@#/ /rgya gar skad du/ shrI b+ha ga bAn e ka dza Ta ma hA kalpa tan+t+ra rA dza nA ma/ bod skad du/ dpal bcom ldan 'das ral pa gcig pa'i brtag pa'i rgyud kyi rgyal po chen po zhes bya ba/ bcom ldan 'das ral pa gcig pa la phyag 'tshal lo/ /'di skad bdag gis thos pa dus gcig na/ bcom ldan 'das lcang lo can gyi gnas rdo rje'i ri bo'i zom na bzhugs te/ byang chub sems dpa' phyag na rdo rje dang / 'jigs byed rgyal po dang / klu'i dbang po dang / nyi ma dang zla ba'i gdong can dang / ye shes bkod pa'i phyag rgya la sogs pa byang chub sems dpa' sems dpa' chen po gsang ba'i de kho na nyid shin tu sbas pa'i mdzod la mnga' brnyes pa/ de bzhin gshegs pa thams cad kyi dkyil 'khor du yang dag par nges pa/ rigs dang tshogs dang dam tshig dang btul zhugs chen po phyag rgya rgya mtsho lta bu'i tshul la gnas pa/ gsang ba bas kyang ches gsang ba'i bde ba chen po la rnam par rol pa/ thabs dang shes rab bla na med pa'i kha sbyor las nges par 'byung ba'i ye shes can/ 'gro ba thams cad kyi kun nas ldang ba dang bag la nyal 'joms pa la mkhas pa dpag tu med pa dang thabs gcig tu bzhugs so/ /de nas byang chub sems dpa' phyag na rdo rje stan las langs te pus mo g.yas pa'i lha nga sa la btsugs nas thal mo sbyar te bcom ldan 'das la 'di skad ces gsol to/ /rdo rje dbang phyug rdo rje che/ /rdo rje'i rgyal po kun bdag po/ /sangs rgyas thams cad bskyed mdzad yab/ /bde chen 'khor lo bdag la gsungs/ /srid gsum thibs po sel mdzad cing / /mya ngan 'das la mi gnas pa/ /lus can kun skyob brtse chen po/ /'dren pa khyod lam bstan du gsol/ /blo gros snying rje brtan ldan pas/ /thabs ni gang zhig mngon bsgoms na/ /sku lnga phyag rgya 'grub 'gyur ba/ /gtso bo de ni 'dir bshad gsol/ /rdo rje dkyil 'khor cher 'byung ba/ /'bum phrag rgyud chen las gsungs pa/ /ral pa gcig phreng dkyil 'khor gtso/ /sbas pa gang lags brtse bas gsungs/ /zhes gsol pa dang / bcom 90.187b ldan 'das rdo rje dkyil 'khor ma lus pa'i bdag po rab tu dgyes pas 'dzum pa mdzad de/ zhal gyi sgo nas 'od zer kha dog lnga phyung ste/ 'jig rten gyi khams thams cad snang bar byas te slar 'dus pas 'khor gyi dkyil 'khor yongs su basbyangs te/ bcom ldan 'das nyid la bskor ba lan gsum byas nas spyi gtsug tu nub par gyur to/ /de nas yang dbu'i gtsug tor gyi nor bu las zla ba dang / kun+da lta bu'i 'od zer dkar po byung ste/ dbu'i steng du dkyil 'khor chen po mngon par 'byung ba'i rnam par bkod pa mngon sum du gsal bar mdzad do/ /de nas bcom ldan 'das kyis byang chub sems dpa' sems dpa' chen po phyag na rdo rje la 'di skad ces bka' stsal to/ /snying rje chen po khyod sems can thams cad la sman pa dang bde ba'i phyir de bzhin gshegs pa thams cad kyi dkyil 'khor mngon par 'byung ba'i mdzod rdo rje sgegs pa chen po ral pa gcig pa'i gsang ba mchog zhus pa legs so legs so/ /rdo rje 'chang 'di ni khyod kyi dus yin zhing 'di ni khyod kyi snang bar byed pa yin no/ /nga yang sngon rdo rje ri bo'i zom 'di nyid du byang chub sems dpa' skar ma la dga' ba zhes bya bar gyur pa na/ de bzhin gshegs pa thams cad dang / yes shes ral pa gcig gsang ba lhan cig tu rnam par rol pas sems can dpag tu med pa smin par byas pa rjes su dran no/ /de bas na khyod kyis snying rje chen po dang thabs la mkhas pas gsang sngags kyi nges par 'byung ba'i rtog pa 'di legs par nyon la yid la zung shig dang ngas khyod la bshad do/ /byang chub sems dpa' phyag na rdo rjes bcom ldan 'das kyi ltar mnyan pa dang / bcom ldan 'das kyis 'di skad ces bka' stsal to/ /o~MAH hU~M o~M AHhrI tra~M hU~M/ o~MAHsarba ta thA ga to gar+b+he badzra ta twa sar+b+ba dz+nyA na dz+wA la hU~M phaT swA hA/ o~MAHsarba ta thA ga to ma t-i badzra ta two pa ya sa ra ba~M hU~M phaT swA hA/ o~MAHbadzra dz+nyA na hU~M phaT/ o~MAHbadzro pA ya hU~M phaT/ o~MAHbadzra tsakra a hU~M phaT swA hA/ o~MAHbadzra ra hA 90.188a hU~M phaT swA hA/ o~M AHbadzra pad+ma u hU~M phaT swA hA/ o~M AHbadzra bi shwo e hU~M phaT swA hA/ o~M AHbadzra mo hA a~M hU~M phaT swA hA/ o~M AHbadzra war+Na I hU~M phaT swA hA/ o~M AHbadzra rA ga a+shu hU~M phaT swA hA/ o~M AHbadzra dwe Sha ai hU~M phaT swA hA/ o~M AHbadzra s+thi ra o~M hU~M phaT swA hA/ o~M AHbadzra yo ga a~M hU~M phaT swA hA/ o~M AHbadzra dz+wA la aHhU~M phaT swA hA/ o~M AHbadzra ba la AHhU~M phaT swA hA/ o~M AHbadzra rU pa Ni ka hU~M phaT swA hA/ o~M AHbadzra shap+da tsa hU~M phaT swA hA/ o~M AHbadzra gan+d+ha Ta hU~M phaT swA hA/ o~M AHbadzra ra sa ta hU~M phaT swA hA/ o~M AHbadzra spaR+Sha pa hU~M phaT swA hA/ o~M AHbadzra d+harma re ya hU~M phaT swA hA/ o~M AHbadzra k+She tra sha hU~M phaT swA hA/ o~M AHbadzra A lo kA k+ShaHhU~M phaT swA hA/ o~M AHbadzra a~M ku sha r-i hU~M phaT swA hA/ o~M AHbadzra pA sha r-I hU~M phaT swA hA/ o~M AHbadzra ban+d+ha l-i hU~M` phaT swA hA/ o~M AHbadzra g+haT lI hU~M phaT swA hA/ o~M swa b+hA ba shad+d+hAHsarbA d+harmAHswa b+hA ba shud+d+ho\u0f85haM/ o~M badzra shud+d+hAHsar+b+ba d+har+m+maHbadzra shud+d+ho\u0f85haM/ o~M yo ga shud+d+hAHsar+b+ba d+har+m+mA yo ga shud+d+ho\u0f85haM/ /rdo rje mi bskyod ral pa gcig /mi bskyod pa ni byang sems bcas/ /rdo rje sgron ma rdo rje dang / /rdo rje zhags pa rnam par bsgom/ /gti mug bag chags 'dod chags dang / /zhe sdang rdo rje 'khor lor gnas/ /ri rab nyi zla ba dan las/ /'byung bzhi'i rdo rje de bzhin no/ /khyams bzhir me long pi wa~M dang / /dri mchog zhal zas las byung ba/ /gzugs sgra dri ro rdo rje ma/ /mkhas pas rtag tu mnyam par gzhag /phyogs bral na bza' chos 'byung dang / /maN+Dal mar me las skyes pa/ /reg chos zhing dang snang ba yis/ /rdo rje lha mo rnam par blta/ /sgo bzhir lcags kyu zhags pa dang / /lcags sgrog dril bu yongs gyur pas/ /rdo rje lcags kyu la sogs bsgom/ /rang mtshan ka pA las rab mdzes/ /gtum drag tshang tshing 'khrig pa dang / /'ur 'ur 'bar bas khyab pa dang / /keng rus 'jigs rung shar sogs kyis/ /phyogs su g.yon 90.188b bskor gyis legs gnas/ /ha har dgod pa dbang ldan du/ /byin zar dpal gyi nags tshal lo/ /mun pa mi bzad bden bral du/ /rlung du ki li ki lir sgrogs/ /mi mnyam med pa zur bzhi yin/ /dran dang dbang po sgo bzhi ste/ /bsam gtan bzhi ni rta babs bzhi/ /rnam thar brgyad phyir ka ba brgyad/ /byang chub yan lag bdun dag phyir/ /dra ba dang ni dra ba phyed/ /phyogs bzhir tshad med bzhi yin te/ /pad ma 'khor lo shes rab thabs/ /rnam par shes brgyad yongs dag pa/ /de ni dur khrod chen po brgyad/ /zla ba me long nyi mnyam nyid/ /sa bon mtshan ma kun tu rtog /yong gyur bya ba grub pa ste/ /nying rdzogs chos dbyings ye shes yin/ /lnga phung dang ni dri ma bzhin/ /chen po bzhi dang spyod yul brgyad/ /rnam bzhi tshor ba rnam dag lha/ /ye shes bdag nyid 'khor lo'o/ /rgod dang phrad 'khyud 'khrig pa dag /pU dzA o a go ra de ma/ /ka o tri ko ka la kA hi/ /pre gr-i sau su na si ma ku/ /ha hi hu he ho ha~M/ /a i u e o a~M/ /rnam pa sna tshogs rnam par smin/ /rnam par 'joms dang rnam mtshan bral/ /dga' dang mchog dga' dga' bral dang / /lhan cig skyes dga'i mtshan nyid do/ /rgod dang phrad 'khyud 'khrig pa dag /bde chen dag phyir bum pa dang / /gsang ba shes rab bde ba che/ /dbang bzhi rgyal po thob par 'gyur/ /dzaHhU~M` ba~M hoH/ dmigs pas dub dang gzhan goms 'dod/ /rnam par mi rtog de nyid bsgom/ /rmi lam nam mkha'i sbyor ba ni/ /nyin mtshan rtag tu rnam par gzhag /spyi bo snying ga lte bar ni/ /zla ba pad ma nyi steng du/ /ha~M dang hU~M dang a zhes pa/ /yi ge bde gsal mi rtog rgyud/ /snying po 'pho dang thim dang gnas/ /'gyur dang 'gul dang 'phar ba dang / /mda' bsnun bsdu dang 'gro 'ong sbyar/ /lus med sems ni ci bder 'gro/ /bstims nas 'phro zhing 'bar bar byed/ /dbang du byed dang kha sbyar bsgom/ /'dun pas bsgrub dang sa bon bsgyur/ /'phen dran bar dor don sgrub 'gyur/ / 90.189a dri ma dang ni rma dag dang / gdug pa'i nad gyis bzung zhing 'joms/ /gos dang bral zhing 'dar bar byed/ /ngal zhing lus ni rma dang ldan/ /phol gyi phreng bas lus la bzung / mtshon gyis rma ni dod par byed/ / grang ba dang ni rlung gis gtses/ /me yi dbus su yang dag brten/ /ma he stag dang khyi rnams dang / /mchu rings rnams kyis za bar byed/ /sangs rgyas sde rnams 'joms byed pa'i/ /ma rungs chen po rnams kyi ni/ /lto ba'i nang nas rgyu ma dang / /lus la tsher mas gang ba dang / /rkang pa gdos dang sgrog gis bsdams/ /de bzhin dum bu dum bur byas/ /pags pa nges par shu bar bsam/ /ske tshe tshwa yis byug par bya/ /grang ba yis ni lus 'don bsgom/ /de yi lus kyi bsrung sogs rnams/ /bcad cing bdag nyid mdun du gzung / /de yi go cha bcad par bya/ /lus ni de bzhin stong par bsgom/ /bdag gi las las skyes pa yi/ /khro bo gshin rje gshed gzugs kyis/ /'joms pa dag tu bsgom bya zhing / /rkang dang tshil rnams 'thung ba ste/ /de yi mdun du gshin rje bsgom/ /lag na dbyug pa stobs chen ldan/ /ma rungs de yis gdug pa de/ /rnam par 'joms pa bsgom par bya/ /de yi rgyu ma rtsa rnams ni/ /bya rgod kyis gzung mkha' la 'gro/ /klu yis sa 'og 'gugs par byed/ /lha ma yin la sogs pas btsir/ /de ltar bsgrub bya bsam par bya/ /snying rje'i sems kyis rab bcings nas/ /'khor ba las ni pha rol byas/ /sangs rgyas rnams kyi zhing du 'gro/ /de nas bcom ldan 'das de bzhin gshegs pa rnams thugs dgyes nas gsungs ba/ 'di lta ste/ kye ma bsad bya legs par byas/ /bsad par bya ba ma bsad de/ /ji srid sdig rnams grol bar byas/ /shi ba de yang ma shi ste/ /sdig pa stong phrag byas 90.189b pa yi/ /mnar med la sogs mi skye'o/ /e ma bdag nyid chen po ste/ /bsad pas sangs rgyas byang chub thob/ /slar yang brtse bas sems can rnams/ /bsad par bya bas bsad par bya/ /e ma snying rje'i stobs kyis te/ /snying rje dman pas 'grub mi 'gyur/ /o~M hrIHSh+T+rIHwi kr-i rtA na na hUM hUM phaT phaT hUM lha sbyin sod hUM/ o~M hrIHSh+T+rIHwaM kr-i rtA na na hUM hUM phaT phaT hUM lha sbyin mA ra ya hUM phaT ces pa ni/ bcom ldan 'das kyis rtog pa chen po bsad pa'i rdo rje'i 'phrul 'khor dang sngags dang rgyud kyis bsad pa la sogs pa'i dam tshig tu gsungs so/ de nas 'khor lo gnyis bris te/ /phaT kyi yi ge'i nang du ni/ /bsgrub bya'i ming dang bcas pa gzung / /thod pa yang dag sbyar byas te/ /srad bu nag pos dkri bar bya/ /zhe sdang sems kyis nyin gung la/ /dur khrod du ni gzhug par bya/ /gshin rje mthar byed mtshungs bltas nas/ /bsgrub bya rang gi mdun du bya/ /rta dang ma he'i steng na gnas/ /gnyis po de yi lag na mtshon/ /khro bo'i tshogs kyis kun nas bskor/ /gnyis po'i phyogs la bsam par bya/ /gnyis po dag ni 'thab byed cing / /khro bas sems ni bcings pa ste/ /'thab mo byed par bsgom byas la/ /sgom zhing bzlas pa brtsam par bya/ / o~M hrIHSh+T+rIHwi kr-i rtA na na hUM hUM phaT phaT hUM lha sbyin dang mchod sbyin dag rnam par zhe sdang bar gyis shig phaT ces pa ni bcom ldan 'das kyis zhe sdang chen po'i dam tshig tu gsung so/ /cho ga de yis sngon ma bzhin/ /'khor lo gnyis po kun tu bri/ /hUM phaT yi ge dag gi brten/ /thod pa gnyis ni yang dag sbyar/ /srad bu nag pos yang dag dkri/ /phag shin nagasu gzhag byas la/ /gshin rje gshed kyi rnal 'byor gyis/ /bsgrub bya sngon du gzung bar bsgom/ /yaM las byung ba gzhu yi dbyibs/ /rlung gi dkyil 'khor nag po la/ /rnga mo chen mo kha dog sngo/ /de yi steng du bsgom par bya/ /de la ma rungs chen po ste/ /rdeg cing lho phyogs 'ded pa dang / / 90.190a tshe 'di 'ang ni de bzhin du/ /nying mtshams sbyor dang srid mtshams yang / /rnal 'byor rgyal po thabs ldan pas/ /bde chen sa gsum bde blag 'gro/ /srid zhi dag dang nges pa dang / /rten 'brel 'byung dang zlog dang gsad/ /zhi rgyas dbang dang zhi la sogs/ /'di la the tshom mi bya'o/ /gnyis sbyor rgyun mi 'chad bde dang / /kun nas 'od gsal lhan cig skyes/ /bung bas me tog rtsi ltar ni/ /rnam pa kun tu don bsgrub pa'o/ /o~M a kA ro mu kha~M sar+b+ba d+har+m+ma na~M Ad+ya nut+pan+na twAta sar+b+ba ni swa b+hA ba hU~M/ bcom ldan 'das kyis/ de skad ces bka' stsal pa dang / byang chub sems dpa' chen po phyag na rdo rje la sogs pa 'khor de dag thams cad rab tu yi rangs te/ tshigasu bcad pa 'di dag gis mngon par bstod cing mchod pa bsam gyis mi khyab pa thams cad kyis mchod pa la brtson par gyur te/ 'jig rten mgon po bcom ldan legs/ /'gro ba nyon mongs bskyab slad du/ /stong pa'i ting 'dzin spangs nas ni/ /khyod kyis byams chen skur bstan mdzad/ /thugs rje chen po bcom ldan legs/ /sems can sdug bsngal bsgral slad du/ /zhi ba'i mtha' la mi gnas par/ /brtse chen rnam par 'phrul par mdzad/ /bde chen rgyal po bcom ldan legs/ /lus can bde don bsgrub slad du/ /zag med dbyings thugs ma gzhol bar/ /dgyes chen kun du snang mdzad legs/ /gtso bo rdo rje rgyal po legs/ /skye bo dub pa ngal bso'i phyir/ /mtha' gcig rgyun chad mi bzhugs par/ /ma lus 'tshal ba sgrub pa med/ /de nas 'khor gyi tshogs phal mo che de dag dang / rdo rje'i rigs kyi byang chub sems dpa' chen po de dag 90.190b thams cad kyang bcom ldan 'das kyis 'di skad ces bka' stsal pa'i nges par gyur pa thabs dang shes rab/ bsam gyis mi khyab cing gzhal du med pa'i ting nge 'dzin la gnas bzhin du thams cad kyi byin gyi brlabs kyis sems can thams cad la phan gdags pa'i don du/ cho 'phrul chen po du ma bstan to/ /bcom ldan 'das kyis yang bka' stsal pa/ gang la la zhig bcom ldan 'das rdo rje mi bskyod pa'i gsang ba chen po rgyud kyi rgyal po 'di nyan pa dang / 'dzin pa dang / 'chang ba la sogs pa de dag ni nga dang rgyal ba thams cad kyis dgongs par 'gyur ro/ /rdo rje 'bar ba khrag 'thung gi rgyal po'i dkyil 'khor gyi lha bye ba khrag khrig mang po yang de yi phyi bzhin du 'brang bar 'gyur ro/ /dran pa tsam gyis tshe rabs thams cad du yi dam byed par 'gyur ro/ /mi'am mi ma yin pa la sogs pa'i gnod pa thams cad dang / 'tshe ba dang ya nga ba dang / bkra mi shis pa thams cad 'byung bar mi 'gyur ro/ /gang gi khyim na gnas pa de yang mchod rten du bya bar 'gyur ro/ /rig pa dang dngos grub thams cad kyi gter tshad med par 'gyur ro/ /bcom ldan 'das kyis de skad ces bka' stsal pa dang / byang chub sems dpa' de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /bcom ldan 'das ral pa gcig pa brtag pa rdo rje'i rgyud chen po bla na med pa rdzogs s+ho// //rnal 'byor gyi dbang phyug chen po shrI dza ga ta mi tra A nan+da'i bka' drin la brten nas/ rgya gar gyi paN+Di ta chen po badzra shrI kha la ru tra dang / bod kyi lo tsa ba dge slong byams pa'i dpal gyis bsgyur ba'o/ /mchan bu lo ts+tsha'i dngos byas nas legs rdzogs so shub+ha~M`// // |