag par 'das pa/ brgya byin dang / tshangs pa'i dbang po dang / nye dbang la sogs pas phyag byas pa 'di lta ste/ stong ba nyid kyi ngo bo nyid rdzas med pa/ mtshan nyid med pa/ mtshan ma med pa/ spros pa thams cad las 'das pa/ nam mkha' ltar dpag tu med pa/ chos thams cad kyi go skabs su gyur pa/ 'dus byas dang 'dus ma byas</font><hr>93.126a<br><font size=+1>

kyi khams dang bral ba/ las dang bya ba med pa/ mig dang rna ba dang sna dang lce dang lus dang yid dang bral ba shin tu ngo bo nyid med pa'i sems skye ste/ gsang ba pa'i bdag po/ 'di ni byang chub kyi sems dang po zhes rgyal ba rnams kyis gsungs so/ /de dag nyon mongs las las grol/ /las dang nyon mongs ldan pa 'ang yin/ /de dag 'jig rten sbyin gnas te/ /de dag rtag mchod ri mor bya/ /gsang ba pa'i bdag po gzhan yang / mos pa yis ni spyod pa'i sa/ /sems gsum rnam par bsgom pa ste/ /pha rol phyin rnams spyod pa dang / /bsdu ba dag ni bzhi po yis/ /mos pa'i sa ni mtshungs pa med/ /dpag tu med cing bsam mi khyab/ /dpag med ye shes 'byung ba ni/ /sems bcu dag gis 'thob par 'gyur/ /ngas gang cung zad brjod pa ni/ /thams cad 'di yis 'thob par 'gyur/ /de phyir thams cad mkhyen pa yis/ /mos pa zhes ni bya bar bshad/ /blo ldan bskal pa gcig gis ni/ /sa las yang dag 'da' bar 'gyur/ /'di yi yang ni bzhi cha yis/ /mos pa las kyang 'da' bar 'gyur/ /de nas yang bcom ldan 'das la phyag na rdo rjes 'di skad ces gsol to/ /mgon po khyab bdag khyod kyis ni/ /sems kyi mtshan nyid bstan lags na/ /dbugs 'byin rnam pa du thob nas/ /mchog skyes de dag dbugs phyin 'gyur/ /de skad gsol nas bcom ldan 'das/ /rnam par snang mdzad chen po yis/ /de tshe phyag na rdo rje la/ /yid bsdus 'di ni nyon ces gsungs/ /gsang ba pa'i bdag po/ de la nam byis pa so so'i skye bo dag mi dge ba'i las spangs te dge ba'i las byed pa de'i tshe/ dge bas dbugs phyin pa yin no/ /nam bdag gi de kho na nyid yang dag pa ci lta ba bzhin du rab tu shes pa de'i tshe bdag la brten nas dbugs phyin pa yin no/ /nam phung po yongs su gzung ba byas te rang gi ngo bo nyid la rnam par dpyad nas bdag</font><hr>93.126b<br><font size=+1>

la brten pa yongs su gtong ba de'i tshe bdag med pas dbugs phyin pa yin no/ /nam phung po rnams spangs nas chos kyi dmigs pa la gnas pa de'i tshe chos kyi dbugs phyin pa yin no/ /nam chos rnams spangs nas mi skye ba la gnas pa de'i tshe chos la bdag med pas dbugs phyin pa yin no/ /nam phung po dang khams dang skye mched thams cad dang / gzung ba dang 'dzin pa dang / bdag dang srog la sogs pa dang chos dang mi skye ba dag kyang stong pa nyid kyi ngo bo nyid du yang ngo bo nyid med do zhes stong pa'i ye shes skyes pa de'i tshe chos thams cad kyi ngo bo nyid mnyam pa nyid kyis dbugs phyin pa yin no/ /gsang ba pa'i bdag po/ de'i tshe byang chub sems dpa' gsang sngags kyi sgo nas byang chub sems dpa'i spyad pa spyod pa bzhi bcus rten cing 'brel par 'byung ba rnams bsgoms te gsang sngags kyi tshul rtogs par khong du chud par 'gyur ro/ /bcu gang zhe na 'di lta ste/ sgyu ma dang / smig rgyu dang rmi lam dang gzugs brnyan dang / dri za'i grong khyer dang brag cha dang chu zla dang / chu'i chu bur dang 'khrul pa dang / mgal me'i 'khor lo lta bur rnam par bsgom mo/ /gsang ba pa'i bdag po/ de la byang chub sems dpa' gsang sngags kyi sgo nas byang chub sems dpa'i spyad pa spyod pas 'di ltar so sor brtag par bya ste/ de la sgyu ma gang zhe na 'di lta ste/ sman dang sngags kyi sbyor ba byed pa dag gi sbyor ba las dngos po rnam pa tha dad pa sna tshogs mig dang yid 'phrog pa sngon ma/ mthong ba dag kyang ston te/ de dag ni phan tshun phyogs bcur 'gro ba dang 'ong ba med do/ /de ci'i phyir zhe na sgyu ma ni rang bzhin gyis stong pa'i phyir te/ de bzhin du gsang sngags sbyor bar byed pa dag gi sbyor ba las thams cad 'byung ngo / /gsang ba pa'i bdag po/ gzhan yang smig rgyu ni rang bzhin gyis stong pa ste de yang 'du shes kyi tha snyad du 'dogs shing tha snyad kyang sgrub par byed do/ /de bzhin du 'du shes 'di yang gsang sngags so zhes tha snyad du 'dogs shing tha snyad kyang sgrub par byed do/ /gsang ba pa'i</font><hr>93.127a<br><font size=+1>

bdag po/ gzhan yang rmi lam na bdag nyid nyin gcig dang skad cig dang yud tsam dang / lo la sogs par 'dug cing bde ba dang sdug bsngal rnam pa mang po myong bar mthong la/ sad na ci yang mi mthong ba de bzhin du gsang sngags kyi tshul 'di yang rmi lam lta bur khong du chud par bya'o/ /gsang ba pa'i bdag po/ gzhan yang gsang sngags kyi dngos grub 'byung ba ni gzugs brnyan lta bur rig par bya ste/ dper na gdong dang me long la brten nas bzhin gyi gzugs brnyan 'byung ba ltar/ gsang sngags kyi dngos grub kyang de dang 'dra bar rig par bya'o/ /gsang ba pa'i bdag po/ gzhan yang grub pa'i gnas ni/ dri za'i grong khyer lta bur blta'o/ /gsang ba pa'i bdag po/ gzhan yang gsang sngags kyi sgra ni brag cha lta bur rig par bya ste/ dper na sgra la brten nas brag cha 'byung ba ltar gsang sngags kyi tshul 'di yang de dang 'dra bar rig par bya'o/ /gsang ba pa'i bdag po/ gzhan yang zla ba shar na chu'i nang du gzugs brnyan mthong nas chu zla zhes brjod pa de bzhin du sngags pa de nyid kyang chu zla bzhin du rig sngags 'chang zhes brjod do/ /gsang ba pa'i bdag po/ gzhan yang ci ltar char pa bab pa na/ /chu yi chu bur rnams 'byung ba/ /de bzhin gsang sngags grub pa yi/ /sprul pa rnam pa sna tshogs 'dod/ /gsang ba pa'i bdag po/ gzhan yang sems can med cing srog dang ni/ /byed pa po yang med pa ste/ /dngos po thams cad stong pa la/ /'khrul pa kho na snang bar zad/ /gsang ba pa'i bdag po/ gzhan yang ci ltar 'ga' zhig bdag nyid kyi/ /lag na mgal me thogs nas ni/ /bskor na 'khor lo ltar snang ba/ /de bzhin stong pa dag las 'byung / /gsang ba pa'i bdag po/ /'di ni theg pa chen po'i gzhi/ /mi mnyam pa dang mnyam pa'i gzhi/ nges pa'i gzhi yang dag par rdzogs pa'i sangs rgyas kyi gzhi/ mthar gyis theg pa chen po la 'dzeg pa'i gzhi ste/ ye shes sna</font><hr>93.127b<br><font size=+1>

tshogs cher 'byung ba/ /nor gyi dbyig 'di shes na ni/ /kun gyi sems kyi bye brag kyang / /ci bzhin yang dag rab tu shes/ /bcom ldan 'das rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ sems kyi khyad par rim par phye ba'o// // de nas yang bcom ldan 'das la gsang ba pa'i bdag po phyag na rdo rjes 'di skad ces gsol to/ /bcom ldan 'das nyid kyis mngon par rdzogs par sangs rgyas pa'i chos kyi dbyings bsam gyis mi khyab pa/ sems kyi sa las yang dag par 'das pa/ bcom ldan 'das kyis thabs dang tshul sna tshogs dag gis bsam pa dang mos pa ci lta ba bzhin du sems can rnams la bstan pa de ni ngo mtshar che lags so/ /bcom ldan 'das yang gsang sngags spyod pa'i tshul snying rje chen po'i snying po 'byung ba dkyil 'khor gyi rgyal po chen po yongs su rdzogs par bgyi ba bshad du gsol/ de ni ma 'ongs pa'i dus na sems can mang po dag gi don dang phan pa dang bde bar 'gyur lags so/ /de nas bcom ldan 'das rnam par snang mdzad kyis thams cad dang ldan pa'i 'khor gyi dkyil 'khor la gzigs nas/ gsang ba pa'i bdag po phyag na rdo rje la 'di skad ces bka' stsal to/ /lag na rdo rje dkyil 'khor spyod pa'i tshul bstan pa'i chos kyi rnam grangs/ thams cad mkhyen pa'i ye shes yongs su rdzogs par byed pa nyon cig /de nas bcom ldan 'das rnam par snang mdzad chos kyi dbyings kyi dgongs pa ma rdzogs shing / sems can gyi khams ma lus pa bsgral bar dam bca' ba mdzad pas/ de bzhin gshegs pas thams cad dang thabs cig yang dag par mol nas/ snying rje chen po'i snying po 'byung ba zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs ma thag tu sku'i yan lag thams cad nas/ de bzhin gshegs pa'i sku sems dang po bskyed pa nas bzung ste/ sa bcu</font><hr>93.128a<br><font size=+1>

pa'i bar du sems can la phan pa'i don mdzad pa rnams byung ngo / /byung nas kyang phyogs bcu kun tu bskor te slar log nas bcom ldan 'das kyi sku'i nang rang gi gnas su zhugs so/ /de nas yang bcom ldan 'das kyis byang chub sems dpa' phyag na rdo rje la 'di skad ces bka' stsal to/ /lag na rdo rje dkyil 'khor rnam par dgod pa nyon cig /re shig dang por slob dpon yang byang chub kyi sems la zhugs pa shes rab dang ldan pa/ brtan pa snying rje can sgyu rtsal dag la mkhas pa/ shes rab kyi pha rol tu phyin pa'i tshul la rtag tu mkhas pa theg pa gsum gyi khyad par shes pa/ gsang sngags kyi de kho na nyid kyi don la mkhas pa bsam pa shes pa/ sangs rgyas dang byang chub sems dpa' rnams la dad pa dkyil 'khor bri ba'i las byed par gnang zhing dbang bskur ba/ rigs btsun gsang sngags spyod pa la/ /mngon par brtson zhing gtan la phab/ /sbyor la mkhas shing zung thub la/ /byang chub sems la rnam par gnas/ /gsang ba pa'i bdag po slob dpon de lta bu ni rgyal ba'i sras yin te/ sangs rgyas dang byang chub sems dpa' rnams kyis rab tu bsngags so/ /gsang ba pa'i bdag po/ de la slob dpon la gzhan gyis gsol ba btab kyang rung / yang na bdag gis sems can dag /snod du rung zhing nyes bral ba/ /mos mang brtan la dad pa can/ /gzhan la phan dga' mthong nas ni/ /de lta bu yi slob ma de/ /shes nas slob dpon bdag nyid kyis/ /ma gsol bar ni de bos te/ /phan 'dod phyir ni 'di skad bya/ /khyod ni tshul chen snod yin gyis/ /bu tshur theg pa chen po yi/ /gsang sngags spyod tshul cho ga ni/ /khyod la yang dag bstan par bya/ /rdzogs pa'i sangs rgyas gang 'das dang / /de bzhin gang dag ma byon dang / /da ltar byung ba'i mgon po rnams/ /'gro la phan phyir bzhugs pa dag /de dag kun gyis gsang sngags kyi/ /cho</font><hr>93.128b<br><font size=+1>

ga mchog bzang 'di mkhyen nas/ /dpa' bos byang chub shing drung du/ /thams cad mkhyen pa mtshan med brnyes/ /gsang sngags sbyor ba mnyam med de/ /shAkya seng ge skyob pa yis/ /bdud sde shin tu mi bzad pa/ /dpung chen dag kyang de yis bcom/ /de bas kun mkhyen thob bya'i phyir/ /bu yis blo gros 'di gyis shig /snying rje gyur pa'i yid kyis ni/ /de ltar lan mang gzengs bstod de/ /slob ma de brtan shes nas ni/ /sa gzhi legs par yongs brtag bya/ /me tog 'bras bu ldan pa'i ri/ /gtsang zhing yid 'ong chu yi gnas/ /de dag dkyil 'khor bri ba yi/ /las la sangs rgyas kun gyis sngags/ /gang na 'bab chu mang po dag /ngang pa bzhad kyis brgyan yod pa/ /der ni sngags pa blo can gyis/ /snying rje 'byung ba'i dkyil 'khor bri/ /sangs rgyas rnams dang rang mgon dang / /de bzhin rgyal ba'i nyan thos kyis/ /sa phyogs gang dag bsnyen pa ni/ /de dag thub pas rtag tu bsngags/ /phyogs gzhan rnam pa sna tshogs pa/ /lha khang kun dga' bzang po dang / /khyim dang yang thog nyams dga' dang / /mtshe'u dang skyed mos tshal mdzes dang / /mchod rten gra gang ba lang lhas/ /'bab chu 'dus pa'i mdo dag dang / /lha yi gnas rnams thams cad dang / /de bzhin khang pa stong par yang / /slob ma dag la phan 'dod phyir/ /nan tan du ni dkyil 'khor bri/ /yang na yid du 'ong ba'i sa/ /gang yang rung bar bri bar bya/ /gsang ba pa'i bdag po/ de la sa gzhi yongs su spyad par bya ba ni rdo dang bong ba dang gyo mo dang / gseg ma med cing skra dang phub ma dang sol ba dang / /thal ba dang tsher ma dang rus pa dang sdong dum dang zug rngu bsal ba/ grog sbur dang srin bu dang srog chags med cing nyes pa thams cad spangs pa'i gnas ni lha rnams la rab tu shis so/ /de la tshes grangs dang / rgyu skar dang gza' dang / byed pa dang yud tsam bzang po'i mtshan ma dang ldan pa'i nyi ma la snga dro'i dus kyi tshe ltas bzang pos mtshon pa la de bzhin gshegs pa thams cad la phyag byas te/ sa'i lha mo la sbran pa'i</font><hr>93.129a<br><font size=+1>

tshigs su bcad pa gnyis bsgrags par bya'o/ /sangs rgyas skyob pa thams cad kyi/ /spyod pa'i tshul gyi khyad par gyi/ /sa dang pha rol phyin dag la/ /lha mo khyod ni dpang du gyur/ /shAkya seng ge skyob pa yis/ /ci ltar bdud kyi sde bcom pa/ /de bzhin bdag gis bdud las ni/ /rgyal bar bya ste dkyil 'khor bri/ /sa la lag pas reg byas shing / /de ltar lan mang sbran nas ni/ /pus mo gnyis ni sar btsugs nas/ /me tog spos kyis mchod pa bya/ /mchod nas sngags pas de nas ni/ /de bzhin gshegs la phyag 'tshal te/ /de nas cho ga 'di dag gis/ /mkhas pas sa gzhi sbyang bar bya/ /de nas phyag na rdo rjes bcom ldan 'das kyi zhabs la gtugs te/ bcom ldan 'das la 'di skad ces gsol to/ /sangs rgyas mtshan ma mi mnga' ste/ /chos kyi sku la rnam par bzhugs/ /mtshan med 'dus ma byas pa yi/ /mtshungs pa med pa'i chos ston na/ /dpa' bo chen po ci slad du/ /mtshan mar bcas pa'i cho ga 'di/ /gsang sngags spyad pa bstan par mdzad/ /'di ni chos nyid tshul ma lags/ /de skad gsol nas bcom ldan 'das/ /rnam par snang mdzad chen po yis/ /de tshe phyag na rdo rje la/ /chos kyi mtshan nyid 'di nyon gsungs/ /chos ni rtog dang bral ba ste/ /kun rtog thams cad spangs pa yin/ /de la sems dang sems byung gi /rtog pa rab tu spong bar 'gyur/ /nga yis chos mngon sangs rgyas pa/ /de ni mkha' las byung ba ste/ /log par rtog pa'i spyod yul ba/ /byis pa rnams kyis mi shes so/ /yul dus mtshan ma la sogs pa/ /mun gyis bsgribs pa rnams 'dod de/ /de dag gzung bar bya ba'i phyir/ /cho ga 'di yang brjod pa yin/ /yul med dus kyang med pa ste/ /bya ba med cing byed pa yang / /chos rnams kun la yong med de/ /chos rnams nyi tshe 'ba' zhig go/ /gsang ba'i bdag po 'on kyang ni/ /sems can dag ni blo zhan cing / /bya ba tsam gyis rmongs pa dag /dngos po'i don la chags pa rnams/ /</font><hr>93.129b<br><font size=+1>

ma 'ongs dus na 'byung bar 'gyur/ /'di lta'i tshul ni mi shes pas/ /yul dang dus dang bya ba las/ /dge dang mi dge'i mtshan ma yis/ /rmongs pa 'bras bu 'dod byed de/ /sems dpa' chen po de dag phyir/ /cho ga 'di ni brjod pa yin/ /gsang ba pa'i bdag po/ de la ci skad bstan pa'i gnas gang yang rung bar sa gzhi rab tu 'thas par bcags te/ ba'i lci ba sa la ma lhung ba dang ba'i gcin du bsres pas byug go/ /de nas sngags 'dis bsang gtor byas te bsngags so/ /na maH sa man ta bud d+hA nAn/ a pra ti sa me ga ga na/ sa ma tA nu ga te/ pra kr-i t-i/ bi shud d+he/ d+har+m+ma d+hA tu/ bi sho d+ha ni swA hA/ /de yi 'og tu sngags pa ni/ /langs nas de yi dbus su nga / /pad ma dkar po'i gdan la bzhugs/ /thor tshugs dang ni dbu rgyan 'chang / /'od zer kha dog sna tshogs pas/ /kun nas yongs su bskor bar bsam/ /de nas rdzogs pa'i sangs rgyas bzhi/ /blo dang ldan pas phyogs su bsam/ /de bzhin gshegs pa rin chen tog /nyi ma shar kar lta bur bsam/ /lho ru rgyal ba dpa' bo ni/ /me tog kun rgyas zhes bya ba/ /gser gyi kha dog 'bar bar bcas/ /nyes pa bcom pa ting 'dzin gnas/ /byang phyogs su si mi 'khrugs pa/ /nad dang bral ba ting 'dzin gnas/ /nub phyogs 'od dpag med pa ste/ /rgyal ba lnga po 'di rnams ni/ /bsams te de nas sngags pa yis/ /rgyal ba'i gnas dbus 'dug nas su/ /mi g.yo bdag nyid chen po 'am/ /yang na 'jig rten gsum rgyal gyi/ /gsang sngags don kun bsgrub pa yis/ /sa ni yongs su gzung bar bya/ /dbus su dkyil 'khor bzang po dag /tsan dan dag gis bya ba ni/ /dang po gcig ni nga yi yin/ /gnyis pa skyob pa thams cad kyi'o/ /gsum pa de dang mnyam bya ba/ /the tsom med par yum gyi yin/ /bzhi pa lag na pad ma'i ste/ /lnga pa phyag na rdo rje'i phyir/ /drug pa mi g.yo mgon gyi ste/ /ma zad 'og tu legs par bya/ /de bzhin</font><hr>93.130a<br><font size=+1>

gshegs rnams rjes dran nas/ /me tog spos la sogs phul te/ /mnyam par gzhag nas gus pa ru/ /tshig tu 'di skad smra bar bya/ /mgon po thugs rje'i bdag nyid can/ /thams cad bdag la dgongs su gsol/ /sras bcas sang gi gdugs 'das nas/ /sa gzhi yongs su gzung ba mdzod/ /de skad kyi ni tshig smras nas/ /gsang sngags 'di ni brjod par bya/ /na maHsa man ta bud+d+hA nAn/ sar+b+ba ta thA ga tA d+hiSh+ThA nA d+hiSh+Thi te/ a tsa le/ bi ma le sma ra ne bi kr-i ti pa ri shud d+he swA hA/ de nas sngags pa langs nas su/ /snying rjer gyur pa'i yid kyis ni/ /nub kyi phyogs su gnas nas su/ /nang gi bdag nyid rnam dag pas/ /byang chub sems ni sems byed cing / /de nyid du ni nyal bar bya/ /de nas sngags pas rmi lam blta/ /byang chub sems dpa' grags chen nam/ /yang na sangs rgyas bcom ldan 'das/ /sems can rnams la phan bya'i phyir/ /dkyil 'khor bri ba'i las rnams la/ /bdag nyid kun tu rtsol 'bad pa 'am/ /bdag nyid la ni 'di skad du/ /sems can chen po bu khyod legs/ /dkyil 'khor myur du bris shig ces/ /spro ba bskyed pa mthong yang rung / /de nas de yi phyi de nyin/ /slob ma dad cing rigs btsun pa/ /de bzhin dkon mchog gsum la dad/ /zab mo yi ni blo dang ldan/ /spro ba che zhing tshul khrims ldan/ /bzod dang ldan zhing ser sna med/ /dpa' la yi dam brtan pa ni/ /bcu 'am brgyad dam bdun nam lnga/ /gcig gnyis bzhi las lhag kyang rung / /dpyad mi dgos par gzung bar bya/ /de nas yang bcom ldan 'das la phyag na rdo rjes zhus pa/ bcom ldan 'das/ dkyil 'khor 'di'i ming ci lags/ ci'i slad du dkyil 'khor zhes bgyi/ bcom ldan 'das kyis bka' stsal pa/ gsang ba pa'i bdag po/ dkyil 'khor 'di ni sangs rgyas 'byung ba ste/ dkyil ni snying po zhes bya'o/ /'khor ni rdzogs</font><hr>93.130b<br><font size=+1>

pa ste de'i gong na snying por gyur pa gzhan med pas/ de bas na dkyil 'khor zhes bya'o/ /gsang ba pa'i bdag po/ 'on kyang dkyil 'khor rgyas pa 'di ni/ sems can gyi khams ma nges pa yongs su bskyab pa'i phyir snying rje chen po'i snying po 'byung ba zhes bya ste/ de ni de bzhin gshegs pa rnams kyis bskal pa grangs med par bla na med pa yang dag par rdzogs pa'i byang chub yang dag par bsgrubs pa byin gyis brlabs so/ /gsang ba pa'i bdag po/ de lta bas na rnam grangs 'dis kyang / khyod kyis 'di ltar de bzhin gshegs pa rnams ni sems can gcig gi phyir byang chub mngon par rdzogs par 'tshang rgya ba ma yin/ gnyis kyi phyir ma yin/ gsum gyi phyir ma yin/ 'on kyang thugs rje chen po'i dbang du gyur pa dag sems can gyi khams ma lus pa yongs su bskyab pa'i phyir byang chub tu mngon par rdzogs par 'tshang rgya ste/ de dag gis sems can gyi khams rnam pa du ma la bsam pa ci lta ba bzhin du/ sems can rnams la chos 'chad par rig par bya'o/ /gsang ba pa'i bdag po/ theg pa chen po la goms par ma byas pa rnams ni gsang sngags spyod pa'i tshul mthong ngam thos na sems la dga' ba 'am/ dang ba cung zad kyang yang dag par mi skye yi/ gsang ba pa'i bdag po/ gang dag gis sngon theg pa chen po gsang sngags spyad pa'i tshul sgo mtha' yas bsgrub pa la goms par byas pa de dag ni rdo rje sems dpa' yin te/ de rnams nyid kyi don gyi phyir grangs kyi tshad 'di byas so/ /'on kyang slob dpon snying rje chen po dang ldan pas sems can gyi khams ma lus pa bsgral bar yi dam bca' ba kho nar bya ste des byang chub kyi sems kyi rgyur 'gyur bar bya ba'i phyir sems can tshad med pa rnams yongs su gzung bar bya'o/ /de nas de dag bos la gsum la skyabs su gtang bar yang bya'o/ /sdig pa mi bya ba rnams kyang bsgo bar bya'o/ /de nas de dag la spos dang me tog la</font><hr>93.131a<br><font size=+1>

sogs pa sbyin no/ / de dag dus gsum du sgrib pa med pa'i ye shes kyi sdom pa yang 'dzin du gzhug go/ /'dzin du bcug nas sngags pa yis/ /de nas so shing dag kyang sbyin/ /rtse gcig mnyam par gzhag pa dag /shar ram byang du kha bstan te/ /u dum ba ra a shwad tha/ /shin tu bzang po bsrung byas shing / /me tog dri la sogs bskus pa'i/ /so shing dag ni 'char gzhug go/ /sems can snod rung snod mi rung / /bor ba nyid las brtag par bya/ /de nas lag pa g.yon pa la/ /skud pa mdud pa gsum ldan pa/ /bdag nyid mnyam par gzhag pa yis/ /legs pa ru ni bcing bar bya/ /de ltar yongs su gzung ldan pa'i/ /slob ma nyes pa med rnams la/ /bsam pa brtan par bya ba'i phyir/ /'di ltar spro ba bskyed par bya/ /bdag nyid chen po khyed rnams kyis/ /rnyed pa mnyam med de ring rnyed/ /gang phyir rgyal ba sras bcas pa/ /bdag nyid chen po kun gyis ni/ /bstan pa 'di la khyed rnams kun/ /yongs su gzung ste skye bzhin pa/ /de phyir khyed rnams theg chen la/ /sang ni rab tu skye bar 'gyur/ /gal te rmi lam dag tu ni/ /gtsug lag khang dang kun dga' bzang / /khang pa bzang po sna tshogs dang / /de bzhin du ni yang thog dang / /ral gri yid bzhin nor bu dang / /gdugs dang me tog sna tshogs dang / /bud med bzang mo gos dkar can/ /sdug pa'i gnyen dang bu dag dang / /glegs bam de bzhin bram ze dang / /sangs rgyas dang ni rang sangs rgyas/ /de bzhin rgyal ba'i nyan thos dang / /byang chub sems dpa' bdag nyid che/ /gal te 'bras bu thob pa dang / /mtsho dang rgya mtsho las brgal mthong / /de bzhin du ni nam mkha' las/ /bkra shis yid du 'ong ba'i tshig /'dod pa'i 'bras bu 'byung bar grag /de la sogs pa'i rmi lam ni/ /bzang po zhes ni bya bar brtag /mkhas pas de las bzlog pa yi/ /rmi lam ngan par shes par bya/ /brtul zhugs bzang po khyod rnams</font><hr>93.131b<br><font size=+1>

kyis/ /nang par thams cad nga la zlos/ /slob ma de dag rnams la ni/ /de skad bsgo nas chos kyang bshad/ /theg pa chen po cher 'byung ba'i/ /lam mchog 'di ni dpal dang ldan/ /khyed rnams der ni dong bas na/ /rang byung skal ba chen po pa/ /'jig rten thams cad mkhyen pa yi/ /de bzhin gshegs pa rnams su 'gyur/ /yod dang med las rnam par 'das/ /nam mkha' bzhin du dri ma med/ /zab mo rtog ge thams cad kyis/ /rab tu mi rtogs gnas med pa/ /spros pa kun dang bral ba ste/ /spros pa rnams kyis rnam par spros/ /las dang bya ba la sogs bral/ /bden pa gnyis la gnas pa yi/ /theg pa rab kyi mchog 'di ni/ /tshul la gnas na thob par 'gyur/ /de nas bcom ldan 'das la rdo rje 'dzin spros pa med par gnas pas 'di skad ces gsol to/ /bcom ldan 'das/ dus gsum du sgrib pa ma mchis pa'i ye shes kyi sdom pa gang la byang chub sems dpa' rnams gnas na sangs rgyas dang byang chub sems dpa' rnams mnyes par 'gyur ba bshad du gsol/ de skad ces gsol pa dang / bcom ldan 'das kyis rdo rje 'dzin spros pa med par gnas pa la 'di skad ces bka' stsal to/ /rigs kyi bu lus dang ngag dang yid gcig tu 'jug cing chos thams cad la rtsom pa med cing bya ba med pa'i sdom pa gang yin pa de rigs kyi bu nyon cig de yang gang zhe na/ sangs rgyas dang byang chub sems dpa' rnams la bdag gi lus yongs su gtong ba gang yin pa'o/ /de ci'i phyir zhe na/ gang gis bdag gis lus yongs su gtong ba des ni dngos po gsum yongs su btang ba yin te/ dngos po gsum yongs su btang ba de yang gang zhe na/ 'di lta ste lus dang ngag dang yid do/ /rigs kyi bu de lta bas na byang chub sems dpas lus dang ngag dang yid gsum gyi sdom pas bsdam par bya'o/ /de ci'i phyir zhe na/ byang chub sems dpa' rnams ni lus dang ngag dang yid yongs su ma btang</font><hr>93.132a<br><font size=+1>

bar bslab pa 'dzin par mi byed do/ /de nas phyi de nyin bcom ldan 'das rnam par snang mdzad la phyag byas te bdag nyid rdo rje sems dpar byin gyis brlabs la bum pa spos chus bkang ba la 'jig rten gsum las rnam par rgyal bas mngon par bsngags te sgo dang por gzhag la mkhas pas skye bo kun la des bsang gtor bya'o/ /de nas sems sbyang ba'i phyir spos chu gtsang ma blud do/ /de nas bcom ldan 'das la phyag na rdo rjes 'di skad ces gsol to/ /dkyil 'khor gyi ni slob dpon dag /gsang sngags sgrub la 'bad pa na/ /gang gi dus su dkyil 'khor du/ /sems dpa' chen po byin rlob pa'i/ /dus dang tshod ni kun mkhyen pa/ /smra ba'i mchog gis bka' stsol cig /de skad gsol nas bcom ldan gyis/ /rdo rje 'dzin la bka' stsal pa/ /dkyil 'khor don du gnyer ba la/ /rtag tu mtshan mo bri bar bya/ /lag na rdo rje de slob dpon gyis sangs rgyas thams cad la phyag byas la tshon sna tshogs srad bu thogs te/ bdag nyid bcom ldan 'das rnam par snang mdzad du byin gyis brlabs la/ shar du srad bu bri ba ni/ /lte ba'i thad kar bzung nas su/ /bar snang la ni gzung bar bya/ /de nas lho phyogs song nas su/ /byang phyogs su ni bri bar bya/ /de nas srad bu gnyis pa ni/ /rang gis blangs nas de nyid du/ /de bzhin gshegs pa rjes dran cing / /shar phyogs bltas te bri bar bya/ /de nas lho phyogs song nas ni/ /byang phyogs su ni bri bar bya/ /blo can de nas slar log nas/ /bden bral phyogs su gnas nas ni/ /byang phyogs su ni bri bar bya/ /de nas g.yas su bsgyur bar bya/ /bsgyur te de ru 'dug nas ni/ /lho phyogs su ni bri bar bya/ /de nas gnas de btang nas su/ /me yi phyogs su gnas nas ni/ /sngags pas gsang sngags cho gar gnas/ /shar du srad bu bri bar bya/ /de nas de bzhin dbang ldan phyogs/ /song nas nub tu kha</font><hr>93.132b<br><font size=+1>

bltas te/ /rlung gi phyogs kyi bar du ni/ /byang phyogs su ni bri bar bya/ /sngags pa yis ni de lta bur/ /kun nas gru bzhi lham par bya/ /de nas dbus su zhugs nas su/ /de la cha ni gsum du brtag /sa rnams thams cad kun tu yang / /cha gsum dag tu brtags nas ni/ /cha rnams kyang ni re re la/ /cha gsum du ni rab tu brtag /cha gcig gcig ni bskor ba yi/ /'khor bar byas te lhag ma yi/ /cha gnyis po ni lha nyid kyi/ /gnas su nges par bya ba yin/ /blo dang ldan pas phyogs bzhi ru/ /so so'i phyogs char sgo khyud ni/ /sdom brtson can gyis nan tan du/ /lha rnams gtso bo'i gnas su bya/ /de ltar rim pas legs phye ba/ /'di dag thams cad byas nas ni/ /dbus su pad ma dkar po mchog /de ni snying po zhes su bsgrags/ /dkyil 'khor snying rje 'byung ba kun/ /des ni snying po can du byas/ /de yi tshad kyang sor bcu drug /yan chad du ni bshad pa yin/ /'dab ma brgyad pa legs par rdzogs/ /ze bar ldan pa shin tu bzang / /'dab ma'i bar ni thams cad du/ /kun nas rdo rje bri bar bya/ /de yi snying po'i dbus su ni/ /rgyal mchog gtso bo gser gyi mdog /'bar bcas thor tshugs dbu rgyan can/ /'od zer dag gis kun nas bskor/ /mgon po nad dang bral ba ni/ /ting nge 'dzin du gnas par bri/ /de yi shar du blo ldan gyis/ /sangs rgyas rnams kyi phyag rgya ni/ /gru gsum thams cad thal kar nyid/ /pad ma'i steng na khor yug tu/ /'od zer dkar pos yongs bskor ba/ /rab tu bsgrims te bri bar bya/ /de yi byang du mkhas rnams kyis/ /skyob pa dag ni kun gyi yum/ /gser gyi mdog can 'bar dang bcas/ /na bza' dag ni dkar po mnabs/ /kun tu rnam par snang mdzad pa/ /ting nge 'dzin du gnas par bri/ /mgon po yi ni byang phyogs su/ /spyan ras gzigs dbang dpa' bo ni/ /pad ma dkar po'i stan la 'dug /dung dang kun da zla ba 'dra/ /dbu la 'od dpag med bzhugs pa/ /bzhin ni bag tsam 'dzum pa bri/ /de yi</font><hr>93.133a<br><font size=+1>

g.yas su lha mo ni/ /sgrol ma grags pa chen mo de/ /dge zhing 'jigs pa sel ba ste/ /sngo bsangs mo la sna tshogs gzugs/ /bud med dar la bab pa'i tshad/ /thal sbyar me tog uta pal thogs/ /'od zer dag gis kun bskor cing / /gos ni dkar po gyon par bri/ /g.yon du lha mo khro gnyer can/ /sngags de'i phreng ba lag na spyangs/ /mig gsum pa la thor tshugs can/ /kha dog mdog ni dkar mo la/ /'od zer dkar po ser po dang / /dmar po rnams kyis bskor bar bri/ /khro gnyer can dang nye bar ni/ /mthu chen lag na pad ma thogs/ /brtse ba chen po gos dkar gyon/ /'od zer dag gis bskor ba yi/ /dpa' bo yang dag bri bya ste/ /de yi pad ma kha ma bye/ /de yi drung du blo can gyis/ /rig sngags lha mo grags ldan ma/ /gser gyi kha dog lta bu can/ /rgyan rnams kun gyis brgyan pa ste/ /lag pa g.yon pas pri yang ku'i/ /snye ma yid 'ong 'dzin par bri/ /sgrol ma yi ni nye 'khor du/ /blo dang ldan pas gos dkar mo/ /thor tshugs can la gos dkar gyon/ /lag na pad ma thogs par bri/ /de'i 'og tu sngags pa yis/ /rig sngags rgyal po stobs po che/ /kha dog nyi ma 'char ka bzhin/ /pad ma dkar pos rnam par brgyan/ /'bar ba'i phreng can mi bzad cing / /spu dag seng ge ltar 'dug pa/ /spyan ras gzigs dbang blo ldan gyi/ /rta mgrin can zhes grags pa bri/ /sangs rgyas rnams kyi lho phyogs su/ /byang chub sems dpa' skyob rnams kyi/ /phyag rgya yid bzhin nor bu zhes/ /grags pa skal ba chen po can/ /re ba thams cad rdzogs byed pa/ /pad ma dkar la 'dug par bri/ /mgon po rnam snang mdzad chen gyi/ /lho yi phyogs su rdo rje 'dzin/ /re ba thams cad skong byed pa/ /mdog ni pri yang sku lta bu/ /ljang ser ram ni margad ltar/ /sngo bsangs mgon po dbu rgyan can/ /sems dpa' chen po rgyan kun gyis/ /rnam par brgyan cing mtha' yas par/ /'jug pa rgya chen rdo rjer bcas/ /'od zer</font><hr>93.133b<br><font size=+1>

dag gis bskor bar bri/ /de yi g.yas su lha mo'i ming / /mA ma kI zhes bya ba de/ /rdo rje'i rgyan gyis brgyan pa ste/ /lag na rdo rje thogs pa bri/ /de yi 'og tu lha mo ni/ /rdo rje rtse mo stobs chen de/ /pho nya rnams kyis yongs bskor cing / /bzhin ni bag tsam 'dzum par bri/ /g.yon rol du ni sngags pa yis/ /rdo rje lu gu rgyud ces pa/ /lag na rdo rje lu gu rgyud/ /rang gi pho nya rnams kyis bskor/ /pri yang ku ltar ljang ser mdog /rdo rje'i mtshan mas legs mtshan bri/ /lag na rdo rje'i 'og logs su/ /khro zla gtso bo zhes bya ba/ /bgegs chen dgra ni zhi byed pa/ /khro bo 'jig rten gsum du grags/ /mig gsum mche ba bzhi pa ste/ /kha dog dbyar gyi char sprin 'dra/ /rab tu rgod pa'i sgra yang 'byin/ /rdo rje'i rgyan gyis rnam par brgyan/ /'khor ni mtha' yas khro bo yi/ /dbang phyug rnams kyis yongs bskor ba/ /lag pa stong phrag brgya dag ni/ /mtshon cha sna tshogs thogs shing gdengs/ /khro bo chen po 'di 'dra ba/ /pad pa ma'i steng na 'dug par bri/ /de yi nub tu song nas ni/ /rdo rje 'dzin pa mang po dag /lag na mtshon cha sna tshogs thogs/ /kha dog sna tshogs stobs po che/ /'od zer dag gis yongs bskor ba/ /sems can kun don byed par bri/ /gsang sngags mgon po'i 'og logs su/ /bden bral gyi ni phyogs kyi char/ /mi g.yo zhes bya lag na ni/ /ral gri zhags pa legs par thogs/ /zur phud spyi bo'i g.yon du 'phyang / /rab tu brgyan cing mig gcig yo/ /rang gi 'od kyi nang na gnas/ /khro dang bcas pas brag la 'dug /bzhin ni khro gnyer rab tu bsnyer/ /byis pa'i gzugs can mkhrang bag bri/ /bris nas blo ldan rlung phyogs su/ /song nas bcom ldan 'das gyi ni/ /khro bo 'jig rten gsum las rgyal/ /'bar ba'i phreng can mi zad pa/ /lag na rdo rje rtse bran rgyan/ /bka' lung nod pa ltar 'dug cing / /zad pa'i dus dang 'drar gnas pa/ /nan tan du ni bri bar bya/ /de ltar nang du bri ba ni/ /rgyas dang bcas</font><hr>93.134a<br><font size=+1>

par bshad pa yin/ /de nas sngags pa phyir byung nas/ /nges par gnyis pa'i cha dag la/ /shar gyi phyogs kyi nang du ni/ /cha ni gnyis su phye ba la/ /sgo khyud kyi ni nang rol du/ /sngags pas rgyal ba shAkya thub/ /gser gyi kha dog 'bar dang bcas/ /mtshan mchog sum cu rtsa gnyis ldan/ /mgon po na bza' ngur smrig mnabs/ khyab bdag bstan pa'i don mdzad pa/ /pad ma dkar po'i stan la bzhugs/ /chos 'chad tshul du bzhugs par bri/ /de yi g.yas su lha mo ni/ /sangs rgyas spyan zhes bya ba ste/ /lha mo cung zad 'dzum pa'i zhal/ /'od kyi dkyil 'khor 'dom gang ba/ /mtshungs med sku ni rab tu dang / /de ni shAkya thub pa'i yum/ /de yi g.yas su lha mo ni/ /rig sngags mdzod spu zhes grags pa/ /pad ma'i steng na 'dug pa ste/ /dung zla kun da lta bu'i mdog /lag na yid bzhin nor bu thogs/ /re ba kun rdzogs byed pa bri/ /de nas sngags pas g.yon rol du/ /shAkya seng ge skyob pa yi/ /gtsug tor gzi can brtson 'grus che/ /gdugs dkar po dang rgyal ba'i gtsug /gtsug tor rnam par rgyal nyid dang / /gzi brjid phung po skal chen dang / /rnam par 'thor zhes rnam grags pa/ /lnga po yang dag bri bar bya/ /shAkya tog ni mthu chen gyi/ /gtsug tor lnga po 'di dag ni/ /gnas ni lnga rnams nyid du ni/ /rab tu bsgrims te bri bar bya/ /de yi byang du song nas su/ /gnas gtsang rnams ni bri bar bya/ /dbang phyug kun tu me tog dang / /'od kyi phreng ba nyid dang ni/ /yid mgyogs dang ni rnam grags te/ /de dag thams cad legs par bri/ /mdzod spu yi ni g.yas logs su/ /gtsug tor chen po cher 'byung dang / /de bzhin gyen du 'byung nyid dang / /sgra dbyangs mtha' yas pa yang ste/ /gtsug tor gsum po kho na ni/ /bsgrims te yang dag bri bar bya/ /gtsug tor lnga po stobs chen rnams/ /dkar po ser skya ser por bya/ /gsum po gzhan ni dkar po dang / /</font><hr>93.134b<br><font size=+1>

ser po dang ni dmar por bya/ /kun kyang 'od zer mang po can/ /rgyan rnams kun gyis brgyan pa yi/ /de dag smon lam stobs chen de/ /re ba thams cad rdzogs byed pa'o/ /de nas sngags pas me phyogs su/ /me ni drang srong che rnams dang / /bcas shing me yi nang na 'dub/ /thal ba'i sor ris gsum gyis mchen/ /dpa' bo thams cad rab tu dmar/ /snying ka sum mdo ris mchen can/ /me lce 'bar ba'i dbus na 'dug /bgrang phreng kun di thogs par bri/ /de nas lho yi phyogs kyi char/ /gshin rje'i gtso bo lag pa na/ /dbyug pa thogs shing ma he zhon/ /kha dog dbyar gyi char sprin 'dra/ /ma mo rnams dang dus mtshan dang / /'chi bdag rnams kyis bskor bar bri/ /bden bral phyogs su bden bral ni/ /lag na ral gri 'jigs pa bri/ /de nas kyang ni blo ldan pa/ /myur du byang gi phyogs song ste/ /lha yi rgyal po ri rab la/ /'dug cing lha rnams kyis bskor ba/ /lag na rdo rje cod pan can/ /rgyan kun kyis ni brgyan par bri/ /de nas de yi shar du ni/ /chu lha lag na zhags thogs bri/ /de yi yang ni shar phyogs su/ /nyi ma shing rta'i steng 'dug bri/ /de yi g.yas dang g.yon du ni/ /rgyal dang rnam par rgyal ba bri/ /de yi g.yas su tshangs pa ni/ /gdong bzhi pa la thor tshugs can/ /o~M zhes bya ba lhur len pa/ /ngang pa pad ma steng 'dug bri/ /de yi nub tu bri ba ni/ /sa yi lha dang dbyangs can dang / /khyab 'jug skem byed de bzhin rlung / /bde byed de bzhin zla ba ste/ /nub kyi phyogs su gnas nas ni/ /rab tu nan tan byas te bri/ /bris nas sngags pas de nas ni/ /yid la 'khrul pa med pa ru/ /gsang sngags mgon po'i 'og logs su/ /khro chen gzhan gyis mi thub ces/ /bya ba nyid dang lha mo ni/ /gzhan gyis mi thub ma dang ni/ /sa bdag lag na bum pa thogs/ /gus par yang dag gnas par bri/ /klu chen dga' bo bsnyen dga' dag /shAkya seng ge skyob pa yi/ /sgo drung gnyis su mngon phyogs par/ /rab tu bsgrims te bri bar bya/ /gzhan yang shAkya thub pa</font><hr>93.135a<br><font size=+1>

yi/ /rgyud rnams kun las dkyil 'khor du/ /sngags dang phyag rgya gang bshad pa/ /de dag kyang ni mkhas pas bri/ /sngags pa de nas phyir byung nas/ /cha gsum pa ni nges pa la/ /rdo rje dam pa sbyin pa ni/ /gur kum lta bu 'i mdog can te/ /spyi bo zur phud lnga dang ldan/ /byis pa gzhon nu'i gzugs can la/ /uta pal sngon po rdo rje can/ /lag pa g.yon na thogs pa ste/ /pad ma dkar po'i stan la 'dug /rab tu 'dzum pa'i bzhin du gnas/ /'od zer mtshan nyid bzang po yis/ /kun tu 'khor bar sngags pas bri/ /de yi byang du gzhon nu ni/ /dra ba'i 'od can lag pa na/ /rin chen dra ba thogs pa ste/ /sna tshogs pa yi rgyan gyis brgyan/ /pad ma dmar po'i stan la 'dug /rgyal ba'i sras la blta ba bri/ /rdo rje dam pa sbyin pa yi/ /g.yon du pho nya mo lnga bri/ /skra can dang ni nye skra can/ /sna tshogs ma dang nor can ma/ /de bzhin 'gugs ma zhes bya ba/ /'di dag blo ldan pho nya mo'o/ /de dag gi ni 'og zad du/ /phyag brnyan ma ni lnga rnams dang / /gzhon nu dra ba'i 'od can gyi/ /'khor gnyis po yang bri bar bya/ /de nas sngags pas lho phyogs su/ /byang chub sems dpa' grags chen po/ /sgrib pa thams cad rnam sel gtso/ /yid bzhin nor bu thogs pa bri/ /de yi cha gnyis bor nas ni/ /dpa' bo ngo mtshar can dang ni/ /sems can kun la mi 'jigs sbyin/ /ngan song thams cad spong ba dang / /de bzhin skyong sems blo gros dang / /blo can snying rjes gdungs pa dang / /byams pa mngon du 'byung ba dang / /gdung ba thams cad zhi byed dang / /de bzhin blo gros bsam yas te/ /mkhas pas brgyad po bri bar bya/ /byang gi phyogs su song nas ni/ /sa yi snying po 'bar dang bcas/ /bzod dang des pa phun tshogs bri/ /de yi stan ni mkhas pa yis/ /'byung khungs kun dang ldan pa yis/ /rin chen kun gyis nyer brgyan pa/ /de yi steng na rin chen bzhi'i/ /pad ma yang dag gnas pa ni/ /yid du 'ong ba bsam bya ste/ /byang chub sems</font><hr>93.135b<br><font size=+1>

dpa' grags chen po/ /de yi steng na 'dug par bri/ /de yi 'khor ni yon tan gtso/ /mtha' yas shin tu grangs med de/ /de yi nang na byang chub sems/ /rin chen 'byung gnas rin chen lag /sa 'dzin nyid dang lag na ni/ /rin chen phyag rgya can dang ni/ /lhag pa'i bsam pa brtan pa nyid/ /grags chen 'di dag bri bar bya/ /de bzhin sngags pas nub phyogs su/ /dpa' bo nam mkha'i snying po ni/ /gzi brjid chen po gos dkar gyon/ /lag na ral gri thogs bsam ste/ /rgyal sras pad ma'i stan steng na/ /legs par 'dug par bri bar bya/ /bdag nyid chen po de'i 'khor du/ /grags pa dag kyang bri bar bya/ /de'i 'khor dpa' bo chen po ni/ /nam mkha' dri med blo gros mkha'/ /blo gros rnam dag nyid dang ni/ /spyod pa yi ni blo gros dang / /blo brtan pa zhes bya ba ste/ /de dag rab tu bsgrim bri zhing / /rtag tu dpa' bo 'di rnams dang / /lhan cig go rims bzhin du bsam/ /de nas gsang ba pa'i bdag po phyag na rdo rjes thams cad dang ldan pa'i 'khor rnams la bltas nas/ bcom ldan 'das rnam par snang mdzad la ring zhig tu mig mi 'dzums par bltas te/ ched du gling pa 'di gleng zhing tshig tu smras pa/ 'jig rten du ni kun mkhyen rnams/ /u dum 'bar ra'i me tog bzhin/ /brgya lam na ni res 'ga' zhig /'byung 'gyur yang ni mi 'byung ngo / /gsang sngags spyod pa'i tshul 'byung ba/ /de bas kyang ni dkon pa ste/ /bskal pa bye ba du ma ru/ /sdig pa bgyis par gyur pa gang / /de kun dkyil 'khor 'di 'dra ba/ /mthong bas byang bar 'gyur lags na/ /grags pa mtha' yas sngags spyod pa'i/ /tshul la gnas na smos ci 'tshal/ /skyob pa'i gsang sngags bzlas na ni/ /go 'phang bla na med par 'gyur/ /gang dag spyod pa mchog 'di la/ /blo gros shin tu mi g.yo ba/ /de dag gis ni ngan 'gro'i rgyun/ /sdug bsngal kun 'byung rab tu bcad/ /de'i tshe thams cad dang ldan pa'i 'khor de dag dang rdo rje 'dzin de dag gis mgrin gcig tu mthun par tshig smras pa/ </font><hr>93.136a<br><font size=+1>

gsang sngags spyod pa'i dbang gyur pa/ /dpa' bo chen po legs so legs/ /khyod kyi yid la gang bsam pa/ /mnyam med thams cad mkhyen la zhus/ /sngags rgyud rtogs par shes pa yi/ /byang chub sems dpa' gzhan rnams dang / /sngags spyad 'bras bu la gnas pa/ /bdag cag thams cad dbang du gyur/ /de nas yang bcom ldan 'das la phyag na rdo rjes 'di skad ces gsol to/ /tshon zhes bgyi ba de gang lags/ /ci slad 'di ni tshon zhes bgyi/ /tshon ni ci ltar dgye bar bgyi/ /gang zhig thog mar btang bar bgyi/ /rta babs rnams dang de bzhin du/ /sgo khyud rnams kyi tshad dang ni/ /sgo yi tshad kyang ci 'drar bgyi/ /mgon po yis ni bshad du gsol/ /lha bshos me tog byug spos dang / /bum pa rnams kyang rgyas par gsungs/ /slob ma ci ltar gzud pa dang / /de ni ci ltar dbang bskur dang / /bla ma la ni yon dbul dang / /sbyin bsreg gnas kyang bdag la gsungs/ /gsang sngags mtshan nyid ci 'dra lags/ /ting nge 'dzin du bzhed pa gang / /de skad gsol nas bcom ldan 'das/ /chos kun dbang phyug thub pa yis/ /rdo rje 'dzin la 'di skad gsungs/ /yid gcig tu ni tshur nyon cig /theg chen 'bras bu 'byung ba yi/ /gsang sngags spyod pa'i tshul gyi mchog /sems dpa' chen po khyod kyis ni/ /gang dag dris pa bshad par bya/ /sems can khams ni zhen byed cing / /'di ni chos dbyings ro yin par/ /sangs rgyas rnams kyis sngon gsungs te/ /de phyir 'di ni tshon zhes bya/ /tshon ni nang nas dgye bar bya/ /phyi rol nas ni tshon mi dgye/ /dkar po thog mar btang bar bya/ /de yi 'og tu dmar po ste/ /de nas ser po btang bar bya/ /de yi 'og tu ljang khu btad/ /kun gyi nang rol nag po ste/ /tshon gyi cho ga de ltar bshad/ /rta babs rnams kyi tshad kyang ni/ /dkyil 'khor dbu ma dang mnyam</font><hr>93.136b<br><font size=+1>

mo/ /sgo khyud dag kyang de dang mnyam/ /pad ma sor ni bcu drug bshad/ /dang po'i sgo ni snying po yi/ /dkyil 'khor dang ni mnyam zhes bya/ /'jigs med dag gi rim gyis ni/ /bskyed de de las lhag shes bya/ /sgo rnams kyi ni bar bar du/ /sgo srungs rnams ni gzhag par bya/ /ting nge 'dzin ni mdor na sems/ /yang dag mgu ba yin par bshad/ /sems dpa' chen po khyad par ni/ /yid gcig bsdus la mnyan par gyis/ /sangs rgyas kun gyi ting 'dzin ni/ /stong pa nyid ces rgyal bas gsungs/ /de ni sems yongs shes pa las/ /thob par 'gyur gyi gzhan las min/ /de dag nyid ni spangs pa ste/ /rdzogs sangs rgyas kyi yin par 'dod/ /stong pa chen po zhes bya ste/ /kun mkhyen ye shes rdzogs byed pa'o/ /de bas rnam pa thams cad du/ /stong nyid rtag tu dran par bya'o/ /de nas bcom ldan 'das rnam par snang mdzad sangs rgyas thams cad dang thabs gcig tu yang dag par mos nas/ nyan thos dang rang sangs rgyas dang byang chub sems dpa' rnams kyi ting nge 'dzin so so'i tshul du gsungs so/ /de'i tshe yang sangs rgyas thams cad dang rgyud gcig pa'i stobs kyi shugs shes bya ba'i ting nge 'dzin la snyoms par zhugs so/ /de nas yang bcom ldan 'das kyis byang chub sems dpa' phyag na rdo rje la bka' stsal pa/ byang chub snying por 'dug nas su/ /bdud ni rnam pa bzhi bcom pas/ /de nas dpa' bo chen po zhes/ /tshangs la sogs pa lha tshogs rnams/ /'jigs pa thams cad med pa'i sgra/ /dga' bzhin du ni sgrogs par byed/ /de phyin cad ni nga dpa' bo/ /dpa' bo chen po zhes su grags/ /skye ba med pa ngas rtogs pa/ /tshig gi spyod yul rnams spangs shing / /nyes pa thams cad med pa ste/ /rgyu dang rkyen dang bral ba yin/ /stong pa'i ye shes mkha' 'dra ba/ /mun pa kun dang bral gyur cing / /shin tu dri med de kho na/ /ci ltar 'byung ba nga las byung / /kun mkhyen tsam gyi tshul</font><hr>93.137a<br><font size=+1>

du gnas/ /kun mkhyen sangs rgyas mtshan nyid do/ /nga yi de nyid dam pa 'di/ /'jig rten snang bar byed pa ste/ /byin gyis brlabs kyi stobs kyis ni/ /yig 'bru rnams su bstan nas su/ /sems can rnams la snying brtse'i phyir/ /ngas ni thams cad rab tu bshad/ /de nas dpal ldan rdo rje 'dzin/ /ngo mtshar gyur nas mig gdangs te/ /thams cad mkhyen la mgo bo yis/ /phyag 'tshal nas ni tshig 'di smras/ /sangs rgyas kun gyi thabs dang ni/ /shes rab bsam yas ngo mtshar che/ /spros pa kun dang bral ba yi/ /chos rtogs nas ni rang byung rnams/ /'jig rten kun gyi re ba kun/ /yongs su rdzogs par byed pa ston/ /gsang sngags mtshan nyid de lta bu/ /bden pa gnyis la legs gnas pa/ /sems can kun gyis shes na ni/ /'jig rten kun gyi mchod gnas 'gyur/ /de nas gsang ba pa'i bdag po phyag na rdo rjes tshigs su bcad pa de dag gsol nas/ bcom ldan 'das rnam par snang mdzad la mig mi 'dzum pa'i lta bas bltas nas cang mi smra bar 'dug go/ /de nas bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po gzhan yang byang chub sems dpa' skye ba gcig gis thogs pa sangs rgyas kyi sa la gnas pa rnams kyi ting nge 'dzin gyi tshul ni/ dogs pa dang ni bral ba ru/ /'jig rten mtshan nyid shes nas ni/ /dgos pa'i sa la gnas de rnams/ /sangs rgyas sa la gnas pa yin/ /gsang ba pa'i bdag po gzhan yang byang chub sems dpa' sa brgyad pa'i dbang phyug rnams kyi ting nge 'dzin gyi tshul ni/ chos rnams thams cad mi dmyigs shing / /srid dang skye ba rnam spangs pa'i/ /'jig rten sgyu ma ltar shes nas/ /'jig rten 'jig rten dbang du 'dod/ /gsang ba pa'i bdag po gzhan yang nyan thos dmigs pa dang bcas pa'i sa la gnas pa rnams skye ba dang 'jig par rtogs nas mtha' gnyis bshig pas rgyu mi dmigs pa'i phyir</font><hr>93.137b<br><font size=+1>

shin tu dngos po med pa'i ye shes mi spyod de 'di ni nyan thos rnams kyi ting nge 'dzin gyi tshul lo/ /gsang ba pa'i bdag po rang sangs rgyas rgyu dang 'bras bu rnam par bshig nas brjod du med pa'i chos kyi tshul la gnas pa rnams ni chos thams cad brjod du med do snyam pa'i ye shes 'jug ste/ ngag shin tu 'gog pa'i ting nge 'dzin la yang dag par rig par byed pa 'di ni rang sangs rgyas rgyas rnams kyi ting nge 'dzin gyi tshul lo/ /gsang ba pa'i bdag po gzhan yang 'jig rten pa rnams rgyu las 'bras bu dang las las 'byung ba'am/ ldog par rtog cing gzhan gyi dbang gis stong pa nyid kyi ting nge 'dzin kun tu skye bar 'gyur te 'di ni 'jig rten pa rnams kyi ting nge 'dzin gyi tshul lo/ /gsang ba pa'i bdag po/ 'di ni ting nge 'dzin gyi tshul/ /yin te de la gnas pa yi/ /sangs rgyas dang ni rang sangs rgyas/ /byang chub sems dpa' skyob rnams dang / /nyan thos des pa sdig bcom par/ /grags pa gang dag yin pa dang / /'jig rten pa yi lha gang yin/ /gsang sngags spyad pa'i cho ga'i tshul/ /sems can rnams la phan 'dod pas/ /dpa' bo de tshe 'chad par byed/ /de nas yang bcom ldan 'das kyis gsang ba pa'i bdag po phyag na rdo rje la bka' stsal pa/ gsang ba pa'i bdag po/ gsang sngags rnams kyi gsang sngags kyi mtshan nyid nyon cig /bcom ldan 'das de ltar 'tshal lo zhes gsol nas bcom ldan 'das la nyan pa dang / bcom ldan 'das kyis 'di skad ces gsang ba pa'i bdag po de la/ /rdzogs sangs rgyas kyi gsang sngags ni/ /tshig dang ming dang brda yis mtshan/ /tshig de dbang du gyur pas na/ /gsang sngags don rnams thams cad sgrub/ /kha cig bskul ba'i tshig dang ldan/ /kha cig rang ming thog mar smos/ /hU~M dang phaT dang ldan pa ni/ /gtsug tor rnams kyi yin par bsgrags/ /zung zo chom shig ces pa dang / /bsnun sod drol cig ces pa ni/ /phyag brnyan rnams dang khro bo yi/ /gsang</font><hr>93.138a<br><font size=+1>

sngags yin par 'dren pas gsungs/ /na maHswA hA la sogs ldan/ /ting nge 'dzin ni rtogs pas mtshan/ /zhi ba'i yi ge rnam par dag /re ba thams cad rdzogs byed pa'i/ /gsang sngags sangs rgyas thams cad dang / /byang chub sems dpa' skyob pa'i yin/ /nyan thos rnams kyi gsang sngags ni/ /gcig po gzhi ni gcig la gnas/ /rang sangs rgyas kyi'ang de bzhin te/ /khyad par dag ni bshad bya na/ /ting nge 'dzin gyi khyad par las/ /las tshe rnam par sbyong zhes bya/ /gsang ba pa yi bdag po gzhan yang gsang sngags rnams kyi mtshan nyid ni sangs rgyas thams cad kyis ma byas/ byed du ma bcug /rjes su yi rang ba ma yin no/ /de ci'i phyir zhe na/ 'di ni chos rnams kyi chos nyid de/ 'di ltar de bzhin gshegs pa rnams byung yang rung / ma byung yang rung / chos rnams kyi chos nyid de ni ye nas gnas pa ste/ de yang 'di ltar gsang sngags rnams kyi gsang sngags kyi chos nyid do/ /gsang ba pa'i bdag po/  de la gang gi tshe yang dag par rdzogs pa'i sangs rgyas thams cad mkhyen pa/ thams cad gzigs pa 'jig rten du byung ba de'i tshe/ chos nyid de tshul sna tshogs dang dgongs pa sna tshogs kyis/ sems can bsam pa sna tshogs pa rnams la tshig sna tshogs pa rnams yig 'bru sna tshogs dang / yul gyi nges pa'i tshig tu brjod pa sna tshogs dang / dbyangs sna tshogs su go ba rnams su byin gyis brlabs te/ gsang sngags kyi tshul 'chad do/ /ci ltar na de bzhin gshegs pa rnams gsang sngags kyi tshul yig 'bru dag tu byin gyis rlob ce na/ gsang ba pa'i bdag po/  de la de bzhin gshegs pa rnams kyis bskal pa bye ba khrag khrig brgya stong du mar yang dag par bsgrubs pa'i bden pa'i tshig gang yin pa dang / 'phags pa'i bden pa bzhi dang dran pa nye bar gzhag pa bzhi dang rdzu 'phrul gyi rkang pa bzhi dang de bzhin gshegs pa'i stobs bcu dang pha rol tu phyin pa drug dang / byang chub kyi</font><hr>93.138b<br><font size=+1>

yan lag rin po che bdun dang / tshangs pa'i gnas pa bzhi dang / sangs rgyas kyi chos ma 'dres pa bcwa brgyad gang dag yin pa dang / gsang ba pa'i bdag po/ mdor na de bzhin gshegs pa rnams kyi thams cad mkhyen pa'i ye shes gang yin pa de thams cad de bzhin gshegs pa rnams kyi bsod nams dang ye shes kyi stobs dang / sngon gyi smon lam mkhyen pa'i stobs dang / chos kyi dbyings kyi byin gyi rlabs kyi stobs kyi byin gyis brlabs nas/ sems can rnams la skal pa ci lta ba bzhin du gsang sngags kyi cho ga yang dag par rab tu ston to/ /gsang sngags kyi cho ga de yang gang zhe na/ gzod nas ma skyes pa'i phyir a ni chos thams cad kyi sgo'o/ /dgongs pa dang bral ba'i phyir ka ni chos thams cad kyi sgo 'o/ /nam mkha' dang 'dra bar dmigs su med pa'i phyir/  kha ni chos thams cad kyi sgo'o/ /'gro ba thams cad dmigs su med pa'i phyir ga ni chos thams cad kyi sgo'o/ /gcig tu 'phungs pa dmigs su med pa'i phyir g+ha ni chos thams cad kyi sgo'o/ /'chi 'pho thams cad dang bral ba'i phyir tsa ni chos thams cad kyi sgo'o/ /grib ma thams cad dang mtshungs pa'i phyir tsha ni chos thams cad kyi sgo'o/ /skye ba dmigs su med pa'i phyir dza ni chos thams cad kyi sgo'o/ /dri ma dmigs su med pa'i phyir dz+ha ni chos thams cad kyi sgo'o/ /nga rgyal dmigs su med pa'i phyir Ta ni chos thams cad kyi sgo'o/ /bskyed pa dmigs su med pa'i phyir Tha ni chos thams cad kyi sgo'o/ /'khrug pa dmigs su med pa'i phyir Da ni chos thams cad kyi sgo'o/ /bslu ba yongs su bral ba'i phyir D+ha ni chos thams cad kyi sgo'o/ /de bzhin nyid dmigs su med pa'i phyir ta ni chos thams cad kyi sgo'o/ /gnas dmigs su med pa'i phyir tha ni chos thams cad kyi sgo'o/ /'dul ba dmigs su med pa'i phyir da ni chos thams cad kyi sgo'o/ /khams dmigs su med pa'i phyir d+ha ni chos thams cad kyi sgo'o/ /don dam pa'i bden pa dmigs su med pa'i phyir pa ni chos/ </font><hr>93.139a<br><font size=+1>

thams cad kyi sgo'o/ /lbu ba dang 'dra bar snying po med pa'i phyir pha ni chos thams cad kyi sgo'o/ /dag gi lam dang bral ba'i phyir ba ni chos thams cad kyi sgo'o/ /srid pa thams cad dmigs su med pa'i phyir b+ha ni chos thams cad kyi sgo'o/ /'chi ba dmigs su med pa'i phyir ma ni chos thams cad kyi sgo'o/ /theg pa thams cad dmigs su med pa'i phyir ya ni chos thams cad kyi sgo'o/ /rdul thams cad dang bral ba'i phyir ra ni chos thams cad kyi sgo'o/ /mtshan nyid mi dmigs pa'i phyir la ni chos thams cad kyi sgo'o/ /rang bzhin gyis zhi ba'i phyir sha ni chos thams cad kyi sgo'o/ /rang bzhin gyis blun pa nyid kyi phyir Sha ni chos thams cad kyi sgo'o/ /bden pa thams cad dmigs su med pa'i phyir sa ni chos thams cad kyi sgo'o/ /rgyu dmigs su med pa'i phyir ha ni chos thams cad kyi sgo'o/ /gsang ba pa'i bdag po nga dang nya dang Na dang na dang ma ni ting nge 'dzin thams cad la dbang sgyur ba ste mthu thams cad dang ldan pa/ rab tu myur bar dgos pa'i don rab tu sgrub par byed pa yin no/ /gsang ba pa'i bdag po gsang sngags kyi tshul ting nge 'dzin gyi sgo 'di ni re ba thams cad yongs su rdzogs par byed pa/ de bzhin gshegs pa thams cad kyi rnam par smin pa'i 'bras bu bsam gyis mi khyab pa/ rnam pa thams cad kyi mchog dang ldan pa/ gsang sngags kyi de kho na nyid kyi don nges pa/ dus gsum las shin tu 'das pa/ nam mkha' ltar dri ma med pa ste/ bsam yas sems kyi sa la gnas/ /las dang bya ba dag las byung / /spyad pa'i sa ni rjes thob nas/ /bsam yas 'bras bu sbyin par byed/ /'di ni de nyid dam pa ste/ /sangs rgyas kun gyis rab tu bstan/ /gsang sngags cho ga 'di shes nas/ /sngags pas dngos grub thob par 'gyur/ /sgra zhes bya ba de nyid mchog /gsang sngags rnams kyi gsang sngags mtshan/ /sngags pas yid la sems</font><hr>93.139b<br><font size=+1>

na ni/ /'chi 'pho med pa'i gnas 'thob bo/ /de nas bcom ldan 'das la gsang ba pa'i bdag po phyag na rdo rjes 'di skad ces gsol to/ /bcom ldan 'das kyis gsang sngags kyi mtshan nyid kyi tshul bsam gyis mi khyab pa'i chos kyi rnam grangs bstan pa/ bcom ldan 'das ngo mtshar lags so/ /de ni nyan thos dang rang sangs rgyas thams cad dang thun mong ma lags te/ bcom ldan 'das gang dag gsang sngags kyi tshul 'di la dad pa'i sems can de dag kyang thun mong ma lags pa'i yon tan dang ldan par 'gyur ro/ /bcom ldan 'das gzhan yang dkyil 'khor gyi yo byad kyi cho ga bshad du gsol/ de skad ces gsol pa dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /de nas sngags pa de yis su/ /me tog ser po dkar po dmar/ /yid du 'ong bas nan tan du/ /lha rnams la ni mchod pa bya/ /pad ma'am yang na uta pa la/ /nA ga ge sar pu na ga /tsam pa a sho ti la ka /pa ta la dang sa la'ang rung / /de la sogs pa'i me tog rnams/ /yid du 'ong zhing blta na sdug /bkra shis pa la sngags pa yis/ /mkhas pas nan tan mchod par bya/ /tsan dan ta gar spri ka dang / /gur kum dang ni ru rta 'ang rung / /spos mchog rab tu bzang po ni/ /sna tshogs yid du 'ong ba dbul/ /a ga ru 'am sgron shing ngam/ /ga pur dang ni tsan dan dang / /sA la'i thang chu bkra shis pa'am/ /shi ri ba sa ka yang rung / /gzhan yang bdug spos sna tshogs pa/ /bkra shis 'jig rten rnam grags pa/ /yid 'ong sngags pas cho ga bzhin/ /lha rnams la ni dbul bar bya/ /de nas gzhan yang sems dpa' che/ /lha bshos las kyi cho ga nyon/ /'o thug 'bras chan zho sbyar nas/ /la phug dang ni mkhur skya dang / /gor bod ka ra yid 'ong dang / /kha 'da'i bca' ba bzang po dang / /pu ri ka dang ka ri ka /de bzhin ma thu shi ra dang / /phe na a shog bar ti dang / /par pa ta yang dbul bar bya'o/ /</font><hr>93.140a<br><font size=+1>

de la sogs pa'i bza' ba dang / /shing tog rnams ni sna tshogs dang / /hwags dang li kha ra rnams dang / /bu ram sbrang rtsi mar dag dang / /btung ba rnam pa sna tshogs dang / /zho dang 'o ma rgyas par dbul/ /mar me rnam pa sna tshogs pa/ /gtsang zhing shin tu bzang po yi/ /'bru mar rab tu dri zhim pas/ /rab tu bkang ste dbul bar bya/ /phyogs su gdugs dang ba dan rnams/ /kha dog sna tshogs rab tu bsgreng / /rta babs bzang po rnams kyang ni/ /dril bu dang bcas rab tu dbul/ /yang na yid kyi mchod pa ni/ /thams cad nan tan bskyed de bya/ /de nas bum pa brgyad dam ni/ /bcu drug rgyas par blangs nas su/ /sman dang rin chen thams cad blugs/ /spos kyi chus ni rab tu bkang / /ldum bu dag gis kha brgyan te/ /de bzhin 'bras bus kha yang dgang / /me tog spos la sogs pas brgyan/ /shin tu bzang po bsrung ba byas/ /mgrin pa ras kyis bcings pa rnams/ /mkhas pas rnam par dgod par bya/ /lha yi gtso bo rnams la ni/ /ras ni zung re zung re dbul/ /sems dpa' chen po phal rnams la/ /ya re dbul bar rab tu bsgrags/ /mchod pa de ltar byas nas ni/ /slob ma dkyil 'khor drung bkug ste/ /sngags pas chu yis bsang gtor bya/ /dri dang me tog sbyin par bya/ /de bzhin gshegs pa dran byas nas/ /byang chub sems kyang 'dzin du gzhug /des na rgyal ba'i rigs dge la/ /thams cad rab tu skyes par 'gyur/ /chos kyi dbyings las byung ba yi/ /phyag rgya de dag rnams la bcing / /chos kyi 'khor lo'ang bcings nas ni/ /rdo rje sems dpas byin gyis brlab/ /de nas sangs rgyas kun gyi ni/ /dam tshig sdom brtson can gyis bcing / /de tshe sngags kyi cho ga bzhin/ /ras la lan gsum gdab par bya/ /snying rjer gyur pa'i yid kyis su/ /de dag gi ni gdong yang dgab/ /dam tshig lan gsum bzlas nas ni/ /spyi bor yi ge ra zhes pa/ /glad kyi 'khor bcas brjid dang ldan/ /</font><hr>93.140b<br><font size=+1>

'bar ba'i phreng ba rnam par 'phro/ /zla ba 'char ka lta bu yi/ /kha dog dkar po gzhag par bya/ /skyob pa kun gyi spyan sngar ni/ /de nas me tog 'dor du gzhug /me tog gang la bab pa de/ /sngags pas de la sbyin par bya/ /dkyil 'khor dang po'i sgo drung du/ /sgo khyud kyi ni dbus kyi cha/ /dkyil 'khor gyi ni sgo gnyis kyi/ /bar du slob ma gzung bar bya/ /der gnas pa la cho ga kun/ /rim pa bzhin du legs par bya/ /slob ma sdig dang bral ba kun/ /de ltar legs par btsud nas ni/ /de dag zhi bar bya ba'i phyir/ /sbyin sreg cho ga bzhin du bya/ /snying po'i dkyil 'khor gyi ni mdun/ /dkyil 'khor gnyis pa'i rgyab rol gyi/ /dkyil 'khor gyi ni dbus kyi char/ /ma yengs pa yi sems kyis bya/ /me thab khru gang tsam gyi ni/ /tshad du rab tu bsgrags pa yin/ /kha ran sor bzhi tshad du bya/ /dbus su rdo rje rab tu brtag /de nas sngags pa'i g.yas logs su/ /sbyin sreg gi ni yo byad gzhag /g.yon gyi phyogs su slob ma rnams/ /tsog tsog por ni 'khod du gzhug /sdom brtson bdag nyid sa steng du/ /ku sha bting ba'i stan la 'dug /yang na tshon rtsi dmar po mchog /rab tu bzang po blangs nas su/ /de yis me yi gnas rnams kun/ /sngags pas mdo ru bri bar bya/ /ku sha dag gis g.yas phyogs nas/ /thams cad khor yug dgram pa ni/ /mang pos bskor ba'i tshul du dgram/ /spos kyi chu yis bsang gtor bya/ /de nas sems can phan byed pa'i/ /me ni thab khung nang bsams te/ /brtul zhugs bzang pos bgang blugs mchog /gsang sngags 'di yis sbyin par bya/ /na maH sa man ta bud d+hA nAn/ ag+na ye swA hA/ de nas slob ma re re nas/ /mkhas pas lag pa g.yon pa yis/ /g.yas pa'i mthe bong gzung nas su/ /mnyam par gzhag pas sbyin sreg bya/ /yid ni mnyam par gzhag nas su/ /sreg blugs</font><hr>93.141a<br><font size=+1>

re re las kyang ni/ /gsang sngags cho ga bzhin zlos shing / /nyi shu rtsa gcig sbyin sreg bya/ /na maH sa man ta bud d+hA nAn/ a ma hA shAn ta ga ta shAn ti ka ra pra sha ma d+har+m+ma ni ra dzA ta/ a b+hA ba swa b+hA ba d+har+m+ma sa ma tA prApa te sbA hA/ sbyin sreg rjes la sngags pa yis/ /slob ma rnams la yon bslang ba/ /gser dang dngul dang rin chen dang / /rta dang de bzhin glang po dang / /rnga mo ba lang ma he gos/ /gzhan yang dngos po ci yang rung / /de tshe slob mas gus par ni/ /dad pa rab tu ldan pa yis/ /sems la dga' ba bskyed nas su/ /bla ma la ni yon dbul lo/ /yang na ci nas bla ma de/ /rab tu mgu bar 'gyur bar bya/ /de ltar byas nas bdag bsrungs te/ /slob ma de la bsgo ba ni/ /'di ni bsod nams zhing yin zhes/ /sems can kun gyi don gyi phyir/ /skyob pa rnams ni kun gyis gsungs/ /rnam dag yon tan rgyas pa yi/ /dge 'dun la ni kun gyis byin/ /dge 'dun la phul 'bras bu che/ /skyes bu mkhas pa gang dag gis/ /dge 'dun la ni yon phul na/ /longs spyod chen po mi zad pa/ /'jig rten 'thad pa skye bar 'gyur/ /de bas thams cad mthun par ni/ /sems la dga' ba bskyed nas su/ /sangs rgyas bsngags pa'i dge 'dun la/ /ci nus par ni mchod ston bya/ /de nas bcom ldan 'das rnam par snang mdzad kyis byang chub sems dpa' sems dpa' chen po phyag na rdo rje la bka' stsal pa/ sems dpa' chen po dbang bskur ba/ /sngon gyi sangs rgyas kyis bshad pa/ /rgyas pa ru ni bshad par bya/ /yid gcig sdus te legs par nyon/ /gsang ba pa'i bdag po/ de la slob dpon gyis rtsa ba'i dkyil 'khor gyi mdun du bar khru do bor nas phyi rol gyi sa dkyil 'khor gnyis pa gru bzhi pa sgo gcig pa bri'o/ /grA bzhir rdo rje 'dzin pa bzhi dgod de/ bzhi gang zhe na 'di lta ste/ spros pa med par gnas pa dang / </font><hr>93.141b<br><font size=+1>

nam mkha' dri ma med pa dang / dri ma med pa'i mig dang / gos sna tshogs gyon pa rnams so/ /dbus su pad ma chen po 'dab ma brgyad pa ze ba dang bcas pa gzhag ste/ 'dab ma bzhi la byang chub sems dpa' grogs su gyur pa sngon gyi smon lam gyi mthu can bzhi bri bar bya ste/ 'di lta ste/ gzungs kyi dbang phyug rgyal po dang / dran pa dang shes bzhin can dang / phan pa'i lhag pa'i bsam pa can dang snying rje can no/ /'dab ma gzhan rnams la ni phyag brnyan bzhi bri ste/ bzhi gang zhe na 'di lta ste/ sems kyi khyad par la spyod pa dang / 'dod pa yongs su rdzogs byed dang / ma chags pa dang / rnam par grol ba'o/ /dbus su ni chos kyi dbyings bsam gyis mi khyab pa'i gzugs gzhag go/ /de nas rin po che'i bum pa bzhi rin po che dang sman thams cad blugs pa/ kun tu bzang po dang byams pa dang sgrib pa thams cad rnam par sel ba dang / ngan song thams cad spong ba rnams kyis byin gyis brlabs pas spyi bo nas dbang bskur ro/ /pad ma 'dab ma de la ni/ /sngags pa bdag gis de gzhag nas/ /spos dang me tog gis mchod de/ /mar me mchod yon sbyin par bya/ /gdugs dang rgyal mtshan ba dan dang / /rnga sgra yid du 'ong ba dang / /bkra shis rgya chen snyan pa yi/ /tshig gis legs par mngon dga' bya/ /skyob pa rnams kyi spyan snga ru/ /de ni bsgrims te dbang bskur ro/ /spos dang me tog bzang po yis/ /de la yang ni mchod pa bya/ /de nas gser gyi thur ma ni/ /thogs te mdun du 'dug nas su/ slob ma'i snying la 'bab pa'i tshig /'di skad ces ni smra bar bya/ /sngon gyi mig mkhan rgyal po yis/ /'jig rten ling tog bsal ba bzhin/ /bu khyod kyis ni mi shes pa'i/ /ling tog rgyal ba rnams kyis bsal/ /de nas me long blangs nas su/ /chos kyi mtshan nyid bshad par bya/ /chos rnams gzugs brnyan lta bu ste/ /dang zhing dag la rnyog pa med/ /gzung du med cing brjod du med/ /rgyu dang las las byung ba ste/ /ngo bo</font><hr>93.142a<br><font size=+1>

nyid med gnas med pa/ /de ltar mtshan nyid bshad par bya/ /de ltar chos 'di shes nas su/ /sems can don ni mnyam med byos/ /'on kyang sangs rgyas sras su skye/ /de nas rkang pa'i bar 'og tu/ /chos kyi 'khor lo gzhag par bya/ /de nas lag pa g.yas par yang / /shin tu bzang po'i dung byin te/ /chos kyi dung ni bla med pa/ /kun tu rgyas par bus nas su/ /de ring phan cad 'jig rten la/ /skyob pa rnams kyi 'khor lo bskor/ /som nyi yid gnyis mi bya zhing / /dogs pa med pa'i sems kyis khyod/ /gsang sngags spyad pa'i tshul gyi mchog /'jig rten 'di la rab tu shod/ /de ltar byas na sangs rgyas la/ /phan 'dogs byas pa bzo zhes bya/ /rdo rje 'dzin pa de kun yang / /khyod la rnam pa kun tu bsrung / /de nas slob ma de bslang la/ /sngags pa snying rjer gyur pa yi/ /yid kyis nang du bcug nas ni/ /de la dam tshig bstan par bya/ /de ring phan cad bu khyod kyis/ /dam pa'i chos dang byang chub sems/ /srog gi phyir yang da phyin cad/ /yongs su btang bar mi bya'o/ /khyod kyis ser sna dang ni gang / /sems can gnod pa mi bya'o/ /dam tshig 'di dag sangs rgyas kyis/ /brtul zhugs bzang po khyod la bshad/ /ci ltar rang gi srog bsrung ba/ /de ltar khyod kyis 'di dag bsrungs/ /slob mas bla ma'i rkang pa la/ /dad cing gus pas phyag byas nas/ /shin tu nges pa'i yid kyis ni/ /de dag thams cad khas blang ngo / /de nas yang bcom ldan 'das la gsang ba pa'i bdag po phyag na rdo rjes 'di skad ces gsol to/ /bcom ldan 'das rigs kyi bu'am rigs kyi bu mo gang snying rje chen po'i snying po 'byung ba'i dkyil 'khor gyi rgyal po chen po 'di'i dam tshig la zhugs par gyur pa de'i bsod nams ci tsam zhig mngon par 'dus bgyis par rig par bgyi/ de skad ces gsol pa dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal pa/ sems dang po bskyed pa nas nye bar gzung ste de bzhin</font><hr>93.142b<br><font size=+1>

gshegs pa las byung ba'i bsod nams mngon par 'dus byas pa ci tsam pa/ rigs kyi bu 'am rigs kyi bu mo de dag gi bsod nams mngon par 'dus byas pa yang de tsam du rig par bya'o/ /gsang ba pa'i bdag po/ rnam grangs 'dis kyang khyod kyis 'di ltar blta ste/ rigs kyi bu dang rigs kyi bu mo de dag ni de bzhin gshegs pa'i zhal dang thugs las skyes pa'i sras yin par rig par bya'o/ /rigs kyi bu dang rigs kyi bu mo de dag phyogs gang na gnas pa der de bzhin gshegs pas chen po dgongs mi dgos par 'gyur ro/ /gsang ba pa'i bdag po/ de lta bas na de bzhin gshegs pa la mchod par 'dod pa'i rigs kyi bu dang rigs kyi bu mo rnams kyis de dag la mchod par bya'o/ /de bzhin gshegs pa la blta bar 'dod pa rnams kyis de dag la blta bar bya'o/ /de nas phyag na rdo rje la sogs pa rdo rje 'dzin de dag dang kun tu bzang po la sogs pa byang chub sems dpa' sems dpa' chen po de rnams kyis mgrin gcig tu tshig smras pa/ bcom ldan 'a 'das deng slan cad rigs kyi bu dang rigs kyi bu mo de rnams la rim gror bgyi zhing mchod par bgyi'o/ /bcom ldan 'das de/  ci'i slad du zhe na/ rigs kyi bu dang rigs kyi bu mo de dag nyid sangs rgyas bcom ldan 'das rnams su blta bar bgyi ba lags so/ /de nas yang bcom ldan 'das rnam par snang mdzad kyis thams cad dang ldan pa'i 'khor de dag la gzigs nas/ gsang ba pa'i bdag po phyag na rdo rje dang rdo rje 'dzin de rnams dang thams cad dang ldan pa'i 'khor rnams la bka' stsal pa/ rigs kyi bu dag de bzhin gshegs pa rnams kyi gsang sngags kyi tshig gsung gis 'khor lo'i dkyil 'khor mtha' yas par 'jug pa rgya chen po las byung ba sna tshogs kyi gzugs kyi nor bu dang 'dra ba/ re ba thams cad yongs su rdzogs par byed pa/ bsod nams kyi tshogs dpag tu med pa/ thogs pa med pa'i rtog pa la gnas pa dus gsum du chags pa med pa'i stobs dang ldan pa dag yod do/ /de skad ces bka' stsal</font><hr>93.143a<br><font size=+1>

pa dang gsang ba pa'i bdag po phyag na rdo rje dang rdo rje 'dzin de rnams dang / thams cad dang ldan pa'i 'khor de dag gis mgrin gcig tu tshig smras pa/ bcom ldan 'das de'i dus la bab bo/ /bde bar gshegs pa de'i tshod la bab bo/ /de nas bcom ldan 'das kyis de'i tshe ljags kyi dbang po 'dod pa thams cad yongs su rdzogs par rnam par sprul pas thams cad dang ldan pa'i sangs rgyas kyi zhing kun tu g.yogs nas/ chos kyi rgyal mtshan gyi tog rgya chen po yongs su dag pa'i rtse mo la blta ba zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs ma thag tu/ de nas 'di ltar de bzhin gshegs pa thams cad kyis/ chos kyi dbyings khyab pa sems can gyi khams ma lus pa rnams yongs su bskyab pa'i sgra 'byin pa/ rig sngags kyi rgyal mo stobs chen mo bsrung ba chen mo 'di gsungs so/ /na maH sar+b+ba ta thA ga te b+h+yaHsar+b+ba b+ha ya/ ga te b+h+yo bi shwa mu khe b+h+yaH sar+b+ba thA khaM rak+Sha ma hA ba le sar+b+ba ta thA ga ta pu N+ya nir dzA te/ hU~M hU~M hra ta tra ta a pra ti ha te swA hA/ sangs rgyas mkhas pa thams cad kyis/ /rig sngags 'di gsungs mod la ni/ /de tshe sangs rgyas zhing 'di dag /rnam pa drug tu g.yos par gyur/ /byang chub sems dpa' de kun gyis/ /ngo mtshar gyur pa'i mig gdangs nas/ /sangs rgyas kun gyi spyan sngar ni/ /yid du 'ong ba'i tshig smras pa/ /e ma'o sangs rgyas thams cad kyis/ /bsrung ba rab tu stobs chen 'di/ /sems can thams cad bsrung ba dang / /bskyab cing sba ba'i phyir gsungs te/ /gang gi snying la bsrung gnas pa/ /de dag la ni 'jigs pa med/ /gsang sngags mthu chen dran byas na/ /bgegs dang log 'dren thams cad dang / /srin po 'jigs pa'i gzugs can ni/ /de dag thams cad 'jig par 'gyur/ /de nas yang bcom ldan 'das kyis chos kyi dbyings rgya chen por byin gyis brlabs nas/ de'i tshe chos kyi dbyings kyi mdzod kyi snying po can zhes bya ba'i ting nge 'dzin la snyoms par zhugs so/ /</font><hr>93.143b<br><font size=+1>

bcom ldan 'das ting nge 'dzin la snyoms par zhugs ma thag tu dam tshig la 'jug pa'i rig sngags byung ngo / /na maH sa man ta bud d+hA nAn/ a sa ma tri sa me sa ma ye swA hA/ de nas de ma thag tu sangs rgyas kyi zhing thams cad dang / byang chub sems dpa'i 'khor gyi dkyil 'khor thams cad du dam tshig la 'jug pa'i rig sngags kyi sgra gang zhig thos nas mkhas pa rnams chos thams cad las 'da' bar mi 'gyur ba grag par gyur to/ /de nas yang bcom ldan 'das kyis chos kyi dbyings kun tu 'byung ba'i gsang sngags gsungs pa/ na maH sa man ta bud d+hA nAn/ d+har+m+ma d+hA tu swa b+hA ba Ata ma ko haM/ chos kyi dbyings byin gyis brlab pa'o/ /na maH sa man ta badzra NAn/ badzra At+ma ko ha~M/ rdo rje sems dpar byin gyis brlabs pa'o/ /na maH sa man ta badzra NAn/ badzra ka ba tsa hU~M/ rdo rje go cha'o/ /na maH sa man ta bud+hA nAn/ ta thA ga ta tsak+Shur bya ba lo kA ya swA hA/ de bzhin gshegs pa'i spyan no/ /na maHsa man ta bud d+ha nAn/ bi shud d+ha gan d+hod b+ha ba swA hA/ byug spos kyi sngags so/ /na maH sa man ta bud d+hA nAn/ ma hA mai t+r+yad b+h+yud ga ta swA hA/ me tog gi sngags so/ /na maH sa man ta bud d+hA nAn/ d+har+m+ma d+hA twa nu ga ta swA hA/ bdug spos kyi sngags so/ /na maH sa man ta bud d+hA nAn/ sar+b+ba ta thA ga ta ra tsi s+pha ra Na a ba b+hA sa ga ga not+ta re b+h+yaHswA hA/ mar me'i sngags so/ /na maH sa man ta bud d+hA nAn/ ga ga na sa ma sa ma swA hA/ mchod yon gyi sngags so/ /na maH sa man ta bud d+hA nAn/ ga ga na nAn da s+pha ra Na bi shud d+ha d+har+m+ma ni ra dza ta swA hA/ gtsug tor gyi sngags so/ /na maH sa man ta bud d+hA nAn/ pra tsaN Da badzra dz+wa lA bi spu ra hU~M/ de bzhin gshegs pa'i go cha'o/ /na maH sa man ta bud d+hA nAn/ dz+wa la mA lin ta thA ga ta ra tsa swA hA/ kun tu 'bar ba'o/ /na maH sa man ta bud d+hA nAn/ ma hA ta thA ga ta dzi hwa s+ya d+har+m+ma pra tiSh+Thi ta swA hA/ de bzhin gshegs pa'i ljags</font><hr>93.144a<br><font size=+1>

kyi'o/ /dkyil 'khor du dgod pa'i sngags kyi mdzod do/ /de nas yang bcom ldan 'das rnam par snang mdzad la phyag na rdo rjes zhus pa bcom ldan 'das ci ltar na/ dkyil 'khor bri ba'i tshe na ni/ /bgegs rnams zhi bar 'gyur ba lags/ /gsang sngags sgrub pa'i tshe na yang / /log 'dren rnams ni ma mchis 'gyur/ /gsang sngags rnams kyang ci ltar bsgrub/ /de yi 'bras bu ci 'drar 'gyur/ /de skad gsol nas de yi tshe/ /bcom ldan rnam snang mdzad chen gyis/ /'di skad ces ni bka' stsal to/ /sems dpa' chen po legs so legs/ /khyod kyis yongs su dris pa gang / /thams cad khyod la bstan par bya/ /sngon cad ser sna bsten pa'i phyir/ /bgegs ni rang gi sems las byung / /de yi rgyu ni gzhig pa'i phyir/ /gang du sems dang sems byung ba'i/ /rtog pa thams cad spong ba dang / /rnam par rtog pa las byung ba'i/ /spros pa thams cad 'gag 'gyur ba'i/ /byang chub sems shes bshad pa yin/ /sngags pas byang chub sems dran zhing / /mi g.yo ba ni yid la bzlas/ /de yi phyag rgya bcings na ni/ /bgegs rnams thams cad 'jig par 'gyur/ /gsang ba pa'i bdag po/ de la rlung bcing ba 'di nyon cig /a zhes bya bar bdag bsgyur te/ /ha zhes bya bar yid la bzlas/ /rlung gi phyogs su gnas nas ni/ /sa la spos kyi thig le dag /bdun nyid legs par byas nas su/ /kham phor gyis ni dgab par bya/ /kham phor ri rab chen po ru/ /yang dang yang du bsam par bya/ /de yi steng du a zhes pa/ /klad kor bcas pa rgyas par bsam/ /rlung bcing chen po de lta bu/ /sngon gyi rgyal ba rnams kyis bshad/ /sems dpa' chen po chu yi yang / /yid gcig bsdus te mnyan par gyis/ /sngags pas ra zhes bya ba ni/ /thams cad dmar po stobs chen bsam/ /'bar ba'i phreng can mi bzad pa/ /khro bo lag na ral gri thogs/ /sa la sprin gyi gzugs bris nas/ /ral gri'i</font><hr>93.144b<br><font size=+1>

phyag rgyas gdab par bya/ /phyogs kun nas ni langs pa'i sprin/ /de ma thag tu 'jig par 'gyur/ /yang na sngags pa mi g.yeng bas/ /de dag phur bus gdab bya ste/ /mkhas pa rdo rjer gyur nas su/ /thams cad rdo rje phur bus btab/ /yang na bgegs rnams thams cad ni/ /zhi bar bya ba yang bshad de/ /sngags pa dkyil 'khor dbus gnas nas/ /mi g.yo stobs chen gsang sngags ni/ /shin tu mi bzad gsang sngags kyi/ /dkyil 'khor dag la gnas par bsam/ /de yi gzugs brnyan byas nas ni/ /rkang pa g.yon pas spyi bor gzer/ /'on tang de ni zhir 'gyur ba'am/ /dogs pa med par 'chi bar 'gyur/ /de yi gzugs brnyan byas nas su/ /ske tse dug khrag bsres pa yis/ /byugs nas sngags pas bskams nas ni/ /gdon de myur du 'tshig par 'gyur/ /de ni me la bskams pa dang / /dug gis bskus na nges par ni/ /tshangs pa 'am 'on te brgya byin yang / /de yi mod la myur du 'tshig /de nas bcom ldan 'das la phyag na rdo rjes 'di skad ces gsol to/ /bcom ldan 'das kyis gsungs pa'i don bdag gis 'tshal ba ltar na bdag gis 'di ltar mjal to/ /bcom ldan 'das rang gi dkyil 'khor gyi gnas la gnas na lha rnams byin gyis rlob par byed do/ /de nyid du gnas na de bzhin gshegs pa'i bka' las kyang 'gal bar mi bgyid do/ /bcom ldan 'das/ 'di ltar rang gi rigs la gnas pa de ni gsang sngags thams cad kyi dam tshig lags so/ /byang chub sems dpa' gsang sngags kyi sgo nas byang chub sems dpa'i spyad pa spyod pa rnams kyis kyang rang gi gnas la gnas nas don thams cad bsgrub par bgyi'o/ /bcom ldan 'das kyis bka' stsal pa/ gsang ba pa'i bdag po/ de de bzhin te ci skad smras pa de bzhin no/ /gsang ba pa'i bdag po/ gzhan yang gang gis kha dog gang gsungs pa/ /de nyid de'i dkyil 'khor te/ /lha yi gzugs ni de lta bur/ /sngon gyi sangs rgyas rnams kyis bstan/ /de la gsang ba pa'i bdag po ma 'ongs pa'i dus na</font><hr>93.145a<br><font size=+1>

sems can blo zhan pa ma dad pa gang dag bstan pa 'di la dad par mi 'gyur zhing yid gnyis dang som nyi mang ba/ thos pa tsam snying por 'dzin pa sgrub pa la mi phyogs pa dag 'byung bar 'gyur te/ de dag ni bdag nyid kyang ma rung la/  gzhan yang phung bar byed pa yin no/ /'di skad du 'di ni phyi rol pa rnams la yod de sangs rgyas rnams gyis gsungs pa ni ma yin no zhes smra bar 'gyur gyi/ mi blun po de dag gis 'di ltar bcom ldan 'das thams cad mkhyen pa/ chos thams cad la mnga' brnyes pa/ sems can gyi don rtogs par thugs su chud pa des/ sngon sems can rnams la phan par bzhed nas/ 'di dag thams cad bshad do zhes bya bar ni mi shes so/ /chos rnams kyi ni chos kyi mtshan/ /blun po des ni de mi shes/ /chos rnams kun gyi mtshan nyid ni/ /stong pa nyid du yang dag gsungs/ /sngags pa rtag tu der gnas nas/ /rab tu nges par las bya'o/ /bgegs zhi bar bya ba'i rim par phye ba rgyas pa'o/ / de nas phyag na rdo rje la sogs pa rdo rje 'dzin de dag dang / kun tu bzang po la sogs pa byang chub sems dpa' de rnams kyis bcom ldan 'das rnam par snang mdzad la phyag 'tshal nas/ snying rje chen po 'byung ba'i dkyil 'khor chen po 'dir chos kyi dbyings rnam par dag pa'i sgo ci ltar rtogs pa rang rang gi tshig tu brjod pa'i tshig gis gsang sngags rnams smra bar 'dod nas bcom ldan 'das la gsol ba btab bo/ /de nas bcom ldan 'das rnam par snang mdzad kyis byang chub sems dpa' de dag dang / rdo rje 'dzin de dag la mi nyams pa'i chos nyid du byin gyis brlabs nas bka' stsal pa/ rigs kyi bu dag chos kyi dbyings ci ltar rtogs pa bzhin sems can gyi khams rnam par sbyong ba'i gsang sngags kyi tshig rnams smros shig /de nas de'i tshe byang chub sems dpa' kun tu bzang pos sangs rgyas kyi rgyan gyi yul zhes bya ba'i ting nge 'dzin la snyoms par zhugs nas stobs thogs pa med pa'i gsang sngags smras pa/ na maH sa man ta bud d+hA nAn/ sa</font><hr>93.145b<br><font size=+1>

man tA nu ga ti ba ra dza d+har+m+ma nir dzA ta ma hA ma hA swA hA/ kun tu bzang po'i 'o/ /de nas byang chub sems dpa' byams pas byams pa chen po kun tu 'byung ba zhes bya ba'i ting nge 'dzin la snyoms par zhugs nas rang gi snying po smras pa/ na maH sa man ta bud d+hA nAn/ a dza tan dza yA sar+b+ba sa twa A sha yA nu ga ta swA hA/ byams pa'i 'o/ /de nas yang byang chub sems dpa' nam mkha'i snying po rnam par dag pa'i yul zhes bya ba'i ting nge 'dzin la snyoms par zhugs nas gsang sngags smras pa/ na maH sa man ta bud d+hA nAn/ A kA sha sa ma tA nu ga ta bi tsid tra~M ba ra d+ha ra swA hA/ nam mkha'i snying po'i 'o/ /de nas byang chub sems dpa' sgrib pa thams cad rnam par sel ba snying rje chen po'i snying stobs zhes bya ba'i ting nge 'dzin la snyoms par zhugs nas gsang sngags smras pa/ na maH sa man ta bud d+hA nAn/ A sa tA hri ta ad+b+h+yud ga ta trA~M trA~M rA~M rA~M swA hA/ sgrib pa thams cad rnam par sel ba'i 'o/ /de nas byang chub sems dpa' kun tu spyan ras gzigs dbang phyug kun tu spyan ras gzigs shes bya ba'i ting nge 'dzin la snyoms par zhugs nas rang gi snying po 'khor dang bcas pa smras pa/ na maH sa man ta bud d+hA nAn/ sar+b+ba ta thA ga ta a ba lo ki ta kA ru NA ma yA ra ra ra hU~M dza swA hA/ spyan ras gzigs dbang phyug gi go/ /na maH sa man ta bud d+hA nAn/ dza~M dza~M sa swA hA/ mthu chen thob kyi'o/ /na maH sa man ta bud d+hA nAn/ kA ru Nod b+ha be tA re tA ri Ni swA hA/ lha mo sgrol ma'i 'o/ /na maH sa man ta bud+d+hA nAn/ sarba b+ha ya trA sa ni hU~M s+pho Ta ya swA hA/ khro gnyer can ma'i 'o/ /na maH sa man ta bud d+hA nAn/ ta thA ga ta bi sha ya sam b+ha be/ pad ma mA li ni swA hA/ gos dkar can ma'i 'o/ /na maH sa man ta bud d+hA nAn/ hU~M kha da ban d+ha s+pho Ta yA swA hA/ rta mgrin gyi'o/ /de nas byang chub sems dpa' sa'i snying po rdo rje mi shigs pa rtog pa'i yul zhes bya ba'i ting nge 'dzin la snyoms par zhugs nas gsang sngags smras pa/ na maH sa man ta bud d+hA nAn/ ha ha ha su ta nu swA hA/ sa'i snying po'i 'o/ /de nas byang chub sems dpa' 'jam dpal gzhon nur gyur pa sangs rgyas</font><hr>93.146a<br><font size=+1>

kyi byin gyi brlabs rnam par 'phrul pa zhes bya ba'i ting nge 'dzin la snyoms par zhugs nas rang gi snying po smras pa/ na maH sa man ta bud d+hA nAn/ he he he ku mA ra ka bi mug ti sa tha s+thi ti sma ra sma ra pra ti ta na swA hA/ 'jam dpal gyi'o/ /de nas gsang ba pa'i bdag po phyag na rdo rje mi pham pa zhes bya ba'i ting nge 'dzin la snyoms par zhugs nas rang gi snying po 'khor dang bcas pa smras pa/ na maH sa man ta badzrA NAn/ tsaN Da ma hA ro Sha Na hU~M/ phyag na rdo rje'i 'o/ /na maH sa man ta badzrA NAn/ tri Ta tri Ta dza yan ti swA hA/ mA ma ki'i 'o/ /na maH sa man ta bud d+hA nAn/ hU~M ban d+ha ya ban d+ha ya/ mo Ta ya mo Ta ya badzrod b+ha be sar+b+ba tra a pra ti ha te swA hA/ rdo rje lu gu rgyud kyi'o/ /na maH sa man ta badzrA NAM hrIHhU~M phaT swA hA/ khro zla gtso bo'i 'o/ /maHna maH sa man ta badzrA NA na sar+b+ba d+har+m+ma nir b+he d+ha ni badzra su tsi ba ra de swA hA/ rdo rje rtse mo'i 'o/ /na maH sa man ta badzrA NAM hU~M hU~M hU~M phaT phaT/ dza~M dza~M swA hA/ rdo rje 'dzin pa kun gyi'o/ /na maH sa man ta badzrA NAM he he kiny+tsi rA ya si gr-ih+Na gr-ih+Na khA da khA da pa ri pU ra yA sa pra ti dz+nyAM na swA hA/ phyag brnyan thams cad kyi'o/ /de nas de'i tshe bcom ldan 'das shAkya thub pa rin po che'i 'byung gnas zhes bya ba'i ting nge 'dzin la snyoms par zhugs nas/ nyid kyi snying po 'khor dang bcas pa dag gsungs pa/ na maH sa man ta bud d+d+hA nAn/ sar+b+ba kle sha ni shud+d+hA na sar+b+ba d+har+m+ma ba shi ta prA p+ta ga ga na sa ma sa ma swA hA/ shAkya thub pa'i 'o/ /na maH sa man ta bud d+hA nAn/ ba ra de ba ra prAp+te hU~M/ mdzod spu'i 'o/ /na maH sa man ma ta bud d+hA nAn/ ba~M ba~M hU~M hU~M phaT swA hA/ gtsug tor thams cad kyi'o/ /na maH sa man ta bud d+hA nAn/ /d+h+ring d+h+ring ring ring dzri dzri swA hA/ khro bo gzhan gyis mi thub pa zhes bya ba'i 'o/ /na maH sa man ta bud d+hA nAn/ a pa rA dzi ta dz+wa la na ti dz+ha Ti ta swA hA/ gzhan gyis mi thub pa'i 'o/ /na maH sa man ta bud d+hA nAn/ pri thi byai/ swA hA/ sa'i 'o/ /na maH sa man ta bud d+hA nAn/ biSh+Na ba swA hA/ khyab 'jug gi'o/ /na maH sa man ta bud+d+hA nAn/ ru drA</font><hr>93.146b<br><font size=+1>

ya swA hA/ drag po'i 'o/ /na maH sa man ta bud+d+hA nAn/ bA ya be swA hA/ rlung lha'i 'o/ /na maH sa man ta bud+d+hA nAn/ sa ra swa t+yai/  swA hA/ dbyangs can gyi'o/ /na maH sa man ta bud+d+hA nAn/ rAk+Sha sA d+hi pa ta ye swA hA/ bden bral gyi'o/ /na maH sa man ta bud+d+hA nAn bai ba sa twA ya swA hA/ gshin rje'i 'o/ /na maH sa man ta bud+d+hA nAn/ mri ta ye swA hA/ 'chi bdag gi'o/ /na maH sa man ta bud+d+hA nAn/ kA la rA tri ye swA hA/ dus mtshan gyi'o/ /na maH sa man ta bud+d+hA nAn/ ma tri b+h+yaH swA hA/ ma mo rnams kyi'o/ /na maH sa man ta bud+d+hA nAn/ sha krA ya swA hA/ brgya byin gyi'o/ /na maH sa man ta bud+d+hA nAn/ a ba~M ba ta ye swA hA/ chu lha'i 'o/ /na maH sa man ta bud+d+hA nAn/ A di t+yA ya swA hA/ nyi ma'i 'o/ /na maHsa man ta bud+d+ha nAn/ pra dza pa ta ye swA hA/ tshangs pa'i 'o/ /na maH sa man ta bud+d+hA nAn/ tsan drA ya swA hA/ zla ba'i 'o/ /na maH sa man ta bud+d+hA nAn/ me g+ha sha ni ye swA hA/ dga' bo dang bsnyen dga' bo'i'o/ /de nas yang bcom ldan 'das rnam par snang mdzad bstan pa don yod par grub par bzhed nas sangs rgyas dang byang chub sems dpa' thams cad kyi yum rig sngags kyi rgyal mo gsungs pa/ na maH sa man ta bud+d+hA nAn/ ga ga na ba ra la k+Sha Ne ga ga na sa ma sar+b+bo da ga ta ti sa ra sa ma b+ha be dz+wa la na mo a mo g+hA nAn swA hA/ sangs rgyas dang byang chub sems dpa' thams cad kyi yum nam mkha'i spyan no/ /de nas yang bcom ldan 'das rnam par snang mdzad bgegs thams cad zhi bar bya ba'i phyir gzi brjid 'byung ba zhes bya ba'i ting nge 'dzin la snyoms par zhugs nas bgegs chen po 'joms pa'i gsang sngags 'di gsungs so/ /na maH sa man ta badzrA NAn/ tsaN+Da ma hA ro Sha Na s+pha Ta ya hU~M/ trag ha mA 'phags pa mi g.yo ba'i 'o/ /na maH sa man ta badzrA NAM ha ha ha bisma ye sar+b+ba ta thA ga na bi Sha ya saM b+ha ya trai lo kya bi dza ya hU~M dza swA hA/ khams gsum las rnam par rgyal ba'i 'o/ /na maH sa man ta bud+d+hA nAn/ he tu pra t+ya ya bi ga te d+har+m+ma ni rA dza ta hU~M/ nyan thos</font><hr>93.147a<br><font size=+1>

rnams kyi'o/ /na maH sa man ta bud+d+hA NAM ba/ rang sangs rgyas rnams kyi'o/ /na maH sa man ta bud+d+hA NAM/ sar+b+ba bud+d+ha bo d+hi sa twa hr-i da yaM ni be sha ni na maH sar+b+ba bid+yA swA hA/ sangs rgyas dang byang chub sems dpa' thams cad kyi snying po'o/ /na maH sa man ta bud+d+hA nAn/ lo ka lo ka ka rA yA sar+b+ba de ba nA ga yak+Sha gan d+har+b+ha bA a su ra ga ru da kin na ra/ ma ho ra ga hr-i da yan/ n+ya ka ri Sha ya bi tsi tra ga ti swA hA/ lha la sogs pa spyi'i snying po'o/ /na maH sa man ta bud+hA nAn/ sar+b+ba thA bI ma ti bi ki ra Na/ d+har+m+ma d+hA tu nir dzA ta saM saM ha swA hA/ byang chub sems dpa' thams cad kyi'o/ /na maH sa man ta bud+hA nAn/ durdA n+ta ma hA ro Sha Na khA Ta ya sar+b+bA na ta thA ga ta A dz+nyAM ku ru swA hA/ sgo srungs gdul dka' ba zhes bya ba'i 'o/ /na maHsa man ta bud+hA nAn/ he ma hA pra tsan Da a b+hi mu kha grih+Na khA da ya kin tsi rA ya si sa ma ya ma nu sma ra swA hA/ sgo srungs mngon du phyogs pa'i 'o/ /na maH sa man ta bud+hA nAn/ sar+b+ba tra a nu ga te/ ban d+ha sI mAM ma hA sa ma ya ni ra dzA te sma ra Ne a pra ti ha te d+ha ka d+ha ka tsa ra tsa ra/ b+han d+ha b+han d+ha/ da sha di shan sar+b+ba ta thA ga ta/ a nu ga te pra ba ra d+har+m+ma la ba d+ha bi dza ye b+ha ga ba ti/ bi ku ri bi ku le le lu bu pri swA hA/ mtshams chen mo gcod pa'i 'o/ /na maH sa man ta bud+d+hA nAn/ a/ byang chub kyi'o/ /A spyod pa'i 'o/ /o~M rdzogs par sangs rgyas pa'i 'o/ /a mya ngan las 'das pa'i 'o/ /na maH sa man ta badzrA NAM hA/ 'jig rten gsum las rnam par rgyal ba'i'o/ /na maH sa man ta badzrA NAM hA~M/ 'phags pa mi g.yo mgon gyi'o/ /na maH sa man ta bud+hA nAn a/ sgrib pa thams cad rnam par sel ba'i 'o/ /na maH sa man ta bud+hA nAn sa/ spyan ras gzigs dbang phyug gi'o/ /na maH sa man ta bud+hA nAn ba/ phyag na rdo rje'i 'o/ /na maH sa man ta bud+d+hA nAn ma~M/ 'jam dpal gyi'o/ /na maH sa man ta bud+hA nAn ga / nam mkha'i spyan gyi'o/ /na maH sa man ta bud+hA nAn raM/ chos kyi dbyings kyi'o/ /na maH sa man ta bud+hA nAn khA~M/ dpa' bo chen po'i 'o/ /na maH sa man ta bud+hA nAn dza~M/ chu'i dbang po'i 'o/ /na maH</font><hr>93.147b<br><font size=+1>

sa man ta bud+hA nAn ta~M/ lha mo sgrol ma'i'o/ /na maH sa man ta bud+hA nAn hri/ khro gnyer can ma'i 'o/ na maH sa man ta bud+hA nAn pa~M/ gos dkar can gyi'o/ /na maH sa man ta bud+d+hA nAn sa~M/ mthu chen thob kyi'o/ /na maH sa man ta bud+d+hA nAn ha~M/ rta mgrin gyi'o/ /na maH sa man ta bud+d+hA nAn ya~M/ grags 'dzin ma'i'o/ /na maH sa man ta bud+d+hA nAn sa~M/ phyag na rin chen gyi'o/ /na maH sa man ta bud+d+hA nAn dzA/ dra ba'i 'od kyi'o/ /na maH sa man ta bud+d+hA nAn b+ha/ shAkya thub pa'i 'o/ /na maH sa man ta bud+d+hA nAn hA~M T+ya~M ru~M/ gtsug tor gsum gyi'o/ /na maH sa man ta bud+d+hA nAn la~M/ gdugs dkar po'i 'o/ /na maH sa man ta bud+d+hA nAn sha~M/ gtsug tor rgyal ba'i 'o/ /na maH sa man ta bud+d+hA nAn sa~M/ gtsug tor rnam par rgyal ba'i 'o/ na maH sa man ta bud+d+hA nAn hriM/  gzi brjid phung po'i 'o/ /na maH sa man ta bud+d+hA nAn hU~M/ rnam par 'thor ba'i 'o/ /na maH sa man ta bud+d+hA nAn hU/  gzhan gyis mi thub pa'i 'o/ /na maH sa man ta bud+d+hA nAn bI/ sa'i 'o/ /na maH sa man ta bud+d+hA nAn ki li/ skra can ma'i 'o/ /na maH sa man ta bud+d+hA nAn di li/ nye skra can ma'i 'o/ /na maH sa man ta bud+d+hA nAn mi li/ sna tshogs ma'i 'o/ /na maH sa man ta bud+d+hA nAn hi li/ nor ldan ma'i 'o/ /na maH sa man ta bud+d+hA nAn/ ha sa nAn/ ngo mtshar can gyi'o/ /na maH sa man ta bud+d+hA nAn ra sa nAn/ sems can thams cad la mi 'jigs pa sbyin pa'i 'o/ /na maH sa man ta bud+d+hA nAn dar+sha nAn/ ngan song thams cad sbyong ba'i 'o/ /na maH sa man ta bud+d+hA nAn/ bi ha sa nAn/ yongs su skyong sems blo gros kyi'o/ /na maH sa man ta bud+d+hA nAn Tha~M/ byams pa chen po mngon par 'byung ba'i 'o/ /na maH sa man ta bud+d+hA nAn ya~M/ snying rje gdungs pa'i 'o/ /na maH sa man ta bud+d+hA nAn i/ gdung ba thams cad zhi bar byed pa'i 'o/ /na maH sa man ta bud+d+hA nAn a~M/ bsam gyis mi khyab pa'i blo gros can gyi'o/ /na maH sa man ta bud+d+hA nAn tra~M/ rin chen 'byung gnas kyi'o/ /na maH sa man ta bud+d+hA nAn Sha~M/  phyag na rin chen gyi'o/ /na maH sa man ta bud+d+hA nAn Ta~M/  sa 'dzin gyi'o/ /na maH sa man ta bud+d+hA nAn a~M/ gzungs thob pa'i 'o/ /na maH sa man ta bud+d+hA nAn T+ha~M/ phyag na rin</font><hr>93.148a<br><font size=+1>

chen phyag rgya'i 'o/ /na maH sa man ta bud+d+hA nAn na~M/  bsam pa brtan pa'i 'o/ /na maH sa man ta bud+hA nAn hA~M/ nam mkha' dri med kyi'o/ /na maH sa man ta bud+hA nAn rA~M/ nam mkha'i blo gros kyi'o/ /na maH sa man ta bud+hA nAn ga ta~M/ blo gros rnam par dag pa'i 'o/ /na maH sa man ta bud+d+hA nAn d+hi~M/ /spyod pa'i blo gros kyi'o/ /na maH sa man ta bud+d+hA nAn hU~M/ brtan pa'i blo gros kyi'o/ /na maH sa man ta bud+hA nAn d+h+riM shriM heM braM/ phyag brnyan rnams kyi'o/ /na maH sa man ta bud+hA nAn k+Sha da ha ra ya~M ka~M /byang chub sems dpa' ci skad gsungs pa rnams kyi'o/ /na maH sa man ta bud+hA nAn ma no ma ye d+har+m+ma sam b+ha be bi b+ha be ka Tha ne saM sa ne/ gnas gtsang ma pa rnams kyi'o/ /na maH sa man ta bud+hA nAn kra~M ke ri/ srin po rnams kyi'o/ /na maH sa man ta bud+hA nAn hrI ha/ mkha' 'gro ma rnams kyi'o/ /na maH sa man ta bud+hA nAn/ yak+Sha bir+ya d+ha ri/ gnod sbyin rnams kyi'o/ /na maH sa man ta bud+hA nAn/ mi tsi mi tsi/ sha za rnams kyi'o/ /na maH sa man ta bud+hA nAn/ /gung gung i~M i~M/ 'byung po rnams kyi'o/ na maHsa man ta bud+hA nAn/ ra Ta~M ra Ta~M/ bra~M Ta~M bra~M Ta~M/ lha ma yin rnams kyi'o/ /na maH sa man ta bud+hA nAn/ ga ra la bi ra laM/ lto 'phye chen po rnams kyi'o/ /na maH sa man ta bud+hA nAn/ ha sa nan/ bI a sa nAn/ mi 'am ci rnams kyi'o/ /na maH sa man ta bud+hA nAn/ i tsa lA ra na ma no mi/ mi rnams kyi'o/ /gsang ba pa'i bdag po/ ngas de la sogs pa thams cad kyi gsang sngags bshad de/ de la gsang sngags thams cad kyi/ /snying po des pas mnyan par gyis/ /a zhes bya ba sngags kun gyi/ /snying po yin par yang dag bshad/ /de la gsang sngags kun gnas te/ /de ltar sngags rnams rnam par nges/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ spyi'i gsang sngags kyi mdzod rim par phye ba rgyas pa'o// // de nas yang bcom ldan 'das kyis byang chub sems dpa' phyag na rdo rje la bka' stsal pa/ gsang ba pa'i bdag po/   gsang sngags ci ltar sgrub pa dang / bsgrubs pa'i</font><hr>93.148b<br><font size=+1>

'bras bu gang yin pa 'di nyon cig /yi ge dang ni yi ger sbyar/ /de bzhin gzhi las gzhir gyur pa/ /shin tu bsdams pas yid la ni/ /bzlas brjod 'bum phrag gcig bya'o/ /yi ge byang chub sems yin te/ /gnyis pa sgra zhes bya ba yin/ /gzhi ni rang gi lha gzhag pa/ /rang gi lus kyi gnas la bya/ /gzhi gnyis pa ni rdzogs sangs rgyas/ /rkang gnyis mchog tu shes par bya/ /zla ba'i dkyil 'khor rnam dag pa/ /sngags pas de la gnas par bsam/ /yi ge rnams ni go rims bzhin/ /de yi dbus su legs par dgod/ /slar sdud pa yi tshig gis non/ /srog dang rtsol ba rnam par sbyangs/ /srog ces bya ba rlung du bshad/ /rtsol ba dran pa zhes bya ste/ /de gnyis bsdams pa byas nas su/ /sngon du bsnyen pa legs par bya/ /de nas sngags pas zla gcig tu/ /shin tu bsdams te bzlas brjod bya/ /gsang sngags sngon du spyad pa ni/ /gzhi gcig nas ni gcig tu 'jug /grags chen sangs rgyas thams cad kyis/ /sngar spyad pa zhes bshad pa yin/ /de phyin cad ni gang cung zad/ /me tog spos la sogs dbul zhing / /sangs rgyas nyid du 'gyur bya'i phyir/ /de tshe byang chub tu yang bsngo/ /sngags pas 'jigs med de lta bu/ /zla gnyis pa la bzlas brjod bya/ /de nas zla ba nya ba'i tshe/ /mi de sgrub la 'jug par bya/ /ri rtse dang ni ba lang lhas/ /de bzhin 'bab chu'i mdo dag dang / /lam gyi bzhi mdo mtshan gcig dang / /ma mo'i gnas sam zhi gnas su/ /dkyil 'khor nan tan bri bya ba/ /thams cad rdo rje'i khang par byas/ /des ni der gnas bsrung byas nas/ /sgrub pa la ni nan tan bya/ /der ni mtshan mo nam phyed dam/ /yang na nyi ma 'char ba'i tshe/ /'di lta'i ltas rnams 'byung 'gyur te/ /blo dang ldan pas de shes bya/ /hU~M zhes pa dang rnga sgra dang / /de bzhin sa ni g.yo ba dang / /yid du 'ong ba'i tshig kyang rung / /de ni nam mkha' las grag na/ /mtshan ma dag ni de rnams</font><hr>93.149a<br><font size=+1>

kyis/ /yid bzhin rjes grub shes bya ste/ /sangs rgyas rkang gnyis mchog rnams kyis/ /de yi 'bras bur yang dag bshad/ /de ltar sngags kyi tshul gnas pa/ /de ni nges par sangs rgyas 'gyur/ /de bas rnam pa thams cad du/ /sngags nyid rtag tu dran par bya/ /sngon gyi sangs rgyas mthu chen gyis/ /de ni dran par bya ba'ang bshad/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ 'jig rten pa'i dngos grub bsgrub pa'i rim par phye ba'o// // de nas yang bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs nas/ re ba thams cad yongs su rdzogs par byed pa/ dus gsum mtha' yas pa'i sgo nges pa'i ye shes yongs su rdzogs par byed pa'i chos kyi tshig rnams gsungs so/ /mkha' ltar dri med ngo bo nyid med pa/ /rnam mang ye shes sna tshogs sbyin par byed/ /ngo bo nyid kyis rtag tu stong pa nyid/ /rkyen la rag las zab cing blta bar dka'/ /khyad par 'gro ba rnams la rtag pa ru/ /rnam par bsams pa'i 'bras bu mchog sbyin byed/ /ci ltar nam mkha' chags med spyod yul can/ /'gro ba kun gyi gnas su gyur pa ltar/ /de bzhin rnam par dag pa'i chos nyid 'di/ /srid gsum ma lus 'byor pa 'byung bar byed/ /mchog skyes mkhas pa gang zhig 'dir spyod na/ /rgyal ba kun dang spyod yul gcig par 'gyur/ /rgyal bas ci skad gsungs pa'i chos nyid ni/ /shin tu rnam dag thams cad snang byed pa/ /de las go 'phang rnyed dka' gzhan med do/ /yangs pa'i chos ni zab la 'grib med cing / /mnyam med 'jig rten phan byed de la ni/ /rnam rtog rnam par spangs te spyad par gyis/ /de nas bcom ldan 'das rnam par snang mdzad chen pos tshigs su bcad pa de dag gsungs nas/ thams cad dang ldan pa'i 'khor tshogs pa la gzigs</font><hr>93.149b<br><font size=+1>

nas phyag na rdo rje la sogs pa rdo rje 'dzin rnams la bka' stsal pa/ rigs kyi bu dag gang gis na sems can rnams mthong ba'i chos kho na la dga' ba dang mgu ba thob nas bde ba la reg par 'gyur ba rang rang gi chos kyi dbyings kyi mthu rlabs su gyur pa/ dngos grub bsgrub pa'i tshig rnams ston cig /de skad ces bka' stsal pa dang / rdo rje 'dzin rnams kyis bcom ldan 'das rnam par snang mdzad la phyag 'tshal nas/ chos kyi rjes bka' ci skad stsal pa bzhin 'tshal lo zhes gsol to/ /bcom ldan 'das nyid la gsol ba btab pa/ bdag cag la thugs brtse ba'i slad du dngos grub bsgrub pa'i tshig rnams bcom ldan 'das nyid kyis bstan du gsol/ de ci'i slad du zhe na/ bcom ldan 'das gang bdag cag rang gis rtogs pa bcom ldan 'das kyi spyan sngar bshad pa de ni rab tu dka' lags so/ /de ltar lags pas ma 'ongs pa'i 'gro ba rnams kyi don dang phan pa dang bde ba'i slad du bcom ldan 'das nyid kyis legs par rab tu bshad du gsol/ de skad ces gsol pa dang bcom ldan 'das rnam par snang mdzad kyis rdo rje 'dzin de dag thams cad la 'di skad ces bka' stsal to/ /rigs kyi bu dag legs so legs so/ /de bzhin gshegs pas bstan pa'i chos 'dul ba 'di la phan yon che ba'i chos gcig yod pa ni 'di lta ste ngo tsha shes pa'o/ /ngo tsha shes pa dang ldan pa'i rigs kyi bu dang rigs kyi bu mo ni mthong ba'i chos nyid la chos gnyis rab tu myur bar 'byung ste gnyis gang zhe na/ mi bya ba'i las mi byed pa dang dam pa rnams kyis bsngags pa'o/ /yang gnyis te khong du ma chud pa khong du chud pa dang / sangs rgyas dang byang chub sems dpa' rnams dang lhan cig 'grogs pa thob par 'gyur ba'o/ /yang gnyis te tshul khrims la rab tu gnas par 'gyur ba dang lha dang mi rnams su skye ba 'thob par 'gyur ro/ /de lta bas na legs par rab tu yid la zung shig dang 'di lta ste sgrub par sbyor ba'i tshig gang rnams kyis byang chub sems</font><hr>93.150a<br><font size=+1>

dpa' gsang sngags kyi sgo nas byang chub sems dpa'i spyad pa spyod pa rnams/ gsang sngags rnams las myur du gsang sngags kyi dngos grub 'thob par 'gyur ba/ gsang sngags sgrub pa 'grub par sbyor ba'i tshig rnams bshad do/ /de la dang por re shig dkyil 'khor mthong ba/ bla mas gsang sngags bsgrub par gnang / byang chub tu sems bskyed pa/ dad pa can ser sna med pa/ snying rje can dul ba rten cing 'brel par 'byung ba rnam par dbye ba la mkhas pa/ sdom pa gzung ba/ rang gi bslab pa la gnas pa/ /thabs la mkhas shing rab tu brtan/ /dus dang dus ma yin pa'ang shes/ /'jigs pa med cing mkhas la gtong / /bzod dang ldan zhing byams pa'i yid/ /gsang sngags spyod la rab tu brtson/ /gsang sngags de nyid don la mkhas/ /bsam gtan byed la dga' ba yin/ /sgrub pa po ni sgrub la shis/ /gsang ba pa'i bdag po/ de la 'dod pa'i khams kyi dbang phyug la myos par byed pa zhes bya ba'i rig sngags yod de/ des 'dod pa na spyod pa'i lha'i bu thams cad myos pas brgyal bar bar byed cing / me tog mang po sna tshogs dang ldan pa'i sa phyogs nyams dga' ba rnams kyang / ston la/ yongs su spyad pa dang nye bar spyad pa rnam pa tha dad pa sna tshogs rnams kyang mngon par sprul nas/ gzhan 'phrul dbang byed kyi lha rnams la yang sbyin la/ bdag nyid kyang yongs su spyod do/ /'di lta ste lha'i bu dbang phyug chen po la yid mgyogs zhes bya ba'i rig sngags yod de/ des stong gsum gyi stong chen po'i 'jig rten gyi khams su sems can gyi dgos pa byed cing / nye bar spyad pa dang yongs su spyad pa thams cad kyang mngon par sprul nas/ gnas gtsang ma'i ris kyi lha'i bu rnams la yang sbyin la bdag nyid kyang kun tu spyod do/ /'di lta ste mig 'phrul mkhan ni gsang sngags rnams kyis kun dga'i ra ba dang mtsho dang 'bab chu dang mi la sogs pa rnam pa tha dad pa sna tshogs ston to/ /'di lta ste dper na/ lha ma yin</font><hr>93.150b<br><font size=+1>

rnams ni gsang sngags kyi sgyu ma rnams ston to/ /'di lta ste dper na/ gsang sngags dag gis ni dug dang rims la sogs pa med par 'gyur ro/ /'di lta ste ma mo zhes bya ba'i lha mo rnams ni gsang sngags kyis sems can rnams la nad 'go ba gtong ngo / /'di lta ste dper na/ gsang sngags kyis ni me'i tsha ba med par byas nas grang bar byed par 'gyur ro/ /rigs kyi bu dag dpe'i tshig 'di rnams kyis gsang sngags kyi mthu la mngon par dad par bya'o/ /gsang sngags kyi mthu de yang gang zhe na/ gsang sngags rnams las byung ba yang ma yin/ rjes las 'jug pa yang ma yin/ sbyor ba pos las dmigs pa yang ma yin mod kyi rigs kyi bu dag / 'on kyang gsang sngags kyi byin gyi brlabs kyi chos nyid 'byung ba las 'da' bar yang mi 'gyur te/ dus gsum las 'das pa'i phyir dang rten cing 'brel par 'byung ba zab mo bsam gyis mi khyab pa las mngon par grub pa'i phyir ro/ /rigs kyi bu dag de lta bas na chos bsam gyis mi khyab pa'i ngo bo nyid rtogs par khong du chud pas rtag tu rgyun mi 'chad par gsang sngags kyi tshul gyi rjes su 'jug par bya'o/ /de nas yang bcom ldan 'das dus gsum du chags pa med pa'i stobs kyi gzhi byin gyis rlob pa/ de bzhin gshegs pa'i gnas bsam gyis mi khyab pa'i rgyan rnams par dag pa'i snying po can zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs ma thag tu/ de nas chos kyi dbyings ma lus pa ci snyed yod pa rnam par rig par byed pa'i sgra rnams las chos kyi dbyings kyi stobs/ mi mnyam pa dang mnyam pa'i stobs/ yang dag par rdzogs pa'i sangs rgyas kyi mos pa las byung ba/ gnas skabs bzhi dbyangs gcig las byung bas/ chos kyi dbyings thams cad khyab par byas te nam mkha' dang mnyam par gyur nas byung ba/ na maHsar+b+ba ta thA ga te b+h+yo bi shwa mu khe b+h+yaH sar+b+ba thA/ a A a~M a/ yang dag par rdzogs pa'i sangs rgyas kyi snying po de dag byung ma thag tu/ de nas yang chos kyi dbyings thams cad nges par sgrogs pa'i sgo dag nas</font><hr>93.151a<br><font size=+1>

yang dag par rdzogs pa'i sangs rgyas kyi snying po'i tshig gis/ mtshan rnam par rig pa'i dbyangs kyi sgra gcig nas gcig tu mngon par grag go/ /byang chub sems dpas de thos nas/ /ngo mtshar gyur pa'i mig phye ste/ /kun mkhyen bsnyun dang bral ba la/ /tshig snyan 'di skad ces gsol to/ /e ma'o gsang sngags spyad pa las/ /sangs rgyas rkang gnyis mchog rnams kyis/ /gang gis 'di kun khyab pa yi/ /ye shes yangs pa chen po byung / /de bas rnam pa thams cad du/ /sangs rgyas bsngags pa'i snying po la/ /nang gi bdag nyid rnam dag pas/ /rtag tu mngon par brtson par bya/ /de nas yang dag par rdzogs pa'i sangs rgyas kyi snying po rnams sgrub pa byung ste/ skyed mos tshal lam/ gtsug lag khang ngam/ phug gam/ yid gang du dben pa der byang chub kyi sems bsgom zhing / nam mtshan ma ma byung gi bar de srid du 'dug par bya'o/ /de nas snying po de dag las gang rung ba cig gzung ste/ the tsom med par gyur gyi bar du gzhi bsgrub par bya'o/ /de nas snying po snying gar gzhag nas yid bsgrub par bya ste/ shin tu rnam par dag pa/ dri ma med pa brtan pa rab tu mi g.yo ba rnam par mi rtog pa/ me long lta bu/ rab tu phra ba la mngon par blta zhing rtag tu goms pa'i sbyor bas rang gi lus rang gi lha'i lus su mthong gi bar du bya'o/ /gzhi gnyis pa ni yang dag par rdzogs pa'i sangs rgyas me long gi dkyil 'khor de nyid kyi nang na pad ma'i rgyal po chen po la bzhugs pa phug na bzhugs pa lta bu'i ting nge 'dzin la snyoms par zhugs pa/ thor tshugs dang dbu rgyan dang 'od zer mtha' yas pas bskor ba/ rtog pa dang rnam par rtog pa thams cad dang bral ba/ nam mkha' bzhin gzod ma nas zhi ba ste/ de la sgra gnas par bsam zhing / mnyam par gzhag pas bzlas brjod bya/ /de nas sngon du bsnyen pa ni/ /'bum phrag gcig tu bya bar bshad/ /de nas zla ba gnyis pa la/ /me tog dri la sogs pa dbul/ /sems can rnams la rnam mang</font><hr>93.151b<br><font size=+1>

po'i/ /phan pa nye bar sgrub byed cing / /rnyed dang ma rnyed rnam spongs te/ /zla ba gzhan la bzlas brjod bya/ /de la de ru sbyor ba 'di/ /mnyam par gzhag pas bsam par bya/ /bdag gi bsod nams mthu yis ni/ /sems can thams cad bde gyur cig /thams cad nad kyang med par shog /yang na de bzhin gshegs bsngags pa'i/ /'dod pa phun sum tshogs gyur cig /yang na sems can thams cad kyang / /re ba thams cad yongs rdzogs pa/ /sgrib pa med pa'i tshul gyis su/ /ma thogs par ni grub par shog /dud 'gro gcig la gcig za ba'i/ /sdug bsngal nam yang 'byung ma gyur/ /yi dgas rnams la zas skom sogs/ /thogs pa med par 'byung bar shog /sems can dmyal ba'i sdug bsngal gang / /mi bzad rnam pa sna tshogs pa/ /bdag gi bsod nams mthu yis ni/ /de dag myur du zhi bar gyur/ /sems can sdug bsngal thams cad la/ /snying rje chen po bskyed nas ni/ /bsgrub pa de dang gzhan dag kyang / /des ni yang dang yang du bsam/ /ci ltar bsams pa 'grub bya'i phyir/ /byin gyis brlabs kyi gnas gsum gyis/ /de dag thams cad byin brlab cing / /yid la sngags kyang bzlas brjod bya/ /bdag gi bsod nams stobs dang ni/ /de bzhin gshegs pa'i byin stobs dang / /chos kyi dbyings kyi stobs kyis su/ /sems can rnams la phan 'dogs pas/ /don rnams gang dag bsams pa kun/ /sems can khams ni ma lus 'dir/ /de dag thams cad ci rigs par/ /thogs pa med par 'byung gyur cig /de nas bcom ldan 'das kyis de'i tshe rig sngags kyi rgyal mo stobs nam mkha' dang 'dra ba nam mkha'i mdzod 'byung ba gsungs so/ /na maHsarba ta thA ga te b+h+yo bi shwa mu khe b+h+yaHsarba tad kha~M uta ga te s+pha ra Na i ma~M ga ga na kha~M swA hA/ 'di lan gsum bzlas na ci ltar bsams pa'i don thams cad thogs pa med par 'byung bar 'gyur ro/ /</font><hr>93.152a<br><font size=+1>

de nas zla ba nya ba'i tshe/ /mi de sgrub la 'jug par bya/ /ri rtse dang ni ba lang lhas/ /chu mdo'am yang na dur khrod dam/ /lam gyi bzhi mdo'am shing gcig drung / /ma mo'i gnas sam zhi gnas su/ /bgegs rnams thams cad myos 'gyur ba'i/ /dkyil 'khor des pas mnyan par gyis/ /kun tu gru bzhi lham pa ste/ /sgo gcig pa la mu ran can/ /thams cad kha dog ser po yis/ /rdo rje'i dkyil 'khor mchog bris nas/ /rdo rje sbrel ba'i tshul gyis su/ /rdo rje phan tshun 'brel bar bya/ /sgor ni sgo srungs gnyis bri ba/ /gdul dka' dang ni mngon phyogs gnyis/ /mig dmar khro dang bcas pa la/ /khros shing sdigs par byed pa bri/ /mdung rtse gsum ba grwa rnams su/ /nan tan du ni bri bar bya/ /dbus su rdo rje 'i gdan yid 'ong / /kha ni kun tu blta ba bri/ /de'i steng pad ma chen po ni/ /'dab ma brgyad pa ge sar bcas/ /rgyal ba kun la phyag byas nas/ /smon lam nye bar sgrub byed cing / /phyag na rdo rje blo can gyi/ /rdo rje'i phyag rgya bcings nas su/ /der ni bsrung byas der 'dug ste/ /sbyangs pa'i rdzas ni blangs nas su/ /nang gi bdag nyid rnam dag pas/ /mtshan gcig thal byung bzlas brjod bya/ /der ni nam gyi phyed dus sam/ /yang na nyi ma 'char ba'i tshe/ /rdzas de yongs su 'gyur ba ni/ /'bar phreng can gyi gzi brjid bzhin/ /sngags pa rang gis de blangs na/ /nam mkha' la ni 'gro bar 'gyur/ /bskal par gnas shing gzi brjid che/ /rgyal sras de ni 'dod na 'chi/ /'jig rten khams ni gzhan du'ang 'gro/ /gtso bo sna tshogs gzugs 'chang ba/ /rdzas las byung ba'i sngags bsgrubs pas/ /dpal ldan mchod pa rab tu byed/ /'di ni nyams par mi 'gyur ba'i/ /rdzas kyi dngos grub yin par bshad/ /gsang ba pa'i bdag po/ de la brtag pa 'di rgyu mtshan du mdzad nas/ 'jig rten gyi khams thams cad na bzhugs pa'i de bzhin gshegs pa dgra bcom pa yang dag par rdzogs pa'i sangs rgyas thabs kyi pha rol tu phyin pa rtogs par thugs su chud pa rnams kyi brtag pa de nyid rang bzhin</font><hr>93.152b<br><font size=+1>

gyis stong par mkhyen kyang thabs kyi pha rol tu phyin pa'i stobs kyis 'dus ma byas pa gdags par btags te/ yongs su bsgyur ba'i tshul du mthong ba'i chos la bde bar gnas par bya ba'i phyir/ chos kyi dbyings kyi mthu rlabs po che sems can rnams la nges par ston te/ des de rnams yid rab tu dga' zhing tshe ring po yang rab tu thob nas/ 'dod pa'i yon tan lnga dag gis rtse dga' yongs su spyod pa/ sangs rgyas bcom ldan 'das rnams la mchod cing 'jig rten thams cad dang mi mthun pa'i lam 'di grub par 'gyur ro/ /de bzhin gshegs pa dang byang chub sems dpa' rnams kyis kyang don gyi dbang 'di gzigs nas/ gsang sngags spyad pa'i tshul gyi cho ga thugs dgyes bzhin du 'chad do/ /de ci'i phyir zhe na/ gang bskal pa du mar stsol zhing 'bad de bya dka' ba rnams brtsams kyang 'thob par mi 'gyur ba de byang chub sems dpa' gsang sngags kyi sgo nas byang chub sems dpa'i spyad pa spyod pa rnams kyi tshe 'di cig kho na la 'thob par 'gyur ro/ /gsang ba pa'i bdag po/ gzhan yang byang chub sems dpa' gsang sngags kyi sgo nas byang chub sems dpa'i spyad pa spyod pas/ de bzhin gshegs pa'i rgyal mtshan nam ral gri'am/ gdugs sam mchil lham 'am/ yid bzhin gyi nor bu 'am/ lig bu mig gam/ 'gi'u wang blangs te/ bzlas brjod sum 'bum byas la de ltar bsgrubs na de bzhin du 'grub par 'gyur ro/ /gsang ba pa'i bdag po/ gzhan yang rigs kyi bu 'am rigs kyi bu mo thabs dang ldan pas yid la 'dod pa'i dngos po rnams bsgrubs na/ de dag rang gi sems kyi dbang tsam kho nas yongs su 'grub par 'gyur ro/ /gsang ba pa'i bdag po/ gang dag rgyu las 'bras bu mngon par 'dod pa'i mi blun po de dag ni/ gsang ba pa'i bdag po/ gsang sngags rnams kyi gsang sngags mtshan nyid rab tu mi shes pa yin no/ /de ci'i phyir zhe na/ rgyu ni byed par ma gsungs te/ /'bras bu'ang de la yod ma yin/ /rgyu ni rgyu yis stong pa</font><hr>93.153a<br><font size=+1>

na/ /de ni ci ltar rgyur yang 'gyur/ /de bas gsang sngags 'bras bu ni/ /rgyu dang las bral shes par bya/ /gang tshe mtshan ma med pa yi/ /ting 'dzin ci lta bzhin reg pa/ /de tshe sngags pas dngos grub ni/ /yid las yang dag byung ba 'thob/ /de nas yang bcom ldan 'das la phyag na rdo rjes 'di skad ces gsol to/ /bcom ldan 'das yang dag par rdzogs pa'i sangs rgyas kyi gzhi rnams dngos grub tu bsgrub pa'i tshig gang gis rigs kyi bu dang rigs kyi bu mo rnams mthong ba'i chos nyid la rab tu dga' zhing bde ba la reg par gnas la/ chos kyi dbyings las kyang 'gal bar mi 'gyur ba de yang bshad du gsol/ bcom ldan 'das de ci'i slad du zhe na chos kyi dbyings ni bsam gyis mi khyab pa'i dbyings lags te/ de yang de bzhin gshegs pa dgra bcom pa yang dag par rdzogs pa'i sangs rgyas rnams kyis bstan to/ /bcom ldan 'das de lta lags pas byang chub sems dpa' gsang sngags kyi sgo nas byang chub sems dpa'i spyad pa spyod pas ni chos kyi dbyings dbyer med pa rtogs par khong du chud par bgyi 'tshal lo/ /de skad ces gsol pa dang / bcom ldan 'das kyis phyag na rdo rje la bka' stsal pa/ gsang ba pa'i bdag po legs so legs so/ /gsang ba pa'i bdag po/ gang khyod de bzhin gshegs pa la don 'di yongs su dri bar sems pa de ni yang legs so/ /de'i phyir nyon la legs par rab tu yid la zung shig dang ngas khyod la bshad do/ /bcom ldan 'das legs so zhes gsol nas gsang ba pa'i bdag po phyag na rdo rje bcom ldan 'das la ltar nyan pa dang / bcom ldan 'das kyis de la 'di skad ces bka' stsal to/ /gsang ba pa'i bdag po/ de la a zhes bya ba'i sgrub pa 'byung ste/ gtsug lag khang ngam phug gam gnas gang yang rung ste yan lag thams cad a zhes bya ba gzhag la bzlas brjod sum 'bum bya'o/ /de nas zla ba nya ba'i tshe ci 'byor pas mchod pa byas la ci srid du byang chub sems dpa' kun tu bzang po 'am/ 'jam dpal lam/ rdo rje 'dzin chen po gang yang rung ba zhig 'ongs te/ </font><hr>93.153b<br><font size=+1>

mgo la nyug gam legs so zhes zer gyi bar du bzlas brjod bya'i/ de nas phyag byas te mchod yon phul na byang chub kyi sems mi brjed pa'i ting nge 'dzin thob par 'gyur ro/ /de bzhin du sems yang ba dang lus yang ba goms par bya zhing bzlas brjod byas na de'i lus rnam par dag pa dang sems rnam par dag par 'gyur ro/ /a zhes bya ba rnam par bzhag ste bzlas brjod byas na rna ba rnam par dag par 'gyur ro/ /'on te srog gzung bar 'dod na a zhes bya ba srog dang lhan cig tu byas la dus gsum du bsam pa byas na yun ring du gnas par 'gyur ro/ /de nyid kyi steng du klad kor gzhag na gnas pa dang 'gro ba'i dug thams cad 'byin to/ /de nas gzi can dbang du bya bar 'dod na/ a zhes byas pa bdag tu byas/ /pa las de bzhin mi dbang po/ /gcig la pad ma gzhag par bya/ /gzhan la yang ni dung gzhag ste/ /gcig la gcig ni gdong bltas na/ /de yi mod la dbang du 'gyur/ /de nas bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs nas gsang ba pa'i bdag po phyag na rdo rje la bka' stsal pa/ lag na rdo rje de bzhin gshegs pa rnams kyi thugs las byung ba zhes bya ba las bya bas rnam par rol pa spyod pa'i rol mo rim par phye ba rgyas pa khams bzhi yang dag par bsdu bar bsdus pa/ sems kyi rgyal po la gnas pa/ nam mkha' ltar kun tu khyab pa/ mthong ba dang / ma mthong ba'i 'bras bu mang ba/ nyan thos dang rang sangs rgyas dang byang chub sems dpa' thams cad kyi mngon sum pa/ gsang sngags kyi sgo nas byang chub sems dpa'i spyad pa spyod pa rnams kyi re ba thams cad yongs su rdzogs par byed pa/ las sna tshogs dang ldan pa/ sems can thams cad la phan 'dogs pa yod kyis/ de nyon la legs par rab tu yid la zung shig dang / ngas khyod la bshad do/ /lag na rdo rje de la spyod pa'i rol mo las dang bya ba mngon par 'grub pa'i 'bras bu phal che ba/ lus can kun kyi mngon sum pa gang zhe na/ cho ga shes</font><hr>93.154a<br><font size=+1>

pas thog mar ni/ /bdag gi de nyid rim bzhin bya/ /sngags pa snga ma bzhin 'dug la/ /de bzhin gshegs pa dran byas te/ /bdag nyid a zhes bya ba ni/ /klad kor bcas dang rgyas byas pa/ /thams cad shin tu ser zhing bzang / /gru bzhi rdo rjes mtshan byas te/ /sngags pas der gnas rdzogs pa yis/ /sangs rgyas kun gyi gtso bo bsam/ /'di ni sangs rgyas thams cad kyis/ /bdag gi de nyid yin par gsungs/ /nam zhig sngags pas bdag gi ni/ /de nyid dogs pa med gyur pa/ /de tshe 'jig rten thams cad la/ /phan pa byed pa nyid du 'gyur/ /ngo mtshar sna tshogs dag dang ldan/ /mig 'phrul can gyi gnas la 'dug /sngags pa nam zhig mnyam gzhag na/ /srid pa rab tu dog pa na/ /thog med dus nas mi shes pas/ /bsags pa'i las de kun zad 'gyur/ /bla na med pa'i byang chub sems/ /sems de nam zhig sgom byed pa/ /de tshe 'ang sngags pa rnal 'byor pa/ /chu yi pad ma lta bur ni/ /dge dang mi dge 'bras 'byung ba'i/ /las kyi rtog pas mi gos na/ /'di bdag nyid ni rgyal mchog tu/ /bsgyur na smos kyang ci zhig dgos/ /de nas bcom ldan 'das rnam par snang mdzad bdud bzhi las rgyal ba rdo rje rnam par rol pa zhes bya ba'i ting nge 'dzin la snyoms par zhugs nas/ rdo rje'i yi ge'i tshig bdud bzhi las rgyal bar byed pa/ rgyu drug las rnam par grol bar byed pa/ thams cad mkhyen pa'i ye shes yongs su rdzogs par byed pa 'di rnams gsungs so/ /na maH sa man ta bud+hA nAn/ a bi ra hU~M kha~M/ de nas yang gsang ba pa'i bdag po phyag na rdo rje dang / rdo rje 'dzin de dag dang / byang chub sems dpa' kun tu bzang po la sogs pa de dag dang thams cad dang ldan pa'i 'khor 'dus pa de dag thams cad ngo mtshar du gyur nas mig mi 'dzums par thams cad mkhyen pa la spyi bos phyag 'tshal te tshig 'di skad ces brjod do/ /byang chub sems dpa' skyob rnams dang / /</font><hr>93.154b<br><font size=+1>

sangs rgyas kun gyi nor gyi dbyig /'dis ni gang dag sangs rgyas dang / /byang chub sems dpa' skyob rnams dang / /rang sangs rgyas dang nyan thos pa/ /mkhas pas de dag 'jig rten 'dir/ /sangs rgyas ye shes bla med pa/ /dpe med ye shes thob nas su/ /rdzu 'phrul sna tshogs rnam 'phrul pas/ /sa steng kun tu rnam par spyod/ /de bas 'di dag so so yi/ /cho ga rgyas pa dag dang las/ /sna tshogs dgod pa thams cad kyang / /bstan pa 'di la bshad du gsol/ /des ni gsang sngags spyod pa yi/ /theg chen bla na med pa la/ /sems can rnams ni dga' bzhin du/ /mthong ba'i chos la gnas par 'gyur/ /de skad gsol nas bcom ldan gyis/ /'jam pa'i gsung gis bka' stsal pa/ /khyed rnams mthun par rtse gcig tu/ /mnyam par zhog la 'di nyon cig /de'i tshe sa gzhi rdo rje chen por byin gyis brlabs te/ nyid kyi sku las byang chub kyi snying po nye bar bstan par bzhed nas gsungs pa/ a ni mchog tu shes bya ba/ /dbang chen dkyil 'khor ldan pa ste/ /phyi rol dang ni nang du yang / /rdo rje dkyil 'khor shes par bya/ /der 'dug nas ni thams cad bsam/ /rnal 'byor gnas zhes bshad pa yin/ /a ni srog gi dam pa ste/ /'gugs par byed pa'i mchog tu bshad/ /nam zhig klad kor gyis mnan na/ /lus can kun gyi sel bar 'gyur/ /sngags pas nam zhig zla gcig tu/ /rdo rje can gyis rgya bcings nas/ /dus gsum bzlas brjod byas na ni/ /mi shes grong khyer 'joms par 'gyur/ /lha dang lha min rnams kyis kyang / /mi phyed shin tu brtan par 'gyur/ /bdag nyid rnyed pa grub bya'i phyir/ /rgyas pa'i las ni gang cung zad/ /de kun rtag tu sngags pa yis/ /dkyil 'khor gyi ni dbus su bya/ /gser gyi kha dog 'bar dang bcas/ /thor tshugs dbu rgyan 'chang ba yi/ /rdzogs pa'i sangs rgyas ting 'dzin zhugs/ /dbang chen gyi ni gzhi zhes bya/ /rdo rje pad ma ral gri dang / /de bzhin dang par bshad pa dang / /gser dag dang ni sa dag dang / /yang na yid bzhin nor bu</font><hr>93.155a<br><font size=+1>

'ang rung / /de la sogs pa'i rdzas rnams ni/ /dbang chen du ni bsgoms te bsgrub/ /mnan pa dag kyang bshad par bya/ /'di ni khyod kyis mnyam gzhag nyon/ /sngags pas mdor na ri rab ni/ /rtse mo brgyad pa bsam par bya/ /de yi steng du pad ma gzhag /de yi rjes la rdo rje'o/ /de'i steng rnal 'byor pa yis ni/ /yi ge dam pa gtso bo ste/ /de yis spyi bor mnan na ni/ /de ni mi g.yo gnas par 'gyur/ /sman la yang ni lan brgya ru/ /bzlas brjod byas te mis 'thungs na/ /sngon gyi las las byung ba yi/ /de yi nad rnams 'byang bar 'gyur/ /de nas gzhan yang des pa yis/ /ba zhes bya ba dam pa nyon/ /gangs dang 'o ma dung 'dra ba/ /lte ba'i dbus nas byung ba ste/ /pad ma dkar po dam pa ste/ /de yi dbus na rab tu gnas/ /mgon po dam pa rab tu zhi/ /ston ka'i zla ba'i 'od dang 'dra/ /de yi dkyil 'khor ngo mtshar can/ /rdzogs pa'i sangs rgyas rnams kyis bshad/ /kun tu dkar po bsam par bya/ /khyud kor rim pa dgus kyang bskor/ /gdung ba thams cad zhi byed pa/ /smug zil 'dus pa'i nang na gnas/ /'o ma mu tig phreng dkar dang / /shel dang zla ba'i 'od 'dra ba'i/ /chu rgyun rnams kyis khor yug tu/ /kun nas rab tu 'bab pa bzhin/ /sngags pas yid la bsams na ni/ /gdung ba kun las thar bar 'gyur/ /mnyam par gzhag pas dngos 'di rnams/ /dkyil 'khor 'dir ni bsgrub par bya/ /mar sar 'o ma mu tig phreng / /de bzhin khyu mchog shel kyang rung / /zho 'am yang na chu yang rung / /de la sogs pa'i rdzas rnams ni/ /dngos grub sna tshogs grub phyir bsgrub/ /tshe ni ring bar 'gyur ba dang / /gzugs ni ngo mtshar cher 'gyur dang / /nad rnams kun las thar ba dang / /skal ba bzang po mchog 'gyur dang / /yid rno 'dzin par nus pa dang / /shes rab shin tu dri med pa/ /sgrub pa'i rdzas ni 'di rnams kyis/ /de dag thams cad myur du 'grub/ /dkyil 'khor dpal dang ldan pa 'di/ /zhi bar byed par bshad</font><hr>93.155b<br><font size=+1>

pa yin/ /klad kyi 'khor dang bcas byas na/ /sel bar byed pa'i mchog tu 'gyur/ /ra zhes bya ba yang dag mchog /'od can rnams kyi 'od ces bya/ /des ni las rnams gang cung zad/ /mtshams med lnga las byung ba yang / /rnal 'byor shin tu mnyam gzhag nas/ /bsams na de kun zad par 'gyur/ /yid 'ong thams cad rab tu dmar/ /gru gsum pa yi tshul du gnas/ /zhi ba 'bar ba'i phreng bas 'khrigs/ /sum mdo'i ris mtshan snying gar gzhag /rnal 'byor pa ni der 'dug nas/ /ra ni klad kor bcas par bsam/ /mi 'jigs bas ni ci rigs par/ /dngos po de dag des sgrub bo/ /nyi ma dang ni gza' kun dang / /de bzhin bsgrims te me dang ni/ /dbang du bya ba'i rdzas rnams dang / /yang na 'khor bar 'gyur ba dang / /bskam pa dang ni gsad pa dang / /de bzhin dgar dang gnod pa dag /me dang lhan cig 'di sbyar na/ /de dag thams cad byed par 'gyur/ /ha zhes bya ba dam pa mchog /rlung ni thams cad yang dag 'byung / /rgyu dang las dang 'bras bu dang / /gang gis sa bon rnams skye ba/ /'di ni klad kor bcas sbyar na/ /de dag thams cad 'jig par byed/ /de yi gzugs kyang bshad pa ni/ /kha dog nag la 'od po che/ /mi bzad 'bar ba'i phreng bas 'khrigs/ /kun tu yang ni rnam par 'phrog /mkhas pas smin ma'i mtshams su ni/ /dkyil 'khor la ni gnas par bsam/ /de ni mthing ga zla gam 'dra/ /tog dang bcas par ba dan g.yo/ /yi ge rab tu mi 'gyur ba/ /sngags pas der gnas bsam par bya/ /dkyil 'khor de yi dbus su ni/ /gang gis mthong ba kho na la/ /sems can rnams kyi don byed pa'i/ /dngos po rnams ni de tshe bsgrub/ /mkha' la 'gro ba nyid dang ni/ /yang na rdzu 'phrul rkang pa dang / /lha yi mig dang rna ba dang / /sngags pas de bzhin 'thob pa dang / /mi snang ba la sogs kun dang / /dbye ba dag kyang gang gsungs pa/ /sngags pa mnyam par gzhag pa yis/ /dkyil 'khor</font><hr>93.156a<br><font size=+1>

gnas na de kun byed/ /'di ni snying po byang chub 'dir/ /byang chub sems dpa' grags chen rnams/ /rgyu kun dmigs su med sgo nas/ /bdud las rnam par rgyal bar byed/ /rgyu med pas na 'bras bu 'ang med/ /las kyang yod pa ma yin te/ /dngos po de gsum med pas na/ /stong pa'i ye shes thob par 'gyur/ /rdzogs pa'i sangs rgyas mthu chen gyis/ /de'i gzugs yang dag bshad pa ni/ /klad kor bcas par ldan pa ste/ /kham ni stong pa'i mchog ces bya/ /ral gri phyag rgyar ldan pa yis/ /sgrub par bya ba nges par bsgrub/ /ral gri zhags pa 'khor lo dang / /lcags mda' de bzhin tho ba ste/ /rdzas de rnams dang ldan na ni/ /go 'phang dam pa sgrub par byed/ /de nas yang bcom ldan 'das rnam par snang mdzad kyis gsang ba pa'i bdag po phyag na rdo rje la bka' stsal pa/ gsang ba pa'i bdag po/ nam byang chub sems dpa' gsang sngags kyi sgo nas byang chub sems dpa'i spyad pa spyod pas bdag nyid a zhes bya ba'i rang gi ngo bor bsgyur nas/ phyi dang nang du bcas pa'i dngos po thams cad la mi lta bar gyur cing / bong ba dang rdo ba dang gser du mtshungs la/ 'dod chags dang zhe sdang la sogs pa'i nyes pa rnams dang sdig pa'i las rnam par spangs pa/ de tshe de ni dag 'gyur ba/ /thub pa rdzogs pa'i sangs rgyas bzhin/ /des ni las rnams thams cad nus/ /nyes pa thams cad rnam par spangs/ /de nas gzhan sngags rnal 'byor la/ /gzhol zhing cho ga shes pa yis/ /sems can rnams la phan 'dod pas/ /ba zhes bya ba'i las bya'o/ /snying rje las byung sems kyis ni/ /'jig rten sdug bsngal la dmigs nas/ /mgon po de yis bdag nyid kyi/ /lus ni thams cad nyid du yang / /gangs dang ba yi 'o ma ltar/ /dkar ba'i rgyun gyis yongs su dgang / /de tshe nges pa bskyed nas su/ /yan lag rnams ni thams cad kyi/ /ba spu'i bu ga kun nas kyang / /shin tu dri med chu rgyun dbyung / /chu yis sa ni ma lus pa/ /'di dag yongs su dgang bar bya/ /gang gis chu 'di 'thungs</font><hr>93.156b<br><font size=+1>

pa'am/ /lag pas kyang ni reg kyang rung / /de kun nges par byang chub tu/ /'gyur te 'di la dogs pa med/ /yan lag kun tu ra zhes pa/ /'bar ba'i phreng ba zhi bas 'khrigs/ /kun tu rnam par 'phro ba ni/ /shin du mnyam par gzhag pas bsam/ /de tshe rnal 'byor pa yis phyir/ /'bar ba kun tu snang byed pa/ /btang na ra yis rnam sprul pas/ /sngags pa 'dod pa bzhin du byed/ /ra zhes bya ba ro stod du/ /ba zhes bya ba lte ba khung / /'bar ba dang ni chu 'bab pa/ /de tshe cig char ston par 'gyur/ /dmyal ba grang ba'i sdug bsngal rnams/ /ras ni shin tu zhi bar byed/ /sngags pa sngags kyi tshul gnas pas/ /bas kyang tsha la sogs pa zhi/ /ha zhes bya ba ba dan bcas/ /ra zhes bya ba'i 'og tu gzhag /sdig dang ldan pa'i mi rnams kyang / /de yis las rnams myur du bsgrub/ /sngags pa dbang chen la 'dug nas/ /chu yi las ni brtsam par bya/ /sel ba la sogs thams cad kyang / /byed 'gyur 'di la the tsom med/ /rlung ni kun tu 'gro bar gsungs/ /thams cad 'jig par byed pa'ang de/ /rnam pa sna tshogs tha dad pa'i/ /las rnams dbye ba las byung ba/ /gzugs kyi dkyil 'khor dbus su ni/ /cho ga 'di yis rab tu bya/ /yid yongs su sbyong zhing bzlas brjod byas na yid rnam par dag par 'gyur ro/ /lus yang bar goms par byed cing 'chag bzhin du bzlas brjod byas na rdzu 'phrul kyi rkang pa 'thob par 'gyur ro/ /tsog pur 'dug la a zhes bya ba rnam par gzhag ste/ zla ba gcig tu bzlas brjod byas na lha'i rna ba 'thob par 'gyur ro/ /gsang ba pa'i bdag po/ dngos grub kyi go 'phang de lta bu la sogs pa dag ni yid las byung ba yin no/ /gsang ba pa'i bdag po/ rnam par bsams pa tsam kho nas dngos po gzugs can ma yin pa rnams kyi 'du byed rnam pa tha dad pa sna tshogs rnams las thams cad kyi sa bon gyi bya ba tshig tu brjod pa tsam las</font><hr>93.157a<br><font size=+1>

'byung ba la ltos/ gsang ba pa'i bdag po/ gzhan yang de bzhin gshegs pa thams cad dang rjes su mthun pa sems can thams cad kyi bsam pa dang mthun pa sems can yang dag par mgu bar mdzad pa ste/ byang chub sems dpa' las thams cad dang gsang sngags spyad pa spyod pa rnams kyi mdun na gzugs brnyan lta bur bzhugs so/ /de bzhin gshegs pa de ni rnam par mi rtog cing yid kyi yul las yang dag par 'das pa/ dus dang yul dang bya ba dang las dang chos dang chos ma yin pa rnams spangs kyang / gsang sngags spyod pa las byung ba'i/ /thams cad mkhyen pa'i go 'phang stsol/ /de bas kun mkhyen dngos grub dang / /go 'phang mchog kyang bsgrub par bya/ /de nas dpal ldan rdo rje 'dzin/ /ngo mtshar gyur nas mig dgrad de/ /de tshe rdo rje 'od zer ni/ /me stag 'phro ba 'drar gsor zhing / /sangs rgyas zhing ni 'di thams cad/ /kun tu snang bar byas nas su/ /chos kun dbang phyug thub pa la/ /tshig snyan 'di skad ces gsol to/ /sngags kyi 'jug pa bshad lags na/ /'jug pa de yang ma rtogs na/ /gsang sngags gang nas 'ong ba dang / /gang du 'gro ba gtso khyod kyis/ /de kun bdag la bshad du gsol/ /go 'phang dam pa khyod las med/ /khyod ni ci ltar chu rnams kyi/ /rgya mtsho bzhin chos kun gyi gnas/ /de skad ces gsol pa dang / bcom ldan 'das kyis byang chub sems dpa' phyag na rdo rje la bka' stsal pa/ sems dpa' chen po dkyil 'khor gyi/ /gnas ni yid ces bshad pa yin/ /snying ni gsang sngags gnas yin par/ /shes na 'bras bu thob par 'gyur/ /dkar po ser po dmar po gang / /yid kyis sems par byed pa ste/ /de la yongs su gcod pa gang / /de ni sems kyi byed pa yin/ /sems ni mgu nas nges gyur pa/ /de ni snying zhes bshad pa yin/ /der gnas pa yi gsang sngags rnams/ /'bras bu rgya cher ster bar 'gyur/ /de ru pad ma bsam pa ni/ /'dab ma brgyad pa ze bar bcas/ /a zhes bya ba 'bar</font><hr>93.157b<br><font size=+1>

phreng 'khrug / /bzang po de ru gnas pa ni/ /zhi ba kun tu rnam par g.yo/ /gtso bo sna tshogs gzugs mnga' ba/ /glog stong dag ni 'khyug pa bzhin/ /snang ba kun tu ston pa ni/ /me long phug na gnas pa bzhin/ /chu yi zla ba'i rnam pa bzhin/ /thams cad na yang mdun na gnas/ /sngags pa gsang sngags gnas 'dug pas/ /yid ni de ltar shes nas su/ /de nas sngags pas stong du yang / /klad pa'i rgyas kyi dbus su ni/ /klad kor bcas pa'i mtshan ma can/ /a zhes bya ba der bsams te/ /shel dang zla ba gangs 'dra ba/ /dri med dag pa mthong ba ni/ /zhi ba chos kyi rang bzhin sku/ /thams cad kyi ni gzhi zhes bya/ /de las gsang sngags dngos grub ni/ /sna tshogs gzugs can thob par 'gyur/ /de bzhin gshegs pa'i gnas mthong na/ /mtho ris dang ni byang grol 'thob/ /ra zhes bya ba mar me bzhin/ /'bar ba mig tu gzhag nas su/ /mgrin pa cung zad dgu por byas/ /lce yang rkan la sbyar nas ni/ /snying ga'i dbus su rnam blta zhing / /mnyam par gzhag ste yid la blta/ /dri med shin tu rnam dag pa/ /rtag tu me long bzhin du gnas/ /de nyid yid kyi yang dag par/ /sngon gyi rgyal ba rnams kyis gsungs/ /yid kyis snang byas lam la ni/ /rnam par shes pa snang bar 'gyur/ /de nas sngags pas rdzogs sangs rgyas/ /rkang gnyis gtso bo mthong bar 'gyur/ /de mthong sngags pas dngos grub ni/ /rab tu rtag par thob par 'gyur/ /de nas gong du bsgyur nas su/ /yi ge yongs su bsam pa ni/ /la zhes bya ba klad kor bcas/ /mig gi gnas su bsam par bya/ /'di kun stong par mthong na ni/ /go 'phang mi nyams thob par 'gyur/ /ye shes rlabs po che 'am ni/ /yang na mngon shes lnga po dang / /rig sngags 'chang 'gyur dngos grub dang / /tshe ring gzhon nur 'gyur ba gang / /gal te thob par 'dod na ni/ /ci srid 'di ni ma bsnyen par/ /de srid thob par mi 'gyur ro/ /gsang sngags ye shes las byung ba/ /'di ni de nyid</font><hr>93.158a<br><font size=+1>

ye shes mchog /byang chub sems dpa' skyob pa dang / /sangs rgyas kun gyi nor gyi dbyig /sangs rgyas byang chub sems dpa' dang / /nyan thos des pa dag dang ni / /sangs rgyas ye shes mchog gyur pa/ /ye shes dpe med thob nas su/ /de yis sa steng thams cad na/ /gnas shing de la gtam yang zer/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ dngos grub bsgrub pa'i de kho na nyid rim par phye ba rgyas pa'o// // de nas yang bcom ldan 'das la gsang ba pa'i bdag po phyag na rdo rjes 'di skad ces gsol to/ /bcom ldan 'das lha'i gzugs gang gis byang chub sems dpa' gsang sngags kyi sgo nas byang chub sems dpa'i spyad pa spyod pa rnams lha'i gzugs la dmigs nas bdag nyid rang gi lha'i gzugs su bsgyur bas the tsom ma mchis par dngos grub thob par 'gyur ba'i lha'i gzugs byin gyis rlob pa bshad du gsol/ de skad ces gsol pa dang / bcom ldan 'das rnam par snang mdzad kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/ gang khyod nga la don 'di yongs su 'dri ba ni legs so legs so/ /de'i phyir legs par rab tu yid la zung shig dang / ngas khyod la bshad do/ /bcom ldan 'das de ltar 'tshal lo zhes gsol nas/ gsang ba pa'i bdag po phyag na rdo rjes bcom ldan 'das la nyan pa dang / bcom ldan 'das kyis 'di ces bka' stsal to/ /gsang ba pa'i bdag po/ de la lha'i gzugs ni rnam pa gsum ste/ yi ge dang phyag rgya dang gzugs so/ /de la yi ge la yang rnam pa gnyis te sgra dang byang chub kyi sems so/ /phyag rgya'i gzugs la yang rnam pa gnyis te gzugs dang bcas pa dang gzugs dang bcas pa ma yin pa'o/ /gsang ba pa'i bdag po/ lha'i gzugs kyang rnam pa gnyis te/ yongs su dag pa dang yongs su ma dag pa'o/ /de la yongs su dag pa ni mi rtog pa'i ngo bo ste/ </font><hr>93.158b<br><font size=+1>

mtshan ma thams cad dang bral ba'o/ /yongs su ma dag pa ni mtshan ma dang bcas pa'i gzugs te/ kha dog dang dbyibs so/ /de la lha'i gzugs rnam pa gnyis kyis dgos pa rnam pa gnyis 'grub par 'gyur te/ mtshan ma dang bcas pas ni mtshan ma dang bcas pa'o/ /mtshan ma med pas ni mtshan ma dang bcas pa'i dngos grub kyang 'byung bar 'gyur ro/ /mtshan mar bcas pas mtshan bcas kyi/ /dngos grub rgyal ba dam pa bzhed/ /mtshan ma med la gnas pas ni/ /mtshan ma can yang bsgrub tu rung / /de bas rnam pa thams cad du/ /mtshan ma med pa bsten par bya/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ lha'i ting nge 'dzin gtan la dbab pa rim par phye ba'o//   //de nas yang bcom ldan 'das kyis gsang ba pa'i bdag po phyag na rdo rje la bka' stsal pa/ gsang ba pa'i bdag po de la byang chub sems dpa' gsang sngags kyi sgo nas byang chub sems dpa'i spyad pa spyod pa/ mtshan ma med pa'i ting nge 'dzin bsgrub par 'dod pas 'di ltar bsam par bya'o/ /mtshan ma rnams gang nas byung / ci bdag gi lus sam bdag gi sems sam bdag gi yid las byung / de la lus ni las las skyes pa ste/ rtswa dang shing dang bong ba lta bu ngo bo nyid kyis bya ba med pa/ blun pa'am/ phyi rol gyi rnam pa lta bu la bzo byas pa'i gzugs lta bur brtags par bya'o/ /ci ltar bzos byas pa'i gzugs de la mi zhig gis khros te/ me'am dug gam mtshon tam/ chu'am rdo rjes bshig gam bsregs sam/ bcad kyang mi dga' ba cung zad kyang med la/ bza' ba'am btung ba'am/ bkru ba'am/ byug pa'am/ spos sam phreng ba'am/ gos sam tsan dan nam/ ga phur la sogs pa/ lha dang mi'i yo byad rnam pa sna tshogs kyis mchod kyang mi de la dga' bar 'gyur ba med do/ /de ci'i phyir zhe na/ gang ngo bo nyid kyis stong pa'i gzugs de la/ rang gi nga rgyal kun nas blang ba'i phyin ci log gis yang dag pa</font><hr>93.159a<br><font size=+1>

ma yin pa'i rtog pa las byung ba'i mchod pa'am/ gnod par byed pa'i mi gang yin pa de ni byis pa'i rang bzhin can yin no/ /gsang ba pa'i bdag po de ltar lus la lus kyi rjes su song ba'i dran pa ngo bo nyid kyis stong pa bsgom par bya'o/ /gsang ba pa'i bdag po/ gzhan yang sems ni ngo bo nyid med pa/ mtshan ma thams cad dang bral ba/ ngo bo nyid kyis stong par bsam par bya'o/ /gsang ba pa'i bdag po/ sems la ni dus gsum med do/ /dus gsum dang bral ba gang yin pa de ni ngo bo nyid kyis mtshan ma dang bral ba'o snyam du bsam par bya'o/ /gsang ba pa'i bdag po/ gzhan yang byis pa so so'i skye bo rnams yid mtshan ma dang bcas par rtog ste/ 'di ni yang dag pa ma yin pa'i kun tu rtog pa'i tshig bla dgas so/ /yang dag pa ma yin pa gang yin pa de ni ma skyes pa'o zhes bya bar ni rab tu mi shes so/ /gsang ba pa'i bdag po/ byang chub sems dpa' gsang sngags kyi sgo nas byang chub sems dpa'i spyad pa spyod pas de ltar bsams na mtshan ma med pa'i ting nge 'dzin thob par 'gyur ro/ /gsang ba pa'i bdag po/ nam mtshan ma med pa'i ting nge 'dzin la gnas par gyur pa de'i tshe/ de la de bzhin gshegs pas gsungs pa'i gsang sngags rnams mngon du phyogs shing gzhol bar 'gyur ro/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ mtshan ma med pa'i ting nge 'dzin rim par phye ba'o// // gsang ba pa'i bdag po/ gzhan yang bzlas brjod gsang ba bshad par bya'o/ /gcig pus gcig gam gcig gis gcig /yid kyis bzlas brjod bya ba'am/ /yang na nyi shu rnam gnyis pa/ /rnal 'byor mchog gis brtag par bya/ /sngags pa yan lag nyams sbyar bar/ /bzlas brjod gzhan du mi bya'o/ /phyi dang nang gi sbyor ba yis/ /yan lag</font><hr>93.159b<br><font size=+1>

bzhi pa ngas bshad pa/ /de yang 'jig rten pa yi ste/ /dmigs pa can ni bla med pa'o/ /slar sdud pa yi tshig gis non/ /lha yi rjes su song ba'i yid/ /bshubs te bzlas brjod byed pa'i mchog /dmigs pa can la bstan pa yin/ /yid kyi 'jig rten 'das shes bya/ /slar bsdud la sogs rnam par spangs/ /lha dang gcig tu byed pa dang / /tha dad ma yin 'dzin pa yi/ /yid kyis rang bzhin dbyer med bya/ /gzhan du bya ba ma yin no/ /gsang sngags grangs ni sum 'bum du/ /phal cher ngas ni bshad pa dag /lus can sdig dang bral ba yi/ /sngags pa rnam par dag pa la/ /bzlas brjod grangs ni bstan pa ste/ /gzhan du bya ba ma yin no/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ 'jig rten pa dang 'jig rten las 'das pa'i bzlas brjod kyi de kho na nyid rim par phye ba'o// // de nas yang bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs nas/ byams pa dang snying rje chen po'i spyan gnyis kyis kyang sems can gyi khams thams cad la gzigs te/ bdud rtsi 'byung ba zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs ma thag tu yan lag thams cad nas dus gsum du ma chags pa'i stobs can zhes bya ba'i rig sngags kyi rgyal mo 'byung ngo / /tad ya thA/ ga ga na sa me a pra ti sa me sarba ta thA ga ta sa man tA nu ga ga te ga ga na ba ra lak+Sha Ne swA hA/ rigs kyi bu rig sngags kyi rgyal mo 'di ni/ de bzhin gshegs pa thams cad kyi sku dang gnyis su med pa'i spyod yul can te/ 'di yis byin brlabs sangs rgyas dang / /byang chub sems dpa' grags chen rnams/ /gang du sdug bsngal 'gag 'gyur ba'i/ /chos nyid chags med thob par 'gyur/ /de nas bcom ldan 'das rnam par snang mdzad kyis de bzhin gshegs pa thams cad rjes su dgongs nas/ bdag nyid dang phyag na rdo rje gnyis ga</font><hr>93.160a<br><font size=+1>

gzod ma nas ma skyes pa nyid du byin gyis brlabs te/ phyag na rdo rje la sogs pa rdo rje 'dzin rnams la bka' stsal pa/ rigs kyi bu dag byang chub sems dpa' gsang sngags kyi sgo nas/ byang chub sems dpa'i spyad pa spyod pa rnams la sangs rgyas kyi mdzad pas so sor nye bar gnas pa'i yi ge 'khor lo bskor ba zhes bya ba'i dkyil 'khor spyad pa rim par phye ba rgyas par nyon cig /de nas yang bcom ldan 'das rnam par snang mdzad la phyag na rdo rjes phyag 'tshal te/ rdo rje'i pad ma'i stan de las rdo rje dbab pa'i tshul du babs nas bcom ldan 'das la mngon par bstod pa/ phyag 'tshal byang chub sems spyod la/ /phyag 'tshal byang chub 'byung khyod la/ /spyod gzugs khyod dang sa dang ni/ /pha rol phyin la phyag 'tshal lo/ /phyag 'tshal thog mar byed khyod la/ /stong pa nyid la 'dud phyag 'tshal/ /bcom ldan 'das la gsang ba pa'i bdag po phyag na rdo rjes de skad du mngon par bstod nas/ bcom ldan 'das la 'di skad ces gsol to/ /bcom ldan 'das chos kyi rje bdag cag la thugs brtse ba'i slad du/ gang dag dang ldan na bdag cag rnams sems can gyi don bgyid par 'gyur ba dang gsang sngags spyad pa ci skad gsungs pa bzhin yongs su rdzogs par 'gyur ba bshad du gsol/ de skad ces gsol pa dang / bcom ldan 'das rnam par snang mdzad kyis gsang ba pa'i bdag po phyag na rdo rje la 'di skad ces bka' stsal to/ /nga ni 'jig rten dang po yi/ /'jig rten mgon zhes bsgrags pa yin/ /bla med gzod nas zhi ba ni/ /mnyam pa med pa'i chos bshad do/ /de nas bcom ldan 'das kyis tshigs su bcad pa de dag gsungs nas/ byin gyi rlabs gang gis byin du brlabs na byang chub sems dpa' de rnams dang rdo rje 'dzin de rnams kyis/ bcom ldan 'das byang chub kyi snying po mchog dam pa la bzhugs pa nam mkha' bzhin du spros pa med pa/ spyod pa la gnyis su med pa'i rnal 'byor gyi mtshan nyid las kyi rnam par smin pa bzhin du mthong bar 'gyur ba de lta bu'i byin gyis brlab pa</font><hr>93.160b<br><font size=+1>

mdzad do/ /de'i tshe bcom ldan 'das kyi yan lag dang / de bzhin gshegs pa'i sku thams cad nas/ 'jig rten pa dang 'jig rten las 'das pa rnams dang nyan thos dang rang sangs rgyas bsam pa dang / bsam gtan du bya ba dang dngos grub bsgrub par mngon par brtson pa thams cad kyi srog dang 'dra ba/ yi ge thams cad kyi 'tsho bar gyur pa/ srog tu gyur pa/ skyabs su gyur pa/ dpung gnyen du gyur pa 'di byung ngo / /na maH sa man ta bud+hA nAn a/ rigs kyi bu dag 'di ni de bzhin gshegs pa thams cad kyis byin gyis brlabs pa/ byang chub sems dpa' gsang sngags kyi sgo nas byang chub sems dpa'i spyad pa spyod pa rnams la sangs rgyas kyi mdzad pa so sor nye bar gnas pa yin te/ chos thams cad ni a zhes bya ba'i sgo nas 'jug go/ /gsang ba pa'i bdag po de lta bas na byang chub sems dpa' gsang sngags kyi sgo nas byang chub sems dpa'i spyad pa spyod pa/ de bzhin gshegs pa rnams mthong bar 'dod pa dang mchod par 'dod la byang chub kyi sems mngon sum bya bar 'dod pa/ byang chub sems dpa' rnams dang 'grogs par 'dod pa/ sems can rnams kyi don bya bar 'dod pa/ dngos grub mngon par 'dod pa/ rnam pa thams cad du rnam pa thams cad mkhyen pa nyid thob par 'dod pas de bzhin gshegs pa snying po 'di la brtson par bya'o/ /de nas bcom ldan 'das rnam par snang mdzad kyis/ snying rje chen po'i snying po 'byung ba'i dkyil 'khor gyi rgyal po 'di'i cho ga dgod pa dang / lha'i gnas gtan la dbab pa dang / ting nge 'dzin rnam par sprul pa dang / gsang sngags spyad pa dang / bsam par bya ba gsungs pa de la slob dpon gyis thams cad mkhyen pa nyid kyi sgo a zhes bya ba la gnas te srad bu blangs la/ sangs rgyas thams cad la phyag byas nas srad bu shar phyogs logs su bres te g.yas su bskor la/ byang phyogs su kha bltas nas srad bu bres ste/ nub phyogs su kha bltas la bsgyur te thig gdab bo/ /de nas bdag nyid</font><hr>93.161a<br><font size=+1>

rdo rje sems dpa' lag na rdo rjer de'i phyag rgya'am yi ge ba zhes bya bas byin gyis brlabs te/ nang du zhugs la snying po'i dkyil 'khor bri bar bya'o/ /de bzhin du dkyil 'khor gnyis pa la yang 'di ltar bdag nyid gzod ma nas zhi ba/ gnyis su med pa'i rnal 'byor gyi gzugs/ de bzhin gshegs pa'i gzugs snying po nyid kyi rang gi ngo bor byin gyis brlabs la/ de nas de bzhin gshegs pa'i gnas pa mngon du byed cing srad bu bres la/ phyi rol gyi dkyil 'khor de las sum gnyis lha'i gnas su bzhag ste sum cha 'khor sar bya'o/ /dkyil 'khor lhag ma gnyis kyang de bzhin du rnam par phye la lha'i gnas bsham par bya'o/ /de nas yang bdag nyid bcom ldan 'das rnam par snang mdzad du de'i phyag rgyas byin gyis brlabs la/ chos kyi dbyings rgya chen por byin gyis brlabs te/ thog mar tshon rtsi dkar po blangs la 'di ltar byin gyis brlab par bya'o/ /'di ni chos dbyings dag pa ste/ /sems can khams ni rnam sbyong ba/ /'di ni bdag nyid de bzhin gshegs/ /nyes pa thams cad rnam par spangs/ /de ltar blo can gyis bsams na/ /der ni ra zhes bya ba yang / /zhi ba 'bar ba'i phreng can mdog /dung zla kun da 'dra ba bsam/ /de nas tshon rtsi gnyis pa ni/ /dmar po blangs nas nan tan du/ /yi ge a zhes bya ba ni/ /'bar ba klad kor bcas par bsam/ /rgyal ba thub dka' dam pa ste/ /nyi ma dang por 'char ba bzhin/ /de nas sngags pas tshon gsum pa/ /kha dog ser po blang bar bya/ /mkhas pas de nas ga zhes pa/ /de tshe cho ga bzhin du bsam/ /de bzhin gser 'od thub pa ni/ /gser gyi kha dog 'bar dang bcas/ /ting 'dzin gnas shing sdig bcom pa/ /kun tu rnam par snang ba yin/ /de nas mar gad 'dra ba yi/ /tshon rtsi 'khor ba las sgrol ba/ /ba zhes bya ba de ru gzhag /byang chub snying po'i thub chen te/ /dpa' bo kha dog ljang 'dra ba/ /kun tu 'jigs pa med par byed/ /de nas tshon rtsi nag po de/ /mkhas pa yis ni blangs nas su/ /der ni ha zhes bya ba bsam/ /</font><hr>93.161b<br><font size=+1>

'bar ba'i phreng ba rnam par 'phro/ /dus mtha'i me ltar mi bzad pa/ /lag na rdo rje rtse bran rgyan/ /bdud sde sdang ba thams cad la/ /rnam pa kun tu sdigs par byed/ /de nas bcom ldan 'das rnam par snang mdzad de'i tshe/ ting nge 'dzin de las bzhengs nas mtha' yas rnam par rgyal ba zhes bya ba'i ting nge 'dzin la snyoms par zhugs so/ /bcom ldan 'das rnam par snang mdzad ting nge 'dzin de la snyoms par zhugs ma thag tu thams cad du thogs pa med pa'i stobs zhes bya ba'i rig sngags kyi rgyal mo de bzhin gshegs pa thams cad kyi yul las byung ba 'di phyung ngo / /na maH sar+b+ba ta thA ga te b+h+yaH sar+b+ba mu khe b+h+yaH a sa me ba ra me/ a tsa le ga ga ne/ sma ra Na sarba trA nu ga te swA hA/ de nas tshon gyi cho ga byin gyis brlabs nas bcom ldan 'das ma shes rab kyi pha rol tu phyin pa bklags sam/ phyag byas te rig sngags kyi rgyal mo 'di lan brgyad du bzlas brjod bya'o/ /de nas langs te dkyil 'khor bskor la nang du zhugs nas/ byams pa chen po dang snying rje chen po'i stobs kyis sgrub pa po la dmigs te/ bdag nyid ba zhes bya bas las kyi rdo rje sems dpar byin gyis brlabs la/ rdo rje dam pa sbyin pa dang lhan cig tu snying rje chen po'i snying po 'byung ba'i dkyil 'khor bri bar bya'o/ /de la nang gi dkyil 'khor gtan la dbab pa ni 'di yin te/ dbus su bcom ldan 'das rnam par snang mdzad chen po pad ma dkar po la bzhugs pa/ dbu thor tshugs dang dbu rgyan can/ dar ram ras kyi smad g.yogs dang dar la'i stod g.yogs mnabs pa/ gser gyi kha dog lta bu 'bar ba'i phreng bas 'khrigs pa/ phyag rgya'am gzugs sam yi ge'i 'brur bri'o/ /de la yi ge'i 'bru ni a/ shar phyogs su sangs rgyas thams cad kyi chos sku'i ngo bo a zhes bya ba klad kor dang bcas pa'o/ /a~M/ dbang ldan phyogs su sangs rgyas thams cad kyi yum bcom ldan 'das ma nam mkha'i spyan bri'o/ /yang na yi ge ga zhes bya ba bri'o/ /ga /me'i phyogs su byang chub sems dpa' thams cad kyi phyag rgya yid bzhin gyi nor bu'am yi ge ka zhes bya ba bri'o/ /ka /byang phyogs su lag na pad ma 'khor byang chub sems dpa' skye ba gcig gis</font><hr>93.162a<br><font size=+1>

thogs pa dag dang lhan cig tu/ pad ma'i phyag rgya'am yi ge sa zhes bya ba bri'o/ /sa/ lho phyogs su cha gsum bor te/ gsang ba pa'i bdag po lag na rdo rje 'khor dang bcas pa rdo rje'i phyag rgya'am yi ge ba zhes bya ba bri'o/ /ba/ de'i cha gsum bor la rdo rje 'chang thams cad kyi phyag rgya'am yi ger bri'o/ /hU~M/ de nas bden bral gyi phyogs su bcom ldan 'das rnam par snang mdzad kyi 'og logs su mi g.yo ba pha bong gi steng na 'dug pa/ lag na ral gri dang zhags pa thogs pa 'bar ba'i phreng ba 'khrigs pa/ bgegs thams cad la bsdigs pa de'i phyag rgya'am yi ger bri'o/ /de'i yi ge'i 'bru ni ha~M/ rlung gi phyogs su 'jig rten gsum las rnam par rgyal ba zhes bya ba bgegs chen po 'joms pa/ gyen du 'bar ba'i phreng ba can/ rab tu 'jig pa chen po'i dus kyi me'i gzugs 'dra ba/ 'jigs pa yang 'jigs par byed pa/ lag na rdo rje 'od 'phro ba can thogs pa de'i phyag rgya'am yi ge bri'o/ /de la yi ge'i 'bru ni 'di'o/ /ha/ de nas phyogs bzhir srung ba chen mo bzhi dgod do/ /de la shar phyogs su mi 'jigs pa zhes bya ba'i bsrung ba chen mo gser gyi kha dog 'dra ba gos dkar po gyon pa yid tsam khro bo'i gdong lag na dbyug pa thogs pa de'i phyag rgya'am yi ger bri'o/ /de la yi ge'i 'bru ni 'di'o/ /tsa/ byang phyogs su ni 'jigs pa thams cad med par byed pa zhes bya ba'i srung ba kha dog dkar mo/ lag na ral gri thogs shing gos dkar po gyon pa/ 'bar ba dang bcas pa 'jigs pa thams cad med pa de'i phyag rgya'am/ yi ger bri'o/ /de la yi ge'i 'bru ni 'di'o/ /pa/ nub phyogs su gdul dka' zhes bya ba'i bsrung ba/ a sho ka dmar po'i mdog 'dra ba gos dmar po gyon pa/ bzhin 'dzum pa/ thams cad dang ldan pa'i 'khor gyi dkyil 'khor la blta ba de'i phyag rgya'am yi ger bri'o/ /de la yi ge'i 'bru ni 'di'o/ /sa/ lho phyogs su ma thul ba rdo rjes 'dul ba zhes bya ba'i srung ba chen mo kha dog nag mo/ bzhin khro gnyer bsnyer ba/ smad g.yogs nag po gyon pa thor tshugs</font><hr>93.162b<br><font size=+1>

dang cod pan can thams cad dang ldan pa'i 'jig rten gyi khams rang gi 'bar bas mngon par snang bar byed pa/ lag na dbyug pa thogs pa bgegs chen po med par byed pa'i phyag rgya'am/ yi ger bri'o/ /de la yi ge'i 'bru ni 'di'o/ /k+Sha/ de dag thams cad kyang 'khor dang bcas pa/ phyag brnyan dang bcas par pad ma dkar po la 'dug par bri'o/ /de ltar blo can gyis bkod nas/ /sngags pa sngags la gzhol ba yis/ /cho ga bzhin du phyir byung nas/ /gnyis pa'i cha ni nges pa la/ /shAkya'i rigs ni dga' byed pa/ /thub pa'i rgyal po bri bar bya/ /mgon po na bza' ngur smrig mnabs/ /mtshan mchog sum cu rtsa gnyis ldan/ /bstan pa yi ni don mdzad lha/ /sems can kun la mi 'jigs sbyin/ /sngags pas phyag rgya dgod pa ni/ /lhung bzed chos gos la sogs pa'am/ /yang na mkhas pas yi ger gzhag /de yi cho ga dam pa 'di'o/ /b+ha/ de nas phyi rol gyi dkyil 'khor du bdag nyid chos kyi dbyings kyi ngo bo nyid du byin gyis brlabs la/ byang chub kyi sems su gyur pa'i yid kyis cha gsum bor te/ bcom ldan 'das rnam par snang mdzad lan gsum rjes su dran par byas nas tshon de nyid blangs te/ shar phyogs kyi cha gsum par rdo rje dam pa sbyin pa gzhon nu'i gzugs can lag pa g.yon pa na uta pal mthing ka steng na rdo rje can thogs pa/ rgyan thams cad kyis brgyan pa/ dar ram ras kyi smad g.yogs gyon pa/ dar la'i smad g.yogs can/ kha dog gur gum lta bu/ spyi bor zur phud lnga pa de'i phyag rgya 'am yi ger bri'o/ /de'i sngags ni 'di'o/ /na maH sa man ta bud+d+hA nAn/ mA~M/ de'i g.yas phyogs su dra ba can gyi 'od gzhon nu'i gzugs can rnam pa thams cad kyi mchog dang ldan pa/ lag na rin po che'i dra ba'am lcags kyu thogs pa phyag rgya'am yi ge'i 'brur bri'o/ /de la yi ge'i 'bru ni 'di'o/ /tsha/ de nas lho phyogs su byang chub sems dpa' sgrib pa thams cad rnam par sel ba zhes bya ba/ gser gyi kha dog 'dra ba thor tshugs dang cod pan can</font><hr>93.163a<br><font size=+1>

lag na yid bzhin gyi nor bu thogs pa de'i phyag rgya'am yi ger bri'o/ /de la yi ge'i 'bru ni 'di'o/ /A/ de nas byang phyogs su byang chub sems dpa' sa'i snying po zhes bya ba sku mdog ljang gu/ lag na pad ma thogs pa/ rgyan thams cad kyis brgyan pa de'i phyag rgya'am yi ger bri'o/ /de la yi ge ni 'di'o/ /i/ nub phyogs su byang chub sems dpa' nam mkha'i snying po zhes bya ba rnam pa thams cad kyi mchog dang ldan pa/ gos dkar po gyon pa 'bar ba dang bcas pa/ lag na ral gri thogs pa de'i phyag rgya 'am yi ger bri'o/ /de la yi ge'i 'bru ni 'di'o/ /I/ chos kyi dbyings la gzhol ba yi/ /sngags pa de nas 'dug nas su/ /chos kyi dbyings kyi rang bzhin gyi/ /byang chub sems su gyur pa'i yid/ /shar phyogs kha ltas gnas nas ni/ /rdo rje can gyi rgya bcings nas/ /de nas las kyi rdo rjer gyur/ /nan tan du ni mchod pa bya/ /kun tu khyab pa'i yid kyis su/ /sangs rgyas skyob pa thams cad kyi/ /dam tshig ces bya'i rgya bstan nas/ /gsang sngags lan gsum bzlas par bya/ /slob ma gtsang ma cho ga bzhin/ /bos te dkyil 'khor mdun du ni/ /de dag gsum la skyabs su btang / /de nas byang chub sems kyang bskyed/ /chos kyi dbyings kyi rang bzhin gyi/ /phyag rgya de dag kun la bcing / /de nas chos kyi 'khor lo'i bcing / /yid kyis de yi gzugs bsgyur te/ /ras kyis gdong pa bkab nas su/ /snying rjer gyur pa'i yid kyis su/ /byang chub tshogs ni rdzogs bya'i phyir/ /lag pa stong par mi bya'o/ /dam tshig gi ni dam pa 'di/ /de dag kun gyi rna bar bsgrags/ /sangs rgyas rnams kyi dam tshig ni/ /de nas de la bdag gis bcing / /byang chub sems gyur yid kyis su/ /de nas me tog 'dor du gzhug /me tog gang du bab gyur pa/ /de ni sngags pas de la sbyin/ /lus can kun la dam tshig phyir/ /cho ga de ltar rab tu bya/ /de nas dpal ldan rdo rje 'dzin/ /gtso bo de la yang</font><hr>93.163b<br><font size=+1>

zhus pa/ /mgon po smra ba'i mchog gyur pas/ /dbang bskur ba'i cho ga gsungs/ /de skad gsol nas bcom ldan 'das/ /chos kyi dbyings la gzhol ba yis/ /rdo rje 'dzin la 'di skad gsungs/ /chos rnams kun la dbang ba'i phyir/ /cho ga'i mchog ni ngas bshad kyis/ /yid gcig bsdus te cho ga nyon/ /gsang ba pa'i bdag po/ de la slob dpon gyis bdag nyid de bzhin gshegs pa'i gzugs su de'i sngags sam phyag rgyas byin gyis brlab bo/ /de nas slob ma rnams bos la chos kyi dbyings kyi ngo bo nyid kyi pad ma'i rgyal po chen po la gzhag ste/ yan lag kun 'byung ba'i phyag rgya bcings la/ byang chub sems dpa' chen po bzhis byin gyis brlabs pa/ rin po che sna bzhi'i bum pa'i chus spyi bo nas dbang bskur bar bya'o/ /a ni klad kor bcas pa ru/ /mkhas pas spyi bor bzhag nas ni/ /a zhes bya ba snying gar gzhag /ra zhes bya ba brang du gzhag /yang na a ni kun tu gzhag /gser gyi kha dog 'bar dang bcas/ /thor tshugs dang ni dbu rgyan can/ /pad ma dkar po'i gdan la bzhugs/ /rgyal ba'i mchog ni ting 'dzin gnas/ /yi ge'i 'khor lo rim par phye ba rgyas pa'o// // de nas bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs nas/ byang chub sems dpa' gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/ de bzhin gshegs pa rnams la de bzhin gshegs pa'i rgyan du gyur pa chos kyi dbyings rtogs pa'i mtshan mar gyur pa'i phyag rgya rim par phye ba rgyas pa gang gis brgyan na/  byang chub sems dpa' rnams 'khor ba na 'khor ba'i tshe/ 'gro ba thams cad du de bzhin gshegs pa thams cad kyi byang chub chen po'i mtshan mas btab pas lha dang klu dang gnod sbyin dang dri za dang lha ma yin dang nam mkha' lding dang mi 'am ci dang lto 'phye chen po dang mi dang mi ma yin pa rnams 'byor bar 'gyur zhing / de rnams kyang de dag gi ngag nyan par 'gyur ba yod kyis/ de nyon la legs par rab tu yid la zung shig dang / ngas khyod la bshad do/ /de skad ces bka' stsal ba dang / </font><hr>93.164a<br><font size=+1>

bcom ldan 'das la phyag na rdo rjes 'di skad ces gsol to/ /bcom ldan 'das de'i dus la bab bo/ /bde bar gshegs pa de'i tshod la bab bo/ /de nas bcom ldan 'das kyis de'i tshe stobs thogs pa med pa'i gnas byin gyis rlob pa zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs ma thag tu rig sngags kyi rgyal mo thams cad du thogs pa med pa'i stobs can/ mi mnyam pa dang mnyam pa'i stobs can/ dam tshig la 'jug par byed pa/ stobs gsum dang ldan pa byung ngo / /na maH sa man ta bud+d+hA nAn/ a sa me tri sa me sa ma ye swA hA/ gsang ba pa'i bdag po/ rig sngags kyi rgyal mo 'di ni/ de bzhin gshegs pa thams cad kyis yang dag par ston par byed pa/ chos gsum gyi lam gyi mtshams las mi 'da' bar byed pa/ sa dang pha rol tu phyin pa yongs su rdzogs par byed pa de yin te/ de'i phyag rgya ni 'di yin no/ /lag pa gnyis thal mo khong stong du sbyar la/ mthe bo gnyis bsgreng ngo / /rgya 'di phyag rgya chen po ste/ /sangs rgyas skyob pa kun gyi yin/ /sangs rgyas kun gyi dam tshig ni/ phyag rgya 'di la rab tu gnas/ /lag pa dag ni gnyis ka yang / /blo dang ldan pas khu tshur bcangs/ /mthe bo gnyis ni nang du gzhug /mdzub mo gnyis ni bsgreng bar bya/ /rgya 'di phyag rgya chen po ste/ /chos dbyings rnam par spyod pa'o/ /gsang sngags ni/ na maH sa man ta bud+d+hA nAn/ d+har+m+ma d+hA tu swa b+hA ba Ata ma ko\u0f85ha~M/ de bzhin du lag pa gnyis kyi sor mo thams cad ldog te bsnol la mthe bo gnyis sprad do/ /phyag rgya dpal dang ldan pa 'di/ /chos kyi 'khor lo zhes su bsgrags/ /'jig rten mgon po skyob rnams kyi/ /'khor lo rab tu 'di bskor ro/ /gsang sngags ni/ na ma sa man ta bud+d+hA NAM/ badzra At+ma ko\u0f85ha~M/ de bzhin du lag pa gnyis phyag 'tshal ba'i thal mo sbyar la/ mdzub mo gnyis mthe bo gnyis kyi steng du gzhag ste/ ral gri lta bur bya'o/ /sangs rgyas skyob pa thams cad kyi/ /phyag rgya chen po ral gri'i rgya/ /'dis ni lhan cig skyes pa yi/ /'jig tshogs lta ba gcod par byed/ /gsang</font><hr>93.164b<br><font size=+1>

sngags ni/ na maH sa man ta bud+d+hA nA~M/ ma hA khang ga bi ra dza d+har+m+ma san daR+shi ka sa ha dza sad kA ya dr-iSh+Ti ts+tshe da ka ta thA ga tA d+hi muka ti nir dzA ta bi rA ga d+har+m+ma nir dzA ta hU~M/ de bzhin du lag pa gnyis thal mo khong stong du sbyar te/ mdzub mo gnyis kyis mthe bo gnyis dkris la dung lta bur bya'o/ /phyag rgya dpal ldan dam pa 'di/ /chos kyi dung zhes rnam par bsgrags/ /'dis ni 'jig rten 'di dag na/ /sangs rgyas byang chub sems dpa' rnams/ /zhi ba mya ngan 'das 'gro ba/ /rdul dang bral ba'i chos 'chad do/ /gsang sngags ni/ na maH sa man ta bud+d+hA nA~M/ sar+b+ba thA a~M/ de bzhin du lag pa gnyis kyi sor mo kun thal mo sbyar ba las brgyang ste dril bu lta bur byas la/ mthe bo gnyis dang mthe'u chung gnyis rtse gcig tu sprad de mdzub mo gnyis dang gung mo sprad do/ /pad ma dam pa dpal ldan 'di/ /sangs rgyas skyob pa thams cad kyi/ /mi shigs rdo rje'i gdan yin te/ /der ni 'dren pa 'tshang rgya zhing / /rgyal ba sras rnams thams cad ni/ /'di las skye dang byang chub 'gyur/ /gsang sngags ni/ na maH sa man ta bud+d+hA nA~M/ a/ de bzhin du lag pa gnyis khu tshur bcangs la/ gung mo gnyis gshibs te bsgreng la/ mdzub mo gnyis bkug ste ngos gnyis su gzhag la rdo rje ltar bya/ mthe bo gnyis dang mthe'u chung gnyis bsgreng ste gzhag /srin lag gnyis lag pa'i nang du gzhug go/ /phyag rgya chen po rdo rje'i rgya/ /mi shes grong khyer 'jig pa ste/ /sangs rgyas rnams kyi ye shes 'di/ /nyid kyis byin du brlabs te bstan/ /gsang sngags ni/ na maH sa man+ta bud+d+hA badzrA NAM hU~M/ A/ de bzhin du lag pa gnyis khu tshur bcangs la gung mo gshibs te bsgreng / mdzub mo gnyis ngos nas bkug ste sbyar ro/ /gtsug tor phyag rgya rgya chen te/ /gtsug tor zhes ni bsgrags pa yin/ /'di ni bcings pa tsam gyis kyang / /rgyal ba mchog tu 'gyur ba yin/ /'di'i sngags ni/ na maH sa man ta bud+d+hA nAn/ hU~M hU~M/ lag pa g.yas pa khu tshur</font><hr>93.165a<br><font size=+1>

bcangs la smin mtshams su gzhag go/ /rgyal ba dam pas phyag rgya 'di/ /mdzod spu zhes ni rab tu bsgrags/ /'di ni bcings pa tsam gyis su/ /rgyal ba mchog tu 'gyur ba yin/ /'di'i sngags ni/ na maH sa man ta bud+d+hA nAn a ha~M dza/ blo ldan rnal 'byor tshul gnas te/ /lag gnyis lte ba'i thad kar ni/ /lhung bzed 'dzin pa'i tshul du bya/ /lhung bzed phyag rgya zhes su grags/ /rgya 'di shAkya thub pa ste/ /lhung bzed chen po zhes bya'o/ /'di'i gsang sngags ni/ na maH sa man ta bud+d+hA nA~M b+ha/ de bzhin du lag pa g.yas pa gyen du bsgreng la mi 'jigs pa sbyin pa lta bur bya'o/ /sems can kun la mi 'jigs pa/ /de yis rab tu sbyin par 'gyur/ /gang zhig rgya chen de bcings na/ /mi 'jigs phyag rgya zhes bsgrags so/ /'di'i sngags ni/ na maH sa man ta bud+d+hA nAn sar+b+ba thA dzi na dzi na b+ha ya nA sha na swA hA/ de bzhin du lag pa g.yas pa smad de dam pa sbyin pa ltar bya'o/ /'di ni dam pa sbyin rgya zhes/ /'jig rten mgon po rnams kyis bsgrags/ 'di ni bcings pa tsam gyis su/ /rgyal mchog dam pa stsol bar 'gyur/ /'di'i gsang sngags ni/ na maH sa man ta bud+d+hA nAn/  ba ra da badzra At+ma ka swA hA/ lag pa g.yas pa khur tshur bcangs te mdzub mo brkyang la dpral ba khro gnyer lta bur bya'o/ /phyag rgya chen po rgya chen 'di/ /sangs rgyas skyob pa thams cad kyi/ /bdud ni rnam par bsdigs zhes bya/ /phung byed thams cad 'jig par byed/ /'di ni bcings pa tsam gyis su/ /bdud sde shin tu mi bzad dang / bgegs dang log 'dren gzhan dag kyang / /the tshom med par rab tu 'byer/ /'di'i gsang sngags ni 'di'o/ /na maH sa man ta bud+d+hA nA~M/ ma hA ba la ba ti da sha ba la te dzo ha b+ha be ma hA mai t+r+ya/ b+h+yud ga te swA hA/ de bzhin du lag pa g.yas pa khu tshur bcangs la gung mo gnyis dang srin lag gnyis brkyang ste/ mthe bo de drung du gzhag go/ /'di ni sangs rgyas mgon rnams kyi/ /thugs rje las byung spyan yin te/ /mig gi steng du mkhas pas gzhag /</font><hr>93.165b<br><font size=+1>

de las sangs rgyas spyan du 'gyur/ /'di'i gsang sngags ni/ na maH sa man ta bud+d+hA nAn/ ga ga na ya ra lak+Sha NA kA ra NA ma ya ta thA ga ta tsak+Shu swA hA/ de bzhin du lag pa gnyis gcig tu sbyar la/ sor mo rnams phan tshun bsnol ba'i khu tshur bcings te/ mdzub mo gnyis bsgreng la bkug ste sprad la zlum por bya/ 'di ni zhags pa mchog ces grags/ /sdang ba thams cad 'jig par byed/ /sngags pas 'di bcings de yi tshe/ /rtag tu sdang ba bcings par 'gyur/ /'di'i gsang sngags ni 'di yin no/ /na maH sa man ta bud+d+hA nAn/ he he ma hA pA sha pra sa ro dA r+ya sa twa d+hA tu bi mo tsa ka /ta thA ga ta a d+hi muk+ti ni ra dza ta swA hA/ de bzhin du lag pa gnyis gcig tu sbyar te/ khu tshur bcangs la mdzub mo bsgreng ste/ tshigs gsum pa bkug la lhag ma rnams ni gdub bu'i tshul du gnas par bya'o/ /sangs rgyas skyob pa thams cad kyi/ /lcags kyu zhes ni 'di bshad do/ /byang chub sems dpa' bdag nyid che/ /sa bcu dag la gnas pa dang / /sdang bar sems pa gzhan dag kyang / /thams cad rab tu 'gugs par byed/ /'di'i gsang sngags ni/ na maH sa man ta bud+d+hA nAn/ a sar+b+ba trA a pra ti ha ta ta thA ga ta/ aM ku sha bo d+hi tsar+ya pa ri pU ra ka swA hA/ lcags kyu'i phyag rgya las gung mo gnyis bkug ste de nyid du sbyar ro/ /'di ni de bzhin gshegs pa'i thugs kyi phyag rgya ste/ gsang sngags la/ na maH sa man+tata bud+d+hA nA~M dz+nyA nod b+ha ba swA hA/ phyag rgya de nyid las srin lag gnyis bsgreng la lhag ma rnams de bzhin du gzhag go/ /de bzhin gshegs pa'i lte ba'i phyag rgya ste/ gsang sngags la/ na maH sa man ta bud+d+hA nAn/ a mr-i tod b+ha ba swA hA/ phyag rgya de nyid las mthe'u chung bsgreng la lhag ma rnams de bzhin du gzhag go/ /rked pa'i phyag rgya ste/ gsang sngags la/ na maH sa man ta bud+d+hA nA~M/ ta thA ga ta ga ti sa~M b+ha ba swA hA/ de bzhin du lag pa gnyis khong stong du sbyar la/ mdzub mo gnyis bkug ste nang du 'dug /srin lag gnyis kyang de bzhin du bya/ mthe bo dang mthe bo chung gnyis cung zad dgug /gung mo gnyis gshibs</font><hr>93.166a<br><font size=+1>

te bsgreng ngo / /'di ni de bzhin gshegs pa'i mdzod kyi phyag rgya ste/ 'di'i gsang sngags ni/ na maH sa man ta bud+d+hA nA~M ra~M ra~M ra~M swA hA/ phyag rgya de nyid las srin lag gnyis phyung la bsgreng ste gzhag go/ /mtshams chen po gcad pa'i phyag rgya ste/ 'di'i gsang sngags ni 'di yin no/ /na maH sa man ta bud+d+hA nA~M/ be lu pu ri bi kur bi ku le swA hA/ mtshams chen po gcad pa'o/ /de nyid las gung mo gnyis bkug la mthe bong gnyis bsgreng ngo / /bsrung ba chen po'i phyag rgya ste/ gsang sngags la/ na maH sa man ta bud+d+hA nA~M/ ta thA ga te b+h+yaH sar+b+ba b+ha ye bi ga te b+h+yo bi shwa mu khai b+h+yaH sarba thA ha~M kha~M rak+Sha ma hA ba le sar+b+ba ta thA ga ta pu N+ya nir dzA te hU~M hU~M tra Ta tra Ta/ a pra ti ha te swA hA/ mi bzod pa zhes bya ba bsrung ba chen mo'o/ /de bzhin du mdzub mo gnyis nang du gzhug go/ /kun tu 'bar ba zhes bya ba'i phyag rgya ste/ gsang sngags la/ na maH sa man ta bud+d+hA nAn/ dz+wa la mA lI nI ta tha ga ta ar tsi swA hA/ kun tu 'bar ba'o/ /de bzhin du lag pa gnyis thal mo khong stong du sbyar la/ mdzub mo gnyis kyis ngos nas dkri'o/ /'di ni de bzhin gshegs pa'i go cha'i phyag rgya ste/ gsang sngags la/ na maH sa man ta bud+d+hA nAn/ pra tsaN+Da badzra dza ya bi s+phu ra hU~M/ de bzhin gshegs pa'i go cha'o/ /phyag rgya de nyid las mdzub mo gnyis dang mthe bo gnyis gcig tu sbyar ro/ /de bzhin gshegs pa'i ljags kyi phyag rgya ste/ gsang sngags la/ na maH sa man ta bud+d+hA nAn/ ta thA ga ta dzi hwa sa twa d+har+m+ma pra ti Sh+Thi ta swA hA/ de bzhin gshegs pa'i ljags so/ /phyag rgya de nyid las mdzub mo gnyis dang srin lag gnyis bkug la nang du sbyar/ mthe bo gnyis bsgreng la cung zad bkug ste/ rtse mo gung mo la phyogs par bya/ mthe'u chung gnyis ni brgyang la mthe bo gnyis snga ma bzhin no/ /'di ni de bzhin gshegs pa'i zhal chen po'i phyag rgya ste/ gsang sngags la/ na maH sa man ta bud+d+hA nA~M/ ta thA ga ta ma hA bA ka tre ba~M dz+nyA na ma ho da ya swA hA/ de bzhin gshegs pa'i zhal lo/ /phyag rgya de nyid las mdzub</font><hr>93.166b<br><font size=+1>

mo bkrol la nang du bcug ste/ dgu bor byas la bstod de gzung ngo / /de bzhin gshegs pa'i mche ba'i phyag rgya ste/ gsang sngags la/ na maH sa man+ta bud+d+hA nAn/ ta thA ga ta ma hA da~MSh+T+rA ra sa ra sA gra sa ma pra b+hA ka sar+b+ba ta thA ga ta bi Sha ya sa~M b+ha ba swA hA/ de bzhin gshegs pa'i mche ba'o/ /phyag rgya de nyid las mdzub mo gnyis bsgreng ste gzung la tshigs gsum pa dgug go/ /de bzhin gshegs pa'i so so yang dag par rig pa'i phyag rgya ste/ gsang sngags la/ na maH sa man+ta bud+d+hA nA~M/ a tsin+t+ya Ad+b+hU ta ru Na pA ba ga sa ma pra ti bid+yA+e bi shud+d+ha swa ra swA hA/ de bzhin gshegs pa'i so so yang dag par rig pa'o/ /de bzhin du lag pa gnyis gcig tu thal mo khong stong du sbyar te mthe bo gnyis dang mthe'u chung gnyis nang du gcug la gcig tu sprad do/ /'di ni stobs bcu'i phyag rgya ste/ gsang sngags la/ na maH sa man ta bud+d+hA nA~M/ da sha ba la/ ga d+ha ra hU~M sa~M dza~M swA hA/ stobs bcu'i phyag rgya dang gsang sngags so/ /phyag rgya de nyid las mthe bo gnyis kyi rtse mor mdzub mo gnyis bkug ste sbyar ro/ /dran pa nye bar gzhag pa'i phyag rgya ste/ gsang sngags la/ na maH sa man+ta bud+d+hA nA~M/ ta thA ga ta smra ti sa twa hi ta a b+h+yud gta ga ga na sa ma sa ma swA hA/ dran pa nye bar gzhag pa'i phyag rgya dang gsang sngags so/ /phyag rgya de nyid las srin lag gnyis mthe bo'i steng du gzung ngo / /gsang sngags la/ na maH sa man+ta bud+d+hA nAn/ sar+b+ba d+har+m+ma sa ma tA prA b+ha ta thA ga ta a nu ga ta swA hA/ chos thams cad mnyam pa nyid du rtogs par byed pa'i phyag rgya dang gsang sngags so/ /de bzhin du lag pa gnyis gcig tu sbyar te/ mdzub mo gnyis kyis gung mo gnyis dkris la lhag ma rnams ni de bzhin du gzhag go/ /kun tu bzang po'i yid bzhin gyi nor bu'i phyag rgya ste/ gsang sngags la/ na maH sa man+ta bud+d+hA nA~M/ sa man+tA nu ga ta bi rA dza d+har+m+ma nir dzA ta ma hA ma hA swA hA/ yid bzhin gyi nor bu'i gsang sngags so/ /phyag rgya de nyid las mdzub mo gnyis gung mo gnyis kyi nang du bkug la gzhag /lhag ma rnams ni snga ma bzhin no/ /'di'i gsang sngags la/ na maH sa man+ta bud+d+hA nA~M/ a tsi tany+dza ya sar+b+ba satwA</font><hr>93.167a<br><font size=+1>

sha yA nu ga ta swA hA/ byams pa'i phyag rgya dang gsang sngags so/ /phyag rgya de nyid las mthe bo gnyis nang du gzhug go/ /gsang sngags la/ na maH sa man+ta bud+d+hA nA~M/ A kA sha sa ma tA nu ga ta bi tsi t+t+raM ba ra d+ha ra swA hA/ nam mkha'i snying po'i phyag rgya dang gsang sngags so/ /phyag rgya de nyid las srin lag gnyis dang mthe'u chung gnyis nang du bcug la mdzub mo gnyis gung mo gnyis dang lhan cig tu sbyar ro/ /gsang sngags la/ na maH sa man+ta bud+d+hA nAn/ a ta sa twa hi ta a b+h+yud ga ta tra~M tra~M ra~M raM swA hA/ sgrib pa thams cad rnam par sel ba'i phyag rgya dang gsang sngags so/ /de bzhin du lag pa gnyis gcig tu sbyar la sor mo thams cad dril bu 'dra bar kha dbye/ mthe bo gnyis dang mthe'u chung gnyis gcig tu sbyar/ lhag ma rnams ni pad ma lta bur bya'o/ /gsang sngags la/ na maH sa man+ta bud+d+hA nAn/ sar+b+ba ta thA ga ta a ba lo ki ta ka ru NA mA ya ra ra ra hU~M dza swA hA/ spyan ras gzigs dbang phyug gi pad ma'i phyag rgya dang gsang sngags so/ /de bzhin du lag pa gnyis thal mo khong stong du sbyar la pad ma kha ma bye ba lta bur bya'o/ /pad ma'i phyag rgya ste/ gsang sngags la/ na maH sa man+ta bud+d+hA nA~M/ dza~M dza~M sa swA hA/ mthu chen po thob pa'i pad ma'i phyag rgya dang gsang sngags so/ /de bzhin du lag pa gnyis khu tshur bcangs la mdzub mo gnyis rtse mo can du bsgreng ste/ mthe bo gnyis kyang de'i drung du gzhag go/ /gsang sngags la/ na maH sa man+tata bud+d+hA nA~M/ tA re tA re Ni ka ru Nod b+ha be swA hA/ lha mo sgrol ma'i 'o/ /phyag rgya de nyid las mdzub mo gnyis gcus te bsgreng ngo / /lhag ma rnams ni snga ma bzhin no/ /gsang sngags la/ na maH sa man+ta bud+d+hA nA~M/ sar+b+ba b+hA ba san trA sa ni hU~M s+pho Ta ya swA hA/ khro gnyer can ma'i 'o/ /de bzhin du lag pa gnyis thal mo khong stong du sbyar la/ srin lag gnyis dang mthe bo gnyis nang du gzhug go/ /gsang sngags la/ na maH sa man+ta bud+d+hA nA~M/ ta thA ga ta bi Sha ya sam+b+ha ba pad ma mA lI nI swA hA/ gos dkar can gyi'o/ /phyag rgya de nyid las mthe bo gnyis gyen du sgreng la mdzub mo</font><hr>93.167b<br><font size=+1>

gnyis kyi rtse mo de'i drung du bar nas gang tsam gyis chod par bzhag go/ /gsang sngags la/ na maH sa man+ta bud+d+hA nA~M/ khA da b+hany+dza s+pho Ta ya swA hA/ rta mgrin gyi phyag rgya dang gsang sngags so/ /phyag rgya de nyid las srin lag gnyis dang / mthe'u chung gnyis kyang gyen du bsgreng la lhag ma rnams ni de bzhin du khu tshur bcangs pa'i tshul du bzhag go/ /de'i gsang sngags la/ na maH sa man+ta bud+d+hA nA~M/ ha ha ha su na ta nu swA hA/ sa'i snying po'i phyag rgya dang gsang sngags so/ /de bzhin du lag pa gnyis thal mo khong stong du sbyar la gung mo gnyis kyis srin lag gnyis dkris te mdzub mo gnyis kyang mthe bong gnyis kyi steng du bkug ste gzhag /lhag ma rnams ni snga ma bzhin no/ /gsang sngags la/ na maH sa man+ta bud+d+hA nA~M/ he he ku mA ra ka bi muka ti pa the sti Sh+Tha te/ sma ra sma ra pra ti dz+nyA na swA hA/ 'jam dpal gyi phyag rgya dang gsang sngags so/ /lag pa g.yon pa khu tshur bcangs te mdzub mo dgug go/ /dra ba'i 'od kyi lcags kyu'i phyag rgya ste/ gsang sngags la/ na maH sa man+ta bud+d+hA nAn/ he he ku mA ra ya ga ta swa b+hA ba s+thi ta swA hA/ dra ba'i 'od kyi phyag rgya dang gsang sngags so/ /phyag rgya de nyid las sor mo thams cad dgu bor bya'o/ /gzhon nu dri ma med kyi 'od kyi ut+pa la'i phyag rgya ste/ gsang sngags la/ na maH sa man+ta bud+d+hA nAn/ he he ku mA ra bi tsi tra ga ti ku mA ra/ pra ti dz+nyA ma nu sma ra swA hA/ dri ma med pa'i 'od kyi phyag rgya dang gsang sngags so/ /de bzhin du lag pa g.yas pa khu tshur bcangs la mdzub mo dang gung mo gnyis gshibs te gyen du bsgreng ngo / /skra can gyi phyag rgya ste gsang sngags la/ na maH sa man+ta bud+d+hA nAn/ he he ku mA ri kle sha ts+tshe da ya A dz+nyA nAn/ sma ra pra ti dz+nyI na swA hA/ skra can gyi phyag rgya dang gsang sngags so/ /de bzhin du lag pa g.yas pa khu tshur bcangs la gung mo gyen du sgreng te mdung rtse lta bur bya/ nye skra can gyi mdung rtse'i phyag rgya ste/ gsang sngags la/ na maH sa man+ta bud+d+hA nAn/ bin d+ha ya a dz+nyA he ku mA ri ke swA hA/ nye skra can gyi mdung rtse'i phyag rgya dang gsang sngags so/ /</font><hr>93.168a<br><font size=+1>

lag pa gnyis khu tshur bcangs te/ gung mo gnyis brkyang la mdzub mo gnyis ngos su sbyar sna tshogs ma'i dbyug pa'i phyag rgya ste/ gsang sngags la/ na maH sa man+ta bud+d+hA nAn/ he ku mA ri ke A dz+nyA na pu ra bi dwaM sa ni swA hA/ de bzhin du lag pa g.yon pa khu tshur bcangs la srin lag dang mthe'u chung gnyis bsgreng ngo / /nor can gyi rgyal mtshan gyi phyag rgya ste/ gsang sngags la/ na maH sa man+ta bud+d+hA nAn/ he s+phu ra dz+nyA na ke tu swA hA/ nor can gyi rgyal mtshan gyi phyag rgya dang gsang sngags so/ /lag pa g.yas pa khu tshur bcangs la/ mdzub mo bsgreng ste rtse mo dgug go/ /'gugs ma'i lcags kyu'i phyag rgya ste/ gsang sngags la/ na maH sa man+ta bud+d+hA nAn/ A kar Sha ya sar+b+baM ku ru A dz+nyA na ku mA ra s+ya swA hA/ 'gugs ma'i lcags kyo'i phyag rgya dang gsang sngags so/ /de bzhin du lag pa gnyis khu tshur bcangs la/ mdzub mo gnyis bsgreng ste tshigs gsum pa dgug go/ /gsang sngags la/ na maH sa man+ta bud+d+hA nAn/ a bi sma ya ni ye swA hA/ phyag brnyan ma rnams kyi phyag rgya dang gsang sngags so/ /de bzhin du lag pa g.yas pa khu tshur bcangs te gung mo bsgreng la tshigs gsum par dgug go/ /ngo mtshar can gyi rdo rje'i phyag rgya ste/ gsang sngags la/ na maH sa man+ta bud+d+hA nAn/ bi ma ti ts+tshe da ka swA hA/ ngo mtshar gyi rdo rje phyag rgya dang gsang sngags so/ /de bzhin du lag pa g.yas pa'i dpung pa bstod la/ lag pa mi 'jigs pa sbyin pa lta bur bya/ mi 'jigs pa sbyin pa'i phyag rgya ste/ gsang sngags la/ na maH sa man+ta bud+d+hA nAn/ a ba ba yan dAd swA hA/ mi 'jigs pa sbyin pa'i phyag rgya dang gsang sngags so/ /lag pa de nyid mas yar 'dren pa'i tshul du bya'o/ /ngan song spong ba'i phyag rgya ste/ gsang sngags la/ na maHsa man+ta bud+d+hA nAn/ a b+h+yud d+ha ra sa twa d+hA du na swA hA/ ngan song spong ba'i phyag rgya dang gsang sngags so/ /lag pa de nyid brang du gzhag go/ /yongs su skyong sems blo gros kyi phyag rgya ste gsang sngags la/ na maH sa man+ta bud+d+hA nAn/ he ma hA</font><hr>93.168b<br><font size=+1>

ma hA m+ma ra pra ti dz+nyAM swA hA/ yongs su skyong sems blo gros kyi phyag rgya dang gsang sngags so/ /lag pa de nyid me tog 'dzin pa'i tshul du bya'o/ /gsang sngags la/ na maH sa man+ta bud+d+hA nA~M/ satwe badzrod b+ha ba swA hA/ byams pa 'byung ba'i phyag rgya dang gsang sngags so/ /lag pa de nyid snying gar gzhag la gung mo nang du dgug go/ /gsang sngags la/ na maH sa man+ta bud+d+hA nAn/ ka ru Nod b+ha ba swA hA/ snying rjes brlan pa'i phyag rgya dang gsang sngags so/ /de bzhin du lag pa g.yas pa mchog sbyin pa'i tshul du bya'o/ /gsang sngags la/ na maH sa man+ta bud+d+hA nAn/ he he ba ra da ba ra prAp+ta swA hA/ gdung ba thams cad zhi bar byed pa'i 'o/ /lag pa de nyid yid bzhin gyi nor bu 'dzin pa'i tshul du'o/ /gsang sngags la/ na maH sa man+ta ta bud+d+hA nAn/ sar+b+bA sha pa ri pU ra ka swA hA/ blo gros bsam gyis mi khyab pa dang ldan pa'i phyag rgya dang gsang sngags so/ /de bzhin du lag pa gnyis khu tshur bcangs la/ gung mo'i sor mo gnyis phyung ste brkyang ngo / /sa'i snying po'i me tog gi phyag rgya ste gsang sngags la/ na maH sa man+ta bud+d+hA nAn/ ha ha ha bisma ye swA hA/ sa'i snying po'i phyag rgya dang gsang sngags so/ /lag pa g.yas pa khu tshur bcangs la sor mo gsum brkyang ngo / /rin chen 'byung gnas kyi phyag rgya ste/ gsang sngags la/ na maH sa man+ta bud+ng+hA nAn/ he he ma hA ma ha swA hA/ rin chen 'byung gnas kyi phyag rgya dang gsang sngags so/ /lag pa de nyid las srin lag brkyang ste gyen du bsgreng ngo / /gsang sngags la/ na maH sa man+ta bud+d+hA nAn/ rat+no d+b+ha ba swA hA/ phyag na rin chen gyi phyag rgya dang gsang sngags so/ /de bzhin du lag pa gnyis bsnol te rgyab sbyar la g.yon pa'i mthe bos g.yas pa'i mthe'u chung 'khyud de/ de bzhin du g.yas pas kyang g.yon pa la 'khyud la lhag ma rnams rdo rje lta bur bya'o/ /sa 'dzin gyi phyag rgya ste/ gsang sngags la/ na maH sa man+ta bud+d+hA nAn/ d+ha ra NI prA b+ha swA hA/ sa 'dzin gyi phyag rgya dang gsang sngags so/ /phyag na rin</font><hr>93.169a<br><font size=+1>

chen phyag rgya ni rdo rje rtse lnga ste snga ma bzhin no/ /gsang sngags la/ na maH sa man+ta bud+d+hA nAn/ rat+na nir dzA te swA hA/ phyag na rin chen gyi phyag rgya'i phyag rgya dang gsang sngags so/ /phyag rgya de nyid las sor mo rnams dgod par bya'o/ /bsam pa brtan pa'i phyag rgya ste gsang sngags la/ na maH sa man+ta bud+d+hA nAn/ badzra sa~M b+ha ba swA hA/ bsam gtan pa'i phyag rgya dang gsang sngags so/ /lag pa gnyis de bzhin du bya ba ni nam mkha'i snying po'i ral gri'i phyag rgya ste/ gsang sngags la/ na maH sa man+ta bud+d+hA nAn/ ga ga na nAn ta tsA ra swA hA/ 'phags pa nam mkha'i snying po'i phyag rgya dang gsang sngags so/ /'khor lo'i phyag rgya snga ma bzhin du byas pa ni nam mkha'i blo gros kyi phyag rgya ste gsang sngags la/ na maH sa man+ta bud+d+hA nAn/ tsakra brti swA hA/ nam mkha'i blo gros kyi phyag rgya dang gsang sngags so/ /dung gi phyag rgya snga ma bzhin du byas pa ni rnam par dag pa'i blo gros kyi phyag rgya ste gsang sngags la/ namaH sa man+ta bud+d+hA nAn/ d+har+m+ma sam b+ha ba swA hA/ rnam par dag pa'i blo gros kyi phyag rgya dang gsang sngags so/ /pad ma'i phyag rgya snga ma bzhin du byas pa ni spyod pa'i blo gros kyi phyag rgya ste/ gsang sngags la/ na maH sa man+ta bud+d+hA nAn/ pad ma mA lA ya swA hwa/ spyod pa'i blo gros kyi phyag rgya dang gsang sngags so/ /ut+pa la'i phyag rgya snga ma bzhin las kha ma bye bar byas pa ni nam mkha' dri ma med pa'i phyag rgya ste/ gsang sngags la/ na maH sa man+ta bud+d+hA nAn/ dz+nyA nod b+ha ba swA hA/ nam mkha' dri ma med pa'i phyag rgya dang gsang sngags so/ /rdo rje snga ma bzhin du byas pa ni brtan pa'i blo gros kyi phyag rgya ste gsang sngags la/ na maH sa man+ta bud+d+hA nAn/ badzra kA ra swA hA/ brtan pa'i blo gros kyi phyag rgya dang gsang sngags so/ /de bzhin du lag pa gnyis gcig tu sbyar te/ srin lag gnyis nang du bcug la gung mo dang mthe bong gnyis dang mthe'u chung gnyis bsgreng ste/ mdzub mo gnyis</font><hr>93.169b<br><font size=+1>

gung mo'i ngos su bkug la bar nas gang tsam gyis ma reg par gzhag go/ /phyag na rdo rje'i phyag rgya ste rdo rje'o/ /gsang sngags la/ na maH sa man+ta badzrA NAn/ tsaN+Da ma hA ro Sha Na hU~M/ rdo rje 'dzin gyi'o/ /phyag rgya de nyid las mthe bo gnyis dang mthe'u chung gnyis nang du gzhug go/ /mA ma kI'i phyag rgya ste/ gsang sngags la/ na maH sa man+ta badzrA NAn/ tri Ta tri Ta dza yan ti swA hA/ mA ma kI'o/ /de bzhin du lag pa gnyis rgyab sprad la sor mo rnams phan tshun bsnol te gcus la bsdams te/ g.yon pa'i mthe bos g.yas pa'i mthe bo mnan la bsdam mo/ /rdo rje lu gu rgyud kyi phyag rgya ste/ gsang sngags la/ na maH sa man+ta badzrA NAn hU~M ban d+ha ban d+ha/  mo Ta ya mo Ta ya/ badzrod b+ha be sar+b+ba tra pra ti ha te swA hA/ rdo rje lu gu rgyud kyi phyag rgya dang gsang sngags so/ /rdo rje'i phyag rgya de nyid las mthe bo gnyis cung zad bkug la mdzub mo gnyis kyang de la phyogs par bya'o/ /rdo rje khro zla gtso bo'i phyag rgya ste gsang sngags la/ na maH sa man+ta badzrA NAn/ hrIHhU~M phaT swA hA/ khro zla gtso bo'i 'o/ /de bzhin du lag pa gnyis khu tshur bcangs mdzub mo gnyis gshibs te bsgreng ngo / /rdo rje rtse mo'i phyag rgya ste/ gsang sngags la/ na maH sa man+ta badzrA NAn/ sar+b+ba d+har+m+ma nir+b+be de na badzrA sU tsi ba ra de swA hA/ rdo rje rtse mo'i 'o/ /de bzhin du lag pa gnyis khu tshur bcangs la snying gar gzhag go/ /rdo rje khu tshur gyi phyag rgya ste gsang sngags la/ na maH sa man+ta badzrA tA na/ s+pho Ta ya badzra sa~M b+ha be swA hA/ rdo rje khu tshur gyi'o/ /lag pa g.yon pa khu tshur bcangs pa'i mdzub mo gyen du sgreng ste khros pa bzhin du bsdigs par bya ba ni gdul dka'i phyag rgya ste/ gsang sngags la/ na maH sa man+ta badzrA NAn/ dur dAn+ta ma hA ro Sha Na lA da ya sar+b+ban ku ru ta thA ga ta A dz+nyA na swA hA/ gdul dka'i 'o/ /lag pa g.yas pa khu tshur bcangs la gdab pa'i thabs su bya'o/ /mngon phyogs kyi tho ba'i phyag rgya ste/ gsang sngags la/ na maH sa man+ta badzrA NAn/ he a b+hi mu kha ma hA tsaN+Da gr-ih+Na khA da ya kiny+tsi ra ya sa ma ya ma nu</font><hr>93.170a<br><font size=+1>

sma ra swA hA/ mngon phyogs kyi'o/ /snga ma bzhin lhung bzed 'dzin pa'i tshul du byas pa ni shAkya thub pa'i lhung bzed kyi phyag rgya ste/ gsang sngags la/ na maH sa man+ta bud+d+hA nAn/ sar+b+ba kle sha ni sU da na sar+b+ba d+har+m+ma pa shI ta prAb+ta ga ga na sa ma swA hA/ shAkya thub pa'i 'o/ /mdzod spu'i phyag rgya ni snga ma bzhin no/ /lag pa g.yas pa'i sor mo kun rtse mo sbyar te spyi bo'i steng du gzhag go/ /gtsug tor thams cad kyi phyag rgya ste/ /gsang sngags la/ na maH sa man+ta bud+d+hA nAn/ ba~M ba~M hU~M hU~M phaT swA hA/ gtsug tor thams cad kyi phyag rgya dang gsang sngags so/ /lag pa g.yon pa khu tshur bcangs la gung mo dang mdzub mo gnyis brkyang ste/ srin lag dang mthe'u chung gi rtse mor mthe bo gzhag la g.yas pa'i mdzub mo dang gung mo gnyis g.yon pa'i mthil du gzhug /mthe bo yang snga ma bzhin du bya'o/ /mi g.yo mgon gyi phyag rgya ral gri shubs su bcug pa'o/ /'jig rten gsum las rnam par rgyal ba'i ni snga ma bzhin no/ /de bzhin du lag pa gnyis gcig tu sbyar la srin lag dang mthe'u chung gnyis nang du bcug go/ /gung mo gnyis gshibs te bsgreng la mdzub mo gnyis bkug ste/ gung mo'i tshigs gsum par gzhag /mthe bo gnyis mig lta bur bya/ sangs rgyas dang byang chub sems dpa'i yum gyi phyag rgya ste/ gtsug tor ro/ /lag pa g.yon pa brkyang ste kha sbub ste/ lag pa g.yas pa khu tshur bcangs la mdzub mos gdugs lta bur gzung ngo / /gdugs dkar po'i phyag rgya ste/ gdugs so/ /la~M/ gtsug tor rgyal ba'i ni ral gri ste snga ma bzhin no/ /sha~M/ rnam par rgyal ba'i 'khor lo ste snga ma bzhin du/ si~M/ rnam par 'thor ba'i lcags kyu ste/ lag pa g.yas pa khu tshur bcangs la mdzub mo bkug ste gzhag go/ /hU~M/ gzi brjid phung po'i ni gtsug tor te snga ma bzhin no/ /gsang sngags la/ tr-iM/ cher 'byung ba'i phyag rgya ni/ /rdo rje'i phyag rgya zhes su grags/ u~M/ gyen du 'byung ba'i phyag rgya ni/ /pad ma bzang po'i snga ma bzhin/ /tuM/ mtha' yas pa yi dbyangs</font><hr>93.170b<br><font size=+1>

sgra ni/ /dung ni yin par ngas bshad do/ /ru~M/ lag pa g.yas pa khu tshur bcangs la smin mtshams su gzhag pa ni mdzod spu'i phyag rgya yid bzhin gyi nor bu'o/ /spyan gyi ni gtsug tor snga ma bzhin te/ bye brag tu rdo rjes mtshan pa'o/ /lag pa g.yas pa pad ma 'dzin pa'i thabs su snying gar gzhag la lag pa g.yon pa thal mo bsnun pa'i tshul du brkyang pa ni gzhan gyis mi thub pa'i phyag rgya'o/ /gsang sngags ni/ d+hiM d+hiM riM riM dzi ri dzi ri/ /lag pa gnyis khu tshur bcangs la mthe bo gnyis gyen du bsgreng ba las dgug go/ /gzhan gyis mi thub pa zhes bya ba'i kha'i phyag rgya'o/ /a pa ra dzi ta dza yan+ti Ti te swA hA/ lag pa g.yas pa 'gram par bstan pa ni dbang phyug gi phyag rgya'o/ /phyag rgya de nyid las gung mo dang mdzub mo gnyis gcus pa lta bur gzung ngo / /kun tu me tog gi phyag rgya'o/ /phyag rgya de nyid las mthe bo nang du gzhug go/ /'od kyi phreng ba can gyi phyag rgya'o/ /phyag rgya de nyid las mdzub mo dang mthe'u gnyis me tog 'dzin pa lta bur bya'o/ /yid mgyogs kyi phyag rgya'o/ /lag pa g.yas pa'i srin lag gi steng du mthe bo gzhag la/ mdzub mo dang gung mo dang mthe'u chung gsum brkyang ste rna ba'i steng du gzhag go/ /lag pa g.yon pa yang de bzhin du bya/ sgra rnam par sgrogs pa'i phyag rgya'o/ /lag pa gnyis gcig tu sbyar la mthe bo gnyis rtse sprad de zlum po bya/ sor mo lhag ma rnams kyi rtse mo dgug pa ni bum pa'i phyag rgya'o/ /de bzhin du lag pa g.yas pa mi 'jigs pa sbyin pa'i tshul du byas la mthe bo nang du gzhag pa ni mi gnyer ba'i phyag rgya'o/ /lag pa de nyid mi 'jigs pa sbyin pa lta bur byas la mthe'u chung gi tshigs gnyis par gzhag go/ /drang srong rnams kyi spyi'i phyag rgya ste/ go rims ni ci ltar rigs par bya'o/ /de bzhin du lag pa gnyis gcig tu sbyar la mdzub mo dang mthe'u chung gnyis nang du bcug ste/ lhag ma rnams gcig tu bsdus la bstod de gzung ba ni gshin rje'i be con gyi phyag rgya'o/ /lag pa g.yas pa kha phub ste/ dril bu 'dra bar byas pa ni/ 'chi bdag gi phyag rgya ste dril bu'o/ /de bzhin du lag pa g.yon khu tshur bcangs la mdzub mo dang gung mo</font><hr>93.171a<br><font size=+1>

gnyis bsgreng ba ni dus mtshan mo'i phyag rgya'o/ /phyag rgya de nyid las gung mo gyen du bsgreng ba ni drag mo'i phyag rgya ste sh+'u la'o/ /phyag rgya de nyid las pad ma 'dzin pa'i tshul du byas pa ni tshangs pa'i phyag rgya'o/ /phyag rgya de nyid las mdzub mo gung mo'i rgyab kyi tshigs gsum por sprad pa ni gzhon nu ma'i mdung thung gi phyag rgya'o/ /phyag rgya de nyid las mdzub mo mthe bo'i rtse mor gzhag go/ /khyab 'jug ma'i 'khor lo'i phyag rgya'o/ /phyag rgya de nyid las mthe bo gyen du bsgreng ngo / /phag mo'i phyag rgya ste tho ba'o/ /phyag rgya de nyid las lag pa snod lta bur bya'o/ /tsa muN+Di'i phyag rgya ste thod pa'o/ /bden bral gyi phyag rgya ral gri ni snga ma bzhin no/ /khyab 'jug gi phyag rgya 'khor lo yang snga ma bzhin no/ /de bzhin du lag pa gnyis g.yon phyogs nas bstod de bskor ba ni dga' bo dang bsnyen dga' bo'i sprin gyi phyag rgya'o/ /phyag rgya de nyid las sor mo gsum gyen du bsgreng ba ni bde byed kyi mdung rtse gsum pa'i phyag rgya'o/ /phyag rgya de nyid las sor mo de dag drang por byas pa ni/ u ma pa ti'i sa'i phyag rgya'o/ /zla ba'i phyag rgya ni pad ma snga ma bzhin te/ khyad par du dkar po bya'o/ /lag pa de nyid gnyis ka gshibs te bkan la mdzub mo dang srin lag gnyis ngos su dgug go/ /nyi ma'i phyag rgya ste shing rta'o/ /lag pa de gnyis ka gcig tu thal mo sbyar la gung mo dang / srin lag gnyis gzhu 'dra bar bya'o/ /rgyal ba dang rnam par rgyal ba'i phyag rgya'o/ /ba dan gyi phyag rgya ni snga ma bzhin te rlung gi'o/ /de bzhin du lag pa g.yon pa lte ba'i phyogs su bkan la sor mo gnyis bsgreng ste gzung ngo / /lag pa g.yas pa de la phyogs par byas te pi bang len pa lta bur byas pa ni dbyangs can gyi phyag rgya ste pi bang ngo / /chu lha'i phyag rgya ni zhags pa ste snga ma bzhin no/ /dbyangs can gyi phyag rgya ste de nyid las mdzub mo dgug go/ /lha ma yin rnams kyi phyag rgya ste/ gsang sngags la/ na maH sa man+ta bud+d+hA nAn/ ga ra la ya~M swA hA/ phyag rgya de nyid las srin lag brkyang ngo / /dri za'i phyag rgya ste gsang sngags la/ bi shud d+ha swa ra ba hi ne swA hA/  </font><hr>93.171b<br><font size=+1>

phyag rgya de nyid las mdzub mo dgug go/ /gnod sbyin thams cad kyi phyag rgya ste gsang sngags la/ yak+She shwa ra swA hA/ phyag rgya de nyid las mthe bo dang mthe'u chung gnyis rtse mo sbyar ro/ /gnod sbyin ma rnams kyi phyag rgya ste/ gsang sngags la/ yak+Sha bid+yA d+hA rI swA hA/ phyag rgya de nyid las gung mo brkyang ngo / /sha za rnams kyi phyag rgya ste gsang sngags la/ pi shA tse ga ti swA hA/ gung mo de nyid bkug la gzung ngo / /sha za mo rnams kyi phyag rgya ste gsang sngags la/ mi tsi mi tsi swA hA/ de bzhin du lag pa gnyis gcig tu sbyar la mthe bo gnyis gyen du bsgreng ste gzung ngo / /gza' thams cad kyi phyag rgya ste gsang sngags la/ na maH sa man+ta bud+d+hA nAn/ grwa he shwar+ya prAb ta dz+yo tir ma ya swA hA/ phyag rgya de nyid las gung mo dang mthe bo gnyis bzlog ste sbyar ro/ /rgyu skar thams cad kyi phyag rgya ste gsang sngags la/ na maH sa man+ta bud+d+hA nAn/ nak+Sha dra ni ra nA da nI ye swA hA/ phyag rgya de nyid las srin lag gnyis bkug ste lag mthil du gzhag go/ /gsang sngags la/ na maH sa man+ta bud+d+hA nAn/ rAk+sha sA d+hi pa ta ye swA hA/ srin po rnams kyi phyag rgya dang gsang sngags so/ /lag pa g.yas pa khar gzhag ste lce la reg par bya'o/ /mkha' 'gro ma rnams kyi phyag rgya ste gsang sngags la/ na maH sa man+ta bud+d+hA nAn hr-i ha/ gsang ba pa'i bdag po de lta bu la sogs pa ni de bzhin gshegs pa rnams kyi de bzhin gshegs pa'i mos pa las byung ba/ byang chub sems dpa'i mtshan mar gyur pa'i phyag rgya rab 'byam rnams te/ gsang ba pa'i bdag po 'on kyang ci tsam du yan lag bskyod pa de dag kun phyag rgya rgyas par rig par bya'o/ /ci tsam du lce bskyod pa de dag kun kyang / gsang sngags bstan par rig par bya'o/ /gsang ba pa'i bdag po de lta bas na byang chub sems dpa' gsang sngags kyi sgo nas byang chub sems dpa'i spyad pa spyod pa rnams kyis byang chub kyi sems dang ldan pa'i yid kyis de bzhin gshegs pa'i sa la gnas te dkyil 'khor bri bar bya'o/ /gzhan du byas na</font><hr>93.172a<br><font size=+1>

sangs rgyas dang byang chub sems dpa' rnams dang byang chub kyang bslus par 'gyur te/ dam tshig las 'das pas nges par ngan song du 'gro bar 'gyur ro/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ phyag rgya rim par phye ba rgyas pa'o// // de nas bcom ldan 'das kyis gsang ba pa'i bdag po phyag na rdo rje la bka' stsal pa/ gsang ba pa'i bdag po/  thams cad du 'jug pa'i sgo chos kyi rnam grangs nyon cig /gsang ba pa'i bdag po/ de la byang chub sems dpas a zhes bya ba la gnas te/ dgos pa thams cad bsgrub par bya'o/ /na maH sa man+ta bud+d+hA nAn/ a/ na maH sa man+ta bud+d+hA nAn sa/ na maH sa man+ta badzrA NAM/ ba/ ka kha ga g+ha/ tsa tsha dza dz+ha/ Ta Tha Da D+ha/ ta tha da d+ha/ pa pha ba b+ha ma/ ya ra la wa/ sha Sha sa ha/ nga nya Na na/ na maH sa man+ta bud+d+hA NAn a/ na maH sa man+ta bud+d+hA nA~M sA/ na maH sa man+ta badzrA nAn bA/ kA khA gA g+hA/ tsA tshA dzA dz+hA/ TA ThA DA D+hA/ tA thA dA d+hA/ pA phA bA b+hA mA/ yA rA lA wA/ shA ShA sA hA/ dA nyA NA nA/ na maH sa man+ta ta bud+d+hA nAn a~M/ na maH sa man+ta bud+d+hA nAn sa~M/ na maH sa man+ta badzr-I NAn pa~M/ ka~M kha~M ga~M g+ha~M/ tsa~M tsha~M dza~M dz+ha~M/ Ta~M Tha~M Da~M D+ha~M/ ta~M tha~M da~M d+ha~M/ pa~M pha~M ba~M b+ha~M ma~M/ ya~M ra~M la~M wa~M/ sha~M Sha~M sa~M ha~M/ nga~M nya~M Na~M na~M/ na maH sa man+ta bud+d+hA nAn aH/ na maH sa man+ta bud+d+hA nAn saH/ na maH sa man+ta badzrA NAn baH/ ka kha ga g+ha/ tsa tsha dza dz+ha/ Ta Tha Da D+ha/ ta tha da d+ha/ pa pha ba b+ha ma/ ya ra la wa/ sha Sha sa ha/ nga nya Na na/ i I/ u U/ e ai/ o au/ gsang ba pa'i bdag po/ de ltar na 'di ni yi ge'i tshul la mkhas pa'i chos kyi rnam grangs te/ gsang sngags kyi tshul la rnam par gnas pa'i cho ga /lha yongs su gzung ba'i cho ga /de bzhin gshegs pa thams cad kyi byin gyi rlabs kyis byin du brlabs pa/ yang dag par rdzogs pa'i sangs rgyas kyi tshul la mkhas pa/ byang chub sems dpa'i spyod pa'i rol mo ste/ 'das pa dang da ltar dang ma 'ongs pa'i sangs rgyas bcom ldan 'das</font><hr>93.172b<br><font size=+1>

rnams kyis kyang bshad/ 'chad 'chad par 'gyur ro/ /gsang ba pa'i bdag po/ ngas ni sangs rgyas kyi zhing rab 'byam gang dag na/ de bzhin gshegs pa rnam pa thams cad du 'jug pa'i sgo chos kyi rnam grangs 'di mi 'chad pa ma mthong ngo / /gsang ba pa'i bdag po/ de lta bas na byang chub sems dpa' gsang sngags kyi sgo nas byang chub sems dpa'i spyad pa spyod pas/ gsang sngags kyi cho ga shes par 'dod na thams cad du 'jug pa'i sgo chos kyi rnam grangs la mngon par brtson par bya'o/ /ka dang tsa dang Ta dang ta dang pa rnams thogs ma dang tha ma dang / dbus dang ldan na ting nge 'dzin gyi tshogs la 'jug pas byang chub dang spyod pa dang yang dag par rdzogs pa'i sangs rgyas mya ngan las 'das pa dang bcas par thob par byed do/ /de bas na gsang sngags kyi cho ga la dang po la sogs pa'i tha snyad dang ldan par gyur pa/ de dag nyid thog ma dang tha ma dang dbus dang lhan cig tu gyur par shes par bya ste/ gsang sngags kyi tshig re re la ci ltar 'dod par nges par sbyar bar bya'o/ /blo yis rnam par rtogs na ni/ /de dag bla med gnas mchog ste/ /de ltar 'di ni 'khor lo gcig ste 'khor lo bzhin du yongs su 'khor ba ni yi ge'i 'khor lo'o/ /sngags pas yi ge'i 'khor lo de shes na rtag tu ci ltar bcom ldan 'das rnam par snang mdzad 'khor lo bskor ba bzhin du rnam par mdzes par 'gyur ro/ /thams cad du 'jug pa'i sgo chos kyi yi ge'i tshul rim par phye ba'o// // de nas yang bcom ldan 'das kyis de bzhin gshegs pa'i spyan gyis sems can gyi khams thams cad la gzigs nas/ chos kyi dbyings mi zad pa bkod pa bstan pa dang gsang sngags kyi spyad pa mngon par bsgrub pa 'di nyid kyis/ sems can rnams ma lus pa gdon par thugs dam bcas pa yongs su rdzogs par bya ba'i phyir chos kyi dbyings kyi mdzod kyi mthu rlabs/ de bzhin gshegs pa'i mnyam pa nyid bkod pa'i snying po can zhes bya ba'i ting nge</font><hr>93.173a<br><font size=+1>

'dzin la snyoms par zhugs so/ /bcom ldan 'das snyoms par zhugs ma thag tu/ de nas de nyid kyi tshe sems can gyi khams ma lus pa nges par 'byung bar byed pa'i sgo ba spu'i bu ga thams cad nas/ bsam pa ji lta ba bzhin las dang tshe dang rnam par smin pa'i 'bras bu za ba dang zar 'jug pa'i gzugs dang kha dog dang dbyibs dang nga ro dang / 'gro ba dang spyod pa dang / nges pa'i tshig brjod pa sems can thams cad so so/ so sor yang dag par mgu bar byed pa/ chos kyi dbyings kyis rnam par bskyed pa'i sku rnams byung bar gyur to/ /byung nas kyang nam mkha' dang mnyam pa'i 'jig rten gyi khams rab 'byam rnams su/ sgra dbyangs gcig gis chos kyi dbyings khyab par rnam par rig par byed pa/ de bzhin gshegs pa 'byung bar 'gyur ba'i tshigs su bcad pa 'di sgrogs par gyur to/ /chos kyi mtshan nyid gang las ni/ /chos rnams dag ni thams cad dang / /sangs rgyas rnams dang nyan thos dang / /rang rgyal skyob pa rnams dang ni/ /byang chub sems dpa' dpa' bo dang / /de bzhin rgyal ba mchog rnams dang / /sems can snod kyi 'jig rten dag /btags pa rim pa bzhin 'byung zhing / /chos rnams skye dang gnas pa dag /gang las rtag tu 'byung 'gyur ba/ /shes rab thabs dang ldan 'gyur zhing / /yid gnyis som nyi dang bral ba/ /rdzogs sangs rgyas kyis rab bshad pa'i/ /lam 'di khyed kyis bsgom par gyis/ /de nas de bzhin gshegs pa'i sku chos kyi dbyings las byung ba de dag gis/ chos kyi dbyings thams cad rang gi sku rnam par rig par byed pa sprul pa'i sprin gyis yongs su bkang nas bcom ldan 'das rnam par snang mdzad kyi thugs kyi dbang tsam gyis ba spu'i bu ga thams cad nas sangs rgyas 'byung ba gcig nas gcig tu brgyud pa byin gyis brlabs te/ rang rang gi chos kyi dbyings kyi gnas su zhugs par gyur to/ /de nas yang bcom ldan 'das kyis byang chub sems dpa' phyag na rdo rje la bka' stsal pa/ gsang ba pa'i bdag po/ gsang ba'i dkyil 'khor rnam par</font><hr>93.173b<br><font size=+1>

dgod pa lha rnams kyi gnas yang dag par gnas par bsam pa sa bon dang bcas pas mtshan pa yod kyis/ de nyon la legs par rab tu yid la zung shig dang / ngas khyod la bshad do/ /de skad ces bka' stsal pa dang / gsang ba pa'i bdag po phyag na rdo rje bcom ldan 'das la nyan to/ /bcom ldan 'das kyis de la 'di skad ces bka' stsal pa/ dang por sngags pas dkyil 'khor de/ /rang gi lus la dgod byas te/ /rkang pa nas ni chu so la/ /thug gi bar du sa yir bsam/ /de nas grong du snying ga'i bar/ /sdom brtson can gyis chu yir bsam/ /chu yi yan cad me yi ste/ /me yi yan cad rlung yin no/ /bsams nas de nas mkhas pa yis/ /sa la gzugs brnyan gzhag par bya/ /de nas phyag na rdo rje bcom ldan 'das rnam par snang mdzad kyi sku dang / gsung dang thugs kyi sa la bzhugs nas chos mnyam pa nyid la bltas te/ ma 'ongs pa'i skye bo rnams la brtags nas rig sngags kyi rgyal po the tsom thams cad gcod par byed pa 'di smras so/ /na maH sa man+ta ta bud+d+hA nAn/ a sa ma ba ti d+har+m+ma d+hA tu kAr+ya ga ti ga tA nAn/ sar+b+ba thA a~M kha~M a~M a/ sa~M sa ha~M ha/ ra~M ra ba~M ba swA hA/ hU~M ma hA swA hA/ ra~M ra swA hA/ gsang ba pa'i bdag po phyag na rdo rjes/ gsang sngags kyi rgyal po chen po 'di smras ma thag tu/ de nas phyogs bcu'i 'jig rten gyi khams na bzhugs pa'i de bzhin gshegs pa thams cad kyi phyag g.yas pa brkyang ste phyag na rdo rje'i spyi bor gzhag nas legs so zhes bya ba byin te/ 'di skad ces gsungs so/ /rigs kyi bu gang khyod kyis bcom ldan 'das rnam par snang mdzad kyi sku dang gsung dang thugs kyi sa la bzhugs nas/ thams cad du gsang sngags kyi tshul la mnyam pa nyid du gnas pa'i byang chub sems dpa' rnams la snang bar bya bar 'dod pa'i phyir/ gsang sngags kyi rgyal po 'di smras pa legs so legs so/ /de ci'i phyir zhe na/ bcom ldan 'das rnam par snang mdzad de bzhin gshegs pa dgra bcom pa yang dag par rdzogs pa'i sangs rgyas byang</font><hr>93.174a<br><font size=+1>

chub kyi snying po la bzhugs te/ tshig bcu gnyis po 'di dag gis chos kyi dbyings rnam par dpyad cing bdud bzhi pham par byas nas chos kyi dbyings nas byung ba 'di dag gnas gsum nas byung ste/ bdud sdig can rnams btul bar gyur to/ /de nas bcom ldan 'das kyis sku dang gsung dang thugs mnyam pa nyid brnyes nas nam mkha' tshad med pa'i phyir sku tshad med pa brnyes par gyur/ de bzhin du gsung dang thugs tshad med pa yang brnyes par gyur to/ /de ltar ye shes tshad med pa dang ldan zhing / chos thams cad la dbang thob pas 'di ltar gsang sngags kyi rgyal po tshig bcu gnyis po 'di dag nyid las brtsams te chos 'chad do/ /rigs kyi bu khyod kyang bcom ldan 'das rnam par snang mdzad kyi sku dang gsung dang thugs mnyam pa nyid la zhugs pas na rdzogs pa'i sangs rgyas bzhin du snang ngo / /thams cad mkhyen pa rdzogs sangs rgyas/ /bcom ldan rnam par snang mdzad la/ /sngags spyad tshig mchog zhus shig dang / /cho ga rgyas pa bka' stsal to/ /nged kyang sngon ni 'di rnams kyis/ /bla med byang chub rtogs nas su/ /mya ngan 'das lam 'gro ba yi/ /mnyam pa med pa'i chos bshad pa/ /'jig rten khams na bzhugs pa yi/ /rdzogs sangs rgyas rnams dpang du gyur/ /de nas dpal ldan rdo rje 'dzin/ /bsam pa mchog rab mgu gyur pa/ /rdzogs sangs rgyas kyis byin brlabs pas/ /'di skad ces ni tshig smras pa/ /chos 'di rnams ni mtshan nyid med/ /ngo bo nyid med gnas med pa/ /las dang tshe las rnam par grol/ /rdzogs pa'i sangs rgyas 'dra bar 'dod/ /thugs rjes mnga' ni mdzad pa yi/ /mgon po rnams kyi thabs kyis ni/ /rnam par sprul nas chos rnams kyi/ /mtshan nyid 'di dag rtogs par 'gyur/ /de nas gsang ba pa'i bdag po phyag na rdo rjes ched du brjod pa'i tshigs su bcad pa de smras nas/ ma 'ongs pa'i 'gro ba rnams la bltas te/ snying rje chen po'i snying po 'byung ba'i dkyil 'khor chen po 'di'i the tsom</font><hr>93.174b<br><font size=+1>

bcad pa'i phyir bcom ldan 'das rnam par snang mdzad la zhus pa/ sems can kun gyi don gyi phyir/ /kun mkhyen snyun dang bral ba'o/ /the tsom thams cad gcod mdzad pa/ /'dren pa khyed la zhu ba ni/ /dkyil 'khor gyi ni sngon rol du/ /ci zhig bgyi ba 'dren pas gsungs/ /thub pa chen po slob dpon dang / /slob ma 'ang rnam pa du ru bshad/ /sa gzhi ci 'drar 'tshal bar bgyi/ /de yang ci ltar sbyang bar bgyi/ /ci ltar sa ni dag par 'gyur/ /ci ltar de ni brtan pa lags/ /slob ma'i dgos pa gang gis bgyi/ /sbyang ba'ang 'dren pas bka' stsol cig /dag pa'i mtshan ma ci 'dra dang / /gang gis de dag bsrung bar bgyi/ /sa ni gang gis byin gyis brlab/ /der ni dang po gang gis brtag /sa yi cha las thig gdab pa'i/ /srad bu rnam pa du 'tshal bgyi/ /mchod pa rnam pa dur 'tshal bgyi/ /me tog bdug spos ci 'drar dang / /me tog dang ni bdug spos dag /ci ltar dbul ba 'dren pas gsung / /lha bshos sbyin sreg las rnams kyang / /gang dag las ni ci ltar bgyi/ /lha rnams kyi ni gdan dag kyang / /gang la gang gis bgyi ba gsungs/ /kha dog dbyibs dang gzugs rnams kyang / /go rims bzhin du mgon pos gsungs/ /lha rnams dang ni phyag rgya dang / /gdan gyi tshad kyang bshad du gsol/ /phyag rgya rnams ni gang nas byung / /ci phyir phyag rgya zhes kyang bgyi/ /dbang bskur rnam pa du 'tshal bgyi/ /dam tshig rnam pa du zhig mchis/ /sngags spyad pa la brtson pa yi/ /sngags pa byang chub sems dpa' dang / /thams cad mkhyen par ci ltar 'gyur/ /ci ltar bden pa mthong bar 'gyur/ /dngos grub rnam pa du 'tshal bgyi/ /grub pa'i dus kyang bka' stsol cig /grub nas nam mkhar 'gro ba dang / /ci ltar mi snang 'gyur ba dang / /gtso bo lus 'di ma bor bar/ /ci ltar lha yi lus thob 'gyur/ /sprul pa rnams ni sna tshogs pa/ /de la gang nas 'byung bar 'gyur/ /nyi zla me dang phyogs rnams dang / /rgyu skar</font><hr>93.175a<br><font size=+1>

gza' dang skar ma dang / /yud tsam dang ni thang cig dang / /rga dang 'chi dang rgud pa dang / /ltas ngan dag ni thams cad kyang / /de la ci ltar 'byung mi 'gyur/ /rkang gnyis gtso bo sangs rgyas dang / /sngags pa ci ltar 'bral mi 'gyur/ /sbyin sreg las dang me dag dang / /tshim par bgyi ba du 'tshal bgyi/ /lha rnams kyang ni so so yi/ /ngo bo nyid ni 'dren pas gsungs/ /'jig rten pa yi sngags rnams dang / /de bzhin 'jig rten 'das pa yi/ /tshad dang 'bras bu grangs rnams dang / /ting nge 'dzin gyi khyad par dang / /las kyi rnam pa gang du smin/ /ci ltar rnam par smin mi 'gyur/ /sngags pa rnams ni nam zhig na/ /las dang tshe las rnam grol 'gyur/ /de nas kun mkhyen rdzogs sangs rgyas/ /bcom ldan snyun dang bral ba yis/ /rdo rje 'dzin la 'di skad gsungs/ /snying rje chen po'i rtsa las 'byung / /gsang ba'i dkyil 'khor rnam dgod pa/ /lha rnams kyi ni rnam nges pa/ /theg pa chen po'i go 'phang mchog /rdzogs sangs rgyas kyi rab gsung ba/ /dpa' bo cher 'byung khyod kyis gang / /yongs su dris pa de legs so/ /lag na rdo rje stobs chen la/ /mdor ni bsdus nas bshad par bya/ /dkyil 'khor gyi ni sngon rol du/ /bya ba rnams ni des pas nyon/ /so so'i las rnams 'dod pa yis/ /tshul shes pas ni ci rigs par/ /rang gi ting 'dzin la gnas te/ /rig sngags rgyal po stobs po che/ /yan lag bcu gnyis tshig 'byung ba/ /go rims bzhin du bzlas brjod bya/ /gsang sngags phyag rgya rtogs shes pa'i/ /slob dpon rnam pa gnyis shes bya/ /zab dang mi zab bye brag las/ /de yi mtshan nyid shes par bya/ /zab mo rgya cher shes par bya/ /lus can rnams ni yid mi rton/ /sangs rgyas rnams kyi sras mchog ste/ /mthong ba'i chos ni rnam par spangs/ /gnyis pa mthong ba'i chos rnams kyis/ /myos par gyur pa dmigs pa can/ /sangs rgyas rkang gnyis mchog rnams kyis/ /'jig rten pa yi dkyil</font><hr>93.175b<br><font size=+1>

'khor kun/ /de yis bri bar bya ba'i phyir/ /rjes su gnang zhing dbang yang bskur/ /dus dang dus min bye brag las/ /slob ma rnam bzhir shes bya ste/ /gcig ni de yi mod las bsgrub/ /gnyis su bsgrub dang gnyi gar min/ /mtshan nyid thams cad rdzogs pa yi/ /slob ma de ni rgyal ba'i mchog /sa ni dang por shes bya ba/ /sems kyi sar ni bshad par bya/ /sbyad pa sngar ni bstan pa ste/ /de yis de ni yongs su sbyang / /nam zhig nyes dang bral ba na/ /sems kyi sa ni mi 'jig pa/ /de tshe de ni dag pa ste/ /nyes pa thams cad rnam par spangs/ /mngon par byang chub mthong bas na/ /de ltar de ni brtan zhes bya/ /de las gzhan du sa sbyong ba/ /de ni dag par mi 'gyur ro/ /sngags pa rtog la gnas nas su/ /gang zhig sa sbyong byed pa ni/ /byang chub sems ni rnam spangs pas/ /gsang ba'i bdag po de mi 'dag /de bas rtog pa rnam spangs nas/ /sa kun rnam par sbyang bar bya/ /nga yis dkyil 'khor rnams kyi ni/ /cho ga rgyas pa gang bstan pa/ /de dag thog mar bstan pa ni/ /rmongs pa rnams kyis mi shes te/ /rtog pa sdug bsngal rgyur gyur pa/ /ci srid ma spangs bar du ni/ /'jig rten 'di nas sangs rgyas min/ /kun mkhyen zhes kyang mi bya'o/ /slob ma rnams la nan tan du/ /byang chub sems kyis sbyang bar bya/ /bsrung ba mi g.yo mgon po 'am/ /khams gsum rnam par rgyal bas bya/ /slob ma nam zhig dmigs pa yis/ /nam yang g.yos par mi 'gyur ba/ /de tshe dri med nam mkha' bzhin/ /yang dag par ni dag par 'gyur/ /sa byin gyis brlab dang po ni/ /rdzogs sangs rgyas kyis bya bar bshad/ /gnyis pa sems kyi dbang gis te/ /'dir ni gzhan du mi bya'o/ /srad bu rnam pa bzhir bshad de/ /dkar po ser po dmar po dang / /nag po zhes ni bya bar brjod/ /lnga pa nam mkha' lta bur bshad/ /bar snang la ni gzung nas su/ /der ni dkyil 'khor brtag par bya/ /srad bu dag ni gnyis pa yis/ /sa la dkyil 'khor dgod par</font><hr>93.176a<br><font size=+1>

bya/ /sangs rgyas rnams ni thams cad dang / /de sras blo can rnams kyi gdan/ /pad ma yid las byung ba'i mchog /bkra shis 'jig rten rnams kyi sngags/ /rang rgyal dang ni dgra bcom pa/ /phyogs gcig shes par gang grags pa/ /de dag stan du shes bya ba/ /pad ma las byung 'dab ma'o/ /'jig rten gyi ni lha rnams gang / /tshangs la sogs pa 'jig rten grags/ /de dag stan ni pad ma dmar/ /rgyal po rnams kyis bsngags pa'o/ /phal pa rnams kyi ci rigs par/ /sa yi bye brag dag las sam/ /mchod pa rnam bzhir shes bya ste/ /phyag 'tshal thal mo sbyar ba dang / /de bzhin byams dang snying rje dang / /me tog bdug spos 'jig rten pa'i/ /sor mo las byung me tog rnams/ /skyob pa kun la dbul bar bya/ /yan lag kun 'byung phyag rgya ni/ /bcings nas byang chub sems bsgoms te/ /so sor mgon po thams cad dang / /de sras rnams la nan tan bya'o/ /'di ni skyon med me tog ste/ /rab tu bsrung zhing rnam par mdzes/ /chos kyi dbyings kyi ljon shing rnams/ /rgyal ba mchod pa'i phyir byung ba/ /ting 'dzin dbang gis sgyur ba yi/ /sngags kyis de dag byin gyis brlabs/ /chos kyi dbyings las byung ba yi/ /sprin mang rgya che dam pa rnams/ /sangs rgyas rnams kyi spyan sngar ni/ /de tshe rtag tu char bzhin 'bab/ /lha rnams phal pa gzhan la ni/ /me tog 'di rnams bsgrags pa ste/ /rang gi sngags rgyud rgyas shes pas/ /ci ltar rigs pa dbul bar bya/ /de bzhin me tog byug spos rnams/ /ci ltar rigs par rnam par bsam/ /mthe bo srin lag sbyar ba ni/ /bkra shis pa zhes bshad pa ste/ /de yis me tog de blangs nas/ /rang gi snying ga'i phyogs nas dbul/ /'jig rten pa yi lha rnams la/ /lte ba'i thad ka nas zhes bya/ /bdug spos rdo rje khu tshur ram/ /yang na pad ma'i phreng ba yis/ /bar snang la ni gzung nas su/ /'jig rten mgon skyob rnams la dbul/ /de las gzhan</font><hr>93.176b<br><font size=+1>

pa 'jig rten pa'i/ /lha rnams la ni go rims bzhin/ /phyi dang nang gi bye brag gis/ /sbyin sreg rnam pa gnyis shes bya/ /las dang tshe las rnam par grol/ /slar yang sa bon 'byung ba ste/ /las 'dod pa yis sbyin sreg bya/ /nang gi sbyin sreg zhes su bshad/ /phyi rol gyi ni gsum ldan zhing / /gnas gsum dang ni gsum la gnas/ /las gsum gyi ni las grub pa/ /'jig rten pa yi sbyin sreg mchog /sbyin sreg las ni mi shes pas/ /gang dag gzhan du byed pa ni/ /sngags kyi shes pa spangs pa ste/ /glen des 'bras bu mi thob bo/ /de bzhin gshegs pas gsang sngags dang / /de bzhin rdzogs sangs rgyas kyis gsungs/ /dkar dang ser du shes par bya/ /phyag na rdo rje thams cad pa/ /'jig rten dbang phyug gsang sngags ni/ /las kyi bye brag dag las dkar/ /kun tu gru bzhi lham pa dang / /go rims bzhin du zlum po dang / /gru gsum dang ni zla gam 'dra/ /dbyibs ni legs par bshad pa yin/ /gzugs ni gnyis su shes bya ste/ /bud med dang ni skyes pa nyid/ /yang na kun tu thams cad kyi/ /kha dog dbyibs dang gzugs rnams te/ /bsam yas ye shes las byung ba/ /de bas de rnams bsam yas te/ /ye shes mkhyen gyi ye shes ni/ /sems can don phyir tha dad gyur/ /yid kyi rgya ni ci tsam pa/ /stan dang phyag rgya dag dang ni/ /lha yi tshad kyang go rims bzhin/ /de tsam du ni shes par bya/ /sangs rgyas gang nas byung ba nas/ /phyag rgya rnams kyang de nas byung / /chos las byung ba'i slob ma rnams/ /chos kyi phyag rgyas gdab par bya/ /de bas mdor na chos kyi dbyings/ /mtshan ma phyag rgya yin par bshad/ /dbang bskur gsum du shes bya ste/ /de bas nan tan mnyan par gyis/ /phyag rgyas gang zhig dbang bskur ba/ /las dang bya ba spangs pa ste/ /skyob pa rnams kyi dbang bskur ba/ /de ni mchog ste dang po yin/ /gnyis pa las dang bya ba yis/ /kun nas bslang bar yang dag bshad/ /gsum pa yid kyir</font><hr>93.177a<br><font size=+1>

shes bya ste/ /yul dang dus ni spangs pa'o/ /bla ma legs par mgu byas nas/ /phan par byed pa gang smras pa'i/ /dbang bskur 'di ni mchog yin par/ /rdzogs pa'i sangs rgyas rnams kyis bsgrags/ /sangs rgyas rnams kyi mdor na ni/ /dam tshig can rnams lngar bshad de/ /dkyil 'khor 'di ni mthong ba las/ /dam tshig shes pa gcig ces bya/ /de la phyag rgya mi bstan cing / /sngags kyang sbyin par mi bya'o/ /byang chub sems kyi bye brag las/ /sngags dang phyag rgya yongs su bzung / /dkyil 'khor mthong zhes bya ba 'di/ /dam tshig can gnyis shes bya ste/ /dkyil 'khor dang ni phyag rgya mthong / /las dang bya ba la yang sbyar/ /bla mas lung ni ma byin pa/ /de yang dam tshig shes par bshad/ /phyag rgya dkyil 'khor bri ba rnams/ /de tshe cho ga bzhin du bstan/ /gsang ba'i ye shes 'byung ba yi/ /dbang bskur med pa'i sngags pa 'ang yin/ /gsang ba'i dkyil 'khor dbus su ni/ /sngags pa cho gas dbang bskur ba/ /dam tshig shes pa lngar shes bya/ /dam tshig can zhes gzhan mi bya/ /brtul zhugs bzang po byang chub phyir/ /gang zhig sems ni bsgom pa na/ /sngags pa gnas gsum mi dmigs pa/ /de ni byang chub sems dpa' yin/ /thabs kyi snying stobs bskyed nas su/ /sems can don la sbyor bar bya/ /dmigs su med pa'i spyod thob pa/ /rgyal ba'i mchog tu shes par bya/ /thog ma nas ni zhi ba'i chos/ /ngo bo nyid ni med pa la/ /gang gis sems ni ri rab bzhin/ /gnas pa de ni bden pa mthong / /'di bden 'di ni yang dag pa/ /de bzhin du ni mi bslu ba/ /ci ltar sangs rgyas bden gzigs pa/ /de bzhin sngon ni ngas mthong ba'i/ /byang chub sems thob gang yin de/ /dngos grub de las gzhan ci dgos/ /de las gzhan du'ang dngos grub ni/ /rnam pa dag ni lngar 'dod de/ /spyod pa'i rjes su 'jug pa</font><hr>93.177b<br><font size=+1>

dang / /de bzhin sa ni gnon pa dang / /'jig rten mngon shes lnga 'dod dang / /sangs rgyas nyid dang gang gzhan no/ /rgyud las rgyud du gyur pa yi/ /las ni ci srid ma nyams shing / /rnam smin rnam par ma smin pa/ /dngos grub dag gi dus su 'dod/ /mdor na gang tshe dus gcig tu/ /las dang skye ba 'phangs gyur pa/ /de tshe'ang sngags pas dngos grub ni/ /yid las yang dag byung ba 'thob/ /grub nas mkha' la 'gro ba ni/ /ci ltar sgyu ma 'jigs med bzhin/ /sngags kyi dra bas rmongs byed pa/ /ci ltar mig 'phrul chen po bzhin/ /gang la lus dang ngag med pa/ /dri za'i grong khyer ci bzhin te/ /de bzhin mi snang 'gyur shes bya/ /de ni de na gnas pa yin/ /ci ltar nyal ba'i rmi lam na/ /sum cu rtsa gsum gnas su phyin/ /lus kyang spangs pa ma yin la/ /de nyid kyis kyang de ma song / /de bzhin rnal 'byor nyid kyis kyang / /sngags pa sngags la gnas pa dag /bsod nams bya ba'i las rnams kyis/ /'ja' dang 'dra ba'i lus kyang 'thob/ /lus dang ngag yid las byung ba'i/ /gsang sngags yid bzhin nor bu 'dra/ /de las rnam par bsams pa'i don/ /ma brtags par yang 'byung bar 'gyur/ /ci ltar nam mkha' phyogs rnams su/ /'dus byas spyod yul thams cad kyis/ /mi gos de bzhin sngags pa yang / /rtog pa'i spyod yul kun gyis so/ /'di kun 'du shes tsam du ni/ /nam zhig de ltar bsgoms gyur cing / /rnam par bsgoms na sngags pa de/ /rdzogs sangs rgyas dang lhan cig dga'/ /sangs rgyas rkang gnyis gtso bo yis/ /sbyin sreg gnyis su bshad pa ni/ /phyi rol gyi dang nang gi ste/ /de yang tshim par bya dang bcas/ /lha rnams kyi ni so so yi/ /rang bzhin yongs su mkhyen nas su/ /'jig</font><hr>93.178a<br><font size=+1>

rten pa yi sngags rnams kyi/ /tshad dag legs par gsungs pa ni/ /dbang phyug la sogs mthu chen rnams/ /bkur ba'i lha rnams gang yin pa/ /de dag gis ni gang byas pa'i/ /sngags dang phyag rgya stobs chen rnams/ /'bras bu phal cher 'phral du ster/ /tshad ni bshad pa de yin no/ /'on kyang skye dang 'jig pa yi/ /chos can de dag brtan pa med/ /'jig rten 'das pa'i sngags rnams kyi/ /thog ma'i byed pa med pa'o/ /las dang skye ba kun bcad pa/ /nyes pa gsum bral rgyal ba dang / /rang rgyal bse ru lta bu dang / /de bzhin rgyal ba'i nyan thos dang / /byang chub sems dpa' rnams kyis kyang / /gsang sngags tshad ni sngon bshad pa / /dus gsum las ni shin tu 'das/ /rten cing 'brel pa las byung ba/ /mthong dang ma mthong 'bras bu can/ /ngag yid lus las byung ba'o/ /'jig rten pa yi 'bras bu'i tshad/ /bskal pa gcig tu bshad pa yin/ /yang dag rdzogs pa'i sangs rgyas kyi/ /gsang sngags 'bras bu bskal pa 'das/ /sangs rgyas drang srong chen po dang / /rgyal sras rnams kyi t-ing 'dzin ni/ /mtshan ma med cing dag pa'o/ /'jig rten pa yi mtshan mar bcas/ /rnam par smin pa 'di nyid la/ /las kyi 'bras bu smin 'gyur ba/ /nam zhig dngos grub thob pa na/ /de tshe las kyang ldog par 'gyur/ /sems ni ngo bo nyid med phyir/ /rgyu dang 'bras bu rnams spangs shing / /las dang tshe las rnam grol ba/ /nam mkha' lta bur 'gyur ba yin/ /gsang ba pa'i bdag po/ gzhan yang phyag rgya'i gzugs su dgod pa rim par phye ba lha rnams gnas pa byin gyis rlob pa/ ting nge 'dzin lnga rtogs pa byang chub sems dpa' gsang sngags kyi sgo nas byang chub sems dpa'i spyad pa spyod pa/ chos kyi dbyings rtogs pa / spyod yul du gyur pa/ sems can gyi khams ma lus pa bsgral bar yid dam bcas pa rnams kyi don dang phan pa dang bde ba'i phyir/ sngon gyi sangs rgyas rnams kyis mngon par rdzogs par sangs rgyas</font><hr>93.178b<br><font size=+1>

pa de nyon la legs par rab tu yid la zung shig dang ngas khyod la bshad do/ /bcom ldan 'das ji ltar 'tshal lo zhes gsol nas/ phyag na rdo rje bcom ldan 'das la nyan pa dang / bcom ldan 'das kyis de la 'di skad ces bka' stsal to/ /gsang ba pa'i bdag po/ dang por yang dag par rdzogs pa'i sangs rgyas kyi dkyil 'khor dgod pa rim par phye ba gang lags/ 'jig rten pa dang 'jig rten las 'das pa'i dkyil 'khor grangs med pa byung ba gsang ba bas kyang ches gsang ba/ snying rje chen po'i snying po 'byung ba zhes bya ba yod kyis de bri ba'i cho ga nyon cig /kun tu gru bzhi lham pa la/ /sgo gcig pa ni stegs bur bcas/ /bzang po rdo rje rnams kyis mtshan/ /dbus su rdo rje rtse brgyad pa/ /de'i steng pad ma bri ba ni/ /sa bon dang bcas rgyas par byas/ /de y-i steng du pad ma che/ /phyag rgya klad kor gyis mdzes byas/ /'dab ma brgyad rnams legs par rdzogs/ /ze bar bcas pa shin tu bzang / /'dab ma rnams ni thams cad la/ /yan lag bcu gnyis tshig bkod pa/ /de rnams dbus na mgon bzhugs pa/ /rdzogs pa'i sangs rgyas rkang gnyis gtso/ /dkyil 'khor brgyad kyi 'khor rnams kyis/ /kho ra khor yug yongs bskor ba/ /snying rje las byung dkyil 'khor 'di/ /mchog tu shes par bya ba ste/ /lung bzhin dkyil 'khor rnams dang ni/ /las dang lus dang dngos grub dang / /dgod pa rnams kyang des pa yis/ /'di las byung ba shes par bya/ /gsang ba pa'i bdag po/ gzhan yang de bzhin gshegs pa rnams kyi dkyil 'khor ni/ zla ba'i dkyil 'khor 'dra zhing mdog /dung lta bu yi dbus na ni/ /sangs rgyas kun gyi gru gsum pa/ /pad ma dkar po'i steng na gnas/ /klad kor bcas pa'i mtshan gyis btab/ /rdo rje'i mtshan mas mtshan pa ste/ /dpyad mi dgos pas kun nas ni/ /'od zer dag ni gnyis bya ba/ /gsang sngags mgon las byung nas su/ /de ni phyogs bcu rnams su</font><hr>93.179a<br><font size=+1>

song / /gsang ba pa'i bdag po/ gzhan yang / /spyan ras gzigs dbang dkyil 'khor ni/ /nges pas nan tan mnyan par gyis/ /kun tu gru bzhi lham pa la/ /dbus su dung 'dra gzhag par bya/ /de yi steng du pad ma ni/ /sa bon bcas byas rgyas par bri/ /de'i steng du yang rdo rje che/ /rdo rje las kyang pad ma che/ /thams cad sa bon rnams kyis mtshan/ /rang gi sa bon legs par sbyar/ /sgrol ma dang ni khro gnyer can/ /de bzhin gos dkar can dang ni/ /rig sngags longs spyod can ma dang / /mthu chen thob pa 'ang nan tan bya/ /dpal rnams kun dang phyag brnyan ma/ /dkyil 'khor 'di yi dbus su ni/ /phyag rgya'i mtshan ma dbang thob rnams/ /khyad par du ni bri bar bya/ /rta mgrin can gyi bya ba ni/ /gru gsum tshul du 'dug pa ste/ /dkyil 'khor mtshan ma bzang pos btab/ /nyi ma 'char ba'i kha dog 'dra/ /rig sngags rgyal dang bcas par ni/ /mkhas pas rnam par dgod par bya/ /gsang ba pa'i bdag po/ gzhan yang khyod nyid kyi dkyil 'khor mdor bshad par bya'o/ /kun tu gru bzhi lham pa la/ /rdo rje'i mtshan ma rnams kyis mtshan/ /thams cad ser po yid du 'ong / /dbus na pad ma rab tu gnas/ /de yi dbus su bya ba ni/ /bum pa zla ba'i 'od 'dra ba/ /'di ni mtshan ma rnams kyis mtshan/ /klad kor gyis kyang rnam par brgyan/ /de steng du yang rlung chen ni/ /dbyar gyi char sprin 'dra ba'i mdog /ba dan g.yo ba sngags pas bya/ /klad kor gyis kyang rnam par brgyan/ /de steng du yang gru gsum pa/ /rab tu 'jigs pa'i gzugs can te/ /'jig par byed pa'i me 'dra ba/ /sum mdo'i ris mtshan mtshan gyis btab/ /'bar phreng 'khrigs pa 'jigs 'jigs lta/ /nyi ma 'char ba'i gzugs 'dra ba'o/ /de yi dbus su pad ma che/ /dus mtha'i me 'od 'dra ba'o/ /pad chen steng du rdo rje ni/ /'bar ba'i phreng ba 'phro ba can/ /hU~M zhes bya ba'i sgra dang ldan/ /dam pa sa bon rnams kyis mtshan/ /</font><hr>93.179b<br><font size=+1>

dpa' bo khyod kyi dkyil 'khor 'di/ /rgyal ba'i gtso bo rnams kyis gsungs/ /mA ma kI dang lu gu rgyud/ /de bzhin rdo rje'i rigs las byung / /rdo rje lcags kyu rdo rje rtse/ /gsang sngags rgyal po mthu chen dag /dkyil 'khor chen po'i nang du ni/ /kun kyang khongs su chud par bya/ /las rnams shin tu 'grub bya'i phyir/ /phyag rgya dkyil 'khor sa bon dang / /kha dog khyad par go rig bzhin/ /de dag ci ltar rigs par bya'o/ /de nas gzhan yang rdo rje 'dzin/ /chen po gtsor bshud 'di rnams te/ /nam mkha' dri med rdo rjes 'khor/ /rdo rje mche ba des pa dang / /rnam par grags pa skal chen dang / /rdo rje mgon po mchog 'dzin dang / /rdo rje zhi ba rdo rje che/ /rdo rje mthing ga rdo rje gzhan/ /rdo rje pad ma yangs pa'i mig /rdo rje bzang po rdo rje nyid/ /spros pa med par gnas pa dang / /nam mkha' mtha' yas 'gro ba'o/ /de rnams dkyil 'khor bshad pa ni/ /dkar po ser po dmar po dang / /nag po yin par yang dag bshad/ /de nas gzhan yang phyag rgya'i gzugs/ /rtse gsum pa dang rtse gcig pa/ /gzhan yang gnyis dang gnyis ma yin/ /phreng ba lta bu de bzhin gzhan/ /kha dog bye brag las shes bya/ /'di rnams kun kyang mthu chen te/ /rnam par rgyal dang ldan pa'o/ /mi g.yo mgon gyi dkyil 'khor ni/ /rlung dang me yi yin par 'dod/ /nga yi drung gi 'og logs su/ /bden bral gyi ni phyogs char bri/ /rang gi sa bon mtshan mar ldan/ /ral gri phyag rgya legs par sbyar/ /yang na zhags pa bya yang rung / /blo ldan de yis bri bar bya/ /'jig rten gsum las rnam rgyal gyi/ /bye brag tu ni rlung gi dbus/ /rdo rje can gyi mtshan dang ldan/ /gnas gsum dag la 'dug pa'o/ /gsang ba pa'i bdag po/ gzhan yang byang chub sems dpa' rnams kyi yum gyi gzugs kyi dkyil 'khor dgod pa 'byung ste/ de la re zhig dkyil 'khor ni/ /gser gyi kha dog gru bzhi pa/ /rdo rje'i mtshan mas mtshan pa ste/ /'di ni dkyil 'khor dam pa yin/ /de nas gzhan yang lha mo'i gzugs/ /de yi dbus su pad ma che/ /thams cad ser po 'bar dang bcas/ /</font><hr>93.180a<br><font size=+1>

der yang gtsug tor gzhag pa ni/ /cha gsum la ni gnas par bya/ /dbus ma'i cha ni bor nas su/ /der yang spyan ni br-i bar bya/ /rang gi 'od 'bar dbus na gnas/ /mdor na sa bon ldan par bya/ /byang chub sems dpa' thams cad kyi/ /yid bzhin nor bu rgyal bas gsungs/ /de yi dkyil 'khor bshad pa ni/ /chu yi yin te thams cad sgo/ /shin tu dri med rab tu zhi/ /re ba thams cad rdzogs byed pa'o/ /de nas shAkya seng ge'i yang / /des pas dkyil 'khor mnyan par gyis/ /der ni dbang chen zhes bya ba/ /kha dog ser pos nye bar brgyan/ /kun tu gru bzhi lham pa la/ /dbus su rdo rje snga ma bzhin/ /de yi steng du pad ma ni/ /kun tu kha dog ser po gzhag /de steng lhung bzed chen po ste/ /rdo rjes mtshan pa 'bar dang bcas/ /yang na chos gos 'khar gsil dag /go rim bzhin du gzhag par bya/ /gtsug tor lnga po gang bsgrags pa/ /de rnams phyag rgya shes bya ba/ /gdugs dkar pos ni gdugs su bya/ /rgyal ba'i gtsug tor blo ldan ni/ /mtshan ma ral gris gzhag pa ni/ /'od zer rnams ni 'phro bar bya/ /rnam par rgyal ba'i 'khor lo yin/ /rnam par 'thor ba'i lcags kyur 'dod/ /gzi brjid phung po skal chen gyis/ /gtsug tor bzang po yin par 'dod/ /cher 'byung ba'i ni rdo rje yin/ /mngon par 'byung ba pad mar 'dod/ /dung ni mtha' yas sgra dbyangs kyi/ /kha dog bye brag las shes bya/ /mdzod spu'i yid bzhin nor bu yin/ /spyan gyi yang ni 'di nyon cig /gtsug tor thams cad ser po ste/ /rdo rje'i mtshan mas mtshan par byed/ /gzhan gyis mi thub ma yi ni/ /lag pa ngo mtshar pad ma can/ /gzhan gyis mi thub zhes bya ba'i/ /kha chen pad ma gnag la gnas/ /gtsang mar gnas pa gang grags pa/ /gtsang mar rtogs pa'i spyod yul can/ /de dag gi ni phyag rgya yi/ /mtshan nyid dgod pa des pas nyon/ /sems dpa'i lag dang dge ba'i lag /'dzum pa'i lag kyang de</font><hr>93.180b<br><font size=+1>

bzhin gzhan/ /lag na me tog nam mkha'i lag /cho ga rgyas par bri bar bya/ /sa yi lha mo'i bum pa ste/ /chu yi dkyil 'khor rdo rjes mtshan/ /gnyer ba'i lag pa me yi ste/ /drang srong rnams dang bcas par bri/ /'od srung dang ni gau ta ma/ /mar+k+ka Na dang ga r+g+ga dang / /ba si s+Tha dang ang gi ras/ /me yi gnas kyi nang na 'dug /rig byed lag par nan tan du/ /de dag go rims bzhin du bri/ /gshin rje'i be con bri ba ni/ /rlung gi dkyil 'khor nang na 'dug /'chi bdag gi ni dril bu yin/ /dus mtshan phyag rgya ba dan no/ /drag po'i chung ma'i mdung rtse gsum/ /tshangs pa'i chung ma'i pad mar dran/ /gzhon nu'i chung ma'i mdung thung yin/ /khyab 'jug chung ma'i 'khor lo ny-id/ /gshin rje'i chung ma'i tho bar shes/ /'jigs byed chung ma'i mi thod yin/ /de dag rlung gi dkyil 'khor gyi/ /nang du chud par bya ba ni/ /bya rgod bya rog de bzhin khyi/ /wa rnams kyis kyang yongs bskor bar/ /las rnams grub par 'dod pa yis/ /ci ltar rigs par bri bar bya/ /bden bral gyi ni ral grir bri/ /khyab 'jug gi ni 'khor lor bya/ /skem byed kyi n-i mdung thung yin/ /dga' bo nye dga' gnyis kyi sprin/ /gnyis ka'i glog dang bcas par te/ /gzugs ni mdog sngo chu dang bcas/ /shAkya seng ge'i dkyil 'khor gyi/ /sgo yi phyogs ni gnyis su dgod/ /bde byed kyi ni mdung rtse gsum/ /dka' bzlog rtse gsum gdengs por bshad/ /bum pa dkar po pad mar bcas/ /zla ba'i phyag rgya yin par dran/ /nyi ma'i dbang chen dkyil 'khor la/ /gnas pa'i shing rta yin zhes bya/ /rgyal dang rnam par rgyal ba yi/ /dbang chen mtshan ma'i gzhu can no/ /rlung gi phyogs su rlung rnams kyi/ /ba dan phyag rgya bri bar bya/ /dbyangs can gyi ni pi bang yin/ /chu ni zhags pa 'dzin par bri/ /bdag nyid chen po de'i dkyil 'khor/ /chu yi yin par shes par bya/ /sa bon rnams kyis btab pa dang / /mtshan ma rnams</font><hr>93.181a<br><font size=+1>

kyis mtshan par bya'o/ /shAkya tog gi dkyil 'khor du/ /de la sogs pa'i mtshan rnams kyis/ /dkyil 'khor rnams ni go rims bzhin/ /de dbus phyag rgya gzhag pa ni/ /sa bon rnams dang bcas par bya/ /gzhan yang mchog sbyin rdo rje yi/ /dkyil 'khor nan tan mnyan par gyis/ /kun tu gru bzhi lham pa la/ /rdo rje'i mtshan mas mtshan pa ste/ /de yi dbus su bya ba ni/ /dkyil 'khor me las byung ba'o/ /de'i dbus phyag rgya gzhag pa ni/ /uta pal zhes bya gzugs bzang ba/ /'jam dbyangs blo dang ldan pa yi/ /rang gi sngags kyis gzi bskyed pa/ /de yi gnas ni cho ga bzhin/ /rang gi sa bon nyid kyis btab/ /mtha' ma kho ra khor yug tu/ /uta pal rnams kyis khebs par bya/ /de yi dbus su bri ba ni/ /dpa' bo 'di rnams go rim bzhin/ /de la dra ba can gyi 'od kyi phyag rgya ni lcags kyu'o/ /gzhon nu rin chen cod pan gyi ni rin po che'o/ /gzhon nu dri med 'od kyi n-i uta pal kha ma bye ba'o/ /'jam dbyangs blo dang ldan pa yi/ /mngag gzhug mar ni gang grags pa/ /de rnams kyi n-i 'jigs med pas/ /ci ltar rigs par shes bya ba/ /skra can gyi ni phyag rgya ni/ /ral gri yin par shes par bya/ /nye skra can gyi mdung rtse gsum / /sna tshogs ma yi dbyug par bshad/ /nor ldan ma yi rgyal mtshan gsungs/ /'gugs ma yi ni lcags kyu yin/ /de dag thams cad uta pa la'i/ /mtshan ma dag gis mtshan par bya/ /ci skad gsungs pa'i phyag brnyan ma/ /de dag phyag rgya gang gi na/ /lho yi phyogs su nan tan du/ /sgrib pa rnam sel brtson 'grus che'i/ /phyag rgya legs par bri ba ni/ /yid bzhin nor bu zhes bya ba/ /me yi dkyil 'khor nang na 'dug /'khor dang bcas pa go rims bzhin/ /'khor rnams kyi ni rgyas pa ru/ /phyag rgya 'di rnams shes par bya/ /ngo mtshar can gyi phyag rgya ni bum pa'i steng na rdo rje rtse gcig pa'o/ /mi 'jigs pa sbyin pa ni mi 'jigs pa sbyin pa'i lag pa'o/ /ngan song thams cad</font><hr>93.181b<br><font size=+1>

spong ba'i ni lag pa mas yar gyen du 'dren pa lta bur bya'o/ /skyong sems blo gros kyi snying rje'i lag pa brang du gzhag pa'o/ /byams pa chen po gyen du 'byung ba'i ni me tog 'dzin pa'i lag pa'o/ /blo can snying rjes gdungs pa'i ni lag pa snying kar gzhag la gung mo nang du dgug pa'o/ /gdung ba thams cad zhi bar byed pa'i n-i lag pa mchog sbyin pa'i sor mo rnams las chu'i rgyun 'dzag pa'o/ /blo gros bsam gyis mi khyab pa dang ldan pa'i lag pa ni yid bzhin gyi nor bu thogs pa'o/ /de dag thams cad kyang pad ma la gnas shing dkyil 'khor gyi nang du chud par bya'o/ /byang phyogs su sa'i snying po'i phyag rgya ni dbang chen dkyil 'khor nang gnas pa/ /stan ni snga ma bzhin du gzhag /de'i steng pad ma chen po ste/ /kha dog kun ldan 'bar dang bcas/ /de'i steng ba dan chen po ste/ /rtse la rin chen chen po gzhag /de ni gzugs kyi mchog yin te/ /phyag rgya'i gzugs su 'dir bshad do/ /de yi 'khor ni grangs med pa/ /gtso bo'i yon tan mtha' yas te/ /de la de rnams phyag rgya yang / /nan tan bskyed de bri ba ni/ /rin chen 'byung gnas kyi phyag rgya ni rdo rje rtse gsum pa rin po che'i steng na 'dug pa'o/ /rin chen lag gi ni rdo rje rtse gcig pa rin po che'i steng na 'dug pa'o/ /sa 'dzin gyi ni rdo rje kha gnyis pa rin po che'i steng na 'dug pa'o/ /phyag na rin chen phyag rgya ni rdo rje rtse lnga pa rin po che'i steng na 'dug pa'o/ /bsam pa brtan pa'i ni rdo rje rgya gram rin po che'i steng na 'dug pa ste/ phyag rgya thams cad kyang dkyil 'khor gyi nang du chud par bya'o/ /nub phyogs su nam mkha'i snying po'i phyag rgya ni/ chu yi dkyil 'khor yid 'ong bar/ /pad ma dkar po stan chen la/ /de'i dbus ral gri zhags pa ni/ /so ni shin tu rno ba'i mchog /rang gi sa bon rnams kyis btab/ /mkhas pas der ni gzhag par bya/ /de yi 'khor rnams bri bar ni/ /phyag rgya'i gzugs rnams go rims bzhin/ /de la nam mkha' dri med kyi phyag rgya ni/ rlung gi dkyil 'khor gyi dbus su 'khor lo mtshan dang bcas pa'o/ /</font><hr>93.182a<br><font size=+1>

nam mkha'i blo gros kyi phyag rgya ni dkyil 'khor gyi dbus na dung ngo / /rnam par dag pa'i blo gros kyi phyag rgya ni pad ma dkar po rlung gi dkyil 'khor gyi dbus na 'dug pa'o/ /spyod pa'i blo gros kyi phyag rgya ni rlung gi dkyil 'khor gyi dbus na dung gi steng na uta pal gzhag pa'o/ /blo gros brtan pa'i phyag rgya yang rdo rje pad ma'i steng na 'dug pa'o/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las gsang ba'i dkyil 'khor rim par phye ba'o/ / de nas yang bcom ldan 'das kyis gsang ba'i dkyil 'khor du 'jug pa'i cho ga gsungs pa/ kun tu bslab pa'i sngags pa ni/ /gsang ba'i dkyil 'khor la mkhas pas/ /de tshe slob ma'i sdig pa kun/ /cho ga bzhin du bsreg par bya/ /ci nas slar yang mi skye bar/ /de yi 'tsho ba'ang bsreg par bya/ /bsregs te thal bar gyur nas kyang / /de ni slar yang gso bar bya/ /yi ge yis ni mi 'gyur bsreg /'tsho bas slar yang gso bar bya/ /'tsho bas thams cad gsos nas ni/ /kun tu dag cing dri ma med/ /yan lag bcu gnyis tshig rnams ni/ /de yi snod la dgod par bya/ /byang chub sems dpa' skyob rnams dang / /sangs rgyas rnams kyi dam tshig 'di/ /sangs rgyas rnams dang nyan thos dang / /'jig rten rnams kyis bkur ba yin/ /gsang ba'i dkyil 'khor dbus gnas pa'i/ /dam tshig 'di ni sus rig pa/ /rgyud rnams kun tu zhugs pa dang / /dkyil 'khor kun la dbang ba yin/ /sngags 'chang de ni nga dang 'dra/ /dam tshig can ni gzhan mi bya/ /gsang ba'i dkyil 'khor du 'jug pa rim par phye ba'o// //de nas bcom ldan 'das rnam par snang mdzad gyis/ thams cad dang ldan pa'i 'khor gyi dkyil 'khor la gzigs nas/ byang chub sems dpa' phyag na rdo rje la bka' stsal pa/ gsang ba pa'i bdag po/ byang chub sems dpa' gsang sngags kyi sgo nas byang chub sems dpa'i spyad pa spyod pa rnams cho ga gang dag gis bdag nyid lha'i gzugs su brtan par gyur par shes pa dang / </font><hr>93.182b<br><font size=+1>

shes nas kyang rang gi lha'i tshul du gnas nas/ dngos grub thob par 'gyur ba gsang ba'i phyag rgya brgyad po gsang ba dang bcas pa/ lha'i gnas byin gyis rlob par 'gyur ba/ rang gi gsang sngags kyis mtshan pa/ dkyil 'khor dang ldan pa/ rang gi lha'i rnal 'byor du bya ba yod de/ phyag rgya brgyad po de yang gang zhe na/ lag pa gnyis khong stong du sbyar la mthe'u chung gnyis dang mdzub mo gnyis 'bar ba lta bur 'gyed do/ /bcom ldan 'das nyid kyi gzi brjid 'byung ba'i phyag rgya ste de'i dkyil 'khor ni gru gsum la sum mdo'i ris mtshan can 'bar ba dang bcas pa'o/ /gsang sngags ni/ na maH sa man+ta bud+d+ha nAn/ ra~M ra swA hA/ phyag rgya de nyid las mdzub mo gnyis bkug ste/ mthe bo'i steng du ba dan lta bur gzung ngo / /bcom ldan 'das kyi rdo rje mi shigs pa'i phyag rgya ste/ dkyil 'khor ni yi ge 'bar ba 'dra ba rdo rje 'bar ba dang bcas pa'o/ /[	]gsang sngags ni/[	]na maH sa man+ta bud+d+hA nAn/[	]ba~M ba swA hA/ phyag rgya de nyid las gung mo dang srin lag gnyis rkyang la/ lhag ma rnams snga ma bzhin du gzhag go/ /pad mo'i sbubs kyi phyag rgya ste/ dkyil 'khor ni zla ba'i dkyil 'khor 'dra ba/ pad ma'i mtshan ma can no/ /gsang sngags ni/ na maH sa man+ta bud+d+hA nAn/ / saM sa swA hA/ phyag rgya de nyid las mthe'u chung gnyis 'og tu gzhug go/ /[	]sangs rgyas kyi gsung dbyangs bkod pa'i rgyan gyi phyag rgya ste/[	]dkyil 'khor ni zla ba gang ba lta bu ba dan dang bcas pa klad kor gnyis pas mtshan pa'o/ /[	]gsang sngags ni/[	]na maH sa man+ta bud+d+hA nAn/[	]hoM ha swA yA/[	]de bzhin du lag pa gnyis khong stong du thal mo sbyar la/ mthe bo gnyis so sor phye ste lhag ma rnams cung zad tsam snyim pa lta bur bya'o/ /'di ni bcom ldan 'das kyi yan lag thams cad 'byung ba'i phyag rgya ste/ dkyil 'khor ni bum</font><hr>93.183a<br><font size=+1>

pa zla ba 'dra ba rdo rjes mtshan pa'o/ /gsang sngags ni/ na maH sa man+ta bud+d+hA nAn/ a~M a swA hA/ phyag rgya de nyid las gung mo gnyis bkug la lhag ma rnams de bzhin du gzhag go/ /'di ni bcom ldan 'das kyi gzungs kyi phyag rgya ste/ de'i dkyil 'khor ni 'ja' 'dra ba mtshan ma thams cad dang ldan pa'o/ /rdo rje'i ba dan 'phyar ba'o/ /gsang sngags ni/ na maH sa man+ta bud+d+hA nAn/ bud+d+ha d+hA ra Ni smr-i ti ba la d+hA ra NI ka ri d+ha ra d+ha ra/ d+hA ra ya d+hA ra ya sar+b+baM b+ha ga ba te A kA rA bA ti a sa me swA hA/ phyag rgya de nyid las gung mo gnyis phyung ste mthe'u chung gnyis gung mo gnyis kyis bkug la spyi bor sbyar ro/ /'di ni bcom ldan 'das kyi chos gnas pa'i phyag rgya ste/ dkyil 'khor ni nam mkha'i kha dog thams cad dang ldan pa klad kor gnyis kyis mtshan pa'o/ /gsang sngags ni/ na maH sa man+ta bud+d+hA nAn/  a be da be d+ye a swA hA/ phyag rgya de nyid las gung mo gnyis phan tshun snol mar gzung ngo / /'di ni bcom ldan 'das kyi rnal 'byor 'dzin pa'i phyag rgya ste/ de'i dkyil 'khor ni nam mkha' ste/ khyad par du sdo la klad kor can snyems pa dang bcas pa'o/ /gsang sngags ni/ na maH sa man+ta bud+d+hA nAn/ ma hA yo ga yo gI nI yo ge shwa rA/ khany+dza ri ke swA hA/ gsang ba pa'i bdag po/  'di dag ni gsang ba pa'i phyag rgya ste/ de bzhin gshegs pa rnams kyi rab tu gsang ba yin gyis/ dbang bskur ba dang cho rigs btsun pa dang spro ba can dang yi dam la brtan pa dang bla ma la gus pa dang byas pa gzo ba dang gtsang sbra che ba dang bdag gi lus dang srog la yang mi lta ba ma gtogs pa gzhan du su la yang ma sbyin cig /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las gsang ba'i phyag rgya brgyad rim par phye ba'o// // de nas yang bcom ldan 'das rnam par snang mdzad chen po de'i tshe/ ma 'ongs pa'i 'gro ba rnams la gzigs nas/ thams cad kyi rjes su 'jug pa zhes bya ba'i ting nge 'dzin la snyoms par zhugs so/ /bcom ldan 'das</font><hr>93.183b<br><font size=+1>

snyoms par zhugs ma thag tu/ de nas 'di ltar sangs rgyas kyi zhing 'di lag mthil bzhin du mnyam par gnas shing / sgo khyud dang rta babs rin po che sna lngas rab tu rnam par spras pas brgyan pa/ ba dan kha dog du ma dang ldan pa bsgreng bas rgya che ba/ rin po che chen po'i bla re bres pa/ rin po che'i dril bu dang rnga ma dkar po dang dar dang gos mang po dpyangs pa rin po che'i ka ba phyogs brgyad du btsugs pa/ pad ma'i mtshe'u chu dri zhim po yan lag brgyad dang ldan pas yongs su gang ba/ ngang pa dang ngur pa dang / bzhad kyi sgra grag pa dus thams cad pa'i me tog sna tshogs kyi shing ljon pas phyogs brgyad du brgyan pa/ rin po che sna lnga'i phreng ba dang srad bus legs par bskor ba/ sa gzhi ka tsa lin da 'jam po ltar reg na bde zhing rab tu 'jam pa dang / rnga sgra dang sil snyan gyi sgra yid du 'ong zhing snyan pa rnam pa du ma grag pa/ byang chub sems dpa' mang po'i bsod nams kyis bsags pa'i stan dang khang pa dang gzhal med khang yid las byung ba dang ldan par gyur to/ /pad ma'i rgyal po chen po de bzhin gshegs pa'i mos pa las byung ba/ chos kyi dbyings rtogs pa'i mtshan mas mtshan pa yang byung bar gyur to/ /de'i dbus na de bzhin gshegs pa'i sku chos kyi dbyings la gzhol ba/ sems can gyi bsam pa dang mos pa ci lta ba bzhin du mgu bar mdzad par bzhugs te/ de bzhin gshegs pa de'i yan lag thams cad nas sku cis kyang mi tshugs pa'i stobs dang ldan pa/ stobs bcu la mos pa las byung ba/ kha dog dang dbyibs rnam pa du mas bdag gi sku brgyan pa/ bskal pa bye ba khrag khrig brgya stong du mar sbyin pa dang / tshul khrims dang bzod pa dang brtson 'grus dang bsam gtan dang shes rab kyi pha rol tu phyin pa'i bsod nams kyis rnam par bskyed pa dag byung bar gyur to/ /de dag byung nas thams cad dang ldan pa'i 'jig rten gyi khams su sgra mngon par go bar mdzad cing ched du gleng ba 'di glengs so/ /e ma'o sangs rgyas thams cad kyi/ /shes rab thabs ni bsam mi khyab/ /gnas med pa ni rtogs gyur nas/ /</font><hr>93.184a<br><font size=+1>

gnas dang bcas pa'i chos kyang 'chad/ /gang dag gis ni chos rnams kyi/ /chos kyi mtshan nyid rnyed med pa/ /shes pa des ni 'dren kun gyis/ /gang brnyes rnyed pa thob par 'gyur/ /de dag gis ched du gleng ba de ched du glengs nas de dag slar yang de bzhin gshegs pa'i chos kyi sku bsam gyis mi khyab pa la zhugs so/ /de nas bcom ldan 'das kyis byang chub sems dpa' phyag na rdo rje la bka' stsal pa/ rigs kyi bu nang gi dkyil 'khor nyon cig /gsang ba pa'i bdag po/ lus kyi sa gzhi gang yin pa de chos kyi dbyings kyi rang bzhin gyi sngags dang phyag rgya'i byin gyi brlabs kyis byin du brlab par bya ste/ rang bzhin gyis rnam par dag pa'i phyir ro/ /de nas bdag las kyi rdo rje sems dpar byin gyis brlabs te/ rdul thams cad dang bral ba/ bdag dang sems can dang srog dang gso ba dang shed can dang shed las skyes pa dang byed pa po la sogs pa'i zug rngu'i skyon dang bral ba la/ gru bzhi la sgo bzhi dang ldan pa nub phyogs kyi sgo rtag tu phye ba/ sgo khyud dang stegs bus brgyan pa'i dbus na pad mo'i rgyal po chen po yid las byung ba/ 'dab ma brgyad pa sdong bu dang bcas pa/ ze ba rgyas shing shin tu mdzes par byung ba de'i dbus na yang / de bzhin gshegs pa'i sku dang gsung dang thugs 'jig rten thams cad las 'das pa/ sems kyi sa las yang dag par 'das pa/ sems kyi sa rjes su thob pa/ 'dod pa'i 'bras bu khyad par can stsol bar bsam mo/ /de'i shar phyogs su de bzhin gshegs pa rin po che'i tog go/ /lho phyogs su de bzhin gshegs pa me tog kun tu rgyas pa'i rgyal po'i dbang po'o/ /byang phyogs su de bzhin gshegs pa rnga sgra can no/ /nub phyogs su de bzhin gshegs pa 'od dpag tu med pa'o/ /shar lho'i phyogs mtshams su ni byang chub sems dpa' kun tu bzang po'o/ /byang shar mtshams su ni spyan ras gzigs dbang phyug go/ /lho nub kyi mtshams su ni 'jam dpal gzhon nur gyur pa'o/ /nub byang gi mtshams su ni byams pa'o/ /ze ba kun la ni byang chub sems dpa'i yum dang pha rol tu phyin pa drug dang ting nge 'dzin rnams bri'o/ /'og tu ni rig sngags dang khro bo'i tshogs rnams bri'o/ /sdong bu la ni phyag na rdo rje'o/ /lhag ma</font><hr>93.184b<br><font size=+1>

rnams ni rgya mtsho chen po'o/ /mar me me tog bdug spos dang / /bshos dang bdug pa yid las byung / /lus can rnams kyi dam tshig phyir/ /thams cad sngags pas bsam par bya/ /'og gi sa gzhi thams cad la/ /lha la sogs pa grangs med pa'ang / /bdag nyid chen po'i dkyil 'khor 'dir/ /sngags pas nan tan bskyed de bri/ /rang gi lus ni bdag nyid kyis/ /ra zhes bya ba rnam sbyang nas/ /sngags pa rnal 'byor stan la 'dug /de bzhin gshegs pa rjes dran zhing / /slob ma rnams kyi spyi bor ni/ /klad kor bcas pa'i a gzhag ste/ /'jigs pa med pa'i bdag lus la/ /de nas me tog 'dor du gzhug /brtags nas de la bstan par bya/ /yang na de la rig sngags sbyin/ /lus can rnams kyi dam tshig phyir/ /'di ni dkyil 'khor gtso bor 'dod/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las gsang ba'i dkyil 'khor du gzud pa la 'jug pa'i rim par phye ba rgyas pa'o// // de nas bcom ldan 'das rnam par snang mdzad la/ phyag na rdo rjes gsang sngags kyi sgo nas byang chub sems dpa'i spyad pa spyod pa rnams kyi don du tshigs su bcad pa'i dbyangs kyis rig sngags kyi brtul zhugs zhus pa/ ci ltar brtul zhugs spyad pa lags/ /tshul khrims la gnas ci lta bu/ /gang na ci ltar gnas kyang rung / /ma chags par ni ci ltar spyod/ /dus ni ci srid lon gyur nas/ /brtul zhugs yongs su rdzogs par 'gyur/ /de'i mthu ci lags 'tshal bar gyis/ /gnas ni gang du bgyi ba lags/ /dus dang yul dang bya ba las/ /chos dang chos min rnam spangs par/ /de ni ci ltar myur du 'gyur/ /tshad kyang 'dren pas bka' stsol cig /gang gis dngos grub thob 'gyur ba/ /sangs rgyas rnams kyis sngon bstan pa/ /ma 'ongs 'gro ba'i don</font><hr>93.185a<br><font size=+1>

gyi phyir/ /rdzogs pa'i sangs rgyas rkang gnyis gtso/ /thams cad mkhyen la bdag zhu ba/ /rgyal ba'i gtso bo dpang du bzhugs/ /de skad gsol nas bcom ldan 'das/ /rnam snang mdzad chen de yi tshe/ /sems can rnams la brtse ba'i phyir/ /'di skad kyi ni tshig gsungs so/ /lag na rdo rje mthu bo che/ /sems dpa' chen po dpa' bo legs/ /sngon gyi sangs rgyas kyis gsungs pa'i/ /brtul zhugs dam pa brtan par bya'o/ /'jig rten la ni phan byed pa'i/ /dngos grub gang gis thob 'gyur ba/ /rig pa'i brtul zhugs las byung ba'i/ /brtul zhugs sangs rgyas bzhin du gnas/ /bdag gi de nyid bskyed nas ni/ /rtag tu the tsom med pa'i yid/ /gang tshe rtag tu mnyam gzhag pa/ /de tshe brtul zhugs spyad pa yin/ /byang chub sems dang chos rnams dang / /bslab dang las dang 'bras bu gang / /mtshan nyid gcig du ldan 'gyur cing / /las dang bya ba rnam spangs pa'i/ /tshul khrims sangs rgyas bzhin zhes bya/ /tshul khrims ldan zhes gzhan mi bya/ /chos rnams kun la dbang thob cing / /sems can don rtogs khong du chud/ /gser dang bong rdo mnyam gyur na/ /de ni myur du ma chags spyod/ /gsang sngags kyi ni grangs dag las/ /'bum grangs ci snyed bstan gyur pa/ /dus ni de srid lon gyur na/ /brtul zhugs yongs su rdzogs par 'gyur/ /dbang chen gyi ni dngos po yis/ /dbang chen dkyil 'khor la gnas te/ /rdo rje can gyi rgya bcings la/ /zas su rtag tu 'o ma 'thung / /srog dang rtsol ba rab bsdams nas/ /sngags pas zla ba gcig tu bzlas/ /de nas zla ba gnyis pa la/ /chu yi dkyil 'khor dang ldan par/ /pad ma'i phyag rgya bcings nas su/ /de tshe zas su chu btung ngo / /de nas zla ba gsum pa la/ /me yi ngos la gzhol byas te/ /ma blangs pa yi zas za zhing / /ral gri phyag rgya dang ldan pas/ /lus dang ngag yid las byung ba'i/ /</font><hr>93.185b<br><font size=+1>

sdig pa thams cad bsreg par bya/ /bzhi la rlung dang ldan byas te/ /zas su rtag tu rlung bza'o/ /de nas 'khor lo'i phyag rgya bcings/ /mnyam par gzhag ste gsang sngags bzlas/ /dbang chen dang ni chu'i ngos la/ /rnal 'byor gzhol ba 'dug nas su/ /de nas zla ba lnga pa la/ /rnyed dang ma rnyed rnam spangs te/ /sngags pa kun tu chags med na/ /rdzogs pa'i sangs rgyas bzhin du 'gyur/ /rlung dang mer ni ldan byas nas/ /nyes pa kun dang rnam bral zhing / /rnyed dang ma rnyed rnam spangs te/ /zla ba gzhan la bzlas brjod bya/ /brgya byin tshangs la sogs pa'i lha/ /sha za lto 'phye srin po rnams/ /rgyang ring nas ni phyag 'tshal zhing / /thams cad srung ba'ang byed par 'gyur/ /de dag thams cad bka' nyan cing / /de yi bka' bzhin byed par 'gyur/ /sman dang mi dang lha rnams dang / /rig sngags rnams dang gsang sngags kun/ /ci dag bgyi zhes tshig smra zhing / /de yi drung du 'khod par 'gyur/ /bgegs dang log 'dren ma rungs dang / /srin po dang ni ma mo rnams/ /gsang sngags 'dzin pa mthong ba'i tshe/ /rgyang ring nas ni phyag 'tshal 'gyur/ /rig pa'i brtul zhugs la gnas pa'i/ /sngags shes gang na 'dug pa yi/ /gnas de rab tu 'jig pa yi/ /me ltar 'bar zhing 'jigs par 'gyur/ /dbang phyug go 'phang thams cad 'thob/ /des pa rdzogs pa'i sangs rgyas bzhin/ /dpal ldan gdul dka' 'dul ba po/ /rdo rje 'dzin chen dka' thub can/ /sems can kun la phan byed pa/ /snying rje 'jig rten dbang po bzhin/ /zla ba drug rnams 'das gyur na/ /'dod pa'i dngos grub 'bras bu 'thob/ /bdag nyid dang ni gzhan la yang / /rtag par rjes su phan par byed/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ rig sngags kyi brtul zhugs rim par phye ba rgyas pa'o// // de nas yang bcom ldan 'das la/ phyag na rdo rjes yang gsang sngags rnams dang / dkyil 'khor rnams kyi snying po zhus pa/ gsang sngags kun gyi snying po gang / /ci zhig 'tshal na slob dpon 'gyur/ /</font><hr>93.186a<br><font size=+1>

de skad gsol nas bcom ldan 'das/ /de'i tshe rnam snang mdzad chen gyis/ /rdo rje 'dzin la bka' stsal pa/ /sems dpa' chen po legs so legs/ /ye shes gsang bas ches gsang zhing / /gsang sngags ye shes cher 'byung ba/ /bu khyod la ni bshad par bya/ /ma yengs yid kyis mnyan par gyis/ /a ni gsang sngags thams cad kyi/ /snying po yin par yang dag bshad/ /'di las byung ba'i gsang sngags ni/ /grangs med rnams kyang 'byung bar 'gyur/ /spros pa thams cad zhi ba yi/ /ye shes mtha' dag skye bar 'gyur/ /gsang ba pa'i bdag po/ ci ltar na a zhes bya ba gsang sngags thams cad kyi snying po yin zhe na/ rdzogs pa'i sangs rgyas rkang gnyis gtsos/ /a ni 'tsho ba yin par gsungs/ /de bas 'di kun thams cad de/ /yan lag kun la rnam par gnas/ /yan lag rnams kyang ci rigs par/ /rtag par kun tu rig par gyis/ /yi ge rnams kyis thams cad khyab/ /yi ge rnams kyang de yis khyab/ /yi ge rnams la sgra 'byung ba/ /cha dang cha las byung ba'o/ /de bas 'di kun thams cad de/ /lus ni sna tshogs la byung ba'o/ /de yi dgod pa yang dag bstan/ /snying po dag ni des pas nyon/ /snying gar snying po gzhag nas ni/ /yan lag rnams la yan lag dgod/ /blo ldan rnal 'byor stan 'dug ste/ /bdag lus rdzogs sangs rgyas kyi skur/ /byas nas de bzhin gshegs pa rnams/ /dran par byas te 'di kun bya/ /gang gis ye shes rgya chen te/ /cho ga bzhin du shes gyur na/ /de tshe sangs rgyas mthu chen gyis/ /de ni slob dpon yin par bshad/ /de bas de nyid de bzhin gshegs/ /de nyid rdzogs sangs rgyas zhes bya/ /sangs rgyas byang chub sems dpa' dang / /tshangs pa khyab 'jug dbang phyug che/ /nyi ma zla ba chu lha dang / /brgya byin dang ni skye dgu'i bdag /dus dang gshin rje 'ang de nyid de/ /sa yi lha dang dbyangs can te/ /bram ze dang ni khrus byed nyid/ /tshangs par spyod pa zhes kyang bya/ /dge</font><hr>93.186b<br><font size=+1>

slong dpal ldan zag pa zad/ /gsang ba thams cad 'dzin pa po/ /thams cad mkhyen dang thams cad gzigs/ /chos kun dbang phyug gtso bo ste/ /gang zhig byang chub sems brtan zhing / /sgra shes pa ni lhur len gang / /chos rnams kun la ma chags pa/ /rnam pa kun tu kun shes bya/ /yi ge'i 'khor lo thams cad ni/ /gang gi lus la rnam gnas pa/ /de ni sngags pa gsang sngags 'chang / /dpal ldan sngags rgyal rdo rje 'dzin/ /smin mtshams dbus su yi ge hU~M/ /rdo rje can gyi gzhi yin no/ /brang du yi ge sa zhes bya/ /phyag na pad ma'i gzhi zhes bya/ /nga ni snying ga'i gnas gzhag pa/ /kun gyi rje ste dbang phyug yin/ /rgyu dang mi rgyu sna tshogs pas/ /mtha' dag ngas ni rab tu khyab/ /a zhes bya ba srog gi mchog /ba zhes bya ba tshig du bshad/ /ra zhes bya ba me zhes brjod/ /hU~M~M zhes bya ba khro bor bshad/ /kha ni nam mkhar shes par bya/ /klad kor stong pa'i mchog ces bya/ /gang shes slob dpon zhes bya ba/ /'di ni yang dag dran pa yi/ /de bas rnam pa thams cad du/ /rdzogs sangs rgyas sngags zhes 'di la/ /rtag tu brtson par byas na ni/ /'chi 'pho med pa'i go 'phang 'thob/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ slob dpon gyi de kho na nyid shes pa rim par phye ba'o// // yi ge ci ltar dgod pa dag /rdzogs sangs rgyas kyis legs bstan pa/ /de bas kun tu mnyan par gyis/ /ka ni lkog mar shes par bya/ /kha ni rkan la gzhag par bya/ /ga ni mgrin par shes par bya/ /g+ha ni mgul pa'i gnas su gzhag /tsa ni lce la gzhag par bya/ /tsha ni lce yi dbus su gzhag /dza ni lce yi rtse mo la/ /dz+ha ni lce yi rtsa ba la/ /Ta ni byin par shes par bya/ /Tha ni brla la gzhag par bya/ /Da ni rked par gzhag par bshad/ /D+ha ni rkang pa gnyis la gzhag /ta ni chu sor gzhag par bshad/ /</font><hr>93.187a<br><font size=+1>

tha ni lto bar shes par bya/ /da ni mchan khung gnyis su gzhag /d+ha ni rtsib logs gnyis su gzhag /pa ni rgyab tu shes par bya/ /pha ni brang du shes par bya/ /ba ni dpung mgo gnyis su gzhag /b+ha ni lag pa gnyis su gzhag /ma ni yid kyi gnas su gzhag /de tshe tshul bzhin shes par bya/ /ya ni pho mtshan yin zhes gsungs/ /ra ni nam mtshong yin par bshad/ /la ni rgya chen shes bya ba/ /skyob pa de yi 'phral ba yin/ /i I mig gnyis yin zhes bya/ /u U mchan khung yin par bshad/ /e ai rna ba gnyis shes bya/ /o au 'gram pa gnyis su 'dod/ /a~M ni rdzogs sangs rgyas pa'i gnas/ /aHni mya ngan 'das pa yin/ /cho ga bzhin du kun shes nas/ /brtul zhugs mchog gis sangs rgyas byos/ /thams cad mkhyen pa'i nor gyi dbyig /gang gi snying la rtag gnas pa/ /'jig rten na ni de kun shes/ /des pas thams cad mkhyen pa bzhin/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las yi ge bkod pa rim par phye ba'o// // de nas yang bcom ldan 'das la gsang ba pa'i bdag po phyag na rdo rjes 'di skad ces gsol to/ /bcom ldan 'das byang chub sems dpa' sems dpa' chen po rnams kyi bslab pa'i gzhi thabs dang shes rab kyis yongs su zin pa gang dang ldan na byang chub sems dpa' sems dpa' chen po rnams the tsom dang yid gnyis ma mchis shing / 'khor ba na 'khor ba'i tshe nyams par mi 'gyur ba dag bshad du gsol/ de skad ces gsol pa dang / bcom ldan 'das rnam par snang mdzad kyis de bzhin gshegs pa'i spyan gyis chos kyi dbyings thams cad la gzigs nas gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/  byang chub sems dpa'i spyad pa'i tshul la mkhas pa'i bstan pa gang la gnas na/ byang chub sems dpa' sems dpa' chen po rnams theg pa chen po rtogs pa khong du chud par 'gyur ba de nyon cig /gsang</font><hr>93.187b<br><font size=+1>

ba pa'i bdag po/ de la byang chub sems dpas srog gcod pa dang / ma byin par len pa dang 'dod pas log par g.yem pa las slar ldog par bya/ brdzun du smra ba dang ngag rtsub po dang phra ma zer ba dang tshig kyal pa smra ba las slar ldog par bya'o/ /brnab sems dang gnod sems dang log par lta ba las slar ldog par bya'o/ /gsang ba pa'i bdag po/ gang la bslabs na sangs rgyas bcom ldan 'das rnams dang byang chub sems dpa' rnams dang spyod pa mtshungs par bslab par 'gyur ba/ byang chub sems dpa'i bslab pa ni 'di dag yin no/ /de nas yang bcom ldan 'das la gsang ba pa'i bdag po phyag na rdo rjes 'di skad ces gsol to/ /bcom ldan 'das kyis nyan thos kyi theg pa la yang dge ba bcu'i las kyi lam 'di rnams bshad/ bcom ldan 'das 'jig rten pa mu stegs byed rnams kyang dge ba bcu'i las kyi lam 'di rnams yang dag par blangs te gnas lags na/ bcom ldan 'das 'di la khyad par ni ci zhig mchis/ tha dad du bgyi ba ni ci zhig mchis/ de skad gsol nas bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/ legs so legs so/ /gsang ba pa'i bdag po/ khyod kyis gang de bzhin gshegs pa la don 'di zhus pa ni/ gsang ba pa'i bdag po yang khyod legs so/ /gsang ba pa'i bdag po/ de'i phyir rab tu rnam par dbye ba'i tshul dang tshul gcig tu bstan pa'i chos kyi rnam grangs bstan gyis nyon cig /gsang ba pa'i bdag po/ de la ngas gang nyan thos rnams la bslab pa bstan pa gang yin pa de ni/ thabs dang shes rab du mi ldan pa bka' grub par byed pa/ phyogs gcig shes pa rtogs pa ste/ de bas na de dag dang dge ba bcu'i las kyi lam de dag mtshungs par mi 'gyur ro/ /'jig rten pa rnams ni bdag gi dngos po la mngon par zhen pa dang gzhan gyi rkyen gyis 'jug go/ /theg pa chen pos 'gro ba'i byang chub sems dpa' rnams ni/ chos thams cad kyi mnyam pa nyid la 'jug pa'i phyir gzhan</font><hr>93.188a<br><font size=+1>

gyi dring mi 'jog cing thabs dang shes rab kyis yongs su zin par bdag dang gzhan dang gnyi ga'i don byed pa la 'jug go/ /de lta bas na gsang ba pa'i bdag po/ byang chub sems dpa' sems dpa' chen pos shes rab dang thabs kyis yongs su zin par chos thams cad la 'jug pa'i phyir brtson par bya'o/ /de nas bcom ldan 'das kyis byams pa chen po dang / thugs rje chen po'i spyan gyis sems can gyi khams rnams la gzigs nas/ byang chub sems dpa' phyag na rdo rje la bka' stsal pa/ de la byang chub sems dpas ched du bsams te srog gcod pa las slar ldog par bya'o/ /dbyug pa spong zhing 'khon du 'dzin pa spang bar bya'o/ /des bdag la ci lta ba bzhin du gzhan gyi srog kyang bsrung bar bya'o/ /gzhan du gang zag de lta bu dang dngos po de lta bu la bdag gis sdig pa khas blangs la/ las de bya ba ni ma gtogs te/ de yang 'khon du 'dzin pa med cing snying rjer gyur pa'i yid kyis bya'o/ /ma byin par len pa las slar ldog par bya ste/ des gzhan gyi yongs su gzung ba'i longs spyod la chags pa bskyed par yang mi bya na/ gzhan gyi longs spyod la ma byin par len pa lta smos kyang ci dgos/ gzhan du na sems can gang dag ser sna can 'jungs pa sbyin pa mi byed cing / bsod nams mi byed pa de dag mthong na/ gang zag de lta bu dag la ser sna spang ba'i phyir bya ba ni ma gtogs te/ bdag gis kyang de la chags pa'i sems med par de'i ched du sbyin pa sbyin par bya'o/ /dus dus su sbyin pa'i bsngags pa brjod par bya'o/ /gal te byang chub sems dpa' de la chags pa'am/ 'dod pa'i sems bskyed par gyur na/ gsang ba pa'i bdag po/ de la byang chub sems dpa' byang chub kyi yan lag las nyams pa/ chos 'dul ba las bcos su med pa'i ltung bar 'gyur bar rig par bya'o/ /'dod pas log par g.yem pa las slar ldog par bya ste/ des gzhan gyis yongs su gzung ba'i chung ma dang rigs dang mtshan ma dang / </font><hr>93.188b<br><font size=+1>

chos kyis srungs pa rnams la chags sems kyang bskyed par mi bya na/ yan lag ma yin par spyod pa'am/ dbang po gnyis sprod pa lta smos kyang ci dgos/ gzhan du na dngos po de lta bu dag la bya ba ni ma gtogs so/ /brdzun du smra ba las slar ldog par bya ste/ des ched du bsams te gang gis sangs rgyas kyi byang chub bslus par 'gyur ba'i brdzun gyi tshig srog gi phyir yang smra bar mi bya'o/ /'di ltar sangs rgyas kyis byang chub las 'da' bar 'gyur ba de ni/ gsang ba pa'i bdag po/ byang chub sems dpa' theg pa chen po la gnas pa'i brdzun chen po yin no/ /gsang ba pa'i bdag po/ rnam grangs des kyang khyod kyis 'di ltar bden pa'i tshig yongs su mi gtang bar rig par bya'o/ /gsang ba pa'i bdag po/ gzhan yang tshig rtsub po las slar ldog par bya ste/ des sems can rnams la mnyen pa dang 'jam pa dang yid la bab pa de lta bu'i tshig smra bar bya'o/ /de ci'i phyir zhe na/ gsang ba pa'i bdag po 'di lta ste/ byang chub sems dpa' sems can thams cad kyi don bya ba'i thog mar 'gro ba ni tshig 'jam pa yin pa'i phyir ro/ /gzhan du na sems can 'gro ba mi zad pa'i rgyu can rnams la/ gnas de dang de dag tu byang chub sems dpa' tshig rtsub por smra ba ni ma gtogs so/ /gsang ba pa'i bdag po/  gzhan yang phra ma smra ba las slar ldog par bya ste/ des ci nas kyang dbyen du mi 'gyur ba dang gnod par mi 'gyur ba de ltar bsgrub par bya'o/ /byang chub sems dpa' rnams ni/  sems can dbye ba la zhugs pa ma yin no/ /gzhan du na sems can rnams la lta ba'i gnas de lta bu dag tu bying bar gyur pa mthong na/ ci nas kyang sems can de dag 'di ltar thams cad mkhyen pa'i tshul gcig pa 'di la rab tu gnas par 'gyur ba de lta bu'i rnam pas rab tu 'byed par byed pa ni ma gtogs so/ /gsang ba pa'i bdag po/ gzhan yang byang chub sems dpas tshig kyal pa smra ba las slar ldog par bya ste/ des yul dang dus dang don dang ldan pa/ don gyi rjes su 'jug pa sems can thams cad kyi yid du 'ong ba rna ba'i lam rnam par spyod</font><hr>93.189a<br><font size=+1>

pa de lta bu'i tshig smra bar bya'o/ /de ci'i phyir zhe na/ byang chub sems dpa' ni tshig sna tshogs dang ldan pa yin no/ /gzhan du na byang chub sems dpa' sgrung gi gtam gleng ba sngon du byas te/ sems can rnams mgu bar byas nas/ sangs rgyas kyi chos la rab tu dgod par 'dod pas/ don dang mi ldan pa'i tshig kyang smra bar bya ba ni ma gtogs te/ de ltar na byang chub sems dpa' 'khor ba na rgyu yang bar du gcad pa med par 'gyur ro/ /gsang ba pa'i bdag po/ gzhan yang byang chub sems dpas brnab sems las slar ldog par bya ste/ des gzhan gyi longs spyod dang gzhan gyi nor la chags pa'i sems kyang bskyed par mi bya'o/ /de ci'i phyir zhe na/ byang chub sems dpa' ni sems zhum pa ma yin no/ /gal te byang chub sems dpa' bdag la sems chags par gyur na/ thams cad mkhyen pa nyid kyi sgo'i phyogs gcig las nyams par 'gyur ro/ /gsang ba pa'i bdag po/ byang chub sems dpa' rab tu dga' ba bskyed cing des 'di ltar bsam par bya'o/ /gang bdag gis bya dgos pa de de dag gis rang 'byor par gyur pa de legs so snyam nas sems can de dag gi longs spyod de dag chud mi za ba la yang dang yang du dga' ba bskyed par bya'o/ /gsang ba pa'i bdag po/ gzhan yang gnod sems las slar ldog par bya ste/ des thams cad du bzod pa mang ba dang byams pa dang khong khro ba med cing sems snyoms par bya'o/ /des mdza' bo la ci lta ba bzhin du dgra la yang de bzhin du bya'o/ /de ci'i phyir zhe na/ byang chub sems dpa' ni yid kyis gnas ngan len dang ldan pa ma yin gyi/ byang chub sems dpa' ni rang bzhin gyis bsam pa yongs su dag pa yin no/ /gsang ba pa'i bdag po/ de bas na byang chub sems dpas gnod sems bral bar bya'o/ /gsang ba pa'i bdag po/ gzhan yang byang chub sems dpas log par lta ba med par bya ste/ des yang dag par lta ba dang / 'jig rten pha rol la 'jigs par lta ba dang g.yo med pa dang gya gyu</font><hr>93.189b<br><font size=+1>

med pa dang sgyu med pa dang / drang ba dang sangs rgyas dang / chos dang dge 'dun la bsam pa nges par bya'o/ /de ci'i phyir zhe na/ gsang ba pa'i bdag po/ log par lta ba ni byang chub sems dpa'i kha na ma tho ba chen po ste/ dge ba'i rtsa ba thams cad gcod par 'gyur ba'o/ /'di ni mi dge ba'i rtsa ba thams cad kyi phyi mo'o/ /gsang ba pa'i bdag po/ de lta bas na tha na bzhad gad tsam du yang log par lta ba bskyed par mi bya'o/ /de nas yang bcom ldan 'das la gsang ba pa'i bdag po/ phyag na rdo rjes 'di skad ces gsol to/ /bcom ldan 'das byang chub sems dpa' rnams la dge ba bcu'i las kyi lam 'di rnams kyi sdom pa nyams pa dang shin tu rtsa ba nas chad par mi 'gyur ba dang / bcom ldan 'das byang chub sems dpa' rgyal srid kyi dbang phyug dang khyim dang chung ma dang bu dang bu mo dang nye du dang / snag gi gnyen mtshams rnams kyis yongs su bskor cing lha dang mi'i bde ba myong bar bgyid kyang ci ltar ltung bar mi 'gyur ba bshad du gsol/ de skad ces gsol pa dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po legs so legs so/ /gsang ba pa'i bdag po/ de'i phyir nyon la legs par rab tu yid la zung shig dang / byang chub sems dpa' rnams kyi 'dul ba'i ltung ba rnam par nges pa la mkhas pa bshad do/ /gsang ba pa'i bdag po/ de la byang chub sems dpa' ni rnam pa gnyis te/ gnyis gang zhe na 'di ltar khyim pa dang rab tu byung ba'o/ /de la byang chub sems dpa' khyim pa ni/ khyim na gnas shing bslab pa'i gzhi lnga gzung ste/ thabs dang tshul sna tshogs kyis rgyal srid la dbang byed do/ /gsang ba pa'i bdag po/ de la byang chub sems dpa' yul dang dus kyi dbang gis thams cad mkhyen pa nyid 'thob par 'dod pa ni/ 'di ltar thabs kyis yongs su zin par glu dang / rol mo dang mig 'phrul la sogs pa'i bzo'i gnas rnam</font><hr>93.190a<br><font size=+1>

pa sna tshogs ston cing / thabs dang tshul de dang de dag gis bsdu ba'i dngos po bzhis sems can rnams yongs su bsdud de/ de yang bla na med pa yang dag par rdzogs pa'i byang chub 'dod pa'i phyir ro/ /de la srog gcod pa dang ma byin par len pa dang / 'dod pas log par g.yem pa dang / brdzun du smra ba dang / log par blta ba rab tu spangs pa yin te/ byang chub sems dpa' khyim pas bslab pa'i gzhi de lnga gzung nas/ bslab pa ci skad bstan pa rnams la slob cing dad pas/ sngon gyi de bzhin gshegs pa rnams kyi rjes su bslab par bya'o/ /'dus ma byas pa'i tshul khrims kyi phung po bla na med pa de bzhin gshegs pas bsngags pa la gnas te/ 'dus byas kyi tshul khrims la thabs dang shes rab kyis yongs su zin par spyod cing / ltung ba'i rtsa ba bzhi ni srog gi phyir yongs su nyams par mi bya'o/ /bzhi gang zhe na/ 'di lta ste dam pa'i chos spong ba dang / byang chub kyi sems gtong ba dang ser sna byed pa dang sems can la gnod pa byed pa'o/ /de ci'i phyir zhe na/ 'di dag ni thabs dang shes rab tu mi ldan pa/ rang bzhin gyis nyon mongs pa can te slar gsor mi rung ba'o/ /de ci'i phyir zhe na/ gang dag 'das pa'i sangs rgyas dang / /de bzhin gang dag ma byon dang / /gang yang da lta'i mgon po rnams/ /thabs dang shes rab ldan pa la/ /bslabs nas bla med byang chub ni/ /'dus ma byas pa de 'thob bo/ /thabs dang mi ldan ye shes dang / /bslab pa dag kyang bshad pa ni/ /dpa' bo chen po nyan thos rnams/ /de la gzud pa'i phyir bshad do/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ byang chub sems dpa'i bslab pa thabs dang ldan pa rim par phye ba'o// // de nas yang bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs te bstan pa don yod par grub par bzhed nas/ gsang sngags thams cad kyi dbang phyug /gsang sngags kyi rgyal po gsang sngags kyi mgon po/ gzi brjid chen po/ dam tshig gsum la</font><hr>93.190b<br><font size=+1>

gnas pa lam gsum yongs su rdzogs par byed pa bshad pa'i phyir/ phyag na rdo rje stobs chen la/ /'jam pa'i gsung gis bka' stsal pa/ /gsang sngags rnams kyi gsang sngags mgon/ /dpa' bo ma yengs yid kyis nyon/ /de'i tshe ye shes dam pa zhes bya ba'i ting nge 'dzin la snyoms par zhugs nas ye shes sna tshogs 'byung ba 'od zer brgya 'phro ba'i gsang sngags 'di gsungaso/ /na maH sa man+ta bud+d+hA nAn/ a~M/ lag na rdo rje/ 'di ni gsang sngags thams cad kyi/ /mgon po gzi brjid chen po ste/ /'di ni bdag nyid rdzogs sangs rgyas/ /chos kun dbang phyug thub pa yin/ /mi shes mun nag kun 'joms pa/ /nyi ma shar ba bzhin du snang / /thub pa chen po'i bdag nyid kyis/ /'di lta bur ni byin brlabs te/ /sems can rnams la phan bzhed phyir/ /sprul pa rnams ni sprul par mdzad/ /'di ni sems can rnam dag gi /sems dpa' 'byung ba ci snyed pa/ /de snyed kyi ni sprul pa yi/ /go 'phang dam pa mdzad par 'gyur/ /de bas rnam pa thams cad du/ /rdzogs sangs rgyas kyi thabs 'dod pas/ /nang gi bdag nyid rnam dag pas/ /rtag tu mngon par brtson par bya/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ yi ge brgya 'byung ba bstan pa rim par phye ba'o// // de nas yang bcom ldan 'das rnam par snang mdzad kyis/ gsang ba pa'i bdag po phyag na rdo rje la bka' stsal pa/ gsang ba pa'i bdag po/ sangs rgyas bcom ldan 'das rnams gang gi tshe ye shes chen po mngon par shes par dbang bskur ba dang ldan pa'i sa thob par gyur pa de'i tshe/ sangs rgyas bcom ldan 'das de dag bdag nyid dam tshig gsum gyi lam la gnas pa gzigs so/ /gsang ba pa'i bdag po/ de'i tshe yang bcom ldan 'das de ye shes chen po mngon par shes pa dbang bskur ba dang ldan pa/ gzungs kyi tshul du sangs rgyas kyi mdzad pa nye bar ston to/ /de nyid kyi tshe sangs rgyas bcom ldan 'das de dag sems can</font><hr>93.191a<br><font size=+1>

thams cad la sangs rgyas kyi mdzad pas dam tshig gsum gyi lam ston pa nye bar gnas par 'gyur ro/ /gsang ba pa'i bdag po/ nga'i gsung gi 'khor lo'i dkyil 'khor sprul pa rgya chen po 'jig rten gyi khams mtha' yas par khyab pa/ rnam par dag pa'i sgo/ sems can thams cad kyi re ba ci lta ba bzhin du mgu bar byed pa/ chos kyi dbyings so sor rnam par rig par byed pa'i sgo ni/ da lta 'di ltar bcom ldan 'das shAkya thub pa 'jig rten gyi khams nam mkha'i khams kyis klas pa ma lus par sangs rgyas kyi bya ba byed pa la zhugs kyang / gsang ba pa'i bdag po/ de la sems can rnams kyis/ 'di ni bcom ldan 'das kyi gsung gi 'khor lo'i dkyil 'khor byung ba ste/ sangs rgyas kyi gsung rnam par bkod pa'i rgyan gyi snying po 'byung ba'i sangs rgyas kyi sku/ sems can re ba ci lta ba bzhin du mgu bar mdzad pa byung ba yin no zhes bya ba rab tu mi shes pa la ltos/ 'on kyang byang chub sems dpa' 'jig rten gyi khams mtha' yas pa rgya mtsho snyed kyi sgor chos kyi dbyings mngon par rdzogs par byang chub par bya ba la brtson pa/ byang chub sems dpa' kun tu bzang po'i spyod pa las byung ba rnams/ 'jig rten gyi khams kyi rigs rgya mtsho'i me tog gi gzhi'i snying po'i rgyan can 'dir/ ngas yongs su gzung bas bsam pa sna tshogs rnam par dag pa'i sgo rnams kyis sangs rgyas kyi zhing rnams ni yongs su sbyong / byang chub kyi snying po ni mngon par bsgrub/ byang chub tu ni mngon par 'tshang rgya/ chos kyi 'khor lo ni bskor/ sangs rgyas kyi mdzad pa ni byin gyis rlob cing / de'i gong du yang dag par rdzogs pa'i sangs rgyas kyi go 'phang 'dod pas/ sems tshad med pa'i phyir lus tshad med/ lus tshad med pa'i phyir ye shes tshad med/ ye shes tshad med pa'i phyir sems can tshad med/ sems can tshad med pa'i phyir nam mkha'i khams tshad med pa rab tu 'thob bo/ /gsang ba pa'i bdag po/ de ltar na sems can tshad</font><hr>93.191b<br><font size=+1>

med pas/ tshad med pa bzhi rab tu 'thob par 'gyur ro/ /thob nas kyang stobs bcu'i stobs dang ldan pa/ bdud bzhi las rgyal ba/ khyu mchog dang / seng ge'i sgra sgrogs pa/ yang dag par rdzogs pa'i sangs rgyas su 'gyur ro/ /rdzogs pa'i sangs rgyas kyis gsungs pa'i/ /snying po sgo brgya 'di bzlas nas/ /go 'phang dam pa 'di dag kun/ /dpa' bo de dag rnams kyis rtogs/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las 'bras bu'i sbyor ba bstan pa rim par phye ba'o// // de nas yang bcom ldan 'das la gsang ba pa'i bdag po phyag na rdo rjes 'di skad ces gsol to/ /sngags rnams kyi ni sngags 'byung ba'i/ /sngags kyi mgon go 'di bshad pa/ /ngo mtshar che'o bcom ldan 'das/ /thub pa chen po gnas gang du/ /gang gis ci ltar 'tshal bar bgyi/ /de las sngags rnams 'byung ba ni/ /gang gis ci ltar bdag la gsungs/ /mgon po smra ba rnams kyi mchog /'di kun bdag la bshad du gsol/ /de skad gsol nas bcom ldan 'das/ /chos kyi dbang phyug thub pa che/ /kun mkhyen bcom ldan snang mdzad kyis/ /de tshe 'jig rten khams kun tu/ /yongs su khyab par gyur pa'i tshig /'jam pa'i gsung gis bka' stsal pa/ /lag na rdo rje mthu bo che/ /sems dpa' chen po legs so legs/ /sangs rgyas rnams kyi gsang ba'i mchog /ngo mtshar chen po rab tu gsang / /rtog ge kun gyis mi shes pa/ /thams cad khyod la bshad bya'o/ /gang dag theg chen dkyil 'khor ni/ /snying rje 'byung bar dbang bskur zhing / /gang dag drang zhing mnyen pa dang / /rtag tu snying rje gang che dang / /gang dag nam yang byang chub la/ /dmigs pa can du mi blta ba/ /de dag rnams kyi snying po ni/ /bdag nyid chen por shes par 'gyur/ /'dren pa gang na bzhugs pa yi/ /de yi gnas ni snying ga ste/ /pad ma yid las byung ba ni/ /'dab ma brgyad pa rab mdzes pa/ /dkyil 'khor zla ba lta bu ni/ /dri med me long 'dra ba la/ /de la gsang</font><hr>93.192a<br><font size=+1>

sngags mgon po ni/ /mthu chen rtag tu gnas pa bzhugs/ /gser gyi kha dog 'bar dang bcas/ /sdig dang bral ba'i ting 'dzin gnas/ /nyi ma bzhin du brtag par dka'/ /de yis 'gro ba 'di dag kun/ /phyi rol dang ni nang du yang / /kun tu khyab par byin gyis brlobs/ /me long yid du shes par byos/ /shes rab mig kyang de bzhin te/ /sngags pa shes rab mig gis su/ /me long la ni rnam bltas na/ /de ni rang gzugs rdzogs sangs rgyas/ /mtshan nyid rab tu zhi ba mthong / /de tshe lus la lus kyi gzugs/ /yid la yid las byung ba ni/ /dag cing rnam par mdzes pa dag /bdag gi las kyis byung bar gyur/ /de nas de yi 'od zer ni/ /gang gis sngags pa sangs rgyas kyi/ /spyod pa thams cad rab byed pa/ /kun nas rnam par snang bar 'gyur/ /de bzhin bdag nyid dag pa yis/ /bltas pa 'am ni smras pas kyang / /yid la bsams pa'i dgos pa ni/ /thams cad byed par 'gyur ba nyid/ /gsang ba pa'i bdag po/ gzhan yang byang chub sems dpa' gsang sngags kyi sgo nas byang chub sems dpa'i spyad pa spyod pas/ 'di ltar lus la lus kyi gzugs bskyed par bya'o/ /yang dag par rdzogs pa'i sangs rgyas las lhag pa ni gang yang med de/ ci ltar bdag gi mig dang / rna ba dang / sna dang / lce dang / lus dang / yid la sogs pa 'byung ba chen po bzhi'i nang du gtogs pa yin la/ de dag kyang ngo bo nyid kyis stong pa/ ming tsam gyis bsdus pa/ nam mkha' dang mtshungs shing 'dra ba/ gzung du med pa/ rgyu dang las las byung ba ste/ gzugs brnyan dang 'dra ba de bzhin du de bzhin gshegs pa rnams kyis mngon par rdzogs par sangs rgyas so/ /de dag kyang phan tshun rten cing 'brel bar 'byung ba'i rgyun ma chad par 'brel ba ste/ gang la brten nas skyes pa de ni gzugs brnyan dang 'dra bar 'byung ngo / /de lta bas na phan tshun rten cing 'brel bar 'byung ba'i phyir/ lha gang yin pa de bdag yin bdag gang yin pa de ni lha yin no zhes de ltar lus kyis gzugs lha'i skur bskyed par bya'o/ /</font><hr>93.192b<br><font size=+1>

gsang ba pa'i bdag po/ chos la brten nas rtogs pa 'byung / rtogs pa la brten nas kyang chos 'byung ba la ltos/ de gnyis kyang rang bzhin gyis stong pa'i phyir phan tshun byed pa po dang las su rnam par 'jog par yang mi byed do/ /gsang ba pa'i bdag po/ ci ltar na yid la yid las byung ba'i gzugs bskyed par bya zhe na/ gsang ba pa'i bdag po 'di lta ste/ dkar po'am ser po'am dmar po yid la byas na yid de'i rnam par shes pa la zhen par 'gyur te/ des na de lta bus dgos pa yang de lta bu kho na mngon par sgrub par byed do/ /gsang ba pa'i bdag po 'di lta ste/ yid la dkyil 'khor bsams nas su/ /rims nad can la gzhag na ni/ /de yi mod la skye bo ni/ /rims las thar 'gyur dogs pa med/ /yid med par yang dkyil 'khor yod pa ma yin la dkyil 'khor med par yang yid yod pa ma yin no/ /de ci'i phyir zhe na/ dkyil 'khor dang mtshan nyid gcig pa'i phyir ro/ /gsang ba pa'i bdag po 'di lta ste/ sgyu ma mkhan gyis sgyu ma'i mi zhig gis mi gzhan zhig sprul na/ gsang ba pa'i bdag po/ de ci snyam du sems/ de la khyad par ci zhig yod/ de skad ces bka' stsal pa dang / bcom ldan 'das la gsang ba pa'i bdag po phyag na rdo rjes 'di skad ces gsol to/ /mi de gnyis ka la yang khyad par ma mchis so/ /bcom ldan 'das de ci'i slad du zhe na/ mi de gnyis ka yang yang dag pa ma yin pa las byung ba dang / sgyu ma yang rang bzhin gyis stong pa'i slad du'o/ /gsang ba pa'i bdag po de bzhin du/ yid las byung ba'i dngos po dang yid gang yin pa de gnyis ga yang rnam par brtags pa yin pa'i phyir/ ngo bo nyid kyis stong pa'i phyir ro/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ yi ge brgya pa rnam par dgod pa bsgrub pa rim par phye ba'o// // de nas yang bcom ldan 'das kyis gsang ba pa'i bdag po phyag na rdo rje la bka' stsal pa/ gsang ba pa'i bdag po gsang sngags kyi mgon po'i sku dang lus su dbyer</font><hr>93.193a<br><font size=+1>

med pa nyon cig /yid las gyur pa las byung zhing / /yid kyang shin tu rnam sbyangs nas/ /mgon po de na bzhugs pa la/ /'od zer sku las byung ba rnams/ /yan lag gi ni yan lag nas/ /rtag par kun tu rnam par 'phro/ /tshul 'di dag ni ma shes pas/ /rmongs pa rnams kyis yongs mi shes/ /lus kyi bye brag ci snyed pa/ /brjod pa las ni mang du gyur/ /de bzhin sngags kyi mgon po yi/ /bye brag dag kyang grangs med gsungs/ /ci ltar yid bzhin nor bu ni/ /dpal ldan 'dod pa'i don sgrub pa/ /de bzhin 'jig rten sgron ma yin/ /sku yang don rnams thams cad bsgrub/ /gsang ba pa'i bdag po/ chos kyi dbyings rnam par mi rtog pa ci ltar dgongs pa thams cad mngon par sgrub ce na/ gsang ba pa'i bdag po/ 'di lta ste dper na/ nam mkha'i khams ni sems can yang ma yin/ srog kyang ma yin shed las skyes pa yang ma yin/ byed pa po yang ma yin tshor ba po yang ma yin/ gzung ba yang ma yin/ 'dzin pa yang ma yin zhing / rtog pa dang rnam par rtog pa thams cad dang bral mod kyi 'on kyang sems can gyi khams ma lus pa rnams 'gro ba dang 'ong ba la sogs pa thams cad byed de/ 'di la ni dogs pa med do/ /de bzhin rnam par mi rtog pa'i/ /thams cad mkhyen pa gnas med 'di/ /'gro ba rnams kyi phyi dang nang / /thams cad nges pa nyid du sgrub/ /de nas yang bcom ldan 'das kyis sems can gyi khams ma lus pa rnam par spyod pa'i tshig rnams kyis ting nge 'dzin sgrub pa'i tshig /bsam gyis mi khyab pa'i tshig yongs su gyur pa'i sgo'i tshig gsungs pa/ gang gi tshe na thog ma nas/ /cung zad skye 'am 'jig med pa/ /de tshe rnal 'byor can dag gi /stong pa'i ye shes ci ltar skye/ /gang tshe chos shes bya ba de/ /ngo bo nyid kyis mi rnyed pa/ /de tshe nam mkha' 'dra ba'i sems/ /byang chub 'byung ba skye bar 'gyur/ /de tshe 'jig rten kun mthun pa'i/ /snying rje dag kyang skye bar 'gyur/ /ming tsam gyi ni tshul du gnas/ /sangs rgyas ming du 'dir brjod do/ /de tshe stong dang mi stong zhes/ /yang dag tu ni ming du 'dogs/ /de la gcig gnyis gsum la sogs/ /grangs kyi dbye ba 'ang</font><hr>93.193b<br><font size=+1>

'byung bar 'gyur/ /de ltar dpa' bo stong pa de/ /rang byung rnams kyi byin brlabs las/ /a la sogs pa rim bzhin 'phel/ /a ba ka kha ga g+ha/ tsa tsha dza dz+ha/ Ta Tha Da D+ha/ ta tha da d+ha/ pa pha ba b+ha ma/ ya ra la wa/ sha Sha sa ha/ nga nya na Na/ rnams ni gsang ba pa'i bdag po/ a zhes bya ba'i mtshan mas byin gyis brlabs pa'i stong pa nyid kyi mthu rlabs ting nge 'dzin gyi tshul sgrub pa la ltos/ gsang ba pa'i bdag po/ a zhes bya ba nyid rnam pa sna tshogs su bkod pa'i bdag nyid du gnas so/ /de yang chos thams cad ma skyes pa'o zhes rang gi ngo bo nyid mngon par ston to/ kha cig tu ni brjod du med pa'i don du ba'i gzugs kyis ston to/ kha cig tu ni chos thams cad kyi dgos pa dang bral ba'i don du ka'i gzugs kyis ston to/ kha cig tu ni chos thams cad nam mkha' 'dra'o zhes kha'i gzugs kyis ston to/ kha cig tu ni chos thams cad la 'gro ba med pa'o zhes ga'i gzugs kyis ston to/ kha cig tu ni chos thams cad gcig tu 'phungs pa mang ba'o zhes g+ha'i gzugs kyis ston to/ kha cig tu ni chos thams cad 'chi 'pho med pa'o zhes tsa'i gzugs kyis ston to/ kha cig tu ni chos thams cad ston ka'i sprin dang 'dra'o zhes tsha'i gzugs kyis ston to/ kha cig tu ni chos thams cad skye ba med pa'o zhes dza'i gzugs kyis ston to/ /kha cig tu ni chos thams cad rnyog pa dang bral ba'o zhes dz+ha'i gzugs kyis ston to/ kha cig tu ni chos thams cad nga rgyal dang bral ba'o zhes Ta'i gzugs kyis ston to/ /kha cig tu ni chos thams cad bskyed pa dang bral ba'o zhes Tha'i gzugs kyis ston to/ kha cig tu ni chos thams cad 'khrul ba dang bral ba'o zhes Da'i gzugs kyis ston to/ /kha cig tu ni chos thams cad bslu ba dang bral ba'o zhes D+ha'i gzugs kyis ston to/ /kha cig tu ni chos thams cad de bzhin nyid dang bral ba'o zhes ta'i gzugs kyis ston to/ /kha cig tu ni chos thams cad gnas dang bral ba'o zhes tha'i gzugs kyis ston to/ kha cig tu ni chos thams cad sbyin pa dang bral ba'o zhes da'i gzugs kyis ston to/ /kha cig tu ni chos thams cad khams dmigs su med pa'o zhes d+ha'i gzugs kyis ston to/ /</font><hr>93.194a<br><font size=+1>

kha cig tu ni chos thams cad la don dam pa'i bden pa dmigs su med pa'o zhes pa'i gzugs kyis ston to/ kha cig tu ni chos thams cad dbu ba ltar snying po med pa'o zhes pha'i gzugs kyis ston to/ /kha cig tu ni chos thams cad la srid pa dmigs su med do zhes pa'i gzugs kyis ston to/ kha cig tu ni chos thams cad la 'chi ba dmigs su med do zhes ma'i gzugs kyis ston do/ /kha cig tu ni chos thams cad la theg pa dmigs su med do zhes ya'i gzugs kyis ston to/ kha cig tu ni chos thams cad rdul dang bral ba'o zhes ra'i gzugs kyis ston to/ kha cig tu ni chos thams cad mtshan nyid dmigs su med do zhes la'i gzugs kyis ston to/ kha cig tu ni chos thams cad zhi ba dang bral ba'o zhes sha'i gzugs kyis ston to/ /kha cig tu ni chos thams cad rang bzhin gyis bems po'o zhes Sha'i gzugs kyis ston to/ kha cig tu ni chos thams cad la bden pa dmigs su med do zhes sa'i gzugs kyis ston to/ /kha cig tu ni chos thams cad rgyu dang bral ba'o zhes ha'i gzugs kyis ston to/ gsang ba pa'i bdag po/ de ltar na ting nge 'dzin bsgrub pa'i sgor re re las kyang ting nge 'dzin bsgrub pa'i sgo sum bcu rtsa gnyis su rig par bya'o/ /gsang ba pa'i bdag po/ skyes bu chen po'i mtshan sum bcu rtsa gnyis gang yin pa de dag kyang / 'di dag nyid las byung ba la ltos/ nga dang nya dang / Na dang na rnams ni ting nge 'dzin thams cad la dbang byed pa ste/ de rnams las yang dag par rdzogs pa'i sangs rgyas kyi dpe byad bzang po rnams kyang mngon par bsgrub par blta'o/ /gsang ba pa'i bdag po/ de lta bas na byang chub sems dpa' gsang sngags kyi sgo nas byang chub sems dpa'i spyad pa spyod pas/ 'di ltar sangs rgyas kyi dgos pa mthar phyin pa/ sems bcu rnam pa bcur bsgyur ba'i tshad las yi ge brgya 'byung ba'i dam tshig bstan par shes par bya'o/ /rdzogs sangs rgyas kyis 'di dag kun/ /chub par byas shing rgyas par byas/ /nga la'ang thams cad yod pas na/ /nga ni rgyal mchog kun sangs rgyas/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las bdag nyid sgrub pa'i rim par phye ba'o// //</font><hr>93.194b<br><font size=+1>

gsang ba pa'i bdag po/ gzhan yang 'di dag thams cad ni ting nge 'dzin gyi tshul sgrub pa'i tshig rnams te/ stong pa nyid 'dis byin gyis brlobs na chos thams cad la dbang mdzad pa rdzogs pa'i sangs rgyas ci lta ba bzhin du 'gyur ro/ /de bas yi ge lha yin te/ /a zhes bya ba go 'phang mchog /yi ge rnams kyis yongs bskor cing / /thams cad du yang rnam par snang / /lha de mtshan nyid med pa ste/ /mtshan gzhi mtshan nyid spangs pa yin/ /mtshan nyid med pa'i lha las ni/ /mtshan nyid 'di dag byung bar gyur/ /sgra las su ni yi ge byung / /yi ge las ni gsang sngags byung / /sngags las 'bras bu 'byung bar yang / /skyob pa rnams ni kun gyis gsungs/ /sgra ni stong par shes bya ste/ /'gro ba rnam pa thams cad du/ /mi rtog bzhin du ci lta bar/ /des ni 'di kun stong pa yin/ /stong min sgra yang yod pa yin/ /sbyor ba dag kyang kun tu bstan/ /sgra de rtogs par gyur na ni/ /lha yi gnas dang ting nge 'dzin/ /yi ge dgod pa sbyar ba dang / /yi ge rnams kyis kun bstan pas/ /gsang sngags mang po zhes bya bar/ /tha snyad gdags pa'i gnas su 'gyur/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ yi ge brgya pa'i sngags kyi cho ga rim par phye ba'o/ / ci ltar nam mkha' phyogs rnams ni/ /kun la rtag par mi gnas pa/ /de bzhin chos rnams thams cad la/ /gsang sngags mgon po mi gnas so/ /ci ltar dngos rnams nam mkha' la/ /gnas shing rtag tu rnam snang yang / /de ni gnas su mi 'gyur ba/ /gsang sngags mgon po'ang de bzhin no/ /nam mkha' dus gsum la sogs dang / /ci ltar bral bar 'dod pa bzhin/ /de ltar gsang sngags mgon po yang / /dus gsum med kyang rnam par snang / /ming tsam du ni gdags pa'i gnas/ /byed pa po la sogs dang bral/ /nam mkha' la ni tha snyad du/ /mkhas pa rnams ni 'dogs par byed/ /ming ma gtogs par cung zad kyang / /yod pa ma yin nam mkha' bzhin/ /de bzhin gsang sngags dbang phyug kyang / /tha snyad tsam du snang bar zad/ /me dang chu dang rlung ma yin/ /sa dang nyi ma'ang ma</font><hr>93.195a<br><font size=+1>

yin zhing / /zla ba la sogs gza' kun min/ /nyin par dang ni mtshan mo 'ang min/ /skye ba dang ni 'gag pa 'ang min/ /'chi ba dang ni rgud pa 'ang min/ /skad cig ma yin yud tsam min/ /lo la sogs pa 'ang ma yin zhing / /'jig pa dang ni chags pa 'ang min/ /bskal pa'i grangs kyang yod ma yin/ /dge dang mi dge las byung ba'i/ /'bras bu'ang yod pa ma yin no/ /kun mkhyen go 'phang 'dod pa yis/ /rtog pa rnam pa sna tshogs pa/ /de kun gang la med gyur pa/ /de la rtag tu brtson par bya/ /rnam par snang mdzad chen po mngon par rdzogs par byang chub pa rnam par sprul pa byin gyis rlobs las/ rdzogs par byang chub pa'i ngo bo nyid bstan pa'i rim par phye ba'o/ / de nas bcom ldan 'das la gsang ba pa'i bdag po phyag na rdo rjes 'di skad ces gsol to/ /bcom ldan 'das dam tshig gsum zhes bgyi ba de chos gang gi tshig bla dgas lags/ de skad ces gsol pa dang / bcom ldan 'das rnam par snang mdzad kyis/ gsang ba pa'i bdag po lag na rdo rje la 'di skad ces bka' stsal to/ /gsang ba pa'i bdag po khyod kyis nga la gang zhus pa de legs so/ legs so/ /de'i phyir nyon la legs par rab tu yid la zung shig dang ngas khyod la bshad do/ /bcom ldan 'das de ltar 'tshal lo zhes gsol nas/ gsang ba pa'i bdag po phyag na rdo rje bcom ldan 'das la nyan pa dang / bcom ldan 'das kyis de la 'di skad ces bka' stsal to/ /chos kyi khyad par gang las chos kyi khyad par rnam pa gsum sgrib pa med pa'i tshul gyis 'byung bar 'gyur ba de ni dam tshig gsum ste/ chos kyi khyad par de yang gang zhe na/ chos shes bya ba ni dang po'i sems te/ rnam par bsgoms pa'i rang bzhin dang de'i rjes las byung ba'i shes rab dang des kyang yang dag pa ji lta ba bzhin du yongs su shes nas rtog pa'i dra ba ma lus pa dang bral ba'i sems bskyed pa ni byang chub kyi mtshan nyid do/ /gnyis pa ni rnam par mi rtog pa ste rdzogs pa'i sangs rgyas kyi go 'phang ngo / /gsang ba pa'i bdag po/ /yang dag pa ci lta ba bzhin mthong nas kyang sems can gyi khams ma lus pa</font><hr>93.195b<br><font size=+1>

la bltas nas snying rje'i dbang du gyur pas/ dmigs su med pa de nyid 'di lta ste/ spros pa thams cad dang bral ba/ mtshan nyid med pa'i byang chub la sems can rnams rab tu dgod par bya'o snyam pa'i byang chub kyi sems skye ba de ni dam tshig gsum mo/ /gsang ba pa'i bdag po/ gzhan yang dam tshig gsum gang zhe na/ dang po'i sems ni sangs rgyas te/ /gnyis pa yang ni chos shes bya/ /de dang lhan cig byung ba'i sems/ /dge 'dun zhes ni bshad pa yin/ /dpa' bo dam tshig de gsum ni/ /'dren pa rnams kyis khyod la bshad/ /de tshe sna tshogs tshul gyi sgos/ /dpa' bo sems can phan 'dod pas/ /dam tshig gsum po 'di dag la/ /gnas nas byang chub spyad pa spyod/ /gsang ba pa'i bdag po/ gang gi tshe sku gsum la mnga' mdzad pa de dag rdzogs par sangs rgyas par gyur pa de'i tshe yang dag par rdzogs pa'i sangs rgyas de dag 'di ltar dang por sprul pa'i sku gcig pur byin gyis brlabs nas bstan pa gzhag pa mdzad do/ /gsang ba pa'i bdag po/ gzhan yang sku gcig po de nyid rnam pa gsum du 'jog pa ni 'di ltar/ sangs rgyas dang / chos dang dge 'dun no/ /gsang ba pa'i bdag po/ gzhan yang de nyid theg pa gsum du 'jog pas ston to/ /de'i tshe sangs rgyas kyi bya ba thams cad byas nas yongs su mya ngan las 'das pa ston cing sems can rnams yongs su smin par mdzad do/ /gsang ba pa'i bdag po/ /mi 'dod pa dang le lo can dang 'du 'dzi can dang sngags la yid mi ches pa dang yo byad mang po sogs pa ma gtogs par gsang sngags kyi sgo nas byang chub sems dpa'i spyad pa spyod pa gang dag dam tshig gsum po yongs su shes pa dang ldan pa/ gsang sngags kyi cho ga sgrub pa de dag la rtog pa las byung ba'i bgegs med pa la ltos/ chang btung ba dang khri la nyal ba gnyis ni mi bya'o/ /rnam par snang mdzad chen po mngon par rdzogs par byang chub pa rnam par sprul pa byin gyis rlobs pa las/ dam tshig gsum spyad pa rim par phye ba'o// // ci ltar de bzhin gshegs pa lags/ /ci ltar rgyal ba mchog tu 'gyur/ /ci ltar byang chub sems dpa' lags/ /ci ltar sangs rgyas zhes ni bgyi/ /thub pa chen pos bdag gi ni/ /the tsom 'di dag bsal du gsol/ /</font><hr>93.196a<br><font size=+1>

byang chub sems dpa' grags chen rnams/ /the tsom yid gnyis bsal nas su/ /spyod pa'i rgya mtsho bla med pa/ /theg chen la ni spyod par 'gyur/ /de nas bcom ldan 'das rnam par snang mdzad kyis thams cad dang ldan pa'i 'khor 'dus pa la gzigs nas/ gsang ba pa'i bdag po phyag na rdo rje la bka' stsal pa/ lag na rdo rje gang khyod nga la zhu ba legs so/ legs so/ /de'i phyir theg pa chen po'i tshul bshad kyis nyon cig /byang chub nam mkha'i mtshan nyid de/ /kun tu rtog pa thams cad spangs/ /gang zhig de rtogs 'dod pa de/ /byang chub sems dpa' zhes bya'o/ /gang gis sa bcu bsgrubs nas ni/ /dbang bcu legs rtogs khong du chud/ /stong pa sgyu ma 'dra ba'i chos/ /rnam pa thams cad mkhyen cing 'dir/ /'jig rten kun gyi tshul mkhyen pa/ /sangs rgyas zhes ni bya ba yin/ /chos ni nam mkha'i mtshan nyid de/ /gnyis su med cing mtshan nyid gcig /stobs bcus rdzogs par sangs rgyas pa/ /de ni rdzogs sangs rgyas shes bya/ /'du shes tsam yang spangs pa'i phyir/ /rang gi ngo bo bstan du med/ /ye shes rang rig bya ba ni/ /de ni de bzhin gshegs par bshad/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las de bzhin gshegs pa bstan pa rim par phye ba'o// // lag na rdo rje gzhan yang dus gcig gi tshe na nga byang chub sems dpar gyur te byang chub sems dpa'i spyad pa spyod cing tshangs pa'i 'jig rten na 'dug pa na/ tshangs pas nga la kye tshangs pa chen po me la rnam pa du yod par shes par bya zhes dris pa dang ngas de la 'di skad ces smras so/ /me nga rgyal can gang yin pa de ni rang byung ba'o/ /de'i 'og tu tshangs pa'i bu ste de las skyes pa yin no/ /'jig rten pa'i me pa ba ka /tshangs pa'i bu ni dang po yin/ /de'i bu tshangs pa'i zas de'i 'ang / /ba ra ta zhes bya bar bshad/ /de'i bu bai shwa na ra da/ /ha ba na dang bsreg bya len/ /ngos bsrung a thar pa na yi/ /bu yin par ni rgya mtshor grags/ /rlung zhes bya ba'i me de ni/ /mngal du 'jug pa'i cho gar bshad/ /de nas mi khrus bya ba la/ /de bzhin pa ba ma nar shes/ /bkra shis zhes bya mtshams kyi mthar/ /btsas pa'i las la bra gal b+ha'o/ /ming</font><hr>93.196b<br><font size=+1>

'dogs me ni par thi ba/ /de bzhin rkan dbab pa la gtsang / /shad bi zhes bya gtsug pud la/ /brtul zhugs sbyin la kun 'byung ngo / /nyi ma zhes pa phyugs sbyin la'o/ /bag ma len la sbyor byed bshad/ /a ni yis ni khyim kha sro/ /nye bar 'bul la me nyid do/ /pa ba ka zhes bya ba'i me/ /sna tshogs lha la sbyar bar bshad/ /khyim bdag la ni tshangs pa'i me/ /de bzhin nor 'bul ba la zhi/ /de bzhin phyugs ni bcing ba la/ /a ba ni ka zhes bya'i me/ /ltung ba la ni bi tsi tsi/ /btsos sbyin la ni sa ha sa/ /dus kyi mtshams la ha bar shes/ /de bzhin zla ba gnas la gter/ /mr-i Ta zhes bya dgang blugs la/ /zhi la da ru nar 'dod do/ /byas mtha'i me ni gshin rje'o/ /de bzhin rgyas la stobs sbyin pa'o/ /drag shul spyad pa thams cad la/ /khro bo'i me ni rab tu bsgrags/ /'dod las skyes zhes bya ba'i me/ /de ni dbang gi don du bshad/ /nags tshal sreg la pho nya'i me/ /khong pa'i me ni dza tha ra/ /bza' bar bya ba sha zar bshad/ /rgod ma'i kha ni rgya mtsho na'o/ /zad tshe 'jigs pa zhes bya ste/ /dus mtha'i me ni yang dag bsgrags/ /'di ni me rnams mdor bsdus nas/ /des pa khyod la bshad pa ste/ /rig byed thos pa spyod rnams kyis/ /tshangs pa'i bu dag brjod pa yin/ /bzhi bcu rtsa bzhi 'di dag ni/ /de yi tshe na ngas bstan to/ /gsang ba pa'i bdag po/ de la me rnams rang bzhin mi shes par/ /gang dag sbyin sreg byed pa de/ /sbyin sreg ma yin legs byas min/ /las kyi 'bras bu 'ang yod mi 'gyur/ /ngas byang chub mngon par rdzogs par sangs rgyas nas ni me bcu gnyis bstan te/ de dag kyang gang zhe na/ ye shes me ni dang po ste/ /de ni dbang chen zhes su bsgrags/ /kha dog ser po'i mdog can la/ /mdog dang rgyas dang stobs rab ster/ /'bar ba'i phreng can ting nge 'dzin/ /ye shes rdzogs byed yin zhes bya/ /gnyis pa 'dzin byed ces bya ste/ /ston ka'i zla ba'i 'od dang 'dra/ /dpal ldan gos ni dkar po bgos/ /bgrang phreng ril ba spyi blugs thogs/ /gsum pa rlung zhes bya ba ste/ /mdog ni gnag la rtsub pa'o/ /bzhi pa dmar po zhes bya ste/ /nub ka'i mtshams kyi dmar thag 'dra/ /lnga pa mr-i ta zhes bya ba/ /spun la kha dog kham pa ste/ /mgrin pa ring zhing gzi brjid che/ /kun la phan ni 'dogs par bshad/ /</font><hr>93.197a<br><font size=+1>

drug pa khro bo zhes bya ste/ /mig yon dud pa'i kha dog 'dra/ /gyen du skra rdzes sgra chen 'byin/ /mche ba bzhi pa stobs po che/ /bdun pa lto ba zhes bya ste/ /rno la kha dog kun dang ldan/ /brgyad pa zad pa zhes bya ba/ /glog gi 'od zer gyur ba 'dra/ /dgu pa yid las skyes shes bya/ /sna tshogs gzugs can stobs po che/ /bcu pa 'jig rten 'dzin pa yin/ /sha za'i me ni de las gzhan/ /rmugs byed ces pa bcu gnyis te/ /sems can thams cad rmugs byed pa'o/ /gsang ba pa'i bdag po/ de ltar me'i gzugs ni byin brlabs te/ /bdag gi rang gi gzugs dang ni/ /rdzas kyang de yi ngo bor bya/ /'di ni phyi yi sbyin bsreg ste/ /dngos grub 'dod pas sbyin bsreg bya/ /gsang ba pa'i bdag po/ nang gi ni rang bzhin cig ste gnas gsum gcig tu bya ba'i tshul gyis/ gsum dang ldan pa na nang gi sbyin sreg yin no/ /gsang ba pa'i bdag po/ /byams pa chen po dang snying rje chen po dang ldan pa ni zhi ba'o/ /dga' ba dang ldan pa ni rgyas pa'o/ /khro bo'i mes ni drag shul spyad pa bya ste/ khro bo nyid btsan par byas la Ta dang pha'i bar du ming bcug ste/ gzugs brnyan yang khro bo'i dkyil 'khor du gzhag la khro ba thul bas bya'o/ /dbus su ni rlung gi me gzhag go/ /gsang ba pa'i bdag po/ de ltar ci skad bsgrags pa'i gnas de dang de dag tu ci ltar rigs pa dang / ci ltar ldan par sbyin bsreg bya'o/ /de nas yang bcom ldan 'das la phyag na rdo rjes 'di skad ces gsol to/ /bcom ldan 'das/ me yi thab khung ci ltar bgyi/ /bsang gtor dag kyang ci ltar bgyi/ /ku sha'i rtsa yang ci ltar dgram/ /ci ltar bsam pa bdag la gsungs/ /de skad ces gsol pa dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/ de la me'i thab khung ni/ /kun tu khru gang tsam gyi tshad/ /kha khyer sor bzhi'i tshad du bya/ /rdo rje'i mtshan ma dag gis mtshan/ /thab khung gi ni g.yas phyogs nas/ /ku sha'i rtswa ni rlon pa dgram/ /rtse mo dag kyang rtsa bas dkri/ /rtsa ba dag kyang rtse mos dkri/ /'dir ni bsang gtor g.yas phyogs nas/ /ku sha skor</font><hr>93.197b<br><font size=+1>

ba bzhin du bya/ /byug spos me tog bdug spos dag /mr-i ta'i me la dbul bar bya/ /zhugs thab der ni mr-i ta'i me/ /me tog gcig gis rang gis gzugs/ /sngags pa sdom brtson can gyis gzhag /bsang gtor dag kyang de nas bya/ /dgang lugs rang gi gsang sngags kyis/ /mkhas pas de la dbul bar bya/ /de nas zhi ba'i sbyin bsreg gam/ /yang na rgyas pa'i sbyin sreg bya/ /'jig rten pa yi sbyin sreg 'di/ /phyi rol pa zhes gsungs pa yin/ /gzhan yang nang gi sbyin sreg ni/ /las dang tshe dag bkag pa ste/ /de ni yid kyis shes par bya/ /gzugs dang sgra la sogs pa spangs/ /mig dang rna ba dang sna dang lce dang lus rnams ni/ yid las skyes pa/ sems kyi rgyal po la gnas pa ste/ kun tu rtog pas bskyed pa 'di dag dang / byang chub kyi sems dang yul dang mig la sogs pa dang / rlung gi me yang 'phro ba med pa'i shes rab kyis bkab ste yid kyi me la sbyin sreg bya'o/ /de ni nang gi sbyin sreg ces/ /des pa khyod la bstan pa yin/ /de nas bcom ldan 'das kyis/ thams cad dang ldan pa'i 'khor 'dus pa la bka' stsal pa/ khyed rnams kyis chos kyi rnam grangs 'di la bag yod par gnas pas spyad par bya'o/ /nga'i sras rnams ma gtogs par/ /gzhan su la yang ma byin cig /de dag mtshan nyid bshad par bya/ /thams cad kyis kyang mnyan par gyis/ /nyi ma'i rigs las skyes pa dang / /nga rgyal can la blo yang zhib/ /byas pa gzo zhing chos kyang 'dod/ /chos kyang shes shing chos la 'bad/ /kha dog dag kyang sngo bsangs la/ /bzhin yang shin tu bzang ba dang / /sna dbyibs mtho la rtse mo rno/ /mgo dang dpral ba'i dbyes che ba/ /de kun nga yi sras yin te/ /bstan pa'i don la sems pa yin/ /de dag la ni nan tan du/ /'di ni rtag tu sbyin par bya/ /de nas de dag thams cad yid rab tu dga' nas ston pas bka' stsal pa bzhin du bgyi'o zhes smras so/ /de nas de'i</font><hr>93.198a<br><font size=+1>

tshe thams cad kyis/ /de bzhin gshegs la phyag 'tshal te/ /mchod pa dag kyang legs byas nas/ /spyan sngar 'khod nas thal sbyar te/ /'di skad ces ni tshig tu smras/ /chos kyi tshul 'di 'jig rten na/ /ci ltar yun ring kun gnas par/ /mgon po byin gyis brlabs kyi tshig /bstan pa 'di la bshad du gsol/ /de nas bcom ldan 'das kyis de'i tshe chos kyi rnam grangs 'di la byin gyis brlabs pa'i tshig gsungs pa/ na maH sa man+ta bud+d+hA nAn/ sar+b+ba thA/ shiM shiM/ tra~M tra~M/ gu~M gu~M/ d+ha ra~M d+ha ra~M/ s+tha pa ya bud+d+hA sat+ya bA ka d+har+m+ma sat+ya bA ka sa~M s+ha sat+ya bA ka hU~M hU~M be da bi di swA hA/ bcom ldan 'das kyis de skad ces bka' stsal pa dang / rdo rje 'dzin de dag dang byang chub sems dpa' kun tu bzang po la sogs pa de dag yid rangs nas bcom ldan 'das kyis gsungs pa la mngon par bstod do/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa shin tu rgyas pa chen po'i mdo sde'i rgyal po las/ gsang sngags kyi sgo nas byang chub sems dpa'i spyad pa spyod pa'i cho ga ci snyed pa rdzogs so// // de nas gsang ba pa'i bdag po phyag na rdo rjes 'di skad ces smras so/ /gang dag 'di ltar sgrub par lhur len pa de dag la phan pa dang bde bar bya ba'i phyir/ bstan pa 'di la de dag bcing ba bdag gis bshad kyis/ yid gcig tu bsdus la nyon cig /rkang pa g.yon pa bteg nas ni/ /g.yas pa brtan por legs par gzugs/ /mig ni rked pa'i phyogs su blta/ /lag pa gnyis ka gdeg par bya/ /g.yas brkyang gdengs ka'i tshul du gnas/ /'khor lo yang dag ldan pa bcing / /'khor lo'i phyag rgya rab sbyar bas/ /phyogs kun du ni gzhom par bya/ /phyag rgya stobs chen mthong nas ni/ /rdo rje 'dzin pa bdag nyid dam/ /gang dag 'jig rten pa yang rung / /de dag thams cad 'jig par 'gyur/ /rkang pa gnyis ni mnyam</font><hr>93.198b<br><font size=+1>

gzhag nas/ /hU~M zhes bya ba 'brug skad sgrogs/ /rngam zhing sos ni ma mchu mnan/ /khro dang bcas pas mgo bstod de/ /bsdigs na choms par 'gyur ba yin/ /rkang pa gnyis ni rting sprad nas/ /mdung gi phyag rgyas de dag kun/ /bcom na mod la thal bar 'gyur/ /gom gcig myur du bor nas ni/ /rkang pa bteg ste lus bsgyur nas/ /gzhu yi tshul gyis sa steng kun/ /kun nas gzhom par byas nas ni/ /lha dang lha min gnod sbyin rnams/ /gang dag sa steng gnas pa 'dir/ /gang tshe sngags pa 'dir gnas na/ /bgegs ni rtag tu med par byed/ /rkang pa g.yon pa brkyang nas ni/ /lag gnyis pad ma ltar sbyar te/ /sngags pa 'bar bas klad la bskor/ /rkang pas seng ge'i bstabs bzhin 'dor/ /khro dang bcas pas bgegs bcom na/ /gal te sangs rgyas kyis byas kyang / /bgegs de thal bar brlags pa 'am/ /the tsom med par 'chi bar 'gyur/ /mkhas pas rgyud rnams thams cad las/ /dngos grub ci snyed gsungs pa rnams/ /de dag thams cad mdor bsdu na/ /rnam pa bzhir ni ma lus 'dus/ /las kyi dang po zhi ba ste/ /de bzhin gzhan yang rgyas pa dang / /dbang dang drag shul spyad pa'i las/ /rnam pa 'di bzhir rab tu bsgrags/ /de la thar pa la sogs pa'i dngos grub dang / gdon la sogs pa'i gnod pa zhi bar bya ba dang / tshe ring bar bya ba ni zhi ba'o/ /yid bzhin gyi nor bu dang ral gri'i rig sngags 'chang dang / 'khor los sgyur ba'i rgyal srid la sogs pa dang / nor bsgrub pa gang yang rung ste/ de dag thams cad ni rgyas pa'o zhes gsang sngags la mkhas pa rnams smra'o/ /skyes pa dang bud med dang khye'u dang bu mo dang / rgyal po dang blon po la sogs pa dang / lha dang klu dang gnod sbyin la sogs pa dbang du bya zhing dgug pa ni dbang du bya ba'o zhes rig sngags 'chang rnams smra'o/ /bcing ba dang gnod par bya ba dang / yan lag gcad pa dang dgar</font><hr>93.199a<br><font size=+1>

ba dang sdang bar bya ba dang bsad pa dang bskam pa la sogs pa mdor na sems can rnams kyi lus la gnod par bya ba gang yang rung ste de dag thams cad ni drag shul spyod pa yin no zhes rig sngags 'chang rnams smra'o/ /sbyin sreg tshim byed las rnams kyis/ /gsang sngags dngos grub myur du ster/ /lha rnams thams cad byin rlob cing / /dam pa dag kyang sbyin par byed/ /nyung ngam ma 'byor cho ga nyams/ /yi ge gug skyed lhag gam chad/ /mnan tam bgegs kyis zin pa gang / /de dag thams cad sbyong bar byed/ /sbyin sreg med par las rnams las/ /dngos grub par yang mi 'gyur ro/ /de nyid phyir na sbyin sreg gi /las nges pa la brtson par bya/ /zhi ba dang rgyas pa dang dbang du bya ba dang / drag shul spyad pa'i bye brag las/  sbyin sreg gi bye brag spyad par bya'o/ /de la re shig zhi ba'i las kyi sbyin sreg nges pa ni/ grong gi byang phyogs su rgyang grags gcig tsam du song la/ sa gzhi legs par brtag par bya ste/ chu bo gang gA'i ngos sam/ pad ma'i mtsho 'gram 'am/ 'bab chu'i 'gram 'am gling ma yang rung / sa gzhi kha dog dkar po la bdag nyid rdo rje sems dpar byin gyis brlabs te sa la bskul ba dang sbyang ba la sogs pa byas la/ zla ba yar gyi ngo'i tshes lnga'am/ bzhi 'am/ bcu 'am/ zla ba nya la dkyil 'khor brtsam pa 'di ltar bya'o/ /khrums smad dang gre dang skag dang mchu ni zhi ba'i rgyu skar yin par bshad do/ /gza' zla ba dang / pa ba sangs dbang la dang po brtsam par bya'o/ /de nas bdag nyid spyan ras gzigs dbang phyug gi skur bsgyur la/ bcom ldan 'das rnam par snang mdzad ral gri'i phyag rgya'am yi ge a zhes bya ba'i 'brur pad ma la gzhag go/ /a/ de nas byang phyogs su sangs rgyas thams cad kyi phyag rgya gru gsum po'am/ yi ge'i 'bru pad mo'i steng du gzhag go/ /a~M/ sangs rgyas rnams kyi nub phyogs nam mkha'i snying po ral gri'i phyag rgya'am/ yi ge'i 'brur gzhag go/ /i/ nam mkha'i snying po'i nub phyogs su 'jam dpal te/ de yang uta pa la'i phyag</font><hr>93.199b<br><font size=+1>

rgya'am yi ge'i 'brur gzhag go/ /mA~M/ de'i nub phyogs su nam mkha'i spyan phyag rgya'am yi ge'i 'brur gzhag go/ /gA~M/ sangs rgyas rnams kyi shar phyogs su shAkya thub pa lhung bzed kyi phyag rgya'am yi ge'i 'brur gzhag go/ /b+ha/ de'i drung du mdzod spu'i yid bzhin gyi nor bu'i phyag rgya'am yi ge'i 'brur gzhag go/ /b+h+ru/ de nas byang chub sems dpa' rnams kyi yid bzhin gyi nor bu'i phyag rgya yi ge'i 'bru dang bcas par bri ste/ de la yi ge'i 'bru ni 'di'o/ /ka /de nas rnam par snang mdzad chen po'i g.yas logs su spyan ras gzigs dbang phyug pad ma'i phyag rgya'am/ yi ge'i 'brur gzhag go/ /sa/ spyan ras gzigs dbang phyug gi g.yon logs su mthu chen thob pa pad ma'i phyag rgya'am/ yi ge'i 'brur bzhag go/ /ma/ mthu chen thob kyi drung du khro gnyer can ril ba spyi blugs kyi phyag rgya'am yi ge'i 'brur gzhag go/ /b+h+ri/ pad ma 'dzin pa'i g.yas rol du lha mo sgrol ma uta pa la'i phyag rgya'am yi ge'i 'brur bzhag go/ /ta~M/ de'i drung du gos dkar can pad ma'i phyag rgya'am yi ge'i 'brur bzhag go/ /pa~M/ bcom ldan 'das kyi g.yon logs su rdo rje 'dzin rdo rje'i phyag rgya'am/ yi ge'i 'brur gzhag go/ /ba~M/ de'i g.yas logs su ma ma kI rdo rje'i phyag rgya'am yi ge'i 'brur gzhag go /mA/ de'i drung du rig pa'i rgyal mo gnod mdzes rdo rje'i phyag rgya'am yi ge'i 'brur gzhag go/ /sa~M/ rdo rje 'dzin gyi g.yon logs su bdud rtsi thabs sbyor rdo rje'i phyag rgya'am yi ge'i 'brur gzhag go/ /mr-i/ de'i drung du rdo rje 'dzin thams cad rdo rje'i phyag rgya'am yi ge'i 'brur gzhag go/ /hU~M/ bcom ldan 'das kyi 'og logs su mi g.yo ba ral gri'i phyag rgya'am/ yi ge'i 'brur gzhag go/ /hA~M/ bcom ldan 'das kyi 'og logs bden bral gyi phyogs su 'jig rten gsum las rnam par rgyal ba rdo rje se con gyi phyag rgya'am yi ge'i 'brur gzhag go/ /hA/ sgo drung gnyis su klu'i rgyal po dga' bo dang bsnyen dga' bo gnyis/ dga' bo dang bsnyen dga' bo zhes pa'i ming du gzhag go/ /sgo khyud</font><hr>93.200a<br><font size=+1>

rnams kyi nang du bsrung ba bzhi dgod de/ shar phyogs su ral gri dang yi ge'i 'bru'o/ /tsa/ byang phyogs su ral gri dang yi ge'i 'bru'o/ /ba/ nub phyogs su be con dang yi ge'i 'bru'o/ /sa/ lho phyogs su be con dang yi ge'i 'bru'o/ /k+Sha/ de nas phyi rol gyi ri mo'i nang rol du gnas kyi dkyil 'khor chung ngu la gnas gtsang ma lnga rnams bri ba ni/ dkyil 'khor dang po la sa~M sa~M swA hA zhes bya'o/ /gnyis pa la ma no ma ya zhes bya'o/ /gsum pa la d+har+m+mA sa~M b+ha ba zhes bya'o/ /bzhi pa la bi b+ha ba zhes bya ba'o/ /lnga pa la ka ta nan zhes bya ba'o/ /yang na gnas kyi dkyil 'khor chung ngu la sa~M sa~M swA hA zhes bya ba yang gzhag du rung ngo / /bdag gi lha'i ni rigs gang du gtogs pa de'i rigs kyi bdag po'i gnas su rang gi phyag rgya'am yi gA+e'i 'brur gzhag par bya'o/ /de nas phyi rol gyi ri mo'i nang thog thag tu pad ma bri'o/ /de nas dkyil 'khor gyi sgo'i g.yas rol du 'khor sa'i nang rol du me'i thab khung bya ba ni/ /kho ra khor yug zlum po la/ /khru gang tsam gyi tshad du bya/ /zabs su sor ni bcu gnyis tshad/ /de yi steng du kha ran ni/ /kun nas sor bzhi'i tshad du bya/ /de yi zhabs kyi dbus su ni/ /'khor lo'i 'thad du sor gcig bya/ /de nas 'dug la dam tshig gi phyag rgya bcings te dam tshig gi gsang sngags brjod la/ yi ge sa dang pad ma'i phyag rgyas bdag nyid spyan ras gzigs dbang phyug tu byin gyis brlabs te/ yi ge a rang gi dkyil 'khor la gnas pa las rnam par snang mdzad chen po'i sku ci lta ba bzhin du gyur par bsams la/ nyid kyi phyag rgya yang bstan par bya'o/ /de nas ral gri 'i phyag rgya bcings la yi ge a las bdag nyid rnam par snang mdzad chen po'i skur byin gyis brlabs te/ dkyil 'khor gyi yi ge thams cad so so'i lha'i gzugs su gyur par bsams la so so'i phyag rgya</font><hr>93.200b<br><font size=+1>

rnams kyang bstan to/ /de nas 'phags pa mi g.yo ba'i sngags zlos/ las kyi rdo rje bcings la lha rnams so so'i 'khor na ci snyed bzhugs pa la byug spos dang me tog la sogs pa dbulo/ /yi ge ras kyang rdul dang bral ba'o snyam pa'i ting nge 'dzin mngon du byas la byug spos dang me tog la sogs pa so so'i gsang sngags rnams kyis mngon par bsngags te/ byug spos la sogs pa la so so'i snying po'i sngags kyis kyang mngon par sngags la dbul lo/ /byug spos 'di bzhes te bdag la thugs dpags mdzod cig ces so sor bskul bar yang bya'o/ /de bzhin du thams cad la yang sbyar ro/ /na maH sa man+ta bud+d+hA nAn/ tra Ta a mo g+ha tsaN+Da ma hA ro Sha Na/ s+pho TA ya hU~M tra Ta ha~M ma/ 'phags pa mi g.yo ba'i gsang sngags so/ /na maH sa man+ta bud+d+hA nAn/ bi shud d+he/ g+han d+hod b+ha ba swA hA/ byug spos kyi gsang sngags so/ /na maH sa man+ta bud+d+hA nAn/ ma hA mai tra b+h+yud ga te swA hA/ me tog gi gsang sngags so/ /na maH sa man+ta ta bud+d+hA nAn/ d+harma d+d+hA twA nu ga te swA hA/ bdug spos kyi gsang sngags so/ /na maH sa man+ta bud+d+hA nAn/ ta thA ga tA rtsi s+pha ra Na A ba b+ha sa ga ga no dar+ya swA hA/ mar me'i gsang sngags so/ /na maH sa man+ta bud+d+hA nAn/ te+e? ya d+h+wi kA nAn/ a ra ra/ pa ra ra/ ba li de/ ba liM d+ha dA hI swA hA/ lha bshos kyi gsang sngags so/ /na maH sa man+ta bud+d+hA nAn/ ga ga na sa ma sa ma swA hA/ mchod yon gyi gsang sngags te/ thog ma dang / tha mar yang sbyar ro/ /snying po'i gsang sngags brjod pa'i cho ga ni/[ \u0f00] b+ha ga bA na bai ro tsa na/ i dan gaM d+hi pra ti gri h+ya i da~M me kA r+yaM ku ru swA hA/ de bzhin du thams cad la sbyar ro/ /zhi ba'i cho ga la ni ts+dan dkar po ga bur dang sbyar ba dbul lo/ /ma 'byor na pu shel tse cig dbul lo/ /de bzhin du me tog pad ma dkar po dang / sna ma'i me tog dang me tog ma li ka dang / me tog pu ti ka la sogs</font><hr>93.201a<br><font size=+1>

pa me tog dkar po dri zhim pa/ bkra shis pa gang yin pa de dag dbul lo/ /zhi ba'i cho ga la bdug spos ni/ ga bur dang tsan dan nam yang na shi bas ka dbul lo/ /lha bshos kyang zho dang 'bras chan la sogs pa dkar po dbul lo/ /mar me yang mar gyi mar me snod dkar po'i nang du blugs te dbul lo/ /dung la sogs pa snod dkar po'i nang du tsan dan dang ga bur dang me tog dkar po sbyar ba'i chu blugs pa'i mchod yon dbul lo/ /de ltar ci skad bshad pa'i mchod pa byas nas/ de nas phyir byung ste/ bdag nyid spyan ras gzigs dbang phyug tu byin gyis brlabs la/ phyi rol du phyogs kyi gtor ma sbyin pa ni/ 'bras yos bcas shing til dang bcas/ /chu dang bcas shing 'bras chan bcas/ /me tog dang bcas sran chan bcas/ /kri sar bcas shing snum bag mang / /gtor ma 'di 'dra slob dpon gyis/ /lag pas blangs nas dga' bzhin du/ /phyogs kun tu ni gtor bya zhing / /bdug spos mchod yon dag kyang dbul/ /thog mar dbang ldan phyogs su ni/ /gzhu can tshogs dang bcas la dbul/ /de nas dbang po'i phyogs su yang / /mkhas pas dbang po nyid la dbul/ /de nas sngags pa mi 'jigs pas/ /me yi phyogs su dbul bar bya/ /de nas sngags pa 'jigs med pas/ /gshin rje'i phyogs su dbul bar bya/ /sngags rig bden bral phyogs su ni/ /bden bral tshogs dang bcas la dbul/ /chu lha'i phyogs su klu rnams la/ /'jigs med gsang sngags zlos shing dbul/ /bdag por bcas la phul nas su/ /rlung gi phyogs su 'gro bar bya/ /sngags shes pa ni der song nas/ /rlung lha tshogs dang bcas pa la/ /rang gi ming nas smos nas su/ /rang gi sngags kyis gtor ma dbul/ /byang gi phyogs su song nas ni/ /yid ni rab tu dang byas te/ /bdag gi dngos grub thob 'dod pas/ /gnod sbyin rnams la gtor ma dbul/ /srin po rnams dang sha za dang / /'byung po sha rjen can rnams dang / /</font><hr>93.201b<br><font size=+1>

sems can rnam pa sna tshogs la/ /mkhas pas gtor ma phyogs su gtor/ /sa phyogs de yi sems can ni/ /shing dang gel pa la gnas pa/ /blo la gang dang gang dran pa/ /de dang de la gtor ma sbyin/ /phyogs kyi gtor ma'i sngags ni dbang ldan gyi phyogs su ru drA ya swA hA/ dbang po'i phyogs su/ sha krA ya swA hA/ me'i phyogs su/ ag na ye swA hA/ gshin rje'i phyogs su be bi swA hA/ bden bral gyi phyogs su/ rAk+sha sA d+hi pa ta ye swA hA/ chu lha'i phyogs su/ me g+ha sha na ye swA hA/ rlung gi phyogs su/ bA ya be swA hA/ ku be ra'i phyogs su/ yak+sha bid+yA d+ha ri swA hA/ kraM ki ri swA hA/ srin po rnams kyi'o/ /mi tsi mi tsi swA hA/ sha za rnams kyi'o/ /gu i gu i 'byung po rnams kyi'o/ /de ltar kun tu gtor ma gtor la/ lag pa bkrus te nye reg byas la/ de nas nang du zhugs te sangs rgyas thams cad la phyag 'tshal nas bsreg par bya ba'i rdzas gang cung zad ci yod pa de dag thams cad 'phags pa mi g.yo bas bsangs te g.yas rol du gzhag go/ /g.yon rol du ni mchod yon gyi snod gnyis rtswa ku sha dang / spos chur sbyar ba blugs te gzhag la/ gcig ni 'phags pa mi g.yo bas bzlas so/ /gcig ni rdo rje dam pas sbyin gyis bzlas so/ /zhugs thab kyi khor yug tu rtswa ku sha bskor ba'i thabs su dgram mo/ /bdag rang gar 'dug pa'i gzhir yang rtswa ku sha bskor ba'i thabs su gding ngo / /shing u dum ba ra dang / a shwa t+tha'i dgang gzar dang / blugs gzar dang mar bzhus pa yang mdun du gzhag go/ /de nas me'i thab khung tsan dan gyis bskus te me tog dkar po dri zhim po'i sil ma yang bkram la/ bram ze'i khyim nas me blangs la khro bo'i rgyal pos bsang gtor byas te/ shing blak+Sha dang u dum ba ra'i bud shing la rlung yab kyis me spar ro/ /der kha byang phyogs su bltas te 'dug la/ lag pa gnyis byug spos kyis bskus te dam tshig gi phyag rgya la sogs</font><hr>93.202a<br><font size=+1>

pa bcings la/ bdag nyid rnam par snang mdzad chen po'i sku chu'i dkyil 'khor la gnas pa ci lta ba bzhin du phyag rgya dang gsang sngags kyis byin gyis brlab bo/ /de nas me'i thab khung gi zhabs su chu'i dkyil 'khor bsams la/ me'i dbus su sngar bzhin du yi ge gzhag pa las me'i gzugs su gyur pa dung dang / me tog kun da dang zla ba'i mdog dang 'dra ba/ thor tshugs can/ mig gsum pa/ lag pa bzhi pa/ lag na bgrang phreng dang ril ba spyi blugs dang / be con thogs pa dang mi 'jigs pa sbyin pa dang gos dkar po bgos pa dang / srad bu dkar po se ral khar thogs pa/ snying gi sum mdo'i ris mtshan can yi ge ras mtshan pa me lce dkar po 'phro ba/ ye shes kyi rang bzhin can de lta bu'i me bsams la/ 'phags pa mi g.yo bas bsngags pa'i chu sngar bshams pas me la bskor ba'i thab tu bsang gtor bya'o/ /rdo rje dam pa sbyin gyis kyang lan gsum du bya'o/ /na maH sa man+ta ta bud+d+hA nAn swA hA/ rdo rje dam pa sbyin gyi'o/ /de nas me la rang gi gsang sngags kyis byug spos dang me tog la sogs pa dbul lo/ /de nas mngar gsum las sreg blugs gsum byin/ dgang gzar chang pas gzung la mar gyi dgang blugs gsum sbyin no/ /de nas shing u dum ba ra'am a shwat+tha'i rtse mo'i yam sreg shing gnyis mar la smyugs pa bdun bsreg go/ /de nas yang mar gyi dgang blugs gsum byin la/ bsang gtor snga ma bzhin du bya'o/ /na maH sa man+ta bud+d+hA nAn/ o~M ba ra dA ga na ye shAn+tiM ku ru swA hA/ /de bzhin du lha thams cad la yang so sor sbyin sreg byas la bsang gtor bya'o/ /na maH sa man+ta bud+d+hA nAn/ hU~M a ma hA shAn ti gA ta shAn ti kA ra pra sha ma d+har+m+ma nir dzA ta/ a b+ha ba swa b+hA ba d+har+m+ma sata pra brta/ a mu ka s+ya swa sti/ shAn ti~M ba~M ku ru swA hA/ zhi ba'i gsang sngags so/ /de nas sangs rgyas thams cad</font><hr>93.202b<br><font size=+1>

bsams la/ nang gi bdag nyid rnam par dag pas ci lta ba bzhin du byang chub kyi sems bsgom mo/ /de nas zla ba'i dkyil 'khor la rang gi rig sngags gzhag ste/ rang gi lha'i phyag rgya bcings la/ rang gi lha'i gzugs su bsgom mo/ /de nas yang snga ma bzhin du dgang blugs gsum la sogs pa phul te/ bskor ba'i thab tu bsang gtor yang byas la/ bdag gi rgyud las byung ba'i rdzas rnams ci srid mi skyo ba'i bar du sbyin sreg bya'o/ /skyo bar gyur na rdzogs pa'i sangs rgyas kyi sku bltas te/ yang byang chub kyi sems bsgom mo/ /de nas mchod yon phul la/ lha rnams la phyag byas te slar gshegs su gsol lo/ /lha thams cad slar gshegs su gsol nas/ phyag rgya'i tshogs rnams gos sar pas g.yogs la/ phyi de nyin yang snga ma bzhin du lha rnams so so'i dkyil 'khor la gnas par bsams te/ cho ga'i rim pa de nyid nam zhi bar gyur gyi bar du bya'o/ /cho ga shes pa'i sngags grub pa/ /gang zhig cho ga 'di yis su/ /le lo med par zhi byas na/ /zhi ba nyid du 'thob par 'gyur/ /zla ba phyed kyi khams ris gcig /nges pa nyid du zhi bar 'gyur/ /rgyal po la ni zhag bcu gnyis/ /yul phyogs su ni zhag bcus so/ /de la zhi ba'i cho ga'i las byed pas cho ga 'di ltar spyad par bya'o/ /gos dkar bgos shing gtsang la zhi/ /byang chub sems la rab tu gzhol/ /ku sha bting ba'i stan la nyal/ /de las byas pa'i bsang byed thogs/ /nas btsos pa'am 'o ma 'thung / /yid ni sbyin sreg byed la 'jug /dus gsum sbyin sreg bzlas brjod kyis/ /zhi ba'i cho ga spyad par bya'o/ /zhabs bsil rdo rje mchog sbyin gyis/ /bsang gtor mi g.yo mgon gyis so/ /'dir ni re zhig mdor bsdus na/ /sbyin sreg cho gar bsgrags pa yin/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ zhi ba'i</font><hr>93.203a<br><font size=+1>

sbyin sreg gi cho ga rim par phye ba'o// // de nas gzhan yang skal chen po/ /sngags la mkhas pa rnams kyis sngon/ /sems can rnams la thugs brtse nas/ /sbyin sreg rgyas pa che byed pa/ /phan par bzhed nas bshad pa yang / /yid gcig bsdus te mnyan par gyis/ /de bas rnam pa thams cad du/ /rgyas pa'i cho ga spyad par bya/ /grong ngam yang na ljongs dag gi /shar gyi phyogs su gnas bcas nas/ /snga ma bzhin du nges pa yi/ /sa gzhi legs par brtag par bya/ /ri yi rtse 'am phyugs lhas sam/ /mchod rten ring bsrel can dag tu/ /rgyas pa'i las ni sgrub byed pa'i/ /dkyil 'khor shes rab can gyis bri/ /mkhas pas las kyi cho ga yis/ /sa ni legs par brkos nas su/ /dbus su rin chen 'bru dang ni/ /sman dang bcas pa bsres gzhag ste/ /der yang sa ni ser po yis/ /sa ni legs par dgang bar bya/ /mnyam zhing legs par bcags nas ni/ /de yi 'og tu dkyil 'khor bri/ /'dir yang re shig sngags pa cho ga la mkhas pas bdag nyid rdo rje dam pa sbyin par bsgom zhing / rang gi dkyil 'khor la gnas pas/ de'i gsang sngags dang phyag rgyas byin gyis brlabs la/ 'phags pa mi g.yo bas mtshams gcad pa dang sa yongs su bzung bar bya'o/ /zla ba yar gyi ngo'i tshes gsum 'am lnga 'am bdun nam yang na zla ba nya la yang rung ste/ gza' bzang po gza' lhag gam/ phur bu'am/ rgyu skar gro zhin dang / mon gru dang snon dang / snar ma la/ bdag nyid rnam par snang mdzad chen por byin gyis brlabs te/ srad bu ser po blangs la grangs dang tshad snga ma bzhin du dkyil 'khor gyi thig gdab bo/ /de nas dkyil 'khor bskor te nang du zhugs la/ bcom ldan 'das ma shes rab kyi pha rol tu phyin pa bklags la phyag kyang byas te/ yang bdag nyid rnam par snang mdzad du byin gyis brlabs la tshon rtsi ser po blangs te/ der ni yi ge ka bzhag pa/ de tshe thub pa gser thub ni/ /gser gyi kha</font><hr>93.203b<br><font size=+1>

dog 'bar dang bcas/ /ting 'dzin gnas shing sdig bcom pa'o/ /de nas dkyil 'khor rta babs can bris la nub phyogs kyi sgo rtag tu dbye'o/ /phyi rol ri mo gru bzhi pa gsum gyis bskor la/ dkyil 'khor du lha rnams dgod pa snga ma bzhin du bya'o/ /de la khyad par ni 'di yod de/ 'phags pa nam mkha'i snying po'i gnas su kun du bzang po rin po che'i rgyal mtshan gyi phyag rgya yi ge sa dang bcas pa gzhag go/ /sa/ mdzod spu'i gnas su 'phags pa rmugs 'dzin shing tog bi+A dza mu ri phyag rgya dang yi ge dzaM bdud rtsi'i mtshan nyid can dang bcas par bzhag go/ /dza~M/ 'phags ma khro gnyer can gyi gnas su grags ldan ma me tog pri yang ku'i phyag rgya yi ge ya dang bcas par gzhag go/ /ya/ 'phags ma gos dkar can gyi gnas su ni dpal chen mo 'phags ma dkar mo zhes bya ba pad ma'i phyag rgya dang yi ge'i 'brur gzhag go/ /shrI/ 'phags pa gnod mdzes kyi gnas su ni dpung bzang rdo rje'i phyag rgya dang yi ge'i 'brur bzhag go/ /hU~M/ bdud rtsi thabs sbyor gyi gnas su ni rdo rje'i sde rdo rje'i phyag rgya dang yi ge'i 'brur gzhag go/ /sa/ gnas gtsang ma pa rnams kyi gnas su ni brgya byin dang 'jig rten skyong ba bzhi dgod do/ /de nas phyi rol gyi ri mo gnyis kyi nang logs kho ra khor yug dang grwa thams cad du rdo rje bri'o/ /de nas dkyil 'khor gyi g.yas logs 'khor sa'i nang du me'i thab khung bya ba ni/ gru bzhi lham pa kha ran can/ /rgyar ni khru do'i tshad du bya/ /rdo rje yis ni 'khor bar bskor/ /zabs su khru gang tsam gyi tshad/ /kha ran mthe'u chung mtho gang tshad/ /'jim pa ser po'i rkyang nul bsku/ /pad ma'i phyag rgya mdzub gang tshad/ /'phang du sor bzhi'i tshad du bya/ /dus gsum du ba glang gi lci ba sa la ma lhung bas bsku'o/ /de nas snga ma bzhin du dkyil 'khor gyi bdag po'i lha la sogs pa rnam pa dang / mtshan ma ci lta ba bzhin du bsams te/ byug spos dang me tog la sogs pas mchod par bya'o/ /de la khyad par 'di yod de gang gi tshe bcom ldan 'das rnam</font><hr>93.204a<br><font size=+1>

par snang mdzad gnas su bzhugs su gsol ba dang / byug spos dang me tog la sogs pas mchod pa byed pa de'i tshe/ bdag nyid rdo rje dam pa sbyin du byin gyis brlabs te bya'o/ /'dir byug spos dang / me tog la sogs pa 'i khyad par bshad par bya ste/ gur gum ga bur bsres pas ni/ /rgyas pa dag la byug spos mchog /dri zhim kha dog ser po yang / /de ma rnyed na sbyar bar bya/ /me tog tsam pa rab tu bzang / /yu ti sna ma ser po dang / /de las gzhan pa'ang dri zhim pa/ /ser po dag ni dbul bar bya/ /gur gum a ka ru dang sbyar/ /sha kha ra dang sbyar ba dag /rgyas pa'i las rnams 'grub bya'i phyir/ /bdug spos mkhas pas dbul bar bya/ /gu gul dang ni tsan dan yang / /mar dang sbyar ba bdug spos mchog /sra rtsi pog ni gur gum sres/ /bdug spos sngags la mkhas pas dbul/ /mar me snod ni gser gyi bzang / /yang na kham pa'i ser po'ang rung / /mkhas pas ras ni ser po yi/ /mar me'i snying po ser po dbul/ /spos kyi 'bru mar bzang po yis/ /de yi snum ni dri zhim bya'o/ /yang na til gyi 'bru mar gyis/ /mar me gtsang ma dbul bar bya/ /'bras chan ser po sran tshod can/ /mar dang bcas pa shin tu bzang / /tshod ma rnams kyang ser por bya/ /shing tog bag cos de bzhin no/ /spos chus me tog ser po dang / /de bzhin 'bras dang d+'u+ur ba'i rtswa/ /snod kyang ser por blugs pa dag /rgyas pa la ni mchod yon shis/ /de ltar mchod pa ci lta ba bzhin du byas te/ de nas bdag nyid rdo rje dam pa sbyin du byin gyis brlabs la/ phyi rol du byung ste phyogs kyi gtor ma sbyin no/ /de nas nye reg byas te nang du zhugs la/ sangs rgyas thams cad la phyag byas te me'i thab khung gi drung du bsreg par bya ba la sogs pa sngags kyis bsang ba rnams/ snga ma bzhin du gzhag la/ sa la rtswa ku sha bting ba'i steng du pad ma'i dkyil mo dkrung bcas te 'dug nas/ bdag nyid rnam par snang mdzad chen po'i skur bsams te khang pa'i nang byug spos ser pos bskus</font><hr>93.204b<br><font size=+1>

la me tog ser po sil ma yang bkram/ rtswa ku sha yang bting ste/ rgyal rigs kyi khyim 'am rgyal po'i pho brang nas me blangs te bsang gtor byas te/ shing blak+Sha dang u dum ba ras me spar la/ de nas me'i thab khung gi zhabs su dbang chen gyi dkyil 'khor bsams te/ der yi ge ya klad kor dang bcas pa pad ma la gnas pa bsam mo/ /yaM/ yi ge ya de las thab khung gi nang nas me byung bar bsam pa ni/ gser gyi kha dog lta bu'i thor tshugs can/ mig gsum pa/ gdong pa bzhi pa/ lag na bgrang phreng dang ril ba spyi blugs thogs pa dang dam pa sbyin pa/ gos ser po bgos pa/ srad bu se ral khar thogs pa/ sor ris gsum gyis byugs pa/ sum mdo'i ris mtshan can/ yi ge ras mtshan pa/ gser gyi kha dog 'dra ba/ me lce 'bar ba kun du 'phro ba/ mthu chen po dang ldan pa/ gsang sngags kyi rgyal po'i 'od zer las byung ba'i me de lta bu bsams te/ de nas bsang gtor bya ba dang / kha bkru ba dang / mchod yon dbul bar byas la/ byug spos dang me tog la sogs pa rang gi sngags kyis sbyin no/ /na maH sa man+ta bud+d+hA nAn/[ \u0f00] ag na ye swA hA/ de nas 'o thug sbrang rtsi dang mar la sogs pa sbyar ba 'am/ til nag po dang sbyar ba'i sreg blugs gsum byin te/ de nas shing bil ba'i dgang gzar dang blugs gzar gyis mar gyi dgang blugs bdun sbyin no/ /de nas shing blak+Sha 'am/ u dum ba ra'i dbus kyi cha las byung ba'i yam sreg shing sboms chad gang pa la srid khru gang ba mar las smyugs pa'i sreg blugs gsum byin la yang dgang blugs gsum sbyin no/ /de nas de snga ma bzhin du lha'i gzugs rnams bsams te snying po de dang des sreg blugs gsum dbul lo/ /de nas sangs rgyas thams cad bsams te/ byang chub kyi sems bsgoms la bdag gi lha'i gzugs bsams te snga ma bzhin du sreg blugs phul nas bdag gi dngos grub bsgrub pa las bshad</font><hr>93.205a<br><font size=+1>

pa'i rdzas las sbyin sreg bya'o/ /thog mar o~M zhes brjod pa la mjug tu grags pa dang dpal dang longs spyod dang dge ba dang nor la swA hA/ zhes bya bar sbyar ro/ /yang na bdag gis ci ltar bsams pa'i dngos grub kyi rdzas la swA hA zhes bya zhing bsreg blugs dbul lo/ /de ci lta ba bzhin du sbyin bsreg byas nas byang chub kyi sems la sogs pa'i rim pa de nyid snga ma bzhin du bya'o/ /'dir yang sgrub pa pos cho ga spyad pa ni/ gos ni ser po bgo bar bya/ /bsang byed ser po gtsang ma thogs/ /sems ni brtan zhing mthu yang che/ /shin tu mi smra ser sna med/ /byang chub sems la rtag tu dga'/ /dus gsum cho ga thog mar byed/ /nas chan btsos pa 'am 'o ma 'thung / /rgyas pa'i las ni brtsam par bya/ /gang zhig 'di yis rgyas pa yi/ /las ni legs par rtsom byed pa/ /de yi yid la gang bsams pa'i/ /rgyas pa myur du 'grub par 'gyur/ /ral gri 'khor lo rdo rje dang / /ldong ros mig bsku gi wang dang / /yid bzhin nor bu bum pa gos/ /nor gyi char 'bab mchil lham dang / /gdugs dang shing rta bzhon pa dang / /de bzhin khang pa brtsegs pa dang / /pad ma bum pa mdung rtse gsum/ /bgrang phreng be con gun d+he dang / /pi bang mdung thung mda' yang rung / /lhung bzed dang ni 'khar gsil lam/ /yang na rdzas ni gang 'dod pa/ /dkyil 'khor 'dir ni bsgrub par bya/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ rgyas pa'i sbyin bsreg gi las kyi cho ga rim par phye ba'o// // de nas gzhan yang sbyin bsreg 'di/ /bdag gi las ni rab bsgrub pa/ /'jig rten sgron ma mdzad pa yis/ /brtse bar gyur pa'i thugs kyis gsungs/ /de ni ma lus bshad par byas/ /'byor pa 'dod pas nga la nyon/ /ngogs sa gzhi brtag pa ni/ /grong ngam yang na ljongs dag gi /me yi phyogs su gnas bcas te/ /skye bo med pa'i khang stong ngam/ /shing</font><hr>93.205b<br><font size=+1>

gcig drung ngam dur khrod dam/ /yang na bde byed gnas su 'am/ /ma mo'i gnas sam phug kyang rung / /sngags pas dkyil 'khor bri ba ni/ /mar gyi ngo'i tshes dgu la/ /dbang gi las ni brtsam par bya/ /gza' ni nyi ma 'am mig dmar la/ /rgyu skar rgyal dang smin drug dang / /mchu dang sa ga dag la ni/ /mkhas pas dkyil 'khor bri bar bya/ /de la dang por sngags pas bdag nyid phyag na rdo rjer byin gyis brlabs la/ sa kha dog dmar po la/ sa sbyang ba dang yongs su gzung ba la sogs pa byas te/ de nas bdag nyid rnam par snang mdzad chen por byin gyis brlabs la 'phags pa mi g.yo bas bzlas pa'i srad bu le brgan du btses pa blangs te/ dkyil 'khor thig gdab pa ni/ gru gsum pa la sgo shar phyogs su gtod pa/ sgo khyud dang rta babs dang mu ran gyi cha legs par byas te/ de nas tshon rtsi dmar po ni/ /shin tu bzang po blangs nas su/ /yi ge 'bar ba bzhag pa ni/ /yi ge klad kyi 'khor dang bcas/ /nyi ma 'char ba 'dra ba ste/ /shin tu gdul dka' rgyal ba'i mchog /de ltar tshon rtsi byin brlabs la/ /sangs rgyas thams cad dran byas te/ /dkyil 'khor kun du bri ba ni/ /khru gsum yang na khru lnga 'am/ /yang na bdun nam dgu yang rung / /gsang sngags dngos grub rjes mthun par/ /rnam pa gsum du dbye bar bya/ /lha rnams dgod pa snga ma bzhin/ /mkhas pas rigs kyi bdag pos bya/ /lhag ma rnams ni ci rigs par/ /mkhas pa yis ni dgod par bya/ /de la nam mkha'i snying po'i gnas su skra can dang nye skra can gnyis be con dang zhags pa'i phyag rgyar gzhag go/ /gnod mdzes kyi gnas su ni rdo rje lcags kyu mda'i phyag rgyar gzhag go/ /gtsug spyod kyang mda'i phyag rgyar gzhag go/ /phyi rol du ni phyag brnyan bzhi zhags pa'i phyag rgyar bri'o/ /de nas snga ma bzhin du cho ga thams cad bya'o/ /byug spos dang me tog la sogs pa yang dmar po dbul lo/ /me'i thab khung yang snga ma'i gnas su bya ste/ srid du sor nyi shu'i tshad la kha ran sor gnyis pa kha phar bltas par bya'o/ /zabs su mtho chung ngu gang</font><hr>93.206a<br><font size=+1>

la dbus su rdo rje sor brgyad pas dmar pos bskus pa bya'o/ /me'i thab khung de ni gru gsum la zur gsum du bya'o/ /de nas bdag nyid phyag rdo rjer byin gyis brlabs la phyi rol tu gtor ma sbyin no/ /de nas btso blag mkhan gyi khyim nas me blangs la snga ma bzhin bsang gtor bya/ seng ldeng gi shing ngam a sho ka'am shing ka ra bI ras me spar la/ de bzhin du bdag nyid rnam par snang mdzad du byin gyis brlabs te/ me'i thab khung gi zhabs su me'i dkyil 'khor bsams la yi ge ra gzhag go/ /yi ge ra de yang 'bar ba'i phreng ba la 'od 'phro ba las me'i gzugs su gyur par bsam pa ni/ nyi ma 'char ba 'dra ba gdul dka' ba mig gsum pa thor tshugs kham pa lag pa bzhi pa lag na be con dang zhags pa dang bgrang phreng dang gun d+he thogs pa/ gos dmar po gyon zhing srad bu dmar po se ral khar thogs pa yi ge ras mtshan pa/ me lce 'bar ba dmar po'i 'od 'phro ba de lta bu'i me bsams te bsang gtor byas la mchod yon phul te rang gi gsang sngags kyis byug spos dang me tog la stsogs pa byin la/ de nas shing ka ra bI ra'i yam sreg shing yungs mar dang tsan dan dmar po la smyugs pa'i sreg blugs bdun sbyin no/ /de nas dkyil 'khor du bkod pa'i lha rnams la sreg blugs bdun phul te/ snga ma bzhin du bdag gi lha'i gzugs bsams la gzhag ste/ de bzhin du sreg blugs phul la cho ga las byung ba'i rdzas rnams sbyin sreg bya'o/ /mjug tu yang byang chub kyi sems kyi bsgom pa la sogs pa'i cho ga de bzhin du bya'o/ /cho ga 'di yang dkyil 'khor gyi yo byad thams cad dmar por bya'o/ /me'i gnas kyang dus gsum du tsan dan dmar pos byug cing me tog dmar po sil mas dgram mo/ /dpal ldan gos ni dmar po bgos/ /byug spos phreng ba dmar pos brgyan/ /srad bu dmar po se ral thogs/ /byang chub sems kyi bye brag shes/ /zas su sran chung ci tshe za/ /yang na zas su shing tog za/ /dga' zhing 'dzum mul mi</font><hr>93.206b<br><font size=+1>

smra thug /sems dang sems ni rjes su sbyor/ /rtag tu bzlas dang sbyin sreg byed/ /lha yi gzugs ni sems pa yi/ /mi yis dbang du bya ba yi/ /dngos grub ma lus brtsam par bya/ /gang zhig cho ga 'di yis su/ /cho ga shes pas las brtsams nas/ /gzi brjid can nam de yi bu/ /zla ba gcig gis dbang du 'gyur/ /sbyin sreg zla ba gnyis byas na/ /phyag brnyan pho mos gnod sbyin ma/ /de bzhin sa 'og bu mo dag /sngags pas myur du khugs par 'gyur/ /'di ni re shig mdor bsdus te/ /dbang gi sbyin sreg bsngags pa yin/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ dbang du bya ba'i sbyin sreg gi cho ga rim par phye ba'o// // da ni drag shul spyod pa yi/ /cho ga ma lus bshad par bya/ /gnod sbyin lto 'phye yi dgas gtum/ /lha min dri za mi 'am ci/ /sems can gnod dga' sdang ba dang / /de bzhin bgegs dang log 'dren dang / /'byung po ma mo srin po dang / /mkha' 'gro dang ni lus srul dang / /mi yang rgyags dregs mthu ldan zhing / /drag po'i las byed sdang ba'ang rung / /de dag 'dul phyir sngags shes pas/ /drag shul las ni brtsam par bya/ /nyes pa chung ngu dag la ni/ /drag po'i cho ga mi brtsam mo/ /grong gi lho yi phyogs su ni/ /sdom brtson sa gzhi nag po la/ /dur khrod dben pa'am dgon pa 'am/ /skyed mos tshal rnying zhi gnas su/ /mar gyi ngo yi tshes brgyad dam/ /yang na tshes ni bcu bzhi la/ /gza' ni spen pa mig dmar dang / /rgyu skar rlung las byung ba dang / /me bzhi dang ni nag pa dang / /tha skar dang ni de bzhin dbo/ /nab so dang ni sa ri dang / /rgyu skar de dag drag po ste/ /de dag gang yang rung ba la/ /sngags pa gshin rje bzhin khros pas/ /dgra yi srog ni gcod byed pa'i/ /dkyil 'khor 'jigs pa bri bar bya/ /sngags pa bdag nyid rang gi rgyas/ /rdo rje sems dpar byin brlabs te/ /sngags la 'jigs pa med pa yis/ /sa gzhi snga ma bzhin du sbyang / /</font><hr>93.207a<br><font size=+1>

de nas mi g.yo mthu chen gyis/ /yongs su bzung la sogs byas nas/ /rang gi yi ge'i phyag rgya yis/ /de nas rnam snang mdzad du bya/ /bu mo gzhon nus bkal ba yi/ /srad bu sngon po der blangs nas/ /dkyil 'khor nan tan thig gdab pa/ /gru gsum phyi rol zlum por bya/ /khru bzhi khru lnga khru brgyad dam/ /de bzhin bcu gnyis khru bcu drug /ci ltar las kyi rjes mthun par/ /mkhas pas tshad ni brtag par bya/ /de nas dur khrod thal ba 'am/ /mkhas pas tshon rtsi nag po la/ /yi ge ha ni der bzhag pa/ /me lce 'bar ba'i phreng ba 'phro/ /dus mtha'i me la 'jigs pa'i gzugs/ /dbyar gyi char sprin 'dra ba'i mdog /kha ni mche ba gtsigs pa la/ /lag na rdo rje cod pan can/ /bdud kyi sde ni thams cad dang / /sdang ba thams cad sdigs byed pa/ /tshon la mkhas pas tshon de dag /de 'dra'i yi ge gzhag nas ni/ /shes rab can gyis dkyil 'khor bri/ /ba dan mang po mtshan mas mtshan/ /rta babs dang ni sgo khyud bcas/ /sgo yi cha ni legs par phye/ /lha yi gtso bo gzhag pa ni/ /snga ma bzhin du brtag par bya/ /byang phyogs sgo ni phye nas su/ /lhag ma'i sgo rnams gcad par bya/ /de nas 'phags pa nam mkha'i snying po'i gnas su khro bo 'i rgyal po gshin rje'i gshed gsal shing gi phyag rgyar bri'o/ /mdzod spu'i gnas su khro bo'i rgyal po 'phags pa gzhan gyis mi thub pa zhes bya ba rdo rje dang dgra sta'i phyag rgyar bri'o/ /mthu chen thob dang 'phags ma khro gnyer can dang 'phags ma sgrol ma'i gnas rnams su/ don yod pa'i zhags pa dang ral pa gcig ma dang / rta mgrin rnams zhags pa dang dgra sta dang rdo rje be con gyi phyag rgya rnams su go rims bzhin du gzhag par bya'o/ /gnod mdzes kyi gnas su khro zla gtso bo'i rdo rje'i phyag rgyar gzhag go/ /'phags pa mi g.yo ba yang be con gyi phyag rgyar gzhag go/ /sgo drung du ni gdul dka' dang mngon du phyogs gnyis be con gyi phyag rgyar bzhag go/ /gnas gtsang ma pa rnams</font><hr>93.207b<br><font size=+1>

kyi gnas su/ gshin rje'i 'chi bdag dang dus mtshan mo dang lhan cig tu gzhag go/ /bden bral yang ral gri'i phyag rgyar gzhag go/ /'khor sa'i nang du me'i thab khung sgo la phyogs par bya'o/ /dkyil 'khor gyi phyi rol kho ra khor yug tu ba dan rnams bri'o/ /me'i thab khung ni dbang gi las kyi me'i thab khung bzhin du byas te/ bye brag tu phyi rol gyi mu ran zlum por byas la ba dan mang pos mtshan par bya'o/ /dkyil 'khor kyi lha rnams snga ma bzhin du so so'i gzugs bsams te mchod pa'i cho ga bya'o/ /de nas lha rnams ci lta ba bzhin mchod nas bdag phyag na rdo rjer byin gyis brlabs la phyi rol du phyogs kyi gtor ma snga ma bzhin du sbyin no/ /de la byug spos la sogs pa'i khyad par ni tsan dan dmar po dang du ru ka sol ba dang bsres pa'i byug spos nag po dbul lo/ /me tog uta pal la mthing ka dang / a pa ra dzi ta mthing ka'am/ gzhan yang me tog sngon po rnams dbul lo/ /bdug spos ni sra rtsi pog bu ram dang sbyar ba dbul lo/ /mar me ni yungs mar tsha ba snying po sngon po can mar me 'i snod nag po'i nang du dbul lo/ /bshos kri sar dang gzhan yang tsha ba dang / kha ba la sogs pa bza' ba dang tshod ma kha dog nag po rnams dbul lo/ /sran chan dang kri sa ra dang sha dang nya btsos pa dang rjen pa rnams phyogs kyi gtor mar sbyin no/ /gtor ma'i cho ga ci lta ba bzhin du byas nas gdol pa'i khyim 'am dur khrod nas me blangs te khro bo'i rgyal pos bsang gtor byas la/ dur khrod kyi shing ngam/ shing ba la ta ka'am/ ba ru ra'i shing gis me spar la/ bdag nyid rnam par snang mdzad chen por byin gyis brlabs te me'i thab khung gi zhabs su rlung gi dkyil 'khor bsams la der yi ge hU~M gzhag go/ /yi ge hU~M de las me'i gzugs su gyur par bsams pa ni kha dog nag po shin tu mi bzad pa/ mig gsum pa/ gdong bzhi pa mi g.yo ba dud kha'o/ /blta dka' ba/ kham pa po/ thor tshugs dud kha can/ char sprin sngon po lta bu'i 'od zer can/ gsus po che gos sngon po gyon la srad bu sngon po se ral khar thogs pa/ kha nas mche ba bzhi gtsigs pa khro ba dang bcas shing kha gdangs pa/ lag</font><hr>93.208a<br><font size=+1>

na ral gri dang zhags pa dang be con dang ril ba spyi blugs thogs pa snying ga sum mdo'i ris mtshan can/ yi ge ras mtshan pa/ gdong khro gnyer bsnyer ba/ hU~M zhes bya ba dang bcas pa 'bar ba gnag cing rtsub pa zangs lta bu'i 'od zer 'phro ba'i phreng ba can/ 'jig pa'i dus mngon du byung ba bzhin du 'dug pa de lta bu'i me bsams nas bsang gtor byas te/ byug spos la sogs pa rang gi rig sngags kyis sbyin no/ /o~M ag na ye dzA hi trad Ta hU~M phaT/ de nas yungs mar tsha ba dang sbyar ba'i kri sa ra'i sreg blugs gsum sbyin la/ dug dang khrag dang ske tshe'i sreg blugs bdun sbyin no/ /yang na shing b+ha la ta dang / ba ru ra'i shing gi yam bsreg shing rtse mo rnon por gzhogs pa yungs mar tsha ba dang ske tshar smyugs pa sbyin no/ /de nas dkyil 'khor gyi bdag po la sogs pa'i lha rnams snga ma bzhin du bsams te rdzas de dag nyid las rang gi rig pas sreg blugs dbul lo/ /de nas rang gi lha snga ma bzhin du bsams te bzhag la/ rang gi rig pa las byung ba'i rdzas ci lta ba bzhin du/ mdzub mo dang mthe bos gzung ste khro ba dang bcas par gsang sngags zlos shing / phaT dang bcas par ci srid 'dod pa de srid du sreg blugs dbul lo/ /de nas snga ma bzhin du byang chub kyi sems bsgom pa la sogs pas ngal bso bar bya'o/ /sngags pa gang zhig 'di lta bu'i/ /rab tu drag po'i las byed pa/ /de ni sum cu rtsa gsum gyi/ /gnas kyang rtsa mchog bzhin du bsreg /'dir yang cho ga 'di ltar bya'o/ /dpal ldan gos ni sngon po bgos/ /byug spos phreng ba sngon pos brgyan/ /srad bu sngon po se ral thogs/ /byang chub sems la rtag tu gzhol/ /tsha dang kha dang bska ba dang / /kri sa ra yi kha zas bza'/ /lha rnams dgod pa'i don la mkhas/ /gtsang zhing mchog tu tshul khrims ldan/ /spro ba che zhing dpa' snying can/ /khros pa 'jig rten mthar byed bzhin/ /lho phyogs kha bltas mi smra zhing / /'dug pa'i thabs ni tsog bur 'dug /sbyin sreg bzlas la rtag tu</font><hr>93.208b<br><font size=+1>

'bad/ /bsrung dang bskyab pa dag la mkhas/ /mtshan mo sbyin sreg byed pa yis/ /drag shul spyad pa brtsam par bya/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las/ drag shul spyad pa'i sbyin sreg gi cho ga rim par phye ba'o// // de nas yang bcom ldan 'das rnam par snang mdzad kyis/ /byang chub sems dpa'i spyad pa spyod pa ba rnams la/ stong pa nyid gnyis su med pa'i spyod yul/ rten cing 'brel par 'byung ba'i snying po rnam par mi rtog pa'i ye shes 'thob pa'i rgyu/ spros pa thams cad dang bral ba gsal zhing dag pa/ yid kyis bsgrubs pa/ yongs su rdzogs pa/ yongs su rdzogs par byed pa/ chos kyi dbyings kyi ngo bo nyid kyi chos bshad do/ /de nas byang chub sems dpa' sems dpa' chen po snying rje chen po spyan ras gzigs dbang phyug /de'i tshe thams cad mkhyen pa'i ye shes kyi ting nge 'dzin la snyoms par zhugs nas gsang ba pa'i bdag po phyag na rdo rje la smras pa/ gsang ba pa'i bdag po/ thams cad mkhyen pa'i ye shes kyi spyod yul/ stong pa nyid kyi rjes su zhugs pa/ gsang sngags thams cad kyi dngos grub stsol ba/ gnas med pa/ mtshan nyid med pa/ ngo bo nyid med pa/ mtshan gzhi dang mtshan nyid dang bral ba/ theg pa chen po thob par byed pa/ bdud rtsi sbyin pa de sngags kyi tshul la rnam par gnas pa'i rjes su zhugs pa rnams kyis ci ltar 'thob par 'gyur/ de skad ces smras pa dang / gsang ba pa'i bdag po/ phyag na rdo rje de bzhin gshegs pa thams cad kyi gsang ba ston pas bcom ldan 'das rnam par snang mdzad kyi zhal du bltas nas/ bcom ldan 'das la 'di skad ces gsol to/ /bcom ldan 'das sems can thams cad kyi sems kyi rgyud la lta ba/ snying rje chen po byang chub sems dpa' spyan ras gzigs dbang phyug de bdag la 'dri zhing</font><hr>93.209a<br><font size=+1>

mchis na/ bcom ldan 'das 'gro ba la phan par byed pa/ theg pa chen po thob par byed pa/ mtshan nyid med cing gnyis su med pa'i spyod yul/ gsang sngags thams cad kyi tshul gyi dngos grub stsol ba/ rten cing 'brel par 'byung ba'i snying po'i ngo bo nyid/ chos kyi dbyings kyi rjes su zhugs pa/ /phyogs bcu'i 'jig rten gyi khams 'byung bar byed pa/ stong pa nyid kyi spyod yul gyi chos bshad du gsol/ de skad ces gsol pa dang / bcom ldan 'das rnam par snang mdzad de bzhin gshegs pa dgra bcom pa yang dag par rdzogs pa'i sangs rgyas/ theg pa gsum yongs su rdzogs par mdzad pa/ thams cad mkhyen pa'i ye shes thob par mdzad pa/ rnam par rtog pa thams cad kyi rgya mtsho las sgrol ba/ sems can thams cad la dgongs pa/ gsang sngags thams cad kyi dngos grub stsol ba/ bgegs thams cad skrag par mdzad pa/ 'byung po thams cad 'gugs pa/ byang chub sems dpa' thams cad kyi snying po bsam gyis mi khyab pa/ gzugs med pa/ sgra med pa/ dri med pa/ ro med pa/ reg med pa/ gnas med pa/ yid med pa/ rnam par shes pa med pa/ yi ge med pa/ spyod yul med pa/ brjod du med pa/ spros pa med pa/ ma 'dres pas gsang ba pa'i bdag po phyag na rdo rje la 'di skad ces bka' stsal to/ /chos gang rgyus byung de'i rgyu dang / /de rnams kyi ni 'gog pa yang / /gang yin de bzhin gshegs pas gsungs/ /de skad gsungs nas dge sbyong che/ /gzhan dbang yod pa ma yin phyir/ /grub pa yang ni gzhan du gyur/ /gnyis po yod pa ma yin te/ /rnam shes brgyad po de gnyis mtshan/ /de nas 'khor mang po 'dus pa de rnams/ so so'i ye shes mngon par 'dus byas pa'i rdzu 'phrul gyi mthus/ bsam pa tha dad pa dang / blo gros tha dad pas tshigs su bcad pa gnyis gsungs pa'i don ci ltar rjes su mthun par khong du chud nas byang chub sems dpa' de rnams kyis bcom ldan 'das la legs so legs so</font><hr>93.209b<br><font size=+1>

zhes bya ba phul lo/ /gsang sngags tshul la legs gnas gang / /rdzogs sangs rgyas kyis bsngags pa yi/ /yang dag nyid 'di sgom 'gyur ba/ /de dag sangs rgyas nyid du 'gyur/ /de nas de'i tshe byang chub sems dpa' sems dpa' chen po spyan ras gzigs dbang phyug /bcom ldan 'das rnam par snang mdzad kyi byin gyis brlabs kyis/ bcom ldan 'das la 'di skad ces gsol to/ /zlos pa rnam rtog las 'das pa'i/ /ma 'dres sems ni nyid kyis su/ /dngos grub kyang ni 'thob 'gyur na/ /'dus byas chos lta smos ci 'tshal/ /gang gis rta dang 'dra ba'i sems/ /mnyam par gzhag pas brtul nas su/ /byams dang snying rje brtan byas na/ /dngos grub brtan pa mod la 'thob/ /chos rnams rtag tu ma skyes pa/ /de yi sa bon a yi mchog /rgyal ba dam pa rnams kyis gsungs/ /a ni stong pa nyid ces bgyi/ /yi ge'i phyi mo phyi mo kun/ /de bzhin 'dren ldan gang gi phyir/ /mi 'gyur mi 'gyur dang ldan pa/ /de phyir bsam par bgyi ba lags/ /a dang u zhes pa dang ni/ /r-i dang l-i dang a mchog snang / /a mchog snang ba'i dam pa ste/ /'di las thar pa thob ces bshad/ /ka yi ris dang tsa yi ris/ /de bzhin Ta yi ris mchog dang / /ta yi ris dang pa yi ris/ /mthun pa'i sgrar bcas lnga dang ni/ /ya ra la ba sha la sogs/ /thams cad rgyal mchog yongs su rdzogs/ /'di dag rgya chen don gyi mchog /rnam pa mang po'i don rnams bgyid/ /a zhes bgyi bas byang chub 'thob/ /de bzhin a ni 'gugs pa ste/ /u zhes bgyi bas gsod pa 'grub/ /ri ni dbang gi las la ste/ /o ni srin po 'joms pa lags/ /ai zhes bgyi ba 'ching bar bzhed/ /au ni klu yi snying po ste/ /kun kyang mchog dang dam pa lags/ /yi ge 'dren pa thams cad dang / /ra dang tsheg drag ldan pa ni/ /chos kyi dbyings dang rtag ldan par/ /bsam gtan bzlas byas dngos grub 'thob/ /</font><hr>93.210a<br><font size=+1>

de nas bcom ldan 'das rnam par snang mdzad kyis byang chub sems dpa' sems dpa' chen po spyan ras gzigs dbang phyug la/ sa bcu rtogs par khong du chud/ /sems dpa' chen po legs so legs/ /bder gshegs yang dag mi zad pa'i/ /de nyid thams cad khyod kyis bshad/ /lag na rdo rjes smras pa yi/ /rab tu gsang ba khyod kyis rtogs/ /shes legs so zhes bya ba byin no/ /de nas bcom ldan 'das la gsang ba pa'i bdag po phyag na rdo rjes 'di skad ces gsol to/ /dpa' bo chos dbyings rang bzhin gyi/ /'khor lo bskor ba rgyal ba'i mchog /byang chub sems kyis legs bsdams te/ /'jig rten dpa' bo'i phyag rgya dang / /mi skye ba yi yi ge yis/ /de bzhin bdag nyid bsams nas su/ /stong pa gnyis su med sbyor bas/ /las rnams thams cad bsgrub par bya/ /chos dbyings rnam par dag pa'i bdag /sa bon yi ge dang ldan par/ /bsams nas mnyam gzhag dad pa yis/ /bzlas na dngos grub thob par 'gyur/ /khrus dang gshegs la sogs pa dang / /rab tu dben par lhur len dang / /phyag rgya yi ge phreng sems pa'i/ /zlos pas dngos grub brtan pa 'thob/ /chos kyi dbyings dang ldan gyur pa/ /sngags 'di rnams kyis bsgrubs na ni/ /'gro dang mi 'gro'i khams gsum na/ /grub par mi 'gyur dngos de med/ /gsang ba pa'i bdag po de lta bas na bzlas brjod byed pas rang gi dkyil 'khor du dbang bskur ba'i cho ga de la 'khor lo bskor bar gzhag par bya'o/ /rnam par snang mdzad chen po mngon par rdzogs par byang chub pa rnam par sprul pa byin gyis rlob pa las bsgom pa'i yi ge dgod pa dang / dbang bskur ba rnam par phye ba'o// // de nas bcom ldan 'das la/ phyag na rdo rjes 'di skad ces gsol to/ /bcom ldan 'das chos kyi dbyings bsam gyis mi khyab pa/ sems kyi sa las yang dag par 'das pa/  nyid kyis mngon par rdzogs par sangs rgyas pa/ byang chub sems dpa' rnams la thabs sna tshogs</font><hr>93.210b<br><font size=+1>

kyis bsam pa dang mos pa ci lta ba bzhin du bshad du gsol/ bde bar gshegs pa bshad du gsol/ de la re zhig thog mar cho ga 'dis sdig pa so sor bshags par bya'o/ /sangs rgyas dang byang chub sems dpa' thams cad bdag la dgongs su gsol/ bdag ming 'di zhes bgyi bas dus 'di nas gzung ste nam snying po byang chub la mchis kyi bar du/ skye ba thog ma dang tha ma ma mchis pa'i 'khor ba na 'khor ba'i tshe/ bdag gis sdig pa mi dge ba'i las gang bgyis pa dang / bgyid du stsal ba dang / rjes su yi rang ba de dag thams cad sangs rgyas dang byang chub sems dpa' thams cad kyi spyan sngar so sor bshags so/ /de ltar lan gnyis de ltar lan gsum du bya'o/ /de nas sangs rgyas dang byang chub sems dpa' thams cad kyi spyan sngar gsum la skyabs su 'gro ba gzung bar bya'o/ /sangs rgyas dang byang chub sems dpa' thams cad bdag la dgongs su gsol/ bdag ming 'di zhes bgyi ba dus 'di nas gzung ste/ nam byang chub kyi snying po la mchis kyi bar du sangs rgyas bcom ldan 'das la skyabs su mchi'o/ /de bzhin gshegs pa'i chos kyi sku zhi ba/ bla na med pa so so rang gis rig pa la skyabs su mchi'o/ /phyogs bzhi'i byang chub sems dpa' chen po 'phags pa phyir mi ldog pa'i dge 'dun la skyabs su mchi'o/ /de ltar lan gnyis de ltar lan gsum du bya'o/ /de nas bdag dbul ba ni/ sangs rgyas dang byang chub sems dpa' thams cad bdag la dgongs su gsol/ /bdag ming 'di zhes bgyi ba dus 'di nas gzung ste nam byang chub kyi snying po la mchis kyi bar du/ sangs rgyas dang byang chub sems dpa' thams cad la bdag nyid dus thams cad du yong ye dbul gyis sangs rgyas dang byang chub sems dpa' thams cad kyis bdag la thugs brtse ba'i slad du bdag bzhes su gsol/ de ltar lan gnyis de ltar lan gsum du bya'o/ /de nas dam tshig gi phyag rgya bcings la gsang sngags brjod par bya'o/ /na maH</font><hr>93.211a<br><font size=+1>

sa man+ta bud+d+hA nAn/ a sa me tri sa me sa ma ye swA hA/ de nas chos kyi dbyings su byin gyis brlab bo/ /na maH sa man+ta bud+d+hA nAn/ d+har+m+ma d+hA tu swa b+hA ba Ata ma ko\u0f85ha~M/ de nas bdag nyid rdo rje sems dpar byin gyis brlab bo/ /na maH sa man+ta bud+d+hA nAn/ badzra At+ma ko\u0f85ha~M/ de nas byang chub tu sems bskyed par bya'o/ /sangs rgyas dang byang chub sems dpa' thams cad bdag la dgongs su gsol/ bdag ming 'di zhes bgyi bas dus 'di nas gzung ste/ nam byang chub kyi snying po la mchis kyi bar du/ dngos po thams cad dang bral ba/ phung po dang khams dang skye mched dang gzung ba dang 'dzin pa rnam par spangs pa/ chos bdag med pa mnyam pa nyid kyi phyir rang gi sems gdod ma nas ma skyes pa/ stong pa nyid kyi ngo bo nyid du ci ltar sangs rgyas bcom ldan 'das rnams dang byang chub sems dpa' rnams kyis byang chub tu sems bskyed pa de bzhin du bdag gis kyang bskyed do/ /de ltar lan gnyis lan gsum du bya'o/ /de nas gang ba'i phyag rgya spyi bor bcings la de bzhin gshegs pa'i 'khor thams cad du spos dang me tog la sogs pa'i dri bsams te/ rig sngags kyi rgyal mo 'di lan gsum du brjod par bya'o/ /na maHsa man+ta bud+d+hA nA~M/ A bisma ye s+pha ra hi mA~M/ ga ga na khaM d+har+m+ma d+hA d+h+wA kA sha sa ma hA ya sar+b+ba ta thA ga ta pa ri Sha dA maN+Da le/ ma ma pra Ni d+hi puN+ya dz+nyA na ba le na sar+b+ba ta thA ga ta ba le na/ d+harma d+hA twA d+hiSh+Tha na ba khe na tsa swA hA/ gang ba'i phyag rgya ni spyi bor pad ma kha bye ba 'dra bar bya ba gang yin pa ste/ de ni gang ba'i phyag rgya'i mtshan nyid do/ /bzlas brjod kyi cho ga rim par phye ba'o// // de nas bcom ldan 'das rnam par snang mdzad kyis/ chos kyi dbyings bsam gyis mi khyab pa rnam par rol pa bstan nas/ yang yul bsam gyis mi khyab pa bstan par bzhed pas/ dbu'i gtsug tor nas chos kyi mdzod ces bya ba sems can gyi khams mtha' yas pa'i sems kyi thibs po snang bar</font><hr>93.211b<br><font size=+1>

byed pa'i 'od zer gyi dra ba byung ngo / /de nas 'od zer chen po'i dra ba bkod pa de/ de bzhin gshegs pa'i byin gyis brlabs pa rgya chen po rnam par rol pas chos kyi dbyings kyi pho brang nam mkha'i khams ltar rgya che ba na bzhugs pa'i de bzhin gshegs pa rnams la bskor ba byas nas/ sems can thams cad kyi 'khor kyi dkyil 'khor thams cad du snang bar byas te sems can gyi khams ma lus pa yongs su bskyab pa la sbyar nas sems can dmyal ba dang dud 'gro dang yi dgas kyi 'gro bar skyes pa rnams kyang tshim par byas te/ lha dang mi'i 'jig rten rnams kyang de bzhin gshegs pa'i snying po stug po bkod pa'i khongs su gtogs par byin gyis brlabs nas chos kyi dbyings bsam gyis mi khyab pa yang de bzhin gshegs pa'i bsod nams kyi stobs byin gyis brlabs rgyu mthun pa bsam gyis mi khyab pas byin du brlabs te chos kyi dbyings kyi dgos pa ma rdzogs snying rje chen po'i snying po 'byung ba'i mdzod ces bya ba/ sems can gyi khams ma nges pa yongs su skyob pa'i snying po dkyil 'khor gyi rgyal po chen po'i ting nge 'dzin la snyoms par zhugs so/ /snyoms par zhugs nas kyang phyag na rdo rje la sogs pa rdo rje 'dzin sangs rgyas kyi zhing bcu'i rdul phra rab dang mnyam pa snyed la bka' stsal pa/ rigs kyi bu dag sems can gyi khams ma nges pa yongs su skyob pa'i snying po'i rgyal po de bzhin gshegs pa thams cad 'byung ba zhes bya ba dkyil 'khor gang la rten na byang chub sems dpa' rnams tshegs chung ngus de bzhin gshegs pa'i sa thob par 'gyur zhing chos kyi dbyings bsam gyis mi khyab pa yang mngon sum du byed par 'gyur ba yang yod do/ /de skad ces bka' stsal pa dang / phyag na rdo rje la sogs pa rdo rje 'dzin sangs rgyas kyi zhing bcu'i rdul phra rab dang mnyam pa de dag gis mgrin gcig tu smras pa/ bcom ldan 'das de'i dus la bab cing bde bar gshegs pa de'i tshod la bab ste bcom</font><hr>93.212a<br><font size=+1>

ldan 'das legs lags kyis/ bcom ldan 'das kyis bdag cag la thugs brtse ba'i slad du/ dkyil 'khor chen po bkod pa byin gyis rlob pa gang lags pa de dag bshad du gsol/ chos rje chos kyi dbang phyug ste/ /chos kyi dbang phyug mthar byed bral/ /ye shes che mnga' ston pa ste/ /sa yi dbang phyug gcig pu lags/ /don grub tshogs kyang grub pa ste/ /khur las rgal zhing srid mthar phyin/ /sman pa'i rgyal chen de nyid mkhyen/ /'gag pa mi mnga' chad mi mnga'/ /mtha' gnyis rnam par spangs pa lags/ /de bzhin nyid dang yang dag mtha'/ /spros med rtogs par thugs su chud/ /skyabs dang gnas dang gling dang ni/ /mya ngan 'das dang zhi ba'ang lags/ /thar pa rims nad mi mnga' dag /rdul skyon dang ni bral ba lags/ /brjod dang kun brjod bral ba de/ /dngos po thams cad rnam par 'jig /de ltar rdo rje 'dzin de kun/ /rtag tu yid rab dga' ba yis/ /mtshan ni yang dag bsgrags byas nas/ /rnam par 'dren la gsol ba 'debs/ /kun mkhyen dpa' chen snyun bral gyis/ /de dag gis gsol thugs chud nas/ /snying rje chen po'i snying po ni/ /'byung ba'i dkyil 'khor bshad ces gsungs/ /de nas gsang ba pa'i bdag po phyag na rdo rjes bcom ldan 'das kyi zhabs la phyag 'tshal nas/ bcom ldan 'das la 'di skad ces gsol to/ /bcom ldan 'das dkyil 'khor 'di'i ming ci lags/ de skad ces gsol pa dang / bcom ldan 'das kyis gsang ba pa'i bdag po phyag na rdo rje la bka' stsal pa/ lag na rdo rje dkyil 'khor 'di'i ming ni sangs rgyas med pa'i 'jig rten gyi khams rnams su sangs rgyas 'byung ba kun du ston pa'o/ /de nas yang gsang ba pa'i bdag po phyag na rdo rjes bcom ldan 'das la 'di skad ces gsol to/ /bcom ldan 'das kyis de bzhin gshegs pa dgra bcom pa yang dag par rdzogs pa'i sangs rgyas rnams ni nam mkha' lta bu'o zhes gsungs pa ma</font><hr>93.212b<br><font size=+1>

lags sam/ nam mkha' la ni skye ba yang ma mchis 'gag pa yang ma mchis so/ /bcom ldan 'das de bzhin du de bzhin gshegs pa rnams la yang skye ba yang ma mchis 'gag pa yang ma mchis na/ bcom ldan 'das de ci'i slad du 'di skad du 'di ni sangs rgyas med pa'i 'jig rten gyi khams rnams su sangs rgyas 'byung ba zhes gsungs/ bcom ldan 'das kyis bka' stsal pa/ gsang ba pa'i bdag po gang gi tshe sprul pa'i sangs rgyas yongs su mya ngan las 'das par gyur pa de'i tshe 'jig rten gyi khams de dag tu byang chub sems dpa' gsang sngags kyi sgo nas byang chub sems dpa'i spyad pa spyod pa rnams dkyil 'khor chen po bkod pa byin gyis rlob pas sems can rnams yongs su smin par byed do/ /de skad ces bka' stsal pa dang / gsang ba pa'i bdag po phyag na rdo rjes bcom ldan 'das la 'di skad ces gsol to/ /bcom ldan 'das ngo mtshar lags te/ gang na sems can 'dod chags dang zhe sdang dang gti mug dang g.yo dang sgyu dang the tsom gyi bsam pa can dad pa tha dad pa rnams kyi bsam pa ci lta ba bzhin yongs su rdzogs par bgyid pa'i byang chub sems dpa' sems dpa' chen po de dag ni shin tu dka' ba bgyid par rig par bgyi'o/ /bcom ldan 'das kyis bka' stsal pa/ lag na rdo rje rigs kyi bu de dag ni sangs rgyas gcig la bsnyen bkur byas pa ma yin gyis rigs kyi bu de dag gis ni sangs rgyas mang po la dge ba'i rtsa ba bskrun par rig par bya'o/ /chos snang ba'i sgo gsum gyis kyang nges par byung ba yin te gsum gang zhe na 'di lta ste/ snying rje chen po'i tshul gyi sgo snang ba'i tshul dang chos zab mo'i tshul gyi sgo snang ba'i tshul dang de bzhin gshegs pa la mchod pa dang bkur sti byed pa'i tshul te rigs kyi bu de dag ni chos snang ba'i tshul gyi sgo 'di gsum dang ldan par rig par bya'o/ /de nas yang bcom ldan 'das kyis byams pa dang thugs rje chen po'i spyan gnyis kyis chos kyi dbyings kyi pho brang chen po na gnas pa'i byang chub sems dpa' rnams la gzigs nas gsang ba pa'i bdag po phyag na rdo rje la bka' stsal pa/ </font><hr>93.213a<br><font size=+1>

lag na rdo rje slob dpon gyi mtshan nyid nyon cig /de la re shig slob dpon byang chub tu sems bskyed pa byang chub sems dpa'i bslab pa la spyod pa byang chub sems dpa'i sdom pas bsdams pa snying rje can dad pa che ba chos zab mo la gnas pa shes rab kyi pha rol tu phyin pa'i tshul la mkhas pa sgyu rtsal rnams la mkhas shing bzo ba gtsang zhing bag yod pa/ gsang sngags spyad pa dag dang ni/ /phyag rgya dkyil 'khor las la bslabs/ /dkyil 'khor bya ba'i las bya bar/ /bla ma las ni lung thob pa/ /sangs rgyas chos dang tshogs mchog la/ /gang zhig yid gnyis med gyur cing / /sems can khams ni ma lus pa/ /yongs su bskyab pa'i phyir brtson pa/ /mkhas pa des ni sangs rgyas kyi/ /dkyil 'khor dag ni bri bar 'os/ /mtshan rnams thams cad yongs rdzogs brtan/ /yid gzhungs pa la dpa' snying can/ /bdag gang slob ma rnams kyi'ang rung / /bgegs ni zhi bar byed par nus/ /yang dag bden pa'i don rtogs la/ /gang gi mos pa rgya che zhing / /bzod dang ldan la nga rgyal med/ /rlabs po che yi las byed cing / /de ni rlabs po che la dad/ /byang chub sems dpa' skyob pa dang / /sangs rgyas rnams kyi smon lam dag /thos nas phyi phyir dga' ba dang / /rtag tu mgu bar 'gyur ba dang / /gsang sngags spyod la brtson pa dang / /bzlas brjod brjod la gang 'bad dang / /gcam sgyu thams cad mi sems la/ /'jig rten chos la mi lta zhing / /sngags la gzhol ba'i sngags pa ni/ /yon tan de la sogs ldan na/ /slob dpon ston pas bkur ba yin/ /yang na chos rnams thams cad ni/ /rnam par dben la gang gnas pa/ /de yang sangs rgyas thams cad kyi/ /sangs rgyas 'byung ba ston par 'os/ /yang na rdzogs pa'i sangs rgyas kyis/ /bsngags pa'i dam tshig gsum shes sam/ /nyes pa thams cad rnam spangs pa/ /de la gnas pa'i sngags pa ni/ /yon tan kun dang mi ldan yang / /de yang dkyil 'khor 'bri bar 'os/ /de lta'i yon tan kun ldan na/ /las kyi cho ga mthong ba yis/ /</font><hr>93.213b<br><font size=+1>

'jig rten pa yi dkyil 'khor dang / /'jig rten 'das kun bya bar 'os/ /de slob dpon la gzhan gyis bskul na slob ma don du gnyer zhing de la dad par shes na/ de ltar shes nas slob dpon des/ /sa gzhi legs par brtag par bya/ /mtsho dang kun dga'i skyed mos tshal/ /rdzing bu rnams kyis kun brgyan cing / /'bras bu me tog ldan pa yi/ /ljon shing de bzhin ldum bu dang / /gel pa dam pa nyams dga' ba/ /'bras bu me tog ldan pa dang / /ngang pa khrung khrung rma bya dang / /bzhad dang ne tso sha ri rnams/ /gang gi yul na yod pa yi/ /yul de nan tan bskyed de bsten/ /me tog 'bras bu ldan ri dang / /gtsang zhing yid 'ong rdzing bu dang / /'bab chu chu ni zhim po dang / /chu klung g.yas nas 'khor ba can/ /der ni sngags pa blo ldan gyis/ /dkyil 'khor longs spyod 'phel bar bri/ /yul ni shin tu snum pa dang / /gtsug lag khang dang khang pa dang / /lha yi gnas dang phyugs lhas dang / /shing gcig lam gyi bzhi mdor yang / /zhi ba'i las las zhi ba yi/ /dkyil 'khor shes rab can gyis bri/ /khang pa stong pa'am dur khrod dam/ /snum mang drag po'i las can dang / /ngan cing rtsub la 'jigs pa can/ /de bzhin tshang tshing mi bzad 'jigs/ /de la sogs pa'i gnas rnams su/ /drag po'i las kyi dkyil 'khor bri/ /drag por drag po'i las rnams bya/ /zhi bar zhi ba'i las bya'o/ /rgyas par rgyas pa nyid yin te/ /de ni rgyas pa'i cho ga'o/ /yang ni yid ni gang dag tu/ /nges par dga' ba skye 'gyur ba/ /yul der dkyil 'khor bri ba yi/ /las ni legs par sbyar bar bya/ /gang gi sems ni rnam dag cing / /the tsom la sogs rnams spangs pa/ /de las las rnams thams cad ni/ /'grub par 'gyur ba dogs pa med/ /rnam par rtog pa spangs pa yi/ /rnam par mi rtog byang chub yin/ /de yang rnam rtog spangs pa yis/ /thob par 'gyur gyi gzhan gyis min/ /de bas rnam pa thams cad du/ /blo ldan yid gnyis spangs nas su/ /</font><hr>93.214a<br><font size=+1>

'jig rten kun la phan 'dod pas/ /shes rab can gyis dkyil 'khor bri/ /yul med dus kyang yod ma yin/ /bya ba med cing byed pa'ang med/ /chos rnams dag ni thams cad la/ /chos nyid 'ba' shig yod pa yin/ /byis pa mi shes pas bsgribs pa/ /rgyu dang rkyen gyis brgyal bas na/ /stong pa'i chos ni ma rtogs pas/ /rtag tu bdud kyi dbang du gyur/ /de ltas ston pa ye shes mnga'/ /spros med rtog par mkhyen pa yis/ /rnam rtog thams cad spangs pa yi/ /chos ni gzhal du med par bshad/ /de nas yang bcom ldan 'das rnam par snang mdzad sangs rgyas thams cad kyi rgyan bkod pa'i rgyal po zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs pa dang smin mtshams nas sangs rgyas kyi zhing thams cad kyi rgyan zhes bya ba'i 'od zer byung ngo / /byung nas kyang kun du snang bar gyur to/ /sangs rgyas kyi zhing 'di kun tu snang bar byas nas kyang gang gi rnam pa dang yon tan gyi mtha' bskal pa bye ba khrag khrig brgya stong du yang rtogs par mi nus pa lha'i sgo khyud kyis rab tu brgyan pa de bzhin gshegs pa'i rnam par smin pa las gyur pa/ me tog gi gzhi'i snying po bkod pa'i rgyan can 'di dag thams cad lag mthil bzhin du mnyam par gyur to/ /de ltar de bzhin gshegs pa'i bkod pa bsam gyis mi khyab pa byin gyis brlabs nas 'od zer de dag gsang ba pa'i bdag po phyag na rdo rje'i spyi bor mi snang bar gyur to/ /'od zer de dag mi snang bar gyur ma thag tu phyag na rdo rjes bcom ldan 'das kyi zhabs la phyag 'tshal nas/ bcom ldan 'das la 'di skad ces gsol to/ /bcom ldan 'das dkyil 'khor chen po bkod pa byin gyis rlob pa bshad du gsol/ de skad ces gsol pa dang / bcom ldan 'das kyis byang chub sems dpa' sems dpa' chen po phyag na rdo rje la bka' stsal pa/ lag na rdo rje dkyil 'khor chen po bkod pa byin gyis rlob pa nyon</font><hr>93.214b<br><font size=+1>

cig bcom ldan 'das de ltar 'tshal lo zhes gsol nas phyag na rdo rje bcom ldan 'das la nyan pa dang / bcom ldan 'das kyis de la 'di skad ces bka' stsal to/ /lag na rdo rje de la ci skad du bsgrags pa'i gnas rnams su dkyil 'khor kyi tshad khru gang pa yan cad dpag tshad man chad kyi tshad du bya'o/ /dpag tshad gcig las lhag par ni mi bya'o/ /de la sa gzhi mnyam la 'jam/ /byug spos dag gis legs par bskus/ /yang na 'jim pa gtsang ma yis/ /sngags pas nan tan bsku bar bya/ /de nas phur bu sor brgyad pa la las thams cad pa'i gsang sngags kyis brgya rtsa brgyad bzlas te grwa bzhir mnyam par btab na dkyil 'khor kun tu cis kyang mi tshugs par byin gyis brlabs par 'gyur ro/ /na maH sa man+ta badzrA NAn/ haM ko TA ya sa me ma hA tsaN+Da li hU~M phaT/ de nas phyi de nyin dkyil 'khor gyi yo byad rnams bsags te sta gon byas la las thams cad kyi gsang sngags sam 'phags pa mi g.yo bas bsrung ba byas te dkyil 'khor gyi byang phyogs su 'jog tu gzhug go/ /yang na byin gyis brlabs la bdag nyid kyis gzhag go/ /de nas phyi de nyin slob ma rnams gzung bar bya ste dad pa che ba gtsang sbra che ba chos la 'bad pa cho rigs btsun pa/ mos pa rgya che ba gcig gam gnyis sam gsum 'am ci snyed 'dod pa rnams gzung ngo / /las thams cad pa'am 'phags pa mi g.yo ba'am mi bzod pa'i gsang sngags kyis bu mos bkal ba'i skud pa'am/ skud pa gzhan nam yang na rtswa ku sha yang rung mdud pa gsum bor la/ de nas sngags kyis brgya 'am ni/ /yang na lhag par mngon bsngags te/ /slob ma'i las rnams 'grub pa'i phyir/ /dpung pa g.yon par bcing bar bya/ /u dum ba ra'i so shing ni/ /me tog dri la sogs pas bskus/ /shin du bzang po bsrung ba byas/ /sor brgyad tshad la rtse gcig pa/ /bzang po yid du 'ong ba dag /de nas mkhas pas sbyin par bya/ /shar ram byang du kha ltas te/ /so shing</font><hr>93.215a<br><font size=+1>

dag ni bca' bar bya/ /de nas blo ldan mi bza' zhing / /dpyad pa med par dor bar bya/ /gang du lhung bar gyur pa ni/ /de bzhin de las grub par 'gyur/ /shes rab pha rol phyin la sogs/ /mdo sde'i chos ni nyan du gzhug /slob ma skyo bar bya ba'i phyir/ /chos gtam shin tu bzang po bya/ /gal te rmi lam bzang po 'am/ /ngan pa dag ni mthong gyur na/ /bdag gi skal ba brtag pa'i phyir/ /bla ma la ni de dag bsnyad/ /mchod rten kun dga' gtsug lag khang / /glegs bam dang ni lha rnams dang / /yid bzhin nor bu rin chen gos/ /yang na me tog 'bras bu rnyed/ /ral gri 'khor lo pi bang dang / /grub pa'i rdzas ni sna tshogs rnams/ /gang gis rmi lam thob gyur rmis/ /de yi dngos grub yid bzhin 'gyur/ /nyi zla me dang mtshon dag gam/ /de bzhin rgya mtsho rgal ba dang / /glang po che dag zhon mthong ba/ /de ni dngos grub 'thob mi dka'/ /de la sogs pa'i rmi lam ni/ /bzang pos 'grub pa dam pa brtag /rmi lam bzlog pa mi bzad pa/ /'jigs pa mthong na mi 'grub po/ /bong bu rnga mong khyi dang ni/ /chun lag stag dang byi la wa/ /mi ni 'bru mar lus bskus dang / /gcer bu rtsub la mi sdug pa/ /de la sogs pa'i rmi ngan rnams/ /blo ldan mi yis spang bar bya/ /yang na dngos rnams rmi lam dang / /dri za'i grong khyer bzhin shes nas/ /blo dang ldan pas rmi lam rnams/ /snying po med par bshad par bya/ /de nas bcom ldan 'das la phyag na rdo rjes 'di skad ces gsol to/ /bcom ldan 'das byang chub sems dpa' gsang sngags kyi sgo nas byang chub sems dpa'i spyad pa spyod pa rnams/ 'di lta bu'i chos rnams la dang po nyid nas blo brtan par 'gyur ba de'i rgyu ni gang rkyen ni gang lags/ bcom ldan 'das kyis bka' stsal pa/ 'di ltar rigs kyi bu de dag ni snying rje chen po dang ldan zhing chos thams cad shin tu yongs su mya ngan las 'das par lta la/ so so'i skye bo rnams kyi mtshan nyid kyang phyin ci log cing mtshan nyid dang bral ba gcig tu shes te</font><hr>93.215b<br><font size=+1>

des na de dag thams cad la blo brtan zhing nges pa yin no/ /de nas yang bcom ldan 'das kyis chos kyi dbyings bsam gyis mi khyab pa'i rgya chen po byin gyis brlabs nas/ gsang ba pa'i bdag po phyag na rdo rje la bka' stsal pa/ gsang ba pa'i bdag po dkyil 'khor chen po bkod pa byin gyis rlob pa nyon cig /de la dang por slob dpon gyis gtsang sbra byas te bden bral gyi phyogs su gnas la/ dkyil 'khor gyi sa la rnam par dbye ba byas te/ sangs rgyas dang byang chub sems dpa' thams cad la phyag byas la chos kyi dbyings rnam par dag pa yang dran par byas te mtha' yas pa rgya che ba rab 'byam bkod pa byin gyis rlob pa la blta'o/ /bltas nas kyang bdag nyid rdo rje sems dpar byin gyis brlabs la tshon sna lnga'i srad bu'am/ yang na mkhas pas blos kyang rung / /lha yi gnas rnams nges pa ni/ /shes rab can gyis rnam par dbye/ /kun tu gru bzhi lham pa la/ /sgo bzhi rta babs dang yang bcas/ /sgo khyud rab 'byam rgya chen ldan/ /rnam par dag pa sems kyis bris/ /rin chen lnga yi phye ma 'am/ /yang na sA lu'i phye ma'ang rung / /yang na spos sam thal bas kyang / /dkyil 'khor sngags pas bri bar bya/ /gru bzhi pa la sgo bzhi pa/ /nub kyi sgo ni dbye bar bya/ /de nas rig sngags rgyal mo ni/ /mi bzad srung ba chen mo 'am/ /yang na mi g.yo dran par bya/ /rdzogs pa'i sangs rgyas dran byas nas/ /bden bral gyi ni phyogs su 'gro/ /de nas srad bu bres nas su/ /bskor ba byas te slar log nas/ /de nas blo dang ldan pa ni/ /nub dang byang gi phyogs su 'gro/ /der yang shar du kha ltas nas/ /shar gyi phyogs su srad bu bre/ /de ltar srad bu tshul shes pas/ /rtag par thog pa nyid du bya/ /de nas dbus su 'dug nas ni/ /mgon po ngan song kun spong dang / /mi mchog 'od dpag med pa dang / /de bzhin sgrib pa kun sel dang / /thub pa me tog kun rgyas dang / /rgyal ba rnam par snang mdzad dang / /thub chen bdud las rgyal ba dang / /de bzhin mi 'khrugs zhes bya dang / /</font><hr>93.216a<br><font size=+1>

sangs rgyas rnga yi sgra dbyangs can/ /de bzhin gshegs pa rjes dran nas/ /der yang dka' thub can gyis ni/ /nan tan bskyed de cha gsum brtag /de ltar las la mkhas pa yis/ /sa ni legs par brtags nas su/ /byang chub sems dpa' blo ldan dang / /sangs rgyas rnams kyi yum yang bklag /yang na zab mo'i mdo sde gzhan/ /sa rnams gtan la 'bebs pa bklag /bklags nas blo dang ldan pa yis/ /kun tu bdug spos bskor nas su/ /rgyal ba mchog gi sras rnams dang / /sangs rgyas rnams la phyag byas nas/ /sangs rgyas kun gyi sku gzugs sam/ /phyag rgya mkhas pas bri bar bya/ /yang na gzhan ni gang yang rung / /de dag thams cad bri bar bya/ /de nas yang bcom ldan 'das rnam par snang mdzad kyis gsang ba pa'i bdag po phyag na rdo rje la bka' stsal pa/ gsang ba pa'i bdag po sbyor ba gang dag dang ldan na byang chub sems dpa' gsang sngags kyi sgo nas byang chub sems dpa'i spyad pa spyod pa rnams tshegs chung ngus sems can gyi khams mtha' yas pa yang srid pa'i rgya mtsho las sgrol bar 'gyur ba chos kyi dbyings bsam gyis mi khyab pa'i tshul bsgrub pa'i sbyor ba yod do/ /de skad ces bka' stsal pa dang / phyag na rdo rjes bcom ldan 'das la 'di skad ces gsol to/ /bcom ldan 'das sgrub pa'i gzhi gang dang ldan na byang chub sems dpa' gsang sngags kyi sgo nas byang chub sems dpa'i spyad pa spyod pa rnams cho ga thams cad yongs su rdzogs par bgyid cing de bzhin gshegs pa rnams kyang mnyes par bgyid pa'i sgrub pa'i gzhi de dag bshad du gsol/ de skad ces gsol pa dang / bcom ldan 'das rnam par snang mdzad kyis chos kyi dbyings kyi tshul rgya chen po byin gyis brlabs sgrub pa'i gzhi rgya chen pos byin du brlabs nas sbyor ba bzang po bshad do/ /gsang ba pa'i bdag po de las 'khor los sgyur bas</font><hr>93.216b<br><font size=+1>

ni dkyil 'khor gyi tshad dpag tshad gcig tsam bri bar bya ste gnas tsan dan bzang po sbrul gyi snying po dam pa las byas pa'i khang pa dril bu g.yer ka chen po dang rin po che'i bla re bres pa/ a ga ru bzang po'i bdug spos sna tshogs kyis bdugs pa 'dzam bu'i gser gyi srad bus bskor ba rin po che sna tshogs kyi dril bu g.yer ka'i dra bas steng brgyan pa rnga sgra snyan pa sna tshogs kyi sgra grag pa/ phyogs bzhi na rta babs sna tshogs mu tig gi phreng bas btags pa tshon sna tshogs su btsos pa'i gos kyis klubs pa bkod pa dang rgyan sna tshogs kyis spras pa rin po che'i sgron ma sna tshogs kyis kyang rnam par gsal bar bya'o/ /de nas de bzhin gshegs pa 'dus pa'i nang na 'dug bzhin du bdag nyid chos kyi dbyings rnam par dag pa 'am de'i rnam pa la dmigs par byin gyis brlabs la chos 'byung ba'i phyag rgya 'am dam tshig gi phyag rgya bcings te/ stong pa'i ngo bo nyid kyi rjes su song ba rnams sangs rgyas dang byang chub sems dpa'i sdom pa dang byang chub kyi sems 'dzin du gzhug go/ /de nas bla na med pa'i ye shes kyi mig rnam par dag par bya ba'i phyir dam tshig bstan par bya'o/ /de la nang gi dkyil 'khor gyi phyag rgya ni 'di rnams yin no/ /shar phyogs su sangs rgyas thams cad kyi phyag rgya gru gsum pa pad ma'i steng na 'dug par bri'o/ /de'i gsang sngags ni 'di'o/ /na maH sar+b+ba bud+d+ha bo d+hi sa twA nAn/ a sar+b+ba tra Na ki swA hA/ bcom ldan 'das kyi g.yas rol du sangs rgyas dang byang chub sems dpa' thams cad kyi phyag rgya yid bzhin gyi nor bu'i rgyal mtshan bri'o/ /de'i gsang sngags ni/ na maH sa man+ta bud+d+ha bo d+hi sa twA nAn/ sa man+ta ta a mi te dz+wa la swA hA/ de 'i 'og tu kun du bzang po'i phyag rgya ral gri dang gnas kyi dkyil 'khor chung ngu bri'o/ /gsang sngags ni/ na maHsar+b+ba bud+d+ha bo d+hi sa twA nAn/ badzra rA dza mA la swA hA/ sangs rgyas thams cad kyi phyag rgya'i g.yon rol du chos kyi 'khor</font><hr>93.217a<br><font size=+1>

lo'i phyag rgya bri'o/ /de'i 'og tu bcom ldan 'das shAkya thub pa'i phyag rgya lhung bzed dang chos gos bri'o/ /bcom ldan 'das kyi g.yas logs su nam mkha'i spyan gyi phyag rgya can gtsug tor 'dra ba pad ma'i steng du 'dug par bri'o/ /bcom ldan 'das ma'i 'og logs su rdo rje dam pa sbyin gyi phyag rgya uta pa la'i steng du rdo rje gzhag pa bri'o/ /'phags pa kun du bzang po'i byang phyogs su byams pa'i phyag brgya ril ba spyi blugs bri'o/ /bcom ldan 'das kyi nub phyogs su spyan ras gzigs dbang phyug gi phyag rgya pad ma bri'o/ /bcom ldan 'das kyi byang phyogs su mtha' yas pa 'phro ba rgya chen po mi g.yo ba rgyal po'i phyag rgya bri'o/ /byang chub sems dpa' rnams kyi lho phyogs su rdo rje 'dzin thams cad kyi phyag rgya bri'o/ /de nas phyi rol gyi dkyil 'khor cha gsum du byas pa la 'khor sa'i snam bu bor te/ shar phyogs su pho nya'i tshogs thams cad kyi phyag rgya bri'o/ /de dag gi shar lho'i mtshams su pho nya mo thams cad kyi phyag rgya bri ste/ pho nya mo rnams kyi phyag rgya ni lcags kyu'o/ /tshogs rnams kyi phyag rgya ni zhags pa'o/ /lho dang byang gi ngos su bran pho bran mo rnams kyi phyag rgya bri ste de la bran pho rnams kyi phyag rgya ni ral gri'o/ /bran mo rnams kyi phyag rgya ni khad ga ri dang rdo rje'i khab bri'o/ /de nas bcom ldan 'das ma shes rab kyi pha rol tu phyin pa bklag go/ /bklags nas langs la dkyil 'khor bskor ba byas te sangs rgyas bcom ldan 'das rnams la phyag kyang byas la slob ma byang chub tu sems bskyed pa dad pa can gtsang sbra che ba yi dam la brtan pa sdom pa gzung ba 'gro ba thams cad yongs su bskyab pa'i bsam pa can snying rje che ba gdong ras kyis g.yogs pa lag pa mi stong pa de la sems rtse gcig tu dmigs pa rnams dkyil 'khor bskor ba byas te dkyil 'khor gnyis pa'i sgo khar 'greng la gang ba'i phyag rgya 'am chos 'byung ba'i phyag rgya</font><hr>93.217b<br><font size=+1>

'am dam tshig gi phyag rgya bcings te dam tshig brjod la dkyil 'khor du gzung ngo / /de nas me tog 'dor du gzhug go/ /me tog gar bab pa der de'i lha yin no/ /de ltar dam tshig brtan pa can gyis slob dpon la ston pa'i 'du shes bskyed do/ /slob dpon gyis kyang bu'i 'du shes bskyed par bya'o/ /de nas sems kyi rgyud rab dang 'bring dang tha ma la bltas nas gsang sngags spyad pa la 'jug pa'i rnal 'byor gyi cho ga sbyin no/ /de ltar byas na dkyil 'khor chen po bkod pa 'dir dam tshig mthong bar 'gyur ro/ /'jig rten dang 'jig rten las 'das pa'i dkyil 'khor du zhugs kyang rung ma zhugs kyang rung dam tshig tu zhugs par 'gyur ro/ /de ltar dkyil 'khor chen por byin gyis brlabs shing sdig pa thams cad dang bral ba de bzhin gshegs pa 'i rigs las byung ba/ sems can gyi khams mtha' yas pa yongs su bskyab pa yid la byed pa des gsang sngags spyad pa'i rnal 'byor gyi cho ga rjes su dran par bya'o/ /de nas yang bcom ldan 'das rnam par snang mdzad kyis chos kyi dbyings kyi gnas na 'khod pa'i byang chub sems dpa' sems dpa' chen po rnams la byams pa chen po dang thugs rje chen po'i spyan gnyis kyis gzigs nas/ zhal cung zad 'dzum zhing de bzhin gshegs pa'i so so yang dag par rig pa la 'jug pa'i tshul gyis bla na med pa'i chos kyi dbyings shin tu rnam par dag par bstan par bzhed de/ srid pa'i rgya mtsho thams cad las bsgral bar yi dam bcas pa zhes bya ba'i bzhad pa chen po mdzad nas gtsug tor chen po'i dkyil 'khor nas thams cad du de bzhin gshegs pa thams cad kyi yul 'byung ba zhes bya ba'i 'od zer byung ngo / /'od zer de byung nas kyang phyogs bcu'i 'jig rten gyi khams rab 'byam nam mkha'i dbyings kyis klas pa na de bzhin gshegs pa thams kyi 'khor gyi dkyil 'khor na 'khod pa'i byang chub sems dpa' thams cad ni snang bar byas chos kyi dbyings bsam gyis mi khyab pa la 'jug pa'i yul ni bstan/ sems can thams cad kyi sems kyi spyod pa rnams la ni bltas chos kyi dbyings rnam par</font><hr>93.218a<br><font size=+1>

dag pa mtha' yas pa ni dmigs par byas/ chos kyi dbyings rnam par rol pa nam mkha' dang mnyam pa'i rjes su 'gro ba chos mnyam pa nyid bstan pa rnam par rol pa'i sgo nas ni rnam par rol nas/ de bzhin gshegs pa'i dge ba'i rtsa ba rnam par smin pa bsam gyis mi khyab pa las mngon par grub pa dang / de bzhin gshegs pa'i dgongs pa las mngon par grub pa mos pa'i rlung gi dkyil 'khor gyis sangs rgyas kyi zhing bkod pa rnam pa bcus rab tu brgyan pa mdzad de/ nam mkha'i ngos la bkod pa chen po'i dkyil 'khor gyi byin gyis brlabs bsham pa byas te gnas par gyur to/ /'od zer chen po de dag gnas par gyur ma thag tu gsang ba pa'i bdag po phyag na rdo rje'i sems la sems kyi rtog pa 'di lta bu byung bar gyur to/ /ci tsam du de bzhin gshegs pa'i dgongs pa las byung ba'i 'od zer sngon ma mthong ba'i bkod pa bstan pa 'di dag rnam par bkod pa sna tshogs kyis nam mkha'i ngos ni khebs par byas de bzhin gshegs pa'i rnam par rol pa chen po rnams ni bstan nas de bzhin gshegs pa'i zhal du mi snang bar gyur pa ni ngo mtshar to/ /de bas na nges par deng bcom ldan 'das so so yang dag par rig pa chen po mngon par bsgrub pa'i tshul rnam par dag pas mnyam pa nyid la 'jug pa rnam par dag pa'i gzhi de bzhin gshegs pa thams cad rnam par rol pa'i chos kyi rnam grangs bshad par bzhed do/ /de'i phyir bdag bcom ldan 'das la zhu'o snyam mo/ /de nas phyag na rdo rjes bcom ldan 'das kyi zhabs la phyag 'tshal nas bcom ldan 'das la 'di skad ces gsol to/ /bcom ldan 'das bcom ldan 'das kyis dang po bla na med pa yang dag par rdzogs pa'i byang chub tu thugs bskyed pa nas/ bcom ldan 'das mngon par rdzogs par sangs rgyas pa'i bar du bdag rtag tu zham ring la mchis mchis na/ bcom ldan 'das kyis ci ltar da ltar bzhad pa chen po sngar mdzad nas dbu'i gtsug tor gyi dkyil 'khor nas 'od zer stong phrag sangs rgyas kyi zhing bcu'i rdul phra rab kyi rdul snyed byung nas 'od zer de rnams kyis</font><hr>93.218b<br><font size=+1>

kyang 'jig rten khams na nam mkha'i dbyings kyi mthas klas pa snang bar bgyid pa'i ngo mtshar 'di lta bu ni bdag gis sngon chad ma mthong lags so/ /de la bdag 'di snyam du deng bcom ldan 'das bdag cag la so so yang dag par rig pa chen po la 'jug pa'i tshul sgrub pa rnam par dag pa'i gzhi chos kyi rnam grangs de bzhin gshegs pa thams cad mngon par rdzogs par byang chub pa rnam par sprul pa bshad pa bzhed pa ni bdag cag gis rnyed pa legs par rnyed do snyam bgyid do/ /bcom ldan 'das de lta bas na legs lags kyis/ bdag cag la thugs brtse ba'i slad du so so yang dag par rig pa chen po la 'jug pa'i tshul sgrub pa rnam par dag pa'i gzhi de bzhin gshegs pa thams cad mngon par rdzogs par byang chub pa rnam par sprul pa'i chos kyi rnam grangs bshad du gsol/ de ni dus slad ma'i 'gro ba rnams la yang snang bar bgyid par 'gyur ba lags so/ /de skad ces gsol pa dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po legs so legs so/ /gang khyod don 'di 'dri ba ni yang legs so/ /gsang ba pa'i bdag po/ /de'i phyir legs par nyon la rab tu yid la zung shig dang ngas khyod la de bzhin gshegs pa thams cad kyi so so yang dag par rig pa la 'jug pa bsgrub pa'i tshul rnam par dag par mnyam pa nyid la 'jug pa rnam par dag pa'i gzhi chos kyi rnam grangs de bzhin gshegs pa thams cad mngon par rdzogs par byang chub pa rnam par sprul pa bshad par bya'o/ /bcom ldan 'das de ltar 'tshal lo zhes gsol nas/ gsang ba pa'i bdag po phyag na rdo rje bcom ldan 'das la nyan pa dang bcom ldan 'das kyis de la 'di skad ces bka' stsal to/ /gsang ba pa'i bdag po stong pa nyid kyi gzhi ni mngon par rdzogs par byang chub pa'i gzhi'o/ /nam mkha' dang mnyam pa'i gzhi ni mngon par rdzogs</font><hr>93.219a<br><font size=+1>

par byang chub pa'i gzhi'o/ /mtshan nyid med pa'i gzhi ni mngon par rdzogs par byang chub pa'i gzhi'o/ /de bzhin gshegs pa'i gzhi ni mngon par rdzogs par byang chub pa'i gzhi'o/ /de ltar mngon par rdzogs par byang chub pa'i gzhi 'di dag byang chub sems dpas bsgom par bya'o/ /gsang ba pa'i bdag po 'di ni de bzhin gshegs pa thams cad kyi so so yang dag par rig pa la 'jug pa sgrub pa'i tshul rnam par dag pas mnyam pa nyid la 'jug pa'i gzhi chos kyi rnam grangs yin no/ /de nas bcom ldan 'das/  rnam par snang mdzad kyis chos kyi dbyings rgya chen po rab 'byam mtha' yas pa byin gyis brlabs nas/ nam mkha' dri ma med pa'i rgyal po rnam par smin pa nam mkha' ltar rgya che zhing mtha' yas pa zhes bya ba'i ting nge 'dzin la snyoms par zhugs so/ /bcom ldan 'das snyoms par zhugs ma thag tu dbu'i gtsug nas de bzhin gshegs pa thams cad kyi yul snang ba yul bsam gyis mi khyab pa rab 'byam ston pa zhes bya ba'i 'od zer byung ngo / /byung nas kyang de bzhin gshegs pa thams cad dang rjes su mthun pa bstan te/ bcom ldan 'das rnam par snang mdzad la bskor ba lan brgya stong du ma byas te 'jig rten gyi khams rnam pa bcur snang ba chen pos gsal bar byas te steng gi nam mkha' la gnas nas/ gsang ba'i snying po'i dkyil 'khor chen po bsham pa byas te dam tshig chen po gsum gyi snang bas/ 'jig rten gyi khams nam mkha'i dbyings kyi mthas klas pa snang bar byas nas sems can gyi khams rnams la dam tshig gsum gyi mi ge skye bar byin gyis brlabs te/ 'od zer dag nam mkha' las lhags nas phyag na rdo rje'i spyi bor babs so/ /'od zer dag phyag na rdo rje'i spyi bor babs ma thag tu de nas de'i mod la gsang ba pa'i bdag po phyag na rdo rjes de bzhin gshegs pa'i yul 'byung ba zhes bya ba'i ting nge 'dzin chen po thob par gyur te/ de thob pas de bzhin</font><hr>93.219b<br><font size=+1>

gshegs pa'i sa la gnyis su med par gnas pa thob par gyur to/ /de nas gsang ba pa'i bdag po phyag na rdo rje de bzhin gshegs pa'i ye shes kyi dga' bas yid tshim par gyur nas/ mig gnyis mi 'dzums par bcom ldan 'das rnam par snang mdzad la yud tsam zhig bltas te bzhin cung zad 'dzum zhing bcom ldan 'das la yid kyis zhus pa/ ci ltar de bzhin gshegs pa lags/ /ci ltar rgyal ba dam pa lags/ /ci ltar byang chub sems dpa' lags/ /ci ltar sangs rgyas zhes kyang bgyi/ /mgon po bdag gi the tsom 'di/ /thub pa chen pos bsal du gsol/ /byang chub sems dpa' grags chen rnams/ /the tsom yid gnyis spangs nas su/ /spyad pa'i rgyal po theg chen la/ /rgyal ba'i sras ni spyod par 'gyur/ /de skad ces gsol pa dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po/ /khyod don 'di lta bu 'dri bar sems pa ni legs so legs so/ /gsang ba pa'i bdag po chos kyi tshul bsgrub pa'i gzhi 'di lta bu thos nas skrag par mi 'gyur/ shin tu skrag par mi 'gyur ba'i sems can de ni dkon no/ /gsang ba pa'i bdag po rigs kyi bu de dag ni sangs rgyas gcig la bsnyen bkur byas pa ma yin gyi/ sangs rgyas stong phrag du ma la dge ba'i rtsa ba bskrun pa yin par rig par bya'o/ /gsang ba pa'i bdag po de lta bas na byang chub sems dpa' gsang sngags kyi sgo nas byang chub sems dpa'i spyad pa spyod pas thog ma nyid du theg pa chen po rtogs par khong du chud par bya'o/ /de ci'i phyir zhe na/ gsang ba pa'i bdag po theg pa chen po rtogs par khong du chud pa'i byang chub sems dpa' ni tshegs chung ngu kho nas gsang sngags kyi sgo nas byang chub sems dpa'i spyad pa bsgrub par 'gyur ro/ /'di ltar gsang sngags kyi sgo nas byang chub sems dpa'i spyad pa spyod pa 'di ni mngon par shes pa chen</font><hr>93.220a<br><font size=+1>

po yongs su sbyong ba yin no/ /de nas yang bcom ldan 'das rnam par snang mdzad kyis byang chub sems dpa' phyag na rdo rje la bka' stsal pa/ gsang ba pa'i bdag po de'i phyir nyon la legs par rab tu yid la zung shig dang ngas khyod la bshad par bya'o/ /de skad ces bka' stsal pa dang / gsang ba pa'i bdag po phyag na rdo rje bcom ldan 'das la nyan to/ /de la bcom ldan 'das kyis 'di skad ces bka' stsal to/ /chos rnams nam mkha'i mtshan nyid de/ /gnyis su med cing mtshan nyid gcig /gzhi bcus rdzogs par sangs rgyas pa/ /de ni rdzogs sangs rgyas zhes bya/ /'du shes tsam yang spangs pa'i phyir/ /rang gi ngo bo bstan med cing / /ye shes kyis ni rang rig pa/ /de ni de bzhin gshegs par bshad/ /byang chub nam mkha'i mtshan nyid de/ /rtog pa thams cad spangs pa yin/ /gang zhig de rtogs 'dod pa des/ /byang chub sems dpa' zhes bya'o/ /sa bcu po dag bsgrubs nas ni/ /dbang rnams rtogs par khong du chud/ /chos rnams stong pa sgyu ma bzhin/ /gang gis 'dir ni kun rtogs shing / /'jig rten kun gyi rgyud shes pa/ /sangs rgyas zhes ni bya ba yin/ /gsang ba pa'i bdag po de ltar de dag ni byang chub sems dpa'i sems kyi gnas skabs rnam par gzhag pa yin no/ /gsang ba pa'i bdag po rnam grangs des kyang 'di ltar byang chub sems dpa' rnams kyi rang gi sems rnam par gzhag pa bsgrub pa ni med par rig par bya'o/ /de nas yang gsang ba pa'i bdag po phyag na rdo rjes bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas pa'i byang chub sems dpa' sems dpa' chen po rnams la theg pa chen po mngon par rtogs pa'i chos kyi rnam grangs legs par bshad pa ni bcom ldan 'das ngo mtshar lags so/ /bde bar gshegs</font><hr>93.220b<br><font size=+1>

pa shin tu ngo mtshar lags so/ /bcom ldan 'das rigs kyi bu de dag ni 'gro ba lnga'i 'khor ba na 'khor ba'i tshe ngan 'gro ngan song gi 'jigs pa'am bdud kyi las kyi 'jigs pa'am mi khom par skye ba'i 'jigs pa mchis par bdag mi smra'o/ /ci'i slad du zhe na/ byang chub sems dpa' chen po theg pa chen po mngon par rtogs pa la gnas pa ni 'jig rten dang lhan cig tu gnas kyang 'jig rten las 'das pa'i lam mi gtong zhing sems can yongs su smin par bya ba'i phyir thabs kyis 'jig rten gyi bya ba thams cad kyang ston to/ /theg pa chen po mngon par rtogs pa las yongs su nyams par yang mi 'gyur ro/ /de nas yang gsang ba pa'i bdag po phyag na rdo rjes bcom ldan 'das la gsol ba btab pa/ bcom ldan 'das gsang ba chen po'i snying po'i dkyil 'khor bshad du gsol/ de ni skye bo mang po la phan pa dang bde bar 'gyur lags so/ /de skad ces gsol pa dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po de'i phyir nyon la legs par rab tu yid la zung shig dang ngas khyod la gsang ba'i snying po'i dkyil 'khor bsham pa bshad par bya'o/ /de la re shig slob dpon dam tshig gsum rnam par dbye ba la mkhas shing bdag kyang dam tshig gsum la gnas pa yin no/ /gsang ba pa'i bdag po/ /de la dam tshig gsum po de gang zhe na chos kyi khyad par gsum ste chos kyi khyad par gang la dus gsum du gtogs pa'i dus na sgrib pa med pa'i tshul gyis 'jug pa de ni dam tshig gsum zhes bya'o/ /gsang ba pa'i bdag po chos kyi khyad par de yang gang zhe na/ gsang ba pa'i bdag po sems ni chos kyi khyad par te/ gsang ba pa'i bdag po de la sems kyi rnam par rtog pa thams cad med pa yongs su shes pa'i gang yin pa de ni rdzogs pa'i sangs rgyas mthong ba'o/ /'di'i chos kyi dbyings rtogs pa'i rang rig pa'i rnam pa gang yin pa de ni de bzhin gshegs</font><hr>93.221a<br><font size=+1>

pa'i mtshan nyid yin no/ /gang lus dang ngag dang yid 'jug pa de ni sprul pa'i mtshan nyid yin no/ /gsang ba pa'i bdag po de ni dam tshig gsum yin te/ nyan thos dang rang sangs rgyas thams cad kyis kyang ma rtogs na mu stegs can gzhan dag gis lta ci smos/ de nas bcom ldan 'das kyis tshigs su bcad pa 'di dag gsungs so/ /byis pa mi shes pas bsgribs pa/ /tshul 'di shes par ma gyur rnams/ /sangs rgyas gzhan du tshol bar byed/ /'di na gnas par yong ma rtogs/ /'jig rten khams gzhan gang nas kyang / /sangs rgyas rnyed par yong mi 'gyur/ /sems nyid rdzogs pa'i sangs rgyas te/ /sangs rgyas gzhan du ma bstan to/ /de lta bas na rnal 'byor pas/ /rtag tu yid gnyis spangs nas ni/ /sems kyi khyad par rnam gsum brtag /de nas dam tshig gsum shes 'gyur/ /de nas yang bcom ldan 'das kyis tshigs su bcad pa de dag gsungs nas/ gsang ba pa'i bdag po phyag na rdo rje la bka' stsal pa/ gsang ba pa'i bdag po de la slob dpon dam tshig gsum shes par bya ba la mkhas pas bdag nyid chos kyi dbyings su mos par byas la de la dmigs pa'i sbyor bas sa gzhi rnam par sbyang bar bya'o/ /de ltar des sa gzhi rnam par sbyangs nas nam mkha'i dbyings lta bu la yang dag par gzhol bas bdag ni chos kyi dbyings sgrib pa med pa'i ye shes kyi yul yin no snyam du bdag nyid rnam par snang mdzad du byin gyis brlab po/ /de ltar bdag nyid byin gyis brlabs la/ chos kyi dbyings rnam par dag pa'i phyir/ gnyis su med pa'i sbyor bas bdag gi lus la dkyil 'khor yin pa'am/ dkyil 'khor bdag gi lus yin par byin gyis brlabs te/ rang gi sems kyis byas pa 'i tshon sna lnga'i phye ma 'am gzhan yang rung ste cho ga snga mas rnam par dbye bar bya'o/ /gsang ba pa'i bdag po/ de ni sems can sdug bsngal ba rnams yongs su bskyab pa'i phyir/ gsang ba pa'i bdag po snying po'i dam tshig la 'jug</font><hr>93.221b<br><font size=+1>

pa'i cho ga bya'o/ /de nas yang bcom ldan 'das rnam par snang mdzad kyis byin gyis brlabs pa gang gis/ byang chub sems dpa' gsang sngags kyi sgo nas byang chub sems dpa'i spyad pa spyod pa rnams kyis de bzhin gshegs pa'i ye shes kyang tshe 'di nyid gcig pus thob par 'gyur ba de lta bu'i chos kyi byin gyis brlab pa mdzad do/ /de nas bcom ldan 'das kyis byams pa chen po dang thugs rje chen po'i spyan gnyis kyis sems can gyi khams la gzigs nas/ gsang ba pa'i bdag po phyag na rdo rje la bka' stsal pa/ gsang ba pa'i bdag po byin gyis brlabs sgrub pa'i gzhi gang gis de bzhin gshegs pa rnams thams cad mkhyen pa'i ye shes thob par dka' ba yang bsod nams ma byas pa'i sems can rnams kyi pha rol gyi rgyud la yang rab tu 'jog par 'gyur ba chos kyi dbyings kyi byin gyis brlabs kyi gzhi nyon cig /bcom ldan 'das kyis de skad ces bka' stsal pa dang / phyag na rdo rjes thal mo sbyar te bcom ldan 'das la 'di skad ces gsol to/ /bcom ldan 'das sangs rgyas bcom ldan 'das stobs bcu'i stobs dang ldan pa mi 'jigs pa bzhi'i khyu mchog seng ge'i sgra sgrogs pa rnams kyi ye shes la mnga' ba ni ngo mtshar to/ /bcom ldan 'das rigs kyi bu'am rigs kyi bu mo mkhas pa'i rang bzhin can su zhig thams cad mkhyen pa'i ye shes 'di 'dra ba'i don du nam mkha'i dbyings kyi mthas klas pa'i bskal par yang sems can dmyal ba'i sdug bsngal mi bzad pa yang bzod par mi bgyid/ bcom ldan 'das de lta bas na rigs kyi bu mkhas pa 'di la slob par 'tshal bas de bzhin gshegs pa'i rjes su bslab par bgyi'o/ /bcom ldan 'das de lta bas na legs lags kyis bdag cag la thugs brtse ba'i slad du chos kyi dbyings kyi byin gyis brlabs kyi gzhi de dag bshad du gsol/ /de skad ces gsol pa dang bcom ldan 'das kyis gsang ba pa'i bdag po phyag na rdo rje la 'di</font><hr>93.222a<br><font size=+1>

skad ces bka' stsal to/ /gsang ba pa'i bdag po nam mkha'i mtshan nyid dang mtshungs pa'i phyir chos thams cad ni mtshan nyid gcig pa'o/ /chos kyi dbyings dmigs su med pa'i phyir chos thams cad ni stong pa nyid kyi byin gyis brlabs kyi mtshan nyid do/ /gsang ba pa'i bdag po gang dag ngas sngon byang chub sems dpa'i spyad pa spyod pa nas byang chub kyi snying po la 'dug gi bar du bsgoms shing lan mang du byas pa'i chos kyi dbyings kyi byin gyis brlabs kyi gzhi yin te gsang ba pa'i bdag po de lta bas na de bzhin gshegs pa rnams kyi bla na med pa yang dag par rdzogs pa'i byang chub ni de yin no/ /rigs kyi bu nga byang chub kyi snying po na 'dug pa na yang 'di dag sems sems pa las rnam par rtog pa thams cad spangs pa zhes bya ba shes rab kyi pha rol tu phyin pa'i sgo thob par gyur to/ /sgra dbyangs mtha' yas par sgrogs pa zhes bya ba'i gzungs kyi sgo dang / bdud bzhi pham par byed pa'i dbyangs zhes bya ba'i rig sngags kyi rgyal mo gnas med pa/ nam mkha'i spyod yul mtshan nyid med pa 'gro ba po med pa byed pa po dang / tshor ba po med pa 'jig rten gyi 'gro ba thams cad las 'das pa yang thob par gyur to/ /gsang ba pa'i bdag po de la rig sngags kyi rgyal mo chen mo mtha' yas shing rab 'byam rgya che ba bstan par bya ba de dag gang zhe na/ na ma s+t+rai ya d+h+wi ga te pra tiSh+Thi te b+h+yo a pra ti ha ta shA sa ne b+h+yaH ma hA kr-i pe b+h+yaHga ga na a ma la rU pa d+hA ra NI ta thA rU pa bi b+ha ba bi b+ha ba ni/ pa ra rU pa d+ha re ma hA kr-i le bi ma le sar+b+ba ga te bi sho d+ha ni/ de la 'di ni rdo rje'i tshig mnyam pa med pa yin no/ /a ma hA bi sma ye hU~M kha~M/ phyag na rdo rje 'di ni nam mkha' ltar dri ma med pa zhes bya ba'i rig sngags kyi rgyal mo ste de bzhin gshegs pa thams cad kyi byin gyis brlabs kyis byin du brlabs pa/ sangs rgyas dang byang chub sems dpa' thams cad kyi yum yin no/ /</font><hr>93.222b<br><font size=+1>

rigs kyi bu de bzhin gshegs pa rnams gang na rig sngags kyi rgyal mo 'di mi 'chad cing mi brjod pa'i sangs rgyas kyi zhing de ngas ma mthong ngo / /gsang ba pa'i bdag po rnam grangs des kyang 'di ltar gsang ba'i snying po'i dkyil 'khor dang phyag rgya dang dam tshig 'di la 'jug par 'dod pa'i byang chub sems dpa' gsang sngags kyi sgo nas byang chub sems dpa'i spyad pa spyod pas/ gsang sngags kyi sgo nas byang chub sems dpa' spyad pa spyod pa'i rgyal po 'di la mngon par brtson par bya'o zhes bya bar rig par bya'o/ /de nas gsang ba pa'i bdag po phyag na rdo rjes bcom ldan 'das la 'di skad ces gsol to/ /bcom ldan 'das byang chub sems dpa' gsang sngags kyi sgo nas byang chub sems dpa'i spyad pa spyod pa rnams gsang sngags kyi rang bzhin ci ltar ston chos thams cad la dbang thob pa'i bar du ci ltar 'gyur/ de skad ces gsol pa dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po 'di la byang chub sems dpa' gsang sngags kyi sgo nas byang chub sems dpa'i spyad pa spyod pas slob dpon las dbang nod par bya'o/ /'di snyam du slob dpon 'di ni bdag gi ston pa ste bla na med pa yang dag par rdzogs pa'i byang chub la bskul ba'o snyam du yang sems bskyed par bya'o/ /de de nas thal mo sbyar te nye bar song la gsol ba gdab po/ /slob dpon gyis kyang de don du gnyer bar shes nas snying rje chen po mngon sum du byas te tshig 'di skad ces smra bar bya'o/ /rigs kyi bu longs de bzhin gshegs pa'i spyan bla na med pa de khyod la bstan par bya'o/ /de nas sa gzhi yid du 'ong ba brtags la cho ga snga mas sa gzhi sbyangs te dkyil 'khor gru bzhi la sgo gcig pa lha rnam par dbye ba'i gnas legs par brtags pa/ mchod pa'i gnas rnam pa sna tshogs bkod pa bsgrubs</font><hr>93.223a<br><font size=+1>

pa spos chu dri zhim pos bkang ba'i bum pa dbus su bzhag pa bris la slob ma pad ma'i steng na 'dug pa rang gi lha'i gzugs bdag yin par dmigs pa la gnas pa yid byang chub kyi sems su gyur pa 'gro ba mtha' dag yongs su bskyab pa'i bsam pa can de bzhin gshegs pa'i rigs su 'gyur bar 'dod pa dag bum pa des spyi bo nas dbang bskur ro/ /'di skad du rigs kyi bu khyod de bzhin gshegs pa'i rigs su skyes so/ /de bzhin gshegs pa'i spyan phye'o zhes kyang smra bar bya'o/ /gsang ba pa'i bdag po de la byang chub sems dpa' gsang sngags kyi sgo nas byang chub sems dpa'i spyad pa spyod pa rnams kyis lha'i gzugs ni de bzhin gshegs pa'i sku ci snyed pa'am sems dpa' mtha' yas pa thams cad kyi cha lugs kyi bye brag kyang rung ste gsang sngags dang phyag rgyas byin gyis brlabs pa las 'gyur bar rig par bya'o/ /gsang ba pa'i bdag po gsang sngags dang phyag rgyas byin gyis brlab pa yang ci lta bu yin zhe na/ gsang ba pa'i bdag po de la dbang bskur ba'i tshe slob dpon gyis pad ma'i phyag rgyas gdan sra zhing brtan pa bsam gyis mi khyab pa rdo rje ltar mi shigs pa yongs su brtag pa ni gser ram zangs sam 'jim pa las byas pa 'am ri mor bris pa gzhag ste bya'o/ /de'i steng na 'dug pa la chos thams cad la dbang thob par bya ba'i phyir/ spos chu dri zhim pos bkang ba'i bum pas spyi bo nas dbang bskur bar bya'o/ /slob dpon bdag nyid kyang ci ltar rjes su mthun par mos par bya ba 'am de'i phyag rgyas rjes su mthun pa'i bya ba bya'o/ /chos kyi dung gi phyag rgya dang gsang sngags kyis kyang de bzhin gshegs pa'i gsung gi 'khor lo'i dkyil 'khor byin gyis brlab par bya'o/ /ral gri'i phyag rgya dang gsang sngags kyi ni 'jig tshogs la lta ba mtha' dag</font><hr>93.223b<br><font size=+1>

gzhom par byin gyis brlab par bya'o/ /de bzhin gshegs pa'i chos kyi 'khor lo'i phyag rgya dang gsang sngags kyis ni de bzhin gshegs pa'i chos kyi 'khor lo byin gyis brlab par bya'o/ /rdo rje'i phyag rgya dang gsang sngags kyis ni mi shes pa'i grong khyer gzhig par byin gyis brlab par bya'o/ /gtsug tor gyi phyag rgya dang gsang sngags kyis ni spyi gtsug bltar mi snang ba byin gyis brlab par bya'o/ /mdzod spu'i phyag rgya dang gsang sngags kyis ni mdzod spu dang ldan par byin gyis brlab par bya'o/ /yan lag thams cad byung ba'i phyag rgya dang gsang sngags kyis ni yan lag thams cad byin gyis brlab par bya'o/ /gsang ba pa'i bdag po de la pad ma'i phyag rgya 'byung ste/ lag pa gnyis gcig tu sbyar la 'khrig ma nas bgyed de sor mo thams cad mgo mnyam par brkyang ngo / /phyag rgya 'di ni de bzhin gshegs pa thams cad kyi rdo rje gdan yin te dam pa mthu chen po'o/ /gsang sngags ni ngo mtshar che ba thams cad kyi sgo ste/ na maH sa man+ta bud+d+hA nAn/ ga ga nA ma la pra b+hA badzrA b+he bya nA ma hA kr-i pAd ma kaH de la 'di dag ni rdo rje'i tshig mnyam pa med pa'o/ /a ti bisma ya ma hA kr-i pad ma dzaHhU~M/ lag pa gnyis bsnol te rgyab sbyar la sor mo rnams phan tshun blas pa'i tshul du bsnol te g.yon pa'i mthe bo rgyab tu bzlog la g.yas pa'i mthe bos sen mo la sbyar ro/ /rgya 'di phyag rgya chen po ste/ /chos kyi 'khor lo zhes su sgrags/ /'jig rten mgon po skyob rnams kyis/ /'khor lo dam pa 'di bskor ro/ /na maH sa man+ta bud+d+hA nAn/ ta thA ga ta a mr-i te bi dza ya bar Na na sar+b+ba dza ya ga ta d+har+tha kA ri ma hA kra be haM tra hi ma hAd b+hU te hU~M/ gsang ba'i phyag rgya las mthe bo gnyis lag mthil du bcug la mdzub mo gnyis kyis rtsa ba dkris te lhag ma rnams so na gzhag la bsgreng ngo / /'jig rten mgon po skyob rnams kyis/ /phyag rgya sems can thams cad</font><hr>93.224a<br><font size=+1>

kyi/ /don rnams rtag tu myur byed 'di/ /chos kyi dung zhes rnam par grags/ /na maH sa man+ta bud+d+hA nAn/ t+r+ya da d+h+wa b+ha ga ba ti pra tiSh+ThA nan/ a nan ta ru sa ra bi nir g+ho Sha~M ta thA ga ta bAka pra sa ra bisma ya ka d+ha ra ma hA d+ha ra ma hA d+ha ra maSh+ka sar+b+ba sa twa san to sha nA rA ma hA ma hA hU~M/ gang ba'i phyag rgya de nyid las mdzub mo gnyis bkug te mthe bo'i sen mo'i steng du ral gri'i tshul du gzung ngo / /phyag rgya rab tu mthu chen 'di/ /ral gri'i phyag rgyar rnam par grags/ /sems can kun gyi 'jig tshogs lta/ /lhan cig skyes pa 'ang gcod pa yin/ /na maH sa man+ta bud+d+hA nAn/ a ma hA kha Da ga pradz+nyA ti dzi ta sad kA ya tri Sh+Ti ts+tshin+da na kA ra ta thA ga tA d+hi muka ti nir dzA ta bi d+hu ta sa~M kalpa ma hA ma hA hU~M dza/ phyag rgya de nyid las mdzub mo gnyis phyi rol du brkyang ste gung mo gnyis kyi tshigs gsum par nas gang tsam gyis ma reg par bzung la/ rdo rje lta bur byas te mthe bo dang srin lag dang mthe'u chung gnyis nang du gzhug go/ /sangs rgyas 'jig rten mgon po yi/ /phyag rgya rab tu bsgrags pa 'di/ /mi shes grong khyer 'jig pa yi/ /rdo rje'i phyag rgyar rnam par grags/ /de'i gsang sngags ni/ na maH sa man+ta bud+d+hA nAn/ ma hA bim+ma ya te dzod b+hA ma hA tsaN+Da dur dan tA tra b+hany+dza hA/ rdo rje'i phyag rgya de nyid las mdzub mo gnyis gung mo gnyis kyi ngos su gtsug tor lta bur gzung ngo / /'di ni gtsug tor phyag rgya ste/ /'jig rten mgon po skyob pa yin/ /gang gis phyag rgya 'di bcings pa/ /de la 'di ni gtsug tor 'gyur/ /de'i gsang sngags ni/ na maH sa man+ta bud+d+hA nAn/ sar+b+ba tra a pra ti ha ta b+hA ba ti d+har+m+ma hA ba li nAn/ sar+b+ba ta thA ga ta no du d+har+ya ba sha ya/ ma hA bud+hA sar+b+ba ta thA ga ta a d+hiSh+ThA na a d+hiSh+ThA te s+phu ra ma hA ma hoSh+NI Sha swA hA/ lag pa g.yas pa khu tshur bcangs la smyin mtshams su gzung ngo / /rgya 'di rgyal ba mchog rnams kyi/ /mdzod spur rtag tu rnam par bsgrags/ /</font><hr>93.224b<br><font size=+1>

de'i sngags ni/ na maH sa man+ta bud+d+hA nAn/ a sha khan du ba ma pra b+ha sar+b+ba sa twa kle sha san ta pa pra sha ma nA ga ra ma hA ti d+ha ra sar+b+ba ta thA ga ta a la~M kA ra ma hA pu ru Sha rU pa d+ha ra rag ko tig ta swA hA/ gsang ba pa'i bdag po byang chub sems dpa' gsang sngags kyi sgo nas byang chub sems dpa'i spyad pa spyod pa rnams sangs rgyas kyi bya ba la nye bar gnas pa de gang yin pa de dag ni gsang sngags dang phyag rgya 'di dag yin no/ /gsang ba pa'i bdag po de lta bas na byang chub sems dpa' gsang sngags kyi sgo nas byang chub sems dpa' gsang sngags dang phyag rgya 'di dag gis byin gyis brlabs pa rnams ni yid bzhin gyi nor bu gzugs sna tshogs pa dang 'dra ba'i lus rnams kyis sems can gyi khams rnams su sems can gdul ba'i dbang gis ji ltar rjes su mthun pa'i lus rnams ston to/ /de nas yang bcom ldan 'das rnam par snang mdzad kyis gsang ba pa'i bdag po phyag na rdo rje la bka' stsal pa/ gsang ba pa'i bdag po gsang ba'i snying po'i dkyil 'khor lo sdom pa gang dang ldan na byang chub sems dpa' gsang sngags kyi sgo nas byang chub sems dpa'i spyad pa spyod pa rnams lus dang ngag dang yid bsdams shing spyod par 'gyur ba'i sdom pa dang byang chub kyi sems yod do/ /gsang ba pa'i bdag po de la sdom pa gang zhe na/ bsdam pa ni sdom pa ste lus dang ngag dang yid rnams bsdus shing yongs su bsdus pa phyi dang nang gi sdug bsngal sel bar 'gyur ba de ni sdom pa yin no/ /de skad ces bka' stsal pa dang / phyag na rdo rjes bcom ldan 'das la 'di skad ces gsol to/ /bcom ldan 'das byang chub sems dpa' gsang sngags kyi sgo nas byang chub sems dpa'i spyad pa spyod pas sdom pa ci ltar gzung bar bgyi/ de skad ces gsol pa dang bcom ldan 'das kyis gsang ba pa'i bdag po phyag na rdo rje la 'di skad ces bka'</font><hr>93.225a<br><font size=+1>

stsal to/ /gsang ba pa'i bdag po 'di la slob dpon gyis lha spyan drang ba byas la bcom ldan 'das ma shes rab kyi pha rol tu phyin pa bklags te dkyil 'khor la phyogs te der 'dug la slob ma rnams la bos te 'di skad du bu dus gsum du sgrib pa med par gnas pa dam tshig chen po la 'jug pa'i sdom pa nos shig ces bsgo bar bya'o/ /des kyang thal mo sbyar pus mo btsugs te 'di skad du slob dpon dgongs su gsol/ bdag ming 'di zhes bgyi ba deng gi dus 'di nas gzung ste/ nam byang chub kyi snying po la mchis kyi bar du slob dpon gyis bdag la dam tshig chen po la 'jug pa'i sdom pa stsal du gsol/ ston pa'i bka' spyi bos nod par 'tshal lo zhes smra bar bya'o/ /de nas slob dpon gyis kyang 'di skad du rigs kyi bu dgongs shig /bla na med pa yang dag par rdzogs pa'i byang chub 'dod pa khyod kyis byang chub kyi snying po la 'dug gi bar du lhag pa'i bsam pas sangs rgyas dang byang chub sems dpa' rnams la bdag dbul bar bya'o/ /gsang ba pa'i bdag po 'di ni dam tshig chen po la 'jug pa zhes bya ba'i sdom pa yin te sdom pa 'di la gnas pa'i byang chub sems dpa' gsang sngags kyi sgo nas byang chub sems dpa'i spyad pa spyod pa rnams ni tshul khrims shin tu bsdams shing de bzhin gshegs pa'i tshul khrims bla na med pa la rab tu gnas pa yin no/ /gsang ba pa'i bdag po de lta bas na gsang sngags kyi sgo nas byang chub sems dpa'i spyad pa'i sgo 'di la slob par 'dod pa'i byang chub sems dpas dam tshig chen po la 'jug pa 'di la mngon par brtson par bya'o/ /gsang ba pa'i bdag po byang chub sems dpa' sems gang dang ldan na de bzhin gshegs pa'i rigs su skyes shing 'das pa dang ma byon pa dang da ltar byung ba'i sangs rgyas bcom ldan 'das</font><hr>93.225b<br><font size=+1>

rnams kyi ye shes rab tu gnas par 'gyur ba'i byang chub kyi sems de yang nyon cig de nas bcom ldan 'das la phyag na rdo rjes 'di skad gsol to/ /bcom ldan 'das bdag cag la thugs brtse ba'i slad du byang chub kyi sems de bshad du gsol/ de skad ces gsol pa dang / bcom ldan 'das kyis gsang ba pa'i bdag po phyag na rdo rje la 'di skad ces bka' stsal to/ /gsang ba pa'i bdag po de la byang chub gang zhe na byang chub ni nam mkha'i ngo bo nyid do/ /nam mkha' yang gzugs med bstan du med gzung du med pa'o/ /byang chub kyi mtshan nyid gang yin pa sems kyi mtshan nyid kyang de yin no/ /gsang ba pa'i bdag po de lta bas na sems dang nam mkha' dang byang chub 'di dag ni gnyis su med do/ /'di la chos rnams mnyam pa nyid du rtogs pa chos kyi dbyings khong du chud pa gang yin pa de ni bla na med pa yang dag par rdzogs pa'i byang chub yin no/ /de la mi skye ba'i tshul dang mi dmigs pa'i tshul gyis sems skye ba gang yin pa de ni/ gsang ba pa'i bdag po byang chub kyi sems zhes bya'o/ /gsang ba pa'i bdag po gzhan yang byang chub sems dpa' gnas kyi gzhi lngas byang chub mngon par rtogs par 'gyur te/ lnga gang zhe na gsang ba pa'i bdag po 'di la byang chub sems dpa' rnams dngos po thams cad dang bral bar mngon par rtogs par 'gyur ro/ /kha cig ni phung po dang khams dang skye mched dang gzung ba dang 'dzin pa rnam par spangs pa stong pa sgyu ma lta bur mngon par rtogs par 'gyur ro/ /kha cig ni chos la dmigs pas so/ /gsang ba pa'i bdag po 'on kyang byang chub sems dpa' gsang sngags kyi sgo nas byang chub sems dpa'i spyad pa spyod pas/ 'di ltar dngos po thams cad dang bral ba phung po dang khams dang skye mched dang gzung ba dang 'dzin pa rnam par spangs pa</font><hr>93.226a<br><font size=+1>

chos bdag med pa mnyam pa nyid kyis rang gi sems thog ma nas ma skyes pa stong pa nyid kyi ngo bo nyid du rtogs par bya'o/ /gsang ba pa'i bdag po de la dngos po thams cad dang bral ba zhes bya ba de ni de bzhin gshegs pas 'di la bdag gam sems can nam skye ba'am shed las skyes pa yod pa ma yin gyi phung po dang khams dang / skye mched tsam du zad do zhes 'jig rten pa'i lam yongs su spang bar bstan pa yin no/ /phung po khams dang skye mched dang gzung ba dang 'dzin pa rnam par spangs pa zhes bya ba ni nyan thos kyi lam mngon par rtogs pa yongs su shes pa'i sgo nas byang chub sems dpa' rnams kyi theg pa chen po mngon par rtogs pa rnam par gzhag pa yin no/ /chos bdag med pa mnyam pa nyid kyis ni byang chub sems dpa' gsang sngags kyi sgo nas byang chub sems dpa'i spyad pa spyod pa rnams rang gi sems thog ma nas ma skyes par mthong zhing stong pa nyid kyi ngo bo nyid rdzas med pa mtshan nyid med par mngon par rtogs par 'gyur ro/ /gsang ba pa'i bdag po de lta bas na byang chub sems dpas gnas med pa sgrib pa med pa spros pa thams cad dang bral ba'i sems bskyed par bya'o/ /gsang ba pa'i bdag po rnam grangs 'dis kyang 'di ltar theg pa chen po la yang dag par gnas pa'i byang chub sems dpa' rnams la gsang sngags spyad pa'i tshul sgrub pa rnam par thar pa'i sgo ma gtogs par bla na med pa yang dag par rdzogs pa'i byang chub la phan 'dogs pa med par rig par bya'o/ /de ci'i phyir zhe na/ byang chub sems dpa' rnams bskal pa du mar 'bad cing btsal te/ btang dka' ba rnams kyang byas pas byang chub mngon par rdzogs par 'tshang rgya bar 'gyur ba de byang chub sems dpa' gsang sngags kyi sgo nas byang chub sems dpa'i spyad pa spyod pa rnams kyis tshe 'di nyid la bla na med pa yang dag par rdzogs pa'i byang chub</font><hr>93.226b<br><font size=+1>

mngon par rdzogs par 'tshang rgya bar 'gyur ro/ /de yang ci'i phyir zhe na/ gsang ba pa'i bdag po tshe zhes bya ba de ni de bzhin gshegs pas skye ba la 'du shes su bya bar zad do/ /byang chub sems dpa' de rnams kyi 'du shes de yang chos thams cad kyi ngo bo nyid khong du chud pa'i ting nge 'dzin thob pa'i sngon rol nyid du 'gags pa'i phyir ro/ /de nas yang bcom ldan 'das rnam par snang mdzad kyis gsang ba pa'i bdag po phyag na rdo rje la bka' stsal pa/ gsang ba pa'i bdag po gsang ba'i snying po'i dkyil 'khor dang phyag rgya'i dam tshig 'di la 'jug par 'dod pa'i byang chub sems dpa' chos lnga rgyang ring du spang bar bya'o/ /lnga gang zhe na/ ser sna dang sems can la gnod pa dang the tsom dang le lo dang gsang sngags la sogs pa la ma gus pa ste/ gsang ba pa'i bdag po chos 'di lnga ni byang chub sems dpa' tshe 'di nyid la 'jig rten las 'das pa'i lam du 'jug par 'dod pa rnams kyis rgyang ring du spang bar bya'o/ /gsang ba pa'i bdag po chos 'di rnams la gnas pa'i byang chub sems dpa' de la/ byang chub kyi spyad pa cung zad kyang yongs su rdzogs par nga mi smra'o/ /gsang ba pa'i bdag po de ci'i phyir zhe na/ chos 'di rnams ni byang chub sems dpa' rnams kyi byang chub kyi sems kyi bar du gcod pa chen po'o/ /de nas gsang ba pa'i bdag po phyag na rdo rjes bcom ldan 'das la 'di skad ces gsol to/ /bcom ldan 'das rigs kyi bu'am rigs kyi bu mo gang gsang ba'i snying po 'di'i dam tshig la gnas par gyur pa de'i bsod nams ci tsam zhig 'phel bar 'gyur/ de skad ces gsol pa dang / bcom ldan 'das kyis byang chub sems dpa' phyag na rdo rje la 'di skad ces bka' stsal to/ /gsang ba pa'i bdag po nam mkha'i dbyings kyi mtha' rtogs par nus sam/ gsol pa/ bcom ldan 'das nam mkha'i dbyings kyi tshad ma mchis pas de'i</font><hr>93.227a<br><font size=+1>

tshad gzung bar mi nus so/ /bcom ldan 'das kyis bka' stsal pa/ nam mkha'i dbyings kyi mtha' ni rtogs par nus kyang srid kyi gsang ba'i snying po'i dkyil 'khor du dam tshig mthong ba'i rigs kyi bu 'am rigs kyi bu mo'i bsod nams mngon par 'dus byas pa gang yin pa'i bsod nams de'i tshad ni rtogs par mi nus so/ /de ci'i phyir zhe na/ gsang ba pa'i bdag po dkyil 'khor 'di ni sangs rgyas 'byung ba mthong ngo / /gsang ba pa'i bdag po dkyil 'khor zhes bya ba ni/ snying po gtso bo snying po thams cad kyi mthar phyin pa ste de'i gong na de bzhin gshegs pa'i dkyil 'khor med do/ /dge ba'i rtsa ba thams cad kyi snying por gyur pa gnas su gyur pa skyabs su gyur pa'o/ /gsang ba pa'i bdag po de lta bas na rigs kyi bu 'am rigs kyi bu mo dkyil 'khor dang phyag rgya dang dam tshig 'di la 'jug par 'dod pas/ dkyil 'khor dang phyag rgya dang dam tshig la 'jug pa thob par 'gyur ba gang na ba der 'jig rten gyi khams me ma mur gyis yongs su gang ba la yang rkang pa gnyis kyis 'bogs te 'gro bar bya'o/ /byang chub sems dpa' gsang sngags kyi sgo nas byang chub sems dpa'i spyad pa spyod pa de rnams la yang rigs kyi bu'am rigs kyi bu mo de dag gis dge ba'i bshes gnyen gyi 'du shes dang pha ma'i 'du shes dang mkhan po'i 'du shes bskyed par bya'o/ /de ci'i phyir zhe na/ byang chub sems dpa' de dag la ni bdag gi sha dang khrag gis mchod na yang lan lon par mi 'gyur na mchod pa gzhan gyis lta ga la nus/ gsang ba pa'i bdag po gang la brten nas sems can dmyal ba'i rgyun chad par 'gyur zhing dud 'gro'i skye gnas su 'gro ba dang gshin rje'i 'jig rten pa'i phung po med par 'gyur ba'i byang chub sems dpa' gsang sngags kyi sgo nas kyang byang chub sems dpa'i spyad pa spyod pa de dag la ci ltar lan ldon par 'gyur/ byang chub sems dpa' de dag ni mi mnyam pa dang mnyam</font><hr>93.227b<br><font size=+1>

pa la gnas pa/ de bzhin gshegs pa thams cad kyi byin gyi brlabs kyis byin du brlabs pa nam mkha' ltar gnas med pa'i spyod yul can yin par rig par bya'o/ /gsang ba pa'i bdag po ngas khyod la bsgo bar bya'o/ /shes par bya'o/ /ma 'ongs pa'i dus na mi blun po dmigs pa can la lta ba 'jig tshogs la lta ba mngon par zhen pa blo phyin ci log tu gyur pa bdag gi sems kyi gnas gtan la ma phebs pa rnams rnam par 'khrul nas 'di skad du/ 'di ni sangs rgyas kyis gsungs pa ma yin gyi 'di dag ni rang bzo can gyis rang bzor byas pa yin no zhes zer ba dag 'byung bar 'gyur ro/ /gsang ba pa'i bdag po mi blun po de dag ni 'gro ba gnyis su 'gro bar rig par bya ste/ gnyis gang zhe na 'di lta ste/ sems can dmyal ba dang dud 'gro'o/ /gsang ba pa'i bdag po de dag la dge ba'i rtsa ba'i rgyu cung zad kyang yod par nga mi smra'o/ /de ci'i phyir zhe na/ de dag ni rtsa ba chad par byed pa la zhugs pa ste/ sangs rgyas kyi byang chub la bar du gcod par byed pa bdud kyis zil gyis non pa shes rab 'chal pa'i rang bzhin can theg pa chen po la goms par ma byas pa nyan thos kyi theg pa la snying por 'du shes pa rnams 'byung bar 'gyur ro/ /rigs kyi bu 'am rigs kyi bu mo gang dag chos kyi rnam grangs 'di la mngon par brtson par 'gyur ba de dag la tshul khrims 'chal pa sdig pa'i chos spyod pa de dag la sangs rgyas kyi byang chub ga la yod ces mi snyan pa smra bar 'gyur te/ mi blun po de dag gis mi snyan pa de smras pas ngan 'gro gnyis su lhung ste/ gsang sngags kyi spyad pa spyod pa de ni 'di ltar bcom ldan 'das thams cad mkhyen pa des sems can rnams la phan gdags pa'i phyir 'di dag thams cad gsungs so/ /de dag la sdang ba'i sems bskyed pas sdug bsngal gyi skal ba can du 'gyur ro/ /</font><hr>93.228a<br><font size=+1>

de ci'i phyir zhe na/ de dag ni de bzhin gshegs pa'i gsang ba 'dzin pa lha dang bcas pa'i 'jig rten gyis phyag bya bar 'os par yin par rig par bya'o/ /de nas yang bcom ldan 'das rnam par snang mdzad kyis phyag na rdo rje la sogs pa rdo rje 'dzin sangs rgyas kyi zhing bcu'i rdul phra rab snyed la bka' stsal pa/ rigs kyi bu de rnams bsrung ba dang bskyab pa dang sba ba'i phyir rigs kyi bu khyod kyi lag tu gtad kyis/ khyod kyis rigs kyi bu de rnams rtag tu rgyun mi 'chad par bsrung bar gyis shig /yongs su bskyab par gyis gnod pa las kyang bzlog par gyis shig /de skad ces bka' stsal pa dang / phyag na rdo rje la sogs pa rdo rje 'dzin sangs rgyas kyi zhing bcu'i rdul phra rab snyed po de dag gis mgrin gcig tu tshig 'di skad smras so/ /bcom ldan 'das de bzhin gshegs pa chos kyi rjes ci skad bka' stsal pa de bzhin du thams cad bgyi'o/ /rigs kyi bu de dag nam byang chub kyi snying po la mchis kyi bar du bsrung bar bgyi'o/ /bcom ldan 'das kyis bka' stsal pa/ rigs kyi bu de dag legs so legs so/ /khyod kyis ci nas kyang ston pa'i bstan pa 'jig par mi 'gyur ba de ltar gyis shig /de nas gsang ba pa'i bdag po phyag na rdo rjes rdo rje 'dzin de dag thams cad la smras pa/ grogs po dag de bzhin gshegs pa dgra bcom pa yang dag par rdzogs pa'i sangs rgyas rnams kyis bya dka' ba brgya stong du mar bsgrubs pa de ni bla na med pa yang dag par rdzogs pa'i byang chub 'di yin te/ de bas na khyed thams cad kyis nan tan bskyed de de dag bsrung bar gyis shig /de ci'i phyir zhe na/ 'dis ni bdag cag de bzhin gshegs pa'i bka' bzhin byed pa'o zhes bya bar 'gyur ro/ /de bzhin gshegs pa'i bstan pa bsrung ba'o zhes bya bar 'gyur ro/ /mi mnyam pa dang mnyam pa'o zhes bya</font><hr>93.228b<br><font size=+1>

bar 'gyur ro/ /stobs bcu 'dzin pa'o zhes bya bar 'gyur ro/ /de bas na chos kyi rnam grangs 'di bsrung ba dang bskyab pa dang sba ba'i phyir bdag cag rnams kyis rtag tu brtson par bya'o/ /rigs kyi bu de dag kyang bsrung ba dang bskyab pa dang sba ba'i phyir brtson par bya'o/ /de skad ces smras pa dang / rdo rje 'dzin de dag gis mgrin gcig tu smras pa/ bdag gis ci nas kyang ston pa'i bstan pa yun ring du gnas par 'gyur ba dang 'jig par mi 'gyur bar bya ba 'di ni nges par bya dgos so zhes smras so/ /de nas bcom ldan 'das rnam par snang mdzad kyis ma 'ongs pa'i 'gro ba la gzigs nas chos kyi rnam grangs 'di yun ring du gnas par bya ba'i phyir/ thugs rje chen po thog mar byas nas gsang sngags kyi tshig 'di dag gsungs so/ /na ma s+t+rai yad d+h+wi kA nAn/ sar+b+ba ta thA ga tA nAn/ sar+b+ba ta thA ga ta sa ma ta ga ti ga te/ e ka d+d+har+m+ma sam ba sa ra Ne bi tsid tA rU pa d+hA ra NI/ sar+b+ba sa tA tra a b+hi prA ya ba ri pU ra Ni/ sar+b+ba bo d+hi sa twA tra ga ta ma na se/ tra hi ma~M sar+b+ba ng+har+m+ma sa ma ma hA ma hI bai ro tsa na gar b+ha sam bud+ha/ sar+b+ba ta thA ga ta a d+hiSh+Thi te tra hi te b+ha ga ba te hU~M/ de nas phyag na rdo rje de bzhin gshegs pa thams cad kyis rjes su gnang ba/ bcom ldan 'das rnam par snang mdzad kyis byin gyis brlabs kyis snying rje chen po mngon du byas te/ 'di nyid kyi rgyud phyi ma smras pa/ dang por slob dpon gtsang sbra byas te/ chos kyi dbyings su gyur pa'i yid kyis bdag rnam par snang mdzad du de'i phyag rgya dang gsang sngags kyis bsgyur te dkyil 'khor bri'o/ /sngags pa gsang sngags cho ga la/ /rtag par cho ga snga ma yis/ /phye ma dkar po blangs nas su/ /snying rjer gyur pa'i yid kyis ni/ /rtag tu mi g.yo dran byas te/ /dang por tshon rtsi dgye bar bya/ /de nas tshon rtsi gnyis pa ni/ /dmar po blangs nas dgye bar bya/ /tshon rtsi gsum pa ser po yang / /shin du</font><hr>93.229a<br><font size=+1>

nges par dgye bar bya/ /de nas margad 'dra ba dgye/ /de nas an da rnyil 'drar dgye/ /gang gi kha dog ci 'drar gsungs/ /de yi dkyil 'khor de nyid do/ /lha yi kha dog de bzhin te/ /zhi dang rgyas dang drag spyod pa/ /de yi gsang sngags de nyid 'dod/ /'di ni gsang ba bstan pa yin/ /de bzhin gshegs pa'i gsang sngags gang / /de dag dbang chen yin par bsgrags/ /phyag na pad ma'i chu yi yin/ /rdo rje can gyi rlung gi yin/ /pho nya la sogs bran rnams dang / /khro bo'i ming du gang gtogs pa/ /kun du thogs med spyod pa rnams/ /kun gyi dkyil 'khor me dang rlung / /yang na 'di dag thams cad kyang / /nus pa'i mthu ni kun dang ldan/ /stong pa nyid kyi bdud rtsis ngoms/ /snying rje'i mig ni dri ma med/ /byams pa'i go cha legs par bgos/ /dga' ba dri med rtsal dang ldan/ /srid pa'i rgya mtshor bying ba yi/ /sems can 'don par rab tu brtson/ /'khor ba na yang mi gnas shing / /mya ngan 'das la 'ang gnas ma yin/ /yang dag mtha' la nges byas shing / /sems can rnams kyi don byed pa'o/ /de nas gsang ba pa'i bdag po phyag na rdo rjes thams cad dang ldan pa'i 'khor gyi dkyil 'khor la bltas nas tshig smras pa/ thams cad mkhyen pa sdig bral ba/ /ston pa bcom par ldan pa 'dis/ /bgegs rnams 'byung bar 'gyur ba'i gnas/ /gtan la bab par bshad 'gyur ba/ /grogs po kun gyis mnyan par gyis/ /bgegs ni rnam pa du ma ste/ /lha dang lha min gnod sbyin min/ /de la bgegs ni rnam gnyis te/ /phyi dang nang gi spyod yul lo/ /glo lu dbugs</font><hr>93.229b<br><font size=+1>

brnangs rims dang skyug /skya rbab nad dang yi ga 'chu/ /de la sogs pa'i rims rnams ni/ /rlung grang tsha ba la sogs las/ /mi bzad ngo bo can 'byung ba/ /nang gi yin par shes par bya/ /phyi rol gyi ni bgegs chen rnams/ /mi dang de bzhin mi min te/ /ye shes tsher ma de dag ni/ /spyod pa rnam pa sna tshogs kyis/ /'jig rten gzhig pa'i phyir 'byung ste/ /dka' thub gnas na rmongs par byed/ /las kyi cho ga mthong ba yis/ /de rnams slar ni bzlog par bya/ /tsha bar gyur nas 'ongs pa'i bgegs/ /bsil bas nye bar zhi bar byed/ /shes rab can gyis gnyen po yis/ /de dag so sor gso bar bya/ /yang na bgegs rnams thams cad la/ /sngags pas nges par mtshams bcad pa/ /bgegs rnams kun la ye shes ni/ /zhi bar byed pa'i mchog tu bshad/ /'phags pa rnam par snang mdzad chen po mngon par rdzogs par byang chub par sprul pa byin gyis rlob pa theg pa chen po'i mdo sde'i rgyal po gsang ba pa'i mchog rim par phye ba las/ de bzhin gshegs pa 'byung ba zhes bya ba'i dkyil 'khor chen po byin gyis rlob pa/ /rdzogs s+ho// //rgya gar gyi mkhan po shI len tra bo d+hi dang / zhu chen gyi lots+tsha ba ban de dpal brtsegs kyis bsgyur cing zhus te/ gtan la phab pa'o/ </font><hr>

</table>