J459

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>J459</h1><td>(<a href="https://adarsha.dharma-treasure.org/kdbs/jiangkangyur" target="new2">e-text produced by ADARSHA</a>)<br><br><a href="verif2.php?id=J459&coll=lithang">see text in Tibetan script</a></table>92.156a<br><font size=+1>

@#/ /rgya gar skad du/  shrI pa ra mA di nA ma ma hA yA na kal pa rA dza/  bod skad du/  dpal mchog dang po zhes bya ba theg pa chen po'i rtog pa'i rgyal po/ bcom ldan 'das ma shes rab kyi pha rol tu phyin pa la phyag 'tshal lo/ /'di skad bdag gis thos pa dus cig na/ bcom ldan 'das de bzhin gshegs pa thams cad kyi rdo rje'i byin gyis brlabs dang / dam tshig dang mkhyen pa'i bye brag rnam pa tha dad pa thams cad dang ldan pa/ de bzhin gshegs pa rin po che thams cad kyi cod pan gyis khams gsum du dbang bskur ba brnyes pa/ de bzhin gshegs pa thams cad kyi thams cad mkhyen pa'i ye shes dang ldan pa/ rnal 'byor can chen po'i dbang phyug /de bzhin gshegs pa thams cad kyi phyag rgya thams cad kyi mnyam pa nyid thugs su chud pa sna tshogs kyi bya ba mdzad de/ sems can gyi khams ma lus shing lus pa med pa thams cad kyi re ba thams cad yongs su skong ba'i phrin las mdzad pa thugs rje che ba/ rnam par snang mdzad chen po rtag pa/ dus gsum gyi mnyam pa nyid la bzhugs pa/ sku dang gsung dang thugs thams cad rdo rje de bzhin gshegs pa thams cad bzhugs shing / bsngags pa/ bstod pa/ nor bu chen po dang / rin po ches spras pa/ kha dog sna tshogs pa'i dril bu brtags pa/ dar gyi ba dan dang me tog gi phreng ba dang rnga ma dang dra ba dang dra ba phyed pa dang / zla ba rlung gis bskyod pa rnams kyis nye bar mdzes par byas pa'i 'dod pa'i khams thams cad kyi gzhan 'phrul dbang byed kyi lha'i rgyal po'i gnas na/ byang chub sems dpa' bye ba phrag brgyad dang / thabs cig tu bzhugs pa la 'di lta ste/ byang chub sems dpa' sems dpa' chen po lag na rdo rje dang / byang chub sems dpa' sems dpa' chen po spyan ras gzigs dbang phyug dang / byang chub sems dpa' sems dpa' chen po</font><hr>92.156b<br><font size=+1>

nam mkha'i snying po dang / byang chub sems dpa' sems dpa' chen po rdo rje khu tshur dang / byang chub sems dpa' sems dpa' chen po 'jam dpal dang / byang chub sems dpa' sems dpa' chen po sems bskyed ma thag tu chos kyi 'khor lo bskor ba dang / byang chub sems dpa' sems dpa' chen po nam mkha'i mdzod dang / byang chub sems dpa' sems dpa' chen po bdud kyi stobs thams cad rab tu 'joms pa dang / de dag la sogs pa byang chub sems dpa' sems dpa' chen po bye ba phrag brgyad dang thabs cig ste/ yongs su bskor cing mdun gyis bltas nas chos ston te/ thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ chos thams cad kyi ngo bo nyid rnam par dag pa'i sgo zhes bya ba shes rab kyi pha rol tu phyin pa'i tshul 'di yang dag par ston te/ 'di ltar rab tu dga' ba rnam par dag pa'i gnas de ni 'di lta ste/ byang chub sems dpa'i gnas so/ /'dod chags kyi mda' rnam par dag pa'i gnas de n-i 'di lta ste/ byang chub sems dpa'i gnas so/ /reg pa rnam par dag pa'i gnas de ni 'di lta ste/ byang chub sems dpa'i gnas so/ /sdug pa'i 'ching ba rnam par dag pa'i gnas de n-i 'di lta ste/ byang chub sems dpa'i gnas so/ /thams cad la dbang phyug dang dbang rnam par dag pa'i gnas de n-i 'di lta ste/ byang chub sems dpa'i gnas so/ /lta ba rnam par dag pa'i gnas de n-i 'di lta ste/ byang chub sems dpa'i gnas so/ /dga' ba rnam par dag pa'i gnas de ni 'di lta ste/ byang chub sems dpa'i gnas so/ /sred pa rnam par dag pa'i gnas de ni 'di lta ste/ byang chub sems dpa'i gnas so/ /snyems pa rnam par dag pa'i gnas de ni 'di lta ste/ byang chub sems</font><hr>92.157a<br><font size=+1>

dpa'i gnas so/ /rgyan rnam par dag pa'i gnas de ni 'di lta ste/ byang chub sems dpa'i gnas so/ /yid tshim par byed pa rnam par dag pa'i gnas de ni 'di lta ste/ byang chub sems dpa'i gnas so/ /snang ba rnam par dag pa'i gnas de ni 'di lta ste/ byang chub sems dpa'i gnas so/ /lus bde ba rnam par dag pa'i gnas de ni 'di lta ste/ byang chub sems dpa'i gnas so/ /gzugs rnam par dag pa'i gnas de ni 'di lta ste/ byang chub sems dpa'i gnas so/ /sgra rnam par dag pa'i gnas de ni 'di lta ste/ byang chub sems dpa'i gnas so/ /dri rnam par dag pa'i gnas de ni 'di lta ste/ byang chub sems dpa'i gnas so/ /ro rnam par dag pa'i gnas de ni 'di lta ste/ byang chub sems dpa'i gnas so/ /de ci'-i phyir zhe na/ 'di ltar chos thams cad ni ngo bo nyid kyis rnam par dag pa ste/ chos thams cad ngo bo nyid kyis stong pa nyid pas shes rab kyi pha rol tu phyin pa yongs su dag pa'o/ /badzra hU~M/ /lag na rdo rje su la las chos thams cad kyi ngo bo nyid rnam par dag pa'i gnas bsgrub pa/ shes rab kyi pha rol tu phyin pa'i tshul 'di lan cig thos na yang / de byang chub kyi snying po'i bar du shes bya'i sgrib pa thams cad chod pa dang / nyon mongs pa'i sgrib pa dang / chos kyi sgrib pa dang / las kyi sgrib pa chen po bsags kyang / sems can dmyal ba la sogs pa ngan song rnams su nam yang skye bar mi 'gyur ro/ /sdig pa yang byas ma thag tu sdug bsngal med par byang bar 'gyur ro/ /su zhig 'dzin pa 'am nyin re bzhin klog pa dang / kha thon du byed pa dang / tshul bzhin yid la byed pa de tshe 'di nyid la chos thams cad kyi mnyam pa nyid rdo rje'i ting nge 'dzin thob pas chos thams cad la dbang phyug tu 'gyur ro/ /chos thams cad la dga' ba dang / mgu ba dang / mchog tu dga' ba myong bar 'gyur ro/ /byang chub sems dpa' sems dpa' chen po'i chos bcu drug gis de bzhin</font><hr>92.157b<br><font size=+1>

gshegs pa nyid dam/ rdo rje 'dzin pa nyid 'thob par 'gyur ro/ /de nas bcom ldan 'das lag na rdo rje de bzhin gshegs pa thams cad kyi theg pa chen po mngon par rtogs pa'i dkyil 'khor thams cad pa/ rdo rje dbyings mtha' dag gis sems pa'i mchog /khams gsum po mtha' dag na 'jig rten gsum po ma lus pa las rnam par rgyal ba/ sems can gyi khams ma lus shing lus pa med pa 'dul bar spyod pa/ don thams cad grub pa/ lag na rdo rje mtha' yas pa thams cad pa dam tshig chen po pa/ rdo rje gsang ba'i sems can chen po du mas g.yog byas pa de/ shes rab kyi pha rol tu phyin pa'i tshul gyi don 'di ston te/ bzhin rab tu 'dzum zhing lag pa g.yon pa rdo rje bsgrings te thog ma'i rdo rje chen po gsor nas rang gi snying gar bstod pa'i tshul gyis 'dzin cing bde ba chen po rdo rje don yod pa'i dam tshig ces bya ba rang gi de kho na nyid kyi snying po 'di smras so/ /hU~M/ de nas 'di gsungs pa tsam gyis de bzhin gshegs pa thams cad kyi rdo rje 'dzin pa dang bcas pa 'jig rten gyi khams thams cad kyi khams gsum thams cad nas rjes su mnyes pa brtan pos mnyes par byas te bkug nas bcom ldan 'das rnam par snang mdzad kyi dkyil 'khor chen por bcug ste/ dam tshig gis bcings nas dbang du byas te dngos grub thams cad grub bo/ /de nas bcom ldan 'das rnam par snang mdzad kyis bde ba chen po'i bsnyems po'i phyag rgya bcings nas de bzhin gshegs pa thams cad kyi gsang ba'i rdo rje zhes bya ba'i ting nge 'dzin la snyoms par zhugs pas bzhugs so/ /de nas phyag na rdo rje gsang ba chen po rdo rje'i dam tshig 'byung ba dkyil 'khor byin gyis rlob pa'i ye shes rdo rje zhes bya ba'i ting nge 'dzin la snyoms par zhugs nas/ dam tshig chen po'i de kho na nyid rdo rje dbyings kyis byin</font><hr>92.158a<br><font size=+1>

gyis brlabs pa chen po zhes bya ba'i dkyil 'khor chen po 'di gsungs so/ /de nas yang dag bshad bya ba/ /dkyil 'khor chen po dam pa ste/ /de nyid dang po dam tshig che/ /rdo rje byin brlabs zhes bya'o/ /gru bzhir bgyi zhing bsgo bzhi dang / /khyams rnams kyis ni yongs bskor ba/ /rta babs bzhi dang yang dag ldan/ /'od zer 'bar ba 'khrigs pa'i 'od/ /dkyil 'khor gyi ni grwa rnams dang / /sgo khyud kyi ni mtshams rnams su/ /zla ba phyed la rab gnas pa'i/ /rin chen kun gyis nye bar mdzes/ /rtse mo sna tshogs ba dan ni/ /dril bu mchog btags rlung gis bskyod/ /me tog chun 'phyang me long spras/ /phyi yi dkyil 'khor bri bar bya/ /de yi nang du 'khor lo ni/ /dkyil 'khor brgyad dang mnyam pa ru/ /rdo rje thig gis thig btab la/ /rdo rje 'khor lo zhes byar bshad/ /de yi dbus su ci rigs par/ /sangs rgyas sku ni bzhag bya ste/ /'dzum bcas zla ba'i mdog can la/ /rdo rje snyems pa 'dzin pa'i mchog /rdo rje phreng sogs kyis spras shing / /sna tshogs 'bar ba 'khrigs pa'i 'od/ /pad pad+ma ma'i gdan la bzhugs par ni/ /lugs ma 'am mngon par 'dus byas pa'o/ /rang gi snying po kun bzlas te/ /de tshe dkyil 'khor brtag par bya/ /rdo rje sems sogs sems dpa' rnams/ /snying po nyid kyis yang dag dgod/ /rdo rje shugs kyis rgal nas ni/ /dkyil 'khor thams cad yang dag bsdus/ /bzhag gam yang na bri bar bya/ /tshogs rnams kun du ston pa'o/ /mdun du rdo rje sems dpa' ni/ /sangs rgyas kun gyi dbu rgyan can/ /rdo rje mtshon ni gsor bar brtson/ /dmar skya dag ni nges par dgod/ /sangs rgyas kyi ni g.yas logs su/ /rdo rje kI li kI la ni/ /yan lag kun gyis</font><hr>92.158b<br><font size=+1>

yongs 'khyud pa/ /rdo rje'i gzugs can nyi ma'i 'od/ /rgyab tu rdo rje 'dod pa ni/ /chu srin gyi ni rgyal mtshan thogs/ /sngo skya'i mdog can ci rigs par/ /blo dang ldan pas bzhag par bya/ /g.yon du rdo rje bsnyems pa ni/ /bsnyems pa'i rdo rje gnyis kyis ni/ /rdo rje bsnyems pa gnyis 'dzin pa/ /btso ma'i gser dang 'dra bar dgod/ /sangs rgyas kyi ni mtshams rnams su/ /me tog la sogs kyis mtshan cing / thal mo spyi bor legs 'jog pa'i/ /mchod pa chen po bzhag par bya/ /phyi yi dkyil 'khor mtshams rnams su/ /lha mo'i tshogs rnams dgod par bya/ /sgo yi dbus ni thams cad du/ /gzugs mtshan la sogs bsdus pa dgod/ /sangs rgyas dkyil 'khor can brgyad ni/ /rdo rje 'dzin sogs bri bar bya/ /rdo rje 'khor lo thams cad du/ /sangs rgyas rdo rje 'dzin gyis bskor/ /phyi yi dkyil 'khor gnas rnams su/ /'dod pa'i dbang phyug bri bya ste/ /mdun du 'jig rten gsum rgyal po/ /'dod pa'i tshangs pa zhi byed mchog /de nas dkyil 'khor chen po 'dir 'jug pa la sogs pa'i cho ga rgyas pa 'byung ste/ de la dang po nyid du ci skad bshad pa'i cho ga 'dir zhugs pa'i slob dpon ni/ rdo rje chen po'i slob dpon dang / dkyil 'khor thams cad kyi slob dpon dang / dam tshig thams cad shes pa dang / chos thams cad rig pa dang / las thams cad bsgrub pa dang / dngos grub thams cad grub pa dang / bcom ldan 'das rdo rje sems dpa'i byin kyis brlabs pa dang dbang bskur ba thams cad thob pa dang / thams cad shes pa dang ldan pa dang / mchod pa thams cad dang 'jig rten dang 'jig rten las 'das pa'i dkyil 'khor thams cad 'di'-i dbang du 'gyur ba dang / 'grub par 'gyur ba dang / 'di'-i phyag rgya thams cad kyang rang nyid kyis bcings pas</font><hr>92.159a<br><font size=+1>

'grub par 'gyur ro/ /dam tshig thams cad kyi lam la nyes pa dang bcas kyang nyams par mi 'gyur zhing / byin gyis brlab par rtog par 'gyur ro/ /ma bslabs par yang thams cad shes par 'gyur ro/ /mchod pa la sogs pa'i bya ba 'grub par 'gyur ro/ /mdor bsdus na tshe 'di nyid la dngos grub kyi mchog ci ltar mngon par 'dod pa de lta bur sangs rgyas nyid dam/ rdo rje 'dzin pa nyid 'thob par 'gyur ro/ /de ci'i phyir zhe na/ 'di ltar bcom ldan 'das rdo rje sems dpa' 'di'i snying la bzhugs shing don yod pa'i phyir bkug cing dam tshig gis bcings la dbang du byas te/ rjes su mnyes pas bdag nyid slob dpon du gyur nas 'jug cing bsgrubs na 'grub par 'gyur ro/ /de nas rdo rje'i phyag rgya bcings la/ dang po'i rdo rje'i blta bas bltas te snying po lan gcig brjod nas dkyil 'khor chen po bsgrub par bya'o/ /de nas rdo rje rnam par sgeg pa'i phyag rgyas bzlas brjod lan gcig byas la phyag byas nas gos dmar po gyon la/ me tog gi phreng ba thogs te gdong dris byugs pa dang rdo rje thal mos rdo rje'i gar byed cing skor bas snying gar me tog thogs te bdag nyid 'jug par bya'o/ /zhugs nas kyang yang rnam par sgeg pa dang skor bas gdud cing snying po yang bzlas brjod bya'o/ /de nas bcom ldan 'das la rdo rje'i lta bas bltas te de bzhin du 'dug nas bcom ldan 'das bsgrub par bya'o/ /de nas bcom ldan 'das rdo rje 'dzin pa bdag nyid la dgyes pas mthong ba stsol bar 'gyur zhing smin ma bskyod la sku thams cad dam yan lag rnams bskyod cing kha dog dmar por 'gyur ro/ /'od zer gyi rang bzhin gyi zhal lam/ sku thams cad ston par 'gyur ro/ /cho 'phrul dpag tu med pa yang ston par 'gyur ro/ /de nas bcom ldan 'das bdag nyid mthong ba stsol ba 'am dngos grub mchog kyang stsol bar 'gyur ro/ /</font><hr>92.159b<br><font size=+1>

de nas brtsams te nyin re zhing dngos grub thams cad 'thob par 'gyur ro/ /gang du zhugs pa tsam nyid kyis mi tshugs pa dang / mi gsod par 'gyur ro/ /dngos grub thams cad dang / phun sum tshogs pa thams cad dang / ye shes thams cad dang / bya ba thams cad bcom ldan 'das phyag na rdo rjes bsgrub par mdzad do/ /de nas de yang dag par mchod de rdo rje'i ming gis dbang bskur zhing / dpa' bo'i rdo rje bcom ldan 'das la mnos la/ snying po bzlas na bcom ldan 'das mthong ba stsal nas/ rang nyid kyis stsol cig ces brjod la rang gis blang bar bya'o/ /de nas skad cig de nyid la dngos grub mchog yid la 'dod pa 'grub par 'gyur ro/ /yang na bdag nyid kyis zla ba drug gis yid la 'dod pa'i dngos grub mchog 'grub par 'gyur ro/ /zhes bcom ldan 'das phyag na rdo rjes gsungs so/ /de nas rdo rje ming gi dbang bskur ba la sogs pa yang de bzhin no/ /de nas byin gyis brlab pa la sogs pa yang byas nas yang ci ltar 'dod pa'i cho gas bsgrubs la 'byung bar bya zhing dkyil 'khor chen po'i gsang ba bsgrub pa lan gcig bya'o/ /de nas slob ma gzhug par bya ste/ de la dang por rdo rje slob dpon gyis dang po'i rab tu dga' ba'i rdo rje'i phyag rgya bcings la 'jug par bya'o/ /zhugs nas de bzhin du phyag byas la snying pos ci ltar mngon par 'dod pa'i tshig dang / bcom ldan 'das bsgrubs pas phyag rgya chen pos bsgrub par bya'o/ /de nas bcom ldan 'das bsgrubs pas mtshan ma de nyid 'byung ste shes nas phyag rgya chen po nyid 'grub par 'gyur ro/ /dngos grub thams cad kyang 'grub par 'gyur te/ /zhugs pa 'dis ni rdo rje slob dpon bdag nyid de bzhin du 'grub par 'gyur ro/ /de nas de bzhin du rdo rje blang ba la sogs pa byas nas/ rdo rje slob ma la cho ga rgyas pa 'di bzhin du byas te/ phyag rgya bcing ba yang bslab par bya'o/ /gang yang de bzhin gshegs pa thams cad la sogs</font><hr>92.160a<br><font size=+1>

pa'i dam tshig la mos pa de rnams la yang rang gi lhag pa'i lha'i 'jug pa'i cho ga rgyas pa dang / de bzhin du yid la 'dod pa'i dngos grub thams cad 'grub par 'gyur ro/ /de nas lha gzhan dag la dad pa rnams la de bzhin du 'jug pa'i cho ga rgyas par byas nas de bzhin du 'grub par 'gyur ro/ /de nas ci ltar zhugs pa rnams zas dang / ro bcud dang gnas pa la sogs pa thams cad kyis yang dag par tshim par byas la ci ltar shes pa'i gar dang glu dang dgod pa dang bu dang bu mo dang mdza' bshes dang nye du dang gnyen mtshams dang bcas pas kyang mchod par bya'o/ /de la 'dir ni snod dang snod ma yin pa brtag par mi bya ste sems can gyi khams ma lus shing lus pa med pa rnams bde ba chen po rdo rje'i dam tshig 'di dang / 'dod pa'i bsam pa yongs su rdzogs par byed pa'i rdo rje sbyor bas rdo rje chos kyi mnyam pa nyid kyi phyag rgyas rgyas btab pa yin pa'i phyir ro/ /dkyil 'khor chen po'o/ /de nas cho ga 'byung ste/ zla ba nya nas brtsams nas phyag na rdo rje'i spyan sngar rab tu dga' ba'i rdo rje'i phyag rgya bcings la ci ltar skyo bar ma gyur par dang po byin gyis brlab pa la sogs pa byas la rdo rje'i tshig gis brjod cing ci srid zla ba gcig gi bar de srid du bzlas brjod byas na sngon du bsnyen pa byas par 'gyur ro/ /de nas brtsams te phyag na rdo rje'i bka' ci lta ba bzhin du bgrub pa thams cad 'grub par 'gyur ro/ /de nas ras ris 'dri 'am 'drir gzhug par 'dod na/ dang por rdo rje bri ba'i phyag rgyas bris la de'i 'og tu ni c-i bder bya'o/ /dkyil 'khor thams cad du yang de nyid kyis dang po brtsam par bya ste/ dbus su bcom ldan 'das cho ga ci lta ba bzhin du bri zhing / dkyil 'khor chen po'i tshul gyis sems dpa' chen po brgyad bri bar bya'o/ /de nas zla ba nya nas brtsams te phyag rgya chen po bcings la/ de bzhin du sngon du bsnyen pa'i tshul ltar bzlas nas zla ba nya'i mtshan mo thog thag tu ci lta ba bzhin du skyo bar ma gyur pas phyag</font><hr>92.160b<br><font size=+1>

rgya ma bkrol bar bzlas brjod bya'o/ /de nas nang par bcom ldan 'das kyi zhal 'dzum zhing zla ba dang mnyam pa'i mdangs can mthong ba stsol cing / sangs rgyas nyid dang rdo rje 'dzin pa nyid la sogs pa'i dngos grub mchog rnams stsol bar 'gyur ro/ /mchog gzhan yang bcom ldan 'das de bzhin gshegs pa byang chub sems dpa' chen po brgyad kyis yongs su bskor ba dang / phyogs thams cad du de bzhin gshegs pa rnams dang / rdo rje 'chang thams cad bri bar bya'o/ /de nas de bzhin du bsgrubs pas sangs rgyas nyid la sogs pa dngos grub thams cad 'grub bo/ /ras la bcom ldan 'das phyag na rdo rje bsnyems pa dang bcas pa bris la/ de'i spyan sngar dang po'i phyag rgya chen pos gnas nas bzlas brjod 'bum byas te/ 'bum rdzogs na phyag na rdo rje nyid thob par 'gyur ro/ /de bzhin gshegs pa dpa' bo gcig pu bris nas yang mthar 'tshang rgya bar 'gyur ro/ /de nas klags pa tsam gyis 'grub pa'i las rnams dkyil 'khor du zhugs pa tsam gyis 'grub par 'gyur ba ni 'di lta ste/ de bzhin gshegs pa thams cad rjes su mnyes par bya ba la ni 'dod chags la sogs pa bde ba thams cad phul bas so/ /rdo rje 'dzin pa chen po mnyes par bya ba la ni rdo rje sems dpa' dang 'khyud cing 'o byed pas so/ /byang chub sems dpa' thams cad rjes su mnyes par bya ba la ni dpag tu med pa'i bzlas pas so/ /rdo rje thams cad rjes su mnyes par bya ba la ni rang gi snying po bzlas pas so/ /lha la sogs pa sems can thams cad rjes su chags par bya ba la ni thams cad du 'bum bzlas pas so/ /bdag bsrung ba la ni yungs kar la lan cig bzlas pas so/ /gzhan bsrung ba la ni rdo rje skor bas so/ /thams cad bsrung ba la ni yid kyis lan cig go /mtshams dang phyogs dang dkyil 'khor thams cad bcing ba la ni blta ba 'am nyungs kar la sogs pas so/ /sems can thams cad rengs par</font><hr>92.161a<br><font size=+1>

bya ba la ni dbugs mi 'byin par bzlas pas so/ /sems can thams cad rmugs par bya ba la ni rdo rje btsir bas so/ /sems can thams cad rmongs par bya ba la ni mig btsums nas bzlas pas so/ /thams cad gsad pa la ni rdo rje dral bas so/ /sems can thams cad rgyas gdab pa la ni rdo rje mkha' 'gro ma'i phyag rgyas so/ /snying thams cad 'dren cing 'byin pa la ni yid kyis bzlas pas so/ /sems can thams cad za ba la ni ldang zhing myur bar zlos pas so/ /sems can thams cad skrag par bya ba la ni rdo rje 'jigs byed kyi phyag rgyas so/ /nor thams cad dgug pa la ni gser gyis bzlas pas so/ /nor dang 'bru thams cad dgug pa la ni rdo rje rnal 'byor ma'i phyag rgyas so/ /thams cad rjes su chags par bya ba la ni pi bang brdung ba dang bcas pa'i ka ka la'i glu len pas bzlas brjod bya'o/ /thams cad 'bigs pa dang rjes su chags par bya ba la ni rdo rje mda'i phyag rgyas so/ /thams cad phyags par bya ba la ni phyogs thams cad kyi de bzhin gshegs pa mnyes pas so/ /gdug pa'i 'ching ba bstan par bya ba la ni snying brtan por nges par 'tshir bas so/ /ma rungs pa rab tu bsgrub pa la ni rdo rje bsnyems pas so/ /rgyan thams cad dbrog pa ni 'bar ba'i blta bas dbrog pas so/ /thams cad yid tshim pa la ni rdo rje khu tshur snying kar bzhag pas so/ /mun pa snang bar bya ba la ni rdo rje kha shar du bltas te skor bas so/ /lus bde bar bya ba la ni rang gi mtshan gyi bzlas pas so/ /gzugs thams cad snang bar bya ba la ni rdo rje gzugs kyi mchog gi phyag rgyas so/ /sgra thams cad thos par bya ba la ni rdo rje pi bang gis so/ /dri zhim po sna tshogs pa'i phyir ni sna'i dbugs 'byin pa'i glu yis so/ /zas dang skom thams cad dang bcud thams cad spo ba la ni rdo rje spo bar bya'o/ /dbab pa thams cad la ni mnyam pa'i</font><hr>92.161b<br><font size=+1>

thal mo dang se gol dang glu'i bzlas pas so/ /thams cad gar byed du gzhug pa la ni bdag nyid gar byed cing bzlas pas so/ /thams cad glu len du gzhug pa la ni lce bskyod cing bzlas so/ /thams cad smrar gzhug pa la ni rdo rje chu yis so/ /thams cad babs nas lan sten pa la ni rdo rje 'bebs pas so/ /gdon thams cad las thar bar bya ba la ni rdo rje myu gu'i phyag rgyas so/ /gdon thams cad 'dzin du gzhug pa la ni tshogs kyi bdag po rab tu dga' ba'i khro bos bzlas pas so/ /rims nad thams cad 'dzin du gzhug pa la ni rdo rje'i rigs kyi gdon gyis so/ /rims thams cad bsal ba la ni rdo rje'i blta bas bsal bas so/ /dug thams cad sbar ba la ni rdo rje lta ba'i dug gi phyag rgyas so/ /dug thams cad gzhig pa la ni rma bya'i chun pos so/ /dug thams cad bza' ba la ni rdo rje bdud rtsi'i phyag rgyas so/ /bdud la sogs pa ma rungs pa thams cad brlag pa la ni 'khrugs pas dpag tu med par bzlas pas so/ /mkha' 'gro ma'i gdon thams cad las grol bar bya ba la ni rdo rje chen po gsor ba'i phyag rgyas so/ /phyag rgya thams cad gzhig pa la ni rdo rje 'phen pas so/ /mkha' 'gro ma thams cad dgug pa dang / gzhug pa dang / gdul ba la ni rdo rje kha T+wA~M kha'i phyag rgya 'dzin pas so/ /ma mo thams cad kyi dkyil 'khor dang / dam tshig dang / snying po dang / phyag rgya dang / gsang sngags dang / rig pa dang / gsang ba'i gzhig pa la ni rdo rje khro bo yi ge phaT kyis so/ /ma mo dang mkha' 'gro ma thams cad mngag gzhug mar bya ba la ni ma mo'i gnas su 'khros pas bzlas brjod 'bum bya'o/ /bdud thams cad kyi stobs gzhom pa la ni rdo rje drag po'i ha ha zhes bya ba'i gad rgyangs kyis so/ /gzhan gyi dpung thams cad gzhom pa la ni rdo rje la yongs su bzlas la 'phang ngo / /'thab pa thams cad las thar pa la ni rdo rje rgyal mtshan gyi phyag rgyas</font><hr>92.162a<br><font size=+1>

so/ /thams cad bcing ba la ni gos la mdud pa bya'o/ /thams cad dgrol ba la ni yi ge mu yis so/ /ro langs dang 'khrul 'khor thams cad gzhig pa la ni rdo rje 'jigs byed kyis so/ /lcags sgrog thams cad dgrol ba la ni rdo rje khab long gis so/ /me yang dag par bskyed pa la ni rdo rje me shel kyis so/ /chu med par chu yang dag par bskyed pa la ni rdo rje chu shel gyis so/ /nam mkha' las zas dang skom dang gos dang rgyan thams cad la sogs pa yo byad mang po 'byung ba la ni nam mkha' la blta zhing bzlas brjod 'bum bya'o/ /nam mkha' las sangs rgyas kyi sku la sogs pa gzugs thams cad ston pa la ni sangs rgyas rjes su dran pa la nam mkhar lta zhing bzlas pas so/ /nam mkha' las yi ges 'das pa dang ma 'ongs pa dang da ltar byung ba'i lung bsgo ba'i bden par ston pa la ni yi ge a bris la bzlas brjod 'bum byas pas so/ /pra sen thams cad las 'das pa dang / ma 'ongs pa dang da ltar byung ba'i lung bsgo ba bden par ston pa la ni rdo rje pra sen thams cad dbab pas so/ /de bzhin du mig gis bden pa thams cad mthong ba la ni rang gi mig la bzlas pa 'bum byas pas so/ /rna bas thos par bya ba la ni rang gi rna ba la bzlas pa 'bum byas pas so/ /snas mnam par bya ba la ni sna la bzlas pas so/ /lces rang nyid smra ba la ni lce la bzlas pas so/ /lus kyis reg par bya ba la ni lus la bzlas pas so/ /yid kyis shes par bya ba la ni yid la 'bum bzlas pas so/ /rmad du byung ba thams cad bstan pa la ni sangs rgyas kyi sku bsgrubs pas so/ /sgyu ma thams cad bstan pa la ni rma bya'i sgro'i chun po la 'bum bzlas pas so/ /thams cad g.yog par bya ba la ni zhi ba'i gnas su 'bum bzlas pas so/ /thams cad la lan ldon par bya ba la ni rdo rje hU~M mdzad kyi rdo rjes so/ /rdzu 'phrul thams cad bstan pa la ni rdo rje rdzu 'phrul gyi phyag rgyas so/ /cho 'phrul</font><hr>92.162b<br><font size=+1>

thams cad bstan pa la ni rdo rje ting nge 'dzin gyi phyag rgyas so/ /rang gi lus la sogs pa dngos po thams cad las sangs rgyas dang / rdo rje sems dpa' la sogs pa rgyu ba dang mi rgyu ba'i dngos po thams cad bstan pa la ni rdo rje rdzu 'phrul rnam par 'phrul pas so/ /lha thams cad dbab pa la ni rdo rje skor bas so/ /klu thams cad rjes su 'brang bar bya ba la ni klu'i rgyal po'i mtshor bzlas brjod bya'o/ /gnod sbyin thams cad mngag gzhug par bya ba la ni rdo rje'i bka' bsgo bas so/ /'byung po thams cad gdul ba la ni lha chen po mnan nas 'khros pas bzlas brjod bya'o/ /ser ba thams cad bzlog pa la ni rdo rje srid srung gi phyag rgyas so/ /glog 'bab pa thams cad bzlog pa la ni rdo rje khro gnyer can gyi phyag rgyas so/ /char dbab pa la ni klu'i mtshor bzlas brjod bya'o/ /char gcad pa la ni dr-i ma med pa'i chu'i sbyin blug bya'o/ /sprin bskyed pa la ni klu bris nas bdug pas bdug par bya'o/ /sprin bshig pa la ni rdo rje nam mkha'i spyan gyis so/ /chu med pa'i phyogs su shin tu bsil ba'i chu'i tshogs rtag tu 'byung ba la ni rdo rje klu'i phyag rgyas so/ /gter thams cad shes par bya ba la ni snod du chu blug par bya'o/ /gter thams cad brko ba la ni rdo rje 'jor gyis so/ /gter thams cad rnyed pa la ni rdo rje nor gyis so/ /rgyal srid thams cad thob par bya ba la ni rdo rje dbang bskur ba'i phyag rgyas so/ /sa'i bdag por bya ba la ni rdo rje sems dpa'i dbang bskur ba'i phyag rgyas so/ /dkyil 'khor thams cad bsgrub pa la ni rdo rje 'khor lo'i phyag rgyas so/ /phyag rgya thams cad bsgrub pa la ni bde ba chen po'i dam tshig gi phyag rgyas so/ /dam tshig thams cad bsgrub pa la ni rab tu dga' ba'i rdo rje'i phyag rgyas so/ /dngos grub thams cad bsgrub pa la ni rdo rje bsnyems pa'i lcags kyu'i phyag rgyas so/ /ma grub pa thams cad grub par ston pa la ni rdo rje grub pa'i</font><hr>92.163a<br><font size=+1>

phyag rgyas so/ /rdo rje rig pa 'dzin pa thams cad bsgrub pa la ni rdo rje rig pa 'dzin gyi phyag rgyas so/ /rdo rje thams cad bsgrub pa la ni rdo rje thams cad kyi mchog gi phyag rgyas so/ /byang chub sems dpa' thams cad bsgrub pa la ni thugs kyi rdo rjes so/ /rdo rje 'dzin pa nyid bsgrub pa la ni rdo rje sems dpa'i phyag rgyas so/ /sangs rgyas nyid bsgrub pa la ni rdo rje ye shes kyi phyag rgyas so/ /bde ba chen po rdo rje don yod pa'i dam tshig thams cad kyi rtog pa'i rgyal po chen po las dam tshig chen po'i de kho na nyid rdo rje zhes bya ba rtog pa'i rgyal po chen po rdzogs so/ /rdo rje sems dpa'i rtog pa'o// // de nas bcom ldan 'das rnam par snang mdzad kyis/ yang de bzhin gshegs pa thams cad kyis zhi ba'i chos nyid mngon par rdzogs par byang chub bsgrub pa zhes bya ba'i shes rab kyi pha rol tu phyin pa'i tshul 'di gsungs te/ rdo rje sra ba nyid kyi phyir rdo rje mnyam pa nyid mngon par rdzogs par byang chub pa ni byang chub chen po'o/ /don gcig pa nyid kyi phyir don gyi mnyam pa nyid mngon par rdzogs par byang chub pa ni byang chub chen po'o/ /ngo bo nyid rnam par dag pa nyid kyi phyir chos kyi mnyam pa nyid mngon par rdzogs par byang chub pa ni byang chub chen po'o/ /thams cad la rnam par mi rtog pa nyid kyi phyir thams cad mnyam pa nyid mngon par rdzogs par byang chub pa ni byang chub chen po'o/ /lag na rdo rje gang la la chos mngon par bsgrub pa bzhi po 'di dag nyan pa dang 'dzin pa dang klog pa dang / sgom pa de sdig pa thams cad la spyod kyang byang chub kyi snying po la thug gi bar du ngan song thams cad las yang dag par 'das par 'gyur ro/ /de nas de skad ces bka' stsal nas/ bcom ldan 'das ye shes kyi khu tshur yongs su 'dzin pa'i don gyi gnas 'di nyid rgya cher ston cing bzhin 'dzum pa dang bcas te chos</font><hr>92.163b<br><font size=+1>

thams cad kyi mnyam pa nyid kyi snying po 'di gsungs so/ /a/ de nas 'di gsungs pa tsam gyis de bzhin gshegs pa thams cad yang dag par 'dus par mdzad nas/ bcom ldan 'das kyi phyogs thams cad du rdo rje sems dpa'i tshul gyis bzhugs pa dang / sems dpa' chen po brgyad phyi'i dkyil 'khor du phyogs brgyad du bzhad cing bzhugs so/ /de nas bcom ldan 'das de bzhin gshegs pa rnam par snang mdzad de bzhin gshegs pa thams cad kyi rdo rje'i dkyil 'khor byin gyis rlob pa zhes bya ba'i ting nge 'dzin la snyoms par zhugs nas de bzhin gshegs pa thams cad kyi de kho na nyid rdo rje zhes bya ba'i dam tshig chen po'i dkyil 'khor 'di gsungs so/ /rdo rje sems dpa'i dkyil 'khor chen po'i tshul du phyi'-i dkyil 'khor bris la de'i dbus su thig gsum gyi 'khor lo bris nas bcom ldan 'das kyi thad kar sna tshogs pad ma rab tu gnas pa de'i 'khor lo'-i lte ba la bcom ldan 'das de bzhin gshegs pa rtag pa chen po sa la sogs pa las byas pa gzhag par bya'o/ /de'i phyogs thams cad du sa la sogs pa las byas pa'i de bzhin gshegs pa brgyad gzhag gam bri bar bya'o/ /de nas tshon gyi thig le rnams kyis dkyil 'khor gyi 'khor lo la gzhug pa'i de bzhin gshegs pa rnams rdo rje 'dzin pa dang bcas pa bri bar bya'o/ /phyi'i dkyil 'khor gyi phyogs bzhi dang mtshams rnams su byang chub sems dpa' brgyad ci lta ba bzhin bzhag nas/ bum pa gang ba bzhi sgo rnams su dgod par bya zhing / byang chub kyi mtshan ma rnams gzhag par bya ste/ shar nas brtsams te ne'u bsing sa dang bcas pa'i dum bu dang / ro drug gis yongs su gang zhing dbyig dang gser dang rin po che dang / gos la sogs pas yongs su bkang ba'i snod dang / 'jam zhing shin tu bde ba'i stan dang / sangs rgyas</font><hr>92.164a<br><font size=+1>

kyi sku gzugs dgod do/ /de nas de bzhin du gos gyon la de bzhin gshegs pa thams cad kyi rdo rje'i phyag rgya bcings nas zhugs na bdag nyid slob dpon med par yang bcom ldan 'das de bzhin gshegs pa thams cad kyis byin gyis rlob par 'gyur ro/ /de bzhin gshegs pa thams cad kyi rtog pa dang dngos grub thams cad la mi tshugs pa dang / mi sod pa dang / sgrib pa thams cad dang bral ba 'thob par 'gyur ro/ /de nas slob ma yang de bzhin du gzhug go /zhugs nas rdo rje rtse lnga pa byin la rdo rje ming gis dbang bskur ba yang sbyin par bya'o/ /de nas dam tshig 'di dag bya bar bsgo bar bya'o/ /sems can kun la phan phyir dang / /bstan pa thams cad bsrung ba'i phyir/ /rnam par mi rtog sbyor ba yis/ /ci bde bar ni thams cad kyis zhes bya'o/ /de nas mtshan ma bzhi 'byor pa ci lta bas skal ba ci lta ba bzhin du sbyin par bya'o/ /dam tshig chen po'i dkyil 'khor ro/ /de nas bsgrub pa ni/ ras la bcom ldan 'das rnam par snang mdzad 'dzum pa dang bcas shing / de bzhin gshegs pa thams cad kyi khu tshur gyi phyag rgya yongs su 'dzin par bya'o/ /gzhan thams cad ni dam tshig chen po'i dkyil 'khor gyi tshul du bya'o/ /de nas de bzhin du sems dpa' mchog bsgrub pa dang / dngos grub mchog rnams kyang de bzhin no/ /gzhan yang ras la bcom ldan 'das dpa' bo gcig pu bris te/ 'di'-i mdun du rdo rje tshig gis bzlas brjod 'bum byas nas ye shes kyi khu tshur yongs su 'dzin pas mtshan mo thog thag bzlas na/ shes rab kyi pha rol tu phyin pa 'thob cing dngos grub thams cad grub pa'i byang chub sems dpar 'gyur la/ de nas de bzhin gshegs par 'gyur ro/ /de nas ma bsgrubs pas kyang dkyil 'khor du zhugs pa tsam nyid kyis las rnams 'grub par 'gyur te/ 'di lta ste/ </font><hr>92.164b<br><font size=+1>

de bzhin gshegs pa thams cad mchod pa la ni ci snyed pa'i de bzhin gshegs pa'i bde ba thams cad phul bas so/ /sangs rgyas dang byang chub sems dpa' thams cad mchod pa la ni bdag phul bas so/ /dkon mchog gsum mchod pa la ni me tog la sogs pa la bzlas so/ /sems can thams cad mchod pa la ni thams cad la byams pa'i bzlas pas so/ /chos thams cad bsdu ba la ni shes rab kyi pha rol tu phyin pa'-i tshig bzhi po gdon pas so/ /bdud thams cad 'dul ba la ni brtan zhing nges pa'i bzlas pas so/ /de bzhin gshegs pa thams cad kyi dbang bskur ba thob pa la ni rgyan thams cad phul zhing rang nyid bcings pas so/ /chos nyid thams cad thob pa la ni rdo rje pad ma la blta bas so/ /de bzhin gshegs pa thams cad kyi las kyi dngos grub thob pa la ni thams cad rdo rje'i las kyi mchog gis so/ /sangs rgyas nyid rab tu 'thob pa la ni rdo rje ye shes kyi khu tshur gyi de kho na nyid kyi phyag rgya chen pos so/ /bde ba chen po rdo rje don yod pa'i dam tshig gi rtog pa'i rgyal po chen po las/ de bzhin gshegs pa thams cad kyi de kho na nyid kyi rdo rje dam tshig ces bya ba'i rtog pa'i rgyal po rdzogs s+ho/ /de bzhin gshegs pa'i rtog pa'o// / de nas ma rungs pa thams cad 'dul ba de bzhin gshegs pa shAkya thub pas kyang yang chos thams cad kyi mnyam pa nyid kyis rnam par rgyal ba bsdu ba zhes bya ba shes rab kyi pha rol tu phyin pa bsgrub pa 'di gsungs so/ /'dod chags kyi spros pa med pa nyid kyis zhe sdang gi spros pa med pa nyid do/ /zhe sdang gi spros pa med pa nyid kyis gti mug gi spros pa med pa nyid do/ /gti mug gi spros pa med pa nyid kyis chos thams cad kyi spros pa med pa nyid do/ /chos thams cad spros pa med pa nyid kyis shes rab kyi pha rol tu phyin pa spros pa med pa nyid du rig par bya'o/ /lag na rdo rje gang la la shes</font><hr>92.165a<br><font size=+1>

rab kyi pha rol tu phyin pa'i tshul 'di nyan pa dang / 'dzin pa dang klog pa dang bsgom pa des 'dul ba'i dbang gi phyir khams gsum du skyes pa'i sems can thams cad bsad kyang ngan song du skye bar mi 'gyur te myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /de nas bcom ldan 'das phyag na rdo rje chos nyid 'di'-i don rgya cher ston cing / 'jig rten gsum las rnam par rgyal ba'i rdo rje zhes bya ba'i ting nge 'dzin gyi phyag rgya bcings nas/ khro gnyer dang bcas shing smyin ma bteg ste 'bar bar blta la pad ma'i gdong khro zhing dgod de/ mche ba gtsigs nas rkang pa g.yas pa bskum pa'i tshul du gnas pas gnas nas rdo rje hU~M zhes bya ba'i snying po 'di gsungs so/ /hU~M/ de nas 'di gsungs pa tsam gyis 'jig rten gsum po thams cad kyi 'dod pa'i dbang phyug la sogs pa 'jig rten gsum gyi bdag po rnams yang dag par bkug ste lhung bar mdzad nas dkyil 'khor du bcug nas rnam par rgyal bar mdzad la bcings te/ dbang du byas nas 'dul zhing rjes su btul te/ bslad nas yang dam tshig gis bcings nas 'jig rten gsum gyi bdag po dbang phyug chen po chung ma dang bcas pa zhabs gnyis su phab nas mnan par mdzad do/ /de nas de rnams kyis 'jig rten gsum po thams cad du sgra chen po bsgrags te/ kyai rdo rje 'chang chen po yongs su bskyab par mdzod cig /bdag cag rnams ma gzir cig /'dir khyod la bdag cag skyabs su mchi'o/ /dam tshig dang bka' bsgo ba yang bsgrub par bgyi'o/ /ma mo thams cad kyang btul zhing dam la btags nas dkyil 'khor yang rnam par bshig ste/ phyag rgya thams cad dang dam tshig kyang dral zhing rnam par bshig pa dang / gdon thams cad kyang bzlog cing / nad thams cad dang rims dang gnod pa dang dug dang ngan 'gro rnams dral zhing rnam par bshig pas sgra chen po sgrogs shing 'jigs pa chen pos 'jigs par byed pa'i tshig rnams kyis bcom</font><hr>92.165b<br><font size=+1>

ldan 'das nyid la skyabs su song ngo / /bcom ldan 'das kyis kyang zhal rnam par bzhad nas/ de rnams dkyil 'khor du bcug ste/ dam tshig gis bcings nas/ rdo rje rin chen gyis dbang bskur nas rang gi mtshan ma rnams rdo rjes byin gyis brlabs te/ rdo rje ming gi dbang bskur ba yang rjes su stsal nas/ sems can ma lus pa'i don du phy-i'i rdo rje'-i rigs su rab tu bzhag go /de nas rdo rje khro bo'i rdo rje las phyag na rdo rje dang 'dra ba'i dngos po'i bdag nyid can kha dog dang rgyan dang mtshon cha rnam pa sna tshogs bsnams pa/ rnam par 'gyur ba'i rdo rje'i mche ba gtsigs pa/ tshems kyis sgros gnon pa smin ma mi bzad cing khro gnyer bsnyer ba/ spyan dang dbu skra dang ag tsom 'bar ba zhal 'jigs pa/ rdo rje dang lcags kyu dang zhags pa dang mtshon cha mda' dang dbyig pa dang ral gri dang kha T+wA~M ga dang gri rings dang chu gri phyag na bsnams pa/ khro bo chen po hU~M mdzad las phyung ste/ bcom ldan 'das phyag na rdo rje'i dang po'i dkyil 'khor gyi tshul gyis bzhugs so/ /lha la sogs pa de rnams kyang rang gi dkyil 'khor gyis byin gyis brlabs nas/ phyi'i dkyil 'khor du bzhag go /gdon la sogs pa de dag kyang dkyil 'khor gyi phyi rim na gnas so/ /de nas bcom ldan 'das de bzhin gshegs pa thams cad thugs rje chen po'i thabs kyi khro bo'i rdo rje zhes bya ba'i ting nge 'dzin la snyoms par zhugs nas/ khams gsum po mtha' dag las rnam par rgyal ba rdo rje'i byin gyis brlabs pa zhes bya ba'i dkyil 'khor chen po 'di gsungs so/ /de nas yang dag bshad bya ba/ /rdo rje'i dkyil 'khor dam pa ste/ /khams gsum rnam par rgyal zhes bya/ /'dul ba chen po 'dul byed pa/ /dkyil 'khor dang po'i sbyor ba yis/ /phyi yi dkyil 'khor bri bar bya/ /de yi nang gi 'khor lo ni/ /dkyil 'khor brgyad pa dag dang mtshungs/ /de yi dbus su khro bo che/ /phyag na rdo rje gzhag par bya/ /sangs rgyas phreng la sogs pas spras/ /ut+pal</font><hr>92.166a<br><font size=+1>

sngon po'i mdog 'dra ba/ /zhal ni cung zad mche ba gtsigs/ /khro bcas bzhad pa'i zhal mnga' ba/ /g.yon brkyang ba yis legs bzhugs la/ /rdo rje hU~M mdzad bsdus pas so/ /g.yon gyi zhabs kyis legs gnon pa/ /de yi bya ba dbang phyug che/ /g.yas ni dka' thub zlog ma yi/ /nu ma'i steng du rab tu 'jog /'bar phreng 'khrigs pa'i 'od ldan pa/ /sa sogs bcas pa'i khams rnams kyis/ /khro bo kun du bzhag par bya/ /'bar phreng 'khrigs pa'i 'od ldan pa'i/ /'khor lo de yang mkhas pa yis/ /'bar phreng 'khrigs pa'i 'od can bri/ /phyi'-i dkyil 'khor gnas rnams su/ /phyi yi dkyil 'khor tshogs rnams su/ /khro bo'i mtshan ma bzhi po ni/ /gzhu dang mda' dang ral gri dang / /'khor lo de bzhin rtse gsum bsgreng / /sgo rnams kun du bri bar bya/ /phyi rol gnas pa'i gdon rnams kyi/ /sna tshogs gtor mas bkang ba dang / /ba dan sngon po dril btags shing / /rtse mo kha dog sna tshogs pa'o/ /de nas 'dir 'jug pa la ni yan lag thams cad ras sngon po zung gis g.yogs shing khros pas rdo rje dam tshig gi phyag rgya dang bcas pas 'dzin par gyur pas zhugs na/ bcom ldan 'das kyis rdo rje'i rigs kyi slob dpon du byin gyis rlob pa mdzad do/ /de nas brtsams te sdig pa la sogs pa rnam par grol zhing / mi sod pa dang mi tshugs pa dang mu stegs thams cad la tshar gcod pa dang phan 'dogs nus shing thams cad las rgyal ba dang dngos grub thams cad 'grub par 'gyur ro/ /de nas slob ma de bzhin du bcug la snying po byin te dkyil 'khor thams cad du yang bya'o/ /de nas rdo rje rnon po rtse bzhi pa 'bar ba byin la rdo rje ming gi dbang bskur bas dbang bskur nas rdo rje'i brtul zhugs sbyin par bya ste/ 'di n-i gdug pa 'dul byed pa'i/ /lag na rdo rje'i rdo rje ste/ /ma rungs thams cad 'dul ba la/ /khyod kyis kyang ni rtag tu bcang / /de nas de bzhin du 'byung bar bya'o/ /rdo rje'i dkyil 'khor ro// //de nas</font><hr>92.166b<br><font size=+1>

bsgrub pa la ni ras la bcom ldan 'das khro bo'i dbang phyug byas la/ rdo rje'i dkyil 'khor gyi cho gas kyang sems dpa' chen po thams cad bya'o/ /phyogs thams cad du ni lha la sogs pa dang ma mo rnams bri bar bya ste/ de nas bsgrub pa chen po la yang de bzhin te/ de bzhin du dngos grub mchog rnams la ni ras la bcom ldan 'das ci lta ba bzhin du byas nas/ de'i mdun du lag pa gnyis kyis phyag rgya bcings te bzlas brjod 'bum bya'o/ /de nas yi ge hUM tsam gyis 'jig rten dang 'jig rten las 'das pa'i las thams cad byed par 'gyur ro/ /ma bsgrubs par yang las thams cad dang / de bzhin du thams cad rjes su chags par bya ba/ dgug pa dang gzhug pa dang bcing ba dang dgrol ba dang dbang du bya ba dang lkugs par bya ba dang rengs par bya ba dang rmongs par bya ba dang gnyid med par bya ba dang rgyas gdab pa dang ltung ba dang brdeg pa dang gsad pa dang / gso bar bya ba la sogs pa yang lan cig bzlas pas byed par 'gyur ro/ /thams cad gsad pa la ni rdo rje khro bo mthar byed kyis so/ /thams cad rgyas gdab pa la ni khro bo'i blta ba'i bzlas pas so/ /thams cad gzhig pa la ni rdo rje khros pas gzhig par bya'o/ /thams cad nges par gnon pa la ni rdo rje dang khros pas phyogs der brdeg par bya'o/ /nad thams cad dbug pa la ni rdo rje phra mo 'bigs byed kyis so/ /thams cad kyi snying 'byin pa la ni khros pa'i yid kyis dbyung bar bya'o/ /gdug pa thams cad tshar gcad pa la ni khros pas rdo rje bskor bar bya'o/ /gdug cing khros pa dgos pa la ni khros pas lcags phye'i sbyin bsreg gis so/ /bdud thams cad brlag pa la ni rang gi sa bon gyi sbyin sreg gis so/ /gnod sbyin thams cad bskrad pa la ni ha ha zhes dgod cing bzlas pas so/ /klu thams cad gdon pa la ni rdo rje sa la brdebs shing bzlas pas so/ /lha thams cad ltung bar bya ba la ni lha mo rdo rje ltung byed kyis so/ /lha'i bdag po thams cad dbang du bya ba dang / gdul ba dang bsnun pa dang / </font><hr>92.167a<br><font size=+1>

gsod pa dang gdul bar bya ba la ni rdo rje srid pa gsum po gdul bar byed pas so/ /rnam thos sras rjes su 'brang bar bya ba la ni rnam thos sras mnan nas khros pas bzlas brjod bya'o/ /lus ngan po mnan nas dpal dbrog par bya ba la ni rdo rje skyes bus so/ /'dod pa'i lha dbang du bya ba la ni 'dod pa'i lha'i mdun du khros pas bzlas brjod bya'o/ /tshangs pa ltung bar bya ba la ni rdo rje rab tu dga' ba'i phyag rgyas so/ /khyab 'jug gzhig pa la ni rdo rje 'khor lo dral bas so/ /dbang phyug chen po gdul bar bya ba la ni rdo rje tri shU la dral bas so/ /ma mo thams cad gsad pa la ni rdo rje khro bo'i tshogs kyi srin mos so/ /phyi'i dkyil 'khor thams cad kyi phyag rgya dang dam tshig dang chos dang gsang ba'i dngos grub rnam par gtor cing rnam par gzhig pa la ni rdo rje khro bo gdug pa'i dam tshig 'jigs par byed pas so/ /ri dang shing dang khyim dang gtsug lag khang dang grong khyer dang mchod rten dang lha'i khang pa dang / skyes pa dang bud med dang glang po dang bcas pa'i rta la sogs pa thams cad gzhom pa la ni rdo rje khro bo'i lta bas mig la reg pas so/ /ltung ba thams cad bslang ba la ni rdo rje khro bo bslang bas so/ /thams cad spo ba la ni rdo rje khros pa'i rnal 'byor mas so/ /thams cad dbrog pa la ni rdo rje khro bo'-i khu tshur dang dbrog pas so/ /'jigs pa thams cad bskyed pa la ni rdo rje khro bo'i blta bas so/ /dpung thams cad gsad pa la ni rdo rje khro bo'i gnod sbyin mos so/ /gzhan gyi dpung thams cad gzhom pa dang gnon pa dang rmongs par bya ba dang long bar bya ba dang rgyas gdab pa dang gsad pa la ni rdo rje khro bo ma rungs pa'i srin mos so/ /rgyal po la sogs pa mi chen po thams cad gsad pa la ni dong ka'i shing la rang gi khrag gis sbyin sreg byas pas so/ /lha thams cad rnam par gzhig pa la ni lha thams cad kyi gzugs brnyan phur bus gdab pas so/ /lha'i bdag po thams cad bsreg pa la ni lha thams cad kyi gzugs brnyan gyi yam shing gis so/ /</font><hr>92.167b<br><font size=+1>

rang gi khrag gi rgyun dbab pas sa thams cad nub par bya ba la ni rdo rje khro bos 'og gi phyag rgyas so/ /khams gsum thams cad gsal ba la ni rdo rje 'jig pa'i phyag rgyas so/ /'jig rten gsum po thams cad las rnam par rgyal ba la ni 'jig rten gsum las rnam par rgyal ba'i mchog gi rdo rje khro bos so/ /khams gsum thams cad dbab pa dang dgug pa dang gzhug pa dang / dbang du bya ba dang / nges par gnon pa la ni rdo rje sems dpa'i khro bo'i phyag rgyas so/ /khams gsum po thams cad rjes su chags par bya ba dang dgug pa dang gzhug pa dang bcing ba dang rgyas gdab pa dang dbang du bya ba dang gnon par bya ba dang bsgrub pa la ni bde ba chen po'i rdo rje khro bo rdo rje'i dam tshig gi khro bos so/ /bde ba chen po rdo rje don yod pa'i dam tshig gi rtog pa'i rgyal po chen po las khams gsum rnam par rgyal ba'i rdo rje dam tshig ces bya ba'i rtog pa'i rgyal po chen po rdzogs so/ /'jig rten gsum rgyal gyi rtog pa'o// //  de nas bcom ldan 'das de bzhin gshegs pa ngo bo nyid dag pa'i chos nyid thob pas yang chos thams cad kyi mnyam pa nyid spyan ras gzigs dbang phyug gi ye shes kyi phyag rgya zhes bya ba shes rab kyi pha rol tu phyin pa'i tshul 'di gsungs te/ 'dod chags thams cad rnam par dag pa nyid kyis kyang 'jig rten na zhe sdang thams cad rnam par dag par 'gyur ro/ /dri ma thams cad rnam par dag pa nyid kyis 'jig rten na sdig pa thams cad rnam par dag par 'gyur ro/ /chos thams cad rnam par dag pas 'jig rten na sems can thams cad rnam par dag par 'gyur ro/ /shes pa thams cad rnam par dag pas 'jig rten na shes rab kyi pha rol tu phyin pa rnam par dag par 'gyur ro/ /lag na rdo rje gang la la shes rab kyi pha rol tu phyin pa'i tshul 'di nyan pa dang 'dzin pa dang klog pa dang bsgom pa de 'dod chags dang dri ma thams cad kyi nang na 'dug kyang pad mo lta bur</font><hr>92.168a<br><font size=+1>

'dod chags kyi nyes pa rnams dang dri ma rnams dang glo bur gyi nyon mongs pa rnams kyis gos par mi 'gyur te/ myur du bla na med pa yang dag par rdzogs pa'i byang chub tu mngon par rdzogs par 'tshang rgya bar yang 'gyur ro/ /de nas byang chub sems dpa' sems dpa' chen po spyan ras gzigs dbang phyug don gyi gnas 'di nyid yang rgya cher ston cing bzhin rab tu 'dzum mul te/ pad ma'i 'dab ma kha 'byed pas 'dod chags la sogs pa'i dri mas mi gos pa la blta zhing 'gro ba thams cad kyi phyir pad ma'i gzugs sna tshogs zhes bya ba'i snying po 'di gsungs so/ /hrIH /de nas 'di gsungs pa tsam gyis pad ma chen po de las de bzhin gshegs pa la sogs pa'i gzugs brnyan thams cad bcom ldan 'das dang 'dra ba'i/ pad mas mtshan pa'i gzugs can nges par byung nas bcom ldan 'das spyan ras gzigs dbang phyug gi rim pa dang po'i dkyil 'khor gyi tshul du bzhugs par gyur to/ /de nas bcom ldan 'das spyan ras gzigs dbang phyug chos thams cad la gzigs pa'i ye shes kyi dbang phyug gi ye shes kyi phyag rgya zhes bya ba'i ting nge 'dzin la snyoms par zhugs nas 'gro ba thams cad 'dul ba zhes bya ba'i dkyil 'khor chen po 'di gsungs so/ /phyi'-i dkyil 'khor ci lta ba'i nang du gnyis pa ni zur bzhi pa la de bzhin du sgo dang mtshams su bcas par bri'o/ /de nas dkyil 'khor brgyad pa'i tshul du thig bzhis thig btab pa la tshon dmar pos pad ma 'dab ma brgyad pa bri bar bya'o/ /de'i dbus su bcom ldan 'das dgod par bya'o/ /de'i mdun du bcom ldan 'das pad ma chen po chags pa sku mdog dmar po 'dzin pa/ pad ma chen po dang mda' dang gzhu bsnams pa g.yas su bcom ldan 'das pad ma chen po'i gtum po'i dbang phyug dbang phyug chen po'i gzugs 'dzin pa gzhag par bya'o/ /rgyab du pad ma chen po khyab 'jug gi gzugs</font><hr>92.168b<br><font size=+1>

'dzin pa sku mdog nag po gzhag par bya'o/ /g.yon du pad ma chen po mi mjed kyi bdag po tshangs pa'i gzugs 'dzin pa sku mdog dkar po bzhag par bya'o/ /g.yas kyi mtshams su pad ma chen po sa 'dzin pa bzhag par bya'o/ /'tshams gnyis par pad ma chen po rgya mtsho chu lha'i gzugs 'dzin pa gzhag par bya'o/ /gsum par pad ma chen po nyi ma'i gzugs can bzhag par bya'o/ /bzhi par pad ma chen po rlung gi gzugs 'dzin pa bzhag par bya'o/ /phyi'i dkyil 'khor gyi mtshams rnams su shrI hI gI d+hi lha mo bzhi bzhag par bya ste thams cad kyang g.yas na rang gi mtshan ma 'dzin pa g.yon pa pad ma 'dzin par bya'o/ /sgo rnams su ni 'dod chags dang zhe sdang dang gti mug dang mya ngan las 'das pa'i mtshan ma rnams bzhag par bya ste 'di lta ste bud med kyi gzugs dang sbrul gyi gzugs dang / phag gi gzugs dang / pad ma'i gzugs zhes bya'o/ /de nas gos dkar po bgos te gos dkar pos gdong g.yogs la/ pad ma chen po'i phyag rgya chen po me tog dang bcas pa bcings te zhugs la me tog dor bar bya ste gang du babs pa de des bsgrub par bya'o/ /de nas pad ma blangs la pad ma'i ming gis dbang bskur bas dbang bskur la 'di skad ces brjod par bya zhing / pad ma'i 'dab ma la blta bar byas te/ ci ltar pad ma dmar po 'di/ /tshon gyi nyes pas mi gos te/ /'dam gyi nang na dag pa ltar/ /'dod chags zhe sdang sogs de bzhin/ /de ltar chos rnams bsgoms na ni/ /blo ldan nyon mongs bcas gyur kyang / /nyon mongs kun las rnam grol nas/ /myur du sangs rgyas nyid thob 'gyur/ /zhes bya ba'i ting nge 'dzin 'di la gzigs pas de bzhin gshegs pa thams cad kyi dbang phyug nyid thob par 'gyur te/ de nas bcom ldan 'das spyan ras gzigs dbang phyug ces mtshan btags so/ /de nas brtsams te bdag nyid kyi dngos po thams cad shin tu yongs su dag pa dang bkra shis shing dngos grub thams cad byang chub kyi</font><hr>92.169a<br><font size=+1>

snying po'i bar du rjes su myong bar 'gyur zhing / myur du sangs rgyas nyid thob par 'gyur te/ slob ma bzhug pa'i cho ga rgyas pa yang de bzhin no/ /ye shes kyi dkyil 'khor ro/ /bsgrub pa la ni de bzhin du ras kyi ri mo gnyis kyis dngos grub thams cad thob par 'gyur ro/ /de nas ma bsgrubs kyang thams cad rjes su chags par bya ba la ni pad ma la lan stong bzlas te sbyin par bya'o/ /thams cad gsad pa la ni pad ma chen po'i khro bo'-i phyag rgyas so/ /thams cad rmongs par bya ba la ni pad ma chen po phag gis so/ /nyon mongs pa thams cad rnam par dag par bya ba la ni pad ma chen po rnam par gzigs pa'i ting nge 'dzin gyi phyag rgyas so/ /sa thams cad kyi bdag po nyid du bya ba la ni sa la dkyil mo dkrung bcas pas bzlas brjod 'bum byas nas mthar mtshan mo thog thag bzlas brjod bya'o/ /chu thams cad dbab pa la ni klu bris nas de'i steng du 'dug ste bzlas brjod 'bum bya'o/ /thams cad snang bar bya ba la ni mun par nyi ma chen po'i 'od kyis so/ /rlung thams cad dgug pa dang / gzhug pa dang / bcing ba dang dbang du bya ba la ni/ pad ma chen po rlung gi mchog gis so/ /bde ba chen po rdo rje don yod pa'i dam tshig gi rtog pa'i rgyal po chen po las/ nyon mongs pa thams cad rnam par dag pa'i dam tshig ces bya ba'i rtog pa'i rgyal po chen po rdzogs s+ho// //'gro ba 'dul ba'i rtog pa'o/ / de nas bcom ldan 'das de bzhin gshegs pa khams gsum thams cad kyi dbang pos yang / de bzhin gshegs pa thams cad kyis dbang bskur ba las byung ba/ ye shes kyi snying po zhes bya ba shes rab kyi pha rol tu phyin pa'i tshul 'di bshad de/ dbang bskur ba sbyin pa ni khams gsum thams cad kyi rgyal srid thob par 'gyur ro/ /nor sbyin pa ni re ba thams cad yongs su rdzogs par 'gyur ro/ /chos sbyin pa ni chos thams cad kyi mnyam pa nyid thob par</font><hr>92.169b<br><font size=+1>

'gyur ro/ /zang zing sbyin pa ni lus dang ngag dang / sems kyi bde ba thams cad thob par 'gyur ro/ /de nas byang chub sems dpa' sems dpa' chen po nam mkha'i snying po bzhin rab tu 'dzum pa dang bcas te/ rang gi mgo la rdo rje rin po ches dbang bskur ba'i phreng ba 'ching zhing don yod pa 'di nyid rgya cher ston te/ dbang bskur ba thams cad kyi dam tshig rin po che zhes bya ba'i snying po 'di smras so/ /trA~M/ de nas 'di gsungs pa tsam gyis bcom ldan 'das kyi rin po che de las thams cad dbang bskur ba la sogs pa yo byad dang gter thams cad byung ste/ bcom ldan 'das dang po'i dkyil 'khor gyi tshul gyis byang chub sems dpa'i gzugs nyid kyis bzhugs so/ /de nas bcom ldan 'das nam mkha'i snying po dbang bskur ba thams cad kyi rin po che rdo rje zhes bya ba'i ting nge 'dzin la snyoms par zhugs nas/ bsam pa thams cad yongs su rdzogs par byed pa/ nor bu rin po che'i dam tshig ces bya ba'i dkyil 'khor 'di gsungs so/ /phyi'i dkyil 'khor ni dang po'i dkyil 'khor gyi tshul du byas pa'i nang du rin po che zur brgyad pa rin po che'i ka ba brgyad pa gnas pa dkyil 'khor brgyad pa'i tshul las/ rin po che'i lcug mas yongs su bskor ba rdo rje rin po che'i ra ba dang lcog dang / me tog gi phreng ba dang ba dan dang gdugs dang rnga yab kyis nye bar mdzes pa bri bar bya'o/ /de'i dbus su bcom ldan 'das rta'i khri la bzhugs pa dbang bskur ba'i phreng ba rang nyid 'ching bar mdzad cing zhal rnam par bzhad pa margad kyi mdog can gzhag par bya'o/ /de'i mdun du byang chub sems dpa' de bzhin gshegs pa thams cad kyi dbang bskur ba'i rin po che zhes bya ba rdo rje rin po che'i cod pan 'dzin pa bzhag par bya'o/ /g.yas su rin po che chen po'-i nor sbyin pa dbyig gi gter 'dzin pa bzhag par bya'o/ /rgyab tu chos chen po'i rin po che'i glegs bam 'dzin pa bzhag par bya'o/ /g.yon du</font><hr>92.170a<br><font size=+1>

rin po che chen po ro myong ba zas dang skom thams cad 'dzin pa bzhag par bya'o/ /mtshams rnams su mchod pa'i lha mo rnams rin po che'i gdugs dang rgyal mtshan dang rnga dang srog shing rnams bzhag par bya'o/ /phyi rol gyi mtshams su bum pa gang ba rnams so/ /sgo rnams su ni dbang bskur ba la sogs pa'i mtshan ma rnams bzhag par bya'o/ /phyi rol du ni gdugs dang rgyal mtshan dang ba dan dang bla re rnams kyis kun du khyab par bya'o/ /de nas de bzhin du rdo rje rin chen gyi phyag rgya 'dzin pas zhugs nas/ de nas brtsams te nor thams cad 'grub pa la sogs pa'i dngos grub thams cad thob par 'gyur ro/ /de nas zhugs kyang dbang bskur ba'i phreng ba bcings te/ rin po che blangs nas rin po che'i ming gi dbang bskur bas dbang bskur la sbyin pa thams cad phul nas slar byung bar bya'o/ /slob ma gzhug pa'i cho ga rgyas pa yang de bzhin no/ /rdo rje rin po che'i dkyil 'khor ro/ /bsgrub pa dang dngos grub rnams kyang de bzhin no/ /de nas ma bsgrubs par yang dbang bskur ba thams cad thob pa la ni rdo rje rin po che'i dbang bskur ba'i phreng bas so/ /bsam pa thams cad yongs su rdzogs pa la ni nyin re zhing nyi ma 'char kar bzlas brjod dpag tu med pa byas pas so/ /chos thams cad kyi don shes pa la dri ma med pa'i nam mkha' la blta zhing bzlas brjod bya'o/ /zas dang skom thams cad la sogs pa dang / ro thams cad thob par bya ba la ni nam mkha' las yid la 'dod pa bzhin du nyin re zhing / bcom ldan 'das kyis bzlas brjod stong byas pas so/ /shin tu mthon po thob par bya ba la ni gdugs bzung nas bzlas brjod 'bum bya'o/ /rnam par rgyal ba chen po thob pa la ni/ rin chen rgyal mtshan mchog gis so/ /grags pa dang snyan pa chen po dang / ming thob par bya ba la ni nyin re zhing kha thams cad du bltas nas</font><hr>92.170b<br><font size=+1>

bzlas brjod bya'o/ /bdag po chen po thob pa la ni rin po che'i srog shing gi phyag rgyas so/ /bde ba chen po rdo rje don yod pa'i dam tshig gi rtog pa'i rgyal po chen po las/ dbang bskur ba thams cad kyi rin po che'i dam tshig ces bya ba'i rtog pa'i rgyal po chen po/ rdzogs s+ho// //rin po che'i rigs kyi rtog pa'o/ / de nas bcom ldan 'das de bzhin gshegs pa thams cad kyi ye shes kyi phyag rgya thob pa/ de bzhin gshegs pa thams cad kyi khu tshur 'dzin pa/ de bzhin gshegs pa rtag pas yang de bzhin gshegs pa thams cad kyi ye shes kyi phyag rgya'i byin gyis rlob pa rdo rje zhes bya ba'i shes rab kyi pha rol tu phyin pa'i tshul 'di bshad do/ /de bzhin gshegs pa thams cad kyi sku'i phyag rgya yongs su 'dzin pa ni de bzhin gshegs pa thams cad nyid du 'gyur ro/ /de bzhin gshegs pa thams cad kyi gsung gi phyag rgya yongs su 'dzin pa ni chos thams cad thob par 'gyur ro/ /de bzhin gshegs pa thams cad kyi thugs kyi phyag rgya yongs su 'dzin pa ni ting nge 'dzin thams cad thob par 'gyur ro/ /de bzhin gshegs pa thams cad kyi rdo rje'i phyag rgya yongs su 'dzin pa ni lus dang ngag dang sems thams cad rdo rjer rdo rje'i dngos grub dam pa thob par 'gyuro/ /su la la shes rab kyi pha rol tu phyin pa'i tshul 'di nyan pa dang / 'chang ba dang klog pa dang lung dbog pa dang bsgom pa des dngos grub thams cad dang phun sum tshogs pa thams cad dang shes pa thams cad dang dgos pa thams cad dang lus dang ngag dang sems thams cad rdo rjer rdo rje'i dngos grub dam pa thob nas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ /de nas byang chub sems dpa' sems dpa' chen po rdo rje khu tshur dam tshig chen po'i rdo rje'i phyag rgya yongs su 'dzin pas don gyi gnas 'di rgya cher ston te/ bzhin</font><hr>92.171a<br><font size=+1>

rab tu 'dzum zhing rdo rje sra ba'i phyag rgya thams cad kyi dngos grub kyi dam tshig ces bya ba'i snying po 'di gsungs so/ /a/ de nas 'di gsungs pa tsam gyis de bzhin gshegs pa thams cad la sogs pa sems can thams cad bcom ldan 'das rdo rje sems dpas phyag rgya thams cad kyis rdo rje sems dpa' nyid du de bzhin gshegs pa thams cad la sogs pa dngos grub mchog gi rgyus rgyas gdab bo/ /bcom ldan 'das rdo rje khu tshur gyis kyang sku dang gsung dang thugs rdo rje thams cad las phyag rgya chen po la sogs pa phyag rgya thams cad kyi dam tshig gi sems dpa' phyung nas kyang / dang po'i dkyil 'khor gyi tshul gyis bzhugs par gyur to/ /de nas bcom ldan 'das byang chub sems dpa' rdo rje khu tshur/ de bzhin gshegs pa thams cad kyi ye shes kyi phyag rgya'i rdo rje zhes bya ba'i ting nge 'dzin la snyoms par zhugs nas/ phyag rgya thams cad kyi rdo rje dam tshig ces bya ba'i dkyil 'khor chen po 'di gsungs so/ /phyi'i dkyil 'khor dang po'i sbyor bas bris la/ nang du rdo rje'i thig gi 'khor lo bri'o/ /de bzhin du de'i dbus su dkyil 'khor brgyad par thig btab la/ dbus su bcom ldan 'das rdo rje khu tshur phyag gnyis dam tshig gi phyag rgya bcings pa/ zhal rnam par gzhad pa bzhag par bya'o/ /de'i mdun du rdo rje'i sku'i mchog ces bya ba rdo rje bsnyems par 'dzin pa'o/ /g.yas su rdo rje ljags zhes bya ba rdo rje lce'i mchog 'dzin pa'o/ /rgyab tu ting nge 'dzin rdo rje zhes bya ba rdo rje 'dzin pa'o/ /g.yon du rdo rje rdo rje zhes bya ba bsnyems pa 'dzin pa'o/ /shar lho mtshams su phyag rgya'i khu tshur zhes bya ba dang / gnyis pa la ni nor gyi khu tshur zhes bya ba dang / gsum pa la ni chos kyi khu tshur zhes bya ba dang / bzhi pa la ni las kyi khu tshur zhes bya ba dang / rang gi phyag rgya dang phyag mtshan yang 'dzin par bya'o/ /sgo rnams su</font><hr>92.171b<br><font size=+1>

ni rdo rje bsnyems ma la sogs pa'i phyag rgya'i lha mo rnams bri bar bya'o/ /de nas dam tshig gi phyag rgya yongs su gzung la rang nyid zhugs na phyag rgya thams cad kyi slob dpon du 'gyur ro/ /de nas brtsams te dngos grub thams cad don yod pas thob par 'gyur ro/ /phyag rgya thams cad kyi ye shes kyi dbang phyug tu bla na med pa yang dag par rdzogs pa'i byang chub tu myur ba myur bar mngon par rdzogs par 'tshang rgya bar 'gyur ro/ /der zhugs nas phyag rgya bcings pa bcom ldan 'das las bslab par bya zhing / rdo rje ming gi dbang bskur bas dbang bskur la 'di skad ces brjod par bya'o/ /sku gsung thugs kyi rdo rje yi/ /gzugs brnyan lta bur sbyor ba yis/ /phyag rgya kun zhes bya bar bsgrags/ /dam tshig dngos grub kun ster ba'o/ /slob ma bzhugs pa yang de bzhin no/ /phyag rgya thams cad kyi dkyil 'khor ro/ /bsgrub pa dang dngos grub rnams kyang de bzhin no/ /de nas ma bsgrub pa'i las rnams kyang de bzhin no/ /phyag rgya thams cad bcing ba bsgrub pa la ni snying gar rdo rje khu tshur gyis so/ /phyag rgya thams cad bsgrub pa la ni rdo rje chen po'i khu tshur gyis so/ /dam tshig thams cad bsgrub pa la ni rdo rje 'dod pa'i khu tshur gyis so/ /sems can thams cad rjes su chags par bya ba la ni rdo rje chags pa chen po'i khu tshur gyis so/ /thams cad dbang du bya ba la ni rdo rje bzhad pa'i khu tshur gyis so/ /thams cad bcing ba la ni rdo rje bsdams pa'i khu tshur gyis so/ /thams cad bsdam ba la ni rdo rje lu gu rgyud kyi khu tshur gyis so/ /thams cad lkugs par bya ba la ni rdo rje zhal gyi khu tshur gyis so/ /thams cad btsir ba la ni rdo rje bsdams pa'i khu tshur gyis so/ /thams cad gsad pa la ni rdo rje khro bo'i khu tshur gyis so/ /thams cad bza' ba la ni rdo rje gnod sbyin gyi khu tshur gyis so/ /thams cad gzhig pa la ni rdo rje nges</font><hr>92.172a<br><font size=+1>

par btsir ba'i khu tshur gyis so/ /thams cad dral ba la ni rdo rje dral ba'i khu tshur gyis so/ /thams cad dbab pa la ni rdo rje 'bebs pa'i khu tshur gyis so/ /thams cad gar byed du gzhug pa la ni rdo rje gar gyi khu tshur gyis so/ /thams cad smrar gzhug pa la ni rdo rje brdung ba'i khu tshur gyis so/ /thams cad rengs par bya ba la ni rdo rje dmigs pa'i khu tshur gyis so/ /gzhan gyi dpung thams cad lkugs pa dang 'phye bor bya ba la ni rdo rje chen po 'phye bo'i khu tshur gyis so/ /phyag rgya thams cad dgrol ba la ni rdo rje thar pa'i khu tshur gyis so/ /rdo rje mkha' 'gro ma thams cad kyi phyag rgyas gzhig pa la ni rdo rje hU~M mdzad gyi rdo rje khu tshur gyis so/ /gdug pa thams cad kyi phyag rgya dbye ba la ni hU~M mdzad kyi rdo rje khu tshur gyis so/ /phyag rgya thams cad bcings pa la ni rdo rje khu tshur gyis so/ /phyag rgya thams cad rdo rjer bya ba la ni rdo rje khu tshur gyis so/ /thams cad rgyas gdab pa la ni rdo rje ma mo'i khu tshur gyis so/ /thams cad phye mar bya ba la ni rdo rje bzang po'i khu tshur gyis so/ /thams cad rnam par gzhig par bya ba la ni rdo rje gdug pa'i khu tshur gyis so/ /thams cad gzhig pa dang rnam par gzhom pa la ni dbang po'i rdo rje khu tshur gyis so/ /chu'i nang du gnas shing chags pa la ni rdo rje gnon po'i khu tshur gyis so/ /gzugs mang por ston pa la ni rdo rje sna tshogs pa'i rdo rje khu tshur gyis so/ /mi snang ba'i dngos grub la ni mi snang ba'i rdo rje khu tshur gyis so/ /rgyu ba dang mi rgyu ba'i dngos po rnams 'byung ba la ni rdo rje nam mkha'i khu tshur gyis so/ /nam mkha' la 'gro ba'i dngos grub la ni rdo rje bsdams pa'i khu tshur gyis so/ /rig pa 'dzin pa'i dngos grub la ni rdo rje ral gri'-i khu tshur gyis so/ /de bzhin gshegs pa thams cad mchod pa'i dngos grub la ni rdo rje las kyi khu tshur gyis so/ /thams cad mkhyen pa grub pa la ni</font><hr>92.172b<br><font size=+1>

rdo rje ye shes kyi khu tshur gyis so/ /nor thams cad kyi dngos grub la ni rdo rje nor gyi khu tshur gyis so/ /phyag rgya thams cad kyi bdag po nyid la ni rdo rje phyag rgya'i khu tshur gyis so/ /las thams cad kyi dngos grub la ni rdo rje thams cad kyi khu tshur gyis so/ /dkyil 'khor thams cad grub pa la ni rdo rje 'dzin pa'i khu tshur gyis so/ /rang nyid 'das pa dang ma 'ongs pa dang da ltar gyi dngos grub rnams ston pa la ni rdo rje lcags kyu'i mchog gi khu tshur gyis so/ /rdo rje 'dzin pa nyid la ni rdo rje bsnyems pa'i khu tshur gyis so/ /sangs rgyas nyid la ni de bzhin gshegs pa thams cad kyi rdo rje'i khu tshur gyis so/ /bde ba chen po rdo rje don yod pa'i dam tshig gi rtog pa'i rgyal po chen po las/ phyag rgya thams cad kyi khu tshur gyi dam tshig ces bya ba rtog pa'i rgyal po chen po rdzogs s+ho//  khu tshur gyi rtog pa'o/ / de nas bcom ldan 'das chos thams cad spros pa med pa'i de bzhin gshegs pas yang 'khor lo ltar yi ge bskor ba zhes bya ba shes rab kyi pha rol tu phyin pa'i tshul 'di bshad do/ /ngo bo nyid med pa'i tshul gyis chos thams cad stong pa'o/ /mtshan ma med pa'i tshul gyis chos thams cad mtshan ma med pa'o/ /smon pa med pa'i tshul gyis chos thams cad smon pa med pa'o/ /shes rab kyi pha rol tu phyin pa yongs su dag pas chos thams cad rang bzhin gyis 'od gsal ba'o/ /de nas bcom ldan 'das 'jam dpal gzhon nur gyur pas don 'di nyid rgya cher ston te/ bzhin 'dzum bzhin du ral gri des de bzhin gshegs pa thams cad la 'deb shing / shes rab kyi pha rol tu phyin pa'i snying po mchog 'di gsungs so/ /a/ de nas 'di gsungs pa tsam gyis de bzhin gshegs pa thams cad 'dus par mdzad nas/ dang po'i dkyil 'khor gyi tshul gyis bzhugs so/ /de nas 'jam dpal gzhon</font><hr>92.173a<br><font size=+1>

nur gyur pa chos thams cad ngo bo nyid med pa spros pa med pa'i ral gri zhes bya ba'i ting nge 'dzin la snyoms par zhugs nas 'khor lo ltar yi ge bskor ba zhes bya ba'i dkyil 'khor 'di gsungs so/ /phyi'i dkyil 'khor ci lta ba'i nang du 'khor lo bris la/ a la sogs pa'i yi ge'i phreng ba go rim bzhin du bri bar bya'o/ /de nas dkyil 'khor brgyad pa'i tshul gyis thig btab la/ de'i lte ba la bcom ldan 'das 'jam dpal gzhon nu gzhon nu'i cha lugs 'chang zhing 'dzum pa dang bcas pa nam mkha'i mdog can phyag bzhi dang ral gris de bzhin gshegs pa thams cad la 'debs par gzhag par bya'o/ /de'i mdun la sogs par de bzhin gshegs pa'i sku rnams bzhag par bya'o/ /phyi'i mtshams rnams su shes rab kyi pha rol tu phyin pa bzhi lung ji ltar thob pa bzhin du bzhag par bya'o/ /sgo rnams su ni mtshan ma bzhi bzhag par bya'o/ /'di lta ste ral gri dang mdung dang lhung bzed dang glegs bam rnams so/ /de nas ral gri dang glegs bam gyi phyag rgya de bzhin du chos kyi slob dpon du byin gyis brlab bo/ /de nas ral gri blangs te ral gri'i ming gis dbang bskur bas dbang bskur la 'di skad ces chos 'di bshad par bya ste/ ral gri 'di ni rtag zung la/ /shes rab tshul 'di bkar smra zhing / /nam mkhar sangs rgyas sbyor ba yis/ /'debs na myur du 'grub par 'gyur/ /sangs rgyas bstan pa bsrung phyir dang / /sems can mang po bsrung ba'i phyir/ /'dis bsad sdig par mi 'gyur zhing / /bsod nams dag kyang thob par 'gyur/ /slob ma rnams la'ang de bzhin te/ shes rab kyi pha rol tu phyin pa yongs su rdzogs pa'i dngos grub rnams kyis myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /</font><hr>92.173b<br><font size=+1>

chos kyi dkyil 'khor ro/ /bsgrub pa yang de bzhin no/ /ma bsgrubs par yang de bzhin du las rnams 'grub par 'gyur ba ni/ stong pa nyid kyi ting nge 'dzin thob pa la ni thams cad nam mkha' bsgoms pas so/ /mtshan ma med pa'i ting nge 'dzin thob pa la ni mtshan ma dang bral ba'i ting nge 'dzin bsgoms pas so/ /smon pa med pa'i ting nge 'dzin thob pa la ni smon pa med pa bsgoms pas so/ /rang bzhin gyis 'od gsal ba chos kyi ye shes thob pa la ni shes rab kyi pha rol tu phyin pa bsgoms pas so/ /nyon mongs pa thams cad gcod pa la ni chos bsgoms pas so/ /yi ge thams cad kyi nges pa'i tshig gi ye shes la ni spros pa med pa'i ye shes bsgoms pas so/ /gnas thams cad du yi ges chos kyi bya ba mthong ba la ni a la sogs pa'i yi ge'i ngo bo nyid bsgoms pas so/ /de bzhin gshegs pa thams cad kyi byang chub thob pa la ni rdo rje'i ral gri'-i phyag rgyas so/ /bde ba chen po rdo rje don yod pa'i dam tshig gi rtog pa'i rgyal po chen po las/ 'khor lo chen po ltar yi ge bskor ba'i dam tshig ces bya ba rtog pa'i rgyal po chen po/ rdzogs s+ho// //'jam dpal gyi rtog pa'o/ / de nas bcom ldan 'das de bzhin gshegs pa thams cad kyi 'khor lo'i nang du 'dus pa'i de bzhin gshegs pas yang 'khor lo chen po la 'jug pa zhes bya ba'i shes rab kyi pha rol tu phyin pa'i tshul 'di bshad do/ /rdo rje mnyam pa nyid la 'jug pa ni de bzhin gshegs pa thams cad kyi 'khor lo la 'jug par 'gyur ro/ /don gyi mnyam pa nyid la 'jug pa ni byang chub sems dpa' sems dpa' chen po 'khor lo la 'jug par 'gyur ro/ /chos thams cad kyi mnyam pa nyid la 'jug pa ni dam pa'i chos kyi 'khor lo la 'jug par 'gyur ro/ /thams cad kyi mnyam pa nyid la 'jug pa ni 'khor lo thams cad</font><hr>92.174a<br><font size=+1>

la 'jug par 'gyur ro/ /de nas byang chub sems dpa' sems bskyed ma thag tu chos kyi 'khor lo bskor ba chos nyid kyi don 'di rgya cher ston cing / bzhin rab tu 'dzum nas rdo rje'i 'khor lo bskor zhing rdo rje 'khor lo thams cad la 'jug pa'i dam tshig ces bya ba'i snying po 'di smras so/ /hU~M/ de nas 'di gsungs pa tsam gyis de bzhin gshegs pa thams cad kyi snying po can khams gsum du gtogs pa'i sems can thams cad dkyil 'khor thams cad du zhugs nas/ bcom ldan 'das kyi thugs las dkyil 'khor thams cad kyi dam tshig gi sems dpa' rnams nges par byung nas dkyil 'khor gyi tshul gyis ci lta ba bzhin bzhugs so/ /de nas bcom ldan 'das byang chub sems dpa' rdo rje khro bo'i 'khor lo thams cad la rab tu 'jug pa'i phyag rgya zhes bya ba'i ting nge 'dzin la snyoms par zhugs nas/ dkyil 'khor chen po thams cad du 'jug pa'i dam tshig ces bya ba'i 'khor lo'i dkyil 'khor 'di gsungs so/ /phyi'-i dkyil 'khor ci lta ba bzhin du byas te/ nang gi dkyil 'khor du rdo rje 'khor lo bris la/ dbus su rdo rje'i 'khor lo bskor ba bzhag par bya'o/ /phyag na rdo rje la sogs pa'i byang chub sems dpa' thams cad rnam pa thams cad du dkyil 'khor dang po'i tshul du bzhag par bya'o/ /phyi'i mtshams rnams su rdo rje'i rigs kyi dkyil 'khor bzhi bri bar bya'o/ /sgo rnams su mtshan ma bzhi bzhag par bya ste 'di lta ste/ rdo rje sems dpa'i sku dang rdo rje khro bo'i sku dang spyan ras gzigs dbang phyug gi sku dang nam mkha'i snying po'i sku rnams so/ /de nas rdo rje 'khor lo'i phyag rgyas ci lta ba bzhin du dkyil 'khor thams cad du sangs rgyas nyid dang / rdo rje 'dzin pa nyid du 'grub par 'gyur ro/ /de nas 'khor</font><hr>92.174b<br><font size=+1>

lo blangs la 'khor lo'i ming gi dbang bskur ba blang bar bya zhing / gsang ba'i dkyil 'khor bzhi'-i thig btab pa'i rigs rnams su 'jug par bya'o/ /slob ma gzhug pa yang de bzhin no/ /rdo rje 'khor lo'i dkyil 'khor ro/ /bsgrub pa yang de bzhin no/ /ma bsgrubs par yang dkyil 'khor thams cad du 'jug pa la ni rdo rje 'khor los te/ rang gi khar bcug la bzhag par bya'o/ /dkyil 'khor chen por 'jug pa la ni rdo rje 'khor lo chen pos so/ /de bzhin du phyag rgya'i dkyil 'khor du 'jug pa la ni de bzhin gshegs pa thams cad kyi 'khor lo'i phyag rgyas so/ /de bzhin du dam tshig gi dkyil 'khor du 'jug pa la ni dam tshig chen po'i 'khor los so/ /las kyi dkyil 'khor du 'jug pa la ni rdo rje thams cad kyi 'khor los so/ /de bzhin du rjes su chags par bya ba dang dbang du bya ba dang don thob pa dang rgyas gdab pa dang gcad pa dang 'jug pa dang mchod pa dang gdug pa 'dul ba'i las rnams la ni sems dpa' chen po brgyad kyi phyag rgya g.yon na 'khor lo dang bcas pa rnams kyis so/ /bde ba chen po rdo rje don yod pa'i dam tshig gi rtog pa'i rgyal po chen po las dkyil 'khor thams cad kyi rdo rje'i dam tshig ces bya ba rtog pa'i rgyal po chen po rdzogs s+ho// //rdo rje 'khor lo'i rtog pa'o/ / de nas bcom ldan 'das de bzhin gshegs pa thams cad la mchod pa thams cad kyi cho ga rgyas pa snod kyi mchod pa thams cad kyi mchog ces bya bar shes rab kyi pha rol tu phyin pa'i tshul 'di bshad do/ /byang chub kyi sems bskyed pa nyid ni de bzhin gshegs pa thams cad la mchod pa'i cho ga rgyas pa'o/ /sems can gyi khams thams cad yongs su skyob pa nyid ni de bzhin gshegs pa thams</font><hr>92.175a<br><font size=+1>

cad la mchod pa'i cho ga rgyas pa'o/ /dam pa'i chos yongs su 'dzin pa ni de bzhin gshegs pa thams cad la mchod pa'i cho ga rgyas pa'o/ /shes rab kyi pha rol tu phyin pa yi ger 'dri ba dang yi ge 'brir gzhug pa dang 'dzin pa dang klog pa dang rjod pa dang ston pa dang mnyan pa dang sems pa dang bsgom pa dang mchod pa byed pa ni de bzhin gshegs pa thams cad la mchod pa'i cho ga rgyas pa'o/ /de nas byang chub sems dpa' sems dpa' chen po nam mkha' mdzod don de nyid rgya cher ston te/ bzhin rab tu 'dzum zhing las thams cad don yod pa'i dam tshig ces bya ba'i snying po 'di smras so/ o~M /de nas 'di gsungs pa tsam gyis nam mkha' thams cad las mchod pa thams cad kyi cho ga rgyas pa nam mkha'i khams ma lus par spros par gyur nas/ bcom ldan 'das nam mkha'i mdzod kyi byang chub sems dpa'i tshul gyis dkyil 'khor chen po'i tshul du bzhugs so/ /de nas byang chub sems dpa' nam mkha'i mdzod mchod pa thams cad kyi cho ga rgyas par byin gyis rlob pa zhes bya ba'i ting nge 'dzin la snyoms par zhugs nas/ rdo rje'i mchod pa'i mchog don yod pa'i dam tshig ces bya ba 'di gsungs so/ /phyi'i dkyil 'khor ci lta ba de bzhin du nang du rin po che'i ka ba brgyad byas la/ dbus su bcom ldan 'das mtshon cha sna tshogs 'dzin pa/ zhal 'dzum pa sku dang yan lag zla ba'i mdog la sogs pa'i kha dog lnga pa'i mdog can bzhag par bya'o/ /de'i phyogs thams cad du dam tshig sems dpa' rnams bzhag par bya'o/ /'di lta ste phyag na rdo rje dang 'jig rten dbang phyug la sogs pa byang chub sems dpa' brgyad po byang chub kyi sems dang ting nge 'dzin dang dbang bskur ba dang phyag rgya yongs su 'dzin pa dang stong pa nyid du smra ba dang dkyil 'khor 'dri ba dang mchod pa thams cad dang sems can thams cad</font><hr>92.175b<br><font size=+1>

yongs su skyob pa ni bla na med pa'i mchod pa'i cho ga rgyas pa phyag na 'dzin pa'i tshul gyis ci lta ba bzhin du bzhag go /phyi'-i mtshams su ni me tog la sogs pa rnams dang sgo rnams su dbyig dang gser dang mu tig dang rin po che ste mtshan ma bzhi bzhag par bya'o/ /de nas de bzhin du rdo rje thams cad kyis mchod pa thams cad 'thob par 'gyur ro/ /zhugs nas sna tshogs rdo rje blangs la sna tshogs rdo rje'i ming gis dbang bskur bas dbang bskur nas mchod pa rnam pa bzhi byas te/ 'di lta ste lus kyi las thams cad dang phyag bya ba dang ngag dang yid dang sems kyis chos kyi dbyings su spros pas mchod pa'i cho ga rgyas pa thams cad kyis mchod par bya zhing rdo rje dang phyag rgyas mchod pas gcig tu byas pa'o/ /slob ma rnams kyi gzhug pa'i las kyang de bzhin no/ /las kyi dkyil 'khor ro/ /de nas bsgrub pa dang dngos grub dag kyang de bzhin no/ /de nas ma bsgrubs par yang byang chub kyi sems kyi mchod pa la ni rang gi snying gar rdo rje bsgoms pas so/ /ting nge 'dzin gyi mchod pa la ni thams cad dag par bsgoms pas so/ /dbang bskur ba'i mchod pa la ni rdo rje dbang bskur ba sna tshogs kyis so/ /phyag rgya'i mchod pa la ni sna tshogs rdo rje thams cad kyis so/ /stong pa nyid kyi mchod pa la ni a la sogs pa'i yi ge'i lung bstan pas so/ /dkyil 'khor gyi mchod pa la ni rdo rje 'khor lo sna tshogs kyis so/ /mchod pa thams cad la ni sna tshogs rdo rjes so/ /gdug pa 'dul ba'i mchod pa la ni khro bos so/ /me tog la sogs pa dor ba la ni bzlas pas so/ /bde ba chen po rdo rje don yod pa'i dam tshig gi rtog pa'i rgyal po chen po las/ sna tshogs rdo rje don yod pa'i dam tshig ces bya ba'i rtog pa'i rgyal po chen po rdzogs s+ho// //nam mkha' mdzod kyi rtogs pa'o// //</font><hr>92.176a<br><font size=+1>

de nas bcom ldan 'das de bzhin gshegs pa gdug pa thams cad 'dul nus pas yang / ye shes kyi khu tshur yongs su 'dzin pas sems can thams cad 'dul ba ye shes kyi snying po zhes bya ba shes rab kyi pha rol tu phyin pa'i tshul 'di bshad do/ /sems can thams cad mnyam pa nyid pas khro ba mnyam pa nyid do/ /sems can thams cad dul ba nyid pas khro ba dul ba nyid do/ /sems can thams cad chos nyid pas khro ba chos nyid do/ /sems can thams cad rdo rje nyid pas khro ba rdo rje nyid do/ /de ci'-i phyir zhe na/ 'di ltar sems can thams cad 'dul ba ni byang chub bo/ /de nas byang chub sems dpa' bdud kyi stobs thams cad rab tu 'joms pa don de nyid rgya cher ston te/ bzhin rab tu 'dzum zhing rdo rje mche ba'i phyag rgya dang / rdo rje gnod sbyin gyi gzugs kyis rdo rje khro bo'i gad mo zhes bya ba'i snying po 'di smras so/ /ha/ de nas 'di gsungs pa tsam gyis gdug pa thams cad 'dul ba'i sems dpa' rnams bcom ldan 'das rdo rje gnod sbyin gyi thugs las byung ste/ dang po'i dkyil 'khor gyi tshul du bzhugs so/ /de nas byang chub sems dpa' rdo rje gnod sbyin thabs thams cad kyis 'dul ba khro bo'i rdo rje zhes bya ba'i ting nge 'dzin la snyoms par zhugs nas/ gdug pa thams cad 'dul zhing byin gyis rlob pa rdo rje zhes bya ba'i gnod sbyin gyi dkyil 'khor 'di gsungs so/ /phyi yi dkyil 'khor tshul du ni/ /phyi yi dkyil 'khor bri bar bya/ /de yi nang rim nyid du ni/ /dkyil 'khor bzang po gru bzhi pa/ /sgo bzhi pa la thig bzhir ldan/ /tshon sna lngas ni rnam par bri/ /ka ba brgyad ni mdun gnas par/ /'bar ba'i dkyil 'khor yang dag ldan/ /de yi dbus su ci rigs par/ /rdo rje gnod sbyin bzhag bya ste/ /rdo rje mche ba gtsigs pa dang / /'bar ba'i phreng ba 'khrigs pa'i 'od/ /'jigs byed kha dog</font><hr>92.176b<br><font size=+1>

sngo ba dang / /ha ha zhes bzhad gsal ba'i zhal/ /de yi kun du gnod sbyin ni/ /shin tu 'jigs pa bzhag par bya/ /de nyid dang po la sogs mchog /phyag na rdo rje sogs mtshan 'chang / /phyi yi dkyil 'khor mtshams rnams su/ /mche ba'i phyag rgya bri bar bya/ /sgo yi gnas ni thams cad du/ /rdo rje'i mtshan ma bzhag par bya/ /de nas 'jug pa la sogs pa 'byung ste/ /rdo rje mche ba'i phyag rgya dang / /ha ha zhes bzhad pa dang bcas pas zhugs na gdug pa thams cad 'dul nus shing myur du rdo rje 'dzin pa nyid thob par 'gyur ro/ /de nas zhugs nas rdo rje mche ba blangs nas rdo rje ming gis dbang bskur la rdo rjes rdo rje gnod sbyin nyid la bsnun no/ /de nas rdo rje gnod sbyin gyi zhal nas ha ha zhes bya ba'i sgra 'byung bar 'gyur ro/ /de nas bcom ldan 'das de bzhin gshegs pa thams cad bsrung ba po gnod sbyin gyi bdag po phyag na rdo rje gtum por bdag grub pa yin no zhes shes par bya'o/ /de nas phyag rgya thams cad bcing bar bya zhing bsgrub par bya'o/ /de nas mchod la de bzhin du yang dag par tshim par byas nas/ shes rab kyi pha rol tu phyin pa'i tshul 'di lan gcig brjod la slar byung bar bya'o/ /de bzhin du phyag rgya bcing ba la sogs pa'i cho ga rgyas pa ni dang po la sogs pa'i dkyil 'khor thams cad du bya'o/ /phyag na rdo rje'i dkyil 'khor ro/ /bsgrub pa dang dngos grub kyang de bzhin no/ /ma bsgrubs par yang dang po ci lta ba bzhin no/ /gdug pa thams cad 'dul ba la ni rdo rje mche ba'i phyag rgyas so/ /sems can thams cad gdul ba la ni khro bas ha ha zhes dgod cing 'dul bas so/ /nyan thos dang rang sangs rgyas kyi 'dod chags dang bral ba las ltung bar bya ba la ni chos gos dang snam sbyar gyi sbyin sreg gis so/ /dbang bskur ba thams cad dbrog pa la ni khams thams cad</font><hr>92.177a<br><font size=+1>

kyis phye ma'i sbyin sreg gis so/ /thams cad rgyas gdab pa la ni rdo rje khu tshur gyi phyag rgyas so/ /thams cad bcad pa la ni gzugs brnyan byas nas gtub pas so/ /ma rungs pa thams cad kyi dkyil 'khor rnam par gzhig pa la ni rdo rje bzung nas 'jug par bya'o/ /mchod pa thams cad rnam par gzhig pa la ni khros nas bzlas brjod bya'o/ /thams cad skrag par bya ba la ni/ 'jigs byed kyi lta bas blta bar bya'o/ /bde ba chen po rdo rje don yod pa'i dam tshig gi rtog pa'i rgyal po las/ rdo rje dam tshig ces bya ba'i rtog pa'i rgyal po chen po rdzogs s+ho// //rdo rje gnod sbyin gyi rtog pa'o/ / de nas bcom ldan 'das de bzhin gshegs pa chos thams cad kyi mnyam pa nyid la gnas pas yang chos thams cad kyi mchog ces bya ba shes rab kyi pha rol tu phyin pa'i tshul 'di bshad do/ /chos thams cad mnyam pa nyid pas shes rab kyi pha rol tu phyin pa mnyam pa nyid do/ /thams cad don nyid pas shes rab kyi pha rol tu phyin pa don nyid do/ /thams cad chos nyid pas shes rab kyi pha rol tu phyin pa chos nyid do/ /thams cad las nyid pas shes rab kyi pha rol tu phyin pa las nyid du rig par bya'o/ /de nas bcom ldan 'das lag na rdo rje de bzhin gshegs pa dang byang chub sems dpa' thams cad kyi don yod pa'i dam tshig gi dkyil 'khor byin gyis rlob pa zhes bya ba'i ting nge 'dzin la snyoms par zhugs nas/ don yod pa thams cad kyi dam tshig ces bya ba'i snying po 'di smras so/ /hU~M/ de nas 'di gsungs pa tsam gyis de bzhin gshegs pa thams cad la sogs pa dkyil 'khor thams cad thugs las byung ste/ dam tshig gi de kho na nyid kyi rdo rje'i dkyil 'khor chen po der zhugs par gyur to/ /de nas phyag na rdo rjes bcom ldan</font><hr>92.177b<br><font size=+1>

'das kyi zhabs gnyis la nges par btud de/ dam tshig chen po'i dkyil 'khor 'di gsungs so/ /dkyil 'khor chen po bris la/ dkyil 'khor gyi gnas brgyad du rdo rje khams gsum rnam par rgyal ba la sogs pa'i dkyil 'khor so sor bzhag go /de nas bcom ldan 'das phyag na rdo rje dam tshig thams cad kyi rdo rje byin gyis rlob pa zhes bya ba'i ting nge 'dzin la snyoms par zhugs nas/ dam tshig thams cad kyi rdo rje zhes bya ba'i dkyil 'khor 'di gsungs so/ /dkyil 'khor chen po'i tshul du phyi'i dkyil 'khor bris la/ de'i dbus su rdo rje'i 'khor lo bris nas/ 'khor lo'i gnas rnams su dkyil 'khor chen po la sogs pa bri bar bya'o/ /thams cad kyang dkyil 'khor brgyad pa'i thig btab cing / sems dpa' chen po bzhag par bya'o/ /phyi'i dkyil 'khor du phyi rol gyi rdo rje'i rigs ci ltar rjes su mthun par bri bar bya'o/ /sgo rnams su ni rigs bzhi'i mtshan ma rnams bzhag par bya'o/ /de nas dam tshig chen po'i de kho na nyid kyi rdo rje'i dkyil 'khor chen po'i tshul gyis dkyil 'khor gyi cho ga thams cad rgyas par bya'o/ /dam tshig chen po'i rdo rje'i de kho na nyid kyi dam tshig ces bya ba'i rtog pa'i rgyal po chen po las/ bde ba thams cad kyi dam tshig ces bya ba'i rtog pa'i rgyal po chen po/ rdzogs s+ho// //rigs sdus pa'i rtog pa'o// /  /de nas bcom ldan 'das de bzhin gshegs pa thams cad rnam par snang mdzad kyis yang sems can thams cad byin gyis rlob pa zhes bya ba shes rab kyi pha rol tu phyin pa'i tshul 'di bshad do/ /byang chub sems dpa' sems dpa' chen po kun du bzang po thams cad kyi rang bzhin yin pas sems can thams cad ni de bzhin gshegs pa'i</font><hr>92.178a<br><font size=+1>

snying po can no/ /thams cad rdo rje'i snying pos dbang bskur ba nyid pas/ sems can thams cad ni rdo rje'i snying po can no/ /ngag thams cad rab tu byung bas sems can thams cad ni chos kyi snying po can no/ /sems can thams cad kyi bya ba byed pa la sbyor bas sems can thams cad ni las kyi snying po can no/ /de nas phyi rol gyi rdo rje'i rigs rnams kyis ca co'i sgra phyung nas/ chos nyid kyi don rgya cher ston cing snying po phul te/ de nas rdo rje'i dbang phyug chen pos rang gi de kho na nyid kyi snying po 'di phul lo/ /tr-i/ de nas dkyil 'khor bshad par bya ste/ kun nas zlum po thig gsum pa dkyil 'khor chen po sgo bzhi pa/ mtshams rnams su mdung rtse gsum pa bri bar bya'o/ /de'i dbus su dbang phyug chen po bri bar bya'o/ /de'i logs thams cad du tshogs brgyad po bri bar bya ste/ 'di lta ste nag po chen po dang / dga' byed dbang phyug dang / dril chen dang / gar gyi dbang phyug rnams ni phyogs su'o/ /mtshams rnams su ni thod pa bzang po dang / gtum po'i dbang phyug dang / lag na kha T+wA~M ga dang / ba glang rna ba'i dbang phyug go /thig gi mtshams rnams su ni/ ma mo'i tshogs thams cad gnas ci lta ba bzhin du bri bar bya'o/ /sgo rnams su ni dbyug pa'i dbang phyug dang / mgo'i dbang phyug dang / dril rna dang / drag po chen po'o/ /phyi rol du ni 'byung po rnams dang / yi ge rnams bri bar bya'o/ /de nas slob dpon thal ba gtsang mas lus bskus shing gos gtsang ma bgos te/ mdung rtse gsum gyi mtshan pa bzhag par bya'o/ /zhugs nas kyang snying po bzlas par bya'o/ /de nas slob ma de bzhin du bcug la lag par mdung rtse gsum pa byin nas chos bshad par bya'o/ /sems can kun la phan phyir dang / /bstan pa thams cad bsrung phyir dang / /'dod kun</font><hr>92.178b<br><font size=+1>

bdag po nyid kyi phyir/ /drag po'i las la gnas par gyis/ /de nas phyag rgya'i ye shes bslabs te gtor ma sbyin par bya'o/ /de nas brtsams te 'jigs pa med par dngos grub thams cad dang / phun sum tshogs pa thams cad kyi bde ba dang / yid bde ba thams cad rjes su myong nas/ drag po'i 'jig rten du mchod par 'gyur ro/ /dkyil 'khor chen po zhi ba'i mdung thung gis mtshan ma zhes bya'o/ /de nas ma mo thams cad kyis bcom ldan 'das la phyag 'tshal te/ dang po mgrin gcig tu thams cad dgug pa dang / gzhug pa dang gsad pa dang bsgrub pa'i dam tshig ces bya ba rang gi de kho na nyid kyi snying po 'di phul lo/ /b+h+yo/ de nas 'di'-i dkyil 'khor bshad par bya ste/ zur bzhi pa byang gi sgo can gyi dkyil 'khor thig btab la/ dbus su nag po chen po gar byed pa bzhin pa bzhag par bya'o/ /de'i phyogs dang mtshams su ma mo brgyad bri bar bya ste/ 'di lta ste drag mo dang / tshangs pa mo dang khyab 'jug mo dang gzhon nu mo dang / nag mo dang nag mo chen mo dang / sha za mo dang srin mo'o/ /dkyil 'khor gyi phyi'-i mtshams rnams su drag po'i mkha' 'gro ma bzhi bri bar bya ste/ zhi ba mo dang be ruN Ta dang gtum mo dang 'jigs byed ma rnams so/ /de rnams kyi mtshan ma ni mdung rtse gsum pa dang / phreng ba dang 'khor lo dang / dril bu dang thod pa khrag dang bcas pa dang / mkhar sil dang / mche ba dang kha T+wa~M ga'o/ /sgo srungs rnams kyi ni thod pa dang / rus pa'i lu gu rgyud dang bya rgod dang byi la'o/ /de nas phyag rgya'i slob dpon chos spyod pa gtsang ba gos gtsang ma bgos pa/ thams cad za ba 'am thams cad spyad pa la yang smad pa med de/ zhi ba'i pho nya'i phyag rgyas zhugs la snying po bzlas par bya'o/ /de nas dkyil 'khor gyi dbus nas b+h+yo chen po thos par 'gyur ro/ /de nas slob dpon ma gtogs pa gzhan thams</font><hr>92.179a<br><font size=+1>

cad ci ltar 'ongs ba zhugs par 'gyur zhing thob par 'gyur te/ gdug pa'i dam tshig ni ma gtogs so/ /de nas slob ma lag na me tog thogs pa ras kyis mig bkab la/ nag po chen po'i phyag rgyas bcug ste/ rna bar dam tshig chen po b+h+yo zhes bya ba dang sbyar ro/ /de nas skrag nas me tog dor ro/ /de nas gang du lhung ba de lhag pa'i lhar bsgrub par bya'o/ /gal te lhung bar ma gyur na yang dor du gzhug go /de nas ni 'jigs par byed nus shing rnal 'byor yang so sor thob par 'gyur ro/ /de nas gdong g.yogs bkrol la dkyil 'khor bstan par bya'o/ /bdug pa la sogs pa'i phyag rgyas mchod nas snying po dang rang rang gi mtshan ma sbyin par bya'o/ /de nas dam tshig bstan par bya ste/ sems can thams cad rgyas btab cing / /dam tshig sdang rnams bza' bar bya/ /sngags rnams bstan par mi bya ste/ /dam tshig rnal 'byor grub ster bya'o/ /drag po'i dam tshig mdung rtse dang / /ma mo rnams kyi rgyas 'debs pas/ /gal te 'das na khyod kyi snying / /rtag tu 'jig par byed par 'gyur/ /de nas brtsams te gang sha chen po za ba ni de ring po mi thogs par rnal 'byor 'grub par 'gyur ro/ /gang za bar mi 'gyur ba de'i dngos grub med do/ /gal te dam tshig las 'das par ma gyur na tshogs thams cad kyis kyang mi sod par 'gyur ro/ /phyag rgya'i ye shes bslab par bya ste/ phyag rgya'i gar dang mchod pa byas nas gtor ma byin zhing / bza' ba dang btung ba dang longs spyod la sogs pas tshim par byas nas phyir 'byung bar bya'o/ /dngos grub thams cad kyi dam tshig ces bya ba'i phyag rgya'i dkyil 'khor ro/ /de nas sbrang rtsi byed la sogs pa ming po gsum gyis bcom ldan 'das la phyag 'tshal te/ mgrin cig tu rang gi de kho na nyid kyi snying po 'di phul lo/ /swa/ de nas 'di'-i dkyil 'khor bshad par bya ste/ zur bzhi pa dang sgo bzhi par/ phyi yi dkyil 'khor bri bar bya/ /de yi nang du dkyil 'khor ni/ /</font><hr>92.179b<br><font size=+1>

gzhu yi dbyibs can bri bar bya/ /de yi dbus su ming po ni/ /mchog gsum dag ni bzhag par bya/ /sbrang rtsi byed dang rgyal byed dang / /de bzhin don rnams thams cad ni/ /'grub par byed ces bya ba'o/ /go cha ya lad bgos pa dang / /de bzhin thod pa mtshan ma 'dzin/ /lha mo'i gos dang phreng ba 'chang / /cung zad dgod cing khro ba dang / /seng ge'i khri la 'dug pa dang / /'od kyi dkyil 'khor gyis mdzes pa'o/ /dngos grub kun ster dag pa ste/ /gsum ni srid gsum dag dang mtshungs/ /sgo dang mtshams ni thams cad du/ /tshogs la sogs pa legs par bzhag /grub dang 'phel chen gnod sbyin dang / /gtum dang khro mchog gsod pa'o/ /phyi rol ba dan rtse mo la/ /dril bu phreng bcas thams cad du/ /bum pa gang ba ro mchog bcas/ /'byung po ma lus gtor mar bcas/ /glu rnams glu ru len pa dang / /rol mo rdung bar byed pa dang / /de bzhin slob dpon gar byed pas/ /phyag rgya kun gyis 'jug par bya/ /zhugs nas sgrub la dad pa yis/ /yang nas yang du 'dud bya zhing / /me tog kun gyis mchod pa yis/ /bsgrub dang de nyid dag kyang brjod/ /'jig rten gsum po srid gsum mchog /ngan song gsum mchod gsum rnam gsum/ /legs ldan sbas pas grub pa ni/ /dngos grub kun la rtag tu'o/ /de nas snying po lan cig brjod cing phyag rgya thams cad kyi g.yas pa'i mdzub mo lcags kyu byas la dgug par bya'o/ /de nas dril bu dang bcas pa'i phreng ba rnams g.yo'o/ /thams cad phab nas de bzhin du gzhug par bya'o/ /de nas dam tshig 'di brjod par bya'o/ /gal te dam tshig 'das gyur na/ /pha gsod 'gro ba gang yin dang / /ma gsod 'gro ba gang yin dang / /'gro ba der ni 'gro bar 'gyur/ /rtag tu dam pa bsten par bya/ /dam pa min pa yongs su spang / /gzhan la de nyid bstan mi bya/ /rtag tu ming po</font><hr>92.180a<br><font size=+1>

gsum po bsgrub/ /'di ni dam tshig go /de nas glu dang gar dang / rol mo dang dgod pa dang dga' ba dang za ba dang mgu bas mel tse bya'o/ /phyag rgya dang gar gyi rol mo'i mchod pa yang byas la slob dpon gyis kyang phyag rgya de dang bcas pas byung ba dang / 'byung bar 'gyur ba'i ye shes brjod par bya'o/ /de nas brtsams te dngos grub thams cad dang / phun sum tshogs pa thams cad dang / 'byor pa thams cad 'grub par 'gyur ro/ /dam tshig gi dkyil 'khor ro/ /de nas sring mo bzhis bcom ldan 'das la phyag 'tshal te/ rang gi de kho na nyid kyi snying po 'di phul lo/ /hU~M/ de nas 'di'i dkyil 'khor bshad par bya ste/ dkyil 'khor kun nas zlum por thig btab la/ thig bzhi la 'khor lo bzhi pa byas la dkyil 'khor de rnams su sgo bzhir blta ba'i lha mo bzhi'i gzugs brnyan bzhag par bya ste/ 'di lta ste dga' ba mo ni shar du lta ba/ mda' dang gzhu thogs pa la brtson pa/ sgeg mo mdog dmar ba'o/ /gsod ma lho phyogs su lta ba lag na ral gri dang phub thogs pa mdog nag po'o/ /phag mo nub tu lta ba lag na gser gyi gter thogs pa/ gser gyi mdog can no/ /grub pa mo zhi ba mo zhes bya ba byang du blta ba/ lag na gri dang / sha ka ra thogs pa mdog dkar po'o/ /phyi rol gyi sgo bzhir mtshan ma dgod pa bzhag par bya'o/ /de nas slob dpon dril bu dkrol zhing / lag pa g.yon pa kha T+wA~M ga dang bcas pas 'jug par bya'o/ /zhugs nas snying po bzlas par bya'o/ /de nas phyag rgya dang gar gyi mchod pa bstab par bya'o/ /de nas yid la 'dod pa'i dngos grub thams cad ster bar 'gyur ro/ /thams cad kyis mchod par 'gyur ro/ /mkha' 'gro ma la sogs pa gdon thams cad kyis mi tshugs pa dang / 'di ni nor rnams kyang bskyed par 'gyur ro/ /ci ltar mngon par 'dod pa thams cad kyis mnyes par byed pa dang / gter thams cad 'byin pa dang / </font><hr>92.180b<br><font size=+1>

dngos grub thams cad bsgrub par nus par 'gyur ro/ /slob ma gzhug pa yang de bzhin no/ /de rnams dang 'di dag thams cad 'grub par 'gyur ro/ /las kyi dkyil 'khor ro/ /bde ba chen po rdo rje don yod pa'i dam tshig gi rtog pa'i rgyal po chen po las/ phyi rol gyi rdo rje rigs kyi rtog pa/ rdzogs s+ho// //phyi rol rdo rje rigs kyi dkyil 'khor bzhi'i rtog pa'o/ /  de nas bcom ldan 'das de bzhin gshegs pa mtha' yas mu med pas mthar thug cing mu med pa'i chos dang ldan pas yang cho ga 'di mthar thug par byin gyis brlab pa'i phyir/ chos thams cad mnyam pa nyid kyi mthar thug pa/ byin gyis brlab pa rdo rje zhes bya ba shes rab kyi pha rol tu phyin pa'i tshul 'di bshad do/ /shes rab kyi pha rol tu phyin pa mtha' yas pa nyid pas de bzhin gshegs pa thams cad mtha' yas pa nyid do/ /shes rab kyi pha rol tu phyin pa mu med pa nyid pas rdo rje thams cad mu med pa nyid do/ /shes rab kyi pha rol tu phyin pa du ma nyid pas chos thams cad du ma nyid do/ /shes rab kyi pha rol tu phyin pa mthar thug pa med pa nyid pas las thams cad mthar thug pa med pa nyid do/ /gang la la shes rab kyi pha rol tu phyin pa'i tshul 'di nyan pa dang / 'chang ba dang klog pa dang ston pa dang brjod pa dang sgom pa des sangs rgyas dang byang chub sems dpa'i spyod pa mthar thug pa med pa'i mthar phyin te/ sgrib pa thams cad zad nas de bzhin gshegs pa 'am rdo rje 'dzin par myur du 'gyur ro/ /de nas de bzhin gshegs pa thams cad 'dus te/ chos kyi rnam grangs 'di don yod pa dang thogs pa med par myur du 'grub par bya ba'i phyir/ lag na rdo rje la legs so zhes bya ba byin no/ /sems can chen po legs so legs/ /bde ba chen po legs so legs/ /theg pa chen po legs so legs/ /blo gros chen po legs so legs/ /</font><hr>92.181a<br><font size=+1>

cho ga 'di ni legs par smras/ /sangs rgyas rdo rje 'dzin kun gyis/ /'bras bu yod la 'dul ba'i mchog /rdo rje'i mdo 'di byin gyis brlab/ /cho ga'i rgyal po bla na med/ /gang rnams 'di dag 'dzin pa ni/ /bdud la sogs pa thams cad kyis/ /de dag mi sod mi tshugs so/ /sangs rgyas byang chub sems dpa' dang / /dngos grub dam pa thams cad dang / /sangs rgyas kun gyis gsungs pa bzhin/ /ring por mi thogs thob par 'gyur/ /de skad gsungs nas gsang grub phyir/ /rdo rje can gyis bshad pa la/ /kun mchog sangs rgyas mkha' bcas pa/ /thams cad kyis ni mngon par bstod/ /bde ba chen po rdo rje don yod pa'i dam tshig gi rtog pa'i rgyal po chen po las shes rab kyi pha rol tu phyin pa'i tshul/ rdzogs s+ho// //rgya gar gyi mkhan po A tsar+ya shrad d+hA ka ra bar ma dang / zhu chen gyi lo ts+tsha ba dge slong rin chen bzang pos bsgyur cing zhus te gtan la phab pa'o/ / </font><hr>

</table>