J460

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J460</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J460&coll=lithang">see text in Tibetan script</a></table>92.181a<br><font size=+1>

@#/ /rgya gar skad du/  shrI pa ra mA d+ya man+t+ra kalpa khaN+Da nA ma/  bod skad du/  dpal mchog dang po'i sngags kyi rtog pa'i dum bu zhes bya ba/ bcom ldan 'das bde ba chen po la phyag 'tshal lo/ /de nas bcom ldan 'das rnam par snang mdzad de bzhin gshegs pa thams cad kyi gsang ba'i chos nyid brnyes pa/ chos thams cad spros pa med pa/ yang bde ba chen po rdo rje don yod pa'i dam tshig ces bya ba/ rdo rje chos nyid shes rab kyi pha rol tu phyin pa'i sgo dpal mchog dang po thog ma dang tha ma dang dbus med pa'i dam pa 'di gsungs so/ /byang chub sems dpa' chen po rnams kyi 'dod chags chen po'i dngos grub dam pa ni bde ba chen po'i dngos grub dam par 'gyur ro/ /byang chub sems dpa' chen po rnams kyi bde ba chen po'i dngos grub dam pa ni de bzhin gshegs pa thams cad kyi byang chub chen po'i dngos grub dam par 'gyur ro/ /</font><hr>92.181b<br><font size=+1>

de bzhin gshegs pa thams cad kyi byang chub chen po'-i dngos grub dam pa ni bdud chen po'-i stobs thams cad rab tu 'joms par byed pa'i dngos grub dam par 'gyur ro/ /byang chub sems dpa' rnams kyi bdud chen po'-i stobs rnams kyi bdud chen po'i stobs rab tu 'joms pa'i dngos grub dam pa ni khams gsum thams cad kyi dbang phyug chen po'i dngos grub dam par 'gyur ro/ /byang chub sems dpa' rnams kyi khams gsum pa thams cad kyi dbang phyug gi dngos grub dam pa ni sems can gyi khams ma lus shing lus pa med par yongs su sbyong bar 'dod pa'i rgyu'i phyir/ 'khor ba la yang ma chags shing / brtson 'grus chen po'i byang chub sems dpa' rnams kyi sems can gyi khams ma lus shing lus pa med pa rnams yongs su bskyab pa dang / sems can thams cad la phan pa dang bde ba'i mchog shin tu bde ba chen po'i dngos grub dam par 'gyur ro/ /de ci'i phyir zhe na/ ci srid 'khor ba'i gnas su ni/ /mkhas mchog 'dug par 'gyur ba'i tshe/ /de srid mtshungs med sems can don/ /mya ngan mi 'da' byed par nus/ /shes rab pha rol phyin thabs dang / /ye shes gnas su bsgrubs pas ni/ /chos kun rnam par dag pa'i phyir/ /'khor ba yongs su dag par 'gyur/ /chags la sogs pas 'dul na ni/ /'khor ba'i bar du rtag par yang / /'jig rten sdig byed de sbyang phyir/ /'khor ba srid du bdag nyid 'dul/ /ci ltar pad ma rab dmar ba/ /tshon gyi nyes pas mi gos pa/ /de bzhin gnas kyi nyes pa yis/ /'gro phan rnams la mi gos so/ /'dod chags chen po rnam par dag /bde ba chen po nor che la/ /khams gsum dbang phyug thob pa na/ /sems can don rnams brtan par byed/ /gang la la zhig nang par langs nas dpal mchog dang po shes rab kyi pha rol tu phyin pa'i tshul gyi sgo'i chos kyi rnam grangs 'di nyin re</font><hr>92.182a<br><font size=+1>

zhing 'don pa dang / nyan pa dang 'dzin pa dang klog pa dang sgom pa de yis bde ba dang yid bde ba thams cad kyang thob par 'gyur ro/ /bde ba chen po rdo rje don yod pa'i dam tshig gi dngos grub kyi mchog kyang tshe 'di la thob par 'gyur ro/ /de bzhin gshegs pa thams cad kyi gsang ba mchog kyang 'grub ste/ rdo rje 'dzin pa chen po thams cad dam/ de bzhin gshegs par 'gyur ro/ /bde ba chen po rdo rje don yod pa'i dam tshig dpal mchog dang po las/ de bzhin gshegs pa thams cad kyi bde ba chen po rdo rje gsang ba'i shes rab kyi pha rol tu phyin pa'i sgo rdzogs s+ho// // de nas bcom ldan 'das de bzhin gshegs pa thams cad kyi rdo rje sems dpa' byin gyis brlabs pa'i rdo rje gsang ba mchog gi dngos grub gyi cho ga rgyas pa'i rgyal po chen po/ de bzhin gshegs pa thams cad kyi sku gsung thugs kyi rdo rje gsang ba'i don yod cing brtan pa'i cho ga phyag rgyas btab pa'i sku gsung thugs thams cad kyi rdo rje/ de bzhin gshegs pa thams cad kyi dam tshig chen po thams cad la rab tu zhugs nas chos nyid rtogs pa'i ye shes la rab tu zhugs nas/ de bzhin gshegs pa thams cad kyi sna tshogs pa'i phrin las kyis dus gsum du 'jig rten gyi khams ma lus par spros pa las kyi mtha' can de bzhin gshegs pa rnam par snang mdzad chen po/ zla ba phyed med pa shin tu mang du gnas pa'i rdo rje rin po che rnams kyi 'od zer sna tshogs pa rnam par 'bar ba'i 'od kyis gsal ba/ gser gyi dril bu btags pa dang / sna tshogs pa'i ba dan rlung gis bskyod pa rnams kyis nye bar mdzes par byas pa/ me tog sna tshogs kyi phreng ba dang / na bza' dang me long dang mu tig gi phreng ba rab tu 'chang bas mdzes shing brgyan pa/ sna tshogs pa'i kha khyer la gnas pa mchog tu gyur pa'i lha'i bu mo dgod pa</font><hr>92.182b<br><font size=+1>

dang / sgeg pa dang gar dang glu yis rab tu brgyan pa dang / bstod pas sad par byed pa/ bde ba chen po rdo rje sems dpa'i gnas gzhal yas khang pa la bzhugs so/ /de nas bcom ldan 'das rdo rje sems dpa' de bzhin gshegs pa thams cad kyi sku dang / gsung dang thugs rdo rjes byin gyis brlabs pa'i dam tshig sems dpa' thams cad dang / dbang bskur ba thams cad dang / thams cad mkhyen pa'i ting nge 'dzin las thams cad mchog tu gyur pa khams gsum thams cad 'dul bar mdzad pa/ thams cad dbang du byed pa po/ 'dzin pa po/ 'dod pa thams cad pa rgya che ba'i cho ga thams cad brtag pa'i de bzhin gshegs pa la gsol ba btab pa ci srid srid pa'i bar gnas pa/ de srid sems can don mchog mdzod/ /sems can khams ni mtha' yas dang / /rgyal sras srid pa 'dod pa'i phyir/ /srid pa'i skyon rnams 'joms phyir dang / /bde ba chen po 'phel bya'i phyir/ /gsang ba'i rtog pa mchog gsungs pa'i/ /rjes su gnang ba bdag la stsol/ /de nas bcom ldan 'das de bzhin gshegs pas chos thams cad sgrib pa med pa nyid la lhag par dgongs nas gdul bya thams cad thugs rje chen po'i sna tshogs rdo rje zhes bya ba'i ting nge 'dzin la snyoms par zhugs te/ ma lus shing lus pa med pa'i sems can gyi bsam pa thams cad yongs su rdzogs par byed pa dang / thams cad yongs su bskyang ba dang / phan pa dang bde ba dang dngos grub thams cad phun sum tshogs pa dang / ye shes dang las dang mchog gi dngos grub kyi rgyur 'gyur ba'i bar du de bzhin gshegs pa thams cad nyid dang rdo rje 'chang chen po thob pa/ mchog gi dngos grub kyi don bde ba chen po'i rdo rje dang po de/ de bzhin gshegs pa thams cad kyi 'khor los sgyur ba nyid de bzhin gshegs pa thams cad kyi sku'i phreng ba'i cod pan gyis dbang bskur bas dbang bskur ba yin no/ /de nas bcom ldan 'das rdo rje 'chang chen po ma lus shing lus pa med pa'i bde ba chen po mchog gi dngos grub la sogs pa</font><hr>92.183a<br><font size=+1>

dngos grub thams cad thob par bya ba'i phyir/ sems dpa'i dkyil mo dkrung bcas te/ sku drang por bsrang ste/ g.yon pa bsnyems pa'i tshul du mdzad nas g.yas pa rdo rje gsor bas rang gi thugs kar dang po'i rdo rje mchog gi sbyor ba 'dzin cing bde ba chen po'i rdo rje zhes bya ba thams cad kyi phyag rgya 'di nyid kyi sku dang gsung dang thugs las 'byung ngo / /o~M ma hA su kha badzra satwa dzaHhU~M ba~M hoHsu ra ta s+t+wa~M/ /de nas phyung ba tsam gyis de bzhin gshegs pa thams cad byon nas de bzhin gshegs pa thams cad kyi khu tshur yongs su bzung ba rnams slar yang byang chub chen po mngon par rdzogs nas de rnams kyis bzhad pa chen po mngon par mdzad do/ /'jig rten gyi khams thams cad g.yos pa dang bcas pas yongs su dag par 'gyur ro/ /khams gsum rgyas par spros pa thams cad kyang bcom ldan 'das kyi dkyil 'khor chen por gyur to/ /gang gis sems can thams cad bde ba dang / yid bde ba thob par gyur ro/ /de nas rdo rje 'chang chen pos de bzhin gshegs pa thams cad kyi don yod cing thogs pa med pa las mngon par byung ba/ rdo rje chen po phyag rgya zhes bya ba'i ting nge 'dzin la snyoms par zhugs te/ bde ba chen po rdo rje'i dam tshig ces bya ba gnon par mdzad nas/ de'i sku thams cad las dngos grub thams cad dang / bde ba dang yid bde ba ster ba rtag tu rjes su 'brel pa can lhan cig tu spyod pa/ bde ba chen po rdo rje'i dam tshig gi sems dpa' rnams phyung nas phyogs thams cad du phyung ste/ mdun du rdo rje gsang ba yid las byung ba/ g.yas su rdo rje ki li ki li/ rgyab tu 'dod pa'i rdo rje/ g.yon du rdo rje bsgyings pa'o/ /mtshams rnams su mchod pa'i lha mo rnams so/ /phyi rol gyi kha khyer mtshams su lha'i bu mo rnams so/ /sgo srung ba rnams ni rdo rje lcags kyu dang / </font><hr>92.183b<br><font size=+1>

zhags pa dang / lcags sgrog dang / dril bu 'dzin pa'o/ /phyi rol du rdo rje sgo srungs kyi tshogs dang / pho nya dang bran rnams so/ /de nas bcom ldan 'das de bzhin gshegs pas de bzhin gshegs pa thams cad kyi khu tshur bcings te/ de bzhin gshegs pa thams cad byang chub rdo rje zhes bya ba'i ting nge 'dzin la snyoms par zhugs nas/ bcom ldan 'das rdo rje sems dpa' rdo rje 'chang chen po la gsol ba btab ste/ sems can kun la bde don du/ /rgyal ba chen po 'byung ba ste/ /chags bral de rnams chags ldan yang / /rang gi btsun mo 'ang gsol mdzad pas/ /de'i phyir bdag gis khyod la gsol/ /bde ba chen po rdo rje che/ /gsang ba'i rtog pa'i dngos grub ste/ /'dul ba mchog ni bshad du gsol/ /de nas bcom ldan 'das don yod cing thogs pa med pa'i bka' bde ba chen po thams cad kyi dngos grub 'dul ba rdo rje 'dod pa'i mchog ces bya ba'i rnam par gnon par mdzad nas/ rdo rje gsang ba chen po'i dam tshig ces bya ba'i dkyil 'khor chen po 'di gsungs so/ /de nas yang dag bshad bya ba/ /dkyil 'khor chen po dam pa ste/ /bde ba chen po rdo rje mchog /dam tshig dam pa'i ming can yin/ /dkyil 'khor gnas ni 'dus byas nas/ /de dbus cho ga bzhin du ni/ /phyag rgya chen po mnyam gzhag nas/ /der ni dkyil 'khor bsgrub par bya/ /gsar zhing legs par bsgril ba dang / /mdud pa dag ni med pa yi/ /thig skud dmar pos thig btab nas/ /mtshon gyi phye mas bri bar bya/ /zur bzhi pa la sgo bzhi pa/ /sgo khyud bzhis ni mdzes pa dang / /kha khyer gyis ni yongs su bskor/ /mtshams su lha'i bu mos mdzes/ /dkyil 'khor gyi ni mtshams rnams dang / /sgo dang sgo khyud mtshams rnams su/ /zla ba phyed la gnas pa yi/ /</font><hr>92.184a<br><font size=+1>

rdo rje rin chen 'od zer 'bar/ /rlung gis bskyod pa'i dril bu mchog /ba dan sna tshogs mdzes pa yin/ /me long dra ba me tog phreng / /ldan pa'i phyi rol dkyil 'khor bri/ /de yi nang du 'khor lo ni/ /dkyil 'khor brgyad pa dang 'dra ba/ /rdo rje thig gis yongs bskor ba'i/ /rdo rje 'khor lo yang dag bri/ /de dbus cho ga bzhin du ni/ /rdo rje sems dpa' dgod par bya/ /blugs sam yang na byas pa 'am/ /brdungs pa 'am yang na bris pa yi/ /bzhad pa dang bcas zla ba'i 'od/ /'bar ba'i 'od zer dmar pos khyab/ /sangs rgyas phreng bas rnam par mdzes/ /sku la tshon gyis yang dag byugs/ /sems dpa'i dkyil mo dkrung gis bzhugs/ /rdo rje bsnyems pa 'dzin pa'i mchog /sa ma ya s+t+wa~M zhes brjod nas/ /snying gar rnam par dgod par bya/ /de yi logs ni thams cad du/ /sems dpa' chen po rnams bri ste/ /tshon nam yang na rdul tshon gyis/ /go rim ci bzhin bri bar bya/ /mdun du sku mdog dmar po ni/ /rdo rje mtshon cha la brtson pa/ /g.yas su dag pa'i dkar po ste/ /legs par 'khyud pa'i rdo rje can/ /rgyab tu sku mdog ser po ste/ /chu srin gyi ni rgyal mtshan 'dzin/ /g.yon du sku mdog sngon po ste/ /phyag gnyis bsnyems pa 'dzin la sogs/ /mchod pa'i snod rnams 'dzin pa'o/ /mchod pa'i lha mo bri bar bya/ /sgeg mo bzhad ma glu ma dang / /gar ma lha yi bu mo'i tshogs/ /rdo rje lcags kyu zhags pa dang / /rdo rje lcags sgrogs dril bu rnams/ /sgo ni bzhi po rnams la ni/ /sgo srungs bzhi po dgod par bya/ /de nas de dag gi snying po rnams ni 'di yin te/ hU~M badzra tiSh+Tha sA ma ke phaT/ hU~M badzra ki li ki lA ya hU~M/ hU~M sma ra badzra ban d+ha hU~M/ hU~M tuSh+ta badzri Ni hU~M/ /rdo rje bran no/ /de nas mchod pa'i lha mo rnams kyi ni/ hU~M ma d+hu ra badzri hU~M/ hU~M badzra me</font><hr>92.184b<br><font size=+1>

khe hU~M/ hU~M sha rang badzri hU~M/ hU~M badzra shi ri hU~M/ de nas lha'i bu mo rnams kyi ni/ hU~M badzra lA s+yai/ ma hA ba ra badzri Ni/ o~M badzra gI t+yai/ o~M badzra nri t+yai badzra/ de nas sgo srung rnams kyi ni/ dzaHbadzra a~M ku shi pra ti ha ra/ hU~M badzra pA sha ga na/ ba~M badzra s+pho Ta du ha/ aHbadzra g+han+Tha ts+tshe da/ de ltar lha mo'i dkyil 'khor du/ /bud med grags pa de nyid dgod/ /bkod na de dag rnams kyis ni/ /byin gyis brlabs pa nyid du 'gyur/ /de nas phyag na rdo rje 'dzin/ /dkyil 'khor kun mchog bri byas nas/ /bum pa gang ba ci snyed dang / /me tog la sogs kun gyis mchod/ /dril bu btags pa'i ba dan rnams/ /mtshams rnams su ni bzhag par bya/ /lcug ma dang bcas bum pa rnams/ /sgo yi phyi rol dag tu gzhag /rdo rje dang bcas bzhi dang bcas/ /lcug mo yongasu bzlas nas ni/ /dri chus gang ba'i bum pa ste/ /phyag na rdo rje'i mdun bzhag bya/ /de la 'di ltar bde ba chen po'i dam tshig gi bdud rtsi'i chu byin gyis brlab pa'i snying po ni/ o~M ma hA su kha badzra sa ma ya/ a b+hi She ka dzaHhU~M ba~M hoH/ lan nyi shu rtsa gcig bzlas so/ /chu 'di gtor ba'am/ 'thungs na sdug bsngal thams cad rab tu 'byang ba dang / bde ba thams cad rab tu 'phel bar 'gyur ba yin no/ /de nas rang gi dam tshig rnams kyis rdo rje 'chang la sogs pa bsgrub par bya'o/ /dzaHhU~M ba~M hoHzhes brjod nas/ /dgug pa dang ni gzhug pa dang / /bcings nas skad cig dbang du 'gyur/ /phyag rgya chen po mnyam bzhag ste/ /de bzhin g.yas mdzub lcags kyur bya/ /dgug pa 'di n-i lan cig gis/ /'grub ste rab tu gzhug par bya/ /o~M ma hA su kha badzra sa twa/ a a hi shI g+h+ra~M ma hA su kha badzra gu h+ya sa ma ya ma nu sma ra pra b+hU ta sa ma ya s+t+wa~M hr-i da yaM su to sh+yo me b+ha ba/ su po</font><hr>92.185a<br><font size=+1>

Sh+yo me b+ha ba/ a nu rak+to me b+ha ba/ a d+hi tiSh+Tha b+ha ga ban a na ti na da na sid d+h+ya tu me man tra pa daiHdzaHhU~M ba~M hoH/ de nas rtag tu bcom ldan 'das/ /dkyil 'khor du ni rang nyid byon/ /dgug cing bcug nas brtan pa dang / /dbang du 'gyur zhing 'grub pa yin/ /rmad du byung ba'i rdzu 'phrul du ma rnams mthong ba 'am/ yang na bcom ldan 'das rang nyid kyis mthong bar 'gyur ro/ /de nas rang nyid rdo rje 'dzin/ kun gyi slob dpon ni phyag rgya thams cad grub pa/ dam tshig thams cad shes pa/ las thams cad nus pa/ bcom ldan 'das kyis byin gyis brlabs pa yin no/ /'jug pa'i cho ga 'di yis rdo rje slob dpon rang nyid ci snyed pa'i dris byugs shing bsgos pa rgyan dang bcas pa'i me tog gi phreng bas lus shin tu brgyan pa/ gos dmar po gnyis bgos pa/ rang nyid kyis bcom ldan 'das la bstod cing rdo rje dang bcas pa'i rdo rje bsnyems pas rang nyid 'jug par bya'o/ /bstod pa ni drug ldan la sogs pa glu yis bya'o/ /'dod chags la sogs bde kun yid khyod ni/ /kun 'dus bdag la bde ba stsol mdzod cig /rdo rje sems dgongs myur du bdag bstan brjod/ /bdag dgyes mdzad dang bde mchog grub la 'dud/ /de nas rab tu zhugs nas dgongs su gsol bar bya ste/ thog mtha' med pa'i sems dpa' ni/ /rdo rje sems dpa' bde ba che/ /kun tu bzang po khyod yin te/ /rdo rje bsnyems bdag khyab bdag yin/ /sems kyi sems dpa' ting nge 'dzin/ /de bzhin rdo rje rdo rje 'dzin/ /kun mchog dam tshig dngos grub can/ /rdo rje sems bdag deng grub mdzod/ /de nas bcom ldan 'das de nyid kyis/ /rdo rje slob dpon byin brlab 'gyur/ /de lngar ma byung ba'i so sor rang rig pa'i bde ba gnyis la skye bar 'gyur ro/ /phra</font><hr>92.185b<br><font size=+1>

mo dbab par yang 'gyur ro/ /de nas bdag la bcom ldan 'das grub par gyur to zhes shes par bya'o/ /de nas de bzhin du 'dug la ci 'dod pa'i bzlas brjod bya'o/ /de nas de bzhin du 'dug la rang gi bsod nams kyi byin gyis brlabs kyis 'dod pa'i dngos grub thob par 'gyur ro/ /de nas brtsams te sems dpa' chen po thams cad 'grub par 'gyur zhing mthong bar 'gyur ro/ /de rnams kyis kyang de la dngos grub thams cad stsol bar mdzad do/ /phyag rgya thams cad kyang bdag rang nyid kyis bcings na las thams cad 'grub par 'gyur ro/ /dam tshig thams cad kyang 'di la bstan par 'gyur ro/ /yid kyi 'dod pa'i las rnams kyang byed pa yin no/ /bde ba dang yid bde ba thams cad nyams su myong zhing gzhan gyis mi thub pa dang mi sod pas lo gcig 'das nas sangs rgyas nyid la sogs pa'i mchog gi dngos grub thob pa yin no/ /de nas sems can thams cad gzhug pa'i don du brtag par bya ba yin no/ /rdo rje slob dpon rang nyid snga ma bzhin du lus la brgyan nas/ rab tu bde ba'i rdo rje'i dam tshig gi phyag rgya rab tu bcug ste de bzhin du de kho na nyid chen po bskul bas yang dag par bskul la dgug par bya'o/ /'di skad ces brjod do/ /srid pa'i bde ba rnam dag phyir/ /sngar gyi srid pa la khyod dga'/ /'dod pa kun gyi dngos grub che/ /'gro ba kun la 'ang 'grub par gyis/ /de nas mchod pa byas la rang gi lhag pa'i lha gang yin pa de dam tshig phyag rgya me tog dang bcas pa gzhug par bya ste/ bcug nas rna bar 'di skad ces brjod par bya'o/ /chags bral 'dul ba'i 'jig rten ni/ /chags bral nyid kyis 'dul bar 'gyur/ /'dod chags chen po bde ba che/ /rdo rje sems dpa' sbas pa yin/ /'dod chags</font><hr>92.186a<br><font size=+1>

bral ba lta bu yi/ /sdug bsngal gzhan ni rang bzhin med/ /de bas sems can chags bral la/ /sngar yang yid ni ma byed cig /de nas me tog la sogs pa snying po 'dis 'dor du gzhug go /o~M ma hA su kha badzra sa twa pra ti gr-i h+Na sa ma ya s+t+wa~M/ /de nas gang du babs pa de ni de'i lha yin no/ /de nas de kho na nyid chen po brjod par bya'o/ /gang 'dod pa'i snying po byin la sgrub tu bcug la rang nyid lhag pa'i lha'i dbang bskur bas dbang bskur nas/ de'i mtshan ma lag pa gnyis su byin te de'i rigs kyi ming gi dbang bskur la snying po 'dis dbang bskur bar bya'o/ /o~M sarba ta thA ga ta Ata ma ko\u0f85ha~M badzra d+hA ra sa mu khe b+ha a b+hi She ka twA~M a b+hi Shiny+tsA mi gr-ih+Na sid+d+hi badzra~M te a mo g+ha sid d+d+hi s+t+wa~M/ de nas phyag rgya bcings ba brlab par bya'o/ /de nas ci 'dod pa'i mchod pa byas shing byed du bcug nas ci 'dod pa bza' ba dang btung bas slob ma rnams tshim par byas la phyag rgya dang / phyag rgya'i lan dang gar dang dgod pa byed du bcug cing rang nyid kyis kyang bya'o/ /de nas thams cad bskrad nas 'di skad brjod par bya'o/ /thog mthar rgyu ba'i 'gro ba 'di/ /dga' ba mchog la rag lus te/ /sems dpa' chen po rdo rjer 'gyur/ /slar yang gshegs par mdzad du gsol/ /de nas snyim pa'i me tog dor nas byung bar bya'o/ /dkyil 'khor yang rang nyid kyis phyags la rdul tshon de dag gis rilu bu byas la bzhag na las thams cad 'grub par 'gyur ro/ /de nas bde ba chen po rdo rje dam tshig gi bdud rtsi'-i tshul de yang bcug na tshe 'phel ba la sogs pa'i las thams cad dgongs pa yin no/ /de nyid kyis dbang bskur na yang dkyil 'khor du dbang bskur ba thob pa dang / mchog gi dngos grub kyang thob par 'gyur ro/ /gal te sku bri ba'i ri mo mkhan ma rnyed na rang rang gi phyag mtshan gyi phyag rgya rnams</font><hr>92.186b<br><font size=+1>

kyis dkyil 'khor bri bar bya'o/ /gal te de yang mi shes na phyag mtshan bzhag par bya'o/ /phyag rgya'i cho ga rgyas pa'o/ /de nas bcom ldan 'das don yod pa thogs pa med pa myur du 'grub pa'i cho ga rgya che ba'i dam tshig rdo rje zhes bya ba'i ting nge 'dzin la snyoms par zhugs te rnam par gnon par mdzad nas rdo rje 'chang chen pos 'di gsungs so/ /bde ba chen po rab bsgrub dang / /'dod pa chen po rnam dag phyir/ /rdo rje sems dpa' grub pa ni/ /rtag par myur du bshad par bya/ /ci srid 'khor ba'i gnas su ni/ /de srid sems can gdon par bya/ /mya ngan 'das pa byang chub sgrib/ /de nyid kyis ni dam tshig rnams/ /ci srid srid pa la gnas pa/ /de srid sems can don nyid byed/ /thams cad dag pa'i mchog chos can/ /ci ltar sems can kun gyi don/ /dngos grub thams cad rab bsgrub pa/ /de ltar sbyin stsogs pha rol phyin/ /byang chub spyod pa mchog gis min/ /de bzhin gshegs ni gdul min la/ /sems can rnams kyi don mdzad pa/ /'di ni dngos grub rab bsgrub na/ /dus kun tu ni thams cad mdzad/ /des na bsgrub 'di bshad bya ste/ /dngos grub shin tu rtag pa yin/ /gang gis srid pa 'di nyid du/ /shin tu rtag pa'i dngos grub thob/ /dkyil 'khor dag tu ma zhugs kyang / /dam tshig rnam par spangs pa 'am/ /bsod nams med kyang thams cad du/ /srid pa 'di la myur du 'grub/ /gal te dngos grub sgrub 'dod na/ /rtag tu yul dang ldan gyur na/ /gsang ba'i mchod pas mchod nas ni/ /rang rang phyag rgyas 'grub par 'gyur/ /drug ldan la sogs snyan pa'i glu/ /chags pa kun kyang ci 'dod par/ /bzlas pa'i don ni ci nus pas/ /rdo rje sems dpa' bsgrub par bya/ /'di yis 'dod pa'i kun dbang phyug /</font><hr>92.187a<br><font size=+1>

ci 'dod 'gro 'ong mkha' la rgyu/ /dngos grub kun gyi dbang phyug grub/ /rga shi med cing gtso bor 'gyur/ /rgyal ba kun gyis mchod bya la/ /rang gzhan kun gyis bsnyen bkur zhing / /rdo rje 'chang chen dang mtshungs shing / /don yod kun mchog spyod pa yin/ /bde ba chen po rdo rje grub pa'i rgyal po de bzhin gshegs pa la sogs pa'i dngos grub thams cad rab tu ster ba/ /rdo rje 'chang chen po byang chub sems dpa' yin na/ gal te de bzhin gshegs pa thams cad kyi mchog gi dngos grub mngon par 'dod na des bcom ldan 'das de bzhin gshegs pa/ de bzhin gshegs pa thams cad kyi phyag rgya'i khu tshur yongs su 'dzin pa ras ris la bri bar bya'o/ /bzhad pa dang bcas pa dngos po thams cad du de bzhin gshegs pa rnams kyis yongs su bskor ba'o/ /de'i mdun du de bzhin gshegs pa thams cad kyi khu tshur yongs su 'dzin pas rdo rje'i tshig gis stong phrag brgya bzlas par bya'o/ /'bum rdzogs pa na mtshan phyed na bdud kyi tshogs rnams 'ong bar 'gyur ro/ /de nas bdud thams cad kyi stobs gzhom pas bcom par bya'o/ /de nas tho rangs kyi dus su de bzhin gshegs pa thams cad nyid dam byang chub sems dpa' nyid thob par 'gyur ro/ /gal te rdo rje 'chang chen po nyid mngon par 'dod na/ des lugs ma 'am/ 'dus byas pa 'am/ brdungs pa 'am/ ras ris la sogs par bris pa'i phyag na rdo rje'i dkyil 'khor bzhin du sngar sgrub pa la sku gzugs kyi khyad par ci ltar thob pa ltar rdo rje sems dpa'i bsgrub pa bshad do/ /zla ba drug gis rdo rje 'chang chen po'i dngos grub chen po 'grub bo/ /gal te rdo rje 'chang chen po dgug na bde ba chen po'i rdo rje lcags kyu dgug cing ci 'dod pa bsgrub par bya'o/ /zla ba gcig 'das nas thams cad gsol bar bya'o/ /gal</font><hr>92.187b<br><font size=+1>

te rang gi phyag rgyas bdag nyid bsgrub na rang gi lha'i phyag rgya chen po bcings te bsgoms pas bdag rdo rje sems dpa' yin no zhes bsgoms la bsgrub par bya'o/ /de ci ltar mngon par 'dod pa'i bzlas pas bdag nyid bsgrub par bya'o/ /yang dang yang du sgom zhing bzlas pa de srid bdag gis bya'o/ /ci srid rdo rje 'chang nyid zla ba phyed 'das nas thob par 'gyur ro/ /de nas 'dod pa thams cad kyi dbang phyug bsgrub par 'dod na de bzhin du rang yid du 'ong ba dang bcas par rab tu zhugs te/ phyag rgya bcings la de srid bzlas par bya'o/ /ci srid bdag 'dod pa kun gyi dbang phyug dang / khams gsum pa ma lus pa'i bdag por 'gyur ro/ /de nas bcom ldan 'das rdo rje 'chang khams gsum pa ma lus pa'i rdo rje'i rgyun gyi rang bzhin thams cad grub pa'i chos nyid kyi ye shes rnam par rol par mdzad nas ma bsgrubs pa'i phyag rgya'i las kyi rgyun rdo rje'i cho ga rgyas pa 'di gsungs so/ /ma bsgrubs pa'i snying po'i las rnams 'di lta ste/ bdag nyid bsrung ba ni bde ba chen po'i rdo rjes gsang ba'i gtsug tor gyis so/ /thams cad bsrung ba ni bde ba chen po rdo rje gsang ba'i mdzod spus so/ /phyogs thams cad dang / mtshams dang dkyil 'khor bcing ba ni bde ba chen po rdo rje gsang ba 'bar ba'i phreng bas so/ /bdud thams cad kyi stobs gzhom pa ni bde ba chen po'i rdo rje gsang ba mi bskyod pas so/ /tshe 'phel bar bya ba ni bde ba chen po rdo rje gsang ba'i bdud rtsis so/ /gzugs chen po phun sum tshogs pa ni bde ba chen po rdo rje gsang ba'i gzugs can gyis so/ /gzi brjid dang na tshod shin tu bzang po rab tu 'phel ba la ni bde ba chen po rdo rje gsang ba'i bcud kyis len gyis so/ /stobs dang mdog 'phel ba la ni bde ba chen po rdo rje gsang ba'i mthu yis so/ /</font><hr>92.188a<br><font size=+1>

dbang bskur ba thams cad la rdo rje gsang ba'i cod pan can gyis so/ /nor thams cad thob par bya ba la ni rdo rje gsang ba'i dbyig gis so/ /rgyal srid thob pa la ni rdo rje gsang ba'i rgyal po'i phyag rgyas so/ /sa ma lus pa thob pa la ni rdo rje gsang ba'i rtsal gyis so/ /thams cad dbab pa dang g.yo bar bya ba dang gar byed du gzhug pa dang / dus gsum bden pa nyid du smrar gzhug pa la ni bde ba chen po rdo rje gsang ba'i dam tshig gi don du gzhug pas so/ /pra se na thams cad sgrub pa la ni rdo rje gsang ba'i pra se na 'bab pas so/ /gdon thams cad las thar ba la ni rdo rje gsang ba'i gdon las thar pas so/ /gdug pa thams cad gzhig pa la ni rdo rje gsang ba'i bgegs 'joms pas so/ /thams cad rengs par bya ba la ni rdo rje gsang ba'i rengs pas so/ /thams cad gnyid log par bya ba la ni rdo rje gsang ba'i gnyid kyis so/ /thams cad rgyas gdab pa la ni bde ba chen po rdo rje gsang ba'i dam tshig gi mkha' 'gro mas so/ /thams cad du gsang ba la ni rdo rje gsang ba'i mthar byed kyis so/ /thams cad sgyel ba la ni rdo rje gsang ba'i hU~M mdzad gyis so/ /thams cad bslang ba la ni rdo rje gsang ba'i dam tshig gi bslang bas so/ /thams cad bcing ba la ni rdo rje gsang ba'i bcings pas so/ /thams cad thar bar bya ba la ni rdo rje gsang ba'i yi ge mus so/ /'phra men ma thams cad las thar bar bya ba dang sngon gyi gnas skabs rjes su sbyin pa la ni gsang ba chen po he ru ka'i rdo rjes so/ /ma mo'i gdon thams cad las thar bar bya ba la ni rdo rje gsang ba'i drag mos so/ /'phra men ma thams cad kyis rgyas btab pa la thar bar bya ba dang / snying zos pa las snying gzhan 'byung bar 'jug pa dang / </font><hr>92.188b<br><font size=+1>

shi ba gso ba la ni dam tshig chen po gsang ba'i he ru ka'i rdo rje dbang bskur bas so/ /gdug pa thams cad kyi phyag rgya gzhig pa la ni rdo rje gsang ba'i rdo rjes so/ /rims thams cad rab tu zhi ba la ni rdo rje gsang ba'i 'bar ba'i blta bas so/ /dug thams cad gzhig pa dang bza' ba dang 'bab pa dang 'chi ba gso ba la ni gsang ba chen po rdo rje nor bu'i phyag rgyas so/ /dug thams cad dang sbyar ba'i dug thams cad bdud rtsir bya ba la ni rdo rje gsang ba'i dug med pas so/ /gshed byed thams cad dang byad dang ro langs dang byur dang gnod sbyin mo rnams kyi gzhig pa la ni rdo rje gsang ba'i sbyin sreg gis so/ /rtsod pa thams cad dang 'thab pa dang 'thab mo dang rtsod pa gzhig pa la ni rdo rje gsang ba'i zhal rab tu gdangs pas so/ /yams dang 'tshe ba thams cad dang sdig pa dang rmi lam ngan pa gzhig pa la ni rdo rje gsang ba'i zhi bas so/ /gzhan gyi dpung thams cad rengs par bya ba dang gnyid log par bya ba dang rmongs par bya ba dang lkugs par bya ba dang rgyas btab pa dang gsad pa la ni bde ba chen po rdo rje gsang ba'i gshed byed gyis so/ /'thab mo thams cad las rgyal ba thob pa la ni rdo rje gsang ba'i rgyal mtshan gyi dpung rgyan gyis so/ /gdug pa thams cad gzhig pa la ni rdo rje gsang ba'i rdo rje legs pas so/ /bgegs thams cad zhi bar bya ba la ni rdo rje gsang ba'i thabs sbyor gyis so/ /dgra bo thams cad rnam par gzhig pa la ni rdo rje gsang ba'i rnam par 'thor bas so/ /bdud kyi stobs thams cad gzhom pa la ni rdo rje gsang ba'i rab tu 'dul bas so/ /sprin bskyed pa la ni rdo rje gsang ba'i sprin chen pos so/ /char dbab pa la ni rdo rje gsang ba'i bsdigs mdzub kyis so/ /thog dbab pa dang / glog dang rlung dang / char zhi bar bya ba la ni/ rdo rje gsang ba'i sprin srung gis so/ /sprin dang mun pa dang / khug rna zhi bar bya ba la ni/ rdo rje gsang ba'i bde ba chen po'i spyan gyis so/ /klu thams cad dgug pa la ni rdo rje gsang ba'i phyag rgyas so/ /klu</font><hr>92.189a<br><font size=+1>

thams cad dbang du bya ba la ni gsang ba thams cad kyi nor bu'i phyag rgyas so/ /klu thams cad rjes su 'brang bar bya ba la ni rdo rje gsang ba'i klu 'dul bas so/ /klu thams cad 'byin pa la ni gsang ba'i klu 'don pas so/ /sa ma lus pa g.yo zhing 'gul bar bya ba la ni rdo rje gsang ba'i thar pas so/ /chu med par chu'i phung po char cher bsil zhing dri ma med par bskyed pa la ni bde ba chen po rdo rje klu'i phyag rgyas so/ /mun par nyi ma'i snang ba chen po bskyed pa la ni rdo rje nyi ma'i phyag rgyas so/ /rlung thams cad dbang du bya ba ni rdo rje rlung thams cad kyis so/ /nam mkha' la gzugs thams cad kun du ston pa la ni rdo rje gsang ba'i 'dzin pas so/ /nam mkha' las dngos po thams cad 'byung bar bya ba la ni rdo rje gsang ba'i 'byung bas so/ /nam mkha' la rang gi bdag nyid kyi dngos po kun tu bstan par bya ba la ni rdo rje gsang ba'i rdzu 'phrul gyis so/ /nam mkha' la de bzhin gshegs pa dang rdo rje 'dzin pa la sogs pa byang chub sems dpa' thams cad dang / 'jig rten gyi khams thams cad bstan pa la ni rdo rje gsang ba'i rnam par 'phrul pas so/ /nam mkhar shing thams cad la lo ma dang me tog dang / 'bras bu thams cad 'byung ba la ni rdo rje gsang ba'i dus kyi phyag rgyas so/ /sa'i cha thams cad la 'bru'i cha thams cad smin par 'byung ba la ni rdo rje gsang ba'i gshol gyi phyag rgyas so/ /thams cad las lha'i kha zas dang btung ba dang gos dang rgyan dang gnas sar pa dang bu mo gzhon nu 'byung ba dang / skyes pa dang bud med dang bran pho dang bran mo thams cad 'byung bar bya ba la ni/ bde ba chen po rdo rje dam tshig gi bsod nams kyi chu yis so/ /g.yul du dpung gi tshogs</font><hr>92.189b<br><font size=+1>

yan lag bzhi bstan cing g.yul 'gyed pa la ni rdo rje bde ba chen po'i sdom pas so/ /sgyu ma thams cad bstan pa la ni rdo rje bde mchog gis so/ /bde mchog gi bya ba thams cad la ni rdo rje sgyu ma'i bya bas so/ /rmad du 'byung ba dang cho 'phrul thams cad bstan pa la ni rdo rje rmad du 'byung ba'i rdzu 'phrul gyi rnam par 'phrul pas so/ /lan thams cad gdab pa'i bya ba la ni rdo rje lan bstan pas so/ /me rengs par bya ba la ni rdo rje shin tu grang bas so/ /chu dbab par bya ba la ni rdo rje zla ba'i chu shel gyis so/ /dgon pa dang grong dang nags dang chu bo dang rdzing bu dang skyed mos tshal dang zas dang skom dang gtsug lag khang bsrung pa la ni rdo rje grub pas so/ /chu'i steng du bzhag pa dang bdag nyid gzugs mang po'i dngos po ston pa dang mi snang ba dang nam mkha' la 'gro ba'i dngos grub la ni rdo rje gsang ba'i dngos grub kyi phyag rgyas so/ /lha la sogs pa thams cad mngag gzhug par bya ba la ni rdo rje gsang ba'i bka' bsgo bas so/ /sems can thams cad dbang du bya ba la ni rdo rje gsang ba'i dbang gis so/ /mi rgyu ba thams cad drang ba dang dbab pa dang bden par smrar gzhug pa la ni rdo rje gsang ba'i dngos grub chen po'i phyag rgyas so/ /gzugs brnyan thams cad dbab pa dang dgug pa dang dgod par bya ba dang gar byed du gzhug pa dang kun du rol par bya ba dang bsgo ba thams cad byed du gzhug pa dang thams cad khyer te 'ong ba dang las thams cad byed du gzhug pa la ni bde ba chen po rdo rje'i dam tshig bsgrubs pas so/ /thams cad rjes su chags par bya ba la ni bde ba chen po rdo rje'i dam tshig bsgrubs pas so/ /thams cad rjes su chags</font><hr>92.190a<br><font size=+1>

par bya ba la ni bde ba chen po'i rdo rje yid las byung bas so/ /rgyu ba dang mi rgyu ba thams cad rtser gzhug pa la ni rdo rje ki+A li ki+A li'i gsang bas so/ /thams cad brtan par bya ba la ni rdo rje chu srin gyi phyag rgyas so/ /thams cad dpa' bar bya ba la ni rdo rje bsnyems pas so/ /rmi lam ngan pa bzlog pa la ni rdo rje ngag gis so/ /gzhan dag gis rang 'dod pa'i rmi lam mthong bar bya ba la ni rdo rje rmi lam mthong bas so/ /rmi lam ngan pa thams cad gzhig pa la ni rdo rje sregs blugs kyis so/ /rmi lam bzang ba thams cad bsgrub pa dang brtan par bya ba la ni rdo rje rmi lam grub pas so/ /nad dang gnod pa thams cad bsal ba la ni rdo rje sman gyis so/ /rims nad thams cad gzhig pa la ni rdo rje bcud len gyis so/ /dus ma yin par 'chi ba gzhig pa la ni rdo rje dUr bas so/ /dmyal ba la sogs pa'i ngan 'gro thams cad gzhig pa la ni rdo rje sdig pa dral bas so/ /sku thams cad sgrub pa la ni rdo rje sku'i mchog gis so/ /gsung thams cad sgrub pa la ni rang gi lces 'das pa dang ma 'ongs pa dang da ltar gyi dngos po thams cad bden par ston pa'i rdo rje gsang ba'i ljags kyi mchog gis so/ /thugs thams cad sgrub pa la ni rdo rje thugs thams cad bskyed pas so/ /rdo rje thams cad kyi dngos grub la ni rab tu dag pa'i rdo rjes so/ /dkyil 'khor thams cad rab tu 'jug pa la ni rdo rje 'khor los so/ /phyag rgyas thams cad bcing ba'i dngos grub la ni rdo rje gsang ba'i dam tshig gi phyag rgya chen pos so/ /thams cad dam tshig thams cad sgrub pa la ni rdo rje dam tshig gi phyag rgyas so/ /las thams cad sgrub pa la ni rdo rje gsang ba'i mchod pas so/ /dngos grub thams</font><hr>92.190b<br><font size=+1>

cad la ni rdo rje gsang ba'i bde ba chen po grub pas so/ /phun sum tshogs pa thams cad la ni rdo rje ltung ba las kyi dngos grub dam pa gdon pa'i phyag rgyas so/ /thams cad mkhyen pa'i ye shes kyis la ni rdo rje ye shes kyi phyag rgyas so/ /thams cad kyis mchod pa bya ba nyid la ni rdo rje gsang ba'i gar gyis so/ /rdo rje thams cad kyi dngos grub dam pa la ni rdo rje bde ba chen po'i rdo rjes so/ /sems dpa' chen po thams cad kyi dngos grub dam pa la ni rdo rje sems dpa'i bde ba chen pos so/ /de bzhin gshegs pa thams cad kyi dngos grub dam pa la ni rdo rje sems dpa' gsang ba mchog gi bde ba chen pos so/ /rdo rje 'dzin pa thams cad kyi dngos grub dam pa la ni bde ba chen po rdo rje gsang ba'i dam tshig gi phyag rgyas so/ /bde ba chen po rdo rje gsang ba'i rtog pa'i rgyal po chen po las rab tu dga' ba'i rdo rje gsang ba'i mchod pa'i cho ga rgyas pa'o//  de nas bcom ldan 'das bde ba chen po rdo rje'i dam tshig gi sems dpa'i byin gyis brlabs pa gsang ba'i chos can rnam par snang mdzad chen po de bzhin gshegs pa thams cad kyi khu tshur yongs su 'dzin pas de bzhin gshegs pa thams cad kyi 'khor lo byin gyis rlob pa'i rdo rje zhes bya ba'i ting nge 'dzin la snyoms par zhugs te/ rang gi rdo rje sems dpa' la gsol ba btab bo/ /bde ba chen po rab grub dang / /'dod chags chen po rnam dag phyir/ /de bzhin gshegs pa mtha' yas nyid/ /dam pa'i rigs ni bskyed du gsol/ /de nas bcom ldan 'das rdo rje 'chang chen pos de bzhin gshegs pa thams cad kyi dam</font><hr>92.191a<br><font size=+1>

tshig bde ba chen po mi phyed pa'i rnam par gnon pa mdzad nas/ bcom ldan 'das kyi sku dang gsung dang thugs rdo rje thams cad la rab tu bzhugs nas thams cad kyi bdag nyid mnyam par spros nas bde ba chen po'i rdo rje'i phyag rgya'i gzungs 'di gsungs so/ /o~M d+ha~M/ de nas 'di ni gsungs tsam gyis/ /rnam pa drug tu g.yos gyur te/ /sangs rgyas sras dang bcas pa kun/ /kun nas 'dus shing bstan par 'gyur/ /dkyil 'khor chen po'i sbyor ba yis/ /thams cad grub phyir kun nas bzhugs/ /gzhad pa chen po'i khyad par gyis/ /rmad byung chen por rab tu bzhad/ /de nas bcom ldan 'das de bzhin gshegs pa rdo rje sems dpa' de bzhin du rdo rje snyoms pas bzhugs te/ bde ba chen po'i dam tshig rdo rje gsang ba zhes bya ba'i gzungs kyi dkyil 'khor 'di gsungs so/ /'di ltar chos kyis bris nas ni/ /rgyal ba g.yon du bsnyems 'dzin pa/ /dam tshig mchog gi mchog bkod nas/ /sa ma ya s+t+wam zhes brjod do/ /de bzhin gshegs pa sras dang bcas/ /rdo rje mtshon cha la sogs gzung / /byang chub sems dpa' sems dpa' che/ /me tog la sogs spyir thal sbyar/ /de la 'jug pa la sogs pa'i cho ga rgyas pa'i khyad par ni 'di yin te/ de bzhin gshegs pa thams cad la phyag bya ba'i phyag rgya dang rdo rje'i glu 'dis 'jug par bya'o/ /rdo rje sems dpa' bsdus pa yis/ /rdo rje rin chen bla na med/ /rdo rje chos ni glur blangs pas/ /rdo rje las ni byed par 'gyur/ /de nas rab tu bzhugs nas de</font><hr>92.191b<br><font size=+1>

bzhin gshegs pa thams cad kyi ye shes kyi gzungs bde ba chen po rdo rje gsang ba'i lcags kyus dgug par bya'o/ /o~M badzra d+ha ra su ra ma hA su khe sarba hA ra rma ba ma ta ya/ sarba ta thA ga ta dz+nyA na mai mu tra pA daiHdzaHhU~M ba~M hoHde nas de bzhin gshegs pa thams cad 'dzin pa dang bcas pa yang dag par byon par 'gyur ro/ /yid bde ba la sogs pa'i mtshan ma 'byung ngo / /cho 'phrul du ma dag mthong ba yin no/ /de nas cho ga rgyas pa dang bsgrub pa dang yid kyis 'dod pa'i dngos grub thams cad dang don yod pa dang thogs pa med par myur du dam pa grub pa yin no de bzhin du 'o/ /de nas ma bsgrubs par lan cig bzlas pas las rnams byed par 'gyur ro/ /thams cad bsrung ba la ni rdo rje gtsug tor gyis so/ /sems can thams cad dbang du bya ba la ni rdo rje mdzod spus so/ /chos nyid thams cad thob pa la ni rdo rje chos nyid kyis so/ /de bzhin gshegs pa thams cad kyi mchod pa'i dngos grub ni rdo rje mchod pas so/ /gdug pa thams cad 'dul ba la ni rdo rje khro bos so/ /byang chub kyi spyod pa ma lus par rdzogs par bya ba la ni rdo rje spyod pa'i phyag rgyas so/ /bdud thams cad gzhom pa la ni bdud thams cad 'joms par byed pas so/ /de bzhin gshegs pa thams cad kyi bdag nyid du bya ba la ni rdo rje ye shes kyi khu tshur gyis so/ /bde ba chen po rdo rje gsang ba las de bzhin gshegs pa thams cad kyi gsang ba chen po'i cho ga rgyas pa'o/ /de bzhin gshegs pa'i dkyil 'khor gsungs pa'o// // de nas bcom ldan 'das de bzhin gshegs pa don yod cing thogs pa med pa'i bka' bstan pa/ de bzhin gshegs pa thams cad kyi thugs rdo rje chen</font><hr>92.192a<br><font size=+1>

po'i thabs bde ba chen po'i khro bo rdo rje zhes bya ba'i ting nge 'dzin la snyoms par zhugs te rang gi rdo rje sems dpa' la sogs pa la gsol ba btab bo/ /bde ba chen po rab grub dang / /chags pa chen po rnam dag phyir/ /gdug pa thams cad gzhom pa'i phyir/ /rang rigs sprul mdzod rdo rje 'dzin/ /de nas bcom ldan 'das rdo rje sems dpa' de bzhin gshegs pa thams cad kyi bka' rdo rje'i dam tshig ces bya ba'i rab tu dga' ba'i rdo rje khro bo 'di gsungs te/ hU~M rag ta dz+wA la mA le pra ti la ya ag ni pra bi ta te ma hA su ra ta badzra kro d+ha dza hU~M phaT/ de nas 'di gsungs pa tsam gyis bcom ldan 'das phyag na rdo rje'i rdo rje kun nas 'od zer dmar po 'bar ba'i snying po can smin ma 'gyur zhing khro gnyer bsdus pa sma ra ser zhing spyan 'bar ba rdo rje mche ba gtsigs pas ma mchu'i sgros rnam par gnon pa'i zhal mnga' ba/ dbu skra gyen du 'bar ba dang rdo rje dang gzhu la sogs pa yongs su 'dzin pa bcom ldan 'das kyi dkyil 'khor chen po'i tshul du bzhugs so/ /bcom ldan 'das kyis kyang khams gsum pa'i gdug pa thams cad 'dul bar mdzad nas rdo rje dam tshig chen po'i byin gyis brlabs so/ /dkyil 'khor chen po thig gdab bya/ /de la dang po khros pa gzhag /su ra tod b+ha ba hU~M zhes zlos/ /uta pal sngon po'i 'od 'bar ba/ /rdo rje bsnyems pa 'dzin pa'i mchog /mche ba cung zad gtsigs pa'i zhal/ /khro dang bcas pas bzhad pa'i zhal/ /rdo rje dkyil mo dkrung gis bzhugs/ /'od zer 'bar ba 'khrugs pa'i 'od/ /dkyil 'khor chen po'i tshul gyis ni/ /thams cad du ni khro bo bri/ /rab tu dga' ba'i rdo rje khro bo'i phyag rgya chen pos dang por slob dpon gyis 'jug par bya ste/ slob ma</font><hr>92.192b<br><font size=+1>

rnams kyang de bzhin no/ /slob dpon zhugs nas khros pas lcags kyu de nyid kyis dgug par bya'o/ /hU~M su ra ta badzra kro N+ha a ya te/ ma hA su kha badzra sa twa dza/ sarba badzra ku la ne ta? pra be sha ya hU~M/ sarba mu trA ga Na ban d+ha ya ba~M/ sarba ma yAm bi shwa ku ru ho/ /sarba karma ne ta? sa twa ya a/ de nas rdo rje'i rigs thams cad bcom ldan 'das dang bcas pa byon zhing grub pa yin no/ /slob dpon dang slob ma rnams la dgyes pa dang / khro bo 'bab pa'i mtshan ma yang 'byung bar 'gyur ro/ /gzhan yang cung zad 'byung ba yin na de grub pa dang dngos grub dang cho ga rgyas pa yang de bzhin du'o gal te ma grub na lan cig bzla'o/ /khams gsum pa ma lus pa las rgyal bar bya ba la ni rdo rje hU~M mdzad kyi phyag rgyas so/ /sems can gyi khams thams cad 'dul ba la ni rdo rje khro bo'i gsang bas so/ /'jig rten gsum po las rnam par rgyal ba la ni 'jig rten gsum las rnam par rgyal ba'i phyag rgyas so/ /thams cad dgug pa dang gzhug pa dang dbab pa dang bcing ba dang dbang du bya ba dang gzhig pa dang rengs pa dang gnyid log par bya ba dang / rgyas gdab pa dang / bsgyel ba dang gsad par bya ba la ni bde ba chen po rdo rje khro bos so/ /thams cad ltung bar bya ba la ni rdo rje phra mo'i khro bos so/ /thams cad dbab pa la ni rdo rje 'bebs pa'i khro bos so/ /thams cad nges par gnon pa la ni rdo rje gad rgyangs kyis so/ /las thams cad la nye bar dgos pa la ni bde ba chen po rdo rje dam tshig gi khro bos so/ /bde ba chen po rdo rje'i gsang ba las rab tu dga' ba las byung ba rdo rje gsang ba rnam par rgyal ba'i dam tshig gi cho ga rgyas pa'o// // de nas bcom ldan 'das de bzhin</font><hr>92.193a<br><font size=+1>

gshegs pa thams cad kyi don yod cing thogs pa med pa thams cad dag pa'i chos sgrib pa med pa de bzhin gshegs pa thams cad kyi rdo rje'i ye shes kyi phyag rgya zhes bya ba'i ting nge 'dzin la snyoms par zhugs nas rang gi rdo rje sems dpa' la gsol ba btab bo/ /bde ba chen po rab grub dang / /'dod chags chen po rnam dag phyir/ /pad ma'i rigs chen dag pa ni/ /mchog chen khyod kyis bskyed par mdzod/ /de nas bcom ldan 'das rdo rje 'chang chen pos chos thams cad la gzigs pa rdo rje zhes bya ba'i rnam par gnon par mdzad nas bde ba chen po rdo rje gsang ba'i pad ma zhes bya ba'i sngags 'di gsungs so/ /o~M hrI ba~M ho/ 'di gsungs pa tsam gyis bcom ldan 'das kyi zhal nas pad ma'i mdog gi mdangs can zla ba'i dkyil 'khor gyi 'od lta bu pad ma'i 'dab ma sogs pa yongs su 'dzin pa de bzhin gshegs pa'i dbang bskur dang ral pa'i cod pan dang na bza' dmar po 'chang ba dang pad ma chen po'i sems dpa' rnams byung nas dkyil 'khor chen po'i tshul gyis bzhugs so/ /bcom ldan 'das zhal rab tu bzhad pas g.yas pas rdo rje g.yon pas pad ma 'dzin cing de bzhin du rdo rje bsnyems pas rdo rje dkyil mo dkrung gis bzhugs so/ /de nas dkyil 'khor ni dkyil 'khor chen po'i tshul gyis ni dkyil 'khor thams cad thig gdab bo/ /rdo rje 'jig rten dbang phyug gzhag /pad ma'i mtshan ma'i tshogs rnams bri/ /de nas rdo rje pad mas zhugs la mdzub mo'i lcags kyu gnyis kyis dgug par bya'o o~M hrIHma hA su kha badzra A lo ki shwa rA ya me/ A A he pra be sha d+hi d+hi me b+hA ba/ sid d+him me ra mu drA pA deHdzaHhU~M ba~M hoHde nas bcom ldan 'das spyan ras gzigs dbang phyug byon te mchog thams</font><hr>92.193b<br><font size=+1>

cad stsol bar 'gyur ro/ /snang ba'i mtshan ma 'byung bar 'gyur ro/ /cho ga rgyas pa thams cad dang bsgrub pa dang dngos grub thams cad kyang de bzhin no/ /ma sgrubs kyang lan cig bzlas pa las thams cad byed do/ /sgrib pa thams cad sbyang ba la ni pad ma chen pos so/ /thams cad bsrung ba la ni pad ma'i gtsug tor gyis so/ /thams cad rjes su chags pa la ni pad ma la blta bas so/ /thams cad dag pa'i ting nge 'dzin thob pa la ni pad ma kha 'byed pas so/ /bud med thams cad dbang du bya ba la ni pad ma chen po'i 'dod chags kyis so/ /skyes pa thams cad dbang du bya ba la ni pad ma chen po'i dbang phyug gis so/ /rmi lam gdab pa la ni pad ma chen po dmar pos so/ /bcom ldan 'das kyis mchog thob par bya ba la ni rdo rje gsang ba'i pad ma rmongs pa med pas so/ /bde ba chen po pad ma gsang ba las bde ba chen po pad ma'i rigs kyi cho ga rgyas pa'o// // de nas bcom ldan 'das khams gsum pa thams cad kyi bdag po dbang phyug de bzhin gshegs pas bsam pa thams cad yongs su rdzogs pa'i rin po che'i dbang bskur ba'i phyag rgya zhes bya ba'i ting nge 'dzin la snyoms par zhugs nas/ rang gi rdo rje sems dpa' la gsol ba btab bo/ /bde ba chen po rab grub dang / /chags pa chen po rnam dag phyir/ /nor bu chen po'i rigs mchog ni/ /mgrin 'byor phyir ni bskyed par mdzod/ /de nas bcom ldan 'das de bzhin gshegs pa thams cad kyi dbang bskur ba'i dam tshig rab tu bzhag pa zhes bya ba'i rnam par gnon par mdzad nas bde ba chen po'i rdo rje rin po che zhes bya ba'i rig sngags 'di gsungs so/ /o~M li ti d+ha pa~M Ta Ta</font><hr>92.194a<br><font size=+1>

te trA~M/ de nas 'di gsungs pa tsam gyis bcom ldan 'das kyi dbang bskur ba'i bde ba chen po'i rdo rje las nor bu rin po che rab tu phyung nas phyag g.yon pa la rab tu gnas so/ /nor bu rin po che dag pa de yang margad rnyog pa med pa'i mdog can rdo rje rin po che rang gi 'od zer gyis dbang bskur ba can nor bu rin po che'i mda' la sogs pa'i mtshan ma yongs su bsnams pa/ bcom ldan 'das kyi dkyil 'khor chen po'i tshul gyis zhugs so de nas dkyil 'khor bri ba ni/ dkyil 'khor thams cad thig gdab bya/ /rdo rje rin chen bdag po bzhag /nor bu'i rigs ni chen po bri/ /rdo rje rin chen gyi phyag rgyas zhugs te/ de bzhin du mdzub mo gnyis kyi rdo rje lcags kyus dgug par bya'o/ /o~M ma hA su kha badzra bi b+hu te ra ya b+ha ga bAn da~M A kar Sha ya gi ra ba~M sarba ta thA ga ta a ga~M sa~M tra sa ma be na nA ma b+he ra ma tra b+he/ tra~M pa Da Da swA hA de nas bcom ldan 'das nam mkha'i snying po'i nor bu thams cad dang bcas pa byon pa yin no/ /spyi bo nas spu ldang ba'i mtshan ma 'byung bar 'gyur ro/ /bcom ldan 'das kyis bdag la dbang bskur ba la me ni zhes shes par bya'o/ /de nas slob ma rnams gzhug par bya ste cho ga rgyas pa thams cad de bzhin bya'o/ /de nas ma bsgrubs pa'i las rnams lan cig bzlas pas 'grub par 'gyur ro/ /dbang bskur ba thams cad thob pa la ni rdo rje rin po che'i myu gus so/ /don thams cad thob pa la ni rdo rje rin chen gyi rgyal mtshan gyi rtse mos so/ /bsam pa thams cad yongs su rdzogs par bya ba la ni rdo rje nor bu chen po'i mtshan ma'i phyag rgyas so/ /gter chen po thob pa la ni rdo rje rin chen gyi sa 'og gi phyag rgyas so/ /rdo rje dbang</font><hr>92.194b<br><font size=+1>

bskur ba'i phyag rgya thob par bya ba la ni rdo rje rin chen chen po'i sa 'og gi phyag rgyas so/ /rdo rje dbang bskur ba thob pa la ni rdo rje chen po'i phreng bas so/ /byang chub sems dpa' chen po'i dbang bskur ba thob pa la ni rdo rje rin po che chen po'i phreng bas so/ /de bzhin gshegs pa'i dbang bskur ba thob pa la ni rdo rje rin chen gyi dbang bskur ba dam pa'i phreng bas so/ /rdo rje 'dzin pa chen por dbang bskur ba thob pa la ni de bzhin gshegs pa thams cad kyi sku'i mchog gi rdo rje rin chen gyi cod pan gyi phreng bas so/ /bde ba chen po'i rdo rje gsang ba las bde ba dang yid bde ba thams cad kyi nor bu'i rigs kyi cho ga rgyas pa'o/ / de nas bcom ldan 'das rigs thams cad bsdus pa'i rdo rje byin gyis brlabs pa'i ye shes thob pas sems can thams cad gzhug pa'i 'khor lo rdo rje'i phyag rgya zhes bya ba'i ting nge 'dzin la snyoms par zhugs te/ thog ma tha ma med pa'i bcom ldan 'das rdo rje sems dpa' la gsol ba btab bo/ /bde ba chen po rab grub pa/ /chags pa chen po rnam dag phyir/ /bde ba chen po'i don gyi phyir/ /'gro rnams ci bde gzhug tu gsol/ /de nas bcom ldan 'das thams cad las rnam par rgyal ba'i 'gro ba kun 'dul ba dam tshig thams cad dang dngos grub thams cad rdo rje 'chang chen po ston pa po sgrub pa po stobs pha rol gnon pa thogs pa med pa/ thams cad la rjes su ston pas don yod par grub pa dam tshig rdo rje 'dzin pa zhes bya ba'i rnam par gnon pa mdzad nas bde ba chen po dngos grub thams cad kyi dam tshig ces bya ba'i don yod pa mtshungs pa med pa thams cad kyi snying po 'di gsungs so/ /hoHAHhUM hrIHtrA~M/ de nas 'di gsungs pa tsam gyis de bzhin gshegs pa thams cad</font><hr>92.195a<br><font size=+1>

la sogs pa 'jig rten pa dang 'jig rten las 'das pa'i dkyil 'khor thams cad dkyil 'khor chen po der yang dag par gnas te/ dkyil 'khor gcig nyid du gyur to/ /de nas bcom ldan 'das rdo rje 'chang chen pos sems can thams cad rjes su gzhug pa bde ba chen po'i rdo rje dam tshig gi gsang ba gsungs pa dkyil 'khor chen po'i tshul gyis ni/ /dkyil 'khor thams cad kun du bri/ /dkyil 'khor chen po dang po ni/ /de yi dbus su brtag par bya/ /de yi logs su rigs rnams kyi/ /dkyil 'khor bzhi po bri bar bya/ /phyi yi mtshams kyi mtha' ru ni/ /phyi rol dkyil 'khor tshogs rnams bri/ /sgo rnams kun tu 'jug par ni/ /rang gi phyag rgyar rab tu gnas/ /dkyil 'khor dam pa lnga sdud cing / /rdo rje shugs kyis 'jug par bya/ /cho ga rgyas pa thams cad dang dngos grub thams cad dang las thams cad kyang de bzhin no/ /rigs bsdus pa'i cho ga rgyas pa'o// // de nas lha la sogs pa dam tshig sems dpa' thams cad bcom ldan 'das las rang rang gi rjes su gnang ba mnos nas sems can thams cad la bde ba'i don yod pa bcom ldan 'das rdo rje 'chang chen po'i zhabs la phyag byas nas/ rang rang gi gsang ba'i snying po 'di rnams phul lo/ /de nas 'jig rten gsum pos gsol ba ni/ o~M b+hu trA~M/ de nas dkyil 'khor bri ba ni/ /zur bzhi pa la sgo bzhi pa/ /phyi yi dkyil 'khor mchog yin no/ /de yi dbus su dngos grub phyir/ /gzhu yi se ral khar ldan zhing / /mda' dang tsa sha ga thogs bri/ /bsgrang rtsi byed dang rgyal bar byed/ /bsgrub pa thams cad sgrub pa po/ /rtse gsum mtshan ma'i phyag rgya yis/ /pus mo lha nga btsugs byas te/ /zhugs nas</font><hr>92.195b<br><font size=+1>

dam tshig bcings nas ni/ /yang dag dgug pa nyid du bya/ /o~M b+h+'ur b+hu ba swA hA/ nyi shu rtsa gcig bzlas pa yis/ /thams cad kun gyis yongs bskor ba/ /dngos grub kun don 'ongs pa la/ /ci ltar rnyed pa'i gtor ma sbyin/ /slob dpon gyis ni 'jug pa yis/ /slob ma thams cad gzhug par bya/ /dam tshig mchog gi de nyid dang / gsang ba'i de nyid brjod par bya/ /gal te ma brtags la smras dang / /'on te ci skad bshad pa'i chos/ /'dir ni kun du ma spyad na/ /rtse gsum gyis ni khyod snying 'joms/ /snying stobs rdul dang mun pa dang / /tshangs pa khyab 'jug dbang phyug che/ /ming po gsum po 'di dag ste/ /nam yang brnyas par mi bya'o/ /gang zhig 'di dag la brnyas pas/ /yang dang yang du rab zhugs nas/ /dkyil 'khor mchod pa byed pa de/ /dngos grub thams cad thob pa ni/ /phyag rgya dag kyang bstan byas nas/ /de yis gar gyi mchod pa bya/ /'dod pa'i yon tan lnga po yis/ /rtag tu dkyil 'khor mchod par bya/ /de nas gsang ba'i lha mo rnams kyis rang gi phyag rgya phul lo/ /hrIHhU~M shI b+h+yo/ dkyil 'khor thams cad bya ba ni/ /gru bzhi pa la sgo bzhi pa/ /thig bzhi pa dang yang dag ldan/ /ka ba chen po bzhi dang bcas/ /gru chad bzhi yis rnam par mdzes/ /de yi dbus su de bzhin du/ /dkyil 'khor bzhi po bri bar bya/ /sgo ru mngon phyogs bzhi po ni/ /snying po dang bcas gzhag par bya/ /dga' bo lag na mtshon cha thogs/ /dngos grub bya ba bsnyems dang bcas/ /de nas dang po dkyil 'khor du/ /de bzhin kun nas 'jug par bya/ /sring mo rang gi phyag rgya yis/ /go rim bzhin du 'jug par bya'o/ /zhugs nas bdug pa la sogs kyis/ /cho ga bzhin du mchod byas nas/ /gsang ba de nyid rab grub pas/ /dgug pa yang dag bya ba yin/ /o~M ka li ma ni ra de pra</font><hr>92.196a<br><font size=+1>

ta la me b+h+'u rAk+Sha sa pi ra stA ma ya he ba ho ba/ ba ra he bi d+yai tA ma ya swA hA/ sid d+hi ke sid d+hi stA ma a he/ phyag rgya 'di rnams kyis so/ /hrIHhU~M shrI b+h+yo/ /de nas thams cad dbab par 'gyur ro/ /babs nas gzhug par bya'o/ /de nas de bzhin du phyag rgya bcing ba bslabs la/ mna' bsgags nas gsang ba brjod par bya'o/ /sems can don la gang bzhugs pa/ /gang du dkyil 'khor ston pa rnams/ /gal te gsang ba mi gasrung na/ /khyod kyis de dag gsad pa yin/ /'dod chags zhe sdang gti mug dang / /de bzhin zas dang skom dang ro/ /chos kyis 'jig rten bde ba dang / /chos min pas ni sdug bsngal ster/ /phyag rgya gar gyi mchod pa yis/ /ci 'dod par ni mchod par bya/ /ci snyed pa dang ci 'dod bzhin/ /yul rnams la ni brten par bya/ /de nas lha ma yin thams cad kyis rang gi snying po phul lo/ /o~M sarba ma hA tsakra~M pra bar ta ya dar sha ya ba~M` hU~M phaT/ zur bzhi pa yi dkyil 'khor ni/ /khru gang tsam du brkos byas nas/ /gyen du kha ltas sgo bri bya/ /bde mchog la sogs bri bar bya/ /'khor lo rab tu zhugs byas la/ /yang dag dgug pas dgug par bya/ /me tog la sogs mchod pa dang / /sha la sogs pas gtor ma bya/ /o~M biSh+Nu tsakra A na ya sham ba ra tsi ma tsi ta tra~M su ra a d+hi pan he sho ha~M/ sarba mA yA g+h+r-i ta~M d+ha pa me sid d+h+ya hA hA swA hA/ de nas yid kyis 'dod pa'i sgyu ma thams cad grub pa yin no/ /slob ma gzhug pa yang de bzhin du bya'o/ /de nas klu'i rigs bzhis snying po phul lo/ /phuH /de nas de yi dkyil 'khor ni/ /zur bzhi pa la sgo bzhi pa/ /sbrul gyi thig gis kun tu bri/ /klu yi gdengs ka'i rtse mos 'khyud/ /mtshams kyi char ni mjug rtse mdud/ /de yi dbus su sa 'dzin pa/ /klu'i rgyal po she Sha bri/ /shes rab can gyi klu chen gyi/ /rigs rnams thams cad bri bar bya/ /</font><hr>92.196b<br><font size=+1>

de nas ting 'dzin shugs kyis ni/ /khros shing rgyug pas 'jug par bya/ /dkyil 'khor der ni rab zhugs nas/ /gdengs ka'i phyag rgyas dgug par bya/ /o~M hrIHa nI la dza ba be ga pr-i th+wI b+hin da d+ha ra she Sha Na A ya hrIHnu ya nA ga ku la a na ya phuH /sa ma ya pra be sha ya phuH /sarba~M sA d+ha ya phuHphuHphuHphuH /de nas klu thams cad phuHzhes bya ba zlos shing dkyil 'khor du zhugs nas babs par 'gyur zhing 'thob bo/ /de nas slob dpon gyis ri mo'i phyag rgyas dug med par bya'o/ /de nas brtsams te thams cad zos na yang bdud rtsi bzhin du 'jib bar byed do/ /'di rnams dang lhan cig tu gar byed pa dang / /dug thams cad sreg pa dang 'jig pa dang za ba nus par 'gyur ro/ /de nas ci 'dod pa'i dam tshig sbyin par bya ste/ 'dod chags zhe sdang gti mug ste/ /'di dag 'jig rten dug gsum mo/ /gal te bden las 'das gyur na/ /'tsho ba'i 'jig rten 'di rtag gnas/ /gal te dngos grub thob 'dod na/ /glog la brnyas par mi bya'o/ /ser ba zlog par mi bya'o/ /sbrul ni gang yang gsad mi bya/ /bde ba chen po rdo rje gsang ba'i rtog pa'i rgyal po chen po las bde ba chen po'i dam tshig chen po'i rdo rje gsang ba la sogs pa'i cho ga rgyas pa'o// //dum bu gnyis pa rtsa ba'i rgyud las dkyil 'khor bcu'i rtog pa'o// // de nas rdo rje chen po yi/ /ri rab ri yi rtse mo ni/ /rdo rje rin chen 'od gsal bas/ /dri med gzi brjid mdzes pa la/ /zur bzhi pa la sgo bzhi pa/ /sgo khyud kyis ni rnam par mdzes/ /kha khyer rnams la gnas pa yi/ /rdo rje lha mo'i tshogs kyis mchod/ /zla ba phyed la gnas pa yi/ /rdo rje rin chen rnams kyis mdzes/ /rlung gis bskyod pa'i dar dpyangs kyi/ /ba dan dril bu'i sgra sgrogs pa/ /dra ba me long me tog gi /phreng ba chen po btags pas brgyan/ /bde ba chen po rdo rje che/ /</font><hr>92.197a<br><font size=+1>

rdo rje kun gyis mngon 'dus byas/ /rdo rje sems dpa' gnas chen po/ /sangs rgyas kun gyis nges brten pa/ /byang chub sems dpa'i gnas pa mchog /rdo rje 'chang ba kun gyi gnas/ /bde ba chen po rdo rje che/ /nor bu che mchog ces bya ba/ /rdo rje chen po'i khang pa na/ /bde ba chen po bzhugs pa yin/ /thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ /rdo rje snyems tshul bdag po'i bdag /sems can kun gyi sems gang yin/ /brtan phyir sems dpar bshad pa yin/ /mnyam par gzhag pas ting 'dzin te/ /nges pa'i phyir ni rdo rjer 'gyur/ /sems dpa'i byin rlabs sbyor ba yis/ /slar yang rdo rje sems dpar 'gyur/ /de nyid rtag pa bcom ldan 'das/ /byang chub spyod pa'i rjes 'gro yin/ /rang sems so sor rtogs sogs na/ /sangs rgyas byang chub cho ga bzhin/ /bdud ni sangs rgyas rdo rje che/ /rdo rje 'chang chen de nyid yin/ /de nyid de bzhin gshegs pa'i rigs/ /de nyid rdo rje rigs chen po/ /de nyid pad ma'i rigs dag pa/ /de nyid nor bu'i rigs dam pa/ /de nyid chags dang chags bral ba'i/ /'dod dang thar pa de nyid yin/ /dus gsum srid gsum mchog gsum dang / /'jig rten gsum dang khams gsum pa/ /mi g.yo thams cad mchog de nyid/ /brtan zhing snying po nor bu che/ /rgyu ba sems kyi 'du byed thabs/ /thams cad byed pa thams cad nyid/ /dang po'i sems dpa' sems dpa' che/ /byang chub sems dpa' bde rab sogs/ /sems dpa'i skyil mo krung bcas nas/ /pad ma'i lte bar zhugs pa yin/ /btsun mo'i tshogs bcas sna tshogs pa'i/ /rdo rje lha mo rnams kyis bskor/ /bde ba chen po rab grub dang / /'dod chags chen po rnam dag phyir/ /ma lus gdul bya'i don du ni/ /dngos grub thams cad rab grub phyir/ /bdag nyid la sogs sems dpa' che/ /</font><hr>92.197b<br><font size=+1>

dngos grub thams cad rab grub phyir/ /dam tshig mchog gi dam tshig rnams/ /rgyal bas kyang ni srung bar mdzad/ /snyems bcas rdo rje gsor ba dang / /rdo rje snyems pa yang dag 'chang / /phyag rgya thams cad rnam dag dang / /rdo rje sems dpa' mchog grub phyir/ /bde ba chen po rdo rje che/ /dngos grub thams cad sgrub pa la/ /ye shes phyag rgyar yang dag ldan/ /snying po chen po dam pa yin/ /gang gis bsod nams mi ldan dang / /de bzhin dkyil 'khor ma lus zhugs/ /don yod thogs med nyid mchog gi /dngos grub thams cad rnyed mi dka'/ /bde ba chen po rdo rje che/ /gsang ba'i mchog ste dam tshig brtan/ /dngos grub thams cad bsgrub pa yin/ /rtog pa thams cad myur grub byed/ /thog mthar med cing dang por byung / /bsod nams thams cad cher mtho ba/ /gzi can rnams kyi bde mchog dang / /'dod chags chen po rnam dag phyir/ /rjes su chags pa bsgom pa zhes/ /ci bzhin ye shes rab 'jug pa/ /nye ba'i snying po bcas snying po/ /bskal pa dang por bcom ldan gsungs/ /hU~M/ de nas 'di ni gsungs tsam gyis/ /sangs rgyas thams cad sras dang bcas/ /nye bar 'dus pa mdzad nas ni/ /'gro ba thams cad bskyed par mdzad/ /sna tshogs 'gro ba kun bskyed nas/ /gtso bos dngos grub dris gyur pas/ /ci ltar skad cig gis 'dir grub/ /sems dpa' chen po myur du smros/ /de nas dkyil 'khor dang po ni/ /thog mar dkyil 'khor byin brlabs nas/ /rdo rje kun mchog dam tshig ni/ /cho ga bzhin du bsgrubs nas ni/ /de nas phan chad sems can 'byung / /ci bzhin las kyi rjes 'gro ba/ /rtag par sdig pa kun la spyod/ /ngan zhen dang ni le lo can/ /de ni skye bo gsum gzigs nas/ /'jig rten gtso bo rnams kyis dris/ /bcom ldan 'o na ci ltar ni/ /byis pa dge ba kun du skyed/ /de rnams kyi ni tshig gsan nas/ /tshig ni 'di skad gsungs pa yin/ /rdo rje 'dzin kun byed pa pos/ /las kyis 'chi ba ltos gyur</font><hr>92.198a<br><font size=+1>

pa/ /de yi tshig de thos nas ni/ /rdo rje sems dpa' rdo rje 'dzin/ /sras bcas sangs rgyas thams cad kyis/ /thugs rje chen pos 'di skad gsungs/ /bde ba chen po rab grub dang / /shin tu chags pa rnam dag phyir/ /kun mchog cho ga rgyas pa yi/ /snying po de ni bshad du gsol/ /de nas ston pa rdo rje 'dzin/ /dngos grub thams cad stsol ba yin/ /rtog pa kun gyi bde ba che/ /rdo rje gsang ba dang po mchog /gzhan yang snying po bstan pa dang / /dkyil 'khor la sogs cho ga che/ /sna tshogs phyi ma'i rgyud dang bcas/ /dngos grub thams cad rab grub byed/ /'jig rten thams cad khams chen po/ /phra rab rdul rnams dang mnyam pa/ /snying po chen po 'di nyid kyis/ /grub pa'i bde ba dam par gyur/ /de nas bde gshegs de rnams ni/ /de yi tshig mchog gsan gyur nas/ /dang po'i dkyil 'khor grub stsol ba/ /de tshe de la gsol ba btab/ /chags pa dang bral 'dul ba'i phyir/ /chags bral bstan par bya ba 'am/ /'dod chags thams cad rnam dag phyir/ /nyid kyi thugs kyi cho ga gsungs/ /de nas bcom ldan 'das kyis rdo rje'i glu chen po gsung zhing dkyil 'khor brtag par mdzad do thams cad rjes su chags pa bde ba dam pa'i thugs/ /rdo rje sems dpa' khyod ni rab tu byung ba yin/ /rab tu dga' ba 'gro ba kun gyi bde chen po/ /brtan mtho de ring bdag la myur grub mngon phyogs mdzod/ /ces bya ba'i dkyil 'khor glu len cing brtag par mdzad do/ /dkyil 'khor chen po'i sbyor ba yis// //dang po'i dkyil 'khor brtag par bya/ /phyag na rdo rje'i thams cad du/ /rdo rje lha mo la sogs tshogs/ /ci ltar cho ga bzhin du ni/ /brgyan par bya ste rab 'jug bya/ /g.yon du bu mo rdo rje 'dzin/ /bsdus te rnal 'byor bcang bar bya/ /rdo rje dang bcas bsnyems pa yi/ /phyag rgya mchog gis rang nyid 'jug /dkyil 'khor de ru zhugs nas kyang / /</font><hr>92.198b<br><font size=+1>

lan gsum du ni bskor bar bya/ /rdo rje sems dpa'i mdun 'dug ste/ /de nyid gsang ba 'ang brjod par bya/ /hU~M ma hA su kha badzra sa twa dzaHhU~M ba~M` hoHsa ma ya s+t+wa~M a nu rag to me b+ha ba/ su to Sh+yo me b+ha ba/ dr-i D+ho me b+ha ba/ su poSh+yo me b+ha ba/ a d+hi tiSh+Tha b+ha ga bA na a na di ni d+he na sa hA ma hA su kha badzra sa twa sa ma ya gu h+ya sa ma ya/ sid d+him me pra ya ts+tsha o~M ha ha ha ha a/ de nas rab tu dga' bas rdo rje lha mo dga' ba'i gtam bya'o/ /o~M badzra draSh+Ti sa ya ke ma Ta badzra ki li ki li ho/ /hU~M smra ra badzra Ne ban d+ha hU~M tuSh+Ta badzra Ni hU~M`/ de nas bcom ldan 'das kyi mdun du nye bar 'dug ste de bzhin du bcom ldan 'das bdag la grub par mdzod cig ces bcom ldan 'das la gsol ba brjod par bya'o/ /myur du thams cad rjes chags par/ /ki+A li ki+A las thams cad nus/ /thams cad rjes su chags dran dang / /rtag tu legs par mnyes gyur bdag /o~M ma hA su kha sid d+ha badzra sa twa dzaHhU~M ba~M` hoHsid d+ha~M sa ma ya s+t+wa~M sid d+hi hU~M/ de nas bde ba chen po rdo rje'i chus dbang bskur zhing 'thungs la rdo rje rtse lnga pa bzung ste/ /bdag rdo rje sems dpa' yin no zhes rang gi ming brjod la/ snga ma bzhin du gar gyi mchod pas mchod pa bya ste/ /ci ltar rnyed pa'i yul dang ldan pas slob ma dang lhan cig mchod pa khyab nas byung bar bya'o/ /slob ma gzhug par bya zhing rang nyid kyang der zhugs pas dkyil 'khor thams cad du zhugs par 'gyur ro/ /rdo rje slob dpon thams cad phyag rgya thams cad kyi bdag po dam tshig thams cad shes pa/ thams cad la tshar gcod pa dang / phan 'dogs nus pa dngos grub thams cad phun sum tshogs pa'i ye shes kyi las byed pas rang nyid 'jug pa tsam nyid kyis slob dpon ma yin pa dang / dkyil 'khor du ma zhugs par skad cig nyid kyis bcom ldan 'das kyis byin gyis rlob par 'gyur ro/ /de ci'i phyir zhe na/ 'di ltar bcom ldan 'das nyid nges par rang nyid</font><hr>92.199a<br><font size=+1>

rang gi dam tshig gis rdo rje slob dpon du gyur nas 'jug par mdzad do/ /las thams cad kyi cho ga rgyas pa yang mdzad pa yin no/ /snying po 'di'i byin gyi brlabs kyis dkyil 'khor du ma zhugs na yang dkyil 'khor thams cad du zhugs pa dang / thams cad kyi slob dpon du 'gyur ro/ /lan cig bzlas brjod byas pas mi sod pa dang mi tshugs pa dang thams cad du sna tshogs pa'i yi ge rnams kyis mthong ba dang thos pa dang rig pa dang shes pa yin no/ /rdo rje 'chang chen po dang bcas pa'i de bzhin gshegs pa thams cad ma lus par mdzad nas dngos grub thams cad de la stsol ba yin no/ /yongs su sbyang ba dang brten pa'i don du ma yin no/ /bgegs byed pa rnams kyang sdug bsngal ster bar 'gyur ba ma yin no/ /bcom ldan 'das bde ba chen po rdo rje 'chang shin tu brtan zhing shin tu dgyes pa rjes su chags pa shin tu rgyas pa dngos grub thams cad dang phun sum tshogs pa thams cad dang ye shes thams cad dang las thams cad gdon mi za ba'i grub pas myur du sgrub par mdzad pa yin no/ /'on kyang gang gis bris sam brir bcug gam lan cig brjod pa'am 'dzin pa des ma bsgrubs shing dkyil 'khor du ma zhugs na yang tshe 'di nyid la ci ltar mngon par 'dod pa'i mchog gi dngos grub thams cad grub pa yin no/ /de ci'i phyir zhe na/ 'di lta ste/ don yod cing thogs pa med pa de bzhin gshegs pa thams cad kyi bdag po'i bdag dang de bzhin gshegs pa thams cad kyis kyang bar chad byed par mi nus te thams cad rjes su chags pa nyid kyi phyir ro/ /sangs rgyas kyi byang chub kyang rjes su chags pa las byung ba yin no/ /'dod pa brten pas rjes su chags pa ste de mi 'dod pa ci ltar mchog gi bde ba chen po la sogs pa'i go 'phang thams cad 'gyur ro zhes bya ba thog ma med pa'i bcom ldan 'das</font><hr>92.199b<br><font size=+1>

chags pa chen po'i bde ba chen pos gsungs so/ /grub na bde ba chen po ni/ /rdo rje chags pas skad cig ster/ /sgrub pa'i dam tshig 'di yin te/ /'di ni kun gyis 'da' bar dka'/ /sdig pa chen po byed pa 'am/ /de bzhin dkyil 'khor ma mthong ba/ /lan gcig bzlas pas sdig sbyangs pas/ /mchog grub pas ni bsgrub par 'gyur/ /rtog par gsungs pa'am 'dod pa yis/ /gzugs brnyan rjes su dran bsgoms na/ /snying po yang na glegs bam du/ /thams cad nyid phyir bdag po grub/ /gang la gzugs brnyan med pa dang / /glegs bam med par 'gyur na yang / /yi ge hU~M ni thams cad du/ /bris te bdag sgrub bsgrub par bya/ /zhes bya ba don yod cing thogs pa med pa'i dngos grub can rdo rje 'chang chen pos gsungs so/ /de nas rtog pa'i rgyal po 'di'i/ /las kun sgrub par 'dod pa na/ /dkyil 'khor thams cad thig btab nas/ /mtshan ma'i phyag rgya bri bar bya/ /dang po'i rdo rjes zhugs nas brjod par bya ste/ chags pa che las thogs pa che/ /thogs pa che las bde ba che/ /bde ba che las rdo rje bstan/ /rdo rje las ni phyag rgya 'byung / /sku gsung thugs kyi rdo rje yi/ /gzugs brnyan rab tu sbyor ba yis/ /phyag rgya thams cad bshad pa ste/ /dam tshig 'da' bar dka' ba'o/ /phyag rgya bcings pa tsam gyis ni/ /sangs rgyas rdo rje 'chang la sogs/ /yang dag bsdus par gyur na ni/ /mnyam pa'i 'jig rten grub par 'gyur/ /ji ltar rgyal po'i phyag rgya yi/ /bka' ni 'da' bar dka' ba ste/ /de bzhin rgyal ba kun gyis kyang / /phyag rgya 'da' bar nus pa min/ /sangs rgyas nyid dam rdo rje 'chang / /de ltar bskal pa bye ba yis/ /thob min ci ltar phyag rgya mchog /bsdus pa tshe 'di nyid la 'thob/ /ci ltar gdul bya'i 'jig rten ni/ /de bzhin dngos grub gsungs pa yin/ /de yi thabs ni phyag rgya ste/ /dngos grub thams cad byed pa mchog /de bzhin cho ga rgyas pa dang / /dngos grub thams cad gdon mi za'o/ /de</font><hr>92.200a<br><font size=+1>

nas dang po'i dkyil 'khor gyi gsang ba'i dam tshig gi phyag rgya bcing ba 'di yin te/ sor mo thams cad kun sbyar nas/ /rdo rje thal mo zhes brjod do/ /sor mo nang du bcings pa las/ /rdo rje bsdams par yang dag bshad/ /rdo rje bsdams pa'i nang du ni/ /mdzub mo mthe bo yang dag sbyar/ /g.yas pa yi ni mthe bo bteg /bcug ste btsir ba'i lcags kyu 'dzin/ /mda' lnga bsdus pa bcings nas ni/ /dbus ma'i bcings pa nang du gnas/ /mthe bo mnyams pa'i mtha' rdo rje/ /dang po'i bde ba dam pa brtan/ /mtheb mdzub rtse sbyar dbus ma'i rtse/ /mig 'bras ltar sbyar 'dzin pa'o/ /dbus ma'i rdo rje 'og tu ni/ /mthe bong gis mnan btsir bar bya/ /rdo rje 'dren ma dang 'dra ba/ /srin lag mthe'u chung kha phye ba/ /bskor nas pus mor bzhag pa ni/ /dang po'i rdo rje las byung ba'o/ /gyen du gtor dang thur du blugs/ /mthe bo sbyar nas bskor ba dang / /rab tu brkyang zhing byug pa dang / /bskor zhing spyi bor gnas pa dang / /bskor nas snying gar bzhag pa dang / /yongs su bskor zhing dgod pa'o/ /kha las gyen du 'byung ba dang / /de bzhin gar gyis bskor ba dang / /mdzub mo'i sor mo gnyis kyis dang / /g.yon pa'i mdzub mo'i g.yas kyis bzung / /mdzub mo'i mthe bo bcing ba dang / /mthe bo tha ma'i nang du gzhag /khu tshur gyi phyag rgya rnams so/ /de nas don yod cing thogs pa med pa 'di rnams kho na'i las kyi phyag rgya bcing ba mchog tu gsang ba bla na med cing bla ma'i las kyi tshogs sgrub par byed pa de bzhin gshegs pa thams cad dang bcas pa'i bdag gis kyang gnon par mi nus so/ /de la bde ba chen po'i rdo rje dbus ma las rdo rje sen mo'i rtse mo mchu la sogs par bzhag pa dang 'khor lo rab tu bskor ba dang rdo rje nor bu dang ci ltar 'dod pa'i dngos grub kun du byed pa rnams kyis rdo rje 'chang chen po dang / /sangs rgyas dang byang chub</font><hr>92.200b<br><font size=+1>

sems dpa' dang rdo rje rin po che dang mchog gi dngos grub bo/ /rdo rje 'dren mas ni mig 'bras kyi las so/ /g.yas pa dang g.yon pa'i mig gis bltas pas thams cad rjes su chags pa'o/ /mig 'bras tshur 'dren pas ni dgug pa'o/ /gzhug pas thams cad 'jug pa'o/ /btsir bas 'ching ba'o/ /btsums pa med pas dbang du bya'o/ /rdo rje ki+A li ki+A las dbus ma la btsum pa na dang 'khyud pa dang btsir ba dang rol pa dang dbus ma dang mthe bo'i rtse mor bde bar rdeg pas mthong ba dang rol pa dang btsir ba rnams kyis thams cad la rol pa ste rgyu ba dang mi rgyu ba thams cad du lha'i gzugs kyi bud med rnams 'byung ba yin no/ /ci srid 'di rnams dang rol cing rdo rje sems dpa' btsun mo la yang rol par byed do/ /rdo rje chu srin mas btsir ba dang gyen du gteg pa dang myang ba dang drung du 'gro ba dang myur du za ba rnams kyis brtan pa'i chags pas bcing ba dang thams cad las rnam par rgyal ba dang chu'i nang du gnas pa dang 'chag pa dang thams cad za ba grub pa'o/ /rdo rje bskor bas g.yo zhing g.yo ba dang / lhod par byed pa dang btsir ba dang dbus ma phan tshun lhan cig dgug pa dang mgyogs par dbus ma'i rdo rje dral ba rnams kyis khro bo thams cad 'bar ba dang rab tu zhi ba dang thams cad la rgyas btab pa dang ltung ba dang gsod pa rnams myur du 'grub bo/ /mthe bo rdo rje'i nang du zhugs pa'i mchod pa rnams kyis mchod na rdo rje 'chang chen pos kyang mchod par 'gyur ro/ /de bzhin du lha'i bu mo rnams kyi mthe bo rdo rje'i nang du zhugs pa'i las rnams kyis lha'i bu mo thams cad kyang bkug nas rol pa la sogs pa'i las thams cad la nye bar sbyar ba'o/ /rdo rje lcags kyu ma la sogs pa'i nang gi khu tshur gyi las rnams kyis yid kyis yid gyis 'dod pa'i dngos grub thams cad do/ /de nas dngos grub thams cad kyi rgyud ni rdo rje sems dpa'i phyag rgya chen pos dngos grub dang dam tshig dang ye shes dang las kyi dngos grub</font><hr>92.201a<br><font size=+1>

grub pa'o/ /don yod pas grub pa myur du thams cad kyi bdag nyid bcom ldan 'das kyis byin gyis brlabs pas yid kyis 'dod pa grub pa'o/ /rab tu dga' ba'i rdo rjes rtags kyi rtse mo g.yo ba las thams cad do/ /skye gnas g.yo bas kyang de bzhin no/ /bde ba chen po'i rdo rje dbus ma'i las byed pas dngos grub thams cad sgeg mo dga' ba'i rdo rje mig mi g.yo bar byed pas las thams cad bsgrub par byas na thogs pa med pa'i dngos grub kyis grub par 'gyur ro/ /de bzhin du rang phyag mtshan rnams kyis dngos grub thams cad grub par 'gyur ro/ /dang po nyin re lan cig du/ /phyag rgya chen po snying po bzla/ /rdo rje nye ba'i snying po yis/ /phyag rgya thams cad nges sbyar bya/ /thams cad don yod grub pa'o/ /bde ba chen po rdo rje che/ /gsang ba'i rtog pa mchog phyir ma/ /sgrub pa'i don yod dam tshig ni/ /snying pos skad cig dngos grub ster/ /rtsa rgyud phyi ma'i rgyud dang bcas/ /phyag rgya'i rgyud ni bla na med/ /dngos grub mchog ni de bzhin du/ /bla med ye shes grub pa'o/ /de nas dang po'i dkyil 'khor la sogs pa'i phyag rgya thams cad kyi rgyud kyi cho ga rgyas pa'o/ / de nas bcom ldan 'das kyi phyag rgya chen po'i rgyud ni/ pad ma g.yon du dgod bya ba/ /zhabs kyi pad ma ci bde bri/ /rdo rje dkyil mo dkrung bcas nas/ /sku ni drang por 'dzin pa bde/ /snyems bcas rdo rje gsor nas ni/ /rdo rje snyems pa yang dag 'chang / /sku gsung thugs kyi rdo rje yis/ /rdo rje sems dpa' rang nyid 'gyur/ /'dis ni rdo rje sems dpa' nyid/ /sangs rgyas nyid dam sras nyid dang / /dngos grub kun gyi dbang phyug nyid/ /tshe 'di nyid la grub par 'gyur/ /sku gsung thugs kyi rdo rje yis/ /ci bzhin phyag rgya'i rjes 'brangs nas/ /mtshan ma'i phyag rgya ldan pa yi/ /sems dpa' chen por rang nyid 'gyur/ /phyag rgya chen po'o/ /de nas dam tshig gi phyag rgya</font><hr>92.201b<br><font size=+1>

bcing ba ni bde ba chen po'i rdo rje bshad do/ /rdo rje mda' la sogs pa'i bzhi po 'di las byung ngo / /mdzub mo gnyis kyi lcags kyu'i phyi rol du mngon par phyogs pa'o/ /mthe bos 'khyud pa'o/ /mthe bo gnyis kha phye la mdzub mo gnyis kyis dbus ma'i rtse mo 'dren cing srin lag dang mthe'u chung mnyam por sbyar la rtse mo so sor kha phye bas chu srin gyi rgyal mtshan gyi bsgreng ba'o/ /brla gnyis la bskor zhing gnas pa'o/ /de bzhin du mtshams rnams la rdo rje thal mo bskor bas so/ /sgo'i phyag rgya rnams ni rdo rje bsngams pas khu tshur gyis so/ /bde chen mchog gi phyag rgya che/ /de bzhin dngos grub rab stsol ba/ /mda' sogs dam tshig sna tshogs pa'i/ /dngos grub chen po mchog ster ba'o/ /de nas chos kyi phyag rgya ni/ /ho bid hU~M d+h+r-ika hU~M/ de rnams kyang dngos grub thams cad stsol ba'o/ /de nas las kyi phyag rgya ni/ /rdo rje khu tshur rdo rje med pa rnams kyis rtags par bya'o/ /g.yon pa'i rdo rje snyems pas g.yas pa'i khu tshur stod pa'i tshul gyis snying kar bzung bar byas pa rdo rje snyems pa ste/ rab tu dga' ba brtan par byed cing dngos grub thams cad stsal ba'o/ /mda' gzhu stod pas rdo rje mtshon cha ma'o/ /'og tu 'khyud pa'o/ /rgyal mtshan bsgreng ba'o/ /bsnyems pa gnyis stod pa'o/ /sgeg pa dang bcas mtha' ma la sogs pas bkrol bas glog 'gyu ba'i gar g.yas su yongs su bskor bas me tog la sogs pa'i ka pu ta'i thal mo spyi bo nas phab/ rdo rje thal mo bkrol bas de bzhin du sgeg pa dang bcas pas mchod pa dor bar bya'o/ /rdo rje gar ni nang gi mtshams la'o/ /rdzogs pa 'am ni ma tshang ba/ /yang na ci ltar rnyed pa bzhin/ /me tog mchod la sogs ma yis/ /dngos grub mchog stsol thun mong yin/ /dam tshig gi phyag rgya'i sbyor ba'i mtshan ma yongs su gzung ba'o/ /'di rnams kyang don yod pa'i las</font><hr>92.202a<br><font size=+1>

sgrub pa rnams so/ /rdo rje khu tshur gyis bdud rtsi'i chu bzla'o/ /'jug pa'i cho ga'i phyag rgya bshad pa ni/ dkyil 'khor chen po thams cad kyi rdo rje slob dpon gyis byin gyis brlabs pa'i gsang ba'i dam tshig ces bya ba'i/ 'jug pa'i phyag rgya gnyis pa ni/ /rdo rje bsdams pa bcings nas ni/ /g.yon mtheb mdzub mo'i skye gnas su/ /g.yas pa'i mthe bo'i rtags bcug la/ /btsir na bde ba ster ba'o/ /mdzub mo lcags kyu bcings pa des/ /dkyil 'khor mchog tu 'jug par bya/ /yang na sems dpa' gang la 'jug /de der myur du 'grub par 'gyur/ /rab tu dga' ba'i rdo rje ma'o/ /rang gi khu tshur gyis rdo rje rdo rje'i bdud rtsi'i chu blangs nas chu'i rgyun des/ dbang bskur te 'thung du bcug na dbang bskur bar 'gyur ro/ /dbang bskur ba thams cad kyis na tshod dar la babs pa dang nad med pa dang dngos grub thams cad dang ldan par 'gyur ro/ /'di la rims dang gdon dang dug dang sbyar dug dang mkha' 'gro ma dang phyag rgya la sogs pas gnod pa byed par mi nus so/ /dkyil mo dkrung gis ni gar dang mchod pa 'bul bar bya'o/ /de nas mchod pa ni rdo rje gar gyis so/ /rdo rje glu blangs pas rdo rje gar dbul ba ni 'khor lo sgyur ba'i gar gyis so/ /rdo rje khu tshur yongs su bzung ba/ /rdo rje stod pas rdo rje mtshon cha la sogs pa bsgreng bar bya ste/ mthar sgeg mo dga' ba'i rdo rje gsang bas gzhad pa dang bcas pa'i zhal dang spyan g.yo bas phyag 'tshal ba'o/ /bcom ldan rdo rje 'chang dgyes pas dga' ba thams cad la sogs pa'i bde ba dang yid bde ba thams cad kyi dngos grub stsol ba yin no/ /rdo rje bsdams pa btsir la rang gi snying kar bde ba bkrol na dkyil 'khor dkrol ba la rdo rje sems dpa'i sgom pas re khA dang rdo rje yid kyis gyen du bteg la rim pas nang gi dkyil 'khor du zhugs na dam tshig nyams par mi 'gyur ro/ /rdo rje sems dpa'i sgom pas dkyil 'khor</font><hr>92.202b<br><font size=+1>

la phyogs na dam tshig nyams par mi 'gyur ro// // de nas las kyi phyag rgya'i rgyud ni/ bde ba chen po rdo rje spyi bo dang dpral ba dang snying gar bzhag pa phub ste phyogs thams cad du 'bar ba'i ra ba 'byung bar 'gyur te/ rdo rje khro bo'i rgyal po rnams kyis kyang 'jug par mi nus so/ /snying gar sgom pa rdo rje dang bcas pa'o/ /gyen du kha blta bas bltung bar bya'o/ /rang gi gdong g.yogs su spyangs nas gdong par dkrol bar bya'o/ /dbus ma'i rdo rje ltag par bya'o/ /dpung mgo gnyis su bzhag cing snying kar bzhag par bya'o/ /dar dpyangs kyis dbang bskur ba mthong ba'o/ /skye gnas las dang tshe 'byin pa'o/ /spyi bor bzhag par bya'o/ /sa la reg par bya'o/ /rab tu dga' ba'i rdo rje'i rtags kyi lcags kyus so/ /rtse mo stod pa'i skye gnas dkrol ba lag pa g.yon pa'i mthil nyed cing bsnun par bya'o/ /de btsir bar bya'o/ /mig btsum par bya'o/ /bskor zhing btsir nas khro bo'i lta bas blta bar bya'o/ /yongs su bskor nas kha'i mthar mche ba bstan pa'i g.yas pa'i mdzub mos sdigs mdzub po/ /mdzub mo la ldang bar bya'o/ /mthe bo mthe bo btsir bar bya'o/ /yi ge mus phyag rgya dkrol ba'o/ /dang po mthe'u chung gi rdo rjes bsnun par bya'o/ /de nyid rnam par 'gyur ba'i gdong pas so/ /de nyid yongs su bskor nas dpral bar gyen du kha blta bas gnas pa'o/ /de nyid kyis nam mkha' la rdeg pa'o/ /g.yo zhing btsums pa'i mig gis phyag rgya bcings pa dkrol ba'o/ /mthe'u chung gi nor bus reg par bya'o/ /mdzub mo mnyam pos zhabs kyi sor mo rje bar bya ste bza' ba 'am yid kyis bzhag par bya'o/ /mdzub mos sbyin sreg byed pa'o/ /rab tu dga' ba'i rdo rje gdong par bkrol bar bya'o/ /sbyin sreg byed pa'o/ /mthe'u chung gnyis skye gnas la sbyar te phyag rgya dral bar bya'o/ /srin lag dang mtha' ma mnyam par sbyar sor mo</font><hr>92.203a<br><font size=+1>

ba dan gyi tshul du sgreng bar bya'o/ /rdo rje bsdams pas legs par byed pa mdzub mo mthe bo mnyam por phye ba dang bkrug pa bskor nas dral bar bya'o/ /rdo rje bsdams pa rab tu brkyang ba'i mthil sa la reg par bya'o/ /dang po'i rdo rje sprin skyed pa'o/ /mdzub mos char skyed pa bya'o/ /mdzub mos bzlog par bya'o/ /rdo rje blta bas 'phrog par bya'o/ /rab tu dga' ba'i rdo rje bshad do/ /mdzub mo gcig gi nor bu'o/ /mthe'u chung rdo rje sdigs mdzub bo/ /mdzub mos sa 'og nas chu mig bkug la bstan pa'o/ /bde ba chen po rdo rje sa la bzung nas g.yo bar bya'o/ /mdzub mo gnyis kyis gdengs ka'i tshul bstan pa'o/ /rtse mo bzhi'i 'od zer gyis me rtag ston pa'o/ /mdzub mos rlung skyed pa'o/ /rab tu dga' ba'i rdo rjes mdzub mo'i rtse mos me long dang / rol pa dang / nam mkha' la rdo rje blta ba dang / steng du bskor bar bya'o/ /rdo rje'i mangs shing drung thams cad dang nags dang skyed mos tshal dang 'bru thams cad la bzhag par bya'o/ /mdzub mo rnon pos klog par bya'o/ /bdag nyid kyis thams cad la drang bar bya'o/ /phyi rol gyi dpung mdun du bskor bar bya'o/ /rdo rje khu tshur gnyis kyis glog 'gyu bas bskor bar bya'o/ /glog 'gyu bas nam mkha' la bskor bar bya'o/ /g.yas pas g.yon pa la brdeg par bya'o/ /rdo rje khu tshur gnyis g.yo zhing g.yo ba med pa la gzhag par bya'o/ /mdzub mo mnyam pa'i dkyil 'khor ni nor bu'o/ /mdzub mo'i rdo rje'i g.yon pa'i mthe bong gi bu gar g.yas pa'i mdzub mo gzhug par bya'o/ /rab tu dga' ba'i rdo rjes steng du nam mkha' la dka' ba spyod pa dang skye gnas g.yo ba dang dbus ma'i rdo rje bskyod cing btsir ba'o/ /rdo rje yid las byung ba dang rdo rje kI li kI la dang / rdo rje chu srin dang rdo rje snyems ma bshad pa'o/ /rdo rje bsdams pa'i mdzub mos gsol ba 'debs par byed pas mdzub mo gnyis kyis rang gi mig bkab la yid kyis ci ltar mngon par 'dod pa bsgom par bya'o/ /sbyin sred</font><hr>92.203b<br><font size=+1>

byed pa'o/ /mdzub mos rang mig btsum par bya'o/ /sos gzung bar bya'o/ /btung bar bya'o/ /rtse mo bskyod cing sbyin sreg bya'o/ /mthe bo'i 'og tu rab tu brkyang la sbyin par bya'o/ /rdo rje sku'i phyag rgya mchog ni mthe bo sems dpa'i dkyil mo dkrung gi mdzub mo rdo rje ni rdo rje'i sku mchog go/ /dbus ma'i mnyam pa'i mgo lcogs kyis ngag 'byin pa'o/ /snying gar bzhag nas/ o~M bo d+hi tsit+ta uta pA ta yA mi zhes bya ba bsgom mo/ /mthe bo'i rtags g.yon pa'i mthe bo'i bu gar gzhug par bya'o/ /rdo rje khu tshur gnyis glog 'gyu ba ltar bskor bas rdo rje 'khor lo'o/ /rdo rje bsnyems ma rdo rje dang bcas pa'o/ /yi ge hU~M gis bsdigs mdzub bo/ /rab tu dga' ba'i rdo rje gar gyis so/ /rdo rje snyems ma bshad do/ /mthe'u chung zur gyis mdud pa'i rtse mo mnyam pa yongs su bskor/ 'og nas bteg pa mdzub mo mnyam pa'i rtse mo dang dbang bskur ba'i gnas su bzhag na rdo rje mdzod spu'o/ /de bzhin gshegs pa thams cad kyi khu tshur ni 'og nas bshad par bya'o/ /rdo rje gar gyi bshad pa yin no/ /mdzub mo phyir phyogs pa bslang ba'i rdo rje snying gar badzra hU~M zhes bya ba'i phyag rgya chen po'o/ /de bzhin du snying gar rdo rje sgom zhing ma hA sa ha ha~M zhes bya'o/ /ye shes kyi khu tshur gyis ta thA ga to A hA bcom ldan 'das kyi phyag rgya chen po bshad do/ /de nas rdo rje khu tshur bcing ba ni/ mdzub mo rdo rje bsdams pa bcing / /mdzub mo bkrug pa gnyis kyis brgyan/ /mtha' ma gnyis kyi nang du ni/ /mthe bo gnyis kyi kha sbyar ba/ /dam tshig chen po rdo rje mchog /khu tshur dngos grub mchog kun stsol/ /rdo rje khu tshur rab tu brtags// // de nas de bzhin gshegs pa'i rigs kyi phyag rgya'i rgyud kyi cho ga rgyas pa ni/ phyag rgya chen po rnams ni ta thA ga to hU~M zhes bya bas bcing bar bya'o/ /dam tshig cho ga mchog ni mthe'u chung mnyam pa'o/ /rdo rje sna tshogs rdo rje'o/ /mda' la sogs pa bcing ba ni de bzhin</font><hr>92.204a<br><font size=+1>

no/ /las kyi phyag rgya rnams ni de nyid do/ /de bzhin gshegs pa'i khu tshur gyis de bzhin du bcing ba'o/ /lcags kyu ma bzhin no/ /khu tshur gyi khyad par rdo rje bsdams pa'i khu tshur mthe bong gnyis la gnas pa dam tshig gi khu tshur te/ de gnyis su byas pa de bzhin gshegs pa'i khu tshur ro/ /de bzhin gshegs pa'i khu tshur gnyis dang / dkyil 'khor lngas phyag 'tshal zhing 'jug par bya'o/ /'di dag kyang dngos grub thams cad stsol ba'o/ /de nas las kyi phyag rgya bcing ba ni/ rdo rje sku mchog gis spyi gtsug dang mdzod spu dang snying gar gzhag ste bskor zhing bskor bas khur tshos dang / gtsug tor du gzung bar bya'o/ /de bzhin gshegs pa'i khu tshur gnyis kyi mdzub mo gnyis kyis sdigs mdzub bya ba dang sbyin pa'i tshul bya'o/ /g.yon pa snying kar bzung ste g.yas pa'i mdzub mo gcig gis sa la reg pa'o/ /g.yon pa'i khro bo'i mdzub mo g.yas pa'i khu tshur gyis nang du mngon par phyogs pas de bzhin gshegs pa thams cad kyi khu tshur sangs rgyas nyid du myur du thob pa'o/ /rdo rje bsdams pa'i 'og tu bcing bas brtan pa'i dkyil mo dkrung ngo // // de nas rdo rje rigs kyi phyag rgya'i cho ga rgyas pa'i rgyud ni/ 'jug pa'i phyag rgya rab tu dga' ba'i rdo rje khro bo'i dgug pa'i phyag rgya de nyid do/ /phyag rgya chen po rnams kyang de bzhin no/ /dam tshig ni 'og tu rdo rje bsdams pa'i sor mo thams cad 'bar ba'i nang du mthe bong rdo rje ni rdo rje khro bo'i te rin+t-i rI ste rdo rje 'chang chen po sgrub par byed pa'o/ /gzhan dag kyang de bzhin no/ /chos kyi rnams ni de bzhin te/ las kyi phyag rgya rnams ni de bzhin no/ /khu tshur gyi khyad par ro/ /rdo rje khu tshur gyis mdzub mo bsdigs mdzub bo/ /dam tshig las byung ba ni de bzhin no/ /de nas las kyi phyag rgya rnams ni rdo rje hU~M mdzad las byung ba'o/ /lag pa rdo rje'i mthe'u chung gdu</font><hr>92.204b<br><font size=+1>

bur bcings pa'i sdigs mdzub ni rdo rje hU~M mdzad de g.yon brkyang bas gnas pa'o/ /g.yon pa'i mdzub mo'i rdo rje bsdigs mdzub bo/ /sna'i dbugs dang yi ge hU~M gis so/ /khros pas yi ge a sbyar bar bya'o/ /ha har dgod pas bzhad par bya'o/ /snying gar rdo rje sgom pas rdo rje'i phyag rgya chen po'o/ / de nas pad ma'i rigs kyi phyag rgya'i cho ga rgyas pa'i rgyud ni/ de bzhin gshegs pa'i rdo rje'i mdzub mo gnyis bkug la de snying gar gzhag pa ni rdo rje pad ma'o/ /phyag rgya chen po la sogs pa'i phyag rgya thams cad ni de bzhin no/ /dam tshig gi khyad par dang khu tshur gyi khyad par ro/ /kha 'bus pa'i mthe bo dang mthe'u chung kha phye bas 'dab ma bzhi pa'i pad ma chen po'o/ /thams cad bcing ba ni ci lta ba bzhin no/ /khu tshur gyi khyad par ni rdo rje bsdams pa'i mdzub mo gnyis bkug la mthe bor mnyam par brkyang la dbus ma gnyis phyi rol du gshibs pa dang bcas pa bzhag pa ste de gnyis su byas pa pad ma'i khu tshur ro/ /de nas las kyi phyag rgya rnams ni/ pad ma chen po'i bshad pa'o/ /de nyid spyi bo la'o/ /de nyid rdo rje lta bas blta bar bya'o/ /de nyid sor mo thams cad kha phye ba'o/ /de nyid rdo rje gnyis gnyis kyi mig go/ /de nyid legs par byed pa'o/ /de nyid dpral bar byas nas gsol ba gdab par bya'o/ /de nyid g.yon pa'i skye gnas su mthe bo'i rtags bcug pa'o// // de nas nor bu'i rigs kyi phyag rgya'i rgyud kyi cho ga rgyas pa ni/ rdo rje thal mo rab tu brkyang zhing mthe bong mnyam po la mdzub mo bkug pa bzhag ste dpral ba'i mdzod spu'i phyogs su bzhag na dbang bskur ba thams cad gsol ba'o/ /phyag rgya chen po la sogs pa'i phyag rgya thams cad bcing ba de bzhin no/ /dam tshig gi rdo rje bsdams pa'i mdzub mo gnyis phyir bkug pa'i sor mo mnyam por nor bu mthe bo rdo rjes bkag pa rdo rje nor bu'o/ /gzhan rnams ni de las byung ba'i rdo rje</font><hr>92.205a<br><font size=+1>

rin po che'i khu tshur ro/ /de gnyis su byas nas rin po che'i khu tshur ro/ /de nas las kyi phyag rgya rnams ni rdo rje rin po che bsgreng ba bsgrub par bya ba'i myu gu'o/ /kha sbyar nas srin lag dang mthe'u chung mnyam po kha phye bas mchog gi dar dpyangs 'dzin pa'o/ /dbus ma'i nor bu'o/ /mthe'u chung gi rtse mo'o/ /'og tu gtor ba'o/ /rdo rje bsdams pa las ni mdzub mo'i nor bu brkyang ba'i 'phreng ba'o/ /rdo rje rin po che gsum mdun dang logs gnyis su bcing bar bya'o/ /rdo rje rin po che'i mdzod spu'i phyogs su bzhag ste/ mdzub mo'i rtse mos steng du mdud pa dar dpyangs kyi tshul du bya'o/ /mthe bo gnyis brtan pa'i dkyil mo dkrung byas la mdzub mo gnyis bkug nas mnyam pa'i kha 'bus pa'i mchog gi lus can de bzhin gshegs pa thams cad kyi sku'i mchog go/ /des spyi bo nas brtsams te mdun dang g.yas dang g.yon dang rgyab tu bya ba byas nas de bzhin du mdun dang rgyab dang logs gnyis su sgeg pa dang bcas pas mtha' ma la sogs pa bkrol bar byas nas/ phreng ba bcing ba'i mdud pa bya zhing dar dpyangs kyi tshul du bya ste rdo rje sems dpa'i dbang bskur ba dang srid pa gsum gyi dbang phyug thams cad kyi mchog rdo rje sems dpa' nyid thob pa yin no/ /rdo rje thams cad kyi rtog pa thams cad ni gong du ci lta ba bzhin no/ /de nas phyi'i phyag rgya shes par bya ba ni 'di yin te phyag rgya chen po ni g.yon par kham phor dang g.yas su mda' gtong ba'i phyag rgya'o/ /dam tshig gi 'jug pa ni mdzub mo dang gung mo dang srin lag mnyam por legs par sbyar la rtse gsum par byas la mthe bong dang mthe'u chung gnyis lu gu rgyud ni mgon po rnams kyi'o/ /ci nas ltar bzung ba bzhin du lha mo rnams kyi phyag rgya'o/ /dam tshig ni gung mo dang srin lag rdo rje bsdams pas mdzub mo dang gung mo dang mthe'u chung dang srin lag mthe bo'i sor mo'i rtsa bar bsdus pa ni sring mo bzhi'i dkyil 'khor</font><hr>92.205b<br><font size=+1>

gyi phyag rgya'o/ /gal te dkyil 'khor brtag par mi nus na de'i tshe 'di bcings pas dkyil 'khor shin tu brtag par 'gyur te/ dngos grub kyang shin tu gsol ba yin no/ /lha mo rnams 'di nyid kyis spyan drang ba dang 'jug par bya'o// // de nas sgyu ma'i 'khor lo ni g.yon pa'i steng du sor mo thams cad shin tu brkyang / dam tshig dkyil 'khor gyi 'khor lo ste lha ma yin thams cad kyi sgyu ma thams cad don yod par sgrub pa'o/ /gdengs ka can gyi dbang po'i mthe bo gnyis pas rtse mo phyi rol du phyogs pa'i sor mo brgyad kyis gdengs ka'i tshogs kyis klu thams cad dgug pa dang gzhug pa dang bcing ba dang dbang du bya ba'i dam tshig ste lto 'phye chen po'i lag pa'o/ /gal te 'da' bar byed na 'chi bar 'gyur ro/ /gung mo dang srin lag bzhi pos mdud pa byas la mgu ba'i tshul gyis steng du sgreng ste bsdus nas mthe'u chung gnyis kyis rtse mos brdeg par byas na dug thams cad 'bar ba dang / dug thams cad bcing ba dang kun las bsdus te brdeg pas dug thams cad 'jig pa'o/ /'di nyid kyi dug thams cad za ba dang 'pho ba dug med par bya'o/ /phyi rol gyi phyag rgya'i cho ga rgyas pa'i rgyud do// // de nas rtog pa thams cad bsgrub pa'i phyag rgya'i rgyud kyi cho ga rgyas pa bshad par bya'o zhes bcom ldan 'das bde ba chen po'i rdo rje gsang ba dam tshig chen po rdo rje sems dpas gsungs so/ /de la sku'i phyag rgya lnga ni/ phyag rgya chen po rdo rje 'chang chen po'i rigs la'o/ /dam tshig gi phyag rgya de bzhin gshegs pa'i rigs la'o/ /rdo rje hU~M mdzad ni rdo rje rigs la'o/ /pad ma chen po ni pad+ma'i rigs la'o/ /rdo rje nor bu chen po ni nor bu'i rigs la'o/ /de nas gsung gi phyag rgya lnga ni/ snyan pa'i glu'i yul thams cad kyi tshul rnams nus pa ci lta bu'i glu'i rgyun thams cad kyis glu blangs te bzlas pa ni rdo rje sems dpa'i rigs la rab tu dga' ba'i rdo rje'i ngag go/ /lce dang mchu gnyis shin tu g.yo ba</font><hr>92.206a<br><font size=+1>

med cing ngos shin tu ma 'byar ba dbyangs dang bral ba'i rdo rje'i ngag de ni de bzhin gshegs pa'i rigs la ste/ rigs thams cad dgos pa'o/ /sprin gyi 'brug sgra yi ge hU~M gi sgra phra mo dang ldan pa ni rdo rje khro bo'i rdo rje zhes bya ba'i ngag rdo rje'i rigs so/ /ting nge 'dzin gyi ngag pad ma'i rigs la ste thams cad dag pa'i pad ma zhes bya ba'o/ /chos kyi ngag nor bu'i rigs la ste mchod pa'i nor bu'o/ /de nas thugs kyi phyag rgya lnga ste/ thams cad bsgrub par bya ba la ni rdo rje sems dpa'i dngos pos so/ /sangs rgyas rjes su dran pas de bzhin gshegs pa'i rigs la'o/ /bdag gam bdag gi mdun du gsad par bya'o zhes bya ba ni rdo rje rigs la'o/ /sbyang bar bya'o zhes bya ba ni pad ma'i rigs la'o/ /nam mkha' thams cad sgoms pas nor bu'i rigs la'o// // de nas rdo rje'i phyag rgya lnga ni/ rdo rje rtse mo lnga 'od zer gyi phreng bas rtse mo yongs su khyab pa dang bde ba chen po'i rdo rje khu tshur gyis rdo rje sems dpa'i rigs la'o/ /rdo rje rtse lnga pa 'od zer dang bcas pa de bzhin gshegs pa'i khu tshur gyis de bzhin gshegs pa'i rigs la'o/ /'bar ba'i rang bzhin rdo rje rtse bzhi pa rdo rje khro bo'i khu tshur gyis rdo rje'i rigs la'o/ /pad ma'i steng gi de bzhin gshegs pa'i rdo rje pad ma'i khu tshur gyis pad ma'i rigs la'o/ /rdo rje phyed pa rdo rje rin po che nor bu'i khu tshur gyis nor bu'i rigs la'o// //de nas rigs thams cad rtogs pa'i gsang ba thogs pa med cing gdon mi za ba'i de kho na nyid kyi bden pa myur du mchog gi dngos grub kyi cho ga rgyas pa bsgrub pa thams cad kyi rgyud bshad par bya'o zhes bcom ldan 'das don yod cing thogs pa med pa myur ba'i mchog gi dngos grub can rdo rje sems dpas gsungs so/ /rdo rje sems dpa'i phyag rgya chen po ni bde ba chen po'i rdo rje gsang ba'i dam tshig go/ /gsung gi phyag rgya ni snying po'o/ /thugs kyi phyag rgya ni nye ba'i snying po'o/ /rdo rje'i phyag rgya ni rdo rje snyims ma'i'o// //de nas phra mo'i las</font><hr>92.206b<br><font size=+1>

kyi phyag rgya'i rgyud don yod cing thogs pa med pa 'di yin te/ ma mchu'i sgros so rnams kyis bzung nas rdo rje'i lta bas blta zhing thams cad rjes su chags pa dang dbang du byed pa dang rol pa dang brtan par byed pa'i dngos grub skad cig gis so sor nyams su myong ba ni rdo rje sems dpa'i rigs la'o/ /rdo rje phra mos byin gyis brlabs te dam tshig tsam du lta ba de bzhin gshegs pa thams cad kyi tshul khrims dang ting nge 'dzin dang shes rab dang rnam par grol ba dang rnam par grol ba'i ye shes mthong ba'i dngos grub thob par 'gyur ba ni de bzhin gshegs pa'i rigs las byung ngo / /khro gnyer dang bcas pa'i khro bos mi bzad pa'i lta ba byas nas shin tu ma 'gal bsdams nas thams cad ltung ba dang dbab pa dang rengs pa dang nyal du bcug pa dang rgyas btab pa dang gsod pa dang gzhan gyi dpung rmugs pa dang thams cad las rnam par rgyal ba'i dngos grub skad cig mas 'byung bar 'gyur ba ni khro bo'i rdo rje khu tshur rigs la'o/ /btsums pa med pas brtan pa'i rdo rje'i lta bas mchu mnyam pa ni sgrib pa thams cad rnam par sbyang ba dang bsrung ba dang / ting nge 'dzin mngon du gyur pa'i dngos grub 'byung ba ni pad ma'i rigs la'o/ /'bar ba'i lta bas zhal rnam par bzhad pas dbang bskur ba thams cad dang phun sum tshogs pa thams cad dang mchod pa'i cho ga rgyas pa'i dngos grub myur du thob par 'gyur ro// //de nas phyag rgya thams cad bcing ba sgrub pa ni/ nyin re mngon du lan cig tu/ /snying po rang nyid bsgrub pa ste/ /rang gis bcings nas mdor bsdus pas/ /phyag rgya thams cad grub par 'gyur/ /de nas phyag rgya thams cad kyi gsang ba bsgrub pa ni/ snying po'i phyag rgya sngags rig pa'i/ /sgrub pa 'di ni rmad du byung / /ci nus ci 'dod bzlas pa yis/ /nye ba'i snying po gsang ba'o/ /don yod thogs med gsang ba dang / /rang bzhin grub pa de bzhin du/ /bsod nams med pa rnams la yang / /dngos grub kun la grub par 'gyur/ /dkyil 'khor</font><hr>92.207a<br><font size=+1>

ma zhugs pa rnams la/ /snying po mchog 'di sbyin mi bya/ /gsang ba'am gsang rgyud dam pa ni/ /gal te dngos grub yid 'ong 'dod/ /gang gi khyim du gnas gyur pa'i/ /phyag rgya sngags 'di dge ba ste/ /gzhan gyis mi thub mi sod cing / /dngos grub thams cad thob par 'gyur/ /dum bu gnyis pa sngags dum gyi rtsa rgyud rdzogs s+ho// // sems can thams cad bde don dang / /bsgrub pa thams cad sgrub pa'i phyir/ /sras bcas sangs rgyas thams cad kyis/ /rdo rje mchog 'dzin de la zhus/ /bde ba chen po rab sgrub dang / /chags pa chen po rnam dag phyir/ /rtogs pa thams cad bsdus pa'i rgyud/ /sems dpa' chen po bshad du gsol/ /rnam rtog med pa'i chos rnams la/ /'dir ni rtog par gang zhig brjod/ /snying po zhes ni gang bshad pa'i/ /ye shes rgyud ni ci ltar yin/ /dkyil 'khor zhes ni brjod pa ci/ /der 'jug yon tan ci dang ldan/ /rigs kyi 'khor lo'i khyed par dang / /gzhan yang sgrub pa ci lta bu/ /rdo rje sems dpa' sems dpa' nyid/ /'di yang ci ltar de nyid gang / /thog ma tha ma med nyid dang / /rab tu dga' ba ci ltar 'gyur/ /dang po'i snying po 'di yi yin/ /de bzhin nyid ni gang zhig yin/ /hU~M gi glu ni gang gis gsungs/ /'di yi don ni ji ltar brjod/ /sems ni rdo rje nyid dang ni/ /de bzhin phyag rgya rdo rje nyid/ /sangs rgyas rnams ni 'byung ba dang / /rigs rnams kyang ni de bzhin du/ /sangs rgyas byang chub bsgrub pa dang / /sangs rgyas bdud du ci ltar 'gyur/ /rtog pa rnams kyang bsgrub pa dang / /dang po'i snying po'i de nyid dang / /snying po phyag rgya sngags rig pa'i/ /sgrub pa de bzhin dngos grub rnams/ /bsod nams med pas ci ltar 'grub/ /slob dpon nyid du ci ltar 'gyur/ /me tog spos dang mar me dang / /dri rnams ci yin ci ltar 'gyur/ /mchod pa yang ni ci ltar bya/ /gsang ba'i mchod pa ci lta yin/ /kun byed kun za sdig pa can/ /shin tu sdig can ci ltar grub/ /don yod</font><hr>92.207b<br><font size=+1>

thog med dngos grub kyis/ /de rnams ji ltar grub par 'gyur/ /gsang ba de yang gang zhig yin/ /'di nyid du ni gang gis 'grub/ /bde ba chen po rab grub dang / /chags pa chen po rnam dag phyir/ /gsang ba'i de nyid gsang ba ni/ /bdag cag rnams la kun bshad gsol// //de nas bcom ldan 'das rdo rje 'chang chen pos de bzhin gshegs pa thams cad kyis gsol ba btab pa'i tshig gsan nas/ zhal rab tu bzhad de bzhad pa chen po yis dam tshig chen po thams cad kyi de kho na nyid kyi rdo rje zhes bya ba'i rnam par gnon pa mdzad nas rtog pa thams cad kyi rgyud phyi ma 'di gsungs so/ /de la rnam par mi rtog pa khyab pa'i rgyud ni/ rnam rtog med pa'i ting 'dzin las/ /sems can don ni yongs su brtag /des na brtag par bshad pa ste/ /rtog pa yongs su dag phyir ro/ /de la bde ba chen po rdo rje gsang ba'i dkyil 'khor rgyud ni 'di yin te/ sa la yi ge'i gnas bris nas/ /bde ba chen po zhes brjod pa/ /de yi dam tshig rdo rje ste/ /snying po thams cad bsgrub byed pa'o/ /de la dkyil 'khor gyi bshad pa'i rgyud ni/ ci ltar gnas dang ci ltar dus/ /ci ltar 'jig rten ci lta bu/ /'khor ni dgod par bya ba ste/ /de lta bu yi dkyil 'khor 'dri/ /de nas dkyil 'khor thams cad du zhugs pa'i rnam par smin pa'i rgyud ni rdo rje sems sogs sems dpa' yi/ /'khor bcas de tshe dkyil 'khor du/ /zhugs pa'i bsod nams ci 'dra ba/ /da ltar bris pa'ang de dang 'dra/ /de nas rigs thams cad kyi 'khor lo'i khyad par gyi rgyud ni/ rdo rje 'khor lo bstan pa bzhin/ /lcags kyi 'khor lo dam pa ste/ /'bar ba'i 'khor lo de bzhin du/ /pad ma 'dab brgyad nor bu che/ /de nas dkyil 'khor thams cad sgrub pa'i rgyud ni/ dkyil 'khor brtag pa byas nas ni/ /nang gi rim par zhugs bya ste/ /dkyil 'khor dag la dzaHhU~M ba~M hoHpra sid d+h+ya ma~M brjod bya/ /de nas rdo rje</font><hr>92.208a<br><font size=+1>

sems dpa' nyid rgyud ni/ /sangs rgyas la sogs 'gro kun gyi/ /thams cad bdag nyid bcom ldan mchog / /sems can 'byung phyir sems dpa' ste/ /rdo rje sems dpa' rab tu grags/ /de nas dam tshig chen po'i de kho na nyid bshad pa'i rgyud ni/ thog mtha' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /'khor ba mya ngan 'das de bzhin/ /de nas thog ma dang tha ma med pa'i de kho na nyid bshad pa'i rgyud ni thog mtha' med pa thams cad ni/ /nam mkha' 'byung ba chen po'i gnas/ /nam mkha' skye ba skye med phyir/ /rdo rje sems dpa' de bzhin no/ /de nas bcom ldan 'das rab tu dga' ba'i bshad pa'i rgyud ni/ rab tu dga' phyir nyon mongs te/ /'gro ba thams cad bde 'dod pa/ /de la bde ba rnam dag phyir/ /srid gsum snga rol bcom ldan byung / /de nas dang po'i snying po'i de kho na nyid bshad pa'i rgyud ni/ chags pa kun la chags pa che/ /'dod ldan thams cad sad par byed/ /chags pa 'bar ba dri za yi/ /snying po phyag na rdo rje'o/ /de nas yi ge hU~M gi glu blang ba'i rgyud ni/ glu las chags pa dga' las 'dod/ /rab tu dga' las thams cad 'byung / /thams cad 'byung bar grub pa'i phyir/ /bskal pa dang por bcom ldan gsungs/ /de nas yi ge hU~M gi bzlas pa'i don gyi bshad pa'i rgyud ni/ /myur du thams cad rjes chags pas/ /dngos grub thams cad rjes su chags/ /rjes su chags par byed mchog ni/ /snying po'i bzlas pa'i don yin no/ /de nas rdo rje sems rgyud ni/ /glu rnams ci ltar khro bo ni/ /bsdus nas kun du 'jug pa na/ /rdo rje thog ni brtan gyur pa/ /de bzhin rdo rje bsdus pa'o/ /de nas rdo rje sems dpa' 'byung ba shes pa'i rgyud ni/ thams cad bdag nyid sems dpa' ni/ /bdag gi bdag nyid la yang gnas/ /rdo rje sems dpa' dngos su ni/ /</font><hr>92.208b<br><font size=+1>

myur du thams cad la yang zhugs/ /de nas de bzhin gshegs pa 'byung ba shes pa'i rgyud ni/ 'dod las chags pa dga' las bde/ /bde las sdig pa sdig las sdug / /sdug las ting 'dzin shin tu brtan/ /rdo rje nyid las sangs rgyas 'byung / /de nas de bzhin gshegs pa'i rigs la sogs pa 'byung ba shes pa'i rgyud ni/ de bzhin gshegs pa'i rigs de nyid/ /de nyid rdo rje rigs chen po/ /de nyid pad ma'i rigs dag pa/ /de nyid nor bu'i rigs mchog bshad/ /de nas mngon par byang chub pa shes pa'i rgyud ni/ rang sems so sor rtogs pa ni/ /byang chub sems ni yang dag 'byung / /rdo rje nyid phyir sangs rgyas nyid/ /bdag nyid sangs rgyas rab tu bsgom/ /de bzhin gshegs pa bdud nyid du shes pa'i rgyud ni/ /rang sems nyid ni bdud nyid de/ /sems nyid de bzhin gshegs pa yin/ /rang gi sems ni 'dul ba'i phyir/ /sangs rgyas bdud nyid du ni 'byung / /de nas rtogs pa thams cad sgrub pa shes pa'i rgyud ni/ /rtog pa kun la grub bya gang / /rgyu ba dang ni mi rgyu yin/ /rang gi lha yi rnal 'byor gyis/ /de dag thams cad bsgrub par bya/ /de nas dang po'i snying po bsgrub pa shes pa'i rgyud ni/ bzlas pa'i don shes nus pa yis/ /rdo rje sems dpa' rab bsgrub te/ /ci srid 'dod pa'i bzlas pa mchog / /dngos grub chen po'i bde ba ster/ /de nas snying po dang / phyag rgya dang sngags dang / rig pa shes pa bsgrub pa'i rgyud ni/ sems dpa' gang gi snying po dang / /phyag rgya sngags dang rig pa dang / /bzlas pa'i don du sems dpa' che/ /bdag nyid dam ni bsgrub bya ba/ /de nas dngos grub shes pa'i rgyud ni/ rdo rje sems dpa'i dngos grub che/ /de bzhin de bzhin gshegs kun gyi/ /rdo rje sems dpa' sems dpa' nyid/ /las kun mchog gi dngos grub phyir/ /de nas bsod nams med pa rnams kyi dngos grub grub pa shes pa'i rgyud ni/ ci 'dod</font><hr>92.209a<br><font size=+1>

'khor lo bris nas ni/ /ci yang rung ba'am thal bas kyang / /sems dpa' chen po bzhag nas ni/ /nyin zhag bzhir ni bsgrub par bya/ /de nas slob dpon nyid kyi grub pa shes pa'i rgyud ni/ /bde ba chen po rdo rje yi/ /gsang mchog dam tshig grong khyer du/ /ci bzhin rang nyid rab zhugs te/ /bdud rts-i'i chu yis dbang bskur bya/ /de nas me tog la sogs pa'i mchod pa 'bul ba'i shes pa'i rgyud ni/ rdo rje can la mchod pa kun/ /de bzhin gshegs pa'i rigs la dkar/ /rdo rje bdag nyid nag po ste/ /dmar po pad ma nor bu ser/ /de nas dbul ba shes pa'i rgyud ni/ rdzogs pa 'am ni ma tshang ba/ /yang na ji ltar rnyed pa ni/ /rdo rje gar sogs mchod pa yis/ /rtag tu thams cad 'grub par 'gyur/ /de nas dus kyi mchod pa shes pa'i rgyud ni/ /drug ldan la sogs snyan pa'i glu/ /glu ni thams cad ci 'dod pas/ /rdo rje 'byed ma la sogs 'grol/ /mchod pa dag ni rab tu bya/ /de nas gsang ba'i mchod pa shes pa'i rgyud ni/ rdo rje gar bcas mchod pa ni/ /go rims ci lta ba bzhin du/ /bzlas pa'i don gyis ma brjod kyang / /mchog gi sgrub pa 'grub par 'gyur/ /de nas sdig pa chen po byed pa'ang shes pa'i rgyud ni/ /dkyil 'khor la ni ma zhugs kyang / /tshul khrims 'chal pa la sogs kyi/ /ting nge 'dzin gyi stobs kyis ni/ /sdig pa kun las 'grol bar 'gyur/ /de nas dngos grub mi thob pa'i rgyud shes pa'i rgyud ni/ chags pa smad par mi bya ste/ /rnam dag de bzhin bde ba ste/ /bcom ldan 'das kyang chags pa che/ /'di ma dag pas 'grub mi 'gyur/ /de nas mchog gi dngos grub shes pa'i rgyud ni/ ci bzhin yul dang ldan gyur nas/ /mchog gi dngos grub bsgrub par bya/ /rtog pa kun la rnal 'byor 'di/ /tshe 'di nyid la sgrub par byed/ /bde ba chen po rdo rje gsang ba'i rtog pa'i rgyal po chen po'i rdo rje</font><hr>92.209b<br><font size=+1>

rin po che rin po che las rtog pa thams cad kyi rgyud phyi ma'i cho ga rgyas pa'o// // de nas bcom ldan 'das rtog pa de bzhin gshegs pa thams cad kyi rdo rje gsang ba de bzhin gshegs pa thams cad kyi dbang bskur ba'i rdo rje rin po che de bzhin gshegs pa thams cad kyi cho ga gzigs pa'i ye shes kyi dbang phyug gi rdo rje'i pad ma de bzhin gshegs pa thams cad kyi sna tshogs pa'i mdzad pas phrin las dam pa'i cho ga rgyas pa'i rdo rjes thams cad la khyab pa ma lus shing lus pa med pa'i rdo rje'i khams brtan pa'i dngos grub kyi cho ga rgyas pa nam mkha'i khams kyi mthar thug par chos kyi dbyings spro ba thams cad khyab pa'i de bzhin gshegs pa thams cad kyis 'khor lo mngon par mkhyen par mdzad nas dang po'i snying po'i gsang ba'i de kho na nyid kyi rdo rje'i sgrub pa'i rgyud 'di gsungs so/ /ci srid 'khor ba'i gnas la zhugs/ /de srid sems can gdon par mdzad/ /mya ngan 'das bzhugs gzi brjid can/ /sems can don ni nus pa min/ /de phyir sems dpa' dam pa rnams/ /'khor ba srid du 'khor bar zhugs/ /sems can don ni mngon par bzhed/ /thams cad dag pa'i mchog chos can/ /de bzhin gshegs pas mi 'dul bas/ /sems can don mi mdzad pa ste/ /'dir ni rab grub dngos grub mchog /dus kun du ni thams cad du/ /rdo rje 'chang chen la sogs pa/ /'di ltar bsod nams rnam smin gyis/ /kun la mthong ba la sogs kyis/ /rang gi las kyis mdzad mi spyod/ /dkyil 'khor la ni ma zhugs kyang / /srid pa 'di la myur grub 'gyur/ /shin tu mthong ba la sogs kyis/ /sems can thams cad rab stsol mdzad/ /kun nas dus kun thams cad la/ /dngos grub thams cad rab stsol 'gyur/ /rgyal po rdo rje 'chang chen po/ /srid pa'i dbang phyug kun gyi gtso/ /</font><hr>92.210a<br><font size=+1>

de phyir bsgrub bya 'di bshad bya/ /dngos grub shin tu brtag pa'o/ /gang gis srid pa 'di nyid du/ /shin tu rtag pa'i dngos grub thob/ /lugs ma 'am ni brdungs pa 'am/ /ri mor bris pa'am 'dus byas pa'i/ /phyag na rdo rje'i sku gzugs ni/ /ci bzhin bshad par rab gzhug bya'o/ /bde ba chen po rdo rje gsang ba'i dam tshig gi de kho na nyid bsgrub pa'i dngos grub kyi cho ga rgyas pa'o// // de nas bcom ldan 'das de bzhin gshegs pa thams cad kyis phyag rgya'i ye shes kyi slar yang phyag rgya thams cad sgrub pa'i dngos grub kyi rgyud 'di gsungs so/ /nyin re snga rol dus ci bzhin/ /dang po'i rdo rje bde ba chen/ /'dis ni rtag pa thams cad la/ /phyag rgya thams cad mdor bsdus pas/ /dam tshig yang dag bcings nas grub/ /phyi nas ma bsgrubs grub par 'gyur/ /de nas bcom ldan 'das kyis rdo rje chos kyi de kho na nyid kyi gsang ba'i sngags sgrub pa 'di gsungs so/ /langs pa 'am ni 'dug pa 'am/ /gang dang der ni gnas pa 'am/ /thams cad rjes chags rnal 'byor gyis/ /dngos grub thams cad thob par 'gyur/ /de nas bcom ldan 'das kyis las kyi gsang ba'i de kho na nyid kyi rgyud 'di gsungs so/ /gsang ba'i gar mchog mchod pa 'am/ /yang na mchod pa ci bde bar byas te mgon po bsgrub byas na/ /mchog gi dngos grub myur du thob/ /de nas rang gi phyag rgyas bdag nyid bsgrub pa'i rgyud ni/ phyag rgya chen po mnyam gzhag ste/ /rang gi snying pos lan cig bsgrub/ /brtan zhing shin tu dgyes kun chags/ /shin tu dgyes gyur bdag po grub/ /de nas yi ge hU~M gi glu blang ba'i grub pa'i rgyud ni/ ri b+hi da sogs rgyan dang ldan/ /ci nus pa dang ci 'dod pa/ /dri za dang po blangs nas ni/ /yi ge hU~M gis grub par 'gyur/ /zhes bcom ldan 'das chags pa chen po dang po'i rdo rje sems dpa'</font><hr>92.210b<br><font size=+1>

rdo rje 'chang chen pos gsungs so/ /de kho na nyid chen po'i gsang ba'i dngos grub bsgrub pa'i rgyud do// // de nas rtog pa thams cad kyi las kyi phyag rgya bshad par bya'o zhes bya ba bcom ldan 'das thog ma dang tha ma med pa'i phrin las can rdo rje sems dpas gsungs so/ /shin tu ring ba'i tshe 'phel ba ni bde ba chen po'i rdo rje chos so/ /shin tu gzhon pa'i na tshod 'phel ba ni bde ba chen po'i rdo rje bcud kyis len gyis so/ /gzugs chen po dang gzi brjid chen po 'phel ba ni bde ba chen po'i rdo rje'i gzugs kyi gzi brjid kyis so/ /'du byed chen po thams cad 'phel ba ni bde ba chen po rdo rje 'du byed chen pos so/ /sems can thams cad kyi bdag nyid thams cad bsrung ba ni bde ba chen po rdo rje bsrung bas so/ /phyogs thams cad dang mtshams dang dkyil 'khor bcing ba ni bde ba chen po rdo rje bskor ba ste/ thams cad rdo rje chen po'i ngo bo nyid khro bo'i rgyal po chen po rdo rjes kyang 'jug par mi nus shing mi phyed par 'gyur ro/ /sdig pa thams cad srung ba ni bde ba chen po'i rdo rje byin gyis brlabs pas so/ /bdag nyid kyi dngos grub thams cad dam gzhan dag rdo rjer byed pa ni bde ba chen po'i rdo rje go chas so/ /'thab mo thams cad las rnam par rgyal ba ni bde ba chen po'i rdo rje rgyal mtshan mchog gi dpung rgyan gyis so/ /'thab mo srung ba ni bde ba chen po'i gzhan gyis mi thub pas so/ /gzhan gyi dpung thams cad gzhig pa ni rdo rje bde ba chen po'i rdo rje 'dzin par byed pas so/ /gzhan gyi dpung nyams pa dang ldang ba dang ltung ba dang gsod pa ni bde ba chen po'i rdo rje glog bskor bas so/ /rims thams cad la sogs pa'i nad thams cad dang nad chen po zhi ba ni bde ba chen po'i rdo rje 'phrog pas so/ /dug thams cad gzhig pa dang / dug med par bya ba ni bde ba chen po'i rdo rje phyag</font><hr>92.211a<br><font size=+1>

rgya'i las kyis so/ /gdon thams cad las dgrol ba ni bde ba chen po rdo rje'i 'byung po bskrad pas so/ /ma mo dang mkha' 'gro ma dang gdon thams cad dgrol ba chen po dang gzhom pa dang snying gzhan dbyung ba dang shi ba gso ba dang / tshe 'phel ba de/ shin tu bsrung ba rnams ni bde ba chen po'i rdo rje phyag rgya'i lan gyis so/ /thams cad dbab pa dang g.yo ba dang 'ching ba dang gar byed du gzhug pa dang glu len du gzhug pa dang snga ma 'byung ba so sor brtan pa dang rmad du 'byung ba dang cho 'phrul bstan pa dang / bden pa thams cad pa thams cad smrar gzhug pa dang dgrol ba dang / bsrung ba dang / sos su bcug pa rnams ni bde ba chen po'i rdo rje dbab pas so/ /rgyu ba dang mi rgyu ba'i dngos po thams cad la yid kyis 'dod pa'i pra dbab pa thams cad grub pa ni bde ba chen po rdo rje pra dbab pas so/ /rang gi lus dang ngag dang yid rdo rjes mthong ba dang thos pa dang smra ba dang ston pa'i shes pa grub pa ni bde ba chen po'i rdo rje'i bdag nyid bsgoms pas so/ /thams cad las 'das pa dang ma 'ongs pa dang / da ltar byung ba thams cad bka' mthong ba'i yi ge sna tshogs pa'am/ dngos po thams cad kyis rna ba'i shes pa rab tu 'jug pa ni bde ba chen po'i rdo rje thams cad mkhyen pas so/ /glog dang char pa dang thog dbab pa thams cad bzlog pa dang / sprin gzhig pa ni bde ba chen po'i rdo rje khro bo'i lta bas so/ /sa'i 'og thams cad las sngar ma byung ba'i 'bru la sogs pa'i 'bras bu 'byung ba dang / nye bar len pa dang / chu med pa'i gnas las chu'i dngos po 'byung ba dang nye bar len pa dang mun pa chen por snang ba chen po bskyed pa dang nye bar len pa dang rlung thams cad la bka' bsgo ba dang nye bar len pa dang nam mkha' thams cad las yid kyis 'dod pa'i dngos po thams cad mthong ba dang nye bar len pa ni bde ba chen po'i rdo rje dbyings kyi dbang phyug mas so/ /thams cad gzhom pa dang rengs pa dang bral ba dang</font><hr>92.211b<br><font size=+1>

rmugs pa dang gnyid log par bya ba dang rgyas gdab pa dang ltung ba dang rmongs pa dang gsad pa dang phyir ldog pa ni bde ba chen po'i gdug pa'i rdo rje'i phyag rgyas so/ /thams cad rjes su chags pa dang dgug pa dang gzhug pa dang dbab pa dang bcing ba dang bkrol ba dang bral ba dang ltung ba dang ltung ba bslang ba dang 'dren pa dang bran du byed pa dang mngag gzhug bka' bsgo ba byed pa dang thams cad tshur drang ba dang phar btang ba dang gsad pa dang slar gso ba la sogs pa'i las thams cad byed pa dang dbang du byed pa'i sgrub pa ni bde ba chen po'i rdo rje thams cad sgrub pas so/ /rigs thams cad kyi mchog gi dngos grub la sogs pa'i mchog gi dngos grub thams cad dang / mchog gi dbang bskur ba la sogs pa thams cad dang / phun sum tshogs pa thams cad dang thams cad rjes su chags pa la sogs pa'i bde ba dang / yid bde ba thams cad rab tu gzhug pa dang / mchod pa chen po thams cad la sogs pa'i las thams cad myur du grub pa'i cho ga rgyas pa ni bde ba chen po'i rdo rje mchog gi dngos grub kyis so/ /de la bde ba chen po'i rdo rje gsang ba'i dam tshig gi dang po'i mchog gi dam tshig gi las kyi phyag rgya'i rgyud ni 'di yin te bde ba chen po'i rdo rje ni rdo rje sems dpa'i tshe ster ba'o/ /'d-i'i las kyi phyag rgya thams cad bcing ba'o/ /dbus ma'i rdo rje btung bar bya/ /rtse mo'i 'od zer byas pas gdong pa yongs su sbyangs te gdong par dgrol bar bya'o/ /bdag nyid la kun du bskor nas snying gar dgrol bar bya'o/ /gtsug tor dang phyogs thams cad dang dkyil 'khor bskor ba'o/ /snying ga dang yid kyis rgyab dang phrag pa dang / spyi bo dang dpral bar gzhag la rdo rje khu tshur gnyis kyis phreng ba bcings la go cha bya ste/ mdud pa byas nas rdo rje'i gnas rnams su slar yang phreng ba byas pas rgyab tu mdud pa byas te dar dpyangs bya'o/ /snying ga dang dpral ba dang mgrin pa dang spyi bor gzhag par bya'o/ /dbus ma'i dar mchog go/ /byab pa'i gyen du kha bltas pa'i dbug</font><hr>92.212a<br><font size=+1>

pa dang 'jig pa'i gdong gis lta ba'o/ /'bar ba bzhi'i tshul gyis 'dor zhing khros pa'i rang gi snying gar bcings te zhi ba'i lta bas rtse mo 'phrog par bya'o/ /lta bas 'phrog par bya'o/ /dbab pas myur du 'grol bar bya'o/ /yongs su bskor nas dpral bar bzhag ste/ dbus ma'i rdo rje sor mo'i rtse mo gnyis bskyod par byas na ci lta ba bzhin du las byed pa'i snying gar bzhag ste dbus ma rdo rje'i las ni 'di lta ste/ snying kar bstod pa dang skyed pa dang 'ching ba dang gar byed du bcug pa dang mgrin pa gsal ba dang rdo rje rtse mo btsir ba dang kha dbub pa dang mgrin pa gsal ba dang bcings pa myur du dkrol ba dang bsrung ba dang byab pa'i las so/ /snying ga kha sbyor bskyed pa'o/ /nyin re zhing snga rol du lan cig lus yongs su sbyang ba dang / mgrin pa gsal ba'i ngag dang snying kar gzhag pa dang phyag rgya la lta ba ste/ nyin re snga rol tu lan cig dbang po thams cad la kun du bskor bar bya'o/ /dbus ma rdo rjes byed pa ni khro bo'i rdo rje'i lta bas so/ /dbus ma'i rdo rje'i las ni 'og nas 'byung ste nye bar longs spyod pa dang / thams cad la dgug par byed pa dang dbab pa sbyin pa dang 'bar ba'i me stag byed pa dang nye bar len pa dang rlung gi tshul dang nam mkhar bsgom pa las du ma'o/ /dbus ma'i rdo rje'i lus ni phyag rgyas gzhom pa dang rtse mo gnyis snying gar btsir ba dang sen mo brud pa dang mig 'degs pa dang btsum pa dang / sor mo mnyam pos snying gar bteg pa dang ltung ba dang slong bar byed pa dang phan tshun rdeg pa dang rang gi snying gar rang bzhin du gzhag pa'i las so/ /dbus ma'i rdo rje las ni mda' stong pa dang lcags gnyis kyis dgug pa dang g.yon pa la g.yas pa bcug pa dang rtse mo bskyod pa dang gdu bur bcing ba dang myur du dgrol ba dang sor mo mnyam por myur du dral ba dang ltung bar byed pa dang 'og nas bteg pa dang g.yon pa g.yas pas drang ba dang / las thams cad la sbyar bar</font><hr>92.212b<br><font size=+1>

bar byed pa dang 'og nas bskyod cing gyen du drang ba dang tshur 'dren pa dang phar gtang ba dang g.yon dang g.yas kyis drag por 'degs pa dang rang gi snying gar rtse mo 'dren pa dang las thams cad la nges par sbyor ba byed pa'i las dang snying gar 'khor lo gzhug pa dang dbang bskur ba'i phreng ba dang dar dpyangs 'ching bar byed pa dang snying ka las drangs te bde ba tshur 'dren pa thams cad yongs su sbyang ba dang gar gyis blangs te spyi bor dgrol ba'i las so/ /bde ba chen po rab grub dang / /chags pa chen po rnam dag phyir/ /don yod thogs med sna tshogs pa'i/ /phyag rgya'i rgyud ni rab tu bshad/ /rdo rje 'dzin pa chen po yis/ /sangs rgyas sras bcas bdag nyid kun/ /sems can thams cad myur grub phyir/ /don yod dngos grub kun stsol ba'o/ /dkyil 'khor dag du ma zhugs pa/ /sdig pa'i las ni kun dang ldan/ /de dag kyang ni sgrub 'gyur te/ /bcings pa tsam gyis sdig byang phyir/ /gang zhig le lo nyid kyis sam/ /brtson 'grus ldan yang ma tshang ba/ /dkyil 'khor med pa'i sems can gang / /slob dpon nyid byin ma brlabs dang / /de dag grub mchog rdo rje che/ /rdo rje slob dpon nyid du 'gyur/ /don yod mchog dang sna tshogs pa'i/ /bcings pa tsam gyis myur grub byed/ /bsam pa thams cad yongs rdzogs pa'i/ /mchog gi dngos grub kun la 'jug /dang po 'byung ba'i rdo rje mchog /bde ba che las yang dag 'byung / /dag cing shin tu grub pa dang / /'gro ba thams cad la yang ngo / /de nas phyag rgya thams cad bsgrub pa'i gsang ba'i rgyud ni/ las 'dod thog mar phyag rgya ni/ /skal ba ci bzhin snying pos grub/ /rang gi bdag nyid nges sbyang bya/ /bde ba chen po'i rdo rje gsang ba'i rtog pa'i rgyal po chen po las/ bde ba chen po thams cad kyi rdo rje'i dam tshig don yod pa'i dngos grub kyi mchog ces bya ba rgyud phyi ma'i cho ga rgyas pa yongs su rdzogs</font><hr>92.213a<br><font size=+1>

pa'o// //de nas bcom ldan 'das de bzhin gshegs pa thams cad kyi yongs su mthar thug pa med pa'i sku dang gsung dang thugs rdo rje thams cad kyi las kyi sbyor ba ni/ rdo rje 'chang ba dang bcas pa rnams kyis bde ba chen po'i rdo rje gsang ba'i dam tshig rtog pa'i rgyal po chen po 'dis sems can gyi khams ma lus pa kun du khyab cing spro ba dang dngos grub thams cad kyi cho ga rgyas pa/ srid pa thams cad kyi rtse mo'i yongs su mthar thug pa'i gsung rab yongs su mthar thug pa'i don du thog ma dang tha ma med pa'i rdo rje sems dpa' la gsol ba btab pa yin no/ /rdo rje'i nam mkha' chen po yis/ /chos kyi dbyings ni spro ba mchog /rdo rje'i nam mkha' chen po yi/ /chos dbyings spro ba'i dngos grub ster/ /rtag tu sangs rgyas thams cad ni/ /rdo rje 'chang chen bcas pa dang / /rdo rje 'chang gi theg pa ni/ /yongs su mthar thug nus pa min/ /e ma'o mngon zhan sems can dang / /le lo can dang las kun ldan/ /thugs rje dam pa'i rdo rje khyod/ /byang chub sems ni bla na med/ /bde ba chen po rab sgrub dang / /chags pa chen po rnam dag phyir/ /rtog pa 'di ni mthar thug pa/ /rab tu sgrub phyir mthar thug brjod/ /de nas bcom ldan 'das de bzhin gshegs pa thams cad kyis gsol ba btab pa'i tshig gsan nas/ de bzhin gshegs pa thams cad kyi ting nge 'dzin rdo rje sems dpa' byin gyis brlabs pa zhes bya ba'i ting nge 'dzin la snyoms par zhugs nas 'di gsungs so/ /bde ba chen po rab sgrub dang / /chags pa chen po rnam dag phyir/ /thams cad dgongs grub don du ni/ /yongs su mthar thug byin brlabs pa'o/ /gang gis tshul mchog 'di ni nyan 'gyur dang / /gang gis khyim na gsang ba thams cad gnas/ /bde chen mchog gi rdo rje mchog gsang ba'i/ /dngos grub tshe 'dir de dag rnams la</font><hr>92.213b<br><font size=+1>

bstan/ /brtan pa nyid phyir 'dul bar nga mi byed/ /sems can don du rgyal ba las dag phyir/ /rnam par sbyang bar mdzad pa 'di yin te/ /rtog pa 'di ni bgegs med bdud rnams med/ /dngos grub 'phel med min pa byin gyis brlabs/ /bdud dang brtan med nyid ni bdag mi byed/ /brtan pa nyid phyir 'dul bar nga mi byed/ /rtog pa chen po'i mchog 'di gang bsgrub pa/ /myur du dngos grub mchog phyin bdag brtan 'gyur/ /brtan zhing rab bgyis brtan pas rjes su chags/ /bde ba chen po kun byed shin tu rgyas/ /nga yi dang po'i snying po gang sgrub pa/ /de la nga ni rtag tu dngos grub ster/ /de nas de bzhin gshegs pa thams cad 'dus nas legs so zhes bya ba byin te bcom ldan 'das kyis gsungs pa la mngon par bstod do/ /bde ba chen po rdo rje gsang ba zhes bya ba'i rtog pa'i rgyal po mchog tu grub pa'i rgyud phyi ma yongs su rdzogs s+ho// // de nas bcom ldan 'das byang chub sems dpa' chen po phyag na rdo rje 'di nyid slar yang ston par mdzad cing zhal rab tu 'dzum pa dang / mchog dang po'i rdo rje bde ba chen po rdo rje bsnyems pas gsor nas rang gi thugs gar bstod pa'i tshul du 'dzin cing mchog tu gsang zhing mchog tu grub pa don yod cing thogs pa med pa bde ba chen po rdo rje don yod pa'i dam tshig 'di rtog pa thams cad kyi sdig pa dang sgrib pa dang bdud thams cad 'dul bar byin gyis brlab pa'i dbang gis ma grub pa rnams kyang mchog dam pa grub par byed pa dang mchog tu gsang ba dang thog ma dang tha ma med pa'i mtshon cha mchog dang po zhes bya ba'i rtog pa'i rgyal po dbang phyug chen po'i chen po rgyud phyi ma gsungs pa/ de nas thog ma'i gnas nyams dga'/ /nam mkha' kun la rab tu gnas/ /rin chen 'od mdzes rab tu gsal/ /dri ma med pa'i mdangs kyis brgyan/ /zur bzhi pa la sgo bzhi pa/ /sgo khyud rnams kyis rab tu brgyan/ /kha khyer gyis ni yongs su bskor/ /rdo rje lha mo'i tshogs kyis mchod/ /</font><hr>92.214a<br><font size=+1>

grwa yi phyogs ni thams cad dang / /sgo khyud kyi ni mtshams rnams su/ /zla ba phyed ni rab tu gnas/ /rdo rje rin chen 'bar byed pa/ /rlung gis bskyod pa'i rtse mo mchog /dar phan dril bu sgra sgrogs pa/ /dra ba me long tog me tog /me tog chun po'i rgyan gyis bskor/ /bde ba chen po rdo rje che/ /rdo rje kun gyis legs sbyar ba/ /rdo rje sems dpa'i bzhugs gnas che/ /sangs rgyas kun gyis rjes bsten pa/ /byang chub sems dpa'i gnas kyi mchog /rdo rje 'dzin pa kun gyi gnas/ /bde ba chen po'i rdo rje chen/ /rdo rje rin chen mchog bya ba'i/ /rdo rje 'chang chen bzhugs nas ni/ /bde ba chen po rnam par bzhugs/ /thog mtha' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje snyems tshul bdag po'i bdag /sems can kun gyi sems gang ni/ /brtan pa'i phyir ni dpa' zhes bya/ /brtan par bzhag pas ting 'dzin te/ /nges pa las ni rdo rjer gyur/ /sems dpar byin brlabs sbyor ba yis/ /rdo rje sems dpa' nyid du 'gyur/ /de nyid bcom ldan sna tshogs pa/ /byang chub spyod pa'i rjes mthun pa/ /bdud dang bdud las rgyal ba nyid/ /byang chub sangs rgyas de nyid do/ /rdo rje drag po mthar byed nyid/ /phyag na rdo rje nyid kyang ste/ /de nyid de bzhin gshegs pa'i rigs/ /de nyid rdo rje'i rigs chen po/ /de nyid pad ma'i rigs dag pa/ /de nyid nor bu'i rigs bzang bshad/ /de nyid 'dod chags bral ba nyid/ /'dod dang 'grol ba de nyid de/ /dus gsum srid gsum mchog gsum ste/ /'jig rten gsum mchog khams gsum pa/ /mi g.yo thams cad mchog de nyid/ /bstan pa sra ba nor chen po/ /rgyu ba sems kyis 'dus byas pa/ /thams cad byed pa thams cad nyid/ /dang po'i sems dpa' sems dpa' che/ /byang chub sems dpa' bde rab stsol/ /sems dpa'i dkril dkrung bcas nas ni/ /pad ma'i steng du bzhugs pa ni/ /btsun mo'i tshogs</font><hr>92.214b<br><font size=+1>

bcas sna tshogs pa/ /rdo rje lha mos yongs su bskor/ /bde ba chen po grub don du/ /'dod chags chen po rnam dag phyir/ /ma lus 'dul bya'i don du ni/ /dngos grub thams cad rab grub phyir/ /dam tshig mchog ni ma lus pa/ /rgyal bas kyang ni bsrung bar bya/ /snyems bcas rdo rje gsor ba dang / /rdo rje snyems pa'i tshul 'chang zhing / /phyag rgya kun myur grub mngon du/ /rdo rje sems dpa' mchog grub phyir/ /dngos grub kun gyi thabs chen po/ /bsod nams kun gyis cher mthong ba/ /ye shes phyag rgya yang dag ldan/ /snying po chen po dam yin te/ /gang gis bsod nams mi ldan pa 'am/ /de bzhin dkyil 'khor ma zhugs pa'ang / /don yod thogs pa med mchog 'gyur/ /dngos grub thams cad rnyed dka' yin/ /bde ba chen po rdo rje che/ /gsang ba mchog gi dam tshig brtan/ /dngos po thams cad sgrub pa ster/ /rtog pa thams cad myur grub byed/ /thog mtha' med phyir dang por 'byung / /mchog dang po zhes bya bar bshad/ /tshig kun gyis ni ci 'dod dang / /chags pa kun gyis ci dga' bar/ /rjes su chags par bgyi'o zhes/ /ci bzhin 'bab pa'i ye shes 'jug /nye ba'i snying po bcas snying po/ /bskal pa dang por bcom ldan gsungs/ /hU~M/ de nas 'di ni gsungs tsam gyis/ /sangs rgyas thams cad sras bcas pa/ /rdo rje 'dzin bcas sna tshogs pa/ /skad cig gis ni 'dus par 'gyur/ /rdo rje 'dzin chen gyis thog mar/ /yud kyi 'jig rten gsum po 'byung / /ci ltar 'gro ba rab grub ces/ /bde gshegs rnams kyis dngos grub dris/ /de rnams kyi ni bka' gsan nas/ /rdo rje 'dzin rang 'gro ba ni/ /'byin dang rtsol dang ston pa po/ /byed pas tshig ni 'di skad gsol/ /chags bral gyis 'dul 'jig rten rnams/ /chags bral nyid kyis dag par 'gyur/ /'dod chags chen po bde ba che/ /'di ni ci ltar grub par 'gyur/ /de yi tshig de gsan nas ni/ /rgyal ba rang nyid kyis gsungs pa/ /byang chub sems</font><hr>92.215a<br><font size=+1>

de thog ma'i lha/ /khyod ni thabs chen nyid yin no/ /ci srid 'khor ba'i gnas su ni/ /mkhas mchog 'dug par gyur pa'i tshe/ /de srid mtshungs med sems can don/ /mya ngan mi 'da' byed par nus/ /ci srid sems can rnam rtog pa/ /de srid byang chub srid pa che/ /byang chub sems can la phan phyir/ /rdo rje can gyis ci bder gyis/ /de nas thog ma dang dkyil 'khor/ /dang po'i dkyil 'khor byin gyis brlabs/ /rdo rje kun gyi dam tshig mchog /ci bzhin cho gas bsgrubs pa nyid/ /de nas bcom ldan 'das de ni/ /bde ba chen po grub phyir dang / /'dod chags chen po rnam dag phyir/ /gtso bos mgon la gsol ba btab/ /bcom ldan khyod la gsol ba ni/ /'dod chags chen po bde ba chen/ /snying po 'di ni rtog pa mchog /bde chen myur du grub byed pa'o/ /de rnams kyi ni bka' gsan nas/ /rdo rje sems dpa' bde chen po/ /bde ba chen po rdo rje che/ /dkyil 'khor chen po bka' stsal to/ /de nas rab tu bshad bya ba/ /dkyil 'khor chen po dam pa de/ /bde ba chen po rdo rje mchog /gsang ba dam pa zhes bshad pa'o/ /thog mar dam tshig gsum thob pa'i/ /rdo rje slob dpon rang phyag rgyas/ /'khor lo kun gyi cho ga la/ /rtag tu rdo rje dril 'chang bya/ /rtog pa thams cad yang dag 'bebs/ /dkyil 'khor thams cad sgrub byed yin/ /dam tshig che gsum zhes bya ba'i/ /rgyan 'di thams cad sgrub byed yin/ /dngos grub cho ga thams cad la/ /rdo rje dril bu rab bskul bas/ /cho ga lhag gam ma tshang yang / /'grub 'gyur smad par mi bya'o zhes bcom ldan 'das rdo rje sems dpas gsungs so/ /mchog gi dang po mtha' yas mchog /bla na med cing mnyam med pa/ /nam mkha' kun la rab tu gnas/ /mchog ste yi ge dam pa yin/ /dkyil 'khor gnas nas sbyang byas la/ /de yi dbus su cho ga bzhin/ /dngos grub byin brlabs</font><hr>92.215b<br><font size=+1>

cho ga yis/ /dkyil 'khor de ni grub par bya/ /glu dang rol mo'i cho ga dang / /me tog spos sogs mchod pa yis/ /ci snyed pa dang ci 'dod par/ /mchog dang por ni rtag par bya'o/ /mchog gi dang por mtha' yas mchog /bla na med cing bde med pa/ /nam mkha' kun la rab tu gnas/ /grong khyer dag ni mi 'gyur mchog /thog ma med mchog rtag pa ste/ /sangs rgyas 'byung ba'ang rab tu bzhugs/ /kun mchog mnyam pa nyid rten pas/ /lhag dang ma tshang med kun gang / /mtha' dang dbus med nam mkha' ni/ /'di ni dbu mar rnam brtags pas/ /phyag rgya'i sbyor ba'i ting 'dzin gyis/ /de yis dbus mar rnam brtag nyid/ /de yi dbus su pad ma'i gzugs/ /yu bar bcas pa rab tu bzhag /sna tshogs pad mas yang dag khebs/ /thams cad dag pa'i gdan de yin/ /de nas srad bu gnyis 'gyur du/ /byas pa'i thig ni gdab bya ste/ /nam mkha' kun gyi tshad yin phyir/ /gdul bya'i blo ni mtha' yas pas/ /tshad ni tshad med pa nyid yin/ /mi mnyam med pas zur bzhi pa/ /dran dang dbang po sgo bzhi ste/ /bsam gtan rnams kyi rta babs bzhi/ /ting 'dzin khyams su bshad pa yin/ /khyams la brten pa'i rdo rje'i bdag /gzugs rnams lha mos mchod pa'o/ /rgyan rnams kun gyis bkra ba ni/ /bsam pa thams cad rdzogs byed pa'o/ /gdul bas bskyod pa sna tshogs mchog /dam chos mchog ste kun du 'gro/ /rlung gis bskyod pa sna tshogs pa'i/ /ba dan rtser brtags dril sgra sgrogs/ /me long ye shes rtag me tog /byang chub yan lag me tog phreng / /dra ba me long me tog che/ /me tog phreng ba'i rgyan gyis bskor/ /kun grub mi 'gyur bde ba ni/ /bde ba chen po zhes bshad do/ /bde ba chen po'i gzhal yas khang / /dang po'i gnas su bri bar bya/ /thar pa chen po'i grong khyer mchog /kun mchog de ni legs bris nas/ /thog ma tha ma med pa'i dbyings/ /phyogs kun mnyam</font><hr>92.216a<br><font size=+1>

pa nyid du bsam/ /de ni phyi yi dkyil 'khor ro/ /de yi nang gi 'khor lo ni/ /dkyil 'khor brgyad pa lta bu yin/ /'di ni rnam thar brgyad po ste/ /dngos grub kun gyi bde ba ster/ /byang sems theg pa chen po yi/ /mdo sde'i 'khor lo rab bskor bas/ /rdo rje thig gis yongs bskor ba/ /rdo rje 'khor lo yang dag bri/ /der ni sna tshogs pad ma cher/ /rdo rje sems dpa' dgod par bya/ /lugs ma'am yang na brkos pa 'am/ /byas pa 'am yang na bris pa ste/ /'dzum bcas zla ba'i mdog can la/ /dmar zhing sna tshogs 'od 'bar ba/ /sangs rgyas kun gyi dbang la sogs/ /rgyan dang na bza' sna tshogs pa/ /sems dpa'i dkyil dkrung dag gis bzhugs/ /rdo rje snyems tshul 'chang ba'i mchog /su ra ta s+t+wam zhes brjod cing / /rang snying pos kyang bzhag par bya/ /de yi phyogs ni thams cad du/ /tshon nam de bzhin phye ma yis/ /go rim dag ni ci bzhin du/ /rdo rje lha mo yang dag bri/ /rdo rje mchod stod la brtson bya/ /rdo rje chags ma mdun du bri/ /lha mo rdo rje rol mo ni/ /rdo rje can la rab 'khyud pa/ /rgyab tu rdo rje dran ma ni/ /chu srin rgyal mtshan 'dzin pa'o/ /rdo rje 'dod pa'i dbang phyug ma/ /rdo rje khu tshur gnyis bsnyems bris/ /de nas 'di rnams dgod pa'i phyag rgya ni/ /dza badzra driSh+Ti sa ya ke phaT hU~M/ o~M badzra kI li kI li hU~M/ ba~M` badzri ni sma ra raT/ ho badzra ka me shwa ri taM/ mtshams su rdo rje sems ma sogs/ /dus kyi mchod pa yang dag bri/ /rdo rje sbrang rtsi ma dang sprin/ /ston dang dgun ni rdo rje ma/ /me tog bdug pa mar me che/ /dri ste spyi bor thal sbyar ba/ /rdo rje rgyal po'i lha mo ste/ /de nas phyag rgya rab bshad bya/ /o~M ma d+hu badzri g+hu~M g+hu~M/ o~M badzra me g+he gu lu gu lu/ o~M o~M sha rad badzrI/ o~M o~M/ /o~M badzra she shi ri hU~M hU~M`/ sgeg mo bzhad ma glu chen ma/ /gar mdzad ma yi lha mo'i tshogs/ /rdo rje rol mo 'di dag ni/ /phyi rol gyi ni mtshams su bya/ /ha ra ti</font><hr>92.216b<br><font size=+1>

badzra mag+ha bi la si ni tra ha/ he ra ti badzra nrir t+yai be ba be ba/ sgo yi gnas ni thams cad du/ /gsol ka ba ni bzhi po ste/ /rdo rje lcags kyu zhags pa dang / /lcags sgrog de bzhin dril ma yi/ /badzra a~M gu sha dzaHbadzra pA she hU~M/ badzra shri kha le ba~M/ badzra g+haN d+d+he hoHdam tshig 'di ni thams cad kyis/ /dgongs shing brtag pa nyid du 'gyur/ /rdo rje lha mo la sogs tshogs/ /dngos grub kun la 'grub bar 'gyur/ /gsol ka ba dang g.yog mo yi/ /gtso mo pho nya bran mo'o/ /de nas kun mchog la sogs pa/ /mngon bris yang dag bsgrub par bya/ /dam tshig mchog ni bcings nas su/ /dzaHhU~M ba~M hoHzhes brjod bya/ /sems dpa'i dkyil dkrung bcas nas ni/ /rdo rje can gyi spyan sngar 'dug /bde ba chen po'i rdo rje mchog /bdag po lan gcig yang dag dgug /hU~M ma hA su kha badzra sa twa/ ya hi shI g+h+ram/ ma hA su kha badzra a mo g+hA ya/ a nu pA lA ya/ pra bu d+ha su ra ta twa a nu rag to me b+ha ba/ su to Sh+yo me b+ha ba/ su po Sh+yo me b+ha ba/ b+ha ga bAn nA di na sa twa/ sarba sid d+hi me pra yats+tshe/ e she ta ma tri Sha A be sha ya sa ma yer bad d+ha/ ba shI ka ro me/ i mer mu trA pa daiHdzaHhU~M ba~M hoH'di yis bcom ldan 'das par ni/ /dkyil 'khor du ni rang nyid gshegs/ /bkug cing bcug la shin tu brtan/ /dbang du gyur nas rab tu thub/ /ces bcom ldan 'das dam tshig chen pos gsungs so/ /rdo rje slob dpon rang lha ni/ /'od zer kun ni ston la sogs/ /mtshan ma rnam pa mang po ni/ /ngo mtshar gyur pa mthong bar 'gyur/ /de nas rdo rje mchod yon ni/ /rdo rje thal mo kha dbyes dbul/ /bum pa gang dang ci snyed pa'i/ /me tog la sogs kyis kyang mchod/ /ba dan rtse mor dril brtags pa/ /mtshams kyi char ni bzhag par bya/ /bum pa spos chus gang ba la/ /rdo rjer bcas pas byin brlabs pa/ /lcug ma la ni yongs su bzlas/ /de la bde</font><hr>92.217a<br><font size=+1>

ba chen po rdo rje don yod pa'i dam tshig gi chur bsgrub pa ni 'di yin te/ hU~M ma hA su kha badzra a mo g+ha sa me yo da sad d+ha a b+hi Shinya tsa/ sarba su kha sau man s+yA n+yA da da ku ru ku ru/ dzaHhU~M ba~M hoH'di lan nyi shu rtsa gcig yongs su bzlas la/ bdag nyid la rdo rjes dbang bskur bar bya'o/ /bsang gtor bya ba dang / 'thungs pas kyang sdug bsngal thams cad bsal ba dang bde ba chen po thams cad 'phel bar 'gyur ro zhes bcom ldan 'das rdo rje sems dpas gsungs so/ /de nas 'khor lor ma zhugs kyang / /rang nyid thog mar byung zhugs shing / /rdo rje kun gyi slob dpon che/ /rdo rje can gyis rang byin rlob/ /de nas rdo rje 'dzin slob dpon/ /rang nyid khrus byas dris legs byugs/ /ci snyed pa yi rgyan gyis brgyan/ /shin tu dmar ba'i gos bgo zhing / /me tog phreng btags kha dris bsgo/ /rnam sgeg dga' ba'i rdo rje dang / /rdo rje gar gyi sbyor ba yis/ /spyi bor me tog thal sbyar nas/ /gnas de mgon la phyag bya'o/ /zhugs nas dkyil 'khor de la ni/ /bskor ba dag ni lan gsum bya/ /de nas mdun du 'dug nas ni/ /de kho na nyid lan cig brjod/ /'dod chags chen po bde ba che/ /rdo rje chen po nor che ba/ /ye shes chen po las chen po/ /de dag rdo rje sems grub brjod/ /de nas me tog sil ma ni/ /mgon la gtor te cho ga bzhin/ /dang po sha ra la sogs pa bstod pa glu ru lan gcig blang / /de nas bcom ldan 'das kyi bstod pa'i rgyal po mtshan brgya rtsa brgyad pa de kho na nyid chen po ni 'di yin te/ dpal mchog dang po sems dpa' che/ /dga' ba chen po'i dga' chen po/ /kun tu bzang po kun bdag nyid/ /rdo rje snyems tshul bdag po'i bdag /sems dang sems dpa'i ting 'dzin mchog /rdo rje rdo rje mchog chen po/ /kun tu bzang po'i spyod pa mchog /bdud dang bdud ni rab 'joms pa/ /thams cad thams cad byang chub che/ /sangs rgyas sangs rgyas skyes mchog skyes/ /rdo rje hU~M mdzad yi ge hU~M/ /'jig rten dbang phyug nor rab gsal/                      //                 //                 //                              /'dod chags chen po bde chen nyid/ /</font><hr>92.217b<br><font size=+1>

'dod dang thar pa nor che ba/ /dus gsum srid gsum mchog gsum dang / /'jig rten gsum mchog khams gsum pa/ /brtan par rang byung gsal ba ste/ /rab phra sbom dang legs bsags pa/ /rgyu ba rab mchog thob mdzad pa/ /srid pa 'khor ba sbyong mdzad pa/ /thog mtha' med cing thog mtha' can/ /mda' ldan dang por thams cad gnas/ /snying po phyag rgya sbyor dam tshig /de nyid bden pa mchog pa ste/ /de bzhin gshegs pa'i dngos grub che/ /chos dang las ni khams chen po/ /dam pa'i chos te las mchog bdag /byang chub sems ni rab sbyong mdzad/ /rdo rje khro bo khro bo che/ /dus mtha' ltar 'bar 'dul ba po/ /'dul mdzad chen po gdug pa'i mchog /drag po drag nyid zad mdzad pa/ /thams cad dag pa pad ma che/ /shes rab thabs te tshul chen po/ /'dod chags dag pa'i ting 'dzin mchog /sna tshogs chags pa dbang phyug che/ /nam mkha' mtha' yas rtag pa'i don/ /'byung po thams cad gnas chen po/ /'byor pa thams cad gnas 'byor ba/ /dpal dang gtso bo rgyal po ste/ /bsam pa thams cad rdzogs mdzad pa/ /phyag 'tshal khyod la phyag 'tshal lo/ /phyag 'tshal 'dud cing phyag 'tshal lo/ /dad pas khyed la bdag brten bgyid/ /rdo rje sems dpa' bdag grub mdzod/ /gang zhig bstod pa'i rgyal po 'di/ /nyin re nang par rjod byed dam/ /chos kyi tshig gis lan cig brjod/ /dngos grub shin tu myur bar 'gyur/ /gal te 'dir grub mi 'dod na/ /dang por nyin re dus gsum du/ /bstod na sdig pa las nges grol/ /zhing dag pa ni grub par byed/ /rtag tu sdug bsngal thams cad sel/ /lan cig rab tu brjod pa yis/ /dngos grub thams cad bskal bzang byed/ /phun sum tshogs dpal 'phel bar byed/ /dngos grub don yod yon tan can/ /mtshan brgya rtsa brgyad</font><hr>92.218a<br><font size=+1>

dam pa'o/ /de nas gsang ba'i mchod pas ni/ /rab tu dga' bas mgon la mchod/ /rang gis phyag rgyas lan cig ni/ /rang gi phyag rgyas bcings te grub/ /de nas lha yi chu dang ni/ /de bzhin sku mchog gis dbang bskur/ /rang nyid rdo rje phyag rgya la/ /snying po 'di ni blang bar bya/ /de la rdo rje sems dpar dbang bskur ba'i snying po ni 'di yin te/ hU~M ma hA su kha badzra sa twa a b+hi She ke na hrIHa b+hi Shiny+tsA mi/ sarba badzra ba a d+hi pa ti twAM dr-i D+ho me b+ha ba mi d+ha nA ma ma ste b+ha ga bA na/ ma hA badzra d+ha ra su ra ta s+t+wa~M/ /ma hA badzra sa twa/ o~M b+hur bu ba swa/ de nas rdo rje dbang bskur ba/ /phyag na rdo rje ming 'dzin pa/ /rdo rje 'dzin chen slob dpon du/ /'di nyid du ni rab 'grub 'gyur/ /de nas kyang ni ci 'dod par/ /cho ga'i dam pa bsgrubs nas ni/ /rdo rje gar gyi mchod pa yis/ /legs par mchod la phyir byung bya/ /de nas brtsams te rdo rje'i bdag /rdo rje kun gyi gsang rab 'dzin/ /rdo rje thams cad 'dzin slob dpon/ /dngos grub thams cad grub par 'gyur/ /rdo rje sems dpa' dngos grub che/ /phyag rgya kun bdag dbang phyug che/ /d+ha thams cad mkhyen pa'i rdo rje che/ /las rnams thams cad dbus la brtag /mi tshugs pa dang mi sod pa/ /kun byed dngos grub thams cad ster/ /sems can kun gyi rgyal po che/ /tshar gcod pa dang phan 'dogs nus/ /thams cad rjes chags byed kun mchog /kun rig pa dang kun gyi gnas/ /'dod pa thams cad la rab sbyor/ /phun tshogs kun gyi dbang phyug che/ /lha la sogs pa'i sems can kun/ /bsgo ba thams cad rtag tu byed/ /sems dpa' kun ni rtag tu mthong / /tshe 'di nyid la grub par 'gyur/ /de nyid kyis ni 'dod par ldan/ /dga' zhing rang nyid de bdag por/ /rdo rje slob dpon 'gyur ba yin/ /zhes bcom ldan 'das rdo rje</font><hr>92.218b<br><font size=+1>

sems dpas gsungs so/ /bde ba chen po rdo rje slob dpon byin gyis brlab cing 'jug pa'i cho ga rgyas pa'i rgyud do// // // de nas slob ma 'jug pa'i cho ga rgyas pa'i rgyud rjes su bshad par bya'o zhes bcom ldan 'das rdo rje sems dpas gsungs so/ /rdo rje mchod yon snying gar bskor/ /bcings nas bsam g.yos bzhin gyis ni/ /mgo bos yang dag phyag bya ba/ /dngos grub thams cad grub byed yin/ /dkyil 'khor du ni rab zhugs la/ /bskor ba lan gsum byas nas ni/ /'dod chags chen po bde ba che/ /'gro ba kun la 'ang grub mdzad brjod/ /de nas dus kyi mchod pa yis/ /bde ba chen po yang dag mchod/ /de bzhin du ni dbang bskur bar/ /rdo rje gsang ba'i slob ma gzhug / /de nas ci bzhin brgyan nas ni/ /rdo rje slob dpon gyis rab gzhug /slob ma'i tshogs rnams bcug nas ni/ /ci 'dod pa yi dngos grub 'thob/ /de nas slob ma bcug nas ni/ /dga' ba chen po 'di brjod bya/ /rab dgyes rab bde bstan pa yi/ /rdo rje sems bdag deng grub mdzod/ /de nas me tog phreng ba ni/ /spyi bo nas ni myur du 'dor/ /gang du me tog babs gyur te/ /lhag pa'i lhar ni rab grub 'gyur/ /de nas lha yi chu yis ni/ /rdo rje 'dzin dang rang dbang bskur/ /rdo rje chen po rdo rje lnga/ /byin la rdo rje bo d+hi brjod/ /o~M ma hA su kha badzra/ badzra a b+hi She ka na s+t+wam/ a b+hi Shiny+tsA mi/ ma hA badzra d+hA ra/ he badzra nA ma sid d+ha nA maH/ gang la rdo rje ming gang zhig yin pa de la kyai zhes bya ba'i sgra dang sbyar bar bya'o/ /de nas snying po byin la phyag rgya bcing ba bslabs nas/ ci ltar mngon par 'dod pa bsgrub par bya'o/ /rdo rje sems dpa'i cho ga 'am/ /gang 'dod rang grub pa de la/ /de nyid kyis ni dam tshig nyid/ /'jug la sogs pa'i cho ga bshad/ /'jig rten pa ni sna tshogs dang / /de bzhin 'jig rten 'das pa rnams/ /thams cad rang gi go rims ni/ /rgyas par bsgrubs na rab tu 'grub/ /'di la rab tu</font><hr>92.219a<br><font size=+1>

'jug tsam gyis/ /mi tshugs pa dang mi ldog pa/ /nyid du rgyal ba'i sras 'gyur zhing / /bde ba chen po rab grub ster/ /de nas rdo rje 'dzin slob dpon/ /mna' ni dam du bkag nas kyang / /de nyid chos dang dam tshig ni/ /rang nyid dang ni gzhan gyis bslab/ /de la 'di ni mna' grub pa'i rdo rje chus dbang bskur nas brjod par bya'o/ /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na 'grub par 'gyur/ /dngos grub rdo rje bdud rtsi chu/ /de nyid chos dang dam tshig ni/ /gal te dkyil 'khor ma mthong smras/ /skye bo 'dug nang gnas pa 'ga'/ /dad pa med pas bgad par 'gyur/ /de la 'di ni de kho na nyid dang dam tshig gi gsang ba'i cho ga rab tu sbyin pa yin te/ thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ /rdo rje snyems tshul bdag po'i bdag /de kho na nyid mchog gi gsang ba lnga'i de kho na nyid chen po bshad par brjod par bya'o/ /bcom ldan 'das de nyid chos kyi mchog bka' stsal par mdzad/ srid pa ngo bo nyid kyis dag /ngo bo nyid kyis srid bral byas/ /rang bzhin dag pa'i sems dpa' mchog /srid pa mchog ni byed pa yin/ /de la srid pa rnam par dag pa'i thabs rtog pa thams cad kyi gsang ba'i mchog dam tshig chen po bsten par bya ba ni 'di yin te/ srid pa'i bde ba shin tu chung / /sdug bsngal chen po dag bya'i phyir/ /shin tu bde ba dam pa'i thabs/ /dam tshig rtag tu bsten par bya/ /'dod pa'i longs spyod thams cad ni/ /ci 'dod par ni bsten bzhin du/ /rang gi lhag pa'i lhar sbyar bas/ /bdag dang gzhan la mchod par bya/ /de la rtog pa thams cad kyi gsang ba'i mchog gi dam tshig chen po 'di brjod par bya ste/ ci srid 'khor ba'i gnas su ni/ /mkhas mchog 'dug par gyur pa'i tshe/ /de srid mtshungs med sems can don/ /mya ngan mi 'da' byed par nus/ /</font><hr>92.219b<br><font size=+1>

gsang ba mchog gi dam tshig thabs/ /bsod nams byin rlabs sgrub byed pa/ /dngos grub kun gyi dbang phyug rtag / /rgyun du sems can don byed pa'o/ /de ltar sems ni rab dang rdo rje nyid du gyis/ /rang gi dam tshig mi zad bde skyid bsten par gyis/ /de ni 'gro la myur du bde ba sangs rgyas thams cad dang / /rab tu mtshungs shing rtag pa nyid du rtogs par 'gyur/ /de nas khyed kyis bcud dang / kha zas dang gnas pa dang glu dang rol mo la sogs pa'i mchod pa rnams legs par bstabs pa bas bdag nyid gang la sred pas kyang rdo rje slob dpon chen po mchod par bya'o/ /rdo rje slob dpon me tog stsogs/ /ci 'dod par ni legs mchod cing / /rdo rje gar gyi mchod pa yis/ /yang dag par ni mchod de byung / /de nas rdo rje 'dzin slob dpon/ /gar gyi mchod pas mchod nas ni/ /rdo rje thal mo'i sbyor ba yis/ /slob ma kun gyis rab tu mchod/ /ro dang kha zas gnas pa dang / /glu dang rol mo ci 'dod pas/ /rdo rje sems dpa' de bzhin bdag /yang dag mchod nas phyir byung bya/ /dpal mchog dang po zhes bya ba'i dkyil 'khor mchog tu gsang ba'o// // de nas bsgrub pa bshad bya ba/ /dngos grub shin tu rtag pa ste/ /gang gis srid pa 'di nyid la/ /dngos grub rtag pa thob byed pa'o/ /'di yis byang chub sems dpa' ni/ /srid par gnas shing srid par sangs/ /dngos grub kun gyi dbang phyug grub/ /rtag tu sems can kun don byed/ /'di yi ci ltar mchog grub pa/ /de ltar byang chub spyod stsogs pas/ /dge ba'i tshul ni gzhan gyis kyang / /sangs rgyas kun sogs thob mi 'gyur/ /'dul bya min pa bsod nams med/ /sangs rgyas rdo rje 'dzin pa ni/ /rnam pa kun du mthong stsogs kyis/ /sems can don byed mi nus so/ /de bas rgyud chen las grub pa/ /sangs rgyas sam ni rdo rje 'dzin/ /mthong la sogs pa sems can don/ /nam mkha' mnyam pa byed pa yin/ /'dod chags chen po bde ba che/ /srid pa'i nges pa dri ma med/ /</font><hr>92.220a<br><font size=+1>

nam mkha' mtha' yas sems can don/ /mya ngan mi 'da' byed pa yin/ /dkyil 'khor dag tu ma zhugs pa 'am/ /bsod nams med pa 'am le lo can/ /de yang kun mchog grub pa yis/ /tshe 'di nyid la grub par 'asgrub zhes bcom ldan 'das don yod grub pa rdo rje sems dpas gsungs so/ /de nas don yod cing thogs pa med pa myur du sgrub pa'i mchog rjes su bshad par bya'o zhes bcom ldan 'das rdo rje sems dpas gsungs so/ /lugs ma 'am ni brkos pa 'am/ /byas pa 'am ni bris pa yi/ /dang po'i sems dpa' brtags nas ni/ /mdun du de ni sgrub par bya/ /nyin re zhing ni dang po ru/ /de bzhin yul dang ldan gyur pas/ /dang po'i gsang mchog gis bkug ste/ /phyag rgya chen po rab byin brlab/ /rdo rje mig gis de bzhin bltas/ /rdo rje snyems tshul bdag po rang / /rdo rje hU~M ni glur blangs pas/ /rdo rje sems dpa' bsgrub par bya/ /rdo rje cha lugs ci bzhin du/ /mchog gi dang po rab tu dgyes/ /gzugs brnyan la sogs dang por ni/ /ci 'dod par ni rab tu bsgrub/ /'di yis 'dod pa kun dbang phyug /'dod pa tsam gyis 'gro 'ong lding / /dngos grub kun gyis dbang phyug grub/ /kun mchog dam pa'i dbang phyug yin/ /phun sum tshogs kun bdag thams cad/ /'dod chags chen po bde ba che/ /thams cad 'jug mdzad sna tshogs pa/ /rtag par kun du 'dul ba'o/ /dngos grub kun gyi bde ba mchog /phyag rgya kun bdag dbang phyug yin/ /rdo rje kun gyi dngos grub che/ /thams cad mkhyen pa'i 'byung gnas che/ /mi tshugs pa dang mi sod pa/ /thams cad byed cing kun gyi gnas/ /khams gsum las rgyal sna tshogs pa/ /tshar gcod pa dang phan 'dogs pa/ /kun la rjes chags kun gyi mchog /kun rig dngos grub thams cad ster/ /'jig rten khams ni thams cad du/ /rang gi rnam 'phrul rab ston byed/ /kun mchog dngos</font><hr>92.220b<br><font size=+1>

grub chen po ste/ /dbang phyug chen po'i dbang phyug che/ /gzugs dang tshe stobs rdo rje mchog /rdo rje sems dpa' gnyis pa bzhin/ /'gro ba rnams kyis mchod cing brjod/ /rang gi gnyen rnams kyis brten pa/ /rgyal po rdo rje 'chang chen ltar/ /rga dang 'chi ba med par 'gyur/ /gal te rdo rje sems dpa' 'am/ /sangs rgyas byang chub sems nyid 'dod/ /dngos grub ci ltar 'dod pa nyid/ /tshe 'di nyid la grub par 'gyur/ /phyi ma 'am ni 'jig rten pa/ /rtog pa kun bshad cho ga 'am/ /rang nyid kyis mdzad kyis rtag tu/ /dngos grub thams cad 'grub 'gyur zhes/ /bcom ldan rdo rje dngos grub kyi/ /dbang phyug bde ba chen po ni/ /rdo rje 'chang ba che rgyal po/ /kun mchog sa yi dbang pos gsungs/ /de la ci ltar na rang gi phyag rgya sgrub pa'i rgyud yin zhe na/ phyag rgya chen por mnyam bzhag la/ /rang gi snying pos lan cig sgrub/ /dr-i D+ha su to Sh+ya saM raka ta/ su po sid d+ha ta la gu/ de la ci ltar yi ge hU~M gi glu blang pa'i rgyud yin zhe na/ ri d+hi ta stsogs kyis brgyan ldan/ /ci nus pa dang ci dga' dang / /gaN De la stsogs glu blangs pa'i/ /yi ge hU~M gis 'grub par 'gyur/ /de nas phyag rgya thams cad kyi mchog de sgrub pa'i rgyud bshad de/ /gal te phyag rgya sgrub 'dod na/ /de bzhin yul dang ldan gyur pas/ /rang nyid kyis ni brgya bcings la/ /yongs su mi skyo'i bar du bsgrub/ /de la ci ltar na dam tshig thams cad grub pa'i rgyud yin zhe na/ dam tshig phyag rgya bcings nas ni/ /sa ma ya s+t+wa~M zhes brjod la/ /rang gi snying gar rim bzhin du/ /phyag rgya'i mchog de bsgrub par bya/ /de nas las kyi phyag rgya'i mchog bsgrub pa'i rgyud ni/ rdo rje gar gyi mchod pa yis/ /yongs su mi skyo'i bar bsgrubs na/ /mchod pa kun stsogs las rnams ni/ /tshe 'di nyid la 'grub par 'gyur/ /rdo rje 'chang chen nyid dang ni/ /sangs rgyas byang chub sems dpa' nyid/ /gzhan yang dngos grub</font><hr>92.221a<br><font size=+1>

thams cad ni/ /dam pa myur du 'grub par 'gyur/ /rtog pa thams cad kyi sgrub pa chen po don yod par 'grub pa'i cho ga rgyas pa'i rgyud do// // de nas rtog pa thams cad sgrub pa'i dngos grub kyi rgyud ni/ nyin re zhing dang por lan cig phyag rgya bsgrub par don yod pa dngos grub thogs pa med par bshad par bya'o zhes bcom ldan 'das kyis gsungs so/ /thams cad rjes su mnyes par bya ba dang / dgug pa dang bcing ba dang dbang du bya ba bsgrub pa la ni bde ba chen po'i rdo rje lta bas so/ /bde ba dang yid bde ba dang phun sum tshogs pa dang dngos grub thams cad mngon par 'phel bar bya ba la ni bde ba chen po'i rdo rje chos so/ /tshe dang lang tsho dang gzugs dang gzi byin chen po mngon par 'phel bar bya ba la ni dang po'i rdo rje bcud kyis len gyis so/ /dpal chen po dang bskal pa bzang po dang / grags pa dang / snyan pa 'phel bar bya ba la ni dang po'i rdo rje grub pas so/ /stobs chen po dang / ye shes dang / chos dang las bsgrub par bya ba la ni dang po'i rdo rje snying stobs che bas so/ /rdzu 'phrul dang cho 'phrul dang rmad du byung ba dang / rnam par 'phrul pa thams cad ston pa la ni dang po'i rdo rje'i rnam par 'phrul pas so/ /thams cad du yi ge dang gzugs kyi bden pa thams cad mthong ba dang thos pa dang smra ba dang 'dri ba grub par bya ba la ni dang po rdo rje don yod pa'i bden pas so/ /dbang po thams cad kyis bden pa thams cad mthong ba dang thos pa dang smra ba dang zil gyis gnon par bya ba la ni dang po'i rdo rje don yod pa'i bden pas so/ /sgyu ma thams cad dang bde ba'i mchog dang lung sgo ba dang lan thob pa grub pa la dang po'i rdo rje rmad du 'byung bas so/ /gter thams cad dbyung ba dang nor dbrog pa dang rgyal srid thob pa dang / sa la nye bar longs spyod pa la ni dang po'i rdo rjes dbang bskur bas so/ /yul thams cad dang skye bo dang grong khyer dang / </font><hr>92.221b<br><font size=+1>

nags dang chu bor nye bar longs spyod pa sprul pa la ni dang po'i rdo rje grub pas so/ /thams cad las sngon ma byung ba'i lha yul dang rin po che dang kha zas dang btung ba dang g.yog 'khor la sogs pa sprul te/ nye bar longs spyod pa la ni dang po'i rdo rje sprul pas so/ /skad cig gis sa gzhi thams cad 'bru la sogs pa smin par bskyed pa dang / chu'i phung po chen po 'byung ba dang / snang ba chen po skyed pa dang rlung thams cad dbang du bya ba la ni dang po'i rdo rje dbyings gyi dbang phyug gis so/ /rgyu ba dang mi rgyu ba'i dngos po thams cad bza' ba dang btung ba dang rang rtser gzhug pa dang las thams cad la sbyar ba la ni/ dang po'i rdo rje don yod pa'i thams cad dbang du byed pas so/ /dngos grub thams cad las de bzhin gshegs pa dang / byang chub sems dpa' dang rdo rje 'dzin pa dang rdo rje la sogs pa mthong ba la ni dang po'i rdo rje'i bsnyems pas so/ /rang gi bdag nyid rdo rje sems dpa' la sogs pa'i gzugs thams cad sprul cing ston pa/ mi snang ba dang nam mkhar 'gro ba grub pa dang / shin tu phra ba dang sbom pa dang / du mar ston pa la ni dang po'i rdo rje gzugs sna tshogs pas so/ /'jig rten gsum gyi bdag por gyur pa thams cad dbab pa dang / dbang du bya ba dang bcings ba dang / las thams cad la sbyar ba la ni dang po'i rdo rje hU~M mdzad kyis so/ /lha thams cad dbab pa dang bcing ba dang dbang du bya ba dang thams cad la nges par sbyar ba la ni dang po'i rdo rje lha'i bdag pos so/ /klu thams cad gdon pa dang / 'dul ba dang dbang du bya ba dang las thams cad la nges par sbyar bar bya ba la ni dang po'i rdo rje 'bar ba'i rdo rjes so/ /gnod sbyin la sogs pa thams cad dgug pa dang dbang du bya ba dang las thams cad la nges par sbyar bar bya ba dang skrag par bya ba la ni dang po'i rdo rje gdon 'dul bas so/ /dkyil 'khor thams cad brtag pa dang 'jug pa</font><hr>92.222a<br><font size=+1>

dang mchod pa dang bsgrub pa dang las thams cad la nges par sbyar bar bya ba la ni dang po'i rdo rje 'khor los so/ /phyag rgya thams cad dgug pa dang bcing ba dang dbang du bya ba dang brtan par bya ba dang sgrub pa la ni dang po'i rdo rje phyag rgya grub pas so/ /dam tshig thams cad dgug pa dang gzhug pa dang bcing ba dang sgrub pa la ni dang po'i rdo rje dam tshig mchog gis so/ /las thams cad rab tu sgrub pa la/ rnam par mi 'jig par bya ba dang brtan par bya ba dang grags pa chen po rab tu bsgrags pa la ni dang po'i rdo rje las kyis so/ /rdo rje thams cad dgug pa dang gzhug pa dang bcing ba dang dbang du bya ba sgrub pa la ni dang po'i rdo rjes so/ /sems dpa' chen po thams cad dgug pa dang gzhug pa dang bcing ba dang dbang du bya ba sgrub pa la ni dang po'i rdo rje sems dpas so/ /de bzhin gshegs pa thams cad dgug pa dang gzhug pa dang bcing ba dang dbang du bya ba sgrub pa la ni dang po'i de bzhin gshegs pas so/ /rdo rje 'dzin pa chen po dgug pa dang gzhug pa dang bcing ba dang dbang du bya ba ni dang po'i rdo rje 'dzin pas so zhes kyang gsungs so/ /dkyil 'khor dag tu ma zhugs pa'am/ /sdig pa thams cad byas pa 'am/ /rang gi snying po ma bsgrubs pa 'am/ /dngos grub thams cad grub par 'gyur/ /ma bsgrubs par thams cad 'grub bo/ /don yod par grub pa phyag rgya chen po mchog tu grub pa'o// // de nas dang po'i snying po ma bsgrubs pa'i thams cad don yod pa thogs pa med pa las thams cad kyi rgyu skad cig la bsgrub pa rjes su bshad par bya'o/ /zhes bcom ldan 'das rdo rje thams cad kyi sna tshogs pa'i phrin las rdo rje 'chang chen pos gsungs so/ /don yod pa dang thogs med pa/ /bdag kyang bde gshegs lhan cig tu/ /las kyi rab 'byam 'di dag ni/ /dngos grub skad cig gis grub byed/ /'di lta ste thams cad shin tu bsrung ba</font><hr>92.222b<br><font size=+1>

dang / yongs su bskyang ba dang zhi ba dang bde legs su bya ba dang tshe mngon par 'phel bar bya ba dang rdo rje gar gyi sems dpa'i tshul gtsug tor gyi phyag rgyas so/ /dkyil 'khor thams cad mtshams dang phyogs dang dam tshig dang dngos grub bcing zhing bsrung ba la ni rdo rje gar gyi 'brang ba chen pos so/ /nyin gsum pa dang nyin bzhi pa dang slar zlos pa dang rtag pa can dang khyab 'jug gi rims thams cad bsal ba la ni rdo rje gar gyi rims nad med pas so/ /gdung ba thams cad dang gnod byed dang nad dang mya ngan dang sdug bsngal thams cad gzhig pa la ni rdo rje gar gyi sdug bsngal nye bar zhi bas so/ /dug dang sbyar ba'i dug las nye bar thar ba dang dbab pa dang bcing ba dang bza' ba dang bdud rtsir bya ba la ni rdo rje gar gyi nye ba'i dug gis so/ /gdon thams cad dbab pa dang bcing ba dang dam tshig 'dzin du gzhug pa dang rab tu gdul ba dang / bsrung ba la ni rdo rje gar gyi gdon las thar ba'o/ /thams cad la bcing ba dang thar ba dang dral ba dang ltung ba dang ldang ba la ni rdo rje gar gyi rdo rje chen po'i khro bos so/ /mkha' 'gro ma thams cad kyi phyag rgya gzhig pa dang gdon las thar bar bya ba dang shi ba bslang bar bya ba dang tshe sngon par 'phel ba dang shin tu bsrung ba la ni rdo rje gar gyi phyag rgya'i lan gyis so/ /sgrib pa thams cad dang / sdig pa thams cad dang / rmi lam ngan pa dang / ltas ngan pa dang byur gzhig pa la ni rdo rje gar gyi zhi bas so/ /thams cad dbab pa dang / bskyod pa dang gar byed du gzhug pa dang thams cad bden par smrar gzhug pa dang / pra se na thams cad bsgrub pa la ni rdo rje gar gyi thams cad 'bebs pa'i phyag rgyas so/ /thams cad rgyas gdab pa dang gsad pa dang ltung bar bya ba dang bslang ba dang / bslar gso ba la ni don yod grub pa'i rdo rje gar gyi mkha' 'gro ma chen mos so/ /thams cad rengs par bya ba dang rmongs par bya ba dang gnyid log par bya ba dang gsad pa dang bza' bar bya ba la</font><hr>92.223a<br><font size=+1>

ni rdo rje gar gyi gdug pa'i srin pos so/ /gzhan gyi dpung thams cad skrag par bya ba dang gzhig par bya ba dang dbang du bya ba dang ltung bar bya ba dang gsad par bya ba la ni rdo rje gar gyi gshed byed kyis so/ /khro bo thams cad bsal ba dang bzhin ras dang bar bya ba dang brtsod pa las rgyal ba dang 'jigs pa las thar ba dang g.yul 'gyed pa las rgyal ba bsgrub pa la ni rdo rje gar gyi rgyal mtshan mchog gi dpung rgyan gyis so/ /sprin thams cad yang dag par bzung zhing mi g.yo bar bya ba dang char chen po dbab pa dang rlung dang char pa dang glog dang ser ba bzlog pa dang dro ba dang grang ba bsal ba la ni/ rdo rje gar gyi dbang po'i rdo rjes so/ /gzugs dang sgra dang dri dang ro dang reg bya thams cad shin tu grub pa la ni/ rdo rje gar gyi 'dod pa'i dbang phyug gis so/ /rgyu ba dang mi rgyu ba thams cad rjes su chags pa dang dgug pa dang dbang du bya ba dang rtse ba dang las thams cad la nges par sbyar ba la ni/ rdo rje gar gyi dngos grub thams cad kyis so/ /lha thams cad dbab pa dang klu thams cad dbang du bya ba dang / gnod sbyin dang 'byung po dang ma mo thams cad las la nges par sbyar ba la ni/ rdo rje gar gyi rdo rje sku'i mchog gis so/ /rnam thos sras mnan nas dpal drang ba dang / lha'i bu mo thams cad rab tu dbrog pa dang / lha dang lha ma yin gyi bud med thams cad dang rtse ba dang 'jig rten gsum ma lus pa las rgyal ba dang 'dod pa'i dbang phyug thams cad las rgyal ba dang dbang phyug chen po thams cad dbrog pa la ni rdo rje gar gyi skyes bu byed pa chen pos so/ /mchod pa thams cad sgrub pa dang / thams cad rdo rjer bya ba dang bdud la sogs thams cad rab tu gzhom pa dang / phyag rgya thams cad bcing ba dang dngos grub kyi mchog la sogs pa ma lus shing lus pa med pa'i dngos grub thams cad kyi las kyi rgyu myur du grub par bya ba la ni/ rdo rje gar gyi don yod cing / thogs pa med pa myur ba'i las sna tshogs kyis</font><hr>92.223b<br><font size=+1>

dngos grub dam pas so// // de nas phyag rgya thams cad bsgrub pa'i cho ga rgyas pa'i rgyud ni/ nyin re dang po lan cig ni/ /phyag rgya thams cad rab bsgrub byed/ /snying mchog lan cig bzlas nas ni/ /phyag rgya chen po rab grub bya/ /de yi rjes la nye snying po/ /las rnams kun la nges sbyar bas/ /don yod grub pas las rnams ni/ /kun la shin tu 'grub par 'gyur/ /phyag rgya thams cad rab byin rlob/ /phyag na rdo rje'i phyag rgya ni/ /dkyil 'khor dag kyang ma mthong ba/ /ma bshad pa la'ang rab 'grub 'gyur/ /rtog 'dir 'jigs pa yod min te/ /'khor lo med la brgya byin la/ /gang phyir bdag la byin rlob pas/ /rang sras rgyu ni 'gyur ba yin/ /sdig pa chen po byed pa yang / /bsam pa shes nas sbyin par bya/ /'di dag bcings tsam nyid dag byed/ /dngos grub thams cad 'grub par 'gyur// //dpal mchog dang po'i rtog pa chen po'i rgyal po bde ba chen po'i rdo rje don yod pa'i dam tshig gi cho ga rgyas pa'i rtog pa'o// // de nas ston pa rdo rje 'dzin/ /'byin pa byed pa bde ba che/ /bde chen can du brtan phyir dang / /sems can thams cad rnam dag phyir/ /khams kun dang mnyam zad pa med/ /kun gyi bdag nyid la zhugs te/ /mnyam pa'i dngos grub mchog spros nas/ /de bzhin gshegs pa'i rigs phyung ngo / /mtha' yas pa yi zhing thams cad/ /'jig rten kun gyi khams bcas pas/ /de tshe sangs rgyas thams cad kyis/ /til gyi gang bu bzhin myur gang / /'jig rten khams ni thams cad du/ /sems can kun mdun yang dag bzhugs/ /sems can thams cad ma dag pas/ /rang gi las kyis dag par 'gyur/ /de tshe sems can khams rnams ni/ /rang bzhin gyis ni gso dka'i phyir/ /rang gi las ni sbyong don du/ /btang snyoms chen po mdzad pa yin/ /de</font><hr>92.224a<br><font size=+1>

nas bcom ldan rdo rje can/ /sems dpa' chen po bde ba che/ /byang chub chen por thugs brtan pas/ /skad cig gis ni yang dag bskul/ /sems can la phan bsod nams can/ /byang chub sems ni brtan pa dag /sems can khams ni rgyud 'gyur bas/ /shin tu btang snyoms ma mdzad cig /de nas sangs rgyas kyis gsungs pa/ /sku gsung thugs kyi rdo rje can/ /thugs rje'i bdag nyid can gyi thabs/ /byang chub sems mchog khyod smros shig /de nas ston pa rdo rje 'dzin/ /de tshe kun nas byin gyis brlabs/ /bde ba chen po rdo rje che/ /dkyil 'khor chen po dam pa yin/ /khams gsum 'khor ba'i rgya khyon gyis/ /'khor lo chen po gdod nas byung / /de yi khams gsum gnas pa yis/ /sems can thams cad yang dag bsgrubs/ /sangs rgyas kun sogs dngos grub la/ /de tshe dag pa grub par 'gyur/ /de nas sangs rgyas thams cad ni/ /'dus nas gsol ba 'debs mdzad pa/ /de bzhin gshegs pa'i rigs chen po/ /sangs rgyas kun mchog bshad du gsol/ /de ni sangs rgyas thams cad kyi/ /sku gsung thugs la yang dag gnas/ /sku gsung thugs ni rdo rje la/ /yang dag spros te 'di gsungs so/ /o~M b+hU kha~M`/ de nas 'di ni gsungs tsam gyis/ /sangs rgyas thams cad 'dus nas ni/ /bdud bcom la sogs mdzad nas ni/ /byang chub snying por byin gyis brlabs/ /de nas ston pa rdo rje 'dzin/ /dkyil 'khor gyi ni mchog gsungs pa/ /sems can kun la bde don phyir/ /rtog pa kun gyi bde ba che/ /de nas yang dag bshad bya ba/ /dkyil 'khor chen po dam pa ste dkyil 'khor chen po'i phyi rol mchog /rdo rje 'khor lo yang dag bri/ /'khor lo lte bar sangs rgyas nyid/ /'dzum pa'i tshems ni mi snang ba/ /su ra te sa ma ya s+t+wa~M/ o~M sid d+ha mA~M zhes brjod dgod/ /</font><hr>92.224b<br><font size=+1>

mdun du bdud las rnam rgyal bar/ /mdzad pa'i sangs rgyas yang dag bri/ /g.yas su byang chub sems dpa' yi/ /nor chen pos ni dbang bskur ba/ /rgyab tu byang chub sems dpa' dang / /mnyam du chos kyi 'khor lo bskor/ /g.yon du log par rnam dregs pa/ /sdig pa bsdus pa kun 'byin pa'o/ /de nas 'di rnams kyi snying po ni badzra sa twa badzra rad na/ badzra d+harma/ badzra karma/ de nas phyag rgya rnams te sa twa badzrI/ /rata ne badzrI/ pad mi badzrI/ bi shwa badzrI/ mtshams kyi char ni rdo rje dang / /rin chen sdong bu nor bu bri'o/ /mtshams rnams su yang lha mo ste/ /lcags kyu la sogs sgo rnams su'o/ /de bzhin snga ma ci lta bar/ /'khor lo de ni brtag par bya/ /mchod pa'i thal mo snying kar bcings/ /g.yon du de bzhin bskor bar bya/ /me tog dang bcas phyag rgya 'di/ /sangs rgyas kun gyi dam tshig rim/ /me tog bcas te snying kar bcing / /bsam pa g.yos pas gdung bar bya/ /mgon la mgo bos phyag byas la/ /bskor ba lan gsum byas nas ni/ /zhugs nas me tog dor bar bya/ /shin tu gsang ba yang dag dgug /de la de bzhin gshegs pa thams cad mnyes par bya ba dang / dbang du bya ba dang dgug pa dang bsgrub par bya ba'i snying po ni 'di yin te/ o~M a kA ro mu kha~M sarba d+harmA NA~M At+yA nuta pan na twAd/ de nas cho ga ci bzhin du/ /ston la me tog sil ma dor/ /sangs rgyas byang chub rab bsgrub phyir/ /'gro ba'i mgon la de nyid brjod/ /de yis kun nas sangs rgyas ni/ /thams cad 'dus pa nyid du 'gyur/ /thams cad mi dmigs sbyor ba yis/ /dngos grub thams cad stsol bar mdzad/ /dkyil 'khor der zhugs pa la ni/ /dngos grub thams cad 'grub par 'gyur/ /dga' ba la sogs mtshan ma mchog /sna tshogs la ni 'byung bar 'gyur/ /de nas de bzhin cho ga ni/ /rgyas pas slob ma mchog tu bzhug /</font><hr>92.225a<br><font size=+1>

mchod pa'i thal mos 'khor lo che/ /mchod pa byas nas slar byug bya/ /sgrub pa byas nas dngos grub kyang / /cho ga ci bzhin rab bshad bya/ /ras la bcom ldan bdud la sogs/ /rnam par rgyal ba brnyes par bri/ /bsgrub 'di lan gcig tsam gyis ni/ /de 'dra'i sgrub pa 'grub par 'gyur/ /sku gzugs sogs mdun yang dag par/ /ye shes khu tshur yongs bzung la/ /rdo rje'i tshig gis cho ga bzhin/ /bzlas brjod stong phrag brgya bya'o/ /mdor na 'bum ni rdzogs pa na/ /ci 'dod dngos grub thams cad dang / /tshe mchog 'di la sangs rgyas nyid/ /thob 'gyur 'di la the tshom med/ /de nas de bzhin gshegs pa'i phyag rgya chen po'i sgrub pa chen po'i rgyud ni/ phyag rgya gang du gcig bcings nas/ /bdag ni sangs rgyas yin bsgoms na/ /phyag rgya chen po'i dngos grub che/ /brtan pa myur du thob par 'gyur/ /de nas dam tshig sgrub pa'i rgyud ni/ snying kar rdo rje gzugs bzhag ste/ /sa ma ya s+t+wa~M zhes brjod la/ /bzlas brjod 'bum gyis bsgrubs nas ni/ /dngos grub thams cad thob par 'gyur/ /de nas las kyi phyag rgya thams cad sgrub pa'i rgyud ni/ bdud las rgyal ba'i mchog bcings te/ /chos kyi 'khor lo rab tu bskor/ /mtshungs med sems can don byas nas/ /las kyi phyag rgya rtag tu 'grub ces bcom ldan 'das kyis gsungs so/ /de bzhin gshegs pa thams cad kyi dngos grub kyi mchog bsgrub pa'i cho ga rgyas pa'i rgyud do// // de nas ma bsgrubs dngos grub mchog /las rnams rab 'byam dam pa ste/ /sdig pa kun sel sna tshogs pa/ /go rim bzhin du rab bshad bya/ /'di lta ste nad thams cad dang mya ngan dang gnod pa dang gnod byed dang dug dang sbyar ba'i dug dang gshed byed dang / g.yengs byed dang ro langs dang sngags dang sman dang bgegs dang log 'dren dang sdig pa dang rmyi lam</font><hr>92.225b<br><font size=+1>

ngan pa dang dus ma yin par 'chi ba dang rims dang gdon dang mkha' 'gro ma dang nye bar 'tshe ba dang 'go ba'i nad dang nyes pa dang nyon mongs pa dang lus dang ngag dang sems kyi sdug bsngal thams cad rnam par bshig pa la ni de bzhin gshegs pa thams cad kyi sdug bsngal 'phrog par byed pas so/ /tshe dang lang tsho dang gzugs dang kha dog dang gzi byin chen po dang mdangs dang stobs dang spro ba dang brtson 'grus dang dpal dang skal ba bzang po dang bsod nams dang ming dang snyan pa dang grags pa dang dran pa dang blo gros dang brtan pa dang rtog pa dang stobs dang ting nge 'dzin dang phung po dang 'du byed dang sku dang gsung dang thugs 'phel ba la ni/ /de bzhin gshegs pa thams cad kyi bde ba chen pos so/ /de bzhin gshegs pa thams cad kyi sbyin pa dang tshul khrims dang bzod pa dang brtson 'grus dang bsam gtan dang shes rab dang ye shes dang stobs dang thabs dang rdo rje dang bsgrub pa dang gzungs dang sa dang spyod pa dang so so yang dag par rig pa dang sangs rgyas kyi chos ma 'dres pa dang chos dang las dang sna tshogs pa'i bya ba dang sems can gyi don dang sangs rgyas kyi mdzad pa'i don dang sku dang gsung dang thugs dang rdo rje chen po grub pa la ni/ de bzhin gshegs pa thams cad kyi dngos grub thams cad kyis so/ /de bzhin gshegs pa thams cad kyis byang chub tu sems bskyed pa dang / kun tu bzang po'i cho ga spyad pa rdzogs par bya ba dang / sems can thams cad kyi don dang 'pho ba dang skye ba'i sa dang gzhon nu'i rol pa ston pa dang mngon par byung ba dang dka' ba spyod pa ston pa dang byang chub kyi snying por gshegs pa dang bdud thams cad 'dul ba dang / byang chub chen por mngon par byang chub pa dang / chos kyi 'khor lo bskor ba dang / mu stegs thams cad tshar gcod pa dang 'jig rten gsum las rnam par rgyal ba dang lha las babs pa dang / </font><hr>92.226a<br><font size=+1>

'dus pa chen po'i byin gyis brlabs pa dang gdug pa thams cad 'dul ba dang 'dul ba la rab tu bzhugs pa dang / ngan 'gro thams cad las 'don pa dang mdo sde thams cad ston par mdzad pa dang rtog pa thams cad byin gyis brlabs pa dang rtogs pa thams cad stsol ba dang de bzhin gshegs pa thams cad kyi sku dang gsung dang thugs la dmigs pa'i rdzu 'phrul dang cho 'phrul sgrub pa la ni de bzhin gshegs pa thams cad kyi sna tshogs kyi rdo rjes so/ /ci ltar phyag rgya 'di dag gis/ /byang chub sems la mngon brten pa/ /de ltar byang chub spyod stsogs kyis/ /byang chub dam pa thob mi 'gyur/ /don yod bsod nams dam pa yi/ /las kyi rab 'byam sgrub byed pa/ /cho ga ma grub pa rnams grub/ /sangs rgyas chos ni rab ster byed/ /rnam pa kun tu dang ldan pa'i/ /sems can kun la sbyin par bya/ /dkyil 'khor dag tu ma zhugs pa/ /skad cig gis ni sbyor bar byed/ /dpal mchog dang po'i rtog pa'i rgyal po chen po las de bzhin gshegs pa thams cad kyi/ byang chub rdo rje byin gyis brlabs pa'i rdo rje'i rtog pa rgyas pa'o// // de nas sna tshogs las chen po/ /khyab bdag rdo rje 'dzin chen po/ /gdug pa thams cad 'dul ba'i mchog /sems can kun la rjes ston mdzad/ /de bzhin gshegs pa'i rigs bskyed pas/ /gang phyir nyes byas kyis gdug pa'i/ /rang gi rang sems spyod pa yis/ /zhi bas sems can kun gyi don/ /gdul ba rab tu bsgrub mi nus/ /sangs rgyas kun gyis bsgrub bya ba/ /'gro ba 'di dag thams cad yin/ /gang tshe bde gshegs sems can don/ /dam pa mdzad par mi spyod pa/ /de tshe nyid kyi dngos po kun/ /gtso bos rdo rje gsol ba btab/ /sems can thams cad 'dul mdzad pa/ /bcom ldan 'das la gsol ba btab/ /</font><hr>92.226b<br><font size=+1>

ut+tiSh+Tha sa ma ya kro d+ha ni sum b+ha dz+wA la badzra hU~M`/ de nas sngags 'di gsungs tsam gyis/ /phyag na rdo rje rang nyid gtso/ /sku gsung thugs kyi rdo rje las/ /slar byung nas ni mdun na gnas/ /khro chen rgyal po'i sku yis ni/ /sems dpa'i dkyil dkrung gis legs bzhugs/ /'bar ba'i phreng 'od kyis gsal ba/ /sreg pa'i bskal pa gzhan 'dra ba/ /g.yon pa'i rdo rje snyems pa che/ /drag du gsor bas skyod mdzad cing / /'bar ba'i rdo rje cher 'bar ba/ /rnam par 'phro bas sreg pa 'dra/ /'bar ba chen pos gsod pa ni/ /bskal pa'i me yi phung po 'dra/ /dang po'i rdo rje khro gnyer bcas/ /rdo rje mchog 'dzin pas gsungs pa/ de la rdo rje chen po me dang nyi ma ltar 'bar ba zhes bya ba'i snying po 'di yin te hU~M`/ de nas 'di ni gsungs tsam gyis/ /sdig pa kun gyi bud shing zad/ /'jig rten khams kyi 'jig rten gsum/ /thams cad g.yos shing 'gul bar 'gyur/ /lha chen la sogs lha rnams ni/ /g.yo ba med cing rmongs par 'gyur/ /rdo rje 'bar ba 'khrugs pa kun/ /de bzhin 'jig pa lta bur 'gyur/ /nyan thos dang ni rang rgyal rnams/ /mya ngan 'das par nye bar 'gro/ /lha la sogs pa'i srid gsum kun/ /de tshe kun tu rmongs par 'gyur/ /sangs rgyas thams cad 'dus pa yis/ /sangs rgyas byang chub yang bstan mdzad/ /sems dpa' kun gyi thabs chen po/ /dam pa yang ni thugs su chud/ /de nas rdo rje 'bar ba'i mchog /'bar ba'i phreng ba 'khrugs pa'i 'od/ /rdo rje mche ba gtsigs pa'i zhal/ /zhal ras khro dang bcas pa yin/ /g.yon brkyang bas ni legs par bzhugs/ /spyan 'bar 'jigs su rung ba ste/ /dbu skra gyen du brdzes shing g.yo/ /kun nas 'khyil cing 'bar ba che/ /rdo rje gsang ba'i rnal 'byor che/ /mkha' 'gro'i tshogs kyi lus can rnams/ /phyung nas kun tu 'gro ba rnams/ /thams cad du ni 'bar ba</font><hr>92.227a<br><font size=+1>

'khrug /rlung bskyod bskal pa'i me lta bur/ /'bar ba'i phreng ba kun tu 'khrugs/ /'jig rten khams ni ma lus na/ /sangs rgyas thams cad sras bcas pa/ /yang dag bzhugs pa legs bskul te/ /'jig rten thams cad yongs su bskor/ /bkug nas sems can kun don dang / /bstan pa thams cad 'grub pa'i phyir/ /'jig rten gsum bdag de rnams dang / /rgyu dang mi rgyu'i sems med byas/ /de nas rdo rje 'dzin rgyal pos/ /kun mchog sa yi dbang phyug ni/ /de rnams la ni thugs rje yis/ /'chi ba slar gso brtan por gzungs/ /o~M u tiSh+Tha ma hA a d+hi pa ta badzri ni/ shI g+h+ram uta thA pa ya hU~M`/ rgyu ba dang mi rgyu ba thams cad bslang ba'o/ /de nas sa gsum bslang ba na/ /thams cad du ni shi ba gso/ /sangs rgyas dpa' bos btul gyur cing rdo rje can gyis kyang rjes btul/ /de nas rdo rje 'dzin khro bos/ /'bar ba'i rdo rje gsor byed cing / /nga yi dam tshig la gnas zhes/ /sna tshogs pa la bka' rab bsgo/ /de rnams kyis gsol ba/ 'di su zhig lags/ bcom ldan 'das ni zhi ba la/ /gnod sbyin gzugs can gang lags gsungs/ /khyed kyis dam tshig ci 'dra ba/ /zhus pa bden pa'i tshig tu gsungs/ /bcom ldan 'das kyis bka' stsal pa/ /'di ni sangs rgyas rnam grol ba/ /gdod skyes rdo rje gnod sbyin che/ /dkon mchog gsum dang de bzhin du/ /nga la skyabs su 'gro bar gyis/ /'jig rten gsum pos 'di thos nas/ /tshogs bdag tshogs kyi dbang phyug bcas/ /bskal pa'i me dpung lta bu yi/ /'bar ba'i mtshon gyis 'thab par brtsams/ /de rnams kyis smras pa/ bdag cag gis ni sangs rgyas rigs/ /rdo rje gnod sbyin shes ma yin/ /bdag cag 'jig rten gsum po gcig /gnod sbyin bsgo bas ci zhig bya/ /de nas rdo rje 'dzin khros nas/ /khro</font><hr>92.227b<br><font size=+1>

gnyer dpral bar bsdus te gnas/ /de nas khro gnyer thams cad ni/ /rdo rje 'dzin pa'i rjes su spyod/ /g.yon pa snyems pa rgya bcas pas/ /smin ma spyan bsdus pas dgod cing / /nam mkha' khyab pa'i dbyangs kyis ni/ /drag du khros bcas pas smras so/ /de la khams gsum rnam par rgyal ba'i nye ba'i snying po sems can ma lus pa las rgyal ba ni 'di yin te/ hi/ de nas snying po 'di phyung bas/ /nges rgyal bcu gcig bcings pa dang / /dam tshig brtan pa 'dzin du bcug /rdo rje ming gis dbang bskur nas/ /lag na rdo rje 'dzin mchog byas/ /rdo rje ming ni byin nas su/ /'jig rten gsum po'i ting 'dzin bzhag /de nas rdo rje chen po mchog /mgon po yis ni gsol btab pa/ /sems can kun la rjes ston pas/ /rtog pa 'di ni bshad du gsol/ /rdo rje 'dzin pas gsungs pa yi/ /dkyil 'khor chen po'i phyi rol tu/ /'bar ba'i 'khor lo yang dag bri/ /de yi dbus su bzhag bya ba/ /sngon po 'bar ba'i gzugs bzang ba/ /zhal gyi mche ba cung zad gtsigs/ /zhal ni khro dang bcas pas bzhad/ /sems dpa' dkyil dkrung gis legs bzhugs/ /bsnyems bcas shas cher 'bar ba la/ /'od zer 'bar ba'i 'od 'khrug pa'i/ /rdo rje gsol bar mdzad la brtson/ /de yi dngos ni thams cad du/ /rdo rje rnal 'byor ma yi gzugs/ /rdo rje mtshon cha mdung chen dang / /ral gri zhags pa mtshon 'dzin ma/ /mtshams su mda' dang kha T+wA~M` ga /'khor lo ba dan sna tshogs 'dzin/ /rdo rje'i rigs ni sna tshogs pa/ /'bar ba'i 'khor los yongs su bskor/ /dkyil 'khor dgod par bya ba ni/ /thig bdun gyis ni yang dag tu/ /dang po rdo rje phyag rgya bdag /gnyis pa sngags kyi lha mo ste/ /gsum par rdo rje rgyal po ni/ /rdo rje lha mos yang dag bskor/ /rdo rje chen mo sgeg mo che/ /bzhi par glu mkhan ma la sogs/ /rgyal rigs gsol ka bran rnams kyi/ /khro bo rnams</font><hr>92.228a<br><font size=+1>

ni lnga pa la/ /drug par rdo rje pho nya mchog /gnod sbyin srin po king ka ra/ /dbang phyug dam pa drag po stsogs/ /gtum po chen po 'dul bar mdzad/ /phyi yi dkyil 'khor dbyibs rnams su/ /mdor na ming po gsum la sogs/ /lha la sogs pa'i tshogs thams cad/ /legs par bri ba'am bzhag par bya/ /mtshams su lha mor rab bshad pa/ /de rnams kyi ni sgo dbus su'ang / /rdo rje lcags kyu sogs khro bcas/ /dkyil 'khor chen po'i tshul gyis ni/ /go rims dag ni ci bzhin dang / /cho ga rgyas pa ci bzhin bya/ /khros pas rdo rjes gsor ba dang / /khro gnyer 'dzum dang bcas pas 'dud/ /de nas khro zhing slob dpon che/ /rdo rje can mchog rab zhugs la/ /rdo rje hU~M mdzad kyis sdigs mdzub/ /hU~M mdzad rab tu sbyar bar bya/ /snyems dang bcas pas rgyas gdab nyid/ /de bzhin khro bas 'dul ba la/ /rdo rje 'chang chen dgyes pa yis/ /gdug pa nyid la rab tu dgyes/ /de nas me tog blangs nas ni/ /khros pas bdag po che la gtor/ /rdo rje 'bar ba'i lcags kyu ches/ /yang dag par ni dgug par bya/ /o~M ma hA badzra dz+wA la yA na lArka ya hi dzaHsarba badzra ku la pra be sha ya hU~M/ sarba mu dra~M ga nA ban d+ha na trAT/ sarba sa ma ya~M sA d+ha ya phaT/ sarba duSh+TAn da ha pa tsa b+hasmi ku ru ma hA kro d+ha ag ni badzre Na hU~M phaT/ a a a a/ de nas bcom ldan 'das khro bo'i/ /rgyal po brtan pa che byon 'gyur/ /rdo rje rigs la sogs pa kun/ /dngos grub thams cad gsol bar mdzad/ /de nas hU~M la sogs pa'i sgra'i/ /mtshan ma rnams kyang 'byung bar 'gyur/ /gal te slob ma la sogs la/ /snying kar dbab pa phra ba skye/ /de nas rdo rje hU~M mdzad kyi/ /phyag rgyas slob ma gzhug par bya/ /bcug nas dang po'i sems dpa' yi/ /rang gi snying po brjod par bya/ /hU~M hU~M badzra pra ha ra ni phaT/ </font><hr>92.228b<br><font size=+1>

hU~M badzra shU la yA gri Ni tri ti/ ma ta sa hU~M badzra kro She ts+tshin da ha~M/ /o~M badzra a ma la pA she ma Ta/ rdo rje 'gugs pa dang rdo rje mdung dang rdo rje ral gri dang rdo rje zhags pa ste/ rdo rje khro bo'i bsrung ba'o/ /de nas 'di rnams kyi phyag rgya rdo rje don yod pa'i thogs pa med pa/ shin tu grub pa stobs dang pha rol gnon pa rnams sems can mngon par rgyas gdab par nus pa rnams bskul bar bya'o/ /o~M badzra gu h+ya sid d+ha pa ra ma yo gI shwa ri hi/ hU~M badzra tsaN+Da ho kha T+wA~M ga ma hA badzra ka pA la ya ma ku te ru lu ru luN+Di hU~M badzra nA rA ya Ni dzi/ hU~M badzra pa Ta ke dze/ rdo rje khro bo'i mkha' 'gro ma lan cig bzlas te dgod pa 'am bri bar bya'o/ /bcom ldan 'das de kho na nyid kyi snying pos bzhugs su gsol na/ /dngos grub thams cad la don yod pa'i dngos grub 'grub par 'gyur ro/ /de nas dam tshig brjod par bya ste/ sems can mang la bde phyir dang / /bstan pa thams cad 'grub pa'i phyir/ /gdug pa 'dul las bsod nams ni/ /'gyur zhes rdo rje 'dzin gyis gsungs/ /de nas bcom ldan 'das rdo rje hU~M mdzad kyi phyag rgya dang bcas pa'i mdzub mo sbyar bar bya'o/ /de nas bcom ldan 'das gdug pa thams cad dang / bdud thams cad dang / 'jig rten gsum po thams cad yang dag par 'dul ba nyid du byin gyis rlob par mdzad do/ /de nas dbang bskur ba rgyas pa la sogs pa de bzhin du byas la/ rdo rje khro bo'i las bzhi pa la bslab par bya ste/ phyag rgya rnams kyis sems can rnams rgyas gdab pa dang / phyag rgya gzhig pa dang bsad pa dang slar 'tsho bar bya'o/ /gang la phyag rgya sbyar ba ni 'chi bar 'gyur na de ni gdug pa yin par shes par bya'o/ /de nas 'tsho bar byed pa'i phyag rgyas 'tsho bar byas la/ shin tu bsrung ba rab tu sbyar ba byas na shin tu bsrung ba yin pa'i phyir/ /gdug pa rnams slar yang gnod par mi byed do/ /de nas brtsams te slob ma bzang / /rdo rje tshogs ni kun</font><hr>92.229a<br><font size=+1>

gyis kyang / /mi tshugs pa dang mi sod par/ /tshe 'di nyid la 'grub par 'gyur/ /de nas 'dir sgrub bshad bya ste/ /ci bzhin sku ni dge 'dun du/ /rdo rje gsor zhing dang por ni/ /bzles brjod stong phrag brgya bya'o/ /'bum tshang nas ni sems dpa' che/ /rdo rje sems dpa' dang mnyam mchog /rdo rje khro bo rgyal po mchog /rgas dang 'chi ba med par 'gyur/ /gdug pa rnams ni rjes 'dul zhing / /sangs rgyas kun la rab mchod par/ /'jig rten gsum na legs snang zhing / /cis kyang 'jigs pa med par 'gyur/ /de nas de kho na nyid kyi snying po bsgrub pa ni/ 'greng ngam yang na 'dug pa 'am/ /'gro 'am nyal bar byed pa ni/ /ci lta de ltar 'bum bzlas na/ /tshe 'di nyid la 'grub par 'gyur/ /'di yis 'dod pa'i dbang phyug kun/ /'dod pa tsam gyis 'gro 'ong lding / /dngos grub kun gyi dbang phyug grub/ /rga dang 'chi ba med par 'gyur/ /'gro ba rnams kyi mchod pa dang / /rang gi nye du rnams kyis bsten/ /gdug pa thams cad rjes 'dul zhing / /gang la 'jigs pa med par rgyu/ /zhes bcom ldan 'das khro bo'i rgyal po chen pos gsungs so/ /de nas phyag rgya'i dam pa bsgrub pa ni/ ci bzhin dus su phyag rgya bcing / /bdag nyid nges par bsregs nas ni/ /ci srid nyid du khro chen po'i/ /dngos grub thams cad 'grub par 'gyur/ /de nas dam tshig bsgrub pa ni/ /bdag ni thams cad gsad bya zhes/ /brjod cing phyag na rdo rje yis/ /dam tshig phyag rgya bcings nas ni/ /bzlas na rdo rje 'dzin 'grub 'gyur/ /de nas las rnams sgrub pa ni/ /las rnams dam pa bsgrub pa ni/ /rnam pa bzhir ni rab byed cing / /thams cad bde ba'i phyir zos na/ /rdo rje las nyid thob par 'gyur/ /bsgrub pa chen po cho ga rgyas pa'i rgyud do// // de nas dngos grub bsgrub pa ni/ /rdo rje khro mchog rgyal po yi/ /las kyi rgyud</font><hr>92.229b<br><font size=+1>

ni dam pa rnams/ /go rims bzhin du bshad par bya/ /'di lta ste thams cad bsreg pa dang bskrad pa dang gzhig pa dang rengs par bya ba dang gnyid log par bya ba dang rgyas gdab pa dang rmongs pa dang / gzhig pa dang bcing ba dang gzir ba dang dral ba dang brdeg pa dang 'bar ba dang bsgyel ba dang btso ba dang gcad pa dang dgug pa dang phye mar bya ba dang gtor ba dang rnam par gzhom pa dang rims dang dug dang gdon gyis zin du gzhug pa dang smyo bar bya ba dang bsad par bya ba la ni rdo rje hU~M mdzad kyis so/ /thams cad 'dug par bya ba dang nges par bkod pa dang bskyod pa dang gar byed du gzhug pa dang glu len du gzhug pa dang brkyal du gzhug pa dang rtser gzhug pa dang ha ha zhes dgod du gzhug pa dang 'khor ba dang drang ba dang 'od du gzhug pa dang bsgom pa dang nub par bya ba dang dbyung ba dang / 'phang ba dang nye bar 'degs par bya ba dang bskur ba dang nga ro 'don par bya ba dang ngur gzhug pa dang rang nyid brdeg par bya ba dang 'ching bar bya ba dang skra 'bal bar bya ba dang zhe 'gras par bya ba dang gos bshu ba dang khro ba 'bar bar bya ba la ni khro bo'i gdan gyi phyag rgyas so/ /thams cad dgug pa dang gzhug pa dang dbab pa dang pra se na bsgrub pa dang bden par smra bar bya ba dang / sgyu ma ston pa dang lan ston pa dang dus tshigs kyi 'khor lo yongs su bzlog pa dang dus ma yin par shing las me tog dang 'bras bu smin par byed par ston pa dang 'bru thams cad yang dag par ston par bya ba dang rims dang sbyar dug dang gdon dang dug dang mkha' 'gro ma las thar bar bya ba dang g.yul 'gyed pa thams cad las thar bar bya ba dang gzhan gyi dpung gzhom pa dang phyogs dang mtshams dang dkyil 'khor bcing ba dang shin tu bsrung ba dang yongs su skyob par bya ba dang thar bar bya ba dang bslang ba dang dbang du bya ba la ni khro bo chen po sna tshogs grub pas so/ /lha la sogs pa thams cad ltung bar bya ba dang klu gdon</font><hr>92.230a<br><font size=+1>

dang / gnod sbyin rjes su 'brang bar bya ba dang srin po skrag pa dang mkha' 'gro ma la sogs pa'i gdon thams cad btul ba dang bdud kyi dpung thams cad gzhom pa dang ma mo rnams gdul ba dang gdug pa'i tshogs rnam par gtor ba dang gdug pa rnams tshar gcad pa dang 'dum pa dang 'jigs pa med pa yang dag par bskyed pa dang nor bu bzang po dbang du bya ba dang nor sbyin las nor thams cad dbrog pa dang rnam thos sras mnan nas dpal drang ba dang lha'i bu mo gzhon nu ma thams cad dang rtse 'jo bya ba dang brgya byin mnan nas bde sogs ma dbrog pa dang skem byed tshar gcad pa dang tshangs pa ltung bar bya ba dang khyab 'jug gdul ba dang dbang phyug chen po las rnam par rgyal ba dang 'dod pa'i dbang phyug mnan nas dga' ba mo dbrog pa dang rdo rje bsgrub pa dang byang chub chen po bsgrub pa dang de bzhin gshegs pa thams cad mnyes par bya ba dang dgug pa dang gzhug pa dang dam tshig gis bcing ba dang dbang du bya ba sgrub pa la ni rdo rje khro bo chen po rgyal po dam pa'i dngos grub gyis so zhes kyang gsungs so/ /lan cig bzlas pas mchog grub pa/ /thog ma'i rtsa snying bzang lan cig /de yi 'og du khro gnyer gyis/ /bsgrub bya thams cad dgug pa yin/ /dpal mchog dang po'i rtog pa chen po'i rgyal po las rdo rje me dang nyi ma ltar rab tu 'bar ba'i rtog pa'i cho ga rgyas pa'o// // de nas ting 'dzin thams cad ni/ /rnam dag mchog gi chos nyid las/ /spyan ras gzigs dbang chen po ni/ /rdo rje sems dpa'i rtsi chen yin/ /gdug pa thams cad 'dul don du/ /rang rigs rin po che bskyed na/ /sangs rgyas kun gyi khro bo che/ /thabs med pas na thabs yin no/ /'dod chags la sogs kun bsags pas/ /ma dag sems can khams rnams ni/ /de rnams la ni rab spyod par/ /skyes bu mchog ni rnam par mkhyen/ /mchog tu mi 'dul ba nyid kyis/ /sangs rgyas</font><hr>92.230b<br><font size=+1>

kyang ni mnga' mi mdzad/ /'jig rten kun na 'jig rten mchog /rang snying bzang po la snyoms zhugs/ /de la 'di ni de bzhin gshegs pa thams cad kyi ting nge 'dzin gyi rgyal po chos thams cad rang bzhin gyis rnam par dag pa'i chos nyid kyi ye shes kyi rdo rje byin gyis brlab pa zhes bya ba'i ting nge 'dzin te gang la gzigs pas de bzhin gshegs pa thams cad khams gsum pa thams cad kyi dbang phyug thams cad nyid thugs su chud par gyur pa'o/ /snyems pas pad ma g.yon pa ni/ /bzung ste 'dab ma 'byed mdzad pas/ /ci nus pa yi ting 'dzin gyis/ /rang bzhin gyis ni gzigs par mdzad/ /ci ltar pad ma dmar po 'di/ /tshon gyi nyes pas mi gos pa/ /gnas kyi nyes pa sna tshogs pa'i/ /khams gsum pa ni de bzhin dag /'di la gzigs pa la sogs pas/ /rgyal ba rnams ni dbang por gyur/ /de yis rdo rje sems dpa' ni/ /spyan ras gzigs kyi dbang phyug gyur/ /de nas sgom pa'i snying po 'di/ /dag par bsgoms pas bsgom pa na/ /rdo rje 'chang ba chen po ni/ /pad ma chen po 'chang bar 'gyur/ /gser sbyangs ri yi dbang po ni/ /rgyal po che dang mdangs mnyam pa/ /bsnyems pa g.yon pa'i pad mchog gi/ /g.yas pa mchog la rnam par gzigs/ /de nas pad+ma'i 'dab ma la/ /pad+ma chen po mchog 'dzin pa/ /sangs rgyas la sogs 'byung ba yi/ /'khor lo rnams ni 'dul ba'i mchog /'gro ba sna tshogs 'dul mdzad pa/ /bzhugs pa rab tu bri bar bya/ /dkyil 'khor chen po'i tshul gyis ni/ /de la pad+ma dge ba der/ /'gro ba thams cad rnam spyod pa'i/ /tshul gyi 'dul bar mdzad pa na/ /pad ma'i rigs mchog ston pa'i phyir/ /rgyal ba rnaMs kyis gsol ba btab/ /de nas thams cad 'dul mdzad cing / /shin tu dkar ba'i chos 'dzin pa/ /rdo rje chos te rang rgyal po/ /'jig rten dbang pos bka' stsal pa/ /phyi ni dkyil 'khor chen po la/ /pad ma 'dab ma brgyad pa bri/ /de yi dbus su spyan 'dzum pa/ /'jig rten dbang phyug dgod par bya/ /gser sbyangs lta bu'i pad ma ni/ /g.yon bsnyems tshul gyis gzigs mdzad pa/ /rgyal mtshan kun gyis rnam par spras/ /sangs rgyas sku mchog spyi bor bzhugs/ /de yi ngos ni thams cad du/ /sangs rgyas sku ni brgyad po bri/ /rang gi ting 'dzin pad ma che'i/ /ting nge 'dzin la</font><hr>92.231a<br><font size=+1>

rnam par gzigs/ /'jig rten dbang po'i gzugs logs su/ /sangs rgyas la sogs rigs kyi lha/ /zhi ba sred med bu tshangs pa/ /'dod pa'i gzugs ni pad ma can/ /spyi bor 'tsher zhing mgrin 'degs pa/ /rta mgrin lcags kyu bcings nas ni/ /chos kyi tshig gis spyan drang bya/ /de nas pad ma'i snying po ni/ /sarba ta thA ga ta pad ma dza/ hU~M/ badzra pad ma/ he pad ma/ pad ma ba~M ho pad ma ni rA dza/ de nas mtshams rnams su ni hU~M pad me tsaN Te shwa ra hU~M`/ he ma hA bi shwa pad ma tsUr Ne sid+ha hU~M`/ maT hrIHpad ma pad ma hU~M a/ ho pad ma a shwa/ kra ma kra ma hU~M dza/ dkyil 'khor chen po'i tshul gyis ni/ /cho ga rgyas pa byas nas ni/ /pad ma chen po me tog bcas/ /ma yengs yid kyis phyag bya'o/ /dkyil 'khor zhugs nas ting nge 'dzin/ /las byung gzungs 'di brjod par bya/ /o~M bi sho d+ha ya/ ma nu sa ni/ shud d+ha ma hA satwa/ d+hA tu sa ma sa twa/ rA ga dI pany+tsa ye tsi ta me sarba d+ha meSh+th+ya badzri Ni tsi ta me sarba d+ha me sh+ya dzi ni/ gzungs kyi phyag rgya gsan nas ni/ /dgyes pas pad ma 'dzin pa grub/ /de nas mdzub mo lcags kyur bcing / /chos kyi tshig gis legs spyan drang / /o~M sarba ta thA ga ta a ba lo ki shwa ra pad ma hasta/ ya hi shI g+h+ra~M me me badzra mu drA a gri sh+ya sa be sa ma yer ba d+ha bi shi ko mi/ dzaHhU~M ba~M` hoH sho d+ha ya sarba sA d+ha ya ba ma me/ ma hA badzra d+ha ra s+t+wa~M/ de nas 'jig rten mgon po mchog /'jig rten 'dzin pa rang nyid byon/ /'jig rten kun mchog 'grub 'gyur ba'i/ /ting 'dzin cho ga nges par mdzad/ /de nas de bzhin slob ma rnams/ /gzhug pa'i cho ga rgyas pa ni/ /dngos grub thams cad sbyin pa yi/ /ye shes dag ni bslab par bya/ /ting 'dzin snying po 'di yi ni/ /bsgrub pa chen po gdod nas byung / /'jig rten kun gyi dbang phyug nyid/ /go rim bzhin du bshad par bya/ /bud med rnams kyi nang zhugs pa 'am/ /gdug pa rnams kyi nang chud pa'am/ /</font><hr>92.231b<br><font size=+1>

gang yang rung bar 'dug nas ni/ /pad ma chen po yongs su bzung / /dus dang stobs ni ci bzhin du/ /nyin re ci nus bsgrub par bya/ /cho ga 'di yis tshe 'di la/ /myur du mchog ni 'grub par 'gyur/ /'dod chags kun gyi bde myur bar/ /'dod pa tsam gyis 'gro 'ong lding / /'jig rten kun gyi dbang phyug rgyal/ /rga dang 'chi ba med par 'gyur/ /sangs rgyas byang chub sems dpa' nyid/ /phyag na rdo rje nyid dang ni/ /dngos grub kun gyi mtha' yas mchog /tshe 'di nyid la thob par 'gyur/ /de nas phyag rgya bsgrub pa ni/ /phyag rgya bcings te ting 'dzin gnas/ /dngos grub chen po nyid thob bo/ /dam tshig dam tshig mchog gis te/ /las ni las mchog phyag rgyas so/ /bsgrub pa chen po cho ga'i rgyud do// // de nas dngos grub ma grub pa'i/ /ting 'dzin las ni 'dren ma dag /dang por ting 'dzin grub pa ni/ /go rim bzhin du rab bshad bya/ /'di lta ste sgrib pa thams cad dang sdig pa dang rmi lam ngan pa dang ltas ngan pa dang yams dang 'tshe ba dang nad 'go ba dang nyon mongs pa dang dus ma yin par 'chi ba dang 'jigs pa dang skrag pa dang brtsod pa dang 'thab pa dang byis pa'i gdon dang dmu rgod dang nyon mongs pa dang ngal ba dang sdug bsngal ba dang yid mi bde ba dang dbul ba dang rgyas pa dang reg na mi bde ba dang bskal ba ngan pa dang nad med pa ma yin pa dang nor rlag pa rnams la ni pad ma chen po zhi bas so/ /rlung dang mkhris pa dang khrag dang bad kan dang 'dus pa dang ma zhu ba dang rims dang sbyar ba'i dug dang dug dang mdze dang 'brum bu phra mo dang g.yan pa dang rkang shu dang / skran dang chu'i dmu rdzing dang mtshan bar rdol ba dang sha kra dang zad byed dang khrag zad pa dang khu ba zad pa dang / nad thams cad dang gnod pa dang gnod byed dang gdon dang phra men rnams gso ba la ni/ pad ma chen po sman gyi phyag rgya 'dzin pas so/ /thams cad rdo rjer byas pa dang chos dang cho ga dang / /</font><hr>92.232a<br><font size=+1>

gtsug tor dang gtsug phud dang mtshams dang phyogs dang dkyil 'khor dang sa dang nam mkha' dang rdo rje'i gdan dang khang pa chen po dang rdo rje ra ba dang me 'bar ba dang thal ba'i ra ba dang rdo rje dang ri bo don yod pa la sogs pa dang srad bus yongs su bskor ba dang phur bus gdab pa dang zas dang btung ba dang gos dang rgyan dang phyag rgya dang bsrung ba la ni pad ma chen po thams cad bsrung bas so/ /tshe thams cad dang stobs dang kha dog dang gzi brjid dang mdangs dang lang tsho dang brtson 'grus dang spro ba dang nad med pa dang dpal dang skal ba bzang po dang nor dang 'bru dang dbang phyug dang 'byor pa dang dngos grub dang blo dang rnyed pa dang bkra shis pa dang ming dang grags pa dang snyan pa dang ting nge 'dzin dang shes rab dam pa 'grub pa la ni pad ma chen po mchog grub pas so/ /dpal mchog dang po'i rtog pa chen po'i rgyal po las/ chos thams cad sgrib pa med pa'i ye shes kyi rdo rje'i cho ga rgyas pa'o// // de nas rgyal po rdo rje 'dzin/ /thams cad mi 'gyur nam mkha' che/ /thams cad dbang bskur kun gyi don/ /kun dbang rin chen thams cad 'dzin/ /ting nge 'dzin gyis byin gyis brlabs/ /drag po chen po rab sad mdzad/ /chos rnams la ni rnam gzigs pas/ /kun don dbang phyug gdod nas byung / /nyi zla dang ni gza' skar can/ /nam mkha' nyid du gyur pa yin/ /de nas rin chen ting 'dzin ni/ /nges par rdo rje can du brjod/ /de nas nam mkha' rdo rje nyid/ /ljang sngon baiDUr+ya mnyam mdangs/ /rdo rje rin chen bsnams dge ba/ /nam mkha'i snying por yang dag gyur/ /de nas bcom ldan thog ma 'di/ /mdzod spu kun gyi gnas na bzhugs/ /ting 'dzin la ni rnam gzigs pas/ /'jig rten dbang phyug bdag po nyid/ /sangs rgyas thams cad</font><hr>92.232b<br><font size=+1>

sras bcas dang / /de bzhin rdo rje 'dzin pa mchog /rdo rje rin chen de yis ni/ /kun rig kun gyis dbang bskur dang / /bsam pa thams cad rdzogs bya'i phyir/ /kun mchog kun la dbang bskur nas/ /shis pa brjod pa 'di gsungs so/ /o~M sarba badzra sa twa a ti pa ti tra ma a b+hi Shiny+tsa mi b+hur b+hu ba swaH/ de nas bzang pos 'di gsungs shing / /legs par shis brjod dbang bskur bas/ /rdo rje rin chen che de las/ /chos kyi gtso bor byung bar gyur/ /byung nas 'gro ba thams cad ni/ /ci rigs par ni kun dbang bskur/ /rdo rje kun gyis dbang bskur nas/ /slar yang dkyil 'khor tshul gyis bzhugs/ /bde gshegs kun gyis byin brlabs pas/ /rdo rje rin chen bla na med/ /shin tu dbang phyug chen po'i mchog /dngos grub gsol ba'i rtog pa gsungs/ /dkyil 'khor chen po'i phyi rol ni/ /nam mkha'i 'khor lo nam mkha'i mdog /nyi ma zla ba skar ma dang / /gza' rnams kyis ni brgyan pa bri/ /de dbus nam mkha'i snying po ni/ /bdag nyid thams cad dgyes pa gzhag /dag pa'i bai DUr+ya mdog 'dra/ /'od zer 'bar ba sna tshogs 'khrug /g.yon pa rin chen thugs kar stod/ /g.yas pas nor chen rab stsol ba/ /de yi ngos su sems dpa' mchog /bzhi po gzungs bcas dam pa yin/ /dbang bskur ba dang gter nyid dang / /nor bu chen po bla med dang / /'byor pa dpal ni phun sum tshogs/ /rang gi mtshan mas mchod pas ni/ /de la de dag gi snying po 'di yin te/ badzra satwa dzaHbadzra rad na hU~M/ badzra d+harma ba~M`/ badzra kar ma hoH/ de nas gzungs rnams kyi snying po bshad de/ o~M pra ti badzri Ni phaT/ o~M badzra prI ti hi hi/ o~M tsin+tA ma Ni hoH/ o~M badzra ma hA ma he ha~M/ dkyil 'khor chen po'i tshul gyis ni/ /cho ga rgyas pa ci bzhin bya/ /nor bu'i khu tshur gyis bzhugs la/ /mkha' skyes la ni</font><hr>92.233a<br><font size=+1>

mgos phyag bya/ /bzhugs nas nam mkha' mkhas pa yi/ /dam tshig dam pa brjod par bya/ /khyed ni nam mkha' las byung ba'i/ /thams cad kyi ni lnga pa yin/ /o~M i sid d+ha b+hur b+hu ba/ sid d+ha sid d+ha swaH/ sid d+ha ma hA badzra rad na/ ba ba tra Ta tra~M`/ 'di ni bzlas pa tsam gyis ni/ /mkha' snying dngos grub thams cad dang / /phun tshogs kun la shin tu ni/ /'grub 'gyur 'di la the tsom med ces bcom ldan 'das rin chen bla na med pas gsungs so/ /de nas nor bu khu tshur gyi lcags kyus dgug par bya'o/ /o~M b+hU rA ya hA dzI/ b+hu ba pra bi sha hU~M swa/ gr-i h+Na ba~M` ba ba Ta Ta sid d+ha ho tra~M`/ de nas bcom ldan myur du ni/ /byon nas dngos grub thams cad ni/ /'byor pa shin tu g.yo ba la/ /don ni rab tu 'grub par 'gyur/ /de nas slob mas phyag rgya ni/ /me tog bcas pa mchog gis gzhug /bcug nas de nyid mchog snying po/ /bden pa lan cig brjod du gzhug /de nas 'byor pa'i mchog brtag pa/ /dpal gyi phun tshogs mchod pa che/ /'jig rten mchog gi dngos grub rnams/ /bde bar gshegs pa de bzhin thob/ /de nas de phyir bsgrub pa bshad/ /rdo rje rin chen rgyal mchog gis/ /dpag med zlos pas bsgrub bya zhing / /'di yis skyes mchog 'di nyid la/ /'dod chags 'gro dang 'ong bar 'gyur/ /rin chen kun gyi dbang phyug rgyal/ /rga dang 'chi ba med par 'gyur/ /dngos grub kyi dam pa thams cad kyang de bzhin no/ /phyag rgya bsgrub pa ni dga' ba nyid kyis so/ /dam tshig gi phyag rgya bsgrub pa ni dam tshig gi khu tshur gyis so/ /de bzhin du las bsgrub pa ni dngos grub bla na med pa yin no phyag rgya chen po bsgrub pa nyid de'i rgyud do/ / de nas de phyir las rnams kyi/ /rab 'byam rgyu ni dam pa dang / /dngos grub chen po kun grub</font><hr>92.233b<br><font size=+1>

pa/ /go rims ci bzhin rab bshad bya/ /'di lta ste 'byor pa thams cad dgug pa dang gzhug pa dang bcing ba dang dbang du bya ba dang dbrog pa dang bsag pa dang len pa dang 'dren pa dang 'gugs pa dang gtod pa dang gzhig pa dang 'phen pa dang 'degs pa dang 'bebs pa dang rdeg pa dang sbyang ba dang rnyed pa dang nyo ba dang btsong ba dang kun tu 'gyed pa dang nye bar dgod pa dang brtan par bya ba dang rdo rjer bya ba dang 'byor pa thams cad sgrub pa dang 'byor pa thams cad kyi mchog sgrub pa la ni rdo rje rin chen gyi dbang bskur bas so/ /dpal thams cad dgug pa dang gzhug pa dang bcing ba dang dbang du bya ba dang dbrog pa dang bsag pa dang len pa dang 'dren pa dang 'gugs pa dang gtod pa dang gzhig pa dang 'phen pa dang 'degs pa dang 'bebs pa dang rdeg pa dang sbyang ba dang rnyed pa dang nyo ba dang btsong ba dang kun tu 'gyed pa dang nye bar dgod pa dang brtan par bya ba dang rdo rjer bya ba dang 'byor pa thams cad bsgrub pa dang 'byor pa thams cad kyi mchog bsgrub pa la ni rdo rje rin chen dpal gyis so/ /phun sum tshogs pa thams cad dgug pa dang gzhug pa dang bcing ba dang dbang du bya ba dang dbrog pa dang bsag pa dang len pa dang 'dren pa dang 'gugs pa dang gtod pa dang gzhig pa dang 'phen pa dang 'degs pa dang 'bebs pa dang rdeg pa dang sbyang ba dang rnyed pa dang nyo ba dang btsong ba dang kun tu 'gyed pa dang nye bar dgod pa dang brtan par bya ba dang rdo rjer bya ba dang 'byor pa thams cad sgrub pa dang 'byor pa thams cad kyi mchog sgrub pa la ni rdo rje rin chen phun sum tshogs pas so/ /mchod pa thams cad dgug pa dang gzhug pa dang bcing ba dang dbang du bya ba dang dbrog pa dang bsag pa dang len pa dang 'dren pa dang 'gugs pa dang gtod pa dang gzhig pa dang 'phen pa dang / 'degs pa dang 'bebs pa dang rdeg pa dang sbyang ba dang rnyed pa dang</font><hr>92.234a<br><font size=+1>

nyo ba dang btsong ba dang kun tu 'gyed pa dang nye bar dgod pa dang brtan par bya ba dang rdo rjer bya ba dang 'byor pa thams cad bsgrub pa dang 'byor pa thams cad kyi mchog sgrub pa la ni rdo rje rin chen gyi mchod pa sgrub pas so zhes kyang gsungs so/ /sems can thams cad bde don du/ /rdo rje sems dpa' nor che ba/ /rang gi rgyal mchog lan cig bsgrub/ /yi ge tra~M` ni sbyar bar bya/ /dpal mchog dang po'i rtog pa'i rgyal po chen po las/ bsam pa yongs su rdzogs par byed pa rdo rje rin chen gyi rtog pa'i cho ga rgyas pa'o// // de nas rgyal ba rdo rje 'dzin/ /'jig rten gsum po khams gsum pa/ /'jig rten gsum bdag thams cad la/ /'jig rten gsum mchog 'dul mdzad pa/ /cho ga bzhin du bsgoms gyur cing / /sems can don phyir cho gas bzhugs/ /'dod chags zhe sdang gti mug rnams/ /rtag tu rnam par gnas pa yin/ /mi mnyam pa yis sten gyur na/ /dug nyid du ni nye bar 'gro/ /bdud rtsi nyid kyis bsten gyur na/ /bdud rtsi nyid du'ang 'gyur ba yin/ /'dod chags tshangs pa mchog 'byin pa/ /zhe sdang drag po'i ting 'dzin gyis/ /gti mug khyab 'jug brtan mdzad nas/ /'jig rten gsum po byin gyis brlabs/ /'dod chags zhe sdang gti mug rnams/ /rtag tu gnas pas srid gsum gnas/ /chos kyis bsten nas gsum mchog ste/ /chos min bsten pas ngan song gsum/ /'dod chags sbrang rtsir byed par bshad/ /zhe sdang rgyal bar byed par bshad/ /gti mug reg ni sgrub byed ces/ /kun tu gsang ba'i ming yin no/ /nga ni 'jig rten cig pu nyid/ /'jig rten gsum du rab tu bshad/ /nga ni 'dod pa gcig pu nyid/ /tshangs pa drag po g.yung drung yin/ /de nas gsum po 'di yi mchog /sbyang phyir rdo rje sbyang</font><hr>92.234b<br><font size=+1>

'dzin pa/ /gzugs ni gsum po 'di dag nyid/ /bdag nyid kho na byung ba yin/ /gang phyir 'jig rten 'di dag ni/ /rtag tu yang ni 'di skad smra/ /tshangs sogs kyis 'dul yang dag pa'i/ /sangs rgyas byang chub snod ma yin/ /de rnams sbyang phyir bcom ldan 'das/ /rdo rje 'chang chen rang nyid ni/ /gzugs ni gsum po 'di mdzad nas/ /phyis ni sangs rgyas nyid mi 'gyur/ /de nas tshangs pa lha sogs lha/ /'jig rten gsum mchog dbang phyug che/ /dkyil 'khor de ni gsang snying po/ /rang gi rang grub phyir rab phul/ /o~M b+hUr b+hu ba swaH/ zur bzhi pa la sgo bzhi pa/ /sgo srungs bzhis ni rab bsrungs pa/ /kha khyer gyis ni legs bskor ba/ /phyi yi dkyil 'khor bri bar bya/ /de yi nang ma nyid dang ni/ /dkyil 'khor gzhu yi dbyibs can la/ /sbrang rtsir byed dang rgyal byed nyid/ /bsgrub pa thams cad bsgrub pa ni/ /go rims dag ni ci bzhin du/ /legs par bri 'am gzhag par bya/ /pus mo gnyis kyis bzhugs la der/ /rtse gsum dam tshig gis mtshan pas/ /zhugs te dam tshig bcings nas ni/ /yang dag par ni dgug par bya/ /o~M b+hUr b+hu ba swaHswa sti nA ma swA hA/ nyi shu rtsa gcig bzlas pa yis/ /thams cad thams cad kyis bskor ba/ /thams cad grub phyir 'ongs pa la/ /de snyed pa yi gtor ma sbyin/ /slob dpon rab tu zhugs pa yis/ /slob ma thams cad gzhug par bya/ /de nyid gsang ba brjod nas ni/ /dam tshig mchog ni sbyin par bya/ /gal te khyod kyis rtse gsum gcig /snying po snod min la smras sam/ /ci skad smras pa'i chos rnams ni/ /gal te 'dir ni ma spyad dam/ /snying stobs rdul dang mun pa nyid/ /tshangs pa drag po g.yung drung ste/ /ming po gsum po 'di nyid ni/ /nam yang brnyas par mi bya'o/ /gang zhig 'di rnams sgom pa slob/ /yang dang yang du zhugs nas ni/ /</font><hr>92.235a<br><font size=+1>

dkyil 'khor mchod par bya ba dang / /dngos grub thams cad thob par 'gyur/ /rang gi phyag rgya bslabs nas ni/ /de la gar gyi mchod pa dang / /'dod yon dam pa lnga rnams kyis/ /rtag tu dkyil 'khor mchod pa bya/ /'jig rten gsum 'byin pa'i rgyud do// // de nas ston pa rdo rje 'dzin/ /sems can kun rje ston mdzad pa/ /'jig rten gsum phyung don grub tu/ /slar yang sring mo rnams 'byin mdzad/ /kun tu chags dang zhe sdang rmongs/ /brtan par byed pa'i rgyu yin no/ /dga' dang phrag dog bud med ni/ /rab tu grags pa'i dngos grub ster/ /gang zhig 'jig rten kun tu bshad/ /tshogs kun gyis mchod lha mo rnams/ /zhi dang 'jigs ma de bzhin gser/ /grub pa dang ni zhi bar bshad/ /phyi rol sems can phan phyir dang / /rtogs don khong du chud bya'i phyir/ /de rnams kyi ni snying po dang / /dkyil 'khor de bzhin dam tshig bshad/ /hi hU~M shI sh+ya/ dkyil 'khor bzang po sgo bzhi pa/ /srad bu gsum gyis dkyil 'khor bya/ /mtshams kyi thig ni ka ba che/ /bzhi po dag ni rim pa bzhin/ /de yi dbus su dkyil 'khor ni/ /bzhi po dag ni de bzhin bya/ /rang gi snying po bzhi po ni/ /rang gi sgor ni phyogs par gzhag /skal bzang lag na ral gri mtshon/ /sring mo phub can zhi ba mo/ /phag mo lag na gter nyid de/ /grub pa mo ni snyems dang bcas/ /de nas dang po'i dkyil 'khor du/ /kun nas de bzhin zhugs nas ni/ /sring mo rnams kyi rang gi rgyas/ /go rim dag ni ci bzhin du/ /zhugs nas de bzhin cho ga bzhin/ /spos la sogs pas mchod par bya/ /de nyid gsang ba rab bsgrub pas/ /kun nas dgug pa dag tu bya/ /o~M sum b+ha ga ra tiSh+Tha ma ya hi b+h+'ur/ rak+Sha sa mA tiSh+Tha ma ya hi b+h+'ur b+hu ba/ ba ra hA a mir+ya ta ma ya swA hA/ /sid d+hi</font><hr>92.235b<br><font size=+1>

ke sid d+hi sa ma ya hi I ma~M ki mu drA b+hiH hrIHhU~M shrI b+h+yo/ de nas lus ni thams cad kyis/ /de bzhin du ni legs bzhugs la/ /de nas phyag rgya bcings bstan te/ /gsang ba mchog 'di brjod par bya/ /gal te gsang nyid ma bsrungs na/ /gang zhig sems can don zhugs dang / /gang yang dkyil 'khor sgrub byed pa/ /de rnams khyed kyis bsad par 'gyur/ /chos dang ldan la bdud rtsi nyid/ /de rnams khyed kyis bsad par 'gyur/ /chos dang ldan la bdud rtsi nyid/ /chos min pas ni dug pas lhag /ci snyed pa dang dus ci bzhin/ /yul rnams nye bar bsten pa dang / /phyag rgya gar gyi mchod pa yis/ /ci bde bar ni rtag tu mchod/ /sring mo bzhi'i rgyud do// // de nas ston pa rdo rje 'dzin/ /sa yi dbang phyug kun gyi mchog /'dod chags zhe sdang gti mug che/ /sgrub pa dang ni rab sgrub nyid/ /'dod chags sogs dug gzhig phyir dang / /kun nas bdud rtsi nyid bya'i phyir/ /zhe sdang las byung klu yi ni/ /dkyil 'khor dam pa 'byung bar 'gyur/ /de la snying po ni 'di yin te/ /phuH/ zur bzhi pa la sgo bzhi pa/ /srad bu thams cad yang dag bri/ /sgo khyud klu yi gdengs ka mchog /mtshams kyi rtse mchog mjug ma mdud/ /de yi dbus su klu rgyal ni/ /mtha' yas gdengs ka bcas pa ni/ /klu yi rigs ni brgyad po dag /shes rab can gyis kun tu bri/ /de nas khros nas zhugs nas ni/ /klu 'dzin pa yi shugs kyis ni/ /zhugs nas dkyil 'khor de nyid du/ /sbrul gyi gdengs kas dgug par bya/ /o~M hrIHa nI la dza ba be ga pr-i thi b+hin da r-i She shA ya hi phuH/ sarba nA ga ku lA n+yA na ya phuH/ sa ma ya pra be sha ya phuH/ sarbAn sA d+ha ya phuH/ ta tas sarba nA ga pu tra ka phuH/ de ltar byas na legs par bzhugs shing dga' bar 'gyur ro/ /de nas slob dpon gyis dug med par</font><hr>92.236a<br><font size=+1>

bsam par bya'o/ /de nas brtsams te dug thams cad zos kyang bdud rtsir 'gyur ro/ /nor rgyas dang rtse bar byed do/ /dug thams cad sbyar ba dang / /gzhig nus par 'gyur ro/ /de nas mna'i snying po sbyin par bya ste/ /'dod chags zhe sdang gti mug rnams/ /'jig rten na ni 'di gsum dug /gal te bden pa las 'das na/ /de dag gis ni rtag gsod 'gyur/ /khyod kyis glog la brnyas mi bya/ /ser ba bzlog par mi bya zhing / /gal te dngos grub la dga' na/ /ci nas sbrul ni gsad mi bya/ /klu'i dkyil 'khor ro// // de nas ston pa rdo rje 'dzin/ /sdug bsngal thams cad sel ba'i mchog /sems can kun la bde ba'i phyir/ /gdon gyi dkyil 'khor phyung ba yin/ /'dod chags zhe sdang gti mug rnams/ /nyes byas kyis ni dug nyid 'gyur/ /gdon dang rims dang sdig pa dang / /dmyal bar yang ni 'gyur ba yin/ /de nas gdug pa'i snying po ni/ /ha~M/ zur bzhi pa la sgo bzhi pa/ /gdon gyi dkyil 'khor kun tu bri/ /de dbus dang por gdon la sogs/ /cho ga rgyas pa gdon par bya/ /de nas bshad pa bzhin zhugs nas/ /dgod cing myur bar dkyil 'khor du/ /rdo rje 'dzin pa zhugs nas ni/ /khros pas rkang pa g.yon pas mnye/ /de nas gdon dang rims sdig pa/ /dmyal ba thams cad rtag tu ni/ /sdig pa chen po byed pa yang / /rdo rjes rab tu 'jig par 'gyur/ /zhes bcom ldan 'das rdo rje sems dpas gsungs so/ /sdug bsngal thams cad las 'don pa'i rgyud do// // de nas ston pa rdo rje 'dzin/ /kun mchog dbang phyug dam pa yis/ /sems can kun don rab bsgrub phyir/ /dkyil 'khor thams cad gsungs pa yin/ /de la snying po ni 'di yin te/ o~M AHhU~M hrIHtrA~M/ de nas 'di ni gsungs tsam gyis/ /kun mchog dbang phyug dam pa ni/ /gzugs kun gyis ni kun</font><hr>92.236b<br><font size=+1>

mchog gi /dbang phyug dam pa mdzad pa yin/ /gsang ba chen po lnga yis ni/ /gang tshe 'dul bar ma gyur pa/ /de tshe sna tshogs cher mdzad pa/ /'gro ba 'dul ba'i dam pa yin/ /de nas gang phyir dkyil 'khor che/ /dam pa yang dag bshad bya ste/ /kun mchog sna tshogs rnam par rgyal/ /kun mchog dbang phyug dam pa yi/ /dkyil 'khor chen po bris nas ni/ /de yi dbus su cho ga bzhin/ /rdo rje sems dpa' rab bzhag la/ /rdo rje lha mo tshogs kyi 'khor/ /de yi ngos ni thams cad du/ /kun mchog bdag po'i sku rnams so/ /rdo rje mchog bcas mtshan ma ni/ /rang gi rigs kyis bskor ba gzhag /rgyal po rdo rje sred med bu'i/ /gzugs 'dzin 'khor lo bsnams pa bri/ /khyab bdag rdo rje can rdo rje/ /gtum dbang rdo rje mdung bsnams pa/ /rdo rje pad byung pad ma can/ /rdo rje 'dzin pa tshangs gzugs ldan/ /nam mkha'i snying po 'dod pa'i gzugs/ /rdo rje dang bcas me tog mtshon/ /dkyil 'khor gyi ni mtshams rnams su/ /rigs kyi lha mo bri bar bya/ /rdo rje dpal mo dkar mo dang / /rdo rje sgrol ma mkha' rdo rje/ /de nas dkyil 'khor gyi bdag po 'di rnams kyi snying po 'di bshad par bya ste/ /o~M badzra nA rA yan tshin da pra ti ha na badzra tsakra te na ho/ b+ha ga bAn badzra ta thA ga ta/ dzaHhU~M ba~M hoHbadzra d+hA ra ta~M`/ badzra ta thA ga ta hU~M/ badzra kro d+ha ma hA yo gi ni ga Ne shwa ra/ ma hA badzra ku lo gra pa ne ho/ b+ha ga bAn badzra tsaN De shwarA ya/ ha ha ha ha hrIH/ badzra pad+mod b+ha ba ho/ b+ha ga bAn badzra lo ke shwa re/ ma hA pra me si d+h+ya/ o~M b+hur b+hu ba swaH/ swa sti na maHswA hA/ he badzra ku su mA yu d+ha/ sarba kA ma me sA d+ha ya ho/ b+ha ga bAn badzra A kA sha gar+b+ha/ ba ba ta ta tra~M/ badzra A kA sha gar+b+ha a she Sha~M mu trA/ na mo ye na sA d+he na/ b+ha ga ba te pradz+nyA pA ra mi tA yu d+ha/ ts+tshin da badzra Ni tsakre Na te na sa t+ye na pA pa kan/ o~M d+hIHshrI shru ti smr-i ti bi dza ye swA hA/ badzra pa ra mi/ o~M badzra gau ri ma hA bi d+ya tre lokya</font><hr>92.237a<br><font size=+1>

bi dza ye shwa ri badzra kro d+ha ag ni sa ma ye/ badzra d+ha ri na mo te/ tad ya thA/ o~M hi li mi li tA li badzra ka mu ka ye swA hA/ badzra sa ma ya na ma ye na sAd+h+ye na b+ha ga ba ti/ bud+d+ha bo d+hir bud d+ha d+ha ra/ badzra d+harma pra yo ge na te na sa t+ye na sid+ha mA~M/ o~M tA re tud tA re tu re swA hA/ badzra d+ha mo ta/ o~M karma badzri ni sid d+h+ya sid d+h+ya bi shud d+ha sA d+h+ya ba ha/ ga ga nod b+ha be/ yo ge na sid+d+ha mA~M pa ra ma ka re tad+ya thA ga ga na bi shud d+he/ sarba ma pi pra ya pa ri p+'u ra Ni swA hA/ /phyi yi dkyil 'khor gnas rnams su/ /rdo rje 'dzin pa rang phyogs gnas/ /lha dbang dang ni ma mo nyid/ /'jig rten skyong rnams dgod par bya/ /tshogs kyi dbang phyug rdo rje yi/ /rol mo che bcu brdung byed pa/ /phyi yi dkyil 'khor kha khyer dang / /sgo dang mtshams su'ang de 'bri'o/ /sgo rnams kun tu 'jug pa ni/ /rang gi phyag rgya rab tu gzhug /dkyil 'khor dam pa lnga par ni/ /dang po'i sbyor bas 'jug par bya'o/ /de nas dbus su 'dug nas ni/ /dang po lcags kyu che de nyid/ /snying po 'di ni rjod byed cing / /'gugs pa 'di ni brjod par bya/ /o~M ma hA su kha badzra satwa sid+hi hU~M/ /sarba ta thA ga ta na/ sa ma ya A kar Sha ya dza/ badzra ku la d+hi pa~M/ dam ye twa pra be sha ya hU~M`/ sarba lo ke shwa ra~M pra be sh+ya sa ma ya ban d+ha na ba~M/ sa ma ya sarba rad na dI pa~M ma hA ma Ni rA dzA na~M/ ba shi ku ru hoH/ hU~M AHhU~M hrIHtrA~M/ de nas gsang ba chen po yi/ /snying po bzang po 'di brjod pas/ /rdo rje 'chang chen rgyal po ni/ /'khor lo thams cad dang bcas par/ /bkug cing rab tu bcug pa dang / /bden pas bcings te dbang du byas/ /dkyil 'khor rgyal po mchog thams cad/ /dngos grub kun gyis 'grub par 'gyur/ /de nas go rim ci bzhin du/ /dkyil 'khor thams cad sgrub pa dang / /dngos grub de rnams nyid kyang ni/ /thams cad kyang ni bsgrub par bya/ /bde ba thams</font><hr>92.237b<br><font size=+1>

cad mi 'gyur gnas/ /bde ba chen po zhes brjod do/ /rdo rje 'di ni bsgrub la sogs/ /'di ni tshe 'dir 'grub par 'gyur/ /de ltar sna tshogs pa'i don sbyang ba'i don gyi cho ga 'gro ba dpag tu med pa 'dul ba/ mtha' med cing sna tshogs pa mnyam pa med pa'i phul du byung ba de bzhin gshegs pa la sogs pa'i rigs thams cad 'dzin pa'i bde ba'i mchog byed pa rgyal ba thams cad kyi byin gyis brlabs pa srid pa'i bde ba mchog byed pa gsungs pa yin no/ /dpal mchog dang po'i rtog pa'i rgyal po las rtog pa thams cad kyi rgyud phyi ma'i rtsa ba'i rgyud kun gyi mchog dbang phyug dam pa'i dkyil 'khor gyi cho ga rgyas pa rdzogs s+ho//  // de nas gsang ba ras bris kyi cho ga gsungs pa ni/ sangs rgyas kun kyi gsang ba che/ /dam tshig mchog gi bsgrub pa dang / /bde ba chen po'i gzhal yas khang / /dngos grub kun gyis lus byas pa/ /de bzhin gshegs mchog chen po yi/ /rin chen rgyal po sogs kyis brgyan/ /bde ba chen po chags pa yi/ /glu dang rol mo rjes chags pa/ /bla med dga' ba chen po yi/ /mchod pa kun gyis rab tu mchod/ /dga' ba chen po dpal gyi gnas/ /rang gi bzhugs gnas mchog de la/ /rab tu dga' ba'i rgyal po mchog /mi 'gyur mchog ni yang dag bzhugs/ /rdo rje sems dpa' bdag rang nyid/ /rab tu dga' ba mi 'gyur mchog /kun tu bzang po 'khor ba dang / /byang chub sems dpa' de bzhin gshegs/ /dngos grub chen po kun gyi mchog /rdo rje snyems pa bdag po'i bdag /kun mchog chags pa chen po yi/ /dngos grub dbang phyug rjes grub pa/ /glu dang rol mo thog mtha' med/ /mchog ni bcom ldan 'das kyis gsungs/ /hU~M/ de nas 'di ni gsungs tsam gyis/ /rdo rje thams cad 'dzin pa ni/ /gsang ba lnga yi de nyid che/ /phyag rgya'i lha mo byung bar gyur/ /rtag tu chags dang dngos grub che/ /rnam</font><hr>92.238a<br><font size=+1>

rgyal dbang phyug lhag pa'i lha/ /phyag rgya dam pa bzhi pa ste/ /sems dpa' byin gyis brlabs pa'i sku/ /de nas de rnams kyi snying po 'di yin te/ kun mchog so sor rtog pa dang / /dngos grub kun gyi bde ba'i mchog /kun mchog rnam rgyal mthong ba 'am/ /thams cad dbang phyug mchod pa che/ /dngos grub rnams dang phun tshogs dang / /dga' ba dag dang bdag po rnams/ /rdo rje lha mo thog mtha' med/ /rdo rje sems dpa'i sku yi mchog ces bya'o/ /de nas mchog tu gsang ba'i mi rnams ni dga' ba chen po dpal rdo rje don yod dga' ba'i dam tshig gi 'dod pa'i rdo rje ma dang / dga' ba chen po dpal don yod la chags pa'i dam tshig gi rdo rje kI li kI li dang / dga' ba chen po dpal rdo rje don yod la chags pa'i dam tshig rnam par rgyal ba'i rdo rje ma dang / dga' ba chen po dpal rdo rje don yod la chags pa'i dam tshig rdo rje 'dod pa'i dbang phyug ma'o/ /'di rnams gsang ba'i mtshan dag ni/ /mkhas pas gang zhig dad pas brjod/ /de ni phyag rgya thams cad kyi/ /dngos grub kun bdag bdag por 'gyur/ /zhes bcom ldan 'das rdo rje sems dpa' mchog tu gsang bas gsungs pa yin no/ /de nas 'di sgrub bshad bya ba/ /dngos grub shin tu brtag pa ste/ /sdig pa che la dga' ba dang / /sgrub pa gang zhig ma grub kyang / /rdo rje sems dpas gsungs pa bzhin/ /de dag kyang ni myur 'grub 'gyur/ /nyin re 'am ni zla re 'am/ /de bzhin lo ni re re la/ /ci mngon mngon 'dod 'grub par bya/ /ci rnyed pa dang ci bde bas/ /ras la bcom ldan bri bar bya/ /kun bdag dam tshig dbang phyug ste/ /gang zhig bris par gyur na ni/ /mchog tu rtag pa'i thar pa thob/ /bzhad pa dang bcas zla ba'i 'od/ /sna tshogs pad ma'i 'od 'bar ba/ /sangs rgyas kun gyi dbang bskur sogs/ /sna tshogs rgyan dang na bza' ldan/ /sems dpa'i dkyil mo</font><hr>92.238b<br><font size=+1>

dkrung gis bzhugs/ /rdo rje snyems pa'i mchog 'chang ba/ /g.yon pa dril bu mchog snyems pa/ /rdo rje sems dpa' rab tu brtag /de yi logs na bzhugs pa rnams/ /de yi 'od kyi dkyil 'khor brten/ /rab tu dga' dang bde ba'i sku/ /gsang ba chen po dgod par bya/ /dang po pad ma ltar dkar dmar/ /gzhan ni pa la sha ltar dkar/ /gzhani uta pal 'dab ltar sngo/ /rdo rje snyems ma ser po 'dzin/ /dang po dang ni gnyis pa dag /g.yas kyi logs la brten pa ste/ /gsum pa dang ni bzhi pa dag /g.yon gyi logs su bzhugs pa yin/ /rdo rje kI li kI li ma/ /dbus kyi rang lha dgyes par spro/ /de yi logs la rdo rje che'i/ /mda' ni gsor ba la brtson pa/ /snyems pa'i phyag gis yongs 'khyud pa'i/ /chu srin rgyal mtshan sgreng dang bcas/ /de yi logs na bzhad dang bcas/ /mchod pas bdag po la lta ba/ /sangs rgyas rin chen dbang bskur mtshan/ /thams cad spyan gyi phyag rgya gzigs/ /rang la bdag ni thugs btad pa/ /zur du blta zhing bzhugs pa'o/ /ras ris 'di ni mthong ba yis/ /rtag pa'i bsod nams thob par 'gyur/ /mchod pa dang ni brtags pa yis/ /mchog tu dga' ba'i thar pa thob/ /ces bya ba bcom ldan 'das rdo rje sems dpas gsungs so/ /de ltar mchog tu dga' ba rab tu 'dod pa ni/ /mchog tu dga' ba dag pa dam pa'i dngos grub 'grub/ /gsal zhing rnam par rgyal ba yi/ /rgyal ba'i ras ris chen po 'di/ /thams cad gzigs pa rnams mchod pa/ /chen po yis ni dpal 'dir rol/ /'khor lo de ni brtags byas nas/ /mchog tu gsang ba'i dkyil 'khor ni/ /rnam par dben pa'i khang par ram/ /yang na skyed mos tshal sogs su/ /de bzhin gshegs mchog chen po yi/ /ras ris rgyal po sogs kyis brgyan/ /dril</font><hr>92.239a<br><font size=+1>

bu dang bcas yid dga' ba'i/ /bla re phul bas mchog gyur pa'i/ /rdo rje glu yi mchod sogs dang / /glu dang rol mo rnam 'phrul ba/ /me tog spos sogs rab sbyor ba/ /mar me'i sbyor bas yang dag mchod/ /khang pa sum rtsegs dkyil 'khor du/ /mchog gi gsang ba bsgrub par bya/ /yang na bdag nyid kho na mchog /rang gi lhag pa'i lhar bsgom bya/ /de nas 'khor lor ma zhugs kyang / /rang nyid kyis ni rtag zhugs nas/ /rdo rje kun 'chang slob dpon ni/ /dngos grub kun la 'grub par 'gyur/ /rang nyid khrus byas dri zhim bsgos/ /ci snyed rgyan dang gos dang ldan/ /sna tshogs gos kyis yang dag klubs/ /phreng bcas kha ni dri zhim pa/ /rdo rje sems dpa'i sbyor ba yis/ /me tog spos dang dri snod bcas/ /rdo rje glu ni 'di dag gis/ /gar byed grong khyer 'jug par bya/ /de la mchog tu gsang ba'i dpal dam tshig gsum 'jug la mchog tu gsang ba'i glu'i mchod pa mchog tu grub pa 'di yin te/ dngos grub kun gyi bde ba nyams dga' ba'i/ /thar pa'i grong du bcom ldan bde chen 'jug /mchog tu bde ba dam pa'i dngos grub kyis/ /dzaHhU~M ba~M hoHrab tu grub par mdzod/ /rab tu zhugs te g.yon pa yis/ /rdo rje'i mig gis mgon la 'dud/ /g.yon pa snyems pa cung zad bzhad/ /bstod cing mdzes pa'i mig btsums pa/ /de la mchog tu gsang ba dam pa dpal dam tshig gsum gyi phyag 'tshal ba'i me tog gi sil ma dor ba'i mchog tu gsang ba rdo rje glu'i mchod pa mchog tu grub pa 'di yin te/ mchog tu bde ba'i sems ni rol par ldan/ /sgeg pa'i phyag gis bcom ldan 'das la 'dud/ /dzaHhU~M ba~M hoH hi hi hi hi/ /mgon po snyim pa'i me tog bzhes su gsol/ /de nas me tog sil ma dor/ /rdo rje sems</font><hr>92.239b<br><font size=+1>

dpa'i dbang bskur bas/ /rdo rje dril bu'i phyag rgya dang / /ldan pa'i don gsal sbyin par bya/ /de la mchog tu gsang ba dam pa'i dpal dam tshig gsum gyi rdo rje sems dpa'i dbang bskur ba'i mchog tu gsang ba'i rdo rje'i glu'i mchod pa mchog tu grub pa 'di yin te/ /sangs rgyas kun ldan rin chen mchog gis brgyan/ /lha yi cod pan dang bcas khyod la 'dud/ /rdo rje 'chang bdag rin chen dbang bskur bas/ /rdo rje sems dpa' sa ma ya s+t+wa~M ha~M/ /de nyid kyis ni rdo rje gzung / /chos kyi dril bu dkrol bar bya/ /dam tshig gis ni phyag rgya cher/ /byin gyis brlabs nas snying po bzlas/ /rdo rje la sogs thob bzung bas/ /rdo rje sems dpa' gnyis pa 'dra/ /rdo rje thams cad 'dzin rgyal po/ /rdo rje can gyis byin brlabs 'gyur/ /zhes bya ba mchog tu gsang ba dam pa'i dpal dam tshig gsum gyis bdag la byin gyis brlab pa'i sgrub pa gcig pu'i cho ga mchog tu grub pa bcom ldan 'das rdo rje sems dpas gsungs so/ /de nas 'dir bsgrub bshad bya ba/ /dngos grub shin tu rtag pa yang / /gang gis sgrub po dam pa dang / /sdig chen byed pa rnams kyang ni/ /rdo rje sems dpas gsungs pa bzhin/ /ma grub rnams kyang grub par 'gyur/ /lugs ma 'am ni brdungs ma 'am/ /'dus byas pa 'am bris pa 'am/ /dang po'i sems dpa' bzhugs gsol nas/ /de yi mdun du cho ga bzhin/ /rtag tu rdo rje dril 'chang zhing / /dngos grub mchog ni bsgrub par bya/ /thams cad dgug dang mchod pa che/ /bdag byin rlabs sogs bsgrub rnams so/ /de la ji ltar mchog tu gsang ba dam pa'i dpal dam tshig gsum gyi dngos grub thams cad dgug pa'i rgyud ni 'di yin te/ rang lhag lha yi sbyor ba las/ /thams cad dgug pa'i sbyor ba yis/ /yan lag mchog gis rol bcas pas/ /gar bya zhing ni dgug par bya/ /de nas</font><hr>92.240a<br><font size=+1>

de bzhin gshegs pa thams cad kyi mchog gi dngos grub mchog tu gsang ba'i dam tshig gi glu'i mchod pa ni 'di yin te/ dzaHmchog dang po rdo rje 'chang ba rdo rje sems dpa' bde ba rab rtogs rab tu dga' ba khyod bdag sangs rgyas so sor rtogs hU~M mchog rdo rje las ni mchog tu mi 'gyur zad med srid pa rab bsgrub bde dang yid bde dam tshig bdag la deng grub mdzod/ /ba~M mchog bdag gi sku 'dzin rnal 'byor thams cad rnam rgyal bsgreng ba rab mchog dag pa bde bar 'gyur ba'i pad ma'i rgyal po kye/ /hoHrab mchog ni mchog gi dngos grub dam pa thams cad dbang phyug dam par bdag gyur cig /rtag par bdag 'phel nam mkha'i snying po khyod/ /hu lu hu lu'i sgrub pas dbab par mdzod/ /dam tshig chen pos yang dag dgug pa khyod/ /de bzhin gshegs pa kun gyi dam tshig ste/ /rab tu dga' ba mchog bdag po/ /de la mchog tu gsang ba dam pa'i dpal dam tshig gsum gyi dngos grub thams cad kyi mchod pa chen po'i cho ga ci ltar yin/ rang lha'i rnal 'byor ci bzhin du/ /mchod pa kun mchog sku rnams kyi/ /mchod de sngags pas glu rnams kyi/ /rol mo'i rnam 'phrul gyis rjes mchod/ /de nas de bzhin gshegs pa thams cad kyis mchog gi dngos grub kyi mchod pa chen po'i cho ga'i mchog tu gsang ba'i dam tshig gi rdo rje'i glu'i mchod pa ni 'di yin te/ thams cad rjes su chags pa bde ba dam pa'i thugs/ /rdo rje sems dpa' khyod ni rab tu dga' ba yin/ /bde ba chen po gsal mthong bdag la brtan gyur cig /myur du so sor mkhyen nas rab tu 'dod pa bsgrubs/ /de la mchog tu gsang ba dam pa'i dpal/ /dam tshig gsum gyi dngos grub thams cad byin gyis brlabs pa'i sgrub pa chen po ci ltar yin/ rang lha'i sbyor ba ci bzhin du/ /phyag rgya kun gyis</font><hr>92.240b<br><font size=+1>

byin brlabs pa/ /de nyid chen po'i mchog gis ni/ /rang nyid bsgrubs te snying po bzla/ /de nas de bzhin gshegs pa thams cad kyi mchog gi dngos grub byin gyis brlabs pa'i gsang ba chen po dam pa'i dam tshig gi/ rdo rje glu'i mchod pa mchog tu grub pa 'di yin te/ /o~M nam mkha' skye ba mtshan ldan phyir/ /thog ma tha ma med pa'i mchog /sems dpa' rdo rje che rang bzhin/ /rdo rje sems dpa' bdag grub mdzod/ /kun mchog dngos grub chen po ste/ /dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag grub mdzod/ /nyes pa mi mnga' rtag pa khyod/ /'dod chags kyis ni rjes chags pa/ /'dod chags chen po dga' ba che/ /bcom ldan de nyid kyis grub mdzod/ /shin tu dag pa kun gyi mchog /gdod nas grol ba de bzhin gshegs/ /kun du bzang po kun bdag nyid/ /byang chub sems dpar bdag grub mdzod/ /dngos grub chen po kun gyi mchog /dbang phyug chen po lhag pa'i lha/ /grub pa'i rdo rje cher bstod pas/ /rdo rje snyems bdag bdag mdzod cig /dpal mchog dang po'i bcom ldan khyod/ /gang gis don dang glu yis bstod/ /de ni dngos grub kun gyi mchog /dbang phyug chen po nyid grub 'gyur/ /zhes bya ba mchog gi de kho na nyid kyi mchog tu gsang ba'i glu chen po mchog tu grub pa bcom ldan 'das rdo rje 'chang gis gsungs so/ /dngos grub cho ga 'di yis ni/ /rdo rje sems dpa' yang dag rtogs/ /kun mchog dngos grub chen po yi/ /dbang phyug nyid ni rab bsgrub pa'o/ /kun nas 'od zer ston sogs dang / /so sor ston pa'i rmad byung rnams/ /rdo rje'i tshig gis rang lha las/ /ngo mtshar gyur rnams mthong bar 'gyur/ /rtog pa kun gyi sna tshogs che/ /dngos grub dbang phyug bde rnams kyi/ /myur du rang gis byin brlabs pas/ /rdo rje slob dpon gyis thob bo/ /zhes bya ba bcom ldan 'das rdo rje</font><hr>92.241a<br><font size=+1>

sems dpa' mchog gi dang pos gsungs so/ /de la mchog tu gsang ba'i dpal dam tshig gsum gyi lha thams cad kyi bdag la byin gyis brlabs pa'i sgrub pa chen po'i rgyud ci ltar yin/ rang lha rnal 'byor ci bzhin du/ /lha kun bdag nyid sku rnams kyis/ /rang lha'i rnal 'byor bdag nyid kyis/ /rang lhag lha nyid bsgrub par bya/ /de nas mchog tu gsang ba dam pa'i dpal dam tshig gsum gyi kun mchog dngos grub chen po'i dbang phyug chen po nyid la sogs pa'i dngos grub thams cad kyi las kyi tshogs mchog tu mi 'gyur ba dam pa bla na med pa'i dga' ba dang / rab tu dga' ba dang bde ba dang yid bde ba thams cad kyi dngos grub dam pa'i cho ga rgyas pa rjes su grub pa ni 'di yin te/ rang lha'i sbyor ba ci bzhin du/ /rdo rje kun mchog sku rnams kyis/ /glu dang rol mo'i cho ga ni/ /rdo rje nyid kyis rjes chags 'gyur/ /rang lha'i sbyor ba ci bzhin du/ /dbyangs kyi rtsa ba rnam sad pas/ /glu dang rol mo cho ga ni/ /dril bu nyid kyis rjes su brjod/ /rang lha yi sbyor ba ci bzhin du/ /sna tshogs phyag rgya'i bdag po mchog /glu dang rol mo'i cho ga ni/ /dam tshig gis ni rjes bsgrub bya/ /'di yis rtog pa thams cad la/ /rdo rje 'bebs pas rab sad pas/ /rang gi lha yi dam tshig ni/ /thams cad bzhi 'gyur 'grub par 'gyur/ /mchog tu gsang ba dam pa'i dpal/ /dam tshig gsum gyi glu chen po dang / rol mo'i cho ga mchog tu gsang ba mchog tu grub pa bcom ldan 'das rdo rje sems dpas gsungs so/ /de nas rdo rjes gnas ci bzhin/ /ci snyed pa dang ci bde bas/ /me tog spos kyis mchod nas ni/ /khang pa'am skyed mos tshal sogs su/ /bdag nyid ci 'dod rab bsgrubs nas/ /ci snyed rgyan dang gos dang ldan/ /sna tshogs gos kyis yang dag bklubs/ /</font><hr>92.241b<br><font size=+1>

me tog phreng bcas kha dri zhim/ /lugs ma 'am ni bsdungs pa 'am/ /'dus pa 'am ni ri mor bris/ /dang po'i 'khor lo de mdun du/ /cho ga bzhin du bzhugs gsol nas/ /rang lha'i rnal 'byor ci bzhin du/ /rdo rje dril bu rab sad pas/ /thams cad dgug dang mchod pa che/ /bdag byin brlab sogs 'grub par bya/ /sngon du lan cig bsgrub byas nas/ /de nas de rjes ci 'dod par/ /ci 'dod pa dang ci smra ba/ /thams cad bza' zhing thams cad byed/ /langs pa 'am ni 'dug pa 'am/ /rab tu dgod dam smra ba 'am/ /ci bzhin de bzhin de dang der/ /ci 'dod par ni de bzhin bzhag / /gsang ba mchog gi 'khor lo ni/ /me tog sogs kyis mchod nas ni/ /ci bzhin du ni rjes bsgrub bya/ /'dis ni 'dod pa kun dbang phyug /'gro dang 'ong dang 'dod na phur/ /dngos grub kun gyi dbang phyug 'grub/ /rga shi med pa'i gtso bor 'gyur/ /rdo rje sems dpa' grub chen po/ /phyag rgya kun gyi dbang phyug bdag /rdo rje kun 'dzin rgyal po ni/ /rdo rje mtshon cha thams cad 'dzin/ /mi thub pa dang mi sod cing / /thams cad byed cing kun gyi brten/ /sems can kun gyi rgyal po che/ /tshar gcod rjes su gzung bar nus/ /kun mchog rjes su chags pa che/ /'dod pa 'grub pa bde ba'i mchog /kun las rnam rgyal grub 'gyur te/ /kun mchog dbang phyug dam pa yin/ /dngos grub chen po kun gyi mchog /dbang phyug chen po'i go 'phang gnas/ /rgyal po rdo rje kun 'dzin pa/ /sangs rgyas thams cad rab 'grub 'gyur/ /de ltar mchog tu rjes chags dga' ba pad ma'i ra ba che/ /mchog tu gsang ba grub pa'i bla na med pa'i dngos grub stsol/ /mchog gi rgyal mtshan bsgreng bas gang zhig rjes su bsten pa ste/ /mchog gi dngos grub dbang phyug chen po nyid des nyams</font><hr>92.242a<br><font size=+1>

myong ba/ /zhes bya ba bcom ldan 'das rdo rje sems dpas gsungs so/ /dpal mchog dang po las gsang ba chen po dam pa'i dpal dam tshig gsum dang dngos grub thams cad dgug pa dang / mchod pa chen po dang / bdag la byin gyis brlab pa la sogs pa'i cho ga rgyas pa'o// // gsang ba mchog ni dgyes pa dang / /sangs rgyas kun gyi rjes bstan pa/ /rdo rje sems dpa' rang gi gnas/ /thams cad bdag nyid rtag tu bzhugs/ /thog mtha' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje snyems tshul bdag po'i bdag /'di ni rang byung bcom ldan 'das/ /lhag pa'i lha ni gcig pu nyid/ /ces bya ba grub par 'gyur ro/ /de ltar mchog tu rjes chags dga' ba pad ma ra ba che/ /mchog tu gsang ba bla na med pa'i dngos grub stsol/ /mchog gi rgyal mtshan bsgreng ba gang zhig rjes su bsten pa ste/ /mchog gi dngos grub bde ba chen po nyid de nyams myong ba zhes bya ba bcom ldan 'das rdo rje sems dpas gsungs so/ /dpal mchog dang po las/ dga' ba chen po'i dpal rdo rje don yod pa'i dga' ba'i dam tshig rnal 'byor thams cad kyi dbang phyug de bzhin gshegs pa thams cad kyi dpal rang gi dam tshig gi dkyil 'khor mchog tu gsang ba yongs su rdzogs so// // de nas de bzhin gshegs pa thams cad kyi dam tshig chen po'i slob ma'i cho ga rgyas pa rjes su gzung ba bshad par bya'o zhes bya ba bcom ldan 'das rdo rje sems dpas gsungs so/ /de la dang po kho nar re shig de bzhin gshegs pa thams cad kyi mchog tu gsang ba dam pa'i sngags 'di lan gcig brjod pas skyed du bcug ste/ o~M sarba yo ga tsid ta~M u pA da yA</font><hr>92.242b<br><font size=+1>

mi/ 'di brjod pa tsam gyis de bzhin gshegs pa thams cad dang mi 'bral zhing phyir mi ldog pa dang bdud thams cad zil gyis gnon pa'i byang chub sems dpa' sems dpa' chen po/ de bzhin gshegs pa nyid du yang rtogs par bya'o zhes bya ba yang gsungs so/ /byang chub sems ni bla med pa/ /mchog tu bskyed par byas nas ni/ /snying kar rdo rje rab bzhag nas/ /su ra ta sa ma ya s+t+wa~M ho/ snying pos rdo rje ci bde bsgrub/ /'di yis rdo rje bskul ba na/ /'dod pa kun las 'grub par 'gyur/ /de nyid bskul bas myur du ni/ /byang chub sems ni bla med pa/ /kun mchog dngos grub chen po'i phyir/ /rdo rje sems dpa' nyid du 'gyur/ /zhes bya ba'i mchog bcom ldan 'das rdo rje sems dpas gsungs so/ /gar byas spyi bor thal mo sbyar/ /gos kyis gdong ni g.yogs pa rnams/ /ci 'dod dngos grub 'dod pa yis/ /slob ma thams cad gzhug par bya/ /ci 'dod dngos grub sems dpa' yis/ /slob ma me tog 'dor du gzhug /phyag rgya gang la de babs pa'o/ /de de'i lha mo bsgrub par bya/ /de nas gdong g.yogs dgrol byas la/ /rnam pa kun gyi yon blangs nas/ /sangs rgyas rin chen dbang bskur gyis/ /dam tshig gsum ni gsal bar sbyin/ /de la rdo rje chen po'i mna'i chus dbang bskur te/ /'di ltar brjod par bya'o/ /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub ni/ /rdo rje bdud rtsi'i chu 'dis 'grub/ /rdo rje dril bu'i phyag rgya ni/ /gal te dkyil 'khor ma mthong smras/ /skye bo 'dus pa'i nang na gnas/ /dad pa med pas bzhad rgad smod/ /zhes bya bas mna' bsgag go /de la sangs rgyas kyi rin po che'i dbang bskur ba'i cho ga ni 'di yin te/ /rdo rje chu yis dbang bskur nas/ /de bzhin gshegs pa thams cad kyi sku'i mchog dbang bskur ba'i</font><hr>92.243a<br><font size=+1>

gnas su bzhag ste/ /o~M sarba ta thA ga ta ma hA sa ma ya a d+hi pa ti s+t+wa~M a b+hi Shiny+tsA mi ma hA badzra d+ha ra zhes bya ba'i sngags 'dis rdo rje lag tu sbyin par bya'o/ /'di n-i sangs rgyas thams cad nyid/ /rdo rje 'chang gi rdo rje ste/ /rdo rje 'chang gi brtul zhugs che/ /khyod kyis kyang ni rtag tu bcang / /de bzhin gshegs pa thams cad kyi/ /byang chub mchog gi sems chen po/ /yongs su mi spang rtag tu bsgrubs/ /shin tu gsang bde 'di yin te/ o~M badzra kar ma bA d+hi d+hi shrI badzra nA ma sid d+hi sa ma ya s+t+wa~M b+hur b+hu ba swaH/ gang la rdo rje'i ming btags pa de la kye'i sgra dang por sbyar bar bya'o/ /de'i ming de yang ci srid byang chub snying po'i mthar thug pa'i bar gyi de bzhin gshegs pa'i yang ming du 'gyur ro/ /de la mchog tu gsang ba dam pa'i dpal dam tshig gsum sbyin pa ni 'di yin te/ thog mtha' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje bsnyems tshul bdag po'i bdag /zhes bya ba bcom ldan 'das dpal mchog dang po'i skyes bu mchog gi de kho na nyid kyi gsang ba lnga'i de kho na nyid bshad par byas nas rdo rje sbyin par bya'o/ /'di bcom ldan 'das srid pa'i bdag po dam pa kun kyi mchog dbang phyug gi dam pa de bzhin gshegs pa de nyid chos kyi mchog gi bka' yang dag par stsol bar mdzad pa ni/ srid pa rang bzhin nyid kyis dag /rang bzhin gyis ni srid bral byas/ /rang bzhin dag pa'i sems dpa' mchog /srid pa mchog ni mdzad pa yin/ /mchog tu gsang ba'i chos nyid 'bebs pa ni dril bu'o/ /de bzhin gshegs pa thams cad la mchod par bya ba 'am lha bsgrub pa'i tshe dkrol bar bya'o/ /de nas chos thams cad kyi de kho na nyid rab tu sad pa'i phab pa rnams kyis</font><hr>92.243b<br><font size=+1>

sgrib pa thams cad rnam par dag par byed pa yin no/ /rdo rje thams cad 'bebs par byed pa dang rab tu sgrub par byed pa dang / dbang du byed pa dang rab tu dang bar byed pa zhes bya bar sgrub par 'gyur ro/ /de nas srid pa dag pa'i thabs kyi mchog rtog pa thams cad kyi gsang ba chen po dam tshig la rtag tu bsten par bya'o zhes bya'o/ /de la 'di ni deng khyod kyi/ /srid bde shin tu myur bar ni/ /sdug bsngal chen po dag bya'i phyir/ /shin tu bde ba dam pa'i thabs/ /dam tshig 'di ni rtag tu bskyed/ /'dod pa'i longs spyod thams cad la/ /ci 'dod par ni brten bzhin du/ /rang gi lha yi sbyor ba yis/ /bdag dang gzhan la mchod par bya/ /de bzhin gshegs pa thams cad kyi bla na med pa'i mchog tu gsang ba'i theg pa chen po'i yang chen po dam tshig gi sbyor ba ni bcom ldan 'das kyi dam tshig go /'di ltar de bzhin gshegs pa kun gyis kyang / /'da' ba ru ni mi mdzad pas/ /phyag rgya dam tshig ces ni bsgrags/ /yid kyi sku ni brtan phyir ro zhes bya ba mchog tu gsang ba bcom ldan 'das rdo rje sems dpas gsungs so/ /de la 'di brjod par bya ste/ ci srid 'khor ba'i gnas su ni/ /mkhas mchog 'dug par gyur pa'i tshe/ /ci srid mtshungs med sems can don/ /mya ngan mi 'da' byed par nus/ /gsang ba dam pa dam tshig thabs/ /bsod nams byin gyis brlabs bsgrubs pa/ /rtag tu dngos grub kun dbang phyug /sems can don ni byed pa yin/ /dam tshig 'dis ni mchog sgrub cing / /ci bde bar ni sgrub byed pa/ /nyes pa spyad kyang sdig kun gyis/ /rnam pa kun tu gnod mi 'gyur/ /'dod pa chen po grub par 'gyur/ /kun bdag dam tshig dbang phyug dang / /thams cad rdo rje 'dzin rgyal po/ /kun mchog dbang phyug dam pa'o/ /las kyi tshogs kyi dngos grub kyis/ /ma lus</font><hr>92.244a<br><font size=+1>

bsgrubs pas 'grub par 'gyur/ /bdag gzhan thams cad rgyas btab pas/ /yang na bsgrub bya kun la yang / /don yod mchog tu grub pa dang / /rnal 'byor thams cad rjes bsgrub byed/ /dpal ldan sdug bsngal kun 'phrog byed/ /dam tshig 'da' bar dka' ba'o zhes bya ba mchog tu gsang ba bcom ldan 'das rdo rje sems dpas gsungs so/ /rdo rje la sogs thob 'dzin pas/ /dngos grub kun gyi bde ba kun/ /phab pas rdo rje slob ma yis/ /dkyil 'khor du ni nyams su myong / /de nas thams cad gzengs stod pas/ /sangs rgyas kun gyi bdag nyid dngos/ /rdo rje'i ming gis dbang bskur bas/ /de bzhin gshegs ni lung bstan bya/ /de la de bzhin gshegs pa thams cad kyi lung bstan pa'i rdo rje sems dpa'i cho ga 'di yin te/ sangs rgyas kun gyi phyag rgya che/ /gzengs stod pa'i gang lung bstan/ /de ni sangs rgyas thams cad nyid/ /rdo rje ming gis dbang bskur ba'o/ /o~M 'di ni ngas khyod lung bstan te/ /rdo rje sems dpa' de bzhin gshegs/ /srid pa shin tu grub pa'i phyir/ /srid pa'i ngan 'gro las khyod ston/ /he badzra na maHta thA ga ta sid d+ha sa ma ya s+t+wa~M b+h+'ur b+hu ba swaH/ gang la gzengs stod pa 'di dang phyag rgya chen por lung bstan pa mchog tu gsang ba'i cho gas byas pa de la rdo rje sems dpa' la sogs pa'i de bzhin gshegs pa thams cad dang rdo rje 'chang dang bcas pa'i byang chub sems dpa'i dkyil 'khor dang bcas pa de bzhin gshegs pa thams cad kyi rang gi dam tshig gi slob dpon rnams dang mgrin gcig tu bla na med pa yang dag par rdzogs pa'i byang chub tu lung bstan par mdzad do/ /'di lta ste gzengs bstod pa 'di nyid kyi phyag rgya chen po dang mchog tu gsang ba dam pa'i</font><hr>92.244b<br><font size=+1>

dngos grub gyis byin gyis brlabs pa 'di dang sngags kyi stobs la dad pa bya'o/ /de nas ci lta ba bzhin du zhugs pa rnams la/ de bzhin gshegs pa thams cad 'dus pa la sogs pa'i dbugs dbyung ba sbyin par bya'o/ /de bzhin gshegs pa thams cad rdo rje 'chang dang bcas pa ci snyed pa byang chub sems dpa'i dkyil 'khor dang bcas pa gang yin pa de dag thams cad rang gi dam tshig la rjes su chags pas 'dir dgug pa dang rab tu gzhug pa dang dbang du bya ba dang bsgrub pa dang rjes su bsgrub pa rnams kyi rdo rje'i dbyings thams cad brtan par gyur pa nyid kyis/ 'di brtan par 'gyur ba chos kyi dbyings thams cad kun tu khyab pa nyid kyis kun tu zhugs pa/ nam mkha'i khams thams cad kyi rgya che ba nyid kyis 'dir rab tu bzhugs shing / legs par rab tu bzhugs pa gang yin pa de dang de dag de bzhin gshegs pa thams cad kyi rang gi dam tshig la rag las pa'i de bzhin gshegs pa nyid la lhag par dmigs nas/ de bzhin gshegs pa thams cad kyi rang gi dam tshig gi slob dpon de bzhin gshegs pa thams cad 'di yin no zhes bya bas byin gyis brlabs nas/ de bzhin gshegs pa thams cad kyis rang gi dam tshig gi slob dpon gyis dam tshig gi mgrin gcig tu khyed rnams la dbugs dbyung ba mdzad pa yin te dad par bya'o/ /de bzhin gshegs pa thams cad kyi mchog tu gsang ba'i dbugs dbyung ba 'di yin te/ gsang ba'i dkyil 'khor dam pa ni/ /mthong ba dang ni zhugs pas kyang / /sdig pa kun las nges grol zhing / /khyed rnams der nyid legs par gnas/ /bde chen theg pa 'di las ni/ /slar 'chi ba ni yod min te/ /mi tshugs pa dang mi sod pas/ /cis kyang mi 'jigs rol par gyis/ /srid pa'i sdug bsngal ldog</font><hr>92.245a<br><font size=+1>

pa ni/ /srid pa shin tu grub pa'i phyir/ /ston pa mchog tu gyur pa khyod/ /srid pa shin tu grub pa yin/ /dam tshig sdom pa grub pa 'di/ /khyod kyis rtag tu bsrung bar bya/ /sangs rgyas kun gyis mthun par gsungs/ /dam pa rtag pa'i bka' yin no/ /gang zhig skyed pa tsam gyis ni/ /sangs rgyas nyid du dogs med pa'i/ /byang chub sems ni gtang mi bya/ /phyag rgya rdo rje gang yin pa/ /dam pa'i chos ni mi smod cing / /nam yang btang bar mi bya'o/ /mi shes pa 'am rmongs pa yis/ /des ni rmad par mi bya'o/ /rang gi bdag nyid yongs spangs nas/ /dka' thub rnams kyis gdung mi bya/ /ci bde bar ni bde bar gzung / /'di ni ma byon rdzogs sangs rgyas/ /rdo rje dril bu phyag rgya rnams/ /nam yang yongs su spang mi bya/ /slob dpon smad par mi bya ste/ /'di ni sangs rgyas kun dang 'dra/ /sangs rgyas kun mtshungs bla ma yis/ /slob dpon la ni gang smad pa/ /de ni sangs rgyas kun smad pas/ /rtag tu sdug bsngal thob 'gyur te/ /rims dang dug dang sbyar dug dang / /mkha' 'gro rnams kyis gtses pa dang / /gdon dang log 'dren gtum po yis/ /bsad nas sems can dmyal bar ltung / /de bas 'bad pa thams cad kyis/ /rdo rje slob dpon blo gros che/ /dge ba rab tu mi spyoms pa/ /nam yang smad par mi bya'o/ /bla ma la ni gus bcas yon/ /rjes mthun khyod kyis sbyin par bya/ /des ni rims sogs gnod pa rnams/ /phyir zhing 'byung bar mi 'gyur ro/ /rang gi dam tshig slob dpon ni/ /sbyin min bu dang chung ma dang / /rang srog gis rtag bsten byas na/ /longs spyod g.yo ba smos ci dgos/ /gang gis bskal pa bye bar ni/ /grangs med par ni rnyed dka' ba'i/ /sangs rgyas nyid kyang brtson ldan la/ /tshe 'di nyid la ster bar byed/ /rtag tu rang gi dam tshig bsrung / /rtag tu</font><hr>92.245b<br><font size=+1>

de bzhin gshegs pa mchod/ /rtag tu bla ma la yang dbul/ /'di ni sangs rgyas kun dang 'dra/ /de byin sangs rgyas thams cad la/ /rtag tu sbyin pa nyid du 'gyur/ /de byin bsod nams tshogs yin te/ /tshogs las dngos grub mchog tu 'gyur/ /de phyir 'di ni legs gnas pas/ /deng khyod skye ba 'bras bur bcas/ /rang byung dam tshig lha dang mnyam/ /deng khyod gyur bar the tsom med/ /sangs rgyas rdo rje 'dzin bcas pas/ /kun gyi deng khyod dbang bskur bas/ /khams gsum gyi ni rgyal po che/ /rgyal po'i bdag por bstan pa yin/ /de ni bdud las rnam rgyal te/ /grong khyer mchog tu rab tu zhugs/ /khyed rnams kyis ni sangs rgyas nyid/ /de 'dir thob par the tsom med/ /ces bya ba de bzhin gshegs pa thams cad dang rdo rje 'chang dang / byang chub sems dpa' chen po'i 'khor gyi dkyil 'khor dang bcas pa'i bcom ldan 'das rdo rje sems dpa' mchog tu bden pas gsungs so/ /de nas de bzhin gshegs pa thams cad kyi mchog tu gsang ba de bzhin gshegs pa thams cad kyi dpal rang gi dam tshig gi slob dpon dang / slob ma'i tshogs rnams kyis dbugs dbyung ba ni 'di yin te/ phyir mi ldog pa'i phyag rgya yis/ /byang chub sems dang lhan cig bskyed/ /sangs rgyas nyid kyang rtogs bya ste zhes bya'o/ /de'i rgyu gang yin zhe na/ gang phyir khyed rnams kyi bdag nyid thams cad de bzhin gshegs pa thams cad kyi byang chub kyi sems chen po bskyed pa tsam gyi mthu nyid kyis phyir mi ldog par 'gyur ba yin no/ /phyir mi ldog pa nyid kyi phyir nges pa'i phung po la rnam par gnas pas/ bla na med pa yang dag par rdzogs pa'i byang chub tu nges pa nyid/ bla na med pa yang dag par rdzogs pa'i byang chub tu mngon par sangs rgyas par rjes su rtogs par bya'o/ /zhes bya'o/ /de nas thams cad kyi dpal dam tshig gi slob dpon</font><hr>92.246a<br><font size=+1>

gyi mchog tu gsang ba'i dbugs dbyung ba 'di yin te/ rdo rje sems dpa'i bdag sbyor ba/ /rnal 'byor kun dang rjes sbyor ldan/ /sangs rgyas nyid du rtogs bya ste/ /mkhas pas mchog tu brtag pa'o/ /zhes bya'o/ /de'i rgyu gang yin zhe na/ /gang gi phyir khyed rnams kyi bdag nyid thams cad 'di de bzhin gshegs pa thams cad kyi rang gi dam tshig yongs su bzung ba gdon mi za ba nyid kyi phyir/ de bzhin gshegs pa bla na med pa yang dag par rdzogs pa'i byang chub tu mngon par sangs rgyas pa nyid du rtogs par bya'o/ /de bzhin gshegs pa thams cad kyi dpal rang gi dam tshig gi rjes su sgrub pas mchog gi dngos grub rnams de bzhin gshegs pa thams cad nyid du de dag rtogs par bya'o/ /de'i phyir gnas skabs thams cad du yang ci nus pas sdug bsngal dang yid mi bde ba thams cad kyi skabs mi 'byed pa khyed rnams kyis rang gi bdag nyid thams cad kho na rjes su bsrung zhing gsad par mi bya'o/ /ci snyed pa'i longs spyod dang nye bar spyod pa thams cad kyis de bzhin gshegs pa thams cad kyi mchog tu gsang ba bla na med pa'i theg pa chen po'i dam tshig gi sbyor bas yang dag par mchod la bde bar bzung ba dang yang dag par 'phel bar bya'o/ /bdag nyid la ci lta ba bzhin du mngon par brtson pa de bzhin du gzhan rnams la na tshod skyed pa yin no/ /lta ba log pa dang phyi rol mu stegs pa dang / nyan thos pa thams cad dang rang sangs rgyas kyi sar ltung bas lus 'di shin tu gsang ba yin no/ /ngag ni shin tu mi smra bas so/ /sems ni shin tu 'gog pas so/ /gang gis kyang khyed kyi lus ngag yid kyi rdo rje rnams de bzhin gshegs pa thams cad kyi sku gsung thugs kyi rdo rje dpal rang gi dam tshig gi bla na med pa'i dngos grub mchog tu rtag par 'byung bar 'gyur</font><hr>92.246b<br><font size=+1>

zhes bya ba yang gsungs so/ /'dod pa'i longs spyod thams cad kyis/ /cis kyang mi 'jigs rol bar gyis/ /dam tshig 'di ni 'da' dka' ste/ /sdig pa med kyis ma 'jigs shig /ces bcom ldan 'das rdo rje sems dpas mchog tu bden pas gsungs te/ byang chub sems dpa'i 'khor gyi dkyil 'khor dang bcas pa'i de bzhin gshegs pa thams cad kyi thugs la dgongs pa yin no/ /de ltar yid ni rab dang rdo rje nyid du gyis/ /rang gi dam tshig mi zad bde gter bstan par gyis/ /de ni 'gro la myur bde rdo rje sems dpa' dang / /rab tu mnyam zhing rtag tu nyid du rtogs par gyis/ /de nas ro dang bza' dang spyod pa gar dang glu/ /rol mo'i mchod sogs kyis ni mgon mchod pa/ /rdo rje bla ma chen pos de phul nas/ /rang dang gzhan dag ci 'dod mchod par bya/ /myos byed myos bral btung ba ni/ /ci 'dod par ni bsten pa yis/ /glu dang rol mo'i cho ga sogs/ /ci bzhin rjes 'gro'i bzlas pa bya/ /rang gsang cho gas blangs pa yi/ /glu dang rol mo gar rnams kyis/ /sna tshogs phyag rgya'i mchod pa dang / /rdo rje sems dpa'i rol mo sogs/ /bud med sogs dang ldan pa 'am/ /rang gi slob ma dang bcas pa/ /ci 'dod pa yi longs spyod kyis/ /mchod pa byas pas myur du 'grub/ /zhes bya ba mchog tu gsang ba bcom ldan 'das rdo rje sems dpas gsungs so/ /de la gsang ba'i cho ga'i glu'i khyad par ni 'di yin te/ hU~M bcom ldan 'das mchog gi dang po'i rdo rje sems dpa'i 'o/ a/ de bzhin gshegs pa rnams kyi'o/ /hi dpal 'jig rten gsum las rnam par rgyal ba'i'o/ /o~M pad ma'i snying po'i 'o/ /ha nam mkha'i snying po ste/ byang chub sems dpa' chen po'i rgyal po nam mkha'i snying po yin no/ /zhes bya ba gsungs so/ /rang gsang snying po'i glu dag ni/ /yi ge lnga pos bya ba ste/ /</font><hr>92.247a<br><font size=+1>

rang gsang cho gas blangs pa 'di/ /mchog tu gshegs pa kun gyi yin/ /de nas mchog tu gsang ba rdo rje glu'i mchod pa ni rdo rje dril bu mnyam sogs bcas/ /rnam par dben par rol mo dkrol/ /rang gsang cho gas glu blangs pa/ /gsang ba'i rol mos rab tu bsgrub/ /de nas mchog tu shin tu gsang ba'i rdo rje gar gyi mchod pa ni/ 'dzin pa dang bcas gzung ba che'i/ /gar ni rab tu byas nas kyang / /dkyil 'khor 'dra ba'i gar byas nas/ /yongs su bskor bas rang mchod bya/ /de nas mchog tu gsang ba'i phyag rgya sna tshogs pa'i mchod pa ni/ rdo rje sems dpa' la sogs lha'i/ /rtog pa thams cad rnam 'phrul pa/ /gtam rgyud phyag mtshan phyag rgya yis/ /gang zhig gar de rol mo yin/ /gser ram yang na dngul dang ni/ /de bzhin shing las byas pa yi/ /rang gi lha yi gdong rnams kyis/ /grub pa'i phyag rgyas gar rnams bya/ /dkyil 'khor gang dang gang bsten pa/ /phyag rgya sna tshogs mchod pa yis/ /slob ma'i tshogs ni de dang de/ /bzla zhing thams cad mchog tu gzhug /sna tshogs cho ga 'di yis ni/ /sdig pa kun las rnam grol 'gyur/ /bsod nams kun kyang 'phel 'gyur te/ /rtag tu srung bar gyur pa yin/ /rims dang gdon dang dug dang nad/ /sbyar dug mkha' 'gro'i 'tshe ba dang / /bdud dang gsod par byed pa rnams/ /'dis ni rab tu zhi bar 'gyur/ /dngos grub dag ni phun tshogs 'gyur/ /dga' ba de bzhin bdag po rnams/ /sangs rgyas kun gyi bdag nyid kyi/ /rnal 'byor dam pa thob par 'gyur/ /zhes bya ba shin tu gsang ba'i bcom ldan 'das rdo rje sems dpas gsungs so/ /de nas phyag rgya sna tshogs pa'i mchod pa'i cho ga rgyas pa lhag pa'i lha thams cad re re'i mchog gsang ba 'jug pa'i rdo rje glu'i mchod pa'i cho ga rgyas pa mngon par brjod nas/ rdo rje slob dpon gyis</font><hr>92.247b<br><font size=+1>

byas pa'am de las gzhan ci 'dod pa'i glu dang rol mo rnams kyis rtog pa thams cad kyi sna tshogs pa'i dam tshig chen po'i mchog tu grub pa zhes bya ba ste/ de re shig thog ma kho nar bcom ldan 'das dpal mchog dang po'i rdo rje sems dpa' mchog tu gsang ba'i dam tshig gi 'jug pa'i glu'i mchod pa ni/ thams cad rjes su chags pa bde ba dam pa'i thugs/ /rdo rje sems dpa' khyod ni rab dga' dam tshig ste/ /bde ba chen po brtan zhing mtho ba gsal gyur cig /so sor rtogs nas mngon du phyogs shing myur sgrubs shig /de nas de bzhin gshegs pa thams cad kyi rigs kyi mchog tu gsang ba'i dam tshig gi 'jug pa'i rdo rje glu'i mchod pa ni/ rdo rje sems dpa' bsdus pas na/ /rdo rje rin chen bla na med/ /rdo rje chos ni glu blangs pas/ /rdo rje las ni byed par 'gyur/ /de nas rdo rje rigs thams cad kyi mchog tu gsang ba'i dam tshig gi 'jug pa'i rdo rje glu'i mchod pa ni/ hU~M rdo rje mda' gzhu dang bcas khyod la 'dud/ /rdo rje chags pa'i dam tshig dpal khyod 'dud/ /kha T+wA~M 'jig dus rdo rje khyod la 'dud/ /rdo rje dril bu bskyod pa'i dpal khyod 'dud/ /de nas pad ma'i rigs thams cad kyi mchog tu gsang ba'i dam tshig gi 'jug pa'i rdo rje glu'i mchod pa ni/ la lar skye bo ma rungs pa yid srog 'phrog byed pa shin tu drag po'i sku/ /la lar 'gro ba mtha' yas 'dul phyir shin tu rno ba'i 'khor lo 'dzin pa'i sku/ /la lar pad ma'i gdan gyi shin tu zhi ba'i sku ste 'gyur ba med pa ste/ /la lar shin tu 'bar ba'i 'dod pa'i dam tshig pad ma'i rgyal po bdag bsgrubs shig /de nas nor bu'i rigs thams cad kyi mchog tu gsang ba'i dam tshig gi 'jug pa'i rdo rje'i glu'i mchod pa ni dbang bskur thams cad dbang phyug dam pa las/ /yang dag bsgrubs shing mi zad gter gyi mchog /kun mchog</font><hr>92.248a<br><font size=+1>

rgyal mtshan rnam rgyal bsgreng ba las/ /rdo rje rin chen dpal bdag legs mchod gyur/ /de nas ming po gsum gyi ni b+hUr b+hu ba swaH/ de nas sring mo bzhi rnams kyi/ /hrI hU~M shrI b+h+yoH/ /de nas klu'i rigs thams cad kyi dkyil 'khor gyi ni/ phu phu/ de nas gnod sbyin gyi sde dpon chen po phyag na rdo rje'i sdig pa thams cad kyi dkyil 'khor gyi rdo rje glu'i mchod pa ni/ sarba ma ga maN Da la mi da~M badzra d+ha rA kra ma be mar da bi ki ra b+ha na ud sA da ya/ nA sha ya/ ha na da ha pa tsa b+hasmi ku ru kro d+ha hU~M kA ra man tri na/ de nas thams cad kyi mchog dbang phyug dam pa'i dkyil 'khor chen po'i mchog tu gsang ba'i dam tshig gi rdo rje glu'i mchod pa ni/ la lar dri med zla ba'i dkyil 'khor stong gi 'od kyis sku ni rnam par mdzes/ /la lar 'jig dus nyi ma 'char ka bye ba'i 'od zer tshogs ni 'jigs cher 'bar/ /la lar mdangs dang 'od zer dang ldan bde zhing zhi ba'i rgyal ba'i sku 'dzin pa/ /la lar shin tu mdzes pa'i gzugs 'chang mchog gi mda' dang bcas pa'i gzhu 'dzin pa/ /la lar gdul bya rnam par sbyang phyir brtson pa'i rdo rje sems khyod mkha' bzhin bzhugs/ /ma lus 'dul ba mkhas pa'i bde ba dam pa nyid phyir bdag la grub gyur cig /de nas mchog tu gsang ba'i mchog dam pa'i gsang ba'i mchog dpal dam tshig gsum gyi 'jug pa'i rdo rje glu'i mchod pa mchog tu grub pa ni 'di yin te/ /dngos grub kun gyi bde ba nyams dga' ba'i/ /thar pa'i grong khyer bcom ldan bde chen 'jug /mchog tu bde ba dam pa'i dngos grub kyis/ /dzaHhU~M ba~M hoHrab tu grub par mdzod/ /de nas shin tu mchog tu gsang ba'i cho ga mchog tu gsang ba bla na med pa'i dam pa dpal dam tshig bla na med pa'i mchog tu shin tu gsang ba'i rdo rje glu'i mchod pa mchog tu shin tu grub pa zhes bya ba mngon par brjod nas/ shin tu mchog gi de</font><hr>92.248b<br><font size=+1>

kho na nyid kyi rdo rje glu'i mchod pa'i glu dang gar gyi cho gas ci lta ba bzhin du rjes su bsgrubs nas/ so sor rjes su bsgrubs par bya'o zhes bya ba dang / de bzhin gshegs pa thams cad kyi mchog tu shin tu gsang ba bla na med pa'i rtog pa thams cad kyi sna tshogs pa'i dam tshig chen po'i mchod pa mchog tu shin tu grub pa yin no zhes bya ba yang gsungs so/ /sna tshogs cho ga 'di yis ni/ /rdo rje sems dpa' bsdus pa yin/ /kun mchog sna tshogs chen po yi/ /rnal 'byor dbang phyug rab tu grub/ /zhes bya ba shin tu gsang ba bcom ldan 'das rdo rje sems dpas gsungs so/ /de ltar dpal mchog dang po'i rtog pa'i cho ga rgyas pa gtam rgyud sna tshogs can/ /mchog tu gsang ba'i rol mo bla na med pa'i dngos grub nyams dang ldan pa ste/ /gang gis sna tshogs pa yi rgyal mtshan mthon po dang ldan kun tu rjes bsten pa/ /mchog gi dngos grub bde ba chen po nyid ni de yis yang dag nyams su myong / /don yod mchog tu bsod nams ldan/ /cho ga mchog tu rtag pa ste/ /kun mchog gsang ba chen po ni/ /dngos grub thams cad myur sgrub byed gang zhig grong khyer mchog dgyes par/ /zhugs te sgrub par byed rnams ni/ /shin tu mchog gi 'dod pa yi/ /dngos grub dbang phyug bde des thob/ /gang gis dngos grub ma thob dang / /bsod nams phun tshogs byed pa rnams/ /dkyil 'khor mchog tu rab zhugs na/ /bsgrub po 'dir ni rab grub 'gyur/ /gal te rdo rje sems dpa' mchog /snying po sogs kyis ma grub dang / /nye ba'i snying pos bsgrub byas kyang / /ma grub 'dir zhugs grub par 'gyur/ /dpal mchog dang po'i rtsa rgyud du/ /de bzhin myur du grub pa yin/ /ci ltar dang po'i khyim bzhugs nas/ /rdo rje'i dkyil 'khor grub pa ltar/ /dkyil 'khor</font><hr>92.249a<br><font size=+1>

thams cad grub pa yis/ /de ltar thams cad grub pa min/ /ci ltar mchog tu gsang ba yi/ /khang bzang dam pa mthong ba yis/ /dam tshig rnams la nyams pa dang / /sgrib pa kun gyis bsgribs pa dang / /bdud stsogs gdon gyis reg pa yang / /rtag pa'i thar pa thob par 'gyur/ /dkyil 'khor du ni ma zhugs pa 'am/ /yang na dkyil 'khor ma grub pa/ /slar yang mchog tu rab zhugs na/ /de dag myur du grub par 'gyur/ /grub min yang 'dir cung zad med/ /dngos grub las dang bde de bzhin/ /dngos grub thams cad bzhi 'gyur du/ /rtog pa kun las bsgrub par bya zhes bya ba bcom ldan 'das rdo rje sems dpas gsungs so/ /dpal mchog dang po las de bzhin gshegs pa thams cad kyi dpal dam tshig chen po'i dkyil 'khor gyi cho ga shin tu gsang ba rdzogs so// // de nas de bzhin gshegs pa thams cad kyi 'jig rten gsum gyi dam tshig mchog gi gsang ba'i cho ga'i mchog ni 'di yin te/ sangs rgyas chos dang dge 'dun te/ /dam tshig chen po gsum 'di yin/ /byang chub sems dpa' mchog 'dzin pa'i/ /ras la dkon mchog gsum bri bya/ /go cha dang bcas rdo rje mchog /go cha sogs kyis legs par brgyan/ /rdo rje mtshon cha brjod pa dang / /pad ma rin chen 'chang ba'o/ /'khor lo de ni brtags nas su/ /gsang ba'i dkyil 'khor dam pa'o/ /ci rigs par ni bsgrub byas na/ /sum 'gyur du ni 'grub par 'gyur/ /de bzhin gshegs pa thams cad kyi dam tshig chen po zhes bya ba'i snying po mchog gi dngos grub ma lus pa ster ba 'di yin te/ o~M b+h+'u kha~M/ khyim 'am yang na nags tshal 'am/ /snga ma bzhin du brgyan nas ni/ /mtshon cha mchog gi cho ga yis/ /thams cad byas nas 'di brjod bya/ /de nyid kyis na</font><hr>92.249b<br><font size=+1>

bcom ldan 'das/ /byang chub sems dpa' de bzhin gshegs/ /lta ngan rnams la phan pa'i phyir/ /'di dag mya ngan 'das pa ston/ /ma lus 'dul ba la brtson pas brtan zhing nges pa'i cho ga bgos/ /shin tu srid pa la gnas mchog /go cha la sogs bgos pa yin/ /sangs rgyas chos dang dge 'dun zhes/ /dkon mchog gsum du gyur pa yin/ /srid pa shin tu grub pa yi/ /rnam par dag pa'i dpal mdzad mchog /zhes bya ba ni de bzhin gshegs pa thams cad kyi mchog tu gsang ba'i rdo rje'o/ /de nas mchog tu gsang ba'i chos nyid kyi dril bu ni/ thams cad nam mkha'i mtshan nyid de/ /nam mkha' la yang mtshan nyid med/ /nam mkha' dang mnyam sbyor ba yis/ /kun mchog mnyam pa nyid du gsal zhes bya ba ni shes rab kyi pha rol tu phyin pa'o/ /de nas dam tshig chen po gsum gyi sdom pa zhes bya ba ni/ longs spyod kun la longs spyod pa/ /rang lha bdag nyid kyis bsten na/ /dkon mchog gsum la mchod pa'i mchog /bdag gis bya zhes brjod cing mchod zhes bya ba ni de bzhin gshegs pa'i rnal 'byor bsgrub pa'o/ /thabs kyi cho ga 'di yis ni/ /'dod pa'i yon tan lnga rnams kyang / /bza' min pa yang bza' byas na/ /rtag pa'i dngos grub 'thob par 'gyur/ /zhes bya ba ni de bzhin gshegs pa thams cad kyi mchog tu gsang ba'i dam tshig chen po gsum mo/ /de ltar brjod nas snying po byin la phyag rgya bcing ba slob tu bcug nas ci ltar mngon par 'dod pa bsgrub par bya'o/ /de nas rdor 'dzin slob dpon gyis/ /rdo rje mchod pas mchod nas ni/ /ci 'dod pa yi mchod pa yis/ /slob ma thams cad mchog tu gzhug /longs spyod kun la longs spyod kyang / /dkon mchog gsum po la phul ba/ /'dod pas bdag dang gzhan rnams</font><hr>92.250a<br><font size=+1>

la/ /mchod pa nyid du 'grub par 'gyur/ /dpal mchog dang po las mchog tu gsang ba'i cho ga'o// // de nas rdo rje chen po khro bo'i rgyal po'i mchog tu gsang ba'i cho ga ni ras la bcom ldan bri bya ste/ /rdo rje'i rigs kun bdag po ni/ /rdo rje nyi ma me ltar 'bar/ /cho ga ci bzhin mchog tu'o/ /de yi pad 'dab cig bzhugs pa/ /de yi 'od kyis 'khor lor sten/ /gsang ba'i rdo rje rnal 'byor che'i/ /mkha' 'gro ma rnams logs la bri/ /dang por dmar dang dkar ba dang / /gzhan ni thal ba ltar dkar ba/ /gsum po dkar dang lta ba ste/ /bzhi pa gser ltar dri med pa'o/ /rdo rje gtum po'i dbang phyug grub/ /rdo rje kha T+wA~M bsgreng dang bcas/ /rdo rje 'dod pa me ltar 'bar/ /de yi logs la mtshan ma gtod/ /rdo rje khyab 'jug ma rdo rje'i/ /'khor lo gtod pa de bzhin gzhan/ /rdo rje dril bu ba dan ma/ /de yi logs na g.yon bsnyems ma/ /cung zad mche ba gtsigs pa yis/ /khro dang bcas pas zhal bzhad pa/ /rang bdag la ni thugs gtad cing / /sku ni zur gyi phyogs pa bzhugs/ /de nas 'dir ni snying po ni/ /hU~M/ de nas nye ba'i snying po ni/ /rdo rje dril sogs lhan cig tu/ /rnam dben rol mo brdungs pa yis/ /hi yi glu dang rol mo ni/ /brdung zhing zur bzhi rab tu bsgrub/ /ces bya ba ni 'dir bzlas pa'i cho ga'o/ /'khor lo der ni bstan byas nas/ /gsang ba'i dkyil 'khor dam pa ni/ /mtshon cha mchog gi cho ga yis/ /cho ga thams cad rgyas pa'o/ /de nas de kho na nyid dang chos dang / /dam tshig gi cho ga sbyin pa ni/ /rtag tu chags pa las byung khro/ /rdo rje me yi phung po sku/ /'bar ba'i rdo rje khro bo che/ /rab 'bar ba yi tshogs kyi sku/ /rdo rje 'bar ba'i rnal 'byor che/ /mkha' 'gro ma rnams</font><hr>92.250b<br><font size=+1>

kun tu 'bar zhes bya ba ni rdo rje'o/ /de nas chos ni/ thams cad nam mkha'i mtshan nyid de/ /nam mkha' la yang mtshan nyid med/ /nam mkha' dang mnyam rnal 'byor pas/ /thams cad myur ba nyid du sgrub/ /nam mkha' kun mchog sbyor ba yis/ /thams cad nam mkha' zhes brjod cing / /rdo rje'i phyag rgyas rgyas btab pas/ /'jig rten gsum yang za bar byed/ /ces bya ba ni rdo rje rnal 'byor gyi mkha' 'gro ma'i mchog tu gsang ba'i dam tshig go /cho ga 'di yis thams cad du/ /mnyam par bzhag pas bsgrubs par bya// //kun mchog dngos grub chen po yis/ /las kyi tshogs rnams mi zad pa'o zhes bya ba'o/ /de nas ci lta ba bzhin du de bzhin gshegs pa'i cho gas rang gi phyag rgya rnams kyis gar gyi mchod pa byas nas 'grub par 'gyur ro/ /dpal mchog dang po las rdo rje rnal 'byor gyi cho ga'o// // de nas mchog tu phra ba dang / /shin tu bzang ba'i rdo rje yi/ /grub chen gsang ba'i rnal 'byor gyi/ /mkha' 'gro ma yi 'khor lo bshad/ /grong khyer skyed mos tshal sogs ni/ /ci lta ba bzhin rgyas byas nas/ /rdo rje 'dzin kun slob dpon gyis/ /ci bzhin du ni bsgrubs pa yis/ /yid 'ong bzhi dang lhan cig tu/ /rang gi phyag rgyas me tog gtor/ /ci lta ba bzhin grong khyer 'jug /g.yon pa'i kha ni gyen du gtod/ /rdo rje drag po gzhad chen po/ /sgra sgrogs mchog gi phyag rgya yis/ /'jug ste mgon la phyag 'tshal bya/ /de la phyag ni 'di yin te/ /o~M zhes bya ba brjod byas la/ /shin tu dga' ba'i dbugs rlung gis/ /ru lu ru lu l+la~M drug ldan bar ma'i ru lu ru lu l+la~M ste/ 'di ni rdo rje drag po'i phyag 'tshal ba'i sgra sgrogs pa'i mchod ces bya ba 'dir rdo rje phyag gi phyag rgya ste/ phyag rgya thams cad dang gzhan rmongs</font><hr>92.251a<br><font size=+1>

pa dang thogs pa med pa'i dngos grub thams cad dang las thams cad la dgongs shing mchog tu grub pa zhes bya ba bcom ldan 'das rdo rje sems dpas mchog tu shin tu gsang ba 'di gsungs so/ /de nas yid 'ong dam bcas pas/ /me tog sil ma dor nas ni/ /rdo rje pad ma'i dbang bskur gyis/ /dam tshig gsum ni gsal bar sbyin/ /de la rdo rje sems dpa'i phyag rgya ni 'di yin te/ pad ma'i thod pa las bya ste/ /deng yang rdo rje byin gyis brlabs pas na/ /rdo rje pad ma zhes bya ba'o/ /de nas 'dir phyag rgya bcing ba ni/ sor mo thams cad phan tshun sbyar/ /kun mchog rtse mo dang bcas pa/ /mthe bo rdo rjes bkab pa ni/ /rdo rje pad ma zhes 'grub po/ /rdo rje pad ma'i phyag rgya 'dis/ /rdo rje sems dpa'i dbang bskur ba'i sbyor ba dang / /rdo rje pad ma'i rin po che'i cod pan gyis dbang bskur bar bya'o/ /'dis dbang bskur ba tsam gyis de bzhin gshegs pa rnams kyis shin tu gdug pa dang drag po dang rab tu gtum pa dang ma rungs pa'i sems can thal bar brlag nas thams cad las rnam par rgyal ba khams gsum ma lus pa'i stobs chen po dang ldan pa'i 'khor los sgyur ba'i de bzhin gshegs pa thams cad ces bya bar byin gyis rlob par 'gyur ba dang / mchog tu brtag pa'i bsrung bar yang 'gyur ro zhes mchog tu shin tu gsang ba bcom ldan 'das rdo rje sems dpas gsungs so/ /de nyid kyis ni rdo rje bzung / /chos kyi dril bu dkrol bar bya/ /dam tshig gi ni phyag rgya cher/ /byin gyis brlabs nas snying po bzla/ /rdo rje la sogs thob par gzung / /rdo rje sems dpa' gnyis pa 'dra/ /rdo rje rnal 'byor dbang phyug grub/ /rdo rje can gyis byin brlabs 'gyur/ /bud med rnams kyang 'bebs gyur nas/ /ston pa'i rdo rje phab pa yis/ /rdo rje</font><hr>92.251b<br><font size=+1>

dang bcas phyag mtshan 'dzin/ /rnal 'byor ma rnams rab tu 'gyur/ /de la thog mar re shig rdo rje nyi ma me ltar 'bar ba chen po thal bar rab tu rlog pa zhes bya ba/ de bzhin gshegs pa thams cad kyi rdo rje chen po'i khro bo'i rgyal po'i bdag po mchog dang po yang dag 'bebs par byed pa ste/ de bzhin gshegs pa thams cad kyi thugs rje chen po'i thabs kyis 'khor du 'dzin pa'i khro bo'i me 'bar ba'i rdo rje rdo rje dang bcas pa'i kha T+wA~M ga'i rgyal mtshan dang nges pa sbyor ba ba dan dang bcas pa'i dril bu 'chang ba rdo rje snyems pa'i bdag po shin tu khro ba 'bebs pas sgeg pa dang bcas pa'i smin 'tshams kyi khro gnyer shin tu 'jigs shing 'jigs par byed pa'i spyan ser po dang ldan pa'o/ /de bzhin gshegs pa thams cad kyi rdo rje'i 'jigs pa chen pos 'jigs par byed pa'i spyan gyi lta ba'i phyag rgya 'dis stong phrag brgya bzlas pas 'grub par mdzad do/ /de bzhin gshegs pa thams cad rjes su chags pa dang dgug pa dang gzhug pa dang dbang du bya ba dang 'bebs par nus pa'o/ /thams cad nam mkhar sbyor ba'i ting nge 'dzin dang / lan cig brjod pa tsam gyis khams gsum ma lus pa'i rdo rje bdud rtsi la sogs pa'i bdud thams cad dang / de bzhin gshegs pa thams cad la gdug pa dang drag po dang rab tu gtum pa dang ma rungs pa'i sems can rnams dang / mkha' 'gro ma drag po thams cad dang gang zhig nyan thos dang rang sangs rgyas rnams te/ de dag kyang thal bar rlog par 'gyur na/ dgra bo la sogs pa gzhan rnams lta smos kyang ci dgos/ don yod cing thogs pa med pa dang dngos grub thams cad dang las kyi tshogs rnams la dgongs shing mchog tu grub pa'o/ /de nas bcom ldan 'das thugs rje chen po'i thabs shin du drag po 'di'-i man ngag gi bzlas pa ni/ sna'i dbugs phra ba nyid</font><hr>92.252a<br><font size=+1>

kyis bden pa'i rdo rje tshig gis grub pa'i yid kyi 'dod pa'i las thams cad kyi dngos grub kyi tshogs rnams la dam pa'i mchog tu grub pa'o/ /hU~M de nas mchog tu gsang ba'i rdo rje rnal 'byor gyi dbang phyug ma'i lha chen po rnams kyis bshad par bya ste/ de la thog mar re shig rdo rje chen po 'dod pa'i me 'bar ba zhes bya ba'i lha mo chen mo rdo rje gzhu dang mda' stod pa'i spyan g.yon pa ste/ rdo rje spyan gyi lta ba'i phyag rgya 'dis thams cad sgrub par mdzad pa dang sgeg pa dang bcas shing g.yo ba'i spyan gyi zur gyis gzigs pa'i phyag rgyas btab pa tsam gyis thams cad la rgyas 'debs par mdzad pa dang / don yod pa thogs pa med pa dngos po thams cad las kyi tshogs rnams la dgongs shing mchog tu grub pa'o/ /de nas bcom ldan 'das yum 'di'-i rdo rje phra ma'i g.yon pa'i khro bo'i bzlas pa ni yid kyis 'dod pas dngos grub thams cad dang / las kyi tshogs rnams la mchog tu grub pa'o/ /hrIHgnyis pa ni rdo rje chen po 'dod pa'i me 'bar ba'i dam tshig gi lan zhes bya ba'i lha mo ste/ dbus su rang gi lhag pa'i lha bstod pa'i zhal 'dzum pa'i spyan cung zhig 'dzums shing / dga' ba chen po rdo rje spyan gyi lta ba'i phyag rgya 'dis thams cad sgrub par mdzad pa dang btsum pa na dang / 'khyud pa la sogs pa'i reg pa'i phyag rgyas rgyas btab pa tsam gyis thams cad la rgyas 'debs par mdzad pa dang / phyag rgya thams cad 'joms par mdzad pa dang / thams cad kyis gsod par mdzad pa dang / don yod cing thogs pa med par dngos grub thams cad dang / las kyi tshogs rnams la dgongs shing mchog tu grub pa'o/ /de nas bcom ldan 'das yum 'di'i bya rog gi mgrin pa'i dbyangs kyis rdo rje ngag gi khro bo'i bzlas pa ni yid kyi 'dod pas dngos grub thams cad dang / las kyi tshogs rnams la mchog tu grub pa'o/ /hU~M/ gsum pa ni rdo rje chen po'i 'dod pa'i</font><hr>92.252b<br><font size=+1>

me 'bar ba thal bar rlog pa zhes bya ba'i lha mo chen mo ste/ bcom ldan 'das kyi rdo rje chen po dang kha T+wA~M ga'i rgyal mtshan 'chang ba sgeg pa dang bcas pa'i bzhad pas smin mtshams kyi khro gnyer gyi khro bo'i spyan te/ rdo rje chen po'i khro bo ki+A li ki+A la khro bo'i spyan gyi lta ba'i phyag rgya 'dis thams cad sgrub par mdzad pa'o/ /badzra zhes bya ba dang / ru lu ru lu ru lu h+ni zhes bya ba tsam gyis bdud thams cad 'joms pa dang / don yod cing thogs pa med pa dngos grub thams cad dang / las kyi tshogs rnams la dgongs shing mchog tu grub pa'o/ /hi/ bzhi pa ni rdo rje chen po 'dod pa'i me 'bar ba thal bar rlog pa 'chi ba slong ba zhes bya ba g.yon snyems pa g.yas pas rang gi spyi bor rdo rje dril bu bskyod par mdzad pa sgeg pa dang bcas pa'i spyan shin tu gdangs pa ste/ rdo rje rgyal po drin gyi spyan gyi lta ba'i phyag rgyas thams cad sgrub par mdzad pa/ thal lcag la sogs dang gzhad gad dang rdeg pa dang phyag rgyas rgyas btab pas 'chi ba thams cad slong bar mdzad pa/ don yod cing thogs pa med pa dngos grub thams cad dang / las kyi tshogs la dgongs shing mchog tu grub pa'o/ /de nas bcom ldan 'das yum 'di'-i dril bu'i dbyangs kyi rdo rje khro bo'i bzlas pa ni yid kyi 'dod pas dngos grub thams cad dang las kyi tshogs thams cad la mchog tu grub pa'o/ /Sh+Ta/ de la sogs pa mtha' yas mchog /chos dbyings mnyam dang mi mnyam pa/ /nam mkha'i khams ltar grangs med cing / /rdo rje nyi ma las byung ba/ /nam mkha' kun gyi gnas skabs kyi/ /dkyil 'khor 'di la rab zhugs pa/ /rdo rje mchog gi rnal 'byor gyi/ /dbang phyug ma lus kun nas 'bebs/ /de nas rdo rje rnal 'byor pa ston pa des rnal 'byor pa rang gi logs dag tu 'god pa yin te/ zla tshes dkyil 'khor rnam pa yis/ /dkyil 'khor du ni dgod par</font><hr>92.253a<br><font size=+1>

bya/ /bkod nas thams cad kun mchog gi /dngos grub dam pa bsgrub par bya/ /thams cad dgug dang mchod pa che/ /bdag byin brlab sogs grub pa yis/ /shin tu gsang ba'i dkyil 'khor de/ /brtag pa dang ni bsgrubs nas kyang / /rdo rje 'dzin kun slob dpon gyis/ /rdo rje slob ma rnams gzhug bya/ /de la re shig thog ma kho nar slob dpon gyis bcug ste tshogs kyi dkyil 'khor du dam tshig gsum gyi byin gyi brlobs kyis rdo rje rnal 'byor ma rnams logs dag tu gzhag nas/ skyes pa rnams kyang gzhug cing byang chub kyi sems kyis rdo rje chen po'i khro bo'i dam tshig dang dam tshig sdom pa dag len du gzhug par bya'o/ /khye'u dang bu mo rnams rab tu gzhag la tshogs dang bcas pa'i rang nyid kyis zhugs te/ bsrung ba dang skyab pa dang sba ba thams cad bya'o/ /de nas 'dir slob ma gzhug pa'i cho ga rgyas pa ni/ byang chub sems ni bla med pa/ /mchog tu bskyed par byas nas ni/ /gar byas spyi bor thal sbyar mchod/ /slob ma thams cad gzhug par bya/ /ci 'dod pa yi dngos grub bskyed/ /slob ma me tog dor du gzhug /rnal 'byor ma ni gang la babs/ /de dang de yi lha mo 'grub/ /de nas gdong g.yogs bkrol nas ni/ /rnam pa kun tu yon blangs nas/ /rdo rje pad ma'i dbang bskur gyis/ /dam tshig gsum ni gsal bar sbyin/ /'dir mna' bsgag pa dang dbang bskur ba ni de nyid do/ /de la 'dir dam tshig gsum sbyin pa ni 'di yin te/ mi byed pa dang so sor rtogs/ /gdug pa thams cad gnon pa dang / /sangs rgyas kun dngos rdo rje ste/ /byang chub sems ni che zhing brtan/ /mtshon cha de ni rgyal kun kyis/ /kun tu bzang po'i lag tu sbyin/ /bstan pa thams cad grub pa'i phyir/ /de phyir phyag na rdo rje yin/ /de nas rdo rje nyi ma me ltar 'bar ba'i mchog tu gsang ba ni/ rtag tu chags</font><hr>92.253b<br><font size=+1>

pa las byung khro/ /rdo rje sems dpa' gdul bya'i phyir/ /rdo rje nyi ma me ltar 'bar/ /mchog tu 'jigs par byed pa yin/ /de nas mchog tu gsang ba'i rdo rje rnal 'byor gyi mkha' 'gro ma rnams kyi gsang ba mchog gi de kho na nyid ni/ rdo rje nyi ma 'char bas byung / /de bzhin gshegs pa'i grib ma 'di/ /sprul te ma lus bdud la sogs/ /gdug pa'i khrag ni gsol bar spyod/ /ces bya ba ni gsang ba mchog gi de kho na nyid do/ /de nas 'dir mchog tu gsang ba'i chos nyid 'bebs pa'i dril bu ni/ shin tu gdug cing drag pa dang / /bdag po drag po'i bu rnams dang / /shin tu gnyid ni log pas dag /rdo rje mchog ni 'dzin pas gsungs/ /zhes bya ba ni bcom ldan 'das kyis gsungs so/ /mchog tu gsang ba'i chos nyid 'bebs pa'i rdo rje kha T+wA~M ga'i rgyal mtshan dang ba dan gyis dril bu thams cad 'bebs pa dang / rab tu grub par byed pa dang / /thams cad ltung bar byed pa dang / /slong bar byed pa'o/ /de nas rnal 'byor mchog gi dam tshig ni/ khrag chen ga bur dang bcas pa/ /tsa dan dmar dang sbyar ba ni/ /tshogs kyi nang du rab zhugs nas/ /rdo rje dang bcas rdo rje 'dzin/ /srin lag mthe bo rtse mo yis/ /nam mkha' thams cad sbyor mchog ldan/ /zla ba'i btung ba bzhin myangs na/ /rtag pa'i dngos grub thob par 'gyur/ /'dod pa kun la longs spyod cing / /ci 'dod pa ni bsten bzhin du/ /nam mkha' kun mchog sbyor ba yis/ /dngos grub thams cad thob par 'gyur/ /nam mkha' kun mchog sbyor ba yis/ /nam mkha' thams cad ces brjod cing / /rdo rje'i phyag rgyas btab pa yi/ /'jig rten gsum yang bza' bar bya/ /dngos grub las dang de bzhin bde/ /'di la cung zad mi 'grub med/ /las kyi tshogs kyi dngos grub kyis/ /dngos grub ma lus sgrub par 'gyur/ /don yod mchog tu grub pa dang / /gdug pa thams cad</font><hr>92.254a<br><font size=+1>

gnon par byed/ /sdug bsngal kun 'phrog dpal dang ldan/ /rnal 'byor 'di ni las kun byed ces bya ba mchog tu gsang ba bcom ldan 'das rdo rje sems dpas gsungs so/ /de nas ro dang bza' dang spyod pa gar dang glu/ /rol mo'i mchod pa sogs kyis mgon la mchod/ /phul ba de yis rdo rje bla ma che/ /dad pas bdag dang gzhan rnams mchod par bya/ /myos bcas myos byed btung ba ni/ /ci 'dod par ni bsten pa yis/ /rdo rje nyi ma me 'bar stsogs/ /ci bzhin rjes 'gro'i bzlas pa bzla/ /rang gsang cho gas blangs pa yi/ /glu dang rol mo gar rnams dang / /sna tshogs phyag rgya'i mchod pa dang / /khams gsum rnam rgyal la sogs pa/ /bud med tshogs dang bcas pa yi/ /mchod pa rgya chen thams cad dang / /ci 'dod pa yi longs spyod kyis/ /mchod pa byas nas rab tu bsgrub ces bya ba mchog tu gsang ba bcom ldan 'das rdo rje sems dpas gsungs so/ /de nas de bzhin gshegs pa thams cad 'dus pa la sogs pa'i dbugs dbyung ba sbyin par bya ste/ 'gro ba kun gyi khams rnams kyi/ /phra rab rdul dang mnyam pa nyid/ /rtog pa'i rgyal po grub pa ste/ /sangs rgyas la sogs mchog grub pa'o/ /gang zhig blo ni dpag med pa'i/ /khyad par du ni dmigs mi 'gyur/ /de bzhin gshegs pas bde ba ni/ /dam pa thams cad bsdus pa'o/ /zad pa thams cad zad 'gyur dang / /'phel ba thams cad 'phel bar 'gyur/ /gang zhing mthong bas mi snang 'gyur/ /gang nas kyang ni 'jigs med byed/ /drag po dbang po nye dbang zla/ /nyi ma mkha' 'gro tshogs dkyil 'khor/ /khros nas yi ge hU~M tsam gyis/ /ma lus pa ni thal bar byed/ /rnal 'byor mkha' 'gro ma'i dkyil 'khor/ /mchog tu zhugs te mthong nas ni/ /sdig pa kun las rnam grol te/ /</font><hr>92.254b<br><font size=+1>

khyed rnams dang ni rab tu gnas/ /slar khyod 'chi ba yod min te/ /khyad par du ni ngan 'gro med/ /gzhan gyis mi thub mi sod cing / /cis kyang mi 'jigs dga' bar gyis/ /shin tu srid pa'i dngos grub rnams/ /ston pa'i mchog tu gyur pa yin/ /dam tshig sdom pa grub pa 'di/ /brtag tu yang ni bsrung bar bya/ /sangs rgyas kun gyis mthun par gsungs/ /dam pa rtag pa'i bka' yin no/ /byang chub sems ni spang mi bya/ /dam chos de bzhin dam tshig dang / /slob dpon smad par mi bya ste/ /gang phyir rdo rje 'dzin kun de/ /sems can kun la phan phyir dang / /theg pa thams cad grub pa'i phyir/ /gdug pa 'dul ba dag pa zhes/ /rdo rje mchog ni 'dzin pas gsungs/ /shin tu gdug cing gtum pa dang / /bdag po grogs po bu rnams kyang / /phyag rgya'i rnal 'byor mngon spyod kyis/ /shin tu gnyid ni log tu gzhug /rtag tu rang gi dam tshig bsrung / /rtag tu de bzhin gshegs rnams mchod/ /rtag tu bla ma la yang dbul/ /de la phul na 'bras bu che/ /de byin sangs rgyas thams cad la/ /rtag tu byin pa nyid du 'gyur/ /de byin bsod nams tshogs yin te/ /tshogs las dngos grub mchog tu 'gyur/ /deng khyod skye ba 'bras bur bcas/ /gang phyir 'di la rab tu gnas/ /dam tshig rgyal po dang mnyam par/ /sangs rgyas kun gyis byin gyis brlabs/ /sangs rgyas rdo rje 'dzin kun gyis/ /de ring khyed la dbang bskur bas/ /khams gsum gyis ni rgyal srid che/ /stobs dpal 'khor lo sgyur ba yin/ /rdo rje dam pa'i gsang mchog rnal 'byor ma'i/ /mchog gi dam tshig gsang ba mthong nas ni/ /bdud la sogs pa'i sha yang zos nas ni/ /de bzhin gshegs sbyor thob nas khyod grub yin/ /</font><hr>92.255a<br><font size=+1>

zhes bcom ldan 'das rdo rje sems dpas gsungs so/ /dpal mchog dang po las mchog tu gsang ba'i rdo rje rnal 'byor gyi mkha' 'gro ma'i dkyil 'khor gyi cho ga mchog tu grub pa'o// // de nas 'phags pa spyan ras gzigs kyi dbang phyug gi mchog tu gsang ba 'gro ba 'dul ba'i cho ga ni/ ras la bcom ldan bri bar bya/ /pad ma gar gyi dbang phyug gtso/ /glog gi 'khor lo yongs 'gyur ba'i/ /'khor ba'i rnam 'phrul gar rnams kyis/ /pad ma la sogs phyag mtshan bri/ /phyag rgya 'khor lo ltar mdzad pa/ /de yi logs ni thams cad la/ /khro gnyer ma stsogs bri bar bya/ /drag mo la sogs phyag mtshan gzugs/ /pad ma'i lha mo pad mar bcas/ /dkyil 'khor der ni brtag byas na/ /gsang ba'i dkyil 'khor dam pa ni/ /mtshon cha mchog gi gang gang gis/ /thams cad byas nas 'di brjod bya/ /de nyid sangs rgyas bcom ldan 'das/ /spyan ras gzigs kyi dbang phyug ste/ /'dul ba'i thabs kyis dag pa yis/ /rol pa'i gar ni mdzad pa yin/ /zhes bya ba ni mchog gi rdo rje ste/ /ci ltar pad ma dmar po 'di/ /gnas kyi nyes pa sna tshogs kyi/ /chon gyi nyes pas mi gos pa/ /de bzhin khams gsum dag pa'o/ /zhes bya ba ni mchog tu gsang ba'i chos nyid kyi dril bu'o/ /cho ga gang dang gang dag gis/ /'gro ba rnams ni 'dul 'gyur ba/ /pad ma dag mchog rnal 'byor bdag /de dang de yis dag par bya zhes bya ba ni rdo rje thams cad kyi chos kyi dam tshig go /de nas ci lta ba bzhin du pad ma gar gyi mchod pas mchod la cho ga thams cad rjes su spyad par bya'o/ /de nas bcom ldan 'das nam mkha'i snying po don thams cad grub pa'i cho ga ste/ nyi ma'i dkyil 'khor bris nas ni/ /ras ris de ni blo gros che/ /ljang ku bai drUr+ya</font><hr>92.255b<br><font size=+1>

ltar mtshungs/ /nam mkha'i snying po bri bar bya/ /de yi pad ma gcig la gnas/ /de yi 'od kyi 'khor lor brten/ /dbang bskur ma dang gter ma dang / /rgyal mchog mnga' bdag mchod chen po/ /gsang ba'i dkyil 'khor dam pa de'i/ /'khor lo brtag par byas nas ni/ /mtshon cha mchog gi sbyor ba yis/ /cho ga rgyas pa ci bzhin pa'o/ /de nas rdo rje mchog gi ni/ /nyi ma 'di ni dam pa ste/ /de bzhin gshegs pa thams cad mthong / /nam mkha'i snying po bcom ldan 'das/ /bsam pa thams cad yongs rdzogs mdzad/ /de nas chos kyi rin po che'i dril bu ni/ /bsam pa grub pa thams cad kyi/ /nor gyi bsam pa grub pa mchog /de yang 'dod par rab grub phyir/ /'dod las thar pa bde ba che zhes bya ba'o/ /sbyin min rnams ni sbyin bya'o/ /'dod pa kun gyi bde ba rnams/ /bdag nyid dang ni gzhan rnams la/ /bsam pa thams cad rdzogs phyir ro/ /zhes bya ba ni dam tshig gi mchog go /dam tshig 'di yis mchog tu ni/ /rdo rje sems dpa' bde ba che/ /myur du yang dag dam pa mchog /mi 'gyur mchog ni grub par mdzod/ /de ltar gsang ba mchog gi tshul dag ni/ /ci bzhin cho ga mchog tu rgyas pa ste/ /mchog chen de ni rtog pa thams cad kyi/ /snying po khyad par dngos grub 'grub par 'gyur/ /dpal mchog dang po las rtog pa thams cad kyi bsgrub pa'i cho ga'o// // de nas grub chen thams cad kyi/ /bsgrub pa'i mchog ni bde ba che/ /rdo rje sems dpa' phyag rgya che/ /rtog pa kun mchog grub pa'i phyir/ /snod ma yin pa'i sems can ni/ /sdig pa thams cad byed rnams la/ /mthong ba la sogs sems can don/ /sems dpa' chen pos mdzad pa yin/ /mthong med long ba de rnams ni/ /bsod nams med stsogs rtags ldan la/ /rdo rje sems stsogs</font><hr>92.256a<br><font size=+1>

sems dpa' mchog /mthong ba'i thabs kyi rgyu rnams ni/ /rdo rje sems sogs sems mchog gi /sku gsung thugs kyi rdo rje yis/ /dam tshig mchog ni bcing ba ste/ /dam tshig 'da' bar dka' ba 'o/ /rdo rje sems sogs sems dpa' yi/ /gang phyir sku rnams brtan pa ni/ /de yi phyag rgyas grags pa ste/ /dngos grub kun phyir de dag sprul/ /gang dag bzung ba tsam gyis ni/ /rdo rje sems dpa' la sogs mchog /mthong zhing mngon par mthong ba nyid/ /mchog tu bsdus par gyur pa yin/ /phyag rgya bcings pa tsam gyis ni/ /gang phyir bsdus par 'gyur ba ste/ /rdo rje sems stsogs sems dpa' rnams/ /nyams pas 'jigs pas grub par 'gyur/ /ci ltar rgyal po rnams kyi bka'i/ /rtags kyi phyag rgya 'da' dka' ba/ /phyag rgya gsal ba kun gyis kyang / /'da' bar nus pa ma yin no/ /sangs rgyas nyid dam rdo rje 'dzin/ /de ltar bskal pa bye bas kyang / /thob par mi 'gyur myur du ni/ /ci ltar phyag rgya mchog bzung ba'o/ /ci ltar 'dul ldan 'jig rten ni/ /de ltar dngos grub gsungs pa yin/ /de yi thabs ni phyag rgya ste| /dngos grub thams cad mchog tu byed/ /gang zhig bcings pa tsam gyis ni/ /'dus pa bde ba chen po rnams/ /rdo rje sems sogs skad cig gis/ /byin gyis brlab pa brtan par mdzad zhes bya'o/ /de nas 'di gsungs nas bcom ldan 'das kyi mkhas shing mchog tu phra ba dang / zab pa dang rgya che ba bsam gyis mi khyab pa mchog tu dag pa/ thog ma dang tha ma med pa/ mi zad cing zad pa med pa/ don yod cing thogs pa med pa/ shin tu mchog tu dga' ba ma lus pa'i bde ba chen po dang yid bde ba ma lus shing lus pa med pa'i sems can gyi khams thams cad kyi dngos grub chen po'i dbang phyug chen po mchog tu</font><hr>92.256b<br><font size=+1>

mi 'gyur ba'i dngos grub thams cad kyi mchog rdo rje dbab pa rnams kyis rab tu sad par mdzad nas/ bde ba chen po'i rdo rje gsang ba'i don yod pa'i mchog gi gsang ba zhes bya ba'i mtshon cha mchog 'di mchog tu gsang ba'i cho ga rgyud phyi ma'i mchog byin gyis rlob par mdzad pa'o/ /de nas de bzhin gshegs pa thams cad kyi dam tshig gis bdag la byin gyis brlab pa bsgrub pa gcig pu'i cho ga bshad par bya'o zhes bya ba bcom ldan 'das rdo rje sems dpas gsungs so/ /nyin re sngon du lan cig tu/ /phyag rgya che dang snying po bzlas/ /kun gyi phyag rgya rab grub pa'i/ /bdag byin brlab pa gcig pus 'grub/ /ces bya ba ni mchog tu grub pa'o/ /de nas mchog tu gsang ba bdag la byin gyis brlab pa gcig pu sgrub pa'i cho ga mchog tu grub pa ni/ lan cig dam tshig gsum mchog tu/ /gsang ba dam pa'i khang par ni/ /rdo rje la sogs thob bzung na/ /rdo rje can gyis byin brlabs 'gyur/ /de nas shin tu mchog tu gsang ba'i bdag la byin gyis brlab pa gcig pu bsgrub pa'i cho ga rgyas pa'i khyad par shin tu mchog tu grub pa ni/ rdo rje dril bu kun bdag nyid/ /sna tshogs phyag rgya'i skur bdag ldan/ /phyag rgya kun gyi rnal 'byor bdag /rdo rje sems dpa' nyid du 'gyur/ /grub pa'i cho ga 'di yis ni/ /rdo rje sems dpa' yang dag bsdus/ /kun mchog dngos grub chen po yi/ /dbang phyug chen po nyid byin brlabs/ /don yod rab tu bdag byin brlabs/ /rang bzhin nyid kyis thams cad du/ /mdor na phyag rgya thams cad ni/ /rang nyid bcings nas grub par 'gyur/ /bdag byin brlabs dang don yod phyir/ /myur du 'bad med dngos grub rnams/ /las kyi tshogs kyis bsgrubs pa yis/ /dngos grub kun myur 'grub par 'gyur/ /'di yis cung</font><hr>92.257a<br><font size=+1>

zad mi 'grub med/ /dngos grub las dang de bzhin bde/ /thams cad byin brlab bsgrub pa yis/ /mi 'gyur ba ni kun grub byed ces bya ba bcom ldan 'das rdo rje sems dpas gsungs so/ /dpal mchog dang po las dngos grub thams cad byin gyis brlab pa'i cho ga mchog tu gsang ba zhes bya'o// // de nas mchog tu gsang ba'i rnal 'byor thams cad kyi cho ga rjes su bshad par bya'o zhes bya ba bcom ldan 'das rdo rje sems dpas gsungs te/ /de la thog ma kho nar re shig don yod cher ni rnal 'byor gyi skad kyi dbyings so/ /'di yang brtson pa yin no zhes bya ba ni skad kyi dbyings kyi don to/ /gang gir brtson pa yin zhe na/ smras pa rang gi lhag pa'i lha rjes su dran par sbyor bas na rnal 'byor ro/ /slar yang gzhan ni yang dag par bsdu ba dang yang dag par kun tu sbyor ba dang yang dag par sbyor ba zhes bya ba ni rnal 'byor brjod pa'i rnam grangs so/ /gang yang dag par kun tu sbyor ba yin zhe na/ rang gi lhag pa'i lha rjes su dran pa'i rnal 'byor rjes su bsgrub pas rang gi lhag pa'i lha'i rnal 'byor bsgrub pa'i sbyor ba zhes bya'o/ /de la ci ltar thams cad kyi rnal 'byor yin zhe na/ dam tshig gi rnal 'byor ni thams cad kyi rnal 'byor zhes bya ba yin no/ /de bzhin gshegs pa kun gyis kyang / /'da' ba ru ni mi mdzad pas/ /phyag rgya dam tshig rjes su bsgrags/ /yid kyi gzugs ni brtan phyir ro zhes bya ba ni dam tshig gi don to/ /de la rjes su bsgrub pa'i rnal 'byor ni dam tshig gi rnal 'byor te thams cad kyi rnal 'byor zhes bya'o 'o/ /'di lta ste rdzas mang po yang dag par sbyar bas sbyor ba zhes bya ba grub pa de bzhin du/ thams cad kyi bdag nyid kyi phyag rgya'i sbyor ba'i yang dag par kun tu sbyor bas na thams cad kyi rnal 'byor ni dam tshig gi rnal 'byor ro/ /</font><hr>92.257b<br><font size=+1>

de la ci ltar na thams cad kyi bdag nyid kyi rnal 'byor yin zhe na/ sangs rgyas kun bdag yang dag sbyor/ /ci lta'i dbyibs dang sku dang ldan/ /bdag nyid bdag nyid nyid la ni/ /bkod nas rjes su bsgrub par bya zhes bya ba ni rang gi dam tshig gi rnal 'byor thams cad kyi rnal 'byor zhes bya'o/ /de la rjes su bsgrub pa ni/ /lhag pa'i lha ni gang gang gis/ /phyag rgya gang dang gang 'ching ba/ /de dang de yi rnal 'byor gyis/ /phyag rgya de dang de sbyor bya zhes bya'o/ /de nas mchog tu gsang ba'i rab mchog gi rjes su bsgrub pa'i cho ga rgyas pa mchog tu shin tu grub pa ni/ bdag ni sangs rgyas thams cad nyid/ /gzi brjid can ni nyid kyang yin/ /rang gi lha yi rnal 'byor gyis/ /de phyir bdag nyid brtag par bya/ /phyag rgya thams cad kyi rnal 'byor chen po mchog tu gsang ba zhes bya'o/ /de nas mchog tu shin tu gsang ba'i mchog gi rjes su bsgrub pa'i cho ga rgyas pa'i khyad par shin tu mchog tu grub pa ni/ rang lha'i sbyor ba ci bzhin du/ /sna tshogs phyag rgya'i dbang bskur ldan/ /phyag rgya kun bdag rnal 'byor bdag /mi 'gyur mchog tu grub par 'gyur/ /rtog pa thams cad kyi sna tshogs pa'i dam tshig mchog gi rnal 'byor ni yang dag par kun tu sbyor ba zhes bya ba'o/ /de nas gzhan yang slar mchog tu shin tu gsang ba mchog gi rjes su sgrub pa'i cho ga rgyas pa'i khyad par mchog tu grub pa las kyang shin tu mchog tu grub pa zhes bya ba ni/ rdo rje sems dpar bdag sbyor ba'i/ /ci bzhin dbyings dang skur ldan pa/ /kun bdag phyag rgya'i rnal 'byor bdag /mi 'gyur mchog ni grub par 'gyur/ /'di ni sangs rgyas thams cad kyi/ /dam tshig gsal ba'i rjes 'gro ba/ /rnal 'byor kun bdag grub pa ste/ /gsal zhing shin tu grub mchog yin/ /'di yis mi 'grub cung zad med/ /</font><hr>92.258a<br><font size=+1>

dngos grub las dang de bzhin bde/ /las kyi tshogs kyi dngos grub dang / /dngos grub ma lus myur du 'grub ces bya ba ni gsang ba'i dam tshig gi rnal 'byor te shin tu mchog tu rab tu grub pa'o/ /'dod pa kun la longs spyod cing / /ci 'dod par ni bsten pa yis/ /rnal 'byor dag ni 'di dag gis/ /rang gi bdag nyid rab mchod bya zhes bya ba ni de bzhin gshegs pa thams cad kyi shin tu gsang ba bla na med pa theg pa chen po'i dam tshig chen po'i rnal 'byor de bzhin gshegs pa thams cad kyi dpal gyi rang gi dam tshig gi rnal 'byor dga' ba chen po'i dpal rdo rje don yod pa'i dga' ba'i dam tshig rnal 'byor thams cad kyi bla na med pa'i bcud kyis len gyi mchog gi dngos grub kyi rnal 'byor gyi rgyal po de bzhin gshegs pa bcom ldan 'das dpal rdo rje sems dpa'o/ /rdo rje sems dpa'i mchog gi tshe dang na tshod gzhon pa dang nad med pa dang gzugs dang kha dog dang gzi brjid dang stobs dang spro ba dang dngos grub mchog thams cad dpal dang / skal ba bzang po dang dga' ba chen po dang shin tu bde ba dang yid bde ba thams cad la dam pa mchog tu grub pa'o/ /ci srid ma lus shing lus pa med pa la ma lus pa'i dngos grub chen po dam pa thams cad gyi dbang phyug chen po'i bdag nyid la stsogs pa'i dngos grub thams cad kyi las kyi tshogs mchog tu grub pa ste rgyas btab pa tsam gyis skad cig gis rab tu grub pa yin no/ /de rgyu gang gi phyir zhe na 'di lta ste/ spyod pa phyag rgya la rag lus/ /phyag rgya rnal 'byor la gnas pa/ /rnal 'byor khyad par gyi bsgrub bya/ /rnal 'byor dam tshig gis sgrub byed/ /sems ni stong pa sgyu mar mtshungs/ /lus dang bral bar ma grub ste/ /lus de yang ni gartsig pa 'dra/ /bya ba med cing sems dang bral/ /lus kyang sems dang</font><hr>92.258b<br><font size=+1>

bral ba ste/ /sems kyang lus dang bral ba ni/ /grub pa ma yin de bzhin 'di/ /phyag rgya rnal 'byor cho gar brjod/ /ci ltar lus ni sems kyis dang / /sems kyang lus kyis grub 'gyur ba/ /de bzhin phyag rgya rnal 'byor gyis/ /rnal 'byor dam tshig bsgrub pas so/ /de ltar dam tshig rnal 'byor dag /phan tshun du ni bsgrub pa'i phyir/ /phan tshun ni yang rtag bdag nyid/ /de bzhin gshegs par grub par 'gyur/ /zhes bya ba ni shin tu mchog tu gsang ba mchog tu grub pa bcom ldan 'das rdo rje sems dpas gsungs so/ /de la ci ltar phyag rgya thams cad dang rnal 'byor dag rjes su bsgrub pa yin zhe na/ phyag rgya sku ni brtan pa'i phyir/ /de yang bde bas brtan par 'gyur/ /sdug bsngal gyis ni g.yo bar 'gyur/ /yang na 'chi ba thob par 'gyur/ /de ni rnal 'byor sems las byung / /yid bde ba yis rab tu sgrub/ /yi mi bde bas g.yo ba 'am/ /yang na 'gog pa thob par 'gyur/ /de phyir 'bad pa thams cad kyis/ /phyag rgya rnal 'byor rjes grub byed/ /dka' thub med cing nges pa med/ /bde ba dga' bas bsgrub par bya/ /zhes bya ba shin tu mchog tu gsang ba bcom ldan 'das rdo rje sems dpas gsungs so/ /de la dam tshig thams cad kyi rnal 'byor rjes su sgrub pa'i bde ba gang yin zhe na/ 'dod pa kun la longs spyod cing / /ci 'dod par ni bsten pa yis/ /rang gi lha yi rnal 'byor gyis/ /bdag dang gzhan rnams mchod par bya zhes bya ba'o/ /de bzhin gshegs pa thams cad kyi mchog tu gsang ba bla na med pa'i theg pa chen po'i yang dag par rdzogs pa'i byang chub theg pa chen po'i yang chen po'i rnal 'byor bcom ldan 'das rdo rje sems dpa' mchog tu bde ba zhes bya ba'o/ /de la dam tshig thams cad kyi rnal 'byor rjes su sgrub pa gang</font><hr>92.259a<br><font size=+1>

yin zhes na/ dka' thub nyes pa mi bzad pas/ /sdug bsngal ldan pas myur du bskam/ /sdug bsngal gyis ni sems g.yeng 'gyur/ /rnal 'byor la ni sbyor ba min/ /de phyir ci 'dod la spyod pa/ /kun za ba de bzhin thams cad byed/ /ci 'dod bya ba la spyod pa/ /ci 'dod par ni spyod pa spyod/ /gang dang gang du 'chag pa dang / /dgod pa 'am ni smra ba 'am/ /gang dang de ru ci bzhin de/ /dkyil 'khor du ni ma zhugs sam/ /sgrib pa rnams dang ldan pa 'am/ /rang gi lha yi rnal 'byor bdag /tshig gis kyang ni de bzhin 'gyur/ /de nyid rnal 'byor 'di yis ni/ /thams cad nyid ni bsgrub par bya/ /rang spyod sdig pa thams cad kyis/ /rnam pa kun du gnod mi 'gyur/ /'dod pa chen po kun bdag nyid/ /dbang phyug dam pa grub par 'gyur/ /thams cad rdo rje 'dzin rgyal po/ /kun mchog dbang phyug dam pa'o/ /sangs rgyas byang chub sems dpa' nyid/ /rnal 'byor 'di yis rnyed sla na/ /dngos grub rnams dang las mchog gi /tshogs rnams gzhan lta smos ci dgos/ /don yod mchog tu grub pa dang / /phyag rgya thams cad rjes grub byed/ /dpal ldan sdug bsngal kun 'phrog pa'i/ /rnal 'byor 'di ni mi 'gyur mchog ces bya ba mchog tu yid bde ba bcom ldan 'das rdo rje sems dpas gsungs so/ /'di la rnal 'byor thams cad bcing ba ci ltar yin zhe na/ bsam pa med cing thams cad smra/ /de bzhin thams cad bsams nas kyang / /ye shes tsam la snyoms 'jug pa/ /rang bzhin nyid du snyoms par zhugs/ /de la ci ltar rnal 'byor thams cad bcing ba dang lung bstan pa yin zhe na/ rang gi lha'i sbyor ba yis/ /dngos grub thams cad rang sbyor bas/ /ye shes tsam la sbyor ba 'dir/ /rnal 'byor zhes ni brjod pa yin zhes bya ba ni phyag rgya thams cad kyi rnal 'byor</font><hr>92.259b<br><font size=+1>

gyi cho ga mchog tu shin tu gsang ba zhes bya ba'o/ /de nas bcom ldan 'das kyis thams cad rnal 'byor dang rnal 'byor chen po dang shin tu rnal 'byor bcing ba dang lung bstan pa gsungs te/ rdo rje sems dpa' bdag sbyor bas/ /mchod pa kun gyi rjes sbyor ba/ /rnal 'byor thams cad rab sbyor 'di/ /rnal 'byor zhes ni brjod par bya/ /de la 'di ltar brjod bya ste/ /de nyid chen po 'di grub ste/ /mchog tu mchog gi bdag nyid ni/ /shin tu mchog tu gsang ba ste/ /so so'i skye bo la brjod min/ /rdo rje slob dpon slob ma mchog /de nyid dad pa'i rjes 'brang la/ /thams cad rnal 'byor cho ga sbyor/ /gzhan rnams la ni rims gyis so/ /'di la sgrub med cung zad med/ /dngos grub las dang bde ba dang / /thams cad rnal 'byor rjes bsgrub pas/ /mi 'gyur thams cad sgrub par byed/ /rnal 'byor cho ga gsal ba 'di/ /gcig pu 'ang gang la yod gyur na/ /gzhan gyi mi thub mi sod cing / /bdud la sogs pas non mi 'gyur/ /de la rgyal po rdo rje 'dzin/ /rdo rje sems dpa' de bzhin gshegs/ /kun mchog dngos grub chen po yi/ /rnal 'byor dbang phyug rab grub 'gyur zhes bcom ldan 'das rdo rje sems dpas gsungs so/ /dpal mchog dang po las shin tu gsang ba'i rnal 'byor thams cad kyi cho ga mchog tu gsang ba'o// // de nas rtog pa thams cad don yod cing thogs pa med pa mchog tu mkhas shing phra ba rgya che zhing zab pa bsam gyis mi khyab cing shin tu tshad med pa ma lus shing lus pa med pa'i mchog gi dngos grub la sogs pa'i dngos grub thams cad rab tu sgrub par byed pa mchog tu grub pa'i phyag rgya'i rgyud bshad par bya'o zhes bya ba phyag rgya thams cad kyi ye shes kyi rgyud bcom ldan 'das rdo rje sems dpas gsungs</font><hr>92.260a<br><font size=+1>

so/ /g.yon pa'i pang par bkod pa yi/ /zhabs kyi pad ma ci bde bar/ /sems dpa'i dkyil mo dkrung bcings te/ /rang nyid lus ni drang por 'dzin/ /rdo rje gsor bas kun las rgyal/ /mchog gi dngos grub kun gyi phyir/ /sku gsung thugs kyi rdo rje yis/ /rdo rje sems dpa' nyid du 'gyur/ /'dis ni rdo rje sems dpa' 'am/ /sangs rgyas nyid ni gzi can nyid/ /dngos grub kun gyi dbang phyug yin/ /tshe 'di nyid la 'grub par 'gyur zhes bya ba thams cad kyi bdag nyid brtan pa'i bcom ldan 'das rdo rje sems dpas gsungs so/ /dkyil 'khor du ni ma zhugs kyang / /phyag rgya chen po yongs bzung bar/ /bde bar gshegs pa rnams kyis kyang / /phyag rgyas mchod cing bkur bar 'gyur/ /gang gis 'di mthong phyag byed dang / /bstod pa dang ni mchod par byed/ /ston pa mthong dang phyag byed dang / /de yis bdag po mchod par 'gyur/ /dngos grub kun gyi chags chen po'i/ /bde ba phun tshogs dbang phyug che/ /phyag rgya chen pos grub 'gyur te/ /rdo rje sems dpa' gnyis pa 'dra/ /lha la sogs pa'i dngos grub kun/ /las kun gyis ni bde ba yang / /phyag rgya chen po'i byin rlabs kyis/ /khyad par du ni rab tu 'jug /de yis mi 'grub gang yang med/ /dngos grub las dang de bzhin bde/ /phyag rgya chen po'i byin rlabs pas/ /bsgrubs pa'i stobs kyis mchog kun 'byung / /de nas thog ma dang tha ma med pa'i rdo rje sems dpa' la sogs pa'i sems dpa' chen po kun gyi dkyil 'khor chen po thams cad kyi dam tshig dang chos dang las dang / gdon mi za bar dgug pa dang gzhug pa dang 'bebs pa dang rjes su chags pa dang dbang du byed pa dang bsgrub pa thams cad mchog gi sgrub pa thams cad kyi dam tshig chen po'i phyag rgya bde ba chen po'i rdo rje</font><hr>92.260b<br><font size=+1>

gsang ba'i dam tshig ces bya ba'o/ /de bcing ba ni 'di yin te/ /sor mo thams cad mnyam sbyar bas/ /rdo rje thal mo zhes brjod do/ /kun mchog nang du bsdams pa yis/ /rdo rje bsdams pa bshad pa yis/ /rdo rje bsdams pa'i nang du ni/ /mdzub mo mthe bo yang dag sbyar/ /g.yas pa'i mthe bong rtags kyis ni/ /rtse mo bkug nas btsir bar bya/ /mda' lnga bsdus pa bcings nas ni/ /dbus ma bcings pa'i nang du gnas/ /mthe bong mthe'u chung rdo rjer bsdams/ /de yi dang po'i rdo rje mchog /rdo rje bsdams pa de bcings nas/ /dbus ma'i rdo rje lcags kyu gnyis/ /dgug pa'i tshul ni de nyid kyis/ /rang gi snying kar lcags kyu brdeg /lcags kyu'i rgyal po 'di yis ni/ /rdo rje sems dpa' rgyal po che/ /dga' ba'i rdo rje lcags kyus dgug /slar yang nye ba'i snying po sgrub/ /snying kar rdeg pa drag po ni/ /rjes su chags pa'i me yis gdungs/ /snying po 'phrog pas dbang gyur dgyes/ /myur du byon nas grub par 'gyur zhes bcom ldan 'das chags pa chen po dang bde ba chen po rdo rje chen po bcom ldan 'das rdo rje 'chang chen pos gsungs so/ /de bzhin du de bzhin gshegs pa thams cad dang / byang chub sems dpa'i rdo rje la sogs pa dang brtan pa dang g.yo ba'i dngos po thams cad rgyas btab pas 'ongs te myur du 'grub par 'gyur ro/ /gal te ma 'ongs na 'jig par 'gyur ro/ /bde ba chen po rdo rje don yod pa'i dam tshig ces bya ba'i snying po mchog gi phyag rgya'o/ /rdo rje mchod yon rdo rje thal mo shin tu rab tu brkyang ba'i thal mo'o/ /de nas dang po'i rdo rje'i phyag rgya dbus ma'i rdo rje bzung ba'i me tog gi lcug mas bzla bar bya'o/ /rdo rje'i chu dang rdo rje khu tshur gyis dbang bskur na/ thams cad kyi bdag po nyid dang tshe 'phel ba la sogs pa'i dngos grub thams cad la dgos pa yin pas btung ba byas na sdug bsngal thams cad 'joms pa</font><hr>92.261a<br><font size=+1>

yin no/ /de nas dang po'i dkyil 'khor du 'jug pa'i phyag rgya ni/ ba dan gsum dang kha T+wA~M ga /bcings na ci nus par ni dga'/ /rdo rje gar bskor dgrol ba yi/ /yongs su bskor bar 'dzin pa che/ /ka pu Ta kha'i sbyor ba ni/ /spyi bor bzhag ste phab nas kyang / /sgeg bcas mdzub mo mthe'u chung sogs/ /bkrol nas rdo rje can la dbul/ /'di yis dkyil 'khor ma zhugs kyang / /rdo rje slob dpon nyid thob 'gyur/ /rang nyid zhugs pa tsam gyis ni/ /mchod pas don yod grub phyir ro/ /yongs su rdzogs pa 'am ma tshang ba/ /yang na slar yang ci snyed pa'i/ /me tog la sogs mchod mtshan nas/ /thun mong dngos grub kun stsol ba'i/ /ba dan gsum mchog kha T+wA~M ga /sgeg bcas mtha' ma la sogs dkrol/ /glog 'gyu mchog tu bskor ba yis/ /rdo rje gar zhes de bshad do/ /sgeg mo dga' ba'i rdo rje ni/ /rdo rje gar gyi mchod pas mchod/ /sgeg pa dang bcas pa'i 'dzum pa'i mig gis phyag 'tshal bas rdo rje sems dpa' dang de bzhin gshegs pa thams cad kyang rjes su chags par byas nas phyag byed du gzhug pa'o/ /rdo rje thal mo bskor bas ma lus par byas nas thams cad la bstod pa'i phyag rgya'o/ /de bzhin gshegs pa thams cad lcags kyu mchog ni rdo rje bsdams pa'i mthe bo bstan pa'i dkyil mo dkrung 'dzub mo gnyis bkug pa'i lus can dbus ma mnyam pa'i kha 'bus pa'i mchog gi yan lag spyi bor gzhag la g.yas logs su thams cad la cod pan bcings la mdun logs rdo rje khu tshur gnyis kyis mdud pa'i tshul bya ste/ /phreng ba bcings pa byas la sgeg pa dang bcas pas mthe'u chung la sogs pa bkrol te logs gnyis la dar dpyangs bcing ba'i tshul du byas la mnyam pa'i thal mos rgyas btab pas/ rdo rje sems dpa'i</font><hr>92.261b<br><font size=+1>

dbang bskur bar 'gyur ba yin no/ /de nas bde ba chen po'i rdo rje bdud rtsi'i chus dbang bskur bar byas te/ thams cad kyi rdo rje slob dpon nyid dang rdo rje 'chang chen po nyid du 'gyur ba yin no/ /rdo rje'i khu tshur gyis rdo rje rtse lnga pa rdo rje'i 'od zer 'bar ba'i rtse mo can kha dog dmar po sbyin par bya'o/ /slob mas kyang slob dpon la yon phul la de nas me tog la sogs pa'i dbang bskur ba thams cad thams cad kyi slob dpon las rdo rje thal mo bskor ba'i phyag 'tshal ba'i phyag rgyas blang bar bya ste de ltar na dkyil 'khor thams cad kyi cho ga 'o// // de nas dngos grub thams cad kyi dbang phyug grub pa'i rdo rje 'chang chen po rgyal po bsgrub pa'i phyag rgya'i rgyud ni/ bde ba chen po'i gsang ba chen po'i lcags kyu rang gi snying po'i sngags lan cig brjod pas rdo rje sems dpa' spyan drang ba'o/ /sems dpa'i dkyil mo dkrung dang ldan pas/ rdo rje gar gyi mchod pa dbul bas glog 'gyu ba'i gar dang rdo rje khu tshur yongs su bzung bas snyems pa dang bcas pa'i rdo rje mtshon cha ma la sogs pa bsgreng bar byas la sgeg mo dga' ba'i rdo rje mas phyag bya'o/ /rdo rje glus ni glu len cing / /bzla pa'i khyon ni ci bde bar/ /rdo rje gar gyi mchod pa yis/ /yang dag mchod nas myur du grub/ /de las dang po'i rdo rje'i gsang ba'i glu 'di dang po la sogs pa rnams kyis blang bar bya ste/ thams cad bde ba dam pa rjes su chags pa'i thugs/ /rdo rje sems dpa' khyed ni rab tu dga' ba yin/ /bde ba chen po brtan zhing 'thor bar bdag gyur cig /so sor rtogs shing myur du bsgrubs shing phyag 'tshal lo/ /rdo rje'i glu ni 'di nyid kyis/ /bde chen la ni lan gcig bstod/ /rjes su chags nas shin tu dgyes/ /brtan par gyur nas sgrub</font><hr>92.262a<br><font size=+1>

par 'gyur/ /phyag rgya chen po lan gcig tu snying pos bdag nyid la byin gyis brlab par bya'o/ /shin tu g.yo med lce rtse dang / /so dang mchu gnyis yang dag ldan/ /rdo rje ngag ni dbyangs dang bral/ /rigs kun rab tu grub par byed/ /ri bi ta sogs hU~M gi glu/ /rgyan ldan ci 'dod ci nus par/ /drug ldan la sogs snyan pa'i glu/ /ci 'dod gra ma rA ga'i glu/ /rab dga' rdo rje gar gyis ni/ /gan dar ba yi glu mchog blang / /ngag 'di ni mchog tu grub pa yin te/ bzlas pa thams cad la dgos pa ci srid mngon par 'dod pa'i bzlas pa'o/ /bzlas pa'i don ni nye ba'i snying po shes pa yin te/ rdo rje sems dpa' sgrub pa'o/ /phyag rgya chen pos rang la byin kyis brlabs nas/ rdo rje'i lta bas de bzhin du blta zhing / rdo rje snyems pas 'dzin cing yi ge hU~M dang glu'i bzlas pas bcom ldan 'das bsgrub par bya'o/ /lan cig bsgrub pa ni ci lta ba bzhin mngon par 'dod pa'i bzlas pas so/ /de nas de'i 'og tu ci ltar mngon par brtson pa dang ci ltar 'dod pa dang ci ltar mngon par 'dod pa dang ci ltar byin gyis brlabs nas yi ge hU~M gi glu'i bzlas pas dga' ba chen po rdo rje don yod pa'i dga' ba'i shugs kyis rdo rje sems dpa' la sogs pa'i dngos po thams cad ci lta ba bzhin du 'dod pa dang ci ltar dga' ba bsgrub pa'o/ /de nas phyag rgya chen po ni/ /sku gsung thugs kyi rdo rje yis/ /ci bzhin gzugs kyi rjes 'brang bas/ /mtshan ma'i phyag rgya yang dag ldan/ /sems dpa' chen po rang nyid 'gyur/ /de nas dam tshig gi phyag rgya ni bde ba chen po'i rdo rje bshad pa'o/ /'di las rdo rje mda' la sogs pa 'byung ba yin no/ /'di lta ste phyi rol du kha bltas pa'i 'dzub mo gnyis bkug pa tsam ni rdo rje'i mda'o/ /mthe bo yongs su bcing ba ni rdo rje kI li ki+A la'o/ /mthe bo gnyis ka phye nas 'dzub mo</font><hr>92.262b<br><font size=+1>

gnyis kyi rtse mos dbus ma 'dres pa'i srin lag dang mthe'u chung mnyam pa'i kha phye ba ni rdo rje chu srin no/ /brla gnyis la bskor zhing gnas pa ni rdo rje 'dod pa'i dbang phyug ma'o/ /rdo rje thal mo rang gi snying kar bskor bas sgeg pa dang bcas pa'i mig gis blta zhing mgo bos phyag byas la spyi bor bzhag la phab ste gyen du gtor ba dang 'og tu blugs pa dang mthe bong sbyar nas bskor ba dang rab tu brkyang zhing byug pa ni me tog dang spos dang mar me dang dri dbul ba'i rdo rje mchod pa rnams su brjod pa yin no/ /phyi'i mtshams rnams su rdo rje thal mo snying kar bskor bas sgeg pa'o/ /kha la yongs su bskor nas spyi bor gzhog pa'o/ /g.yon pa'i 'dzub mo bkug pa'i g.yon pa g.yas pas bkug pas/ rdo rje pi bang brdung zhing rdo rje glu'i mngon par bstod pa'o/ /rdo rje khu tshur gnyis kyis gar byas la spyi bor rdo rje thal mo bcing ba'o/ /rdo rje bsdams pa nang du bcings pa'i g.yas pa'i mdzub mo lcags kyu'o/ /mthe bo gnyis kyis mdud pa'o/ /'dzub mo dang mthe bo rnams kyi mdud pa'o/ /gnyis kyi nang du mthe bo bcings pa'o/ /de nas gsang ba'i dam tshig rnams ni bde ba chen po'i dam tshig gi gsang ba'i lcags kyu ste de la byung ba ni mtheb 'dzub rtse sbyar dbus ma'i rtse/ /mig 'bras ltar byas 'dzin pa'o/ /dbus ma'i rdo rje'i 'og tu ni/ /mthe bong gis mnan btsir bar bya/ /rdo rje 'dren pa dang 'dra ba/ /srin lag mthe'u chung kha phye ba/ /bskor nas pus mor bzhag pa ste/ /gzhan rnams thams cad ci bzhin bshad/ /dam tshig gi rdo rje 'bebs pa 'dzub mo gnyis bkug pa gnyis su byas na rdo rje khu tshur ro/ /de nas las dang dam tshig gi phyag rgya ni/ rdo rje dang bcas pa'i khu tshur gnyis kyis so/ /'di lta ste g.yon snyems pas g.yas pa bstod pa'i tshul gyis snying kar bzung ba ste/ rdo rje snyems ma'o/ /</font><hr>92.263a<br><font size=+1>

bstod pa dang bcas pa'i snying kar 'dzin pa'o/ /rdo rje bstod pa'i tshul ni ki+A li ki+A la'o/ /rgyal mtshan bsgreng ba'o/ /snyems pa gnyis bstod pa ni 'dod pa thams cad kyi rdo rje dbang phyug ma'o/ /mtshams rnams su ni rdo rje gar ma bshad pa'o/ /sgeg mo la sogs pa yang de bzhin no/ /rdo rje sgo ba rnams kyi ni g.yon pa'i mdud pa lag pa g.yas pa steng du byung bas rdo rje bka' bsgo ba byed pa'o/ /des g.yas pa bstod pa'o/ /'dzub mo dang mthe bong 'khrig mar bzung ste mdud de btsir ro rang gi snying kar dril bu dkrol ba'i tshul lo/ /'di rnams kyis thams cad dgug pa dang bcing ba dang gzhug pa don yod par bsgrub par bya'o zhes bya ba yang gsungs so/ /ci bzhin grub mchog mtshan ma rnams/ /dngos grub chen po myur du gsol/ /dang po'i phyag rgya dge 'di dag /dkyil 'khor med pa rnams kyang 'grub/ /de nas dngos grub med pa sgrub pa'i phyag rgya chen po bcing ba ni/ /dang po'i rdo rje phyag rgya bzhi'-i phreng ba'i tshul du bsgrub par bya'o/ /gzhug pa dang dgug pa dang brtan pa dang las rnams lta bas so rtags dang lte ba dang snying ka dang dbang bskur ba dang spyi bor bzhag par bya'o/ /dbus ma'i rdo rje snying ka dang rtags dang kha dang dbang bskur ba'i gnas su gzhag nas btung bar bya'o/ /'dzub mo dang dbus ma dang srin lag dang mthe'u chung gi rdo rje'o/ dpung pa dang snying ka dang lce dang spyi bor bstod pa'o/ /nam mkhar skyed pa dang 'dzub mo dang srin lag 'bar ba dang snying kar dga' ba dang rang gi lus la bskor ba'o/ /thams cad bskor nas dbang po kun la gzhag par bya'o/ /dbus ma'i rdo rje dbang po thams cad la reg pa'o/ /rang gi las byed pas so/ /dbang bskur bar gzhag nas de bzhin du dngos grub byed pa'o/ /sa la bzhag nas bya'o/ /thams cad du bskor nas</font><hr>92.263b<br><font size=+1>

yid kyis sprul par bya'o/ /'dzums pa med pa'i khro zhing 'bar la g.yo ba ni lta bas blta'o/ /bza' ba dang btung ba dang bskyed pa dang bskyod pa dang spyi bos bka' bsgo ba'o/ /thams cad du bskor zhing thams cad du dran pas so/ /mthe'u chung dang mthe bong dang dbus ma'i rdo rje bzhi snying kar bya'o/ /mdzub mo gnyis kyis yi ge hU~M dang bcas pas dgug par bya'o/ /dbus ma'i rdo rjes dpral bar 'phred la mig byed pas so/ /rang gi snying kar bcings la g.yo ba med cing ma btsums pa'i lta bas sa 'og tu blta zhing ha hU~M d+ha~M zhes brjod par bya'o/ /gnod sbyin la sogs pa'i gdong pa bris nas rdo rjes dgug pa'o/ /'og gi phyogs su bzhag na rtag par 'gyur ro/ /kha'i dbus su bzhag na rab tu zhugs par 'gyur ro/ /phyag byas na mchod par 'gyur ro/ /snying kas grub par 'gyur ro/ /gcig char du sor mo thams cad dral ba ni yid kyi las so/ /bcings nas dzaHhU~M ba~M hoH/ dbus ma'i phyi rol du bcings pas spyi bo dang snying ka dang kha dang phyogs rnams bskor ba'o/ /snying kar bzhag nas rang gi rdo rjer bsgom pa'o/ /rang nyid byang chub sems dpa' bsgom pa'o/ /rang nyid de bzhin gshegs pa rjes su dran pa'o/ /rang nyid rdo rje 'chang chen por rjes su dran pa'o/ /de nas las kyi tshogs rnams bsgrub pa'i phyag rgya'i rgyud ni/ /rdo rje gar las byung ba'i phyag rgya rdo rje 'chang ba dag dang de bzhin gshegs pa thams cad kyis kyang don yod cing thogs pa med pa'o/ /rdo rje sku mchog gi gtsug tor gyi las ni/ rdo rje bsdams pa btsir ba dang dbus ma'i nor bu dang bskor ba dang sor mo thams cad kyi rdo rje dang sor mo lhag ma'i 'od zer gyi 'khor lo/ /khro bo rdo rje khu tshur gnyis kyis phyogs kyi 'khor lo bskor zhing bskor ba'o/ /khar bskor ba'o snying kar phab cing 'bar bar byed pas phyogs thams cad du rdo rje 'bar ba'i ra ba ste khro bo</font><hr>92.264a<br><font size=+1>

chen po 'bar ba'i rdo rje bdag gis kyang 'jug par nus so/ /dam tshig brjod par bya'o/ /bsgrub pa la brtsam mo/ /rdo rje sems dpa'i rdo rje lta ba'i 'phrog pa rnams kyis gsum dang bzhi dang phyir ldog pa dang rtag tu 'byung ba dang dpag tu med pa ni bskor zhing btsum pa med pa'i mig gis rab tu zhi ba'o/ /rdo rje khu tshur gnyis kyis mthe'u chung gi lcags kyu'i mdud pa dang 'dzub mo gnyis mnyam pa'i las ni snying gar rab tu bzhag pa'o/ /byab pa'o/ /mdzub mo'i rtse mos gnan par bya'o/ /dgod pas rab tu bzhag pa'o/ /yongs su bskor nas de bzhin du mdzod spur bzhag par bya'o/ /kha T+wA~M ga gnyis kyis rdo rje bcings pas mthe'u chung rdo rje'i legs par byed pa'i tshul gyis nye bar 'phel ba'o/ /bsdus pa'i don gyi tshul lo/ /rdo rje bteg pa'o/ /thal mos 'phrog pa'o/ /rdo rjes brdung ba'o/ /rdo rje bsdams pa'i mdzub mo gnyis bkug cing mnyams la nang du bzhag ste mthe bong gnyis kha phye ba'i mche ba ni rdo rje gnod sbyin gyi phyag rgya'o/ /des mthil dpral bar brdab pa'o/ /mdzub mo'i sen mo brud pa'o/ /dbus ma'i rdo rje bstan pa'o/ /byabs nas myur du phyag rgya bkrol ba'o/ /sor mo sbyar nas rdo rje gtsug tor ro/ /ba dan gsum pa gnyis kha gyen du kha bltas pa dang 'og tu kha lta ba'i 'dzub mo dang dbus ma'i mdud pa byas la 'dzub mo dang dbus ma de dag 'dus pa'o/ /rdo rje hU~M mdzad kyi las so/ /mdud pa btsir ba'o gcig char du phyag rgya bkrol ba'o btsir nas dral ba'o/ /dbus mas bsnun te nam mkha' las ltung ba'i tshul lo/ /slong ba'i tshul yang ngo ba dan gsum pa gnyis mnyam pa'i mthe'u chung rtse mo'i rdo rje dbus ma mdud pas yongs su bskor la dbang bskur ba'i gnas su 'dzub mo'i rtse mo bzhag pa'o/ /dbye ba ni yi ge hU~M gis so gdon las</font><hr>92.264b<br><font size=+1>

dkrol ba ni yi ge hU~M mu yis so/ /'chi ba slong ba ni yi ge a yis so/ /tshe 'phel ba ni yi ge hU~M gi glus so/ /shin tu bsrung ba ni yi ge ha~M gi chos kyi ngag gis so/ /pad ma chen po bcings nas ci srid 'dod pa'i bzlas pa'am/ yang na pad ma'i khu tshur g.yon pa snyems par mar dang til mar dang til dang 'bras dang khams kyi phye ma sbyin sreg mchog tu grub pa ste/ o~M ni ba ra Na sarba d+harma tA badzra ha ni haM/ o~M bi ra dzo bi ga ta/ sarba d+harma badzra ha ri Ni ha~M o~M sa~M no ba sarba d+harma pra ti bi d+ha badzra ha ri Ni ha~M/ o~M na ri ti mi ta sarba d+harma tA badzra ha ra Ni ha~M/ o~M swa b+hA ba b+ha sa ra sarba d+harma ha ri Ni ha~M/ ka ta ka gnyis kyi rdo rje bsdams pa legs par byed pa'i tshul gyis sen mo drud pa'o/ /'og dang steng du rdo rje bsdams pas bskyod pa'o/ /rdo rje bsdams pa'i mthe'u chung la sogs pa bkrol bas gar ro/ /rdo rje bsdams pa'i 'dzub mo'i rdo rje ngag 'byin pa'o/ /rdo rje bsdams pa'i mthe'u chung la sogs pa bkrol bas gar ro/ /de ba chen po rdo rje don yod pa'i dam tshig gi lcags kyus brtan pa dang g.yo ba'i dngos po thams cad la rdo rje sems dpa' la sogs pa rnams gzugs brnyan gyis tshul gyis gsal bar ston pa dang / sgra brnyan gyi tshul gyis sems can thams cad dang bdag nyid la bden pa thos su gzhug pa'o/ /rdo rje khro bo'i khu tshur gnyis bcings nas rdo rje lta ba'i las so/ /'di lta ste 'dzum pa med pa'i lta ba sbyin pa'o/ /mig 'bras steng du yongs su bskor ba'o/ /btsums pas myur du ltung ba'o/ /'og nas bslang ba'o/ /byab pa yang ngo / /rdo rje khu tshur gnyis bcings nas 'dzub mo bkug cing yongs su bskor te mche ba rnam par gtsigs pa'i 'jigs pa'i gdong gis g.yo ba med pa nyid do/ /yan lag thams cad slod par 'gyur ba'o/ /rab tu gnyid log cing kha gdangs pa'o/ /rang gi snying gar rdeg pa'o myur du myang ba'o/ /</font><hr>92.265a<br><font size=+1>

rdo rje khu tshur gnyis bcings nas kha gdangs te 'jigs par byed pa'i kha dang ldan pa skra gyen du brdzes pa'i spyi bos 'og nas gyen du bslang bar bya ba'i las ni yi ge b+ho dang / /rdo rje khu tshur mnan pa dang yi ge hU~M dang bcas pa'i yan lag gi mchog gi sdigs 'dzub dang / rang nyid myur du khros pas ltung ba'o/ /rdo rje gnod sbyin gyi phyag rgya srin lag dang mthe'u chung mnyam pa kha phye ba'i ba dan rgyal mtshan mchog gi dpung rgyan gyi las ni phyag 'tshal ba dang dgod pa dang lce skyong ba dang dpung pa gnyis bsnyems pa'i stod pa dang rgyal mtshan bsgreng ba'o/ /sems dpa'i dkyil mo dkrung gis gnas shing rdo rje gsor ba nyid kyis ni nam mkha' dbugs gtor ba dang kun tu g.yo zhing btsums pa'i lta bas char 'bebs pa'i tshul dang khro bo rdo rje nyi ma me ltar 'bar ba'i bzlas pa dang lta ba dbrog pa dang grang bas yan lag bskor zhing thams cad rab tu 'bar bar byed pa 'bebs pa'o/ /rdo rje bsdams pa'i g.yon pa'i 'dzub mo bkug pa'i shing bu g.yas pa'i 'dzub mos bsdus pa ni rdo rje ping bang ngo / /rdo rje bsdams pa'i lag mthil dag mnye ba'o/ /kha 'bus mnyam pa'i dbus ma lce'o rab tu dga' ba'i rdo rje'i phyag rgya'o/ /bde ba chen po rdo rje mchod pa'i las ni dang po'i glu'i bzlas pa ci srid mngon par 'dod pa'o/ /g.yo ba med cing dgod pa dang dgug pa ni rab tu dga' ba'i rdo rje'i lta ba'i lcags kyu mas so/ /rang gi ma mchu so dag gis nang du yongs su bzung ba'o/ /rang gi dbang po bskyod pa'o rab tu dga' ba'i rdo rje'i gar gyis yid kyis 'dod pa'i bka' bsgo ba yang ste bcom ldan 'das rdo rje sems dpa' la sbyor ba des kyang 'da' bar mi nus na brtan pa dang g.yo ba'i dngos po gzhan lta smos kyang ci dgos rdo rje thal mo'i mthe bo gnyis sems dpa'i dkyil mo dkrung gi 'dzub mo bsgreng ba ni bcom ldan 'das rdo rje sems dpa'i sku mchog ste 'di skad cig cig tsam bzung bas shin tu byin gyis brlabs nas bcom ldan 'das</font><hr>92.265b<br><font size=+1>

bzung zhing mchod nas sgrub par 'gyur ba dang / dngos grub thams cad la grub pa dang dgos pa yin no/ /spyi bor bzhag ste steng nas g.yas su bskor bar bya'o/ /sa la bzhag nas khro gnyer gyis gyen du drang bar bya'o/ /gnod sbyin gyis gzugs brnyan bris la de'i snying kar bzhag par byas na mngag gzhug tu 'gyur ro/ /dbang phyug chen po'i gnas su khro zhing bzlas par bya'o/ /ma mo'i gnas su bcings ba la yi ge b+h+yo sbyar bar bya ste ma mo 'khor dang bcas pa thams cad bsnyen bskur ba dang rol mo la sogs pa'i bka' bsgo ba thams cad byed par 'gyur ro/ /rdo rje gsor ba'i phyag rgyas khro ba dang bcas pa'i bzhad pa'i gdong gis las 'di ltar bya ba yin te 'dus na rkang pa g.yon pas mnan nas bsgrubs par bya'o/ /mdun du gzhon nu ma bsgrub cing mig gnyis kyis 'phrog par sbyar bar bya'o/ /b+ha ga bris nas bltas te bsgrub par bya'o/ /dbang phyug chen po rkang pa g.yon pas mnan la yi ge hU~M sbyar bar bya'o/ /'dod pa'i dbang phyug rdo rje'i mdas bsnun te de nas 'og tu kha blta bar bzhag ste gsor bar byed pa'o/ /rdo rje gsang ba'i mchod pas bde ba chen po'i dam tshig ces bya ba'i bshad pa'o/ /thams cad rdo rjer byed pa ni rdo rje khu tshur gnyis kyis go cha bcing bar byas la spyi bo dang dbang bskur ba'i gnas su gnyis gnyis bzhag la logs gnyis la gnyis dang phreng ba'i tshul gyis de bzhin du dar dpyangs bcings pas so| g.yon du rdo rje'i mda' 'phang ba'o/ /rdo rje snyems ma'o phyag rgya chen po yang ngo // //dpal mchog dang po las phyag rgya thams cad kyi rgyud kyi cho ga rgyas pa'o// // de nas de bzhin gshegs pa thams cad kyi phyag rgya'i rgyud ni sems dpa'i rdo rje ma'o/ /de bzhin gshegs pa thams cad kyi khu tshur ro/ /rdo rje rin chen gyi dbang bskur ba byas na rdo rje rtse lnga pa 'od zer dang bcas pa sbyin par bya'o/ /mchod pa ni mnyam</font><hr>92.266a<br><font size=+1>

pa'i thal mo ci lta ba bzhin du gyen du gtor ba la sogs pa rnams kyis so/ /de bzhin gshegs pa'i khu tshur gnyis bcings pa ni g.yon pa'i mdzub mo phyi rol du kha bltas pa g.yas pa'i khu tshur kha bltas pas bzung ste/ de bzhin gshegs pa thams cad kyi byang chub mngon par rdzogs pa'i byang chub mchog gi de bzhin gshegs pa thams cad kyi khu tshur zhes bya bar brjod pa ste/ don yod cing thogs pa med pa 'di bcings pas bla na med pa yang dag par rdzogs pa'i byang chub las phyir mi ldog pa dang 'bras bu dang ldan pa dang bdud la sogs pa gzhan gyis thob par mi 'gyur ro/ /phyag rgya 'di gang gis bcings pa de ni de bzhin gshegs pa nyid du rtogs par byed pa'o/ /de mchod na de bzhin gshegs pa thams cad mchod par 'gyur ro/ /de la phyag rgya chen po thams cad kyi cho ga rgyas pa'o/ /dam tshig gi phyag rgya ni pad ma chen po'o/ /rdo rje'i phyag rgya'o/ /de bzhin gshegs pa thams cad du rtogs par byed pa'o/ /de mchod na de bzhin gshegs pa thams cad mchod par 'gyur ro/ /sku mchog ni bshad do/ /rdo rje las kyi phyag rgya bshad pa'o/ /rdo rje thal mo 'og tu brkyang la mthe bo dang mdzub mo rtse mo bcing ba snying ka las bteg ste dbang bskur ba'i gnas su rtse mo rab tu bzhag pa ni rin chen ma'o/ /de nyid gyen du kha lta ba'i 'dzub mo gnyis phyir bkug pas rdo rje pad ma'o/ /sems ma rdo rje ma ni phyi rol du dbus ma bcings pa'o/ /chos kyi phyag rgya'o/ /de nas las kyi phyag rgya ni rdo rje khu tshur zhes bshad do/ /g.yon pa chos gos dang bcas pa rang gi snying kar stod pa'i tshul gyis bzung ste/ g.yas pas sa gnon zhing rab tu rgyal bar byed pa zhes bya ba ste des bdud kyi stobs rnams 'joms pa'o/ /de nyid yongs su bskor te gyen du kha lta bar bzung nas gzengs bstod pa zhes bya ba ltung ba slong bar byed cing lung ston par byed pa'o/ /</font><hr>92.266b<br><font size=+1>

de nyid chos gos mtha' mar pad ma'i 'dab ma kha 'byed pa chos 'byung ste/ chos thams cad sbyong bar byed pa'o/ /de nyid ba dan gsum gyis bzung ba slong bar byed pa ste gdon mi za bar dngos grub stsol ba'o/ /'di rnams g.yas pas las byed cing don yod pa dang bcings pa tsam gyis 'grub pa'o/ /lhag ma ni ci lta ba bzhin du bzung bas so/ /de nas las kyi phyag rgya rnams ni de bzhin gshegs pa thams cad kyi khu tshur nad gzir ba'o/ /mig yongs su sbyang ba'o/ /snying kar gzhag pa'o/ /byab pa'o/ /khu tshur gyis 'phrog pa'o/ /bza' ba'o/ /khros nas gtor bar bya'o/ /phur bu gdon pa'o/ /rting pa la brdeg pa'o/ /yi ge o~M bris nas dbyi bar bya'o/ /so rnams kyis gzung bar bya'o/ /yi ge hU~M dang bcas pas brdeg par bya'o/ /mtshon cha bris nas dbyi bar bya'o/ /kun tu sbyin bsreg bya'o/ /dur ba'i sbyin bsreg bya'o/ /spyi bor gzhag la lta bas byab par bya'o/ /steng du kha T+wA~M ga gzung ba'o/ /rang gi khyim du bskor bar bya'o/ /rang gi khyim du gzhag par bya'o/ /'jug par bya'o/ /snying ka las gdon par bya'o/ /lus la bskor bar bya'o/ /ngag 'byin pa'o/ /snying kar btsir bar bya'o/ /de bzhin gshegs pa thams cad kyi phyag rgya chen po ni sku mchog go /brtan par bya'o/ /dbang po la gzhag par bya'o/ /kha la'o/ /de nyid du bskor bar bya'o/ /dpral bar gzhag par bya'o/ /snying kar ro/ /dpung pa gnyis la'o/ /brla gnyis la'o/ /phreng ba bcing ba'o/ /dbang po rnams la'o/ /spyi bo la'o/ /gdong pa la'o/ /kha las bton nas so/ /thams cad du bskor bar bya'o/ /phyogs rnams su bskor bar bya'o/ /rang dang gzhan dag de bzhin gshegs pa rjes su dran pa'o/ /snying ka las rjes su dran pa'o/ /snying kar bzhag nas dga' ba bskyed par bya'o/ /sangs rgyas nyid bskyed par byed do/ /sangs rgyas thams cad nyid bsgom pa'o/ /phung po lnga la gzhag par bya'o/ /rdza mkhan gyi 'khor lo ltar bskor bar bya'o/ /</font><hr>92.267a<br><font size=+1>

bya'o| lus rjes su dran pa'o/ /lce gzhag par bya'o/ /yid kyis mngon par bdung bar bya'o/ /gtong ba rjes su dran pa'o/ /tshul khrims so/ /byams pa'o/ /brtson 'grus so/ /ting nge 'dzin no/ /shes rab bo/ /ye shes so/ /stobs so/ /thabs so/ /nges par brjod pa'o/ /gzungs so/ /sa'o/ /spyod pa'o/ /sau yang dag par rig pa'o/ /ma 'dres pa'o/ /chos so/ /las so/ /lus sna tshogs so/ /sems can gyi don no/ /sangs rgyas kyang don no/ /lus so/ /ngag go /yid do/ /rdo rje chen po'o/ /o~M bo d+hi tsit+ta badzre/ o~M sa man ta b+ha te? tsar+ye bi/ o~M tsin+tA ma Ni/ o~M a ni ro d+he/ o~M dzi ti bi ra te/ o~M sarba dz+nyA ne/ o~M ma hA rA ga d+harma te/ o~M bid+yA ka ba tse/ o~M badzra dri D+ha tsita te hU~M/ o~M sarba ta thA ga ta/ o~M swa b+hA ba bi shud d+hAHd+harma tA dz+nyA na bi shud d+he/ o~M karma bi shud d+he/ hU~M sum b+ha badzri Ni phaT/ o~M karma rA ge/ o~M badzra badzra Ni/ o~M hU~M sarba d+harma ni/ o~M hrIH o~M a kA ro mu kha~M/ o~M pra dz+nyA bA ra mi tA yai/ ba~M hU~M/ o~M a~M / o~M sarba ta thA ga ta kA yA gre o~M sarba ta thA ga ta b+ha bi shud d+he/ o~M sarba ta thA ga ta tsid ta badzra/ de nas de bzhin gshegs pa thams cad kyi ngag gi phyag rgya ni dbyangs shin tu zab pa'i sgra dang ldan pa'i phyag rgya'i chos kyi ngag ste de bzhin gshegs pa thams cad kyi ngag thogs pa med par 'grub pa'o/ /de nas bzlas pa ni rjes su dran pas so/ /bsgrub pa la de bzhin no/ /las la nye bar sbyor ba ni de bzhin gshegs pa thams cad rjes su dran pas so/ /de bzhin gshegs pa thams cad kyi phyag rgya bcing ba'o/ /de nas rdo rje nyi ma me ltar 'bar ba'i phyag rgya bcing ba ni de la phyag rgya chen po ni bdag nyid thams cad kyi rjes so/ /dam tshig gi phyag rgya'i rgyud ni rdo rje bsdams pa nang du bcings la sor mo thams cad kyi 'bar ba'i dkyil 'khor gyi nang mthe bong gi rdo rje bzhag la khams gsum pa thams cad bsreg pa dang / 'tshed pa dang / thal bar</font><hr>92.267b<br><font size=+1>

byed par nus te bcom ldan 'das kyis kyang dbang du byed par 'gyur ro/ /de nyid kyi g.yon pa'i sor mo sdigs 'dzub bya zhing g.yas pa'i lcags kyus dgug par byas na thams cad dgug pa'o/ /rdo rje hU~M mdzad kyi phyag rgya ni khro bo'i rdo rje khu tshur gnyis pa'i rdo rjes mthe'u chung gi lcags kyu bcings te/ des sdigs 'dzub bya zhing las thams cad dang dngos grub thams cad nyams su myong ba yin no/ /rdo rje thal mos 'dzub mo bcings la khro gnyer thur du gzhag par bya zhing me stag tu myur du 'phro zhing g.yo ba ni rdo rje khro gnyer ro/ /thams cad sreg par byed pa dang / thams cad 'dul bar byed pa dang / rab tu 'dul bar byed pa ni khro gnyer gyi phyag rgya'o/ /rdo rje thal mo legs par bskor bas g.yon pa'i 'dzub mo lcags kyu ste/ dgug pa dang gzhug pa dang bsgrub pa thams cad la don yod pa'o/ /rdo rje pad ma dbus mnyam pa'i kha 'bus kyi mdzod do/ /rdo rje pad ma ni thams cad gcod par byed pa'o/ /rdo rje bsdams pa ni mthe bo dang 'dzub mo'i gdu bus g.yas pa'i hU~M gis mdzub mo bzung ste thams cad dgug pa dang gzhug pa dang mchog tu grub pa'o/ /rdo rje hU~M mdzad las byung ba ni g.yas pa'i mdzub mos g.yon pa'i yi ge hU~M bzung ba ste gzhu rgyud 'dren pa zhes bya ba thams cad rjes su chags par byed pa dang 'bigs par byed pa'o/ /rdo rje bsdams pa las rdo rje hU~M mdzad kyi mchog go /rdo rje bsdams pa'i g.yon pa'i rdo rje khu tshur g.yas pa'i rtse gsum gyis mtshan pas yongs su bzung ba ste thams cad dral bar byed pa'o/ /rdo rje hU~M mdzad kyi g.yas pa'i khu tshur gyi mthe'u chung yang dag par brkyang ba g.yon lag pa'i steng du gzhag pa ni kha T+wA~M ga bsgreng ba ste/ gdug pa thams cad kyi phyag rgya phye zhing dral bar byed pa dang / rgyas 'debs pa dang / gsad pa dang / za ba la sogs pa'i yo byad thams cad g.yas pas</font><hr>92.268a<br><font size=+1>

'khor lo bzung ba'i tshul gyis stod cing dor ba ste/ thams cad gcod pa dang / gcod par byed pa'o/ /rdo rje chen po'i khro bo'i rdo rje'o/ /g.yas pa'i rdo rje 'bebs pa dang sbyor ba spro zhing g.yo ba'i 'dab ma can gyi ba dan gsum pa'o/ /rdo rje bsdams pa'i mthe bong dang 'dzub mo gnyis kyis rdo rje las byung ba'i srin lag mnyam par sbyar zhing mthe'u chung kha phye'o/ /dpal thams cad byed pa dang / rnam par rgyal bar byed pa dang / gdug pa thams cad 'joms par byed pa dang / thams cad 'bebs par byed pa'o/ /rdo rje sems dpa'i dbang bskur bshad pa'o/ /rdo rje'i rigs thams cad kyi ni/ /rdo rje thal mo mnyam byas la/ /mdzub mo gnyis kyis dar dpyangs cing / /mthe bo srin lag rdo rje ni/ /yongs su bskor te dbang bskur ro/ /'bar ba'i rdo rje rtse lnga pa phyag nas gzung bar bya'o/ /ci 'byor pas slob dpon la yon phul te dngos grub thams cad kyi mchog phun sum tshogs pa rnams 'grub par 'gyur ro zhes bya ba bcom ldan 'das rdo rje sems dpas gsungs so/ /rdo rje phyag rgya rdo rje ti r-in+te r-i+A las 'byung ba ste don yod thams cad sgrub par byed pa'o/ /de nas las kyi phyag rgya bzhi ni dam tshig phyag rgya'i lha mo rnams so/ /de nas bcom ldan 'das kyi las kyi dam tshig ni rdo rje khu tshur g.yon pas snyems pa thams cad sgrub pa dang / g.yas pa'i rdo rje khu tshur gyis rdo rje gsor ba ste 'dis thams cad rgyal ba dang / 'bar ba dang / sreg pa dang / ltung ba dang / rgyas btab pa dang / gsad pa dang / slong ba dang / khams gsum las rnam par rgyal ba dang / brtan pa dang / g.yo ba thams cad la nges par sbyor ba dang / dngos grub dang / mchog thams cad bsgrub pa'o/ /de nas las kyi phyag rgya ni rdo rje khu tshur sdigs 'dzub dang bcas pa'i mdzub mo ni khro bo'i rdo rje khu tshur ro/ /de dag gi las dam tshig</font><hr>92.268b<br><font size=+1>

gi phyag rgya'o/ /'dzub mo'i sor mo gnyis kyis thams cad dgug pa'o/ /snying gar gcig shos dang g.yas pas gdug pa thams cad gcod pa'o/ /'khrig ma'i mdud pas g.yas pa'i khro bo 'gugs pas thams cad dgug pa dang rab tu gzhug pa'o/ /bstod pa dang bcas pa'i mda' 'phangs pa'o/ /de bzhin du rdo rje rtse gsum pa la sogs pa'i rdo rje gar gyi sbyor bas rang gi phyag rgya gyen du 'phangs pa'o/ /las kyi dam tshig gi phyag rgya gyen du 'phang pa'o/ /las kyi dam tshig gi phyag rgya gnyis su byas la rdo rje thal mo rnams kyi las kyi phyag rgya ste rdo rje gar gyi sbyor ba rang gi dam tshig gi phyag rgya steng du dor ba ste thams cad la rgyas gdab pa dang / bsgrub pa dang / gsod pa dang / 'bebs pa dang / 'tsho bar byed pa ni rdo rje gar gyi mchod pa'o/ /de nas ngag gi phyag rgya ni sprin gyis sgra sgrogs pa'i hU~M yi ge hU~M phra ba'i sgra dang bcas pa khro zhing gsal ba'i khro bo'i rdo rje ngag go /bsgrub pa'i don bsgrub par bya'o/ /de nas ma grub na las kyi phyag rgya bcing ba'o/ /bsgrub pa ni de bzhin du phyag rgya chen po lan cig tu bya ba'o/ /las la nges par sbyor ba ni khro gnyer gyis so/ /rdo rje hU~M mdzad las byung ba'o/ /ske tshe dang bcas pa'i til mar rnon po'i sbyin bsreg ni g.yas pas so/ /de nyid kyis gtang ba'o/ /de nyid kyis thams cad 'ching ba'o/ /g.yo ba med pa nyid do/ /gnyid log pa bstan pa'o/ /khro bo'i rdo rje lta ba'i sdigs mdzub go phyag rgya glod par 'gyur ba'o/ /'dzub mo gnyis yang dag par sbyar nas phye ba'o/ /de dag nyid kyis gdu bu bcing ba'o/ /mche bas btsir ba'o/ /de nas dral ba'o/ /g.yas pas rdeg pa'o/ /mdzub mo gnyis kyis 'bar ba'o/ /g.yas pa'i 'dzub mo g.yon pa ltung ba'i tshul lo/ /'dzub mo gnyis kyis 'bar bar phye ba'o/ /gcod pa'o/ /'dzub mo gnyis kyis sor</font><hr>92.269a<br><font size=+1>

mo sbyar ba'i rtse mo gcod pa'o/ /lag pa gnyis mnye ba'o/ /thams cad du sor mo thams cad dor ba'o/ /cig car du phyag rgya dkrol ba'o/ /drang zhing g.yo bas sdigs 'dzub bo/ /g.yas pa'i 'dzub mo gdengs ka bskyod pas sdigs 'dzub bo/ /g.yas pa'i 'dzub mo mche bas bzung ba'o/ /ngu ba dang / dgod pa dang / rgyug pa la sogs pas bstan pa'o/ /'dzub mo gnyis kyis se gol rdebs pa'o/ /g.yon pa'i steng du g.yas pa nye bar bzhag pa'o/ /sa la rab tu bzhag pa'o/ /bskyod par bya'o/ /gar bya ba'o/ /'byin pa'o/ /brlab par bya'o/ /thams cad du bslab par bya'o/ /ha har dgod pa'o/ /bskor ba'i dgug par bya'o/ /drang bar bya'o/ /gtang bar bya'o/ /yongs su bskor nas nub par bya'o/ /de nas dor ba'o/ /myur du dor ba'o/ /de bzhin du kun nas 'dren pa'o/ /de bzhin du gyen du drang ba'o/ /rang nyid kyis nga ro bya'o/ /ngu bar bya'o/ /bdag nyid la brdeg par bya'o/ /snying gar brdeg par sbyin par bya'o/ /rang nyid kyis rang gi skra 'bal bar bya'o/ /sdang bar sdom pa'o/ /rang gi gos bstod par bya'o/ /khro bas de bzhin du 'bar ba ston pa'o/ /g.yas pa'i 'dzub mo lcags kyu'o/ /de nyid kyis rab tu gzhug pa'o/ /g.yas pa'i se gol lo/ /g.yon pa'i se gol lo/ /lce reg pa ni 'dzub mo gnyis kyis so/ /yan lag la ba spu g.yas su bskor bas 'khyil pa'o/ /ltung ba la sogs pa byed pa'o/ /dus su bsgom pa'o/ /khro bo'i lta bas shing drung rnams la yid kyis 'dod pa'o/ /de bzhin du sa la'o/ /lte ba'o/ /smin ma'o/ /so'o/ /phu'o/ /phyag rgyas brdeg pa'o/ /rgyal mtshan bsgreng ba'o/ /khro ba dang bcas pa'i 'jig byed kyi lta bas so/ /'dzums pa med pa'i lta bas so/ /de bzhin du 'bar ba 'ching bas so/ /phyag rgya bskor ba'o/ /gtsug tor las mdzub mo'i rdo rje bzhag par bya'o/ /</font><hr>92.269b<br><font size=+1>

de bzhin du snying gar ro/ /phyag rgya de dgrol ba'o/ /phyag rgya zur du bslang ba'o/ /'dzub mo'i rtse mo brtan par sbyar ba'o/ /lta bas steng nas 'og tu ltung ba'o/ /'og nas gyen du 'dren pa'o/ /yi ge hU~M khros pa'o/ /'jigs byed kyi lta bas so/ /rdo rje kha T+wA~M dral ba khro bas so/ /rdo rje snying gar bsgom pa'o/ /rdo rje rtse gsum dral ba'o/ /gdug pa'i dkyil 'khor gzhig par bya'o/ /yi ge hU~M gis so/ /ha'o/ /g.yas su dbugs dbyung ba'o/ /de nyid kyis dong tse gsor ba'o/ /khro bo'i lta ba de bzhin du'o/ /khu tshur g.yas pas mnan te g.yon pas so bzung nas dgug par bya'o/ /dong tse gsor ba ni gnyis kyis so/ /g.yon pa'i dril bu dral ba'o/ /de bzhin du rdo rje hU~M mdzad kyi g.yas pa'i khu tshur g.yon pa'i rdo rje khro bos mnan te/ mthe'u chung gi gdu bu bkrol ba'i khu tshur gyis 'phrog par bya'o/ /g.yas pa'i dril bu dral ba'o/ /chags dang bral ba ltung ba ni yid kyis so/ /'khor lo dral ba'o/ /rtse gsum dral ba'o/ /rdo rje hU~M mdzad kyi g.yon pa g.yas pa'i rdo rje khu tshur gyis mnan te de bzhin du gdu bu bkrol bas 'phrog par bya'o/ /rdo rje dang byang chub sems dpa' dang / de bzhin gshegs pa thams cad dang / rdo rje 'chang chen po rjes su dran pas mdun du bskrub par bya'o/ /rdo rje khro bo rgyal po'i phyag rgya'i rgyud do// // de nas 'phags pa spyan ras gzigs dbang phyug gi phyag rgya'i rgyud ni pad ma chen po rdo rje'i thal mo kha sbub pa dbu ma dang mthe bong dang mthe' bo chung kha phye ba'i 'dab ma bzhi pa chos nyid thams cad thob pa dang / thams cad rjes su chags par byed pa'o/ /phyag rgya chen po rnams ni de bzhin no/ /dam tshig phyag rgya rdo rje pad ma bshad pa'o/ /pad ma'i rigs rnams kyi rdo rje bsdams pa las byung ba'o/ /de la pad ma de bzhin gshegs pa rnams ni nang gi rdo rje bsdams pa las byung ba'o/ /de bzhin gshegs pa'i pad ma pang bar gyen du kha phye ba lta bu'i ting nge 'dzin gyi ming</font><hr>92.270a<br><font size=+1>

can gyi phyag rgya pad ma'i spyan zhes bya'o/ /rdo rje pad ma chen po'i rdo rje pad ma snying kar rdo rje bcing ba rdo rje pad ma'i chags pa zhes bya'o/ /pad ma chen po'i bdag po'i 'dzub mo mnyam pa 'og tu kha lta ba pang bar gzung ba pad ma'i sgrol ma zhes bya ba'i phyag rgya'o/ /pad ma chen po'i ba dan rin po che gnyis bzung zhing des pad ma sbyin pa'o/ /'di rnams kyi chos nyid thams cad las thob pa dang thams cad rjes su chags pa dang srid pa'i sdug bsngal gyi tshogs thams cad las sgrol ba dang / bsam pa thams cad yongs su rdzogs pa'i shin tu grub pa zhes bya'o/ /rdo rje rtse gsum dral ba'o/ /de nas pad ma'i lha'i bdag po rnams kyi phyi rol gyi bsdams pa las byung ba'o/ /de la don yod pa'i rgyal po ni 'og tu mdzub mo gnyis kyi kha 'bus pa khro gnyer la bzhag par bya ste pad mo'i khro gnyer gyi spyan no/ /rdo rje bsdams pa kha gyen du 'bar ba ni mgrin sngon gyi'o/ /g.yon pa'i mdzub mo'i bkug pa mthe bos yongs su bzung ste dung gi dbyibs de g.yas pa'i mthe bong bsgreng ba'i gteg ste/ mthe'u chung mnyam pa'i kha 'bus pa'i pad ma dang / sor mo lhag pa yang dag par brkyang ba'i 'khor lo ni pad ma'i khyab 'jug ma'o/ /pad ma las byung ba'i 'dzub mo gnyis bkug pa'i lcags kyu dang sor mo lhag ma kha phye ba'i pad ma las byung ba'i zhes bya'o/ /rta mgrin gyi ni mdzub mo gnyis shin tu sbyar ba'i lcags kyu rgod ma'i kha shin tu rab tu brkyang ba'i srin lag gi rtse mo dang / mthe'u chung dang gnyis rab tu brkyang ba so sor phye la g.yon g.yo zhing bzung ba ni pad ma'i lcags kyu zhes bya ba'o/ /'di rnams kyis dbang bskur ba thams cad dang / las thams cad dang / grol ba thams cad dang / dgug pa thams cad kyi dngos grub don yod pa'o/ /de bzhin gshegs pa'i sku mchog gi ting nge 'dzin gyi phyag rgya bshad pa'o/ /de nas las kyi phyag rgya ni kha T+wA~M ga</font><hr>92.270b<br><font size=+1>

bcings nas pad ma'i rigs thams cad kyi dam tshig ci lta ba bzhin du bzung bas so/ /ngag gi ting nge 'dzin gyis gzungs dgug pa ni chos kyi ngag gis bzlas pa'i don shes pa'o/ /pad ma chen po bcings nas yid kyis sbyin bsreg bya'o/ /sems kyis zhi bar bya'o/ /dngos po bsrung bar bya'o/ /rnam par sbyang bar bya'o zhes bya ba bsgrub par bya'o/ /las thams cad phyag rgya'i tshogs so/ /'phags pa spyan ras gzigs dbang phyug gi phyag rgya'i rgyud do// // de nas nam mkha'i snying po'i phyag rgya chen po de bzhin no/ /dam tshig gi ni phyag rgya rdo rje rin chen te/ mthe bong dang 'dzub mo'i sor mo bzhi'i rtse mo mnyams nas 'og tu rab tu bsdus te/ dbang bskur ba'i rdo rje thal mos dbang bskur ba thams cad thob pa'o/ /des ci lta ba bzhin du dbang bskur ba'o/ /rdo rje de nyid snying gar ro/ /gyen du kha blta ba'o/ /de nyid khu tshur ro/ /khu tshur spyi bor bzhag la me tog la sogs pa'i mchod pa dbul bar bya'o/ /'di nyid gnyis su bzhag nas las kyi phyag rgyar gzung ba'o/ /dbang bskur ba thams cad kyi rin po che'i gter gyi mchod pa thob pa'i don du yang dag par rdzogs pa'o/ /bcom ldan 'das kyi las kyi dam tshig ni bsal ba yongs su rdzogs par byed pa'o/ /g.yon pa'i khu tshur snying gar bstod nas g.yas pa nor sbyin pa bkrol ba'o/ /nor bu'i khu tshur gyi phyag rgya nyid kyis so/ /snying po'i ngag klu'i rgyal pos bzla ba ste bka' bsgo zhing de bzhin du las la nye bar sbyor ba'o/ /gal te ma grub na dbang bskur bar gnas pa'i rdo rje rin chen gyis nam mkhar las thams cad kyi bka' bsgo'o/ /chos kyi phyag rgya thams cad kyi tshogs ni 'di'o/ /don yod thogs med grub pa dang / /las kyi tshogs ni sgrub pa dang / /ngag gi phyag rgya'i bka' bsgo ba/ /thams cad myur du mkha' las byung zhes bya ba bcom</font><hr>92.271a<br><font size=+1>

ldan 'das rdo rje sems dpas gsungs so/ /dbang bskur ba thams cad kyi cho ga rgyas pa'o// // de nas phyi'i rgyud ni phyag rgya chen po ni g.yon par kham phor dang g.yas na mda' gtod pa'o/ /de rnams kyi dam tshig ni 'jug pa la bya ste/ lag pa gnyis kyi mthe bo dang mthe chung gi gdu bus lu gu rgyud bcing bar byas la mdzub mo dang dbus ma dang / srin lag mnyams te rtse gsum pas mtshan pa ni ming po rnams kyi'o/ /ci lta ba bzhin du bzung bas lha mo rnams kyi'o/ /rdo rje bsdams pa'i dbus ma dang srin lag gis sor mo'i rtse bo bzhi la 'dzub mo dang mthe'u chung bzhi'i rtse mo 'dus pa ni lha mo rnams kyis 'da' bar dka' ba'i dam tshig go /sring mo bzhi'i dkyil 'khor gyi phyag rgya'o/ /gang gi tshe dkyil 'khor gyi brtag par ma nus na de'i tshe 'di bcings te bltas na dkyil 'khor brtag pa dang mthong ba dang mchod pa ci 'grub par 'gyur ro/ /gdengs ka can gyi dbang po rnams kyi ni mthe bong bcings nas phyi rol du kha bltas pa'i sor mo'i gdengs ka sgreng ba ste/ klu thams cad dgug pa dang / gzhug pa dang / bcing ba dang / dbang du bya ba'i dam tshig ste/ gal te 'da' bar byed na 'chi bar 'gyur ro/ /lto 'phye lag pa ste thams cad sgrub par byed pa'o/ /dbus ma srin lag bzhi'i mdud pa legs par byed pa'i sbyor bas nye bar stod cing bsdus la mthe'u chung gnyis kyi rtse mo gnyis kyis brdeg par bya ste nye bar 'phel ba dug thams cad 'bar ba'o/ /kun nas bsdus na dug thams cad 'ching ba'o/ /'di nyid kyis dug thams cad bza' ba dang 'pho ba dang dug med par bya ba'o/ /gdug pa'i dkyil 'khor ni rdo rje khu tshur gyis bzung ba'i rdo rje khros nas myur du gzhig par bya'o/ /phyi'i phyag rgya'i rgyud do// // de nas bcom ldan</font><hr>92.271b<br><font size=+1>

'das thams cad mchog dbang phyug dam pa sna tshogs pa'i phyag rgya ni rdo rje thal mo mnyam bzhag nas/ ba dan gsum ni yongs su bzung / /rdo rje khyab 'jug ces bya ba/ /dor na thams cad gcod par byed/ /rdo rje 'khor lo'i phyag rgyas nyon mongs pa'i dgra thams cad kyi mgo rnams bcad nas mchog tu byung ba thams cad grub bo/ /mthe'u chung mthe bo dang sbrel ba'i/ /lag gnyis steng dang 'og tu ni/ /dbus ma gsum gyi rtse gsum mtshan/ /rdo rje 'dzin ma zhes sgrub pa'o/ /rdo rje dam tshig phyag rgya rdo rje gtum pa'i dbang phyug ma zhes bya ba don yod pa'i dam tshig go /rdo rje pad ma mnyam bzhag nas/ /gang der ci bzhin de bzhin du/ /shin tu thob dka'i sangs rgyas kyang / /bsgrub pas bzlas pas sgrub par byed/ /rdo rje chos nyid ces bya ba'i phyag rgya sgrol ma'o/ /'dzub mo bsdams pa'i phyi rol dgug /mthe bo rdo rje bkab pa ste/ /rdo rje chen po'i nor bu ster zhes bya ba ni rdo rje nor bu zhes bya ba'i phyag rgya'o/ /de nas thams cad kyi dbang phyug dam pas bsgrubs pa'i dngos grub thams cad kyi tshogs kyi phyag rgya'i rgyud ni 'di yin te/ de la dang por re shig dang po'i dngos grub brgya rab tu sgrub par byed pa'i phyag rgya rab sgrub par byed pa'i phyag rgya chen po stong du 'gyur te/ ci lta ba bzhin du dam tshig phyag rgya mtshan rnams kyis lag pa g.yas pa dang / g.yon pa dag gi rdo rje chen po'i sbyor bas las thams cad kyi dngos grub sgrub par byed pa'i stong nyid du 'gyur te rdo rje bsdams pa nang du bcings pas so/ /de ltar rang gi phyag mtshan gyi khu tshur rdo rje gar las byung ba'i phyag rgya stong dang po'i las kyi tshogs brgya sgrub par byed pa'i rdo rje las byed pa gsum mo/ /de ltar lag pa g.yas pa dang / g.yon pa'i gcig shos kyis las thams cad rab tu sgrub par byed pa'i las kyi phyag rgya stong bzhi pa'o/ /de ltar ma lus</font><hr>92.272a<br><font size=+1>

pa'i phyag brgya bcings ba'i ni lag pa gcig gis phyag rgya thams cad bcing ba rab tu sgrub pa'o/ /de ltar 'gro ba kun don du/ /'khor dang dam tshig las dang bcas/ /kun mchog dbang phyug dam pa ni/ /rdo rje sems dpas sgrub par mdzad/ /de ltar gsang ba rgya chen rmad du byung / /mchog tu 'gro ba thams cad sbyor byed pa/ /mchog dang po yi bla ma bla na med/ /gsal ba'i rgyud ni nga yis yang dag bshad/ /dpal mchog dang po rtog pa'i rgyal po las rigs thams cad kyi phyag rgya'i rgyud do// // de nas ston pa rdo rje 'dzin/ /gsang ba kun gyi bdag brtan pas/ /de nyid phyag rgya'i rgyud chen po'i/ /mtshon cha dam pa 'di gsungs so/ /de nas bcom ldan 'das rdo rje sems dpa'i rtog pa thams cad kyi gsang ba'i dkyil 'khor gyi rtog pa'i tshogs mchog tu mkhas shing phra ba/ rgya che la zab pa/ bsam gyis mi khyab pa tshad med pa/ gsal zhing mnyam pa med pa/ bla na med pa'i bla ma mthar thug pa med pa'i dngos grub kyi gsang ba bsgrub pa ma lus shing lus pa med pa'i dngos grub thams cad kyi las rnams sgrub pa po don yod cing thogs pa med pa bshad par bya'o zhes bya ba bcom ldan 'das mchog tu gsang bas gsungs so/ /ma mchu so rnams kyis bzung la dga' ba chen pos dang po'i rdo rje'i lta bas blta zhing byed pa dag gis ma lus shing lus pa med pa'i dngos grub thams cad kyi las kyi tshogs rnams sgrub par byed pa'o/ /bde ba chen po'i gsang ba chen po'i rdo rje rdo rje spyan zhes bya ba'i phyag rgya'o/ /de bzhin gshegs pa thams cad kyi bzhad pa chen pos dgod cing brtan pa'i rdo rje lta bu'i byed pa dag gis de bzhin gshegs pa thams cad kyi las rnams sgrub par byed pa ste/ de bzhin</font><hr>92.272b<br><font size=+1>

gshegs pa thams cad kyi spyan zhes bya ba'i phyag rgya'o/ /khro gnyer dang bcas pa/ khro bo'i rdo rje lta ba dang bcas pa'i byed pa dag /sna'i dbugs chen po'i yi ge hU~M gis rdo rje thams cad kyi dngos grub ste/ rdo rje nyi ma ltar me 'bar ba'i lta ba'i spyan zhes bya ba'i phyag rgya'o/ /de bas cung zad 'dzum pas dngos grub thams cad kyi las kyi ye shes kyi rdo rje lta ba'i byed pa rnams kyis mchu mnyam pa'i ting nge 'dzin rdo rje la sogs pa'i dngos grub thams cad kyi las kyi ye shes kyi tshogs rnams sgrub par byed pa ste pad ma chen po'i spyan zhes bya ba'i phyag rgya'o/ /snyems pa dang bcas pa'i ting nge 'dzin gyis phra bar 'dzum pa'i lta ba'i byed pa rnams dang / bzhin 'dzum pa dang / bzhad pas nam mkha' la dngos grub thams cad kyi las kyi tshogs sgrub par byed pa ste rdo rje chen po ni nor bu'i spyan zhes bya ba'i phyag rgya'o/ /don yod thogs med grub pa dang / /bden pa'i bdag nyid 'jigs pa med/ /sangs rgyas kun dang bdag gis kyang / /gsang ba'i phyag rgya legs grub stsol/ /dkyil 'khor du ni ma zhugs kyang / /de nas de phyir mchog dang po/ /bcom ldan rdo rje sems dpa' mchog /dang po shin tu mkhas shing phra la zab cing rgya che ba bsam gyis mi khyab pa ste/ mchog gi mchog ni dang po dang / /mchog tu gsang ba dam pa ste/ /'dzum pa'i phyag rgya la sogs tshogs/ /rdo rje sems dpas gsungs pa yin/ /rdo rje 'chang chen slob dpon ni/ /mchog tu dang zhing rab dga' bas/ /snying po la sogs rnams med kyang / /myur du thams cad sgrub par byed/ /snying po phyag rgya sngags rig pa/ /sgrub pa 'di ni rmad byung ste/ /dngos grub thams cad rab sgrub pas/ /ma grub rnams kyang 'grub par 'gyur/ /gang zhig grub par ma</font><hr>92.273a<br><font size=+1>

gyur dang / /bsod nams phun tshogs mi ldan na/ /bdag nyid dam ni rdo rje sems/ /sgrubs na de ni myur du 'grub/ /gal te rdo rje sems dpa' mchog /snying po sogs dang nye snying pos/ /bsgrub par byas kyang ma grub na/ /'dzum pa'i phyag rgyas bsgrubs par bya/ /de phyir gsang ba'i btsun mo 'di/ /rdo rje sems dpas rab dga' byed/ /rdo rje sems dpa' dga' ba che/ /dgyes pa de yis myur du 'grub/ /de nyid chen po 'di grub pa/ /dam pa mchog gi bdag nyid ni/ /gsang ba mchog tu bsod nams ldan/ /so so'i skye bo la brjod min/ /de nyid grub pa'i rjes 'brang ba'i/ /rdo rje sems dpa'i grub pa gang / /gal te dngos grub mchog 'dod na/ /de bzhin gzhan la sbyin mi bya/ /gang gis grub par ma gyur na/ /de la de nyid sbyin par bya/ /de nyid 'dzum pas myur du ni/ /bdag byin brlabs pas 'grub par 'gyur/ /de nyid chen po dag pa 'di/ /rdo rje can gyi mtshon ca mchog /phyag rgya'i rgyud ni bla med pa/ /mchog tu gsang ba bshad pa yin/ /de nyid dad pa'i rjes 'brang ba'i/ /rdo rje slob dpon kun mchog la/ /gal te dngos grub mchog 'dod na/ /gzhan rnams la yang de bzhin sbyin/ /phyag rgya'i rgyud ni gcig pu 'di/ /bdag nyid gang la yod gyur na/ /bdud la sogs pa rnams kyis ni/ /mi thub pa dang mi sod 'gyur/ /de la rgyal ba rdo rje 'dzin/ /kun mchog dngos grub kun gsol ba/ /kun gsol kun byed thams cad du/ /bka' bsgo ba kun grub par 'gyur/ /dpal mchog dang po gsang ba'i bla ma dam pa'i dpal rang gi dam tshig gi bla na med pa'i mchog tu gsang ba'i phyag rgya'i cho ga'o// // de nas bcom ldan 'das dpal mchog dang po rdo rje sems dpa'i mchog dang po mchog tu mkhas shing phra la</font><hr>92.273b<br><font size=+1>

zab cing rgya che ba bsam gyis mi khyab la mtha' med cing shin tu mtha' yas pa tshad med cing gzhal du med pa/ bla na med pa/ don yod cing thogs pa med pa'i mchog gi de kho na nyid kyi snying po mchog tu gsang ba'i snying po mchog tu gsang ba zhes bya ba thams cad kyi mchog gi dngos grub chen po'i bdag po nyid la sogs pa'i dngos grub thams cad kyi las kyi tshogs mchog tu mi 'gyur ba'i dam pa bla na med pa'i gsang ba dang / rab tu dga' ba thams cad dang / bde ba dang yid bde ba'i dngos grub kyi mchog sgrub par byed pa dang / mchog gi phyag rgya'i rgyud bshad par bya'o zhes bcom ldan 'das rdo rje sems dpas gsungs so/ /tsum b+ha nA dang / 'khyud pa la sogs pa'i bcom ldan 'das mchog dang rdo rje sems dpa'i phyag rgya thams cad ni dga' ba chen po dpal rdo rje don yod pa'i dga' ba'i dam tshig rnal 'byor zhes bya ba ste thams cad rnal 'byor zhes bya ba gang brjod pa'o/ /de gang dang gang la nye bar sbyor ba de dang der bcom ldan 'das ni/ kun mchog dngos grub chen po yi/ /dbang phyug chen po lhag pa'i lha/ /byin brlabs mchog ni rtags mdzad nas/ /rdo rje sems dpa' myur du grub/ /tsum b+ha nA dang 'khyud pa la sogs pa'i reg bya'i rgyas btab pa tsam gyis kyang ma lus shing lus pa med pa dang / lhag ma med pa thams cad kyi mchog dbang phyug chen po'i bdag nyid la sogs pa'i dngos grub thams cad kyi las kyi tshogs yid kyi 'dod pa grub par byed pa yin no zhes bya ba shin tu mchog tu gsang ba'i phyag rgya'o/ /rnam par 'phrul pa dang bcas pa'i 'dzum zhing g.yo ba'i mig gi zur gyis lta ba'i phyag rgya ste/ bcom ldan 'das kyi dga' ba chen po'i rdo rje don yod pa'i mda' zhes bya bas rgyas btab pas thams cad rjes su chags pa dang / </font><hr>92.274a<br><font size=+1>

dgug pa dang / dbang du bya ba dang / dngos grub mchog la sogs pa'i dngos grub thams cad kyi las kyi tshogs yid kyis 'dod pa rnams sgrub par byed pa'o/ /'dzum zhing cung zad phye ba'i mig gi blta ba ni mchog tu dga' ba'i dpal rdo rje spyan zhes bya ba'i phyag rgya thams cad sgrub par byed pa ste 'dis lta zhing btung bar bya'o/ /'di ni bcom ldan 'das kyi rab tu dga' ba chen po dpal rdo rje don yod dga' ba'i bcud kyis len gyi mchog gi dngos grub ces bya ba'i phyag rgya ste tshe zad pa thams cad kyang 'dis rdo rje sems dpa'i na tshod gzhon pa dang / nad med pa dang / gzugs dang / stobs dang / gzi brjid kyi stobs dang / spro ba dang / dngos grub gyi mchog thams cad dang / dpal dang skal ba bzang po dang / dga' ba chen po dang / shin tu bde ba thams cad dang / yid bde ba dang / dngos grub kyi mchog thob ste/ ci srid dngos grub kyi mchog thams cad kyi las kyi tshogs mchog tu dam pa grub ste/ bcom ldan 'das yum gyi rgyas btab pa tsam gyis skad cig ma gcig gis grub pa'o/ /snyems pa dang bcas pa'i g.yon pa'i mig dgod cing bstod pa ni bcom ldan 'das dgyes pa chen po'i dpal rdo rje don yod pa'i dga' ba'i rgyal mtshan mchog gi dpung rgyan zhes bya ba'i phyag rgya ste/ 'dis rgyas btab pas thams cad las rnam par rgyal bar byed pa dang / phyag byed du bcug pa dang / rab tu sgrub par byed pa dang / ci srid mchog thams cad grub cing dngos grub chen po'i dbang phyug nyid rab tu sgrub par byed pa'o/ /sgeg pa dang bcas pa'i lta ba dang / 'dzum pa dang gsong zhing phyag 'tshal ba dang ldan pa ni bcom ldan 'das kyi phyag rgya phyag 'tshal ba'i phyag rgya ste/ dga' ba chen po dpal don yod pa'i dbang phyug ki+A</font><hr>92.274b<br><font size=+1>

li ki+A la zhes bya ba'i phyag rgya ste/ 'dis rdo rje sems dpa' la sogs pa'i brtan pa dang g.yo ba'i dngos po thams cad la rgyas btab pas 'dud par gyur nas dngos grub mchog thams cad la sogs pa'i dngos grub thams cad kyi las kyi tshogs kyi mchog gi dam pa'i dngos grub kyis grub par 'gyur ro/ /rnam par 'phrul pa dang / sgeg pa dang bcas pa'i 'dzum pa'i zhal nyid ni bcom ldan 'das mchog dang po rdo rje sems dpa'i dga' ba chen po'i dpal rdo rje don yod dga' bas brtson pa zhes bya ba mchog tu gsang ba'i rdo rje 'dzum pa'i phyag rgya ste/ 'dis bcom ldan 'das rdo rje 'dzin pa thams cad kyi slob dpon mchog dang po'i glu ni/ kun mchog dngos grub chen po ni/ /dbang phyug chen po lhag pa'i lha/ /rdo rje 'dzin kun rgyal po ste/ /mi 'gyur mchog ni 'grub par 'gyur/ /rnam par 'phrul pa dang bcas pa'i sgeg pa'i 'dzum pa'i phyag rgyas rgyas btab pa tsam gyis thams cad gyi dngos grub chen po'i dbang phyug chen po'i bdag po nyid la sogs pa'i dngos grub thams cad las kyi tshogs yid kyi 'dod pa rnams grub par byed do/ /sarba ku ru ya thA su kha~M zhes bya ba brjod de/ de bzhin gshegs pa thams cad kyi gsang ba theg pa chen po'i mdo sde'i dbang po'i rgyal po bcom ldan 'das phyag na rdo rje de bzhin gshegs pa thams cad kyi phyag rgya ste/ de bzhin gshegs pa thams cad kyi theg pa chen po mngon par rtogs pa'i gsang ba'i rdo rje byin gyis brlabs pa zhes bya ba 'di rang bzhin gyis 'od gsal ba'i phyir chos thams cad rnam par dag pa la sogs pa ma lus shing lus pa med pa'i de bzhin gshegs pa thams cad kyi chos nyid thob pa'i ye shes dang / mngon</font><hr>92.275a<br><font size=+1>

par shes pa dang / mchog gi dngos grub la sogs pa'i dngos grub thams cad kyi las tshogs rnams sgrub par byed pa'o/ /rnam par 'phrul pa dang bcas pa'i 'dzum zhing smin ma'i khro gnyer rdo rje lta ba'i phyag rgya ni bcom ldan 'das kyi khro bo ki+A li ki+A la zhes bya ba'i phyag rgya ste/ 'dis rgyas btab pas rdo rje sems dpa' la sogs pa'i brtan pa dang g.yo ba'i dngos po thams cad rjes su chags pa dang / dgug pa dang / dbang du bya ba dang / 'bebs pa dang / gzhug pa dang / gar dang / glu dang / rnam par 'phrul pa ston pa dang / bden ngag thams cad dang / grol ba dang pra dbab pa thams cad bsgrub pa dang sgyu ma thams cad dang rmad du byung ba thams cad so sor ston pa dang sna tshogs pa'i gzugs thams cad kyis bya ba ston pa dang / thams cad la rgyas btab pa dang / gnod pa dang / 'dul ba dang / gsad pa dang / thams cad phyir 'dren pa dang / thams cad bsgrub pa dang / mchog gi dngos grub la sogs pa gzhom du med pa'i dngos grub thams cad kyi las kyi tshogs rnams sgrub par byed pa'o/ /thams cad dag pa'i ting 'dzin gyis/ /thams cad mnyam pa nyid kyi gzugs/ /sna tshogs pa yi bya ba la/ /rab 'jug mchod pa byin gyis brlab/ /rdo rje pad ma zhes bya ba ni bcom ldan 'das 'phags pa spyan ras gzigs kyi dbang phyug gi phyag rgya ste/ thams cad rnam par sbyong ba dang / bsrung ba dang / yongs su sbyong ba dang / rims thams cad dang / dug dang / sbyar ba'i dug dang / gdon dang / nad dang / mkha' 'gro ma'i phyag rgya nye bar zhi ba dang / shi ba yang dag par gso ba dang / dbang phyug thams cad thob pa dang / gzugs sna tshogs pa'i bya ba thams cad la rab tu 'jug pa</font><hr>92.275b<br><font size=+1>

la sogs pa'i dngos grub mtha' yas pa de bzhin gshegs pa thams cad kyi ting nge 'dzin gyis rab tu byed pa'o/ /nam mkha' phra bar bskyod pa dag gis rol zhing rnal 'byor thams cad kyis rjesu chags par bya ste/ 'di la bcom ldan 'das nam mkha'i snying po'i rdo rje byin gyis brlabs pa zhes bya ba'i phyag bya ba'i phyag rgya ste/ 'dis rgyas btab pas bcom ldan 'das rjes su chags shing dgyes pa dang / brtan par rjes su chags nas nam mkha' thams cad kyi bdag nyid kun gyi dngos po nyid kyi phyir bsam pa thams cad yongs su rdzogs pa dang / mchog gi dngos grub la sogs pa'i dngos grub thams cad kyi las kyi tshogs yid la 'dod pa rnams sgrub par byed pa'o zhes bya ba yang gsungs so/ /mchog dang po ni mchog nyid du/ /gsang ba dam pa gsungs pa yin/ /mig sogs phyag rgyas rgyas btab pa'o/ /rdo rje sems dpas gsungs pa yin/ /rdo rje kun 'dzin slob dpon gyi/ /tsum b+ha nA dang 'khyud sogs kyis/ /thams cad rnal 'byor rjes bsgrub ste/ /myur du kun la rgyas gdab bya/ /snying po phyag rgya sngags rig pa'i/ /sgrub pa 'di ni rmad byung ste/ /grub pa med pa rnams la yang / /dngos grub thams cad rab sgrub byed/ /gang la dngos grub med gyur dang / /bsod nams phun tshogs med pa yang / /bdag nyid rdo rje sems dpa' 'am/ /rgyas btab myur du 'grub par 'gyur/ /gal te rdo rje sems dpa' mchog /snying po la sogs nye snying pos/ /bsgrub bya grub par ma gyur na/ /tsum b+ha sogs kyis rgyas gdab bya/ /gang phyir gsang ba'i phyag rgya ni/ /dngos grub kun gyi bde dam pa/ /rdo rje sems dpa'i mchod pa mchog /de yis myur du 'grub par 'gyur/ /de nyid chen po 'di grub pa/ /</font><hr>92.276a<br><font size=+1>

mchog gi bdag nyid dam pa ste/ /mchog tu gsang ba bsod nams ldan/ /so so'i skye bo la brjod min/ /rdo rje slob dpon slob ma mchog /de nyid dad pa'i rjes 'brang la/ /gal te dngos grub mchog 'dod na/ /sbyin te gzhan la sbyin mi bya/ /phyag rgya'i rgyud 'di 'ba' zhig gi /bdag nyid gang la yod gyur na/ /bdud la sogs pa thams cad kyis/ /mi thub pa dang sod mi 'gyur/ /de nas rgyal po rdo rje 'dzin/ /kun mchog dngos grub kun stsol ba/ /thams cad mdzad cing thams cad mkhyen/ /thams cad sgrub par mdzad pa yin zhes bya ba bcom ldan 'das rdo rje sems dpas gsungs so/ /dpal mchog dang po las mchog tu gsang ba zhes bya ba'i phyag rgya'i rgyud phyag rgya bcu pa rdzogs so// // de nas mchog tu mkhas shing phra ba la zab cing rgya che ba bsam gyis mi khyab pa shin tu mtha' yas pa tshad med cing gzhal du med cing brjod kyis mi lang zhing rab tu khyab pa mchog tu grub pa zhes bya ba'i phyag rgya'i rgyud bshad pa'o zhes bya ba bcom ldan 'das mchog tu grub pa'i rdo rje sems dpas gsungs so/ /de la phyag rgya bcu ni bdag nyid thams cad skyed par byed pa'o/ /rdo rje sems dpa'i phyag rgya chen po bde ba chen po'i rdo rje don yod pa'i dam tshig las byung ba'o| sngon du dang po'i dngos grub thams cad mchog la sogs pa'i dngos grub thams cad kyi las kyi tshogs myur du sgrub par byed pa ste/ de la 'di ni sku'i phyag rgya ste ba dan gsum pa dang kha T+wA~M ga'i phyag rgya bcings nas g.yon pa dril bu dang bcas shing g.yas pa bslang ba'i tshul du byed pa ste/ sgeg pa dang bcas pa'i 'dzub mo la sogs pa bkrol ba'i gar gyis rdo rje 'dod pa'i dbang phyug ma bstod pa ste/ </font><hr>92.276b<br><font size=+1>

thams cad kyi mchog dngos grub chen po dbang phyug chen po'i mchog gi phyag rgyas dga' ba chen po'i dpal rdo rje don yod pa'i dgyes pa'i dam tshig dngos grub kyi rnal 'byor gyi dbang phyug ma zhes bya ba ste/ des rdo rje bsnyems ma yongs su btang bar byas na dngos grub bzhir 'gyur ro/ /rdo rje bsnyems ma nyid kyis rgyas btab na thams cad kyi mchog gi dngos grub chen po'i dbang phyug chen po'i bdag nyid mi 'gyur ba'i mchog go /mda' gsor bas rgyas btab na rdo rje lha mo rnams kyang rjes su chags par byed na bud med gzhan rnams lta smos kyang ci dgos/ rdo rje ki+A li ki+A las rgyas btab na lha dang lha ma yin gyi bud med thams cad kyi bud med thams cad rol par byed cing ma grub na yang thams cad sgrub par nus pa yin no/ /chu srin gyi rgyal mtshan bsgreng ba'i phyag rgya 'dis thams cad las rnam par rgyal ba dang gsod pa'o/ /rdo rje 'dod pa'i dbang phyug mas yongs su dgod cing phreng ba dor ba'i sngags dang phyag rgyas btab pa tsam gyis 'dod pa thams cad kyi dbang phyug thob pa'o/ /mchog tu gsang ba'i ras ris kyi phyag rgya ci lta ba bzhin du brjod par bya'o/ /bde ba chen po rdo rje don yod pa'i dam tshig gi mchod pas rab tu dga' ba la sogs pa'i mchod pa thams cad thob pa mi zad pa'o/ /rdo rje bstod pa'i phyag rgyas srid pa gsum thams cad bskyod pa dang dbang du byed pa'o/ /rdo rje hU~M mdzad kyi phyag rgya dang rkang pas lha'i gzugs brnyan mnan cing rgyas btab nas sdigs 'dzub byas te/ lha la sogs pa'i sems can de dang de ring por mi thogs par rgyas btab pas bka' bsgo ba thams cad dang las rnams byed par 'gyur ro/ /stan mthon po la dkyil dkrung phyed pas 'dug ste/ rkang pa g.yon pas rdo rje sems dpa'i gzugs</font><hr>92.277a<br><font size=+1>

brnyan yang mnan nas rdo rje gsor zhing rdo rje sems dpa' mnan nas/ dngos grub yid du 'ong ba thams cad dang phun sum tshogs pa rnams nyams su myong na lha la sogs pa'i sems can lta smos kyang ci dgos/ g.yon pa'i rdo rje khu tshur gyis rang gi rtags bzung nas g.yas pa rdo rje la sogs pa bstod pa'i tshul gyis 'dzin cing / yid la 'dod pa'i lha'i bu mo thams cad la rgyas 'debs shing stobs kyis rol bar byed pa 'am sgrub par byed pa ste rdo rje sems dpa'i phyag rgya chen po'o/ /de nas dam tshig gi phyag rgya ni bde ba chen po rdo rje don yod pa'i dam tshig las byung ba ni bcu ste snying kar sen mo 'deg pa'o/ /lcags kyu brdeg pa'o/ /g.yon pa'i lcags kyu la g.yas pa de gzhug pa'o/ /lcags kyu'i rtse mo btsir ba'o/ /phan tshun sems brud pa'i snying kar byas pa'o/ /lce mnyam par byin pa'o/ /snying kar rdo rje brtan par rab tu bzhag pa'o/ /rdo rjes byab pa'o/ /rtse ba'i phyag rgya yang ngo / /'di rnams kyis dngos grub dang / phun sum tshogs pa dang / bde ba dang / phyag rgya dang / dam tshig dang / dkyil 'khor dang / chos dang / ye shes dang / las dang / bde ba chen po thams cad kyi dngos grub rnams don yod pa thob par 'gyur ro/ /de nas gsang ba'i dam tshig gi rdo rje bsdams pa las byung ba'i las bcu ni dbus ma'i lcags kyus so/ /kha sbyor gyi nang du rdo rje sor mo rnams thams cad kyi las so/ /mthe bo rdo rje'o/ /de nyid kyis mthil gnyis su brud pa'o/ /'dzub mo rdo rje'o/ /de nyid kyi lcags kyu gnyis so/ /dbus ma'i rdo rje'o/ /de nyid kyis sor mo'i rtse mo bcing bar bya'o/ /srin lag gi rdo rje'o/ /de nyid kyis sor mo'i rtse mo dag gi rol mo'o/ /mthe'u chung gi rdo rje'o/ /de nyid kyis mthe bo gnyis kyi sen mo btsir</font><hr>92.277b<br><font size=+1>

ba'o/ /'di rnams kyis btab pas rdo rje sems dpa' la sogs pa'i dngos po thams cad sgrub pa dang / rjes su chags pa dang / dbang du byed pa dang / dgug pa dang / rol pa dang / chags pas bcing ba dang / thams cad smrar gzhug pa dang / gar byed du gzhug pa dang / dgod du gzhug pa dang / gsod pa'o/ /de nas las kyi dam tshig gi phyag rgya bcu ni rdo rje gar gyi mchod pa lha dang lha ma yin gyi bu mo thams cad dang / bu mo gzhon nu ma thams cad brtan par rjes su chags pa ni rdo rje lta bas so/ /rab tu dga' ba'i bsgrub pa ni ma mchu nang du g.yo bar byed pas myang ba dang btung ba'o/ /chags pa brtan zhing ltung ba ni dbugs rings por gtong bas so/ /de nas las 'dod pa thams cad kyi dbang phyug thob pa ni dpung pa gnyis bstod pas so/ /thams cad kyis mchod par 'gyur ba ni snying kar gzhug pas so/ /yod pa thams cad rnyed pa ni mig dgug pas so/ /'dod pa'i chags pa bskyed pa ni dbus dang bcas pa'i dman pa'i gdong gis blta bas so/ /thams cad 'bebs pa'i cho ga ni rang gi snying phra bar bskyod pa'i las rnams kyis so/ /'dod pa'i chags pa gsad pa ni dbugs btang bas rang nyid ldang bar byed pas so/ /'dod pa thams cad kyi rjes su spyod pa la sogs pa'i las thams cad kyi byed pa ni bka' bsgo bas so/ /de rnams rdo rje sems dpa' la sogs pa'i brtan pa dang g.yo ba'i dngos po thams cad la yang nye bar sbyor na don yod grub pas skad cig nyid kyis brtan zhing mi 'gyur ba'i dngos grub kyis rgyas btab na 'grub par 'gyur ro/ /zhes bya ba bcom ldan 'das rdo rje sems dpas gsungs so/ /de nas las kyi phyag rgya bcu ni rdo rje bsnyems ma'i phyag</font><hr>92.278a<br><font size=+1>

rgyas thams cad bsgrub pa'o/ /rdo rje mtshon cha mas thams cad las rnam par rgyal ba dang rjes su chags pa'o/ /rdo rje ki+A li ki+A las rab tu dga' ba'i reg bya dang dngos grub thams cad bde bar grub pa'o/ /rgyal mtshan bsgreng bas 'thab mo thams cad las rnam par rgyal ba'o/ /rdo rje 'dod pa'i dbang phyug mas bdag po chen po nyid do/ /dus kyi mchod pas mchod par 'gyur ba nyid do/ /rdo rje gsor bas thams cad 'dul ba'o/ /rdo rje dor bas thams cad gsod pa dang / thams cad 'phrog pa'o/ /g.yon pa bsnyems shing g.yas pa'i rdo rje khu tshur gyi las rnams kyis sgyu ma dang / rdzu 'phrul thams cad dang / so sor ston pa dang / rmugs pa dang / rengs pa dang / gnyid log tu gzhug pa dang / bskor ba dang / bskrad pa dang / 'bru dang / ltung ba 'phog pa dang / dbang du byed pa la sogs pa'i las thams cad sgrub par byed pa'o/ /rdo rje sems dpa'i dam tshig gi phyag rgya bcu ni rdo rje thal mo las byung ba'o/ /rdo rje sku mchog gis dngos grub thams cad do/ /'dzub mo gnyis gyis lcags kyus dngos grub thams cad do/ /rdo rje gnod sbyin gyis bdud thams cad la sogs pa'i gdug pa 'dul ba'i de nyid kyis mthe bo'i rdo rjes bkab pas thams cad rnyed pa'o/ /de nyid kyi mthe bo gnyis bcug pa'i gtsug tor rdo rjes thams cad bsrung ba'i mthe bo rdo rje nang du bcug pa de nyid kyis rdo rje sems dpa' la sogs pa'i sems can thams cad rjes su chags pa dang / dgug pa dang / dbang du byed pa sgrub pa'o/ /mthe'u chung rdo rje sor mo gnyis kyi rtse mo gnyis mdzub mo gnyis kyis legs par bzung bas mtho ba ni dpal dgug pa dang dbang</font><hr>92.278b<br><font size=+1>

du byed pa'o/ /rdo rje gnod sbyin gyi rgyal mo de nyid kyis nor thams cad dang dpal dbrog pa'o/ /de nyid kyi dbus ma gnyis kyis srin lag gnyis kyi rtse mo yongs su btsir bas bdud la sogs pa'i gdon las grol ba dang / dbang du byas nas las thams cad la sbyor ba'o/ /rab tu dga' ba'i rdo rjes yul thams cad kyi mchog bsgrub pa'o/ /de nas gsang ba'i phyag rgya rab tu dga' ba'i rdo rje las byung ba'o/ /sems dpa' mnan nas rdo rje lha mo rol du gzhug pa'o/ /de yang rab tu dga' ba'i rdo rje chen pos rgyas btab pas so/ /rdo rje dang bcas pa'i rab tu dga' ba'i rdo rjes so/ /de bzhin gshegs pa thams cad kyi chags pa dang bral ba'i 'khor los so/ /mdzub mo dang / dbus ma dang / srin lag gi 'khor lo bsgreng bar byas la mthe bo dang / mthe'u chung mnyams la dral bar bya ste/ rab tu dga' ba'i rdo rje bsgrub pa de kho na nyid kyis rgyas btab cing bsgrub par 'gyur ro/ /btsir bas 'dod pa thams cad rab tu sgrub par byed pa'o/ /'dzub mo lcags kyus 'dod pa thams cad kyi bde ba dgug pa'o/ /'dzub mos phrag dog la sogs pa'i 'dod pa thams cad kyi sdug bsngal rab tu zhi ba'o/ /rtags bskyod pas rab tu dga' ba 'bebs shing de nas bsgrub pa'o/ /skye gnas g.yo bas bud med dang skyes pa dag gis rab tu dga' ba la 'jig rten las 'das pa'i 'dod pa thams cad kyi bde ba chen po shin tu mtha' yas pa'o/ /kha sbyor btsir bas ci srid 'tsho ba'i bar du 'dus pa dang bral ba yang ngo / /rtags kyi sen mo g.yon pa'i mthil brud pas shin tu brtan pa'i 'dod pa la chags pa nyid du 'gyur ro/ /gzhan gyi 'dod pa dang mi lta zhing gzhan la mi 'gro bar shin tu bde ba dang yid bde ba ster ba'i</font><hr>92.279a<br><font size=+1>

bud med thams cad 'grub par 'gyur ro/ /skyes gnas su sen mo brud pas skyes bu rnams so/ /de nas thams cad kyi bdag nyid kyi gsang ba'i phyag rgya bcu ste/ /de la lus thams cad kyi phyag rgya ni rdo rje khu tshur gnyis kyis 'khyud la ma mchu so rnams kyis bzung ste/ rmongs pas bde ba steng du gzhug bsgrub pas rab tu dga' ba'i dngos grub kyis rdo rje sems dpa' shin tu 'grub par 'gyur ro/ /mchog dang po'i dngos grub kyis su ra s+t+wa~M zhes bcom ldan 'das la brjod cing de kho na nyid bskul ba grub par 'gyur ro/ /rab tu dga' ba'i ye shes kyis thams cad bsgrub pa'o/ /lag pa g.yon pa'i khu tshur gsang bar reg na thams cad bsgrub pa'o/ /bde ba chen po rdo rje las byung ba'i rdo rje chen po'i lta bas thams cad grub pa'o/ /smin ma gyen du bteg pas ltung ba slong ba'o/ /rang gi ma mchu nang du myang bas skal pa bzang po chen po bsgrub pa'o/ /rang gi lce bskyod pas rang nyid kyi bden pa thams cad dang de kho na nyid gsal zhing mi slu bar smra ba'o/ /rang gi lus la 'bebs pas gzugs thams cad yongs su bsgyur ba ste/ rdo rje sems dpa' 'am sangs rgyas su yang 'gyur ba yin no/ /rang gi bdag nyid rdo rje bsgoms pas nam mkha' la 'gro ba'o/ /de nas dang po las thams cad kyi phyag rgya bcu ni rdo rje thal mo kha T+wA~M gas so/ /dngos grub thams cad rdo rje khu tshur dag gis so/ /de bzhin gshegs pa'i khu tshur dag gis dngos grub thams cad do/ /thams cad gsod pa ni khro bo'i khu tshur dag gis so/ /thams cad sbyar ba ni pad ma'i khu tshur dag gis so/ /nor thams cad dbrog pa ni nor bu'i khu tshur gyis so/ /thams cad 'bebs pa ni thams cad 'bebs pa'i khu tshur gyis so/ /thams cad gar byed tu</font><hr>92.279b<br><font size=+1>

gzhug pa ni kha T+wA~M ga gtor ba'i khu tshur dag gis so/ /thams cad smrar gzhug pa ni mdzub mo mnyam pa'i lce'i khu tshur dag gis so/ /thams cad bskyod pa ni brtan pa'i khu tshur dag gis so/ /thams cad gzhug cing don yod par bsgrub par ni rdo rje lcags kyu'i khu tshur gyis so/ /de nas rdo rje khu tshur gnyis kyis ci 'dod pa'i lag pa'i sor mo'i phyag rgya bcu ste/ don yod cing thogs pa med par skad cig mas myur du grub par byed pa 'di lta ste/ pi bang dang / gling bu dang / rdza rnga dang / mu kuN+Da dang / cha lang dang / rnga bo che dang / rnga zlum dang / rnga pa Ta ha dang / 'gun dza dang / ti mi la ste/ 'di rnams kyis rgyas btab na thams cad du rjes su chags pa dang / dbang du byed pa dang / 'bebs pa dang / rims dang / dug dang / sbyar dug dang / gdon las grol ba dang / gsod pa dang / 'thab mo las rnam par rgyal ba dang / phun sum tshogs pa thams cad thob pa yin no zhes bya ba gsungs so/ /'dod chags chen pos rnam dag phyir/ /rdo rje sems dpa' chen po yin/ /phyag rgya'i rtog pa rab tu brtags/ /rdo rje slob dpon slob ma mchog /de nyid dad pa'i rjes 'brangs la/ /rtogs pa tsam gyis skad cig gis/ /don yod kun grub bde bar gsol zhes bya'o/ /dpal mchog dang po las mchog tu grub pa zhes bya ba'i phyag rgya'i rgyud rdzogs s+ho// // de nas mchog tu mkhas shing mtha' las 'das pa tshad med cing gzhal du med pa ma lus shing lus pa med pa'i mchog gi dngos grub chen po'i bdag nyid la sogs pa'i dngos grub thams cad kyi las kyi tshogs mchog tu dam pa grub pa zhes bya ba rdo rje gar las byung ba'i tshogs thams cad kyi phyag rgya stong bshad par bya'o zhes bya ba bcom ldan 'das rdo rje sems dpas gsungs so/ /phyag rgya chen po mnyam bzhag nas/ /sgeg bcas 'dzum sogs bkrol ba yis/ /las</font><hr>92.280a<br><font size=+1>

kyi phyag rgya chen po brgya/ /thams cad gar gyis bsgrub par bya/ /bde ba chen po rdo rje gsang ba'i lcags kyus khyad par du las kyi phyag rgya bcing ba ste brgya phrag dang po mchog tu bsgrubs te rdo rje dam tshig lha mo rnams kyi phyag rgya'o/ /rdo rje bsdams pa bcings nas ni/ /kha sbyor nang du gsal ba ste/ /mchog dang po yi gsang chen gyi/ /las kyi phyag rgya rgya gzhan yin/ /zhes bya ba rdo rje lha mo gsang ba thams cad kyi phyag rgya'o/ /rdo rje las kyi mchod pa che'i/ /thal mos spyi bor bzung nas ni/ /las kyi phyag rgya grub pas na/ /dbang po rnams dang sbyar bar bya zhes bya ba rdo rje thams cad kyi mchod pa chen po'i lha mo rnams kyi phyag rgya'o/ /rdo rje snyems mas gar bya zhing / /sgeg bcas mthe'u chung sogs bkrol bas/ /de nyid bcings nas gar bya zhing / /phyi ma 'di ni 'byung ba yin zhes bya ba rdo rje thams cad kyi las don yod pa'i dam tshig grub pa'i dbang phyug chen po'i mchog gi phyag rgya brgya'o/ /rdo rje thal mo mnyam gzhag nas/ /thams cad kyis ni bsgrub par bya/ /mchog dang po'i las chen po'i phyag rgya mchog gzhan yin no zhes bya ba rgyal mo thams cad kyi phyag rgya/ /mda' lnga bsdus pa bcings nas ni/ /las kyi phyag rgya bde ba rgya/ /rab tu dga' mchog ma bkrol bar/ /bde ba nyid du mngon par sbyar/ /zhes bya ba rdo rje thams cad kyi mchog tu gsang ba'i 'dod pa ma'i phyag rgya'o/ /sku gsung thugs kyi rdo rje yis/ /ci bzhin phyag rgya mchog sbyor bas/ /las kyi phyag rgya sna tshogs brgya/ /mchog dang po ni rab tu brtag /ces bya ba rdo rje thams cad kyi sku gsung thugs kyi rdo rje lha mo'i phyag rgya'o/ /rdo rje lha mo'i kha T+wA~M ga /lus kun gyis ni gar bya zhing / /rdo rje gar mchog glu blang zhing / /dang po'i phyag rgya chen po zhes bya ba'o/ /ci ltar gong du rgyas gsungs pa/ /rol mo</font><hr>92.280b<br><font size=+1>

mchog gi phyag rgya'i tshogs/ /rol mo rdung zhing glu len pa/ /phyag rgya kun gyi gsal ba brgya zhes bya ba rdo rje thams cad kyi lha'i bu mo'i tshogs kyi phyag rgya ste phyag rgya stong mchog tu grub pa'o/ /de la sogs pa mtha' yas mchog /chos dbyings mnyam dang mi mnyam pa/ /nam mkha'i mkha' ltar grangs med pa'i/ /phyag rgya'i rgyal mo grub mchog ster/ /kun mchog dngos grub chen po yi/ /dbang phyug chen po'i mchog grub phyir/ /nam mkha' kun gyi go skabs kyis/ /dkyil 'khor 'dir ni rab tu zhugs/ /dam pa mchog tu grub pa dang / /dam pa mchog tu grub par byed/ /mchog gi dam pa rgyud chen po/ /dam pa mchog gi dngos grub ster/ /rdo rje slob dpon slob ma mchog /de nyid dad pa'i rjes 'brangs la/ /phyag rgya kun gyi tshul 'di ni/ /bstan par bya ste gzhan la min/ /de ltar mchog tu mi 'gyur dam pa'i dngos grub bde ba yi/ /mchog tu rnam dag rdo rje bde grub mtha' yas 'bras bur ldan/ /dpal mchog dang po'i gsang ba'i de nyid mchog gi sku'i tshul lo/ /mchog tu rtag pa'i rtog pa'i tshul 'di yongs su mthar thug pa'o/ /dpal mchog dang po las dam pa mchog tu grub pa zhes bya ba'i phyag rgya'i rgyud rdzogs s+ho// // de nas sems dpa' chen po kun/ /rdo rje 'dzin dang bcas pa'i mchog /rdo rje 'chang chen gtso bo ni/ /mgon la bde gshegs rnams kyis gsol/ /kun mchog nam mkha' chen po yi/ /dngos grub dbang phyug rab grub phyir/ /rtog pa thams cad kun bsdus pa'i/ /de nyid sems dpa' chen pos gsungs/ /rnam rtog med pa'i chos rnams la/ /rtog pa'i don 'di gang brjod pa/ /gang gis rgyud 'di phyi ma la/ /dang po'i gnas mchog ci ltar </font><hr>92.281a<br><font size=+1>

lags/ /de bzhin rdo rje sems dpa' nyid/ /rab dga' nyid dang bzang ba nyid/ /rdo rje bsnyems bdag ci ltar lags/ /sems dang sems dpa' ting 'dzin dang / /de bzhin rdo rje rdo rje 'dzin/ /rdo rje 'chang chen nyid dang ni/ /byang chub spyod pa ci ltar lags/ /bdud dang bdud las rgyal ba nyid/ /byang chub sangs rgyas ci ltar lags/ /rdo rje gtum po mthar byed nyid/ /phyag na rdo rje ci ltar lags/ /ci ltar dang po'i rigs byung dang / /'dod pa thar pa ci ltar lags/ /ji ltar mgon po rnam gsum dang / /khyod ni ci ltar thams cad nyid/ /dang po'i snying po ci ltar byung / /de ci nye snying ci ltar lags/ /bde chen rdo rje chen po yi/ /don yod dam tshig ci ltar lags/ /dkyil 'khor zhes bya ci skad gsungs/ /de yi rnam smin ci lta bu/ /thig gdab pa dang brtag pa yis/ /dngos grub ci ltar gsungs pa lags/ /gsang ba lnga yi de bde ba/ /ci ltar gyur pa ci lta bu/ /dkyil 'khor bdag po rnams dang ni/ /rigs rnams gsal ba ci ltar lags/ /thams cad dbang bskur de nyid dang / /phyag mtshan tshogs kyi de nyid dang / /thams cad dgug gzhug mchod pa che/ /bdag byin brlabs sogs sgrub pa che/ /de ni de nyid gsang ba dang / /don yod pa ni mchog nyid de/ /mi 'gyur dam pa 'grub pa'i phyir/ /thams cad bdag cag rnams la gsungs shes bya ba bcom ldan 'das de bzhin gshegs pa thams cad kyi mchog gi mdo gsungs so/ /de nas ston pa rdo rje 'dzin/ /rtog pa kun gyi bdag po ni/ /the tsom tshogs rnams gsan nas su/ /'di yi lan ni gsungs pa yin/ /de la rtog pa'i don gyi rgyud ci ltar yin zhe na/ rnam rtog med pa'i chos rnams las/ /sems can don ni yongs brtags</font><hr>92.281b<br><font size=+1>

pas| des ni rtog par gsungs pa ste/ /rtog pa yongs su dag phyir ro/ /de nas rgyud phyi ma ci ltar yin zhe na/ rgyud ni rgyun zhes bya bar bshad/ /phyi ma sngar dang yang dag byung / /de nyid gsang ba'i gsang ba dang / /phyi ma dang bcas rgyud du 'dod/ /de la dang po gnas shes bya ba'i rgyud ci ltar yin zhe na/ nam mkha' kun la rab tu gnas/ /rdo rje kun mchog rang bzhin mchog /bde ba chen po dga' ba che'i/ /grong khyer der ni mi 'gyur mchog ces bya ba bcom ldan 'das rdo rje sems dpa' rtog pa thams cad kyi rtog pa'i de kho na nyid ces bya ba 'di gsungs so/ /de la thog ma tha ma med pa'i rdo rje sems dpa' ci ltar yin zhe na/ nam mkha' skye ba mtshan ldan phyir/ /thog ma tha ma med pa'i mchog /sems dpa' rdo rje che rang bzhin/ /rdo rje sems dpa' zhes byar brjod/ /de nas bcom ldan 'das de gang yin zhe na/ kun mchog dngos grub chen po yi/ /dbang phyug chen po lhag pa'i lha/ /rdo rje 'dzin pa kun kyi rgyal/ /rab tu dga' ba mi 'gyur mchog /de la bcom ldan 'das dga' ba chen po nyid ci ltar yin zhe na/ nyes pa med cing shin tu rtag /'dod chags kun gyi rjes chags pa/ /de nyid 'di yis gsang ba 'di/ /'dod chags chen po dga' ba che/ /de la ci kun tu bzang po nyid ci ltar yin zhe na/ shin tu dag pa kun gyi mchog /gdod nas grol ba de bzhin gshegs/ /kun tu bzang po kun bdag nyid/ /byang chub sems dpa'i cho ga mchog /de la rdo rje bsnyems pa'i bdag po bcom ldan 'das ci ltar yin zhe na/ kun mchog dngos grub chen po yi/ /dbang phyug chen po'i phyag rgya'i mchog /rdo rje dbang phyug cher bstod pas/ /rdo rje bsnyems pa'i bdag</font><hr>92.282a<br><font size=+1>

po'i bdag ces bya ba ni bcom ldan 'das mchog dang po'i skyes bu'o/ /mchog dang po yi de nyid 'di/ /rdo rje sems dpa' gang gang brjod/ /dngos grub kun gyi 'byor pa rnams/ /de la thams cad 'grub par 'gyur zhes bya ba mchog gi de kho na nyid bcom ldan 'das rdo rje sems dpas gsungs so/ /de nas de'i 'og tu las kyi bya bas bcom ldan 'das thams cad kyi mchog nyid du bshad par bya'o zhes bya ba bcom ldan 'das rdo rje sems dpas gsungs so/ /de la bcom ldan 'das thams cad kyi sems can ci ltar yin zhe na/ bsam gyis mi khyab rgya che ba/ /zab dngos kun bde mi 'gyur ba/ /thams cad khyab cing dri ma med/ /byang chub sems ni bdag brtan pa/ /de nas 'di'i las kyi khyad par ni/ sems nyid brtan pa nyid sems pas/ /ting 'dzin de la mnyam par bzhag /rnam shes las ni rdo rje kun/ /rdo rje las ni 'dzin 'gyur te/ /bcom ldan 'das rdo rje 'dzin ci ltar yin zhe na/ sems dpa'i byin brlabs sbyor ba ni/ /bdag la byin brlabs mchog bsgrub pa/ /nyin re sgrub par byed na des/ /rdo rje sems dpa' nyid thob 'gyur/ /de la bcom ldan 'das kun tu bzang po'i spyod pa ci ltar yin zhe na/ snying stobs rdul dang mun pas kyang / /gang phyir sems can don gyur pas/ /de phyir nga ni kun tu bzang / /byang chub spyod pa'i rjes 'jug pa'o/ /de la ci ltar bcom ldan 'das bdud nyid dang 'dul bas rgyal ba ci ltar yin zhe na/ sems nyid kho na bdud nyid de/ /sems nyid de bzhin gshegs pa'o/ /rang sems gdul bar bya ba'i phyir/ /bdag ni bdud nyid gyur pa yin/ /de la ji ltar bcom ldan 'das mngon par rdzogs pa'i byang chub dang sangs rgyas yin zhe na/ rang sems so sor rtog pa'i phyir</font><hr>92.282b<br><font size=+1>

byang chub sems mchog rdo rje nyid/ /de phyir de nyid sangs rgyas nyid/ /bdag byin brlabs mchog grub phyir ro/ /de ci ltar bcom ldan 'das phyag na rdo rje yin zhe na/ mi phyed so sor rtogs pa dang / gdug pa thams cad nges par gnon/ /sangs rgyas kun dngos rdo rje ste/ /byang chub sems ni brtan pa bdag /kun tu bzang po'i lag tu ni/ /mtshon cha de ni rgyal bas byin/ /brtan pa thams cad grub pa'i phyir/ /des na phyag na rdo rje des/ de lta ci ltar dang po'i rigs las byung ba shes pa'i rgyud yin zhe na/ shes rab pha rol phyin pa yum/ /yab ni thabs la mkhas pa ste/ /rdo rje sems dpa' gdul bya'i phyir/ /rig rnams rab tu byung ba'o/ /de la ci ltar bcom ldan 'das 'dod dang thar pa yin zhe na/ bcom ldan 'das ni chags pa che/ /dngos grub thams cad rjes chags phyir/ /dngos grub thams cad mi 'gyur bde/ /bde ba chen po zhes brjod pa'o/ /de la ci ltar bcom ldan 'das rnam pa gsum yin zhe na/ bdag ni dus gsum mtha' yas phyir/ /nga ni srid gsum gdul bya'i phyir/ /gsum mchog 'jig rten gsum kun phyir/ /'jig rten gsum nga khams gsum nga / /de la ci ltar bcom ldan 'das thams cad nyid zhe na/ nga nyid brtan pa thams cad bde/ /bsod nams kun mchog che ba'i phyir/ /g.yo ba sems kyis 'dus byas phyir/ /sgyu ma thams cad nga yin no zhes bya ba rang gi las kyi bya ba'i de kho na nyid rdo rje sems dpas gsungs so/ /de la ci ltar dang po'i glu byung ba shes pa yin zhe na/ srid pa shin tu grub pa yi/ /dbang phyug chen po mchog grub phyir/ /gzi can sems can don mdzad phyir/ /bskal pa thog mar bcom ldan gsungs/ /de nas de gang yin zhe na/ 'dod chags chen po bcom ldan 'das/ /rab tu dga' ba mi 'gyur mchog /gsang ba'i phyir ni</font><hr>92.283a<br><font size=+1>

snying por brjod/ /yi ge hU~M ni mi 'gyur mchog /de nas nye ba'i snying po yi/ /de kho na nyid shes pa ni/ /de nyid gsang zhing gsang ba dang / /snying po rab tu brjod par bya/ /snying po'i rjes su sgrub par grub/ /nye ba'i snying po nyid du brjod/ /de la ci ltar bde ba chen po'i rdo rje don yod pa dam tshig gi bshad pa'i rgyud yin zhe na/ dngos grub kun gyi mi 'gyur bde/ /bde ba chen po zhes brjod do/ /rdo rje de nyid don yod grub/ /dam tshig 'da' bar dka' ba'o zhes bya ba'i mchog gi dam pa'i glu bcom ldan 'das rdo rje sems dpas gsungs so/ /de la ci ltar dkyil 'khor gyi don shes pa yin zhe na/ ci ltar gnas dang 'khor lo dang / /ci ltar dgod pa 'gro ba dang / /'khor dang bcas pa dgod pa gang / /de 'dra'i 'khor lo mchog gis sprul/ /de nas rnam par shes pa ni/ /rdo rje sems stsogs lha rnams kyi/ /'khor lo mngon sum mthong ba yis/ /rtag pa'i bsod nams ci 'dra ba/ /phyir na bris na'ang de bzhin no/ /de nas thig gdab pa'i cho ga ni/ shes rab can gyis dkyil 'khor bris/ /phyogs kun mnyam pa nyid dmigs la/ /shar dang nub dang byang dang lhor| thig bzhi btab pas dkyil 'khor brgyad/ /rdo rje thig gis yongs bskor bar/ /ka ba brgyad kyis nyer mdzes shing / /sgo bzhi rta babs kha khyer dang / /dra ba dra phyed la sogs brgyan/ /der bdag po'i don shes pa ni rdo rje sems dpa' ji lta bu zhe na/ nam mkha' skye ba mtshan ldan phyir/ /thog ma tha ma med pa'i mchog /rdo rje sems dpa' che rang bzhin/ /dpal mchog dang po zhes byar brjod/ /de nas bcom ldan 'das de gang zhe na/ kun mchog dngos grub chen po yi/ /dbang phyug chen po lhag pa'i lha/ /rdo rje 'dzin pa kun gyi rgyal/ /rab tu dga' ba mi 'gyur mchog /ces bya ba bcom ldan 'das rdo rje 'dzin pas gsungs so/ /</font><hr>92.283b<br><font size=+1>

de nas spyan ras gzigs dbang gis/ /pad ma rA ga dang mtshungs pa/ /thams cad dag pa bla na med/ /rdo rje sems dpa' rang bdag nyid/ /spyan ras gzigs kyi dbang phyug nyid/ /de nas pad ma'i rigs kyi de kho na nyid ni/ rdo rje chos ni rab grub phyir/ /sems can thams cad rnam dag phyir/ /pad ma chen po'i rigs dag pa'i/ /ting 'dzin ye shes kun nas bsdus shes bya'o/ /de la ci ltar na nam mkha'i snying po yin zhe na| thams cad nam mkha' bcom ldan 'das/ /sems can bsod nams mthong zhing che/ /nam mkha'i snying po sems dpa' dang / /de nas nor bu rigs kyi ni/ /dbang bskur ba dang gter dang ni/ /rdo rje rgyal mtshan mchod pa che/ /nor bu chen po'i rig grub pa/ /bsam pa thams cad yongs rdzogs pa'o zhes bya ba dkyil 'khor thams cad kyi de kho na nyid chen po bcom ldan 'das rdo rje sems dpas gsungs so/ /rdo rje rigs thams cad kyi dbang bskur ba shes pa ni/ sangs rgyas rin chen rdo rje phyed/ /rdo rje rin chen rdo rje la/ /spyan ras gzigs la rdo rje sku/ /nor bu nor bu 'dzin pa'o/ /de nas mchog dang po'i phyag mtshan gyi de kho na nyid do/ /kun mchog dngos grub chen po yi/ /dbang phyug chen po'i mtshon cha che/ /gsang ba lnga yi de nyid che/ /rdo rje rtse lnga zhes brjod do/ /de nas rigs thams cad kyi phyag mtshan gyi de kho na nyid shes pa ni/ sangs rgyas thams cad sangs rgyas nyid/ /sna tshogs bya ba rdo rje can/ /'jig rten dbang phyug rdo rje chos/ /nor bu nor bu bsags pa'o zhes bya ba dbang bskur ba thams cad kyi phyag mtshan gyi de kho na nyid bcom ldan 'das rdo rje sems dpas gsungs so/ /de la ci ltar thams cad dgug pa'i rgyud yin zhe na/ /rtogs pa thams cad gsang chen gyi/ /rdo rje lcags kyu dril bcas pas/ /bkug ste de</font><hr>92.284a<br><font size=+1>

nas rjes bsgrub pa/ /dril bu nyid kyis bya ba yin/ /ci ltar mchod pa thams cad kyi cho ga yin zhe na/ rtog pa kun gyi gsang chen gyis/ /rab tu dga' bas mchod nas ni/ /glu dang rol mo rnam 'phrul bas| mchod de slar yang rnal 'byor mchod/ /de la ci ltar dngos grub thams cad kyi byin gyis brlabs pa'i dam tshig chen po'i de kho na nyid yin zhe na/ rtog pa kun gyi gsang chen gyis/ /phyag rgya kun gyis legs byin brlabs/ /dam tshig chen po 'di nyid kyis/ /rang nyid bsgrubs nas snying po bzlas/ /thog mtha' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje bsnyems pa'i bdag po bdag ces bya ba mchog dang po'i skyes bu'o/ /de ci ltar rang lhag pa'i lha thams cad kyi bsgrub pa chen po'i rgyud yin zhe na/ brtan pa dang ni g.yo ba dang / /rtog pa kun las bsgrub bya gang / /rang gi lhag pa'i lha sbyor bas/ /de dag thams cad bsgrub par bya/ /de nas thams cad rjes su bsgrub pa'i rgyud ni/ rdo rje dril bu 'dzin gyur nas/ /rdo rje dril bu rab sad cing / /rtog pa thams cad rjes bsgrubs pas/ /mchog dang las sogs 'grub par 'gyur/ /de la ci ltar 'bad pa med pa thams cad bsgrub pa'i rgyud yin zhe na/ bsgrub bya ci 'dod bsgrubs nas ni/ /phyi nas ci ltar 'dod pa yis/ /ci 'dod spyod pa la spyod cing / /thams cad byed cing thams cad bza'/ /langs pa 'am ni 'dug pa 'am/ /gang dang de ru 'chag pa 'am/ /dgod pa dang ni smra ba 'am/ /gang der ji bzhin de bzhin no/ /dbang po gang dang gang lam gyur/ /de dang de yi ngo bor bya/ /mnyam par bzhag nas rnal 'byor gyis/ /rang gi lhag pa'i lha sbyor bya/ /de nyid rnal 'byor 'di yis na/ /thams cad nyid ni bsgrub par bya/ /sangs rgyas</font><hr>92.284b<br><font size=+1>

kun dngos thams cad ni/ /rtag tu mthong zhing grub par 'gyur/ /dam tshig chen po de nyid ni/ /mkhas pa gang zhig dad pas klog /de ni sdig kun dang bral bas/ /dngos grub kun gyi dbang phyug 'gyur/ /zhes bya ba dam tshig chen po'i de kho na nyid do/ /de ltar dpal mchog dang po'i cho ga ma nyams mchog gi bla ma gsal/ /mchog tu gsang ba bsgrub pa'i cho ga bde mchog myur du grub phyir gsol/ /rdo rje mchog 'dzin dang bcas bde gshegs sras bcas rnams kyis byin brlabs pa/ /bde chen dam pa rdo rje 'dzin pa dga' chen mchog gis de gsungs so/ /dpal mchog dang po las mchog tu gsang ba'i cho ga /de nas ston pa rdo rje 'dzin/ /mkha' ltar thug med kun tu 'gro/ /sangs rgyas kun gyis bstod nas ni/ /rtog pa'i mthar thug don gsungs so/ /bdag gi snying po dang 'di mchog chen po'o/ /bde chen mchog gi mchog dang rjes su chags pa che/ /kun mchog sems dpa' rnams kyi rtag tu 'byung gnas ni/ /kun mchog 'byor pa'i dbang phyug 'di ni gso ba yin/ /mtha' yas pa dang thog med mthar thug med pa ni/ /mchod bya chen po thams cad rnams kyi tshul chen po/ /nam mkha' dang mtshungs mchog gi dngos 'phel gsol/ /de ni sus kyang mthar thug byed par nus pa min/ /sems can rnams ni dman la zhen cing nyung la dga'/ /dad pa med cing bslu ba byed la ma sbyangs pa/ /rtag tu rjes su chags shing chags bral la chags pa/ /de rnams la ni phan phyir 'di ni mthar thug pa'o/ /gang gi khyim na 'di gnas gang gis rab tu bsgrub pa 'am/ /yang na ji bzhin gsungs pa rtag tu 'dir sgrub byed/ /so sor nyams su myong ba'i mthu yis thams cad du/ /bdud kyi las tshogs rnams kyis de ni gnod mi nus/ /rdo rje 'chang stsogs sku ni gang</font><hr>92.285a<br><font size=+1>

gis sgrub byed pa/ /gzugs brnyan la sogs thams cad 'dir ni ci bzhin gsungs/ /des ni thams cad so sor nyams myong nus par ldan/ /bdud kyi las tshogs rnams kyis de ni gdon mi nus/ /gang zhig rdo rje la sogs gzugs brnyan la sogs pa/ /ci ltar 'dod pa 'di dag thams cad sgrub par byed/ /rab tu 'dod pas yi ge hU~M las bris nas ni/ /'dod pa'i dngos grub de yis ster zhing thob par 'gyur/ /rgyal po rnams kyis rnam par sbyangs bar mdzad pa ni/ /gang la don kun dag phyir mdzad par mi 'gyur min/ /'di ni bgegs byed bdud rnams kyang ni yod ma yin/ /rtogs pas dngos grub 'phel zhing byin gyis brlabs pa yin/ /nga ni bdud nyid mi 'gyur brtan med nyid mi 'gyur/ /brtan pa nyid phyir nga ni brtan par mdzad pa yin/ /rtag pa 'di ni mchog chen gang gis sgrub byed pa/ /de la nga ni dngos grub myur du sgrub par byed/ /dngos grub chen po la thams cad rjes su chags shing shin tu mnyes pa dang / shin tu brtan pa dang / shin tu rgyas pa dang / rtag tu rgya che bar 'gyur ba yin no/ /gang zhig mchog gi rgyal po snying po bsgrub byed pa/ /rgyal ba thams cad dgyes shing rgyal ba dgyes par mdzad/ /de dag grags pa chen po thob nas bde ba 'ang thob/ /de phyir 'di la dad cing gus par bya ba yin/ /de nas rgyal ba rnams kyis bcom ldan 'das la legs so zhes bya ba byin te/ yab mchog sangs rgyas sras ni legs so legs/ /sras mchog sangs rgyas sras ni legs so legs/ /rdo rje mchog ni rdo rje 'byung ba legs/ /dam pa chos kyi bdag nyid legs so legs/ /sangs rgyas rnams kyis yang dag byin brlabs pa/ /rtag tu mi 'gyur don yod grub pa che/ /ci ltar dang po'i grub pa de bzhin du/ /phyi nas kyang ni de bzhin grub par 'gyur/ /de ltar ngag chen</font><hr>92.285b<br><font size=+1>

gsungs nas ni/ /sras dang bcas pa'i sangs rgyas rnams/ /rdo rje sems dpa' chen po yi/ /gsung la rjes su yi rang mdzad/ /dpal mchog dang po las rtog pa'i rgyal po thams cad kyi mchog rdzogs s+ho// //thugs dam sa'i snying po tho lding du/ rgya gar gyi mkhan po paN Di ta mkhas pa chen po man tra kA la sha dang / sgra sgyur gyi lo ts+tsha ba lha btsan po dge slong bla ma zhi ba'i 'od kyi zhal snga nas bsgyur cing zhus te gtan la phab pa/ lo ts+tsha chen po rin chen bzang po yis/ /dpal mchog dang po'i rgyud 'di bsgyur ba la/ /bar bar dpe ma rnyed pas ma 'gyur nas/ /bdag gis 'bad pas dpe btsal rnyed pas bsgyur// //ye d+harmA he tu pra b+ha bA he tun te Shan ta thA ga to h+ya ba da ta/ te ShAny+tsa yo ni ro d+ha e ba~M bA dI ma hA shra ma NaH/ /stag lung rgyud 'bum la btugs nas zhus dag /lan gnyis zhus/ gsum zhus byas/ /</font><hr>

</table>